Home » Verbatim » 2018 » Verbatim Thursday 29th November, 2018

Verbatim Thursday 29th November, 2018

NATIONAL ASSEMBLY OF SEYCHELLES

 Thursday 29th November, 2018

The Assembly met at 9am

National Anthem

Moment of Reflection

Mr Speaker in the Chair

MINISTRY OF EDUCATION & HUMAN RESOURCE DEVELOPMENT (CONT)

 

MR SPEAKER

Bonzour tou Manm Onorab. Bonzour tou dimoun ki a lekout e mon annan en bonzour spesyal pour Minis Jeanne Simeon, Minis pour Ledikasyon.          An vi ki yer nou pa’n fini avek Minister Ledikasyon, nou pou kontinyen ozordi.  Minis i akonpannyen par son de PS.  PS Decommarmond, PS Barallon, son Financial Controller Madanm Monthy, Project Consultant Mr Belmont, Special Advisor Madanm Delcy e Ms Betsy.  Nou kontinyen ganny akonpannyen par PS Thesee from Finans avek Ms Tamatave.

Bon avan nou konmanse mon a zis demann Sergeant pou move Mace pour nou al dan Staz Komite.

Mon ti a kontan tou zis averti bann Manm ki, nou pe war nou bezwen fer en pe sanzman avek Schedule an vi ki nou pe deza al en ti pe an retar. E nou annan serten zofisye dan bann Minister ki pe deplase.

So, bear with us.  Ozordi Schedule i reste parey, me nou annan en pti sanzman pour demen avek Lendi zis pour nou kapab accommodate bann zofisye ki nou ti’n plan, pour zot vini par egzanp yer, ozordi oubyen demen.

So, nou travay i pa pou konplete sa semenn, me nou pe swete ki par Lendi petet pli tar Mardi, nou a kapab konplet sa travay lo Bidze.

Nou pou kontiny nou bann deliberasyon bomaten e mon ava deswit donn laparol Onorab Ramkalawan.  Ou le laparol? Pli tar?  Ok. Onorab Adelaide.

 

HON FRANCOIS ADELAIDE

Mersi Mr Speaker. Bonzour a tous.  Bonzour Minis.  Mr Chair les mwan eksprim mwan premyerman mon dezapwentman avek Minis, pour ki mon ti anvoy en lenvitasyon formel kot ou, pou ou vin vizit nou Baie Lazare, me zanmen mon’n ganny okenn repons.  E mon pa konnen mannyer keksoz i ete, me les mwan remersi bann teachers avek bann paran e bann zanfan pour sa devosyon ki zot annan pou nou lekol.

Lo kote PSIP Minis mon pa war nanryen pour 2019 e nou annan en pe maintenance lo lekol – parey nou annan sa bann problenm feray rouye; mon ti a kontan ou donn nou en mo lo la.

Mon 2enm bout se, nou ti annan 3 problenm – prensipal; premyerman se nou laplenn ki 3 repriz mon’n koz lo la, e i ankor parey. Nou ti annan sa footpath ki ti pou fasilit bann zanfan sorti kot lakres pour al kot lekol, akoz zot bezwen pas lo gran semen.  I annan risk aksidan.  Nanryen pa ankor ganny fer.  Nou hall lakres, kot ti annan bann lafnet ki’n pouri avek bann pti bebet, li osi i ankor pe tonm an rin – nou pa ankor tann nanryen menm.

So, Minis mon pe demann ou petet ki zot pou fer sa lannen, pour nou sort out sa bann problenm kot lekol Baie Lazare, pour ki nou zanfan i ava dan en bon landrwa byen conducive e ki ava bon pour zot ledikasyon.  Mersi.

 

MR SPEAKER

Mersi Onorab.  Minis Simeon.

 

MINISTER JEANNE SIMEON

Mersi Mr Speaker.  Bonzour Mr Speaker.  Bonzour tou Manm Onorab prezan.  Bonzour tou dimoun a lekout.                         Onorab mon rapel byen, ou ti kontakte mwan ou ti dir mwan koumsa, ou ti a kontan nou fer en vizit Baie Lazare.  Si mon memwar est bonne, mon ti reponn ou, mon ti dir ou wi mon pe prepar en progranm – mon ti fek antre dan Minister Ledikasyon sa letan, mon ti dir ou mon pe prepar en progranm vizit por bann lekol, e ler nou pou ariv kot Baie Lazare mon pou fer ou konnen.  Mon’n fer en progranm vizit – mon pe kontinyen avek mon progranm vizit e ler nou pou vin Baie Lazare – parey mon’n dir ou – nou pou averti ou pou fer ou konnen ki nou pe vin Baie Lazare, pour ou osi form parti sa vizit avek delegasyon Minister Ledikasyon.

Pour bann travay renovasyon lo lekol Baie Lazare, mon ava les nou konsiltan pour projects pour li brief ou lo la. Mersi Mr Speaker.

 

MR SPEAKER

Mersi Minis.  Mr Belmont.

 

PROJECT CONSULTANT MR JONES BELMONT

Mersi Mr Chair. Onorab. Wi nou ti koz lo sa 3 keksoz – item ki ou’n mansyonnen.  E la parey letan ki nou pe koze la, i annan travay ki’n fini konmanse kot lekol.  Spesifikman louvraz ki’n komanse se sa technical education room, ki zot pe sanz laport, lafnet apre met tiles.  E osi i annan sa bypass, sa semen, sa footpath ki ou’n dir ki sorti kot lakres pour vin kot primer, an pasan kot laplenn par deryer.  Sa i travay ki’n fini ganny donnen avek kontrakter e kontrakter in deza pe konmans travay lo la.

Answit i annan e 2enm faz travay sa enn ki konsern, ki ou’n dir bann bebet, bann pti bebet ki manz sa dibwa e sa nenport ler la pe al lo tender li osi.                                           E nou respekte ki dan vakans, travay i ava ganny fer e by larantre sa louvraz i ava fini. A sa ki konsern laplenn, wi nou pa’n fer gran keksoz lo la me selman nou ankor pe etidye sa sityasyon. I paret ki annan en delo ki kontinyelman koule ki sorti kot lakres par deryer, e ki sa nivo delo i desann dan laplenn, ki fer laplenn reste inonde par ler -sa parti anler.  E nou pe ekspekte ki pour annan – fer en pli gran rigol ki anmas sa delo e anmenn li dan sa lot rigol.  E sa en travay still reste outstanding lo nou kote e nou rekonnet.  Mersi Mr Speaker.

 

MR SPEAKER

Mersi Mr Belmont. Onorab Adelaide.

 

HON FRANCOIS ADELAIDE

Mersi pour ou larepons.  Mon ti a kontan ki nou ganny en deadline petet lo sa – at least sa semen ki pou sorti kot lakres, pour al kot lekol.  Akoz sa i vreman en priyorite.  Apre mon lo pti kestyon ankor, mon annan en file la lo kote nou Baie Lazare School Dental Surgery, ki mon koleg avan Onorab Wilby Lucas ti komanse, apre in met dan mon lanmen pour mwan kontinyen sivre, pour ki nou klinik danter dan lekol i vin operasyonnel.                          E mon pe konpran poudir napa naryen ki pe ganny fer pour le moman.  Larzan in fini ganny donnen konman en Proze CRS.  E mon’n aprann ki napa sipor lo kote Minister pour nou realiz sa proze.  So, mon kapab ganny en pti mo lo la silvouple.  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker. Mersi Onorab. Mr Belmont i pran larepons silvouple.

 

MR SPEAKER

Mersi Minis.  Mr Belmont.

 

PROJECT CONSULTANT MR JONES BELMONT

Mersi Mr Chair.  Onorab, wi lo kote dental ti annan en lasanm ki ti’n ganny mete kot lekol. Dan tou lekol letan nou fer i annan en lasanm spesifye ki dir pou dental.  Me, in annan en pe dezagreman avek Lasante lo kote lekel ki meble, kwa ki met kwa?                                   Me selman lo polisi Minister lo sa ki konsern dental la, si i annan en klinik ki dan zanmerant lekol, nou pa ti pe meble ouswa fer travay dan sa lasanm li menm.  Me selman si lekol ouswa kominote, i dir ki i merit annan dan lekol, sirman nou pa bezwen konsidere pour al dan klinik kominoter, nou ava keksoz lo la.  Me nou a pran kontak avek Minister Lasante pour ansanm annou devlop sa konsep.  En pe parey nou’n fer pour Glacis.

Parske nouvo konsep ki annan pour dental room, i pli gran ki sa ki nou ti’n allocate. Nou ti’n allocate avan 28 met kare, me aprezan zot bezwen anviron 44 a 56 met kare pour fer sa travay byen.  Mersi Mr Speaker.

 

MR SPEAKER

Mersi Mr Belmont. Onorab Herminie.

 

HON WILBERT HERMINIE

Bonzour Mr Chair.  Bonzour Minis avek ou delegasyon.  Bonzour tou dimoun a lekout. Mon premye kestyon i related avek ‘capital projects’, ler mon pe get dan ‘capital project’ mon war zot annan en bon pe Proze Kapital menm plis ki Minister MULHSo mon premye kestyon i baze eski zot annan sa kapasite in-house pour kapab handle sa kantite proze?  Vi ki mon osi mon war i annan proze nouvo blok pour lekol La Riviere Anglaise ki mon ti an kontan i ganny fini sa lannen.  So, mon premye kestyon i. eski zot annan sa kapasite pour deal avek amount of project?

Mon 2enm i lo kote ‘sekirite’ vi ki sa bann lannen pase zot ti annan enn de issues nou ti met devan ou Minis ler ou ti vini lo kote sekirite.  Kwa ki zot in fer dan sa Bidze pour adres sa bann sityasyon pour improve sekirite teachers, bann staff lekol e bann etidyan zot menm?  Mon 3enm is regarding Lekol Ekselans. Mon konnen zot pe travay lo en nivo framework pour Lekol Ekselans, in the meantime zot sipoze annan bann laklas dan bann lekol segonder pour cater pour bann manrmay ki tonm dan sa kategori.  Eski sa in fini setup dan tou lekol?  Nou ti a kontan ganny en feedback lo la.

Epi Mrs Monthy ti tous en keksoz lo, mon ti’n tro sezi yer lo kote ‘rent ti dir i annan en increase of 8 million si mon pa tronpe dan rent.  Mon pe rode kwa ki’n fer sa?  Eski zot pe lwe nouvo lakaz or eski pri lo marse lokal ki’n monte sa degre pour ariv 8milyon?  Zis en pti leksplikasyon lo la.  Epi dernyen zis pour touse mon’n ganny en pti text. Bann lab technician ek bann librarian pe demande ki pe arive ek zot Scheme?  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker, mersi Onorab. Mr Speaker mon a pran Schemes pour Lab Technicians avek school librarians.  Parey yer mon’n dir dan Minister Ledikasyon i annan plizyer Schemes, i annan Schemes pe ganny reviewed, i annan Schemes ki’n fini ganny reviewed pe ganny enplimante e i annan Schemes ki nou’n devlope o kour di-tan.         So, pour Lab Technicians avek School Librarians i de Schemes ki i under review la konmela.  E nou pe travay lo la.  E fotespere nou a kapab konplete by mid or end of sa lannen.  Akoz i annan konsiltasyon ki nou pe engage ladan.  Nou bezwen al konsilte osi avek DPA avan ler ki nou finalize.  E si tou i posib i a kapab ganny materyalize pour Bidze 2020.  E si i fini boner nou ava fer request pour Supplementary Budget midyear.

Pour School of Excellence, parey nou’n konnen sa proze ki ti ganny konseptyalize, pa’n ganny aprouve parey i ti’n ganny konseptyalize.  E Cabinet of Ministers ti dir pou dir nou pa pou fer en School of Excellence parey i ti’n ganny konseptyalize, akoz nou kapab etabli sa sipor pou bann etidyan ki fer byen ki excel dan zot studies dan nou bann, dan tou nou bann lekol e asire ki nou kapab ganny sa bann rezilta.

E sa travay nou napa laklas ki’n ganny dedye, pour sa bann zanfan, akoz sa bann zanfan zot dan bann laklas parey zot abitye, me selman nou pe donn zot sa sipor pour zot kapab devlope.  Akoz nou osi avan ki tou nou zanfan i excel dapre zot kapasite.  So, sa bann ki annan sa potansyel pour vreman fer byen, zot pou ganny ankouraze pour zot fer byen.  E lezot osi ki average zot osi zot pe ganny ankouraze pour zot improve zot performans, improve zot results. E nou’n osi tande pou dir nou pe al angaz nou dan en TVET School or TVET Centre. E sa i pou cater pour bann manrmay ki annan sa abilite dan, abilite teknik e vokasyonnel e sa zot, nou pour cater pour bann manrmay S4, S5.

Savedir ler sa manrmay ki annan sa abilite, ki annan sa kapasite ki annan sa lentere dan ledikasyon teknik e vokasyonnel, zot, zot pour antre dan sa sant, dan sa school for TVET nou swete ki lekol li i avan ganny sa pli gran lespas, pli gran kapasite pour li kapab travay avek sa bann etidyan ki akademikman doue. Ouswa bann ki average pour anvoy zot lo sa lot level.  Akoz sa bann ki annan sa abilite teknik zot pour al swiv kour dan sa lekol TVET. Me parey ou konnen nou koman en Minister Ledikasyon nou donn, nou donn ledikasyon a broad based-education pour tou etidyan e dapre zot kapabilite.  Sa i nou manda. Mersi.  Mon ava pas ‘school security avek PS Decommarmond e Proze Kapital Mr Belmont i ava donn larepons.  Mersi Mr Speaker.

 

MR SPEAKER

Mersi Minis. PS Decommarmond.

 

PS ODILE DECOMMARMOND

Mersi Mr Speaker e mersi Onorab pour ou kestyon.  Kot i konsern security, sirtou pou lekol La Riviere Anglaise in annan en kantite keksoz ki’n ganny fer.  I annan CCTV camera ki’n ganny mete; in annan miray ki’n fini ganny fer. Apre avek nouvo Lazans Sekirite nou’n revwar lakantite sekirite lo campus, pour nou kapab ede pli byen protez sa landrwa. So, sa i bann mezir ki nou’n mete.  Mersi.

 

MR SPEAKER

Mersi PS. Mr Belmont.

 

PROJECT CONSULTANT MR JONES BELMONT

Mersi Mr Chair.  Mersi Onorab pour ou kestyon. An se ki konsern lakantite proze ki annan anba PSIP ou’n byen remarke wi, i menm plis ki Minister ki ansarz lenfrastriktir dan pei.                                   E sa set akoz tou sa bann lekol i deza la, ki nou annan pe fonksyonnen e nou konnen pour dir ki mazorite nou bann lekol se bann enfrastriktir ki byen aze e zot bezwen bokou latansyon.  Si ou fer zis kot en oubyen kot detrwa dapre kapasite ki nou annan la nou tonm plis an rin.  Menm si nou dir be ou kapab al outsource dan kontrakter deor, be outsourcing ou bezwen en tim dimoun anndan dan Minister, ki osi enpakte lo kapasite – pour ou kapab monitor prepar bann dokimantasyon, eksetera.

E tim ki la ki pe travay tim project officer, e malgre nou limite e nou kapasite i limite, nou sey fer nou mye pou kouver otan lekol ki posib.  E si ou remark byen pour lannen prosen – 2019 nou’n limit lakantite capital projects lo lalis nou’n konsantre plito lo bann pli gro proze e kontinyen avek bann pti travay ongoing renovation.  E se ki konsern kapasite, dan lannen 2018, nou’n reisir anmenn 3 Kenyan, ki annan bann lekspertiz dan architecture e osi enzenyer, e sa pe ed nou bokou.  E nou osi pe esper larantre en QS avek en electrical engineer, parske sa i de area osi kot nou mank kapasite.  E lokalman sa de kapasite i vreman limite e i kout ase bokou pour retenir zot servis.  Mersi Mr Speaker.

 

MR SPEAKER

Mersi Mr Belmont.  I annan en lot kestyon ki – yes Madanm Monthy.

 

FC LINDA MONTHY

Mersi Mr Chair.  Mersi Onorab pour ou kestyon. Konsernan lakaz parey mon ti fer sorti yer, an 2018 nou ti annan nou 225 lakaz.  Sa lannen nou actual i 306 lakaz.  Savedir i montre ki trend lakaz pe kontinyen monte ek sa Bidze 8.3milyon ki’n aporsyon dan bann diferan landrwa, pour sa 8.3.  Santral nou bezwen en adisyon R146mil, lekol primer 2.5, segonder 4.8 e Tertiary Education 721mil ki fer sa 8. milyon.  Osi rental lakaz lo marse –average i R18 a R20mil ki i ape monte.  E I osi bann expatriate teachers osi ki nou pe pran ki pe kontinyen increase e nou total expatriate teachers to date i 271.  So, sa i en pe ki’n anmenn sa 8.3 milyon.

I osi annan Minister enternel nou pe refer nou Polisi alokasyon lakaz avek bann expatriate teachers, pou fer sir ki bann teachers ki annan 1 ou 2 zanfan, oubyen ki en adilt ek en lot ki napa, zot dan lakaz ki apropriye.  E osi pou bann zanfan ki’n vin adilt, nou pe annan en Polisi pour fer zot kontribye en pe pou mitigate en pe sa cost.  Mersi Mr Chair.

 

MR SPEAKER

Mersi Madanm Monthy.  Onorab Herminie.

 

HON WILBERT HERMINIE

Mersi Mr Chair.  Lo kote larepons Minis, regarding Scheme pour lab tech ek school librarian, konman en Manm Komite COGA zot ti donn en commitment sa i pou ganny fer la dan Bidze 2019.  Mon sizere ki sa i ganny mete koman en priyorite at least avan Midyear Review akoz ti fer commitment nou bezwen fer follow-up lo commitment ki’n ganny fer.  Epi 2enm pwen lo kote Laklas Ekselans.                                         Mon pa tro satisfe avek sa larepons Minis, akoz nou ti dir pou annan sa bann laklas pou ganny setup pou bann manrmay pour dan sak lekol, pour zot kapab, bann manrmay ki tonm dan sa kategori pour zot kapab al dan sa bann course, I mean kour spesifik.  Ou le dir mwan fodre ler manrmay sorti pour al TVET ki sa pou ganny fer? Si mon’n konpran byen zis repas en kou lo la.  Mersi Mr Speaker.

 

MR SPEAKER

Mersi Onorab Herminie.  Minis.

 

MINISTER JEANNE SIMEON

Mersi Onorab. Mersi Mr Speaker. Onorab mon’n dir konmsa pour dir nou napa laklas spesyal dan bann lekol, ki pe cater pour sa bann manrmay ki annan C and above.  Mon pe dir pou dir, zot pe ganny catered for dan zot bann laklas.  Akoz at secondary level it’s already streamed.  So zot dan zot proper stream pour academic.  I annan diferan filyer. So, zot tonm dan filyer akademik e already zot streamed e sa bann manrmay pe ganny zot ledikasyon konmsa pour zot kapab excel dan zot size, ki zot pe fer at IGCSE or, IGCSE or French Delf or Dalf eksetera.  So, la konmela sa i pe arive dan lekol.

Nou pe esper TVET.  Mon’n dir ler nou ganny TVET Centre lekol i avan ganny li plis lespas pour nou kapab petet cater for a better group of etidyan.  Me selman i pa vedir la sa bann manrmay zot pe perdi.  Zot pe kontinyen ganny zot sipor pour zot kontinyen zot ledikasyon e fer byen dan zot legzanmen. Mon krwar mon fer mon lekor, mon’n fer kler? Mersi Mr Speaker.

 

MR SPEAKER

Mersi Minis. Onorab Sandy Arissol.

 

HON SANDY ARISSOL

Mersi Mr Chair.  Bonzour tou dimoun. Mr Speaker mon ti a kontan demann avek Minis, St Louis nou ti annan nou 2 zoli lekol.  Nou ti annan nou, nou zoli lekol St Jean Bosco ki’n kase, kot nou ti travay nou de Ms Linda pour plizyer lannen Dokter Linda Barallon.  Zot in kase, mon ti a kontan ganny en pti leksplikasyon Minis kan ki bann paran pe espekte en keksoz avek Minister Ledikasyon an relasyon avek konstriksyon pour nou re-ganny back nou lekol?

Nou 2enm zoli lekol ki nou ti annan se lekol La Rosiere primer, ki tonm dan distrik St Louis en ki deserve plizyer distrik dan zalantour ki plizyer MNA i koz lo la ki konmsi sa i zot lekol.  Be mon ti a kontan demande Minis kan eski bann paran pour ganny en keksoz konkret lo lekol La Rosiere?

Ou konnen in pas en kantite lannen e sirtou bann zanfan primer zot bezwen war zot pe pran bis tou le bomaten pour rann lapel en lot zone ki zot pa devret ladan.  So, donn nou en komitman Minis an relasyon avek Bidze ki zot annan, pour lekol La Rosiere avek lekol Belonie silvouple. Sa i mon premye.

Mon 2enm mon ti a kontan demann sa bann dimoun devan lo panel Mr Chair, an relasyon avek bann studies coordinator.  Ou konnen i annan en konplent kot bann studies, parmi bann staff kot bann studies coordinator zot al rann bann progranm legzanmen dan bann lekol.

Zot sorti dan zot lekol zot al run bann legzanmen parfwa pour 2 mwan preski, e letan zot ale koman bann studies coordinator, zot deza pe ganny allowance konman studies coordinator zot e letan zot al run sa bann legzanmen – sa bann progranm zot ganny en lot allowance pour zot fer sa ki vin 2 allowance.  E tou dimoun i happy avek zot allowance; bann staff i happy ek zot allowance ki zot gannyen.              Me kot mekontantman i vini, se parfwa letan zot pa la preski 2 mwan dan bann lekol, se lezot teachers ki ale ki al teach dan zot plas, menm sa teacher li i annan son progranm i plen i ale i santi li oblize pour li al teach dan plas sa studies coordinator e li i pa pe ganny nanryen li.             So, i annan en me mekontantman la ki letan li sa studies coordinator, li i ale konman en studies coordinator li i ganny son allowance, e i pe ganny en lot allowance, akoz i pe fer en lot travay ki fantastik, be sa ki pe kouver li ki pe teach dan son plas pa pe ganny nanryen.  Sa i mon 2enm kestyon Mr Chair.

La mon ti a kontan demann en kestyon an mazinan nou bann staff kot Lekol Eksepsyonnel. Mon anvi demann en klarifikasyon lo zot par.  Ti annan en training ki zot ti ganny fer, ki zot ti fer, ki zot ti partisip ladan.  Mon krwar ki ti peye par SEPEC an relasyon avek Special Needs ki ti konmans an Zanvye 2016 e zot ti fini Desanm 2017.  Sa ti ganny fer par en Morisyen Mr Danu.  E ou konnen bann staff laba depi ki zot in fini sa, zot pa’n zanmen ganny zot rezilta; zot pa’n zanmen konnen, zot pa’n ganny dir nanryen zot pe zis demann en klarifikasyon ki’n arive avek sa ki zot in fer pandan sa pti gin letan?  Eski i annan en rezilta?  Zot annan en sertifika? Eski i annan en keksoz ki vin avek? Zot anvi en leksplikasyon.

Lo mem laliny Mr Speaker pour sa menm group dimoun laba kot Lekol Eksepsyonnel i annan ki’n ganny en pti promosyon.  Ki sorti asistan zot in vin teacher ozordi.  So, zot anvi konnen eski zot osi zot pe mars parey lezot lekol pour zot konnen si i annan keksoz ki vin avek sa letan zot in debrouye zot in fer sitan byen. Sanmenm tou ki mon ti anvi demande Mr Chair.  Mersi.

 

MR SPEAKER

Mersi Onroab Arissol.  Minis.

 

MINISTER JEANNE SIMEON

Mersi Speaker.  Mersi Onorab Arissol. Onorab mon byen kontan ki ou ti apresye ou 2 lekol Dominic Savio avek La Rosiere. Me nou konnen osi ki sa 2 lekol ti 2 bann pli vye lekol ki ti annan.   Dan le pase nou’n fer en kantite patchwork avek, aranz en bout isi, aranz en blok laba. So, nou vwar ki in, pou Belonie ki in letan pour nou fer en bon upgrading – en bon pe travay lo sa lekol e build new blocks kot sa bann kot ti’n pli avarye.

Pour lekol La Rosiere parey, nou annan menm en blok dan La Rosiere ki’n fer, ki ti fer dan letan ti ankor fer building avek ros. So ankor en fwa pour La Rosiere ler in ganny sa bout segonder ki ti la avan tousala i date en bon pe letan. E zot kondisyon i pa an favorab pour laprantisaz.  So, se sa ki nou’n deside pour nou build en nouvo lekol pour La Rosiere e fer en upgrading e build en new block pour Belonie Segonder. Mr Belmont ava donn ou en pe plis detay kote nou’n arive progre lo sa 2 buildings.

Pour studies coordinators invigilating exams e pour Special Needs Programme sa PS De Commarmond i ava donn ou en larepons. Mersi Mr Speaker.

 

MR SPEAKER

Mersi Minis, PS De Commarmond.

 

PS ODILE DECOMMARMOND

Mersi Mr. Speaker mersi Onorab. Pour Sudies Cordinator, i en laranzman ki nou’n fer konmansman sa lannen akoz nou’n santi pou dir petet i bezwen en dimoun external pour supervise legzanmen dan bann lekol.       Se sa ki nou’n fer sa laranzman pour sa lannen, pour nou regarde ki mannyer keksoz i marse.  Akoz in annan pa mal issues letan nou’n kit en dimoun dan son prop lekol pou li supervise the running of national examinations. Kot letan in annan problenm avek invigilation, ek tousala se sa ki laranzman ki nou’n fer.

Be si i annan sa bann konplent, nou, nou ava revwar pour nou regarde si i annan keksoz ki fodre nou adrese – nou aziste.  An prensip nou ti anvi en dimoun external, nou pa ti anvi en dimoun i sorti dan en lekol pour li al dan en lot osi.

Me selman pare you konnen nou annan en pti pe kourt, nou’n pran detrwa dimoun external me nou’n pa’n kapab ganny dimoun external pour tou lekol.  So, nou ava regard sa en pti pe pli o profon pour nou regard lenplikasyon.

Kot i konsern Special Needs, retar ki’n gannyen avek sa group ki’n swiv sa formasyon la i pa nou retar i retar ki’n gannyen par Maurice. Nou’n fek ganny rezilta pa tro lontan sanmenm sa lannen ki in anvoy sertifika.  Prezan letan in anvoy sertifika nou’n vwar pou dir en bon pe partisipan lo la, zot pa’n kalifye e i pa’n dir nou akoz. Prezan nou pa’n krwar pou dir nou devret zis certify zis sa detrwa.  Nou’n regarde avek li kwa ki ti annan problenm e in fer nou konpran pou dir ki i annan assignment ki pa ti’n ganny donnen.  Nou’n bezwen fer sa demars la e se pour sa rezon ki an relasyon ki nou ti gannyen yer avek Onorab Sophola.  E se pourkwa nou pa ankor kapab fer sa certificate presentation, pour kapab aziste zot saler. Me zot saler pour ganny aziste as soon ki zot tou zot sertifika i ganny akredite e formalite i ganny fer.  Mersi.

 

MR SPEAKER

Mersi PS.  Mr Belmont.

 

PROJECT CONSULTANT MR JONES BELMONT

Mersi Mr Chair.  Onorab. Wi ti annan 2 zoli lekol Belonie avek La Rosiere e Minis in donn nou en pti historical background. Mon ava konmans avek Belonie, wi ti annan en nesesite pour demolir pour rezon sekirite kot lekol.  E kot travay kot nou’n arive pour lemoman nou’n fini fer design, architectural avek engineering tou lede in fini ganny fer in prezant kot Planning Authority. Planning Authority in fini donn son approval.  Me selman ki’n arive se ki letan nou’n travay lo scope of work, nou’n bezwen re- konpar li avek detay enzenyer pour permete ki nou pa ganny bann variation pli tar letan travay i konmanse.

Me sa travay pe ganny fer la i pa pran bokou letan, e nenport ler koman nou fini travay pour al lo tender.  Nou a rapel pour dir sa concept design, ti osi ganny prezante devan lekol avek kominote pour zot ganny zot blessing e an menm tan donn zot input e fer komanter lo bann, lo sa concept e vwar osi en pti pe the flow ki mannyer pour bouze sorti dan en laklas pour al dan en lot, administrasyon mannyer i regarde.

E sa lekol pour ganny fer an 3 faz; premye ek 2enm faz i constitute sa nouvo blok li menm.  Akoz i an 2 faz sa nouvo blok? Se akoz i osi baze lo alokasyon Bidzeter e la fason ki nou bezwen manage kontrakter pou fer sa.  E sa 3enm faz li, lefe ki nou fer en blok ki nouvo o-bor sa enn ki egziste la i pou war li konman ‘the poor family. Alors nou bezwen donn li en general facelift e anmenn li, upgrade li pour li kapab konpar son lekor avek sa nouvo blok.

Kot nouvo blok pour ete letan nou’n re-organiz, organiz konstriksyon, nou pou ganny en pe plis lespas osi pour manrmay kapab gannyen pour zwe – en pti pe green area avek multipurpose osi.  Sa i pou Belonie.

E osi pour Belonie nou annan nou fencing ki nou bezwen kontinyen avek. E zis pou fer remarke nou pa pe demolir okenn sa bann miray ki annan pou fer avek semen ki’n egziste la pour en bon pe letan. Nou rekonnet ki sa i annan en valer istorik e i en landmark pour nou lavil, e osi i donn, i ede fer nou lekol zoli parey ou’n dir. Pour La Rosiere, wi sa prosesis pour konstrir La Rosiere in enn ki’n gran, me nou asire ki sa lannen avek bann demars ki nou’n fer e zistans ki nou’n arive dan prosesis, lannen prosenn by mid pli tar mid lannen – lannen prosenn nou pou vwar konstriksyon, konstriksyon pe konmanse. Mersi Mr Speaker.  Mersi.

 

MR SPEAKER

Mr Belmont mersi.  Onorab Arrisol.

 

HON SANDY ARISSOL

Mersi Mr Chair, mersi pour zot larepons. Mr Speaker zis 2 pti klarifikasyon, premyerman mon ti zis koriz mon 2enm kestyon an relasyon avek bann studies coordinator. Selman mon krwar Dokter Barallon in anmase se plizoumwen bann deputies dann bann lekol segonder, an relasyon avek sipervizyon.

Dezyenmman mon ti a kontan zis, Mr Belmont ou’n donn nou dat konmanse pour lekol La Rosiere ou konnen akoz lekol La Rosiere i, son letan konstriksyon in pli long pour lekol Belonie segonder. Belonie fek arive nou konpran, be selman pou donn nou kekfwa Gouvernman Minister Ledikasyon, eski zot annan en plan kekfwa kan ki nou kapab dir ki lekol La Rosiere pou’n fini pour nou kapab, pour bann zanfan kapab re-enjoy zot lekol?

Par egzanp ou’n donnen dat konmanse ki mid lannen prosen be eski zot annan en plan kekfwa, sanmenm sa ki bann paran pe demande. Kan eski i ava konplete avek tou sa bann demars travay ki zot pe fer? Mersi Mr Chair.

 

MR SPEAKER

Mersi Onorab.  Mr Belmont.

 

PROJECT CONSULTANT MR JONES BELMONT

Mersi Mr Chair – Onorab. Wi petet mon pa’n elabore pour al ziska sa zistans.  Lekol La Rosiere parey nou konnen i en rekonstriksyon lo menm sit. Bann preparasyon ki nou ti’n fer avan ki ti annan pou fer avek elarzi semen, annefe sa proze elarzi semen i en konpleman sa nouvo devlopman.                           Akoz once ki sa nouvo lekol i vini avek konzesyon trafik ki ti annan dan lepase, nou ti war poudir trafik nou pou bezwen annan en layby spesyalman pour li depi St Joseph monte al Lari Angar e osi en 2enm lane lo St Joseph avek parti Lari Angar pou permet flow e dan bomaten. E nou’n vwar ziska aprezan ki sa road widening pe vreman fer en bon lefe, e menm serten dimoun pandan letan ki lekol pa ankor fer son aparet son nouvo konstriksyon pe servi konman en parking tanporer.

Wi, premye faz lekol La Rosiere i pou anba la kot sa demolisyon in ganny fer, e i pou konpor en blok ki pou basically ki pou annan mazorite bann laklas ki pou permet abrit tou zanfan La Rosiere dan sa block i pour en ground plus 2.

E ki once ki in fini nou pe ekspekte 12 mwan a 16 mwan pour konplet li.  E once ki in fini bann zanfan ava move ladan e i permet nou fer renovasyon lo sa enn ki annan sa block ki an ros. E osi sa enn ki anler par lao lo sa 3enm nivo nou pour annan son dining hall avek en multipurpose hall.  E sa lekol li menm i pou ganny fer an 3 faz.

Lefe ki nou bezwen manage zanfan lo site an menm tan ki travay pe ganny fer. Mersi Mr Chair.

 

MR SPEAKER

Mersi Mr Belmont. Onorab Letourdie.

 

HON JANY DE LETOURDIE

Mersi Mr Chair.  Bonzour tou dimoun.  Minis mon ti annan en pti konmisyon pour ou, mon pou dir akoz granmoun i dir konmisyon pa pake.  Alors i sorti kot bann teachers Perseverance, i dir Minis Perseverance lekol pe ganny oubliye, akoz nou pa ganny resours, ni liv pour PSE ek Career and Citizenship Education e la lannen pe fini koumsa menm.  Sa, sa mesaz sorti kot bann teachers.  Prezan mon pas lo mon kestyon. Eski 13enm mwan saler pour en teacher i ganny afekte ler i lo medical leave pour li menm oubyen ler i reste avek son zanfan? Sa premye.

Mon konnen ou’n dir zot pe fer tou zot zefor pou fer ki bann nouvo Scheme.  I annan sa de group dimoun la ki zot ti a kontan konnen, si zot pou ganny enkli pour 2019 e sa se Bachelor Degree teachers ki’n la pour 10 an e plis e bann part time teachers.

En lot kestyon se akoz plizyer supply teacher pe abandonn sa progranm blending learning mode.  E zot [e demande eski zot pou gannyen zot back pay?  Mersi.

 

MR SPEAKER

Mersi Onorab. Minis

 

MINISTER JEANNE SIMEON

Mersi Mr Speaker.  Mersi Onorab.  Onorab mon pa’n tro ganny ou sa dernyen kestyon silvouple.

 

MR SPEAKER

Yes, Onorab.

 

HON JANY DE LETOURDIE

Bann supply teacher, eski zot in ganny zot back pay? E akoz plizyer zot pe abandonn sa progranm blending learning mode?

 

MR SPEAKER

Mersi Onorab. Minis.

 

MINISTER JEANNE SIMEON

Mersi Mr Speaker. Mersi Onorab.  Mon ti a kontan osi presize akoz lekol Perseverance nou annan osi lekol primer avek lekol segonder, so sa konmisyon i sorti kote? Apre pour teachers lo, supply teacher ki pe swiv sa BLM, Blended Mode Programme. Nou pa’n ganny lenformasyon pou dir i annan en kantite teachers ki pe sorti lo sa progranm, akoz parey mon’n dir yer nou annan nou 210 partisipan dan sa progranm.  E as of November – wi i annan plizyer, pour supply teachers lo la 143 zot i lo sa progranm e Novanm 2018 la nou war son kantite i la.  Me nou konnen pou dir i annan de ka eksepsyonnel ki zot in met sa a nou latansyon, spesyalman bann ki ti annan problenm medikal, ouswa en pti pe alaz avanse. Ok? Me nou pou problenm medikal sa si i improve pli tar zot kapab retourn lo progranm.

Pour sa bann ki laz i avanse, nou toultan dan Minister Ledikasyon nou annan sa prensip of lifelong learning. Ok?  So, kantmenm ou pe dir mwan ou pe pran ou pansyon dan 5an ki pe vini, ou annan 55an ou pe al retire in the next 5 to 8 years, nou pou dir ou nou pou ankouraz ou pour gather – pou ganny as much as you can from the programme. Ok? Maybe ou pa a kalifye pour ganny en Diplonm a lafen, me swiv sa progranm ki mannyer ou kapab pou ou kapab ganny benefis from the programme, ki pou ed ou dan ou classroom teaching. Akoz sa progranm i vize ver improvement of classroom practice.   Ok?                          So nou pe ankouraz zot.  Me i annan parey mon’n dir avek problenm medikal, nou pa pe kapab forse pour zot kontinyen. Me selman si i improve zot kapab catch up avek progranm pli tar.

Pour si zot pou ganny zot back pay, mon pa tro konnen si nou’n, nou napa sistenm back pay dan Ledikasyon, apre ou ava klarifye en pti lo la. Pour 13enm Mwan Saler se ki ou sipoze dan lanplwa pour 12 mwan – pour en lannen ki ou ganny konsidere for 13 Month Salary e medical leave i pa enn ki diskalifye ou ladan akoz ou annan ou sertifika medikal. Mersi Mr Speaker.

 

MR SPEAKER

Mersi Minis. Onorab Letourdie.

 

HON JANY DE LETOURDIE

Savedir Minis, sa komanter i sorti kot Perseverans segonder, ok? Apre savedir ou pe dir mwan si en dir mwan i ganny medical leave pour 20 zour – si annan son papye kantmenm i pe reste ek son zanfan, i pa pour diskalifye li pou li ganny son 13enm Mwan Saler?

 

MR SPEAKER

Mersi Onorab.  Minis.

 

MINISTER JEANNE SIMEON

Anyway mon ava klarifye sa avek mon HR.  Taler i ava donn mwan en pti klarifikasyon lo la, pour sa 13enm Mwan Saler. Pour teachers Perseverance, nou konnen ki Perseverance segonder i en nouvo lekol, e Minister Ledikasyon in fer sir ki zot ganny tou bann lekipman, tou bann materyo edikasyonnel, pour zot kapab delivre zot progranm parey nenport ki lekol segonder akoz zot osi zot annan legzanmen at the end of zot cycles ki zot bezwen prepar zanfan e zot annan en curriculum ki zot bezwen met an plas.                         So, lo kote Minister Ledikasyon, nou fer tou posib ki i ganny bann materyo parey lezot.  E menm zot ti pe konplent en pti pe ki zot library i ti en pti pe meg lo sa ki konsern liv, nou’n antre an kontak avek en external partner e pour konmansman trimes – 3enm trimes zot in ganny prezante avek en bon lo donasyon liv pour zot school library.

E pour computer room osi parey – zot in ganny zot lekipman pour IT parey lezot lekol.  E mon pa konnen si PS Decommarmond ti a kontan elabor en pti pe plis lo la Mr Speaker avek ou permisyon. Mersi Mr Speaker.

 

MR SPEAKER

Mersi Minis.  PS.

 

PS ODILE DECOMMARMOND

Mersi Mr Speaker.  Mersi Onorab pour ou kestyon. Minister Ledikasyon i annan en prosedir an plas, kot letan napa resours en request i ganny submit e nou, nou adres sa request dapre kapasite ki nou annan.

Lo kote PSE avek Citizentship Education, sirtou Citizentship Education bann liv i ganny prodwi lokalman.  Si lekol ti’n anvoy son request, mon par war akoz i pa ti pe ganny sa bann liv.  E dan sa don ki Minis pe koz lo la i annan en kantite liv adisyonnel pou siport lenplimantasyon Personal and Social Education – PSE. E nou tou nou’n war sa bann liv e zot annan.  Kot i konsern lezot lekipman wi nou’n annan en pti pe retar sirtou avek technology enterprise bann lekipman lagrikiltir, apre nou computer room.         Menm si nou’n donn zot bann laptop pour Computer room pour lemoman i annan zis en computer room ki nou’n vreman setup avek son proper computers desktop computers.  E sa nou pe fer prosedir la pour zot ganny larestan sa bann resours.  I pa vedir zot napa me selman zot pe servi laptop. Whereas enn sa bann computer room in ganny setup avek tou son bann computer PCs. Mersi.

 

MR SPEAKER

Yes Onorab zis en klarifikasyon.

 

HON JANY DE LETOURDIE

Mon pa konnen Minis ou ti’n reponn mwan lo bann Bachelor ki’n la pour plis ki 10 an epi bann partime teachers.  Si zot pou enkli dan sa nouvo Scheme pour 2019? Bann ki avek Degree – Bachelor.

 

MR SPEAKER

Mersi Onorab.  Minis.

 

MINISTER JEANNE SIMEON

Lo – mon a reponn kestyon lo entitlement for 13 Month Salary, lenformasyon ki mon’n ganny se wi 20 zour konze ou still kapab ganny ou 13enm Mwan Saler – konze medikal en. Pour sa Scheme ankor enn fwa ki ou pe dir mon pa tro konpran, akoz tou teachers ki lo Scheme, tou teachers i lo Scheme of Service.            E ler ou e Scheme of Service ou en teacher ki benefisye tou sa ki annan da sa Scheme. Ok?  Nou pa fer sa me selman i baze, benefis ladan i parey marketable skills. Marketable skills i pou baze lo ou kalifikasyon.   Solman ou entitled.  Si ou napa sa kalifikasyon ki demande pou dir certificate ou ganny R250, Diplonm ou ganny R500 si ou napa en certificate ou pa pou ganny marketable skills, akoz ou pa meet the requirements.

Me selman inducement allowance tou teachers dapre son Scheme ou gannyen.  Lezot benefis ki pa baze lo spesifikman kalifikasyon ou entitle, ou gannyen.  Si ou fer extra classes kot lekol – extra responsibilities ki ou annan dapre Scheme si ou fer li ou gannyen.  Ok? So, mon pa konnen mon’n reponn ou kestyon –ok?  Mersi Speaker.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Chair. Mr Chair, Minis, PS ek ou delegasyon nou bann koleg Onorab e tou dimoun a lekout mon bann dimoun Takamaka, bonzour. Mon pou komans lo sa dernyen pwen lo kote Scheme, yer Minis dan lesplikasyon ki ou’n donnen, bann logmantasyon dan wages and salaries ou nonm diferan sekter ki’n donnen e Scheme pour bann graduates allowances i form parti.                                         I annan serten konsern la petet mon pa konnen sis a pe pran kont lo la petet Minis i ava kapab eksplik nou. I annan bann dimoun ki’n lo Scheme sirtou bann graduates ki plis ki 5an – mon krwar Scheme tou le 3an ki sipoze renouvle e zot ganny increment e mon pa konnen ki mannyer i marse petet ou ava eksplik nou apre. Me i annan ki’n ariv 5an i pa ankor, napa okenn lazisteman ki’n arive dan zot saler e menm i dan zot housing allowances ki sipoze enkorpor lo zot saler ki sa pa ankor ganny fer.  Petet Minis i kapab eksplik nou lo la ki laranzman pou ganny fer dan sa Bidze pour fer sir ki sa i ganny adrese?

E si zanmen wi, eski sa bann dimoun, mon’n tann ou taler pli boner, ou’n dir ki i pa dan zot Polisi ki zot back pay. E si zanmen sa bann dimoun pou ganny back pay akoz lefe ki i annan depi Zilyet, in fini sote zot Scheme si zot pe pran kont sa?

Apre dezyenmman, mon kontan lo paz 358 kot zot, enn zot pwen ‘strategic priorities ‘bullet point 3 dan lespri pour zot ‘retain e attract nouvo teachers ‘akoz sa nou konnen sa i en defi,       pour Minister Ledikasyon.  Apard Scheme ki bann nouvo linisyativ ou progranm, ki zot pe mazin met an plas pour zot kapab kontinyen attract bann teachers e pour retain zot?  E osi ankor nou’n koz lo bann asistan teachers, la mon pe mazin nou distrik Takamaka, lekol Takamaka ki toultan i en lekol primer ki fer ekstrememan byen ki pe ganny fer pou ankouraz sa bann dimoun reste?

Nou annan bann teachers osi laklas P3 an mon tan ki zot, zot napa en asistan teachers zot.  Me nou vwar sa teacher li tousel dan laklas e li menm li ki bezwen deal avek progranm avek issue behavior. Fer son curriculum fer tou son bann progranm e menm letan i li malad i vwar li dan difikilte laklas i reste unattended, ki bann keksoz ki pe ganny mazin fer pour zot pour ede ki lekol performen?

E dernyen i annan lekol segonder Art and Design nou’n vwar ki Sinwan dan bann Lagreman ki zot in annan Sinwan in fer pour lekol Business e nou vwar lekol Art and Design Anse Royale i ganny left out.  E napa okenn mansyon dan PSIP pour zot ki plan Minster i annan pour lekol Art and Design? Thank you Mr Chair.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab.  Mon ava les PS De Decommarmond pour reponn kestyon lo housing and graduate allowance.  Mon pe koz en pti kou lo P3 assistant teacher ok? Sa Scheme pour assistant teacher ouswa sa linisyativ pour nou annan assistant teacher dan lekol primer i vize ver Early Childhood. Early Childhood savedir depi lakres ziska P2.  Vre rezon – vre lobzektif par deryer sa se nou ti anvi met en bon baz lo nivo Petite Enfance donn zot maximum ki nou kapab a sa level ki apre zot a kontinyen zot ledikasyon avek mwens difikilte ki zot ti pe fer avan.

So, assistant teacher i ed sa teacher dan laklas, i pa en teacher per se, parey son non dir ou i asiste sa teacher dan laklas ler sa teacher in delivre son leson, i annan son bann diferan group travay ki in set up, li sa assistant teacher i pran sarz en group travay. I depan lo teacher si i donn li group ki mwen avanse ou group ki pli avanse sa i depan lo zot laranzman laklas.

E pour lemoman nou pe fer li parey mon’n dir ou depi lakres ziska P2. Ok?  So, nou konnen avek Gouvernman i kout bokou ok?  So, nou ava vwar mon pa konnen dan lavenir ki mannyer sa i deroule si nou kapab donn partials assistants bann P3 a P4 an montan, me selman sa progranm i vize ver Petite Enfance, kot nou anvi donn tou zanfan en sans pou li kapab akoz la se la kot i konmanse i aprann lir i konmans bann konsep matematik.                             So si i for a son level la, then i ava kapab progrese dan P3, P4 an montan. Pour nou attract e retain teachers mon krwar yer mon ti’n met ater enn de bann stratezi ki nou pe fer. Nou pe donn training nou bann teachers, nou bann supply teachers ki antre dan sistenm, ki nou vwar i annan potansyel pour li train.  Nou donn li en serten letan dan lekol apre si i kapab kalifye pour li join SITE. Then nou ankouraz li pour li al fer son training at that level akoz nou pa ou le osi ki supply teachers 10an, 20an – ok?  Se sa ki nou pe fer osito posib ki nou kapab donn li son training nou donn li, bann ki zot, ki nou ganny prospective teachers ki antre dan sistenm ki zot nivo akademik nou vwar i pa permet zot al fer training kot SITE, nou donn zot en letan pour zot kapab build up zot academic profile, ki zot kapab osi join SITE pour zot ganny training formel.                Nou pe revwar – nou ti annan en progranm avan ki nou ti fer pour nou upgrade maths, academic matematik nou bann teachers ki ti dan primer ki ti napa – ok? Sa progranm in la pour apepre 10an nou pe revwar e nou pe relans li ankor nou’n fer en evalyasyon lo la en nou’n vwar pou dir ki i annan bokou nou bann teachers, ki pa ti meet kriter pour antre koman teachers akoz zot matematik ti feb, nou ti still pran zot, me nou ki ti donn zot sa upgrading pour met zot matematik at par with the requirementsOk?  Nou’n osi annan – nou’n lanse pou Teachers Day 2an pase nou ti lanse en progranm ki apel Aspiring Teachers.  Aspiring Teachers sa i kapab depi lo nivo segonder nou pe fer nou’n vwar ki sa – e la pe fer bann road shows – pe pas dan bann lekol segonder pou zot vwar lentere bann etidyan at secondary level depi i kapab depi S1 si ou anvi – si ou mazinen.  Akoz nou annan kandida ki lo la ki’n dir nou pou dir li son lentere pou li vin en teacher, ti konmans depi ler i ti ankor dan lakres or whatever.  In gard sa lentere all along e la in ariv dan S4 i pe still anvi al zwenn Teacher Education ler i fini son studies. 

        Me par egzanp sa sa progranm, i ankor pou met sa lentere pou kiltiv sa lentere dan  bann zanfan pou sa profesyon – profesyon lansennyman pou nou kapab ganny teachers pou nou travay avek, pou nou train e apre i ava ed nou dan sistenm.

So nou annan sa bann la e par egzanp parey ou konnen osi teachers letan i join teaching i get lo ki benefis i pou gannyen atraver son Scheme, e se sa yer mon ti’n dir pou dir Scheme teachers i enn ki’n ganny revwar plis ki tou lezot Scheme.  Akoz tanzantan nou pe gete ki new incentive nou pou kapab mete ladan pou nou kapab ganny teachers.

        Me pou mwan sa ki pli enportan se sa professional development – sa sans ki nou don zot.  Parfwa i osi annan teachers ki ganny sans pou li al bann short courses aletranze ki pou kapab build son kapasite, sa osi nou donn zot.  E zot apresye sa bokou.

I annan sa in-service training ki nou donnen.  So i annan en bon pe bann stratezi ki nou        pe fer pou nou kapab attract e osi retain nou bann teachers. 

        Bon mersi mon’n ganny en pe lenformasyon, me selman i osi dan review letan nou review Scheme tanzantan nou’n, vwar ki nou’n ogmant par egzanp zot inducement allowance i ogmante.  E osi nou vwar la teacher assistant in ganny enkli ladan, akoz nou’n met zot osi lo teacher Scheme of Service.  Menm ki mon’n dir taler pou dir zot pa en teacher per se.

        Akoz nou’n met zot lo la, pou nou ankouraz zot pou zot take teaching formal teaching as a teacher.

        So zot la dan sistenm zot konnen what it entails, so i pou pli fasil pou zot opt pou zot vin en teacher.  E si sa i posib zot meet requirements zot kapab fer li.

        Pou bann supply teacher and certificated teacher zot osi zot inducement allowance in monte e osi pou bann teachers.. 

So nou annan en logmantasyon anviron en average of SCR400 from the last review of the Scheme.  Mersi Mr Speaker.

 

MR SPEAKER

Mersi Minis.  PS Decommarmond.

 

PS ODILE DECOMMARMOND

Mersi Mr Speaker.  Mersi Onorab.  Pou bann graduates bann ki’n fini zot 5an – wi prosedir in fini ganny fer nou’n fini anvoy kot DPA pou approval.  Nou’n fini konmans aziste i annan ki’n fini gannyen.

Larestan nou pe fer gradyelman savedir nou espekte by Desanm tou sa bann lazisteman i ava’n fini ganny fer.  Mersi.

 

MR SPEAKER

Mersi PS.  PS Barallon.

 

PS LINDA BARALLON

Bonzour tou Onorab prezan.  Mersi Mr Chair.  Mersi Onorab pou ou kestyon.

        Lo kote lenstiti Lar e Desen wi proze ler ti ganny aprouve par devan bann Development Committee ti aprouv pou business studies avek SIAD.  Wi i annan bann devlopman la ki nou pe vwar enn pe ganny fund par Chinois.

        Be commitment pou bill SIAD non nou pa’n les SIAD tonbe.  Nou annan diskisyon nou an negosyasyon akoz dan PSIP mon pou vwar la i annan 3.7milyon premye lo lalis      Tertiary and Education and training vwar la programme 6.  Premye se Business Studies ek SIAD ki annan 3.77 milyon GOS component ki pou sa 2 lekol.

Me desizyon negosyasyon ki nou annan la bann partenaire, se lekel ki fund li e kote nou fer li.

Me komitman i la nou pa pe les SIAD ater.  Mersi.

 

MR SPEAKER

Mersi PS Barallon.  Onorab Henrie.

 

HON GERVAIS HENRIE

Mersi Mr Chair.  Mon premye kestyon i annan pou fer avek peyman pou Appraisal.  I ti annan en pti pe retar so bann ansennyan i oule konnen eski i annan Bidze pou appraisal pou lannen prosen?  Sa i enn.

        Dezyenmman, serten teachers in osi eksprim konsern pou disparite dan peyman bann teacher baze lo bann kalifikasyon ki zot annan.  Par egzanp zot in montre mwan en dimoun ki annan en B.Ed i ganny li R14,052 – en dimoun ki li i annan en Masters pe ganny li R14,186 e zot, zot santi ki poudir sa gap i tro pre kan solman letan ou pe lekel ek B.Ed –  avek en Masters  i totalman diferan me solman zot santi poudir eski zot nivo zot kalifikasyon e osi lannen leksperyans i konte dan sistenm Ledikasyon?  Sa i 2.

Trwazyenmman zot oule konnen akoz ki bann teachers ki graduate avek The University of Seychelles avek zot B.Ed zot housing allowance ki zot in montre mwan sa lo zot payslip e sa mon’n konfirmen ti selman R2875 kontrerman avek Polisi Gouvernman ki R4mil e mon annan laprev sa lo mon telefonn la Mr Speaker –  i pa ki mon pe mislead Lasanble.

E katriyenmman mon dernyen pwen Mr Speaker mon bezwen mansyonn sa menm si i annan – akoz ki tou dimoun i enterese avek leko La Rosiere, alors en zour bor dan Mont Buxton ti dan Lari Philomel avek Lodge Street,  So lekol La Rosiere, alors en zour ti dan Mont Buxton actually.  So prezan sa ki mon oule konnen akoz mon  ti koz sa dan mon lentervansyon lo Bidze  – sa loan ti ganny sinyen an 2014 e i annan 4an depi deza in pase, prezan in annan diferan konponan larzan ki Kuwait in donnen 139milyon ki mannyer is opoze ganny partaze. Mr Speaker si ou permet mwan lefe ki i pe pran telman lontan pou sa 2 proze mazer anba sa loan fini; i annan lekol La Rosiere avek sa lekol SAHTC – Lagrikiltir ek Ortikiltir laba Anse La Mouche e li Anse La Mouche mannyer mon pe gete PSIP i pa pou konplete ziska 2021- sa i 7an apre ki sa loan in sinyen.  Me i en tas lo how effectively Gouvernman osi pe deliver lo proze kan larzan i la.

Prezan i annan  – ok reabilitasyon serten batiman – pou La Rosiere i annan konstitisyon nouvo batiman; i annan upgrade library; i annan 18 lekol primer, supply ek enstalasyon bann meb, procurement computers, lekipman sports rekreasyonnel, e liv pou La Rosiere e lezot lekol primer, enkli 29 kindergartens.  Prezan mou oule konnen be eski sa bann landrwa – ok batiman Bondye pitye, en zour nou ava vwar demen, me selman sa bann lezot pti konponan – liv, computer meb eski sa bann landrwa in gannyen – mon pa pe demann zot pou al ankor dan sa bann detay ki Mr Belmont in donn nou me solman, mon anvi konnen pou vwar ki mannyer sa 139milyon si in byen servi – zere ki nou bann zanfan vreman i pe benefisye, akoz nou vwar nou bann kontrent se resours.  Mersi.

 

MR SPEAKER

Mersi Onorab Henrie.  Minis.

 

MINISTER JEANNE SIMEON

Mersi Mr Chair.  Mersi Onorab.   Pou peyman pou appraisal.  Appraisal ti en cycle e mon krwar ti fini 2016  – i en 2 year cycle  i ti fini 2016 e apre sa nou regard bann appraisals ki’n  antre ki mannyer bann teachers in ganny graded, appraised and graded.  E zot larzan ti baze lo ki kantite pwen zot ti’n gannyen.  E mwan pa tro konnen si tou teachers, pa’n gannyen – ki sipoze gannyen – pa’n – si i annan ankor ki’n reste ki pa ankor gannyen.  Me si i annan ki from the first cycle ki la ki pa ankor gannyen, si i kalifye pour li gannyen, si i pa ankor gannyen then petet nou ava vwar dan sistenm, petet li menm li i kapab alert nou. Me selman peyman ti ganny fer diran 2017.  Ok?

E pour kalifikasyon avek ‘pay for B.Ed holders’, si i annan en diparisyon ant 2 B.Ed holders kalifikasyon i kalifikasyon, en B.Ed i en B.Ed ok?  So sel petet diferans ki nou pour vwar la se lakantite lannen servis, ok?  Ki kapab … Akoz ou konnen poudir si mwan mon en B.Ed mon fek ganny mwan B.Ed 2an pase i annan en lot dan sistenm ki’n ganny en B.Ed depi 8an pase dan, antretan in annan bann logmantasyon saler ki Gouvernman i donnen; i annan review dan Scheme ki’n gannyen.

So i kapab ki sa i a fer sa disparite.  Me selman 2 dimoun ki pre-service B.Ed i antre dan sistenm, son lapey i sipoze parey.  Par kont ou kapab dan sistenm depi avan, ki ou’n akimil bann larzan e apre ou ganny en B.Ed ou pa pour war gran diferans, akoz ou’n already pe ariv lo sa level.

Pour lekol La Rosiere avek SIAD, sa mwan ava les msye Belmont pour reponn, me selman nou konnen, nou konnen avek La Rosiere nou pe deal avek external partners.  Ok?

Son konsiltan ki pe antreprann sa proze i pa baze Sesel, i baze aletranze akoz sa i en loan ki nou pe gannyen. So in annan serten retar.  Petet in annan en pti retar lo nou lapar me selman i annan osi retar lo lapar the external partner ki’n fer petet ki sa 2 proze pa’n mars a en pace ki nou ti a kontan i marse akoz nou osi nou konnen, nou konnen soufrans La Rosiere bann teachers dan ki sityasyon zot ete.

E nou ti a kontan ki zot kapab ganny en nouvo lekol osi vit, o plito posib.  Nou’n osi fer li nou devwar letan nou’n fer nou regional forum avek bann paran, nou ti koz bokou. Ti annan paran ki ti’n lev sa size, so nou’n donn zot en serten, mwan pa konnen si nou apel sa lasirans, me nou’n dir zot pour dir zot lekol pe vini, e i annan ki ti’n dir poudir parey ou’n dir manrmay sa travel Mont Fleuri and so on. Nou’n asir zot pour dir nou pe fer tou sa ki nou posib pour nou kapab asire ki zot ganny zot lekol.  Konsernan larzan e sa proze, mon ava les sa avek msye Belmont. Mersi Mr Chair.

 

MR SPEAKER

Mersi Minis. Mr Belmont.

 

PROJECT CONSULTANT MR JONES BELMONT

Mersi Mr Chair. Onorab wi ou’n byen remarke, loan ti sinyen, loan agreement ti sinyen isi Victoria an 2014.  Dapre bann formalite avek sa fund, sa labank i bokou.  I bokou, e i annan bann gran milestone ki nou’n bezwen kouver.  E zis pour donn en pti pe. I pa premye fwa ki nou pret larzan avek sa landrwa.  E mon krwar sa i pour enn premye ki nou pe al vreman komanse.  Ki bezwen ganny fer? Dan sa prosesis sak fwa ki ou kouver en morso, ou bezwen anvoy dokiman, esper sa ki nou apel en ‘No Objection.’ Se selman letan ou’n satisfer nenport pti mouvman, ki ou ganny permisyon ouswa lotorizasyon pour bouz lo lot key milestone.

E zis letan, letan ou get tou nou bann letan ki nou’n fer, nou pa’n vreman perdi lo komansman, parski nou kouver bann milestone ase byen ziska 2017, kot nou ti ganny nou ti kapab award consultancy services avek sa consultant Kuwaiti ki osi dapre sa norm, sa Lagreman ki ti sinyen.

E apre 2017 se la ki consultant from Kuwait in vin in komans anmas lenformasyon lokal ki permet li retournen al fer, al met tou bann lenformasyon ansanm pour li kapab come up avek concept ki pour ganny aksepte.

Me bann concept menm si zot in anmas lenformasyon lokal letan ti vini i pa ti sa building ki ti reprezant enn dan nou bann built environment.  Par egzanp ki nou ti pe dir i ti napa sa karakter lokal sa building.  I ti bezwen retournen, e nou’n ale enn de fwa koumsa ziska, ler ki nou’n dir gete konsiltan, nou krwar pour ou kapab fer en bon louvraz la, fodre ou dimoun isi kot nou pour en pe letan ansanm ek nou, nou go over bann keksoz enportan la fason ki building i ganny fer pour fer sir ki nou pran tou keksoz an konsiderasyon ki i annan sa karakter lokal e ki permet nou zourir byen son lanvironnman kot i ete.

E la pour le moman nou’n fini ganny approval apre tousala nou’n nobou – nou’n fini ganny approval avek Planning Authority pour son architectural details.  E nou’n – semenn pase, e nou’n forward sa lenformasyon kot konsiltan pour dir, pour dir be gete nou’n ganny sa premye staz lenformasyon, prezan ou kapab devlop ou concept engineering apre ou bill of quantities baze lo la.

E an menm tan, nou bezwen, pour nou ganny, nou no objection nou bezwen anmas, fer en package the same thing, anvoy kot Kuwaiti Fund e li i ava donn nou, once ki in gete si tou zafer i ok, i a donn nou son ‘No Objection.’  E la proze i kapab al tender, apre son bann review.

Ou’n osi koz lo, letan ou pe dir, sa proze la, tou le de proze i mars ansanm en – as one project, malgre ki i de diferan sit.  Sa ti ganny sa konsepsyon ti ganny depi komansman pour dir letan, zis en lekol tousel i ganny vwar koman en pti gout delo pour zot – dan lenplimantasyon proze.  E zot ti dir met 2 proze ansanm pour nou kapab ganny the critical mass, ki nou kapab ganny osi en rediksyon dan cost pour sa proze.

Ou’n osi fer resorti ki effectiveness of management of the loan.  Sa ki mon’n pas lo la i montre en pti pe ki bann diferan staz ki nou bezwen pas ladan, malgre bann keksoz ki ti en previ, ki’n antre, par egzanp sa monte desann, isi laba, sorti Sesel/ Kuwait – Kuwait/ Isi ki ti’n kapab pa arive si konsiltan ti’n baz li isi e an menm tan servi byen son local counterpart partner, ki pour ed li donn li sa sipor isi lokal, olye ki nou kot Minister Ledikasyon nou pa sipoze pe donn li sa bann sipor teknik as such.          Akoz dan son Lagreman ki i sinyen la nou pa en partner lo sa nivo. Nou la zis pour monitor pour gete si nou proze pe ganny fer dapre sa ki ki nou bezwen e respekte bann norm Minister Ledikasyon.

Son partner teknik, i son join venture ki in sinyen.  E sa nou ankor pe travay avek li, pour fer sir ki i etablir en prezans isi, pour ki sa monte/ desann la ki koz nou retar la i pa arive. Mersi.

 

MR SPEAKER

Mersi Mr Belmont.  I annan en bout kestyon nou ava donn laparol DG pour HR, Ms Betsy.

 

DG CHRISTELLE BETSY

Mersi Mr Chair.  Bonzour tou bann Manm e dimoun.  Pour reponn sa kestyon konsernan sa disparite ki i annan ant sa peyman ki bann graduates Minister Ledikasyon i gannyen, bann ki ti graduate avek Unisey avek bann other graduates ki’n graduates deor.

An 2013 parey koman Onorab in fer sorti sa bann B.Ed students ki ti kot Liniversite la, ler ti annan sa sirkiler pour bann graduates, ti i annan serten kriter ladan ki zot, zot pa ti meet.  Par egzanp enn dan sa kriter ti se ki ou bezwen fer ou letid a leksteryer.  Given ki zot, zot ti’n fer isi then zot pa ti kalifye.  So en ka spesyal ti ganny fer pour zot kot Departman Ladministrasyon e aprouvasyon ti donnen pour zot ganny R2mil consolidate dan zot basic salary.

Prezan an 2016 ti annan en lot sirkiler ki kouver graduates ki ti sorti, e sa sirkiler i ti fer en peyman R4mil.  Ler sa bann group etidyan ti’n vwar sa sirkiler definitivman zot ti annan en kontansyon e zot ti vin kot Minister.

Nou ti annan en meeting ankor avek bann reprezantan DPA e DPA ti approve pour donn zot R2,300, 2mil pour sa 4mil avek 300 pour tax component. So Msye Onorab vwala en pti listwar deryer sa disparite ant sa 4mil avek sa 2,300.  Prezan sanmenm sa group teachers la. zot in fini ganny 5an. Prezan sa bann larzan either sa 4mil, sa ki ti kalifye pour son 4mil or sa ki kalifye pour son 2,300 in fini ganny consolidate dan zot saler apartir le 01 Zen, 2018. Mersi Mr Chair.

 

MR SPEAKER

Mersi Ms Betsy.  Onorab Henrie.

 

HON GERVAIS HENRIE

Mr Chair dan mon 4 kestyon ki mon’n demande, mon santi pour dir 2 in ganny reponn letan director for DG in reponn la.

Me lo kestyon lo lekol La Rosiere mon krwar zot in mal konpran sa ki mon’n demann zot.  Sa ki mon ti pe demann zot se ki i annan bann lezot konponan anba sa loan 139 milyon ki ti pour meb – supply bann sports and recreational equipment, liv, computers, lekipman pour bann kindergarten, 29 an tou dapre sa kominike ki Fon  Kuwatien ti fer sorti.  So mwan mon’n anvi konnen, nou pa ankor war batiman.  Be sa bann lezot pti konponan, akoz Minister Ledikasyon son kontrent se resours – eski larzan deza in ganny allocate dan sa bann lezot pti konponan meb, liv, computers eksetera? Sa ki mwan ti anvi.  Se tou.

Apre dezyenmman lo kestyon sa disparite, si zot ti kapab eklersi nou byen – starting point pour en dimoun avek en B.Ed konbyen i gannyen? Akoz mon’n war 2 payslip, enn i ganny li 13, 528 me en lot i ganny li R14,52. I annan en disparite la, akoz? I bezwen annan en starting point ek B.Ed.

E kot pwen ki zot pa’n konpran mwan se ant en B.Ed ek en Masters i annan zis en diferans R134.  E bann dimoun pe dir mwan be i pa kapab, I mean Masters mon’n lekol en pe plis ki en B.Ed – i bezwen en pe plis.  So akoz dan Ledikasyon sa diferans i telman ptipti?

Mwan krwar sa i 2kestyon ki zot pa’n tro konpran mwan. Epi finalman sa zafer housing allowance pour bann manrmay ki’n lekol University of Seychelles, mon krwar Minister i merit pe siport Liniversite pour ki nou bann manrmay ki al laba, i ganny trete parey en manrmay ki’n al deor – konmsi, ok ek sa premye batch i annan en problenm, zot in esey sort li out dan en fason.

Mon swe se ki dan lavenir i ganny sort out dan en lot fason – zot pa ganny trete dan en lot, konmsi pas – mon pa konnen akoz nou pa’n al deor, nou ganny mwens. It’s not fair. Mersi.

 

MR SPEAKER

Mersi Onorab.  Mon a donn laparol msye Belmont avan.  I a a klarifye proze La Rosiere apre DG oubyen PS i a pran lot bout.  Mr Belmont lo, ok, PS De Decommarmond.

 

PS ODILE DECOMMARMOND

Mersi Mr Speaker. Pour sa bann larestan item, nou’n fini fer bann prosedir; savedir pour library nou’n fini fer nou audit, nou fini idantifye bann travay ki pour ganny fer.  E nou’n fini fer lalis parey pour bann Early Childhood pour sa 29 lakres.

Nou’n fini fer tou lalis.  Me selman la nou bezwen dan prosedir.  Akoz parey you konnen le fe ki i en international loan ou bezwen anvoy tou keksoz laba, ou ganny approval. Nou pa kapab ale, par egzanp nou, nou aste nou bann resours avek FINDEL. Avek zot ou pa kapab dir konmsi ou pe propoz FINDEL, ou bezwen les zot fer sa, tou bann gran prosedir ki fodre fer.  E loan pa ankor ganny disburse; i pa ankor ganny disburse.  Savedir letan sa bann prosedir i fini, wi nou pour komans avek sa.

Me kot i konsern resours pour lekol La Rosiere li menm sa nou bezwen fer li en pti pe pli tar letan lekol i pres pour fini konstri.  Mersi.

 

MR SPEAKER

Mersi PS.  Minis.

 

MINISTER JEANNE SIMEON

Mersi Mr Chair.  Mon ava fer Mrs Betsy donn en leksplikasyon lo disparite ant B.Ed ek Masters e lezot issues ki Onorab in lev-e.

 

MR SPEAKER

Mersi Minis.  Ms Betsy.

 

DG CHRISTELLE BETSY

Mersi Mr Chair.  Sa disparite ant B.Ed avek Masters la i relye avek Scheme of Service ki mannyer Scheme in ganny drafte e osi an konsiderasyon avek sa Salary Act ki nou annan.  Parey koman zot konnen sa bann step i telman close e se sa ki nou war i annan sa closeness ant sa 2 kalifikasyon.

Ler ou ti pe demann lo B.Ed, en dimoun ki vini avek son B.Ed son starting salary i 9, 793.  Ler in fer 3an avek Minister Ledikasyon i ganny li 13,528.  E ler i fer 5an i ganny li 14,52. Pour en Masters ler i komanse mon napa sa lenformasyon. Me selman mwan konnen apre 5an lo son Masters i ganny li R14,186.

Sa bann lezot in between sorry akoz mon dokiman in en pti mess up. Ok?  Mersi.

 

MR SPEAKER

Mersi DG.  Bon nou pour pran en Break e nou ava kontinyen 11er.

 

(BREAK)

 

MR SPEAKER

Bon nou ava kontiny nou travay. DG ou annan en klarifikasyon ou ti le fer.  Mon krwar ki pour swiv par, Mrs Monthy.  Mon ava donn ou laparol Ms Betsy.

 

DG CHRISTELLE BETSY

Mersi Mr Chair.  Klarifikasyon ki mon ti oule fer se ki bann dimoun ki ti etidye Unisey la i annan en sirkiler No.7 an 2016 ki ti sorti.  Irrespective ki kote ou’n train, whether ou’n fer li online, overseas, ouswa local, prezan ou kalifye as a first time graduate, ou kalifye pour sa graduate allowance.

Prezan mon ava lo sa bout ki mon ti napa lenformasyon lo la konsernan Masters. En dimoun, en first time ki vini avek ek son Masters in education, son entry salary i 9, 887; apre 3an i ganny li 13, 657, apre 5 an i ganny li 14,186.

Mon a repet ankor pour Degre dan Ledikasyon son entry salary i 9, 793 apre 3an i ganny 13,528, apre 5an i ganny R14, 052. Sa Scheme ti fer dan lannen 2005.  Prezan at the time la ti annan sa sirkiler ki ti donn bann graduates R3mil.  So apre sa 3an, sa 3Rmil i ganny consolidate dan saler sa graduate ki fer li ganny sa bann saler apre 3an.  Prezan given ki allowance in ganny extend pour 5an, prezan Minister Ledikasyon i bezwen reviz son Scheme pour align li avek sa graduate allowance R4mil ki pe donnen la.

Prezan an plis ki sa, ki si sa ki diferansye en B.Ed student avek en Masters, enn ki annan son Masters Education. I annan en marketable allowance ki pe ganny peye.  Pour en B.Ed sa graduates i entitle R1800 konman son marketable e pour en B.Ed in Education i ganny li R3mil, en Masters li sorry i ganny li R3mil. Mersi.

 

MR SPEAKER

Mersi Ms Betsy.  Mrs Monthy.

 

FC LINDA MONTHY

Mersi Mr Chair. Zis pour en rektifikasyon lo kote housing mon ti dir pli boner bomaten, average cost i R13mil a 15mil, pa 18 a 20mil. Mersi.

 

MR SPEAKER

Mersi Mrs Monthy.  Bon, mon a donn laparol Onorab Phillip Arissol.

 

HON PHILLIP ARISSOL

Mersi Mr Chair. Eski Minister Ledikasyon i annan plan pour re-meble bann laklas kot lekol primer Anse Boileau? Vi ki sa bann ki zot pe servi an se moman la i annan en bon pe ki’n avarye. Eski Minister Ledikasyon i annan lentansyon anploy e train ankor assistant teachers pour lekol Anse Boileau? Ki Minister Ledikasyon pe anvizaze fer pour elimin sa problenm pizon kot lekol Anse Boileau primer e segonder? Epi kan eski Minister i ekspekte konplet konstriksyon lasal manze lekol Anse Boileau? An se moman bann zanfan napa en landrwa ideal pour manze.

Nou konnen ki Minister Ledikasyon i lwe lakaz pour ansenyan etranze, eski zot kapab asir nou ki sa napa labi ladan? Par egzanp, mwan mon konpran ki Minister Ledikasyon pe lwe en lakaz 4 lasanm ek en gro imsye pour en sel etidyan, en sel teacher Anse Boileau. Mersi.

 

MR SPEAKER

Mersi Onorab. Minis.

 

MINISTER JEANNE SIMEON

Mersi Mr Chair.  Mersi Onorab. Remedial works pour lekol Anse Boileau primer problenm pizon avek konstriksyon dining room dan lekol segonder, i ava ganny reponn par Mr Belmont. Recruitment of assistant teachers pour Anse Boileau, mon napa lenformasyon ki zot bezwen adisyonnel assistant teachers.  Parey mon’n eksplike taler, assistant teachers i zis pour Early ChildhoodPetite Enfance depi lakres ziska P2.  Si i annan ki’n resign – ki’n kite nou fer le neseser pour nou ranplase.

Tan ka training pour assistant teachers dan lepase nou’n annan bann group ki’n fer training e la nou pe anvizaze rekonmans ankor nou bann training pour assistant teachers.  Me parkont letan zot konmans travay pour nou pa les zot zis antre dan nou laklas e ed bann teachers, i annan bann module, i annan bann module training ki zot al swiv kot SITE.

I annan 3 module ki zot al swiv kot SITE, i annan pour Classroom Management, Child Development avek Lesson Planning. Ok sa 3 akoz sa 3 ki zot pour konpran en pti pe ki mannyer nou fer avek en group dan laklas so zot bezwen sa Lesson Planning, Classroom Management  li osi i annan pour fer avek group management dan laklas.

So zot pou ganny en pe bagaz lo la e osi nou fer sa Child Development pour zot ganny en pe bagaz lo devlopman Petite Enfance. Pour zot kapab adopte bann practice ki ale avek sa group laz. Me formel training sa nou pe regarde ansanm avek SITE ki nou pou kapab fer pour zot as a whole group dan lavenir.  Mersi Mr Chair.

 

MR SPEAKER

Mersi Minis.  Ok Mr Belmont.

 

PROJECT CONSULTANT MR JONES BELMONT

Mersi Mr Chair – Onorab. Remedial work kot lekol primary.  Nou remedial work kot lekol primary i enn ki ongoing.  Nou pe kontinyen fer bann louvraz maintenance.  E me selman sa ki nou annan la se ki sa prefab kot primary ,ki osi pe abrit manrmay lakres lanmenm o-bor. Sa travay pe konplete e nenport ler kontrakter pou demobilize lo site, e retir tou son bann restan materyo ek debri ki in kite pour li ale.

Lo kote pizon; travay avek pizon i en gran batay Minister Ledikasyon in fer tou sa i kapab fer dan lepase e la pour le moman nou’n vwar pou dir sa travay nou menm nou tousel konman Minister Ledikasyon nou pa pou kapab zanmen gannyen. Nou pe travay ansanm avek lezot Minister ki annan plis ekspertiz dan sa domenn, pou ede tir pizon kot lekol.  E nou kot nou lekol, kot lekol nou pe ankouraz zanfan pour zot pa zet manze ouswa bann pti bout dipen ater kot lekol.   E sanmenm sa ki ankouraz pizon vini, nou ekspekte ki nou fer sa osi travay avek lezot Minister nou a kapab deal avek sa.

Dining room kot segonder, nou ti annan en pe problenm, difikilte avek kontrakter ki ti la avan.  MLHU ki ti pe antreprann sa proze here konmela ki ti antreprann sa proze lo nou behalf, in retir sa kontrakter ki pa ti pe perform apre bokou letan.  E la pour le moman zot pe fer bann prosedir pour ganny nouvo kontrakter pour rekonmans sa travay.  Mersi Mr Chair.

 

MR SPEAKER

Mersi Mr Belmont. Onorab Arissol.

 

HON PHILLIP ARISSOL

I annan sa enn kestyon lo lakaz lwe pour teachers, apre zot in mank pour re-meble bann laklas primer kot lekol Anse Boileau.

 

MR SPEAKER

Bon mon avan donn laparol, Mrs Monthy. Mrs Monthy ti le reponn lo lakaz lwe, Mrs Monthy. Apre nou ava pas laparol avek Mr Belmont.

 

FC LINDA MONTHY

Mersi Mr Chair.  Mon ti fer sorti pli boner letan mon ti pe reponn kestyon housing, ki Minister Ledikasyon in annan li en revised policy ki in fer ki nou sipoze reget dan tou bann lakaz ansanm avek seksyon housing e petet sa osi pour enkli internal audit Minister Finans.  Pour reget tou sa bann lakaz e get sa bann dimoun e gete kantite lasanm e re-apopriye li according to sa bann dimoun ki devret dan sa bann normal lakaz.

E si i 3 bedroom i sipoze en fanmir – i pa sipoze en sel dimoun ki pe reste. E osi parey nou’n dir si i annan adilt osi ki avan i ti pe reste ki avan i ti en manrmay in fini vin adilt, i annan en larzan ki pe antre, i bezwen fer en kontribisyon dan sa rent ki nou pe peye.  Sa osi pou ede pou fer desann nou rent.  E sa i sa odit nou sipoze fer li, nou bezwen fer li an 2019 osito posib.  Mersi Mr Chair.

 

MR SPEAKER

Mersi Mrs Monthy.  PS De Decommarmond.

 

PS ODILE DECOMMARMOND

Mersi Mr Chair.  Pour furniture pour Anse Boileau – nou, parey yer mon ti eksplike nou ti annan furniture la nou’n fer en gro consignment ki’n ale depi 2017 ziska la; savedir pour laklas nou pe fer li en priyorite. Bann lekol zot pe fer zot audit la pour zot regarde, zot levanter e dapre zot levanter la nou sey ranplase otan ki nou kapab pour zot ganny bann furniture an bon kondisyon dan zot bann laklas.  Mersi.

 

MR SPEAKER

Mersi PS Decommarmond.  Onorab Valmont.

 

HON JUDE VALMONT

Bonzour e mersi Mr Chair. Bonzour Minis e delegasyon tou koleg Onorab e tou ki pe swiv nou.  Mon ti a voudre demande premyerman ler mon get lo PSIP paz 40, 41. 40 en – presizaman mon pe get dan Bidze 2019 onwards, mon pa war okenn larzan ki’n ganny Bidzete ni pou Pointe Larue segonder ni pou primer e menm pour lakres. Mon war i annan louvraz ki’n ganny fer – mon apresye sa, me selman mon ti a voudre demande si, si lefe ki nanryen pa’n ganny bidzete, alor sa demann pour primer ek segonder pour extend.  Akoz mon konnen nou annan en gro problenm lespas dan Pointe Larue pour bann etidyan laklas. Alor a ki nivo ki zot pou kapab asiste sa 2 lekol?

Apre mon ti a voudre ganny en klarite lo kote supply teachers ek asistan teacher. Onorab Ernesta in rod en pe klarifikasyon lo kote assistant teachers lo kote zot reminerasyon, ki diferans i annan? Eski supply teachers pe ganny konsidere anba sa Scheme ki zot pe dir? E dernyen se i annan pou fer ek saler osi ek allowances – mon’n, bann letan ki zot in vini la yer mon’n ganny sans enterakte avek bann teachers dan bann professional centres.  Zot osi zot ti a voudre konnen, eski performance allowance zot, zot pa pou benefisye avek? Eski Bidze in fer provizyon pour get zot dan sa laliny?  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Chair.  Mersi Onorab. Mr Belmont i ava reponn pour travay ki pe ganny fer or ki’n ganny fer ouswa ki pe ganny fer pour Pointe Larue segonder, primary avek crèche. Lo kote extension lekol nou pe fer or nou’n konmanse fer en odit pour nou standar pour diferan kategori lekol.  Nou annan lekol small, medium, large e osi dapre zot stream.  Si 2 stream si i 3 and a half stream si i 4 stream.

E anvi sa si i 2 and a half stream i annan en standar ki dir pour en lekol ki 2 and a half stream or 3 stream ou annan tan laklas. Sa nou baz li lo kantite zanfan standar ki nou annan per class ok? Nou konnen poudir dan lepase in annan bann Headteachers letan i war lespas dan laklas i servi pou fer lezot keksoz rather than keep it for students.  Prezan letan son nonm zanfan i ogmante i war, i dir nou poudir i napa landrwa.  I servi pour fer bann lezot specialist rooms ki pa fodre ki pa dapre standar Minister Ledikasyon.

Nou pe fer sa audit pour nou etablir vreman i pour ed nou pour gete, nonm zanfan per class baze lo nou teacher, student ratio.

Nou pe etablir osi lo kantite laklas baze lo nou grander lekol pour nou met en pe lord pour larantre Zanvye. Akoz nou vwar pou dir osi nou, lakantite teachers osi i ogmante.  Ler ou pe pran en laklas ou pe met 11 zanfan ladan ou annan en teacher assistant avek en teacher ok?  E Anse Aux Pins i annan en laklas ki annan 26 zanfan i ganny zis 1 teacher ki napa assistant. I annan sa bann discrepancies ki nou anvi met en pe lord ladan pour nou kapab kontinyen fonksyonnen.

Pour supply teachers, supply teachers i osi part of the teacher Scheme of ServiceOk? E tou sa bann benefis ki annan ladan parey mon’n dir taler, zot benefisye lo baze kalifikasyon ki zot annan eksetera. Ok?  Performance allowance pour professional centres, sa Dr Barallon i ava donn en larepons lo la. Mersi Mr Chair

 

MR SPEAKER

Mersi Minis.  Mon ava donn laparol PS Barallon.

 

PS LINDA BARALLON

Mersi Mr Chair, mersi Onorab. Bann Sant Profesyonnel zot lo en Scheme separe apar ki zot bann TSS pour bann lezot teachers. E ladan zot marketable skills in fek ganny revise, fek ganny enplimante sa lannen, pran konsiderasyon spesifisite zot bann trade expertise. Performance allowance i bezwen annan en striktir an plas e sa an se moman i pa la pour bann Sant Profesyonnel. Be si i annan en bezwen ki i annan lentansyon, rekomandasyon bezwen sorti kot Tertiary Education Commission pour nou get lo la. Ki mannyer sa i antre – an vi ki zot annan diferan bann reminerasyon ki zot gannyen zot.  Be selman pour le moman la performance allowance pa egziste pour Sant Profesyonnel.  Mersi.

 

MR SPEAKER

Mersi PS Barallon.  Mr Belmont.

 

PROJECT CONCULTANT MR JONES BELMONT

Mersi Mr Chair.  Pointe Larue devlopman ki nou’n fer Pointe Larue pandan sa bann dernyen lannen la nou’n konsantre bokou lo bann travay upgrading Pointe Larue depi lakres, primer ek segonder.  E menm nou’n amelyor son sistenm sewage ki nou pe fini la nenport letan.  Sa ki konsern en laklas an plis parey ou’n dir ou pa’n trouve – sanmenm sa ki Minister in eksplike ki nou bezwen annan en odit pou vwar si vreman si pa’n fer laklas vin pli ptipti ki pe demann sa. Parske Pointe Larue i en 2 stream, be selman i ti ganny build lo en 2 and a half stream. Sa i form parti dan planifikasyon.  Zanmen nou build en lekol zis pou zis avek laklas ki neseser.  Nou toultan met enn ou de laklas an plis akoz i annan sa ki nou apele bann ripples effect dan popilasyon.  Ki detanzantan ou ganny sa vag e letan sa i arive la nou annan en laklas deza la. i pa vedir ki sa popilasyon i kontinyen reste parey.  E nou konnen pou dir popilasyon pa’n ogmante an zeneral dan pei. Mersi Mr Chair.

 

MR SPEAKER

Mersin Mr Belmont. Onorab Valmont.

 

HON JUDE VALMONT

Mersi Mr Chair.  Mersi Minis e bann panelist pour zot repons. Mon annan zis de pti follow-up. Si mon konpran PS Barallon in dir se Tertiary Education Commission Education ki pou determinen si bann teachers dan bann professional centres pou ganny performance allowance.  Alors si i annan okenn demars se zot ki pou bezwen apros Education Commission.  Sa enn. E lo kote repons Mr Belmont, mon ti a zis voudre konnen ki annan en proze pour lekol segonder osi, pou fer boundary wall lo sa marsh area.  Dernyen fwa mon ti marse mon pa ti war okenn mouvman mon ti a zis voudre konfirmen si in konmanse si, si i pou konmanse e kan ou pou ekspekte i pou konplete akoz sa pti bout la i enn sa bout ki anpes bann dimoun vin fer vandaliz dan lekol. Akoz nou konnen lo kote Nageon Estate nou annan en landrwa kot bann dimoun i servi bann sibstans ilegal, alors zot servi la pour ganny akse avek lekol. Alor mon ti a kontan ki sa i ganny fer o pli vit posib pour sekirite nou bann teachers e zanfan e pour ki zot paran lespri i anpe.  Mersi.

 

MR SPEAKER

Mersi Onorab.  Mon ava donn laparol Mr Belmont apre i ava swiv par PS Barallon.

 

PROJECT CONSULTANT MR JONES BELMONT

Mersi Mr Chair.  Wi konsernan sa miray lo sa, kot sa march laba i, sak fwa letan nou’n reget sa miray, an vi ki i annan sa march la si nou fer en miray, nou pou bezwen anmenn li pli pre avek lekol.  Letan nou pou fer sa nou pou kit en ‘no man’s land’ par deryer ki nou per pangar dimoun i vin konsantre deryer dan sa area.  E nou pe get petet posibilite pou fer li anmans depi son marsh tou ansanm e nou pe osi an konversasyon avek lanvironnman sa tim ki ansarz Marshes and Rivers pou gete ki mannyer nou kapab fer sa travay pli byen.

Apre si ou mazin byen en pe letan pase, en pe lannen pase ti annan sa Komite ki ti’n ganny met an plas zisteman pou get, pour study sa area la pou kapab manage sa lanmar, e ki i pa enpakte lo lekol dan en sans.  E vwar ki mannyer nou pou kapab fer en miray pou pli byen deservi nou lekol e osi kominote pou enpakte lo nou. Proze i ankor la, me selman parey ou’n vwar i pa dan Bidze me si i annan en lirzans nou ava retournen deswit pour nou demann fund adisyonnel pour nou attempt sa.  Mersi Mr Chair.

 

MR SPEAKER

Mersi Mr Belmont.  Ps Barallon

 

PS LINDA BARALLON
Mersi Mr Chair.  Mersi Onorab pour ou klarifikasyon. Wi mon’n dir se Tertiary Commission ki rekomann an aksyon Polisi desizyon pour nou pran.  An sa ki konsern sa performance allowance, mon’n dir avan poudir i pa vin tousel i vin avek en striktir lenplimantasyon.  E se sa ki nou bezwen angaze. Nou pa bezwen al laba zot.  Already i annan en lenstitisyon ki’n raise poudir zot ti anvi sa konsidere parmi 7 – be sa nou kapab annan en diskisyon avek … Akoz MNE pour PC se Tertiary Commission ki fer sa.  Nou kapab an diskisyon pour war,  me selman striktir an plas pou fer sa, e ni Scheme la, i pa an konsiderasyon; i pa la pour le moman la nou bezwen travay lo la avek bann bezwen ki vini ki ganny rekomande. Wi.  Mersi.

 

MR SPEAKER

Mersi PS.  Onorab Afif.

 

HON AHMED AFIF

Mersi Mr Chair. Mr Chair mon ti a kontan demann avek Minis vi ki sa Bidze ki devan nou i R826milyon en gro sonm larzan. E nou annan nou anviron 19mil etidyan dan pei 3 mil ki dan pre-school, 9mil dan primer, 7mil dan segonder. Par etidyan i pe kout nou R43mil tou le lannen oubyen R3,600 tou le mwan pour sak etidyan. Ledikasyon i pa free li, R43mil  pou sak etidyan.

An menm tan dan pei nou konnen i annan 1600 etidyan ki ne tou le lannen. Alor nou ekspekte 1600 zanfan apre 12 an ledikasyon ek pre-school pe graduate pe ganny en bon rezilta.  Me nou ganny selman anviron 300 ki graduate avek en grad C oubyen pli bon. Preski 80 poursan pa pe ganny sa grad ki nou oule, avek tou sa larzan ki nou pe depanse.  Alor mon bezwen dir dabor ki mon pa ekspekte si pa pe marse ki ou bezwen vin blanm Minister Ledikasyon oubyen ou bezwen blanm teachers, akoz zot pe fer en gran zefor, nou vwar zot pe fer en gran zefor zot osi.

Nou konnen i annan bann lezot fakter an deor zot kontrol; problenm drog, problenm sosyal lezot fakter ki ant lapovrete. Mon ti a kontan demann Minis premyerman ki son Minister pe fer pour kordin avek tou sa bann larestan lazans tel ki lazans Proteksyon Sosyal, Lapolis APDAR, Minister Lasante, Servis Sosyal eksetera, pou vreman ed zot met lanmenm lo sa problenm ki pe anpes pep Seselwa ganny en bon rezilta pou sa lannen R826 milyon.

Ki zot pe fer vreman pou kordinen e pou kapab met sa sityasyon anba kontrol?

Kan par egzanp ki nou pou ganny olye 300 zanfan avek en grad C ou pli bon nou a ganny 600 zanfan, eski i pou pran nou ankor 5an? Eski i pou vin dan 10an? Zis donn nou en lide? Dezyenmman mon ti a kontan demann Minis ki zot pe fer pou permet bann zanfan lekol La Retraite, ganny en landrwa fer P.E? Akoz la sa laplenn zot pe fer stad foutbol FIFA, zot pa pe ganny sa anymore ki pou arive ek zot? Ki plan ki zot annan?

E trwazyenmman akoz zot pe pran sa allowance pour bann exam supervisors, e zot met li en sel an Desanm dan son saler ki fer son saler gonfle byensir, me i pey plis tax. Zot pe demande akoz, ti napa en laranzman ki ou kapab met li mon pa konnen detrwa fwa dan lannen ki son, finalman ler i pe pey tax i ti a pey en pe mwens.  Mersi Mr Chair.

 

MR SPEAKER

Mersi Onorab Afif. Minis.

 

MINISTER JEANNE SIMEON

Mersi Mr Chair.  Mersi Onorab. Pour landrwa pour fer P.E pour lekol La Retraite Mr Belmont i ava reponn sa kestyon.  Exam Supervision Allowance, nou’n konpran li konman en one-off allowance e nou pa pe war en nesesite pour nou spread li over the year akoz i serve en purpose.  Zot in supervise zot ganny sa allowance.  Se sa ki tonm an Desanm.  Petet PS De Commarmond i ava donn en pe plis lesplikasyon lo la.

Retournons lo nou Bidze nou gro Bidze ki nou’n gannyen pour nou kantite zanfan e nou kantite teachers ki dan lekol, e mon ti a ou le osi fer resorti. Pour sa Bidze ki 58poursan dan sa Bidze i al pour en emoluments en special emoluments pour bann teachers pour bann staff ki nou annan.

It’s more than half pour nou Bidze.  Pour nou bann graduates avek C or better nou, annan nou medium term strategy dan Ledikasyon nou MTS 20182022.  E nou pe al dapre sa ki nou’n donnen ladan dapre nou bann lobzektif, dapre nou bann stratezi pour nou kapab arive parey monn dir yet nou’n met nou bann targets. Dapre nou, nou stratezi pour nou kapab arive improve nou ledikasyon.

Nou konnen poudir pa tou, pa tou nou cohort of S5  students ki pou arive ganny en grad C or better.  I annan diferan filyer parey mon’n dir bomaten i annan ki akademik e osi i annan lo kote vokasyonnel osi i form parti nou sistenm.  Li osi i annan son larzan ki’n ganny mete son R43mil per student per year e li pour li sirman i pa pou arive grade C or better.  Me selman nou pe ed son devlopman dan son filyer ki apropriye pour li kapab li osi pran son dan lasosyete e be productivea productive citizen, dapre son abilite – dapre son lentere.

So, ankor en fwa nou, nou pe al dapre nou sa.  Nou pa swete ki i ava pran 10an pour nou ganny 600 graduates.  Nou pe travay lo la e nou pe ekspekte kapab war en improvement dan nou bann etidyan – both son akademik e osi son teknik vokasyonnel. Nou kordinasyon avek APDAR, Lasante, Sosyal nou konnen pou dir nou mars anba en tenm ledikasyon i en responsabilite partaze, ledikasyon nou bann zanfan. ‘Education a shared responsibility ‘nou pe mars anba sa bannyer e sirman nou annan en partenarya – nou annan en kolaborasyon avek tou sa bann agencies ki ou’n mansyonnen la pour nou kapab avek Lapolis, avek nou annan en tre bon lantant avek Lapolis kot i annan disturbance dan nou bann lekol.  Nou call zot, zot vin promptly pou vin get ki problenm i annan.

I annan avek Lasante parey ou konnen, nou annan en etrwat kolaborasyon avek lasante bann diferan progranm. Nou annan nou school health programme; nou annan nou fek setup la avek APDAR ki li osi in fek etablir son lekor nou already annan en komite. Ministry of Education avek APDAR, pour nou kapab gete ki nou kapab ranforsi nou progranm ledikasyon e prevansyon, drugs and other substances dan lekol.

Lo kote, lo kote Sosyal – Lafanmir ankor enn fwa nou annan progranm kin ou pe fer an partenarya avek Departman Sosyal. E pour ankor enn fwa pour byennet nou bann zanfan.

Apard ki sa nou dan sosyal osi nou annan NCC, nou annan CARE ki nou annan progranm prevansyon avek CARE ki mars tre byen, dan tou nou bann lekol primer e segonder osi. La pour le moman nou pe met bokou lanfaz lo lekol primer.  E, so, mon kapab dir poudir nou annan sa kordinasyon, nou annan sa kolaborasyon avek sa bann Lazans. Me ankor en fwa mon ti a lans en lapel petet sa ki mank nou la se sa, plis sa partisipasyon aktiv nou bann paran e menm lakominote kot nou bann zanfan i pe viv.

Sa letan nou gete nou war bann lazans spesifik.  Me members of the community kot sa zanfan pe viv. Kominote Cascade, Kominote La Riviere Anglaise eksetera – son bann paran avek lezot manm ladan ki mannyer nou pe, nou pe fer sa bann meeting rezyonal la nou pe envit zot pour, annan travay ansanm pour nou kapab anmenn en diferans, vini ou a war sa diferans dan performans dan konportman e osi dan rezilta akademik ek vokasyonnel pour nou bann zanfan.

Fotespere ki 2019 la nou pe met nou pare; 2019 ki nou ava vwar pli bokou sa mouvman lo, lo nivo kominoter avek paran ki pou pran en pe plis responsabilite pour ledikasyon zot zanfan. Parey mon pe dir Minister Ledikasyon pa pe kapab fer tou keksoz li tousel.  Nou rekonnet sa, so se sa ki nou pe antre an partenarya avek nou bann kolaborater. Mersi Mr Chair.

 

MR SPEAKER

Mersi Minis. PS… wi lekol La Retraite. Bon i annan PS De Decommarmond pou pran laparol.  PS.

 

PS ODILE DECOMMARMOND

Mersi Mr Chair. Pour allowance sa bann supervisors – parey ou konnen dernyen sirkil Minister Finans tou allowance ki nou, ki peye i bezwen al lo zot saler.  So, se sa.  Oparavan nou ti donn zot separe me depi sa lannen nou bezwen met lo zot saler.  Mersi.

 

MR SPEAKER

Pour lekol?  Ok mersi PS. Mrs Monthy.

 

FC LINDA MONTHY

Mersi Mr Chair.  Konsernan legzanmen zis pour mwan elabor en pti gin lo la. According to Regilasyon SRC tou income ki sorti from menm source ou bezwen kontribye lo la.  So, sa i rezon akoz zot bezwen pey sa PIT.  I sa Act ki la anfors ki nou pe abide to. Mersi Mr Chair.

 

MR SPEAKER

Mersi Mrs Monthy.  Lo lenfrastriktir pou lekol La Retraite. Mr Belmont.

 

PROJECT CONSULTANT MR JONES BELMONT

Mesi Mr Chair.  Wi nou’n ganny met sa sityasyon kot La Retraite ki nou landrwa, landrwa kot ti ganny debarke pour fer bann organized games – kot i annan bann gro tim nou pou perdi li, me nou ekspekte letan travay i fini lo la nou re-gannyen.

Me antretan ki nou pe fer, se i annan lespas devan kot lekol  – i annan en pti retaining wall avek li nou pou fence sa bout la en mannyer ki manrmay letan zot pe zwe, zot zwe zot boul sirtou – i pa sorti an deor pou al o-bor, pou tay dan semen. I a reste plis anndan zot kapab zwe en pti pe pli organize.  E once ki nou ferm sa pti landrwa la mon krwar i ava contain zot pour sirtou ki manrmay ki en pe pli gran ki, ki annan plis lenerzi pour depanse.

E bann lezot parey kot lakres zot, zot deza organize sa bout, i zis reste ki bann landrwa ki, bann pti pocket anler, ki nou bezwen fer asire ki i reste prop, ki manrmay i kapab servi pour asize detant pa zis pour taye.  E osi seksyon P.E zot pe travay lo bann Scheme pour gete ki mannyer zot kapab pli byen manage sa sityasyon kot lekol La Retraite.  Mersi Mr Chair.

 

MR SPEAKER

Mersi Mr Belmont.  Onorab Ferrari.

 

HON JEAN-FRANCOIS FERRARI

Mersi Mr Speaker mon pou al ase vit.  Bonzour tou dimoun. Mon ti a kontan premyerman ki mon ganny en konfirmasyon pou dir i annan en lord e en lozik dan bann diferan saler o nivo Headteacher, Master, B-ed e ki zot napa bann ki annan mwens kalifikasyon ki pas par lao zot.  Mon krwar i vreman enportan, akoz in en konplent en pe letan ki i mank en pe klarite, en pe striktir dan sa grid of salaries. E sa i mon premye kestyon.

Mon 2enm kestyon se ki, eski zot in Minister Ledikasyon in pran letan pour revwar travay ki zot pe contract out dan maintenance, dan ‘maintenance’ avek ‘sekirite?’ Mon pe demann sa kestyon akoz i annan, i annan bokou bann administrater dan lekol – Headteachers e mon’n vwar sa mon Mont Fleuri e lezot lekol ki, ki mazinen poudir, i annan en legzersis ki bezwen ganny fer si Minister Ledikasyon pe ganny efficiency ladan.  Oubyen eski i le moman pou revwar e gete si lekol pa kapab anploy son enn 2 maintenance staff oubyen son enn de security staff e akoz sa i kapab osi kout pli bon marse i kapab osi kout pli ser. Me selman mwan mon le konnen avek Minister Ledikasyon si zot in fer, oubyen si zot pou fer sa legzersis pou get oli bann cost benefits dan sa legzersis.

Mon annan en kestyon lo sa special advisor, mon pa konnen akoz par ler, par ler i annan bann mo ki ganny servi technical advisor, special advisor. La mwan mon’n ganny dir ki i annan 3 special advisor kot Minister Ledikasyon, me selman Minis in dir nou i annan 2 special advisor. So, eski sa enn 3enm i en technical advisor ki mannyer i ete?  Konmsi annou, mon krwar piblik i le byen konpran konmsi. So re-donn nou detay sa.

Mon ava terminen an di-zan Mr Speaker ki mwan mon ti’n avek mon garson ki annan 18an nou ti’n pran sa desizyon ansanm apre bokou refleksyon pour li al etidye lekol Maritim- e mon vreman dezole pou raporte ki apre 1an dan son lentere, dan son lavenir mon’n bezwen tir li e anvoy li en lot landrwa. Akoz i zis ‘Pa Pe Marse!’ E bann staff i santi zot vreman abandonnen. Ler en lekol maritime ki napa en bato.  Bato in al fer servis 3an pase pa ankor tournen, en lasoSse zis 3 poto parey 3 moniman dan delo sale? I vreman en resours formidab.

Zot annan bann lekipman training modern, computerize, bann simulators zot annan, tousala zot annan.  Me selman the basic ki en manrmay i bezwen ki mannyer pou anmar en bato, ki mannyer pour al lo sa bato, ki mannyer pou, sa i sorely lacking.  E i annan bokou dezapwentman laba.

Mon ti a kontan ki Minis i kapab dir avek nou ki i pou fer pour li improve sa lenstitisyon? E Minis kekfwa i kapab donn nou dan en fason onnet, eski i satisfe avek management sa lekol par sa lenstitisyon Sri Lankan?  Akoz sa osi kekfwa i devret annan en evalyasyon lo la pour gete eski nou’n fer sa partnership?  Eski i pe marse? Eski nou pe delivre sa kantite etidyan?

Akoz nou pe koz lo Lekonomi Ble, la Prezidan in al Kenya avek 30 ekek – pres 40 ekek, en delegasyon 40 ekek dimoun mon’n war.  Be selman eski nou pe prodwi 4, 5, 6 maren pour nou bann bato pour zot al travay dan sa Lekonomi Ble?  Sa mon ti a kontan Minis i reponn mwan lo la.  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Chair.  Mersi Onorab. Mon ava koz lo advisors ki annan dan Minister Ledikasyon.  Mon’n dir i annan 2 special advisors.  Wi, i annan 2 special advisors dan biro Minis 1 ki pe get ledikasyon en lot pe regard resours imen.  I annan en special advisor dan departman Tertiary and Education and Human Resources Development.  Li i en technical advisor i pa en special advisor.  Mon ti ganny demande konbyen special advisors i annan mon’n reponn 2.

Salary of Headteachers and in the salary grid discrepancies ki i annan, mon DG pour HR, i ava donn en lesplikasyon lo la.  Maintenance contract ek sekirite lekol, si mon rapel byen mon ti dan Minister Ledikasyon, letan nou ti annan sa premye reform dan Gouvernman.  E kot nou ti pe ganny lasistans avek World Bank.  E dan sa letan, letan ti fer en audit nou sistenm ledikasyon at both Macro and Micro level nou ti ganny dir poudir Sekirite Lekol, School Meals, Cleaning Agencies sa bann pa ti the core business of education ok?  Sa bann service ti ganny outsource pour ki Ledikasyon i kapab konsantre lo son core business of teaching and learning and supporting students.

So, pour sekirite parey nou’n dir taler, nou’n outsource.  I annan bann security firms ki pe angaz zot dan sa service e pe donn en service dan nou bann lekol. Nou’n annan nou en security manager ki nou’n fek anploye dan Minister Ledikasyon, ki li i fer sa MNE pour nou the monitoring and evaluation of the service.  Nou’n osi pour dir service in improve me selman i ankor annan serten lakin ki nou bezwen regarde,

Nou’n fer meeting avek sa bann service providers; i annan bann meetings ki nou fer annually e osi i annan bann meeting ki nou fer kan i annan en bezwen, pour nou regarde ki mannyer service pe ganny donnen.

Pour maintenance contract, sa se pour facilities kot bann lekol – sa i ganny antreprann par nou divizyon pour infrastructure dan Minister Ledikasyon. Nou annan nou bann project officers ki ale, zot al vizit lekol zot evalye ki travay maintenance i annan pou fer.  E i annan osi bann pti kontrakter dapre zot level – zot grad ki antreprann sa bann maintenance work dan lekol.

Nou napa pour le moman sa ki nou apel en school maintenance or maintenance person, parey nou ti annan dan lepase avan, ankor enn fwa avan sa premye vag reform ki ti fer an 2008/ 2009. Ok?  Me sa ki nou, nou pe fer la letan nou’n annan, dan nou Bidze la i annan en larzan ki nou’n mete, pour maintenance contracts for newly built schools.

Ki nou vwar dan lepase nou annan lekol ki ganny fer, ki’n ouver, eksetera, me apre nou pa pran kont the maintenance, sa bann maintenance ki vreman neseser ziska ler in ariv in tonm an rin, la prezan ki nou kapab, ki nou dir nou bezwen maintain.  Sa ki nou anvi fer la konmansman avek bann newly built school nou annan en larzan ki nou’n mete, pou nou kapab ganny en kontrakter ki pran ansarz maintenance sa bann lekol, depi ler in ganny ouver pou li kapab, pou nou kapab annan en bon maintenance plan an mars. E apre nou ava regarde ki mannyer nou ava devlope ladan.

Pour Maritime Training Academy – MTA, nou ava les PS Barallon ki ansarz Ledikasyon Tersyer pour li donn en apersi lo la.  Mon ti anvi zis fer en pti remark ki lo kote Lekol Maritim ladan i annan diferan progranm, i annan progranm at the level of vocational e osi i annan progranm at the level of pre-university – kot sa i annan en kolaborasyon avek SEPEC ki pe mars tre byen avek SINEC an Sri Lanka. Ki tou le lannen nou war nou en bon group etidyan ki fer en parti zot training kot SINEC e apre sa zot ganny, letan zot fini zot graduate most of them i ganny anploye par SEPEC koman bann, bann navigater – ouswa bann beginning navigater.

E tandis ki nou progranm vokasyonnel li i pour bann, nou bann etidyan, ki ler i fini i kapab take up travay avek bann bato lapes Nasyonal. I kapab set up zot own pti business lapes zot demann en loan zot ganny en bato lapes e zot kapab fer sa ou swa zot travay avek bann dimoun, ki annan bann gro bato lapes koman deck hands and lezot lanplwa. Mon ava aret la, mon ava donn laparol Mr Chair – si avek approval – to PS Barallon pour li kontinyen silvouple.

 

MR SPEAKER

Mersi Minis, PS Barallon.

 

PS ODILE BARALLON

Mersi Mr Chair.  Mersi Minis, Mersi Onorab pour ou kestyon. Wi zis pour azout sa ki Minis in dir SMA Seychelles Maritime Accademy i ofer li 7 progranm kour dan lannen. E pour sa lannen kour 2017 ti annan 109 manrmay ki ti graduate.   Menm tim Navigation i form par dan sa bann kour.  Be ki Onorab in fer sorti la se ki, Onorab in fer sorti poudir i annan satisfaksyon ki pa bon lo nivo bann ansenyan si mon konpran byen.  E Onorab in fer sorti ki kekfwa zesyon management sa lekol kekfwa i annan sa issue -si mon konpran byen?  E ki i pe regarde si Minister konmsi i kapab regard en pe?

Dapre Lalwa Tertiary Education Act, Tertiary Education Commission se li ki annan manda pou evalye e monitor performance bann Sant Profesyonnel. Tou bann Sant Profesyonnel i annan li en Board ki osi asir gouvernans, e sa i anliny avek SINEC Lagreman ki nou’n sinyen ki pe al fini lannen prosenn.  Sa 2enm Lagreman pou al fini nou bezwen regarde prezan sa rannman avek, me in toultan la pou Commission ki annan s legzersis ki ganny fer pou vwar avek sa Lagreman e ki rannman in arive e sa nou kominik avek Board avek Tertiary Education Commission.  Mersi.

 

MR SPEAKER

Mersi PS Barallon. Onorab Ferrari.  Ms Betsy.

 

DG CHRISTELLE BETSY

Mersi Mr Chair.  Pour reponn Onorab bann Headteachers zot lo en PSC 2an.  Bann benefis ki zot gannyen zot ganny, apre zot premye lannen zot ganny 5 poursan Gratwite par lo zot basic salaryAt the same time zot ti annan en addendum dan Scheme of Service pou teachers e zot benefisye inducement depandan lo grander lekol ki range depi R2, 500 ziska R4mil par mwan.  Apre osi zot benefisye marketable skills allowance, zot benefisye end of contract payment apre zot 2an. Tandis, apre sorry apre ki ot konplet sa 2an zot entitled pour en performance allowance depandan lo ki mannyer zot in meet zot bann target.  Sa i range from 5poursan ziska 15 poursan. Apre of course i annan son basic salary.

Bann teachers zot, zot specifically dan Scheme of Service teachers.  Zot annan zot basic salary zot ganny en inducement allowance, zot ganny e Gratwite 6.5poursan tou le 5an.  Effective la Zanvye 2018 sa Gratwite in mont 10 poursan and la from 2019 zot pour ganny sa long service allowance ki ti anonse dan Bidze e zot osi ganny marketable skills.

 

MR SPEAKER

Mersi DG.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mon ti a zis kontan mon vwar ki Minis pa tro, pa tro anvi reponn mwan lo sa zafer technical advisor. Akoz i pe zwe lo mo whether it’s special or technical selman mon ava demann avek DG – DG, HR si i kapab dir mwan lekel sa technical advisor? Se sa ki nou le konnen.

2enm kestyon World Bank Mr Speaker in fer serten rekomandasyon. World Bank  pa sorti dan lesyel li.  World Bank i fer rekomandasyon e nou, nou bezwen tanzantan re-evalye sa ki World Bank in dir nou fer – dan nou konteks.  Mwan mon pe zis demande si nou’n re-evalye sa Polisi, sa pratik ki World Bank in dir nou tir sa bann non-core staff. E si nou’n war pou dir wi, World Bank ti annan rezon, tan ki nou pa evalye, nou pa pou konnen Mr Speaker.  So sa i mon 2 kestyon ki mon ti a kontan ganny en repons silvouple.  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Chair.  Mersi Onorab. Onorab mon krwar mon’n reponn ou kestyon kanmenm ou’n dir mwan mon pa’n anvi reponn, mon’n reponn.  Premyerman ou ti demann mwan konbyen special advisors i annan dan Minister Ledikasyon mon’n reponn i annan 2 e kote zot ete. Apre ou’n dir mwan konmsa be i sanble ki i annan e lot advisor -sis a enn i en technical advisor mon’n dir wi i en technical advisor dan sa lot.  Apard ki sa de special advisor i annan en technical advisor.  Mon krwar mon’n reponn kestyon ki mon’n demande.

E aprezan pour Kontra, Kontra bann sekirite avek lezot, sa i en Kontra ki ganny donnen par Gouvernman i pa Minister Ledikasyon.  So, evalyasyon i a ganny fer.  Parey zot in fer en audit pour school meals.  Nou’n ganny sa rapor e avek sa provider prezan Minister Ledikasyon pe regarde ansanm avek Minister Finans, akoz son Kontra i laba.  So, nou pe sa, si Gouvernman i vwar le nesesite pour li fer en osi en assessment lo ki mannyer bann security firms pe travay dan lekol ouswa bann …

Maintenance mon’n dir ki nou napa en outsourcing of maintenance ok? Me selman pour sekirite avek cleaning agencies ok, ki annan Kontra dan lekol e parey mon’n dir sa i ava aplikab.  Mon krwar ou ti pe adres en kestyon avek DGSo avek permisyon Mr Chair, DG i ava reponn silvouple.

 

MR SPEAKER

Mersi Minis.  DG.

 

DG CHRISTELLE BETSY

Onorab son technical advisor ki dan Departman Resours Imen i madanm Nathalie Didon.

 

MR SPEAKER

Mersi DG.  Bon i reste nou 2 manm lo lalis e an vi ki nou annan nou detrwa lezot vot anba osi tou anba Minister Ledikasyon nou pou Break e nou retournen 1er apre midi pour nou kontinyen.

 

(BREAK)

 

MINISTRY OF EDUCATION AND HUMAN RESOURCE DEVELOPMENT (CONT)

 

MR SPEAKER

Bonn apre midi tou Manm Onorab.  Bonn apre midi tou dimoun ki a lekout. Bonn apre midi Minis avek ou lekip e osi tou PS Thesee avek son bann tim ki sorti kot Minis Finans.  Bon nou pou sey fini avek Minister Ledikasyon apre midi la.  Mon ava donn laparol Onorab Simon Gill.  Ou non ti lo lalis mon konnen ou pa ti la bomaten ou koleg osi tou non i lo lalis i pa la mon ava donn ou apre mon a regardé si i antre ok?  Onorab Simon Gill.

 

HON SIMON GILL

Mersi Mr Speaker.  Bonn apre midi Mr Speaker. Bonn apre midi avek ou delegasyon, tou koleg Onorab, manm piblik ki pe ekout nou.  Mr Speaker pwen ki mon pou levé i riske dan serten bann repons ki’n ganny donnen sa size in aborde, me mon krwar donnen son lenportans, nou bezwen pe fer en fason pou met lanfaz lo la e Minis donn nou en keksoz konkret pou nou sorti avek isi dan sa Lasanble e pli enportan se piblik ki pe ekout nou tou bann zanfan, paran bann zanfan ki dan lekol ki pe swiv nou deba lo Ledikasyon donnen son proporsyon ki i tenir dan nou Bidze nasyonal.

Now i en fe dan Sesel Mr Speaker ki nou reisir demokratiz nou sistenm ledikasyon e met li a laporte tou zanfan Seselwa.  E dan sa konteks nou pe koz kantite zanfan i kapab al lekol – ganny akse ek nou ledikasyon tou zanfan Seselwa.  Kestyon ki poze se nou pou kapab met ater en plan aksyon konkret ki mannyer nou pou kapab elev kalite nou sistenm ledikasyon?  Parey mon’n dir mon ekout en pe bann repons be onnetman with respect serten bann paran i dir mon nou pa ankor konvenki dan sa bann lapros ki nou tande ziska la dan bann deba so mon premye kestyon i egzakteman sa Minis avek ou lekip donn sa pep Seselwa en lenformasyon en roadmap konkret ki mannyer Gouvernman pou form parti ladan konman Minis Ledikasyon ou pou reisir elev kalite nou ledikasyon dan sa pei, pou ki nou rann zistis a Bidze a sakrifis ki pep Seselwa pe fer pou edik nou Nasyon.  Mon ava aret la pou le moman Mr Speaker mon ava ekout repons Minis e mon annan ankor detrwa kestyon ki avek ou permisyon mon ava ganny en sans poze.  Mersi bokou.

 

MR SPEAKER

Mersi Onorab Simon Gill.  Minis.

 

MINISTER JEANNE SIMEON

Mersi Mr Chair.  Mersi Onorab.  Bonn apre midi Mr Chair.  Bonn apre midi tou Manm Onorab prezan.  E bonn apre midi osi bann dimoun a lekout.

MNA nou manda dan Minister Ledikasyon se pou met an plas en sistenm ledikasyon benefis tou zanfan kot nou ava kapab vwar at the end son cycle laprantisaz en dimoun ki kapab sorti avek konesans, latitid, konpetans pou li kapab pran son plas dan nou sosyete konman en sitwayen responsab, ki kapab prodwir pou nou pei.

Depi ler ledikasyon i la se sa manda ledikasyon depi yer ek ozordi e depi yer osi i pou parey.  Letan tou sa ki’n pase avan mon dan Minister Ledikasyon nou tou nou committed nou montre sa komitman sa fer li nou devwar pou li arive fer sa me sikse ki nou gannyen i depan parey taler in fer resorti i annan keksoz ki nou kapab aranze ki depan lo Minister Ledikasyon antyerman ; i annan lezot keksoz i annan lezot issues ki nou pa pe kapab fer li nou tousel i an deor nou manda, la kot nou pe rod kolaborasyon avek lezot Lazans e osi kolaborasyon avek paran.

Letan ou pe dir nou donn zot en aksyon – en roadmap ki mannyer nou kapab improve ledikasyon nou roadmap i nou Plan Stratezik.

Minister Ledikasyon in annan en Plan Stratezik – depi mon pa konnen konbyen lannen i apel development plan at this time in sanze in vin Plan Stratezik nou fek fini enn ki ti fini 2017 – nou’n evalye kolaborasyon avek nou bann partner e nou vwar sa ki nou kapab achieve – sa ki nou reste pou nou kapab fer.

Nou’n formil en lot plan avek bann lobzektif, avek bann stratezi – mon krwar se sa aksyon ki nou bezwen pran dapre en plan striktire – bann aksyon targete pou nou kapab arive, anmenn sa ki dimoun pe demann nou.  E sa ki nou osi anvi dan Minister Ledikasyon se ofer en kalite ledikasyon de kalite kot nou zanfan i kapab performen, e demen kapab vwar son plas dan lasosyete.

E mon pa konnen ki paran i pe ekspekte de nou, me selman la sa ki nou pe fer me nou annan lekspektasyon osi avek paran ki zot zwenn nou, zot kolabor avek nou.  Akoz ankor enn fwa mon pe met lanfaz poudir ledikasyon is not an island.  I pa kapab fonksyonnen li tousel.  Nou bezwen tou bann partner e se sa ki nou ed nou ganny sa kalite nou bezwen bann partner pou get lo nou kote sosyal, nou bezwen bann partner pou get lasante zanfan, nou annan bann lezot partner ki pe get lo lezot lo lanplwa, lo mendev or whatever – e tousala ansanm, si nou kordin nou zefor nou fer li koumsa, mon krwar nou ava kapab Minister Ledikasyon al dapre son manda e osi nou kapab achieve nou bann lobzektif ki nou’n mete.

Dan nou plan nou dir yer mon ti mansyonn mon dir nou pe met bann lobzektif ki mon krwar i achievable – ki nou krwar i realistik – kanmenm mon dir nou vwar nou pe fer li petet pa a lekspektasyon tou dimoun, me selman nou pe met keksoz ater – ki nou krwar nou ava kapab vwar en rezilta.

Nou pa pe go for the moon ki apre nou pou fall on earth.  So nou pe fer keksoz i annan ladan bann stratezi konkret – bann aksyon konkret ki nou pe fer, me anfen kont parey mon dir – si tou bann partner i zwe zot rol, zot pran responsabilite, sa responsabilite partaze ki nou pe dir, nou asire ki nou pou fer en par devan e nou pou parey ou pe dir nou pou montre ki nou pe fer en travay dapre Bidze ki nou’n gannyen.  Mersi Mr Chair.

 

MR SPEAKER

Mersi Minis.  Onorab Simon Gill.

 

HON SIMON GILL

Mersi bokou Mr Speaker.  Mersi bokou Minis.  Repons zeneralman mon vwar li i ankor dan abstre, me dan sa konteks eski nou ti ava kapab demann Minis atraver ou Mr Speaker, si i annan en Unit PR si i annord pou mwan donn li sa tit pou kapab arive fer en seri reprezantasyon lo televizyon, lo radyo pou kapab arive montre nou vreman sa semen kot nou pe vreman focus lo quality ; bann concrete step – concrete measures ki Minister Ledikasyon pou pran, e byensir build up sa lekspektasyon en ledikasyon de kalite kot nou ava annan bann zanfan ki sorti avek bann meyer mark ki zot pe gannyen ozordi?  Sa i enn.

Dezyenmman i osi enportan ki mon demann Minis en lot kestyon Mr Speaker ki relasyonen avek bann ki mon konpran in ganny fer, akoz nou toultan dir pou kapab annan si oule bann zanfan ki sorti avek bann bon grades nou bezwen konmans li lo labaz.  Now mon konpran zot in fer en letid lo labaz e baze lo zot letid mon ti a kontan konn 3 keksoz lo sa outcome.  Lakantite zanfan byensir ki nou prozekte dan sa prosen 5an?  E dezyenmman kantite bann Miss ki nou bezwen e dan bann diferan matyer?  E byensir en letan definitif ki mannyer nou pou kapab distribye ou aporsyon bann resours ki nou annan, oubyen bann resours ki pou manke pou nou kapab arive attain sa optimum, pou ki ler sa bann zanfan i sorti dizon i fini bout segonder zot antre or byen menm fini staz primer, zot antre dan segonder, zot pe sorti vreman avek bann grad ki ekselan!  Mon pa pe koz zis dan en lekol me dan tou lekol!  So mon ti ava voudre ki Minis i donn mon en pti apersi lo sa nivo.  Mersi Mr Speaker.

 

MR SPEAKER

Mersi Onorab Gill.  Minis.

 

MINISTER  JEANNE SIMEON

Mersi Mr Chair.  Mersi Onorab.  Anyway i depan lo ki fason ou gete ki ou pe vwar poudir sa ki nou pe fer la i ankor dan abstre si nou annan en Plan D’Aksyon en plan aksyon savedir ou pe bezwen aksyonen e ou pa kapab aksyon dan abstre.  Ou bezwen annan keksoz pou ou travay lo la, ki pou anmenn ou en rezilta demen.  Pou letid ki ou dir ki’n ganny fer.  Wi letid i ganny fer ledikasyon i en landrwa kot i annan plis audits ki ganny fer.  Nou pe regard lo sistenm sak fwa nou fini ek en plan pou nou al konmans lo lot nou fer en audit pou nou gete kote nou été.

E parey mon dir taler ki annan pou nou fer ki kantite zanfan nou prozekte pou kapab ariv sa ; i la dan nou plan i la dan MTS, ki nou’n baz nou Bidze lo la.  Nou’n dir ki poursantaz zanfan ki nou pe ekspekte kapab ganny A to C a lafen S5 e osi a lafen lezot sit ledikasyon.

A to C pa zis IGCSE A to C osi dan tou lezot matyer ki annan dan nou curriculum.  E mon’n osi dir poudir nou annan de ki byen dan Minister dan bann lekol parmi nou bann etidyan, i annan ki kapab reisir akademikman, kot nou met son target A to C.  Me osi i annan ki’n santi poudir nou pou met sa target A to C dapre son kapasite i pa pou kapab arive.

E la nou’n fer lezot stratezi, nou pe donn li sa ledikasyon teknik, sa ledikasyon vokasyonnel kot i kapab devlop son kapasite, devlop son skill, devlop son konesans dan sa filyer ki i kapab relye avek e a lafen donn nou en rezilta.

Letid ; dernyen letid ki’n ganny fer i annan en letid la en survey ki IECD an kolaborasyon avek Minister Ledikasyon in fer dan nou bann lakres.  Sa i nou fondasyon kot nou fondasyon i konmanse.  E nou’n ganny prezante avek rapor sa letid ki mannyer nou kapab improve dan lanvironnman laprantisaz avek lansennyman, dan tou nou bann lakres dan pei – an term resours an term landrwa kot i été an term stratezi, ki nou teachers i servi an term sipor ki nou annan pou bann zanfan.

E sa kalifikasyon nou bann teachers, training pou nou bann teachers pou nou bann teacher assistants, e tousala letan nou pe gete sa survey nou ganny rezilta, me i annan ki nou already met dan nou plan.  Savedir avan sa survey nou ti’n already vwar lakin ki nou ti annan – challenges ki nou annan e nou’n met li dan nou Plan Stratezik.

So fotespere parey nou dir pou ECCE – Early Childhood Care and Education, si ou konmans boner ou met en bon fondasyon, apre ou build lo sa fondasyon i ava kapab anmenn nou en rezilta.  Me parey mon dir pou le moman rezilta dan nou lekol – si nou pe get zis rezilta IGCSE – mon sorry nou pa pe kapab get zis lo sa kote, nou bezwen get lo lot kote osi parey mon dir nou 2 filyer ki nou annan.  E osi pou A to C, nou pe fer nou tou nou sa ki nou kapab pou nou kapab improve the grades – improve sa level, me selman travay osi i bezwen ganny fer anba.

Nou pa pou kapab get zis anler get ler rezilta i pibliye poudir i pa’n fer byen.  I pa’n fer byen i konmans depi anba.  E se sa ki nou dir i annan en nesesite pou nou fer en bon fondasyon – fer fondasyon for pou nou kapab solid, pou nou kapab build lo la.  E sa parey nou pe dir se sa ki nou pe travay lo la se sa ki dan nou Plan D’Aksyon!  Mersi Mr Chair.

 

MR SPEAKER

Mersi Minis.  Onorab Simon Gill.

 

HON SIMON GILL

Yes dernyen Mr Speaker mersi bokou.  Mr Speaker mon ava dir avek Minis atraver ou take it positive.  Take it positive.  I enportan nou take it positive.  Now se sa ki mon demande si i annan en Seksyon – en Unit PR pou ou kapab arive zisteman ler mon dir i ankor dan abstre akoz isi dan Lasanble ou pa pe ganny en sans focus on the details – on the nitty gritty – the step by step bann mezir, bann task ki akonpannyen avek sak lobzektif – stratezi ki ou annan.  Now si ou PR Unit i antre e i devlop tou sa bann etap ki nou anbisyonnen pou ou kapab achieve en ledikasyon de kalite, then ou bann partner – ou bann stakeholders be it paran – be it lezot dimoun, i a konpran pli byen e asimil pli byen konpran ou pli byen, ki sa ki sa laliny ki ou’n defini e ou ava kapab ganny en li bon langazman.  E ansanm nou ava kapab achieve sa nivo ledikasyon de kalite.  Se pou sa ki mon ti pe poz sa bann kestyon Minis.  This is why I have said take it positive Minister!  Mersi bokou.

 

MR SPEAKER

Mersi.  Minis.

 

MINISTER JEANNE SIMEON

Mersi Mr Chair.  Mersi Onorab.  Nou tou nou pe pran li pozitiv, akoz se avek pozitivite ki nou pou avans devan!  Mon pa konnen ki mannyer ou pe vwar mon larepons, me selman nou pozitiv.  Pou PRO dan nou nouvo striktir nou revwar nou striktir e dan nou nouvo striktir ki nou pe enplimante depi 2018 i annan anba Sekretarya Minis i annan en Seksyon pou lenformasyon PRO ; Public Relations nou annan zofisye senior avek en lot zofisye ki nou pe al recruit pou spesifikman fer sa travay ki ou pe dir la.  Pou le moman i annan en tim ki’n ganny set up nou pe devise en communications strategy pou nou ale pou nou sorti avek pou nou piblik, pou nou bann paran eksetera.

Me mon bezwen mansyonnen osi, depi lannen pase the former Minister i ti’n konmans en seri forum rezyonal ; kot Minister Ledikasyon ti sorti dan Minister i ti al ver lakominote – ver bann paran pou dir zot ki Minister pe fer ki bann aksyon konkret ki Minister pe fer, pou anmenn en rezilta.  La nou fek fini – Mardi, nou fek fini sa 2enm round.  Akoz Minis ti donn en randevou avek bann paran  dan kominote, poudir nou pou retournen pou nou share avek zot sa ki nou’n fer – nou achievements e osi persistent challenges ki nou pe tackle, pou nou kapab anmenn sa rezilta.  Nou fek fini zwenn – nou’n pas dan tou rezyon 7 meetings nou’n fer, e nou’n retournen pou nou donn lenformasyon paran.  E nou’n osi donn en randevou ki nou piu zwenn zot ankor lannen prosenn.  Mersi Mr Chair.

 

MR SPEAKER

Mersi Minis.  Onorab Sébastien Pillay.

 

HON SEBASTIEN PILLAY

Mersi Mr Chair.  Bonn apre midi tou koleg Onorab.  Bonn apre midi Minis avek ou delegasyon e tou dimoun ki pe ekout nou.  Mon le komans par dir ki konman en former teacher mon konpran tre byen lenportans e difikilte ki nou rankontre dan sa sekter.  Mon leksperyans – mon parkour i anmenn mon pou konmans par en supply teacher – konman en trainee teacher konman en HOD konman en deputy Headteachers apre mon vin en senior education officer.  E se pou sa rezon ki mon pou koz lo sa bann size – ki mon pe al koz lo la dan sa fason, akoz dan lepase bokou nou ki’n sorti dan Ledikasyon e nou move dan en lot field nou souvandfwa ganny akize par nou bann koleg, ki reste deryer, ki once nou’n sorti nou pa get zot lentere.  So dan laliny kestyon ki Onorab Gill in demande, pou nou kapab achieve sa vizyon ki nou annan pou Ledikasyon nou bezwen asire ki nou bann key stakeholders zot ansanm avek nou.

E enn bann key stakeholders ki enportan se nou bann teachers nou bann Headteachers, bann dimoun ki travay.  A plizyer repriz dan Lasanble, plizyer Manm in sey adres sa size e mon pou retourn lo sa size.  E avan mon konmanse mon pou demann sa kestyon Mr Chairman.  Mon ti a demann ou permisyon pou ki PS pou Finans i retourn lo Head table akoz sa kestyon mon krwar Minister Finans pou bezwen kapab montre gidans, as to ki mannyer nou pou move forward konman en pei, an sa ki konsern sa eleman kondisyon travay oubyen kondisyon bann teachers.  Avek ou permisyon Mr Chair.

 

MR SPEAKER

Yes Onorab.  Go ahead Onorab.

 

HON SEBASTIEN PILLAY

Mersi Mr Chair.  Mr Chair i annan sa kestyon ki’n ganny raise mon pou pran premye pou mon pa brouy sa size, mon pou pran premye size saler nou bann kondisyon nou bann Headteachers mon annan devan mwan la payslip e mon angaz avek plizyer teachers enn nou bann Headteachers  -zenn nouvo Headteachers ki annan lantouzyazm pou zot travay.  Zot konmans lo en basic salary of R15,600 personal salary sa i son basic – apre i pou ganny li inducement R3,500 i pou ganny li en on-call allowance R1,000 e i pou ganny li en education marketable skill akoz li i annan B.Ed R1,800.  Now ler mon pe get sa Mr Chair sa starting point i band 8 step 6.  Only band 8 step 6 dan salary grid e prezan par lo la sa Headteacher oubyen Headteachers zot pa pou benefisye avek sa long service – they won’t get that.  Me problenm ek sa se bokou bann Headteachers they’ve been in the service for a very long time. Premyerman as teachers – as part of the school management lo en lot nivo and then after their appointment as Headteachers where they’ve written a contract. 

        So ki mannyer nou pou recognise sa length of service ki zot in fer, si nou pa pe kapab donn zot sa long service allowanceThis is my first question. 

        My second question Mr Chair akoz nou pa konsidere ki basic salary ler ou ganny apwente konman Headteachers dan plas ki i start at band 8 step 6 i konmans lo band 9 step 1?  Sa i mon premye kestyon pou Minister Finans.  Akoz i pa komans lo band 9 step 1 rather?  And then ou ava task in son bann lezot adisyonnel, son bann lezot son bann benefis?  Akoz si nou pa fer sa Mr Chair what will happen, se ki nou pou riske perdi bann Headteachers ki nouvo ki antre, akoz volim Headteacher Mr Speaker, i enportan pou nou defini ki mannyer public service i marse,  en PS i ansarz en Departman ki annan anba li bann divizyon kot ou ganny bann Direkter Zeneral e sa Direkter Zeneral anba li i annan bann direkter ki ansarz en Seksyon.  Dan en Seksyon ou annan o maximum 15 travayer en Headteachers i annan li 70 staff ki bezwen manage dan en lekol e si i dan en large school parey Anse Royale i annan li over 700 students.  Si i dan en medium size school i annan li 400 students.  E dan sa management i annan sa infrastrucutre ki i  bezwen manage ; infrastructure.  I annan safety tou sa bann etidyan ki li i bezwen asire.  I annan mentorship tou sa staff ki li i bezwen asire.

So at the end of the day eski nou pe recognise pou sa responsability? Valer sa travay avek sa kondisyon ki nou pe donnen ? Sa i mon premye kestyon pou Minister Finans?

Mon 2enm kestyon i relate to the marketable skills Mr Chair mon krwar ti ava bon Sesel konman en pei nou determinen, how we are going to treat marketable skills?  I en lankourazman pou en etidyan pas dan sistenm skoler – pas dan sistenm ledikasyon pou li train pou li obtain en Degre.  Ler i ganny en Degre mon krwar i enportan ki vi ki nou en pti pei ki nou napa en gran popilasyon e nou human capital – nou Intellectual Human Capital i vreman enportan pou nou ki ler en dimoun in ariv en nivo Degre Bachelors ki nou reward sa Degre.

En B.Ed i zis R1,800 – en Masters i R3mil – en PHD mon pa ankor zwenn personn, me mon ti a kontan konnen konbyen nou donn en dimoun ki annan PHD.  Akoz ler ou mazinen en dimoun in ariv en nivo Doktora in fer en kantite letid – en kantite keksoz.  So ki mannyer nou Minister Finans li i pe rekonsilye lenportans e rol sa bann travay, vizavi zot responsabilite e vizavi kondisyon ki nou fer zot ozordi?  Akoz i annan en konfizyon Mr Chair ozordi as to sa sityasyon ki mannyer i egziste la.  Mon a les sa la pou Minis reponn pou mon pa brouy lezot size.  Mersi Mr Chair.

 

MR SPEAKER

Mersi Onorab Pillay.  Mon ava donn laparol premyerman PS Thesee.

 

PS DAMIEN THESEE

Mersi Mr Chair.  Mon krwar nou a rapel ler Chief Secretary ti vini i ti donn en – mon krwar en bon apersi lo ki mannyer sa bann structure i marse – wage grid.  E sa i pli zou mwen anba persi Departman Ladministrasyon Piblik – pa neseserman Minister Finans.  Me nou travay ase close avek Departman Ladministrasyon Piblik akoz anything ki i fer lo kote saler, i annan en lefe lo Bidze.  E i pa pou zis teachers.  I pou tou kad saler nou ganny sa bann – sorti of konsiderasyon ki dispite tou son bann attempt ki pe fer pou reviz striktir, nou still vwar sa challenge – ki nou, nou pe dir pa ase.

E nou pa pe konsidere ki Gouvernman li i pa en commercial entity.  I raise son larzan atraver tax oubyen sa bann non tax revenues ki i raise son bann different revenue outlets.  So si nou le ogmant package ki nou krwar i sipoze pare lo public sector – swa nou redwir nou bann depans, nou koup en lot landrwa – nou donn en serten landrwa priyorite, oubyen nou increase nou taxes.  So i annan bokou zefor ki ganny fer pou adres saler.

Pou al lo  Headteacher si nou gete apepre lo Scheme of Service nou vwar zot ganny apepre R24mil, a R26mil dapre zot bann diferan kalifikasyon ki zot annan.  E zot deza pli o ki en teacher normal, ki pe ganny li on average en R13mil.  So  zot annan bann lezot allowance ki al avek – pa neseserman basi. c So tou pos lo wage grid i ganny fer evalyasyon. I annan 13 kriter ki ganny servi.  Mon’n dir avan an 2010 letan nou ti fer reform, tou allowance i ganny sorti nou ti fer zis basic salary lo wage grid e ki nou ti vwar ler nou ti merge allowances avek basic, tou dimoun ti konmans demande oli mon inducement night?  Oli mon risk allowance ? Oli mon bann lezot inducement? 

        So nou ti bezwen reentrodwir sa ankor.  So ou konpran?  Nou bezwen gete kot nou ale – ki nou pou fer?  Me mon krwar nou ava pran sa bann pwen devan pou re gete si nou merge ankor sa bann inducement ki tou dimoun i vwar.  Si son total package ki i pe gannyen i R24mil i a war zis en sonm R24mil, me ou napa sa bann konplent ki kontinyen vini mon basic i pros avek sa lot, me nou pa pe get total package.  Akoz en Scheme of Service i sa bann inducement – sa bann on-call – sa bann marketable skill i consist sa bann lezot fakter ki spesifye avek diferan kad.

So mon pa pou vreman kapab reponn lo lapar Departman Ladministrasyon Piblik, solman nou bezwen realize ki par egzanp teachers osi – bann normal, i ganny zot lannen pase in ogmant zot Gratwite pou vin 10poursan sorti 6.5poursan mon krwar.

E la sa lannen bann teachers ki pou lo Kontra zot pou ganny zot end of contract payment ki tou le 2an lo zot total package konpare avek zot basic avan.   Akoz avan ti pe pran zis personal salary so nou review sa across the public sector ki pou include Headteachers ; savedir tou sa bann allowances anba inducement ki zot pa ti pe ganny konte konman end of contract payment, pou ganny servi pou kalkile – tousala dan en zefor pou get en pe package.  Me selman sa i en pe nou pozisyon – en challenge lo sa size.  Mersi.

 

MR SPEAKER

Mersi PS Thesee.  Mon ava donn laparol Mrs Monthy.

 

FC LINDA MONTHY

Mr Chair.  Sel keksoz ki mon kapab dir konsernan Bidze Ledikasyon, se 58poursan total Bidze i pou saler ‘wages and salaries’ ; dan ‘goods and services’ i 31poursan e ‘PSIP’ 11poursan.  That’s  the component of total Bidze Ledikasyon.

 

MR SPEAKER

Mersi Mrs Monthy. .  Yes Onorab Pillay.

 

HON SEBASTIEN PILLAY      

Mersi Mr Chair.  Mwan mon ti a kontan  – mon konnen akoz PS in donn mwan sa figure.  This is why i annan en konfizyon.  I annan en konfizyon ki egziste. Akoz par egzanp mon si mon azout tou mon allowances sa enn ki devan mwan i pa arive 24mil.  I ariv o maximum R21, 900 ou konpran?  E mon krwar poudir i annan tro bokou discrepancy.  Si nou pe dir par egzanp i annan ou pe promot en dimoun to the level of a Headteacher – i pe ansarz en lekol – i annan sa responsabilite e si prezan ou pe ganny ou bann zenn Headteachers ki ou pe kapab groom zot i kapab form par – ou en nouvo mindset ki ou pe anmennen dan Minister Ledikasyon, mon krwar nou bezwen pa zis get li lo en pwennvi saler an zeneral, me get li lo en pwennvi spesifik pou sa sekter!  Akoz nou bezwen aksepte nou annan en gro problenm teachers.  Nou annan en gro problenm ki grav pou teachers e nou pa pou ankouraz par egzanp en zenn ki kapab al fer B.Ed pou al fer B.Ed!  I pou prefere al fer BSC akoz i konnen ki sa BSC son marketable skills when it comes to private employment sector i pou bokou plis!  Ou konpran?  E ou menm annan en sirkonstans Mr Chairman kot si ou annan ou en dimoun ki ganny promote into the Ministry of Education, ki annan en B.Ed – ki annan en Degre i don’t think even lo sa kote zot kler as to konbyen zot pe ganny!  I annan ki en basic around R9mil ekek.  So sa ki mon pe dir se ki mon konpran difikilte ki nou ladan in regards to tousala.  Me problenm  se ki Minister Ledikasyon i bezwen operate within en ceiling e nou bezwen define sa ceiling!  E mon pou ilistre sa pwen further Mr Chairman par servi legzanp en teacher ki kalifye avek B.Ed avan 2011.  En teacher ki’n kalifye avek B.Ed avan 2011 i ganny li en basic R14, 052mil en inducement R2mil plus R1, 800 pou sa marketable akoz i annan sa B.Ed, right?

Me ler nou ti fer sa revizyon in regards to housing allowance nou ti enkorpor sa housing allowance as part as  of  the salary pou bann dimoun ki’n kalifye ek B.Ed apre 2011! Ki’n fer ki prezan zot basic i close oubyen as plis ki sa bann ki la depi avan.  So ou vwar i kree bann konfizyon ki mannyer nou pe manage sa.  Sa ki mon krwar pou nou etabli en lord ladan, se ki nou bezwen regard sa salary grid e etabli kote nou plas sa bann dimoun.

E mon pwen Mr Chair mon pwen pli enportan se how ki mannyer nou valoriz sa bann Degre ki sa bann dimoun i annan?  Ki mannyer nou valoriz en B.Ed? Akoz si mon ou a permet mon Mr Chair pou fer en pwen konman en teacher dan segonder ou riske burn out apre ou 10th year dan Ledikasyon.  Akoz demann dan within the public school system is very high.  Ou pe deal avek manrmay  -i annan zour ou vini ou pe deal avek manrmay ki nivo i vreman o ; i annan zour ou pe deal ek manrmay ki behaviour ou bezwen fer en kantite travay dan management of behaviour.  E sa i met en presyon lo ou !  E bann teacher primer i ava pardonn mon akoz mon pe focus lo bann teacher segonder me i preski parey laba so the question which begs itself, eski nou pe regard sekter ledikasyon as part of the total or kwa ki nou pe regarde as sector specific, poudir kwa ki nou bezwen fer pou nou kapab realign bann keksoz ki nou pe donnen dan sa bann sekter, pou fer li vin on par avek responsabilite e demann e legzizans ki sa bann dimoun i annan?  Otherwise Mr Chair ou pa pou ankouraze en teacher pou al fer en Masters ek sa.

There is no encouragement pou li al fer professional development.  Ou konpran   E ledikasyon i stuck, akoz li i bezwen operate within sa ceiling.  And if I extend this further Mr Chair – zis en pti bout an plis nou’n vwar poudir nou annan delays in recruitment last year. Me still Minister Ledikasyon in fonksyonnen e still zot in kapab delivre!  

        So mon krwar nou bezwen anmenn en alignment as to ki mannyer nou regard sa bann pos.  Pou nou dir this is what we are offering e ki sa ki gannyen eksetera, it’s not enough.  I think nou bezwen vreman regarde si whether or not nou pe valoriz en teacher, ki mannyer nou devret fer li.

Akoz at the end of the day once ou’n spend 15an dan lekol ler ou sorti ou’n fatige.  E en lot problenm prezan ki arive se ki ler ou fer 5an ou sitan marketable ki en teacher i kapab al travay nenport landrwa.  E that is why bokou teachers i exit, akoz?  Zot in santi poudir i annan en bar ki zot in arive zot pa kapab sote!  So petet mon pa konnen si Minister Ledikasyon i kapab avek Minister Finans dir nou, kwa ki zot pe fer pou zot sey adres sa bann size, kot menm ou annan employees within the Headquarters ki annan Degre, ki travay ki zot fer natir travay pa pe ganny recognised as to ki zot devret gannyen.  Mersi Mr Chair.

 

MR SPEAKER

Mersi Onorab Pillay.  Mon a donn laparol Mrs Monthy.

 

FC LINDA MONTHY

Mr Chair mon ti’n fer en konparezon 3 saler.  Ti pran enn en Headteacher ki annan en MBA e nou bezwen fer li akoz zot lo PSC Kontra. Ou bezwen get son benefis pandan 5an pou kapab vwar son konparezon avek en teacher.  Letan ou ti pou get pou en teacher avek MBA apre 5an son total i ti pou vin li R485mil – ok?  E en nouvo Headteacher ki premye fwa ki lo Kontra i li i pou ganny li ki i napa en Degre i pou ganny li son total benefis apepre 5an – R360,588mil.  E ler nou pou konpar li avek en graduate teacher ki annan en housing allowance ok – son total benefis, akoz li i pou ganny en gratwite tou le 5an son total benefis i pou ariv li R362, ,336mil.  So i annan en pti diferans ant sa graduate teacher, me selman sa Headteacher li i annan en Degre apre letan i pou son premye 2an i pou ganny son performance allowance.  So son kalkilasyon son Gratwite i pou osi monte.  Sa i en senp konparezon ki nou ti kapab ganny letan fer.  Mersi Mr Chair.

 

MR SPEAKER

Mersi Mrs Monthy.  PS Thesee oule azout keksoz.

 

PS DAMIEN THESEE

Mersi Mr Chair.  Mon pa vreman konnen ki pou dir an plis, ki nou eksplik kad saler.  Me selman parey nou konnen i annan bann kad parey Lapolis, Fire Grigade, Defans, Teachers sanmenm zot Gratwite i plis ki bann lezot sekter dan Gouvernman pou – parey mon’n dir pou teachers in ogmante pou vin 10poursan tou le 5an ; savedir si en kontab li i ganny li 10mil tou le 5an as son Gratwite en teacher ki i fek graduate i antre apre 5an i kapab pe tous li par lao R40mil, R50mil tou le 5an.  Ankor akoz konsidere sa bann fakter ki ou’n nonmen ki en teacher i pas ladan, konpare avek en kontab ki pli swadizan pli konfortab ki en teacher. 

        So i annan bann lezot fakter ki ganny konsidere. Petet mon a sizere pou diskit ankor avek Minister Ledikasyon, kwa ki nou vwar nou bezwen kontinyen amelyore.  Nou ava get lespas dan Bidze 2020 si i rezonnab anliny avek striktir Gouvernman si nou bezwen scrap sa wage grid, met tou allowance  – ki nou met tou allowance dan basic ki nou vwar nou total saler parey i été, ki i pa vin en issue.  E tousala i pou depan lo soutenabilité.  So nou ava fer diskisyon avek Minister Ledikasyon.  Mersi.

 

MR SPEAKER

Mersi PS.  Yes Onorab Pillay vitman.

 

HON SEBASTIEN PILLAY

Mon le fer en quick proposal  en.  Let’s assume  par egzanp en dimoun i kalifye avek B.Ed e i annan 10an, akoz par egzanp son marketable skills pa ganny kalkile lo lefe ki i annan  en B.Ed  and 10years experience?  Ki prezan sa i monte vizavi commensurate avek sa leksperyans ki i annan.  Si mon annan en Masters e mon annan 2an – mon annan 5an leksperyans of course baze lo performance appraisal mon benefisye lo 2 landrwa enn lo mon ‘inducement’ –  e enn lo mon ‘marketable’.  I fer ki si mon fer 10an dan teaching mon aprann mon fer professional development, so i en lavantaz e mon marketability in ogmante.  I pa kapab reste parey ler mon ti fek kalifye.  Si nou fer sa then i pou montre en zes in the right direction.  I pa pou en long en big increase vedir at least en keksoz ki montre sa bann teachers ki its worth devlop ou lekor profesyonnelman i annan en valer avek sa Degre ki ou’n gannyen.  Mersi Mr Chair.

 

MR SPEAKER

Mersi Onorab.  PS Thesee.

 

PS DAMIEN THESEE

Mersi Mr Chair.  Well rezondet akoz nou ti entrodwir long service allowance i pou sa sel rezon ki nou ti vwar bann staff ki pa lo Kontra i kapab si i pa pe ganny en promosyon fer 10an as en teacher, oubyen as en kontab dan menm pos.  Sanmenm sa ki nou increase sa bann long service allowance.  E avan sa teachers pa ti gannyen marketable skills nou fek entrodwir li la 2018.  Son rate i preski parey Government sector. So nou vwar anmezir nou vwar i annan nesesite pou reviz Scheme nou fer, me parey mon dir nou ava fer sa diskisyon ek sa payslip ki ou annan petet i ti a bon si nou vwar e nou ava bouz devan.  Mersi.

 

MR SPEAKER

Mersi PS.  Nou ava pran dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman avan ki mon antre lo mon bann kestyon pou Ledikasyon ozordi i le 29 Novanm 1985 mon note ki mon pe rann omaz Mr Gerard Hoareau ki ti mor 33an pase asasinen an Londres   L’Angleterre.

 

(APPLAUSE)

 

HON WAVEL RAMKALAWANE

E nou ankor pe rod lazistis pou sa lanmor, e mon espere ki nou ava kapab trouv sa lazistis.  Mr Chairman mon premye kestyon – i annan en problenm akreditasyon.  Mon konnen poudir sa size in lev-e yer – mon ti ava kontan konnen dan sa Bidze kwa ki annan pou ki olye annan validation of Courses i annan accréditation.  Parske ozordi kot SITE – nou retourn ankor kot SITE nou retourn ankor kot enn de bann Departman kot Minister Ledikasyon, kot bann etidyan zot bann courses in ganny validated me not accredited.  Alors sa sertifika ki zot gannyen i pa en sertifika lo sa nivo ki i devret été, e alor mon ti ava kontan konnen ki zot pe fer an relasyon avek SQA.  E si menm dan Bidze SQA parske nou pa pou diskit sa si pou annan en keksoz.

Mr Chairman Minister in koz lo lotonomi me letan mon regard zot Bidze mon vwar ki zot Sekretarya ki pe grosi i sorti R3milyon pou li vin R7milyon ‘wages’ i up par R5milyon – mon ti ava kontan konnen konmsi deryer filozofi sa Bidze whether son filozofi i al dan bon direksyon pou ki i annan lotonomi – oubyen eski nou pa pe trouv plis ankor kot central i reste gro?

Letan mon’n ekout espesyalman Mr Belmont pe rod enzenyer, pe rod arsitek, pe rod tou kalite Mr Chairman mon demann mon si vreman ledikasyon pe fer sa ki i devret fer?  Eski Minister Ledikasyon i pa en Minister ki pe tro fatig li avek lezot keksoz eksepte ledikasyon?

E eski i pa ler pou Gouvernman e la Minister Finans oubyen Minis i a kapab dir nou, eski i pa ler en pe dan direksyon ki mon’n propoze ki konstriksyon lekol, maintenance lekol, sa bann keksoz parey i pa form parti zot travay ; ki Minis pa bezwen fatig son latet avek lekol La Rosiere, oubyen avek lekol Baie Ste Anne oubyen avek lekol La Digue, me ki Minis avek son staff i focus lo ledikasyon nou bann zanfan pou ki nou ava kapab ganny sa rezilta ki nou pe rode? 

So konmsi sa bann zafer capital projects i ava ale.  La bomaten nou tande ki i pe rod letan Onorab Arissol bann zensek ensidswit, parske sa i en low quality of materials ki pe ganny enporte dan pei, e ki sa bann problenm pou kontinyen arive be mon pa vwar sa konman responsabilite Minister Lasante, mon vwar sa i devret en lot.  E donk  eski Minister i santi ki poudir dan sa Bidze, i pou ed li pou li kapab donn bon ledikasyon nou zanfan, oubyen – parske letan nou balanse 58poursan Bidze i al pou lapey!  E letan ou pou azout ankor en serten poursantaz, ou pou vwar ki poudir kekfwa ant 70 a 75poursan Bidze, i al pou lezot keksoz e ki finalman ou end up avek sa gro Bidze ki tou-le-z-an nou dir Ledikasyon ek Lasante i pli gro Bidze me nou pou endup avek zis 25poursan sa Bidze ki vreman pou ledikasyon sa zanfan.

Tandis ki mon konpar sa avek en pei parey New Zealand kot ant 48 a 50poursan zot Bidze i bezwen al towards the delivery of education!  Savedir direkteman kot sa zanfan.

Mr Chairman sa sonm pou rent of houses mon ti a kontan regarde konbyen lakaz ki zot pe lwe?  E la ankor enn fwa pou nou balanse, pou regard pli devan ; pou regarde si i pa pou pli ekonomik pou Gouvernman envestir dan detrwa apartman, ki ava zis pou Minister Ledikasyon, pou bann teachers olye ki nou pe rod enn R25mil la lot R50mil laba lot R25mil laba, pou ki i ava bokou pli ekonomik e nou Bidze i ava desann.

Parske mwan, enn mon rol se pou regarde ki mannyer nou kapab fer sa Bidze desann.  SALS lannen pase ansyen Minis Morgan ti dir ki dan sa Teacher Appraisal Scheme SALS pou ganny enkli ladan because its a secondary school, eski zot pe ganny enkli?  Mon ti ava kontan konnen parske bann teachers zot malgre ki bann size in diminyen, me selman zot anvi konnen whether sa pou ganny enkli?

Letan nou pe koz nou Bidze Minister Lasante, bann zanfan bann etranze ki vin travay Sesel me ki prefere anvoy zot zanfan dan lekol Gouvernman, eski zot peye zot?  Ki mannyer keksoz i marse?

Mr Chairman i annan en let la e mon anvi konn lopinyon Minister Ledikasyon – i annan en let ki bann paran lekol Anse Royale in gannyen date le 21 Novanm kot ladan zot pe – lekol Anse Royale pe konmans en nouvo Scheme e dan sa nouvo Scheme i dir ‘’students scoring 90percent and above in assessments will be awarded R500.  Students scoring 95percent and above in an exam will be awarded a R1000.  Subjects that are not ‘’ mon lir li parey i été – i dir, ‘’… subjects that are not subject to exams but assessments will attract R500 awards for scores of 90percent and above.’’

E apre la son bout kot paran i pe ganny demande,’’ I am thus required to inform you that this new project and to inform your students of same you will then’’ – paran sa – ‘’… you will then be required to set aside funds starting this term for the successful implementation of project which is for the benefit of our students.’’

  Eski Minister Ledikasyon i kapab dir avek nou si zot in aprouv en tel proze?  Ki vedir ki tou paran pou bezwen fer en kontribisyon direk dan Ledikasyon, pou award bann zanfan ki fer pli byen.

E finalman Mr Chairman mon kestyon, mon konnen ki poudir zot in koz en pe lo support staff me mon anvi dir avek zot ki support staff dan Minister Ledikasyon i en group travayer ki dekouraze, e zot in ganny promet en kantite keksoz me zot ankor pe espere.  E mwan alor mon pe demande kwa ki bann support staff i kapab ekspekte de nouvo?  E Mr Speaker nou pe koz ledikasyon nou zanfan ki mannyer nou pou remet focus lo ledikasyon nou zanfan?  Mersi bokou.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Chair.  Mersi Onorab.  Lo kestyon ‘Accreditation ek validation of programmes by SQA’ dan Bidze SQA i annan funds ki’n met ladan pou accreditation of institutions.  Akoz sa i en ongoing process.  Ok?  Pou ou kapab ganny ou en lenstitisyon akredite, ou bann progranm in bezwen ganny valide ok sa osi i en ongoing travay ki pe ganny fer once funds i ganny allocated.

E parey mon dir bomaten akreditasyon e menm validation i en prosesis ki bann lenstitisyon i bezwen pas atraver.  Se dan nou quest for quality ki nou pe fer sa.  Akoz avan nou ti annan bann sertifika – bann kalifikasyon ki pa ti ganny rekonnet ni lo nivo rezyon ni lo nivo enternasyonal.  So mon pe sey bouz dan sa fason pou donn en louvertir nou bann etidyan, ki osi fini dan sa bann lenstitisyon profesyonnel, pou zot osi kapab ganny akse avek further education at university level. 

So dan sa loptik ki nou pe fer sa.  Me parey mon dir i en prosesis – ki demann serten lenformasyon – serten travay ki sa bann lenstitisyon i bezwen fer, pou li kapab ganny kalifye, pou son lenstitisyon ganny akredite.  So sa i pou accreditation and validation.  

Pou houses for teachers Mrs Monthy i ava elabor lo la me selman mon’n tann li bomaten in nonmen lakantite lakaz ki nou annan pou nou bann teachers – sirtou bann teachers etranze.  Me osi bann teachers ki sorti Mahe ki al travay Praslin avek La Digue ki nou donn zot akomodasyon laba.

Nou konnen poudir dan lepase ti annan.  Ti annan en – pa konnen si nou pou apel li en Scheme – me ti annan bann lakaz ki ti ganny dedicated pou bann teachers.  Mon rapel ex- Dolphin Court – mon rapel kot NYS or whatever laba. Me selman apre sa, nou’n sanz sistenm, akoz nou’n vwar poudir ankor en fwa sa bann lakaz lo maintenance, ti pe kout nou en kantite, ki nou pa ti kapab mentenir zot a sa level ki nou ti sipoze fer.  E nou bann teachers etranze ki vini nou ti ganny bokou kritik, ki the standard of sa bann lakaz pa ti dapre zot lekspektasyon.  

So se sa ki nou ki Gouvernman in deside al dan private.  Me i en keksoz si i annan okenn further diskisyon lo la, the level of Government nou dan Minister Ledikasyon nou napa okenn lobzeksyon pou nou kapab si i pran sa from nou management, pou donn en lot body ki kapab manage pli en pe pli byen ki nou, nou pa konnen.  Ok?

Pou SALS wi SALS i en extension of the secondary school  – i nou S6 ki mannyer nou apel li ; so a teacher appraisal sa cycle teachers appraisal ki’n fini 2016 ki teachers in ganny renumerated 2017, zot pa ti feature ladan, akoz at that time zot ti dan ankor still en professional center.  Me nou konmans en nouvo cycle appraisal 2019 le zot pou enkli bann teachers SALS konman nou extension of the segondary school  -zot pou osi ganny enkli dan sa Scheme parey lezot.

Pou support staff ; support staff i annan diferan kategori support staff dan Minister Ledikasyon.  I annan support staff ki tonm ansanm avek general cadre  -zot in fini ganny review of their Scheme of Service zot in ganny serten benefis.  E nou’n dir la nou annan Scheme of Service for counsellors ; Scheme of Service for librarians ; Scheme of Service for school wardens – wi library cadre nou’n dir ki nou pe review la pou sa lannen, pou vwar ki mannyer nou kapab osi donn zot sa incentive, pou zot parey ou’n dir zot travay dir, zot osi pou donn sipor lekol.  San zot nou pa pou vwar nou pe kapab achieve sa ki nou ti a kontan gannyen. .

Akoz zot zwe en gran rol ladan parey nou bann counsellors in terms of students support, dan nou bann lekol ; nou bann librarians ki mentenir nou bann library, pe donn progranm letid nou bann etidyan, eksetera.  

So nou pe review zot Scheme pou zot osi kapab ganny en serten benefis, pou sa travay ki zot pe fer.  Konsernan sa let ki Onorab in mansyonnen – sa let i en let ki nou osi nou ganny en kopi ki ti sorti kot lekol Anse Royale.  E sa i pa Konsil ki’n ekri sa let i en class it’s a deliberations and report of a Class Committee.  Nou, nou’n ganny kopi sa rapor, me nou pa ankor donn okenn desizyon lo la akoz nou menm nou prezan ki nou ganny appraised of the content of the letter, ki Headteacher in parvenir – met a nou latansyon.

Me si pou mon konmant lo la, mon pa pou fer li pou le moman la, akoz parey mon pe dir nou bezwen diskite vwar ki mannyer nou pou handle li at central level.

Pou nou Bidze pou ledikasyon parey nou dir nou annan en gro kopo – en gro morso nou Bidze ki al pou ‘wages’ and sa pou saler ok? E la osi nou pe tande nou bann dimoun dan ledikasyon i ankor pe demann plis dan zot saler.  So olye mon krwar pou desann nou pou vwar li i pou monte. Akoz si nou pe kontinyen dir tou dimoun i bezwen incentive  pou dir nou tou –  nou konnen nou tou nou travay nou bezwen ganny en saler, me si nou tou nou pe konteste li in ganny plis ki mwan, mon’n ganny plis ki li, nou bezwen revwar ankor aziste mont en pe pli o, aziste en pe pli e at the end of the day olye nou vwar en rediksyon dan nou Bidze pou saler, nou pou vwar en logmantasyon e la the other portion of sa Bidze ki i al pou lekipman, pou bann materyo nou vwar poudir i pou sa… Akoz si ou pe tir dan en kote ou bezwen met dan lot kote, i pou annan pou li kapab balanse i pou annan en problenm.

Me selman mon pa pe dir nou bann dimoun pa travay dan lekol, pa bezwen  – i pa neseserman ki zot bezwen ganny mal peye, zot bezwen ganny byen peye, me selman mon pe zis fer en lobzervasyon lo poursantaz Bidze pou Minister Ledikasyon.

E apre ki nou tir sa poursantaz ki la pou saler, nou vwar ki i reste nou 11poursan pou ‘PSIP’ e larestan i pou the ‘other goods and services’.

E nou pe sey debourye ; nou pe sey donn sa kalite ki nou bezwen avek sa Bidze ki nou annan.  E nou vwar poudir nou osi ganny parfwa lasistans from external partners, ki osi anmenn en serten sipor  annandler sibstansyel dan nou Bidze.  Me parey nou dir, nou’n set nou targets e nou hope ki nou ti pe meet nou target nou pe mazinen ki Bidze nou gannyen t tou le lannen e nou target, i dapre Bidze ki nou pou travay avek baze lo past Budget trends ki Minister Ledikasyon i gannyen.  Mon ava aret la mon ava les Mrs Monthy fer houses for teachers apre mon a reponn pou petet pwen ki mon manke.  Mersi Mr Chair.

 

MR SPEAKER

Mersi Minis.  Mrs Monthy.

 

FC LINDA MONTHY

Mersi Mr Chair.  Mersi Onorab pou kestyon mon ti dir nou to date actual la nou annan nou 306 lakaz ki nou lwe pou teachers.  E sa parey Minis in fer resorti i enkli lakaz pou bann teachers lokal, ki sorti Mahe ki pou reste Praslin/ La Digue ouswa pou sorti Praslin/ La Digue  pou reste Mahe.   Son total in monte sorti 225 previous.

E son Bidze i mon ti annan R2.5 Bidze pou primer R5.3 pou Tertiary sa mon mazinen dan latet – R1.1pou santral e R4.8 pou segonder.

 

(Off-Mic)

 

FC LINDA MONTHY

R43milyon.  En lot klarifikasyon se sa Bidze Minister’s Secretariat ki R3.6 ki’n ogmante ti’n fer resorti oparavan ki ti annan adisyon pou ‘wages and salaries’ ki i R2.4 – ti annan 4 nouvo staff i osi enkli 5poursan wage grid ki long service allowance e saler pou special advisor.  Dan ‘goods’ i annan en logmantasyon R141mil ki li ladan i annan en konponan pou Teachers Council Board ki R132mil.  Nou annan R227mil ladan ki pou bann lekipman ki adisyon pou sa Sekretarya.  Apre  sa R182mil i pou bann lezot depans ki pou ogmante an relasyon avek adisyon staff.  Sorry i Teachers Council.  Mersi Mr Chair.

 

MR SPEAKER

Mersi Mrs Monthy.  PS Thesee.

 

PS DAMIEN THESEE

Mersi Mr Chair an ki konsern striktir lo Seksyon Proze anba Minister Ledikasyon, avan sa ti’n anonse ki tou konstriksyon oubyen bann proze, pou al anba MHILT – Minister Labita, Lakaz, Lenfrastriktir, me difikilte ki nou ti pe vwar zot pa kapab cope avek sa kantite proze lakaz deza.  E i ti pe koz delay deza avek Minister Ledikasyon pou fer zot proze.  E ki nou Finans nou ensiste tou kou, the client Ministry i bezwen apersi sirtou ler i vin lo konstriksyon – i bezwen konnen pou asire ki sa bann laklas i serten standar, so i bezwen sa kominikasyon.  Nou ti pe vwar serten difikilte pou fer sa enplimante. An vi ki nou annan gro problenm project staff dan pei, nou pa pe kapab abzorb even si nou ganny sa bann post dan lepase, so mon krwar sanmenm sa the move prezan se ki Ledikasyon pe repran son bann plizoumwen Seksyon Proze.

Ti ava bon i sorti i konsantre lo son ledikasyon be nou ganny difikilte pou enplimante,  an vi ankor lentansite – si ou vwar ler nou pas Bidze MHILT ti annan sa proze R3mil lakaz, i bezwen remet en lot tim al deor pou recruit ; sey revise Scheme pou li mete.

E nou menm nou Minister Finans nou dan prose pou ed across bann Minister, nou pe recruit 8 staff proze ki nou pe fer prosedir la, pou nou disburse across Minister Ledikasyon MHILT avek Local Government.  Mersi.

 

MR SPEAKER

Mersi PS Thesee.  Minis.

 

MINISTER JEANNE SIMEON

Mon a koz lo school autonomy ; lotonomi lekol e apre PS pou Tertiary Education i a koz lo school fees pou bann expatriate students.  Pou lotonomi sa ti’n ganny anonse mon krwar 2an pase kot nou pou donn lekol plis responsabilite pou son gouvernans.  E lotonomi i pe vin par faz, akoz nou pe vwar poudir zis dir avek bann nou bann lekol, nou bann Headteachers ki nou konn zot tre byen, zis tanto demen ou ganny tou responsabilite pou ou lekol, nou pe nou pou al dan problenm.

So nou pe fer li par faz, pou nou kapab devolve responsibilities pou nou school management.  Already pou bann professional centres sa prosesis in fini ariv en pe pli devan, ki pou nou bann lekol primer avek segonder, akoz ladan i enkli bann serten konsiltasyon ki nou bezwen fer, training ki nou bezwen donn zot dan diferan laspe sa responsabilite, ki nou pou donn zot.  

        So i pe pran nou en pe letan sa ki nou arive fer la se dan gouvernans lekol li menm, nou’n kapab etabli bann Konsey bann School Councils ki zot allowances in ganny fer provizyon dan Bidze 2019.  E pou School Councils parey mon ti dir yer, nou pe prepar zot pou zwe sa rol siport lekol pou lekol kapab donn en bon performans lo nivo zot Lakademi – ensi ki en bon konportman nou bann zanfan.

Zot ki pou a o sen zot lekol kontakte zot manm kominote e travay avek – come up avek bann stratezi – come up avek bann linisyativ lo nivo zot lekol, ki pou fer zot lekol bouze, zot lekol avans devan.  Me pou Konsey laplipar lekol in already annan zot Komite – zot Konsey pou zot lekol.

La nou pe zis finaliz the framework ki set out dan zot responsabilite eksetera.  E zot pa ti pe ganny allowance avan e la dan Bidze nou fer provizyon pou zot ganny en allowance. 

        So we hope ki as soon as ki nou fini avek sa framework lafen lannen la, ki nou a kapab lans konsey parey mon dir ki en bon konponan devolution of sa responsibilities, pou nou bann lekol.

Me nou espekte ki konman nou bouz devan nou ki nou ava kapab arive pou donn lekol zot lotonomi – parey mon’n dir i pa pou vin la deswit, me selman o fil a mezir ki nou bouze, nou pou nou osi nou ti a kontan ki zot pran responsabilite pou zot own governance, ki pou pa depan pou tou keksoz kot Minister Ledikasyon, ki zot osi zot kapab zwenn avek zot bann partners pou gete ki mannyer zot kapab siport zot, pou fer zot lekol marse.

Mon ava aret la pou le moman mon ava pas avek PS Barallon.  Mersi Mr Chair.

 

MR SPEAKER

Mersi Minis.  PS.

 

PS LINDA BARALLON

Mersi Mr Chair.  Mersi Onorab pou ou kestyon – si Minis i permet vitman mon ava al en pti kou travay akreditasyon ki Onorab in nonmen.  Dan sa 65 progranm ki a la apporte bann manrmay ki fini S5, oule zot pou join bann Sant Profesyonnel, e lezot, la mazorite dapre Seychelles Qualification Authority la mazorite sa bann progranm i fully validated.

I annan detrwa ki ganny provisional validation status. Dapre Lalwa SQA en provisonal validation status, sa i sertifye ki ou sertifika kalifikasyon i valid e  i donn ou en pti pe letan pou ou travay pou ou achieve sa full validation status.

        Dapre latest rapor Seychelles Qualification Authortiy sa 4 ; en BSC, Unisey Environment, Diploma Journalism, Business Management Administrayon avek AccountingM Finans pou SBSA ki pou fer lannen prosenn, zot annan full validation status. 

        Akreditasyon i sa lenstitisyon i plis ki sa progranm e son lanvironnman e everything.  Zis sa Onorab pou …  en pti kou.

Prezan lo bann etranze bann non-Seychellois teachers and lecturers dan bann lekol, ki i annan zanfan lo nivo tertyer espesyalman la  mon pe dir Sant Profesyonnel, zot depi lontan polisi Minister Ledikasyon zot annan en one institution fee one-off ki zot peye, pou sa progranm antye e sa i R10mil.  E li en pe letan i la sa en.  E sa nou mentenir i ankor la valid ziska konmela sa en.

E sa osi i aplik pou sa bann ansenyan ki zot bann zanfan osi i SALS, akoz sa i par anba compulsory education ki  zot bann manrmay i ganny lo free – si ou manrmay dan nou lekol anba kot compulsory education e sa osi zot pey R10mil.

Lenformasyon ki Departman kot mwan nou annan, nou annan nou zis enn sa manrmay la o nivo Sant Profesyonnel, e nou annan 17 zot lo nivo SALS.  Mersi.

 

MR SPEAKER

Mersi PS Barallon.  Onorab Ramkalawan.

 

HON WAVEL RAMKALAWAN

Mersi Mr Speaker.  Mon bezwen dir ki bann larepons ki mon gannyen i vreman kler – mon satisfe.  De pti kestyon ki swiv donk sa ki Minis pe dir ki sa let ki’n ganny sinyen par Mr Barry Faure konman Chairperson – mon pa konnen Chairperson kwa egzakteman – parski  i pa nonmen ki bann paran in fini resevwar ; bann paran i bezwen ganny dir ki sa i pa Polisi Minister Ledikasyon e ki pou le moman napa okenn peyman ki devret ganny fer.

Me zisteman sa i fer poz en kestyon – sa i enn ki nou gannyen ki’n tonm dan mon lanmen akoz en paran konsernen in anmenn sa dan mon latansyon.  Me konmsi napa en Polisi kler vizavi sa bann School Council, PTA ensidswit pou dir ki avan ki zot anvoy en let kot paran spesyalman, kot pe demann larzan i bezwen ganny laprouvasyon Minister Ledikasyon !

Parske an plis ki sa i annan larzan involve i pou bezwen annan accounting ; i pou bezwen annan keksoz kler lo la.  E ki demen nou a tande poudir i annan enn ki’n fer disparet larzan, ki pou al ariv en lot konplikasyon ankor!  So ti ava bon pou zot zisteman fer bann paran ganny sa dan en fason kler.

Apre zis en dernyen pti kestyon sa course TVET sa progranm ki zot pe fer i annan en larzan ankor dan Bidze eski zot in fer assessment lo la?  Parske ti ava bon pou konn zot general assessment  akoz mwan mon’n koz avek plizyer dimoun kot zot in anvoy sa bann zanfan e konmsi i annan en pe dezapwentman ; pa en pe  – i annan gran dezapwentman avek bann zanfan lo kestyon linisyativ – zot lentere pou zot antre.

Alors mon ti ava kontan zis konnen parske nou pe met larzan ankor dan Bidze whether zot assessment i montre ki poudir i vo lapenn kontinyen avek sa course ki konmsi nou pa pe zis met larzan ki poudir be konmsi be ok, bann zanfan i ganny en landrwa pou zot e sa i tir en fardo lo nou lanmen, me ki nou ganny rezilta!  Mersi bokou.

 

MR SPEAKER

Mersi Onorab.  Mrs Monthy.

 

FC LINDA MONTHY

Mersi Mr Chair.  Mon krwar mon ti’n fer zis en pti mistake dan total mon ti donnen pou ‘rent.’ mon a zis repran i R34.1 pou lekol segonder – R2.5 pou primer R1.1 pou santral R5.3milyon pou Tertiary Education.  Mersi.

 

MR SPEAKER

Mersi.  Minis. PS Decommarmond.

 

PS ODILE DECOMMARMOND

Mersi Mr Chair.  Mon pou pran sa kestyon lo TVET.  Pou TVET si ou rapel i annan sa progranm TVET phase 1 ki ti konmanse 2011 – sa i pou manrmay S4 avek S5 ki zot ti annan sa letan zot ti annan risk pou zot drop out, alor ti pran zot ti kapab fer en progranm ti annan en progranm spesyal kot lekol kot zot S4 ti pas 3 zour kot lekol avek 2 zour dan lendistri, apre S5 ti pas 2 zour kot lekol e 3 zour kot lendistri.

Sa lannen la, nou annan nou zis S5 ki lo sa TVET phase 1 ; akoz depi S4 nou konmans sa de Pathways – enn academic avek enn general skills pathway. Savedir la pou le moman nou koz lo sa TVET liaison person, i annan en dimoun ki ganny mete pou al vizit sa bann manrmay dan sa bann landrwa dan sa bann lendistri, pou zisteman anmenn en rapor pou nou regarde si sa zanfan pe behave, oubyen pe perform pou sa progranm.

An gro ki mon poudir lo sa progranm nou vwar en kantite benefis, akoz i annan bokou zanfan mazorite bann zanfan ki’n swiv sa progranm zot pe ganny aksepte dan en lenstitisyon pos-segonder, dan en progranm apprentiship.

Apre ki donn zot en lanplwa loportinite lanplwa apre.  Me parkont i annan vre en pe ki nou ganny bokou problenm avek lendistri  ki dir ou zot konportman pa bon, e tou sa.  E i annan ki nou menm pa pe kapab gard zot lo progranm, nou bezwen fer zot swa nou fer zot arete oubyen ou counsel zot paran pou anmenn zot lo en skills development programme, ki pe kordinen par Minister Lanplwa.  Mersi.

 

MR SPEAKER

Mersi PS Decommarmond.  Yes Onorab Ramkalawan.

 

HON WAVEL RAMKALAWAN

Konsernan bann paran ki bann etranze ki zot zanfan i dan lekol, konmsi larepons in focus plis lo Tertiary Education, me dan primer ek segonder ki zot fer zot peye?  Be etranze ki mannyer?  Si Mr Chairman si en etranze ki pe travay dan prive, i napa nanryen pou li fer avek Gouvernman, ki mannyer i kapab pe benefisye ?  Ki mannyer nou ki pe pey ledikasyon son zanfan?  Mon pa dakor pou mon pey ledikasyon en etranze – konmsi mon ti ava kontan ganny en keksoz kler akoz parske parey mon krwar dan tertiary education zot peye pou primer avek segonder osi tou zot devret peye, parske finalman tou sa etranze ki pe travay Sesel – ki deside anvoy zot zanfan dan lekol Gouvernman nou ki pe peye, which is not on!  E probableman dan zot Kontra zot pe gannyen larzan avek sa lakonpannyen ki pe pou ki zot anplwaye e sa larzan i al dan zot pos e lepep Seselwa ki pe peye?  Mon krwar i devret mon krwar i annan en keksoz ki teribleman mal la.  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Chair.  Mersi Onorab.  Petet sa i en keksoz ki nou kapab konsidere, me pou le moman laplipar nou bann etidyan etranze, ki dan nou lekol i bann zanfan nou bann teachers. Ok? E sa ankor enn fwa pou nou ankouraz zot reste and so on nou dir zot pa pey okenn tuition fees.  Me pou lezot napa bokou me selman nou a kapab rode e find out ki kantite e sekter zot ladan pou nou kapab met en konsiderasyon devan Gouvernman lo la.

 

HON WAVEL RAMKALAWAN

Parske mon pa konnen si sanmenm sa ki Onorab Gill i apel demokrasyon ledikasyon.  Mersi.

 

MR SPEAKER

Mersi Onorab.  Bon avan nou pran en vot zis Minis vitman lo mon kote, Onorab donn mon en sans demann de pti kestyon.  Mersi.  Minis mon kontan ou’n tous lo specialised teachers ki mon krwar Onorab Sandy Arissol in lev-e spesyalman dan Lekol Eksepsyonnel mon krwar bann teachers pe rod keksoz laba.  Mon kontan ou’n kouver sa.  Scheme for librarian mon krwar Onorab Arrisol ki ti demande lannen pase ti pou 2019 la nou pe tann posibleman pou anvoy pou 2020 me nou ti a kontan ki ti ava ganny get ladan.

En lot kestyon Minis allowance bann manrmay pos- segonder i annan en pe letan ki sa allowance napa logmantasyon ladan si zot annan plan pou revize?

Apre Minis plan Lekol Ekselans eski sa plan i ankor la? Eski nou pou vwar sa dan sa fitir pros?

Minis mon ti a kontan zis termin par remersi Minister Ledikasyon pou sa progranm ledikasyon sivik, e nou annan en par nou osi Lasanble Nasyonal ki nou zwe ladan kot nou resevwar bann zanfan lekol ki vin kot nou e nou kapab donn zot en pti pe briefing lo ki mannyer Lasanble i travay e sa i form par zot ledikasyon sivik.  Nou anvi ki sa partenarya i kontinyen pou 2019.  Mersi Minis.  Zis pa mind reponn sa de pti kestyon.  Mersi.

 

MINISTER JEANNE SIMEON

Mersi Mr Speaker.  Pou allowance bann etidyan dan Sant Profesyonnel, mon a les PS Finans koz lo la.  Pou bann Schemes sa nou eksplike ki pe arive lo kote center for excellence, mon krwar mon eksplike yer apre nou koz ankor lo la ki bann desizyon ti’n ganny pran pou pa fer li parey i ti’n ganny propoze avek former Minister ki ti la.

E nou pe kontinyen avek donn ledikasyon nou bann zanfan pous zot pli devan posib, fer zot achieve zot potential dan zot lekol kot zot été.  e sa ki nou pe fer parey mon dir ki pou donn en pe plis space dan nou bann lekol pou nou teachers pli kapab donn sa ki neseser pou nou etidyan sa nou pe annan sa 2 filyer sa apre S3 apre legzanmen Nasyonal at S3 level kot bann ki annan sa lentere i montre nou poudir zot kapab kontinyen zot ledikasyon pa bann domenn akademik, me dan domenn teknik dan domenn vokasyonnel.

E mon krwar ki laba osi nou kapab annan en serten kalite lekselans si nou donn zot sa ki neseser pou zot kapab epanouir dan sa domenn ki nou pe rode ; akoz nou konnen poudir dan nou pei lekonomi nou pei i depan lo plizyer diferan kategori travayer. Pa nou tou ki pou kapab al liniversite vin bann enzenyer avek B.Ed avek Masters eksetera me i annan osi ki vreman kapab kontribye dan bann sekter kle dan nou pei ; parey tourizm – parey Lekonomi Ble parey nou’n mansyonnen bomaten – lagrikiltir, lapes, lezot bann mekanisyen, bann plonber, eksetera.

So dan sa lekol laba nou kapab osi apel li en Lekol Ekselans si zot kapab annan sa bann skills ekselans, dan teknik dan vokasyonnel.  Nou pe fer bokou parey nou konnen nou pei pe fer en perse la dan lenformasyon – teknolozi lenformasyon, laba osi nou annan en sa ki pou konsantre vreman lo la akoz nou vwar sa bann zanfan ki annan sa aptitid pou teknik, vokasyonnel, zot tre bon avek computers so nou pe ankouraz zot pou devlop sa pou zot kapab vin bann programme developers, eksetera.

So dan zot domenn nou pe pous zot pou zot kapab petet sa meni ki nou pe ofer zot, dan nou bann lekol avek lezot etidyan zot vwar zot petet en pe dezavantaze – en pe perdi nou annan nou teachers ki petet pe mazinen poudir ‘ar nou dir nou pe get A to C dan legzanmen,’ so sa bann la petet i ganny en pti pe kit deryer so laba zot pou kapab epanouir dan sa domenn kot zot annan sa lentere ladan.

E apre zot letid zot kapab antre direkteman dan lemonn travay ouswa si nou vwar poudir i annan ki annan potansyel ki laba in devlop li ; akoz parfwa nou annan bann etidyan ki segonder, primer, segonder parey nou dir i donn en pe poum – parey nou dir me selman ler in ariv en landrwa i kontan, i annan son lentere, i blossom – i devlop li vreman byen.

E si i annan en ka ki laba nou koumsa zot kapab kontinyen dan bann Sant Profesyonnel.  E kontinyen zot letid e nou konnen osi konmela dan Sant Profesyonnel nou ouver laport pou bann etidyan ki fer byen dan bann Sant Profesyonnel, ganny labours Gouvernman pou zot al kontinyen ganny zot letid deor dan aletranze dan domenn ki zot in swazir.

So vwala an gro Mr Chair devlopman ki’n arive lo kote School Center for Excellence.

Mersi Mr Speaker mon ti a kontan avan nou terminen mon ti a kontan remersye ou parey ou’n dir ki ou’n donn loportinite nou bann etidyan dan lekol, pou vin konman obzervater, bann sesyon Lasanble, sa i form parti their civic education, ler zot vin la apre zot retourn kot zot lekol zot annan bokou keksoz ki zot partaze avek lezot etidyan.

Nou pa konnen osi ki petet i annan parmi zot ki i ava vin en Onorab en Manm Lasanble so zot sa petet in konmans build up sa lentere.

So mersi.  Ankor enn fwa mon pe dir ou zot pe pran nou kote la sa ki nou dir education is the shared responsibility  – zot pe pran zot bout zot pe pran zot responsabilite partaze pou ledikasyon nou bann zanfan e nou tre rekonesan pou sa.  Mersi bann Manm Onorab depi yer ozordi – mon konnen nou pran bokou zot letan.  So mersi bokou pou zot sizesyon pou zot rekomandasyon e mersi pou gid nou lo sa prosesis Bidze pou 2019.  Mersi Mr Chair.  Mersi Onorab bann Onorab.

 

MR SPEAKER

Mersi Madanm Minis.  PS Thesee vitman lo sa size allowance or Mrs Monthy.

 

FCLINDA MONTHY

Mersi Mr Chair.  Allowance pou bann marmay pou professional centers ki enkli SMA, SBFA, SIAD zot ganny R1,800 par mwan e pou STA pou premye lannen i ganny R1,600 – 2enm R1,800 e 3enm lannen R2mil.  Pou SITE – Seychelles Institute Teachers Education premye lannen bann etidyan student upgrading li i ganny peye par Social Protection Agency i ganny R850 ; first year student i ganny peye R1, 500 – second year R2mil – third year R2,500mil mature student i ganny R6mil, apre in-service student zot retain zot saler zot pa ganny sa inducement allowance.

Bann etidyan ki sorti professional center ki sorti SITE avek ki sorti dan SALS zot ganny R2mil apre tou-le-z-an zot ganny increment R500.  Mersi Mr Chair.

 

MR SPEAKER

Mersi Mrs Monthy.  Bon nou ariv en moman pou nou pran en desizyon pou nou pran en vot lo Bidze pou Minister Ledikasyon pou 2019 sonm R825, 685milyon ki form par sa Schedule e ki trouve lo paz 352 ziska paz 367.  Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  21 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Minister Ledikasyon pou 2019 in ganny aprouve par Lasanble Nasyonal.

 

HON WAVEL RAMKALAWAN

Zis en pti pwen ki mon krwar nou bezwen met lanfaz lo la se sa size etranze ki pa dan ki pa pe travay ek Gouvernman, me ki pe travay dan prive, ki zot zanfan i pey ledikasyon e ki zot pa ganny li pou nanryen e ki Seselwa ki bezwen pey sa.  Mersi bokou.

 

MR SPEAKER

Mersi.  Minis in note mon krwar i en keksoz ki zot pou travay dan lo la.  Bon mon ti a zis kontan ganny gidans nou annan enn de Seksyon ankor ki anba Minister Ledikasyon.  Mon ti a kontan ganny gidans PS Thesee pou nou pran vot lo la.

 

SEYCHELLES QUALIFICATIONS AUTHORITY  (SQA)

 

PS DAMIEN THESEE

Mersi Mr Chair.  Paz 368 pou Seychelles Qualifications Authority pou en sonm R6, 786milyon.  Mersi.

 

MR SPEAKER

Bon nou pou pran en vot lo Bidze Seychelles Qualifications Authority  – SQA ki pou en sonm R6, 786milyon ki form par sa Schedule e i trouve lo paz 368 ziska paz 374.  Mon a demann tou Manm ki an faver Bidze pou SQA?  Okenn Manm ki kont?  Onorab Ferrari ou kont? Non? Ok. Madanm Deputy Clerk.

 

MADAM DEPUTY CLERK

Mersi Mr Chair.  21 Manm in vot an faver e personn kont.  Mersi.

 

MR SPEAKER

Mersi Madanm Deputy Clerk.  Savedir Bidze 2019 pou SQA in ganny aprouve par Lasanble Nasyonal.  PS.

 

INSTITUTE OF EARLY CHILDHOOD DEVELOPMENT (IECD)

 

PS DAMIEN THESEE

Mr Chair paz 375 Institute of Early Childhood Development pou en sonm R9, 13milyon.  Mersi.

 

MR SPEAKER

Mersi PS Thesee.  Bon nou ava pran en vot pou Institute of Early Childhood Development ki pou en sonm R9, 13milyon ki trouve lo paz 375 ziska 382 e i form par dan sa Schedule.  Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  20 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bon savedir Bidze pou Institute of Early Childhood Development 2019 in ganny aprouve par Lasanble Nasyonal.  PS.

 

TERTIARY EDUCATION COMMISSION

 

PS DAMIEN THESEE

Mersi Mr Chair.  Paz 383 pou Tertiary Education Commission pou en sonm R3, 484milyon.

 

MR SPEAKER

Mersi PS.  Bon nou pou pran en vot lo Bidze pou Tertiary Education Commission pou en sonm R3, 484milyon ki form par sa Schedule e i trouve lo paz 383 ziska paz 387.  Tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  20 Manm in vot an faver e personn kont.  Mersi.

 

MR SPEAKER

Mersi.  Savedir Bidze 2019 pou Tertiary Education Commission in ganny aprouve par Lasanble Nasyonal.  PS Thesee.

 

AGENCY FOR NATIONAL HUMAN RESOURCE DEVELOPMENT

 

PS DAMIEN THESEE

Mersi Mr Chair.  Finalman paz 388 Agency for National Human Resource Development pou en sonm R198, 709milyon.  Mersi.

 

MR SPEAKER

Mersi PS.  Bon nou pou pran en vot lo Bidze pou Lazans pou Devlopman Resours Imen National Human Resource Development sonm R198, 709milyon ki form par sa Schedule e i trouve lo paz 388 ziska paz 393.  Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mr Chair.  17 Manm in vot an faver e personn kont.  Mersi.

 

MR SPEAKER

Mersi Madanm Deputy Clerk.  Sa i vedir ki Bidze pou National Human Resource Development 2019 in ganny aprouve par Lasanble Nasyonal.  PS nou fini avek Minister Ledikasyon ok? Mersi PS.  Mon ti a zis kontan remersi Minis Madanm Jeanne Simeon, PS Decommarmond, PS Barallon, Madanm Monthy, Mr Belmont, Madanm Delcy e Ms Betsy. Mersi bokou zot in avek nou depi yer e nou ti ava eskiz zot parmi nou.

 

(MINISTER JEANNE SIMEON AND HER DELEGATION WAS EXCUSED FROM THE HOUSE)

 

HON JEAN-FRANCOIS FERRARI

Mr Speaker?

 

MR SPEAKER

Yes Onorab Ferrari mon ti anvi zis nou propoze ki nou pran en break la and then we go right through ziska 5.30 so that we don’t have interruptions.  Nou bwar en bon kafe byen for e nou vini nou fer sa travay.

 

MR SPEAKER

Mon konnen in long Minister.  Ok si zot dakor i annan en konsansis – napa problenm nou pran Break nou ava retournen 3.15 en.  Nou ava retournen 3.15 e eskize Minis nou pou break nou retournen 3.15 nou ava pran mon krwar Lazans pou Proteksyon Sosyal – yes Agency for Social Protection.  Nou repran travay 3.15.

 

 

(BREAK)

 

 

MR SPEAKER

Bon avan nou kontinyen nou travay Leader Lopozisyon Onorab Ramkalawan ti averti mwan en matter of privilege mon ava donn ou laparol Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon matter of privilege i konsern lenformasyon ki nou gannyen yer dan Lasanble Nasyonal avek CEO Planning Authority an relasyon avek Lodge lo zil Cosmoledo.  E i ti dir avek nou ki, i ti ganny an aplikasyon an Oktob e se la kot Planning Authority in pran desizyon.  Ou ava rapel Mr Speaker ki nou ti demann plizyer kestyon an relasyon avek sa.

Me mon santi ki poudir lenformasyon ki – pa mon santi – mon kapab konfirmen ki lenformasyon ki Mr Francois in donn nou sorti kot Planning Authority, i pa ti lenformasyon korek!  E alor nou Lasanble i merit ganny lenformasyon ki korek.

Mr Speaker le 2 Oktob enn bann dimoun ki ti pe travay lo sa Ecolodge ti fer sa stetment swivan ‘the Cosmoledo Ecolodge fully removable, placed in 2 weeks, no foundations comprising of cycle, containers, tents and incorporating washed up debris as features’.

Savedir le 2 Oktob ti fini ganny mete lo Cosmoledo.  Sa ki mon santi ki konman en Manm Lasanble – non selman mon privilez in ganny afekte, me mon osi santi ki privilez antye in afekte.  Akoz enn nou rol se pou nou ganny lenformasyon ki accurate.

E lo size Planning Authority sa ti en size serye, parske nou ti a pe fer distenksyon ant dimoun ki tarde ganny zot laplikasyon aprouve e bann lezot ki keksoz i pas lo en fast track.

Alor baze lo la Mr Speaker mon ti ava kontan, si Lasanble Nasyonal ti ava kapab demann Planning Authority en timeline lo tou laplikasyon, tou bann dat ki sa bann zafer laplikasyon ti ganny mete devan zot, pou ariv ziska kot zot ti donn occupancy permit.  Pou nou kapab konpar tousala e pou nou kapab met sa size to rest.

Akoz la pou le moman i kler poudir e ziska ki sa sityasyon i ganny vreman eklersi, ki Planning Authority avek IDC pa’n – avek IDC in travay dan en etrwat kolaborasyon, kot IDC in met son bann Ecolodge avan ki dapre Planning in ganny permisyon!  Zot in monte zot in met li e se apre ki permisyon in vini.  E sa i kont Lalwa!  I kont Lalwa  Planning parske ou devret ganny Planning permission avan ki ou fer sa bann keksoz.

Alors mon demande ki Planning Authority ti ava kapab donn nou sa proper timeline avek bann dokiman ki nou menm nou ava kapab regarde, pou nou kapab konfirm sa.  Akoz i en lenzistis pou nou konman Lasanble me osi konman en lenzistis pou lepep Seselwa.  Mersi bokou.

 

MR SPEAKER

Mersi Onorab Ramkalawan.  Bon nou pran kont demann ki’n sorti kot ou, e nou ava fer le neseser.  Nou ava ekrir Lotorite Planning pou nou ganny sa bann lenformasyon ki Lasanble pe rode.  Ok?  Madanm Deputy Clerk ou a note.  Bon nou ava PS nou pou pran eski nou pou pran zis Agency for Social ProtectionPS gid nou.

 

AGENCY FOR SOCIAL PROTECTION

 

PS DAMIEN THESEE

Mersi Mr Chair.  Nou a pran Lazans Proteksyon Sosyal premye apre a swiv avek Approved Benefits and programme of ASP.

 

MR SPEAKER

Alright.  Mersi.  Son Agency i konpri son administrasyon son travayer en?

 

PS DAMIEN THESEE

Wi.

 

MR SPEAKER

Mersi.  Bon mon ti a kontan dir en bonzour en welcome spesyal pou Minis Mitsy Larue Minis responsab pou Zafer Lafanmir ki osi responsab pour Lazans Proteksyon Sosyal.  Minis i ganny akonpannyen par CEO pou Lazans Proteksyon Sosyal Mr Marcus Simeon e son Financial Controller Madanm Lucy Lespoir.  Bonn apre midi e welcome parmi nou.  E lo kote finans nou touzour ganny lasistans Damien Thesee, Ms Vergees avek Miss Tamatave.  Bon nou kapab konmans avek Onorab Stephen Pillay.

 

HON STEPHEN PILLAY

Mersi Mr Speaker.  En pti klarifikasyon Mr Speaker nou pe koz zis lo Heading la nou pa pe al lo programme la epi nou ava al lo programme?

 

MR SPEAKER

Wi PS nou pou pran zis son administrasyon non?  Lazans?  PS Thesee.  PS.

 

PS DAMIEN THESEE

Mersi Mr Chair.  Son ladministrasyon paz 555 pou en sonm R35, 739milyon apre nou pou pran sa bann benefis lo pti37 ‘Benefits and Approved programmes of ASP ki dan en lot laliny.

 

MR SPEAKER

Ok savedir nou pou pran son Administrasyon avek son bann benefis. En?   Alright Onorab Pillay.

 

HON STEPHEN PILLAY

Mersi Mr Speaker.  Mr Speaker mon annan zis en pti kestyon lo administrasyon se lo sa P2.

 

MR SPEAKER

Bon mon konnen i pou annan over lapping, akoz nou pe koz lo Lazans – nou pe koz lo  servis ki pe ofer and all that, nou ava mon ava permet kestyon pou Administrasyon avek bann Benefis me selman nou pou pran 2 vot separe?  Alright nou ava fer li koumsa akoz si nou pou vwar ki letan nou repran lot kestyon ankor pou retourn plizoumwen similar.  Nou a fer li koumsa.  Onorab Pillay.

 

HON STEPHEN PILLAY

Konmsi nou demann tou kestyon ki lo …

 

MR SPEAKER

Wi si oule kestyon lo Administrasyon oule kestyon lo bann Benefis osi ou kapab anmenn ansanm me ler nou pou pran vot, vot pou separe.

 

HON STEPHEN PILLAY

Mersi Mr Speaker.  Mr Speaker premye kestyon sete P2 – SP2 pou sa bann training pou 11 anplwaye dan PSC paz 557, me dan ‘goods and services’ i R1.023million ; dan ‘goods and services’ pou SP2 mon vwar en logmantasyon R2.3milyon dan ‘goods and services’ – si i kapab donn nou en kontrandi lo la akoz konpansasyon li in mont par zis R711mil – (560) sa Mr Speaker.

Mr Speaker prezan lo ASP mon ti a kontan lo bann progranm detrwa pti kestyon, eski zot kapab dir nou sa Lasanble sirtou PS or en dimoun ki kapab sa Poverty Alleviation Programme ki ti konmans fer sorti State House pou al Family Affairs, mon pa pe vwar li dan Budget line konbyen i annan e kote i été?

Mon ti a kontan en pe leklersisman lo  Social Safety Net?  En pe lo Emergency Assistance Scheme pou R1.5milyon?

Vulnerable Home Repairs Scheme pou R10milyo ;n ki lenpak i annan lo sirtou bann pansyoner ki pe rod en pti loan  – pa loan en pti lasistans pou rekouver zot lakaz fer reparasyon?

E mon ti a kontan konnen konbyen bann Carers R240milyon, konbyen ki pe travay avek bann elderlies konbyen ki pe travay avek bann dimoun ki annan dezabilite konbyen zot pe gannyen konbyen ki annan pou sa de mon met li sa de seksyon?

Epi mon ti a kontan demann Minis panel kote larzan zot gannyen pou transfer pou fer bann Community Development-Based Projects lakaz ki zot fer pou nanryen e si zot re peye kote sa bann laliny i sorti pou sa bann sirtou lakaz ki zot pe fer pou dimoun – ki mannyer mon aprann i pou nanryen?  Mersi Mr Speaker.

 

MR SPEAKER

Mersi Onorab.  Mon a donn laparol Minis oubyen CEO.  Ok CEO.

 

CEO MARCUS SIMEON

Bonn apre midi Mr Chair.  Mersi pou ou kestyon Onorab.  Bonn apre midi tou dimoun ki a lekout.  Premye kestyon nou vwar pou sa R2.3milyon ogmantasyon dan ‘goods and services’ ladan R1milyon i en logmantasyon ki tonm anba progranm profesyonalizasyon pou home carer.

Sa R1milyon avan an 2017 ti dan Bidze social programmes e la rightly so Minister Finans in bouz li anba nou ‘goods and services,’ akoz i annan pou fer avek amaniman Lazans.

En lot R1milyon i annan pou fer avek progranm nou training pou bann staff kot ansanm avek partnership avek Liniversite Sesel, nou’n devlop en progranm training lo nivo Diplonm e Degre pou increase kapasite nou bann staff.  E sa in konmanse lafen Oktob la e pou kontinyen pou lot lannen pou ankor 2an.

E apre i annan en eleman ladan ki relye pou logmantasyon saler and so forth. Ok ?  I annan nouvo Scheme of Service ki’n ganny ki pe ganny enplimante.  Pou le moman i kot DPA for approval.  Apre i annan logmantasyon saler parey ou konnen Minister Finans sa 5poursan e tousala ok?  2enm progranm Lapovrete Alleviation sa mon ava kit avek Minis mon pa konnen si mon a kit la apre mon a kontinyen.

 

MR SPEAKER

Yes Minis.

 

MINISTER MITCY LARUE

Mersi CEO.  Bonzour tou Manm Onorab a lekout.  Progranm aviation i pa pou tonm anba la akoz i tonm anba Minister Family Affairs.  Se sa ki ou pa’n vwar li dan Bidze Lazans Proteksyon Sosyal.  Mersi.

 

MR SPEAKER

Wi Poverty Alleviation mon krwar nou ti fini deal avek sa. Nou ti deal avek ler nou ti pran Minister Zafer Lafanmir e SS Esparon ti la ok?  So nou ava pran CEO i ava kontinyen lo lezot kestyon.

 

CEO MARCUS SIMEON

Mersi Mr Chair.  Lo kote Safety Net i dan sa bout lo social programmes ki apel Social Safety Net li i en lasistans ki nou appel Means Testing savedir i en lasistans ki konpar larzan ki antre kot lakour against bann mezir ki anba Lalwa Lazans Proteksyon Sosyal. Me sa i en Lalwa ki defini ki sa bann nivo mezir ki i été.

I annan 5 mezir ki larzan i antre kot lakour i ganny konpare avek tel ki ; larzan ki bezwen pou manze, pou basic need en dimoun, larzan pou loan, expense ki ou pou loan e rent lakaz, day care and so forth.  

        I annan 5 sa bann tel mezir.  Alors sa ki sa lasistans i ale dan distrik i zwenn avek bann zofisye i annan en laplikasyon ki ganny fer kot zot anmenn zot bann detay nou konpar sa income ki’n ganny deklare avek sa bann lezot mezir.

I annan en entervansyon ki nou fer pou validate bann lenformasyon ki dimoun i donn nou ok?

Lo kote Housing Schemes dan nou vot i sa enn ki kouver ki ou vwar i appel pou Vulnerable Repair Scheme ki pou sa lannen i R10milyon. Ladan in ganny design pou ed bann dimoun ki vilnerab, ki pe viv dan sityasyon ki nou kapab dir en pe deplorab.

I annan en assessment ki ganny fer atraver sa ki nou appel en socio economic report, kot nou gete si vre sa bann dimoun pa kapab take up finansman sa bann reparasyon lo zot menm ; swa reparasyon oubyen i annan bann ka ki nou menm fer bann pti bedsitter pou bann dimoun.

E sa osi i tous lo sa kestyon ki ou’n poze sa community project pou vilnerab i ensel dan sa vot ki la ok?

Lo kote carers sa R240milyon i pe kouver – pou le moman nou annan nou 3576 carers an tou ok?  Ki pe travay avek apepre 3891 resipyan.  Resipyan i pli bokou, akoz i en landrwa i annan lakour ki annan 2 dimoun parey en koup ki annan zis en carer ki atase avek zot.  Sa i normal akoz ou pa kapab met 2 carer dan en sel lakour.

Pou breakdown sa ki annan dezabilite sa ki bann pansyoner sa mon kapab provide Lasanble apre, me selman sa ki mon kapab dir lamazorite nou bann carers pe travay ek bann dimoun ki aze.  Mersi Mr Chair.

 

MR SPEAKER

Mersi CEO.  Yes Onorab Pillay.

 

HON STEPHEN PILLAY

Mr Speaker.  CEO pa’n reponn mon kestyon zafer bann lakaz ki ganny fer anba ASP ; si i ti kapab dir nou konbyen lakaz fer anba ASP pou 2018?  Konbyen i pe estimate pou li depanse pou fer en lakaz 2019?  E parey mon pe dir sa bann transfer of funds ki ASP i transfer sorti anba son Budget allocation, pou al dan Community-Based Project lakaz la mon pe gete en extension of bedroom se sa ki mon pe rode konbyen lakaz ek bann ekstra pe fer pou konbyen pe depanse pou sa konbyen lakaz ki zot pe fer?  Mersi.  Si i pou nanryen osi Mr Speaker?

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab pou ou kestyon.  Sa progranm renovasyon bann Home Repair Scheme tousala i kouver anba la.  e li in konmanse depi 2016 ok?

An 2016 nou ti depans nou R17.9milyon –

2017 – R22.15milyon e 2018 ziska la nou depans nou R14.1milyon.

An 2016 nou ti travay lo 185 proze – 2017 258 proze e les 2018 – 257 prozes nou pe travay lo la, ok?

In terms of bann proze parey la pou 2018 dan sa 257 ki nou annan lo latab devan nou, nou’n aprouv 36 i ongoing pou le moman ok?

47 in fini konplete e dan dernyen quarter nou annan sa gro batch ki swiv sa survey ki lofis Lapovrete pe fer, pou nou validate e sa 174 proze lakour an tou ; i enkli parey mon dir pou renovate, refer oubyen built a new lakaz.

Progranm transfer pou kot nou dir pou fer ramp, nou fer proze kominoter Local Government i annan son proze distrik li en?  Me selman parey ou konnen nou pa kapab fer bann proze endividyel bann proze endividyel ki annan en retonbe sosyal, ki annan en retonbe lapovrete avek sa i tonm kot Lazans par egzanp ler i annan en pansyoner ki bezwen en ramp pou al kot li pou rezon medikal ; par egzanp i pa kapab ganny lanbilans pa kapab ariv kot li, oubyen i annan difikilte pou sa, sa osi i en pti proze ki cater pou nou i annan lezot fon osi ki azour ladan parey Dezabilite Trust Fund eksetera, i ganny servi pou sa, i pa zis neseserman Lazans Proteksyon Sosyal.  Mersi.

 

MR SPEAKER

Mersi CEO.  Onorab i annan kestyon ki pa’n ganny reponn Onorab Pillay.  Ale.

 

HON STEPHEN PILLAY

Wi Mr Speaker.  CEO pe dir sa Vulnerable Repair Scheme pou repar lakaz bann vilnerab fer en pti extension ok ki mon pe dir pe fer lakaz antye oubyen lakaz antye konbyen in kout zot akoz Mr Speaker sa ki pe fer anba Emergency Scheme avek sa la i pe duplicate ki nou fek vwar MHILT ti annan R20milyon anba Social Housing Poverty Alleviation, so ki mannyer zot pe duplicate zafer si i pou pa anba Social Housing Poverty Alleviation, lakaz kekfwa i devret akoz i annan de duplication la.  Nou pa pe konnen konbyen lakaz pe fer pou nanryen e mon ti a kontan si i pas kot nou MNA Regional Council ki vet or verifye si vre i deserving mon pa mind sa bann zafer, be selman konbyen lakaz nou pe fer konbyen pe koute me mon vwar R20milyon anba MHILT e li i pe pran R10milyon – konmsi enpe plis detay lo la sa bann lakaz pou nanryen konmsi ki deserving si i pou vin kot nou oubyen Council pou vet or verifye.  Mersi Mr Speaker.

 

MR SPEAKER

Mersi Minis.

 

MINISTER MITCY LARUE

Mersi Mr Chair.  Mr Chair lo kote kot nou, nou pa fer lakaz antye ok?  Nou pa fer nou pa vini fer en lakaz pou bann dimoun me nou plito bann akoz Poverty Alleviation i annan sa survey ki i pe fer lo nivo lapovrete prezan dan zot survey zot kapab idantifye bann dimoun ki trouve dan lapovrete o nivo lenfrastriktir kot zot pe reste ok?   E se sa bann cases ki nou anba ASP ki nou deal avek.

Me sa osi i en travay ki ganny fer ansanm avek Local Government ; i annan en Komite an plas kot i travay lo sa pou vwar ki mannyer travay pou ganny fer.  E letan i annan serten dimoun osi ki annan serten dezabilite osi ler bann vizit i ganny fer zot vwar poudir petet sa dimoun i pa kapab antre kot li pou tel rezon ki akse pa available, la osi sa bann keksoz i antre e nou kapab antre pou fer.  Me kot i konsern pou fer en lakaz sa i al anba MLUH – MIHLT ki mannyer nou apel li.  So i annan sa diferans ant ASP avek Minister.

 

MR SPEAKER

Mersi Minis.  Onorab Aglae.

 

HON EGBERT AGLAE

Mersi Mr Chair.  Bonn apre midi Minis avek ou CEO.  Minis ouswa PS mon premye kestyon kot i konsern programme 3Burial Services’ i annan 10milyon ki’n ganny mete pou lannen 2019 – premyerman mon ti a kontan konnen si sa problenm kot i konsern lamenazman simityer anvi sa kontrent teren in kapab rezourd sirtou parey lo kote Port Glaud nou konnen simityer in plen, eski konsiltasyon ek MIHLT laba i pou ganny teren adisyonnel ouswa zot pe sanz en pe zot fason fer kot i konsern Burial Services?

Dezyenmman kot i konsern bann weights ki ASP i servi, an vi ki la tou resaman osi la bann PUC fer monte son bill nou konnen poudir i annan bann rental osi ki monte pri lavi in ogmante, e mon ti a kontan konnen si lavenir zot pe al review ankor bann weights ki zot servi pou fer bann kalkilasyon?

Kot i konsern Scheme of Service pou zot bann staff bann welfare officer, eski zot pou al get en kou dan welfare sa bann dimoun?  Akoz sa bann dimoun i fer en bon pe travay mon ti a kontan konnen si zot pou vwar zot osi ganny en pti logmantasyon dan zot en nouvo Scheme pou zot kapab benefisye zot osi?

E dernyerman kot i konsern bann challenges ki zot pe fer fas avek sirtou kot i konsern home carer parey ou’n nonmen taler, eski zot pe met an plas la anvi ki nou pe al donn zot en Bidze pou annan en pli bon oversight, ki i ava napa okenn labi e kot serten larzan ki pe ganny mete anba sa Scheme, i kapab ganny servi byen, ouswa si zot kapab petet pou koupe parey zot pe dir pou kapab fer sa progranm vin en pti pe pli soutenab lavenir?  Mersi.

 

MR SPEAKER

Mersi Onorab Aglae.  Minis.

 

MINISTER MITCY LARUE

Mersi Onorab.  Mersi Mr Chair.  Mon ti a kontan pran premye pwen ki ou’n aborde lo kestyon Burial Services.  Nou deza annan en travay ki nou pe fer avek Minister konsernen pou regard en pti pe kote – kote nou annan later pou nou kapab akoz nou pe vwar poudir lamazorite bann simityer pe plen nou bezwen en travay avek zot si i annan later.

Me an menm tan osi nou annan en nou pe prepar en plan kominikasyon ki mannyer nou kapab kominik avek dimoun edik dimoun osi lo lavnir pou nou aret antere si nou napa ase simityer ki mannyer nou servi plis pou bril lekor – en pti pe – edik dimoun lo la osi.

Apre dezyenmman lo kestyon Burial Services osi, nou pe regarde nou pe fer en travay nou pe zwenn ek nou bann partners pou nou regarde, ki mannyer nou pou fer sa servis en pti pe pli efikas.  Akoz nou vwar nou annan en kantite mankman.  Ozordi i tonm anba nou ki premyerman mon pa tro krwar i ti devret pe tonm anba Lazans Proteksyon Sosyal.

Petet ankor i annan en travay ki’n ganny fer nou ankor pe konsilte pou nou vwar ki kalite servis nou pou anmennen?  Ki mannyer nou pou fer li?  Si nou pou outsource si nou pa pou outsource ki mannyer nou pou fer li.  Nou pe travay lo la ansanm ek bann partners e once ki sa i finalize nou pou anmenn kot Cabinet pou laprouvasyon, apre nou ava anmenn lenformasyon o nivo piblik ki mannyer nou pou revwar sistenm Burial Services pou lannen 2019.  Mersi.

 

MR SPEAKER

Mersi Minis.  CEO. 

 

CEO MARCUS SIMEON

Ok mersi Mr Chair.  Mon a take sa kestyon Scheme of Service pou bann staff. Wi sa i en keksoz en Scheme nou’n devlope e nou ganny finansman dan Bidze pou lot lannen.  E nou pe zis esper sa finans sa staz final avek DPA.  E an gro i pou annan en logmantasyon bann staff vwar dan zot package lot lannen, me sa i mars ek sa ledikasyon ki nou bann staff osi.

Zot bezwen – nou pe sanz lafason ki nou travay kot nou la en Lazans ki esper dimoun vin kot nou, nou bezwen al plis towards dimoun.  E sa Scheme la i pe al dan sa laliny ki la kot nou pe vwar dan plas parey ou’n vwar dan challenge  nou’n mete se ki nou en sistenm ki ouver.  Alor i fer difikilte pou annan pou nou kapab mannye Bidze.

Akoz ozordi nou pa konnen si 1000 dimoun ki pou antre, pou fer laplikasyon. Demen i kapab annan zis 2 demen i kapab annan 3000 – so i fer en konplikasyon lo kote bidzeter.

Me dan plas kot ler nou sistenm in vin enp e pli rizid – pa rizid me ou pe al anver dimoun, ou pe fini konnen lekel bann dimoun ki annan deor ki dan pli bezwen, then ou kapab planifye pli byen dan sa laliny.  So sa Scheme pe al dan sa l laliny ki sa pou fer sir ki staff i pa zis reste swa dan lofis oubyen dan biro Ladministrasyon Distrik i esper dimoun vini, me al plis ver dimoun e konpran pli byen sityasyon dimoun osi tou deor.  Mersi.

 

MR SPEAKER

Mersi CEO.  Minis.

 

MINISTER MITCY LARUE

Mersi Mr Chair.  Prezan mon ava pran en pti pe lo challenges lo kote home care – home carer parey ou’n mansyonnen kot si nou pou annan en sistenm oversight monitor bann carers lo teren.  Mon krwar nou fer serten travay ziska ozordi pou nou vwar en pti pe sityasyon carer o nivo nou pei ; kantite carer nou annan nou deza konnen kantite carers ki travay full day kantite ki travay half day eksetera, konbyen fanmir ki pe travay ek fanmir.  Tousala i bann travay ki nou’n fer.

E sa lannen nou pe fer bokou travay pou nou anmas levidans – anmas en pti pe plis ganny plis data pou nou kapab fer bann desizyon pli targete pli enformen.  E definitivman o nivo sistenm Lazans la, nou pou annan dimoun an plis ki nou pou bezwen met pas al lo teren pou monitor en pti pe sirvey en pti pe bann travay ki bann carers pe fer.

E pli gro travay se ki nou pe train nou bann carer.  En bon pe travay in ganny fer sa lannen kot nou train carers e nou pe kontinyelman fer sa travay lannen prosenn pou nou donn zot skills neseser, pou zot kapab fer en travay pli profesyonnel e anmenn sa kalite standar dan servis ki zot pe donn bann dimoun aze.

Akoz ozordi bann dimoun ki pe ganny carer, i annan diferan kalite impairment alor nou bezwen fer sir ki zot bann carer i ganny sa bann skills neseser pou zot kapab deal avek sa bann kalite dimoun ki zot pe deal avek.

Me an menm tan nou pou fer sir ki dan sa travay ki nou pe fer nou fer Komite mon ti vin prezant sa Aging Policy isi dan Lasanble pou nou vwar en pti pe ki bann challenges nou annan ; ki bann keksoz ki nou bezwen fer ; ki bann reform petet nou bezwen anmennen, pou nou kapab soutenir sa servis ki nou pe donnen.

Me tout an prenan kont ki nou ava tir labi dan sistenm, me nou pa kapab konpromi servis ki nou pe bezwen donn nou bann dimoun ki bezwen sa servis.

Alor sa i en travay ki’n ganny fer in ganny etale – nou pe fer en kantite travay lo la en kantite konsiltasyon e la byento nou preski finaliz en bon nou bann travay, ki nou pou anmenn kot Cabinet pou laprouvasyon – nou  Plan Stratezik ki mannyer nou communication plan – ki mannyer nou pou bouz ..

From ler nou fini fer sa prezan nou pou bouz fer bann konsiltasyon avek lapopilasyon pou zot konnen kwa ki nou le anmennen e ganny zot pwennvi. E once ou’n ganny zot pwennvi prezan, revwar sa ki nou dir e anmenn en dokiman final kot Cabinet pou laprouvasyon pou reform kot i neseser kot i bezwen ganny reform.

Me tou sa bann keksoz ler nou pou fer nou pou fer li byensir an konsiltasyon, san konpromi okenn servis kot dimoun ki bezwen sa servis pa pou kapab dir be mon’n ganny kit ater.

E dezyenmman nou pe osi travay parey ou dir nou pe train nou bann travayer osi akoz nou santi nou bann travayer i bezwen pe ganny plis – annan en pe plis konpasyon i annan fason ki zot bezwen koz avek dimoun, e al plis lo teren – plis lo teren e konpran sityasyon lo teren.

Akoz si nou reste zis dan nou lofis i zis ki nou pe fer lo papye ou annan sa ou konnen i pa parey –  tro artifisyel.  Nou anvi ki nou dimoun i bouze i fer li pli lo en baz pli imaniter vwar vreman sityasyon ed dimoun dapre zot bezwen!  Sa reform e nou sir ki lannen prosenn an 2019 nou kapab bouz en pti pe lo sa bann keksoz ki nou pe fer ozordi ki kapab anmenn en soutenabilité dan sa Bidze.  Mersi.

 

MR SPEAKER

Mersi Minis.  Onorab Aglae.

 

HON EGBERT AGLAE

Yes i annan en parti ki konsern bann weights – mon pe demande mon ti demande si i pou annan okenn revizyon weights anvi ki la nou konnen PUC son bill in monte.  Me mon ti a profite osi mon ti a demann en siplemanter Minis anvi ki nou konnen lakantite carer ki annan 3500 plis ki 3500 e sa travay i pa en travay fasil, pou ou carer avek en dimoun – ki ti ava annan en lazournen ki nou ti a dedye pou bann carer osi ki zot kapab ganny rekonnet pou zot travay ki zot pe fer.  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Onorab.  Onorab dan nou plan kot nou pe revwar tousala.  Nou pe pran kont welfare nou bann carers.  Akoz nou carers i annan ki pe fer en bon travay – tre bon travay ou konpran? Me i annan osi ki ou bezwen donn zot sa bann skills neseser e prepar zot pou fer en pli bon travay.  

        So nou pou pran kont tou ankor nou pe regarde ozordi si ou pe regard bann carers zot pe ganny zot bann zot saler le mwan – zot ganny 13enm Mwan Saler – zot ganny zot konze me selman zot pa ankor nou pa ankor formaliz sa konmans en lanplwa formel.  Ou konpran?

Alors sa osi i en travay ki nou pe fer dan sa reform, ki pou antre sa osi kot zot a kapab ganny lezot benefis ki mannyer nou pou met sa ki mannyer nou pou fer ankor sa i vin dan sa plan ki nou pou anmenn devan pou laprouvasyon.

Epi nou pou vin devan Lasanble osi, pou anmenn devan zot pou dir zot la i la ki mannyer nou pou fer keksoz ok.  E bann carer pe deza ganny diskisyon zot osi serten travay pe ganny fer pou zot akoz zot osi zot pe rode zot pe rod diferan keksoz ki byensir i zot dwa konman en travayer pou zot rode, me nou, nou bezwen pran kont tou sa bann pwen e anmenn ansanm pou nou kapab fer sa vreman sa reform ki tous tou dimoun me i fer li byen kot personn pa ganny kit ater dan diferan fason.  Mersi.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Chair.  Bonn apre midi Minis.  Sorry mon kestyon i konm swivan ; i annan enn Onorab Aglae in fini demande an regardan bann home carers kot i konsern monitoring.

Mon 2enm kestyon i en mon deza demann sa oparavan pandan lannen kot i konsern bann carers ki travay avek plis ki en dimoun  -si dan sa Bidze ki pe vini zot pe reviz sa zot pe dir bann carers ki travay avek 2 dimoun pou ganny konmsi en pli meyer Scheme ; par lefe ki zot louvraz i en pti pe pli bokou?  E mon 2enm kestyon i kot i konsern progranm 3 ki annan pou fer avek ‘Burial Services’ ki ‘perform in state cemeteries i osi to ensure that the cemetery ground are well maintained. ‘ Ou’n mansyonn ki anba ‘current challenges’ poudir i annan en problenm pou Burial Services lo Praslin kekfwa Minis i kapab donn en pti pe leklersisman lo la.

Me  an menm tan mon annan konsern regardan 2 simityer Grand Anse Praslin sa i simityer Nouvelle Decouverte ki in ariv at full capacity ki i konmans napa lespas – mon krwar in ariv the end of son lifespan e mon kestyon i ki ou Minister pou fer pou allocate pou ganny en lot landrwa kot nou kapab gannyen lo Praslin – Grand Anse pou nou bury nou bann deceased?

Mon 2enm kestyon osi i ankor pou fer avek simityer sa simityer Grand Anse sa enn ki mont par deryer Shell Grand Anse Praslin, i annan en simityer anler ki son leta i pa pe vreman ganny byen maintain ; annefe in vin en landrwa kot bann addicts i servi e i vreman dan en letan ase i pa vreman dan en bon leta alor ki zot pou fer pou sort out sa de simityer Nouvelle Decouverte avek sa enn an montan par deryer Shell Grand Anse Praslin?  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Chair.  Kot i konsern en carer travay avek 2 dimoun – mon krwar mon vin 2 fwa ou 3 fwa mon reponn dan Lasanble poudir en dimoun pa kapab ganny 2 saler pou li travay – menm dimoun pou li travay avek 2 dimoun dan fanmir pou ganny li 2 saler.  Nou pa kapab e sa osi petet regarde ki mannyer sa pou vini.  Sa osi i a antre dan sa reform ki nou pe travay lo la.

Dezyenmman ; Burial Services osi mon fek reponn kestyon kot mon dir poudir nou pe revwar li dan son totalite la i enkli Praslin Mahe osi antye, kot avek MLUH lo kestyon later.  Apre lo servis ki nou pe donnen ki mon personnelman mon pa satisfe i annan en kantite improvement ki nou bezwen fer.  Alor tousala i pou antre dan sa travay ki nou pe fer pou nou amelyor servis.  Mersi.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Zis pou fer resorti en pti keksoz, ki kekfwa mon pe demann Minis pou get sa lo kote Praslin sirtou Grand Anse lo sa simityer Nouvelle Decouverte si kapab get avek en pe plis urgency ; par lefe ki non selman parey mon pe dir napa lespas pou anter nou bann mor, me osi i annan konsern sa landrwa li menm pou akse avek sa simityer, in konmans ganny en bann gomon pe pouse.  I annan dimoun mon vwar avek mon lizye ler i pe sey monte in tonbe, akoz leta sa simityer i vreman deplorab me something must be done o pli vit posib pou rezourd sa bann problenm.  Mersi.

 

MR SPEAKER

Mersi Onorab.  Minis.

 

MINISTER M MITCY LARUE

Ok nou not ou pwen pou kapab fer serten keksoz pandan ki nou pe fer reform.  Mersi.

 

MR SPEAKER

Mersi Minis.  Onorab Noline Sophola.

 

HON NOLINE SOPHOLA

Mersi Mr Chair.  Bonn apre midi Minis ek ou lekip.  Minis mon krwar sa zafer carer ki pe travay avek 2 dimoun pou en sel saler – mwan osi ti enn mon kestyon e i montre ki i vedir fodre nou fer en keksoz lo la.

Mon premye kestyon Minis se ki bann dimoun aze pe rankontre problenm ler ki zot pe apply pou en carer  -sirtou full time.  E ler mon’n rode mon rod serten leksplikasyon mon ganny dir ki lafason ki bartel in ganny formile.  Eski zot in fer provizyon petet pou revwar ou si sa in deza vin en konsern kot zot?  E 2enm mon le en pwen klarifikasyon – i annan en spekilasyon ki dir si en dimoun i annan laz 60an i pa kalifye pou li apply konman en carer?  Mersi.

 

MR SPEAKER

Mersi Onorab.  CEO.  Minis.

 

MINISTER MITCY LARUE

Mersi.  Mon krwar mon ava pou 2 dimoun travay parey nou pe regard li dan son totalite letan nou pe regard sa lo sa reform pou carers.  E laplikasyon pou full time carer kot i konsern bartel sa osi letan nou pe regard sa bartel ki Minister Lasante – akoz bartel se Minister Lasante ki vizit bann dimoun kot zot epi zot regard sa bartel e zot antre accordingly e zot donn serten pwen.  E mon ava les CEO donn en pti pe plis leksplikasyon lo la, me selman definitivman li osi i pe antre dan bann konsiltasyon ki nou pe fer e i osi annan en travay ki nou pe fer avek mon krwar personnelman letan nou pe regard sa bartel i demann en pti pe plis kriter i bezwen en pe pli ouver regard en pe plis ki nou pe mezire letan nou pe assess sa bann  vye dimoun. So mon a les CEO eksplik osi lo kestyon laz 60an i ava donn ou en pe plis leksplikasyon lo la.  Mersi Mr Chair.

 

MR SPEAKER

Mersi Minis.  CEO.

 

CEO MARCUS SIMEON

Mersi Mr Chair.  Mersi Onorab pou ou kestyon.  Onorab zis pou lenformasyon parey ou konnen Minis in repete lasistans carer i pas dan 2 prosedir.

1 – en dimoun i bezwen kalifye atraver en lasistans medikal ki  Minister Lasante i fer.

E 2 i vin kot Lazans pou means test pou gete konbyen Gouvernman pou peye atraver pou donn sa servis ok?  So pou le moman kestyon i baze lo sa bout assessment medikal kot dimoun pe pri lo la.  Nou an konversasyon direk avek  Mister Lasante pou gete mannyer nou kapab reviz sa oubyen fer sir ki i pe ganny fer byen.

Parey nenport ki, bartel i en zouti, so mannyer ou servi en zouti barter baze lo sa dimoun ki pe servi li?  I annan landrwa ki i marse byen i annan landrwa i pa tro marse.

E alors Minister Lasante ansanm ek nou, nou pe konman en partner, zot pe ale pou fer sir ki tou nou bann dimoun ki pare pou fer sa bann zouti bartel form, ki enkli bann ners apre osi bann allied health officials pou ki ler zot pe fer sa bann evalyasyon, zot pe fer li byen pou fer sir ki sa rezilta ki i donnen i donn en rezilta ki meet needs, sa dimoun ki i pran an kont vre needs sa dimoun.  Apre osi tou bartel i en zouti ki asses sa ki nou appel ‘activities of daily living.’ Sa dimoun i kapab leve, kwi manze, bennyen and so forth. So sa i enn.

Dezyenmman lo kote laz ; pou le moman dan Scheme Carer i napa en limit lo laz.  Of course nou dir sa bann staff ki evalye si en dimoun i kapab travay, oubyen pa kapab travay konman en carer,  zot bezwen evalye sa dimoun. Ou pa kapab en dimoun aze, oubyen en dimoun ki annan dezabilite, oubyen sa ki ler ou get li ou pa pou kapab fer sa louvraz.  Me si en dimoun i ankor for i annan lafors pou travay, then of course nou pran li.  Me tousala an gro i pe antre dan sa progranm reform an zeneral carer, pou fer sir ki tousala i ganny ekri byen an black and white, pou get sa case.  Akoz ozordi en staff dan en distrik i dir nou en keksoz dan en lot landrwa i pe dir en lot, kan Polisi dir kler lo la mannyer i été.  Mersi.

 

MR SPEAKER

Mersi CEO.  Onorab Esparon.

 

HON REGINA ESPARON

Mersi Mr Chair.  Mr Chair mon ti a kontan retourn ankor en kou lo sa zafer Vulnerable Repair Scheme – pou mwan demann avek CEO ki bann kriter ki ganny servi?  Ou annan ou 2 dimoun ki ganny sekirite sosyal zot fiy i zot carer zot pa ganny kalifye anba sa Vulnerable Repair Scheme.

Mon pa konnen si mon pe konfize akoz i annan tro bokou Scheme – parske i annan sa enn ki ou kapab apply pou R100mil pou bann dimoun ki – Mon pa konnen si i 2 keksoz sa zis eklersi mon lo la?

Dezyenmman mon vwar anba ‘current challenges’ lo paz 555 i annan ‘Home Care Scheme is inefficient and open to abuse’ mon ti a kontan demann avek CEO kwa ki annan dan sa Bidze pou anploy plis supervisor pou kapab supervise bann carer e pou fer sir ki zot pe delivre en bon servis?  Mon dernyen pwen CEO mon annan en dimoun i dir mon, mon ti a voudre demann avek Mr Simeon kan ki bann carer pou ganny backpay pou zot bout larzan akoz sipoze pe ganny peye R6,493mil e Gouvernman pe pey zot zis R5,770mil e in anvoy sa en latab Schedule pou mwan zot pe travay zot 45erdtan par zour par semenn R33.30 i sipoze tonm R6,493mil e akoz ki zot pe ganny zot R5,770mil en pti leksplikasyon silvouple?  Mersi.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab pou ou kestyon.  Pou premye i annan de keksoz ki ou’n nonmen sa loan R100mil sa i anba HFC sa i anba 0percent interest loan ki en fasilite ki anba Housing Finance Company ok?  I en subsidize loan kekfwa PS Finans i kapab eksplik en pe plis lo la apre.  Apre kot nou i annan sa enn ki nou assess pou gete si en dimoun en vilnerab aze oubyen en dimoun ki annan en dezabilite oubyen en dan en sirkonstans vreman dire i pa kapab raise finance – be it atraver sa loan ki ou’n nonmen oubyen atraver bann lezot sours finansman ki i annan e Gouvernman i antre.  E mannyer nou assess sa, se ki nou fer sa ki nou appel e socio economic report kot nou pran tou kondisyon dan sa lakour nou get tou depans ki zot fer tou income ki antre e ou evalye menm en pe menm prensip parey lasistans welfare kot i gete si sa dimoun i annan dekwa si i ti kapab cater pou repeyman en loan apre.

E once ki in fini fer sa evalyasyon i pa zis kot mwan in evalye wi i kapab wi i pa kapab apre sa i al lo en Komite ki apel en Vetting Committee kot i annan stakeholders kot different sorti dan diferan Lazans – Minister Finans, Local Government, Social enkli kot Lazans Proteksyon Sosyal kot zot tou sa bann dimoun i pas lo sa file i gete si vre si sa bann keksoz ki lo la i fer sans e si vre sa i en sityasyon ki bezwen ganny asiste.

So i pa zis en lorganizasyon ki pe apros sa bann case,  me i en multi sectoral approach.  E bokou nou bann proze i konmans from distrik.  Savedir i en ganny notifikasyon par DA la i monte atraver Local Government i vin kot nou fer assessment pou gete si i kapab afford oubyen non me si non si wi i al lo vetting i retournen.

Menm si non osi sa DA i ganny sans vin lo vetting pou eksplike poudir DA nou vwar sa me ou pe dir sa eksplik ou ka.  Apre i annan en lot laliny ankor ki pe antre la avek sa bann survey Lofis Lapovrete pe fer kot zot pe idantifye bann dimoun ki pe ki DA kekfwa in kapab manke oubyen distrik in kapab manke e tousala pe antre nou pe fer assessment lo la.

Lo lot kote ou’n nonm sa bann carers lo issue zot saler bann carers i ganny peye anba en Scheme e sa Scheme ti ganny set lo sa nivo saler ki i été la.  Avek sa reform ki anliny la zot pou ganny antre proposal se ki nou anvi zot antre dan en lankadreman lanplwa pou le moman zot pa anmenn sa devan Lanplwa.  So en saler ki’n ganny fikse pou anba en Scheme demen ler reform i pase e ultimate goal is ki zot vin en employee la aprezan zot ava ganny tou sa bann benefis ki vin atraver en ki en anplwayer i gannyen.  Mersi.

 

MR SPEAKER

Mersi CEO.  Onorab Esparon.

 

HON REGINA ESPARON

Mersi Mr Chair.  Mr Chair mon ti a kontan retourn lo CEO.  Lo son larepons.  CEO 2 dimoun ki ganny sekirite dan en lakaz zot pa pov zot sa 2 dimoun i pa pov i pa lapovrete zot zanfan i carer avek zot, zot vin kot anba sa Scheme zot pa ganny aprouve. Zot al kot MLUH lot difikilte ki zot fer fas avek se ki en dimoun ki carer pa kapab garanter en loan, e li menm li i pa kapab pran en loan avek labank.  Sa i en difikilte ki bann carers i fer fas avek.  Ki nou fer pou rezourd sa?  Mersi.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab.  Onorab sa i vre en keksoz ki nou fer fas avek lo kote ASP se kot i annan bann carers i vini i dir nou la HFC i ferm laport, i nepli pa pe kapab apply pou loan. Me selman sa i Polisi lo kote HFC pa tro  kont mwan.   Kontrer mon ki santi enpe lefe sa bann Polisi – sa travay mannyer HFC pe ale, me nou pe travay avek zot pou gete lo ki fason.  Demen ler carer i vin fully pofessionalised zot ganny anploye then sityasyon i ava sanze.  Mersi.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

Mersi Mr Chair.  Bonn apre midi Minis avek CEO.  Vi ki Minis in fini reponn kestyon lo bann simityer ki’n saturate, mon pou al demann mon 2enm kestyon dernyen fwa ti annan bann travayer simityer Baie Ste Anne ti pe netwaye, ti ariv en lensidan kot pye dibwa ti kraz bann latonm,  mon ti le zis konnen si ti annan serten diskisyon ki pe ganny pranm pou rektifye sa vi ki sa in ariv ler sa bann travayer ti pe netwaye simityer?  Mersi.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab.  Wi nou okouran sa bann lensidan.  Staff in monte nou fer nou mye pou fer sir ki ler in gete ki tou sa bann debri ki ti la in ganny retire, e sa i tonm dan kad reform osi ki en staz vreman avanse lo kote Burial Services.  Akoz nou pe vwar i annan en issue sipervizyon ki tonbe lo kote Praslin.  Bann sityasyon pa ti devret arive in the first place – bann pye dibwa pa ti devret ariv sa grander. Onorab oparavan in mansyonn Grand Anse kot sityasyon i enpe agrave.  So i annan en desizyon nou pe lyez ek bann partners hopfully by January si non pa lafen Desanm, nou kapab prezant nou papye devan Cabinet mannyer pou move forward lo la.

 

MR SPEAKER

Mersi CEO.  Minis.

 

MINISTER MITCY LARUE

Petet mon ti a kontan azoute Onorab i paret Mr Chair – wi ler sa lensidan ti arive i ti malere ki mannyer keksoz in ganny fer pa ti byen.  Pa ti’n progranm koumsa – ti’n progranm pou kapab aranz sa pye  fer li prop landrwa. Me unfortunately in ganny malfer, me selman aparaman nou ti sey rezourd da problenm kot bann zofisye ki ansarz Burial Services, ti rankontre zot in lyez avek bann dimoun ki ti annan serten problenm avek zot latonm ki’n rektifye.  Me si par egzanp i annan serten dimoun ki krwar li son case pa’n ganny rektifye, i devret pe raport avek nou pou nou konnen.  Me selman nou fer le neseser pou kapab sort out problenm.  Mersi.

 

MR SPEAKER

Mersi Minis.  Onorab Francois Adelaide.

 

HON FRANCOIS ADELAIDE

Mersi Mr Chair.  Kestyon pou panel – dabor mersi CEO pou sa bon lantant ki nou annan sa lannen.  Fotespere nou kontinyen lannen prosenn.  Mon premye kestyon se lo kote Baie Lazare – sirtou lo kote sa bann dimoun ki al rod lasistans.  Nou annan en mankman lo staff ki zot krwar zot bezwen al Takamaka, so mon ti a kontan petet CEO ou donn nou en parol lo la.  Akoz zot sa bann dimoun zot menm zot dan problenm sosyal bezwen pey ankor bis pou al Takamaka esper bis pou tournen, mon krwar nou ti kapab aranz en pti gin lo la.

Mon 2enm pti pwen mon kontan ler Minis in dir nou poudir zot pe aranz sa lantant ant bann dimoun avek zot bann staff. E mon krwar i en keksoz ki manke vreman akoz detrwa fwa ler mon fer bann laplikasyon pou bann staff, bann staff in dir mon poudir zot in mal ganny trete, akoz zot pe rod lasistans – zot ganny gete konman bann dernyen klas dimoun.

E zot pa trouve poudir zot pe ganny trete avek valer avek dinyite.  So mon ti a kontan Minis ou donn mon en timeline kan nou espekte ki nou pou annan e nou pou trouve ki nou pou aret ganny konplent, ki sa bann dimoun i tant pou maltret sa bann aplikan ki pe rod lasistans welfare?

Apre Minis petet ou kapab dir mon enkou lo kote Burial Services ou konnen sa parler i tonm lo MNA, i annan fanmir ki ler zot desede petet zot napa preski ditou nanryen e souvandfwa zot tap laport MNA pou ede nou ede mannyer nou kapab, me selman pa tou kou ki nou kapab.  Eski i annan en fasilite fast track? Parey pou petet ou kapab dir nou ki bann dernyen benefis ki en desede i gannyen kot Sosyal silvouple?  Mersi.

 

MR SPEAKER

Mersi Onorab.  Mon pa konnen si ler ou’n desede ou still pe tous benefis me CEO.  (laughter)CEO.

 

CEO MARCUS SIMEON

Mersi Mr Chair.  Mersi Onorab.  Wi parey nenport ki lorganizasyon nou fer fas bokou avek –  ennler i annan mankman staff ennler i annan staff ki dan konze oubyen pou en rezon ou pou enlot e i zwe bokou lo ki mannyer nou kapab delivre servis o nivo distrik. Me ki nou rekonnet osi tou ler nou fer bann internal assessment nou vwar poudir ki nou annan pos pou 27 staff dan distrik, me par fer sans pou kit 27 staff asize dan distrik, pou en zournen antye akoz apar aplikasyon, nou bann staff i bezwen al ver dimoun fer vizit fer zot bann report zot bann assessment- tou keksoz.

E konmansman milye sa lannen nou konmans fer en sistenm kot i annan en roster kot DAs tou bann Lotorite distrik i ganny enformen e nou donn lenstriksyon ki zot bezwen met sa lo laport kot Biro Distrik poudir kan staff i la parey menm parey MIHLT i marse – menm parey staff Servis Sosyal i marse kot i annan bann zour ek ler ki staff i sipoze la.

Me parey ou konnen i annan en konplikasyon i kapab arive lazournen kot en staff ki sipoze vini ozordi – pa vini.  Me sa nou pe sey travay nou mye pou fer sir ki i pa arive.

Aktyelman la nou annan 24 staff ki baze dan distrik so nou 3 staff short e nou pe fer nou mye pou increase sa ganny sa bann dimoun.  So i annan distrik anler ki fer bann pti pert me nou pe sey nou mye pou pa fer li koz en gran lenkonvenyans.

So nou demann bann dimoun pou konpran ek nou enpe lo la me i pa pou en keksoz permanan.  Wi Onorab nou santi poudir i annan enpe staff pa pou dir tou en, en pti minorite parey ou konnen en pti minorite anler i fer keksoz ki ou a krwar tou staff i ganny i fer parey  -ki annan sa eleman mon kapab dir pre judgement kot en dimoun pa ankor ni menm eksplik li son problenm, in fini pre judge ou, ou pa sipoze pe ganny sa, oubyen zis lafason son lapros akoz lapros i enportan sa premye 5 segonn ki sa dimoun i vin devan ou sa dimoun swa i pou ouver pou eksplik son lekor avek ou oubyen frem li lanmenm ler ki fristrasyon i vini.

Nou train – nou donn customer service, me nou pe vwar i annan bann enn de pti minorite ki pe pous nou ki pe kit nou deryer e sa nou pe deal avek par nou striktir appraisal nou sistenm mannyer nou staff i kontinyen bouz devan, e osi la nou pe travay avek Liniversite Sesel pou fer en progranm pli konpreansiv pou build kapasite nou bann staff pou zot konpran pli byen the issues. 

        It’s  not all matter ler ou fer lasistans welfare, ou pe zis dir ki ou saler, oli ou bill elektrik, oli ou bill telefonn, oli ou bill lakaz and so forth, i en matter vreman konpran sityasyon sa dimoun ; akoz baze lo sa ki ou pou kapab fer en assessment en full assessment. 

        So sa i en travay kontinyel i pa pou arete kontinyen pouse pou maksimiz servis delivery akoz ou’n ariv en pwen kekfwa i byen ou slack enkou taler ou vwar keksoz i vin mal ankor.

Pou bann dimoun ler in pass away sa lannen ler dimoun i mor anba sa Schedule ki annan sa Social Programmes ou pou vwar poudir i annan sa funeral benefits rate sa lannen i R1700 savedir i en discount ki dimoun i gannyen ki al anver kou lanterman par egzanp normalman mannyer i marse sa dimoun ler i al aste son serkey and so forth si i pe vann R8mil i tir R1700 lo la. Lot lannen sa rate pe monte pe vin R2mil i ganny enpe plis akoz nou koze avek Minister Finans nou remarke ki kou lanterman i enn bann vre bann keksoz o ki afekte bokou fanmir – sirtou bann dimoun ki’n tousel oubyen bann ki fanmir i vreman tight ; akoz on average dimoun pe pey 10, 12, R13mil pou lanterman pou kou lanterman ki pe … Si ou pa’n planifye pou sa personn pa’n plan pou mor ensel kou ou vwar ou anmans a kou i vreman difisil.  pou lannen prosenn fer monte pou vin R2mil sa.  I annan bann ka sosyal kot again atraver sistenm welfare kot nou evalye si vre sa fanmir napa le mwayen then anba Lalwa i annan en lasistans ki nou antre.  Mersi.

 

MR SPEAKER

Mersi CEO.  Onorab Herminie.

 

HON WILBERT HERMINIE

Mersi Mr Chair.  Bonn apre midi Minis avek ou delegasyon.  dan menm laliny ki CEO ti pe dir, i bon sa lespri pou al anver bann zabitan wi – me selman parey ou konnen sirtou pou sa funeral benefits ou konnen maler pa avertir e preparasyon presyon pou organiz en lanterman i vin avek en serten presyon lo sa serten dimoun. Mon krwar kekfwa ler zot pe fer zot re laranzman eski zot kapab get dan posibilite kekfwa met en lofis anba kot zot Headquaters ki ler sa welfare officer pa la dan distrik i annan lofis anba kot Headquaters kot sa bann dimoun i kapab ale pou zot pa vir an ron, akoz zot annan zis 3 zour pou zot kapab deal avek sa sityasyon.

Mon 2enm kestyon li i regarding sa ki Minis in dir konman Komite COGA nou ti annan en commitment ki ti gannyen pou revise bann dimoun carer ki travay avek 2 dimoun.  Nou pa ti pe demann en 2 lapey, me en inducement pou sa bann dimoun konm kwa ki zot pe travay avek 2 manm fanmir zot kapab ganny en inducement par lao zot lapey.

Epi ti annan sa 2enm pwen ki dan 2enm laliny kot bann dimoun ki travay avek zot zanfan dezabilite, kot zot get dan posibilite pou zot kapab ganny peye zot bann konze akoz zot pa pe pran zot konze so ti annan en posibilite pou zot get ladan, pou zot kapab ganny zot bann konze vi ki zot pa pe pran.  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Chair.  Premyerman mon a pran dernyen pwen kot ou konsern bann dimoun bann paran ki travay ek zot zanfan dezabilite – zot osi zot entitle zot konze me souvandfwa zot ganny serten problenm kot paran i dir ou poudir li i pa pe vwar en dimoun ki kapab travay avek son zanfan nou ganny en kantite sa bann dimoun ki vini i dir ou be li i pa pe vwar en dimoun ki kapab adapte avek son zanfan.

E la kot i dir ou i pa kapab pran son konze, alor i le ou pey li son konze.  Prezan lo kote kot nou, nou assess sa sityasyon pou vwar si vreman par egzanp si i annan en manm fanmir lanmenm ki kapab take care sa zanfan sa manm fanmir i kapab e les sa dimoun poze akoz en dimoun i bezwen dan son letan travay le 1 Zanvye ziska le 31 Desanm i bezwen annan sa letan konze kot i repoze i refer pou li kapab rekonmanse.

Me tousala i depan lo sityasyon sa fanmir otan ki posib nou sey adapte nou sey regarde ki mannyer nou rezourd sa bann problenm.

Me selman zot menm zot sa bann paran ki bezwen rod en dimoun ki pou kapab ranplas zot akoz nou pa fer sa travay lo kote Lazans nou pa fer sa travay pou al rod en ranplase pou zot carer.  Sa i reste pou lafanmir fer sa travay ok?

2enm pwen lo kestyon en logmantasyon mon krwar taler nou dir kot dan reform ki nou pe fer nou pou vwar ki mannyer nou kapab regarde, me selman an menm tan petet mon ti ava osi lans en lapel i annan de fwa kot i annan dan sa fanmir osi i annan dimoun ki reste dan sa fanmir ki zot osi kapab donn en pti koudmen – anmenn en pti pe enpe led lo kote sipor si i posib lo kote finansye pou kapab ed sa dimoun ki pe travay avek zot bann dimoun kot lakaz.

Me ler i napa personn zot tousel la ankor i diferan ou bezwen tret li dan enlot fason.  Me selman tousala i pou ganny travay lo la letan nou pe fer sa travay pou nou kapab revwar this sistenm antye.  Mersi.

 

MR SPEAKER

Mersi Minis.  Onorab Herminie.

 

HON WILBERT HERMINIE

Wi Minis dan menm laliny menm, zis met li konman en sizesyon akoz i bezwen ziz li by en case by case akoz pa tou dimoun ki annan fanmir ki viv dan en fanmir so sa i en sizesyon ki sorti direkteman dan distrik e mon kit sa dan ou lanmen pou kapab get sa sityasyon.  Mersi.

 

 

MINISTER MITCY LARUE

Nou pran kont sa – nou note.  Mersi.

 

MR SPEAKER

Mersi Minis.  2enm Onorab mon krwar plizyer fwa osi sa in leve ou pe rod zis en topup on top of zot sale -r si nou le met li koumsa.  zis i  … Wi.  Bon Onorab Henrie.

 

HON GERVAIS HENRIE

Mr Chair.  Mon premye remark konman Chairman COGA mon ti ava demann ASP in mansyonnen ki poudir so far sa lannen i annan en sonm R14milyon ki’n ganny ki pe depanse apepre 257 proze, so mon ti ava apresye si i ti kapab fer Lasanble ganny lalis tou sa bann tender an relasyon avek maintenance, re konstriksyon,  menm nouvo konstriksyon tou ou’n dir pou sa lannen breakdown par distrik.  Sa mon ti ava apresye si ou fer nou gannyen.

Prezan pwen ki mon ti ava kontan mansyonnen, se en pwen an zeneral lo rol Lazans pou Proteksyon Sosyal.  Mon apresye lefe ki Sesel koman en pei nou annan en re tonbe pou bann dimoun ki enpe pli dan bezwen – bann ki enpe pli vilnerab.  Me selman nou bezwen osi konsyan fardo finansyel ki i mete lo Leta Sesel e taxpayers Seselwa.

Me pli trakasan nou bezwen mazin soutenabilité the Welfare Bill.  Ziska ki zistans ki nou kapab soutenir li parey i été?  Alor kestyon premye ki mon le demande se akoz ler mon pe get ou bann endikater ‘performance measures’ enn ki mon ti ava mazinen premye se zisteman ki mannyer ou pou redwir the Welfare Bill a long term.

Akoz mon kapab konpran dan serten lenstans kot dimoun i ne avek dezabilite ouswa i sibir en dezabilite o kour son lavi ouswa i vye me i annan dimoun ki pe ganny welfare pou mwan ki pa devret gannyen.

Mon’n pase la sa semenn en zour dan ler travay bann zenn dimoun ki pe debout la mon anbarase konman en zonm Seselwa pou vwar i annan dimoun pe fer sa bann keksoz.  

        So nou konman politisyen an menm tan ki en welfare i kapab en vot pou nou, nou merit kapab annan kouraz poudir avek en boug i annan en non ou pa merit gannyen, e nou pa merit per poudir sa parfwa.  So mon anvi konnen premyerman ki mannyer nou pou fer pou nou redwir the Welfare Bill in the long term?  Premye kestyon.

2enm mon anvi enpe leksplikasyon konsernan sa zafer lakaz la Onorab Pillay in konmans koz lo la akoz i annan 3 alokasyon dan Bidze i annan iradication of Pti Payot i tonm anba Local Government R3milyon lot zour mon krwar mon ti lir son sif mal Vulnerable Home Repairs R10milyon sa i tonm anba Agency for Social Protection ;apre i annan Special Housing Poverty Alleviation R20milyon mon krwar li i tonm anba Departman Lenfrastriktir.

It’s confusing e an plis parey Onorab Esparon taler ti pe dir i annan ankor sa zafer loan ki bann dimoun aze i kapab gannyen up to R100mil, R50mil – konmsi ti pou byen si sa bann zafer ti en landrwa si nou konnen vilnerab i en landrwa i pa partou – partou ki apre i kit li ouver pou labi. So sa i mon 2enm pwen.

E 3enm e dernyen vitman nou vwar poudir i annan en alokasyon lo inter island transport.  Lannen pase sa pwen ti leve Onorab Ferrari mon krwar ti lev sa pwen lo kestyon nou ti dekouver ki Cat Cocos parey SPTC i ganny ranbourse, be then par egzanp servis Cat Rose li i al La Digue, eski li osi i tonm ladan mon ti a zis kontan klarifye sa?  Mersi bokou.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab pou ou bann kestyon vreman pertinan.  Si mon kapab frame ou premye kestyon lo redwir lo Welfare Bill ; sa Bill sa total Bidze ki zot pe vwar dan sa Schedule Social Programmes ki ariv met li R1.3bilyon ladan 87 oubyen 88poursan i zis 3 laliny. Sa social programmes i annan 29 vot – 3 vot i vo 88poursan nearly 90poursan ; savedir larestan 26 vot i pran apepre zis 10poursan sa Bidze.

E ladan top off highest i retirement benefit ki li i vo 55poursan nou Bidze antye. E li i en benefis statutory e tou prozeksyon i montre ki i pou kontinyen ogmante akoz popilasyon pe aze – Minis ti vin dan Lasanble pou fer stetment konsernan Aging Policy e sa Aging Policy pe trickle down bann diferan action plan – bann diferan aksyon lo ki mannyer nou pou met bann propozisyon devan Gouvernman.  Eski dimoun pou kontinyen gannyen?

Eski bann ki annan nou pou bezwen means test e tou bann keksoz koumsa.  So i bann sanmenm sa Minis in dir taler sa bann diferan konsiltasyon ki pe go on. Akoz initil ou al lager avek en pti vot R2milyon pou sey fer li desann kan ou’n save 1poursan dan retirement ou pe save ou pres R50milyon, R60milyon.

        So sa bann sa 3 gran laliny i annan retirement, benefis dezabilite ki osi annan reform lo ki mannyer assessment i ganny fer norm enternasyonal konmela i pa en health assessment ki determinen pou dir en dimoun i annan dezabilite oubyen e merit en lasistans. I en assessment baze lo son fonksyonnalite.  

        So kanmenm ou annan en medical impairment me selman parey en dimoun ki’n perdi en kote lebra ozordi i kapab pe ganny li en benefis envalidite, me selman demen i kapab dir wi sa i leka me avek riskilling re training ou kapab fer enlot keksoz.

Apre i annan lasistans home care ki 2enm pli gro laliny dan nou Bidze ki parey diskisyon ki nou ganny ziska la, i annan en gran travay ki nou pe fer lo profesyonnalizm li.  Aktyelman sa proze home care 240milyon – si nou pa fer li vin re enplimant sa bann proposal ki nou pe met devan Gouvernman i pa pou ase pou kouver pou lezot lannen.

E sa lendikasyon ki nou bezwen 240milyon i pe endike  ki nou bezwer fer en keksoz, akoz sansan nou pou vwar pou pou vin devan Lasanble nou pou dan problenm ankor pou sa pou lot lannen.  E travay i vreman dan en staz avanse. E nou espekte met devan Cabinet avan premye quarter 2019 lo la.

Lo kote sa bann Scheme Lakaz 2016, 2017 ti annan son Pti Payot avek kot ASP.  An 2019 i annan sa 3enm Bidze ki’n ouver lo kote MLUH pou cater pou sa bann keksoz ki pe ganny vwar dan survey Lapovrete ki’n ganny fer – kot nou pe vwar bokou dimoun pe viv dan sityasyon lakaz ki deplorab.  Ou pa kapab renovate sa bann lakaz ou bezwen kraze oubyen Gouvernman i bezwen ale rod bann pti bout later partou dan distrik, pou fer bann lakaz pou sa dimoun.  E sa i en louvraz plis enfrastriktir sanmenm sa bann Poverty Alleviation pe ganny mete kot MLUH, tandis bann ki annan pou fer avek renovasyon ki distrik i ganny idantifye ki nou validate sa i reste kot nou.

So sa R20milyon i pe target plis sa ki pe ganny idantifye dan sa survey Lapovrete.  Mersi.  Apre a i annan island transport sorry in sap mon sa enn inner island transport wi i kouver pou nenport ki service providers ki ou fer sa servis ant nou 3 inner island i ganny bill – FC i kapab konfirmen nou ganny bill sorti kot Cat Rose, Cat Cocos e menm Air Seychelles non?  Mersi.

 

MR SPEAKER

Onorab Henrie.

 

HON GERVAIS HENRIE

Mersi Mr Chair.  So an referans sa ki mon ti pe dir ou donn nou sa lalis tenders, petet osi si ou ti kapab azout avek sa kriter ki ganny servi pou deside ki swa x ouswa y i gannyen.  Akoz par egzanp ler mon pas dan distrik mon vwar mon i annan lakour ki demande e mon vwar letan mon koz ek zot mon konnen vreman zot pa kapab ed zot lekor, selman mon vwar zot pa gannyen so lekel ki deside e ki kriter ki ganny servi?

Lot pwen touzour an relasyon avek sa zafer reduce Welfare Bill mon apresye lefe ki ou dir poudir sa zafer retirement li si ou kapab koupe, then son poursantaz ou pou pli benefisye, me selman touzour konman en Nasyon nou bezwen et kreativ dan bann la parey par egzanp sa zafer bann manrmay ki ne zot ganny R1000mil – mon napa problenm ek sa mon be selman konman en pei kretyen en zanfan i ne i annan en paren en maren en manman en papa sakenn i met R250 pa i fer R1000mil nou a konmans son bank account akfer fodre leta ki donn li R1000mil?  So i bann keksoz ki nou bezwen pran sa kouraz nou viv nou travay met R25 de kote tou le mwan pou lanterman.  I bann keksoz ki nou bezwen et brav e dir.  Mersi.

 

MR SPEAKER

Mersi Onorab Henrie.  CEO.

 

CEO MARCUS SIMEON

Mersi Mr Chair.  Mersi Onorab.  Sa R1000mil i pa dan sa vot ki la, zis nou met li kler.  Me selman i vre dan sa laliny ki la mon koz lo Bidze home care ki sa reform i bezwen pase menm parey lo Bidze carer si ou get depans ki nou fer 2018 R53.1milyon – welfare ,me 2019 nou pe met sa R40milyon akoz i pe montre ki again i osi bann louvraz ki nou pe fer atraver sorti dan en sistenm ki ouver savedir dimoun ki vin fer laplikasyon to enn ki nou pre idantifye bann sityasyon atraver bann diferan partners i pou allow nou, akoz  tan ki ou sistenm i ouver nenport ki dimoun i kapab walk in.

Demen mon pa konnen si mil dimoun i kapab fer aplikasyon zot kalifye ki mon pa ti’n plan pou annan mil dimoun pou kalifye demen.  So tou sa bann sistenm nou pe sey travay pou met an plas, ki i kapab annan kontrol.  Akoz ler nou pe get an dan la rezyon bokou nou bann pei i annan sa ki nou appel en social wages ; savedir zot konnen lekel bann dimoun ki zot bezwen targete e sa i en direksyon ki nou pe bouz lo la.  Mersi.

 

MR SPEAKER

Mersi CEO.  Onorab Valmont.

 

HON JUDE VALMONT

Bonn apre midi mersi Mr Chair.  Bonn apre midi Minis e panel.  Bonn apre midi tou koleg Onorab.  Mon premye kestyon i lo paz 555 bullet No.2 ki mete ‘delays in implementing infrastructure projects for vulnerable groups’ mon ti a kontan konnen si atraver sa Bidze la, i annan okenn provizyon ki’n ganny fer pou amelyor sa?  2enm i an referans ki mon koleg Onorab Aglae in demande konsernan revizyon bann weights.

         Nou konnen lo en kote nou koz kontrol alor mon le konnen ki bann nouvo mezir kontrol ki zot in met ater pou fer ki petet nou kapab redwir sa ki Onorab Henrie in dir la – depans ki pe ogmante?  Lo lot kote osi mon get lo lot kote sa i sorti en swe sorti distrik osi, i annan en kriter ki zot servi dan depans en dimoun en endividi ler i vin fer laplikasyon zot pa konsider bann personal loans mon pe demande si sa in sanze, akoz  mwan mon ti a voudre ki dimoun Pointe Larue ki apply pou welfare, se ki petet zot konsider serten parey en dimoun parey annou dir en carer ki pa kapab al kot HFC pou li ganny en housing loan, petet i al labank petet zot al labank pou en home improvement loan.  Alor sa osi i form par zot depans.  Sa 2enm.

3enm lo kote reform dan service home care i annan konfizyon parmi serten home carers ki rol egzakteman zot zwe, alor mon demande si zot annan an lespri pou fer en guideline pou bann home carers?  Mon konnen bann case i diferan me selman en general guideline?

 

4enm se eski i annan okenn konsiderasyon mon tann Minis dir ki zot pou le moman zot pa fer sa se ki zot anrezistre dimoun ki enterese vin carers me selman dan sa menm Lasanble CEO si ou rapel byen ou ti dir ek mon zot kapab konsidere mon fer sa pli ankor – mon fer sa lapel Onorab Herminie i dir i annan dimoun ki pa reste avek bokou manm fanmir i annan dimoun ki tousel i annan dimoun aze, alor kot i ale pou li al rod en manm fanmir si i napa en manm fanmir?

Alor pou pran sa konsiderasyon pou petet ouver database santralize kot zot dimoun ki enterese anrezistre e si sa dimoun aze pa konnen kot i pou ale at least i vin kot zot en pwen santralize.

Sa e zis en pti pwen refleksyon 5enm Onorab Henrie in refer sorti ki petet merit arete donn R1000mil en zanfan ler i ne me en pwen pou refleksyon petet nou bezwen donn plis akoz nou popilasyon pe aze, alor nou bezwen ankouraz Seselwa pou fer plis piti!  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Petet Mr Chair.  Ler i pe dir ankouraz lo sa zafer donn ou konnen sa R1000mil ki Gouvernman i donn en voucher tou bann zanfan ki ne ou konnen sa ti annan son bi prensipal se ki pou konmans fer dimoun konpran en pti savings ouver en pti kont kot paran i ganny en konmansman apre paran i kontinyelman build lo la pou fer son savings. Ou konpran?

E lo kestyon fertilite kantite zanfan nou pe fer sa osi i tonm dan nou bann travay ki nou pe fer pou nou vwar lo nivo popilasyon ki pa pe ogmante pou ranplas bann ki pe vyei oubyen ki pe mor so i annan en travay ki ganny fer ladan.

Lo kestyon carer annan parey ou dir annan guidelines sa travay ki nou pe fer lo nivo revwar son sistenm antye i pou antre akoz en carer i bezwen konnen son job description premyerman.  I pa kapab zis travay ozordi si ou pe gete carer i al kot en lakaz i depan sa dimoun ki dir ki pou fer.  I annan de fwa zot donn bann travay ki pa ni devret antre ki zot devret pe fer e zot fer e oubyen i annan keksoz ki zot devret pe fer zot pa fer.

So nou pou met a job description ansanm pou zot konnen vwala ki ou espekte fer letan ou en carer.

Alor tou sa bann travay i en travay konpreansiv ki nou pe fer ki pou antre ladan e lofis ki ou bezwen vini lekel.  Si par egzanp nou deside fer en pti pe parey Cleaners Corperative savedir pou annan sa landrwa kot zot tou pou konnen kote mon pou al rod carer; akoz ozordi parey nou dir i vre ki ou dir en dimoun i reste li tousel i pa konnen kote pou li ganny en carer – i pa konnen kot laport i pou tape pou li ganny en carer unless en dimoun i ed li.

Me selman nou bann dimoun osi letan nou pe vizit sa dimoun nou bezwen kapab konpran son sityasyon e donn en koudmen pou nou ede pou kapab sa dimoun i ganny en dimoun pou okip li.

Konmsi i annan enpe travay ki nou bezwen servi leker pou nou fer – i depan en kantite lo nou depan en kantite lo lafanmir depan en pti pe lo kominote – ki mannyer lakominote nou annan 2 lakaz mon obor sa vye msye ki napa, nou osi nou bezwen kapab donn en pti koudmen, ede ki mannyer pou ed sa msye.

Mon krwar i demann en pti pe plis konpasyon o nivo tou dimoun e enkli nou bann travayer ki pe travay ek bann dimoun.  Mersi.

 

MR SPEAKER

Mersi Minis.  Onorab Ernesta.  Yes Onorab Valmont.

 

HON JUDE VALMONT

Mersi Mr Speaker.  I annan kestyon pa’n ganny touse parey ‘current challenges’ sa bullet number 2 ‘delays to implement bann infrastructure projects’ ki mannyer atraver sa Bidze sa i ganny adrese.  Apre sa kestyon rezyon weights mon ti a voudre en komanter lo la e apre ki Minis in reponn mon apresye ki vre nou bezwen annan konpasyon me selman an menm tan osi Gouvernman osi i bezwen annan serten konpasyon pou fer en pwen santralize parey Onorab Herminie in refer sorti parey en lofis anba ki dimoun i vini zot vini pou rod en carer si zot napa.

Alor apre sa bann reform ki Minis in dir parey guidelines i annan enpe letan mon tande i pe fer reform mon ti a kontan petet Minis i dir nou kan petet en timeline, kan ki nou espekte vwar – zot sorti dir ek nou be ok la nou reviz sa, nou pou vwar sa nou pe vin ek serten pla,n ki mannyer pou fer sa bann keksoz.  Kan nou espekte?  Akoz i annan enpe letan bann MNA pe espere.  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Petet mon a reponn ou dernyen kestyon apre CEO i a reponn larestan.  En timeline ki nou mete parey mon dir nou bezwen fer bokou konsiltasyon – nou bezwen zwenn nou bann stakeholders.  Nou pa kapab zis pran en desizyon apre demen nou retourn back nou vwar nou desizyon pa’n bon ki nou pran e nou bezwen osi laprouvasyon Cabinet avan ler nou fer en reform.  Sirtou kot i konsern reform nou pa kapab zis ale mon a vin sa parey Leader of Government Business i dir si mon pran en desizyon mon menm apre demen i refoule.

Mon bezwen fer sir ki desizyon ki nou pran Cabinet i konnen e laprouvasyon i donn pou nou kapab fer serten desizyon

        So pa trakase Onorab nou pe fer e nou timeline ki nou pe donnen i 2enm trimes 2019, nou espere kapab vin avek en keksoz kler defini ki mannyer nou pou bouz de lavan ok?

Lo kestyon en lofis anba sa i en keksoz ki ava kapab pran kont avan bann lezot keksoz i ganny fer.  Mersi.  Mon a demann CEO pou reponn lot prezan.

 

MR SPEAKER

Mersi Minis.  CEO.

 

CEO MARCUS SIMEON

Mersi Mr Chair.  Mersi Onorab.  Lo kote sa’ current challenges’ ki nou mete la implementing projects ki nou vwar 2017 se ki pou fer en proze sa bann proze lakaz reparasyon i annan en prosedir validasyon so nou validate nou fer socio economic analysis nou vwar poudir sa vre i en case ki merite i pas lo Board lo sa Vetting Committee nou vwar. Apre i al kot nou bann partners be it Local Government, be it MIHLT ki pe fer sa bann proze pou zot  delivre lo la.

Akoz zot ki annan sa fasilite teknik me nou vwar in tard enpe sa lannen e sanmenm sa in vin en challenges, akoz i annan case ki’n vini ki tou keksoz in fini ganny fer Fevriye, Mars e ziska la i pa ankor demare.

Ler mon pe met tou keksoz tou bann validasyon tou bann keksoz bann louvraz teknik pa ankor finalize pou li al lo en staz tender.  Sanmenm sa nou met sa challenges me an menm tan sa nou zwenn ek nou bann partners Local Government ek MIHLT, pou nou ganny en bon fason travay moving forward pou 2019, ki akoz i pa pou fer sans osi pou nou ale rod en project officer oubyen fer en project unit.  Akoz deza nou pe compete lo en market ki ou annan limited resource, zis fer sir ki nou bann partners pe travay an sinerzi ansanm pou nou kapab delivre lo nou servis.  Mersi.

Ou’n koz enpe osi lo reform dan welfare weights sa nou bezwen fer sir ki i antre ler revizyon dan lafason ki lasistans welfare i ganny donnen, i pase.  Akoz si ou pou al revize la sa Bidze ki nou gannyen deza i pa soutenab at the current rate nou pou dan problenm lot lannen.

        So sa kot ler sa bann reform ki atraver key partners ki lofis validation nou pe travay lo la menm modalite, ki nou kapab travay lo la kot dan sa sistenm pri idantifikasyon ki zot pe fer atraver bann survey kot ou konnen ler weights in monte ou pou bezwen plis depans ou pou konnen osi ki sa target group ki ou pe al zwenn demen.  Ou pa zis kit en sistenm ouver kot nenport ki dimoun i kapab vini.  Mersi.

 

MR SPEAKER

Mersi CEO.  Onorab Ernesta.

 

HON PAUL ERNESTA

Mersi Mr Chair.  Minis, CEO, tou koleg Onorab e tou dimoun a lekout presizeman dimoun Takamaka bonn apre midi.  Mr Chair mon pou refer lo paz 555 lo ki mon kontan lo ‘strategic prioritie’s kot zot in koz pou revwar bann benefis ki bann regilasyon ki Gouvernman bann dimoun dezabilite mon pa konnen si sa i pe tous kot nou pe koz sak dimoun pou ganny sak sa bann dezabilite baze lo zot sirkonstans – zot pou ganny serten benefis diferan.  Mon demann sa kestyon akoz?  Ozordi nou pe vwar en standardizasyon kot en dimoun i bedridden en dimoun i aveg swa i annan son lot dezabilite i pe ganny menm benefis.  Me parkont zot si ou remarke zis 3 kondisyon diferan, me zot bezwen i diferan e kot pei e ou vwar bokou fwa sa bann paran sa bann zanfan ouswa sa bann dimoun dezabilite zot soufer bokou ou vwar zot pe struggle pou zot kapab fer de bout zwenn e siport sa malad.

E apre mon welcome osi nide pou revwar nou bann servis simityer akoz sa i vreman ekstrememan enportan akoz ozordi preski tou distrik pe fer fas ek sanmenm sa problenm, me dan zot process mon ti a rekomande ki zot osi konsider Minis in dir ki zot pe travay lo bann mezir pou fer konsider konsiltasyon avek popilasyon pou zot kapab ganny bann pwennvi bann dimoun ki mannyer pou kapab cope avek sa nouvo reform.

E apre lo kote carer boner Minis in koz lo sa legzersis kot zot pe fer pou vwar son soutenabilité vizavi Bidze.  Me i annan enlot fakter ankor ki mon pa konnen si in pran kont se soutenabilité sa progranm itself akoz ozordi nou pe vwar demann i bokou me selman dimoun pou fer sa servis napa swa i limite ki mannyer zot a pe deal avek sa sityasyon?

Apre Onorab pli boner Onorab Henrie in koz lo bann benefis bann lasistans sosyal ki Lazans i donnen parler i annan ki abiz lo la sa ki ou vwar sa ki merite i pa gannyen sa ki pa merite pa gannyen e sa i en fenomenn ki partou.

E CEO ou’n dir i annan 2 lenstans ki sa kriter i ganny fer se premyerman Lazans kot zot bann zofisye zot means test sa aplikan e lot osi sa pou carer mon koz lo la me plizoumwen i lo la eski zot pa kapab konsider konsiltasyon avek Lotorite Distrik petet DA – akoz li ki annan sa local knowledge lo sa aplikan i kapab donn zot en apersi e egalman sa i kapab aplik pou ou osi pou sa dimoun ki pe demann carer i kapab sa lasante li i pe fer son bartel baze lo son bann requirement medikal me selman i annan sa local knowledge ki manke ki kapab ede dan sa process.  Mon pa konnen si ou kapab konsider sa bann pwen ki mon met devan.  Mersi Mr Chair.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab pou ou bann kestyon mon a reponn sa enn premye lo dezabilite bann travay ki nou pe fer lo sa kote parey mon dir norm enternasyonal se ki nou asiste dezabilite i ganny asses lo nivo fonksyonnalite pa zis pirman en assessment ganny fer lo en baz medikal.

Pou le moman isi nou annan swa en dimoun i kalifye i ganny sa rate oubyen i pa kalifye.  Bann reform ki nou pe travay lo bann seri reform ki nou pou met devan Cabinet nou pa kapab dir la piblik parey in dir taler Cabinet pa ankor aprouve, me selman nou pe al lo bann gran laliny kot i pe bouz towards en assessment pou baze lo fonksyonnalite e osi enn ki pou le moman Lalwa i dir ou ganny ou benefis apre si ou travay nou 25poursan, lo sak roupi ki ou gannyen an plis 25sou pou ganny koupe lo la.

Me ou ki bezwen al fer sa zefor pou travay so bann propozisyon ki vini ki ler ou dan ou assessment i ganny fer pou konnen ki nivo travay ou kapab ganny fer akoz i kapab annan bann nouvo profesyonnel ki ganny mete lo sa Board assessment pou fer sir ki i vin dan en fason pli bouze away from zis health to en assessment fonksyonnel, kot i ava pran mon diferan fakter.  Si sa rate ki donnen en dimoun ki montre son legzizans i bokou i bezwen al plis e enn ki son legzizans i pli mwens e i al pli mwens ok ?

Ou’n nonm osi lo kote mon krwar Minis in koz enpe lo sa kote Burial Services, of course okenn propozisyon ki vin devan i pou bezwen pas atraver en seri konsiltasyon la nou pe konsilte internally e apre i pou vin lo kote external mon a les Minis azout lo la si i annan ankor.  Home care sustainibility of servis delivery i toulede kote parey ou’n byen dir Onorab pa zis finansyel, me pli modyalman ankor lo kote resours imen.  Mazinen nou annan R10mil ekek pansyoner ozordi zis 3500 a carer.  So mon annan en target group laba ki si demen i dir mon bezwen carer fer krwar i ariv en keksoz e popilasyon pe kontinyen aze nou pou dan problenm. So sanmenm sa kot mode of delivery sa servis osi i enn bann fason i enn bann keksoz ki nou pe gete dan sa reform – pa zis saler carer pa zis pou fer zot anploye mannyer sa servis i ganny delivre, pou ki i kapab efisyan lo kote larzan e osi lo kote resours imen ki Sesel i annan.  Mersi.

 

MR SPEAKER

Onorab Ernesta.

 

HON PAUL ERNESTA

Mersi Mr Chair.  Mr Chair zis an pasan mon ti a kontan on behalf of my colleague Onorab Lemiel mon ti a kontan konnen ki pozisyon i étéin ariv avek simityer miray simityer Mont Plaisir, pe ganny fer lo la dan sa kote?  Apre en lot keksoz CEO letan nou pe koz lo welfare dir nou ki vreman zot bann prosedir ki en dimoun i ganny asiste?  Akoz nou vwar i annan sityasyon kot i annan dimoun en legzanp mon konn en madanm ki’n ganny lasistans welfare pou 7an apre dernyen lannen 7an – dernyen lannen zot dir li i pou ganny mannyer disability benefits pou 1an, apre sa 1an zot dir li ale al travay.

Me sa i en ka ki reflekte parey mon dir ki reflekte partou sa, me selman mon pe eksplik sa legzanp.  Me apre zot dir li al travay sa madanm li menm li i pa kapab travay.  I annan bokou bann case parey ki mannyer sa i arive e donn nou en leksplikasyon lo la?  Mersi Mr Chair.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab.  Premye kestyon lo kote miray simityer Mont Plaisir Praslin Mont Plaisir Anse Royale anba sa Bidze burial progranm burial ki nou annan la i pa kouver lenfrastriktir – sa case nou pas li avek MIHLT e diskisyon i antre zot.  Mon krwar i annan SLTA tou ki antre ladan akoz i en miray ki pou bord ek semen vre i annan en sityasyon egzizan – nou anvoy mail for atraver biro Minis avan, pou fer sir ki sa i pas lo la.  Me selman i proze akoz nou pa cater pou lenfrastriktir anba progranm burial – i zis pou sa servis ganny delivre me bann keksoz ki nou vwar ki arive of course nou highlight li devan.

 

Ou 2enm kestyon lo kote sa lasistans ler mon konpran sa ka sa madanm ti anba sa ki nou apel lasistans welfare i pa 7an selman tou le lannen i renouvle ok?  An 2016 nou ti entrodwir sa Lalwa dezabilite benefit avan sa ti en lofis ki nou ti appel envalidite e li envalidite i cater pou bann dimoun ki ganny en 2enm lefe pandan travay oubyen letan ou tonm malad pandan travay.  I pa ti kouver par egzanp zanfan ki’n ne avek dezabilite oubyen bann dimoun ki’n bezwen arete swivan long peryod of illness – konmsi i ganny 2 zour en semenn 3 semenn finalman son anplwayer in dir li mon pou bezwen fer ou arete e sel rekour ki i ti annan se anba welfare.  E zot pa ti sipoze anba welfare akoz welfare i sipoze la pou dimoun ki travay, akoz i en supplementary assistance so ler ou pa kapab travay pou long peryod letan then ou pa sipoze lo welfare ; i bezwen annan en keksoz ki capture ou.

So ti annan en mankman dan coverage la lanmenm ler sa benefis envalidite i kouver bann dimoun swa in ne, oubyen pandan lanfans in ganny dezabilite, oubyen pou en rezon ou enlot in ganny en aksidan ki fer zot pa kapab travay.

Dan ka sa madanm ki la tou lede benefis envalidite ek dezabilite i ganny asses par en Medical Board. Lazans napa okenn say lo la. Anba Lalwa sa Board ki annan dan pouvwar pou asses sa bann case e sa Board i konpri 5 profesyonnel medikal ki baze kot Minister Lasante e zot, zot assess sityasyon sa dimoun. Sanmenm sa enn bann proposal ki mon mete enn bann ‘strategic prioritites 2019, 2021 se propoz reform dan regilasyon governing disability benefit. Bouz away from just sa pir medical assessment to and ki konsern functionality sa madanm par egzanp i kapab kekfwa fer en keksoz li lasante in dir li wi in rekouver ,me si i ti annan lezot enl ot kalite assessment ki la ki ti ganny pran dan zot totalite i ti a dir,ok nou bezwen atraver sa madanm met li dan en progranm training laba oubyen sa pa zis ensel kou dir koupe akoz ou pa ankor prepar sa dimoun.  

        So sa bann keksoz ki nou pe travay avek. E osi en eleman kominikasyon kot nou lofis osi tou nou bezwen kominik ek dimoun pou dir zot ki pli byen prepar zot en sityasyon parey ler en dimoun i konmans vwar problenm medikal i konmans aprouve 1an, 6mwan, 3mwan savedir i nepli sort of permanan la, la keksoz pe konmans redwir so ou bezwen konmans prepar ou lekor pou get back into the world of work zis en matter kominikasyon, me selman nou pe ale lo sa bann laliny pou fer sir ki tou keksoz i mars ansanm.  Mersi.

 

MR SPEAKER

Meris CEO.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker o konmansman mon ti a kontan dir avek CEO ki mwan osi mon apresye sa relasyon travay me an menm tan sa relasyon travay i enkyet mon en pti pe akoz i en bon relasyon akoz i enkyet mon akoz sak fwa 95 fwa ki mon’n fer en demann avek ASP rezilta i pozitiv e pourtan – e pourtan CEO mon dir avek tou ou bann zofisye si sa dimoun i merite mon pe fer en aplikasyon on behalf of en dimoun ki’n demann mon pou entervenir me selman i bezwen kalifye me tou bann dimoun ki mon apply in kalifye konmsi mon pe gete si napa bann keksoz ki pe mal marse dan ou sistenm?  Mon a les Onorab Sebastien Pillay koze.

 

MR SPEAKER

Kontinyen Onorab Ferrari.

 

HON JEAN-FRANCOIS FERRARI

Konmsi mon pe met sa akoz parey Onorab Henrie in fer resorti mon pa konfortab vreman avek serten Heads isi e par egzanp tan ki zot pa reasir mwan eksplik mon byen ki zot in fer pou zot asire ki tou bann carer ki pe travay zot dan en job ki zot merit ladan, e ki an menm tan bann lezot dimoun ki pe rod carer ki pa’n gannyen zot gannyen sa ki merite i gannyen sa ki pa merite pa gannyen.

Ki travay ki zot in fer akoz mon dakor avek ou CEO popilasyon pe vyei be popilasyon pou vyei apre i pou mizer – pei pou mizer so we have to do something about it be la pou le moman malerezman mon pa pou dir sa ou lafot tou sa me mon pe enterpel Minis poudir avek li ki Gouvernman pe fer pou fer sir ki sa pti morso i pa en pti morso R240milyon ki nou pe demande pe ganny depanse egzakteman la kot i merit depanse e ki i annan serten dimoun?

E sa mon’n deza dir in ganny enpe zoure akoz sa mon deza dir ki par egzanp en dimoun en fanmir ki annan plizyer zanfan oubyen ki annan bann reveni bann bon reveni ki ou pa tande poudir zot pe Gouvernman pe pey en carer pou zot granmanman konmsi annou sey gete ki mannyer nou kapab donn sa ki merite – sa ki napa sa ki pa kapab afford e nou annan move away kot sa sistenm sosyalis kominis ki’n fer nou pei fait 10an pase an 2008 se sa be la ou a krwar ki nou pe tourn dan menm direksyon.  Mon ti a kontan Minis avek CEO zot dir mon ki zot in fer en zefor pou ganny efficiency dan sa domenn?  Lo menm laliny CEO in annan bokou koze lo training pou home carer i annan bokou koze lo la nou pou anmenn zot lo en nivo profesyonnel eksetera lannen pase nou donn R2milyon sa lannen nou pa pe donnen – ki pe arive avek sa progranm eski nou pe abandonnen sa progranm eski akoz bann carer.  E la mon pou advocate en pti pe pou zot bann ki dan lanplwa carer zot status i tre mal en dimoun i travay tou sa bann lannen 7an, 8an, 10an, 15an konman carer, me selman i napa tan servis i napa nanryen ou demande ler ou pou ariv ler pou li fer kalite pansyon pou gannyen.

Nou lo sa kote latab nou ti a pli kontan vwar en sistenm ki pli efikas me ki donn en status bann carer ok.  So lo bann servis ki ou pe ofer sa i pli gran fot e mon ti a kontan ki ou kapab re asir nou ki nou annan rezon vot sa sonm larzan oubyen plito nou pe vote me selman ou e sa mon met sa devan ou, ou pe apply sa ki Gouvernman i dir ou apply be eski ou dir Gouvernman parey mon pe dir ek Gouvernman ozordi poudir i annan bann leakages dan sistenm?  Eski akoz you are paid to give Government the best advice e mon pa dout ou lonnekte me selman ou bezwen dir e ou bezwen dir nou si Gouvernman pe ekout ou si i tande so that nou kapab pran en desizyon.  Mersi.

 

MR SPEAKER

Mersi Onorab.  Bon zis ankor mon donn en pti konsey i reste nou ankor 2 Manm pou demann kestyon nou anvi fini avek Lazans Sosyal avek bann Bidze pou bann benefits avan nou adjourn so CEO, Minis avek menm le 2 Manm ki reste fer sir nou fer li otan posib bref.  CEO.

 

CEO MARCUS SIMEON

Mersi Mr Chair.  Mersi Onorab pou ou kestyon. Enn ou’n dir par egzanp kot toultan nou reponn pozitif me tou keksoz i pas dan en menm mezir so i annan en Lalwa ki aplike parey pou lasistans welfare kot i baze dan mezir kot nou eksplike taler si i kalifye si pa kalifye pa pou kapab sanze sansan mon pou an kontrovansyon avek Lalwa.  Mon mazinen ki ou bann ka ki ou anvoy devan ler sa bann lakour i ganny asses zot meet kriter anba sa Lalwa pou le moman.

So kot i annan bann ka of course parey nenport dimoun i dir i konnen bann staff i a dir zot i malerezman i pa’n kalifye oubyen kalifye.  Mersi.

Lo kote proposal pou reform carer wi nou dir mon advise Gouvernman atraver biro Minis, Minis i konn byen ki nou pe al dan en direksyon ki nou pou bite demen e menm vwar in antre donn ou challenges ki black and white la lo papye la kot in mete’ the Home Care Scheme is inefficient and open to abuse’ akoz   Se pou le moman ki mannyer sa Scheme i été se fanmir ki an teori ki pe anploy son carer, e bokou onus i lo sa fanmir pou monitor sa carer.  Sanmenm sa i annan 3500 carer me zis apepre 12 staff ki travay dan unit carer i en task enposib pou zot kapab vreman monitor tou sa carer. 

        So bann gran laliny reform pe vini lo kote monitoring e la annefe la kanmenm i annan sa 12 staff nou pe ale door to door nou pe konmanse depi lafen Oktob nou fini kouver Perseverance nou fini kouver English River nou pe monte pou ganny pli bon lenformasyon lo tou sa bann dimoun gete si zot la.

Avan sa nou ti en Lazans ki ti annan en sistenm payroll ki zis towards fer peyman, me la nou ansanm avek nou partner DICT ganny en sistenm kot nou kapab anmas lenformasyon pli qualititative pou ede pou fer decision making process dan le fitir fer li vin pli byen.  E sa i al anliny avek sa reform ki nou pe travay lo la pou enplimant ava by lafen premye quarter 2019.  Lo kote training i annan sa R2milyon ki ou ti vwar an 2017 sa lannen nou ganny R1milyon e li in bouz anba ‘goods and services’ dan Bidze Lazans li menm, akoz i en training i pa en progranm training kot rightly so in antre anba ‘goods and services’ Budget.  Mersi.

 

MR SPEAKER

Mersi CEO.  Minis.

 

MINISTER MITCY LARUE

Mon krwar CEO in kouver laplipar keksoz akoz wi Gouvernman parey ler mon ti prezant sa Aging Policy mon krwar nou ti fer resorti tou bann defi ki annan tou bann problenm ki nou anvizaze dan sa bann lannen ki pe vini e lanmenm ler dir ki nou bezwen e Gouvernman i konnen i konsyan Gouvernman in dakor pou nou travay lo en reform, ki mannyer nou pou reform me reform ler nou fer parey mon repete ler nou fer reform nou pou fer sir ki nou pa konpromi dimoun ki bezwen ganny asistans.  Mon krwar sa zot tou zot a dakor ek mon nou pa kapab konpromi dimoun ki bezwen lasistans.

Be ki mannyer sa servis pou ganny marse ki fason ki nou pou fer li se sa ki nou pe travay lo la pou nou finalize pou fer sir ki nou anmenn en servis efikas e dimoun ki bezwen pa ganny kit deryer dimoun ki pa bezwen e si ou pe regarde ozordi nou annan nou preski 10mil over dimoun ki pansyoner. E ladan nou annan nou 3500 carer savedir pa tou dimoun ki annan carer – pa tou dimoun ki bezwen carer.

Ozordi si ou realize i annan en kantite dimoun ki li i dir ou i annan dimoun ki annan 80an i dir ou li i pa bezwen carer, akoz i anvi reste aktiv i pa anvi me selman an menm tan nou bezwen pran kont ki ankor enn de lannen sa bann dimoun i pou bezwen zot sistenm lasante pou afebli e zot pou bezwen carer.  

 

        So nou bezwen fer sir ki sa sistenm i soutenab.  E ler i vin soutenab ozordi nou pe dir en carer i travay ek en dimoun full time petet dan reform ki nou pe regarde nou get needs sa dimoun son bezwen eski sa dimoun i bezwen en dimoun la kot sa lakaz full day ? Oubyen sa dimoun i bezwen tel servis ki son needs i bezwen sa servis e sa servis i kapab fer li dan 3erdtan apre 3erdtan sa carer i kapab move kot enlot dimoun i donn enlot servis according to the needs sa lot dimoun ankor 2erdtan – ki fer ki ler nou koz lo kantite dimoun osi ki nou bezwen pou donn sa servis nou pe vwar napa.

E ozordi le nou pe nou fer nou bann assessment nou pe vwar nou annan en kantite zenn ki pe travay konman carer nou bann lafors travayer nou kapab sa bann dimoun i ganny sorti konman carer i al dan sekter prodiktiv ou konpran e nou redwir nou fer vwala en pti pe bann dimoun ki petet pe dir zot annan 60an ki ti a kontan travay konman carer li i ganny sa sans i antre.  Ou konnen i en travay vreman konpreansiv ki nou pou fer ki pou nou kapab anmenn lefikasite anmenn tan redwir lakantite larzan ki nou depanse.  Mersi.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

So Minis.  Si mon tann byen mon tann en dat taler avek CEO end of first quarter zot pou annan serten keksoz zot pou annan serten rezilta lo baz sa ki zot pe travay lo la so sa ki zot pe dir nou dan kouran lannen la nou pou kapab espekte en sistenm kot ler en carer pe ganny peye konman carer nou garanti i pe travay akoz nou pe supervise ler en madanm en dimoun i demann en carer half day i ganny en carer half day si i bezwen enn full day i ganny enn full day -si i pe ganny half day me selman i bezwen full day konmsi bann keksoz ki efikas ki zis.

Dan kouran sa lannen nou pe espekte e CEO ou’n dir well ou pa’n dir nou kekfwa ou si ou anvi dir nou ki status -se stati lanplwa en carer i osi enportan ki enn ki reste dan louvraz pou ki demen i gannyen en pansyon e ki nou pa kit li konman en casual worker tou son lavi.  Mersi.

 

MR SPEAKER

Mersi.  Minis.

 

MINISTER MITCY LARUE

Se pa Mr Chair Onorab se sa bann keksoz ki nou bezwen dir i bezwen antre i bezwen vin en plan vreman konpreansiv – ki anglob tou keksoz ki nou krwar i bann bezwen ki nou bezwen annan.  Ou konpran?  Nou pa pou pran li par peacemeal parey nou pe dir se sa ki nou pe pran en pti pe letan konsilte eksetera pou nou kapab anmenn keksoz ki vreman konpreansiv e ki tou dimoun i satisfe avek apre.  Mersi.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Chair, bonn apre midi.  Bonn apre midi tou bonswar tou dimoun tou Manm Onorab Minis.  Mr Chair mon ti a kontan demann CEO in annan travay osi ki Poverty Alleviation in fer regarding sa letid ki’n fer dan santral 2 en serten lezot landrwa servi bann baz donnen ki NBS National Bureau of Statistics e apre i annan sa 1200 dimoun ki Minister Lanplwa in mansyonnen 1200 pos – 1200 lanplwa dan sa pos lanplwa.  So ki mon ti a kontan demann ou nou konnen poudir in en bon mezir pou met an plas en sistenm kot nou kapab cater pou bann ki pli vilnerab e prezan ki mannyer ki nou pe assess si sa sistenm pe vreman cater pou bann ki vreman vilnerab? Oubyen nou annan en sityasyon kot sa ki pa neseserman vilnerab pe zis anbark lo sa sistenm pe benefisye e apre nou pa pe vreman kapab tous sa bann ki nou devret pe tous zot?  Mon ti a kontan klarifye sa avan Mr Chairman.  Mersi.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab.  Mon krwar kestyon i al dan sa laliny Monitoring and Evaluation sa bann benefis ki nou pe donnen e la sirtou sa bann benefis welfare.  Nou ariv en oportin moman la kot prezan nou annan en Minister Lafanmir e osi nou annan sa biro Poverty Alleviation ki’n ganny kree kot anba Biro Poverty Alleviation atraver bann survey ki pe ganny fer nou pe mezire ki lenpak sa bann lenvestisman anba Welfare, pe arive.  E ki bokou nou pe vwar se ki dimoun ki pe ganny idantifye anba povrete pa neseserman pe ganny catch anba sa lasistans welfare.  Akoz enn – zot bann dimoun ki pa vin devan e zot pa tro annan sa lenformasyon pou zot konnen mannyer pou al mannyer tou sa bann keksoz.

So i pe montre ou ki bann restriktirasyon nou bezwen fer lo nou kote.  E sanmenm sa bann lenformasyon ki nou pe anmase pou met devan Gouvernman bann propose reform ansanm avek lofis Poverty Alleviation kot i pou vin nou pou nou pe target pou ganny en sistenm ki pli targete, away from enn, ki ouver kot nenport ki dimoun ki vini to enn ki vreman target sa dimoun ki nou fini pre idantifye konman i vilnerab – konman sa fanmir ki bezwen led deor.  Mersi.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mr Chair ti enportan pou mwan ganny sa klarifikasyon, akoz sityasyon ki konsern mwan se ki nou ti ganny sans attend prezantasyon ki Poverty Alleviation ti pe fer.  E bann lenformasyon ki nou ti pe gannyen ti enkyetan.  Ou konpran?  Akoz nou ganny sa premye letid ki’n donn nou 40poursan, me ki ler nou regard sa fason ki sa letid in fer, i pa pe vreman donn nou lenformasyon konkret.  E i pa’n vreman tous sa size Lapovrete parey i devret touse.  E la vi ki nou pe met sa Bidze e sirtou i pa konsern bann benefis satitwar.  Sa bann benefis satitwar sa ou kalifye anba enlot fason, me i konsern sa bout ki al anba Welfare.  E ou’n dir nou ki i annan sa travay ki zot pe fer so kan eski nou pou kapab espekte ki i pou annan en evalyasyon ki ganny fer, ki ava annan en retour donn bann lenformasyon bann Lotorite konsernen, menm Lasanble Nasyonal pou nou konnen ki lenpak, sa kantite larzan ki nou pe met dan sa Bidze ki annan si i pe tous sa bann dimoun?

Eski ou annan en dele letan lo kan ki nou pou kapab fer sa?  E dezyenmman prezan ki kalite link ki prezan ou pe etabli an servan sa sistenm ki ou annan ozordi, avek Minister Lanplwa, pou fer ki bann dimoun ki ankor lo – si mon kapab met li – lo benefis welfare, i sorti lo benefis welfare bann ki kapab travay e zot al travay?

Akoz si non nou pou vwar nou dan en sityasyon, kot en dimoun i lo welfare i renouvle i skip detrwa mwan, apre ou vwar li retournen.  So eski zot pe vwar ki dimoun pe exit from welfare, e zot pe al dan travay e ki mannyer zot kapab link up ek Minister Lanplwa, pou fer sir ki zot annan en fason pou plas sa bann dimoun dan lanplwa, zisteman avek bi redwir dan en serten fason sa benefis ki nou donn lo welfare?

Akoz mon konnen ki nou pa vreman tous sa 2 lezot i enpe difisil.  Prezan an se ki konsern sa 2 lezot Mr Chair mon en pti pe konsernen akoz nou pe entrodwir sa mezir fonksyonnalite en kapasite ek envalidite i annan 2 eleman – i annan sa eleman ou’n ne avek, ou pa kapab fonksyonnen e dezyenmman sa lot bout kot i konsern son bout travay ki ou’n ganny dimal.  Eski zot pa krwar zot pe entrodwi sa bout fonksyonnalite petet i pou ouver sa benefis ankor enpe tro?  Mon ti a kontan si ou ti kapab kalifye sa.  Mersi.

 

MR SPEAKER

Mersi Onorab.  CEO.

 

CEO MARCUS SIMEON

Ok mersi Mr Chair.  Mr Chair mon a pran sa bout lo kote parey lanplwa bann dimoun ki lo welfare lo rezon lanplwa ; mon a donn en sif par egzanp an 2017 Septanm to be exact nou ti annan apepre 1500 dimoun lo welfare pou rezon unemployed.  E la ozordi nou annan nou zis 233 – mon figure mon memory serves me right. lo la.  E sa i zis akoz i annan nouvo progranm ki’n ganny enkli.  Enn bann keksoz mon mete anba ‘current challenges ‘se ki i annan en lack of support services programme linking financial assistance to achieve social rehabilitation’ 3rd bullet.

Oparavan ti annan zis lasistans welfare – ti napa bann progranm ki mars avek pou tir dimoun lo la.  Minis Lafanmir atraver son Plan Stratezik ki’n ganny met devan – Family Plan – i annan bann action ki sorti anba la ki annan pou fer avek fer progranm atraver Social Services and so forth, pou ki nou osi Lazans i kapab tap ladan.

Si ou annan zis lasistans finansyel, i pou vin unsustainable akoz sa i sel rekour ki nou ti annan sa letan.  Me i annan bann progranm pe vin an plas.  Zis par nonm URS ,sa figure in desann par plis ki mil ekek dimoun.  E URS pa’n pran mil ekek dimoun – Unemployment Relieve Scheme – URS in pran apepre i annan zis apepre 200, 300 dimoun ki lo la.  So ki bor sa 1200 ekek dimoun in ale, ki ti lo welfare swadizan – ki pa kapab travay?

Zis met en kondisyon dir si ou apply welfare pou rezon unemploy, nou pou met ou laba – en sel kou sa i desann.  So i montre ou kot ler bann progranm i vin an plas, i mars anliny ansanm avek e i pou ed i ede pou al kontrol labi.

Bann lezot priyorite strategic priorities ki nou’n mete se par egzanp redwir lakantite larzan ki nou donn dimoun dan lanmen -sirtou anba striktir anba lasistans welfare. Pay in- kind  – STC, PUC and so forth e sa ou vwar bann lanons in pase sa lannen, kot nou pe bouz dan sa direksyon.

        So ou pe demann mwan kan sa bann reform pou vin an plas? Nou pe fini deza konmans travay lo la – e pli gran bout ankor pe vin atraver Poverty Alleviation kot pou annan bann pli mezir pou vin devan ankor.

Lo kote fonksyonnalite pou dezabilite, wi i annan dimoun ki’n ne avek.  Son assessment fonksyonnalite i pa pe get zis – i kapab fer sa pti bout oubyen i pa kapab fer sa alors donn li benefis.  Kontrer i pe gete ki i kapab fer.  Si vre en dimoun ki’n ne avek i annan dezabilite sever, probably lo son assessment fonksyonnalite i pou sorti ki i bezwen full benefits.  Me fonksyonnalite i dan norm enternasyonal, ki nou  pe bouz – WHO ki’n adopte – tou bann organizasyon deor pe adopte li, e nou osi nou bezwen bouz dan sa direksyon  ki la.  I pa neseserman mean ki pou annan plis dimoun me i pou mean ki parey Onorab Ernesta ti pe dir taler kot en dimoun kot son severite, i kapab ganny plis ki en dimoun ki son severite i mwens  i kapab ganny mwens.  Ok.  Me sa bann proposal pe al ganny devan Cabinet pou laprouvasyon.  Mersi.

 

MR SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman, mon annan detrwa pti kestyon ; premyerman pli boner ti pe koz lo sa R1000 pou bann pti baba ki ne, e ki Minis in eksplike ki sa i en Scheme pou ankouraz savings.  Mon ti anvi demande eski depi sa letan ki zot in konmans donn sa R1000, eski zot in fer en assessment pou regarde si vreman sa bann R1000 in grandi – oubyen si sa bann R1000 i ankor R1000?

Mon ti ava kontan ganny en soz –  parske pou nou regarde si vreman – si vreman i pe son purpose i a pe ganny achieved.  E an menm tan lo sa size pti baba R1000 i annan en dimoun in anvoy mon en mesaz i dir mwan in ganny son pti baba an Zilyet e an Zilyet zot ti dir li napa sa liv – e ki la in ariv 4mwan pli tar i pa ankor ganny son liv alors son pti baba pa ankor ganny son R1000.

Cemetery -sa osi enlot size ki nou koz lo la. Mr Chairman mon pa ganny en konpran akoz ki Sesel nou napa bokou later nou ptipti – me selman nou met en limit lo lakantite dimoun ki kapab anter dan en trou e sa se 3.

Eski i pa ler pou nou sanz sa Polisi pou ki bann fanmir la parey mwan both mon manman ek mon papa – i annan 3 dimoun ki’n antere mon papa i annan plis ki 14an depi ki in antere – mon pa vwar akoz mon pa kapab mon pa ti a kapab re fouy sa trou letan in ariv ler pou mwan ale parske sa i sel larout ki garanti – sel bis ki pase se bis lanmor e nou ti ava kapab ganny li.

So si nou sanz sa Polisi – parske menm si i annan cremation i annan en kantite dimoun ki anvi antere.  Alors ki tou bann fanmir ti ava kapab regard ankor, kote zot bann fanmir in antere refer en assessment e deswit la, mon krwar ki nou ti ava kapab ganny bokou landrwa pou kapab fer lanterman.

So en sanzman polisi i ti ava ede.  Inter island transport letan mon regarde fine i en bon lide, me selman letan ou pe regarde pou students i R1.1milyon – pou medical referals i R1.7milyon e pou pensionners i R2.85.  Eski e i tonm en total R5.739milyon, eski ankor enn fwa nou pa ti ava kapab ankouraz bann owners bato, ki fer sa bann transfer pou tir sa larzan lo zot CSR?  Konmsi mon pe rod bann diferan fason so that nou kapab redwir me an menm tan kontinyen donn sa servis.  Kot konmsi sa osi tou ti ava enlot R5milyon ki nou kapab fer en lekonomi dan nou Bidze.

Retirement benefits mon vwar ki i annan en sonm R714, 861milyon ki’n ganny bidzete, be letan mon fer mon kalkil lo baze lo R5, 250 ki zot pou ki tou nou bann retirees pou gannyen apartir le 01 Zanvye konmsi mon ganny en total 11ekek dimoun, eski i pa tro bokou sa sonm konmsi ou a krwar i depas sa anviron 10mil ki nou pe espekte.  So mon ti ava kontan ganny en larepons lo sa.

Liberation Fund ti tonm anba zot sa tou pou Liberation Fund zis dir mon en pti git lo la.  Apre sa Mr Chairman mon dernyen pwen letan mon pe regard employment reskilling e avek URS ok pou employment riskiling i R3.1milyon e pou URS i R10million ;mon pa konnen egzakteman ki mannyer nou pou vwar sa me selman mon Onorab ki sa progranm ki zot in run kot bann diferan manrmay in al – pa zis manrmay – letan mon pe dir manrmay zot konpran dan ki konteks ki mon pe dir – kot zot in ganny plase enpe partou kot zot in aprann en metye e apre sa, sa bann dimoun in ganny anploye.

Mon madanm in koz ek mon lo par egzanp lo serten bann garson ki ti koze, ki mannyer in fer training laba apre sa poudir i bon zot in ganny sa travay mon mazinen i ti anba reskilling li.  Sa i en keksoz pozitiv parske ou a pe parey bann Sinwan i dir pa donn en dimoun en pwason donn li en laliny e i ava aprann lapes.

Tandis ki URS, URS  mwan mon kontinyen kestyonnen – espesyalman nou pe met R10milyon.  Konmsi mon ti ava trouv i fer plis sans pou nou met R10milyon dan bann reskilling programmes kot nou konnen ki poudir nou a pe ed sa bann zenn oubyen sa bann dimoun ki ti dan en lot lanplwa pou li kapab pou nou pou li kapab go back to employment, rather than URS – ki konmsi ennler nou pa tro konnen egzakteman ki pe arive.  Mon ti ava kontan ganny en leksplikasyon lo la.  Parske mon krwar ki a tou nivo e Onorab Ferrari in koz lo la, lo ki mannyer nou devret pran sa eleman serye.  E la par egzanp menm sa zafer funeral benefits. Ankor enn fwa mon konpran me selman eski i pa ler – mon pa konnen si Gouvernman ki devret ankouraz sa pou lanse, oubyen si sekter prive ki devret lans sa, pou ki en dimoun i ganny en lankourazman pou li tou le mwan –  parske parey ou’n dir sanmenm sa bis ki nou tou ki la nou pou bezwen antre ladan en zour – ki tou le mwan i met en pti R10 – i annan bann konmsi konman en it’s not an insurance, me selman en Scheme of some sort ,pou ki tou le mwan en dimoun pe met en pti larzan de kote oubyen ankouraz sa bann servis bann dimoun ki annan servis finerer, pou ki finalman letan sa dimoun i mor, i annan son larzan la pou kit tou e petet osi tou dapre son Kontra sa Agency  – sa servis finerer i annan tou sa bann larzan la pou li okip everything ki annan pou fer avek en lanterman, e nou pa trouv – i annan diferan sa bann i annan diferan pei ki annan sa bann Scheme ; e petet la ankor enn fwa pou nou ed dimoun pou pran zot responsabilite.  Nou konnen ki poudir nou pou viv en average mon pa konnen 70an oubyen menm 50an, be pandan 50an si tou le mwan mon pe met R25 me ler mon ariv 50an mon pou kapab ganny pli gro serkey posib.  Mersi bokou Mr Chairman.

 

MR SPEAKER

Mersi Onorab.  CEO in osi donn enpe repons ki ase bref.  Nou pe run out of time.  Minis.

 

MINISTER MITCY LARUE

Mersi Mr Speaker.  Premyerman mon a pran sa enn mon a pran 2 pwen apre mon a pas avek CEO ; lo kestyon latonm parey ou pe dir annan dwa fouy zis 3 fwa mon krwar sa i en Public Health Act – i tonm anba Public Health Act selman sa travay ki nou pe fer nou pe fer ansanm avek zot akoz nou osi nou krwar nou kapab si sa dimoun pa’n ganny en maladi ki kontazyez, ki bezwen ou konnen nou kapab servi li plizyer fwa.  Selman i en travay ki nou pe fer i ava ede akoz parey ou dir egzakteman pa tou dimoun ki kontan bril son fanmir – parey ou’n dir – zot pli kontan antere kot i kapab fer en pti vizit e anmenn en bokou fler.  Bon lo kote inter island transport mon ava petet demann PS pou koz lo la.  Apre i annan sa R1000 i pa tonm anba nou sa R1000 ankor mon a demann PS Finance pou koz lo la sa voucher ki bann paran i gannyen.  Mon a demann PS pou koz lo sa 2 pwen apre leres mon a met avek Liberation Memorial Fund osi sa osi PS i ava eksplike apre CEO i ava reponn lezot repons.  Mersi.

 

MR SPEAKER

Mersi Minis.  CEO si ou’n pare mon a donn ou laparol apre nou ava pran PS Finans.  CEO.

 

CEO MARCUS SIMEON

Mersi Mr Chair.  Mersi Onorab pou ou kestyon.  So si mon a konmans avek reskilling against URS reskilling li son target group parey ou dir bann zenn – ki’n kekfwa in pas atraver lekol me selman i pa’n ganny sans antre al full range ziska ler i antre dan en travay.  I vre i marse byen e tou lede nou partners reskilling URS i lanplwa URS li i pe target sa lot group adilt ki kekfwa in perdi lanplwa, oubyen ti dan prizon bann adilt vilnerab, ki ler i annan en group dimoun 35an a 55an, once zot perdi louvraz zot vwar zot difisil ladan.

E sa ti dan group dimoun ki nou ti pe vwar oparavan swa lo welfare oubyen ti napa en louvraz pli formel pou zot.

So URS li i pe target son group dimoun ki i pe targete i bokou pli gran ki ladan e nou pe donn zot sa lasistans ki zot gannyen anba Lalwa URS, ki nou ganny sorti enpe pli o ki pou reskilling ki pou en etidyan pou zot i bann adilt ki annan en fanmir ki pa -rler zot ganny sa minimum wage, so sanmenm sa i enpe pli o.

Me i osi son kriter i kler me konpare avek oparavan ki ti en Scheme kanmenm i appel Unemployment Relieve Scheme la i annan en Lalwa ki marye avek li, ki dir par egzanp tou le 6mwan tou le 1an ou bezwen fer sir ki ou pa reste lo la tou ou lavi.

Me nou annan bann sityasyon ki kanmenm sa ki vreman difisil i annan detrwa dimoun alkolik, ki konmans antre lo la akoz zot pa kalifye pou dezabilite oubyen zot pa ka welfare akoz zot kapab travay me i annan a travay ansanm Lanplwa, ASP – Servis Sosyal tousala i vin an zwe pou fer ki ler zot lo sa progranm URS i annan sa reabilitasyon sosyal osi ki arive pou zot kapab ganny zot en lot lanplwa.

Funeral benefit i en diskisyon, ki nou’n gannyen bann staff Minister Finans ansanm ek kot Minister, kot pou gete ki mannyer nou kapab ankouraz dimoun pou zot zis fer en kontribisyon. Tou pei pe al lo sa devlopman kot dimoun osi i fer son bout kontribisyon.  Parey Sesel osi konmela nou annan Pension Fund, kot nou ankouraz bann dimoun pou travay.  Akoz i enportan pou travay.  Akoz demann ariv 10an, 15an down the line ,dimoun pe espekte ki sa retirement benefit ki nou annan ozordi, i kapab zot in vin lekspektasyon R20mil.  Be ki mannyer Gouvernman pou afford donn dimoun R20mil.  So kan i annan dimoun ozordi ki pe ganny en pansyon ler in azout avek son benefis R20mil, R25mil an montan.

Sa i bann dimoun ki’n travay ki’n kontribye.  So sa kominikasyon pou fer sir ki dimoun osi i pran son responsabilite, kot Gouvernman i a kapab la pou bann ki napa swa par egzanp nou annan sa 10mil pansyoner ozordi, ki ti napa dan en letan kot ti napa Fon Pansyon zot sel income a lafen dimwan i sa benefis retret me 25an from now bokou dimoun i pou lo pansyon.  

        So menm parey lo funeral benefit nou pe kominike pou ki dimoun osi i pran zot bout responsabilite me Lazans i enn nou bezwen nou bann lezot partners antre ki ofer sa bann servis parey mon mansyonnen dan mon challenges lo pwen 3 sa sipor.  Akoz si ou anvi sa larzan desann fodre en lot landrwa ki pe pran li.  Akoz Lazans Proteksyon Sosyal i dernyen bout li si ou gete.  Si partou anler i kase i tonm anba kot nou.  Mersi.

 

MR SPEAKER

Mersi CEO.  PS Thesee.

 

PS DAMIEN THESEE

Mersi Mr Chair.  An se ki konsern New Born Saving Scheme, sa ki nou okouran sa larzan sa paran pa ganny dwa tire ziska sa zanfan i vin i ganny 18an.  So nou pa’n fer okenn assessment pou gete si zot met larzan ankor ladan, akoz sa linisyativ Gouvernman li in pran pou ankouraz paran at least ankor avek nou issue low birth rate – ankouraz li avek en konmansman.  So zot pa annan drwa tir sa larzan.  E nou ava appel lo pe kontinyen ankouraz e pou nou konmans fer en kiltir savings nou apel bann tenm ki nou ti annan lontan ki pe reviv ankor sa diskisyon pou ankouraz plizoumwen bann zanfan lekol ki kekfwa aste tenm dan lekol ki ava kontribye dan sa kont avek Savings Bank.

An sa ki konsern pou bann elderly pou bann Cat Cocos i en propozisyon ki nou kapab gete si fodre nou fer li atraver CSR.   I annan en Polisi la si fodre nou review son scope nou a gete si i fezab, me selman at the end of the day tou lede pou annan en lefe lo Bidze.  Atraver ASP i atraver en Bidze – atraver CSR i pou enlot mwayen.  So i ase pozitiv propozisyon nou kapab konsidere si fodre revize.  Liberial Memorial Fund sa ki nou aware i ganny zere par Departman Ladefans.  Nou pou napa lenformasyon la pou donn okenn detay.

 

MR SPEAKER

Mersi PS.  Onorab.  Bon nou ariv en moman kot nou kapab pran en vot.  Parey PS in dir nou pou pran vot separe nou pou pran pou Lazans pour Proteksyon Sosyal sa i trouv son Administrasyon pou en sonm R35,739milyon ki trouve lo paz 555 ziska paz 561 e i form par sa Schedule.  Mon ava demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  19 Manm in vot an faver.  E personn kont.  Mersi.

 

APPROVED PROGRAMMES AND BENEFITS OF AGENCY SOCIAL PROTECTION

 

MR SPEAKER

Mersi Madanm Deputy Clerk.  Savedir Bidze pou Lazans Proteksyon Sosyal pou 2019 in ganny aprouve par Lasanble Nasyonal.  Nou ava pran prezan Bidze ki tonm dan Approved Programmes and Benefits of  Agency Social Protection sa i lo paz pti No.37 konmans nou Schedule ki form par lo sa Schedule e i pou en sonm R1, 293, 915bilyon.  Mon ava demann tou Manm ki an faver?  Okenn Manm ki kont?  Madanm Deputy Clerk.  Bon nou pou bezwen repran en kont pou bann Manm ki an faver bann Manm ki an faver pou sa Bidze R1.293, 915bilyon wi.  Ok Madanm Deputy Clerk.

 

MADAM DEPUTY CLERK

Mersi Mr Chair.  17 Manm in vot an faver.  E personn kont.  Mersi.

 

MR SPEAKER

Mersi.  Savedir Bidze pou Progranm pou bann Benefis pou lannen 2019 in ganny aprouve par Lasanble Nasyonal.  PS okenn lezot Bidze ki nou bezwen pran anba la?  Non napa.  Bon mon ti a kontan remersi Minis Larue, CEO Mr Simeon e Financial Controller Mrs Lucy Lespoir.  Mersi e nou ava eski zot parmi nou.

 

(MINISTER MITCY LARUE AND HER DELEGATION WAS EXCUSED FROM THE HOUSE)

 

 

MR SPEAKER

Bon mon ava demann Sergeant pou zis move nou Mace pou nou al dan Staz Komite of the whole House.  Bon PS gid nou lo Schedule pou demen bomaten.

 

PS DAMIEN THESEE

Mersi Mr Chair.  Nou annan nou sipoze pran Departman Minister Finans 3er nou pa’n kapab sa nou ava bouz li demen bomaten 9er.  Apre nou ava pran Financial Intelligence Unit apre nou a pran National Tender Board avek Procurement Oversight Unit e Seychelles Investment Board.  Mersi.

 

MR SPEAKER

Ok mersi PS Thesee.  Onorab Henrie.

 

HON GERVAIS HENRIE

Wi Mr Speaker.  Parske demen Vandredi nou annan preski Lazans ki’n vini dan lasemenn ki baze lo bann dokiman tou bann Manm in demande, ki nou pa ankor resevwar ; par egzanp LWMA lalis bann kontrakter dan bann distrik, Minister Lasante lalis lakonpannyen sekirite, Local Government lalis bann pti proze Pti Payot dan distrik – lakonpannyen sekirite, SLTA i annan en lalis detay proze pou bann semen ; SNYC lapey.  So i annan bann Departman i sipoze donn nou bann dokiman avan demen 4er.  Mersi.

 

MR SPEAKER

Wi mersi Onorab Henrie.  Nou ava regarde  – Sekretarya i ava fer swivi.  Bon mon ti a kontan remersi PS Thesee, Ms Verghese, Ms Tamatave remersi tou Manm Lasanble, tou manm piblik ki a lekout e byensir nou remersi SBC.  Bon nou ava adjourn e nou repran nou travay demen 9er bomaten.

 

 

(ADJOURNMENT)