::
Home » Verbatim » 2018 » Friday 30th November, 2018

Friday 30th November, 2018

NATIONAL ASSEMBLY OF SEYCHELLES

Friday 30th November, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

MINISTRY OF FINANCE, TRADE INVESTMENT AND ECONOMIC PLANNING

 

MR SPEAKER

Bonzour tou Manm Onorab.  Bonzour tou dimoun ki a lekout.  Nou pou kontinyen nou travay ozordi lo deliberasyon lo Bidze e mon ava demann Sergeant pou li move Mace, pou nou antre dan staz Komite.  Bomaten nou pou pran tou bann Departman ki tonm anba Minister Finans ; savedir Trade Investment i avek Economic Planning e a sa moman la mon ava kontan swet labyenveni Minis Maurice Loustau- Lalanne pou Finans, Trade Investment and Economic Planning son Sekreter D’Eta Mr Patrick Payet, Ms Cillia Mangroo Principal Secretary for Trade, Mr Michael Nalletamby Principal Secretary  for Investment Mrs Elisabeth Agathine Principal Secretary for Economic Planning e nou ganny asiste osi tou par Ms Croisee avek Ms Tamatave.  Minister and your team bonzour e welcome dan Lasanble.  Nou ava konmanse avek petet zis Sekreter D’Eta i ava donn nou gidans lo ki Departman e ki mannyer nou pou vote.  Mr Payet.

 

SECRETARY OF STATE MR PATRICK PAYET

Mersi Mr Chair.  Bonzour Mr Chair ek tou Manm Onorab e tou dimoun ki a lekout.  Mr Chair mon pe propoze ki nou pran sa 4 Departman anba Minister Finans, so ki lo paz 243 ziska paz 264 akoz i en sel heading anba Appropriation Bill 2019 pou en total 220,684milyon.  Mersi.

 

MR SPEAKER

Mersi SS.  Savedir nou pou vot en sel en?  Kestyon i kapab vin lo sa 4 Departman, me nou pou pran en sel vot.  Ok?  Mersi.  Okenn Manm ki le konmans entervenir?  Yes Onorab Herminie.

 

HON WILBERT HERMINIE

Bonzour Mr Chair.  Bonzour Minis avek ou delegasyon.  Avan mon demann mon kestyon, mon ti a zis remersi Minister Finans pou sa travay eksepsyonnel ki zot in fer.  Mon get sa groser liv sa i parey en Thesis avek en dissertation ansanm, kekfwa Minis i kapab get dan la mwayen kekfwa pou aroz en pe ou bann staff pou sa travay ki zot in fer – menm get dan posibilite en 14enm mwan saler si i posib.  Mon kestyon i vize ver Trade.  Ler mon konnen nou zwenn en World Trade Organisation an 2015 si mon pa tronpe, ler nou pe mazin trademark, nou pe mazin bann Drwa Loter ki mekanizm ki zot in mete an plas, pou protez nou bann artis tel ki ler mon pe mazin Joseph Sinon, Patrick Victor mon pe mazin ou bann poet Ruben Lespoir – mon mazin artis Nigel Henrie tousala, ki bann mekanizm ki zot in mete an plas pou protez sa bann artis avek zot bann prodwir ki zot fer, ki ler sa bann prodwir i ganny servi par bann lotel menm lokal or enternasyonal ki zot kapab ganny en pti mwenza.  Mersi Mr Chair.

 

MR SPEAKER

Mersi Onorab Herminie.  Mon pa konnen si i tonm direkteman anba Finans oubyen si i include en pti pe petet CINEA me panel okenn ki le reponn zot isi devan.  Yes go ahead.

 

PS CILLIA MANGROO

Mersi Mr Chair.  Bonzour tou dimoun a lekout – Manm Onorab.  Mersi Onorab Herminie pou ou kestyon.  Ler nou ti zwenn WTO an 2015, dan nou prosedir pou nou zwenn sa lorganizasyon, nou ti moderniz nou Lalwa ki annan pou fer avek Drwa Loter.

E kanmenm si nou ti deza annan sa Lalwa avan nou ti moderniz li, ki sa Drwa Loter i vin otomatikman – ou pa bezwen al anrezistre.  Selman ki nou vwar ki bann lotel avek bann lezot landrwa ki fer entertainment, zot pa pe pey parey nou dir royalties avek sa bann sa bann loter.  So bann prosedir ki nou pe fer la, si bann dimoun ki ler zot annan zot license nou met li konman en kondisyon ki zot pey sa bann ki sa royalties payment i form par ladan.

Ler zot pe renew zot license avek Licensing, zot Licensing pou liaise ek SACS e SACS pou fer Licensing okouran, si sa bann lotel sa bann etablisman in pey royalties ek SACS otherwise zot pa pou ganny renew zot license.  Sa nou an prosedir pe ganny fer.  Mersi.

 

MR SPEAKER

Mersi Ms Mangroo.  Onorab Herminie.

 

HON WILBERT HERMINIE

Wi zis en pti sizesyon kekfwa nou devret fer sa Lalwa en pti pe pli morde.  Ki sa bann artizan zot a vwar zot annan par dan sa Bidze.  Zot santi konmsi zot a kit lespwar sa bann artizan vivan ki zot konnen dan sa Sesel ini zot annan par dan sa Bidze.  Mersi Mr Chair.

 

MR SPEAKER

Mersi Onorab.  Ms Mangroo oule fer komanter.  Yes.  Go ahead.  Ou ok ?  Alright.  Mersi Onorab.  Onorab Afif.

 

HON AHMED AFIF

Mersi Mr Chair.  Mr Chair mon ti a kontan demann Minis Finans petet oubyen PS si i kapab eksplike akoz ‘wages’ Minister in monte, par 16poursan sorti – e Departman Finans mon pe koz lo la sorti R70milyon pou vin R81milyon.  16poursan i bokou pli o ki laplipar bann bon pe Minister.  Eski zot pe pran plis dimoun par egzanp?

Dezyenmman ‘goods and services’ li osi in mont par 16poursan – e mon ti a kontan en leksplikasyon lo la.  E trwazyenmman lo kote ‘capital’ pou Departman Finans lo paz 244, i annan R59milyon ki sipoze ankor en ‘capital project’ e ler mon al dan ‘capital’ mon vwar SIO Fish e mon mazinen i sa relye avek sa Blue Bond ki zot in pran si zot ti kapab donn nou en pe detay lo la,  ki mannyer sa i vin en lobligasyon Gouvernman e ki mannyer i relye avek lanvironnman?  Mersi.

 

MR SPEAKER

Mersi Onorab Afif.  Minis oubyen SS.  Minister.

 

MINISTER MAURICE LOUSTAU-LALANNE

Mersi Mr Chairman, bonzour.  Bonzour tou Manm Onorab.  Onorab sa ogmantasyon R11.3milyon dan ‘wages and salaries’ i pou plizyer keksoz.

Annefe i annan R530mil pou 13enm Mwan Saler.  I annan R1.1milyon pou pey bann nouvo pos avek bann promosyon, akoz parey ou konnen i ganny en remaniman letan mon’n ganny apwente konman Minis osi dan sa Minister.

I annan ogmantasyon R4.4milyon an rezilta lazistaz pou Scheme of Service, ki nou fer sirtou pou staff accounting.  I annan en sonm adisyonnel ki nou’n mete par lao 2018 pou cater pou en pe deficit anba saler.  Ankor sa ki relye avek sa Scheme of Service.  E dan nouvo MBE pou 2019 i annan graduate housing allowance, ki parey nou dir nou pe tir li kot DPA nou pe met dan bann Minister – R1.4milyon ; i annan long service allowance R1.2milyon ; i annan wage grade increase R1milyon, apre i annan en saler pou information officer.

E vwala en pe si oule Mr Chairman sa ki relye avek sa logmantasyon lo ‘wages and salaries’.

Pou Blue Bond – wi annefe pou Blue Bond mon a fer de remark e apre mon a demann SS Payet pou konplete. Parey ou konnen i annan $15milyon – $12milyon kot DBS to on lend apre i annan $3milyon Grant kot SeyCCAT.

Me nou sa ki nou fer nou’n kas sa lo 5an.  Setadir i annan en provizyon $500mil pou premye lannen pou SeyCCAT e $1milyon apepre kot DBS pou sa Bidze 2019.  Me mon a pas laparol avek ou permisyon Mr Chairman a Mr Payet.  Mersi.

 

MR SPEAKER

Mersi Minis.  SS Payet.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Premyerman lo kote ‘goods and services’ sa increase, nou annan anba ‘transportation and travel cost’ parey ou konnen Minister Finans e Gouvernman Sesel li ki pe Chair FATF par ESAAMLG meeting.  

        So pou nou bann teknisyen attend sa 2 miting lannen prosenn, sa i enpe son manda initial cost ki nou met anba ‘transportation cost’.  Apre anba ‘other use and services’ nou annan rent pou Trezor, ki avan i ti kot Labank Santral e la in bouz kot Capital City.  So sa i sa de major cost.  Lo kote Blue Bond – parey zot konnen ki anba sa Sio Fish Project i annan detrwa konponan.  Nou’n resevwar – i annan en Grant ki nou’n resevwar avek Global Environmental Fund – GEF pou en lavaler $5.3milyon.  Apre i annan en loan avek World Bank – lavaler $5milyon e en Blue Bond $15milyon, ki fer an totalite sa Proze Sio Fish $25.3milyon.

So dan Bidze ki nou mete pou 2019 nou’n met parey letan ou’n regard sa R58milyon i break into two porsyon.  I annan en bout konponan pou loan apre i annan en bout konponan pou Grant.  so son Grant component i $15.6milyon e son loan component i $328.6milyon.  

        So dan sa loan component, nou annan en bout larzan ki pe al pou SeyCCAT ki $500mil e $1milyon pe al pou DBS pou li loan out anba sa Blue Investment Fund ki anba DBS.  Apre sa lot konponan i pou lot proze anba sa Blue Sio Fish Project ki Blue Economy pe al minister sa son total.  Mersi.

 

MR SPEAKER

Mersi SS.  Onorab Afif.

 

HON AHMED AFIF

Mersi Mr Chair.  Mr Chair mon satisfe ek leksplikasyon lo ‘wages’ ‘goods and services’ osi me lo sa Sio Fish mannyer mon konpran nou prêt an tou $15milyon well inisyalman $15milyon answit nou pran ankor avek GEF $5milyon me sa ki nou pe resevwar konman cash ki nou kapab donn loan e kapab fer proze zis $15milyon me sa ki reste zis i ekri dan nou liv me nou pa resevwar.  Akoz en tel laranzman in ganny fer akoz nou prêt $20milyon me dan nou lanmen nou ganny zis $15milyon pou nou zwe avek e sa $5milyon ekstra ki nou borrow swadizan i pou pous lentere pou difer lentere?  Savedir zot pe prêt ou larzan prezan zot dir ou be pou garanti en pe sa larzan pran ankor en lot pti loan akote ou a pey lentere lo la e sipoze avek Labank Mondyal zot pa sipoze fer sa ek nou zot sipoze donn nou en keksoz ki concessional me mon vwar sa en pe ser pou nou.  Ou kapab donn nou en pe detay leksplikasyon lo la?

 

MR SPEAKER

Mersi Onorab.  SS Payet.

 

SECREATARY OF STATE MR PATRICK PAYET

Mersi Mr Chair.  Mersi Onorab pou sa kestyon.  letan nou regarde sa $5milyon GEF sa loan nou resevwar li e i avek Labank Santral so sa larzan in vini Sesel akoz dan negosyasyon ki letan nou ti pe negosye sa loan en konponan ki par egzanp sa bann investor ti pe negosye avek Gouvernman Sesel zot ti dir nou ki zot feel en pe pli konfidan pou sa larzan reste dan en SCO Account overseas me nou ti met nou lipye ater ki nou ti dir zot non akoz nou pe pran sa loan i pou bezwen vin dan Labank Santral so sa loan i dan en special account dan Labank Santral, me sepandan dan son ki mannyer nou pou servi li letan nou pe re-pey sa Blue Bond akoz letan nou ti pe negosye avek bann investors GEF in servi sa larzan sa $5milyon konman en garanti.

So menm si nou pran sa larzan ki which is very concessional sa 0.25 pou 40an in servi li konman en garanti pou nou kapab en very good Blue Bond ki 6.5, akoz letan nou ti pe get market i t kapab menm ariv 7 a 8poursan.

So dan negosyasyon nou servi li konman en garanti mekanizm pou nou kapab annan en very low interest dan nou konponan interest rate.  Sepandan osi i pa zis sa bout loan ki nou gannyen avek GEF.  

        I annan en Grant $5.3milyon so sa Grant osi i pou servi pou bann lezot proze anba Blue Sio Fish Project ki Blue Economy pe administre so i pa zis sa $15milyon ki dan blue bond i sa Grant osi konponan ki nou gannyen me sepandan sa loan GEF $5milyon in servi konman en garanti pou nou ganny en lower.

 

MR SPEAKER

Mersi SS.  Onorab Afīf.

 

HON AHMED AFIF

Zis en komanter Mr Chair mon santi petet avek Labank Mondyal nou devret demann zot keksoz ki meyer ki sa akoz i vin parey ou pe rod en loan R200mil rod en transpor avek en labank, labank i dir ou mon a donn ou R200mil selman mon pa tro fye ou mon prezan mon a prêt ou ankor 50mil mon pa pou donn ou selman mon a kit dan ou kont apre ou a pey mon lentere lo la selman zis an ka ou pa kapab peye mon a sezi sa R50mil i en pe koumsa apre i dir ou lo sa loan ki mon pe donn ou pou loto mon fer desann lentere osi tou mon sa fer desann en pti gin me selman ou pe pey lentere lo sa R50mil ki’n donn ou.

So finalman ou pou pey preski parey.  E sa avek en lenstitisyon ki Labank Mondyal, mon trouv sa en pti pe mal me i en deal ki’n ganny fer mon espere ki nou kapab negosye bann keksoz ki meyer.  Mersi.

 

MR SPEAKER

Mersi Onorab.  SS.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Kekfwa zis pou azoute ki Labank Mondyal nou pa’n prêt avek li direk i bann blue bond nou prêt avek bann investor prive me Labank Mondyal nou servi li konman enpe the intermediary pou dan sa negosyasyon pou nou osi ki nou partinan letan nou ti pe fer the whole project so i endirekteman i pa avek Labank Mondyal i avek bann private investors sa Sio Fish Project.  Mersi.

 

MR SPEAKER

Mersi SS.  Onorab Churchill Gill.

 

HON CHURCHILL GILL

Mersi Mr Chair.  Bonzour Mr Chair.  Bonzour Minis avek ou delegasyon.  Bonzour tou Manm, tou dimoun ki pe ekout nou.  Enn bann konsern ki’n kontinyen leve menm lannen pase nou koz lo la dan sa Lasanble ler nou ti pe debat lo Bidze ek Minister Finans se bann dimoun ki travay avek bann Minister la mon pe koz bann dimoun parey ki annan car hire ki lwe loto Gouvernman bann dimoun ki fer bann Kontra ek Gouvernman zot ti ganny bokou difikilte pou zot ganny peye zot peyman ti toultan ti vin tar e i annan ladan apre ti menm apre serten letan ti bezwen arete travay avek Gouvernman mon vwar zot in met as part of zot achievement eski zot kapab eksplik nou kwa ki pou 2019 kwa ki zot pou fer pou asire ki bann dimoun ki travay avek Gouvernman zot ganny zot bann peyman a ler e zot kapab an retour pey zot bann lezot komitman ki zot annan?  Sa i enn.

Apre lo bann misyon aletranze pou Gouvernman i ti annan en konsern kot Minister ti annan en pe difikilte pou kapab odit bann depans ki zot fer laba e mon vwar osi zot in met sa enn zot challenges si zot kapab eksplik sa Lasanble pou lannen prosenn, kwa ki zot pe mazin fer pou asire ki tou nou bann misyon aletranze zot kont i ganny odite byen e tou rapor i antre a-ler?

3enm se lo kote investment pou Sesel Minister i okouran ki Sesel pa pe benefisye lo bann posibilite enternasyonal, rezyonal apre bilateral lo bann finansman ki nou kapab gannyen e rezon pou sa se akoz nou napa en Investment portal platform pou nou kapab asire nou benefisye ki Minister pe mazin fer lannen 2019 pou ki kapab benefisye maksimonm dan bann posibilite investment ki annan?

E dernyen nou koz bokou lo improve ‘Ease of doing business,’ eski zot kapab dir nou ki Minister pe deside fer e ki area zot sipoze touse lannen prosenn pou asire ki nou bann investor enternasyonal i vwar li i ganny atrakte, pou li kapab vin envestir Sesel pou tir bann baryer ki egziste ozordi.  Mersi.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab an sa ki konsern late payment – permet mwan dir detrwa keksoz premyerman parey nou tou nou konnen Bidze i ganny allocate avek Minister e dan sak Minister i annan en accounting officer.

Nou dan Minister Finans, nou pa kapab depans larzan en Minister san ki sa Minister – sa accounting officer in siny sa control document.  Alor sa ki mon pe dir, se ki dan bokou plis ka retar i dan Minister akoz sa control document e sa accounting officer pa ankor sign-off pou nou kapab prezan fer sa peyman.

Lo kote Minister Finans letan sa dokiman in ariv se nou sa ki mon kapab konfirmen se ki Trezor toulezour ki i ouver nou pey 2 fwa par zour i annan menm de ka ki nou kapab pey 3 fwa dan en zour so i annan en peyman ki ganny fer bomaten si tou control document i annord e i annan en peyman i ganny fer apre midi.  So mon donn ou mon garanti ki letan dokiman in ariv kot Finans pou nenport ki proze nenport ki peyman, peyman i ganny fer vitman e sa nou ensiste lo la e si i annan de ka ki i pa leka silvouple les mon konnen.

An sa ki konsern overseas audit wi dan Bidze Internal Department, nou met en larzan osi pou zot kontinyen fer sa bann lodit bann biro aletranze, swa pou Foreign Affairs oubyen pou lezot Departman enkli nou menm parey ou konnen nou annan en biro Geneva pou le moman.

Donk sa i annan en larzan ki nou mete tou le lannen pou fer sir ki Internal Audit Department i ale dan sa bann landrwa pou fer en control visit.  Lo kote lenvestisman mon prefere pas laparol avek permisyon Mr Chairman a Mr Nalletamby i ava reponn.  Mersi.

 

MR SPEAKER

Mersi Minis.  PS Nallentamby.

 

PS MICHAEL NALLETAMBY

Mersi Mr Chair.  Bonzour tou Manm Onorab.  Mr Chair konsernan lenvestisman annefe se sa egzakteman ki mon pe fer pou sa lannen nou konmanse nou pe roul dan lannen prosenn eskize nou pe regard antye the investment framework e nou konmanse sa lannen e nou lans nou investment policy ki kouver bann prensip gran aliny ki pou lenfliyans aprezan policy, regilasyon dan bann sekter ki afekte ouswa annan lenfliyans lo lenvestisman par egzanp tous en pe bann policy lasante, lanvironnman e tou ki kapab finalman annan en harmonious broader framework de la, nou pe osi reget lapros ki nou pran avek envestiser pou lenvestisman lapros ki nou pe pran se met responsabilite dan lanmen ouswa desizyon dan lanmen sa envestiser ki mannyer i fer sa.

Nou ki nou pou fer se met bann regilasyon ek standar ki nou le vwar dan bann sekter lenvestisman e les sa responsabilite sa dimoun pou li comply bann regilater bann regulatory bodies, zot ava annan responsabilite pou ensure compliance atraver zot bann routine spot checks.  Alor nou pe konmans avek bann diferan bodies travay ek bann land use plan, marine special plan osi i servi kot nou kapab dir ok bann biznes i ganny fer la tourizm, lagrikiltir tou bann diferan nou kapab designate.  

        Nou etabli bann standar bann diferan aktivite ki neseser lasante i etabli pou li e tousala i ganny legalize e pibliye.  Savedir en lenvestiser ler i le fer en aktivite i gete ki aktivite i le fer i kapab konsilte land use plan which it will be public e sa i tonm lo sa sistenm portal ki ou pe koz lo la Onorab nou ava annan sa portal kot tou lenformasyon i available avek tou dimoun dan nenport ler.

So konsilte sa bann lenformasyon Land Use Plan, standar ki ou bezwen e ki lekel sa regilater ki mon bezwen konsilte pou zot servis ki mon bezwen e finalman ou submit plan dapre ou proze dapre sa aktivite ek sa designate body e li i konsidere i donn ou en larepons o sito posib.  So nou pe regard sa konpletman e an plis ki sa nou pe sa i vin dan laliny ease of doing business e an plis ki sa nou annan sa High Level of Ease of Doing Business Committee Chair by Prezidan e anmenn bann Minister konsernen ansanm avek sekter prive kot nou diskit bann lezot paramet ki konsern fer biznes ki osi kouver dan sa rapor World Bank lo ease of doing business so nou servi sa bann diferan paramet e nou rode kote problenm kot i été pou nou adrese an fil an mezir sa osi nou pou kontinyen lannen prosenn.  Nou espekte ki ler nou etabli sa framework e tou keksoz i transparan parey i a la porte tou dimoun pou pli fasil fer en dimoun fer biznes e i pa pou pran li plizyer mwan avan i konmans en aktivite me petet detrwa zour ouswa semenn pou fer li.  Mersi Mr Chairman.

 

MR SPEAKER

Mersi PS Nalletamby.  Onorab Churchill Gill.

 

HON CHURCHILL GILL

Mersi pou ou bann leksplikasyon.  Selman lo kote mon premye kestyon konsernan bann retar peyman pou bann dimoun travay avek Gouvernman sa sityasyon kot si i annan ka pou anmennen ka i annan en kantite Minis se sa ki mon anmenn sa devan petet ki nou devret fer met en prosedir ek bann Minister pou nou kapab prezan adres sa problenm sa en sizesyon.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mon toutafe dakor Onorab e parey mon ti fer resorti dan mon ladres Bidze nou determinen an 2019 pou nou met an plas lo Plan Nasyonal sa prompt payment policy se a dir ou bezwen peye within a certain period si ou pa peye i annan lentere ki ou bezwen peye prezan so sa osi nou elabor en stratezi ki nou met an plas an 2019.  Mersi Mr Chairman.

 

MR SPEAKER

Mersi Minis.  Onorab Francois Adelaide.

 

HON FRANCOIS ADELAIDE

Mersi Mr Chair.  Minis enn zot manda se pou fer sir ki Seselwa i enjoy son larzan byen e ki i pa depans dan bann fason ki petet i afekte li pli tar.

Apre zot fer sir ki bann Polisi ki zot mete i azour avek pou nou depans nou larzan.  Me mon annan en konsern mwan.  I annan kot Licensing Authority ki mon vwar zot fors Seselwa pou pey en sir-sarz.  ou loto in anndan ou pa pe roule lo semen, me selman ou bezwen pey zot en sir- -sarz akoz ou pa fer roule ou loto.  E sa mon krwar poudir sa prensip i mal.  Ou pey en patant ler ou pe roule – ler ou pa pe roule – ou kapab annan problenm avek ou larou, ou pyes ou pa devret pe pey en sir- sarz.  E mon ti a kontan ou adres sa en pti gin lo la.  Apre Minis ansyen – Minis Larose pou fer vini nou bann larzan ki’n perdi, i ti mansyonn nou poudir i dan negosyasyon pou fer vini bann financial forensic personnel – ki zistans i été eski zot pe vini menm ouswa en progranm ki’n tonm dan delo?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  An sa ki konsern sir- saz avek SLA, i pa ki mon pe saye, me selman nou ava ganny en loportinite letan SLA i vin isi Lendi kekfwa, nou a pran sa larepons la letan zot la – si ou pa mind Onorab.  An sa ki konsern forensic auditors  –forensic accountant expert eksetera, wi mon’n etidye sa rekomandasyon e menm dan handover notes Dr Larose avek mon menm in mansyonnen sa, me letan mon regarde sa kantite larzan ki sa forensic expert team pe demande, pou fer louvraz i vreman tro egzorbitan.  Mon pa pare a sa moman la pou al depans sa kantite larzan.  Mon krwar nou annan kapasite isi e kekfwa fer entervenir enn de lezot dimoun pou nou nobou fer sa louvraz.  I pa ki nou’n abandonn sa louvraz – pa ditou, me i pa mon lentansyon pou nou al kontrakte avek en firm forensic audit pou sa pri ki zot pe met devan nou.  Mersi Mr Chairman.

 

MR SPEAKER

Mersi Minis.  Onorab Adelaide.

 

HON FRANCOIS ADELAIDE

Ok Minis mersi pou ou larepons.  Eski ou kapab dir mon apepre konbyen sa firm ki zot ti pe demande pou zot loperasyon isi?  Mersi.

 

MR SPEAKER

Mersi.  Minis.

 

MINISTER MAURICE LOUSTAU-LALANNE

I plis ki Euro7milyon.  Mersi Mr Chairman.

 

MR SPEAKER

Mersi Minis.  Onorab Aglae.

 

HON EGBERT AGLAE

Mersi Mr Chair.  Bonzour Minis avek ou delegasyon.  Mon premye kestyon lo kot i konsern POU Procurement Oversight Unit nou pe vot lo enn zot Bidze si ou ti kapab dir avek sa Lasanble si zot satisfe.

 

MR SPEAKER

Onorab POU e tender i vin apre sa.  Nou pe deal avek Departman Finans, Trade avek Envestisman avek Planning Economic.

 

HON EGBERT AGLAE

Ok Mr Chair.  Mon kestyon kot i konsern Departman Finans, mon ti a kontan demann Departman Finans si anvi ki nou GDP nou en pei ki’n ganny rate konman en high income, e nou annan en GDP apepre $16mil par tet zabitan, mon ti a kontan demande ki zefor anvi nou annan nou bann konsern kot i konsern kou lavi – cost of living li menm, pou fer ki nou ava annan en amelyorasyon, kot i konsern bann kou lavi li menm ki sa sif in ganny mete $16mil i a reflekte sa ki sa pep Seselwa ti a swete vwar son lavi pe viv?

Dezyenmman kot i konsern tax – taksyasyon mon ti a kontan demande si lannen prosen 2019, nou pou vwar okenn bann nouvo taks ki i pou ganny mete lo pep Seselwa, ouswa parey Prezidan ti anonse pou napa gran taksyasyon ki pou ganny enplimante an 2019?  Mersi.

 

MR SPEAKER

Mersi Onorab.  SS.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Kekfwa mon a konmans sa dernyen kestyon avan lo kote taxation  -parey Minis ti’n anonse dan son Budget Address i annan de nouvo tax ki pe ganny enplimante lannen prosen se Sugar Tax apre Property Tax so sa de lanonsman ki’n ganny anonse.

Apre secondly i en keksoz ki nou travay konzwentman avek sekter prive, pou nou revwar business tax.  Sa osi par egzanp ki’n anonse dan son Budget Address ki’n dir bann eleman ki nou pe zwenn avek sekter prive ki sa nou ava anonse dan Bidze 2020.  So sa trwa ki enn nou pe revwar apre enn nouvo.

Lo kote sa eleman GDP cost of living ki ou’n mansyonnen, nou pa pe regard li dan izolasyon – nou pe regard li dan son totalite, akoz letan ou regard cost of living, i annan bann diferan eleman.  Par egzanp one eleman ki nou pe regarde se the cost of doing business.

Akoz apre egzanp at Customs, nou pe moderniz en pe zot bann striktir.  Par egzanp la an se moman i annan en alert scanner ki’n ganny mete at seaport.  So sa osi i a fasilit en pe ease of doing business.  E nou pou annan bann lezot modernizasyon ki pou arive at Customs ki zot pou hopefully ki sa dimoun zot komodite pa pou reste at the port for long days, ki at least akoz i en cost at the end of the day pou sa kliyan sa biznes.

Apre secondly nou pe revwar en pe bann keksoz ki annan lenpak lo foreign exchange ;par egzanp ki nou pe enport en kantite en keksoz ki nou anonse se dan lagrikiltir.  Lot eleman lo kote fuel, nou annan Energy Commission kekfwa Lendi ki pou vin diskit en pe.

Apre thirdly nou annan lakaz nou konnen en kantite larzan ki en fanmir i al dan swa i pe lwe lakaz an se moman.  So nou ek Gouvernman nou pe travay ki at least the stock of houses, i annan plis dan market e dimoun i kapab aste.  E sa i a redwir en pe from son kou ki i aste konpare avek sa kou ki i pe lwe.  So sa i enn de bann konponan ki nou pe vwar ki at least i ava tous nou popilasyon dan sa cost of living.  Mersi.

 

MR SPEAKER

Mersi SS.  Onorab Aglae.

 

HON EGBERT AGLAE

SS mersi pou ou larepons.  Mon ti a kontan demann ou anvi pou annan revizyon dan business tax, e i annan bann diskisyon par Labank ki ganny fer pou nou anmenn busines tax Sesel ziska apepre 15poursan, eski nou lo en target ase rezonnab?  E ki son lenpak osi petet mon ti a kontan konnen si nou pou fer li gradyelman nou dir ok be 2020 nou pou fer li tonm 15 sorti kot i été 30 pou fer li al15, ki son bann lenpak ki  i kapab anmennen?  E kot i konsern bann envestiser i annan sa issue kot bann envestiser pe ganny difikilte pou transfer zot larzan, ki Minister Finans pe vin avek, sirtou an term Regilasyon?  Mon konnen i annan serten diskisyon in ganny fer dan Lasanble lo serten Regilasyon, eski nou pou vwar en amelyorasyon pou bann envestiser kapab pa ganny gran difikilte ek retar pou zot fer antre larzan anmenn tan fer sorti larzan?  Mersi.

 

MR SPEAKER

Mersi Onorab.  SS Payet.

 

SECRETARY OF STATE MR PATRICK PAYET

Mersi Onorab.  Mersi Mr Chair.  Mersi Onorab pou sa de kestyon.  Lo ki konsern business tax, nou’n konmans fer enn de evalyasyon.  E nou konmans diskisyon avek enn de sekter prive – par egzanp en model ki nou pe evalye – en framework, se si parey zot konnen ozordi the highest tax bracket apar ki sa 33poursan i pou labank, konstriksyon, telekominikasyon ek bann lezot, nou highest tax lo business tax pou bann lezot biznes i 30poursan.

E en opsyon ki nou ti pe analize – bann diferan opsyon se kekfwa redwir li sorti 30poursan ouswa 25poursan ouswa 20poursan, ouswa armoniz li avek bann ki egziste ozordi.  Par egzanp Sekter Tourizm, Lagrikiltir avek Lapes zot ganny, zot en konsesyon 15poursan.

So nou ti anvi kekfwa armoniz  li. Parey Maurice i annan.  Me sepandan parey ler ou regard son kou, si ou fer li ensel kou, i plis ki R300 – a R400milyon.  so sa i bann assessment ki nou pe fer e an menm tan diskit avek sekter prive pou vwar what is the right fit for Seychelles.

Me sepandan nou espekte kekfwa the 1st –premye 6mwan lannen prosenn, pou konplet sa legzersis.  E an menm tan prezant lamannman avek the business tax 3enm kar lannen prosen.  sa nou target pou lannen prosen.

Lo sa ki konsern lo transfer of funds pou bann investment investors, nou pe revwar en pe parey Minis in anonse nou Lalwa AML e pou ka osi Proceed of crimes sa osi i bann eleman ki nou pe revwar.  E osi diskisyon nou pe gannyen avek bann Labank Commercial Bank through CBS, pou zot annan kapab annan the corresponding banking relationship, pou zot annan en pe plis.  E bann requirement ki Labank Santral in mete – en target ki’n mete avek zot ; par egzanp an Dolar, Euro avek Pound Sterling, ki at least zot bezwen annan 2 corresponding banking.

Si zot perdi enn, zot annan sa lot konponan. Me sepandan parey ou konnen ,sa i en keksoz enternasyonal letan  en investor pe  transfer larzan i pa zis Sesel, i annan bann assessment ki ganny fer lo zot me i kapab aletranze osi sa bann assessment pe ganny fer.  So i bann keksoz ki nou pe travay avek Labank Santral e osi bann lezot partner, pou fer sir ki at least i annan the banking sector zot kapab transfer zot larzan from isi ouswa from abroad osi.  Mersi.

 

MR SPEAKER

Mersi SS Payet.  Minis.

 

MINISTER MAURICE LOUSTAU-LALANNE

Mersi Mr Chairman.  Zis pou azoute Onorab an sa ki konsern revizyon business tax rate ; parey SS in fer resorti si nou fer li en s l kou efektivman nou pou perdi en kantite larzan en sel kou, me sa ki nou bezwen fer osi sa ki nou pa ankor fer, se regarde compliance.  Akoz compliance letan ou fer koumsa nou tou nou dakor ki plis dimoun pou pey tax normalman, olye sey invade tax parey nou dir.  So nou bezwen rod en kalkilasyon – en formil ki nou tou nou aksepte i the compliance rate.  Akoz i riske donn nou plis larzan.  So nou bezwen balans sa ki nou pou perdi ek sa ki nou pou gannyen avek better compliance.  E sa i en letid ki nou pe fer pou le moman en letid ki pa fasil – i ase konplike so i pe pran nou en pe letan.  Mersi Mr Chairman.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mersi Mr Speaker.  Bonzour Minis avek ou delegasyon.  Bonzour tou dimoun.  Mr Speaker mon kestyon mi trouve lo paz 262 lo ‘strategic priorities 2019 to 2021’ zot in dir ki zot pou Onorab Gill in koz lo la lo ‘’ease of doing business’’ ; annefe zot strategic priorities pou sa parey mon dir pou 2019 ziska 2021 se pou improve ‘’ease of doing business’’ me selman ler mon pe get ranking Sesel, Sesel i ganny rank 96enm dan 190 economies dan lemonn lo ‘’ease of doing business’’ sa i dapre World Bank annual ratings.  An 2017 nou ti ganny rank 95enm an 2018 nou ganny plase 96enm.  Mwan mon ti a kontan demande en pti pe pli profon ki sa ki enn de bann lezot Manm i demande, ki Departman of Investment pou fer an 2019, pou improve nou ranking of ease of doing business an term bann regilasyon ki pou ankouraz biznes bann regilasyon ki pou pli conducive pou bann biznes lokal sirtou pou tir bann red tapes – bann birokrasi ki deza egziste dan Gouvernman?

Mon 2enm kestyon, kekfwa osi si zot ti kapab dir nou bann challenges osi ki zot pe fer fas avek pou improve nou ‘’ease of doing business’’ – ki bann challenges ki zot pe fer fas avek lokalman?

Mon 2enm kestyon i sa i pou Minis Finans an se moman Gouvernman i annan polisi lo vertical integration ; annefe ki vreman napa okenn leda -n i pe menm ganny challenge Ankour par en DMC alor – e ozordi i annan en unfair advantage dan plizyer unfair advantage kot plizyer bann DMC dan lakonpannyen dan lezot sekter ; parey dan wholesale ek retail i annan lo marse lokal.

E mwan mon kestyon ki mon anvi demande eski ou Minister pe konsider annan en Lalwa lo vertical integration pou protez sirtou bann pti biznes?  Finalman mon dernyen kestyon i konsern sa nouvo mezir kontrol lo erport ki pe ganny antreprann – mon krwar Customs in fini konmanse, kot i annan en konsern sorti sirtou kot zabitan Praslin/ La Digue bann dimoun ki sorti kot Inner Island  – bann small wholesale, retail business ki annan license wholesale ek retail, kot avan zot ti senpleman pas kot si zot ti annan keksoz pou deklare zot ti pas kot ‘’Something  to Declare’’ – zot annan zot license zot pey zot bann tax and so on  ki zot annan pou peye at the Airport.

Me avek sa Lalwa i pou fer li vreman difisil kot bann zabitan Inner Island kot zot pou bezwen depans bokou larzan pou monte/desann pou zot kapab clear zot bann goods.  Ki menm i pou en extra cost pou zot kot zot pou bezwen rod en agent pou fer zot Bill of Entry pou zot clear zot bann goods, or zot pou vwar zot bezwen pe reste pe reste lo Mahe (an sorry pou SRC sa  en) me i tonm anba Trade osi non?  Ale ok.  Ok napa problenm Mr Speaker i a reponn sa de lezot kestyon mon ava anmas sa lot pou SRC ler i vini.  Ok mersi.

 

MR SPEAKER

Mersi Onorab Woodcock.  Mon zis anvi averti bann Manm annou sey fer nou kestyon presi to the point parfwa mon sey swiv mon menm mon konfize mon pa vwar ki direksyon zot pe ale.  Annou sey fer nou kestyon presi ki nou ava ganny bann repons osi direk.  Mon ava donn laparol avek PS Nalletamby apre Minis oubyen SS i ava pran.  PS.

 

PS MICHAEL NALLETAMBY

Mersi Mr Chairman.  Mersi Onorab.  Konsernan ranking World Bank ki’n desann – i en lefe kot keksoz ki nou, nou’n fer sa lannen akoz dat ki zot konmans anmas bann assessment an Avril.  So keksoz ki ou’n fer apre Avril pa’n ganny konsidere.  I annan enn de keksoz parey digitalise en kantite keksoz parey kot Planning kot Registrar kot ou kapab fer ou name search online – pandan 24er ou kapab ganny ou business name.  

        Sa bann keksoz pa’n ganny kouver pou le moman.  E malerezman sistenm mannyer i marse, sa so si ou pa’n bouz devan, i annan lezot pei ki pase.  Akoz pou zot ki zot in fer zot in fer petet pli boner pandan lannen in ganny anmase.  So nou espekte ki lannen prosenn nou pou annan en diferan sityasyon.  Selman i still baze lo ki bann lezot pei osi pe perform – pa kestyon ki nou, nou’n fall back.  Pou reponn parey mon eksplike pli boner se, pou amelyor lanvironnman nou pe tir en pe sa bann milti laport ki ou bezwen tape avan ki ou fer en biznes.  So nou pe digitalise nou sistenm, atraver sa portal kot nou met tou lenformasyon ki en biznes i bezwen pou li konmanse.  So li i konsilte e i design son biznes dapre sa bann regilasyon.

Nou pe pouse kot nou annan minimum standard – ankor sa i vin ankor lo lefe lo cost of doing business – si ou annan minimum standard rather than the highest standard, kot ou al kot ou portal, ou konsilte, ou submit ou proze and digitally i ganny sirkile olye esper ganny fer manually. 

        So tou sa bann letan ek milti approval i ganny retire e ou annan en body.  So sa i a retir en pe sa bann kontrent fer biznes.  Bann defi ki nou pe fer fas avek se i annan bann Lalwa ki enplike deza la ozord,i ki bezwen ganny amande, pou accomodate sa nouvo lapros ki nou pe fer.  I annan bann nouvo bann regulatory bodies ki bezwen konmans donn serten certificate of approval or whatever i pou apele – en permi en license.  So zot Lalwa i bezwen permet zot pou fer sa.  So i annan bann defi ki nou bezwen fer fas ek bann Lalwa ek bann regilasyon ki bezwen ganny sanze.

I annan bann issue of compliance  petet ki donn enpe ezitasyon pou les keksoz ouver. Ou konpran?  So ek sa nouvo lapros, nou bezwen met sa compliance responsibility lo sa envestiser e nou les regilater i zis get fer sir ki ou pe comply.  Si ou pa pe comply so then dapre Lalwa zot ava pran aksyon ek ou e bann dimoun ki pe fer biznes dan en fason genuine, li i pa ganny afekte akoz detrwa lezot.  Mon krwar mon reponn kestyon.  Mersi Mr Speaker.

 

MR SPEAKER

Mersi PS.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Zis avan mon pran le repons sa de lezot pwen ki ou’n souleve an ‘’ease of doing business’’ i annan de keksoz mon kekfwa mon ti a kontan fer sorti.  Premyerman sa ranking ki’n fek sorti wi nou 96enm – mon krwar nou tonm par 1. Nou ti 95 nou tonm 96. Me i enportan note ki sa i ganny fer e in ganny compile e son cutoff date ti Zen  -mon pa pe rod leskiz en, mon pe donn ou mannyer sa i marse – Zen 2018.  E parey ou konnen tou demars ki nou antreprann sa lannen in konmans le 01 Zilyet 2018.  Nou’n fer sa seminar – sa full day workshop on ease of doing business – nou’n fer son rapor nou soumet ek Cabinet ek Ministers in ganny aprouve.  De la nou fer en Polisi lo investment.  I annan en liv ki nou’n pibliye ki donn bann guidelines e prezan nou pe travay lo son stratezi. E i enplik parey PS in dir – lezot Brans Gouvernman sekter prive eksetera.  E i annan de Komite ki pe travay full time lo la.

E nou bezwen osi fer sir ki letan Labank Mondyal i kontakte tou bann akter isi, pou donn zot bann rapor lo Ease of doing business ki at some point Departman Lenvestisman dan Minister, li osi i ganny enplike pou nou konnen kwa ki pe ganny partaze – kwa ki pe ganny dir. Pa pou nou al censor sa ki pe ganny dir me pou nou et okouran.  Akoz  mon krwar sa ranking par-ler osi i annan keksoz ki nou kapab enfliyanse si oule.  E i en travay ki nou bezwen fer an 2019 lo sa size.

Lo vertical intergration, mon pa oule antre dan en deba la, me mon krwar ki dan Lendistri Tourizm, ti annan en Polisi lo vertical integration e sa Polisi ozordi ler ou regarde ou vwar ki bokou pti biznes in florish dan tourism, akoz sa vertical integration policy.  Mon pa krwar i bi Gouvernman pou prezan annan en nouvo Polisi pou al fer le kontrer.

Sa zanmen i le bit.  Le bit se pou fer plis biznes flourish in the tourism industry, me i annan serten landrwa kot ti annan poursantaz ; par egzanp lo lasanm par bann tour operater, e prezan Gouvernman son polisi in deside met serten kantite nonm par lo poursantaz, me lo kantite nonm lasanm.  Me mon krwar in tenir an kont osi sa bann tour operater osi ki annan lotel, konbyen lasanm lotel zot annan.  E in donn zot en target ankor ki zot kapab kontinyen adisyonn zot bann lasanm.

So zot biznes pa pe fermen oubyen zot biznes pa pe ganny kontrent.  Zot kapab kontinyen so i en deba me parey ou’n dir in ariv Ankour, so nou a gete ki Lakour i dir me i ankor lo Polisi so annou gete ki arive an Fevriye i al Ankour, e nou a kontinyen sa langazman e nou apre pou entervenir toultan pou nou sey fer sir nou promouvwar klima bon lenvestisman, bon devlopman ekonomik  dan Sesel – pa zis dan Sekter Tourizm me dan tou lezot sekter.

Sa nouvo Lalwa oubyen sa prosedir Ladwann ki ou’n koz lo la, i wi SRC i ava reponn son zafer li menm.  Me lenportans se ki ti annan sa i pa en nouvo prosedir ti deza egziste sa prosedir avan, kekfwa o fil an mezir nou relax sa zafer en pe e ozordi in ariv dan sityasyon ki nou vwar ozordi kot i annan dimoun i vini avek 14, 15, 17 bann gro sak balon pou en sel dimoun.  Nou bezwen met en lord e en pti pe dan sa laliny ki nou’n koz lo la e nou ava les li pou en lot ler.  Mersi Mr Chairman.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mr Speaker.  Mon ava anmas sa kestyon. Lo sa nouvo Lalwa Customs – well sa nouvo prosedir ler SRC i vini.  Mersi.

 

MR SPEAKER

Mersi Onorab.  Onorab John Hoareau.

 

HON JOHN HOAREAU

Mersi Mr Chairman.  Bonzour Minis ek ou delegasyon.  Bonzour tou dimoun.  Mr Chair mon ti a kontan ki Minis i eksplik nou en pti pe anba Polisi Anti-Dumping kwa ki pe ganny fer, oubyen si i annan keksoz dan sa Bidze pou kapab protez en pti pe price advantage pou bann manufacturing industries lokal ek bann konsonmater?  Mersi.

 

MR SPEAKER

Mersi Onorab.  Ms Mangroo.

 

PS CILLIA MANGROO

Mersi Onorab pou ou kestyon.  Parey i ti ganny anonse dan Bidze lannen prosen – well nou ti konmanse sa lannen nou ganny en fon anba SADC TRF e dan sa fon nou pran li pou nou entrodwir bann Lalwa ; ki nou kapab entrodwir bann mezir pou ‘Anti-dumping’ e sa i pa pou zis ‘Anti-dumping’ i pou safeguard issues as well pou lagrikiltir.  Nou pa pou kapab – pou le moman ziska ler nou annan Lalwa nou pa kapab met okenn prosedir ‘Anti- dumping’ bann mezir so sa se pou kwa ki nou pran sa larzan dan sa fon pou nou fer sa Lalwa.  Mon krwar nou ti prezant avek International Affairs Committee – nou’n meet ankor avek bann lezot stakeholders.  

        Prezan sa pe ganny prezante avek AG’s Office e lannen prosen nou pe ganny ankor larzan anba sa menm fon pou nou kapab enplimant sa Lalwa.  So nou meet avek tou bann stakeholders – sekter prive – nou meet avek sekter lagrikiltir bann manufacturers.  Nou’n pran an bi zot bann proposals e sa i dan sa Lalwa. Sa i pou ed nou akoz nou vwar i annan bann pei ki zot donn subsidise zot bann manufacturing companies, e pou sa zot kapab vann isi pli bon marse.  Pou nou konnen ki nou bann overhead cost i o, pou nou bann manufacturers kekfwa i fer zot enpe mwens konpetitiv, selman nou still vwar ki i annan bann lezot pei ki zot sey ankouraz zot bann lakonpannyen pou vann pli bon marse e sa Lalwa i pou ede pou protez en pe nou bann local lendistri.  Mersi.

 

MR SPEAKER

Mersi Ms Mangroo.  Onorab Ferrari.

 

HON JEAN-FRANCOIS FERRARI

Mr Speaker.  Mon annan en kestyon sa bann loans ek Grants ki Sio Fish ki Gouvernman pou fer atraver notaman Sio Fish e mon pe pran sa la akoz mon santi i enportan ki nou ganny enpe klarite lo la.  Mon krwar nou pa devret anbet nou leko – nou vwar ki’n arive avek loans – bann pti loans. Nou’n vwar ki’n arive avek SBFA – nou’n vwar ki arive avan eleksyon.  Sa bann zafer eleksyon sa nou konnen sa, nou tou nou’n mir ladan bann pti loan i aparet.

Mwan sa ki mon anvi konpran – sa ki – mon konnen Minis avek SS pou dir mwan poudir DBS ki pou administre, be SBFA osi ti annan en ti pe byen ti napa problenm pou administre.  Mwan mon le konnen nou pe pran nou pe ganny en larzan SS in dir nou poudir on balance lentere i pa mal e nou kapab servi sa larzan pou fer bann devlopman dan sekter Lekonomi Ble.  Now premyerman mon ti a kontan konnen ki garanti ki sa bann loan i reste dan Lekonomi Ble, ki nou ava vwar bann ki pe fer Lekonomi Ver – Lekonomi Black – Lekonomi Rouz apre pe asize dan zarden State House pou Linogirasyon pe byen pase dan sa bann keksoz.  Sa i mon premye keksoz.

Mon 2enm pwen ki kontrol i annan lo la?  Ki lasirans ki nou annan ki nou pa pou ganny e nou pa pou ganny dir be mon a donn ou en loan – ou pa pou bezwen peye sa.  Nou a get sa apre eleksyon.  Ki lasirans nou annan pou nou pa retourn dan sa menm sityasyon ankor.  Sa i de keksoz ki enportan ki Minis i reasir sa Lasanble.  Akoz nou pe asir en pake milyon Roupi ki nou pou bezwen re-peye – pake milyon Dolar ki nou pou bezwen re-peye.  Nou, nou pe zis demann en sistenm an plas, ki menm nou ava demande ki en sistenm ki fer oversight lo Gouvernman li menm! Akoz malerezman Minis ou pa ti la PS ou ti la so mon krwar ou ava reponn sa bann kestyon SS sorry ou pa ti la me selman nou vwar dan lepase ki Gouvernman li menm li pa’n donn nou laprev poudir i kapab manage sa bann loans – ek sa bann Grants zot menm dan en fason byen.  So reasir nou poudir i annan mezir ki pe ganny met an plas, avan sa bann loans i ganny disburse.  Mersi.

 

MR SPEAKER

Mersi Onorab.  SS.

 

SECRETARY OF STATE MR PATRICK PAYET

Mersi Mr Chair e mersi Onorab pou sa kestyon tre valab.  Parey zot konnen nou ti pe koz Blue Bond pandan 2 a 3an – nou ti pe koz sa Blue Bond. Me i nou ganny bokou challenge, akoz i annan bokou framework ki nou bezwen met an plas avek nou bann partner; Par egzanp Labank Mondyal enn de bann dokiman ki nou bezwen mete se bann manual the Grants manual apre ou annan sa loan manual kot DBS, tousala i bann manual ki i ladan i bezwen vreman detaye.  ki bann prosedir nou kapab share sa bann dokiman avek Lasanble akoz i en keksoz ki nou share avek bann investor.

Investor osi avan ki zot in invest larzan dan sa Blue Bond,  zot in fer sir ki zot bann avoka in assess sa bann framework ki nou met an plas.  So i annan bann manual ki nou’n mete.  Apre i annan en reporting mekanizm ki nou mete ki nou bezwen report lo la tou-le-z-an avek World Bank e osi independently i pou annan en oditer ki pou odit sa whole proze tou-le-z-an.  So Minister Finans i bezwen report – tou sa bann Lazans i bezwen report to Minister Finans, e nou, nou bezwen report to Labank Mondyal avek bann investor osi, si zot bezwen dokiman pou zot verifye nou bezwen share avek zot e osi sa independent oditer.

Apre osi ki nou fer ki Labank Mondyal letan in vini,  ki in pran en pe letan osi, zot in bezwen fer sir ki Komite ki asses proze kot DBS e Komite ki assess proze kot SeyCCAT kot sa bann Grant i bezwen solid.  So zot in met en framework in place.  I pa the existing framework ki zot pe servi.  I nouvo Komite.

 So akoz par egzanp lo DBS avan, i kapab annan dimoun ki kekfwa i pa tro o fe avek bann investment dan Lekonomi  Ble.  So i pou annan bann dimoun en pe kalifye lo sa Komite ki pou kapab assess vreman soutenabilité sa bann proze.  So tousala i bann framework ki nou’n met an plas, apar ki  pou annan sa independent oditer osi, ki pou assess.  Me nou kapab share avek Lasanble tou sa bann dokiman, tou sa bann manuals ki nou’n met an plas – i vreman detaye e SeyCCAT avek DBS zot bezwen fer sir ki zot follow sa bann prosedir.  Mersi.

 

MR SPEAKER

Mersi SS.  Onorab Ferrari.

 

HON JEAN-FRANCOIS FERRARI

De pti presizyon mon demann sa kestyon Minis mon ava demann SS.  Reasir nou poudir Polisi pa pou antre ladan ki ler pou telefonn Minis poudir – koz ek Minis – Minis ava dir mwan mon pa aprouv loan –  mon pa donn loan.  Pa mwan – i annan prosedir pou fer laba.  Nou pe dir sa Minis akoz nou anvi ed zot nou.

Tou sa letan nou anvi travay nou anvi ki demen ler en dimoun i vini ou kapab dir li ou’n tande ki Ferrari in dir laba dan Lasanble? – oule fer mon sa i bann travay pou nou lay down the ground work pou nou fer sir ki bann keksoz i mars byen, so i dan sa lentere dan sa lespri ki mon pe met sa kestyon devan.  Mr Speaker mon ti a kontan demann ou akoz nou pe pran 5 Heads ansanm la mon annan en kestyon lo FIU apre mon pou annan kestyon lo PEMC.

 

MR SPEAKER

FIU pe vini apre.

 

HON JEAN-FRANCOIS FERRARI

So i ava vin apre sa la nou pe pran zis Ministry of Trade and Finance and Investment.

 

MR SPEAKER

Wi zis pou sinyal bann Manm apre nou pe pran FIU, Investment Board, Public Enterprise Monitoring Commission, National Tender Board apre POU.  Ok so okenn kestyon pou sa bann heads nou kapab kit ater pou le moman.  Alright.

 

HON JEAN-FRANCOIS FERRARI

Mersi Onorab Ferrari.  Minis komanter.

 

MINISTER MAURICE LOUSTAU-LALANNE

Wi zis pou re konfirmen ki Minis Finans pa donnen okenn loan dan Blue Bond li.  Mersi.

 

MR SPEAKER

Mersi.  Petet Minis konman Head of Finans sa mesaz i bezwen al kot tou bann Minis e akoz i annan plizyer ki pe travay dan distrik, mon annan enn mon zabitan fek anvoy en papye kot mwan.  Mon krwar pa ni menm li ki ti sinyen avan eleksyon, i ti ganny donnen en serten sonm larzan – la sa Departman in ekri li in dir li ki i dwa enkli lentere tou, me mwan mon’n dir li i bezwen si in pran sa larzan i bezwen rann si in servi i bezwen rann i bezwen pran son responsabilite.  Be ki zabitan pa ganny anbete koumsa poudir avan eleksyon ou kapab ganny en larzan, apre eleksyon nou a get ladan me apre eleksyon dokiman i vini i pou zot rann sa bann larzan.  Petet en mesaz very strong i kapab sorti kot ou Minister – Minis.  Mersi.  Onorab Sebastien Pillay.

 

HON SEBASTIEN PILLAY

Mersi Mr Chair.  Zis an pasan mon le dir ki dan sa nouvo Konstitisyon ki sa parti ki mon ladan –  I stand anba la napa okenn landrwa ki mete pou nou donn okenn dimoun okenn loan pou eleksyon.  Mon ti a kontan ki …

 

MR SPEAKER

Onorab, Onorab, Onorab ou ankor Parti Lepep – mon pa ankor ganny okenn dokiman …

 

HON SEBASTIEN PILLAY

Non, non mon’n dir dan sa Konstitisyon ki nou’n ekri.  Mon pa’n dir sa nouvo parti …

 

MR SPEAKER

Wi mon ankor pe ou ankor konman en Manm Parti Lepep.  Until mon ganny en dokiman ki konfirm registration and all that e Onorab De Commarmond konman zot Leader dan Lasanble, i merit liaise avek mwan lo sa.  Ok?

 

HON SEBASTIEN PILLAY

Mersi Mr Chair.  In any case mon still stand united anba sa nouvo vizyon ki nou le chart pou anmennen.  E mon ti a kontan dir Mr Chair ki, annou asire ki personn pa al asize osi dan zarden Arpent Vert oubyen dan zarden State House ki from now on tou sa ki le vin dan zarden i bezwen pas atraver menm laport parey tou dimoun.

 

MR SPEAKER

Kestyon.

 

HON SEBASTIEN PILLAY

Akoz pa manz bannann pou anvoy lapo lo kanmarad.

 

MR SPEAKER

Kestyon.

 

HON SEBASTIEN PILLAY

Mr Chair,  mon le zis mon ti a kontan demann Minis en presizyon mon tann koze lo sa vertical integration la en.  Lo sa size vertical integration i annan konsern ki’n ganny eksprimen par bann DMCs ki ozordi baze ki lefe ki annan bann sit ki pe vann bann lasanm par egzanp booking.com, Expedia, Trivago eksetera, sa pe afekte zot abilite pou reste konpetitiv e sa i enn bann rezon akoz zot pe vertical integrated.  Akoz zot pe diversify zot bann prodwir.  Eski from en perspektiv trade Minister Finans, zot in regard dan sa Polisi ki zot pe travay lo la, oubyen eski zot in plan pou anmenn en eksper – parey Maldive ki zot in fer ki’n stick serten eleman son marketing pou sort of reste en destinasyon o de gam e pa allow serten sa bann sit mon pa konnen mon booking.com eksetera pou kontinyen market kot sa ti pe afekte son bann DMCs.  Zis en pti pozisyon lo la, eski zot in mazin lo la?

Apre mon lot kestyon i go back to sa size Sio Fish wi i annan sa bann dimoun ki pou vin kot bann MNA pou call Minis pou dir zot sey fer pase eksetera, e mon ti a kontan lo tou lede kote latab prezan nou dir fermeman, i annan en Lazans ale al deal avek sa Lazans.  I enportan sa annou pa koz de langaz.  Me ki mannyer nou pou asire ki nou ankouraz nouvo akter, pou vin partisip dan sa bann loan?

Ki zot pou fer bann nouvo akter e non pa bann akter ki deza toultan etabli e vwar sa bann menm akter kontinyen grandi, e bann nouvo akter ganny difikilte pou zot antre? So ki mannyer zot pou fer pou zot ankouraz nouvo akter?  Mersi Mr Chair.

 

MR SPEAKER

Mersi Onorab.  Minis oubyen SS.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Ou konnen dan tourism sa zafer servi bann platform elektronik pou fer booking, i pa en keksoz ki’n fek arive sa.  In pran en pe letan.  E definitivman ozordi Sesel i annan en gran poursantaz dimoun ki boukte direk.  E se akoz sa ki ou vwar ozordi bokou bann pti guesthouse – bann pti self catering unit, menm par lepase STB ti depans bokou larzan pou market sa group, letan zot al bann trade fair eksetera, ki ozordi ki ou vwar zot enplike de pli an pli mwens akoz sa bann booking engine i donn zot sa biznes, e zot, zot pey en poursantaz zot reveni lasanm back.

E prezan li DMC i bezwen adapte avek sa.  E zot in adapte zot osi avek sa, e mon kapab dir ou ki bann DMC ozordi Sesel zot pa’n retresi,  o kontrer zot in agrandi – zot annan plis dir travayer; zot annan zot bokou plis letablisman dan touristik – gran lotel – pli pti lotel, ki en pe pli difisi,l me zot levanter ozordi i depas 100, 120, 130 letablisman, ki zot met dan sa sistenm rezervasyon.  

        So pou zot i en biznes, e parey mon dir i pa nou lentansyon pou nou al fer zot biznes, pou – wi i sertennman pa nou lentansyon target enn oubyen de sa bann biznes.  I pa sa ditou.

So nou pou fer vini dimoun definitivman pou ed nou parey ou konnen menm dan Minister Tourizm zot pe regard sa, e i enportan ki nou kontinyen sa dyalog.  E si i annan problenm finalman, parey ou konnen i annan en lenstitisyon isi ki apel Fair Trading Commission si zot santi ki in their trading business problenm pe arive, zot al vwar Fair Trading Commission e li osi i ava entervenir, i ava regarde ki pe pase on a day to day basis avek zot biznes.

Pou nouvo envestiser definitivman.  Mon krwar letan SIB pou vin isi mon kapab kekfwa annan en pe plis sa diskisyon avek zot.  Par egzanp  mwaN mon dir nou koz pri ekonomi bomaten mon dir dan sa roadmap  Blue Economy zot koz lo aquaculture.  I annan SFA li osi i en driving force pou aquaculture, be aquaculture nou bezwen rule out sa roadmap.  I annan en kantite envestiser etranze deor ki le vini, me nou osi nou le protez Seselwa dan sa biznes.  

        So nou bezwen annan en dezir to rule it out.  E mon krwar in ariv ler pou nou konmans dir annou kekfwa lo later rezerv li pou Seselwa ; dan delo sale en pe melanze ; dan ot mer annou fer li plis kekfwa pou bann envestiser etranze avek partisipasyon Seselwa, get bann formil ki marse.  Akoz sa biznes i kapab overtake tourism demen – si nou planifye li byen.  Me fodre nou komanse deswit, nou pa kapab zis koze.  E mon krwar in ariv ler ek sa Blue Economy pou nou konmans fer sa marse.

E aqua-kiltir pou mon i en keksoz ki enportan ki nou kapab fer bokou progre avek dan en lespas letan ase vit.  Akoz li osi i environmentally friendly, me nou bezwen konmans koz ek dimoun.  So vwala zis en legzanp ki mon pe remont lo sa kestyon nouvo envestiser Mr Chairman.  Mersi.  Mon pa konnen si Mr Payet i le pran laparol atraver ou Mr Chairman.  Mersi.

 

MR SPEAKER

Mersi Minis.  SS.

 

SECRETARY OF STATE MR PATRICK PAYET

Mersi Mr Chair.  Zis pou azoute sanmenm sa nou annan sa loan anba DBS, apre nou annan sa Grant anba SeyCCAT.  Ki par egzanp nou konnen pou bann pti mwayen biznes, kekfwa zot pou bezwen assess through en Grant prezant zot proze – fer en pe resers avan kekfwa ki zot al pran sa loan pou li fer pou regarde si i soutenab.  So sanmenm sa ki nou met sa Grant anba sa konsep Blue Grant funding ; i annan bann pti mwayen Grant R100mil apre i annan bann pli gro Grant ki R100mil a R1milyon – ki nou pe ankouraz biznes si kekfwa pou zot al sers en pe pou vwar soutenabilité zot proze, dan Blue Bond – dan sa Sio Fish avan kekfwa zot bouz dan aplikasyon zot loan avek DBS.

So sanmenm sa ki nou met sa de eleman en Grant apre en loan.  Me sepandan nou kapab asize avek Departman Blue Economy pou vwar en pe pli an detay, e prezant en keksoz ki nou ti propoze depi lannen pase se prezant the whole project avek National Assembly, pou zot okouran kekfwa si par egzanp i annan dimoun ki pe vin kot zot ki zot kapab pous sa bann dimoun, kot Departman Ekonomi baze lo sa framework ki egziste.  Sa osi kekfwa nou ti kapab prezant the whole project avek National Assembly lannen prosenn parey nou ti fer avek aquaculture.  Mersi.

 

MR SPEAKER

Mersi SS.  Onorab Pillay.

 

HON SEBASTIEN PILLAY

Mersi Mr Chair.  De dernyen pti presizyon ; premye i konsern sa size bann konsesyon ki ganny donnen, eski Departman Trade in fini sort out okenn bann eleman kontansye ki ti reste avek SFA in regards to bann konsesyon ki relate avek bann aktivite SFA?  Parey sa (S.I) ti demande sa Lezislasyon ti demande?  Apre en pti presizyon Mr Chair ‘’United Seychelles’’ i pou vini li.  I pou vini akoz i en mouvman pou le fitir – e i en mouvman ki pou anmenn en nouvo fason fer dan sa pei.  E atraver ou Mr Chair mon ti a kontan …

 

MR SPEAKER

Onorab i pa en kestyon … – Time. Time pa permet.

 

HON SEBASTIEN PILLAY

Ok.  Time is at the essence.  Mersi Mr Chair.  Mon ti le zis fer en presizyon Mr Chair se ki mon krwar i bon konman politisyen nou tonm dakor ki konman politisyen from now on, Mr Chair ki tou dimoun i pas atraver menm laport.  Akoz ki pou arive ler en dimoun i zwe en kote oubyen i zwe lot kote, ou vwar li i pase, oubyen etranze i kapab vini kot nou servi nou letan pou lager ek kanmarad politikman, e li i vini i servi bann ways bann means pou tap into bann lenvestisman ki nou annan.  Akoz sa la ler i arive i pa konsern zis siporte Parti Lepep i konsern siporte LDS.  So annou anpese ki okenn dimoun from now on ozordi, i fer sir ki tou dimoun i pas atraver menm laport.  E mon konnen Onorab Ferrari siport sa li Mr Chair mon apresye son sipor.  Mersi Mr Chair.

 

MR SPEAKER

Ok ou mesaz in ou mesaz in pase.  Mon krwar Minis Finans osi in fer sa sorti tre kler.  I annan en kestyon SS oule pran?  Ms Mangroo.

 

PS CILLIA MANGROO

Lo sa kestyon pou konsesyon ,mon krwar ou pe fer referans avek konsesyon pou fuel? Nou ti zwenn avek SFA ansanm avek SRC semenn pase e going forward la, SFA  li pou donn bann files ki deza ek li avek SRC pou ki sa refund i ganny fer avek bann fisherman – bann peser ki ti’n sipoze gannyen bann ki in arrears.  Apre going forward i annan en mechanism ki’n ganny met an plas pou al fer pli vit posib.  Mersi.

 

MR SPEAKER

Klarifikasyon se tou wi.

 

HON SEBASTIEN PILLAY

Very quickly mon krwar ou konn byen poudir i annan bann peser Bel Ombre peser Glacis, La Retriate ki pe espere eski PS Finans i kapab donn nou en langazman ki bann peser ki pe esper en bon pe letan ki 3mwan, i kapab ganny peyman pou zot konsesyon?  Mon’n demann sa oparavan mon ganny garanti mon le met lanfaz lo la ankor ki nou kapab ganny en garanti pou sa bann peser.  E mersi PS Mangroo pou ou lenformasyon.

 

MR SPEAKER

Mersi.  Petet mon devret azoute – pa LDS ki pe ser bann peser ok?  Mon krwar Onorab i konnen ki mon pe dir – pa LDS ki pe sere ki peser ki pa pe ganny zot larzan konsesyon.  Ms Mangroo.

 

PS CILLIA MANGROO

Mersi sa larzan konsesyon, i according pou dan en Lalwa ki ti sorti an Zen ; e dan sa Lalwa dan sa regilasyon se SRC ki sipoze pe fer refund.  Alors ti annan en mis-communication ant SFA avek SRC.  So parey mon’n dir sa bann peser ki pa ankor ganny refund, SRC pe fer prosedir ki zot pou gannyen.  So i pa pou vin atraver Departman Finans.  Mersi.

 

MR SPEAKER

Ms Mangroo petet par Desanm sa back log i ava ganny clear?  Ms Mangroo.

 

PS CILLIA MANGROO

Sa nou deza dir avek SRC akoz mon ti fer konnen poudir i annan dimoun 3mwan i pa ankor ganny zot refund.  So sa i pe ganny trete as urgent par SRC.  As long ki SRC i annan tou sa bann detay, ki’n ganny transfer par SFA, it’s then zot pou kapab fer zot refund.  Mersi.

 

MR SPEAKER

Mersi.  Bon Onorab Henrie.

 

HON GERVAIS HENRIE

Mersi Mr Chair.  Mon premye kestyon dan son diskour Bidze Minis ti koz lo evalyasyon avek monitoring sa progranm programme performance- based budgeting e mon ti mansyon ki i annan de antite ouswa 2 sekter ki zot pou follow.  Mon ti anvi si ou ti kapab donn nou en pe detay konman sa zot pou fer?  Ou swiv ki mon pe dir dan Budget speech ou ti dir zot pou fer en evaluation and monitoring of the PPBB process, so mon anvi zot ti a donn nou Lasanble en pti pe what it will entail sa evaluation and monitoring?

Dezyenmman mon anvi konnen ki kantite lenfliyans Minister Finans i annan, lo bann MDAs parske zot ki fer sa gro dokiman pou donn nou tou-le-z-an ki Onorab Herminie i dir i en Thèse an menm tan e tou sa pou zot konnen egzakteman tou bann depans bann alokasyon ki pe arive.

Rezon mon pe demann sa se parske yer letan Leader Lopozisyon i demann kestyon lo Liberation Memorial Fund ki nou, nou’n toultan okouran ki sa i ti tonm anba ASP, me yer nou ti ganny enformen ki i anba Larme.  So letan en alokasyon i suddenly transfer, lekel ki otorize?  Eski ou bezwen vin anba kek Regilasyon – (S.I) whatever pou asire ki napa labi e apre pou fer sir ki it’s in the right place.  Ler ou pe kalkil sa bann alokasyon e laplipar sa bann zafer bann dimoun ki zot partner in mor – bann keksoz koumsa, ki ti dwatet tonm kot ASP me la nou vwar i tonm anba Larme.  So ki kalite lenfliyans zot annan pou allow sa bann keksoz arive?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab an sa ki konsern sa Liberation Memorial Fund ki ou’n koz lo la zis mon ti a kontan fer en koreksyon.  mon krwar kekfwa in annan en lerer yer.  I ankor parey ou’n dir korekteman kot ASP en.  E parey ou konnen i annan en Lalwa e i prensipalman tous 3 fanmir ki ganny mansyonnen dan sa Lalwa.  E si okenn dimoun zot bezwen lasistans zot bezwen fer en laplikasyon kote zot fer e apre i bezwen anvoy kot ASP pou disburse dapre sa Lalwa. So sa mon ti anvi anmenn en koreksyon an sa ki ti ganny dir yer.  So sa ki konsern sa.  Lo kote ou premye kestyon, sa de Minister ki nou pou fer evalyasyon pou konmanse se Ledikasyon avek Lagrikiltir.  So mon ti a kontan prezan demann atraver Mr Chairman Mr Payet pou donn en pe plis lenformasyon.  Mersi.

 

MR SPEAKER

Mersi Minis.  SS.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Lo sa ki konsern monitoring ek evaluation, se Departman Public Administration ki pe oversee sa reform.  E ki zot in konmanse Departman Lagrikiltir ek Lapes e Minister Lagrikiltir ek Lapes e Minister Ledikasyon. Akoz zot in konmans sa de Minister sa de Minister ki ti konmans lo Programme Performance-Based Budgeting o komansman

So pandan 3an – 4an ki nou konmans lo PPBB so definitivman sa de Minister zot bezwen o fe avek zot performance indicators.  So evalyasyon ki pou ganny fer se i pou evalye en pe zot bann performance indicators, pou vwar akoz zot pa’n kapab etabli kekfwa zot bann output, zot bann lendikasyon ki zot in dir, dan liv Bidze.  So zot bezwen kapab donn sa rasyonnel ki’n arive ki zot pa’n kapab meet sa bann target.  Sa dan monitoring ek evalyasyon e en keksoz ki nou pe ankouraze, se at least i bezwen annan en zofisye dan sa bann Minister konsernen, dan tou Minister e Departman, pou kapab oversee sa bann endikater.

E ki nou pe travay lo la se at least pou annan en 1 pager dokiman ki just through DICT osi ki nou pe fer li through the sistenm, the Minister oubyen the Cabinet, ouswa okenn dimoun ki demande, zot a kapab report lo sa bann lendikasyon tou le quarter oubyen tou le 6mwan.  So sa i en keksoz ki nou pe travay lo la avek Departman Public Administrator.  E osi en keksoz ki the next phase ki nou pou travay lo la se performance – lendikasyon lo endividi.  Par egzanp nou konnen tou dimoun dan Gouvernman letan ou dan Public Sector Commission ou annan ou plans and target ki ou fer.  Me sepandan ki tou travayer sekter piblik i bezwen annan en plans and target pou sa staff ki konmanse, e sa staff PS, CEO li osi i annan e sa bann staff en pe junior osi zot bezwen annan performance target osi.  So sa gradyelman nou pe travay, ki at least nou pou annan sa for framework an plas once ki nou konplete by 2021.  Mersi.

 

MR SPEAKER

Mersi SS.  Onorab Henrie.

 

HON GERVAIS HENRIE

Mersi Chair.  Zis en pti kestyon par lefe ki sa i premye Bidze antye PPBB ki nou Lasanble pe deal avek, e si nou lavi Lasanble i reste parey i dwatet été so mon annan konbyen de Bidze devan nou.  So ki posibilite ki annan, a en moman pou donn Lasanble en loportinite pou  nou byen konpran sa process la – sirtou avek sa zafer performance indicators.  Because letan nou pe donn Bidze nou pe espekte rezilta, sirtou ki tous kominote bann dimoun ki nou reprezante.  So en keksoz ki Minister Finans i kapab fer pou Lasanble pou bann mwan ki pe vini.  Mersi.

 

MR SPEAKER

Mersi Onorab.  Mon krwar si ou pa oubliye deza Minister Finans ti fer en training avek nou PPBB. Me yes.  SS Payet.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Nou pe propoz another forum avek tou bann stakeholders, e nou pou fer li enn spesyal avek Lasanble Nasyonal an Fevriye lannen prosenn.  At least pou zot konpran the – at least the RBM Result-based Management Framework.  E osi ki parey zot konnen ki nou prezant Bidze la totalite dan PPBB, letan bann Minister osi letan nou pou prezant rapor Auditor General avek Lasanble Nasyonal, nou bezwen met en pe bann performance indicators baze lo bann monitoring and evaluation ; ki bann target e ki bann achievement.  Sa osi i en next phase pou nou travay lo la letan nou prezant the auditors report ki sa lannen presedan ki bann Bidze in ganny prezante.  Mersi.

 

MR SPEAKER

Mersi SS.  Onorab Simon Gill.

 

HON SIMON GILL

Bonzour Mr Speaker.  Mersi Mr Speaker.  Bonzour Minis avek ou delegasyon tou koleg Onorab e manm piblik.  Mr Speaker mon kestyon i konsern dan konteks Bidze 2019 i lo Seychelles Investment Board.

 

MR SPEAKER

Non pa ankor pran Investment Board.  Departman non.

 

HON SIMON GILL

Mon krwar ki Minis i kapab dan lafason ki mon pou relasyon ek sa, i an relasyon ek son Minister definitivman i kapab pran li dan konteks pli zeneral.  Akoz i a kapab dir nou lo nivo Minister, ki travay ki zot in fer pou zot idantifye bann sekter potansyel apar Blue Economy kot ou’n dir nou i annan potansyel pou li zwe en leading role apar lendistri tourizm, pou zot idantifye bann sekter kot i annan potansyel pou nou kapab antre dan en diversifikasyon nou lekonomi, dan en fason serye?

Now dizon ou annan ou senk sekter ki ou’n kapab idantifye ok dizon 5 sekter, now nou ti a voudre konnen e bann dimoun ki annan en pe larzan isi Sesel i annan en bon pe ki annan en pe larzan isi ki depi sa dernyen 40an in vin bann miltimilyonner.  E zot pe rod ankor lespas pou zot envestir. Now apar sa group dimoun mont i a voudre osi konnen ki legzersis ki zot idantifye bann nouvo dimoun Seselwa kot nou kapab pran zot depi konmansman anmenn zot pou zot antre dan sa bann nouvo sekter ankor enn fwa dan zefor pou nou diversifye nou lekonomi dan konteks devlopman ekonomi byensir.   Mon ti ava voudre konnen sa legzersis e si i annan sa legzersis i ganny fer eski prezan nou idantifye sa bann dimoun potansyel prezan?

E si nou’n idantifye sa bann dimoun potansyel ki moman zot pe deside pou zot take off avek sa legzersis?  Apel zot dir bon vwala ou nou konnen ou annan potansyel dan tel, tel domenn, nou annan sa enn sekter la nou ti ava voudre pran ou, met ou ladan lot ou dir bon vwala i annan sa lot sekter la nou ti ava voudre pran ou met ou ladan.

Or petet pa zis en dimoun de dimoun trwa dimoun so lide se dan en nouvo lapros diversifikasyon e vreman antre dan lekonomi kot Minister Finans e lezot antite ankor, i kapab vreman diversifye son baz prezan nou al lo en pti pe konklizyon diversifye son baz (prezan nou al en pti pe lo konklizyon) diversifye son baz pou kolekte tax.

E ler ou ogmant ou baz pou kolekte tax, i ava fer ou petet revwar ou poursantaz tax.  E annan dan  en lot mo  mwens lensidan tax lo tou dimoun, lo sekter biznes.  So pou le moman mon pou aret la mon annan ankor detrwa seri kestyon ki mon’n think lo la e mon ti ava voudre annou sezi sa moman 2018, pou nou anvoy en mesaz serye deor la ki Sesel i annan en kantite potansyel pou diversifye nou lekonomi, and these are the areas e vwala ki mannyer nou le fer ou take off. 

        So pou le moman mon aret Mr Speaker, e an mezir ki Minis i donn repons, mon gete ki mannyer mon kapab kal mon lezot 6 kestyon ki mon vwar lo mon papye pou mon kapab vreman convince nou dimoun la deor, lo ki nou serye lo sa zafer devlopman ekonomik Sesel.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab Gill pou ou lentervansyon.  Mon pou reste plito zeneral apre mon a demann SS Payet e Madanm Agathine a pran laparol – apre.  Ou konnen i annan detrwa keksoz.  Premye keksoz nou bezwen ranforsi se ki Gouvernman li i bezwen reste sa fasilitater.  Donk nou la parey ou dir fodre nou get sa bann lapis sa bann idantifikasyon e fodre nou fasilit lenvestisman dan Sesel pou progre ekonomik nou pei.  So sa i primordyal nou bezwen reste fasilitater.

Si oule travay i dan lanmen sa bann envestiser lokal/etranze.  2enm keksoz mon krwar i enpotan parey ou’n mansyonnen se ki pou nou bezwen idantifye bann sekter ki nou santi pou anmenn nou plis larises.  Oule pa oule tourizm i premye sekter.  E i pou reste premye sekter. Lapes, Lekonomi Ble i 2enm sekter.  E i kapab a mon avi vin tre enportan.  Lot sekter e menm konmansman sa semenn dan Lasanble Onorab Afif in koz lo en lamannman dan IBC, e sa sekter finansyel, offshore an partikilye i osi en sekter enportan.

Donk lesansyel nou bezwen servi par egzanp teknolozi lenformasyon. Dan mon Bidze mon’n koz 2enm kab soumaren e nou bezwen e sa i en sekter ki nou bezwen fasilite akoz i pou pare li an 2021, mon krwar ou pli tar – i pou fini mete.  Nou bezwen depi la konmanse, regarde sa bann biznes ki bezwen servi sa konektivite enternasyonal, pou fer plis biznes.  Sa i en lot lorizon ki nou bezwen regarde.  So vwala pou mwan sa detrwa sekter kot nou bezwen met bokou lanfaz.  Parey ou konnen pou 2019 lo Lagrikiltir ek Lapes nou pe sey fer plis prodiksyon lokal, pou atak en lot laspe nou lekonomi.  Nou pa pou re vin diskit lo la, me vwala si oule Mr Chairman, sa sekter kle ki  mwan mon vwar kot Gouvernman i bezwen reste sa fasilitater, e promouvwar sa bann sekter, pou anmenn plis larises. Mon  ava prezan atraver ou Mr Chairman pas laparol avek Mr Payet.  Mersi.

 

MR SPEAKER

Mersi Minis.  SS.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Mon krwar en keksoz ki tou kou nou koz lo la se the growth dan tourism, me nou pa pe vwar li dan  bann lezot sekter.  Par egzanp nou vwar ki i annan growth ki arive par egzanp lannen pase par egzanp 16 a 19poursan growth dan tourism, me ki arive avek bann lezot sekter par egzanp SME – artizanal ouswa bann dan lagrikiltir. Me sa i en keksoz ki nou pe travay avek bann Departman ek bann Minister konsernan ki at least, yes i annan growth dan tourism, be ki mannyer bann lezot sekter osi i kapab grosi pou zot kapab benefisye dan sa sekter.

 

Par egzanp dan sekter lagrikiltir – kwa ki bann lotel i kapab fer pou kapab servi nou sekter lagrikiltir e nou sekter lapes osi.  En keksoz osi ki nou pe diskite e avek Departman Trade, se an menm tan dan business tax ki nou pe koze pou lannen prosenn pou vin avek, se export oriented.  Akoz letan ou regarde nou annan R95mil zabitan Sesel e apepre 350 touris me avek joining WTO, mon krwar nou annan en pli gran market enternasyonal ki nou kapab ankouraz nou bann antreprener, pou market e go towards the overseas market osi.

So sa nou osi kapab asize etabli bann mekanizm avek nou bann Seselwa, ki pou kapab tap-in to the export market.  Sa enn, de, ki nou’n, diskite ki kekfwa pou azoute avek sa ki Minis in dir.  Mersi.

 

MR SPEAKER

Mersi SS.  PS Agathine.  Non ok.  Onorab Simon Gill.

 

HON SIMON GILL

Mersi Mr Speaker.  Mr Speaker mon vwar repons ki’n donnen, i deza nou konnen sa  – nou deza konnen.  Mwan mon pe demande lekel bann nouvo pos sekter ki zot in idantifye.  New, New, New New sekter kot Seselwa i kapab antre e ki zot trouve i annan potansyel?

Sekter lagrikiltir, lapes nou’n deza koz lo la in tonbe, nou pe sey fer mannyer pou lev li pou nou kapab redwir nou lenportasyon it’s ok nou konnen sa!  Ki bann nouvo sekter ki Seselwa i kapab de nouvo antre ladan?   Ennitil nou kontinyen koz lo lagrikiltir, ou koz lo business offshore, eksetera sa.  It’s known!  Nou pe koz lo real economic empowerment Seselwa Mr Speaker!  Nou annan en kantite zenn pe sorti dan lekol olye vin depandan pou zot al rod travay dan Gouvernman, pou zot al rod travay dan sekter prive zot antre e create – create ki mannyer nou kapab ed pou zot create.  E ki mannyer Gouvernman atraver Minister Finans i kapab tyonbo zot e dizon vwala bann sekter ki nou’n idantifye, ki nouvo kot i annan potansyel e nou pare pou pran ou, kondwir ou ziska ler ou kapab anvole e kapab fer en perse dan marse rezyonal oubyen aryer.

Pou nou kapab osi ogmant nou export – redwir nou trade deficit.  So tousala mon pe rode ki Minister Finans avek tou sa gam striktir ki zot annan la, kwa ki zot annan poudir nou de nouvo pou lannen 2019 and beyond.  Mon ava aret la Mr Speaker akoz mon pa ankor poz okenn nou vo kestyon.  Mon pe zis fer follow-up lo sa ki’n ganny dir se tou.

 

MR SPEAKER

Non be ou pou aret lanmenm akoz ou pa pou ganny ankor en sans 2enm fwa, ki ou’n ganny sans nou ava donn Minis sans pou reponn en pti pe apre nou ava pran dernyen kestyon.  Minis oubyen PS Agathine.  PS go ahead.

 

PS ELISABETH AGATHINE

Mr Chair mersi.  Mersi Onorab pou ou kestyon.  Mon krwar an relasyon avek ou kestyon pou regard ki mekanizm ki Minister Finans, i annan pou idantifye pou bann nouvo sekter an se moman Departman Planifikasyon ekonomik i bezwen Minister Finans nou pe fer en travay lo Plan Nasyonal pou pei pou sa prosen 5an.  E sa i sa mekanizm through which nou pou idantifye sa sekter ki dan sa prosen 5an e posibleman beyond, nou pou ankouraz lenvestisman e se sa ki pou drive sa krwasans dan lekonomi.

Ou kestyon pli presizeman ki bann nouvo sekter?  Atraver sa legzersis nou pe vwar ki i pa neseserman annan nouvo sekter me selman petet nou bezwen annan en nouvo lapros, par ki nou apros sa sekter.  Parey sekter tourizm Minis in dir oparavan i pou reste pilye nou lekonomi, me ki mannyer nou transform sekter tourizm from sa model ki été konmela ozordi.  Lapes osi lagrikiltir, ki mannyer nou anmenn en nouvo model biznes dan sa bann sekter, pou ki zot anmenn plis rannman?

E se a sa pwen la ki nou antre avek bann lide kot inovasyon i vin enportan dan sa bann sekter.  E nou ki nou pe vwar atraver sa legzersis ki nou pe fer, atraver bann konsiltasyon ki nou pe fer, i ki i pou annan sa krwasans ekonomik dan bann sekter ki nou deza annan.  Nou pou bezwen ankouraz en pe plis inovasyon.  Nou pa pou kapab kontinyelman petet parey dan Sekter Lagrikiltir – Sekter Lapes kontinyen still servis menm model ki nou servi ozordi.

E se pou sa rezon ki nou pa pou kapab regard sekter an izolasyon avek lezot sekter dan lekonomi.  E pli presizeman i pou regard lo ledikasyon, ki mannyer petet nou prepar nou bann zenn atraver nou sistenm ledikasyon, be it segonder or Pos-Segonder, pou zot kapab prepar zot pou bann louvraz, pou bann jobs of tomorrow.  Rather bann louvraz ozordi ek bann loportinite ozordi.

Petet nou pran nou bann lenstitisyon Pos-Segonder parey ou Lekol Maritim or Lagrikiltir, ki mannyer nou train sa bann zenn, ki mannyer nou donn zot sa bann loportinite avek bann diferan kalite teknolozi oubyen bann nouvo metod ki pe ganny sorti dan sa bann sekter, pou zot kapab then anmenn sa bann sanzman e sa bann inovasyon dan sa bann sekter konpare avek sa ki nou annan ozordi.

Lekonomi Ble i enn bann sekter pli nouvo – pli resan ki nou vwar i pou kapab amenn en krwasans ekonomik, vi ki nou tou nou konnen i annan plis en siperfisi lanmer ki later.  E ICT Minis in deza koz lo la.  E osi nou human capital  -nou skills ki tou dimoun i annan dan pei.  I en keksoz ki nou bezwen kapitaliz lo la.  So pou mwan i sa bann sekter e sa bann areas ki pou anmenn sa krwasans ekonomi.  Nou pou bezwen revwar model ki nou servi e fer sir ki sa i pa ganny fer dan en fason izolasyon, me ki nou sistenm ledikasyon, e lezot sistenm osi i ganny anmennen ansanm pou nou kapab prodwir sa bann zenn e sa bann devlopman.

 

MR SPEAKER

Mersi PS Agathine.  Nou ava pran dernyen kestyon – Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon byen kontan sa ki Minis in dir.  Konman enn bann eleman enportan, dan lekonomi se sa eleman offshore ki zisteman parey Minis ti pran son letan Lendi pou li vin dan Lasanble letan nou ti pe pas sa Lalwa, e sa i en eleman tre enportan.

E byensir parey nou tou nou’n tande Msye Faure zis konman in retournen sorti Kenya, enn bann premye keksoz ki in fer se pou li assent lo sa Lalwa.

Mon pe dir sa parske i difisil parfwa pou ou konpran bann dimoun ki pe rod lo ki mannyer pou devlop nou lekonomi, se zot menm zot ki dan sa Lasanble zot pa donnen sa sipor! Zot pa donnen sa sipor! Onorab Gill Mr Chairman mon mazinen li i ti donn en Lord tou son bann lot kote pou abstain – pou abstain lo sa Lalwa.  E nou’n vwar lot kote ki konmsi sa i en kontradiksyon avek plan Gouvernman.  Alor Mr Chairman  mwan mon anvi  –

 

(Interruption)

 

HON WAVEL RAMKALAWAN

Be pa i ti dir in abstain?  Tou dimoun pa i konnen i ti dir abstain.  Mr Chairman …

 

(Interruption)

 

MR SPEAKER

Non ou’n ganny ou sans koze Onorab Gill laparol i pou ..

 

HON WAVEL RAMKALAWAN

Mr Chairman – Mersi bokou …

 

(Interruption)

 

MR SPEAKER

Onorab rikord i la nou kapab re rod rikord – si ou ti abstain si ou pa ti abstain ok?  Nou ava rod rikord apre – dan Break – dan Break mon ava rod rikord e mon ava re lir rikord Lasanble.  Ok? 

 

(Interruption)

 

MR SPEAKER

Onorab ou’n koze laparol i pou Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon anvi demann enn de kestyon ; akoz ki zot pe regard zis tax lo residential property?  Parske i annan en bon pe sa bann biznes ki zot anrezistre bann propriyete anba en biznes.  Nou’n vwar sa dan Lasanble, letan nou koz lo proze Port Glaud – sa madanm Larisi – tou propriyete ki in aste in aste anba en lakonpannyen, e alor ok mon konnen in vin Seselwa anba 5(1) me konbyen lakonpannyen etranze, ki annan propriyete ki anrezistre anba zot lakonpannyen e ki zot pa pe met li konman residential me konman sa lakonpannyen.  Mon konnen i annan bann lezot lakonpannyen – Cable & Wireless tou i annan sa – tou sa bann … Parske  mwan mon krwar ki si nou fer en Lalwa pou nou anmas tax lo biznes etranze, lo propriyete owned by etranze, ki i son lakonpannyen – I mean i devret ganny ranmase.  Sa i mon premye pwen.

Dezyenmman, eski dan sa prosesis pou nou atir plis lenvestisman – e Minis in koz lo Seselwa, eski zot annan okenn plan pou regard ankor bann lotel ki pe ganny run – bann pti lotel ki ganny rezerve pou Seselwa?  Mon redir sa ankor zot pa pe kapab pey menm tax avek en gro lotel.  la E pou le moman zot pe pey menm tax avek sa gro lotel e nou konnen diferan sa Seselwa son labank i isi, larzan ki i anmase i ganny bank isi, tandis ki sa gro lotel li larzan i al laba deor.  Eski napa en fason pou nou ankouraz bann lotel ek biznes Seselwa, par  donn zot bann pli meyer fasilite tax ?  

        Akoz ki SIPSA i pa lo sa High Level Committee pou Ease of doing business, e pourtan i dan sekter prive e in zwe en rol.   E parey nou konnen dan sa offshore i a pe zwe en rol e alor ki akoz zot pa’n ganny enkli?  Apre sa mon dernyen sa Liberation Memorial Fund Minis in mansyonnen ki poudir i annan 3 fanmir nou ti ava kontan mon pa konnen si Minis pou kapab donn nou sa detay vi ki in mansyonnen pou nou regarde si vreman tou dimoun pe ganny enkli ladan, akoz mon ti ava konnen lekel sa 3fanmir pou nou regarde ki si sa pa zis serten dimoun ki pe ganny en benefis e non pa tou bann dimoun ki devret gannyen.  Mersi bokou Mr Chairman.

 

MR SPEAKER

Mersi Onorab.  Minis oubyen SS.  Minis.

 

MINISTER MAURICE LOUSTAU-LALANNE

Mersi Mr Chairman.  Mon a fer serten komanter e apre sa mon a demann Mr Payet atraver ou pou konplete.  Wi mon krwar lo residential properties nou osi nou konsyan, ki i annan en menm group i kapab sape atraver konpannyen.  So nou pou fer sir ki nou regilasyon i capture sa. So sa i pou kler.

An sa ki konsern VAT pou annan en diferan level VAT lo bann pti lotel – i en keksoz ki mon konnen zot in diskit avek mwan osi pandan preparasyon Bidze.  So i en keksoz ki lo nou azanda.  Mon krwar nou ava kontinyen regarde ki mannyer nou kapab antreprann en demars en pe diferan.

E lo sa Lasosyasyon Offshore ki pa lo sa High Level Committee napa problenm. Mon krwar nou kapab enkli zot osi.  I vre par-ler letan ou pe fer serten refleksyon, ou bliy en dimoun oubyen ou bliy en Lasosyasyon, i arive par-ler.  

        So i pa’n entansyonnel nou ava fer sir ki nou koriz sa.  E lo mon a kapab fer Onorab Leader Lopozisyon ganny non sa 3fanmir.  annefe i dan sa Lalwa.  I mansyonnen sa 3fanmir dan sa Lalwa e i mansyonn en lot dimoun ankor par non ki  mon pa konnen e mon krwar ki nou ti fer en commitment pou Minister Finans pou anvoy sa lenformasyon dan Lasanble ; mon konnen nou anvoye enpe letan pase.  So it is available me kekfwa.

Akoz si mon pou konmans mansyonnen mon riske fer en mistake.  I annan en tandans – zot dir sa Minis i en Minis ‘Lalang !’ Taler mon al manke apre zot a kontinyen arponn dimoun pou nanryen ditou.  Mersi Mr Chairman.

 

MR SPEAKER

Mersi Minis.  SS oule azout keksoz? Non.  Onorab Ramkalawan.

 

HON WAVEL RAMKALAWAN

Mr Chairman.  Mon remersi Minis pou lafason ki in reponn tou mon bann kestyon e mon zis anvi ankor enn fwa swete ki dan sa lankourazman biznes, nou pa ava zis donn bann fo direksyon pou abstain kan Larepiblik pe rod en lot direksyon.  I montre en konfizyon!  Mersi bokou.

 

(Off-Mic)

 

MR SPEAKER

Non.  I pa pe imput.  I ti desizyon ki lo ou kote ti pran pou abstain.  Me li i kapab dir i kapab dir ou ki’n donn lord Onorab Simon Gill – ki’n donn lord – Onorab De Commarmond ki’n donn lord.  Me sa  …

 

(Off-Mic)

 

MR SPEAKER

… non.  Wi bon nou pa bezwen al dan sa largiman la – nou pa bezwen political statement i ganny fer tou lede kote e mon yes –

 

(Off-Mic)

 

MR SPEAKER

… ok.  Bon nou’n ariv.  Onorab nou ariv en moman pou nou kapab pran en vot pou Minister Finans Trade, Investment avek Economic Planning. SS eski mon mansyonn sak sa bann Bidze oubyen nou pou pran li an gro?

 

SECRETARY OF STATE MR PATRICK PAYET

Mersi Mr Chair.  Mr Chair i zis son total ki dan Appropriation Bill i en total R220, 684milyon pou Minister Finans, Trade, Investment and Economic Planning.

 

MR SPEAKER

Menm si i sa 4 Head ok pa problenm.  Bon nou ava pran en vot lo sa sonm R220, 684milyon ki pou Minister Finans, Trade, Investment and Economic Planning ki trouve lo paz 244 ziska paz 264 e ki form par dan sa Schedule.  Mon ava demann tou Manm ki an faver?  Okenn Manm ki kont.  Madanm Deputy Clerk.

 

MADAM DEPUTY CLERK

Mersi Mr Chair.  Bonzour tou dimoun.  21 Manm in vot an faver Mr Chair.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze 2019 pou Minister Finans in ganny aprouvasyon avek tou Manm Lasanble ki prezan.  Bon sa moman avan nou pran en Break mon ti a kontan remersi Minis Finans avek son lekip me mon mazinen ou pou osi prezan pou lezot Heads ki pe vini.  Mersi PS Agathine Ms Mangroo PS Nalletamby e nou ava prezan pran en Break e ler nou antre nou pou pran FIU ki’n deza arive.  Mon sizere ki nou antre 11.25 ok – 11.25 nou a ganny 35minit pou nou – mon swete ki nou kapab deal avek FIU par 12midi.  Ok nou ava Break nou a retournen 11.25.

 

 

(BREAK)

 

 

FINANCIAL INTELLIGENCE UNIT

 

MR SPEAKER

Bon nou a kontinyen nou travay.  Mon ti a kontan welcome Direkter FIU Financial Intelligence Unit Mr Phillip Moustache – son Head of Finance Ms Wilna Azemia e Senior NRA NE Officer Ms Sandra Hall bonzour e welcome parmi nou.  E zot pou lasistans Minis Loustau-Lalanne, SS Payet, Ms Croisee e Ms Tamatave.  SS zis gid no lo paz pou pran pou FIU.

 

SECRETARY OF STATE MR PATRICK PAYET

Mersi Mr Chair.  Mr Chair nou pou pran Financial Intelligence Unit ki lo paz 318 ziska paz 323 pou en sonm R21, 959milyon.  Mersi.

 

MR SPEAKER

Mersi SS Payet.  Bon nou ava konmanse okenn Manm ki le entervenir?  Ok, Onorab Churchill Gill.

 

HON CHURCHILL GILL

Mersi Mr Chair.  Mon kestyon se FIU ti pe en pe difikilte pe fer bann entities, donn zot rapor, an menm tan pou fer zot reste anliny avek zot bann lobligasyon, eski sa problenm in amelyore oubyen zot ankor pe ganny difikilte avek sa bann entities?  Mersi.

 

MR SPEAKER

Mersi Onorab Churchill Gill.  Mr Moustache.

 

DIRECTOR PHILLIP MOUSTACHE

Bonzour Mr Speaker.  Onorab.  Ou kapab fer eksplike lekel bann rapor silvouple? Akoz ti annan bann rapor ki zot soumet nou ….

 

MR SPEAKER

Ok Onorab.

 

HON CHURCHILL GILL

‘’Current challenges’’ i fer resorti ki ou ti pe ganny en bon pe difikilte avek bann entities pou zot comply ek zot bann rapor.Prezan mon kestyon se eski sa in amelyore ouswa ou ankor pe fer fas avek sa bann difikilte?  Mersi.

 

MR SPEAKER

Mersi Onorab Gill.  Mr Moustache.

 

DIRECTOR PHILLIP MOUSTACHE

Mersi Chairman.  Nou konmans diskisyon avek bann diferan reporting entities.  Nou’n konmans menm donn training bann diferan nouvo bann entities e sa pe amelyore.  E nou vwar en amelyorasyon ladan.  Mersi.

 

MR SPEAKER

Mersi Mr Moustache.  Onorab Woodcock.

 

HON WAVEL WOODCOCK

Mersi Mr Speaker.  Mon kestyon i pou CEO FIU, plizyer kont ek asset bann businessman ti ganny sezi malapropo, letan ki bann Irlande ti pe run FIU.  Zot ti pe menm demann plizyer bann biznes pou pey en ransom pou zot kont ganny large.  Mon kestyon i, eski FIU in rann bann asset e deblok larg bann kont ki ti ganny sezi malapropo? La i fer mon mazin en msye Praslin Mr Hans Hackle.  Mersi.

 

MR SPEAKER

Mersi Onorab Woodcock.  Bon zis mon ava averti bann Manm, akoz mon Biro pe ganny en pe let, en pe call, ler zot nonm non dimoun.  Zis fer sir ki zot in verifye avek sa bann dimoun ki i ok, pou nonm zot non an piblik ok?  Mon pe ganny en bonpe sa bann call ki pe vin kot Biro Lofis Speaker.  Zis annou fer en pti pe atansyon – ok?  Mr Moustache.

 

DIRECTOR PHILLIP MOUSTACHE

Mersi Chairman.  Depi ler Lalwa ti amande lannen pase an Out, tou bann kont ki ti ganny freeze par FIU in ganny large.  E an ki konsern sa endividi ki ou pe mansyonnen, ti annan en prosesis Lakour e Lakour ki ti determinen ki pou arive avek son kont – avek son bann assets.  Mersi.

 

MR SPEAKER

Mersi Mr Moustache.  Onorab Sebastien Pillay.

 

HON SEBASTIEN PILLAY

Mersi Mr Chairman.  Mr Chairman zis lo sa pwen ki ou fek dir, mon krwar nou bezwen refer avek Order 32 (b) dan nou Standing Orders.  I pou enportan ki nou mon pe zis dir sa ki nou a zour ek sa fer kler ki nou demann en kestyon si ou mansyonn en dimoun zis dan konteks pou fer sa kestyon vin pli kler.  E as long ki si nou pe swiv sa …

 

(Interruption)

 

MR SPEAKER

Non, non.  i ok.  Onorab kontinyen.

 

HON SEBASTIEN PILLAY

Mersi Mr Chair.

 

MR SPEAKER

I en Manm Standing Order tanzantan i donn nou gidans.  Onorab.

 

HON SEBASTIEN PILLAY

Mersi Mr Chair.  Mr Chair mon le lo sa liv Bidze paz 318, i annan serten eleman ki zot in mete konman ‘’major achievements’’ e mon ti a kontan si FIU i dir nou serten keksoz lo sa bann achievements.  Premyerman lo sa mutual evaluation process, eski zot kapab dir nou ki bann rezilta sa mutual evaluation process?  Kote ki Sesel pou bezwen al fer serten adjustments?  Akoz mon’n vwar dan lezot Bidze, i annan en konponan bidzeter ki’n ganny mete pou align bann Lalwa avek sa rapor EAAMLG pou lenformasyon piblik.  Sa i sa lorganizasyon ki fer sa mutual evaluaton.  So mon ti a kontan konnen ki bann eleman ki’n sorti?  E si dan sa bann eleman, eski mon korek poudir ki nou ganny vwar ki nou pa an akord avek rekomandasyon 38, ki enn bann rekomandasyon ki relye avek anti-money laundering?  E ki zot pe fer pou asire ki nou an akord avek sa bann rekomandasyon baze lo bann eleman ki’n sorti dan sa rapor?

E mon lot pwen i konsern sa bann rapor tranzaksyon, mon ti a kontan special transaction reports en?  Mon ti a kontan zot dir nou si eski ozordi provizyon legal ki permet zot fer freeze lo bann kont labank i donn zot ase letan pou zot meet bann kriter pou zot kapab reponn a bann request for mutual assistance lasistans.  I donn zot ase letan pou fer li oubyen  eski zot pe rankontre okenn difikilte anba sa bann provizyon lamannman ki zot in fer anba AML?  Mersi Mr Chair.

 

MR SPEAKER

Mersi Onorab Pillay.  Mr Moustache.

 

DIRECTOR PHILLIP MOUSTACHE

Mersi Mr Chair.  Dan sa mutual evaluation report nou ganny rating baze lo bann diferan kriter lo sa 40 rekomandasyon FATF.  Rezilta ki nou ganny nou 4 non- compliant – 16 partially compliant  -10 margin compliant e zis 10 compliant.  E i annan enn bann gro defayans ki nou bezwen devlop en risk-based supervison framework.  E sa deza nou konmans ansanm avek Labank Santral nou pe rod lasistans pou antrenn bann examiners pou ki nou comply avek sa requirement.

An se ki konsern provizyon dan Lalwa legal, ler ti amande nou ti annan nou zis 5 zour ki en kont i ganny freeze, e sa i poz en serten difikilte pou nou.  Akoz pandan 5 zour ler nou konmans nou investigation nou pa ankor ganny lenformasyon sa kont i bezwen ganny unfreeze e i poz en problenm pou nou.  Mersi.

 

MR SPEAKER

Mersi Mr Moustache.  Onorab Pillay.

 

HON SEBASTIEN PILLAY

Mersi Mr Chair.  So mon ti a kontan demann Minister Finans, dan le mezir ki travay ki FIU i fer, e baze lo bann komanter ki nou tande bomaten, ki aparaman tou dimoun i le protez nou sekter offshore, pou fer sir ki i kontinyen fonksyonnen, e ki i pa koz problenm pou li menm, ki zot pe fer pou zot adres sa bann defayans ki’n ganny idantifye dan sa rapor.  E ler ou’n dir mon ou’n ganny 4 non- compliant, mon ti a kontan ki ou liste sa bann areas kot nou ganny vwar ki nou pa pe comply avek bann rekomandasyon enternasyonal?  Oubyen avek bann best practice, pou ki nou a konnen si provizyon bidzeter ki’n ganny mete la, pou permet zot FIU prezan, pou vin compliant avek sa bann provizyon Lalwa.  E si sa pou annan en lenplikasyon pou sekter pa zis finansyel offshore, ouswa si sa pou annan en lenplikasyon sekter finansyel dan lesans sistenm banker.  E si sa pou annan en lefe advers lo bann correspondent banking relationship ki bann labank Sesel i bezwen annan e sey mentenir avek labank enternasyonal?  Mersi Mr Chair.

 

MR SPEAKER

Mersi Onorab.  Mr Moustache.

 

DIRECTOR PHILLIP MOUSTACHE

Mersi Chair.  Dan sa 4 ki nou ganny non-compliant enn i lo non-profit organisation sector.  Sa i konsern prensipalman Registrar of companies, li i sipoze apard anrezistre bann konpannyen, i sipoze supervise sa bann konpannyen.  Akoz FATF i rekonnet ki bann NGOs – NPOs i kapab ganny abize oubyen servi pou diferan akt kriminalite, konman Terrorism  financing e i annan evidans pou prouv sa.  Me selman zot le ki sa requirements e ki bann NPOs pa zis ganny license zot ganny supervise.  E deza nou’n koz avek direkter Registration Division e nou’n menm al rod lasistans avek COMESA pou asiste zot pou amelyor sa defayans.  E en konsiltan in fer en travay lo sa sekter e la e posibilite i pou bezwen annan lamannman Lalwa, e menm kreasyon en Seksyon ki pou siperviz sa sekter NPO – NGO.

Lot i lo proliforasion of weapons of mass distruction sa nou bezwen annan nou Lalwa pou fer sir ki nou pran rekognisyon sa.  Nou napa nou Lalwa i manke lo la – napa ditou.  E lot ankor defayans i new technologies, nou bezwen dan nou Lalwa annan provizyon pou deal avek bann nouvo teknolozi  ki vini – sirtou akoz nouvo teknolozi i kapab ganny servi pou bann akt kriminalite.

E lot se mutual legal assistance ler nou ganny bann request pou lasistans legal ki vin atraver Biro Attorney Generale.  La osi i enn bann defayans ki nou vwar dan mutual evaluation report.  Mersi.

 

MR SPEAKER

Mersi Mr Moustache.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Zis pou azoute ki i annan plizyer Prozedlwa ki nou pou bezwen anmenn kot Konsey Minis pou zot aprouvasyon e mon konnen i annan o mwen enn ki’n deza ganny anvoye kot Sekretarya Cabinet pou met lo azanda e sa i konsern Proceeds of Crime Act ki nou bezwen fer en lamannman.  Mersi Mr Chairman.

 

MR SPEAKER

Mersi Minister.  Klarifikasyon Onorab Pillay.

 

HON SEBASTIEN PILLAY

Wi Mr Chair.  Mr Chair i annan tandans pou krwar poudir mon pe allude ki lamannman ki nou’n fer anba AML, se sa ki’n afekte.  E mon krwar sa ki Direkter FIU pa pe eksplik nou se ki ler zot in ganny vwar non-compliant anba rekomandasyon 38 pou mutual assistance – i osi vedir abilite pou zot osi respond ; e zot abilite pou zot respond i ganny limite par sa lamannman ki’n ganny fer.  So mon ti le klarifye se eski zot pe amann zot annan provizyon pou amann AML, baze lo sa rekomandasyon ki zot in gannyen la, pou fer ki zot kapab ganny letan pou zot respond pou sa bann request mutual assistance?

Akoz problenm se ki Sesel i bezwen donn lasistans lezot pei, e si ou regard dan Bidze i montre bann kantite request ki zot pe gannyen.  E sa request i on the increase.  Akoz sa i sipoze counter par finansman pou terorizm.  Akoz dapre largiman sa sekter se ki sa i en area ki Sesel i en pe weak lo la.  Prezan ler Minis in koz lo amannman dan Proceeds of Crime, pou konsolid sa ki zot pe fer, lekel sa lamannman ki Gouvernman pe anvizaze pou fer avek Proceeds of Crime ?

Akoz nou konnen sa i bann area kot nou bezwen devlop ekspertiz.  E si dan Bidze zot in met larzan swa Minister Finans swa anba FIU, pou ki nou kapab annan training pou bann dimoun legal ki deal avek sa kalite laspe kriminalite – parey zisteman dan lanni ki Attorney General ti dir nou Mr Chair.  Mersi.

 

MR SPEAKER

Mersi Onorab.  Mr Moustache.

 

DIRECTOR PHILLIP MOUSTACHE

Mersi Mr Chair.  Si Onorab pe refer lo kote legal mutual assistance la, sa i tonm prensipalman kot Biro Attorney General.  Lo nou kote pou nou, nou prensipalman letan nou respond to bann request ki nou gannyen avek nou bann counterparts an deor, sa nou nobou pran.  Me selman an sa ki konsern parey si pou pran aksyon kont bann suspected suspicious transaction la, kot sa 5 zour in afekte nou.  Mersi.

 

MR SPEAKER

Mersi Mr Moustache.  Minis.

 

MINISTER MAURICE LOUSTAU-LALANNE

Mersi Mr Chairman.  Wi zis pou azoute ki dan Bidze 2019 – e mon konnen ki Lasanble in deza diskit lo la e aprouv Bidze, kot i annan plis larzan ki’n ganny mete pou asiste Registrar li menm, pou tackle sa problenm non-profit organisation e osi Biro Prokirer Zeneral, akoz li osi i annan en rol kle dan AMLCFT, sa i nouvo larzan pou permet zot rod plis dimoun, so that ki zot kre sa bann departman ouswa bann divizyon ki pou tackle sa bann defayans dan AMLCFT.

E parey zot in remarke osi sa lannen mon prezidan ESAAMLG e Direkter FIU i Chairman sa Komite ki pou travay pandan sa lannen 2019.  E nou bezwen met en pe plis larzan pou permet deplasman pa zis mon menm ek Mr Moustache dan sa ka, me osi tou bann reporting Agencies.

E taler ti annan en kestyon lo la reporting Agencies pou fer sir zot osi zot zwe zot rol akoz zot osi zot bezwen fikse serten amannman dan Lalwa, pou improve nou rating lo sa Mutual Evaluation Report.  E sa osi in ganny mete dan Bidze pou permet sa.

Lo sa lamannman – mon konnen ki i annan en dokiman ki’n ganny prepare, nou pa ankor diskite lo Cabinet, kekfwa i en pti pe tro boner pou mon donn en pe lesplikasyon, me sertennman mon pran rekomandasyon sa MER e nou bezwen korize.  Mersi Mr Chairman.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Chair.  Mon kestyon i an relasyon avek manda FIU an relasyon avek Lalwa Anti-Money Laudering Act 2006, mon anvi vwar lalis bann lakonplisman mazer ki’n fer an 2017/ 2018.  Me lefe i reste ki on dire FIU i dan – ou pa tro vwar li – konmsi ou a krwar i dan en pti kwen – so mon anvi ki Mr Moustache i asir ki nou ki kalite relasyon travay ki i pe annan avek bann local law enforcement parey Lapolis, SRC, pou asire ki i pe zwenn son manda ki i annan.

Dezyenmman an relasyon avek sa deklarasyon la ki’n ganny fer lo non-profit sector parske mon’n aprann poudir i deza annan en rapor World Bank osi ki’n sorti ki’n raise en alarm bell, lo sityasyon bann NGOs. Donk mon anvi konnen vreman apar Registrar kwa ankor ki li FIU i kapab fer ou ti merit pe fer pou anmenn sa sityasyon a laporte bann NGOs e piblik an zeneral poudir sa i kwa sityasyon ki zot pe deal avek?  Mersi.

 

MR SPEAKER

Mersi Onorab Henrie.  Mr Moustache.

 

DIRECTOR MR PHILLIP MOUSTACHE

Mersi Chair.  Mersi Onorab mon a pran ou 2enm kestyon avan.  Kot i konsern NPO i pa tonm kanmenm i pa tonm anba nou sekter.  Be nou’n deza komans sensitise zot lo blansisaz larzan.  Nou’n deza fer prezantasyon pou zot dan lepase e nou pou kontinyen fer ankor prezantasyon, pou fer sir ki zot konpran ki kapab arive avek bann NGO – zot kapab ganny servi.  E se a zot pou fer sir zot anpes sa arive.  E nou travay an etrwat avek  Registrar.  Nou pou donn zot lasistans kot i kapab e li osi i donn nou tou son korperasyon an sa kote.

E nou se nou ki ti pran sa linisyativ pou al kot COMESA pou rod technical assistance pou Registrar.  E nou’n nobou ganny larzan e in pey en konsiltan e la nou ankor pe sey rod nou pou osi gete kot nou kapab ganny lasistans, pou fer sir ki zot ganny sa know-how.

Ou 2enm kote lo ‘’manda’’ i pa vedir ki ou pa tann nou ki nou pa fer keksoz.  Sa lannen nou preokipe prensipalman avek sa miting ESAAMLG.  Sa i en bann pli gro proze.  Annefe nou ti sipoze host sa miting depi 2013, me pou de rezon ekonomik nou’n bezwen anvoy sa.  Epi Konsey Minis ti’n dir ki fodre sa lannen nou fer li.  E nou’n bezwen konmans plan sa depi lannen pase.  Nou’n set  up en pti Komite.  E sa in preokip nou ziska Septanm.  E an plis ki sa i pa vedir nou pa’n nou negliz bann lezot sekter.  Nou annan training ki nou’n fer.  Nou donn training bann diferan sekter ki enkli Lapolis bann reporting entities – nou fer sir zot azour avek tou bann devlopman ki pe arive dan pei e sirtou dan lemonn.

Enn bann pli gro  – mon kapab dir fleo ki pe arive e mon ti a kontan demann lasistans tou bann Manm – bann MNA pou sensitise tou zot bann dimoun lo sa issue scams ek frauds.  Sa pe vin en fleo akoz i paret tou dimoun i krwar lo Facebook ou kapab ganny en loan.  E i annan plizyer dimoun zot bann Facebook page oubyen in ganny hack oubyen in ganny kree ek lentansyon pou vol Seselwa.

Nou’n deza al lo televizyon, nou’n al lo radyo, lo zournal, nou’n eksplike ki ler ou ganny en text oubyen ou ganny en lof pou en loan, sa i potential – i en frod.  Zis pou montre i annan businessman ki’n perdi R1.2milyon.  E menm nou eksplike dimoun pa ganny en konpran. La dernyerman nou pe konmans vwar bann romance scam, kot bann madanm pe ganny demann maryaz, selman zot end up pe pey tiket avyon pou sa swadizan msye vini, e zanmen i vini – larzan i ale.  Ou vwar?  E kanmenm nou eksplike i paret Seselwa pa ganny en konpran. Toulezour …  I enn bann keksoz.  Mon pa ti’n mete dan ‘’challenge ‘’selman i enn bann challenge ki nou, nou pe fer fas avek toulezour.

Yer menm lo stad en dimoun in aret mon i dir mon in perdi larzan.  Be biznes atraver internet la, i annan telman risk.  Kanmenm nou fer sorti – nou sensitise dimoun me still zot pa oule konpran.

Mon ti a demann zot si zot kapab asiste nou pou pas sa mesaz avek piblik ki loan pa donnen lo internet.  Sirtou ler ou peye ou pey administration fee, ou vwar sa larzan i al ver Was Lafrik.  Si Mer Lavil – ex Mer lavil i la pe donn loan akfer son larzan ki ou pou pey administration fee ou bezwen anvoy South Africa?  I en scam.  Mersi.

 

MR SPEAKER

Mersi Mr Moustache.

 

HON GERVAIS HENRIE

Wi en pti pwen klarifikasyon with regards to sa zafer Non- Profit Organisation – si Mr Moustache i kapab en pti pe pli presi dan – parske i annan en kantite NGO Sesel, eski zot in kapab pin point lekel bann NGO ki pli a risk?  Eski bann ki annan en link enternasyonal?  En rimer par egzanp mon deza tande poudir i annan en NGO ki’n fer transfer $30milyon.  Mon pa konnen si sa i vre me selman lekel kalite NGO ki pou annan sa bann kalite koneksyon?  Mersi.

 

MR SPEAKER

Mr Moustache.

 

DIRECTOR MR PHILLIP MOUSTACHE

Ziska prezan pa ankor fer en risk assessment lo NGO sector nou ti fer en national risk assessment me selman i pa ti telman tous o fon en NGO sector mon krwar i enn bann keksoz ki nou a propoze avek kot Direkter Rezistrasyon ki i devret fer en risk assessment lo tou bann NGOs pou konnen ki bann risk ki ganny kapab ganny dekouver dan sa sekter.  Mersi.

 

MR SPEAKER

Mersi Mr Moustache.  Minis.

 

MINISTER MAURICE LOUSTAU-LALANNE

Mersi Mr Chairman.  Zis pou azoute Onorab sa rapor ki sa konsiltan Seselwa in fer atraver sa fon COMESA – lo NPO sector mon’n nobou vwar en kopi.  E parey ou’n dir korekteman i annan plizyer 100enn NPOs ki anrezistre lokalman.  E i regretab poudir ki lamazorite parmi zot menm en annual report zot pa soumet. E zot merit soumet e sa deza dan li menm ou kapab diskalifye en NPO.  So i annan bann ti letap nou kapab pran deswit pou regilariz sa, e apre konsantre lo sa bann lezot ki kekfwa vwar i ankor en pe pli a risk pou AMLCFT.  Mersi Mr Chairman.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mr Chairman bonzour.  Mersi.  Mr Chairman ou ava permet mon bezwen konmanse par fer en pledwari.  Mon konnen ki kekfwa i pou ganny mal enterprete sa ki mon dir, me selman mon bezwen fer li.  Mon bezwen fer en pledwari atraver bann staff kot FIU ki vreman, vreman, vreman unhappy, akoz keksoz pe zis pa pe marse.  E mon dir sa akoz enn mon bann kestyon i ava al lo lefe ki menm bann Lazans – bann enforcement Agencies dan Sesel parey Lapolis, i konplent ki FIU i zis en lorganizasyon ki inert ki pa bouze ki zis laba dan en block house ki zot lev bann conspiracy theories e keksoz pa ganny fer.

ESAAMLG ler i ti zwenn avek nou, ti annan enn de bann direkter ki threaten nou, ti threaten pou close down the offshore biznes – bann keksoz koumsa, e finalman nou dekouver ki en Mr Moustache ki dan sa bann non- compliance tousala se bann keksoz ki annan pou fer an deor lenstitisyon FIU!  Me FIU li menm son pli gro problenm se ki i pa pe fer enforcement e i pa pe travay pou li rezourd bann ka!   FIU i donn lenpresyon e bomaten – avek respe Mr Speaker mon’n ganny en seri leskiz akoz sa bann keksoz pa kapab ganny fer ; akoz Lalwa i bezwen ganny sanze, me i fer 2an ki nou pe ganny sa bann leskiz, e  mwan mon krwar ki i pa akseptab!

Mwan mon santi poudir Minis ou bezwen pran li konman enn ou devwar, pou ou revwar striktir ladministrasyon FIU, depi anler ziska anba.  FIU i rezilta ki mannyer i été i rezilta sa ki bann Irish in fer!  Zot in met an plas en sistenm baze lo secrecy – lo conspiracy theories – lo presyon lo bann travayer e mwan mon pou lager pou ki sa Lazans i vin efikas!

Mwan mon santi avek respe ki Mr Moustache pa pe met sa lenerzi ki i devret mete ladan ; i pa anmenn okenn sanzman – okenn sanzman ver plis lefikasite, me nou pe ganny bokou plis leskiz pou nou dir nou pa kapab fer sa,  nou pa kapab fer sa!  E  mwan mon santi poudir nou bezwen bouze.  Nou pa pou kapab vot sepa konbyen milyon – R21milyon zis pou nou fer bann teorik, pou nou al get bann NGOs bann keksoz koumsa, me nou bezwen fer keksoz ki marse efektivman!

Alors mon kestyon prezan i vini, eski Minis pou fer en review top to bottom dan ladministrasyon FIU e rode egzakteman kwa ki bezwen?   Eski bann travayer ki la i kalifye – oubyen eski zis sa bann travayer ki la i zis ganny mete par bann Irish e zot ankor pe still fer travay parey bann Irish in demann zot pou zot fer; pez bann keksoz?  E akoz Irish i annan zis en metod travay zot sezi ou larzan apre i call ou dir ou si ou pa larg en bout sa larzan ou pa pou gannyen ou larzan! That was the method!

Mon pa pe dir ki poudir sa i kontinyen – mon pe dir depi ler Irish in ale napa lot metod travay kot FIU, akoz sa ti sel zouti ki ti annan prezan napa lot metod travay.  Ok?  Se pou sa ki nou tann Mr Moustache pe konplent poudir 5 days i pa kapab!  Me Lapolis osi i kapab konplent poudir i annan 4erdtan pou li tenir en kliyan oubyen i annan 14 zour pou li remand en kliyan.  Ou fer ou lenvestigasyon apre ou al devan Lakour.  So mwan Msye Minis, mon vwar li konman en seri leskiz e mon vreman regrete e mon demann mwan si mon pou vote sa Bidze!

Now mon 2enm kestyon se ki pou PS eksplik enn bann Manm lo panel eksplik mwan, ki sa bann teori ki Onorab Pillay in refer sorti e ki i  kontinyen fer depi 2an poudir se nou problenm ti avek disclosure or non-disclosure Directors pou beneficial owners Mr Moustache pa’n koz lo la ditou li!  Sa napa nanryen pou fer.  Sa i en keksoz ki Onorab Pillay annan 2an in dir nou – in koz avek nou la, mon anvi ki Direkter FIU i dir avek nou, eski, eski sa Lalwa lo bann term e lo bann metod lo beneficial ownership e lo disclosure bann Direkter ek bann beneficial owners, eski i pe al dan en bon direksyon? Akoz mon vwar Prezidan in sinyen yer?  So sa i mon 2 kestyon pou le moman e mon ti a kontan apre demann en lot silvouple.  Mersi.

 

HON SEBASTIEN PILLAY

(Off-Mic)

 

MR SPEAKER

Non.  Ou’n fer  referans avek bann bout Lalwa kekfwa ki pa comply ML a seizure of  -ou’n fer referans – se sa ki …Ok?   Bon nou letan pa dan nou faver mon ava demann …

 

(Interruption)

 

MR SPEAKER

Order!  Order!   Mr Moustache.

 

DIRECTOR PHILLIP MOUSTACHE

Mersi Chairman.  Mersi Onorab.  An se ki konsern bann konplent lo staff la ; enn mon bann problenm ki mon gannyen se pou atrakte staff konpetan.  Nou’n fer 2 seri interview nou’n ganny dimoun, selman letan nou ofer zot en ‘‘Letter of offer’’ nou pa gannyen. Nou annan en Seksyon Regulatory nou annan zis 4 dimoun. Normalman nou sipoze en minimum 10, 12.  Nou interview dimoun, me larzan pa ase.

E nou’n fer advertising parti advertising, i zis nou pa ganny dimoun.  Nou ti annan staff ki nou ti’n train – nou envestir en ta larzan dan zot, apre zot ganny poach par sekter prive.

E se ki konsern lesanz parey ou pe mansyonn Lapolis e tou, be nou, nou fer lesanz ; nou zwenn ek zot e menm i annan de lenstan kot nou, nou ganny lentelizans nou donn zot avan zot vin kot nou.  Nou pa zis fer sa ek Lapolis, ek FSA ek Labank Santral, nou zwenn ek zot, nou distribye sa bann lenformasyon ek zot.  E sa i dan nou manda.

E kot i konsern sa conspiracy theory nou pa swiv Irish nou swiv Egmont Group Principle.  Nou en manm Egmont Group e enn bann prensip fondamantal – mon’n deza mansyonnen isi avan – mon’n deza mansyonn ek zot letan zot ti vin fer site visit, se ki lenformasyon ki nou, nou gannyen – lentelizans ki nou gannyen, i reste konfidansyel.  Si i arive kot lenformasyon ki nou retenir i ganny leak out nou pou ganny sispann!  Legzanp in ariv lo Nigeria.  Nigeria lenformasyon ki ti’n gannyen, in leak out e in end up ganny sispann.  Ler ou ganny sispann dan Egmont Group la, sa i travers i al kot FATF.  E dan nou ka si lenformasyon kot nou pe retenir,  -i – bannla i trouve ki in ganny leak out, nou riske – i pou annan lenplikasyon pou nou!  Move lenplikasyon!

Nou pou ganny sispann. Le moman ou ganny sispann, ou bann correspondent bank i konmans annan doutans lo ou abilite pou konbat AML.  E nou ankor pe sey gete pou ganny dimoun, pou atrakte dimoun, e i pa fasil!  Akoz i enn nou bann challenge sa – enn nou bann gro challenge kot nou pe sey atrakte bann staff apropriye e retenir zot, me still nou pe trouv li difisil.  Mersi.

 

MR SPEAKER

Mersi Mr Moustache.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Zis pou azoute Onorab ki sa Mutual Evaluation Report ki prezan i piblik i met lo website eksetera, tou dimoun i annan akse avek, e nou, nou bezwen reponn fer rapor a 2 repriz lannen prosenn.  Premye se an Avril 2019.  Donk si nou bezwen koriz serten defayans nou bezwen fer li la an 2018, kontinyen an 2019 e soumet avek ESAAMLAG ver Fevriye 2019.

So ou annan rezon wi i annan bokou travay ki mon pou bezwen fer pou amann Lalwa akoz nou annan en time line ki nou bezwen respekte.  E nou’n deza dir avek ESAAMLAG an Avril 2019 nou pou demann zot pou fer en mid term evaluation pou regarde ki mannyer nou progrese.  So i annan bokou travay.  E  mwan mon donn ou mon komitman, ki nou pou fer le neseser kot Lalwa i konsernen, pou nou aziste, pou nou annan en meyer ranking.  Sa i premye keksoz.

2enm keksoz parey mon mansyonnen i annan plizyer Cabinet papers ki nou bezwen soumet pou sanz serten keksoz – anliny avek sa ki’n ganny mete dan a rapor.  Parey ou konnen ozordi FIU li i endepandan.  E FIU i raport avek Board Central Bank.  Sa i son sistenm ki egziste ozordi me sa i pa adekwat.  Nou bezwen revwar.  E dan sa peryod depi la ziska Avril 2019, sa osi nou pe revwar e nou pou vin avek bann propozisyon ki nou pou bezwen osi anmenn isi a le moment voulu pou nou nobou fer sa bann sanzman.  Mersi Mr Chairman.

 

MR SPEAKER

Mersi Minis.  Mr Moustache.

 

DIRECTOR PHILLIP MOUSTACHE

Mersi Chair.  Mon ti’n mank sa bout enforcement.  Enn bann rekomandasyon ki in sorti dan Mutual Evaluation Report se ki nou napa sa abilite pou apply administrative fines si i annan en reporting entity ki pa pe swiv Lalwa zot in sizere ki nou nobou apply bann administrative fines san pran aksyon legal atraver Attorney Generale e mon krwar sa i pou ed nou plis.  Mersi.

 

MR SPEAKER

Mersi Mr Moustache.  Onorab Ferrari.

 

HON JEAN-FRANCOIS FERRARI

Mr Speaker Mr Chairman.  Ou konnen poudir i annan en parol ki dir ki ‘’you can’t be right and the whole world wrong.’’  Mr Moustache pe dir avek nou ki dimoun pa le vin travay kot FIU dimoun pa le vin travay kot FIU.  Dimoun pa oule vin travay kot FIU because there is a problem with FIU !  There’s a problem ki zot ganny terorize – ki zot … !  La FIU i raport avek Labank Santral – sa kalite sistenm ki zot annan kot FIU ki Mr Moustache pe dir ou, fodre veye, fer sir, be pa i annan – Labank Santral pa i annan bann lenformasyon ki enportan?  Minis mon pa konnen si ou’n depi ler ou’n vin Minis ou’n al vizite sa landrwa ; i parey FORTNOX.  Laba ler ou antre la, zot fer ou krwar poudir ki ou pe viv dan ou dan ou kot CIA dan Pentagon.  Ok?  Ou bezwen kit ou telefonn – ou bezwen fer sa.  E tou dimoun i ganny terorize pou zot pou fer krwar poudir napa nanryen ki  pe … Tou keksoz i ‘’top secret ‘’la anndan.  Sa se en sistenm Minis ki’n ganny mete an plas par bann Irish.

Alors si e i pe kontinyen.  E si Minis  mwan mon ava dir sa, mon regrete mon’n ariv sa pwen pou mon dir sa dan tou Departman Gouvernman i annan bann staff rotation – ok?  Mwan mon pe sizere ki i annan dimoun kalifye – why is it ki the top of FIU i reste toultan la, personn pa sanze, e Irish i ankor pe kominik avek zot ok e zot pe fer …

 

(Interruption)

 

MR SPEAKER

Ok Onorab.

 

HON JEAN-FRANCOIS FERRARI

Mr Speaker.

 

MR SPEAKER

Onorab be …

 

HON JEAN-FRANCOIS FERRARI

Sa ki mon pe dir se ki in ler pou nou.

 

MR SPEAKER

En moman Onorab.  Onorab, Onorab Ferrari make your point nou pe run out.

 

HON JEAN-FRANCOIS FERRARI

Si Mr Moustache avek son staff ladministrasyon pa kapab recruit, akoz nou pa sey en lot dimoun?  Annou sey en lot dimoun annou gete ki mannyer i kapab marse!  Nou pa kapab kontinyen toultan annan menm leskiz – nou napa travayer,  nou napa travayer!  There’s a reason why nou napa travayer!  Lapey definitivman i en keksoz, me selman se sa klima travay ki i pa conducive pou kapab fer en travay apropriye.  E mwan mon demande ki bann ki Lotorite – Minister Finans i regard dan sa sityasyon, pou gete ki mannyer nou kapab avanse!  Akoz si non sa lannen, lannen prosenn, lannen apre, nou pou dan menm sityasyon ok – leskiz, leskiz, leskiz e nou pa pou vot en Bidze zis lo baz ‘’leskiz!’’  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Wi mon al vizite en fwa e mon ganny en sans enterakte avek bann staff apre ti annan en pti dezennen e mon kontinyen enterakte avek bann staff wi mon osi mon remarke konmsi parey i FORTNOX ek en bann kart – en bann isi en bann laba, me anyway sa lepok letan mon ti vizite, tou dimoun ti plizoumwen happy – personn pa’n koz ek mwan diferaman – mon biro i ouver zot pa’n vin vwar mwan.

La resaman mon’n enterakte avek bokou zot e zot in fer en bon travay pou organiz sa gro levennman isi, sa miting ESAAMLG.  Me mon konpran ki ou pe dir, akoz nou bezwen osi regarde letan nou pe fer sa bann sanzman, kwa ki mye pou FIU e mon a sertennman note e mon a fer le neseser pou mwan konpran sa sityasyon pli byen.  Mersi Mr Chairman.

 

MR SPEAKER

Mersi Minis.  Bon avek sa nou pou break up la e nou pou repran nou travay 1.15.

 

 

(BREAK)

 

FINANCIAL INTELLIGENCE UNIT (FIU) (CONT)

 

MR SPEAKER

Bon mon ava, mon krwar nou mank en Manm ou byen 2 Manm pou fer Quorum.  Silvouple en Manm zis sorti en pti moman pour nou kapab kontinyen dan nou travay.  Yes Onorab Ramkalawan.

 

HON WAVEL RAMKALAWAN

If I may, Mr Speaker ou konnen i annan plizyer Manm avek sa lafyev ki pe pase. I annan plizyer Manm ki malad.  Ofet mon kapab dir avek ou li pou dir lo nou kote la, ou’n tann Onorab Alcindor, Esparon ki mannyer i pe koze. I annan plizyer dimoun ki malad e ki mannyer mon konpran lo zot kote osi tou i annan Manm ki malad.

Mon ti ava zis fer en propozisyon, eski nou ti a kapab tonm dakor e apre sa break ki short pandan lunch time this is the only time, ki en Manm i ganny sans pour li, si par egzanp i pe al labank, oubyen si i annan en tranzaksyon akoz bann Manm osi pe travel; pou al lanterman, tousala i form parti nou responsabilite ki avek sa trafik dan Victoria zis ou sorti la, zis konman i break e ou ariv isi petet zis a ler, oubyen en keksoz i kapab donn ou en pti retar.

Eski pandan sa letan Komite, si nou pa ti a kapab lefe ki dan bomaten nou konmanse avek en Quorum. Ki pou dir nou kapab kontiny nou travay avek bann Manm? Mon konnen ki pou dir Standing Orders fodre i annan en Quorum.  Me selman lefe ki anba Order 95 dan bann 90s laba kot ou kapab suspend any Order zis pour nou kapab kontiny sa travay, ki nou kapab avek ou Lotorite forego en pti gin sa, espesyalman apre midi 1er pour ki nou, nou kontiny nou travay e apre sa nou ale.

Mwan mon pe zis rod en fasilite; parski la semenn prosenn, semenn prosenn pour annan serten Manm ki pou vini be, Onorab Aglae avek mwan nou pe ale Dimans nou. Pour nou al asiste plenary SADC PF.  So i annan Onorab Loizeau avek Onorab Sanders i L’Angleterre zot ava antre, Onorab Valmont pe ale.  Ki an menm tan ki i annan tou sa bann keksoz ki mon krwar as long as i ki i form parti nou travay ki alor … Mon pe zis met sa Mr Chairman konman en propozisyon.  Mersi.

 

MR SPEAKER

Bon mon krwar ki, wi mon pran konsiderasyon sa pwen. Nou kapab regarde petet si zot le nou extend lunch time par half hour.  Dan plas 1erdtan nou fer li 1erdtan edmi.  Be selman parey mon pe dir nou ti’n met lo nou progranm, nou ti’n tonm dakor avek Minister Finans ki ozordi nou ti pou fini sa deba Bidze nou an retar posibleman par 2 zour.

E ankor se sa rezon ki letan mon demann ek bann Manm pou par fer gran, gran statement, pour vin direkteman lo kestyon.  I pa koumsa e se sa ki pe fer nou trennen e nou riske pe war nou Mardi pe fini avek Bidze.  I annan – nou konpran sa sityasyon, me selman lo kote Quorum mon pa le tro, tro zwe avek sa Standing Orders.  Akoz men parfwa i annan bann moman kot nou bezwen pran lo serten desizyon ki Lasanble i pran i depann lo Quorum osi tou.

So, mon pa le tro, tro zwe ek sa.  Mon kapab fleksib dan … akoz ler nou ti pou al pran Bills osi nou ti pou al mars lo menm routin 1erdtan lunch break.  Me nou kapab fer li 1erdtan edmi.  Lo kote bann mouvman Manm mon okouran osi tou ki i annan bann Manm ki pe rantre, ki absante lo bann misyon aletranze, ki pe rantre semenn prosenn.  Ok Onorab Bernard Georges, Onorab Loizeau, Onorab Vidot.  Wi mon okouran lo tou le de kote i annan problenm malad avek lafyev.  Me mon pe swete tou ki i pa al Lendi, swivan sa weekend, bann Manm i a kapab rekipere.

Mon pran sa an konsiderasyon, me nou bezwen mazinen pou dir nou bezwen stick en pti pe avek nou, nou bann House rules. Onorab Pillay.

 

HON SEBASTIEN PILLAY

Mersi Mr Chairman.  Annefe sete enn sa bann problenm ki nou ti rankontre dernyen fwa lo nou kote ler ti annan sa adjournment.  Akoz menm ou kapab remarke nou annan 14 Manm e ler nou annan manm absan, aletranze, oubyen bann sa.  Ki mwan mon pe propoze avek ou Mr Chairman  – mon konpran nou pa kapab zwe avek Standing Orders me, eski nou kapab ganny en laranzman, ki avan ki ou take the Chair, akoz ler ou take the Chair nou napa swa, nou bezwen bouze.  e ou bezwen gete si nou annan en Quorum pour nou bouze.  Be si avan ou take the Chair ki ou ganny sinyale as to the presence of the Quorum avan ki ou ariv anba.  Si sa i posib, si sa i posib, ki i ava annan en entermedyer e nou ava kapab sey cope avek sa sityasyon akoz nou tou nou le rod en solisyon pour nou kapab travay pou vin forward.

 

MR SPEAKER

Petet ou’n lev en sityasyon kot mon anvi fer kler.  Dernyen fwa ki mon ti adjourn, nou ti vin lo en Mosyon.  Ti napa okenn zofisye avek nou. Semenn pase avek la ki mon pa anvi adjourn, se Minis Finans ki avek nou depi bomaten avek bann zofisye. Mon pa krwar it’s fair.  E mon pa krwar osi tou lo sa sityasyon laklos.  Si nou pou delay laklos, how long? E la ankor kot Manm i riske pran li dan zot menm pou trennen pour antre dan Lasanble.  Ok?

Mon krwar nou pou mentenir sa laklos ant 5 minit ant premye ek 2enm.  Premye i donn zot warning pou dir ou bezwen antre dan Lasanble.  2enm se ki nou bezwen annan en Quorum pour nou kapab konmans travay. Ok?  Me sityasyon parey mon pe dir, sityasyon pour adjourn i totalman diferan.  I ti en Mosyon ki Manm ti pe debat, ti napa okenn zofisye Gouvernman.  Me ler nou’n fer zofisye Gouvernman e nou annan en progranm ki nou pe swiv, as much as possible mon ava adjourn pour en 10 en 15 minit, pour nou kapab ganny en Quorum, akoz it will not be fair on the Minister oubyen sa Lazans ki la ek sa bann zofisye ki’n deplase, ok?  Se sa ki nou sey otan posib.

Ok, mon krwar nou annan en Quorum la non?  Yes. Ok, mon krwar nou kapab kontiny nou travay e mon ava donn parol, Mr Moustache ti le azout keksoz lo swivan entervansyon bomaten ava nou ti Break.  Mr Moustache.

 

DIRECTOR PHILLIP MOUSTACHE

Mersi Chair.  Mon ti an kontan reponn enn de bann pwen ki Onorab Ferrari in lev-e bomaten.  Enn sa bann issue i ki mon teroriz staff.  Sa i pa vre akoz nou pe sey aranze. Nou pe aranz FIU sanz li net.   Mwan mon menm mwan mon’n ganny zis sa FIU in ganny depoz dan mon lanmen. San okenn official handing over. ti annan en kantite defayans. Nou’n war a longer di-tan, nou pe bezwen sey re-organiz nou striktir, Scheme of Service e sa i ankor ongoing.

Sel keksoz ki toultan mon ensiste ek staff se sa secrecy.  Akoz zot in siny Secrecy Oath anba en bann Egmont Group of Principles zot bezwen obzerv sa.  E Onorab li menm li in deza mansyonnen la ki staff FIU i donn li lenformasyon.  E mon’n deza koz ek son Leader mon dir be sa si i gannyen, i pa devret mansyonnen, akoz i annan reperkisyon.

E mon pou toultan mentenir sa, mon en boug prensip.  Mon fer sir ki staff i mentenir sa.  I pa zis FIU – mon krwar i devret partou.  Si ou’n siny Secrecy Oath ou devret mentenir sa.  E lo kote Irish mon pa raport ek Irish ditou mwan mon raport ek Central Bank, mon donn rapor Central Bank.  Resaman depi ler Minis in vini mon pe raport plis li ek atraver sa soz ESAAMLG. Nou’n prensipalman travay anliny etrwat ek Minis Loustau-Lalanne.

E resaman Minis ti kontakte mwan ti dir mwan ganny kontak avek Mr Barry Galvin akoz i ti annan en bann dokiman ki i ti bezwen.  E sa sel kontak ki mwan monn gannyen avek Irish.  Alor mon pa war ki son bann alegasyon i zis.  I pe – nou’n fer bokou.  Nou pou kontinyen travay pour amelyor sityasyon staff dan FIU.  Nou’n le konnen si ti annan bann defayans depi avan e nou’n kontinyen amelyor sityasyon.  Mersi.

 

MR SPEAKER

Mersi Mr Moustache.  Onorab Ramkalawan.

 

HON WAVEL RAMKALAWAN

Mr Chairman mersi bokou.  Mr Chairman ok, bokou keksoz in ganny dir an relasyon avek FIU.  Mwan mon anvi met lanfaz lo lenportans en tel lorganizasyon e ki lekspektasyon – lekspektasyon bann diferan bann lenstitisyon lo FIU. Minis li osi in mansyonnen ki mannyer lo sa kote sekirite.

Mwan mon napa problenm avek, lo sa kote sekirite. Si fodre ki an top sekirite annan top sekirite.  Si fodre i annan camera dan tou biro pou fer li vin sekirite met tou camera partou kote.  Me se lefikasite sa lorganizasyon.  Mon krwar se sa ki, se sa ki nou pe, sa pledwari ki pe ganny fer apre midi.  Pour ki, ok, i annan sa Lamannman ki’n ganny fer dan Lalwa – sa 5 zour.  Be letan nou koz avek bann lezot lorganizasyon ki, ki bezwen annan sa rapor avek FIU.  Zot dir ki menm si STR in ganny raise, pandan sa 5 zour tranzaksyon pe ganny fer, kan ti devret annan en freeze!

Mon pe met sa devan ou, mon pa pe plucked from thin air.  Parey nou pe dir.  Se sa ki mon pe dir.  Transfer later in ganny fer pandan sa peryod. Ganny difikilte pour nobou konn bann assets ki serten baze lo STRs ki’n ganny raise, pour ganny serten assets pour nobou pran aksyon.  E mwan mon osi war ki sa 5 zour – en pe parey lapolis ki ganny 24 er tan maximum pour li detenir en dimoun.

Be in nobou straight away war ki pou dir wi i annan en case posib, Lapolis i fer en laplikasyon i al devan Lakour e i dir efektivman nou bezwen detenir sa dimoun pour plis letan pour nou nobou fer nou envestigasyon. E mon krwar ki pou dir FIU osi tou, i tonm dan sa sityasyon. Kot si in annan en freeze pou 5 zour, e apre sa zot war ki vreman i annan en keksoz.  Zot kapab toultan al devan Lakour pour ganny pour, whatever.  I’m sure ki Lakour pour ekoute.

Sa ki mon pe met’ Lanfaz ‘lo la ankor enn fwa se, pour ki avek sa Bidze ki pou ganny vote.  Pour ki, konmsi tou keksoz i bouze.  E dimoun i war e bann lorganizasyon i war ki pou dir FIU i vreman sa lenstitisyon ki pe, ki a pa ede dan anpes larzan sal vin dan nou pei.  Ki a pe anpese ki osi ki bann krim, bann krim ki an relasyon avek drog, illegal assets ensidswit tou sa bann zafer, i ganny arete e ki larzan osi tou, sorti Sesel ki ganny anvoy deor pour al partisip dan aste drog, transfer drog e tou – ki tousala sa bann keksoz i ganny mete anba serten kontrol pour nou kapab fight li.

E la Mr Chairman, mon ti ava dir ki efektivman fodre ki napa okenn triyaz.  E nou’n dir sa dan sa Lasanble, nou anvi Sesel, TOP dan son game.  Nou anvi ease of making business i soz, be selman biznes prop. Nou pa anvi drog antre dan nou pei, e pour nou anpes drog antre dan nou pei fodre annan kontrol lo sa bann assets ki ganny soz, e larzan ki ganny transfer – Money Changers e tousala.

So, Mr Chairman mwan mon pe, mon pe ranforsi pou dir, eski sa Bidze avek sa Bidze ki nou pe donnen nou pou war sa? Nou pou war sa? Parski mon a vin zis lo pwen drog; letan drog i antre dan nou pei, sa larzan in sorti Sesel in the first place pour li al laba deor pour li aste.  Me ki mannyer nou kapab trace sa? Ki mannyer, nou nou kapab fer sa pour nou kapab met en stop e ki nou kapab bouz dan en fason prop?

Eski sa Bidze i pou sifizan pour nou war en FIU ki ganny releve, re-dinamize, pour nou kapab ganny rezilta? Eski i ase? Mersi bokou.

 

MR SPEAKER

Mersi Onorab Ramkalawan, Mr Moustache.

 

DIRECTOR PHILLIP MOUSTACHE

Mersi Mr Chairman.  Mersi Onorab. Premyerman normalman konman en STI i ganny en raise, otomatikman i annan en instant freeze lo sa kont.  Personn pa kapab trazakte; personn pa kapab tir larzan non, oubyen – personn, pa kapab tire.  E nou kot en FIU nou esanz lentelizans avek Lapolis.  Mon pa kapab devwale bann lentelizans i en pe sansib.  Me nou war bann flow of funds.  Nou esanze soz.

Nou’n kree en Departman ki fer analiz the flow of funds. E nou esanz lentelizans.  Resaman nou’n zwenn avek Lapolis avek Central Bank, e nou pe travay an etrwat lo enn de ka, kot nou’n war sa larzan kot i pe flow.  I annan en serten eleman kriminel.  E nou, nou pou kontinyen travay ek sa bann lazans menm avek FSA. Ler nou ganny bann soupson deswit nou partaz avek zot.  Nou pa garde pour nou.

I dapre nou manda nou disseminate avek bann lezot reporting agencies, (sorry) bann law enforcement agencies, supervisory agencies e bann regulators.  I annan sa lesanz.  E la going forward plis enn bann provision dan ki pe ganny propoze, se pou legalize en Anti-money Laundering Committee.  Nou deza annan enn, selman i napa sa legal backing.  Sa propozisyon se pou kree enn ki pour annan son legal backing e pour annan en Minis ki pou spearhead sa.   Li i pou annan manda pour anmenn bann case pli o e desizyon i kapab ganny pran.  Mersi.

 

MR SPEAKER

Mersi Mr Moustache.  Onorab Ramkalawan.

 

HON WAVEL RAMKALAWAN

Mr Chairman, mon tande sa ki, sa ki Mr Moustache pe dir nou.  Me selman mon anvi, ou konnen la mon pa tro konnen egzakteman kote problenm i ete.  Parski i resanble ki parmi sa bann agencies, i annan diferan mesaz ki pe ganny pase.  E nou tou konnen ki pou dir, letan i annan diferan mesaz ki ganny pase voler, voler i pase, voler ki benefisye.

Parski la pour le moman Lapolis pe dir i pa pe ganny sa backing ki i bezwen gannyen. Sa lenformasyon ki i bezwen gannyen.  E nou konnen ki sa de lenstitisyon i devret pe travay vreman, vreman pre.

Parski zot bann Lalwa i partaze.  Anba AML i annan serten keksoz ki lapolis ki bezwen fer.  E le moman ki nou kit en lespas i pase.  E letan ki nou pe tande ki Seselwa pe ganny aret deor, letan nou tande tou sa bann zafer drog pe rantre? Letan nou pe kestyonn serten biznes ki pe ganny fer isi lo nou later?

Bann banking ki pe ganny fer? Ou konnen en dimoun pa kapab pe vann, pe, pe vann nanryen ditou. Be selman i ape bank en ta larza!   Sa osi tou zot bann keksoz zot bezwen veye. E i resanble ki i annan en problenm la, e mon konnen ki mannyer zot pou rezourd li atraver sa Bidze.

Me mwan, mon napa sa, mon menm pa konnen kote ki mon pou annan konfyans, kote ki mon pou napa konfyans. Me selman nou konnen ki pou dir staff i konplent parey Onorab Ferrari. Onorab Ferrari pa’n envant nanryen mon osi mon’n partaz, mon osi mon’n, ou konnen mon ganny en kantite bann parol.

Ki mwan personnelman, ki wi zot bezwen en Bidze be selman lo sa pwen la at this point in time Mr Chairman, mwan personnelman mon trouv li, mon trouv plito mon ava abstain lo sa Bidze. Mon ava – selman mon abstain, mon pou les zot Bidze pase, me mon espere ki pou dir dan, dan sa bann mwan ki pe vini la, nou ava kapab trouv keksoz efektiv.  Trouv sa bann keksoz, ki zot pe dir.  Wi Mr Chairman mwan mon pe dir Wavel Ramkalawan pou abstain.  Mon pa pe donn okenn Manm Lord pou abstain parey Onorab Gill ti fer.  Mersi bokou.

 

MR SPEAKER

Mersi Onorab.  Mr Moustache.

 

DIRECTOR PHILLIP MOUSTACHE

Mersi Chair.  Mersi Onorab. Annefe ozordi menm la, apre midi nou ti’n sipoze zwen avek Labank Santral avek Lapolis, nou ti’n progranmen pour nou zwenn – nou, nou ti pou donn zot nou lentelizans ki nou ti’n kolekte.  Be lefet ki nou, nou ti okouran pe vin dan Lasanble, nou’n fini forward sa lentelizans kot zot.  Nou’n fini forward kot zot e nou pa’n espere pou dir be espere akoz Lasanble.  E nou, nou le rezourd tou sa bann problenm.

I annan bann problenm ki’n ganny souleve dan National Risk Assessment.  Sa i bezwen ganny deal avek dan en Action Plan e menm dan Mutual Evaluation Report.  Dan Mutual Evaluation Report Minis i pe head en group bann teknisyen ki pou fer sir ki bann rekomandasyon ki’n ganny lev-e dan sa Mutual Evaluation Report i ganny met an aksyon.

Pa bliye nou annan pou soumet en Progress Report lo bann defayans ki’n ganny vwar dan Mutual Evaluation Report par Avril, e par e dezyenm rapor par Out. Alor i dan benefis tou dimoun pour fer sir ki nou travay ansanm. E parey Minis in mansyonnen swivan sa Mutual Evaluation Report in met akote dan bann Bidze, dan bann diferan Bidze bann diferan stakeholders enkli Lapolis, AG’s Office ensidswit, Rezistrar.

En Bidze pour ki nou al dan bann meeting ESAAMLG akoz zot osi zot annan zot bout dan sa Mutual Evaluation Report pou defann.  Oparavan nou ti pe al enn de nou, be la nou pe al en delegasyon antye pou al defann sa rapor.  E nou, nou pou kontinyen sa travay kordinasyon avek bann lezot agencies e se sa.  Mersi.

 

MR SPEAKER

Mersi Mr Moustache, Onorab Simon Gill.

 

HON SIMON GILL

Mersi bokou Mr Speaker.  Bonn apre midi Mr Speaker.  Bonn apre midi Minis, tou koleg Onorab e manm piblik.  Mr Speaker nou’n ekout Mr Moustache avek bann lesplikasyon ki in donnen, an relasyon ek bann diskisyon ki nou pe fer lo son Bidze.  Lo mon kote koman en Manm ki pou vot lo sa enn provizyon bidzeter ki mon pa pou abstain e ni donn lord personn dan sa Lasanble pour abstain. mon pou demann li atraver ou Mr Speaker detrwa bann leklersisman; premyerman eski bann provizyon legal ki egziste ozordi, ou santi sa lorganizasyon ki ou a latet kapab desarz efektivman bann responsabilite ki’n ganny define pou ou desarze?  Premye kestyon.

2enm kestyon e si ou santi ou annan ase staff, pour ou kapab fer sa bann louvraz? E si ou napa staff pour fer sa bann louvraz, ki monn konpran dan ou bann lesplikasyon ki ou’n donnen lo, dan Sesel konmsi napa, eski ou santi sa labsans bann personnel kalifye prezan,  i kree en lobstak reel, pour ki sa lorganizasyon – sa lenstitisyon i desarz son responsabilite dan en fason efektiv, kot nou gard lentegrite Sesel, an sa ki konsern en pei ki donn garanti tou lezot pei, ki i pa pe soutir okenn bann tranzaksyon finansyel or lezot ki pou anmenn repitasyon nou pei an disrepute.

Eski mon kapab met sa 2 kestyon la, epi mon annan ankor 2 si mon kapab demande atraver ou Mr Speaker.  Mersi bokou.

 

MR SPEAKER

Mersi Onorab.  Mr Moustache.

 

DIRECTOR PHILLIP MOUSTACHE

Mersi Mr Speaker.  Mersi Onorab.  Premyerman mon’n mansyonnen sa amannman 5 zour, sa in afekte nou.  Epi i annan en lot amannman kot ki konsern bann akse ek kont labank.  E sa osi pe kree problenm pa zis pour nou me pour Lapolis.   E sa definitivman i pe, i annan en lenpak.   Kot i konsern staff i pe vedir napa okenn staff kalifye Sesel.

I annan staff.  Parey mon’n mansyonnen bomaten, i annan dimoun ki nou’n interview zot pare pou join FIU. Be ler nou’n prezant zot avek sa, en package zot pa’n kapab aksepte nou lof.  Me nou, nou pa ankor finaliz Scheme of Service.  De ki nou’n finaliz sa, nou pou prezant ek Minis Finans,  e enn bann keksoz ki petet Minis i a konsidere, se pour reget dan striktir saler nou bann staff.  E si nou ganny en Bidze adisyonnel, la kekfwa nou kapab rekrit staff adisyonnel e an menm tan satisfe nou bann staff ki la ek en meyer package.  Mersi.

 

MR SPEAKER

Mersi Mr Moustache.  Onorab Gill.

 

HON SIMON GILL

Mersi Mr Speaker – 2 kestyon ki mon ti annan mon ti pe antisip repons. Kestyon, eski Minister Finans ki pou donn ou sa provizyon finansyel oubyen ou lenstitisyon i pas atraver sa ki nou’n tande i an bor anler, Minister anler kot National House?  Ou pas bor laba ou?

 

MR SPEAKER

Demann ou 2enm kestyon ansanm

 

HON SIMON GILL

(laughter)  Ok, 2enm kestyon, si ou dir nou ki i annan dimoun la dan pei, i annan dimoun kalifye ki nou kapab fer antre – si nou donn ou provision larzan dan ki dele letan ou santi ou kapab anmenn tou bann personnel ki ou bezwen, e kapab travay pou met sa lorganizasyon lo en oter ki Sesel i satisfe, e ki nou tou isi dan Lasanble osi nou kapab satisfe?  Sa i mon 2 kestyon.  Mersi.

 

MR SPEAKER

Mersi Onorab Gill.  Mr Moustache.

 

DIRECTOR PHILLIP MOUSTACHE

Mersi Chairman.  Mersi Onorab. Amannman dan Lalwa i en nesesite.  I annan dimoun kalifye Sesel parey selman, nou annan en sekter kot nou regulatory, nou bezwen en bon pe staff, akoz la nou annan zis 4 dimoun la.  E in sorti dan rapor ki nou pa kapab vizit tou sa bann reporting entities.  E an plis lot gro defayans, nou pa pe fer sa risk-based supervision, ki i en requirement konmela enternasyonalman.

E la nou pe bezwen fer nou staff ganny sa training dan sa risk-based supervision, e menm bann staff ki nou pou ganny nou pou bezwen fer paralelman fer sir zot ganny sa training.  E zanmen in vin dan mon lespri pou get opsyon pou al get dimoun aletranze.  In deza ganny mansyonnen, me selman mwan mon pou plizoumwen donn priyorite Seselwa.     E kot i konsern DPA – DPA in dir nou, nou annan serten otonomi, me still kot in konsern Bidze nou bezwen al kot Finans.  Mersi.

 

MR SPEAKER

Mersi Mr Moustache – zis en klarifikasyon.  Ale go ahead Onorab.

 

HON SIMON GILL

Mersi Mr Speaker.  Minis Finans i la avek son Sekreter D’Eta pour Finans. Eski i annord pour nou kapab demann avek Minis atraver ou Mr Speaker dan ki dele letan ki zot kapab satisfer bezwen finansyel sa lenstitisyon – pour ki i kapab fer bann rekritman neseser, donnen sa ki nou tou nou pe dir lenportans e bann fonksyon responsabilite ki sa lenstitisyon i bezwen desarze dan Sesel.  E osi an relasyon avek son bann lobligasyon enternasyonal? Mersi bokou Mr Speaker.

 

MR SPEAKER

Mersi Onorab.  Minis.

 

MINISTER LOUSTAU-LALANNE

Mersi Mr Chairman.  Mersi Onorab. Onorab sa ki enportan se ki en fwa ki en Lalwa, – annou dir en nouvo Lalwa – i ganny mete Minister Finans i bezwen fer en provizyon finansyel pou fer sir ki nou enplimant sa nouvo Lalwa.  So, i pas avan.

Lo kote saler anplwaye, le moman ki sa Scheme i ganny aprouve Minister Finans li prezan i bezwen fer parey.  I bezwen fer sir ki i donn en Bidze pour akonpanny sa nouvo Scheme. So, alor zis pour rezimen i enportan ki FIU i fer tou lede.

E se lentansyon ki nou anmenn sa Prozedlwa amande isi ver Mars 2019.  So a sa moman la avek son Scheme i annan ankor en pti pe letan, a sa moman la nou kapab prezan fer le neseser pou fer sir ki finansman i akonpanny sa nouvo Lalwa ek sa Scheme aprouve.  Mersi Mr Chairman.

 

MR SPEAKER

Mersi Minis.  Non Onorab Ferrari, nou pa pe pran okenn pwen ankor lo la.  Non.  Ok nou’n ariv en moman pour nou pran en vote. Pour nou pran en desizyon lo Bidze FIU, pour en sonm R21,957milyon. ki form par sa Schedule e i trouve lo paz 318 ziska paz 323. Mon ava demann tou Manm ki an faver? Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair.  Mon’n rikord 9 Manm ki’n vot an faver e 4 kont.

 

MR SPEAKER

Konbyen an faver?

 

MADAM DEPUTY CLERK

4.

 

MR SPEAKER

Non 4 kont…

 

MADAM DEPUTY CLERK

9 an faver e 4 kont.  Mersi.

 

MR SPEAKER

Mersi madanm Deputy Clerk. Bon i vedir ki Bidze 2019 pou FIU i ganny aprouve par Lasanble Nasyonal.  Avek sa mon ti a kontan remersye Mr Moustache, Ms Azemia avek Ms Hall e nou ti ava eskiz zot parmi nou.

 

(FIU DELEGATION WAS EXCUSED FROM THE HOUSE)

 

SEYCHELLES INVESTMENT BOARD  (SIB)

 

MR SPEAKER

SS gid Lasanble pour SIB?

 

SECRETARY OF STATE PATRICK PAYET

Mersi Mr Chair.  E bonn apre midi Mr Chair e tou Manm Onorab e tou dimoun ki a lekout.  Pour SIB i lo paz 324 a 328 pour en sonm R9,164milyon. Mersi.

 

MR SPEAKER

Mersi SS.  Bon mon ti a kontan dir en bonn apre midi e osi welcome Ms Cindy Vidot CEO pour Seychelles Investment Board e Mr Lenny Gabriel ki Deputy CEO.  Bonn apre midi e welcome dan Lasanble Nasyonal.  Okenn ki’n pare pour entervenir pour demann kestyon pour SIB. Onorab Algae.

 

HON EGBERT AGLAE

Mersi Mr Speaker.  Bonn apre midi CEO Avek ou Depite. Investment Board wi ou annan en pti Bidze, me selman mon konnen pou dir ou latas kot i konsern lekonomi pei, i enorm.  Mon ti a kontan konnen sirtou dan sa lannen ki nou ladan la, sirtou an term lenvestisman etranze, petet mon ti a kontan demande ki kantite lenvestisman etranze ki’n pas atraver SIB – bann proposal pour bann proze?  E ki petet ki valer lenvestisman ki kapab anmennen dan lekonomi pei?

E apre dan ou ‘’challenges’’ ou’n fer sorti pou dir ou annan bann lobstak birokratik.  Mon ti a kontan ou ti ava elabor en pti gin kwa sa bann lobstak birokrasi ki ou, SIB pe fer fas avek dan ou fonksyon?  Silvouple.

 

MR SPEAKER

Mersi Onorab.  CEO

 

CEO CINDY VIDOT

Bonn apre midi Mr Chair.  Bonn apre midi tou Manm Onorab e bann Manm piblik a lekout.  Mersi pour ou kestyon. Premyerman konsernan foreign investment pour lannen 2018.

Pour premye lanmwatye lannen Zanvye ziska Zen, nou’n ariv en figure $60milyon.  Pour lannen antye 2018 forecast from Central Bank, i pe forecast $139 milyon.  Sa figure li menm i egzakteman menm kantite FDI pour lannen 2017.  So pour premye lannen depi lannen 2016, nou pa pe ekspekte rediksyon lo FDI ki fer ki nou war li i stabilize.

E osi pour nou, si ou get nou target dan nou Bidze, nou’n donn nou lekor en 5poursan increase pour 2019.

Kot i konsern kantite proze ki’n ganny pass through SIB pour 2018, pour sa lannen Zanvye ziska Oktob nou’n pas R9bilyon, worth of proze ki’n pas through SIB.  Selman mon bezwen fer kler ki pa vedir ki tou sa proze ki nou’n process, i bann envestisman direk.  I a diferan staz.  I annan i dan EIA – i annan prezan ki pe rod son finans.  Me R9bilyon i sa valer.

Konsernan ‘’challenge’’ ki nou’n dir, wi nou annan ‘’challenge birokratik,’’ ki fer ki nou SIB although nou pa determin prosedir ouswa Polisi, me nou bezwen operate within bann prosedir e Polisi Nasyonal.  E parey nou tou nou konnen, nou prosedir envestisman Nasyonal i bezwen ganny revwar, kot nou’n vwar i annan bokou duplication, kot envestiser kekfwa i submit en set dokiman dan en serten Departman, apre ou ganny demande menm dokiman en lot landrwa.  Sa ki fer ki i target i cumbersome e nou as figir envestisman i koz fristrasyon pour envestiser letan i pe process son biznes Sesel.  Mersi.

 

MR SPEAKER

Mersi Ms Vidot.  Onorab Aglae.

 

HON EGBERT AGLAE

Mersi CEO pour ou larepons ki ou’n donnen.  Mon krwar ou pe fer en travay ase merveye pour anmenn en bon pe larzan kot nou lekonomi.  An term sa $60milyon ki ou’n koze an term lenvestisman pour sa 139 – mon pa konnen si lakonpannyen mon kapab dir –  ki bann areas, sekter ki ou war petet, dan sa bann areas ki sa bann envestiser pe vin avek ladan.  E petet konman SIB konman en Investment Board, petet pou Seselwa osi ankouraze pou join sa bann sekter.  So ki bann area kle ki pe anmenn plis lavantaz pour nou lekonomi an se moman kot nou pe ganny sa bann larzan ladan. Mersi.

 

MR SPEAKER

Mersi Onorab Aglae.  CEO.

CEO CINDY VIDOT

Mersi pour ou kestyon, dan kote kantite proze, nou war i ganny, i pe ganny lead by professional services.  Sa i pa valer larzan – i valer kantite biznes.  Me kot son valer an larzan i konsernen i still tourism, akomodasyon tourizm.  I ankor reste.  Li ki lead.  Kot SIB nou pe sey promote en divertifikasyon parey bomaten mon’n tann osi in ganny diskite par Departman Finans. Kot i enportan kot nou sanz model ki dimoun i envestir ladan.  Pa tou dimoun al dan akomodasyon me i osi annan bann lezot value added dan sa sekter enkli tourizm e osi lezot.  Mersi.

 

MR SPEAKER

Mersi CEO.  Onorab Stephen Pillay.

 

HON STEPHEN PILAY

Mersi Mr Speaker.  Mr Speaker mon annan en pti kestyon lo SIB konsernan son bann manda pour atrakte foreign exchange, foreign investment dan pei.  Mon kestyon i fer mwan mazinen pour ti annan en ansyen Prezidan avan, ti dir ki i devre annan en proposal en Lalwa pour tou foreign exchange ki ganny zenere isi Mahe – Sesel sirtou dan tourism, i antre dan sistenm labank, epi si i oule retire i a tire.

Parey en touris ler i pe al Ile du Nord, Ile Platte whatever,  ler i pey deor laba la sa larzan i antre Sesel, i ede pou zener en pe nou bann, en poursantaz lo sa tranzaksyon, ki i a kit en pe foreign exchange pour ed nou dan nou deviz.

Eski SIB i annan okenn proposal pou fer ek Minis oubyen Minis i kapab dir nou,  pour enplimant sa proposal ki en ansyen Prezidan Parti Lepep ti dir?  Si zot pe travay lo la ou byen akoz zot in fini sanze, sa proposal osi in sorti?  Mersi Mr Speaker.

 

MR SPEAKER

Mersi Onorab Stephen Pillay, Minis.

 

MINISTER LOUSTAU-LALANNE

Mersi Mr Chairman.  Mersi Onorab.  Premye keksoz mon ti a anvi azoute avan mon reponn ou kestyon, se Biro SIB i konsantre parey nou’n dir mainly avek bann envestiser etranze.  Tou bann proze – bann lenvestisman ki Seselwa i le fer, i kapab pas atraver SIB, me selman i pa absoliman neseser – i pa demander ki i fer.  So, sa bann sif ki i pe donnen, i annefe bann envestisman etranze ki pe antre dan pei.  Sa premye ki mon ti anvi fer – en remark ki mon to anvi fer.

Parey mon ti mansyonnen dan mon Budget speech, nou’n demann avek IMF pour zot asiste nou avek en eksper, pour vin donn nou en koudmen pour etidye sa problenm. I annan sa problenm transfer pricing parey mon’n koz lo la, apre i annan sa problenm informal sector.  Dan tou lede sa ka, nou bezwen en pe ekspertiz etranze en mon’n fer demann letan nou ti al Lendonezi resaman, pour nou ganny en ekspertiz e sa i ava konmanse to lannen prosenn.  Mersi Mr Speaker.

 

MR SPEAKER

Mersi Minis.  Onorab Pillay.

 

HON STEPHEN PILLAY

Mersi Mr Speaker zis pour fer en pti klarifikasyon, ler mon ti pe demann sa kestyon parey Minis in dir.  Se sa mon pe demande pour SIB i fer en proposal, la parey ou pe dir ou pe al IMF, se pour atrakte foreign investment; not local investment I’m talking about.  Se ki bann foreigners ki letan zot pe vini, se SIB osi i met en proposal pou dir zot fodre zot larzan i antre.  Parey Minis in dir, mon toutafe dakor lannen prosen ki pou konmanse se sa ki mon pe demann avek SIB ki i ankouraz sa bann envestiser pou dir sa i form par zot plan, ler zot pe envestir Mahe – ki larzan in antre en kou Mahe epi si fodre zot ale, zot ava ale.  Zis en klarifikasyon.  Mersi Mr Speaker.

 

MR SPEAKER

Mersi Onorab.  I en sizesyon mon vwar ki Minis i dakor avek.  Mersi.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonn apre midi.  Bonn apre midi tou dimoun.  Mr Chairman mon ti a kontan ki CEO i eksplik nou, eski zot in travay avek Minister Finans, safwasi vizavi bann policy initiatives ki egziste, pour asire ki serten sekter i reste pour Seselwa.

E ki la fason ki sa bann sekter i ganny proteze, i anpese ki par egzanp bann partnership i ganny kree zis lo baz lo en front e apre par deryer sa biznes i actually en etranze ki pe manage sa biznes. Eski plan se pou move from a policy e fer li vin en Lalwa?  Akoz policy toultan i kapab vin zwe avek, me en Lalwa i fer li pli konplet.  Si ou ti kapab klarifye sa premye pwen pour mwan.  Mersi Mr Chairman.

 

MR SPEAKER

Mersi Onorab.  CEO.

 

CEO CINDY VIDOT

Mersi Mr Chair.  Mersi pour ou kestyon. Nou annan nou en (SI)71 ki anba Lalwa i determinen ki bann aktivite ekonomik ki ganny reserve pour Seselwa, ki allow partnership avek Seselwa, e kwa ki osi ouver pou partisipasyon etranze.

Sa i deza anba Lalwa, e Lalwa osi i fer provizyon ki, aktivite ki en etranze ki pe vin ladan i pas through en prosedir, ki nou apel en economic needs test, kot en komite i determinen whether nou anvi en etranze i antre dan sa kalite aktivite, ouswa nou gard li zis pour Seselwa.

So, Lalwa i deza fer provizyon pour sa.  Me ki pe arive la avek Departman Finans e nou pe revwar osi sa bann aktivite nou pe elarzi sa lalis fer li byen kler.  Akoz la nou lalis i en pe bref.  Nou war nouvo aktivite ki ganny vini – nouvo lide inovativ ki pa’n fer previzyon dan sa lalis.  So vwala ki pe arive avek Departman Envestisman anba Minister Finans. Mersi.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mr Chair prezan mon vin lo, ler mon vin lo Bidze proper SIB, mon vwar pou dir malgre lakantite travay ki zot annan pou fer mon vwar pou dir sa Bidze i en sonm en pe ba.  Akoz zot annan en kantite travay.  I annan bann travay promosyon ki zot bezwen fer; i annan bann travay, pa enforcement – me monitoring ki zot bezwen fer.  So, eksplik nou ki mannyer sa pou posib avek sa Bidze – given ki sa bann travay promosyon ki zot bezwen fer, dan la mazorite ka zot bezwen al fer promosyon an deor pei.  Eski zot al ansanm avek STB? Eski zot pran par dan bann forum ansanm avek bann lezot entity? Ki mannyer sa dinamiz i marse?  Akoz, mon krwar lesansyel se ki nou kontinyen rod plis loportinite pou ki Seselwa i kapab envestir.

E eski si ou kapab dir nou, si dan plas vin konman, san plas sa Investment Board i zis en Investment Board ki resevwar? Resevwar bann propozisyon pou lenvestisman, kwa ki zot pe fer pou osi rod loportinite lenvestisman pou bann Seselwa kapab annan mwayen pou fer li.  Mersi Mr Chairman.

 

MR SPEAKER

Mersi Onorab Pillay.  CEO.

 

CEO CINDY VIDOT

Mersi Mr Chair.  Mersi pour ou kestyon.  Kot i konsern Bidze i pa Bidze ki nou ti a voudre gannyen, me i Bidze ki nou’n resevwar. Fransman sa lakantite Bidze i limit nou bokou lakantite promosyon ki nou’n fer. Parey ou’n dir vreman nou annou nou en Bidze ase limite, pour nou fer promosyon lenvestisman menm lokal e aletranze.  So, i pou limit nou lakantite ki nou kapab fer.  Ki nou fer osi se ki nou fer osi se ki nou travay etrwatman avek lezot departman ki nou, nou fer zot promosyon pour zot, e sey ansanm regarde ki mannyer nou find economies of scales pou sey allow sa bann aktivite, sa bann promosyon, pou pase anba nou biznes.  Me fransman pou reponn ou kestyon nou tre limite avek sa Bidze ki nou’n gannyen.

An sa ki konsern STB wi nou bezwen servi nou bann resours ki nou’n gannyen aletranze e STB part.  Nou osi annan bann trade representatives ki nou annan aletranze, ki nou servi pou ed nou avek promosyon.  Nou bann Lanbasad, nou bann Konsil aletranze osi nou servi zot e pou ed nou with the stretch nou resours ki nou annan aletranze.

Se ki konsern ou kestyon anver mon kapab dir pro-activeness; sa lannen 2018 nou’n servi konman en lannen kot nou ganny nou base right. Letan mon ti join mwan menm personnelman, mon predeseser ti’n fini met serten keksoz pou fer dan son Bidze avan; ti enkli nouvo website, marketing search pour idantifye ki bann limitasyon problenm ki bann dimoun ki envestir Sesel i rankontre, bann Seselwa ki anvi envestir Sesel, e tou sa bann keksoz nou’n servi sa lannen pour nou met li an plas, pour nou kapab idantifye kote ki annan gaps.

E anliny avek sa travay ki pe fer on ease of doing business ki nou bezwen fer pour ed Seselwa and dan kominikasyon pour nou konnen, ki nou servis; ki bann loportinite ki annan, e osi ki mannyer nou, nou kapab ed zot pour zot envestir take them through the process from letan zot express zot lentere to letan zot kapab ouver zot biznes. Mersi.

 

MR SPEAKER

Mersi CEO.  Onorab Woodcock.

 

HON WAVEL WOODCOCK

Mersi Mr Speaker.  Mon kestyon i baze lo paz 325 anba ‘’strategy priorities 2019 to 2021.’’ Zot in dir ki zot strategic priorities se pou ‘’contribute to improving the ease of doing business in Seychelles.’’ Alor mon ti a kontan demande kwa ki SIB pou fer pou improve the ease of business?

E mon 2enm kestyon i lo latab 2 ‘wages and salaries.’ Pour 2018 zot revised budget ti R4,390milyon e pour 2019 i annan en logmantasyon par pre R1milyon pour R5,336 milyon, alors si Minis or CEO i kapab donn en pe detay lo akoz sa logmantasyon?  Mersi.

 

MR SPEAKER

Mersi Onorab.  Minis oubyen SS, i annan en bout pour CEO.  CEO ou ava pran sa bout premye.

 

CEO CINDY VIDOT

Mersi, kot i konsern ease of doing business, ti annan en High Level Committee, ki ti ganny etablir anba direksyon Vis-Prezidan, ki SIB i form par ladan. E osi i annan bann technical committees ki’n ganny etablir anliny avek bann diferan paramet ki ganny servi enternasyonalman pou mezir ease of doing business.

SIB i lo tou sa bann Komite, akoz nou ki, nou pa sel lorganizasyon me nou dil en kantite ek envestiser lokal osi.  So nou kontribisyon ki nou kapab fer e nou osi, nou ki ti organiz sa National Business Forum ti ganny fer le 3 Fevriye. Ki nou ti’n osi responsab ki’n travay lo sa rapor ki’n ganny soumet ek Lofis Prezidan avek cabinet lo ki bann sekter prive i idantifye as problenm ki zot rankontre kot zot anvi ouver en biznes envestir Sesel.

So nou rol mon krwar nou ase aktiv dan sa travay parey mon’n dir kantmenm nou, nou pa determin prosedir Nasyonal me nou ki enplimant, anforsi prosedir Nasyonal kot i konsern pran en envestiser e pas li through the process.  So vwala nou kontribisyon kot sa i konsernen.  Mersi.

 

MR SPEAKER

Mersi CEO.  SS oubyen SS.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Zis i annan Scheme of Service ki SIB in konmans enplimante e sa son total pe kout R343, 400.  Apre nou annan housing allowance par egzanp zot konnen i annan housing allowance ki ti anba Departman Public Administration before e SIB i annan graduate, so sa osi i apepre 448mil.

So sa i dan Bidze lannen prosenn the full year in part; apre nou annan the creation of post sa lannen ki annan lenpak lannen prosenn lavaler 259mil.  E osi bann lezot vacancies pandan sa lannen depi Avril ziska Desanm, ki annan lenpak lannen prosenn the full year impact ki lavaler 699mil.  So sanmenm sa ki dan Midyear Review sa lannen tou sa bann recruitment ki pa ti ankor fer, sanmenm sa ki ti annan en budget cut, me lannen prosenn nou’n met sa full provizyon vi ki i ti pe fer son recruitment.  Mersi.

 

MR SPEAKER

Mersi SS.  Onorab Woodcock.

 

HON WAVEL WOODCOCK

Sa bann nouvo post ki zot pe kree la,  zot anvizaze anploy Seselwa ouswa etranze?  Mersi

 

MR SPEAKER

Mersi Onorab.  CEO.

 

CEO CINDY VIDOT

Mersi pour ou kestyon Onorab.  Pour le moman SIB napa okenn travayer etranze, e nou pa pe anvizaze anploy okenn travayer etranze.  Nou vwar skills set ki nou, nou bezwen, nou annan ase lokal. E apre mwan dan mon leksperyans mon vwar ki toultan Seselwa i kapab vann Sesel pli ki en etranze.  Mersi.

 

MR SPEAKER

Mersi CEO.  Onorab Henrie.

 

HON GERVAIS HENRIE

Mersi Mr Speaker.  En premye kestyon; si konmela demen bomaten SIB ti fermen, pa ti egziste anymore, ki i fer pou Sesel?  Mon premye kestyon.

Dezyenmman mon anvi konn en pti pe, eski dan zot manda, zot in esey – akoz en kestyon mon krwar nou ti lev-e an 2016.  I annan tandans kot i annan bann areas of conflict ant SIB, FSA menm STB, si zot in sey sort out en pe pour zot kapab annan byen kler krwar ki zot fer.  Akoz par egzanp ler mon pe get en pe Departman Lenvestisman, son priyorite se pou – ‘priyorite stratezik’, amelyor ease of doing business zot osi i parey. Konmsi i annan bann overlap. So, ki mannyer zot in fer sir pour zot kalkil byen, kwa ki mwan mon fer, kwa ki lot i fer pour nou asire pour nou mont lo lipye kanmarad?  Mersi.

 

MR SPEAKER

Mersi Onorab.  CEO.

 

CEO CINDY VIDOT

Mersi pour ou kestyon. Premye kestyon si SIB ti fermen demen ki rol?  Pour le moman ozordi kot i konsern, nou manda i senp i kler, SIB ki responsab pour promote envestisman e fasilit envestisman Sesel.  So en larepons direk si SIB i fermen napa en Lazans ki pe promot e fasilit envestisman Sesel.  An sa ki konsern nou prosedir ozordi, parey mon’n fer kler boner, nou ankor very manual, very bureaucratic.

E until sa letan ki nou’n kapab digitize nou system – nou’n kapab met software in place, nou’n kapab fer tou keksoz ganny fer avek teknolozi modern – SIB i reste sa Lazans ki fasilit sa prosedir. E nou ki,  si nou pe koz envestisman foreign investment, SIB ki idantifye kote ki annan loportinite, ki idantifye ki market ki ale avek sa loportinite avek sa sekter, ki regard ki aktivite ki pe arive dan lemonn, kot ki fer sans; kot nou ale within nou Bidze ki nou annan, e kot nou pa ale osi kot nou kapab servi modern fason of promosyon pour nou zwenn potential investor dan sa bann pei.

So si nou ti fermen vwala gap ki ti pou annan Sesel.  E osi ozordi parey Minis in dir tou foreign investor i in Sesel bezwen pass through SIB.  Kot nou ki anmas tou sa bann lenformasyon, kot nou kapab konnen ki sekter sa bann dimoun pe vini ki valer sa lenvestisman.  E sa bann lenformasyon i ganny pase avek Central Bank.  Sa ki fer the core of sa lenformasyon kot FDI i konsernen.  E se pour kwa prosedir ozordi tou foreign investor i bezwen pas kot SIB.

An se ki konsernan ou 2enm kestyon kot i konsern alignment avek STB avek FSA mon krwar sa, pour mwan personnelman i ase kler STB i promote tourism Sesel.  FSA is the regulator of the financial services sector, which is why it is an authority in itself, e nou, nou promot envestisman.  SIB ek FSA i bezwen travay ansanm, akoz anba Lalwa, nou ki fer promosyon.  So FSA although i pou regulate i pou license i pou enforce, nou ki fer son promosyon lo son behalfSo sa i kler.

Between Departman Lenvestisman ek SIB, Departman i reget prosedir, i get Polisi, i pe take over ease of doing business.  Me sa kote promosyon fasilitasyon i the fonksyon of SIB.  SIB avek Departman Lenvestisman i bezwen travay ansanm.  Nou pa kapab operate in silo.  Nou bezwen travay ansanm e osi FSA.  STB son manda i en pe diferan akoz li i fer son tourism promotion nou, nou pa al ladan e li osi i pa vin dan investment promotion.  Mersi.

 

MR SPEAKER

Mersi CEO.  Onorab Henrie.

 

HON GERVAIS HENRIE

Zis en pti pwen klarifikasyon.  Mon krwar zisteman kan SIB i la kekfwa Onorab Gill i kapab redemann son kestyon, pour zot ki mon krwar ki bezwen vin avek sa bann new product ki Sesel i kapab vann.  Sa zot ki kapab the incubator organization.  Me selman letan mon pe get zot current challenges mon war i met bureaucratic obstacles and procedure hinder investment.

Zot ki pe promouvwar biznes vini, selman zot pe war konman en challenge.  So eski ou santi dan sa biznes ki ou ladan, bann dimoun pe pran SIB serye e SIB i annan sa kouraz pou pouse pou fer ki sa bann lobstak i sorti osi vit. Parski mon ganny lenpresyon pou dir ki i pa neseserman le ka.  Si sa i aparet dan sa soz Bidze.  So mon anvi ou dir nou eski ou santi bann dimoun i pran SIB serye?

 

MR SPEAKER

Mersi.  Onorab Henrie mon zis regarde ou’n demann kestyon Onorab Gill oubyen ou pou kit ek li?  Se sa mon pe demann li si prezan i pa pou demann kestyon, akoz ou’n lev son kestyon. Mersi CEO.

 

HON SIMON GILL

Mesi pour ou kestyon, petet si ou a permet mwan mon a zis reponn, mon pa’n fini reponn ou kestyon avan kot i konsern ease of doing business.  Non i napa en overlap.  Ease of doing business i pe ganny gide par Departman Envestisman.  Zot ki’n annan sa manda pou fer sa travay, zot ki pe kordin nasyonalman ek tou sa bann Lazans ek Departman ki konsern improve Sesel lo sa ranking of doing business.

Nou SIB nou en kontribiter, the Ease of doing business review.  Me parey mon’n dir nou, nou bezwen kle ladan, akoz nou ki deal avek sa bann envestiser ki vini.  E nou part of nou prose fasilitasyon nou konnen kot i al pri, nou konnen kwa ki tarde, kote i annan duplicates akoz nou ki koz ek tou sa bann lazans lo behalf sa bann envestiser. So i napa okenn overlap.  Sa mon ava reasir ou. Kot i konsern pran nou SIB serye, parey Minis in dir dan prosedir ozordi Sesel, nou’n poudir fodre tou etranze fodre pas SIB.

Selman Seselwa ou pa bezwen pase, i en keksoz ki nou ki’n kree dan nou prosedir. Ki fer ki Seselwa pa apresye valer SIB unless nou, nou ale nou fer sa plan nou montre zot nou valer.  Se pour kwa pour nou, nou anvi parey Onorab in fer sort, nou anvi fer nou marketing fer, fer nou konnen ki valer si ou vin kot nou ki nou kapab fer pou ou. Nou avoid ou al pas porte-en porte, kaz-an-kaz nou fer sa lo ou behalf.

So nou annan en pe travay pou fer lokal sa mon avoue.  Etranze li i annan plis lapresyasyon nou rol, akoz i bezwen vini li. Once i vin Sesel i pou al war en Lazans i pou al war en Minister zot pou direkte li pour dir ou bezwen al kot SIB pou vin, pou anmenn ou business plan, pour al fer tou ou neseser.  Me mon krwar lokal nou ankor annan en pe travay pour nou fer, pour nou montre dimoun nou valer e ki nou service e ki nou kapab fer pour zot. Mersi.

 

MR SPEAKER

Mersi CEO.  Onorab Afif.

 

HON AHMED AFIF

Mersi Mr Chair.  Mr Chair mon ti a voudre petet demann petet CEO. Si ou ti annan en baton mazik dan ou lanmen pli for ki baton ki Minis i annan, ki Prezidan Faure i annan. Dir mwan 3 keksoz ki ou ti pou fer akoz ou louvraz se promouvwar lenvestisman, 3 keksoz deswit ki ou ti pou fer, ki ti pou anmenn plis lenvestisman.  Ti pou fer lenvestiser dir ‘’ahh be definitivman mon pe vin Sesel! ‘’ Sa i enn.

E si osi dan sa bann fason ou kapab dir mwan ki aksyon ou ti pran osi ki kapab redwir lo Bidze ki nou pe depanse? Akoz nou pe donn ou R9milyon, nou pe donn Departman Lenvestisman R5 milyon.  Dan ou aksyon ler ou pran ou baton mazik ou ti kapab pran sa de met ansanm e fer li vin 10milyon e fer menm louvraz?  Mersi.

 

MR SPEAKER

Mersi Onorab.  CEO.

 

CEO CINDY VIDOT

Mersi pour ou kestyon, mon byen kontan sa kestyon actually.  Si mon ti annan en baton mazik; si mon ti annan en baton mazik mon ti pou fer 3 keksoz –

(1) Nou bezwen determinen nasyonalman ki bann sekter priyoriter ki nou’n anvi drive lenvestisman lokal e etranze.  E dan sa sekter nou bezwen met tou bann kondisyon ki pou ede tir lenvestisman dan sa domenn.

Par egzanp si nou deside financial services ou’n koz lo la bomaten, i sekter priyoriter pour envestisman. Nou bezwen fer tou nou Lalwa, Regilasyon nou prosedir anliny avek bann konpetisyon pou fer ki Sesel i vin attractive pou envestir fran dan sa laliny.  Sa enn kot i konsern nou Nasyonal Investment Strategy.

Dezyenmman mon ti invest dan en Bidze pour promosyon si nou pa envestir larzan pour nou market pou nou promot.  Nou pa pou ganny sa kalite envestiser pour vini Sesel akoz bann lezot pei zot met gro Bidze pour promote envestisman. So, i enportan ki nou met sa larzan available.

E trwazyenmman nou bezwen get nou prosedir.  Nou prosedir i enportan, akoz letan en dimoun i vini in anvi vin envestir milyon Dolar, Roupi i pa anvi esper 6 mwan 1 an pour keksoz pase.  In pare son larzan in pare i anvi ou vini dir li ki pou fer, ki prosedir i swiv e keksoz i ganny fer.  So sa 3 keksoz; National Plan, Bidze e Prosedir.

2enm kestyon, pour koup nou Bidze, mon pa ti pou rekomande personnelman akoz nou Bidze i very tight.  Although nou manda i pou promote e fasilite, promote i reste premye.  Nou Bidze ki nou pe get ozordi i vreman ptipti kot promosyon.  Nou pa kapab koup obviously lo manpower – lo staff, so mon vreman nou napa landrwa pour nou koupe.  Mon pa pou komant lo Departman Lenvestisman – son Bidze selman SIB nou vreman constrain with the Budget that we have.  Thank you.

 

MR SPEAKER

Mersi CEO.  Onorab Afif.

 

HON AHMED AFIF

Mon ti’n sizere CEO ki koup ou Bidze, mon ti pe demann ou olye si ou konbin ou Bidze avek okenn lezot Bidze par egzanp pour Lenvestisman, me selman an gro ou a ganny plis ki 9milyon.  Kontrer mon ti pe ogmant ou Bidze, selman konmsi dan en fason ki ou pe fer lekonomi avek sa ki annan, pou anpes 2 ou 3 lenstitisyon fer menm louvraz.  Eski ti annan en fason pou fer li? Mersi.

 

MR SPEAKER

Mersi Onorab.  CEO.

 

CEO CINDY VIDOT

Mersi.  Well premyerman mersi pour ou propozisyon pou increase nou Bidze. Si posib pou find lezot Bidze pou azout pour nou pour nou ganny plis pour promosyon – wi.  Me mon mazinen Departman napa okenn Bidze kot Bidze i konsernen.  So ki mannyer nou pou koup lo en Departman ki li i pe get prosedir i pe get Polisi pou pas lo enn ki son manda i diferan ki pe get promosyon e fasilitasyon.  Fransman pou increase – wi nou ava agree avek en logmantasyon, me selman si zot kapab war ed nou, mon ti ava apresye.  Mersi.

 

MR SPEAKER

Mersi CEO.  Minis.

 

MINISTER LOUSTAU- LALANNE

Mersi Mr Chairman. Mr Chairman zis en komanter; sa SIB par ler ou tann dimoun i dir i en one stop shop.  Zis mon le klarifye i pa en one stop shop ditou li en? I la pou fasilit envestiser etranze, akoz si i ti en one stop shop, mon pe sey al dan laliny ki Onorab pe sey poz sa kestyon.  I pou bezwen li menm donn tou son zafer donn license li menm, be ozordi license i bezwen al rod en lot landrwa eksetera, eksetera. So i en keksoz ki kekfwa we’ll keep it in the back of our minds. Mersi Mr Chairman.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Bonzour CEO.  Mon annan enn de pti kestyon silvouple.  Mon ti a kontan, nou’n vwar pou dir dan ou bann challenges ou annan bann ‘’bureaucratic obstacles.’’ Silvouple CEO sey donn nous a premye 4  ou 5 ki ou santi ki, ki vreman nou devret met en zefor lo la pour fer li avanse.  So, mon ti a kontan en larepons fran akoz personn pa pou fer ou nanryen mon krwar pa.

Sa premye kestyon; 2enm kestyon kekfwa si CEO oubyen ou Depite i kapab klarifye sa graduate allowance, akoz mon’n war ou’n dir 444 mil.  Si i R4mil par mwan i pou fer pros 8/9 graduates.  So dir nou apepre konbyen graduates zot annan pour nou sey konpran ki mannyer zot pe travay.   Prezan mon kestyon, en lot kestyon zeneral se ou, ou, SIB i enn bann rar Bidze ki’n actually decrease, so mon mazinen ou pou sey fer otan avek en pe mwens larzan. Ki mannyer ou’n reisi fer sa?  Ou’n ganny constraint oubyen i annan en pe lefikasite dan sistenm en pe, en pe synergy? so sa i mon kestyon zeneral.

Prezan lo investment i annan 2 keksoz mon ti a kontan.  Mon ti a kontan konmsi ou klarifye avek nou ler i annan investment isi – bann gro investment dan lendistri kwa ki pe anpese sa bann investment arive?  Par egzanp mon pran legzanp sa Cold Store, ki pe al fer la, ki’n fer par en pes Kapital etranze, Kapital Seselwa.

Lontan nou pe koze lo la, finalman si en etranze pa ti’n vini, pa ti’n met son larzan ater pa ti pou arive. Mwan mon tande pou dir bann envestiser Seselwa pe lager, lager antre zot, pe gete lekel ki pou ganny kontrol, lekel ki pou napa kontrol eksetera. Konmsi eksplik nou akoz konman en pei ki annan sa resours nou pa pe avans ase vit dan sa direksyon value added transformasyon sa ton e nou ankor pe, pe zis vir, vir an ron.  Kwa ki anpes nou avanse? E mwan mon annan en keksoz la ki kekfwa Minis ti sey reponn lotrozour.

Be mwan mon ava demann avek ou, akoz mon kontan bann dimoun ki pli zenn ki, ki annan sa linosans. Development Committee dir nou en pe lo la, konmsi ki mannyer i akonpanny ou oubyen i met en pe retar avek? (Minis pa get li.)  So sa i enn, e finalman, finalman mon ti a kontan CEO si ou kapab dir nou en proze parey sa bann container Cosmoledo in pase kot ou sa?  Akoz enn ler nou tande pou dir se Seselwa ki pe fer, selman sa imsye i pa koz kreol i koz angle. Bon nou pa tro, tro konpran li.  Konmsi kote ou ziridiksyon i ale e kote ki i arete?  Mersi.

 

MR SPEAKER

Mersi Onorab.  CEO.

 

CEO CINDY VIDOT

Mersi pou ou kestyon.  Premye kestyon ‘’bureaucratic obstacles,’’ parey mon’n refer sorti ozordi nou prosedir pour nou fasilit en lenvestiser Sesel i manual, i very slow e fransman nou ki deal avek sa bann envestiser i quite frustrating pou sa bann dimoun- spesyalman letan en dimoun in serye parey mon dir i annan son larzan ou dir li pas kot SIB ou submit sa bann dokiman, apre ou pas kot en lot Departman en lot Lazans i demann menm dokiman e sa i ganny fer akoz tou nou keksoz i birokratik.

Mon pa tro sir si bomaten Biro Lenvestisman in koz lo la me nou pe travay ansanm pou regard en sistenm sort of en portal swa ki tou keksoz i pou ganny, ou submit en fwa e tou sa menm dokiman i al partou. So, ou pa bezwen pas isi ou donn menm dokiman ou pas laba ki vin en problenm sa ‘’bureaucratic obstacles’’ ki nou fer fas avek.  E nou pour nou retourn ver sa envestiser nou bezwen atann tou sa bann lezot Lazans e Departman d donn zot comment.  So si i annan i vit – i fer dan detrwa zour i byen, i annan ki fer dan en mwan, i annan menm ki fer pli lontan.

E bokou envestiser i fristre i dir ou SIB i tarde.  Me annefe nou dan background nou pe esper input from sa bann lezot Departman. E sa prosedir birokratik ki fer sa, e sa i bezwen ganny revwar e i pe ganny revwar.

2enm kestyon kot i konsern returning graduates, si mon mazin byen si mon pa tronpe nou annan apepre 6 returning graduates in-house. E nou annan 3 osi ki aletranze ki p tournen lannen prosenn, ki nou bezwen fer provizyon pou zot kot i konsern saler, e osi zot returning graduates allowance.  So vwala.

An sa ki konsern 3enm kestyon anliny avek cold storage, e kwa ki pe hold back, mon pa krwar ki i annan anything ki pe hold back en dimoun Sesel ki pe envestir. Me mon krwar pou dir nou prosedir i kapab act konman en impediment to investment, akoz letan en dimoun ler i vini i mazin pou li al pas dan tou sa bann difikilte petet i mazin 2fwa.

Me osi mon krwar e sa i partly nou, nou bezwen fer, nou bezwen pli aktiv dan fer dimoun realize kote ki annan loportinite.  Nou, nou vwar pou dir Sesel e nou resers ki nou pe fer la i pou, mon mazinen i pou resorti ki letan nou war en serten group biznes i pe fer sikse, nou annan nou sa labitid pou swiv dan sa menm sekter dan sanmenm sa kalite aktivite, as oppose to gete. ‘’ be la i annan en loportinite, akoz mwan mon pa al dan sa lot laliny?’’

E sa nou ki bezwen fer dan rol pour nou promote li, pour nou gid dimoun pou dir ki be ou osi al dan plas al dan sa aktivite, akoz ou pa al envestir laba.  Me an menm tan ou pa kapab dir li laba i bon.  Ou bezwen fer li fasil pour li ale, al pas dan sa prosedir pour li al envestir e sa i kot nou – nou kapab kontribye pou fer sa.

Development Committee fransman SIB nou napa okenn enteraksyon avek Development Committee.  Nou pa asiz lo Development Committee e nou napa much enteraksyon avek zot, me nou tou envestisman ki vini, be it Seselwa or etranze nou, nou la pou envestiser nou.  Nou pa la, – nou, nou la pou fer keksoz pase pou fasilite e sa ki nou, nou angaze nou pou fer.  E si i demann anmenn sa proze devan Development Committee la nou, nou ale.  I annan lezot Komite osi ki nou ale.  Nou demann meeting nou demann envestiser i prezant son concept e si nou, nou bezwen convince zot rod en fason ki pou ed zot la nou angaz nou ladan.

E dernyen Cosmoledo, wi SIB ti annan en rol kot fasilit proze Cosmoledo. Cosmoledo proze ti ganny submit kot SIB le 9 Oktob 2017.  The part of nou fasilitasyon nou koz avek Departman Tourizm, Planning Authority, Departman Lanvironnman, Departman Lasante, fire safety, business enterprenership, son Departman      e – Departman Envestisman.  E tou dimoun ti napa adverse comments kot sa proze ti konsernen.  E sa i pratik labitid e i ti ganny pase e nou donn li son let le 16 Novanm 2017.  Mersi.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mersi Mr Speaker, de pti presizyon.  CEO nou ti le zis konnen ki, i paret mwan ou annan en baton mazik ki mannyer ou’n fer desann ou Bidze, me ou performans ou pe ekspekte ou performans i en pti pe pli byen.

E mon ti anvi zis demann en kestyon osi, eski sa bann impediments eski zot annan en raport avek Planning Authority?  Akoz nou lenformasyon ki nou’n resevwar nou kot se ki, sa i enn bann landrwa – bann bottlenecks.  I annan Planning Authority avek Registration Division – kot sa. Eski zot lo menm wavelength e zot war menm kalite blokaz ki nou. Mersi.

 

MR SPEAKER

Mersi Onorab.  CEO.

 

CEO CINDY VIDOT

Mersi pou ou kestyon.  Kot Bidze i konsernen, pou fer li kler nou pa ti demande en Bidze redwir pour 2019 nou. Nou Bidze ti par lao nou Bidze 2018.  Parey mon ti dir lo konmansman i Bidze ki nou’n gannyen, nou Bidze ki nou’n gannyen in redwir, me i pa Bidze ki nou ti demande.  Nou ti’n osi demann ‘’new spending proposals’’ ki nou pa’n gannyen. E parey mon’n reponn Onorab Pillay i pou difisil pou nou, pour nou fufill nou manda espesyalman kot i  konsern promosyon.  Parey zot konnen promosyon i koute e i pou difisil pou nou.   So i pa ditou en baton mazik ki SIB in annan pou fer redwir son Bidze. I Bidze ki nou’n gannyen from Departman Finans.

E kot i konsern Planning Authority avek Rezistrar dan prosedir ozordi ou bezwen fini pass kot SIB avan ou al anrezistre ou biznes – sirtou kot foreigner i konsernen.  E apre al submit ou planning approval.  So by the time ou’n tarde, annou dir li ou’n tarde kot SIB ek tou sa bann lezot Lazans apre ki ou al Planning avek Rezistrar. So, zot, zot de zot napa enteraksyon avek nou prosedir sa i apre ki ou’n pase.

Akoz nou, nou pe regard ou concept; i anliny ek Polisi; i annan li ek Lalwa as a foreign investor ou kapab partisip dan sa kalite aktivite – en Seselwa ou pa pe partner avek en etranze dan en aktivite ki ou pa sipoze.  Nou, nou get sa.  Apre tousala la ou ava ale ou ava al anrezistre ou biznes apre al fer ou architectural drawings pou al submit kot Planning.  Mersi.

 

MR SPEAKER

Mersi CEO.  Onorab Simon Gill.

 

HON SIMON GILL

Mersi bokou Mr Speaker.  Bonn apre midi tou dimoun l. Mr Speaker bomaten mon’n lev detrwa kestyon, mon pe prezimen ki CEO in ekout bann kestyon ki mon’n raise, e probableman i ava donn nou en loportinite pou ekout son pwennvi lo serten sa bann kestyon.  Me lezot kestyon ki mon krwar i osi enportan dan sa moman dan ki nou [e konsider Bidze 2019, i swivan;

Minis in dir nou Mr Speaker ki SIB pa en one stop shop!  Zisteman, kwa ki nou bezwen fer pour nou kapab fer sir ki nou annan en lenstitisyon dan sa pei, ki mannyer nou apel li sa i vin segonder, me kot Onorab Ferrari koman envestiser e Onorab Afif konman en lenvestiser, zot vini dizon zot de Angle.  Zot vini, e zot vin kot sa lenstitisyon e zot konmanse e zot fini la, zot proze i kickoff e Sesel i riye tou son bann partener i riye – i happy; nou’n ganny en lenvestisman e nou pe bouze, sa premye keksoz.

2enm keksoz osi enportan, mon’n tann koz lo promosyon; i annan promosyon lokal, promosyon a leksteryer Sesel.  Ozordi Sesel i annan bann reprezantasyon diplomatik dan bokou pei, mon pe demann mon lekor en kestyon, dan ki mezir nou kapab konman en biro, konman en lenstitisyon, lenvestisman isi dan Sesel, ki sa sinerzi ki nou kapab devlope, ant tou nou bann reprezantan diplomatik ki baze a leksteryer Sesel, pour nou kapab minimize (1) Traveling?  Miniz (2), kou – pour vreman al fer sa promosyon kan nou annan en reprezantasyon fizik dan bokou pei.  Ki vreman pe pase?

Ki nou kapab fer si nou pa ankor eksplwat sa posibilite reel ki mwan mon santi i annan.  Mon rapel dan en serten moman, nou ti annan en serten reprezantan ki ti pe zwe en rol pou pous lenvestisman Sesel kot zot ti ete, me mon tro kler ki’n arive.  E sa kestyon mon krwar i annord ozordi la, pour nou demande ki mannyer nou kapab eksplik lepep lo sa.  Lot kestyon Mr Speaker, ki mon krwar i ekstrememan enportan, e mon pou demann li pour ki ou kapab take off lo la.

Ti ava byen ki Seselwa ozordi i konnen egzakteman ki kote bann investment opportunities i ete.  Me mon konpran tre byen, pa ki mon’n perdi – mon konpran tre byen pou dir mon pe focus lo lenvestisman a leksteryer Sesel or ou pe rod larzan deor pe rod lenvestiser ki pa neseserman Kreol Seselwa.  Now mwan mon enterese ek bann sekter ki’n ganny idantifye e ki Sesel i dir bon vwala, sa i nou bann sekter nou ou le ki nou met lanfaz lo la. Me al pli lwen ki dan sanmenm sa repons ki ou pou donn nou, nou ti ava kontan donnen ki mannyer Seselwa lokal i kapab rantre prezan.

An partnership si byensir – mon pa konn tou bann criteria, be se sa mon kestyon pou zot expose, sa bann criteria.  Eski ler lenvestiser etranze i vin Sesel souvandfwa i rod lenvestiser lokal or i rod en partner lokal, pou li envestir or zot donn 100 poursan posibilite lenvestisman sa dimoun ki vin avek son larzan?  Or nou pe ankouraze as part of economic empowerment Seselwa, pour nou kapab pran kontrol, pran sarz nou lekonomi.  Mersi mon pou aret la Mr Speaker, mon annan ankor 4 kestyon – si ou permet mwan mon pou demann tou le 4 ansanm, ansanm ler mon fini ganny repons par nou CEO ki la. Mersi bokou Mr Speaker.

 

MR SPEAKER

Mersi Onorab.  CEO.

 

CEO CINDY VIDOT

Mersi Onorab pour ou kestyon.  Si ou a permet mwan mon a konmans an aryer.  Kot i konsern ki mannyer nou kapab fasilit Seselwa pou antre pour envestir Sesel.  Pour le moman nanryen pa anpes Seselwa pou envestir Sesel.  Tou biznes ki egziste Sesel en Seselwa i kapab partisip ladan.  Napa okenn restriksyon si ou kapab raise ou finance ou operate within guidelines, policies, Regilasyon, Lalwa ou ouver ou biznes.

Parey mon’n dir avan sa Lalwa i kler lo ki aktivite lo ki etranze i kapab partisip ladan. Etranze li Sesel i pa kapab partisip dan tou Biznes i annan ki reserve pour Seselwa ki i pa pou zanmen antre ladan. I annan i pa pou kapab antre ladan si i pa al an partnership avek Seselwa.  So sa i kler sa, i pa pou vini pou dir nou i pe anvi, mon a donn ou en legzanp al dan traditional fishing, akoz sa i ganny reserve pour Seselwa,

Me i annan aktivite ki kler.  Nou’n fini commit nou lekor pou dir sa bann economic activities en etranze i kapab antre ladan sa i dan nou lalwa. So si en etranze i vini i dir nou i anvi partisip ladan, nou pa kapab al fors li ou bezwen al rod ou en partner Seselwa.  Si i ouver nou’n konmite la, nou – i bezwen.  I kapab partisip ladan as long as parey mon’n dir i swiv tou bann Polisi avek Regilasyon Nasyonal.

So, sa.  Kot i konsern investment opportunities pour Seselwa, zis pour mwan klarifye nou pa fer promosyon envestisman zis pou etranze nou.  Nou fer promosyon envestisman pour tou dimoun enkli Seselwa.  Fasilitasyon ki nou focus lo etranze.  Promosyon i pou dimoun.  E mwan ozordi mon ti a pran lokazyon pou dir any Seselwa ki enterese pou al dan biznes pou envestir, ki pa sir ki bezwen gidans, ki bezwen en departman pou ed zot nou la, pou advise, nou annan nou en unit – Investment Facilitation Unit, ki annan en group of zenn ki travay pou donn pre-investment advice pou Seselwa, kot i anvi envestir; ki i bezwen swiv; ki policy ki relevan pou li; ki biznes?  E nou osi kapab ed li pou fer son business plan si i bezwen al vwar labank pou al rod finance.

E parey mon’n dir avan sa i en keksoz ki nou, nou bezwen improve lo la, met nou devan pou fer Seselwa konnen ki servis nou annan e ki mannyer nou kapab ede. So dan sa kote nou la, e mon ozordi mon pran lokazyon pou dir silvouple vin vwar nou or anvoy nou en email, call nou, nou la a zot dispozisyon.  Nou annan nou en 24hour service en laliny telefonn, 2 laliny telefonn annefe ki ou kapab telefonnen at nenport ki moman, pour nou kapab ed ou dan okenn problem ki konsern envestisman.

Kot i konsern ‘’travelling’’ rediksyon travel, e servi nou bann reprezantan aletranze pour ed nou, parey mon ti’n mansyonnen nou’n deza annan bann trade representatives ki’n ganny apwente formelman, pour promot e fasilit trade aletranze.  E nou servi zot, i en pe difisil pou mwan dir ou kot zot ete, me selman i annan kit re aktiv.  Mon annan enn ki tou le mwan i tre aktiv avek nou.  I even ed nou avek bann materials pour promosyon, e nou servi zot resours sa mon kapab reasir ou.

Kot i konsern traveling nou Bidze i osi fer provizyon pour nou fer digital marketing – ki the modern way of marketing, kot ou pa bezwen fizik ou’n ariv dan sa pei.  Ou asize kot ou ete dan lemonn ou servi dan tools a ou dispozisyon pou ou fer promosyon.  So vwala kot nou kapab fer pou redwir lo travelling.

Me parey zot pou konnen i annan bann events. Bann trade and investment events aletranze ki ou pa kapab, ki si ou anvi prezans – ou anvi promote ou pa kapab pa ale. Sa ou pa kapab asize kot ou anvoy en email.  Ou bezwen fizikman laba annan prezans koz Sesel, kote i annan loportinite ki bann keksoz ki pou fasilit sa bann prosedir.  E dernyerman, vwala.  Mon krwar mon’n reponn tou i reste zis one stop shop.  Mersi.

 

MR SPEAKER

Mersi CEO.  Onorab Gill, Minis.

 

MINISTER LOUSTAU- LALANNE

Mersi Mr Chairman, zis pour mwan azoute ki i annan osi serten ka, e mon’n tande la nou’n koz en kou lo sa proze Cold Store ki’n pran en pe letan pour li ganny enplimante.  E par ler i arive kot en proze i konmanse pirman kot etranze, ti pou majority shareholder.  E letan nou, nou’n santi nou bezwen re-koz avek sa envestiser nou fer li.  E se sa ki’n arive en pti pe avek common Cold Storage, in pran en pe retar akoz nou’n re-demann sa envestiser pou li met plis shares available pou Seselwa. E sa osi in swiv en lot prosedir in pran en pe letan me in enportan nou’n fer sa.  Akoz nou’n remarke ki i annan en lapeti enorm avek Seselwa pou envestir dan bann proze.

E annefe sa proze ti over subscribe letan ti fer son premye share evaluation. Share offer (pardon) ti ganny over subscribe par over 4 milyon Dolar Ameriken.  E pa bliye sa share i an Dolar li osi, so sa i en keksoz ki nou bezwen tenir an kont letan nou annan bann envestiser ki prezant zot kot SIB.  Par ler i enportan pour koz ek zot pou regarde si zot ok pour fer Seselwa partisip bokou plis. Sa i en legzanp.

An sa ki konsern sa one stop shop la, ki mannyer nou pou fer li evantyelman vin koumsa.

Parey nou’n koze mwan mon krwar lakle se  enn fwa ki nou’n met sa, sa fibre, sa network IT, akoz tou son bann konponan fodre i an plas apre kot SIB laba lo en computer tou keksoz i ganny fer avek elektronik.  Sa i pou fasilit bokou keksoz.  Olye esper demen tanto, at the click of a button ou kapab ganny en larepons – at the click of a button ou kapab siny en lakor – at the click of a button ou kapab fer bokou keksoz.

Me avan nou kapab fer sa, tou nou lenfrastriktir fodre i an plas. I pa vo lapenn nou fer li zis pou en bout apre nou pou ganny kritik.  I pa vo lapenn zis Planning Authority pe fer planning approval me selman SIB li i pa lo la.  I pa vo lapenn SLA pa lo la.  Fodre tou sa bann keksoz i ansanm e mon krwar once sa in arive nou kapab keksoz kontanple dan sa one stop shop kot SIB.  Mersi Mr Chairman.

 

MR SPEAKER

Mersi Minis.  Onorab Gill.

 

HON SIMON GILL

Mersi bokou Mr Speaker.  Mr Speaker mon’n konpran bann repons ki’n ganny donnen.  E mon bann kestyon ki swiv i anmenn mwan pou fer en demann.  No.1 ki mannyer dan kadreman sa Bidze ki ou’n dir nou in koupe, ou kapab ogmant frekans sa PR exercise lokalman, pour ki nou vreman pe donn bann lendikasyon Seselwa, kote sa bann loportinite i ete, pour ki nou napa bann dimoun ki vini, ler i tande sa sekter ki la pe fer byen tou dimoun i tay ladan. Ler i tande lot pe fer byen i taye i al ladan, pour ki nou achieve sa vre diversifikasyon ekonomik ki mon pe koz lo la bomaten, pour ki nou vreman miltipliy nou baz, atraver nou economic transformation e par laswit pe empower nou dimoun – nou lokal.

Sa premye.  I vedir the PR exercise; en form endik lepep. Mon krwar napa bokou Seselwa petet ki konnen ki kapab donn en loportinite pou fer en proper business plan osi. I annan business plan kot serten bann dimoun pe sarz R8mil, R12mil pou fer – ok? Bann konsiltan probableman sa zot pri, probableman zot pa ganny business plan souvan e petet R8mil, R12mil en one off i vini zot dir be bon mon ava sarz ou sa pri.  E i en loportinite ki si en dimoun pe take off i kapab vin kot zot laba pou fer sa business plan.

2enm kestyon, lo klima, klima lokal Sesel mon pa pe koz klima si i annan lapli, soley.  Ok, mon pe koz en lot kalite klima bann santiman, ki mannyer Seselwa i tret or i resevwar bann foreigners ki vini pou vin envestir isi.  Par la swit bann kritik parfwa bann latak negativ ki ganny fer lo bann foreigners ki vin envestir isi.  Ki mannyer ou santi or bann foreigners i santi in eksprim konsern lo la, oubyen nou. Nou krwar en lot fason e zot, zot vwar en lot fason.

Now lot keksoz ki rantre dan sa menm kestyon, eski nou satisfe ki nou annan tou bann provizyon legal ozordi dan Sesel pou asire ki anler Baie lazare kot Onorab Adelaide i annan en loportinite pour en foreigner envestir laba, kot demen bomaten Seselwa i ganny en restriksyon serye, par egzanp pour access lo lans?

Eski vreman nou annan tou sa provizyon legal? Mon prezimen ou departman anba ou responsabilite ou osi bezwen donn zot bann ransennyman legal ki annan pour ki zot santi zot alez, pour zot fer sa lenvestisman ki napa okenn blokaz. Sa osi i tonm dan sa kalite klima e reseptivite ki mon ti a voudre ou fe komanter lo la.

Dernyen pwen ki mon krwar i enportan ki Onorab Ferrari pou kontan letan mon demann sa kestyon, sa ki enportan se, sa baton mazik ki’n ganny mansyonnen – sa baton mazik – mwan mon konnen poudir ou napa sa, me mon’n deza tann nonmen pou dir i avek LDS ok?  (laughter) Me met sa aside Mr Speaker.  I normal nou fer sa bann pti interjection par ler, me kestyon ki poze ki vreman ou bezwen la, la, la pou ou kapab vreman fer en lenpak an 2019, pou ki Sesel i sorti dan sa ki ou, ou’n dekrir – lenvestisman sa ki nou’n prozekte i preski parey pa pe sanze.  Nou oule ou dir nou vreman kwa ki ou bezwen la, pou ou ogmant sibstansyelman foreign direct investment dan Sesel, pandan sa prosen 5 a 10an.

So the real projection, e si ou annan the real projection dir nou osi ki kote ki ou pe target e ki fason tou sa bann lezot lenstitisyon isi an devlopman sa sinerzi i kapab permet ou achieve sa projection, pour ki Sesel i kapab an retour ganny plis foreign exchange ki antre e par laswit ganny plis aktivite ekonomik.  E par laswit anploy plis travayer e byensir avek bann bon kondisyon ki mon prezimen ou Departman ou lenstitisyon i osi enkilke dan sa bann foreigners, nesesite pour ki nou donn en good deal nou bann Seselwa lokal isi.

Ki sa osi i annan en kantite kritik ki’n ganny fer dan sa Lasanble depi ler nou’n konmans sa 6enm Lasanble ziska dan deba lo Bidze, mon konpran zot le mon arete, me i enportan sa pwen ki mon fer akoz nou Mr Speaker dernyerman – dernyen pwen, dernyen pwen, menm nou lo nou kote, lo sa kote latab ki isi nou pa pou ZANMEN, nou pa pou ZANMEN, nou pa pou ZANMEN blok okenn linisyativ Seselwa. E blok okenn linisyativ etranze ki anvi anmenn loportinite biznes dan sa pei. E mwan mon dir Mr Speaker se zis ‘’UNITED’’ and ‘’TOGETHER’’

 

 (laughter)

 

 

MR SPEAKER

… ki nou pou kapab fer sa diferans dan sa pei. Mersi bokou Mr Speaker.

 

(laughter)

 

MR SPEAKER

Bon, avan mon donn, avan mon donn laparol CEO mon krwar si nou pou kontinyen dan sa direksyon, nou pou war nou semenn Nwel nou ankor pe travay.  Ale CEO laparol i pou ou.

 

CEO CINDY VIDOT

Mersi.  Kot i konsern ki nou bezwen nou, nou bezwen realize pou dir ki nou pa kapab pa envestir dan promosyon envestisman si nou anvi ekspekte foreign direct investment.  E osi lenvestisman lokal monte.  So ki nou bezwen nou bezwen plis Bidze Onorab, parey mon’n dir i difisil pour nou achieve nou manda lo Bidze ki nou annan. So, ki nou bezwen, nou bezwen Bidze, nou bezwen prosedir i ganny revwar.  Nou bezwen ki si nou deside ki sekter, ki priyoriter pour nou pour promot lenvestisman nou met tou nou bann mekanizm an plas enkli Regilasyon, si i manke pou fasilit sa.

So, vwala larepons pou ou kestyon, kot i konsern investment climate e bann latak ki annan lo foreign investment, nou SIB nou pa fer okenn diferans lo ki nasyonalite enkli Seselwa ki pas kot nou. Nou prosedir i uniform.  Nou apply menm standar pou tou dimoun. Byensir pou etranze son parkour i en pti pe diferan ki Seselwa li i tard en pti pe plis.

Me nou, in terms nou tretman tou nou investor i ganny menm tretman, e nou pa ankor ganny okenn direk envestiser ki’n ganny dekouraze par any klima ki annan nasyonalman.  Me mon osi mon ti a kontan fer sorti ki en pti pe anliny avek ou pwen. Wi klima Sesel i enportan pou lenvestiser bann kestyon ki toultan zot demann ou se stabilite, ekonomik, zot demann ou GDP i per capital Zot demann ou tou sa bann paramet ki envestiser i get tou pei e stabilite i enportan ou envestisman pou reponn sa kestyon.

Wi nou la pou ede ek business plan – nou konnen wi poudir i annan dimoun ki sarz bokou pou fer business plan.  I annan menm dimonn ki vin kot nou i pran nou advise e apre i sarz envestiser pou sa advise. Me nou la ou donn advise.  So nou pa kapab dir li nou restrike lenformasyon alors nou bezwen ede donn li lenformasyon kot i konsernen.

E ki nou pou fer annan legzersis PR Sesel – Sesel pa rey ou konnen dan Lafrik i annan one of the higher social media avek Telecommunication popilasyon per capita.  I en pe pli fasil pou fer promosyon PR Sesel.   Nou ptipti tim – nou kominikasyon i kapab pli contain.  E i pa kout bokou.  Fransman mon Bidze i pa restrike mwan pou fer promosyon Sesel.  Mon krwar lo nou Bidze nou kapab fer li.  E nou ase ptipti ki i cost effective.  E aletranze ki kout bokou.   Sesel i ase abordab.  Mersi.

 

MR SPEAKER

Mersi CEO. Nou ava pran en dernyen pti kestyon avek Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon ti ava kontan premyerman demande si i pa pou posib ki dan SIB extend lakantite biznes ki pe rezerve zis pou Seselwa.  La pou lemoman lotel 25 lasanm i rezerve pou Seselwa, me eski nou pa kapab vwar en logmantasyon bann biznes ki rezerve pou Seselwa?  E ki ava anpese ki par egzanp letan nou’n koz lo Bayan Tree lotrozour kot Seselwa in perdi travay, e apre sa larepons ki nou’n gannyen se ki – e nou’n vwar etranze antre; larepons ki nou’n gannyen se ki sa bann dimoun napa GOP, zot pa’n ganny GOP Anba Bayan Tree me ki Bayan Tree in outsource.  E dan son outsourcing set en lakonpannyen etranze ki’n rantre.  Alors en biznes ki netway swimming pool akfer ki etranze ki bezwen pe fer?  So mon ti a kontan demann sa.

Letan ou’n koz lo lenvestisman e bomaten nou’n koz en pe lo vertical integration, e  bokou nou, nou konpran poudir letan Seselwa pe extend this is a different matter, me letan etranze  i vin isi koman en biznes, e apre sa li i komans fer lezot zot soz,  sa   i en lot zafer.  Me solman ankor enn fwa i bezwen pas atraver SIB.

E la mon al direkteman lo ISPC – ISPC letan i ti ganny permisyon pou li fer biznes isi sete en letan ki ti annan sa problenm foreign exchange e i ti dan International Trade Zone.  E sete en keksoz restrikte; ti bezwen pey an foreign exchange; ti bezwen annan kart – ti annan zis serten biznes ki ti bezwen al laba.  Me la ozordi nou vwar ISPC dan Retail!

ISPC i annan laboutik Anse Royale – i annan laboutik Beau Vallon, in rantre dan Retail business!  E sa ki mwan mon vwar ki poudir i pa normal!

E sa menm ISPC i dan restoran La Plage ki ankor enn fwa i – i dan  laferm nou tande be kwa ki SIB i fer dan sa bann lenstans parey pou nobou protez biznes Seselwa?  I annan en keksoz la ki totalman mal!

Apre sa Mr Chairman parey ou konnen mon’n demann en timeline an relasyon avek sa proze Cosmoledo  e mon ti ava byen kontan si CEO ti a  kapab  -parske in nonm nou 2 dat la li.  In nonm nou le 9 Oktob plan ki ganny prezante avek zot (2017 9 Oktob) sa le 16 Novanm la, eski i 2017 menm sa ok.   E se zis letan zot fini donn zot rekomandasyon se la ki sa dimoun i al fer son bann keksoz.  Ok 2017 mon ti panse ki ou’n ti’n mansyonn 2018.  Alor mersi bokou.  Si ou ti kapab donn nou en lesplikasyon lo la.

 

MR SPEAKER

Mersi Onorab. CEO.

 

CEO CINDY VIDOT

Mersi pou ou kestyon.   Kot i konsern extend lalis rezerve pou Seselwa, sa i tonm anba Departman Trade.  I en keksoz ki pe travay lo la an se moman.  Parey mon ti mansyonnen boner, nou pe revwar sa lalis pou klarifye byen kwa ki pe rezerve kwa ki ou restrikt e parey nou apel li kwa ki pou ouver pou foreign investment.  Sa i ongoing e SIB pe partisip dan sa legzersis.

E anba sa menm Lalwa i fer  Provizyon  sa Economic Needs Test parey mon’n dir e en aktivite parey Retail parey ou’n mansyonnen kot ISPC i konsernen i bezwen pas dan sa prose e sa Komite i annan zot prosedir.  Zot vote – zot mezir son bann paramet zot agree whether zot pou allow li pou kontinyen or not.  Sa osi pou ganny revwar ki bann aktivite ki bezwen pas lo la ENT process.  Sa i ongoing. 

Kot i konsern spesifik pou ISPC kot retail i konsernen, in bezwen pas dan prosedir ENT e ki’n permet li kapab ouver son bann retail branch e i ti pas dan prosedir sa Economic Needs Test.

Kot en restoran i konsern foreigner i kapab partisip li dan en aktivite pou en restoran as long ki par lao 24 kouver.  So son restoran si i above 24 kouver konmsi 24 dimoun i kapab asize  i  pou kapab ouver – any foreigner nou pa kapab restrikte li.  E laferm osi napa any restriksyon lo partisipasyon foreigner kot lagrikiltir i konsernen anba nou (S.l) 71.  Mersi.

 

MR SPEAKER

Mersi CEO. Onorab Ramkalawan.

 

HON WAVEL RAMKALAWAN

Mr Chairman, be premyerman mon pe vwar akoz ou’n nonm enn ou bann ‘’challenges’’ sa eleman birokratik, akoz in ganny fer resorti oparavan ki be finalman i annan …  pour mwan mon ti pou konfize, akoz ou koman SIB ou pe regard lenvestisman, e nou ti ava mazinen ki tou bann lenvestisman ti ava pas kot ou, me la once ki envestiser in antre isi, apre sa i annan serten keksoz ki nouvo lenvestisman ki rantre ladan, ki al e dan en lot landrwa.  Par egzanp letan mwan pou mwan i kler  – si ou, ou kot  ISPC si ou’n rantre koman en lenvestiser ou al kot International Trade Zone, aprezan sa i ok, me pou ou aprezan sorti lo sa nivo  enternasyonal pou ou vin lokal i  bezwen vin kot ou. Parski set en lenvestiser ki pe vin envestir lo nivo lakal prezan, me la en lot kalite tes ki ganny fer.

E la mwan mon vwar ki poudir i annan konfli.  Menm parey lo laferm, fine nou bezwen promote lagrikiltir me solman ankor enn fwa se envestiser etranze ki pe vin isi ;amwen  ki si ou ti kapab dir avek nou,  ki sa msye – sa owner si petet tou in ganny nasyonalite anba 5(1) ki prezan  – eski i en Seselwa prezan ki  aprezan i pa bezwen pas atraver SIB?  Nek i zis ale i debourye parey pou en Seselwa ouver en laboutik i pa bezwen pas kot SIB i al fer laplikasyon pou en laboutik pou fer son biznes.  I anvi fer en laferm.  Eski ou pe konfirmen avek nou ki, sa msye  par egzanp li osi anba 5(1) i fini vini Seselwa  e alor  se pour sa rezon ki i pa bezwen sa bann keksoz?  Mersi bokou.

 

MR SPEAKER

Mersi Onorab.  CEO.

 

CEO CINDY VIDOT

Mersi pou kestyon.  Zis pou klarifye menm si mon’n dir lalis aktivite ekonomik ki foreigner i kapab partisip ladan.  I tonm anba Departman Trade – nou ki ranforsi.   Nou ki fer sir pou dir okenn aktivite ki pa allow  napa foreigner ki pe rantre ladan.

ISPC ti pa sa kot SIB.  Sa prosedir ENT la nou ki zer sa prosedir.  Nou ki call sa Committee ki pas sa proze sa lenvestisman devan sa Committee.

E i vote i ganny formalize.  Nou ki fer.  So tou sa bann devlopman in pase pou SIB.   I pa’n pas dan en lot laport.  In swiv prosedir.

Mon pa kapab reponn konsernan nasyonalite 5 (1).  Selman zis pou reasir Lasanble pou dir prosedir ti ganny swiv kot i konsernen.   E nou’n enplimant Polisi Nasyonal parey ki an plas.  Mersi.

 

MR SPEAKER

Mersi.  Onorab Ramkalawan.

 

HON WAVEL RAMKALAWAN

Mr Chairman me la i osi fer en lot keksoz vin dan mon lespri.

Pli boner nou’n koz nou’n koz lo sa tax lo later pou bann etranze.

Mon pe zis atraver – mon en pe mon trouv li en pe drol ki CEO pa’n kapab dir avek mon si i en Seselwa oubyen non.   Parske mon mazinen ki pou dir petet lo enn zot bann form kek par letan en dimoun pe apply pou en biznes ou demann li si en Seselwa oubyen non.

Sa i en keksoz.  Me finalman, finalman atraver sa larepons ki mon’n gannyen mon kapab lir ladan.

Petet Minis ou pa pou anmas bokou larzan ek sa tax.  Akoz laplipar sa bann etranze ki nou krwar i en etranze – finalman  Seselwa! Menm parey mon’n ganny let mon’n ganny let an relasyon avek mon’n ganny let sorti kot IDC mon osi ki n dir avek mwan Mr Collins sa Sud Africain ki pa ansarz sa proze Cosmoledo.  Sa proze pe ganny fer par en Seselwa –  Mr Collins!

Alors finalman nou pou mon pa konnen ki kantite larzan pou ranmase!  E zis pou terminen Mr Speaker wi –  i for posib ki lo kote LDS i annan en keksoz mazik me ki nou kapab fer sa pei bouze.  Me malerezman avek sa baton ki anler State House la, sa napa nanryen ki pou bouze!  Mersi bokou.

 

(Interruption)

 

MR SPEAKER

Mersi Onorab.   CEO mon pa konnen si oule fer en dernyen komanter oubyen Minis.  Avan nou pran en vot?  Non?  Si non nou ava pran en vot lo Bidze ki en sonm R9,164milyon pou Seychelles Investment Board, ki form par sa Schedule e ki trouv lo paz 324 ziska 328 mon ava demann tou Manm ki an faver? Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair,  12 Manm In vot an faver e personn kont.  Mersi.

 

MR SPEAKER

Mersi Madanm Deputy Clerk.  Savedir Bidze 2019 pou SIB – Seychelles Investment Board in ganny aprouve par Lasanble Nasyonal.

Bon avek sa avan nou pran en Break mon ti a kontan remersi Ms Cindy Vidot CEO.  E Mr Gabriel koman son Deputy CEO.  

        Nou pou pran en Break e nou retournen nou retournen 4 mwen kar – 3:45 pou nou pran nou pou pran sa 2 dernyen ansanm National Tender Board avek Procurement Oversight Unit. Ok nou break nou retournen 3:45.

 

(BREAK)

 

NATIONAL TENDER BOARD & PROCUREMENT OVERSIGHT UNIT

 

MR SPEAKER

Bon nou ava kontinyen nou travay.   E mon ti a kontan welcome dan Lasanble Nasyonal bann zofisye ki sorti kot National Tender Board sa i konpri CEO, Ms Marie-Nella Nancy, e Mrs Marie-Paul Hetimier ki Senior Procurement Analayst.  

        Lo kote Procurement Oversisight Unit nou annan Ms Annie Dugasse ki Director Procurement Oversight Unit, Mrs Elsy Morel Principal Procurement Inspector e Mr  Dwight Stravens – Ag  Chief Chief Procurement Officer.  

        Bonn apre midi e welcome dan Lasanble Nasyonal.  Bonn nou ava konmans avek bann kestyon pou bann Manm.   Okenn Manm ki oule konmanse pou entervenir?  Onorab Ernesta.

Non zis en pti moman Onorab.  SS.  zis gid nou.

 

SECRETARY OF STATE  PATRICK PAYET

Mr Chair zis pou mon dir ki nou pou pran tou lede Heads ansanm.  Me selman nou pou pran vot separe.  Zot lo paz 290 ziska paz 295 nou annan Procurement Oversight Unit pou en sonm 11,538milyon.  E lo paz 296 ziska paz 300 kot National Tender Board pou en sonm R3,808milyon.

 

MR SPEAKER

Mersi SS.  Bon nou ava konmanse alor. Onorab Ernesta.

 

HON PAUL ERNESTA

Mersi Mr Chair.  Minis felisitasyon.  Tou koleg Onorab, tou dimoun a lekout bonn apre midi.

Mr Chair mwan mon konsern se ki bokou fwa si oule dan lepase nou ganny lo kote bokou lo kote Procurement nou ganny pa mal konsern nou ganny pa mal retar avek bann proze ki pa ganny sans arive, ziska la i annan proze ki pa ankor kapab enplimante dan distrik.

Ki zot pou fer pou amelyor sa dan pou lannen prosenn ki nou fer sir pou dir keksoz i mars byen?  E get tou proze i pas vit e avek efikasite?  Mersi Mr Chair.

 

MR SPEAKER

Mersi Onorab Ernesta. Mon ava donn laparol petet Direkter Procurement Oversight Unit.   Ms Dugasse.

 

DIRECTOR ANNIE DUGASSE

Bonn apre midi Mr Chair.  Bonn apre midi Manm Onorab.  Mersi pou ou kestyon Manm Onorab.

Lo kote Procurement nou aware sa bann issues ki sirtou sa lannen, ki si ou permet mwan dir lo kote proze an zeneral in vreman dousman sa lannen lo kote enplimantasyon.

Me ki nou pe sey fer pou lannen prosen,  akoz nou tou nu konnen pou ou kapab enplimant proze premyerman o bezwen annan en bon planning.

        E ki nou pe fer lannen prosenn,  nou’n bouz sa letan pou nou submit nou procurement plan.  Normalman procurement plan nou ti abitye issue li dan Zanvye.  Sa lannen ki nou’n fer en step further, an vi ki lannen prosen konman Finans i fini issue sirkiler pou issue cash flow, ki ti sa semenn, nou osi nou’n bouze avek procurement plan. Ki Minister i annan li en deadline semenn prosen pou submit. Ki by Desanm letan lannen fini nou ganny tou procurement plan. Zanvye nou pibliye dan Nasyon tou dimoun i konnen tou dimoun i aware e tou Minister i konnen ki proze ki Schedule in fer, ki nou espekte by sa i ava ed Minister pou fer better planning.  E enplimantasyon proze menm prosedir i ava vin pli kourt pli efikas, ki ava sey avoid en pe sa bann delays – sa bann difikilte ki nou e rankontre sa lannen.  Mersi.

 

MR SPEAKER

Mersi Ms Dugasse. Onorab Ernesta.

 

HON PAUL ERNESTA

Mersi Mr Chair.  Mon kontan s oule, sanz zot nouvo stratezi pou fer. Me selman ou’n donn ou’n nonmen pou dir i annan en deadline ki mon krwar by next month ki zot pe al fer sir ki sa bann keksoz i ganny fer.

Pou annan bann Minister pou ganny sa bann problenm ki pa pou submit on time.  Sa nou konnen sa bann difikilte nou pou gannyen.

Ki mannyer zot pou a pe deal avek sa sityasyon? Eski ou pe dir nou ki sa bann Minister konsernen, zot bann proze pa pou ganny enkli or i pou annan en lot fason ki pou fer sir tou keksoz i mars smooothly?  Thank kou Mr Chair.

 

MR SPEAKER

Mersi Onorab.  Ms Dugasse.

 

DIRECTOR ANNIE DUGASSE

Mersi Mr Chair.  Mersi Onorab.  Pou lannen 2019 osi en keksoz osi ki nou pe enplimante avek nou procurement plan nou’n azout sa laliny an plis dan nou let ki nou’n fini fer sorti –  se ki okenn Minister, ki santi i pe rankontre difikilte pou li  either submit oubyen drafte son promcurement plan nou konman Oversight nou’n fini pare pou nou zwenn zot fas a fas ed zot drafte sa plan finalize avan ler submit sa enn ki final.

E a longer lannen prosen osi, ki nou e fer nou pou kontinyen  monitor procurement plan par proze par sa desk officer kot nou osi ki fer sir sa bann issues sa lannen pa repete lannen prosen.

Si zanmen i arive savedir i pou tou depan sa Minister ki i   pa’n swiv son prosedir byen, i pa’n enplimant son proze byen. I pa’n plan byen. Parey  in arive dan lannen pase.   Mersi.

 

MR SPEAKER

Mersi Ms Dugasse. Onorab Henrie.

 

HON GERVAIS HENRIE

Mersi Mr Chair mon premye kestyon pou Tender Board.  Mon anvi konnen si tou bann antite Gouvernman ki swa i paraetatik pou bann  tender i absoliman bezwen vin kot zot ,akoz mon pe demann sa parske mon’n aprann  e mon ti a kontan si i korek sa lenformasyon, ki par egzanp STC son bann Kontra sekirite zot ti pe fer apar.

So mon anvi konnen si sa i leka akoz i koumsa?  Kan i annan Lalwa bann zafer tender?  Sa i premye.

Dezyenmman lately mon’n tann en pe bann challenge legal – pa neseserman legal me selman dimoun i challenge prosedir prosesis tender.  

So mon anvi konnen kwa pa pe mars neseserman byen, ki fer ki bann dimoun zot met en lobzeksyon e kwa  ki zot pou fer redwir sa bann lensidan, akoz zisteman i retar dan bann  proze ki otreman larzan ti ganny bidzete e vote pou fer?  Sa i de issue pou lemoman mon anvi demande.  Mersi.

 

MR SPEAKER

Mersi Onorab.  Mon ava pas laparol avek CEO pou National Tender Board.  Ms Nancy.

 

CEO MARIE-NELLA NANCY

Mersi Mr Chair. Mersi Onorab pou ou kestyon.   Bonn apre midi a tous.  Konsernan ou premye kestyon, i vre ki letan ou pou get Procurement Act i annan bann entities ki parey ki pe operate on a commercial basis – parey ou’n nonmen STC, SEPEC par egzanp.  Zot pa’n neseserman bezwen mandatwar pou zot swiv Lalwa Pocurement.

I annan serten provizyon dan Lalwa PMC, pou kouver sa bann entities.  E zot sipoze annan zot manual ki sort of mirror sa ki Lalwa Procurement i demande pou zot fer.  Bann prosedir e me selman apre si mon pa tronpe zot aprouvasyon i ganny fer lo nivo zot internally lo nivo zot Board.

Me selman pou nou Procurement Act, i mainly bann lorganizasyon ki pe follow Bidze issue by minister Finans.  Anyway SS petet i a kapab koriz mwan en pti pe lo sa kote.

Lo kote challenge,  i vre ki petet sa lannen in annan en pti pe plis challenge in the sense like petet bann ki’n desot review panel, akoz parey zot konnen dan Lalwa Procurement i annan par lao 750mil i vin kot tender Board.

        Si en dimoun pa satisfe i al lo review panel e si i still pa satisfe desizyon ki sa Review Panel endepandan in fer zot kapab al Ankour.

Me selman mon pwennvi personnel lo kote being CEO Tender Board, mon pa krwar ki in annan okenn floors parey petet ou pe mazinen lo tender process.  Mon krwar in vin plis en lo kote lenformasyon – awareness – ki plis leaders zot kosyon ki zot annan en ki zot the right to challenge, e si zot pa satisfe avek en desizyon ki’n ganny fer, zot al pli devan.

A tout fwa Board letan ki review – fodre pa bliye ki mannyer sistenm procurement i ete, once sa tender i fini ouver, tou sa bann dokiman i al dan lorganizasyon.  Ok.

        Se la kot sa lorganizasyon i fer son evalyasyon Committee i pas dan analysis.  Premyerman i bezwen fer analysis teknikal which is get tou zot requirement tender si dimoun in meet sa.

It’s only after that ki zot finansyel, kot bann ki’n meet zot laspe teknik la, zot ganny rank dapre zot pri e la ou pou vwar kot en pri pli abordab i ganny rekomande.

So the Board li i review sa evaluation report ki sa lorganizasyon i anvoye – ok?  E la si nou vwar ki annan keksoz ki nou pa satisfe avek nou refer back or i annan lenstans kot nou even reject sa rekomandasyon.  But si nou vwar li i annord e dapre sa ki’n ganny mete dan tender letan ti ganny lanse – napa nanryen nouvo ki e ganny entrodwir, then the Board will approve.  So parey mon’n dir an prenon kont sa ki’n ganny mete dan Lalwa, nou fer sa tout anliny avek provizyon dan Procurement Act.  

So as far as I know nou pe swivtou bann prosedir ki’n ganny laid down as per the Pocurement Act.   But it is just   that now people are more aware on the system how it works, and they go on.  They challenge to test whether they still have a chance of overturning the decision of the Board.  Mersi.

 

MR SPEAKER

Mersi CEO.  Onorab Henrie.

 

HON GERVAIS HENRIE

Wi de pti pwen klarifikasyon.  So annefe ki CEO in konfirmen ki wi i annan bann antite ki pa pas kot zot, zot annan zot own mechanism pou zot fer zot bann prosedir tender. So mon le konnen dan sa ka STC resaman mon’n aprann pou dir i annan en challenge e then tender Board in entervenir ou’n dir non i bezwen vin kot nou en keksoz koumsa.  Mon anvi konnen akoz then sa in mars fason in marse.

E dezyenmman ou’n dir ek mwan poudir ou satisfe ki zot above board konmsi.  Me touzour lefe ki zot e deal avek telman proze, i pou annan sa tantasyon ki dimoun i kapab krwar poudir serten lenformasyon anndan i ganny donnen – sa prosedir i kapab ganny abize, serten bann kontrakter pe bid i aste faver.

So dir nou pou dir ki reasir nou konman en Lasanble ki sa i a leka or se ki zanmen zot doute i e kapab annan zot pe pran tou mezir neseser pou asire ki i napa bann lenterferans avek zot ban prosedir entern.  Mersi.

 

MR SPEAKER

Mersi Onorab.  CEO.  

 

CEO MARIE-NELLA NANCY

Mersi Mr Chair.   Mersi Onorab.  Konsernan STC I am not aware ki sa issue ti vin kot nou Tender Board e ki nou ti demann zot pou swiv prosedir ok?  I annan ankor en lot laspe ki bon fer mansyonnen mon panse i i annan en konfizyon ek piblik e even bann procurement entities about Tender Board avek Procurement Oversight Unit.  Given ki nou baze dan menm building bokou dimoun kantmenm zot in al kot Procurement Oversight Unit zot pou dir zot in vin kot Tender Board.

Dan sa ka spesifik ki ou e mansyonnen, i en keksoz ki ti ganny refer Procurement Oversight Unit e zot ki ti intervene.  Akoz parey dapre Lalwa Procurement Oversight Unit i sa Board Regilatwar.  Zot ki pou kapab entervenir dan en  sityasyon Tender Board nou only appraise sa tender at the end.  So nou napa manda pou nou al dir ek STC ou pa’n swiv tel keksoz dan ou manual or whatever.   Sa i pou lo kote procurement.  Ok?  So mon pa konnen apre Director i ava konfirmen si ki ti arive dan sa ka.

Lo kote lenformasyon or the way we do our work.   Again letan ou pou get Procurement Act i annan en Seksyon si mon pa tronpe Seksyon 10.  I koz en pti pe for lo integrity of tou dimoun dan procurement system.  Being en zofisye dan Minister – en zofisye kot Tender Board e even Board  Members.  

        Now we know if we are to follow the Act ki nou sipoze pa disclose okenn lenformasyon pandan ki sa prosedir review pe ganny fer. Nou konnen osi ki si okenn lenstans i arive ki nou vwar en manm fanmir – en close relative in partisip dan en tender okenn lorganizasyon konman en manm, e osi lo nivo Sekretarya nou disclose nou interest – nou step out the meeting – nou pa partisip dan diskisyon.  Nou fer lezot manm okouran pou dir we have this – i annan manm ki even fer li avan meeting i ganny fer, so that everybody knows. So i bann prosedir ki nou pe met an plas, ki nou pe fer e ki nou p mars byen pou asire ki i napa sa lenterferans.  Menm si petet piblik an deor zot annan sa persepsyon, ki keksoz pe ganny fer otreman, m selman nou otan ki posib nou sey nou mye pou mentenir sa nouvo integrity parey monn dir letan mon pe appraise bann proze ki  vin devan nu.  Mersi.

 

MR SPEAKER

Mersi Ms Nancy.  Ms Dugasse.

 

DIRECTOR ANNIE DUGASSE

Mersi Mr Chair. Mersi Onorab.  Pou met en pe klarite lo sa issue    STC; annefe se STC li menm ki ti vin devan nou pou ed zot pou zot tender sekirite.  Akoz zot ti santi petet i annan en pe defayans zot procurement manual ki a sa moman ti e ganny review.  Of course nou ti ed zot pou sa tender.  Nou ti donn zot nou standard document  ki nou, nou servi,  pou sa tender nou ti donn zot,  solman nou pa ti enterfer plis ki sa ladan dan  bon … prosedir wise.  

        Apre ou ti menm al pli lwen.  Pou evalye proze nou ti menm donn zot – nou ti nominate en dimoun endepandan ki anba nou manda Seksyon 10 i allow nou konman en Oversight Unit po nou analyst bann evaluators,  pou al evalye proze.

E anba sa pouvwar nou i nominate  en dimoun pou Chair sa Evaluation Committee  pou evalye sa proze.  Me selman par kont from  lenformasyon ki nou’n anmase, keksoz pa’n al dapre plan, parey nou ti pe mazin espekte.  Dokiman ki nou, nou ti donnen i pa sa ki zot ti servi.

        So kantmenm nou’n ed zot, me selman finalman zot ki ti ganny pran internally zot pa’n pran tou nou konsey parey ti été.

E ki’n arive ti annan en appeal.  Sa appeal annan en kestyon in appeal kot STC.  In fer son prosedir normal.  Me selman ki in sorti sa bidder, in santi ki STC in vyol son drwa.  I pa’n provide li lenformasyon parey i sipoze provide.

        Alors sa bidder in ekrir nou formelman in challenge en led as Oversight pou nou eklersi sa sityasyon.  E nou by nou Lalwa nou’n apros STC nou’n don li advise ki nou, nou feel – menm kantmenm i pa swiv nou Lalwa.   Me selman  kantmenm i annan son manual son manual i sipoze reflekte general prensip Procurement Act.  

        E nou ti advise zot les appeal kontinyen.  Nou ti menm donn zot 3 dimoun endepandan pou entertain sa appeal.

E from lenformasyon ki nou nou’n gannyen avek sa appeal, ki letan zot in vwar ti annan ankor sa defayans dan sa tender, e ki mon prezimen lenformasyon ki nou’n gannyen appeal in vot an faver pou re tender sa proze.

So montre ou ki zot annan defayans zot annan nou, nou pare pou ed zot.  Me selman i annan de fwa kantmenm nou ede pa toultan ki zot pare pou pran nou bann rekomandasyon.  Nou napa en mekanizm an plas ki allow pou nou al dan sa bann lorganizasyon, pou nou fer sir sa ki nou’n dir zot sanmenm sa ki zot pe enplimante.   Sa i lo sa ka STC.  

        Pou azout lo sa ka ki CEO in dir lo kote lenformasyon lo kote konfidansyalite.    Nou osi lo kote regilater nou osi fer sir ki nou bann staff i operate anba en konfidansyalite.

Nou menm as far as fer staff siny en Declaration of Interest Form ki ganny sele dan en lanvlop, ki nou anmase ki anba mon sipervizyon.  Si zanmen en keksoz i ganny devwale, okenn dimoun i vin devan kekfwa enn mon staff in

kontwar-dir Lalwa, nou annan sa bann lenformasyon ki available pou zot deal, avek sa staff respektivman.   Sa i bann mekanizm ki nou annan entern, ki fer sir ki tou dokiman i konfidansyel – i ganny e staff osi i operate dan en fason profesyonnel.  Mersi.

 

MR SPEAKER

Mersi Ms Dugasse. Onorab Aglae.

 

HON EGBERT AGLAE

Mersi Mr Chair.  Bonn apre midi le de CEO.   CEO mon ti a kontan konnen an vi ki National Tender Board i ganny gide par en Lalwa i Regilasyon.  E me selman nou vwar souvandfwa vwar pou dir i annan bann non-performing  contractors –  bann bidders;  ki zot ganny Kontra pa performen.  Me apre ler i annan lezot travay zot bid lo la, ou vwar zot pe ganny travay.

Mon ti a kontan konnen ki zot Lalwa i dir si i annan bann bout ki silans lo la ki zot pa kapab fer nanryen zot pa kapab anpes li ganny Kontra pou ki pei ler i annan son travay pou li fer, i pa ganny met retar par bann dimoun, ouswa kontrakter ki li i deside pa performen.  Mersi.

 

MR SPEAKER

Mersi Onorab.  CEO sa ti pou osi mon pti kestyon final.   Mon reye.  Alor Onorab Aglae in poz mon kestyon.  CEO.  

 

CEO MARIE-NELLA NANCY

Mersi Onorab pou ou kestyon.  Onorab Lalwa i pa neseserman silans parey ou’n dir lo kote bann non-performing contractors.  Actually i annan en Seksyon ki koz about debarment of kontrakter letan zot pa pe perform.

        Me selman kot nou challenge i vini en pti pe, se ki sa pouvwar pou konmans sa debarment procedure mannyer Lalwa i ete at present, i dan lanmen bann procuring entities – ok?  Akoz parey prosedir sistenm procurement mannyer in ganny fer dan lorganizasyon i annan en kantite responsabilite zot osi.

So zot ki pe enplimant proze; zot ki the best law body pou dir ‘’look tel kontrakter in default pou tel, tel proze.  Mon pa ti ava voudre ganny partisip dan ankor nou bann proze pou tel rezon ki bann seksyon dan Kontra par egzanp ki sa dimoun i default …’’  And dapre Lalwa zot sipoze fer sa request atraver anvoy sa request Procurement Oversight Unit.

        Nou konman Board, menm si nou pou vwar bann sityasyon koumsa, the only thing ki nou mandate ki nou kapab fer, se ki par egzanp ennler nou ganny bann request pou annul tender.  Oubyen pou kennsel en Kontra akoz en kontrakter in ‘default’ nou zis kapab letan nou ekrir let refer sa ka kot POU ek lorganizasyon’ pou dir please nou demande ki zot ensure ki zot enforce debarment procedures.  But who does a debarment procedures it has to come from lorganizasyon tou POU ki sipoze zot fer investigation avan ki sa debarment i kapab pran lefe.

E usually letan en kontrakter i ganny debarred i   sipoze ganny suspended pou li pa partisip dan tender from 6 mwan a 18 mwan – si mon pa tronpe. Ok? So problenm ki parey ou pe mansyonnen at present bokou lorganizasyon zot en pti pe si mo pou seri sa mo reluctant pou zot vin devan pou dir konmkwa nou pa ti ava voudre sa dimoun i partisip dan nou tender.  Par-ler zot pou dir ou mon anvi terminate li lo sa Kontra, me selman mon pa anvi tir li net.

Akoz you never know si pou kapab perform.  Or en lot keksoz ki nou vwar se ki i annan serten kontrakter ki travay byen avek en serten lorganizayon me i perform poorly lo en lot lorganizasyon.

E i poz nou kestyon eski problenm i ek sa kontrakter menm, i ek sa lorganizasyon Seksyon Proze – what is it?

So i en konsern ki nou ankor pe lo kote Board e I believe Procurement Oversight Unit osi nou ankor pe sey idantifye en solisyon.  Mersi.

 

MR SPEAKER

Mersi CEO.   Onorab Aglae.

 

HON EGBERT AGLAE

CEO mersi pou ou larepons.   I vedir ki National Board Tender Board ek Procurement Oversight –  savedir zot bezwen devlop en relasyon avek sa bann antite.

E mwan mon ti a sizere ouswa, eski zot annan zot petet en lalis? Akoz tou kontrakter i bezwen travay.  I bezwen ganny son dipen li osi i bezwen travay.   Par-ler  i arive bann fot.  Me selman sa ki mwan mon ti a kontan vwar, ki ou’n dir pou dir sa bann antite parfwa zot pa le vin devan pou fer konnen pou dir zot annan bann non-performing, zot zis les li ale proze i retarde, retarde.

Alors eski zot annan en sistenm warning zot, ki zot kapab konekte avek sa antite poudir gete ‘’X – Y’’ ou’n donn  li de fwa i pa’n performen la nou pe issue li son warning son lot, si i kontinyen then nou, nou pou pran en desizyon pou i pa partisipe?

Konmsi akoz  par-ler sa ki arive sa bann antite zot, zot pa pou vini devan, me pouvwar i dan Tender Board zot ki pran desizyon final pou award sa tender apre.

So nou bezwen annan sa sinerzi avek sa de antite avek sa zot Board la.  Mon ti a kontan i mars en pe dan sa laliny.   Mersi.

 

MR SPEAKER

Mersi Onorab.  CEO oule azout keksoz ankor oubyen Ms Dugasse – POU.

 

DIRECTOR ANNIE DUGASSE

Mersi Onorab pou ou kestyon.   Lo kote POU ki nou pe fer pou  lannen prosen, nou pe devlop nou en Polisi  -en  framework ki pou apel li en Tenders ID.  Ki i pou mean sa nou pe devlop en kestyonner ki nou pou sirkil ek tou kontrakter.  Nou pou pran tou kontrakter sort parey en lanrezistreman nou pou met zot dan en sistenm – en data base.

        E sa ki mannyer i pou ed nou?  I pou ed nou konnen letan Kontrakter i ganny Kontra.  Nou pou konnen ki kantite Kontra kontrakter i annan – ki proze Minister.  E sa osi pou ed nou letan i annan sa bann issue parey non-performance, pou nou konnen ki mannyer pou deal avek.  Akoz  nou pou konnen kantite Kontra en kontrakter i annan e i pou ed nou osi pou sey anpes en Kontrakter pran plis Kontra, ki i kapab fer.

Sanmenm sa k issue ki ou vwar ki proze pa fini or i annan non-performance.

        E sa framework, sa Polisi nou nou pe devlop li e byento nou pou submit avek Minister Finans pou aprouve, nou ti a kontan sa i enplimante 2019  pou nou kapab sey zisteman pou deal avek sa bann issues, ki nou pe rankontre ozordi non-performance i redwir.   Mersi.

 

MR SPEAKER

Mersi Ms Dugasse.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti pe annan en pti konversyon avek bann zofisye Procurement Oversight Unit avek National Tender Board, zis avan nou konmanse la.

E mon krwar zot ti pe don mon en lesplikasyon lo en kestyon, ki mon krwar tou piblik i bezwen tande.

Enn bann kritik ki souvan ou tande from bann  Minister, bann Departman e bann Lazans, se ki zot pa’n kapab enplimant zot proze akoz National Tender Board avek Procurement Oversight Unit, i dousman.  Zot bann prosedir i cumbersome e zot pas en ta letan pe zis sort out prosedir.  

        Nou konman en Lasanble, nou’n eksprim nou konsern, ki i annan plizyer laspe dan Bidze – sirtou dan Bidze Kapital, ki pa’n ganny enplimante.   E i enportan ki sa bann keksoz i ganny enplimante, akoz se sa ki fer ki drive en pe krwasans  ekonomik.

Alors mon ti a kontan demann avek sa de prezan tan sa de lenstitisyon enportan ki la isi, pou dir avek nou kote problenm i été?  Eski i vre ki i annan sa bann bottlenecks.  Eski si i annan dir nou kote?  Si napa sey dir piblikman pou tou dimoun konpran, ki zot, zot espekte bann sa bann Departman bann diferan Minister, i fer dan en fason diferan pou fer an ki sa bann prosedir i al pli vit.    

E osi donn nou en lide lo vi ki zot enterakte avek bokou sa bann dimoun, dan sa bann seksyon dan bann diferan NDAs dir  nou si zot santi pou dir  i annan sa bann landrwa  dan Gouvernman ki understaffed e se sa en pe ki pe osi ki kapab pe koz en pe sa bann problenm.  So mersi pou reponn sa, silvouple.

 

MR SPEAKER

Mersi Onorab Ferrari.  Bon nenport ki le konmanse POU.   Ms Dugasse.

 

DIRECTOR ANNIE DUGASSE

Mersi Mr Chair.  Mersi Onorab.  Lo kote issue prosedir – premyerman parey toultan nou dir,  pou en dimoun kapab fer procurement premyerman i bezwen konpran.   Pou li kapab enterpret son proze i bezwen konpran sa Lalwa  – konpran  prosedir.

E dan Lalwa i annan en ta prosedir – i annan en ta mekanizm ki an plas, pou ou kapab fer ou procurement.  Lo kote si prosedir i tarde – i long.  Si en Minister i vin avek son proze – i konpran son proze, normalman i bezwen vin ek file ki konplet.  Tou son lenformasyon ladan – son advert – son BOQ i annord – tou approval neseser ki i bezwen in ganny donnen.

E kot nou si tou keksoz i annord – sirtou si i pe fer en tender open normalman minimum  Lalwa i dir ou 4 semenn.  Me ki nou pe vwar ozordi – Minister – issues ki nou pe vwar, Minister i tarde ek son proze.  I konnen i annan son plan depi Zanvye, i tenir ek sa proze, i kale ek sa proze i vini dan Septanm/ Oktob letan Bidze pros pou fermen, ladan menm i le sistenm fast track.  Fast track i wi – nou annan dan procurement.  Me selman of course bout fast tracking i annan zistifikasyon!  Si tou mon annan tou lenformasyon, tou keksoz i annord, mon asire ki menm nou POU tender Board, pou napa okenn problenm pou fast track, ou proze pou redwir li from 4 semenn pou fer menm 2 semenn!  Menm allow li pou fer selective bidding dan plas open tender.

Me it all goes down to justification, sa ki ou pe fer e ou file i annord ek tou ou bann lenformasyon annord.

Pou tender open osi, si tou son keksoz i annord, i al byen i annord, nou osi nou fast track li vitman ki parey Lalwa i dir ou minimum 4 semen i fer son tender, i fer en semenn pou li award nou ferm en tender dan minimum dan 6 semenn.

Nou pa vwar akoz Minister i toultan – nou vwar nou pe ganny blanmen lo prosedir.   Lo nou kote wi nou annan en issue work force.  Nou annan nou zis 26 staff nou pe deal avek over 100 entities.  

        Me selman nou sey nou mye.  Me selman lo kote Minister issues ki nou pe vwar capacity i en problenm dan nou Minister.

Capacity an term dimoun ki konpetan pou kapab fer sa bann louvraz.  Sa ki manke nou vwar dan Minister. E ki nou, nou ti a kontan – nou ti a kontan ki Minister i vin pli proactive dan zot procurement.

Kot i annan en mankman e menm nou lo kote Regilater kot i annan  en mankman nou annan nou parfwa nou staff i ale kot Minister i al fer son procurement pou zot.

I en skill ki nou train nou bann staff pou al fer.  Me selman moving forward, ti a bon nou zwenn nou tou nu zwenn ansanm sa procurement officer, nou zwenn zot ek procurement, pou nou kapab donn zot en pe plis training – en pe pis lankadreman, ki nou tou nou konpran nou pe koz menm langaz pou fer nou procurement al en pe pli byen.  Mersi

 

MR SPEAKER

Mersi Ms Dugasse.  CEO Ms Nancy.

 

CEO MARIE-NELLA NANCY

Mersi Mr Chair.  Mon ti a zis kontan azoute lo sa ki Ms Dugasse in koz lo la.   Lo kote Board.  Board i meet tou le Mardi e o tan ki nou ki mon aware tou proze ki antre – i annan letan nou ganny bann late submission even Mardi bomaten, nou sey sqeeze menm pou fer prosedir fast track.  Napa proze ki reste deryer ki pou nou dir pou al lot semenn, akoz nou anvi sa prosedir i flow.  

E si lorganizasyon zot bann rapor zot pe anvoye, i ganny fer byen, laspe teknik i bon finansyel, rekomandasyon you only need one sitting pou ganny laprouvasyon.

Me kot petet sa ki zot, zot pou apel retar i vini, se kot letan Board i tyek analysis ki’n ganny fer, i annan mankman.  I annan mankman lafason ki rekomandasyon, pe ganny fer – petet i pa anliny avek tender procedures ki ti ganny mete dan tender document.  So proze i defer la.  Ou proze i retourn back.  

        I annan bann pti senp fot par egzanp bann errors ki kontrakter in fer ki pa’n ganny pick up proze i retournen.   Ok? So   i fer sa back and forth.  But si tou keksoz i annord, zistifikasyon i la, napa okenn retar mon poudir lo kote tender Board pou defer – pou fer proze retarde.   Mersi.

 

MR SPEAKER

Mersi CEO.   Onorab Ferrari.

 

HON JEAN-FRANCOIS FERRARI

Ok mersi. Mon anvi zis pou mon re vin en pti pe lo sa kestyon fast track i annan souvan ou tande pou dir a mon pa’n ganny mon 3  bid – mon pa’n ganny  mon 3 quote. Mon pa’n ganny sa.

Eski ou pe dir poudir sa i  the norm?   Me si ou pa gannyen – ou napa letan oubyen pou en lot rezon oubyen ou napa sa kalite supplier – ou’n ganny enn oubyen ou’n ganny 2, me selman ou’n kapab zistifye, sa prosedir ki ou’n pran ki still akseptab avek zot deza.   Si zot kapab konfirm sa.  Akoz bann Lazans deor, mwan mon oule rod en fason pou dir zo ki zot napa leskiz – zot napa leskiz akoz zot annan bann diferan fason pou fer avanse en proze, as long ki larzan piblik i ganny respekte e prosedir i ganny respekte.   Mersi.

 

MR SPEAKER

Mersi Onorab.  CEO.

 

CEO MARIE-NELLA NANCY

Wi me selman en pti pe avek en pe kondisyon the sense ki mannyer nou pou bezwen eksplik sa.

Lalwa i fer prosedir pou bann flexibility.  Parey ou pe dir si in arive i pa’n ganny 3 in ganny 2 akoz parey nounou get each procurement on a case-by-case basis.

Ok sa ki vin devan nou ki ti ou kriter ki ou’n gannyen ki bann pri, ki bann technical – we go by that.  So si i arive the Board i konsidere dapre sa lenformasyon ki vin devan.

Me nou pa pou kapab servi sa osi, konman en keksoz po nou fer bann labi!  Kot nou pou ale en prosedir ki nou ti’n kapab konmans li depi March/April, fer li byen ganny konpetisyon ganny plis dimoun enterese pou vini, at the last minute Septanm/Oktob ou pou taye ou pou dir nou a ni fer direct bidding san en rezon kler.   La ou pou ganny difikilte pou ou ganny en laprouvasyon.

E mon krwar par-ler bokou lorganizasyon pa ganny en konpran sa.  Ok?  So i mars en pti pe koumsa.  Mersi.

 

MR SPEAKER

Mersi CEO.   Onorab Stephen Pillay.

 

HON STEPHEN PILLAY

Mersi M Speaker.  Mr Speaker enn de pti kestyon pou Tender Board avek Procurement entity.

Zis pou en pe klarifikasyon.  Ler tender Board pe donn tender pou zot bann tender out pou bann travay.  Eski i annan en reprezantan procuring sa procurement entity vin ek zot?  E ki son kontribisyon?  Eski li i annan sa Sef pou dir ou entel pa pran li ou’n i e vin zis dir i annan on scope of works ki mannyer travay ki mannyer i pe oule

Rezon Mr Speaker se ki ler mon get bann lalis ki Tender Board i pibliye la mon annan pou ziska Septanm.  Lekel ki deside sa discrepancy?  I annan lakaz ki tonm en unit 1milyon – 1.2.  Me i annan lakaz osi ki tonm 300, 500, 600 konmsi sa pri ki rol i zwe?

Akoz mwan mon pe gete la i annan sirtou mon pe fer avek pou Au Cap, i annan konpannyen ki pe ganny tender, i resanble zot pe under value zot tender, pou zot ganny tender epi 1an apre parey la mon vwar 36 unit Perseverance zot demann en Contract ankor pou R5milyon ekek.

Ki zot pe fer konmsi akoz sa bann i resanble – anyway dapre zot rapor sa ki mannyer mon e koz lo la i en konpannyen ki pe ganny plis tender SIFU Construction ou kapab nonmen akoz i dan zot rapor.   Plis tender pe gannyen.  Me ler ou pe get on average so bann tender li, i pli ba ki tou lezot ki pe tender. Akoz ki zot pe pran sa ki pli ba kan oubyen akoz zot pe pran sa ki pli o tou?  Kan si i pe fer son average parey i pe dir ou, li i pe pran 600 a 500 e zot lezot pe pran 1milyon an montan  – si an montan ki pa bon oubyen sa.   Ki kekfwa Tender Board avek procurement …. ki verifikasyon zot fer pou dir sa lenpresyon parey nou dir trik  dan zwe olye pe donn dimoun epi pou rod extension avek en pe larzan an plis.   Mersi Mr Speaker.

 

MR SPEAKER

Mersi Onorab.  CEO oubyen Ms Dugasse.

 

CEO MARIE-NELLA NANCY

Mersi Onorab pou ou kestyon.   Sa kestyon ki ou’n koze i enn ki son lesplikasyon petet i en pe teknik dan serten sans – en.

Parey mon’n dir oparavan, tou proze ki vin devan Board, nou bezwen get li case-by-case basis – ok?  

Lorganizasyon i fer zot proze e zot anvoy zot rapor ki sipoze enkorpor sa laspe teknik ladan.

E tou lorganizasyon tre bon fer resorti zot annan en cost estimate, ki gid en pti pe kwa bann lekspektasyon, bann pri ki zot espekte bidders pou vi avek.

So letan zot anvoy zot rapor, i sipoze annan sa cost estimate e usually zot pou fer en konparezon ant pri ki bidders in donnen, versus sa cost estimate internal ki zot, zot in fer.

E de la si zot, zot vwar ki sa pri menm si en pe pli ba m selman i within close wage of zot estimate ou pou vwar ki bokou fwa zot pou rekomande.  Pou zot donn sa dimoun menm si i en pti pe pli ba.

Parfwa si i annan sa dekalaz la, zot pou dir ou be petet annou pa al the lowest or go to the second lowest or whichever rank – an tou prenon kont ki sa dimoun i en pti pe tro ba.

E dan bann ka koumsa Board i toultan akoz nou bezwen realize pou dir Board i dan milye li.  I pe rod sa balancing act between sa lorganizasyon piblik ki bezwen sa servis e sa sekter prive ki lii pe  santi pou kapab donn sa servis – ok.

        Parey Onorab Henrie in dir i annan dimoun i pe pli devan pou challenge.   Nou osi nou bezwen fer sir letan nou e get bann rekomandasyon ki fer, eski i annan grounds pou en dimoun demen challenge akoz mon pa’n gannyen?  E eski zistifikasyon ki organizasyon e donn nou, i strong enough pou kapab fer sa dimoun konpran be ou’n perdi pwen lo tel, tel rezon.

Ok so to go back this is why si an ka i ariv e ki pa sa dimoun, ki en e close ek zot estimate ki pe ganny rekomande Board pou demann sa lorganizasyon pou li fer sa ki nou apel en cost comparison.

        Al dan sa dimoun al ek cost estimate get bann pri montre nou ek market value kwa ki sitan pli o pli ba konfirmen ki vre sa dimoun pa pou kapab fer li – at this cost and if this is done straight forward of course the Board pou award en lot rekomandasyon, other than sa enn ki zot pe krwar i en pe pli ba.

So parey mon’n dir it go back to the point ki tou depans sa tender li menm ki bann rezilta ki pe vini ki cost estimate Seksyon Proze pe vin avek po nou kapab fer sa legzersis en pti pe pli profon.   Mersi.

 

MR SPEAKER

Mersi CEO.   Yes Onorab Pillay.

 

HON STEPHEN PILLAY

Me Mr Speaker mon pa konnen si procurement entity oubyen li. Sa bout kot i e dir the lowest or closest bidder to son scope of work ki’n gannyen.  Eski sa i annan en QS ki travay ek zot oubyen i travay ek sa procurement entity?

        Epi mon pe demann li ankor, konsernan sa lo bid ki mon pe koz lo la akoz e sa zot persepsyon, se ki zot bid the lowest price sa zot konnen atraver en dimoun ki scope of work i été.   Epi zot donn en extension 5milyon parey mon pe gete la R5, 250milyon pou en louvraz ki i ti’n tender pou 15milyon.

Sanmenm mon pe demande ki kontrol – i annan parey Onorab in dir si ou fer koumsa, otomatikman tou tender pou al pou sa boug ki apepre byen.  Epi 2an apre 2an apre zot rod en extension.   Zot dir ou ki pri in monte.  Konmsi ki kontrol?   – Kekfwa zot pa pe ganny dir  ki  dek ou’n gannyen ou’n tender pou R15milyon pou en lakaz  R423mil par unit. 1an apre R145mil par unit i ganny extended ki onm apepre R600 mil en unit.  Se sa kontrol ki dir boss ler ou’n ganny ou Kontra ou pa pe ganny extension or otherwise.  Si ou pa kapab fer, i annan en penalti or whatever or kit sa Kontra ou retender out kot  in arive.

Se sa kontrol – sa verifikasyon ki mwan mon pe dir, ki mon pe git li la black and white, ki mannyer zot pou deal avek ki sa boug R600mil pe pas anba sa boug 1milyon – R900 mil.   Konmdir mon koleg.  Mon pa konnen si koreksyon me selman tir sa persepsyon ek nou – fer kler poudir tou keksoz pe marse.  I annan pa pe donnen extension, or ki kontrol zot pe mete pou verifye sa.   Mersi Mr Speaker.

 

MR SPEAKER

Mersi Onorab.   CEO oule azout keksoz?

 

CEO MARIE-NELLA NANCY

Mersi Onorab.   Avan mon reponn ou kestyon, mon ti a voudre eklersi en pti pe sa pwen ki ou’n nonm parey varyasyon ek extension.  

I on note ki sak proze son request varyasyon ek extension can be different depandan proze.

I pa neseserman par-ler lafot kontrakter ki en varyasyon pe ganny fer.   I annan de fwa ki nou’n vwar nou osi ki’n vin devan Board, kot letan en proze in ganny tender i annan mankman dan biro BOQ.   Ki letan proze pe enplimante lorganizasyon i trouve prezan nou bezwen fer sa, sa, sa zot instruct kontrakter pou fer.  Ok.      

        So i annan sa.  Me i annan parey ou pe dir petet kot en dimoun in son pri en pti pe pli ba.  E ki a longer di-tan son pri i eleve.  At present Board parey mon’n dir avan nou napa sa manda pou nou antre dan lorganizasyon, pou nou ale pou nou dir ‘’look la ou’n fer varyasyon ou pa ti’n devret fer.’’

Akoz sa i en keksoz teknik zot, zot pou dir ou otan ki zot teknisyen in vwar pou fer bout louvraz an plis, zot ki pou ekrir nou pou demande, me selman ki Board i fer, nou verifye tou zot request pou varyasyon.  En break down nou demann zot.  Nou apel sa en Variation Order – tou bann kou ki zot pe zot pe liste ki zot bezwen fer.

At present nou napa en QS lo Board, me selman nou rod lasistans QS endepandan dan bann ka kot nou santi sa varyasyon i en pti pe tro o – (1)

E dezyenmman nou rod lasistans Inspectorate Section kot POU ki  zot osi zot en  pti pe pli well versed dan proze kot nou refer sa bann case kot zot, pou zot al lo site – al mezire al tyeke si vre sa bann varyasyon pe ganny donnen i fer san – i byen.  I annan de ka kot nou even letan rapor i retournen, nou even demann zot pou redwir serten keksoz ki zot ti’n mete.

So tousala i bann legzersis ki nou pe fer.  Me selman parey mon’n dir si pou fer okenn kontrol direk – i pou bezwen atraver regilatwar ki Regilater ki Procurement Oversight Unit, ki pou li kapab intervene pou dir ok as of now nou pou met tel penalti pou bann ki e fer varyasyon ki pa apropriye – par egzanp.  Mersi.

 

MR SPEAKER

Mersi CEO.   Onorab Sebastien Pillay.

 

HON STEPHEN PILLAY

Mr Speaker zis en pti klarifikasyon.

 

MR SPEAKER

Fer li vit Onorab.

 

HON STEPHEN PILLAY

Eski CEO Tender Board i kapab fer mon ganny fer Lasanble ganny en lalis tou bann Kontra ki’n extend ki an plis ki son tender value?  Di-si 2017 ziska pou Septanm 2018.   Si i kapab fer nou ganny en lalis.

 

MR SPEAKER

Mersi Onorab.   Ok CEO in note.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonn apre midi.   Bonn apre midi tou dimoun.

Mr Chair i vreman enportan ki sa ki nou rod tou fason po nou fer sir ki s ape fonksyonn lo en nivo ki permet zot asir konfyans piblik an zeneral.

Mon premye pwen i lo konpozisyon si oule tender Board.

Eski nou santi ozordi ki konpozisyon Tender Board i permet li kapab cope avek natir e demann sa travay ki annan pou fer?  Eski sa i posib an ver sa konpozisyon Tender Board?  Eski i petet ou devret annan plis petet profesyonnel ki sorti dan domenn proze – management n of projects?

        Oubyen eski nou’n fer sa konpozisyon po nou sey match li ek konpozisyon lezot Board, pou ki nou tou bann diferan antite lo la, e sa i fer ki petet nou pa’n donn sa Board the best composition pou li – pa ki mon pe kestyonn Board aktyel – non.

E eski nou ti kapab fer pli byen?  That’s the question ki mon pe demande.  Mon premye kestyon.

Mon 2enm kestyon e sa mon kestyon petet Minister Finans i kapab eklersi –  ler par egzanp nou ganny bann proze anba Grant – ki permet nou al fer procurement lokal akoz ou pa pran par egzanp pran project management from the private sector?  Nou annan en kantite bann project managers, ki’n oversee bann gran, gran proze ki’n marse dan private sector.

        E parfwa ou demann ou lekor, ki mannyer sa bann proze i marse dan private sector?  Me ki Gouvernman pe depans preski menm kantite me sa bann proze pa pe marse?

Kwa ki pe anpes nou pou nou kapab apros sa anba sa bann konponan proze, pou nou annan bann project managers, ki kapab permet nou asir plis accountability dan sa domenn?

Mon 3enm kestyon Mr Chairman –  i konsern sa Vendor ID ki ou’n mansyonnen.   Zot in dir zot pou fer sa Vendor ID anba en Polisi.  Akoz zot pa met li anba en Lalwa ki ava fer ki annan tou lafors legal ki pou asire ki tou dimoun i comply avek?  Mersi Mr Chair.

 

MR SPEAKER

Mersi Onorab.   CEO.

 

CEO MARIE-NELLA NANCY

Mersi Onorab pou ou kestyon.  Onorab mon krwar mon pou reponn sa premye kestyon ki vin direk ek Tender Board apre Finans ek POU zot ava pran sa de lezot.

Konsernan konpozisyon Tender Board, mon pou lir direkteman sa ki mete dan Lalwa at present about son konpozisyon.

I dir, ‘’The President appoints the Board which comprises the Chairperson, a maximum of 6 other members as follows; two public officers, a representative of Seychelles Chamber of Commerce and Industry, a representative of non-governmental organizations at that time ti nominated by Lungos, and two representatives of professional associations operating in Seychelles nominated by such associations.  Having the necessary experience and knowledge in general economics, legal, administrative, financial engineering, scientific or technical matters.’’

        Now sa konpozisyon as far ki mon i ti ganny fer akoz Tender Board li menm in operate depi 2004 – ok?  2004 i ti en pti Seksyon anba Minister Finans e back then ou ti vwar t annan plis konpozisyon public officers. Mon krwar ti annan apepre 4, 5 dimoun dan, Gouvernman.  E petet zis de prive.

So with the change in corporate governance back then – pa bliye Lalwa i date 2008 – konmansman 2009, ti annan sa push pou anmenn plis sekter prive lo bann Boards.  So ou vwar konpozisyon public officers ti desann pou vin 2 apre ou annan en reprezantan Chamber en reprezantan Lungos ki’n ganny replaced by CEPS.

        E at present nou annan en reprezantan Bar Association e en reprezantan acounting professional.  

        So this was then.  Akoz ti sipoze annan sa balans en pti pe.  So si parey ou pe dir Onorab la an 2018, nou vwar ki petet sa konpozisyon i pa pe neseserman reflekte klima aktyel, then I suppose POU mon panse i annan en legzersis pe revwar Lalwa ,then we can by all means amann son konpozisyon.  Mersi.

 

MR SPEAKER

Mersi CEO.   Ms Dugasse oule azout keksoz oubyen Minis?  SS.

 

SECREATARY OF STATE PATRICK PAYET

Mersi Mr Chair.  Mersi Onorab.  Mon pou tous sa kestyon lo project management dan bann Minister.

A se moman ki nou pe ankouraze se, akoz nou’n vwar ki i annan konsiltan – par egzanp dan serten Minister ki ti’n zot ti’n pran bann konsiltan prive, spesifik zis bann prive.   Me i annan bann gro proze; par egzanp mon konnen bann gro proze par egzanp Ministry of Land Use – Lenfrastriktir, ki zot pran definitivman sekter prive ki zot siny bann project management lo la.

So i pa tou bann proze ki sekter prive.  Me i annan par egzanp parey mon konnen kot Minister Ledikasyon sanmenm sa ki nou’n pran adisyonnel detrwa project officers, pou zot oversee bann nouvo proze ki zot pe met an plas.

E avek Bidze, pou lannen 2019  ki nou pe fer le neseser pou recruit adisyonnel 10 project officers.   So sa i bann kapasite ki nou pe ed bann Minister, pou zot kapab annan pou zot kapab manage en pe sa bann nouvo proze ki zot pe vin avek lo tender; oversight e fer sir ki i ganny enplimante byen.   Me i annan par egzanp SBC, zis pou donn sa legzanp, i annan en Grant ki nou’n gannyen avek Chinese pou fer SBC House e zot in tender en dimoun prive ki pe oversight sa proze.

So i annan tou sa bann mekanizm ki nou met an plas.   Mersi.

 

MR SPEAKER

Onorab Pillay.

 

HON SEBASTIEN PILLAY

Mersi Mr Chair.   Mr Chair prezan mon oule tous en pwen.   Vi ki nou’n vwar ki annan eleman kot bann parastatal i vin kot zot pou demann zot in regards zot bann tender procedures eksetera ki zot etablir,  eski Minister Finans – pa pe mazinen dan lefitir, an vi ki nou annan bann parastatal ki zere pa mal Kapital ki  annan bann proze ki ase sibstansyel. Annou pran SEPEC, STC, IDC and whatnot.  Ki mannyer nou kapab asire ki demann tenders ki ganny fer par sa bann parastatal, kwa ki nou kapab fer pou ki procurement e Tender Board i osi antre pou annan en serten oversight?   Or ki kalite oversight mekanizm ki nou antre pou annan?   Akoz nou tann bokou kritik parfwa lo serten tenders ki ganny fer.   E sa i pa reflekte byen.

Me mon krwar sa ki enportan moving forward, se ki nou rod tou fason pou asire ki nou tir sa persepsyon, ki there’s something strange going on, e pou fer sir ki dimoun i ganny konfidans parski sa proze oubyen sa aktivite in ganny tendered, napa collusion ki egziste dan bann sa bann lorganizasyon.

So kwa ki pe ganny fer pou asir sa?  Oubyen eski sa pa tonm anba manda antite ki la?

Me i en keksoz ki zot kapab konsidere pou fer zisteman pou donn piblik plis konfyans dan sa ki pe pase.  Mersi.

 

MR SPEAKER

Mersi Onorab.  SS.

 

SECRETARY OF STATE PATRICK PAYET

Mr Chair mersi.  E mersi Onorab pou sa kestyon.   En keksoz ki nou’n pandan sa lannen nou pe diskite, se revwar en pe lafason akoz premyerman nou ti’n diskite avek POU – par egzanp si nou kapab take over tou bann procurement process of sa bann SOEs?  E nou’n vwar – enn se kapasite ki POU i annan actually.   Akoz ki kantite sa bann tender ki pe take in place currently.

Me actually la ki nou’n fer, ki nou pe fer nou pe revwar Lalwa Public Enterprise Monitoring Commission – nou pe revwar Lalwa Public Finance Management.   An menm tan nou pe revwar Lalwa POU Procurement Oversight Unit ki Public Procurement Unit dan Gouvernman, ki at least i annan synergy lo tou le 3 Lalwa Public Finance Management.  

        E en diskisyon se fer sir ki at least sa bann SOEs i bezwen annan en robust procurement system in place.  

        Ki mon pe dir -ki mon pe mean par sa se at least sa frame work  i ganny endorse.  Si par egzanp nou kit sa independently avek sa bann SOEs, ki sa frame work i ganny endorse pa POU avan ki zot kapab enplimant sa frame work.

Ouswa en lot opsyon se fer sir ki zot follow through the procurement oversight, the public procurement egziste.

Sa i bann diskisyon ki nou p diskite.  E once ki nou fini etabli, nou pou annan sanzman ki nou pou fer dan sa 3 Lalwa ki pou fer sir ki at least i annan en robust system.  

        E si nou deside pou kit sa dan sa bann SOEs, zot bezwen fer sir ki i annan en in depend assessment process ki ganny fer.

So sa i bann prosedir ki at least, i dan diskisyon e nou pou fer sir ki once ki nou fini etabli, nou kapab diskite avek bann lezot stakeholders.   Mersi.

 

MR SPEAKER

Mersi SS.  Onorab Afif.

 

HON AHMED AFIF

Mersi Mr Chair.  Mr Chair mon ti a kontan demann petet CEO tender Board oubyen Procurement Oversight Unit, vi ki enn zot bi – zot manda se pou promouvwar bann bon prensip bonn gouvernans.   Ladan i met konpetisyon fer lekonomi lefikasite e rann kont.

Eski zot,  zot santi zot ozordi, zot annan sifizaman lekspertiz dan zot tim, ki lemoman ki en departman oubyen en Minister i vin devan zot i vini i dir la la mon 3 tender – sepa mon 4 tender sennla, mon pe rekomande e mon ti a kontan proceed avek sa.

Ou annan dimoun – par egzanp si i ti pou en proze lakaz, i vini i dir be mon’n ganny pou ou konnen si semenn pase ti annan enn ki ti fer 5 lakaz ganny R8 mil par met kare.  La sa semenn i vin lot Departman i vini avek 3mil lakaz.  I osi i ganny R8mil pa met kare.

Eski ou annan en dimoun ki deswit – pa ni bezwen Lalwa – pa ni bezwen esper okenn amannman, i dir tyonbo en kou, pa fer sans.   Pa fer sans sa bann pri ki nou’n gannyen i devret R5 mil par met kare.  Mon pa konnen ki mannyer ou’n kalkil sa.  Vitman i fer en desizyon i dir sa bann pri fo ou devret 5 mil oubyen 5,500mil parske ou annan eksper dan ou Departman.  Straight away i dir ou be ki louvraz i pe al fer la.   Be en lakaz ki kalite?  Vitman menm zour ou gete ou dir be sa i tro ser sa. Sorry.  Tou le 3 fer tournen.   Fer tournen.  Prezan eski ou annan sa pouvwar osi prezan ou dir ek li, dir ek tou mon kontrakter dan tender la i la mon pri.  Maksimonm ki mon e peye.          5, 500 pa met kare oubyen 6mil – zot a deside.  E maksimonm ki nou pe pran.

Prezan tousala vin bid selman mon pa pe pran plis ki sa.   Sa enn ki ganny pli ba mn annan drwa negosye ek li prezan pou fer li desann ankor.

Sa koumsa.  Akoz tou dimoun prive i fer sa.  Tou dimoun prive.  E ou konman Gouvernman zot, zot annan en Bidze ki Gouvernman pe depanse omwen R3bilyon par an.  Omwen ler ou pran Capital Projects 1.2milyon avek ‘’good and services’’ ankor 1.2 milyon. Be ou – par -ler ou pe depans ou R7 milyon par zour.   Sa ki zot depanse toulezour.  R7 milyon.

Be ler ou depans R7 milyon par zour, ou pa kapab komann pri?  Ou bezwen al esper Lalwa pou aranze?  Eski napa en posibilite pou zot fer sa?

E mon lot kestyon se eski zot annan en lalis ki zot kapab servi avek tou bann Minister Departman e dir ek zot – en pti pe parey Onorab Pillay ti pe demande ki tel kontrakter i annan labitid vin ek en pri pli ba e finalman ou pe al pey plis.

Tandis ki sa bann ki lo lalis ‘B’ zot toultan zot delivre a ler.  Konmsi son pri i en pti e pli o delivre a ler kalite i bon zanmen ou ganny problenm avek zot.

E si zot annan sa, mon krwar i ti pou ed zot dan zot manda, pou zot promouvwar lefikasite – premyerman – akoz ou’n refiz zot depi boner, ou’n donn zot kondisyon pou al fer vitman, ou pa pe esper okenn Lalwa pou al amande ou pa pe esper okenn letid fer sa toudswit.

Dezyenmman ou annan en lalis i straight away ou dir ek li non, non sa bann kontrakter pa bon sa bann.  Servi sa bann ki la.

Konmsi annan en pe fleksibilite parey en boug prive i ti pou mazinen.  Ki prezan avek sa Bidze ki nou pe donn zot la nou vwar Gouvernman ki pe depans R7milyon par zour i a depans R5milyon.  Olye 7, i a depans 5 i a sov 2 milyon.

Mwan mon krwar se sa kalite lekonomi ki nou e rode, atraver sa Bidze ki nou pe donn zot.  E mon krwar zot, zot pe fer avek zot bann profesyonnel – mon krwar zot pe fer zot mye zot.  Zot to zenn zot mon konnen kantite zot.  zot pe fer zot mye, me mon ti ava ankouraz zot pa esper Lalwa toultan.  Pa bezwen esper Lalwa. rod bann fason pratik.  Met rekomandasyon pratik ek bann Minister pou fer sir ki sa bann pri i desann.  Eski sa i posib?  Mersi.

 

MR SPEAKER

Mersi Onorab Afif. CEO.

 

CEO MARIE-NELLA NANCY

Mersi Onorab pou ou kestyon.  Onorab mon pou reponn ou vitman lo kote Tender Board e apre Procurement Oversight i ava kontinyen.  Rezon mon pou reponn ou vitman set akoz parey mon’n dir oparavan, mannyer Procurement Act i été Board napa sa manda pou li direkteman enfliyans en sityasyon parey ou’n mansyonnen.

Mannyer Lalwa i été, we have to rekomann  sa bann keksoz to Oversight Unit pou take-on.   So nou lanmen i en pti pe anmare la lo kote Tender Board poudir mon konnen bokou dimoun i krwar be Tender Board pa’n vwar sa ti devret fer sa.  Me nou selman nu only recommend to Procurement Oversight Unit.  

E lo nou kote i annan en kestyon petet ou’n demande about si koman nou pou gete nou pou kapab zis dir i tro o – i tro ba.  Dan bokou lenstans menm si petet nou ti pou annan en dimoun ki ti pou kapab fer sa sitan petet i kapab vwar akoz letan nou pe gete from diferan lorganizasyon, nou kapab recall, me sa lot pou li ti koumsa – la ozordi sa enn i koumsa. Akoz i tel fason no pou toultan bezwen refer to lekspertiz – parey mon’n dir  Inspectorate Unit   dan POU ki zot, zot pli dan sa technical  side mon kapab dir  e ki petet zot letan zot a gete zot a kapab dir ou be wi la i sa 8 ki pe donnen i tro o  – i tro ba.  So nou pa pou kapab fer saz zis just like that parey ou’n mansyonnen.

Lo kote sa proposal ki ou’n mete about list of contractors that can do the work fast and efficiently, avek bann ki pa neseserman kapab fer li.

Propozisyon i bon Onorab.  Me selman an pratik mon pou annan en pti pe konsern, akoz pou nou kapab fer sa byen fodre nou pe asire parey nou mon ti pe dir avan ki nu bann Seksyon Proze dan lorganizasyon zot osi zot pe fer zot louvraz byen.

Akoz dan bokou fwa letan ou pou’n pey kontrakter ou pou’n li lo en lalis ou pou dir petet i pa’n pran form byen sa kontrakter pou come back pou dir be ou ti konnen annan tel, tel issue dan proze, ki’n fer mwan pa kapab perform osi byen ki mon ti a’n voudre?

So mon krwar nou bezwen en pti pe careful as to how we handle this bid,  given nou bann weaknesses osi ki nou pe idantifye dan nou bann, Seksyon pPoze dan bann lorganizasyon.   Mon a les …

 

MR SPEAKER

Mersi Ms Nancy.  Ms Dugasse.

 

DIRECTOR ANNIE DUGASSE

Mersi Mr Chair.   Mersi Onorab pou ou kestyon.  Lo kote kapasite – ou premye kestyon – onnetman pou lemoman dan POU, nou annan zis en dimoun pou lemoman ki kapab fer sa louvraz.   E pou li fer sa avek lakantite ki vin avek, i bokou.  Me selman avek on lekspertiz of course i pe sey pas sa avek bann lezot staff ki pe grow an grandisan .  Me selman wi i en defayans akoz li tousel nou konnen i pa pou kapab fer tousala. Me selman nou sey nou mye.

Me selman wi si nou ti kapab ganny en pe plis sipor – en pe plis staff ti ava ed nou lo sa kote pou nou kapab ganny en pe plis dimoun ki savedir ki vwar keksoz vitman a la minit.

Lo 2enm kestyon konsernan kontrakter – lalis parey CEO in dir nou pou osi annan en pe konsern lo la.  Me selman pare mon’n dir oparavan ki nou pe sey fer pou lemoman by lannen prosenn nou e entrodwir sa lalis Vendors ID ki pou lemoman Provizyon i la anba nou Lalwa zis pou nou deblok sa lalis ki pou ed nou pou nou annan en tel pwen a letan lekel sa bann kontrakter, kantite Kontra i annan, ki value,  ki zistans proze in arive,  kantite ki konmanse oubyen lekel ki’n fini, ki ava ed nou petet  moving foward pou nou konnen  komans read out sa bann parey nou dir bann  proof of contactors.   

        Me selman parey CEO in dir, nou osi nou pou annan en serten konsern.  Akoz parey nou konnen dan Gouvernman nou annan en febles lo kote kapasite, lo kote proze dan Minister, ki pa toultan fwa i lafot kontrakter pou en proze  i pe al dan serten direksyon.  I annan serten fwa osi nou pe vwar bokou fwa osi i sa Minister i son kapasite i ki serten keksoz ki e devlope ki pe vwar li i fasil pou bann kontrakter, me selman  pa bokou fwa i lafot sa Minister menm.

So moving foward avek sa ki ou pe dir.  wi i en bon nide.  Me selman parey CEO in dir ou be careful avek sa ki ou’n dir osi. Mersi.

 

MR SPEAKER

Mersi Ms Dugasse.  Onorab Simon Gill.

 

HON SIMON GILL

Mersi Mr Speaker. Bonn apre midi ankor enn fwa tou dimoun nouvo lekip ki’n vin zwenn nou apre midi.

Mr Speaker dan en pe menm laliny avek Onorab Ahmed, ou konnen deor la i annan en kantite kritik deor la –   lo sa bann zafer proze en sel kontrakter i ganny en kantite i danm son pri – i pran tou li menm – en pe pa gannyen!

Mon krwar konmsi nou bezwen get en pe sa bann zafer la!  Nou bezwen get en pe.  Akoz i serye.  I annan i vin, in kas, kas li par pti bout pti bout i annan par 4 zot selman letan ou gete konmsi, i 5.  I en sel Kontrakter menm.  Me i annan 4 lebra li.

Me ki si pa ganny enn lot i ganny lot.  Sakenn i met 4 pri.  Zot pran tou zot menm.

Me nou bezwen partaze sa zafer la dan sa pei.  Nou bezwen partaze.  I pa kapab tou en sel ki gannyen!  E mon krwar zot rol i bezwen si bezwen reviz Lalwa nou bezwen reviz sa Lalwa e ou bezwen pa tro tarde avek sa Lalwa, pou annan en fairer  distribution bann kontrakter lo tou proze.  Sa i premye keksoz.

2enm keksoz ki mon ti ava demann Minis konman i la, avek nou de CEO ki la.   I annan diferan koze ki’n koze pou nou annan en lenstitisyon – en landrwa kot i get tou sa bann proze la.   En mannyer ki nu napa bann zonm – bann expert – bann fanm ki eparpiye partou, partou!

Mwan mon krwar nu annan ase expert profesyonnel dan sa pei, ki si nou pran en desizyon nou bouze – santraliz … Sesel i en pti pei.  Pou santraliz tou sa bann proze e annan bann diferan limite ki fer sa bann diferan laspe ki konsern proze, son concept definition, oubyen scope definition – son bann detay BQ – eksetera, eksetera.

E kot tousala prezan i antre dan en sistenm li.   E kot ou kapab fer en bon cost analysis and comparative analysis pou kapab zisteman metriz pri – ki Onorab Afif parey in dir – metriz sa pri  pou nenport ki proze ki Gouvernman i anvi antreprann dan sa pei.

I pa kapab enn i kot enn, lot i kot lot, lot i kot lot, i kot lot.  Dan en Minister, enn i dan en pri dan Minister lot i en pri, me finalman preski menm zafer sa.  Ou pe koz civil works or lezot kalite travay.  1 parey!

Ou pa kapab annan 10 kalite pri pou menm keksoz!

 

(Off-Mic)

 

HON SIMON GILL

(So kestyon taler Speaker pou donn laparol ou a poz ou kestyon ou.)

Now mon krwar i enportan ki Minis ou la avek nou 2 expert ki la ozordi i kapab donn nou en leklersisman ki mannyer zot pe an vizyonn evolisyon sa zafer procurement?

        Now 3enm eleman petet zot pou kapab reponn nou sa procurement procedures la eski zot satisfe avek?

Dernyen fwa mon’n fer en lentervansyon lo la monn dir annou ale annou al revize sa zafer.  Konmsi nou pe ganny en undertakings pou nou al revize sa Procurement Act oubyen sa prosedir ki zot in ekrir?

Akoz i annan en kantite kritik i dir proze depi ler i komanse ziska ler finalman i al egzekisyon, i pran tro bokou LETAN!

Annou redwir sa kantite letan ki i pran pou ki nou kapab vwar plis proze ki ganny egzekite dan sa pei!

Sa i mon bann konsern Mr Speaker.  Mersi bokou.

 

MR SPEAKER

Mersi Onorab.  CEO oubyen Minis.

 

MINISTER MAURICE LOUSTAU-LALANNE

Mersi Mr Chairman. Mersi Onorab pou ou kestyon e ou bann komanter.

Mon krwar ki Gouvernman i oule evantyelman santraliz sa zafer dan en Departman Lenfrastriktir.  Setadir tou pou al laba dan Minister Lenfrastriktir.  Donk sa sete le bi.

Parey nou’n deza koze osi si tou proze Gouvernman – setadir piblik avan i al okenn par i bezwen ganny Approval Development Committee.  

        Apre Development Committee li tou le 3 mwan i fer en rapor i anvoy kot Konsey Minis.

Kot nou osi dan Cabinet of Ministers nou kapab regard e swiv evolisyon sa bann proze ki’n ganny aprouve, e zot sours zot osi i dan PSIP.  Donk i annan en koneksyon avek tou sa bann keksoz.

Mon kapab konfirmen wi ki i annan en revizyon Procurement Act ki pe ganny fer.  Kekfwa taler Manmzel Dugasse i ava kapab don zot en pe plis lenformasyon.

So se sa nou le arive fer.   Me parey nou konnen nou human capacity constraint ki pou bezwen osi adrese akoz nou annan en kantite proze, en kantite menm devan nou.

E pa bliye osi ki National Tender Board li i prodwir in egziste pou en pe letan.  E i prodwir li en rapor Anyel.  E mon krwar son leksperyans parey nou’n ekoute la.  Son leksperyans overtime i en leksperyans ki risk i annan bokou lenformasyon dan sa bann annual report.  Kot nou kapab etidye lavantaz e tir plizyer konklizyon.  Mon’n tann ou dir i annan en kontrakter konmsi i ganny tou keksoz.

Letan mon get son rapor mon vwar ki i annan en Top 10  – en lalis Top 10 kontrakter.   I met non – i met lakantite larzan ki in ganny awarded atraver procurement, e i annan the Top 10.  

        Me letan ou regard sa e ou etidye sa Top 10 si ou dan sa metye ou kapab konmans vwar serten keksoz.  E se sa ki nou bezwen fer.  Pa zis pran sa rapor met laba nou pran sa rapor nou etidye sa rapor.   Pou nou tease out.  Letan mon tann en pri.   La osi nou kapab vwar.  Me nou bezwen annan sa dimoun fer sa resers e etidye sa bann rapor, kot i annan en kantite lenformasyon ki nou kapab amelyor sa sistenm e fer sir ki Gouvernman pa pe gaspiy larzan.

Letan nou koz collusion koz ek kanmarad, e dir ozordi ou tour met pri ba ‘met pli o ou a gannyen. Tousala i bann keksoz ki pe ganny koze.

Me eski nou vwar li dan sa rapor?  Apre ki 1an in pase in kredi en rapor?  Dan serten ka mon dir wi nou kapab pe vwar.  So i kapab sa bann keksoz pe arive.

E alor i enportan ki nou servi sa lenformasyon, pou nou planifye pli byen pou lefitir. Mersi Mr Chairman atraver ou mon a pas laparol a Mrs Dugasse.  Mersi.

 

MR SPEAKER

Mersi Minis.  Ms Dugasse.

 

DIRECTOR ANNIE DUGASSE

Mersi Mr Chair. Wi Onorab mon pe donn ou en komikman en undertaking ki wi i annan en revi legzersis ki Pe ganny antreprann lo kote Lalwa.

E apartir Zanvye nou pou konmans fer en seri meeting avek tou bann stakeholders pou ganny zot bann input.  Pou nou kapab finaliz pou nou kapab anvoy kot AG’s Office.  

E nou pe antisipe ki final Lalwa nou pou submit avek Cabinet Mars.  Mersi Mr Chair.

 

MR SPEAKER

Mersi Ms Dugasse.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon premye kestyon se pli boner mon ti’n tann koz lo en procurement plan.

Eski tou bann Departman Gouvernman i annan sa procurement plan?  Parski mon kapab dir avek ou zis konman zot in mansyonn procurement plan mon ganny en mesaz ki dir be mwan mon pa’n gannyen.  Mon pa konnen ki si sa procurement plan.   Kit sa la.

Mon osi mon ti pe vin lo sa Lalwa mon kontan in mansyonnen ki pou dir review pe ganny fer parski mon kestyon se apre 9an depi ki sa Lalwa i la, the experience ki zot in akimile.

Parski mwan mon annan mon seryezman mon annan enn bann problenm dan sa Lalwa, spesyalman kot i konsern kot i konsern sa Board.  

Mon krwar ki letan kot nou mansyonn dimoun spesifikman sorti dan en lorganizasyon pou vin lo Board mon krwar nou’n depase sa.

Parski par egzanp mansyonnen en dimoun ki sorti lo en reprezantan ki pou ganny nonmen par CEPS en konparezon, mon pa vwar sa konman en kriter mwan.

Parske CEPS i kapab mansyonn i kapab nonm son Chairperson Ensidswit oubyen en lot dimoun ki la.  Me sa dimoun napa sa leksperyans.  I napa sa lekspertiz ki nou pe rode.

Me selman in nonm sa dimoun lo dan Lalwa i mete CEPS i nonmen, e ou bezwen aksepte li.  E sa pou mwan i vin en i vin en fardo.  I kapab vin en fardo lo sa lorganizasyon.   Lo sa Tender Board.  I annan ankor sa bann professional associations e ki ankor enn fwa mon trouv serten febles.

Konmsi mon krwar ki petet mon ava dir ki letan zot pe fer zot revizyon, sey rod en nouvo fason pou apwent the Tender Board pou ki ava annan dimoun ki profesyonnel dimoun ki konnen what it’s all about.

E ki parey Onorab Afif in osi mansyonnen, pou ki nou ava annan dimoun ki konnen what it’s all about e sa i ava kapab permet nou fer bann bon tender.  

        Parske mon pe dir sa – mon pe dir sa direkteman an relasyon avek serten travay ki nou nou’n fer lo FPAC.  Lo FPAC par egzanp parey nou’n regard AMSA sa Kontra AMSA avek Minister Lasante, dekouver ki pou dir ti napa okenn tender process ki ti ganny swiv.  Minister Finans in dir avek nou li in konn sa letan zot in ganny demande pou konmans peye.

E Minister Lasante son Board aksepte ki poudir ti napa okenn prosesis tender.

Nou’n vwar sa lo Music Stadium.  Music stadium i en proze ki konmans 5milyon e ki la pe al fini dan 30 milyon.   Nou’n vwar sa osi an relasyon avek Lasanble Nasyonal pa dan 6enm Lasanble me dan bann Lasanble avan kot maintenance Contract, nek zis ti ganny pran e en dimoun in gannyen kot peyman in ganny fer avan ki travay i ganny … Konmsi tousala bann keksoz ki anliny avek both procurement. Avek Tender Board, se bann keksoz ki pa’n mars byen.

E se la kot mon pe dir annou regard byen sa Lalwa pou ki keksoz i ava mars dan en fason.   Dan sa Lasanble la nou’n eksprim fristrasyon, fristrasyon lo Kordgard Takamaka.  Ki apre 9mwan zis en roof en zour ti annan en gro divan en roof i ganny anvole e la 9 mwan pli tar keksoz pa ankor – Takamaka napa Kordgard.

E ankor enn fwa zot koz lo procurement zot koz lo isi zot koz lo laba.

So mon krwar ki i vre ki nou bezwen regarde.  Sa bann zafer tender kot en moman rezon ki dimoun i gannyen akoz i pa’n menm si i dir be li i pa ti lowest.

        Me solman apre letan li i lowest, i pa gannyen.  Se en lot dimoun ki gannyen ki deza annan petet 4 lezot Kontra!

E dan bann lenstans ankor enn fwa se la kot nou trouv travay i tonm an retar parske sa dimoun i bezwen pran zonm met laba met laba ensidswit e tousala i vin problenm.  Alors konmsi ki sorti nou sorti avek keksoz kler.

Apre enn bann konplent osi se inside information.  I mean mon kapab dir avek zot ki pou dir i annan serten – par egzanp i annan bann Kontra sekirite kot in annan lenstans kot en dimoun ki annan en biznes sekirite, li in kapab koz avek bann lezot dimoun ki dan sa biznes sekirite, pou dir ou, ou pou ganny lekol Anse Boileau, lot pou ganny lekol Takamaka, lot pou ganny tel lekol, lot pou ganny tel lekol.

Mon krwar ki sa dan li menm – e letan bann rezilta i sorti se sanmenm sa.  Mon krwar ki sa osi i en keksoz serye ki en pe parey Minis in dir ki montre ki pou dir i annan en keksoz la ki pa pe byen marse.  E alors sa konfidansyalite i kapab ale.

Mon dernyen pwen ki mon ti ava kontan demande, spesyalman avek CEO Procurement, se eski ou santi ou amann ase staff pou ki letan ou pa la pou ki letan ou pa la keksoz i kontinyen marse?

Akoz mon kapab dir sa i enn bann konplent.  Ki poudir letan CEO pa la si letan CEO i lo konze i reste lanmenm, napa nanryen ki bouze.

Mon ti ava kontan – mwan mon pa la pou mon akiz ou, mon la zis pou rod laklarte parey ou konnen.  Mon kontan ki ou annan en zoli smile lo ou figir letan mon pe dir sa parski –

 

(laughter)

 

MR SPEAKER

Annou fini?

 

HON WAVEL RAMKALAWAN

Mon pe dir ki apresye mon apresye – mon apresye Mr Chairman ki pou dir letan Onorab Gill in koze tou dimoun pe rode ki i pe dir. Tandis ki letan mon koze Minis i annan en sourir lo son figir.

 

(laughter)

 

HON WAVEL RAMKALAWAN

SS i annan en sourir lo so figir, sa de CEO zot annan avek son asistan tou dimoun lo Board la devan i annan en sourir lo zot figir. Sa i montre mon en gentleman! 

 

(laughter)

 

MR SPEAKER

Bon annou fini.   Bon, mon donn laparol CEO Ms Nancy apre Ms Dugasse.

 

CEO MARIE-NELLA NANCY

Mersi Mr Chair.  Mersi Onorab pou ou kestyon.  Onorab mon a sey reponn bann ki relate ek Tender Board e apre Ms Dugasse i ava take on lezot.

Lo kote bann ki – mon a fer li dan lord.  Lo kote award of tender ki ou’n mansyonnen about par-ler i arive ki bann lowest osi pa zot demann zot lekor akoz zot pa’n successful?

Parey mon dir avan ki nou ariv lo bout finansyel i annan sa laspe teknik ki ganny fer.   Me konmela bokou bidders pa pe zot pa pe pran letan pou lir zot dokiman pou vwar ki i annan en kantite bann pti requirement ki e demann zot, ki par-ler zot fail.

Tax certificate i one.  iIannan tender si i ase gro bid security i en kondisyon ki fodre ou pe provide letan ou pe submit ou tender.  

Attend site visit i mandatwar, i en lot kriter.

E nou lo kote Board nou e vwar pou dir i annan bokou bidders zot fail sa even sa initial stage, avan nou ariv lo bout finansyel, ki fer ki zot pou vwar ki petet zot kapab demande be akoz sa entel sa pri li in ganny rekomande – without realizing pou dir zot in perdi pwen lo sa kote.  E nou’n osi pe realize i annan en mankman akoz lorganizasyon zot sipoze enform sa bann bidders pou dir dan sa enn tender ou’n perdi pwen ou’n fail lo this is and that, pou ki sa bann dimoun zot osi zot ava konnen next time i zot ava fer sir zot dokiman i konplet zot pa pe perdi pwen.

Nou vwar i annan en mankman osi pou communicate sa, even dan zot let letan pou dir zot, zot pa’n successful nou pa pe dir akoz.  Zis nou dir ou pa’n gannyen – fini.

Ok so letan nou e koz sa i on par-ler nou get bigger picture of tou bann lezot fakter ki annan.

Inside information, pa ki mon pe defann Board members lo Tender Board me selman sa ki ou’n mansyonnen about Kontra sekirite i en keksoz ki ti ganny met an nou latansyon osi. E letan nou ti al en pti pe pli profon, nou ti realize ki i paret mon pa pou dir mon pa pou kapab met ledwa lo la pou dir.  Me selman ii twill seem  i annan serten lenformasyon ki’n ganny leak lo Staz Komite – Evalyasyon, akoz ou konnen i annan diferan dimoun ki come into place even avan sa rapor i ariv kot Tender Board.

        So i annan en pti pe defayans lo sa bann.  Par-ler sa bann dimoun ki ganny apwente pou evalye sa Tender pa tout fwa zot pe mentenir sa nouvo konfidansyalite, ki nou ti a kontan.  E si i arive ki prezan tan rapor i vin Board i aprouv sanmenm sa lalis, then lenformasyon i fini ganny spread.

Ok mon krwar en pti pe sa.  Lo kote konpozisyon Board mon krwar i en konsern ki’n ganny mansyonnen par diferan manm – I’ am sure ki POU letan pe revwar Lalwa i ava pran kont zot pwennvi e try to come with a new petet of ganny sa konpozisyon Tender Board. Mersi.’

 

MR SPEAKER

Mersi CEO.   Ms Dugasse.

 

DIRECTOR ANNIE DUGASSE

Mersi Mr Chair.   Mersi Onorab bann kestyon.  Mon a konmans premyerman lo procurement plan.  

        Regilasyon i kler spesifikman – Regilasyon 24 dan nou Public Procurement Regulation 2014 i dir byen ki tou-le-z-an i mandatwar pran en public entity pou li don son procurement plan pou li drafte. E submit son procurement plan kot POU.  E nou ki nou fer konman Appropriation Bill in fini sorti, nou servi sa lalis an konsiltasyon avek Minister Finans, nou ganny the final list to Minister ki lo Bidze.   E nou anvoy en formal letter tou sa Minister adres li to son CEO oubyen son Head.  Nou al en step further nou menm anvoy enn sa let dan email.  

E si parkont en dimoun i santi i pa’n ganny son let procurement plan, a tou pri i ti devret liaise avek nou pou fer le neseser akoz nou, nou servi lalis Appropriation Bill an konsiltasyon avek Minister Finans, nou ganny the final list tou MDA ki annan dan sistenm ki ganny en Bidze ek Gouvernman e nou servi sa pou nou anvoy lalis kot sa bann Minister.  Sa i kote procurement plan.  

        E pou 2enm pwen lo kote, composition mon ava azout sa ki CEO in dir wi an revizyon Lalwa nou a pran sa konsiderasyon, letan nou pe fer konpozisyon pou bann Board.  

        Lo kote award of Contract mon krwar CEO in al longman lo sa kote.

Lo kote inside information parey CEO ti pe dir wi i annan mon konfirmen ki wi ti annan en lenstans kote sa Kontra Sekirite, ki pou en rezon ou en lot i annan en serten lenformasyon ki’n ganny leak avek serten dimoun.   Parey CEO in dir dan sa evalyasyon, ki nou nou’n pran – once sa sityasyon ti’n arive nou’n fer nou bann investigation neseser e nou’n menm defer nou internal prosedir ki sa sityasyon pa ariv ankor.  Ok sa lo kote leak of information.

Me selman staff li menm lo kote POU zot well aware lenportans konfidansyalite dan louvraz.  E nou menm pe ranforsi sa parey mon’n dir pli boner, nou pe fer zot menm si en dokiman en deklarasyon pou zot lentere ki ganny seal dan en lanvlop.

Lo kote staffing onnetman mon pou dir ou ki non.  Nou napa ase staff.  Currently nou annan nou 27 staff.  Sa i konpri 20 staff dan Headquarters apre nou annan 7 staff dan Minister.

E mwan mon ganny asiste par en Depite – Mrs Morel, Depite. Me solman li osi li menm li sa dimoun ki get nu proze lo kote laspe civil works li menm li sa enn ki al dan sa bann   biro  ki pou tyeke.  So ou kapab mazinen avek son workload currently avek pou li deputise, i deza bokou.

Me selman ki nou pe  internally nou  annan ankor lezot desk officers ki nou pe sey groom zot en pe, ki zot kapab pran en pe plis responsabilite ki sa issue toultan nou pa la keksoz i kontinyen bouze.  Wi i en konsern in ganny lev-e internally.    E nou’n menm pe fer prosedir pou nou adres sa internally.  Nou pe sey met bann mekanizm an plas, pou nou kapab deal avek sa issue ki letan enn pa la keksoz pa pe bouze.  Me solman moving forward nou’n note e nou pe pou annan keksoz ki pou sanze a lefitir.   Mersi.

 

MR SPEAKER

Mersi.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pou ou bann kestyon.  Son vouloir repet sa ki’n ganny dir zis mon pou mon le fer en komanter.  Parey in ganny eksplike sa procurement plan i dan Lalwa. E donk i bezwen ganny soumet.

I annan osi en Cabinet Coordinating Committee kot Prezidan i Chair avek plizyer Minis i annan diferan group.  E dan sa bann meeting sa bann Cabinet Committee sa procurement plan osi i ganny diskite ladan.

        So mon krwar i absoliman neseser.  Pou sa bann accounting officer ki a pe fer i pa pe soumet zot procurement plan nou pou bezwen aplik en sanksyon.

Akoz nou pa kapab annan en Lalwa e apre menm accounting officer dan Minister i pa respekte.

So sa i sa ki mon anvi dir la.   E mon al take up pou fer sir ki nou aviz zot,  ki dan lefitir nou pou bezwen sanksyonn zot osi anba sa Lalwa.   Mersi Mr Chairman.

 

MR SPEAKER

Mersi. Minis.   Onorab Ramkalawan.

 

HON WAVEL RAMKALAWAN

Yes mersi bokou Mr Chairman.  E mon bezwen dir ki mon satisfe bann ek bann larepons ki mon’n gannyen.

Me an menm tan osi konman Chairperson FPAC, mon bezwen dir ki, pandan sa 2an nou’n, vwar en masiv improvement.   En masiv improvement kot i osi ganny reflekte, dan Rapor Oditer Zeneral ki bann prosedir pe ganny swiv.  Menm si parey i pe dir i annan serten konplent lo ki mannyer ki mannyer letan serten proze pa marse zis ou tann POU ou tann Tender Board.

        Me si zot pe dir ki zot napa ase staff pou mwan personnelman a i en konsern. Parski nou a pe regard en Bidze la e dan sa Bidze i pou annan en gran poursantaz ki pou bezwen pas kot zot atraver Procurement.

E nou’n vwar ki mannyer lannen pase i annan en kantite e sa in ganny dir ,oparavan en kantite bann  Capital projects ki ti’n ganny anvizaze ki pa’n ganny materyalize, ensidswit e tousala nou, nou pa anvi  ki letan keksoz i ganny aprouve apre sa i pa ganny materyalize parski i met retar devlopman pei li menm!

So mon pe seryezman demann fer en demann avek Minis Mr Chair.   Si sa Departman – sa 2 Departman spesyalman lo kote procurement parski Tender Board li i mars lo en lot nivo.  , eski nou pa devret pe seryezman regarde lo ki mannyer Bidze Procurement Oversight Unit i ganny beefed-up pou zot kapab fer zot travay.

Akoz si zot sa tiyo ki pou fer delo pase, me sa tiyo pou lemoman i bloke, nou bezwen deblok sa tiyo.  Alors mon ti ava kontan – mwan mon ti ava prefere ki sa unit i ganny en pe plis larzan pou zot nobou fer zot travay, e ki sa i ava fasilit bann proze.  E an menm tan osi parski se la lo sa kote procurement kot public sector i zwenn avek private sector.  Se la kot i annan sa cosmosis nou kapab dir.

E se sa osi kot bann pti biznes i ganny zot lavi, bann mwayen biznes e osi bann gro biznes.  Me si sa i bloke then lekonomi osi i bloke.  Mon krwar mon’n fer mon lekor tre kler e nou ava atann from Minis ki i annan pou dir lo sa pwen.   E mon ava ankouraz bann staff dan sa de Departman pou kontinyen kit en lizye gran ouver e pou fer en travay ki drwat.   Parske nou apresye sa lo FPAC parske i donn nou mwens travay.  Mersi bokou.

 

MR SPEAKER

Mersi Onorab.   Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab. Mon pe regard en pe plis an detay Bidze POU.  I kler ki nou’n donnen en pe plis larzan Onorab.

Me i annan en alokasyon ase enportan pou increase in rent.  

        E mon krwar ki en fwa ki nou’n regard sa en pe pli pre nou a kapab kekfwa fer en lazistaz – en virement  from sa rent back kot zot pou bezwen si se plis zofisye eksetera.   Nou a nobou fer sa within the first quarter of next year.  

        Mon krwar en keksoz koumsa i ava lafason pli fasil pou nou prosede.   Mersi Mr Chairman.

 

MR SPEAKER

Mersi. Minis.  Bon nou dan pozisyon kot nou kapab pran en vot.  Nou pou pran premye en vot pou Procurement Oversight Unit, ki lo en sonm R11, 538milyon ki form par sa Schedule e ki trouve lo paz 290 ziska 295.

Mon ava demann tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  17 Manm in vot an faver e personn kont. Mersi.

 

MR SPEAKER

Mersi Madam Deputy Clerk.  Bon savedir Bidze 2019 pou POU – Procurement Oversight Unit in ganny aprouve par Lasanble Nasyonal.

Nou ava prezan pran en vot lo sonm pou National Tender Board ki en sonm R3. 808milyon ki form par sa Schedule e trouve lo paz 296 ziska 300.

Mon a demann tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mr Chair 18 Manm in vot an faver e personn kont.  Mersi.

 

MR SPEAKER

Mersi Madanm Deputy Clerk.  Savedir Bidze 2019 pou National Tender Board in ganny aprouve par Lasanble Nasyonal.

Bon mon ti a kontan remersi CEO pou National Tender Board Ms Nancy son Senior Procurement Analyst Mrs Hetimier, Procurement Oversight Unit Ms Dugasse ki son Direkter, son Principal Procurement Inspector Mrs Morel e Mr Stravens Ag Chief Procurement Officer – mersi bokou e nou ava eski zot parmi nou.

 

(THE DELEGATION WAS EXCUSED FROM THE HOUSE)

 

MR SPEAKER

Bon pa krwar nou annan okenn letan pou nou kontinyen.   Mon ava zis demann Sarge pou retourn nou dan Committee of the whole House.  

Zis avan nou ale mon ti  a kontan ki SS i ava gid  nou travay pou Lendi.

 

SECRETARY OF STATE PATRICK PAYET

Mersi Mr Speaker.  I annan 4 Lazans ki e nou pe propoze pou nou Lendi konmans avek Seychelles Energy Commission apre nou pran Seychelles Licensing Authority, apre Public Enterprise Monitoring Commission apre Seychelles Revenue Commission.  Koumsa Mardi nou kapab pran bann lezot Centralized Vote ki i tonm anba Oversight Minister Finans.  Mersi.

 

MR SPEAKER

Mersi SS Payet.   Bon i reste pou mwan remersi tou bann Manm e tou dimoun ki a lekout ki’n swiv travay Lasanble Nasyonal.

Mon ti a kontan osi remersi Minis Loustau-Lalanne, SS Payet, Ms Verghese e Ms Tamatave ki’n ed nou.  Nou konnen i annan plizyer zot vizit ki zot in vini pandan semenn i annan Mr Thesee, Ms Croisee osi.

Nou ti a kontan osi remersi SBC in en long semenn – kantite travay e nou konnen poudir semenn Lendi ankor nou pou repran.

E parey mon’n anonse ler nou fini Bidze – si nou fini Bidze Mardi, Merkredi nou pe rankontre ankor menm Schedule.  Petet ki nou ava fer de konmansman Lendi nou ava extend ler manze, par demi erdtan.  Dan plas 1erdtan nou a fer li 1erdtan edmi.  I a kapab donn sans enn de Manm ki annan tranzaksyon pou al fer anvil, zot a kapab al fer. Ok?  So mersi bokou zot tou.  E nou ava adjourn e repran nou travay Lendi 9er bomaten.

 

(ADJOURNMENT)