Home » Verbatim » 2018 » Verbatim Tuesday 4th December, 2018

Verbatim Tuesday 4th December, 2018

NATIONAL ASSEMBLY OF SEYCHELLES

Tuesday 04th December, 2018

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou Manm Onorab, bonzour tou dimoun ki a lekout.  En bonzour spesyal pour Minis Loustau-Lalanne ki ankor parmi nou bomaten avek son lekip. E i pe ganny asiste par SS Patrick Payet, Ms Croisee, Ms Verghese, Ms Tamatave, Ms Marengo e Ms Moses.  Bon mon pour zis, mon ava demann Sergeant pour nou move Mace pour nou retourn dan Staz Komite e apre mon ava donn la parol SS Payet pour gid nou lo travay ki nou pour fer bomaten e pandan lazournen, SS ou ava gid Lasanble.

SECRETARY OF STATE – MR PATRICK PAYET

Mersi Mr Chair, bonzour – tou Manm Onorab e tou dimoun ki a lekout. Mr Chair pour bomaten nou pour komans avek bann lezot entities ki tonm anba Minister Finans pour Komers, Investment e Planifikasyon Ekonomik.  Apre bann lezot entities, sa bann ki rekomandasyon ti pour napa deba, me nou pour bezwen pran vot.  So premyerman nou annan Fair Trading Commission ki lo paz 272 a paz 278 pour en sonm 14,540milyon.

 

FAIR TRADING COMMISSION

MR SPEAKER

Ok mersi SS.  Bon sa bann Heads ki nou pour al pran vot lo la i bann ki nou deside dan ABC ki nou pa pour apel zot e nou pour zis pran en vot lo zot Bidze.  So nou pour pran en vot lo sa sonm R14,540milyon pour Fair Trading Commission ki form par sa Schedule e ki trouve lo paz 272 ziska 278.  Mon a demann tou Manm ki an faver, Bidze pour Fair Trading Commission.  Okenn Manm ki kont?  Madanm Clerk.

 

MADAM CLERK

Mersi Mr Chair.  Bonzour Mr Chair.  Bonzour Minis, bonzour tou Manm. Mon’n rikord 19 Manm ki’n vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pour Fair Trading Commission pour 2019 in ganny aprouve par Lasanble Nasyonal.  SS.

 

TAX AND CUSTOM AGENT BOARD, AND REVENUE TRIBUNAL

SECRETARY OF STATE MR – PATRICK PAYET

Mr Chair the next one i Tax and Custom Agent Board, and Revenue Tribunal tou lede Bidze ansanm ki lo paz 301 a paz 303 pour en sonm R1,332 milyon.

 

MR SPEAKER

Bon nou pour pran en vot lo sa sonm R1,332 milyon pour Tax and Customs Agent Board ki form par dan sa Schedule e ki trouve lo paz 301 ziska 303.  Tou Manm ki an faver? Okenn Manm ki kont?  Madanm Clerk.

 

MADAM CLERK

Mersi Mr Chair, 22 Manm ki’n vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pour Tax and Custom Agent Board pour 2019 in ganny aprouve par Lasanble Nasyonal. SS.

GOVERNMENT AUDIT COMMITTEE

SECRETARY OF STATE – MR PATRICK PAYET

Mr Chair the next one i pour Government Audit Committee ki lo paz 309 a paz 311 pour en sonm R1,043milyon.

 

MR SPEAKER

Mersi SS.  Bon nou pour pran en vot lo sonm R1,043milyon  pour Government Audit Committee ki form par sa Schedule e ki trouve lo paz 309 ziska paz 311, tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair, 22 Manm an faver e personn kont.  Mersi.

 

MR SPEAKER

Mersi Madanm Clerk, Bidze pour Government Audit Committee pour 2019 in ganny aprouve par Lasanble Nasyonal.  SS.

 

NATIONAL BUREAU OF STATISTICS

 SECRETARY OF STATE – MR PATRICK PAYET

Mr Chair the next one i National Bureau of Statistics ki lo paz 312 a paz 317 pour en sonm R14, 225 milyon.

 

MR SPEAKER

Mersi SS.  Bon nou pour pran en vot lo sonm R14, 225 milyon. pour National Bureau of Statistics (NBS) ki form par sa Schedule e ki trouve lo paz 312 ziska paz 317.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair, 22 Manm in vot an faver e personn kont.  Mersi.

 

MR SPEAKER

Mersi, savedir Bidze 2019 pour National Bureau of Statistics in ganny aprouve par Lasanble Nasyonal. SS.

 

OFFICE OF THE AUDITOR GENERAL

SECRETARY OF STATE – MR PATRICK PAYET

Mr Chair the next one i Lofis Oditer Zeneral ki lo paz 207 a 211 pour en sonm R20,471 milyon.

 

MR SPEAKER

Mersi SS.  Bon nou pour pran en vot lo sonm R20,471 milyon pour Office of the Auditor General ki form par sa schedule e ki trouve lo paz 207 ziska 211.  Tou Manm ki an faver, okenn Manm ki kont?  Madanm Clerk.

 

MADAM CLERK

Mr Chair, 22 Manm an faver e personn kont.  Mersi.

 

MR SPEAKER

Mersi Madanm Clerk, savedir Bidze pour Lofis Oditer Zeneral pour 2019 in ganny aprouve par Lasanble. SS.

 

OFFICE OF THE OMBUDSMAN

SECRETARY OF STATE – MR PATRICK PAYET

Mr Chair the next one i the Office of Ombudsman ki lo paz 212 a 214 pour en sonm R3, 740milyon.

 

MR SPEAKER

Mersi SS.  Nou pour pran en vot lo sonm R3, 740milyon pour Lofis Ombudsman ki form par sa Schedule e ki trouve lo paz 212 ziska 214.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair, 23 Manm an faver e personn kont.  Mersi.

 

MR SPEAKER

Mersi, savedir Bidze pour Lofis Ombudsman pour 2019 in ganny aprouve par Lasanble Nasyonal. SS.

 

PUBLIC SERVICE APPEALS BOARD

 SECRETARY OF STATE – MR PATRICK PAYET

Mr Chair the next one i Office of the Public Service Appeals Board lo paz 215 a 216 pour en sonm R1,008milyon.

 

MR SPEAKER

Mersi SS.  Nou pour pran en vot lo sonm R1, 008milyon pour Public Service Appeals Board ki form par sa Schedule e ki trouve lo paz 215 ziska 216.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair 21 Manm an faver e personn kont.  Mersi.

 

MR SPEAKER

Mersi.  Savedir Bidze pour lofis PSAB, Public Service Appeals Board pour 2019 in ganny aprouve par Lasanble. SS.

 

CONSTITUTIONAL APPOINTMENTS AUTHORITY

 SECRETARY OF STATE – MR PATRICK PAYET

Mr Chair the next one i Constitutional Appointments Authority ki lo paz 217 a 219 pour en sonm R2, 051milyon.

 

MR SPEAKER

Mersi SS.  Nou pour pran en vot lo sonm R2, 051milyon ki pour Constitutional Appointments Authority ki form par sa Schedule e trouve lo paz 217 ziska 219.  E mon a demann tou Manm ki an faver – Bidze pour CAA?  Okenn Manm ki kont?  Madanm Clerk.

 

MADAM CLERK

Mr Chair, 21 Manm an faver e personn kont.  Mersi.

 

MR SPEAKER

Mersi Madanm Clerk.  Bidze pour CAA, Constitutional Appointments Authority pour 2019 in ganny aprouve par Lasanble Nasyonal. SS.

 

PUBLIC OFFICERS’ ETHICS COMMISSION

SECRETARY OF STATE – MR PATRICK PAYET

Mr Chair the next one i Public Officers’ Ethics Commission ki lo paz 224 a paz 226 pour en sonm R2, 778milyon.

 

MR SPEAKER

Mersi SS.  Nou pour pran en vot lo sonm R2, 051milyon pour Public Officers’ Ethics Commission ki form par sa schedule e ki trouve lo paz 224 ziska 226.  Tou Manm ki an faver? Public Officers’ Ethics Commission – tou Manm ki an faver?  Okenn Manm ki kont?  Madam Clerk.

 

MADAM CLERK

Mr Chair, 13 Manm in vot an faver e personn kont.  Mersi.

 

MR SPEAKER

Mersi.  Savedir Bidze pour 2019 pour Public Officers Ethics Commission in ganny aprouve par Lasanble Nasyonal.  SS.

 

SEYCHELLES HUMAN RIGHTS COMMISSION

SECRETARY OF STATE – MR PATRICK PAYET

Mr Chair the next one i pour Seychelles Human Rights Commission ki lo paz 227 a paz 228 pour en sonm R1,003 milyon.

 

MR SPEAKER

Mersi SS.  Nou pour pran en vot lo sonm R1,003milyon pour Seychelles Human Rights Commission ki form par sa schedule e ki trouve lo paz 227 ziska paz 228.  Tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair 21 Manm an faver e personn kont.  Mersi.

 

MR SPEAKER

Mersi Madanm Clerk.  Vedir bidze pour Seychelles Human Rights Commission pour 2019 in ganny aprouve par Lasanble. SS.

 

SEYCHELLES MEDIA COMMISSION

 SECRETARY OF STATE – MR PATRICK PAYET

Mr Chair the final one pour Seychelles Media Commission lo paz 229 a paz 230 pour en sonm R3,021milyon.

 

MR SPEAKER

Mersi SS.  Nou pour pran en vot lo sonm R3,021milyon pour Seychelles Media Commission ki form par sa Schedule e ki trouve lo paz 229 ziska paz 230.  Mon a demann tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair, 18 Manm an faver e personn kont.  Mersi.

 

MR SPEAKER

Mersi Madanm Clerk.  Vedir Bidze 2019 pour Seychelles Media Commission in ganny aprouve par Lasanble Nasyonal.  SS.

 

OTHER WAGES AND SALARIES

SECRETARY OF STATE – MR PATRICK PAYET

Mr Chair the next vote sa i ‘Other Wages and Salaries’ e sa i lo small document, i lo paz 27.  E parey Clerk in circulate lenformasyon yesterday, i annan en revizyon pour sa vot.  Dan Appropriation Bill son current allocation ti R230, 770 milyon, e parey diskisyon letan Minis ti pe diskit Bidze nou’n fer provizyon pour nou komans increase saler salary increase of 5percent komansman Avril.  E son vot ki nou’n revize i pour en total R248, 360 milyon.

E sa revised document ki Clerk in sirkile yesterday i annan pour en total;-

Gratwite – R37,0465milyon.

Konpansasyon for continuous service – 28milyon.  Sa en provizyon pour tou bann konpansasyon dan public service – si i arive letan dimoun i kite ouswa i retire.

Apre i annan en provizyon Constitutional Appointments to zot Emoluments sa i pour en total 92,0103milyon, e sa son detay i lo paz seksyon 4 ‘Constitutional Appointments Emoluments.’

Apre nou annan en provizyon pour bann Pension Scheme kontribisyon R73, 0203milyon.  E parey zot konnen Gouvernman i en anplwayer so i bezwen pey 3poursan lo tou son total saler ki i peye dan Gouvernman.  Apre nou’n met en provizyon R17, 0590milyon e sa i pour sa rage grid revision pour nou komans salary increase depi komansman Avril ziska Zen

So avan nou ti’n fini met salary increase dan tou Minister e nou bezwen met a provizyon la pour fer sa salary increase.  Sanmenm sa, sa total i pour R248,360milyon.  Mersi Mr Chair.

 

MR SPEAKER

Mersi SS Payet.  Bon mon pour, lo sa bann Headings ki devan nou, mon pour allow okenn Manm ki oule fer en pti entervansyon oubyen pour demann klarifikasyon.  Ok Onorab Afif.

 

TRUTH AND RECONCILIATION COMMISSION

 

HON AHMED AFIF

Mersi Mr Chair.  Mr Chair mon kestyon mon kestyon i pa direkteman lo la, me selman zis pour demann SS si kapab gid nou si nou’n pran en vot deza pour Truth and Reconciliation Commission.  Mon krwar nou pa ti ankor pran sa enn la avan nou al lo la.

 

MR SPEAKER

I deza ladan li?

 

HON AHMED AFIF

Mon krwar nou pa ankor vote, be selman i devret enn ki nou pran avan ‘Other Wages’ ki nou pe al lo la, la.  Mon ti a kontan zis demann son klarifikasyon.

 

MR SPEAKER

SS.

 

SECRETARY OF STATE – MR PATRICK PAYET

Wi Mr Chair mon fek ganny alarm from the staff ki nou pa ti ankor pran.  Me i ti napa en PPB statement dan liv, i zis nou’n met provizyon dan son normal ‘goods, wages’ e i pour en sonm R3,528milyon wi.

 

MR SPEAKER

Petet zis gid nou dan Schedule.

 

SECRETARY OF STATE – MR PATRICK PAYET

Wi Mr Chair nou pou bezwen pran en vot pour Truth and Reconciliation Commission i pa dan detay liv, me sepandan i dan son bann provizyon ‘wages, goods and services’ pour en sonm R3,528milyon.  So nou pour bezwen pran en vot lo la.  Mersi.

 

MR SPEAKER

Mersi SS.  Bon nou ava pran en vot pour sa sonm R3,528milyon pour Truth and Reconciliation Commission ki parey SS in dir i form par dan sa schedule anba ‘wages, goods and services,’ mon a demann tou Manm ki an faver – Truth and Reconciliation Commission? Okenn Manm ki kont?  Madanm Clerk.

 

MADAM CLERK

Mr Chair 21 Manm in vot an faver e personn kont. Mersi.

 

MR SPEAKER

Mersi Madanm Clerk.  Savedir Bidze pour 2019 pour Truth and Reconciliation Commission in ganny aprouve par Lasanble Nasyonal.

Nou ava retourn lo Other Wages SS?  Alright, okenn Manm ki oule fer entervansyon?  Onorab Afif.

 

HON AHMED AFIF

Mersi Mr Chair.  Mr Chair mwan mon ti a kontan anliny avek sa ki nou ti diskite pli boner dan deba lo merit lo Gratwite, mon ti a kontan demann serten klarifikasyon avek Minister Finans.

Mr Speaker devan nou dan detay lo ‘Other Wages and Salaries’ e spesifikman anba gratuities nou annan en sonm 6.6 milyon, R6 milyon, 585, 000, 580 ki i anba en Tit ‘End of Term Gratuity,’ E sa i vedir gratwite ki Prezidan, Vis-Prezidan, Minis Dezinyen ek lezot Minis i gannyen ler zot fini zot manda oubyen letan zot sorti dan sa pozisyon.  Sa i ariv dan sa sityasyon kot Prezidan ek son Konsey Minis i termin zot manda normal – oubyen atraver eleksyon boner, li avek son Minis i ganny peye sa gratwite pour sa peryod ki zot in servi dan sa pozisyon.

Mr Chair Lalwa i kler lo la, Seksyon 2 (c ) dan Presidential Emoluments Acts i lir konm swivan; “Upon seizing to hold the office of President otherwise then by being removed under Article 54 of the Constitution, a gratuity of an amount equal to 50percent of the total salary paid for the immediately preceding period of office as President.” Se sa ki Lalwa i dir, sa pour Prezidan.

Lo lot kote Seksyon 2 (ii) 2 Ministerial Emoluments Act i dir – “Upon ceasing to hold office of the Designated Minister or Minister otherwise and by being removed under Article 74 (5) of the Constitution, a gratuity of an amount equal to 50percent of the total paid under the paragraphs a and b as the case may be for the immediately preceding period of office as Designated Minister or Minister. ” Sete pour sa rezon ki Onorab Ferrari ti alors dir ki pour annan en eleksyon lannen prosenn ler i ti vwar sa Heading.  Lalwa i kler lo la, sa Gratwite i pour the immediately preceding period of office.  Sa ki Lalwa i dir, sa i aplik pour tou lede Lalwa Presidential e Ministerial. Kestyon se akoz ki i annan en alokasyon ‘end of term gratuity’ dan Bidze 2019!

Eski Minis pe dir nou ki Prezidan ek detrwa Minis pe sorti dan lofis e alor zot pe reklanm sa provizyon Lalwa an 2019?  Sa i sel leksplikasyon pour en tel sonm – sel leksplikasyon.  Minis i dir nou ki sa i en anomaly!  Mr Chairman Leader Lopozisyon ti deza eksplike ki napa okenn anomaly!  Desizyon pour pa pran ‘end of term gratuity’ ti en desizyon ki ti ganny pran par Cabinet, ki ti ganny raporte le 13 Zanvye 2016 dan en Kominike Lapres ki tou Seselwa ti tann zot dir e i ti lir konm swivan:- “the President said that his Governments’ first priority is the welfare of the people of Seychelles.  As a sign” vwala son Cabinet resolution “as a sign of solidarity with those most in need, the President, the Vice-President and all the Ministers agreed to forgo, “forgo” their personal end of term gratuity payments due to them upon the end of their term in office on 19th December 2015.’’

        Annou pa oubliye ki se sa menm sa langazman politik ki ti ganny donnen par Prezidan Michel dan son Diskour lo Leta Lanasyon ki ti resevwar gran laplodisman tou MANM Lasanble, dan sa Lasanble Nasyonal. E vwala ki i ti dir nou:- “Nou Gouvernman – Parti Lepep” e sa ti dir le 16 fevriye 2016, “nou Gouvernman Parti Lepep nou swiv prensip ki’n toultan anim nou e soutenir nou, nou diriz par legzanp, se pour sa rezon ki komansman sa lannen 2016, dan Konsey Minis nou’n pran desizyon ki ni Prezidan, ni Vis-Prezidan, ni Minis, pa pour TOUS zot Gratwite sa lannen!” Sa ti ganny dir dan sa Lasanble le 16 Fevriye 2016.

Sa dan li menm Mr Chair i en langazman oubyen parey nou apel li dan langaz Parlmanter en “assurance” ki devret ganny onore! Sete en desizyon kler ki i annan Lotorite! Pour pa donn bann pasyan Seselwa dyaliz par egzanp kot Renasence, nou’n dir ki sa let ki ti sorti kot dokter Larose ti napa laprouvasyon Cabinet.  Me sa desizyon konsernan Gratwite i enn ki ti ganny pase par Cabinet!  I enn ki ti ganny lir isi dan Lasanble dan Leta Lanasyon!  Kwa ki nou pour konpran prezan?  Menm desizyon Cabinet pa bon?

Mr Chairman napa okenn baz pour pey sa gratwite R6.6 milyon.  Wi i annan en provizyon dan Lalwa pour pey ‘end of term gratuity.’ Sa i la sa, me sa Drwa ti ganny met 2 kote par Prezidan ek bann Minis an Zanvye 2016, pour peryod 2015 pour rezon politik.  Zot ti fer kler ki zot pe fer sa an solidarite avek lepep Seselwa e pour welfare nou pep.  Ki mannyer an 2019 zot pe kas zot parol e zot pe reklanm sa sonm? Pour sa bann rezon LDS pe propoze ki sa sonm R6.6 milyon i ganny koupe kot i ete!

 

(APPLAUSE)

 

HON AHMED AFIF

Me i ganny garde pour vwar si napa lezot landrwa, oubyen anba progranm sosyal, ki nou kapab mete ki li apre tou i desizyon ki Gouvernman ti pran an 2016, ti sipoze fer pour welfare lepep Seselwa.  Nou lo sa kote latab e LDS nou pour ed zot gard zot parol!

 

(APPLAUSE)

 

HON AHMED AFIF

Finalman Mr Chair mon ti a kontan si Minis i kapab petet donn nou detay lo sa R6.6 milyon parske ladan i mete ‘President, Vice-President end of term 2019,’ alor donn nou pour lekel zot pe fer referans avek, e ki fason sa bann kalkilasyon in ganny fer?  Mersi.

 

MR SPEAKER

Mersi Onorab Afif.  Mon a donn la parol Minis oubyen SS. SS.

 

SECRETARY OF STATE – MR PATRICK PAYET

Mersi Mr Chair.   Mersi Onorab pour sa kestyon.  Kekfwa nou a komans lo detay kwa sa 6.586 million, nou annan ladan pour sa bann letan ki the current President, President Danny Faure ti Vis-Prezidan e pour peryod le 24 Me 2011 ziska le 20 desanm 2015, pour en sonm 1.4 milyon; pour the current Vis-Prezidan ki at that time i ti Minister, Vis-Prezidan, Designated Minister, sa se pour le 31 Me 2011 ziska le 20 desanm 2015; nou annan pour Designated Minister, Minister Macsuzy Mondon ki pour son peryod le 31 Me 2011 ziska le 20 desanm 2015 pour en sonm 1.1milyon; Minister Jean-Paul Adam pour peryod le 31 Me 2011 ziska le 20 Desanm 2015 Minister Mitcy Larue, sorry pour Minister Adam i 1, 97milyon; Minister Larue le 14 Mars 2012 ziska le 20 Desanm 2015 pour en sonm 931mil; Minister Charles Bastienne son peryod se le 2 Fevriye 2015 ziska le 20 Desanm 2015 pour en sonm 294mil; Minister Didier Dogley le 2 Fevriye 2015 ziska le 20 Desanm 2015 294mil e pour Minister Wallace Cosgrow le 2 Fevriye 2015 ziska le 20 Desanm 2015 pour en sonm 294mil.

Nou’n diskite en pe avek Attorney Zeneral lo sa size e parey zot okouran ki i annan bann lezot osi ki peyman nou’n fini fer letan zot ti kit lofis.  E nou annan sonm pour ex- Prezidan Michel, Minister Christian Lionnet, Minister Joel Morgan, Minister Alain St Ange, Minister Edith Alexander avek Minister Michael Benstrong pour en sonm total 5.8milyon.  E diskisyon ki letan nou’n diskite avek Attorney Zeneral, Attorney Zeneral in advise ki wi Cabinet ti pran sa desizyon sa bann letan.  E Cabinet osi kapab reverse lo en desizyon. Zot annan sa manda pour reverse desizyon.

 

(Interruption)

 

SECRETARY OF STATE – MR PATRICK PAYET

E pour nou letan nou regarde li legalman – legalman bann Minis zot annan sa right dan Lalwa ki egziste ozordi.  The Right i la.  So si demen i arive ki Lasanble i tir sa provizyon e ou annan ou en Minis ki sorti dan zot pozisyon, e si demen zot deside kekfwa pour zot fer en claim against Gouvernman, e sa demen kekfwa Lakour i a deside, me i the current Lalwa ki egziste ozordi.  So sanmenm sa ki nou’n vwar li, provizyon ki nou’n bezwen met sa provizyon dan Bidze 2019.  Mersi.

 

MR SPEAKER

Mersi SS. Yes Onorab Afif.

 

HON AHMED AFIF

Mersi Mr Chair, Mr Chair mon ti a kontan zis demann en kestyon.  Le 13 Zanvye 2016 Cabinet ti fer en rezolisyon, i ti pibliy li, i ti dan en lannen eleksyon avan eleksyon Lasanble Nasyonal e zot ti dir “the President said that his Governments’ first priorities the welfare of the people of Seychelles, as a sign of solidarity with those most in need, the President, the Vice-President and all the Ministers agreed to forgo their personal end of term gratuity payments due to them upon the end of their term on office on 19th December 2015.” Mon kestyon ler Cabinet ti pran sa desizyon pour zot ranvers sa desizyon e alors pran zot Gratwite ki zot in dir ek pep Seselwa zot pe donn zot koman en kado akoz zot solider avek zot dan en moman difisil.  Ler zot pran sa desizyon ki zot pa pe pran, zot pa pe donnen kado, zot pe repran sa kado ki zot ti’n donn pep Seselwa, eski zot ti fer en lanons parey?  Parske mon pa’n vwar!

Eski Cabinet ti mete lo son website? Akoz tou le semenn, tou le 2 semenn ler zot fer Cabinet decision zot pibliye, e Msye Faure mon prezimen sa desizyon in bezwen ganny pran par Msye Faure, parske sete li, ti zis apre Leta Lanasyon ti an Fevriye, eleksyon ti an Septanm 2016, Msye Faure ti vini le 16 Oktob 2016 – mon mazinen ti dan son letan kot i pe koz lo latransparans, bonn Gouvernans e rann kont.  Sa desizyon ki SS Payet pe dir nou ti’n ganny fer dan latransparans, bonn gouvernans, e rann kont, eski zot kapab dir nou si sa desizyon ti ganny fer OFISYEL, PIBLIYE pour lepep Seselwa tande ki sa kado ki zot in ganny donnen in ganny repran?  E sa promes in ganny kase?  Sa mon kestyon.

 

MR SPEAKER

Mersi Onorab Afif.  SS.

 

SECRETARY OF STATE – MR PATRICK PAYET

Mersi Mr Chair, e mersi Onorab.  Zis pour dir ki non nou pa’n vwar nanryen piblikman, me sa desizyon nou’n gannyen from Cabinet of Ministers.  Mersi.

 

(Interruption)

 

MR SPEAKER

Ok.  Order!  Order!  Order!  Bon mon krwar kestyon ki devan panel an vi ki i annan en dokiman ki ti pran sa desizyon, nou pe rod en dokiman ki ti reverse sa desizyon, se sa ki mon konpran Onorab Afif.  Go ahead. 

 

HON AHMED AFIF

Mr Speaker mon ti a kontan demann osi e tan ki ti annan en commitment separe apard sennla – ki Gratwite pour lannen 2016 pour tou Minis, Prezidan e Vis-Prezidan sa osi ti en kado akoz ti en letan difisil.  Ti en commitment dan Lasanble Nasyonal menm lannen ki nou, nou ti vin dan Lasanble Nasyonal, me selman nou pa ti ankor antre, se le 16 Fevriye 2016 ti en commitment dan Lasanble Nasyonal dan Leta Lanasyon, eski sa desizyon osi in ganny ranverse?  E si wi donn nou kan i ti ganny ranverse dan ki Konsey Minis anba Ladministrasyon Msye Faure e sa ti ganny ranverse, kan i ti ganny pibliye?  Mersi.

 

MR SPEAKER

SS.

 

SECRETARY OF STATE – MR PATRICK PAYET

Mr Chair.  Mersi Onorab pour sa kestyon.  Kekfwa pour azoute akoz versyon Angle ki nou annan the State of The Nation, it was, i ti specific lo ‘we’ll take their end of …‘’ – i ti   end of of term Gratwite, so i ti en pe specific son … The wording in English mon pa’n pran, mon napa versyon Kreol avek mwan, be selman son versyon Angle i specific lo ‘end of term gratuity this year’.  I ti specific.

 

MR SPEAKER

Ok mersi SS.  Onorab Afif.

 

HON AHMED AFIF

Mersi Mr Chair.  Mon annan son versyon Kreol.  Son versyon Kreol le 16 Fevriye, e ti ganny lir an Kreol;- “Nou Gouvernman Parti Lepep nou swiv prensip ki’n toultan anim nou e soutenir nou! Nou diriz par legzanp! Se pour sa rezon ki komansman ‘sa lannen 2016 dan Konsey Minis nou’n pran desizyon ki ni Prezidan, ni Vis-Prezidan, ni Minis pa pour TOUS nou Gratwite SA lannen 2016.” I kler?

 

MR SPEAKER

Bon mon krwar i annan en statement ki ‘n ganny fer ki’n mislead Lasanble e sa i en ka kot bokou fwa ki Manm i dir nou pe mislead Lasanble.  Mon krwar sa i en ka vre kot Lasanble in ganny mislead!  Bon mon pour pran, mon annan ankor 2 Manm lo kote isi ki’n lev lanmen, mon pa konnen si Onorab Churchill Gill, ou entervansyon i lo sanmenm sa?  Non, Onorab Pillay?  Non i pa lo la?  Ok bon lo …

 

(Interruption)

 

MR SPEAKER

Ok, Order!  Order!  Annou pran keksoz byen.  Parey mon’n dir lo sa bann vot e lo, e lefe ki sa bann vot i bann gro, gro sonm, mon pe allow sort of enteraksyon, deba, klarifikasyon and all that ok?  Si i annan okenn lezot Manm ki oule fer entervansyon avan nou regarde ki desizyon nou pour pran.  Ok Onorab Ferrari.

 

HON JEAN-FRANÇOIS FERRARI

Mr Speaker mon ti a zis kontan avek lasistans SS Payet avan mon poz enn de kestyon, pour li dir nou si i posib si i annan sa bann sif avek li, kan e konbyen ti ganny peye pour sa bann – pour ansyen Prezidan Michel, mon krwar, ansyen Prezidan Michel ki li menm li ki ti dir i pa pour pran – kan e konbyen i ti resevwar an term Gratwite?

E answit mon krwar i mank – dan sa kont, akoz mon vwar i annan enn de Minis ki manke la, kan e konbyen eski Minis Christian Lionnet in gannyen?  Kan e konbyen Minis, ansyen Minis Edith Alexander in gannyen?  Kan e konbyen ansyen Minis Alain St Ange in gannyen?  Kan e konbyen ansyen Minis Michael Benstrong in gannyen?  E kan e konbyen ansyen Minis Joel Morgan in gannyen?  Mersi.

 

MR SPEAKER

Mersi Onorab Ferrari. SS. Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pour ou kestyon, bonzour tou Manm Onorab.  Mr Chairman avan ki mon donn sa bann sif detaye ki kestyon pe demande, mon ti a zis kekfwa kontan fer en remark.  Mon krwar ki i kler dan Lalwa ki nou bezwen peye Gratwite akoz Lalwa i koumsa.  Me dan sa ka spesifik i sanble mwan ki Prezidan, Vis-Prezidan ek bann Minis sa lepok sa desizyon ki zot in pran, si oule i preclude zot ganny sa peyman.

Alor si Lasanble, donk nou dan Minister Finans i nou devwar pour nou fer provizyon pour peye akoz Lalwa i dir fodre ou peye.  Si i bloke a mon avi i annan 2 keksoz ki kapab arive, premye keksoz sa bann Minis konsernen i kapab fer en claim kont Gouvernman – anmenn Ankour si neseser e Gouvernman nou pour bezwen annan en defans.

Nou kapab servi sa largiman ki zot claim pa stand akoz zot in preclude zot lekor pour ganny sa peyman.  Sa i en evantyalite.  Me se pa a nou isi pour deside ki mannyer sa pour ganny zize.  Me Lalwa i kler e mon oule repete se akoz de sa ki nou’n bezwen fer sa provizyon.  E parey SS Payet in mansyonnen Cabinet of Ministers a nenport ki moman i kapab ranvers en desizyon ou pran en lot desizyon.  Sa mon krwar i enportan mon mansyonnen.

Letan mon’n fini dir sa Mr Speaker prezan les mwan antre dan bann reponn kestyon Onorab Ferrari; Prezidan Michel li i ti ganny peye parey in mansyonnen 1.6 milyon le 27 Desanm 2016, 1.6, 11 milyon, 27 desanm 2016, ok be les mon kontinyen avek sa bann lenformasyon ki mwan mon annan pour le moman ok?  Minis Morgan li in ganny peye 1.1 milyon le 31 Me 2018, Minis St Ange li in ganny peye 931, 000 ek ankor en pe Roupi an Zanvye 2017, Minis Lionnet in ganny peye menm sonm – 931, 000 ek en pe Roupi le 27 Desanm 2016, e Minis Alexander in ganny peye menm sonm 931, 000 ek en pe roupi le 29 Novanm 2017 e tou leres the amount is still outstanding.  Mersi Mr Chairman.

 

MR SPEAKER

Mersi Minister. SS Payet.

 

SECRETARY OF STATE – MR  PATRICK PAYET

Mersi Mr Chair e mersi Onorab, kekfwa zis pour azoute avek sa ki Minis in specify se sa sonm ki relevan avek the cutoff point of le 31 Desanm 2015.  Me sepandan i annan lezot adisyonnel ki zot ti gannyen apre ki par egzanp pour Prezidan Michel pour le 01 Zanvye 2016 ziska le 15 Oktob 2016 ler i ti exit, i ti annan en sonm adisyonnel R435mil- ki fer ki son total azout sa previous total ki Minis in dir i 2,47milyon.

Pour Minister Lionnet i osi parey pour li ti annan en sonm adisyonnel le 01 Zanvye 2016 ziska le 28 Oktob 2016 pour en lavaler 275.  So son total i 1.2milyon;

Pour Minister Joel Morgan le 01 Zanvye 2016 ziska le 26 Avril 2018 i 843.  So son total ki i ti resevwar se R1.968milyon;

Minis Edith Alexander le 01 Zanvye 2016 ziska le 07 Zilyet 2017 i ti ganny adisyonnel 508mil, so son total i 1.4milyon.

Minister Alain St Ange le 01 Zanvye 2016, le 29 Desanm 2016 – R82mil son total alors se R1, 14000milyon e Minister Michael Benstrong le 01 Zanvye 2016 ziska le 07 Zilyet 2017 494mil, so son total ti 788mil so sa bann total ki ti annan.  Mersi.

 

MR SPEAKER

Mersi SS. Onorab Afif.

 

HON AHMED AFIF

Mersi Mr Chair. Mr Chair si mon azout bann sonm ki SS Payet in donn mwan la, savedir si nou pe enkli tou sa bann peyman e ti annan menm peyman pour ansyen Minis Sinon, me selman li i ti normal parski li i ti ganny peye boner an 2015 avan zot ti fer sa commitment – zot in pey en total R9.4 milyon, pour 7 Minis enkli Mr Sinon, me si ou tir pour li then zot in pey en total 8.4 milyon.

Me ladan, me ladan si mon’n ekout ou byen ler ou pran sa bann porsyon 2016 ki’n ganny peye ki osi pa ti devret ganny peye – i annan en total R7.6milyon ki’n pas anba watch Msye Faure dan son letan – parske tou sa bann dat ki ou’n donnen peyman 27 Desanm 2016, 31 Me 2018, 27 Zilyet 2011, 31 mars 2000…well 26 Oktob 2017, 29 Novanm 2017, 16 Zanvye 2017, 26 Zilyet 2017 tou ti anba watch Prezidan Faure!

Alor mon ti a kontan demann Minis, silvouple dir nou – parske nou ti la dan sa Lasanble dan sa peryod, kan zot ti met sa bann sif dan sa gro liv Bidze – nou’n ganny 3 ziska konmela 2016 – lafen 2016 nou ti ganny enn, nou ti ganny enn lafen 2017, nou ti ganny enn lafen 2018 ki la, sa ki la devan nou e napa enn ladan apard 2018 ki pe met 2019 – napa enn ladan ki’n met ‘end of term gratuity!’ Napa! E dan supplementary estimates ki zot in prezant 1 fwa an 2017 e 2 fwa an 2018, me apre Oktob.  I annan zis 1 referans an 2017 septanm ki zot ti dir poudir i annan en gratuity 2.5 milyon ki nou nou’n, nou pa’n kestyonnen zot in met ‘shortfall in gratuities,’ gratuity dues, se sa ki zot ti dir 2.5milyon, eski sa i form parti sa 7.6 milyon ilegal ki’n ganny peye? Mon dir ilegal parske otan ki nou, nou konnen sa ti en kado, rann ek Leta en larzan ki ti due, zot in dir be zot pe rann Leta letan in pran in remet dan kof san laprouvasyon Lasanble Nasyonal en dimoun in pase in retir li ankor dan kof.

En promes in ganny kase 7.6milyon in sorti me zanmen anba nou watch Minister Finans in vin dir nou poudir zot ti pe pey ‘end of term!’, Zanmen nou’n ganny dir nou, ozordi ki nou pe ganny dir ‘end of term.’ Minis zot be briz sa konfyans ki nou ti’n mete ek zot, parske nou ti annan en konfyans ler zot vin devan nou zot dir ek la, la supplementary, nou pa kapab al an detay – en gro liv sa. Nou swazir serten porsyon pour nou al ladan ler zot prezant nou supplementary, zot mete gratuities, e la par egzanp sa ki la devan mwan i dir ‘other wages and salaries’, gratuities 2.5milyon, ‘Constitutional Appointments’ 5.708 i annan detrwa nou demann detrwa kestyon e zot met en pti komanter akote, ‘shortfall in gratuity dues,’ byensir gratuity tou le lannen i due; tou Manm Lasanble, tou Vis-Prezidan, Minis, Prezidan tou le lannen i ganny son gratwit, me pa ‘end of term,’

Alor ler nou vwar gratuity dues, nou dir be i ok, kekfwa zot in fer en kalkilasyon, be ‘end of term’ i spesifik.  Ti annan ‘end of term’ 2016, ti annan 2015 e 2016 ti annan, be ti’n sipoze pa peye.  Sa ki nou nou’n ganny dir, alor nou pa’n zanmen, nou pa’n vwar li dan liv, nou pa’n vwar li dan supplementary, nou’n assume ki i pa’n ganny peye, be la zot riske vini dir ek nou, be zot in aprouve sa zot!

E nou, nou pour dir be si nou’n a aprouve nou’n aprouv li dan en fason kot nou pa’n vwar akoz zot in kasyet nou! Mon ti a kontan demann Minis spesifikman, dir nou ki item e ki laliny zot in pas sa ladan!  San ki nou nou’n konnen, mon ti a kontan zot dir nou dan ki laliny ki Bidze ki zot in pas sa bann sonm akoz nou pa vwar nou!

 

MR SPEAKER

Mersi Onorab Afif.  Non petet mon pe rantre en pti pe ladan mwan osi – petet dan sa Siplemanter ki ti vini an Oktob, petet SS ti annan en bout osi tou pour shortfall dan peyman ex-Speaker, si vreman ti annan en shortfall dan peyman ex Speaker si ti annan, e kwa ki ti sa shortfall e konbyen?  Akoz sa mon krwar ti monte dan sa Constitutional budget en, supplementary budget, si i posib.  Akoz mon pa vreman okouran, mon krwar mwan pa ti dan pei me mon ti kestyonn sa avek Deputy Speaker, kwa ki nou pe peye ankor ‘shortfall pour ex-Speaker?’  Mersi. SS.

 

SECRETARY OF STATE- MR PATRICK PAYET

Mersi Mr Chair.  Mersi Onorab, Mr Chair kekfwa mon pour komans lo kekfwa 3 eleman ki mon okouran ki nou ti mete dan supplementary, i annan pour Minister Joel Morgan dan first supplementary letan ti ganny soumet ti annan en provizyon ki nou ti mete akoz ki en Minis in resign, e son kalkilasyon i ganny kalkile par Lofis Prezidan e i ganny soumet kot Minister Finans e nou, nou enkli li dan supplementary.  I menm parey avek pour Minis Alexander avek Minister Michael Benstrong ki ti resign le 7 Zilyet 2017, so letan nou ti pe fer Midyear Review President’s Office, Lofis Prezidan ti fer zot kalkilasyon e nou ti soumet, nou ti enkli li parey en normal resignation ki arive.

Me however pour ex- Prezidan Michel avek ex- Minister Lionnet kekfwa sa, mon konnen kekfwa i pa’n enkli dan liv Bidze, me i bezwen ki sa kekfwa nou bezwen rod en pe detay, me kekfwa i kapab ki savings ki ti ganny idantifye dan Constitutional Appointments Emoluments e Lofis Prezidan in kapab pey sa bann detay le 27 Desanm 2016 avan lannen i konplete.

Sa ki konsern pour ex- Speaker parey zot konnen ki usually ou pey ‘end of term’ letan ou fini ou manda dan 5an, so sa kalkilasyon i kalkile dan 5an, me ki akoz ki ex-Speaker Pillay son manda i ti resign 2 and a half years avan ki i ti konplete, so ou ti bezwen proportionately pey son end of term Gratwite 50poursan pour sa bann peryod ki i ti la dan lofis.  So pour li ti specific proporsyonetman avan i ti resign ki ou ti bezwen pey li sa bout.  Me si i ti pour konplet son manda, i ti pour ganny peye an 2020 letan manda Lasanble i terminen.  Mersi.

 

MR SPEAKER

Mersi SS.  Onorab Georges.

 

HON BERNARD GEORGES

Mersi Mr Chair.  Mr Chair mon kestyon i swiv kestyon Onorab Afif ki i fek poze – e mon ti a kontan fraz, mon demann leksplikasyon dan sa fason swivan; Minis in dir nou e i annan rezon ki Lalwa i dir ki gratwite ek pansyon eksetera, me Gratwite, end of term gratuity i bezwen ganny peye, nou dakor.  E i dir akoz sa i bezwen koman en Minis Finans responsab fer en provizyon dan bidze zis an ka sa peyman i bezwen ganny fer.  E nou konpran sa.  Mon kestyon se parey Onorab Afif in demande, si sa i le ka akoz sa provizyon pa ti ganny fer dan Bidze 2017 e akoz sa provizyon pa’n ganny fer dan Bidze 2018, me la i ganny fer pour premye fwa – en Gratwite 2011 ziska 2015 i ganny fer pour premye fwa dan Bidze 2019?

Mon repons, repons mwan mannyer mon vwar i kler, se ki sa desizyon in vin la, i fek ganny fer sa lannen 2018 parey in ganny dir anba watch Prezidan Faure pour ki sa peyman i ganny fer lannen prosenn.  Akoz sansan i ti pou’n dan sa 2 propozisyon bidze depi avan.  I bezwen sa desizyon fek ganny pran la an 2018.  Me mon kestyon ki sorti ladan se Minis ki mannyer ki desizyon pour met sa dan sa Bidze sa lannen in ganny fer lo en swadizan kapasite Cabinet pour ranvers en desizyon, ki mannyer Minister san ki i annan devan li sa texte, sa Cabinet desizyon – e nou konnen napa desizyon Cabinet, akoz sel keksoz ki SS in dir nou se ki Cabinet i kapab pran en desizyon – i kapab, e of course i kapab pran en desizyon.  Me si in pran sa desizyon, oli sa dokiman?  Oli sa desizyon?  Oli son dokiman ki permet Minis fer sa provizyon dan sa Bidze?  Sa ki nou anvi konnen – oli sa desizyon e si egziste mon parye Mr Speaker mon met R100 lo latab la, ki sa desizyon in ganny pran an 2018 anba prezidans Msye Danny Faure, me mwan mon krwar ki napa okenn desizyon ki’n ganny pran e sa se zis en manboulouk, ek en misouk ki pe ganny met devan nou ozordi.  Mersi Mr Speaker.

 

(APPLAUSE)

 

 

MR SPEAKER

Mersi Onorab Georges.  Onorab Sebastien Pillay.

 

 

HON SEBASTIEN PILLAY

Mersi Mr Chair.  Mr Chair premyerman mon ti a kontan demann PS pour Finans nou pe tann nonm bann gro, gro sonm mansyonnen, mon ti a kontan ou klarifye avek nou SS, sorry ki mannyer sa bann sonm i ganny kalkile, lo ki baz pour bann Constitutional Appointees sa bann sonm i ganny kalkile?  Ki formil ki ganny servi pour kalkil sa bann sonm?  I enportan pour piblik Seselwa konnen akoz nou pe tann nonm bann diferan sonm.

Mon 2enm kestyon lo la, mon pour annan lezot kestyon apre Mr Chair, mon pe ekout lot kote, mon 2enm pwen lo la i se ki, eski laprouvasyon sa Bidze ti ganny fer par Cabinet?  E tou bann eleman dan sa Bidze ti ganny met devan Cabinet enkli sa provizyon Bidze, sa provizyon bidzeter pour Constitutional Appointees?  Akoz Cabinet ti fer sorti en rezolisyon ki ti’n aprouv Bidze pour ganny met devan Lasanble, so eski Cabinet ti aprouve sa son rezolisyon avek tou sa bann provizyon Gratwite pour Constitutional Appointees.

So si ou kapab reponn sa 2 kestyon, 1 ki mannyer i ganny kalkil pour par egzanp bann Minis, Manm Lasanble, Leader Gouvernman, Leader of Government Business, Speaker tou bann dimoun ki Constitutional Appointees i annan en formil i ganny servi pour kalkil zot Gratwite, so dir nou ki sa formil e ki mannyer ou tonm lo sa bann sonm ki ou’n tonm lo la – premyerman enn.

Apre dezyenmman eksplik nou si Cabinet ti aprouv desizyon pour li met sa Bidze devan Lasanble.  Mersi Mr Chair.

 

MR SPEAKER

Mersi Onorab Sebastien Pillay. SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab, bidze nou pa pour kapab soumet bidze ouswa Gazet bidze Appropriation Bill avan ki nou resevwar laprouvasyon Cabinet of Ministers.  So nou’n pas dan sa prosedir ki tou bann policies avek tou bann sonm ki’n mete dan bidze nou’n bezwen ganny, nou’n ganny Cabinet of Ministers laprouvasyon.

 

MR SPEAKER

SS ou’n fini ou repons – ou annan ankor?

 

SECRETARY OF STATE – MR PATRICK PAYET

Non mon ti annan sa 2nd …

 

MR SPEAKER

Ou annan 2 part ou kestyon in reponn 1 part, ou ava re kestyonn li apre, les li i ava pran 2enm apre ou ava retournen en moman, en moman, met ou mic on.

 

HON SEBASTIEN PILLAY

Mon ti oule zis konnen si ler sa dokiman Bidze in ganny aprouve par Cabinet, spesifye avek nou si ti enkli sa bann gratwite ladan?  This is what i would like to know, akoz Onorab Georges in demann nou en kestyon spesifik li, oli sa rezolisyon Cabinet ki dir pour met sa bann Gratwite ladan.

So mwan mannyer mon pe konpran akoz i annan lezot size ki nou pe deal avek, mannyer mon pe konpran i annan 2 fason i ganny fer, swa i ganny fer atraver rezolisyon ki Cabinet in dir sa lannen zot pour deside pour zot pran sa Gratwite ki zot ti forgo eksetera which is the main issue ki nou pe koz lo la, oubyen dezyenmman si Cabinet ti vwar tou sa bann dokiman enkli sa dan sa provizyon bidzeter pour Gratwite bann Constitutional Appointees.  Mersi.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab pour go back kekfwa lo sa kestyon spesifik wi Cabinet ti war i ti pran desizyon lo sa chiffres during the prezantasyon Bidze e laprouvasyon.

E sa ki konsern formula tou bann, mazorite bann Constitutional Appointees zot, i ganny zot en end of the year gratuity e sa i 25poursan zot total saler tou le, ki letan ou adisyonn li son lannen antye 25poursan lo la i ganny peye koman end of the year Gratwite.

Apre secondly letan zot fini zot term, ki usually every five years, zot ganny peye 50poursan lo zot total saler letan in adisyonnel tou zot saler ki zot in resevwar pandan sa 5an, zot ganny peye 50poursan lo la.

Me sepandan si i annan Constitutional Appointees ki par egzanp i resign pandan en peryod letan, zot ganny peye a proportionately sa manda ki zot in follow ok? Par egzanp si nou pour servi legzanp ex-Speaker, par egzanp si ex-Speaker ti pe resevwar li en saler R60, 000 mete tou le mwan, pandan sa peryod ki in follow an Septanm 2016 ziska Fevriye, Zanvye, fevriye 2018 i pour ganny peye 50 poursan son total.  So sa i bann end of term gratuity ki nou peye.

 

MR SPEAKER

Onorab Pillay.

 

HON SEBASTIEN PILLLAY

Mersi Mr Chair. Mr Chair prezan devan nou, nou annan nou en lot sityasyon ok? Sityasyon ki nou annan se ki Onorab Ferrari ti vin dan Lasanble e fer en statement ki pour annan en eleksyon – baze lo en kalkil ki i ti’n fer regarding bann Gratwite Konstitisyonnel. Sso premyerman statement ki Onorab Ferrari ti mislead Lasanble ok?  Malgre ki nou ti’n alert Lasanble lo la, i ti’n mislead Lasanble.

 

(Interruption)

 

MR SPEAKER

Les Onorab Pillay koze apre mon ava donn zot la parol apre sa ki oule koze.  Onorab.

 

HON SEBASTIEN PILLAY

Mersi Mr Chair sa premyerman ok? Now lefe ki Onorab Ferrari in mislead Lasanble napa nanryen pour fer avek sa ki nou pe diskite la, sa ki nou pe diskite prezan i en 2enm vole kot ti annan en desizyon ki Cabinet ti pran pour li forgo son gratwite ok? Now eski prezan kestyon ki mon bezwen demande eski ler zot ti aprouv sa bann provizyon bidzeter Cabinet ti konsider lefe ki ti’n deza forgo sa bann Gratwite.  Akoz la mon konpran kot nou ete dan Lasanble, mon mwan vwar mon dan en sityasyon konplike mwan, ok premyerman – enn – nou pe ganny akize konmkwa nou’n fer en promes ek lepep Seselwa ki nou pa’n delivre!  E tou dimoun laba pe montre ledwa lo sa kote latab, konmsi nou nou’n fer sa promes e nou pa’n delivre.

 

(Interruption)

 

MR SPEAKER

Kontinyen…

 

HON SEBASTIEN PILLAY

Mersi Mr Chair.  Ok e i kler poudir ni Onorab De Commarmond – mwan menm oubyen okenn Manm dan sa kote latab pa’n fer okenn promes – ok?

Now dezyenmman Mr Chairman nou annan nou en lot problenm kot ou annan ou en dimoun ki’ n travay depi 2011 ziska 2015 ok, e mon pa konnen ki mannyer LDS pour run son Cabinet, me dan en Cabinet ler en desizyon kolektif i ganny pran, i en collective responsibility!  E tou Minis, tou Minis i bezwen pran collective responsibility malgre i pour annan 1 oubyen 2 ki pa pour dakor ek sa, that’s the way Cabinet i marse.  Minis ou ava koriz mwan si mon mal, Onorab Afif ki konn tre byen ki’n dan Gouvernman pour plizyer lannen e konn sa osi tre byen ok?

(Mon pwen pe vini Onorab pa per ou, mon pwen pe vini mwan.)  Prezan nou vwar nou dan en sityasyon kot sa bann Minis in vin devan e probableman zot pe claim zot Gratwite.  Now byen ou mal i annan en desizyon ki Cabinet ti ganny pran e tou keksoz i go back to this, LDS pe servi sa pour trenn nou dan labou as much ki zot kapab lo sa kote latab, ok? Trenn nou dan labou as much ki zot kapab menm Onorab Georges ki mon ti krwar i atraver ou Mr Speaker in vwar keksoz dan en loptik en pe pli ouver, in pran menm lapros.

 

(Interruption)

 

HON SEBASTIEN PILLAY

Mr Chair mon’n ekout tou dimoun lo lot kote latab koze trankilman, akoz ki ou pa ganny drwa koze dan sa Lasanble?

 

MR SPEAKER

Let us hear Onorab Sebastien Pillay silvouple, laparol i pour li, annou ekout li.

 

HON SEBASTIEN PILLAY

Mersi Mr Chair.  So problenm ki nou, nou ladan prezan pour nou kapab eksplike Mr Chair ki en lenpas, se ki apre ki zot ti’n fer sa promes, sa promes to forgo zot Gratwite, eski zot ti konnen ki zot ti pe forgo?  Zot konnen ki zot ti pe dir, eski tou dimoun dan Cabinet ti subscribe tou sa?  Sa i kestyon ki nou bezwen demann nou lekor, e prezan demen, demen non, non ekoute, demen si ou annan ou en Gouvernman LDS mon pa konnen si apredmen oubyen lannen 2020, ‘2000 Zanmen’ mon pa konnen whenever i pour vini, ou annan ou en Gouvernman LDS i annan en sanzman en pasasyon pouvwar nou pran, sa Gouvernman i pran en desizyon ki i krwar i en desizyon politik pour li forgo sa bann Gratwite, i pa eskiz lefe ki sa bann dimoun in travay depi 2011 e 2015 e legalman zot due sa bann keksoz.

So lenpas kestyon ki nou bezwen demann nou lekor prezan la, se lefe ki zot ti fer sa commitment, si sa commitment i override lefe ki zot annan en legal due?  So se sa ki prezan Minis i bezwen eksplik nou si Cabinet in konsider ramifications pa zis legal, ou’n eksplik nou ramifications legal sa desizyon, me ramifications lo en baz prensip sa desizyon par lefe ki zot ti fer en commitment pour zot forgo sa larzan.  So eski sa in ganny fer, eski sa diskisyon in ganny fer san ki, mon konnen poudir ou pa kapab devwal sa ki’n ganny diskite lo Cabinet, mon respekte sa – me eski ou kapab dir nou si sa pwen in ganny aborde, akoz nou pe deal ek 2 size la, 1 en koman en konteks legal e lot ramifications lo en baz prensip.  So eski Minis i kapab eksplik nou sa Mr Chair.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab parey SS Payet in dir laprouvasyon Cabinet in ganny fer letan sa Bidze 2019 ti ganny prezante e se a sa moman la ki desizyon in ganny pran e Minister Finans ki ozordi mon pe dirize nou, nou pa oule perdi konfyans personn – o kontrer se en pe dan sa laliny ki ou vwar nou’n anmenn sa, pour annan sa diskisyon isi.  Akoz i enportan parey mon’n dir Lalwa i dir fodre nou fer provizyon e nou bezwen ganny en desizyon pour nou e nou ganny li la.

So vwala sa ki nou’n bezwen fer, son letan in arive pour nou table sa budget provision isi apre ki nou’n ganny approval Cabinet.  Annefe nou’n ganny nou plizyer sesyon Cabinet lo bidze, nou pa’n ganny enn nou’n ganny nou omwen 2 ou 3 si mon memwar i bon, pa spesifikman lo la, akoz sa Bidze i en bidze ki vreman tight parey zot realize.  So vwala Mr Chairman mwan mon santi ki anmenn li isi se sa en pe sa transparans ki nou pe koz lo la.  Mersi Mr Chairman.

 

MR SPEAKER

Mersi Minis.  Mon krwar petet mon pour servi parol Onorab Sebastien Pillay – nou dan en lenpas, mon osi mwan pli konfize la.  Minis sak Head, sak Lenstitisyon ki ganny en Bidze i fer son preparasyon, i fer son preparasyon, i fer son demann avek ou Minister, eski petet sa sonm i pa kapab zis in ganny deside dan en Cabinet meeting, sa sonm i bezwen ganny anvoye avan pour enkli dan sa Bidze parey Lasanble Nasyonal ti prepar son Bidze boner pour anvoye pour enkli dan bidze Nasyonal, petet SS mon krwar dokiman, sa ki Lasanble pe demande la, eski i annan en dokiman ki ou’n resevwar ki in dir poudir en desizyon in ganny pran par Cabinet oubyen par Prezidan pour reverse desizyon ki ti ganny fer 2015/2016 e pour fer rantre sa sonm pour kapab pey sa bann dues? 

Or eski mon annan en parol ki mon’n ekrir lo mon pti bout papye la, eski Lasanble in ganny mislead?  Ki pour mwan mon pe vwar en breach e i pe kre osi en breach of trust ozordi ant 6enm Lasanble Nasyonal avek Minister Finans! En relasyon ki’n ganny etablir pandan sa 2an plis – ki mon krwar i en tre, tre bon relasyon e mon pe santi mwan ozordi kot mon pe Head en Lasanble ki santi ki i annan en keksoz ki – ankor mon servi sa nou dan en lenpas kot sa trust ant Lasanble Nasyonal petet ant FPAC avek Minister Finans in ganny breach!  E petet lot parol ki mon annan ankor lo mon pti papye la, sak bidze, sa amount in ganny sneak-in dan sa Bidze, eski petet mon kapab servi en parol koumsa!

 

(APPLAUSE)

 

MR SPEAKER

Mon annan – mon pe eksprim sa akoz mon vwar nou dan en lenpas e mon pa pe kapab vwar en way forward.  I annan en lot keksoz ankor. Atraver entervansyon Onorab Sebastien Pillay ozordi nou kapab demann Minutes of the Cabinet meeting ki ti aprouv sa Bidze.  Access to Information Act i fer provizyon pour sa, pour nou regarde si Cabinet ti aprouv sa amount e okenn Manm Cabinet in mansyonnen poudir sa amount R6 ekek milyon i fer provizyon pour sa.  Alright e si nou go dan sa direksyon nou riske vwar nou ankor dan en lenpas kot napa en dokiman kot napa en desizyon ti ganny fer.

So vwala en pti sa fernwar ki nou vwar nou ladan – sa lenpas ki nou vwar nou ladan. Kestyon pe ganny poze e nou pa pe ganny repons.

Ok Onorab Simon Gill mon ava vin lo ou apre – me i annan entervansyon ki Onorab Georges in fer, Minis petet avek SS kapab donn en pe klarifikasyon.  E ankor mon krwar Onorab Georges in al en pti pe dan sa laliny dokimantasyon.  Nou bezwen clarité avan nou kapab bouz devan, Minis oubyen SS avan mon donn en lot Manm laparol.  Yes Minister.

 

MINISTER MAURICE LOUSTAU- ALANNE

Mersi Mr Chairman.  Mersi pour ou kontribisyon.  Mr Chairman nou pa’n sneak-in nanryen nou.  E pour klarifye Bidze Lofis Prezidan ki pour 2019 nou’n diskite osi isi e se son biro ki prepar Bidze, e i propoz avek nou e donk sa lenformasyon ki nou’n mete la sa 6.585 milyon sa sif i sorti kot Biro Prezidan dan preparasyon bidzeter.  Sa breach of trust ek confidence i malere si in ariv koumsa, me lentansyon pa ti sa ditou.  O kontrer lentansyon sete pour met tou lenformasyon lo latab.

An sa ki konsern en desizyon Cabinet spesifikman lo la, parey mon’n dir pli boner pandan diskisyon Bidze 2019 sa ti dan sa budget book ki Cabinet in pas lo la, e se la kot sa desizyon in ganny pran.  Me mon ava tyeke avek Cabinet Sekretarya pour mon vwar si i annan en desizyon spesifik an sa ki konsern sa 6.585 milyon.  Mersi Mr Chairman.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Chair.  Mr Chair mon ti a kontan tou dabor fer kler ki sa desizyon pour pey ‘end of term gratuity’ ki zot in deside lo la pour ou dir zot pa pour pran, i pa en desizyon 2018 li, parske premye peyman i pa en desizyon ki dan sa Bidze ki nou pe gete la, i pa sa enn pour 2019 sa 6.6milyon. Set en desizyon ki ti’n ganny pran avan Desanm 2016, nou pe koz dan Ladministrasyon Msye Faure koman i ti vin O Pouvwar parske sete le 27 Desanm 2016 ki 2 peyman ti ganny fer; premye R2,47,178milyon pour Prezidan Michel, ansyen Prezidan Michel e dezyenm le 27 Desanm 2016 ki ti R1, 206, 949milyon pour ansyen Minis Lionnet, alor desizyon ti’n ganny pran pour ranvers sa desizyon Cabinet ki zot pour forgo 2015 e zot pour forgo 2016!

Parske pour Msye Michel ti annan 1.6 pour 2015 end of term avek 436mil pour 2016; pour Mr Lionnet ti 932mil pour 2015 – 275 mil pour 2016.  Zot ti’n reverse li pa dan sa Bidze, dan Bidze 2016 zot in reverse li under the watch of Prezidan Faure.

Alor i kler kot ou pour al rode kote desizyon ti’n ganny fer.  Depi sa letan, depi sa letan e nou dan sa Lasanble dan tou sa bann Bidze ki’ n pase nou pa’n zanmen vwar en kolonn ki marke ‘end of term,’ menm an 2017 ki zot ti sipoze ratifye tou bann peyman siplemanter an 2016, zanmen zot in dir nou zot annan ‘end of term 2015!’

E an 2017 pour 2016 zanmen zot in dir nou poudir ti annan peyman 2016 ki pe ganny ki ti’n sipoze zot in met 2 kote!

Alor set en desizyon pa dan sa Bidze; depi Bidze 2016 ki sa desizyon in ganny pran!  E nou problenm se, nou’n fer zot konfyans ki zot pe donn nou lenformasyon ki korek e tou sa letan zot in pey R7.6 milyon mon pa konnen anba ki Heads sa in pase parske zanmen zot in dir nou.  E la fodre ou dir nou anba ki Heads zot ti pas li, eski ti anba ‘gratuities, Constitutional Appointments?’ Parske zanmen zot in spesifye! Mwan mon annan tou lede siplemanter ki zot ti pase an 2017 premye ti dir’ gratuities 2.5milyon sa pour Septanm 2017 zot ti met ‘shortfall in gratuities dues’ – 2.5.  Answit zot ti donn nou en lot ki pour 2018 e sa ti resan, sa ti 2 mwan pase, pour Oktob zot ti dir ek nou ‘3.1 million to cater for dues for ex-Speaker upon his resignation’, be li i pa ariv sa kantite li, e zot ti pey li toudswit, koman i kite menm lannen zot in fer peyman.

Be la nou pe koz 2019 ou pe al fer en pe selman en pe in fini ganny fer depi 2016, en bann 2017 en bann 2018.  Alor klerman set en Gouvernman ki ti pe kasyet lenformasyon avek Lasanble Nasyonal!  Sa i kler!  Zot ti pe kasyet sa lenformasyon pa anba sa bidze, anba bidze 2016/2017/2018 e se la ler Onorab Ferrari i dir be savedir eleksyon lannen prosenn, zot met ‘end of term!’, La Minis ou’n vini ou’n dir nou sa i en anomaly, be Minis i pa en anomaly sa, sa i en gro fot, en gro frod!  En deception! En total deception!

I en deception parske zanmen premyerman, zanmen zot in dir nou bann lepase in ganny peye – zanmen nou’n ganny dir.  E dezyenmman zanmen zot in pibliy en desizyon konmkwa zot in sanz desizyon Conseil des Ministres.  Zanmen in ganny fer, e alor pour mwan en deception pa zis ek nou, me avek lepep Seselwa ki ti’n ganny dir zot in ganny en kado.  I en gro deception. Mon dezapwente e fransman Minis mon perdi sa konfyans ki mon ti annan avek Minister Finans.  Akoz mon ti ekspekte zot donn nou lenformasyon ki korek pour nou fer desizyon ki korek, be prezan i fer nou demann nou lekor be kwa ankor ki zot pe kasyet?  I fer nou demann nou lekor sa kestyon.

E mon ti a kontan Minis si ou kapab spesifikman dir nou la pour le moman i annan 7.6 milyon ki’n pase dan en fason ilegal, parske napa desizyon Cabinet devan nou, sel keksoz ki i annan devan nou se forgo sa bann sonm, dir nou anba ki Head zot ti pas 2016/ 2017, e 2018 bann sonm ki’n ganny peye en total 7.6milyon ki nou pa konnen lo ki baz in ganny fer.  Mersi.

 

MR SPEAKER

Mersi Onorab Afif. Minister oubyen SS, zot annan klarifikasyon. Apre mon ava donn laparol Onorab Simon Gill.  SS.

 

SECRETARY OF STATE – MR PATRICK PAYET

Mersi Mr Chair. Mersi Manm Lasanble. Tou peyman bann Constitutional Appointees i peye anba bann vot spesifik e sa i Constitutional Appointees Emoluments, i annan en specific vot specific bann ki tonm anba Lofis Prezidan par egzanp Prezidan, Vis-Prezidan, Designated Ministers avek bann lezot Minis avek bann ex Minister’s pansyon i ganny peye anba kot zot;- for National Assembly son accounting officer se National Assembly pour bann diferan vot apre ou annan bann lezot Constitutional Appointees.

So i vreman spesifik, so ou annan zot saler tou le mwan e dan desanm zot pour annan end of the year Gratwite, e apre letan zot fini zot manda zot annan the ‘end of term Gratwite.’ So tou peyman i ganny fer anba sa vot spesifik, me kekfwa pour sa bann ki’n ganny peye 2016 parey mon’n dir oparavan se i bezwen ti annan savings ki i bezwen ki Lofis Prezidan in pey sa bann vot, so definitivman zot pour peye san request supplementary si anba sa vot, son accounting officer se Lofis Prezidan e Trezor in fer bann peyman apre ki zot, tou bann dokiman in sorti kot Lofis Prezidan.

Sel supplementary ki mwan okouran ki nou’n anmennen, se mon konnen ti annan pour kekfwa sa enn 2018, pour akoz nou ti vin dan bidze premye supplementary an me 2018, ti annan pour 2 Minis, ti annan pour Minis Morgan avek Minister Larose, so ti dan supplementary sa nou kapab klarifye apre Minis Alexander avek Minis Benstrong i ti pour bezwen dan bidze supplementary 2017 midyear. Kekfwa osi dan supplementary an Me kekfwa nou pa’n vin avek the total sum vi ki i ti annan savings vi ki Cabinet of Ministers in redwir from, zot in bezwen ganny en pe savings ki i annan 2, less Minister.  Avan ti annan apepre, ti annan 12 Minis e la i annan zis10 Minis so definitivman i annan 2 Minis, 2 salary savings ki kekfwa i pa’n vin son total.  So pour nou sanmenm sa ki nou’n met li dan, par egzanp si zot pour get dan budget book, the Constitutional Appointees, tou bann Minis lo sa seksyon, zot pour vwar ki sa sonm akoz usually par egzanp si ti pe ariv en eleksyon, ou ti pour vwar tou Minis ti pour bezwen ganny end of term Gratwite, tou Minis ti bezwen annan sa end of term gratuity.

Par egzanp letan ou regard dan sa liv Bidze lo paz 1 pour Minis Ledikasyon, Human Resources, Finance, Trade, Investment ek Economic Planning zot napa sa end of term gratuity me si ti pour annan eleksyon tou Minis ti pour bezwen annan son end of gratuity.  Me dan sa vot i zis eksklir sa bann Minis, so this is why ki nou’n met li dan liv Bidze pour nou akoz i bezwen pas dan prosedir pour ganny aprouvasyon before any peyman i ganny fer pour sa bann lezot Minis.  Mersi.

 

MR SPEAKER

Mersi SS.  Bon les mon ava donn parol Onorab Simon Gill apre mon a kapab retourn lo kote isi.  Onorab Simon Gill.

 

HON SIMON GILL

Mersi bokou Mr Speaker e bonzour Mr Speaker, bonzour Minis avek ou delegasyon, bonzour tou koleg Onorab e manm piblik ki pe ekout nou, Mr Speaker annan nou en sityasyon devan nou Lasanble, pour mwan depi moman ki Onorab Ferrari ti koz lo sa size ki an kestyon ozordi, mon’n fer plizyer refleksyon.  mon’n demann en kantite kestyon, e en kantite repons in ganny donnen, apre bann repons mon’n kontinyen fer bann lanaliz e bann refleksyon personnel lo sa size, apre ki nou’n fini bann diferan lazournen deba lo Bidze Nasyonal pour 2019 avek en lespri kalm mon’n asize mon’n kontinyen reflesir lo sa size, akoz i vreman en size delika.  Bann entervansyon ki’n rantre avan mwan, i montre ki mannyer sa size i delika.  E koman en Lasanble mwan personnelman mon form parti dan sa pozisyon ki sa size devan nou i delika.  E malgre sa si size i delika Mr Speaker, dan mon bann refleksyon ki mon’n fer mon pour partaz avek zot mon bann refleksyon.

No. 1, dan lavi Mr Speaker, dan lavi bann Leaders Mr Speaker diferan Leaders partou atraver lemonn Mr Speaker zot fer bann fot, zot in fer bann fot, e isi dan Sesel Mr Speaker nou pa en leksepsyon. I annan bann desizyon ki’n ganny pran Mr Speaker ki pa neseserman bann desizyon ki legal, me parkont desizyon i ganny pran – i ganny carried e lepep i tande, lepep i ekoute e lepep i pas bann zizman.

2enm pwen ki mon krwar i ekstrememan enportan pour nou koz lo la se an relasyon byensir plis spesifikman sa lanons ki Prezidan Michel ti fer an relasyon avek peyman larzan ki ti due pour son bann zonm ki’n travay dan Cabinet avek li; ki atraver bann lannen zot in donn zot kontribisyon e finalman en desizyon ti ganny pran pour zot forgo zot dues.  E bomaten Onorab Afif in lir nou la baz sa l’annoncement, e mon ava hublement demann Onorab Afif pour fer nou ganny kopi sa dokiman ki in lir; i vin propriyete nou Lasanble Mr Speaker baze lo nou bann lord e nou bann prosedir ki nou annan, i bezwen donn nou en kopi sa dokiman.

3enm pwen ki i osi enportan Mr Speaker avek en lespri kalm, seren sa Lasanble Mr Speaker nou’n deza ranvers bann desizyon ki Gouvernman lepase in pran, e ki Gouvernman prezan in pran.  I annan Lalwa ki nou’n amande Mr Speaker pour nou rann zistis lo sa ki koman en Lasanble nou’n analize, nou’n diskite e nou ti vwar poudir en lenzistis ti ganny komet, e bann ex-Ministers dan Gouvernman avan 1977 Mr Speaker nou ti amann Prozedlwa pour nou anmenn lazistis pour sa bann ex-Ministers akoz koman en Lasanble nou ti dakor poudir en lenzistis ti’n ganny komet e nou ti oule fer zistis pour zot.

E Mr Speaker mon oule dan mon senkyenm pwen vin kategorik, kategorik dir ki desizyon, l’annoncement ki Prezidan Michel ti fer pour forgo dues pour son bann zonm, fanm ki’n travay avek li ti en desizyon illegal!  It was an illegal decision! En desizyon ilegal – en prononcement ilegal ki ti ganny fer.

Mr Speaker e lo sa baz, lo sa baz bann Minis ki zot dues zot ti devret gannyen, nou ti bezwen donn zot sa zistis.  E dan nou Lalwa Mr Speaker, dan nou Lalwa Mr Speaker i dir ki personn ni menm Prezidan e ni menm sa Lasanble Nasyonal pa kapab amann en Lalwa or anmenn en Lalwa ki koup saler okenn travayer dan sa pei pour li ganny mwens ki Lalwa ti’n preskrir, oubyen mwens ki sa ki i ti’n abitye gannyen.  Alor i egalman aplikab ki bann Minis ki ler nou bouz lo sa nivo avek en lespri kler, en lespri seren, nou vwar poudir en lenzistis in ganny komet, annou kalm zistis swiv lanaliz.

Mr Speaker mwan mon dir koman en Lasanble, koman en Lasanble e zot konn mon pozisyon lo la, serten i konn mon pozisyon lo sa size, mon pour demann zot mazorite LDS dan sa Lasanble, hublement mon pour demann zot e mon pour enplor zot annou pa komet bann menm lerer ki Gouvernman lepase prezan in fer, annou pa komet bann menm lerer, annou fer sir ki koman en Lasanble nou pratik fairness.  

E nou donn lazistis kot i merit donn lazistis, mon konpran tou zot pozisyon, tou zot bann largiman an relasyon avek statement ki Prezidan Michel in fer, mon konpran sa ekstrememan byen, me selman mon pe demann zot pour nou go beyond sa, eske ti pe rann zistis sa lanons, sa desizyon?

Eske parfwa politisyen ou pa ganny carried away avek serten levennman, serten sityasyon, e mon pe demann zot pour pa fer menm fot.  Demen bomaten zot form nouvo Gouvernman dan sa pei e Lasanble nou pour la nou an minorite, an mazorite pe enport ki proporsyon ki dimansyon nou pour la, akoz koman en parti politik nou pour kontinyen mentenir nou legzistans e kontinyen donn en koudmen pour anmenn sa Sesel devan, e nou pour fer nou kontribisyon.

Lo sa kote latab Mr Speaker i annan bann zonm, fanm diny, humble ki nou’n travay e zot osi zot in travay e nou oule kontinyen fer nou kontribisyon. E nou kontribisyon se pour anmenn Sesel devan e nou pe demann zot pour zot rann lazistis, rann lazistis tou sa bann Minis ki pa’n ganny en posibilite pour zot atraver en desizyon ki’n mal kalkile pour zot kapab ganny zot dues.

Finalman Mr Speaker mon pwen dan konklizyon i koumsa; nou ava demann avek Minis Finans, mon pe soumet dan sa Lasanble ki nou demann Minis Finans pour retournen al diskite e al revwar atraver bann konsiltasyon legal e mon konpran ki SS Payet in dir ki Attorney Zeneral in dir li ki legalman zot devret pe peye sa, me nou konpran osi ki in annan en prononcement lo la, e nou osi konpran ki serten bann dimoun – bann Minis ki’n dan Cabinet ki’n ale lanons in ganny fer ozordi la, zot in deza ganny sa due, ganny zot dues, malgre ki sa lanons Manm ganny fer, e i enportan ki nou met tousala o kler.  E si nou pe rode ki mannyer bann leres peyman in pase, 2015, 2016 or 2016, 2017, 2018 bann detay pa’n donnen, mon’n la, la dan sa Lasanble byensir, bann detay pa’n donnen, bann peyman in anba bann Head or parey SS in dir probableman in annan bann savings ki in annan e bann peyman in ganny pas anba la, pa’n bezwen rod clearance, sa osi mon konpran, me pe enport kwa i annan en statement ki dan domenn piblik e lot dokiman ki nou pe espere, se dokiman ki Onorab Afif in lir.

E 3enm dokiman referans se sa Bidze 2019, mon annan bann sentez desizyon Cabinet ler ti aprouv Bidze 2019, i ti annan en sesyon Cabinet spesyal e ti go public ki dir Cabinet of Ministers in aprouv tou bann endikater ki’n ganny donnen dan Bidze 2019 e i ti donn par la swit posibilite pour ou al pibliye dan Gazet Ofisyel, e sa vot i dan sa Bidze 2019.

E dan mon refleksyon, dan mon lanaliz mwan osi pe konpran ki si Cabinet in aprouv tou bann endikater ki’n ganny donnen dan bidze 2019 kot sa sonm ti deza ladan, i osi vedir ki in donn laprouvasyon pour sa sonm, napa kontradiksyon, napa konfli ladan, me bann detay, i normal ki dan en Bidze ou pa ganny tou detay, i normal, napa en pei dan lemonn ki donn tou detay dan en Bidze, e se nou bann Lezislater ki atraver nou, lafason ki nou aprofondir dan bidze pour nou demann bann kestyon, demann bann leklersisman.  Me nou kapab osi dir ki baze lo lefe ki ti deza annan en prémise ki Minis Finans dan son prezantasyon si i kapab koz lo sa size, me i pa’n ganny fer, i pa’n ganny fer, i kler i pa’n ganny fer, me eske i en anomaly, sa i en kestyon nou poze.

Mr Speaker mon dernyen pwen dan mon konklizyon se ki nou ava dir ki koman en Lasanble, mwan mon pour toultan defann kote lazistis.  Mon konpran koman en Seselwa, koman en Lezislater ki nou tou nou bezwen al lo kote lazistis, e ozordi nou Lasanble nou grander pour ganny marke ki mannyer nou fer zistis or ki mannyer nou donn lazistis devan sa size ki devan nou Lasanble.

Mon konpran bann pwen ki pe rantre partou, lo lot kote ki pe dir nou lazistis se tou sa bann Minis ki’n ganny peye ki’n pran zot larzan retourn sa bann larzan e bann ki pa ankor gannyen parey in ganny soumet par Onorab Afif nou pa donn zot, nou koupe nou met dan bann lezot area, in mansyonn dan Sekter Sosyal or dan progranm sosyal, la osi kestyon i poze eske i sa fason ki nou pe rann lazistis?

Mr Speaker nou lo kote Lasanble e mwan koman en Manm ki’n servi dan Lasanble depi 2013, depi 1993 eskize i annan bann moman mwan osi mon’n ganny afekte par bann desizyon ki’n ganny pran, me eski mon ti parti sa bann desizyon?  Eski mon ti ganny konsilte avan ler desizyon ti ganny pran pour koup peyman ki ti due pour mwan?  Byensir mon pa ti la, bann ki konn byen kan Lasanble ti an sesyon, kan mon’n dan Lasanble ti konnen ki mon pa ti la, me lefe i reste ki mon form parti, mon en Manm en parti politik, yer ki son Leader ti anons en desizyon e en desizyon ki ti ilegal, e nou ti diskite lo la, nou ti fer prononcement lo la, malerezman pa isi dan sa Lasanble.

E Onorab De Commarmond ki’n Manm dan 5enm Lasanble Nasyonal ti eksprim son rezervasyon lo sa size, me malerezman listwar se listwar e bann desizyon in pase, e ankor enn fwa nou demande eske nou ti pe fer lazistis?

E sa Lasanble Mr Speaker finalman nou pe demann zot, mwan koman en Manm Parlman ozordi mon pe demann zot pour nou donn lazistis.  I vre ki tou sa bann pozisyon in ganny fer – tou sa bann deklarasyon in ganny fer e annou rasire ki personn, personn nou pa la dan sa prosen Lasanble ki pour vini, personn pa pour anmenn en Prozedlwa pour fer en lamannman dan okenn Prozedlwa ki dapre zot zizman nou pa’n fer lazistis.

E rapel nou ki nou Lasanble ankor enn fwa mon pe met lo rikord Mr Speaker, nou’n fer en lamannman lo en Lalwa pour nou rann zistis bann ex-Ministers ki ti dan Gouvernman ’76 e ki apre ’77 in annan bann issues ki’n arise; nou’n fer zot zistis e zot pe ganny zot dues, zot pe ganny zot dues, i en lenzistis ki ti ganny komet e nou’n acknowledge, e la osi i annan en lenzistis ki’n ganny komet nou bezwen acknowledge.  Annou pa les okenn Lasanble vin parti prenon okenn desizyon enzis ki pour afekte okenn nou bann frer, ser dan sa pei.

Mr Speaker mon soumet sa pozisyon pour tou nou bann Manm Lasanble avek en lespri fre, kler, kapab diskite apre ki nou les Minis, nou pa pran en vot lo sa, nou les Minis ale al re diskit ankor, me sa ki mon pe vwar, mon pe antisipe i pour annan bann ka ki ganny met Ankour e kot Gouvernman pour bezwen a lafen dizour rann lazistis kot lenzistis in ganny komet.  Mersi bokou Mr Speaker.

 

MR SPEAKER

Mersi Onorab Simon Gill.  Bon mon ava donn parol SS apre nou ava pran en Break e nou ava retournen akoz mon annan enn de entervenan ankor ki’n endike ki zot anvi fer en entervansyon lo la, nou ava pran en Break nou ava retournen apre.  SS Payet.

 

SECRETARY OF STATE – MR PATRICK PAYET

Mr Chair kekfwa zis pour mwan koriz sa ki mon’n dir lo premye supplementary, detay dan supplementary sa ki ti fek ganny pase kot Lasanble during the Midyear Review, dan budget cut bann supplementary ki nou ti demann transfer of funds i annan en sonm R5.5milyon pour Constitutional Appointments Emoluments dan ‘Other Wages and Salaries.’ E si FPAC i mazinen letan nou ti soumet unfreeze budget pour Lofis Prezidan ti annan sa sonm ki nou ti demande pour nou kapab unfreeze sa budget pour nou kapab pey ‘end of term’ son konpansasyon, tou bann gratwite pour Minister Joel Morgan avek Minister Larose letan zot ti exit, sa ti dan unfreeze, me nou ti koriz li akoz i ti en transfer of funds from Lofis Prezidan to Constitutional Appointments, nou ti koriz li dan supplementary ki nou ti mansyonnen i Supplementary Budget Appropriation transfer of funds lo paz 3 ti annan en sonm R5.5milyon ki nou ti dir ki ‘’additional fund relates to the unfreezing of funds within the office of the President which is to be reallocated to Constitutional Appointments budget,’’ Me detay nou ti donnen dan unfreeze budget letan nou ti soumet.  Mersi.

 

MR SPEAKER

Mersi SS.  Bon mon sizere nou pran en Break nou ava retournen 11.30 pour nou kapab kontinyen deba lo sityasyon ki devan nou.  Ok nou pran Break nou retournen 11.30.

 

(BREAK)

 

MR SPEAKER

Bon nou ava kontinyen nou travay.  Mon a donn laparol Onorab Afif.

 

HON AHMED AFIF

Mersi Mr Chair.  Mr Chair zis 2 pti pwen – enn pou reponn sa ki SS Payet ti dir ki zot ti’n fer en savings ki zot ti pe donn lesplikasyon lo ki mannyer zot in fer sa bann premye peyman R3.2milyon pou Msye Michel avek R1.2milyon pou Mr Lionnet e in dir zot in fer savings anba Biro Prezidan e sete anba la ki zot in pey anba ‘emoluments’.  Me mon bezwen dir SS Payet poudir i pa normal ki sa i ganny fer koumsa.  Parske si i annan en savings ou bezwen fer virement pou al dan Constitutional Appointments oubyen pou al dan gratuities.  E sa mon krwar spesifikman i pou al dan en virement into gratuities apre zot a eksplik nou lo ki virement i été e apre la ki i ganny peye.

Alors i fer mon menm kestyonnen.  Akoz mon rapel an 2016 lafen 2016 ti annan bann sonm ki ti vin devan nou anba President’s Office ki nou ti freeze, parske nou pa ti konnen i enkli pa konnen si i en koensidans R3.2milyon pou ‘security’ egzakteman sa sonm.  E toultan mon tann sa mo ‘security’ mon freeze en sel kou, akoz i fer mon per sa bann sonm akoz mon konnen i pa pou sa.

Be dezyenmman lo kote ‘Supplementary Estimates’ ler zot ti dir an Me 2018 sa lannen zot ti enform nou poudir ti annan bann sonm ki ti pou ‘end of term gratuties’ – mon pa recall dan FPAC sa ti ganny dir, me si in ganny dir pou Minister Morgan sa letan i ti pou normal pou nou an Me 2018, i ti pou normal parske li zot ti pou dwa li pou 2017 e zot ti pou dwa li pou 2018 kan i ti kite i ti pou normal.  Alor nou pa’n kestyonnen parske nou konnen zot ti pou dwa li an 2017 e 2018 me pa an 2015 e 2016.

Se pou sa rezon nou pa’n demann plis lesplikasyon ki sa.  Nou fer zot konfyans tou an konesan ki zot pa pou les sa pase me in pase e finalman Mr Chair zis se pa mon ki’n dir se Onorab Gill ki dir ki en promes ki’n ganny fer avek pep Seselwa par Msye Michel ti en desizyon ilegal.

Se pa mon ki’n dir me i enportan pou pep Seselwa note ki sa sete en promes dan en lannen eleksyon e i ti ilegal.  Ilegal akoz zot fer desizyon zot fer en kado zot ranvers sa desizyon zot pa dir dimoun e zot pas par deryer trankilman e zot in pran R7.6milyon ki ti en kado pou lepep Seselwa.

E kan Onorab Gill i dir annou lager pou justice mon demann mon lekor justice wi nou tou nou dakor e Onorab Gill i koz enpe lo justice par egzanp bann Manm Lasanble ki zot ti ganny koupe zot kondisyon, sa mon dakor ti en injustice parske sete pa Lasanble Nasyonal ki ti pran desizyon sete en lot dimoun an deor en lot lebra ki’n pran sa desizyon pou enpoz en koupir lo zot.  Sa ti en injustice !

E zot pa kapab remet li ler in ganny tire parske Lasanble Nasyonal napa pouvwar pou remet en sonm dan Bidze li i kapab demande me si Gouvernman in dir mon pe koupe sa i en lenzistis e mon dakor avek li.  Me ler Cabinet i fer desizyon pou koup zot prop Gratwite – kwa ki ilegal ladan? Oli injustice ladan?  Se en desizyon kolektif ki zot in pran apre zot in pas par deryer zot in ranverse selman zot pa dir sa dimoun ki zot in donn kado ki zot in pran son kado ek li!

Be eski sa pa en injustice pou pep Seselwa kan ou dir li mon donn ou R7.6milyon kado e ou pas par deryer ou pran sa kado.  Eski sa pa injustice?  E i pe dir nou la prezan rann sa bann dimoun tir sa larzan ek sa bann dimoun.  E pou mwan, mon pa konpran ki injustice Onorab Gill pe koz lo la mon krwar se en desizyon ki’n ganny pran par Gouvernman Mr Faure apartir 2016 – mon met sa klerman lo son latab se pa SS Payet se pa Minister Finans akoz zot pa fer sa bann desizyon pou pey end of term gratuity!

Se desizyon ki sorti State House, State House kot Msye Faure pa kot personn ankor.  E sa bann desizyon in konmanse depi Desanm 2016 in ale 2017, 2018 Lasanble pa’n ganny enformen! Klerman i annan manipilasyon ki’n arive mon pa konnen si mon devret servi frod – parske Lasanble pa’n aprouve sa – zot pa’n dir nou e mon pa ankor vwar sa laliny ki mon met sa ladan e alor mon dir i enportan ki Gouvernman i sorti kler lo la.

I enportan ki nou konnen lekel ki ti fer sa desizyon lekel ki ti donn SS Payet direktiv pou peye?  Parske i pa pou pey lo li menm li.  Kan sa desizyon ti ganny pran?  Ki Konsey de Minis? Ki zour?  Par lekel e lekel ki ti prezide?  Mon krwar sa bann kestyon i enportan pou nou konnen parske en lenzistis in ganny kree kot pep Seselwa relman avek tou respe zot in ganny bat latet.  Mersi Mr Chair.

 

MR SPEAKER

Mersi Onorab Afif.  Mon a donn laparol Onorab Georges.

 

HON BERNARD GEORGES

Mersi Mr Chair.  Mon swiv sa ki mon koleg Onorab ki fek koze in dir akoz i kler mon krwar ler nou ekout Minis bomaten ek Onorab Gill ki’n koz lo en sentez desizyon Cabinet ki annan devan li ki sa ki zot pe dir nou i en desizyon Cabinet, se annefe ler Cabinet in aprouv sa propozisyon Bidze ki’n ganny met devan zot ki’n ganny met sa devan dernyen mwan.  Mon krwar se sa.

I kler ki napa okenn Cabinet resolution ki’n ganny pran konm tel ki pou defer sa Cabinet resolution ki Onorab Afif in koz lo la pli boner, ki ti’n ganny pran an 2016.  Mon krwar napa lekivalans. E sa nou tou nou dakor.  Sel keksoz ki Minis i bezwen pou zistifye sa desizyon, se ki Konsey Minis in aprouv sa proze Bidze ki enkli sa laliny ki nou pe konteste ladan si sa i leka e se sa problenm ki mwan mon annan isi Mr Speaker.

Si sa se leka swa Minister Finans san ganny okenn direktiv avek Cabinet in met sa laliny dan sa Bidze lo zot menm ki mon vwar pa kredib akoz akfer zot ti pou met en keksoz ladan swa direktiv in sorti en lot landrwa pou zot met ladan san ki i annan en Cabinet resolution.  E ant sa de mon pa konnen lekel ki pir! Tou lede i mal.  Onorab Gill i koz lo en desizyon ilegal ki ti ganny fer par Prezidan Michel lala son swit!  Ler ou pran en desizyon ilegal Onorab atraver ou Mr Chair – tou sa vini apre i pou ilegal! Akoz ler ou pou sey kouver en problenm ou pou fer pli gro problenm ankor dan pe sey kouver sa enn ki’n pase avan!

E mon pa vwar en lot fason pou mwan apel sa ki devan nou, konman parey ou’n fer sorti Mr Speaker konman en manev pou pa donn leklersisman lo en keksoz ki pa byen – ki ilegal e pou sey konfonn nou Lasanble pou fer nou vot lo en keksoz ki pa drwat – pa prop – pa legal!

E sa nou pa pou kapab fer lo sa kote latab.  Mon ekout Onorab Gill koz avek bokou pasyon lo lazistis lo annou remet keksoz drwat eksetera wi Onorab Gill sa speech ki in fer bomaten se speech ki Prezidan Faure ti devret fer ek son Cabinet ler i ti pe dir annou retourn an aryer lo sa desizyon ki ti’n ganny pran avan.

Me ki nou konnen i pa’n fer akoz pa’n annan sa Cabinet miting avek sa rezolisyon Cabinet ki i sipoze ti’n ganny pran.  E finally Mr Speaker lazistis, lazistis i koup 2 kote! Ler zot lo zot kote pe demann nou annou regard en keksoz dan lentere lazistis, mon annan en sel keksoz pou mon fer zot rapel mwan!

Le 3 Oktob 2006 ler latet 2 Manm Lasanble Nasyonal ti ganny kase dan precinct Lasanble Nasyonal, eski i annan enn lo zot kote ki ti lev en ledwa pou poudir sa i mal i pa zis?  Personn Mr Speaker!  Ni Speaker ni Deputy Speaker ni okenn Manm lo kote Gouvernman pa’n lev en ledwa poudir sa ki’n arive avek 2 Manm nou Lasanble i mal!  E donk Mr Speaker bann ki pa’n kapab donn lazistis lepep Seselwa pa kapab vin demann nou donn lazistis ozordi!  Mersi.

 

(APPLAUSE)

 

MR SPEAKER

Mersi Onorab Georges.  Onorab Gervais Henrie.

 

HON GERVAIS HENRIE

Mersi Mr Chair.  Mon’n ekout sa deba avek bokou lentere depi bomaten e mon krwar pou bann dimoun ki pe ekoute i bezwen pran sa an kont poudir sa size ki devan nou i reflekte ethical leadership at the highest level ki nou pe koz lo la – Cabinet – Minis dirize par Prezidan Larepiblik e nou konman en Lasanble si nou pran nou rol serye nou pa merit pe gete ki parti nou sorti ladan.  E nou merit pe pran en desizyon ozordi ki met keksoz annord enn fwa pou tou e ensiste ki letan nou bann dirizan i dir nou en keksoz zot viv par sa parol ki zot in dir.

Parski a de repriz parey lentervansyon Onorab Afif bomaten nou’n tande, ti annan en rezolisyon Cabinet ki ti ganny pibliye dan en Press Release apre la anndan dan State of the Nation.  So in vin en Press Release avan apre in vin en prononsman dan en Diskour si okenn Manm ti santi poudir sa desizyon ti ilegal ki responsabilite personnel ki li in pran pou konteste sa, e fer piblik konnen poudir i pa dakor avek sa desizyon.  Donk pou mwan, mon krwar i annan en responsabilite kolektiv e nou koman en Lasanble, nou bezwen rapel zot sa.

Mr Speaker nou vwar nou fini vwar poudir sa desizyon i aret lo Biro Prezidan aktyel Msye Danny Faure.  E Msye Danny Faure ler in vini in koz lo rann kont dan latransparans e bon gouvernans.  Tou le semenn – tou le Merkredi zot fer Press Conference si zanmen Cabinet ti’n pran en desizyon pou ranvers sa desizyon, sa ti’n devret ganny kominike avek piblik Seselwa.

E alor lo sa pwen Mr Speaker ki mon pou zwenn ou koman Chairman COGA e ensiste ki Cabinet i donn Lasanble Nasyonal rikord Minutes Meeting Cabinet pou nou enn fwa prouve kan ki sa desizyon ti ganny pran.

Prezan i fer ki mon annan 2 leklersisman ki mon ti ava kontan Minis i donn nou en detay lo la e sa i ava rezwenn sa ki Onorab Afif e Onorab Georges avan mon in mansyonnen.  Alor in fini etabli baze lo entervansyon Minis ki sete Biro Prezidan ki’n donn en lord pou met sa alokasyon donk nou osi anvi konnen ki zistifikasyon in donn Minister Finans.

Sertennman mon osi parey Onorab Georges mon pa krwar poudir se bann zofisye Minister Finans ki’n azout sa sif dan Bidze.  Lord in bezwen sorti State House me zot in osi bezwen donn en lesplikasyon ki nou ti ava kontan konnen.

Dezyenmman Mr Speaker, Minis bomaten in dir nou poudir li i vwar 2 opsyon ki mannyer sa keksoz i kapab ale e Minis letan in koze in donn nou zis enn so far – in bliy  sa 2enm.  Premye i ti dir nou ki bann dimoun ki pou ganny afekte i kapab al Ankour.  Sa i premye.

2enm i pa’n donn nou alors i ava dir nou 2enm me selman mon ava termin lo la – mon ti ava dir zot si zot le al Ankour al Ankour!  Eski Minis eski Prezidan Faure par egzanp ki Prezidan aktyel pou anmenn son prop Gouvernman Ankour pou larzan ki li menm li i forgo?  Mwan mon challenge zot lo non bann dimoun Mont Buxton, ki’n elekte mwan, ki pe rod lazistis dan diferan fason ki i pa’n gannyen avek sa Gouvernman ki o pouvwar dan 40an!  Mon dir zot al Ankour!  E si non mwan mon krwar poudir nou merit pran en vot lo sa desizyon, e enn fwa pou tou nou bouze Mr Speaker!  Mersi.

 

(APPLAUSE)

 

MR SPEAKER

Mersi Onorab Henrie.  Mon a donn laparol pou la 2enm fwa Onorab Sebastien Pillay.

 

HON SEBASTIEN PILLAY

Mersi Mr Chair.  Mersi bokou bonzour ankor enn fwa.  Mr Chair mon’n ekout byen atantivman bann entervenan ki’n koz ankor par devan mwan e mon pa pou repet okenn keksoz ki zot in dir, akoz mwan osi mon ti a kontan vwar sa size nou bouz ver en lot size, akoz parey mon ti’n endik ou mon ti annan de lezot pwen mon ti le souleve ki pa konsern sa size spesifik lo la.

Me premyerman Mr Chair permet mon pou fer en pti refleksyon.  Akoz mon non i souvandfwa mansyonnen dan Lasanble – par lefe ki mon dan 5enm Lasanble e mon’n fer serten desizyon dan 5enm Lasanble as en collective, ki parfwa mon ganny kestyonnen.  Oubyen mon ganny mon kapab dir – for lack of better words mon ganny atake.  Enn bann desizyon ki mon ti pran Mr Speaker konman en kolektif sete ler nou ti vot lo Lalwa Public Order Act.  E mon konnen poudir mon ganny bokou kritik lo en baz personnel avek menm zis eksplike Mr Chair ki Seselwa Sesel ozordi dan en fanmir ou kapab annan en dimoun ki siport Lopozisyon – parey i annan dimoun ki siport ou parti e nou tou nou koze – nou tou nou sa – e i kler poudir ki i pa ti desizyon ki tou dimoun in apresye.

Me mon’n sanse Mr Chair par lefe ki mon ganny sans refer sa desizyon ler nou ti aprouv Public Assembly Act!  Mon ti osi pran desizyon Mr Chair konman en Manm Lasanble sa letan pou retir provizyon pansyon pou bann MNAs ki ti’n sorti dan Lasanble.  A vre dir ou Mr Chair sa letan, mon pa ti’n vreman enterakte avek okenn mon bann koleg lo lot kote latab, ki ti’n deza dan Lasanble oparavan.

Mon pa ti zanmen menm frekant zot i annan ki mon ti konn zot dan en kapasite profesyonnel akoz nou travay ansanm dan Ledikasyon be pa tou ki mon ti konnen.  E pou mwan a sa moman ki mon ti pran sa desizyon Mr Chair, mon ti pran li baze lo lefe ki nou ti ganny dir ki provizyon Konstitisyonnel ki ti egziste otour sa pansyon li menm li pa ti annord, e mon krwar subsequently nou annan en challenge.

Be sa the secondary issue Mr Chair – si mon al go back to sa premye issue lo an se ki konsern pou retir sa provizyon, i ti en lenzistis ki nou ti fer.  E mwan toultan mon’n fer mon mea coulpa in relation to sa.  Ti lenzistis.  E apre ki mon pas Lasanble dan mon karyer politik ki mon’n aprann en kantite keksoz – mon pa oule sa labitid pou mon komet bann lenzistis.

En premye keksoz ki mon ti a kontan langazman Minister Finans pou fer, se pou vwar tou sa bann MNAs – former MNAs, former Ministers ki ti’n ganny afekte par sa desizyon ki nou ti pran sa letan,  mwan mon demann Minister Finans pou kalkile konbyen zot in perdi pandan sa letan.  Konbyen ki zot pa’n gannyen.  Ki mannyer zot in ganny afekte par sa desizyon.  E at least donn nou en figure lo la.  Sa i mon premye pwen Mr Chair.

Mr Chair mon 2enm pwen ki mon ti a kontan fer se ki Onorab Georges atraver ou Mr Chair – in admet – in admet poudir 2 mal pa fer en byen.  E in dir ek nou koumsa pa vin demann ek zot pou vin koriz  – atraver ou Mr Chair – pou vin koriz en lenzistis, akoz nou, nou pa ti pare pou koriz en lenzistis ler i ti arive.

Mr Chair mon ti a kontan demann Lasanble, si eski ki tan nou pou ale dan sa direksyon kot si mon fer ou en keksoz ou bezwen rann mwan parey?  Dan tou sa bann dimoun ki’n koze Mr Chair i annan en parol ki Onorab Henrie in dir – kanmenm nou pran en desizyon e annou move on ek sa sityasyon.

E sa i desizyon ki mon ti’n pran o konmansman ler mon ti’n konmans entervenir, e in pran en keksoz ki  mwan mon’n dir. So nou’n ariv a en moman kot bezwen pran en desizyon lo sa size.  E annou move on.  Akoz mon ti ava annan lezot keksoz ki mon ti a kontan klarifye avek Minister Finans – mon ava met li la ki mon pa perdi li.

Mon ti a kontan par egzanp lo sa Head ki nou pe koz pou bann pey bann dimoun zot increase dan salary sa 5poursan ki pou vini an Zanvye, ki tou Seselwa pou benefisye ek sa 5poursan ki vwar nou pas nou letan pe diskite pe lager lo sa ki mon apel ‘politik’ no’nu bliy sa group dimoun e pou nou asire ki sa 5poursan i osi enkli sa long service allowance ki zot pou gannyen.

Savedir si en dimoun ki pe ganny R10mil i pe ganny sa 5poursan increase lo son R10mil plus si in fer li pandan serten letan dan public service i pou osi ganny son larzan ki asosye avek sa e sa long service allowance pou vin ansanm avek sa salary increase. 

So pou en dimoun ki i pe ganny li R10mil ki’n fer sa kantite par egzanp ki’n fer over 15an i ava pe ganny li around R2mil increment.  So sa i mon premye pwen.

E mon 2enm pwen lo sa bout ki la, mon ti a kontan demann Minis pou klarifye si ler sa dimoun pe ganny sa increment, ki mannyer nou pou work around tax akoz sa pou vin ansanm, e i pou mont dan tax threshold i pou ganny afekte.   

So sa ti mon pwen lo sa size ki mon ti le leve – mon’n profite pou fer la.  So an konklizyon Mr Chair se ki nou vwar nou dan en sityasyon ki nou bezwen pran en desizyon lo en size – annou pran en desizyon.  Tout an prenan kont ki 2 mal pa fer en byen.  Nou le koriz en keksoz ki i annan en lenzistis nou demann tou dokiman konsernen.

Mon pa vwar Gouvernman pa’n kasyet nanryen, par lefe ki in met sa dan liv Bidze.  In met li dan liv Bidze tou bann dokiman ki nou pe demande.  Si si nou pa gannyen, then i ava prouve ki Gouvernman in sey kasyet en keksoz.  Ou vwar?

Me si nou ganny sa bann dokiman mon krwar nou pa devret rod lezot rezon pou eksplike, ki i annan lezot keksoz ki’n ganny kasyet!

E dernyerman Mr Chair, malgre ki nou annan Manm lo lot kote latab, ki pe get tou sa bann Manm kote isi lo sa kote latab, napa en sou dan sa ki pe ganny vote la la la, ki pe al pou en Manm lo sa kote latab!  Ouswa nou parti!  Napa en sou ki pe al pou nou!

 

(Off-Mic)

 

HON SEBASTIEN PILLAY

Mr Chair bann largiman ki nou pe fer toultan nou konnen nou bann keksoz ki nou dir –  i enportan ki nou mazin byen avan nou koze!  Akoz nou tret nou kanmarad en bann  diferan fason.  Sa i montre en pti pe latitid ki nou annan toultan.  I montre latitid kot nou anvi toultan keksoz dan nou fason.  Ou konpran?

E mon krwar i annan Onorab lot kote latab, (ou bezwen sanze Onorab – ou bezwen move avek letan). Ok?   E dernyen, dernyen pwen Mr Chair, mon ti a kontan ki ler nou fini ek sa size nou bouze, nou get lezot size.  Nou fer li dan en fason obzektif.  E nou pa pran sa size ki la nou cloud lezot size ki nou pe al gete.  Sa i enportan pou nou Mr Chair.  E mon le met lanfaz lo la annou konman en Lasanble konmans lo en baz kot nou pa vin rann mal pou mal e nou move from sa ki in arive dan lepase pou nou al dan lefitir.  Si i mal nou korize and we move on.  Mersi Mr Chair.

 

MR SPEAKER

Mersi Onorab Sebastien Pillay.  Bon Onorab Churchill Gill ou ti le dir ki depi bomaten ou ti anvi serten klarifikasyon.  Mon ava permet ou si ou ankor …?

 

HON CHURCHILL GILL

Sorry Mr Chair.  I pa lo la – i ti lo …

 

MR SPEAKER

I lo ‘’other wages’ selman?

 

HON CHURCHILL GILL

Yes selman zis enn.

 

MR SPEAKER

Yes go ahead Onorab.

 

HON CHURCHILL GILL

Wi i annan en sonm R54milyon pou Cleaning Services zis mon ti anvi konnen si sa i annan relasyon avek sa bann Kontra ki pou en bon pe letan bann dimoun pe espere oubyen si i otherwise?  Mersi.

 

MR SPEAKER

Ok mersi Onorab.  SS in note Onorab De Commarmond.

 

HON CHARLES DE COMMARMOND

Mersi Mr Chair.  Bonzour Mr Chair.  Bonzour Minis ek ou delegasyon e tou Manm Onorab e tou dimoun ki a lekout.   Mr Speaker bomaten nou pe diskit lo sa budget line e ki i annan sa bout larzan ki nou pe koze ki nou pe dir i byen – pa byen – i legal – pa legal whatever.  E mwan pou mwan i senp en.  Sa ki pe ganny prezante i dan Bidze la, zot pe met li – Minister Finans in met li dan Bidze.

Now whether i legal ou pa legal – i byen – oubyen – pa byen, mon krwar mwan taler nou a vote.  Annou vote nou deside.  Prezan si i annan serten dimoun ki santi li aggrieved by that – desizyon pa konnen kot in pran, ki i santi poudir ‘non’ son dues i mal – e ki i annan en case devan Lalwa, i met en case.

         Me selman mon annan en pti kestyon pou demann Minister Finans; dizon demen bomaten 2 ou 3 Minis i deside resign – anba ki par ki bout e ki morso dan ou Bidze, ki ou pe prezante avek nou, ki ou pey li son bann dues – son bann konpansasyon?

 

        (Off-Mic)

 

HON CHARLES DE COMMARMOND

E mon’n poz – (mon krwar ou pa Minis Finans ou Onorab Ferrari!)

 

(laughter)

 

HON CHARLES DE COMMARMOND

Mon’n demann zot la eksplik nou kote ou pou pey sa bann konpansasyon?  Eklersi nou.  Me selman Mr Speaker, mon pa pou fer mon krwar bomaten en kantite in dir – Onorab Simon Gill in met devan – lezot pwen in avanse, mon pa anvi perdi ankor plis letan pou nou al dan sa bann soz.  Reponn sa pti kestyon – eklersi nou e apre annou pran desizyon!  Si nou pa dakor ki mannyer in ganny mete la, nou vot ‘NON.’ Si nou dakor nou vot ‘WI. ’ Si i pa pase sa bout la i dir ‘tire pa pase’  -sa bann ki santi ganny afekte i a deside ki i pou fer.  Si i krwar i annan en case – akoz ou’n dir ou’n tyeke avek Attorney Zeneral.  Attorney Zeneral en boug – en msye ki konpetan mon krwar – e in dir koumsa.  Me selman i pa ziz li!  1 Attorney Zeneral!  E prezan sa bann case koumsa i bezwen al devan Lakour i zize – parey la i annan en ponnyen case devan lakour pou bann zafer konstitisyonnel e sa osi i ava al laba e prezan en desizyon i ava ganny pran!

Si i mal Lakour i dir i mal i a mal.  Si i dir i byen rann zot larzan e rann.  Si i dir – ou konpran?  Nou, nou bezwen swiv sa bann keksoz koumsa.

Zot ti pe fer sa an bonn fwa – mon vwar.  I annan lezot dimoun ki’n kekfwa in fer li dan lot fason.  Selman i en leson! Nou bezwen tir leson dan tousala.  Savedir demen si en desizyon in ganny pran devan Cabinet en bann pa ti kontan epi zis zot in reste trankil, demen i ava montre ki ‘look letan nou santi nou pa kontan …  I parey dan nou Lasanble – si nou santi nou pa dakor, nou dir nou pa dakor! Si nou santi nou dakor nou dir nou dakor!  E nou pa bezwen fer plis ki sa – fer ensinifyan!

So mwan mon krwar Mr Speaker mon met sa la devan Mr Chair – annou pran en desizyon pou nou move.  Nou annan lezot issues ankor konsernan Bidze.  Me selman sa ti leklersisman ti ava bon akoz mon panse ou pa’n met li dan Bidze la or si ou’n met li ou ava dir nou kote ou’n met li si an ka serten Minis i resign ki mannyer ou pey li?  Ouswa ou bezwen esper …?

 

MR SPEAKER

Mersi Onorab De Commarmond.  Bon dernyen parol Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker ozordi i en zour ki mon pa ti zanmen krwar pou arive dan non lavi dan sa Lasanble, pou 2 rezon !  Ozordi – normalman mon ki en dimoun en pe pli agresiv – pli for – pli lager e ozordi mon vwar 2 rezonnab lo mon kote latab, pe anmenn en ka avek klarite – avek lonekte Onorab Afif ek Onorab Georges in eksplike sa ki in arive dan en fason kalm – e mon vreman, vreman apresye !

Mon remersye zot akoz mon pa’n bezwen fer kontinyen sa travay ki mon ti’n konmanse.  Parey zot konnen mon ti lev sa pwen – mon ti lev sa pwen lo mon deba lo Bidze lo sa ‘end of term gratuities’ akoz Mr Speaker mon seye mannyer mon konpran – parey mon bann koleg isi, al dormi avek sa gro liv sak fwa i vini e pas depi premye paz ziska dernyen paz ladan, e sey gete tou bann keksoz; fer mon travay dapre sa ki mon ganny peye, pou fer sir ki lepep Seselwa son larzan i ganny okipe byen!  Premye rezon se sa.

2enm rezon se ki mon pa ti zanmen krwar poudir mon dan sa Lasanble mon ti pou debout mon ti pou asize ozordi e mon ti pou defann ansyen Prezidan James Michel –  ansyen Minis Joel Morgan – ansyen Minis Edith Alexander eksetera, eksetera – zanmen mon ti mazinen poudir mwan ki ti pou la pou defann zot!

Akoz mon vwar i inakseptab ; i vreman mal ki ozordi bann Manm lo lot kote latab, i sey defalke responsabilite pou sa ki pe arive, e anvoy li lo ansyen Prezidan Michel!  Ansyen Prezidan Michel li i ti anvoy mwan Lopital li – i konnen poudir mon pa bliy li!

Be selman la, la, la, – la, la ozordi ansyen Prezidan Michel pa’n fer nanryen mal!  In fer promes avek Cabinet – in fer rezolisyon dan Cabinet ki nou respekte in fer en Deklarasyon devan Lasanble Nasyonal ki i respekte – se Prezidan Danny Faure ki’n KAS tou sa bann rezolisyon ki in ganny pran!

Se la kot responsabilite i vini!  Alors annou get byen, annou get byen – annou pa anvoy labou lo kot nou pa devret anvoy labou.  E sa bann dimoun e zot tou zot konnen zot, ler ansyen Prezidan Michel ti resign, avek ansyen Minis Lionnet ek tou lezot Minis – zot in ganny en tyek – zot in ganny en tyek !  E lekel parmi zot ki ler zot in ganny en tyek – en gro tyek ansyen Prezidan Michel in ganny li R2milyon – en gro tyek zot ti poudir, ‘’non, non pa pou mwan – la mon rann ou !’’  E ler Msye Prezidan Michel in ganny pou li, ou krwar Minis Lionnet pa pou pran pou li?  Ou krwar Minis Alexander pa pou pran pou li? Ou krwar Minis St Ange pa pou pran pou li? Of course zot pou pran!

Responsabilite se lo sa dimoun ki pe otoriz sa peyman ilegalman – se la kot inegalite i été?  Ok?

 

(APPLAUSE)

 

HON JEAN-FRANCOIS FERRARI

E se la kot nou bezwen al rode e fer sir poudir ki nou ganny lazistis!

E mon ti a kontan dir avek Onorab Gill ki ler i annan lazistis i annan pinisyon!  Napa lazistis ki dir, ‘’ok annou bliy tousala mon tant konmisyon ki ou’n pran oubyen mon televizyon ki ou’n pran dan mon lakaz ou pe al avek – al avek!’’ Non, non!  Ou rann ou rann se sa kot lazistis i été.

Alors Mr Speaker ler nou pe gete dan sa travay ki’n ganny fer nou vwar premyerman en kantite malonnekte!  I annan en dimoun dan Parlman Ostralyen ki ti pe sant en sanson mon krwar zot tou zot in vwar – mwan mon devret pe sant ‘Bend down your head Tom Coulee.  Bend down your head and cry.’’Akoz zot devret ONTE zot dan sa parti lot kote latab!

 

(APPLAUSE)

 

HON JEAN-FRANCOIS FERRARI

Akoz zot in mislead lepep Seselwa!  Zot in mislead lepep Seselwa! Zot in pran en desizyon – en desizyon ki’n ganny pran pou en rezon politik – pou en rezon politik, pou zot ganny eleksyon, apre ki Prezidan Michel ti’n ganny elekte Prezidan par zis 193 vot! La in vwar poudir zafer pa bon – in vini in fer sa bann Lanons pou li kapab ganny eleksyon Lasanble ok?  In perdi eleksyon Lasanble! Ok?  Sa Lanons ti ganny fer pou en rezon ‘POLITIK! Pa okenn rezon ki nou kontan – nou senpatiz avek lepep Seselwa dan son douler, akoz i annan 40poursan lapovrete!’’ Pa sa ditou!  Ti ganny fer pou en rezon politik e si i ti ‘Ilegal’ – savedir sa eleksyon ki zot in ganny elekte, i ILEGAL – si sa i leka!

 

        (Interruption)

 

HON JEAN-FRANCOIS FERRARI

E mwan mon ti a kontan dir si Prezidan Michel in pran en desizyon ‘ILEGAL’ – Onorab Gill savedir ki son Vis-Prezidan Msye Danny Faure ki ti pe debout obor li, li osi in pran en desizyon ‘ILEGAL’ e son pozisyon i ILEGAL!  Ok?  Alors Mr Speaker mon pa pou pran bokou letan Lasanble, akoz bokou keksoz in ganny dir.

Premyerman sa larzan ki zot pe demande sa R6.5milyon fer 7 Serman lo zot lonbri, zot pa pe gannyen! Sa premye keksoz.  Sa i kler sa enn la.

 

(APPLAUSE)

 

HON JEAN-FRANCOIS FERRARI

2enm keksoz ki nou anvi konnen, avek Minis avek SS, avan nou pran en vot lo sa, se ki mannyer – ki mannyer nou pou fer ek sa bann larzan ki ‘ilegal’ ki’n fini ganny peye?  Sa zot poudir nou ki nou pou fer avek ok?  Se zot ki pou bezwen dir akoz nou pa konnen ki mannyer i été la i annan R7.6milyon ki’n sorti dan Kof Leta ki’n ale e ki’n fini ganny peye avek sa bann msye.

Akoz mon dir sa?  Sa bann msye in gannyen zot larzan ek sa madanm.  I annan 1 madanm avek 2 lezot bann msye – zot in gannyen zot larzan.  Zot, zot kapab dir nou ki zot pa pe rann zot, zot in ganny zot larzan – zot pa pe rann.  Nou, nou le vwar sa larzan nou!  Swa nou vwar sa larzan – swa en dimoun i pey lepokase!  Swa en dimoun i peye pou sa.

Swa sa larzan i retournen, swa a lavan lafen lasemenn Msye Danny Faure i met son resignation devan lepep Seselwa, akoz li ki responsab pou sa larzan ki’n ale !

 

(APPLAUSE)

 

 

HON JEAN-FRANCOIS FERRARI

I annan 2 keksoz.  Sa se bann keksoz ki nou anvi konnen. Alors nou pe demann ou Minis nou pe demann ou SS sey rod en fason pou eksplik nou, pou dir nou kote nou pou ganny sa larzan – sa R7 ekek milyon?  R6.5 zot pa pe gannyen;- sa definitivman nou pe koupe.  Sa bout ki’n ale la – sey dir nou kote nou pou gannyen.

E pa bezwen pran avek lepep Seselwa – pran avek sa bann msye ki’n gannyen.  Se sa ki nou oule konnen nou.  E la sa i en sans – i en loportinite pou Minister Finans, pou vin avek bann solisyon kredib.  Akoz  – akoz mon dir sa Minis konfyans in ganny bage, me konfyans i kapab restore, e zot pou vwar zot.  E nou, nou bann zanmi dan Minister Finans, se bann dimoun ki nou’n travay bokou avek, ki nou apresye bokou, bokou, bokou zot korperasyon e zot kolaborasyon.

Se pou sa – se dan sa fason ki nou kapab fer tou sa travay pandan tou sa letan.  Zot pros pou zot konmans ganny blanmen zot!  Zot blanm pou vin lo zot la, akoz politisyen koumsa i fer li – koumsa i fer ler i ganny tyonbo i blanm civil servants anba!  Nou, nou pa pou aksepte sa.  Nou pa pe aksepte ki zot blanm civil servant e deza zot in konmans blanmen!  Blanm i lo Prezidan Danny Faure ki’n otoriz en peyman ki al kont en Cabinet resolution!  Nou pe demann avek li prezan rod en fason pou fer sa larzan tournen dan Bidze, si i pa kapab fer tournen sa larzan, met son demisyon lo latab, e nou ava fer eleksyon, e lepep Seselwa i ava ziz li – ava ziz li lo sa ki in fer!  Se sa Mr Speaker e mwan – mwan mon sizere …

 

(Interruption)

 

MR SPEAKER

Order!  Order! 

 

HON JEAN-FRANCOIS FERRARI

… mon sizere Mr Speaker konman en dernyen pwen, mon sizere en metod travay pou nou avanse, nou metod se – mon pa konnen si nou pou pran en vot la, ok akoz i annan ankor lezot detay dan sa anba sa Head ‘other wages’ probableman apre midi nou a pran lezot detay ; mwan mon ti a kontan personnelman konnen avek Minis – la nou’n dir poudir sa R6.5milyon sa definitivman – out! Minis ava sey dir nou si i krwar i kapab vini avek en solisyon pou sa R7ekek milyon ki’n disparet dan pos bann ansyen Minis e ansyen Prezidan.

Sa i pou bezwen dir nou sa.  Si i kapab i annan en fason pou fer sa larzan retournen.  Si i pa kapab nou ava pran nou desizyon nou.  Selman nou ava esper son zizman – son propozisyon e nou ava akte lo la.  Pou le moman nou met sa devan Lasanble e nou dir avek sa bann Onorab lo lot kote latab, nou ava espekte zot omwen – omwen pou lev zot lanmen pou koup sa R6.5milyon!  Omwen!  Si non pou aprouv ki sa larzan i retournen.  La lepep Seselwa i ava vwar si i annan ki pe travay ‘pou zot’ oubyen i pe travay KONT zot!  Mersi Mr Speaker.

 

(APPLAUSE)

 

MR SPEAKER

Mersi Onorab Ferrari.  Bon mon pa krwar nou pou kapab pran en vot la.  Mon ava donn

 

(Off-Mic)

 

MR SPEAKER

Non, non – letan – wi -wi i a retournen.  Minis pou la apre midi, SS pou la apre midi mon ava an menm tan zot ava ganny en pe letan pou zot konsilte.  E nou pou rann lantenn SBC.  Nou  deza pe exceed zot letan.  Nou pou pran en Break e nou pou retournen 1.30 be mon pou lans lapel ek tou bann Manm Bills Committee e osi tou lezot Manm ki enterese pou attend miting nou pe meet dan Committee Rm 3 deswit la apre ok.  So nou ava retournen 1.30.

 

 

(BREAK)

 

OTHER WAGES AND SALARIES

 

MR SPEAKER

Bonn apre midi tou Manm Onorab.  Bonn apre midi tou dimoun ki a lekout.  Bon apre midi Minis avek ou delegasyon.  Bon nou pou kontinyen nou travay kot nou ti kite bomaten.  Premyerman mon ti a kontan avan nou konmanse zis prezant en pti leskiz anvi ki mon anonse nou pou repran 1.30, me nou konmans 2er sa ti akoz travay ki Bills Committee ti pe fer ki i ti en pti pe long.  Bon nou pou demar nou travay avek repons from – repons oubyen komanter from Minis avek SS Payet apre nou ava regarde ki direksyon nou pou ale – o ?  SS oubyen Minis.  Yes Minister.

 

MINISTER MAURICE LOUSTAU-LALANNE

Mersi Mr Chairman.  Bonn apre midi tou Manm.  Mr Chairman i annan plizyer keksoz ki mon anvi reponn, apre Mr Payet parey nou diskite i ava konplet kot mon pa’n tous lo la.

Premyerman sa 2 opsyon ki mon ti mansyonnen kestyon Onorab Henrie.  (1) parey mon dir se ki sa bann Minis ki pa pou ganny peye zot kapab fer en claim kont Gouvernman anmenn Gouvernman ankour e Lakour i ava deside.  Sa i en opsyon lot opsyon ki mon ti mansyonnen kekfwa i pa’n kler se ki Gouvernman li letan i resevwar sa claim ki sorti kot sa bann Minis, Gouvernman i kapab refute sa claim there and then, e fer resorti ki dapre sa Deklarasyon Prezidan Michel sa lepok zot in forgo their right to sa peyman.  So there and then nou kapab dismis so the next option annefe i pou al konteste sa Ankour.  Donk sete sa, sa2e opsyon ki mon ti pe fer referans lo la.

Nou ava rod lenformasyon lo loss pou bann MNA e nou ava donn sif apre.  Lo tax threshold parey nou konnen, se ki pandan diskisyon Bidze, nou’n deside pran sa 5poursan salary increase e avans li tir li from Zilyet 2019 e met li apartir le 01 Avril 2019 me parkont sa long service allowance li i touzour pran lefe apartir Zilyet 2019.

 So 5poursan salary increase i le 01 Avril parey Lasanble ti’n propoze mon ti’n agree – e nou’n fer sa sanzman.  E so kestyon ki arise prezan salarye e letan avek sa bann ogmantasyon, zot pou gannyen si zot pou depas the next threshold PIT, zot pou bezwen pay it accordingly – ok? akoz sa nou pa kapab fer nanryen avek.

Kestyon Onorab Gill lo sa R50ekek milyon lo Cleaners sa i annefe nou lot pwen ki nou pou aborde under ‘other goods and services.’ So si nou kapab les sa pou sa peryod.

Si 3 Minis i resign ki mannyer nou pou tret sa?  Bon parey nou dir sa vot i avek President’s Office so nou bezwen pey atraver sa vot.  Alor si napa savings oubyen si nou pa kapab fer virement within bann kod President’s Office nou pou bezwen anmenn en siplemanter, kot Lasanble ganny approval pou nobou pey sa ki nou bezwen peye pou sa 3 Minis ki pou eventually resign  -si i annan 3.

Sa i son prosedir ki nou pou bezwen swiv.  E Onorab Ferrari ti le konnen ki mon pou fer an sa ki konsern rann sa R7ekek milyon.  Mr Chairman pou mwan, mon vwar sityasyon le swivan ;

Sa larzan in ganny peye.  Sa larzan in ganny peye akoz ti annan larzan dan sa vot e President’s Office in fer le tranzaksyon ki neseser in anvoy Trezor e peyman in ganny fer. Minister Finans li i pa’n neseserman okouran ki sa pe fer.  Me koumsa ki i fer.  Prezan desizyon Cabinet of Ministers an 2015, oubyen an 2016, akoz Prezidan Larepiblik sa lepok ti fer son Deklarasyon an 2016.  Nou demande Cabinet Secretary pou donn nou kopi sa Cabinet decision e mon pa ankor resevwar – sa Cabinet decision kot bann Minis kolektivman zot in agree lo sa Deklarasyon ki ansyen Prezidan Michel ti rann an 2016.  

        So mon re konfirmen – mon re tyeke pandan lunch break avek Mr Afif e i re konfirm avek mon ki napa en Cabinet decision ki’n ganny recorded to that effect.  So si sa i leka Mr Chairman, i kler pou mwan ki i pou difisil pou nou demann sa bann Minis to refund sa larzan, akoz Lalwa i donn zot sa privilez pou zot tous sa end of term gratuity e sa Gratwite pou sa 2 peryod nou pe koze se a dir 2015 ek 2016 parey nou fer referans avek.

So vwala Mr Chairman bann leklersisman ki mon kapab anmennen.  Mon a anvi atraver ou pas laparol avek Mr Payet.  Mersi.

 

MR SPEAKER

Mersi Minis.  SS Payet.

 

SECRETARY OF STATE – MR PATRICK PAYET

Mersi Mr Chair.  Bonn apre midi tou Manm Onorab e tou dimoun a lekout.  Mr Chair letan mon regard lo lalis Minis in kapab reponn tou bann kestyon ki in ganny adrese bomaten.  Mersi.

 

MR SPEAKER

Mersi SS.  Mon a donn laparol Onorab Sebastien Pillay pou en klarifikasyon.  Onorab.

 

HON SEBASTIEN PILLAY

Mersi Mr Chair.  Mr Chair mon ti le zis klarifye lo nivo salary table sa ki zot pe dir nou se ki pou annan en 5percent increase across the whole table.  Annou pran par egzanp en dimoun ki lo band 5 step 1 i pe ganny li ozordi R9700mil si mon kapab klarifye Mr Chair poudir I’ve got this right so si i pe ganny R9700mil i pou ganny en logmantasyon 5poursan la ki pou fer li ganny en R185 an plis.  Prezan an Zilyet si sa dimoun in travay pou dizon 10 a 15an mon pran sa saler Mr Chair akoz i en group dimoun mon konnen i bann teachers, si in travay 10 a 15an i pou ganny li R1000mil; savedir an Zilyet son saler pou vin R11,685mil pou sorti R9700mil so an Zilyet i pou vin R11,685mil, e sa i pou aplikab dan sa 5poursan across the board.

Prezan eski zot pou asire ki i pou annan en sirkiler ki pou sorti dan tou bann Departman Gouvernman pou ki bann anplwaye i ganny klerman eksplike ki mannyer sa i pou ganny fer?  Akoz nou vwar dan lepase ler in annan bann logmantasyon ou still tande poudir par egzanp menm dan public service en dimoun i pa lo sa nivo saler ki i devret été.  So mon ti a kontan si mon pwen i presi mon byen eksplik sa e si i pou annan sa sirkiler pou eksplik tou dimoun ki mannyer sa pou marse.  Mersi Mr Chair.

 

MR SPEAKER

Mersi Onorab Pillay.  SS.

 

SECRETARY OF STATE – MR PATRICK PAYET

Mersi Mr Chair.  E mersi Onorab.  Once ki i annan en salary increase ouswa en general amannman dan saler Departman Public Administration i fer sorti en sirkiler ki eksplik tou bann accounting officers ki mannyer the salary increase pou marse.  E osi sa son sirkiler i asiste Minister Finans avek Departman DICT.  Akoz DICT the payroll software ki fer sir tou sa bann formula ki pou fer sir ki napa dimoun ki pe ki i pe pey keksoz ki i pa sipoze.

So dan son sirkiler i pou eksplik byen e sa sirkiler i ganny diskite avek Minister Finans avan sa i ganny issue.  So sa i pou ganny fer avan 1st of April akoz DICT i osi bezwen kapab travay lo en pilot avek Trezor pou fer sir ki napa fot ki bann accounting officers dan bann Minister i re tyek zot payroll avan ki payroll i konmanse an Avril.

I pou annan en 2nd circular pou lo kote sa long service allowance akoz sa i konsern tou Gouvernman public sector i pou annan en 2nd circular ki pou explain tou sa bann prosedir ki pou ganny fer. E ki mannyer dimoun osi si zot santi kekfwa zot pa’n ganny enkli dan salary increase dan Zilyet akoz kekfwa sa i eksplik byen e sa zot kapab pran sa sirkiler al vwar zot Departman Administrasyon dan bann Minister.  E tou lede pou annan en sirkiler.  Mersi.

Wi lo kote tax si par egzanp en dimoun ozordi kekfwa si i pe anba son i pou bezwen pey tax lo son total package letan sa 2nd phase long service allowance, sa i konmans marse.

So si ozordi i anba sa threshold ki i pa pe peye i pou ganny son salary increase zis lo son basic ki sa i pou tou sa band 1 ziska band 20 step 1 ziska step 15 tou dimoun ki pe ganny peye dan public service enkli Constitutional Appointees of tou bann Constitutional Appointees Emoluments, zot osi le 01 Avril zot pou ganny menm lefe.

E apre osi once zot ganny sa increase.  Son premye R8,555mil i pou kontinyen exempt, so definitivman menm si ozordi i pe pey i pe ganny sa exemption i pou kontinyen annan sa exemption R8555.50 tou dimoun sa zot exemption ki zot gannyen.  Mersi.

 

MR SPEAKER

Mersi SS.  Yes Onorab Pillay.

 

HON SEBASTIEN PILLAY

Zis en dernyen pwen lo la.  Savedir sa kalkil ki mon fer pou sa endividi ki lo sa step 1 band 5 si i pou ganny li R11, 685mil i pou pey tax zis lo sa R3130mil?  Savedir sa i pou ganny tire zis lo la?  Savedir i pa pou tir lo sa total?  E zot pou garanti ki sa i ganny fer korekteman across the board?  Ki napa okenn anormali ki ganny souleve?

 

MR SPEAKER

Mersi Onorab.  SS.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Mon garanti ki sa the norm ki DICT son sistenm e sistenm payroll ki mannyer i marse.  Si sa dimoun i panse ki in arive ki i krwar i pa pe ganny i pe ganny peye tax lo sa R11mil antye, i annan tou drwa pou li kapab anmenn son pay slip kot son HR e zot ava verifye lo payroll akoz sa i pe arive.  Me mon garanti ki i pou pey tax zis lo sa diferans R3mil keksoz i pa i pou ganny son exemption R8,555.50.

 

MR SPEAKER

Mersi SS.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon vin lo bann leksplikasyon ki Minis in donn nou la konsernan sa bann peyman end of term gratuity ki avek respe ki mon ti a kontan dir ki nou pa aksepte ditou okenn sa bann leksplikasyon.  E sertennman nou pa pou kapab pran en vot lo sa, akoz nou bezwen konpran egzakteman sa ki’n pase.  E Minis in dir nou poudir in napa en Cabinet decision Minis in dir nou i annan bann savings dan lezot areas, me ki kalite mesaz ki nou pe anvoy pou nou bann accounting officers dan sa pei?  Ou pran larzan telefonn akoz ou fer saving dan telefonn, ou pran ou pey end of term gratuity ; ou en Prezidan ou met en vot pou ou, ou menm ou personnelman ou pran bann larzan ki reste ou pran ou donn detrwa ou bann Minis ki pe ale.  Zour zot pe ale ou donn zot sa bann larzan pou zot pa koze pou zot reste trankil!

        I mean it’s konpletman – i konpletman en skandal! I en keksoz ki i pa posib pou nou aksepte sa!  E Minis i vin la devan nou i pa propoz nou i pa donn nou okenn solisyon ki pou arive si i annan en dimoun ki an fot ki sanksyon ki i pou gannyen – si i annan en dimoun ki ganny peye larzan ki si i pou rann oubyen si i pa pou rann!  I annan 2 pronoucement Mr Speaker ;- enn devan sa Lasanble Nasyonal ;- enn dan sa Lasanble Nasyonal en pronoucement par Prezidan James Michel. E  en Cabinet decision – en Cabinet resolution.  En?  En  Cabinet resolution ki ganny print lo website.  Okenn dokiman ki montre nou poudir i annan en lot Cabinet resolution ki’n overwrite sa enn la, e Minis i vin dir avek nou poudir napa nanryen – i pa kapab fer nanryen?

Be this is konpletman … be nou pe viv dan en Banana Republic!  I annan keksoz ki bezwen arive dan sa pei – i pa posib!   Mwan Mr Speaker mon pe demann – mon pe formelman move en adjournment la, pou nou kapab retire in caucus pou nou kapab al diskite e gete ki desizyon nou pou pran lo la.  Akoz this sa i konpletman INAKSEPTAB  sa ki pe arive!

E larzan lepep Seselwa in ganny pran malapropo – nou pa’n ganny leksplikasyon e nou pa kapab proceed lo bann deba tan ki nou pa ganny sa kler – lekel ki’n otorize?  Lekel ki’n sinyen?  Kote sa bann larzan i été?  Konbyen larzan telefonn i annan ladan?  Konman?  Ki kalite savings?  Absoliman – Oli bann virement documents?

Toulezour nou, mwan konman en Manm FPAC toulezour mon pe dir avek bann dimoun, ek bann accounting officers – mon pe dir avek bann dimoun dan bann Departman Gouvernman – bann Lazans sa bann Minister ki i annan prosedir pou zot swiv, e la ozordi zot nou ganny en leksplikasyon poudir ti napa prosedir – nou tir pran sa laba, nou met sa isi ansanm, nou’n fer – nou’n fer bann peyman?

Minis avek respe Minis.  Mon konnen poudir ou pa ti la, me selman nou pe koz lo Biro Prezidan!  Biro Prezidan  Larepiblik ki nou bezwen konpran, akoz ki mannyer sa bann keksoz i ganny fer!  I pa posib!  En Prezidan!

Zot dir nou koman en Minis zot annan en dokiman – i annan en Minis in siny en let i Minis Larose i pa binding!  Nou annan en Cabinet resolution;nou annan Lartik 70 – 71 dan Konstitisyon ki dir ‘that shall all Minister shall be collectively responsible for a decision of Cabinet’ e la ozordi zot pe dir nou poudir sa in ganny reverse par en lot Cabinet?

        Cabinet Prezidan Michel i fer en desizyon i ganny anonse par Prezidan Michel – Prezidan Faure i vini i take over by reverse en Cabinet decision napa okenn desizyon? Be i konpletman – nou pa ganny Minutes Cabinet miting – nou pa ganny nanryen – be i konpletman ‘Inakseptab!  Dan sa ka nou pe dir avek tou bann dimoun dan bann Departman Gouvernman fer sa ki zot anvi avek larzan zot pa bezwen rann kont personn; pran dan telefonn met dan transpor – pran dan bennzin, met dan lot.  I konpletman inakseptab! No -.  Mr Speaker mon pe formelman move en adjorunment Lasanble pou nou kapab retire in caucus pou nou kapab al gete ki kalite desizyon ki nou pou pran.  Mersi.  Mon ti a kontan en dimoun i segonn sa please.

 

MR SPEAKER

Mersi Onorab Ferrari.  Bon zis avan nou deal avek sa Mosyon for adjournment, mon ti a zis kontan demann SS nou annan en stalemate nou annan en lenpas lo ‘other wages and salaries’ eski sa i afekte lezot ki lo sa lalis?  Eski nou kapab petet konsider lezot e nou retourn lo sa enn pli tar?  Zis mon pe demann SS Payet.

 

SECRETARY OF STATE – MR PATRICK PAYET

Mr Chair –  actually nou pe pran sa vot ki ‘other wages and salaries’ ki en total R248, 360milyon ki lo paz 27 ki enkli Constitutional Appointment Emoluments ki R92,103milyon.  So nou pe propoze ki either kekfwa si nou freeze sa sonm ziska ler nou annan plis leksplikasyon, ouswa si Lasanble i deside pou retir sa sonm dan sa vot avan kekfwa nou propoze ki zot pran en vot.

 

MR SPEAKER

Ok mersi SS.  I annan en propozisyon ki SS in met devan.  Onorab Ferrari.

 

HON JEAN-FRANCOIS FERRARI

Yes Mr Speaker nou dakor avek sa ki SS in propoze.  Nou koup sa sonm R6.6milyon nou koup konpletman.  Nou pa pou vot sa initil nou pa vot sa.  E nou freeze the R7.6 in the gratuity in the annual pension in the annual pension R7.3,84476milyon in the annual pension;  in fact this is not the amount we should be freezing.  Nou devret pe freeze tou bann – nou ti a kontan ale SS sey propoz en kou gete ki ou krwar nou devret pe.

 

MR SPEAKER

Mersi Onorab Ferrari.

 

HON JEAN-FRANCOIS FERRARI

Ok mon ava donn e gidans SS.  Gidans se koumsa zot pe riye akoz zot krwar larzan piblik zis ou fer sa avek ou fer fars avek.

 

(laughter)

 

HON JEAN-FRANCOIS FERRARI

En?  Be riye zot.  Riye pran larzan piblik apre riye.

 

(laughter)

 

 

MR SPEAKER

Onorab. Onorab en moman.  Bon bomaten ler Onorab Pillay ti pe koze ti annan enteripsyon mon ti dir ek bann Manm isi li ki’n ganny laparol les li koze be la mon dir ek bann Manm lo lot kote drwat Onorab Ferrari i annan laparol annou ekout li apre SS i ava gid nou.  Onorab Ferrari.

 

HON JEAN-FRANCOIS FERRARI

Mr Speaker, mon ti a kontan mon, mon pe rod sa lalis bann dimoun ki’n ganny ki’n touse zot pansyon at least sa bann ansyen Minis.  Mon ti a kontan ki SS i kalkile dan sa vot ‘annual pension’ 2enm kolonn lo paz 1 kalkile’ all the pension that is due to former President Michel former Minister Christian Lionnet former Minister Joel Morgan former Minister Peter Sinon non Peter Sinon is ok former Minister Edith Alexander former Minister Alain St Ange e former Minister Michael Benstrong because they all received zot tou zot in ganny sa end of year gratuity ki nou pe konteste e i annan sa bann sonm e mon krwar i tonm R7.645074milyon e ki sa sonm i ganny frozen an atandan ki nou ganny bann detay sorti kot President’s Office lo bann lotorizasyon e bann prosedir ki’n ganny swiv pou kapab ganny bann peyman lo end of term gratuity.  Mersi Mr Speaker.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mr Chair,  kekfwa mon demann en pe gidans savedir ki Onorab pe dir ki sa sonm R248, 360milyon tir sa sonm R6, 586milyon ki pou fer sa total Appropriation Vote for ‘other wages’ vin R241,774milyon; apre Onorab pe rekomande osi ki nou freeze R7milyon dan sa vot Constitutional Appointees Emolument spesifik pou the Ministers Emoluments?  Me selman zis the annual pension anba the – akoz nou pe koz lo Bidze 2019 – the annual pension sa in fini ganny peye.  So i pa enkli dan sa vot 2019 si nou pou freeze. Dan pension ki nou annan pou 2019 nou annan pension pou the former President savedir ki nou enkli President Michel ek Prezidan Rene apre i annan former Ministers R7.38milyon ki enkli tou bann Minis i pa spesifik zis sa 7 Minis ki’n ganny peye zot annual. So i pou bann lezot Minis osi.

 

MR SPEAKER

Mersi SS.  Yes Onorab Ferrari.

 

HON JEAN-FRANCOIS FERRARI

Mr Speaker,  mon mazinen poudir SS i ava annan lekspertiz teknik pou li kapab donn nou en figure –  baze lo sa bann dimoun ki’n benefisye sa end of term gratuity only so ki ansyen Minis Peter Sinon pa ganny afekte – ansyen Minis Sylvette Pool pa ganny afekte akoz zot pa’n benefisye dan sa bann keksoz koumsa.

So mon mazinen SS nou kapab move on nou kapab kontinyen fer sa travay si SS i anvi nou ava i ava ganny son staff ava kalkil sa sonm nou ava tenir li an atandan ki nou ava ganny plis leksplikasyon sorti kot Minis – kot President’s Office atraver Minis.  Mersi.

 

MR SPEAKER

Mersi Onorab.  Onorab De Commarmond ou ti le laparol.  Onorab.

 

HON CHARLES DE COMMARMOND

Wi Mr Chair.  Mon zis pe wonder sa ki pe ganny propoze la si i legal?  (Ekoute Onorab Ferrari)  Sa ki ou pe propoze i pa legal.  Ou pa vini pou pran pansyon en dimoun koumsa.  Zot le met en lord dan sepa kwa ki zot pe panse – i ok mon konpran sa.  Me sa bout la kot i konsern pansyon i konstitisyonnel. Alor nou bezwen fer atansyon ki nou pe fer.  Se sa ki mon pe dir i bon nou eklersi.  Ou vwar?  Rod en lopinyon legal.  E mon panse dan tou sa ki mon kapab mazinen, sa i sa se ca ce fait pas! Ou a konpran la   Mon’n koz Franse ek ou ou konpran aprezan.

 

MR SPEAKER

Onorab attends, attends – ok.  SS.

 

SECRETARY OF STATE MR PATRICK PAYET

Mr Chair, definitivman anyway nou bezwen rod en lopinyon legal definitivman, akoz pansyon i ganny required dan Lalwa.  So definitivman nou pou bezwen rod en legal opinion lo la.  Me zis pou azoute osi ki dan sa ‘annual pension’ i annan zis pansyon pou 3 – zis former President James Michel former Minister Joel Morgan avek Minister St Ange zis sa 3 ki pe tous pansyon.  Bann lezot Minis parey Lalwa i demande zot pa pe gannyen Minis Lionnet ek Minis Alexander ek Minis Benstrong pa pe gannyen pansyon vi ki zot pa pe pa ankor meet sa laz requirement.

 

MR SPEAKER

Mersi SS.

 

HON JEAN-FRANCOIS FERRARI

Mr Speaker, ou ava swiv nou.  Nou, nou anvi re-onore sa konfyans, sa travay ki nou pe fer avek Minister Finans.  Nou ti a kontan nou ava kit dan lanmen SS gete si i annan en baz legal – si i annan en fason lo baze ou propozisyon si sa larzan i kapab retournen dan sa kont – ki mannyer nou pou fer.  Nou ava ekoute e nou ava gete ki mannyer nou sa.

Selman nou lo sa kote latab nou anvi dir avek lot kote Parti Lepep, zot bezwen konpran en keksoz – si sa larzan pa retournen sa pou en nanm ki pou deryer zot ki pou zot lavi antye, akoz i pou lo zot zepol!  I pou lo zot zepol!  So fer sa ki zot anvi fer mannyer rode kot zot pou gannyen, zot pou met sa larzan dan sa kont silvouple!  Mersi.

 

 

MR SPEAKER

Mersi.

 

(Interruption)

 

MR SPEAKER

Non, non – en moman bon annou rod en way forward, eski nou pe pran en vot lo la oubyen nou pran en vot apre?

 

HON JEAN-FRANCOIS FERRARI

Mr Speaker,  mon propoze ki nou pran en vot apre ler nou ava pe pran nou vot total nou pou pran en vot baze lo koup sa R6.6milyon ok e PS antretan SS kekfwa i ava donn nou en lot lide lo sa propozisyon freezing.  Me selman mon ganny li byen, akoz wi i bezwen annan lazistis ladan.  Si i pa aplik pou Minis Alexander ki dan menm group ki Minis St Ange – nou pa kapab fer li aplik pou Minis St Ange kan i pa aplik pou Minis Alexander, so i nou pa anvi en sistenm ki fer li pli ki mannyer ou kapab dir sa pli ilegal – oubyen pli unjust.  Nou pa anvi sa, nou anvi nou pe rode e nou pou kontinyen rode en sistenm kot ki permet kot bann dimoun ki’n gannyen nou rod en fason gete si sa larzan i kapab retournen.

Me selman at the end of the day Mr Speaker mon a termin lo la – anba prezidans Msye Danny Faure i annan R7.2milyon ki’n ganny donnen ilegalman a serten ansyen Minis e ansyen Prezidan e sa i konpletman’ Inakseptab’ dan en pei modern – dan Beyond 2000 zot dir zot pe anmenn nou Beyond 2000 se sa ki zot in anmenn nou laba?  En Banana Republic?  Mersi.

 

MR SPEAKER

Mersi Onorab.  PS.  Mon ti le donn le de ki pe lead.  Ale go ahead Onorab Simon Gill.

 

HON SIMON GILL

Mersi Mr Speaker.  Bonn apre midi Mr Speaker.  Tou koleg Onorab bonn apre midi.  Manm piblik bonn apre midi.  Mr Speaker lo sa kote latab isi dan sa Lasanble an relasyon avek sa diskisyon ki pe pase, mon oule met lo rikord, napa personn nou isi ki pou pran responsabilite sa kestyon ki pe diskite ozordi!

Personn pa pou pran responsabilite pou sa.  Me sa ki nou pe fer nou konpran labaz, nou met nou largiman devan e lo sa kote latab sa ki nou, nou believe ladan – sa ki nou krwar ladan senserman – se ki nou krwar poudir lazistis i bezwen prevail. 

        Now nou ganny demande ki kote napa lenzistis.  Tou sa bann Minis ki ankor dan Cabinet of Ministers ozordi, zot defavorize par lefe ki bann ki’n ale apre ki sa desizyon in ganny pran, zot in fini pran zot larzan! Labaz i sa.  Nou pe rod lazistis lo sa baz  – lo sa baz ki nou pe rod lazistis. E koman en parti nou pa Gouvernman nou!  Parti Lepep pa Gouvernman! Parti Lepep i en antite – nou en parti politik e nou pou kontinyen defann bann fondamantal ki nou krwar ladan.  Nou kontinyen krwar dan lazistis, e nou oule ki lazistis i prevail dan sa domenn!

Now si Lopozisyon i le vote, i le servi son mazorite ki zot annan dan sa Lasanble, pou koup pansyon tou sa bann Minis enkli bann ex-President ki’n ale ki pe ganny pansyon anba sa provizyon, nou dir zot koumsa servi zot mazorite koupe pansyon tou sa bann Minis ki pe ganny peye anba sa vot! Koupe pansyon bann ex- President ki anba sa vot! Servi zot mazorite fer li.  Me nou lo sa kote latab nou krwar poudir i pou unjust!  

        Nou pa pou fer zot lazistis si Lopozisyon pe servi son mazorite pou koup pansyon ki sa bann Minis e ex-President pe gannyen anba sa vot me nou tonm dakor ki nou bezwen rode ki mannyer nou tou konman en Lasanble nou met keksoz annord pou nou kapab bouz devan.  Vwala nou pozisyon Mr Speaker.  Mersi bokou.

 

MR SPEAKER

Mersi Onorab Gill.  Onorab Afif en dernyen mo.

 

HON AHMED AFIF

Mersi Mr Chair.

 

MR SPEAKER

Apre mon a donn laparol SS Payet pou nou bouze.

 

HON AHMED AFIF

Mr Chair, mon krwar propozisyon i tre kler sa ki nou pe mete lo sa kote latab;- enn se R6.6milyon ki’n ganny propoze konman end of term gratuity anba Constitutional Appointees Emoluments 2019 ganny koupe. Premye.

2enm se SS Payet i pou esey trouv en pe laklerte lo ki fason dan Constitutional Appointees Emoluments anba ‘annual pension’ i annan en total R9.7milyon ki pou former Presidents, former VP e former Ministers me nou pa pe tous former VP, i pou sey trouv en fason ki mannyer i pou rekiper bann sonm ki konsern 3 dimoun dan Konsey de Minis.  E 2enm keksoz ki i pou fer i pou rod en lopinyon legal lo sa prosedir.  Sa set en propozisyon ki’n ganny fer par Minister Finans e nou ava atann ki zot donn nou en pe detay e leklersisman lo ki mannyer sa i kapab ganny fer.

Me selman antretan nou koup R6.6milyon e sa sonm ki i ava kalkile, i pou en sonm ki i ava ganny frozen si baze lo son lopinyon legal i dir li, e sa sonm i pou anviron pou Msye Michel R2milyon lot i R1.5milyon i fer R3.5milyon e answit nou annan ankor R1milyon pou lot Minis so i fer R4.5milyon i ganny frozen anba sa R9.7milyon, me i ava donn nou i a fer en kalkilasyon mon fer li apepre R4.5milyon dan R9.7milyon e zot a donn nou en lopinyon legal ek en kalkilasyon lo ki mannyer pou rekiper sa bann larzan.  Mersi Mr Chair.

 

MR SPEAKER

Ok savedir sa san tous pansyon bann Minis ki merite – ki devret pe gannyen anba Lalwa?  Ok.  Bon mon krwar – en moman mon krwar nou annan en pozisyon kler mon krwar sa i reponn en moman mon krwar sa i reponn en pti pe sa ki Onorab Simon Gill ti pe dir ki nenport freeze ki ganny fer i pa tous bann ki anba Lalwa i merite.  Ok?  SS yes Onorab De Commarmond.

 

HON CHARLES DE COMMARMOND

Mr Chair.  Zis en pti klarifikasyon osi mon krwar i enportan baze lo sa bann propozisyon ki zot pe met devan; i annan sa legal component originally ki osi bezwen ganny balanse regarde.  Mon krwar sa osi nou demann Minis ek SS pou regarde pli pros avek Attorney Generale.

E si zot annan lezot sours ki zot bezwen konmsi, ki mon pa oule nou fer akoz nou osi koman en Lasanble nou riske vin responsab.  Mon pa oule nou fer keksoz ki mal e ki mal konmsi annou rod byen legal advice pa vedir en keksoz konmsi i annan en fot avan li mon pa pe dir koumsa mon, mon pe zis dir pangar nou fer osi en lot zafer ki mal.  Al rod sa osi byen e i raport ek nou i donn nou gidans pou nou kapab ed nou dan nou pran byen nou desizyon.  That’s ki mon ti anvi met devan.  Mersi.

 

MR SPEAKER

Mersi Onorab De Commarmond.  SS eski ou pou bezwen en pe letan mon mazinen me parey mon ti pe sizere eski nou kapab pran lezot e nou kit sa enn pli tar si SS i ganny sa konsey legal and all that i kapab fer sa kalkilasyon i retournen pou nou kapab pran en desizyon si non kantmenm demen matin.  Me eski nou kapab pran lezot SS Payet?  Donn nou gidans SS.

 

SECRETARY OF STATE – MR PATRICK PAYET

Yes Mr Chair.  Nou kapab pran sa lot vot ki’ other goods and services’ ki lo paz 31 the révision ki ganny shared avek tou parties yesterday.  I osi annan en revizyon dan sa vot.  So proposal pou sa vot i 100,365milyon e sa i pou en sonm 29,0943milyon anba Professional consultancy – 3milyon anba unforseen visit of dignitaries – 1milyon anba ‘adverts and publicity’ – ‘recruitment and passage of expatriate’ 3.7milyon, ‘Cleaning Services’ 54,750 – ‘National Day Celebrations’ 7.5milyon e ‘National Theme’ R500mil ki fer en total 100,365milyon pou sa vot.

 

MR SPEAKER

Ok okenn Manm ki annan klarifikasyon lo la Onorab Pillay?

 

HON SEBASTIEN PILLAY

Yes, Mr Speaker zis mon ti oule klarifye nou pa ankor touse National Grants konmela la nou?  Non.  Alright.

 

MR SPEAKER

Nou oule ‘other goods and services en.’ Okenn Manm – Onorab Churchill Gill. 

 

SECRETARY OF STATE – MR PATRICK PAYET

I lo paz 31 e  the révision i lo pti 31 komansman nou liv.

 

HON CHURCHILL GILL 

Mr Chair mon ti’n deza demann en kestyon lo la – Minis in dir ler nou ariv lo la i a donn en larepons.   Mersi.

 

MR SPEAKER

Petet repoz ou kestyon. Onorab.

 

HON CHURCHILL GILL 

Wi i annan en sonm 54milyon ki’n ganny mete pou Cleaning Services prezan mon ti oule demann Minis si sa  – si ladan i osi enkli sa bann Kontra ki’n drag depi lannen pase ki pa’n kapab met an aplikasyon  – si pou lannen prosenn sa pou ganny fer akoz dan Lasanble nou ti ganny dir ki poudir by Mars bann dimoun i sipoze ganny zot Kontra. Prezan mon ti pe gete si sa larzan ladan i form par sa osi.  Mersi.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Chair mersi e mersi Onorab.  Sa sonm 54757milyon – ‘Cleaning Services’ i pou Cleaners Corporative.  I spesifik for Cleaners.  Tou bann vot for Cleaning Contract i dan zot respective MDAs.  Par egzanp Landscape Management son vot i anba Landscape.  Nou annan pou Health i anba Health e Ledikasyon osi.  Mersi.

 

MR SPEAKER

Mersi SS.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair spesifikman anba sa enn Head la eski bann cleaners – parey bann dimoun ki tonm anba grid bann cleaners eski zot tonm anba salary grid eski zot pou vwar zot osi en revizyon dan zot Scheme akoz zot bann dimoun ki donn en kantite dan bann landrwa ki zot ete e souvandfwa – mon fek ganny akoz Mr Chair ki annefe resaman avek en dimoun ki toultan nou pe lager pou ners ou pe lager pou teachers me pa bokou nou ki koz lo bann cleaners.  So mon ti a kontan ki ozordi mon al lo rikord pou nou klarifye sa.  Mersi Mr Chair.

 

MR SPEAKER

Mersi Onorab Pillay.  SS.

 

SECRETARY OF STATE – MR PATRICK PAYET

Mr Chair lo kote Cleaners Corporative, last week the PS of Finance e son Management nou ti meet avek tou bann cleaners  propozisyon ki nou’n met devan zot se zot ler travay i pou sanze.  Actually la ozordi zot pe travay 7-3er.  E propozisyon pou 2019 vi ki ti annan bokou propozisyon pou increase zot saler e ki nou’n agree avek zot e nou’n meet avek zot avek Departman Lanplwa zot pou travay 7er-12.  Zot pou travay 7er-12 e sepandan zot lapey pa pou sanze – zot pou travay 7er-12 e sa i a donn zot opsyon pou zot al fer en pe lezot debousman. 

        Par egzanp nou’n zwenn avek Lotel  – nou’n zwenn avek bann lezot lenstitisyon ki pe rod lanplwa avek Departman Lanplwa si ki pe asiste zot, sepandan osi nou pou kit en dimoun dan sak Minister akoz at the end of the day you need en dimoun si i arive i ariv en keksoz i arive dan Minister – so sa bann dimoun ki reste zot osi zot ganny en increase avek  sa long service . Me sepandan osi  avek natir travay dan Health Care Agency – sa pa pou aplikab pou bann cleaners ki pe travay avek Health services. So i pou aplikab pou bann cleaners ki pe travay dan bann lezot landrwa akoz natir travay Health Care Agency zot travay by shift – zot pa parey ban lezot cleaner ki travay sa shift 7-3er.  So mon krwar en keksoz ki letan nou’n koz avek bann cleaners last Monday zot in welcome nide ki Gouvernman in met devan zot e zot pe ganny asiste avek Departman Lanplwa osi ou ganny bann lezot opsyon.  Mersi.   

 

MR SPEAKER

Yes Onorab Pillay.

 

HON SEBASTIEN PILLAY

Mersi Mr Chair.  2 klarifikasyon.  Ler nou regard bann cleaners Health Care Agency i annan en bon pe ki en bon pe letan zot la.  So in regards to sa long service allowance eski zot, zot pou benefisye avek sa long service allowance? Si non akoz zot, zot pa pe benefisye?  E eski napa en fason pou ki nou fer zot benefisye avek sa long service allowance parey – akoz i annan zot ki’n pran en kantite letan pou vin travay laba pou en kantite letan pou vin travay laba.

E ou’n dir mwan poudir zot in zwenn ek bann cleaners e zot in konfirmen poudir sa bann cleaners i satisfe avek sa pozisyon.  Si par egzanp ou annan en dimoun ki travay koman en cleaner kot Cleaners Corporative e i ganny en lot louvraz apre i ganny peye sa 2 saler.  Tou le de saler si i tonm par anba threshold i pa sipoze ganny takse.  I korek sa?

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Definitivman bann cleaners ki reste savedir bann cleaners – Cleaners Corporative avek bann ki reste sa enn dan Minister definitivman si zot annan sa long service zot osi sa long service allowance i pou aplikab.  Secondly si sa cleaner i pe travay kot Minister Finans i pou gannyen son R8,555 apre si i deside 1er i le al travay dan en lotel, i pou reganny ankor son R8,555 exemption.  So mete i pe ganny en saler R7mil lo tou lede travay ki i pe fer i pa pou pey taks ditou.  E sa i egziste ozordi anba Lalwa Income Tax.  The 2nd job i osi i ganny son exemption 8,555.  Wi mon’n dir ki tou cleaners ki pou reste ki enkli Health Care Agency zot osi aplikab pou sa long service allowance.

 

MR SPEAKER

Mersi SS.  Okenn lezot Manm i oule entervenir lo ‘other goods and services?’   Non nou – SS nou kapab pran en vot lo la?

 

SECRETARY OF STATE – MR PATRICK PAYET

Wi Mr Chair.  Nou pe pran en vot pou R100,0365milyon.

 

MR SPEAKER

Mersi SS. Bon nou pran en vot lo pti paz 31 ki form par nou Schedule pou en sonm R100,0365milyon ki pou ‘other goods and services.’  Mon ava demann tou Manm ki an faver?   By the way in ganny amande SS non? In ganny amande.  Ok? Okenn Manm ki kont? Madanm Clerk?

 

MADAM CLERK

Mersi Mr Chair – 11 Manm an faver e personn kont.  Mersi.

 

MR SPEAKER

Mersi Madam Clerk.  Savedir sa vot pou ‘other goods and services’ as amended pou 2019 in ganny aprouve par Lasanble Nasyonal.  SS.

 

SOCIAL PROGRAM OF CENTRAL GOVERNMENT

 

SECRETARY OF STATE – MR PATRICK PAYET

Mr Chair the next Head i pou Social Program of Central Government i lo paz 35 ziska paz 36 e sa i osi in ganny amande – in ganny redwir sorti R204,215milyon pou ariv R186, 740milyon ki lo paz 35 a paz 36.

 

MR SPEAKER

Mersi SS.  Okenn Manm ki oule entervenir – Social Program of Central Government. Onorab Churchill Gill?

 

HON CHURCHILL GILL

Mersi Mr Chair.  Mr Chair, i annan en sonm ase eleve – 49milyon, – Children Special Fund.  Special Pension, sorry.  So, Special Pension i ok.  Me selman sa 21milyon anba SMEs – si sa i menm sonm ki Seed Capital i tonm anba la, ouswa si sa i en sonm separe?  E lekel bann SMEs ki sipoze benefisye ek sa?

 

MR SPEAKER

Mersi.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Lo kote SME Scheme, sa i SME sa Scheme ki tou bann labank, avek Labank Devlopman, avek Credit Union i provide.  Savedir si ou pe pran sa loan 3milyon, ki ou pe ganny subsidy dan interest rate.

        Lo kote sa Seed Kapital, nou annan 5milyon lo sa 2enm paz, zis apre Laptop Scheme.  Nou annan 5milyon anba SMEs Seed Kapital.  Sa i annan en lot vot ankor lo la.

 

MR SPEAKER

Mersi SS.  Onorab Henrie.

 

HON GERVAIS HENRIE

Mr Chair, dan sa alokasyon or seri alokasyon, mon annan en konsern vizavi bann NGO ki pe ganny lasistans avek Gouvernman dan Bidze Nasyonal.  Donk, mwan mon krwar poudir i pa en premye fwa ki nou pe lev sa size.  E personnelman mwan, Gervais Henrie, mon pa krwar poudir en NGO i merit ganny larzan direkteman avek Gouvernman.  Mon pa krwar ladan!  Mon pa krwar!

Sa ki mon a siporte, parey CEPS, ki en Lorganizasyon ki police the non-profit sector, ganny en larzan.  Mon napa difikilte avek sa.  E apre parey Gouvernman, in vin avek en alokasyon for National Grants for other non-profit Organisations, ki dezormen i annan en Board ki pou manage li.  E tou bann NGO lo en baz legal, i kapab apply ladan.

Keksoz ki mon ti ava demande se ki, okenn dimoun ki ansarz en NGO pa devret lo sa Board.  Sa i mon lopinyon personnel akoz konfli lentere, bann keksoz koumsa.  Now, prezan i annan en long lalis bann NGO ki a en moman ouswa en lot pe ganny larzan.  Mr Speaker, pour konsonmasyon piblik nou, nou annan sa lenformasyon devan nou.

Par egzanp, pou nonm 1, 2 – i annan CARE; i annan Association for Promotion of Solid and Human Families; NATCOF i retournen, i annan Lasosyasyon Nurse; i annan sa Lasosyasyon ki nou tann koz bokou lo la – ARIDE, WASO, Scout, Arterial Networks, Survival Arks Foundation, parmi lezot.

So, mwan mon ti ava demande ki avan nou donn sa bann NGO – nou vote, e donn zot sa larzan, en seri dokimantasyon from the Government through the Ministry of Finance, pour nou satisfe, poudir sa bann NGO i annord.  Premyerman, let ki zot sa bann NGO zot in ekrir Gouvernman e demann sa larzan.  E dan sa let zot in bezwen zistifye akoz zot pe rod sa larzan.  Sa i enn.

Dezyenmman, let ki Gouvernman in reponn zot e dir zot wi, nou pou donn ou pour sa rezon.  Sa i fer 2.  Si osi, nou ti kapab ganny en dokiman from Registrar pou asire poudir sa bann NGO, zot stati i annord.  Zot for AGM?  Zot in fer eleksyon pour zot bann office bearers in ganny elekte demokratikman?  Eski zot annan zot bann Minutes Meeting parey Registrar i demann tou bann NGOs pou fer?

Dan menm laliny, nou bezwen osi konnen, e mon krwar PS – pa PS, me plito SS Payet li ki’n involve avek CSR.  I kapab donn nou par egzanp, ki sa bann NGO la – parski sa i annan en bann la ki vreman doue zot.  Zot kapab pe ganny larzan atraver CSR an menm tan zot pe apply bann Grant avek bann Lorganizasyon enternasyonal.

So, nou anvi konnen ki kantite zot pe gannyen?  Mon ti ava menm al osi lwen pou demann en bank statement sa bann NGO.  Pour nou asire poudir zot pa pe vin bann briefcase NGO dezormen.  En dokiman ki mon krwar i osi enportan, se Bidze sa bann NGO.

Parski si zot in demann larzan Gouvernman, zot in bezwen prezant en Bidze – zis parey lezot antite Gouvernman, nou’n war zot bann ‘goods and services,’ ki nou konnen ki zot pe fer avek.  Parski sa ki mwan personnelman mon vreman enkyet, se ki mon pa oule ki en NGO dezormen i vin konmsi i en nespes brans – konmsi i en extension of Gouvernman li.  Lannen apre lannen i ganny Bidze e i kontinyelman gannyen.

Donk, si – mon ti ava demann mon bann koleg, ki nou ensiste ki nou ganny sa bann dokimantasyon, avek Minister Finans, pour nou kapab satisfer nou lekor pou dir sa bann NGO, they are in good standing.  E ki vreman zot deserve pour zot ganny sa larzan.  E ki napa okenn trik ouswa labi ki pe arive dan sa sekter.

Sirtou leer nou’n tann FIU in vin in dir poudir sa sekter deza i annan non-compliance element, ki nou koman en Lasanble, nou bezwen azour avek sa bann zafer.  Mr Speaker, sa i mon pwen lo non-profit sector.

E en lot pwen konsernan News Agency.  News Agency nou pa ankor – eski nou’n pran en vot lo li letan  – letan Vis Prezidan ti vini?  Non, non, nou pa’n – ok.  Akoz News Agency – pour mon bann zanmi ki travay laba, konpran mwan byen.  Mon’n toultan byen avek zot, we go back a long way.  Mon napa difikilte avek zot, zot travay e evidaman la, larzan dan Bidze i garanti zot livelihood.

Me solman mwan mon an faver ki Gouvernman – e mon’n deza koz sa letan Vis-Prezidan ti la koman Minis Lenformasyon, ki Gouvernman dezormen i trouv en fason pour ki News Agency i kapab vin en antite ki kapab generate son prop larzan.  E mon 100poursan krwar – mon repet sa ozordi ankor, ki News Agency Gouvernman i trouv en fason, ki i enkorpor li avek National Information Services Agency – NISA.

NISA ozordi i en business model pour bann lezot antite Gouvernman.  E avek konesans ki li News Agency i anmennen lo online platform, i kapab actually – sa 2 leksperyans ler i konbinen, i anmenn en nouvo eleman pour NISA.  Kot NISA la dezormen pe komans mazin vann son content.  E kekfwa News Agency, zot merit asiz otour en latab, vwar ki mannyer News Agency – bokou dimoun atraver lemonn i rod content News Agency.

Alor, zis donn zot en pti teaser, me apre pour click lo la, pour ou kapab ganny plis, ou bezwen peye.  So, ou merge li ek Nasyon, traka i fini pour Sesel.  Nou pa bezwen pe donn li 3milyon, i kapab generate e lo son platform i fer online advertising, nou ale – divan dan lavwal.  So, sa i 2 pwen ki mon ti oule fer resorti pour le moman Mr Speaker.  Kekfwa pli tar mon pa konnen, something else i kapab travers mon lespri.  Mersi bokou.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Lannen pase letan nou ti prezant Bidze 2018, en keksoz ki nou ti diskit avek Manm Lasanble se, pou fer en pe latransparans dan aplikasyon for the Government Grant.  So, parey zot konnen sa lannen, Gouvernman ti inisye the policy pour apply en Government Grant.  E Policy ti ganny aprouve avek Cabinet of Ministers.

Me sepandan CARE ti reste en entity ki Gouvernman pou kontinyen siporte.  So, i pa pou fer aplikasyon parey bann lezot NGOs.  Li son larzan i pou vini parey bann lezot Minister i diskit zot Bidze.  E sanmenm sa nou’n met sa provizyon apre ki nou’n diskit son Bidze the normal formal process.  Me sepandan, tou sa bann NGOs ki zot vwar ki’n ganny liste lo sa lalis, zot in apply servi sa dokiman.  E nou kapab share avek Lasanble sa dokiman pour aplikasyon for a Government Grant.

E ti annan en komite ki ti ganny – ki’n evalye tou sa bann dokiman.  E ladan zot ti annan detrwa kriter ki zot ti mete.  Sa osi sa kriter i annan latransparans, i annan tou son bann indicators e tou bann dokiman ki zot bezwen soumet.  E parey Onorab pe dir, ki tou bann lenformasyon ki sorti kot Rezistrar, sa Komite osi in gannyen tou sa bann lenformasyon.  In fer sir ki zot annual financial statement i annord e Registrar osi in sertifye.

So, tou sa bann NGO ki lo sa lalis, zot in fer laplikasyon, nou kapab share avek Lasanble, tou zot Bidze osi.  Akoz zot in bezwen soumet en Bidze avek tou zot bann laplikasyon.  Sa osi nou kapab share lo sa bann detay.  Me sepandan sa provizyon ki nou’n mete – National Grants for Other Non-profit Organisation, i annan detrwa NGO ki’n fer sa aplikasyon, me zot detay pa ti ankor annord.

So, in principle in aprouve, sepandan zot bezwen go back, al fer sir ki tou zot bann striktir i annord avan ki sa i ganny disburse.  So, tousala i bann verifikasyon entern ki ganny fer avan ki larzan i ganny disburse.  Sanmenm sa ki nou pa’n met li an detay akoz in principle in aprouve.  Me selman detay pa ankor fini aprouve akoz zot bann detay pa ti ankor annord.  Ok?  So, nou kapab share avek Lasanble tou sa bann the – tou zot bann soumisyon ki sa bann NGOs in fer.

Lo kote News – Seychelles News Agency, Departman ki responsab pour lenformasyon, zot osi zot in prepar en dokiman lo the setting up of a proper independent entity for Seychelles News Agency.  E zot ekspekte fer sa lannen 2019.  Sa avek diskisyon ki zot pou gannyen avek bann lezot lenstitisyon – par egzanp SBC avek NISA, pour fer sir ki napa duplication between all 3 parties.

An menm tan, pou fer sir ki i kolekte – i kapab kolekte plis reveni.  E i kapab vin en entity independent from the Budget, me sa ki kapab ganny fer an 2019.  Me sanmenm sa ki nou met en provizyon la 2019.  E we’ll see dan 2020 letan nou prepar Bidze, ki hopefully Departman Lenformasyon ava finalize lo sa proze.  Mersi.

 

MR SPEAKER

Mersi. Petet zis SS, eski SNANews Agency, pou vin anba en Lalwa petet pour li vin koman en entity?  Eski sa ki ou pe dir nou SS?

 

SECRETARY OF STATE – MR PATRICK PAYET

Sa ki Departman Lenformasyon avek Attorney Zeneral, avek bann lezot Information Agency, par egzanp NISA avek SBC – pour fer sir ki at least si i pe vin dan en antite endepandan, i pou bezwen vin dan en Lalwa lo li menm.  Mersi.

 

MR SPEAKER

Ok.  Mersi SS.  Onorab Henrie.

 

HON GERVAIS HENRIE

Vitman Mr Chair.  So, mon anvi kestyonn en kou rezondet Gouvernman ki i kontinyen – permet mwan servi sa mo soutire, kot ou permet NGO vin demann ou en grant tou-le-z-an.  Akoz dan sa sekter, nou vwar poudir i annan bann legzanp – mon kapab nonm 2, S4S, Nature Seychelles -successful stories – ki zot, zot pa vin rod okenn larzan avek Gouvernman.  Zot apply for bann Grant lo lasenn enternasyonal.

Anfet mwan mon en manm en Lasosyasyon ki apel Association for Media Practitioners Seychelles – AMPS, ki nou ti formen, mon ti vin premye Chairman mon pa ti ankor dan Lasanble.  Zanmen nou’n demann larzan Gouvernman nou!  Ki nou fer?  Se ki nou membership – nou nominate bann manm lo bann diferan antite ki Gouvernman, par egzanp SBC/ NISA.  E nou ekrir dan nou Konstitisyon ki nou bann manm ki reprezant nou i bezwen donn nou en tyer zot Board money ki zot gannyen la – i vin dan nou fon.

Tou sa i ban pti mwayen ki mannyer nou anmas larzan.  Nou demann bann media houses pour kontribye koman associate members.  So, eski sa i model ki nou pou kontinyen nou koman en pei allow – permet mwan ankor servi sa mo, soutire?  Ki bann NGO lannen apre lannen i vini fasilman i demann nou en Grant?

Kan, mwan mon siport sa National Grant – nou konnen poudir i annan en Fon la, ki Gouvernman li i pa pe kapab fer tou sa bann social program ki sa bann NGO i fer.  Zot vini lo en baz egal, tou dimoun i prezant en proze – i annan en Komite ki evalye, tou dimoun i kapab met lanmen dan sa potis.  Parski la ki nou vwar?  Klarifye si sa i ava le ka.

Pran par egzanp, Lasosyasyon Nurse, i ganny en Grant li.  Eski prezan i kapab apply ankor larzan dan sa Fon?  Eski i kapab?  Eski konmsi i pa ganny en lavantaz an plis?  So, mon ti ava kontan zot klarifye sa.  E si i filozofi Gouvernman pou kontinyelman allow bann NGO lannen apre lannen pou kontinyelman rod en Grant avek Gouvernman pour zot sirviv?  Mersi.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mr Chair, kekfwa mon a klarifye ankor enn fwa kekfwa ki bann detay ki nou’n mete pour sa bann NGO, zot in apply dan sa Fon Government Grant.  Tou sa bann NGO – par egzanp, nou pe koz lo Scout Association, Everlasting Love Ministry, i tousala zot in apply koman en Government Grant.

Letan nou ti soumet aplikasyon, zot ti fer zot aplikasyon e sa Komite in asses independently e in fer son rekomandasyon kot Minister Finans avan ki nou finaliz biznes – Bidze.  So, sa bann ki nou’n finalize ki nou’n met zot detay, i bann ki nou’n fini idantifye.

Me sa sonm ‘National Grants for Other Non-profit Organisation,’ sa sonm 2.3milyon, i pour bann sonm – i pour bann ki’n idantifye, ki’n pass in principle, me sepandan zot bann rikord pa i ankor annord;– par egzanp, kot Rezistrar ouswa zot AFS.  So, sanmenm sa ki nou pa’n donn plis detay.  Me nou kapab donn zot sa detay in principle lo sa 2.3milyon akoz sa in fini pas lo bann – lo Komite.  So, kekfwa sanmenm sa ki en pe confusing akoz i annan ki nou’n met an detay e i annan ki nou pa’n met an detay.

Me sepandan, tou sa bann NGOs, zot in fer aplikasyon lo sa Government Grant.  I pa neseserman ki lannen prosenn sa bann menm NGOs ki pou ladan dan Bidze 2020.  Zot in fer zot aplikasyon, Komite in assess e in fer son rekomandasyon kot Minister Finans.  E tousala i annan bann rikord ki nou kapab share avek Lasanble.

Me sepandan sa enn – sa provizyon 2.3milyon i sa bann ki in principle in aprouve, me selman i annan bann lenformasyon ki Komite in demann zot.  Me nou kapab share avek zot detay lo sa 3.3 – 2.3milyon, me tousala i sa bann NGOs.  Par egzanp, NATCOF i osi in soumet son demann kot sa Komite menm si nou’n met son detay.  So, sa prosedir in ganny follow to the Grant application prosedir.

 

MR SPEAKER

Mersi SS.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair, mon kontan ki Gouvernman pe kontinyen renew son langazman pour kontinyen siport bann dimoun ki pe fer bann aktivite, bann NGOs so to speak.  E la mon salye travay ki Sant D’acceuille La Rosiere i fer e bann lezot – ARIDE, ki resaman in lo televizyon.  E mon’n byen apresye pou tann bann diferan pwennvi lo bann size ki’n ganny anmennen atraver bann NGOs.

E mon krwar fodre nou pa fer sa fot pour elimin sipor ki nou kapab donn bann dimoun ki annan lentansyon pou fer serten keksoz.  Akoz i annan en lavantaz pour nou at the end of the day.  Zot vin en nouvo lizye, zot vin en nouvo fason pour nou konnen kwa ki pe pase.  E mwan mon siport antyerman sa.

Mon kontan Mr Chair ki – nou’n vwar ki NATCOF in retournen.  E mon ti a fer en pledwari avek mon bann koleg lo lot kote latab.  Nou’n vwar sipor ki ARIDE in nobou anmennen.  Ler mon dir sa Mr Chair, mon krwar fodre bann anplwayer osi i konpran poudir i enteresan ler ou war poudir en Lorganizasyon, en NGO i vini, i antre dan ne landrwa, ou ganny en pwennvi sa landrwa, ou ganny en pwennvi Minister Lanplwa, ou ganny en pwennvi anplwayer kot i posib.  E sa i donn ou en loportinite pour kapab konpran en size from different perspectives.

Mon krwar NATCOF i annan menm rol pour li zwe kot i kapab ed SRC pou vin sa lizye.  Sa lizye Gouvernman – sa lizye konsonmater kot i kapab al dan bann landrwa, gete si bann resi pe ganny donnen dan en fason ki byen eksetera.  So, sa i ava kapab petet asiste e ed zot.  E mon ti ava angaz Minister Finans pou sey donn en push pou fer sir ki sa i ganny fer.

Mwan mon ti annan osi 2 kestyon kot i konsern Housing Finance Scheme e kot i konsern Home Improvement Scheme for pensioners.  Mon kontan ki zot in retournen.  Lo kote Housing Financing Scheme, mon ti a kontan konnen si zot in nobou deal avek bann backlog ki ti egziste?  E si sa larzan ki la pe al atraver – pe al anver sa?  Presizeman pou donn loan oubyen i an deor HFC.

Ler mon dir backlog, mon eksplik – les mwan eksplik byen akoz mon pe dir backlog.  Akoz souvandfwa i annan dimoun i vini i vin apply, i esper en kantite letan e mon pa krwar i lafot HFC.  Me i lafot volim dimoun ki pe apply dan sa scheme.  I fer ki parfwa dimoun i espere e enn bann rezon ki zot in donnen par ler se sa – se i annan en backlogSo, klarifye si mwan ki’n mal konpran i annan en backlog oubyen si i annan okenn issue.  Me solman mon apresye ki HFC pe fer son mye pour asiste lamazorite dimoun.  So, eski sa larzan pou permet zot asiste sa bann dimoun?

Prezan sa Home Improvement Re-roofing Scheme for pension – sa i vreman enportan akoz bokou pansyoner pa kapab ganny akse avek en loan ek labank akoz zot laz.  Prezan eski i annan en monitoring pou asire – mon konnen i pansyoner ki’n deza pran sa loan.  Be eski i posib prezan pou asire ki en pansyoner pa pe ganny si oule, forse pou pran sa loan par pti zanfan oubyen zanfan?  E ki sa larzan i annan en monitoring i ganny fer pou asire ki sa larzan – par egzanp, si i pou sa re-roofing, sa re-roofing i ganny fer kot sa pansyoner?  Pa apre ki sa larzan in ganny pran, ou retournen, ou re-al vizit sa fanmir e ou vwar poudir lakaz i ankor koule menm e nanryen pa ganny fer pou aranz sa.  So, si ou ti kapab klarifye sa pwen.  Mon ti annan 2 lezot pwen apre pour mwan demande.  Mersi Mr Chair.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Sa ki konsern Housing Finance Scheme i pa zis HFC, akoz sa i housing subsidy.  So, tou commercial bank, ki enkli HFC, once ki en dimoun i apply son loan – en First Time Home buyer, ki pe al build son premye home, i kapab ganny en subsidy ek Gouvernman si son saler i anba R25mil.  So, tou dimoun ki son saler ouswa total income, si ou annan en madanm ek en msye, son total income i up to 25, zot kapab ganny sa housing subsidy.

Once ki ou apply sa housing loan avek labank, ou annan en form adisyonnel ki ou apply pour sa housing subsidy.  E sa i ganny soumet – sa Komite ki tonm anba responsab Minister Finans e i asses baze rekomandasyon ki’n gannyen.  E li apre sa Komite, i disburse sa larzan through the commercial bank ki ou’n apply ou loan ouswa HFC.  Nou kapab klarifye ek HFC si i annan okenn backlog ozordi.  Sa i kekfwa i en – i bann housing loan ki HFC i donnen, sa nou kapab klarifye avek li.

In regards to the second one – Home Improvement Loan for Pensioner.  Definitivman, i annan en monitoring ki ganny fer par HFC akoz sa i ganny fer through HFC.  E for Home Improvement i 50mil e Gouvernman i donn sa subsidy 25poursan.  For Re-roofing Scheme ou kapab pran en loan up to 100mil, Gouvernman i donn sa subsidy 25poursan, apre lo kote interest rate as well.  So, i annan monitoring ki ganny fer diran disbursement of the loan avek HFC.  Me kekfwa lo sa ki konsern kekfwa si i pe – sa pansyoner pe ganny presyon avek manm son fanmir pou pran loan; sa nou kapab demann HFC en pe plis lenformasyon.  Kekfwa once ki in fer enn de bann monitoring kekfwa, enn de bann rapor ki’n arive – sa nou kapab demann li en plis lenformasyon lo la.  Mersi.

 

MR SPEAKER

Mersi SS.  Onorab Pillay.

 

HON SEBASTIEN PILLAY

Ok.  Mersi Mr Chair.  Zis mon oule SS i presize – savedir ou pe dir mwan, meton nou annan en zenn koup ki zot total combined income i dizon R20mil.  Zot pou kalifye pour sa subsidy?  Kalifye en?  Ok.  Alright.

Now, ler zot kalifye, zot al labank, zot pran zot loan baze lo zot larzan, and then sa subsidy i vin adisyonnel.  Ok.  E sa i pe marse?  Ou – zot napa lenformasyon lo konbyen dimoun ozordi ki’n pran loan anba sa Scheme to-date?

Mr Chair, mon annan ankor en pwen mon a fer en sel dir apre i ava reponn?

 

MR SPEAKER

Fer, yes please. 

 

HON SEBASTIEN PILLAY

Ok.  lo kote en lot size e sa i konsern sa Laptop Scheme pour – sa Laptop Scheme ki nou pe koz lo la, nou osi koz lo Laptop Scheme pour bann etidyan ki dan S4, S5 as well ki kapab apply sa – i korek sa?  Mersi Mr Chair.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mr Chair, kekfwa zis en pe statistics; – lo kote pour lannen 2018 ziska prezan, komite ti resevwar 140 aplikasyon e in aprouv 129 aplikasyon.  Pour lannen 2017, i ti ganny 80 aplikasyon e in aprouv 67 aplikasyon.  So, i annan ki kekfwa i pa aprouve, i tou depan bann lenformasyon osi ki ganny soumet avek zot e tou bann assessment ki ganny fer.  so, tousala i ganny communicate avek zot.

Pour Laptop Scheme i depi S1 avek Pos-Segonder.  Mersi.

 

MR SPEAKER

Mersi SS.  Dernyen, Onorab Pillay.

 

HON SEBASTIEN PILLAY

Mersi Mr Chair.  Mr Chair, i annan – mon krwar PS i a note i annan en rediksyon dan sa Scheme.  Petet mon krwar akoz lezot manrmay in ganny asiste, prezan sa laptop i ankor pe ganny servi, mon prezimen.  So, ou a eksplik sa.

Apre an se ki konsern sa Housing Finance la.  Mon krwar parey ler nou met bann Scheme koumsa an plas, tanzantan fodre nou re-vizit li, nou gete, nou – par egzanp, nou pran 10 dimoun ki’n pas atraver sa scheme, nou gete ki zot leksperyans?  Ki mannyer keksoz in marse?  Akoz souvandfwa ou al an deor ou tann war bann – ou tann dimoun par egzanp, bann zenn koup i vin war ou.

I dir ou koumsa – be nou’n ale labank.  Be lentere labank, apre sityasyon – so, mon krwar i enportan ki zot kontinyen re-vizit sa bann Scheme pou vwar ki mannyer sa – pa son larzan, me son prosedir pe marse.  E ki pe ale, i pe fer sa ki in ganny design pou fer pour ed sa bann zenn fanmir ki’n par egzanp, pe al fer en 2nd house kot lakour pou li kapab fer sa 2nd house.  Ou konpran?  Bann keksoz koumsa.

Apre mon ti annan zis en pwen Mr Chair – dernyen pwen.  Nou’n tande poudir in annan sa konsern atraver rapor lo Sesel ki konsern bann NGOs.  E in annan travay ki’n sipoze fer avek Rezistrar kot i konsern bann NGOs.  Me pour pran en pwen ki’n ganny souleve – bann NGOs – i annan bann NGOs osi pe apply osi pour international Grants an menm tan ki Gouvernman pe donn li sa bann Grants lokalman.  So, ki mannyer nou kapab asire par egzanp, ki en NGO ki’n apply en international grant in ganny li.  Gouvernman i ale i donn li ankor en Grant ki posib pe defavoriz petet en lot NGO ki’n apply, pa pe ganny sa Grant.  E pour asire ki dan sa konteks, sa bann NGO’s pe ganny sa Grant, i servi sa bann Grant byen – i annan en monitoring ki ganny fer, petet i bezwen annan en reziskot Registrar. 

The Registrar of NGOs i bezwen pli azour pou vwar zot bann aktivite pou fer ki at the end of the day, ou pa war ou en NGO i pe ganny Grant, kot apre i sali repitasyon petet sa – from a Donor Agency.  Oubyen en Lazans pa servi sa bann NGOs pou finance larzan dan pei pou fer lezot aktivite.  Sa mon krwar i en pwen enportan.  So, mon ti a kontan ou dir mwan ki zot pe fer pour sa?

Dezyenmman Mr Chair, mon ti a kontan klarifye lo size bann NGOs ki napa en status – ki pe go around pou demann larzan bann endividi pou fer bann aktivite, kot apre zot napa en legal status pour zot resevwar sa larzan – pou pran sa larzan pour zot servi.  Eski par egzanp, vi ki zot pe met an plas bann sistenm pou donn NGOs larzan, zot pe osi met an plas en sistenm pou asire ki ou pa ganny ou en sityasyon kot bann dimoun pe rod larzan partou?  And then sa larzan en dimoun i donnen ek bonnfwa, me apre sa larzan pa al kot sa dimoun ki sipoze ganny sa larzan.  Mersi Mr Chair.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mr Chair, mersi e mersi Onorab.  Sa ki konsern Housing Financing Scheme parey Minis in anonse dan son Lanons Bidze, nou pe revwar in the first quarter of next year.  So nou pe revwar sa Scheme akoz sa Scheme ti komans enplimante 2014 – i en nouvo scheme.  So, nou bezwen vwar – dimoun in benefisye, ki kantite ki’n benefisye e osi pou moderniz en pe.  Nou’n ganny diskisyon en pe avek HFC, kekfwa i annan bann en pe konplikasyon ki’n gannyen.  Sanmenm sa ki nou anvi revwar li dan son totalite.  E sa tre prosennman, once ki nou finalize, nou ava fer bann Lasanble ganny en kopi son revizyon dan sa Scheme.

Lo kote Laptop Scheme, letan i ti ganny anonse akoz kekfwa dan actual 2017, i ti en – avan i ti pou zis pos segonder.  Apre dan State of the Nation Address 2 or 3 years ago, i ti pour bann segonder.  I ti komans S4/S5, apre i ti desann, ti vin S1So, definitivman letan ou pou war 2017, ou pou annan en backlog lo sa bann – lo sa Scheme.  Me la ou pe ganny zis bann dimoun kekfwa ki pe antre dan S1 kekfwa ki pou vin ladan.  E bann dimoun kekfwa ki pa’n gannyen dan segonder ki pe al dan pos segonder.  So, ou pa pou ganny sa kantite parey kekfwa lannen 2016/2017.

Sa ki konsern NGO, dan zot form aplikasyon – sa application ki zot apply for sa Grant, zot bezwen zot mansyonnen tou bann source of funding ki zot pe gannyen.  So, zot bezwen sertifye tou bann source.  E menm tan komite zot, zot fer sir ki dan financial osi ki sa i ganny armonize – ki zot fer sir ki zot re-gete dan financial, ki pe dir dan zot financial.  Konpare ki zot in dir lo sa form laplikasyon.

So, sa Komite li i fer sir i asses tou sa sityasyon.  E definitivman zot pou bezwen soumet en rapor once ki zot ganny konplet sa bann progranm ki zot in dir ki zot pou fer.  In regards to the monitoring, mwan mon pou dir kekfwa si i annan en dimoun ki – i annan NGO ki pe apply Grants avek li, sa lakonpannyen i bezwen fer sir osi.  Par egzanp, letan en lakonpannyen – par egzanp, bann NGO i apply zot CSR  – se en CSR application kot sa CSR Komite,  nou, nou bezwen fer sir ki tou zot bann rikord i annord.

Par egzanp, nou bezwen fer sir ki – eski zot financial?  Eski zot kot Rezistrar?  So, tousala i bann lenformasyon ki nou as CSR Komite nou fer sir.  Me mon demann osi kekfwa bann lezot biznes kekfwa ki pe donn sponsorship tou sa bann NGOs pour zot osi letan i ganny soumet sa bann let, ki pou fer sir ki bann lenformasyon adisyonnel i ganny soumet par sa bann NGO.  I pa zis akoz nou’n donn en lo – en let for sponsorship ki ou ganny sa sponsor automatically.  Ou bezwen soumet en pe sa bann lenformasyon.

 

(Off-Mic)

 

MR SPEAKER

Yes Onorab?

 

HON SEBASTIEN PILLAY

Non.  Mon pwen Mr Chair i se ki, nou vwar en sityasyon kot i annan menm i vin endividi ki pretann pour annan en Lorganizasyon oubyen fer en aktivite.  Me apre zot pa donnen sa bann sponsor ki zot gannyen.  Ou konpran?  E dimoun i donn ek bonnfwa. Me problenm prezan se ki, mon – ou pe war poudir i annan en lapse, en keksoz ki manke la pou fer sir ki okenn endividi ki pe fer sa bann kalite aktivite i bezwen annan en fason ki i ganny legitimize basically.  Kot ou konnen poudir ou’n ale, ou’n al kot Rezistrar ou’n sertifye – lala sa dimoun ki mon pe al donn li sa larzan, sa dimoun osi i la.

I annan en undertaking ki ganny etablir ant sa 2 parties.  Prezan si sa Lorganizasyon par egzanp, ki’n raise sa larzan i vini i donn ou, sa endividi ki pe anmas sa larzan.  Ou sipoze al donn sa dimoun ki sa larzan i vin pour li.  Ou konpran?  Me nou pe vwar de ka kot sa pa pe arive.  E prezan i annan dimoun konmsi prezan ou konnen, i abiz lo bonnfwa dimoun.  E ou pou vwar parfwa i annan dimoun – endividi pa oule donnen ankor, zisteman akoz sa sityasyon.  Mersi Mr Chair.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mr Chair, vi ki nou pe revwar son framework of bann NGOs, kekfwa sa nou ava diskit en pe through the NGO sector.  Nou ava diskit avek zot e osi nou ava diskit avek sekter prive osi lafason bann prosedir ki e ganny follow.  E zis pour azoute kekfwa, Eline osi ou anvi azout en keksoz lo la kekfwa.

 

MR SPEAKER

Mersi.  Mrs Moses.

 

CHAIRPERSON NATIONAL GRANTS COMMITTEE – MRS ELINE MOSES

Mersi Mr Chair.  Bonn apre midi tou Onorab.  With regards to National Grants parey SS in mansyonnen, i annan en prosedir ki’n ganny byen defini – kot tou bann Lorganizasyon i soumet zot laplikasyon.  E Komite – i annan serten guiding principles ki nou swiv.  E premyerman, nou bezwen fer sir sa Lorganizasyon i kredib.

Dan le sans ki nou verifye avek Registrar, pour verifye si sa di – sa Lorganizasyon i compliant avek son bann legal obligations.  Zis kekfwa pour rasir zot – dan bann laplikasyon ki nou’n gannyen, wi, letan nou’n fer bann due diligence spesifik, Rezistrar in konfirm avek nou ki i annan bann Lorganizasyon ki pa in good standing.  E menm kekfwa i annan ki’n ganny struck-off the Register.  So, zis pour reasir bann Manm Lasanble pou dir komite wi, nou fer due diligence pour tou bann laplikasyon ki vin kot nou.  E nou asire poudir larzan i ganny byen – pou ganny byen disburse.  Thank you.  Mersi.

 

MR SPEAKER

Mersi Mrs Moses.  Onorab Sandy Arissol.

 

HON SANDY ARISSOL

Mersi Mr Chair.  Bonn apre midi tou dimoun.  Mr Chair, mon ti a kontan retourn lo pwen ki Mrs Moses fek fer resortir, pour an relasyon avek konformite avek sa ki nou pe koz lo la.  E sa i retourn lo pwen ki Onorab Henrie in met lanfaz lo la e mwan mon pou siporte.  Parske letan bann lezot Minister Gouvernman oubyen bann antite i vin zisteman rod en Bidze avek Gouvernman ki larzan piblik parey nou kontan dir. So, nou kontan demann zot tou sa bann kestyon pou fer sir tou sa ki zot pe fer i annord.

E mon pou osi siport Onorab Pillay dan sa largiman ki i fek anmennen la, parske sanmenm sa bann sityasyon ki nou pa anvi.  I zis parey sa sityasyon kot Gouvernman i fer U-turn lo en desizyon ki i pran.  E se pour sa rezon mon pou siport Onorab Pillay letan i pe dir sa.  Parske i enportan prezan pour nou vey byen sa ki nou pe fer, pour ki tou keksoz i mars egzakteman byen.

Alor, mon kestyon mon ti a kontan demande se an relasyon avek ‘contribution to religious organisation’.  Mon ti a kontan demann SS, lekel bann Lorganizasyon relizyez ki pe ganny en pti finansman avek Gouvernman?  Sa i mon premye kestyon pour mwan kapab demann en kestyon siplemanter apre.

Mon 2enm i an relasyon avek – par egzanp letan mon get, mon retourn ankor lo pwen kot Onorab Henrie in servi sa mo ‘soutire’.  Par egzanp, letan mon get contribution to CARE, nou annan Lasosyasyon CARE.  En Lasosyasyon ki fer en kantite aktivite pour bann zanfan.  Ozordi CARE i annan li son prop building, CARE i annan li en bout later kot son building i lo la, e CARE i ganny li R3.2milyon.

Me selman letan mon get pli ba, mon get Scout Association – en Lasosyasyon ki’n egziste mon krwar depi later i later.  E i vin – in menm la avan CARE.  So, mon pe demande si zanmen i kapab annan – pour nou revwar ki mannyer nou kapab ed lezot.  Par egzanp, letan mon get sa pti finansman ki Scout i gannyen, konmsi i en pe meg konpare avek CARE.

Si nou ti kapab – pa posib pour nou reviz en kou?  pour nou kapab fer sir ki – annou dir nou, nou shift en kou.  Nou donn Scout – an iv ki CARE li in kapab debout lo son 2 lipye, i annan son building, i annan son later, i lwe son landrwa kot i fer son pti conference anler, i annan en reveni li.  Be akoz nou pa shift en kou?  Nou dir be ok, en lannen annou donn en kou Scout sa 3.2milyon.  Nou a ed Scout en kou debout en kou lo son 2 lipye.  Konmsi Scout li i kontinyen avek sa 258 k mon pe gete la, e napa nanryen gran keksoz pour li.

Me CARE li i kontinyen avek *2.2milyon.  Konmsi pour nou balanse pour – SS a eksplik nou, ki mannyer zot zistifye pou dir, be li sa enn i bon pour 3.2?   li sa enn i ok pour li ganny sa 258 ki mon pe gete la?  Sa i mon 2 pti pwen Mr Chair, pour mwan demann SS en pti klarifikasyon apre.  Mersi bokou.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Lo kote ‘contribution to religious organisations,’ i bann proze kapital.  Bann Proze Kapital ki any religious Organisation.  E usually ki nou fer?  Ki nou fer zot soumet demann – si zot pe al fer any Proze Kapital.  Par egzanp, nou konnen i annan bann Katolik ouswa Anglikann ki souvandfwa nou ganny bann aplikasyon ki zot pe renove – fer renovasyon zot bann Legliz.

E once ki zot soumet, nou fer assessment baze lo bann BOQ ki zot in soumet.  E baze lo la, nou ekrir zot en let, nou donn zot en approval.  Me nou kapab donn zot kekfwa bann detay – sa osi nou kapab share ek Lasanble, lo bann previous years lekel bann Legliz ouswa bann Organisations ki’n ganny sa kontribisyon sorti kot Gouvernman, akoz i bann proze ki’n ganny anba la.  Sa nou kapab soumet avek Lasanble.

Tandis ki pour 2019, i en provizyon.  Nou pa ankor ganny demann avek bann religious organisations.  E sa usually zot fer li during the first quarter of letan Bidze in ganny aprouve – zot soumet zot bann demann.  Me nou kapab fer Lasanble ganny en pe detay lo bann previous years lekel ki nou’n asiste.

Sa ki konsern CARE avek sa legzanp ki ou’n donnen lo Scout Association – Scout i sa request ki li in anmenn devan.  So, i sa request ki in soumet avek Komite e Komite in vwar ki in aprouve.  So, si i ti annan nouvo progranm ki i ti pe fer ki i ti’n soumet, Komite definitivman ti pou’n vwar pour li donn larzan an plis.  Mersi.

 

MR SPEAKER

Mersi SS.  Onorab Arissol.

 

HON SANDY ARISSOL

Mersi Mr Chair.  Mersi SS pour larepons.  Zis lo sa kontribisyon pour Lorganizasyon relizyez, mon ti a kontan demann SS – mon’n tann ou mansyonn 2 spesifikman, se Anglikann avek Katolik.  Eski sa kontribisyon i aplik pour tou lezot nominasyon ki nou annan Sesel ki egziste ozordi apard Katolik avek Anglikann?  Mersi bokou.  Epi mon ti a kontan parey ou’n dir, ou ti a fer nou ganny sa lalis.  Mersi Mr Chair.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Wi.  Mersi Mr Chair.  Mersi Onorab.  I aplikab pour tou religious organisation e si zot annan en Proze Kapital.  Mersi.

 

MR SPEAKER

Mersi SS.  Bon, nou annan ankor 4 Manm lo lalis pour demann klarifikasyon pour Social Program of Central Government.  Nou ava – mon sizere nou pran en Break.  Nou ava retournen 4er pour nou kapab kontinyen.

 

(BREAK)

 

MR SPEAKER

Bon, nou ava kontinyen nou travay.  Mon a donn laparol Onorab John Hoareau.

 

HON JOHN HOAREAU

Mersi Mr Chairman.  Mr Chairman, en gran parti mon kestyon in ganny kouver avek – lo size National Grants.  Selman par kont, mon ti a kontan konnen, eski i annan bann Manm lo CEPS, right – ki pe osi annan en lot NGO ki zot ansarz e zot pe ganny en serten larzan from CEPS avek osi from zot NGO koman en manm ki pe fonksyonn dan Sekretarya?

Apre mon ti a kontan konnen si osi sa Savings Bank New-born Saving Scheme ki mon ankor – mannyer mon konpran i ganny administre par Central Bank.  Pour konsonmasyon piblik, eski zot ti a kapab donn en deskripsyon lo ki fason sa i marse?  E eski i pe achieve son bann lobzektif?  Mersi.

 

MR SPEAKER

Mersi Onorab.  Petet Mrs Moses.

 

CHAIRPERSON NATIONAL GRANTS COMMITTEE – MRS ELINE MOSES

Mersi Mr Chair.  Mersi Onorab pour kestyon.  With regards to bann Lasosyasyon ki’n ganny konsidere pour finansman, sa i pa restrikte zis pour bann Lorganizasyon ki en manm avek CEPS.  So, sa prosedir i ouver pour tou Lorganizasyon ki anrezistre atraver Registrar of Associations, as long poudir zot in good standing, zot an konformite avek zot Lasosyasyon.

Alors baze lo la, bann Lorganizasyon ki zot successful, zis pour kekfwa lenformasyon – pour 2019 nou ti ganny 24 aplikasyon sorti 24 diferan Lorganizasyon.  E ladan Komite in aprouv 13.  E i pa neseserman poudir tou le 13 i man – i asosye avek CEPs.  Mersi.

 

MR SPEAKER

Mersi Mrs Moses.  Yes Onorab Hoareau oubyen mon ava donn laparol SSSS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Sa ki konsern sa Seychelles Savings Bank New-born Saving Scheme, sa i ganny administre by Seychelles Commercial Bank.  So, letan i annan en nouvo ne dan Lopital, zot ganny en dokiman from maternite letan zot pe sorti.

So, sa paran i ganny sa liv dokiman, li i bezwen pran sa dokiman letan in fini ganny son kart idantite pour sa zanfan.  Li i bezwen al kot Seychelles Commercial Bank pour li kapab ouver son kont e depoz sa bann dokiman apre ranpli bann form.  E once i ganny sa, la i ganny – sa larzan i ganny debited dan son kont.  E la li apre i kapab kontinyen kekfwa tou le mwan fer en direct debit si i anvi bann paran i kontinyen.

E assessment ki nou’n fer ki nou annan kont ki i plis ki R1500 – sa larzan, i annan kont.  Nou ti annan data la, nou kapab share.  E osi i annan kont osi ki plis ki R50mil, ki bann paran in kontinyen kontribye dan sa kont.  Sa osi bann lenformasyon ki nou kapab share avek Lasanble.

 

MR SPEAKER

Mersi SS.  Onorab John Hoareau.

 

HON JOHN HOAREAU

Mr Chairman, mon pa tro krwar si sa madanm in konpran byen sa kestyon.  Mon pou re-demann li ankor.  An vi ki CEPS – i annan contributions to CEPS ki 3milyon, sa i al pour Sekretarya CEPS.  E i annan dimoun ki lo Sekretarya CEPS an menm tan i manm en lot Lorganizasyon, right?  So, i pe ganny li en saler oubyen en serten larzan from CEPS an menm tan from sa lot Lorganizasyon akoz i osi lo Sekretarya sa lot Lorganizasyon.  So, ki fer ki pe pran 2 vot from the same – i pe pran 2 larzan from the same vote.  So, se sa mon pe demann li, si – eski si sa i le ka?

 

MR SPEAKER

Mersi Onorab.  Mrs Moses.

 

CHAIRPERSON NATIONAL GRANTS COMMITTEE – MRS ELINE MOSES

Mersi Mr Chair.  Mersi Onorab pour ou kestyon.  Zis pour konfirmen pou dir CEPS i pa’n anvoy okenn soumisyon atraver Grants Committee.  E son prosedir i en prosedir ki’n defini separeman atraver Minister Finans.  So, nou pa okouran poudir CEPS parey mon’n dir in soumet laplikasyon through nou.

I annan 13 Lorganizasyon ki’n aprouve atraver National Grants Committee, me CEPS pa ladan.  CEPS son prosedir ti diferan.  I en pe parey avek CARE ki pa’n come through National Grants Committee.  So, parey ou’n dir which is right, Vice-Chair i kapab donn en pe plis leklersisman lo la.  CEPS i annan en alokasyon dan Bidze ki separeman pour li pour son Sekretarya.  Me nou koman National Grants Committee, nou pa’n resevwar okenn laplikasyon pour okenn progranm separeman pour nou finanse pour CEPS.  Mersi.

 

MR SPEAKER

Mersi Mrs Moses.  Onorab John Hoareau, ou ok?

 

HON JOHN HOAREAU

Non, mon pa tro satisfe ek sa larepons akoz se pa sa kestyon ki mon’n demann sa madanm.

 

MR SPEAKER

Eski ou pe demande si en manm lo Board CEPS i kapab osi tou en Manm lo en lot Board NGO? I pe fer…

 

HON JOHN HOAREAU

Aprezan i pe resevwar 2 larzan.

 

MR SPEAKER

Wi.  Se sa mon krwar ki ou pe rod lesplikasyon – klarifikasyon.  Mrs Moses.  Eski en manm ki lo Board CEPS an menm tan i kapab ansarz oubyen manm lo en lot NGO?  Yes, Onorab John Hoareau.

 

HON JOHN HOAREAU

Par egzanp Mr Speaker, si mon pou – mon pa oule nonm non dimoun, me selman mon pou bezwen nonmen pou klarifikasyon la.  Par egzanp, Mr Jude Fred – li i lo Everlasting Love Ministry an menm tan i lo CEPS.

 

MR SPEAKER

Mersi.

 

CHIEF ACCOUNTANT CEPS – MAY-PAULE MARENGO

Bonn apre midi Chair.  Bonn apre midi Onorab.  Anyway, letan en NGO i apply, i apply koman en Lorganizasyon.  So, si sa Lorganizasyon i ganny aprouve, so i pa sa endividi ki pe ganny sa larzan, sa larzan i pour en progranm.  So, si i en manm CEPS i pe ganny en allowance or i lo Board, i ganny en allowance separe.

Whereas sa progranm i pour en progranm ki pour en target, i pou annan en lodyans ki pou annan en impact at the end.  So, par egzanp dan le ka Jude Fred, pa Jude Fred ki benefisye – se ki, i annan en group dimoun ki dan son progranm ki in mete ki benefisye from sa larzan.  Son allowance Board member CEPS, sa i pour li personnelman.

 

MR SPEAKER

Mersi.  Yes.  Ok.  SS annou klarifye sa.

 

SECRETARY OF STATE – MR PATRICK PAYET

Non, kekfwa Mr Chair, zis pour klarifye – bann soumisyon ki zot in fer, i pour bann aktivite ouswa bann progranm.  So, definitivman i bezwen i pou annan en reporting mechanism ki nou pou mete an plas letan i fer aktivite, ka ki in fer, e ki son output at the end?  So, i pa pe kapab li pey son lekor.  So, definitivman sa bann soumisyon i – sa bann NGO i pou bann aktivite ouswa bann progranm ki zot pe fer.  E at the end, soumisyon i bezwen annan en output at the end.  Sanmenm sa ki letan zot in soumet.

 

MR SPEAKER

Mersi SS.  Onorab Simon Gill

 

HON SIMON GILL

Mersi bokou Mr Speaker.  Bonn apre midi ankor de nouvo tou koleg Onorab, Minis e manm piblik.

Mr Speaker, sa Head ki nou pe konsidere ozordi apre midi i annan bokou bann Lorganizasyon ki tonm anba la, ki dan mon refleksyon, analiz e swivi ki mon fer lo sa ki ganny pibliye, sa ki ganny dir.  E serten koneksyon endirek, mon krwar i annord pour nou a sa moman ki nou pe konsider Bidze 2019, salye zefor e dir ‘chapeau’ a en kantite sa bann Lorganizasyon ki entegre en kantite dimoun, ki donn en kantite erdtan zot letan.

Serten i sakrifye zot fanmir e zot trouv letan pour ed e al sekour lezot dimoun dan sosyete, e menm lezot Lorganizasyon dan sosyete ki bezwen sipor.  Pa souvan ki ou ganny bann dimoun Mr Speaker, dan bann diferan sosyete ki pare pour dedye letan zot lavi ziska serten degre pour ed zot frer e ser.  E dan Sesel, inik ki inik – e ankor enn fwa nou bezwen rekonnet e tir sapo a bann dimoun ki donn zot letan.

E serten Mr Speaker, dan sa prosedir, dan zot zefor pour sekour ziska zannimo, i ganny atake e zot bezwen pey konsekans ziska pour zannimo.  E menase ziska menm pour al prizon e ganny suspended sentence.  E i bezwen fer lapel akoz zot zefor ki zot pe mete.  E ankor enn fwa, sapo a bann dimoun ki annan sa lenerzi e lodasite pou stand firm, akoz zot believe dan bann cause ki zot pe travay.

E Leta i bezwen rantre pour donn sipor dan bann moman ki Leta i kapab donn zot sipor.  E dan sa konteks, mon oule fer en soumisyon isi dan sa Lasanble pour ki nou tou koman en Lasanble, depouy nou avek tou bann konsiderasyon politik Mr Speaker, e demande ki Pet ‘Heaven’ i ganny en kontribisyon sorti kot Gouvernman atraver Bidze 2019, pour li kapab arive mentenir e soutenir sa travay sanses ki sa group dimoun pe fer vizavi pour zot kapab salvage bann lisyen eran lo semen; bann lisyen ki zot met in abandonn zot e bann lisyen ki par natir i la e i annan sa bann dimoun – bann zonm e fanm de bonn volonte, in vini pour ed zot.

Mon trouv i annan en lot Lorganizasyon Mr Speaker, SSPCA, ki zot osi sapo avek zot!  Zot pe travay e i annan en kontribisyon dan Bidze isi pour zot.  Eski nou pa i devret kapab met zot – met Pet Heaven apar avek SSPCA?  Or si i annan lezot prononsman ki Minis atraver SS Finans ki la ozordi, ki avan nou sorti dan sa Lasanble, nou kapab etann nou lanmen, etann nou sipor pour Pet Heaven pour ki i ganny en alokasyon.

Mr speaker, mon pa pou fer lerer e manke ankor enn fwa pour mwan fer mon soumisyon rekonnet zefor ek travay ki tou bann zonm/fanm ki a latet bann NGO e ki pe fer en kontribisyon en portan nou pei e ki pe sov en kantite nou bann frer ek ser.  E alor, mon pa pou pran plis letan Lasanble Mr Speaker.  Mon pe demande ki lo en baz non-partizan, nou konsidere pour nou fer en kontribisyon pour Pet ‘Heaven’.  Egalman ankor enn fwa, parey SSPCA pe gannyen isi dan sa Lasanble.

 

MR SPEAKER

Mersi Onorab Simon Gill.  Mwan mon konn Pet Haven.  Mon pa konnen si i annan en nouvo ki’n vin, Pet’ Heaven’.  Me avan mon donn parol – wi, avan mon donn parol SS.  Petet in ariv en moman pour mwan fer serten klarifikasyon lo sa zafer lisyen Pet Haven.

Mon pa krwar i annan okenn dimoun ki kont bann volonter – bann dimoun ki ranmas bann lisyen eran.  Me konsern ki lev-e se, lisyen eran i ganny ranmase, i ganny mete kot en lakaz – kot en lakour.  E i dan en landrwa rezidansyel e lakantite lisyen ki akimile, i koz nwizans pour vwazen, nwizans pour biznes dan le zalantour.  Se sa ki’n arive dan sa ka.

Sa madanm in fer en aplikasyon pour li ganny en bout later Providence.  Ki mannyer mon konpran, Gouvernman in fini allocate li en bout later.  Ok.  Now, mon pa vreman konpran ki rezon ki i pa’n kapab komans son proze.  Me parey mon pe dir, mon pa pe pran okenn kote.  Sa sityasyon rezon ki mon pe koz lo la, se i dan mon distrik Bel Ombre – i Fisherman’s Cove Estate.

Me ler – petet pour lezot dimoun ki pe koze, pe fer komanter, zot pa pe reste dan sa vwazinaz.  Me si ou pe reste dan sa vwazinaz kot en dimoun i annan 20 lisyen, a en moman 40 lisyen – you can just imagine nwizans ki i kapab koze.  Ok?  So, mon pa pe montre ledwa lo personn.

Wi, nou ti a kontan vwar en solisyon.  Nou ti a kontan ed bann dimoun ki pe fer bann travay koumsa.  Me mon pa konnen kote son proze in bloke.  Petet SS – apre sa i mon’n dir, SS i kapab donn en pti pe klarite lo la.  Kote son proze in bloke?  Si i annan led ki Gouvernman i pare pour aporte?  En pe parey SSPCA.  SS Payet.

 

SECRETARY OF STATE – MR PATRICK PAYET

Mersi Mr Chair e mersi Manm Onorab.  Mr Chair, kekfwa mon rekomande ki sa NGO – Pet Haven, i kapab fer son aplikasyon akoz i annan sa 2.3milyon.  Akoz i pa’n soumet okenn aplikasyon pour li ganny Grant.  Parey nou ti ganny demande pour li apply the Government Grant, si i kapab soumet akoz i pou annan ankor en launch of proposal early next year.  Si i kapab soumet e the committee i kapab assess, baze lo bann detay requirement ki annan dan sa dokiman.  So, i kapab fer sa early next year. 

 

MR SPEAKER

Mersi SS.  La mon krwar i en lapel d’offre la.  Mon ava zis donn Onorab Simon Gill akoz li ki’n lev sa, apre Onorab Ferrari.  Onorab Simon Gill.

 

HON SIMON GILL

Mersi bokou Mr Speaker.  Mr Speaker, ou komanter ki ou’n fer, mon war li tre relevan e mon siport ou 500poursan.  E mon soumisyon ozordi apre midi se zisteman, pour evite ki nou annan okenn nwizans ki pa neseser.  Alor, si Gouvernman i prepare pou fer serten kontribisyon pou siport sa Lorganizasyon – sa NGO, pour ki nou bann lisyen ki sa madanm in annan en lenerzi, en lafors eksepsyonnel pour garde, i ganny son vre plas dan en landrwa ki i merite gard zot.  Pour ki i elimin tou disturbance ki kapab koze letan sa bann lisyen i a son – dan son lokasyon dan vwazinaz kot i ete.

Mon siport ou ankor enn fwa Mr Speaker 500poursan.  E atraver ou, mon a demande ki ou lans en lapel atraver ou bann koleg lo lot kote latab, e Minis Finans – SS in fer son pozisyon pour ki inanimman, nou dir ‘Yes’ pour sa madanm. ‘United’ pour sa madanm!  Mersi bokou Mr Speaker.

 

MR SPEAKER

Mersi Onorab Simon Gill.  Onorab Ferrari.

 

HON JEAN-FRANCOIS FERRARI

Zisteman Mr Speaker, mon krwar i en pwen enteresan.  Mon osi mon annan lisyen e mon osi mon kontan lisyen.  Me selman mon pa kontan disturb mon vwazen.  Donk, in annan en difikilte Bel Ombre, mon krwar tou dimoun i konnen.  Minister Tourizm i konnen, Lapolis i konnen e sa in fini Ankour.

Prezan in ler pour nou ed en dimoun ki anvi look after – okip bann lisyen eran, pour ed li pour li sorti, pour li zis tir son aktivite dan en landrwa rezidansyel, pou li fer li dan en fason apropriye kot personn pa ganny disturb.  Sa i toutafe normal.  Se pour sa rezon ki mwan mon ti a kontan fer en propozisyon.  E taler Onorab Afif i annan en lot Lorganizasyon i ti a kontan mansyonnen, ki Leader Lopozisyon in single out li osi.  E sa ti enn, pour get ki mannyer nou kapab increase sa Grant – sa sonm for National Grants.

Mwan mon ti ava dir poudir kekfwa nou kapab – sa i pou depan lo Minis, i pou depan lo Gouvernman pou gete ki mannyer nou kapab increase sa 2.3milyon.  Kekfwa nou a pran en pe dan sa larzan tiles – dan sa larzan ‘End of Term Gratuity,’ nou kapab met en pe ladan.  e dan en fason ki enn de Lorganizasyon i kapab – ki ti napa, ki pa ti ankor fer zot soumisyon, zot kapab fer.  E i – zot sans ganny en keksoz i ava en pti pe pli eleve.

Alors sa i – nou pa pe anvoy zot dan ‘heaven,’ me selman nou pe dir poudir Pet Haven i kapab li osi fer en laplikasyon isi, si nou kapab ogmant sa sonm en pti pe.  E vi ki sa i en demann sorti lo tou le 2 kote latab, mon mazinen poudir i ava ganny konsiderasyon favorab, parey mon ekspekte ki sa lot ki nou ava propoze pli tar i ava annan li osi en konsiderasyon favorab.  So Mr Speaker, sa i mon soumisyon.  E mon swete ki plizyer lezot Lorganizasyon i kapab zot osi apply.  Mersi.

 

MR SPEAKER

Mersi Onorab Ferrari.  SS oule fer komanter?  Mon konnen ou’n fer en lof ki sa Lorganizasyon i kapab soumet son demann.  Mon pa konnen si oule aret la oubyen si oule fer komanter lo komanter ki’n ganny fer par le 2 Onorab – Onorab Simon Gill avek Onorab Ferrari.  Oubyen si oule esper Onorab Afif apre ou a fer en sel.  Onorab Afif.

 

HON AHMED AFIF

Mersi Mr Chair.  Mr Chair, an liny avek sa ki mon ti dir bomaten, ki promes ti ganny fer pour nou regard dan welfare pep Seselwa.  Nou’n ed zot fer sa promes akoz nou’n koup sa larzan ki pa ti pou al kot Pep Seselwa.  E alors, mwan mon pe propoze ki dan sa 6.6milyonki nou’n fer en savings, ki Gouvernman i konsidere, an adisyon avek Pet Haven – ki mon krwar i pe fer en travay enportan.  Sirtou la ki nou annan en Dogs Bill ki pe vini, i pou annan bokou travay pou fer avek lisyen eran.  E bokou sa bann keksoz pou tonm lo zepol bann volonter parey kot Pet Haven.

Mon ti a sizere ki zot ganny omwen R1milyon – i mon sizesyon.  Me byensir zot a fer zot soumisyon e Finans ava regarde.  Me en lot Lorganizasyon ki pe ed – parey lisyen pa kapab ed son lekor souvandfwa, ou annan lezot dimoun ki malad.  E mwan mon pe mazin en Lorganizasyon ki Leader Lopozisyon ti mansyonnen dernyen fwa dan son entervansyon, se Seychelles Alzheimer’s Foundation – ki en maladi ki afekte sirtou dimoun ki pe ariv en serten laz.  Me i pa i pa swazir laz souvandfwa.

E si nou ti kapab met en keksoz pour Seychelles Alzheimer’s Foundation ki pe fer en travay ekstraordiner pour bann dimoun ki pe soufer avek sa maladi.  E mwan mon ti a sizer en sonm en pe parey – 1.2milyon, ki en sonm ki mon krwar pou al lwen pour ed sa travay ki zot pe fer pou anmenn – pou fer lavi sa bann dimoun ki pe fer sa bann dimoun ganny afekte ek Alzheimer vin bokou pli byen.  E alor rann zot en sityasyon ki bokou pli meyer pour zot viv ozordi.

En soumisyon ki mon pe met devan Minister Finans.  Mon krwar larzan i egziste, nou’n fini montre zot.  Nou pa annan drwa ogmant en Bidze, me nou annan drwa dir kot nou krwar i kapab ganny re-allocated.  Mon pe sizer sa pour konsiderasyon Minister Finans.  Mersi Mr Chair.

 

MR SPEAKER

Mersi Onorab.  Bon, mon anvi zis mansyonnen, osi partaz avek Lasanble.  Mon krwar Onorab Churchill Gill i okouran.  I annan osi en lot Fondasyon ki’n monte.  E petet tre byento nou pou bezwen port soutyen, Seychelles Stroke Foundation.  I en group volonter ki pe asiste bann dimoun ki’n pas atraver stroke.  Ok?

E zot osi, zot pe fer en travay formidab.  Sa semenn enn sa manm in vin vwar mwan e osi in ganny sans vwar Onorab Churchill lo e ka.  Enn ki konsern son distrik, enn ki konsern mon distrik.  Ankor bann travay eksepsyonnel ki sa bann dimoun pe fer.

Onorab Pillay – Onorab De Commarmond, apre nou ava donn SS laparol.  Onorab Pillay.

 

HON SEBASTIEN PILLAY

Mersi Mr Chair.  Mr Chair, mon ti oule fer en propozisyon.  Ou konnen i – par egzanp, si nou al dan laliny pour nou dir nou pou donn – which is en fair request pou donn Alzheimer, Seychelles Alzheimer Foundation, Stroke, Autism.  Nou annan tout en seri petet bann NGOs ki pe sey ed bann dimoun ki serten kondisyon Lasante.  Ki parfwa i demann serten sipor akoz fodre ou’n pas atraver sa keksoz pour ou kapab ed en lot dimoun, konsey li, ed li.

Mon krwar petet pli bon opsyon si nou dakor se ki, nou channel tou keksoz atraver National Grants.  Me selman ki Minister Finans i kapab fer?  Minister Finans prezan i kapab regard resours adisyonnel ki i kapab mete.  E vi ki prezan par egzanp, ki nou pe ganny enformen – Stroke Foundation mon krwar nou apel li.

 

MR SPEAKER

Yes.

 

HON SEBASTIEN PILLAY

Ok.  Mon prezimen i annan Autism, i annan sa enn osi ki deal ek bann dimoun sourd – ki resaman in fer sa aktivite.  Nou tou nou’n war poudir i en NGO ki angaze.  Annou regarde ki sipor nou kapab donn z pou prepar en soumisyon anver National Grants Foundation.  Akoz mon krwar petet problem ki egziste, ou annan bann dimoun ki annan bon lentansyon, me probableman sa bann dimoun osi i pe fer diferan keksoz.

E petet zot napa en fason petet kordinen pou anmenn en – zot a forgive mwan, mon pa konnen si i annan ki’n anmennen me pa’n ganny konsidere, pour zot anmenn en soumisyon devan.  So, si nou kapab fer sa, then i ava go through National Grants Foundation.  Akoz nou’n etablir en prosedir, so nou fer though sa prosedir.  E parey bann dimoun ki la in eksplik nou, sa bann ki la in go through sa prosedir pour zot ganny sa funding.

E si Minister Finans prezan, avek National Grants Foundation, i kapab fer en travay – fer en appel d’offre oubyen fer en travay pou vwar lekel tou sa bann Lorganizasyon ki pe deal ek bann sityasyon medical.  Ou annan Cancer Concern, ou annan lezot Lorganizasyon, e sey anmenn zot ansanm pou vwar ki mannyer nou kapab siport zot.  so, mon krwar sa the best option – si nou dakor, nou go through National Grants Foundation, kot i ava annan en fason kontrole pour nou kapab fer li.  E ki personn pa ava dir poudir nou pe favoriz enn a l’égard lot.  Mersi Mr Chairman.

 

MR SPEAKER

Mersi Onorab.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair, set en keksoz preski dan menm direksyon ki mon ti pe met devan.  Fodre nou fer atansyon ki nou pa zis konmsi left, right and centre, nou asiste.  Mon krwar i annan bann bon rezon Gouvernman i deside lekel ki pou asiste.  I bezwen annan enn premyerman, en move from sa Lorganizasyon.  Premyerman li i bezwen dir i oule lasistans, i oule en sipor.

E  Gouvernman i bezwen annan bann paramet ki i etablir, ki mon krwar deza – taler zot in koz lo la en pe.  E nou ki nou ti ava petet demande se, fer sir ki sa bann kondisyon i ganny vreman byen etablir.  Mon krwar pli boner Onorab Henrie in fer sorti serten sa bann pwen.  E petet mon ti ava azoute ki financial status sa bann Lorganizasyon i ganny – sa bann NGOs la i ganny vreman gete.  Me i pa zis depi komansman ki nou devret gete.

Ler ou’n asiste li osi, ou bezwen gete ki in fer ek sa lasistans ki ou’n donn li.  Savedir bezwen annan en serten swivi sa pour vwar ki i annan bonn gouvernans dan sa bann Lorganizasyon.  E an menm tan, i bezwen annan serten transparans.  Transparans pour montre – pour nou kapab osi annan sa lankourazman pou kontinyen ed zot.

Akoz nou regarde parfwa pandan lannen, i annan serten Lorganizasyon ki Gouvernman pa n’in asiste li, me i pe fer byen.  Ou war bann progranm ki i fer, bann aktivite ki i pe fer – kot i pe sansibiliz dimoun, i pe promouvwar sa konsern sa Lorganizasyon ki i ladan, ki swa otizm, Cancer Concern.  Lotrefwa nou’n tann zot; Stroke Foundation – mon’n asiste enn de zot bann rankont letan zot in fer.  E i nouvo me i pe demar vreman soz.

Be selman parey mon pe dir, i bezwen annan sa swivi.  So, ki nou devret pe fer?  Se lans en lapel – lans en lapel, dir ek bann, tou Lorganizasyon ki – bann NGOs, an bonnfwa Gouvernman i pare pou siport zot.  Akoz nou war bann – zot pe donn koudmen zot.  Sa bann keksoz ki zot fer i osi enportan.  E se sa ki nou bezwen mazinen.  Ki swa i pour zannimo, ensidswit.  E alor, nou bezwen swiv zot.  Sa i a ed zot pour zot osi kapab fer marse byen sa Lorganizasyon.  E napa nanryen mal si nou pe kapab ganny en pe finansman pour donn zot sipor.

Mon krwar nou devret get li dan sa loptik.  E i vre zot in mansyonn sa enn de legzanp, me selman alor, annou get li dan sa fason.  E non pa zis konmsi left, right and centre – ozordi nou kontan sa enn, demen nou kontan s a lot.  Demen nou kontan sa lot, demen nou anvi sa enn.  E annou etal li byen e met sa legzizans akoz i annan ladan ki mon pe gete, petet nou pa pe war bokou ki pe ganny fer.  Lotrozour mon ti mansyonn sa dan enn mon ladres, epi enn de bann dimoun i vin kot mwan i dir – be lala ki nou pe fer!  I byen – apre ki nou mansyonnen, nou war ki ou pe fer.

Alor, nou lans en lapel osi ek medya, pour konmsi promouvwar, ede pou disseminate lenformasyon, pour ki pep i konnen.  Alor ki pa zis Gouvernman ki ava ede, lezot entans, lezot biznes, lezot lorganizasyon i kapab osi donn serten koudmen e – akoz san Finans, nanryen.  Sa bann Lorganizasyon pa pou kapab promouvwar sa ki zot anvi fer.  mon ti anvi zis met sa pwen.

E ki Minister Finans i pran sa o serye.  E ki nou kapab ed sa bann Lorganizasyon e bann nouvo ki ava vini, avek bann koz e avek bann si oule, rekomandasyon serye pour zot kapab – pour kapab gid zot dan zot travay ki zot pe fer.  Bann bon travay ki zot pe fer.  Mersi.

 

MR SPEAKER

Mersi Onorab De Commarmond.  SS.

 

SECRETARY OF STATE – MR PATRICK PAYET

Mersi Mr Chair.  Mersi bann Onorab pour zot kontribisyon.  Nou pe propoze ki i annan en nouvo Komite ki nou’n mete ki at least i annan latransparans.  E proposal osi ki nou pou fer sir ki i annan en Project Manager ki pou monitor tou sa bann proze.  E zot, zot pou report direk ek sa Komite, an menm tan avek Minister Finans.  So, nou pe propoze ki at least nou fer en second call of proposal early next year pours a sonm ki deza dan Bidze.

E mon konnen i annan en sa Organisation, sa Fondasyon ki zot in mansyonnen, in osi soumet.  me depandan i annan lenformasyon ki i ti pe manke, ki komite in re-demann li pou go back apre re-fer son soumisyon.  So, sa in deza arive, i annan enn ki zot in nonmen ki i deza dan sa prosedir.  So, definitivman nou, nou kapab fer bann ki bann lezot ki zot pe mansyonnen.

Nou kapab fer second call of proposal – ki at least zot tou zot kapab follow menm prosedir.  Akoz nou pa anvi demen ki zot dir – be akoz ou’n sa enn, ou pa donn sa lot?  Me tou lenformasyon i vreman detaye.  E at least in kapab fer en proper assessment akoz kekfwa bann soumisyon ki’n ganny donnen, akoz kekfwa i annan keksoz ki nou’n donnen, i annan keksoz ki nou’n donnen.

So, nou pe propoze ki at least the first quarter of next year, nou fer en second call of proposal pour bann lezot.  Akoz mon konnen ki sa lannen ti vreman tight pour zot soumet tou a bann lenformasyon.  So, at least i adonn zot ase letan lannen prosenn pour zot kapab soumet en bon proze devan sa komite e kapab ganny etablir byen.  Mersi.

 

MR SPEAKER

Mersi SS.  Petet avan nou pran en vot, mon kapab zis dir poudir, mon krwar premye fwa ki nou war reprezantan National Grants Committee devan Lasanble.  Mon krwar sa ankor i en bon letap ki nou’n fer.  Nou konnen poudir bann soumisyon i kapab pas atraver sa Komite.  Petet SS, nou konnen poudir sa Bidze in ganny redwir.  Mon pa konnen si ou’n highlight lo komansman kote sa rediksyon in vini, sa amannman, pour nou sorti mon krwar plis ki 200milyon pou tonm 186milyon.  SS.

 

SECRETARY OF STATE – MR PATRICK PAYET

Mainly – mersi Mr Chair.  Mainly ti from pansyon – sa pension.  Akoz i ti en nouvo laliny dan Bidze dan Social Program.  Nou ti – ti annan en link problem avek – avan i ti pe ganny mete anba Wages.  So, sanmenm sa ki letan nou’n fer sa assessment avek soumisyon ki nou’n gannyen, i ti selman 20milyon.  Me nou, nou ti’n met Bidze adisyonnel, sanmenm sa ki nou’n ganny sa larzan reduction pour nou kapab met anba Saler avek ‘goods and services’, pour komans lenplimantasyon salary increase le 01 Avril.

 

MR SPEAKER

Onorab Ferrari.  En dernyen parol avan nou pran en vot.

 

HON JEAN-FRANCOIS FERRARI

Dernyen parol Mr Speaker.  Lo nou kote nou, nou vreman pa war amwen ki SS oubyen Minis i kapab zistifye ki mannyer NATCOF in retourn ankor dan zwe.  Nou pa vwar akoz nou’n egzos sa largiman dan lepase pour nou dir ki nou pa’n vwar litilite sa travay ki zot in fer.  E mon pa – mon still ankor pa convince akoz zot pe re-aparet la.  E personnelman mwan lo nou kote latab nou, nou krwar poudir i pa devret pe aparet.  Sa larzan i devret pe al dan sa National Grants Fund.  Mersi.

 

MR SPEAKER

Mersi Onorab.  Non, mon krwar si mon pa tronpe, ti annan en laranzman nou ti dir poudir fair Trading pe deza pe fer sa travay, non?  SS, donn nou en lesplikasyon, ki mannyer in retournen.  Mrs Moses.

 

CHAIRPERSON NATIONAL GRANTS COMMITTEE – MRS ELINE MOSES

Mersi Mr Chair. Mersi Onorab pour kestyon.  Zis pour klarifye, NATCOF ti enn parmi sa bann Lorganizasyon ki ti soumet son laplikasyon avek National Grants Committee.  Son Bidze ki i ti soumet ti anviron R2.5milyon.  Komite in envit zot – as part of prosedir, tou bann NGO i bezwen vin devan Komite pour zot prezant zot progranm for the year.

E la bann manm Komite i enterakte avek zot, demann zot bann kestyon, pou fer sir poudir zot bann obzektif ki zot oule atenn i kler.  Bann resours ki zot pe allocate, ki zot anvi servi – sirtou bann resours imen, i vreman valab e ki nou pou vwar en output e definitivman en lenpak dan kominote.  So, Komite in delibere e son Bidze in ganny redwir konsiderableman.  Parey zot pou war, i tonm apepre 800mil.  So, sorti 200 – 2.5million pou R857mil.

NATCOF letan nou’n evalye son proposal, zot lanfaz se ki i lo consumer awareness e Komite i santi ki sa i konplemant bann zefor ki Gouvernman ki sosyete i oule fer towards – pou fer sir poudir drwa konsonmater i ganny proteze.  E bann aktivite i prensipalman pour – i enkli rental en lofis, zot in redwir zot lespas pour en lofis.  E osi pour zot fer – konsantre lo ledikasyon bann konsonmater.

E nou’n osi ganny lenformasyon avek zot, poudir zot deza annan en curriculum ki’n ganny devlope.  E zot annan enn de bann resours, bann TV spots e zot focus lannen prosen i plis lo sa konponan pou raise awareness parmi bann konsonmater lo bann diferan keksoz ki annan avek zot drwa, zot responsabilite, bann servis.

E zot in eksplik nou en pti pe pou dir – letan bann konsonmater i annan ase lenformasyon lo zot bann servis, lo zot drwa, zot responsabilite, sa li menm li i pou kontribye pou dir bann service providers, i kapab osi improve lafason ki zot delivre bann servis.

E at the end of the day, se bann popilasyon ki pou benefisye e pei pou kapab annan en pti improvement i lo son socio-economic development.  So, baze lo la Komite in aprouve e vwala.  Mersi.

 

MR SPEAKER

Mersi Mrs Moses.  Onorab Ferrari.

 

HON JEAN-FRANCOIS FERRARI

En pe leklersisman silvouple – mon ti a kontan demann Mrs Moses si i kapab dir nou vi ki demann ti pour 2.5milyon, sey donn nou en lide konbyen dan sa Bidze R858mil pou al dan pey biro, dan bann depans biro e dan bann depans saler.  Pour nou kapab ganny en nide konbyen pou reste pou fer sa bann travay edikatif ki Mrs Moses in dir.

Akoz enn bann keksoz ki nou santi i enportan nou se ki, fodre pa annan en tro gran proporsyon bann Fon, bann resours finansye ki al pour bann fre administratif.  Me ki sa bann Fon i al pour bann progranm efektif pour ki piblik i benefisye.  So, sey donn nou en lide ki mannyer nou – sa pe ganny partaze.  Mersi.

 

MR SPEAKER

Mersi Onorab.  Mrs Moses.

 

CHAIRPERSON NATIONAL GRANTS COMMITTEE – MRS ELINE MOSES

Mersi Mr Chair.  Mersi Onorab.  Swivan kestyon sorti kot Onorab regarding laplikasyon NATCOF, Komite definitivman in koup konsiderableman lo son request pour staffing.  Nou ti santi poudir demann ki zot pe fer pour lakantite staff i ti en pe tro bokou pour sa progranm ki zot oule enplimante.

Pour staffing, nou’n fer provizyon zis 3 staff, ki enkli son Direkter, en office manager, avek en office assistant.  E Executive – a Direkter li menm li apre zot pou mobiliz zot bann volonter pour zot kapab al dan bann lekol pour zot kapab al enplimant zot bann progranm.

Pour bann prodiksyon bann TV spot, sa osi nou’n fer en rediksyon akoz zot in – nou’n, nou’n finans zot zis pour zot kapab air sa bann spots ki zot annan.  I annan serten workshop ki zot ti’n mete, nou santi poudir sa ti en pe eksesiv.  Alor, Komite in koupe.  Ti annan bann dyalog ki nou vwar son costing pa realistik, tousala nou’n koupe.  E osi en konponan ki Komite pa’n aprouve pour NATCOT, se son– i ti’n met en Bidze anviron R300mil pour bann aktivite ki zot pou fer pandan sa mwan ki NATCOF pou selebre son 25enm laniverser.  Alor, Komite in redwir sa R300mil.

With regards to office rent, sa i tonm R250mil.  So, i zis en lofis.  Zot ti annan 2 lofis, la zot in redwir to only en office.  Mersi Mr Chair.

 

MR SPEAKER

Mersi Mrs Moses.  Onorab Ferrari.

 

HON JEAN-FRANCOIS FERRARI

Mon ti a zis kontan ganny en lide Mrs Moses – staff cost silvouple.  Nou annan en pri pour office cost, rental e staf cost silvouple?

 

MR SPEAKER

Mersi.  Mrs Moses.

 

CHAIRPERSON NATIONAL GRANTS COMMITTEE – MRS ELINE MOSES

Mersi Mr Chair.  Baze lo kalkilasyon ki nou’n fer pour staffing i tonm anviron R480mil.

 

(Off-Mic)

 

MR SPEAKER

Mersi Mrs Moses.  Yes, Onorab Ferrari.

 

HON JEAN-FRANCOIS FERRARI

Mr Speaker, avek respe – e se sa en pe direksyon ki nou oule ale.  Nou, nou santi poudir bann Fon sorti kot Gouvernman pou ed bann NGOs i bezwen al pour bann progranm.  E la nou’n ganny en legzanp e Mrs Moses, avek bokou respe ki mon annan pour ou – i pa reflekte byen lo zot travay ki zot in fer.  Akoz la ou pe dir avek nou poudir dan en progranm – dan en alokasyon 858mil, i annan pros 750mil ki pou al pour staff avek pour biro.

 

(Off-Mic)

 

HON JEAN-FRANCOIS FERRARI

480 pour staff?  Staff avek biro?  Ok.  So, plis ki lanmwatye pe al pour staff avek biro – ki pa rezonnab.  Mwan mon santi poudir nou koman bann dimoun ki bezwen vey larzan piblik, nou bezwen rod en fason ki bann outputs i bokou pli significant.  E nou pa kapab zis fini, fer bann progranm oubyen fer bann NGO ki pou zis birokratik.  So, nou remet ankor menm pozisyon ki nou ti mete lannen pase.  Nou pa dakor ki NATCOF i ganny okenn alokasyon sa lannen, tan ki NATCOF pa kapab vini ek en progranm ki – i annan volonter, Mrs Moses in dir nou i annan volonter.

Wi, i annan volonte, me selman i annan ki pa volonter.  I annan ki pe viv lo bann Fon Gouvernman e i pa devret koumsa.  I devret ki NATCOF i kapab dir nou par egzanp, ki kalite Fon zot kapab raise zot osi?  Ki zot kapab tap-in dan bann Fon eksteryer oubyen lokal?  Sakenn i bezwen fer en zefor dan sa pei.  Nou pa kapab zis set up en Lorganizasyon, ekspekte ki nou pou ganny nouri par Gouvernman.  So, sa i ankor enn fwa en lot – en legzanp ki nou pou mentenir nou pozisyon lo la ki nou pa pe aksepte sa vot.

E nou pou demann avek SS pou redwir sa vot.  Ou alor, si nou gard sa menm sa menm sonm ki sa vot i al dan National Grant.  E ki NATCOF, SSNATCOF si i annan enn de progranm, i apply pour bann progranm.  I apply pour li fer enn de progranm pour ledikasyon konsonmater atraver bann – the National Grants Fund.  Se sa ki nou pozisyon.  E nou pare pour nou pran en vot lo la.  Mersi Mr Speaker.

 

MR SPEAKER

Bon, si nou kontinyen sa deba, mon pa krwar nou pou kapab fini.  Ok.  Mon annan 10 minit.

 

(Off-Mic)

 

MR SPEAKER

Wi, mon konnen.  I annan 10 minit ankor ki reste.  Mon war 3 lanmen in lev-e.  Onorab De Commarmond in lev lanmen en pe letan, mon pou donn li.  Ok.  Onorab De Commarmond.

 

HON CHARLES DE COMMARMOND

Mersi Mr Chair.  2 pti keksoz – enn, fodre pa nou bliye lannen pase ler nou ti freeze Bidze NATCOF, nou ti tonm dakor.  Nou ti dir nou oule war plis transparans, nou oule war en pe plis aksyon ek NATCOF.  Nou ti – mwan mon enn ki ti koz lo la.  Mon ti dir vreman nou anvi war i konsonmater i ganny li en benefis atraver NATCOF.  Pa zis konmsi – nou ti dir sa bout ledikasyon konmsi ou a krwar i pa zis ase.  Sa enn de pti progranm pa zis ase.

Nou oule war en keksoz ki pli for – ki donn en koudmen osi met en serten presyon si i neseser, menm ki Gouvernman pe donn li en larzan la pour li fonksyonnen, ki i donn koudmen met presyon lo – sa nou’n nonm zafer kartel lot fwa, lo pri marsandiz, ensidswit.  Konmsi ki li atraver son resers, son keksoz ki i fer la, i vin dir ki i oblize donn koudmen pour nou pran serten aksyon.  Konmsi nou ti war, nou ti oule i al dan sa bann direksyon.  Me selman i enportan osi – nou ti dir avek Finans, al vwar osi kote i kapab gannyen en serten lasistans, si WTO.  IMF e lot ti vini lot fwa, nou’n demann zot.  zot di ri enportan ki nou annan Consumer Association – i dir i en must.

I dir dan tou pei modern, devlope, dan lekonomi liberalize and free market koumsa, i enportan ki annan sa bann tel Lorganizasyon.  So, si i annan, nou bezwen rod en fason pour donn – sonny li.  Be sonny li, pa kapab zis nou, be i bezwen lezot osi ki pou benefisye.  Alor, serten pwen ki’n ganny sorti i en pe relevan.

Alors Minister Finans i bezwen dir nou an plis konmsi ki mannyer zot in travay ek NATCOF apard zis sa ki zot in dir nou, pour ki i annan keksoz pli vivid, pli konkret, pli for pour ede.  Akoz sa zafer cost of living i for en kantite sa pour Pep Seselwa, pour nou tou.  E alor, NATCOF i annan en rol osi pou zwe ladan, pa krwar zis ledikasyon, epi sanmenm tou.  Konmsi nou oule war en pe plis pour ki nou sa.  Be selman, an dizan sa, i enportan osi nou donn li en san s pour li breathe.  Konmsi annou pa dir – annou pa aprouv ankor la.  Annou aprouve, me an tenir kont sa ki nou pe dir la.  E petet ou ava en pwen, enn de keksoz zot ava sey dir pour convince nou.

E dezyenmman Mr Speaker – Mr Chair, i annan sa bann Lorganizasyon religious la, ki taler nou’n mansyonn Mr Fred, ensidswit, tou son … be sa bann Lorganizasyon relizyez la, i enportan sa akoz  i annan en rol enportan ki zot zwe.  Be selman ti a bon nou lans en lapel osi pou vwar – sa komite ki zot in dir in mete la, i bezwen pas en pe partou sa.  Pou gete vreman sa bann travay ki sa bann Lorganizasyon i fer, to what extend vreman.  Konmsi ki bann fri ki i aporte?

Parfwa i annan serten i fer en pti pe dan zot prop area.  Me selman konmsi nou oule war plis.  Mon dir sa mwan akoz mon konnen i annan keksoz an plis ki zot fer, me petet pa tou ki al de lavan.  Family Council Cascade par egzanp, i travay pros avek sa bann Lorganizasyon parey – Everlasting Love Ministry, ensidswit.  I annan bann relasyon travay ki for.

Petet enn de legzanp i kapab ganny servi pou promouvwar dan lezot distrik pou anmenn sa bout ki petet Gouvernman li menm i pa pe fer tou.  Li tousel Gouvernman pa pou fer tou.  Be selman sa ban lezot konponan i donn koudmen.  So, servi petet osi dan sa – ek sa Komite la, bann success stories pou kapab share avek lezot distrik e kominote pou kapab war kote nou kapab anbelir sa ki deza i pe ganny fer.

E se sa ki mon dir alor, nou bezwen osi siporte dousman, dousman sa bann tel lorganizasyon atraver sa Bidze.  Annou pa zis konmsi freeze la.  Annou donn en sans – atraver sa ki nou’n dir.  Lannen pase nou’n dir, la nou pe dir ankor, me i annan improvement ki ganny fer.  Donn en sans!  Give a dog a bone!  Mersi.

 

MR SPEAKER

Bon, i annan 4 Manm ki’n endike zot oule entervenir – 5er pe sonnen.  Ok.  Si zot dakor, nou ava kontinyen demen e nou ava rann lantenn.  E nou ava pran en vot demen.  Ok.  I annan 4 Manm – i annan Onorab Simon Gill, Onorab Pillay, Onorab Arissol, Onorab Henrie.  Ok.

Zot dakor mon ava donn en – lo sa ki’n ganny dir, Onorab Ferrari, Onorab De Commarmond.  Si SS i oule dir keksoz, apre nou ava adjourn e nou ava kontinyen demen.  Ok.  SS ou annan keksoz oule dir ou byen Mrs Moses oubyen Minis?

 

SECRETARY OF STATE – MR PATRICK PAYET

Kekfwa – mersi Mr Chair.  Mersi Manm Onorab.  Kekfwa Mr Chair, nou ava ekout sa 4 lezot Manm, si i specific lo NATCOF apre nou kapab kekfwa donn en pe nou lentervansyon lo la.

 

MR SPEAKER

Mersi SS.  Bon, an vi ki letan pa dan nou faver, nou ava kontinyen avek sa deba demen bomaten, kot nou ava ekout sa 4 Manm.  E apre SS i ava donn en reply e apre nou ava pran en desizyon.  So, mon krwar nou ava fer li koumsa.  Ok.

        Yes, onorab – non, pa komanter lo la.  Nou’n fini postpone komanter.

 

(Off-mic)

 

MR SPEAKER

Non, lo la nou pou pran demen.  Lo la nou pou pran demen, ok.  Bon, mon ti a kontan ankor enn fwa remersi Minis Loustau-Lalanne, Minis pour Finans avek so lekip, SS Payet, Ms Croisée, Ms Verghese, Ms Tamatave.  E lo kote National Grants Committee, Mrs Moses e Ms Marengo.  E mon ti a remersi tou Manm e osi tou manm piblik ki a lekout, e byen sir remersi SBC, mersi pour lazournen.  E nou a repran nou travay.  Non avan nou adjourn, mon a demann avek Sergeant pour nou retourn nou dan Staz Komite.

SS mon konnen ou annan en pti pe homework pou fer.  Nou annan serten desizyon lo sa premye vot osi – lo sa premye Head, ‘other wages and salaries’ pour demen matinOk.  So, nou pou adjourn e nou repran nou travay demen 9er bomaten.

 

(ADJOURNMENT)