Home » Verbatim » 2018 » Verbatim Thursday 22nd November, 2018

Verbatim Thursday 22nd November, 2018

NATIONAL ASSEMBLY OF SEYCHELLES

Thursday 22nd November, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

DEPARTMENT OF DEFENCE (Cont)

 

MR SPEAKER

Bonzour tou Manm Onorab.  Bonzour tou dimoun ki a lekout.  En bonzour spesyal pour Vis-Prezidan ki retourn avek nou la bomaten dan Lasanble, avek lekip sorti kot Departman Defans – ki konpri Mr Michael Rosette, Chief of Staff, Kolonnel Simon Dine, Coast Guard Commander, Mr Paul Dupres, Senior Accountant e Ms Anselma Pilate ki Director General pour Human Resources – bonzour e byenveni parmi nou.  Nou osi tou, dir en bonzour pour PS Thesée ki ganny akonpannyen par son 2 zofisye kot Minister Finans – Ms Croisée avek Ms Tamatave.

Bon, bomaten zis avan nou komanse, nou ava move – mon a demann Sergeant pour move Mace pour nou al dan Staz Komite.

Parey nou Lasanble ti deside, ti annan en travay ki FPAC ti deside pou fer avek Lafors Defans – wi, Komite Defans, ki ti pou rankontre bann Zofisye Lafors Defans pou fer serten travay.  E mon ti ava demann Chair Komite Defans pour prezant en rapor, en brief avek Lasanble, pour nou kapab ganny gidans dan ki direksyon nou pou ale.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Bonzour tou dimoun.  Bonzour Mr Speaker – Mr Chairman, Vis -Prezidan ek ou delegasyon, e tou Manm Lasanble Nasyonal, e tou dimoun ki a lekout.

Mr Chairman, Merkredi – savedir yer bomaten – 7er bomaten ziska 9er nou’n zwenn avek delegasyon SPDF dirize par Vis-Prezidan Meriton.  E sa delegasyon ti konpri Lyetnan Rosette – Lyetnan Dine, Kolonnel – sorry, mon ti’n met Lyetnan Kolonnel apre mon’n bliy Kolonnel, mon’n degrad ou, sorry Kolonnel, nou pa’n – pa nou lentansyon fer sa la bomaten.  Ti annan Kolonnel Rosette, Kolonnel Dine, Mr Dupres e Mademoiselle Pilate.

E nou’n zwenn ansanm koman sa Komite Ladefans ek Sekirite, pour nou regard Bidze SPDF ki pour en total R316milyon.  Mr Chairman, avan ki nou ti zwenn, nou ti’n komik avek SPDF lo ki bann size ki nou pou regarde.  Alors nou ti fer li dan en fason annord.

E premye size ki nou ti regarde sete saler travayer.  E avan menm ki mon al lo la, mon bezwen lo la par Komite, dir ki sa rankont ti enn ki ti deroul dan tout transparans; tou bann dokiman ki nou ti demande i ti – nou ti resevwar.  E nou’n ganny sans pour nou pas dan tou bann dokiman pour nou verifye zot.  E byensir ti napa kantite letan, me selman sa ki nou’n kapab i ava – mon mete dan rapor ki mon pe al dir.

Lo kote saler travayer, SPDF ti donn nou detay tou zot travayer pour mwan Zen ziska Oktob 2018 – zot payroll parey nou dir li.  Nou ti egzamin sa bann detay pour asire ki lakantite travayer ti koresponn avek sif dan Bidze.  E sa analiz ti enkli kalkilasyon pour saler de-baz, allowance e Gratwite.

Ler nou pran kont scheme SPDF, avek logmantasyon ki’n propoze dan Bidze – e la nou bezwen dir ki Scheme SPDF i mars parey avek Scheme Lapolis.  Alors i annan en standar ki pe ganny – ki’n ganny adopte.  Zot total pour pey travayer, ki R180milyon, nou trouve ki sa sonm i akseptab baze li leksplikasyon e analiz ki nou Komite in fer.

Lo kestyon liniform, apre ki nou’n egzamin detay peyman e osi bann prosedir ek bann fourniser, nou satisfe ki sa sonm 2.25milyon pour liniform i akseptab.  Trwazyenm – ‘Consumables, Food and Rations avek Other Supplies,’ Komite in demann SPDF pour asire ki stok e zesyon manze i ganny fer korekteman pour anpes labi e pert.

Pour lannen 2019, SPDF pe al fer en tender pour dimoun kapab fer bann lof pour kwi manze, e pou ofer sa bann repa – parski nou bezwen mazinen ki en solda i lo full board.  E sa i enkli tou son manze; i enkli son litilite, i enkli son bedding e tou e sa i fer en gro sonm.  E SPDF in dakor ki fodre i annan plis transparans, pour elimin okenn koripsyon ki kapab ganny apersevwar.

Alor, letan bann Kontra i fini lafen 2018, pou annan nouvo tender pour ki 2019 sa i pas dan tout transparans.  Apre ki nou’n egzamin detay peyman pour Bidze ‘consumables, food and rations and other supplies,’ ankor enn fwa Komite i satisfe ki sa sonm 31milyon pour sa bann item i akseptab.

Fuel:– apre ki nou’n egzamin detay peyman fuel, nou trouve ki i annan anviron R800mil ki demann egzaminasyon pli pre swivan sanzan dan Lalwa dan pour proteksyon bann ansyen Prezidan.  E sa sonm R800mil, sa ti ganny dekouver letan Komite menm ti’n kontakte – mon ti’n fer li mon devwar pour kontakte SEPEC pour nou regarde kwa ki SEPEC i donn nou.

E tou bann keksoz ti balanse, eksepte ti annan sa sonm R800mil ki an relasyon avek VVIP fuel.  So, sa sonm R800mil, nou’n tonm dakor ki poudir SPDF pou al fer bann resers pou regarde egzakteman kote i tonbe.  Alor, lo sa R800mil – e mon pe met sa ki nou ava, pou Lasanble regarde.  Lefe ki i lye avek VVIP e ki i annan nouvo Lalwa ki’n pase an relasyon avek bann ansyen Prezidan, mon pe zis mazinen si sa 800mil nou pa devret freeze li, tenir li.

Nou ava regarde – tenir li ziska ki i ganny klersi e apre sa zot ava kapab vin – revin kot nou, nou ava vin lo la.  So, okenn sonm pour fuel ki dan Bidze SPDF, pa kapab ganny servi pour bann ansyen Prezidan.  E sa pou bezwen sanze dan Bidze 2019.  Komite in demann ek SPDF pour asir bon zesyon fuel a tou moman e redwir okenn labi avek sa plis ki 108 transpor ki zot annan.  E ki Kolonnel Rosette ti’n deza mansyonnen isi dan Lasanble.

Nou Komite i krwar ki sa sif 17.8milyon pour fuel i akseptab, baze sirtou lo loperasyon Coast Guard e loperasyon Air Wing.  Me selman parey mon pe dir, nou ava zis regard sa 800mil.  E la Mr Speaker, i enportan pou dir ki sa eleman fuel, se osi akoz bann bato ki zot servi, i annan ki konsonm plis fuel e i annan ki konsonm mwens.

Lasirans:-  Komite in demann ek SPDF pou revwar sa sonm 6.5milyon pour Lasirans avyon.  E pour donn nou en kontrandi enn fwa ki zot in kapab diskit sa size avek Lakonpannyen Lasirans.  Zot bezwen annan nouvo negosyasyon pour kapab redwir sa sif prenon kont tarif komersyal ozordi e leksperyans lezot Lazans dan Sesel tel ki IDC ek Air Seychelles.

Me selman nou bezwen note ki nou pran konsiderasyon ki akoz se bann avyon militer, e i annan bann lekipman sofistike, sa i kapab rezon pour en Lasirans a sa pri.  Me selman toudmenm nou pe dir zot regarde, fer bann negosyasyon.  Komite in dakor pour tenir sa sif 6.5milyon dan Bidze pour Lasirans, avek bi pou kapab ganny en rediksyon swivan bann negosyasyon.

Maintenance: Komite in demann SPDF pou revwar bann laranzman an plas, pou aste pyes pour maintenance prenon kont tou opsyon ki a zot dispozisyon.  E nou pe demann – e SPDF in dakor pou revwar posibilite enport direkteman kan sa i neseser.  Akoz Mr Chairman i resanble ki letan i konsern SPDF, deswit si en keksoz i kout R100 – akoz i SPDF, sa pri i vin R500.

Alor, nou pe dir avek zot be regarde – konmsi ankor enn fwa dan sa lespri fer lekonomi, pour zot fer bann lenportasyon direk ki ava kout zot bokou pli bonmarse.  SPDF in osi dakor pou revwar Kontra maintenance bato ek en lakonpannyen Sri Lanka, Avant-Garde, avek bi pour annan en meyer lekonomi lo maintenance laflot Coast Guard.

Mr Chairman, i enportan pour note ki SPDF in aksepte ki i bezwen annan reform dan sa Lorganizasyon.  I enportan pour note ki letan en dimoun i dan militer parey mon ti pe dir oparavan, i parey ki i lo full board akoz i bezwen ganny tou keksoz.  E alor, plis zonm i vedir plis larzan dan Bidze.  Dan sa re-organizasyon, nou’n osi note ki SPDF i bezwen vin en lorganizasyon vreman profesyonnel – kot nou bann zenn dimoun Dan Liniform i regard sa peryod dan militer koman en staz dan devlopman zot karyer.

Komite i rekomann sa Bidze avek sa koze lo sa freeze, alors nou rekomann sa Bidze antye – 316milyon, baze lo sa bann pwen ki’n ganny egzaminen.  E i demann SPDF pou met an plas, tou bann kontrol neseser pou asir bon zesyon Bidze SPDF.  Komite Ladefans ek Sekirite pou kontinyen annan en rapor etrwat avek SPDF.

E nou profite pour remersye zot pour sa lapos ouver pou donn nou tou dokiman ki nou ti demande e reponn tou nou kestyon.  Sa i reprezant en lot pa an avan Mr Speaker.  Mersi bokou.

 

MR SPEAKER

Mersi Onorab Ramkalawan.  Yes Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair, bann pwen ki’n ganny soulev dan sa rapor i al dan laliny pou nou anmenn plis latransparans dan lafason ki nou zer Bidze SPDF.  Akoz i toultan enportan ki piblik an zeneral i ganny byen eksplike lo ki mannyer SPDF i fonksyonnen, e rol SPDF, e lenportans SPDF.

Mon krwar Chairman Komite in propoze ki nou mentenir sa Bidze baze lo bann serten travay entern ki bezwen ganny fer par SPDF.  Mon krwar sa i en eleman enportan.  E lo nou kote an se ki konsern latransparans dan SPDF, i vreman enportan ki nou pa osi konpromiz zot travay ki zot pe fer.  E dan okenn ka, sa propozisyon k i pe ganny fer, pa pou konpromiz travay ki SPDF pe fer.

So, mon krwar avek sa, nou kapab move e pran en vot lo sa Bidze.

 

MR SPEAKER

Mersi Onorab Pillay.  Mon anvi fer en pti komanter lo mon kote.

Swivan deba ki nou ti annan lo Bidze Defans semenn pase, e swivan 2 lensidan ki’n arive, kot Coast Guard pa’n respond, mon’n ganny aprose par sa bann dimoun konsernen.  Enn ti ariv Zedi pase e kestyon i vin vizavi sa Bidze lo fuel, ki nou pe dir ki Coast Guard i servi bokou fuel.  Mon ti ganny en call Zedi swar, kot en bato peser ti an detres e ti’n demann lasistans Coast GuardCoast Guard ti dir ek zot – demen bomaten ki nou pou kapab respond.

E demars ti ganny fer – en dimoun kot Eden Island ti pret enn son bann bato pli vit, ki zot ti kapab ale, ris sa bato peser, anmenn li en pti pep li anndan.  E landmen Vandredi, en lot in ale, in anmenn sa bato peser ki’n antre Sanmdi apre midi.  E sa ki nou’n konpran se Coast Guard pa’n fer nanryen ladan.

I annan en bato en peser Bel Ombre osi, ki mon’n ganny rapor Dimans li osi tou i ti dan detres.  E set en bato – apre ki zot in pez zot detres, tou bann kontak in ganny fer.  Se en bato Mr Danny Loizeau finalman, ki ti ris zot, anmenn zot ater.  So, i ankor annan bann kestyon with regards to lefikasite Coast Guard.  Se sa rezon ki mon ti fer sorti tou semenn pase, ki nou bezwen revwar ankor travay Coast Guard met en pti pe lanpler ki zot vin pli efikas.

So, mon ti anvi zis met sa konsern devan, san mon lev okenn deba – ki Coast Guard i pran li koman en keksoz, en kritik konstriktiv, pour zot kapab en pti pe zot travay en vi ki Lasanble i pe aprouv sa Bidze lo non pep Seselwa.

Yes, Onorab Ramkalawan.

 

HON WAVEL RAMKALAWAN

Wi, Mr Speaker – mon pa konnen si Coast Guard  pou respond lo – larme – SPDF pou respond lo sa.  E mon krwar ki avek sa, nou kapab pran en vot lo Bidze SPDF tout an metan ki tou le 2 kote nou dakor ki sa 800mil, nou freeze li pour le moman, me nou pas the whole Budget.  E ki osito ki nou ganny sa klarite lo sa size, nou zwenn lo Komite Defans li menm li, parski sa i pa ava FPAC as such, i ava Komite Defans ek Sekirite, e nou kapab bouze.

E parey nou pe dir, sa i pa pou afekte travay Ladefans.  E nou, nou pare koman Komite Defans, menm boner Zanvye pour nou rankontre pour nou kapab abord sa size.  Alors Mr Chairman, mon krwar nou kapab pran en vot.  Mersi bokou.

 

MR SPEAKER

Zis mon – petet mon ti a zis donn en pti parol Chief of Staff final avan nou pran en vot.  Mr Rosette.

 

CHIEF OF STAFF – MR MICHAEL ROSETTE

Bonzour Mr Chairman.  Bonzour tou bann lezot Manm Onorab.  Mersi Chair Komite Ladefans e mersi pour ou statement ki ou’n fer.  E mon krwar an se ki konsern sa bann lensidan parey ou’n dir, nou kapab pran li apre akoz i annan plizyer kote.  Parey ou’n ekout kote sa dimoun ki ti ganny sa distress, petet lo nou kote osi nou kapab anmennen.  I annan serten lenformasyon osi ki nou’n deza pase avek serten Manm Onorab konsernan bann lensidan ki’n arive.

E sa nou kapab ganny diskite pli tar pou vwar ki mannyer Coast Guard nou kapab vin pli efikas pour nou kapab reponn a sa bann demann, balanse avek bann kantite travay ki nou annan.  Be selman pare nou dir, Coast Guard i la – nou pou fer nou mye pour asiste maximum posib nou bann peser Seselwa lo la.  E mon ti a swet – demande ki nou kontinyen avek parey propozisyon ki’n ganny fer par Leader Lopozisyon.  Mersi.

 

MR SPEAKER

Mersi Chief of Staff.  Vis- Prezidan.

 

THE VICE-PRESIDENT – MR VINCENT MERITON

Mersi Mr Chairman.  Bonzour tou bann Manm Onorab.  Bonzour Mr Chairman.  Mwan osi mon ti a kontan zwenn avek tou bann – le 2 Leaders ki’n fer deklarasyon bomaten.  Nou travay Merkredi in anmenn nou lo en nouvo pa ki mannyer nou diskit bann diferan Bidze, sirtou Bidze Ladefans kot nou’n pran en lapros profesyonnel, transparan.

Nou’n kapab adres en kantite size dan lespas 2erdtan.  E i montre ki nou kapab travay ansanm – ki napa naryen ki nou pe kasyet ki anba bol.  E ki vreman bann zofisye – e mon ti a kontan remersye zot dan ou prezans Mr Chairman.  Zot in travay nwit e zour pour kapab donn tou bann lenformasyon ki Komite ti demande.

E a satisfaksyon Komite e mon pe vreman look forward pou kontinyen mentenir sa nivo travay, nivo profesyonnalizm anmezir ki Lafors Ladefans i pran li en nouvo rol, en nouvo tournir, kot i promouvwar plis profesyonnalizm pou defann nou teritwar en nou souvrennte.  Mersi Mr Chairman.

 

MR SPEAKER

Mersi Vis-Prezidan.  Bon, nou’n ariv en pozisyon pour nou kapab pran en desizyon lo Bidze pour Ladefans, sa se en sonm R316, 329milyon, ki trouv – ki form par sa Schedule e i trouve lo paz 34 ziska paz 39.  Mon ava demann tou Manm ki an faver?   Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  23 Manm in vot an faver e personn kont.  Mersi.

 

MR SPEAKER

Mersi Madam Deputy Clerk.  Savedir Bidze 2019 pour Lafors Defans in ganny aprouve par Lasanble Nasyonal.

Bon, avek sa mon ti a kontan remersye Vis-Prezidan pour vin avek nou bomaten ankor enn fwa.  E Chief of Staff – Mr Rosette, Komander Coast Guard – Mr Dine, Accountant – Senior Account, Mr Paul Dupres e DG pour Human Resources – Ms Pilate.  Mersi e nou ti ava eskiz zot parmi nou.

 

(DEPARTMENT OF DEFENCE DELEGATION WAS EXCUSED FROM THE HOUSE)

 

HEALTH CARE AGENCY

 

MR SPEAKER

Bon, nou ava apel Health Care Agency.  E parey zot konnen, nou ti demande ki Health Care Agency i ale, i rankontre, i prezant serten keksoz devan Cabinet.  E zot retournen pour donn serten klarifikasyon avek Lasanble Nasyonal.

Bon, mon ti kontan dir en bonzour e welcome Minis responsab pour Lasante – Minis Jean-Paul Adam, ki akonpannyen par CEO pour Health Care Agency, Dr Danny Louange, Special Advisor to the Minister, Dr Loren Reginald, Personal Assistant to the Minister, Mr Marthy Vidot e Financial Controller, Ms Yacinth Bonne.  Bonzour e welcome dan Lasanble Nasyonal.

E petet mon ava direkteman donn parol Minis pour donn Lasanble klarifikasyon lo sa demann ki Lasanble ti fer with regards to sa seksyon peyman pour dyaliz.  Minister.

 

MINISTER JEAN-PAUL ADAM

Mersi bokou Mr Speaker e bonzour a Mr Speaker, Onorab Leader Lopozisyon, Onorab Leader zafer Gouvernman, e tou bann Manm Onorab e tou dimoun ki pe swiv nou deba.  Mersi pour nou ganny sa sans ankor enn fwa pour nou kontiny sa diskisyon avek bi pour nou ganny en solisyon e pour nou kapab bouz devan avek Bidze pour 2019.

Mr Speaker, swivan nou deba pli boner sa semenn, Gouvernman in analiz bann rekomandasyon ki’n ganny fer dan rapor FPAC kot i konsern sa kestyon dyaliz.  Pour bann premye eleman kot i konsern bann rekomandasyon pour re-negosye Kontra avek AMSA – Gouvernman in deza lans sa prosesis parey mon ti endike letan nou ti zwenn Lendi.

Atraver sa prosesis, nou pe demann revi lo lafason ki Kontra i ganny determinen.  Savedir lafason ki Kontra i kapab ganny revwar.  E osi bann opsyon ki i annan bann sanzman ki kapab ganny fer dan Kontra pli tar, enkli ki letan Kontra i fini pour nou kapab al dan en prosesis tender.  Lo pri – lot eleman dan sa revi se, pri pour sak dyaliz – pour nou kapab redwir sa pri.

Lot eleman se, lo bann provizyon egzanpsyon lo taks ki annan aktyelman dan Lagreman.  E sa an prensip i en keksoz ki akseptab, akoz parey nou konnen an pratik, sa bann egzanpsyon ki’n ganny donnen pa pe ganny aplike akoz an konformite avek nou Lalwa.

E osi atraver sa revi, nou anvi ganny en garanti pli kler lo lenvestisman ki AMSA pou fer atraver sa Lagreman.   Osi atraver sa revi, nou pou adres bann eleman standar dan servis dan en fason ki pli direk e dan en fason ki pli kler.  E parey mon’n deza endike, nou pou osi fer en odit medikal e sa prosesis i aktyelman devan Procurement Oversight Unit.

An se ki konsern rekomandasyon FPAC pour ki Gouvernman i komans pey dyaliz pour sa 20 pasyan ki’n deside al dyalize kot fasilite Renesans.  Gouvernman in deside pou mentenir son pozisyon e pa pou kapab pran konsiderasyon en tel rekomandasyon.

Nou note ki FPAC in fer referans avek sa let ki’n sinyen par ansyen Minis Finans, me Gouvernman – baze lo konsiltasyon legal, pa konsidere ki sa let i reprezant langazman Gouvernman akoz bann prosedir relevan pati ganny swiv parey ti merite e parey ti neseser.

Selman Mr Speaker, dan sa prensip pour nou sey rod en konpromi, Gouvernman in pare pour antre an diskisyon avek Renesans lo son bann konsern atraver en meeting ant son reprezantan e Minister Lasante – Lazans Servis Lasante, Minister Finans, Komers, Lenvestisman e Planifikasyon Ekonomik e osi Biro Attorney Zeneral.  Bi sa meeting se vwar si nou kapab ariv lo en konpromi lo sa size.

Mr Speaker, nou osi konsidere ki i enportan parmi nou bann deba pour ki sa kestyon avek Renasense oubyen sa kestyon bann dyaliz kot Renasense i ganny adrese koman en size apar – koman en size separe avek Bidze pour 2019.  Akoz i kler ki an prensip sa kestyon otour bann peyman dyaliz pour sa bann peyman kot Renasense i en keksoz ki konsern Bidze 2018 ki pey ganny enplimante aktyelman.

Nou anvi osi fer kler ki desizyon ki Gouvernman i ba – ki Gouvernman in pran i baze senpleman lo responsabilite ki i annan pour sovgard bann prensip bonn gouvernans, e osi responsabilite pour protez e promouvwar Lasante tou Seselwa.

Nou rekonnet byensir bann konsern ki tou pasyan dyaliz i annan – nenport, si zot dyalize kot Renasense oubyen ki kot Lopital.  Nou travayer Lasante pou fer zot mye touzour pou donn meyer swen posib.  Nou remersye Lasanble pour konsider sa lapros dan fason konstriktiv.  E nou remersye zot osi pour sipor ki zot montre pour tou nou travayer lasante e pour tou bann progranm Lasante ki tous tou Seselwa.  Mersi Mr Speaker e mersi tou bann Manm Onorab.  E byensir nou’n pare pour okenn klarifikasyon oubyen kestyon ki okenn Manm i annan.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  E mersi Minis pour ou statement.  Mon krwar Mr Chairman, dan sa statement ki Minis in fer, i annan 2 pozisyon.  Me selman pozisyon ki mwan mon trouv pli enportan, se sa pozisyon kot Minis in fer kler ki Gouvernman pou diskit avek Renasense.  Sa i en keksoz ki ziska aprezan pa’n arive.

E alor – e Minis in servi sa mo pour ouver sa diskisyon, pou regarde kote ki kapab annan konpromi.  Sa mon krwar ki i enportan en kantite e se ladan ki nou bezwen war en keksoz pozitiv.  I enportan pour note ki dan Bidze aktyel – Bidze ki Health Care Agency pe servi, i annan larzan pou pey pour bann pasyan ki ozordi pe fer tretman kot Renasense.

Parski sa i deza ladan, dan sa Bidze e ki dan Bidze lannen prosenn, sa larzan osi tou i deza ladan.  Alor, sa negosyasyon ki zot ava fer pour nou kapab ariv lo en pozisyon akseptab, mon krwar sa i pou tre enportan.  Mon krwar ki Mr Chairman, le moman le pli vit posib ki zot kapab fer en tel rankont – ki ava kapab anmenn en solisyon pour sa sityasyon pli vit posib ki sa i kapab ganny fer, mon krwar i pli bon.

E mon krwar ki i enportan osi pour dir ki nou, nou lentere se pou fer sir ki tou dimoun i ganny sa pli bon servis.  E si dan milye sa negosyasyon – e letan zot pe regard Kontra – e mon kontan osi ki Minis in nonm posibilite pour letan zot pe regard tousala, si pou re-tender, ensidswit, e lev standar, annan sa bann – sa Oversight Unit ki ava fer sir ki standar i o.

E mon’n osi aprann par egzanp, ki zot in ganny nouvo lili.  I annan nouvo – 11 nouvo lili ki pe al ganny commissioned byento.  Si tousala i ede pou lev standar dyaliz ki Minister Lasante pe ofer, pour ki i ava annan plis fleksibilite, e ki bann dimoun – tou bann dimoun, zot ava satisfe avek sa servis ki pe gannyen.  Mon krwar ki se sa ki a labaz tou keksoz.

Nou lo nou kote, nou pa pe fatig nou avek si Renasense, si i AMSA, si i Philips, si lot zafer.  Nou pour nou se sa servis e an menm tan osi pour nou sorti dan sa nespes sityasyon deadlock kot nou ete.  E alor lefe ki i annan sa parol konkret lo negosyasyon, mon krwar ki sa dan li menm li i devret satisfer tou le 2 kote.  E la mon demande ki tou le 2 kote letan zot zwenn pour zot diskit lo la, tou keksoz i ganny met lo latab pour ki nou kapab ganny en soft landing e nou kapab bouz devan.

Me Mr Chairman, i enportan pou dir ki nou dan Lasanble nou kapab fer – nou kapab al ziska en zistans.  E lefe ki sa 2 antite pe la zwenn, la prezan i sorti dan nou lanmen.  Nou, nou’n fer nou travay e byensir prezan Lasanble pou enterese pour konnen kwa – ki sa soft landing i arive?

Byensir Lasante nou pep i lakle.  E la mon anvi reasir Minis Lasante e pli spesifikman, Dr Louange koman Head Health Care Agency e ou Depite Mrs Cecile, e tou bann lezot dan Health Care Agency, ki poudir zot pou ganny tou nou sipor.  Zot kapab kont lo nou pou – letan zot pe travay pou donn nou pep sa meyer Lasante, nou pou donn zot tou nou sipor.  E letan nou koz avek, se zisteman pour nou lev standar.

Alor Mr Speaker mwan personnelman, mon krwar ki poudir si sa i pozisyon – kot pou annan sa kozri, tou le 2 kote met zot kart lo latab, koze, ganny en solisyon.  E si tou le 2 kote apre sa zot happy, nou, nou osi tou nou happy.  E mon krwar ki larzan pour dyaliz i dan sa Bidze.  E alor nou kapab pran en vot lo Bidze Health Care Agency.  Mersi bokou.

 

MR SPEAKER

Mersi Onorab Ramkalawan.  Onorab De Commarmond.

 

HON CHARLES DE COMMARMOND

Mersi Mr Chair.  Bonzour – bonzour Minis ek ou delegasyon, tou Manm Onorab e tou dimoun ki a lekout.

Mr Chair, mon kontan nou pe ariv en konpromi to a certain extend lo la ki Gouvernman in ekoute.  E i enportan osi nou fer sorti detrwa keksoz.  Nou koman en Lasanble, ou konnen fodre nou fer atansyon dan nou pei.  Be i bezwen annan lord – bezwen annan fason fer keksoz ki korek.

E la mon pe lans lapel avek bann Minister ek Egzekitiv, ki zot bezwen swiv e protez byen nou bann Polisi.  E sirtou la nou pe koz Polisi Lasante.  Nou pa kapab zis ozordi – san pas atraver prosedir normal, nek en Minis i pran en desizyon dan en fason.  Mon annan en kopi sa let ek mwan la, be mon pa satisfe.  Mon ankoler – mwan anndan mon ankoler avek Minister, ki sa la, pa ni’n al kot Cabinet sa let la.  Ou konpran mwan?  So, mon pa oule al fer en senaryo avek

E mon pe lans en lapel mwan avek Egzekitiv – tou bann Minis, pour ki zot swiv byen lord e prosedir fer keksoz e pran desizyon dan nou pei!  Sansan zot met an koz nou bann bon Polisi ki nou annan.  akoz la si nou zis fer keksoz an brit an brann, an foupanmal, be nou bann Polisi pou ganny abize – i pou ganny vyole.  Nenport ki dimoun i al kot dokter prive, i vini, i annan son bil e minis i dir peye – peye!  Ou konpran?

Be nou pa kapab ariv dan sa bann direksyon koumsa.  So, mon kontan ki omwen i ava annan en lord atraver sa sityasyon ki’n arive, i ava annan en lord.  E apre nou bezwen rekonnet sa bann Lotorite ki enportan.  Si i annan en desizyon kelkonk ki pou ganny fer, sa Minister konsernen, sa Lazans ki annan sa Lotorite, i bezwen konnen.  I bezwen ganny – i pa kapab tann sa dan semen.  I pa kapab tann sa ek en dimoun koumsa.

Lotrozour mon koz ek Minis Adam, Minis i dir mwan – be Msye, be former Minister Sinon ki donn li en kopi let, i donn li en kopi.  I bezwen annan en fason korek pou fer keksoz.  Mwan mon lapel i la e mon forseman believe ki nou bezwen war sa fason pli korek dan nou pei pour nou kapab fer ki keksoz i mars pli byen.  E se sa ki nou Prezidan in koz lo sa zafer latransparans, rann kont e bonn gouvernans – i al dan sa aliny.

Me nou bezwen – nou tou nou pe ekoute, nou tou pe swiv sa bann keksoz – vwala.  E i enportan pour nou pa melanz le 2 keksoz.  E FPAC li depi avan in diskit lo sa size.  Be letan osi in diskite, son bann rekomandasyon ti ase kler li.  In dir avek Lasante, i annan travay ki ou bezwen la fer.  Kontrer nou lans lapel la, pou sa analiz la ganny fer en pe vitman, pour ki kapab war kot bann anomaly i annan pour kapab met keksoz tout annord, normal

So – e nou, nou demande alor, nou tou nou ekoute dan nou pei e ki i annan lord e ki nou annan bon fason pou fer keksoz ki mars korekteman.  E ki pa met nou bann bon Polisi an koz.  Dan sa lespri ki nou pe koze la ozordi dan Lasanble, nou tonm dakor ki nou ava vot lo sa Bidze akoz nou pa oule melanz keksoz.  E nou kontan osi ki omwen sa issue ek Renasense i a ganny diskite.  Sa i tre, tre enportan.  Mon osi mon kontan ki i pou ganny diskite.  E la deza i annan en keksoz pozitiv ki mon war i pou arive.  No matter what, i pou annan keksoz pozitiv.

So, mwan mon satisfe ki nou Lasanble i kapab pran en vot osi lo sa Bidze Lasante akoz Lasante i konsern nou tou.  I enportan – i pli enpotan ki tou keksoz.  Si napa Lasante, nou tou nou fini.  Alor, i enportan nou ankor enn fwa rekomann Minister Lasante, zot per fer en travay ekselan, en travay ki bon – en kantite improvement.  Nou bezwen dir sa – nou’n war over sa enn, de lannen la – en kantite improvement ki zot pe kontinyen fer.

E kontinyen met lanfaz lo proteksyon – lo prevansyon plito, lo prevansyon pour ki anpes bann maladi tap nou.  Nou konnen i annan touzour bann nouvo challenge, bann nouvo defi.  E i enportan alor nou donn sa lankourazman e sa sipor Minister Lasante, pou fer sa bon travay ki zot pe kontinyen fer.  Mersi bokou Mr Speaker.  Mon oule nou siport–sa Bidze.

 

MR SPEAKER

Yes, mersi Onorab De Commarmond.  Yes Onorab Ramkalawan.

 

HON WAVEL RAMKALAWAN

Mr Chairman, mersi bokou pour re-donn mwan laparol.  E sa i swiv avek en komanter ki Onorab De Commarmond in dir ki mon krwar i tre apropriye.  I kler ki poudir dan sa – e sa i sorti klerman dan nou rapor FPAC, ki sa prosedir outsourcing i pa’n marse.

E ki ozordi, nou dan en sityasyon ki sanmenm dimoun ki siny Kontra AMSA, li ozordi i dan Renasense– ki, e i annan en problenm la.  E mon krwar ki letan nou pe regard tousala, konmsi nou pe – nou bezwen fer atansyon ki se pa bann reken ki pe vin abiz lo Sesel.  Sa i enportan en kantite pour nou note.  Parski apre sa, se nou ki vin bann viktim.

Ozordi AMSA/Renasense pe fer ki pasyan Seselwa ki pe soufer e mon krwar fodre nou fer atansyon.  E la mwan mon ti ava dir ki letan nou’n osi regard bann pri ki’n ogmante – 16milyon par an, ki nou’n fer resorti.  Nou ti ava fe en lapel avek Minister Lasante – ozordi zot pe fer bokou progre, new replacement dan, spesyalman dan sa orthopaedic field.  Nou ti ava dir, nou ti pe – nou ti annan nou, nou bann ners Seselwa ki kalifye, nou annan nou, nou bann nephrologist Seselwa ki kalifye, annou sey regarde ki mannyer sa servis – olye ki sa bann reken i vin lager avek nou, sakenn pe rod zot Dolar an plis.  Annou fer fason ki sa servis i retourn dan Minister Lasante.

Parski nou annan tou bann fasilite, tou bann soz.  E nou konnen ki poudir sa bann lakonpannyen, zot donn ou masin pour nou aste zis sa bann supplies.  E alor, annou met lanfaz lo devlop nou bann Seselwa pour ki sa servis i retourn en servis ki ganny ofer par Minister Lasante san ki en Dolar i kit nou pei pour la pey en lakonpannyen laba deor apre pour zot vin lager avek nou.  Sa i en pwen ki mon bezwen fer sa koman en rekomandasyon.

E an menm tan osi, nou ava fer sir ki bann standar – bann standar enternasyonal e bann fasilite i ava la.  Espesyalman ki ozordi parey in ganny eksplike, sa bann maladi tel ki dyabet, high blood pressure, ensidswit.  Sa bann maladi ki pou fer ki si nou pa fer atansyon – obesite tousala, pou annan plis dimoun a lavenir ki pou bezwen dyaliz.  Alors silvouple, Minister Lasante pran sa an konsiderasyon e retourn sa servis.  E les bann reken lager laba dan losean e pa vin lo nou pti zil.  Mersi bokou Mr Chairman.

 

MR SPEAKER

Mersi Onorab Ramkalawan.  Non, mon ti oule – mon ti donn parol zis le 2 Leaders.  Zis le 2 Leaders akoz ti zis en klarifikasyon ki Minis ti bezwen retourn avek.  Mon pa pou ouver deba.

 

(Interruption)

 

MR SPEAKER

Ok.

 

HON JEAN-FRANCOIS FERRARI

Mr Speaker, mon – permet mwan zis mon entervenir lo behalf mon koleg Mr Adelaide – Onorab Adelaide, ki ti annan – i pa ti ganny sans, ou rapel – i pa ti ganny sans pour li demann son kestyon lo klinik Baie Lazare.  Konmsi si Minis – vi ki Minis i la, konmsi ti ava vreman en soulazman pour li si zis i demann sa pti kestyon apre nou pran sa.  Mon demann mon leskiz me mon met sa dan – lo – dan ou lanmen Mr Speaker.

 

(Interruption)

 

MR SPEAKER

Bon, attends.  Rezon ki nou’n repran Minister Lasante la bomaten se ki apre desizyon Lendi, nou ti’n fini ferm tou kestyon.  Ok.  mon pou mentenir sa pozisyon e bomaten la nou la pou deal zis avek sa zafer Health Care Agency lo – avek Minister Lasante lo dyaliz.

Me mon ti a kontan zis – apre Lendi, mon lofis in ganny plizyer phone call e mon’n ganny en teks osi tou.  Ki i annan dimoun deor i dezapwente ki sa Lasanble in blok Bidze Health Care Agency.  Mon’n reponn enn sa mesaz, mon pa kapab reponn tou.  Mon anvi fer kler pour manm piblik deor – sa legzersis pou defer sa vot ozordi, ti zis pour nou kapab ganny en klarifikasyon ant sa deba ki’n lev-e ant Renesans avek AMSA e rol Minister Lasante.

Sizyenm Lasanble Nasyonal i pa la pou blok progranm Gouvernman oubyen pou blok okenn Bidze.  Responsabilite sa Lasanble, se parey le 2 Leaders in fer sorti, se pou rod sa ki meyer pour Pep Seselwa.  E vwala rezon ki nou ti fer sa deferment of vote.  I pa ti en blokaz me nou ti zis dir nou pou defer the vote.  E ankor mon dir, i pa enpakte lo Bidze 2018, me son lenpak i vin lo Bidze 2019.  Vwala sa ki mwan mon ti anvi dir – komanter.  Mon pou donn en dernyen parol Minis Adam, and then nou ava pran en vot.  Minis.

 

MINISTER JEAN-PAUL ADAM

Mersi bokou Mr Speaker e mersi tou bann Manm Onorab ki’n entervenir.  E premyerman Mr Speaker e tou bann Manm Onorab, mon apresye en kantite lefet ki mon war i annan sipor pour nou bouz pli devan.  E osi lo sa prosesis ki nou’n propoze pour met devan pour nou rezourd sa kestyon.

Mon ti a kontan osi profit lokazyon pou remersye tou dimoun ki’n anvoy mon – osi anvoy mwan diferan teks, diferan mesaz pou sipor sa ki Lasante pe fer.  E osi bann diferan dimoun ki’n eksprim sipor pour sa travay, sirtou bann travayer Lasante ki vreman devoue.  Zot montre bokou determinasyon e nou apresye en kantite sa bann diferan mesaz sipor ki’n vini atraver sa prosesis bidzeter.

Zis petet pour klarifye zis enn, de pwen petet ki’n lev-e atraver bann pwen ki’n sorti.  Premyerman pour nou fer kler se, dan sa konversasyon ki nou pou annan avek Renasense, se pour adres sa kestyon ki leve otour par egzanp, sa letid ki’n sorti e pour nou adres sa.  Me anliny avek bann prosedir, nou pa pou kapab zis ouver en lot Kontra avek en lot antite.   E mon krwar lespri ki nou tou nou konpran pour nou kler se ki, nou bezwen swiv bann prosedir dan en fason sistematik ki la pour bann rezon valab pour nou fer sir ki nou ganny en bon rezilta.  E se sa langazman ki ou’n met devan Lasanble ozordi.

Mon ti a kontan osi koz en pti pe lo parey Leader Lopozisyon in dir, ki i annan amelyorasyon ankor davantaz ki pe vini an term bann fasilite ki disponib dan Lopital.  E sa nouvo unit annefe i annan 16 nouvo lili ek son 16 nouvo masin.  E annefe sa lenvestisman in fini ganny fer – in pare.  Zis sel keksoz ki nou pe espere pou ouver se en dernyen travay par PUC lo son sistenm elektrisite.  Akoz i annan en pyes spesifik ki neseser ki zot in bezwen fer vini ki’n fer li ganny en pti pe retar pou ouver.

Me nou espere ki tre prosennman sa nouvo unit i ava kapab ouver pour nou kapab adres a enn fwa pour tou.  Nou apresye en kantite ankor enn fwa, Mr Speaker e tou bann Manm Onorab, pour sipor pour travay ki Minister Lasante ek bann diferan antite parey Lazans Servis Lasante i fer, pour nou ofer meyer servis posib avek pep Seselwa.  Mersi bokou Mr Speaker e mersi tou bann Manm Onorab e tou dimoun ki pe swiv nou deba.  Mersi.

 

MR SPEAKER

Mersi Minis Adam.  Bon, nou’n ariv en pozisyon pour nou pran en vot pour Health Care Agency lo en sonm R878, 859milyon, ki form par sa Schedule e ki trouve lo paz 442 ziska paz 450.  Mon demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  24 Manm in vot an faver e personn kont.  Mersi.

 

MR SPEAKER

Mersi Madanm Deputy Clerk.  Savedir Bidze 2019 pour Health Care Agency in ganny aprouve par Lasanble Nasyonal.

Bon, avek sa mon ti a kontan remersye Minis Adam avek son lekip – CEO, Dr Louange, Special Advisor, Dr Reginald, Personal Assistant, Mr Vidot e Ms Bonne, Financial Controller.  E nou ava eskiz zot parmi nou – mersi.

 

(HEALTH CARE AGENCY DELELEGATION WAS EXCUSED FROM THE HOUSE)

 

DEPARTMENT OF PRISON

 

MR SPEAKER

Bon, PS Thesée ou ava gid nou lo prosen Minister avek Departman.

 

PS MR DAMIEN THESEE

Mersi Mr Chair.  Bonzour tou bann Manm Onorab.  Nou ava pran paz 105 pour Departman Prizon pour en sonm 93, 792milyon.  Mersi.

 

MR SPEAKER

Mersi PS.  Bon, mon ti a kontan dir en bonzour spesyal e welcome parmi nou Minis Dezinyen, Mrs Macsuzy Mondon – ki akonpannyen par Sirentandan Prizon, Mr Raymond St Ange, Chief Inspector, Mr Sam Dodin e Financial Controller  Mr Stephen Victor.  Bonzour e ankor enn fwa welcome parmi nou.

Nou ava al direkteman lo bann Manm ki oule entervenir.  Nou a komans avek Onorab Regina Esparon.

 

HON REGINA ESPARON

Mersi Mr Chair.  Mr Chair, mon ti a kontan port latansyon Minis lo paz 105 – anba ‘current challenges’, enn zot defi se ki official safety and security i ganny konpromi par mank training.  E lo paz 106 – anba ‘strategic priorities’ pour 2019/2020, zot in mete ki zot pou amelyor sekirite ek kapasite kot prizon – kapasite imen kot prizon.

Dan bann detay – anba ‘office expenses’, i annan en logmantasyon, sorti 7, 422milyon pou vin 9, 197milyon – ki montre en logmantasyon 1, 775milyon.  E anba ‘security and enforcement ‘– dan detay ankor, i annan en rediksyon sorti 16, 311milyon pou vin 14, 085milyon – en rediksyon 2, 226milyon.

Mon ti a kontan en lesplikasyon e pou demande si dan sa Bidze – nou pe koz Enforcement la ek Security ki’n redwir.  E nou pe koz nou bezwen plis kapasite pour bann travayer prizon.  Eski i annan dan sa Bidze, larzan ki’n ganny mete pou train bann gard prizonnyen pour ki zot vin pli efikas e zot delivre – donn en bon servis?  Mersi Mr Chair .

 

MR SPEAKER

Mersi Onorab Esparon.  Mon ava donn laparol Sirentandan Prizon – Mr St Ange.

 

SUPERINTENDENT RAYMOND ST ANGE

Mr Speaker, mersi bokou.  Mersi bokou Onorab pour ou kestyon.  Mon kapab konfirmen mon a pas laparol avek Chief Inspector Sam Dodin, mon Program Manager lo kote Finans, larzan i la pour training.  Aktyelman la, training depi sa semenn in komanse, kanmenm nou dan 2018.  Nou’n fini komanse avek en lekip sekirite.  And nou konsyan ki nou bezwen improve e nou pe improve.

Mon a demann Chief Inspector Sam Dodin zis pou klarifye ki mannyer nou’n account pour sa bann sif ki ou’n nonmen Madanm Onorab.

 

MR SPEAKER

Mersi Mr St Ange.  Mr Dodin.

 

CHIEF INSPECTOR – MR SAM DODIN

Mersi Mr Chair.  Mersi Onorab pour ou kestyon.  Zis pour klarifye ki Security Enforcement anba vot ki nou pe vwar i selman pou pey bann saler bann travayer etranze.  I pa en konponan training fees, be selman pou pey saler bann travayer etranze.

Me parkont, ‘’training, anba ‘provisional expenses,’ nou annan bann vot ki’n ganny allocate anba diferan program areas.  Nou annan larzan pou training separe avek ‘security enforcement’As for ‘office expenses’, i annan bann nouvo eleman ki nou pe entrodwir pour – ki tonm anba voting ‘office expenses’ ki pe ganny kouver.

Parey nou bill delo ki nou’n fer antre apepre 200ekek mil Roupi pou kapab kouver utilities pour delo.  E osi bann – nou annan anba ‘cleaning expenses’, nouvo eleman servis Kontra pour netway prizon lo en baz quarterly.  Se pour sa lo kote ‘office expenses’ i annan increase anba office expenses.  Mersi.

 

MR SPEAKER

Mersi Mr Dodin.  Onorab Esparon.

 

HON REGINA ESPARON

Mersi Mr Chair.  Zis en klarifikasyon mon ti a kontan demann Financial Officer la – si sa rediksyon ki zot pe – ki zot in gannyen dan sa ‘security and enforcement’ i vedir zot annan zot less travayer etranze kot prizon e zot pe empower pou ganny plis travayer Seselwa?  En pti lesplikasyon silvouple.

 

MR SPEAKER

Mersi.  Mr Dodin.

 

CHIEF INSPECTOR – MR SAM DODIN

Lenformasyon – mersi Mr Chair, lenformasyon korek.  Lo kote recruitment bann travayer etranze i reste parey across the board – depi ler nou annan zot la.  Nou napa lentansyon increase travayer etranze.  E lo kote lokal, yes, dan Bidze i annan provizyon pour nou recruit en pti pe plis travayer lokal lannen prosenn.

 

MR SPEAKER

Mersi Mr Dodin.  Mr Saint-Ange.

 

SUPERINTENDENT RAYMOND ST ANGE

Mr Chairman, mersi bokou.  Pour azout lo la Onorab, ki nou lentansyon parey Chief Inspector in dir, se pour increase local manpower, local capability, ability.  Zisteman nou annan en meeting ki nou’n prevwar avek mon counterpart Tanzania, pour akse zot Prison Academy laba.  E mon pou ekrir en not atraver mon – avek – atraver Minis Dezinyen, pour envit li.  Sa ki’n ganny koze avek li le 1 Me akoz dan nou MOU i annan sa lyen country to country lo sipor ki Tanzania pe donn nou sa 20 – sa 33 zofisye, nou’n fer vini 20.  Be nou anvi akse zot Prison Academy for basic prison academic training avek bann nouvo recruit ki nou pe – nou pou angaze pou recruit isi locally.  Mersi.

 

MR SPEAKER

Mersi Sirentandan.  Onorab Philip Arissol.

 

HON PHILLIP ARISSOL

Mersi Mr Chair.  An vi ki servis prizon i servi klinik Anse Boileau pou anmenn bann prizonnyen ki malad.  E sa i kontinyelman koz difikilte pour bann zabitan sa distrik e osi bann staff Minister Lasante, eski i dan plan Lotorite Prizon pou rod finansman pou agrandi zot prop klinik?  Mersi.

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

Mersi Mr Chair.  Onorab, mersi – en bon kestyon.  Nou osi nou realize pour lo kote sekirite i en problenm pour nou osi, pour toulezour ler i annan en kondannen ki deklar li malad – ki nou bezwen kontakte dokter lo call.  Nou war li en problenm.  Normalman dan en prison setting, nou pa devret pe fer sa.  So – menm yer nou – dan Cabinet, nou’n met en prezantasyon – en proposal avek Cabinet ki nou ti’n diskit avek Minis Dezinyen pour nou al 24 lo 7 nou klinik nou menm dan prizon – nou pe agrandi avek Minister Lasante.  Nou pe bouz klinik kot Montagne Posée, nou pe met en lo landrwa dan campus menm.  E ler nou ti – ler mon ti Tanzanie, mon ti profite pou koz avek the prison service laba.  E zot annan bann nurses ki qualified, ki trained prison warden an menm tan zot nurse – they are nurses actually.  E zot pare pour vin isi e nou pe gete si nou kapab ganny en langazman 3 – 4 nurses, enkli lasistans en lot dokter, pour nou bouz nou loperasyon klinik kot servis prizon anler Montagne Posée 24 lo 24 lo 7 – 7 zour.  Mersi Onorab.

 

MR SPEAKER

Mersi Sirentandan.  Onorab Arissol.

 

HON PHILLIP ARISSOL

Eski nou kapab ganny en dele letan apepre ki kantite letan i kapab pran?

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

Mr Chair – mersi pour ou kestyon Onorab.  Aktyelman sa keksoz ki – CI, mon ti dir o pli vit posib?  So, wi, nou’n fini fer interview.  So, dan nou Bidze la aktyel nou pe get petet fer 3 vini.  Mon ti anvi fer zot vini lafen Oktob, nou’n ganny serten delay.  Mon’n koz avek Inspector Jeffrey ki seconded avek nou – i mon tour IC kote rezidansyel kot Montagne Posée.  In fer contact avek son Headquarters pour met pare sa 3.  So, o pli vit posib nou ganny clearance avek Minister Lasante, avek Nurses Council osi – nou pe fer sir ki keksoz i annord.  Nou kapab dir Desanm – lafen Desanm zot pe – zot pou bezwen arive oubyen first week of January.  Mersi Onorab.  Mersi Chair.

 

MR SPEAKER

Mersi Sirentandan.  Onorab John Hoareau.

 

HON JOHN HOAREAU

Mersi Mr Chairman.  Mr Chairman, premyerman mon dezapwente pou tande poudir i annan – zot bezwen rod Lazans pou netway prizon, kan i annan prizonnyen ki kapab netway son prop prizon.

Mon kestyon i lo smuggling of contraband.  E dan zot ‘new spending proposal’ la – ‘initiative’, mon war i annan 931mil ki’n ganny mete pour, plizoumwen pour camera avek jammers.  Me keksoz pli esansyel ki bokou fwa tou dimoun in koz lo la set en scanner.  Mon oule konnen si i annan okenn provizyon elsewhere pou rod en scanner pou kapab scan dimoun?

Dezyenmman, mon lot kestyon i lo Scheme of Service.  Mon war i annan 2milyon ki’n ganny mete pour Scheme of Service.  Mon ti oule ganny en pe detay lo kwa bann keksoz ki bann gard prizonnyen pou gannyen deplis, pour ankouraz zot pou travay dan louvraz en pe difisil?

Trwazyenmman, mon ti a kontan konnen ki bann nouvo mezir sekirite – zot pe anforsi pour ki bann par egzanp, ladministrasyon prizon i ganny trouve dan en open prison – dan prizon li menm, dan prison compound.  Ki bann nouvo keksoz ki zot pe al met an mars pour fer sir ki dan sa kote sivilyen ki vin travay dan ladministrasyon pa ganny kontak avek bann prizonnyen ki dan open prison?  Mersi.

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

Mersi Mr Chair.  Bann bon kestyon Onorab – mersi bokou pour sa bann kestyon.  Premyer keksoz ki mon anvi dir ki mon dakor avek ou.  Cleaning of the prison should be done by prisoners.  E nou, nou annan en plan pou fer training avek zot.  Dan lepase nou’n war ler nou bann – donn zot prodwi la, zot servi prodwi kont kanmarad – bleach, eksetera, eksetera.  I annan en kontrol nou bezwen mete an plas.

So, nou bezwen an menm tan nou realize ki gran prizon, middle prison i annan en problenm hygiene, i annan kondannen ki antre dan sistenm, zot byen zot.  Zot konn benny byen, zot konn isi laba.  Selman i annan kondannen osi ki annan problenm avek zot, zot prop hygiene i pa la.  Nou bezwen konmsi re-train sa bann dimoun.

So, anmezir en keksoz tanporer ki nou’n fer, nou’n angaz nou avek en Lazans ki pe netway bann kaso Lapolis aktyelman, pou fer 3 netwayaz.  Nou’n fer enn dan lakwizin ki en bon pe letan pa’n ganny fer.  Nou’n fer enn akoz nou osi nou ganny vizit avek Lasante.  I vini i vin vizit nou la.  Nou’n fer enn lo ground floor prizon, enkli bann kabinen, shower, eksetera.  La nou pe al lo dezyenm – i pa nou lentansyon ki nou pou kontinyen sa.  I en keksoz tanporer ki nou pe fer.

E nou lide avek nou Health and Safety Unit ki nou’n met an plas depi Zanvye, se pou avek bann Section Leaders – bann kondannen zot menm, fer netwayaz anndan.  Aktyelman netwayaz avek kondannen pe aktyelman pe arive la – nou pe penn partou anndan bann nouvo, zoli kouler.  E mon envit ou pour vin gete en zour si ou anvi.

Lo kote kestyon sekirite avek ladministrasyon – wi, mon headquarters i lanmenm la sirplas dan milye.  Pa dan milye, be dan campus Montagne Posée.  E aktyelman la, nou’n fini fer – nou’n fini konplet nou in auto perimeter fencing avek bann access gates control points ki fini an plas.  La nou pe bouz lo outer perimeterSo, ki ou pe war?  Dan lepase, ler kondannen i kit gran prizon oubyen SIU, i annan kase direk ek ladministrasyon.  Sa i nepli le ka – in fini arete sa.  E dapre nou plan, nou pe al adres sa sekirite kot lakwizin avek mess area – kot kondannen pe manze la aktyelman.  E nou pe bouz anndan dan Male Block.  Nou pe re-etablir plis kontrol e plis prezans gard atraver bann Tanzanian ki’n la.

Dan lefitir, nou annan – nou pe bouz nou gate sekirite No 1, ki petet ler ou mont Montagne Posée, ti vreman pros avek block holding facility, kot i annan kondannen avek Female Block.  Apartir le 30 Novanm, nou pou’n fini bouz nou primary security gate anba – pli anba.  E nou’n fini enstal primary lighting lo semen, nou’n met CCTV kot ti napa.  Savedir tou viziter, enkli mwan, ler mon vini mon bezwen park an deor lwen e mon bezwen mars anler apye.

I pa en gran zistans, me selman mon krwar i pou en mezir ki pou ed nou pou blok en pe – pou aret en pe sa bann infiltration avek drog, ki parfwa i antre menm avek ler dimoun i vin salte, anmas salte, oubyen menm suppliers, oubyen menm vizit fanmir osi – so nou pe redwir sa.  Sa nouvo gate pou aktyelman o-bor nou nouvo search facility ki devret pe komans any time now – pe al tender.  Mon a les Chief Inspector clarify sa.

Lo kote scanners – wi, nou annan lentansyon, nou pe koz avek plizyer lakonpannyen.  Nou pe get o pli vit posib pou aste bann hand-held scanners ki lo marse, ki bann servis i servi – bann servis prizon i servi.  Mwan mon menm mwan mon’n war ler mon ti avek delegasyon ki nou’n ganny envite UNODC pou al l’Espagne.  Mon’n al vizit Madrid Prison No.4.  I annan 1600 kondannen ladan e zot servi plizyer fason mezir sekirite enkli hand-held scanners ki detekte mobile avek drog – drog heroin, cannabis, that’s the 2 primary.

Lo kote sekirite osi, mon krwar petet zot in war, an Zen -Zilyet nou ti met expression of interest lo re-establishing nou K9 UnitK9 Unit savedir Contraband for drugs and mobile detection; guard dogs – akoz nou pe re-intensify nou perimeter security.  Mon ava eksplik ou sa ki nou pe fer e an menm tan tracking dogs.

I ti annan en assessment la pe ganny fer avek Lapolis lo capability of the Police Working Dog Unit. An menm tan zot pe ed nou ler nou bezwen lasistans.  Parfwa zot tro busy, nou pa kapab fye lo zot 100poursan.  So, that’s the reason mon’n ganny permisyon avek Minis Dezinyen pou re-etablir nou K9 Unit.  Nou’n fini fer – hire detrwa zofisye lokal ki annan leksperyans.  E nou lentansyon se pou met – re-etablir zot dan nou K9 Unit anmezir nou kot avek UNODC pour re-launch nou – en proper K9 Support Unit ki pou ed nou lo perimeter avek searching of staff oubyen viziter, oubyen supplies ler zot antre dan kan prizon.  Mersi Onorab.  Mersi Mr Chair.

 Minis Dezinyen pe remind mwan Scheme of Service – wi, nou’n annan 2 pwen – R2milyon.  Nou osi nou recognise ki en konpetisyon i feros.  I annan Lapolis ki pe improve; i annan SPDF ki pe improve, i annan SFSRA ki pe improve, be oli servis prizon?  Nou osi nou bezwen improveSo, nou an diskisyon avek DPA pour re-get e revwar nou Scheme of Service.

Konsiltasyon pe ganny fer bottom up down – from management down and employees up.  Nou fer meeting, nou pe pran bann advice, bann sizesyon ki travayer zot menm pe anmennen, nou pe rikord tou keksoz.  Mon annan en Chief Inspector ki pe ansarz sa prosesis.  Nou’n fer 3 – 4 meeting avek DPA e mon kapab konfirmen ki an Zilyet, nou allowance – akoz nou rekonnet osi i annan travayer prizon ki an direct contact avek kondannen, ki li menm li son risk i en pe pli high, son allowance pou ogmante.

Sa enn zofisye ki dezyenm chair ki pe travay dan ladministrasyon, li osi i pou ganny en allowance ki pou monte as well.  Be not as high as the primary Custodial Officers.  Sa i en keksoz ki tou bann – ler nou’n war servis prizon dan lemon i fer sa, so – be nou anvi as well e nou in discussion, pour nou improve nou basic salary as well.

An menm tan, zis mon anvi azoute Mr Chair – Onorab, ki nou pe koz avek plizyer- nou’n koz avek enn.  Nou pou koz avek sa bann lakonpannyen ki lokal la, lo Lasirans pour travayer as well ki nou pe fini koz – komans koz avek zot lo la.  I annan enn ki’n vin devan avek serten prodwi e nou pe met sa an konsiderasyon avek nou staff. Mersi bokou.

 

MR SPEAKER

Mersi Sirentandan.  Mr Dodin, ou ti oule dir keksoz brefman?

 

CHIEF INSPECTOR – MR SAM DODIN

Yes.  Mersi Mr Chair.  Zis mon ti pe al azout en pti pe lo sa ki Sirentandan ti pe diskit lo la in terms of Scheme of Service.  Be lo sa nouvo inducement allowance ki nou pe al entrodwir an Zilyet.  Be in al en pe – in donn en pe detay lo.

Zis pour larepons Onorab – wi, dan Bidze lannen prosenn, anba Upgrading of Security Equipment, nou annan en provizyon 500ekek mil Roupi pou aste 2 sistenm scanning e nou pe vwar bann model.  Me nou’n war bann konsep, me nou’n met sa provizyon baze lo bann pri ki nou pe vwar.

Be selman nou ankor an diskisyon pour nou epi lans sa prosesis pour nou purchase.  Me selman dan Bidze lannen prosenn anba ‘upgrading of security equipment’, nou annan provizyon pou aste 2 sistenm scanning pour servis prizon.

 

MR SPEAKER

Mersi Mr Dodin.  Onorab Gervais Henrie.

 

HON GERVAIS HENRIE

Mersi Mr Chair.  Mon kestyon i tourn otour lekonomi ki nou kapab fer vizavi Bidze prizon.  Ler  nou pe get bann servis par egzanp, laundry, koleksyon salte, liniform, netwaye, mon anvi konn en plan konkret ki Lotorite Prizon i kapab met an plas, pour ki prizonnyen zot menm, zot rann – zot fer sa bann servis pour ede koup kou.

Me pli enportan i konsern popilasyon prizon.  E sa mon krwar i pou en kestyon en pe Polisi.  E vizavi vizyon Gouvernman, eski nou pou zis kontinyen provide prison bed, fer provizyon pour ki nou kapab anprizonn plis dimoun?  Ouswa nou lobzektif Nasyonal koman en pei, se redwir popilasyon prizon?  Ki bann progranm ki nou fer avek bann zanfan pour zot war sityasyon prizon e pa reve al laba?

Ouswa bann dimoun ki nepli en danze pour sosyete, pou larg zot.  Ouswa bann ki en pe mantalman malad, pa kit zot laba tro bokou letan.  Ouswa menm bann ki kondann telman pti gin letan – 3mwan, 6mwan, akfer anvoy zot dan prizon?  So, en pe sa – rediksyon popilasyon prizon, apre koup kou dan serten servis ki prizon pe servi.  Mersi.

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

Mr Chairman – Onorab mersi bokou pour ou kestyon.   Lo kote kou – wi, nou osi nou realize ki nou kapab redwir, nou kapab improve, nou kapab vin pli efficient.  Aktyelman la, hopefully within the next 3 weeks, finalman nou pou ganny nou santral laundry service ki nou pou met an mars, ki’n la 3an pe asize.

So, nou ti ganny plizyer kotasyon pou fer fini.  So, hopefully sa tender process i ava fini akoz nou bezwen depans sa larzan avan lannen fini.  E lide se, nou santral laundry, prizonnyen li menm ki pou fer laundry service – madanm avek bann msye kondannen.  Pou netway tou nou bann laundry, nou bann keksoz an plas kot Montagne Posée.

Deza nou pe ganny vizit lekol, nou’n ganny 3 la.  Nou’n ganny demann ankor, mon krwar LAMP pou vin vizite.  I annan kondannen li menm, i annan LIFERS ki’n vin devan pou koz avek zot.  Nou ti annan en bon vizit 2 semenn pase avek English River – secondary school ki ti vini, nou ti remersye zot.  Nou ti annan en problenm lo la – 2 group zenn – Gangs – ki’n formen ki pe lager kont kanmarad, ki’n mont anler avek zot mis.  Nou’n demann permisyon, mon’n ganny permisyon avek Minis Dezinyen pou envit zot dan nou nouvo meeting room.

E mon ti annan 8 kondannen – ladan ti annan 3 lifers for murder, enkli assault and other.  But all of them are compliant inmates ki zot pe partisipe dan nou progranm reabilitasyon Proze Phoenix.  E nou lentansyon se pou agrandi sa. Mon annan en Recruit Unit ki mon pe al etablir e Chief Inspector Dodin pou ladan, ki nou anvizaze al dan lekol pou fer 2 keksoz – rod nouvo dimoun pou konsider en karyer servis prizon.

E an menm tan, senm sa mesaz ki ou devret reste en sitwayen konkret dan ou fanmir.  E kontribye pozitivman dan lekol, fer ou studies, sorti byen e kontribye pour pei.  So, sa – se sa lide deryer sa progranm.  Tou le Vandredi nou annan en meeting – mon annan en meeting management ki nou pe diskit ki mannyer nou kapab par egzanp – improve nou delivery service lo kote manze.

So, ler nou improve nou lakwizin lannen prosenn, lide se pou petet koz avek bann – met en expression of interest pour outsource sa servis ki nou pe fer.  Nou, nou krwar avek sa larzan Bidze ki’n ganny aprouve dan 2018 ki nou kapab improve sa kalite manze e save en pe larzan osi.  Mon krwar mon reponn tou kestyon.  Mersi Onorab.  Mersi Chair.

 

MR SPEAKER

Mersi Sirentandan.  Onorab Henrie.

 

HON GERVAIS HENRIE

Wi, 2 pti follow-up baze lo larepons.  Dan zot bann performance indicators, mon pa vwar li – spesifikman lo sa zafer redwir popilasyon prizon.  Eski – si dan dokiman Bidze la napa, eski i annan somewhere en plan dan Gouvernman pou dir, be baze lo lakantite prizonnyen ki nou pe annan par an, o fir amezir nou oule ki sa i redwir?  Sa i enn – eski i annan par la en plan?

E dezyenmman, konbyen i pe kout tax payers pou gard en prizonnyen dan prizon par zour?  Eski in annan en legzersis pour zot konnen?  Mersi.

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

Mr Chairman, mersi.  Ankor enn fwa mersi Onorab pour ou kestyon.  Lo rediksyon popilasyon – wi, nou’n koz avek par egzanp, UNODC – en partner kle pour nou.  Zot in fer estimate ki dan popilasyon Sesel avek bann krim ki pe arive – ou mazin byen, i think 2 years ago, nou ti apepre 800/900 dimoun apre MODA in vini e sa in redwir bokou.  So, la nou apepre 400 average – 70 a 80 lo remandSo, nou plan se pou travay en pe pli pros avek bann remandees osi.

Be popilasyon aktyel convicted, nou pe tou le quart – nou annan quarterly meetings avek Chief Justice.  E an menm tan avek Departman Probasyon, ki tonm anba mon Departman la, nou pe travay byen avek zot.  Nou pe koz community service, pou koz avek Lakour pou dir bann ka – cases ki pa vreman danzere be selman i annan konviksyon, pa anmenn li dan prizon, donn li community service avek probasyon.  Aktyelman sa pe arive la.

Nou annan atraver sipor Minis Dezinyen, nou annan ‘license to be at large.’  Nou annan 9 kondannen ki’n sorti lo license – ki i annan 8mwan par egzanp, bann average ki zot santans in – i pe konplete.  Be selman zot in compliant dan prizon e zot pe aktyelman antre dan travay.  Nou annan en fanmir ki’n fek sorti – en madanm avek en msye, pour al angaz zot avek zot zanfan doer.  Nou’n fer sa akoz nou’n ganny sipor avek Minis, e zot rapor anndan i egzanpler koman en kondannen dan Proze Phoenix.

So, deza nou pe travay lo la.  E la par egzanp, si i annan en msye ki pe antre ki annan en court order pour pey en fine, oubyen pour pey son alimoni pa’n peye, nou met swa Coetivy oubyen direk dan lanplwa avek probasyon, pour li pey son bann fines.  So, la deza nou pe fer sa pou redwir.  Mon a pas avek Minis Dezinyen.

 

MR SPEAKER

Yes.  Nou ava donn laparol Minis.

 

THE DESIGNATED MINISTER – MRS MACSUZY MONDON

Mersi Mr Chair.  Bonzour Mr Chair, bonzour tou bann Onorab e tou bann dimoun ki a lekout.  Mr Chair, zis pour azoute pou dir baze lo kestyon Onorab, Minister Lafanmir pe osi fer serten travay kot i konsern bann dimoun ki pa pey alimoni e ki ganny kondannen par Tribinal pour zot al dan prizon.

I annan serten travay ki zot pe fer pour a lavenir pour nou kapab annan lezot alternativ pour sa bann dimoun parey, pour zot pa bezwen ganny kondannen dan prizon zis akoz zot pa’n pey alimoni.  Donk, mon mazinen byento sa progranm i ava ganny met an plas.  Mersi Mr Chair.

 

MR SPEAKER

Mersi Minis.  Mr Dodin.

 

CHIEF INSPECTOR – MR SAM DODIN

Mersi Mr Chair.  Zis pour kestyon Onorab konsernan tax payers – en senp legzersis atraver Bidze propoze pour lannen prosenn.  Si nou zis pran sa Bidze nou diviz li par kantite prizonnyen aktyelman ki nou annan; par lannen i kout 240mil ekek par prizonnyen pour lo kote Bidze.

E si menm kantite popilasyon, menm Bidze, nou tir kekfwa bann proze – bann gro proze parey nou dir – Kapital, i kout apepre 218mil.  E si ou tir saler staff, ou kit zis bann parey nou dir, ‘goods and services’ direkteman avek bann prizonnyen, i kout 148mil par lannen.  E of course si nou anmenn li par mwan e par zour i desann.  Si nou pran Bidze total e nou met li par mwan, sak prizonnyen anba sa Bidze i annan 20mil ekek Roupi.  E par zour i annan R668 par zour lo sa Bidze ki nou pe propoze pou lannen prosenn.

Tir tou proze anba sa Bidze – menm Bidze, e osi tir kekfwa saler staff.  Me selman nou konnen poudir en staff i la akoz sa prizonnyen i la.  Me selman pour nou get en pti pe bann sif ki tale devan nou – sipoze avek saler staff lo sa Bidze ki nou pe propoze, i pou kout nou par mwan R12mil pour maintain en prizonnyen e par zour 400ekek Roupi.  Mersi Mr Chair.

 

MR SPEAKER

Mersi Mr Dodin.  Onorab Waven William.

 

HON WAVEN WILLIAM

Mersi Mr Chairman.  Mr Chairman, mon ti a kontan demann sa bann kestyon swivan.  Mon pe demande ki mannyer mon pou adres, Superintendent?

 

MR SPEAKER

Wi.  Sirentandan Prizon.

 

HON WAVEN WILLIAM

Wi.  Sef Sirentandan Prizon, mon anvi demann sa kestyon swivan.  Eski Sirentandan i krwar poudir nou’n met tro bokou lanfaz lo Drwa prizonnyen ouswa lo responsabilite?  Akoz letan mon pe ekout ou koze, Chief Superintendent, mon vwar ou a krwar poudir i annan en de-balans ant drwa prizonnyen avek responsabilite.  Ki anmenn mwan lo sa komanter ki ou’n fer ki ozordi nou bezwen donn training pour zot pran ka ek zot prop lekor.

E mon lot kestyon se ki, si ou kapab dir mwan – letan en gard prizonnyen pe travay e i sibir en serten lensidan dan – kot i pe travay, konbyen letan i pran pour li ganny son konpansasyon vizavi domaz personnel ki in gannyen dan son travay?  Akoz mon annan en ka ki pe drag depi 5an, menm 6an – i pa ankor kapab ganny son dues.

Epi letan mon pe get lo kote ou progranm rehabilitation, mon anvi konnen – par egzanp, mon vwar poudir i annan apepre en 9 progranm.  Si ou ti kapab dir nou en pti pe akoz mon santi poudir i annan en pti pe dekoneksyon letan sa prizonnyen i sorti, sa swivi dan sosyete, dan kominote.  Konmsi mon vwar poudir malgre nou ganny dir poudir i annan bann Lazans ki pe swivre, mon santi poudir i annan en pti pe dekoneksyon.

Finalman, mon anvi konnen – konbyen travayer etranze nou annan?  Ki kantite larzan nou pe depanse pour zot lozman?  E dizon par egzanp la, eski ou santi poudir avek sa bann travayer etranze, nou pe ganny en pli bon rannman ki oparavan letan nou ti napa zot?  E ki kalite – mon kapab dir, training – ouswa parey nou pe dir, lekel – eski nou bann Seselwa pe atase avek zot pour kapab aprann en pti pe an plis?

E finalman, sa kantite ki ou pe donn sa bann travayer etranze la, zot pa krwar poudir si nou ti kapab donn apepre en lanmwatye ouswa trwa kar, ki enkli son package housing, ensidswit, son bann allowance, sa Seselwa – an menm tan ankouraz lezot pou vin zwenn sa lafors, ou pa krwar petet bokou Seselwa ti ava vini pou kapab zwenn sa Lafors?  Pou travay avek Lafors prizon?  Mersi.

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

Mr Chairman, mersi bokou.  Onorab, mersi pour ou kestyon.  Mon a reponn lo kote ler en zofisye prizon i ganny blese.  Wi, i tro – i annan en retar.  Sanmenm sa an Zanvye mon ti met en Health and Safety Unit an plas akoz Health and Safety kot – dan servis prizon pa ti pe egziste.  I enportan.  Sa i fer – i tonm an liny avek training.  And mon konnen ou ka ki ou pe koze – sa zofisye. E finalman mon anvi konfirmen ki mon’n resevwar son let.  I pe – keksoz pe ganny adrese la.

Be 5an i tro bokou letan – mon dakor avek ou.  So, nou annan en prosedir an plas ki ler en zofisye i ganny blese or kek lensidan i arive, within 24hours you should be reported akoz i enportan.  Nou pa kapab aksepte ki en kondannen i lager ek en zofisye oubyen en zofisye i lager ek en kondannen, apre i annan blesir swa lo kondannen, swa lo zofisye.  I pa devret pe arive.

Lo sa ki konsern netwayaz avek bann drwa kondannen, nou pe fer sa akoz ankor enn fwa training – wi kondannen i bezwen responsab pour son landrwa seksyon anndan.  E dan lepase i ti pe en tro – i ti tro lib, kot en kondannen ti pe ganny keksoz atraver sistenm pour al fer netwayaz.  E nou war ki sa bann kemikal, whatever pe ganny servi.  Ok.  I devret kontrole sa akoz pli tar ou war ki en kondannen i servi sa pour – i servi sa bleach pour zet dan lizye dimoun, keksoz koumsa, ki ti’n arive dan lepase

So, i pour sa rezon ki nou pe – nou ti’n launch Mandela Nelson Protocols an Zilyet – Humane Treatment of Inmates atraver en sistenm an plas, prosedir ki nou pe met an plas ki pa ti la dan lepase.  E sa sistenm i internal – UN Convention ki depi en bon pe letan i la.  In ganny dedye atraver Nelson Mandela.  Komisyoner Sud Africain in fek vizit nou.  In felisit nou ki nou’n pran sa linisyativ.  E mon krwar sa progranm – sa proze pou mars byen.

A sa ki konsern etranze – zofisye, mon a les Chief Inspector Sam Dodin koz lo la si i kapab, apre mon a retourn lodetrwa kestyon ankor pou reponn.  Mersi Mr Speaker – Mr Chair.

 

MR SPEAKER

Mersi Sirentandan.  Mr Dodin.

 

CHIEF INSPECTOR – MR SAM DODIN

Mersi Mr Chair.  Lo kote etranze, parey dan Bidze parey mon’n mansyonnen oparavan anba ‘security enforcement’ ki nou pey nou saler pour bann travayer etranze.  E sa pour lannen prosenn, prozeksyon i anmenn nou pour apepre 14.1milyon, pour nou pey zot saler lo en baz monthly.

E pour le moman right now kot prizon, nou annan nou 75 – 75 travayer aktyelman.  E nou lentansyon se 82 dan sistenm by lannen prosenn.  Akoz nou quota ki nou – prozeksyon Bidze pour nou kapab recruit 82 – 75, akoz i annan ki Kontra in fini, zot in al lo vakans.  E pour le moman nou pe diskit either renewal ouswa son Kontra in fini, nou recruit nouvo.  Be selman Bidze i fer provizyon pour 82 travayer.  Mersi Mr Chair.

 

MR SPEAKER

Mersi Mr Dodin.  Sirentandan.

 

SUPERINTENDENT RAYMOND ST ANGE

Lo benefis zofisye etranze, nou war benefis – espesyalman ler bann prison warden sorti Tanzania.  Ler mon ti al laba avek konsiltasyon, avek koze ki nou ti gannyen, nou war menm problenm ki zot, zot annan – problenm contraband drog, mobile phones, eksetera, corruption – i la li.  L’Angleterre osi i la – nou fek ganny rapor sorti kot Ministry of Justice UK, pou eksplik tou bann keksoz, bann defi ki zot pe gannyen.  Out of 87 thousand inmates, ki bann problenm ki zot pe gannyen dan zot sistenm, enkli bann assaults eksetera.

Training;- nou annan en training manual ki nou pe devlope la.  Mon annan en Chief Inspector ki pe pran sa responsabilite avek en sub-Inspector ki sorti Tanzanian Prison Service, ki pe travay lo tou nou bann SOPs.  Akoz dan lepase nou ti mank SOPs – operating procedures.  Byensir ou pa kapab run en prison service san approved operating procedures, akoz sa i gid en zofisye ki mannyer pou reponn lo en sityasyon.

E nou war ler mon ti – ler nou ti ganny permisyon pou anmenn bann Tanzanians, mon ti dir avek mon staff lokal, bann Tanzanians avek 15an, 20an servis dan prizon laba, zot pe vin koman mentors, zot pe vin koman en led e zot pe vin koman trainers as wellSo, nou pe war sa i pe mars byen.  Ler zot ti ariv an – zot in komans le 9 a 10 Septanm, ozordi i le 22 Novanm, nou war bokou amelyorasyon.  Nou war bokou plis bann briefings ki pe ganny fer, nou war bokou plis kominikasyon entern, nou war bann rapor ki pe sirkile.  So, keksoz pe mars byen.

Eski i parfe?  Non.  Nou annan ankor kantite keksoz pour nou fer.  Nou’n launch training 2 zour pase, e sa training pe involve tou bann zofisye, lokal avek foreign, Tanzanian avek Nepali avek Seselwa pe fer sa training – zonm ek fanm.  Nou pe fer training lo ki mannyer pou handcuff, ki mannyer pou search, ki mannyer pou escort.  Sa bann keksoz pe ganny adrese lo en fason sistematik.

Lo kote imbalance – ou konnen lo Project Phoenix Onorab, nou bezwen la pou prepar en kondannen pour li kit prizon dan en fason ler i ti rantre, i pli pozitiv pour li.  So, training i annan pour sa kondannen.  Servis prizon petet dan lepase – pa petet, i vre ki in ganny kritike, ki zot dir ki kondannen i vini i asiz la, pa fer nanryen.  Me Project Phoenix i annan apepre en 20tenn proze/progranm ki i pe travay lo la – ki Welfare avek Probasyon ki pe fer sa travay, enkli Lagrikiltir; enkli nou pe al lauch electrical workshop – machine engineering, repar transpor, plumbing, eksetera.  Tou sa bann keksoz nou pe al fer anndan kot Montagne Posée, pou prepar sa kondannen ler i sorti, enkli avek travay avek SIDOL – Ledikasyon.  Sa pe mars byen.

Probasyon pe swiv kondannen ler zot sorti pou fer sir – espesyalman si zot lo license, pou fer sir ki keksoz pe – zot – kondannen pe swiv son bann – sa progranm travay.  E lo lenvestigasyon – Minis Dezinyen pe remind mwan ki an menm tan, en kondannen avan i sorti la, ouswa an menm Onorab, nou pe fer sir ki i annan en landrwa reste, e i annan en louvraz pour li antre ladan.  Se sa nou pe fer osi.  Mersi Mr Speaker.

 

MR SPEAKER

Mersi Sirentandan.  Onorab William.

 

HON WAVEN WILLIAM

Mersi Mr Chairman.  Mr Chairman, ankor pour met lanfaz lo lefe ki piblik i konsernen avek lakantite alokasyon Bidze ki nou pe donn seksyon prizon.  An sipor kestyon ki Onorab Henrie in lev-e taler pou redwir sa depans.  Lo sa bann travayer etranze la, eski ou annan en timeline pou phase out?  Akoz letan ou pe regarde, mon pa tro krwar poudir isi Sesel ou annan bann ex-soldiers, ex-zofisye Lapolis – nou annan bann dimoun lokalman.

Me ki ou pa’n dir mwan se ki, sa kantite larzan letan ou’n pran akomodasyon, ou’n pran tou sa zafer ou pe donn sa endividi etranze la, eski nou pe kalkile, be si nou ofer en pti pe plis nou bann Seselwa, pa krwar petet nou ava ganny dimoun pour kapab donn koudmen dan prizon?  Konmsi pour mwan i annan en pti pe – mon pa tro vwar vreman ki bor nou pe ale avek sa.  Toultan nou rod en leskiz pou dir – ‘be arr, nou pa pe ganny dimoun.’

Be selman, si nou pa pe donn en pti pe an plis akoz letan sa travayer etranze i vini, sa travayer Seselwa i gete li, in la li.  Me ou pa pe donn li sa incentive parey ou pe donn sa enn etranze.  So, eski zot pe balans en pti pe pou vwar ki nou kapab fer an plis?  Akoz pour mwan, mon pa tro krwar poudir napa dimoun ki anvi vini devan.

E an menm tan, nou annan bann zenn osi. Me si bann zenn lekol ozordi i konnen, be laba si mon la travay, vwala ki mon pou gannyen, vwala ki bor mon kapab arive, mon krwar nou kapab ariv en serten landrwa.  Mersi.

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

Mersi Mr Chairman.  Mon dakor totalman 100poursan avek Onorab.  E mon krwar lefitir pour Seychelles Prison Service i tre eksitan.  Akoz sanmenm sa nou pe travay e nou pe koz avek tou nou bann staff lo Scheme of Service, akoz nou bezwen regle sa, nou bezwen improve li.  E nou pou improve li akoz nou war i annan zenn ki pe tap lo laport e i ganny dekouraze akoz saler, kondisyon, eksetera.

Nou annan ase later – Vis Prezidan avek delegasyon ti’n vizit Montagne Posée 3/4 fwa.  Nou annan ase later Montagne Posée pou fer li en sant dan rezyon – ki mwan mon krwar, mon estimen pou vin No.1 dan rezyon si nou travay ansanm, nou fer li mars byen.  So Scheme of Service nou pe gete egzakteman, sanmenm sa mon anvi met en recruiting unit pour nou al dan lekol.  Minis Dezinyen in fini dir mwan, fer recruiting unit al dan lekol, rod sa bann manrmay ki anvi fer en karyer pour nou improve.

Plan aktyel, nou’n koz sa entern – nou, nou anvi redwir nou popilasyon foreigners – etranze, akoz nou war ki si nou fer en bon plan e nou get dan lefitir, within 2 to 3 years avek sa training, si nou nobou fer training avek Tanzania.  E mazinen osi, nou’n siny en Lagreman avek MOU, avek Maurice, ki anvi fer en Regional Training Academy as well, for higher level prison wardens, ki ou kapab atrakte e compete avek Lapolis, compete avek SPDF pour donn en meyer servis.

E rod en pli kalite dimoun pour vin en higher quality person pour vin travay whilst we’re upscaling nou bann zofisye aktyel, akoz sa i enportan as well.  Nou annan zofisye ki anvi don plis, mon krwar zot lentere i la.  E mon krwar nou koman en servis, nou devret fer tou pour atrakte Seselwa vin travay Servis Prizon Sesel.  Mersi bokou.

 

MR SPEAKER

Mersi Sirentandan.  Bon, i reste ankor 6 Manm lo mon lalis.  Mon sizere nou pran en Break e nou ava retournen 11.10, ok?  Nou a retournen 11.10 pour nou kapab fini avek Departman Prizon.

 

(BREAK)

 

MR SPEAKER

Bon, nou ava kontinyen nou travay avek kestyon pour Departman Prizon.  Onorab François Adelaide.

 

HON FRANCOIS ADELAIDE

Mersi Mr Chair.  Mr Chair, parmi progranm 3 lo paz – dir mwan en kou sa paz la.  Wi, i annan en progranm 3 ki ladan i dir Departman Prizon – 109, zot pe travay lo bann reabilitasyon petet apre pour donn dimoun sans pour zot re-entegre dan kominote.

Ler mon ti al vizit prizon, mon krwar apard ki Joe, mon annan 2 zabitan Baie Lazare mon krwar, en pe pli vye dan prizon – zot annan 15an montan.  So, dan sa progranm – sirtou pou anvoy sa bann dimoun kot zot, mon pe panse ki petet Prison Pardon Board – ki zot pou fer?  Ki petet zot bann progranm, sa Prison Pardon Board, pou fer sir ki sa bann – mon krwar i annan en protokol, ki en serten letan apre ler ou fer rekomandasyon, Prison Pardon Board i assess ou, then si ou meet kriter, ou soz.

Be solman, zot pe fer mwan konpran poudir i annan bann travay malis ki pe ganny fer e zot pa pe ganny sans pour zot – mon ti a kontan petet ou ti a eklersi nou en pti git lo la.  E petet re-get dan zot kad, sirtou sa bann zabitan sorti Baie Lazare, pour ki petet zot kapab ganny konsidere pou ganny en petet en pardon, menm en re-entegre dan kominote.  Mersi.

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

Mersi Mr Chairman.  Onorab, mersi pour kestyon.  Byensir mon konnen – mon kapab konpran i annan konplent ki vin devan, especially with bann kondannen ki la en pe pli lontan.  Mon panse nou ti fer meeting avek Pardon’s Committee avek permisyon Minis Dezinyen.  Nou ti fer meeting avek zot zis pour eksplik zot nou progranm travay e bann kondannen ki kapab pe akse progranm.

Byensir nou, nou krwar ki – wi – nou, nou krwar ki si en kondannen pe partisipe lo progranm, i compliant, i napa okenn rikord negativ kont li, i devret pe met son ka devan.  Sa en keksoz selman, i an deor kontrol prison service.  Si nou ganny en konplent avek – nou, nou menm nou kote management, nou pa pe pez okenn kondannen.  Mon kapab konfirm sa – nou pa travay koumsa, mwan mon pa travay koumsa.

E an menm tan, nou annan en Internal Committee as well, si i annan en kondannen ki par egzanp, mon ti’n mansyonn ‘license to be at large’ on a Prison Act.  Mwan menm mwan avek mon Komite, nou fer rekomandasyon atraver Minis – Minis ki fer dernyen desizyon.  Mon kapab dir – mon fyer pou dir pour lenstan Minis Dezinyen in siport nou 100poursan lo sa bann demann ki nou’n ‘licensed to be at large. ‘

So, si i annan en konplent byensir – an menm tan Msye Onorab, Ombudsman osi in vizit nou 3 fwa.  Kondannen li i free pou ekrir, pou kontakte Ombudsman atraver biro, oubyen pou ekrir en let – sa i arive.  I annan plizyer ka konplent ki’n pas devan mwan, ki mwan mon fer sir ki mon alert sa unit.  E nou fer sir ki sa let i al devan akoz kondannen li osi i pou swiv, i konn son drwa li – i pe swiv.  So, nou note sa.

Si i annan bann ka spesifik ki ou ti a kontan met dan nou latansyon devan, mon pa mind pou pran sa an deor sa meeting.  E nou kapab donn ou en update lo la atraver – si Chairman i permet sa.  Mersi Onorab.

 

MR SPEAKER

Mersi Sirentandan.  Onorab Jean-François Ferrari.

 

HON JEAN-FRANCOIS FERRARI

Mersi Mr Speaker.  Bonzour tou dimoun.  Mon ti a kontan demann 2 kestyon.  Mon premye kestyon i lo Health and Safety.  Mon pe demann sa kestyon Mr St Ange akoz nou’n ganny enn, de lensidan tre dernyerman e mon krwar tou piblik i anvi ki ler en dimoun i ganny kondannen, i – son lavi pa an risk.  Alors, mon ti a kontan konnen dan sa Bidze, si i annan okenn provizyon pour improve Health and Safety?  E ki mannyer zot pou organize?  Ki bann mezir zot pou pran pou fer an sort ki sa 2 standar i ganny asire?  Sa i mon premye kestyon.

Mon 2enm kestyon, i osi konsern reabilitasyon.  Nou konsyan lide ki – well, travay ki prizon in sey fer – well, servis prizon in sey fer pour donn en lot sans, en 2enm sans bann kondannen.  Apard bann lakonpannyen – enn, de bann lakonpannyen parey Land Marine ki pe travay avek zot –  ki sipor ki servis prizon pe gannyen avek lezot Departman Gouvernman pou re – pou fer re-insertion dan lasosyete pour bann prizonnyen ki’n fini zot letan oubyen ki lo Probasyon ou?  I annan en mo ou servi, mon pa konnen sa mo – be anywaylicense, vwala.  Sa i mon 2 kestyon silvouple.  Mersi.

 

MR SPEAKER

Mersi Onorab Ferrari.  Sirentandan.

 

SUPERINTENDENT RAYMOND ST ANGE

Mersi Mr Chairman.  Mersi pour kestyon, Onorab.  Si ou permet mwan, mon a pas kestyon lo kote Finans e ki nou pe fer Health and Safety.  Byensir mon annan en Health and Safety background mwan osi e ki i en konsern pour mwan.  Sanmenm sa nou ti – mon ti deklar an Zanvye nou ti launch our first Health and Safety Unit dan Servis Prizon akoz nou rekonnet ki i annan en Health and Safety issue lo kote staff byensir.

E an menm tan, nou annan en Health and Safety issue atraver kondannen.  And you’re absolutely right, kondannen i annan fanmir, sa fanmir i anvi war sa kondannen i antre byen, i kit byen.  So, mon ava pas – mon a demann Chief Inspector Dodin pour koz en pe lo laspe Bidze Health and Safety.  Apre mon ava dir ou enn, de keksoz lo Health and Safety avek sipor ki nou pe gannyen.  Mersi Onorab.  Mersi Chair.

 

MR SPEAKER

Mersi Sirentandan.  Chief Inspector, Mr Dodin.

 

CHIEF INSPECTOR – MR SAM DODIN

Mersi Mr Chair.  Mersi Onorab pour kestyon.  Lo kote finansman dan Bidze pour 2019, anyway laspe Health and Safety parey nou a konstate, i en eleman ase varye, ase gran lo li menm.  I kapab pran diferan dimansyon, diferan pozisyon.  I kapab Health and Safety lo kote – parey Sirentandan in eksplike, lo kote staff, e injuries, bann keksoz koumsa.  Health and Safety pour prizonnyen zot menm.  E bann diferan kod, bann diferan vot anba Bidze i adres diferan eleman an zeneral.

Me par kont, spesifikman, anba akizisyon ‘security of equipment’, i annan R250mil ki’n ganny mete pour aste bann lekipman ki relye avek Health and Safety.  Plizoumwen fire fighting equipment, bann fire hose, bann siny, exit sign, bann diferan lekipman.  Sa i lo kote lekipman lo Health and Safety.  Me selman parey mon pe dir, si kestyon i adres lo kote parey injuries, i napa en spesifik vot.  Me selman sa atraver training, i kapab determinen pou dir ki mannyer staff apros en sityasyon, ki i rezourd son kantite injury ki i kapab gannyen.  Bann diferan vot i adres sa lo son diferan oter.

Me selman par kont, spesifikman pour sa bann lekipman Health and Safety, i annan en vot 250mil spesifik ki nou’n mete pour 2019 ki adres sa.

 

MR SPEAKER

Mersi Mr Dodin.  Mon ava repas laparol avek Mr St Ange.

 

SUPERINTENDENT RAYMOND ST ANGE

Mersi Mr Chairman.  Mersi Onorab pour mwan jump in here.  Eski i ase?  Non.  Mon ti dir an Zanvye ki nou Health and Safety Unit i nouvo, and nou’n donn 1an pour nou ganny nou Health Management System accredited lo en nivo international.  So, 2019 byensir pou en travay pour integrate bann nouvo management systems an plas pou fer li real.

E pou vin devan ankor pour en – an 2020, pour adres bann keksoz.  Akoz nou annan par egzanp, an aging population of inmates.  Nou annan peron, nou annan hygiene issuesSo, i annan laspe man – mental health avek hygiene, lapse health.  I annan par egzanp, good eating dietary habits.  Tou sa bann keksoz nou pe pran, i pe tonm anba Health and Safety sa.  So, mon ava dir ki nou pe koz avek Minister Lasante lo digestion, nou pe koz sipor ki nou pe gannyen atraver Agency for Social Protection.  I ed nou ler kondannen pe sorti oubyen fanmir i ganny dan problenm.  I’m answering that part of the question ki ou ti demann mwan.

Be Health and Safety as well is vast.  It’s a big area ki nou annan bokou travay pou fer.  And also, travay i pa’n arete, i pe kontinyen.  I en nouvo keksoz ki nou pe fer.  E mon war ki nou Bidze – nou demann Bidze byensir pou agrandi en pti git.  Next year you will see an increase on the Health and Safety side.

But right now, nou focus as well is on security, ki tonm anba Health and Safety pou fer sir ki bann laspe sekirite, larepons, training, lentelizans lo kondannen ki petet pe al fer keksoz, ki nou ahead of the game – ki parfwa dan prizon li menm i difisil lanvironnman prizon.  Akoz si en kondannen i anvi fer en keksoz – aksyon, i pou fer li.  Nou, nou training i bezwen fer sir ki nou kapab respond pli byen ki sa.  Mersi Onorab.

 

MR SPEAKER

Mersi Sirentandan.  Onorab Ferrari.

 

HON JEAN-FRANCOIS FERRARI

Mersi.  Sirentandan, mon tann ou ler ou pe dir proteksyon lavi ek Lasante bann kondannen.  Mon ti a kontan – vi ki safety i en laspe en travay spesifik, i en travay spesyalize.  Si ou kapab re-asir nou poudir sa unit ki an plas, in ganny staff par bann dimoun ki annan leksperyans dan safety?  E ki zot pe ganny bann training regilye?  E ki zot pe ganny peye osi dan zot Lorganizasyon travay?  I rekonpans zot pour zot fer sa travay byen.

Dir nou sa akoz i enportan ki nou koman en Lasanble, nou asire ki si demen i annan en dife kot prizon, nou konnen poudir zot in ganny bann zouti pour zot kapab deal avek sa dife.  So, i enportan – e bann fanmir ki pe ekout nou deor, i enportan konnen ki si sa R250mil pa ase pour lekipman, ki zot pou bezwen kriye e fer bann demann ekstra.  E Gouvernman i ava get kote i kapab, swa source li an deor, swa ede ankor dan sa direksyon.  Mersi.

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

Mersi Mr Chairman.  Ankor en fwa, mersi Onorab.  Nou annan en inspector, he came in as a sergeant avek – i ti travay avek Bureau of Standard, SBS.  E dan nou Bidze pour recruitment next year, we have a place for – to recruit Health and Safety Officer.  Aktyelman la, nou’n annan en Fire Officer osi ki tonm anba Health and Safety Unit.

Mon met No. 1 priority se, all our firefighting stations to a standard.  Nou’n fer Fire Agency vizit nou 3 fwa.  Nou’n fer pti lesey pou get bann lekipman pour mont laba.  Nou’n met demann avek PUC, zot pe enstal 2 more fire hydrants ki ti manke.  We’re looking at our water supply sources.  All our areas are being maximize avek plis fire extinguishers.  Those are CO2, powder or water, fire blankets.

Training pe annan – mon annan sa Fire Officer ki la aktyelman nou ‘n transfer li, nou’n fer li en Fire Officer – avan nou ti napa.  I pe travay drwat avek mon Health and Safety Unit – i tonm anba sa.  And so, pour lenstan – apre nou pe ganny asiste avek Minister Lasante pou idantifye bann stretchers, bann wheelchairs si an ka i annan keksoz pour nou tir dimoun.  Advanced planning i enportan, i zwe en rol – you’re right.  And so, as we go along for the year, we have some manoeuvre pour nou tous dan bann Bidze maintenance – si nou bezwen fer en keksoz a laspe pour aranz en keksoz.

Par egzanp, nou pe fer – nou pe – pa pe tir peron.  Nou pe azout bann ramps pour bann dimoun ki annan bann problenm movement – so, sa i tonm par.  So, pour lenstan nou ok.  Be selman byensir avek plis evalyasyon, avek plis lizye lo nou travay, nou pou – mon krwar nou pou bezwen agrandi nou Bidze en pe lo – dan sa landrwa.  Mersi.

 

MR SPEAKER

Mersi Sirentandan.  Onorab Sebastien Pillay.

 

HON SEBASTIEN PILLAY

Mersi Mr Chair – bonzour.  Mr Chair, mon ti a kontan demann en kestyon spesifik an relasyon avek zot lenvestisman dan PSIP.  Anba sa progranm ‘custodial services,’ nou vwar poudir zot pe met provizyon Bidze pour en induction facility avek accommodation.  Eski ou kapab donn nou en pti pe plis detay lo sa 2 eleman please?

Anba zot PSIP, an se ki konsern ‘induction facility and accommodation’, i annan 2 provizyon Bidze.  Mon ti a kontan ganny klarifikasyon, en pe plis detay lo sa 2 provizyon.  Mersi Mr Chair.

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

Mr Chair, mersi.  Onorab, mersi pour kestyon.  Induction facility is en keksoz ki’n diskite enough now ki nou pe bouz lo la.  Dan lefitir, tou kondannen ki antre pou bezwen pas atraver induction facility ki pou devan nou processing.

Ler nou pou process en kondannen – swa madanm, swa msye, i pou pas atraver sa Induction Unit ki i pou war son counsellor, i pou ganny son tes medikal, i pou ganny son risk assessment, i pou ganny son hair cut – pour mwan i pa en problenm pour sa pour lenstan – i  pou ganny son haircut.  E i pou ganny en landrwa reste pour detrwa zour avan ki i rantre – swa i pou al dan low risk si nou assess li koman low risk oubyen dan medium risk, oubyen dan high risk.

Medium risk avek low risk, i annan Male Block ki nou pou diviz – segregate sa buildingLow risk facility li menm li i en separate facility ki nou pe order en special building ki en direct building sorti Canada, ki nou kapab mont li dan 9 zour.  E si nou bezwen tir li, bouz li, nou kapab fer sa osi.  E sa Induction Unit as well, pou annan parey mon’n dir, klinik.  Pou annan storage facility as well.

Akoz la ki nou war – akoz ler kondannen i antre, nou mank storage capabilities pour son bann personal belongings, pour nou met sa bann keksoz de-kote – i safe.  E ler i sorti, sa ki in antre avek, i sorti avek, akoz nou pe war konplent ler kondannen i antre apre ler i sorti i dir in met X i pe ganny Y – sa i arive.   I don’t tolerate that, be selman i arive.  So, we need a proper storage facility.  So, sa induction facility pou take care of that.

An menm tan, low risk facility i en nouvo konsep – le nou’n koz avek UNODC, zot dir nou, nou bezwen redwir nou popilasyon.  Nou bezwen tir zot dan gran prizon, met zot – separ zot dapre zot assessment, zot risk.  So, sa low risk facility ki pou lanmenm la lo campus Montagne Posée, nou’n fini idantifye nou site.  I pou en build – en fasilite 50 a 60 dormitory style.  E byensir bann low risk inmates pou annan plis privilez dan en sans ki sa bann kondannen dan medium risk oubyen menm dan high risk.  Mersi.

 

MR SPEAKER

Mersi Sirentandan.  Onorab Pillay.

 

HON SEBASTIEN PILLAY

Yes.  An sa ki konsern Accommodation, mon war ki i annan en provizyon anba ‘capital expenditure’ osi tou pour accommodation.  Eski sa i an liny avek sa low risk facility?

 

MR SPEAKER

Mersi Onorab.  Sirentandan.

 

SUPERINTENDENT RAYMOND ST ANGE

So – mersi Mr Speaker.  Onorab, wi sa proze byensir we are budgeting for this year and then some budget for next year akoz we have to order the building now.  Sa lakonpannyen in fer vizit – ti fer vizit ler nou ti pas devan National Development Committee pour zot konpran sityasyon, e zot in demann mwan pou rod kotasyon ankor pour plis fasilite pou gete posibilite.  So, wi i annan – si sa order i– dapre mon konpran pe – nou pe ganny – nou pe order sa building this year.  E nou a komans travay this year e finish li boner lannen prosenn – petet Zanvye /Fevriye.  So, by March it should be up and running – it should be commissioned.

 

MR SPEAKER

Mersi Sirentandan.  Onorab Clifford André.

 

HON CLIFFORD ANDRE

Mersi Mr Chair.  Mr Chair, mon pa ankor en pti pe asir lo sa zafer allowance.  Dan detay ‘allowance’ in sorti 4.9 i vin R6.8milyon.  E i annan en konsern vi ki mwan mon ganny sa privilez oubyen i mon devwar par ler pou mwan mont anler kot prizon.  I annan konsern ki’n ganny eksprimen, kot overtime i zis up to R1500.  So, si en prison warden i fer overtime ki par lao R1500, i pa pe ganny peye.  So, si nou pe met overtime e pa pe pey ganny fer, kote sa larzan pe ale? E akoz sa overtime i sa kantite?

Uniform i R1.36milyon.  Eski nou a pe koz uniform, lenz pour bann prizonnyen oubyen nou pe koz uniform pour bann warden osi?  E lekel ki pe fer sa bann travay?  Parey mon’n dir pour diferan Minister ki’n vin isi, elektrik mon war li i sibstansyel.  Eski la an vi ki SOP in dir nou – Superintendent of Prison in dir nou ki zot pe – i annan serten fasilite ki zot pe al fer.  Eski zot pa konsidere met solar panels lo sa bann fasilite pour ki i a redwir elektrisite ki bezwen ganny peye?

Lot se – mon’n tann li menm si mon pa ti la.  Mon ti anndan dan Lasanble, mon’n tann li pe koz lo zafer labi – kot si i annan en sityasyon koze, apre i ava take up the matter – en labi.  Me nou’n vwar lo medya sosyal kot ti annan labi – kot sa garson ki ti sorti kot bato ti brile e i ti pe ganny bate, grennen.  So, eski i annan continuous training – Bidze ki’n ganny mete, pour continuous training pou fer sir ki bann sityasyon parey pa repete e i pa kontinyen plito?

Fuel;- Mr Chair, i sorti 1.5 i vin – 1.1 rather, i vin 1.2.  Mon ti a kontan ganny en lesplikasyon lo la akoz mon konnen ki prizonnyen letan i pe desann Ankour i ganny anmennen par Lapolis.  So, Lapolis osi i annan en cost ki in mete pour fuel.  So, akoz sa fuel i sa kantite?  Mr Speaker, mon annan ankor en pe, mon kapab kontinyen demande?

 

MR SPEAKER

Non, i fer ou 5 kestyon mon krwar la.  E mon krwar nou pou aret lanmenm.  Sirentandan.

 

HON CLIFFORD ANDRE

Mon ti’n sey donn mon bann koleg.  Be zot dir mwan i en pti pe konpleks, zot ti a kontan mon demande.

 

MR SPEAKER

Non, nou pa pou kapab pran – donn en Manm en monopoli lo tou kestyon.  So, nou pou bezwen aret la – i annan en limit.  Sirentandan.

 

SUPERINTENDENT RAYMOND ST ANGE

Mersi Mr Chair.  Mon krwar next time mon a vini, mon a – akoz mon pe – so I don’t miss any questions.  Lo kote fotovoltaik, it’s a good question, i en keksoz – i en proze ki aktyelman ki’n komans 3an pase, Onorab – ki avan mon letan.  Selman mon pe fer sir ki avek UNDP-GEF Funding –  i annan en proze for photovoltaic and then low wat – energy efficient bulbs light apre brown water harvesting, rain water harvesting.  Tou sa bann keksoz in komanse 3an pase – pa’n zanmen fini.  So, nou pe al fini la; enkli bus shelter pour kote Au Cap/Anse Aux Pins e Anse Boileau ki nou pe azout lo la.

So, i – si nou fer sa, byensir nou pou apresye savings.  Nou annan en meeting avek zot byen.  Nou’n fek fer meeting avek zot ankor, avek Friends of Prisons by the way, sorry.  Mon a donn zot sa credit ki zot pe prove sa proze avek nou.  So, sa wi, nou pe follow- up akoz nou anvi achieve savings.  We cannot keep on spending the way we’re spending.  Sa i vre.

Lo kote labi, ou pe mansyonn kondannen – mon konnen sa rezo sosyal annandler mon konpran li.  Well, I try to – annandler mon osi I scratch my head.  Sa msye, en kondannen ki’n ganny anmennen Mahé pour li vwar son fanmir – son annual visit, dapre nou instructions, pour li war son fanmir.  Malerezman, gard pa ti eksplik li.  E mwan mon instructions, akoz i en high risk inmate, pou fer sir risk and ankle restrains ti lo li.

E si zot ti’n swiv sa, mon krwar sa lensidan – akoz kominikasyon i enportan.  Mwan mon war, si ou dir en kondannen – mon pe al fer A-B-C, sa kondannen i ekspekte sa – i konnen li.  I pou swiv – 99percent the time, i pou swiv dan mon leksperyans.  Si ou dir li A, apre ou fer D.  Ou pran li by surprise, i pou reziste.  So, malerezman sa keksoz in ariv, wi – nou pa toler sa, sanmenm sa nou pe fer training.  E training mon ti dir, training, training, training– nou bezwen bokou training.

3 zour pase nou’n komans en training e sa training pa aret la – lo ki mannyer pou manage en kondannen, ki mannyer pou restrain en kondannen, san bat li.  Akoz ou pa la pou bat en kondannen, ou la pou restrain li.  Ou bezwen servi serten lafors – not excessive force.  Si nou konplent excessive force, byensir nou pran sa serye osi, e mon anvoy tou sa bann keksoz ler mon ganny en konplent excessive force, mon fer sir ki my boss – The Designated Minister, i okouran.  Ok?

Akoz mon ekspekte ki i annan – mon osi annan Prison Advisory Board, ki nou pe travay very closely with, ki zot osi zot pou tap lo mon laport, mon annan Ombudsman; mon annan menm bann paran – mon ganny vizit paran ler zot tande, zot ganny lenformasyon ki zot garson, whatever, in ganny bate – zot call mwan.  So, nou annan en Open Door Policy pour sa.

Lo kestyon finans lo ‘allowance’, si ou permet mwan, Mr Chair – Onorab, mon ava demann Chief Inspector Dodin pour reponn lo la.

 

MR SPEAKER

Mersi Sirentandan.  Mr Dodin.

 

CHIEF INSPECTOR – MR SAM DODIN

Mersi Mr Chair.  Mersi Onorab pour kestyon.  Si nou pou retourn lo kote ‘allowances’ –vre in monte par – sorti 4.9milyon pou vin 6.8.  E sa i definitivman relye avek nou revizyon dan nou Inducement Allowance ki nou’n koz lo la boner, ki pou pran lefe Zilyet 2019.  Kot nou bann staff pou ganny en serten increase lo inducement – ki deza nou pe donnen, e i pou annan en increase.

E bann staff ki pe travay par rapor, pli direk avek bann prizonnyen, zot pou annan en lot increase ankor lo zot inducement; parey sirentandan in mansyonnen pli boner.  E pour sa i annan sa ogmantasyon dan ‘allowances’ ki relye avek Inducement Allowances.  As for overtime – overtime wi, pe ganny fer.  E tou le mwan nou rikord kantite overtime.  E par mwan apepre 50 staff i fer overtime.  E overtime par nou staff i ganny plizoumwen incur par bann escort duties ki ganny fer dan bomaten.

Avek minimum staff ki nou annan nou servi bann staff ki’n travay aswar, pour kontinyen lazournen ziska dan 11er pou kouver bann lapwentman.  Apwentman i vize pour al lapwentman medikal, dan diferan lokasyon.  I kapab Anse Boileau, i kapab Baie Lazare, i kapab Seychelles Hospital – i dan diferan lokasyon.  E osi i relye avek escort bann lapwentman – court appointment, ki sa nou annan bokou.

E sa overtime allowance i ganny peye lo en baz R1250 par 10erdtan ki ou akimile par mwan.  Vre parey Onorab in mansyonnen, nou santi poudir i en pe ba.  E vre letan zot in exhaust zot 10 hours, nou pa exceed – i pa monte.  E dan sa revizyon Scheme of Service ki nou pe fer, i deza pran konsiderasyon pour sa.  Nou kapab kit li parey pour 10 hours.

Si ou sot 10 to 15 – sa en konsep fair, nou ankor pe diskit sa SOS – 15 i sanze.  Par lao 15 pour al 20 – anyway, i tou depan en serten oter ki nou kapab les en dimoun travay overtime an prenon kont ki sa dimoun i bezwen repo li osi.  So, tousala i dan sa diskisyon Scheme of Service ki pe ganny go on right now, pour nou reviz sa overtime allowance.

Sa ki konsern elektrisite, wi i o.  Me parkont, being a prison setting, i pa bann domestic light ki nou servi.  Nou pe servi lalimyer ase pwisan, pour kit landrwa eklere sirtou aswar.  E pour nou camera kapab fonksyonnen, menm si camera i kapab pe fonksyonnen, me selman si napa – vizibilite i ba.  Nou bezwen ase for, bann lalimyer ase for.  E pozisyon prizon osi, lo en montanny avek lafoumbal, nou bezwen maximum lalimyer lo teren.  So, tousala i ede pou fer nou konsonmasyon elektrisite ase eleve.  Ok?

E si nou bouz pour Fuel – si mon pou gete, nou pa’n tro sanz – Bidze pour fuel lo li menm i pa’n tro sanz, apard ki R82mil ki’n ganny enzekte.  E sa i vize pour bann transpor adisyonnel k i nou pou gannyen – ki nou ekspekte gannyen lannen prosenn.  Me par kont, nou pa’n sanz Bidze pour fuel pour sa lannen pour nou al lannen prosenn lo kote bann transpor ki nou deza annan.

 

MR SPEAKER

Mersi Mr Dodin.  Onorab André.

 

HON CLIFFORD ANDRE

Mon krwar SOP avek Mr Dodin pa’n tackle sa zafer uniform.  apre, dan ou Bidze CI Dodin in dir la, bann transpor ki zot ekspekte gannyen.  Be napa nanryen an term transpor ki pe gannyen.  So, ou pa kapab sa ki ou pe ekspekte, be selman i pa la.

 

MR SPEAKER

Mersi Onorab.  Mr Dodin.  I annan uniform apre transpor.

 

CHIEF INSPECTOR – MR SAM DODIN

Mersi Mr Chair – mon leskiz.  Transpor pe tenderered now.  I dan prosesis tender la aktyelman.  So, savedir son loperasyon lo li menm i efekt lannen prosenn.  Non, dan Bidze sa lannen.  Sa lannen la – sa lannen.  Ok pou transporEpi pour uniform; uniform i direkteman lye avek staff uniformyes.

 

MR SPEAKER

Mersi Mr Dodin.  Onorab Mondon.

 

HON TERENCE MONDON

Mersi Mr Chair.  Bon, pour komans mon kestyon mon lo en not pozitiv – mon rekonnet ki Bidze prizon in redwir par 2.1milyon overall, ki reprezant 2poursan.  Sepandan, ler mon get ‘consumables’, in ogmant par 64poursan, telefonn in ogmant par 63poursan, e netwayaz in ogmant par 87poursan.  E netwayaz i en pwen konsern mon krwar, pour laplipar Manm – ki reprezant R567mil an plis.

Ozordi prizon pe depans R81mil par mwan pour netwayaz.  Aprezan dan sa Bidze ki zot pe demande, zot pe al depans 128mil par mwan.  E sa i fer en logmantasyon R47mil par mwan an plis.  Sirentandan in dir nou pli boner ki prizon i depans anviron R12mil par prizonnyen.  E la ou pe demann nou pou ogmant R47mil par mwan zis pour netwayaz.  E sa mon annan en problenm avek.

E an menm tan, mon anvi demann Sirentandan, ou’n koz lo stand held scanner.  Konbyen sa i koute?  Akoz zot pa vwar li en priyorite pou met bann lekipman ki pou fer en diferans dan prizon?  Nou – ou pe ogmant R567mil par lannen pour netwayaz.  Akoz ou pa met sa larzan pour a met lekipman ki pou kontrol bann sibstans ki antre dan prizon?  Mon pa war sa lozik.  E ou lesplikasyon lo met prizonnyen ansanm pour netwaye, zot pou zet javel lo kanmarad – mon pa ganny en konpran.

Akoz prizon i fer lagrikiltir, zot servi zouti.  Ki mannyer zot kapab fer sa, be selman ler pour netwayaz, ou annan en problenm avek sa?  Sa mon pa tro konpran.  Epi mon anvi demann en leklersisman lo sa karbiran lo bato.  I en sonm R154mil, ki vin anviron R13mil par mwan.  Eski prion i annan bato ki zot servi ki zot bezwen met karbiran?  Sa mon pa tro konnen, mon ti a kontan ganny en leklersisman lo la.  Mersi Mr Chair.

 

MR SPEAKER

Mersi Onorab Mondon.  Sirentandan.  Mr Dodin.

 

CHIEF INSPECTOR – MR SAM DODIN

Mersi Mr Chair.  Mon a sey pran maximum ki Onorab in met devan nou – mersi Onorab.  Si mon pou al kot ‘consumables’, ki Bidze i pour…I apepre R1.4milyon. E dan sa Bidze i annan en alokasyon ki’n ganny fer pour peyman aryeraz, me selman in ganny poste la.  Nou sipoze retourn li dan son landrwa normal.  Sa pou take up pour aryeraz bann bil elektrik ki’n ganny akimile kot nou pe house nou bann ….  Apepre R567mil pour bann aryeraz ki’n ganny akimile lo bill elektrik e bill – non, zis bill elektrik, kot barak Bois de Rose, kot nou bann foreign manpower zot pe reste.

Ki’n arive?  Depi ler nou’n komans residence – annou house zot laba, barak ti – bil ti pe antre kot Lapolis.  E an negosyasyon avek Lapolis depi tou sa letan, ansanm ek PUC, nou’n re-visit bann costing e zot in anmenn sa costing kot nou pour nou take up – pour nou pey sa porsyon ki pour nou.  Akoz barak ti pour militer avan e in donn Lapolis.  E nou, nou’n house nou bann – osi nou’n house nou bann Nepalese officer.

E la vi ki i annan en re-alokasyon meter, Lapolis in donn nou, nou bill ki nou’n incur pour sa bann – depi 2010 depi ler zofisye ti pe reste laba.  Lot bout ki reste avek sa larzan, i kouver pour bann lezot consumables ki prizonnyen staff i servi – plizoumwen pour aste dite, kafe, disik.  E sa i apepre R800ekek mil.  E lo en monthly rate i vin apepre R73mil.  Letan ou diviz li par zour, apepre 2mil – R2.5, R2.4mil.  E letan ou diviz li par 400 inmate, ki konmela la, nou annan 390 – i tonm R6.10 pour provide dite – bann zafer dite pour bann inmate, enkli staff breakfast, yes.

E telefonn parey ou’n mansyonnen, ler nou’n re-vizit bann bill ki nou’n incur, nou Bidze pour telefonn ti way anba nou expenditure.  So, nou’n re-vizit nou alokasyon telefonn e pour sa ki i annan en increase dan nou telephone bills pour Servis Prizon.  Prenon kont ki nou’n annan Servis Probasyon ki’n konekte ek nou.  Zot pe rent en landrwa anndan Oliaji Centre.

E byento, nou pou annan en lot bout dan sa menm building, ki nou pou allocate pour nou bann – pour nou back office support pour HR avek Account.  E zot osi zot pou la dan sa landrwa, savedir nou’n fer serten provizyon pour sa.  Pour le moman kot zot pe house la, nou pa pe incur sa bann cost.  Me selman sa cost lannen prosenn pou vin lo nou.  So, provizyon in ganny mete dan Bidze.

E pour sa 154mil, i pour fuel pour progranm Coetivy.  Nou annan progranm lapes ki ganny go on lo kote Coetivy.  E sa fuel i pran kont pour zot deplase, al lapes, tournen.  Mon krwar mon’n ase – mon ase kler.  Mersi Mr Chair.

 

MR SPEAKER

Mersi Mr Dodin.  Onorab De Commarmond.

 

HON TERENCE MONDON

Mr Chair, i pa’n reponn mon kestyon – mon pa ankor fini.

 

MR SPEAKER

Ou pa’n montre mwan – ou pa’n endik mwan Onorab ki ou pe demann kestyon ankor.

 

HON TERENCE MONDON

I pa ankor reponn mon – i pa ankor fini reponn.

 

(Off-mic)

 

 

MR SPEAKER

Ok. Ki part ou kestyon?

 

HON TERENCE MONDON

En lot konponan mon kestyon, mon ti krwar Sirentandan apre pe al reponn.

 

MR SPEAKER

Yes.

 

HON TERENCE MONDON

I annan lot konponan lo netwayaz.

 

MR SPEAKER

Wi, ok.

 

MR SPEAKER

Yes, yes.  Ok, nou ganny li.  Sirentandan.

 

SUPERINTENDENT RAYMOND ST ANGE

Mersi Mr Chair.  Onorab, nou’n fer en walk through avan ki Lasante in fer en walk through dan prizon.  Housekeeping ti very poor, very poor – mwan ki responsab.  Wi, zouti kondannen i servi pour plante – gran kouto, 28/50 zot apel sa by the way, zot servi sa 28/50.  Ler zot lo – si zot an ka zot lager avek kanmarad, zot dir sa lensidan in servi en 28/50.  Mon pe sey anpes en 28/50 arive.

Mon pe sey anpes – i annan kondannen ki pran – ou konnen ler ou koz Health and Safety la, i annan material safety daily sheet ki dir ou bezwen servi sa avek legan, avek lot, avek …  Nou pe met tou sa bann keksoz an plas lo sa standar ki demande.  Akoz dan lefitir sa parey nou pe travay avek UNODC, ler zot vin dan prizon zot pou ekspekte – nou’n siny en konvansyon, zot pou ekspekte ki nou manage dapre sa konvansyon i demande.

So, nou pou incur en serten depans la.  Be avek training, nou annan an menm tan en lekip kondannen, ki nou bann section leaders dan sak seksyon, nou pe koz avek zot.  Nou pe fer meeting avek zot pour organiz zot pou pran sa bann keksoz e fer li dapre sa standar – dapre sa training ki nou pe fer.  So, pour lenstan nou incur a cost, apre nou redwir sa cost.  Pour rezon safety, pour rezon sekirite i enportan ki nou annan en – sa travay i fer li koumsa.

So, nou’n ganny bokou konplent dan lepase – i annan kantite keksoz ki’n arive dan lepase, ki i pa’n ganny raporte.  Mon ladministrasyon nou pa travay koumsa.  E pour lenstan i annan bokou lenformasyon ki sorti.  Nou menm nou, nou – mon ganny demande lot zour par SBC, ki mannyer mon swazir lenformasyon pou met – tou keksoz after it’s been cleared, i ganny mete lo nou rezo sosyal oubyen nou fer Press Communiqué, sa i enportan.  I annan en serten rezo sosyal ki met nenport ki, nenport kwa.  Annandler i vre, annandler i pa vre.

Be nou, nou la pour fer sir ki nou pe travay dapre sa standar.  E si nou pou ariv lo sa standar ki bokou dimoun pe demande, nou bezwen fer sir ki nou travay e nou met sa bann keksoz an plas.  Mon larepons i koumsa.  Mersi

 

MR SPEAKER

Mersi.  Wi, mersi Sirentandan.  Bon, mon – Onorab Mondon, nou pe run out of time.  Mon pe pran kestyon le 2 Leaders pour nou kapab fini pour nou rann lantenn SBC.  I annan kestyon ki PS Thesée ti aborde, Minis in aborde – par egzanp lo elektrisite an plis e kestyon in re-mont ankor.  Lenformasyon ti’n ganny donnen ek Lasanble, kestyon i re-mont ankor e zot ganny menm repons.

Annou pran kont osi tou poudir nou annan en Schedule nou pe travay lo la.  E otan posib, si nou anvi fini travay Bidze a tan parey nou’n mete dan nou timetable, nou bezwen move on.  Ok?  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair, premye keksoz mon pou met en propozisyon ki Lasanble o pli vit posib – nou’n deza koz lo la avan, nou osi organiz en lot – en vizit kot prizon pour nou kapab atenn serten pwen, kekfwa lezot Manm i annan la, vizavi Bidze, practically, enn ce jour-là.

Me kestyon ki mon anvi demande vizavi sa Bidze ki devan nou se, eski prizon i annan en inventory lo petet kapasite, abilite, kalifikasyon bann prizonnyen, konmsi pour kapab – vizavi zot progranm reform?  E ki mannyer sa i kapab ede pour zot koup Bidze, fer desann Bidze, redwir Bidze?  Si par egzanp, en dimoun i elektrisyen, ki’n arive in tonm dan prizon petet pour drog – ki mannyer li i kapab ed zot dan whatever, konmsi pou redwir bann kou?  Sa en pwen.

2enm keksoz dan sa zafer sekirite ankor – mon konnen in ganny koze lo la.  Me i en konsern – i en konsern ler ou get prizon ki mannyer i ete la e lakantite dimoun ki annan.  Nou, nou ti ava anvi mwens dimoun i dan prizon.  Bann – lo sa bann diferan progranm ki zot annan, i annan en kantite improvement prizonnyen.  Savedir petet zot pe fer en bon travay osi laba dan en serten konteks.

Be ki mannyer zot pe fer pou kontinyen redwir avek sa Bidze?  Akoz sa Bidze i baze lo aktyel la, ouswa i baze avek en prozeksyon pour ogmant prizonnyen ouswa pour redwir prizonnyen?  Si pou redwir, ki ou progranm pou redwir lakantite prizonnyen?  Pardon Board la – Prison Pardon Board e Prison Committee i annan enn ki High Level Committee.  Ki mannyer li i pe travay pour kapab ede avek sa Bidze ou parey mon pe dir, tire dimoun dan prizon?  Sa ki nou oule.

Nou bi nou koman en sosyete se, ler en dimoun in ariv dan prizon, ki i sorti o pli vit si i posib, pour li kapab re-etablir li dan sosyete, pour li vin prodiktiv, pour li vin pli pozitiv.  E dan sa konteks la, konfirm ek nou ki napa telefonn ankor ki pe ganny soz akoz i annan dimoun deor ki pe konsernen, ki dimoun dan prizon ankor pe telefonnen.  E ki la i annan en madanm in telefonn mwan in dir mwan poudir son garson, i annan en Rodney Freminot ki’n ganny anmare ek lasenn dan lipye, dan lanmen, ensidswit.  Konmsi ki mannyer sa i ete – vre sa?  Eski i annan sa kalite keksoz dan prizon?

Si ou pe fer dimoun – prizonnyen i devret ede pou travay, dan lakwizin, dan zarden, ensidswit.  Be si ou annan bon supervision, i pa pou kapab pran javel, pran sepa lekel zafer pour li al flit zot kanmarad avek.  Ou bezwen en portre – i bezwen annan bon supervision.  So – e ou pa donn zot sa keksoz ki ankor dan son crude state pour zot servi.

So, ki mannyer sa bann keksoz ek sa Bidze ki pe ganny prezante la, i pou kapab ed ou pour kapab fer en pli bon management nou prizon aktyelman la?  Mersi.

 

MR SPEAKER

Mersi Onorab.  Sirentandan.

 

SUPERINTENDENT – MR RAYMOND ST ANGE

Mr Chairman, mersi.  Leader of Government Business – mersi Onorab pour sa kestyon, plizyer kestyon e konsern.  Popilasyon – operational capacity dan prizon i annou dir, 800.  Nou Bidze i covers about 4 hundred – worst case scenario 5 hundred, si en keksoz i arive.  Nou krwar pa, be selman nou bezwen met pare e for akoz average carrying capacity to population i apepre 300ekek – 385, 390 dimoun.  So, se sa nou pe planifye.

Lo kote sa lensidan ki ou’n mansyonnen, mon annan – mon’n – sorry, mon pe ganny en – mon’n reponn en konsern ki’n ganny lev-e avek en lot Onorab.  Sa fanmir ti apros li, mon ti reponn, mon ti dir ki sa kondannen ti enplike dan en sityasyon Dimans pase.  E byensir nou instruction se, pour nou manage sa kondannen dapre instructions e dapre standar ki nou annan.

Si kondannen i lager, nou bezwen met kontrol avek sa kondannen.  Kondannen – sa kondannen i dan isolation area.  I pe ganny reviewed, i pe ganny son counselling, i – wi i ti – nou ti met plis restrains lo li, akoz i ti assault avek en minot, in koup enn mon bann zofisye lo son latet.  So I mean, nou pa la parey mon’n dir pli boner, nou pa pour bat okenn dimoun.

Nou pa bat – si mon war, si mon ganny rapor ki en zofisye in bat en kondannen, nou pran aksyon.  Mon’n sispann plizyer zofisye akoz nou war ki en zofisye in kalot en kondannen – nou pa toler sa!  Nou pa la pour bat okenn dimoun.  So, aksyon i- it’s a measured response pour sa aksyon ki’n ganny fer.  E byensir si sa kondannen i behave son lekor, i pou war li e retourn dan general population.

Nou bi se pour redwir atraver sistenm ki an plas – avek konsiltasyon, nou, nou resevwar sa bann dimoun.  Nou ti a swete ki popilasyon prizon i redwir.  En zour hopefully we’ll be out of businesshopefully si nou perfekte nou sistenm.  Me selman dan lemonn antye, nou war popilasyon prizon pe agrandi.  Selman sesel in redwir – 2an pase nou ti No.1 dan lemonn, nou’n redwir.  Nou’n vin, mon pa konnen – nou nepli No.1.  So, sa en keksoz nou devret fyer

E otan posib, mon ladministrasyon avek – anba direksyon Minis Dezinyen, nou ava kontinyen pour konsilt avek Friends of Prisons, avek Lasanble, avek CEPS ki pe vin kot nou, pou war fason pour pas sa lenformasyon pour pa komet sa bann lofans pour vin dan prizon.  Ok?

E dernyen keksoz mon ava dir Onorab, se mon annan 11mwan dan sa seat.  E mon’n dir Probasyon tou sa bann kondannen ki pe travay aktyelman, zot pe ganny interviewed pour nou konnen ki bor, ki zistans zot ete avek nou.  ki bann keksoz ki zot in aprann akoz ou bezwen fer en review.

E dan lepase wi, ti annan kondannen ki ti pe travay plis dan prizon – elektrisyen.  Nou ti war selman ki san sipervizyon, ki dan sa letan nou ti pe manke, annandler sa travay i pa 100poursan.  I compromise nou sekirite.  So, byensir mon ti’n bezwen devwal sa pour anmenn plis kon – pti kontrakter ki license pou antre pour fer sa bann kalite travay pour lenstan.

Be selman se nou bi atraver sa rekonsilyasyon travay ki nou pe fer, bann interviews, pou get posibilite – akoz i annan bokou kondannen ki pe travay lo progranm 1 ki pe ed nou- fencing, ensidswit.  So, i nou bi pou fer sir ki louvraz i ganny fer, i byen a sa kalite ki pa compromise nou sekirite pour nou redwir nou depans plis.  Mersi.

 

MR SPEAKER

Mersi Sirentandan.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman, kestyon spesifik – eski zot a kapab dir avek nou konbyen bann Tanzanian pe ganny peye konpare avek Seselwa?  Mon ti a kontan ganny pour en Sesel – en gard prizonnyen Seselwa ki en private, konbyen i gannyen?  E konbyen Tanzanian i gannyen?  Konbyen Gurkha i gannyen?  En serzan Seselwa?

Mon pa konnen si i annan serzan Tanzanian.  Parski lotrozour ti annan bann promosyon en serzan Tanzanian avek en serzan Gurkha?  Coetivy, ki status sa Kontra parski ti ankor annan peyman ki zot ti sipoze fer, ti ankor problenm, zot ti pe negosye ki pozisyon sa.

Apre sa i annan en sonm 7.8milyon pour ‘other service agreements.’  Ki si sa, sa bann ‘other service agreements?’  Thank you.

 

MR SPEAKER

Mersi Onorab Ramkalawan.  Sirentandan.

 

SUPERINTENDENT RAYMOND ST ANGE

Mersi Mr Chairman.  Mersi Onorab Leader Lopozisyon.  Mon ava pran sa kestyon lo IDC avek Coetivy.  Byensir mon rapel byen mon ti al devan ou Komite FPAC, nou ti eksplike.  E apre sa nou’n fer plizyer meeting avek reprezantan IDC e Minis Finans kot Liberty House.  E nou ti met nou propozisyon devan avek serten drafts agreements.  Nou ti annan nou, nou breakdown ki ti deklar tou bann keksoz ki IDC pe donn nou.  Nou avek nou resers, nou ti dir petet nou kapab – byensir nou kapab redwir sa depans ki pour lenstan IDC ti pe sarz nou R650mil – yes, par mwan.  Mon kapab donn ou breakdown.

Par egzanp – support staff for IDC i tonm 78 thousand Rupees.  IDC Head Office Support, contribution, eksetera – Logistics 40 thousand.  Fuel and oil for generators and equipment R200mil – sa par mwan sa.  Ok?  Consumables for desalinated water i R10mil akoz nou pran delo desal laba.  Telecommunication costs and maintenance of system – 15mil.  Consumables, property items general – 15mil.

Repairs and maintenance of building – 20mil.  Repairs and maintenance of generator – 20mil.  Boat trips every 2 months – 6 trips annually, i tonm 140mil, wi.  That’s 2 months and 6 trips annually – so, i vin 6 bato par lannen.  So, it’s a one for – yeah, i tonm 140, yes, yeah.  And then ou annan plane trips – 2 trips a month i tonm 11mil ekek.  Savedir, an tou total monthly operational cost ki IDCti pe sarz nou, ki ti R650mil par mwan.

Mon kapab konfirmen depi ler nou’n tonm dan sa impasse, nou pa’n pey zot akoz byensir in ganny kes – in ganny demande oli Lagreman?  Mwan mon’n ganny dir pour atraver mon Minis Dezinyen pou fer en Lagreman.  Nou’n fer en propozisyon avek IDC, zot pa ti aksepte.  So, we had an impasse.

Pour lenstan byensir loperasyon Coetivy i bezwen kontinyen, so nou, nou bezwen fer sir ki ler nou fer monte kargo, nou bezwen pey sa extra akoz i pa dan Bidze.  So, atraver Finans, mon Financial Controller, avek laprouvasyon – hopefully avek PS, in asiz la, i kapab konfirm sa.  Nou pey bann kou – sa bann sarz.  Nou, nou krwar nou ti fer en lesey – en lesey en legzersis.  Nou ti pe war apepre – 370?  370 par mwan, ki en keksoz pli rezonnab, wi.  Mersi Onorab.

And so, i – sa i tir sa annual cost of 7 point – 7 point something million to about 4.4million Rupees per month, which is a year – ki a big reduction.  Ki nou pe war ki pe arive Msye Leader?  Se par egzanp, ler nou pran en avyon, i – on top of what they are saying we have to pay.  Nou ti dir ok, si ou bezwen pran avyon pour operate – pour siport nou lo operations, ou dir nou.  Apre nou profite osi, nou met dimoun lo sa avyon.  Nou – we interact better.

So malerezman pa’n arive and parey nou ti – hopefully nou ti krwar devan FPAC nou ti annan en semen devan i pa’n arive.  So, nou ankor dan impasse, but we still have to operate Coetivy.  And it’s costing us – we just sent a boat up there, we had the boat charges, we had the fuel charges – ti ariv konbyen?  Half a million Rupees, nou ti bezwen peye.

So the fuel, everything to keep us going into next year, so we’ve pre-positioned supplies pour nou kontinyen.  So, it’s a concern and hopefully we can resolve the matter.  Presyon i la and that answers that.  Be selman mon a pas larestan kestyon ki ou ti annan avek Chief Inspector – lo lapey Gurkha avek Tanzanian. 

 

MR SPEAKER

Mersi Sirentandan.  Mr Dodin.

 

CHIEF INSPECTOR – MR SAM DODIN

Mersi Mr Chair.  Lo kote detay en junior staff ki nou pran pour Seselwa, nou komans son basic pay lo 8412 e i ganny li en inducement R2mil.  Sa i otomatik sa, pour inducement.  E la byento i pou ganny li ankor R2, 500 dan sa revizyon ki nou pe fer byento dan lannen prosenn – R2, 500.  E pour en junior staff ki nou pran pour en Nepalese officer, nou pran li lo 800 Dolar.  E pour en Tanzanian officer, nou’n komans sa bann Kontra avek zot lo 900 Dolar.

E ler mon’n met sa lo en conversion fourteen five – 14.5, pour en Nepalese mon ganny 11, 600 e pour en Nepali mon ganny 13, above 13 thousand.  Zot pa ganny inducement – i en fixed salary, that’s all pour bann foreign manpower. 

 

MR SPEAKER

Mersi Mr Dodin.  Ok.  Mr Dodin.  Onorab Ramkalawan.

 

HON WAVEL RAMKALAWAN

Mr Chairman, i annan – i pa ankor reponn lo ‘other service agreements’ avan mon repran.  Mersi.

 

MR SPEAKER

Wi.  Annou fer en pe vit, nou deza pe pran letan.

 

CHIEF INSPECTOR – MR SAM DODIN

Dan 7.8 li menm parey Sirentandan in eksplike i sa 650 x 12, ki fer sa 7.8.  Yes.

 

MR SPEAKER

Mersi Mr Dodin.  Onorab.

 

HON WAVEL RAMKALAWAN

Mr Chairman, thank you very much.  Lo sa akote Tanzanian avek Gurkha, zot pa’n – ou pa’n fer rantre akomodasyon.  Parski sa se zis lapey.  Be sirman ou pey pour akomodasyon eek lezot keksoz – silvouple?

 

MR SPEAKER

Sirentandan.

 

SUPERINTENDENT RAYMOND ST ANGE

Mersi Chairman, mersi.  Wi, temporarily nou pe met Tanzanian kot Maritime Academy.  Nou pe pey R200 par personn.  Nou pe bouz zot kot barak Bois de Rose byento.  Nou pe zis aranz sa landrwa apre nou met tou bann Nepali dan barak anler kot Montagne Posée.  And then, all the rest of the Nepal – of the Tanzanians will be in the barracks Bois de Rose ki zis vizavi avek nou Sant Detansyon.

 

MR SPEAKER

Mersi.  Onorab.

 

HON WAVEL RAMKALAWAN

Mr Chairman, ou demande lefe ki prizon i en servis – i tonm anba Gouvernman, IDC i en Lorganizasyon Gouvernman, ki pe fer pour nobou rezourd sa?  Parski i pa akseptab ki poudir 2 Lorganizasyon Gouvernman pe lager antre zot.  E zot pa kapab tonm lo en sif ki pou ekonomik pour tax payers.

Alors, i annan en problenm la.  Mon anvi konnen, ki lot pay?  Si Finans ti ava kapab ed nou oubyen Minis Dezinyen akoz sa sityasyon i pa akseptab.  Spesyalman ki prizon li i pe dir, sa i kapab desann pou vin 4milyon.  Me nou lo nou kote, nou pe ganny demande pour aprouv 7.8milyon – 4milyon.

E i annan diferan Bidze.  Yer Fire brigade in vini in dir avek nou, zot ti mank zot 2milyon. Ou annan bann lezot Lorganizasyon ankor ki pe demann en pti mwenza.  Be ki pe arive la egzakteman?  Parski sa 7.8milyon i bezwen definitivman annan en negosyasyon pour zot nobou tonm lo en sif akseptab.  Parski nou, nou pa kapab zis – nou bezwen konnen egzakteman ki pe arive.

Eski se IDC ki pa rezonnab?  Eski se prizon ki pa rezonnab?  Me selman bottom line, ou avek mwan ki pe pey sa e i pa akseptab.  So, sa sif la nou bezwen regarde egzakteman ki – parski i kapab koup Bidze prizon par 4milyon.  Mersi bokou Mr Chairman.

 

MR SPEAKER

Mersi bokou Onorab.  Minis.

 

THE DESIGNATED MINISTER – MRS MACSUZY MONDON

Mersi Mr Chair.  Mr Chair, vitman – nou, nou bann diskisyon, nou bann negosyasyon ki prizon nou annan avek IDC parey ou vwar, i pa’n marse.  E nou – finalman nou’n refer case avek Minister Finans e i annan serten negosyasyon.  Mon krwar sa ti en meeting ki’n ganny fer, mon ava les PS Finans eksplike.  Mersi Mr Chair.

 

MR SPEAKER

Mersi Minis.  Mon a donn laparol PS Thesée.

 

PS DAMIEN THESEE

Mersi Mr Chair.  Boner sa lannen, nou’n initiate meeting par Minis Finans ek Departman Prizon ek IDC.  Kot apre zot in ale pour negosye zot bann cost.  E nou annan sa bann Lagreman devan nou la, ki nou pe analize.  Akoz zot pe osi konsider bann lezot kou loperasyon si sa in ganny fer by en commercial entity.  So, sanmenm sa ki nou’n kit sa figure la – ki in the extreme, nou pa ekspekte li monte.  So, nou’n kit li sa pour sa extreme amount ki in the event demen sa sonm i zistifye.

So, nou pou annan la, ler Bidze i fini diskisyon dan Lasanble pour nou re-zwenn pour finaliz sa.  So nou, nou pe sizere ler nou gete, nou’n kit sa sonm la akoz nou vwar kekfwa bann lezot charter kekfwa ki pe ganny fer lo bann lezot zil i ase o.  Me solman nou pe pran kont bann pwen ki pe sorti avek prizon.  So, kekfwa nou’n rekomande, nou kit la.

E sa negosyasyon pou fini avan lafen sa lannen, ki by 2019 pou’n fini konnen ki sonm ki sipoze ganny peye ek IDC.  E annan en proper agreement ki ganny sinyen ek le 2 parti avan ki nou antre dan 2019.  E osi rezourd sa bann aryeraz la ki nou annan avek IDC pour sa lannen, ki osi pou ganny table dan unfreezing sa dernyen bout ki reste.  Mersi.

 

MR SPEAKER

Mersi.  Yes Onorab Ramkalawan.

 

HON WAVEL RAMKALAWAN

Mr Chairman, mon pa pe satisfe avek sa ki pe ganny dir la.  Sa aryeraz par egzanp, eski dan Bidze 2019 ki nou pe la kouver li? I deza la?  Be i deza dan zot Bidze ki nou ti freeze?  Be zisteman Mr Chairman, nou bezwen vin – nou, nou pe fer en travay ki serye, en travay ki rezonnab.  Nou pa kapab pe fer en travay baze lo kapris, kapris en kote, ki i IDC.  Oubyen lo en baz pa rezonnab lo kote prizon?  I bezwen annan en keksoz konkret ki nou baz li lo la.

E mon mazinen ki poudir – e la nou bezwen ganny sa lenformasyon.  Eski prizon letan in tonm lo son sif ki li in fer, in pran konsiderasyon en lot sistenm charter?  Par egzanp, bato.  Ki pou ariv laba Coetivy pour rann sa servis.  Ki olye kout R140mil pour en trip, i kout mwens – baze lo kwa?  E nou, nou pa kapab – mon konpran ki PS Thesée pe dir.  Be nou, nou pa kapab zis met en sif la dan Bidze e apre sa pli tar nou pou tann dir – be sif i la, alors annou zis servi li?  Sa i ava dan en fason ki pa rezonnab.

Parske akoz ki nou’n pran nou letan avek SPDF pour nou regard tou sa bann sif ki zot in met devan?  Ki la nou pe ganny dir IDC i dir tel sif, prizon i dir tel sif, e – parske definitivman sa 7.8 i bezwen annan en keksoz la ki nou fer avek.  E sa l’impasse, mwan pour mwan mon trouv li ki i pa akseptab vi ki, se 2 antite Gouvernman ki an konfli konmsi.  I pa akseptab ditou!  I bezwen annan en – sa sif 7.8 pa kapab ganny mentenir.  Mersi bokou.

 

MR SPEAKER

Mersi Onorab.  Bon, nou pou bezwen pran en desizyon si nou pou kontinyen apre midi oubyen non, akoz mon pe ganny enformen ki nou bezwen rann lantenn SBCOr nou kapab kontinyen san ki i al live lo SBCOk?

        Eski nou pou dan en pozisyon pour nou pran en desizyon apre ki mon a les PS Thesée reponn oubyen nou anvoy li apre midi?

 

HON WAVEL RAMKALAWAN

Mr Chair – parski mon krwar ki poudir sa i enportan.  E mon krwar ki annou plito al apre midi.  Nou pa bezwen taye pour nou pran en desizyon.

 

MR SPEAKER

Amwen ki PS i kapab donn nou en direksyon la.  PS Thesée.

 

PS DAMIEN THESEE

Mersi.  Ler ou dir direksyon – en direksyon lo larepons ou .. ?

 

MR SPEAKER

Wi, nou annan en l’impasse la.  Donn nou en direksyon pour kapab pran en desizyon.

 

PS DAMIEN THESEE

Well, nou repons i kler nou.  Finans in antre pour entervenir akoz i toutafe dan en lorganizasyon pou rod son benefis.  So, prizon pe fer sir sa ki i pe peye, i ki li i krwar i rezonnab.  E IDC li i operate lo en commercial basis, natirelman i anvi maximize son retour avek son bann loperasyon, fer sir ki i pa pe perdi.

Wi, i 2 antite Gouvernman – sa nou’n even raise li at Cabinet level, ki nou’n ganny mandate pour oversee.  Me solman lo kote sa sonm, nou bezwen konpran ki en Bidze osi – dan zesyon en Bidze, ou annan bann sif ki ganny mete as provizyon – i toutafe normal sa.  Pa tou kou ki ou pou annan en kou aktyel, akoz i depan pandan lannen si ou’n fini negosye, si Kontra i kler.  Me selman ou annan lendikasyon lo market, ou annan lendikasyon baze lo trend, ki sa kou i ete.

E se pour kwa ou met sa kou dan Bidze.  I pa nanryen abnormal dan zesyon Bidze pour nou met en chiffre koumsa ladan.  E Finans, nou rol osi i pa zis Lasanble.  Nou rol osi, nou kapab kontrol en Minister pour si nou war i ariv pli ba ki i pa sipoze, nou freeze li.  Nou fer li dan Midyear Review, si nou pa anvi i depans li dan en lot aktivite ki nou war i pa neseser, nou kapab divert li elsewhere.

Sanmenm sa nou annan Midyear Review, nou’n fer sa lannen.  Nou’n fer sa lannen, nou’n fer re-alokasyon – nou’n fer freeze, nou’n re-allocate, ki Lasanble in aprouve.  So, sa i en pe nou pozisyon.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chair, mwan mon krwar ki, annou anvoy sa pour apre midi.  Nou ava ganny letan pour nou tonm lo en keksoz konkret.  Mersi bokou.

 

MR SPEAKER

Ok.  Bon, si bann Manm i dakor, mon krwar – akoz nou pe run out osi letan.  Nou anvi donn kredi Lasanble pour tou Manm konpran e pou ler nou pran en vot, nou konnen nou pe pran en vot ek en konsyans ki kler.

So, mon a sizere ki – mon pa konnen si FPAC i oule angaz avek PS pandan Break, ok.  Pour sey regarde ki proper way forward. Ok?  Ki ler nou a kapab retournen taler, nou a kapab pran en desizyon lo Bidze pour Prizon.  Ok.  Akoz nou bezwen rann lantenn SBC.

Mon anvi enform tou bann Manm Bills Committee ki nou annan en meeting la toudswit dan Committee Rm 3.  E nou ava pran en Break, nou ava retournen 1.30.

 

(BREAK)

 

DEPARTMENT OF PRISON  (CONT)

 

MR SPEAKER

Bonn apre midi tou Manm Onorab.  Bonn apre midi tou dimoun ki a lekout.  Bonn apre midi Minis Mondon, Sirentandan St Ange, Mr Dodin e Mr Victor.  E bonn apre midi osi PS Thesee, Ms Verghese avek Ms Tamatave.  Bon nou pou kontinyen nou travay mon ti a kontan konnen si nou kapab ganny okenn nou pran okenn desizyon pou nou sorti dan sa lenpas ki nou vwar nou ladan avan nou pran break petet PS Thesee.  Si ou annan okenn nouvo keksoz pou partaze avek Lasanble.  PS.

 

PS DAMIEN THESEE

Mersi Mr Chair.  Zis petet parey nou dir avan nou pran break.  Nou re afirmen ki Minister Finans avan lannen fini i pou prezan bezwen pran sa case anvi ki ler nou set the initial miting Departman Prizon avek IDC i sipoze zwenn pou zot negosye.  So nou annan sa bann propozisyon sorti kot IDC sorti kot prizon la nou pe deza fer nou assessment pou get bann lezot costing ki ganny fer by bann lezot petet charter prive; bann lezot cost component pou nou prezan zistifye ant sa de propozisyon ki vini lekel ki bezwen donn the right agreement pou nou kominik avek pli o si fodre, si fodre al kot Cabinet of Ministers.  

Nou commit pou fer sa avan lannen fini me nou pe still sizere ki sa sonm i en provizyon e i toutafe normal dan en zesyon Bidze pou met en provizyon, menm si pa ankor konn son vre pricing selman ou konnen sa servis ou bezwen li.  So nou pe propoze sa larzan i la ler sa negosyasyon i a fini lannen prosenn whatever ki sipoze ganny servi as the real cost pou sa servis, i a ganny sarze anba sa vot.  Mersi.

 

MR SPEAKER

Mersi PS.  Eski nou pran li ki Minister Finans i a fer en komitman pou raport avek Lasanble Nasyonal ler zot fini fer sa bann diskisyon bann negosyasyon?  PS.

 

PS DAMIEN THESEE

Wi mersi Mr Chair.  Natirelman wi i nou ava fer sa komitman ki dek ki nou fini sa nou a donn the outcome ki sa Kontra in ganny sinyen ki bann term e ki sonm.  Mersi.

 

MR SPEAKER

Mersi PS Thesee.  Bon nou ava prezan dan en pozisyon pou nou pran en vot lo sonm R93, 792milyon ki pou Departman Prizon ki form par sa Schedule e ki trouve lo paz 105 ziska 110.  Mon ava demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  18 Manm in vot an faver.  E personn kont.  Mersi.

 

MR SPEAKER

Mersi.  Savedir Bidze pou Departman Prizon pou 2019 in ganny aprouve par Lasanble Nasyonal.  E parey PS in dir sa sonm ki annan sa tranzaksyon ant Departman Prizon avek IDC i pou ganny diskite avek Minister Finans e i pou ganny raporte back to the National Assembly.  Bon avek sa mon ti a kontan remersi Minis Mondon, Sirentandan St Ange, Mr Dodin, Mr Victor e nou ti a kontan eskiz zot parmi nou.  Mersi.  Bon PS ou ava gid nou lo prosen Minister.

 

(THE PRISON DELEGATION WAS EXCUSED FROM THE HOUSE)

 

PS DAMIEN THESEE

Mersi Mr Chair.  Nou ava pran Minister Lapes ek Lagrikiltir lo paz 330 pou en sonm R15, 755milyon.  Mersi.

 

MR SPEAKER

Mersi PS.

 

MINISTRY OF FISHERIES AND AGRICULTURE

 

MR SPEAKER

Bon mon ti a kontan dir en bon apre midi spesyal pou delegasyon ki sorti kot Lagrikiltir avek Lapes ki pe lead par Minis Charles.  Minis i akonpannyen par PS pou Lapes Mr Jude Talma PS pou Lagrikiltir Mr Moustache avek Mr Jude Barra ki Accountant.  Bon nou ava konmans kestyon pou Minister pou Lagrikiltir ek Lapes sa i bout administrasyon i pou i lo paz 330 parey PS in endike e i pou sonm R15, 755milyon.  Okenn Manm ki le konmans.  Onorab Afif.

 

HON AHMED AFIF

Mersi Mr Chair.  Mr Chair mon kestyon i baze lo paz 333 latab limero 2 lo ‘wages and salaries’ in sorti R7.2milyon pou R8.4milyon pou 2019 en logmantasyon 16poursan.  Normalman nou espekte vwar en logmantasyon 5poursan oubyen 10poursan sa i 16poursan, eski zot in pran plis staff oubyen i menm staff lapey in monte?

Dezyenmman lo zot dan zot allowances mon trouve ki in double e si zot kapab donn nou en pe leksplikasyon lo la?  E final mon 3enm kestyon ‘goods and services’ li in sorti R8milyon in redwir in vin R7.4milyon, alors si zot kapab eksplik nou kwa ki’n redwir an term kalite servis – eski i pou afekte kalite servis ki zot ofer parske nou espekte ki zot konman en Minister, zot pe zot la pou ed lendistri, alors si zot ‘goods and services’ i tonbe kwa ki pou afekte zot dan kalite servis ki zot kapab donnen?  Mersi Mr Chair.

 

MR SPEAKER

Mersi Onorab Afif.  Zis avan mon donn Minister laparol, mon ti a zis kontan reganny latansyon bann Manm lekel ki’n lev lanmen pou entervenir?  Ok mersi.  Minis oubyen PS.

 

PS ANTOINE-MARIE MOUSTACHE

Mersi Mr Chair.  Mon a pran kestyon No.1 ek No. 2 ansanm parske tou lede i annan reperkisyon lo sa logmantasyon.  Alor i annan plizyer fakter ki pe lenfliyans sa logmantasyon.

Pou 1 nou annan staff ki egzistan ki pe ganny promosyon alor nou pe mon konte la i annan 1, 2, 3, 4, 5, 6 staff ki’n ganny promosyon e sa i fer ki i pou annan en logmantasyon dan sa vot.

2enm se ki bann housing allowance prezan pou 2 dimoun e nou bezwen kont osi alor dan sa ka 2 staff ki pe ganny housing allowance ki reflekte dan sa sonm.

3enm se Scheme of Service la en Scheme of Service prezan ki efektivman i annan en logmantasyon kot sa i konsernen.

 

An plis ki sa ankor nou annan 7 nouvo pos ki nou kree parske nou pe al pran 7 nouvo post e dayer an fezan sa nou pe zisteman konble landrwa kot i annan en nesesite pou ganny soutyen personnel, pou nou kapab anmenn sa travay ki nou debite avek.  Alor nou’n kree 7 nouvo pos pou ki nou’n ganny larzan.

E sa bann pos i a diferan nivo e konsekans alor i annan diferan sonm ki atribye a sa bann pos.  Vwala ki donn nou en pti pe leksplikasyon ki kouver allowances me osi ki reflekte dan wages.  Dan ka 3enm kestyon sa lannen nou pe terminen avek proze CLISSA.  Vwala – alor Gouvernman ti fer en alokasyon R676mil konman kontribisyon Gouvernman Seselwa anver sa proze, parske i esansyel ki i annan en kontribisyon enternasyonal kot sa i konsernen.  Alor lannen prosenn etan ki proze i terminen an Desanm, deza menm nou pe dir R676mil dan sa vot ki pa pou egziste prezan parske proze in fermen.  Mersi alor.

 

MR SPEAKER

Mersi PS Moustache.  Onorab Afif.

 

HON AHMED AFIF

Mersi Mr Chair.  Zis en klarifikasyon lo sa bann pos ki ou dir ou pe kree si ou kapab donn nou en lendikasyon ki kalite sa bann pos e ki zot pou fer egzakteman sa bann dimoun?  Mersi.

 

MR SPEAKER

Mersi Onorab.  PS.

 

PS ANTOINE-MARIE MOUSTACHE

Alor nou annan par egzanp en information officer nouvo Lalwa ki’n kree resaman i fer provizyon pou en information officer.  2enm se en office assistant e alor nou fer en provizyon pou sa.

Trwazyenmman en legal officer.  Katriyenmman se en economist pou lagrikiltir spesifikman.  Senkyenmman se en principal statistician ki parske etan ki nou annan en proze an mars la, i enportan anfen sa gran plan plito ki nou lanse resaman i enportan ki nou kapab swiv ki pase deor laba.

Lot ankor nou annan en senior project officer ki nou ganny soutenans Bidze pou lannen prosenn e finalman se en Director General pou Lagrikiltir ki nou’n ganny atribisyon bidzeter pou sa pos.  Mersi Mr Chairman.

 

MR SPEAKER

Mersi PS Moustache.  Onorab John Hoareau.

 

HON JOHN HOAREAU

Mersi Mr Chairman.  Mr Chairman mon kestyon i relye avek subprogram 3 ‘policy, planning, monitoring and evaluation’ mon ti le konnen presizeman ki nouvo linisyativ ki zot pe anmennen dan sa Bidze pou zisteman fer fas avek enn zot bann strategic priorities ki demande ki zot in mete ki zot bezwen enhance monitoring ek evaluation system, pou anmas lentelizans lo fisheries economic?  Mersi.

 

MR SPEAKER

Mersi Onorab Hoareau.  PS Talma.

 

PS JUDE TALMA

Bonzour tou dimoun, tou MNA.  Bonzour tou dimoun ki a lekout.  Pou monitor fisheries monitoring nou pe kre en unit ki pou apel Fisheries Economic Intelligence Unit e nou bezwen sa unit pou rezon pou anmas data.  Petet zot a dir mon ki SFA i anmas serten lenformasyon wi.  SFA i annan responsabilite pou anmas lenformasyon pou fisheries management.  SFA i kolekte taks bidzeter pou son manda, me selman SFA pa kolekte data relasyon avek sosyoekonomik.

E SFA i osi kolekte data pou rezon syantifik pou bann gran pwason pelazik e i bezwen sa e i partaz sa avek serten lenformasyon avek IOT. 

        FEIU ki nou pe set up i lentelizans dan sekter lapes pou tou son dimansyon – dan tou sa splander.  Ler ou regard GDP ki i ganny kontribye par sekter lapes ki ganny deklare pou lapes sete a 2.4poursan.  E sa i larzan sou realite.

Alor deza serten travay in ganny fer ki montre ki kontribisyon GDP pou lapes i plis ki 20poursan.  E FEIU pou dedye avek pou dedye son travay avek monitoring performans ekonomik dan sekter lapes an zeneral FEIU pou bezwen data ki SFA pe aktyelman kolekte e osi bezwen lezot lenformasyon dan sekter lapes ek lezot sekter dan lorganizasyon.

Par egzanp fish inspection unit avek bann processors avek bann exporters avek Customs, SRC, Registrar, NBS, Employment eksetera.  E FEIU pe etabli bann MOU avek tou sa bann lorganizasyon, pou ki nou kapab partaz lenformasyon e i a fasilit sector communication e nou pe ganny lasistans avek proze SWOI Fish par en technical assistant pou set up sa unit.  

        E nou pli zou mwen dan faz half way through e nou fek ganny nou interim report. E pou recruitment staff lannen prosen nou pe fer bann internal arrangement pou nou ganny staff pou lannen prosen.  Nou annan en recruitment plan for the next 5 years, me sa i pou progresiv.  Premye lannen nou pou plizoumwen annan bann internal arrangement e 2enm lannen nou pou konmans recruit bann staff e 3enm e 4enm lannen.  Be i pou tou depan ki mannyer nou progress e petet dan 2enm lannen e 3enm nou pou bezwen recruit en pe plis dimoun.  Thank you.

 

MR SPEAKER

Mersi PS.  Zis mon ti a kontan signal bann panelist Minis avek son delegasyon pou asiste mick ki bann Manm i ava konpran repons byen, zis koz dan mick direk e si zot kapab koz en pti pe pli for tou akoz mon krwar bann Manm dan fon sirtou dan Sid, pa pe vreman konpran ki pe ganny dir.  Onorab John Hoareau.

 

HON JOHN HOAREAU

Wi mon ti le zis en pti klarifikasyon si zot osi pe si dan sa Bidze pe enkli provizyon pou aste nouvo mat lekipman pou sirveyans osi tou?  Mersi.

 

MR SPEAKER

Mersi Onorab.  PS Talma.

 

PS JUDE TALMA

Sa i pou sa sirveyans i pou dan Bidze SFA sa.

 

MR SPEAKER

Ok mersi PS.  Onorab Waven William.

 

HON WAVEN WILLIAM

Mersi Mr Chairman.  Bonn apre midi Minis avek ou lekip.  Mr Chairman mon ti a kontan demann Minis lefe ki nou pou bezwen aprouv sa sonm pou son Minister anba ‘current challenges’ mon ti a kontan konnen si zot annan en azanda vizavi kot zot mansyonnen poudir i mank priyoritizasyon lo kote Departman Lagrikiltir anver azanda Nasyonal.  So ki vreman ki zot pe fer pou pous sa azanda pou fer sir ki lagrikiltir ek lapes i pran son vre plas lo order of doing business?

Epi mon pe vwar poudir zot pe mansyonnen poudir lentere lazenes i en pti pe feb, so kwa an plis ki zot pe fer pou vreman al dan bann lekol pou vreman ankouraz sa bann zenn, pou vreman konsider pran lagrikiltir konman en karyer?  Mersi.

 

MR SPEAKER

Mersi Onorab William.  Minis Bastienne.

 

MINISTER CHARLES BASTIENNE

Mr Chairman, tou Manm Onorab e tou dimoun a lekout bonn apre midi.  Mr Chair konsernan premye kestyon se ki mon krwar tou Manm i a rappel poudir mon ti vin prezant plan konpreansiv pou lagrikiltir dan sa an Septanm e sa plan i deza donn nou en feuille de route nou kapab dir kwa ki bann lobzektif ki nou le anmennen e kwa ki nou bezwen fer, pou nou ganny bann rezilta konkret dan Lagrikiltir.

Ler nou’n prezant sa plan nou prezant li klerman avek bann rezilta e evidaman avek bann timeline by which nou le atenn sa bann lobzektif an term prodiksyon.  Sa plan osi ti fer ti met lanfaz lo prodiksyon evidaman e osi ki mannyer nou kapab gradyelman substitute lenportasyon avek prodiksyon lokal; depi son livestock ziska son crops ek son vegetables.

So an term lapros ki nou pe pran la nou fini konmans enplimantasyon sa plan depi Oktob e nou espekte poudir an mezir nou konmans build son kapasite an mezir nou pe ale nou espekte by Zanvye/Fevriye plan pou al en pe pli vit osi e nou espekte parey mon dir se ki by Zen lannen prosenn nou espekte vwar bann rezilta konkret.

Konsernan pou ankouraz bann zenn dan Lagrikiltir mon krwar ki travay in deza konmanse par en steering committee pou nou revwar sa ki nou apel Lekol Lagrikiltir Anse La Mouche kot sa Komite kot i annan reprezantan Minister Ledikasyon avek Minister Lagrikiltir evidaman parey zot konnen pou le moman lekol lagrikiltir i ganny zere par Minister Ledikasyon me Gouvernman in tonm dakor ki nou pou annan en comanagement of sa lekol a lavenir.

So travay i dan staz final ki en fason ki lannen prosenn nou a kapab vwar en nouvo fason fer keksoz kot lekol, kot progranm i ava ganny revwar e i a ganny re aranze pou oriyant li dan en fason kot nou ava annan manrmay tou diferan nivo – depi son nivo ki pli ba ki manrmay petet i ava fer 1an e ki manrmay ki annan plis abilite kot zot kapab fer zot 3an dan sa lekol nouvo lekol Lenstiti Lagrikiltir.  Mersi Mr Chair.

 

MR SPEAKER

Mersi Minis Bastienne.  Onorab Phillip Arissol.

 

HON PHILLIP ARISSOL

Mersi Mr Chair, bonn apre midi.  Eski PS Talma i kapab dir Lasanble e bann peser Anse Boileau, si i annan okenn plan pou enstal en omwen en fasilite mouyaz pou bann bato dan labe Anse Boileau?  E eski zabitan Anse Boileau i kapab konnen kan nou pou ganny en bazar?  Mersi.

 

MR SPEAKER

Mersi Onorab Arissol.  PS Talma.

 

PS JUDE TALMA

Mersi Onorab.  Mon krwar sa kestyon in deza ganny demande dan sesyon Lasanble avek Minis Charlette oparavan.  E mon krwar byen larepons sete ki SFA pa mete bwe mouyaz dan bann labe, me zot bwe mouyaz zis kot i annan fasilite por.  Me selman ki zot mete dan bann labe se ki zot met bann lalimyer bann bwe ek bann lalimyer pou demark dan bann lapas, pou fasilit pasaze bann peser me selman zot pa mete bwe pou mouyaz.

 

MR SPEAKER

Lo bazar?  PS lo bazar?

 

PS JUDE TALMA

Lo bazar i annan plan pou devlop pou devlop bazar Anse Boileau letan Minis Charlette ti la ti deza fer vizit i ti deza fer komitman sa bazar pou dan plan 2019.  Thank you.

 

MR SPEAKER

Mersi PS.  Onorab Woodcock.

 

HON WAVEL WOODCOCK

Mersi Mr Speaker.  Bonn apre midi ek CEO ou delegasyon.  Mon kestyon i konm swivan; Minis part of mandate – manda Ministry of Fisheries and Agriculture i pou facilitate appropriate physical infrastructure e osi facilitate towards improving national food and nutrients security dan nou sekirite alimanter.  Me Minis ler mon pe gete mon vwar en defayans dan ou Minister ki mon kapab dir pe met an danze nou sekirite alimanter sa se problenm ice ; problenm ice ki nou pe fer fas avek Sesel problenm kou bann ice plant ki pa pe marse, ki pe vin en konsern pou bann peser kapab al lapes.

E la kan nou pe koze aktyelman i annan gro problenm ice lo kote Praslin kot bann peser pe lager pou ganny ice – en ice plant par marse mon tande in ganny tire pou aranz bann ice plant Mahe.

E mwan mon kestyon Minis i ki final ki zot pou fer pou rezourd sa problenm avek bann ice plant dan Sesel enkli Praslin, pou rektifye sa problenm ice en fwa pou tou?

Akoz i annan plizyer repriz devan sa Lasanble nou koz lo sa problenm.  Mon 2enm kestyon i kot i konsern bann lenfrastriktir pou bann sirtou bann peser artizanal lo Zil Pros – PS i konn sa tre byen ki i annan en Komite ki’n ganny etabli dan bann letan Minis Charlette e sa Komite i ankor an egzistans e an plizyer repriz ou’n vin plizyer lo bann miting.

So mon kestyon Minis Finans dan son speech in dir ki poudir i pou annan bann proze lenfrastriktir dan le fitir, me dan bann miting ki nou zwenn problenm ki’n ganny souleve se bann finansman pou sa bann proze – sirtou proze lasose Grand Anse avek Baie Ste Anne sa i pli gro konsern, akoz en konsep bidzeter.  Alor mon anvi demande ki ou Minister pou fer pou raise sa fon – mon pa konnen atraver Grant ouswa mon pa konnen ki mannyer zot pou fer pou ganny sa larzan ki nou bezwen pou nou kapab fer sa 2 lenfrastriktir pou Baie Ste Anne avek Grand Anse Praslin?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Chair.  Mon a pran sa issue ice apre PS i a deal avek sa kestyon lenfrastriktir vi ki i lo sa Komite.  Zot a rapel mon krwar apepre en 6, 7 semenn pase mon ti vin dan Lasanble mon ti dir konmkwa nou pe travay lo en plan konpreansiv pou lapes la aprezan e ki sa plan pou pare by March lannen prosenn travay i deza komanse kot nou pe tous tou laspe, depi laspe artizanal kot lo nou pe tous issue fuel subsidy; nou pe tous ice; nou pe tous lapes soutenab; nou pe tous ziska license ki i annan pou fer avek bann purse seiner.  Tousala se bann keksoz ki totalite nou pe tyonbo enn fwa pou tou pou nou kapab analiz li de profon e pou nou anmenn en solisyon enn fwa pou tou.

Ki pou arive avek ice mon pa pou kapab preempt la akoz sa i anba en diskisyon, me direksyon ki nou pe ale, mon krwar nou pou annan kapab vin ek en solisyon. I annan plizyer keksoz ki’n ganny lev-e dan lepase – sirtou dan Lasanble eski nou pou privatise sa ice nou donn sekter prive pou zot prodwir.  Me nou pe vwar poudir petet osi avek kou elektrik e tousala, i pa pou fer li neseserman rantab si non bann peser olye al pey 60sou en kilo ice, nou pou vwar zot pe al pey plis ki R1 – R1.50 en kilo ice. 

        So tou sa bann fakter nou bezwen balanse.  Me pli direkteman avek ou kestyon mon kapab dir ou an se moman la i enn bann letan kot prodiksyon ice i pli o ki nou été la nou almost a 59poursan nou bann kapasite pou nou prodwir ice.  E ki nou espekte dan bann 2 ou 3 mwan ki devan nou keksoz pou konmans improve annefe in konmans improve avek en nouvo masin 10tonn ice ki’n ganny enstale Providence, apre osi nou vwar en larive en masin ice apepre 2 ou 3 semenn pase anba proze CLISSA 5tonn e nou annan 4 masin right now ki lo tender, ki sa pou ed nou pou nou kapab sanz sa bann vye masin.

Mon konsyan ki Grand Anse Praslin nou annan en masin ice si mon memwar i bon ki la depi ki Baie Ste Anne depi 1995 e mon krwar ki ler petet in arive pou li sanze.  Be mon konnen poudir sa bann masin ki vini i annan enn ki pou al laba, pou nou kapab rezourd sa bann problenm ki nou souvan pe gannyen avek bann masin ice. 

        So mon krwar sa bann zefor ki pe ganny fer e osi travay ki nou pe fer avek SFA, mon krwar poudir boner lannen prosenn nou bezwen kapab ganny enn fwa pou tou rezourd sa problenm ice avek tou lezot problenm ki asosye avek lapes.  Mersi Mr Chair.

 

MR SPEAKER

Mersi Minis.  PS Talma.

 

PS JUDE TALMA

Mersi Mr Speaker.  Pou kestyon konsernan lenfrastriktir lo Praslin – Onorab Woodcock konman ou konnen ou menm ou osi ou lo sa Komite mon osi mon lo sa Komite.  E sa Komite ti ganny set up par ansyen Minis Charlette e sa Komite pe fer son travay byen.  E regarding sa de fishing facilities Praslin avek Baie Ste Anne avek Grand Anse, parey ou konnen se ki Komite in aksepte konsep e an se moman SFA pe tender pou ki annefe i ti’n tender pou en konsiltan fer de louvraz ki enn pou EIA lot pou son enzenyer pou son project design.  E in ganny problenm avek POU, POU in dir fodre sa nou kas an de nou fer de consultancy – olye zis enn.  Be la nou dan sa process tender pou sa de consultant e once ki sa de louvraz i a ganny fer e sa i a ganny pase avek MHILT kot MHILT ti bezwen allocate later avek en sa bann teren avek SFA akoz pou ki travay pou a kapab konmans ganny fer.

Regarding funding parey i ganny dir dan Komite e i annan funding anba EU Fund pou konmans premye faz sa de proze e parey ou konnen nou pe fer li an faz e son 2enm faz nou pe rod finansman avek JICA ; JICA sanmenm lorganizasyon ki’n finans devlopman 2enm faz Ile Du Port ki’n terminen sa lannen e ki nou vwar son louvertir.  Mersi Mr Speaker.

 

MR SPEAKER

Mersi PS Talma.  Onorab Esparon.

 

HON REGINA ESPARON

Mersi Mr Chair.  Mr Chair mon ti a kontan demann avek PS anba ‘central payment for Government’ mon pa pe vwar nanryen 2019 e ni anba PSIP, mon ti a kontan demann li si i annan okenn alokasyon pou fini sa store peser Glacis ki’n konmanse depi lannen 2017?  Mersi.

 

MR SPEAKER

Mersi Onorab Esparon.  PS Talma.

 

PS JUDE TALMA

Mersi Mr Speaker.  Mersi Onorab Esparon pou ou kestyon.  Sa i pou tonm anba SFA definitivman, me selman mon kapab donn ou en pti update lo la.  E SFA pou konplete sa stor e parey ou menm nou konnen se ki sa i pou premye faz in fini kot i annan rock armoring e 2enm faz si ti pou fer sa sorti bann gear stores.  

        E tender ti’n ganny fer me malerezman ler tender in ganny fer Tender Board ti vwar sa bann tender ti non-responsive e nou bezwen re tender ankor.  E SFA i dan faz pou fer sa re- tendering e zot in re konfirm avek mon ki by early next year sa louvraz i bezwen ganny fer.

 

MR SPEAKER

Mersi PS.  Onorab Audrey Vidot.

 

HON AUDREY VIDOT

Bonn apre midi Mr Chair mersi.  Bonn apre midi avek ou delegasyon tou Manm Onorab e tou Manm piblik ki a lekout.  Mr Chair premyerman mon le felisit Minis avek son lekip, pou sa zefor ki i pe montre anver liaise avek ledikasyon pou anmenn en pti pe sa laspe lo kote Lagrikiltir.  Mon kestyon pou vin en pti pe anliny avek kestyon Onorab William son enn 2enm an referans avek zenn ki eski dan avek sa Bidze ki la zot pe fer bann sa bann marketing strategies pou ankouraz petet donn sipor e ankouraz bann zenn; par egzanp mon pe regard Marsha Radegonde ki sorti dan en distrik en housing estate parey Roche Caiman, in fini son letid e i pe debourye lo kote lagrikiltir ki mannyer zot pe al zot servi zot konman role model pou kapab atrakte zenn pou vin dan sa sekter?  Mon pe mazin osi lo kote lapes i annan en zenn garson ki orizinalman sorti dan distrik Roche Caiman la i La Riviere Anglaise Ravi lontan i dan lapes ki mannyer nou servi sa bann zenn konman role models pou kapab atrakte dan zot plan?  Mersi.

 

MR SPEAKER

Mersi Onorab.  PS Moustache.

 

PS ANTOINE-MARIE MOUSTACHE

Mersi Onorab Chair.  Alor mon krwar premye demars pou nou atir zenn in deza konmanse nou konmans li avek sa progranm ki nou lanse resaman e ki nou ti konmans li dan lekol segonder Perseverans.

E yer menm yer swar si mon tou Manm Onorab in ganny en sans pou vwar enn pti pe rezilta sa premye demars, ki nou fer me selman nou konpran petet en kantite keksoz ki son lenpak ki i annan i pa neseserman evidan.  Me esansyelman nou vwar ki ti annan premyerman en group zenn ki ti’n en lentere pou vin swiv sa ki pe pase e pou partaze pou partisipe, dan levolisyon sa proze ki nou konmanse.

Nou deza menm konman en Minister, nou’n met de kote dan nou Bidze prosennman, pou ki nou pe egzekite an 2019, sifizaman resours pou nou anmenn sa proze dan tou lekol segonder Sesel.  Setadir Mahe/ Praslin ek La Digue.

Alor an fezan sa alor nou pou kree sa baz ki pou ensite – mon panse – lentere zenn a sa laz pou annan en lentere  dan lagrikiltir.  Alor si nou konmans a sa laz nou panse ki deza menm nou a ganny dimoun petet i annan en enklinasyon ver lagrikiltir e ki nou a zwenn zot en pti pe pli tar.  Parske demars  egzistan e sa i enportan pou note, an kolaborasyon avek Minister Ledikasyon, pou refer en Lekol Lagrikiltir Anse La Mouche.  E mwan ki ti en ansyen Manm Board sa leko,l in konstate souvan pandan sa dernyen 5an, poudir i pa’n atir zenn – evantyelman zenn lagrikiltir – senpleman akoz son leta, anba sa fon ki nou gannyen avek Gouvernman Koweïti.  Nou pou fer en lekol pou fer li en nivo pou atir dimoun – me elarzi li, ki i atir osi plizyer pti zanfan ki annan en gran lentere dan sa domenn lagrikiltir.

E sa dan li menm mon krwar i pou en pa an avan parske nou’n re formaliz  dan en sans ledikasyon dan lagrikiltir.  E en fwa ki  petet nou konmans sa lentere dan lekol segonder se sa ki nou anvi kapte li en pti pe pli tar dan sa lekol Pos-Segonder ki pou sitye dayer Anse La Mouche.

 

MR SPEAKER

Mersi PS.  Onorab Adelaide.

 

HON FRANCOIS ADELAIDE

Mersi Mr Chair.  Mon kestyon pou panel mon annan 2 pou lapes avek 2 pou lagrikiltir.  Lo kote pou lapes parey mon pe get zot manda se pou fer sir ki zot fer roadmap met polisi e fer sir zot monitor poudir lagrikiltir ek lapes i sa sekter ki bouze dan pei.  Eski dan sa Bidze vi ki nou annan en problenm avek lapas Anse Gaulette, ki ti deza ganny fer avan e ki’n bouse e ki pe anmenn en pe konplent, eski zot in fer provizyon dan sa Bidze pou nou cater pou sa?

Apre lo kote peser Baie Lazare, nou konnen poudir Baie Lazare nou ti ganny en bout later ki ti’n ganny allocate pou fer bann zafer peser, e apre Gouvernman in vann sa later prive en later ki ti acquire pou lentere piblik, apre Gouvernman in vann avek en envestiser prive, e la nou bezwen nou later, eski Minis vi ki ou dan Cabinet Minister nou pe sey lobby, eski i pou sey ed nou pou nou fer nou lavwa tande pou ki nou bout later in ava ganny retournen e bann peser i ava ganny sa later e nou ava fer nou bann proze lapes?

E pou lo kote lagrikiltir, Minis nou fer sir nou met bann polisi avek bann lenfrastriktir mon tou kou mon konsantre lo mon balans, eski sa voyaz nou pou gannyen sa balans dan labatwar? Vi ki i annan bann nouvo labatwar 1an ki pe fer nouvo? Me pou le moman konpran pou le moman akoz nou bann agrikilter pe kontinyen met presyon pou nou kontinyen rod balans dan labatwar, pou ease zot en pe lo zot zafer.

So apre mon annan sa zafer delo Minis vi ki delo i en gro problenm lagrikiltir, eski Minister pe pran sa an kont e pe rod bann loportinite bann petet lezot fason ki mannyer bann fermye i kapab anmas delo?

E Baie Lazare nou annan en model ki nou fer nou de gran danm e petet sa nou kapab pouse pou bann lezot distrik?  En pti mo lo regional cold storage, pou nou petet fer bann fermye akoz zot sipoze konsantre dan plante e petet si nou kapab ganny bann regional cold storage – parey Onorab Ferrari ti dir oparavan sa enn kot Airport petet sa landrwa i ava bann lenfrastriktir.

Lo kote later met later an dispozisyon bann fermye ki zot later in deza plen e zot pe pouse pou zot ganny bann lezot bout later pou zot kapab devlope, pou anmenn plis sa prodiktivite e ki Seselwa i ava ganny sa bann fri ek legim afordab nenport pri e nou a viv an bonn sante.  Mersi.

 

MR SPEAKER

Mersi Onorab.  PS Talma.

 

PS JUDE TALMA

Mersi Mr Speaker.  Mersi Onorab pou ou bann kestyon.  Mon ava reponn ou kestyon lo Anse Gaulette e Minis i ava reponn kestyon Baie Lazare zafer later e PS Moustache i ava reponn bann kestyon apropriye pou lagrikiltir.

An konsernan Anse Gaulette malerezman mon napa okenn lenformasyon lo okenn proze Anse Gaulette.  Mon annan en lalis tou bann proze SFA avek mon la e Anse Gaulette pa aparet lo la.  Me e regarding Bidze pou sa si i annan okenn Bidze pou sa pou tonm tou bann infractural development pou tonm anba Bidze SFA, ki pe al autonomy lannen prosenn.  E mon ti a kontan si ou donn mon plis lenformasyon lo sa proze Anse Gaulette e mon ava fer sir mon a take up avek SFA pou fer follow-up lo sa proze.  Mersi.

 

MR SPEAKER

Mersi PS Talma.  Minis.

 

MINISTER CHARLES BASTIENNE

Mr Chair.  Konsernan later Baie Lazare ki pe koz lo la, mon krwar ti ava enportan petet ki mon zwenn avek li pou mon ganny en pe plis lenformasyon lo sa size.  Onorab konsernan mon krwar i fer 3enm fwa ou demann mon konsern balans labatwar.  Balans  labatwar i la ! I la ! Sa ki manke balans pou pey koson i a la.  Sa ki pa pe fonksyonnen pou met an plas e balans ki pez bef!  Ou konpran mwan?  Wi.  So balans i la, me prezan se ki operater laba kot labatwar in garanti mon souvan en vizit mon ti fer anviron 2 semenn pase, zot pe fer serten renovasyon pou zot kapab met sa pli gro balans. Ou  konpran mwan?  So balans i la mon vwar mon al vizite mon vwar i pe fonksyonnen tou.  Ok 

Wi dezyenmman konsernan delo se ki ou konnen anba sa Plan Konpreansiv ki nou’n mete – enn bann priyorite nou pa kapab zis dir fermye plante, plante e apre fermye i vin avek plizyer bann rezon bann kontrent akoz zot pa pe kapab plante.

E souvandfwa delo i enn bann rezon valer.  Mon kapab dir ou nou pe tyonbo sa bann proze problenm delo an men, e nou pe fer mannyer partou kot nou konnen nou annan konsantrasyon nou bann fermye pou nou deal avek zot bann problenm delo.

Baie Lazare ou’n koz lo la mon ganny vizit avek sa proze ki EBA in fer – en proze fantastik.  I en proze ki pe kontinyen la zot pe fer en 2enm proze kot tou bann dimoun Val Dan D’Or zot kapab benefisye avek problenm delo – ki mon krwar ansanm avek en Lagreman ki UNDP in sinyen osi avek bann Lasosyasyon  Fermye Val Dan D’Or ki sa osi i ava konplemant pou nou rezourd problenm delo Val Dan D’Or enn fwa pou tou.  Apre osi nou annan problenm delo lezot landrwa.

Par egzanp mon konsyan nou annan problenm delo Anse Etoile, La Gogue – laba osi an se moman menm, nou pe konsevwar nou pe met an plas en bann assessment, neseser pou nou kapab si nou kapab en proze similer Val Dan D’Or wi pou ki nou kapab Val Dan D’Or /Bougainville pou ki nou kapab rezourd problenm delo ki nou annan dan rezyon La Gogue.

Sa i en keksoz ki ankor dan son lo son konmansman.  Nou pe ganny bann cost eksetera e apre nou pou fer miting apropriye avek bann stakeholders konsernen – avan ler nou enplimant en proze parey.

So pou reponn ou kestyon konsernan delo – trez  enportan, si non nou pa pou kapab ganny nou bann fermye, pou valoriz zot later.  An parlan later, later nou annan en kantite later lagrikiltir – mon bann vizit ki mon fer dan bann distrik pandan sa dernyen 3, 4 semenn mon vizit mwan o mwen en 80 laferm par la.

E mon kapab dir ou se ki omwen si pa plis lanmwatye sa bann later pa pe ganny valorize.

E mon krwar poudir nou kler anba nou Plan Konpreansiv ki nou vin avek – bann dimoun ki annan tou neseser.  I annan son delo – o annan tou sa ki i bezwen pou prodwir, me still i pa pe prodwir.  Gouvernman pou napa swa, me nou pou bezwen pran later avek zot donn avek bann fermye ki serye donn sa ki anvi prodwir.

Konsernan laspe cold store – mon kapab dir ki lo menm lanni Minister pe mazinen nou pe fer serten assessment apre ki nou pou ganny nou bann fermye pou prodwir – bann prodwir ekse, ki zot pa pe kapab fini vann ki zot pou bezwen stoke nou pou bezwen gete ki zot in rekolte pou zot al vann detrwa zour pli tar – nou pe vwar konsernan laspe cold storage bann chilling facilities ki nou kapab mete dan bann rezyon, kot i annan bann konsantrasyon fermye.

Sa i en keksoz ki nou pe fer bann assessment la e tousala i form parti plan pou fer sir pou dir nou dir fermye zot ganny akonpannyen tou dilon.  E ki letan zot prodwir si i pa tro al kot market menm zour, me at least zot bann prodwir pa gate.  Mersi Mr Chair.

 

MR SPEAKER

Mersi Minis.  Avan mon donn laparol donn en lot Manm mon ti a zis kontan rekonnet prezans Madanm Maureen Borabid ki Direkter Zeneral pou Resours Imen Administrasyon ek Finans e i osi pe asiste delegasyon Minis.  Bon prosennman mon annan Onorab Norbert Loizeau.

 

HON NORBERT LOIZEAU

Mersi Mr Chair.  Bonzour tou dimoun.  Mr Chair mon kestyon i plizoumwen i ganny demande par Onorab Woodcock, me selman mon ti a kontan ganny en pti leklersisman lo en keksoz – mon pa’n tro ganny li.  Minis in dir pou annan nouvo ice plant non?  Ou’n dir pou annan nouvo ice plant selman deryer dan PSIP la mon vwar i annan R1.2milyon pou upgrading of ice plant petet zis donn mon en pti pe lide ki upgrading ki pou fer kote vi ki pou annan nouvo ice plant ki sa upgrading sa R1.2milyon? Petet en pti leklersisman?

 

MR SPEAKER

Mersi Onorab.  PS Talma.

 

PS JUDE TALMA

Mersi Onorab Loizeau.  Mersi Mr Speaker.  Pou sa upgrading ice plant, sa ti en finansman anba PSIP pou upgrade bann ice plant rezistans, ki’n ganny fer sa lannen.  Sirtou letan i ti annan sa bann crisis letan i annan pli boner sa lannen, kot prodiksyon ice in vreman desann.

E konsernan sa 5 nouvo ice plant – annefe i annan 6 nouvo ice plant i annan enn ki’n fini arive finanse par proze CLISSA parey Minis in fer resorti, e sa i pou La Retraite epi i annan 3 ice plant ki nou pe ranplas 3 existing ice plant sa enn Anse La Mouche, Praslin ek Anse Royale pe ganny ranplase.  Akoz sa bann vye ice plant bann Zaponnen e nou bezwen ranplas zot e zot efficiency i vreman ba parey sa enn Anse La Mouche i zis 20poursan prodiksyon.  E 3 nouvo ice plant sa lot de nouvo ice plant enn pe ganny met enn pe ganny met Anse Aux Pins, apre enn mon krwar pe met La Digue.  Thank you.

 

MR SPEAKER

Mersi PS.  Onorab Loizeau.

 

HON NORBERT LOIZEAU

Zis en pti leklersisman ankor – sa ice plant Bel Ombre li osi i pou annan upgrading lo li vi ki lannen pase ti annan R237mil ti pou fer en travay lo la, mon panse i pe marse non for the upgrading lo li?

 

MR SPEAKER

Mersi Onorab.  PS.

 

PS JUDE TALMA

Sa ice plant Bel Ombre pe marse, me i ankor still pe ganny problenm avek ki bann enzenyer i ankor pe travay lo la.  I paret mwan i pa menm problenm ki ti annan pli boner sa lannen – in devlop en lot problenm.

 

MR SPEAKER

Mersi PS.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair avek ladmirasyon mon eksprim mon lapresyasyon pou sa ice plant ki mon tann PS in dir pou met Anse Aux Pins.  Me mon kestyon i letan mon pe get dan Bidze mon pa vwar nanryen pou travay ki – mon met li anba Departman Lapes – akoz SFA ti anba Departman Lapes, zot pa ankor fer nanryen pou sa bann peser ki zot in dir zot pou fer sa container.  Depi ler nou a pe esper 2020 pou fer.  Si pa pou fer dir sa bann peser zot a konnen ki laranzman zot pou fer.  Zot fer en breakwater nou fer en slip – sa slip gomon i lo la peser i desann avek son masin i tonbe i ganny dimal!

Nou dir met mon pa vwar dan Bidze – akoz ankor mon pe demande dan Bidze, akoz i pa’n met sa bann pti letan mon ti telefonn zot, zot dir mon i annan bann pti karoutsou ki zot in mete pou at least minimiz sa bann lenpak; ziska konmela pa ankor ganny fer!

Annou get en pti kou peser Anse Aux Pins!  La ou dir ou pe met en ice plant – zot kontan zot me oli larzan ladan, pou fer sa bazar ki sipoze ganny fer?  Oli larzan ladan pou fer sa bann fasilite pou sa bann dimoun gannyen?  Sa store ki zot annan napa ditou toilet avek, zot annan sa problenm.  Pwason i vann lanmenm bokou dimoun i monte i aste pwason;- sey ed zot silvouple pou lanmour Bondye ed Anse Aux Pins en kou.  Mersi.

 

MR SPEAKER

Mersi Onorab.  PS Talma.

 

PS JUDE TALMA

Mersi Onorab.  Mersi pou ou kestyon.  E parey ou konnen ou menm sa bann devlopman ki pe ganny fer Anse Aux Pins pe ganny fer by 2020.  Me selman finanse par SFA avek larzan Linyon Eropeen.  Premye faz sa proze in ganny fer parey ou dir e i annan sa bann rock armoring apre i annan sa slip, mon ti okouran poudir ki ti annan sa bann problenm avek sa bann slip, avek sa rock armoring be mwan mon ti krwar sa in rezourd.  Me I will take – mon ava take up sa avek SFA pou regarde ki sityasyon sa bann rubber slip la ki pa pe marse.  E mwan fransman mon ti krwar sa in rezourd sa problenm.  E status of proze Anse Aux Pins la se ki SFA pe atann response avek 2020 an konsernan kotasyon e konfirmasyon avek plan ki pou ganny aprouve.  E SFA i ankor pe esper sa avek 2020.

 

HON CLIFFORD ANDRE

Koz en pti pe pli for akoz mon pa konpran preski ditou la kote isi ki PS i dir.

 

MR SPEAKER

Mersi PS.

 

PS JUDE TALMA

Ok Onorab mersi akoz mon en pti pe pti mon bezwen avans devan.  Parey ou konnen se sa proze Anse Aux Pins pe ganny enplimante by 2020 me selman finanse par SFA avek larzan Eropeen.  I annan sa premye faz in fini e ti pe enkli rock armouring avek sa bann slip ki ou’n mansyonnen  -me mon pa ti ankor okouran si sa bann slip ti annan problenm avek – si ti annan defo avek.  E mon a promet ou ki sa mon ava follow- up avek SFA.  Annefe mon ti okouran, me mon ti krwar in ganny rezourd sa problenm.  E an se ki konsern sityasyon aktyel avek sa proze se ki SFA i ankor pe atann serten lenformasyon avek ‘2020’ pou ki i kapab avans devan avek sa proze.

 

MR SPEAKER

Mersi PS.  Onorab Andre.

 

HON CLIFFORD ANDRE

Si ‘2020’ i en pe lwen eski i annan larzan in mete dan Bidze pou nou kapab kominik avek ‘2020’ pou nou kapab ganny sa proze up and running silvouple?  Mersi.

 

MR SPEAKER

Mersi Onorab.  PS.

 

PS JUDE TALMA

Larzan i pa dan Bidze Minister sa larzan.  Sa larzan i anba funding par Linyon Eropeen larzan i la li. Ok kontrer sa larzan nou bezwen servi, akoz si ou pa servi sa larzan ou riske perdi sa larzan.  E sel keksoz ki SFA i ankor pe atann se pri bann kotasyon pou avans devan avek sa proze.

 

MR SPEAKER

Mersi PS.  Onorab Andre.

 

HON CLIFFORD ANDRE

Mon vreman dezapwente pou mon aprann poudir  larzan i la mon ti konnen poudir i annan larzan ki disponib, me mwan ki mon demande si sa kominikasyon ant SFA avek ‘2020 ‘mon vwar i annan larzan pou telefonn – mon vwar i annan larzan pou internet, mon pa pe konpran ki problenm nou pe gannyen pou nou kapab enplimant en proze ki larzan i la!

 

MR SPEAKER

Mersi Onorab.  PS.

 

PS JUDE TALMA

I annan en Komite ant SFA avek 2020 ki oversee devlopman sa proze.  E mon konpran ou konsern e larzan i la pour kwa proze pa pe avanse me i paret ki keksoz i slow me mon kapab promet ou ki Minister i ava take up i ava follow-up avek SFA avek 2020 why sa proze pa pe avanse.

 

MR SPEAKER

Mersi PS.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair bonn apre midi.  Mon ti a kontan demann Minis ek PS, an se ki konsern fisheries kot i konsern monitoring and evaluation, eski sa Bidze pe fer provizyon pou zot met staff adisyonnel pou fer monitoring and evaluation sirtou la ki SFA in al otononm?  E ki zot bezwen par egzanp regard serten area Polisi ki i annan en problenm?  Akoz SFA i vin autonomous so i pa pe vin devan nou anba sa Minister.

Me problenm lo en Polisi perspective nou annan en problenm, akoz par egzanp enn bann eleman ki SFA i sipoze pe deal avek, i sipoze sa fuel concession pou peser.  E baze lo (S.I) ki ti baze an 2018 an Zen 2018 sa fuel concession i sipoze pas atraver SRC prezan.  Me sa pa pe ganny fer prezan pa ankor konmanse.

So ki dele letan nou pe regarde from ozordi avek mon pa konnen kan, ki bann peser i due zot konsesyon, zot a kapab konmans ganny peye sa bann konsesyon?  Akoz mon pa kapab demande sa kestyon SFA, mon bezwen demann zot e sa i en kestyon ki al dan monitoring.  E se pou sa rezon ki mon’n demann zot, si zot pou annan staff adisyonnel pou deal avek monitoring?

 

Akoz enn bann rezon ki dapre bann peser zot pe dir, i baze lo zot pe dir poudir i annan labi e sa pe fer ki konsesyon pe ganny servi – pa neseserman par bann dimoun ki pe fer sa aktivite.

Me sa i pa lafot sa bann peser ki pe fer sa aktivite byen, me ki pa pe ganny zot konsesyon e zot devret pe ganny sa konsesyon.  E si sa konsesyon i bezwen pas atraver SRC parey S.I. Excise Tax and Fuel Concession i dir – 2018, then kan ki nou pou konmans fer sa bann prosedir, pour ki sa bann peser i konmans ganny peye zot konsesyon, ki i annan la dan mannyer ki mon konpran – zot a koriz mwan si mon mal – in al pou 3mwan?  Mersi Mr Chair.

 

MR SPEAKER

Mersi Onorab Pillay.  PS Talma.

 

PS JUDE TALMA

Mersi Onorab Pillay.  Mersi Mr Speaker.  Mon ava pran sa premye kestyon apre PS Finans i ava pran 2enm kestyon apre Minis i a follow-up lo kestyon fuel.  Konsernan sa PMNE sa PMNE se ki i annan en unit PMNE dan Minister e son responsabilite se ki monitor, evaluate tou bann aktivite bann proze ki Minister li menm li i pran e menm son bann lezot Lazans osi e ki enkli bann SFA osi tou.

 

MR SPEAKER

Minis.

 

MINISTER CHARLES BASTIENNE

Mr Chair, konsernan fuel sa allege konmkwa ki i annan labi dan fuel, se ki mon kapab dir i konfirm avek sa Lasanble poudir Minister in konmans en legzersis avek SFA as part of sa plan ki nou pe devlope, kot nou pe pran tou bann lenformasyon vizavi bann mouvman bann bato – tou bann ki anrezistre avek SFA, ki pe benefisye avek sa konsesyon – zot bann aktivite zot bann landing e tou bann lezot lenformasyon ki SFA in gannyen ki anmase prensipalman kot zot bann primary landing e secondary sites.  

        E nou pe fer serten analysis.  E baze lo sa then evidaman avek letan nou devwal sa plan then i annan serten desizyon ki pou ganny pran lo la.  Me antretan mon kapab dir – wi lenformasyon ki mon gannyen avek SFA, i annan serten retar dan peyman lo konsernan zot fuel refund.  E CEO in konfirm avek mwan poudir zot pe finaliz processing Septanm avek Oktob.

Me laranzman ki zot annan se ki normalman by le 20 of the following month, zot in bezwen fini pey the previous month.  Me in dir mon poudir anvi ki zot in run out of en pe larzan, zot in bezwen fer serten virement.  E in donn mon lasirans ki by le 15 Desanm pli tar, tou sa bann outstanding ki annan konsernan bann refund fuel, pou’n fini ganny adrese.  E konsernan SRC ki sipoze pou sa S.I. ki’n ganny fer konsernan sa refund fuel petet PS Finans i ava adrese.

 

MR SPEAKER

Mersi Minis.  PS.

 

PS DAMIEN THESEE

Mersi Mr Chair.  I korek ki nou annan sa S.I. ki’n sorti konsernan Excise Tax pou refund fuel pou bann peser.  E nou ti pe travay lo en model ki pa pou enkonvenyans sa bann peser, pou al kot SRC.  I pou azout en kapab dir en fardo administratif pou SRC e pou osi enkonvenyan pou bann peser.  So nou ti pe diskite e Departman Trade i sipoze zwenn SFA demen pou li propoz sa model, ki pou pli fasilit ek bann peser.

Savedir kontinyen operate avek SFA e li an retour SFA i ava soumet sa bann claim li in bulk avek SRC pou li ganny sa bann refund.  So akoz nou anvi pli zou mwen senplifye en pe sa bann prosedir, pou pa enkonvenyan sa bann peser.  So demen Departman Trade pe zwenn avek SFA pou donn li sa model, me pou le moman SFA in a way pe fer en virement; savedir by next week tou bann protokol pou annord e pou kapab sort out tou sa bann aryeraz.  Mersi.

 

MR SPEAKER

Mersi PS Thesee.  Onorab Pillay.

 

HON SEBASTIEN PILLAY

Mersi Mr Chair.  Mr Chair to go back lo sa pwen unit dan Departman Fisheries – PS ou a dakor ek mon ki si ou go around Lasanble la, ou pou ganny en kestyon from laplipar MNA as to en proze ki SFA pe enplimante, ki pe pas atraver bann serten retar –  for different reasons.  Be enn bann ki sa ki mon ganny dir se ki en mankman lo nivo project delivery – so dan zot project unit.  E tou sa bann proze i konsern bann lenfrastriktir ki i bezwen ganny konstri; – i annan distrik Glacis i annan la nou tann Anse Aux Pins nou pou tann bann lezot landrwa.

Mon pa oule al dan detay sa bann proze bann MNA i ava demann sa bann kestyon spesifik si zot kapab si zot ti ganny permet, me mon kestyon se ki si zot kapab kwa poudir zot devret reinforce sa bann unit; vi ki kanmenm nou anvoy SFA otononm la, pou donn li en serten sipor lo konmansman, pou deal avek sa bann proze ki pending, ki nou ava fini deal avek sort of en fire fight si ou pe dir; – tackle sa bann issues la ki ler SFA i konmans rollout – i target sa bann fisheries-related aspect ki zot a kapab konmans fer li.  Akoz i annan en very good move pou fer sa SFA otononm;-  tre byen.  Mon konpran lide deryer sa be selman from the policy ambit i mank serten monitoring.

Mon lot pwen mon go back to sa fuel concession;- PS Finans in donn nou lenformasyon ki demen i annan miting ki pe sort out sa.  Sa ki mon bezwen impress PS, se ki i bezwen annan serten urgency.  akoz fodre ou konpran poudir i annan peser ki’n al tre lwen e ki ler zot in anmenn sa catch ater – pri – market deza i en problenm pou zot gannyen, e zot pa pe kapab recoup serten cost.  E sa bann kou i heavy lo zot.

Mon krwar across Lasanble antye lo tou bann Komite Peser sa i en konsern ki pe ganny eksprimen.  So eski nou kapab donn en serten mon pa oule commit Minister Finans Mr Chair me selman mon krwar nou bezwen rod en serten finalite rod en solisyon.  Eski nou kapab donn en lide kan eski sa bann peser pou kapab ganny peye – part of the concession ki zot owed part of that refund or all of that refund ki nou ava clear the books pou sa lannen, e ki next year nou ava konmans lo en fresh approach?  Mersi Mr Chair.

 

MR SPEAKER

Mersi Onorab.  I annan 2 part kestyon PS Talma.

 

PS JUDE TALMA

Mersi Mr Speaker.  Mersi Onorab.  Mon krwar ou sizesyon i tre byen – ki nou met en pe plis lanfaz monitoring lo sa bann proze ki SFA in enplimante.  I en fe ki la mazorite ki bann proze i an retar.  E mwan letan mon come in as PS se premye keksoz ki mon remarke se ki lamazorite ki proze ki SFA pe take up, i an retar pou diferan rezon.  Mon pa pou al dan bann diferan rezon e krwar sel proze ki nou on time sa lannen 2enm faz Providence ki’n ganny fer par bann Zaponnen ki’n vini menm zour ki in fer sa zot in deliver sa bann sa proze on time 1mwan davans.  E mon pran note tou sa ki ou dir mwan.  E parey ou’n dir mwan ou bann lezot koleg osi dan Lasanble i okouran sa bann retar, ki bann proze SFA i fer fas avek.  I en fact i pa fo.  E mon fer sir ki nou Minister parey ou’n dir nou ou ranforsi lo monitoring – MNE lo sa bann proze.  Mersi.

 

MR SPEAKER

Mersi PS.  PS Thesee.

 

PS DAMIEN THESEE

Mersi Mr Chair.   Wi nou, nou kapab donn garanti ki sa problenm pou sort out – anvi ki nou konnen tou le lannen pase nou ti annan bann challenge finansyel avek bann refund – nou ti bezwen vin rod supplementary.  Me la an vi ki nou annan laranzman kot nou kapab fer refund direkteman sa excise – i pou sort out nou problenm la e bann a lavenir ki nou bezwen al fer additional fund pou ganny larzan pou recoup pou fer sa bann fuel subsidy.  

        So parey mon dir de ki Trade i kominik avek SFA demen laranzman ki pe fer SRC  in fini ganny basically advice lo la, i annan zot pou zot by next week sort out e fer tou bann peyman ki i annan.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman mon zis anvi avan mon demann mon kestyon zis ganny en pti klarifikasyon parske pli tar i annan Seychelles Agricultural Agency e mon anvi zis ganny klarifikasyon lo progranm Lagrikiltir sa ki nou apel sa Plan Konpreansiv i tonm la dan sa Bidze bout la ki nou pe koze oubyen si i pou tonm anba SAA?  Konmsi pou mon pa demann en kestyon ki pa tonm anba la.  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Chair.  Plan Konpreansiv son enplimantasyon i tonm anba SAA, alor i pou apropriye pou demann kestyon avek CEO SAA – an gran parti.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Ok mersi bokou.  So mon ava anmas sa enn pou pli tar.  Mr Chairman i annan enn bann konsern an sa ki konsern nou marine ecosystem e sa i annan byensir direk avek fisheries – se sa konsern ki ou rol ki sa landfill Providence i pou annan lo nou marine ecosystem?

        E aparaman i annan serten konsern ki bann syantis pe eksprimen, ki i kapab annan en lenpak negativ.  Mon pe zis demande si zot annan okenn provizyon dan zot Bidze, pou ki zot kapab fer bann analiz syantifik letan i ariv ler?  Parske sa ok – landfill i enn ki’n ganny mansyonnen, me i osi annan bann sityasyon kot par egzanp la nou pe koz lo en gomon – nouvo kalite gomon ki pe anvair nou losean, e ki kapab annan en lefe negativ lo nou fisheries.

Alors eski dan zot Bidze zot annan en provizyon pou nobou regard sa bann keksoz?  Dezyenmman – ankor enn fwa la lo kote fisheries, ki kalite lankourazman ki nou pou annan dan sa Bidze, malgre ki nou kapab dir sa i en keksoz ki sekter prive i devret antre ladan, me osi Gouvernman parey nou espekte Gouvernman i kapab donn lankourazman pour ki bann dan devlopman long lining, nou kapab trouv nou dan en sityasyon kot bann peser – bann boat owners zot kapab ganny bann laboutik – kapab ganny bann laboutik kot zot kapab al aste tou zot bann lekipman.  E la mon pe demann sa kestyon anliny avek konsesyon – par egzanp ki Gouvernman i kapab donnen pou ankouraz devlopman sa sekter lapes.  Etandonnen osi ki ozordi nou pe koz lapes soutenab e nou konnen ki poudir lapes avek bann lasenn – parey i ganny fer avek bann fad e tou nou pe dekouraze.

Alors lefe ki long lining i enform lapes pli soutenab, alors ki nou pe fer pou nou kapab ankouraz sa devlopman?  E apre i annan sa kestyon Polisi ki ti ganny anonse lot zour mon mazinen sa i ava vin dan SAA.  Mersi bokou.

 

MR SPEAKER

Mersi Onorab.  Minis.

 

MINISTRER CHARLES BASTIENNE

Mr Chairman.  With regards to lefe ki landfill i annan pou marine ecosystem, mon krwar ki sa i en travay ki nou pou bezwen fer avek Minister Lanvironnman, pou nou kapab vwar vi ki en gran laspe i annan pou fer avek zot.  Me selman pou sa pti git letan ki mon dan Minister Lapes mon kapab dir, i premye fwa ki mon atann poudir landfill pou annan en lefe lo nou marine ecosystem.  

        Me mon krwar poudir mon a diskit avek mon koleg Lanvironnman e si i neseser pou nou fer serten letid lo la – si i deza annan konsern me alor i pou bezwen annan nesesite pou fer letid pou kapab konfirm oubyen deny poudir sa i leka.

Dezyenmman konsernan laspe long lining Mr Chair mon kapab dir avek sa Lasanble konmkwa ki dan sa plan ki nou tyonbo nou konmans fer la nou e regard tou laspe e nou pe regard avek tou kous bann stakeholders – ki swa bann semi endistriyel bann ki annan long lining ek lezot – artizanal pou nou vwar ki mannyer nou kapab antre konman Gouvernman, pou nou kapab kot i neseser e kot i posib pou nou kapab asiste.  

        So sa i ava sorti letan nou pou zwenn ek zot e parey nou fer en commitment ki by Mars lannen prosenn nou pou dan en pozisyon pou nou kapab fer serten lanons lo tousala, apre ki nou fini fer nou bann konsiltasyon ek nou bann resers.  So me selman an menm tan mon kapab dir se ki lapes deza pe enjoy serten konsesyon plizyer konsesyon zot pe enjoy parey lagrikiltir.  Me nou ava vwar ki bann lezot keksoz ankor ki bann long lining depandan lo resers ki’n ganny fer ki bann resours ki pa neseserman ki annan presyon lo la ki nou anvi ki peser i tap-into ki pou nou donn plis lankourazman.  Mersi Mr Chair.

 

MR SPEAKER

Mersi Minis.  Minis mon annan en pti konsern vitman ki sipor ou administrasyon pe aport-e par egzanp pou bann fermye ki travay 24 lo 7, pou sey mentenir sekirite alimanter me ki souden en nouvo rezidan i vin reste obor laferm e i deside anmenn en case legal, pou demann sa laferm pou aret prodiksyon e akoz par egzanp loder laferm oubyen zannimo ki fer tapaz? Eski ler en fermye ki pou bokou lannen pe travay pou soutenir lagrikiltir prodiksyon manze dan pe,i i fer fas avek en problenm parey, eski ou Minister i antre pou aport lasistans oubyen sipor?  Minis.

 

MINISTER CHARLES BASTIENNE

Mr Chair, konsernan ou kestyon mon okouran sa case e sipoze pou fer en vizit tre byento pou mon kapab vwar ki mannyer sa fermye – son konsern ki mannyer i pe ganny afekte.  Mon kapab dir ou poudir nou annan bann areas ki’n ganny designated konman bann later lagrikiltir pandan plizyer lannen e nou konman Minister nou Minister Lagrikiltir evidaman nou otan ki posib pou nou kapab protez sa bann later lagrikiltir, pou fer sir poudir bann aktivite ki’n ganny fer lo sa bann later lagrikiltir pandan plizyer lannen, i kontinyen ganny fer.

Me parey ou’n dir se ki i malere parfwa ki i annan serten dimoun zot vini zot vin konstrir dan zanmerant kot i annan bann later lagrikiltir bann travay bann fermye ki pe fer zot bann travay, kot soudennman nou vwar kot vini zot vin met serten presyon, pou ki sa bann dimoun prezan ki vin en problenm pou zot.

Me mon krwar osi sa i en keksoz ki Minister – mon Minister pou bezwen fer serten diskisyon avek Minister ki responsab pou pPanning pou ki nou kapab adres sa bann size a lavenir ki i pa ganny repete.

Me selman an konsernan sa case an partikilye in anmenn dan mon latansyon e mon sipoze fer en vizit pou mon kapab regarde ki kalite sipor nou kapab apport sa fermye an partikilye.  Mersi Sir.

 

MR SPEAKER

Mersi Minis Bastienne.  Bon nou ariv en moman pou nou kapab pran en vot lo sa sonm ki pou Minister Lagrikiltir avek Lapes sonm R15, 755milyon ki trouve lo paz 330 ziska 335 e ki form par dan sa Schedule.  Nou ava demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  24 Manm an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Lasanble Nasyonal in avek tou Manm ki prezan zot in vot an faver Bidze pou Minister Lagrikiltir avek Lapes.  Bon avek sa nou ava remersi PS Talma PS pou Lapes, avek Mr Jude Barra ki Accountant e Mrs Maureen Bouabid.  Eski PS Moustache i reste pou lot?  Yes ok nou ava eskiz PS Talma avek Mr Jude Barra avek Mrs Bouabid.

 

(PS TALMA AND HIS DELEGATION WAS EXCUSED FROM THE HOUSE)

 

MR SPEAKER

Bon PS Thesee ou ava gid nou lo prosen Departman.

 

SEYCHELLES AGRICULTURE AGENCY  -(SAA)

 

PS MR DAMIEN THESEE

Mersi Mr Chair.  Nou a pran paz 336 pou Seychelles Agriculture Agency pou en sonm R65, 235milyon.  Mersi.

 

MR SPEAKER

Mersi PS.  Mon pou zis profite pou fer en pti koreksyon bomaten ler mon ti dir se bato Mr Danny Loizeau ki ti rescue sa peser Bel Ombre i ti en bato ki ti apel Bon Ker e i pou Mr Ibrahim Suleman.  So zis mon anvi koriz sa an piblik.

Alor Bidze pou Lazans Lagrikiltir i trouve lo paz 336 ziska paz 343 pou en sonm R65, 235milyon.  Bon mon ti a kontan dir en bonzour e welcome parmi nou CEO pou Lazans Lagrikiltir Madanm Linetta Estico ki akonpannyen par Madanm Lina Bodombo- James ki en Senior Accountant e Ms Doris Esther ki Direkter pou Resours Imen e Administrasyon.  Nou ava konmans avek kestyon mon ava demann Manm ki pare pou demann kestyon ok.  Nou a konmans avek Onorab William.

 

HON WAVEN WILLIAM

Mersi Mr Chairman.  Mon annan detrwa pti kestyon mon ti a kontan lefe ki mon vwar i annan en logmantasyon dan Bidze SAA, e lefe zot pe demann Lasanble pou aprouv sa Bidze mon anvi demann CEO lefe ki Minis in dir se SAA ki pou enplimant sa plan stratezi; vizavi proze delo mon vwar anba PSIP i annan enn de landrwa kot zot pou annan proze delo semen ensidswit lefe ki Grand Anse Mahe pe rankontre delo – tiyo kase –  bann vye tiyo?

E Minis an menm tan i annan sa proze semen Letsi mon anvi konnen si – enn;- bann fermye in ganny konsilte vizavi sa proze? E mon trouv nanryen larzan ki’n ganny mete mon anvi konnen en pti pe detay lo sa proze – ki fason zot anvi fer li e si i pou ganny fer par faz?

Dezyenmman Minis i annan sa problenm voler mon konnen poudir ou’n mansyonnen dan sa plan stratezik, ou annan en nide ki fason pou travay avek bann fermye – kan eski nou pou annan bann rollout plan vizavi sa?

Epi nou annan sa problenm la Minis kot i vre ki nou pou al met nou pou al increase levy lo bann lavyann enporte, me selman mon rappel ki ti annan en lensidan an 2009 letan kot nou ti le enpoz levy bann enportater ti fer desann – menm bann bouse osi ti fer desann kot bann prodikter lavyann ti ganny afekte.  So ki fason la lefe ki deza serten bann enportater in deza fer desann, so i pe antre an dire an konpetisyon ;- so ki fason nou pou vreman adrese ki bann prodikter lavyann i pou ganny proteze?  E dernyerman Minis lefe ki zot mon krwar zot in tir sa Board Trust Fund zot pe al met li anba SAA, ki lavantaz sa pou annan pou bann fermye avek bann prodikter lavyann?  Mersi.

 

MR SPEAKER

Mersi Onorab William.  CEO.

 

CEO LINETTA ESTICO

Mersi Mr Speaker.  Bonn apre midi bann Onorab isi prezan.  Bonn apre midi bann oditer.  Mon a konmans avek premye kestyon ki Onorab William in demande konsernan bann proze delo ki pou tous strikteman bann fermye spesifikman Grand Anse Mahe.

Onorab kot i konsern proze delo Grand Anse Mahe nou deza fer provizyon dan Bidze 2019 nou annan en sonm R2milyon ki nou mete e enn sa bann proze ki pou ganny kouver ladan se zisteman proze delo Grand Anse, ki nou konnen i annan serten renovasyon ki bezwen ganny fer – serten tiyo ki bezwen ganny ranplase.  E osi adisyonelman nou annan en group fermye ki pa pe vreman konekte lo sa sistenm, e nou pe fer sir sa delo nou bezwen zwenn sa bann fermye.

E sa bann fermye ki pa ganny touse nou deza an kontak avek zot pou gete dan ki fason pli byen nou kapab met sa sistenm.  Kot i konsern proze semen Grand Anse Mahe parey nou dir proze Semen Letsi sa i pe ganny finanse par Livestock Trust Fund e nou vwar deza poudir in ganny advertise dan Nasyon ; savedir proze is on its way nou pou al evalye apre midi menm la, e proze i espekte konmanse kekfwa dan 10 zour.

Kot i konsern Board – LTF zot konnen Board SAA – LTF larzan LTF pe ganny donnen dan en fon kot Minister Finans.  E sa fon pou ganny zere par SAA.  E la sa fon nou pou servi li pou bann proze ki pou tous fermye.  E l’ansanm avek bann stakeholders – Board SAA osi tou pou ladan ek Minister avek bann fermye, nou pou gete lekel proze ki i kapab anmenn benefis pou nou bann fermye.

E la parey nou pe dir nou annan proze irigasyon, nou annan proze semen – nou annan menm bann konsesyon ki nou pe met an plas pou ankouraz fermye pou retourn dan prodiksyon.  Parey nou met an plas bann incentive pou bann livestock farmers ki zot in vwar poudir zot kou prodiksyon i sitan o, e kou pli o se manze zannimo nou pe fer sir poudir nou donn zot bann incentive pou zot kapab fer fas avek sa bann kou.

Kot i konsern voler – dan nou Plan Konpreansiv nou ti fer sorti poudir i en defi ki nou fermye in met devan nou dan nou miting ki nou fer ek zot, e nou pe travay ansanm pou nou kapab anmenn en plan devan, pou fer sir ki bann dimoun ki vann bann prodwir lo bazar – ou les zot bazar ;- pa zis bazar Victoria si nou kapab ganny en receipt system kot sa dimoun letan i al vann son keksoz i bezwen dir kote in ganny sa bann prodwir.

Nou bezwen trace back kote sa bann dimoun in ganny sa bann resi sa bann prodwir swa i pou from en fermye anrezistre e sa i pou sa fermye i bezwen annan en registration number, e sa fermye i bezwen montre poudir sa fermye in ganny anrezistre.

Selman sa nou pa ankor met an plas.  Nou bezwen diskite pou nou kapab annan en proper system pou nou kapab monitor of course nou pou bezwen osi lasistans Lapolis pou kapab fer bann travay ansanm avek nou.

 

MR SPEAKER

Mersi CEO.  Minis.

 

MINISTER CHARLES BASTIENNE

Mr Chair wi.  Konsernan laspe levy, levy o kontrer i sipoze annan serten lenpak lo lenportasyon.  Nou espekte poudir nou pa espekte pou reponn ou kestyon direkteman Onorab se ki nou pa espekte pou afekte nou bann fermye lokal o kontrer atraver bann diferan incentive konsern ki nou pe donn fermye lokal ki zot ogmant zot prodiksyon, e vwala kot nou espekte zot osi ki petet zot kapab improve lo zot pri.  Anvi ki zot konsesyon nou pe donn zot se zisteman pou kapab soulaz zot enpe lo zot cost of production – ki an retour zot kapab petet donn pass on sa serten rediksyon avek Manm piblik;- ki en fason i pa pou neseserman ki sa gap ki annan ant lenportasyon ozordi nou pe vwar par egzanp dan kategori poul i pa telman en gran gap apar serten kategori ki nou pe ki annan kot i annan serten gran gap.  Me larestan bann whole chicken nou krwar pa neseserman gran.  Me nou espekte ki sa gap i espekte ki i a vin en pti pe pli pre ant lenportasyon avek prodiksyon lokal.  Mersi Mr Chair.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Chairman.  Mr Chairman mon ti ava demann Minis petet pou re konsider annan en miting avek bann fermye ki prodwir lavyann selman.  Akoz ki arive se ki bann ki annan deza bann labatwar zot pou benefisye, me bann ki pa pou ki napa labatwar e ki bezwen petet al vann avek bouse i annan en problenm.

E si an menm tan Minister i a konsider osi parey i annan bann bazar dan bann rezyon ki pe prodwir zot lavyann fre, i kapab petet ganny en bout pou kapab vann ki konsonmater i kapab vreman ganny bann lavyann fre.

An menm tan Minis mon dernyen kestyon se ki lefe ki kot bann stor lagrikiltir i annan bann travayer casual ki depi en bon pe letan zot la zot eksperyanse eski Minister i kapab anploy zot an plen tan akoz zot en pti pe enserten lo zot fitir lanplwa.  So zot la casual zot in fer en bonpe letan me akoz ki Minister pa konsider anploy zot.  Mersi.

 

MR SPEAKER

Mersi Onorab.  CEO.

 

CEO LINETTA ESTICO

Mersi Onorab William.  Lo kote stor nou fer vini casual spesifikman letan nou annan bann lenportasyon ki in antre.  Savedir zot la pou donn lanmen saroye met dan pickup epi replase dan nou bann bulk stock ki sitye Grand Anse.  E la nou annan en group casual ki sak fwa nou annan lenportasyon nou kri zot pou zot kapab ed nou pou fer sa bann plasman lo nou stor – pou lev bann inputs.  Apard sa nou pa vreman bezwen zot full time – nou bezwen zot zis part time.

 

MR SPEAKER

Minis.

 

MINISTER CHARLES BASTIENNE

Mr Chair, konsernan kestyon Onorab mon krwar ou pe koz presizeman lo lavyann pork si mon kapab konpran ou byen en keksoz ki ou bezwen konpran se ki letan Gouvernman ti deside pou donn sa subsidy bann fermye lo prodiksyon pork ki dayer i R6.50 pou sak kilo pork sa larzan i sipoze direkteman pou sa fermye.  Sa larzan pa pou sa bouse. Akoz nou fer sir poudir letan i annan en sistenm ki nou met an plas kot labatwar, ki sak fwa ki okenn koson i vin kot labatwar, i ganny deklare kote sa laferm in ganny sorti e ki i annan en dokiman ki ganny fer par labatwar ki apre ki sa dokiman sa fermye konsernen i ganny en kopi pou li kapab letan lafen le 15 of the following month, pou li kapab ganny son konsesyon li osi pou li kapab ganny refund sa R6.50 par kilo.

So menm si en bouse i aste sa lavyann avek sa koson avek sa fermye i pa pou li sa R6.50 i go back to sa fermye, akoz nou pey direkteman letan i pou ganny peye sa refund sa larzan i ganny peye direkteman avek sa fermye e bouse pa antre dan sa equation li.  Mersi Mr Chair.

 

MR SPEAKER

Mersi Minis.  Onorab William.

 

HON WAVEN WILLIAM

Mr Chairman.  I annan en kestyon i pa’n ganny reponn vizavi sa Semen Letsi Minis mon anvi konnen akoz ki arive se ki sa semen la i annan depi pon i annan apepre 2 pon menm 3 ki mon kapab dir – so mon anvi konnen e bann fermye i anvi konnen konmsi sa design sa semen, eski zot pe refer depi son pon akoz sa bann pon i date depi konbyen letan pase eski sa pon semen;- eski i pe enkorpor an reparasyon sa bann pon? E pou fer sir ki sa travay i ganny fer byen e si i pou ganny fer par faz nou anvi konnen si i pou ganny fer par faz oubyen swa antye.  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Chair.  Mon rappel en fwa dan Lasanble ou osi ou’n deza demann mon sa kestyon ansanm avek Onorab William.  E mon ti donn en commitment back then poudir sa semen pou konmanse ver lafen Oktob koumsa. Me apre ki mon reponn sa kestyon mon al go back avek SAA pou mon get byen sa proze an detay.  Ler mon regard sa proze an detay mon ti konstate poudir sa proze ti pou kouver anviron antye sa semen sirtou i ti pou konmans anler i ti pou konman en tyer bout lo konmansman i pa ti pe neseserman ganny kouver.

E vwala kot mon asize avek SAA ansanm avek zot project team nou vwar ki mannyer nou kapab fer sa proze dan son totalite ok ?  E vwala kot nou bezwen kennsel sa tender avan ki ti ongoing refer en lot tender pou fer sir poudir ki proze i konmans depi kot main road ziska anler kot sa dernyen fermye anler dan leo ok.

E wi dan sa proze mon ganny sans vwar dokiman dan sa proze i enkli pou nou kapab refer en major pon pou refer sa pon.  Dezyenmman i enkli pou nou kapab ankor 2 oubyen 3 lezot pti pon ki enkli ladan pou nou fer li properly.  E parey CEO in dir sa proze ti ganny met lo tender e ozordi tou bann tender i ouver e la right now analysis pe ganny fer lo la, e nou espekte ki sa i si tou keksoz pou al byen nou espekte dan sa prosen 10 a 15 zour proze i a kapab konmanse.

E mon kapab dir osi se ki kou estimasyon orizinal letan ti pou fer semen antye konpare avek sa ki nou pe gannyen la, la i apepre zis 60poursan e se pou sa rezon ki nou kapab afford pou fer sa proze antye, dan son totalite apre ki nou re tender.  Mersi Mr Chair.

 

MR SPEAKER

Mersi Minis.  Bon zis avan nou pran Break nou annan 8 Manm lo mon lalis ; zis en pti kestyon Minis pou swiv sa ki Onorab William in demande levy ler fermye i anmenn kot labatwar i fasil monitor pou kapab re-pey sa fermye, me si sa fermye i annan son prop labatwar eski Minister oubyen Lazans i annan fasilite pou li monitor ki in touy tan poul tan koson eski zot annan sa fasilite pou kapab ranbours li sa amount ki in ganny tir dan Bidze?  Minis.

 

MINISTER CHARLES BASTIENNE

Wi Mr Chair.  Nou annan en dimoun an permanans kot labatwar ki pe fer sa bann monitoring.  So ler nou ti konmanse apartir le 1 Oktob nou annan en dimoun laba ki pe monitor ki swa ki’n ganny anmennen par bann fermye oubyen ki swa i pou propriyeter sa labatwar  pou nou fer sir poudir i pa vin en self declaration me i vin en declaration ki nou zofisye i kapab sertifye.  So sa i pe ganny fer e mon krwar konsernan pou fermye ganny zot ranboursman parey mon zot ranboursman parey mon dir se ki i annan en deklarasyon ki’n ganny fer lo sak fwa en zannimo i ganny anmennen kot en labatwar i ganny deklare kote i sorti.  E vwala parey mon dir ou se ki okenn bouse pa sipoze ganny sa R6.50 kot pork i konsernen me i ava al direkteman i sipoze al direkteman dan pos sa fermye.  Mersi Mr Chair.

 

MR SPEAKER

Minis mon krwar ou’n pa’n tro konpran.  Kot sa laferm kot i annan son prop labatwar, ki li i pe touy son poul dizon i pe touy 15mil poul eski zot annan fasilite pou monitor ki vreman i pe touy dizon 10tonn poul whatever eski zot annan sa fasilite kot fermye ki deza annan zot prop labatwar pou monitor eski zot annan resours?

 

MINISTER CHARLES BASTIENNE

Mr Chair.  Mon krwar mon ti’n reponn kot mon dir ou nou annan zofisye an permanans kot labatwar – ki monitor ki kantite poul.  E dayer mon kapab dir ou ki sa i en travay avan nou ti annan en sistenm kot nou ganny bann rikord avek bann labatwar, me la nou annan nou zofisye ki annan zot prezans laba depi konmansman ziska ler ki slaughtering i ganny fini.  E an plis ki sa apar ki nou zofisye se ki i annan osi zofisye lasante ki gard serten rikord ki gard sa ki nou servi osi pou nou rekonsilye. So ou pe dir mon fermye ki annan zot prop labatwar pou zot kapab pou fermye ki annan zot prop labatwar ki pe touy zot prop poul then zot bezwen rod permisyon evidaman avek Public Health kot i annan prezans Public Health Officer e osi nou pe anvoy nou zofisye osi dan sa bann landrwa lo konmansman letan zot pe touy poul e osi letan i fini touye pou nou kapab ganny tou bann lenformasyon neseser.  Mersi Mr Chair.

 

MR SPEAKER

Mersi Minis.  Sa zis pou anpes annan labi parey dan konsesyon fuel.  Mersi Minis i annan 8 Manm lo lalis e nou ava pran en Break e nou ava retournen 4er pou nou kontinyen.

 

 

(BREAK)

 

SEYCHELLES AGRICULTURE AGENCY  -(SAA)

(CONT)

 

MR SPEAKER

Bon nou ava kontinyen nou travay.  Onorab Woodcock.

 

HON WAVEL WOODCOCK

Mersi Mr Speaker.  Mon kestyon i ganny trouve lo paz 35 anba PSIP son speech pou Bidze 2019 ,Minis Finans in anonse ki pou annan en sonm R2.5milyon pou fer en small red meat labatwar pou Praslin.  Me selman ler mon pe get dan Bidze mon vwar ki i annan selman en sonm R300mil dan Bidze e sa sonm i aktyelman pou Bidze 2018.  Mon pa vwar okenn alokasyon pou 2019 e sa sonm pou 2018 i selman R300mil.

Alor mon pe demande oli sa R2.5milyon ki Minis Finans ti anonse dan son speech pou Bidze 2019?  Mon 2enm kestyon i konsern enn bann pli gro kontrent pou bann fermye lo Praslin ki zot in met devan mon se ki pou zot ganny loan bann fasilite, pou zot ganny loan lo Praslin alor mon ti a kontan demann Minis ki bann provizyon ki zot in fer pou fasilit bann loan pou bann fermye lo Inner Island lo Praslin?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Chair.  Konsernan kestyon pou red meat labatwar pou Praslin – sa sonm larzan ti dan Bidze 2018, me pou rezon ki nou pe angaz dan negosyasyon avek the owner ki pou le moman in pran sa labatwar Baie Ste Anne ki nou dan staz ase avanse, nou pe santi poudir pou fer plis sans pou Gouvernman rekiper sa labatwar ki ti la avan Baie Ste Anne ki pou nou al konstrir enn de nouvo.  So vwala kot nou pe finaliz negosyasyon pou nou kapab repran sa landrwa labatwar Baie Ste Anne kot i ti été avan – zofisye in vizite building i ankor dan bon eta i ti ganny design pou sa purpose e la nou pe angaz avek son propriyeter aktyel pou nou kapab repran li.

So nou pou save en kantite letan konpare avek si nou pou al re konstrir ok.  Apre osi pou sa labatwar nou sipoze ganny lekipman ki sipoze ganny finanse anba en fon EU pou nou kapab met ladan sa osi nou pe akselere pou nou kapab ganny lekipman neseser enn fwa nou finaliz negosyasyon.  Konsernan loan Onorab parey letan nou ti lans sa plan konpreansiv keksoz i bokou pli fasil pou okenn loan ki par anba R350mil ki nou bann fermye i bezwen napa tou sa bann lanpayaz parey i ti annan lontan.  E ozordi pou en loan R350mil sa fermye i pou bezwen zis donn en charge oubyen en pledge lo sa lease ki li i annan e se tou. E apre osi si labank i kapab demann serten garanti vizavi kontra ki enn fwa nou devlop market kontra kot sa labank i kapab ganny akse avek sa fon si zanmen sa fermye pa peye akoz nou pe egzize ki tou fermye ava annan en kont banker from which labank i a kapab ganny zot larzan.

So ler mon fer vizit Praslin apepre 2mwan pase mon vizit o mwen en 12enn fermye e tou sa bann fermye nou donn zot bann fasilite ki available;- mon kapab dir ou poudir i annan plizyer 6 a 6 oubyen 7 ladan loan in fini ganny aprouve.  E ki zot pe atann la with regards ek teknolozi pou bann ki pe plant anba kouvertir pou zot kapab deblok zot loan. 

        So lo sa laspe mon kapab konfirm avek sa Lasanble poudir zafer loan problenm loan mon krwar i en keksoz lepase.  E dezyenmman osi Gouvernman mon krwar sa in dakor pou ogmant la kantite larzan ki annan anba Agricultural Development Fund avek DBS ki avan ti R3milyon ki la prezan i R20milyon, ansanm avek en sonm ki nou annan si mon memwar i bon oubyen R15milyon ou R16milyon ki deza ladan mon krwar i pou sifizan pou nou kapab fer travay ki nou le fer dan lannen 2019.  Mersi Mr Chair.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mon dernyen kestyon Mr Speaker i kot i konsern renovasyon lofis SAA Amitie Praslin;- ti annan en sonm sa proze ti pou renouvle sa lofis ti ganny bidzete pou R1.3milyon e ti pou konmans an 2018 pou en sonm R1milyon e pou 2019 ti pou R300mil.  I annan en kestyon mon pou demande ki kalite louvraz ki zot in fer ki vo R1milyon pou lannen 2018 e osi ki kalite louvraz zot pe fer lo sa landrwa?  Akoz mon ler mon pe gete mon pa pe vreman vwar sa louvraz ki’n ganny fer pou sa sonm lo sa lofis pou sa Amitie Praslin.  Mersi.

 

MR SPEAKER

Mersi Onorab.  CEO.

 

CEO LINETTA ESTICO

Mersi Mr Speaker.  Kot i konsern renovasyon lofis Amitie i vre i ti annan Bidze ki’n ganny allocate pou 2018 e nou ganny retar avek sa proze be selman la nou siny 3 Kontra deza i pou revwar lenstalasyon elektrisite dan sa lofis, akoz i annan en gro problenm avek.  E osi nou pe renovate en irrigation store ki pou servi bann fermye avek nou bann staff Amitie e osi nou pe revwar pou nou kapab repenn sa lofis antye plus sa flat ki Amitie; savedir tou le 3 proze nou siny Kontra i sipoze konmanse.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

Mersi Mr Chair.  Bonn apre midi Minis ek ou delegasyon.  Minis i annan en Bidze R28milyon ki’n mete dan depans Kapital, me selman pou Praslin an 2019 apard R750mil ki’n mete pou maintenance lo drenaz napa ankor larzan ki’n ganny allocate pou Praslin oubyen La Digue?  Rezon ki mon demann sa akoz i annan bann serten fermye Praslin ki’n fer laplikasyon pou later lagrikiltir, e zot pe espere akoz survey pa ankor fini fer.  E ler survey i fini fer zot pou ganny allocate, pou annan nesesite pou nou met lenfrastriktir pou ariv kot zot so pou letan mon pa vwar in ganny mete la petet ti a bon zot reget sa?  Akoz ler survey i fini nou pou annan bann sityasyon kot nou pou bezwen.  Apre mon 2enm kestyon pou letan Minis Lagrikiltir i pe fer lenfrastriktir kot bann dimoun ki’n pran later avek lagrikiltir, me selman Praslin nou annan bann dimoun ki lo zot prop later zot pe fer lelevaz zannimo oubyen pe fer plantasyon.

E sa bann dimoun i annan ki annan bann kontrent pti bout semen mon pe koz ou apepre en 15met 20met pa bokou longer e prezan zot osi zot pe demande be nou osi nou pe ede dan prodwir lagrikiltir, eski Minister pa pe mazin get problenm sa bann dimoun osi ;- ki zot osi zot kapab ganny bann pti lasistans parey mon dir la nou pe koz bann semen ase kourt,  me selman i bezwen beton akoz zot bezwen anmenn manze zannimo bezwen monte so mon pe demande si Minister pa kapab get sa bann group dimoun osi pou letan zot pe kontribye kot lagrikiltir i konsernen?

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker.  Konsernan Praslin rezon ou pa pe vwar petet en pe plis proze anba PSIP se akoz nou annan serten larzan anba ETF ki reste sa lannen e sa nou pe finaliz lalis pou bann lezot proze ki nou pe krwar i telman enportan nou ti deza annan en lalis bann proze bann proze depi avan bann funded projects e nou pou vwar ki mannyer nou pou al egzekit laplipar sa bann proze ki ti unfunded.

         E nou pou fer sir ki whatever ki nou fer tou rezon i ganny touse evidaman Praslin osi.  Konsernan bann semen ki al kot bann landrwa prive normalman Gouvernman pa antre dan bann pou aranz bann semen prive. Me selman mon kapab dir ou se ki Minister nou pe fer en seri vizit – nou aktif lo teren e nou, nou pou vwar sa bann ka ki nou pe vwar si nou vwar bannla pe vreman fer bann zefor an term prodiksyon e tou – kot zot bezwen serten led – lasistans e mon pa pou vwar petet rezon menm si i Polisi i tel me nou ava vwar en mekanizm kot nou kapab rod en fason pou nou asiste mon pa dir nou ava asiste.  Me nou ava vwar egzakteman ki lenpak zot pe kree vizavi pou fer pou kontribye atraver food security.  Mersi Mr Chair.

 

MR SPEAKER

Mersi Minis.  CEO.

 

CEO LINETTA ESTICO

Mon ti le zis azoute pou reasir Onorab ki nou annan 2 semen aktyel ki pe ganny fer Praslin nou fini fer evalyasyon e tre byento pou al konmanse i enn La Pointe e enn Amitie.

 

MR SPEAKER

Mersi CEO.  Onorab Henrie.

 

HON GERVAIS HENRIE

Mersi Mr Chair.  2 pti kestyon; dabor mon le konn Minis in dir poudir apartir Zen nou pou konmans vwar bann rezilta konkret dan domenn lagrikiltir so an relasyon avek bann endikater performans ki annan lo paz 339 avek 441, mon le konnen ki mannyer sa bann endikater in ganny mete la – i anliny avek bann statistik ki ou ti donn nou en pe dan sa comprehensive plan ki ou ti prezant Lasanble how close sa bann target i été avek sa bann statistik ki ou ti donn nou?  Sa i premye kestyon.

Apre dezyenmman parey dan pou lansennyman ouswa bann lezot sekter nou tann lapel pou kekfwa, sa bann dimoun ki ti dan sa bann profesyon avan pou retournen prezan pou lagrikiltir ki CEO taler in koz en pe lo bann incentive me kwa ankor bann keksoz konkret pou bann dimoun ki kekfwa ti’n give up lo lagrikiltir ki annan dan sa Bidze pou vreman ankouraz zot pou repran sa travay silvouple?  Mersi.

 

MR SPEAKER

Mersi Onorab.  PS Moustache.

 

PS ANTOINE-MARIE MOUSTACHE

Mersi Onorab Chair.  Alor mon a reponn premye kestyon.  Esansyelman ler nou met en plan an plas i pou enportan pou nou kapab swiv egzakteman ki mannyer i evolye espesyalman si nou meet target ladan. E dan sa konteks nou bezwen met an plas aktyelman en linite o sant Lazans Lagrikiltir ki pou kapab swiv egzakteman lo en baz tre, tre regilye annefe nou progranm se pou vizit nou kas Mahe an 4 e nou allouer sak porsyon Mahe a 2 zofisye Extension. Zot travay non selman se pou donn konsey me pou swiv ou mwen 5 par zour konpran egzakteman ki prodiksyon pou annan.  Parske nou le ki nou lye sa prodiksyon evantyelman avek en Kontra ki sa dimoun i kapab debous son prodiksyon evantyelman.  Alor i bezwen annan en pros pou ou konpran ki pe arive a sakenn lenstan e nou pran se ki sak fermye i kapab reganny vizite tou le mwan e vwar ki mannyer prodiksyon i evolye.

E se la zisteman letan nou pe swiv li pre e li sa bann zofisye ekstansyon i anvoy sa lenformasyon dan en linite ki pou okip marketing e li marketing i toultan pe fer sa byen pou regarde ki nou ti vwar mwan pase e ki mannyer i koresponn sa mwan la e kapab konpran si prodiksyon pe evolye.

E se a la baz de sa ki nou pou arive konnen egzakteman ki mannyer target ki nou mete e prodiksyon aktyel si pe rapros kanmarad oubyen si pe kal kanmarad dan en sityasyon kot i pe kal kanmarad – setadir nou pa pe ariv lo la nou pou bezwen fer lazisteman e lazisteman nou konnen egzakteman kot nou pou ale parske nou konpran egzakteman ki mannyer i été laba deor.  Vwala sa se enn.

E dan sa konteks alor nou pou kapab swiv dizon 6 dimoun avek ki nou fer en Kontra i kapab espekte a nenport moman si nou pe si nou kapab arive zwenn sa Kontra.  Vwala apepre ki mon annan poudir dan sa domenn a la vwar egzakteman vwar poudir nou annan bann nouvo linite se pou sa nou pe fer bann nouvo depans bann linite ki nou pou met an plas pou fer sa swivi tre tre pre parske si non nou pa pou konnen ki pe arive.  Mersi.

 

MR SPEAKER

Mersi PS.  Ankor lo en 2enm kestyon CEO.

 

CEO LINETTA ESTICO

Onorab with regards to bann vye veteran dan lagrikiltir mon kapab dir poudir nou dan nou nouvo recruitment ki nou fer egzakteman sirtou dan extension parey PS in eksplike nou bezwen dimoun ki deza annan leksperyans vi ki nou bezwen dimoun ki pou al travay direkteman ek fermye ki kapab donn zot bann bon advice.

        E nou kapab recruit serten zofisye ki ti an deor ki ti’n sorti dan Minister ki pe retournen e an menm tan nou annan bann proze dan lagrikiltir ki sponsor par FAO e la bann consultancy post ek laplipar bann travayer ki ti la avan ki vreman ganny sa bann job pou fer consultancy avek nou.

 

MR SPEAKER

Mersi CEO.  Onorab Henrie.

 

HON GERVAIS HENRIE

Vitman Mr Speaker.  Depi ler nou konmans sa legzersis Bidze ek Staz Komite e sa ta kestyon ki nou demande vizavi bann performance indicators best answer ki mon gannyen fer mon hopeful i montre mon poudir zot kapab monitor se Mr Moustache ki’n donn mwan thumbs up.  Mersi.

 

MR SPEAKER

Mersi pou ou komanter.  Onorab Lemiel.

 

HON SYLVANNE LEMIEL

Mersi Mr Speaker.  Mon krwar i annan en bout kestyon in ganny reponn akoz i ti lo kestyon bann extension officers akoz nou vwar ki fermye i vin dan bann interviews;- sirtou bann pti fermye nou pe koze kot zot in konplent ki konmkwa napa extension officers ki pas kot zot.  Mwan mon ti pe regarde dan zot Bidze 2019 si zot annan plan pou pran ankor extension officers e si wi konbyen pos zot annan pou extension officers? Eski zot in aranz en pti pe Scheme pou bann extension officers, e osi bann zofisye ki travay bann Land officers kot zot, akoz la osi ti annan konplent ki zot Scheme pa parey ki bann dimoun kot MLUH – mon pe regarde petet si i pou annan en laranzman dan en pti pe zot reminerasyon ki zot sipoze gannyen lannen prosen?

E apre Mr Chair i annan en gro konsern kot i konsern lease agreement pou bann fermye ki in dir in ganny later la, ki zot pa ankor kapab devlope e sa pe met zot en retar pou zot kapab ganny zot bann pti loan – pou zot kapab konstrir or pou zot kapab an mezir zot pe plante lo zot later zot ava annan en pti landrwa ki zot a kapab reste lanmenm la lo zot later pou ki voler i aret vol zot?  So sa i mon kestyon Mr Chair.  Mersi.

 

MR SPEAKER

Mersi Onorab Lemiel.  CEO.

 

CEO LINETTA ESTICO

Mersi Onorab Lemiel.  Kot i konsern Scheme of Service mon donn en garanti Lasanble poudir lo kote Lazans nou reviz 7 Scheme of Service sa lannen e tou nou bann staff dan nou core services research, extension, lands management zot Scheme in ganny revize e zot pe ganny zot package aktyelman; e osi nou al an plis ki sa nou ganny en nouvo Scheme pou Technical Agriculture Cadre sa i kouver irigasyon, drenaz and so on ki annan pou fer avek teknik.

Epi osi nou reviz nou Common Cadre Scheme ki tous nou bann admin nou customer officer i tous nou support officer i tous store, store osi i tous zot package i anliny savedir tou nou bann staff pou le moman zot package i annord ok sa pou garanti lo kote Scheme of Service. 

        With regards to lease agreement laplipar fermye ki napa lease agreement ki apepre 106 fermye i lefe ki i annan ki zot later pa ankor survey. E nou pe finaliz serten survey la avan lafen lannen e nou pe garanti once sa survey i fini zot pou ganny zot lease agreement.  An plis ki sa i annan en serten norm ladan ki pa pe plante vreman e polisi avan sete si ou pa pe plante nou pa ofer ou lease.

Me la nou pe sanz en pe nou pe dir konman nou allocate nou fer sir nou allocate bann later ki survey e konman nou donn ou later nou fer sir nou konmans process ou lease, me oparavan si ou pa ti pe plant byen ou ti pe underutilised nou ti donn ou en serten letan be ou pa ti pou ganny ou lease. Me selman la nou garanti nou pe fer survey dan implimentation stage in ganny tender e nou fotespere lannen prosenn nou kapab ogmant kantite dimoun  ki annan lease.

 

MR SPEAKER

Onorab Lemiel.

 

HON SYLVANNE LEMIEL

MR Speaker, petet CEO pa’n dir nou konbyen si zot pe pran nouvo extension officers konbyen post zot annan?

 

MR SPEAKER

CEO.

 

CEO LINETTA ESTICO

Extension officers nou pran nouvo extension officers in fact dan extension ek store nou pran 6 nouvo recruitment, akoz lannen prosenn nou pa pou vreman annan nou annan bann freeze dan recruitment nou fer sir avek nou bann nou comprehensive plan – ou’n vwar dan Nasyon ou menm kot touzour ti annan bann post ki vacancies dan SAA be mon kapab garanti ou akoz nou fer revizyon sa servis extension.

        Olye annan 4 rezyon nou fer sir prezan nou fer 5 rezyon – me dan sak rezyon nou le met 4 extension officer from sa senior sa extension officer sa asistan son kote teknisyen.  Savedir nou pou annan 4 rezyon lo Mahe e 1 rezyon lo Praslin.

 

MR SPEAKER

Mersi CEO.  Onorab Phillip Arissol.

 

HON PHILLIP ARISSOL

Mersi Mr Chair.  Ki plan SAA i annan pou enstal irigasyon pou bann laferm Montagne Posee Hermitage e Anse La Mouche?  E ki plan SAA i annan pou konstri ou konplet bann semen lo laferm Montagne Posee tel ki kot Brizilia, Kevin, Jean-Paul Lafortune e kot Madanm Mathurin?  Mersi.

 

MR SPEAKER

Mersi Onorab.  CEO.

 

CEO LINETTA ESTICO

With regards to irrigation system Anse Boileau nou deza annan 2 sistenm Anse Boileau, Hermitage avek Montagne Posee.  E nou annan larzan dan 2019 ki nou funded anba LTF pou nou fer serten renovasyon pou sa ogmant kapasite pou fer sir ki nou bezwen bann fermye ganny delo.

With regards to semen annan 2 semen ki pe konstrir la aktyelman enn in fini konmanse nou apel sa Osel an desandan kot Foret Road – epi i annan enn ki dan nasyon kot Brizilia ki espekte konmanse nenport ler once nou ganny bann tender ki arive.  Epi with regards to lezot semen – parey Minis in dir oparavan nou annan serten unfunded projects e dan sa lalis i annan semen i annan proze irigasyon e lezot keksoz lezot lenfrastriktir ki nou fermye i bezwen.

E nou pou vwar an 2019 ki mannyer nou kapab servi sa LTF pou kapab fund serten sa bann proze.

 

MR SPEAKER

Mersi CEO.  Onorab Ernesta.

 

HON PAUL ERNESTA

Mersi Mr Chair.  E bonn apre midi Minis avek ou delegasyon ansanm avek bann koleg Onorab e tou dimoun a lekout.  Mr Chair mon vwar lo paz 341 bann target sirtou lo kote later – mon vwar pou 2019 zot pe target en 472 ektar later ;- mon kestyon i anliny avek bann pti fermye – ler mon mazin bokou bann pti fermye Takamaka bann ki zot anvi expand me zot napa ase lespas pou zot kapab expand, ki provizyon i annan pou zot ladan?

E dezyenmman i annan bann fermye ki touy bann poul dan diferan labatwar parey kot Martha, kot Daniel, eski zot annan menm zot ganny menm konsesyon sa bann fermye letan zot touy sa bann poul?  Mersi.

 

MR SPEAKER

Mersi Onorab.  CEO.

 

CEO LINETTA ESTICO

Lo kote later bann pti fermye nou vwar poudir zot later i plen akoz nou annan bokou fermye ki debourye ki fer sir zot later i 90, 100poursan plen.  E si i annan later adisyonnel ki zot bezwen la zot vin kot nou pou nou kapab allocate ek zot savedir sa loportinite i deza la pou bann fermye ki zot later i plen – ok?  Ou kapab repet ou 2enm kestyon Onorab?

 

MR SPEAKER

Onorab Ernesta.

 

HON PAUL ERNESTA

Yes CEO.  Mon demande bann fermye ki touy zot bann poul dan diferan labatwar parey kot Martha kot Daniel si zot tou zot ganny menm konsesyon parey?

 

MR SPEAKER

CEO.

 

CEO LINETTA ESTICO

Onorab mon krwar PS Moustache avek Minis in fer kler poudir tou bann incentive ki nou met a dispozisyon bann fermye i aplik pou zot tou parey.  Mersi.

 

MR SPEAKER

Mersi CEO.  Onorab Adelaide.

 

HON FRANCOIS ADELAIDE

Thank you Mr Chair.  Minis mon le zis petet remersye SAA pou sa marketable allowance ki apre tou sa letan ki nou pe sey rode pou Mr Collin Payet i byen kontan ki in ganny son marketable allowance, me le problenm i pe kalkile ki depi lontan in ganny son sertifika prezan si dan sa Bidze i annan larzan pou backdate li son larzan?  2enm pti kestyon avek sa Plan Konpreansiv arive Zanvye annan 3, 4 fermye ki deside lans dan elevaz zannimo, eski SAA zot fer provizyon si petet sa fermye i pe rod sakenn 100 pti koson, eski zot in fer provizyon pou zot kapab accommodate sa bann fermye?  Apre zis lo kote bank – petet larzan pou bann dimoun kapab ganny bann pti koson, i annan en konsern avek bann dimoun deor ki zot anvi avek zot bloodline sirtou zot bann zannimo e i annan en difikilte mon krwar mon pa konnen kot i vini, eski SAA petet pe fer provizyon pou asiste sa bann dimoun?

Mon dernyen pti pwen Mr Chair si ou permet mon pou byennet sa sekter petet i kapab en propozisyon i annan bann fermye ki santi zot pe ganny kit deryer zot pa pe ganny konsilte e parey mon osi mon pas pase partou, mon remarke poudir sa lendistri nou annan tou konplet pou nou kapab fer sa lendistri bouze, me parfwa i annan bann fermye petet i santi li ganny elwanye e in eksprim son konsern.  Petet mon ti a sizere ki Minis konman ou’n pran sa sekter ki ou inifye tou sa bann partner enkli son planter enkli son bann profesyonnel, enkli zot Minister pou ki nou ava vwar nou en bon tim ki pe siport kanmarad e nou ava vwar sa sekter bouze.

E mon pou sizere ki nou depi ozordi annou aret dir pti fermye gro fermye nou tret tou konman fermye e ki mon krwar i pou annan en pli bon lenpak lo sa bann fermye ; akoz ler zot pe dir pti fermye kalkile i kapab ganny pti larzan gro fermye i kapab ganny gro larzan me si nou dir fermye savedir zot tou zot sans i parey.  Mersi.

 

MR SPEAKER

Mersi Onorab.  CEO.

 

CEO LINETTA ESTICO

Mersi Onorab.  Pou premye kestyon ki konsern marketable allowance pou Mr Collin dan i pou napa en back pay akoz i pa ti egziste dan sa vye Scheme; savedir en nouvo keksoz dan sa nouvo Scheme definitivman i pou konmans la.  Epi with regards to ki mannyer nou pou accommodate demand par bann fermye pou additional koson si zot bezwen nou annan en Pig Genetic Center egzakteman ki nou fer bann breeding programme pou asire poudir i annan ase pti koson pou nou kapab fournir nou bann fermye.

E an plis ki sa nou annan proze ki pe go on aktyelman pou nou ogmant kapasite sa sant pou asire ki nou pou annan ase pou supply.  E osi nou le entrodwir osi sa teknik (AI) Artificial Insemination ki i pli fasil pou nou asire poudir nou koson i ganny byen inseminate olye i annan sa krwazman fizik.  Lo kote bloodline mon krwar anliny avek bann regilasyon ki annan kot biosecurity mon krwar en prive i sipoze kapab me selman fodre i konsilte ouswa i anrezistre ek nou epi fodre i ganny aproval par bio security  -MBE – ki taler i pou vin ….

 

MR SPEAKER

Mersi CEO.  Minis.

 

MINISTER CHARLES BASTIENNE

Mr Chair.  Konsernan pou inifye tou fermye se sa lide si nou pou diviz bann fermye pti fermye gro fermye eksetera, nou, nou krwar tou fermye ki pe angaz zot dan lagrikiltir zot tou zot annan menm valer.  E vwala kot letan nou pe donn okenn incentive tou incentive i aplik pou tou fermye ki ou pti ki gro.  Apre osi en keksoz ki mon kapab fer resorti se ki dan mon bann vizit letan mon fer, mon fer sir poudir nou pa sot okenn fermye.  Letan mon al vizit Val Dan D’Or par egzanp mon fer sir ki mon dan en lazournen mon vizit mon 21 fermye – mon fer sir ki nou swiv ki nou al kot tou sa bann fermye irespektiv pou bann petet ki dekouraze donn zot serten mo ankourazman – pou sa bann ki ti annan plizyer lezot problenm sey vwar avek Lazans ki mannyer nou kapab rezourd da bann problenm.

Me mon kapab dir ou se ki nou lapros ki nou pa pe kit personn deryer nou lapros osi se pa pou ale pou zis al pran later avek fermye.  Nou, nou anvi travay avek sa fermye si pou okenn rezon zot pa’n kapab prodwir parey mon nonmen boner ki swa delo oubyen bann lezot sirkonstans nou rode ki mannyer nou pou rezourd akoz petet nou ki an tor an premye lye e apre la ler nou exhaust tou sa bann opsyon, la apre nou bezwen pran later lagrikiltir mon pou dakor avek ou later lagrikiltir, nou annan en kantite lo Mahe e Praslin.

E si nou valoriz tou sa bann later parey mon dir avan fransman poudir ou se ki prodiksyon laplipar tou sa ki nou bezwen pou pey i kapab ganny fer.  Mersi Mr Chair.

 

MR SPEAKER

Mersi Minis.  Nou a pran dernyen kestyon.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon premye kestyon se pou demande si avek sa plan konpreansiv ki zot in prezante si zot pou kapab vreman met li an aplikasyon baze lo sa Bidze ki zot in prezante vi ki man power in fact nou vwar en decrease dan ‘wages’ ok nou vwar ‘wages’ 8percent increase ki vedir zot pa pe anploy nouvo dimoun pou zot nobou fer sa e eta donnen ki zot in perdi en bon pe qualified staff over the years e si zot pou kapab vreman met sa progranm an aplikasyon avek sa Bidze?

Storage facilities lo bann laferm mon mazinen sa i ava vin anba Biosecurity sa i ava ok.  Levy bann fermye Barbarons i annan 2 fermye ki pe an partikilye lo kote semen parske mon krwar i annan en problenm semen laba an relasyon avek bann propriyeter arab alors ki zot pe fer pou sa.  Akoz zot bezwen 2 research stations?  Zot annan 2 research stations enn Anse Boileau lot Grand Anse non zot pa pe konsider li konman 2 research stations ok – parske lokasyon zot Bidze i annan R250mil dan Bidze an term zot stasyon, me selman ofet i kout bokou plis alors ki mannyer zot pou kapab balans sa?  Mon ti vin lo kestyon prodiksyon pork ki zot pe koz lo la lankourazman eski nou pou vwar en nouvo baz pou breeding eski zot pe mazin fer vin nouvo stok nouvo breed pou ankouraze?

E la nou pe osi mazin pti poul parske ou pe lev levy be ou bezwen increase production e la pou le moman ki mannyer mon konpran i annan en problenm an relasyon avek pti poul, hatchery, enportasyon tousala konmsi egzakteman ki mannyer sa pou marse?

E byensir si nou pe osi koz lo lagrikiltir nou pe mazin koz lo legren parske la osi fermye ki annan problenm avek legren kot zot pa pe ganny 90poursan germination e ki vreman zot plan e eski sa Bidze ki zot in gannyen ki sorti ki en logmantasyon R15milyon, eski i pou sifizan e parey mon labitid mon pa kapab note ki poudir mon pa kapab oubliye pou mon note ki sa Bidze i pa reprezant The Maputo Declaration an relasyon avek ki poursantaz Bidze ki tou bann Sef Leta Afriken ti tonm dakor ki poursantaz i bezwen ganny dedye anver lagrikiltir pou asir food security.  Mersi bokou Mr Speaker.

 

MR SPEAKER

Mersi Onorab.  CEO.

 

CEO LINETTA ESTICO

Mersi Onorab Ramkalawan.  Premyerman mon premye kestyon with regards to ‘wages and salaries’ nou ‘wages and salaries’ i teknikman i pa’n desann akoz an mouvman vet sa lannen pou al dan NBA nou bezwen tir R3milyon ekek pou anvoy dan NBA kot National Biosecurity akoz Vet Services in move ladan letan nou pe gete nou ganny en logmantasyon i en logmantasyon R1.5milyon ki pou cater pou nou bann manpower ki nou gannyen.  With regards to semen Barbarons nou konnen i annan issue semen over the years nou rekonnet poudir i annan sa issue san menm sa nou met en larzan dan Bidze 2019 pou nou fer sa semen Barbarons.  Mersi Mr Speaker.

 

MR SPEAKER

Minis.

 

MINISTER CHARLES BASTIENNE

Mr Chair.  Konsernan bann issue bloodline ki CEO pa’n koz lo la parey in dir se ki nou pe pous for pou nou kapab entrodwir artificial insemination ki en fason nou kapab ganny bann nouvo laniry atraver bann semen ki nou kapab enporte e osi atraver NBA evidaman.  E osi nou konnen poudir apepre 1an oubyen 2an pase i ti annan nouvo bloodline ki ti antre sorti South Africa pou koson osi.  So sa i deza pe ganny distribye avek bann fermye.  Lo kote hatchery nou pa neseserman annan en problenm la me ki i annan se ki anvi ki labatwar Le Rocher i sipoze fermen tanporerman pou bann major renovation pou 6 a 7 semen konmansman Zanvye ziska konmansman Mars, then mon krwar i annan en halt lo order ki pe ganny mete lo pti poul.

Me selman depi ler nou konmans nou Plan Konpreansiv i annan en logmantasyon dan la kantite day old chicken ki sorti kot hatchery Montagne Posee e byento i sipoze annan en lot prive osi ki pe vin online ki sa osi pou kapab kontribye dan bann day old chicken.

Konsernan legren sa i enn bann keksoz priyorite ki mon fer mon bann Lazans – Minister pou nou travay for lo la.

Nou’n travay avek FAO pou nou kapab ganny bann legren de kalite pli bon kalite.  Ler mon’n fer letour dan mon parkour mon pe vwar poudir i annan bann legren ki malgre i ser, me rannman ki donn ou i bokou pli o;- i annan legren ki vann ziska Euro1 kot mon’n pase – legren tomat sirtou – e nou vwar son rannman i vreman bon.

Me an menm tan osi ki nou le fer nou se ki nou bezwen prodwir dapre nou market.  Nou pa kapab ki lotel i dir nou koumsa ki wi zot bezwen capsicum – gro piman, me zot le capsicum ki zonn, ki rouz.  Nou bezwen fer sir ki nou kapab provide sa bann legren, pou nou meet requirement of the market, instead of zis pou prodwir.  Menm zafer avek bann lezot varyete kokonm e tou.  Nou bezwen al dan direksyon pou nou satisfer demann.

Se sa kot nou pou bezwen angaze pou nou travay avek nou bann fermye, pou zot kapab capture sa bann market ki pa pe neseserman ozordi – anliny avek nou 15 item ki nou’n idantifye konman nou priyorite.

Wi konsernan whether nou pe zwenn nou international obligation konsernan lagrikiltir, nou pa ankor ariv lo sa nivo, me mon krwar nou fer progre lo la kantite poursantaz.

Mon krwar si i pa tronpe se ki i egzize poudir lapes ek lagrikiltir fodre omwen 10poursan Bidze, me nou pa ankor ariv lo sa nivo. Me nou apepre 6poursan si mon pa tronpe ok – nou anviron 5poursan ok pou le moman – ok?

So nou a kontinyen travay, nou a kontinyen pouse, e mon krwar poudir lagrikiltir i bezwen konmans donn sa rannman.  Nou fermye i konmans travay bokou pli dir pou donn sa rannman, ki en fason ki lagrikiltir nou ava tir li kot i été ozordi anmenn li pli devan.

Petet Mr Chair pou dernyen kestyon Leader Lopozisyon, konsernan pou fer sa plan arive, mon kapab dir li se ki we mean business pou nou fer li arive.  Nou pe fer sir nou lo teren avek nou bann fermye – nou travay an kolaborasyon avek zot, zot nou bann zanmi – zot nou bann kolaborater, pou nou fer sir poudir sa plan i ganny realize. E nou, nou dir se ki nou bezwen konmans vwar rezilta pli tar Zen lannen prosenn.  Mersi Mr Chair.

 

MR SPEAKER

Yes CEO.

 

CEO LINETTA ESTICO

Mersi Mr Speaker.  Konsernan research station dan Lazans nou annan diferan out station.  E nou annan nou research station pou crop ki baze Anse Boileau.  Sa nou main research center apre nou annan nou research station ki nou apel nou Pig Genetic Center – sa i pou nou livestock pou nou bann nouvo breed – kot nou fer bann breeding programme; plus Grand Anse nou annan nou Diagnostic Lab ki nou servi ki nou donn servis fermye; savedir nou annan Anse Boileau, Grand Anse i annan 2 enn pou livestock e enn nou lab – plus nou annan en bulk store opposite nou lab.

 

MR SPEAKER

Yes Onorab.

 

HON WAVEL RAMKALAWAN

Mr Chair be zisteman parske nou konnen ki poudir dan lagrikiltir, sa lab pou donn ou direksyon i tre enportan.  Eski ou satisfe sa sonm ki ou pe gannyen dan Bidze, pou run zot laboratwar?  Oubyen eski i pa i napa en mankman dan sa sonm ki pe ganny met devan?  Mersi.

 

MR SPEAKER

Mersi Onorab.  CEO.

 

CEO LINETTA ESTICO

Mersi Onorab.  With regards to running of nou soil lab, nou annan bann proze IEA ki pe go on la ki pe supply maintenance and equipment donn nou serten re agents e sa proze pou ziska 2021; savedir la pou le moman nou pou ok avek sa bann proze IEA – epi 2021 nou bezwen konmans cater pou nou bann maintenance nou menm.

 

MR SPEAKER

Mersi CEO.  Bon mon pou les Onorab Ernesta mon konnen en bout son kestyon pa ti reponn.  Onorab vitman.

 

HON PAUL ERNESTA

Mersi Mr Chair.  Non i plito zis en klarifikasyon letan CEO in reponn sa kestyon labatwar konsesyon mon ganny en text from enn mon fermye, ki’n dir mon i pa neseserman leka.  Petet zis pou verifye sort out leads to touy poul kot Daniel me i pa pe ganny menm konsesyon zis sort out sa.  Please.

 

MR SPEAKER

Alright CEO i take note avek Minis.  Bon nou ariv en moman pou nou pran en vot lo Bidze Lazans Lagrikiltir ki en sonm R65, 235milyon ki form par dan sa Schedule e ki trouve lo paz 336 ziska 343.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  24 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou 2019 pou Lazans Lagrikiltir in ganny aprouve par Lasanble Nasyonal.  Bon mon ti a kontan remersi CEO Madanm Linetta Estico, Direkter pou Human Resource and Administration Ms Doris Esther e Madanm Lina Bodonmbo-James Senior Accountant mersi e nou ava eskiz zot parmi nou.  Mon krwar PS Moustache ou pe reste ou pe ale pou National Biosecurity ou pe reste ?  Ok?   Nou ava eskiz CEO avek Accountant avek HR and Admin. 

 

(THE SAA DELEGATION WAS EXCUSED FROM THE HOUSE)

 

MR SPEAKER

PS Thesee ou ava gid nou lo prosen.

 

NATIONAL BIOSECURITY AGENCY 

 

PS DAMIEN THESEE

Mersi Mr Chair.  Nou ava pran paz 344 pou National Biosecurity Agency pou en sonm R31, 926milyon.  Mersi.

 

 

MR SPEAKER

Mersi PS Thesee.  Paz 344 a 350.  Bon mon ti a kontan welcome Mr Keven Nancy Ag CEO pou National Biosecurity Agency, Mr Randy Stravens ki Principal Biosecurity Officer, Mr Jimmy Melanie Chief Vet Officer e Ms Nedzit Azemia ki Direkter Human Resource and Budget.  Bonzour e welcome parmi nou.  Bon bann ki le konmans entervenir lo Bidze Biosecurity nou a konmanse; Onorab Waven William.

 

HON WAVEN WILLIAM

Mersi Mr Chairman.  Mr Chairman mon ti a kontan demann CEO Biosecurity lefe ki zot in vin devan nou pou aprouv zot Bidze me i annan en pti outstanding ki mon santi poudir depi lannen pase letan zot ti vin devan nou, e nou pa ankor vreman ganny en rapor lo sa sityasyon kontrol senir plim.

E nou aprann ki pe ganny nouvo laboratwar nouvo lekipman mon anvi konnen ki bann tes ki zot pe kapab fer?  E dezyenmman mon pe vwar anba paz 348 anba ‘total number of person diseases incursion’ mon vwar zis 2 e konmsi letan mon pe fer en pti pe evalyasyon mon vwar konmsi i annan en pe plis bann ka pes ki’n ganny idantifye?

E mon anvi konnen osi lefe ki nou annan en problenm kot sitwayen sirtou pe ganny bann maladi mon anvi konnen si sa bann nouvo laboratwar pou permet zot osi kapab teste bann enportasyon legim ki antre dan pei at random e osi lavyann?

Rezon mon pe dir sa menm lokal lo bann laferm akoz enn se ki bann lotel ozordi zot pe rod standar, me nou bann prodikter lokal pe prodwir legim me parfwa bann fermye i demann zot lekor sa kestyon eski sa legim enporte avek sa enn ki prodwir lokalman malgre sa enn lokalman i en pti pe tord, tord letan ou pe konpar standar avek son konteni nitrisyon lekel vreman konmsi ki pli bon?

Letan ou mazin kwa ki pe ganny mete dan later lo sa bann gran laferm deor apar ki nou bann fermye pe prodwir ki pli an bonn sante, eski zot pe kapab fer sa konparezon? An menm tan pou sey ankouraz sa bann lotel, ki pa akoz sa ki vin deor nou pe rod standar, me sa ki lokal – nou pa pe permet nou bann pti fermye kapab vann osi malgre i en pti pe tord bann konteni nitrisyon i pli bon e pli fre.  Mersi.

 

MR SPEAKER

Mersi Onorab William.  Ag CEO.

 

AG CEO KEVEN NANCY

Bonn apre midi Mr Chairman.  Onorab apre midi e mersi pou ou kestyon.  Ou premye kestyon konsernan lo kote hairy catepillar – senir plim – parey ou’n dir dernyen fwa ti annan sa commitment e la nou vwar ki ek hairy catepillar, se ki nou pa ti ankor konn son sinyatir nou ti konnen ki i sorti dan en euproctus family e tou resaman la nou vwar ki nou dekouver li e nou konnen ki pei ki i sorti ki in pli relye avek en lespes ki sorti Burundi.  E la nou annan nou proze FAO.  E sa proze ki nou pe al demare avek ki pou fer pou nou ganny akoz li ler in vin isi li tousel i pa’n vin avek son kontrol be aprezan la dan nou proze nou pou fer ki son kontrol ki mannyer nou kapab met li anba kontrol.

E pou le moman la ki nou ti pe servi avan se en quick knock-down pou fer popilasyon desann setadir ler ou ti vwar sa bann fogging se pou fer popilasyon desann, apre pou nou kapab kontrole e la ankor nou pe antre dan en progranm bio ; setadir dan plas servi ou Delta Medicine nou pe antre dan progranm servi ... ;- setadir i pli environmentally friendly pou kontrol popilasyon.

Ou 2enm kestyon mon pa’n tro tyonbo li selman sa 3enm kestyon i lo kote sa laboratwar ki’n ouver – ki pou teste si nou kapab teste fri avek lavyann.  Lo kote fri par egzanp ou’n nonm pou enportasyon sa i fer ki ler nou annan en incursion at the point of entry ,se a dir si ler ou annan en komodite laplant ki’n antre dizon – zoranz nou ouver nou vwar en lav ladan, nou kapab anmenn dan nou laboratwar fer initial identification – pou nou konnen ki lespes ki nou pe deal avek e apre an rod fason kontrol oubyen rod advice lo la.

Me pou lo kote lavyann kalite sa i annan nou apel sa 3 ser – ou annan en OIE en Lorganizasyon Mondyal pou zannimo ; ou annan IPC International Plant Convention apre mon annan CODEX Alimentaruis Memorious ki tonm anba Lasante.  E food safety i tonm plis anba Lasante e nou travay ansanm nou tou le 3 ki konsern i kapab residue dan lavyann e tou sa.  E ou 2enm kestyon ou kapab repete mon pa tro sezi ou 2enm kestyon.

 

MR SPEAKER

Onorab William.

 

HON WAVEN WILLIAM

Mersi Mr Chairman.  Sa i an relasyon avek paz 348 kot nou met total number of person diseases incursion letan ou pe i annan zis zot in met sa 2 la sa ki i reprezante sa?  Si ou get latab lo paz 348 anba ‘performance indicators and targets,’ mon anvi konnen letan ou pe fer ki referans ou pe fer avek sa.

Epi Mr Chairman si ou permet mon, mon anvi demann CEO lefe ki zot pre la Grand Anse kan ki zot pou konmans aplik sa knock-down effect lo sa bann senir plim ki pe ravaz en pti pe nou kanton dan Grand Anse Mahe?  Akoz enn depi kot lekol kot legliz partou i pe vin en problenm alors mon ti ava kontan akoz ou’n dir poudir zot annan en knock down effect zot enplimante, so please kan ki zot pou kapab konmans sa progranm knock down dan Grand Anse Mahe?  Mersi.

 

MR SPEAKER

Mersi Onorab.  Ag CEO.

 

AG CEO KEVEN NANCY

Mr Randy Stravens mon Principal for proze i ava reponn.

 

MR SPEAKER

Ok Mr Stravens.

 

PRINCIPAL BIOSECURITY OFFICER MR RANDY STRAVENS

Mr Chair bonn apre midi.  Onorab bonn apre midi mersi pou ou kestyon mon tous sa enn lo incursion premye ; letan nou pe koz lo incursion bann nouvo lentrodiksyon ki nou gannyen e parey ou pou sa lannen nou ganny 3 me enn nou’n nobou elimin li completely ; savedir nou fer eradication.  E la nou ankor pe lager avek 2 pou le moman e sanmenm sa 2 incursion ki nou annan e sanmenm sa ki refer dan nou target pou le moman.

Sa se nou konnen pheromone e tuta ki nou ankor pe lager avek.  Pou tortoise beetle nou elimin li konpletman.  An relasyon avek proze wi laboratwar i pou ed nou en kantite avek sa hairy catepillar, akoz nou pou nobou prezan fer en levanter pli o profon pou vwar si nou annan okenn lennmi natirel ki kapab ede dan kontrol sa pes ; – si nou annan locally Sesel i pou en gran lavantaz pou nou e sa bi sa laboratwar ek son bann dimoun ki ladan.

Dezyenmman ti annan en kestyon ki ou ti demande an relasyon avek laboratwar osi parey ozordi nou konnen nou vin en Manm WTO, i pou ed nou osi pou nou kapab fer en pli bon levanter pou nou vwar parey nou deza mansyonnen avan dan bann Lasanble avan, ki nou fer levanter dan lagrikiltir be la nou vin en Lazans Biosecurity nou bezwen fer li dan konteks Sesel antye, get dan lanvironnman kot nou napa bokou bann lenformasyon koumsa.

Be byensir sa laboratwar i antre ladan byen menm kot nou kapab fer nou levanter konplet vwar ki bann pes ki nou annan Sesel e sa i pou ed nou dan nou bann risk analysis pou nou dir be tel prodwir dan tel pei nou bezwen met en restriksyon akoz sa pes, nou napa Sesel ,sa i pou ed nou dan bann demars koumsa akoz depi ler nou antre WTO zot demann nou pou scientifically justify.  Vwala kot pou ed nou en kantite.  Mersi Onorab.

 

MR SPEAKER

Mersi mon krwar i annan sa knock down pou Grand Anse sa knock down – knock out?  

 

AG CEO KEVEN NANCY

Ok lo kote progranm ki nou pe fer la i annan bann request kot i antre kot Biosecurity Agency from bann diferan endividi e menm from the DA’s office. Aprezan nou annan en tim ansanm avek tim lasante san menm sa tim ki spray moustik la e nou annan en lalis ki nou pas kot bann diferan landrwa; par egzanp si ou annan en landrwa en landrwa – en Daycare en landrwa ki bokou dimoun i frekante nou target sa bann landrwa nou met zot priyorite la nou ale nou fer nou spray programme.  E Grand Anse si i annan en landrwa ki kekfwa ou konnen nou pa ankor ganny rapor lo la ki nou bezwen fer sa quick knock down nou a liaise ek ou e nou a fer sa progranm vitman.  Mersi.

 

MR SPEAKER

Mersi Mr Stravens.

 

PRINCIPAL BIOSECURITY OFFICER MR RANDY STRAVENS

Ok petet ou’n demann sa quick knock-down ki nou plan ki nou annan ok?  Enn nou plan ki nou annan se pou annan nou prop tim underground akoz ki arive avek lasante vreman nou travay fantastik.  Me letan zot annan problenm sa dengue outbreak i afekte nou progranm, akoz zot bezwen attain zot lobzektif e nou prezan nou progranm i afekte.

E nou pe travay avek finans anba sa emergency fund pou nou kapab ganny nou prop tim underground e fer nou travay.  Akoz ki nou fer nou fini fer bann letid nou vwar parey mon kapab mansyonnen pye mang i enn bann keksoz ki nou konnen kan i pe vin sezon, alor nou kapab pli proaktif avan ler i vin flerizon konmans nou bann progranm kontrol.  Me selman sa pe ganny afekte en pti git akoz avek man power e nou fer provizyon anba Bidze e osi anba sa emergency pou nou tackle sa.  Mersi.

 

MR SPEAKER

Mersi Mr Stravens.  Onorab William.

 

HON WAVEN WILLIAM

Mr Chairman dernyen kestyon; mon konnen ti annan en progranm deratizasyon lontan, eski sa osi i tonm anba zot prezan? Akoz ki arive se ki nou pa tande konmela e i pou annan bokou dan sou-distrik kot i annan enfestasyon lera, e mon anvi konnen si sa i tonm anba zot e si zot annan en progranm osi pou sa?  Mersi.

 

MR SPEAKER

Mersi Onorab.  Mr Stravens.

 

PRINCIPAL BIOSECURITY OFFICER MR RANDY STRAVENS

Mersi Onorab pou ou kestyon me sa problenm ki ou’n mansyonnen i tonm anba Public Health me selman ler ou get Polisi Biosecurity i broad i kouver tou sa bann entities e i annan en shared responsibility. Demen si Public Health i bezwen nou lasistans we are there.  Mersi.

 

MR SPEAKER

Mersi Mr Stravens.  Onorab Henrie.

 

HON GERVAIS HENRIE

Mersi Mr Chair.  Kekfwa si zot ti kapab donn nou en leksplikasyon zeneral akoz lo diferan heading i annan alokasyon ase signifikan – si mon kapab mansyonn ‘basic pay, goods and services, office expenses, consumables’ pou eksplik nou akoz an zeneral’;- premye.

Dezyenmman prenan kont ki sa travay ki zot pe fer i vreman enportan pou pei an zeneral i anpese ki i annan maladi bann keksoz koumsa i antre donk i enportan toultan ki travayer la i enportan pou nou, so mon anvi konn dan Bidze ki pe ganny prezante, ki mannyer i pou pran kont bann size ki travayer in toultan eksprim konsern lo la vizavi risk allowance insurance as oppose to selman donn zot en inducement allowance?  So si sa in ganny pran kont?

E dernyerman enn zot bann current challenges bullet point i koz lo ‘inadequate manpower and train personnel to carry out risk analysis and control’ bla, bla, bla mon aprann poudir i annan enn bann staff ki probableman pli kalifye ki pe ganny transfer pou al kot SAA en Mr Petrousse – donk ankor sa ki mannyer i sa bann desizyon si i pa pou afekte deza zot bann current challenges ki zot pe gannyen?  Mersi bokou.

 

MR SPEAKER

Mersi Onorab.  Mr Stravens.

 

PRINCIPAL BIOSECURITY OFFICER MR RANDY STRAVENS

Mersi Chair.  Mersi Onorab pou ou kestyon.  Petet mon a pran lo sa bann increase ki i annan dan diferan item nou a konmans ek saler.  Enn se ki veteriner parey ou’n aprann from CEO SAA in transfer in vin kot NBA e sa in shoot up en pti git nou ‘wages and salary.’ Apre osi parey lo konsern man power nou anploy en bon pe pandan sa lannen mon krwar anviron 10 se sa osi ki’n fer ki’n elev akoz nou pe met bokou lanfaz o border control.  La ki nou bezwen tyonbo en kantite.  Apre nou annan new mandate dog control ek son Lalwa apre i annan …

 

MR SPEAKER

Yes Ag CEO.

 

AG CEO KEVEN NANCY

Mersi Mr Speaker.  Dan nou new MBE 2019 nou annan new recruitment pos ki nou propoze; ladan i include assistant biosecurity officers; savedir 2 pou both pou Airport avek pou seaport avek 2 biosecurity officers ankor pou Airport ek seaport e pou rezon sa se ki akoz nou annan increase in flight apre nou le vin pli proaktiv at the point of entry.  Savedir pou anpes pest ek maladi nouvo antre dan pei.  E nou bezwen an plis ki pou at the passenger arrival apre at the cargo kot cargo i ganny sorti –  nou annan en lenpak pli direk.  Apre nou annan osi nou pe fer dan nou progranm pou Praslin nou pou annan en assistant biosecurity officer ki pou Praslin e en biosecurity officer ki pou Praslin ankor akoz Praslin zot osi zot pa ganny eparnye akoz ler ou annan en new incursion i spread partou e sa ki Praslin i pou osi pou bann lezot zil pre.  Apre nou annan vet technician avek zofisye kominikasyon ek lenformasyon.  E tousala e Depite CEO e tousala i include ladan mon a les li fini kontinyen.

 

MR SPEAKER

Mr Stravens.

 

PRINCIPAL BIOSECURITY OFFICER MR RANDY STRAVENS

Konsernan lo training parey ou ti pe dir best risk analysis i enn bann area ki nou ti vwar nou annan witness ladan. Apre serten bann specialised area parey entomology avek phytopathology.  Pou le moman dan Sesel nou napa byen sa bann dimoun ki spesyaliz ladan me parey ki ou’n fer referans avek sa garson agronomist petet li i annan en swa si i le ale oubyen reste – ou ganny mwan?  E lo konsern risk analysis nou deza pe advertise sa pos e nou pe organiz pou le moman bann training internally e parey nou stratezi nou biosecurity nou met bokou lanfaz lo networking, akoz nou konnen pa tou keksoz ki nou pou gannyen dan Budget Government.  Alor nou ganny bokou sipor avek bann lorganizasyon enternasyonal parey IAEA – FAO e la IAEA i pe fund 2 nou staff i pe fer zot Masters.  Alor nou pou kontinyen dan sa lanni kot nou pe train bann dimoun internally.  E parey ou pou konnen nou annan 2 nou annan en expatriate kot prezan nou pe atas nou dimoun lokal avek pou zot ganny sa on-the- job-training apre pli tar si nou ganny nou louvertir en funded pou al dan sa specialise la nou  a ale osi.  Mersi.

 

MR SPEAKER

Mersi Mr Stravens.  Onorab Henrie.

 

HON GERVAIS HENRIE

Wi mon 2enm kestyon ti spesifikman lo staff welfare an relasyon avek risk allowance e insurance, as oppose to inducement allowance, pou asire ki zot reste dan sa Agency ki vreman enportan?  Mersi.

 

MR SPEAKER

Mersi Onorab.  Mr Stravens.

 

PRINCIPAL BIOSECURITY OFFICER MR RANDY STRAVENS

Mersi Chair.  Mersi Onorab.  Parey nou en nouvo Lazans ki 2an la nou pe nou pe al gannyen e letan nou ti ganny etabli nou ti get lo sa kote plan health nou ti revwar son Scheme nou revize nou al aranz li en pe e la nou parey i ti ganny anonse nou get pou vet prezan. Be la ki nou vin en sel entity letan nou balans sa 2 plan health avek vet letan nou sey anmenn zot pou armoniz enpe la apre parey nou konnen en Scheme i ganny revize tou le 2an la prezan nou ava fer li pou the whole of Lazans.

Akoz dapre nou Lalwa nou tou nou vin bio security officers anba Lalwa la prezan nou kapab akoz ti annan serten bann de-balans ant sa 2 plan health ek animal health – nou sey aziste apre pou nou fer en sel harmonisation.  E akoz la pou vet in fek aprouve la lot lannen nou pou dan sa pozisyon pou fer pou the whole Lazans.  Mersi.

 

MR SPEAKER

Mersi Mr Stravens.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair mon ti a kontan demann Minis oubyen CEO oubyen son lekip pou dir nou si dan sa Bidze letan nou gete in monte konsiderableman.

E nou konpran poudir veteriner in vin kot zot eski zot annan en provizyon pou met 40enn bann lisyen ki ganny anmennen anba bann etranze nou konn byen i annan dog fight ki ganny fer isi Sesel e zis i vini Airport i ale i kapab anmenn bann maladi.

E bann bebet osi isi Sesel e osi sa si sa parey sa bann dimoun i antre avek zot prop komodite pou zot servi pandan zot sezour 4 zour 5 zour 6 zour en semenn ki zot isi eski sa bann legim fri i ganny tyeke pou ki menm si ou’n dir nou sa lespes i sorti en lot landrwa i kapab sorti dan en lot landrwa i vin dan lot pei son lorizin i laba me i kapab ariv kot nou atraver en lot pei so sa i enportan.  Apre 2enm kestyon dernyen mon vwar housing in sorti R150mil in mont R810mil zis eksplik nou pou ki rezon ki housing in mont dramatikman koumsa?  Mersi.

 

MR SPEAKER

Mersi Onorab.  Ag CEO.

 

AG CEO KEVEN NANCY

Mersi Onorab pou ou kestyon.  Mon a pran sa premye kestyon lo dog quaratine  -wi nou annan en fasilite karantenn pou bann lisyen ki baze Union Vale.  E bann lisyen ki antre dan pei zot avan zot antre i annan tou sa bann prosedir ki ganny fer e ler zot ariv dan pei zot al direk dan karantenn, pou gete si napa okenn maladi ki devlope selman nou annan tou zot bann health certificate tou zot kondisyon ki vin avek.  Apre 2enm kestyon mon a les Mr Stravens.

 

PRINCIPAL BIOSECURITY OFFICER MR RANDY STRAVENS

Ok mersi Onorab pou ou kestyon.  Lo konsern legim parey ou konnen Sesel nou enport en kantite pa zis legim ki en risk son dimoun – son vesel son bato ki vini i en risk ; tousala nou pran an konsiderasyon.  Alor enn bann lapros ki nou pran se met plis lanfaz lo risk analysis savedir avan ki sa pei oubyen sa endividi oubyen sa biznes i angaz lo dan enportasyon avek Sesel koman en market access nou fini pe etabli tou bann risk. E se sa lapros ki nou’n pran, me selman i pou annan bokou pou nou amelyore ladan, e i enn bann best approach ki pe ganny pratike par dan laplipar island stake countries.  E parey nou pou get sirkonstans parey hairy catepillar letan nou fer nou risk analysis se dirty container i en problenm e se sa ki Sesel letan nou ganny nou sans pou al met nou lavwa lo nou bann international forum nou fer sorti sa bann pwen.  E la FAO IPC pe devlop en standar pou sa pou kapab ede ki bann container ki ganny servi dan komers i dan en pli bon kondisyon.

Lo lot kote ou lot kestyon lo housing – wi i annan en significant increase sa i relye avek bann expatriate ki nou bezwen pli vitman pou kapab amenn Sesel pou kapab ed nou dan nou service delivery – sa i for bann vet doctors e taler mon mansyonnen i annan phytopathology e entomology.  Mersi.

 

MR SPEAKER

Mersi Mr Stravens.  Onorab Andre.

 

HON CLIFFORD ANDRE

Mersi Mr Chair.  Mr Chair mon ti a kontan demann Ag CEO si i korek ki letan avyon militer i vin avek plis ki 10 lisyen, sa bann lisyen i ganny anmennen Union Vale e zot ganny mete an karantenn?  Akoz i annan rapor ki mon gannyen akoz personnelman mon annan dimoun ki travay kot Airport ki enform mon sa bann lisyen kan i vini dan avyon i ganny mete kot cargo e i ganny pran i anmenn kot pou al fer dog fight so nou bezwen serye e si nou dir nou pe fer i bezwen ganny fer pou tou dimoun akoz sanmenm sa ki pou anmenn maladi dan nou pei.  Mersi.

 

MR SPEAKER

Mersi Onorab.  Ag CEO.

 

AG CEO KEVEN NANCY

Wi sa ki mon konnen se ki bann lo kote dog fight mon pa okouran. Me selman sa ki mon konnen se ki bann lisyen ler zot vini zot vin i kapab nenport ki lisyen i kapab annan lisyen ki vin avek bann endividi prive zot vin avek zot bann health certificate, zot ganny mete an karantenn; apre i annan lisyen ki kapab vin konman bann walking dog ki bann security dogs e zot certificate i pli egzizan pou zot, akoz zot bann lisyen ki mars en pe partou zot.  Alor nou annan zot ganny pli tyeke lo kote zot bann health status sa ki mon kapab reponn ou.  Mersi Onorab pou ou kestyon.

 

MR SPEAKER

Mersi Ag CEO.  Onorab Sébastien Pillay.

 

HON SEBASTIEN PILLAY

Mersi Mr Chair.  Bonn apre midi bonswar tou dimoun.  Mr Chair mon ti a kontan demann Ag CEO dan sa Bidze anba sa consultancy eski sa i enkli travay ki bezwen ganny fer an relasyon avek fight to sanitory requirements WTO, pou ki nou kapab par egzanp dan domenn lapes ariv sa nivo oubyen se sa tonm spesifikman anba SFA konmela e ki rol ki SFA i annan pou zwe ladan?

Mon 2enm pwen i konsern staff training mon konnen ou’n tous lo la so eski zot in koz avek Minister Fians pou konmans met akote par egzanp oubyen konmans trouv bann landrwa ki ofer bann letid spesifik lo entomology, ki nou a kapab ankouraz Seselwa oubyen 2 pou al fer training dan sa domenn spesifik e retournen pou travay dan sa domenn?

3enm pwen konsern border control ozordi avek lakantite zofisye ki ou annan ou pe kouver tou bann major port of entry ou pe kouver Airport ou pe kouver sea port kot tou container i vini be i annan osi bann bato pretansye ki vin dan pei e nou ganny find out avek SMSA parfwa sa bann bato pa menm enform Port Authority.  So ki mannyer zot pou fer pou zot eski zot in met zot in provide en contingency somewhere dan zot Bidze kot pou zot kapab petet annan recruit ase dimoun mon tande zot in koz lo recruitment be recruitment enforce lo en baz enforcement pou fer sa mon apel li border control – in regards to contol bann keksoz ki antre konsernan sa bann bato.  Mersi Mr Chair.

 

MR SPEAKER

Mersi Onorab.  Ag CEO.

 

AG CEO KEVEN NANCY

Mersi Onorab pou ou kestyon. Lo kote staff training parey bann field parey entomology phytopathology nou ankouraz bann staff ki on the job ki par egzanp la nou annan staff ki sorti University of Seychelles nou ankouraze pou al fer swa ou MSC dan field apropriye.  Akoz ki nou anvi nou, nou anvi ki apre nou annan en tim Seselwa ki kalifye entomologists, phytopathologists, Vet Doctor microbiologists, virologists, tou sa bann field ki annan pou fer avek diferan maladi plant avek zannimo.  E lo kote sa bann bato lo kote enforcement at the point of entry, mon a donn ou zis en legzanp lo kote seaport, nou annan nou lofis ki’n ouver lo seaport e nou annan en zofisye ki lo seas port full time ki okenn consignment ki antre akoz zot al bann miting 3er e zot konnen bann mouvman bato e ki zot kapab zot osi partisipe at the point of entry, pou ki nou pa ganny okenn agric products ki antre avek pes, avek maladi kot nou.  Lo kote recruitment  -ale.

 

MR SPEAKER

Yes Mr Starvens.

 

PRINCIPAL BIOSECURITY OFFICER MR RANDY STRAVENS

Mersi Chair. Mersi Onorab mon pou pran 2 kestyon ki ou’n demande i annan enn lo Phytosanitary parey taler mon mansyonnen nou annan en travay networking ki nou fer e dan nou dan sa travay nou nobou benefisye anba en SADC TRF Project e la i pou tous pirman sa sirkonstans Phytosanitary kot i annan pouvwar nou osi nou bann operation e osi remodel nou bann dokiman e lafason ki nou fer travay.

E lo konsern consultancy i pa pou tous direkteman Phytosanitary i pou tous lezot area consultancy ki nou demande la parey mon mansyonnen nou annan new mandate i annan animal welfare avek dogs programme kot nou anvi train nou bann teknisyen ki mannyer pou mannyer parey nou dir en lisyen pou tyonbo e pou fer tou bann aktivite.

E 2enm se ki nou pe rod osi enzenyer akoz nou laboratwar letan in ouver i annan son incinerator ki vin avek akoz i annan kontaminasyon i parey lopital son bann keksoz ki ou’n servi ou bezwen annan en proper disposal e incinerator i la pou nou kapab enstal li e met li an mars.  Mersi.

 

MR SPEAKER

Mersi Mr Stravens.  Onorab Pillay.

 

HON SEBASTIEN PILLAY

Mersi Mr Chair.  Mr Chair petet mon ti a kontan ki Minis i reponn sa kestyon in regard to SPS requirement avek WTO –  sa i enportan pou nou akoz par egzanp pran dan domenn lapes e eksportasyon nou bann prodwir lapes e bann nivo ki sa bann prodwir i devret été ozordi konsern se ki nou pa pe tap ase dan sa area ,pou fer value added e eksport nou bann prodwir.  E se pou sa rezon ki nou pa pe vreman expand par egzanp in regards to domenn lapes ozordi.  Bokou lezot pei pe fer li me nou pa pe fer li nou annan for IOT. 

        So lo pwennvi Minister ki kalite resours zot in plan pou mete akoz sa Lazans i pou annan en rol enportan pou li zwe akoz sa i Phytosanitary  and Phytosanitary i pou tonm anba zot basically so ki rol ki Minister pou sey zwe pou nou annan ase travay ki ganny fer pou nou alaoter bann demann ki par egzanp ki WTO i demande pou nou kapab annan sa leksportasyon e provide en marse pou bann prodwir valer azoute a baz par egzanp lapes?  Menm osi a baz par egzanp bann prodwir agrikol bann citrius fruit – par egzanp ki a permet bann prodikter lokal eksport dan la rezyon premyerman me osi lo en pli o nivo enternasyonal?  Mersi Mr Chair.

 

MR SPEAKER

Mersi Onorab Pillay.  Minis.

 

MINISTER CHARLES BASTIENNE

Mr Chair.  I nou swe pou ki nou kapab evidaman napa okenn bann kontrent a sak fwa ki nou annan bann eksportasyon pou fer e parey nou tou nou konnen pou pwason konmela pe ganny byen eksporte i pa neseserman en problenm me sa fonksyon i tonm anba fish inspection unit ki tonm anba Seychelles Bureau of Standard – i pa neseserman tonm anba mon Minister.  So sa i responsabilite.  Be mon krwar poudir as far as mon konnen enteraksyon ki mon annan avek biro standar avek Fish Inspection Unit i pa’n neseserman annan en problenm kapasite as much.

Mon krwar ki zot pe desarz zot responsabilite ase byen e letan mon pe zwenn tou bann diferan eksportater pwason ki mon annan enteraksyon avek i pa neseserman en problenm sa.  Me selman mon war poudir si i annan nesesite Minister ki responsab ki mon krwar Minister ki responsab se Minister Lendistri, so li i ava take up sa issue pou build kapasite pou SBS.  Mersi Mr Chair.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Minis.  Minis mon konpran me selman ler mon pe gete akoz sa Lalwa ler ti lanse mon vwar Codex i anba Codex elementary i end up en lot landrwa en lot bout i en lot landrwa, eski i pa ti pou fer plis sans pou met tou sa ki i annan pou fer avek animal plant bio security.  Akoz codex i en konponan enportan ladan met li avek zot e annan en polisi kler lo ki mannyer nou pou move forward ek sa.  Akoz sa i form parti bann commitment nou pa kapab zis siny bann tret enternasyonal apre nou pa benefisye avek sa bann trete lezot pei i pe eksporte pe sa pe sezi sa bann loportinite me nou pa pe kapab sezi e zis serten just a few importers ki pe kapab fer li so mon pe koz pou kapab expand sa baz pou maximum dimoun kapab vini nou entrodwir SWO1 Fish pou ki dimoun i pran loan be ler i pran loan i fer valer azoute ou bezwen sa bann kalite servis so mon pe regarde si sa enn zot in konekte tousala ansanm.  Mersi Mr Chair.

 

MR SPEAKER

Minis.

 

MINISTER CHARLES BASTIENNE

Mr Chair.  Mon krwar si i annan nesesite parey Onorab pe eksplike pou annan sa armonizasyon ant bann Minister vizavi bann diferan protokol mon krwar i en keksoz ki nou ava take up.  Me selman an menm tan osi ki mon pa tro sir si avan sa lannen oubyen si boner lannen prosen nou annan en nouvo Animal and Plant Biosecurity Act ki pou vin devan Lasanble pou aprouve e nou ava vwar anvi ki i pa ankor arive mon pans pa si in ariv kot Bills Committee, nou ava vwar ki mannyer nou kapab kree plis armonizasyon dan nou travay.  Mon konpran ki ou pe dir i annan serten keksoz ki Minister Lasante serten keksoz ki annan pou fer ek bio-sekirite e osi serten keksoz ki annan pou fer avek Biro Standar.  Mersi Mr Chair.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon ekout byen bann prezantasyon mon vreman admir devosyon Mr Nancy e Mr Stravens me selman kestyon ki mon pe demann mon se an realite eski vreman zot pou kapab kontrol sa ki zot pe dir e unfortunately mon vwar li i pa fezab.  Lab eski zot in dir zot annan en nouvo labSo la nou vwar ki nou annan en nouvo lab pou biosecurity lagrikiltir i annan lab Bureau of Standards i annan lab eski e ki mannyer mon konpran kot  Biosecurity zot annan en lab technician avek en asistan e sa asistan i bezwen fer training ankor.

Alor eski premyerman la nou pa pe nou pa’n konmsi tro eparpiye avek nou bann resours, e i ti pou bokou pli efektiv si nou ti kapab fer sa e an plis ki sa mon kontan zot in fer li nonm IAEA parske i annan en lab pandan plis ki 3an in zis trankil avek tou bann lekipman ki pa’n vreman ganny servi.

E rezon ki pa’n ganny servi parey i ti devret ganny servi se zisteman napa sa man power e ozordi nou konnen ki zot in ganny mansyonnen ki poudir nou napa kapasite pou spesies identification ; napa protokol pou pest and disease analysis – tousala se bann mankman e mon krwar ki se pou sa rezon mon premye bout mon entervansyon, se eski vreman pou zot kapab fer sa.  E letan nou pe koz lo storage facilities mon konnen ki poudir letan Minis ti fer son prezantasyon i ti koz lo la storage facilities lo bann state farm bann state farm later state land.

Me e mon konnen ki poudir le 5 Novanm zot in ekrir en let tou bann fermye pou sa bann keksoz, me letan nou regarde eski i vreman fer sans?  Eski i vreman fer sans kot nou pe dir pa ganny dwa met nanryen container lo laferm met li lot landrwa me ki letan nou antre dan Victoria market zot pe vann legim ki bann fermye in prodwir lokalman, me an menm tan osi pe vann bann lezot prodwir ki’n ganny enporte ok?  E ki nou son konklizyon sa dimoun ki’n vin ek son bann legim enporte i la ansanm avek bann legim ki ganny prodwir lokalman, e aprezan sa fermye ki li in vin avek son legim ki’n prodwir lokalman ki pa vann ki pa’n fini vann – be pa i retourn avek lo son laferm?  Eski nou pa pe retourn lo laferm absoliman parey ki nou ti annan serten prodwir ki ti’n ganny mete dan lo container – dan en fason byen organize dan kwen son laferm ensidswit pou ki tou bann prekosyon i ganny pran e ki sa ti ava kapab rezourd sa?

E menm demande si sa let ek bann kondisyon ki i ladan si vreman i al anliny avek zot Lalwa eski zot sir ki i pa al en pe kont zot Lalwa?  Nou pe dir transportasyon ensidswit pou ou sorti lo laferm pou al lo en lot laferm ou pa ganny drwa be sa nouvo stok fer vini zot annan en genetic keksoz pou kabri be letan sa bann fermye in aste be i pa pou sorti laba e apre sa pou al ganny transporte?

Eski sa dan li menm li dan zot let pourtan zot mete poudir pou napa tou sa bann zafer sa fermye Praslin oubyen ki pou vin aste sa zannimo Mahe pa i pou bezwen mont avek Praslin avek La Digue?  Konmsi mon pe met tousala devan zot konman bann challenges sa bann dizef ki zot pou enporte pou hatchery be pa i sorti lo en lot laferm?

E nou konnen ki poudir dizef li menm li i annan i enn bann fason ki maladi i kapab ganny transmet alor konmsi mon pe regard tousala konman e rezon ki mon pe met tou sa bann challenges devan zot pou nou pa pran li lezerman se parske nou tou nou konnen ki poudir Australie i enn bann landrwa ki vreman strik letan mon pe regard bann keksoz ki pase Australie an relasyon avek sa lo sa size biosecurity e letan mon kestyonnen isi lo aairport ok nou letan i pasaze arive i demande pou li pas son hand luggage dan sa x-ray be what about sa ki dan son valiz?

E pou mon, mon vwar ki poudir right now nou pe en yot ki antre tou sa bann legim lavyann ki dan son storage eski zot annan zofisye ki antre lo sa bann yot pou regard son zonnyon son ponmdeter son legim ki i annan ensidswit, pou zot konmsi mon pe mon admir zot me selman mon pe vwar ki poudir there’s no way ki avek sa lekip ki zot annan, avek sa Bidze ki zot pe ganny prezante ki poudir nou pou kapab ariv en gran landrwa – mon anvi ankouraz zot me selman ozordi letan nou pe koz lo aksyon i mean mon ankor rapel toultan sa ki mannyer i apel sa enn la ki ti konmans anler Chenard Estate white fly ti konmans la anler tou dimoun ti konnen kot i été e Mr Naiken ki ti ansarz menm i ti ale i ti donn plizyer interview me selman white fly apre sa in al partou.

Sa hairy catepillar in pran en bon pe letan la zot in dir konmsi zot in trouv son fanmir Burundi nou pa konnen si i en Tutsi oubyen si i en Hutu me selman la i la prezan ki nou konn son fanmir e nou pa ankor konnen ki egzakteman ki nou pou fer avek li.

Lot zour nou tann en zako mon ti ava kontan demande apre nou pa’n tann koz zako ankor ditou ti dir dernyen landrwa zot ti vwar li ti deryer STC mon pa konnen si i pe al fer shopping, me selman apre sa nou pa’n tann koz zako ditou ankor.

I annan plizyer lespes ki dimoun pe sonnyen torti par egzanp i annan serten lespes ki pa sipoze dan nou pei bann lespes andemik Madagascar ki konmsi mon ti sorry mon met en pe partou me selman mon I’m sure zot ava kapab desifre li, me selman personnelman mon pa pe vwar konmsi egzakteman konmsi sa direksyon kler konmsi pou nou met lanfaz lo la espesyalman ler mon pe regard sa pti Bidze, ki zot annan parske zot sipoze enportan en kantite parske se zot ki pou protez nou zannimo protez partou.

E I mean lot zour in annan lenportasyon bef dan nou pei.  E nou pase ennler nou vwar bef pe pronmnen, parske zot napa sa fasilite vreman apropriye pou nobou annan en karantenn.

E sorry Mr Chairman me konmsi mon vwar i en challenge ki right now spesyalman si nou pe koze devlopman lagrikiltir devlopman tou kalite konmsi mon pa pe vwar ki mannyer Departman Biosecurity malgre tou bann bon volonte ki zot annan mon pa pe vreman vwar ki mannyer zot kapab vreman protez nou kont tou sa bann diferan keksoz.

E an plis ki sa letan nou pas dan zarden plizyer dimoun nou vwar en kantite bann nouvo keksoz bann nouvo plant egzotik ki pe pouse ki nou konnen ki poudir tousala se bann keksoz ki enporte e ki an prensip i kapab annan en lenpak lo nou fauna lo nou flora.  Mersi Mr Chairman.

 

MR SPEAKER

Mersi Onorab.  Ag CEO.

 

AG CEO KEVEN NANCY

Onorab Ramakawalan mersi pou ou kestyon.  E mersi pou ou konsern osi tou.  Nou konnen ki i en challenge me selman nou bezwen konmans somewhere akoz parey nou preambel nou Lalwa i dir nou sipoze pe anpes okenn antre spread avek establishment of pest and diseases both pou animal ek animal product ek plant e plant product dan pei pou protez nou lanvironnman nou sekter lagrikiltir e tou sa.

E nou start la e nou ava ale an alan avek sa bann diferan challenges e pou reponn enn de ou bann kestyon kote laboratwar nou annan sa laboratwar ki’n ouver sa diagnostic laboratory Grand Anse e laba i pou tou lede li nou annan en bout ki pou annan bann staff SAA livestock e apre lo kote NBA i annan sa bout vet e nou annan 2 zofisye 2 lab technician ladan ki pou deal avek lo kote tou bann sample pou vet si i annan en maladi pou lo zannimo kelkonk pou fer bann analiz apre lo kote crop plant health nou annan en plant pathologist nou annan en entomologist.

         Apre lo kote nou annan detrwa staff bann ki’n ganny train parey nou pe dir i annan sa enn ki pe fer son MSC entomology i la avek nou i pe fer li part time anba IAEA e i dan sa lab ankor anler Grand Anse.

Apre i annan nouvo staff ki nou recruit nou annan nouvo staff ki nou recruit ki pe travay ladan se a dir ki nou recruit nou annan enn avek BSC i la anler avek enn nef ki ti en ex-student dan lLsante be savedir ki arive nou pe fer en fason ki akoz ou konnen ki biosecurity i purely science-based ou bezwen en lekip for ou tann mon nonm sa bann tit tou sa bann’ gist’ dan bout entomologist tou sa bann ‘gist’ dan bout aprezan sa i fer ki nou bezwen bann dimoun ki annan sa kalib pou travay dan sa bann pozisyon e sanmenm sa ki nou pe recruit bann dimoun ki pou ede anmenn nou bio- sekirite pli devan.

E Australia i en legzanp vwar nou pe aspire akoz ki arive Sesel bann pti pei zil e si ou ganny okenn spesifik maladi ki antre konplikasyon i vini se ki si ou’n les li etabli i en issue pou ou akoz island ecology nou konnen ki mannyer i konplike e pou difisil pou ou.

E sanmenm sa rezon ki mon pe al lo ou 2enm kestyon pou ki lo kote bann enportater nou ler ou enporte ou bezwen se bio security i ou responsibility too ou mazin mon konnen larzan dan ou pos i gou i bon me selman ou bezwen mazin bio sekirite pei tou mazin ler nou montanny in gri avek en bebet ki’n antre, i pou afekte tou keksoz i vin apre.

Touris i konmans ale tou zistwar i vin apre. Sanmenm sa parey ou pe dir nou annan en latas ki annan en bon pe challenge difisil, me nob pou protez nou pei nou parey en nespes larme nou selman nou pe deal plis ek maladi.

Apre ou’n koz lo kote monkey lo kote sa Simian sa zako ki ti antre e li nou travay avek ki arive nou pe dir suspected akoz dimoun in dir in vwar nou ganny call lo Greenline dimoun in dir in vwar selman nou napa en portre levidans ki in dir ki in vwar. Lanmenm ler nou met ansanm avek bann diferan sekter Lasante, Lanvironnman e lezot DRDM pou ki nou fer sir ki sa zafer vre pa egziste e la nou pa tann li ankor sa napa personn ki’n call nou pou dir nou sa zako i ankor egziste.

E menm nou fer en clearance en vesel clearance task force ki okenn keksoz ki antre okenn stowaways  ki vini on board any vessel e nou met vitman nou reakte e pou ki nou vin pli proaktif en fason emergency, pou ki konman en dimoun i dir i vwar i taye nou en fason ki nou pa kit okenn dout dan latet dimoun.

Ti annan sa first incident lo kote sa Simian nou ti tyonbo li ou rappel, nou ti tyonbo li akoz i ti vin lo enn sa bann bato e nou ti ganny sa rapor e latrap ti ganny mete ti annan en greater bush baby – pa en Lemur parey zot pe dir King Julian nou ti tyonbo li e i ti retournen nou ti fer li retournen – akoz i annan en bann zafer ki vin avek.  Nou pa kapab tyonbo li touy li, akoz i ganny creatures protected en bann zafer ki vin avek.  Nou ti fer li retournen.  E bann sa enn nou kapab konfirmen be bann ki’n vin apre la ki’n vin sa zafer kot nou dir suspected akoz nou pa’n vwar li.  Mersi Mr Onorab mon a pas laparol avek Mr Stravens.

 

MR SPEAKER

Mersi Ag CEO.  Mr Stravens vitman.

 

PRINCIPAL BIOECURITY OFFICER MR RANDY STRAVENS

Mersi Onorab pou ou bann kestyon ki vreman enteresan e i fer nou parey angle think outside the box.  Me selman keksoz ki enteresan avek ou largiman se ki ou’n mansyonnen o konmansman NBA Biosecurity nou pa alone i en shared responsibility e nou annan koneksyon alor parey mon ti mansyonnen i annan border control letan ou pe get biosecurity ou pa zis involve NBA i bezwen involve depi son Custom depi son Port Authority then nou bezwen think smartly ki mannyer nou create sa connectivity avek nou partnership pou nou ganny bann lenformasyon on time e react on time?

Sa i bann keksoz ki nou pe mete dan nou plan e nou pe devlope pou nou kapab e se sa parey mon koleg i mansyonnen sa bann Komite ki’n ganny devlope e nou pe sey revwar nou bann operational manual sey fer li armonize ansanm pou nou kapab annan en sel parol i annan sa bann lensidan koumsa.

Me parey mon dir ou’n pran referans avek Australia menm New Zealand.   Letan ou pe get zot osi zot bann incursion zot bann pwisans dan bio security me incursion i osi en still en challenge pou sa bann gro pei, me letan nou mezir nou en pti pei nou kapab dir nou pe fer en good job.  E letan nou konpar nou ek Maurice nou get Sesel ozordi nou deza mansyonn sa Sesel i annan zis de lespes mous fri fruit fly. I enn bann lespes mazer dan lemonn Mauritius i annan preski 10 e pou nou kit sa 2 i en ta travay.  Mersi Onorab.

 

MR SPEAKER

Yes.

 

HON WAVEL RAMKALAWAN

Storage facilities lo farm se dan bazar partou kote.

 

MR SPEAKER

Ok Ag CEO.

 

AG CEO KEVEN NANCY

Wi parey nou dir sa nou pran en national emergence akoz nou bezwen start somewhere an relasyon avek serten incursion ki’n arive.  Parey mon pe dir nou ganny la an ki nou fer fas avek ler nou formen an 2016 nou fer fas avek ‘folaminium’ nou fer fas avek ‘toutafoulousa’ nou fer fas avek ‘aspilimorfar’ – tortoise beetle – yes mon pe bliy son non Angle wi avek tortoise beetle.  E dan larezyon pre avek nou dan bann pei Eastern Africa ou annan sa 5 nou apel sa the big 5 ou annan ou region fruit fly ou annan ou bigsatouta bannann ou annan ou bann lezot maladi ankor sa i fer ki nou bezwen at the point of entries e nou bezwen met bann Lalwa an plas.

Akoz ki arive avek bann pti pei Sesel ou annan increase in trade ou annan increase in travel dimoun i vwayaz en kantite ou annan menm nou bann dimoun i vwayaz en kantite menm touris tou i vwayaz en kantite e ler ou annan trade, travel, tourism ki ou’n increase in flights sanmenm sa nou annan plis zofisye e sa i fer ki nou vin en target e nou bezwen pli proaktif e aprezan nou sey nou met bann Regilasyon an plas pou ki nou kapab fer serten kontrol kekfwa i vre nou travay an nou sipoze travay an pres ek bann fermye e sa toultan i en zafer kominikasyon.

E sanmenm sa dan nou Bidze nou pran konsiderasyon pou sa bout sensitization education avek awareness pou ki bann fermye zot okouran zot konpran sityasyon pou ki lenpak ki pou annan ki ler en container i vini, sanmenm sa IPPC ankor anba FAO zot annan sa new ISPN ki movement of sea containers akoz enta maladi i ganny anmennen par sea containers or dirty containers be it under oubyen deor.

Akoz sa lakonpannyen ki lwe sa bann container li i lwe sa bann container e i annan bann Lalwa nouvo ISPN ki pe ganny mete pou ki container i prop anndan deor.  E sa i fer ki nou osi nou bezwen abide avek sa bann kou kondisyon pou ki nou pa ganny maladi ki antre dan pei.

E laferm ankor i en nouvo i en landrwa ki kapab breed ou pes ek maladi.  Mon a donn ou en legzanp par egzanp ou pe fer vini tomat oubyen bred oubyen sou whatever name it dan en container sa container i ganny anpli dan sa parking house laba oubyen lo en laferm aprezan i fasil pou en pes en maladi antre dan sa container from kot in ganny anpakte e apre si ou pe al anmenn li Sesel byensir i annan tou son bann treatment certificate phytosanitary certificate e tou sa ler ou anmenn li Sesel ou fer en lenspeksyon at the point of entry apre ou lev ou depoz li lo en laferm biosecurity risk ou pathway i increase en kantite.  E sa i fer ki ou met ou laferm pli a risk pou ou ganny bann diferan pes.  Akoz ou bann pes i pa pou vin konman ou adult moth oubyen en adult butterfly li i pou vin swa konman en dizef oubyen swa konman en pupa oubyen swa konman en bann lav dan sa fri.

E sanmenm sa mon pe dir nou bezwen plis sa zafer awareness sensitisation avek ledikasyon pou ki arive pa zis fermye bann enportater bann distribiter zot konpran ki bann diferan fason nou met pei a risk ler nou pe fer sa bann enportasyon e parey in mansyonnen nou a fer plis sa kominikasyon.  Mersi Onorab.

 

MR SPEAKER

Mersi CEO.  Mon annan en pti vitman la ki nou konnen ki vet in vin tonm anba zot.

 

HON WAVEL RAMKALAWAN

Mon ti pe al zis pas en pti dernyen komanter lo sa ki …

 

MR SPEAKER

Wi annou mon fini exceed letan.

 

HON WAVEL RAMKALAWAN

Mon konnen be dan bazar tou i melanz ansanm malgre ki ou pe fer tousala si nou pe dir container lo laferm non olye annan proper control ek sa bann fermye me letan zot ariv dan bazar sa ki enporte sa ki lokal tou i melanz ansanm.  Mersi bokou.

 

MR SPEAKER

Mersi Ag CEO ou le fer komanter.

 

AG CEO KEVEN NANCY

Mersi Onorab Ramkalawan pou ou konsern.  Biosecurity i enkli pre, post, border avek post border se a dir avan sanmenm sa ou annan ou bann pest risk analysis avan ler en komodite i antre dan en pei ou annan ou bann pest risk analysis ki ou fer.  E apre ler i antre lo border e koumsa menm ki nou kas diferan seksyon e apre ler i ariv lo border i annan bann lenspeksyon ki ganny fer at the point of entry pou fer sir ki napa pes oubyen maladi ki i vin avek sa consignment e sa i fer ki pathway in ganny minimize avan ler ki in antre dan pei se a dir ou risk in ganny redwir oubyen ou risk ou kapab kontrole.  Mersi pou.

 

MR SPEAKER

Mersi CEO.  Mon annan enn vitman pou Minis.  Minis Vet Department in move anba NBA nou konnen problenm ki Vet Department ti annan, eski Minis i kapab dir nou poudir dan Bidze 2019 pou napa ankor sa problenm kot fermye pe vwar pe perdi zannimo lo laferm?  E semenn pase leskiz i napa transpor oubyen ti napa bennzin dan transpor e en fermye in perdi en bef 4mwan ki ti dapre li i ti fini sove, eski i annan en garanti ki dan Bidze 2019 Vet Departman pou ganny upgraded pou ganny resours neseser pou kapab fer zot travay apropriye?  Minis.

 

MINISTER CHARLES BASTIENNE

Mr Chair mersi pou sa kestyon.  Mon kapab konfirm avek sa Lasanble se ki nouvo fason travay veteriner avan in al anba NBA se zisteman pou nou kapab ogmant efikasite lafason ki nou delivre nou servis mon kapab dir ou se ki sa lensidan partikilye ki ou pe refer avek se ki nou vreman swete i regretab dabor in arive nou vreman swete ki i pa zanmen repet ankor.  E nou kapab dir osi se ki 1mwan pase nou ti annan nou zis 1 nou bann vet pou bann large animals ki nou kapab ek bann volay e la 2semenn pase nou annan ankor 3 vet ki NBA in gannyen ki sa i ava konplimant travay ki zot pe fer e pou fer sir poudir nou annan bann bon deplwayman e tou bann lezot resours apropriye ki swa transpor ou lezot i available pou mon kapab respond avek pou nou kapab ed nou bann fermye.

E se zisteman lo sa lanni kot ou’n vwar poudir Gouvernman pou bouze pou boner lannen prosen nou ava sorti dan bann zafer small animals ki swa pou lisyen oubyen sat nou pou al privatise li, nou donn bann private vets pou zot take care of sa en fason ki nou konman Gouvernman pou le moman nou a kapab konsantre lo bann large animals pou donn sipor bann fermye evidaman anliny avek nou Plan Konpreansiv.  Mersi Mr Chair.

 

MR SPEAKER

Mersi Minis.  Mr Stravens brefman.

 

PRINCIPAL BIOSECURITY OFFICER MR RANDY STRAVENS

Vitman Mr Chair.  Nou ti’n mank en repons pou Onorab Leader Lopozisyon Ramkalawan lo konsern lo large and small animal quarantine.  Nou fer provizyon pou Bidze sa lannen.

 

MR SPEAKER

Mersi Mr Stravens.  Bon in ariv moman pou nou pran en vot lo sonm R31, 926milyon ki pou National Biosecurity Agency ki form par dan sa schedule e ki trouve lo paz 344 ziska paz 350.  Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  24 Manm in vot an faver e personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou 2019 pou National Biosecurity Agency in ganny aprouve par Lasanble Nasyonal.  Avek sa mon ti a kontan remersi Minis Bastienne, Ag CEO Mr Nancy, Principal Biosecurity Officer Mr Stravens, Chief Vet Officer Mr Melanie e Director pou HR and Budget Ms Azemia nou ti a dir zot mersi e nou ava eskiz zot parmi nou.

 

(THE MINISTER AND HIS DELEGATION WAS EXCUSED FROM THE HOUSE)

 

MR SPEAKER

Mersi mon ava zis demann Sergeant pou nou move dan Committee of the whole House bon mon ava donn laparol PS Thesee zis pou gid nou lo demen ki bann Minister bann Departman ki nou annan demen PS.

 

PS DAMIEN THESEE

Mersi Mr Chair.  Demen bomaten nou pran Minister Lanvironnman Lenerzi e Sanzman Klima swivi par Landscape and Waste Management Agency  -apre midi Minister Lanplwa Imigrasyon ek Civil Status swivi par Ministry of Family Affairs e anba zesyon Proteksyon Sosyal ASP nou pou pran Approved Programmes and Benefits of ASP.  Mersi.

 

MR SPEAKER

Mersi PS Thesee.  Bon zis mon anvi enform bann Manm poudir nou pou kas en pti pe nou progranm Lendi. I annan en sityasyon irzan ki’n monte zot pou vwar dan Order Paper ki’n sorti ozordi ofisyelman ki nou pou bezwen pran en Bill Lendi ok? Sa i en Bill ki annan pou fer avek International Business Companies Act – i en amannman nou pou bezwen pran sa e ler nou a fini nou espere ki i pa pou long, ler nou a fini nou a kapab retourn ankor dan nou travay debat Bidze.  

        Ok zis mon anvi averti zot lo la bon mon ti a kontan mon konnen ozordi nou al en pti pe an deor nou letan pandan lunch time e la osi mon ti a kontan toudmenm remersi SBC pou konpran nou e mon ankor remersi tou bann teknisyen ki la e bann ki osi Hermitage ki pe ed nou pou nou kapab fer nou travay.  Mon ti a kontan remersi tou bann Manm Onorab e tou bann dimoun osi ki’n swiv travay Lasanble spesyalman PS Thesee, Ms Verghese e Ms Tamatave.  Mersi bokou nou ava adjourn e nou ava repran nou travay demen 9er bomaten.

 

 

(ADJOURNMENT)