Home » Verbatim » 2018 » Verbatim Monday 26th November, 2018

Verbatim Monday 26th November, 2018

NATIONAL ASSEMBLY OF SEYCHELLES

Monday 26th November, 2018

The Assembly met at 9.09am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab.  E bonzour tou manm piblik ki a lekout e pe swiv travay Lasanble Nasyonal.  Mon ti a kontan dir en bonzour spesyal pour Minis Maurice Loustau- Lalanne, Dr Steve Fanny, Mr Paul Robert, ok e mon napa lot, mon napa pour sa lot zofisye.  Me madanm welcome parmi nou, bann zofisye Dr Fanny avek Mr Robert e sa mademoiselle zot sorti kot Financial Services Authority e zot in ganny akonpannyen par Minis Loustau-Lalanne me lefe ki bomaten travay ki nou pe al fer i en travay ki en Manm Prive ki pe move sa Bill, se sa rezon ki zot pe reste lo sa side table e zot pa pour vin lo panel devan.

Bon parey mon ti anonse Vandredi, bomaten la nou pour enteronp nou travay normal ki nou ti pe fer lo deba lo Bidze akoz i annan en Private Member’s Bill ki pe pran presedans, ler nou pou’n fini avek sa Bill nou pour fini dispose of, nou pour kapab retourn nou dan kontinyasyon deba lo bann Minister ek bann Lazans ki reste lo nou Schedule. Alor mon ava donn laparol Onorab Deputy Speaker Onorab Ahmed Afif pour li move son Mosyon.

 

HON AHMED AFIF

Bonzour Mr Speaker.  Bonzour tou bann Manm Lasanble e tou dimoun a lekout. Mr Speaker mon ti a kontan tou dabor anba Order 91 (1) (2 )e (3) demann ou permisyon pour sispann deba lo Appropriation Bill pour permet ki Lasanble i fer Second Reading lo mon Private Members Bill apele International Business Companies (Amendment) Bill, 2018.

 

MR SPEAKER

Mersi Onorab Afif.  Okenn Manm ki segonde?  Yes Onorab Ferrari.

 

HON JEAN-FRANÇOIS FERRARI

Seconded Mr Speaker.

 

MR SPEAKER

Mersi Onorab Ferrari.  Bon i annan en Mosyon devan nou pour sispann anba 91, pour sispann Standing Orders kot nou kapab deal avek sa Private Member’s Bill.  Nou ava pran en vot lo la si napa okenn deba?  Ok nou ava pran en vot tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Speaker.  Bonzour tou bann Manm.  13 Manm in vot an faver e personn kont.  Mersi.

 

MR SPEAKERBon Mosyon in ganny aprouve.  Nou ava al direkteman lo Second Reading.

 

HON AHMED AFIF

Mersi Mr Speaker.  Mr Speaker avan mon komanse mon ti a kontan enform Lasanble e piblik ki pe ekoute ki i annan en lot lamannman avek sa Bill ki devan nou ki mon pour prezante pandan Staz Komite ler nou pe regard sa Bill.  Me sa bann lamannman i pour bokou pli kourt, sa bann lamannman pour retir paragraf a, b, avek g dan Clause No. 2 sa lamannman.

Mr Speaker parey Lord 67 (1) i demande mon’n deza prezant ou Biro e Biro Clerk avek en kopi sa lamannman an ekrir deza le 23 Novanm pour asir konformite avek prosedir lo Bills; setadir ki nou bezwen donn Clerk e Speaker Lasanble 72erdtan Notice.  Alors les mwan fer en rezimen la.  Bi sa lamannman ki devan apre ki serten ki dan Bill nou’n kit 2 kote.

Mr Speaker Lalwa IBC ti premye vin an fors an 1994.  Set en morso Lezislasyon ki permet Lakonpannyen Offshore ou enternasyonal ganny anrezistre isi Sesel.  Sa bann Lakonpannyen i swiv menm prosedir ek lanrezistreman bann tel Lakonpannyen dan larestan lemonn.  Sa bann Lakonpannyen pa ganny drwa fer biznes Sesel malgre ki zot anrezistre isi Sesel, zot bi alor se pour servi Sesel koman en sant formasyon e lanrezistreman e zesyon e sa i permet zot kapab benefisye e diversifikasyon zot bann byen e lo en lot kote permet en nivo konfidansyalite pour bann ki pa anvi zot Direkter ou zot propriyeter vin dan domenn piblik.

sa set en pratik ki’n egziste pour plis ki 40an dan plizyer pei dan lemonn ziska ozordi, kot serten Lakonpannyen i gard sa bann lenformasyon koman prive.  Me sa bann lenformasyon malgre ki i prive, i bezwen touzour ganny mete a laporte bann Lotorite parey Lakour, Lapolis, FIU ou Lotorite Tax.  Sa lendistri in devlope pandan sa dernyen 24an.  Me an 2016 avan nou Lasanble sa Lalwa ti ganny refer konpletman e vin sa ki nou apel devan nou International Companies Act 2016.  2an i annan.  Me dan sa nouvo Lalwa 2016, Gouvernman ti entrodwir en nouvo provizyon anba Seksyon 152 ki prezan i obliz sa bann Lakonpannyen deklar piblikman zot lalis Direkter.

Akoz i ti en sanzman sitan enportan e mazer, Lalwa ti permet bann Lakonpannyen ki’n deza anrezistre, ziska 2an pour fer sa bann deklarasyon ofisyel.  Sa 2an i fini le 01 Desanm 2018 ki pa tro lwen avek nou; ki vedir si sa Lalwa i reste parey i ete, apartir le 01 desanm sa lannen tou bann Lakonpannyen Offshore e nou pe koz plis ki en 100mil Lakonpannyen pour bezwen deklar dan Rezis Ofisyel tou zot lalis Direkter.  Si sa i arive sa bann Lakonpannyen pour nepli annan en vre bezwen pour zot reste Sesel, akoz tou larestan pei dan lemonn lo sa servis i ofer konfidansyalite – avek serten provizyon byensir kot sa bann lenformasyon parey mon’n dir taler i “touzour” mon repete “touzour” alaporte Lotorite, me napa nenport Manm ki piblik ki kapab ganny akse avek.

Se pour sa rezon ki mon premye lamannman i enportan.  E se la ki mon propoz en nouvo Seksyon 152 ki ganny amande pour dir senpleman ki lalis Direkter i reste en lobligasyon pour ganny file ek Lotorite, me i pour aksesib selman avek Lord Lakour en Lalwa par en Regilater, Lazans sa Lakonpannyen ki nou apel Registered Agent ou nenport ki dimoun ki Lakonpannyen li menm i permettez atraver son Lazans.

Par egzanp si en Labank i demann sa lenformasyon son Lazans i pour donn li, akoz li i bezwen ouver en kont e i bezwen donn lenformasyon avek sa Labank.

Answit i annan provizyon pour serten fines si sa pa ganny swiv, savedir zot pa file zot lalis Direkter e bann fine i redwir sorti $500 Dolar e $50 Dolar pour vin $250 Dolar e $25 Dolar si ou an retar.

2enm lamannman Mr Speaker i dan Seksyon 275 ki konsern peryod letan apre ki en Lakonpannyen ki’n ganny strike-off avan i kapab ganny deklare koman ‘dizourd.’  dan mwan lamannman mon pe ogmant sa peryod pour vin 7an olye 5an, e sa se pour permet sa bann ki ti pe atann sa 2an plis ki sa 5an ki zot ti’n strike-off pour zot kapab retourn lo Rezis ofisyelman.  Me mon pe osi propoze ki zot pa pour kapab retourn lo Rezis si zot in ganny strike-off akoz zot in kas Lalwa an fezan biznes isi Sesel ki zot pa sipoze, oubyen zot in fer frod, oubyen zot in afekte repitasyon nou pei.  La kantmenm zot in fer 7an zot pa pour kapab ganny re mete lo lalis Rezis Ofisyel.

Mon dernyen lamannman i senpleman pour met azour provizyon anba Seksyon 352 ki fer referans avek lalis Direkter kan piblik pe rod lenformasyon ki sa i reste konfidansyel.  Sa i swiv premye lamannman.

Vwala Mr Speaker sa se an gro sa bann lamannman ki mon’n anmenn devan senpleman akoz lendistri in apros mwan e plizyer Manm dan lendistri enkli SIFSA ki reprezant lendistri e zot Chairperson e zot Board.- FSA Financial Services Authority atraver son CEO Dr Fanny e son Board osi ki’n osi dir mwan ki san sa, Sesel pour perdi son latraksyon koman en sant biznes e sirtou en Sant Lanrezistreman.

Sa pour nou i vedir en gran pert dan reveni.  Ozordi Financial Services Authority i donn Gouvernman dividends preski R50milyon par lannen.  Lontan e mon dir sa avek respe avan bann Irlande ti fer per bann envestiser e biznes, FSA ti kapab donn nou ziska R100 milyon par an, me biznes in desann.

Ozordi kan nou biznes pe redwir, BVI pe akseler-e malgre ki lannen pase zot in ganny detrir konpletman avek en siklonn. I parey dan lezot ziridiksyon kot zot annan lezot lavantaz ki nou nou’n napa.  Par egzanp, zot pre ek bann gro marse tel ki Bermuda i o bor Lanmerik, Hong Kong i o bor La Chine/Singapore i o bor Lazi avek son bann milye profesyonnel pour travay; Maurice avek en relasyon spesyal ek L’Inde atraver son avoidance of double taxation – ki atraver sa zot fer de bilyon de Dolar tranzaksyon.

Zot osi zot annan profesyonnel dan lezot prodwir tel ki funds management oubyen trust management, ki nou napa osi sa bann kalite dimoun – sa kantite sirtou.  Sesel nou napa sa lavantaz, alors nou pe fer esansyelman en aktivite ki apel lanrezistreman.  Si nou deside ferm sa aktivite akoz move Lezislasyon, sa Sekter e omwen 1, 000 profesyonnel ek travayer Sesel pour bezwen rod en lot travay; pa bliye ki zot donn bokou travay pour Lakonpannyen Telekominikasyon, Lapos, e Courier, Taksi zot anploy travayer domestik, i annan ki zot zanfan i pey lekol prive, zot lwe lakaz.  Mr Speaker set en lendistri ki Sesel pa kapab perdi.  E ki pour mwan i vo omwen 3 a 4poursan nou GDP.

An term Roupi se preski 500 a R600 milyon.  I devret vin bokou pli gro, me ni 1poursan mwan mon dir, ni 0.1poursan nou pa devret perdi.  Ansanm avek Financial Services Authority e bann profesyonnel annou apiy sa lendistri pour nou refer li monte.

Mwan mon’n vwar sityasyon e kan mon’n vwar Gouvernman pa’n kapab anmenn en tel lamannman a tan, mon’n deside fer li e reponn a lapel sa lendistri e son Regilater pour fer sa bann lamannman.

Mon demann tou Manm pour siport sa lamannman e pour nou kontinyen fer marse sa lendistri e fer marse sa ki kapab vin en gro 3enm pilye nou lekonomi.  Mersi Mr Speaker.

 

MR SPEAKER

Mersi Onorab Afif.  okenn Manm ki segonde?  Yes Onorab Ramkalawan.

 

HON WAVEL RAMKALAWAN

Bonzour Mr Speaker.  Bonzour tou dimoun.  Mr Speaker mon ti ava kontan segonn sa Private Member’s Bill, me selman par kourtwazi olye ki mwan mon koze la, mon ti ava plifere sed mon privilez pour koze, pour pli tar, mon ava plito les en Manm lo lot kote pour nou kapab konnen ki zot lopinyon lo la, pour nou kapab bouze, alors mon sed sa plas pli tar mon ava koze pour ki en Manm lo lot kote latab i pran laparol.  Mersi bokou.

 

MR SPEAKER

Mersi Onorab Ramkalawan. bon d’habitude osi tou, tou bann Bills i ganny scrutinize par Bills Committee e i annan en rapor ki ordinerman Chair i fer sorti, mon krwar Onorab Sebastien Pillay ou’n ganny dedye pour zis petet fer mansyon rapor kwa ki Bills Committee in vwar with regards to sa Bill ki devan nou.  Onorab Sebastien Pillay.

 

HON SEBASTIEN PILLAY

Mersi Mr Speaker sorry, mon pe mazinen nou ankor dan sa Staz Komite pe koz, pe deal ek Bidze.  Bonzour tou Manm Onorab, bonzour tou dimoun ki pe ekout nou isi oubyen aryer.  Mr Speaker sa Prozedlwa in pas dan Bills Committee rightly, so in annan bann diskisyon lo Bills as to sa Prozedlwa.  Fodre soulinyen ki pandan sa meeting Bills Committee ti annan prezans Lotorite konsernen which is FSA e osi prezans parent Ministry FSA which is the Ministry of Finance ki ti dan sa meeting.  Pandan sa meeting nou’n konsider bann diferan provizyon dan sa Lalwa ki relye avek si oule mentenir serten pozisyon pour asir konpetitivite dan sa Sekter.

Mr Speaker mon oule dir avan tou ki mon pour koz la from pozisyon Bills Committee me ou a permet mwan Mr Speaker pour donn mon pozisyon personnel lo sa Prozedlwa osi as well.

Pozisyon Bills Committee se ki premyerman – enn – sa i en Private Member’s Bill e parey mover Mosyon, mover sa Bill in fer kler i annan bann lamannman ki’n ganny propoze.

E se dan sa konteks ki Bills Committee in konsider bann lamannman ki bezwen ganny fer, e mon krwar sa in ganny kominike atraver en rapor ki’n ganny anvoye kot tou bann Manm in ganny sirkile par Deputy Clerk, tou Manm in ganny sans lir, e Onorab Afif in koz lo bann lamannman ki in propoze.

Dezyenmman pozisyon Bills Committee i baze lo pwen ki’n ganny souleve par Regilater which is a FSA, i montre poudir sa Lalwa ou al siny, i al ver fer serten lamannman dan IBC Act International Business Companies Act i an akord avek bann provizyon Konstitisyonnel, i an akord avek bann provizyon ki parey Bills Committee toultan regarde si en Lalwa in meet sa standar avan i met devan Lasanble.

So sa i an gro i pozisyon Bills Committee e Onorab Afif prezan li in fer son devwar as en Private Member move in the Bill pour li fer bann lamannman ki ti bezwen ganny fer.

Lo sa Prozedlwa li menm ler ti vin devan nou Mr Speaker, lo mon pozisyon personnel, mwan mon pwennvi personnel lo sa size in toultan ki nou bezwen anmenn plis latransparans dan en Sekter ki pour bokou letan in anmenn bokou konsern pour pei, but at the same time pei in deside pour li diversifye son baz ekonomik pour anmenn servis finansyel as an additional to what to ki nou kapab gannyen avek nou lekonomi.

Mon krwar Sesel enn bann keksoz ki nou annan ki marse pour nou, se ki nou annan en human capital ki’n devlope e parey bokou lezot pei ki’n envestir dan son human capital parey Singapore, se dan sa laliny ki nou bezwen pe toultan pe regard lafason ki nou kapab grosi nou lekonomi anmenn diversifikasyon nou lekonomi.

I pa posib ozordi pour nou koz lo diversifikasyon Lekonomi lo en baz par egzanp extractive Industry, akoz nou napa delwil – nou pa ankor vwar delwil; nou napa bann mineral parey bann lezot pei i annan e sa i en area ki nou’n al ladan.

E la kot i vin en konsern akoz sa Sekter zeneralman ler nou regard dan lemonn antye, i ganny vwar koman en Sekter a risk, i ganny vwar a risk par bann pei akoz zot santi poudir sa Sekter i ganny servi parfwa par bann endividi pour zot kasyet zot larzan oubyen pour zot avoid tax.

E the main issue mon krwar in vin sa avoidance of tax.  E se pour sa ki ou vwar poudir resaman nou ti pe koz lo base erosion of profit shifting ki basically vedir poudir si ou annan en Konpannyen ki pe fer aktivite par egzanp dan en gran pei L’Angleterre, sa Konpannyen i set up bann, en lot Konpannyen Offshore e i servi sa Konpannyen pour li tranzaksyon son larzan san ki i pey bann konponan tax ki sipoze peye dan sa pei.

E se sa konsern ki’n ganny souleve e se sa rezon ki an 2016 prezan bokou bann pei ti met lanfaz lo bann diferan ziridiksyon pour zot anmenn sa provizyon Lalwa pour fer sa Rezis bann Direkter vin piblik.

Me nou’n vwar osi ki in annan bokou rezistans from bann diferan pei, an relasyon avek sa – bann diferan ziridiksyon e rezistans in vin pa zis lo nivo latransparans, me sa bann pei osi in eksprimen poudir malgre ki bann gran pei pe demann bann pti pei, bann pti ziridiksyon pour comply avek sa provizyon, pa sa provizyon, me sa prensip pour annan sa full disclosure, bokou sa bann gran pei zot, zot pa pe fer li. Lanmerik i pa pe fer li, L’Angleterre pa pe fer li.

E prezan nou, nou problenm Sesel nou, se ki nou depandan en kantite lo lafason ki sa bann gran pei i regard nou.  Sa i enn bann problenm ki nou annan, e souvandfwa bann pti pei ou ganny balote isi ou laba akoz sa bann gran pei i parfwa zot ban rezim tax ki dan zot pei, i pa pe permet zot pour zot kapab tyonbo sa bann Konpannyen ki zot santi pe al aletranze.

E se pour sa rezon prezan ki zot al enforce compliance atraver lezot pei pour met sa bann provizyon.  E se sa lamannman ki nou pe fer dan Lalwa.  Me lo en baz prensip dan lonterm – dan lonterm pour Sesel eski i pour ariv en moman kot nou pour bezwen al ver sa kot nou pour annan sa full disclosure, kot nou pour annan sa akse piblik avek sa bann lamannman?

Akoz sa i al ver en risk lo nou repitasyon.  E sa risk i anmennen, i anmenn par egzanp bann sanzman dan bann lapros banker par egzanp kot i konsern bann corresponding banking relationship, ki pour nou i enportan si nou pe dir par egzanp, par egzanp en etidyan i al deor pour ou kapab anvoy larzan kot li, ou bezwen anvoy atraver en Labank, ou atraver remittance e si Labank pa pe kapab ganny sa bann relasyon onwards pour transfer sa larzan, i vin en difikilte pour nou.

So se sa bann risk ki vin avek.  E se pour sa rezon lo en pwennvi personnel lo sa Prozedlwa mwan mon’n toultan advocate pour ki nou annan plis transparans.  Me bann eksper dan sa sekter zot in regard sa Sekter pa zis lo en pwennvi transparans, me zot in regard sa Sekter lo en pwennvi konpetitivite.  E se la kot zot in baz zot largiman in regards to Prozedlwa.

Mon lot pwen ki enportan pour mwan, se ki inisyalman ler sa Prozedlwa ti pe vini, i ti pe osi tous en lot eleman ki konsern beneficial ownership.  E i ti pe retir serten provizyon an se ki konsern beneficial ownership e se la osi tou kot mwan mon annan en konsern kot nou bezwen be very careful.  In annan en attempt a sa moman la pour nou fer serten lamannman in regards to beneficial ownership, e nou tou nou’n tonm dakor poudir i pa moman pour fer li apropriye, akoz nou kapab pe met nou dan en sityasyon pli konplike.  Kwa ki mon pe sey dir Mr Speaker?

Ler ou form en Konpannyen ou annan bann dimoun ki vin sa Direkter, be apre ou annan sa dimoun ki li i benefisye ek sa Lakonpannyen, e sa Lakonpannyen esansyelman i pour li.

Sa Sekter i fer ki sa dimoun ki benefisye atraver sa gran Konpannyen son beneficial owner, i bezwen osi ganny konnen par bann Lotorite konsernen.

Akoz ler i annan bann lenvestigasyon non sa dimoun i monte i bezwen posib pour bann diferan Lazans bann Lafors enternasyonal pour kapab al rod bann lenformasyon, e trouve si sa dimoun par egzanp ki li i annan en Konpannyen meton Maurice ki dan Sekter Offshore Maurice i osi annan en Lakonpannyen Sesel, i annan en Lakonpannyen elsewhere.

        Mr Speaker mon pozisyon lo sa Lalwa ti pour en ferm, ferm si nou ti’n gard sa provizyon Lalwa, me nou’n retir sa provizyon Lalwa ladan, e mon kontan ki mover sa Lalwa in retir sa provizyon ladan akoz sa ti pour afekte nou davantaz.  E se la kot mon konsern i vini Mr Speaker.

Mon konsern i vini se ki mon vwar poudir Sekter pa pe regard balans ki zot devret maintain.  Nou oule absolute secrecy ki dan en Sekter ki going forward nou bezwen rod en fason pour nou fer sir nou kapab regulate li.

Nou kontan ki FSA pe fer zefor dan sa direksyon, me i annan en ta zefor adisyonnel ki nou bezwen fer pour nou asire ki nou police sa Sekter byen; ki nou protez repitasyon Sesel, ki nou protez Lekonomi Sesel, ki nou protez sistenm finansyel Sesel kont bann dimoun ki kapab servi sa Sekter pour zot vin fer bann aktivite oubyen kasyet zot larzan atraver, ki zot in gannyen atraver bann aktivite ki pa neseserman toultan si oule dir legal.  Ok?

E en lot pwen enportan se ki mon krwar mon oule lans en lapel avek sa Sekter dan trade – e mon’n ganny bokou diferans ek zot akoz mon ganny sans enterakte ek zot, mon’n konpran serten keksoz ki zot pe pas ladan, me lo en lot kote i annan en keksoz ki zot pa pe vwar.  Par egzanp sa size tous beneficial ownership pour fer ki i vin sitan dan kasyet si oule, i pour dan lonterm afekte Sesel; i pour dan lonterm afekte Sesel e i enportan ki as far as practicable Rezistrar e Regilater sa Sekter ki FSA i annan akse ek sa lenformasyon e akse sa lenformasyon, i devret ganny maintain parey i ete ozordi.

Mr Speaker mon oule osi si oule ek Lasanble ki rapor, rapor lo Sesel an se ki konsern bann risk ki riske annan dan nou Sekter in sorti; i annan bann diferan keksoz ki Sesel i bezwen aranze ki Minister Finans pe vin avek bann Prozedlwa pour fer bann lamannman neseser lo la, e tou sa lamannman i al dan laliny pour nou kapab kontinyen protez nou Sekter Finansyel.

E mon oule termin lo en pwen Mr Speaker ki mon ti ganny sans ganny en konversasyon avek en Accountant, en dimoun ki mon krwar in dan Sekter Accounting Sesel pour en bon pe letan, i en dimoun ki very well respected dan sa Sekter letan nou ti pe diskit en Lalwa e i ti dir mwan en keksoz enteresan; i dir mwan koumsa poudir ou konnen nou problenm Sesel se ki ok nou’n met sa Sekter an plas, nou’n met bann provizyon an plas, me li i santi poudir par egzanp si nou get Registrar of Companies kot nou al Registrar la Anvil la ok, nenport dimoun i kapab ale al kot Rezistrar ozordi ganny lenformasyon lo lekel ki own lekel Konpannyen ki kot Rezistrar Anvil – nenport dimoun i kapab ale fer li.  E tou sa bann Direkter ou kapab gannyen.  Me dan Sekter Offshore ou pa kapab fer li ou bezwen go through the Registrar rightly so, akoz i annan bann eleman konfidansyalite pour fer ou Sekter konpetitiv – ya.

Be lot pwen enportan Mr Chair se ki tou sa bann Konpannyen i pey tax dapre bann rezim tax ki’n ganny etabli sa bann Konpannyen i kot Rezistrar.

E dapre sa Accountant e mon konpran son largiman i se ki, kan eski nou pour deside pour nou anmenn en tax ki proportionate avek Sekter Offshore avek Sekter Finansyel enternasyonal?  Kan ki nou pour anmenn en tax ki proportionate avek lafason ki nou’n evolye avek sa Sekter ozordi?

E li son largiman Mr Speaker i se ki ozordi sa Sekter nou pa pe kolekte from en perspektiv tax, nou pa pe kolekte ase parey zot pe kolekte.  Mon krwar i annan plizyer Manm ki ti dan sa meeting Bills Committee kot sa Msye ki en Avoka, pa en Avoka me ki i en Accountant tre respekte ti pe koz lo la.

E mon tant pour mon konpran ki largiman i pe avanse lo la.  E sa i mon bann pozisyon Mr Speaker parey mon’n dir, mon bann pozisyon personnel.  E lafason ki mwan mon vwar sa Sekter, mon pa en lennmi sa Sekter, me mon konsernen ki parfwa sa Sekter petet i kapab poz serten risk e nou bezwen fer tou fason pour nou mitigate sa bann risk ki sa Sekter i poze pour nou.  Sa i mon kontribisyon lo sa Prozedlwa Mr Speaker.  Mon a ekoute ki lezot Manm i annan pour dir lo la.  Mon krwar mon’n fer kler pozisyon Bills Committee e mon kontan, mon tre kontan pour vwar ki mover sa Private Member’s Bill in retir sa provizyon (G) dan sa Lalwa e sa i fer ki sa Lalwa i bokou pli palatable si ou kapab servi sa term.  E mon a regarde ki mannyer keksoz i ale Mr Speaker.  Avek sa mon remersi ou pour donn mwan laparol e mon remersi lezot Manm pour ekout mwan.

 

MR SPEAKER

Mersi Onorab Sebastien Pillay. Okenn lezot Manm ki oule entervenir lo sa Prozedlwa ki devan nou?  Onorab Ramkalawan.

 

HON WAVEL RAMKALAWAN

Mersi bokou Mr Speaker. Mr Speaker avan mwan koze mon ti ava kontan ou konnen nou pei pe pas dan en sityasyon en pe fatigan pandan wikenn in annan 3 dimoun ki’n perdi zot lavi ki’n, i annan ki’n komet swisid e la bomaten mon fek ganny en mesaz la, i annan en lot zenn onm ki’n perdi son lavi, ki’n pran son lavi.  Alors i, pour mwan i fatigan – i trakasan, e koman en Lasanble Nasyonal mon krwar i enportan pour nou anvoy en mesaz deor pour dir ek bann dimoun konmsi pa zis pran zot lavi, me i annan lespwar e alor konmsi malgre bann difikilte pa pran sa koman en opsyon.  E an menm tan Mr Speaker mon profite pour avek pour tou bann fanmir ki pe pas dan sa bann sityasyon difisil pour eksprim nou sipor e nou solidarite

Mr Speaker sa Bill premyerman i en bon linisyativ – e la mon ti ava kontan felisit Onorab Afif ki pe anmenn en morso Lezislasyon ki sitan enportan pour nou pei devan pour nou kapab aprouve koman en Lasanble Nasyonal.  E pour montre son lenportans e an menm tan osi konsiltasyon ki Onorab Afif in fer avek bann, avek sa Sekter dan nou Lekonomi, nou vwar ki bann diferan Lorganizasyon zot in pran sa lamannman o serye.

E la mon anvi remersye Minis mon osi tou pour son prezans Minis Finans ki anba ki sa morso Lalwa i tonbe dan son responsabilite pour li en Lendi bomaten vin la prezan pour li partaz dan deba lo en Private Member’s Bill.

E zisteman Mr Speaker son lenportans sa morso Lezislasyon ki Onorab Afif in anmenn devan, i ganny demonstre par desizyon ki Lasanble i pran pour li sispann deba lo Bidze, e si nou pe pran, si nou’n pran sa desizyon pour nou sispann deba lo Bidze pour nou pran sa Bill se zisteman akoz i annan en sans irzans dan sa Bill.

Si nou pa pas li avan le 01 Desanm pour annan serten reperkisyon ki kapab grav.  E alor nou, sa lespri irzans e la mon bezwen dir ki mon bezwen osi balans sa an relasyon avek Gouvernman ki petet en Bill parey ti’n devret vini depi pli boner dan lannen – pour nou pa esper ozordi le 26 dan detrwa zour Novanm i fini e le 1 desanm parey nou pe dir ti pour annan bann konsekans pour nou pei.

Alor Onorab Afif mersi bokou.  E Mr Speaker sa osi tou i montre sa lespri avek ki nou dan LDS nou pa pe regard zis serten laspe nou pei, me nou regard tou laspe nou pei e ki mannyer nou kapab ede pour fer nou pei avanse.

E dan sa staz kot nou ete parey ou menm ou, ou konnen LDS in anmenn plizyer bann Private Member’s Bill pour nou fer bann lamannman dan bann Lalwa e nou pour annan ankor bann Private Member’s Bill kot letan nou santi ki keksoz pe mars tro dousman, pour nou kapab anmenn zot devan parski apre tou se nou pei Sesel ki enportan.

Mr Speaker fodre pa ki Sesel i perdi son latraksyon e Onorab Afif in fer sa byen resorti dan son prezantasyon.  Fodre ki Sesel i rod tou loportinite pour li devlop bann diferan lendistri, nou en pti pei en lakonpannyen enternasyonal dan lemonn i annan plis travayer ki nou popilasyon Sesel.

Me nou Sesel Mr Speaker akoz nou pa kapab rantre dan bann gran lendistri baze lo nou grander, baze lo nou popilasyon li menm e letan ou regarde menm dan Lendistri Konstriksyon nou bezwen ganny bokou bann travayer etranze ki vin isi, sa i montre nou ki nou bezwen toultan rod bann lezot opsyon; bann lezot opsyon ki pour permet nou kapab byen servi resours ki nou pei i annan, annan bann stratezi ki kler; annan bann stratezi ki pour permet nou dan nou ptipti ki nou ptipti fer larzan rantre dan nou pei pour nobou soutenir nou lekonomi.

E zisteman Offshore i enn sa bann latraksyon. Offshore business ou pa bezwen anploy 90mildimoun pour ou run li.  En biro Offshore parfwa i annan zis 3 dimoun ladan, 4 dimoun ladan, 10 dimoun, e bann i en lendistri ki byensir atrakte en serten spesyalite.

E pour mwan se la osi tou kot nou devret koman en pei non selman rod, oubyen plito anmezir ki nou pe donn ledikasyon nou pep pour nou kalkil spesyalite, spesyalite a fen ki nou bann zenn i ganny sa bagaz neseser e atraver sa rantre dan en lendistri kot son lapey ki i anmenn dan lakour pour bon, son travay ki i pe fer pour donn li satisfaksyon i ava kapab devlop son fanmir ganny stabilite.

Me an menm tan ki i fer tousala pei i benefisye e pei i ranmas sa ki neseser pour li kapab re envestir dan sa pep.  Alors ki parey nou dir an Angle i vin win-win situation.  E sa lendistri malerezman pandan bann lannen in ganny tap en pe isi, tap en pe par laba, me la mesaz ki nou lo nou kote nou pe anvoye atraver sa Bill ki Onorab Afif in prezante, ansanm avek bann akter dan sa lendistri, pou dir nou pa kapab ganny li mal!

Nou bezwen ganny li byen e letan nou ganny li byen pour ki nou non Sesel i pa aparet lo okenn lalis ‘Nwanr’, okenn Blacklist anymore, me ki nou fer keksoz above board; nou fer keksoz byen e sa i ava kapab ed nou pei pour li avans devan.

Akoz Mr Speaker kot nou’n arive la bann letan kot fer bann keksoz en pe anba latab, en pe tord, tord e apre donn nou pei move repitasyon, sa letan in fini.  Fodre ki nou fer keksoz byen e atraver sa ki nou pour atire?  Nou pour atir larzan prop! Clean money!  Pour ki Sesel pa trouv li koman en Leta ki pe ganny regarde koman enn kot money laundering i ganny fer, enn ki bann tranzaksyon en pe mal, mal i pase e ki sa i fer?  Finalman nou ganny pini.

E ozordi Sesel zisteman i ankor anba pinisyon! Letan nou pe koz correspondence banking e mon konnen ki poudir sa i enn bann traka pour Minis Finans parske i pe anpes nou kapab devlop dan en serten direksyon, serten Labank ki mon konnen, zot in ganny serten difikilte pour zot nobou kapab ganny sa correspondence banking akoz i annan sa nyaz nwanr ki par lao nou pei.

Tousala Mr Speaker nou bezwen tire, nou bezwen tire e parey in ganny dir si nou pa pas sa Bill avan le 1 desanm Sesel i kapab trouv li pe perdi biznes, e nou vwar bann lezot jurisdiction ki zot, zot pe sey fer en fason pour fer tou keksoz byen, pour zot nobou atir sa lenvestisman.

E Sesel fodre toultan i mazinen ki nou kapab nenport moman trouv nou pe perdi biznes e kekfwa bann dimoun i al lanmenm la lot kote kot nou vwazen parski nou vwazen pe espere, nou vwazen pe regarde kwa ki nou pe fer.  E si nou mank en pa, i pran sa biznes! dan sa Offshore i enportan en kantite pour nou ganny li byen.

Me Mr Speaker i enportan pour nou letan nou pe koz tousala, an menm tan osi letan nou pe pas sa lamannman ki kler, e ki pe anliny avek sa ki lendistri li menm i pe rode, i enportan osi pour nou kapab regard byen bann Lazans ki pour ed nou, nou bann watchdogs parey FIU pour li kapab zwe son rol byen, pour li kapab idantifye letan i annan keksoz ki pa pe mars byen pour li kapab, pour redrese – bann Labank osi tou pour regarde ki mannyer i ete pour ki tousala ansanm i ganny konsolide pour ki keksoz i kapab bouze.

Alor Mr Speaker nou koman bann politisyen serye dan LDS nou enterese pour nou protez sa lendistri.  Nou enterese pour nou vwar li devlope; nou enterese pour nou vwar li vin en latraksyon ki pour anmenn plis lenvestisman dan nou pei e si nou kapab devlop sa lendistri, anmenn plis lenvestisman plis larzan i rantre dan Kof Leta, plis Seselwa i kapab benefisye nou, nou dir nou pou’n akonplir nou misyon e nou pou’n kapab fer Sesel vin meyer.

Alor Mr Speaker avek sa 2 parol mon’n ganny sans pour mwan pas atraver tou sa bann lamannman – mon’n osi, mwan osi annan devan mwan son Mother Act e mon vwar ki poudir i rantre byen e nou pour donn tou nou sipor.

Me an menm tan osi nou anvi kontinyen dir avek sa lendistri espesyalman FSA atraver son CEO Dr Fanny poudir ki pa ezit-e pour koze, pa ezit-e pour koz avek nou, akoz nou, nou annan en laport ouver e kot nou kapab donn sipor sa lendistri, nou pour donn li, pour li kapab akonplir son vokasyon, son misyon e pour ed nou pei.

Alor mon osi swete ki bann ki pe ansarz sa lendistri kontinyen fer en bon travay anmenn nou, anmenn Sesel pli o posib pour ki sa Offshore ozordi – sa bann lenvestisman Sesel i ava ganny trouve koman sa jurisdiction, ki pe fer en bon travay – non pa zis pour nou, non pa pour nou ed bann dimoun zis vin kasyet zot larzan, me plito ki i ava zwenn tou bann rekomandasyon bann diferan Lorganizasyon e ki sa dan li menm li i ava donn Sesel en bon repitasyon, en bon non e nou ava kapab bouz devan.

Avek sa detrwa parol Mr Speaker, vi ki napa okenn lezot dimoun ki ti’n lev zot lanmen pour zot koze, mon krwar nou kapab pran en vot e apre sa bouze pour nou al, retourn ankor lo Bidze pour nou, parski Minis osi tou mon krwar lendi bomaten i annan en kantite keksoz lo son latab e mon ti ava kontan vwar Minis pli vit posib al dan son Biro.  Mersi bokou Mr Speaker.

 

MR SPEAKER

Mersi Onorab Ramkalawan. Bon ler ou ti pe fer ou entervansyon, mon annan Onorab Simon Gill ki’n alert mwan i oule dir de pti parol.  Onorab 5 minit? Onorab Simon Gill.

 

HON SIMON GILL

Bonzour Mr Speaker. Mersi bokou Mr Speaker.  Bonzour tou koleg Onorab.  Bonzour tou manm piblik ki pe ekout nou.  Bonzour CEO FSA, Minis e ou lekip.  Mr Speaker mon oule dir de pti mo lo sa Prozedlwa ki’n ganny prezante isi.  E pour demare mon ava dir avek Onorab Afif e Onorab Ramkalawan ki lo sa kote latab nou stand ‘United’ and we are ‘United!’  Pour nou fer sir ki Gouvernman i kontinyen fer tou zefor pour diversifye nou Lekonomi!  E mon kontan ozordi ki sa Sekter ki en linisyativ Gouvernman o pouvwar ki sa Sekter pe ganny sipor, pe ganny rekonnet poudir ti annan en bon rezon akoz nou ti deside pour etablir li, pour nou kapab ganny en lot sours reveni ki antre dan Sesel.  I ekstrememan enportan pour nou diversifye nou Lekonomi Mr Speaker.

Me mon 500poursan tonm dakor ki nou pa kapab kree en bann loportinite biznes pour ki bann dimoun ki fer bann tranzaksyon en pe tord.  Tord deor laba dan lezot ziridiksyon or petet menm isi, zot ganny en laport ouver pour zot fer bann tranzaksyon ki pa neseserman anliny avek la bonne marche bann biznes – bonne pratik bann biznes.

Ler mon’n dir sa Mr Speaker, mon’n ekout bann lentervansyon ki in fer e nou’n ganny dir ki Sesel i risk ganny liste lo en lalis konmkwa ki i pa’n mars an akord, oubyen i pa’n met li azour pour ki i reste anliny avek bann standar e bann pratik enternasyonal ki sa Sekter i egzize.

Mr Speaker lo sa pwen, i enportan mon dir ki nou annan nou en CEO; nou annan nou en CEO dan sa Sekter devan sa Lenstitisyon, devan Financial Services Authority or Agency, nou annan nou en CEO.

Mon demann mwan lekor depi tou sa letan ki ti pe pase? Akoz ki nou esper dan dernyen moman pour nou vwar en Private Member’s Bill rantre malgre ki Lalwa ki tou keksoz i legal e napa nanryen ki anpes en Manm Elekte pour li anmenn en Private Member’s Bill.  I son drwa – me sa Lazans ki i ti pe fer?  Nou’n trouv sa in antre dernyen moman e lo nou nivo mon pe dir napa ase konsiltasyon ki’n ganny fer, nou ti bezwen antre dan plis diskisyon, antre dan plis detay.

E Mr Speaker de lot kote i enportan ki dan tou sa ki nou fer, nou evite ki nou antre dan bann konfli lentere, an sa i konsern biznes e aktivite komersyal – finansyel or lezot kalite; pour ki nou pran bann pozisyon koman bann Lezislater, ki anmenn nou dan en pozisyon enparsyel ler nou konsider bann proze ki vin devan nou dan sa Lasanble.

Mr Speaker nou annan nou, bann dimoun ki nou met a latet bann Departman, bann Lenstitisyon zot bezwen pe pran zot responsabilite e fer sir ki nou pa trennen e dan bann dernyen moman pour nou ganny donnen bann Prozedlwa pour nou konsidere isi dan sa Lasanble.  Sa i pa relatif ditou lo sa laspe la ki mon pe koze apard komanter ki mon’n fer avan – napa nanryen pour fer avek Onorab Afif, me i annan keksoz pour fer avek lefikasite e efektivite bann diferan Departman – bann diferan Lenstitisyon dan Gouvernman.  Pour ki nou vreman reste azour e reste de lavan tou bann keksoz ki konsern nou Departman e nou Lenstitisyon; pour ki dan sa Lasanble nou pa ganny okenn Prozedlwa ki vini ki vin zis trangle nou avek isi dan sa Lasanble.

Mr Speaker ler nou’n ariv lo sa pwen mon mesaz ki mon pour pase avek nou bann koleg lo sa kote latab, se ki nou abstain lo sa Prozedlwa.  Mersi bokou Mr Speaker.

 

MR SPEAKER

Mersi Onorab Simon Gill.  Onorab Ferrari.

 

HON JEAN-FRANÇOIS FERRARI

Nou a gete.  I annan en sanzman nou’n remarke Mr Speaker bonzour, komans donn lord bann Manm laba lot kote, nou a gete; nou a gete.  Mr Speaker bonzour.  E mersi tou bann entervenan e mon dir bonzour tou bann dimoun a lekout Minis e bann reprezantan bann Lazans teknik.

Mr Speaker mon pran la parol zis pour mwan dir ki pour mon refer vwar piblik, ki zistans nou’n vwayaze.  E ki nou ti a kontan vwar pour lavenir.  Leader Lopozisyon apre ki Onorab Afif in prezant sa Mosyon, in dan en fason avek bokou pasyon in adres bann akter, bann biznesmenn dan sa Sekter, pour dir avek zot ki nou lo sa kote latab nou vreman konpran e nou vreman apiy sa zefor.

E apiy tou bann mezir ki pour donn lezel Lendistri Offshore.  Leader Lopozisyon in osi dir ki i ti a kontan vwar en lendistri ki prop; en lendistri ki performan e sa i en refleksyon nou panse depi toultan, depi zour nou ti komans lager kont EDA ki’n sanmenm sa lenstitisyon ki serten zot lo lot kote latab ti vote, mon vwar omwen enn de, 2 zot mon vwar Onorab Gill ek Onorab De Commarmond ki ti vot ‘Pri EDA, ki ti Onorab William li wi i pa la li – zot ti vot pour sa e zot ti met pli gran tas nwanr lo Lendistri Offshore ki zanmen in deza annan.

E i bon ki ozordi nou vwar poudir zot pe fer en pe zot mea coulpa, me selman mon pa vwar sa senserite ladan, me selman nou’n sorti en gran zistans kot EDA ki ti pe atrakte tou bann voler a parti atraver lemonn pour zot vin met zot larzan Sesel e nou, nou ti pour donn zot en proteksyon kont okenn zizman, okenn prosekisyon dan Lakour.  Total Iminite nou ti pe donnen.

E apre ler nou ti kapab, ler nou ti met en fren avek EDA zot ti pas par en lot laport e zot ti anmenn bann Irish Sesel.  E nou konnen mannyer bann Irish ti en group bandi, ti en group Mafya ki ti teoriz bann propriyeter bann biznes Offshores, teoriz zot pran zot larzan, konfiske zot larzan e pa zanmen, i annan ki pa’n zanmen vwar zot larzan ankor, e sa ti vreman en keksoz terib ki nou’n kapab osi met en lafen avek.

Mr Speaker mon vwar si mon rekonnet nesesite lenportans annan Private Member’s Bill dan sa Lasanble dan nou sistenm Gouvernman i vreman enportan. I vreman enportan ki pour bann size profon, bann size teknik e bann size finansyel parey Offshore ki Gouvernman i pran son responsabilite.  I pran son responsabilite e i vin, i reste azour avek sa Lalwa.

Offshore Mr Speaker i en Sekter ki an mouvman permanan – ki pe re evant son lekor toultan, e ki pe vin avek bann sistenm e bann mezir modern pour kapab toultan reste at the top of the game!  E se sa ki i enportan pour nou.  Se ki nou lendistri i reste vreman performan e ki nou pa retrouv nou dan en sityasyon kot apre plizyer lannen nou vwar poudir, ler nou krwar nou ti en parti, nou pa en parti nou’n vin en mouvman, nou pe fer ale vini bann koumsa, so se sa bann keksoz koumsa ki mon krwar ki Gouvernman i bezwen serye li.  I vreman bezwen serye li e vin avek bann keksoz sitan enportan, pa bezwen esper Private Member’s Bill sorti kot Lopozisyon.

Enn bann keksoz ozordi ki’n fer mwan en pe dezapwente e osi ankoler, me sa i pa devret, mon ti’n devret abitye avek, se ler mon’n tann Onorab Gill pe blanm bann zofisye ek bann travayer dan management sa Sekter!  Sa i pa normal Mr Speaker.  Nou bezwen arete!  Sa si i annan en keksoz ki bezwen arete dan sa pei, se ki nou annan en Gouvernman ki zis blanm tou son travayer, nou’n ganny sa pandan 41an sa pti group – sa pti group ki pe boycott; sa bann keksoz koumsa fodre arete!  O kontrer nou, nou bezwen vwar en Gouvernman ki met konfyans e ki ankouraz son travayer pour fer keksoz toultan meyer.  Annou pa – annou divors nou avek sa bann kalite latitid e annou avans devan, dan en fason bokou pli serye.  Akoz an tou ka lo sa size mwan mon ti a mazinen poudir en Gouvernman i bezwen ‘United’ avek son travayer, be si en Gouvernman i vini pour li vin atak son travayer i pa zoli, i pa normal e sa i en keksoz ki mwan vreman, ki tre for ki fodre i arete dan sa pei.

        Anyway, laprev Onorab Afif in eksplik mwan ler nou ti pe koz lo sa Bill, se ki i enportan pour nou dir Mr Speaker ki FSA avek lezot Lazans ki i annan pour fer avek sa lendistri e bann lorganizasyon ki reprezant sa bann biznes  –SIFSA i depi lontan zot pe lobby Gouvernman pour ganny sa bann sanzman!  Depi lontan zot pe lobby!  I pa zot lafot, i pa zot lafot si nou annan en, si i annan en Gouvernman ki pa pe perform, si i annan en Gouvernman ki’n parey Madanm Mondon i dir son gearbox, prezan ki zot pe al met annord son gearbox, prezan ki zot pe al re ponp son larou, prezan ki zot pe al sey met en pe divan dan son lavwal – be ler lavwal in desire ou kapab met en kantite divan ki ou oule, i pa pour gonfle!  

So annou pour enn fwa pour tou, sanz sa mantalite.  E nou’n vwar menm ozordi Mr Speaker ki Onorab Pillay ki’n toultan ki’n lager kont Onorab Afif lo tou sa bann pwen lo Offshore! In konmsi zot in vreman konmsi sak fwa in ganny en sans in kont sa, ozordi i pe argye an faver e kont sa lamannman an menm tan!

An menm tan ki i an faver, an menm tan i kont!  Be ki mannyer, Gouvernman pa kapab avanse dan koumsa.  I pa kapab an menm tan i pe mont, ou dan 1er ou pa kapab aryer an menm tan!  I pa pour avanse, e sa se bann keksoz ki nou i enportan ozordi nou fer sa pwen Mr Speaker.

E mon kontan ki ou’n donn mwan permisyon pour mon fer sa pwen akoz nou’n ganny dir poudir i annan en ‘Nouvo’ fason, i annan en ‘Nouvo Vizyon’, me nou pa kapab annan en nouvo vizyon, en nouvo metod avek bann vye pratik lepase!  So annou move- on Mr Speaker – annou apiy nou bann Seselwa – annou apiy nou lendistri – annou apiy nou bann profesyonnel e annou fer Sesel shine dan sa monn, ki sitan konpetitif.  Mon remersi ou Mr Speaker e mon felisit Onorab Afif pour sa travay enportan ki i pe fer.  Mersi.

 

MR SPEAKER

Mersi Onorab Ferrari.  Non le 2 Manm zot in fini koze, zot in fini entervenir –

 

(Interruption)

 

 

MR SPEAKER

… non, non.   Petet mon krwar i annan en pti klarifikasyon lo kote Onorab Sebastien Pillay son pozisyon, pour sa mon ava donn laparol Onorab Sebastien Pillay.

 

(Interruption)

 

 

HON SEBASTIEN PILLAY

Mersi Mr Chair, mersi…

 

(Interruption)

 

MR SPEAKER

Annou, en moman, Onorab Simon Gill ou’n non pa’n ganny anmennen dan okenn, trennen dan okenn lezot keksoz.  I pa’n zanmen – mon ava donn laparol Onorab Sebastien Pillay.

 

HON SEBASTIEN PILLAY

Mr Speaker anba Order 56 mon oule klarifye en misapprehension e mon dezapwente Mr Speaker pour vwar ki i annan dimoun pa pour zanmen sanz zot fason vwar keksoz ….

 

MR SPEAKER

Non – annou – ok!

 

HON SEBASTIEN PILLAY

Mr Speaker les mwan fini koze …

 

MR SPEAKER

Non!  Non…

 

HON SEBASTIEN PILLAY

Be ki mannyer ou kapab zot…

 

MR SPEAKER

En moman!  En moman!

 

HON SEBASTIEN PILLAY

Be sanmenm sa demokrasi ki zot oule anmennen sa?

 

MR SPEAKER

En moman, en moman, en moman, Onorab mon’n donn ou sans pour fer en klarifikasyon, annou al lo ou klarifikasyon; direkteman lo ou klarifikasyon.

 

HON SEBASTIEN PILLAY

Mersi Mr Speaker.  Sanmenm sa latitid diktatir SPUP ki in formen, ki i fer koumsa – i pa les zot kanmarad koze!  Mr Speaker mwan lo sa Prozedlwa mon…

 

(Interruption)

 

MR SPEAKER

Ok! Ok! Ok! Onorab Pillay, Onorab Pillay – mon repran la parol, switch off your mic, mon’n donn ou 2 lokazyon pour ou fer ou klarifikasyon, ou’n al anmenn dan en lo direksyon, mon repran ok?  Thank you very much.

 

(Interruption)

 

MR SPEAKER

Bon nou pour pran en vot lo napa ankor entervansyon.  Wi avan nou pran en vot, mon ava demann mover Private Member’s Bill pour li sum-up, e apre nou ava pran en vot.  Onorab Afif.

 

HON AHMED AFIF

Mersi Mr Speaker. Mr Speaker tou dabor mon ti a kontan remersye lendistri; mon ti a kontan remersye FSA atraver son CEO, e mon ti a kontan acknowledge e remersye osi Minis Finans, Mr Loustau- Lalanne, Anbasader Loustau- Lalanne ki prezan ozordi ki montre lenportans ki zot atase avek sa Bill e benefis ki pour anmennen pour lekonomi Sesel.

Mr Speaker zis detrwa parol vitman pour montre ki lefe ki nou pe anmenn sa Bill i napa nanryen personnel, sa Bill i senpleman pour siport en lendistri ki mwan mon’n asosye avek depi son lanfans.  Annefe ler mon ti vini sorti letid an ’92 mon premye landrwa kot mon ti ganny poste apre Departman Lendistri, sete avan sa Act ti ganny formile – ti an ’94 mon ti antase avek Labank Santral – ki sa lepok ti annan en Unit Resers ki ti pe etablir ki mannyer nou kapab devlop Sese; 24an pase – ki mannyer nou kapab devlop en nouvo Sekter Finansyel.

Sa lepok sa Unit ti ganny dirize par Gouverner Labank sa letan ti Aboo Ameerudy e mwan mon ti travay direkteman avek li pour nou rod bann meyer Lalwa pour anmennen.  Nou ti anmenn IBC Act, ITZ Act, International Trust Act, apre Seychelles International Business Authority Act.

Depi sa lepok – depi sa lepok mwan personnelman mon’n asosye koman en profesyonnel dan sekter piblik pe rode ki mannyer pour fer sa Sekter devlope. Ti napa en sel Lakonpannyen ki ti anrezistre Sesel koman Offshore, e an 1994 ler Lalwa ti pase mwan mon ti travay avek zis en dimoun Mr Benoiton sa letan i ti CEO SIBA, ti annan zis 2 nou mwan ek li e mon rapel pe prepar sa sertifika pour premye Lakonpannyen Offshore pour ganny anrezistre Sesel.

E sa lepok zis 2 dimoun dan sa Lotorite.  Sa Lotorite in devlope avek 2 dimoun ki ti li komans an ’94 ozordi mon krwar zot annan plis ki 100 ekek travayer – zot annan zot prop batiman.  Sa lepok nou ti dan en pti biro lo 3enm floor Labank Santral zis 2 nou.

Premye zour mon rapel nou’n vin travay ek en computer avek en printer.  Ti napa ni sertifika in ganny printed, bezwen al rode ki mannyer pour fer – bezwen al konnekte ek Rezistrar pour fer sir nou pa donn menm non.  Ti annan en lendistri ki mon’n vwar li grandi depi son lanfans – menm avan i ti ne mon’n vwar kot in konsevwar.

E sanmenm sa ki mon annan sa pasyon pour sa lendistri.  E toultan sa vizyon sete pour devlop en keksoz en Sekter pour Sesel ki pour anmenn larzan – (1), larzan pour Gouvernman, e larzan pour ou profesyonnel e biznes an zeneral.  Pour Gouvernman i pour vin atraver bann Registration fees ler ou anrezistre ler ou anrezistre ou pey en larzan.

E dezyenmman ler sa bann Lakonpannyen zot fer, pli zot fer biznes i annan lezot fees parey ler zot vin fer renewal eksetera ki zot peye – ki endirekteman en tax pour Gouvernman.  E sa lepok zis pour lenformasyon bann Manm tou sa bann kou, bann fre pour pey anfen sa 2 dimoun sa lepok ki ti travay dan sa biro ti vin atraver en Bidze.

Gouvernman pa ti pe fer larzan ek sa Sekter.  Me ozordi 24an pli tar sityasyon in sanze; ozordi sa Sekter pa bezwen Bidze li, zanmen zot aprouv nanryen pour Financial Service Authority, ti apel (SIBA) lontan – Seychelles International Business Authority ozordi li ki pe donn sa Sekter, i pe donn Gouvernman en dividend!

E i ti ase gro detrwa lannen pase avan in ganny afekte.  I ti pe donn R100 milyon, R2milyon par semenn ek Gouvernman ki en kantite larzan!  Rezon mwan mon vwar sa Sekter enportan par rapor ler ou get par egzanp avek Sekter Lapes oubyen Tourizm, akoz mon vwar li enportan e i annan son prop spesifisite?  Se parske dan sa Sekter ou pa bezwen bokou gro lenvestisman pour sa pye komans raport fri.

Mon a donn en legzanp, pran Lendistri Lapes ki ozordi License Fees ki nou pe gannyen ek bann bato lapes i apepre R140 milyon.  Be pour ou kapab ganny R140 milyon avek lapes, ou bezwen envestir dan en por, ou bezwen envestir dan tou sa lenfrastriktir ki’n kout de 100tenn de milyon Dolar, pour ou kapab anmenn R140milyon License Fees! Parske sa bann bato pa ti pour vin isi si ou ti napa tou sa bann lenfrastriktir enkli tou sa bann tenk petrol ki ou bezwen fuel zot, lenfrastriktir por ek crane, Lakonpannyen Prive, ki’n envestir pour fer tou sa biznes marse! Gro lenvestisman pour fer sa Sekter marse, pareyman dan Tourizm ou bezwen envestir, zis en lotel, en lotel 300 lasanm, i pe kout fasilman en $150milyon Dolar si pa plis zis pour fer.  Apre i a donn Gouvernman son VAT e si ou pe pran tou sa bann lotel, zot business tax probableman en R200 milyon zis zot business tax e zot VAT mon asire i bokou pli o ki sa.

Me zis pour dir ou ki pour ou anmenn R100milyon oubyen R200milyon tax ek zot, i bezwen de 100tenn de milyon Dolar lenvestisman pour ou kapab ganny li.

Me tandis ki dan sa Offshore sa Sekter ki Gouvernman in envestir pour gannyen?  Ou’n envestir dan sa bann dimoun ki pe asize la, se bann profesyonnel Seselwa parey Dr Fanny, parey Msye Robert, parey bokou lezot profesyonnel ki Seselwa e FSA ozordi en Lenstitisyon ki i annan zis Seselwa ladan – napa etranze!  Depi rafal mwan mon konn li ziska ozordi in grandi ek Seselwa, napa etranze ladan e set en legzanp!  Olye kritik li, annou donn li en koudmen…

 

(APPLAUSE)

 

HON AHMED AFIF

Donn li en koudmen parske mwan mon’n involve ladan, mon’n vwar li grandi devan mwan!  E ozordi mon felisit sa bann manrmay parske zot pe fer en travay difisil dan en lemonn difisil e konpetitif.  E ozordi mwan mon konnen zot in lager pour sa bann keksoz arive, sa lamannman ki la devan nou, zot in lager zot me i pa’n fasil, i pa fasil parske zot pa kapab zis vini ek en Bill zot, zot bezwen pas atraver Cabinet, zot sorti Cabinet zot bezwen al kot Attorney Zeneral, zot bezwen annan tou kalite papye; en prosedir Gouvernman ki mon asire avek lezot travay i pa’n arive, Attorney Zeneral i annan problenm li osi pour drafte.  Alor malgre ki i ti annan en deadline pour le 01 Desanm mon pa vwar, mon pa konnen akoz mon pa’n vwar menm sipor ler mon’n dir, mon’n demann Speaker pour fer en anba Order 91 – mon pa’n vwar personn segonde vot pour sa … vot pour nou.  Mon ganny lenpresyon konmsi zot pa pe siporte.

Be sa bann lamannman set en keksoz ki enportan pour Sesel!  Se pa pour mwan, se pa zis pour FSA, se pa zis pour Minister Finans, se pour Sesel sa bann lamannman.  Se pour fer nou vin modern e en pei ki kapab anmenn en reveni apard touris ek lapes.

Parske ki nou annan koman en pei pour nou anmennen koman reveni pour nou dimoun? Me ozordi sa Sekter avek son dimoun – en biro kot FSA detrwa biro ki ganny prive, ki etablir partou dan Victoria eksetera, avek nou sistenm telekominikasyon ki avanse – malgre ki i ser, ozordi i permet nou koze ek Lerop ek Lazi avek Lanmerik, avek Lafrik, ek Maurice ek tou lezot pei pour nou fer larzan atraver lanrezistreman!

I annan plizyer lezot prodwir FSA i devret pe devlope, me zot tousel zot pa pour kapab devlope, parske i mank profesyonnel dan pei.  Se pour sa rezon ki zot reveni prensipal ozordi, se reveni atraver lanrezistreman IBC; zot pa pe kapab vann bokou lezot prodwir akoz i asosye ek lezot fakter ki isi Sesel, nou napa en lavantaz ziska ozordi.

Alor mwan ozordi ki mon’n kapab propoz sa lamannman, mon konnen sel keksoz ki i pour fer, se ki i pour gard sa aktivite lanrezistreman pour kontinyen devlope.  Si non bann dimoun ki dan sa Sekter pour dir be ok Sesel nou napa en lavantaz pour al Sesel.  Napa en rezon pour al Sesel akoz Sesel i parey en Rezis Ofisyel parey kot companies Registrar i ete, kot dimoun i vwar tou lenformasyon ki i annan lo ou Lakonpannyen.

Me sa kalite biznes i pa’n fer pour sa.  In fer kot i annan serten lenformasyon lo Direkter ki konfidansyel pour zot ek Lotorite selman – Lotorite selman.  Zot pour file zot lalis Direkter avek Financial Services Authority, me zot pa oule ki nenport ki dimoun i ganny sa.  Lotorite i pour toultan annan li, savedir nou pa bezwen al lo okenn Blacklist nou, akoz Lotorite pa konnen lekel ki la.  Lotorite pour konn tou sa ki pe pase;- depi FIU – depi Lakour si i annan en Lord ki’n ganny donnen, depi Lapolis, depi tou bann lezot SRC and Taxation ,zot pour konnen zot.  E sa i met nou lo en platform konpetitiv, ki dimoun pour regard nou koman en landrwa ki non selman i vit, me ou kapab fer biznes dan en fason ki ou pa pey sa kantite larzan, dan en fason ki modern e ki kapab an menm tan fer zot benefisye e fer nou profesyonnel isi Sesel benefisye.

Alor Mr Speaker avek sa detrwa mo, mon ti a kontan move ki nou pran en vot lo merit sa Bill.  Mon remersi tou bann Manm Lasanble ki pour siporte – mon espere lot kote osi pour siporte parske set en Bill ki Gouvernman i siporte – mon konnen sertennman e mon ti a kontan move ki nou pran en vot lo sa Bill.  Mersi Mr Speaker.

 

MR SPEAKER

Mersi Onorab Afif.  Bon in ariv ler pour nou pran en vot lo merit e prensip sa Bill ki devan nou.  Mon ava demann tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Speaker. 14 Manm in vot an faver e personn kont.  Mersi.

 

MR SPEAKER

Bon mon ava ganny en Formal Second Reading.

 

MADAM DEPUTY CLERK

Mersi Mr Speaker. A Bill of an Act to amend the International Business Companies Act, Act 15 of 2016.  Mersi.

 

MR SPEAKER

Mersi Madanm Deputy Clerk.  Bon eski nou pour al dan Staz Komite pour nou pran bann lamannman?  Onorab Afif.

 

HON AHMED AFIF

Mersi Mr Speaker. Mon propoze ki nou al dan Staz Komite vi ki mon’n deza sirkil bann lamannman, be selman mon krwar zis mon ti a kontan lir zot vitman pour fer sir ki tou bann Manm i okouran ki sa bann lamannman i ete.

 

MR SPEAKER

Ok.  Eski nou al direkteman dan Staz Komite nou bezwen Mosyon? Nou pa bezwen Mosyon?  Non? Annou move Mace Sergeant.  Mon krwar tou bann Manm menm over the weekend nou’n sirkil lofis Deputy Clerk, in sirkil bann lamannman – mon espere ki zot tou zot ganny en kopi, i ava fasil pour zot swiv.  Onorab Afif ou ava move bann lamannman.

 

HON AHMED AFIF

Mersi Mr Chair.  Mr Chair mon ti a kontan propoz dan Clause 2 bann paragraf a, b avek g i ganny tire konpletman; sa se anliny avek Notice ki mon ti donn ou le 23 Novanm.  Annefe tou larestan i swiv menm Notice.

Dezyenmman mon ti a kontan propoze ki sa ‘long title ‘kot i met Act 15 of 2016 nou ranplas li avek zis 2016, sa zis en typo.

Anba Clause 2 (c ) small 2, dan subsection 3 kot nou met $100 Dolar, nou ranplas li avek 250 Dolar.  E met sa mo “the” ant “which” e ‘contravention;’, savedir dan 2 (c ) (ii) kot i fini poudir  “for each day or part thereof during which the contravention continues”.

3enm anba Clause 2 (c  (iii) anba sa nouvo sou-seksyon 4 ki mon pe propoze ti annan en typo kot i met “ofUS$100” ti napa en lespas, mon pe met, mon pe zis kree sa lespas e sa ‘US$100’ i ganny ranplase par ‘US$250’.

Dan sa nouvo Sou- Seksyon 5 ant kot i komanse i dir “a copy of companies Register” nou met sa mo “a” savedir i a vin “ copy of a company’s register”.

        Dan nouvo sou-seksyon 5 (a) nou met, kot i met “in obedience to a Court Order” nou met “in obedience of a Court Order”.

        Dan nouvo sou-seksyon 5 (b) kot i met “when compelled by the enforcement of Law” mon propoz “when compelled by the enforcement of any Law” – fer li pli kler.

Dan nouvo sou-seksyon 6, zis en typo ankor, kot olye met “filling” zot in met “fill in” alor nou ranplas sa mo “fill in” avek “filling”.

Dan Clause 2 d (i) met, kot i met “by repealing the words five years and substituting with seven years” nou met “repealing the words five years and substituting them with seven years” zis en typo ankor.  Paragraf, Clause 2 (d) (ii) se la kot mon propoz ranplas li konpletman e li i pour vin, nou pour dir “by deleting the full stop (.) at the end of the Section and adding the following, and any period during which a company has been struck off in terms of any previous provisions under the former Act shall for the purposes of this section include that period.”

 

Sa lamannman senpleman ki i pe fer, se i pe dir si en Lakonpannyen ti’n deza anrezistre anba sa former Act ki ti “1994” e i ti’n deza pas en peryod letan ki i ti’n struck off, sa peryod letan i ganny konte dan kalkilasyon konbyen letan in ganny struck off – enkli sa peryod ki in vin anba nouvo Act 2016. Se sa ki i pe dir.

 

MR SPEAKER

Zis en pti koreksyon lo lalis ki ou’n sirkile i “previous provisions of the Act” eski ou pe dir previous provisions under the Former?

 

HON AHMED AFIF

Mon pe propoz ‘under the Former Act.’  Mon’n ganny konseye par Bills Committee pour propoz sa ….. I sorti pli byen.

Mr Chair anba Clause 2 (e) mon pe ranplas – i annan en lespas dan sa bracket one (1) lo premye laliny Clause 2 (e) nou pe retir sa lespas.  E ant ler ou al en pti pe pli ba kot i met “or formal liquidator of the company upon payment of the restoration” mon pe dir met “of the company and upon payment.” So nou pe entrodwir sa.

Lo lot paz sou seksyon (1A)  kot i dir “subsection (1) shall not apply if the company was struck off the Register pursuant to Section 272 (1) (a) (iii) or (iv) mwan mon pe azout 272 (1), (ii),(iii) & (iv).  Sa (ii) mon pe mete parske i enkli en Lakonpannyen ki ti’n ganny struck off akoz i ti’n fer biznes Sesel.  Savedir li osi i pa pour kapab ganny re enkli.

Dernyen Clause lamannman ki mon pe propoze se anba 2 (h) kot mon pe propoze konm swivan; ranplas sa ki deza dan sa lamannman par le swivan “by repealing section 390 and replacing it with the following section; new section mon ti a met new section e anba la “390, every company shall have a period of (a) twenty four months from the Act commencement date to comply with section 152 filing of Register of Directors, e (b) eighteen months from the Act commencement date to comply with part 20 of this Act obligations relating to beneficial owners.’

Lefe ki nou’n repeal section 390 tou bann sou- seksyon ladan i sorti, zot pe sorti esansyelman akoz zot ti annan pour fer avek lafason ki ou deal ek filling Direkter ki prezan i nepli konsistan.

So vwala bann lamannman ki mwan mon pe propoze Mr Chair.  E mon ti propoze ki nou pran en vot lo sa bann lamannman.

 

MR SPEAKER

Bon mon a ganny en Manm ki pour segonn bann lamannman.

 

HON JEAN-FRANÇOIS FERRARI

Seconded Mr Speaker.

 

MR SPEAKER

Mersi Onorab Ferrari.  Okenn Manm ki oule fer en komanter ki lo bann lamannman ki’n ganny prezante?  Non? Si non nou ava put the amendments to a vote.  Zis en pti moman, petet pour klarifikasyon pour manm piblik lefe ki sa i en Private Member’s Bill bann Manm FSA avek Minis pa kapab vin devan lo panel kot nou pa kapab annan sa enteraksyon, se pour sa rezon ki zot isi a kote, nou ava esper zis … yes Onorab Afif.

 

HON AHMED AFIF

Mon ti a kontan zis pour mwan, mon pa konnen si sanmenm sa ki zot pe regarde me dan seksyon c (i) e part (1) ,olye met section 391 (a) nou tir sa (i) (a) parski nou’n deza amann li pour vin section 390 – sanmenm sa ki zot pe gete?  Ok? Savedir nou fer sa e mon krwar la nou prop, ou annan ankor enn?

 

 

MR SPEAKER

Bon nou kapab.  Nou ava ganny en Manm i ava kapab lir sa lamannman donn Onorab Pillay.  Ok Onorab Pillay.

 

HON SEBASTIEN PILLAY

Mersi Mr Chair, Mr Chair baze lo provizyon lamannman i pour annan en consequential amendment to Clause (2) (c ) and section 277 (2) (a) pour bezwen “replace ten years with twelve years.” Clause (2) (c ) section 277 (2) (a), (2) (c ) consequential amendment to Clause 2 (c ) and section 277 (2) (a).  2 consequential amendment.

 

MR SPEAKER

Ok nou pe ganny dir ki (2) (c )i ok.

 

HON SEBASTIEN PILLAY

So section 277 (2) (a) will have the consequential amendment then, to replace ten years with twelve years, is that what you ki ou pe sey dir?

 

MR SPEAKER

Alright.

 

HON SEBASTIEN PILLAY

Fini note pour nou akoz nou bezwen donn rapor pour Clerk.

 

MR SPEAKER

Wi, wi nou a kapab pran apre pour nou finalize pour anvoy pour drafting.  Ok?  Si napa okenn lezot lamannman ankor, nou ava pran en vot lo bann lamannman ki devan nou pour sa Private Member’s Bill.  Bon tou Manm ki an faver pour sa bann lamannman? Okenn ki Manm ki kont?  Madanm Deputy Clerk.

 

MADAM DEPUTY CLERK

Mersi Mr Speaker. 14 Manm in vot an faver e personn kont.  Mersi.

 

MR SPEAKER

Mersi Madanm Deputy Clerk.  Savedir bann lamannman in ganny aksepte.  Bon nou kapab ganny en Motion for Third Reading.

 

HON AHMED AFIF

Mr Speaker mon ti a kontan propoze ki sa Bill i ganny lir en Trwazyenm Fwa.

 

MR SPEAKER

Mersi Onorab Afif.  Okenn Manm ki segonde?  Onorab Ferrari i segonde.  Bon mon ava demann Madanm Clerk pour fer en Formal Third Reading.

 

MADAM DEPUTY CLERK

Mersi Mr Speaker.  This Act maybe cited as the International Business Companies (Amendment) Act, 2018.  Mersi

 

MR SPEAKER

Mersi.  Savedir sa Bill ki devan nou in ganny laprouvasyon Lasanble Nasyonal.  Bon mon ava zis demann Sergeant pour move nou back dan Committee of the Whole House. Bon mon ti a kontan remersi tou Manm pour zot entervansyon lo Bill bomaten.  Espesyalman mon ti kontan remersi in attendance Minis Loustau-Lalanne, Minis pour Finans, CEO pour FSA Dr Steve Fanny, Mr Paul Robert e Ms Tarine Auguste, mon’n ganny ou non la aprezan, mersi bokou e nou ava eskiz zot parmi nou.  Mersi, bann lamannman nou pour bounce off avek lofis Deputy Clerk e avek Loter Bill ki si i posib nou kapab fini fer tou ozordi pour nou kapab desito anvoy kot AG’S Office ok?  Akoz i en matter of urgency.  Mersi bokou.

 

(THE MINISTER AND HIS DELEGATION WAS EXCUSED FROM THE HOUSE)

 

MR SPEAKER

Bon avan nou Break mon ti’n zis keep nimero 4 lo Order Paper.  Nou annan en Paper Laid, sa se rapor National Tender Board ki mon ti mansyonnen semenn pase e nou’n sirkil kopi avek tou Manm.  Mon ava zis demann Madanm Deputy Clerk Presentation of Paper.

 

MADAM DEPUTY CLERK

Mersi Mr Speaker.  Papye ki pe ganny prezante lo Order Paper i National Tender Board Annual Report 2017.  Mersi.

 

MR SPEAKER

Mersi Madanm Deputy Clerk.  Bon avek sa nou ava pran en Break, ler nou pour rantre nou pour kontinyen avek travay lo Bidze.  Nou ava pran en break ziska 11.15.  Ler nou pe rantre nou pe pran Electoral Commission nou pe kontinyen swiv nou Schedule ki devan nou.  Alright.

 

(BREAK)

 

ELECTORAL COMMISSION

 

MR SPEAKER

Mon ava demann Sergeant pou move nou dan Staz Komite, pou nou kapab kontiny nou travay.

Mn ti a kontan dir en bonzour lo panel bomaten.  Nou’n pe resevwar Electoral Commission.  Son Chairperson Mrs Luciana Lagrenade, ki pe ganny akonpannyen par 2 manm Mrs Veronique Bonnelame-Alcindor, e Mr Norlis Rose-Hoareau.  E, Electoral Commission pe ganny akonpannyen par Minis pou Finans Minis Loustau-Lalanne, PS Mr Damien Thesee, e ankor akonpannyen par Ms Croisee e Ms Tamatave.  Bonzour e welcome dan Lasanble.

Bon zis avan nou avan nou repran nou travay mon ti a zis kontan fer konnen tou bann Manm avek bann piblik ki Lasanble pe swiv en progranm deba lo Bidze 2019 ki ganny fer an kolaborasyon ek Minister Finans e bann lezot Minister e Lazans.

Dat e ler ki nou allocate vedir ki sa Minister oubyen Lazans in pare pou vin devan nou.

A leksepsyon detrwa pti sanzman, nou’n fer nou mye pou nou kapab swiv e mentenir sa progranm ki devan nou.

E mon pou lo nou kote, kote Sekretarya otan posib nou pou warn bann Manm ler i annan bann pti sanzman.  Ok? Zis pou nou kapab kontinyen avek nou travay dan en fason annord.

Bon nou annan Electoral Commission devan nou.  Okenn Manm ki oule demare avek kestyon?  Onorab Jude Valmont.

 

HON JUDE VALMONT

Bonzour e mersi Mr Chair.  Bonzour panel, bonzour tou koleg Onorab e manm piblik ki pe swiv nou ki ‘a lekout.

Mr Speaker avan mon vot lo sa Bidze 7 .461milyon mwan mon ti a kontan konman en Manm Elekte demande konbyen parti politik ki’n anrezistre e konnen lekel zot silvouple?  Mersi.

 

MR SPEAKER

Mersi.  Ok, mersi Onorab Valmont.  Mon ava donn laparol Chairperson Mrs Lagrenade.

 

CHAIRPERSON EC – MRS LUCIANA LAGRENADE

Mersi Mr Speaker.  Bonzour tou Manm Onorab avek tou bann manm piblik ki pe ekoute.

I annan ozordi i annan apepre mon napa tou sa bann parti politik dan mon latet la, me LDS ; i annan en Parti Lepep, ki mon ti pe eskize mon ti pe al donn en lesplikasyon ki ozordi in fer en sanzman  Non. Nou annan Parti ICUS well   ICUS i annan apepre 4 parti ki la ki aktiv.

 

MR SPEAKER

Ok mersi Mrs Lagrenade.  Onorab Valmont.

 

HON JUDE VALMONT

Yes Mr Speaker zis pou demann Mrs Chair si i posib pou fer nou ganny lalis at least fer nou konnen presizeman sa silvouple.  Mersi.

 

MR SPEAKER

Mersi Onorab.  Mrs Lagrenade.

 

CHAIRPERSON EC – MRS LUCIANA LAGRENADE

Mersi Mr Speaker.  Nou ava fer ou ganny lalis nou ava fer in fact tou bann Manm isi dan Lasanble ganny en lalis si pa lafen lazournen ozordi, me demen zot ava gannyen.

 

MR SPEAKER

Mersi Madanm Chair.  yes.

 

HON WAVEL RAMKALAWAN

Zis pou demann Mrs Lagrenade –  parski in nonm Parti Lepep, in fer prezantasyon lo non. Me selman i pa ankor ganny gazeted nanryen sa.  E ki alor i zis fer sa laplikasyon e Komisyon Elektoral pa ankor pran en desizyon final lo la?

 

MR SPEAKER

Mersi Onorab.

 

CHAIRPERSON EC – MRS LUCIANA LAGRENADE

Wi Mr Speaker wi nou’n ganny bann dokiman bomaten me nou ti dir pou dir nou pa pou kapab donn okenn konfirmasyon ziskan pli tar letan nou’n fini get tou bann dokiman e seek lasistans avek AG’s Office osi tou.

 

MR SPEAKER

Mersi.  Zis pou lenformasyon Lasanble manm piblik mon’n osi resevwar en let sorti kot Leader Government Business, e mon osi tou mon’n ganny en call avek Prezidan Parti Lepep, ki pe fer bann demars pou re anrezistre zot nouvo non.

Bann prosedir – pou met mwan okouran pou dir bann prosedir pe ganny fer avek Biro Komisyon Elektoral.

So mwan mon pa kapab anons nanryen akoz keksoz i ankor pe marse.  Onorab Aglae.

 

HON EGBERT AGLAE

Mersi Mr Chair.  Bonzour Minis e Komisyon Eleksyon.  Mon ti a kontan demande avek Konmisyoner Eleksyon, an vi ki i annan serten dues ki ganny donnen avek bann parti politik pou zot petet ed zot dan zot bann administrasyon – mon ti a kontan si tou bann rapor finansyel ki’n ganny odite in ganny soumet?  E si zot an akor avek regleman Lalwa Komisyon Eleksyon?  Mersi

 

MR SPEAKER

Mersi Onorab.

 

CHAIRPERSON EC MRS LUCIANA LAGRENADE

Mersi Mr Speaker.  An se moman la nou pe fer egzakteman sa legzersis pou nou konnen lekel ki pa konform avek Lalwa e lekel ki’n konformen.  E once sa i fer nou ava pran bann pa neseser pou rektifye.

Prezan si osi zot tou zot e en lalis, then nou a kapab anvoy zot sa lalis.

 

MR SPEAKER

Mersi Mrs Lagrenade. Onorab Aglae.

 

HON EGBERT AGLAE

Zis en kestyon prosedir mon ti a kontan demann avek Komisyoner, si ler in fini fer sa bann legzersis ki nou osi nou ava ganny en kopi.  E an menm tan mon ti a kontan konnen osi siz zot vwar okenn iregilarite, ki zot Lalwa egzize ki zot bezwen fer an term aksyon?  Mersi.

 

MR SPEAKER

Mersi Onorab.  Madanm Chair.

 

CHAIRPERSON EC – MRS LUCIANA LAGRENADE

Mersi Mr Speaker.  Nou pou bezwen swiv Lalwa e se fodre nou alert zot, e nou deregistered zot, then we will proceed according to sa ki nou Lalwa i dir nou fer.

 

MR SPEAKER

Mersi Mrs Lagrenade.  Onorab Henrie.

 

HON GERVAIS HENRIE

Mersi Mr Chair.  Mon kestyon i konsern dan bann priyorite stratezik ziska 2021, mon vwar poudir i annan en lanfaz pe ganny mete lo voters education e bann lezot progranm pou amelyor ledikasyon voter.

So mon anvi konnen ki kalite konponan bidzeter dan sa Bidze ki pou al pou sa? Akoz sirtou, sirtou nou pe vwar en difikilte avek bann First Time Voters pou anrezistre zot lekor.  E petet ki kalite progranm ki Komisyon pe mazin fer sirtou an relasyon avek bann lenstitisyon Pos-Segonder ?  Mersi.

 

MR SPEAKER

Mersi Onorab.  Mrs Lagrenade.

 

CHAIRPERSON EC – MRS LUCIANA LAGRENADE

Mersi Mr Chair.  Wi i annan avek voters education, Komisyon i angaze committed pou fer bann progranm ki sivik education osi byen ki voter education.

Selman en gran challenge pou nou, se ki sa Bidze i en Bidze ki ti fer depi lannen pase, par ansyen Komisyon – ki ti annan 2 manm lo la mwan avek Mrs Alcindor.

Me selman sa Bidze i pa nou napa en dedicated budget line si ou get byen pou voter education.

        E sa dan li menm i en gro challenge pou nou.  So nou, nou pe swete ki atraver sa bann diskisyon ki nou pe gannyen ozordi, nou a kapab ganny zot sipor.  Ki nou ganny en dedicated budget line pou sa e ki dan lekel nou kapab fer nou bann aktivite.

Par kont bann aktivite ki nou pe anvizaze fer – parey mon’n dir sivik education akoz mon krwar i enportan.  Pou sa nou krwar i enportan pou sa.  E nou pe plan pou nou target bokou bann      First Time Voters.  Par egzanp bann manrmay ki dan 18an dan bann pos secondary centres kot Liniversite e an deor.

E zeneral bann dimoun ki pa’n ki zot pa neseserman annan 18an, me selman ki pa’n zanmen anrezistre e ki krwar [pou dir zis zot kapab turn up kot eleksyon zour eleksyon pou li vin vote.

So i annan en demars ki nou pe i annan en travay ki nou pe, fer lo la.  E pou nou kapab, fer li fodre nou ganny en clear budget line. Nou pe swete nou ganny en pli budget line pou sa.

Mr Speaker si ou ti kapab permet mwan okenn – nou, nou organiz nou lo en kot Biro Eleksyon nou bann Task Team  letan nou’n vini akoz i annan sa delineation of powers ant Board avek Sekretarya.  E Task Team ki responsab pou Audit and Financial ki Mrs Veronique Alcindor, so mon ti ava pas laparol avek li an ka si i annan en lot keksoz ek li avek ou permisyon?  Mersi.

 

MR SPEAKER

Mersi Mrs Lagrenade.  Mrs Alcindor.

 

MRS VERONIQUE BONNELAME-ALCINDOR

Onorab mersi pou ou kestyon si ou get dan Bidze pou ‘adverts’ nou Bidze i desann R209mil.  Apre si ou get pli ba ‘printing ek stationary’ i R261mil.

I akoz nou napa en dedicated budget line, pou nou fer voter education, i dan sa ki nou’n fer antre bann kou ki vin avek voter education, ki vedir pou ou fer bann media spots – pou ou fer bann travay par egzanp knowledge products posters and so on.  So sa in vin dan ‘printing’.  So sa i sa de laliny ki pou reponn ou kestyon. Mersi.

 

MR SPEAKER

Mersi Mrs Alcindor.  Onorab Henrie.

 

HON GERVAIS HENRIE

Wi 2 pti pwen Mr Chair.  Par lefe ki zot Bidze i pa bokou.  So kekfwa zot ti kapab propoze ki zot servi bann nouvo metod pou sey advertise.  Sa par egzanp SMS la ou kapab pey en avek enn sa bann lakonpannyen kominikasyon ki i blitz tou nimero telefonn. I pou much cheaper than going on television for example.

        Me lot keksoz ki mon anvi lev-e, se ki letan zot in dir zot ti napa en budget line.  Bidze ti ganny fer lannen pase or sa lannen.

        Me pourtan sa i enn  zot bann manda.  So ki mannyer zot priyoritiz zot prop manda?  I en febles lo lapar Komisyon alor.  Mersi.

 

MR SPEAKER

Mersi Onorab Henrie.  Mrs Lagrenade

 

CHAIRPERSON EC – MRS LUCIANA LAGRENADE

Wi in en febles ki selman nou pe anvizaze korize lo la.

 

MR SPEAKER

Mersi Mrs Lagrenade.  PS Thesee.

 

PS DAMIEN THESEE

Mersi Mr Chair, bonzour.  Petet i bon note ou pa pou vwar en budget line pou voters education, akoz mannyer nou fer chart of accounts, son klasifikasyon – klasifikasyon depans, i baze lo bann plizoumwen economic standing.

        So ou pou annan parey ou vwar ‘consumables’ ou vwar electricity ou vwar ‘office   expenses.’

        Napa enn ki pou met ‘voter education’.  Par kont sa bann depans vi ki i en aktivite, son bann depans pou ganny mete dan sa bann economic plan items ; par egzanp la nou’n met li anba ‘advert and donation’ si i bezwen fer bann adverts.  Sanmenm sa ou pou vwar 2019 in ogmant apepre par R100mil.  E bann lezot kod ki pou relate avek sa aktivite ki zot anvi fer.  So ou pa pou vwar en spesifikeman en line pou vot voters education.  Ti a bon note.  Mersi.

 

MR SPEAKER

Mersi Mr Thesee.  Onorab Paul Ernesta.

 

HON PAUL ERNESTA

Mersi Mr Chair.  Mr Chair bonzour Minis ek ou delegasyon e tou koleg Onorab bonzour.  E tou dimoun a lekout.

Mr Chair annefe mon kestyon part of mon kestyon in Chairman letan i ti pe reponn Onorab Aglae, in reponn – kot mwan mon ti anvi konnen dan laspe bann parti politik, lekel bann ki an konformite avek bann Lalwa parey Lalwa i demande.  Par egzanp ki fer zot annual general meeting – fer tou zot bann prosedir byen?

E apre ki mannyer zot Komisyon i travay etrwatman avek bann parti politik?  Akoz ler mon get zot Bidze i en pti Bidze, ki mannyer sa i permet zot kapab fonksyonnen?  Vwala mon kestyon Mr Chair.  Thank you.

 

MR SPEAKER

Mersi Onorab Ernesta.  Mrs Lagrenade.

 

CHAIRPERSON EC – MRS LUCIANA LAGRENADE

Ki mannyer nou travay avek bann parti politik?  Wi nou annan en pti Bidze.  Nou, nouvo Komisyon letan nou’n konmanse la, nou’n fer en sesyon avek bann parti politik  -mon pa rapel kan egzakteman.  An Septanm sa lannen.

I en legzersis ki nou’n dir nou pou fer tou le quarter avek zot.

Ou 2enm parti ou kestyon eskize i ti kwa?

 

MR SPEAKER

Yes Onorab Ernesta.

 

HON PAUL ERNESTA

Mersi Mr Chair.  Bann ki konformite avek lo Lalwa fer zot annual general meeting – tou bann prosedir byen.

 

MR SPEAKER

Mersi.  Madanm Chair.

 

CHAIRPERSON EC – MRS LUCIANA LAGRENADE

Ok mersi.  Parey mon tin dir boner i annan en legzersis ki nou pe fer la pou nou etablir.  Once nou’n etabli nou pou ganny pli on pozisyon pou nou kapab dir zot.

Nou pa’n ankor fer li la – nou annan 75 zour depi ki nou’n pran Komisyon.

Petet pou piblik i paret en ta letan ki nou la, me selman 75 zour nou tou nou part-time tou dimoun la i part-time.  E nou pe adres bann priyorite.  I vre ki sa ki ou’n dir la i paret en priyorite – me selman ti annan en kantite lezot keksoz an menm tan ki nou pe adrese, pou met drwat.  E sa i enn lo nou lalis la ki nou pe fer e once nou fini fer – then nou ava les zot konnen.

 

MR SPEAKER

Mersi Mrs Lagrenade.  Mrs Alcindor.

 

MRS VERONIQUE BONNELAME-ALCINDOR

Mr Chair if you will allow mon ti a kontan reponn sa kestyon azout sa ki Mrs Lagrenade in dir regarding nou Bidze.

 

MR SPEAKER

Go ahead.

 

MRS VERONIQUE BONNELAME-ALCINDOR

Lo Bidze i ase ptipti, me parey nou Chair in nonmen sa Bidze i ti ganny prepare depi an Avril sa lannen, e i ti baze lo laspirasyon e vizyon premye Komisyon ki ti an plas.

La sa in sanze en pe.  Nou nouvo Komisyon in pran lefe depi lafen Zilyet 2018.  E bann nouvo Manm ki’n vini, zot, zot in vin avek zot nouvo nide e zot pwen stratezi ki zot, zot ti a kontan adrese.

E si ou get dan nou ‘Strategic priorities 2019-2021’ ki lo komansman Bidze ou pou vwar i en pe diferan avek sa ki ti annan lannen pase.

Wi nou Bidze i ptipti e sa lannen akoz ki nou’n erit li koumsa, nou pou make do with it.  Nou napa lot swa.  E nou pou fer kot nou kapab fer savings pou nou atann bann pwen stratezik,  nou pou fer li.

Me nou ti a kontan ki konmansman lannen prosenn, nou pou travay lo en Bidze ki pou reflekte laspirasyon sa enn Komisyon.

So nou pe espekte ki nou pou –  Nou pe in fact depi Zanvye lannen prosenn, nou pou travay seryezman zis lo la.  Ki nou pe travay avek Finans etrwatman, ki nou pe oule anmenn len Bidze ki annan en ‘infrastructure’ ki dan sa enn napa.  I annan bann en gro Bidze pou nou IT ki la i zis R25 mil.

So i pou bann progranm ki nou pou oule i vini avek pou lannen prosenn.  So we nou aksepte pou dir i vreman ptipti sa Bidze.  E pou bann transformasyon ki nou ti a kontan fer, i vreman limite.  Me selman sa ki nou kapab achieve sa lannen, nou pou fer li.  Me nou pou look foward pou nou prezant en nouvo Bidze pou lannen prosenn. Mersi.

 

MR SPEAKER

Mersi Mrs Alcindor.  Onorab Ernesta.

 

HON PAUL ERNESTA

Mersi Mr Chair.  La mon pe vwar en challenge devan zot.  Pou zot kapab parey Chairman in dir ankor zot pe travay lo sa legzersis zot pe fer sa legzersis la, pou fer sir ki mon pa konnen ki dele letan – time frame zot in set zot lekor ki sa bann legzersis i a kapab fini.  Ki nou, nou ganny met okouran tou bann keksoz ki ganny fer.  Mon pa konnen si zot annan en time frame petet ki zot in mazinen pou zot kapab fini fer tou bann legzersis avek sa pti Bidze ki zot annan. Thank you Mr Chair.

 

MR SPEAKER

Mersi Onorab.  Mrs Lagrenade.

 

CHAIRPERSON EC – MRS LUCIANA LAGRENADE

Zis pou donn ou en nide – nou meet dan Merkredi e mon ava demann Mrs Alcindor si nou’n finalize nou pa ankor finalize en time frame vreman.  Me selman sa nou ava fer li nou ava finalize vi ki nou bezwen rann kont la zot in demann nou, nou ava finaliz en time frame

        Ki nou ti pe fer, nou ti pe zwenn letan nou zwenn dan Merkredi nou ti pe diskit en pe, me selman la nou ava fer li vin en priyorite.

Me selman right now la i annan staff ki’n konmanse pe fer sa legzersis right now pou donn nou.  Me selman zis nou ava met en deadline lo la prezan.

 

MR SPEAKER

Mersi Mrs Lagrenade.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair zis pou seek en pwen klarifikasyon.  Nou’n ganny dir poudir i annan zis 4 parti politik ki ganny anrezistre?

 

MR SPEAKER

Yes Mrs Lagrenade?

 

CHAIRPERSON EC – MRS LUCIANA LAGRENADE

Mr Chair mon kapab reponn please?

 

MR SPEAKER

Yes Madam Lagrenade.

 

CHAIRPERSON EC – MRS LUCIANA LAGRENADE

Wi letan mon ti pe konte dan mon latet an vi ek sa legzersis ki ti pe ganny fer, mon ti’n ariv 4 me selman i annan plis ki sa.

I annan apepre en 11 parti.  Me selman 11 parti ki egziste, me selman nou ava konfirm tou zot bann zis zot regilye or regular ek zot tou zot bann lobligasyon eksetera.  Nou a fer zot konnen.

 

MR SPEAKER

Mersi Madanm.  Onorab Pillay.

 

HON SEBASTIEN PILLAY

Mersi Mr Chair.  Non, non nou pe zis gete mon ti krwar kekfwa SNP in al tir son lekor lo lalis. Mon pa konnen.  Mon pa’n tonm nonmen akoz mon konnen pou dir in la.

Mr Chair mon kestyon ki mon pe demande se premyerman …

 

(Interruption)

 

MR SPEAKER

Ok, laparol i pou Onorab Pillay. Onorab kontinyen.

 

HON SEBASTIEN PILLAY

Mersi Mr Chair.  Mr Chair an se ki konsern financial assistant pou voter education – koriz mwan si mon mal – avan sa ti en automatic registration pou bann FTVs

So akoz ki nou ti sanz sa automatic registration pou bann FTVs premyerman – enn ?

Apre dezyenmman eski mn kapab demann ek Minis Finans an vi ki nou pe met nou pe koz lo Bidze eski nou pa kapab annan en budget line proper pou voter education from la between la avek Midyear Review konmans travay lo la ek Komisyon Eleksyon, pou ki nou ava nannan en budget line anba nouvo Komisyon Eleksyon, ki ava donn li sa larzan pou li fer sa voter education as well anba la?

Apre mon lot kestyon – ki pozisyon Komisyon lo bann manm Komisyon attend bann meeting bann parti politik?  Eski sa i en keksoz ki zot allow pou zot fer anba zot bann Lalwa? Oubyen mon ti krwar Komisyon i sipoze montre latransparans e lendepandans dan tou bann keksoz.  Zis sa de pti pwen.

 

MR SPEAKER

Mersi Onorab.  Mrs Lagrenade.

 

CHAIRPERSON EC – MRS LUCIANA LAGRENADE

Mersi Mr Chair.  Bann automatic registration ki ou pe koz lo la – kestyon – bann dimoun 18an? Sa ti an repons pou reform – ti ganny fer an reform eleksyon.

2enm sa Mr Thesee konsernan budget line i ava reponn.

E 3enm i annan, Mrs Alcindor i pou pas en komanter.  Mersi Mr Speaker.

 

MR SPEAKER

Mersi Mrs Lagrenade.  Mrs Alcindor.

 

MRS VERONIQUE BONNELAME-ALCINDOR

Zis pou pran kestyon Onorab Pillay lo si bann Manm i annan drwa attend meeting politik?

Onorab Pillay pe fer referans avek en telefonn call ki mon ti call Sanmdi bomaten pou mwan regarde si i posib pou nou obzerv part of Kongre.  Ki ti en aktivite politik Parti Lepep.

Komisyon pa ankor pran en desizyon lo ki mannyer i pou adres sa pwen.  Me sa pwen ki mon ti fer eksplik li osi tou –  i ler bann parti politik as  a Registrar of political parties e ki nou’n ganny kestyon la bomaten lo si zot pe fer tou sa ki zot devret pe fer.  E sa i enkli  fodre zot annan zot 2 aktivite politik par lannen.

Enn nou bann devwar anba sa Lalwa, i se ki pou fer sir they are actually complying.  And mon ti anvi pou mon al Kongre depi lannen pase, me selman letan mon ti konnen ti’n tro tar pou mwan kapab demann permisyon.

E mon ti fer li kler osi, nou pa ti pe oule vin obzerv letan  i annan vote or diskisyon zot Konstitisyon.  Me plito i annan speeches.

Sa lannen mwan mon’n attend 2 aktivite parti politik.  Letan LDS ti fer pou Anse Boileau.  E letan ti annan la mars son bann speeches part of la mars la recently. 

Rezonnman pou sa i se ki enn bann fason voter education i Komisyon li menm, i fer voter education atraver medya e i target voters. 

En lot fason i se ki ou servi bann parti politik ki zot ki lo teren toulezour. E zot, zot pas sa mesaz.

Me pou sa, i en pti pe en sityasyon en pe delika, ki i bezwen ganny monitor byen par Komisyon dan lesans ki Komisyon i bezwen fer sir ki mesaz ki parti politik i pase avek voter, i korek.  I pa mislead voter pou dir – kont Lalwa and so on. 

        Sa i en keksoz ki nou pa ankor fer isi Sesel.  E well Komisyon Eleksyon pa ankor fer  – e i en keksoz ki nou oule konmanse ladan.

So mon ti oule deza konmans vwar ki mannyer bann mesaz i pase.  Par Atraver bann parti politik.

E mon kontan pou raporte ki so far bann ki mwan mon’n vwar, bann mesaz i kler – napa okenn mesaz ki’n pase ki ensit vyolans ; napa okenn mesaz ki pase ki kont Lalwa, ki pe anpes dimoun vote.

        So i en keksoz ki nou pou konmanse 2019.  I pou form par nou bann meetings stakeholders ek bann parti politik.

E sa i en fason osi i akseptab dan lesans, ki parti politik ki lo teren toulezour.  Zot ki zwenn avek bann voter toulezour.

E so, nou a gete ki mannyer nou met sa avek bann stakeholders ki zot panse fer lo la.  Mersi Mr Chair.

 

MR SPEAKER

Mersi Mrs Alcindor.  Onorab Pillay.

 

HON SEBASTIEN PILLAY

Mersi Mr Chair.  Minis Finans pa ankor reponn mon kestyon. Me zis lo sa, pwen non i malere mon pa ti pe refer to telephone conversation – mon ti pe zis demann Komisyoner Eleksyon me la vi ki ou’n lev sa pwen.

Mr Speaker mon vwar li en pe drol mwan ki Komisyon Eleksyon i sipoze act dan enparsyalite.  Mon’n vwar Lalyans Seselwa osi in fer son meeting, be napa Komisyoner ki’n attend. 

        Parti Lepep nou’n fer plizyer aktivite sa lannen ki nou’n met lo medya e napa okenn Komisyoner ki’n attend. 

Mon en pti pe konsernen ki Komisyon petet pe al dan en laliny kot i pou anmenn serten kestyon lo son latransparans.  Mon krwar sa i en keksoz ki nou bezwen ki nou bezwen very, very careful about.

So mon pa konnen si Komisyoner Eleksyon – Chairperson i ava’n annan en keksoz pou dir lo la.  Me selman dan mon konesans pou mwan i premye fwa mon tande pou dir bann manm Komisyon Eleksyon i attend meeting  politik.  E mon vwar li en pe drol bann lezot parti in fer bann meeting ki pa’n ganny attend!

        Me selman Mr Chair.  Mon pou retourn lo mon pwen sa i ava …

 

(Interruption)

 

MR SPEAKER

Kontinyen.

 

HON SEBASTIEN PILLAY

Mersi Mr Chair.  Mwan mon ti a kontan go back to mon pwen lo sa size budget line; – mon ti a kontan ki PS Finans  i reponn mon lo sa  size.  Mersi M Chair.

 

MR SPEAKER

Mersi Onorab Pillay.  PS Thesee.

 

PS DAMIEN THESEE

Mersi Mr Chair.  Parey nou vwar nou’n bouz lo PPBB en Performance Programme- Based Budgeting e nou pe get Bidze Electoral Commission nou pou vwar ki i en Bidze selman 7.4 milyon.

Savedir in terms of materiality – deza ou krwar i annan zis en progranm dan li menm.  I pa fer sans pou break li down into more programmes.  Akoz administrativman i en burden pou nou apre administre.

So parey nou’n adrese parey avan voters registration li menm i en aktivite.  I pa en    classification kot nou pou met li parey ou vwar dan sa lalis sa breakdown ki nou donn zot i pa pou feature.  Akoz i en aktivite.  E nou a note osi ki Electoral Commission i annan financial autonomy.  E nou transfer tou son larzan lo son kont.

Sa Bidze ki mannyer in ganny prezante la, i plizoumwen pou meet standar nou Bidze.

So li at the back, i toulezour kapab fer son klasifikasyon diferan pou li konnen konbyen larzan in mete; bann diferan lezot aktivite.  Selman pou rezon klasifikasyon – standar, nou pa mete bann aktivite dan sa breakdown ki nou’n soumet.

Solman son bann depans;- parey in eksplike son depans ti deza dan ‘adverts and donation’, in fini montre kot konbyen larzan in mete ladan.  Akoz ler in met sa depans kote spesifikman sa bann aktivite ekonomi i ete, rather than en aktivite lo li menm.  Mersi.

 

MR SPEAKER

Mersi PS.  Mrs Alcindor.

 

MRS VERONIQUE BONNELAME-ALCINDOR

Mr Chair mon ti a kontan pran sa loportinite pou mon fer li kler!  Komisyon Eleksyon pa attend meeting politik.  Komisyon Eleksyon konman Registrar of political parties anba Lalwa, i obzerv parti political parties ek son bann aktivite!  I follow ki kestyon ki nou’n gannyen sorti kot Onorab sorti Takamaka Paul ki eski nou annan en lalis bann parti politik e nou le konnen si zot pe meet requirement anba Lalwa?

Ki mannyer nou pou konnen si ou met requirement anba Lalwa, si nou pa obzerv ki ou fer?  Mersi.

 

MR SPEAKER

Mersi Mrs Alcindor.  Onorab Pillay.

 

HON SEBASTIEN PILLAY

Mersi Mr Chair.  Mon remersi Mrs Alcindor pou sa klarifikasyon.  Mwan mon annan zis pou dir li dan nou Konstitisyon parti ki nou ‘n anrezistre United Seychelles ki ini pou anmenn lape dan Sesel – nou’n entrodwir en provizyon konmkwa poudir nou pou evit bann obzervater.  E mon ti ava prefere si dan lefitir Komisyon Eleksyon i le attend okenn meeting meeting pou en parti politik sa i ganny fer atraver en let formel ki ganny anvoye kot Leader sa parti sa let i ganny rikorde dan en fason apropriye.  Mr Chair akoz mon vwar li en pe drol – mon vwar li en pe drol ki Lalyans Seselwa osi in fer aktivite nou pa’n vwar Komisyoner Eleksyon in al attend!

       

(Interruption)

 

HON SEBASTIEN PILLAY

Be relax me ki zot pe ankoler?  Zot pa le vwar latransparans?  Latransparans sa mes amis ! 

 

MR SPEAKER

Order! 

 

HON SEBASTIEN PILLAY

Zot pa transparans konman en parti savedir?

 

(Interruption)

 

MR SPEAKER

Order! 

 

(Interruption)

 

HON SEBASTIEN PILLAY

Zot pa oule latransparans.

 

(Interruption)

 

MR SPEAKER

Order!  Order!  Order!  Order!  Order! 

 

(Off-Mic)

Speaker pe koze.  Order

 

MR SPEAKER

Ok. Onorab Pillay mon krwar ou’n fer ou pwen – ale.

 

HON SEBASTIEN PILLAY

Mon ti annan zis en dernyen, dernyen pwen.

 

MR SPEAKER

Ou’n fer ou pwen – ale.

 

HON SEBASTIEN PILLAY

Mersi Mr Chair.  Wi mon ti le zis klarifye ki nou pou extend lenvitasyon next time e nou ava espekte en kominike ofisyel.

Me mon ti pou demande i Komisyon Eleksyon i sort out sa size klerman – akoz i pa zis nou ki nou pou eksprim nou konsern lo la.  I annan parey nou’n dir 11 sepa 9 parti politik ki’n anrezistre.

I posib ki sa bann parti osi pou eksprim zot konsern lo la.  I enportan akoz nou pe vot Bidze.  E mwan mon pou vot an faver Bidze Komisyon Eleksyon.

Mon dernyen pwen Mr Chair, se eski Komisyon Eleksyon si par egzanp i annan en referendum – si i annan en referendum, eski zot annan resours finansyel pou fer referendum la a sa moman ?

Oubyen si sa i en keksoz ki pou bezwen al dan Bidze?

Akoz mon demann sa Mr Speaker, se akoz mon vwar pou dir pou annan bann travay Komisyon Eleksyon i bezwen fer ki petet zot Bidze pa permet zot fer  e ki mannyer Minister Finans i kapab asiste zot dan sa domenn, pou ed zot avek bann travay ki zot annan pou fer ?  Mersi bokou Mr Chair.  Mersi Lasanble pou zot latansyon.

 

MR SPEAKER

Mersi Onorab Pillay.  Mrs Lagrenade.

 

CHAIRPERSON EC – MRS LUCIANA LAGRENADE

Mersi Mr Chair.  Sa Bidze ki nou’n ki pe ganny koz lo la, la i en Bidze pou nou bann travay loperasyon. Me selman kot i konsern eleksyon whether it is a snap election oubyen en Schedule election oubyen en referendum – PS Thesee nou konnen nou ganny finansman sorti kot Minister Finans.

 

MR SPEAKER

Mersi Madanm.  Onorab Ramkalawan.

 

HON WAVEL RAMKALAWAN

Mersi bokou Mr Chairman e bonzour Chair Electoral; Commission ek bann Commissioners. 

Premyerman Mr Chairman ou konnen parfwa letan zot nouvo e zot pa’n swiv bann deliberasyon electoral reform, nou vin demann bnn kestyon ki pa relevan.

Onorab Gill i konn byen ki mon pe dir akoz Onorab Gill avek mwan nou’n attend – nou dan Lasanble nou menm nou 2 dimoun ki’n attend plis sa prosesis reform.

E enn de bann kestyon ki Onorab Pillay pe demande  – pa fer sans, akoz Mr Chairman zis pou met lo rikord letan LDS ti pe fer konpanny GAPPY OUT  ti annan Komisyoner ki ti asiste!

Ti annan Komisyoner  Beaty Hoareau avek Komisyoner Elizabeth sa letan, ki ti asiste zisteman pou obzerve kwa ki pe pase.

Alor akfer nou demann sa bann ensinifyan – nou konnen ki pe pase.

 

(laughter)

 

HON WAVEL RAMKALAWAN

Mr Speaker mon ti ava kontan demann –

 

(Interruption)

 

 

HON WAVEL RAMKALAWAN

(… mon kapab kontinyen san disturbance avek sa bann US Ultra Sound, bann zafer la mon pa konnen kwa?)

Mr Chairman mon ti ava kontan ki zot dir nou an relasyon avek bann nouvo bann nouvo distrik.  Parski letan nou ti pe koz reform pti annan Perseverance ki reste en size ; pou nou regarde egzakteman ki staz e mon realize osi ki ti annan posibilite Anse Etoile Anse Etoile zot ti pe koz Anse Etoile 1 ek Anse Etoile 2.  Pou nou regarde ki pe arive an menm tan osi lye avek sa se bann reform elektoral.

Parski pou nou pa ganny sa menm problenm avek Perseverance. E letan mon pe regard zot lalis reform elektoral  ki zot ti prezante, avek depi letan Mr Gappy ti ankor Chair – ti annan en lalis reform Elektoral, e ziska aprezan nou’n ariv 1an, e ziska aprezan napa en Lalwa ki’n ganny anmennen devan sa Lasanble!

E mwan personnelman mon pe tante pou anmenn en Private Member’s Bill avek sa bann reform.  Parske se bann reform ki fer sans.  Se bann reform ki pou ed nou avans devan.  E nou pa konnen kan pou annan en eleksyon.  Parski nou sistenm elektoral i permet pou annan en eleksyon nenport ler.  E, nou pa ankor gannyen bann reform apre 1an!

E parey well zot pa okouran me bomaten nou’n fer en Private Member’s Bill zisteman pou adres en size, ki le 01 Desanm si nou pa tipas li i ti pou annan en problenm.

Alors ki staz zot in arive avek reform elektoral. Me selman mon konnen ki pou dir  i laba anler State House.  I State House me selman napa naryen ki pe arive.

E zisteman lo sa size political parties mon konnen ki pou dir letan political party i ganny anrezistre e letan i ganny deregistered, fodre i ganny gazeted.

        Mon anvi demann zot direkteman, eski i annan okenn political party ki’n ganny deregistered sa lannen?  Silvouple donn mon sa bann larepons.  Mersi bokou.

 

MR SPEAKER

Mersi Onorab Ramkalawan.  Mrs Lagrenade.

 

CHAIRPERSON EC – MRS LUCIANA LAGRENADE

Ok pou, dernyen kestyon ki ou’n demande si i annan okenn political parties ki ‘n ganny deregistered sa lannen?  Non nou pa neseserman okouran -non.

Me selman pou reponn ou bann larestan kestyon, kot reform i konsernen, nou ki nou pe fer nou se ki nou’n pran tou sa bann reform nou e gete ki bann reform elektoral.  Nou pe konmans study zot pou gete ki bann diferan aktivite ki nou pou bezwen ki bann neseser ki nou bezwen fer avek tou.

E Merkredi prosen dan Merkredi ki nou zwenn – Merkredi sa i pou on the table ki nou pou bezwen pe adrese.  Mon pa pou kapab fer bokou plis komanter ki sa, akoz sa i pou lo azanda.

An sa ki konsern Perseverance S.I 59 of 2016 si mon pa tronpe – in fer ki sa distrik in vin en distrik elektoral.

Travay ki nou pe fer nou nou’n fek travay lo sa la –  nouvo Komisyon la.  An Zanvye sa Zanvye ki pe vini 2019 – nou pe plan pou nou etablir voters register pou Perseverance.  E sa mon ava anonse nou annan apepre 4, 500 dimoun ki pe reste Perseverance.

From 19 Zanvye nou pou fer 2 stasyon lanrezistreman e nou pou bezwen go according to the Law akoz petet gazete, akoz nou annan voters registration i ganny fer dan bann regional centres. 

Me selman Perseverance i en eksepsyon la.  Ki nou pe fer  (anr Monday le 14?) Sorry mwan mon’n dir le 19, me selman dan sa 2enm Zanvye.  Nou pou fer lanrezistreman dan Perseverance 1 avek dan Perseverance 2.  Sa i pou sa semenn ki mwan mon’n met li 19 me selman probableman 14.

Dan 2enm semenn semenn apre sa i pou annan sa semenn kot dimoun i  kapab vin fer zot bann lobzeksyon oubyen whatever. 

Apre sa i pou pran apepre de semenn dapre nou current practices, pou kapab input tou bann lenformasyon dan nou sistenm.

Nou pa pou kapab obviously fer en automatic transfer, akoz Lalwa i demande ki dimoun i aktyelman fer transfer ofisyel.  E sa osi pou bezwen nesesit bann sanzman dan voters register lezot distrik – evidaman.

Ok an sa ki konsern Anse Etoile nou konnen pou dir Anse Etoile i en gran distrik, me sa i pou tonm i ava tonm enn dan bann diskisyon dan nou meeting konsernan bann reform ki nou pou fer Merkredi – as of Merkredi.  Sa probableman nou a kapab aranze lo la.

Me selman si zanmen ti pou ariv en eleksyon, nou a kapab – mon mazinen nou a kapab gete organize ki mannyer nou pou kapab fer nou bann alphabetical voting ki nou a fer en sityasyon parey Anse Boileau, kot nou’n annan voting rooms ;- Anse Boileau ti annan 3 voting rooms  dan en electoral area.  Si i neseser nou bezwen fer plis voting rooms pou kapab accommodate sa sityasyon pou ki nou napa tro gran lake.

Selman sa i zis en keksoz tanporer sa ki mon pe dir.

Lot ki ou’n dir political parties Perseverance, Anse Etoile reform elektoral mon’n reponn.  I annan enn ki mon pa’n reponn?

 

MR SPEAKER

Mersi Mrs Lagrenade.  Onorab Ramkalawan.

 

HON WAVEL RAMKALAWAN

Non, non lot ti zis en komanter ki mon ti a pe dir ki Komisyon Elektoral bann manm in toultan aktiv par asiste bann aktivite ki bann parti politik i fer, mn ti pe refer lo GAPPY OUT campaign – kot serten Komisyoner ti asiste.  E apre sa dan tou eleksyon letan i annan bann rallies ensidswit, zot vini konman obzervater.  Sa ti zis en komanter.

Me Mr Chairman.  I annan lo sa kote electoral reform nou konnen konman konman Chair SADC PF Democratization Governance And Human Rights Komite, mwan mon annan sa responsabilite pou mwan – e semenn prosenn Plenary pe al pas en vot probableman zot pou aksepte lo the SADC PF – well not even PF, me SADC model law on elections.

E letan mon pe regard sa ki dan sa model law e avek nou Lalwa definitivman i annan serten keksoz ki nou pou bezwen fer rantre dan nou Lalwa.

E enn bann size par egzanp registration of citizen of  the diaspora ki pe met bokou lanfaz lo la.  Ki mannyer konmsi pou fer sa bann keksoz bouze?

E i annan ankor bann lezot responsabilite. E se la kot letan mon pe regarde konmsi pou parske Sesel in lead ladan. E i annan bokou keksoz ki dan nou bann Lalwa elektoral ki nou osi ganny enkorpore ladan.

Alor se la kot mon pe demande si dan sa Bidze e sa travay ki zot pe fer lo electoral reform, i annan ase larzan pou zot kapab donn nou pei – e an menm tan osi mon ti ava fer nou pei fyer –  to be the First SADC country pou nobou met an aplikasyon parski konmsi ki nou a kapab kot tou sa bann bwat ki ganny rekomande.  Eski zot vwar sa larzan dan sa Bidze, oubyen eski zot bezwen plis larzan?

E dezyenmman ok zot pe tien keksoz ki nou ti demande toultan, e ki nou’n vwar pe arive. E parski dernyen fwa letan nou ti fer meeting pou tou bann parti politik zot pe dir ki pou zot Lalwa pou zot annan en CEO.  Me tousala ankor en fwa pa ankor vini devan nou.

E zot bezwen sa.  Parske la pou lemoman the Chair i zis en i Chair of the Board, me i pa en Egzekitiv pou oversee the Commission! 

Alor eski zot pe satisfe ki pou dir sa rekomandasyon konmsi – kan eski i pou vini oubyen, eski zot pa bezwen sa Lalwa pase?  E eski larzan ki pe ganny mete ladan i sifizan pou zot kapab ganny en dimoun ki pou run sa election management body?

Ki eski zot pare finalman si demen i annan en eleksyon i ganny kriye, vi ki zot pe koz lo en baz non-permanan –  eski zot pare pou organiz en National Election ?  Mersi.

 

MR SPEAKER

Mersi Onorab.  Mrs Lagrenade.

 

CHAIRPERSON EC – MRS LUCIANA LAGRENADE

Mersi Mr Chair.  Mon pou reponn kestyon lo CEO Bill avek si vreman nou pare avek pou eleksyon?

Parey mon’n dir boner nou’n organiz nou dan task Teams e dimoun ki ansarz Bidze kot malgre – ki mwan mon’n bezwen annan oversight the Chairperson –  mon pou pas avek Mrs Alcindor.

An term CEO Bill.  Nou’n agree lo konteni e initially mon ti al fer en prezantasyon kot devan Cabinet lo la.

An se moman sa CEO avek enn de sanzman ki nou’n bezwen fer – recently – pa letan mon ti kot Cabinet, nou’n fini anvoy li kot AG’s Office.  Nou pe esper larepons la.

An sa ki konsern si nou bezwen en CEO? Yes nou bezwen.  Rezon pou sa, seki parey zot konnen i annan sa  separasyon pouvwar ant the Board avek Sekretarya. E nou tou nou part timers dan sa 70 ekek 75 zour ki nou la, nou pe fer – nou pe enterfer si oule dan loperasyon ki nou pa devret.  Me selman napa lot swa.  And believe me it’s killing us.  Pou nou la tou letan on the ball – kit nou avek up-to-date avek tou keksoz – fer louvraz Sekretarya – fe nou louvraz konman Board.

        E sa enn la pe ganny neglize.  E si sa pa pase byento – hopefully avan lannen fini – if not boner lannen prosenn i pou ekstrememan difisil pou nou fonksyonnen.

Selman pou reponn ou kestyon lo eleksyon.  Manda Komisyon Eleksyon se election preparedness Nou pou deliver lo sa eleksyon si zanmen i arive boner lannen prosenn menm si i annan en keksoz ki pou bezwen arive pou  fer li en pti pe ridikil – as of next week.  I pa pou arive next week.  Me selman nou pou deliver lo la!

Legzanp konkret ki mon kapab donnen se boner sa lannen, ti annan en by Electionadmittedly ti en distrik, me selman nou ti travay e nou ti deliver.  E dan Komisyon nou annan en election management tasking mon ki Chair sa election task Team .  E nou annan dimoun ki byen mir byen eksperyanse ladan par egzanp Ms Jenny  Adrienne ki mon krwar i pa pou mine mon pe mansyonn son non.  E nou annan Norlis ki la avek mwan Norlis Hoareau.

E nou annan an plis ki sa sipor tou lezot manm apre lezot staff.

        Mon ava, dir osi pou dir nou pa’n annan zis sipor sa bann dimoun me depi ki nou’n konmanse nou’n ganny sipor, bokou bann lezot entities, ki’n ed nou pou an gaz nou re aranz dan sa sistenm par egzanp HR endik nou.  Nou, nou konnen nou annan training me selman point nou dan bann direksyon bann kalite training ki nou staff ki pou bezwen – pa zis pou eleksyon me pou lezot travay administratif ki nou annan.

Nou annan PS Thesee ki parey Mrs Esparon kot DPA ki’n ed nou avek en management audit PS Thesee osi ler nou ti kriy lasasen kot li pou fer en asset management – audit asset kot nou eskize.

Li osi malgre kantmenm parey Mrs Esparon kantmenm ti deborde zot ti accommodate nou request.  E nou’n vwar bann defayans  ki nou’n annan e ki mannyer nou pe met annord pou nou kapab pou ed nou delivre nou responsabilite pli byen ki nou ti pou’n fer si an ka ki nou pa ti’n ganny sa management audit.  So don’t you worry about this.

        Nou manda se eleksyon! Vre nou’n annan lezot  defayans me selman nou pou bezwen deliver lo la.

 

MR SPEAKER

Mersi Mrs Lagrenade.  Mrs Alcindor.

 

MRS VERONIQUE BONNELAME-ALCINDOR

Thank you Mr Chair.  Mon a pran bann kestyon regarding Bidze.  Parey nou ti’n dir oparavan nou Bidze i ptipti e i zis en keksoz nou pou bezwen make do ki ete sa lannen.

E par egzanp sa legzersis po nou annan en fer en rezistrasyon pou Perseverance, nou pe espekte i pou kout nou apepre en R100mil.  E i pa ti’n ganny plan dan nou Bidze akoz i en desizyon ki depi an Zilyet.  Depi la ki’n pran form e nou’n plan sa legzersis e nou’n kapab ganny en Bidze ki al avek.

So i pa ti dan Bidze orizinal.  Me nou pe espekte nou pe nou pou fer savings dan bann landrwa;- nou pou bezwen cut-down e nou’n fer en bon pe savings.  To be very fair sa lannen nou’n koup en bon  pe wastage – so nou’n kapab nou’n konnen pou dir nou kapab fer sa savings pou nou ganny  sa R100mil pou nou fer pou Perseverance.

.Pou model Law – ankor sa i pa’n ganny enkli dan nou Bidze.  Akoz normalman e ki Konstitisyon i kler ki Komisyon Eleksyon ler i fer son rapor pou reform, i annan li zis pou ekrir son rapor pran submit ek Prezidan.  E se tou.

E sa ki’n ganny fer depi rapor ki ti fe pou reform 2013 e osi sa enn lannen.

Ankor par egzanp sa nouvo Komisyon ki’n vini, zot in vin  avek en nou lapros e son apros se ki nou devret pran en pe plis vin en pe pli proactive ki ler nou fer reform ki zis follow lo sa ki zis mete dan  Konstitisyon.

Alor sa in ganny plan pou an Zanvye 2019.  Parey Mrs Chair in eksplike bann kontrent ki nou’n annan, ki nou pe fer tou keksoz alafwa.  So alor nou bezwen plan serten keksoz.

Ki Komisyon Eleksyon pou fer an Zanvye?  Se ki nou pou asize e avek sa lalis rekomandasyon pou reform – ki’n fini ganny prezante avek Prezidan depi an Zanvye 2018.  Nou pou asize nou pou priyoritiz li.  Akoz i annan  serten dan sa lalis reform – rekomandasyon reform ou pou vwar i annan bann ki tous bann gran prensip demokrasi ki pou annan bokou plis diskisyon.  E ki tous zafer lamannman dan Konstitisyon.

Apre i annan bann ki tous senpleman bann lo Lalwa.  E ki more practicalities of running the election. 

        Par egzanp konbyen rezis  voter ou print – keksoz koumsa.

So nou le fer annan en prioritisation exercise avek anndan menm ;- nou avek Komisyon Eleksyon.

E apre re-ascertain serten sa bann.  Ki  koumsa nou a kapab konnen lekel ki nou kapab entame  pli vit posib.  E lekel bann nou pou met li atraver diskisyon atraver nou bann forum ki nou’n diskit avek tou stakeholders. 

        So sa i sa de pou nou Bidze.  Parey ou ti’n dir taler wi nou Bidze i ptipti, me selman nou pe hope ki Minister Finans pou en pti pe pli lenient kekfwa towards milye 6 mwan lannen prosenn.  Ki si nou bezwen en pe plis finansman, kot i annan en pe slack lezot landrwa ki nou, nou kapab nou a kapab pran.

Me zis pou fer konnen nou Lasanble sa lannen well as nou fini 2018 nou’n kapab fer en saving – not really  en saving – it’s a saving of apepre R275mil dan nou Bidze 2018.  E sa nou pe pey bann bill ki nou nou’n ganny kite nou erite.  I annan depi 2015, 2016, 2017.

So i annan bann bill ki ti la pa ti ankor peye.

.So savings ki nou’n fer ki nou’n cut wastage nou’n come  down en pe heavy e nou’n kapab fer sa – e nou pe pey sa bann det.   So nou pe espekte ki 2019 letan nou konmanse nou pou konmans lo en clean  slate e so baze lo nou performans  si tou keksoz i reste parey.  With the grace of God tou keksoz i reste an mars, nou pou kapab fer sa saving parey sa enn sa R100mil pou Perseverance i antre ladan.  E lezot keksoz – lezot keksoz ki nou kapab azoute.  So pou nou fer nou Bidze en pti pe prodiktiv.  Thank you.

 

MR SPEAKER

Mersi Mrs Alcindor.  Nou a pran en dernyen kestyon.  Annou bear in mind ki nou deza an retar.  Onorab Simon Gill.

 

HON SIMON GILL

Mersi Mr Speaker.  Bonzour ankor enn fwa koleg Onorab, manm piblik, Minis bann manm Komisyoner Eleksyon.

Mon le konmanse Mr Speaker par dir avek nou bann koleg lo Komisyon Eleksyon, mon annan en leksperyans formidab travay avek Komisyon Eleksyon.  E mon oule re asir zot ki mwan mon fyer mon en manm United Seychelles! 

        E nou pou envit zot nou pou envit zot pou zot partisip dan nou bann partisipe.  E nou pa pou esper zot call nou pou anmenn en lenvitasyon ofisyel – si pa en lenvitasyon nou pou en form zot lo nou aktivite.

Nou bezwen travay ansanm se sa.  This is the spirit of a United Seychelles!  This is  the spirit!

 

(APPLAUSE) 

       

HON SIMON GILL

Now Mr Speaker.  Kestyon dan sa lespri dan sa lespri – dan sa lespri mon ensiste lo voter education mon krwar pou dir mon pe ganny en lenpresyon ki petet larzan   in eparpiy en pti pe partou.  Eski i posib pou mon sizere ki zot konsidere avek bann expert dan Minister Finans pou annan en vot ki dedye spesifikman lo voter education, pou nou pa vwar li eparpiye, partou – partou – partou.  Ok ?  Mon konnen zot fer en travay ekstrememan pozitiv.  E voter education i enportan.

I enportan akoz dan sa nouvo letap kot nou pe rantre i vreman enportan ki nou fer sa ekstrememan byen.

Anmenn mon lo mon 2enm pwen.  Pou mwan demande kan ki nou kapab vwar piblikasyon – rezilta voter census?  Mon konnen i en pti pe  zot pa ti la.  Letan sa legzersis ti fer me, i annan ki ti la byensir.

Me mon krwar i en legzersis formidab ki ti ganny fer.  E ti ava byen ki nou  ganny en rezilta pibliye or non.  Me bann reprezantan bann parti politik dan bann prosenn meeting ki zot ava annan, nou ava kapab asize diskit en pe lo la.  E dan lespri zisteman ki Onorab Ramkalawan in koz lo son Chairmanship dan SADC PF lo reform Commission ki lo la –  nou ava get tousala ek en lizye tre ouver e dan en faon tre pozitiv.

Lot keksoz ki mon krwar i enportan ki mon demann zot;-  eski zot Bidze ankor enn fwa zot Bidze i ase pou zot kapab fer sa ledikasyon voter entansif?  Ki mon krwar nou bezwen fer li.

E zot santi zot annan ase larzan?  E ansanm avek lot kote bann koleg LDS, nou ti ava voudre konsider serten  provizyon.  Vwala en pti pe mon sityasyon Mr Speaker.  Mersi bokou.

 

MR SPEAKER

Mersi Onorab Simon Gill.  Mon a donn laparol Mrs Lagrenade

 

CHAIRPERSON EC – MRS LUCIANA LAGRENADE

Mersi Mr Chair.  An term voter education wi nou, nou santi ki petet vre nou ti bezwen annan plis larzan ladan, e annan en dedicated budget line pou sa. Me selman petet sa i en keksoz ki lo kote Finans petet i en keksoz ki pou bezwen regarde.  Akoz voter education i ekstrememan enportan.

An sa ki konsern voter census ler nou ti zwenn Komisyon mwan avek Mrs Bonnelame lannen pase, ti dan sa bann lenterval ki sa voter census ti pe take place.

        E nou konnen wi i annan en rezilta ki’n sorti.  I annan apepre 2mil dimoun ki annan  duplicates.  E sa ti sa bann letan. Depi ler nou, nou’n take over avek tou bann keksoz ki nou’n involve ladan – pandan sa bann 70 ekek zour ki nou’n la, nou pa ankor vreman  adres sa issue me selman i enn bann issues ki lo lalis pou nou adrese byento.

E nou konsyan ki bann parti politik bann dimoun  i bezwen sa rezilta deswit.  Me i enn bann keksoz ki nou bezwen adrese.  Selman onnetman avek tou bann keksoz ki nou annan pou fer, letan nou’n take over – bann sanzman ki nou’n bezwen get involve in – i pa en keksoz ki nou’n adrese.

Sel sa ki nou’n adrese se nou ti envit NSB  – Statistisc Bureau pou vin fer en prezantasyon.  (Pardon ?) Wi Mrs Letourdie wi pou li vin fer prezantasyon avek nouvo Komisyon.

E from there pou nou move forward.  Me selman nou’n ganny anvair par lezot issues ki sa enn a malerezman nou pa’n kapab drese.  Me selman nou pou bezwen adres li.  E le moman ki’n nou pou work out en timeline pou sa e nou ava fer zot konnen.

Si Bidze i ase?  Non zanmen i ase.  I pa pou ase.  Well pou dan nou ka i pa pou ase e i annan en keksoz ki mon ava les sa dimoun ki ansarz Finans koz lo la – par egzanp nou CEO – lapey CEO.  Annefe lapey bann dimoun ki pe vin travay bear in mind ki sa Komisyon Eleksyon i annan dan tou landrwa travay i annan presyon – me selman i annan e kantite presyon ki ganny egzerse lo dimoun pandan lenterval eleksyon.

E i annan en public scrutiny ki sa bann dimoun pou fer fas avek sirtou sa CEO – e mon krwar, nou pou bezwen donn li plis ki’n ganny anvizaze dan Bidze la.

So pou reponn ou kestyon yes well  – no i pa ase and yes nou bezwen an plis.

 

MR SPEAKER

Mersi Mrs Lagrenade.  Bon nou’n ariv en pozisyon kot nou kapab pran en vot.  Wi Mrs Alcindor oule  azout keksoz.

 

MRS VERONIQUE BONNELAME-ALCINDOR

Mr Chair sorry pou mon pran laparol i zis pou regard Bidze ki Onorab Gill in mansyonnen.  Dan nou Bidze nou annan zis R35mil par mwan pou nou CEO e sa i definitivman pa ase pou atrakte en dimoun kalib ki nou, nou ti a kontan pou run nou sekretarya Komisyon Eleksyon e osi pou li fulfil fonksyon Chief Electoral  Officer sak fwa letan i annan eleksyon dan pei.

So ideally ki nou ti a kontan letan nou sorti la konman Komisyon Eleksyon se ki zot donn pouvwar Minister Finans ki as we go along dan lannen, ki nou kapab ogmant sa saler –  atraver diskisyon avek PS.

        Pou nou bann pou voter education, li osi tou Bidze pa ase dan lesans ki i pa parey mon ti’n dir i pa reflekte laspirasyon ki sa Komisyon i annan anver civic education.  Voter education in toultan ganny fer e i fer zis avan eleksyon e dimoun i konnen ki mannyer pou mark son papye, kote i pou al vote kote stasyon i ete.  Me plito civic education i lo ki mannyer ou fer ou swa ki annan dan bann manifesto bann parti politik and so on.

        Sa i pa ladan.  I pa – nou pa  ase Bidze lo la.  E letan ou pou get nou bann progranm ki nou’n plan konmansman dan Bidze – dan liv Bidze ou pou vwar i annan nou’n dir de progranm pou sivik and voter education e apre nou pour li mon krwar 4 a 6 fwa.

E sa i ti a en keksoz ki nou ti a’n kontan annan plis progranm e pou nou run li plis fwa.  Bearing in mind nou annan nou 2 zil ki nou ti pou kontan pou al fer li laba.  Apre nou annan bann diferan rezyon lo Mahé.

So si i posib e i dan Lalwa ki mannyer ki gouvern sa relasyon, an term Lasanble Nasyonal e Minister Finans ki mannyer Bidze i ganny allocate, then yes nou ti a kontan ki letan zot fer review, ki si i annan sa posibilite ki nou gannyen petet si arive i annan sa dan lezot landrwa.  Mersi.

 

MR SPEAKER

Mersi Mrs Alcindor.  PS Thesee.

 

PS DAMIEN THESEE

Mersi Mr Chair.  Petet en pti mo an zeneral lo Bidze pa ase.  Parey i reste enn nou dilenm kot Minister Finans kot ou konnen bann lorganizasyon ki pou vwar Bidze pa ase.

E nou, nou travay avek en resours ki nou annan nou allocate li dapre sa resours ki nou annan.

E i tou zou mwen eleve ou vwar tou le lannen ou vwar bann komanter Bidze pa ase.  Me selman  ki nou bliye e ki nou kontinyen Minister Finans repete tou le lannen ki ti en Bidze ki i en keksoz ki ou pe al fer ek sa larzan ki ou annan rather than ki sa larzan pou napa.

Me ki nou sizere an konsernan voter education parey nou travay avek bann previous Komisyon avan, nou’n pey zot bann sensors dan lepase.  Nou annan nou central vote pou consultancy pou ki ganny zere kot Minister Finans ki cut across Government pou bann high level standing. 

Nou’n pey bann standing par egzanp census dan lepase e si zot vwar i bezwen ki zot sa lannen mon pa konnen, ki eksepsyonnel ki nou bezwen fer voters registration, nou pare pou travay avek Komisyon pou gete kwa ki zot annan dan sa voter registration pou pey anba consultancy vote.

        Sa nou kapab fer.  E lo konsern saler CEO – parey ou konnen tou dimoun i demann plis larzan ;  zanmen sa saler basic ki donn zot i kase.  Nou tou nou anvi plis.

Nou, nou’n fer en provizyon baze lo grid – what is a starting point of a CEO, se sa ki nou’n fer towards Lalwa.

Me nou pare pou asiz avek Komisyon ankor ler son Lalwa i sorti -ler ler i advertise son pos, mon pa konnen kantite letan i pou pran i vin kot nou, e nou reviz si i posib pou donn li plis.  Mersi.

 

MR SPEAKER

Mersi PS Thesee.  Minis mon ti’n vwar ou lev lanmen mon pa konnen si PS in kouver pwen.  Minis.

 

MINISTER MAURICE LOUSTAU-LALANNE

Mersi Mr Chair.  Mr Chairman zis pou azoute ki enn fwa ki sa Lalwa i ganny aprouve par Lasanble, sertennman nou pou bezwen regarde met en provizyon  finansyel, pou asire ki sa Lalwa i ganny aplike korekteman.

Bon i napa zis saler CEO i pou annan lezot keksoz, e mwan mon pe espere ki nou  ganny en propozisyon en pe pli tar – enn fwa ki Lalwa in ganny aprouve par Lasanble isi.

E nou ava konsidere dan Minister Finans parey nou fer labitid.  Mersi Mr Chairman.

 

MR SPEAKER

Mersi Minis Loustau-Lalanne.  Bon nou’n ariv en pozisyon pou Lasanble pran en vot lo sonm R7,461mil pou Komisyon Elektoral ki form par sa Schedule e ki trouve lo paz 220 ziska paz 222.

Tou Manm ki an faver? Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair.  Vot i anonymous – tou le 25 Manm prezan in vot an faver sa vot. Mersi.

 

MR SPEAKER

Mersi Madam Deputy Clerk.  Savedir Bidze pou 2019 pou Komisyon Elektoral in ganny aprouve par Lasanble Nasyonal.

Bon zis avan nou Break PS gid nou pou apre midi.  Mon konnen nou pe pran Anti-Corruption Commission lo ki paz i ete?

 

PS DAMIEN THESEE

Anti-Corruption i trouve lo paz 239.

 

MR SPEAKER

Ki paz?

 

MR SPEAKER

239 ok.  Bon avek sa mon ti a kontan remersi Chairperson Mrs Lagrenade, son de Commissioners avek li Mrs Alcindor, avek Mr Hoareau.  Mon ti a kontan remersi Minis Finans avek son lekip – tou Manm Onorab.

E mon ti a prezant ankor en leskiz avek SBC – mon konnen nou’n overrun en pti pe nou letan.  Nou pou break .e nou pou rann SBC en pe letan.  So nou pou retournen 1.30 apre midi.

 

(BREAK)

 

 

ANTI-CORRUPTION COMMISSION

 

MR SPEAKER

Bonn apre midi tou Manm Onorab.  Bon apre midi tou dimoun ki a lekout, e pe kontinyen swiv travay Lasanble Nasyonal.  Bonn apre midi spesyal pou Minis Loustau- Lalanne ki akonpannyen par Secretary of State Mr Patrick Payet e Ms Croisee e Ms Tamatave.

E apre midi osi nou dir en bonzour spesyal bann zofisye Anti-Corruption Commission son CEO Miss May De Sylva ki ganny asiste par son Finance Assistant Ms Claudia Mathiot e Ms Misrin Abdul Majid Commissioner ki anler dan Galeri.  Bonn apre midi e welcome dan Lasanble Nasyonal.

Bon nou ava komans avek bann Manm ki pou enterakte avek Anti-Corruption Commission ki annan kestyon.  Onorab Terence Mondon.

 

HON TERENCE MONDON

Mersi Mr Chair.  Mon kestyon i lo paz 239 nou gro liv mon vwar ki defi ki zot mete zot bann defi aktyel i retourn otour kapasite imen vedir napa advisor legal in- house zot napa spesyalis finansyel pou donn en servis forensic.  Zot an gro zot resours imen i limite.

E ler mon get zot priyorite stratezik pou 2019 a 2021 zot dir zot pou kontinyen build zot kapasite legal, eksetera.  Mon premye kestyon mon vwar ki sa Bidze pa vreman fer zistis irzans sityasyon nou pei, kot koripsyon i konsernen.

Premyerman si ou annan limitasyon resours imen, mon pa vwar en Bidze petet pou outsource antretan sa servis ki ou byen bezwen pou deal avek bann case ki lenstitisyon i annan lo latab ozordi.

Mon ti a prefere vwar en Bidze pou kapab outsource – pou nou kapab deal avek sa bann case.  Nou annan bann case ki vreman i trakasan pou pep Seselwa nou pe koz $50milyon – US Dollar e mon pa vwar nou pe adres sa.

Mon ti a kontan CEO ti a kapab dir mon dan sa Bidze ki mannyer nou pe adres sityasyon?  E mon get zot bann fees ler mon gete provizyon ki zot fer zot fer en provizyon R25mil pou 2019 pou legal fees, mon anvi konnen ki kalite servis? Mon ti a vwar prefere en Bidze vreman pou ou ganny sa servis legal ki ou pe dir dan ki ou bann defi ki ou adrese.  Si ou le sa mon pli gran konsern mon pa vwar sa Bidze pe fer zistis nou sityasyon.  E mon ti a kontan CEO i kapab eklersi mon lo la.  Mersi.

 

MR SPEAKER

Mersi Onorab Mondon.  CEO Ms De Sylva.

 

CEO MS MAY DE SYLVA

Mersi.  Bonn apre midi tou dimoun.  Bonn apre midi bann Onorab.  Mersi pou sa kestyon.  Wi ou vwar poudir dan nou kot nou get met anba ‘challenges’ kot nou annan en mankman dan bann spesyalis pou nou bann lorganizasyon.  Me ki nou pe fer nou akoz sa bann spesyalis nou bezwen zot lo en case-by- -case basis.  Ki nou ti konmans fer ti annan en komitman par Minister Finans, e sak fwa nou bezwen nou spesyaliz nou demann zot nou fer en request kot zot dan Contigency Fund.

Ou pa kapab bidzete pou bann unknowns.  Alors pou nou as long as ki Minister Finans i fer sa provizyon pou nou ganny sa bann spesyalis par egzanp dan financial forensics oubyen legal, enternasyonal, nou apros zot pou nou ganny larzan dan Contigency Fund.

E nou an menm tan nou pe build nou kapasite nou deza annan en komitman ANHRD in fer e 3 nou bann staff pe fer bann training spesyalize en fason ki nou ava vwar dan detrwa zan ki nou grow nou bann spesyaliz dan nou lorganizasyon.  Mersi.

 

MR SPEAKER

Mersi CEO.  Onorab Mondon.

 

HON TERENCE MONDON

Mersi Mr Chair.  CEO in dir nou ki zot servi Contigency Fund an mezir ki zot bezwen – si ti kapab donn nou en pe plis detay pou 2018 ki kantite zot in servi anba sa Contigency Fund?  Lekel bann servis pou kwa ki zot servi sa fon?  E dezyenmman mon anvi konnen ou dir dan 2an 3an zot pou a vwar mon konpran a build up kapasite dan 2an 3an, be antretan sa bann case ki irzan pou pep Seselwa ki mannyer nou pe adrese apard ki sa Contigency Fund?  Mersi.

 

MR SPEAKER

Mersi Onorab Mondon.  CEO.

 

CEO MS MAY DE SYLVA

Ok.  Nou annan nou apepre R140mil ki nou deza demande dan Contigency Fund to date. Apre sa bann spesyaliz ki nou pe servi se legal external apre enpe outsourcing pou nou foreign consultancy.  So dan nou Bidze sa lannen nou deza fini pey £7mil nou consultant England.  E nou konnen poudir nou annan osi en fee legal pou enn nou bann avoka dan Lerop mon pa kapab al dan bann spesifik lo case be selman zis pou donn ou en idea.  Ok.

 

MR SPEAKER

Mersi CEO.  Onorab John Hoareau.

 

HON JOHN HOAREAU

Mersi Mr Chair.  Mr Chair mon kestyon i annefe relye avek en gran poursantaz Bidze pou Anti -Corruption ki al atraver saler e mon pe demande par egzanp Mr Gaswaga ki Chairperson lo sa Komisyon – ki kantite saler li menm – kantite reveni ki al atraver ki ganny peye pou saler sa msye?  E ki kantite erdtan travay ki i travay ki mannyer Anti-Corruption Commission i benefisye avek sa msye?  Si sa ti kapab ganny eklersi en pe.  Mersi.

 

MR SPEAKER

Mersi Onorab Hoareau.  CEO.

 

CEO MS MAY DE SYLVA

Ok.  Pou nou chair nou depans apepre R890, 325mil par an.  E i vin apepre 8 miting par an e i fer en bonpe son bann travay lo nou strategic plan.  E ler i vini rezidans dan sa 8 fwa ki’n vini i reste 1 semenn e i donn Board lanmen pou regard bann ka sirtou sa bann ki nou pare pou nou fer closure lo la.  Mersi.

 

MR SPEAKER

Mersi CEO.  Onorab John Hoareau.

 

HON JOHN HOAREAU

Eski i annan lentere pou rod en dimoun, lokal pou ranplas sa msye, anvi ki son bann travelling expenses i vreman kout bokou sa lorganizasyon?  Mersi.

 

MR SPEAKER

Mersi Onorab.  CEO.

 

CEO MS MAY DE SYLVA

Sa i en desizyon Polisi ki pou ganny fer par Egzekitiv.  I pa sa bann amannman ki nou pe fer dan nou Lalwa – zot ava regarde sa i pa en desizyon ki mwan mon pou pran.  Mersi.

 

MR SPEAKER

Mersi CEO.  Onorab Adelaide.

 

HON FRANCOIS ADELAIDE

Mersi Mr Chair.  CEO en pti kestyon – vi ki zot manda se pou investigate, detect and prevent corrupt practices, Baie Lazare nou pe byento file en case kont Gouvernman Parti Lepep alias ‘US’ lo nou bout later ki zot in pran – sa i later C4822.  Parey mon dir oparavan sa bout later ti acquire pou lentere zabitan Baie Lazare e apre in vann pou en prive.

E mon kestyon i eski avek sa Bidze ki zabitan Baie Lazare pe kontribye nou kapab kont lo zot lorganizasyon pou akte lo nou demann ki nou pe al fer?  Akoz nou pe al met nou konplent pou ki dan en dele letan pli kourt zot pou kapab asiste nou e fer sir ki nou reganny back nou propriyete ki apel pou nou e sa i ava fer Baie Lazare devlope ; e i annan keksoz ki nou anvi fer pou nou distrik e sa i ava fer sir ki nou a bouze dan Baie Lazare.  Mersi.

 

MR SPEAKER

Mersi Onorab.  CEO.

 

CEO MS MAY DE SYLVA

Mersi Onorab.  Nou mon pa kapab fer komanter lo bann case endividi.  Tou ka ki vin kot nou i pas dan en prosedir e nou anmas nou lenformasyon apre i ganny nou anmas tou bann levidans, apre i pas dan sa sistenm lenvestigasyon.  So napa okenn preferans – ou nou asize nou fer tou nou louvraz dan en pli vit posib.

E ou ava apresye poudir ler ou kalkil dan en lannen ler ou’n tir konze piblik ler ou’n tir bann weekend ler ou’n tir annual leave en staff – mon annan mon 19 zour par mwan ki mon bann staff pe travay.

Sa mon pa ni pe kont bann dimoun ki kekfwa dir mon annan sick leave.  So pou le moman an enstan mon annan mon 137 ka.  So la mon annan 78 dan lenvestigasyon.

On average sa i apepre 26 par case officer – investigation officer.  Mon annan 3 investigation officer dan mon unit.  So sakenn i partaz son travay zot fer zot travay zot anmas zot levidans.  So zot fer li o pli vit posib me osi zot bezwen fer sir ki zot anmas en kantite lenformasyon go through tou sa bann lenformasyon e i pran en kantite letan sa.  Mersi.

 

MR SPEAKER

Mersi CEO.  Onorab Adelaide.

 

HON FRANCOIS ADELAIDE

CEO zis pou azoute ki sa lenvestigasyon, i pa pou pran bokou letan, akoz nou deza annan preski tou detay.  So nou pou ed zot avek sa bann detay pou ed zot ki sa case i mars en pe pli vit e pou ki nou a ganny nou rezilta en pe pli vit.  Mersi.

 

MR SPEAKER

Mersi Onorab.  Onorab Aglae.

 

HON EGBERT AGLAE

Mersi Mr Chair.  Bonn apre midi CEO.  CEO an vi lenportans entel Komisyon e mon vwar ou pe ganny en Bidze R14milyon e nou lo kote United Seychelles nou denons okenn form koripsyon, mon ti a kontan demann ou, eski sa ou Bidze inisyal ki ou ti pe demande pou ou kapab fer sa travay ase konpleks pou fer?

E dezyenmman baze lo ou manda kot ou pe investigate, detect, prevent eski zot osi pe konsider akoz koripsyon i pa zis dan Gouvernman, i osi vi ki Gouvernman li i en pli gran kontrakter – mon kapab dir – ki deal ek sekter prive, eski zot osi pe pran kont ki i kapab annan koripsyon ki pe arive dan sekter prive osi pou zot met zot azour avek zot travay?  Mersi.

 

MR SPEAKER

Mersi Onorab Aglae.  CEO.

 

CEO MS MAY DE SYLVA

Mersi Onorab.  Wi nou fer prevansyon nou fer deteksyon nou fer envestigasyon tou bann case koripsyon nou ti demann inisyalman an 2018.  Nou ti demann R14milyon ti apepre en Bidze ki nou ti pe regarde pou ler nou pe set up.  Nou ankor dan sa faz kot nou pe rod ankor dimoun spesyalis – nou annan dimoun ki nou pe train.

E zanmen tou lorganizasyon i vin isi i dir ou larzan pa ase, be nou vwar poudir nou pe deal avek en kantite unknowns, alor sanmenm sa nou fer – nou apresye poudir Minister Finans pe donn nou sa resours ekstra dan zot Contigency Fund.

Apre nou osi nou ava regarde lannen prosenn – nou’n fini project ki apre ki nou’n fini submit nou MBE sa lannen, nou’n vwar poudir nou bezwen ankor 3 envestigater.  So dan nou Bidze lannen prosenn, nou annan nou zis 1, nou pou bezwen ankor 2.

Alors dan Bidze Siplemanter, nou ava demann ankor sa bann staff ekstra ki nou bezwen.  Parey mon pe dir nou en nouvo lorganizasyon – la nou annan nou 137 ka tou le tan nek i monte.  E nou annan en kantite travay nou pe fer, alors pou mwan toultan ki mon annan sa buffer avek Minister Finans, mon ava apros zot epi i annan sa Supplementary Budget, alors mon ava fer mon a avail of that lannen prosenn.  Mersi.

 

MR SPEAKER

Mersi CEO.  Onorab Aglae.

 

HON EGBERT AGLAE

Wi CEO mersi pou ou larepons.  An vi ki ou’n mansyonnen ki ou annan 137 ka – san al dan al okenn sa bann cases konbyen dan sa 137 ki deza dan en Lakour silvouple?  Mersi.

 

MR SPEAKER

Mersi Onorab.  CEO.

 

CEO MS MAY DE SYLVA

Sorry ou’n demann mon ki kwa?

 

MR SPEAKER

Konbyen ka ki dan …

 

HON EGBERT AGLAE

Dan sa 137 ka ki ou annan ki ou pe process konbyen ki devan en Lakour?

 

CEO MS MAY DE SYLVA

Ok.  Parey zot konnen nou Lalwa i bezwen ganny en bann amannman.  Sa lannen ler nou’n konmans travay ek nou bann ka ki pe prepar zot pou zot al Ankour nou’n vwar poudir an pratik i annan 2 bout dan detrwa seksyon dan nou Lalwa, ki i pa ase for pou nou met nou bann case Lakour.  E nou pe espere ki sa bann lamannman irzan i ganny fer apre de ki sa i arive nou a kapab bouz nou bann cases ki nou pe atann pou al Lakour.  Mersi.

 

MR SPEAKER

Mersi CEO.  Onorab Flory Larue.

 

HON FLORY LARUE

Mersi Mr Chair.  Bonn apre midi tou dimoun.  Mon ti a kontan demann CEO lefe ki lo paz 239 enn son bann ‘current challenges’ i koz vreman lo son Lalwa – ki mon krwar parey in eksplike i enn son bann pli gran defayans.  Me lefe ki Msye Faure ti dir sa Lalwa pou vini avan Septanm 2018 dan nou Lasanble nou pa ankor vwar li arive.  Eski i annan en nouvo timeline kan sa Lalwa pou revize silvouple?

E osi anba ‘current challenges’ i montre ki resours imen i limite, ki fer pou konman bann ka i tarde.  Avek Anti- Corruption Commission i annan bann ka koripsyon kont bann antite oubyen partikilye e depi ler in ganny mete devan zot in pas plis ki 6mwan.  Lefe ki zot pa ankor en lenvestigasyon lo sa bann ka nou vwar ki sa bann antite pe vann zot bann assets.  Eski letan ou ti fer demann ou Bidze sa ti ganny met devan Minister Finans?  Lefe ki bokou sa bann ka i kont Leta ki o pouvwar ozordi, menm si zot in sanz zot non sa bann lakizasyon i reste.  Mersi.

 

MR SPEAKER

Mersi Onorab.  CEO.

 

CEO MS MAY DE SYLVA

Mersi Onorab.  Lo kestyon human resources  – parey mon pe dir nou osi nou ganny bann spesyalis ki vini.  La nou annan nou en financial forensic ki pe vini pou 6 semenn.  Hopefully lannen prosenn lo konmansman lannen e sa i pa bann diskisyon ki nou fer avek nou bann international partners.  

        E wi i annan sa bann challenge parey nou eksplike.  Nou bann ka i pa pe ganny i pa pe asize – i pa en kestyon nou pa ankor konmans lenvestigasyon.  Nou pe fer nou lenvestigasyon.  As much as possible nou asize nou anmas tou nou bann lenformasyon nou pe prepare nou bann case. Wi i annan en dele letan avek nou Lalwa e nou tande avek prokirer zeneral poudir zot annan en problenm resours imen pou zot drafte Lalwa.

E sa i enn bann rezon akoz i annan en dele.  Sa ki mon konpran i annan en dele avek lamannman avek nou Lalwa.  So pou mon pe espekte poudir i annan sa irzans pou zot fer sa bann amannman e ki semenn pase egzekitif in anonse poudir zot in aprouve pou fer lamannman, e la mon mazinen i kot prokirer zeneral pou zot anmenn sa draft kot Bills Committee.

Lo ou kestyon bann cases – parey mon pe dir tou nou bann ka nou bezwen anmas en bann dokiman – en bann dosye kot diferan Minister.

Ler i ariv kot nou, nou bezwen asize triye fer sertifye sa bann dokiman e fer scan tou sa bann dokiman sertifye file zot epi nou fer nou bann lenvestigasyon.  

        So pou mwan i pa en kestyon ki nou pa pe fer nou travay.  Apre nou annan nou bann advisors legal -enternasyonal ki osi i donn nou lanmen pou donn zot lopinyon lo bann ka enternasyonal.  Lo nou kote lokal, nou osi nou annan nou legal advisor ki nou’n pran la nou pe pran la tanporerman Desanm, pou vin regard en bann cases ki nou pare pou nou anvoy kot Ag osi to ki nou Lalwa i pare – la nou ava anvoy sa bann cases kot Prokirer Zeneral.  Mersi.

 

MR SPEAKER

Mersi CEO.  Onorab Larue.

 

HON FLORY LARUE

Mersi Mr Chair.  Mersi CEO pou ou larepons.  Me selman parey ou menm in deklare, letan i pa en keksoz ki ou annan bokou.  Akoz si in the meantime sa bann asset pe ganny rid of – letan ou 2an 3an i pase ou pou investigate kwa?  Akoz pou napa nanryen.  So eski Minis Finans i devret fer bokou zefor ek ou Bidze, ou kapab akeyir sa bann dimoun ki ou bezwen? Pa an tanporer me permanan akoz sa kantite case ki ou’n dir nou ou annan i paret ek sa larzan ki ou annan ou pa pou kapab fer nanryen ou pe vir an ron!  Sa ki mon pe dir sa larzan ki ou’n demande pa ase pou delivre lo sa bann problenm ki ou dir i devan ou.  Mersi.

 

MR SPEAKER

Mersi Onorab Larue.  CEO.

 

CEO MS MAY DE SYLVA

I annan bann cases kot nou’n deza met bann restriction orders e sa bann ki nou pe travay lo la e nou prepare.  E si nou annan ka kot ler in pare in ariv Ankour ki i annan de dimoun in fini dispose zot bann assets – Lakour i a fer en determinasyon.  Me selman nou konvenki poudir nou pe servi sa bann prosedir ki nou annan dan nou Lalwa, ki nou kapab servi.

So be selman nou Lalwa pou le moman i annan defayans i annan detrwa bout ki nou pa kapab met an pratik ler ou pe sey met sa enn la an pratik i annan 2 keksoz ki nou pa kapab fer.  Alors o sito ki nou ganny sa lamannman Lalwa ou a vwar poudir serten keksoz i a bouz en pe pli vit.  Mersi.

 

MR SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon kestyon i plito regard an term ekspektasyon piblik par egzanp nou’n koz bokou lo sa U$50milyon e la so mo ‘US’ i rezon for ozordi ;- sa $50milyon – pa ‘ultra sound’ ok.  Sa 50milyon U$ ki’n disparet e ki ziska aprezan konmsi tou dimoun pe regarde be sa 50milyon U$ la pou vini pa pou vini?

Nou’n atann Minis ki’n pran ziska 79 kare later – pou rann pa pou rann?  Konmsi an term ki ou kapab dir avek nou sa Bidze pou fer, pou redonn dimoun konfyans? Parske an menm tan la dimoun in tann en lot chiffre ki poudir son Chairperson ou Board sak fwa i vin Sesel i kout R100mil parske i vin pou 8 sesyon Board e i kout R800mil? Ki konmsi nou pe vin en pe Nasyon Ini kot mazorite larzan se bann zofisye ki gannyen, me kot pou anvoy en pti larzan kot i bezwen pa pe gannyen.  E la sanmenm sa kestyon ki pli boner in demande.  Me R100mil sak fwa sa msye i sorti Uganda pou vin isi e antretan nou pe rod sa 50milyon U$ ;-nou a pe rod bann later e konmsi mon pe demann mon be sorry si mon kontinyen servi sa mo U$ konmsi sa ‘ultra sound ‘ki zot pe fer pou nou vwar nou larzan kot i été kot in pri – nou later kot in pri e tou sa bann lezot sonm ki’n pas dan koripsyon, ki lespwar ki ou pou kapab donn nou avek sa Bidze?  Mersi bokou – an plis ki sa petet nou osi tande tanzantan an term sa Board li menm, e mwan en dimoun ki’n koz lo sa Board ki ankor enn fwa i annan larzan dan Bidze pou sa Board – be ki Board? En cardboard mon krwar.  Konmsi sa Board konmsi nou pa pe vreman konpran ki kalite kontribisyon ki zot pe fer pou ki sa bann keksoz i pase?

E mwan seryezman si nou pe tann R800mil ladan zis pou Chairperson e apre sa tou sa bann lezot larzan pou sa Board, me ki a mwen ki nou ganny en keksoz defini – mon krwar nou pou bezwen pran en desizyon an relasyon avek sa Board!  Zis nou pou donn zot larzan me napa okenn travay ki ganny fer?  Mon krwar nou bezwen serye lo la tou!  Mersi bokou Mr Chairman.

 

MR SPEAKER

Mersi Onorab Ramkalawan.  CEO.

 

CEO MS MAY DE SYLVA

Mersi Onorab.  Espektasyon – wi nou konnen lekspektasyon i o mon annan en group staff ki dedye – ki travay dir.  Nou annan en Board ki regard detrwa regard nou bann cases ler in fini sirtou la zot in bouz apepre 30 case pou closure.  Nou annan en Lalwa ki annan en pe problenm avek, alors pou mon kapab dir ou espektasyon pou li mont pli o se nou bezwen sa Lalwa ganny amande.  Sa i enportan.  Wi i annan en pe problenm avek striktir sa lorganizasyon, akoz ler zot in pas sa Lalwa zot in met en striktir, me selman i annan en pe ambiguité dan sa Lalwa.

Prezan i en pe difisil pou Board fer son travay, dapre ki devret fer e mwan osi annandler mon annan difikilte fer mon travay akoz sa Lalwa i annan en pe problenm avek.

So pou mon pa pe regard sa Bidze pou le moman.  Ler zot in fer zot restriktir ek sa bann amannman  mon mazinen nou ava demann zot en Bidze ki pou reflekte sa bann travay ki nou annan pou nou fer.

E semenn pase in annan en lanons ki’n ganny fer poudir egzakteman ki bor nou pe regard sa bann kote nou le sa bann lamannman ganny fer – sa irzans nou pe regard li dan 2 faz e sa i enportan pou mwan.

E lo kestyon bann ka sa $50milyon par egzanp ou pe koz lo la, mon pe travay avek bann avoka ki an deor nou ziridiksyon mon pe travay lo zot time table anba Lalwa sa pei kot sa larzan in disparet.  E pou bann lezot ka nou kontinyen travay.  E parey mon pe dir an menm tan ki bann staff pe fer training i annan 2 ki an se moman kot an Lanmerik, zot pe fer zot training pou 3 semenn  -sa 2 senior managers e Gouvernman Lanmerik pe donn nou sa training e i enportan ki zot pe ganny sa training. 

        So dan tousala zot pe fer zot travay.  E parey mon’n dir zot poudir nou annan 137 ka dan sa 137 i annan 78 ki avek lenvestigasyon ; i annan 26 ki nou ankor pe esper enpe plis lenformasyon dan Seksyon Konplent e i annan ka ki nou fermen ki Board in fini sign-off se 25.  Apre an adisyon i annan 8 ankor ki nou transfer kot nou Unit Prevansyon.  E mon pa kapab dir zot toultan zis konplent mon Lalwa bann bout ki en pe weak.  Lo kote prevansyon sa Lalwa i ase for li ; prevansyon i pe regard sa bann ka kot i annan malpractice dan public sector e kot nou pa’n vwar levidans koripsyon, be selman i annan malpractice e ki li i annan pouvwar li nou unit pou prevansyon, pou fors sa bann Minister, bann Departman, pou zot met an plas zot bann prosedir e si zot pa mete nou kapab fine zot.

So sa i en bout nou Lalwa ki nou konnen poudir i kapab marse i pou marse.  E lannen prosenn nou pou ganny nou en lot zofisye prevansyon e sa nou a travay plis lo sa bann cases ki pe al kot nou Prevention Unit.  Mersi.

 

MR SPEAKER

Mersi CEO.  Onorab Ramakalwan.

 

HON WAVEL RAMKALAWAN

Mr Chairman.  CEO in mansyonn 25 cases ki zot in sign-off – ki savedir sa?  Letan zot in sign-off sa bann dimoun in rann in rekonnet ki poudir zot in responsab pou en akt koripsyon – oubyen zot in vwar poudir napa okenn akt koripsyon? Konmsi ki mannyer i été sa?  Mersi.

 

MR SPEAKER

Mersi Onorab.  CEO.

 

CEO MS MAY DE YLVA

Dan sa 25 i annan ka ki ler dimoun in vin kot nou in fer en konplent zot dir nou i koripsyon e nou vwar poudir sa i vreman pa koripsyon.  Sa kekfwa nou fer en transfer kot Land Tribunal.  E i annan ki vreman napa levidans ditou nou pa kapab fer nanryen lo la e lanmenm ler ki nou bezwen sign-off.  Selman tousala i pas dan en prosedir byen konpleks avan ki nou ferm tou sa bann cases.  Mersi.

 

MR SPEAKER

Mersi CEO.  Bon Minis mon a donn ou laparol.

 

MINISTER MAURICE LOUSTAU-LALANNE

Mersi Mr Chairman.  Mr Chairman zis pou kekfwa anmenn en pe plis lenformasyon ; an sa ki konsern revizyon Anti- Corruption Act 2016 konmansman Novanm Gouvernman ti resevwar en let sorti kot chairman Gaswaga kot i ti prezant 8 modifikasyon ki i santi e son Board i santi i enportan pou revize.  E parey nou CEO in eksplike, in annan en diskisyon Cabinet e Prezidan avek Cabinet in pran en desizyon pou fer li an 2 tan.  Premye se anmenn sa bann amannman ki pli irzan e i annan 6 ki pou ganny amande e lenstriksyon in fini donnen kot Prokirer Zeneral pou ki sa Prozedlwa i ganny anmennen avan lafen sa lannen kot Lasanble.

So sa i en target ki nou’n mete.  E sa 2 lezot i konsern serten amannman Konstitisyonnel ki bezwen ganny fer, e sa nou ava fer an en 2enm letan.  Sa i premye remark ki mon ti a anvi fer Mr Chairman.

E lot lo sa $50milyon la en anr USD 50milyon – sa USD 50milyon nou’n osi resevwar en propozisyon pou fer avanse sa lenvestigasyon sorti kot Anti- Corruption Commission.  E parey zot konnen SMB ti liquidate apepre en pe letan pase  i annan pa ankor liquidate pardon.  Minis Finans in apwent 2 liquidator pou li liquidate SMB.  Be sa i ankor Ankour sa.

E propozisyon se ki kekfwa ti a bon nou apwent en 3enm liquidator e sa i ava sa konpannyen ou en dimoun ki travay dan sa konpannyen ki Anti-Corruption pe servi ozordi L’Angleterre pou sa lot lenvestigasyon kontinyen.  Be letan nou ganny ki mannyer nou ganny rekomandasyon legal lo la nou bi se fer sir nou al pli vit posib pou nou kapab ariv lo en konklizyon lo sa USD 50milyon.  E la fason pli vit i pou ganny en court order isi dan Lakour Sesel, apre sa nou kominik – Gouvernman Sesel i kominik avek Gouvernman Royaume Uni e li i kapab prezan demann labank Baroda pou donn nou sa bann lenformasyon lo sa kont.  Pou nou apwent en 3enm liquidator Lalwa pa permet.  Nou pou bezwen demann sa 2 ki’n apwente resign – re apwente.  I en prosedir ki pou pli long nou estimen.  Alors se sa ki nou anvi fer avek sa 50milyon.  Mersi Mr Chairman.

 

MR SPEAKER

Mersi Minis Loustau-Lalanne.  Bon avek sa nou ava pran en desizyon.  Nou ava pran en vot lo sonm R14, 193milyon ki pou Anti-Corruption Commission ki form par sa Schedule e ki trouve lo paz 239 ziska paz 242.  E mon ava demann tou Manm ki an faver?  Okenn Manm ki kont?  Madanm Deputy Clerk?  Madanm Deputy Clerk – the count.  Go ahead Madanm Deputy Clerk.

 

MADAM DEPUTY CLERK

Mr Speaker.  20 Manm in vot an faver.  E personn kont.  Mersi.

 

MR SPEAKER

Mersi savedir Bidze pou Anti- Corruption Commission pou lannen 2019 in ganny aprouvasyon Lasanble Nasyonal.  Bon avek sa mon ti a kontan remersi Minis Loustau- Lalanne, CEO De Sylva, Ms Mathiot e Ms Abdul Majid mersi e nou ava eskiz zot parmi nou.

 

(MS MAY DE SYLVA AND HER DELEGATION WAS EXCUSED FROM THE HOUSE)

 

 

MR SPEAKER

SS mon krwar ou pe reste pou pran lot en – Employment? Ok mersi.  Petet SS ou ava zis gid nou lo ki paz dan nou gro liv dan nou Schedule.

 

SECRETARY OF STATE –  MR PATRICK PAYET

Mersi Mr Chair.  Bonn apre midi tou Manm Onorab e tou dimoun a lekout.  Nou pe al pran Minister Lanplwa, Imigrasyon e Civil Status ki lo paz 496 ziska 511 pou en lavaler R82, 562milyon.  Mersi.

 

DEPARTMENT OF EMPLOYMENT

 

MR SPEAKER

Mersi SS.  Bon nou pou konmans avek Departman Lanplwa premye.  Bon mon a dir en bonzour spesyal e welcome pou Minis Myriam Telemaque Minis responsab pour Lanplwa, Imigrasyon avek Leta Sivil ki ganny akonpannyen par son PS pou Departman Lanplwa Mr Jules Baker – Special Advisor Miss Veronique Bresson e Senior Accountant Ms Taciana Labrosse.  Bonzour e welcome parmi zot pou kontinyen ganny asiste par SS Payet, Ms Croisée e Ms Tamatave.

Bon mon ti a kontan dir osi tou dir ek bann Manm poudir i annan en moman osi tou kot mon ferm lalis ok – sa ki anvi demann kestyon i lev son lanmen ase boner e nou proceed from there.  SS Payet?

 

SECRETARY OF STATE –  MR PATRICK PAYET

Mr Chair.  Kekfwa nou pou konmans avek Departman Lanplwa pou konmanse ki lo paz 505 ziska paz 511 apre nou ava pran Departman Imigrasyon avek Civil Status selman nou pou pran en sel vot letan nou pou pran.  Mersi.

 

MR SPEAKER

Wi mersi SS.  Ok Lanplwa i lo paz 505 ziska 511 en sonm R29, 026milyon.  Nou ava konmans avek Onorab Jude Valmont.

 

HON JUDE VALMONT

Bonn apre midi mersi Mr Chair.  Bonn apre midi Minis avek ou delegasyon e SS osi tou koleg Onorab.  Mon ti a voudre demande atraver sa Bidze ki nou pou vote pou Departman Lanplwa resaman i annan en mouvman aktif ki i annan lezot antite ki’n al dan bann landrwa travay ki’n raport bann ka labi e so you say – so mon pe demande eski sa Bidze i permet zot pou monitor further sa bann case e fer zot vin avek rezilta konkret? Eski i permet zot pou fer sa deplis?  Mersi.

 

MR SPEAKER

Mersi Onorab Valmont.  Minis oubyen PS.  Petet kestyon ler i ganny poze zis endike lekel ki pou zis en pti show of hands pou mwan konnen lekel ki pe reponn.

 

PS JULES BAKER

Mersi Mr Speaker.  Bonn apre midi tou Onorab.  Bonn apre midi tou dimoun ki a lekout.  Mersi Onorab pou ou kestyon.  Lannen pase Departman Lanplwa ti ganny en Bidze total R24, 071milyon e sa lannen i annan en logmantasyon R4.9milyon lo Bidze Departman Lanplwa.  Pou reponn ou kestyon whether sa larzan ki nou gannyen i sifizan pou nou deal avek bann defi ki nou fer fas avek, mon poudir ou ki zanmen i pou ase pou Departman Lanplwa.  Akoz nivo devlopman ki nou arive ozordi.  Me selman sa ki mon kapab konstate, nou’n apros Minister Finans apepre plizyer repriz ki sa Lasanble in demann nou pou apros Minister Finans pou demann Bidze ekstra nou reisir ganny nou 10 pos an plis pou sa lannen ki kout lavaler R1.7ilyon e sa i reprezant 76.8poursan ou total pou sa R1.7milyon dan sa R4.9milyon.

10 pos ekstra nou konsantre li plito dan Enforcement akoz nou santi this is where nou bann defi i été savedir 80poursan 8 dan sa 10 post nou pe target Enforcement parey legzanp sa ki nou appel bann lenspeksyon dan landrwa travay.

Dezyenmman sa ki nou appel localisation avek welfare bann travayer etranze Sesel.  E osi bout ki konsern prodwir laplikasyon travayer etranze dan Sesel.  Nou’n tann bokou koze lo travayer etranze dan Sesel alor an gro taler si mon ava ganny demande pou eksplik sa bann lezot bout Bidze ki nou gannyen me selman an term sa R4.9milyon nou ganny nou R1.7mlyon pou additional positions.  Mersi Mr Speaker.

 

MR SPEAKER

Mersi PS Baker.  Onorab Regina Esparon.

 

HON REGINA ESPARON

Mersi Mr Chairman.  Mr Chairman mon ti a kontan demann avek PS i dir nou poudir in ganny li 10 pos e i annan 8 ladan ki pou al pou enforcement mon ti a kontan konnen an tou konbyen travayer enforcement ou annan sa ki ou ppel bann field assistant la ki al lo bann bi pou al regard kondisyon bann travayer etranze e osi travayer Seselwa konbyen an tou ou annan? E ki zot saler silvouple?  Mersi.

 

MR SPEAKER

Mersi Onorab Esparon.  PS.

 

PS JULES BAKER

Mersi Onorab pou ou kestyon.  an total avek Praslin ek La Digue tou ansanm nou annan nou i annan bann pos ki nou pa ankor ki ankor vacant ki nou pa ankor ranpli – so nou annan nou an total zis en 15 a 16 travayer.  Letan mon pe koz ou travayer mon pe koz lo lenspeksyon ki al dan bann Lalwa travay ki pou inspect.  Mon pa pe koz lo bann pos ki process la aplikasyon travayer etranze.

Mon napa kou total konbyen i koute an term zot saler, be selman sa mon kapab fer Lasanble gannyen. Me sa ki pli enportan ladan pou reponn ou kestyon se ki letan ou get nivo devlopman ozordi nou pe koz nou dapre Business Summit ki nou gannyen i annan 10mil biznes dan Sesel. 10mil bizne dan Sesel apre ou annan 48mil travayer Seselwa ou annan 21mil travayer etranze e nou esey fer nou mye pou nou kapab met nou azour avek bann defi ki nou fer fas avek Onorab.  Mersi.

 

MR SPEAKER

Mersi PS.  Onorab Esparon.

 

HON REGINA ESPARON

Mersi Mr Chair.  Mr Chair Minis PS pa’n dir mon egzakteman konbyen sa bann dimoun ki zot annan.  Ou pa’n donn mwan en sif, me selman mon pe remarke ki ou ‘wages and salaries’ in mont par 42poursan ; eski sa pe kouver en pe pou sa bann travayer ki lo field?  Mon kestyon mon ti ava kontan ou eksplik nou? Parske sa bann travayer la zot pa pou travay 8er 4er zot, petet zot akoz prenan kont la kantite travayer etranze lo kantite sit ki annan ou pou bezwen ou plis travayer pou ou kapab kouver fer sir ou pe kouver mazorite sa bann landrwa.  Me eski i annan provizyon ki’n ganny fer anba sa Bidze pou ki zot ganny overtime e zot ganny en reminerasyon pou sa kalite travay?  Mersi.

 

MR SPEAKER

Mersi Onorab.  PS Baker.

 

PS JULES BAKER

Mersi Onorab pou ou kestyon.  Les mon ava eklersi kekfwa i ava vin pli kler.  Dan sa R4.9milyon ki nou’n gannyen ladan mon dir i R1.7milyon pou bann nouvo pos – pou lannen prosenn.  Dan sa Bidze osi nou ganny R1.4milyon pou Scheme of Service allowance pou asiste bann zofisye.  Onorab i vreman difisil pou ganny zofisye pou travay dan Minister Lanplwa, avek tou sa defi ki nou fer travay avek.

Nou annan nou 11 pos ki ankor vacant nou ankor pe lager pou kapab ranpli sa bann pos, akoz pa tou dimoun ki enterese pou vin travay avek Departman Lanplwa, akoz nou bann defi.  So nou’n ganny nou R1.4milyon pou re aziste bann saler avek bi pou ankouraz plis dimoun pou vini.

Dan sa Bidze osi i annan 5poursan revizyon ki’n ganny fer dan Gouvernman, pou bann travayer dan Departman Lanplwa.  Nou annan R237mil ki ganny donnen pou long service allowance e nou osi annan housing allowance R498mil ki ti pe ganny donnen par DPA prezan in sorti kot DPA in met dan nou Bidze.  So apre avek Polisi Gouvernman pou reasir bann dimoun ki pa travay dan Gouvernman in pran desizyon pou terminate sa ki nou apel bann service providers – bann dimoun ki ti baze dan bann distrik ki ti pe asiste nou pou plas dimoun dan lanplwa.

Nou’n vwar avek nouvo defi ki nou annan nou bezwen fer en pli bon fason ki mannyer nou servi nou bann resours ki nou annan.  So ki nou bezwen pran Bidze ki ti deza anba ‘goods and services’ nou transfer li anba nou ‘wages and salaries’ e sa i en total R889mil pou 8 pos ki nou ti annan bann dimoun ki ti pe travay dan distrik.  Sa in azout anba nou ‘wages and salaries’ avek bi pou nou kapab ranforsi nou mendev lo nivo lokal e osi lo nivo bann zil ki nou deservi.

So basically letan ou pe gete letan ou’n fini kas tou sa bann Bidze sa benefis ki i annan dan sa 4.9poursan ki pe al pou staff vreman, i sa R1.4milyon.  E nou pe ankouraz bann dimoun ki enterese pou form en karyer dan Minister Lanplwa pou vin zwenn nou.  Mersi Onorab.

 

MR SPEAKER

Mersi PS Baker.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan demann en kestyon lo sa ki konsern localisation of pos pou mon i en size ki vreman enportan e mon konsidere e mon vwar zot osi zot konsider li konman enn zot pli gran challenges dan zot Minister e enn bann keksoz ki zot pe met devan pou zot achieve.  Mon ti a kontan konnen si avek sa recruitment ki zot in fer avek sa Bidze ki zot annan, eski zot kapab met ater en zouti – en dokiman, ki donn en gidans, e ki donn en direksyon e ki donn en lespwar ki nou pei i kapab bouz dan direksyon  anploy plis son Seselwa plito ki bann etranze?  Mon pe demann sa kestyon akoz lo enn bann pwen ki zot bann challenges ki zot mete, zot dir ki enn bann difikilte se ‘lack of skills.’

 

Me selman toulezour nou pe vwar konmsi ki i annan bann etranze ki pe vin Sesel and they are unskilled.  Akoz en dimoun ki triy zonnyon ek ponmdeter ki met dan plastik dan en laboutik se pa en dimoun ki skill! En dimoun ki pran ou sak konmisyon dan laboutik ki anmenn kot ou loto i pa en louvraz skill!  So ou ti ava espekte ki sa bann domenn sirtou dan sa retail trade i annan en zefor e nou vwar en amelyorasyon – so mon kestyon se ki zouti ki zot annan e ki lespwar i kapab donn nou poudir nou kapab avanse dan sa direksyon? Ok?  Vwala sa i mon premye kestyon.

 

MR SPEAKER

Mersi Onorab Ferrari.  PS Baker.

 

PS JULES BAKER

Mersi Onorab pou ou kestyon.  Kestyon vreman valab e i dan lentere Minister Lanplwa ek Imigrasyon, pou asire ki la mazorite post ki napa Seselwa ki travay i ganny lokalize.  Me sa i en defi ki ekstrememan difisil e alors ki stratezi nou’n pran? Se ki nou pe target bann post ki supervisory avek managerial position, akoz nou santi ki la nou annan nou bann travayer Seselwa ki’n graduate ki’n kit lekol ki nou annan apepre 800 tou le lannen ki sorti e antre lo labour market e i nou responsabilite pou asire ki zot gannyen.

Me malerezman Mr Speaker ki kantite manrmay ki sorti dan lekol avek kantite demann pou travayer etranze, i bokou plis. I bokou plis alors pou reponn ou kestyon lo kote lokalizasyon, nou’n idantifye 56 lorganizasyon pou partisip avek nou dan lokalizasyon.  Ladan 50enn in fini submit zot plan lokalizasyon e sa i kouver bann post sirtou service sector finansyel and insurance activities ;- nou vwar i annan en gran logmantasyon dan demann pou travay ki nou pou fer par egzanp dan Finans – dan offshore i annan bokou demann.

Dan manufacturing in ogmante.  Other services activities par egzanp – take aways, e nou menm annan en logmantasyon enorm dan travayer domestik dan Sesel Onorab.

E en lot landrwa ankor kot nou vwar i annan en lot logmantasyon kot mon konnen i tre pros avek ou leker i annan wholesale/retail kot nou vwar poudir i annan en gran demann dan travayer etranze dan sa domenn.

        So baze lo sa nou pe travay tre pros avek bann Lazans – bann lorganizasyon pou zot fer sir ki dan en prosen dele letan ki nou donn zot ant 1an a 5an ki sa bann pozisyon i ganny lokalize.

Sa nou pe fer li atraver nou – Labour Migration policy ki annefe sa semenn la Vandredi i annan delegasyon o nivo ILO ki dan pei, ki pe ed nou finaliz sa progranm.  Nou ti fer en komitman dan Lasanble – Minis ti fer en komitman pandan Lasanble ki nou pou travay lo sa Polisi ki pou ed nou en pli bon fason kote nou bezwen dir nou pou kontinyelman anploy travayer etranze, e kote ki nou nou dir nou pou anploy travayer etranze?

Akoz sa i pa en desizyon Minister Lanplwa selman sa i en desizyon lekonomi ki bezwen deside eski nou dir ki wholesale and retail in saturate, e alors nou pou aret donn license dan sa sityasyon?  Eski nou devret dir par egzanp dan sekter domestik worker nou pou aret? Ozordi nou annan plis ki 300 travayer domestik dan Sesel e i kontinyelman ogmante lo en daily basis, e sa i annan pou fer avek home caring, child minding and what not – tousala nou pe donnen ozordi.  

        So deza dan sa Bidze ki nou gannyen nou’n fini donn ankor 2 staff dan Lokalizasyon dan sa Seksyon Lokalizasyon.  So an tou i annan 4 prezan, pou kapab permet nou pou nou aktivman liaise avek bann lorganizasyon, pou ki zot serye lokalizasyon – (1).

(2) dan 4 kot zwe bann trik ek nou parfwa ki zot fer zot fer lavi nou Seselwa difisil – en fason ki ou a kite pou li kapab ganny en anploy travayer etranze.  So sa osi nou met kontrol lo la nou pa donnen okenn pos ki’n ganny earmark pou lokalizasyon kot Minister Lanplwa – unless i annan en bon rezon spesifik ki sa mannyer aprouve, akoz ki i bezwen i pa’n reisi localise sa bann pos.

Onorab i en defi ki nou pe fas avek, me nou annan lentere – i a ker pou nou kapab fer sir ki tou nou Seselwa ki i annan skill ki kapab travay, i ganny en loportinite pou li ganny en lanplwa.  Mersi Onorab.

 

MR SPEAKER

Mersi PS.  Minis.

 

MINISTER MYRIAM TELEMAQUE

An plis ki sa nou annan dan nou plan 265 pos supervisor/ managers ki nou idantifye pou nou localisation.  Apre nou annan 29 pos ki pa ankor ki napa understudy e 242 i annan understudy.  E nou espekte ki nou vwar sa lannen osi tou 46 post in fini lokalize.  E nou annan 196 ki ankor la nou localisation plan. Savedir nou pe pouse menm pou bann ganny localise Seselwa.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Minis zis pou azoute mon pa konnen diferan dimoun i reazir dan diferan fason,  Mwan sa ki fer mon leker pli fermal se pa telman ler mon vwar en graduate i pa pe travay me selman ler mon vwar en etranze ki pe fer en travay ki telman basic – ki telman basic  – e nou konnen ki sa etranze i ganny trete konman en lesklav e ki finalman mon pa’n kapab nou pa’n reisi fer nou bann travayer ki unskilled or ki very basically skilled, nou pa kapab fer zot antre dan sa travay.  Me selman mon kestyon la mon ti a kontan donn Minis oubyen PS sa lokazyon pou reponn sa kestyon ;- Minis eski ou satisfe ou kapab dir avek sa Lasanble ki ou sistenm an plas i en sistenm ki efektiv lo kontrol?  Ki ou annan poudir avek lakizasyon ki parfwa i annan dimoun ki vin donn gous dan bann servis – ki vin undermine serten travayer, eski sa bann keksoz ou satisfe ki ou’n port ou latansyon lo la e ou’n reasir Lasanble poudir i annan en bon sistenm kontrol an plas, ki sa ki bann mezir ki zot in met an plas pa ganny undermine par bann dimoun ki vreman i pare pou fer tou, pou zot ganny en travayer etranze menm dan bann ka kot zot pa merit gannyen sa travayer?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Onorab – mersi Mr Speaker.  Mwan mon krwar nou met en bon sistenm an plas selman mon krwar nou bezwen aksepte ki nou annan challenges.  I pa vre poudir nou napa challenges ; nou napa ase travayer pou nou kekfwa ler nou ariv serten sirkonstans i arive, ou konnen i annan en Seselwa ki’n ganny idantifye pou sa pos – ki arive e nou konnen nou vwar, sa management ki la i fristre sa Seselwa pou li kapab degoute, pou li kite, ki avek lentansyon ki i pou kit sa etranze la!  Nou konnen ki sa i arive! Nou kriy sa bann dimoun nou koz avek zot e si posib nou pa renouvle son pos.  Selman plis ki sa Mr Speaker, mon ti a kontan fer resorti tou ki konmansman lannen nou fer en bonpe miting avek bann GM dan bann lotel.  Sa i nou premye target.  Nou’n koz ek zot – nou’n eksplik zot ki nou annan lentansyon fer.  Pou zot travay avek nou konsernan bann pos ki nou le i localise.

E nou’n dir zot poudir nou anmenn bann dokiman, nou’n anvoy kot zot pou zot ranpli idantifye lekel sa bann dimoun ki zot krwar ki i pou move dan bann pozisyon parey supervisors ek managers.  Akoz nou bezwen mazinen ki nou annan nou bann graduates ki sorti Ireland, ki ler i vini ek son lespwar pou li ganny en pozisyon dan lotel.

Vre pou li vin en GM i annan en prose pou li pas ladan, me selman i espekte ler i vini i a kapab ganny en pozisyon, ki petet i ava annan sa lespwar pou li monte pli tar, ki vin petet en manager or a GM.  Se pou la rezon ki nou asize koz ek zot.  E sa rezon ki nou demann an plis pos ki nou gannyen.  I pa ase nou ti a kontan ganny pli bokou.  Prezan nou zofisye pou al lo field pli souvan pou zot regarde fer miting follow-up si sa bann prosedir pe ganny swiv.  Mersi Mr Chair.

 

MR SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Chair.  Bonn apre midi Minis avek ou delegasyon.  Minis nou konnen poudir sa Departman Lanplwa i annan en gro task devan li e PS in fer resorti poudir anba progranm 2 ki zot pe prozekte pou ganny zot anviron R5milyon  en logmantasyon R1.7milyon pou al dan sa progranm kot i konsern labour protection.  Mon ti a kontan konnen ki bann sanzman ki zot pou vin avek – i pa en gran logmantasyon avek R1.7milyon – ki bann sanzman ki fer ki zot pa pe vin fer ‘business as usual’ kot i konsern sa bann issues ; kot i konsern proteksyon bann anplwayer sirtou bann labi ki pe pase – ki’n pase?

Dezyenmman mon ti a kontan petet sa kestyon pou Minis vi ki li i pe oversee sa 2 Departman, kot i konsern zot relasyon ant Minister Lanplwa avek Imigrasyon, nou konnen poudir i annan bann issue GOP ki’n lev-e dan lepase, eski sa relasyon pou fer sir ki i annan proper detection ler en travayer i antre?  Nou konnen nou konnen kan son GOP pe fini, pou fer ki en travayer pa reste travay san en GOP dan pei?

E dernyerman kot i konsern Employment Bill mon ti a kontan konnen si by lannen prosen 2019, Employment Bill ki pou vin devan Lasanble pou pran kont tou sa bann evantyalite ki nou pe fer fas avek, kot i konsern sirtou travayer etranze – sirtou kot i konsern retail sectors.  E la mon ti a demande osi ki en legzersis i bezwen ganny fer map out sa bann retail sectors idantifye antite travayer ki annan? Si i annan en merit pou zot ganny tou sa kantite travayer e pran serten aksyon ki a vin avek?  Mersi.

 

MR SPEAKER

Mersi Onorab Aglae.  Minis.

 

MINISTER MYRIAM TELEMAQUE

Mersi Onorab.  Mersi Mr Speaker.  Mr Speaker lideal pou zwenn sa 2 Departman ansanm se pou ganny sa sinerzi Imigrasyon ek Lanplwa.  E nou dan Minister nou vwar li pe marse.

E se pou larezon ki nou fer bann miting nou zwenn ek tou lede Departman, pou nou tackle nou bann challenges ki nou annan, e si fodre regard sistenm ki mannyer sistenm i été an se moman si la apre nou move the way forward. 

        Selman mon anvi fer resorti sistenm GOP ki nou annan prezan ki expire.  Sistenm ki annan la an se moman kot Imigrasyon, pou ou konnen si en GOP pe al expire, fodre ou ki donn sa komann.  Fodre ou al dan sistenm ou al dan ou report – ou call-up ,ou dir donn mwan tou GOP ki pe al expire.  Be nou pa satisfe ek sa nou ; nou pe travay avek DICT ki sistenm li menm li bomaten mon vini mon sistenm Imigrasyon tou GOP ki pe al expire in fini come up on the sistenm.

Se sa ki nou pe travay avek DICT pou nou kapab ganny sa kalite sistenm ki ler ou vini i la, akoz la pou le moman ou ki bezwen donn komann sistenm pou li donn ou, ou bezwen al dan report.  Ok?  Lo size exercise Mr Baker i a kapab donn leklersisman avek Employment Bill.

 

MR SPEAKER

Mersi Minis.  PS Baker.

 

PS JULES BAKER

Mersi Mr Chair.  Mersi Onorab pou ou kestyon.  Ou’n demann 2 kestyon spesifik teknik lo Employment Bill enn lo ki sanzman ki nou pe anmenn devan pou asire ki nou pa fer ‘business as usual.’  Onorab premyerman mon pou pran ou kestyon konsernan Employment Bill.  Employment Bill.  parey ou konnen, i annan lentere pa zis lentere travayer ladan.

I annan lentere anplwayer and private sector dan Sesel.  E nou Employment Bill ti preski fini finalize, me selman parey ou konnen ou pa kapab satisfer tou dimoun anba Employment Bill.  Be tandans i montre ki mon ti a kontan si a en moman donnen, zot osi zot ganny en sans koz ek sekter prive, akoz sekter prive osi ti a kontan ganny en Bill ki pli larg son lanmen – si oule! I annan sa bann prosedir ki zot pe dir nou zot sipoze free pou hire and fire ki mannyer zot anvi.  Ou konpran? E sa i en defi pou nou akoz nou pli nou anvi liberaliz nou labour market dan en fason kot nou improve theease of doing business,’ be selman nou bezwen fer li dan en fason ki drwat!  Be sa ki mon kapab garanti ou se ki boner lannen prosenn the Employment Bill i pou ganny prezante devan sa Lasanble.

E nou ti a kontan ganny versyon Lasanble lo sa sityasyon en fason ki nou ava ganny gide kote ki nou anmenn plis proteksyon travayer – kote ki nou ouver plis laport pou sekter prive fer biznes dan Sesel.

Lo kote ou 2enm pwen kot i annan sanzman lenspeksyon wi – mon krwar nou pa kapab zis fer bokou avek kantite dimoun ki nou annan, nou bezwen fer keksoz bokou pli smart ki sa.

So ki nou pe fer se ki nou pe entegre nou sistenm lenspeksyon entern.  Dan Minister Lanplwa nou napa zis en group dimoun ki fer lenspeksyon Onorab.  Nou annan en serten group dimoun ki fer en whole spectrum of visits dan bann landrwa travay.

Ozordi ki nou ganny dir se ki ozordi ou ti vwar en lenspekter apre ou ti vwar en zofisye URS apre ou ti vwar en zofisye – so ki nou bezwen fer la donn lantrennman.  Nou’n fer provizyon anba Bidze pou donn lantrennman tou nou bann zofisye ki al lo site, ki en fason ki i pa al get zis sa zanfan ki lo SDP ki lo My First Job – i osi profite letan dan son landrwa travay nou fer maximising use of the resources that ki nou kapab, e zour i detekte en sityasyon i met a latansyon Lenspeksyon e la nou dekouver sa.  Olye ki nou sakenn pou li i fer en pti bout, pti bout, pti bout, non nou pou reget revwar fason ki nou get keksoz!  E menm mon a felisit Minister Finans pou konsidere pou tir sa bann service providers ki nou ti gannyen dan distrik re anmenn li onboard e servi zot osi pou zot kapab asiste nou dan tou sa bann progranm.  Mersi Onorab.

 

MR SPEAKER

Mersi PS.  Onorab Aglae.

 

HON EGBERT AGLAE

Mersi Minis ek PS pou ou lenformasyon.  An se ki konsern deteksyon mon ti a zis kontan demann ou Minister an vi ki resaman i annan en lorganizasyon parey ARID ki enn pti pe dan forefront, eski zot Departman pou anpese ki i annan bann keksoz ki i vin dan bann letan pli kritik apre pou nou tay avek pou al tenny dife? Eski zot annan en Departman dan zot lorganizasyon ki pran bann konsern ki swa ouswa en Hotline, kot ou kapab zis call poudir i annan tel sityasyon pe deroule ; tel travayer pe ganny maltrete, ouswa tel anplwayer osi pe ganny maltrete osi – i annan tou lede kote, so eski zot annan en Departman petet ki pli direk pli fasil?  Mersi.

 

MR SPEAKER

Mersi Onorab.  PS.

 

PS JULES BAKER

Mersi Onorab.  Wi parey ou konnen nou pa travay nou tousel i annan lezot lorganizasyon ki annan lentere dan proteksyon travayer etranze ouswa travayer Seselwa.  Nou apresye me selman i annan fason fer keksoz.  E nou bezwen fer keksoz dapre sa ki Lalwa i merite.

Me selman nou toultan nou annan en lapros kot letan i annan en konplent ki vin kot Minister Lanplwa, nou fer sir ki i annan bann investigastion i ganny fer.

Onorab nou pa kekfwa pibliy sa kantite keksoz ki nou fer, pou ganny la popilarite, me selman sa ki mon pou dir ou se ki Minister Lanplwa i fer en kantite an sa ki konsern rezourd problenm travayer Sesel.

Me selman sa ki mon kapab mon le fer sir ki Lasanble i konpran, se ki sa bann problenm i pa en problenm zis Lanplwa sa! Akoz ou pa pou fini rezourd problenm i annan responsabilite ki vin avek!  Bann anplwayer i bezwen plis  responsab!

Nou depans nou en kantite larzan an sa ki konsern ‘ledikasyon travayer’ –‘ printing and stationery.’ Nou al lo televizyon nou al lo radyo nou koz en kantite poudir nou bezwen pran nou responsabilite – anplwayer i bezwen pran zot responsabilite – ou pa kapab zis vini pous dimoun malapropo!  Ou pa kapab anploy en dimoun dan son pei vin abiz li isi! Be nou Labour Policy la i pou fer sir ki poudir – lannen pase dan Lasanble nou ti koz en pe lo la nou ti dir nou pou pran bann mezir neseser!  E la en lot area ankor kot nou pou bezwen sipor Lasanble.  Akoz nou pe dir ki nou ti a kontan vwar kontra i ganny ateste avan ler GOP i ganny issue.

Me malerezman sa i en stratezi ki ti pou mars byen kot nou ti kapab deal avek sa bann zafer labi ouswa, menm gete akoz sa etranze i pe ganny plis ki sa Seselwa? Me le problenm se ki sekter prive pa tro tonm dakor avek sa bann zafer.  Nou annan en kantite stratezi ki nou le vin avek devan me selman nou bezwen travay li an konsiltasyon avek tou dimoun ki en fason ki tou dimoun i a tonm dakor avek sa.   Ou konpran?  So wi pou reponn ou kestyon nou annan nou defi e nou pou esey nou mye ki bann deteksyon i amelyore pandan sa Bidze ki nou gannyen.  E kekfwa lannen prosenn nou ava dan en pli bon pozisyon pou raport lo bann targets Minister Lanplwa in ganny swazir pou al lo pilot programme avek IBM resultbased exercise ki nou lo la.  E la aktyelman nou pe fini finaliz sa progranm e next year i annan bann target ki nou a kapab pli raport avek Lasanble lo ki sikse avek sa bout Bidze ki nou gannyen.  Mersi Onorab.

 

MR SPEAKER

Mersi PS.  Minis.

 

MINISTER MYRIAM TELEMAQUE

An plis ki sa Mr Speaker Imigrasyon i lans son Hotline depi tar lannen pase.  E si i annan okenn dimoun ki annan okenn issues – oubyen i annan keksoz ki le port latansyon Imigrasyon i telefonn sa limero e nou annan nou zofisye ki la dan Enforcement Unit i ale ansanm avek zofisye Lanplwa zot al rann vizit zot investigate.  Mersi.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonn apre midi Minis avek ou lekip.  Mon kestyon i baze lo paz 507 lo ‘wages and salaries in cash ;’ revised Budget pou 2018 ti R14.1milyon e pou 2019 i annan en logmantasyon par R5.5milyon ki’n ariv R19.6milyon ;- ou’n dir PS poudir enn bann rezon akoz sa logmantasyon se ki pou zot recruit plis staff dan Departman Lanplwa, alor mon kestyon i ou pe dir ki ou’n ganny difikilte ou pe ganny difikilte i annan 11 vacant pos ki zot pe sey ranpli e mon kestyon i ki legzersis zot pe sey fer pou ranpli sa bann pos?

Par lefe ki nou fek annan en batch etidyan Liniversite fek graduate la nou annan en kantite tou le lannen nou annan en gro batch etidyan pe graduate swa dan Lalwa swa dan Biznes ek lezot domenn so kwa ki pe fer li difisil pou zot kapab recruit sa bann zenn ki fek fini zot letid?

Mon 2enm kestyon i kot i konsern mistreatment bann staff Seselwa e sa i sirtou dan bann lotel sa menm sa lannen i annan plizyer konplent kot in arive kot bann manager etranze in mistreat ouswa abiz zot bann staff Seselwa.  E osi i arive in ariv avek bann Seselwa dan bann retail ek wholesale companies isi, alor mon ti a kontan demande ki zot pou fer pou anpes sa bann keksoz arive pou anpes bann staff bann management etranze abiz ouswa maltret nou bann travayer Seselwa?  Mersi.

 

MR SPEAKER

Mersi Onorab Woodcock.  PS.

 

PS JULES BAKER

Mersi Mr Chairman.  Mersi Onorab pou ou kestyon mon ava pran premye kestyon e Minis i a koz lo sa 2enm bout kestyon ok?  Mr Chairman mon kapab dir ou ki nou annan en Bidze ki nou met anba ‘adverts and donations’ e nou depans en kantite larzan atraver nasyon i annan enn ki apel JOBO: i annan lezot medium ankor kot nou servi pou nou kapab fer advert pou ankouraz bann zenn pou zwenn Departman Lanplwa. I vre ki kekfwa Scheme of Service pa ase attractive – or sa task ki annan devan nou ki tou dimoun i konnen ki dan Departman Lanplwa i pa fasil.

E mon le profite pou mon tir mon sapo avek nou bann staff ki ankor pe travay pou nou ki ankor pare pou travay pou nou menm dan bann sityasyon vreman difisil!

1 annan Onorab ki’n demann kestyon taler konsernan overtime travay apre ler al get dan sa bann landrwa travay apre ler i bokou! Nou mobiliz en kantite nou bann staff pou travay.  So vwala akoz pa bokou nou bann zenn ki enterese.  I annan ki vini i fer interview e ou dir li sa ki annan pou li fer ou pa vwar li ankor ditou – i pa vini.  

        So nou kontan ki nou ganny sa R1.4milyon ki ava kapab ed nou en pe me selman sa ki enportan vre nou devret fer pli bokou plis zefor pou recruit nou bann zenn, pou nou realize poudir dan sa 800 zenn ki nou ede plase anba My First Job, nou osi nou le en pe ladan.  Be nou pa gannyen – i pa vin kot nou – i al dan lezot landrwa.  So be selman sa ki konsern mistreatment avek labi wi nou annan enn de konplent me mon krwar Minis i ava elabor en pti pe plis lo la, an term bann stratezi ki nou pe servi.

 

MR SPEAKER

Mersi PS.  Minis.

 

MINISTER MYRIAM THLEMAQUE

Mersi Mr Speaker.  Mr Speaker i vre nou ganny enn de konplent pa enn de konplent detrwa konplent konsernan bann management dan lotel, ki staff i fer resorti avek nou ki zot pa pe ganny byen trete e ki petet zot fristre, zot saler pa pe ganny regard ladan oubyen si ti annan en promosyon pou zot sa promosyon pa pe ganny donnen.  Ki nou’n fer nou travay lo en stratezi – nou fer miting avek sa management lotel e apre ler nou fini fer sa nou ekri zot nou konfirm avek zot sa bann pwen ki’n ganny diskite e si zot kapab donn nou en plan ki mannyer pou at least aranz sa sityasyon, ki petet i pou ed sa travayer li menm li.  Selman si sa travayer li i santi ki i krwar i annan en grievance i kapab vin kot Lanplwa i anrezistre son grievance e nou kapab travay lo la.  Mersi.

 

MR SPEAKER

Mersi Minis.  Onorab Woodcok.

 

HON WAVEL WOODCOCK

Mwan mon ti a kontan demann Minis PS sirtou si i satisfe avek saler ki son bann staff pe gannyen?  Akoz mon ganny lenformasyon ki konmkwa bann staff ki lo bann saler ki vreman ba menm mwens ki R7mil.  Eski ou satisfe avek saler ki ou bann staff pe gannyen dan Departman Lanplwa ouswa ou krwar ki zot merit reviz salary Scheme ki sa bann staff ki dan ou Departman pe gannyen?  Mersi.

 

MR SPEAKER

Mersi Onorab.  PS.

 

PS JULES BAKER

Mersi Onorab pou ou kestyon.  Sa ki mon kapab dir ou se ki Scheme of Service pou cadre employment i date 2010 e i pa ankor pa ti ankor ganny review.  Me ti annan en pti review kot nou ti santi ki i annan bann staff parey mon’n dir taler ki bezwen deplase pou al dan bann landrwa travay sa ki nou appel en location allowance pou ankouraz zot en pe pou al travay apre ler, kot pou kapab amelyor en pe sityasyon.

Me mon kapab donn ou en pe sif la an term promosyon.  Nou ti annan nou 2018 – 11 staff ki’n ganny promosyon.  Dan sa 11 staff ki’n ganny promosyon 14 ladan in ganny salary enhancement – sa ki nou fer rekomandasyon avek DPA e DPA baze lo kalifikasyon reveni i dir konbyen pou donnen si i pou ganny R300, R400 me selman nou annan 14 staff ki’n benefisye.  Dan sa 14 staff enn keksoz ankor nou ki envestir en kantite ladan, se lantrennman formasyon nou bann kad.  Nou’n recruit en kantite graduate nou annan nou dan Employment Department 16 graduate, ladan 8 pe benefisye avek sa ki nou apel housing allowance – 8 graduate pe benefisye avek housing allowance.

E baze lo sa mon pa pou dir ou poudir mon satisfe avek saler tou nou bann travayer, me selman parey ou konnen saler Gouvernman i annan en cadre ki ganny travay lo la, e sanmenm sa akoz nou ti met devan Minister Finans pou konsidere pou donn nou get dan nou welfare donn nou en pti pe an plis an term Scheme of Service, ki mannyer nou kapab ankouraz plis nou bann staff reste dan Employment Department e travay.  Me legzersis nou a kontinyen next year nou a gete si nou kapab ankor bouz Minister Finans pou donn nou en pti ekstra pou nou kapab build up nou team pou sa bann defi ki nou annan.  Mersi Onorab.

 

MR SPEAKER

Mersi PS.  Minis.

 

MINISTER MYRIAM TELEMAQUE

An plis ki PS in dir Scheme in aprouve.  Nou sipoze annan en Scheme pou Employment Department an Zanvye.

 

MR SPEAKER

Mersi Minis.  Dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon bezwen dir ki mazorite bann mesaz ki mon pe gannyen avek piblik an relasyon avek Departman Lanplwa i annan pou fer avek koripsyon.  Sa mo ‘koripsyon’ i kontinyen monte e monte.  E enn bann rezon akoz i monte se ki i osi annan bann marsan ki dir avek ou ki koze ouvertman ki poudir zot napa problenm zot, zot ale zot donn fodre sa ki fodre donnen e zot ganny tou sa ki zot bezwen!  Alor mon premye kestyon se ki zot pe fer e ki mannyer sa Bidze pou ed zot pou tir sa I’ll call it persepsyon akoz mon napa levidans konkret, pou tir sa persepsyon?

E la mon anvi dir ki sa persepsyon i ganny apiye plis ankor par bann aksyon ki nou vwar.  Cable & Wireless i koze i dir nobody knows Seychelles better than Cable & Wireless 125an dan Sesel! Selman Seselwa i ganny pouse etranze i antre pou fer travay ki nou bann manrmay sorti SIT i kapab fer, me selman nou vwar bann etranze ki a pe fer bann senp travay konman bann fitters.  

        Bayan Tree ; dan Lasanble nou ganny dir personn Seselwa pa pou perdi zot travay!  Seselwa i ganny pouse!  Seselwa i vin kot zot menm kot Minister! Seselwa i vin kot Lasanble i rankontre Onorab Afif e sa bann menm Seselwa ki’n dir zot pa pou ganny pouse ki pe travay – ki ti pe travay etranze i pran zot plas? Be GOP pa Mr Speaker ki donnen GOP! pa Onorab De Commarmond ki donnen GOP!  Pa Onorab Afif ki donnen GOP!  Se Minister ki donnen e i pas atraver lanplwa!

Alor mon pe donn sa de pti legzanp la pou montre ki poudir se sa ki fer dimoun dir be i annan en shortcut somewhere! Parske apre sa napa okenn aksyon ki ganny pran e nou vwar Seselwa ki ti pe travay – sa Seselwa ki ti a pe netway swimming pool bomaten i ganny pouse apre midi en Kenyan ki pe netway swimming pool! Be i annan en keksoz ki mal.

E an plis ki sa la ziska aprezan sa bann pov Seselwa bann travayer ki i annan Cable &Wireless i annan Bayan Tree zot ankor pe rod en rezon, e ziska aprezan zot pa ankor ganny okenn rezon!

 

Dan sa Bidze letan nou koz lo bann NGOs enn bann fason ki bann NGOs i travay atraver lemonn se ki Gouvernman, oubyen bann lezot lorganizasyon zot ganny bann consultancies.  E la mwan Mr Chairman mon anvi tir sapo avek ARID – sapo pou ARID – akoz ARID se bann volonter be sa ki bann volonter in fer nou konpran in fer nou dekouver konpare avek Departman Lanplwa ki bann dimoun ki ganny peye ou pa kapab konpare.

E letan nou pe regard tousala la ankor enn fwa ki ankor enn fwa mon retourn lo sa persepsyon ARID i dir letan ou koze i dir ek ou Imigrasyon, imigrasyon i dir ou lanplwa, Lanplwa i dir ou Imigrasyon!

E pourtan i anba menm Minister konmsi i annan en zwe la ki arive e ki finalman ki nou trouve e la ankor enn fwa avek Union!  Tou kou se menm Union ki nou vwar la e apre sa la ankor enn fwa dir be i annan en keksoz ki pe pase, kot bann Union – kot sa Union an partikilye li i ganny kontak e ki alor i vini e ki i annan travayer etranze – la mon vin en pti git lo travayer etranze – ki letan zot annan en grievance zot ganny fer ale e apre i dir ek zot tou zafer pou ok.  Be letan zot retourn laba Bangladesh zot retourn sepa ki pei napa nanryen ki arive!

E i vin konman en form of human trafficking – parske la nou ka human trafficking i o – nou repitasyon human trafficking ;-la mon demann mon ki pou annan dan rapor Lanmerik en lot’ US’ ankor ki pou annan dan Human Rights report US lo sa size akoz la nou pe al ganny tape menm.

Mr Chairman mon ti ava kontan osi konnen dan sa Bidze la e dan sa travay ki zot fer be akoz zot ganny difikilte pou zot ganny travayer Seselwa?  Mon pa ganny en konpran mwan.

Be dimoun i dir zot pe rod travayer be akoz zot ganny problenm pou zot ganny travayer Seselwa?

E sa mon ti ava kontan ganny en larepons – housing pou foreign workers, eski zot pa santi poudir sa bann lenspeksyon ki zot fer e tou ki parfwa zot al lo en lot ekstrenm?  Akoz i annan problenm avek en lakonpannyen, aprezan nek zis zot tay partou zot dir la nou pe met lanfaz lo housing ensidswit e Minister Lasanble i travay ansanm avek zot pou donn en Regilasyon.  La ou konmans ganny dir fodre dan lakwizin i annan tiles ziska lo plafon! Fodre i annan mosquito netting partou ; fodre …. ! Be travayer Seselwa mon ti ava kontan si zot pase zot regarde konbyen travayer Seselwa ki tiles i al ziska dan plafon dan son lakwizin?  Eski sa bann menm kondisyon ki zot pe mete pou sa bann travayer etranze, eski zot pe osi met li pou travayer Seselwa?

Mon realize ki i annan plizyer pwen ki mon’n met devan Mr Speaker, me selman si mon ti pou koze mon ti pou annan en kantite ankor.

Ankor enn fwa letan lo lanplwa – parske nou’n koz bokou lo travayer Seselwa akoz e la mon anvi konnen si zot pou kapab pran sa an konsiderasyon parske sa Bidze, akoz ki nou kontinyen tann konplent lo lapar travayer Seselwa dan lotel konsernan service charge – konsernan tips?  Me Departman Lanplwa pa fer nanryen pou nobou met sa annord! Lot zour mon ti pe koz lo sa Casino Royale mon krwar i apele laba anler Baie Lazare kot finalman travayer Seselwa sa ki zot gannyen i reprezant mon krwar anviron 10poursan total tips ki ganny ranmase.  E nou konnen ki poudir i annan bann viziter Arab ki kontan vin laba anler e letan Seselwa pe panse ki poudir be la i en peryod kot i annan travayer  – (wi Onorab De Commarmond mon pe fer mon dernyen pwen ou pa’n lev ou lanmen be les mwan koz en kou prezan – ou napa nanryen pou dir). Mon ava koze mon defann Seselwa ‘United !’

 

(laughter)

 

HON WAVEL RAMKALAWAN

Wi Mr Chairman, be akoz zot pa regarde? Parske si nou anvi protez nou travayer Seselwa nou anvi donn zot lankourazman, be letan sa msye Arab i donn $100 tips be fer sir ki sa $100 i ganny partaze avek tou Seselwa, e non pa 4 etranze i pran tou!  Mr Chairman mon tante poudir parey anfen ansyen Depite Zeneral Parti Lepep parske la i napa sa pozisyon dan Konstitisyon ‘US’ – ki poudir mon ava poz sa la, akoz mon annan ankor 15 kestyon pou mwan demande!  Mersi bokou.

 

MR SPEAKER

Mersi Onorab Ramkalawan.  Minis.

 

MINISTER MYRIAM TELEMAQUE

Mersi Mr Speaker.  Mersi Onorab.  Onorab mon a pran pou Bayan Tree.  Bayan Tree i annan 2 seksyon ki management Bayan Tree in fermen prezan in outsource avek 2 lakonpannyen.  Sa 2 lakonpannyen ki annan son bann travayer etranze.  Zot pa’n pa Bayan Tree ki’n anmenn travayer pou travay.  Nou rikord i montre sa nou ti verifye byen ki napa okenn pos ki etranze in antre dan sa bann pos ki’n ganny fer ki sa bann 37 travayer sa nou ti verifye.

Dernyen pos ki nou fek aprouve mon krwar ti en assistant front office manager mon ti get lo lalis ti napa Seselwa ki ti dan sa pos.  E apre ti annan bann pos ki bann lotel dan Sid ti’n pare pou pran on onboard sa bann travayer e nou ti fer nou mye nou ti refer zot laba kot sa bann lotel.  Selman mon kapab konfirm avek lotel menm nou pa’n aprouv okenn GOP pou lotel pran sa bann plas.  Mersi Mr Speaker.

 

MR SPEAKER

PS Baker.

 

PS JULES BAKER

Mersi Mr Chair.  Mersi Onorab pou ou kestyon.  Onorab ou’n dir en ta keksoz – ou’n koz en kantite keksoz selman mon pou pran li step by step pou sa i annan bann komanter osi ki ou’n fer.  Premye komanter ki ou’n fer i annan pou fer avek koripsyon dan Departman Lanplwa.  E parey ou konnen dan Departman Lanplwa i annan bann prosedir ki konsern fer laplikasyon travayer etranze – i bezwen vin kot Departman Lanplwa avan.  Apre ou annan en prosedir ki al direkteman kot imigrasyon ki anba certificate of entitlement  -sa i de keksoz.  

        So an sa ki konsern koripsyon parey ou pe dir e persepsyon baze lo serten keksoz ki ou’n fer resorti lo la konsernan boutikye, Cable & Wireless, Bayan Tree – Mr Speaker 2mwan pase nou ti ganny en prezantasyon devan CEO Forum par Anti-Koripsyon ki mon krwar in fek sorti la dan Lasanble ki’n fek ganny en Bidze pou deal avek bann issue Anti-Koripsyon.

E mwan personnelman mon’n commit mon lekor mon dir ki dan Departman Lanplwa nou pou bezwen get en pe nou prosedir atraver Anti- Koripsyon – evalye, ed nou, gid nou pa zis pou al dekouver si i annan koripsyon, me ed nou pou anpes annan okenn lentansyon okenn zofisye Minister Lanplwa pran fer koripsyon.  Nou pa en keksoz ki tolere, me selman sa ki i enportan, se ki i annan en lenstitisyon, i annan en striktir an plas ki nou kapab travay avek pou ed nou get bann prosedir ki nou kapab elimin sa.  Me sa Bidze ki’n donn nou la, i pa’n donn nou gran zafer pou nou kapab fer tou sa ki nou ti ava anvi, me selman avek bi pou esey nou mye pou tir sa persepsyon Onorab.  Mwan osi mon fatige.

Toulezour lo Facebook toulezour lo social media toulezour i annan en dimoun ki bezwen pe koz lo en keksoz koumsa.  Mon krwar i ariv en moman donnen kot nou bezwen dir ‘enough is enough’ – travay avek Anti Koripsyon e nou ava gete nou menm ki mannyer nou ava rezourd sa problenm.

2enm pwen ki ou’n fer resorti Onorab mon pa pou antre dan sa case Cable & Wireless, wi ki ti annan redundancy Cable & Wireless ; wi ti annan bann travayer ki ti ganny fer arete, me selman baze lo sa bann travayer ki ti ganny arete ti annan 11 bann travayer ki ti’n arete ti annan 11 zot ti form lakonpannyen, e zot pe travay avek Cable & Wireless pou sub-contract e i annan detrwa zot osi ki’n fini vin kot nou Minister Lanplwa pou demande, zot osi pou anploy travayer etranze, akoz napa ase sa ki ou pe dir sa bann network technician ki zot dir zot en pti pe short zot in demann nou.

So i vre i annan bann casualties dan bann ka redundancy ki sa mon pa pou dir ou non ; i annan casualties ki’n arive dan bann ka kot bann anplwayer pa sivre Lalwa redundancy.  Sa i bann issues.  Nou pou kontinyelman edik bann anplwayer poudir i annan en prosedir ki mannyer ou fer redundancy  – i annan prosedir ki mannyer ou fer arete travayer, me parkont parey ou pe dir i kapab vin kot nou i dir nou napa okenn travayer ki pou perdi son plas travay, apre sa nouvo anplwayer ki vini i fer otreman.  Ou konpran?

So sa en pti pe bann defi ki nou fer fas avek Onorab i bann defi ki nou pou bezwen rod en pli bon fason.  Onorab ou’n osi koz lo ARID avek consultancies – wi nou a rod pli bon fason ki mannyer nou travay avek ARID me selman sa ki mon kapab dir ou, i annan en bon pe sa bann cases ki ARID in met devan.  E nou ti’n deza fini dekouver, me selman finalman i la konman en partner li – i la  konman en partner li pou asiste nou.  Kot nou pa vwar li i vwar nou travay avek.

Me selman sa ki enportan Onorab annou pa fer piblisite pou fer bann publicity stunt pou akoz ou’n vwar sa! Vini travay avek nou dir ‘’PS Lanplwa – Minis Lanplwa nou annan problenm la.’’ Entervenir ale donn nou en koudmen met keksoz annord.  Travay ansanm mon kriy sa bann dimoun CEPS – tousala nou asize nou koz ansanm pou nou travay ansanm konman en tim, pou ed nou.

Nou annan menm bi achieve lobzektif ki nou travayer Seselwa i kontinyelman ganny proteze e travayer etranze pa ganny labi dan sistenm dan market Sesel.

Me parey mon pe dir ankor, nou osi nou annan nou defi pou nou deal avek.  E la mon ava vin lo sa bout konsernan Trade Union ; Trade Union osi i en partner li.  Nou ti pe espekte ki i pou annan bokou plis lentervansyon Trade Union dan labour market Sesel! Malerezman i annan zis 2 me selman zis 1 ki en pe pli aktif.  Letan ou rekrit sa lot ou dir li vin miting i vin en kou miting ennler i pa vini – konmsi nou pa kapab ganny en bon reprezantasyon signifikan lo letan ou realize pou nou deal avek bann issues, ki annan pou fer avek stratezi ki mannyer nou deal avek sa 10mil biznes ki annan dan Sesel avek sa kantite travayer Seselwa ki i annan bann defi dan zot landrwa travay.  

        So ankor NGOs, Trade Unions, Federasyon Anplwayer tousala i bann striktir ki devret ganny strengthen e pou travay avek nou, pou nou kapab achieve nou lobzektif, pou tou Seselwa travayer Seselwa kapab ganny proteze.

Onorab ou’n koz osi lo 2 keksoz ki mon pou koz lo la, me selman mon ti ava demann konsey SS Payet lo la.  Wi nou’n ganny dir plizyer fwa tips avek service charge is very unfair dan bann lotel. Wi nou’n ganny dir – konplent ki mannyer i ganny partaze – i pa fair, me selman sa ki mon kapab dir anba Lalwa Lanplwa ozordi nou pa regulate tips avek service charge.  

        So i difisil pou ou antre dan sa landrwa travay laba pou ou dir li poudir nou krwar service charge i devret ganny distribye dan en fason en pe pli zis.

Mon konnen poudir i annan serten poursantaz ek staff ki konplent en kantite konsernan breakage.  Mon krwar i annan ki servi 10 a 15 poursan  i dir ou ouswa keksoz ki andomaze, alors mon tir sa group ek sa granm lo ou, e nou partaz li egalman.  Me selman lefe i reste ki i difisil pou nou kontrol tips e napa Lalwa ki fer sa.  E mon konnen Minister Finans i annan en Polisi ki mannyer i sipoze marse me selman sak biznes i annan son fason fer.  I annan ki annan zot prop tips ki kliyan i met larzan dan bwat, apre i partaze.  Apre i annan en service charge ki li en sistenm – en Polisi ki ganny fer, ki letan ou sarz kliyan lo sales ;- par egzanp front office ouswa dan back office dan lasanm, i annan serten poursantaz ki al pou sa bann travayer.

Be whether sa bann larzan ki pe ganny donnen i fair, just and reasonable pou tou travayer, sa posibleman nou ava gete ki … Be nou’n fer miting avek bann GM zot in dir nou ki zot annan en very fairness e zistifye dan lafason ki zot partaz zot larzan

        But then again i difisil pou ou met ou lanmen lo la unless i annan en Regilasyon.  Prezan Onorab si i annan en nesesite ki Lasanble i santi poudir ki nou bezwen annan en Lalwa Lanplwa oubyen en Regilasyon an sa ki konsern tips and service charge, nou ti ava pran sa konsey nou a met devan sekter prive, i ava dyaloge an konsiltasyon – nou a gete ki pli bon fason pou fer sa.

Apre lo kote housing Onorab ou’n koz en pti pe lo travayer etranze – mon pa konn sa zafer tiles ki ou’n i dir ziska plafon, me selman lefe i reste ki nou santi poudir nou annan en problenm lo nou lanmen avek kantite travayer etranze ki pe antre dan pei – sirtou dan bann pei kot mon kapab dir i pli fasil pou recruit sa bann dimoun.

Ou’n fer sorti Bangladesh e sanmenm sa ki nou ti met en ban lo Bangladesh akoz nou ti vwar poudir bann kondisyon ki zot ti pe ganny recruit anba la, pa ti lo sa standar.  E la annefe sa semenn nou ti pe espekte annan delegasyon Bangladeshi pou vin Sesel pou vin diskit avek nou lo pli bon fason, akoz zot osi zot santi zot pri dan sa bann zafer.

Me nou bezwen rod en pli bon fason pou nou kapab fer sa.  Me lozman avek manze, kot travayer Seselwa i en lobligasyon anplwayer e ki pa devret pe ganny tire lo son minimum salary.   Sa ki bann problenm ki nou fer fas avek.  Akoz i annan bann travayer ki ganny peye direkteman dan zot kont aletranze, apre i donn zot R1500 pou zot kapab survive isi.

E sa i bann defi Onorab pou meet ou kestyon avek Bidze i en stratezi en pe farfetched kot nou pa pou rezourd sa problenm la, avek tou respe avek tou lonnekte, nou pa pou rezourd sa problenm demen bomaten Onorab.  I pou pran nou en pe letan, me selman si nou kapab travay ansanm avek Lorganizasyon Anplwayer/ Travayer e NGOs e zot menm zot bann Onorab, ki nou kapab fer keksoz bouz an avan pou travayer Seselwa – we are all for it.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chairman mersi bokou pou ou sa bann larepons.   Mwan mon anvi avek sa Bidze R29milyon, mwan mon ti ava kontan ki  si nou kapab asire poudir sa Bidze i donn zot ase larzan pou ki –

(1) nou pa vwar okenn travayer etranze ilegal dan nou pei.

(2) ki poudir i annan avan ki zot donn GOP, zot fer sir ki travayer Seselwa in ganny sa posibilite pou li ganny lanplwa.

(3) ki avek sa Bidze ki zot annan la avan lafen Desanm tou bann etranze – well – sa Bidze i pou lannen prosenn me selman i reste zot ankor en bout larzan pou ki zot kapab debrouy avek ki tou travayer etranze ki ‘Ilegal’ i ganny met lo en avyon e fer retourn se zot!

E kote zot kapab konmanse? Dan tou bann laboutik Endyen!  Pa zis aret kot laboutik Endyen!  Al dan lakour sa bann marsan Endyen akoz laba osi tou i annan en kantite travayer ilegal, ki pe anpes en pti Seselwa ki pe sey fer 4 pti gato piman li i dan lasanmben avek son kivet avek en pti stov i a pe fer gato piman pou met lo market e sa i pe blok pep Seselwa!

Apre Mr Speaker si nou kapab fer sa, deza sa persepsyon koripsyon i ava ganny eliminen – e nou ava konnen ki poudir nou pe travay avek en Departman Lanplwa ki koripsyon pa son sinyatir – parey i été la pou le moman.

E apre sa mon pe zis mon pa tro dakor pa kestyon mon pa tro dakor mon pa dakor ki mannyer in koz lo ARID parske rezon ki ARID in bezwen donn piblisite sa ki i pe fer, se zisteman fer sa bann keksoz arete! Parske parfwa letan ou vini ou koz one-on-one keksoz i kontinyen e  mwan mon krwar ki sa desizyon ARID to go public i en bon desizyon.

Me Departman Lanplwa pa kapab regard sa konman negativ, me o kontrer pou pran sa pozitiv ladan, dan sa travay ki zot pe fer pou kapab bouz devan.

Alor Mr Chairman  mwan mon pou mon ava ekout sa dernyen larepons, pou mwan regarde si mon pou pran en vot pozitiv lo sa Bidze, akoz si nou pa vwar en sanzman dan lafason ki keksoz pe deroule, e avek tou bann konplent ki Seselwa pe fer, mon definitivman mon pa pou siporte.  Akoz mon vwar tro bokou bann trou ki ankor egziste e i annan serten par egzanp menm nou bann lo dan bann landrwa travayer, kot ou trouv en etranze i vin konman en touris sa etranze i vin koman en touris lo bann yacht par egzanp ot vin konman touris zot la e apre sa ou tande ki zot in ganny en anploye – zot pe travay!

Alor mon krwar i annan bann challenges ki serye, me selman tou sa bann challenges i kapab ganny fer fas avek, si zot pare pou met zot lipye ater e pou pran aksyon ki neseser!  Mersi bokou Mr Chairman.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mersi Onorab pou ou kestyon.  I annan de dimansyon pou ou kestyon Onorab e nou la devan management Departman Lanplwa ansanm avek Minis nou pou demann ou sipor ki ou asiste nou pou vot pou nou Bidze.  I annan 2 bout kestyon i annan sa bout ki al kote imigrasyon sa bann travayer ilegal sa mon ava Departman Imigrasyon mon krwar pou vini, me selman lo ou kote konsernan Bidze pou donn loportinite pou travay Onorab,  mwan mon kapab dir ou – mon asize la mon kapab dir ou mon garanti ou nou deza annan nou already 1200 vacancies ki ankor pe flote lo labour market Sesel, ki nou pe rod Seselwa pou kapab pran sa bann pozisyon, avan ki nou donn loportinite travayer etranze antre Sesel!

E bokou fwa parey ou pe dir i annan anplwayer ou konnen ki zot fer zot fer li en formalite met advert dan Nasyon apre i vin kot nou i dir nou zot pa’n ganny Seselwa?  Be sa en keksoz ki nou atak zot lo la – se ki nou ensiste poudir ki ou pran ou appel sa referral ou pran sa Seselwa ki lo job seekers ou a pran pou li travay.

Dezyenmman nou egzize ki si i annan en manrmay ki lo My First Job Scheme ki’n en graduate, ki pa ankor ganny plas travay nou egzize Onorab ki zot pran sa bann dimoun, avan ki zot donn nou okenn pos.

Sel defi ki mon kapab dir ou nou fer fas avek se SIT pa prodwir sifizaman mason, sarpantye, elektrisyen ozordi.  So i anmar nou lanmen akoz gro kontrakter i vin kot nou i demann nou a kout 300 pos.  Nou napa sa kantite dimoun pou donn zot so nou pa kapab bargain avek zot nou dir ou pran sa, me selman ki nou dir letan i annan zis en group olye ki nou donn ou 300 be pran 25 sa bann manrmay met lo Scheme nou ava pey en bout zot ava pey en bout zot ava train sa bann dimoun pou en peryod 2an a met zot dan lanplwa.

Sa i bann stratezi ki nou servi, be i annan de ka kot nou napa sa Seselwa.  Parey mon pe dir ou nou annan nou 1200 post Onorab ki nou pe rod Seselwa.

Annefe mon ti annan en not la ki kantite larzan ki nou depanse an term bann advert ki nou mete lo dan Dimans lo televizyon nou fer sir ki zot mete.  Kot Minister Lanplwa letan zot vin kot nou zot vin rod en lanplwa kot URS i annan Onorab dan 1900 dimoun ki nou anrezistre URS 1900 dimoun dan ladan already ki pa ti pe travay 365 nou fini fer zot antre dan en lanplwa formel!

Zot pa pey URS en – zot pa ti pe travay e nou al rod zot nou donn zot en plas travay pou zot kapab travay.  Nou osi nou prensip nou Polisi se ki ‘Seychellois First’ Onorab – ‘Seychellois First.’ Sa i dan nou prensip e nou esey nou mye a tou pri pou ki fer sir ki tou dimoun ki vini.  E i menm ki en lot stratezi ki nou fer konmela, se ki nou demann anplwayer pou submit tou kandida – submit tou kandida ki’n apply pou sa bann pos e lekel bann ki zot in swazir pou fer interview.  Tousala nou fer avan ler nou konsidere pou donn en pos.

Onorab i annan en kantite ki ganny fer kot Departman Lanplwa parey mon dir i pa fasil pou nou, nou pa pe pran ARID konman en partner negativ.  Nou pe pran tou dimoun ki pare pou travay avek nou lo en baz pozitiv.  Nou defi i gro e nou bezwen plis mendev – plis zefor e parey mon pe dir tou loportinite ki come nou way nou fer sir ki Seselwa i vin premye.

E ki kalite kondisyon ki vin avek, then nou fer sir ki loportinite osi i vin pou Seselwa.  Me parey mon pe dir ou annan sa businessman la Onorab mon krwar i annan plizyer businessman isi dan sa Lasanble ki zot ki deside ki kalite kondisyon ki zot pou donn zot travayer.  Tou dimoun ki deside.  Nou ki nou bezwen fer sir, se ki i annan en standar fondamantal, ki tou Seselwa ki ganny loportinite i osi tret son bann travayer byen e loportinite i vin pou Seselwa.

Onorab mwan mon ti a demann ou ki nou annan plizyer diskisyon lo bann size review Employment Act lannen pase e i annan en kantite kontribisyon ki ou’n fer, pou ki ed nou osi pou anpli enpe pli byen sa lanpler ki nou ladan.  Alor avek sa mon ti a demande ki Lasanble i ed nou pou nou bouz an avan e kot nou kapab revwar nou stratezi letan i ariv ler pou loportinite egal pou Seselwa avan etranze.  Mersi Mr Speaker.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chairman.  I annan en pti bout lo sa zafer pou met en regleman an term tips avek service charge.  E mwan mon ti ava kontan dir wi mon krwar ki i enportan poudir sa.  E mon ganny en mesaz Mr Chairman par egzanp sa Casino Liberte letan i annan bann viziter Arab ki vini kot parfwa dan en lannwit i tonm R2.4milyon ensidswit, kot i annan travayer etranze kot zot i ganny sa bann privilez ki pe al kot zot avek R100mil!  Tandis ki li sa Seselwa i pe al avek ‘lakok pistas! ’

Alor mwan mon anvi vwar sa bann sanzman arive!  E donn nou lankourazman pou ki next time zot vin la nou ava kapab zot Bidze pou pase byensir – parske nou pa kapab blok travayer Seselwa – blok zot bann soz, be selman mon anvi vwar konmsi i annan lazistis dan tou sa bann diferan keksoz.

E zis pou terminen Mr Speaker letan Minis i koz lo sa bann travay ki Bayan Tree par egzanp zot pe outsource, be mon krwar ki Departman Lanplwa i bezwen osi regard ankor bann kategori travay! I mean swimming pool – pou netway swimming pool fodre ou outsource?  Me sa se en keksoz ki devret konmsi bann biznes ki devret restrikte pou Seselwa!

Akoz letan mwan mon regard sa bann travayer Bayan Tree ki’n ganny met deor, se pa bann dimoun ki ti pe tenir bann pozisyon kot ou bezwen en Masters Degree kot ou bezwen en Doktora, me sete bann travayer Seselwa ki dan bann pozisyon – sa ki nou ava apel ordiner.  Me ki zis zot devosyon ki la me ki mannyer en lakonpannyen ki annan en etranze i kapab vin netway en swimming pool – i kapab vin balye zarden?

Sa osi tou se bann keksoz mon krwar ki nou bezwen met lanfaz.  Me pou zis pou terminen, an menm tan osi sa mon dakor avek ou, fodre ki nou Seselwa osi tou i sezi loportinite.  Nou pe lager pou Seselwa i sorti SHTA – laba kot tourizm i ganny en plas travay – premye keksoz ki i fer i vol sa etranze – i vol sa touris!  Come on Seselwa annou serye osi pou nou repran tou sa bann travay!  Pa zis konplent me annou bouz lo aksyon pou nou kapab pran nou pei an men e vin vreman bann ki determin lavenir nou pei.  Mersi bokou.

 

MR SPEAKER

Mersi Onorab Ramkalawan.  PS ou le fer en komanter en dernyen komanter.

 

PS JULES BAKER

Mersi Mr Chairman.  Zis brefman ; mon apresye ou komanter Onorab ki travayer Seselwa osi i bezwen pran son responsabilite o serye akoz bokou fwa letan sa bann sityasyon i vin devan nou, nou vwar ki i annan en bon pe sityasyon kot ti’n kapab avoid si sa bann Seselwa ti’n pran zot responsabilite.  Sa i enn.

Dezyenmman ok lefe i reste ki ou’n siport sa lide pou regulate tips – sa proze i ava met devan Minister Finans e Gouvernman nou a get en kou ki pli bon fason pou kapab regulate sa.  Mersi Mr Chair.  Mersi Onorab.

 

MR SPEAKER

Mersi PS.  Mon ti’n bliye enform ou mon annan 3 pti pwen vitman ; eski bann job centers ki link avek Minister Lanplwa zot pe gannyen zot pti mwenza zot pti reminerasyon e eski sa i on time?  Osi i annan konsern mon zwenn plizyer travayer Cable & Wireless ki zot pe met konsern devan i posib i annan ankor redundancy, eski Minister in ganny okenn aplikasyon pou sa?

Apre lot vitman ankor ler en etranze i ganny en plas travay either ek en wholesaler, retailer oubyen ek en lotel i ganny en work permit pou travay dan en pos, eski zot annan fason pou monitor ki sa dimoun i travay pou sa pos ki’n ganny donnen anba sa aplikasyon me i pa al fer en lot travay pou bar en Seselwa?  Vwala vitman PS.

 

PS JULES BAKER

Mersi Mr Chair pou ou 3 kestyon.  Wi Minister Finans atraver Gouvernman in donn nou R500mil an plis pou nou pey nou bann partner ki nou apel bann Private Employment Agencies – pou bann plasman ki zot fer pou met nou bann Seselwa ankor dan Departman Lanplwa.  E sa i enkli dan nou Bidze pou lannen prosenn.  E prosedir tender nou anvoy kot Procurement procedures.

Nou fek fini fer aplikasyon pou koz avek bann Private Employment Agencies donn zot bann TOR e zot osi zot bezwen pran zot responsabilite, ki zot met zot rikord annord en fason ki peyman i ava ganny fer dan en fason byen ek latransparans.  Akoz nou pa pou pey personn si zot rikord pa annord.  Wi i annan larzan ki nou gannyen Onorab bann prosedir i preski konplete e nou espekte ki by lannen prosenn nou a konmans disburse sa bann larzan akoz bann fees in ogmante pou plizyer servis ki nou pe outsource.

2enm kestyon konsernan Cable & Wireless non Mr Chair Minister pa ankor ganny okenn aplikasyon pou second round redundancy sorti Cable  & and Wireless.  Sa ki mwan mon konnen bann dimoun ki ti ganny fer redundant case i ankor kot Employment Tribunal e i ankor dan son staz final.  E mon ganny konpran ki dat in gannyen pou le 29 Zanvye ki Tribinal in dir zot pli vit posib ki en prosede letan 4mwan i a kapab konplete – ki tou sa bann case i ava ganny ekoute e en zizman ava ganny fer.

3enm kestyon Mr Chair konsernan ou pozisyon pos – wi sa ki Imigrasyon i reponn sa bout apre so sa ki mon kapab dir se ki letan nou donn en post en dimoun i bezwen fer sa louvraz pou sa pos ki in gannyen.  Me enforcement of sa nou konnen i pa toultan nou kapab fer li lo en baz 100poursan Mr Chair.  Nou annan nou bann defi nou osi nou napa ase staff pou fer sa me selman dapre prosedir si ou’n ganny en post pou employment in donn ou en post ou bezwen pe fer sa louvraz ki asosye avek sa post.  Mersi Mr Chair.

 

MR SPEAKER

Mersi PS.  Minis ou ti le azout keksoz?  Minis.

 

MINISTER MYRIAM TELEMAQUE

Yes mersi Mr Speaker.  Mr Speaker konsernan sa pos si sa dimoun i pe fer sa pos ki i sipoze in ganny sa permi, nou annan nou enforcement officer ki fer bann checks ki i pase pou monitor.  E parey PS in fer resorti, sa osi pa sitan fasil akoz nou napa ase travayer dan sa unit.  Se pou la rezon ki nou demann pos adisyonnel.  Nou pe atann avek DPA nou a regarde ki pou arive sa lannen.  Mersi.  Lannen ki pe vini.  Mersi.

 

MR SPEAKER

Mersi Minis.  Bon parey SS Payet in dir, nou pou pran tou lede Bidze ansanm nou pou fer en sel vot lo la.  Mon ava remersi PS Baker, Ms Bresson avek Ms Labrosse e Minis osi.  Nou pou pran en Break e ler nou ava antre nou ava pran Departman Imigrasyon e a lafen Departman Imigrasyon nou ava pran en sel vot ki ava konpri ki ava konpri Lanplwa avek Imigrasyon.  Nou a Break e nou a retournen 4er.

 

 

(BREAK)

 

 

DEPARTMENT OF IMMIGRATION AND CIVIL STATUS

 

MR SPEAKER

Bon nou pou kontinyen nou travay nou pou pran Departman Imigrasyon avek Leta Sivil ankor ki tonm anba responsabilite Minis Telemaque.  Mon ti a kontan welcome Sekreter Prensipal pou Imigrasyon ek Leta Sivil Mr Alain Volcere, Mr Michel Marie Special Advisor, Mr Paul Didon Chief Immigration Officer e Madanm Bessy Banane Financial Controller.  Bonn apre midi e welcome parmi nou e nou ava al direkteman lo kestyon.  Nou a konmans avek Onorab Wavel Woodcock.

 

HON WAVEL WOODCOCK

Mersi Mr Speaker.  Minis mon kestyon i konm swivan i baze lo paz 498 anba ‘wages and salary’ revised Budget pou 2018 ti ‘wages and salaries in cash’ ti R21.1783milyon e pou 2019 Bidze in ogmante pou vin R23.497milyon en logmantasyon par R1.7milyon, eski Minis i kapab donn nou en pti pe detay lo sa logmantasyon?  E mon lot kestyon i konsernan bann staff Imigrasyon bann zofisye Imigrasyon par lefe ki i annan en gran logmantasyon lo la kantite airline ki pe vin Sesel ki in fer ki workload pou bann zofisye Imigrasyon in ogmante eski i pou annan en revizyon dan saler bann zofisye imigrasyon?

Finalman mon dernyen kestyon Sesel in ganny klase dan tyer de watch list pou human trafficking ki vedir ki Sesel does not fully meet the minimum standard for the ellimination of human trafficking ,alor mon kestyon i dan sa Bidze ki ou Minister pou fer pou ed pou fer ki nou sorti lo sa klasman ki nou ganny klase, pou improve nou pozisyon e nou zimaz aletranze pou nou sorti dan sa tyer de watchlist?  Mersi.

 

MR SPEAKER

Mersi Onorab Woodcock.  Minis.

 

MINISTER MYRIAM TELEMAQUE

Mersi Mr Speaker.  Mersi Onorab.  Onorab sa increment ki dan ‘wages and salaries’ anba table 3 i montre nou ki i annan en 5percent increase dan wage grid ; i annan R400mil long service allowance i annan R643mil anba creation of new post nou ti demann 14 pos nou ganny zis 5 pou Border Control e apre osi nou annan 2 staff ki’n sorti anba Sekretarya Employment in move anba Ministers Secretariat sa i Special Advisor Employment e office assistant.

E apre osi nou annan increase in marketable skills from R400 to R600 pou bann Border Control Officers.  Sa salary lo size Scheme of Service si i annan okenn revi pou zofisye L’aéroport Mr Speaker zofisye L’aéroport zot Scheme ti ganny revize an Zanvye 2017 e nou ti ganny formal approval an Avril 2018.

E konman ou konnen Gouvernman i annan en time frame at least 5years pou regard dan revi saler e nou okouran ki i annan pli bokou flights ki’n vini – workload in ogmante hours i pli long e mon aprann osi ki zot neighbour Ladwann saler  Customs saler in revize.  E i en konversasyon ki nou pou bezwen petet mazin lo la, selman mon pa pou kapab fer en komitman la, akoz nou bezwen get ek Finans osi.

Lo size Seychelles lo watch list in desann – in monte e ki fason ki nou pou kapab improve nou limaz: nou’n demann pot an plis pou Enforcement e nou ganny at least 2 e nou krwar sa i ava donn sipor nou senior officer ki ansarz sa unit.  W pa oubliye ki nou menm Minister avek lanplwa nou a travay ansanm pou nou kapab fer regular checks fer investigations pou nou vwar si i annan okenn labi lo okenn case pou human trafficking.  Mersi Mr Speaker.  Pa konnen si i annan PS i annan keksoz ki i oule azoute.

 

MR SPEAKER

Mersi Minis.  PS Volcere.

 

PS MR ALAIN VOLCERE

Bon apre midi tou dimoun.  Zis pou azout lo sa ki Minister in dir – parey mon krwar nou tou nou okouran nou annan en Komite ki cordinate bann zafer human trafficking.  I annan konpetans across the board son bann reprezantasyon ki i annan se bann dimoun par egzanp ki reprezant Attorney General’s Office ;- nou annan dimoun kot Lanplwa, Imigrasyon dan Sosyete Sivil alor nou servi tou sa konpetans pou nou met devan en kantite lanfaz pou ganny mete lo kote lo training ,akoz ler ou train bann azan se sa lafason ki ou pou kapab al devan apre pou ou detekte bann cases dan human trafficking.  Donk training i pou primordyal dan lavenir e osi these are the early days nou bezwen set up recruitment par egzanp en direkter zis pou beef- up enpe sa Komite.  Mersi.

 

MR SPEAKER

Mersi PS Volcere.  Onorab Woodcock.

 

HON WAVEL WOODCOCK

Mon dernyen kestyon i kot i konsern civil status.  Annefe sa i en konplent ki plizyer zanfan zot in anmennen an regardan zot bann fanmir aze parey bann dimoun par lao 90an ouswa en serten laz ki zot pa pe kapab bouze zot pa pe kapab deplase, zot pe vwar li difisil pou zot fer e zot ID prezan ki pou arive se ki sa bann zanfan sa bann dimoun zot bezwen al kot civil status kot zot pe ganny issue zis en papye – ki tou le 6mwan zot bezwen refer sa dokiman.  Alor mon pe demande si civil status pou get dan en fason pou ed bann dimoun kekfwa bann akoz konmela nou annan bokou bann ka bann dimoun ki bed ridden ki kekfwa zot pa pe kapab deplase pou al tir zot portre pou fer zot ID Card si sa i en keksoz ki ou Minister i kapab konsidere pou ed sa bann dimoun 3enm az ki pa pe kapab deplase pou fer zot bann zot ID?  Mersi.

 

MR SPEAKER

Mersi Onorab.  PS.

 

PS ALAIN VOLCERE

Bon mon krwar sa i en case valabMon krwar nou kapab fer laranzman pou kapab bouz kot zot, akoz zot bann dimoun aze zot pa pe kapab mobil.  So it’s just right ki nou al dan kad amelyor servis so i bouze zis pou konmsi dan servis esper dimoun osi ou bezwen al kot i annan sa nesesite pou li – en?  Mersi.

 

MR SPEAKER

Mersi PS Volcere.  Onorab Regina Esparon.

 

HON REGINA ESPARON

Mersi Mr Chairman.  Mr Chairman mon ti a kontan Minis i eksplik nou anba ‘goods and services’ i annan en gran logmantasyon sorti R12, 685milyon pou vin R30, 038milyon, mon ti a kontan i eksplik nou akoz sa gran logmantasyon?  Anba ‘maintenance and supply’ in sorti R2, 521milyon in vin R19, 049milyon sa osi mon ti a kontan en leksplikasyon akoz sa gran logmantasyon?  E parkont mon ti a osi kontan port latansyon Minis lo paz 497 enn bann challenges se ‘under performing technological system’ me ler mon pe regard dan detay i paret mwan ki i annan en gran rediksyon dan alokasyon pou bann lekipman teknolozi.

 

Be mon kestyon se ki, ki mannyer ou pou kapab rektifye sa sityasyon – si ou annan en rediksyon anba ou bann Heads pou amelyor ou bann sistenm teknolozi pou met li azour avek parey i été ozordi?  Mersi.

 

MR SPEAKER

Mersi Onorab.  PS.

 

PS ALAIN VOLCERE

Mersi Mr Speaker.  Mon a adres sa konponan en pti pe sa enn ki en pti pe mwens pli vitman.  Nou annan en konponan R483mil sa i pou repatration of bann ex-convicts.  I annan ou konpran i annan bann i sityasyon kot nou annan bann dimoun ki swa i vin destitute Sesel e for some reason Imigrasyon i bezwen pran zot ansarz ok alor nou bezwen met en larzan de kote pou asir zot repatriation.  E apre osi parey mon dir bann ki fek sorti en term prizon olye ki zot languish la zot in fini fer prizon, nou met sa larzan de kote pou nou kapab asir zot repatriation.

Bon pou sa bigger chunk nou annan R16.5milyon sa i pou en proze enplimantasyon lentrodiksyon enplimantasyon paspor biometrik – paspor elektronik.  Bon zis mon al en pti pe an plis konmsi pou donn en pti pe detay lo akoz sa lenvestisman zis pou met bann Manm okouran konmkwa nou sistenm ki nou issue paspor issue e prodwir paspor an se moman, i enn ki’n obsolete.  I ti ganny met en aplikasyon an 2004 par en lorganizasyon Kanadyen – ozordi in outdated e napa sipor pou li e vre sanbableman i bezwen ganny improve lo la – ganny ranplase.

Apre osi ozordi at the age of increase lo border control imigran ensidswit, in ler pou nou kapab met en sistenm an plas ki vreman sekiriz nou frontyer.  E an plis ki sa nou annan Lorganizasyon Aviasyon Civil Enternasyonal –  … byen koni konman IKO an Angle i annan sa irzans dan son travay dizon pou ki bann pei i enplimant electronic passport.

Bon i annan anviron i annan plis ki en 100enn states entities ki pe issue ePassport.  E i annan plis ki 90milyon biometric passport an sirkilasyon dan lemonn globalman.  Bon be ki li sa what it is sa biometric passport e passport parey nou apel li? E ki mannyer i diferan avek paspor aktyel bon son major diferans se ki i annan sa ki nou apel en electronic chip ki’n ganny embedded dan enn bann paz sa paspor.  So i kapab dan enn sa paz nou apel sa bio grafik sa paz main page oubyen lo sa paz deryer.  E sa electronic chip i pou contain sa ki nou appel bio graphical imorbation.

        Zisteman sa bann lenformasyon ki lo paz 2 ou paspor.  Dezyenmman lenformasyon ki sa chip i pou annan se bann biometric features ; savedir finger print ; i pou annan facial images e osi lenformasyon lo ou iris ou lizye. Apre osi 3enm konponan se i annan en digital signature sa li i en konponan ki ganny derive par sa ki nou apel en document signer certificate ki ganny produce par CSCA ki en Country Signing Certification Authority ki dan ka Sesel i very likely ki sa unit sa CSCA pou DICT.

Bon sa CSCA li i annan diferan lezot dokiman en certificate en revolution list nou appel sa parey master list tousala ki bezwen pou li kapab validate sa paspor.  Mon krwar mon ava vin lo la en pti pe plis apre mon fini donn en pe detay lo sa proze.

Nou annan lekipman ki pou bezwen ganny enstale pou fer sa proze e sa i enkli design, hardware, software full customisation, enstalasyon, bann test, bann sipor, training e i pou sa ki nou apel en full turn key implementation.

Pou al en pti pe plis detay anyway mon konnen sa i bann zafer teknik, me selman i pou ganny dir pou montre zistifikasyon sa sonm, se ou annan bann control units dan Departure Lounge dan Arrival Lounge ou pou annan sa ki ou pou apel en second level control unit en one central system at the Airport ou exit and entry of data ; pou annan watch list database, biometric database ; pou annan sa ki nou apel biometric entry and exit system with traveller data reconciliation ; pou annan dedicated and specialised issue and stations tousala each equipped with son camera, passport, chip encoder, passport printer – pou annan for mobile readers apre obviously pou annan training avek sipor pou sa loperasyon.

Apre osi i konpri full migration from present system to the new system.  Sa i annan en Komite ki’n ganny met an plas ki konpri bann zofisye limigrasyon ensi ki DICT pe travay lo la e i en proze ki pou kout Euro3milyon anyway nou ganny sa estimasyon baze lo bann resers konsiltasyon ki’n ganny fer ensidswit.  E dan sa Euro3milyon zisteman nou pe koz lo Euro1milyon ki R16.5milyon ki’n ganny mete dan sa Bidze.

Bon mon krwar osi i enportan ki nou eksplike ki i pou bezwen annan en 15poursan son kou annually pou siport sa sistenm e nou pe mazinen pou nou al lo en sistenm tender.

Son end result nou pe akoz nou en pti pe lo paspor prezan se ki nou pe anvizaze sorti lo en paspor ki 5an pou al lo 10an avek la kantite paz ki aktyelman i 32 pou move dan en 40enn ekek paz – ok?  Akoz nou pe bouz lo en sistenm 10an dan plas 5an se akoz i pou avek tou sa bann security systems in build dan sa electronic chip ou paspor i plis sekirize ler i plis sekirize, alor ou kapab afford pou go from 5 to 10 years.

Zis pou en mansyon akoz nou kontan pran enn de legzanp parey en pei Singapore ki anvizaze li osi pou sorti lo en paspor 5an pou li al 10an e li i annan 64 paz. Lakantite paz definitivman i ganny determinen par serten fakter la kantite ou popilasyon ki vwayaze apre ou pozisyon zeografik ki i for the ease of travel.  P

Par egzanp Singapore zot dir poudir zot la dan zot annan spending power i annan en popilasyon ase konsekan apepre 6milyon dimoun e sa i fer ki zot pa le en sityasyon avek en paspor 5an pou vwar dimoun vini tanzantan pe vin renouvle paspor ok?  So nou met tousala an konsiderasyon.  Zis pou donn en legzanp dan larezyon osi nou annan bann pei parey Mauritius, Sri Lanka e avek L’Inde ki malgre zot pa pe servi en paspor elektronik pou le moman zot osi zot paspor i 10an Madagascar i 10an e osi France dan Losean Endyen La Reunion ek Mayotte, osi zot annan paspor ki pou al pou 10an.

Alor tou lendikasyon i montre poudir i en bon desizyon pou move from 5an to 10an.  Nou anvizaze dan sa proze e i pou annan en stock osi pou 200mil paspor.  Sa i konpri paspor across dan tou le 3 kategori savedir paspor ordiner, ofisyel e diplomatik.

Lefe ki nou al nou pe ogmant la kantite paz osi i kre en sistenm kot ou’n take care of bann frequent travelers osi ok dan en 40enn paspor.  Nou anvizaze pou annan en transition time of pa mwens ki 18mwan letan i vin an operasyon sa pou allow poudir paspor Seselwa ki le vin sanz son paspor e bann lezot dimoun lo bann lezot zil pou zot kapab vini fer zot paspor ok?  Donk an gro ki son benefis ki bann lavantaz en paspor biometrik se ki i pou fasil pou authenticate lentegrite lenformasyon lo sa chip, ki pou ganny valid par sa digital signers certificate.

As en rezilta sa pou annan plis vit clearance ok ou pou kapab clearance pasaze en pe pli vit e sa osi petet pli tar nou ava ganny sa ki nou apel eGates pou konplemant sa proze.  Apre osi nou definitivman i pou zwe en rol pou nou ganny plis sa ki nou apel Visa Waiver eligibility.

         Tou bann nou konnen poudir Sesel son paspor i ase for me selman si nou pe mazin akse dan bann pei parey Nor Lanmerik oubyen Australia oubyen dan bann pei pasifik Japon eksetera, i pou well US Nor Lanmerik, Canada i pou avek US.  So i pou en kondisyon Sine Qua Non ki ou annan en paspor elektronik.

Akoz pou donn en legzanp konkret se ki Peru ki en pei 57enm lo index paspor mondyal mon pran legzanp Peru akoz nou 56enm lafors nou paspor – Peru i 57enm 2an pase i ti kapab ganny access dan bann pei Linyon Eropeen gras a lenplimantasyon son electronic passport the same pou pey parey Moldova avek Ukraine ki’n kapab antre  Schengen akoz sa.

En pti pe pli pre kontinan Gabon in servi sa legzanp konm kwa non selman zot in al dan plis pei Lafrik Sid Sahara me zot osi kapab al Maroc apre La Tunisie e enn zot bann lakonplisman se zot al Singapore e Indonesia zot ganny 1 month free visa waiver.  Alor zot annan en kantite lavantaz pou al lo sa nouvo sistenm paspor e nou espere ki Lasanble i a donn sipor.  Mersi.

 

MR SPEAKER

Mersi PS.  Onorab Esparon.

 

HON REGINA ESPARON

Yes Mr Chair.  Zis en pti klarifikasyon letan PS pe eksplik nou tou sa bann detay lo digital passport electronic passport si lo sa ki konsern kart idantite, osi zot pe mazin fer en revizyon ladan? Sirtou kot i konsern sa bann etranze ki ganny en kart idantite ki enpe parey pou Seselwa, me zis son limero ki sanze si ou pa pe mazin entrodwir enn pou bann dimoun ki vin lo GOP avek enn pou kapab differentiate sa Seselwa ki annan sa kart idantite Nasyonal konpare avek sa etranze ki vini ki osi i ganny en kart idantite ki preski parey?  E sirtou sa i koz bokou lenkonvenyans PS ozordi en Seselwa ki’n viv aletranze me ki napa sa kart idantite, ler i vin Sesel li i ganny donnen en papye i dir li fodre i reste 3 mwan pou li ganny sa kart idantite, i vwar li i bezwen parey bann servis ki la i pa pe kapab ganny sa privilez konman sa Seselwa.  Dan ka sa etranze ki ganny sa kart idantite parey pou en Seselwa li i kapab antre lo en Cat Cocos pey en tiket rezidan al Praslin tan ki sa Seselwa li i bezwen pey en pri etranze.  Eski zot pe mazin dan sa lanni pou kapab differentiate sa?  Mersi.

 

MR SPEAKER

Mersi Onorab.  PS.

 

PS ALAIN VOLCERE

Bon mersi pou sa kestyon.  And the thing is si nou kapab go back lo sa Immigration Bill ki an sispans an se moman nou ti annan provizyon pou sa ki nou appel en work permit card ok e sa work permit card i fer zisteman Onorab sa kalite travay ki ou sa kalite fonksyon ki ou pe mansyonnen.  So i ava zot ava annan en kart an permanans avek zot ki i ava fulfil sa fonksyon ki ou pe dir.  Mersi.

 

MR SPEAKER

Mersi PS.  Minis.

 

MINISTER  MYRIAM TELEMAQUE

An plis ki sa ler ou work permit card lo la pou annan ou detay sa travayer apre son limero NIN savedir i pou ganny en kart idantite diferaman avek nou Seselwa.  Lo size 3 mwan Lalwa ID Card i dir fodre 3 mwan dan pei pou ou kapab ganny en ID Card se pou la rezon ki i bezwen reste dan pei pou 3 mwan apre la i ava ganny sa ID Card.  Selman sa papye konm dir ou menm sa dokiman papye ki li i gannyen i annan ka zot gannyen akoz pou ou kapab fer en paspor Seselwa.  Fodre ou annan en limero NIN pou ou kapab fer en paspor Seselwa akoz sistenm pa pou marse ki mannyer sistenm in ganny fer si ou napa the NIN i pa pou print the passport.  So this is why nou donn zot en dokiman papye ziska ler ou’n reste 3 mwan dan pei la ou ava ganny the original ID Card parey lalwa i demande.  Mersi Mr Speaker.

 

MR SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Chair.  Minis mon le refer mon kestyon lo paz 498 anba ‘minor capital outlays’ mon ti a kontan ganny en lesplikasyon sa larzan ki anba la ki’n prozekte pou 2019 R484mil, kwa ki i sipoze pe ganny fer avek sa larzan?

Dezyenmman i annan en konsern kot i konsern issues of paspor ki ler ou perdi ou paspor ok i annan bann sirkonstans ase spesyal par egzanp ler en dimoun i travel aletranze i ganny vole, ouswa menm Sesel zot lakaz i ganny kase i ganny vole me ki ler ou pe al refer sa paspor ou pe pey the full dues eski napa en provizyon exemption anba en sirkonstans spesyal kot sa dimoun pa pey sa full amount?

Apre mon ti a kontan demann Minis li menm li anvi ki i annan lo kote konsern border control zot in i annan serten konsern kot i konsern bann sirtou bann maren ki vin par lanmer bann viziter ki vin par lanmer eski zot pe fer provizyon pou annan en pti pe plis sirveyans en pti pe pli serye, pou fer sir ki napa bann viziter ki antre ilegal?

E dernyerman lo kote paz 503 poursantaz bann viziter ki pe fer zot bann overstay mon vwar poudir zot pe target pou lannen prosenn an 10poursan si ou ti kapab donn sa Lasanble la apepre konbyen viziter ki pe abiz zot overstay?  Mersi.

 

MR SPEAKER

Mersi Onorab Aglae.  PS.

 

PS ALAIN VOLCERE

Bon mersi pou sa kestyon.  Pou premye pwen se pou ‘minor capital outlays’ i annan pou nou refurbish nou lofis, akoz la i anba renovasyon lo first floor Independence House nou pou bezwen sa expenditure pou nou refurbish lofis.

 

MR SPEAKER

Minis.

 

MINISTER  MYRIAM TELEMAQUE

Lo size paspor Onorab.  Pou le moman ler ou’n perdi en paspor si ou paspor i ankor valab ou pou bezwen pey sa sir sarz e si paspor in ekspire ou pa ganny charge sa R750 non R500 non R1500 ou pa ganny charge the surcharge which is R1500.  Si mon konpran byen ki mannyer ou pe sizere ou, ou pe propoze ki bann dimoun ki zot paspor in ganny perdi either par dife oubyen par zot lafot ki’n arive si i kapab ganny waive sa surcharge.  Nou annan i annan dimoun ki’n ekri nou personally ki’n demann nou ki’n donn nou levidans poudir ti annan en kalamite in arive e ki zot napa mwayen pou zot kapab pey sa surcharge e nou konsidere akoz i annan bann ka ki nou arive ki nou fer levidans in montre ok?

Apre konsernan border control pou bann viziter nou ouver nou nobou dan nou achievements ouver en lofis ki baze Nouvo Port en lofis Imigrasyon e nou zofisye i la pou fer travay Imigrasyon, be selman nou annan nou bann challenges osi ki si i annan okenn bato ki arive deor ki annan dimoun ki antre ilegalman, i annan posibilite nou pa pou konnen – selman ler Lalwa i dir ou tou bato ki antre Sesel i bezwen vin call Mahe or else si ou pe call outer islands ou bezwen demann permisyon avan.  E nou annan nou Enforcement Unit ki nou beef-up ki nou pe fer travay avek ki mannyer nou kapab over come sa bann challenges.  Mersi.

 

MR SPEAKER

Mersi Minis.  Onorab Aglae.

 

HON EGBERT AGLAE

Mersi Minis pou ou larepons.  Minis kot i konsern sa paspor parey sirkonstans spesyal la par egzanp ler ou perdi ou ID Card ou al Lapolis, lapolis i donn ou en papye so si en dimoun dife i ganny vole definitivman i ava vin li avek en rapor lapolis en stetment ki poudir vwala x, y, z in perdi dan tel kalite sirkonstans.  So mon pa konnen mon pa pe vwar li akoz i bezwen sa dimoun ekri imigrasyon li menm li pou demann en waive off mon ti a kontan petet i pas dan sa lanni parey ID Card kot i ava ganny sa papye sorti lapolis li menm ki a refer ek zot sa en propozisyon.  Mersi.

 

MR SPEAKER

Mersi Onorab.

 

MINISTER  MYRIAM TELEMAQUE

Mersi Onorab.  Nou a kapab konsidere.  Mersi.

 

MR SPEAKER

Mersi Onorab Aglae.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker premyerman mon ti a kontan sak fwa mon demann mon kestyon felisit Departman Imigrasyon pou en biro – pou zot biro zot customer service center Independence House ki mars byen e ki en biro efikas – an tou ka sa servis ki mon gannyen laba.  Mon ti a kontan demann mon kestyon prezan pou lo kote Enforcement i enportan pou nou isi dan sa Lasanble konnen ki ler nou pe vot sa Bidze Departman Imigrasyon me  i annan kapasite me osi annan lotorite pou zot fer travay kontrol border control lo premyerman nou bann zil akoz i annan de pli anpli rapor ki i annan bann dimoun, ki pe vin direkteman lo nou bann zil elwanye.  e mon ti a kontan konnen ki bann mezir ki an plas pou fer sir ki sa bann viziter i ganny kontrole?

E dezyenmman lo Eden Island ; Eden Island i en landrwa sak dimoun i a dir sa ki zot anvi, me i en landrwa ki pou mwan  koman Seselwa mon preski mon pres pou mon konsider li konman i pa en bout Sesel, akoz ou a krwar i annan son Lalwa pou li laba.

E bokou dimoun i debarke e zis zot dir ou zot pe al reste Eden Island personn pa demann nanryen – nou pe al reste Eden Island – nou pe al reste lo en yacht  – pe al travay lo sa yacht ki nou pe al fer laba lo sa.  So i en lotel – i pa en lotel – i en villa? Konmsi ki bann kontrol an plas lo bann servis imigrasyon pou bann dimoun Eden Island?

Mon ti a kontan mon 2enm kestyon i konsern ki si zot kapab eksplik en pti pe akoz piblik still pa ankor ganny en konpran e pou mon osi i enpe difisil sa zafer certificate of entitlement ki zot ankor pe donnen? E akoz zot ankor pe donnen akoz nou pa’n move back pou en sistenm kot en dimoun i vin Sesel i annan en GOP pou li travay – pou li fer en travay spesifik?  Eski Minis i kapab konfirmen ki i ankor egziste ki en dimoun i ganny li zis en certificate of employment e i konmans konman zardinyen i al kwizinyen i sorti kwizinyen i al manager i sorti manager – la i annan en ka par egzanp en madanm ki li i travay dan en en DMC i annan travay ki i fer lo bann charter – lo bann transpor bato ant Praslin ek La Digue; i travay dan lotel i annan en rol pou li zwe dan lotel La Digue dan tou sa bann Departman i le li i ganny drwa vire devire e travay dan bann Departman.  So eksplik nou sa silvouple ki mannyer nou kapab ki mannyer sa i marse?

Mon ti a kontan dir avek Minis oubyen PS ki i annan bann corrupt officers dan servis Imigrasyon ki ale ki par egzanp i al dan bann landrwa oubyen i al dan en restoran, i manze i bwar i order diven, apre ler zot donn li bill i dir i pou fer zot i pou aras zot GOP.  So i annan sa e si zot anvi mon a kapab dir zot apre en legzanp.  So ki zot pe fer pou anpes sa?

E finalman ki zot pe fer pou sa asize ler en dimoun in fer vini en travayer isi son GOP in expire finalman sa travayer i ganny pouse li me sa anplwayer ki li i pa’n pey sa GOP li zot pa kapab fer li nanryen?  Zot pa kapab fer li nanryen zot dir en lot dimoun ki anvi fer li anploy sa travayer be ou pey sa arrears e si ou pey sa arrears e nou a gete ki mannyer nou kapab les sa travayer vin Sesel.  Konmsi sey eksplik nou konmsi ki mannyer sa i marse?  Mersi.

 

MR SPEAKER

Mersi Onorab Ferrari.  PS.

 

PS ALAIN VOLCERE

Bon mersi pou ou kestyon.  Mon krwar i annan plizyer kestyon ki’n ganny demande selman premye lye ti a bon fer resorti konmkwa poudir lo nivo enforcement mon krwar work is very much in progress e nou pou ganny pou kapab recruit detrwa dimoun e nou annan en etrwat kolaborasyon avek Lapolis if only petet pou Mahe lannen prosen, zot ava vwar poudir pou annan serten rezilta.

Si ou ti a permet mon Minis mon a pran sa dernyen bout ki Onorab in koz lo la lo sa zafer ki bord en pti pe ki dimoun i al asize dan lotel whatever ou’n dir sa – wi mon krwar pli boner letan mon ti ganny sans ekout en pti pe mon ti vwar poudir mon tande poudir i annan sa persepsyon koripsyon ti lev-e en bann Manm in koz ase longman lo la.  Selman ki mon kapab asir Onorab se nou avek tou nou lotorite moral e avek nou dignité profesyonnel, nou kondann  – nou pa tolere e nou pa ankouraze okenn fason bribery e okenn corruption dan Minister.

E mon krwar poudir fodre ki piblik an zeneral i konpran poudir ou pa kapab tro akiz en Minister oubyen en Departman piblik ki pe sey donn en servis lapopilasyon.  Akoz sa i annan en lefe demoralizan lo bann travayer.

E mon ti a kontan demande konmkwa si i annan okenn soupson oubyen alegasyon sa i ganny fer avek Anti-Corruption e letan lanket in fer e facts in ganny met devan definitivman nou pou bezwen azir.  Mon krwar sa petet enn pti lapel ki mon kapab fer avek Lasanble pou donn nou sa sipor dan bann dan sa kalite travay akoz sa i pou bon pou byennet nou popilasyon ki resevwar en servis.

 

Akoz pa mazinen pa bezwen oubliye poudir dizon dan nou ka Imigrasyon nou en lorganizasyon ki an premye lin pou kontrol frontyer, alor nou bezwen tou sa siporte tou sa lankourazman e non pa pe ganny undermine par bann komanter piblik left, right and center, social media menm ennler lo media enternasyonal kot serten dimoun i ganny ensilte pou kapab dir poudir i annan sityasyon kot i annan sa bann zafer bribery and corruption.  Mersi.  Prezan Mr Speaker mon krwar Mr Didon i a koz enpe lo sityasyon Eden Island.

 

MR SPEAKER

Mersi PS Volcere.  Mr Didon.

 

CEO PAUL DIDON

Mr Speaker, tou Manm bonswar.  Mon pou adres sa bout Eden Island, akoz mon fek fer resers lo sa bann aktivite ki arive Eden Island sirtou lo yacht.  Bann dimoun ki vin travay isi konman viziter apre zot pe skipper bann yacht.  Nou resers in montre poudir vre sa bann aktivite pe arive.  I pe ariv dan diferan fason nou regard tou Lazans konsernen tou bann yacht charter operators e nou kapab met en keksoz ansanm.  Parey mon’n dir nou vwar ki sa pe arive ki nou pou fer nou pou zwenn avek Minister of Tourism e pou nou sey iron out sa sityasyon.

Nou bezwen mazinen poudir sa domenn i osi en domenn tourism.  Fodre pa nou bliye nou pa kapab zis ale touy li akoz li osi sa domenn i anmenn larzan dan nou lekonomi me selman keksoz i bezwen ganny fer byen.  I vre ki i annan labi ki ganny tolere par bann dimoun ki lo bato zot menm. Zot fer krwar zot pa konnen ki sa bann aktivite pe arive e zot enterese zis pou lwe zot yacht.  Be parey nou’n dir nou fer en resers detaye ladan e nou pou meet avek bann stakeholders e nou pou vin avek en desizyon byento.  Mersi.

 

MR SPEAKER

Mersi Mr Didon.  Minis.

 

MINISTER MYRIAM TELEMAQUE

Mersi Mr Speaker.  Mr Speaker mon ava pran sa kestyon konsernan certificate of entitlement.  La rezon ki i ti ganny entrodwir sete pou fer pou ease of doing business e ou pa al direk kot employment ou vin direk imigrasyon i koup en layer sa process.  E nou, nou’n vwar dan Minister poudir vre i annan en labi ki pe ganny fer lo certificate of entitlement.

I annan etablisman i mars byen i annan serten letablisman kekfwa zot pe kas kontour lo sa certificate of entitlement.  E nou fer miting e nou pe revize e pou tonm dan sa kad ki PS Baker ti koz lo la taler dan nou Labour Migration policy i annan en konponan ki kouver certificate of entitlement e se pou la rezon ki nou pou revwar li dan son totalite, pou nou vwar si nu devret kit li oubyen nou devret dimini oubyen si nou le anforsi son bann kondisyon ki vin avek.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan remersye tou bann dimoun ki’n entervenir ki larepons fran ek onnet e zis fer zot osi dir ki nou travay parler se osi dir ki serten keksoz ki pa gou pou tande, me selman i nou responsabilite akoz annou pa bliye ki ti annan en msye ki pandan plizyer lannen in dir ki poudir koripsyon i en persepsyon, apre nou’n vwar ki koripsyon i en realite.  So sa i bann keksoz ki nou bezwen e nou pa pe target personn nou pe ankouraz bann dimoun mon ti a kontan kontinyen ankouraz bann Departman Imigrasyon pou fer zot travay e improve dan otan ki posib pou delivre sa servis a la oter ki nou espekte.  Mersi.

 

MR SPEAKER

Mersi Onorab pou ou komanter.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon pe vin demann ou mon pou demann 2 kestyon Departman Lanplwa mon kestyon i konsern rol bann Immigration officers ler nou gete anvi bann kestyon ki’n ganny souleve eski Bidze pou permet ou pou realign serten rol ki bann Immigration officer i annan premyerman ;- enn pou zot akt baz enforcement officers parey dan bann lezot pei i fer kot zot al menm fer bann site visits bann keksoz koumsa pou vwar si bann dimoun bann  travayer i annan zot bann GOPs akoz i pa zis louvraz Departman Lanplwa sa i devret osi louvraz Immigration officer akoz zot the term officer means zot annan enforcement capacity.

Dezyenmman ki mannyer zot pe re enforce zot prezans sa at the points of entry?  E si zot pe deside vin avek en si oule en polisi framework oubyen met dan Lalwa lo tou nou bann zil enkli nou bann Zil Elwanye okenn dimoun pa kapab antre san ki in ganny clear par Immigration officers – Immigration office eski zot pe met resours pou zot kapab fer bann travay adisyonnel pou revwar bann fonksyonnman ki zot annan pou zot kapab re enforce zot kapasite pou zot fer enforcement?  Mersi Mr Chair.

 

MR SPEAKER

Mersi Onorab.  PS oubyen Minis.

 

PS ALAIN VOLCERE

Bon mersi Mr Speaker.  Mersi Onorab.  Mon krwar pou sa konponan re organiz travay en pti pe an sa ki konsern pou ranforsi lo sa enforcement section mon krwar Onorab ki lannen prosen i devret annan progre vizibleman lo la.  Konmsi nou pou fer sa travay. Parey mon dir avan nou annan zofisye ki nou pou pe recruit e nou pou osi travay etrwatman avek lapolis ki i annan serten patrol ki nou pou bezwen al ansanm.

E parey ou’n dir i annan serten dimoun ki overstay zot welcome isi Sesel ouswa zot dan en sityasyon iregilye oubyen zot pe fer keksoz ki zot pa neseserman anliny avek zot stati ki zot merite tousala nou detekte e nou espere ki pou annan lensidan bokou plis lentervansyon pli direk lo lapar Imigrasyon avek son bann partner dan le proche avenir.  Mersi.

 

MR SPEAKER

Mersi PS.  Onorab Pillay.

 

HON SEBASTIEN PILLAY

Mersi Mr Chair.  Mr Chair eski sa i pou osi enkorpor met an plas en sistenm kot zot fer verifikasyon mon pou donn en legzanp Mr Chair pou ilistre sa par egzanp ler mon ti al etidye Australie mon ti fer serten prosedir pou visa ler mon ariv Australie mon ganny en call from en zofisye imigrasyon ti annan bann prosedir ki mon ti bezwen fer Australie menm.  So sa zofisye i call mwan, mon ti’n fini al dan liniversite i call mon pou al kot tel dokter tel zour pou fer tel prosedir.  E eski nou kapab nou pou met an plas en sistenm ki a permet nou fer bann checks e bann verifikasyon lo bann dimoun ki’n antre dan pei pou ki zot pe meet sa bann standar?

Ki mannyer zot pe sey fer sa akoz nou pe tann tro bokou kestyon e vwar tro bokou case swa travayer isi san GOP mon konnen sa bout i tonm anba Departman Lanplwa, me en bout osi i tonm lo nivo enforcement akoz sa bann dimoun in antre dan pei atraver Imigrasyon.  So mon pe rode ki mannyer zot pou zwe sa rol?

E dezyenmman mon kestyon an se ki konsern entry lo nou bann zil pa’n ganny adrese akoz nou ti a kontan konnen ki rol zot pe zwe pou asire ki napa okenn avyon ki kit sa bann zil ki vin lo Erport?  Konmsi ki nou kapab garanti ki within sa sistenm ki zot annan ozordi, zot annan en sistenm of checks and balance ki adekwat e sa Bidze eski i permet zot pou fer sa wi oubyen non?  Mersi Mr Chair.

 

MR SPEAKER

Mersi Onorab.  PS, Minis.

 

MINISTER  MYRIAM TELEMAQUE

Mersi Onorab.  Onorab sa sistenm ki nou annan la pou le moman kekfwa taler nou ti koz bann GOPs ki expired;-bann visitors permit stay ki expire.  Sistenm i la li selman fodre sa zofisye i al call-up the sistenm pou li gannyen.  Be nou pe travay avek DICT nou pa satisfe ki fodre nou ki vini ki vini ki call-up the sistenm pou li montre nou, nou le bomaten ou vini ouver ou computer ozordi bomaten tou dimoun ki son GOP in expire i come up on the sistenm ; tou dimoun ki son visitors permit i expire i la prezan zis nou zofisye i travay lo la i telefonn sa bann dimoun oubyen i pran aksyon neseser.  Sa ki nou anvi avek DICT be i paretman nou pe ganny en pe challenge avek DICT, pou zot kapab met en sistenm koumsa an plas, se sa ki nou pe target nou sa kalite sistenm ok.

Konsernan ranforsman pou the point of entry dan lezot zil, i pou bezwen en travay vreman enorm, akoz i pou kouver tou nou zil e nou pou bezwen asize diskite avek Gouvernman osi regarde si ki mannyer nou pou met li an practice an realite.

Akoz i vre i annan ka ki ou pa tro konnen si vre sa yacht in aret lo en zil avan i vin Mahe, nou bezwen onnet dir akoz ennler nou demande zot dir nou wi in pas tel landrwa nou’n ganny difikilte nou arete pou nou kapab pran en pe delo pou nou desann avek Mahe.  Mon krwar i en bon keksoz.  Nou bezwen regarde ki mannyer nou pou kapab tackle sa akoz i ava sov en bonpe problenm osi.  Mersi.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Chair.  Eski zot ava pare pou zot fer ki sa i vin enkli dan en swa en morso Lezislasyon?  Ouswa ki sa i vin en polisi nasyonal me selman mon pa tro an faver en polisi akoz en polisi napa en lapir legal, pou ki anfen kont nou kapab asire ki nou annan en kontrol of all of our borders e ki ava fer ki serten sa bann pwen ki ler i ganny souleve san levidans – san nou backing parey i annan enn mon koleg lo lot kote latab in dir la, ki ava ganny fer dan tou son senserite Mr Chair.  E ou ava vwar Minis mon toultan supportive of ou Minister.  E mon ti ava apresye ki ou bann travayer osi i kontinyen osi ganny sa rekonesans pou travay formidab ki zot fer.  Mersi Mr Chair.

 

MR SPEAKER

Mersi Onorab Pillay.  Minis.

 

MINISTER MYRIAM TELEMAQUE

Mr Speaker.  Lalwa i dir ou fodre ou call designated port of entry e sa i se Mahe, Pointe Larue e Nouvo Por.  Savedir ou bezwen vin la ou, ou pa kapab arete lo lezot zil si nou pou bezwen fer donn amande ki pou donn sans bann bato pou aret lo bann lezot zil nou pou bezwen amann Lalwa e apre nou a bezwen met en dimoun stasyonnen pou verifye sa laliny ki nou bezwen pran.  Mersi.

 

MR SPEAKER

Mersi Minis.  Onorab Valmont.

 

HON JUDE VALMONT

Mersi Mr Chair bonn apre midi.  Bonn apre midi Minis ankor enn fwa.  Premyerman i annan sa issue Scheme of Service, mon konnen in ganny pas lo la, me selman pou met lanfaz mon ganny dir an Avril 2018 ti vin anfors.  Mon ti a kontan akoz in annan demars par sa menm Lasanble pou demande ki saler sa bann zofisye Imigrasyon i vin on par avek Ladwann –  mon ti a kontan komanter finans tou an rekonesan sa Mosyon ki nou ti anmennen dan Lasanble poudir annou adres bann lenzistis.  Mon ti a kontan zot komanter lo la silvouple.

Apre i annan en lot keksoz ankor lo kote Bidze la eski i annan okenn provizyon sa petet Minis i kapab reponn mon PS ogmant lakantite travayer Erport nou dir nou ogmant flight Scheme of Service pou le moman nou pe regard ladan,  Nou konnen i annan 3 shift pou le moman, ki demars akoz ki mon ti a kontan vwar atraver sa Bidze ki zot pe fer, pou petet ogmant shift fer li vin 4?

Apre mon vwar lo paz 498 i annan sa R11milyon in mont lo R29milyon – sa eski sa i sa larzan ki’n ganny bidzete pou enkli preparasyon pou sa paspor biometrik?  E osi mon ti a voudre demande zot in tous sa paspor biometrik, zot in donn tou lenformasyon, me selman zot pa’n dir nou konbyen i pou koute konbyen zot pe mete pou koute akoz nou koz lo pri lavi e kou lavi alor eski i pou pli afordab ki sa enn la deza?  Mersi.

 

MR SPEAKER

Mersi Onorab Valmont.  Mon a donn premye bout SS Payet apre Minis avek PS.  SS.

 

SECREATARY OF STATE – MR PATRICK PAYET

Mersi Mr Chair.  Mersi Onorab.  Letan nou propozisyon pou fer Scheme of Service parey Minis in donn sa lendikasyon en review i ganny fer lendikasyon tou le 5an.  E parey pou imigrasyon ti annan larzan ki ti ganny enplimante lannen pase sa lannen i annan en lot bout zot divizyon ki’n konmans enplimante Scheme of Service e lannen prosenn nou met pou Departman Lanplwa.  So nou kapab phase li dan 3 morso dan 3 lannen pou nou kapab enplimant an totalite pou sa Minister.

Me letan nou prenan kont pou Seychelles Revenue Commission zot osi zot Scheme i an 3 staz.  Zot ti konmans inducement lannen pase e lannen prosenn nou pe mazin lo zot saler debaz.  Me si nou ava regarde avek DPA si i annan lenzistis ki egziste ozordi e nou ava vwar dan ki fason nou kapab revwar en pe sinerzi dan sa lenzistis si i egziste – e nou ava met en propozisyon devan.  Me nou a bezwen asize analiz Scheme of Service ki egziste, e travay ki egziste ozordi kot Imigrasyon ek travay ki egziste kot Customs e vwar ki mannyer bann job evaluation osi i ganny fer.  Mersi.

 

MR SPEAKER

Mersi SS.  Minis oubyen PS nenport.

 

PS ALAIN VOLCERE

Mersi.  Pou premye parti kestyon wi nou pou bezwen recruit en azan bann zofisye Erport akoz zisteman i annan increases dan flights nou annan diferan airline ki’n ogmant la kantite flight nouvo airline osi.  E an partikilye la dan sa lepok sezon festivite i annan sa ki nou appel bann flight iregilye bann non-Schedule flight.  Me selman nou bezwen ogmant la kantite travayer.  Ideally nou anvi bouz lo en for way system ganny 4 shift dan plas 3, akoz sa i relieve en pe nou bann travayer zot bezwen plis konsantrasyon eksetera.  Ou lot kestyon sete en logmantasyon lo …?  Sorry pou sa.

 

MR SPEAKER

Onorab Valmont.

 

HON JUDE VALMONT

Yes Mr Chair.  Permet mon sa logmantasyon i si ou get paz pli spesifikman get paz 502 lo anba sa SP2 ‘processing services desann ‘current expenditure’ ‘use of goods and services’ i tonm anba ‘materials and supply’ sirtou.  Mon al pli spesifik la – i sorti R25milyon i al 19pwen ekek milyon mon ti a voudre en leksplikasyon akoz sa logmantasyon – si sa paspor biometrik i annan okenn lenfliyans lo la?  Mersi.

 

MR SPEAKER

Mersi Onorab.  PS.

 

PS ALAIN VOLCERE

Mersi pou sa kestyon.  Nou ti’n dir lo konmansman konm kwa poudir sa proze paspor biometrik i pou koz son premye faz i pou annan R16.5milyon savedir Euro1milyon ki’n ganny mete dan sa Bidze e mon krwar se sa zisteman son total proze parey nou ti’n dir i pou kout R3milyon en?  Son premye chunk ki’n ganny mete par an kolaborasyon avek Minister Finans se R16.5milyon.  Mon krwar petet Minis oubyen PS i le koz lo la.

 

MR SPEAKER

Mersi PS.  Minis.

 

MINISTER  MYRIAM TELEMAQUE

Mersi.  Mr Speaker mon krwar i bon pou eklersi sa R16miylon i premye porsyon. Akoz i pa kout zis R16milyon pou fer biometrik i pli ser e nou pa kapab demann Gouvernman sa gro chunk at one go.  Nou bezwen fer li par faz se pou la rezon ki nou space it out nou konmans par R16milyon apre la nou ava ganny lot porsyon dan Supplementary nou a regarde si nou ganny en lot porsyon.

Apre ti annan demann pou pli bokou travayer L’aéroport.  Lideal se pou annan en 4 shift be la sa voyaz finans in aprouv pou 5 post e nou annan bann replacement ki nou pe fer.  E nou osi pe perdi en pe travayer osi akoz travayer pa tro kontan fer shift – nou perdi en pe sa.  Kekfwa i annan osi ki fer son fanmir i dir ou prezan i ti a kontan en louvraz 8er 4er alor zot rod en lot travay.

E apre osi Mr Speaker mon krwar i bon fer resorti nou koz bokou lo border control nou pa kapab bliye poudir nou annan nou processing officer ki travay dan biro 8er 4er ki travay vreman dir – zot osi zot travay bokou pou dimoun fer sa bann paspor pare dan 24erdtan apre pou fer sa bann GOP pare dan 1 a 5 zour.  E ki sa Bidze i kouver pou zot se zot pe swiv en Certificate of Immigration Studies ler zot a fini graduate lideal se fer zot kad Imigrasyon pou zot kapab benefisye sa bann saler ki imigrasyon i gannyen ki bann zofisye dan kad i benefisye.  Selman pa bann allowances ki pou parey erport parey shift allowance akoz zot pa pe fer shift, me selman zot benefisye inducement – mon krwar zis inducement zot a benefisye e lezot apre zot basic salary i ava monte osi tou.  Mersi.

 

MR SPEAKER

Mersi Minis.  SS Payet.

 

SECRETARY OF STATE – MR PATRICK PAYET

Mersi Mr Chair.  Onorab zis pou azoute ki lenformasyon ki nou gannyen i dapre payroll Oktob e dapre en Immigration assistant son saler debaz i R6,956mil parey pou en Customs officer total allowances bann diferan allowances ki en Immigration assistant i gannyen i R4,223.80 e allowances pou en Custom officer i R3,500mil.  So i montre ou ki deza en immigration assistant son Allowance i an plis.  Me nou kapab revwar dapre Scheme of Service ki egziste sirtou kekfwa to the level of supervisor and above, pou vwar si i annan en pe sa dekalaz avek sa bann Scheme.  Mersi.

 

MR SPEAKER

Mersi SS.  Onorab Valmont.

 

HON JUDE VALMONT

Mersi Mr Chair.  Zis en pti follow-up lo en pti kestyon ki mon ti demande pa’n ganny reponn en lendikasyon lo sa pri paspor biometrik?  Mersi.

 

MR SPEAKER

Mersi Onorab.  PS.

 

PS ALAIN VOLCERE

Bon pri paspor biometrik paspor endividi oubyen son proze?  Ou pe koz en paspor?  Bon nou pe dir konmkwa la ozordi en dimoun pe pey en paspor pou R750 pou 5an son paspor apre i renew apre 5an e ler i renew sa dan 5an i pou pey en lot R750.  Ki nou pe dir ozordi ler nou pe dir paspor pou al pou 10an? Savedir dan en sans nou pe dir sa dimoun pou 10an i pe pey R1500.  Donk nou krwar ki i pa devret mont plis ki R1500 en paspor biometrik ler i sorti baze lo sa prensip.  Ou pe pey R500 la deza ziska 5an dan 10an i vin R1500 alor normalman ou devret pe pey R1500, be nou kapab donn en lasirans poudir i pa pou al plis ki R1500 konmsi bann dimoun bann travelers i ava benefisye.

 

MR SPEAKER

Mersi PS.  Onorab Ramkalawan.

 

HON WVAEL RAMKALAWAN

Mersi bokou Mr Chairman.  Mr Chairman mon ti anvi premyerman parske nou koz for lo travayer ilegal e tou demande si dan zot Bidze konman enn bann proze ,zot ti mazinen enpe parey Greenline Lanvironnman i annan en Greenline kot si nou vwar en keksoz ou raporte ou telefonnen i annan en zofisye ki anmase kot par egzanp ti ava annan en Greenline pou ki nenport dimoun ki konnen i annan en travayer ilegal dan pei ki napa GOP i ti ava kapab fer en call pou ki aksyon apropriye i kapab ganny pran.

Lo kote bann zofisye Imigrasyon ki mon osi tou mon dakor konmsi zwenn zot long hours shift ki zot travay toultan smart toultan byen akeyan me selman lo kote training ki zot gannyen e la ankor enn fwa si nou ti kapab ganny plis lo zot training konmsi pou li vin en pe pli aprofondi parske nou isi Sesel ek sa sistenm visa free, me mon krwar konmsi ennler i tro fasil pou antre Sesel e se la kot apre nou ganny bann difikilte – dir nou ki zot pe mete pou ki nou bann zofisye imigrasyon i kapab ganny bokou plis leksperyans lo ki mannyer pou kestyonn dimoun pou nobou idantifye en viziter genuine avek en viziter ki annan lezot lentansyon.

Parske parfwa Imigrasyon dan sa well dan sa border control se zis atraver demann kestyon ki vreman kapab idantifye en drug trafficker par egzanp oubyen pou idantifye en dimoun ki annan lentansyon pou li vin antre konman en touris me selman apre i Mr Didon in fek mansyonnen – apre ou vwar li pe travay lo en yot alor sa bann fason pou idantifye.

Apre mon tann konmsi dan Bidze nou annan en alokasyon pou repatriation of convicts konmsi sa bann dimoun ki’n ganny kondannen isi apre nou bezwen nou donn zot en tiket pou zot ale, be napa en fason pou imigrasyon kapab koz avek prizon pou ki sa bann dimoun ki’n vin fer sa ki mal dan nou pei, olye ki nou apre sa nou bezwen pey en tiket pou li lepep Seselwa ki bezwen pey en tiket pou en dimoun ki’n vin anmenn drog  -ki’n ganny tyonbo ki’n vin anmenn drog pou touy nou lazenes, me premye keksoz ki ou fer ou fer li travay tir son larzan tiket, met lo kote e ki fer li pey son tiket, olye ki – parske mon pa dakor pey sa pou sa boug retourn dan son pei mwan!

Mwan mon anvi ki li ki pey son tiket pou li retourn kot i sorti parske letan i ti pe vini personn nou isi pa dir pa ti pey pou son tiket.

Apre Mr Chairman mon pe regard sa zafer ID Cards ki pou mon i en size zot konnen osi akoz parske nou pe al ankor enn fwa nou pe bouz plis lo nou diaspora ki mannyer sa definisyon resident.  E en dimoun i en Seselwa  – en dimoun i en Seselwa me i napa en paspor Sesel, selman i desann anba i ganny i anvi fer en paspor Seselwa zot donn li en morso papye e i al laba e i ganny son gete i vin kot zot anler i ganny son paspor e lo son paspor i met son ID number ; me selman i annan en ID number me selman i pa kapab ganny en ID Card.

Eski zot pa panse seryezman ki in ler pou nou in ler pou zot e la zot bann zafer Lalwa parske vre i annan Immigration (amendment) ki devan nou, me mon pa tro konpran akoz i pa ankor konmsi kote blokaz i été pou nou pa ankor kapab fini ek sa, mon krwar nou devret kapab fini ek sa pou ki zot amend :- parske sa i senp Mr Chairman zis pou amend the National Identity Cards Act section 2 kot aktyelman la i dir ‘resident means a person ordinarily resident in Seychelles for a continuous period exceeding 3 months other than a person who is the holder of visitors permit under section 16 of the Immigration Act.’  Pa konmsi poudir si zis zot ti sanz sa e zot ti dir klerman ki poudir a resident sa définition resident konmsi son premye bout ti ava dir ‘means a person who is a citizen of Seychelles’ le moman ki ou met sa poudir en resident is a citizen of Seychelles oubyen the holder of a valid resident permit ensidswit – i ti ava fer ki en Seselwa ki reste aletranze ki vin isi i en citizen of Seychelles i desann anba kot ID Card e i fer son ID e sa parey pli boner i annan en dimoun ki dir i pa ava bezwen al pey tiket Cat Cocos sepa konbyen parske la ozordi Mr Chairman Cat Cocos i pa ni aksepte sa bout papye ki zot donnen avek son limero ID i dir avek ou this is not an ID Card! be annou sanz sa definisyon resident dan ID Card Act e apre sa nou ale.

Apre dernyen pwen Mr Chairman Lotorite Imigrasyon par egzanp lot zour ti annan sa bato la Diamond Ace, Diamond Ace in pri lo koray Ile Aux Cerf in antre dan en fason ilegal. Savedir tou sa bann dimoun ki ti lo sa bato ti ilegal they were not at en por en soz kot zot kapab ganny clearance.  Be apre sa pou zot fer dominer pou dir zot pou reste lo zot bato zot pa pou debarke lo zot bato be mon trouv sa i drol mon pou mon deswit tou sa bann dimoun lo sa bato ti devret ganny arete, e aksyon apropriye ganny pran kont zot!

Konmsi ki lotorite ki Imigrasyon i annan dan sa bann lenstans koumsa?  Parske sa bann dimoun e zot ki ansarz border control sa bann dimoun as far as nou konsernen zot in vin dan nou pei dan en fason ilegal e zot pa kapab dir zot pa pou debarke!  Zot devret ganny arete debark dan minot e met sarz apropriye kont zot.  Mersi bokou Mr Chairman.

 

MR SPEAKER

Mersi Onorab Ramkalawan.  PS.

 

PS ALAIN VOLCERE

Mersi Mr Speaker.  Mersi Onorab.  Premyerman sa laspe training pou bann border officers sa i en keksoz primordyal nou believe ladan and sa i en fason pou asire ki nou toultan azour ek nou kapasite pou nou kapab adapte avek bann challenges ki vin dan nou kote.  Zis pou fer mansyonnen ki boner sa lannen par egzanp nou annan serten training ki bann lotorite angle ti fer pou nou bann zofisye konsernan deteksyon bann dokiman Frauduleux; an plis en pti git lo human trafficking osi e tou resaman nou fek fer en lot training plis ankor lo bann lo frod dokimanter avek led bann DD PRF La Reunion.

E dan bann konversasyon ki nou gannyen avek Lotorite Franse nou krwar poudir sa korperasyon pou permet nou fer plis training ankor lannen prosenn pou benefis nou bann border control officers.

Bon Hotline nou annan enn ki Minister i servi son limero i 439.30.39 mon repete 4393039 ki okenn manm piblik ki i kapab raport okenn keksoz drol oubyen lofans ki pe ganny komet ki annan pou fer avek bann keksoz lanplwa avek Imigrasyon.  Bon an se ki konsern convict dan prizon mon krwar sa i en keksoz ki nou vwar poudir i annan merit, e si ou kapab permet mon fer en not pou nou kapab diskit sa avek lotorite prizon dan plas annan sa alternativ, kot petet nou pey zot pasaz pou zot retournen.  Mersi pou sa – mon krwar Mr Didon.

 

MR SPEAKER

Mersi PS.  Mr Didon

 

CEO PAUL DIDON

Mr Chair thank you.  Sa kestyon sa bann zans lo bato i vre ki the best solution i pou met zot dan minot.  Selman ou bezwen tir zot lo bato met zot ater somewhere. Me ler i konsern en bato ou bezwen kit zot in situ akoz i annan serten – parey sa bato ki ti’n monte zot toultan bezwen la ki on serten maintenance pangar sa bato i a koule.  Alor i annan posibilite dan Lalwa Imigrasyon pou nou detain bann dimoun in situ in regard to the situation ki ladan.  Mersi.

 

MR SPEAKER

PS or Minis ID Card.

 

MINISTER MERIAM TELEMAQUE

Mr Chair.  Nou pran not konsernan ID Card e nou ava diskite apre nou a kapab regarde ki desizyon nou pou pran akoz vre nou ganny bokou problenm avek bann dimoun ki vin isi ki sorti overseas ki dir ou zot ti a kontan ganny zot ID Card me selman parey Onorab i dir Lalwa i bezwen ganny amande, akoz nou pa pou kapab fer li zis koumsa menm.

Mon ti a kontan osi fer en pti komanter konsernan training i vre nou bann zofisye L’aéroport fodre zot ganny bokou training, selman mon pa tro krwar mon krwar konmkwa i fasil pou antre L’aéroport akoz tou keksoz tou bann dokiman i dan sistenm Imigrasyon kekfwa i annan dimoun pa konnen – tou GOP i dan sistenm L’aéroport.  Si ou vini avek en GOP ki fake otomatikman zofisye pou vwar dan sistenm.

Nou annan ka ki fer refoule akoz zot in sey vini.  E nou annan bann rikord bann dimoun ki’n seye antre isi kot nou, nou fer zot retournen lo menm flight.  E lenportans osi nou bezwen met lo profiling parey ou’n dir sa i labaz pou kestyonnen ki kestyon ou pou met ek sa dimoun, pou kapab at least konnen si sa ki i pe dir vin fer isi i parey sa ki ou vwar devan ou ler ou get son bann dokiman.  Alor mon totalman dakor avek ou fodre nou kontinyen donn training nou bann zofisye – akoz training i vreman enportan pou zofisye imigrasyon.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Chairman.  Lo GOP mon pa ti pe dir konsernan bann dimoun i pe vin avek fake GOP, mon ti a pe dir konsernan bann dimoun ki antre konman touris i prezant en return ticket i dir ek ou la i la son akomodasyon e apre sa i desann i ale e apre ou vwar li pe travay.  Zis en dernyen pti pwen konsernan bann dimoun ki vin travay – parske i pa zis en kestyon osi vin travay dan lotel oubyen pou en long peryod – i osi annan bann fotografer par egzanp ok en dimoun ki vin Sesel pou li vin fer en misyon kekfwa pou li vin tir portre profesyonnel en koup ki pe marye Anse Source D’Argent e i pe ganny peye pou li fer sa zoli larzan e i ganny sans antre dan pei i travay en zour e apre sa i pe ale oubyen pou li vin avek detrwa models ensidswit konmsi tou sa bann se sa ki mon met lanfaz lo training e sa profiling pou regarde egzakteman ki nou vwar en dimoun antre letan i pas Imigrasyon kekfwa i napa tou son bann dokiman avek li me selman apre in ariv kot letan in ariv kot pe tir son Cargo it’s a different story.

E la petet osi Mr Chairman pou mon regarde parske bann zofisye Imigrasyon i plito zis laba kot imigrasyon me lo kote sa area kot bann bagaz i ganny tire parfwa se la osi tou ki nou pou dekouver ki sa ki sa dimoun in dir la devan kot Imigrasyon avek dokiman konmsi son bagaz ki i sorti avek i pa parey e ki li Customs i pou zis regarde ou annan de gro camera avek ou ensidswit ki ou pe soz o kontrer i donn ou zafer i dir ek ou ale me Imigrasyon pou li it’s a different story parske sa dimoun i napa en GOP e i pe vin fer en travay.  Mon zis met sa devan zot.  Mersi bokou.

 

MR SPEAKER

Mersi Onorab.  Mr Didon.

 

CEO PAUL DIDON

Mersi Mr Chair.  Mon pou revin ankor en pti kou lo sa zafer training. Kot Imigrasyon nou sey donn training nou zofisye dan border control as much as possible. Akoz nou konnen i annan dimoun ki asize se li i sey mazinen ki mannyer i pou bat sistenm Imigrasyon.  Se li i vedir aletranze mon pe koze la en.  I annan serten keksoz recently in the past 1 year nou’n fer training nou ganny training avek Angle, Franse ek Italyen ek Ameriken pou ed nou pou toultan kapab detekte sa eleman ki pa bon.

Si nou les antre tou bonafide visitors i pa vedir nou pa pou zanmen ganny dimoun ilegal – nou pou gannyen dimoun ilegal.  I normal as long people are people ou pou aret 7, 1 pou pase.  Apre sa zafer fake GOP mon’n aprann mon osi ki i annan en dimoun in dir si i annan fake GOP?  Of course i annan fake GOP i annan fake paspor – i annan fake tou keksoz, me selman sa bann dokiman i pa pou kapab permet en dimoun antre Sesel.  Ki zot fer ek sa bann permi overseas en dimoun i deside i fer en dokiman i donn son kanmarad i vann li i pran son larzan i dir li al Sesel al travay dan Savoy.  Sa dokiman zanmen i pou kapab antre Sesel avek.  Ler i ariv Erport nou pou pas son paspor dan sistenm nou pou vwar i pa génuine.

Preski toulezour sa bann ka koumsa i arive swa zot al kot Lanbasad Sesel dan zot pei ki demann nou pou sertifye swa zot al Foreign Affairs ki demann nou pou sertifye ouswa i vin direk Imigrasyon.  E nou ki mannyer nou sistenm i été ki mannyer nou issue GOP, zis zot tap sa limero ladan zot pou konnen, akoz i en keksoz ki komans kot Accounts apre i al dan en lot landrwa pou tap en lot landrwa detrwa dimoun i involve ladan.  Alor i difisil pou ou ganny en fo GOP.  Se pou sa ki mon dir wi en fo GOP i annan selman i pa pou antre Sesel avek.  Mersi.

 

MR SPEAKER

Mersi Mr Didon.  Onorab Ramkalawan.

 

HON WAVEL RAMKALAWAN

Me ofet i enteresan sa ki Mr Didon fek dir.  I annan en dimoun fek anvoy mon en mesaz la pe dir ki i annan en keksoz ki pe arive an ‘inside job ‘ki pe ganny fer kot Imigrasyon kot fake GOPs are being entered in your system.  Tyeke! Mon’n poz sa la.  Tyeke!

 

MR SPEAKER

Mersi Onorab.  Mr Didon.

 

CEO PAUL DIDON

Mersi Onorab.  Mwan mon dir napa, selman i pa anpes mon tyeke.  Mersi.

 

MR SPEAKER

Mersi Mr Didon.  Bon nou’n ariv moman pou nou pran en vot, lo sonm pou Minister responsab pou Imigrasyon e Leta Sivil e osi responsab pou Departman Lanplwa.  Tou lede sonm ansanm i fer en total R82, 561milyon – i form par sa Schedule e trouve lo paz 497 ziska paz 511.  Tou Manm ki an faver?  Tou lede ansanm nou pe pran wi se sa ki gidans ki nou ti gannyen avek SS Payet ok.

 

SECRETARY OF STATE – MR PATRICK PAYET

Wi Mr Chair akoz i en sel Head anba Appropriation – yes.

 

MR SPEAKER

I en sel Head.  Ok?  So tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Minister responsab pou Imigrasyon, Leta Sivil e Lanplwa in ganny aprouve par Lasanble Nasyonal.  Bon mon ti a kontan remersi Minis Telemaque, PS Volcere, Mrs Banane, Mr Didon e Mr Marie e mon ti ava eskiz zot parmi nou.

 

(MINISTER TELEMAQUE AND HER DELEGATION WAS EXCUSED FROM THE HOUSE)

 

MR SPEAKER

Bon mon a zis donn laparol SS Payet i ava gid nou lo travay demen bomaten.  SS.

 

SECRETARY OF STATE – MR PATRICK PAYET

Mersi Mr Chair.  Pou demen bomaten nou pou konmans avek Office of the Mayor of Victoria ki lo paz 136 ; apre swivi par Ministry of Habitat, Infrastructure and Land Transport paz 394 a paz 411 ; Seychelles Planning Authority 424 ziska 431 e Seychelles Land Transport Agency paz 412 ziska 423.  Mersi.

 

MR SPEAKER

Mersi SS Payet.  Bon mon ti a kontan remersi tou bann Manm.  Mon ti a kontan osi remersi osi tou bann dimoun a lekout ki’n swiv nou travay ozordi remersiman spesyal pou SS Payet avek son lekip Ms Croisee, Ms Tamatave e ankor mersi remersiman pou SBC.  nou ava zis move dan Staz Komite of the whole House  –ok?   E nou ava adjourn e nou ava repran nou travay demen matin 9er.

 

 

(ADJOURNMENT)