::
Home » Verbatim » 2018 » Verbatim Tuesday 20th November, 2018

Verbatim Tuesday 20th November, 2018

NATIONAL ASSEMBLY OF SEYCHELLES

Tuesday 20th November, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab.  Bonzour tou dimoun ki a lekout ki pe kontiny swiv travay Lasanble Nasyonal lo Bidze 2019.

Mon annan en bonzour spesyal pou Minis Dezinyen Mrs MacSuzy Mondon ki bomaten se son Minister – bann Departman ki tonm anba son Minister ki pou ganny scrutinize par Lasanble e Mrs Mondon i ganny akonpannyen par son PS pou Youth and Sport Mr Fabien Palmyre avek Mr Kevin Vidot ki Special Advisor pou Youth. 

Mon profite osi pou lo non Lasanble Nasyonal pou fer nou kondoleans avek Minis Mondon a lokazyon perd son frer semenn pase.  Minis Mondon aksepte nou kondoleans.

Bon mon ti a kontan osi tou an vi yer ki mannyer nou’n fini nou travay, avan nou pran Order Paper mon ava zis fer sa pti kominike – Minis Jean-Paul Adam in an kontak avek mon yer.  E in dir mon pou dir sa matter lo Hémodialyse ki i dan Bidze HCA – Health Care Agency pou ganny taken up dan Cabinet meeting, demen e i pou dan en pozisyon pou li pare pou li vin prezant en desizyon avek Lasanble Zedi matin.  Mon demann avek Madanm Clerk pou koresponn avek PS Thesee pou nou kapab fer plas pou Zedi matin pou Minis pou Lasante i a vin en pti moman parmi nou.

Nou ava pas direkteman lo Order Paper nou annan en Revised Order Paper e nou annan en First Reading mon ava demann Madanm Clerk pou fer First Reading. 

 

MADAM CLERK

Mersi bokou Mr Speaker.  Bonzour Mr Speaker, bonzour Minis ek ou delegasyon ek tou Manm.

Konman Private Member’s Bill sa semenn Mr Speaker First Reading – International Business Companies (Amendment) Bill, 2018.

 This Act may be cited as the International Business Companies Act of 2018.  Mersi Mr Speaker.

 

MR SPEAKER

Mersi Madanm Clerk.  Bon nou ava al direkteman lo nou travay.  E mon ava demann PS Thesee pou gid nou.  PS.

 

DEPARTMENT OF YOUTH AND SPORTS

 

PS DAMIEN THESEE

Bonzour Mr Speaker tou Manm Onorab.  Nou ava pran paz 121 pou Departman Lazenes ek Sport pou en sonm R10,522 milyon.  Mersi.

 

MR SPEAKER

Mersi PS.  Bon okenn Manm ki pare ki anvi demann kestyon.  Yes Onorab Ernesta.

 

HON PAUL ERNESTA

Mersi Mr Chair.  Mr Chair, Minis ek ou delegasyon, tou bann koleg Onorab, tou dimoun a lekout prezimen bann zabitan Takamaka bonzour.

Mr Chair mon pou plito koz en pti gin lo pwen 121 ki lo mandate Departman si oule.  Pou zot vwar bann National – lo kote mon vwar zot pe konsantre zis lo zis Nasyonal mon pa vwar lanfaz ki zot in mete lo zot mandate lo nivo at district level. 

        E zot in koz osi lo zot bann soz pou zot travay lo bann stakeholders.  Pou anmenn bann progranm bann devlopman ki tous lazenes dan zot bann lorganizasyon.

Eski lo kote ou bann parey lo kote laspe Wi-Fi, internet akoz nou konnen sa ozordi ti pe konmans vin en trend pou nou lazenes i en fasilite pou nou bann zenn kapab servi.  La mon get mon distrik menm Takamaka kot zot, zot kapab benefisye avek sa bann tel servis kapab ed bann zenn dan zot resers dan tou sa ki zot annan pou zot fer.  Mersi Mr Chair

 

MR SPEAKER

Mersi Onorab.   Avan mon pas laparol avek Minis, mon ti a kontan demann Sergeant pou li zis move Mace.  Nou’n bliy en pti lapriyer bomaten.

Apre osi tou mon ti a kontan acknowledge prezans PS Thesee touzour la parmi nou kot sorti kot Minister Finans.  Akonpannyen par Ms Tamatave, e Ms Croisee.

Bon on ava donn laparol Minis Dezinyen Mrs Mondon.

 

THE DESIGNATED MINISTER – MRS MACSUZY MONDON

Mersi Mr Speaker.  Bonzour Mr Speaker.  Bonzour tou bann Onorab prezan e tou bann dimoun ki a lekout.  Mersi Mr Speaker pou ou mesaz senpati.  Mon’n byen apresye.

Mr Speaker kot i konsern manda Youth avek Sport Department, mon krwar Onorab in koz lo kot i konsern Wi-Fi.  Ou konnen pou dir in annan plizyer bann Internet Café, ki nou’n sey ouver dan bann distrik pou lazenes,  i annan plizyer distrik ki nou’n met sa an plas.  E letan ki nou’n fer osi revi bann lafason ki sa bann fasilite pe ganny servi nou’n vwar poudir zenn pa pe servi li tro bokou.  E mon konnen pou dir Departman Lazenes pe revwar en pti pe a lavenir, ki mannyer nou pou apros sa size, akoz i pa vreman rantab pour nou a se moman.  Me mon ti a kontan demann PS Palmyre pou koz en pti pe plis an detay lo sa issue ki’ sorti lo konsernan Wi-Fi pou lazenes dan distrik.  Mersi Mr Speaker.

 

MR SPEAKER

Minis Mondon.  PS ou ti le azout keksoz?  Ok go ahead.

 

PS FABIEN PALMYRE

Bonzour Mr Chairman e tou bann Onorab.  Nou pandan sa lannen nou’n reviz nou Youth Policy.  E sa issue in lev-e.  E parey Minis in dir i pa vreman rantab pou al envestir dan bann keksoz ki nou pou al apel ‘hardware’. 

        Me selman par kont zafer pou donn data sa i en keksoz ki’n lev-e. e dan prezantasyon ek Cabinet sa osi in ganny diskite i pou vin en partnership avek bann service providers.  E SNYC ki enplimante.  Alors la ki la sa policy in ganny aprouve.  E byento nou pou konmans popilariz li.  Nou pou konmans devlop nou bann stratezi.

Savedir mon ase pozitiv ki sa keksoz pou arive.  Akoz la nou nepli dan bann keksoz pou manrmay ganny laptop oubyen tablet.  Sa nou konnen zot annan.  La prezan se pou zot ganny akse avek data.  Mersi.

 

MR SPEAKER

Mersi PS.  Onorab Ernesta.

 

HON PAUL ERNESTA

Mersi Mr Chair.  Mon  welcome sa nide si ou le ki PS in koz dernyen lo la, e sa si oule kapab ed nou bann zenn.

Ou’n nonmen ki la zot in deza fini met sa dan Polisi.  Kan ki nou kapab espekte en moman pli en de letan pli kourt pli vit si oule?  Kot nou bann zenn zot kapab zouir sa bann tel servis sirtou lo bann data.   Petet Youth Service Bureau nou konpran difikilte, me lo kote data kapab ed nou bann zenn nou annan – (mannyer nou apele)? Kote kot kan sa bann zafer internet access la, sey vwar avek zot pou kapab fer sa o pli vit posib.  Mersi Mr Chair.

 

MR SPEAKER

Mersi Onorab.  Minis oubyen PS.  PS. 

 

PS FABIEN PALMYRE

Mersi Mr Chairman.  Parey mon’n eksplike konmans lannen la nou pe al bouz dan bann stratezi avek lenplimantasyon.  Savedir SNYC ki enplimante byensir mon osi mon pou involve departman.  Nou pou rantre dan diskisyon avek bann servis providers, pou regarde ki mannyer zot kapab asiste pou nou ganny bann rate favorab e menm kot nou kapab ganny bann free Hotspots.  Mersi.

 

MR SPEAKER

Mersi PS Palmyre.  Onorab Henrie.

 

HON GERVAIS HENRIE

Mersi Mr Chair.  Mon kestyon i baze lo paz 124.  Lo ‘performance indicators.’  Letan mon get zot latab mon anvi demann zot in terms zot kapasite resours imen’ pou sirtou monitor e evalye sa bann progranm eski zot annan sa kapasite pou fer?  Akoz par egzanp letan mon pe get sa dernyen target la – ‘number of monitoring evaluating programmes and activities.’ An 2017 target ti 40 me zot in achieve selman 32.  So mon anvi konnen kwa ki’n anpes zot zwenn zot target

E dezyenmman lo paz 121 letan zot koz lo revizyon Polisi Nasyonal pou Lazenes e osi Polisi Sports.  Mon ti pe zis fer en pti search vitman online pou mwan rode kot sa i ete si in poste kek par.  Nothing.  Mon pa vwar so lefe ki zenn i doue ek avek sa bann zafer teknolozi. Tou keksoz konmela i al online.  Eski i annan en problenm la?  Mersi.

 

MR SPEAKER

Mersi Onorab Henrie.  Minis oubyen PS Palmyre.

 

PS FABIEN PALMYRE

Mersi Onorab.  Mersi Mr Chairman.  Premye kestyon lo nou bann target – lo kote kapasite ek resours, kekfwa la i demann en pti lesplikasyon ki mannyer sa ou ganny fer.

Annefe i baze bokou lo self-reporting.  Savedir bann antite ok la nou pe koz lo NSC ek SNYC zot soumet monthly report e quaterly report. 

E ladan zot pou  met bann statistik bann keksoz bann data pou nou vwar.

Parkont lo kote nou menm nou Departman, nou annan en monitoring officer e nou annan lezot dimoun ki pa neseserman monitoring officer, me selman zot donn koudmen, ki si nou remark en keksoz ki pa tro larealite avek sa ki zot pe dir pa tro parey – nou kapab pa physically al regarde.  Me selman i baz bokou lo self- reporting par bann antite.  Sa i pou sa kestyon monitoring. 

        Lo kote Polisi online sa i vre.  Me selman demars in fini konmans ganny fer ek sa bann zafer Access to Information ki nou pe travay avek DICT pou met an debout nou met debout nou website e tou bann keksoz ki vin avek.

Savedir mon pe krwar 2019 definitivman nou pou annan nou website, e tou bann dokiman bann keksoz ki nou bezwen pou kapab ganny access.  Mersi.

 

MR SPEAKER

Mersi PS.  Onorab Henrie.

 

HON GERVAIS HENRIE

Zis vitman baze lo larepons PS –  so i annan plizyer progranm la , ki zot sipoze pe monitor e pe evalye?

Me pou gran piblik, zot pa okouran poudir i annan sa bann keksoz ki Departman ki ou a latet sipoze pe fer. ]

Ki mannyer  zot atraver sa Bidze la ki nou pou donn nou, ou pou fer sa travay pou ki sa dimoun i konnen.  Akoz si non ou kapab zis en pti biro – Ocean Gate mon krwar ou baze, ki nou pa vwar ou – nou pa tande ki ou pe fer.  Me selman ou pe fer  en keksoz.

So ki mannyer ou pou fer dimoun konnen poudir i annan sa bann keksoz ki pe arive – en mannyer nou konnen letan nou pe donn ou en Bidze, ki ou pa zis la – me ou pe fer en keksoz pou sanz Sesel e fer li vin pli meyer ki ti été, ozordi.  Mersi.

 

MR SPEAKER

Mersi Onorab.  PS.

 

PS FABIEN PALMYRE

Mersi Mr Chair.  Mersi Onorab.  Mon panse ki pou bann dimoun ki gard zot lizye e zorey ouver, zot pou vwar akoz zot pou vwar pou dir nou pe poste keksoz.  Ok si par egzanp i annan li en Facebook page e i annan bann lezot platform Duke of Edinburgh osi i annan – zot poste.  Tanzantan ou pou vwar en lartik lo bann medya.

Me selman avek – – kekfwa spesifikman sa ki ou pe dir avek Access Information Act avek bann keksoz ki pe al ganny enplimante.  Par egzanp si oule statistik ou le en rapor definitivman nou pou poste.  Mersi.

 

MR SPEAKER

Mersi PS.  Onorab Audrey Vidot.

 

HON AUDREY VIDOT

Mersi Mr Chair.  Bonzour Mr Chair, Minis avek ou delegasyon, tou Manm Onorab e tou manm piblik ki a lekout espesyalman bann zabitan Roche Caiman

Mr Chair mon kestyon pou Minis eski mon’n tann PS dir zot pe zot in revwar zot Polisi pou Lazenes.  Eski dan zot bann revizyon dan Polisi – pa zis pou lazenes osi e pete pou Spor i annan bann rekomandasyon ki dan bann deba dan Mosyon ki’n vin devan nou Lasanble nou’n koz lo Polisi sa de spesifik Departman.  An term bann sponsors ki bann lorganizasyon prive – par egzanp bann ki vann lalkol ou sigaret, ki anvi petet donn en serten sponsorship oubyen sipor anver bann progranm ki tonm anba sa de Departman.

Eski zot in pran konsiderasyon pou allow sa bann lorganizasyon kapab donn sipor sa bann progranm dan zot – in term of donasyon sipor ki zot anvi?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER – MRS MACSUZY MONDON

Mersi Mr Chair.  Mr Chair sa Polisi ki Onorab pe koz lo la i bann Polisi an zeneral – i bann desizyon ki Gouvernman i pran. I annan ki pran konzwentman avek Minister Lasante.  Parey ou konnen toulezour ou tann Minister pe dir nou bezwen pran responsabilite pou nou lasante.

E mon rapel i ti monte osi sa kestyon – dernyen fwa osi mon ti vin enn dan bann Sesyon ki mon’n vini Lasanble si nou pou rekonsidere?  E mon krwar in deza osi Onorab monte oparavan.  I pa bann keksoz ki pou sorti dan Polisi Lazenes. Ok?

Me nou ti dir i bann keksoz ki nou kapab re al diskite pou revwar si i annan en posibilite ki pou annan en sanzman dan sa bann Polisi ki nou’n deza pran en desizyon lo la.

Petet mon ti a kontan osi Mr Chair, pou enformen pou dir boner konmansman lannen prosenn, nou pou vin fer en Statement lo Youth Policy avek Lasanble Nasyonal.  Nou ava ganny sans pou nou kapab diskit sa Polisi en pe plis detay. Mersi Mr Chair.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Bonzour tou dimoun ki a lekout.  Bonzour Designated Minister avek ou lekip.

Mr Speaker mon ti a kontan demann Minis or CEO, mon pe evalye en pti pe sityasyon dan mon distrik Grand Anse Mahé.  E letan mon pe get anba ‘current challenges ‘letan zot pe dir ‘difficult to effectively implement the National Youth and Sport Policies.’ 

Mwan mon krwar wi.  Akoz letan mon pe get sa fraz avek realite dan mon distrik.  Mwan mon anvi demann avek Minis avek son lekip, kwa egzakteman ki problenm ki annan? E eski sa resours – sa sonm larzan ki zot demann ki zot in met dan Bidze, zot krwar sifizaman?  Ouswa zot in fer en plis demann, me solman zot pa’n ganny sa ki zot merite?  Me dir sa Lasanble egzakteman kwa ki bann difikilte ki zot pe fer fas avek pou enplimant sa?

Akoz letan mon pe get bann progranm o nivo distrik, mon santi pou dir i annan serten dekoneksyon.  Dekoneksyon.

Akoz letan ou pe get bann problenm, mon vwar diferan seksyon pe may zanbek kanmarad ; nou annan limitasyon resours, me selman si nou ti byen servi resours, e fer li byen e angaz tou bann akter konsernen dan distrik, petet nou bann problenm ozordi nou pe fer fas avek o nivo Nasyonal i pa ti pou leka!  Mersi.

 

MR SPEAKER

Mersi Onorab William.  PS.

 

PS FABIEN PALMYRE

Mersi Mr Chair.  Mersi Onorab.  en bon kestyon.  En keksoz ki i nou byen konsyan.  I annan amelyorasyon ki mon vwar i pou arive.  Enn – i lefe ki Minister Lazenes Spor e Kiltir i aktyelman tonm anba portfolyo Designated Minister, i vedir prezan Local Government.  Spesifikman sa ki ou pe dir dan distrik, nou’n fini fer bann demars, ki nou pe apel ‘decentralization of activities’.  Desantralizasyon bann aktivite.

E Bidze in ganny donnen pou sa.  Pa pou mon Departman.  Mon krwar, SNYC Local Government i a kapab donn plis detay.

Me selman spesifikman akoz plizyer fwa nou’n vin dan Lasanble sa bann keksoz in ganny diskite.  Me i pa zis en keksoz larzan. I osi en kestyon parey ou’n dir kordinasyon – anpes diplikasyon – travay konman en tim.  E deza dan biro Minis Dezinyen, nou’n konmans fer sa travay kot nou zwenn pou konmans diskite ,mannyer nou pou anmenn bann aktivite dan distrik, dan en fason nou kapab reponn en pe a zot bann demann ki zot in demande sa lannen, lannen pase – even.

        Alors mon krwar ou pou vwar serten amelyorasyon an 2019.  Mersi.

 

MR SPEAKER

Mersi PS.  Onorab William.

 

HON WAVEN WILLIAM

Mr Speaker mon pa tro satisfe avek sa larepons ki mon’n gannyen.  Akoz mon pa vwar ou’n reponn mon kestyon!

Epi lot keksoz se ki, ou dir mwan ou espekte pou arive.  Me nou dan distrik, nou ti a kontan ganny – mon kapab dir – en keksoz presi pou dir be ok vwala ,ki nou espekte pe vin fer apartir 2019, pou nou osi kapab swivre e mezire e donn koudmen komann Lotorite Distrik, pou kapab fer sir ki sa bann progranm i vreman – mon kapab dir annan en lefe pozitiv dan distrik.  Mersi.

 

MR SPEAKER

Mersi Onorab William.  Minister. 

 

THE DESIGNATED MINISTER – MRS MACSUZY MONDON

Mersi Mr Chair.  Mr Chair tou ban diferan Departman – Sekter in ganny demande, pou travay lo en progranm ki nou pe al met avan lannen fini nou pe al met dan en Master Plan Onorab, pou nou kapab konmans enplimant li an 2019.  Ki form par nou Progranm Desantralizasyon.

E lannen prosenn letan nou pou desantraliz bann aktivite, nou pou desantraliz osi en pe bann resours ki nou annan pou nou kapab fer sir ki sa bann aktivite i ganny enplimante e i ganny enplimante byen.  E an men tan osi ki ganny byen monitor pou fer sir i ganny byen access, pou fer sir ki nou satisfe avek rezilta ki sa bann aktivite pe anmennen.

Donk Onorab mon ti a kontan asir ou ki nou plan, i pou pare pou nou konmans lanse an 2019.  E letan nou’n compile tou sa bann diferan sekter pe met ansanm, koumsa nou kapab enplimant li e fer sir ki dan tou bann distrik, tou bann plan ki nou annan pou lazenes, i kapab ganny enplimante byen.

Mon krwar nou’n deza konmanse sa lannen en pe, avek serten resours ki nou ti gannyen pou sa lannen, kot bann youth workers dan distrik ki’n donn zot proze, ki’n travay lo zot proze ansanm avek bann DA, ki’n anvoy kot Local Government nou’n donn zot sa resours neseser pou zot kapab enplimant zot bann proze dan distrik.

Me nou bezwen osi fer li byen – dan en fason en pe pli byen konzele a lavenir, e sa i ava arive pandan lannen 2019.  Mersi Mr Chair.

 

MR SPEAKER

Mersi Minister.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair regards to Departman Spor eski konsern Polisi, eski zot in konmans donn okenn latansyon atraver larzan, ki zot in mete pou bann consultancy?  Anver sa ki mon koleg Onorab Hoareau in propoze dernyen fwa sa Retired Athletes Scheme pou bann atlet?  En Retired Athletes Scheme Maurice in entrodwir enn;  kot en Scheme for Retired High Level Athlete in ganny set up for due recognition of bann athlete ki’n partisip dan bann aktivite parey – dan bann sporting events parey – African Championship, Africa Games, Francophonie Games, Commonwealth Games, World Championship and Olympic Games.  Names that come to mind mon mazin Rival Payet, Roland Raforme, Jerry Legras dan bokse, Janet Thelermont dan weightlifting Lissa Labiche dan atletik.

So nou pe konpran Nioze dan triple jump. So nou pe koz bann atlet ki’n achieve Signal Honor pou Sesel lo nivo enternasyonal!

Eski zot in donn okenn thought pou zot kapab konmans travay lo en policy, an se ki konsern nou bann retired athletes?  Mersi Mr Chair.

 

MR SPEAKER

Mersi Onorab.  PS. 

 

PS FABIEN PALMYRE

Mersi Mr Chair.  Mersi Onorab.  Sa bann kestyon diferan Scheme in lev-e.  Sa diskisyon lo kote ki ou pe dir – bann retired athlete so even bann ki’n ganny injury sa bann kestyon in lev-e.  Prezan i pou en kestyon mannyer ou pou finans sa.

E annefe Sports Policy i osi i dan son faz pe terminen lo kote departman nou’n fini li.  Nou pe anvoye pou bann dimoun met zot bann input.  E definitivman nou pou ansarz.  So i en keksoz ki nou anvi mete, me i pou en kestyon son finansman.  Alors nou pou bezwen diskite, pou vwar si nou annan sa kapasite – sa resours pou fer li.  Mersi.

 

MR SPEAKER

Mersi PS.  Onorab Pillay.

 

HON SEBASTIEN PILLAY

Mersi Mr Chair.  Mr Chair vi ki sa pou ganny reprezante dan laform en Scheme, ki pou ganny prezante avek Minister Finans.

Eski Departman Sport pou pare avek sa Scheme by dizon Zen lannen prosenn e Minister Finans then i ava regard atraver Midyear Review pou nou konmans entrodwir sa Scheme?  Akoz si nou kontinyen delay sa, mon krwar nou tou ki la nou apresye zefor e travay ki bann atlet in donnen pou pei – zot in negliz zot fanmir ek zot lakour. Mon konnen i annan bokou dimoun ki fer sa.  Me sa bann dimoun in fer sakrifis pou pei.  E mon krwar zot devret ganny en Recognition.  E plis nou tarde ek sa – eski Departman Spor pou pare ek en Polisi, pou prezant avek Minister Finans, ki a vin devan Lasanble?  E nou konman Manm Lasanble – Mwan mon pou vot an faver en tel Scheme!  Mon krwar on annan lezot koleg lo kote latab ki osi pou siport sa Scheme.

        So eski zot pou pare pou anmenn en Scheme parey dizon milye lannen prosen during the Midyear Review? 

 

MR SPEAKER

Mersi Onorab.  PS.

 

PS FABIEN PALMYRE

Mersi Mr Chair.  Larepons i wi – Scheme i pou pare.  Parey mon’n dir ou sa diskisyon menm pou dir, kot pou tir resours pou fer li, sa i an deor mon lanmenm.  Me se mon krwar si nou ganny sipor bann Onorab – nou ganny bann sipor bann lezot dimoun dan Lotorite,  i posib.  Mersi.

 

MR SPEAKER

Mersi PS.  Onorab De Commarmond.

 

HON CHARLES DE COMMARMOND

Mersi Mr Chair.  Bonzour Mr Chair bonzour Minis ek ou delegasyon e tou Manm Onorab e tou dimoun a lekout.

Mr Chair an menm tan ki mon pe siport fortman sa pwen avanse la, so mon krwar i bezwen ganny fer.  I annan en lot issue ki bann atlet of that klib i pas atraver – pa tou me serten e ki bezwen sipor Minister Sport oubyen NSC e ki mon santi i pa pe ganny fer.  Ki konmsi ou pe lans en lapel ki omwen imedyatman!

Mon pran ou en atlet parey Ange Dubignon.  Ange Dubignon well en foutboler.  En atlet dan en fason – in donn tou!  I ti National goalkeeper.  En letan e due tou sa ki in donnen i fer ki ozordi i annan en problenm dan son zenou.  E personn pa pe get li!  Ni menm  pei – ni menm Minister Lasante pa pe konsider donn li sa sipor.  Sport Council oubyen Minister Spor!  In vin kot zot pourtan!

Konmsi mon pe lans en lapel. Bann ka koumsa annou annan en leker!  Sa dimoun in donnen, in donnen, e in donnen!  Me nou, nou pa kapab an retour sey konsider konmsi pou donn li sa sipor?  Mon lans en lapel e mon ti ava voudre Lotorite konsernen i pran kontak.  Mwan mon ava fer Mr Dudignon pran kontak avek zot e ou menm Minis petet an partikilye oubyen PS e ki zot follow-up!

        E PS ou sorti dan distrik Saint Louis.  Mr Dubignon nou konn li nou ‘pti Anges’ la, ki ti bon goalkeeper dan mon bann letan – i osi i laba Saint Louis kot ou!  Annou get li!   Sa i enn.  Me mon pe dir i annan ankor serten lezot – annou annan sa leker pou zot silvouple.  Mersi mon lapel se sa.  Mersi.

 

MR SPEAKER

Mersi Onorab De Commarmond.  Mon a zis anvi fer Minis konnen pou dir ka Mr Dubignon in osi ariv dan mon biro.  Mon’n ekrir Minister Lasante me repons i negativ.  Minis.

 

THE DESIGNATED MINISTER – MRS MACSUZY MONDON

Mr Chair sa ka spesifik mon pa okouran.  Me mon pare pou mwan vwar sa msye pou vwar egzakteman kwa ki’n arive.  I pa zis li byensir Onorab parey ou’n dir.  I annan lezot atlet osi.

Prezan petet si i annan serten keksoz ki’n deza ganny fer pou serten sa bann atlet, mon ti ava petet demann PS pou partaz sa avek Lasanble.  Mersi Mr Chair.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker.  Mr Speaker mon kestyon i baze lo reprezantasyon lazenes ek sport dan distrik – si mon pa tronpe anba progranm 2.

Mon oule demande konbyen Bidze i annan pou bann reprezantan, swa lo nivo distrik oubyen lo nivo rezyonal dan pou Spor ek Youth? 

Konbyen zot pe depanse pou fer bann aktivite dan distrik oubyen dan rezyon sirtou Au Cap?

E ler Minis in dir desantralizasyon lannen prosenn, eski i pe dir youth ek sport pou desantralize pou al district level, oubyen pli enportan se ki, i atase avek n rezyon?  Parey en District Council dan en rezyon, vi ki mon mazinen i annan en mankman mendev.  Akoz nou’n vwar lapey in desann pou 124 pou ‘compensation for employees’ par R400 ekek mil.  Si i kapab donn ou en pti pe plis detay lo la.  Mersi Mr Speaker.

 

MR SPEAKER

Mersi Onorab Pillay.  PS oubyen Minis.  PS.

 

PS FABIEN PALMYRE

Mersi Mr Chair.  Onorab wi provizyon in ganny fer.  Selman pa kot mon Departman kot SNYC ek NSC ki pe vini pli tar.

Me  selman lo kote mon Departman i annan en Bidze sanmenm ou vwar sa programme 2.  Sa i pou Duke of Edinburgh Programme. 

Akoz li oparavan i ti tonm anba SNYC me epi Duke of Edinburgh  Sekretarya in sanz zot son gouvernans – zot dir pa kapab tonm anba en Council, so i bezwen depandan.  So prezan i atase avek mon Departman e Gouvernman i siport li avek en Bidze.

So lo kote Duke of Edinburgh, zot in gannyen en serten amount pou kontinyen fer zot progranm.  Me selman kekfwa s aki ou pe koz lo la taler SNYC avek NSC zot a kapab donn ou detay.  Mersi.

 

MR SPEAKER

Mersi PS.  Onorab Noline Sophola.

 

HON NOLINE SOPHOLA

Mersi Mr Chair.  Bonzour Minis ek ou delegasyon.  Bonzour tou dimoun ki a lekout.

Minis lo paz 122 bullet 1 ‘strategy prioritise 2019 2021’.  Nou pe koz lo National Youth Policy ki’n ganny amande sa revised Youth Policy? 

        Minis mon kestyon i konm swivan; ki fason an plis ki bann youth lo Inner Islands – sirtou La Digue pou pli byen benefisye dan sa revised National Youth Policy? 

Mon pe dir sa akoz mon vwar ki napa ase monitoring e evalyasyon, kordinasyon travay ki ganny fer avek lazenes ek sport lo La Digue.

E nou konnen nou tou, nou bezwen tenir kont ki nou zenn i annan potansyel.  E sa nou pa pe devlop zot.  E ler nou pa devlop zot nou bann zenn i tonm dan bann move frekantasyon.  Mersi Minis.

 

MR SPEAKER

Mersi Onorab.  PS.

 

PS FABIEN PALMYRE

Mersi Mr Chair.  Mersi Onorab.   Pou dir ou sa in sorti e nou annan dan nou Policy kekfwa i pa pou aparan si ou lir, me selman i annan keksoz ki nou’n ekrir entensyonnelman pou fer sir ki Inner Islands pa ganny bliye.

E Onorab mon annan plezir pou dir ou aktyelman pandan sa lannen, nou Departman Lazenes ek Spor, in kapab plas de zofisye lo Praslin, me selman zot louvraz se pou regard dan zentere Praslin/ La Digue/Inner Islands.

So nou ti kapab recruit en zofisye, ki li i pou fer sir zisteman pa ganny bliye, e nou annan en 2enm zofisye ki li i travay direkteman ek Duke of Edinburgh.  Zis pou fer ou mon pa konnen si ou okouran.  Pandan weekend zot ti konmans aktivite La Digue avek Home of the elderly.  Mersi.

 

MR SPEAKER

Mersi PS.  Onorab Sophola.

 

HON NOLINE SOPHOLA

Mersi Mr Chair.  CEO i vre ki ou pe dir mwan i annan 2 reprezantan ki ou pe mete.  Me sa 2 reprezantan la zot pe baze lo Praslin.  Mwan mon pe koz lo a Digue!  Akoz petet ler nou pe regard lo papye ki nou mete, e dan son realite i pa parey – la pratik pa pare!

Mwan mon demann zot petet to have a closer look kot nou lazenes La Digue i konsernen.  Mersi.

 

MR SPEAKER

Mersi Onorab.  PS.

 

PS FABIEN PALMYRE

Mersi Mr Chair.  Onorab mon pa kapab promet ou ki nou met en zofisye lo La Digue.  Mon a seye, me selman mon pa tro asire, akoz pou bann kontrent bidzeter.

Me selman nou zofisye ki baze Praslin, dan son bann lalis responsabilite, i pou bezwen annan li en timetable kot i pe vizit La Digue dan en fason regilye.  Kekfwa en keksoz ki nou kapab travay lo la – stratezi, se devlop en timetable kot i meet ek bann responsab La Digue.  E fer sir ki zot bann konsern i ganny met devan e i ganny adrese.  Nou kapab zwenn rezourd sa bann keksoz.

Akoz wi bann zenn in fer sorti sa, en – sa zafer ki Inner Island sirtou La Digue.  Zot parler zot ganny bliye.  Me selman nou byen konsyan sa.  E sanmenm ki nou’n lobby lannen pase, pou nou met zofisye Praslin e nou ava regarde ki nou kapab fer, pou fer sir La Digue lannen prosenn ler nou vini, nou dir bann keksoz i ok dan plas pa tro bon.  Mersi.

 

MR SPEAKER

Mersi PS.  ‘Onorab Sophola.

 

HON NOLINE SOPHOLA

Mersi Mr Chair.  CEO mon kapab sizere ki nou ganny en report ki ganny fer?  Whether quarterly or what, pou nou annan levidans ki travay ki pe ganny fer lo La Digue avek nou lazenes?  Mersi.

 

MR SPEAKER

Mersi Onorab.  PS.

 

PS FABIEN PALMYRE

I deza pe konmans ganny fer.  Me selman nou pou travay problenm pou partaz avek ou or lezot dimoun ki bezwen.  Mersi.

 

MR SPEAKER

Mersi PS.  Bon nou’n ariv moman pou nou pran en vot lo Bidze pou Departman Youth and Sports ok en moman.  Ou ti’n lev ou lanmen Onorab ?  Ok.  Ale Onorab Valmont.

 

HON JUDE VALMONT

Mersi Mr Chair.  Bonzour a tous.  Mon ti annan 3 kestyon paz 121 dan bullet 6 Minis.  Mon vwar 6enm bullet i met zis ‘6 antreprener’ mon vwar sa konman en meyer achievement ki zot, zot in mete.

Me mon en pe konsernen mon oule konnen akoz zis ‘6 antreprener’ ki’n ganny ede e ki zot pe fer konbyen dimoun ki’n vin devan konbyen ki zot pa’n kapab ede as well?

        2enm kestyon lo paz 125 sub-programme 1 mon ti a voudre en lesplikasyon akoz ki annan sa bes lo sa lokasyon larzan from 1.2milyon to 800 mil lo kote sa konpansasyon travayer.  Eski sa i vedir ki zot annan mwens travayer e sa i pa pou afekte zot attend zot lobzektif?

E 3enm kestyon i annan de voyaz dan de sesyon Bidze ki nou’n fer oparavan.  Mon ti’n mansyonn sa lo sa Polisi.  Zot  ti dir zot pe travay lo en Polisi pou fer ki bann lakonpannyen ki prodwir lalkol i nobou servi zot CSR tax pou sponsor bann lekip sportif, parey foutbol, volleyball and whatnot. 

E la Onorab Sebastien Pillay in koz lo en keksoz ki donn mon en nide, dan plas CSR i pa zis al ver en tim – petet sa larzan CSR ki sa lakonpannyen, ki prodwir lalkol petet i kapab al ver sa pou ed sa bann atlet ki retire?  Sa i en nide osi.

E mwan dan sa laliny mon ti a kontan demande, dan sa 2an ki zot  in dir nou zot pe travay lo la, kot zot in arive avek?  Akoz mon konnen zot ti an diskisyon avek Finans.  Me i 2an de la.  Alor mon pe demande kot i ete sa?  E ki i été?  I ek zot Minister?  I ek Finans? Kot in arive?  e ki zot pe fer?  Kan nou pou vwar en rezilta?  Akoz zis pou mete Mr Chair, zis pou azoute mwan mon’n vwar lenstans ki Heineken in sponsored konpetisyon beach football.  Alors zot kapab sponsor?  Alor se sa mon pe demann sa kestyon dan sa laliny.  Mersi.

 

MR SPEAKER

Mersi Onorab Valmont.  PS.

 

PS FABIEN PALMYRE

Mersi Mr Chair.  Onorab si ou remarke sa sif 6 zenn antreprener i annan pou fer avek Confejes.  Zot a rapel lannen pase nou ti vini pou zistifye akoz nou annan en dimoun baze laba Senegal?  E zisteman sete pou sa.

Dan lepase ou ti pou vwar zis enn pe gannyen.  So aprezan – annefe 10 ti ganny soumet e posibilite ti la pou ganny soumet pou tou le 10 gannyen, i zis zot dosye 4 zot pa ti ase solid.

E sa rapor ki mon’n gannyen avek nou dimoun ki laba, in donn nou bann pointers ki mannyer dan lefitir nou kapab ganny plis.

E mon krwar selman ki ou pe dir se Youth Entrepreneurship Board li i en lot zafer ankor i tonm anba SNYC.  Zot, zot ganny funded locally.  Zot kapab demann kestyon lo la.  So sa i atraver Confejes ki i en lorganizasyon enternasyonal pe ed nou.

E pou ou 2enm kestyon lo kote akoz i annan sa bes dan saler?  Sa i senpleman annan pou fer avek Departman in ganny restriktire.  E mon krwar ou’n bezwen tann sa bann zafer result-based management, ki nou donn valer larzan konmsi prodiktivite.

So alors ler nou’n re-aliny i annan par egzanp mon a eksplike avan nou ti dir koumsa nou pou bezwen bann dimoun baze dan bann distrik pou nou monitor keksoz.

Me DPA pe dir nou, non – sa antite li menm li, i bezwen raporte soumet rapor.  Prezan nou baze lo rapor avek sa ki nou tande ek piblik, nou kapab verifye.  Savedir nou pa bezwen sa kantite dimoun.

E annefe mon ti annan en pe doutans avan.  Me selman mon vwar aktyelman ki i kapab marse.  Alors pou le moman mon satisfe avek sa.  Mon pa napa traka.

Kekfwa sa 3enm kestyon ok e  i osi tou mon krwar mon a les Minis eksplike.  Ou pou okouran pou dir nou nepli annan sa Sekretarya Minis nou tonm anba DMSo mon a les DM avek lot kestyon.  Mersi.

 

MR SPEAKER

Mersi PS.  Minis.

 

THE DESIGNATED MINISTER  -MRS MACSUZY MONDON

Mersi Mr Chair.  Mr Chair wi rediksyon dan Bidze osi mon pe annan pou fer avek portfolyo sa Minister ki’n ganny mete ansanm anba mon Sekretarya.

Donk nou napa nou pa bezwen cater pou finansman pou en Sekretarya mon Minister anba Youth, Sports and Culture prezan.  I annan sa enn.

Apre dezyenmman mon krwar ou’n koz en pe lo sa zafer sponsorship taler.  E mon krwar enn fwa pou tou Mr Chair, nou ava sort sa out.  Ok?  Si nou pou revwar sa Polisi. E enn fwa pou tou regarde dan ki direksyon nou oule ale kot i konsern sa bann lorganizasyon parey bann lorganizasyon ki promot ki fer promosyon lalkol, si nou pou les zot zisteman kontribye fer kontribisyon atraver CSR dan bann aktivite sportif.  Mersi Mr Chair.

 

MR SPEAKER

Mersi Minis.  Bon nou pare pou nou pran en vot lo Bidze pou Departman Lazenes avek Spor ki form par sa Schedule pou en sonm R10,522milyon i trouve lo paz 121 ziska paz 125.

Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  Mon’n rikord 25 Manm ki’n vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pou Departman Lazenes ek Spor in ganny aprouvasyon Lasanble Nasyonal.

Bon nou ava kriy prosenn Departman se SNYC.  Non se National Youth Council PS?  National Youth Council.  Ms Bonne mersi.  PS zis donn nou son lokasyon kot i ete ki paz?

 

PS DAMIEN THESEE

Mersi Mr Chair.  Nou a pran paz 155 pou National Youth Council pou en sonm 21,994milyon.  Mersi.

 

SEYCHELLES NATIONAL YOUTH COUNCIL

 

MR SPEAKER

Mersi PS Thesee.  Bon mon ti a kontan dir en bonzour CEO pou National Youth Council, Mr Alvin Laurence, ki ganny akonpannyen par son Deputy CEO Ms Ghislaine Belmont e son Financial Controller Ms Vania Hoareau. Welcome parmi nou.  E parey PS in dir Bidze i trouve lo paz 155 a 159 en son R21,294milyon.  Okenn Manm ki oule …?  Yes Onorab Woodcock.

 

HON WAVEL WOODCOCK

Mersi Mr Speaker.  Bonzour Minis, CEO ou delegasyon tou Manm ek tou dimoun.

Mr Speaker mon kestyon i kronm swivan lo paz 155 anba ‘current challenges’ i state ki zot challenges is ‘inability to reach out to all – especially vulnerably groups.’

        2enm, i ‘difficult to reach out to all regions due to lacks of capable manpower capital resources and transport problem.’ 

Mon kestyon mon konnen pou dir SNYC pe fer en kantite zot annan en kantite progranm e mwan swiv zot bann progranm pou fer avek bokou lentere.

Mon kestyon i ler mon pe get pou 2018 zot ti ganny Bidze R20.26milyon e la i annan en increase par selman 9poursan.  Ki fer li R21.99milyon.

Me mon kestyon i eski avek sa pti increase ki zot pe gannyen, eski i pou ase pou zot deal avek tou sa bann challenges ki zot pe gannyen?  E eski ki sa larzan i ase pou deal avek sa lack of manpower, resources e pou zot fulfill zot mandate.  E pou zot kontinyen avek bann progranm i annan plis bann progranm pou kadre plis bann zenn dan tou bann distrik lo Mahé, Praslin avek La Digue?

Mon 2enm kestyon i lo paz 156 – lo paz 156, mon vwar en increase dan ‘wages and salaries’ kot pou 2018 ti 10 milyon e i annan en increase par R600mil – 10 milyon to R10.6milyon, sa en increase apepre 6poursan, eski CEO i kapab donn en pe detay akoz sa ogmantasyon dan ‘wages and salaries?’

        E finalman lo paz 159 anba SP 2 i ‘youth empowerment’ anba ‘goods and services’ mon vwar en logmantasyon sorti 1.9milyon an 2018 pou vin R4.35milyon.  Eski CEO ouswa Minis i kapab donn en lesplikasyon lo la akoz sa logmantasyon dan ‘goods and services?’  Mersi.

 

MR SPEAKER

Mersi Onorab Woodcock.  CEO. 

 

CEO ALVIN LAURENCE

Mersi Mr Chair.  Mersi pou ou kestyon.  Bonzour tou loditer e tou Manm.  I en plezir pou retourn kot ankor enn fwa.

Premye kestyon eski funds pou ase pou nou adres nou bann challenge? 

        Larepons i senp. -Non i pa pou ase.  E ler funds i pa pou ase, nou bezwen annan bann stratezi spesifik pou nou adres sa.

Parmi bann stratezi spesifik ki nou annan, se ki nou bezwen desantraliz nou bann aktivite e nou pou bezwen bouz li lo en baz rezyonal.

Mon re-presize bann aktivite dan distrik son alokasyon i pa kot SNYC.  Bann aktivite dan distrik son alokasyon resours finansyel i kot Community Development e ziska prezan bann travayer ki deservi lo community bann youth workers dan distrik, zot, zot ankor kot SNYC.  E pou sa osi pandan sa lannen en tranzisyon ki nou’n fer, in permet nou fer en evalyasyon e vwar ki mannyer nou kapab vin avek en pli bon stratezi.

Alor i annan  propozisyon ki’n ganny fer byensir in ganny mete devan Gouvernman, e avek sa nou ava gete ki desizyon ki pou ganny pran pou ki nou kapab mye allocate nou bann resources. 

        Akoz ler nou pe dir capable manpower nou pa pe koz zis lo lakantite – nou pe koz lo kalite.  E parmi bann stratezi ki permet mwan al lo 2enm kestyon, i annan ‘wages and salaries.’  Nou kapab dir ki sa lannen nou’n konmans enplimant nou novo Scheme of Service.  Nou’n konmans li apartir Zilyet e sa i pou ganny kontinyen lannen prosenn e i pou kontinyen apartir Zanvye.

Sa otomatikman i fer ki annan en sonm – ki pa ti  allocate sa lannen, ziska Zen i bezwen ganny allocate lannen prosen.  Sa i fer ki annan en logmantasyon dan ‘wages and salaries’. 

An menm tan, Scheme in permet reviz saler bokou dimoun ki la.  E sa i fer ki zot in ganny en increment. 

        Sa larzan an plis i la pou asire, ki nou bann travayer zot larzan i ganny bidzete. Non annan selman pou en mwan, me pou 1an.  Akoz sak Bidze nou bezwen fer sir lapey pou travayer i ganny allocate pou 1an.

        Malgre sa i lye avek premye kestyon eski sa resours pou ase? Non i pa pou ase nou bezwen vin ek en lot stratezi.  Nou, nou stratezi se downsize and rightsize the organisation. 

Nou kapab fer pli byen avek mwens travayer, me mwens travayer pli konpetan.

Nou’n konmans sa legzersis already.  Pandan sa lannen i annan ki’n transfer dan en lot lorganizasyon.  I annan ki’n met zot resignation pou diferan rezon.  I pa vedir ki nou’n ranplas sa bann dimoun otomatikman.

Nou’n fer ki lezot travayer ki la,  i asim plis sa bann responsabilite – zot kapab ganny pli byen peye.  E fer ki nou deservi nou popilasyon zenn ki nou pe travay avek ‘pli byen avek sa pti gin resours ki nou annan.

3enm kestyon pou ‘goods and services’ ki pe ganny allocate, i annan sa logmantasyon akoz kontinyelman, nou osi nou pe dir sa ki nou pe gannyen i pa ase.

E nou vwar ki mannyer nou pou properly allocate nou bann resources.  Dan bokou ka, e menm son larzan e la sa lannen nou’n ganny sa logmantasyon, nou bezwen revwar ki mannyer nou allocate li dan diferan landrwa, pou nou deservi baze lo nou bann priority areas.  PS avan mwan in dir in met lanfaz ki nou annan en nouvo Polisi ki’n ganny devlope.  Nou ti annan en plan stratezik ki nou ti pe travay lo la.  Avek sa nouvo Polisi i permet nou prezan devlop sa nouvo plan stratezi.

Nou pa dan en pti lemonn kot nou asize zis nou deside ki nou anvi fer.  Nou bezwen travay lo bann evidence-based ki nou’n reserse.

E sa i ava permet nou allocate nou larzan parey nou’n fer en legzersis la kot i neseser.  E se pou sa rezon akoz nou lo nou kote SNYC, i pou annan sa mouvans lo sa regional basis, me an menm tan sa konsantrasyon pou reste lo nou bann National programmes and activities. 

 

MR SPEAKER

Mersi CEO.  Onorab Woodcock.

 

HON WAVEL WOODCOCK

Non, non i pa ankor donn detay en pti pe anba ‘goods and services’ lo youth empowerment,’ ki s logmantasyon?

 

MR SPEAKER

Mersi Onorab.  CEO. 

 

CEO ALVIN LAURENCE

Mersi byen.  Ler nou pe koz lo youth empowerment, akoz tou le lannen nou adopte en vizyon – en lelan ki nou pe al lo la.

Nou sanz sa to ‘youth festival.’  Lannen ki fek fini sete celebrating youth engagement.  Langazman lazenes.

Apartir Out, nou’n bouz lo youth empowerment.  Akoz sa i area of focus ki Youth Policy pe met lanfaz lo la.

Letan nou pran sa konman nou main drive, i rezon akoz nou bezwen allocate plis resours anba la.

E nou allocate sa plis resours anba la,  – (lo ou paz mon krwar ou’n mansyonn sa 159 si i korek lo pou nou i 158)?  Ok e sa i tonm prensipalman pou sa R2milyon an plis ki nou’n ganny allocate. 

E lesplikasyon i senp.  Nou ti annan progranm ki nou pa’n kapab enplimante i ti dormant akoz nou ti napa resours.

Enn sa bann progranm se outreach programme ; outreach programme ki ganny fer pou tou zanfan ki pe fer tranzisyon ki’n sorti dan P6 ki’n vin S1.  Nou permet zot fer en leksperyans lo teren dan plas zis aprann dan liv oubyen lo en screen. 

Sa outreach programme li menm li i involve nou bann zenn bouz lo Praslin e La Digue e involve nou bann zenn Praslin La Digue osi pou vin lo Mahé.  I annan li en cost transportasyon e en cost o dan consumables    as well.  Se la kot sa alokasyon i vini.

Nou 2enm alokasyon i vin for lo nou bann holiday activities.  In annan en outcry par bann paran, ki nou bezwen fer plis aktivite pou nou bann zenn dan vakans.  Sa i selman posib si nou annan resours.  Mersi, nou’n ganny allocate en pti pe plis e avek zot laprouvasyon nou ava kapab enplimant sa.  Nou pou kapab pandan sa bann holiday activities including the holiday camps ki nou pe fer, me nou pa kapab fer pou tou sa zenn ki anvi.  Sa i a permet nou fer pou en pe plis.

Epi avek sa lanfaz ki nou bezwen mete lo sport activities, sa batay ki nou annan ek lo obésité dan pei pou annan en sonm ki’n allocate anba progranm  SEYx30 se en progranm ki ankouraz tou dimoun pou fer omwen 30 minit legzersis par zour.  Sa alokasyon an plis R2milyon pou ganny prensipalman partaze anba sa 3 progranm, me etale dan diferan landrwa, diferan lekol, diferan distrik e sirtou lo en baz rezyonal.

 

MR SPEAKER

Mersi CEO.  Bon mon ti a zis kontan aviz bann Manm pou nou fer nou kestyon ase kourt.  E lo panel osi CEO osi tou repons to the point.  Onorab Woodcock.

 

HON WAVEL WOODCOCK

Dernyen pti kestyon Mr Speaker.  Mr Speaker dan 2 Bidze lannen pase pou Bidze 2017 avek 2018, a plizyer repriz CEO in koze in toultan mansyonnen pou dir Bidze ki pe ganny allocate pou SNYC i vreman ba.  E akoz sa Bidze ki pe gannyen i pa pe kapab enplimant bann progranm.

Konmsi mon vwar li en pti pe drol ki la mon vwar CEO pe dir pou dir zot in resolve to downsizing SNYC. 

        Mwan mon kestyon ki CEO mon ti a kontan i reponn mon fransman eski downsizing i en desizyon ki SNYC in pran lo li menm, ouswa akoz presyon ki sa Bidze ki zot pe gannyen i pa ase e prezan ki zot pe fer sa zis by reason ki larzan ki zot pe gannyen pa ase,  e zot pe downsize akoz zot napa swa pou downsize, me pa akoz en stratezi ki zot pe pran.

Mon ti a kontan CEO i reponn mwan fransman.  Akoz nou, nou konnen en kantite progranm zot anvi fer, e nou konnen pou dir Bidze ki zot pe gannyen larzan ki zot pe gannyen pa ase.  Eski downsizing is really the way to go ouswa sa i en desizyon ki ou pe pran senpleman akoz ou pa pe ganny sa larzan ki ou bezwen pou fer marse ou progranm ?  Mersi.

 

MR SPEAKER

Mersi Onorab.  CEO. 

 

CEO ALVIN LAURENCE

Mersi Mr Chair.  Mon kapab garanti ou the idea of downsizing pa’n zanmen sorti kot Gouvernman.  I en analiz personnel ki’n ler mon’n la mon’n fer e son bon se target prodiktivite.

Target prodiktivite dan lesans kot nou annan bann travayer kapab, ki pa pe ganny peye osi byen!  E avek resours ki nou annan pey zot pli byen e permet zot delivre!  The downsizing and rightsizing is a decision of SNYC!  E i en desizyon ki nou, nou pe fer avek laprouvasyon nou Board.  Nou’n prezant sa avek Gouvernman e parey mon pe dir nou’n fer sa legzersis lo pilot sa lannen e nou’n vwar rezilta ki pe anmenn nou.  E mon kapab dir si zot, zot anvi donn nou plis larzan nou, nou pou pledge pou servi li byen nou welcome sa nide.  Mersi.

 

MR SPEAKER

Mersi CEO.  PS Thesee.

 

PS DAMIEN THESEE

Mersi Mr Chair.  Lo Bidze SNYC ki nou’n remarke enn son pli gran spending i plizoumwen lo bann consumables e osi zot bann transportation cost. 

Zot pe lwe bokou bann veikil e bann veikil ki zot annan la nou annan en ta repairs and maintenance.  Akoz son bann aktivite ki i fer i bezwen anmenn zelev basically across Mahé.

So nou pe travay ek li pandan sa lannen e lannen prosenn pe donn li priyorite, pou son bann transpor – ranplas plas redwir en pe sa bann kou lo hiring. 

        Prezan sa larzan ki ti abitye met dan ‘hiring’, i ava re- allocate li.  So sanmenm sa i en pe ki ou vwar even though i annan increase dan serten landrwa ou pa pe vwar li over all, akoz i kapab re organiz son Bidze ki i servi li en pe pli efikas plizoumwen.  Mersi.

 

MR SPEAKER

Mersi PS.  Onorab Vidot.

 

HON AUDREY VIDOT

Mersi Mr Chair.  Welcome CEO.  Mr Chair mon kestyon straight forward SEYx30 depi ler in lanse, nou ti a kontan konnen ki lanfaz SNYC pe mete atraver son bann youth worker dan distrik, pou fer sir ki sa progranm pa mor nesan?  E kantite bann levennman vreman tanzib ki nou pe vwar vreman dan nou bann distrik lo sa size ?

Dezyenmman lo paz 157 latab 4 mon’n vwar i annan zis en pos pou en counsellor.  E dan zot ‘challenges’ mon’n vwar lo paz 155 ki zot in dir zot annan difikilte pou zot kapab anploy plis travayer de kalite.

Mon ti a kontan konnen kantite travayer ki SNYC petet i manke la, i santi menm si napa Bidze pou li kapab recruit? 

        E eski i annan tou youth workers dan son 25 distrik?  26 Perseverance tou.  Menm si pa ankor vin en distrik elektoral.

Konbyen eski vi ki ou’n dir pou dir finansman pou fer bann aktivite lo nivo distrik in ganny anvoye atraver Local Government.  Nou konnen bann youth worker prezan pe ganny plis oversee atraver Ladministrasyon Distrik.

Eski zot krwar pou dir i fer sans ki youth worker i tonm anba SNYC?  Oubyen i tonm anba Local Government ki tonm anba en lankadreman striktir distrik

E petet lo nivo SNYC mon konnen zot ti annan bann en ankadrer ki pli o ki sa bann youth worker lo nivo rezyon.  Petet sa i a donn zot, zot sipor kot SNYC, petet pou glob sa bann youth worker pou link up.  Avek letan si i tonm anba distrik.

E dezyenmman e lot kestyon – plito 3enm, avek sa Bidze ki zot in gannyen, kwa ki zot pe anmennen pou lannen 2019, pou bann zenn antreprener?

Mon’n vwar pou dir zot in achieve en bon pe pou 2017/ 2018.  Me kwa ki nouvo ki zot pe anmennen pou 2019 pou nou bann zenn?

E dernyen mo pli boner letan nou’n koz avek Minis ek PS konsernan Internet Café dan bann sant rezyonal.  Nou santi ki petet sa bann ki la nou pa les li mor nesan.

Nou kapab donn en sipor lekol ki – wi i pe provide Wi-Fi pou nou bann zenn me nou kapab antreprann bann progranm link up avek lekol.  Ki mannyer nou kapab mobiliz nou bann zenn nou pe donn Gouvernman pe donn gadgets a en pri abordab pou bann zenn kapab servi pou ed zot dan zot ledikasyon.

Annou anmenn sa bann keksoz lo nivo rezyon, ki nou kapab donn sipor nou bann zenn e ankouraz zot pou zot ganny fasilite Wi-Fi, pou zot kapab ed zot dan zot letid.  Mersi.

 

MR SPEAKER

Bon CEO kestyon ti ase long.  Annou sey fer repons pli kout posib.

 

CEO ALVIN LAURENCE

Mersi Mr Chair I will be precise.  Counsellor i domenn ki aktyelman nou pe bezwen fer en kantite.  Right now nou annan loss and grief ki nou counselor pe fer la; pa pe ganny sans ekout nou dan Lasanble li.

E loss and grief i enn ki nou’n bezwen fer en kantite pandan sa lannen.  En kantite landrwa.  E sa  i enkli landrwa travay tou.  Menm si pa tous zenn direkteman.  Akoz sa paran li osi i ek sa zenn.  E nou bezwen counsellor enn an plis nou’n donn li top most priority for next year. 

        E nou travay an kolaborasyon avek lezot.  Si nou ti kapab ganny 5 ankor ti pou bon.   Me nou kontan omwen nou pe ganny enn.

Pou lemoman i mank nou 4 youth worker.  Youth worker dan distrik i reste priyorite ki nou bezwen recruit at no time of the year ki nou observe any freeze lo la.  At no time ki nou dir downsize ek rightsize i aplike pou youth worker dan distrik.

Akoz nou oule ki sak distrik i annan son youth worker!  Me recruitment of youth worker is a tedious exercise!  Bokou fwa nou annan zis en kandida ki vini pou en distrik.  Sa i montre nou  ki nou pa pe ganny le meyer parmi le meyer.  E i annan plizyer fakter.

Parmi si permet mon Mr Chair pou mansyonnen nou nap en training spesifik dan pei pou youth worker.  En issue ki bezwen ganny adrese e sa i en rekomandasyon ki nou’n fer avek Gouvernman, avek Youth Department.  Nou Deputy fek asiste en konferans aletranze lo la avek Commonwelath e en Komite in ganny propoze pou met an plas pou tackle sa.

Akoz i pa premye fwa ki nou diskit lo la.  Nou’n antre an kolaborasyon siny menm Lagreman, me sa kors pou ekip nou youth worker pou Sesel, pa ankor devlope.

E nou espere ki avek sa i ava anmenn sa sanzman.  Me si ou demann mwan mon lopinyon personnel,  mon krwar nou ankor pe servi en vye model dan en lepok modern.  Kot nou annan en youth worker dan sak distrik.

En youth worker ozordi i bezwen vin youth worker, per, teacher, psikolog, counsellor, nonmen zot menm. Lalis i long.

Nou bann dimoun dan Sesel pa’n ganny ekipe pou sa.  E i fer ki kantite skills ki en youth worker i bezwen annan, i fer ki nou pa pe gannyen sa bann dimoun konpetan.

Mwan personnelman mon krwar distrik i bezwen li en dimoun ki i en animater, ki kapab organiz aktivite – non selman pou zenn, me osi pou lezot dimoun adilt akoz adilt i travay ek zenn, adilt se bann paran ki ankadre zenn dan lakour.  Pou tro bokou letan nou’n focus zis lo zenn, me pa bann dimoun ki otour bann zenn.

Si sa i posib, e i tonm direkteman anba pouvwar distrik, mon krwar sa i kapab fer en diferans.  Sa i en lopinyon personnel. I enn sa bann propozisyon ki’n ganny met devan.

2enm propozisyon se regionalization of youth workers.  Ki fer i permet nou annan youth worker dan sak rezyon avek diferan kalite.  Enn ki for dan spor; enn ki for dan kiltir, enn ki for dan empowerment e i deservi 4 a 5 distrik!  Sa i en lot propozisyon.

E mon krwar mon a konklir lo sa bout youth worker la.  Mon pare pou retournen at anytime ki zot le vwar mwan dan en Komite, pou nou donn plis detay Mr Speaker.

Me 3enm kestyon 3enm eleman ki zot in anmennen se youth entrepreneurship.  Youth entrepreneurship nou’n asiste nou ganny allocate en R1milyon tou le lannen dan Bidze.  Pou nou asiste zenn antreprener.  E zenn antreprener ki’n ganny asiste pandan sa dernyen 3an i 65.  Sa lannen nou’n kapab asiste ankor 17.  I annan plis ki 60enn laplikasyon lo nou latab.  R1milyon i pa ase.  Si nou ed nou 10 zenn sakenn in ganny R100mil si nou ed 20 sakenn i ganny R50mil on average.  Tou ka i diferan.  Priyorite nou pe donn bokou pou lapes, lagrikiltir, e bann prose innovative. 

I annan zenn ki’n konmans zot biznes avek R20 mil avek R25mil.  Sa lannen SCAA in partner avek nou e i pe sponsored tou le lannen in pledge.  Si i annan lezot lorganizasyon out there oubyen endividi personnel, nou garanti zot ki sa larzan pou ganny servi byen, akoz i annan en Board ki deside.  Pa CEO tousel ki pran sa desizyon.

E parmi inovasyon ki nou pe trouve, i annan bann social projects.  Sa se bann proze ki anmenn en profi en benefis sosyal dan lasosyete, me non pa en benefis monneter.

Semenn prosenn i pou annan enn ki pou ganny fer avek Rehab.  I annan ki nou’n fer avek kwizinyen ki’n al kot lekol kot Youth Hostel ki montre bann zenn ki sorti Praslin, La Digue kwi manze.  Sa se nou bann social projects.  Nou pe anbark lo en lot proze pou nou ed tou zenn dan Sesel annan en sleeping bag.  I en social project ki pe konmanse.  Sa i a permet bann zenn Praslin, La Digue ler zot vin kanpe to get away from the comfort of a mattress.  And brace life avek sa bann difikilte e al kanpe.

I annan en kantite keksoz ki pe go on.  E finalman Internet Café, mon redir parey mon ti dir lannen pase we are moving away from ‘Access’ – we are moving to ‘connectivity’.  Lekipman i annan en ta dan Sesel ki zenn i kapab gannyen proze DICT.  Nou bann Internet Café ki pou reste i annan La Digue, Anse Royale, Anse Etoile, Roche Caiman, nou pa ankor konfirmen i kapab reste si i i kontinyen deservi nou bann manrmay ek dezabilite.

Nou krwar sa prezans dan Roche Caiman i bon.  I dan en kominote e nou krwar sa prezans dan Perseverance i bon.  Me nou bezwen diversifye.  Non pa zis internet me osi fasilite video game, lezot fasilite pou zot servi – bann lekipman elektronik, akoz nou pa zis ed zot servi nou montre zot nou mye mannyer pou servi li byen e bann danze osi online. 

Me nou pe push osi pou ki sak distrik i gannyen sa connectivity – parey DICT pe fer sa project kot zenn e nenport ki endividi i kapab vini connect – connect 1 hour free. 

        E sa se en pe moveman mouvans, ki nou pe pran.  Mersi Mr Chair.

 

MR SPEAKER

Mersi CEO.  Onorab Vidot.

 

HON AUDREY VIDOT

Mr Chair CEO pa’n reponn pou SEYx30, wi please. 

 

MR SPEAKER

CEO.

 

CEO ALVIN LAURENCE

Mersi Mr Chair.  SEYx30 ti en progranm initially ti dan ti kot Youth Department. 

E lannen pase avek nouvo sistenm gouvernans in dir, Departman i fer Policy i pa fer progranm. -Progranm i ganny transfer SNYC.  Nou ti ganny sa progranm an Zen lannen pase.  Savedir deza dan nou alokasyon Bidze ti poz nou en problenm.

Ler nou ganny progranm SEYx30 nou pa’n kapab kontinyen lo menm momentum    ki’n konmanse.  E se sa rezon akoz sa lannen dan sa 2 milyon ki Minister Finans pe allocate avek nou, nou pe prevwar en kar apepre ladan ki pou focus zis lo sa progranm.  E lannen prosenn nou pou annan main focus lo la.

En progranm ki fer non selman zenn, me tou dimoun 30 minit legzersis par zour.  Alor nou espere zot osi bann MNA you will be onboard.  Mersi.

 

MR SPEAKER

Mersi CEO.  Onorab Francois Adelaide.

 

HON FRANCOIS ADELAIDE

Mersi Mr Chair.  CEO zot strategy priorities pou 2019 2021 pwen 2 se ‘provide proper training for workers to better respond to the needs of the youth. 

Mon’n tann ou dir ki sa bann youth worker ki annan skill avek fer bokou bann keksoz pou zot kapab fer sa travay.

E eski sa lapey i pe vreman atrakte bann youth worker pou pran sa profesyon? Akoz si ou pe dir mon i pe ganny problenm pete i kapab sa lapey.

Avek mwan mon annan en breakdown pou APDAR eski i posib pou ou CEO fer mon ganny en breakdown, akoz mon oule konpran ou priyorite pou zenn e nou le balans sa bann lapey, annou gete ki mannyer ou kapab ede.  Akoz mon panse pou dir lazenes i nou baton vyeyes.  Nou bezwen zot pou ranplas nou dan Lasanble, nenport ki travay.  So eski i posib pou nou ganny sa breakdown silvouple?  Mersi.

 

MR SPEAKER

Mersi Onorab Adelaide.  CEO. 

 

CEO ALVIN LAURENCE

Wi msye 30 minit apre ki mon kit Lasanble, mon kapab fer anmenn en kopi mon a donn ek Clerk, i a kapab distribye avek zot tou.

Me lapey mon kapab dir, mwan mon satisfe avek youth worker sa ki gannyen.  Akoz zot kalite travay ler travay zour travay zanmen i fini.

Menm bann youth worker i annan moman zot pe met lanmen dan zot pos pou ed en zenn dan diferan sirkonstans.  Sa aplik pou preski nou tou, kot SNYC.  I pa vedir sa i en solisyon me i souvan bann harm reduction. 

Alor pou sa nou’n annan en stratezi ki nou’n met an plas.  Par egzanp flexible time pou zot travay ler zot in travay konsekitivman Sanmdi Dimans rann zot zour e osi an menm tan come December from Christmas time to New Year nou break – nou arete.  Donn zot letan pou pas ek zot fanmir.  Vre zot bezwen plis letan pandan lannen se pou kwa nou bezwen vin ek bann lapros stratezi osi ki fer dimoun malgre son saler i pa lo nivo ki nou ti a swete, me santi li dan en lanvironnman conducive pou li kontinyen delivre e be productive.  Mersi.

 

MR SPEAKER

Mersi CEO.  Onorab Paul Ernesta.

 

HON PAUL ERNESTA

Mersi Mr Chair.  Mr Chair mon kestyon premyerman i annan pou fer avek sa Scheme.  Eski anliny avek ki Onorab Adelaide in demande, eski ozordi sa Scheme tou nou bann travayer i satisfe avek sa Scheme ki zot pe enplimante?

Apre dezyenmman lo kote zot striktir.  Eski i annan en striktir formel ouswa byen kadre?  Mon’n tann ou koz lo downsizing and rightsizing pou fer sir ki bann progranm pe vreman ganny delivre lo nivo distrik.

Ankor lot lo kote sa 2 milyon ki’n ganny mansyonnen mon annan en pti konsern lo la.  Akoz dan sa 2 milyon i paret tou keksoz pe ganny sorti dan sa 2 milyon.  Kote bann progranm pou nou distrik nou bann zenn dan distrik i benefisye avek?

Akoz si nou get sa 2 milyon deza sa en pti kalkil ki nou pou fer i pou tonm apepre R6mil par mwan par distrik.  Ki kalite progranm ki pou annan ki pou fer sir ki sa zenn pe benefisye ?  Savedir an mwayenn nou pe dir en distrik pe fer 2 aktivite.

Eski sa aktivite ki pou fer i pou vreman de kalite ki pou tous bezwen sa zenn?

Apre dan zot stratezi pou 2019 mon pa vwar nanryen baze lo zot manda ki pou ankouraz partisipasyon ouswa empower sa zenn pou li get involve pou li engage dan bann progranm lo nivo distrik.  Akoz si ou mazin lontan nou ti annan bann diferan groupman parey    lo nivo distrik fer bann progranm bann zenn zot menm zot ki fer progranm pou Lazenes. Ozordi nou pa pe vwar sa.  E prezan ki arive nou vwar nou bann zenn i perdi.  I perdi dan diferan direksyon e Departman SNYC i sa Departman ki pou kapab ankadre nou bann zenn pou fer sir nou bann zenn i ganny dan sa bon direksyon.  Mwan mon konsernen, akoz sa direksyon nou bann zenn pe ale.  Mersi Mr Speaker.

 

MR SPEAKER

Mersi Onorab Ernesta.  CEO.

 

CEO ALVIN LAURENCE

Mersi Mr Chair.  Mon ti  a konmans dir premyerman ki nou osi SNYC, nou pa satisfe lo lakantite e kalite aktivite ki annan dan distrik.  Nou pa pe fer zot krwar ki nou satisfe ek sa.  Nou anvi vwar plis e nou anvi vwar meyer kalite.

Larzan ki allocate pou aktivite dan distrik, i pa kot SNYC.  I kot Community Development.  Akoz?  Community Development osi i annan en bout ki i gannyen i permet met resours ansanm.

Sa 2milyon ki nou’n gannyen la, i pa tous sa bann aktivite ki pou fer dan distrik.  I 2milyon an plis ki sa nou ti gannyen.  Me i pou tous bann aktivite regional.  Akoz dan sa larzan ki ti ganny pran ti ganny anvoy kot community, ti osi pran sa bout regional.  Ki fer ki sa lannen nou aktivite regional in soufer en kantite.  E nou’n fer nou demann.  Sa 2milyon pa pe kouver aktivite distrik.  It’s for regional. 

Prezan dan distrik nou bann aktivite Nasyonal, osi i tous nou bann dimoun.  I pa vedir ki sa bann aktivite Nasyonal pa pe tous nou bann dimoun dan distrik e this is where there is a high cost transportation parey PS in eksplike boner.

E demars ki nou pe focus en kantite lo la.  Akoz nou fer sir ler nou pe transpor nou zenn, pa zis arive me i ariv byen.  Pou nou i en traka enorm.  Ler en aktivite i fini aswar en paran i  call nou i dir nou 10er diswar in sonnen mon zenn pa ankor arive.  Kan nou, nou ti debark sa zenn devan son laport!  Nou annan sa bann challenge pou de ;al avek nou.  E nou ki bezwen retourn lo semen al rod li akoz sekirite is that top most priority.  

        E pou distrik i annan sa travay kolaborasyon.  Sa lannen in en lannen tranzisyon.  In permet nou vwar bann febles, nou espere vwar amelyorasyon next year. 

E kot i konsern saler.  Mon’n koz lo la, nou annan en striktir ki ganny aprouve par DPA.  E tou le lannen nou revwar nou striktir.  Ler nou koz downsize ek rightsize, i pa  kas striktir – i kapab amann striktir, me i prensipalman permet travayer konpetan, ki kapab pran plis responsabilite pran plis responsabilite e ganny peye pli byen – ok?

        E 2019 nou stratezi pou distrik, i reste bouz dan lekol.  E ler nou bouz dan lekol akoz dan sak nou bann zenn i al dan lekol i annan mouvman Young Citizen ki nou lanmen drwat dan lekol.  E dan en lannen se la kot en gro sonm larzan i ganny allocate avek mouvman Young Citizen.  Me i annan en demann osi par direkter sa seksyon pou ki nou annan plis.

Alor distrik i reste nou priyorite.  E sa bann striktir ki annan DYC, e bann lezot akoz la kot nou idantifye premye talan kot i ganny anmennen lo nivo Nasyonal, pou nou polish li en pti gin apre nou donn ek bann expert.  Nou donn ek NSC akoz NSC i en expert dan spor.  Nou donn ek National Arts Council.  Li apre i pou polish sa ankor apre en zour i pou donn CINEA.   Pa en azar mon krwar ki tousala i tonm anba menm Minister.  Mon espere avek proper coordination, nou kapab pli byen achieve nou lobzektif.  Mersi.

 

MR SPEAKER

Mersi CEO.  PS.

 

PS DAMIEN THESEE

Mersi Mr Chair.  Petet i byen note ki sa 2milyon ki pe donnen sa lannen la, i pa nouvo over the years.  Si nou get 2018 ti annan li apepre 1.9milyon selman ki ti ganny targete pou bann aktivite zenn ki SNYC pe fer.

Letan nou ti pe get son Bidze pou 2019, ek sa 2milyon ti pou fer li 3.8.  Savedir ti deza annan larzan ki ti kot sa bann aktivite ki pe ogmante.

E ler nou ava pran Bidze Local Government osi, nou ava vwar i annan larzan osi ki ti mete pou target bann aktivite dan distrik, mon krwar apepre 2 oubyen 3milyon.  Mersi.

 

MR SPEAKER

Ok mersi PS.  Onorab Ernesta.

 

HON PAUL ERNESTA

Mersi Mr Chair.  Mr. Chair zis pou en klarifikasyon, CEO kot son mansyon in mansyonn zot pe al fer sanzman transpor – ki mwan osi mon konpran sa bann dilenm, ki bann travayer lazenes menm bann zenn pou al kot zot apre bann aktivite, eski zot annan provizyon dan Bidze sa lannen pou zot sanz zot fleet transpor?

Apre in koz lo National activities kot zot mobiliz bann zenn pou partisip dan bann aktivite Nasyonal.  Pou mwan mon vwar i annan 22poursan.  I questionable.  Letan nou ge nou popilasyon lazenes ki nou annan zis 22poursan – enn premyerman ki  nou bann zenn ki ganny touse dan sa bann dan sa 22poursan.  Eski i pa repetitif menm zenn ki pe vini pe angaze?

Apre osi nou’n koz lo sa laspe distrik.  PS in dir i annan an total 3.9milyon something ki’n ganny mansyonnen.

Mon konsernen lo la.  Mon pa vwar sa 3.9milyon i ganny manifeste lo nivo distrik – pe ganny arive.  Nou pe al vot pou sa Bidze la.  Ki garanti zot pe donn nou Minister pe donn nou departman pe donn nou pou fer sir, ki sa 3.4 annou dir 4milyon bann progranm pe reelman ganny arive – pe tous nou bann zenn lo nivo distrik?

E sa ki arive pou nou kapab fer sir ki tou sa bann challenge nou bezwen pran kont osi ek zot Minister ou’n koz sa laspe tranzisyon.  Me zenn toultan i an tranzisyon li.  Me selman zenn toultan i oule vwar keksoz arive pou li.  Ki vreman nou garanti nou pou annan pou sa bann keksoz ganny arive pou nou bann zenn?  Mon mazin nou bann zenn sirtou.  Mon mazin mon distrik nou distrik Takamaka ki elwanye ki nou bann zenn i pa ganny sa sans kote zot kapab partisipe.  Me selman si annan keksoz lo nivo distrik ki pe ariv epou zot, zot kapab ganny touse.  Mersi.

 

MR SPEAKER

Bon ankor mon aviz bann Manm, annou sey fer nou kestyon presi akoz nou annan en timetable devan nou.  E as much as possible nou bezwen swiv sa timetable.  CEO.

 

CEO ALVIN LAURENCE

Mersi Mr Chair.  I will try my best pou mwan reponn en an menm tan, reste presi.  Mr Chair ler nou koz travay ki annan pou fer, ki pou tous distrik i annan sa Master Plan ki pe ganny devlope.

E parey mon dir sa i pa tous i pa konsern zis SNYC.  Akoz i annan lezot Lazans – NAC,NSC tousala ladan.

Parmi bann keksoz ki nou’n met an plas osi, pou bann distrik se sa Youth Animators Scheme; kot dan sak distrik nou kapab annan lezot dimoun apart ki travayer lazenes, bann animater ki kapab vini pran en group.  Me nou bann progranm aktivite lo nivo Nasyonal, i resours sorti dan distrik.  Sa i konsern bann major activities.   Be it National Day, be it Youth Festival, be it Festival Kreol e even ler nou pe selebre laniverser SNYC. 

So si oule mon redir nou osi nou pa satisfe ek lakantite kalite aktivite, nou anvi i amelyore,  nou pe fer ki i vin nou priyorite.  E avek alokasyon resours ki nou annan, nou focus pou reste lo la.

Pou terminen, mon ti a kontan dir zot, zot asize zot get en aktivite ler i ganny fer.  Pou nou pa sa ki pli enportan.  Pou nou se preparasyon pou ariv kot sa aktivite!  Si mon fer en aktivite napa letan dan en aktivite pou en zenn aprann ponktyalite.  Pou li aprann disiplin, pou li aprann respe!  Sa kantite rehearsal ki pe vini ; sa kantite practise, se la ki nou vre youth work pe take place! 

E lontan si ler en zenn pe vini ti zoure, nou ti dir li ‘’ale!  Nou pa oule ou!’’ Nou, nou pa kapab fer sa.  Sanmenm sa enn ki zoure – sanmenm sa enn ki pe don nou plis hard time, ki nou bezwen pran travay avek.  Akoz ler i zoure i zour la mon reprimann li si mon les li ale mon pa konnen ki bor, ki ghetto – ki vouloutye ki bor i pou al fini!

So nou alokasyon i pa zis dan sa enn aktivite.  En gro bout i dan transpor, i dan preparasyon sa aktivite.  Ozordi nou annan en band ki pe perform, ki’n gannyen dan Laserenad ki pe al perform Maurice weekend prosenn pou Laserenad Maurice lo nivo Nasyonal!

Nou oule en band  dan sa k rezyon.  Akoz ler i pou dan rezyon i pou kout nou less lo nivo transportasyon.  I a permet annan 5 zenn tanbourye olye ki zis enn oubyen 2 ki pe debout o-bor kanmarad pe esper son tour.  E pou nou fer sa se sa resours pou nou met en band an plas minimum R79mil.  E priyorite se ki nou annan enn dan Was e nou annan enn Praslin lannen prosenn.  Mersi Mr Speaker.

 

MR SPEAKER

Mersi CEO.  Onorab Waven William.

 

HON WAVEN WILLIAM

Mersi Mr Speaker.  Mon ti a kontan demann CEO lefe ki nou konnen ki annan sa group SNYA mon pa trouv okenn mansyon lo la.  E mon ti a kontan konnen ki progranm nou annan pou SNYA? 

        E dezyenmman Mr Speaker, mon ti a kontan demann CEO, CEO mon’n ekout ou lannen pase.  Nou’n koz lo Master Plan nou’n koz lo gran plan – la nou lo plan stratezik.

E ankor mon pe dir mon pa pe koz dan vid, mon pe get sityasyon lo teren dan mon distrik.

E mon pou dir sa, akoz mon vwar poudir bann progranm i dekonekte avek kanmarad.  I dekonekte akoz, mon trouve poudir bann resours nou annan limitasyon dan resours.  Me selman tou bann      Lazans ou a krwar pe travay an izolasyon ki finalman nou bann problenm ki nou pe sey rezourd dan distrik a pe ganny adrese!

E mwan mon anvi demann ou ozordi, eski ou annan en Master Plan pou Grand Anse Mahé?  Eski zot in fer en evalyasyon lo nou sityasyon lazenes dan distrik Grand Anse Mahé, pou nou kapab annan en progranm fokalize?  Akoz pou mwan mon pa pe vwar poudir nou pe vreman adres sa.  Akoz malgre ou pe dir nou tou sa bann keksoz CEO, mon pa pe mank ou okenn respe.  Me mwan mon ti a kontan re mezire.

E mon anvi demann ou, ou pe koz lo problenm resours imen.  Me ki incentive nou pe donn sa bann travayer lazenes ouswa pou ankouraz sa bann zenn pou vin dan sa domenn?

E prezan nou pe koz expert – mank training.  Me mon osi mon pa ti ganny training mwan !  Mon fer dokter, mon fer isi – mon fer laba.  Mon krwar nou tou isi la anndan nou devlop sa on the job training. 

So mon pe demann mon lekor Sesel nou napa nou bann dimoun ki annan leksperyans pou kapab travay avek nou bann zenn ki nou pe sey groom.  Mon pa krwar nou bezwen expert etranze sorti deor pou vini.

E mwan mon demande ki nu regard en pti pe dan sa sityasyon.  Akoz ki arive se ki dan distrik nou pe devlope bann home grown programme nou ti a kontan sipor.  I annan en ta bann lezot progranm.  Me mon santi ki i annan en dekoneksyon.  Par egzanp eski nou annan en progranm pou sa bann zenn, ki lo sa progranm methadone letan zot sorti ?

Ler sa zenn i sorti prizon lekel ki anmase? Lekel ki pe swivre?  Konmsi mon ti a kontan vwar en koneksyon.  Parey mon dir dan sa Master Plan la mon trouve i annan serten bann dekoneksyon, e mwan mon ti a kontan ki mon adres sa.  Akoz si nou pa adres sa Mr CEO mon pa pe vwar nou pe fer bokou progre!  Mersi.

 

MR SPEAKER

Mersi Onorab William.  CEO.

 

CEO ALVIN LAURENCE

Mersi Mr Chair.  Sir, I will be short.  I annan en kantite keksoz ki ou’n dir, ki mwan osi mon dakor avek.  I fasil asize dan sa Lasanble, koze, dir en ta keksoz!  Lo teren ki difisil!  E mon konnen zot bann MNA zot konn sa byen zot osi.  Dan bann aktivite zot fer pou lazenes.  Be it activities for youth or political reason – you know the challenges! 

Mon pa pe fer krwar!  Mon pa pe fer krwar i pli fasil pou nou.  Nou pe bouz dan en sosyete kot zenn e tou dimoun pe vin ultra liberal!  Si i pa anvi vini at the end of the day very little I can do pou fer li vini!  Me sa pa pou dekouraz nou.

Si nou annan en challenge. En letid ti ganny fer an 2009 ti montre pli gro febles Gouvernman Sesel, sete coordination of policies.  Kote nou’n arive ozordi pou nou amelyor sa, in annan en pti progre nou bezwen fer en lot letid pou konnen.

Nou ti fer letid National Youth Survey.  i montre nou ki bezwen i annan dan sak rezyon pou improve quality of life and wellbeing sak zenn.  Nou konnen akoz nou bezwen en band dan Was.  Se la kot i annan gran demann pou aktivite kiltirel e i annan zenn ek talan ki pe espere.

Tou le swar drayver i fer sa trip ziska Takamaka li, pou li anmenn 2 mizisyen.  Si i annan en transpor fer letour Nor avan en zour i al laba.  This is the challenge. 

Alor this is why nou pou kapab rezourd problenm distrik atraver rezyon.  Resours pou nou annan en band dan sak distrik pou lemoman i pa posib!  That’s why we move regional. 

        Eski nou annan en Master Plan pou Grand Anse Mahé?  Sa youth worker avek son Regional Council ki pou bezwen desid lo son Master Plan. 

        Nou kot SNYC nou propoz aktivite it’s the District Youth Committee ki dir ki aktivite i anvi fer.

Me si, si oule sir avek mon ozordi ki ou pa satisfe –  mwan osi mon pa satisfe.  Mwan osi mon krwar nou kapab fer pli byen, avek resours ki a ganny mete a nou dispozisyon.  E i annan lezot dimoun i annan dimoun ki vini pou nanryen osi ki kontribye – nou dir zot mersi.  Sa problenm lazenes dan Sesel, annou fer li vin priyorite nou fanmir avan, akoz zenn i sorti dan nou fanmir.  Lazans pou fer en bout – i pas 2erdtan/3erdta avek nou apre lekol, me sa gran peryod letan i pas dan lakour.

E mwan mon krwar bann incentives wi – nou bezwen devlop plis.  Responsibility allowance – risk allowance tousala se bann keksoz pou prmet nou gete letan nou downsize ek rightsize.  Akoz dan sa downsize ek rightsize Minister Finans pa pe prevwar pou redwir larzan saler pou 2019 – pou 2020.  Se dan sa resours ki nou pe gannyen ki nou pe rode plis incentive pou nou donn nou travayer.

E si zot in pare nou kapab asiz ansanm MNA onboard, District Administrator onboard, Deputy CEO, head this section kot nou kot i travay avek tou youth worker, we can devlop the Master Plan for the district avek resours ki nou annan.

Me eski ozordi nu annan enn?  Non avek Council avek nivo striktir an plas avek sa ki pe al ganny deside kot egzakteman nou youth worker pou été, sa pou permet ki nou annan en direksyon pli kler kot nou pe ale ki nou pou tackle pou sak distrik.  Mersi.

 

MR SPEAKER

Mersi CEO.  Onorab William.

 

HON WAVEN WILLIAM

Mr Speaker i pa’n reponn sa zafer SNYA.  Epi CEO mon’n demann ou ki incentive bann youth worker pe gannyen ozordi e ki adisyonnel ou pe vin avek 2019?

Akoz ki arive CEO si ou anvi dimoun travay parey ou pe dir pran larzan dan zot pos.  Me si ou pe zis degrad dan zot pos, parey ou konnen pou dir koud lavi i o.  E tou dimoun pe fer en  fason pou kapab ganny en pti larzan an plis.  Si ou donn li en pti pe an plis i pou perform plis, i pou le vin pli ankourazan pou perform.

Alors mon pe demann ou ki incentive zot pe gannyen la, e ki an plis zot pe al gannyen?  Akoz ou pa’n mansyonn sa 2.  Mersi.

 

MR SPEAKER

Mersi Onorab William.  CEO.

 

CEO ALVIN LAURENCE

Mersi Mr Chair.  SNYA i pe sorti lo Bidze ki ti annan 2018 – 69mil pou li bouz lo 116mil an 2020.  69mil ki zot annan sa lannen pa pe permet zot fer tou sa ki zot anvi fer.

E zot pe fer zot bann sitting zot pe koze, zot pe diskite me son baz SNYA se focus – ed bann zenn aprann fer resers.  Ed bann zenn devlop zot art of speech.  Ed bann zenn respekte lopinyon kanmarad.  En baz demokrasi.

Ozordi napa ase focus lo la.  Napa ase focus pou ed nou bann zenn ganny empowered dan sa 3 domenn.  Wi zot pe fer en pti bout resers – zot pe koze zot pe konpran en pe pli byen demokrasi.

Avek sa logmantasyon lannen prosenn, nou pou kapab annan bann focus training lo ‘Research’, ‘Art of speech’ and ‘Democracy’.  From 69 thousand to 116 thousand. 

        Alor ki incentive nou annan?  Parey mon ti mansyonnen avan, youth worker nou pa fer li travay 8er -4er.  I annan zour i konmans 10er e menm si i fini 8er diswar nou fer li konmans midi.

Si in travay Sanmdi/ Dimans nou re donn li son zour Lendi pou li rekipere pou li fer son bann pti tranzaksyon e osi ler i vini Mardi in poze e i kapab productive.

        Eski son saler ki i pe gannyen i ase?  Mon pa krwar.  Me i en logmantasyon ki sa i ti pe gannyen avan.  Son allowance in ogmant en pti gin.  Avek sa stratezi downsize ek rightsize i pou permet nou revwar risk allowance; permet nou revwar bann lezot ki i kapab gannyen ankor pou ankouraz zot.  Mon senserman krwar si wi youth worker i ganny pli byen peye, i annan menm graduate ki’n pare pou fer sa louvraz.

En youth worker konpetan – mwan mon ti a dir bagaz ki mon’n gannyen avek mon 8an letid aletranze, I am prepared pou mwan vin youth worker Cascade.  Napa la pou lemoman.  Me mon pa konnen si pou lemoman bann Lotorite Distrik e Minister in pare pou sa.  Mon pare pou mwan al travay pou mon distrik Cascade.  Mon santi mon annan ase bagaz.  Mersi.

 

MR SPEAKER

Mersi CEO.  Onorab William vitman.

 

HON WAVEN WILLIAM

Mr Speaker lo kote SNYA ki progranm ki plan ou pa’n tous lo la.

Me CEO mon pa pe ganny en konpran si ou pa pe tann mon byen.  Lo kote sonm larzan konmsi – konmsi – akoz ki arive, nou bezwen konnen ki nou bann zenn pe gannyen.  Akoz si par egzanp mon Grand Anse Mahé mon trouve sa zenn pou dir i pe doom  – i pa pe …  Si mon pa konnen konmsi ki i pe gannyen pou mon kapab mezire.

So mon pe demann ou ki incentive zot pe gannyen?  Par egzanp si i annan inducement konbyen si i annan lot konbyen?  Ou trouve la? Konmsi nou kapab konpran konman Manm Lasanble egzakteman kwa ki pe ganny ofer pou nou kapab demen bomaten dir be eski nou bezwen rod an plis ouswa ou pa pe donn an tro.  Ou trouve?  Please silvouple.

 

MR SPEAKER

Mersi Onorab.  CEO.

 

CEO ALVIN LAURENCE

Chair mon kapab demann en precisions silvouple? Eski nou pe koz SNYA oubyen youth worker?  Ok, ok mersi.

Youth worker dan distrik i konmans travay laplipar zot, zot saler de-baz minimonm i dan anviron 7mil.  Taler mon pou anvoy en kopi sa Scheme zot a ganny letan gete si zot vwar en pti larzan an plis par la, zot ava anvoy kot nou, nou ava pey zot nou.

Prezan avek sa zot ganny en allowance osi.  Si en youth worker in fini depas 3an i kapab vin en senior youth worker.  Tou youth worker i kapab vin en senior youth worker.  I en post title ki pli o, me i pa vedir ki sa i pe al ansarz plis ki ti ansarz.  Me akoz in perform byen e i kapab ganny en pli o post title sa i permet li bouze lo band.  Legzersis ki nou’n fer, tou dimoun ki’n depas 10an kot nou, akoz in konmans aplike sa lannen la – nou’n fer zot bouz lo Senior Youth Worker.  Apre ki’n deservi konman Senior Youth Worker, zot pou trouve lo Scheme i spesifye byen.  Akoz i pran kont leksperyans travay e kalifikasyon.  Ki kapab vin en Principal Youth Worker. 

Apre Principal Youth Worker i kapab vin en Coordinator i kapab bouze pou vin en Director. 

En kantite i vin kot nou zot ganny bann skill bann training akoz nou kontinyen donnen nou.  Apre zot osi bouze al dan bann lezot lorganizasyon; i annan i retourn dan lekol akoz sa labaz ki zot n gannyen kot nou i solid.  Me souvan i. pa pe ganny match up with the right salary package.  I pa fasil pou en dimoun ki pe ganny R7mil pou kit son fanmir, kit son zanfan rod en lot dimoun pou vey son zanfan Sanmdi, pou li vin travay.  Bokou le i al ganny zanfan bokou ler zot annan sa bann commitment familyal, i fer ki zot deside rod travay en lot landrwa.

So ozordi ki nou annan se en nouvo Scheme ki’n amelyor en pti gin, me mon pou dir i kapab amelyor ankor.  Nou annan sa bann incentive law – flexi time nou annan sa bann incentive lo re donn li son zour pou li rekipere.  Nou annan bann incentive osi pli ou’n la plis letan nou pe donn ou bann sans pou al bann training bann forum bann partisipasyon aletranze

So this is the package we have.  Eski mon satisfe avek sa?  Non i kapab amelyore.  E mon pa espekte zot osi pou satisfe.  Me mon espekte zot, zot pou fer en diferans.  Zot ki deside!  Mersi.

 

MR SPEAKER

Mersi CEO.  I pa paret ki Onorab William i satisfe, me nou bezwen bouze.  Onorab Henrie.

 

HON GERVAIS HENRIE

Mersi Mr Chair.  Mon annan 3 pti pwen ki mon krwar CEO i kapab fer li tre presi.

Dabor in konfirmen ki annan en alokasyon ki zot donn bann zenn antreprener.  So mon oule konnen osi si i annan en alokasyon ki zot donn bann NGO ki pe travay avek lazenes?  E si wi mon oule konnen ki mannyer zot monitor efikasite sa bann progranm, ouswa aktivite ki sa bann antite ki zot donn en pti larzan i fer – menm zot prop aktivite [ki mannyer zot monitor pou fer sir i efektiv.

E trwazyenmman mon oule konnen, eski i annan provizyon bidzeter, pou konble bann mankman ki’n ganny adrese par sa nouvo Polisi?  Mersi.

 

MR SPEAKER

Mersi Onorab Henrie. CEO.

 

CEO ALVIN LAURENCE

Mersi bokou Mr Chair.  Youth Entrepreneurs i sa bout kot focus lo la en kantite lannen pase it was one of our most productive part dan SNYC. 

E nou kapab dir ki i pa zis nou ki fer sa travay.  I annan lezot Lazans, me avek lazenes nou bezwen annan detrwa laport antre, akoz i annan i santi li pli alez pou rantre isi, olye rantre laba.  Nou, nou bezwen ankadre li.

Nou annan en sistenm monitoring ki involve vizit osi.  Laplipar zenn antreprener pa atrape larzan dan lanmen.  I dir nou ki i bezwen, nou pey sa lekipman pou li i ale i kolekte nou fer vizit nou monitor nou gete.

Nou pa sponsor son biznes nou.  Nou ed li konmanse.  I annan osi ki nou’n ede pou konmanse.  Nou’n donn zot en premye trans – i pa’n servi li byen i pa’n gannyen 2enm trans.  Akoz nou, nou pe ed li konpran si i bezwen vin antreprener oubyen si i bezwen anploye.

I annan en travay ase demanding ki pe go on la.   Nou annan en Board ki ed nou – en nouvo Board in ganny met an plas e travay pe kontinyen.  I annan ki ti lo Board avan ki pe ki’n kontinyen ki nou permet en bon tranzisyon.

2enm – NGO.  Nou apel sa nou bann affiliated members.  Epi nou annan bann partners.  Parey NCC sa li i en partner. 

Nou bann affiliated members nou napa Bidze en alokasyon pou zot.  I en demann ki nou’n fer e nou pou vwar parti lannen prosenn ki mannyer nou kapab travay pli byen ek nou bann affiliated member, dan menm model ki NSC i travay ek son bann diferan Federasyon.  Akoz SNYC i pa kapab fer tou keksoz.  Ler en group Zenn Dirizan – bann Young Leaders i take the initiative pou batay kont lanvironnman – son destriksyon pou batay kont bullying lot, lot, lot nou, nou la pou ed zot, e pa fer dan zot plas.

Nou rekonnet sa nesesite, pou asiste zot finansyerman.  Alor lefe ki nou napa sa larzan ki nou pe fer pou lemoman?  Nou, nou annan larzan pou nou pey landrwa ; nou annan larzan pou nou pey tiket avyon.  Nou annan larzan pou nou aste consumable ler zot annan zot aktivite zot anvoy zot project proposal kot nou to the best of our ability nou asiste zot.

I annan sa lannen nou ki’n pey zot pasaz pou al aletranze pou al zot Konferans.  I annan ler i lwe ICCS oubyen en lot venue, nou ki peye pou zot.  E nou monitoring i pas la sirtou ler nou pe fer sa kontribisyon.

Pou ki sa i vin an plas byen, nou bezwen met en lekip an plas.  En lekip ki konnen sa bann aktivite. Pou ki ler nou konmans allocate zot resours finansyel hopefully next year, nou kapab osi monitor sa.

E dan nou Lagreman Board fek diskit lo la resaman, nou premye priyorite se ekip zot pou zot kapab.  Donn zot formasyon neseser pou zot kapab lead zot meeting – lead zot deba lead zot forum.  Sa i pou vin nou priyorite epi alokasyon finansyel baze lo sa ki nou annan.  E nou pran ou kestyon konman en sizesyon to ensure that there is proper monitoring.

        E Policy fek ganny aprouve.  Nou konsyan ki i annan dan Policy.  Nou ti ganny konsilte i annan en kantite bann eleman lot Policy osi ki la.  Ki vedir ki la nou bezwen devlop en plan stratezik – en nouvo plan stratezi.  I annan eleman dan ansyen plan ki bezwen reste sa pa ganny fer en pti komite oubyen CEO i ganny fer ansanm e tou son bann partner avek bann zenn par egzanp letan nou pe koz antreprener.  Vwala ki nou annan kisisa nouvo ki nou pou anmennen.

Ler nou pe koz lo values, vwala ki nou annan kisisa nouvo ki nou pou anmennen avek sa nouvo Youth Policy. 

Akoz i define bann priority areas.  Ler nou koz connectivity internet, connectivity dan Policy ‘access is no more the question! ‘Connectivity’ is the question!  Akse i disponib.  Nou kapab amelyor li nou kapab fer li vin pli bonmarse nou kontinyen nou osi.  Demande pou bann zenn bann zenn Lasanble Lazenes i osi debat lo la.

So the new Youth Policy is going to help us with the new direction derived nou bann new strategy.  E sa bann nouvo stratezi i ganny mezire.  I annan bann midterm ek son final assessment pou nou vwar osi si nou, nou’n kapab delivre.

E erezman nou pa kapab vin bann akoz pa nu ki asses nou lekor se la kot Youth Department i annan sa travay pou evalye e vwar ki nou pe fer.  Mersi Mr Chair.

 

MR SPEAKER

Onorab Henrie.

 

HON GERVAIS HENRIE

Wi 2 pti pwen Mr Speaker.  Mersi pou ou larepons.  Premyerman lo kestyon lasistans pou bann NGO, mon ti a en sizesyon prefere vwar ki vin en pe dan menm zanr ek sa Small Grant Policy ki Gouvernman  pe al fer pou bann NGO atraver CEPS.

        E dezyenmman kestyon akoz ou’n mansyonn Board –mon anvi konnen ki kalite monitoring Board i annan lo s Bidze SNYC?  Mersi.

 

MR SPEAKER

Mersi.  CEO bref.

 

CEO ALVIN LAURENCE

Mersi Board mon pran ou dernyen kestyon avan i annan bann monthly report ki nou pe fer la, pou zot vwar ki mannyer larzan i ganny depanse.

E parey labitid SNYC tou le lannen i fer son AGM – apard  ki isi kot zot kot nou reponn kestyon nou reponn kestyon bann zenn tou ek nou bann manm afilye.  Kot nou vwar ki mannyer larzan in ganny servi.  Kot in annan menm sizesyon sorti kot bann zenn kote larzan pou ganny mete.

R nou take onboard your proposal to assist the affiliated member.  Me parey mon pe dir nou pou ekip zot avan an mannyer demen nou konnen ler nou pe asiste zot nou pe asiste zot pou zot servi li byen.  Mersi bokou.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

Mersi Mr Chair.  Kestyon tre spesifik.  Si CEO i kapab dir nou lekel sa bann manm Board.  Sa i enn.

2enm mon annan en ou transportasyon.  I annan en ogmantasyon pre 1milyon par lao lannen pase.  E ou’n mansyonn serten keksoz lo transportasyon.

Alors mon ti a kontan ki ou ti a dir nou pou rezyon Inner Island ki progranm ki ou annan pou lannen prosenn ki dan sa Bidze?

Apre dernyen ou depans lo lofis mon pe koz ou lo paz 159 table 7.  Depans kot ou lofis in monte par R500mil.  Si ou kapab zis donn ou en nide ki’n fer sa ogmantasyon? Mersi.

 

MR SPEAKER

Mersi Onorab.  CEO.

 

CEO ALVIN LAURENCE

Thank you Mr Chair. Manm Board premye keksoz nou Board pa ganny apwente par Prezidan.

I ganny elekte par bann zenn zot menm dan AGM tou le 2an dapre ki nou Act i dir nou.

Lannen prosenn ki nou pou reviz nou Act.  Pou ganny anmennen devan Lasanble mon pa konnen ki sanzman zot pou anmennen ekskreman ladan.

Manm Board i bann zenn ki ganny elekte e bann zenn ki ti ganny elekte – Chairman se Mr Marcus Hoareau, Vice-Chair Darel Uranie.  Nou annan bann lezot manm, Trevor Louise, Jelissa Payet, Jean-Michel Simeon e se Mr Sedrick Esther ki sorti Praslin – ok? 

        Tou manm Board i mwens ki 30an.  E zot en Board osi ki vin empower pou kontinyen deservi lo lezot manm, Board.  Ok? 

        So lo alokasyon ki’n ganny fer kot i met biro CEO, sa i pa vedir i en alokasyon pou mon akoz dan sa biro i annan plizyer dimoun including secretariat, including bann keksoz ki bezwen ganny ranplase.  Tou lezot landrwa in ganny priyorite.  Mwan depi ler mon Deputy menm zafer mon ankor pe servi.

Nou bezwen annan nou en bigger e proper conference room.  Nou bezwen annan nou en landrwa apropriye, pou akerir bann dimoun ki vini aletranze ki anvi vwar nou kot nou ete akoz zot anvi zwenn nou.

Pou lemoman nou pa ankor fini finaliz sa.  Se sa ki nou pe al plis kot sa alokasyon.  E tou bann keksoz parey mon dir zot, i bezwen ganny fer dan regilarite e sa avek laprouvasyon Minister Finans in ofer tou sa bann purchase.  Mersi.

 

MR SPEAKER

Mon krwar i annan en kestyon lo transportasyon ; logmantasyon dan transportasyon?  CEO.

 

CEO ALVIN LAURENCE

Ok.  R1milyon dan logmantasyon lo transportasyon, se presizeman pou nou bann zenn.

Akoz avek lasistans ki nou pe gannyen la, nou sipoze annan nou 2 transpor an plis avek nou bann zenn pou nou kapab anmenn zot.  Zot konnen SPTC pa deservi sa bann diferan pti semen ki nou bezwen rantre ladan.

Ler nou dir nou bezwen ed nou bann vulnerable youths, i annan diferan klasifikasyon sa.  Me sa i osi bann zenn ki’n reste dan bann remote areas.  Bann landrwa kot en gro bis pa rantre.  En pti bis i bezwen al rantre ler nou pe anmenn li dan lakour 7er diswar – 8er diswar nou bezwen debark li devan son laport.

E parey pou lezot.  In monte li sa lannen.  Fuel in monte, kou transpor in monte.  Se pou kwa i annan sa logmantasyon pou better ensure nou bann zenn, i ganny sans ariv kot zot apre nou bann diferan aktivite.  Mersi.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

Mr Speaker in mank sa enn – mon’n dir li ki mon’n demann li ki aktivite spesifik ki annan pou Inner Island dan sa Bidze lannen prosenn ki in plan? 

Apre dernyen zis mon a demann li, si i annan youth worker ki’n fini ganny 10an e zot pa ankor vin Senior Youth Worker apre ki lapey Senior Youth Worker.  Mersi.

 

MR SPEAKER

Mersi.  Tre bref CEO.

 

CEO ALVIN LAURENCE

Mersi Mr Chair.  Praslin nou bann aktivite ki nou annan i ganny kouver anba nou bann regional.  Aktivite distrik i reste propozisyon bann zenn Praslin avek zot youth worker.  Bann aktivite ki zot pou fer.

Ok regional i bann ki nou nou’n deplase sorti Mahé nou osi nou al fer.

Sa lannen par egzanp nou’n fer louvertir Youth Festival La Digue, lannen prosenn en big component en gro konponan lo la pou bezwen bouz Praslin.

Nou bann aktivite Nasyonal i pa eparny Praslin li.  Youth entrepreneurship pou Praslin osi Lasanble Lazenes pou Praslin osi.  Tou nou bann aktivite e enn ki dan mon plan se nou bezwen annan en band lanmizik lo Praslin lannen prosenn.  Sa i en plan i annan bann dimoun ki mon’n koz avek laba.  Zot pare pou travay ek sa bann zenn pou ed sa bann zenn.  Ok?

        Me an menm tan propozisyon aktivite i bezwen sorti kot bann zenn.  I bezwen sorti kot bann zenn pou ki nou nou endorse pou nou fer sa bann aktivite.

Sa lannen nou ti pe anploy nou 3 dimoun La Digue 3 dimoun  Praslin – ok?

        I annan ki’n ganny transfer me nou pe revwar nou dimoun ki responsab Inner Island i baze La Digue e avek monitoring ki Youth Department pe fer sa i a permet nou vwar ki kantite satisfaksyon i annan lo sa bann travay e kot desizyon i bezwen ganny fer nou annan en recruitment osi pou fer pou Grand Anse Praslin nou pou bezwen fer li.

Nou hope nou kapab fer sa recuitment pou Grand Anse Praslin avan lafen lannen pou ki ler i vini Zanvye in pare.  Mersi Mr Chair.

 

MR SPEAKER

Mersi CEO.  Onorab Gill.

 

HON CHURCHILL GILL

Ou pa’n reponn sa enn pou youth worker ki’n ganny 10an ki pa ankor bouz lo senior  

 

MR SPEAKER

Mersi Onorab.  CEO.

 

CEO ALVIN LAURENCE

Thank you sir.  Youth worker ki’n vin 10an si i pa vin senior fodre son performans pa alaoter.  E otomatik si ou ankor dan lanplwa ou kot SNYC ou’n ganny 10an ou bezwen vin senior, senior youth worker. 

        Akoz si nou’n gard ou 10an i bezwen annan en serten satisfaksyon.  E si i annan en fot ki’n arive enn  pa ankor vin senior i bezwen en human error.  E mon kapab ale toudswit al verifye.

Presizeman konbyen zot gannyen.  They are roaming around just above 8, 500 hundred.  Zot tonm dan sa group ki ganny takse.  Me 9,076 to be precise.

 

MR SPEAKER

Ok, mersi.

 

CEO ALVIN LAURENCE

E sa i zot basic pay. 

 

MR SPEAKER

Mersi CEO.  Dernyen kestyon Onorab Valmont.

 

HON JUDE VALMONT

Mersi Mr Chair.  (Mon tann bann Manm lo kote pe konplent pe mangonnen laba).  Mon lazenes mon demann mon kestyon.

Mr Speaker mon pe gete lo kote CEO atraver ou Mr Chair konbyen larzan i ganny met de kote dan sa Bidze la pou bann progranm televize lo kote SNYC pou lo kote ledikasyon?

Mon pe demann sa akoz an menm tan nou pe fer diskisyon lo Bidze la, i annan zenn pe text i pe text mwan pe text lezot Onorab pe dir si zot pa konnen ki vreman SNYC i fer e ki mannyer zot bann progranm i deroule.

E sa i vin anver sa progranm Entrepreneur Scheme osi.  Ki bann kriter ki zot bezwen fer pou ganny sa pt larzan pou ed zot.

E 2enm mon tann CEO pe met lanfaz lo incentive ekip zot bann travayer – zot bann youth workers. 

        Alor mon ti a kontan demande, eski i annan okenn provizyon Bidzeter ki’n ganny fer, pou okip zot avek bann lekipman parey laptop, printers? Akoz souvandfwa zot ganny difikilte e i fer zot louvraz vin difisil.  Alors mon oule kestyon dan sa laliny.  Mersi Mr Speaker.

 

MR SPEAKER

Mersi Onorab.  CEO.

 

CEO ALVIN LAURENCE

Mersi bokou Mr Chair.  Nou konnen e nou konsyan ki nou bezwen fer plis pou advertise e fer ki bann dimoun i konpran pli byen.  Mon krwar pandan sa dernyen 3an – SNYC in dan Nouvel bokou, bokou plis ki avan.

E mon espere sa i ava kontinyen.  Me nou konnen nou bezwen bouz lo social media nou fer bann marketing dan bann lekol e nou konnen i annan plis ankor pou fer.

Nou’n partner avek SBC pou sa progranm Youth Beat unfortunately nou resours i pa that much.  Pou nou, nou menm prodwir sa bann progranm pou ki i kapab televize e menm donn avek bann lekol.

Nou an negosyasyon avek enn de bann partner prive pou nou kapab fer sa. Nou espere selman 2 i a materyalize lannen prosenn.

Youth Entrepreneurship Scheme – mon pa pou al an detay me mon ava dir nou priyorite se donn training nou zenn pou fer biznes.

Ler i vini sa training ki nou priyorite.  I ed li konpran si i bezwen al dan zenn antreprener si i bezwen anploye.  Akoz i annan ler nou ek li nou asize nou kalkile la, i realize i pou ganny mwens larzan ki ler i pe anploye.  Nou dir li plito i reste dan lanplwa.

I annan ankor plizyer fakter ki vini la.  Akoz se pa nou bann best ki vin fer entrepreneurship.  Bann best i ganny anploye i ganny peye pli byen.

Me nou ed zot konmans zot biznes.  Nou pa sponsor zot biznes.  Alor nou annan 65 ki nou’n asiste.  Nou annan plis ki 60 lo nou latab ki nou pe gete sa lannen posibleman 30 a ganny asiste by December.  We already tackle 17. 

Training ek lekipman nou annan en porsyon nou Bidze ki ganny allocate ek training. Sa i vin pou bann travayer e nou annan nou pe fer li en priyorite.  Nou annan tou le lannen nou annan en group ki al SIM e la apartir lannen prosenn nou osi annan ki pe al Liniversite.  Ok?  E lekipman nou’n fer li en zefor sa lannen, pou nou redistribye re allocate nou bann lekipman sirtou computer, pou ki nou bann dimoun a kapab ganny plis.  Nou pe still travay ek nou bann lekipman ki nou ti annan avan nou.  Nou pa vreman annan en gro sonm pou nou rode pou tou  dimoun.  nou priyorite.  Pou ki sak youth worker dan distrik, i ganny li en laptop oubyen en computer, pou travay avek.  Nou’n sey tap lo laport rod diferan landrwa menm; sey demande si nou kapab tonm anba Scheme – non i pa posib.

Me avek sa ki nou pe gete ek alokasyon, nou pe hope pou rezourd sa problenm atraver rezyon.  Dan sak rezyon i ava annan en landrwa oubyen kot zot kapab ale.  Me nou bi se tou youth worker i annan li en lekipman en laptop pou ki eventually i kapab travay avek,

So sa i reste en priyorite e bondye pitye sa i ava materyalize lannen prosenn.  Mersi.  Mr Chair permet mwan 500, 500mil allocated for training next year. 

 

MR SPEAKER

Mersi.

 

CEO ALVIN LAURENCE

Mersi.

 

MR SPEAKER

Mersi CEO.  Bon nou’n ariv en moman pou nou pran en desizyon pou nou pran en vot pou Bidze pou Seychelles National Youth Council ki en sonm R21, 994milyon ki trouve dan nou Schedule lo paz 155 ziska 159.

Tou Manm ki an faver? Okenn Manm ki kont?  Madanm Clerk.

 

MADAM CLERK

Mersi Mr Chair.  Mon’n rikord 22 Manm ki’n vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pou SNYC National Youth Council in ganny aprouve par Lasanble Nasyonal.

Bon nou ti a kontan remersi CEO Laurence son Deputy CEO, Ms Belmont e Financial Controller Ms Hoareau.

Bon nou pou pran en Break me nou pou re antre 11.30 pou omwen pou nou pran NSC  half an hour apre nou ava kontinyen 1er apre midi.

Mon anvi zis averti bann Manm IAC, ki midi i annan en short meeting dan Committee Rm3.  Mersi nou ava Break nou ava repran travay 11.30.

 

(BREAK)

 

DEPARTMENT OF NATIONAL SPORT COUNCIL (NAC)

 

MR SPEAKER

Bon nou ava kontiny nou travay,  mon ti a kontan welcome bann zofisye pou National Sport Council CEO Mr Jean Larue, Senior Accountant Mrs Christine Hoareau, e Chairperson For the Board Mr Eddie Micock, bonzour e welcome dan Lasanble.  Ankor parey labitid zot pou kontinyen ganny asiste par PS.  PS Palmyre, PS Thesee Ms Croisee e Ms Tamatave.

Bon zis gid nou PS Thesee lo paz dan Schedule. 

 

PS DAMIEN THESEE

Mersi Mr Chair.  Nou ava pran paz 160 pou NSC pou en sonm R85, 330milyon.  Mersi.

 

MR SPEAKER

Mersi PS Thesee.  Bon okenn Manm ki oule entervenir?  Nou a konmanse Onorab Sylvanne Lemiel.

 

HON SYLVANNE LEMIEL

Mersi Mr Speaker.  Bonzour Minis, CEO avek ou delegasyon.  Mr Chair mon ti a kontan demann avek CEO NSC, nou konnen dan sa Lasanble an 2017 2018 osi nou’n annan larzan ki’n ganny mete pou en sports complex Anse Royale.  Kestyon in vini lo la e  la nou vwar ankor R4.3milyon ki’n ganny mete dan sa Bidze, pou en upgrading Anse Royale Sports Complex. 

So nou ti a kontan konnen ki vreman bann travay ki pe vin ganny fer pou sa sonm larzan Anse Royale?  Mersi Mr Chair.

 

MR SPEAKER

Mersi Onorab.  Zis avan mon pas laparol avek CEO mon ti a zis demann lo kote LDS dan bout dan Sid pou remontre lekel ankor ki’n lev lanmen?  Ok Mersi. Ok.  CEO.

 

CEO JEAN LARUE

Mersi Mr Speaker.  Bonzour tou bann Manm Onorab e Minis, PS, Chairman Board.

        Kestyon Onorab dan Bidze nou’n ganny nou 4.3milyon pou proze Anse Royale.  Dan lepase nou konnen ti annan en design kot laplenn Anse Royale sipoze fer monte en stadium avek track e ki ti pou osi enkli aranz kot volleyball court i ete.

Me solman lefe la ozordi, mwan mon ti ava kontan ki nou vin koz lo en plan avek bann Lotorite konsernen ansanm nou asize nou fer konsiltasyon nou vwar ki mannyer zabitan Anse Royale ek bann atlet bann sportmans ti a kontan en fason ki nou ti a kapab servi sa larzan ki la byen.  So byento nou ava vin fer diskisyon avek Lotorite Anse Royale.  Mersi.

 

MR SPEAKER

Mersi CEO.  Onorab Lemiel.

 

HON SYLVANNE LEMIEL

Mr Speaker Mon remersye CEO.  Mon krwar depi lontan se sa ki nou ti’n demande konsiltasyon avan ki nou konmans fer okenn proze!  Akoz mon krwar se sa bann atlet zot menm ki pli byen pase pou zot kapab dir kwa ki nou bezwen dan distrik.

E apre an menm tan ler nou lo Bidze NSC, mon pe regarde laplenn foutbol Anse Royale until ki travay i ganny fer lo sa complex, mon e regarde monitoring par egzanp letan i koup zerb, how often zot met larzan dan Bidze pou koup zerb lo sa laplenn?

Akoz up to now mon pa tro satisfe par egzanp ler travay in ganny fer ou vwar zerb i reste lanmenm lo laplenn e petet kontrakter in ganny peye.

So kwa ki zot pe fer petet pou zot monitoring en pti pe pli byen, bann travay ki kontrakter in ganny fer lo bann laplenn sirtou sa enn Anse Royale?  Mersi.

 

MR SPEAKER

Mersi Onorab Lemiel.  CEO. 

 

CEO JEAN LARUE

Mersi Mr Chair. Onorab sa kestyon se ki Anse Royale nou annan en sit ki ti ganny apele konman en Regional Sports Complex e nou annan zofisye ki baze laba.  E zot, zot louvraz se egzakteman pou monitor pou vwar bann travay ki ganny fer enkli letan bann atlet i vin servi landrwa.

So si ou pe dir mon monitoring pa pe ganny fer, i en konsern nou pa satisfe.  Mwan osi mon pa pou satisfe.  Dan sa ka nou bezwen fer sir ki letan nou konmans sa travay – sa nouvo travay, nou ava’n fer sir pou dir sa zofisye ki baze dan sa sant i fer sir ki bann travay neseser netwaye zerb eksetera i ganny ranmase.  Mersi.

 

MR SPEAKER

Mersi CEO.  Onorab Woodcock.

 

HON WAVEL WOODCOCK

Mersi Mr Speaker.  Bonzour Minis, CEO.  Mon kestyon i kronm swivan Minis or CEO plito, i fer 3enm Bidze ki mon lev sa topik mon demann sa kestyon.  Mon ti demann sa pou 2017 pou 2018 e la mon pe demande pou Bidze 2019.

Mon konsern Mr Speaker se ki i annan sa proze ki’n aparet dan plizyer Bidze.  E ti’n ganny promet pou 2015 – 2015 in anvoy pou 2016.  Sak fwa letan eleksyon sa topik i monte, me ziska prezan nanryen pa ankor ganny fer.

Sa i konsern kote konstriksyon en nouvo sport complex Praslin ki dan Bidze i pou kout R50.14milyon ki sipoze en foreign Grant.

La ankor enn fwa mon’n vwar pou dir zot in anvoy sa pou 2020, ansanm en proze multipurpose gym ki pou fer La Digue.

Mon kestyon se eski Minis ouswa CEO i kapab garanti, i kapab donn en langazman avek sa Lasanble ki sa proze sports complex i pa pou fer an 2019 me selman la ion ganny forecast pou 2020 konmanse 2020 pou en sonm R21.705milyon e pou fini 2021 avek en sonm R28.442milyon.

Eski Minis ouswa CEO i kapab donn nou en langazman ki zot pou espekte ganny sa Grant e ki sa proze multipurpose sa proze Sports Complex pou konmanse pou ganny fer or pou konmanse apartir lannen 2020 ?

E en lot sizesyon ki mon kapab fer osi.  Si Minis i kapab ok si zot pe dir pou dir sa sonm i sitan en gro sonm i tro bokou si at least en pe parey zot pe anvizaze fer pou La Digue at least konmans avek sa multipurpose gym – sa multipurpose gym i at least i ava soulaz bann atlet lo Praslin sirtou ki ziska prezan nou napa en landrwa kot nou kapab devlop nou bann atlet.  Mersi bokou.

 

MR SPEAKER

Mersi Onorab.  CEO.

 

CEO JEAN LARUE

Mersi Chair.  Onorab sa complex letan ti ganny design letan ti ganny konsevwar i en gro complex pou Praslin.

E prezan ler nou’n demann sa dimoun ki’n design li son total cost sete 110 milyon.  Sa ki lenformasyon ki mwan mon annan.  E parey ou pe dir mon krwar i fer plis sans ozordi ki nou asize nou gete pou Praslin egzakteman nou koup en design en fasilite ki al dapre ou bezwen.

E lot keksoz ki nou annan difikilte anfet nou’n konmans diskisyon se sa bann bout later ki pa ankor sort out la.  Debout later i annan de bout later pou Gouvernman Lokal n bout pou Kiltir en bout pou UNISEY. 

        So sa osi nou bezwen konmans diskite mon’n konmans fer en diskisyon avek Gouvernman Lokal.  E ler nou’n fini etabli sa vin kot ou ek zabitan Praslin nou diskite egzakteman ki kalite fasilite ki Praslin ai ava bezwen.  E apre i in anliny avek sa Bidze ki pe ganny propoze.

Mon krwar parey ou pe dir si nou kapab fer keksoz  – pa tanporerman, me selman baze par faz baze lo Bidze ki nou annan.  Mersi.

 

MR SPEAKER

PS Thesee.

 

PS DAMIEN THESEE

Mersi Mr Chair.  An plis konsern sa issue funding nou nou’n met li anba Grant akoz nou annan en donor Chinese ki’n donn nou en Don.  E anba sa, sonm larzan i annan diferan proze ki nou pe allocate anba la.

Me nou pa kapab soumet avek Lotorite Chinois until to bann proze Memorandum in rantre.

E an vi ki nou annan konsern lo parey CEO in eksplike lo magnitude sa proze nou bezwen re asize – re diskite pou asire ki at least i en proze ki soutenab.  So nou nou’n met sa alokasyon tanporer la prezan nou bezwen asir e ki tou nou bann travay preparasyon in ganny fer avan.  Savedir sort out later, sort out son project concept son bann design pou nou soumet avek Lotorite La Chine avek lezot proze ki sipoze ganny finanse anba la, avan nou soumet li.  So sa se rezon prensipal akoz nou annan sa delay.  Selman son funding i la until nou sort out sa bann issues nou pa pou kapab soumet li avek Lotorite.  Mersi.

 

MR SPEAKER

Mersi PS.  Onorab Woodcock.

 

HON WAVEL WOODCOCK

Minis Mr Speaker ou konnen sanmenm sa problenm ki mwan mon annan avek sa?

Akoz ti annan en Deklarasyon – en langazman ki en Minis ti fer.  E sa sete Minis Larue ki ti Minis pou Lazenes e Spor ek Kiltir sa letan.  Ti en gran Fanfar sa!   Ti lo medya Nasyonal – ti lo SBC – ti lo radyo ti fer en Deklarasyon ki sa proze pou konmanse!

Mon ti attend sa levennman kan ti prezant sa plan avek ‘Nou’ kan sa proze ti pou ganny fer o-bor swimming pool Ile Eve!

So why is it zot ti fer en gran Deklarasyon pou sa?  Eski ler mon pe demande eski sa ti zis en mannev pou zis anbet e bat latet lepep Pralinwa?  Ou pa kapab vin devan lepep Seselwa lepep Pralinwa e dir zot pou dir en proze pe al konmanse.  Apre 1an pli tar detrwa mwan pli tar ou vini ou dir pou dir later napa – larzan napa!

Ok ou pa konpran fristrasyon bann zabitan Praslin ?

        Ok, en sizesyon mon dakor avek sa ki CEO in dir konpleksite sa proze – mon konpran i en gran proze – mon dakor.

Si nou santi pou dir sa proze i tro gran, i tro gro, i pou kout tro bokou larzan nou kapab koup li, ouswa nou kapab konmans avek sa ki pli esansyel.  E la sa ki pli esansyel pou Praslin e menm pou deservi Inner Island se en multipurpose gym.

Akoz i annan plizyer tim ozordi ki pe zwe dan premye divizyon nou annan bokou bann atlet ozordi e in fact ki pe reprezant lo nivo enternasyonal.

E mwan mon pe dir e sa i priyorite se en multipurpose gym – at least donn nou sa multipurpose gym ki a deservi bann tim ek bann atlet Praslin apre nou a get in the long term ki bann lezot lenfrastriktir ki nou kapab met an plas.  Me at least donn nou sa multipurpose gym pou konmans avek.  Mersi bokou.

 

MR SPEAKER

Mersi Onorab.  Minis.

 

THE DESIGNATED MINISTER – MRS MACSUZY MONDON

Mersi Mr Chair.  Onorab mon konpran ou konsern.  E mon krwar parey CEO in eksplike pou dir proze i konpleks ; i annan plizyer keksoz nou bezwen revwar e bezwen retourn kot Lotorite Distrik ek bann dimoun Praslin.

E mon’n note osi pou dir ou nou’n fer propozisyon ki omwen, nou konmans avek en fasilite ki pli bezwen oubyen ki pli priyorite pou Praslin an se moman.  E mon krwar pou dir sa nou kapab konmans konsider li.  E definitivman i pou en proze ki nou bezwen fer li par faz.  E mon krwar i neseser osi pou vwar kisisa ki nou annan lo Praslin – ki bann fasilite ki nou annan e kwa prezan la ki priyorite ki bann dimoun Praslin i bezwen, pou nou konnen kote ki nou bezwen konmanse.

E parey ou’n dir nou konmans avek sa ki pli esansyel.  E si sa i ganny en multipurpose gym, nou ava fer nou mye pou nou kapab at least konmans avek sa pending ki nou rezourd tou bann lezot konpleks oubyen difikilte ki nou annan avek sa proze.  Mersi Mr Chair.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Chair.  Mr Chair sa size i vreman preokip dimoun Praslin en.  Me selman ler nou pe priyotize mon krwar nou bezwen osi konpran get valer.  Parey nou dir multipurpose gym nou bezwen get konbyen valer nou pe koze.  Akoz sa sports complex la mon pe koz sa sport complex li tousel pa avek sa bann lezot annex ki vin avek – li osi is an important.  Prezan nou bezwen gete an term valer.  Lekel ki weigh out kanmarad, apre ansanm tou dimoun i ava asize nou ava diskite nou a gete lekel ki nou krwar nou bouz avek premye.

E menm si sa 2020 ki sa alokasyon in ganny fer, mwan mon a sizere ki sa ki nou pe dir la pou nou gete lekel ki pou fer avan nou bezwen konmanse konman lannen i konmanse nou bezwen konmans sa, bann dyalog en mannyer sa larzan ki annan la nou a kapab bouz lo bann plan, lo bann design. 

        En mannyer come to ‘20 ‘nou konnen pou dir i pa prezan ki nou pe al konmans plan pou sa.  Nou konnen sa bann keksoz in pare.

So sa ti mon sizesyon.  Apre mon kestyon se dan table 6 paz 164 kot SP 2 ‘sports development and training.’ 

        Mon vwar i annan en Bidze 42milyon ki’n ganny mete e prezan mon pe gete dan sa bann training ki NSC i annan nide fer, si bann sportsman Inner Island, zot osi zot pou ganny enkli dan sa bann diferan training ki zot antisipe pou fer next year?  E si non mon krwar ki ler zot fer dimoun Inner Island sportman Inner Island i devret ganny enkli sak fwa ki i annan sa bann keksoz ki ganny fer.  Akoz Praslin i annan osi atlet potansyel ki kapab kontribye pou pei.  Mersi.

 

MR SPEAKER

Mersi Onorab.  CEO.

 

CEO JEAN LARUE

Mersi Chair.  Pou premye kestyon Onorab wi nou’n note mon krwar i bon nou atann sa dyalog diskisyon en fason ki tou dimoun i vwar li dan sa fasilite.

E vre letan nou priyoritiz nou tou nou tonm dakor lekel.  E lo la mon ti  a kontan dir osi ki Praslin ozordi pe montre nou zot annan bann bon zwer volleyball kalite ; basketball osi pe monte, judo zot annan bann Stars e nou konnen.

Alor si vitman nou pou gete the gym en pe parey Palais des Sport ki nou annan isi Mahé ki pe fer volleyball, basketball eksetera mon krwar laliny ki nou al dan sa direksyon.

Lo lot pwen ki ou pe dir 142 – 266 wi definitivman e ou ava konnen pou dir la nou annan plen preparasyon zwe de zil avek All Africa Games.  So pou annan bann atlet Pralinwa ki form parti e Digwa ki form parti dan bann lekip Nasyonal.  So i pou annan sa bann monte desann natirelman zot enkli dan bann National Team.  Mersi.

 

MR SPEAKER

Mersi CEO.  Onorab Esparon.

 

HON REGINA ESPARON

Mersi Mr Speaker.  Mr. Speaker mon ti a kontan Minis i klarifye anba ‘goods and services’ anba consumable i annan en logmantasyon 20poursan sorti 2.9milyon pou vin 3.4milyon.  En pti lesplikasyon silvouple.

Anba ‘capital project’ i annan en sonm 7.3milyon si nou kapab ganny en pti pe detay silvouple.

Mr Chairman mon pe remarke ki dan PSIP ‘renovation of National Sport Facility’ napa okenn alokasyon sa lannen.

Mon pa konnen si dan bann distrik osi i tonm anba la. E mon ti a kontan demann Minis pou klarifye si i annan okenn larzan dan sa Bidze pou amelyor fasilite sport dan distrik Glacis nou napa gran fasilite nou annan zis en laplenn.  Son bann miray son bann lalimyer silvouple.  Mersi.

 

MR SPEAKER

Mersi Onorab.  CEO.

 

CEO JEAN LARUE

Speaker mon kapab demann mon accountant pou fer deklarasyon silvouple?

 

MR SPEAKER

Yes go ahead FC.

 

FC – MRS CHRISTINE HOAREAU

Bonzour tou Manm Onorab prezan.  Sa Bidze consumables ki Onorab Esparon pe dir dan plis depans pou fer an relye avek the major games Zwe de Zil avek All Africa Game.  Ok sa consumables expenses ki Onorab Esparon pe koz lo la.  in annan depans osi depans i pou al pou bann major games, All Africa Games avek Zwe de Zil.

 

MR SPEAKER

Mersi.  CEO. 

 

CEO JEAN LARUE

Mersi Chair.  2enm kestyon ki mon krwar ki Onorab si mon’n konpran ou byen si nou pou fer i annan okenn alokasyon pou non fasilite Glacis.

Non Onorab napa alokasyon pou  Glacis.  Zis Anse Royale.

 

MR SPEAKER

Ok. Mersi CEO.  Onorab Esparon.

 

HON REGINA ESPARON

Mersi Mr Speaker CEO pe dir ek nou anba sa 7.3milyon napa okenn alokasyon pou amelyor fasilite Sport Glacis, sa ki i pe dir mwan?

Mon ti pe detay en pti pe detay sa 7.3milyon the capital project, ki kalite depans zot pe al fer?  Ok mon dakor napa nanryen pou Glacis, nou ti a swete selman.

An vi ki nou annan zis en fasilite spor ki nou laplenn, nou ti a swete ki nou ganny alokasyon pou nou kapab amelyor sa sel fasilite ki nou annan.  E Onorab Pillay i kapab temwannyaz sa, pou dir nou, fasilite nou demande pou amelyore, me nou pa pe ganny larzan anba Bidze ou pou amelyor sa.

 

MR SPEAKER

Mersi Onorab.  CEO.

 

CEO JEAN LARUE

Mersi Chair.  Premyerman da sa 7.3milyon i annan 4.3milyon ki pe al pou Anse Royale  renovasyon Sports Complex Anse Royale.

E apre sa 3 lezot milyon ki reste nou pe upgrade chlorinators system Roche Caiman swimming pool.  So sanmenm sa 3milyon ki nou annan.

 

MR SPEAKER

Mersi CEO.  PS Thesee.

 

PS DAMIEN THESEE

Mersi Mr Chair.  Pou bann distrik mon krwar ki annan swa nou annan bann fasilite laplenn foutbol oubyen bann kort.  Sa i ganny peye anba ‘recurrent,’ anba ‘service agreement’.  I pli zou mwen dan Bidze pou maintain sa bann existing swa lenfrastriktir ki nou apel sa.  I plizoumwen parey mon’n dir laplenn foutbol oubyen bann kort.  So petet si i bezwen renovasyon lo sa bann – mon pa konn Glacis ki annan mon krwar i annan zis en laplenn foutbol, se sa kekfwa i bezwen get dan sa Bidze ki annan pou ‘maintenance services’ anba son ‘goods’ e kekfwa la zot a kapab donn priyorite 2019.  Kekfwa a kapab fer diskisyon avek NSC lo la.  Me selman i pa pou en ‘capital projects’ akoz ‘capital project’ i pou plis sa bann pli gro lenfrastriktir si ou annan en proper gym plizoumwen.  Mersi.

 

MR SPEAKER

Mersi PS.  Bon nou pou pran en dernyen kestyon.  E mon pou donn en Manm ki mon konnen i presi.  Onorab Phillip Arissol.

 

HON PHILLIP ARISSOL

Mersi Mr Speaker.  Vi ki travay lo Victoria Gymnasium pa ankor konplete e Palais des Sports mon kapab dir sel landrwa kot volleyball, basketball i handball i kapab lantrennman lo en standar, ki plan lantrennman ki NSC i annan pou bann lekip an relasyon preparasyon pou Zwe de Zil 2019?  Mersi.

 

MR SPEAKER

Mersi mon ti dir presi.  CEO.

 

CEO JEAN LARUE

Mersi Chair.  Onorab pou preparasyon Zwe de Zil si kekfwa ou pe koz lo spesifikman lo Victoria Gym ki nou tou nou konn sa zistwar.  Sa semenn la deza kontrakter in monte konmans fer travay lo la pou netwaye fer li vin soz.

Me selman Federasyon basketball nou’n ganny en ant basketball/volleyball avek handball zot pe servi Palais des Sport i annan bann sesyon ki bann Federasyon pe fer endividyelman dan bann bomaten ziska tar dan lannwit.

E apre nou annan osi fasilite kot Sports Hall kot zot pe servi.  E parey ou konnen la byento basketball pe fer en konpetisyon IOCC kot zot pe anmenn bann lezot pei

        So sete sa avek le bi ki basketball sirtou basketball zot ganny sans partisipe, compete eksetera.

Me selman a term si ou pe Zwe de Zil preparasyon nou annan sa ki nou apel en Technical Committee ki nou zwenn tou sa bann Federasyon enn par enn avek zot Bidze, kwa ki zot anvi fer.  Ler nou’n tonm dakor prezan nou allocate sa fon pou zot.  Pou lemoman la nou kapab dir sirtou avek bann spor lekip – pa spor lekip plito bann sport endividyel – pou lemoman keksoz pe al byen.  Me selman nou ti a kontan keksoz i al en pti pe pli vit.  Mersi.

 

MR SPEAKER

Mersi CEO.  Onorab Arissol.

 

HON PHILLIP ARISSOL

Eski i annan okenn plan pou resurface bann multipurpose sirtou sa enn Anse Boileau?  Mersi.

 

MR SPEAKER

Mersi Onorab.  CEO.

 

CEO JEAN LARUE

Mr Speaker mon pou napa lenformasyon lo la akoz i pa tonm anba NSC. 

 

MR SPEAKER

Mersi.  Petet ler pou mon pa konnen si Local Government non?  PS Thesee anba ki i tonbe?

 

PS DAMIEN THESEE

Mr Chair i tonm anba Local Government.

 

MR SPEAKER

Wi ok.  bon parey nou laranzman nou’n fer ek SBC nou bezwen rann zot lantern dan midi nou ava kontinyen avek National Sport Council 1 er apre midi.

Mo ti a kontan zis re fer mazinen bann Manm IAC ki nou pe meet toudswit dan Committee Rm 3.  Nou ava Break e nou ava repran nou travay 1er apre midi.

 

(BREAK)

 

 

NATIONAL SPORTS COUNCIL (CONT)

 

MR SPEAKER

Bonn apre midi tou Manm Onorab.  Bonn apre Minis avek ou delegasyon, PS Thesee avek ou bann teknisyen.  Tou dimoun ki a lekout.

Premyerman mon ti a kontan prezant en leskiz pou sa retar ki nou’n gannyen.  Ankor se bann meeting ki nou’n sey mete pandan sa 1 hour lunch break pou nou kapab fer lezot travay osi an menm tan.

Bon nou ava kontinyen avek nou travay e devan nou annan National Sport Council, i tonm anba Minis responsab pou Local Government Youth, Sport and Culture Mrs Macsuzy Mondon.

Prosennman lo mon lalis mon annan Onorab Ernesta.  Non Onorab Valmont i pa la.  Ok Onorab Waven William.

 

HON WAVEN WILLIAM

Mersi Mr Speaker.  Mon ti a kontan demann Minis avek CEO lefe nou pe al aprouv Bidze pou National Sport Council; 

        mon anvi demann CEO si letan in kalkil Bidze mon mazinen pran kont bann, Federasyon ki plan desantralizasyon aktivite ki in entegre dan sa Bidze pou distrik?

E dezyenmman mon pe regard lo bann current challenges first bullet point kot i koz lo ‘inability to implement a long term athletes development programme. ‘

        CEO mon anvi demande lefe ki NSC i egziste pou tou sa letan, eski in annan vreman en koze avek tou bann Lotorite konsernen, pou vreman regard dan sa sityasyon?  Akoz ki arive se ki nou anvi nou bann atlet ki pe fe byen al pli devan?

E nou bezwen rekonnet pou, dir eski sipor ki nou pe donnen i ase dan sosyete?

E finalman Mr Speaker, mon ti a kontan ki CEO i dir nou – lefe ki nou pe koz desantralizasyon bann aktivite eski Grand Anse Mahé – mon anvi konnen si sa lekel bout kot laplenn Grand Anse Mahé ki ankor anba NSC?  Akoz ki arive se ki i annan s bann lalimyer pou en bon pe letan pa pe marse.  Eske aprezan nou pa ankor vwar en solisyon.

E Mr Speaker si ou permet mwan CEO mon anvi demande osi eski bann Game ki nou’n al partisip ladan la, eski vreman bann atlet ki’n met bann target ki ale ouswa i annan en bann ki ale zis pou ta bel?

Konmsi i bon nou konnen egzakteman eski nou larzan pe ganny depanse byen?  Mersi.

 

MR SPEAKER

Mersi Onorab William.  CEO.

 

CEO JEAN LARUE

Onorab sa kestyon premyerman ki ou’n demande in ability pou nou enplimant en Long Term Athlete Development Plan mon krwar nou’n tant pou koz en kantite.  Me selman letan i ariv pou nou vreman fer li nou konmanse i annan aret dan milye semen.

I annan en letan pase nou’n anmenn detrwa bann i annan 2 attempt kot nou’n anmenn etranze ki’n vin in fer talent identification.  E sa bann dimoun apre letan pran lenformasyon zot in al avek akoz i resanble either zot ti pe vin fer zot Thesis zot in pran lenformasyon in ale.

Me ozordi Sesel nou annan nou prop dimoun ki’n al etidye ki pe travay Sesel bann zenn zot konnen ki mannyer pou fer sa.  Se pou sa rezon ozordi nou pe dir avek nou prop dimoun, be gete ou’n ale ou’n ganny lenformasyon ou osi prezan ou bezwen al devlop sa.  Ok? 

Dezyenmman letan ou pe koz desantralizasyon bann aktivite sportif, nou tou konnen pou dir tou bann atlet tou nou bann zenn i dan zot distrik.  Nou bezwen al kot zot, kot zot été dan distrik – dan sou-distrik.

E lapros ki nou pe pran ozordi, se tir keksoz anvil vin kot ou.  E lafason ki nou pe fer sa avek nouvo lapros se ki nou oule donn bann Federasyon plis pouvwar plis resours pou zot ale al dan sa distrik.  Ale al idantifye sa bann zenn talan – fer bann diferan lekol, fer bann konpetisyon rezyonal avan ler rezyonal savedir nou a ganny nou labaz plis manrmay apre avan ler  i monte ziska nivo Nasyonal – National Team.  Se sa lapros ki pe pran.

Prezan si ou pe dir mon pou Grand Anse definitivman letan ou pou ganny lo rezyon Grand Anse pou fer konpetisyon laba dan zot rezyon Grand Anse/Port Glaud eksetera.  Me sa ki pli enportan se ki bann Federasyon ozordi nou pe  dir avek zot vini depoz zot proze devlopman talan zenn dan distrik.  E sa i pa en keksoz ki nou pe evante.

Zot bann Federasyon enternasyonal pe dir zot menm zafer.  So ozordi nou pe lans en lapel avek tou bann Federasyon NSC nouvo lapros nou pou met sa resours me zot, zot bezwen ale al fer sa bann devlopman dan distrik.  Mersi.

 

MR SPEAKER

Mersi CEO.  Mon krwar i annan enn oubyen 2 bout son kestyon ki pa ankor ganny reponn.  CEO.  I annan mon krwar morso son kestyon parti son kestyon i pa ankor ganny reponn.

 

CEO JEAN LARUE

Mr Speaker konsernan sa bout later mon pou napa lenformasyon la me selman mon ava rode epi mon ava koz avek …

Konsernan apre ou’n koz atlet ki al bann zwe.  Toultan par egzanp letan nou al game Zwe de Zil par egzanp i annan tou sa bann sport i ganny demande annan zot kriter pou zot meet bann criteria bann performance indicators.  I pli fasil solman pou ganny li avek bann spor endividyel par egzanp atletik, naze, eksetera.

E vre toultan nou annan sa diskisyon, eski i annan ki al zis pou partisipe oubyen i annan ki vreman reelman,  reelman pe al compete? 

        Me selman lefe ou pran en Zwe de Zil kot en lorganizasyon  i dir i annan 12 sports otomatikman ou ,ganny ou dan en pei kot en spor i dir be gete nou’n fini dir, nou pe al pran par  dan Zwe de Zil pou annan tel ‘x’ sport.

Prezan toultan ou vwar ou dan en pe difikilte pou dir ek sa enn, non ou pa pou ale, akoz ou pe al partisipe akoz finalman ou pe al reprezant Sesel.

Me selman i annan kot i annan kriter. Se pou sa rezon ler nou fer sa bann desizyon, i annan sa ki nou dir en Technical Committee ki get sa bann zafer o profon.  Mersi.

 

MR SPEAKER

Mersi CEO.  Onorab William.

 

HON WAVEN WILLIAM

Mersi Mr Speaker.  Mr Speaker mon anvi ki CEO akoz ki arive se ki mon pa konnen si zot ti partisip dan preparasyon sa Bidze pou povizyon pou NSC.

        E mon konnen pou dir bann Federasyon i ganny larzan.  Mwan mon anvi konnen avek ou CEO.  Sepa ou annan 10 Federasyon lekel sa bann Federasyon ki pou vin fer aktivite lo nivo distrik.

Akoz ki arive se ki zot pe ganny donnen larzan adisyonnel.  Eski i annan en  progranm ki ou’n demann zot pou prezante?  E lekel ki pou swivre sa progranm pou fer sir ki sa bann desantralizasyon aktivite petet pe arive?

Epi mon lot kestyon ki ou pa’n reponn se ki i annan sa bann lalimyer la.  I annan tim Port Glaud ki vin practise Grand Anse – i annan lezot tim ankor ki vini.

Me pou en bon pe letan distrik in dir pou dir sa bann lalimyer pa marse.

Eski zot annan Bidze? Eski zot annan resours ouswa mon pa konnen si mon pou dir spare part.  Me eski zot annan  lalimyer pou kapab remet lo sa laplenn silvouple?  Mersi.

 

MR SPEAKER

Mersi Onorab.  CEO.

 

CEO JEAN LARUE

Wi Onorab konsernan sa bann zafer lalimyer la, parey nou’n toultan dir i annan bann fasilite ki tonm anba  responsabilite Local Gouvernement i annan ki tonm avek NSC. 

E letan i annan bann demann ki sorti kot distrik lazans ki baze kot NSC i ale i fer sa louvraz – depandan si i i annan sa available sa bann spare part – parey ou dir – si i annan sa bann lalimyer i ale i fer  ou non – oubyen i bezwen fer vini procure epi i ale i mete – ok?

Prezan letan ou pe koz  sa bann Federasyon ki pou vin dan distrik ki mannyer i ganny monitor, nouvo fason ki nou, nou anvi fer ozordi se ki i annan seksyon anba NSC ki responsab  bann Federasyon.

Ozordi nou pe tir en bon pe bann travay ki sa seksyon i fer.  Nou pe met li dan lanmen Federasyon.  Zot annan sport officer, development officer eksetera.

Prezan ki fer i liber bann zofisye NSC olye ki bann zofisye zot, zot al fer aktivite ki Federasyon i bezwen fer.  Federasyon prezan i bezwen pran son responsabilite fer son aktivite i liber sa bann zofisye pou zot prezan, zisteman ale, verifye fer monitoring, evalyasyon kot NSC.

        Savedir ozordi en seksyon i pa pou organiz bann aktivite Federasyon.  Sa Federasyon i bezwen pran son responsabilite li menm.  Mersi.

 

MR SPEAKER

Mersi CEO.  Onorab William.

 

HON WAVEN WILLIAM

CEO mwan mon problenm la se ki ou pe demann mwan pou vot lo en Bidze.  E nou, nou konnen i annan bann Federasyon.  Mwan mon anvi konnen avek ou senpleman si par egzanp Federasyon li k bezwen prezant  en progranm e nou lo kote Lotorite Distrik nou bezwen annan en kopi sa progranm pou konn poudir  dan tel moman sa Federasyon pou vini.  Ki nou bann dimoun dan distrik annan lentere i kapab ganny mobilize.

So mon pe demann ou si Federasyon pou prezant en progranm en kopi sa progranm osi pou al dan distrik?

Akoz si napa en progranm parey ou pe dir  ou les avek zot ki mannyer nou, nou pou apresye  poudir be sa progranm pe ganny enplimante dan distrik?  Mersi.

 

MR SPEAKER

Mersi Onorab.  CEO. 

 

CEO JEAN LARUE

Wi Onorab mersi.  Nou a fer ou ganny plan kopi sa bann plan akoz tou Federasyon nou travay avek zot, zot donn nou bann plan.  E mon a kapab share sa bann lenformasyon avek ou o pli vit posib.  Mersi.

 

MR SPEAKER

Mersi CEO.  Onorab Henrie.

 

HON GERVAIS HENRIE

Mersi Mr Chair.  Premye kestyon mon mazinen kekfwa i ava tonm avek NSC preski la sa lannen i annan koze ki lekol La Rosiere pe al re ganny konstri ankor enn fwa.  Me ti annan en  kort la.  E sa kort in ganny kase ler ki bann demolisyon ti pe ganny fer.

So sa ki mon ti a anvi konnen se ki eski si tonm anba NSC si mon pe byen demann mon kestyon – eski pou annan kek par ki dan Bidze ki sa travay ava ganny fer pou rekonstriksyon lo kort  kot lekol La Rosiere?  Sa i mon premye kestyon.

Dezyenmman lo bann endikater performans lo paz 164, letan mon pe regard bann sif ki zot in donnen, or bann areas ki pou endik zot performans.

Mon’n note ki napa en headings par egzanp ki pou  dir ‘nouvo atlet’  – sa.  Alor sa mon pe mazinen sa i responsabilite lekel ki pou fer  sa, akoz sa pou mwan mon pli enterese avek se dekouver nouvo talan, e en  legzanp pti pik ki nou koz lo la tou-le-z-an se atraver le  29 Zen. Kot sa bann talan pa ganny ranmase.

E touzour baze lo sa bann sif ki zot in donn nou, mon le konnen ki mannyer zot pe mezir sa bann figures la. Eski i annan en Unit? I annan en group dimoun ki pou ki pe travay pou fer sa ki mannyer zot pou ganny sa bann data pou zot konnen zot pe achieve zot bann goals ?  Mersi.

 

MR SPEAKER

Mersi Onorab.  CEO.

 

CEO JEAN LARUE

Mersi Chair.  3premye kestyon konsernan kort La Rosiere, mon pou napa alse lenformasyon pou mon confirm avek ou akoz si sa kort i tonm anba responsabilite  Sport Council oubyen si i tonm anba responsabilite  Minister Ledikasyon.  Mon pa pou kapab – solman nou kapab find out. 

Dezyenmman ou pe koz idantifikasyon talan.  I vre si   nou pa’n met li anba normalman i devret tonm anba progranm 2 ‘sports development’ si nou pa’n met li kekfwa en mankman.

Me solman dan re organizasyon striktir NSC ozordi i annan en seksyon ki apel Talent Identification Section. 

        Sa i spesifikman se zot ki bezwen al fer sa kalite travay dan re organizasyon.

Prezan letan ou pe koz measurement of figures, se ki mannyer zot fer sa.  Se ki sak progranm sak progranm bann aktivite ki NSC – sa bann diferan seksyon  zot anmas statistik.  Zot anmas statistik zot rikorde  lekel sa bann dimoun?  Lekel sa manrmay?  Ke laz?  Ki aktivite i fer?   En fason nou annan en nide globalman konbyen dimoun nou pe touse par progranm par distrik, eksetera.  Mersi.

 

MR SPEAKER

Mersi CEO.  Onorab Henrie.

 

HON GERVAIS HENRIE

Alors si ou ti dir mon i annan zot pe ranmas  sa bann sif par progranm.  Sa ki mon anvi konnen se ki ou pou bezwen vwar whether zot pe achieve zot target ouswa non?

So a lafen defen i pou responsabilite lekel pou konmsi pou pouse?  Pou dir be get sa nou pe nou pa deryer la avek nou target.  I tonm kote finalman sa, responsabilite?

 

MR SPEAKER

CEO. 

 

CEO JEAN LARUE

Wi definitivman nou annan en Board e Board i asize i get sa rapor me sa me lekel ki pe pous sa se natirelman CEO, avek management Sport Council.  E lo management i annan tou sa bann direkter ki Sports Medicine par egzanp i annan son direkter, Sports Development i annan son direkter, Sport For All, eksetera.  Se zot ki prezan zot bezwen fer zot bann zofisye ranmas sa bann lenformasyon. Akoz apre sa menm lenformasyon sa statistik nou submit dan nou rapor quarterly report.  En fason nou vwar si vreman i annan, progre.  Mersi.

 

MR SPEAKER

Mersi CEO. 

 

HON GERVAIS HENRIE

Dernyen pwen Mr Speaker.  Eski NSC i annan en rapor anyel ki bezwen soumet li ki zisteman sa bann zafer i kapab al ladan ki nou konman Manm Lasanble nou kapab ganny akse avek parla pou nou kapab vreman monitor zot performans?  Mersi.

 

MR SPEAKER

Mersi Onorab.  CEO.

 

CEO JEAN LARUE

Ki nou fer nou fer quarterly reports ki nou submit avek Minister me selman zanmen nou’n deza fer en report kot nou anvoy kot Lasanble.

Me selman si i annan e nesesit pou nou share sa bann lenformasyon, mon krwar nou ava fer li Onorab.

 

MR SPEAKER

Mersi CEO.  Onorab Wilbert Herminie.

 

HON WILBERT HERMINIE

Mersi Mr Chair.  Bonn apre midi Designated Minister avek ou delegasyon.  CEO eski ou kapab donn nou en laklerte lo sa issue ki bann atlet ki pa anrezistre avek pou ganny lasistans avek CSR?  Ki ler zot al bann konpetisyon aletranze,  eski NSC atraver Federasyon i donn zot serten allowance pou zot kapab maintain zot lekor laba ler zot al sa bann konpetisyon?

Mon 2enm kestyon i lo paz 20 spesifikman regarding ‘renovasyon lo Victoria Gymnasium.’  Sa proze nou konnen i annan en bon pe difikilte avek me selman nou vwar li in ganny finanse  pou 2an la.

Eski CEO i  kapab donn ou en lasirans ki sa proze pou fini sa lannen ki nou pa pe vwar li pe lev an 2020?

Epi trwazyenmman preski tou-le-z-an nou vwar sa zafer upgrading of system chlorine kot Roche Caiman swimming pool. 

        Eski CEO i kapab donn nou en lesplikasyon kwa sa?  Akoz tou le lannen mon vwar larzan i donnen me kwa ki egzakteman i problenm laba?  Mersi.

 

MR SPEAKER

Mersi Onorab Herminie.  CEO.

 

CEO JEAN LARUE

Mersi Chair.  Onorab konsernan bann allowance pou bann atlet letan zot vwayaze.  Nou annan diferan kalite Schemes depandan  lo ki nouvo konpetisyon sa bann atlet i ganny en allowance avek NSC. 

        Me an menm tan atraver zot Federasyon si pa egzanp sa bann levennman ki zot pe ale pa fund, Federasyon i fer  en demann avek NSC pou asiste zot avek en allowance.  E sa nou fer.

Regarding Victoria Gym, travay in konmanse sa semenn.  Akoz parey nou dir nou tou nou konnen sa problenm Victoria Gym me solman lalimyer se ki nou’n konmans louvraz kontrakter i on site pe konmans travay.  Mon pa kapab dir ou i pou fini akoz – at least zot pe dir nou 3 mwan zot pou’n kapab fini sa louvraz.

So, mon krwar si ou kapab ganny sans  osi pou al vizite.

Regarding upgrading system swimming pool; ou konnen swimming pool i en fasilite ki delika.  Akoz?  Ou bezwen – i annan son sistenm klorin ki pou lemoman pe ganny mete mannyelman ok, dimoun zis pran soz met dan bezwen fer li.

Apre i annan sa ki ou appel son disel konmsi pou fer son pou netway li byen.  Ozordi nou bezwen met en, sistenm ki otomatik.  E ou ava konnen pou dir swimming pool ti ganny fer an 1993 pou Zwe de Zil in pas atraver diferan difikilte sanz sistenm filtrasyon sanz sistenm salt.  E la nou bezwen en fwa  pou tou – se pou sa rezon sa fund ki nou’n gannyen fer sir nou ganny nou en bon sistenm otomatik, ki i ava fer li – mon krwar son lifespan i ava al en pti pe lontan.  Mersi.

 

MR SPEAKER

Mersi CEO. Onorab Herminie.

 

HON WILBERT HERMINIE

Mersi Mr Chair.  Eski CEO i kapab dir nou dan nou en garanti ki tou Federasyon i ganny asiste ek sa parey pou bodybuilding, tou atlet ki pe ale ki ganny sa subsistence allowance?

        Epi 2 lo zafer Victoria Gym la ki aksyon zot in pran avek sa previous kontrakter pou rekiper en pe sa larzan ki’n ganny depanse pandan Bidze lannen pase, pou ki Gouvernman osi pa perdi ki nou kapab anmas en pe ki finans ki nou ti’n donnen? Mersi.

 

MR SPEAKER

Mersi Onorab.  CEO.

 

CEO JEAN LARUE

Wi regarding bann Federasyon premyerman Onorab i annan bann federasyon ki afilye – ki afilye avek NSC se zot sanmenm sa bann ki nou asiste.

I annan bann sports ki zis zot in ale zot in afilye zot in ale zot in afilye zot avek Rezistrar zot legal, me selman pa tonm anba responsabilite NSC – zot pa afilye avek NSC savedir NSC nou pa donn zot en finansman.

Me solman ler zot fer zot konpetisyon, nou fasilite zot avek fasilite kot zot fer zot konpetisyon.  Kot fund i konsernen pou lemoman, nou pa –  zot pa – fodre zot vin kot NSC, nou ganny rekonnet zot.

Konsernan kontrakter wi keksoz pe ganny fer travay p ganny fer pou fer sir pou dir nou kapab rekiper sa larzan ki me selman sa i en zafer plito Avoka – ki pe sort sa bann zafer pou nou.  So pou lemoman wi nou bezwen ale vwar ki mannyer nou kapab rekiper sa fund ki’n perdi.

 

MR SPEAKER

Mersi CEO.  Onorab Norbert Loizeau.

 

HON NORBERT LOIZEAU

Mersi Mr Chair.  Mr Chair vi ki en pti komanter avan ki mon kestyon mon premye kestyon ti Victoria Gymnasium vi ki CEO in dir ki travay in  konmanse.  Mon anvi dir CEO ki mwan konman en Manm Komite COGA mon pou met lizye lo sa travay.

E mon pou pran li mon devwar pou mon fer sir ki sa travay i ganny fer!

Minis Mr Chair mon 2enm kestyon i mon anvi demann CEO vi ki ozordi Palais des Sport si sa venue pe ganny servi par tou bann disiplin sport ok? 

Dernyen fwa ki mon’n pas laba en bon pe letan mon pa’n pas laba en fwa mon ti pas laba ti Sanmdi.

Mon anvi demann ou alors ki plan renovasyon lo Palais des Sport?  Eski i annan dan Bidze ?  Akoz Palais des Sport  i ordeta CEO.  Ni clock pa pe marse.  Si zot pa fer atansyon nou pou bezwen re kas li r konstri li.  E pa bliy clock kot basen naze osi lo bann lenfrastriktir sportif Roche Caiman la, i pe tonm an rin, si nou pa fer sir.

E mon 2enm ; mon anvi demann CEO eski dan son Bidze  – si i konsern li  i a dir mon i annan alokasyon pou ed bann dimoun ki pe fer bann travay volonter – ki pe form bann Lakademi Spor dan bann distrik.  Si dan ou alokasyon Bidze  i annan larzan pou si i annan sipor finansyel pou zot osi?

E mon 3enm  mon anvi demann CEO vi ki ti annan en High Level Programme pou bann sports ou bann dimoun ki pe fer High Level Sports. 

Mon anvi demann CEO si ankor still la sa progranm ki alokasyon i annan pou li? E konbyen atlet high level ki annan ki anba sa progranm?  Mersi.

 

MR SPEAKER

Mersi Onorab Loizeau.  CEO.

 

CEO JEAN LARUE

Mers i Chair.  Onorab wi Palais des Sport parey ou a remarke i ganny servi par basketball, handball avek volleyball zot practise laba.

E apre zot osi annan bann konpetisyon ki ganny fer.  i annan parey ou konnen i annan kort ,A avek  kort B, e la lefe ki basketball pa tro kapab anvil, so i annan en pe en kantite use of the of sa landrwa.

Ou pe dir mon ki nou pe ganny problenm vre avek the clock system – son sistenm elektronik in pack-up.  So nou bezwen fer fason pou nou sanz li.  Diferan attempt ki’n ganny fer avek bann dimoun avek bann elektrisyen – bann enzenyer pou vwar ki mannyer i marse.  Me finalman mon krwar nou pou bezwen zis rod n lot akoz son life span in fini ale.

Lo en lot issue se ki ozordi nou annan nou en nouvo project officer.  So nou napa li depi Zilyet sa dimoun ki ti la in ale, so in fer nou an aryer regarding pou nou al get tou bann zafer fasilite pou fer sir pou dir bann travay ki devret ganny fer.

So la mon happy pou dir nou annan sa dimoun, ki pe met en pe presyon lo Agency prezan fer sir pou dir  – swimming pool –  Palais des Sport bann travay i ganny fer.  Palais des Sport wi nou konnen i annan landrwa ki koule.  Sa son gutter i osi in tonm an rin.  So i annan travay nou’ fer nou’n fini tender – louvraz in fini ganny tender nou espekte nou kapab rektifye sa problenm pli vit posib.

Konsernan Lakademi ki ou pe zis sorti dan distrik; pou lemoman NSC napa en Bidze ki adres spesifikman bann Lakademi.  Nou napa en Bidze sa.  Nou ti ava kontan.  Me selman en kantite sa bann Lakademi se bann Lakademi prive.  So pou lemoman dan Bidze nou napa.

Konsernan bann manrmay ki ou dir lo High Level  nou apepre en 25 manrmay ki lo High Level.  Mon kapab fer ou ganny en kopi lekel zot e ki kategori zot été – konbyen zot allowance i été.  I annan pe ganny R5mil allowance, i annan ki ganny 7,500 i annan i ganny 2,500 baze lo zot nivo ki zot ete.

Me selman internally travay pe ganny fer pou revwar.  Akoz tou keksoz pe sanze mon rapel dan sa Lasanble pa tro lontan pas zot ti pe demann nou pou revwar e la nou dan faz pou revwar akoz nou annan osi Zwe de Zil ki pe vini tou dimoun pe demande pou fer isi pou dir sa pti allowance i ogmante.  Mersi.

 

MR SPEAKER

Mersi CEO.  Onorab Loizeau.

 

HON NORBERT LOIZEAU

Mr Speaker zis mon ti a kontan ganny sa bann lalis avek CEO ki’n dir pou donnen.  Mersi.

 

MR SPEAKER

CEO i dir ou, ou ava gannyen.  Onorab Sebastien Pillay.

 

HON SEBASTIEN PILLAY

Mersi Mr Chair. Bonn apre midi.  Mr Chair mon ti a kontan demann CEO en, kestyon pli spesifik avek sa ‘insurance and fees.’ Eski sa i enkli insurance pou nou bann atlet ki travel pou bann major games?  Akoz si par egzanp i ariv en lensidan kot zot ganny en injury ki mannyer zot ganny kouver?

Eski zeneralman zot pe ankouraze ki i annan en lasirans ki ganny pran pou bann atlet, koumsa ler atlet i ganny injury akoz ou konnen bokou latet zot mank zot louvraz e vin difisil pou zot.

An relasyon avek ‘foreign consultancy fees’ eski CEO i kapab eksplik nou en pti pe kwa ki antre dan sa consultancy fees, ki mannyer sa i ganny zere?

Trwazyenmman  sa ‘participation fee’ ki mon’n vwar dan Bidze la sa participation fee i relye avek kwa?

E mon dernyen pwen Mr Chair.  Par egzanp letan nou koz sa Bidze pou partisip participation in games sa Bidze ki al pou bann major games.  Ki mannyer sa Bidze i ganny proporsyonnel oubyen i ganny allocated avek bann diferan Federasyon?   Akoz par lepase nou’n tann bann konsern ki’n lev-e.  Eski nou’n etabli en sistenm an plas ki transparans si oule lo lafason ki bann Federasyon i ganny sa, Bidze pou asire ki annan en repetisyon egal oubyen baze lo nesesite, oubyen lo needs ki sa bann dimoun kot Federasyon i annan.  Mersi Mr Chair.

 

MR SPEAKER

Mersi Onorab Pillay.  CEO.

 

CEO JEAN LARUE

Mersi Chair.  Konsernan lasirans wi tou atlet ki tonm avek National team, nou pran nou en group insurance i enkli medikal pou zot tou.  Tou atlet en.  Endividyel oubyen group.  So sa nou fer sir pou dir si i annan problenm medikal nou kapab fer zot lasistans medikal.

Ou lot kestyon i sa ‘foreign consultancy fees’.  E parey ou konnen nou annan bann e etranze Sesel, i tonm anba bann konsiltan.  E i annan i coach; i annan i bann trainers i annan i bann – pa therapist solman nou annan me selman nou annan 9 zot.

So e sa i enkli zot allowance lakaz eksetera loto ok.  So nou annan sa.

3enm kestyon Bidze pou bann federasyon alokasyon preparasyon pou bann zwe nou annan nou en participation fee ki nou bezwen peye la par egzanp nou pe al Zwe de Zil Maurice nou bezwen pey en participation fee 3.9milyon.  E sa i enkli delegasyon Sesel letan i al Maurice i enkli hebergement, transpor, konmsi tou nou cost in fini ganny peye.  Ou konpran?

Prezan sa ki reste – sa larzan ki reste i zis pou nou preparasyon atlet.  Ok?

Apre letan ou dir latransparans  dan Bidze.  Nou annan bann Federasyon letan zot ti demann nou Bidze, zot tou zot budget total ti ariv 48 milyon.  La mon pe koz ou 12 Federasyon ki pe al Zwe de Zil.  48 milyon.  E malerezman  mon pa kapab nou pa gannyen 48 milyon.

Sa ki nou gannyen prezan nou bezwen nou travay avek enkli men pe sa ki NSC i kapab provide.  Se pou sa rezon nou  set up en  Technical Committee kot nou asize ek sak Federasyon nou get zot sa ki zot pe propoze lekel ki zot priyorite.  E keksoz i ganny  aprouv par egzanp i annan en konpetisyon zot bezwen ale tel landrwa nou vwar i fezab.  Ansanm ek sa Federasyon nou tonm dakor, zot al zot konpetisyon i enkli kekfwa i annan  bann manrmay Praslin pe desann.  I annan ki bezwen al pran en pe breakfast, en dezennen en dinen.  I tousala.

So finalman dan 48 milyon dizon ou ganny ou 10 milyon ou bezwen travay avek 10 milyon e prezan ou travay ek Federasyon osi ; ou asiz avek zot – parey mon’n dir ou, nou tonm lo en Lagreman – ‘’sa nou kapab fund’’ – ‘’sa nou pa kapab’’  ‘’sa ou kapab al rod en sponsorship.’’  So se koumsa nou travay.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon ti a kontan klarifye en lot pwen.  An se ki konsern National Olympics Committee nou bezwen annan nou annan en Komite Nasyonal ki deal avek National Olympics Committee petet.

        Eski zot annan en kontribisyon ki zot osi zot anmennen anver Bidze partisipasyon pou bann major games?

        E apre, an se ki konsern bann allowances, ki ou donnen avek bann staff parey mon konpran bann staff NSC, zot travay avek bann progranm spor par egzanp kot i annan sa progranm sport ki deal avek landrwa travay kot zot la ziska tar.  Ziska 7er 8er a aktivite pe go on.  

Apre i annan zot ki menm avek bann aktivite dan distrik, kot zot la ou vwar zot pe partisip dan bann aktivite.  Resaman nou’n vwar zot avek sa bann aktivite ki ti pe pas Anse Major.

So ler sa bann staff i fer sa bann aktivite koumsa.  Ki mannyer mon pa le krwar reward monneter is the only issue. Me selman mon krwar sa i en  keksoz very demanding.

        Eski sa Bidze i pran konsiderasyon sa bann demann ekstra lo sa bann staff?  E i vin atraver bann allowances petet ki zot kapab gannyen.  Eski sa bann allowances ki nou vwar i en Bidze i kouver pou sa konponan?  Mersi Mr Chair.

 

MR SPEAKER

Mersi Onorab.  CEO.

 

CEO JEAN LARUE

Mersi Chair.  Ou premye kestyon se ki vre National Sport Council nou travay tre pre avek SOGGA Olympic Committee.  E zot, zot kontribisyon i plis plas bann atlet lo sa bann progranm zot apel sa Olympic Solidarity.  Sa i enternasyonal se pou sa rezon parey nou vwar bann mazer ki pase dan en landrwa pou detrwa mwan – pou 6 mwan eksetera.  Sa bann atlet i kapab retournen, i form parti National Team.  Me selman an menm tan NSC i la pou al fer sir pou dir, si i annan ansanm ek Olenpik si i annan keksoz bann mankman ki sa atlet i bezwen NSC i rantre ladan anba son progranm High Level.

        Konsernan bann staff NSC vre bann staff i travay en kantite.  E ozordi nou’n kapab approved nou Scheme of Service pou bann coaches, pou bann sport officers avek bann drayver in fini ganny approved; –savedir zot ganny zot n adisyonnel.

Me avan sa nou ti bezwen pey zot overtime akoz bann louvraz ki zot fer  i ale tar dan lannwit.  Menm zot weekend i soz.

Se pou sa rezon nou kapab sub-sustained bann progranm me selman avek en overtime.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mr Chair eski CEO i kapab donn en pti klarifikasyon.  An se ki konsern plasman lo bann progranm enternasyonal eski NSC li i kouver okenn porsyon i annan okenn kou ki i bezwen kouver anba son Bidze eski okenn sipor finansyel?  Eski NSC i anmenn okenn sipor finansyel anba sa bann progranm oubyen sa bann progranm i fully funded?

        E kriter par egzanp ki ganny servi pou selekte bann atlet?  Eski NSC i involve dan kriter pou selekte bann atlet ki pou al lo sa bann progranm?

Mon dernyen, dernyen  pwen final Mr Chair, se eski NSC i pe travay avek Minister Finans pou rod en konsiltan ki ava travay lo en sport arbitration court – where a sport – mon pa konnen sistenm an plas koz nou vwar souvandfwa i annan bann diskisyon bann problenm ki lev-e dan bann Federasyon i de-koul dan Lapres ou tann enn pe dir sa – lot pe dir sa.

E vreman napa vreman en faon kler pou deal ek sa sityasyon.

So si zot in travay met an plas en Polisi pou kapab deal ek sa sityasyon? Mersi Mr Chairman.

 

MR SPEAKER

Mersi Onorab.  CEO.

 

CEO JEAN LARUE

Mersi Chair.  Onorab wi ansanm avek ozordi nou pe travay pli pre ansanm avek Komite Olenpik.  Sa konmsi nou pou bezwen dir.  Akoz letan nou koz en atlet i en atlet Sesel, Seselwa.

So definitivman nou tou ki dan spor nou travay ansanm avek li.

Prezan letan sa atlet pou ganny swazir letan i ganny swazir natirelman i baze lo bann kriter parey taler mon ti pe dir.  Depandan lo son bann performans konman en atlet e i annan  bann grid ki dir si ou meet sa bann target.  Then ou ganny selekte.

Dan kote Olenpik tre souvan se plito zot ganny plase tuition fees eksetera, me selman NSC li i rantre letan bann marmay i bezwen deplase pou al konpetisyon.  Ou konpran?  Dizon i baze L’Amerique i pe lekol.  Me selman letan an menm tan, i pe lekol i a pe practice prezan i, bezwen al en  konpetisyon i bezwen al reprezant Sesel NSC i antre i fer sir pou dir son bann vwayaz eksetera son bann allowance i ganny kouver.

Abitrasyon – sa i en travay ki’n deza ganny fer en konmansman in deza ganny fer e mon konnen i kot AG’s Office abitrasyon oubyen medyasyon akoz nou konnen toultan in annan sa bann soz.  Me selman i en travay ki’n deza konmanse mon krwar kekfwa PS ti’n kapab dir zot bomaten akoz sa i plis Policy.  Me selman  mon pe dir ou travay konmanse kot AG’s Office. 

 

MR SPEAKER

Mersi CEO.  Onorab Terence Mondon.

 

HON TERENCE MONDON

Mersi Mr Chair.  Mon kestyon i konsern dan Diskour Minis Finans kot i ti fer resorti ki R10 milyon dan Bidze siplemanter pou 2018.  4.5 milyon pou 2019 pou All African Games, apre 24milyon CSR sorti kot bann piblik enterprises. 

Prezan mon anvi konnen ki provizyon ki NSC pe fer pou kolekte CSR sorti kot sekter prive?  Eski zot annan en provizyon?

E sa i anmenn mon lo mon lot kestyon eski zot fer tou bann provizyon dan sa Bidze pou sa de zwe de zil avek All African Games? Ki fer ki lannen ki vini nou pa pe vwar nou avek len lot Bidze siplemanter.  Mersi Mr Chair.

 

MR SPEAKER

Mersi Onorab.  CEO. 

 

CEO JEAN LARUE

Mersi Onorab Chair Onorab wi parey ou’n vwar la mon’n donn ou 10milyon 2018 nou annan nou 10 milyon pou preparasyon Zwe de Zil, e ladan nou’n fini pey 3.9milyon almost 4 milyon pou preparasyon al pran par dan zwe parey nou’n fini pey Maurice laba so i reste nou en pti soz 6 milyon pou nou travay lo la.

Kot i konsern All African Games wi i annan 4.9milyon akoz 4.5milyon ok akoz li i fer zis apre en mwan apre zwe de zil li i pe fer Maroc.  So i osi annan bann expenses ki nou bezwen fer pou prepar nou atlet.  E natirelman i pa bann menm sports ki pe al dan Zwe de Zil.  So nou annan la en pe letan nou a konnen plis lenformasyon.

Konsernan CSR mon pa konnen si mon kapab demann …

 

MR SPEAKER

Mersi CEO.  PS Thesee.

 

PS DAMIEN THESEE

Mersi Mr Chair.  Parey pou konnen pou CSR si lorganizasyon i anvi tap into it, i bezwen apros bann lakonpannyen prive, ki pou kontribye sa sonm anver en proze.

So si i annan okenn lakonpannyen ki enterese pou sponsored NSC par egzanp i kapab apros NSC.  NSC osi i kapab go out parey okenn lorganizasyon rod sponsorship.  E prezan apre i bezwen soumet sa laplikasyon ki i gannyen sa lentere ki gannyen from sa private company pou al lo sa CSR Committee akoz zot annan en guidelines i ava gete si keksoz i annord , la zot ava donn ou zot laprouvasyon.

So NSC i bezwen e al deor plizoumwen pou ganny sa bann lakonpannyen ki enterese pou sponsor li.  Mersi.

 

MR SPEAKER

Mersi PS.  Onorab Mondon.

 

HON TERENCE MONDON

Mersi Mr Chair.   E zisteman mon kestyon mon demann NSC ki zot pe fer pou kapab apros sekter prive, pou zot kapab al kolekte sa CSR?  Ki pou konplimant sa Bidze pou sa 2 zwe lannen prosenn?

Epi mon anvi konnen si zot satisfe avek bann provizyon ki zot fer dan sa Bidze.  Ouswa si nou pou vwar nou avek en Bidze Siplemanter, ankor lannen prosenn?  Mersi.

 

MR SPEAKER

Mersi Onorab.  Mon krwar repons se ki NSC pa apros bann  pou kolekte CSR se bann Federasyon dan sa lekip ki fer li.  Me zot fer li atraver NSC.  Si mon pa tronpe se sa ki PS in dir non?  Wi.

So CEO ou ava reponn sa lot bout.  Mon krwar in ganny reponn sa enn.

 

HON TERENCE MONDON

Mr Chair PS i dir NSC i kapab fer sa demars.

 

MR SPEAKER

Wi menm difikilte ki nou pe gannyen Bel Ombre. Nou’n ganny dir se sa lekip ki apros biznes e apre i averti NSC, NSC i donn li en dokiman.  CEO.

 

CEO JEAN LARUE

Mersi Chair,  wi, set NSC ki kapab apros bann landrwa bann biznes eksetera, e sa deza pe ganny diskite lo nivo Board, pou fer sir nou kapab ganny maksimonm.  In deza ganny fer dan Zwe de Zil dan bann lezot, zwe avan.  Mersi.

 

MR SPEAKER

Mersi.  Onorab Audrey Vidot.

 

HON AUDREY VIDOT

Mersi Mr Chair.  Mr Chair mon pa ankor convince avek larepons ki CEO in dir avek Onorab William an referans avek desantralizasyon sport dan bann distrik.

Mon pe dir sa  akoz letan nou pe get sa Bidze ki la, nou bann distrik ki letan nou anvi krwar desantralizasyon sport avek sipor NSC, mon pe regard en pti pe letan petet an term NSC i kapab ede pou kapab organiz – donn sipor bann progranm pou organize lo nivo rezyonal.

Parey mon get mon distrik Roche Caiman, lanmenm pros o-bor fitness trail – bann fasilite sportif.

Me nou pa pe vwar ki mannyer NSC i rantre pou li vin donn sipor, pou organiz bann levennman ; kantmenm lo nivo rezyonal, pou kapab organiz bann aktivite legzersis, aktivite sport – konmsi pou elev en pti pe nou bann progranm dan distrik.  E kit nou bann lazenes aktiv dan sport.

E i fer mwan vin lo sa pwen kot mon mazin zis pou lemoman ki pe mars tre byen avek NSC,  se pou nou bann senior citizen. 

Mon konnen i annan en levennman kot zot anmas nou bann seniors dan bann distrik, pou fer bann aktivite fitness.

What about the youths? I enportan ki nou vwar, ki bor nou bann distrik nou sitye nou dan sa Bidze NSC, kot vreman nou pe vwar ki bor zot pe desantraliz zot bann aktivite lo leisure and sports pou ankadre nou bann zenn dan distrik. Mersi Mr Chair.

 

MR SPEAKER

Mersi Onorab.  CEO.

 

CEO JEAN LARUE

Mersi Chair.  Mon krwar ou kestyon i tre valid – tre pertinan.

Dan re organizasyon ozordi ki NSC pe fer, nou’n kree en lot Seksyon nou apel li Community Sports. 

Ler nou pe fer Community Sports For All – savedir prezan menm kot Sports For All li osi nou pe restriktir li ki prezan i pa pou zis bann Trwazyenm-Az i vin dan distrik prezan i osi travay en avek tou dimoun.  Sa i kot Sports For All.

Apre se pou sa rezon taler mon’n dir nou pe re-organiz nou Youth Sports Development  e li avek bi pou focus plito lo sa bann Federasyon ki devret pe vin dan distrik vin rod sa bann manrmay fer bann pti tim konpetisyon lo nivo rezyon.  Se sa nou bezwen Federasyon ki fer sa.

So parey ou pe dir ou anvi vwar e nou lapros ozordi se al dan sa direksyon e mon mazinen kekfwa tre byento ou a kapab vwar en rezilta.  Mersi.

 

MR SPEAKER

Mersi CEO.  Onorab Vidot.

 

HON AUDREY VIDOT

Yes, letan ou’n koz lo sa bout seniors – mon pe mazin NSC mon konnen dan zot kalandriye aktivite ki zot fer, zot annan bokou progranm ki zot parey bann nature walk, walks ki zot al fer swa lo Mahé menm oubyen lo Praslin/ La Digue.

Mon pe demande si petet zot bann progranm kalandriye aktivite ki zot annan kot NSC, konmsi link up avek Local Government kot zot kapab liaise avek distrik atraver progranm vwar ki mannyer zot kapab anmenn en pti pe lo nivo rezyonal osi, pou kapab donn en pti pe sipor, pou organize elev en pti pe sa bann levennman.  Mersi.

 

MR SPEAKER

Mersi Onorab.  CEO.

 

CEO JEAN LARUE

Mr Chair mon krwar ankor Onorab sa ki nou’n fer, ozordi nou’n deza konmans en diskisyon avek Local Government zisteman pou al dan sa laliny akoz nou konnen NSC ki responsab pou  tou sport – devlopman sport.  E nou pe travay nou pe al konmans en diskisyon.  E parey mon pe dir nou pe devlop osi en Master Plan ki anmenn spor lo tou nivo; spor konpetitiv – non- konpetitiv bann ki al marse dan bann trail, eksetera.

Me selman sa diskisyon avek Local Government in komanse.  Mersi.

 

MR SPEAKER

Mersi CEO.  Onorab Stephen Pillay.

 

HON STEPHEN PILLAY

Mersi Mr Speaker.  Mr Speaker mon kestyon i relye en pe lo sa ki Onorab Lemiel ti en pe klarifikasyon lo la Sports Complex Anse Royale. 

Mon ti  a kontan demann CEO, eski sa proze pou en proze distrik oubyen rezyonal?  ki bann kalite sport ki zot pou cater pou basketball, volleyball, tennis whatever ki  cater pou li?

E si CEO i kapab dir nou sa 2 milyon ki’n servi sa lannen i pou kwa?  E dan sa 4.3 milyon konbyen ki pou sa consultancy again?  E ki pou direkteman dan sa bann fasilite spor ki pou fer Anse Royale?

Mon a gard en pti keksoz pou letan i fini reponn mwan Mr Speaker.

 

MR SPEAKER

Mersi Onorab.  CEO. 

 

CEO JEAN LARUE

Mersi Chair.  Lo sa proze Anse Royale wi i en Regional Sports Complex Anse Royale.

E parey mon’n dir avek Onorab ki bann fasilite ki nou pou met ladan?  I nesesit ki nou re-asize nou revwar nou konsilte nou vwar kisisa ki zot, zot bezwen.  Mon pa kapab dir lefe ki i annan en laplenn, mon kapab aranz sa laplenn annan en zoli stadium – annan lezot fasilite – i annan tennis court – i annan  – selman mon krwar nou bezwen ansanm konsilte, apre nou tonm lo en Lagreman.

 

MR SPEAKER

Mersi CEO.  Onorab Pillay.

 

HON STEPHEN PILLAY

Mersi Mr Speaker.  CEO pa’n reponn mon sa 2milyon ki’n servi pou kwa sa lannen?

E mwan mon vwar i drol ki ou pe demann 4.3milyon sa lannen 3milyon lannen prosenn.  Ankor mon ankor annan en problenm ki tou kou nou pa ankor konnen kwa ki nou pe al fer, selman nou pe demann larzan.

Vi mon oule demann en keksoz lo sa rezyonal,  i pou en rezyonal, mon pe demann CEO  akoz  i pe konsilte – (pa pran mwan mal) akoz i pe konsilte distrik Anse Royale, kan mon krwar ti a pli apropriye pou li konsilte Regional Council vi ki en rezyonal?

 

(Interruption)  

 

HON STEPHEN PILLAY

Mon pe pas mon kestyon avek CEO les li reponn silvouple.  Ki i ava pli enterakte pou Au Cap/ Anse Royale/Takamaka nou tou nou servi sa kort rezyonal ; konmsi nou kapab ganny en pli bon input ek kanmarad lo la.

Me mon ti a kontan sa 2 milyon i klarifye ek mwan osi si i annan consultancy whatever ki in fer.  Mersi Mr Speaker.

 

MR SPEAKER

Mersi Onorab.  CEO.

 

CEO JEAN LARUE

Mr Chair mersi.  Onorab wi mon krwar pros se egzakteman sa.  Akoz si en regional i Anse Royale, i Au Cap i tou dan sa rezyon.  E se pou sa rezon nou prefere ozordi annan en konsiltasyon, ki en regional facility i reponn bezwen distrik dan sa rezyon.  Se sa mon krwar nou’n pran lapros.

Konsernan sa 2milyon ki ou pe dir mwan, mon napa lenformasyon total lo la.  Me selman mon konnen poudir en pe travay ti ganny fer – par egzanp i annan en miray pou anpes dimoun al lo laplenn ti ganny fer – sa mon konnen akoz ti  donn sa lenformasyon.  Apre dan Victoria Gym.    Be solman lenformasyon total an detay mon napa avek mwan.

 

MR SPEAKER

Yes Onorab Pillay.

 

HON STEPHEN PILLAY

Mersi Mr Speaker.  Si Minis oubyen CEO i kapab fer mwan oubyen Regional Council ganny sa bann detay pou nou kapab pas lo la.  Mersi Mr Speaker.

 

MR SPEAKER

Mersi Onorab.  Onorab Bernard Georges.

 

HON BERNARD GEORGES

Mersi Mr Chair.  Mr Chair mon kestyon i pou CEO e relye avek en pti pe avek dernyen kestyon ki PS Thesee ti reponn Onorab Esparon avan lunch break ozordi, kot i ti dir ki napa capital napa larzan pou bann capital project pou bann fasilite sportif dan bann distrik apart Anse Royale.

E mon kestyon alors se, pou CEO, CEO dir mon si sa i le ka kote mon pou vwar  en larzan ki’n ganny bidzete pou resurface court basketball Mamelles ki’n ganny promet deza depi 2an?

Si i pa sorti dan ou Bidze, dir nou kote mon pou al vwar li.  Eski mon pou al vwar li dan Local Government? Eski mon pou al vwar i dan en lot Bidze silvouple?  Mersi.

 

MR SPEAKER

Mersi Onorab.  CEO.

 

CEO JEAN LARUE

Mersi Chair. Onorab. Kort Mamelles mon krwar i tonm anba responsabilite NSC.  Si i ti en fasilite National Sport Council nou ti pou vwar li dan nou Bidze.

Me selman si mon pa tronpe i men fasilite Local Government.-  Gouvernman Lokal.  Nou ava tyeke akoz mon napa sa lenformasyon la avek mwan.

 

MR SPEAKER

Mersi CEO.  Onorab Georges Bel Ombre tou le de kort in fini ganny resurface.  Onorab.

 

HON BERNARD GEORGES

Vwar Mr Speaker.  Ler ou Speaker ou ganny en pti lavantaz ler ou en senp Manm …

Onorab Vidot i dir ki basketball kort Les Mamelles i tonm Roche Caiman.  I annan rezon me mon a fer li lapel ki legliz Plaisance osi i tonm Mamelles e Simityer Mont Fleuri i tonm Plaisance.  Me nou ava esper Local Government Mr Speaker.  Avek zot pou gete si nou ganny sa pti larzan.  Mersi.

 

MR SPEAKER

Mersi Onorab Georges.  Nou ava pran dernyen kestyon Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon kestyon i en kestyon zeneral lo bann proze ki’n aparet dan PSIP ek bann proze ki’n ganny lev-e la.

Mon ti  a kontan demann CEO vi ki nouvo dan sa pos e ki lo son latab ler in ariv CEO in vwar en kantite proze – en kantite plan.  E parmi ladan kekfwa i annan en Master Plan mon pa konnen – me selman mon’n tann nonm Master Plan.

        Eski tou sa bann proze CEO, eski ou kapab dir nou eski zot realis?  Oubyen eski zot in ganny met lo latab over the years – ki’n akimile – in akimile pou bann rezon politik, sa mon pa  pe trenn ou ladan me pou bann rezon politik.

E parey point system pou later ek lakaz, ler tou sa bann lannen nou’n promet, nou’n promet, nou’n promet e ler nou vwar nou nepli kapab donnen nou sanz sistenm!  Nou anvoy en point system prezan tou dimoun i bezwen komans zot lo zero!  Eski pou National Sport Council sa bann proze ki lo ou latab Mr CEO, eski zot realis? Eski nou kapab nou kapab realistikman espekte zot arive dan enn de lannen ki pe vini?

Oubyen eski bokou sa bann proze finansman pa ankor fer – zot in ganny re modifye – zot in reganny anvoye parey lavant later.

Konmsi ki nou kapab krwar realistikman nou kapab espekte dan bann lannen ki pe vini sorti kot National Sport Council? 

 

MR SPEAKER

Mersi Onorab Ferrari. CEO.

 

CEO JEAN LARUE

Mersi Chair.  Mersi Onorab.  I vre letan ou’n rantre dan en dan sa nouvo pos in annan bann proze – en bon pti pe proze. E  i annan pti proze.  I annan gro proze – i annan medium soz.

Me an menm tan i annan ki’n konmanse – i annan ki pa’n konmanse.  Me ozordi kot nou pe koze la nou annan en Board, e mwan mon prefere asize konsilte avek sa Board.  Pran tou sa bann proze nou met lo latab e sa enn nou tik, nou pa kapab fer nou dir nou pa kapab fer.  Nou napa Bidze pou sa enn nou pa pou fer.  Ler nou a ganny Bidze – nou pou fer.  Sa enn ki nou’n komet pou dir nou annan, nou konmans travay, nou konsilte.

So parey ou dir sa lalis ki nou annan i annan ladan ki pou  realis –me selman mon kontan asiz avek mon Board nou diskite, realistikman apre letan nou al kot Finans nou kapab dir reelman la, la olye fer 15 nou kapab fer 2.  Mersi bokou.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mon kontan repons CEO e mon kontan ki Chairman Board NSC dan Lasanble avek nou ozordi, e mon ti ava lo lapar Lasanble demande ki next Budget exercise nou annan en lalis ki’n ganny clean up – ki’n ganny klasifye par son bann priyorite, son bann keksoz koumsa, pou ki nou konnen kote nou pe ale.

Akoz sinon ler Msye Michel i vini nou blanm Msye Rene, ler Msye Michel i ale nou blanm Msye Michel ler lot sa.

Annou tir tou sa bann keksoz – sa bann pipe dream – sa bann sa bann proze parey sa sports complex ki pou fer Grand Anse Mahé ki Onorab William i vye koumsa menm pa ankor  vwar!  Annou tire sa bann keksoz lo lalis si nou pa pou fer e nou ava kapab konmans avek en keksoz nouvo konkret realis.  Mersi.

 

MR SPEAKER

Mersi. CEO.

 

CEO JEAN LARUE

Mersi se egzakteman sa ki nou pou fer Onorab.

 

HON NICHOLAS PREA

Mersi.  CEO avan nou pran en vot mon annan en pti kestyon tre presi.

Eski sa enn fwa si pou Zwe De Zil pou annan reward pou bann atlet ki anmenn meday e si wi konbyen?

 

CEO JEAN LARUE

Wi Chair i form parti dan CSR wi nou bezwen rekonpans nu bann atlet letan zot fer byen. Mersi.

 

HON NICHOLAS PREA

E konbyen Meday Lor, Meday Larzan – Meday Bronz?

 

CEO JEAN LARUE

Pou lemoman nou pa ankor tonm lo en konklizyon, akoz parey dernyen zwe ti 25mil Lor 15 Silver apre mon krwar 7,500 Bronz.

Me selman parey ou konnen 4an pli tar i vin pli difisil.  Lekspektasyon i mont en pti pe.  So definitivman nou pa pe vwar li 25mil i bezwen mont en pti pe pli devan.  Mersi.

 

MR SPEAKER

Mersi CEO.  Bon nou’n ariv en moman pou nou kapab pran en vot lo Bidze National Sport Council, ki pou en sonm R85 330milyon ki form par sa Schedule e i lo paz 160 ziska 165.

Tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi bokou Mr Chair.  23 Manm an faver e personn kont.  Mersi.

 

MR SPEAKER

Mersi.  Bon savedir Bidze pou National Sport Council in ganny aprouve par Lasanble Nasyonal.

Bon avek sa mon ti a kontan remersi CEO Mr Jean Larue, Senior Accountant Mrs Christine Hoareau e Chairperson Mr Eddie Micock nou ti a kontan remersye zot e eskiz  zot parmi nou.

 

(THE NATIONAL SPORTS COUNCIL DELEGATION WAS EXCUSED FROM THE HOUSE)

 

MR SPEAKER

Mr Palmyre ou osi ou pe ale yes Mr Fabien Palmyre Sekreter Prensipal pou Sport.

Bon nou ava kriy lot Departman sa se Departman Kiltir Onorab Ferrari ou ti le dir en keksoz.

 

HON JEAN-FRANCOIS FERRARI

Zis akoz Onorab William pa ti la i pa’n tande  pou dir sa rev sports complex Grand Anse Mahé, i riske reste en rev pou bokou lannen.  So mon pe zis pas sa avek li.

 

MR SPEAKER

Nor Mahé osi ti pou annan enn.  Order!  Onorab William.

 

HON WAVEN WILLIAM

Well zis pou – petet Onorab Ferrari pa’n tann mwan dan lepase, se ki i pa ti en proze ki ti ankouraz pou ganny fer akoz baze lo bann problenm mentenans – an menm tan lo devlopman sport dan Sesel.  Nou pa ti santi li i pou rezonnab pou fer.  Mersi.

 

DEPARTMENT OF CULTURE

 

MR SPEAKER

Bon nou ava bouze avek nou travay.  Nou annan nou a welcome e nou a dir bonzour Ms Cécile Kalebi ki Sekreter Prensipal pou Kiltir.  E Special Advisor Mr Emmanuel D’Offay, bonzour e welcome dan nou Lasanble.  E nou ava ganny gidans PS Thesee.

 

PS DAMIEN THESEE

Mersi Mr Chair.  Departman Kiltir trouve lo paz 126 pou en sonm R102,627milyon.  Mersi.

 

MR SPEAKER

Mersi PS.  Okenn Manm ki le konmans kestyon? Onorab John Hoareau.

 

HON JOHN HOAREAU

Mersi Mr Chairman.  Mr Chairman mon oule refer lo paz 131 progranm 2 sub-programme 1 and 2 i annan 11, 800milyon ekek pou sa programme.  E mon pe demann mon lekor ler mon vwar sa bann target ki’n ganny set –  ki kalite progranm ki Departman Kiltir pou anmenn devan ki pou kapab permet zot zwenn zot bann target?

E osi mon ti le fer en serten komanter lo sa target si sa target pa en pti pe medyok  pou par egzanp letan ou pe get zot target pou 200 dimoun ki pou anrezistre pou lanmizik, kan ler ou kalkil sa lo nivo distrik i tonm 4 dimoun par distrik.

So ler ou pe get sa bann target ou vwar i en pti pe  medyok avek lakantite larzan ki zot pe gannyen pou sa 2 progranm.

An menm tan mon oule fer osi remarke par egzanp pou promot kiltir osi – pou promot piblikasyon kiltirel, nou vwar zis 4 pou lannen 2019.

E la mon pe mazin par egzanp defen Ferdinand Vidot ki’n kit nou si bann indigenous knowledge i pa’n fini kit nou avan ki nou pran sa linisyativ pou nou ogmant lakantite prodiksyon dan sa domenn. Mersi.

 

MR SPEAKER

Mersi Onorab Hoareau.  Avan mon pas laparol ek Minis,  mon ti a kontan welcome Mr Guy Hoareau Senior Accountant. Si ou pa mind akonpanny delegasyon akoz ou kapab vin devan?  Wi i annan en sez a kote an ka ki nou pou bezwen ou pou bann sif.

Bon eski Ms Kalebi.  Mon a donn laparol.

 

PS CECILE KALEBI

Mersi Mr Speaker.  Mersi Onorab pou ou kestyon.  Referans ou pe fer lo progranm 2 ‘culture promotion and education.’  Dapre nou rikord ki nou annan kot sa i refer direkteman avek laklas ki nou Konservatwar of Performing Arts ti fer.  Sa i nou Lekol Lanmizik ek nou Lekol Ladans.  Savedir bann etidyan i vin kot Lekol Ladans ek Lekol Lanmizik pou zot fer sa bann aktivite.  E sif ki mon annan ki bann zanfan ki actually anrezistre e fer zot legzanmen zot pase.

Parey ou vwar sa ki mon annan la ziska Zilyet mon annan 54 zelev ki’n actually pass en pe zot legzanmen dan gitar, vyolan, e lo kote Theory   Exam osi mon annan zis 16 partisipan termin zot laklas.

Nou Bidze in double konpare avek lannen avan.  Sa i akoz nou pe sey anmenn en nou bann aktivite lo desantraliz lo Praslin/La Digue.

Nou pe osi ofer en pe laklas La Digue ki’n konmanse e lafen Novanm la zot pe fer zot End of year show.  Pou Praslin nou’n fer detrwa renyon deza e nou ti ganny difikilte pou nou recruit en enstrikter e la nou’n gannyen e nou pe konmans ofer laklas apartir Zanvye dan sant kominoter Baie Ste Anne.

Lo kote piblikasyon ; parey ou’n dir Onorab nou’n nobou kapab fer 3 sa lannen nou pe mazin fer ankor enn lannen prosenn.

Sa i akoz kou piblikasyon.  Nou’n sey fer enn de, sa lannen nou vwar kou piblikasyon i tap nou 140mil apepre pou apepre mil kopi.

So dapre nou Bidze nou  pe fer according ki sa ki nou’n gannyen dan Bidze.

 

MR SPEAKER

Mersi Ms Kalebi.  Onorab Churchill Gill.

 

HON CHURCHILL GILL

Mersi Mr Chair.  Lefe PS in tous lo mon larepons. Akoz mon ti pe al demann li dan sa Bidze akoz bann aktivite kiltir ti tant konsantre for lo Mahé.

Prezan mon kestyon ti pou dan 2019, si zot pe konmans mazinen pou zot al dan tre aktiv lo Praslin/La Digue.  Me in mansyonnen ler kestyon in monte konmkwa zot pe fer – zot in deza konmanse.

Selman ti annan lezot keksoz ki ou kapab azoute ki zot pe al fer ki tonm ladan ou kapab dir nou.  ‘

 

MR SPEAKER

Mersi.  Ms Kalebi.

 

PS CECILE KALEBI

Mersi Mr Speaker.  Mersi Onorab.  Ou kestyon an se moman wi nou pe al ganny entrodwir laklas danse ti deza la oparavan.  Me i ti annan en pe problenm me la nou pe al re- entrodwir li.  Nou osi annan en lekol ki montre drama lo Praslin.   E sa i pe byen deroule.  E nou espekte lannen prosenn nou a kapab ganny en pe plis partisipan ladan.  Mersi.

 

MR SPEAKER

Mersi Ms Kalebi.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker bann dimoun ki pe asiz lo latab la devan mon ti ava kontan konnen ki sa lannen mon kestyon i pa lo Bidze lo Lamarin.  Me i en lot size.

I lo 2 lezot size.  Premyerman mon krwar ki enn bann keksoz ki zot pe al antreprann sa departman sa lannen se pou kontinyen prezerv nou Patrimwann Nasyonal – nou leritaz.

E mon vwar ki anba latab 10 lo paz 133 i annan en Bidze ki pe mont sansibleman sorti 7 milyon lannen pase – 15 sa lannen e 29 lannen prosenn. Mon ti a kontan en pti pe plis detay lo egzakteman kwa ki nou pe al prezerve?  Mon kontan vwar sa sonm.  Me mon anvi konnen egzakteman kwa ki nou e al prezerve?

E dezyenmman on anvi konnen atraver ou Mr Speaker, si ki mannyer sa Departman pe prevwar en larzan pou lakizisyon bann byen kiltirel e istorik aletranze?

I annan en kantite parey zot konnen bann keksoz ki apartenir a Sesel e ki vann aletranze bann dokiman bann map, bann lotograf, bann liv eksetera.

Ki kantite larzan zot in prevwar pou nou depanse pou nou kapab aste sa bann keksoz ki nou leritaz e repartir zot dan nou pei?  Mersi.

 

MR SPEAKER

Mersi Onorab Georges.  PS Kalebi.

 

PS CECILE KALEBI

Mersi Mr Chair.  Mersi Onorab pou ou kestyon.  Premye kestyon konsernan sa increase sibstansyel dan nou ‘capital expenditure’ sa lannen ki pe vini nou annan renovasyon lo batiman Carnegie.  Son interior i bezwen renovasyon.  Sa batiman i date ziska 1910 e dernyen renovasyon mazer ki ti ganny fer lo la ti an 1982 e alors i demann en pe renovasyon lo la.

Nou 3enm renovasyon ki nou annan se Annex kot Supreme Court kot ti pey bann fines lontan, nou pe pran sa landrwa nou pe al renovate pou nou kapab fer en  storage pou nou bann artefacts Mize, akoz sa i en keksoz ki’n fer nou pa kapab kolekte, akoz nou ti napa en proper storage facility. E alors sa landrwa pou ganny converted  – mete dan sa fason e i pre o-bor nouvo Mize Listwar ki pe al ouver tre byento.

E alors sa i pou fer ki i a vin en latraksyon an plis pou li.  nou osi annan nou renovasyon nou main Supreme Court ki sa nou pe re-peye.  E alors i en pe nou bann kou ki pou fill ladan.

2enm kestyon lo kote si nou annan en Bidze pou aste  or repatri en pe nou bann lobze.  Wi nou annan en en Bidze.  I tonm anba progranm 2 sa menm progranm, progranm  2.  Wi anba non i tonm anba progranm 3 (eskiz mwan) anba  sub-programme 1 –‘konservasyon.’  E li i annan en Bidze ki nou apel en vot ki nou apel ‘museum miscellaneous’; i pa vreman apel ‘konservasyon’.  Akoz sa sonm nou servi li pou restor osi bann artefacts –  son specimen ki nou annan, akoz nou pe get tou lede kote.  Nou annan specimen pou Mize Listwar Natirel i nou bezwen osi upgrade sa facility, e nou osi annan pou Mize Listwar.

So nou’n ganny nou en sonm 450mil pou sa lannen ki pe vini pou nou kapab regarde ki mannyer nou kapab repartri en pe, aste en pe nouvo lobze e restaure bann ki nou annan.

 

MR SPEAKER

Mersi PS.  Onorab Georges.

 

HON BERNARD GEORGES

Mersi Mr Chair.  Eski les mwan propoz en keksoz avek zot, pou fer sir zot annan en pe plis larzan.

Eski zot in prevwar en private public partnership avek bann lakonpannyen Seselwa ki annan en lentere dan sa bann keksoz?

E mon pe koz spesyalman la avek zot permisyon  Nouvobanq  ki’n  toultan mon tre en lentere pou zot met en sonm larzan tou-le-z-an pou espesyalman  aste bann lobze deor e repatri zot dan sa pei.

E eski zot annan sa progranm?  Eski zot in komans  koze avek bann lasosyete prive pou raise larzan?  E whether zot in fer li ou non eski zot annan en rezo ki zot satisfe aletranze, ki target sa bann keksoz ler zot ariv lo marse pou zot konnen pou zot focus lo la, e aste? Mersi.

 

MR SPEAKER

Mersi Onorab.  PS

 

PS CECILE KALEBI

Mersi Mr Chair. Mersi Onorab pou sa sizesyon.  Non annefe nou pa ti ankor konmans koz avek bann sekter prive me selman definitivman nou krwar sa i en bon stratezi. E nou pou pran li onboard. 

E nou krwar i ava en bon fason pou nou bouz devan.   Lo kote bann rezo aletranze sa no pou bezwen kekfwa bann Lasal Vant  ki annan  an L’Europe  parske parfwa zot fer bann lavant online.  E sa i a en fason atraver nou bann Lanbasad kekfwa nou kapab ganny kontak e rod en fason ki mannyer.  Akoz nou, nou pa kapab deplase tanzantan.  E rod en fason ki nou isi nou kapab vwar bann lavant or bann lobze ki enteres nou, e rod en fason ki zot, zot kapab procure sa lobze ki anrisi koleksyon.  Mersi.

 

MR SPEAKER

Mersi PS. Onorab Noline Sophola.

 

HON NOLINE SOPHOLA

Mersi Mr Chair.  Mr Chair mon kestyon i lo manda paz 126.  Misyon sa Departman i pou Protez e Promot Kiltir Seselwa.

Bokou lanfaz in ganny mete lo lanmizik ek ladans.   Mr Chair mon pe demann PS, si i annan travay ki i pe fer ou zot pe anvizaze fer pou prezerv kostim Nasyonal ek tradisyonnel.

Rezon ki mon pe met lanfaz lo la, i senpleman ki parfwa nou ganny demande pou al reprezant  nou pei e i en vre konsern.  Nou pa vreman  konnen ki mannyer nou pou abiye  a koz sak dimoun i annan son prop persepsyon lo kostim Nasyonal ek tradisyonnel.

Mon santi  ki nou bezwen bouz vit pou rektifye e sofgard sa de kostim.  Mersi Mr Speaker.

 

MR SPEAKER

Mersi Onorab.  PS.

 

PS CECILE KALEBI

Mersi Mr Chair.  Mersi Onorab.  Mersi pou sa propozisyon.  Departman Kiltir i a anvizaze pou  set up en Komite, desito ki nou a kapab konmans travay lo en plan pou gete si nou pou fer li atraver en konpetisyon or lans en lapel Nasyonal lo bann dimoun ki pou enterese pou kontribye, lo ki fason nou kapab  fer en kostim Nasyonal  pou nou pei.  Mersi.

 

MR SPEAKER

Mersi PS.  Onorab Gervais Henrie.

 

HON GERVAIS HENRIE

Mersi Mr Speaker.  Mr Speaker mon kestyon i se ki bann dimoun in vin demann nou pe demann en sonm larzan pou fer sa ki zot pe fer – zot manda.

Mon difikilte la mon se ki 3enm Bidze ki nou pe pase, e pa zis pou Kiltir, me bokou bann idantite ki’n pas devan nu ziska prezan konmsi i annan  sa zafer ‘business as usual.’

        E pou Kiltir mon pe dir sa akoz Kiltir  i  dwatet konmsi  nou batman leker.  Tou sa ki nou fer sa ki nou été – nou idantite e mon pe priye  toulezour ki i annan sa renouvelman  – en renesans dan nou kiltir.  Sirtou, sirtou, akoz Sesel i en pei touristik.  E ki mannyer nou kapab servi kiltir pou nou ganny ankor plis!

Prezan i annan annou pa mazin nouvo keksoz.   Me zis bann keksoz ki la ozordi.  I annan en fondasyon la.

E ki mannyer nou kapab batir li lo  la?  Prezan letan mon pe get bann target ki zot in mete – mon santi mwan poudir permet mwan servi sa mo, me i mank en sinerzi.  Akoz ou Departman Ms Kalebi li ki sipoze pe regard byen ki CINEA, pe fer ki NAC pe fer or tou bann NGO akoz zot ki zer the National Policy.  Mon korek la?

So mon santi poudir dan sa Bidze letan mon’n scan through mon vwar i mank en sinerzi ki mannyer nou kapab anmenn tou bann keksoz ansanm, depi ledikasyon, tourizm, pou vreman fer Sesel konmsi bouze kiltirelman.

Pou mwan fini Mr Speaker mon pa tro long lo la.  ler mon get spor  par egzanp tou le weekend i annan en mouvman akoz Seselwa i pe al Victoria Gymnasium – i pe al Palais des Sport i pe desann School Meal Centre pou li regard en keksoz.  Dan kiltir i annan en de show ki zot fer la kot mini stadium.  Me i annan ankor bokou ki nou kapab fer.

Konmsi ki mannyer avek sa Bidze nou pou re-kree sa? Akoz mon ankor pe esper sa leksitasyon lo 3enm Bidze ki la nou pe al vot lo la pou Kiltir.  Me pa ankor vwar.  Me alor mon anvi konnen ki mannyer nou pou fer sa enn fwa pou tou.  Mersi.

 

MR SPEAKER

Mersi Onorab Henrie.  PS Kalebi.

 

PS CECILE KALEBI

Mersi Mr Chair. Mersi Onorab pou sa komanter kestyon ki ou’n poze.  Departman Kiltir parey ou vwar nou annan pa mal challenges ki nou pe face. 

E enn nou bann priyorite ki nou bezwen mete dan sa Bidze  sa lannen se renovasyon nou bann Patrimwann Bati.  Akoz i annan en bon pe ki vreman bezwen sa latansyon  -sansan zot osi zot pou perdi.

E alors nou’n viz – nou bezwen reget nou bann priyorite espesyalman e viz  en bon pe nou Bidze  pou nou fer sa bann renovasyon.  Akoz sa bann  landrwa ki nou pe renovate i landrwa ki nou pou kapab ofer sa bann servis ki ou pe demande.

Parey nou annan Théâtre De Palme nou met renovasyon sa lannen.  Théâtre De Palme i en landrwa ki Lekol Lanmizik tou lede a  3 semenn zot pe fer en pe classical music –  zot pe fer  bann reprezantasyon drama. Me selman son fasilite i pa sitan dan bon leta ki kapab ofer li i pou ofer plis.  Bou annan Mize Listwar ki pe al ouver  byento dan sant lavil e li i anvizaze  ouver pa konman en biro Gouvernman me Lendi ziska Dimans.

So nou espekte pou annan lezot aktivite ki pou go on  pou sa.  Nou osi pe travay ek STB tre fortman, pou nou refer nou   parkour Victoria kot nou pe refer nou liv, akoz i annan en pe Sit ki’n sanze – Moniman ki’n sanze .

So i annan pa mal zefor ki nou pe sey fer pou  re parey pou dir re anmenn sa leksitasyon sa renouvelman dan nou kiltir.   Me selman parey nou dir  sa lannen nou’n bezwen met nou priyorite definitivman pou fer en pe renovasyon lo nou bann     Patrimwann Bati.  Mersi Onorab.

 

MR SPEAKER

Mersi PS.  Onorab Waven William.

 

HON WAVEN WILLIAM

Mersi Mr Speaker.  Mr Speaker mon ti a kontan demann CEO lefe ki zot pe demann nou pou aprouv sa sonm larzan pou zot.

Mon anvi konnen – akoz ki arive, se ki resaman Minis Tourizm ti dan Lasanble e a plizyer lokazyon in ganny dir pou dir ou konnen be touris i vini, zot pa depans zot larzan napa naryen pou depans zot larzan lo la.

Mon pe demann mon lekor konmsi nou annan nou 26 distrik.  Sak sa bann distrik i bezwen annan serten bann forte.  Par egzanp pran Grand Anse Mahé nou annan en group Sokwe – nou annan plizyer lezot pti bout ki mon kapab dir nou pe seye.

Me lo kote zot outreach programme, pou ed bann distrik bouz devan akoz nou pa anvi ki zot pran the bulk  – the burden lo zot.  Nou pe epanouir lo nivo distrik.

E mwan mon krwar – fermeman krwar poudir sak distrik i kapab ofer en keksoz lo bann viziter ki vin vizit nou pei.

Me i bezwen annan sa sinerzi.  I bezwen annan bann rankont souvan kot nou kapab asize koze.

E ou pran par egzanp Grand Anse  o-bor sa lans dan weekend en ta touris i vini, menm la semenn.

Me vreman nou ti a kontan konmsi ganny zot pou vin lo nivo distrik.  Eski zot annan en data base ozordi lo sak distrik kwa ki pe ganny fe kwa ki zot kapab fer an plis pou ed nou bouz devan?  Mersi.

 

MR SPEAKER

Mersi Onorab William.  PS. 

 

PS CECILE KALEBI

Mersi Mr Chair.  Mersi Onorab. pou ou kestyon.  Annefe wi avek sa proze ki nou ti gannyen avek UNESCO lannen pase lo kote Culture Heritage, i ti permet nou pou al fer en levanter 5dan bann distrik.  Lo ki bann atou kiltirel ki nou dir indigenous knowledge nou annan.

E pres ou finaliz sa levanter.  E nou kapab once levanter i finalize nou kapab anvoy en kopi pou tou bann Manm Onorab e osi dan distrik, ki zot a konnen ki bann dimoun ki ankor pe practice bann metye tradisyonnel or ki bann partou ki nou annan dan distrik.

Departman Kiltir avek son bann antite, in osi lans nou Fon Nasyonal pou lar ek kiltir e la nou pe ofer bann Grants – bann dimoun – endividi – lenstitisyon skoler, ki enterese pou fer bann proze kiltirel.  Kantmenm dan zot distrik or endividyelman e nou annan de kategori fon.  Nou annan en kategori fon 50mil a 74mil pou bann gro, gro proze.  E sa i annan zis 1an – i en cycle 1an.  Me osi nou annan en 52enm kategori bann pti fon 5 mil a 25mil e sa as long ki nou annan larzan  nou ofer sa Grant diran lannen.

E alors nou aware ki  Departman Kiltir pa pe kapab menm li al dan distrik pou fer sa bann aktivite. Me nou pe sey met sa servis a laporte bann endividi ek bann groupman dan distrik, ki ti bezwen en pti lasistans dan finansyel pou zot kapab konmans zer zot proze.

 

MR SPEAKER

Mersi PS.  Onorab William.

 

HON WAVEN WILLIAM

Mr Speaker zis pou leklersisman CEO ou kapab par egzanp si demen bomaten la mon annan en group konmsi i enterese pou vin pran sa bann Grant lekel ki ganny kontak avek silvouple   Eski i en loperasyon la aktyelman la ouswa lannen prosen?  Mersi

 

MR SPEAKER

Mersi Onorab.  PS. 

 

PS CECILE KALEBI

Annefe nou’n lans sa, fon semenn pase.  E pou bann kategori 1 – bann gran proze sa deadline pou soumet zot aplikasyon i le 14 Fevriye – nou’n donn annan ase letan pou zot fer – travay lo zot laplikasyon e bann lezot kategori sa zot kapab anmenn zot proze 4 semenn, avan zot konmanse.

E pou kontak zot kapab ganny kontak avek biro Departman Kiltir presizeman i annan en Komite ki pe zer sa fon osi.  Mon kapab donn  ou kontak apre Onorab or ou ti a voudre la?

 

MR SPEAKER

Mersi PS.  Onorab Sandy Arissol.

 

HON SANDY ARISSOL

Mersi Mr Chair.  Bonn apre midi Minis avek ou delegasyon.

Mr Speaker on ti  a kontan premyerman demann PS si Latroup Nasyonal i tonm anba ou Minister?  I tonm avek zot sa non?  Non. Mon a demann pli tar Mr Speaker.

 

MR SPEAKER

Mersi Onorab Arissol.  Onorab Wilbert Herminie.

 

HON WILBERT HERMINIE

Mersi Mr Chair.  Welcome PS Kalebi ek ou delegasyon.  PS mon annan en kestyon direk, i annan La Bastille anler Ma Joie sa building istorik Nasyonal pou Sesel.  Mon vwar li konmsi dan en leta en pe deplorab, ki plan ou departman pou renovate sa landrwa ?  Akoz mon pa vwar li feature dan 2019 ni 2020.  Mersi.

 

MR SPEAKER

Mersi Onorab.  PS.

 

PS CECILE KALEBI

Mersi Mr Chair.  Mersi Onorab.  La Bastille parey zot okouran ti en proze ki ti’n ganny met lo tender en pe letan pase, avek en konpannyen prive ki sipoze pe fer devlopman kiltirel.

E La Bastille i pa en propriyete ki tonm anba Departman Kiltir.  I tonm anba Seychelles Heritage Foundation.  Mersi.

 

MR SPEAKER

Mersi PS.  Onorab Ernesta.

 

HON PAUL ERNESTA

Mersi Mr Chair.  Mr Chair zis mon’n tann PS koz lo protez bann metye tradisyonnel, nou pe koz osi lo bann artizan lokal.

Ki egzakteman zot pe fer pou proteksyon nou bann artizan?  Nou konnen i annan pa mal sa.  Vizavi bann materyo bann keksoz enporte dan pei.  Nou konnen recently nou fek siny konpasyon avek IKS Ki Minister pe fer?  Mersi.

 

MR SPEAKER

Mersi Onorab.  PS. 

 

PS CECILE KALEBI

Mersi Mr Chair.  Mersi Onorab pou ou kestyon.  Lo nou kote Departman Kiltir nou, nou fer nou bout pou nou favoriz sa metye li menm.

Parey nou dir nou pe fer levanter pou idantifye tou sa bann dimoun ki pratik sa bann metye.  E osi nou pe fer li nou devwar pou dokimant sa bann louvraz ki zot fer.  Pou asire ki nou annan li lifeline prosperity. 

        E mon mazinen se kekfwa i tonm en pe avek SEnPA kekfwa pou regarde ki mannyer pou protez sa lendistri li menm.

Selman lo kote Departman Kiltir nou pe fer nou mye pou asire ki nou dokimante.  E nou annan ase dokimantasyon lo sa bann metye.  Mersi.

 

MR SPEAKER

Mersi PS.  Onorab Ernesta.

 

HON PAUL ERNESTA

Mr Chair zis pou donn PS en pwen depar pou ganny bann dokimantasyon.  Takamaka nou annan bokou bann artizan pou kapab gannyen dan sa direksyon.

 

MR SPEAKER

Mersi Onorab.  PS.

 

PS CECILE KALEBI

Mersi Onorab.  Mersi Mr Chair.  Mersi Onorab.  Nou definitivman pran kontak.  Mersi.

 

MR SPEAKER

Mersi PS.  Onorab Flory Larue.

 

HON FLORY LARUE

Mersi Mr Chair.  Bonn apre midi tou dimoun.  Dan PSIP mon vwar en renovasyon pou ex-Supreme Court.  En alokasyon 14milyon. Me mon krwar sa devlopman in fini fer.  si nou ti kapab, ganny en  lesplikasyon lo la silvouple.

Apre mon’n deza demande dan lepase – mon vwar bann lezot koleg pe demande ki mannye nou kapab re anmenn kiltir dan distrik.

Mon’n deza demann lo sa proze ki apel Seychelles Culture District Award.  Ki en kantite lenvestisman mete dan lepase in ganny tenir en fwa.  Eski i annan larzan dan Bidze pou retenir sa proze pou kapab devlop kiltir dan bann distrik?  Mersi.

 

MR SPEAKER

Mersi Onorab.  PS. 

 

PS DAMIEN THESEE

Mersi Mr Chair.  Pou ex-Supreme Court sa larzan i pou pay-off sa loan. 

Nou a rapel bann diskisyon oparavan. Nou ti fer ek Lasanble ti demann nou pou regete sa bann proze ki ti ganny mete anba GICC nou annan sa apre nou annan ex-Libreri National ki Mayor i ladan.  So nou’n fer en assessment nou vwar ki i varyab pou nou re pey sa loan la akoz li i ptipti.  So sanmenm sa larzan ki nou’n mete dan Bidze pou re-pay-off sa loan.  Mersi.

 

MR SPEAKER

Mersi PS Thesee.  PS Kalebi.

 

PS MS CECILE KALEBI

Mersi Mr Chair.  Wi Onorab nou pe lans 2enm  edisyon Culture District Award pou donn remiz pri lannen prosenn.  Nou pou lans li lafen sa mwan.  E sa voyaz nou Culture District Award pou vize ver ki nou apel bann Guardians of our Heritage. 

 

MR SPEAKER

Mersi PS.  Onorab Larue.

 

HON FLORY LARUE

Mersi Chair.  Mersi pou ou larepons.  Me selman mon krwar ti defi dernyen fwa ki ti en kantite sa, responsabilite ti tonm lo Gouvernman Lokal.

Eski bann proper lenfrastriktir pe ganny mete ki kiltir i zer son progranm li menm e Ladministrasyon Distrik lo kote DA i zis soutenir zot rather than run.  Parey i ti fer avan?  Mersi.

 

MR SPEAKER

Mersi Onorab.  PS. 

 

PS MS CECILE KALEBI

Mersi Mr Chair.  Wi Onorab sa lannen nou deside pou swazir sa term Guardians of our Heritage, zisteman akoz sa levanter ki nou’n fer dan bann distrik.

So nou’n deza pe fer legzersis pou idantifye sa bann dimoun ki nou pe mazinen i kapab ganny konsidere konman Guardians of our Heritage.  E la nou pou al atraver distrik zis pou zot sipor pou enform zot ki nou pe konplet nou levanter e ki lasistans zot bezwen zot kapab donn nou.  Nou annan en Komite ki pe ganny soutenir par Seksyon Leritaz Nasyonal.  E zot, zot pe vreman bouz délavant pou asire ki nou kapab fer sa.

E Departman Kiltir ki pe manage sa progranm dan son entirety.  Mersi.

 

MR SPEAKER

Mersi PS.  Nou a pran dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman ou pou bezwen eskiz mwan akoz mwan mon en pe konfize parfwa avek kwa ki tonm anba kwa kot Departman Kiltir.

Alors mon pou met mon bann kestyon e zot ava diriz mwan.  Music Stadium pa pou zot?  CINEA Music Stadium.  Latroup Nasyonal?  CINEA. 

Me eski mon kapab menm pe demann en kestyon parski la pou lemoman Latroup Nasyonal e osi choir Nasyonal zot pe anpandan.  Zot dan limbo.  Zot pe ganny dir zot anba CINEA selman i annan en problenm Bidze.  Napa Bidze.  Zot pa tro konnen ki bor zot ete.

Eski napa en fason pou, retourn sa Latroup anba Departman Kiltir pli spesifik pou zot konnen egzakteman – konmsi pou zot ganny zot Bidze e pou kapab debourye?  Sa i mon kestyon lo sa.

Kostim Nasyonal ki mon’n tann nonmen. Mr Chairman mwan mon dezapwente.  Si nou bezwen al form en Komite – si nou bezwen al form en Komite pou nou determinen ki nou kostim Nasyonal, eski sa pa vedir ki nou napa kiltir?  Mon ti ava kontan ganny sa larepons.  I vedir ki nou napa kiltir!

Parski mwan mon toultan mon’n letan mon’n grandi nou kostim Nasyonal sete Kazak e Penwanr.  I mean koriz mwan kisisa Lenz Nasyonal?  Parski la pou lemoman avek sa zafer Komite ki bezwen al desid kostim Nasyonal – mwan mon krwar ki pou Departman Kiltir i montre nou ki finalman nou napa kiltir – nou bezwen al evant en kiltir pou nou al regarde!  Nou bezwen al kree en kiltir e alor pou mon i en pe problenm – mon ava esper zot larepons.

Bann lakaz tradisyonnel i tonm anba ki Seksyon li?  I tonm ek zot?

E konman PS ok i depan si i prive oubyen si i pa prive.  Mon a sey gete.  I annan en lakaz La Digue Maison Eustache Sad ki’n ganny dekrir konman en Moniman Nasyonal.

E mon’n vizit sa bann mon’n vizit sa fanmir dernyen fwa mon ti La Digue promes lo promes nou pe al renovate – nou pe al refer nou pe al isi nou pe al laba,  sa madanm in ganny letan tonbe fel son lanans.

Kan eski renovasyon pou ganny fer lo sa lakaz e i fini ganny met annord?

Dan menm konteks, mon sipoze zot osi prezerve.  Kordgard La Digue i en bann pli vye batiman lo La Digue.

E la nou pe tande ki poudir i pe al ganny kraze pou fer en nouvo Kordgard.  Eski ki rol zot pou zwe pou nobou prezerv sa batiman ki i en batiman probableman pli vye ki nou tou ki la dan sa Lasanble.

E mon ti ava kontan konnen kwa ki zot pou fer ki wi bezwen Kordgard, me selman an menm tan osi pou prezerv kiltir nou landrwa!  Mersi bokou Mr Chairman.

 

MR SPEAKER

Mersi Onorab Ramkalawan.  Mon ava pas laparol avek Mr D’Offay.

 

SPECIAL ADVISOR MR EMMANUEL D’OFFAY

Mersi Mr Chair.  Mersi Onorab pou ou kestyon.  Kot i konsern Latroup Nasyonal e National Choir i annan en travay ki pe ganny fer pou prevwar pou zot retourn avek Departman Kiltir.  Mo reponn sa enn.

Pou retourn lo National costumes avek traditional costumes i 2 diferan keksoz.  Sesel i annan son kostim  tradisyonnel ki Kazak avek Penwanr e en National costumes se en kostim Nasyonal ki reflekte lespri sa pei.  I kapab baze swa lo bann  tradisyon, me selman annou ganny li  byen kler Kazak ek Penwanr pa National costumes of Sesel.  I tradisyonnel.  I en keksoz tradisyon ki nou’n erite from lepase – me i pa’n zanmen deklare konman kostim Nasyonal.  Si nou anvi fer kostim Nasyonal nou kapab design en kostim Nasyonal, baze lo nou bann tradisyon ki nou annan pou … E fodre nou realize pou dir kazak ek penwanr i zis pou madanm e nou bezwen annan pou msye osi.  Ler ou design en kostim Nasyonal ou design pou en koup, pa zis en dimoun.

La Maison Eustache La Digue, lenformasyon ki mwan mon’n annan konman e information officer se ki SHF ti al fer en vizit La Digue tou resaman.  E zot ti al kot madanm Eustache zot ti al vizit kot  La Maison Emmanuel labaE i annan serten travay ki pe ganny fer e zot sipoze antreprann son reparasyon.

Kordgard La Digue Monuments Board i an diskisyon avek Lapolis pou vwar ki mannyer nou kapab prezerv sa oubyen gard en bout en bout sa Kordgard i reste.  Nou pa fer parey lezot batiman ki zis kraze.

 

MR SPEAKER

Mersi Mr D’Offay.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr D’Offay in zis dir nou ki i annan en travay ki pe ganny fer.

Be mwan mon en pe parey li menm li – dan TET A TET i pa  aksepte sa kalite larepons.  Eski nou ti ava kapab konnen ki kalite travay ki pe ganny fer?

Mon ti a kontan ganny plis detay ki kalite travay ki pe ganny fer?

Dezyenmman Mr Chairman ok i dir ki Kazak ek Penwanr i kostim tradisyonnel.  Ok ti annan pou son zonm tou sn zonm ti te byen abiye palto ensidswit.  We.

Alors ti osi …  Eski  i pe dir nou ki pou dir Sesel, Sesel pandan tou sa bann lannen espesyalman depi le 5 Zen ’77 ki Onorab Gill i a byen kontan tann sa dat –  zanmen, nou’n annan en kostim Nasyonal?  Apre tou sa bann koze nou’n koze dan Kiltir?  Latroup Nasyonal, Latroup Nasyonal letan in al fer bann show partou dan lemonn sa bann lenz ki zot mete la – sa bann gran lenz la konmsi i pa kostim Nasyonal konmsi kwa ki pe dir nou zanmen nou’n deza annan en kostim Nasyonal oubyen sa Komite pe al sanz kostim Nasyonal.

E apre sa mon anvi dir avek Mr D’Offay sa mo sa lekspresyon ki ou’n servi ki pou dir zot fek vizite travay pe ganny fer mon anvi dir avek Mr D’Offay ki pou dir  napa okenn travay ki pe ganny fer!  Tyek byen lenformasyon akoz napa okenn travay ki pe ganny fer!  Mersi bokou.

 

MR SPEAKER

Mersi Onorab.  Mr D’Offay.

 

SPECIAL ADVISOR MR EMMANUEL D’OFFAY

Mersi Mr Chair.  Mersi Onorab.  si napa travay ki mon’n fer mon ava take up avek Seychelles Heritage Foundation – I mean i ti a byen si zot ti vin dan Lasanble ou ti pou kapab poz zot sa kestyon direkteman.

Epi lo kote depi listwar Sesel si annan memwar nou annan kostim tradisyonnel, napa okenn par ki’n deklar en kostim Nasyonal.

So yes pa’n egziste.  Sa depi dan lepok Kolonyal – depi dan lepok Français apre ’77 ziska ozordi.

So – parey Onorab Sophola in fer resorti, i annan en nesesite i annan en bezwen.  Akoz ki’n arive lo fil letan en kantite dan nou bann kostim tradisyonnel, in ganny defigire – in ganny sanze.  Akoz konmela ou vwar bann fiy pe dans dan bann gran, gran zip ki zot lev-e zot sekwe, e sa i tipikman Mauricien e nou bezwen sofgard sa ki pou nou i neseser la ase pwen pou nou fer li.  Mersi.

 

MR SPEAKER

Mersi.

 

HON WAVEL RAMKALAWAN

Mr Chairman.  Mon fek google National costume of Seychelles e Google i donn mwan detrwa portre!  Lekel ki  pa bon la?  Lekel ki bon lekel ki pa bon?  Mersi bokou.  Parski vre nou kiltir i dan konfizyon!  Mersi.

 

MR SPEAKER

Mersi Mr D’Offay.  Ale Mr D’Offay.

 

SPECIAL ADVISOR MR EMMANUEL D’OFFAY

Onorab pa neseserman i tou lenformasyon ki lo Google i vre!  Traditional costume i egziste.

E si ou pe fer en National costume i bezwen ganny endorse – anrezistre pa tante parey  U Crest   parey ou kot Coat of Arms e tou lezot keksoz la i vin en National costume.  So i bezwen pas atraver tou sa prosesis e mwan mon pa rely lo Google pou tou lenformasyon.

 

MR SPEAKER

Mersi.  PS in dir zot pou set up en Komite.

 

HON WAVEL RAMKALAWAN

Kan eski sa Komite pe konmanse?  Kan nou pou ganny nou traditional – kan nou pou ganny nou kostim Nasyonal silvouple?  Pou nou tou dan Lasanble konmans mete?

 

(laughter)

 

SPECIAL ADVISOR MR EMMANUEL D’OFFAY

Mersi (laughter) Monsieur. Le pli vit posib ki nou kapab fer sa nou pou fer li.  E ler nou’n ganny diferan partisipan – annefe nou ava anvoy kot Lasanble, zot ava ed nou pou zot kontribye pou zot swazir the right costume e si zot i pou bon ki zot set the good example  zot met nou zot konmans met nou National costume.  Mersi Monsieur.

 

HON NICHOLAS PREA

Mersi Mr D’Offay.  Mon zis petet pou PS zis avan nou pran en vot.  I annan parey ou’n dir petet lakaz prive – bann tradisyonnel ki zot osi zot rantre  zot ede.  I annan lakaz lafanmir Hodoul Anse Poules Bleues ki pe tonm an rin.

Eski zot rantre ladan oubyen Heritage Foundation?  I en zoli landrwa – en zoli lakour i kapab vin en lot latraksyon touristik pou sa landrwa.  PS. 

 

SPECIAL ADVISOR MR EMMANUEL D’OFFAY

Mr Chair.  I annan en Fon ki anba Heritage Foundation in ganny kree pou ed sa bann kalite sityasyon.  Me selman lefe parey ou’n pran legzanp La Maison Hodoul i en lakaz prive, fodre zot ki vin devan, zot anmenn zot fer sa demars kot nou. E nou SHF i a pran an konsidere baze lo finansman available. 

        Me selman sa laport i la pou zot tap into. 

 

MR SPEAKER

Mersi Mr D’Offay.  Bon nou’n ariv moman pou nou pran en vot lo Bidze pou Departman Kiltir pou en sonm R102, 627 milyon ki form par Schedule e ki lo paz 126 paz 135.

Tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  21 Manm in  vot an faver, e personn kont.  mersi.

 

MR SPEAKER

Mersi Madanm Clerk.  Savedir Bidze pou Departman Kiltir pou 2019 in ganny aprouve par Lasanble Nasyonal.

Bon avek sa mon ti a kontan remersi Special Advisor Mr D’Offay, PS pou Kiltir Ms Cecile Kalebi, e Senior Accountant Mr Guy Hoareau.  E nou ava eskiz zot parmi nou.  Mersi.

 

(THE DEPARTMENT OF CULTURE DELEGATION WAS EXCUSED FROM THE HOUSE)

 

CREATIVE INDUSTRY AND NATIONAL EVENTS AGENCY (CINEA)

 

MR SPEAKER

Bon wi zis en  pti moman mon krwar zis Mr Hoareau ki pou ale la PS i reste avek Special Advisor pou CINEA.

        Mr Hoareau mersi bokou.  PS Thesee ou ava gid nou pou CINEA. 

 

PS DAMIEN THESEE

Mersi Mr Chair nou a pran paz 166 pou CINEA en sonm R37.240milyon.  Mersi.

 

MR SPEAKER

Mersi.  Bon ti ava kontan dir en bonzour e welcome CEO pou CINEA – Creative Industry and National Events Agency.  Mr Galen Bresson ki ganny akonpannyen par Mrs Marie-Helen Pierre Accountant e Ms Christine Chetty ki Chairperson of the Board.  Welcome parmi nou.  E nou ava konmans direkteman avek bann Manm ki le kestyonn Bidze pou CINEA  2019.

Okenn Manm ki annan kestyon.  Onorab Stephen Pillay.

 

HON STEPHEN PILLAY

Mersi Mr Speaker.  Mr Speaker mon ti a kontan demande en pe plis detay lo PSIP sa bann headings sa 3milyon reparing of roof, upgrading of floor, Music Stadium, kote sa bann landrwa ki pe al ganny renovasyon?

Epi Mr Speaker mon ti a kontan ki CEO i eksplik nou en pe byen sa nouvo security agreement pou R1.8million ki pe al a …? Ki mannyer pou afekte bann travayer?  E konbyen zofisye sekirite kote pou al mete ki pou ganny mete anba sa nouvo Service Agreement?  Mersi Mr Speaker.

 

MR SPEAKER

Mersi Onorab Pillay.  CEO Bresson.

 

CEO GALEN BRESSON

Mersi Mr Chair.  Bonn apre midi Mr Chair.  Bonn apre midi tou Manm Lasanble.

Mon a pran premye kestyon lo PSIP, PSIP nou annan 3 vot anba la ki’n ganny demande enn i 3milyon pou roofing, enn i 5milyon pou Music Stadium, enn i 600mil pou kontinyen e renovasyon ICCS.  Renovasyon ICCS – ICCS i dan renovasyon sirtou lo bann lofis, ki ganny bokou afekte.  So sa 600mil i kontinyen lo renovasyon ki nou’n deza konmanse cette année.

Lo kote sa 3milyon roofing nou annan en gro problenm ki antye ICCS i leak – bokou landrwa.  E la i konmans nou traze pou ranz roofing ICCS lo sa 3milyon.

Lo sa 5milyon Music Stadium, mon ti a prefere ki Minis PS Finans silvouple reponn sa kestyon lo sa 5 milyon ki’n ganny met dan vot pou CINEA pou 2019.  Akoz mon krwar – i zis en larzan ki’n parsonn baze lo sa ki Lasanble ti’n ganny agree avan.  Mersi Mr Chair.

 

MR SPEAKER

Mersi CEO.  Mon ava pas laparol ek PS Thesee.  Yes CEO ou annan ankor en bout kestyon.

 

CEO GALEN BRESSON

Sorry security.  Wi security mon krwar en adomili dan sa 1.8 milyon.  Akoz nou annan zis 3 current security servicemen lo kot CINEA, ki bokou tro pti gin lo nou security force nou annan prezan en nouvo propriyete pou Music Stadium ki nou bezwen met sekirite a plen tan akoz staz i ki Music Stadium in  arive .

E ICCS osi nou’n ganny pa mal bann sityasyon vol e bann sekirite ki ti la nou ti annan plizyer sekirite.  Me ki ti anploye par nou menm enn par enn in ale.  I reste nou zis 3 ozordi too little ki nou nou’n al kot POU nou fer the tender process e zot ki donn nou the rating ki mannyer i sa ki mannyer i kalkile ki the total Budget 1.8 million for 2 years. 

But 15% of that will be used 2019 ki zot vwar la.  E mon krwar i en pti oversight by finance kekfwa in en wrong print lo la.  Thank you Mr Chair.

 

MR SPEAKER

Mersi CEO.  PS Thesee.

 

PS DAMIEN THESEE

Mersi Mr Chair.  Parey ou konnen nou fason Bidze li marse se ki sa ki ou pa depanse dan en lannen nou pa neseserman carried forward.  Nou budget lo en annual basis e even if nou fer Midyear term Budgeting nou faz sa larzan pandan sa bann lannen ki nou met li.

        So si proze pa ganny materyalize natirelman sa lannen ler nou’n vini nou ti dan Budget-cut pou CINEA.

        Prezan bezwen re-allocate sa larzan an 2018, an vi ki proz i fek konmanse la e i anvizaze 8 mwan ki savedir i pou spillover into 2019.

So sa larzan i pou li konplet sa proze.  An vi ki sa bann delay ki’n ganny eksperyanse avek sa proze.  Mersi.

 

MR SPEAKER

Mersi PS.  Mon ava donn laparol Mr D’Offay Special Advisor. 

 

SPECIAL ADVISOR MR EMMANUEL D’OFFAY

Mon ti a zis kontan azout lo sa  ki PS in dir konsernan Music Stadium.  I mean sa larzan i larzan ki ti ganny aprouve by Lasanble.  E en keksoz enteresan se apre bokou negosyasyon avek Allied Builders, i pou tonm nou mwens ki sa 10milyon; annefe i pou tonm 8milyon ekek prezan.  So mon krwar nou’n fer en bon travay.  Mersi.

 

MR SPEAKER

Mersi Mr D’Offay.  Onorab Stephen Pillay.

 

HON STEPHEN PILLAY

Mersi Mr Speaker.  Mr Speaker an bref mon ti a kontan demann CEO oubyen PS oubyen Mr D’Offay an tou la konbyen ki Gouvernman in peye pou sa Music Stadium?  Konbyen in kout zot?

E mon ti a kontan demann CEO  konsernan sa 3 sekirite ki ou dir mon i annan kot ICCS pe   reste? Wi akoz i lanmwatye la Bide ki pe ale pou service agreement. Sa bann sekirite – e konbyen i annan napa problenm. Sa bann sekirite gard ki la actual ki mon fek vwar Dimans pase ki zot package exit ki ou pe donn zot pou zot …?  Akoz ki mannyer ou pe dir ou pe al fer zot arete, ou pe pran sa nouvo service agreement.  Tou travayer sekirite pe al ganny arete.  Ki zot package ou pe espekte don zot pou zot sorti parey nenport travayer ki zot  pou ganny konbyen mwan travay bann – something like that.  Mersi Mr Speaker.

 

MR SPEAKER

Mersi Onorab.  CEO.

 

CEO GALEN BRESSON

Mersi Mr Chair.  Onorab pou sa 3 sekirite annefe si i aprouve pou nou pran security firm pou Music Stadium and ICCS la, nou pa ankor konnen lekel akoz tender in fini sorti i kot POU.   E nou pa kapab dir ou lekel ki’n resevwar tender.  Nou pou donn zot full tann servis ki zot in travay dan sa pos – menm avan CINEA.  Akoz i mars ansanm.  Zot pou ganny tou zot benefis ki zot anba Lalwa zot merite.  E nou pou osi koz avek security firm ki eventually ganny sa tender pou take on the 3 staff.  Akoz mon pa krwar i normal ki nou redundant.  I zis ki nou pa’n kapab – nou annan tro bokou security issues ek 2 propriyete maintenant.  Mersi.

E mon ti a kontan Music Stadium S.A D’Offay zis pou eksplik Lasanble ki Mr D’Offay i Chairman en Komite ki ti ganny met an plas pou zer nouvo way forward in regards to Music Stadium.  Mersi.

 

MR SPEAKER

Mersi CEO.  Mr D’Offay.

 

SPECIAL ADVISOR MR EMMANUEL D’OFFAY

So far Allied Builders in ganny peye 13, 951, 581.14milyon.  Bout ki nou pou pey zot pou konplet Music Stadium i 8,538, 287.4milyon i fer en total 22 489. 868.58milyon.

 

MR SPEAKER

Mersi.

 

SPECIAL ADVISOR MR EMMANUEL D’OFFAY

Vwala total ki pou kout nou.

 

MR SPEAKER

Mersi Mr D’Offay tre presi.  Onorab Churchill Gill.

 

HON CHURCHILL GILL

Mersi Mr Chair.  Mon redemann CEO si i pou Inner Island i annan okenn major aktivite ki’n ganny progranmen pou lannen 2019 dan sa Bidze?  Mersi.

 

MR SPEAKER

Mersi Onorab Gill.  CEO.

 

CEO GALEN BRESSON

Mersi Mr Chair.  Mersi Onorab.  Annefe Inner Island i annan bokou travay ki nou ti a kontan vwar.  Par egzanp pou mwan pou bann Manm osi ki ti la, ti en dekouver ler nou ti vwar en zenn Praslin ki ti fer Poenm.   E mon ti re anmenn li lo Mahé pou fer louvertir Festival Kreol.  Ki vedir ti annan bokou talan kiltirel dan bann distrik pa zis lo Mahé me an deor Mahé.

E i bezwen annan en fason.  Me akoz CINEA nou manda i pa lo sa nivo, i plito regard dan en lot  fason,

Me selman ki nou anvi fer si zanmen nou ganny nou Bidze laba dan Creative Industry, nou anvi lev en Creative Fair Praslin Inner Islands e sa i en pti pe parey National osi fer en faz koumsa.  Kot nou vwar sa bann talan ki somehow ennler nou pa vwar lo Mahé me zot vreman annan talan.  E mon tir sapo avek sa zenn Praslin ki ti fer sa poenm.   E c’est moi en Praslin ki mon ti vwar li – dekouver li laba.

So nou anvi fer bann progranm e  pou lemoman dan Bidze sel landrwa ki nou annan en  leeway.  E la mon ti pou demann bann Manm Onorab sirtou sorti Inner Islands nou ganny en pti pe difikilte, akoz pandan Festival Kreol nou ti a kontan donn en pti pe plis larzan lo kote Praslin/ La Digue pou fer bann aktivite Festival Kreol me i annan en problenm lo disperse bann Bidze lo kote distrik an zeneral.

Aparaman i annan Polisi pa egziste dan ki fason nou kapab disperse larzan an gro, ki zot, zot kapab en progranm ki ase kale.

I vin en pti pe meticulous lo nou kote CINEA, akoz depans lo en boutey delo zot pe still bezwen vin kot nou ek en resi. Me i pa vreman vyab.  So sa lannen nou’n bezwen fer li koumsa.  So mon krwar i en Polisi bezwen ganny met an plas ki mannyer nou ede an budget through district set up, sirtou kot nou, nou annan Bidze pou Festival Kreol.  Mersi Onorab.

 

MR SPEAKER

Mersi CEO. Onorab Churchill Gill.

 

HON CHURCHILL GILL

Mersi Mr Chair.  Mon krwar sa i en keksoz ki kapab ganny adrese akoz letan CINEA i tonm anba Minister Local Government e distrik i tonm anba sa menm Minister, mon krwar sa eternelman zot kapab rod en solisyon pou sa.

Me selman mon a zis rann lapel ek PS pou konsernan sa zafer restriksyon bidzeter ki ou, ou annan pou kapab devlop serten keksoz lo Inner Island. Akoz Inner Island i kontribye pa mal dan Kof Gouvernman an term tax.  So mon krwar nou bezwen rod en fason pou Inner Island kapab serten keksoz li osi an retour.  Mersi.

 

MR SPEAKER

Mersi Onorab.  Mr D’Offay.

 

SPECIAL ADVISOR MR EMMANUEL D’OFFAY

Onorab zis pou met ou lespri anpe, se eski apard CINEA i annan osi NAC ki fer serten aktivite.  E dan detrwa zour apartir le 23 annefe i annan serten aktivite progranm Arts Festival pe ganny lanse e Praslin in byen ganny involve ladan, akoz ki arive atraver NAC avek son Arts Festival ki prezan CINEA pou dekouver ‘the best of the best’ – ‘lakrenm de lakrenm’ e prezan li i pou pous zot al ver the creative industry ki nou  anvi.  So Praslin i annan keksoz pou zot.  Mersi.

 

MR SPEAKER

Mersi Mr D’Offay.  Onorab Sandy Arissol.

 

HON SANDY ARISSOL

Mersi Mr Chair.  Mon retourn ankor lo mon kestyon konsernan Latroup Nasyonal.

Mon ti a kontan dir ki nou annan en group fanm zonm Seselwa ki al prezant pei nou kiltir aletranze an plizyer fwa.  E parfwa nou vwar zot isi pe perform.

Mon ti a kontan demann PS an vi ki Latroup in sorti anba Kiltir i annan apepre 2an in vin anba CINEA ki Bidze CINEA pe fer pou zot kapab ganny nouvo resanz?

Parske zot ankor pe servi menm resanz – menm item ki zot ti servi letan zot ti ankor anba Kiltir.  E la zot in vin anba CINEA e napa naryen ki’n improve lo sa kote.  Sa i mon premye.

2enm mon ti a kontan demann PS letan Latroup Nasyonal i partisipe nasyonalman isi, i annan en larzan ki zot gannyen.  Par egzanp zot al perform dan en lotel zot ganny peye, me mon aprann pou dir CINEA i annan en porsyon ki pran lo la.

So mon ti a kontan demann CINEA, kot i ale sa porsyon?  Ki arive avek e ki i ganny fer avek?  Oubyen montre mon dan Bidze ki annan silvouple.

E mon ti a kontan demann zot ankor lo CINEA letan mon pe get zot manda s pou ankouraz e promot nou kiltir, mon ti a kontan demann zot ki zot pe fer konman CINEA, pou mon ankouraz nou kiltir lo nivo distrik, lo nivo lekol par egzanp an servan menm sa bann dimoun la ki pare pou donn en pe zot letan, avek en pti pe resours ki zot annan, pou zot montre nou bann zenn en pe nou kiltir!

Parske mon aprann mon konn pou dir Beau Vallon Segonder Mr Chair i annan en madanm etranze ki i montre nou bann zanfan SALSA zis son prezantasyon konman sa dimoun pe vin montre nou bann zanfan SALSA pa apresab ditou!

So  mwan mon ti a pli kontan nou annan bann dimoun ki dan Latroup pe montre nou kiltir, ki pe montre nou zanfan en pe lo nou kiltir pou nou konnen demen lekel nou kostim, lekel nou vre ladans lekel sa ki apel pou nou.  Mersi bokou.

 

MR SPEAKER

Mersi Onorab Arissol.  CEO.

 

CEO GALEN BRESSON

Mersi Chair.  Mersi Onorab.  Latroup – National choir, Latroup Nasyonal, National choir, e osi seksyon ki fer visual,  kot visual art kot nou ki fer graphics.  I tonm anba en vot kot nou ki apel Creative Third.  Nou 3rd budget line ki creative.

        Lo kote resanz Onorab mon kapab dir ou la ki Latroup in fek pran larzan dan Bidze e in sanz resanz sa lannen.

Lo kote larzan – zot annan en Bidze ki zot ganny zere as en third vot anba nou budget ki creative.  Me Latroup li menm depi ler in vin kot CINEA i annan en serten kestyon kle ki ozordi mon ti a kontan adrese.

Enn; ler nou pran Latroup anba CINEA, mon ti realize ki Latroup i fer bokou sorti aletranze sirtou avek STB avan zot ti vin CINEA ler zot ti ankor Minister Kiltir.

Zot osi perform bokou bann keksoz touristik.  Bann meeting ki ti fer Sesel.

Lo kote sa larzan ki zot resevwar, tou le mwan en manm Latroup i resevwar – perform pa perform apepre R1200 allowance, tou le mwan i dan budget. 

E pou mwan ler mon’n vini, premye keksoz ki ti arive e la mon dir ki Central Bank i fer en peyman dan kont prive, en manm Latroup pou fer performans lokal.

E mwan mon’n al aprann sa pe koz ek en dimoun, be mon dir be sa i pa normal.  Latroup i ganny allowance per person Budget – Government Budget.  En dimoun i pey ou pou vin danse I thought it was a National issue – event.

        Ou pran larzan ou met dan ou kont personnel.  Ler mon fer investigation ki mon ti hand avek Minis Kiltir then,  mon ganny dir ki sa i en practice normal.  Me pou mwann i pa normal.

E mon ti en pe soke.  Ler mon demande be si nou konman CINEA nou donn zot en allowance perform – pa perform ou practice lanmenm, akoz  ki ler ou al fer performans lo Nasyonal ki ou bezwen ganny peye e nou bezwen re pey ou dan larzan?  Akoz larzan i vini accountant i la.  I al kot Budget CINEA i retourn dan Budget CINEA, anba nou revolving account. 

Me pou mon i bann anormalite e mon’n ganny dir be sa i the norm.   Me mon pa krwar i merit the norm.

        E si nou annan en Latroup pou mon personnel ozordi mon kontan ki PS i la, akoz mon’n dir li in ler pou reget sa Polisi Latroup.

Akoz si nou pran en Latroup ki nou pey li e n larzan tou le mwan, me mwan pou mwan perspektiv se Latroup. Nou annan ozordi pa merit pe compete. 

        E par egzanp Zez ki ozordi li i komersyal i fer menm keksoz ek Latroup.  Ozordi nou pe depanse pou pey bann dimoun ki compete commercially e mon kapab donn zot – nou annan plis ki 22 manm Latroup  ozordi kalkil par plis ki R1000  par mwan konbyen in arive anba nou Bidze ki nou donnen.  E mon fek find out osi mon kontan ou’n lev sa kestyon lo ladans.  E mon ti  a kontan ki Latroup pe vre – nou annan bann dansez ladan ki konn son metye al montre me ozordi mon tande dan nou prop premises, Latroup pe montre ladans bann dimoun pe pran larzan ek bann dimoun e sa i dir i normal!  Me i paret normal.

Akoz ler ou ganny en allowance anba Budget Gouvernman ,ou merit ozordi answer to the CEO of the organization wherever you are! Whether it is a PS.  si en Latroup ozordi ou ti merit ozordi tou bann Latroup ki pe perform commercially en dimoun ti merit pase dir ok that’s the best ki nou annan – sa msye ek sa koup ki la konman ladans kanmtole, zot  nou pe al sa levennman – nou pran sa enn.  Sa enn  i konmann pli byen dan sa group  nou pran sa enn.

Sa i mon personal philosophy ki mon krwar  moving foward nou merit adopte.  Akoz mon’n dekouver en kantite keksoz ki dan culture la, ki’n vin kot mwan ki mon krwar i bann abnormal… Anyway mwan mon vwar li  i pa byen.  Me mon ankor pe fer met mon bann dokiman annord ki mon kapab sort out sa bann sityasyon.  Fotespere mon’n kapab reponn tou ou bann kestyon Mr Onorab.

E ozordi ou kapab krwar on krwar bokou bann Onorab ti vin regard louvertir mon dir zot mersi.

Nou menm – Latroup ti perform pou louvertir e apre en dimoun i bill mwan CINEA pou performans anba en lot non group.  Me eski i normal?  Si mon pa ti konnen prezan mon pe rode lekel sa?   Be kwa sa?  E ler mon al find out.  Me i bann keksoz ki nou bezwen get li byen avan.  Mersi Mr Chair.  Mersi Onorab.

 

MR SPEAKER

Mersi CEO.  Minis ou ti le azout keksoz Minis non?  Kekfwa mon’n mal – ? Ok, mersi.  Bon Onorab John Hoareau.

 

HON JOHN HOAREAU

Mersi Mr Chairman.  Mr Chairman mon ti a kontan demann CEO pou CINEA, si dan sa Bidze ki pe demann nou la si i annan provizyon pou revwar n pti pe sirtou lo nivo consultancy pou revwar en pti pe Lalwa Copyright ek Intellectual Property Rights pou kapab permet zisteman bann artis lokal ranmas en pe reminerasyon royalties aletranze.  Akoz sa mon konnen i en gro  biznes apepre 3Bilyon Dolar lo nivo L’Afrique par lannen.  Mersi.

 

MR SPEAKER

Mersi Onorab Hoareau.  CEO.

 

CEO GALEN BRESSON

Mersi Chair.  Mersi Onorab.  Annefe mon fyer ozordi pou dir zot, ki se CINEA ki ti fer premye IP 2.  Ler mon dir IP 2 i annan dan Sesel tou-le-z-an i fer e zis lo kote lofis.  IP 2 ozordi in vin en Seksyon ki’n ganny kree par Finans so Intellectual Property i now under nou budget.  Kantmenm napa Bidze anba la, kot nou, nou ti a kontan ki bann kreater i konnen ki zot annan drwa e zot merit anrezistre.  La, la ki ou anrezistre ou copyright.  Kote ki ou ale pou ou anrezistre ou copyright.

        Akoz ozordi i sagrinan parey ou pe dir, i pran zis en nide ki en dimoun i kapab fer.  Eski CINEA i stand for egzakteman sa.  Mon pou donn ou en legzanp Onorab zis pou ilistre sa ki ou pe dir.

Ozordi dan en rankont avek en group profesyonnel aletranze, en msye Bistoquet i ganny li  apepre 30mil Dolar par zwe.  E i anrezistre anba son non.  I konpoz bann sanson i zwe pou 1 erdtan edmi – 2 erdtan – L’Amerique, Sud Afrique.  I en Sud-Africain.  Nou kapab kiltir sa par 12 kot sa larzan i rantre direk dan Kof Sud Afrique konman return e li i ganny peye son royalties.

Me Sesel pou lemoman, pa pe arive akoz menm, menm bann landrwa ki pe servi bann copyright material, zot pa pe onor sa.

Mon donn en legzanp – mon pou anmenn Seychelles Broadcasting Corporation – SBC.  SBC ti ganny gro largiman dan Festival Kreol avek mon menm CINEA, akoz mon ti fer en konferans de pres e mon ti fer en lonnekte tou bann manm Lapres regardless  Telesesel, SBC  ki avan zot televiz e vin record bann diferan progranm, silvouple koz ek nou, akoz i annan bann drwa entelektyel  par deryer ki nou bezwen respekte.

Me SBC ti dir mon non i pa enterese li.  I a filmen i a pas sa ki i anvi, ler i anvi.  Me i pa en keksoz responsab pou pase koumsa.  Akoz se la si nou, nou pa onor sa bann menm santer, sa bann poet i pa zoli.  Se tou ki nou ti pe sey demande.  Ozordi mon toutafe siport sa ki ou pe dir – ki nou, nou bezwen re anforsi.  I annan SACS  ki fer copyright pou lanmizik, me ozordi i annan pou lar vizyel ; i annan pou tou sa ki zot pe fer, e mon zis – mon en pti pe per.

Mon annan en zenn artis ki ozordi son lanmizik pa pe vreman popiler, mon dir son album e sa i Elijah – i pa pou popiler isi, me i pe fer bokou sikse Maurice en sanson, me in vin  vwar mwan i dir mwan i pa ankor anrezistre – i pa konn bann prosedir.  Be danze se ki in fini perdi bokou rights already Mauritius. 

E si i pa taye.  Tasyon Mauricien pa pran ek li e pou al pli lwen avek pli vit ki li e anrezistre!

E sa i en gro, gro problenm.  Anrezistreman e IP  isi ozordi Sesel.  Mersi.

 

MR SPEAKER

Mersi CEO.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker.  Enn de pti pwen silvouple.  Mon ti a kontan profit sa lokasyon pou mon demann avek CEO CINEA pou apez en pe sa krwayans e sa kritik dan piblik, ki CINEA i travay touzour avek menm artis e lezot pa ganny sans zot osi partisipe e fer tande zot lavwa.

So i en kritik ki ankor la, e mon ti  a kontan tande ki annan pou dir lo la CEO. 

        Mon retourn lo Minis Music Stadium Mr Speaker.  Mr Speaker zis pou a dir avek Mr D’Offay dan nou rapor ki nou ti fer apre FPAC lanket lo Music Stadium, nou ti estimen ki bann kou pou ariv R22 milyon.  E zot in tonm egzakteman lo la.

So nou’n nou ti byen kalkile e zot in byen enplimante.   So napa okenn saving, me i parfetman ki i pou ariv 22milyon.  E mon ti a kontan si ou kapab konfirmen ki sa 5milyon ki zot pe demande dan Bidze PSIP pou 2019, i pou i form  parti sa 22 milyon e i pou   konklir sa travay striktirel.

I lokazyon osi pou dir avek piblik ki premyerman ou plan pou ekip sa  – ekip avek lekipman si ou pou met ladan pou met li fonksyonnel akoz pei in depans 22milyon.  Sa landrwa i bezwen fonksyonnen.  So ki ou plan?  Kekfwa CINEA – CEO CINEA i kapab dir nou.  Ki nou rapor nou ti osi demande ki zot konmans travay byen boner lo en management plan, pou zot kapab rekiper en pe reveni ki pou permet zot servi dan maintenance sa fasilite pou pa ki zot al, retourn tou le lannen  retourn tou le lannen retourn  kot Gouvernman pou donn zot larzan pou zot maintain sa.

So mon ti a kontan konnen, ki progre zot in fer?  E eski sa travay pou ganny konplete o moman ki stadium i vin operasyonnel?

Mon dernyen kestyon Mr Speaker, mon ti a kontan demande ki si Gouvernman napa okenn lentansyon vi ki son bill elektrisite pou CINEA, ni sot R4milyon i pe vwar plis ki R4 milyon lannen prosenn, ki en sonm ase enorm.  E ki mon mazinen i konsern sirtou International Conference Centre.  Ki kontak?  Ki plan zot in fer pou zot kapab al en pe dan bann lenerzi alternatif – zot annan en gran sirfas 3.

E nou espekte ki tou bann Departman – bann Minister ek bann Lazans, i fer zefor dan sa direksyon pou kapab redwir kou bann utilities.  Mersi.

 

MR SPEAKER

Mersi Onorab Ferrari.  CEO.

 

CEO GALEN BRESSON

Mersi Chair,  mersi Onorab.  mon pou konmans avek ou dernyen kestyon lo kote kou elektrisite 4milyon.  Wi Onorab i toutafe byen e korek ek sa ki ou’n vwar, me konman CEO CINEA mon’n pran en desizyon kot ozordi nou annan en ta problenm – mon ti dir sa dernyen fwa kot Lasanble e mon kontan ki finalman tender pe sorti lo MEPlo electrical lo plumbing, akoz nou annan problenm plumbing as well.  Electrical, plumbing and airconditioning sa i MEP pou determinen konnen egzakteman – akoz ozordi napa personn ki’n kapab donn mwan en blue print kote nou elektrikal i ete ki nou bann issues elektrikal e kote nou bann kab anndan. So napa personn ki kapab donn mwan sa.  So MEP   pe tender –  probably by next week  – week after.  E la nou pou ganny en lakonpannyen i pou vin analiz thoroughly e mon kapab dir ki ler sa in fini, sa rapor in fini sorti nou pou la konmans enplimant the way foward. 

E enn bann keksoz ki nou’n mazinen pou fer se ki, nou pou divors tou bann  ….  Ozordi ler nou met sa centralised aircorn anndan i pa zis al  auditorium –    i al dan  plizyer lot lasanm as well.

        So sa osi i fer en lefe, me nou pou fer ki sak lasal i annan son prop set up – ki i pou redwir nou kou ler i pa pe servi tousala pou ganny koupe.

E eventually lead to photovoltaic osi ki pou ed nou bann kou elektrisite.  Sa i lo sa kestyon 4milyon.  Lo kote bann artis ki pe dir kekfwa zot pa pe ganny regarde, pou sa premye fwa mon pou les POU, Tender Board pou dir ki CINEA i enn bann lorganizasyon ki’n vwar zot pli souvan sa lannen.

E mon fyer pou dir ki nou’n fer sa move, akoz nou ti pe ganny sa bann lakizasyon, ki pou Festival Kreol nou’n tender bokou  bann aktivite.   Nou’n fer li across the line nou pa’n swazir.  Me i annan landrwa ki nou’n bezwen tonm dan swazir e  which is very little e nou’n tender par egzanp bal dan bann distrik i ti en propozisyon sorti kot Onorab Jany De Letourdie – (i pa la aujourd’hui) 

        E nou ti pe sey desantraliz pou fer bal pli popiler dan bann distrik.  Me ler nou ti tender nou ti soke nou menm,  nou ti ganny zis de group ki ti tender. 

E mon’n fer en resers en pti pe avek bann artis pou demande be akoz zot pa tender?  Bann artis i vin anver mon pou demande be ki pe arive nou pa pe ganny call labitid pou Festival Kreol?

Be mon dir tou keksoz  pe tender.  E zot dir be en artis i dir mon li i pa get Nasyon – bann letan ki li i pe travay kekfwa aswar, i pa ganny sans vwar.  So televizyon so i pa konnen ki mannyer.  Pou mwan nou bezwen analiz  byen sa sityasyon ki mannyer pou  fer li  en even playing field. 

        Me premye lannen wi kekfwa nou’n al en pti pe over overboard.   Sa ki nou’n  konnen nou’n donnen en pe bann sa.

Me 2enm lannen nou’n tender 3 kar bann aktivite pou sey fer li a cross culture ki tou dimoun i ganny en sans menm sans pou li kapab vin partisipe.

E sa nou’n fer li pou sa lannen pou Festival Kreol.

Lo kote management plan – mon a pran en bout Music Stadium kote management plan pou 2019 CINEA ti fer forecast e i ti demann Minister Finans pou mon konmans met en tim ansanm pou konmans travay lo marketing.  Akoz 8 mwan pou Music Stadium fini parey mwan mon’n dir se ki 22milyon larzan Gouvernman nou bezwen konmans en stratezi marketing la.  Pou konmans vann sa landrwa avek interested.  Ler mon dir vann savedir si ou vann spektak apre sa 8mwan konmans vann la.

Me i malere ki zot dir mon non zot pa’n met dan mon Bidze pou mon anploy bann dimoun pou fer sa bann sa spesifik.  Esper Music Stadium ouver kekfwa 2020.  Nou a ganny bann dimoun.

So Music Stadium pou fini 2019 mon pou napa personn pe travay laba aktyelman.  Sa mon pe garanti  akoz deza mon short staffed  kot mon ete.  E dan mon plan staffing napa okenn new recuit pou sa lannen.

So mon ti actually forecast ki nou pou met en tim ansanm, en manager someone for marketing, e pou konmans market ou landrwa ki pa ankor pare.  Akoz enn mazin byen parey zot in byen dir 22milyon pou donn nou dan batiman striktir,  pou la.  But we need to start marketing this venue as a venue for activities now. 

        E se sa ki tin fer mon pran sa mon pa’n ganny aprouvasyon pou recruit nouvo travayer pou met for Music Stadium.

        E Mr D’Offay i ava reponn ou petet lot kestyon.  Mersi.

 

MR SPEAKER

Mersi CEO.  Mr D’Offay.

 

SPECIAL ADVISOR MR EMMANUEL D’OFFAY

Onorab pou fer fonksyonnen plan Music Stadium parey nou ti diskite letan nou ti vin devan FPAC se ki an se moman batiman i fini me an se moman Sesel i annan ase biznes ki kapab supply lekipman pou fer sa.  So sa i garanti ki sa batiman pa pou zis pe debout me i annan tou lalis son e lalimyer pou vreman fer fonksyonnen sa Music Stadium. 

 

MR SPEAKER

Mersi Mr D’Offay.  Onorab Ferrari.

 

HON JEAN-FRANCOIS FERRARI

Wi Mr Speaker.  Mon en pti pe enkyet, alarme me mon ava kol lo PS Finans, akoz mon sizere ki Minister Finans i kapab regard dan sa sityasyon, kot nou riske annan en fasilite ki pare me ki nou, nou pa ankor fer tou pou nou met li an fonksyon.

Mon krwar Minister Finans i devret get sa koman kekfwa konman en lenvestisman, ki kapab anmenn en serten reveni ki pou re-pey son lekor.  Mon pa pe dir profi at this point.

Me mon interpelle PS Finans, pou get en pe ki kwa ki kapab ganny fer.   Mwan Personnelman CEO mon ti ava mon ti ava si mon ti ou Minis mon ti ava dir ou  poudir mon krwar ki ou annan ase kapasite pou ou al fer sa ou menm, avek bann mwayen  ki ou annan la pou lemoman.  Alors double up annou ale nou a fer li sa lannen nou a fer li marse.  Sa se mon propozisyon.

Me selman nou konman en Lasanble nou ti a kontan vwar ki, keksoz i ganny met an plas, pou fer sir ki nou pa pe asiz lo en keksoz ki nou’n depans bokou ladan.  Mersi.

 

MR SPEAKER

Mersi Onorab Ferrari.  Mr D’Offay ou le fer komanter?  Non? Ok.   Onorab Waven William.

 

HON WAVEN WILLIAM

Mersi Mr Speaker.  Mon ti a  kontan demann sa kestyon swivan vizavi gouvernans.  Letan mon pe regard anba ‘current challenges’ mon pe vwar ki 2enm bullet point  i  met ‘limited promotion opportunities to access local and international market.’

        Mon anvi demann CEO lefe ki Sesel i annan plizyer bann Lanbasad aletranze, nou annan nou osi plizyer bann Consul Honoraire ki pe travay pou Sesel sipoze pe promot non Sesel.

E trwazyenmman nou annan en bon pe diaspora – pe koz lo Australie, Canada, L’Angleterre, La France, Italy. 

        Eski CINEA i ase proactive? Eski ou satisfe ki CINEA i ase proaktiv pou kapab tap sa bann sinerzi lo sa pwen ki ou pe dir i annan limitasyon?

Eski zot pe tap sa bann laport?  Akoz mon pa vreman vwar? Eski nou pe servi Minister Zafer Etranzer pou kapab annan sa breakthrough?  Akoz letan ou pe regarde loportinite i la li.  Se ki mannyer ou ganny akse avek.

E dezyenmman CEO, mon pe regarde ki ou pe dir ou pou host bann specific creative industry programme, mon ti a kontan ganny en pti pe nide egzakteman kwa ki ou pe refer avek?   Mersi,

 

MR SPEAKER

Mersi Onorab.  CEO.

 

CEO GALEN BRESSON

Mersi Chair.  Mersi Onorab.  Onorab pou tou bann Onorab mon ti kapab sirkil list of proposed pou events and cost ki mon’n fini prepare e submit, me  ankor par egzanp;

E mon konmans lo ou 2enm kestyon la.  I annan Designers and Creators fair – a professional fair focusing on    fundamental element of design and creation.  Sa i bann fairs ki nou pe koz lo la.  E lo la mon ti met en cost R250mil.

Art fair – Seychelles literary festival,

Seychelles Island Fashion,

Jazz and Blues Island Festival,

Festival of Music and Dance, Festival, Theatre, Film and Photography,

Property (which is IP) as specific event e nou osi annan Biennale Venice ki vin anba nou ospis’sa lannen.  ;

Tousala i bann levennman ki nou ti a kontan vwar pe arive lo en lot nivo.

Akoz?  Ozordi annou pran Designers and Creative Fair ki nou ti pe regarde.  Nou ti a kontan vwar akoz larkitektir – pli boner mon’n tann zot koz lo bann Onorab ti pe koz lo arkitektir.  Me sa i en aki ki nou bezwen garde.  Nou pa pe bezwen moderniz tou keksoz dan bann larkitektir  ki nou fer.

So nou ki nou ti a kontan ler nou dir Designers and Creative Fair, tou bann ki fer keksoz pou fer ek design – lar architectural pou en building ki zot vini, nou vin dan en fair  e bann dimoun i vin dekouver.  Akoz ozordi i kapab ki en dimoun i dan pa ki mon dir – is all closed in one box.  Alor tou lakaz i kare i annan zis napa ni lavarang.  I annan en kantite perspektiv ki’n sanze dan larsitektir, e in ler pou nou kapab met sa devan.

Mon ti al en lotel 5 Zetwal par egzanp – mon ti dir li be akoz ki ou pa pe met bann meb lokal? Akoz nou, nou la pou promouvwar sa nivo e pou anmenn  sa larzan dan lendistri kreativite.

E i ti dir mon ok dir mon oli sa laboutik ki pe vann meb lokal?  Kote ki mon kapab al fer order la pou 40 lasanm deswit?

E suddenly mon realize – wi si nou ti fer en fair which is on that nivo e nou bann dimoun i desann i met ansanm, i ti pou en keksoz ki ti pou re-ankouraz e se sa ki nou, nou pe regarde ;  re-ankouraz santraliz li.

E menm  komans vann li enternasyonal.  Akoz dimoun pa kapab aste en meb ki fer Sesel arsitektir Seselwa?  Nou kapab.  Akoz ozordi dimoun i aste lakaz sorti deor i asanble isi.

So nou kapab fer sa bann keksoz koumsa.  E sa i baze lo sa ki ou’n demande lo bann diferan fairs.

        Lo kote desantralizasyon an ver par egzanp bann diaspora.  La nou’n analize ki i annan en problenm.  Nou pa kapab pran en group al dans pou Seselwa L’Angleterre ouswa Australie.   I pa fer sans.

We are the Creative Industry kot nou pe get the business. Nou pou kontinyen dans avek nou prop dimoun.  Pa sa nou bi.  Nou bi i pou fer nou vin e earn through the creative industry. 

        So si mon al dans devan zis Seselwa, i pa vreman fer lefe lo sa lendistri.  E si mon pa tronpe, menm avan CINEA in ouver i annan en kantite baz Seselwa nou’n etidye deor bann dimoun in vin perform e zis nou menm Seselwa ki’n danse.

Me ki in fer pou nou kiltir ankor la ater.  Sa mon pwennvi personnel.  Me mon krwar nou’n vwar nou pa pe al an deor nou frontyer.

So diaspora if they want to push it to the next level, i bezwen ki i pe donn nou en platform pli o – pli avanse.  Pa zis al fer bal Seselwa.

E sa i en issue pou nou.

Servi bann Lanbasader e atraver;  Nou’n konmans atraver par egzanp Sud Afrique annan en pli for lyezon kiltirel.  En  legzanp boner sa lannen nou ti al Sud Afrique pou somet ki bilateral Sesel/Sud Afrique. 

        E sa mon kontan in, re sinyen par Minis la en culture exchange pli for, ek Sud Afrique.  Sesel nou ti pran par avek en group ki apel Chapter 3 ki Onorab Henrie i konn tre, tre byen – mon krwar i ti fer en pti progranm pou zot.

E pou mwan mon tre kontan pou dir avek bann Manm Lasanble ki apre ki nou’n al UNISA e UNISA in envit nou, zot perform Sud Afrique la CINEA pou rod en Bidze  e nou pe al fer en premye album enternasyonal Chapter 3 e UNISA, ki pou ganny release Sud Afrique.  Se sa ki nou, nou rode.  Ki pou pouse.  E sa mon krwar annefe mon pa ni krwar non sa ek Chapter 3 e zot pou tande la.  Me zot pou ale e mon krwar sa i byen.

E ankor la nou bezwen fer sir zot bann anrezistreman i bon akoz bann lanmizik lokal pou nou met lo sa album me nou pou fuse li avek jazz, blues, Sud-Africain osi.

So tousala i bann keksoz for, me sa in ganny fasilite bokou par Lanbasad Sud-Africain. 

        Nou osi annan laspe par egzanp la ki e ganny devlope akoz bokou bann Lanbasad ler zot ekrir nou Onorab, zot pe dir zot napa Bidze.  Me i annan bann loportinite pou nou ale.

E sa nou bezwen fer servi sirtou la mon vwar ki Abu Dhabi pe ouver bann loportinite, Dubaï pe ouver bann loportinite e bann platform enternasyonal.

So nou pe travay aktivman pou nou sey devlop sa bann platform.  Mersi Onorab.  Mersi Mr Chair.

 

MR SPEAKER

Mersi CEO.  Onorab Ahmed Afif.

 

HON AHMED AFIF

Mersi Mr Chair.  Mr Chair mon ti a kontan demann CEO oubyen petet Minis si i kapab dir nou, si zot kapab konsidere ki zot pou zot ganny met meyer sinerzi.  Ki zot pran zefor ki pe ganny fer par National Arts Council e met li ansanm ek CINEA.  Parske National Arts Council i pe pran R1milyon par mwan.  Son Bidze i pros R12milyonm li.  E zot, zot Bidze i apepre R30milyon.  Si ou azout Capital i ariv dan 38.

Eski nou napa tro bokou dimoun ki pe fer menm keksoz?  Ou annan enn ki pe – i sipoze en Konsey pou Lar Bidze en R1milyon par mwan.  Be ek R1milyon par mwan ou ti kapab fer en kantite keksoz.  An menm an ou pe promouvwar lar ek kiltir.

So mon pa konnen on pa eksper ladan, me selman mon vwar Gouvernman in tro gro i pe zis pey dimoun pou asiz dan en biro – pe fer menm louvraz.

So eski sa i en keksoz ki zot kapab konsidere pou anmenn tan nou pe ganny bon kalite sipervizyon, lankourazman pou lar, eksetera.  Me  an menm tan nou pe servi mwens resours.  Ki nou pe pran en piblik Seselwa ki nou kapab servi pou en lot keksoz.  Mersi.

 

MR SPEAKER

Mersi Onorab Afif.  Minis,

 

THE DESIGNATED MINISTER – MRS MACSUZY MONDON

Mersi Mr Chair.  Mersi Onorab.  Onorab wi i mon krwar i enn bann premye kestyon ki mon ti demande responsabilite rol CINEA e rol National Arts Council e bann duplication ki nou annan ant sa de.  Menm si mon ti ganny dir pou dir zot rol i konpletman diferan, me selman nou ti commission serten travay pou ganny fer pou regard CINEA travay ki pe fer e pou regard osi NAC.  Donk ki i annan en travay ki en Komite Teknik in fer dan Departman Kiltir.

E i annan bann rekomandasyon ki nou’n fer dan sa laliny.  Me an menm tan osi, i annan serten travay ki Gouvernman pe fer lo bann lezot entities pou vwar kote ki i annan bann duplication of roles.  E mon panse poudir eventually i annan bann desizyon ki ava ganny pran kot i konsern CINEA zisteman avek National Arts Council.  Posibilite ki nou merge zot oubyen posibilite ki nou revwar zot travay ki zot fer e ki dan ki direksyon ki nou pou annan a lavenir.  Donk i pou annan serten travay ki’n deza ganny fer dan sa direksyon.  Mersi Mr Chair.

 

MR SPEAKER

Mersi Minis.  Dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon premye kestyon mon anvi demann CEO, parske lafason ki in reponn i rasanbleman konmsi i annan en problenm ant direksyon avek Latroup.  Parski konmsi lafason ki ou’n koze konmsi definitivman i annan konfli e parski i annan komanter osi ki pe vini la.  I annan en kantite bann dimoun dan Latroup ki e dir i annan serten keksoz kin ganny dir ki pa vre par egzanp zanmen deza demann zot pou vin zwe dan Festival Kreol e ….

Mon pe zis eklersi sa akoz zisteman sa bann konfli koumsa ki, aprezan i fer ki keksoz zanmen – konmsi nou pa kapab avans devan.  Festival La Reunion; konmsi i annan diferan bann diferan keksoz.  Alor mon ti  a kontan ganny en leklersisman lo la.

Dezyenmman letan ou pe koz an term reparasyon twa kot  ICCS, sa batiman i koste avek Maison du Peuple li konmsi ki mannyer pou marse sa?  Konmsi mon ti a kontan ganny en lesplikasyon si konmsi sa de lorganizasyon pou lemoman konmsi pe koze pou ki, konmsi ki mannyer i pou marse akoz nou anvi ganny sa byen.

Apre i osi annan en kestyon ki mon’n ganny anvoye.  Lo kestyon kiltir.  Spesyalman tou dernyerman in annan Latroup avek choir Nasyonal konmsi zot in fer en en konser apre zot in sant an Chinois e parfwa ou vwar nou Latroup pe fer bann danse lezot pei.

Me selman tandis lo nou  kote nou ankor pe sey struggle pou nou regarde kwa ki nou kiltir – ki mannyer nou pou debourye.  Konmsi  mon pe sey regarde ki mannyer eski nou rekonsilye tousala, pou nou kapab omwen annan keksoz ki bon pou nou olye ki nou pe  kopye pou nou kanmarad e promot sa ki pou nou kanmarad.

Me tandis nou, nou pa anrisi.  Parske menm la konmela i annan en  kantite  bann danse.  I annan en kalite stil danse ki pa pou nou.  Me selman nou pe ki nou pe ki nou pe promote.  Ok i annan en kantite sa bann danse ki letan in annan bann soz kot bann zenn fiy pe danse.

Mwan mon napa problenm ek zot ki zot kontan danse, me selman nou pe koz lo ki mannyer promot sa ki pou nou!  Parski mwan mon krwar ki pou dir nou kiltir – sa ki nou appel nou kiltir letan ou regard kontredans ou regard, i annan en serten sanzman moralite ladan osi tou.  Ki zoli.  Me tandis ki sa bann danse avek sa bann zenn fiy i met bann pti bout lenz zis pe dans parey nou konnen – me sa pa nou kiltir sa !

Alors ki nou pe fer pou nou  vreman promot sa ki pou NOU! Mersi.

 

MR SPEAKER

Mersi Onorab.   Mr D’Offay.

 

SPECIAL ADVISOR MR EMMANUEL D’OFFAY

Onorab mon pran ou dernyen kestyon lo kiltir.  Tou sa ki ou’n dir nou dakor ek ou.  I en konsern osi pou nou, me selman fodre pa nou bliye pou dir kiltir pa statik.  Kiltir ti en keksoz ki evolye e en pti pei parey Sesel i pou definitivman annan bann lenfliyans ki nou vwar en pe partou ki pe rantre. Nou ki nou merit fer sir antretan tou sa bann lenfilyans pe rantre nou, nou pe promouvwar sa ki pou nou,  nou pe protez sa ki pou nou.  E se pou sa rezon ki kantmenm ou dir nou dir nou pa tro,  tro sir se pou sa rezon ki dernyen  Festival Kreol nou’n lans en video avek en liv lo standartizasyon ladans Nasyonal.  Ozordi nou annan en dokiman ki tou dimoun i konnen ki mannyer i pou danse.

So an gro si nou ti annan nou bokou plis larzan, nou ti kapab fer bokou plis piblikasyon – nou ti a kapab vreman promouvwar nou kiltir a sa nivo ki nou vreman anvi.

E sa ki ou’n .dir mon toutafe dakor avek ou i en konsern pou nou tou.  I annan tro bokou eksteryer i pe rantre lo nou e si nou pa prezerv sa ki pa pou nou, nou pou vin en pei an vwar de disparisyon kiltirelman e lemoman ou ganny kolonize kiltirelman ou nepli egziste konman en pep.  Mersi.

 

MR SPEAKER

Mersi Mr D’Offay.  CEO. 

 

CEO GALEN BRESSON

Mersi Chair.  Onorab mon toutafe siport sa ki Onorab ou’n dir sirtou 3enm pwen.

Personnelman ler mon’n rantre dan mon pozisyon mon’n sirpriz avek leta nou kiltir, e bokou mon bann koleg zot pa kontan letan mon dir nou kiltir in disparet, ki zot fer avek?

Akoz mon dir ler mon dir sa zot ankoler avek mwan akoz bokou zot, zot in la avan mon.  e mon dir sa fran, akoz vre culture Policy ki mon krwar li pe met an plas par PS i sipoze sey regard sa toutafe dan tou son splander.

Me zis pou lenformasyon ankor Onorab.  Mr D’Offay in koz lo la standartizasyon ladans senp.

Ladans senp e PS mon koleg i la i konnen mon krwar sa i en progranm plis ki 4an – se CINEA anba Bidze Festival Kreol i dir be non nou bezwen fer li arive.  Me ozordi nou annan en liv – en dokiman. Konmsi i annan serten bon keksoz ki’n  ganny met an plas ki nou bezwen tay avek avan nou ganny sa lenvazyon ki ou pe koz lo la.

E  nou toutafe siport sa ki ou pe dir e fotespere ki nou

Konman bann dwanye e  maintenant dan bann pozisyon ki nou été,  de nou kiltir,  nou pa les sa sap nou  dan serten letap.

Lot pwen, Festival Kreol e Latroup.  Mon ti a kontan dir ki Mr Chair ou ti la kot louvertir mersi pou vini, Onorab Flory ti la.  Bann dimoun ki mon ti’n vwar.  Se sa band ki ti pe zwe ek bann madanm msye ki ti pe dans kontredans – kanmtole sete Latroup.  Latroup Nasyonal.  Zot ki ti pe danse dan louvertir Festival Kreol.

So mon en pti pe konfize ler zot dir zot pa’n partisip dan Festival Kreol.

Apre sa zafer direksyon avek Latroup avek kekfwa mon menm personnel, currently nou’n asiz e pa tro lontan kot sa dimoun ki pe head Latroup pou lemoman, ki montre zot ladans.  I dir mwan si i annan keksoz personnel nou annan en konfli. Mon dir li non.

Mwan mon kontan keksoz ki mars drwat.  Akoz Bidze mon ki al reponn.  Tou travay ki fini avek CEO as accounting officer ki mon bezwen reponn.

En legzanp ki mon pou donnen, menm Latroup i vin devan mwan Mr Onorab mon kapab anmenn dokimantasyon e montre ou apre i dir mon zot in ganny envite pou al en exchange aletranze.

Me ler ou analiz sa dokimantasyon i annan bann issues ladan.  E menm dan sa  dokimantasyon sa dimoun i ekrir back – napa letterhead sa dimoun i ekrir back i dir eski koumsa ki mon merit ekrir sa ta let pou ou kapab – konmsi pou ou vini.

Me fodre ou fer atansyon sa.  E mon annan dokimantasyon ek mon Mr Onorab mon kapab kit ek ou pran ou leisure analize, akoz mon pa kontan kree konfli lo ki se swa avek okenn mon bann staff.  Akoz  mon montre zot parey, me nou bezwen ozordi set bann keksoz ki’n al mal, komans aranz li akoz i pou retourn lo 3enm pwen ki ou’n dir kot keksoz in pe ale e nou pe les ale e nou les li ale menm, e nou pa aranz li.

E pou mwan mon ti a kontan vwar anba Culture Policy ki byento pou sorti.  Ki par egzanp nou lekol ki montre lanmizik ladans.  Se zot ki bezwen pran tou sa bann laspe Polisi konmans enplimante dan bann lekol pli for, ki i konmans bat ragga, bat reggae, bat whatever  ki pe vin lenfliyans nou.  Se zot bezwen pran sa bann dimoun e dispers zot fortman dan bann lekol.  Ozordi mon kanmi ler mon dir be nou annan zis bal le 31 Oktob?  Be pa i en kanmizri pou en popilasyon Seselwa ?  E le 31 Oktob?

So mwan mon toutafe se sa ki mon annan pou dir Onorab.

 

MR SPEAKER

Yes CEO.

 

CEO GALEN BRESSON

Mon annan osi lot lo roofing. Roofing, nou pou i pou zis kot ICCS Onorab e apre ki nou’n investigate, nou’n realize i annan en problenm.  Sa building kot ICCS, eski son i bokou diferan avek lot kote Maison du Peuple i annan en kantite ekspoz – bann beton ki’n met ki annan fiber glass avek en bann rubber. Me tousala in fini epize.

E se pou kwa ozordi pe koul dan tou bann cracks inside.  E ozordi roofing ki nou pe al fer, mon krwar ki MHILT pe vin avek sa nouvo design.  Sa 3milyon pou konmanse i pou retir sa bann ptipti.  Akoz mannyer roofing ICCS i vini,  en bout i beton en bout i tol.  En bout i beton en bout i tol.

Me la sa bann bout beton in fini ganny bage zot le raise sa roof.  Otherwise ou bezwen refer tou sa fiber glassing enn sa bann rubber. e i pou ganny bage  bokou.  Selman i pou zis lo sa kote ICCS.  Sa mon reasir ou.  Mersi.

 

MR SPEAKER

Mersi CEO.  Onorab Ramkalawan.

 

HON WAVEL RAMKALAWAN

Yes Mr Chairman – mon pe mersi pou ou bann larepons ki nou’n gannyen, me pou mon parfwa letan nou pe koz evolye ou a krwar konmsi i pli vomye konmsi nou retourn an aryer.  Konmsi mon pe mazin Latroup Kiltirel Sesel.  Konmsi mon rapel bann gro show letan zot ti al Paris konmsi sa bann letan e apre letan ti fer isi.  Sete konmsi ti annan valer.  E konmsi se la ki mon e demande eski zot pe ganny peze ki pa pe ganny posibilite pou avanse, pou avans devan letan ki Mr Patrick Victor  ti Jean-Marc Volcy ti pe lead sa bann keksoz.

So me dan sa menm konteks lefe ki CINEA i sipoze pe promote, pe fer tousala.

Mon konsernen par egzanp mon rantre dan en lotel mon al dan en lot restoran e mon trouv de Cubain i 2 Cubain ki pe zwe.  E zot, zot la konman anploye e mon pe demande kwa ki zot pe fer si zot ti a kapab dir nou dan zot Bidze, kwa ki nou pe fer pou ki Seselwa i kapab take over pou nou repran sa eleman.  E la nou pa pe koz zis pou zot  zwe sega, moutya kanmtole.  Me pou kapab sante pou kapab fer sa bann keksoz ki i ava osi vin en sort of entertainment.  Nou annan Sud Afrique la o-bor nou par egzanp.  E nou tou nou konnen ki pou dir Sud-Africain i pe take over – i kontrol son keksoz e -i fer bann show si bezwen  sant parey Elton John si i bezwen sant  parey Neal Diamond i sante, me an menm tan osi, i bat son tanbour parey dan son fason tradisyonnel.

Tandis ki nou menm, nou asiste en kot en prezantasyon sertifika, apre sa dan milye soz ou annan en lenterval mon parfwa letan i ariv en lenterval letan mon pe get sa kalite danse ki pe vin danse oubyen zot  – mon get laba.

Ok?  So kwa  ki nou pe fer dan sa Bidze la konmsi pou promot Seselwa nobou debourye?  Apre sa mon zis annan 4 pti kestyon la ki mon’n ganny demande – en dimoun ki involve pou dir lafet La Digue par egzanp CINEA i involve li lekel ki ganny sa larzan laba?  Parski sa lannen zot in fer zot in al laba e ti napa okenn artis sorti lo sa zil ki’n vreman partisipe.

E konmsi  e ki zot travay laba e ki zot travay laba po nobou konmsi zot pe demann kestyon an relasyon ek larzan ki dan Bidze, ki mannyer i pou i ganny partaze – e ki mannyer La Digue i benefisye avek Bidze CINEA?  Mersi bokou.

 

MR SPEAKER

Mersi Onorab.  CEO.

 

CEO GALEN BRESSON

Mersi Chair Mersi Onorab. Mon a konmans avek lafet La Digue  deswit.  Me  nou problenm se ki sa lannen ankor konpare avek premye lannen nou ti rantre lafet La Digue ti ganny organize sirtou avek imput District Council.  Me pou sa premye fwa se bann businessman La Digue, ki’n deside sey zwenn avek zot DA – sey organize.  So in vin en pti pe ler nou’n kit zot nou’n dir zot ok rod zot bann show,  me mon krwar zot pa ankor konpran ki mannyer pou fer sa bout.

So 3enm lannen nou ava aranze, akoz nou ti ale pou sey gid zot e dernyen moman nou ti tonm ti napa entertainment ditou.  E zot ti’n fer en zoli progranm lo Miss La Digue sa ti vreman zoli, me lapli i tonbe.

Aprezan i annan en kantite laspe kekfwa zot pa gear towards me mon salye bann dimoun La Digue ou zot travay ansanm.  E next year nou pou met en pti pe plis travay pou zot ed zot mon ti krwar zot deza konn sa bann bout e artistikman nou pou ed zot met sa ansanm pou lafet La Digue laprosenn fwa.  E nou pou pare pou kontinyen ed zot en.  Mon pou pas laparol avek Mr D’Offay lo sa  lot bout.

 

SPECIAL ADVISOR MR EMMANUEL D’OFFAY

Mersi Mr Chair.  Onorab i annan en travay entans annefe ki pe ganny fer kot deza enn nou annan en dokiman ki regulate artis ki i antre dan pei ki osi – pa zis fer show, me bann ki pe vin dan bann lotel e apre i ganny process par lezot sa.  E nou, nou pe vin en pe pli   strikt.

Dezyenmman nou fek National Arts Council fek fini fer en resers lo konbyen Seselwa nou annan en resers ek statistik konbyen band oubyen konbyen group ki pe perform dan lotel e konbyen kantite bann lotel ki annan etranze ki pe sa.  E nou pe al servi sa dokiman pou back up nou request, pou ki nou fer en papye tre entans e nou prezant li avek Cabinet of Ministers kot once kot in aprouve, tou dimoun – akoz sa zafer band rantre i pa pou konsern i pa zis CINEA avek Minister Kiltir, i annan Departman Imigrasyon – i annan kot i donn GOP.  So nou tou nou bezwen travay ansanm pou nou kapab anpes li, akoz i annan ase band Sesel ki kapab zwe dan bann lotel.  Mersi.

 

MR SPEAKER

Mersi Mr D’Offay.  Bon in ariv en moman pou nou pran en desizyon, pou pran en vot lo Bidze pou CINEA – Creative Industry and National Events Agency pou en sonm R37, 240 milyon e ki dan Schedule lo paz 166 ziska 170.  Mon a demann tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair 22 Manm in vot an faver e personn kont.  Mersi.

 

MR SPEAKER

Bon savedir Bidze pou CINEA pou 2019 in ganny aprouve par Lasanble Nasyonal.  PS Thesee nou annan enn de pti vot pou nou bezwen pran  la – non?

Ok.  Mon krwar nou kapab eskiz CINEA CEO Bresson ek son lekip ki konkri Mrs Pierre avek Ms Chetty nou kapab eskiz zot, PS Kiltir avek Special Advisor i ava reste.  Nou annan Arts National Council, Creole Institute pou nou pran.  Nou pou fini avek sa bann pti vot apre nou fer en sel.  Ok nou ava  remersi CINEA e nou ava eski zot parmi nou.

 

 

(CINEA DELEGATION WAS EXCUSED FROM THE HOUSE)

 

MR SPEAKER

On PS Thesee ou ava gid ou.

 

REGIONAL MARITIME SECURITY BODIES

 

PS DAMIEN THESEE

Mersi Mr Chair i annan 3 vot ki bann lorganizasyon pa pe ganny kriye.  Premye lo paz 99 a paz 104 pou Regional Maritime Security Bodies pou en sonm R9, 697milyon.

 

MR SPEAKER

Mersi PS Thesee.  Mon krwar i ti pou tonm ansanm avek Defans Lapolis non ek Lapolis mon krwar plizoumwen – non?  I tonm anba non, non i tonm anba direksyon Minis Dezinyen.

Bon Regional Maritime Security Bodies paz 99 a 104 pou en sonm R9, 697milyon i form par dan sa Schedule mon ava demann tou Manm ki an faver?  Sa i bann bodies ki nou ti agree ki nou pa pe kriye.  Nou pa pe apele pou vin dan Lasanble akoz napa okenn gran problenm avek zot.  Tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair 16 Manm an faver personn kont.  Mersi.

 

MR SPEAKER

Mersi savedir Bidze pou Regional Maritime Security Bodies pou 2019 i ganny aprouve par Lasanble Nasyonal.  Prosennman PS Thesee.

 

SEYCHELLES HERITAGE FOUNDATION

 

PS DAMIEN THESEE

Mr Chair nou a pran paz 176 ziska paz 180 pou Seychelles Heritage Foundation pou en sonm R7,465milyon.

 

MR SPEAKER

Mersi PS Thesee.  Bon nou pran en vot lo Bidze pou Seychelles Heritage Foundation sonm R7,465milyon  i form par dan sa Schedule paz 176 a paz 180. Tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair eskize, 17 Manm in vot an faver e personn kont.  Mersi.

 

MR SPEAKER

Mersi savedir Bidze Seychelles Heritage Foundation pou 2019 in ganny aprouve par Lasanble Nasyonal.  PS Thesee.

 

NATIONAL ARTS COUNCIL

 

PS DAMIEN THESEE

Mr Chair dernyen i pou National Art Council, lo paz 181 ziska paz 184 pou en sonm R11,639 milyon.

 

MR SPEAKER

Mersi PS.  Bon nou pou pran en vot pou National Arts Council pou en sonm R11,639milyon ki trouve dan Schedule lo paz 181 ziska 184.  Mon a demann tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair 14 Manm an faver, personn kont.  Mersi.

 

MR SPEAKER

Mersi savedir Bidze pou National Arts Council pou 2019 in ganny aprouve par Lasanble Nasyonal.  Se tou PS ozordi?

Bon mersi  PS Thesee.  Bon mon ti a kontan remersi Minis Dezinyen Mrs Mondon pou pas lazournen avek nou ozordi.  Nou ti a kontan remersi Mr D’Offay Special Advisor, PS Kalebi, e nou ti ava eskiz zot parmi nou.

 

(THE DESIGNATED MINISTER AND HER DELEGATIONS WAS EXCUSED FROM THE HOUSE)

 

MR SPEAKER

Bon PS zis petet remind nou demen nou konnen nou pli zou mwen azour avek nou Schedule demen ki mezir nou pe pran ki Departman.

 

PS DAMIEN THESEE

Mersi Mr Chair. Demen nou pou konmans avek Lenstiti Kreol 9er swivan par Departman Local Government apre DRDM – Department of Risk and Disaster Management.   E dernyen Seychelles Fire and Rescue Service Agency.  Mersi.

 

MR SPEAKER

Ok mersi, mersi bokou PS.  Mon ti a kontan osi enform bann Manm Komite Defans, ki Komite pe rankontre demen avek bann zofisye Defans e ansanm avek PS Thesee avek bann zofisye kot Minister Finans.  Rankont meeting pou fer 7er bomaten dan Committee Rm 3 – ok.  Sa pou sey finaliz bann depans lo Bidze Minister Defans.

Ok so demen bomaten Komite Defans Committee room 3 7er bomaten.

Bon avek sa mon ti a kontan remersi tou bann Manm remersi bann manm piblik ki’n a lekout ki’n swiv travay Lasanble Nasyonal en mersi spesyal pou PS Thesee pou Ms Verghese, Ms Tamatave ki’n avek nou pandan lazournen e ankor en gro mersi pou SBC.  E nou ava adjourn e nou ava repran nou travay demen 9er bomaten.

 

(ADJOURNMENT)