Home » Verbatim » 2018 » Verbatim Wednesday 21st November, 2018

Verbatim Wednesday 21st November, 2018

NATIONAL ASSEMBLY OF SEYCHELLES

Wednesday 21st November, 2018

The Assembly met at 9.21am

National Anthem

Moment of Reflection

Mr Speaker in the Chair

 

CREOLE INSTITUTE

MR SPEAKER

Bonzour tou Manm Onorab e bonzour tou dimoun ki a lekout.  Bonzour spesyal pour Minis Dezinyen, Madanm Macsuzy Mondon ki ankor bomaten i avek nou pour kapab fer travay deba lo Bidze ki tonm anba son Minister e bomaten nou pour annan premye nou annan Creole Institute e nou annan PS pour Kiltir Miss Cecile Kalebi, Mr Emmanuel D’offay Special Advisor for Culture, Madanm Flora Ben David CEO kot Lenstiti Kreol, Mr Stephen Servina ki Senior Accountant, bonzour e byenveni parmi nou.

E Minis ek son delegasyon pour ganny akonpannyen par PS Damien Thesee, Ms Astride Tamatave e Ms Seylina Verghese tou le 3 i sorti kot Minister Finans.

Zis avan nou komanse mon ti a demann Sarge pour nou move dan Committee Stage.  PS ou ava gid nou lo paz dan Schedule.

 

PS DAMIEN THESEE

Bonzour Mr Chair, tou bann Manm Onorab.  Nou ava pran paz 171 pour Creole Institute pour en sonm R12, 259milyon.  Mersi.

 

MR SPEAKER

Mersi PS Thesee.  Okenn Manm ki oule komans entervenir?  Onorab Terence Mondon.

 

HON TERENCE MONDON

Mersi Mr Chair.  Bonzour Minis avek ou lekip e tou dimoun ki pe ekout nou.  Mon premye kestyon i konsernan sa building ki zot pe lwe Culture House Providence dan Zone 18, mon anvi konnen ki siperfisi sa letaz ki zot pe okipe?  Konbyen staff zot annan ki pe okip sa landrwa e konbyen zot pe peye par mwan?

Mon 2enm kestyon i lo PSIP zot annan en nouvo block Ladministrasyon pour en sonm R6,520milyon  ki pour komanse 2019, mon anvi konnen ki siperfisi sa nouvo block osi.

E trwazyenmman, eski zot kapab konfirmen si bann travayer kot Lenstiti zot osi zot in ganny afekte par fungus, e si wi eski i annan provizyon pour konpansasyon pour sa bann travayer?  Mersi.

 

MR SPEAKER

Mersi Onorab Mondon. Minis oubyen Madanm, CEO, Madanm Ben David.

 

CEO FLORA BEN DAVID

Bon mersi Mr Chair.  Bonzour tou bann Manm Lasanble, bonzour Minis, bonzour tou bann koleg, bonzour lepep Seselwa.  Bon an se ki konsern premye kestyon konsernan lokasyon kot nou ete; bon kot nou ete son met kare R300 met kare e nou pe okip 330 met kare e par mwan i vin R99mil.

Answit staff, kantite staff nou annan, nou annan an tou 16 ki lo nou nominal roll.

Lot kestyon kot i konsern nouvo block, bon nouvo block i nou pe prevwar dan Lenstiti Kreol e sa i annan 800 met kare e i pour partaz li an 2 – 1 met kare, 400 met kare pour sak block e an total petet par met kare i pour ariv apepre 8mil Roupi keksoz par met kare.  Mon krwar mon’n reponn sa kestyon?

 

MR SPEAKER

Mersi CEO. Onorab Terence Mondon, en moman Onorab. Minis.

 

THE DESIGNATED MINISTER – MRS MACSUZY MONDON

Mersi Mr Chair. Bonzour Mr Chair.  E bonzour tou bann Manm Onorab e tou bann dimoun ki lekout. Mr Chair mon ava zis fer en komanter lo sa kestyon kot i konsern fungus; wi nou ti annan serten problenm fungus kot Lenstiti Kreol, se pour sa rezon ki bann staff Lenstiti in, enn bann rezon ki bann staff Lenstiti in sorti, in move out an Septanm sa lannen.  Apard byensir ki nou bezwen osi renovate sa block Creole Institute, se akoz nou santi ki i annan osi serten problenm fungus ki pe komanse dan sa building.

E si sa bann dimoun pour ganny konpansasyon, Mr Speaker pour le moman nou pe clear tou bann konpansasyon baze lo sa assessment ki ti ganny fer, pour bann dimoun ki ti pe travay dan bann landrwa kot assessment ti ganny fer.

E parey mon krwar mon’n deza dir dan Lasanble si i annan en nesesite, nou pour fer osi menm legzersis avek bann lezot landrwa kot bann dimoun pe dir ki zot osi zot in santi zot in ganny afekte, si i annan nesesite pour pey zot konpansasyon, en case i ava ganny fer e met devan Minister Finans.  Mersi Mr Chair.

 

MR SPEAKER

Mersi Minis. Onorab Mondon.

 

HON TERENCE MONDON

Mersi Mr Chair.  Si CEO ti kapab repet pour sa siperfisi kot zot pe okipe, konbyen staff zot annan?  Akoz mon pa’n sezi li byen.  Mersi.

 

MR SPEAKER

Mersi Onorab.  CEO.

 

CEO FLORA BENDAVID

Bon an tou pour le moman ki i annan nou nominal roll nou annan nou 16 staff.  Nou annan ki byensir ki nou pe esper dan rekritman.  I annan an tou ki sa ki nou deza la, nou annan nou 10 akoz nou annan bann rekritman ki nou ankor pe fer.

E se ki konsern batiman li menm, son siperfisi sa landrwa, sa landrwa nou 330 met kare.

 

MR SPEAKER

Mersi Madanm Ben David.  Onorab Mondon.

 

HON TERENCE MONDON

Mr Chair mon anvi konnen par egzanp dan sa ka, akoz nou pe pran en nouvo lespas eski ki prosedir ti ganny swiv pour zot kapab idantifye landrwa apropriye pour zot okipe?

 

MR SPEAKER

Mersi Onorab.  CEO.

 

CEO FLORA BEN DAVID

Mersi Mr Chair. Bon mon krwar tou dimoun kot i konsern bann desizyon kot i konsern pour Accommodation Committee, mon krwar nou’n fer prosedir – nou’n swiv prosedir Accommodation Committee e nou’n respekte tou bann prosedir ki’n ganny demande.  Mersi Msye.

 

MR SPEAKER

Mersi Madanm Ben David, Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker, Mr Speaker ase vitman mon ti a kontan partaz avek Lasanble ki although Creole Institute i enn bann pli pti entity ki nou annan, i enn dan rapor oditer zeneral 2017 ki ganny pli gro paz e ki Oditer Zeneral i sinyal en seri difikilte.  So mon pa konnen si Madanm CEO ki la, e kan in komanse.  Me selman mon ti a kontan, mon ti a kontan ki ou reponn nou lo 3 pwen, pour nou gete si sa bann keksoz in ganny rezourd – akoz i enportan pour nou konnen ki nou pe met keksoz annord.  Premyerman ‘consultancy fees ‘sirtou pour National Language Committee Members ki ti en pe an dezord lo pa’n konnen ki mannyer zot in apwente, ki zot entitlement eksetera, eski sa in ganny met annord e sa bann, e zot pe ganny peye dapre prosedir ki an plas?

Dezyenmman lo kote bann ‘Procurement Regulations’ dir nou si tou keksoz i, tou bann lareg procurement pe ganny aplike sirtou lo bann pwen parey ‘maintenance’ akoz i annan en kantite maintenance ki dan, ki zot bezwen fer, me eski zot pe pran zot letan pour zot al atraver tou bann prosedir neseser.

E trwazyenmman Creole Institute in operate pandan en pe letan avek en commercial bank account, now normalman nou, nou dekouraze sa, me selman si Minister Finans i aksepte – i otorize nou napa problenm, me selman nou problenm se ler nou vwar poudir i, sa commercial bank account pa pe ganny maintain parey i devret; par egzanp i annan bann missing statements, napa separating documents pour bann peyman eksetera, so donn nou en lide lo ki mannyer ou pe manage sa si in cancel si in fermen zot ava dir nou, me selman nou ti a kontan en pe reasiran dan sa domenn. Mersi.

 

MR SPEAKER

Mersi Onorab Ferrari.  CEO.

 

CEO FLORA BENDAVID

Mersi Mr Chair.  Mersi Mr Onorab, bon kot i konsern sa bann kestyon ki ou’n demande anfet rapor oditer mon krwar i pe reflekte lannen 2014 ziska 2017, bon nou sa ki nou’n kapab kot i konsern ‘consultancy’ nou’n fer sir ki ansanm avek Finans ek kontab nou fer sir nou pe adres sa bann sityasyon kot i konsern ‘Consultancy’, Komite e quelque eksetera.

Kot i konsern ‘procurement ‘sa ti en pwen tre for ki ti fer resorti, nou pe fer sir ki tou, tou sa ki nou’n ganny fer nou respekte sa ki Procurement i demande, donk nou fer sir tou bann defayans ki in dir nou pe port atansyon lo la.

Kot i konsern ‘maintenance’ pour le moman kot i konsern maintenance la nou’n bouze, bon maintenance i ganny fer akoz sityasyon building mannyer ti ete, donk pour le moman tou sa ki i annan pour fer avek bann procurement bann tou bann dokiman ki i demande nou fer sir nou al dapre prensip i dir.  Mersi.

        Commercial bank account; donk pour le moman sa account i ankor, pa ti ankor activate anba letan ki mwan mon’n vini akoz nou ti pe sey fer prosedir pour nou activate li.  Donk sa osi ti en pwen ki ti lev-e akoz nou ti bezwen ganny access pour donn oditer.  Pa ti fasil akoz i ankor, pour le moman i pa ankor activate.  Mersi.

 

MR SPEAKER

Mersi CEO.  PS Thesee.

 

PS DAMIEN THESEE

Mersi Mr Chair.  As far ki nou, nou aware sa kont i inactive, napa okenn tranzaksyon.  Me parkont nou still les sa bann commercial bank accounts ouver, akoz sirtou bann Lorganizasyon parey Creole Institute, nou aware i annan bann travay ki zot pour fer, si zot ganny okenn donasyon ou annan serten donors pa oule met larzan dan kont Gouvernman.  So nou les li la, me selman i pa sipoze fer okenn tranzaksyon ladan unless zot ganny okenn donasyon avek bann donors ki spesifye zot anvi sa larzan dan en commercial bank account.  Me solman zot bann aktivite dan Bidze i ganny process dan Trezor e pa sipoze annan okenn tranzaksyon dan sa commercial bank account.  Mersi.

 

MR SPEAKER

Mersi PS Thesee. Onorab Bernard Georges.

 

HON BERNARD GEORGES

Mersi Mr Chair. Mr Chair mon kestyon i senp. Sesel i Kapital Kreol Lemonn, Lenstiti kreol i sa building ki senboliz Kapital Kreol dan lemonn antye.  Donk i Sant Kreol dan liniver se Lenstiti Kreol, mon konpran zot pe al repar sa batiman akoz i annan serten defayans ki’n arive, ler zot pe fer sa silvouple, eski zot kapab tir sa vye chain-link fence otour zot batiman e met en lanklo apropriye pour Lenstiti pli enportan dan lemonn Kreol?  Mersi.

 

MR SPEAKER

Mersi Onorab Georges. CEO.

 

CEO FLORA BEN DAVID

Mersi Mr Chair.  Mersi Onorab, bon mon krwar sa ki ou’n dir la, in deza letan nou ti pe fer bann prosedir renovasyon, in deza en size ki’n nou pe tenir an kont.  Mersi.

 

MR SPEAKER

Mersi CEO.  Onorab François Adelaide.

 

HON FRANÇOIS ADELAIDE

Mersi Mr Chair.  Mon kestyon petet pour CEO.  Lo paz 174 lo progranm 2, i annan en progranm ki pour zot ‘devlop, regulate, reserve and promote the Creole language avek Kiltir Seselwa.’ Sak fwa nou al reprezant Sesel i annan 2 keksoz ki fer nou konnen ki nou en Seselwa.  I annan en Lim Nasyonal apre i annan sa Paviyon ki monte.  Mon panse ki bokou letan nou’n bliy sa bann dimoun petet en rekonesan e apresyasyon pour sa bann dimoun ki’n fer sa bann keksoz.  E ki nou fyer partou nou met bann pti paviyon lo nou soz nou ale, eski petet si i dan zot domenn petet zot pe mazinen petet pour rekonnet sa bann dimoun e petet rekonpans zot avek en pti keksoz pour ki zot osi zot a santi poudir zot in donn en keksoz Sesel.  Mersi.

 

MR SPEAKER

Mersi Onorab Adelaide. CEO.

 

CEO FLORA BEN DAVID

Bon mersi Mr Chair.  Mersi Onorab.  Bon pour le moman sa ki ou’n leve i en domenn Nasyonal.  Donk nou lo nou kote petet kot i konsern Lim Nasyonal ki ekrir an Kreol avek kote lengwistik petet nou a konsidere.  Mersi.

 

MR SPEAKER

Mersi CEO. Onorab Stephen Pillay.

 

HON STEPHEN PILLAY

Mersi Mr Speaker. Mr Speaker mon ti a kontan demann CEO oubyen Minis lo sa PSIP pti 23 sa 1.7million pour lannen prosenn e ki bann fakter ki enkorpore ladan? Eski zot in ganny tender pour fer sa renovasyon?  Konbyen si zot in gannyen e lekel?  E si, vi i annan 2 faz, premye faz i pour entail kwa pour sa bann renovasyon?  Sa kontrakter ki’n gannyen pour fer e kwa ki pour entail pour 2enm faz R2 milyon?  Mersi Mr Speaker.

 

MR SPEAKER

Mersi Onorab Stephen Pillay. CEO.

 

CEO FLORA BEN DAVID

Mersi Mr Chair.  Mersi Msye Onorab.  Bon lo kote renovasyon Lenstiti Kreol 101.7 milyon pour le moman parey nou’n vwar nou’n fek ganny Bidze ki’n ganny aprouve.  Donk ankor an prosesis da.  son devlopman me i annan bann estimasyon ki ti ganny fer an relasyon avek leta batiman mannyer ti ete.  E parey pour vwar i annan bann keksoz ki enportan ki pe al, son striktir i enn ki nou bezwen tenir an kont, son kouvertir i en lot, apre byensir bann biro e i annan pour re restore li remet li dan son leta natirel, orizinal.  Mersi.

Lo kote tender nou pa ankor, otomatikman ki mannyer nou ti’n donn, MLUH pe ed nou avek sa travay.  Byensir, i en batiman Moniman, donk nou pe travay tre pros osi avek Monument Board.

E kot i konsern tender pour le moman nou pa ankor antre dan sa prosesis.  Mersi.

 

MR SPEAKER

Mersi CEO. Onorab Sebastien Pillay.

 

HON SEBASTIEN PILLAY

Mersi Mr Chair e bonzour, bonzour tou dimoun. Mr Chair mon ti a kontan demann CEO enn bann travay ki Lenstiti i bezwen fer se pour anmenn sa valorizasyon epanouisman langaz Kreol li menm.  E par egzanp nou konnen poudir in deza annan serten travay ki’n ganny fer par egzanp lo bann search engines si ler ou fer en resers an Kreol kapab vwar sa bann keksoz akoz sirtou pour bann etidyan bann zenn ki pe fer zot resers.  Eski Bidze sa lannen zot in enkorpor serten eleman pour zot fer ankor travay lo la an vi ki nou pe vin sa sant si oule enternasyonal kot, i konsern langaz Kreol dan lemonn?

So ki kantite travay ki zot annan pour zot fer e si i annan ase konponan Bidze pour zot fer sa travay? Si ou ti donn nou en pe detay ki zot pe fer lo sa kote pour sort of met nou pa zis nou Kiltir, me sa langaz li menm a laporte nenport ki, ki pe fer resers ozordi.  Akoz par egzanp si ou regard pour Maurice par egzanp ou rankontre sitan, listwar menm pour Sesel ou pou vwar serten eleman, me kwa ki nou pe fer dan lavantaz pour reasir sa?

Apre mon lot pwen se lo baz resers lengwistik; eski Lenstiti pe travay lo sa size kot, eski laprantisaz e formasyon bann konsep lo nivo lekol, eski zot pe travay pour vwar si formasyon konsep i ganny fer pli byen an Kreol?  Eski i annan okenn letid ki zot pe anvizaze fer akoz in annan bokou kestyon ki pe ganny demande, si serten matyer nou devret komans montre li an Angle pli boner, oubyen nou devret kontinyen servi Kreol pour montre serten matyer, akoz sa i ed zanfan pour form serten konsep akoz i relasyonnel avek zot lavi toulezour?  Mersi Mr Chair.

 

MR SPEAKER

Mersi Onorab Pillay. CEO.

 

CEO FLORA BEN DAVID

Mersi Mr Chair. Mersi Msye Onorab.  Bon kot i konsern ou premye kestyon, mon krwar premye kestyon i deza dan manda, manda ki zot in donn Lenstiti Kreol se premyerman pour fer sa promosyon, promosyon lalang Kreol e son kiltir e i annan osi pour devlope, pour devlop lalang Kreol par rapor avek zouti, an rapor avek zouti syantifik pedagozik eksetera.  Epi nou annan osi pour nou kapab prezerv lalang ek son kiltir.

Donk lo kote resers byensir nou pe fer bokou resers otan ki dan mon kad personnel lo kote lansennyman tranzisyon pour sorti lalang Kreol pour al dan lalang segonn, lalang maternel pour al dan lalang segonn;sa i en resers ki’n ganny partaze ki pe ganny partaze osi donk resers nou pe fer.

E kot i konsern ou kestyon lo lemonn ledikasyon, anfet mon sorti dan sa lemonn ledikasyon e nou pe travay tre pros avek Minister Ledikasyon lo kote devlop resours pour enplimantasyon lalang Kreol ki nou lalang maternel byensir.  E nou osi nou pe ankouraz par egzanp prodiksyon kot pour fer sa devlopman lalang Kreol, nou annan bann stratezi ki nou’n fer, ki mannyer nou ankouraz zanfan, i antre dan curriculum e nou vwar ki mannyer nou ankouraz zanfan osi pour partisip dan sa devlopman lengwistik.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mr Chair mersi dernyen kestyon, eski dan Bidze zot pe swiv, enkorpor serten eleman pour fer prodiksyon nouvo dokiman tel koman petet en revizyon nou diksyonner Kreol avek bann evolisyon ki pe arive dan langaz ozordi? Menm par egzanp nou’n konnen i annan Leksik Kreol, be sirtou lo sa baz akoz ozordi ki nou pe vwar?  Nou pe vwar nou langaz pe sanze, i annan bann mo ki pe sanze lafason ki nou pe servi li e nou pa oule ki i perdi.

I annan serten mo ki nou’n aret servi konpletman.  So mon pe regarde si dan Bidze zot annan, zot pe met resours pour zot kapab fer sa bout travay?  Mersi Mr Chair.

 

MR SPEAKER

Mersi Onorab. CEO.

 

CEO FLORA BEN DAVID

Mersi Mr Chair. Mersi Msye Onorab. Bon parey nou konnen dan promosyon lalang i koute, devlopman lalang i koute, nou sa ki nou pe sey fer, nou fer avek Bidze ki nou gannyen pour nou kapab enplimant tou sa ki manda i demann nou.  Me sa ki konsern devlopman parey ou pe dir Diksyonner, Leksik eksetera nou dan prosesis pe devlop diksyonner monoleng – setadir diksyonner Kreol.

An se moman nou’n ariv let ‘M’ e nou swete ki par 2019 nou konplet sa Diksyonner pour nou kapab lanse 2020.  Donk Bidze i annan, nou travay selon sa Bidze ki i donn nou.  Mersi.

 

MR SPEAKER

Mersi CEO.  Zis en pti kestyon lo mon kote a lokazyon 25an Laniverser nou Konstitisyon. Lenstiti ti pran li, i ti fer en devwar pour print en Konstitisyon an Kreol, eski zot pe kontinyen avek sa proze akoz i annan plizyer landrwa menm lekol pe dir zot pa pe ganny akse avek en kopi sa Konstitisyon, eski dan zot Bidze zot pe fer provizyon pour print extra copies CEO?

 

CEO FLORA BEN DAVID

Mersi Mr Chair, bon Mr Chair pour reponn ou kestyon, pour lo kote demann piblik Konstitisyon nou fek fini fer tonbe, e vwala i dan mon lanmen e sa i pour le moman nou dan faz siny manda Lenstiti Kreol, se donn akse piblik Seselwa pour li kapab ganny akse avek bann dokiman ofisyel an Kreol dan lalang maternel donk nou, nou otan ki posib la in tonbe, prezan i reste zis pour nou vwar, diskite.

Bon sa ki nou’n gannyen koman Bidze pour nou print, nou’n fer en tiraz 1, 000 kopi e 1, 000 kopi in ariv nou R149, 000.  Donk Bidze i donn nou, me nou fer ek sa ki nou gannyen, e pour print pour donn tou Seselwa mon krwar pour bezwen plis.  Mersi.

 

MR SPEAKER

E petet CEO zis pour lenformasyon piblik kote pe vann, e konbyen pour vann en kopi?  CEO.

 

CEO FLORA BENDAVID

Bon mersi Mr Chair.  Pour le moman parey nou’n fek dir, Konstitisyon i fek tonbe, donk nou, nou provizyon nou fer kot Lenstiti, byensir nou vann kot Lenstiti e apre nou fer sir ki nou met dan bann landrwa kot dimoun i kapab ganny akse pour aste.  Mersi Mr Chair.

 

MR SPEAKER

Son pri.

 

CEO FLORA BEN DAVID

Bon par egzanp nou ti annan bann landrwa parey kot Antigone dan bann Bibliotek apre, bann travayer osi zot al vann kot, dan Victoria eksetera.  Donk otan ki posib distribisyon nou pe revwar.  Mersi.

 

MR SPEAKER

Bon mon krwar ou pa’n adres son pri konbyen i pour koute?

 

CEO FLORA BEN DAVID

Bon mersi Mr Chair.  Si nou par egzanp si manda Lenstiti Kreol se donn akse piblik, nou ti a kontan ki nou fer en dokiman pour donn piblik pour konmsi a laporte piblik.  Be si nou pe get sityasyon si nou anvi enprim bokou nou pour napa dan larzan ki nou gannyen otomatikman nou sey par 1, 000 kopi.  Donk si nou ti pour fer re print ankor otomatikman ti pour al vann en pri, be prezan ler i ankor an faz nou anvi donnen, me si nou ti pour vann i ti pour ariv R150.00.  Mersi.

 

MR SPEAKER

Mersi. Mr D’Offay.

 

SPECIAL ADVISOR – MR EMMANUEL D’OFFAY

Mr Speaker pour azout lo sa ki CEO in dir, parey in dir nou ti ava anvi donnen e petet la i en loportinite opportun si dan Lasanble dan zot Bidze i reste en pe larzan kot nou kapab gannyen, print sa bann kopi e donn dimoun akoz i enportan nou, nou santi ki i enportan ki tou dimoun i ganny akse avek son Konstitisyon.  Mersi.

 

MR SPEAKER

Mersi Mr D’Offay, se sa ki nou pe regarde akoz nou’n anvi fer tou bann Manm osi aksesib avek en kopi, nou pour regarde lo kote Lasanble kwa ki nou kapab fer e kwa ki permet nou fer.  Mersi Mr D’0ffay.  Onorab Ramkalawan.

 

HON WAVEL RAMKALAWAN

Mr Speaker, Mr Chairman mersi bokou e bonzour, Mr Chairman zis pour dir en keksoz – ‘Felisitasyon Lenstiti Kreol’ pour sa bon tradiksyon ki zot in fer nou Konstitisyon, mon’n ganny en kopi.  E mwan apresye en kantite e mwan mon ti ava dir ki lefe ki nou’n koz lo Konstitisyon dan sa Lasanble e lefe ki nou pe koz lo akse pour ki nou bann dimoun i ganny drwa, mwan mon senserman krwar ki poudir letan nou’n ariv lo social programs of Government kot nou pour regarde, mwan mon pour anvi propoze ki poudir i annan serten sonm la ki al pour Lenstiti Kreol pour zot pibliy Konstitisyon e donn sa nou pep pour zot konn zot drwa! Felisitasyon CEO e kontinyen avek sa bon travay ou avek ou lekip!  Mersi bokou.

 

MR SPEAKER

Mersi Onorab Ramkalawan, CEO ou oule dir en dernyen mo avan nou pran en vot lo Bidze?

 

CEO FLORA BEN DAVID

Mersi Mr Chair.  Mersi Msye Onorab. Mersi pour ou konpliman ki ou’ n donn nou.  E byensir sa travay i en travay kolektivite e nou kontinyen fer sa deservi nou manda.  Mersi bokou pour sa konfyans.  Mersi.

 

MR SPEAKER

Mersi CEO.  Bon Lasanble in ariv en pozisyon pour nou pran en vot lo sa sonm ki’n ganny bidzete pour 2019 pour Lenstiti Kreol sa i R12,259milyon ki trouve, ki form par dan sa Schedule e trouve lo paz 171 ziska paz 175 mon a demann tou Manm i an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  23 Manm an faver e personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pour Lenstiti Kreol pour 2019 in ganny aprouve par Lasanble Nasyonal.  Bon avek sa mon ti a kontan remersi CEO Madanm Ben David, remersi Special Advisor Mr Emmanuel D’offay, Mr Stephen Servina Senior Accountant e Ms Cecile Kalebi mersi bokou e nou ava eskiz zot parmi nou.

 

(THE CREOLE INSTITUTE DELEGATION WAS EXCUSED FROM THE HOUSE)

 

MR SPEAKER

Bon mon ti a kontan ganny gidans PS Thesee pour prosen Departman.

 

DEPARTMENT OF LOCAL GOVERNMENT

 

PS DAMIEN THESEE

Mersi Mr Chair, pour Departman Gouvernman Lokal nou annan paz 92 pour en sonm R141,717milyon.  Mersi.

 

MR SPEAKER

Mersi PS Thesee.  Paz 92 ziska paz 98 Departman Gouvernman Lokal.  Bon mon ti a kontan welcome bann zofisye pour Departman Gouvernman Lokal Mrs Marie-Celine Vidot koman Sekreter Prensipal pour Gouvernman Lokal, Ms Marlene Valentin Financial Controller, Mr Dan Frichot Special Advisor e Mr Daniel Adeline ki Direkter pour Planning, Projets e Maintenance; welcome parmi nou tou bann zofisye e nou a komans enteraksyon lo zot Bidze.  Onorab Esparon.

 

HON REGINA ESPARON

Mersi Mr Chairman. Mr Chairman mon ti ava kontan port latansyon PS lo ‘other allowances.’ I annan en logmantasyon sorti 2.31milyon pour vin 4.5milyon dan detay, e ‘other goods and services’ osi in monte sorti 35.521milyon pour vin 41.58milyon mon ti a kontan ganny en pe leksplikasyon silvouple.

Lo paz 92 Mr Chair anba ‘current challenges’ mon vwar in mete poudir i annan ‘recruitment of specialized staff to improve the monitoring and implementation of district project’ i enn zot current challenges apre ‘inability to monitor the delivery of Department plan project’ i osi enn zot bann current challenges e plis spesifikman ‘incompetency and lack of commitment of certain contractors to deliver Community projects at the required level;’ mon ti a kontan zis fer resorti Minis ki sa i devret enn ou priyorite parski lo nivo Gouvernman lokal sa i zot bann defi ki zot in mete, ki zot pe fer pour improve sa?

Parske letan nou pe regarde nou pe vwar poudir i annan serten lenstans kot proze i komanse pa fini, proze i fer i ganny kase, i mal fer i ganny e mon krwar sa i devret enn zot priyorite ki zot devret pe annan staff ki pour kapab supervise bann proze, koumsa ki larzan Gouvernman pa ganny gaspiye kot nou vwar keksoz i ganny fer apre i kase.  Mersi Mr Speaker.

 

MR SPEAKER

Mersi Onorab Esparon. PS.

 

PS MARIE-CELINE VIDOT

Bonzour Mr Chair e bonzour tou Onorab.  Bonzour Minis, bonzour tou Onorab.  Avan mon reponn kestyon Onorab Esparon, mon ti a kontan enn fwa profite pour remersi Mr Chair ou menm, tou Onorab dan lasal ki pandan ankor enn fwa pandan lannen 2018 zot in apporte sa sipor pour Departman Gouvernman Lokal in ede pour nou kapab kontinyen delivre.  E an menm tan osi pour zot kritik in fer nou kapab vwar nou bann challenges e ki meyer fason nou kontinyen progrese dan lentere nou Kominote.

Bon pour reponn kestyon Onorab Esparon, bon mersi pour ou kestyon, sa R4.5 milyon anba ‘other allowances’ i koumsa;

1.2milyon ankor enn fwa sa lannen pour Animators Scheme,

R400mil pour aktivite lazenes.

E R2.9 milyon i pour bann progranm aktivite lo nivo lokal, so sa premye.

Anba ‘goods and services ‘Onorab, nou’n annan kot i konsern – enn – anba ‘sekirite enforcement’ nou annan 18 service provider, so sa i pour kout 18.78 million.

Anba ‘maintenance’ sa i kouver saler nou bann field technician nou annan 95 pour le moman lo Service Agreement, so sa i kout nou R6 milyon.

Nou annan 6.33milyon sa i pour Sports Club e desantralizasyon aktivite.  Nou annan allowance konseye 4.62 milyon; elektrisite parey zot konnen ti annan ogmantasyon dan tarif so i annan en, i kout nou 3.19milyon.

Nou annan lokasyon nou batiman dan Ocean Gate House sa i kout nou 3.367milyon.  Nou annan repair e maintenance bann DA’s Office e Sant Kominoter sa i 3milyon.

Consumable 1.6milyon; printing and stationary 1.04 milyon, telefonn lokal e son rental 922mil prenon kont ki nou annan Regional Councils osi ki nou bezwen kouver.

Kot i konsern nou bann challenges ok, wi ankor enn fwa sa lannen nou’n mansyonn lo bann challenge ki nou pe fer.

Kot i konsern rekritman bann staff spesyalize nou kontinyelman, nou ti annan aprouvasyon nou nouvo striktir e nou’n kontinyelman evalye bann post.  E Departman nou’n advertise bokou sa bann post atraver Nasyon e osi lo Facebook – JOBO. Me mon ti a kontan ankor enn fwa fer en mansyon pa neseserman tou sa bann post ki i annan lo labor market. 

So i poz nou en kontrent. Sepandan mon ti a kontan osi profite pour dir ki nou’n kapab dan toutfwa recruit en Senior Project Officer pour Inner Islands spesifikman Praslin, La Digue baze Grand Anse Praslin e li i pour travay ek sa 3 zil presi. E avek lasistans Minister Finans ankor enn fwa nou dir mersi nou pe kapab recruit 2 enzenyer avek QS spesifikman pour Local Government.  Sa i pour nou premye challenge.

Nou 2enm kot i konsern pour nou monitor bann plan projets parey mon’n dir nou annan en problenm resours pour vreman ganny dimoun lo labor market, nou pe sey fer nou mye nou swete ek letan nou a kapab rezourd sa.  Me selman nou de toutfason nou sey rod fason entern ki mannyer nou kapab kontinyelman monitor evalye nou bann projets.

 Bearing in mind parey bann Onorab i konnen nou deza annan 2 striktir ki ed nou, nou annan en Komite Vetting pour nou projets; nou annan en Komite evalyasyon pour nou projets.  So sa i pour permet nou kapab kontinyelman rod meyer fason pour nou delivre e monitor nou bann proze.  E parey nou’n toultan dir when, kan i ariv kot projets progranm nou bezwen osi lizye bann Onorab dan distrik pour donn nou en koudmen reste azour ek lenplimantasyon zot projets dan benefis zot kominote.

Kot i konsern bann kontrakter, nou Divizyon Projets nou ganny asiste par zot menm apre nou ganny asiste par nou bann DAs pour donn nou en koudmen parey mon dir ogarde bann projets, raport lo bann lenstans ki i annan.  Nou annan 2 Komite osi ki ed nou dan zefor pour nou kapab byen zer nou bann projets, me selman lefe i reste ki wi, wi mon pa konnen ki mannyer nou pour sorti ladan onnetman, me nou annan kontrakter ki Onorab i reste, i reste pa pe kapab delivre e zot siny zot Kontra, i annan ki i apre ler in sinyen i vini i dir ou poudir i pa pour kapab kontinyen.

I annan pour bezwen deryer zot.  E parey mon ti dir lannen pase, mon repete ankor, pour ou debar en kontrakter i annan en prosedir ki ou bezwen fer e sa i en long prosedir. Me nou, nou bezwen gard tou rikord pour ki akoz normalman ler ou debar en kontrakter ou pa pour, si Local Government i dir i pa pour fer son louvraz, i pa pour kapab fer okenn louvraz Gouvernman.  Sa, sa ki Act i dir, so nou bezwen fer sir ki tou nou bann keksoz i annord ek kontinyelman monitor bann kontrakter dan distrik.

Me solman wi nou annan enn de kontrakter ki kontinyelman donn, i annan menm ki sanz zot non, so i annan ki donn nou en pe problenm pour et senser.  E zot sanz zot non ler pour zot al Tender Board ou ganny mwan?  So nou, nou bezwen mon pour dakor ek ou, nou bezwen kontinyelman rod fason pour nou sey adres sa, ok e pa bliye nou pe travay ek imen, so zot annan enn de sa bann defayans ki port nou ok? So mon panse mon’n reponn tou ou kestyon Onorab.  Mersi Mr Chair.

 

MR SPEAKER

Mersi PS. Onorab Esparon.

 

HON REGINA ESPARON

Mersi zis 2 pti klarifikasyon. PS ou’n dir ek nou poudir i annan 2.9 milyon dan sa bann ‘goods and services’ ki al pour distrik pour bann aktivite, vi ki i annan sa nouvo Komite ki zot pe setup dan distrik ki apel DSAC la ki anglob bann Senior Citizen NRA la, konbyen dan sa 2.9milyon ki zot, zot pe ganny allocate pour kapab fer aktivite?  Dan ou larepons osi ou’n dir mwan poudir anba sa 35, anba sa logmantasyon anba ‘goods and services’ i annan larzan pour bann Konseye, be mon ti a kontan ou eksplik mwan i annan en larzan la ki pa ti la lannen pase, lepase ti zero anba Board Members allowance 4. 620milyon en alokasyon ki pa ti, ki nouvo, mon ti a kontan ganny en leksplikasyon ki pe al fer ek sa 4.620milyon silvouple?  Mersi.

 

MR SPEAKER

Mersi Onorab, PS.

 

PS MARIE-CELINE VIDOT

Mersi Mr Onorab, Minis yer ti reponn en kestyon dapre vizavi desantralizasyon aktivite kot lo kote son biro nou’n enkorpor tou bann partners sa i konpri Local Government, NAC, NSC, Departman Kiltir pour nou kapab diskit bann aktivite; annan en kordinasyon, annan en Master Calendar of Activities.

Kot DSAC i antre li, i tonm anba Local Government, so nou ki nou pe fer la?  Nou pe fer en seri rankont avek nou bann DSAC dan distrik, akoz zot osi la zot bezwen vin avek zot kalandriye aktivite pour nou met anba Local Government pour nou kapab diskit lo sa main Komite ki nou Local Government nou annan, ki lezot partners zot annan, pour nou kapab fer sir nou annan en bon Kalandriye aktivite lannen prosenn ok.

Dezyenmman sa 4.6 milyon mon a zis demann FC en pti klarifikasyon silvouple.

 

MR SPEAKER

Onorab Esparon, ok Financial Controller.

 

FC MARLENE VALENTIN

Bonzour Mr Chair.  Bonzour tou Manm Onorab. Mersi Onorab Esparon.  Pour  klarifye lo sa Board Allowance, se anba sanmenm sa code ki nou pour pey sa bann allowances pour sa bann Councilors sa 4.6milyon.  Mersi.

 

MR SPEAKER

Mersi FC.  Onorab Esparon.

 

HON REGINA ESPARON

Mersi Mr Chair. Mr Chair petet PS ti ava kapab dir nou  -konmsi mon pa pe ganny en konpran letan i pe dir mwan poudir bann aktivite pe ganny desantralize.  Mwan mon ti ava kontan konnen parey dan sa 2.9milyon Glaçis li ki i pe gannyen pour fer son aktivite?  Akoz souvandfwa letan ou demann, demande pour fer aktivite, i dir ou nou napa larzan! Me si nou konnen poudir sak distrik i annan tan larzan pour fer aktivite, i fasil pour nou kapab konnen ki mannyer sa larzan pe ganny depanse.  Olye ki an gro 2.9 milyon i zis dir pour aktivite me nou pa konnen konbyen distrik pe gannyen.  Mersi Mr Speaker.

 

MR SPEAKER

Mersi Onorab. PS.

 

PS MARIE-CELINE VIDOT

Mersi Mr Chair.  Mersi Onorab. Onorab sa lannen mon pa konnen si ou ti ganny enformen, sa lannen tou distrik ti ganny R20mil pour sak aktivite distrik apre ti ganny R10mil pour son youth activities spesifik e sa larzan normalman nou transfer dan kont Ladministrasyon Distrik. So sa pour sa lannen.  Lannen prosenn letan nou pour zwenn la ki nou pour aporsyonn konbyen larzan sak distrik pour gannyen apre nou ava kapab fer sak distrik konnen.  Mersi Mr Speaker.

 

MR SPEAKER

Mersi PS.  Onorab Philip Arissol.

 

HON PHILLIP ARISSOL

Mersi Mr Chair.  Eski Minis i kapab dir Lasanble si pour annan logmantasyon dan alokasyon ki larzan ki Local Government i donnen pour bann lekip sports ki afilye anba Ladministrasyon Distrik? Epi eski i annan plan pour resurface bann multipurpose court sirtou sa enn Anse-Boileau?

E vi ki i annan plan pour desantraliz sport, eski Local Government i annan okenn plan pour konstrir en multipurpose court Anse Louis Dan Gravye?  Mersi.

 

MR SPEAKER

Mersi Onorab. PS.

 

PS MARIE-CELINE VIDOT

Mersi Mr Chair. Mersi Onorab. Onorab wi lannen prosenn pour annan en pti logmantasyon dan alokasyon sport, me selman i pa pour en sif sibstansyel ok? Me selman nou pour konsider en pti alokasyon.  Zis repet ou 2enm kestyon avan ler mon reponn court please.

 

MR SPEAKER

Yes Onorab Arissol.

 

HON PHILIP ARISSOL

 

(Off-Mic)

 

PS MARIE-CELINE VIDOT

Bon Onorab mon a prefere dir koumsa – Local Government nou pa’n fer provizyon Bidze pour nou travay lo okenn lenfrastriktir sports lannen prosenn.  So dan Bidze nou pa’n ganny okenn alokasyon.  Me selman napa nanryen ki anpes Anse Boileau avek Local Government diskite ki bann lezot opsyon i annan pour nou kapab konsider ou court.  So petet mon, petet i neseser ou zwenn nou, nou diskite, kekfwa ou anvi met li dan ou pti projets distrik, nou pa pour konnen, nou pour bezwen annan en diskisyon ek ou.  Me kot i konsern lenfrastriktir sports, lannen prosenn Bidze pa’n fer provizyon pour nou.  Mersi Onorab.

 

MR SPEAKER

Mersi PS. Onorab Georges ou osi ou mon krwar pa si ou pour ganny ou court, mon a donn ou laparol, ou lo lalis.

 

HON BERNARD GEORGES

Mersi Mr Chair. Mr Chair efektivman, efektivman Onorab Vidot i get mwan, court Mamelles ki trouve teknikman Roche Caiman in depi detrwa lannen nou pe ganny promet en resurfacing.  Annefe PS i konn tre byen ki nou menm ganny call poudir standby nou pe fer en zoli resurfacing lo zot court.  Mon pa vwar li dan sa gro liv e mon ti a kontan, mon mazinen ki i la, me ki mwan mon pa’n byen lir li, alor silvouple PS gid mwan lo sa paz kot provizyon in ganny fer pour sa resurfacing dan en fason ki mon ava kapab raport avek bann zabitan Mamelles ki nou pe al ganny en court avek en nouvo sirfas.

E pandan ki mon lo la, mon vwar ki malgre ki ou ek mwan nou’n diskit sa a plizyer repriz e nou’n tonm dakor ki Mamelles pour bezwen ganny en Daycare o pli vit posib e ki ou’n donn mwan ou langazman e mwan remersye ou pour nou ganny sa Daycare –  e li osi mon pa vwar li dan sa gro liv.  E mon ti a kontan ki ou gid mwan lo son paz spesifik kot provizyon in ganny fer silvouple pour nou ganny nou Daycare sa lannen ki pe vini.  Mersi.

 

MR SPEAKER

Mersi Onorab Georges. PS.

 

PS MARIE-CELINE VIDOT

Mersi Mr Chair.  Mersi Onorab. Onorab Les Mamelles court dan nou diskisyon ki nou ti fer ek SLTA le 14 zZn sa lannen, mon ti kontan profite pour enformen ki en bon pe sa ki nou ti’n propoze SLTA in fer; nou’n fini fer Bel Ombre, nou’n fini fer Bel Air, nou’n fini fer Cascade, la i reste, i reste Les Mamelles anfet nou pe peye la, so i reste Les Mamelles, i reste English River koman nou fini fer en fencing upper nou sipoze resurface kot li, apre Grand Anse Praslin mon pe konpran SLTA pour fer boner lannen prosenn baze lo en diskisyon ki zot ti annan avek Lotorite Distrik laba, kot zot ti dakor zot a surface bann semen apre zot ava surface court Grand Anse Praslin.  So pour reasir ou Les Mamelles si tou keksoz i al byen i sipoze fini by fen lannen la akoz sa ti deza dan nou plan.

Now kot i konsern Daycare, mon kontan tann ou dir nou’n travay tre pre ansanm wi – sel dilenm ki nou annan Onorab parey ou konnen nou bezwen, nou’n fer en seri vizit detrwa sanmdi pase me nou challenge avek Daycare Les Mamelles, se ki nou bezwen ansan avek MHILT idantifye en lokasyon pour nou fer plasman sa Daycare.  So enn fwa nou kapab idantifye en lokasyon, nou kapab kontiny nou diskisyon, nou bann demars pour Les Mamelles ganny en Daycare, mon swete ki nou a kapab finaliz sa; sel challenge ki nou annan i lokasyon pour met zot Daycare.

        Mon ava, Minis pe demann mwan si mon pa ti oule met li anba serten lezot opsyon, mon panse nou devret zwenn Onorab nou, pour nou diskit a profon Daycare, nou bezwen lokasyon avan.  Enn fwa nou’n idantifye en lokasyon, nou kapab diskit son funding’s akoz mon konnen deza ou annan en pe keksoz an rezerv pour ede ek sa Daycare.  Mersi Onorab, mersi Mr Chair.

 

MR SPEAKER

Mersi PS. Onorab Georges.

 

HON BERNARD GEORGES

Mersi PS.  Mersi Minis pour lentervansyon e ou lasistans alor nou kapab anvizaz at least en komansman dan sa lannen ki pe vini?

 

MR SPEAKER

PS.

 

PS MARIE-CELINE VIDOT

Wi Onorab annou diskite.

 

MR SPEAKER

Mersi PS. Onorab Wavel Woodcock.

 

HON WAVEL WOODCOCK

Mersi Mr Speaker. Mr Speaker mon kestyon i en pti pe dan menm laliny ki Onorab Philip Arrisol avek Onorab Georges in demande.  Avan tou bonzour PS, Minis, mon kestyon i konm swivan, ou’n mansyonnen poudir pour annan en logmantasyon lo sa lokasyon ki zot donnen pour bann team, bann Klib dan distrik.  Me selman konteks Inner Islands i en pti pe diferan avek Mahe par lefe ki sa kou transportasyon i bokou pli elve e kou bann team i bokou pli o.  Alors mwan ki mon pe demande si sa alokasyon ki zot pe fer, sa logmantasyon i pour en pti pe plis pour bann Klib Sportif lo Inner Island.

        E mon dezyenm kestyon i baze lo paz 93, ti annan en Bidze, paz 93 pour ‘community infrastructure development’ ti annan en Bidze R59.139 milyon ki ti’n ganny allocate pour sa lannen 2018.  Me selman apre mon vwar en revised budget ki sa larzan in ganny koupe pour vin R49.791milyon for ‘community infrastructure development’ ki mon mazinen sa bann pti proze distrik i tonm ladan.

Mwan mon ti a kontan konnen akoz ki i annan, konmsi ki’n ganny redwir, konmsi ki sa Bidze in ganny redwir par lefe ki tou distrik nou’n submit nou lalis proze e tou le lannen, komansman lannen, lafen lannen nou submit en lalis proze pour nou distrik.  E nou’n ganny dir par ou menm PS e bann Administrater Distrik poudir, i annan bann proze ki pa pour konplete pour 2018 akoz napa ase larzan, ouswa akoz proze i en pe bokou, i kout bokou, me selman nou vwar yet en rediksyon par R9.3 milyon dan revised budget.

E mon kestyon osi kot i konsern mon distrik se akoz ki i annan plizyer mon bann proze ki ziska aprezan in komanse, me i pa’n konplete?  Mon annan plizyer proze, mon annan en lalis proze sirtou bann semen segonder parey o bor Oasis, La Modestie, St Joseph o bor lekol segonder, semen Grand Fond e plizyer semen.  Me si mon pour met lanfaz lo bann proze spesifik ki pe drag pour plizyer lannen.

I annan proze i annan plis ki 2an mon pe espere pour konplete, i annan ki ti’n ganny bidzete pour sa lannen pa ankor komanse, e 5 proze spesifik ki mon pour koz lo la Mr Speaker se (1) playground Grand Anse Praslin ki ti pour dan Bidze sa lannen, sel keksoz ki’n reste se 3 zouzou ki donasyon ki Gouvernman La Chine in donnen, me nanryen pa ankor ganny fer.

2enm resurface court basketball ki ou’n mansyonnen la ki SLTA pour antreprann sa proze komansman lannen prosenn.  I vre sa ki ou’n dir ki paver pe ganny servi pour fer lezot travay lo lezot semen.

3enm Sant Kominoter Bake Yaya ki ou menm ou, ou ti vizite ou ti oule en langazman ki zot pour fer renovasyon lo sa Sant, me ziska aprezan sa Sant i ankor an rin e nanryen pa ankor ganny fer lo la.

4enm renovasyon bazar Grand Anse Praslin ki 3 semenn pase en bout in sorti pres pour tap en peser; i pe degrengole ou konnen ou’n vwar ou menm mannyer son leta ki i ladan i vreman deplorab.

5enm se Daycare Grand Anse Praslin ki mon ti a kontan donn en pe leksplikasyon lo la akoz sa proze ti sipoze fini an oktob, i annan larzan ki’n ganny peye avek en kontrakter Sinwan ki apre sa kontrakter pa’n fer sa proze, i pa’n fer sa proze e mon’n aprann ti annan serten legzersis osi pe sey fer pour rekiper sa larzan, e zot dir pour retender sa proze.

E mon bezwen e mon ti a kontan ki PS i donn nou en pe detay lo ki pe arive avek sa proze, akoz sa proze in ganny stuck e ki bann aksyon ki zot pour pran avek sa kontrakter Sinwan, akoz sa menm kontrakter ki ti pe travay lo proze, si mon pa tronpe, proze gymnasium Anvil la.  So mersi Mr Speaker – sa mon bann kestyon.

 

MR SPEAKER

Mersi Onorab, PS.

 

PS MARIE-CELINE VIDOT

Mersi Mr Chair, mersi Onorab, Onorab mon a, kot i konsern logmantasyon alokasyon pour Inner Islands wi sa nou pour pran konsiderasyon pour Praslin/ La Digue, mon a tous ou bann projets apre nou a pran sa revised budget.

        Onorab mon panse nou’n travay tre byen sa lannen e tre ofet avek tou demars ou projets, so mon a zis donn ou en pti reminder.

        Kot i konsern ou Daycare – nou ti al vizit ansanm e ou ti la letan nou ti dakor pour nou terminate Kontra sa kontrakter e parey ou konnen once ou’n terminate Kontra en kontrakter i annan bann prosedir ki nou bezwen fer.  E an menm tan ou ti al vizit avek Komite Lasirans Lasanble – kot Mr Adeline ti la in donn ou tou leksplikasyon sa proze.

So donk la dan 2 mo mon ti a kontan enform ou ki projets in ganny retender e nou ti a kontan port ou sipor, ou kontinyen donn nou en koudmen supervise sa projets Grand Anse Praslin, akoz nou osi nou ti ava anvi sa projets i fini.  Sa enn.

Mon pa tro, tro anvi koz Bake Yaya mon a prefere dir Sant Kominoter Anse Kerlan.  Wi nou ti dakor, nou ti dakor pour nou repar Sant sa lannen, me Onorab ankor enn fwa ou ti la dan vizit ler nou get kondisyon sa Sant si zis nou ti pour ale pran larzan Government funds, nou ti pour al met 2 laport 2 lafnet nou ti pour al gaspiy larzan.  So donk si ou ogard dan Bidze 2019 sa lannen nou dir ankor enn fwa mersi, nou’n ganny en sif ase sibstansyel e mon ti a kontan enform ou ki nou pour fer en travay lo Sant Anse Kerlan e i pe feature dan nou 5 priyorite lo nou lalis mini hall lannen prosenn.

Playground; playground Onorab mon’n fer en kantite projets pour Grand Anse Praslin e mon’n fer bann proze ki ti priyorite over and above ou playground.  Mon konpran ou lapros me mon vwar ou’n met ou playground dan projets procurement 2019, so mon panse nou ava kouver li dan ou ‘district small projects’ lannen prosenn  -ok?

Bazar; bazar nou’n fini vizite wi as you rightly say mon’n vin ogarde mwan menm e la pour le moman nou pe prepare prepar son BOQ ok? So mon a ankor enn fwa donn ou en randevou parey labitid pas pase vin diskit ou bann projets avek nou.

Apre kot i konsern revised budget i normal pour sa reflekte la akoz, me selman nou, nou travay ek nou Bidze ki ti donn nou, nou pe fer en legzersis la pour nou konnen ki kantite vreman nou pour kapab pe servi dan nou larzan ki nou’n gannyen sa lannen.

E si zanmen pour annan serten, mon pa tro, tro kontan sa mo “savings” me selman si pour annan serten larzan ki pour reste, petet Minister Finans i pour dan en pli bon pozisyon pour eksplik sa sif ki in met la.  Me selman nou, nou kontinyen travay avek nou Bidze ki nou nou’n gannyen.  Ok mersi Onorab.  Mersi Mr Chair.

 

MR SPEAKER

Mersi PS.  Onorab Paul Ernesta.

 

HON PAUL ERNESTA

Mersi Mr Chair. Minis ou delegasyon e bann Koleg Onorab, tou dimoun a lekout espesyalman bann dimoun Takamaka bonzour.  An menm tan Mr Chair permet mwan apresye, rekonnet bann travay pour mon bann koleg DA.  Mon konnen zot fer, zot travay bokou en.

Mr Chair parmi bann diferan lobstak ki anpese anmenn bann devlopman bann proze dan distrik, i annan sa ki i konsern wayleave sirtou later zeritye.  Takamaka i en distrik ki ganny bokou afekte avek sa bann problenm, eski Departman in pran kont sa bann difikilte e ki zot pe fer pour zot kapab aranz sa sityasyon ki lannen prosenn nou ava, lannen prosenn, lannen advenir nou ava vwar en diferans ki plis proze i ava kapab arive dan distrik Takamaka?

Dezyenmman recently in annan, mon vwar ki bokou DA in graduate.  E letan mon get dan zot anba lo zot wages and salaries pour DA paz 97, mon’n osi obzerv en logmantasyon.  Bokou fwa in annan sa konsern saler ouswa Scheme pour DA, eski dan sa Bidze la zot pe, zot in osi pran kont sa?

E dernyerman mon’n vwar dan PSIP pour Takamaka i annan son Daycare ki’n deza pe konmanse – mon’n vwar en finansman ankor ki’n ganny mete ladan, eski zot kapab donn nou en pti leksplikasyon? An menm tan permet mwan Mr Chair dir mersi Departman pour kapab materyaliz sa proze Daycare pour nou distrik ki an gran demann.  Mersi.

 

MR SPEAKER

Mersi Onorab.  PS.

 

PS MARIE-CELINE VIDOT

Mersi Mr Chair.  Mersi Onorab. Wayleave, wi nou pe pran sa an kont serye i annan en premye meeting ki nou’n fer avek AG pour nou ogarde ki mannyer fason pour nou adres sa bann dimoun ki dan bezwen, me nou ganny difikilte drwa pasaz.  Apre dernyen fwa nou ti zwenn ek Lasanble, Lasanble ti donn nou en opsyon ki mannyer nou kapab bouze – si i neseser dan lentere piblik pour nou acquire sa bann landrwa dan lentere piblik.  So nou an diskisyon avek AG pe donn nou en pe gidans lo la.

Mon ti a kontan enform Lasanble wi i annan en nouvo Scheme of Service pour DAs effective depi le 01 juillet sa lannen, so zot in fini ganny enformen e pour le moman tou keksoz i an perspektiv – ok?

E kot i konsern Takamaka Daycare parey ou konnen nou lo roofing stage la, travay i an progre, so nou pe akseler-e pour nou kapab fini donn Takamaka son Daycare si i posib ver fen lannen.  Ok si i annan okenn defayans nou ava diskite Onorab.  Be selman travay i an progre la nou pe kouver la pour le moman.  Ok mersi Onorab.

 

MR SPEAKER

Mersi PS. Onorab François Adelaide.

 

HON FRANÇOIS ADELAIDE

Mersi Mr Chair.  Tou dabor PS mersi pour ou langazman avek mwan dan mon distrik ki nou pa pe mal bouze.  Lo kote paz 97 progranm 3, lo enplimant bann proze distrik, PS ou ava dakor ek mwan poudir nou ti tonm dakor pour, i annan 2 proze espesyalman Confiance/ Legaie avek Duval/ Esparon bann, malgre ou’n vini nou’n donn leksplikasyon ki nou ti pour komans sa proze Novanm, boner Novanm me bann zabitan i ankor pe espere, akoz zot pa pe vwar nanryen petet pour lenformasyon piblik mon ti a kontan ou donn nou ki Gouvernman Lokal pe fer pour sa 2 proze spesifikman Confiance/Legaie, i enportan sa enn la.  Mersi.

 

MR SPEAKER

Mersi Onorab.  PS.

 

PS MARIE-CELINE VIDOT

Mersi Mr Chair.  Mersi Onorab. Duval premye faz nou’n fini vizite ek kontrakter sa semenn, so anytime kontrakter pour antre lo la.

2enm faz parey ou konnen i anba India Grant, nou ti zwenn ek delegasyon malbar, zot ti dan pei sa semenn, sorry delegasyon ‘Endyen’, nou ti zwenn zot sa semenn e dezyenm faz Duval i avek anba sa Grant, sa pour Duval Road Project.  Legaie; Confiance parey ou konnen i anba India Grant, zot tou lede 2enm faz Duval avek Legaie/Confiance in deza fini antre anba India Grant.  Mersi Onorab.

 

MR SPEAKER

Mersi PS.  Onorab Adelaide.

 

HON FRANÇOIS ADELAIDE

PS mon ti a kontan at least ou donn mwan en pti, donn, koz ek sa bann dimoun, donn zot en lendikasyon kan zot pour komanse si vreman parey nou ti dir pour Nwel zot pour kapab roule lo lot semen.

Apre nou ti annan sa lot pti zafer, si nou pa zafer, si nou pa pour kapab, nou ti dir at least grate akoz i annan pre 10 an sa proze bannla, bann dimoun pe espere, at least grat en pti bout pour donn zot sa pti fasilite.  Then nou kapab antre lo la.  Mersi.

 

MR SPEAKER

Mersi Onorab. PS.

 

PS MARIE-CELINE VIDOT

Mersi Mr Chair.  Mersi Onorab. Onorab wi nou pour grate avan Nwel la.  Me selman mon pa tro krwar pour et onnet nou pou fini sa premye faz Duval by Nwel.  Mon pa tro krwar sa akoz prezan ki kontrakter pour al antre.  E apre 2enm faz osi pour mars parey nou ti diskite parallel avek, akoz la nou pe zis fini bann lagreman avek Endyen apre nou pour fer tou lede projets parallel.

So annou et onnet mon pa tro krwar nou pour fini la, lala avan Nwel.  Me solman nou a kapab grate at least donn zot en soulazman pour zot kapab mouvmante.  Mersi Onorab.

 

MR SPEAKER

Mersi PS. Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker. Mr Speaker mon pa pour tro long.  Mon ti a kontan dabor remersye PS avek son Departman pour sa travay ki nou’n fer sa lannen.  Mon krwar ki dan sa 2 dernyen lannen nou’n fer plis proze dan Mont Fleuri ki sa dernyen 30an – 41an, plis ki sa dernyen 41an.  So wi, wi keksoz pe marse, lo nivo, wi Onorab Gill mon pe remersye akoz lo nivo Gouvernman Lokal 2 dominer in zwenn ek kanmarad e sa i fer aksyon bouze, keksoz i marse.  Mon ti a kontan mon fer mazinen Minis sa pwen ki mon ti leve dan mon reply to Diskour Bidze ki bann travayer dan bann Ladministrasyon Distrik i annan sirtou bann field technicians, pa mwan ki devret pe lager pour zot – se lot kote latab ki devret pe lager pour zot.  Me vi ki personn pa pe lager pour zot, mwan anvi lev sa pwen poudir zot osi zot merit en saler ki desan.  Mon pa ti realize – Onorab mon pa ti realize poudir zot saler ti dir, akoz nou pa ti ganny akse ek distrik nou, la depi 2an nou’n ganny akse ek distrik e nou vwar, nou pe dekouver larealite e nou pe demande eski Minis i kapab reasir nou ki dan bann mwan ki pe vini, sa bann dimoun a kapab vwar en improvement.

I menm parey pour brigad dirzans, R500 par mwan, separ lannen R500 par an – pourtan sa bann dimoun zot, mwan mon admir zot, mwan mon pa dan brigad me selman mon admir zot pour zot devosyon.  So annou sey gete sa 2 group dimoun ki nou kapab fer pour nou gard zot moral o e fer zot delivre zot travay lo en nivo pli meyer.  Mersi.

 

MR SPEAKER

Mersi Onorab Ferrari.  PS.

 

PS MARIE-CELINE VIDOT

Mersi Mr Chair.  Mersi Onorab. Dan de mo wi Onorab nou pran kont sa propozisyon.  Lasanble ti’n deza fer sa rekomandasyon ek nou, nou pe revwar sa zafer field technicians akoz zot, zot lo en service contract.  Apre wi nou pe re evalye sa progranm brigad pour rann li pli efikas prenon kont kontribisyon ki tou lede group i anmennen dan lasosyete.  Mersi Onorab.

 

MR SPEAKER

Mersi PS.  Onorab Ferrari.

 

HON JEAN-FRANÇOIS FERRARI

Bon mersi Mr Speaker, mon kestyon siplemanter mon mazinen kekfwa mon ava kit avek Mr Valmont akoz i konsern, Onorab Valmont akoz i konsern semen Matata akoz la 2018 nou pe al 2019 e dimoun in rekomans sarye pake lo zot ledo.  So mon mazinen Onorab Valmont i ava koz lo la akoz si i pa koz lo la kekfwa apre ou ava donn mon permisyon pour mwan eksplik en pe sa sityasyon.  Mersi.

MR SPEAKER

Zisteman mon pe al donn la parol Onorab Valmont.

 

HON JUDE VALMONT

Mersi Mr Speaker, mon apresye Onorab Ferrari…

 

(Interruption)

 

MR SPEAKER

Order! Order! En moman, en moman.  Onorab Pillay, mon pe swiv en lalis. Onorab Ferrari in lev son lanmen mon’n donn li micro – non komanter pa’n apropriye, mon antann i pa apropriye ok?  Bon annou, nou’n byen komanse annou kontinyen ok?  Onorab Valmont.

 

HON JUDE VALMONT

Bonzour Mr Chair.  Mersi bokou.  Bonzour Minis e delegasyon, premyerman Mr Chair mon al lo sa issue sa semen Matata ki Onorab in point out

 

HON JUDE VALMONT

… mon kontan in frekant Matata e, me mwan mon reasir li, zis mon reasir li ki mwan mon pe travay avek PS avek Mr Adeline osi pour nou fer sir ki zabitan Matata i dan bon.  Akoz zisteman PS konsernan Matata mon krwar sel keksoz ki i annan pour ou dir se sa issue kontrakter, Onorab Esparon in refer sorti sa issue kontrakter ki pa delivre.  Alor mwan mon ti a kontan dan sa laliny, demande kantite letan i pran pour tir en kontrakter e ki zot fer pour deal ek en kontrakter ler i pa pe delivre?  Sa enn.

Apre i annan PSIP lo pti 12, upgrading of DA’s mini hall, mon ti ava voudre konnen si sa i enkli upgrading hall Pointe Larue.  I annan osi lezot ler nou dir empowerment of Ladministrasyon Distrik, nou pa koz zis nou bann DA, nou apresye ki zot fer zot louvraz ki zot fer, me selman i annan support staff osi zot office assistant, zot office manager eski i annan en provizyon pour revwar en pe zot Scheme saler osi.  Mersi.

 

MR SPEAKER

Mersi Onorab Valmont.  PS.

 

HON JUDE VALMONT

Ok mersi Mr Chair, mersi Onorab Valmont.  Normalman pour nou kapab tir en kontrakter on site i senp, nou bezwen gard tou nou rikord swiv tou.  Nou bezwen annan tou nou bann zistifikasyon.  Enn fwa nou’n annan tou sa bann zistifikasyon nou bezwen prezant en case devan procurement.  E sa i pran en pe letan parey mon’n eksplike taler pour ou kapab tir – debar en kontrakter.  Debar en kontrakter la i pa zis ou ale sa dimoun pa pe fer sa travay, ou dir tir li on site.  Onorab Grand Anse Praslin i kapab eksplik ou byen sa problenm nou’n gannyen avek Daycare. 

So nou bezwen fer sir tou nou keksoz i annord, zistifikasyon prezant nou case devan Procurement akoz parey mon’n dir ler ou debar en kontrakter Local Government i pa pour ganny drwa fer okenn travay Gouvernman.  

So nou ki nou bezwen fer, nou bezwen fer sir tou nou keksoz i annord from A-Z prezant nou case ek Procurement pour nou kapab tir li on site.  Sa normalman prosedir i konm sa.  E Matata i en case ki nou pe deal avek parey ou okouran.

Dezyenmman PSIP upgrading of mini hall wi – wi nou’n enkli – nou annan en kalandriye travay nou’n enkli ou mini hall Pointe Larue pour nou regarde ki nou kapab fer.

E kot i konsern support staff nou an diskisyon o frir a mezir nou ale avek DPA, kwa ki nou kapab fer pour nou kapab kontinyelman apporte sa soutyen pour nou bann lezot supporting staff dan distrik. I annan bann nouvo Schemes, i annan bann marketing skills ki i donnen, nou ankouraz zot in terms of capacity building.  Tou sa i en konponan ki ede pour kapab maksimiz zot saler.  Mersi Onorab.

 

MR SPEAKER

Mersi PS.  Nou ava pran en dernyen avan nou Break.  Onorab Terence Mondon.

 

HON TERENCE MONDON

Ok mersi Mr Chair.  Mon premye kestyon dapre midyear review Minister Finans pour 2018 Local Government i annan en sonm 51milyon valer proze e an zen zis 2, 107milyon an term valer proze in ganny enplimante, savedir pour sa peryod Zanvye ziskan Zen napa gran mouvman an term bann proze dan, anba Local Government.

Aprezan mon kestyon i ki of si mon konsern an vi ki dan sa bann proze dan distrik i lo lalis pour plizyer lannen e parey dan ka Takamaka – mon konnen lamazorite bann proze in la pour 5an a 10an e menm plis.  Daycare ki nou pe koz lo ozordi ti pros 10an pase, aprezan akoz ler in ariv Zanvye ek zZn zot pa kapab bouze lo bann distrik lo bann proze ki fer ki zot an retar? Si proze in lo sa lalis pour tou sa lannen, i ti’n devret kapab devlop son bann scope; fer sa bann preparasyon planifikasyon en mannyer ki ler zot ganny Bidze sa bann proze i kapab demare dan en fason vit.

Mon 2enm kestyon i baze lo Daycare mon ti anvi en pe lesplikasyon ler nou pran Daycare Anse Aux Pins avek Daycare Takamaka mon vwar en diferans 2.4milyon ki pe bidzete pour sa Daycare.  Mon anvi konnen ki kote sa diferans i vini si i la dan siperfisi, si bann fasilite, si ou ti kapab eklersi mwan akoz proze Takamaka pe kout 2.2 milyon e pour Anse Aux Pins 4.5 milyon ki fer en gran diferans, mwan anvi konn sa diferans kote i sorti.

E zisteman lo proze Daycare mon anvi demann Minis an vi ki Daycare pe ganny konstrir e ki pour arive avek Daycare aktyel ki baze an gran parti lo later Parti Lepep, ki pour arive avek sa Daycare.  E zisteman mon anvi konnen oli sa Lagreman pour sa fasilite kot ansyen Ladministrasyon Distrik i ete ki pe ganny okipe par Parti Lepep?

Dernyen fwa mon ti demann sa kestyon zot ti dir mwan i annan en laranzman e mwan anvi konnen oli sa lagreman e konbyen letan pe anmase pour sa fasilite?

Mon dernyen pti kestyon mon vwar anba ‘other service agreement’ i annan en sonm 773mil ki’n ganny bidzete ki 2018 ti napa ki kout apepre, ki tonm apepre R64mil par mwan, mon anvi konnen ki kalite servis ki zot in fer provizyon anba la pour sa R773mil?  Mersi Mr Chair.

 

MR SPEAKER

Mersi Onorab Mondon.  PS.

 

HON JUDE VALMONT

Mersi Mr Chair.  Mersi Onorab si mon mank okenn keksoz Mr Adeline i ava asiste mwan.  Project implementation sa ki ou vwar lo la Onorab, se sa ki Finans in peye –  sa ki ou vwar lo la, me selman sa pa vedir ki projets pa pe ganny enplimante.  Mon a zis donn ou en pti statistics pour sa lannen kot nou ete zis pour lenformasyon pour ed ou kapab dan ou refleksyon.

Sa lannen nou’n contract out R30.237,444.24milyon pour projets e sa deza nou R237mil over and above nou Bidze 30milyon.  Sa i kouver 235 projets pour sa lannen ki’n ganny Kontra in fini ganny sinyen e pe ganny enplimante.  235 projets.  Pour le moman nou’n fini 160 projets konplete fini e pour en lavaler R16. 145,216.36milyon, nou annan 75 projets ki ankor progre la, e sa i montre sa diferans 14 milyon pour nou fini peye Onorab.  Sa nou statistik as of today’s date ok?  Prenon kont parey mon dir nou annan 75 projets ki an mouvman la.  So sa pa vedir ki malgre nou’n pey zis 2 milyon projets pa pe bouze – ok?  Sa enn.

Kot i konsern diferans Daycare Takamaka avek Anse Aux Pins. Takamaka is a new Daycare lo en topographique ase difisil dan ou distrik Takamaka. Daycare Anse Aux Pins i en conversion ex- Chapiteau existing building pour nou convert li pour li vin en Daycare.  Vwala kot sa diferans i ete Msye Onorab – ok?

E kot i konsern ‘other services’ FC si ou ti kapab ed mwan.

 

PS MARIE-CELINE VIDOT

Office assistant pour Regional Council, sorry Onorab mon’n mank sa kestyon, office assistant pour Regional Council nou ankor pe rode nou annan 7 plas; in ganny enkli dan Bidze, non sorryOk so anba ‘other services’, anba la ki nou pour pey ou office assistant pour Regional Council, 7 office assistant pour 7 rezyon Regional Council.  Mersi Onorab mon swete mon’n kouver tou ou kestyon, non dernyen kestyon ki ou’n demann mwan ki pour arive ek Daycare, mon ti reponn sa dan Bidze lannen pase, ler nou fini nou nouvo Daycare, nou Daycare kot i ete la i bezwen bouz, prezan nou bezwen rann Parti Lepep se li, mon ti reponn sa lannen pase, so osito ki nou fini kot nou fini sa Daycare sa enn, nou Daycare ki existing i lo propriyete Parti Lepep, nou dek ki nou’n move dan nou nouvo Daycare, so nou bezwen rann Parti Lepep son priyorite son landrwa.  Prezan lannen pase nou ti donn ou en kopi lagreman, si ou pa’n gannyen nou ava anvoy en kopi pour ou ankor atraver Mr Chair.

 

MR SPEAKER

Mersi PS.

 

PS CECILE KALEBI

Mersi Mr Chair.

 

MR SPEAKER

Onorab Mondon vitman.

 

HON TERENCE MONDON

Vitman wi.  PS in fer mwan riye en pe en, premyerman PS in dir Takamaka i en nouvo proze Daycare topographique eksetera, se sa ki fer li pli ser, be dek, be tandis ki Daycare Anse Aux Pins i en conversion.  Be anfet mon ti ekspekte conversion pour vin pli bon marse akoz pour Anse Aux Pins i 4.5 milyon.  E dezyenmman ler ou pe dir mwan pour rann Parti Lepep se li be selman sa fasilite i lo la, i en fasilite Leta sa daycare ki aktyel ki pe ganny servi – konmsi Parti Lepep pour al antye e i pour sorti i pour al se li avek dan fasilite.  Mersi Mr Chair.

 

MR SPEAKER

Mersi Onorab Mondon.  Minis, Minister.

 

THE DESIGNATED MINISTER – MRS MACSUZY MONDON

Mr Speaker permet mwan, si ou permet mwan zis fer en komanter lo sa ki Onorab Mondon pe demande.  Letan Daycare i fini e parey PS in dir si propriyete i pour Parti Lepep i rann Parti Lepep son propriyete.  E sa i ava, sa ki pour arive i ava anliny avek desizyon ki Parti Lepep i fer ansanm avek Gouvernman.  Si Parti Lepep i deside pour rann Gouvernman, i ava rann Gouvernman, me i ava form par sa diskisyon ki pour annan ant Parti Lepep avek Gouvernman.  Mersi Mr Speaker.

 

MR SPEAKER

Mersi Minis.  PS i annan sa kestyon lo Daycare sa conversion, son amount, si oule klarifye. PS.

 

PS MARIE-CELINE VIDOT

Mersi Mr Chair.  Mersi Onorab.  Mon a demann mwan DG projets pour eksplik ou byen sa diferans sa 2 daycare silvouple.  Mersi.

 

MR SPEAKER

Mersi.  Mr Adeline.

 

MR DANIEL ADELINE

Bonzour Mr Chairman – Manm prezan.  Bon petet sa ki Onorab pe gete se Bidze, pa dan contract cost.  Bidze ki nou’n gannyen pour Takamaka avek Bidze ki nou’n gannyen pour Anse Aux Pins.  Me the contract cost pour Anse Aux Pins i R4.1milyon, contract cost pour Anse Aux Pins i R2.5 milyon…

 

PS MARIE-CELINE VIDOT

Takamaka?

 

MR DANIEL ADELINE

Wi R4.1milyon apepre.

 

MR SPEAKER

Mersi.

 

MR DANIEL ADELINE

E parey PS in dir Takamaka i en nouvo konstriksyon, i annan semen, i annan miray pour fer, tandis ki Anse Aux Pins i en ex- building, i en building ki deza annan son kouvertir e avek son floor e nou, nou pe konstrir within sa existing structure.

 

MR SPEAKER

Mon krwar mwan osi mon en pti pe konfize.  Onorab Mondon.

 

HON TERENCE MONDON

Wi Mr Speaker mon krwar nou tou nou konfize la akoz Bidze, dan Bidze zot pe met 4.5 pour Anse Aux Pins selman apre ou pe dir nou contract cost, be ler zot fer Bidze zot pe, be lo kwa zot planifye?  Savedir zot bann figures ki zot in planifye sa amount ki zot pe budget pour sa bann Daycare i totalman off.  akoz si ou pe dir mwan contract cost i pour 2.5 selman ou’n bidzete, dan Bidze ou pe met 4.5, be savedir nou bann sif dan Bidze i annan en problenm.  Mersi Mr Chair.

 

MR SPEAKER

Mersi Onorab Mondon, eski petet PS.  Ale Mr Adeline.

 

MR DANIEL ADELINE

Ale mon a re eksplik ou ankor Mr Chairman en.  Bon sa ki Onorab in fer sorti la, se the budget ki nou’n gannyen sa lannen.  Mon korek la?  Bon, budget ki nou’n gannyen sa lannen pour Takamaka i mwens ki Anse Aux Pins sa ki ou pe dir.  Lefe ki Takamaka ti komans 2017, savedir nou’n komans sa proze 2017 e i annan serten peyman ki’n fini ganny fer lo Takamaka, vedir deza apepre R2milyon in fini ganny peye lo Takamaka lo Bidze lannen pase.

E sa lannen nou pe pey son balans.  Tandis ki Anse Aux Pins li i fek komanse sa lannen e sa Bidze, mon krwar son Bidze i ok 3 milyon e son Kontra ki in sinyen i 2.5milyon.  Se sa ki ou pe vwar sa diferans ki sa lannen Takamaka son Bidze i mwens ki Anse Aux Pins.

 

MR SPEAKER

Ok mersi Mr Adeline.  Bon avek sa nou ava pran en – yes en moman.  Onorab Georges.

 

HON BERNARD GEORGES

Mersi Mr Chair.  Mr Chair mon pa anvi tard nou Break, mon ti anvi zis avek ou permisyon rekonnet mon DA dan mon distrik Madanm Doris Kewalli ki dan dernyen training ki bann DA in fer in tonm Premye! Another ‘First’ for Les Mamelles!  Mersi.

 

(laughter)

 

MR SPEAKER

Mersi Onorab Georges. Bon nou ava pran en Break.  Nou ava, an vi ki mon annan ankor 14 Manm, Onorab Mondon ler nou rantre ou ava, mon ava donn ou sans pour demann kestyon, nou annan 14 Manm ki ankor lo lalis e nou anvi fini par midi, nou pour pran en Break 15 minit.  Nou pour retournen 11er.

 

(BREAK)

 

DEPARTMENT OF LOCAL GOVERNMENT (CONT)

 

MR SPEAKER

Bon, mersi – mon ti zis pe regarde si nou annan en quorum. Mon krwar nou zis annan en quorum.

Bon, nou ava kontinyen avek nou travay. E mon pou ensiste – mon pou demann bann Manm, annou fer nou kestyon presi.  Annou pa akont zistwar.  E petet from the Chair, mon pou dir ki i paret ki tou bann Manm pe apresye travay korperasyon ki annan avek Local Government avek bann DA.

Mwan osi lo mon par, i annan sa korperasyon.  E petet mon a fer sa pour tou bann Manm pour nou pa relev sa – ki nou apresye travay ki MNA pe fer avek bann DA.  Mwan osi lo mon par, mon travay tre pros avek mon DA avek striktir Gouvernman Lokal.  E sirtou dan labsans mon DADA Beau Vallon ki Ms Clarisse ki pe fer en tre bon travay.

Alors, tou bann Manm, mon’n fini koz pour zot lo DA and all that.  Alor nou al direkteman lo kestyon.  Onorab Mondon, ou ti ankor annan en kestyon.

 

HON TERENCE MONDON

Mersi Mr Chair.  Mwan mon napa problenm avek korperasyon travay DA avek PS mwan.  Mwan mon problenm se sif ki’n fer sorti ki misleading.

 

MR SPEAKER

Klarifikasyon – ale.

 

HON TERENCE MONDON

Wi.  Mr Adeline lafason ki i pe fie nou, i pa reflekte dan sa liv Bidze.  Parey mon’n dir, dan liv Bidze i 2.1 pour Takamaka, i 4.5pour sa.  Anse Aux Pins in komans avan depi 2017, Takamaka in komans 2018.  Savedir mon pe sizere ki mon ganny tou detay sa 2 proze.  Si Minister i kapab donn mwan sa detay, zot scope bann contractor cost pour mwan kapab gete pour mwan menm.  Ok.  Mersi Mr Chair.

 

MR SPEAKER

Alright.  Mersi Onorab.  Mon krwar Mr Adeline ava donn ou sa bann detay.  Apre si i annan okenn queries, zot a kapab sort out, en?

Bon, Onorab Wilbert Herminie.

 

HON WILBERT HERMINIE

Mersi Mr Chair.  Bonzour Minis, PS ek ou delegasyon.  PS mersi pour sa korperasyon travay vi ki tou nou proze dan La Riviere Anglaise in preski fini.  Savedir i montre nou ki Danny pe travay!

Mon annan en pti kestyon lo paz 12.

 

(Interruption)

 

HON WILBERT HERMINIE

Mon annan laparol ouswa LDS ki annan laparol?

 

MR SPEAKER

Bon, Onorab mon donn ou laparol – al direk lo ou kestyon.

 

HON WILBERT HERMINIE

Mon’n dir paz 12 mon kestyon.

 

MR SPEAKER

Yes.

 

HON WILBERT HERMINIE

Mon pe vin lo mon kestyon mwan.

 

MR SPEAKER

Onorab ale.

 

HON WILBERT HERMINIE

Paz 12, mon war en laliny ki met Extension of DA’s Office, Regional Council.  Mon ti kapab ganny en pe lesplikasyon kwa sa please?  Thank you.

 

MR SPEAKER

Mersi Onorab.  PS

 

PS MARIE-CELINE VIDOT

Mersi Mr Chair.  Mersi Onorab.  Parey ou konnen, nou annan Regional Councils e nou bezwen fer provizyon lenfrastriktir, extra biro pour zot kapab servi, lekipman pour zot kapab servi.  So, vwala rezon det nou annan sa Bidze, pour nou kapab accommodate Regional Councils – 7 Rezyon nou annan.  Mersi Onorab.

 

MR SPEAKER

Mersi PS.  Onorab Herminie.

 

HON WILBERT HERMINIE

Mon war sa en pti pe drol akoz vi ki sa Regional Council i lo en trial basis – ki mon ekspekte zot Manda i fini dan en 1an.  E nou menm nou Lasanble nou ti dir – mon krwar 2an pase ti annan bann zafer lofis pour MNA, nou ti dir nou transfer sa larzan dan en lot landrwa.  Mon krwar la i pa the right timing pour nou fer upgrading pour lofis.

Mon ti a sizere PS ki sa larzan i ganny vire dan proze pour aktivite lazenes ouswa bann aktivite sportif dan distrik.  Eski sa i posib PS?  Mersi. 

 

MR SPEAKER

Mersi Onorab.  PS.

 

PS MARIE-CELINE VIDOT

Mersi Onorab.  Mon pa pou kapab dir ou wi, sa i posib.  Lefe i reste ki malgre Regional Council is on a trial basis – we’re yet pou konnen what will happen apre sa 1an.  Me lefe i reste zot bezwen lekipman pour travay – zot bezwen biro, zot bezwen meeting room pour zot zwennE ou a dakor ek mwan, dan distrik – pa tou distrik ki annan sifizaman landrwa pour nou cater pour sa striktir pour le moman.

Apre lenfrastriktir i dan Biro Ladministrasyon Distrik, en?  I kapab demen a zot – a nou prop dispozisyon, Local Government pou servi whatever happens ek Regional Councils.  Me zot la, so i en striktir ki nou bezwen fer provizyon pour zot pour le moman.  Si i ava annan okenn desizyon otreman, i ava at a much higher level.  Mersi Onorab.

 

MR SPEAKER

Mersi PS.  Onorab Herminie.

 

HON WILBERT HERMINIE

Be – mersi PS pour ou lesplikasyon.  Be PS, zot pe travay lo part time basis.  So, mon pa pe ganny en konpran.  Taler ou’n dir koumsa zot ti pou annan – zot pe rod en office assistant, ok.  be si ou pe travay lo part time basis ki ou pe zwenn apre ler, sa bann fasilite i deza la.  Mwan mon pe sizere ki sa larzan i ganny met da proze e aktivite sportif.  Akoz nou tou nou pe rod larzan pour mobiliz zenn.

So, mon pa pe war akoz ki nou bezwen upgrade kan nou zwenn apre ler.  Annou pran sa larzan annou met dan distrik anba nou bann aktivite sportiv.  Kot nou kapab fer aktivite pour nou bann zenn dan distrik, ki nou pe rod larzan e nou dir napa larzan!  La en landrwa spesifik ki nou kapab tir larzan la pour met dan aktivite spor.

 

MR SPEAKER

Ok.  Mersi Onorab.  PS.

 

PS MARIE-CELINE VIDOT

Mersi Onorab.  Ou propozisyon in note.  Me Bidze i devan Lasanble, so – Onorab, mersi pour ou propozisyon.  Bidze i devan Lasanble.  So, Lasanble i bezwen deside kwa ki pou donn Local Government pou travay avek ek kwa ki pou mete or tire.  Me selman ankor enn fwa mon enform Lasanble, the Regional Councils are there – whether they are part time or pilot.  Me selman nou bezwen fer provizyon – serten provizyon pour kapab accommodate sa striktir ki la.  Mersi Onorab.

 

MR SPEAKER

Mersi PS.  Onorab Ahmed Afif.

 

HON AHMED AFIF

Mersi Mr Chair.  Mr Chair, mwan mon ti a kontan fer en propozisyon lo paz 12 dan Capital Projects – ki sa R30milyon pour bann pti proze distrik.  Mon ti a kontan sizere avek Gouvernman Lokal – si zot kapab fer li avek bi pour asire ki bann – sak distrik, tou larzan ki pe ganny servi, i ganny servi byen, i ganny servi pour benefis kominote – pa zis pour 1 ou 2 dimoun.  Ki tou le 2 dimoun ki dan sa distrik ki bann dimoun prensipal – par egzanp, DA, sa MNA dan sa distrik, tou le 2 i annan en konesans ki pe arive.  I annan son laprouvasyon ki bezwen pou fer sa bann proze.

Mon ti a kontan sizere ki zot tonm dakor ki dan sak distrik – enn fwa ki nou’n fer sa alokasyon, ki mon krwar i vin R1.2milyon.  Ki sa MNA ek sa DA pour sa distrik i tonm dakor lo en lalis proze.  Lo sa lalis proze zot annan osi detay son kou avek son dele letan pour enplimante.  Byensir – parski tou distrik i raport ek en Konsey.  Sa Konsey zis i ratifye li, i pa bezwen donn lord sa distrik ki pou al fer egzakteman, me selman zot okouran.  E ki dan sa fason, tou larzan ki’n ganny bidzete anba sa Bidze la – R30milyon, i ava ale pour bann – bann proze ki tou le 2 kote i tonm dakor pou fer benefis sa distrik.

Mon pe get par egzanp Anse Etoile, Mrs Lozaique ki – i annan en proze in demande depi 2016.  Me selman akoz nou pa’n tonm dakor lo sif, konbyen i pou koute, mannyer i pou enplimante, lekel zot lalis proze ki pe deza enplimante, ou vwar dele – ou war en kantite retar dan lenplimantasyon sa bann proze.  Alor, si nou ti kapab travay lo sa baz, mon krwar lo en baz pratik nou ti pou kapab byen servi sa ban larzan

E si zanmen i pa – napa en proze kont li, zot pa kapab zis en dimoun zis deside pran sa larzan, fer en lot keksoz avek.  I bezwen ganny fer pour en proze.  Petet zot a deside transfer li pour en lot distrik – sa i en lot keksoz.  Me selman si i pou al en lot landrwa, sa DA ek sa MNA osi, zot osi bezwen tonm dakor lo ki mannyer i pou ganny servi.  Zis en propozisyon pour litilizasyon sa R30milyon.  Mersi Mr Speaker.

 

MR SPEAKER

Mersi Onorab Afif.  PS.

 

PS MARIE-CELINE VIDOT

Mersi Mr Chair.  Mersi Onorab Afif.  Wi, zisteman koumsa ki i devret ete.  E an menm tan zis pour mwan azoute, petet ki nou bezwen fer pour nou kapab kontinyelman amelyor lenplimantasyon nou bann pti proze, nou bezwen osi etablir pou nou zwenn en pe pli frekan.  Ou ganny mwan?

Akoz petet annan de fwa nou zwenn zis en fwa, 2 fwa dan en lannen.  Me proze i ongoing, so i a permet nou annan en pli bon swivi.  Dizon parey park water, ki mannyer sa distrik son proze pe ganny enplimante.  E la ozordi mon ti pou fer en direct recommendation – letan nou pe dir ‘District Small Projects,’ i enportan ki sa MNA elekte ek DA i la pour nou diskit son proze.  Mon pa kapab diskit zis ek MNA, ek DA.  Zot tou le 2 – sa 2 dimoun, when it comes to ‘District Small Projects’, zot bezwen la pour nou diskit zot proze distrik.

Apre parey ou dir, si i devret annan oversight Regional Council, this is something else.  Me nou, nou neseserman bezwen sa MNA elekte avek son DA ansanm kot sa li.  Mersi bokou pour sa propozisyon.

 

MR SPEAKER

Mersi PS.  Onorab Clive Roucou.

 

HON CLIVE ROUCOU

Mersi Mr Speaker.  Mr Speaker, PS ti’n fini reponn mon kestyon.  Mersi.

 

MR SPEAKER

Mersi Onorab Roucou.  Onorab Audrey Vidot.

 

HON AUDREY VIDOT

Mersi Mr Chair.  Bonzour Mr Chair, Minis avek ou delegasyon, tou Manm Onorab, tou dimoun ki a lekout, espesyalman zabitan Roche Caiman.

Mr Chair, mon kestyon pour Local Government – premyerman mon ti a kontan konnen si zot full of staff kot tou zot Ladministrasyon Distrik?  Rezon mon pe demann sa, se ki mon war zot pe met Bidze pour lanfaz lo Regional Council.  Me nou bezwen get nou bann distrik pour – nou pa kapab get zis en bor, nou les en lot bor collapse.  Sa i enportan akoz zot in la tou sa letan.  Sa i enn.

Dezyenmman, mon pe regard dan – lo paz 12 kot PSIP, mon en pti pe vreman dezapwente.  Mon pe demande oli Daycare Roche Caiman?  Akoz mon konnen nou, nou annan later pou fer Daycare.  E mon pou siport mon koleg Onorab Mr Bernard Georges akoz ler nou Roche Caiman pe demann sa Daycare, i pa pe demann zis pour Roche Caiman.  Me pour donn sipor mon koleg Les Mamelles avek Plaisance akoz nou annan en gro kontrent pour Daycare.

E trwazyenmman – pli boner ou’n koz en pti pe lo zot diskisyon avek bann diferan lezot Departman ki tonm anba Minis – portfolio Minis Mondon.  La mon pou – yer mon’n koz en pti pe avek NSC konsernan – pa NSC, SNYC, an referans avek bann progranm lo nivo distrik.  E NSC osi nou’n koz ek zot.  Mon santi Local Government osi i kapab zwe en bout rol lo kestyon ki mon’n demande yer.

Nou anvi promot bonn sante pour nou bann dimoun dan kominote.  Mon konnen i annan bokou distrik ki annan zot Sant kominoter.  Mon ti ava demann sa Local Government si zot kapab, fer li ki zot bann DA’s i met li en lobligasyon dan zot bann progranm – dan zot bann sant, zot progranm lasemenn.  At least annan en sesyon kot en dimoun i kapab vin montre fitness.  Ok.

Mon konnen i annan ki annan karate, i annan lezot.  Me at least pour fitness i devret annan pou donn en pti pe sipor anver sa langazman pour nou redwir en pti pe obesite dan pei.  Mersi.

 

MR SPEAKER

Mersi Onorab.  PS.

 

PS MARIE-CELINE VIDOT

Mersi Mr Chair.  Mr Onorab.  Onorab, pour le moman, as of today’s date, nou annan dan Departman 21 vacancies.  E kot i konsern distrik, wi – nou pe fer tou demars pour nou kapab.  Nou bezwen – nou annan 3 post DA, nou bezwen advertise, fer sir nou gannyen.  Nou annan 3 post office manager.  Nou annan 5 post office assistant ek en Work Supervisor – sa pour distrik.  Me rest assured nou pe fer tou demars pour nou kapab fer rekritman – sa an term distrik.  Vedir pa neseserman tou Ladministrasyon Distrik pour le moman i fully staffed.  Me Bidze in fer provizyon pour sa, pa trakase.

Kot i konsern ou sant – ou Daycare Roche Caiman, annou diskite. Annou diskite – nou a zwenn, nou ava diskite ki mannyer nou pou adres Roche Caiman – en pti pe parey nou pe mazin Les Mamelles.  Akoz wi i konfirmen poudir ou, ou lokasyon in fini pare pour nou kapab fer plasman ou Daycare.  So parey labitid, annou zwenn nou a diskite what is the best way forward dan lentere bann zanfan/dimoun Roche Caiman.

E mon krwar Minis, parey mon ti dir pli boner, Minis in eksplik byen ki mannyer pou marse sa desantralizasyon aktivite.  E wi, sa i ava en konponan ki nou bezwen osi konsidere.  E parey mon’n dir, letan nou pe diskite ek bann distrik ki bann aktivite ki ti a swetab, anba Local Government petet ti a byen letan ou annan ou rankont mansyel ek ou DA, ou fer sa bann sizesyon pour ki nou kapab met dan – ansanm pour konsidere dan nou kalandriye lannen prosenn.  Mersi Onorab.

 

MR SPEAKER

Mersi PS.  Onorab Clifford André.

 

HON CLIFFORD ANDRE

Mersi Mr Chair.  Mr Chair, mon pe get Bidze – kekfwa PS i kapab gid mwan en pti pe lo la.  Sant Kominoter Anse Aux Pins i dan en leta enpitwayab.  Kan nou pou ganny en renovasyon?  E dezyenmman, se i annan bann groupman – mon ti deza diskit sa size avek, dan ou labsans avek Mr Frichot.

I annan bann groupman ki zwenn pou sey asiste bann zenn manrmay ki dan ladiksyon e zot in akonplir detrwa me zot pe lwe lasal a en pri komersyal.  So, mon ti a demann Gouvernman Lokal pou revwar dan sa konteks, ki zot lobzektif?  E pou sey asiste zot akoz zot napa sa mwayen finansyel vreman pour zot lwe sa lasal lo en pri komersyal.  Sa i 2enm.

Trwazyenmman, i annan 1.5 ki ganny met dekote pour bann fasilite sport.  Mon mazinen sa pou bezwen ganny partaze dan tou distrik.  Me i annan 1an – dernyen fwa ou ti la mon ti demann ou sa, lalimyer lo court basketball.  Mon ganny bate e komanter i ganny mete lo Facebookrightfully so, sa bann dimoun i met sa komanter konmkwa mwan mon pa pe fer sa zefor.

Be mon ti demande dan Lasanble dernyen fwa.  E mon ti a kontan ki sa i ganny fer pli vit posib akoz sa bann manrmay i annan basketball avek volleyball – savedir si basketball pe train lizour, volleyball i kapab al en pti pe pli tar.  Zot a ganny lalimyer pour zot fer zot bann training.  Nou annan Anse Aux Pins Sisters ki’n fer en lepa vreman avanse.  So, zot bezwen sa bann training, alors donn zot, zot lalimyer silvouple pour zot kapab fer sa.

Lot kestyon se bann proze – pti proze ki nou fer dan distrik.  I annan sa semen ki kot bann Soomery anler dan Bodamien, kot Prezidan letan ti vizit – ou ti la, sa madanm ti atrap Prezidan dan koulwar, dan Ladministrasyon Distrik pour diskit lo son proze – nou’n al gete sa proze.  Me lafason ki nou, nou ti’n prozekte sa proze pou ganny fer, e ler i ganny fer i pa’n fer parey.  I annan dimoun ki bezwen servi wheelchair, selman i met peron.  Ki mannyer dimoun pou desann dan peron avek wheelchair?  I pa pratik.  So – avan ti dir motorable.  Sa in sanze in vin en path me i annan peron lo la a serten lenterval.

So, ankor enn fwa i tourn otour kalite proze – konpran?  Pran sa ki Onorab Afif in dir – nou bezwen annan en proze.  Si nou’n tonm dakor proze i pou koumsa, i pa kapab letan scope i vini, scope i ganny diskite dan en lot perspektiv.  E letan i fini ganny fer oubyen pe ganny fer, ki ou al war poudir i annan problenm avek!  So, sa i en lot keksoz ankor PS ki nou bezwen gete.

Nou annan Consumables lo ou latab.  Mon ti a kontan konnen kwa vreman ‘consumables’ ki Minister pe demande?  E si tree felling ki nou, nou annan bokou Anse Aux Pins.  Nou annan bokou sityasyon kot nou bezwen fer tree felling.  Si tree felling i tonm anba la, oubyen i annan en lot vot ki tonm anba la?  Elektrisite nou’n war ki i sibstansyel ki Gouvernman pe servi.  Akoz ou pa re-negosye?  Vi ki nou annan en Energy Commission, pour nou kapab met bann solar panel.  La Anse Aux Pins nou pe refer roofing.  Akoz nou pa – dan sa konteks, sey met bann solar panel?   I a redwir en pti pe sa bil elektrisite.

Office Expenses – R225.  Selman apre, dan menm latab ki Minister Finans in donn nou, mon war i annan ‘printing, stationery and publication ‘ki vin 1.04milyon.  So, mon oule konnen akoz zot in separ sa?  So, printing/stationery – stationery i bezwen pour lofis.  Apre i annan ‘office expenses’ – ki nou pe dir letan nou pe dir sa?  Ki nou bezwen annan 2 vot e 2 diferan sonm – enn i 225mil, lot i 1milyon.  Mersi.

 

MR SPEAKER

Mersi Onorab.  PS.

 

PS MARIE-CELINE VIDOT

Mersi Mr Chair.  Onorab, Anse Aux Pins, Sant Kominoter 2an pase nou ti fer en bon pe travay lo la.  Wi, la nou pou konsider son roofing, i vreman dan en staz – akoz nou ti mank sa, ok?  Kot i konsern sa progranm adiksyon, i pou nesesit parey ou’n propoze – nou zwenn sa bann dimoun, nou vwar konteni zot progranm, zot proze.  E si posib, kote Local Government – ek nou bann lezot partners, kote nou kapab aport sa soutyen.

R1.5milyon i pa en gran larzan Onorab, letan ou kalkil 25 distrik ek 2 kominote.  E normalman sa larzan la, nou fer bann minor maintenance.  Be selman napa nanryen ki anpes nou diskit lalimyer lo court – i vre ou pe demande en pe letan.  So, dan nou diskisyon, nou zwenn nou a sey met lespri ansanm – ki mannyer nou pou kapab adres sa lalimyer lo court.

Kot i konsern proze – mon krwar msye Onorab Afif in fer en propozisyon.  Mon ti pou zis fer en rekomandasyon senp – petet nou osi nou bezwen fer sa.  Petet tou Onorab i devret ganny en kopi zot scope as parti nou bann diskisyon avan nou enplimant bann proze.  En mannyer zot kapab pas lo la ansanm ek zot DA akoz normalman zot ki donn nou zot lalis Procurement.

Be selman petet avan nou enplimante osi – apre nou fer feasibility study eksetera.  So, petet nou devret donn zot, zot scope avan pour regarde si vreman sa ki zot ti anvi konfirmen.  Mon krwar i en keksoz ki nou kapab konsidere.  I a ede pour soulaz en pe lenplimantasyon nou bann proze dan tou distrik.

Tree felling – apre atraver Mr Chair, FC a kapab reponn sa bout ‘consumables.’  Tree felling parey tou Onorab i konnen, i tonm anba ‘District Small Projects’ li.  Be selman normalman, ki nou fer? Nou fini enplimant tou nou bann proze distrik avan.  Apre nou regarde si posib, ki mannyer nou fer- nou kapab fer sa bann proze tree felling ki zistifyab.

Dan ka Anse Aux Pins, nou’n fini koup en premye lot, i reste zis en lot la ou.  So, i p atonm okenn par, i tonm anba ‘District Small Projects.’  E zis an pasan, i annan distrik ki nou’n fini – pour lenformasyon lezot distrik – sa proze i ongoing.  I annan ki’n fini, i annan ki an mars, i annan ki pe al enplimante la.  Tou distrik nou’n fini contract out tree felling la.  Ok. So, mersi Mr Chair, mersi Onorab.

 

MR SPEAKER

Mersi PS.  Mon a donn laparol FC.  Ms Valentin i ava eklersi lo ‘consumables.’

 

FC MARLENE VALENTIN

Mersi Mr Chair.  Mersi Onorab pour ou kestyon.  Lo kote ‘consumables,’ si i annan logmantasyon se pour cater pour bann expenses avek ki annan pou fer avek Regional Councils.  E sa nou’n allocate li – nou pe allocate li ek bann Regional Centres kot sa bann Councils pou pe baze.

Lo kote ‘printing and stationery’ – ankor i annan pou fer avek Regional Councils.  E osi avek bann logmantasyon dan bann pri, sirtou toner, ki kot Ladministrasyon Distrik nou servi en bon pe.  Apre Other ‘office expenses’ –sa code li i kouver pour bann lezot pti depans ki nou bezwen fer me selman ki napa en code spesifik pour nou met li anba la.  Se sa ki nou annan sa code Other ‘office expenses.’  Mersi.

 

MR SPEAKER

Mersi FC.  Onorab André.

 

HON CLIFFORD ANDRE

Mersi Mr Chair.  Mr Chair, PS pa’n adres mon konsern lo elektrisite – kot mon ti dir li, vi ki nou pe fer roofing, bann solar panel, nou annan Energy Commission.

 

MR SPEAKER

Mersi.  Mersi Onorab.  PS.

 

PS MARIE-CELINE VIDOT

Mersi Mr Chair.  Mersi Onorab.  Nou ava pran kont – i annan en proze ki deza pe ganny fer.  I annan enn de bann trials ki pe ganny fer pou servi sa solar.  Nou ava konsidere Onorab pou regarde kwa ki nou kapab fer pour ranplas bann – be selman sa i en diskisyon ki nou bezwen fer a profon, ki mannyer nou pou kapab adres sa.  Mersi pour ou rekomandasyon.

 

MR SPEAKER

Mersi PS.  Onorab Norbert Loizeau.

 

HON NORBERT LOIZEAU

Mersi Mr Chair.  Bonzour tou dimoun.  Mr Chair, mon anvi – mon ti kontan demann Minis en kestyon.  Avan mon demann mon kestyon, mon anvi dir PS mersi pour sa court ki zot in re-surface malgre in pran 2an pour sa arive.  Mr Speaker, mon anvi demann PS aprezan vi ki – mon kestyon i relye avek repons ki ou ti reponn Onorab Philip Arissol lo alokasyon pour bann team sport anba distrik.

PS in dir ki i annan en logmantasyon pour lannen prosen.  Alors Minis, mon anvi demann – PS, pardon.  Mon anvi demann ou, vi ki depans bann klib i parey – menm si ou dan premye, 2enm, 3enm divizyon – zot plizoumwen zot depans i parey.  Alors, vi ki pou annan sa – i annan sa logmantasyon, mon anvi demann ou PS, si zot pou kontinyen kategoriz bann lekip par divizyon ler zot pou fer sa bann alokasyon ouswa tou lekip pou ganny parey?

Lo kote bann pti proze distrik – mon rekonnet ki i annan serten proze pe ganny fer.  Me mon anvi demann PS, mon war en pti slow down dan sa proze pavement tou dilon semen Bel Eau.  Mon ti a kontan ou dir nou si petet – si akoz petet i annan larzan dan Bidze 2019, ki zot pe espere pour sa proze speed up?

Apre mon annan en pti kestyon lo kote Perseverance.  PS, vi – eski ou kapab dir nou si i annan en alokasyon pour Perseverance?  Vi ki Perseverance i annan en DA menm si i napa MNA e lezot keksoz.  E koman zot Bidze i ganny zere zot – Perseverance?  Mersi.

 

MR SPEAKER

Mersi Onorab.  Mon krwar sa proze pavement Bel Eau i tonm anba SLTA, si mon pa tronpe.  Ok.  PS.

 

HON NORBERT LOIZEAU

Mr Speaker, selman ti dan proze ki nou, nou ti anvoye anba distrik kot Local Government.  Ok.

 

MR SPEAKER

Wi.  PS.  Ok.  PS

 

PS MARIE-CELINE VIDOT

Mersi Mr Chair.  Mersi Onorab.  Onorab, pavement Bel Eau pa pou Local Government.  Si mon pa tronpe i tonm ek SLTA – sa pavement.

Kot i konsern alokasyon pour sports – i pou en pe difisil la pour mwan dir ou nou pou donn tou disiplin egal.  Nou bezwen sey – i annan en formula ki pou reponn, baze lo kantite Bidze ki nou annan.  Taler ou ti tann Inner Islands pe dir zot bezwen en pe plis, i annan transportasyon.  So, nou bezwen kalkil byen sa.  I ti a swetab nou ti kapab, be i pa pou onnet pour mwan dir ou poudir nou pou donn tou dimoun parey.  Me parey mon ti dir, pou – i ava annan en pti logmantasyon lannen 2019.  Fir an mezir nou progrese lo bann lannen, kekfwa nou a kapab fer li pli byen.

Kot i konsern Perseverance – wi, Perseverance i osi ganny kouver anba ‘District Small Projects’.  E sa i ganny zere direkteman par nou Sekretarya avek son DA.  I annan bokou keksoz ki’n deroule Perseverance.  E petet zis an pasan, mon kapab enformen ki Perseverance Bidze la 2019, pe montre poudir i pou ganny son Biro Ladministrasyon Distrik ek son Sant Kominoter.

Nou’n fini idantifye en landrwa pou met son nouvo biro.  Pa bliye poudir Perseverance nou annan 2 Biro Ladministrasyon Distrik e ki zot pe zer 4 flat.  So, si nou kapab son Biro Ladministrasyon Distrik, met son Sant Kominoter a deservi sa bann dimoun, a kapab rann 4 fanmir – 4 flat ava dan benefis 4 fanmir.  Sa enn.

Nou fek fini en Multi-purpose Court Perseverance.  Nou’n re-upgrade en lot Multi-purpose Court Perseverance – Perseverance (1) nou’n fini son Multi-purpose Court.  Perseverance (2), nou’n upgrade son court.  Nou – sa lannen nou ti fer louvertir son playground.  Dan India Grant lannen prosenn, i annan son day-care, Perseverance akoz zot napa ditou.  So, donk nou osi konsider Perseverance egalman parey tou lezot distrik pour ki zot osi zot kapab benefisye koman en – koman 2 kominote pour le moman.  Mersi Onorab.

 

MR SPEAKER

Mersi PS.  Onorab Henrie.

 

HON GERVAIS HENRIE

Mersi Mr Chair.  Mon premye kestyon – dabor, lefet i annan 235 proze ki ankour – ki’n ganny tender, 75 parmi i Ankour.  Mon krwar COGA pou bezwen met Local Government anba mikroskop lannen prosen – follow zot byen, pour bann Manm sa.

Mon kestyon – an liny avek sa ki Onorab Alcindor/ Esparon ti demande lo bann progranm ki pe tonm anba sa District Social Committee.  So, mon apersevwar poudir si nou pou get alokasyon ki zot pe gannyen, i tonm apepre 107mil 407 Roupi par distrik par an.  Savedir sak distrik i kapab ganny apepre R8,951 par mwan pou fer aktivite.  Solman letan par egzanp, mon pou kalkil Mont Buxton – mon’n tann sa Animation Committee mwan, in fer zis 2 fwa moutya lannen pase.  So, mon anvi konnen ki mannyer Local Government pou monitor bann progranm e evalye son efikasite ki sa bann diferan group tel ki Disabled Group dan distrik, Trwazyenm-Az, Lazenes, pe zer sa larzan ki zot pe gannyen?

E dan sa menm loptik Mr Speaker, ki posibilite bouz sa bann progranm avek Regional Council?  Par lefet ki Regional Council i annan en Komite Animasyon li.  Pour maksimiz resours ki letan i fer en aktivite, i kapab La Rivière Anglaise, Mont Buxton, Saint Louis i team ansanm anba Regional Council.

E lefet ki zot pe met larzan, konmsi donn Regional Council – irespektiv malgre lot kote latab pe dir i eksperimante, pa bezwen tro entertain li.  Mwan mon totalman kont sa.  Mon pe dir kontrer si nou pe eksperimante, donn li – met divan anba son lezel pour nou kapab war son efikasite.  So, sa i mon premye kestyon.

Dezyenmman – lo PSIP, paz 12, proze ‘Pti Payot.’  Mon anvi konnen ki mannyer sa i marse?  E posibilite pour Lasanble ganny en rapor of some sort.  Akoz sa i en pe letan i dan Bidze sa bann zafer pti payot.  Kote sa bann ‘Pti Payo’t i ganny tire?  Kwa ki’n fer?  Pour nou asire poudir larzan piblik in byen ganny depanse.

E dernyen Mr Chair, mon anvi ki PS ouswa Minis koman zot la – akoz mwan en keksoz ki mon toultan dir ek dimoun dan distrik, zot bezwen partisipe.  Sa Bidze la ki pe vote, i zot tax payers’ money.  Zot bezwen vin devan, zot bezwen konnen ki pe pase, ki mannyer zot kapab met zot input pour zot benefisye.  Menm si MNA lot parti – be selman letan nou la, nou pe servi sa distrik.

So, mon anvi zot dir nou ki mannyer zot anvizaze vwar plis dimoun partisip dan lavi kominote distrik? Ki pou donn en legzanp – par egzanp letan mon war en carer 54an – Onorab Esparon ti koz lo la, ki ankor pe anmenn en elderly 92an Cascade lo son ledo.  Be konmsi li i napa en lavwa pou vini pour li lager, pou ganny en semen konmsi i ava ed li

Se pourtan i en Seselwa ki bezwen en led.  So, ki mannyer dimoun i kapab benefisye si zot partisip en pti pe plis?  E ki mannyer zot bann reprezantan distrik i bezwen ekout zot lavwa?  Mersi.

 

MR SPEAKER

Mersi Onorab.  PS.

 

PS MARIE-CELINE VIDOT

Mersi Onorab.  Onorab Gervais, ti a byen enn ler ou zwenn nou, Local Government – zanmen ou’n deza zwenn nou, ou?  Ti a bon ou vin zwenn nou en pti kou Local Government.  DA i Local Government, so petet ti a byen ou zwenn nou, nou kapab konvers en pe.  Ok.  Dan mon rikord, mon pa’n zanmen zwenn Mont Buxton.  Sa en propozisyon/en rekomandasyon – ti a byen nou asiz en kou. Ok.  So, sa enn.

Dezyenmman

 

(Interruption)

 

PS  MARIE-CELINE VIDOT

Wi, be…

 

MR SPEAKER

Annou…

 

PS MARIE-CELINE VIDOT

So, dezyenmman – nou kontinyen.

 

MR SPEAKER

Annou kontinyen PS.

 

(Interruption)

 

PS MARIE-CELINE VIDOT

Nou kontinyen.  Onorab kot i konsern bann progranm, nou annan bann rikord – Mont Buxton in fer plis aktivite ki sa 2 moutya, en.  Nou annan tou bann project proposals, nou kapab donn ou kopi sa ki zot in fer lo nivo distrik e sa ki zot in fer lo kote rezyon.  Akoz normalman ler zot fer zot aktivite, zot bezwen fer project proposal ek zot Bidze pou anvoy kot mon biro pour aprouve.  So, zot in fer plis ki 2 moutya.

Me selman, sepandan mon krwar le pwen ou’n fer se ki nou bezwen rod pli meyer fason ki mannyer nou kapab.  Parey nou’n dir, depi yer nou pe koz sa – ki meyer fason ki nou kapab pli byen gère sa bann aktivite dan benefis kominote.  Sa mon apresye ou rekomandasyon ankor enn fwa.  Anfet mon apresye rekomandasyon Lasanble pour nou fer pli byen.

Kot i konsern ‘Pti Payot’ – normalman pti payot ti senp.  pti payot i en progranm bann dimoun ki pe reste dan shack – ‘Pti Payot’.  Parey dan nou term nou dir, bann dimoun ki pe reste dan pti payot.  So, dan nou Bidze i fer provizyon pour nou alleviate sityasyon sa bann dimoun, ok.  So, vwala rezon nou annan sa larzan.  Nou envit zot si anvi vin vwar sa bann keksoz.  E pour zot konnen ki mannyer sa larzan i ganny depanse e ki bann keksoz ki ganny konsidere.

An menm mon ti a kontan fer en mansyon ozordi ek Lasanble – mon panse sirtou Takamaka, Baie Lazare, tou lezot distrik – nou annan sa ki nou dir nou bann dimoun mwen eze.  Mon pa konnen nou, nou dir sa, bann happiness.  Ou ganny mwan?  So, bann dimoun ki all over the place, napa en landrwa pou reste, zot kondisyon i en pe deplorab.

So, nou pe sey panse – eski sa anba nou ‘Pti i en progranm ki nou devret osi kapab konsidere?  Nou ava diskite an mezir nou ale pour regarde.  Nou konnen Baie Lazare nou annan en bon pe sa bann case.  Takamaka nou annan en bon pe sa bann case.  Eski nou kit sa bann dimoun obor semen ouswa nou fer provizyon pour zot osi anba sa progranm, alleviate en pti pe zot sityasyon?

So, santi ou lib pou vin diskite ek nou, pou vin verifye ki mannyer nou depans sa larzan ‘Pti Payot’.  Me i en larzan ki nou bezwen dan Bidze pour ed dimoun dan tou distrik.  Mersi Onorab.  Mersi Mr Chair.

 

MR SPEAKER

Mersi PS.  Onorab Henrie.

 

HON GERVAIS HENRIE

Mersi Mr Chair.  PS pa’n tous lo mon trwazyenm pwen, zafer pour ki dimoun i partisipe e vwar dan distrik.  Parski anfet letan i pe dir mwan poudir in annan plis aktivite ki 2 moutya, ou vwar?  Si mwan koman MNA mon pa konnen – lekel ki mon ekspekte i konnen?

E zisteman, mon’n osi demande…

 

(Interruption)

 

MR SPEAKER

Annou fer vit.

 

HON GERVAIS HENRIE

Si ou anvi google, ou google.  Mwan mon pa pou google.

 

MR SPEAKER

Onorab.

 

HON GERVAIS HENRIE

Mwan mon anvi ki dimoun i koz ek mwan akoz…

 

MR SPEAKER

Onorab, i reste 6 Manm lo lalis e nou anvi fini midi.

 

HON GERVAIS HENRIE

Ok.  Mersi Mr Chair.

 

MR SPEAKER

Demann ou kestyon.

 

HON GERVAIS HENRIE

Monitoring and Evaluation – pou asire ki sa bann progranm i efektiv.  Akoz mon asire i annan distrik ozordi ki napa sa bann – or menm si Komite Animasyon in ganny met an mars la, zot pa zwenn, zot pa organiz nanryen.  Mersi.

 

MR SPEAKER

Mersi Onorab.  PS.

 

PS MARIE-CELINE VIDOT

Onorab, ou bezwen zwenn ek ou DA!  Ou bezwen zwenn ek ou DA.  E ankor enn fwa, mon demande ou vin zwenn nou pour nou annan en diskisyon.  Me selman an term monitoring, nou annan bann Program Officers.

Anfet dan Bidze la, nou – sa bann dimoun parey Youth Workers, zot travay round the clock.  Nou’n demande ki nou upgrade bann post pour bann Program Officers.  Se zot ki annan sa rol pour enplimant sa bann proze evalye.  Nou annan nou activity report ki nou fer tou le quarter, ki nou bezwen prezant atraver Biro Minis ki nou’n fer.  So, i annan bann mechanism pour nou monitor e evalye.  Me selman, mon osi apresye ki wi, petet nou devret pe fer pli byen pour nou kontinyelman asire ki atraver nou Bidze, tou sa ki nou pe ganny enplimante, i ganny enplimant byen.

Prezan mon’n manke taler, ou ti demann en proze – en dimoun pe anmenn en dimoun lo ledo.  Ankor enn fwa mon ti a kontan remind Lasanble – Proze Distrik i sorti kot MNA ek DA, baze lo bezwen laspirasyon bann dimoun dan kominote.  Local Government nou, nou pa vini pour vin enpoz proze.  Sa proze needs to come from YOU to US.  Nou, nou pran sa faz lenplimantasyon.  Ou ganny mwan?

So, si zanmen MNA and DA, ou santi poudir i annan en proze fyab dan ou distrik, you should met li lo ou lalis Procurement.  E nou, nou donn ou – nou asiste ou ek son lenplimantasyon ek sa laspe teknik.  Se sa ki mannyer i marse.  So, it needs to come from the district si i annan en proze.  Ou konsyan poudir ou annan ou dimoun pe anmenn dimoun lo ledo, be put it in your ‘District Small Projects.’  Mersi Onorab.

 

MR SPEAKER

Mersi PS.  Onorab William.

 

HON WAVEN WILLIAM

Mersi Mr Speaker.  Bonzour DM avek PS ek ou lekip.  Mr Speaker, mon anvi envok Lartik 76(6) nou Standing Orders pour mwan kapab fer mon entervansyon.

Lefe ki sa Minister i en Minister vreman enportan ki konsern desantralizasyon servis dan distrik e ki nou dimoun i kontak avek.  Minis avek PS, mon anvi dir zot poudir – enn – se ki mon santi poudir dan sa maryaz travay MNA/DA, mon santi poudir baze lo leksperyans, ki Konsey Rezyonal i annan konfli avek sa 2 travay.  Alors lo sa baz – lefe ki sa i en experiment, mon pe demande ki i annan en premature evaluation lo sa travay Konsey Distrik.

Akoz  -enn – nide ti bon, me it start on the wrong foot.  E mon pe demande ki lefe ki distrik, nou pe rod resours pour travay avek – letan mon pe fer mon kalkilasyon la anba zot bann progranm, si nou koup sa R4.9milyon pou fer bann pro – pou fer dizon zot bann biro, an menm tan sa 700mil.  Si ou azout tousala ansanm, ou fer en divizyon dan 26 distrik, pou donn nou apepre en 200ekek mil Roupi pour distrik kapab travay avek.  Sa i ava en sonm – mon kapab dir, en pti pe konsiderab.

Dezyenmman Mr Speaker, mon anvi demann Minis avek PS – lefe ki nou konnen bann proze pe ganny fer dan distrik, eski zot pe mazin revwar dan en fason konpreansiv, sa Seksyon Proze?  Akoz proze lafason pe ganny enplimante, pe afekte swa bann dimoun prive.  Akoz bann proze ki pa pe ganny fer byen e osi bann finishing pa bon.  Mwan mon anvi demande osi, eski Minister in ganny let konmkwa ki sa bout later La Misère kot lakaz Komandan in ganny release avek Gouvernman Lokal pour Day-care Centre La Misère?

E an menm tan PS, mon ti a kontan ou dir avek mwan, avek sa Lasanble, avek piblik Grand Anse Mahé, si sa proze Sport Complex La Misère la ki nou pe koz lo la, pe demare an 2019 silvouple?  E an menm tan PS, mon a demande ki enn – ou lekip Gouvernman Lokal i mont a nivo distrik pour nou diskite.  Akoz ki arive pare y mon dir ou?  Nou pe met nou bann dimoun dan konfizyon.  Ti annan oparavan konfizyon MNA/DA e la Konsey Distrik in vini – nou pa kont zot.  Me selman mon demande ki i annan en revi sa travay. Akoz pou annan en konfli ant travay sa 2 MNA avek Konsey si nou pa vreman regard byen.  Mersi bokou.

 

MR SPEAKER

Mersi Onorab.  PS.

 

PS MARIE-CELINE VIDOT

Mersi Mr Chair.  Mersi Onorab.  Mon ti a kontan profite pour remersi Onorab William. Mon krwar en lot MNA ki nou’n travay dir – pre pandan sa lannen.  Nou’n pran kont tou ou bann propozisyon konsernan proze.  Mon krwar tanzantan ou pe dir nou.  E dan nou evalyasyon nou bann proze, i en fakter ki nou pou bezwen konsidere Onorab.  Ankor enn fwa, mersi pour bann propozisyon.

Mon ti a kontan enform ou pou dir nou’n fini ganny lakaz ex-konmandan.  Zot in enform nou la semenn pase.  E nou ava dan en pozisyon la – in fini transfer – pe fer prosedir pou transfer ek nou Local GovernmentSo, la nou ava pran sa lot letap pour nou diskite ki Grand Anse Mahé kominote ti ava anvi fer avek sa lakaz

Kot i konsern Sports Complex La Misère, i deza anba India Grant.  Nou’n fini anmenn delegasyon laba pour vizit tou site pour nou kapab fer tou le neseser pour upgrade sa laplenn Souvenir, La Misère Onorab.  Kot i konsern Regional Councils, mon panse Minis i – laparol.  Mersi Onorab.

 

MR SPEAKER

Mersi PS.  Minis.

 

THE DESIGNATED MINISTER – MRS MACSUZY MONDON

Mersi Mr Chair.  Onorab, mon krwar evalyasyon– Regional Council plito, eskiz mwan, Regional Council in komanse.  Nou pa pe esper letan 1an i arive pour nou fer en gran evalyasyon.  Me solman o fir amezir ki nou pe enplimante, nou pe fer serten travay evalyasyon.

Par egzanp, mon deza rankontre tou bann DAs o nivo rezyon pou vwar avek zot ki mannyer zot travay pe ale, ki mannyer travay Council pe ale.  Lo zot nivo pa bliye poudir sa i en striktir administrativ ki nou’n met an plas.  E nou ti dir lo komansman osi poudir sa i en proze pilot.  Mon ti’n progranm en rankont avek bann Chairperson bann Konsey Rezyonal semenn pase.  Me pour rezon an deor mon kontrol, mon’n bezwen postpone sa rankont e mon pa’n kapab zwenn zot.

I annan serten travay evalyasyon ki nou pou fer avan lafen lannen oubyen zis lafen lannen pour nou take stock en pti pe ki mannyer travay Council pe ale.  E mon krwar tousala i ava ed nou zisteman, pou vwar dan ki direksyon petet nou pou ale a lavenir avan ler ki nou al fer sa dernyen staz evalyasyon Council parey nou’n dir, apre nou a …

Me selman an menm tan si – an mezir ki nou pe fer serten sa bann travay evalyasyon, si i annan bann keksoz ki monte, si i annan bann keksoz mazer, bann issues ki nou santi ki nou bezwen tackle, mon krwar nou pa pou esper 1an.  Nou pou regarde ki mannyer nou kapab deal avek sa bann issues ki nou santi petet pe annan serten lefe lo travay Konsey.

Me kot i konsern Bidze Konsey, mon krwar PS taler in koz lo la.  Ti annan e lot rekomandasyon ki larzan i ganny pran i ganny re-partaze avek distrik.  Mr Chair, Bidze parey PS in dir taler, se Lasanble ki aprouve, se Lasanble ki donn – ki annan dernyen mo lo la.  Me si zot, zot krwar poudir a sa staz ki nou’n arive la, nou pa merit donn en Bidze Konsey pour travay avek.  Me nou – mwan mon’n apwent Konsey pour 1an e i annan serten – nou’n bezwen met serten larzan dan Bidze pour nou kapab ed sa bann dimoun pour zot kapab fer zot travay.

Donk, mon krwar nou koman Departman – Local Government, nou bezwen zwe nou rol, pour nou kapab fer sir ki nou fasilit en pe travay sa bann dimoun.  E mon ti a – petet mon ti a kontan dir si i annan serten konfizyon, si i annan bann keksoz ki monte ki nou santi ki pe petet annan en lefe advers lo travay Konsey.  Petet i bon nou met devan e nou vwar ki mannyer nou kapab rezourd sa.  Mersi Mr Chair.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Chairman.  Mr Chairman, zisteman baze lo larepons ki Minis – DM in donnen, ki mon pe en demann, en rekomandasyon avek sa Lasanble.  Lefe ki nou rekonnet ki Ladministrasyon Distrik dan tou distrik, zot bezwen mendev adisyonnel, zot bezwen resours – i en leko ki’n sorti dan bann deba isi dan sa Lasanble.  E mwan mon pe demande ki sa 2 sonm, sa 4.9 avek sa 700mil i ganny freeze, ki ganny repartir avek Ladministrasyon Distrik pour nou kapab fer en pli bon travay.  Akoz – enn – lefe ki nou rekonnet poudir keksoz pa pe mars byen, eski ou pran larzan adisyonnel ou al donnen?  Ouswa ou donn enn ki’n deza la, pour ki kapab fer en travay pli efikas?  Minis mon ti a kontan ou konsider mon propozisyon.  E mon met sa devan Lasanble.  Mersi.

 

MR SPEAKER

Mersi.  Bon, i en propozisyon, mon krwar Minister i ava pran sa an konsiderasyon.  Bon, mon annan ankor 5 Manm lo lalis e annou fer li en pti pe vit pour nou kapab fini midi.  Onorab Sandy Arissol.

 

HON SANDY ARISSOL

Mersi Mr Chair.  Zisteman lo menm laliny ki Onorab William, mwan mon ti a kontan dir poudir Konsey Rezyon lo mon kote pe mars fantastik, tre byen.  Mon ti a kontan an premyer, dir mersi mon Chairman Beryl Valentin ek tou son Konsey ki pe travay avek nou.  Mon satisfe avek sa akoz mon kestyon i lo sanmenm sa 4.6milyon ki’n ganny bidzete pour zot.

Mon ti a kontan demann PS si a lavenir – apre sa legzersis ki nou pe fer, si zot osi – parski dan bann meeting kot nou’n ale, letan nou Rezyon in fer meeting.  Dan tou rezyon nou’n fini fer meeting avek tou nou meeting.  Bann dimoun – par egzanp La Rivère Anglaise, bann dimoun ti fer resorti ki, si a lavenir – par egzanp tou bann manm Rezyon, bann manm Konsey zot ganny en pti larzan, si bann – aprezan atraver bann manm Konsey i annan bann komite ki ganny etablir.  Si bann dimoun – nou pe ankouraz tou dimoun pou partisipe pou vin devan pour donn en pti koudmen.

La Rivère Anglaise bann dimoun ti fer resorti ki zot fatige travay pour nanryen.  Parey tou lezot distrik, zot ti a kontan en pti keksoz zot osi dan zot lanmen pour zot vin devan lo Konsey.  Alor mon kestyon PS, si a lavenir – kekfwa apre sa legzersis ki nou pe fer, zot pe mazin osi donn bann dimoun ki vin lo bann komite anba Rezyon en pti keksoz dan zot lanmen?  Pour zot osi kapab epanouir parey nou dir, parski ozordi travay pour nanryen in fini.  Mon premye kestyon.

Mon 2enm kestyon, mon ti a kontan demann – mon ti a kontan Mr Adeline i reponn mwan.  Letan nou’n koz lo bann proze tarde, Mr Adeline mon ti a kontan – avek tou respe mon annan pour ou, mon ti a kontan dir ou, i annan en pe konplent lo ou an relasyon avek bann proze ki tarde dan distrik.  Par egzanp, kot file i reste dan ou biro, ou menm ou pa la, parfwa ou pa reponn telefonn.  Sa i bann kritik ki annan lo ou, koman Mr Adeline – koman DG ki responsab sa.

Mwan mon anvi ou donn mwan en komitman ozordi koman manm elekte – ki mwan mon’n deza call ou en fwa, mon krwar ou rapel, lo serten proze – pour ou donn mwan en komitman, Lasanble en komitman – an vi ki mon pe donn ou en larzan, mon pe donn Local Government en larzan, pour ou donn mwan ou komitman pou dir wi, ou pou delivre bann proze.  Parski parfwa bann proze i ganny dir i tarde parski ou ki ansarz sa bann proze e sa bann file i reste lo ou latab, pa bouze.  Sa i mon dezyenm kestyon.

Mon 3enm e mon dernyen Mr Chair, i an relasyon avek sa ki Onorab Esparon in koz lo la – bann Kontra dan distrik.  Mon ti a kontan dir avek Mrs Vidot, nou PS ki la, en zabitan distrik Saint Louis, poudir Saint Louis osi nou annan konplent, sirtou lo kote Bwa Blan.  Lo sa dimoun ki responsab pour netway Bwa Blan.  Fwa-d-Bwa Blan in koup zerb, in netwaye, aparaman i sub-contract avek en lot dimoun.  E ou war bann droger ki rantre dan lakour bann dimoun pe koup zerb – zerb i reste lanmenm, pa ganny anmase e i annan en kantite konplent.

Mon krwar i enportan pour nou letan nou pe pran sa prosedir normal parey ou’n dir, pour nou vwar en pe sa bann Kontra sa bann dimoun ki nou donnen dan distrik la pour netway nou distrik la.  Mon krwar i enportan pour nou fer li byen apartir lannen prosen – vet byen lekel zot, gete si zot serye.  E si zot menm ki pe delivre sa travay letan zot, zot pe peye pou fer.  Mersi bokou Mr Chair.  Mersi PS.

 

MR SPEAKER

Mersi Onorab.  PS, apre nou ava donn Mr Adeline laparol.

 

PS MARIE-CELINE VIDOT

Mersi Mr Chair.  Mersi Onorab.  Nou’n note Onorab, pour ou propozisyon konsernan alokasyon pour bann komite.  Nou ava konsider tou bann fakter letan nou fini sa prosedir evalyasyon monitoring.

Kot i konsern routing of files, mon krwar i mon responsabilite osi koman PS ki pe head Management pou fer sir ki nou delivre alaoter.  So, i ava en issue ki nou ava diskite internally lo nivo Management, ki mannyer nou kapab maksimiz nou lefikasite.  Mersi pour port sa konsern.

Kot i konsern Bwa Blan Onorab, i pa tonm ek nou sa, i tonm avek PMC.  Netwayaz – so wi, note pour met devan PMC letan – tou bann housing estate, netwayaz se PMC ki pran an men sa.  Mersi Onorab.  Mersi Mr Chair.

 

MR SPEAKER

Mersi PS.  Mr Adeline.

 

MR DANIEL ADELINE

Mersi pour ou komanter Onorab.

 

(Laughter)

 

MR DANIEL ADELINE

Direkter Zeneral Proze dan Local Government i manage preske 550 a 600 proze dan en lannen.  E tou sa bann proze – well, i annan 3 unit ki deal ek bann proze.  Nou annan proze sa bann pti proze distrik, nou annan maintenance– kot nou maintain bann biro DA, bann court, bann laplenn.  Apre nou annan emergency – bann case ki ler gro lapli i tonbe, gro divan, nou bezwen sorti al gete, rekouver lakaz, eksetera.  So, tousala i tonm anba mon responsabilite.  E sak proze, sak lensidan i annan li en dokiman – en file ki nou deal avek, ok.

E mon osi deal ek bann lezot Lazans.  Par egzanp, SLTA, PUC, Planning Authority e nou annan Procurement Oversight Unit.  E anba mwan osi, i annan 2 Komite – Komite Vetting, ki vet bann proze ki sorti dans distrik pou vwar si i kalifye koman en proze, verifye son bann costs eksetera.  Apre nou annan Komite Evalyasyon – apre ki proze tender in ouver, i al lo sa Komite, Komite i rekomann en kontrakter.

E tousala i annan en sistenm management ki i pas ladan.  Petet vre, i ava annan petet file akoz ou pe deal ek file la.  Ou pa pe deal avek proze lo telefonn, ou pe deal avek en dokiman.  E parfwa dokiman i pas dan en lanmen, i al dan lot.  Lot fwa mon’n dir poudir en file i vin apepre 12 fwa kot mwan.  En project, son dokiman depi ler i konsevwar, depi ler distrik i anvoy sa dokiman kot nou ziska ler ki nou fini sa proze – nou donn DA son lakle, i vin apepre 12 fwa kot mwan – par ler i plis.  Par ler i annan bann vizit, petet Project Officer i annan en problenm lo site avek en kontrakter ouswa avek en zabitan, ou bezwen deplase, ale pou sey vwar ki mannyer nou pou rezourd sa bann sityasyon.

So, i annan diferan kalite staz, diferan kalite problenm ki ou bezwen deal avek, avek en proze.  Letan ou pran sa ou miltipliy par 25 – pran 10 proze par distrik, i en kantite, me nou manage, nou manage.  Nou fer nou mye pour nou kapab delivre sa ki nou’n ganny demande pour delivre.  E mon krwar laplipar distrik i satisfe pou dir, at the end of the day, nou delivre sa proze no matter, no matter ki difikilte.

Par egzanp, Baie Lazare in mansyonn proze Duval – kot depi 2016 nou pe fer sa proze, ok, nou’n ganny problenm ek kontrakter.  Dernyerman la nou’n bezwen tir kontrakter, re-tender sa proze.  Tousala i bann prosesis – pou tir en kontrakter lo en proze i en prosesis, i pran letan.  I kapab pran apepre 6 semenn sa prosesis legal ki ou bezwen pas ladan.  Ok.  E pou re-tender osi i pran en lot prosesis.  Ou bezwen met dan nasyon, al vizit, open tender, evalye, rekomann kontrakter, kontrakter vini, vin siny Kontra, diskit lo letan ki pou pran pour fini sa proze.  So, tousala i bann prosesis ki par ler i paret fasil, me i annan son bann challenge ki vin avek.  Mersi bokou.

 

MR SPEAKER

Mersi Mr Adeline.  Bon, i annan ankor 4 Manm ki lo lalis.  Napa fason ki nou pou fini avan midi.  E apre midi mon pe absante, mon pe al asiste en servis lanterman.  Deputy Speaker pou Chair apre midi.  Me mon ti annan 2 pti kestyon pour Minister.

Non!  Non! Non, non, non!  Nou bezwen respekte – nou’n ganny en lagreman avek SBC e otan posib, nou bezwen respekte sa Lagreman.

SBC, nou ti – ti annan 2erdtan kot i ti kapab fleksib ek en pti pe son progranm lunchtime.  Nou’n akoursi li pour 1erdtan e nou bezwen respekte sa pour li kapab pas tou son sa – mon mazinen nou ava kapab fini apre midi, Deputy Speaker ava pran sa 4 MNA apre midi.

 

HON NICHOLAS PREA

Me vitman, lefe ki mon pa pou la.  PS vitman, nou annan 2 semen proze ki’n anvoye akoz bann problenm wayleave Bel Ombre – Semen Nicette anler dan Dipwav anler Danzille, ki nou’n ganny problenm.  Apre Semen Chang-Him Hoareau ki pou arive avek?  Mon konnen ti’n ganny bidzete.

Nou pa met maintenance Community Centre dan nou bann ‘Pti Proze Distrik’.  Me Bel Ombre si nou pa antre la pou fer en pe maintenance, pou annan plis problenm – si sa pou ganny regard ladan?

Apre i annan sa pti batiman kot Biro Forestry Le Niole, ki ti ganny servi en lepok koman en nespes Youth Gathering Centre obor resevwar Le Niole – si i annan okenn proze da lefitir pour sa pti batiman?  Vitman PS.

 

PS MARIE-CELINE VIDOT

Mersi Mr Chair.  Mr Chair, pour sa 2 proze semen, nou pou bezwen diskit further si nou annan problenm wayleave Bel Ombre, ki opsyon nou pou annan pour nou kapab enplimant sa 2 proze. Nou a ganny sans zwenn ek ou pour nou diskite.

Nou pa tro okouran sa pti batiman Forestry.  Nou pou bezwen al fer en pe resers, rode pour ki, si i vreman annan keksoz a fer avek Local Government.  Ankor, nou ava brief ou lo la.

Kot i konsern ou Sant Kominoter, nou ava regarde ki nou kapab fer lannen prosenn, baze lo nou Bidze ki nou’n kapab gannyen.  Mersi Mr Chair.

 

HON NICHOLAS PREA

Mersi PS.  An kolaborasyon avek Admin Office, nou ava rantre an kontak avek ou lofis e nou ava donn ou en pti pe plis detay.

 

MR SPEAKER

Bon, avek sa nou pou Break e nou pou repran travay 1er apre midi pour nou fini avek Gouvernman Lokal.  I annan 4 Manm ki pa ankor entervenir.  E parey mon’n dir, sesyon apre midi pou ganny Chair par Deputy Speaker.

 

(BREAK)

 

MR DEPUTY SPEAKER

Bon, bonn apre midi tou bann Manm Onorab.  Bonn apre midi tou dimoun a lekout.  Byenveni pour nou kontinyasyon travay.  E nou pe an se moman – devan nou dan Staz Komite, nou annan Minister Departman Gouvernman Lokal.  Lo mon lalis i reste ankor 4 dimoun, e mon annan la Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair, mon annan 3 kestyon spesifik.  Mon premye kestyon i vizavi resours ki nou pe met a dispozisyon bann Konsey.  Mon konpran rol bann Konsey, mon konpran resours pour bann konseye.

Me petet konsern ki mwan mon annan i se ki, vi ki nou deza annan bann fasilite lo nivo distrik across bann diferan rezyon.  Si mon pran par egzanp, Rezyon Nor, nou annan 5 distrik.  Akoz nou pa mazin en revolving seat pour sa Konsey?  Kot en distrik i vin – i pran si oule, sa Konsey i baze dan sa distrik pour en peryod letan, i baze dan en lot pour en peryod letan, i baze dan en lot pour en peryod letan.  Koumsa ki nou pa ava annan petet en duplication of resources.

Apre dezyenmman, an vi ki nou deza annan bann travay ki bezwen ganny fer lo bann existing facilities, lo bann DA’s Office, lo bann recruitment ki bezwen ganny fer.  Petet a sa moman la, petet a sa moman la, why not assure ki nou deal ek sa apre ki nou move in fully fledged?  Akoz mon war poudir Konsey pe travay.  Zot p esey rod modalite me a sa moman la, petet ti ava bon les etablir byen lo ki zot pou fonksyonnen.  And then petet nou ava met sa bann additional resources.  Mon pe met sa devan Lasanble.

E prezan mon ti a kontan demann en klarifikasyon.  I annan bokou letan ki nou pe koz lo donn bann resours adisyonnel – par egzanp, pour bann groupman sportif l o nivo distrik.  I annan distrik kot ou annan plizyer lekip sportiv.  E mon vwar ki ler i vin pou met resours pour en ka ladministrativ, nou kapab war sa resours.  Me nou’n ganny difikilte pour nou kapab ganny menm resours pour bann lezot keksoz parey pour siport bann aktivite distrik.

Petet a sa moman la, eski mon kapab fer en demann ki as from next year, nou pe mete sa bann resours neseser anver sa bann aktivite lo nivo distrik?  Akoz mon war zot in pare pour met resours lo en ka administrativ – mon pe koz lo Konsey Rezyonal spesifikman la, as oppose to tou bann par egzanp, resours – bann lekip sportiv, eksetera.  Sa i mon premye pwen.

Mon dezyenm kestyon i konsern proze. Ou’n donn nou en lalis bann proze ki’n sipoze materyalize.  E mon konpran poudir zot in annan serten retar.  Kote egzakteman sa retar vizavi sa lenplimantasyon bann proze i ete?  Eski i lo en pwennvi lack of human resource pou deliver lo sa bann proze?  Oubyen lo en pwennvi prosedir ki mannyer pou tackle sa bann proze?

Apre mon dernyen pwen – eski zot in negosye ek Minister Finans pou etablir en – a en – petet pandan en peryod letan etablir en unit legal anba Community Development pou deal ek sa sityasyon wayleave.  Mon krwar sa size pa’n ganny byen adrese akoz dan bokou distrik – par egzanp, kot mwan mon sorti Glacis, sa i enn bann major concern ki ou ganny – ki mon war nou rankontre.  E mon krwar dan plizyer distrik se sa.

Nou kapab ganny sa larzan pour sa proze, me nou pa pou kapab fer li materyalize toultan nou pa kapab ganny sa bann wayleave sign off lo la.  Petet sa unit legal i ava asize konmsi dan sa bann wayleave dan en fason zeneral.  Mersi Mr Chair.

 

MR DEPUTY SPEAKER

Mersi Onorab.  Minis.

 

PS MARIE-CELINE VIDOT

Mersi Mr Chair. Mersi Onorab Pillay.  Mon a zis repet premye lentervansyon ki mon ti fer kot i konsern resours an term funding ki avek Regional Councils.  Parey mon dir, sa striktir i la, nou koman sa Departman ki pour le moman i responsab, sa nou bezwen fer provizyon pour zot.  So, ankor enn fwa mon dir, mon kit sa a diskresyon Lasanble pour deside ki pou arive avek en funds ki dan Bidze pour Regional Councils.

Dezyenmman, an konsern way-leave, mon pou dakor ek ou akoz sa i kontrent mazer dan nou lenplimantasyon proze.  Parey mon’n dir, nou a sey fast-track nou diskisyon.  Nou’n deza annan en pe diskisyon – en gidans avek AG.  So, nou pou sey fer nou mye pour nou sey fast-tack ki mannyer nou pou kapab sey vwar meyer fason pour adres sa issue wayleave akoz i en issue ki relevan pour tou distrik.

Kot i konsern retar dan proze, mon a les Mr Adeline ki enplike direkteman dan lenplimantasyon bann proze, petet pour donn en pe detay kwa ki parfwa i fer serten retar dan lenplimantasyon nou bann proze.  Mersi Mr Chair.

 

MR DEPUTY SPEAKER

Mersi.  Mr Adeline.

 

MR DANIEL ADELINE

Mersi Onorab.  Bon, retar i – i annan diferan fakter akoz ou pou ganny retar avek proze. Premyerman i son preparasyon, son planning – kot par egzanp ou’n dir la, zafer wayleave, kot ou bezwen rod wayleave pour kapab demar sa proze.  Once proze in ganny konsevwar, in ganny vizite, biro-kri i ganny prepare, desen in ganny prepare, nou bezwen al kot Planning.  Par ler i annan bann lamannman, bann revizyon ki Planning i demann ou, ou bezwen retournen, al refer, re-aranze, eksetera.

E prosedir tender osi par ler letan ou pe tender, rezilta ki ou gannyen i pa neseserman sa komite pe demande.  Ou bezwen al – par ler nou ganny demande pou re-tender sa proze.  E letan ou re-tender proze, ou repas dan sa prosesis.  Normalman i pran apepre en average 6 semenn – depi ler ou met dan nasyon, ziska ler sa kontrakter i ganny award sa proze.

So, mazinen ou pe re-tender en proze – ou’n pran 6 semenn pour tender.  E ou bezwen retourn ankor 6 semenn pour re-tender sa proze!  E byensir, i annan retar kontrakter kot delivery.  Par ler i demann extension, problenm isi, problenm laba.  Par ler ou bezwen terminate, re-tender sa proze ankor akoz ou’n terminate sa Kontra.  So, se sa en pe bann major delays ki nou gannyen.  Byensir i annan son delay administrativ osi ki involve ladan.

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Chair – 2 dernyen pwen.  Mon konnen par egzanp, lo kote distrik osi i annan bann diferan lekip ki travay. E nou’n tann koz lo Brigad, lo District Team oubyen bann diferan groupman.  E nou konnen poudir deplizanpli dimoun pe napa sa kantite letan pour zot devoue avek sa bann keksoz.  E an vi ki nou’n vwar lentrodiksyon Regional Council avek en allowance pour bann councillors akoz zot annan en travay pou fer.  Eski nou pe prezan mazinen poudir sa bann groupman osi, nou pou pe bezwen met serten resours a zot dispozisyon.  Parey, nou’n sit – ti ganny sit legzanp English River, mon krwar sete sa ki bann volonter ti pe dir lo nivo English River.  Akoz petet se sa – akoz zot bezwen fer sa travay lo en baz volonter.  So, i demann – petet zot pe rod en serten reward or ki lezot fason zot pe rode pour zot ankouraz volontarya lo nivo bann distrik.

Apre mon dernyen kestyon Mr Chair – ki mannyer zot pe fer sir ki bann proze ki pe ganny fer, i ganny met dan – a laporte piblik?  Eski konponan bidzeter ki zot in mete par egzanp, pour lenformasyon – in terms of website, bann keksoz koumsa.  Kot par egzanp, mwan mon reste – dizon mon reste dan en distrik i annan en proze pe ganny fer tel landrwa, mon pase mon pa war proze pe go on.  Mon kapab kontakte zot dir, be proze pa pe ganny fer.  How is that interface going on?  Ki mannyer zot pe ankouraze atraver sa Bidze?

Konmsi ki kantite resours zot pe met ladan?  Pour ki dimoun i vin nou partner – nou bann zabitan, nou bann constituents i vin nou bann partner pli pros pou ede dan deal avek sa bann sityasyon. E dan bann sirkonstans kot en kontrakter in default oubyen pa’n nobou konplet en proze, eski zot annan en mechanism pour ki zot pa re-award bann kontrakter ki annan en bad track record lo bann proze?  Zot pe fer sir ki zot monitor?  Oubyen se sa – sa se louvraz POU ki bezwen fer?  Mersi Mr Chair.

 

MR DEPUTY SPEAKER

Mersi.  PS.

 

PS MARIE-CELINE VIDOT

Mersi Mr Chair.  Mersi Onorab Pillay.  Parey mon ti dir, kot i konsern performans bann kontrakter – pou komans ek ou dernyen.  Nou, nou bezwen fer sir ki nou gard nou bann zistifikasyon.  E come the time ki nou annan en kontrakter ki pa pe perform alaoter parey mon ti dir bomaten, nou pou bezwen pe prezant nou case ek POU pour zot – pour nou kapab ganny en desizyon si nou kapab debark sa kontrakter oubyen non.  Me selman Local Government nou, nou pe fer sir nou kit tou nou bann rikord nou bann kontrakter pour ki ler zot pe tender – akoz ou pa kapab anpes en kontrakter tender lo nivo distrik.  Me si zanmen nou annan okenn rezervasyon, nou pa anvi award li okenn nou bann travay, nou bezwen kapab pe zistifye nou largiman avek Procurement.  Ok.

Apre, Onorab, ou premye kestyon silvouple?

 

HON SEBASTIEN PILLAY

Mon premye kestyon sete konsernan bann district teams – bann dimoun ki pe fer en travay volonter, brigad, eksetera.

 

PS MARIE-CELINE VIDOT

Bon, mersi.

 

HON SEBASTIEN PILLAY

Akoz i vin deplizanpli demanding lo zot.  E ti annan en pwen lo lenformasyon pour piblik an se ki konsern bann proze.

 

PS MARIE-CELINE VIDOT

Bon, mersi Onorab.  Parey mon ti dir ankor enn fwa bomaten, nou annan striktir lo nivo distrik.  Par egzanp, nou district team – zot, zot bann service providers.  Zot deza atase ek en Minister e zot sa servis within zot working hours.  Nou annan nou DSAC – zot, zot volonter.  Nou annan osi anba Regional Councils – la zot ava an preparasyon pour zot met an plas zot bann sou-komite pour ed zot dan zot bann diskisyon rezyonal.

So parey mon ti dir bomaten, letan nou fini sa faz evalyasyon, i pou met nou dan en pli bon pozisyon pour kapab deside kwa ki kapab ganny fer e kwa ki nou pou bezwen retire.  Ok.

E kot i konsern lenformasyon, mon ti a kontan enform Lasanble ki Local Government, son website in pare.  Nou enn Departman ki’n fini.  Nou pe esper zis DICT la pou donn nou go ahead pour nou al live.  Nou annan nou Facebook page osi ki nou servi pour nou kapab met serten keksoz.  Apre pa bliye, tou le lannen nou osi fer nou bann meeting piblik.

E san dout, 2019 nou pou pe al ankor ek nou meeting piblik pour nou kapab eksplik ou dimoun dan nou kominote nou bann achievements, nou bann challenges ek nou bann prozeksyon ki nou pou annan pour lannen 2019.  So, vwala bann mekanizm ki nou annan pour le moman Onorab.  Mersi.

 

MR DEPUTY SPEAKER

Mersi – Mersi PS.  Onorab Flory Larue.

 

HON FLORY LARUE

Mersi Mr Chair.  Bonn apre midi tou dimoun.  Mon ti pou – mon ti annan kestyon apropo website, alor ou’n dir nou ki i pou vin live.  Si ou kapab donn nou en dat en pe pli spesifik kan DICT i ekspekte zot go live?

Mon vwar ki dan PSIP ki Perseverance alokasyon pou larzan – debousman larzan i an 2020.  Akoz mon’n tann dan en larepons pli boner ki zot pou ganny en Community Centre.  Me solman mwan mon pe vwar li an 2020 premye peyman.  Dir mwan si mon pe tronpe?  Ok.

Apre mon ti a kontan vwar – pour Cascade osi dan PSIP, mon vwar ki ti annan en alokasyon 2milyon pour 2018 e 3milyon dan sa Bidze devan nou – i fer nou 5milyon.  Eski ou kapab donn nou en feedback lo kote proze in arive?

Apre mon vwar ki – ou’n dir nou ki en kantite bann defi Minister, i laranzman ki zot annan ek bann kontrakter.  Eski i annan okenn lanfaz ki pou ganny mete kekfwa dan ki mannyer zot bann Kontra i ganny ekrir?  Akoz zot annan en apprehend pour sa kantite proze ki zot pe donn dimoun.  Eski i annan okenn lenvestisman pour donn okenn sanzman lo kote legal ki zot bann Kontra i pli for?  Mersi.

 

MR DEPUTY SPEAKER

Mersi Onorab.  PS.

 

PS MARIE-CELINE VIDOT

Mersi Mr Chair.  Si mon mank okenn ou kestyon Onorab Larue, ou ava gid mwan.

Perseverance, son DA’s Office avek son Sant Kominoter parey mon ti fer mansyon – mon pe rod PSIP la. Ok.  Perseverance Community Centre 2020, ok – 2019, ok.  2019 i annan alokasyon 3mil – 3milyon pour nou komans son Sant Kominoter.  Ok.  E apre 2020 nou annan 1.8 pour nou kapab konplete.  Ok.  Sa pour Perseverance Sant Kominoter.

E pour son DA’s Office si ou swiv, ou pou war         i pa’n funded pour 2019, me in fund 2020.  Me selman mon ti a kontan fer le pwen la Onorab Flory – kot i konsern Ladministrasyon Distrik Perseverance, i en combined proze sa.  So, nou – i pou ansanm avek son Sant Kominoter.  So, ki nou pou fer?  Nou pou komans avek sa 3milyon 2019.  Apre nou a konplimant li 2020 akoz i pa 2 building separe li.  Son design i en del building ki kouver tou le 2.  So, sa pour Perseverance.

Now Cascade – mon ti a kontan enform Lasanble ki nou pa’n kapab komans Sant Kominoter Cascade sa lannen.  E nou pe anvizaze petet komans son sant boner lannen prosenn.  Nou pou fer son Sant Kominoter lannen prosenn.  E si tou keksoz i al byen, nou swete nou kapab fini li sa lannen prosenn pour benefis dimoun Cascade.

Nou pa’n kapab fer li sa lannen pour de reason retar pour nou kapab menm fer son design, pour nou kapab vreman fini enplimant sa proze.  Ok.

Apre oule en dat spesifik kan DICT pou donn nou.  Les nou, nou a rod sa lenformasyon nou a fer ou gannyen – nou bezwen lyez ek zot.  Me selman parey mon dir, nou website in pare nou – nou zis pe esper zot.  Nou ava rod sa dat nou a fer ou gannyen Onorab Larue.

Kontra – Mr Adeline i kapab donn en pe klarifikasyon lo sa Kontra lannen prosen, akoz nou annan lentansyon fer revizyon dan nou bann Kontra.  Mr Adeline silvouple.  Mersi Mr Chair.  Mersi Onorab.

 

MR DANIEL ADELINE

Mersi Onorab.  Enn bann revizyon prensipal ki nou pou fer dan bann nouvo Kontra lannen prosenn i sa bout kot nou pou azout kontrakter ki’n ganny – i pa pou ganny – i pa pou kapab ganny award plis ki 2 proze at one time.

Vedir bann kontrakter ki tender – ler nou tender dan nasyon, nou annan apepre en douzenn proze ki nou tender, sa kontrakter li i tender tou le 12.  E petet i responsive dan tou le 12, me nou lo Kontra – pa Kontra, me plito building document li i pou enstrikte poudir ou pa pou kapab ganny plis ki 2 proze at one time.  Vedir ler award pou ganny fer, i pou ganny zis 2, pa plis ki sa.

 

MR DEPUTY SPEAKER

Mersi Mr Adeline.  Onorab Larue.

 

HON FLORY LARUE

Mersi pour zot larepons.  Mersi Mr Chair.  Pour retourn kot Sant Kominoter Cascade – lefe ki i ti dan Bidze depi 2018, eski ou kapab spesifye ki plot ki ganny allocate pou fer sa Community Centre lo la?

Lo kote proze – letan ou koz lo Kontra, ok ou’n dir napa 2 at any – pa plis ki 2 at any one time.  Me solman i pa lo kantite proze dapre mon konpran.  Mannyer mon pe konpran, i dat ki dimoun pe delivre proze.  So, eski i annan lanfaz ki pou ganny mete lo bann penalti pli for ki kapab ganny enplimante pli vit lo bann kontrakter ki ganny sa bann Kontra silvouple?  Mersi.

 

MR DEPUTY SPEAKER

Mersi Onorab Larue.  Mr Adeline.

 

MR DANIEL ADELINE

Mersi Chairman.  Mersi Onorab.  Bon, dan nou Kontra ki egziste i deza annan Clause ki kouver lo delay.  Si kontrakter i an retar, i annan serten penalti ki ganny aplike.  Me petet malerezman nou pa port latansyon ouswa met pli sever lo sa penalti.  Ok.  Nou plito al plis lo bann gro, gro kontrakter ki pe fer nou bann proze over 800 – 900 thousand Rupees rather than en proze R5mil – R10mil.  Me parey ou pe dir, petet nou devret pli sever lo la – napa Clause pour nou amande.  Me pli sever lo sa Clause ki kontrakter i delivre lo sa dat ki i sipoze delivre.

 

MR DEPUTY SPEAKER

Mersi.

 

(Off-Mic)

 

MR DANIEL ADELINE

Mon napa sa nimero avek mwan la – mon a fer ou gannyen.  Me i zis par deryer DA’s Office Cascade.  Par deryer kot ti brile aktyelman – sa menm plas.

 

MR DEPUTY SPEAKER

Onorab Larue.

 

HON FLORY LARUE

Mersi Mr Chair.  Sa – lo kote Cascade, sa bout later ki deryer Ladministrasyon Distrik i osi en bout later ki pour Parti Lepep.  Alor mon oule konpran ki mannyer zot pe fer en proze Gouvernmantal, avek larzan ki sorti dan Bidze, lo sa later?  Unless sa later in ganny rann.  So, si ou kapab klarifye pour mwan silvouple.

Apre mon war li vreman drol lo kote Kontra – this is public funds ki nou pe depanse e time is money.  E en kantite sa bann proze pa ganny delivre – ki nou pe fer?  Mon war li vreman drol ki nou pa pe penaliz bann kontrakter si zot pe kas en Kontra.  Mon war li vreman sad.  Lo kote Finans kekfwa PS i kapab ed nou.

 

MR DEPUTY SPEAKER

Mersi Onorab Larue.  PS oubyen…

 

PS MARIE-CELINE VIDOT

Mersi Onorab Larue.  Mon krwar lentansyon i zisteman pour nou kapab pran aksyon ek bann kontrakter.  Parey mon’n dir, les nou gard nou rikord byen, e si neseser nou a pran aksyon parey prosedir Regilasyon i ganny demande pou fer.

Dezyenmman, nou pa okouran nou si – well, as far ki nou, nou konnen.  I byen, petet ou, ou annan plis sa lenformasyon ki nou.  Nou pou bezwen al rode si kot nou pe al fer sa Sant Kominoter Cascade – akoz Sant Kominoter ti la all along, apre landrwa in brile.  Me selman mersi pour sa lenformasyon.  Nou ava al rode si sa later pour Parti Lepep avan nou envestir pour rekonstrir son Sant kominoter.

Sa ki nou, nou konnen, anler lo miray akote i pour Parti Lepep, me selman pa kot Sant.  Nou ava al verifye sa lenformasyon.  Mersi pour ou resers.

 

MR DEPUTY SPEAKER

Mersi PS.  Onorab Steven Pillay.

 

HON STEPHEN PILLAY

Mersi Mr Deputy.  Mr Deputy, mon annan 2 pti kestyon pour delegasyon ki la.  Premyerman i lo PD SP1 – sa ‘goods and services’ pour Ladministrasyon Distrik.  Mon krwar i 97 mon krwar – SP1 District administration. 

Dan sa bann Good and Services, mon ti a kontan demann PS – konbyen larzan i ganny allocate par sak distrik pour bann ‘good and services’?  Spesyalman, natirelman pour Au Cap akoz mon war en defayans mank lekipman mazer laba – i annan apepre 1an pe ale, mon krwar ou okouran detrwa lekipman ki nou pa pe gannyen.  So, konbyen larzan ki zot allocate par mwan par distrik anba sa SP1 pour zot ‘good and services?’

Dezyenmman, lo SP2Country Life Programs’ – eski PS or Minis, Salary Enhancement pour sa 2 Program Officer ki pe vin Program Officers?  Sa R231mil i en lazoutaz oubyen i zis en logmantasyon zot saler?  Sa mon’n ganny demande.

Epi PS, si i kapab donn en pti pe plis detay lekel sa bann DA dan 3 distrik ki ankor pending?  Mon bezwen enn ase vitman.  E sa mon pa war dan Bidze Mr Speaker, me mon ti a kontan demann PS – ki bann prosedir ki Local Government i fer lakaz pour dimoun anba ASP?  Akoz detrwa tender mon’n war in mete, Local Government pe fer lakaz konplet.  Me i annan en pti bout ladan ki mark ASP – kote ou gannyen sa Bidze pour fer sa bann lakaz?

Epi si PS i kapab fer mwan ganny sa bann Kontra Sekirite ki pour – sirtou pour distrik Au Cap, ki pour bann lakonpannyen ki pe provide sa security.  Zot bann detay Kontra kondisyon ki zot pe travay lo la.  Mersi Mr Speaker.

 

MR DEPUTY SPEAKER

Mersi Onorab. PS.

 

PS MARIE-CELINE VIDOT

Ok.  Mersi Mr Chair.  Mersi Onorab.  Onorab, kot i konsern ‘goods and services’ apre nou a demann nou Financial Controller pou donn nou en pti detay.  Kot i konsern Program Officers, mon ti dir bomaten ki nou pou annan upgrading – sa bann posts pou ganny upgrade, sorti Assistant Program Officer pou vin Program Officers – nou annan 5 travayer.  E mon ti a kontan osi fer en mansyon – i pou annan en nouvo Scheme of Service pour zot bann Program Officers ki nou pe travay avek DPA.

Kot i konsern vacant post DAs – wi, nou annan 3 post vacant pour le moman.  Nou annan Au Cap, nou annan Grand Anse Mahé, nou annan Perseverance 1.  E prosedir i straight forward – normalman nou advertise sa bann post.  E panel of interviewers i selekte the best candidate.  Pour en pe letan la, nou’n advertise, me nou pa ankor kapab ganny en kandida pour sa bann distrik.

Me sa pa vedir ki Ladministrasyon Distrik i pa ganny oversee.  Parey ou konnen, Au Cap nou ki nou fer lo kote Departman letan nou annan sa bann sityasyon parey?  Nou rod en dimoun kalib tre o fe avek fonksyonnman en Ladministrasyon Distrik swa lo nivo Sekretarya oubyen Office Manager ki’n la dan post for years pou oversee sa distrik.

Akoz nou pa kapab kit sa distrik stranded san en dimoun pour oversee li until such time ki ou kapab idantifye en DA pour sa 3 distrik.  E parey ou konnen, pour le moman Au Cap nou annan sa madanm ki ti Office Manager en pe letan ki pe donn en koudmen oversee Au Cap.  Me selman wi, nou bezwen en DA in due time avek 3 distrik.

Kot i konsern ASP, son bann kriter petet ti a byen ou demann ASP akoz sa vot i tonm Home Vulnerable Scheme i tonm ek ASP.  Nou, nou ede avek lenplimantasyon son proze, be son funds i kot ASP.  Me sa ki mon kapab dir ou pour soulaz ou, tou sa bann case i vin lo en Vetting Committee e sa Vetting Committee i already ganny chair par son CEO li menm.  E lo la son konpozisyon i annan Finans, i annan Local Government, i annan Procurement.  So, sa bann case i ganny diskite ouvertman dan latransparans lo sa Komite.  Me an term son kriter, son prosedir ti pou mye ou demann ASP li menm ki kriter ki i met ater.  Ok.  Nou a fer ou ganny kopi ou Kontra Security, sa pa problenm MNA – nou a fer ou gannyen.  Mersi Mr Chair.  Mersi Onorab.

 

MR DEPUTY SPEAKER

Mersi PS.  Onorab Pillay ou ok?  Alright, mon annan – Onorab Pillay, en klarifikasyon?  Financial Controller?

 

FC MARLENE VALENTIN

Mersi Onorab pour ou pwen klarifikasyon ki ou pe rode.  Pour ‘good and services’, bann distrik i ganny allocate depan lo zot grander avek lenfrastriktir ki zot annan – ant 200mil a R400mil par lannen.  E bann distrik i osi ganny – annan bann reveni ki zot kolekte.  Kekfwa zot lwe bann sez, latab, oubyen sant, ki zot gard sa dan zot kont e sa osi i ede pour zot kapab pey en pe zot kou ladministratif.

Lo kote Au Cap, pour lannen 2018 in ganny li en Bidze 265mil.  E an se moman in kolekte li en reveni apepre 63mil.  Mersi.

 

MR DEPUTY SPEAKER

Mersi.  Onorab Pillay.

 

HON STEPHEN PILLAY

Mersi Deputy Speaker.  Wi, ankor mon ti a – ou pa ankor donn repons, sa mank lekipman, ki mannyer pou fer pour rezourd pour distrik Au Cap?

Epi mon oule demann PS – akoz ki zot, zot pe enplimant lakaz pour – konstrir lakaz?  Kan sa i louvraz MLUH ki sipoze pe fer.  Akoz ki zot, serten lakaz ki zot ki pe fer?  Lamazorite lezot lakaz se MLUH ki pe fer?  Epi sa parey mon pe dir, en fon pour nou kapab met nou bann lekipman dan distrik Au Cap.  Mersi Mr Speaker.

 

MR DEPUTY SPEAKER

Mersi Onorab.  PS.

 

PS MARIE-CELINE VIDOT

Mersi Mr Chair, Onorab.  Onorab, petet ou pou bezwen en lot moman spesifye ki kalite lekipman. Akoz dapre nou rikord, nou Local Government, nou ti fer en legzersis sa lannen.  E nou ti fer provizyon tou bann basic equipment ki en Ladministrasyon Distrik i bezwen – son computer, tou son keksoz nou ti fer legzersis.  So, dan lenstans ki ou santi i annan en defayans Au Cap, nou ti ava apresye ou fer nou konnen.  Me nou, nou ti fer legzersis sa enn.

Apre, mon pa konnen si again ou pe refer case – bann cases ASPASP parey mon dir, i annan en proze li, annan Home Vulnerable SchemeSo, petet – nou, nou fer lenplimantasyon sa bann proze.  Nou pa fer lakaz, ou ganny mwan?  So, nou – petet i annan serten reparasyon, serten kwa – ti a byen parey mon dir, petet ou demann ASP ki kriter ki zot servi.  Me parey ou dir, konstriksyon lakaz se MLUH ki fer.  Me selman nou, nou annan en konponan dan lenplimantasyon bann proze ASP, ok?

 

(Off-Mic)

 

PS MARIE-CELINE VIDOT

Non, si nou pou fer…

 

MR DEPUTY SPEAKER

Mon a les petet PS Finans donn lezot detay.  Savedir i kler sa ki li i pe dir, se pa zot ki finanse.  Larzan i sorti en lot landrwa, li i pe enplimante.  Be mon a les PS Finans reponn sa bout kestyon.

 

PS DAMIEN THESEE

Mersi Mr Chair.  Parey son non i dir – i Vulnerable Home Repair Scheme.  I tonm anba ASP – nou pou war li lo sa pti paz 37, anba Benefits and Approved Program of ASP.  E li parey i dir, i bann ka ki ASP i gannyen ki pa neseserman kapab fer bann pti reparasyon lo zot lakaz.  So, i more or less Home Repair Scheme pour bann vilnerab.  Ok.

Par kont MLUH li i konstrir lakaz.  Savedir i pou fer bann proze konstriksyon, i pou build bann estate, i pou fer bann diferan housing estate, bann flat da bann diferan distrik.  E ler nou pe ganny bann case swa vilnerab, ouswa en bon pe case

ki nou ti apel sa aging projects – swa ban proze kekfwa pour reabiliz en pe sanitasyon en pe dan bann vwazinaz ki sa bann dimoun ki pa neseserman annan sa mwayen pour kapab fer bann reparasyon lo zot lakaz.  Nou’n war li en pe pli appropriate pou met li anba ASP akoz i ankor en mwayen Social Benefit ki ou donn bann dimoun vilnerab.

E parey PS in eksplike, i ganny prezan si oule, gouvern par en Vetting Committee, ki annan bann diferan reprezantan ki fer sir ki at least ki sa bann dimoun ki pe ganny lasistans i actually bann dimoun ki pa neseserman sirmont zot prop finansman pour repar zot bann lakaz.

Akoz i annan kontrent avek MLUCH as it is la ki nou konnen i pa pou kapab cope avek tou sa bann proze ki i annan.  E an vi ki in met li ek ASP e kominote i asiste pour zer sa bann proze, an vi ki zot pli pros avek sa bann dimoun dan distrik ki kapab at least expedite en pe sa bann case.  Mersi.

 

MR DEPUTY SPEAKER

Onorab Pillay.

 

HON STEPHEN PILLAY

Wi.  Mr Speaker, nou’n al en kantite lo sa ASP.  Pa pe koz ASP vulnerable pou ed dimoun pour fer – repar zot lakaz.  Mon pe demande ki kriter – si ok, kekfwa Minis i kapab donn en lasirans ki mannyer zot tender out pour konstrir en lakaz anba Local Government anba ASP?  Which should not be, parey ou pe dir, i devret anba MLUH.  Eski ou kapab donn nou sa lasirans – e mwan mon’n war dan tender dokiman, zis mon pa’n anmennen.  Ki Local Government pa fer lakaz pour – don mwan sa lasirans ki Local Government pa fer lakaz anba ASP?

Akoz mwan mon’n war zot in tender out, sanmenm sa mon pe demande.  Si i devret anba ASP, anba MLUH, mon ok ek sa – repar lakaz, mon ok ek sa.  Zis – parey PS in dir, napa nanryen pou fer ek vulnerability sa.  Se sa process ki Local Government i dan prosedir tender out pou fer en lakaz konplet – se sa ki mon pe demande.  Si napa, donn mwan sa lasirans and then I’ll bring the tender documents to you.  Mersi Mr Speaker.

 

MR DEPUTY SPEAKER

Mersi Onorab Pillay.  PS.

 

PS MARIE-CELINE VIDOT

Mersi Mr Chair.  Mon pe sey asimil kestyon Onorab Pillay.  Local Government nou, nou kapab fer en pti lakaz – en one-bedroom, me selman i tonm anba’ Pti payot’.  Prezan si ou pe dir ASP, i fer en lakaz – parey mon dir, normalman bann proze ASP se nou ki enplimante, funding pa kot nou.  Me selman nou ki enplimant sa bann proze apre ki in pas lo Vetting.  Ou ganny mwan?

So, mon pa konnen si mon – nou ki konstrir, wi.  Vedir i kapab Vetting Committee in war en lakaz en fanmir – en dimoun vilnerab ki vreman an bezwen, prezan i pe rekonstrir son pti lakaz – si sa ki ou pe sey dir.  Mersi Mr Speaker.

 

MR DEPUTY SPEAKER

Petet PS Finans, ou kapab ed nou akoz Onorab Pillay sa ki i pe demande se, i annan konstriksyon lakaz ki pe ganny fer – i bezwen sorti anba en Bidze.  E si i sorti anba en Bidze, i pa Local Government, me selman i en proze ki’n ganny tender par Lazans pour Proteksyon Sosyal, ki bor, ki paz ki annan sa Bidze ki pou fer sa bann lakaz?  Onorab Pillay si sa kestyon, oubyen oule azout lo la?

 

HON STEPHEN PILLAY

Wi Mr Deputy, pa pran mal.  Ki mon pe rode?  Se ki – mon a donn ou en legzanp, construction of house at Pointe Larue anba Local Government; successful bidder Bonnelame Construction.  Se sa mon rode – i pa devret anba Local Government, i devret anba MHLITThe tender document ki’n fek sorti recently.  Local Government…

 

MR DEPUTY SPEAKER

Ok.  I kler – ou kestyon i kler.  Mon a les PS Finans eksplike.  Savedir se Local Government ki’n met sa tender, me selman i anvi konnen lekel ki pe enplimante.  E i paret Lazans Proteksyon Sosyal ki pe enplimante.  PS Finans.

 

PS DAMIEN THESEE

Mersi Mr Chair.  An vi ki ASP napa en striktir kot li pou zer proze, i servi sa striktir anba Gouvernman Lokal pou zer sa bann proze vilnerab.  So, anba Local Government i annan sa bann ki nou apel eradication of sa bann ‘Pti Payot.’  So, i kapab annan bann konstriksyon lakaz – ki pa neseserman en gran lakaz, i sa bann one-bedroom ki i pou fer.  So, i kapab osi anba ASP si i war i vilnerab – sa lakaz i bezwen refer totalman, i pou bezwen konstrir.

Selman i pa pou al dan proze lakaz mazer.  I bann lasistans spesifik ki i pou donn sa bann dimoun.  So, i kapab i pou annan anba Local Government e osi i kapab annan anba sa prose vilnerab an vi ki i pe zer li.  Me i pa pou fer bann estate, i pou fer bann pti proze, kekfwa one-bedroom si i war ki sa bann lasistans ki i pe donnen i pa kapab neseserman repar sa lakaz.  Mon krwar mon’n kler.  Mersi.

 

HON AHMED AFIF

Bon, si sa i kler – mwan osi mon’n ekout lesplikasyon, mon pa – mwan mon ti anvi zis konnen anba ki Bidze sa bann lakaz pe ganny finanse.  PS Finans.

 

PS DAMIEN THESEE

Mr Chair i pou diferan landrwa.  Si nou get PSIP lo paz 12 anba Local Government, pou war deza ou annan s aki nou apel ‘eradication of Pti Payot.’  E li pour 2019, ou napa – ou annan 3milyon – ou annan 3milyon ki’n ganny mete pour li.  So, ankor si ou annan bann pti proze ki bann lakaz ki’n plizoumwen demann refer totalman – bann lakaz tol, zot pou – Local Government pou refer li dan totalite – bann pti bedroom.  E sa bann proze nou touzour war bann dimoun aze ki neseserman nou bezwen refer zot bann vye lakaz, so i pou anba Local Government.

Par kont, anba ASP dan ki mon’n dir avan lo pti 37…

 

MR DEPUTY SPEAKER

Pti 37?

 

PS DAMIEN THESEE

Anba pti 37 – anba Benefits and Approved Program of ASP, nou annan en sonm 10milyon Roupi pour 2019 ki’n ganny mete pour Vulnerable Home Relief Scheme.  Savedir i dan sa 2 landrwa.  So, ankor i bann pti proze spesifik.  ASP i si ou vilnerab e ou pa kapab fer li lo ou menm, i ganny asses by a Vetting Committee pour asire ki sa bann kriter i la.

Anba Local Government – ‘eradication of Pti Payot’ e li MHILT i pou fer bann housing estate. Ok.  Mersi.

 

MR DEPUTY SPEAKER

Mersi.  Dernyen kestyon Onorab Pillay.  Ale.

 

HON STEPHEN PILLAY

Mr Deputy, PS in dir nou anba ‘Pti Payot’, anba ‘home vulnerability,’ sepa isi, laba.  I annan lot landrwa ki annan landrwa pou fer lakaz ankor.  I pa’n dir nou kote i ete anba PSIP.  Kot MLUH 20milyon – anba ‘Poverty Alleviation – Social Housing.’  Akoz ou pa’n nonm nou sa?  I devret tou al laba, i annan – pa pe dir pou napa mon, konmsi ki – anyway.  Mersi Mr Deputy.

 

MR DEPUTY SPEAKER

Ale, PS Finans.

 

PS DAMIEN THESEE

Mersi Mr Chair.  Dan – ler nou ti pe planifye Bidze, sa bann desizyon ki nou pe fer la nou’n deza annan.  Nou as Finans e diskisyon ek Minister, nou’n war ok, akoz nou pa met li en sel landrwa.  E in the end in deside pour met li parey ou’n war li, anba ASP, anba Local Government, anba MLUH – ankor baze pour kominote akoz nou war nou anvi sa bann case i ganny touse dan distrik, ki nou expedite sa bann caseSo, nou napa bottleneck ki ou pe donn tro bokou presyon avek MHILTSo – me anba MHILT nou met sa 20milyon – li i pou fer sa bann pli – proze pli mazer ankor.  So, nou bezwen get son scale e kote nou pe tous sa bann dimoun.

Me solman si zot ensiste, nou kapab go back – nou kapab met li dan en sel vot.  Me solman pou annan still sa 3 plizoumwen Lorganizasyon ki pou involve ladan.  So, lo en laspe accountability ki nou anvi sa bann prop PS, Accounting Officers zer zot prop Bidze, sanmenm sa ki nou’n kas li.  Mersi.

 

MR DEPUTY SPEAKER

Mersi PS.  Bon, dernyen entervenan Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman, mon premye kestyon oubyen regarde se, sa komanter ki both Onorab William avek Onorab Herminie in leve an relasyon avek Regional Council.  E zot in argimant fortman lo en sonm 4milyon mon krwar, ki dan Bidze pour – 5milyon dan PSIP an relasyon avek konstriksyon fasilite pour Regional Council.

Mon anvi egzize ki mon trouv vreman drol ki sa 2 manm in pas sitan letan pour argimant lo la e menm pour koz kont Regional Council.  Mon pe dir sa parski letan ou balans District Councils ki ti sipoze an egzistanssete District Councils ki nou ti pe al fer, ki ti’n fini met pare, konpar sa avek Regional Council, mon ti a kontan zis met detrwa chiffre ater:-

Ti pou bezwen organiz en eleksyon, ki ti pou kout R10milyon.  Ti pou annan 27 Councils, ki ti pou enkli Perseverance.  E ti pou annan 27 Chairpersons, ki ti pou ganny R10mil – baze lo sa ki pe ganny ofer la, R10mil ki ti pou tonm R3.24milyon.  Ti pou annan 6 councillors   dan sak District Council, ki ti pou ganny R7mil – miltipliy sa par 27 par 12, ou ti pou al tonm ou dan R13, 154milyon, ki ti pou fer Mr Chairperson, en total 26milyon.  Se sa ki ti pou dan Bidze anba District Councils dan sa Bidze ki nou pe regarde la, ki ti pou tonm en total R26, 340milyon.  Konpar sa prezan avek sa ki nou’n – avek sa ki nou annan ozordi, ki nou dan LDS, wi, nou’n met sipor.

Ozordi i annan 7 councils – 7 Regional Councils.  Savedir i annan 7 Chairpersons ki pe ganny R10mil.  E i tonm R840mil pour en lannen.  I annan 6 councillors par distrik, ki letan ou fer son total an tou i tonm – pour sa Bidze, i tonm R4.368milyon.  Sa i fer Mr Chairman ki dan – konpar li avek sa Bidze ki nou annan la, nou’n fer en lekonomi 16milyon – plis ki 16milyon ofet – 26milyon ti la.  Selman se sa kalite lekonomi ki nou pe koz lo la.  Ok?  E mwan pour mwan, mon war ki poudir deswit sa i bokou pli agreab.

Me la mon anvi dir Mr Chairman – e mwan mon pou koz byen lo Local Government. Parski mon war ki depi sa Regional Council in ganny etablir – e la mon koz pour council ki mwan mon sit lo la.  Mon bezwen dir ki i annan en korperasyon ekstraordiner, i annan en bon lantant e Mr dan Frichot ki vin asiste nou bann meetings par fwa, i annan en bon lantant.

La par egzanp, mon fek ganny Minutes Meeting sorti kot DA Saint Louis, e ki nou pe koz lo la?  Nou pe koz lo keksoz ki konsern nou rezyon.  Nou pe koz lo lavil Victoria, ki dan nou rezyon – Kapital.  E Mayor Victoria in vin – nou’n fer meeting avek Mayor Victoria.

Nou’n fer meeting avek Lapolis, avek SLTA pour regard sa size trafik.  Sa Council pe deside pour li fer en letour pou regard son distrik antye; pou marse dan Victoria, pou regarde.

So Mr Chair, i tou depann ki mannyer ki lentere i annan – pour regarde ki mannyer sa council pou marse.  Si Onorab Herminie in asiste zis en meeting council, si Onorab William dan son rezyonal in asiste zis en meeting council, i difisil pour zot fer en kontribisyon pou regarde ki mannyer keksoz i bouze, ok?  So, se dan sa direksyon – e mwan mon krwar ki i tou depann ki mannyer zot pe regarde.  E mon kapab konpran en pe problenm osi tou.

E lo kote sa Local Government ki ozordi – e mon kontan ki lafason ki zot in koze, lafason ki Sekreter Prensipal in koze – pe dir MNA avek son DA, zot pou koze, zot pou – mon kontan tann sa.  Ou konnen akoz mon kontan tann sa Mr Chairman?  Mwan mon’n ganny elekte plizyer fwa dan Lasanble.  Mon’n ganny elekte 2 fwa St Louis, mon’n ganny elekte en fwa Anse Etoile.

E sa letan pa ti kapab koze avek DA.  Ti napa – letan mon ti ganny elekte Anse Etoile Mr Speaker, mon ti fer kado en pe dustbin kot en lekol, Headteacher ti pre pou ganny problenm.  Mon kontan ki Minis Mondon pe fer sourir akoz I’m sure i rapel.  Mon ti fer kado – Saint Louis mon ti fer kado 2 pti keksoz kot lekol, Headteacher mon krwar ti ganny transfer.  Ok?  Ki obviously in annan – in annan – mon pe dir ou!  Mon pe dir ou Mr Speaker.  So, obviously in annan – in annan en gran diferans.

E pour mwan, mwan mon dir – be si nou lo sa bout pilot, be pour nou kapab konnen ki mannyer i pou marse, fodre nou tou nou met zefor!  Be si nou pa met zefor, nou reste lwen, ki mannyer nou kapab vreman konn son potansyel?  Ok?  Fodre ki nou tou nou koste zepol ansanm.

E Onorab Gill osi tou, pou – ou dan sa rezyon (1), ou prezans, nou konpran poudir – ok, nou konpran en pe.  Me selman nou ti ava kontan war ki poudir ou osi tou ou vini pour ou vin pli souvan ladan.  So Mr Chairman, avek sa, mwan – e lo nou kote nou, nou pou dir, napa okenn larzan pou freeze pou regarde!  Annou donn sa Regional Council tou sa posibilite pour li kapab marse.

Me aprezan Mr Chairman, Onorab William in koz bokou lo mars lo lipye kanmarad.  Be si ou ti annan ou en District Council dan ou distrik, ti pou annan 7 dimoun la, en plus sa MNA, konmsi i pa ti pou en pe tro lour?  La omwen zot pe regard lo kote rezyon – pe regarde ki mannyer the whole region i pase.  E mon pa war problenm ek sa ki ou menm ou ti propoze bomaten.

Parski sa bann proze distrik, fodre pa ki nou regard li – e mon ensiste lo la, fodre ki nou aret regard devlopman Local Government oubyen proze distrik koman bann proze politik!  Annou regard li koman bann proze ki pou ed en kominote.

E si nou pe regard li koman en proze ki pou ed en kominote, ki annan mal pour en distrik anmenn son bann proze lo sa kote rezyon?  Kot diferan latet i koste ansanm, i donn diferan nide.  E mwan mon krwar Mr Chairman, ki poudir sikse ki Regional Council ki mwan mon asiz lo la koman en MNA ki dan sa distrik Saint Louis i pe bouze, se parski letan nou asize napa personn ki regard keksoz koman politik!

I vre ki bann Manm LDS i en mazorite, me selman – Mr Georges Francois, Mr Nicette, Mr Charlette, nou – nou pa regard nanryen politik.  Nou regard keksoz an term proze, nou koz an term distrik.  E Mr Chairman, se pour sa rezon osi tou ki nou’n kapab annan meeting piblik dan tou bann distrik, kot tou bann councillors  in kapab fer prezantasyon, koz avek bann dimoun.  E la par egzanp, pe ganny envite pour – avek Lasosyasyon Disabled, i annan en lyen la.  I annan en lyen kot letan i annan bann aktivite dan en distrik, sa dimoun ki par egzanp ki responsab Lazenes, ensidswit, i ale i al asiste.

Ti annan – par egzanp, ti annan en Gospel Show dan distrik Bel Air, kot nou’n ale.  E that’s the way i pou kapab dousman, dousman ranmase. Letan i annan – par egzanp, in annan aksidan bato, Coetivy, in annan aksidan sa 2 solda Assumption – tousala i dan sa rezyon, nou’n kapab montre solidarite.  Pa sa ki nou pe rode?  Be si nou pe rod sa, annou nou tou donn en lankourazman!

Annou pa boycott, annou pa sey vin fer keksoz difisil.  Me annou bouz dan sa direksyon.  So, bann pti proze – mwan mon dakor avek sa ki, anmenn lo Regional Council – pa pou al dir non, non, non.  Me petet ava kapab donn en lot lide lo – enn i kapab dir, be mwan dan mon distrik mon ti fer li koumsa, akoz ou pa konsider dan sa fason?

So, allowance pou bann manm lo bann Komite, sa mon krwar – e la mon pou dir ki mon pa konnen ki mannyer nou pou met sa dan Bidze.  Parski sa i en size ki ti ganny lev-e dan tou le 4 bann meeting.  Ok.  Kot bann dimoun ki ti la ti dir, be tyonbo en kou, be nou nou’n travay tou sa letan, nou’n fer volontarya, alors la nou tande ki poudir bann manm dan n ou Regional Council, zot pe ganny en allowance, what about nou?  Eski nou pou ganny en allowance?  Alor mon ti ava kontan si zot ava dir be ki mannyer sa pe marse.

Apwentman DA – mon krwar mon ti ava kontan, parski letan nou ti pe diskit lo ki mannyer DA pou ganny apwente, relasyon avek Regional Council, mon krwar ki nou ti – mon ti ava kontan ganny byen leksplikasyon lo ki rol Regional Council letan en DA pe ganny apwente?  Pour ki – eski Regional Council i annan en input?  Parey mon ti ganny lenpresyon ki poudir Regional Council ti pou annan en input ladan pour regarde.  Parski apre tou sa dimoun i vin dan sa rezyon e ki mannyer pou fer keksoz vin pli debourye.

E mon ti ava kontan osi konnen si dan sa Bidze, nou pe koz proze rezyonal oubyen eski nou pa pe plito koz toultan lo proze distrik?  E alor, be si i lo proze distrik, menm si i vin devan Rezyon, pour debout devan sa Regional Council pou donn en lide, what’s wrong with that?

E mwan Mr Chair, mon ti ava kontan osi – letan mon pe – letan mon – avan mon ganny larepons, pou dir ki bann DA’s ankor enn fwa zot pe zwe en rol pour distrik.  E mwan mon krwar ki poudir dan bokou sans – e mon mazinen osi pour Local Government li menm, sa Regional Council e lafason ki i annan sa kordinasyon pou ede pour wayleave, ensidswit, tou sa bann deal.

Mwan mon krwar ki i menm soulaz DA, i menm soulaz Gouvernman Lokal.  E mwan mon krwar ki si nou tou nou met zefor, then nou ava kapab fer the best assessment possible pour nou regarde ki mannyer pou aranz keksoz e ki mannyer pou sanz serten keksoz.  Mersi bokou Mr Chair.

 

MR DEPUTY SPEAKER

Mersi.  Mersi Onorab Ramkalawan.  Mon a permet Onorab William apre Onorab Herminie en pti minit zis pour klarifye, vi ki zot in ganny mansyonnen dan sa entervansyon.

 

HON WAVEN WILLIAM

Mr Chair, mersi pour sa loportinite pou fer serten klarifikasyon.  San ki mon al antre dan okenn argimantasyon avek Leader Lopozisyon.  Mon’n ganny elekte dan distrik Grand Anse Mahé e mon anvi fer sorti poudir Regional Council i pa en swe pep Seselwa! I pa en swe tou rezidan Grand Anse Mahé!  I annan en ta group ki kont sa laranzman.  I en laranzman lenkonvenyans.  I en laranzman ki’n ganny fer pour koabitasyon.  Me nou’n ganny dir osi poudir koabitasyon pa pe marse.  E Minis e PS in fer sorti poudir sa i en lesey.

Me ki nou pe dir? Ki mon pe dir?  Se ki mon pa kont the legzistans lefe ki nou’n fini adopte li, nou’n accommodate li dan nou striktir o nivo distrik – nou pa kont sa.  Mon pe dir, se ki revwar lafason son loperasyon.  Petet kot ou, Rezyon pe marse, me dan nou rezyon, nou santi i annan serten problenm.  E mwan mon pe dir poudir – be koman Manm Lasanble, nou annan sa priyorite ki bor nou envestir nou letan pou fer sir ki – enn – nou distrik i marse.

So, wi mon’n attend en meeting, me i pa vedir mon bezwen attend tou meeting.  Mon ganny zot Minutes, mon lir.  Si i annan keksoz ki enteres mwan, definitivman mon pou al e pour al met mon kontribisyon.  Me selman napa sa lobligasyon – napa sa lobligasyon ki manm Lasanble in al asiste bann meeting.  E deplis mwan mon krwar dan donn Regional Council son liberte pou fer son meeting.  Be si nou ganny Minutes, kot nou annan sa inputs, nou ava ale nou a fer sa input.  Mersi Mr Speaker, pour donn mwan sa sans pou fer sa entervansyon.

 

MR DEPUTY SPEAKER

Mersi Onorab William.  Onorab Herminie.

 

HON WILBERT HERMINIE

Ah yes.  Thank you Mr Chair.  Zis pou pa antre –ouver deba pli gran ki sa, mwan mon pwen ki mon ti pe fer sorti se ki, sa bann fasilite i deza egziste.  Nou pa’n dir koup okenn larzan bann councillors nou.  Sa ki nou’n dir se ki, bann fasilite kot distrik Saint Louis i deza la.  Bann councillor i zwenn apre ler, i en part time job.  Nou dir akfer bezwen upgrade sa?  Sa larzan ti kapab ganny transfer dan en lot vot.  Sa ki nou’n dir.

Nou pa’n dir nou pe boycott kont Council -ferm tou – pa pey sa bann councillors.  Nou dir sa larzan i devret al dan en lot vot, kot bann dimoun – i ava al dan en lot progranm proze.  I ava al proze – bann progranm ki pou af – benefisye bann zenn, ki pou benefisye lezot dimoun dan nou distrik specifically.

Epi dezyenmman, lo pwen kantite meeting ki nou’n attain – kekfwa Leader Lopozisyon i devret al get en kou avek son Chairman ki kantite meeting ki mon’n attend.  E pou fer le pwen osi, nou en ex-officio member nou.  So, nou kapab attain meeting ler nou anvi.  E solman mon krwar i bezwen al get en kou son Minutes.  Mersi.

 

MR DEPUTY SPEAKER

Ok.  Mersi.  Nou napa ankor lezot pwen pour  diskite, alor mon adonn PS oubyen Minis posibilite pour reponn., sirtou lo sa bann pwen ki’n ganny leve par Onorab Ramkalawan.

 

THE DESIGNATED MINISTER – MRS MACSUZY MONDON

Mersi Mr Chair.  Mr Chair, nou’n koz en pe mon krwar en pe pli boner lo Council bomaten – kot i konsern sa ki annan dan Bidze.  E Council lo nivo rezyon parey nou tou nou konnen, i en striktir administratif ki nou’n met an plas.  E letan nou’n met li an plas, etandonnen ki i tonm anba Minister Gouvernman Lokal, nou, nou bezwen fer sir ki i annan bann fasilite neseser, i annan bann lenfrastriktir neseser pour nou kapab donn sa sipor pour nou fer li fonksyonnen dan sa – pandan letan ki dan proze pilot, pour li kapab marse.  E pour nou kapab apre – pour mwan letan nou pe met- nou pe fer en proze pilot, nou bezwen fer sir ki tou bann kondisyon neseser i la, i prezan pour kapab permet nou apre pran meyer desizyon dan ki direksyon ki nou anvi anmenn Council a lavenir.

Donk se sa ki nou, nou pe – o nivo Gouvernman Lokal, nou pe fer sir ki sa bann fasilite i la pour kapab ede fasilit loperasyon Council o nivo rezyon.  Nou’n – nou ti dir ki nou pou pilot sa proze pandan 1an, ok.  Donn li 1an – ki mon krwar i sa letan neseser ki nou anvi donn li, pour nou kapab vwar ki bann problenm, kwa ki mars byen, kwa ki pa mars tro byen avek, pour nou kapab a lavenir osi travay lo bann challenges ki nou pou fer fas avek pour nou vwar ki mannyer nou kapab fer li mars pli byen.

Wi, si i annan nesesite pour nou revwar son loperasyon parey mon’n dir, i annan bann keksoz ki nou pe fer, bann diskisyon ki nou pe fer – si i annan keksoz ki nou bezwen o fir amezir ki nou ale.  Deza nou’n ganny dir i annan keksoz dan guidelines par egzanp, ki nou bezwen revize.  E nou pe revwar bann guidelines.  Donk nou pa pou esper lafen 1an pour nou komans revwar tou.  Me o fir amezir ki nou ale, si i annan keksoz ki nou bezwen revwar, nou pare pour nou fer li.

Kot i konsern bann pti proze o nivo distrik – nou pour nou, bomaten mon krwar nou’n mansyonn lo la.  Bann proze i ganny diskite, i ant DA avek MNA sa distrik.  E mon krwar i a diskresyon sa MNA ek son DA e pour li deside si i anvi anmenn son proze pour ganny diskite o nivo Konsey oubyen non.  Me mon krwar sa i en keksoz ki nou, nou les ouver.  Me i pa en must pour nou dir ki tou proze distrik i bezwen ganny anmennen o nivo Konsey pour ganny diskite.

Kot i konsern allowance pour bann Committee members – sa i pa en keksoz ki nou ti’n prevwar letan nou’n lans Konsey.  Me pour lavenir, si nou san – si i santi si i sorti dan bann keksoz ki ganny souleve dan Konsey, si i annan en nesesite ki sa i ganny tenir an kont oubyen pran konsiderasyon, nou ava vwar ki mannyer pou nou fer li.

Apwentman DA – mon krwar sa i reste en responsabilite Gouvernman Lokal, i reste osi pour nou defini.  Mon krwar menm dan Act avek Konsey Distrik, ler nou’n koz lo apwentman DA, nou pa’n vreman defini ki pou rol Konsil dan apwentman en DA.  Parske finalman bann DA, i en staff Gouvernman Lokal.  So, se Gouvernman Lokal ki bezwen apwent bann DA.  Prezan sa osi, nou bezwen vwar dan nou bann guidelines si Regional Council i annan en rol oubyen si District Council a lavenir – si nou pou enplimant District Council, ki pou annan en rol – en pli gran rol kot i konsern lapwentman en DA dan en distrik.

Donk, i annan serten travay Mr Chair parey mon’n dir, ki nou pe fer.  Mon panse letan mon ava zwenn avek bann chairperson, bann councillors dan nou diskisyon ki nou pou annan, nou ava ganny ankor en pe plis lenformasyon lo ki mannyer council in marse dan sa premye 6mwan – ki ava permet nou reflesir en pe pli lwen lo kote nou anvi anmenn Konsey a lavenir.  Mersi Mr Chair.

 

MR DEPUTY SPEAKER

Mersi.  Mersi Minis.  Onorab Larue.  Nou’n preski fini lo la, eski ou annan en nouvo…?

 

HON FLORY LARUE

Eskize Mr Chair.  Taler PS ti’n dir nou koumsa ki li i napa levidans sa later Cascade.  Mon annan devan mwan la, mon’n fer mon resers.  Sa plot number i S3421 e i montre lo kart Parti Lepep ki sa bout later i pour Parti Lepep.  E la mon vwar dan Bidze, ti annan sa alokasyon 2milyon lannen pase.  E la mon vwar ankor en alokasyon 3milyon.  Mon oule Gouvernman Lokal i klarifye kote zot ti pe al fer Community Centre?  Ki bor?  Mersi.

 

MR DEPUTY SPEAKER

Ok.  Mon krwar Gouvernman Lokal, si ou annan en larepons toudswit pour sa, ou a dir nou.  Si non, ou’n ganny sa lenformasyon e i en keksoz ki ou kapab donn nou klarifikasyon.

 

(Interruption)

 

MR DEPUTY SPEAKER

Mon pa ti oule ouver deba lo la akoz in ariv ler pour nou pran en vot.  Mon a permet en dernyen komanter Onorab De Commarmond – en dernyen komanter, parske i dan ou distrik.

 

HON CHARLES DE COMMARMOND

Wi, mersi Mr Speaker.  Bonzour.  Bonn apre midi Minis ek ou delegasyon e tou Manm.

Sa lenformasyon pa korek Mr Speaker!  Sa landrwa kot in brile i pour Gouvernman.  Kot Community Centre e kot nou annan lentansyon refer sa Community Centre e fer Dacare, i tonm lo later Gouvernman!

 

(Interruption)

 

HON CHARLES DE COMMARMOND

Bout Parti Lepep i lot bout sa.  Sa ki ou pe donnen i pa korek sa!  I lalang sa!  I pa korek!

 

(Interruption)

 

MR DEPUTY SPEAKER

Ok.  Mersi Onorab De Commarmond.  I posib en size ki nou, nou kapab – Minister Gouvernman Lokal ava egzaminen, i adonn nou swa en….

 

HON CHARLES DE COMMARMOND

Non, be plan in deza fer – in deza in process, preske fini e nou proze pe ale.  Mersi.

 

MR DEPUTY SPEAKER

Ok.  Mersi Onorab De Commarmond.  Mersi.  I en size ki Gouvernman Lokal i kapab donn nou klarifikasyon lo la.  Silvouple egzamin li byen e zot a dir nou.  Selman nou pa – i pa pou anpes nou pran en vot lo sa Bidze ki devan nou

Alor, ler in arive pour nou pran en vot.  I lo paz 92 – Minister Gouvernman Lokal pour en – Departman Gouvernman Lokal pour en sonm 104 – R141, 717milyon.

Alor, mon ti a demann tou bann Manm ki an faver pour lev zot lanmen?  Deputy Clerk ou a konte.  Okenn Manm ki kont?  Deputy Clerk, ou a donn nou rezilta.

 

MADAM DEPUTY CLERK

Mersi Mr Chair.  21 Manm in vot an faver e personn kont.  Mersi.

 

MR DEPUTY SPEAKER

Mersi.  21 Manm an faver – savedir sa Bidze R141, 717milyon i ganny aprouve pour Departman Gouvernman Lokal.

Bon, nou kontinyen – nou pou kontinyen avek nou travay.  E lot Bidze ki devan nou – PS Finans, ou a zis gid nou.  DRDMDRDM, paz 139.

Mon ti a kontan avan, zis nou a remersye Mr Adeline, PS Vidot e Ms Valentin.  Mon swet zot en bonn kontinyasyon.

 

(PS VIDOT AND HER DELEGATION WAS EXCUSED FROM THE HOUSE)

 

DEPARTMENT OF RISK AND DISASTER MANAGEMENT (DRDM)

 

MR DEPUTY SPEAKER

Bon, lo nou paz 139, nou annan Department of Risk and Disaster Management  – ki nou konn li koman DRDM e pour en total R10, 484mil, paz 139 – 39.

Mon ti a kontan swet labyenveni parmi nou Mr Paul Labaleine, ki Direkter Zeneral pour DRDM e Ms Alisa Michel, ki Senior Disaster Management Technician dan DRDM.

Alor, nou pou komanse.  Okenn Manm ki annan kestyon?  Onorab Regina Esparon.

 

HON REGINA ESPARON

Mersi Mr Chairman.  Mr Chairman, mon anvi port latansyon Minis anba detay ‘wages and salary’ – basic salary, in mont par 1.1milyon – en logmantasyon 50poursan.  Tandis ki Allowanced in mont 61poursan – en logmantasyon sorti 845mil pou vin 1, 362milyon, en logmantasyon preski 517mil.  Mon ti a kontan ganny en lesplikasyon akoz sa logmantasyon?  E eski i annan – dan sa logmantasyon i annan Bidze ki’n ganny mete pour nouvo post?  Si wi, lekel sa bann post?  Donn nou en pti pe detay silvouple.  Mersi.

 

MR DEPUTY SPEAKER

Mersi Onorab Esparon.  Mr Labaleine.

 

DIRECTOR GENERAL – MR PAUL LABALEINE

Mersi Mr Chair.  Mersi Onorab pour ou kestyon.  Wi, dan Bidze DRDM i annan en logmantasyon.  I – sa logmantasyon i fer provizyon pour – i annan omwen R500mil ki pou fer recruitment pour 2 Senior Disaster Management Officer pour lannen prosenn.  E osi en Information Management Officer pour lannen prosenn.

Epi osi, dan nou Bidze sa lannen ti annan en deficit ki prezan Minister Finans ti re-aranze, ki prezant i fer ki dan nou Bidze sa lannen, in reflekte osi, ki fer nou sa.  Prezan dan Bidze 2019, i annan osi Trezyenm Mwan Saler.  I annan bann vacancies ki pa ti – Avril ziska Desanm ki nou pa ti ankor recruit, ki nou pe fer fason pour recruit la.  Apre i annan bann graduate allowances ki’n aziste.  E osi i annan bann logmantasyon saler 5poursan.  Apre osi long service ki in mete dan nou Bidze.

 

MR DEPUTY SPEAKER

Mersi DG.  Onorab Esparon.

 

HON REGINA ESPARON

Mersi Mr Chair.  Petet en pti lesplikasyon PS.  Mon vwar en overtime osi la ki’n annan en R91mil ki’n ganny mete.  En keksoz ki nouvo, ki ti napa oparavan – en pti lesplikasyon silvouple.  Mersi

 

MR DEPUTY SPEAKER

Mersi Onorab Esparon.  Overtime DG.

 

DIRECTOR GENERAL – MR PAUL LABALEINE

Mersi Mr Chair – bann Onorab.  Onorab, 2016 – 2017 nou i annan overtime.  Be lannen pase pour son serten rezon, nou pa ti ganny sa sonm.  Be solman kanmenm sa nou ti bezwen rod fason ki mannyer nou pey nou bann travayer ler zot fer overtime.

Me nou’n toultan annan overtime dan lepase.  Be sa lannen nou’n bezwen mete akoz nou bezwen pey nou bann travay – nou bann staff ler zot fer bann extra duties ouswa zot bezwen travay apre ler.  Thank you.

 

MR DEPUTY SPEAKER

Mersi DG.  Zis pour mwan ganny li byen – pour mwan pa mank personn.  Silvouple zis lev zot lanmen bann ki ti’n deza lev zot lanmen.  Ok.

        Wi, mon ti a kontan ferm li parske enn fwa mon’n konnen lekel ki annan kestyon, then nou fermen, nou move on.

        So, prosennman mon annan Onorab Clifford André.

 

HON CLIFFORD ANDRE

Mersi Mr Chair.  Mr Chair, letan mon pe get en pti kou dan bann detay ki’n ganny donnen, mon vwar dan ‘maintenance ek repairs’, in sorti 230mil in mont 439, so in double par 100poursan.  Mon ti a kontan ganny en pe detay lo sa Head.  E apre letan nou get ‘professional expenses,’ in monte in sorti 131mil sorti 131mil in mont 513.  So, i drastik letan nou pe get li in mont plis ki 200poursan.

Lot keksoz ki mon ti a kontan anmenn a latansyon Mr Labaleine se, letan dife ti pran kot SPTC, nou ti vwar ki pratikman kot ou ti pase dan lavil, ou ti bezwen pas omwen 3erdtan pour ou sorti dan lavil, pour ou komans annan en deroulman ki pe mon dan Sid.  So, pratikman nou ti ganny en standstill.  Ki son Minister – ki son Departman pe fer pour ki si en zour – nou p swete, me si en zour nou ganny en sityasyon parey, ki nou pa vwar nou dan sa sityasyon?  Olye kit dimoun dan lavil, nou pe – nou defalke dimoun parey nou dir an Kreol, pour ki si en sityasyon i arive – en leksplozyon i arive, mwens dimoun i vin viktim.  Akoz si ti ariv en leksplozyon dan lavil – SPTC ti obor avek SEPEC lanmenm la, si ti ariv en keksoz dan lavil, bokou dimoun ti pou ganny afekte.  Sa i lot

E apre, DRDM – mon pou koz spesifikman lo Anse Aux Pins, ki annan ladan ki’n ganny mete pour sa bann delo ki antre?  Sirtou la anba bor lanmer Anse Aux Pins kot bann Pillay anndan.  Sak fwa lapli i tonbe, nou annan en problenm delo.  E DRDM i ganny kontakte, DRDRM i vini avek Lanvironnman, menm Vis-Prezidan in donn son langazman pour rektifye sa sityasyon.  E sak fwa lapli i tonbe, mon bezwen for par en tim ki al gete oubyen ki ganny enformen, me nanryen pa ganny fer.

Eski ou kapab fer en keksoz Mr Labaleine, sorti kot DRDM pour kapab rektifye sa sityasyon?  Akoz i en problenm ki semen i o e laba – prezan delo olye lo semen oubyen al bor lanmer, i refoul anndan kot sa bann dimoun e i koz en kantite problenm pour zot.  So, ou kapab rektifye sa problenm enn fwa pour tou?  Mersi.

 

MR DEPUTY SPEAKER

Mersi Onorab André.  DG.

 

DIRECTOR GENERAL – MR PAUL LABALEINE

Mersi Mr Chair.  Mersi Onorab.  Onorab, mon a pran dife SPTC avan – koman ou konnen, nou annan en rapor ki nou’n submit avek Gouvernman la ki lo -apre ki sa dife ti arive, ki nou’n definitivman – parey tou bann lensidan parey, i annan en post-event evaluation nou apel sa, ki ganny fer.

E nou annan en rapor- e apre sa dife SPTC, Prezidan ti ordonn en risk assessment i ganny fer dan lavil partou.  E la en rapor in ganny soumet lo zisteman, ki’n arive?  Epi osi ki annan dan lavil?  Be sa dife SPTC nou kapab dir ou – ler i annan en emergency response, i annan plizyer Lazans ki involve.  Prezan diferan Lazans i annan diferan rol ki zot zwe pour si oule, as much rektifye sa problenm.

Sa zour nou rekonnet poudir problenm trafik ti en gro problenm.  Menm pour nou menm ler nou, nou ti bezwen vin deor. E nou ti sanse ki Fire Brigade ti zis akote.  Si i ti en pe pli lwen, i ti pou en lot problenm.  Me solman an menm tan dan nou rapor, nou’n fer remarke ki i annan osi keksoz pou fer avek Land Use Plan osi.  Ki parfwa ler nou pe fer bann design, nou pa pe mazin bann emergency management osi.  So, i annan sa bann sa.

Me prezan parey ou’n dir, si ti – kantite dimoun ti’n bloke.  Ou konnen, bann challenge ki nou gannyen ler nou annan bann lensidan parey dan bann lokasyon parey lavil, i pou toultan poz nou en problenm, si oule en challenge, kot ler nou pou reponn – e zisteman sa bout traffic management ki normalman i pa avek nou.

Me solman parey mon dir dan nou rapor, nou pou rod fason pour mannyer nou pou adres li.  Me i pou reste touzour en challenge akoz kot dife ti pran e kot bann – sa moman si oule, dan milye lavil kot tou trafik i ete.  Be prezan pou vitman tir trafik dan lavil e fer emergency management response rantre, i poz en challenge an menm tan.

Be petet dan rapor ki nou’n submit i ava annan – i annan rapor – i annan rekomandasyon ki nou’n fer lo ki fason mon krwar nou pou fer pour kapab tir transpor – tir trafik pli vit dan semen.  Par egzanp, si i annan keksoz pou fer avek semen – bann ki one-way si oule, ki ou bezwen revwar.

Me solman i annan parey mon’n dir, en rapor ki nou’n fer.  E nou prezan lo nou kote, ansanm ek nou partenaire – akoz nou annan plizyer partenaire dan – ki’n reponn si oule, sakenn son rol pou zwe.  Nou pou sey fer fason vwar ki mannyer nou adres sa bann issues akoz dife SPTC i annan lezot lensidan ki’n arive.

Me solman pou reponn ou kestyon, i annan travay ki pou fer pour nou kapab rezourd sa problenm.  Me solman mon devret dir i reste en challenge dan lavil ki nou bezwen rod fason pour adres li ki pou pran en pti pe letan.  Mersi.

 

MR DEPUTY SPEAKER

Mersi DG.  Onorab André.

 

HON CLIFFORD ANDRE

(Off-Mic)

 

DIRECTOR GENERAL – MR PAUL LABALEINE

Ok.  Konsernan problenm linondasyon Anse Aux Pins Onorab, mon panse sa ki nou’n fer, DRDM la – petet mon a demann bann dimoun kot Lanvironnman pou fer sa prezantasyon avek piblik Anse Aux Pins.  I annan en travay ki nou pe fer avek World Bank, ki nou pe fasilite avek bann experts, ki zot ti isi 2 semenn pase, zot in fek ale.

E zot pe fer sa pour La Digue, enn de lezot distrik kot nou annan sa problenm flooding, pour kapab ed nou pou vwar ki mannyer nou kapab manage sa problenm – redwir sa problenm linondasyon dan plato.  Solman nou devret dir osi ki i annan bann landrwa ki ba.  E lafason ki nou’n konstrir, nou pou bezwen sey manage alafwa sirtou si lapli i tonm for e si lanmer i mont.

Me kanmenm sa, nou pe toultan rod fason, se sa ki nou’n demann bann expert ki’n vini isi – in vin fer bann letid apropriye.  E zot rekomandasyon i ava vini byento, ki nou a kapab share.  I annan keksoz ki pe ganny fer ki pou ede pour kapab rezourd sa problenm – ouswa fer delo al pli vit posib ki nou kapab.  Mersi.

Konsernan ‘maintenance and repairs.’ Pandan 2019, nou annan si oule, nou bann lekipman ki’n en pe avarye sirtou dan National Emergency Operation Centre.  Apre osi, nou pou annan nou 2 – nou osi pe maintain air con ki nou bezwen sanze, i en pe vye.  Apre osi, nou biro kot nou ete si oule, nou bezwen fer serten travay.  Nou – parfwa nou akeyir en kantite nou bann lezot dimoun osi – nou annan en kantite meeting ki nou fer, nou bann savedir nou wear and tear i ase o.

E osi, nou pou bezwen – dan nou (NE) osi letan nou pe gete la, nou operate 24/7.  Savedir nou bezwen gard li a en nivo kot i annan sa – i bezwen kapab si oule, donn sa servis ki nou, nou bezwen pour rann popilasyon kan en ka i annan emergencies.  E nou bezwen fer sir ki tou nou lekipman, tou nou bann mwayen, tou sa i a la oter ki nou bezwen.  Thank you.

 

MR DEPUTY SPEAKER

Mersi DG.  Onorab André.

 

HON CLIFFORD ANDRE

Mersi.  ‘Professional Expenses’ – Mr Labaleine pa’n tackle, so i ava dir mwan.  Me selman letan nou pe get sa ‘maintenance budget’ ki Mr Labaleine in dir nou ki pou bezwen deal avek air con.  Me selman letan nou pe get ‘rent’, nou pe pey en rent R840mil.  Eski letan ou rent en batiman, i pa inclusive of air con?  E kekfwa ou, ou bezwen zis fer maintenance lo air con oubyen sa batiman ki donn ou sa.

Apre, baze lo son repons ki Mr Labaleine in donn mwan – mon konpran nou annan eksper nou, eksper ki vini pou dir nou ki mannyer nou pe fer.  Sa problenm in en problenm ki 40an in la.  40an sa bann dimoun pe soufer avek sa problenm delo.  Mwan mon oule ou dir mwan, dan sa Bidze ki la, la, kote ki annan larzan ki’n ganny met de-kote pour rezourd sa problenm?

Akoz mon Manda pou fini 5an, sa problenm pou ankor lanmenm, zis eksper pou’n vini sorti World Bank.  Mon oule ou sort out sa problenm once and for all Mr Labaleine.  Mersi.

 

MR DEPUTY SPEAKER

Mersi Onorab André.  DG.

 

DIRECTOR GENERAL – MR PAUL LABALEINE

Mersi Mr Chair.  Onorab, dan Bidze DRDM ou pa pou vwar pour konstriksyon drenaz, okenn sa bann travay.  I pou dan Bidze – probableman dan Bidze Minister Lanvironnman.

Dan nou Bidze ou pou vwar bann mwayen ki mannyer nou pou organiz repons, bann keksoz koumsa.  Parey mon pe dir ou, nou nou’n – avek nou korperasyon enternasyonal ki nou annan, nou pe sey ede Minister Lanvironnman pour nou kapab anmenn sa.  Me solman ou pou war li dan nou Bidze akoz i pa tonm dan nou manda.  Mersi.

 

(Off-Mic)

 

DIRECTOR GENERAL – MR PAUL LABALEINE

Consultancy ki nou annan – nou annan 2 proze, enn i Risk Profiling of Districts ki nou ti’n komans li, ki en pe slow akoz nou ti  pe sey fer li entern.  Apre nou annan en proze idantifikasyon bann larivyer avek bann sours delo pour pwennvi risk management – mon a eksplik sa 2 proze.

Prezan nou pou bezwen outsource sa 2 proze si oule – annan enn an premye staz i pou kout ant R150/160mil.  E nou Risk Profiling of Districts pour tou bann distrik ki nou pe fer i pou kout nou ant R200mil apepre pour nou fer sa travay – pour nou outsource sa proze – pou al anmas bann lenformasyon, pou al dan distrik, pou koz ek bann dimoun apre pou carry out risk assessment.

Sa proze Risk Profiling si oule, i pou ed nou pour nou kapab met an plas nou sistenm Risk Management, apre pour pli byen kapab zer – dan emergency response.  Apre osi, an 2008 nou it ganny sipor avek UNDP pour nou devlop Contingency Plan pour tou distrik.  Prezan 10an apre nou’n war ki nou bezwen review sa plan.

Be prezan pour nou kapab review sa plan, nou bezwen vwar poudir en kantite keksoz – kantite nouvo devlopman in arive dan distrik, pou prezan nou bezwen profile sa distrik – tou distrik – tou le 25 distrik dan pei.  E vwar ki hazards ki bann distrik i fer fas avek, zot vilnerabilite, avek zot exposure. 

Prezan, ler nou fini fer sa, prezan nou annan en propozisyon pour nou kapab re-aranz plan distrik e byensir retourn kot – ver kominote dir zot la, la, vwala ki mannyer keksoz i ete.  E la, la ki bann keksoz ki sa distrik i fer fas avek.  E prezan sa larzan nou pou servi pour nou outsource pou pey bann konsiltan pour zot al fer sa travay pour nou.  Mersi.

 

MR DEPUTY SPEAKER

E lot bout repons lo air con e batiman.

 

DIRECTOR GENERAL – MR PAUL LABALEINE

Ok.  Onorab, nou – building – nou lwe zis building pir, air con pa enkli dan Kontra.

 

MR DEPUTY SPEAKER

Onorab André.

 

HON CLIFFORD ANDRE

Savedir, Mr Labaleine i oule dir nou ki nou pe lwe building pir R840mil par lannen zis batiman.  Ki grander i ete sa batiman ki nou pe lwe ki napa sa fasilite air con?

 

DIRECTOR GENERAL – MR PAUL LABALEINE

Ok.  Nou annan – nou batiman i en pti pe zis anba 300met kare.  I annan en first floor avek en second floor.

 

MR DEPUTY SPEAKER

Mersi DG.

 

DIRECTOR GENERAL – MR PAUL LABALEINE

Sa i enkli sekirite, parking tou.  Mersi.

 

MR DEPUTY SPEAKER

Mersi DGPS Finans.

 

PS DAMIEN THESEE

Mersi Mr Chair.  E zis pour azoute, sa i plizoumwen standar.  Tou building ki nou pe lwe, i pe donn nou sa building tousel.  Si bezwen fer partitioning, ou bezwen fer ou menm.  Si ou bezwen met okenn kab pour internet, pour telefonn, pour air con, ou fer li ou menm – i standar sa, pa cost Government.  Mersi.

 

(Off-Mic)

 

HON CLIFFORD ANDRE

…be plito zot pran en bout dan Unity House akoz Unity House i lwe ou avek son air con.

 

MR DEPUTY SPEAKER

Ok.  Mersi Onorab André.  Onorab Francois Adelaide.

 

HON FRANCOIS ADELAIDE

Mersi Mr Chair.  Mr Labaleine, dan zot manda mon war en bout ki zot responsab pour bann dezas natirel avek son risk reduction.  Mwan mon annan en konsern – parey par egzanp dan mon distrik, mon annan bann gran, gran bout later ki bann etranze ki’n vin Seselwa in aste.  E sa bann ater i la, i annan zis bann gran, gran pye Albizya, ki kree en danze pour bann lezot lakaz.

Lannen pase rafal nwel, ti kraz lakaz Mr Maximen Barallon.  So, prezan sa i kontinyen reste en problenm.  Dan sa Bidze, eski petet i annan en landrwa – akoz mon pa trouve, petet i annan en larzan ki’n ganny rezerve ouswa pour deal avek sa bann problenm, sirtou sa bann pye Albizya lo sa bann later abandonnen ki kree en risk pour bann lakaz pour bann propriyeter?

Apre Mr Labaleine, mon annan en lot ka ankor.  Petet dan sa Bidze ou ava dir mwan kote nou pou trouv en pti larzan.  Mon annan en ka ki date 1an pase, mon ti koz avek ou – konsernan Georgina Lozé.  Sa madanm pa ankor ganny atenn preski ditou.  So, petet ou a kapab ed mwan silvouple.  Mersi.

 

MR DEPUTY SPEAKER

Mersi Onorab.  DG.

 

DIRECTOR GENERAL – MR PAUL LABALEINE

Mersi Mr Chair.  Mersi Onorab.  Onorab, sa issue later prive ek pye dibwa la, nou ganny kantite konplent.  Me mon pa konnen – ou bezwen konsilte avek si oule, avek bann Departman Legal akoz pour le moman nou selman kapab assess sa bann landrwa.  Dan nou Bidze, pa fer provizyon pour nou kapab antre lo propriyete prive, al koup – nou pa ganny drwa.  Napa enn ki fer sa.

Anba nou Lalwa, i dir si i annan okenn moman kot en propriyete pe menas en lot propriyete, nou pou demann lipour li fer – pran aksyon.  Me i annan – nou ganny serten sa bann konplent parey, me solman i en kestyon kot pou bezwen – mon napa en larepons defini.  Nou napa drwa pour nou antre lo propriyete personn pou al fer tousala.

Prezan konsernan sa case ki ou’n dir mwan, nou kapab repran akoz ti’n transfer li avek Minister – sa lepok ti MLUH, pour zot kapab fer en drenaz parey ou pe dir, par deryer, kot son lakaz koumsa.  Be mon pa ti okouran poudir pa ti ankor fer.  Nou kapab repran, re-vizite, re-aranze, refer.  Akoz nou sa ki nou ti fer laba se, idantifye kote sa delo i sorti – nou’n kapab trouve.  Epi nou ti sizere ki bann mezir i kapab pran pour rezourd sa problenm.  Me nou kapab – mon a pran not, nou a kapab repran avek –re-vizite, revwar pour nou kapab remet sa devan.  Mersi Onorab.

 

MR DEPUTY SPEAKER

Mersi.  Onorab Adelaide.

 

HON FRANCOIS ADELAIDE

Mersi Mr Chair.  Mr Chair, la nou annan Minis avek nou – Minis, ki ou kapab dir nou pour nou kapab remedye sa sityasyon?  Akoz parey Mr Labaleine pe dir, i deza annan en ta konsern.  E mon krwar nou bezwen kapab deal avek sa bann problenm pour ki sa bann dimoun pa war zot dezavantaze, menm per pour zot reste dan zot lakaz.  Mon krwar petet ou kapab donn nou en pti mo.  Mersi.

 

MR DEPUTY SPEAKER

Mersi Onorab Adelaide.  Avan mon donn laparol Minis – mon krwar konsern ki pe ganny eksprimen se ki, ou annan serten danze ki parfwa i egziste lo en propriyete prive.  E la nou annan en Departman avek en Bidze ki li i sipoze redwir risk sa bann danze.  Me DG pe dir e nou, i pa kapab redwir sa risk parske i pa tonm dan son Manda, oubyen dan son fonksyon.  Alor, ki bor nou pou ale pour kapab ganny en larzan pou redwir bann risk?

Dan mon distrik par egzanp – Anse Etoile, mon konnen i annan detrwa lenstans ki mon’n port a lentansyon DG – Maldive, bann Cadeau, bann Berlouis tou, i annan bann pye dibwa ki menase.  Ma Constance, bor kot bann Asman – tousala se bann risk, me ziska ozordi, tre pe i ganny fer pou redwir bann risk.

E la nou annan en Departman Risk avek en Bidze 10milyon.  Alor Minis, eski ou kapab eksplik nou ki fason Gouvernman – dan sa Bidze, i adres sa bann tel risk?

 

THE DESIGNATED MINISTER – MRS MACSUZY MONDON

Mersi Mr Chair.  Mr Chair, mon krwar parey DG in dir, tou sa bann later i bann later prive e i pa fasil pour zis antre lo en later prive.  Me selman, mon konnen avek advice legal AG’s Office, mon konnen poudir menm Gouvernman Lokal i annan serten bann letan kot in annan sa bann danze – kot nou’n antre pour nou kapab fer serten aksyon.

Me i pa fasil akoz si sa bann keksoz i lo later Gouvernman i napa en problenm.  E – me selman si i lo en later prive, nou bezwen fer sir ki sa ki nou pe fer i pa ilegal whatever aksyon ki nou pe pran i pa ilegal.  E ki nou fer li dan en fason ki demen i pa pou met Gouvernman – i pa pou met okenn dimoun dan en problenm.

Me selman, risk i reste risk.  E kot en risk i ganny idantifye parey ou pe dir, dan sa ka Baie Lazare, nou bezwen al vwar kwa ki nou kapab fer pour nou kapab fer sir ki sa bann pye dibwa i pa kontinyen vin en danze pour bann zabitan ki reste dan sa landrwa zis akoz son met s alter parey ou’n dir, li i pa la.  E i pa pe okip sa later oubyen i pa pe ni menm regarde kwa ki pe arive lo sa later.  Mersi Mr Chair.

 

HON AHMED AFIF

Mersi Minis.  Zis en sizesyon – eski pa posib par egzanp pour zot met en provizyon anba Bidze Gouvernman Lokal?  Pa Small Project – kot zisteman, i a redwir risk.  Bann risk ki’n ganny idantifye par DRDM – son louvraz se idantifye bann risk.  E zot, zot annan en Bidze spesifik, swa anba Land Use, swa anba Local Government, swa anba Lanvironnman par egzanp, kot i konsern pye dibwa – pour zot zisteman ale kapab fer sa bann louvraz.  Eski sa i en propozisyon ki zot kapab aksepte?  PS Finans.

 

PS DAMIEN THESEE

Mersi Mr Chair.  Evidaman, ler i annan bann ka koumsa, Local Government i apros nou.  Akoz ordinerman nou fer li pey anba son Bidze Small Projects akoz i annan – nou annan bokou bann case ki zot apel li tree felling.

Me solman i pa zis bann ka later abandonnen, nou lo kote Finans nou konsernan ek sa akoz nou annan osi bann ka kot bann dimoun ki lo zot propriyete nou pa pe war zot pe pran sa responsabilite pour more or less take care of sa bann danze e nou – zot pe apros Gouvernman.

So, si nou asses en case atraver ki ou war ok, kekfwa i pa pe neseserman kapab afford pour li peye pour li koup sa pye dibwa e plizoumwen bann aze, la ordinerman Community i asiste.  Me solman nou bezwen met lanfaz pour dimoun osi pran zot responsabilite lo later prive.

Lo Minister Finans, si i annan bann case ki lo later Gouvernman ki poz danze lo swa semen, swa bann propriyete prive, la nou antre pour asiste – nou’n fer li dan lepase.  Me solman lo propriyete prive, mon krwar i – menm si i pa bann dimoun ki pa lo zot propriyete, bann ki actually pe viv lo zot propriyete i bezwen pran zot responsabilite osi akoz zot met en sort of en presyon lo Bidze Gouvernman pou take care of sa bann keksoz ki zot prop responsabilite.  Mersi.

 

MR DEPUTY SPEAKER

Mersi PS.   Onorab Adelaide.

 

HON FRANCOIS ADELAIDE

PS, sa later ki mon pe dir ou la, dapre konpran i pour Sivas.  I pa ni enterese ek sa, zis zot in vann li later – en bon pe later.  I pa ni anmerd li, i deor, so nou ki soufer, ou konpran ou? So, mon krwar i annan en ta larzan, mon krwar zot bezwen apel li, fer li vin koup sa bann pye dibwa.  Then apre nou zabitan i ava an pe.  Mersi.

 

MR DEPUTY SPEAKER

Mersi Onorab Adelaide.  Klerman, ou annan en gran konsern dan sa landrwa.  Mon a permet DG sey ed li en pti pe.

 

DIRECTOR GENERAL – MR PAUL LABALEINE

Thank you Mr Chair.  Zis pour klarifikasyon Onorab – anba nou Lalwa, nou kapab antre lo propriyete, fer assessment si nou war poudir sa i danze pour kominote.  De fason – nou – si sa dimoun ti la, nou demann li permisyon or nou antre ek en warant.

Si non – be dan ka sa ka la, nou a rod en fason ki mannyer – nou a rod konsey legal, nou a vini, nou a travay ansanm, nou a vwar ki mannyer nou kapab assess e fer bann rekomandasyon apropriye ki mannyer nou kapab sey rezourd sa problenm.  Mon pa konnen si locally i annan dimoun k iresponsab pour son propriyete.  Be nou a pran kontak.  Mersi.

 

MR DEPUTY SPEAKER

Tre byen – zot a pran kontak, zot a sey rezourd.  Onorab Wavel Woodcock

 

HON WAVEL WOODCOK

Mersi Mr Speaker.  Mr Speaker, zis permet mwan pour mwan eksprim mon dezapwentman avek en lensidan ki pe al arive la aktyelman La Digue ki konsern bann zabitan Diguoise.  I annan en cruise ship ki’n lo lakot La Digue ki pe debark plizyer santenn bisiklet La Digue, ki pe met a dezavantaz bann dimoun ki lwe bisiklet La Digue.  E sa i en konsern ki’n ganny lev-e dan plizyer – a plizyer repriz.  E mon santi ki Lotorite konsernen pa pe ser nanryen lo la.  E mon bezwen dir en keksoz lo la Mr Speaker.

Mon kestyon i baze lo– ‘overseas subsistence allowance’ plito, mon war i annan en gran logmantasyon.  An 2018, ti R45mil e la mon war en logmantasyon kot in sorti 45mil an 2018 pour ogmante pou vin R125mil an 2019, me selman napa ‘overseas travel.’  , Mon ti a kontan zot donn en pti pe lesplikasyon lo la.

Mon 2enm kestyon i regard en lensidan osi ki pe arive la aktyelman Ste Anne.  Kot i annan en dife ki pe brile i annan 2 semenn la pe brile Ste Anne.  Mon pa konnen si zot pe sey fer forest clearing.  Me selman pour 2 semen en dife pe brile.

E mon konnen Manda DRDM se pour – zot responsab pour Disaster Risk Reduction an relasyon avek bann keksoz natirel, biolozik, teknolozik, social hazard ouswa menm bann dezas environmental.  Alor, mon ti a kontan demande si DRDM in sanction sa?  I konnen poudir sa dife pe brile pour 2 semenn.  E si sa i pa en potential hazard pour zil Ste Anne?  Mersi.

 

MR DEPUTY SPEAKER

Mersi Onorab Woodcock.  DG.

 

DIRECTOR GENERAL – MR PAUL LABALEINE

Mersi Mr Chair.  Mersi pour ou kestyon.  Onorab, nou ‘subsistence allowance’ in monte, i baze lo en pe larzan ki nou’n depanse lannen pase akoz nou ti bezwen vire dan serten vot pour nou met li.

Prezan, rezon ki ou pa pe war ‘travel’ akoz nou pa peye pour travel.  Tou nou bann travel i ganny peye par nou bann partenaire etranze ki envit nou.  Nou annan en pe bann deplasman zisteman, pour nou kapab – ou dan lentere pei, pour nou partisip dan bann forum.  Me sa i ganny peye par nou bann partenaire ki envit nou.  Pour nou, nou donn zis reduced per diem, se tou.

So, prezan ki nou’n fer?  Nou’n sey kalkil bann travel ki nou pou annan baze lo lenformasyon sa lannen.  E se sa ki prezan ou’n war sa Bidze in arive dan sa.  Mersi.

 

MR DEPUTY SPEAKER

Mersi.  Lo…

 

DIRECTOR GENERAL – MR PAUL LABALEINE

Apre osi, ti annan en revised dan increase per diem ki ti’n monte baze lo rate.

        Ok.  Dife Sainte Anne, mon’n vwar – dan bann kominikasyon mon’n vwar Minister Lanvironnman pe kominike pe dir pe rode ki – what’s happening, ki annan?  Me parey ou konnen osi, i annan permi dife ki ganny donnen par Minister Lanvironnman, ki nou osi nou konsernen.  Me solman mon kapab verifye akoz ki sa dife pe kontinyelman alimen, pour nou gete ki mannyer nou kapab vwar si i pa vin en menas apre.  Mersi.

 

MR DEPUTY SPEAKER

Mersi.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  2 pwen: mon premye se pour – mon vwar poudir en bon pe sa larzan ki nou pe appropriate ozordi pour DRDM, se pour etablir bann sistenm.  Swivan sa deba ki nou fek gannyen lo later prive, eski mon kapab demande si Minister – si Minis i ava konsidere, ki DRDM i travay lo en Lalwa?  Ki non selman permet bann Lotorite piblik antre lo en later prive pour al deal avek en dezas ki pe menase?  Me osi, anvoy en bil kot son propriyeter apre, apre ki i pa’n – in ganny warning, in ganny dir poudir bezwen fer keksoz, i pa’n fer – fer sa louvraz e anvoy en bil kot li.

Mon krwar nou bezwen – mon sizesyon se move away from Gouvernman ki fer tou keksoz.  Me ki bann propriyeter osi i pran zot responsabilite.  E si zot pa pran zot responsabilite, zot ganny sanksyonnen par Lalwa.  So, sa i mon premye pwen.

E mon 2enm pwen msye CEO – dan sa lespri proaktiv e sey mitigate bann danze, mon ti kontan si ou kapab eksplik mwan, ki – a ki moman ki rol DRDM i komanse e kote i fini ler pou ariv lo pran aksyon avek en sityasyon?  Mon a demann ou legzanp – mon a demann ou en legzanp.

Mon annan ka Mont Fleuri, ka Monica Dodin, ki annan en miray – well, pa en miray, en lateras, ki pe grennen.  E ler – Bondye pitye, i pa grennen, si i tonbe, i pou rantre – i pou tonm dan lakaz Reveran Christine Benoit – lafanmir Benoit.  Donk nou annan en sityasyon la kot depi lontan mon sey rod en fason akoz Mrs Dodin i pa kapab, i napa sa le mwayen pour li fer sa.

So, mon pe rod en – mon pe sey konpran.  Akoz i annan i dir – i annan dimoun i dir ek li Gouvernman Lokal ki pou fer, i annan i dir DRDM ki pou fer, i annan lot.  Mwan mon oule konpran kote lotorite –akoz sa i en dezas ki pe menase, kote Lotorite DRDM komanse e kote i fini?  Ou alor, eski zot annan okenn Lotorite at all?

I mean, si zot war en sityasyon, zot bezwen kapab annan en Lotorite pou dir avek sa Departman oubyen sa Minister – i annan en dezas ki pe menase, zot bezwen fer en keksoz!  Eski zot annan sa Lotorite?  Mersi.

 

MR DEPUTY SPEAKER

Mersi Onorab Ferrari.  2 pti bout kestyon –savedir, eski ou kapab anvoy en invoice kot dimoun ki’n fer domaz?  Dezyenm eski- ki bor i komanse ou louvraz?  Ki bor i fini?

 

DIRECTOR GENERAL – MR PAUL LABALEINE

Mersi Mr Chair.  Mersi Onorab pour ou kestyon.  Ou premye kestyon Onorab – i annan en Lalwa ki nou pe travay lo la, nouvo.  Zisteman sa morso ki ler ou pe dir, i pou ladan.  Kot i pa zis kot i annan koup pye dibwa.  Par egzanp osi, i annan bann letan kot i annan nou’n, i annan en kantite neglizans parfwa – kot ler nou entervenir, prezan nou bezwen pan tou sa kou nou menm.  Apre annan-de-fwa nou’n depans nou larzan, bezwen al rod Bidze an plis.  So, ki mannyer nou kapab anmas en pe pou fer peye – i pe vini dan sa Lalwa.  Probableman si tou keksoz i mars byen, i ava vin dan Lasanble dan premye kar lannen prosenn.

Prezan kot i konsern nou rol ek nou manda – zisteman, anba nouvo Lalwa i pou en pe pli kler.  Nou rol se ki, enn – idantifye tou bann eleman threat ki nou annan ki hazardous.  E idantifye zot si oule, parey nou’n dir dan nou Manda – dan nenport ki kote, natural, biological, sociological and so on, pour nou kapab idantifye e travay – met an plas bann mechanism e prepar Gouvernman, prepar Pep Seselwa pour kapab reponn or prepar nou pour nou fer fas avek nenport ki sityasyon.

Now, dan ka sa ki ou pe koze la, kot i annan bann moman kot nou’n entervenir si oule, kot nou’n menm si oule, montre kart rouz, ouswa nou pa’n aksepte dan Gouvernman.  Be solman nou pa la pour nou anpes devlopman.  Nou la pour nou fer devlopman vin pli meyer.  Me par kont i annan moman kot ou pou bezwen – nou bezwen dir, be ok, be i pa kapab fer koumsa, i bezwen fer en lot fason.

Be dan sa ka parey ou pe dir la, nou annan ne kantite ka – mon annan statistics si oule, nou kapab fer Lasanble gannyen apre.  Bann statistics tou bann pye dibwa tonbe, ros deboule, miray tonbe e zot a vwar poudir – par egzanp, bann – dan en lannen ki kantite call ki nou gannyen?  Ki mannyer nou pou entervenir/azir? Pour nou ariv lo sit pour nou arive donn rekomandasyon, wi – nou kapab fer e dir ki nou rekomande.

Prezan, sa morso – lekel ki aranz en miray prive ki menasan pour en lot?  Akoz nou’n ganny en bon pe sa bann ka kot en propriyete i menas en lot dan diferan fason – ros, pye dibwa. Delo, whatever.  Prezan i reste sa morso prive – lekel ki pou antre ki pou asiste sa dimoun prive?  Prezan sa – akoz nou, nou pa fer okenn nanryen striktirel.

Sa Lazans ki demann nou- par egzanp, si demen DA Mont Fleuri i demann nou pou entervenir pour nou fer en rekomandasyon, nou pou donn li son rekomandasyon. Prezan li i bezwen fer demars.  Mon pa konnen petet mon a sey konsilte ek Minis pou vwar si lekel Lazans ki pou antre pour donn koudmen sa dimoun.  Akoz mannyer ou pe dir mwan, son met lateras i an menas ek en lot.  Now nou, nou kapab menm donn konsey ki pli bon fason pou fer ek bann enzenyer ki nou ava travay avek.  Prezan i reste sa morso – lekel ki pou fer? I pa kot nou, prezan i bezwen annan en fason ki mannyer nou rezourd sa.  Mersi.

 

MR DEPUTY SPEAKER

Minis.

 

THE DESIGNATED MINISTER – MRS MACSUZY MONDON

Mr Chair, zis pour mwan azoute pou dir bann rekomandasyon oubyen bann idantifikasyon ki DRDM i fer, bann rekomandasyon ki vin kot Local Government, an mazorite laplipar nou enplimante.  Oubyen kot nou bezwen – kot nou napa Bidze, kot nou bezwen plis finansman – PS in dir taler, nou kontakte Minister Finans pour nou kapab ganny en pe plis larzan.

Onorab, mon pa mazin sa ka spesifik sa madanm ki ou’n nonmen.  Solman, mon kapab verifye si son case in ariv kot nou, ok – pour pran serten aksyon lo la e nou ava vwar ki’n arive akoz napa nanryen ki’n ganny fer.  Mersi.

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Mr Speaker, zis pou mwan – mon pa konnen si Minis in ganny non Mrs Monica Dodin.  I – vreman mon ti ava apresye ki ou mazin sa e ou sey gete akoz plizyer lannen nou pe sey rezourd en problenm.  E la i en problenm ki pa pou en dimoun.  E an realite i en problenm kominoter – i pou afekte en kominote.

So, kekfwa DRDM osi i devret kapab komans reflesir – (arrr), bann Fon lokal oubyen enternasyonal, oubyen bann Fon CSR, ki spesifikman dedicated pour bann pti proze kominoter.  Pa pour en dimoun me pour improve lavi dan en kominote.  E ki mannyer osi, zot kapab raise sa funds oubyen ed Gouvernman pou raise sa bann funds.  E akoz mon santi poudir i annan en zefor nou kapab fer dan sa direksyon.  Mersi.

 

MR DEPUTY SPEAKER

Mersi Onorab Ferrari.  PS Finans.

 

PS DAMIEN THESEE

Mersi Mr Chair.  Dan bann ka koumsa Onorab, nou’n gannyen dan lepase si i pour bann kekfwa danze ki pou afekte propriyete Gouvernman, par – legzanp, semen.  Oubyen pou ansanm detrwa lezot lakaz ki pou ganny afekte, nou’n entervenir.  Si par egzanp, SLTA dan lepase in raise ek nou e nou’n pey anba’ Contingency.’  So, i kapab ganny fer, be solman sa Lotorite dan sa ka la nou ava rode lekel – si Local Government, si SLTA, si DRDM.  Zot ava liaise ek nou, nou ava sort out.  Mersi.

 

MR DEPUTY SPEAKER

Mersi.  Onorab Waven William.

 

HON WAVEN WILLIAM

Mersi Chairman.  Mr Chairman, mon ti a kontan demann Mr Labaleinelefe ki in deza annan en plan vizavi resers ki ganny fer pour montre dan bann dimoun distrik ki bann landrwa aki riske.  E mon anvi konnen si baze lo sa plan, i annan en Plan D’aksyon kot Lasanble i kapab swivre pou vwar si Gouvernman pe vreman met larzan dan Bidze pour adres bann diferan problenm ki egziste pour minimiz bann dezas.

An menm tan, mon anvi demande si zot pe mazin lo la? Akoz par egzanp, dizon nou ganny tape avek en sounami ouswa dizon siklonn avek sanzman klimatik – tou nou bann keksoz i dan sant lavil.  E mon demande si zot pe mazin fer en batiman en pti pe pli o, kot ou kapab stok detrwa keksoz?

Akoz letan nou pou ganny afekte, i malere pou dir ki tou nou bann keksoz i dan sant lavil, me nou napa ne landrwa – eski zot pe mazin idantifye en landrwa ki en pti pe pli o pou kapab met bann zenerater, ouswa stok en pe fuel, mon pa konnen si manze.

Epi, dezyenmman – lefe ki Minis in dir ki zot annan lentansyon pou revwar en pti pe sa bann Brigad Dirzans o nivo distrik.  Eski dan zot planifikasyon, zot pe mazin osi enkorpor sa bann brigad dan distrik?  Ki a fer ki;- enn – zot ava ganny training an menm ki zot allowance osi i ava ogmante?  Akoz ler mon pe regarde, ou annan sa brigad o nivo Nasyonal, me solman ou annan sa bout o nivo distrik ki fer rapid response – eski ou pe mazin enkorpor zot ladan?  Mersi.

 

MR DEPUTY SPEAKER

Mersi Onorab William.  Bann kestyon ki mon asire bokou nou ti a kontan ganny larepons.  Me selman zis mon ti a demann DG, nou pa pou al tro an detay, apard donn nou bann gran liny sa plan ki zot annan.  E si posib pour adres sa size kot bann brigad i osi ganny training e travay konzwentman avek zot.  Mersi.

 

DIRECTOR GENERAL – MR PAUL LABALEINE

Mersi Mr Chair.  Mersi pour ou kestyon Onorab.  Wi – konsernan risk area dan distrik parey mon’n dir avan, i annan en travay ki nou pe fer zisteman, ki ou pou outsource li pour travay pour Risk Profiling of bann Districts.  E la nou a ganny lenformasyon presi lo lafason ki nou pou azir pour nou, ouswa ki bann distrik – bann distrik a konnen zot menm ki zot annan ki mannyer nou pou – kwa ki problenm se zot.

Prezan, lokasyon bann esansyel – ki lo lakot, nou’n deza fer rekomandasyon avek Gouvernman.  I annan travay ki pe fer lo la, zisteman lo – i ava en desizyon ki ava ganny pran pete byento Gouvernman a kominike.

Emergency Brigade – wi, nou pou – nou fer training pour zot. E petet kote allowance, sa Local Government ki pou kapab koz lo la.  Be konsernan training, wi, nou pou fer.  E once koman i organize, nou pou pare pour nou donn formasyon apropriye.  Mersi.

 

MR DEPUTY SPEAKER

Yes.  E petet si zis ou kapab azoute si ou kapab partaz sa ban plan ki zisteman – Onorab William pe demande, avek bann Manm Lasanble.

 

DIRECTOR GENERAL – MR PAUL LABALEINE

Ok.  Konsernan plan distrik pour risk areas, i annan plizyer Departman ki involve.  Par egzanp, ou pou zwenn Minister Lanvironnman – bann ki pou fer linondasyon.  Apre ou pou zwenn morso Land Use Plan, apre pou annan – byensir dan Land Use Plan pou annan tou bann eleman ladan.  Prezan ki mannyer nou konekte ek sa bann plan zisteman?

Nou deza annan bann lenformasyon ki deza available.  Par egzanp, enn bann keksoz ki nou – ki pa ti’n zanmen annan dan distrik nouvo se, mapping bann fasilite enportan.  E osi, nou pe koup bann distrik dan diferan Zone pour nou kapab pli byen manage.  Apre osi, nou apel sa met bann coordinates kot bann landrwa akoz i pli fasil pour nou ler nou- ou konnen Sesel napa ladres.  Me solman ler ou pou respond to emergencies parfwa ek bann plan ouswa pour risk management, ou pou konnen poudir dan tel landrwa i pli riske ki en lot.  Apre pour prioritize ouswa pour desizyon ler ou pou pran, i pou pli fasil pour nou konnen.  Dizon par egzanp, annou pran Grand Anse Mahé kot nou sorti – nou pou konnen par egzanp, dan rezyon pti Barbarons i pli riske ki dan bout morso Grand Anse. Sa i ganny map, i ganny aranze, i ganny met li lo en dokiman – nou apel sa information management.  E okenn devlopman ki pou fer dan sa laliny, sa bann map, sa bann plan pou servi pour referans ouswa pour desizyon.

 

MR DEPUTY SPEAKER

Mon krwar kestyon i pe demann ou – eski ou kapab partaz sa plan avek li?  Donn li en kopi?

 

DIRECTOR GENERAL – MR PAUL LABALEINE

Oh byensir – ler i pare wi, nou pou fer akoz definitivman i pour plan distrik.  Mersi.

 

MR DEPUTY SPEAKER

Ok.  Onorab William.

 

HON WAVEN WILLIAM

Mersi Mr Chairman.  Mr Chairman, lo sa kestyon en sit koman sant komann pour soz bann keksoz, mon krwar sa i vreman en priyorite pour Sesel.  E eski sa larepons pour idantifye en sit pour nou finalman ganny en batiman kot pou kapab store bann keksoz esansyel?  Kan ki zot pe mazin mon kapab dir, en idantifye en sit?  Akoz en pe letan pase sa, ki sa size an diskisyon e mon vwar li en pti drol ki ziska aprezan Gouvernman pa ankor kapab idantifye en landrwa pour kapab fer sa proze.

Epi dezyenmman Mr Labaleine –si i pa tonm dan ou seksyon anymore, pa bezwen al reponn.  Sa size Senir Plim la, zot ankor pe fer spraying ouswa sa in les al avek soz la – lot, sa Departman kin ganny kree la?  Akoz sa osi pe vin en havoc dan distrik.  Zot komans al legliz la, pe al lekol, lo bus-stop – konmsi i pe vin en pti pe en problenm.  Mon rapel en lepok ki zot ti pran sa an gard, eski zot ankor pe fer bann spraying lo kote senir plim an relasyon avek sa nouvo Lazans ki fek formen?  Mersi.

 

MR DEPUTY SPEAKER

Mersi Onorab.  DG.

 

DIRECTOR GENERAL – MR PAUL LABALEINE

Mersi Mr Chair.  Onorab, konsernan later pour konstriksyon lofis – wi, nou’n idantifye en bout later anler Bel Eau, zis obor par deryer NCC la.  me nou pa’n – nou pe esper finansman pour nou kapab konstrir.  Konsernan hairy caterpillar – non in transfer avek NBA, i annan en bon 2an deza.  Mersi.

 

MR DEPUTY SPEAKER

Mersi.  Onorab Sebastien Pillay.

 

SEBASTIEN PILLAY

Mersi Mr Chair.  Mr Chair, mon oule demann DG spesifikman lo sa bout disaster mitigation.  Mon krwar i annan en morso prevention ki egziste, ki anba Lalwa aktyel konmela.  E la mon pe koz lo bann propriyete ki pa ankor devlope, kot i annan par egzanp en lakaz kot i annan bann pye dibwa obor sa bann propriyete.

Currently i annan en difikilte total pour sa bann dimoun kapab deal ek sa sityasyon.  So, anba Bidze parey mon’n demann Community Development pou tyek sa size way-leave, zot pa pe konsider travay avek Biro Attorney Zeneral pour zot kapab war en fason pour deal ek sa?  Akoz dimoun i stuck in limbo lo ki mannyer pour zot kapab deal ek sa bann sityasyon.  En gro pye dibwa dan later ki pa pe ganny devlope – i la, me sa pye dibwa pe threaten zot propriyete.

I annan detrwa case partou dan bann distrik mon krwar ki bann MNAs i kapab attest to sa.  So, zis spesifikman dir nou si zot pe travay lo en keksoz e si zot pe kapab fer li komans materyalize pandan sa lannen ki vini.  Mersi Mr Speaker.

 

MR DEPUTY SPEAKER

Mersi Onorab Pillay.  DG.

 

DIRECTOR GENERAL – MR PAUL LABALEINE

Mersi Mr Chair.  Mersi Onorab.  Onorab, nou ava – bomaten parey nou’n dir – mon’n dir, i annan bann lenformasyon ki baze lo kestyon.  Nou ava travay avek AG’s Office pour nou vwar ki mannyer nou – anyway i annan plizyer partner ki pou involve osi ki nou a vwar ki mannyer nou kapab ede pour rezourd, sey rezourd sa problenm.  Mersi.

 

MR DEPUTY SPEAKER

Mersi DG.  Onorab Clive Roucou.

 

HON CLIVE ROUCOU

Mersi Speaker, mon annan detrwa pti kestyon pour Mr Labaleine.  Premye mon anvi demann Mr Labaleine si sa amount ki’n ganny allocate avek ou Departman, si ou krwar i pou sifizan pour redwir oubyen deal avek okenn evantyalite si i arive?

Mon dezyenm kestyon se – Mr Labaleine in koz lo overtime taler.  Mon pe zis demande dan ki sirkonstans ki bann travayer ou Departman ki i travay pou ganny overtime?  Akoz mon trwazyenm kestyon i kontiny lo la menm, se ki dernyen fwa ki nou’n ganny en dezas isi Sesel?  Mersi.

 

MR DEPUTY SPEAKER

Mersi Onorab Roucou.  DG.

 

DIRECTOR GENERAL – MR PAUL LABALEINE

Mersi Mr Chair.  Mersi Onorab.  Onorab, nou Bidze si oule, ler ou pe sey dir mwan si i sifizan, mon pou dir ou, non!  Me solman nou kapab debourye.  Akoz i annan, par egzanp – nou pa – nou pran larzan pour nou kapab fer nou building, sa en lot zafer.  Me par egzanp, anba ‘education and awareness’ si oule, nou pa’n ganny bokou larzan.  Me solman avek R10milyon avek nou spending proposal, nou pou kapab debourye avek sa ki i donn nou.

Konsernan overtime – nou – toulezour nou bann staff i operate.  Par egzanp, 2 Dimans pase, 2er apre midi zot ti Union Vale – ti annan en ka ki ti’n arive.  E nou annan – nou operate en Hotline 24 lo 7.  Preski toulezour, tou le swar nou ganny 2 call.  Annan-de-fwa ou war nou 2er bomaten, 1er bomaten nou bann staff i bezwen bouze pour al lo bann sit – Sanmdi/Dimans apre ler.

E i annan osi moman kot zot pa fini travay 4er.  Zot bezwen kontinyen akoz nou siport bann lezot Lazans osi ki pe operate si nou bezwen operate ziska tar.  Par egzanp, dife SPTC, nou ti fini 3er bomaten.  Toultan loperasyon pe gannyen – kontinyen lo field, nou, nou bezwen gard en skeleton staff par deryer – kot pour nou donn sipor apropriye.  So, toulezour i annan en keksoz ki nou bezwen respond to.

        Now, dernyen levennman ki ti arive dan Sesel kot zot ti deklar en dezas ti Farquhar – sa ti 2016, kot nou ti entervenir.  Now – me solman, nou travay se anpese vin en dezas.  Se pour sa rezon ou war nou bann staff i entervenir boner.  Nou annan hotline kot dimoun i all nou.  E nou try as – nou sey as much plizoumwen posib, pour nou sey detekte bann levennman si oule, ki kapab arive ki kapab anmenn nou ver en dezas.  Se nou, nou louvraz se anpes sa.  se pour sa rezon ki nou staff i proaktiv.  Ler nou ganny call nou ale.  Ler – si nou bezwen swiv sityasyon ziska apre ler, nou fer li as much ki nou kapab.  Mersi.

 

MR DEPUTY SPEAKER

MersiOnorab Roucou.

 

HON CLIVE ROUCOU

Mersi Mr Speaker.  Mersi Mr Labaleine pour ou sa ki ou’n dir nou.  Mr Speaker, mwan mon anvi zis met en pti pwen pour Mr Labaleine, akoz mon en pe konsernen avek sa overtime.  Akoz mon anvi DRDM ganny son Manda kler, se Disaster Management ek Response Management.  Akoz sansan nou pou war nou pe taye pour nenport tou pti keksoz.

Nou bezwen kapab defini byen ki savedir en dezas.  Pa nenport ki pti lensidan, nou pou taye.  Sansan nou pou war pe ganny fer zis ganny overtime!  Me DRDM fodre i fer son pwen kler lo definisyon en dezas, ganny li kler ki travayer pa pou nenport ki pti keksoz – menm si ou pou annan en Hotline, ou pou war ou pe bouze.  Mersi.

 

MR DEPUTY SPEAKER

MersiOu ti oule reponn DG?

 

DIRECTOR GENERAL – MR PAUL LABALEINE

Mersi Mr Chair.  Mersi Onorab.  Onorab, nou louvraz se rediksyon risk pa deal ek en dezas.  Nou louvraz se anpese ki i ariv en dezas.  Mon konpran kestyon, i kler.  Se pour sa rezon ki ou war nou en pe proaktiv.  E nou sey fer fason an tan ki posib pour nou detekte, pour nou sirveye e pour nou kapab redwir sa posibilite ki anmenn nou ver dezas.  Me malere si ou war i arive, me i annan bann moman ki kapab anmenn nou dan sa direksyon.

Par egzanp, nou napa kontrol lo Siklonn, nou napa kontrol lo Tsunami.  Me sa ki enportan se deteksyon boner parey nou’n fer.  E nou’n war plizyer legzersis ki nou’n fer – deteksyon boner, early warning system an plas ki anpes li pran lavi.  Sa i primordyal – sa i nou louvraz toulezour.  Ler ou war nou pe tay deryer en levennman, i pa neseserman ki nou ti anvi i vin koumsa.  Me omwen ki posib se redwir sa posibilite pour li vin en dezas.  Sa nou travay prensipal.  Mersi.

 

MR DEPUTY SPEAKER

Mersi DG.  Onorab Ernesta, en klarifikasyon?

 

HON PAUL ERNESTA

Yes Mr ChairZis briyevman sanmenm sa laliny, petet CEO i kapab eksplik nou egzakteman klerman kote DRDM i antre dan letan in terms of pour dezas?  E kote i komanse e kote ki i fini?  Konmsi donn nou en prosedir kler.  Thank you.

 

MR DEPUTY SPEAKER

Mersi.  Mon krwar ou’n deza eksplik sa, selman mon a permet ou repet li.

 

DIRECTOR GENERAL – MR PAUL LABALEINE

Onorab, mersi pour ou kestyon.  Departman Risk e Zesyon Dezas i sa Lazans ki Gouvernman in donn li manda pour si oule, pou travay pour rediksyon risk.  E ler nou pe koz Zesyon Dezas, ou pe koz sa Emergency Management part – sa morso Emergency Management, preparasyon repons.

So, dan nou travay enn ki fer se zisteman, sirveyans travay ek nou bann partenaire pour nou met sirveyans pou detekte bann eleman ki kapab fer nou ditor.  Mon kapab dir ou nou fer en bon pe progre lo la – avek nou bann partenaire, avek nou bann sipor korperasyon enternasyonal, nou fer en kantite progre.  E prezan aktyelman Sesel la, nou’n ganny – nou’n kapab annan tou lenformasyon lo kwa ki kapab fer ditor pei.  Se pour sa rezon ki nou pe vin ek en plan Nasyonal ki mannyer nou pou kapab pran sa.

Prezan nou, nou rol se met Gouvernman Sesel ek son pep pare an ka i annan en evantyalite si pour nou fer fas avek.  Polisi, Lalwa apropriye plan neseser – parey ou konnen nou’n fek antre plan distrik, nou travay ek Minister Tourism, Minister Ledikasyon, nou al dan bann lekol e kominik sa bann risk ek Gouvernman, ed Gouvernman pour pran bann desizyon apropriye kan i neseser pour li redwir sa posibilite sa.

Mon a kapab fer zot ganny bann statistics apre – si zot pe vwar ant 2016 ek 2018 i annan en gran si oule, rediksyon dan bann ka.  Akoz i annan travay ki nou’n fer avek bann partenaire – par egzanp, ek Planning Authority, ek bann dimoun ki pran desizyon.  E dan rediksyon risk si oule, lafason ki nou striktire i permet nou kapab travay avek nou bann partenaire Gouvernman.

E osi met bann mechanism an plas pour nou detekte e vwar bann eleman ki kapab ed nou boner.  Par egzanp avek MET, ozordi Sesel nou annan sa bon mechanism an plas pour nou kapab detekte siklonn boner.  Par egzanp, nou’n donn averti pour sezon lapli ki pe vini.  Okenn eleman ki kapab fer nou ditor nou pou ganny li boner.  Unless ki en keksoz ki lev la pour la, nou pe travay lo sa direksyon.

Prezan nou 2enm morso, se emergency planning.  Ki mannyer nou plan pour nou reponn dan ka emergency?  Mon kapab dir ou si oule, 1an pase, 2an pase, repons ti pran demi erdtan.  Ozordi 10minit lo sit.  2014, demi erdtan nou ti La Digue – lavites reponn.  Sa i baze lo travay ki nou fer lo preparasyon avek nou bann partenaire e osi avek sipor nou bann partenaire etranze, sipor Gouvernman.  So, lala ki nou, nou fer.  Ok?

        E dan ka emergency, nou pran kordinasyon as a whole – prepar repons, met an plas si oule, e kordin bann loperasyon, Incident Command e osi met an plas en lozistik ki kapab permet loperasyon kontinyen fonksyonnen.  Apre osi, dan nou plan se, ki mannyer pei i bounce back pli vit posib ki i kapab si an ka nou may dan en difikilte.  Mersi.

 

MR DEPUTY SPEAKER

Mersi.  Bon, nou’n ariv a – nou’n demann tou bann kestyon mon krwar, lo DRDM.  In ariv ler pour nou pran en vot – i lo paz 139, en total R10,484milyon.  Tou Manm ki an faver?  Okenn Manm ki kont?  Deputy Clerk ou a donn nou rezilta.

 

MADAM DEPUTY CLERK

Mersi Mr Chair.  12 Manm an faver e personn kont.  Mersi.

 

MR DEPUTY SPEAKER

12 Manm an faver, personn kont – savedir sa vot i carry.  Alor R10,484milyon i ganny aprouve pour DRDM.

E avek sa mon ti a kontan remersye DG avek son Management Technician, Alisa Michel e nou ava eskiz zot parmi nou.

 

(DG PAUL LABALEINE AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon, an term management nou letan, i 3.15.  Mon pe propoze ki nou Break ziska 4er mwen-z-en-kar.  E apre 3.45pm nou pou annan Seychelles Fire and Rescue Services Agency, ki nou kapab pran zot ler nou vini apre Break.  Alor, nou pou adjourn ziska 3.45.

 

(BREAK)

 

SEYCHELLES FIRE & RESCUE SERVICE AGENCY

 

 

MR DEPUTY SPEAKER

Bon bonn apre midi tou bann Manm Onorab, tou dimoun a lekout, nou kontinyen avek travay Lasanble Nasyonal dan Staz Komite kot apre midi nou pe al pran en Bidze lo paz 147 ki konsern Seychelles Fire and Rescue Services Agency pour en total R74, 522milyon.  E mon ti a kontan swet labyenveni parmi nou, ozordi nou annan Msye Albert Rose Ag Chief Fire Officer, Mr Regis Bethew Senior Divisional Officer, Mr Roy Lemiel Senior Human Resources & Budget Management e mon mazinen Mr Ralph Agathine Director Lifeguard e nou osi annan Ms Sheryl Vangadasamy ki Special Advisor to the Designated Minister.  Byenveni dan Lasanble Nasyonal.

Nou pour komans direkteman avek bann ki annan kestyon, en pti moman zis mon a pran bann non, kit zot lanmen anler zis mon a pran tou bann non; ok zis mon pour kriy zot vitman, Onorab Hoareau, Onorab Henrie, Onorab Arissol Philip Arissol, Onorab Hoareau, non pardon Onorab Larue, Onorab Waven William, Onorab Pillay, Onorab Andre, Onorab Woodcock, Onorab Waven William, Onorab Gill, Onorab Herminie, Onorab Paul Ernesta, Onorab Pillay, nou korek mon pa’n perdi personn?  Onorab Ferrari.  Onorab John Hoareau.

 

HON JOHN HOAREAU

Mersi Mr Chairman, Mr Chairman mon oule fer mon premye kestyon lo latab detay, mon pe remarke ki i annan en increase dan ‘housing’ sorti 87mil pour vin 180mil.  Mon ti ava kontan en leksplikasyon lo la.

Dezyenmman mon’n get zot bann challenges mon vwar poudir lo kote ‘firefighting boat’ pour bann ka maritime fire zot pa ankor gannyen, so mon oule konnen ki zot pe fer, ki demars ki zot pe fer pour kapab met sa dan en, koman en proze pour zot,

E osi pour Beau-Vallon lontan nou ti annan en fire engine ki ti stasyonnen la, me pandan serten letan la mon pa vwar li, mon ti a kontan konnen akoz.

E si i annan plan pour met en Stasyon Tenny Dife Beau-Vallon an vi ki i annan sa gran kantite konsantrasyon lotel ensidswit.  E osi dernyerman pour lifeguard mon vwar lakantite lans ki zot kouver i reste 3 e, me selman zot Bidze in monte par apepre 2milyon.  Mersi.

 

MR DEPUTY SPEAKER

Mersi Onorab, mon mazinen Chief Fire Officer Mr Rose.

 

AG CHIEF FIRE OFFICER – MR ALBERT ROSE

Bonn apre midi Mr Chair, bonn apre midi Manm Onorab e mon a pran ou 2enm kestyon apre nou budget management i ava reponn sa premye kestyon ki ou’n demande konsernan lo finans.  Si ou le ‘firefighting boat ‘pour fire service nou’n met devan avek Gouvernman akoz nou’n santi pour le moman nou napa en firefighting boat kot si demen i ariv en lensidan dan bato kot nou napa sa kalite lekipman available.  E souvandfwa si i annan en dife dan bato nou bezwen hired lo por pour nou ganny tug pour asiste nou.  E nou’n vwar si demen bomaten tug i pe tug en bato anndan, e i ariv en lensidan nou santi ki nou pour dan en problenm pour nou kapab al tenny dife lo en bato.  So nou’n request avek Gouvernman pour nou ganny en firefighting boat.

E ou 2enm pwen se standby Beau-Vallon; si oule lontan nou ti provide en fire engines Beau-Vallon pour standby.  E letan ki stasyon La Digue avek Praslin in ouver, nou staff in very limited pour nou kapab provide standby si oule Beau Vallon parey nou ti fer tou le bomaten, so nou ti bezwen arete pour en moman ziskan ler nou zonm i ava rekouver.  Me selman ki arive, letan bann festivite si oule letan Desanm Nwel avek Lannen so nou fer provizyon pour nou met en standby engine si oule Beau-Vallon, akoz nou santi ki dan Lavil i konzeste e napa landrwa pour nou pase e pour nou kapab attend emergency vitman, so nou met en engines Beau Vallon.

Rezon pour sa, se nou ganny sifizan bann staff ki pe travay dan prevansyon avek dan training, kot sa letan zot napa bokou loperasyon travay, so nou itiliz zot pour nou met en transpor si oule BeauVallon.

E kot i konsern fire station sa i an negosyasyon avek Planning Authority e mon fek ganny serten dokiman lately la ki’n dir nou, zot pe rode ki bor zot pour ganny en landrwa pour kapab donn pour nou kapab fer en stasyon.  An menm tan CEO Planning Authority ansanm avek mwan nou pour fer vizit pour vwar kote nou kapab vwar en site pour nou kapab fer sa stasyon si oule.

lo kot i konsern lifeguard li menm, mon pa’n ganny ou byen, ou kapab zis repet ou kestyon please.

 

MR DEPUTY SPEAKER

Mersi.  Onorab Hoareau.

 

HON JOHN HOAREAU

Wi mon ti pe dir poudir lakantite lans i reste menm parey ki zot pe kouver pour lo Bidze 2019, me selman zot Bidze in ogmant par preski 2 milyon.

 

MR DEPUTY SPEAKER

Mersi Onorab.

 

AG CHIEF FIRE OFFICER- MR ALBERT ROSE

Mersi Mr Chair.  Mersi Onorab Hoareau. Si oule sa logmantasyon ki ou’n vwar dan Bidze Lifeguard se pour ogmantasyon staff ki nou pour pran.  Mersi.

 

MR DEPUTY SPEAKER

Ok mersi.  PS Finans.

 

PS DAMIEN THESEE

Mersi Mr Chair, si ou get lo paz 149 anba ‘new spending initiatives’ ou pour vwar anba P4 Lifeguard Services i annan 20 junior lifeguards ki pour ganny recruit pour en sonm R1.7 milyon pour extend servis.  Mersi.

 

MR DEPUTY SPEAKER

Ok mersi PS.  Onorab Hoareau.

 

HON JOHN HOAREAU

Mr Chairman premye kestyon mon ti’n demande lo ‘housing’ osi ki ti’n ogmante, zot ti kapab donn nou en pti pe detay lo la.  Mersi.

 

MR DEPUTY SPEAKER

Mersi Onorab.  CFO.

 

AG CHIEF FIRE OFFICER- MR ALBERT ROSE

Mersi Mr Chair.  Mersi Msye Onorab Hoareau, si oule sa logmantasyon lo sa provizyon lakaz pour lifeguard la, se akoz rental in monte sorti 12mil pour al 15mil par mwan.  Mersi.

 

MR DEPUTY SPEAKER

Mersi CFO.  Onorab Hoareau en dernyen klarifikasyon?

 

HON JOHN HOAREAU

Eski i kapab donn nou en pti pe plis detay si kantite lakaz ki i annan ki zot pe, ki rental in monte koumsa?

 

MR DEPUTY SPEAKER

Mersi.   CFO.

 

AG CHIEF FIRE OFFICER- MR ALBERT ROSE

Mersi Mr Speaker. Onorab i annan zis en lakaz ki nou pe rent.  I annan 3 lasanm e sa i ganny allocate avek Lifeguard Services.  Mersi.

 

MR DEPUTY SPEAKER

Mersi CFO.  Onorab Gervais Henrie.  Si mon ti kapab zis fer en pti pwen avan nou al lo la, si nou kapab fer nou kestyon bref e mon vwar CFO li son larepons i ase bref, so nou ava kapab fini preski ankor en 11 dimoun ki lo lalis.  Mon ti a kontan si nou fini sa ver 5er.  Be alor si nou kapab fer kestyon bref to the point e bann larepons vit.  Mersi, Onorab Henrie.

 

HON GERVAIS HENRIE

Mersi Mr Chair, premyerman en update lo sa fire tender ki nou ti donn zot larzan 2an pase.  So en update lo la.

Dezyenmman lo, dan PSIP paz 17 mon vwar alokasyon pour konstriksyon fire station Anse Royale, prezan mon oule konn plan dan sa Bidze pour pran kont recruitment bann nouvo staff parski si i pe pran ou apepre 8 mwan pour train en dimoun pour well equipped sa stasyon.  So ki plan dan sa Bidze pour recruitment?

E anliny ek recruitment donn nou en pti pe plan dan sa Bidze lo kondisyon bann travayer? Eski pour annan nouvo Scheme ki i ava pran kont bann risk allowance ouswa si zot pe deplase pour al Praslin en pti pe an zeneral lo la Scheme travayer.  Sa mon 3 pwen.  Mersi.

 

MR DEPUTY SPEAKER

Mersi Onorab.  CFO.

 

AG CHIEF FIRE OFFICER- MR ALBERT ROSE

Mersi Mr Speaker.  Mersi Onorab Henrie.  Pour konsernan fire tender pour aerial platform ki Lasanble mon krwar ti aprouv en serten sonm an 2017, si oule sa file ti a aerial platform si oule i an progre – i anba konstriksyon pour le moman.  Nou ti’n ganny en serten retar pour komans  sa aerial platform akoz larzan ki ti’n ganny allocate pour sa masin pa ti ase.  So dabor nou ti bezwen request ankor serten 2,94milyon ankor pour nou kapab fer komanse sa travay li menm si oule.  E si oule sa in fek an out travay in komanse e sa aerial platform si oule i ava ariv Sesel e commissioner an novanm lannen prosenn.

E kot i konsern staff pour Anse Royale, sa in ganny, mon pa ankor mete dan Bidze pour 2019.  Pour annan serten recruit, 10 recruit mon krwar ki nou pour pran.  E sa i pour boner an Zanvye, kot ler recruit letan i antre si oule avan i komans antisipe dan bann fire-fighting, i pour pran li apepre 8 mwan pour li bezwen train.

E dabor nou bezwen komans pran sa a sa bann dimoun boner lefe ki letan stasyon Anse Royale i ouver si oule, an lafen 2019, sa bann dimoun in pare pour zot kapab komans pran travay dan sa stasyon li menm.

Apre ou lot pwen lo training mon’n kouver; recruitment mon krwar mon’n kouver.

Kondisyon Scheme of Service – si oule i annan en R2.2 milyon ki’n ganny aprouve konsernan pour Scheme of Service pour lannen prosenn.  sa i pour pran lefe an Zilyet, e ladan dan sa larzan se nou pe al re evalye post, post bann travayer e i pour annan larzan pour island posting e osi pour annan larzan pour risk assessment pour bann travayer, akoz nou konnen poudir letan nou pe met en risk assessment pour bann fire fighters, nou konnen letan i annan en emergency oubyen i annan en sityasyon ler tou dimoun pe taye pe sorti, bann fire fighters prezan ki pe al antre dan sa landrwa.  So dabor nou’n met en risk allowance ladan akoz fire fighters i very risky si oule zot travay.  Mersi…

 

MR DEPUTY SPEAKER

Mersi.  Onorab Henrie.

 

HON GERVAIS HENRIE

Wi zis vitman pour mon prop lenformasyon, ler ou dir zot pour met en eleman risk allowance, eski i en keksoz nouvo ouswa in toultan annan serten keksoz ki’n en pe pre avek en risk allowance pour bann firemen?  Mersi.

 

MR DEPUTY SPEAKER

Mersi.  CFO.

 

AG CHIEF FIRE OFFICER- MR ALBERT ROSE

Wi i annan, si oule i annan inducement, apre salary risk allowance li menm li si oule i ti deza dan nou review Scheme of Service 2017.  E tou dabor la Gouvernman in deside nou donn nou en serten par dan sa larzan pour nou kapab kouver sa.  Mersi.

 

MR DEPUTY SPEAKER

Mersi.  Onorab Philip Arissol.

 

HON PHILIP ARISSOL

Mersi Mr Chair, eski i annan okenn plan pour fer renovasyon lo Stasyon Tenny Dife Anse Boileau?  Vi ki sa batiman i en vye batiman e i pa ideal pour sa bann firemen travay ladan sirtou zot pe fer en bon travay dan rezyon was.  Mersi.

 

MR DEPUTY SPEAKER

Mersi Onorab.  CFO.

 

AG CHIEF FIRE OFFICER- MR ALBERT ROSE

Mersi Mr Chair.  Mersi Onorab. Mon krwar konsernan stasyon Anse Boileau detrwa semenn pase nou ti vin isi dan Lasanble nou ti diskit lo la, zot ti vwar ki pour le moman nou pa pe fer okenn renovasyon lo la vi ki nou pe al fer en nouvo stasyon an 2020.  E letan stasyon pour komanse an 2020 sa bann fire fighters – swa SFRSA i pour bouze pour al dan stasyon Anse Royale so ziskan ler Stasyon Anse Boileau a’n pare, so apre nou pour retourn ankor Anse Boileau.  Mersi.

 

MR DEPUTY SPEAKER

Mersi CFO.  Onorab.

 

HON PHILIP ARISSOL

Mr Chair mon ti a sizere ki si zot ti kapab ganny en letan pour vizit sa landrwa e vwar sa sityasyon, vwar sa landrwa zot menm;- zot a trouve poudir sa landrwa i pa ideal pour sa bann firemen.  E nou pour kapab ganny bann problenm fungus tou parey nou pe gannyen avek.  Mersi.

 

MR DEPUTY SPEAKER

Mersi Onorab. CFO ou oule fer en komanter oubyen nou move on?

 

AG CHIEF FIRE OFFICER- MR ALBERT ROSE

Mersi Mr Chair, Onorab si oule mwan koman ansarz pour le moman fire service, preske toulezour mon vizit stasyon Anse Boileau.  E mon konn son kondisyon mannyer i ete.  Meanwhile nou pe sey vwar ki mannyer nou kapab sey re aziste serten keksoz pour bann staff pour le moman ziska ler nou ava bouz zot pour al Anse Royale pour refer sa stasyon.  Mersi Mr Chair.

 

MR DEPUTY SPEAKER

Mersi CFO. Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker mon ti a kontan demann avek CFO, dan bann breakdown ‘wages and salaries’ nou remarke ki kontrerman bokou lezot, laplipar lezot Minister, Departman, Lazans ki’n pas kot nou zot basic pay in ogmante, zot Bidze pour basic pay in ogmante ki zot pe demande lannen prosenn i 27milyon konpare avek 23milyon ki zot in depanse sa lannen, zot eksepte depanse sa lannen, donk basic pay zot Bidze in ogmante, me allowances zot bezwen allowances in desann, normalman dan bann lezot Minister in konpletman lenvers, basic pay in reste parey allowances ki’n monte.

Mon ti a kontan konmsi ganny en leklersisman lo ki mannyer zot in, ki mannyer zot in fer sa sirtou lefe ki i en rekomandasyon Lasanble e mon krwar Gouvernman in osi pe apiy sa, ki nou sey konsolid basic pay – konmsi ki dan en mannyer ki sa larzan ki en dimoun i apel son lapey avan allowance i significant, e pour ler i pour ganny son pansyon eksetera.  Donk eksplik nou en pe ki mannyer basic pay in monte, ki mon pe dir, in monte me allowances in desann.

 

MR DEPUTY SPEAKER

Non i korek, allowances osi, allowances in vin 5.1 milyon …

 

HON JEAN-FRANÇOIS FERRARI

Dan plas 8. 1…

 

MR DEPUTY SPEAKER

I ti 8.1 avan…

 

HON JEAN-FRANÇOIS FERRARI

Se sa…

 

MR DEPUTY SPEAKER

E klerman in desann an 2019.

 

HON JEAN-FRANÇOIS FERRARI

Akoz, swivan ou leksplikasyon CFO nou a kapab kekfwa pas sa mesaz avek lezot Departman pour fer menm kalite legzersis ki zot in fer.  Sa i mon premye kestyon, mon ava annan en lot kestyon apre silvouple.  Mersi.

 

MR DEPUTY SPEAKER

Si mon kapab zis azoute CFO avan ou reponn –  si etan ki ou pe reponn lo bann saler allowance, eski ou kapab eksplik osi sa overtime ki li menm li i plis ki allowances parske R10milyon.  Mersi.

 

AG CHIEF FIRE OFFICER- MR ALBERT ROSE

Mersi mon krwar mon ava pas sa kestyon avek nou Budget Management so i ava dan en pozisyon pour li kapab pli byen eksplik sa.  Mersi.

 

MR DEPUTY SPEAKER

CFO.

 

MR ROY LEMIEL

Bonn apre midi Mr Chair.  Bonn apre midi tou Manm Onorab, mersi Msye Ferrari, Msye Ferrari letan mon pe regard dokiman ki mon annan la, mon vwar ki nou basic pay logmantasyon nou pour vwar en 4.2 milyon e nou allowance osi in monte, i annan 5.3 milyon.

 

HON JEAN-FRANÇOIS FERRARI

 

(0ff-Mic)

8 milyon…

MR DEPUTY SPEAKER

 

Well, les petet mon a demann PS Finans eklersi parske nou nou’n al dan detay ki zot ti donn nou en link pour al lo la e mon a les PS eksplike.  Mersi.

 

PS DAMIEN THESEE

Mersi Mr Chair, basic pay i sorti aktyelman 22 milyon pour vin 27, sa annefe ou annan ou 10 nouvo fire fighter e apre bann lifeguard ki ti pe ganny peye anba, i kler sa enn?

Pour sa allowances mon krwar i en fot nou’n re anvoy file, i pour sorti 8.1 pour vin 13.4 aktyelman, 13. 4 akoz son total i R45.8 milyon total pour saler pour zot.

 

HON JEAN-FRANÇOIS FERRARI

Ok Mr Speaker ok mersi pour sa leklersisman, akoz mon osi mwan ti vwar li en pe drol.

Mon lot kestyon CFO se i kler ki parey bokou bann Lorganizasyon sirtou kot i annan bann Zonm ek Fanm dan Liniform, i en pe difisil pour recruit pour ganny tou bann staff ki zot bezwen, alors lo kote lapolis, Komisyoner Lapolis li i pe met an plas en Scheme pour sey gete ki mannyer i kapab recruit anba en progranm ki apel “Special Constables” pour li kapab annan bann dimoun ki pour ed lapolis en pe dan son travay policing.

Mon ti a kontan demann ou, eski servis Fire and Rescue Services in konsidere vi ki i annan kantite Seselwa ki anvi fer en pti louvraz ekstra – part time ki ou kapab met an plas en sistenm kot i annan en training pour en reserve group of fire fighters, ki kot zot ki ganny apele ler zot ganny bezwen oubyen ki i kapab ganny apele pour fer en pe bann travay management bann keksoz koumsa, ki i ava donn sa sipor avek Servis Tenny Dife e an menm tan i ava permet sa bann dimoun pour kapab ganny en pti larzan an plis.  Mersi.

 

MR SPEAKER

Mersi Onorab. CFO.

 

AG CHIEF FIRE OFFICER- MR ALBERT ROSE

Mersi Mr Chair.  Mersi Onorab, si oule kot i konsern recruitment, si ou le anba nou Scheme avan nou ti pe anploy, nou ti pe recruit dimoun ant 18an a 30an.  So nou’n fer desann anba nou Scheme pour nou recruit dimoun 17an a 30an; savedir nou’n fer desann kot bann zenn i kapab vin zwenn sa Lafors si oule letan zot annan 17an.  Osi nou pe sey fer en fason pour nou al dan bann lekol, dan tou bann lekol si oule pour nou sey vwar ki mannyer nou kapab ganny bann zenn manrmay ki pe kit lekol ki ti a kontan antre dan en lanplwa travay.

Osi Lazans pe sey vwar si in the future nou kapab sey komans organiz bann seksyon ki nou apel sa bann retain fire fighters, kot bann retain fire fighters kot zot sa i bann part time si oule avek nou kot nou pran zot, si oule nou pey zot tou le 3 mwan kot letan i annan emergency dan zot kominote so zot ganny apele, zot si oule at the first stage zot la pour komans sa travay, wi nou pe vwar pour nou kapab sey met en progranm parey an mars.

 

MR DEPUTY SPEAKER

Mersi CFO. Onorab Clifford Andre.

 

HON CLIFFORD ANDRE

Mersi Mr Chair. Mr Chair letan mon pe get lo overtime mon vwar overtime in sorti R90millo sa sif ki nou annan, in mont R1.3milyon, so eski Lazans pe antisip ki pour annan sa kantite overtime ki pe fer, si nou pe konsider sa travay, zot annan travay shift, so mon mazinen ki pa toultan ki pour annan unless ki en sityasyon parey ti arive Anvil kot ex –Flamboyant ki kekfwa i kapab annan en lapse dan en shift ki pe zwenn en lot shift.  So sa mon bezwen en pti leksplikasyon.

Apre i annan motor vehicle ki’n met 1.3milyon, eski sa i, akoz lannen pase osi ti 1.3, in reste 1.3milyon sa lannen, so mon ti a kontan ki nou ganny en leksplikasyon lo kwa ki pe al ganny aste pour fer sa.

E responsab in dir nou ki zot pe get bann risk allowance akoz sa travay i riske, be letan mon pe get Lasirans pa pour loto, me Lasirans ki dir other Insurance, i dir R60mil, so si nou annan staff, annou asir sa bann dimoun akoz en risk allowance, si en keksoz i arive ek li, son fanmir pa pour kapab depan lo en risk allowance akoz i pour nepli pe travay, alors i pa pour ganny sa risk allowance, tandis si ti annan en Lasirans i ava kouver son fanmir pour en pe letan oubyen li menm li si i bezwen serten tretman medikal.

Mon pe get ‘other rents,’ ‘other rent rates’ dan nou dokiman ki nou’n gannyen lo sa link in sorti R481mil i vin R3.1 milyon, mon ti a kontan en leksplikasyon letan ou koz en lakaz ki zot pe lwe i annan 3 lasanm sorti 12mil pour mont 15mil sa sif pour mwan pa zistifyab.

Apre i annan en lot pti pwen an referans avek bann travayer Fire Services ki sorti Mahe e zot ganny, zot oblize pour zot al travay Praslin, ki mannyer zot pe tackle sa e ki bann vre incentives ki zot gannyen?  I annan ki’n dir mwan ki zot sityasyon pa pe permet zot ale me selman zot pe ganny forse sinon sa pe dir zot arete!  Eski dan sa konteks letan ou bezwen dimoun ou pa krwar sa i en metod ki pa conducive pour Lafors?

Lot dernyen, dernyen pti kestyon Me Chair, eski ou bann Schemes of Service ou pe fer li konparab avek Lapolis, avek Lafors Defans kot ou ava kapab ganny bann quality travayer e osi ou ava pe ganny bann ki pe train pour li kapab vin quality.  So sa i mon bann kestyon.  Mersi.

 

MR DEPUTY SPEAKER

Mersi Onorab. CFO.

 

AG CHIEF FIRE OFFICER- MR ALBERT ROSE

Mersi Mr Chair.  Mersi Onorab mon pran ou premye kestyon si oule konsernan larzan, sa larzan ki ou’n nonmen se ki ou fer, se ki nou pey pour bann public holidays ki bann fire fighters i fer.  Osi nou pey pour bann extra duties oubyen overtime si oule par egzanp letan National Day bann dimoun i al fer bann Parad kot nou bezwen pey zot bann moman ki zot fer bann ekstra ki zot vini sorti se zot, vin fer Parad akoz zot off sa letan, zot pa pe travay, so nou pour bezwen pey zot, nou pey zot pour zot larzan.  Ok?

Kot i konsern transpor, sa ki ou’n vwar sa sonm larzan se pour ‘repairs of vehicle,’ pour repar bann masin sa larzan ki ou’n nonmen.  Ou 2enm pwen.

3enm pwen kot i konsern Insurance Cover, mazorite bann fire fighters zot deza asire, e si i ariv en problenm avek zot, dan nou Scheme Gouvernman i kouver si i ariv en problenm avek en travayer ki pe travay si i arive aksidan ouswa si i ariv li en lot problenm, se i ganny kouver avek Gouvernman.

E sa ‘payment of rental house ‘mon krwar Msye Lemiel i ava dan en pozisyon pour li eksplik sa akoz i annan sa logmantasyon sibstansyel ladan si oule.

E kot i konsern al travay lo zil, kot bann fire fighters i ganny poste pour zot al travay si oule Praslin oubyen La Digue, zot pa ganny forse pour zot ale laba.  Ler zot ti ganny recruit pour antre travay, i annan en dokiman employment ki sorti kot lanplwa ki zot ti sinyen konmkwa si sa i en parti, en part zot travay pour zot al lo zil ganny poste either 1mwan edmi oubyen 3mwan.  Zis selman si nou tou nou pa oule al travay Praslin – Praslin i annan en stasyon, La Digue i annan en stasyon, mon pe demande lekel ki pour al travay, lekel ki pour travay?  Akoz nou pa gannyen dimoun, nou sey rod recruitment Praslin pour nou ganny dimoun pour travay Praslin, nou pa ganny dimoun Praslin pour travay.  

So far nou zis 10 dimoun ki’n deza vin devan pour …

 

(Interruption)

 

AG CHIEF FIRE OFFICER- MR ALBERT ROSE

Sorry?  So far zis 10 dimoun ki’n deza vin devan pour ki’n anvi pour join sa servis e nou pa ganny ankor.  Malgre nou lans lapel partou, menm nou kot lanplwa Praslin mon’n met en rekomandasyon laba si i annan dimoun ki ti a kontan pour vin join Fire Service, mon’n dir zot fer nou ganny sa bann dimoun, so far nou pa gannyen.  Mersi kantmenm.

 

MR DEPUTY SPEAKER

Ti annan en morso kestyon konsern Schemes of Service, eski parey Lapolis ek Militer?

 

AG CHIEF FIRE OFFICER- MR ALBERT ROSE

Mersi Mr Chair, si oule Scheme of Service Fire Service i ase konparab avek pour Lapolis avek SPDF.  Mersi.

 

MR DEPUTY SPEAKER

Onorab Andre.

 

HON CLIFFORD ANDRE

Mersi Mr Chair. Mr Chair CFO pa’n eklersi mon lo sa, mon ava al lo sa pwen ki, mon ava dir li i 7.6 ‘other use of goods and services’ ‘rent rates’ kot i met ‘other rents rates and taxes’ sorti 481 pour mont 3milyon, e sa pa pran konsiderasyon akoz si nou pe dir 3, si nou pe dir R3mil  ki ou dir ou pe lwe en lakaz i fer ou R36mil, so i pa kapab lakaz pour ou sorti 481 pour mont R3.1milyon, mon oule konnen ki sa rent ki ou pe lwe ki fer ou sa sif?

 

MR DEPUTY SPEAKER

Onorab Andre mon krwar i ti’n sizere ki Msye Lemiel i ava reponn sa.

 

HON CLIFFORD ANDRE

Ok very well.

 

MR DEPUTY SPEAKER

Mr Lemiel.

 

MR ROY LEMIEL

Mersi Mr Chairman, mersi Msye Onorab Andre, konsernan lakaz Praslin letan nou ti pe rod lakaz pour lifeguard, sel landrwa ki nou ti gannyen ki ti pe sarz nou R12mil par mwan e la sa lannen in fer mont 15mil ki en lakaz 3 lasanm fully furnished.  So nou pa pe vwar li koman en lakaz ki ser.  Akoz bann ki nou ti pe gannyen Praslin letan nou ti pe rod lakaz ti pli ser ki sa.  Mersi.

 

HON CLIFFORD ANDRE

Mr Chair may I?

 

MR DEPUTY SPEAKER

Ale Onorab Andre.

 

HON CLIFFORD ANDRE

Mon krwar ki Msye Lemiel si i pe get sa sif sa dokiman ki nou’n gannyen avek Finans, 7 kot ‘other uses,’ i pa ‘housing ‘sa, i 7.5, sorry 7.6 kot i dir ‘other rents, rates and taxes,’ in sorti 481, 481mil in mont 3.1 milyon.  So sa ki mon bezwen en leksplikasyon.

E pour CFO mon’n ganny lenformasyon ki sa bann fire fighters zot in bezwen pey zot prop Lasirans.  Eski zot kapab ganny refund zot larzan ki zot in pey Lasirans pour zot prop lekor kan zot pe fer en travay pour byennet pep Seselwa?  Mersi.

 

MR DEPUTY SPEAKER

Ok – 2 kestyon – 1 konsernan rent monte, e lot konsernan Lasirans ki Fire Fighting pey direkteman.  Mon a les Mr Lemiel lo premye.

 

MR ROY LEMIEL

Mersi Mr Chair.  Mersi Onorab Andre.  Regarding sa logmantasyon dan the ‘rents, rates, taxes’ sa i pour nou kouver bann taxes ki applicable letan sa aerial platform ladan i antre dan pei – plis nou annan 2 small fire tender ki pe antre ki osi nou bezwen pey sa bann tax ki applicable lo la.

 

MR DEPUTY SPEAKER

Onorab Andre.

 

HON CLIFFORD ANDRE

Mr Chair parey mon pe get sa aerial platform ladan ki Msye Lemiel i dir e sa pri i, i dir 2.6, R2.628milyon.  Me mwan mon pe dir la nou annan R3.1 milyon – i pa ankor eksplik mon sa sif! Mon pa satisfe avek sa larepons!  Akoz si mon pe get dan nou liv lo paz pour mwan ed zot, lo paz 149 lo ‘approved new spending initiative’ latab 4, program 1, Government and management i dir nou VAT for, VAT for aerial ladder i 2.6.  So ou pa ankor eksplike sa….

 

MR DEPUTY SPEAKER

Mon a les PS Finans, in lev son lanmen, petet ou annan en keksoz pli kler.

 

PS DAMIEN THESEE

Mersi Mr Chair, parey code i dir, code i for ‘other rent, rates and taxes.’ E korek parey Onorab in dir, ou annan ou 2.7 pour peye pour vey VAT lo sa aerial ki ti kout 11.5; savedir i fer en diferans ki i reste 2.7 avek sa 3.1 apepre 400mil ki ti deza annan dan Bidze 2018 ki zot servi pour zot bann lezot aktivite ki zot kapab annan.  Mersi.

 

MR DEPUTY SPEAKER

Mersi. PS si zis ou kapab gid nou en pti pe sa aerial platform la, li menm li sa fire engine ki annan sa leskalye anler, i sipoze kout 9milyon, R9 milyon avek R2milyon, R11milyon alors i sipoze annan R1.5 milyon, akoz i annan koman VAT – i annan sa.

 

PS DAMIEN THESEE

I annan sa aerial ladder apre i annan bann lezot loto osi ki zot in rode parey pickup, wi.

 

AG CHIEF FIRE OFFICER- MR ALBERT ROSE

Ok mon krwar mon ava rann repons konsernan sa kestyon Msye Onorab Andre – si oule sa R3milyon ekek se pour settlement pour aerial platform kot i nou annan lasirans R506, mil ki nou bezwen peye lo Lasirans letan sa aerial platform i arive.

E osi nou annan settlement for VAT ki R2.6 milyon pour – 1 pour sa aerial platform ki pe vini – osi pour 2 small fire tender ki nou pe fer vini.  Ok?  Mersi.

 

MR DEPUTY SPEAKER

Petet zis en kestyon CFO, akoz i tonm anba ‘rent’ si i en ‘tax’?

 

AG CHIEF FIRE OFFICER- MR ALBERT ROSE

Si ou oule konsernan Lasirans parey ou’n dir pour staff, si oule bann staff zot menm zot in deside pour zot pey zot Lasirans lo zot own, me Lazans i kapab si oule organize kot nou create bann package kot nou asir sa bann staff si ou oule ladan.  Mersi.

 

MR DEPUTY SPEAKER

Onorab Andre.

 

HON CLIFFORD ANDRE

Wi be Lazans pa fek formen sa lannen li CFO.  So i en keksoz ki nou ti diskite depi ler nou pe pran Bidze nou’n diskit sa zafer Lasirans.  So si sa bann zofisye i bezwen santi zot oblize pour li annan en garanti son sekirite li ek son fanmir, in oblize zot menm al pran en Lasirans, mon mwan krwar e mon pour demande ki Fire Services i fer provizyon pour refund zot, zot larzan ki zot in pey Lasirans e henceforth zot komans pey Lasirans pour sa bann travayer! Akoz, akoz mon dir sa?  I aplik menm parey pour bann Lazans tel ki Lapolis avek Lafors Defans zot pran bann Lasirans pour zot bann travayer kot i neseser.  E mon krwar zot travay i very risky mon 100 poursan dakor it’s a risky business e zot pe fer en bon travay ziska konmela.  Alors donn sa bann manrmay sa sipor ki zot bezwen pour zot kapab delivre pour pep Seselwa.  Mersi.

 

MR DEPUTY SPEAKER

Mersi Onorab Andre.  Onorab Wavel Woodcock.

 

AG CHIEF FIRE OFFICER- MR ALBERT ROSE

Yes mersi Mr Chairman…

 

MR DEPUTY SPEAKER

Si oule kontinyen reponn ok, proceed CFO.

 

AG CHIEF FIRE OFFICER- MR ALBERT ROSE

Konsernan ou pwen ki ou’n mete, mon krwar nou a pran konsiderasyon nou a note, e nou a revwar lo sa size.  Mersi.

 

MR DEPUTY SPEAKER

Mersi CFO. Onorab Woodcock.

 

HON WAVEL WOODCOCK

Mersi Mr Speaker, mon kestyon i trouve lo paz 148 anba Lifeguard Services, mon vwar en logmantasyon dan Lifeguard Services sorti 4.469milyon pour vin 6.675milyon an 2020, dan lannen, pour Bidze 2019 ki en logmantasyon par R2.2milyon e mon kestyon ki mon anvi demande, se ki provizyon ki zot in fer pour Lifeguard Services lo Praslin dan sa Bidze an term lekipman, resours imen eksetera.

Mon 2enm kestyon i lo menm paz 148 ‘wages and salaries’, pour 2018 Bidze ti R33.89milyon e ankor nou vwar en logmantasyon pour Bidze 2019 ki pour en sonm R45.830milyon ki en logmantasyon par R12milyon e ankor enn fwa mon kestyon i, eski i pour annan en nouvo Salary Scheme pour bann firemen dan sa Bidze 2019?

E eski osi pour annan en logmantasyon dan basic salary ki mon aprann i vreman ba pour bann firemen ki anviron R7mil – ya si zot kapab donn mwan en pti pe detay lo la.  Mersi.

 

MR DEPUTY SPEAKER

Mersi Onorab.  CFO.

 

AG CHIEF FIRE OFFICER- MR ALBERT ROSE

Mersi Mr Chair, si ou oule logmantasyon parey ou pe dir konsernan lifeguard se akoz i annan increase dan kantite lifeguard ki pour annan lannen prosenn.

Dezyenmman konsernan basic salary, mon krwar mon’n eksplike pli boner ki konsernan sa Scheme nou pe al evalye, re evalye bann post bann travayer, kot nou pour increase zot salary an referans sa Scheme ki, sa larzan ki nou’n gannyen dan Scheme.  Mersi.

 

MR DEPUTY SPEAKER

Onorab Woodcock.

 

HON WAVEL WOODCOCK

Mon lot kestyon i konsernan sa bann fire truck ki zot pe fer vini si mon krwar lenformasyon ki mon reisi i se ki bann fire truck ki zot ti pe servi ti annan bann ki zot ti pe ganny difikilte pour mont montanny, si sa bann ki zot pe fer vini i pa an konformite i ideal pour bann semen, kalite semen ki nou annan isi; konmsi ki son mark, ki son brand, eski i pour vo lapenn pour fer vini sa bann truck isi? E si i vreman dapre standar nou semen isi Sesel;- si vreman nou pour vreman kapab servi ki pa pour vin en repetisyon sa ki ti arive detrwa lannen pase?  Mersi.

 

MR DEPUTY SPEAKER

Mersi CFO.

 

AG CHIEF FIRE OFFICER- MR ALBERT ROSE

Mersi Mr Chair, mersi Onorab si oule sa bann pti fire truck ki nou pe vini, se plis ou mwen pour li servi bann narrow oubyen bann feeder roads si oule kot bann truck ki nou annan pour le moman pa arive dan sa bann landrwa; kot fire fighters i bezwen travel en tre gran zistans si ou oule avek rakor ouswa avek lekipman pour zot ariv dan bann landrwa kot i annan en lensidan.  So nou prefer bann, vin bann ptipti masin kot i sa i kapab ariv dan bann narrow roads oubyen bann feeder road.  Mersi…

 

MR DEPUTY SPEAKER

Mersi, Onorab Steven Pillay, mon ava al Onorab Flory Larue

 

HON FLORY LARUE

Mersi Mr Chair.  Bonn apre midi tou dimoun, mon pour retourn ankor lo kestyon dan PSIP nou vwar lokasyon pour ‘the construction of Anse Royale fire station,’ la lefe ki Minis Dezinyen i la, e nou’n vwar taler i al anba Local Government e la fire station osi tou i tonm anba li, mon refer en pli si nou kapab regete kote nou allocate lespas pour sa fire station?  Akoz later i limite Sesel e Gouvernman Lokal i annan 13mil met kare kot Biro Ladministrasyon Distrik i ete e lefe ki i koule i vye, zot pe extend li, i pe invest larzan ladan sa lannen, si zot pa kapab fer en plan pour bouz sa stasyon lot kote, gard sa later koman en later entertainment avek space pour lwazir.

E mon kestyon an 2007 sa later ti ganny demarke, zot ti’n ganny dir zot pour fer en fire station dan Sid Mahe, depi 2007 zot in dir zot pour fer, lo Land Use Plan 2012 sa morso later i pour en Police and Court House i ganny demarke.  Lo Land Use Plan 2012, an 2012 ti napa alokasyon pour en fire station la, i ti met police station and Court House.

An 2017 ki nou vwar zot met civic and community services pour sa alokasyon sa bout later, alor lefe ki in sanze mon krwar zot kapab asize pour mazinen kote i ale, e lefe ki dan Bidze lannen pase zot ti met 4 milyon already pour sa proze, eski zot kapab dir nou kote zot in arive avek sa 4milyon?

An relasyon avek fire station Anse Boileau mon pa vwar li son alokasyon menm si son projected cost son Heading i la, nou pa vwar kan ki zot pour demar en proze pour fire station Anse Boileau.  Mersi.

 

MR DEPUTY SPEAKER

Mersi Onorab.  CFO.

 

AG CHIEF FIRE OFFICER- MR ALBERT ROSE

Ok mersi Mr Speaker, kot i konsern stasyon Anse Royale, si oule nou, nou ti ganny allocate sa later avek Planning Authority; se Planning ki ti donn nou la, apre ki rezidan sa landrwa, sa rezidan sa kominote ti pe rod en landrwa pour fer en fire station.  Nou fire service nou pa tro, tro konnen akoz, me nou nou’n ganny allocate sa avek Planning Authority – ok?

        So 2enm pwen kot i konsern Anse Boileau mon krwar mon ti dir taler oparavan ki stasyon Anse Boileau i pour komanse an 2020, later nou’n gannyen e i reste nou zis pour nou fer bann laranzman funding pour nou komans konstrir Anse Boileau – 2020.  E sa i kler mon krwar nou ti eksplike detrwa semenn pase letan nou ti vin isi parmi zot.  Mersi.

 

MR DEPUTY SPEAKER

Onorab Larue zis re demann ou 2enm bout kestyon.

 

HON FLORY LARUE

Dan PSIP pour construction of Anse Royale fire station, ti annan en alokasyon dan Bidze pour 4.6milyon lannen pase, e sa lannen i annan 9milyon pour Bidze 2019.  E pour Anse Boileau si ou pe dir nou i forecasted an 2020, napa nanryen ki’n forecast alokasyon pour en construction pour en fire station Anse Boileau dan Bidze en – napa!

 

MR DEPUTY SPEAKER

Mersi. CFO zis donn nou detay lo sa 2 capital projects oubyen PS Finans.

 

PS DAMIEN THESEE

Mersi.  Parey ou konnen nou met provizyon dan Bidze.  So si 2018 i met en provizyon dan en Bidze e nou pa’n servi, sa larzan i reste la.

Parkont 2019 pour Anse Royale ou pour vwar son lokasyon nou’n double li pour vin 9milyon; savedir nou pe ekspekte sa bann laranzman ki, konplikasyon plis ou mwen osi ki pe gannyen dan 2018 i sipoze sort out pour nou expedite sa proze lannen prosenn.  So sanmenm ou vwar sa 9 milyon ki’n ganny mete 2019 e anything ki pa servi dan 2018 i perdi.

E lot larzan ki nou mete 2020 i aktyelman pour Beau Vallon, i annan 5.6 ki nou’n mete pour Beau Vallon, ankor lo la nou’n met sa provizyon, me solman depandan ki mannyer laranzman i ganny fer, diskisyon i ganny fer avek SFRSA, avek Lotorite konsernen, Land, zot ava vwar lekel ki zot ganny larzan, plis ou mwen later pli vit, si Beau Vallon, si Anse Boileau e zot ava reviz zot plan accordingly, solman sa larzan i la.  Mersi.

 

MR DEPUTY SPEAKER

Mersi.  Onorab Larue.

 

HON FLORY LARUE

Ok zis pour konfirmen ki la nou’n fini vot antye sa 13 milyon lefe ki nou’n vot li lannen pase, nou pe vot li sa lannen, pour napa ankor alokasyon pour fire station Anse Royale, sa ki mon pe konpran PS?

 

MR DEPUTY SPEAKER

CFO oubyen PS Finans.

 

AG CHIEF FIRE OFFICER- MR ALBERT ROSE

Mr Chair mersi.  Onorab si ou oule sa larzan ki’n ganny mete an 2019 nou pour konplet stasyon.  Mersi.

 

MR DEPUTY SPEAKER

Mersi.  Onorab Sebastien Pillay.

 

HON SEBASTIEN PILLAY

Mersi Mr Chair. Mon’n ganny sans demann detrwa kestyon; mon ganny sans ekout bokou lezot kote letan zot demann kestyon, so mon a ganny sans demann sa ki pour mwan, ou premye kestyon Mr Chairman i lo zot recruitment pour budget management, mannyer mon konpran zot pe expend as en Lazans e mon pe get zot Bidze pour zot si oule remuneration, zot pe expend as en Lazans, eski prezan zot pe osi pa pe regard zis lo kote expand lo nivo Fire Services officers, me osi expend lo nivo zot bann administrative staff akoz zot annan plis assets pour manage, zot annan plis demann, so eski zot annan en lentansyon fer recruitment bann dimoun dan Ladministrasyon pour ede manage sa Lazans ki pe grandi? Sa mon premye kestyon.

Mon 2enm kestyon i konsern lo sa size Lifeguard, mon ti a kontan konnen si in regards to Scheme Lifeguard i osi annan bann konponan training ki zot in enkli dan Bidze so that i annan serten additional value ki nou donnen avek travay ki bann lifeguards i fer?

 

MR DEPUTY SPEAKER

Mersi Onorab.  CFO.

 

AG CHIEF FIRE OFFICER- MR ALBERT ROSE

Mersi Mr Chair.  Mersi Onorab.  Si ou oule mon a pran ou premye kestyon, ler fire service pour expand pour annan bann lofis, wi nou pour bezwen recruit additional staff – si ou oule pour travay dan sa bann lofis.  Si ou oule tel ki office assistant ensidswit.

E dezyenmman kot i konsern lifeguard ki, nou pour annan en Bidze pour training pour lifeguard.  Mersi.

 

HON SEBASTIEN PILLAY

Mersi Mr Chair.

 

MR DEPUTY SPEAKER

Mersi.

 

HON SEBASTIEN PILLAY

Mr Chair mon konpran poudir Bidze Lifeguards, I mean Scheme Lifeguard pe sanze, so sa mon konpran in vin dan Bidze.  Me kestyon ki mon oule demann SFRSA pour osi an sa ki konsern bann Fire Services officers; nou konnen poudir zot annan sa bann allowances, eski zot in pran en desizyon par egzanp vizavi sa bann allowances ki dan Bidze pour kodifye li, so that apre i ganny enkli as part of kalkilasyon bann end of service dues ki bann Fire Services officer i sipoze gannyen?

 

MR DEPUTY SPEAKER

Mersi. CFO.

 

AG CHIEF FIRE OFFICER- MR ALBERT ROSE

Mon krwar mwan a les nou budget management rann sa repons.  Mersi.

 

MR DEPUTY SPEAKER

Mr Lemiel.

 

MR ROY LEMIEL

Mersi Mr Chair.  Mersi Onorab Pillay.  Mon krwar i bon fer konnen ki fire officers tou le 5an zot ganny en Gratwite baze lo zot saler, apre tou le 2an zot ganny Gratwite.  Therefore ler zot fek antre premye 5an ou ganny Gratwite apre tou le 2an zot ganny en Gratwite.

 

MR DEPUTY SPEAKER

Mersi Onorab.  Ok Onorab Sebastien Pillay.

 

HON SEBASTIEN PILLAY

Mersi Mr Chair.  Mon dernyen kestyon. Avan mon demann mwan kestyon mwan oule zis remind nou popilasyon ki Fire Services i fer en travay formidab dan bann sirkonstans parfwa difisil e mon krwar nou tou nou devret aplodir louvraz sa bann zofisye i fer.

So an prenon kont lefe ki Lafors i bezwen grandi e dan lepase in annan bann recruit bann dimoun ki’n vin devan pour fer recruitment e petet zot in ganny rezete pour en, lo en baz – eski zot in regarde al revwar sa bann dimoun akoz petet in en desizyon pour zot vin en zofisye, zot pa’n pran zis en desizyon pour al rod en nenport karyer? Eski zot in pran desizyon pour fer sa e fer analiz pour sey al sey recruit osi bann dimoun ki petet dan lepase pa’n ganny aksepte pour join Fire Services?  Mersi Mr Chair,

 

MR DEPUTY SPEAKER

Mersi. CFO.

 

AG CHIEF FIRE OFFICER- MR ALBERT ROSE

Mersi Mr Chair.  Mersi Onorab Pillay, si oule bann dimoun ki pa’n ganny aksepte dan Fire Service zot in pas devan en Recruitment Board, e si zot pa’n ganny aksepte, se zot pa’n meet the criteria of the Board.  E se sa ki zot pa’n, nou pa’n retourn kot zot ankor akoz zot pa’n ganny aksepte par Board.  Mersi.

 

MR DEPUTY SPEAKER

Mersi.  Onorab Steven Pillay.

 

HON STEPHEN PILLAY

Mersi Mr Deputy.  Mr Deputy mon kestyon i pour baz en bout lo sa fire station Anse Royale ki CFO in dir garanti lafen lannen 2019 pou’n fini.  Mon ti a kontan demann CFO vi ki ou’n fini ganny, ou’n preski fini garanti ou pour ganny ou 13, 650 ki ou pour al servi – 13 milyon, 650mil pour al servi pour lafen lannen 2019, si ou kapab fer nou ganny en kopi ou scope of works, tender documents lekel ki’n successful pour nou kapab fer en pti analiz lo la.

Epi Mr Deputy i lo ‘recruitment of fire fighters’ 10 fire fighters pour R572mil, be ler mon get 10 fire fighters dan 1an zot lapey pour R4, 766, mon kapab ganny en pti leklersisman lo la please.  Mersi.

 

MR DEPUTY SPEAKER

Mersi Onorab. CFO.

 

AG CHIEF FIRE OFFICER- MR ALBERT ROSE

Mersi Mr Chair, kot i konsern scope of the fire station, so i pa ankor tender sa proze, i ankor devan lo SQ avek nou enzenyer, e i tre probab ankor dan enn de semenn tou travay pou’n finalize.  So dabor i pour tender, so letan in fini tender si ou oule sa scope of work nou kapab fer ou ganny kopi.  Mersi.

 

MR DEPUTY SPEAKER

Mersi e ou ti annan sa lot bout lo recruitment e saler.

 

AG CHIEF FIRE OFFICER- MR ALBERT ROSE

Sa mon ava….

 

MR DEPUTY SPEAKER

Si pour ganny R4mil.

 

AG CHIEF FIRE OFFICER- MR ALBERT ROSE

Mon a pas laparol avek nou budget management ki i ava eksplik ou lo la, please.  Mersi.

 

MR DEPUTY SPEAKER

Mr Lemiel.

 

MR ROY LEMIEL

Mersi Mr Chair.  Onorab Pillay ou kapab repran sa kestyon silvouple?  Mon pa’n tro konpran.

 

MR DEPUTY SPEAKER

Onorab Pillay.

 

HON STEPHEN PILLAY

Mersi Mr Deputy, wi mon pe get dan 149 recruitment of fire fighters, 10 pos pour R572mil, be ler mon pe regarde 10 pos pour en 1an i pour tonm 4,766 par fire fighters – en pe plis detay lo la.  Mersi Mr Speaker.

 

MR DEPUTY SPEAKER

Mr Lemiel?  Mon krwar kestyon i pe demande si pour annan dimoun ki pour ganny R4mil koman en saler, me i deza par anba minimum wage i pa posib, mon a les PS Finans eksplike.

 

PS DAMIEN THESEE

Si mon konpran byen kestyon, ou pe rod sa 10 post fire fighters, the ‘new spending proposal’ lo paz 149 in met 572 e sa i sipoze pran lefe Midyear 2019 an vi ki stasyon pour pare lafen lannen, selman parey in ganny dir, bezwen prepar zot en pe pli boner.  Mersi.

 

MR DEPUTY SPEAKER

Onorab Pillay.

 

HON STEPHEN PILLAY

Wi be Mr Speaker, ok fer krwar savedir i pros R10mil en junior fire fighters si i pour komans Zanvye, Zen ziska Desanm, mon pa pe tro konpran akoz ler ou met recruitment pour 1an son fire fighter mon mazinen ki ou pour pey zot,… savedir ou pe al donn zot R10mil pour en junior fire fighters si i pour 6 mwan.

 

MR DEPUTY SPEAKER

‘Onorab’ Lemiel ou annan en larepons pour klarifye sa?  Si junior fire fighters pour ganny R10mil pour 6 mwan?

 

(laughter)

 

MR DEPUTY SPEAKER

Pardon pa Onorab – Mr Lemiel.

 

MR ROY LEMIEL

Mersi Mr Chairman.

 

MR DEPUTY SPEAKER

Nou annan bokou doub dan Lasanble alor par ler ou manke wi.

 

MR ROY LEMIEL

Mr Chair sa larzan i pour, ki nou pe koz lo la i enkli zot bann allowances ansanm, i pa zis basic salary, tou sa bann allowances ki i atase avek.

 

MR DEPUTY SPEAKER

Onorab Pillay.

 

HON STEPHEN PILLAY

Mr Speaker 6 mwan allowance in met tou ansanm i pa tonm bon.  Selman mon a kit sa avek en pe plis detay ki PS Finans akoz i resanble.

 

MR DEPUTY SPEAKER

Ok.

 

HON STEPHEN PILLAY

Non, non epi CFO parey in dir dan 2 semenn i pour ganny son scope of work e son tender pour Kordgard Anse Royale si i pe donn nou en lasirans dan 2 semenn or 3 semenn ki nou pour ganny fire station, sorry my apologies, thousand apologies, tro bokou dan latet, ki i pour kapab fer nou ganny sa scope 2 semenn a 3 semenn avek sa tender, en lasirans ki i pe donn nou pour gannyen.  Mersi Mr Speaker.

 

MR DEPUTY SPEAKER

Mersi so nou, eski ou kapab donn nou en lasirans dan 2 a 3 semenn nou kapab ganny scope of work e detay tender?  CFO.

 

AG CHIEF FIRE OFFICER- MR ALBERT ROSE

Mersi Mr Chair, mersi Onorab, nou sey nou mye ki nou ava fer ou gannyen pandan 3 semenn wi.  Mersi.

 

MR DEPUTY SPEAKER

Mersi CFO.  Onorab Waven William.

 

HON WAVEN WILLIAM

Mersi Mr Chairman.  Mon ti a kontan demann Msye Rose lefe ki zot pe fer demars pour ganny en bato pour tenny dife, mon anvi konnen konmsi ki vreman priyorite ki zot pe donn li akoz sa i en nesesite.  E mon konnen poudir nou pe ganny en bon Grants, eske zot ava konsider sa lefe ki Minis i la, sa i en priyorite pour sa Lafors, ki priyorite zot pe donn li?

Dezyenmman mon vwar poudir zot pe al fer recruitment of 20 junior lifeguard, mon anvi konnen e si zot annan en plan lo lekel bann lans pli tar pour zot met bann post e osi bann lifeguard? Lefe ki nou annan bokou bann lans konmela ki ganny bokou okipe?  Mersi.

 

MR DEPUTY SPEAKER

Mersi Onorab.  CFO.

 

AG CHIEF FIRE OFFICER- MR ALBERT ROSE

Mersi Mr Speaker, si ou oule kot i konsern lifeguard kote nou pe prevwar pour met bann lifeguard, si ou oule priyorite la i pour La Digue apre 2enm pour al Anse Royale.  Sa 2 landrwa o komansman kot nou pe prevwar pour met lifeguard lannen prosen.  Mersi.

 

MR DEPUTY SPEAKER

Mersi.  Minister.

 

THE DESIGNATED MINISTER – MRS MACSUZY MONDON

Mersi Mr Chair, Onorab nou pe donn top priority sa bato parey ou pe dir, fini met li anba en Grant pour nou ganny li lannen prosenn.  Mersi.

 

MR DEPUTY SPEAKER

Mersi Minister.  Onorab William.

 

HON WAVEN WILLIAM

Yeah Mr Chairman zis ankor pour Mr Rose presize, mon konnen poudir ou’n koz Praslin ek La Digue, me eski ou annan en plan pour lezot bann lans, akoz ki i arive parey mon dir, se ki nou annan plizyer lotel ozordi e dan plizyer rezyon bann lans i ganny okipe ase bokou e frekante e ki nou plan pour lavenir lo Mahe?  Mersi.

 

MR DEPUTY SPEAKER

Mersi. CFO.

 

AG CHIEF FIRE OFFICER- MR ALBERT ROSE

Mersi Mr Chair, mersi Onorab, si ou oule a lavenir nou annan lezot bann lans ki nou pour met lifeguard lo la si ou oule i Port Launay, i annan Bougainville mon krwar laba Bougainville, Anse Forbans sorry, apre i annan sa 2 pour le moman ki nou pe lannen prosenn.  Akoz pour met en lifeguard i vreman koute.  E nou bezwen en kantite resours e nou bezwen kantite manpower pour nou kapab met lo sa bann lans, e nou pe sey nou mye pour nou kapab eksplor tou bann lans ki nou kapab, kot nou kapab met lifeguard lo la, be selman nou pour bezwen resours pour nou kapab fer sa.  Mersi.

 

MR DEPUTY SPEAKER

Mersi,. Onorab Churchill Gill.

 

HON CHURCHILL GILL

Mersi Mr Chair.  Mr Chair mon kestyon i lo size bato, me selman mon’n vwar poudir dan Bidze napa e priyorite deza Minis in dir pour ganny en bato pour, kot por isi.  E mon ti a zis demann Minis ki Praslin osi nou annan sa konsern kot i annan bokou aktivite lo lanmer, me nou napa en bato.  Annefe 1 mwan pase ti annan en bato ti eksploz-e ant La Digue ek Praslin e i demande annan en bato rescue pour Inner Island, so alors mon ti a demann Minis ler i pe fer negosyasyon pour Grant petet mazin inner island osi pour nou kapab ganny enn dan lefitir.  Mersi.

 

MR DEPUTY SPEAKER

Mersi Onorab Gill.  Minister.

 

THE DESIGNATED MINISTER – MRS MACSUZY MONDON

Mersi Mr Chair, Mr Chair wi nou note osi poudir Inner Islands osi i en priyorite ok, e nou ava met li dan plan pour nou ganny enn osi pour Praslin.  Mersi Mr Speaker.

 

MR DEPUTY SPEAKER

Mersi.  Onorab Paul Ernesta.

 

HON PAUL ERNESTA

Mersi Mr Chair.  An relasyon avek kestyon ki Onorab William in lev-e with regards to Gard Lans e repons ki CFO in donnen, with lifeguards sorry, eski zot pa kapab konsider negosye avek bann lotel ki baliz ek lans pour zot kapab ganny petet lasistans bann lifeguard la, ki kapab ed zot enn premyerman dan deploy zot bann staffing, e osi ki i a ede dan redwir zot kou dan zot Bidze.  Mersi.

 

MR DEPUTY SPEAKER

Mersi, CFO.

 

AG CHIEF FIRE OFFICER- MR ALBERT ROSE

Mersi Mr Speaker, mersi Onorab, kot i konsern lotel avek lifeguard sa i an negosyasyon kot nou pe sey vwar si bann lotel ki i annan bann kliyan zot kapab provide serten group lifeguard.  E i annan ki’n pare pour fer sa, e nou pe asiste zot avek bann training, mannyer pour train zot bann staff kot si i ariv lensidan pour zot kapab deal avek kot lotel.  Mersi.

 

MR DEPUTY SPEAKER

Mersi.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chair ou konnen i annan, letan mon ti pe desann mon ti pe swiv sa bout lo sa gro masin la ki tenny dife dan letaz, ki pli o la, ki mannyer i apele?  Aerial, yes

Ou konnen mon’n en pe dezapwente e mon bezwen eksprim sa parski letan nou ti pe diskit Bidze 2016, se nou dan Lasanble ki ti rod bann larzan dan Bidze e nou ti ganny dir, la i la sonm ki zot bezwen, 8 oubyen 9milyon.  Me konmsi la nou’n ariv 2018 e letan nou pe atann ki poudir se zis lannen prosenn ki in mank en bout larzan; konmsi mon en pe dezapwente ki poudir i pe pran tou sa kantite letan pour nou ganny en tel masin.  E rezon ki mon pe dir sa, se parski mon apresye en kantite travay ki nou Fire Brigade i fer.  E konmela ou a krwar i annan plis dife menm ki zot bezwen al handle.

Alors mon premye kestyon se, eski CFO i satisfe ki poudir dan sa Bidze la i annan tou larzan pour asire ki nou pour gannyen sa masin lannen prosenn?  Konmsi fer nou konnen si zot santi ki i mank keksoz nou, nou, nou ava pe grat isi, pe grat laba parski i annan bann lezot bout Bidze e pour nou fer sir ki zot ganny li.

Me an menm tan osi mon en pe dezapwente ki letan mon’n tande ki zot bezwen pey VAT lo la, parski sa i en morso lekipman esansyel enportan pour lepep Seselwa.

E eski zis nou pe pey VAT, konmsi parski sa i lanmen drwat pe donn lanmen gos pour retourn ek lanmen drwat; parski zis nou pe fer li rantre dan Consolidated Fund pour per VAT, Fire Brigade aprezan, Fire Agency i ava pey sa VAT, i retourn ankor dan Consolidated Fund e apre sa letan zot pour re demande pour re demann zot, re donn zot ankor!  Konmsi en nespes cook lanmenm, lanmenm sa.

Mon 2enm d pwen ki mwan anvi fer ankor pour asire ki poudir Fire Service Agency, sa Agency zot ganny, zot annan tou sa ki neseser, eski nou kapab ganny sa konfyans sorti kot CFO ki poudir sa Scheme of Service pour zot nobou premyerman – atir nouvo zenn? Dezyenmman retenir zot bann fire personnel eksperyanse, eski sa Scheme of Service ki zot annan la, i satisfezan, i ase pour zot fer sa oubyen eski zot santi ki bann firemen i bezwen plis larzan pour zot nobou fulfill sa?

Akoz ankor enn fwa mon’n la, mon’n swiv enn de, lotrozour ti annan sa dife la kot vizavi Ste Claire kot Imprimerie ti ete lontan e mon ti vwar ki mannyer bann firemen ti’n fatige, serten ti’n ganny brile e zot ti pe koz ek mwan lo la, so eski sa Bidze ki la i satisfezan pour zot oubyen zot bezwen ankor keksoz?  Mersi Mr Speaker.

 

MR DEPUTY SPEAKER

Mersi Onorab Ramkalawan – 4 morso kestyon, enn ladan mon a les petet PS Finans enn la lo VAT e akoz zot pa met li dan en Schedule ki ganny exonerate.  E sa 3 lezot kestyon akoz in pran lontan pour order si zot annan ase larzan pour fer sa servis? E si i annan ase larzan dan Scheme, mon a les CFO reponn.  CFO ou a pran premye.

 

AG CHIEF FIRE OFFICER- MR ALBERT ROSE

Mersi Mr Chair.  Mersi Onorab.  Premyerman mon a pran ou premye pwen konsernan sa aerial platform. Wi Lasanble ti aprouv en sonm R10milyon pour konstriksyon sa aerial platform.  E letan negosyasyon in fer avek sa Konpannyen ki ti’n ganny Kontra, sa i Angloco an L’Angleterre e i ti vwar ki olye 10milyon ti ariv 12.94, R12.94milyon e dabor ti mank R2, 94milyon; R2, 94milyon, ti manke.

E dabor sa ti, pa ti’n bidzete sa 2milyon ekek, e nou ti anmenn, nou ti anvoy nou konsern devan kot Lotorite e ti pe negosye kote pour kapab ganny sa coverage, si oule sa larzan ki ti manke pour nou kapab komans travay.

Si oule konstriksyon sa aerial platform in komanse depi an out sa lannen, e sa Konpannyen in donn mwan garanti ki an Novanm i pour delivre sa transpor avek nou – Mahe.  Sa i garanti, sa msye ki responsab pour sa Konpannyen i fek sorti isi Mahe ankor, mon’n negosye, diskit avek li, in donn mwan garanti ki sa transpor i pour ariv Mahe an Novanm e pour ganny commission.

Si ou le kot i konsern Scheme of Service sa i en review ki nou ti fer depi an Out  2017, e dabor Gouvernman in donn nou serten sonm sa larzan 2.2 milyon, pour nou vwar kote nou pour kouver.  Parey mon ti’n dir oparavan, nou pour evalye nou bann post, e dezyenmman nou pour met en pe sa larzan pour island posting pour bann fire fighters ki pe, pa tro, tro kontan anvi al soz, i dir larzan pa ase pour zot ganny poste laba.  I vre letan ou ganny poste lo zil i annan keksoz ki en pe ser ki zot depans bokou.  E dabor nou’n vwar pour met en serten sonm larzan island posting pour zot re aziste zot island posting.  E trwazyenmman parey nou’n dir se pour kouver risk allowance pour zot.  Mersi.

 

MR DEPUTY SPEAKER

Mersi, ou oule demann?  Avan nou al lo PS Finans, oule demann ankor kestyon?

 

HON WAVEL RAMKALAWAN

Wi be Mr Chairman mon soke la!  Parski letan nou pe ganny dir ki set an out 2018 ki sa fire, sa platform in komans konstrir, be mon soke akoz sa ki nou ti’n tande depi avan, sete i pran 2an pour konstrir sa lekipman! Se sa ki nou’n ganny dir dan sa Lasanble e ki la ozordi sa ki nou pe tande i totalman diferan.  Akoz la nou pe tann dir ki i pran 3 mwan! Parski si in komans an out, an out 2018 nou pour ganny li an 2019, konmsi i pour pran 1an.  Be la ankor enn fwa Mr Chairman menm si i pran 1an, parski se 2016 ki nou ti pas sa 10milyon, omwen pandan 2017 boner ti a’n dir, ti ava’n dir i mank 2milyon e in annan en kantite supplementary, supplementary budget ki’n pase, ti ava’n met sa ladan!

Konmsi la mon vwar ki konmsi i annan en mankman, oubyen i annan en keksoz ki pa tro, ki pa kler, parske ofet mwan mon ti demann mon lekor en kestyon ki, eski si en pei par egzanp UAE ti ape order enn sa, eski i ti pour pran sa kantite letan?  Parski mon ti konnen ki poudir i pa pran sa kantite letan pour konstrir enn sa bann masin.  So mon ti ava kontan ganny sa egzakteman kler ki kantite letan i pran pour konstrir enn sa masin e baze lo sa bann letan, akoz ki nou pa’n ganny sa?  By now nou ti’n devret fini ganny sa.  Mersi.

 

MR DEPUTY SPEAKER

Mersi Onorab.  So CFO zis eksplik nou akoz demann ti plas an 2016 e se selman out 2018 ki zot in komans konstrir.  Ki’n arive ant 2016 e out 2018?

 

AG CHIEF FIRE OFFICER- MR ALBERT ROSE

Mersi Mr Chair. Mr Chair si oule kontra pour konstrir sa aerial platform ti an Novanm 2017. Ti siny Kontra Novanm 2017 avek sa Konpannyen, e dabor nou pour ganny li Novanm 2019 nou pour ganny sa masin.  Mersi.

 

MR DEPUTY SPEAKER

Mersi. PS Finans.

 

PS DAMIEN THESEE

Mersi Mr Chair.  Lo kote Bidze kekfwa zis pour donn lasirans ki napa koup de kote.  Nou’n aziste avek basically Procurement avek commissioning sa bann fire tender e nou’n ouver en letter of credit ek Nouvobanq.  So sa Bidze ki ti ganny vote, nou’n ouver en letter of credit e nou pe extend li even ziska 2019 pour garanti sa larzan.

Me lo issue tax parey ou konnen tou keksoz ki vini nou bezwen pey tax lo lenportasyon, so prezan vi ki nou konnen i pour vin 2019, nou pa kapab vot en supplementary an 2018 akoz nou pour perdi li.  So nou met li an 2019 kot nou ekspekte li vini e fotespere i ariv 2019.

E tou tranzaksyon ki ganny fer nou pey tax lo la.  So i basically i en budget issue, nou, i zis parey en income tax osi travayer Gouvernman even if i travay ek Gouvernman i pour tir lo li i pour anvoy lo SRC, nou still fer sa tranzaksyon.  I en fason avek reform ki nou’n fer dan nou reform tax depi 2009 ki pour rezon transparans, at least nou montre tou cost ki vini avek en tranzaksyon be it lo import, be it lo travayer, ki demen nou napa okenn, petet okenn largiman ki vini ki montre ki nou pe exempt taxes, ki Minis Finans pe exempt taxes.  Son bann tranzaksyon i kredib.  Mersi.

 

MR DEPUTY SPEAKER

Mersi PS.  Petet zis en kestyon lye avek sa se, anba exemption pour VAT bann servis esansyel parey SBC i ganny exonerate answit SPDF e osi exempted of VAT.

E petet zis en kestyon, akoz sa i pa ganny, mon krwar kestyon ki’n ganny demande par Onorab Ramkalawan, se akoz dan sa lespri i pa ganny enkli dan sa Schedule, byensir i bezwen vin atraver en (SI) selman eski i annan okenn rezon akoz zot pa pe met li?  Sete sa kestyon.

 

PS DAMIEN THESEE

Mersi Mr Chair.  Well natirelman si i bezwen met li extend sa Schedule, la fodre nou extend sa Schedule e met li ladan, me solman si pa ladan, me solman nou anvi avoid annan en gran exemption listSo as much as possible nou met son provizyon, solman nou kapab revwar si nesesite met li dan Schedule, nou kapab met li dan Schedule, solman nou anvi avoid pour annan en gran lalis exemption.  Mersi.

 

MR DEPUTY SPEAKER

Mon a les Minis. Minis ti oule azoute apre mon a les Onorab Ramkalawan, Minis, lo Scheme? Ok lo Scheme lekel ki ti pe al reponn?  Minister.

 

THE DESIGNATED MINISTER – MRS MACSUZY MONDON

Mersi Mr Chair.  Mon ti oule zis azout lo sa ki CFO in dir kot i konsern Scheme of Service ki Onorab ti’n demande. Scheme pour bann zofisye SFRSA ki nou ti prepare ti ariv apepre 12.5 milyon.  Nou ti demann 4.4 pour 2019, me nou’n ganny 2.2 an tenant kont bann lezot increase  ki Gouvernman pe donnen pandan lannen 2019 e finans in dakor ki nou pour phase li out ziska ler nou kapab kouver sa sonm ki nou ti’n demande pour the whole Scheme, ki nou ti’n prepare pour bann zofisye SFRSA.  Mersi Mr Chair.

 

MR DEPUTY SPEAKER

Mersi Minister.  Onorab Ramkalawan.

 

HON WAVEL RAMKALAWAN

Mr Chair mon apresye sa ki Minis in dir.  Me selman ou konnen mon pour mwan i bann keksoz ki parfwa mon pa ganny en konpran se nou, i annan serten landrwa kot nou bezwen gard nou bann dimoun oubyen menm ankouraze pour zot join.  E Fire Brigade, I mean la mon kapab dir ki mon’n koz ek bann firemen, par egzanp letan mon ti vizit La Digue ti ansanm avek bann Manm FPAC; bann firemen lo La Digue ti pe, ti prezant en kantite, en kantite konsern e tou zot bann konsern sete bann konsern reel.  E ki sa bann dimoun si nou pa ganny zot, zot pour ale parski zot dan servis esansyel.

E mon dernyen parol ki mon anvi dir Mr Chairman, se konmsi sa zafer aerial platform la, konmsi Fire brigade ekspekte li annan en fast response and se sa ki nou gannyen avek zot, telefonnen, en pti kou ‘’wee-won, wee-won’’ zot on their way e zot pe donn sa servis.

Konmsi lo lot kote en bout lekipman ki zot, ki sitan enportan pour zot travay zot, zot demande, e zot pa ganny sa fast response.  Zot pa ganny sa fast response e mon pe mazin sa dife ki, sa gro dife ki ti dan Lavil laba kot SPTC  –I am sure parske letan nou regard bann film, I am sure ki en lekipman parey sa ki nou pe koz lo la, la, i ti pour zwe en gran rol pour tenny sa dife en pe bokou pli vit; parski zot ti pour kapab al byen anler pour zot vwar ensidswit instead of avek zot bann fire tender ki zot annan la.

Konmsi mon anvi fer en lapel avek Gouvernman pou dir be si Fire Brigade i donn nou en fast response, Gouvernman osi tou donn zot en fast response pour zot kapab fulfill sa travay ki nou tou koman en pep nou kontan nou admire.  E mon ti ava kontan terminen par dir ki, par dir ki nou command zot, nou kontan e nou apresye sa travay ki zot pe fer.  Keep it up e nou, nou pour donn zot tou lankourazman.  Mersi bokou.

 

MR DEPUTY SPEAKER

Mersi Onorab Ramkalawan.  Bon nou napa ankor lezot entervenan, a sa pwen.  E in ariv ler pour nou pran en vot lo Seychelles Fire and Rescue Services Agency lo paz 147 en total R74, 522milyon ki’n ganny propoze, tou bann ki an faver? Okenn Manm ki kont?  Deputy Clerk ou a donn nou count. 

 

MADAM DEPUTY CLERK

Mersi Mr Chair.  23 Manm in vot an faver e personn kont.  Mersi.

 

MR DEPUTY SPEAKER

Mersi Deputy Clerk. 23 Manm an faver, savedir sa vot R74, 522milyonlo paz 147 pour Seychelles Fire and Rescue Services Agency in ganny pase e aprouve par Lasanble Nasyonal.

Bon avek sa nou’n ariv a lafen Sesyon pour ozordi.  Me avan nou fini mon ti a kontan remersye Acg Chief Fire Officer Mr Rose avek son lekip ki’n vin isi Mr Regis Bethew, Mr Lemiel, Mr Agathine, Ms Vangadasamy e nou ti a kontan eskiz zot apre pour apre midi.  Mersi bokou, e mon ti a kontan eskiz Minis Dezinyen.

 

(THE DESIGNATED MINISTER MRS MONDON AND HER DELEGATION WAS EXCUSED FROM THE HOUSE)

 

MR DEPUTY SPEAKER

Bon avan nou terminen zis mon ti a kontan petet en gidans from PS Finans lekel ki nou pour pran demen e progranm pour demen.

 

PS DAMIEN THESEE

Mersi Mr Chair.  Nou pour pran Defans demen bomaten, pour pran vot apre ki zot in zwenn lo Komite Defans – swivi par Departman prizon.  Apre, apre midi Minister Lagrikiltir ek Lapes, Seychelles Agricultural Agency ek National Bio-Security Agency.  Mersi.

 

MR DEPUTY SPEAKER

Ok savedir.  Mersi, Onorab Ramkalawan.

 

HON WAVEL RAMKALAWAN

Mr Chairman mon krwar ki apre Defans parski nou ti pe koz avek Minis Jean-Paul Adam mon krwar ki, well baze lo sa ki in dir mwan ki Health too i pare pour vin fer en prezantasyon baze lo sa ki nou ti’n tonm dakor, alors si mon ti ava kapab propoze ki demen bomaten nou fer Defans, Lasante, e apre sa nou al lo bann lezot parski sa 2 i pa pour pran bokou letan.  Mersi.

 

MR DEPTUTY SPEAKER

Ok, si nou dakor lo la, savedir demen bomaten nou komans avek SPDF, answit Health Care Agency apre nou swiv avek sa 4 Lazans ki Mr Thesee fek donn nou, nou tou nou dakor, nou tonm dakor lo la?  PS Thesee ok?  Ok be mon a demann…

 

PS DAMIEN THESEE

Yes savedir si nou reviz lalis nou pour pran defans avek Health Care Agency ki mon konpran i pour kourt, e nou a komanse 9.30 avek Departman Prizon, swivi apre midi avek portfolyo Lagrikiltir avek Lapes.  Mersi.

 

MR DEPUTY SPEAKER

E dan portfolyo Lagrikiltir nou annan Minister li menm, Seychelles Agricultural Agency avek Bio-Security.

 

PS DAMIEN THESEE

Minister ek son 2 Lazans, korek.

 

MR DEPUTY SPEAKER

Ok mon a demann Serzan pour retourn nou dan Lasanble.  Mersi bokou, e avek sa mon ti a kontan adjourn pour ozordi e nou a repran demen bomaten 9er.

 

(ADJOURNMENT)