::
Home » Verbatim » 2018 » Verbatim Monday 3rd December, 2018

Verbatim Monday 3rd December, 2018

NATIONAL ASSEMBLY OF SEYCHELLES

Monday 3rd December, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab.  Bonzour tou dimoun ki a lekout.  E mon annan en bonzour spesyal pou Minis Wallace Cosgrow, Minis responsab pou Lanvironnman, Lenerzi e Sanzman Klima e i ganny akonpannyen par CEO pou Seychelles Energy Commission Mr Tony Imaduwa.  E byensir bonzour spesyal pou SS Payet ki ganny akonpannyen par Ms Tamatave e Ms Verghese.

Avan nou kontinyen nou travay mon a demann sergant pou move Mace pou met nou dan Staz Komite.  Wi nou ava pas lo nou Order Paper – nou annan Presentation of Papers.  Mon ava demann Madanm Clerk pou fer Presentation of papers.

 

MADAM CLERK

Mersi bokou Mr Speaker.  Bonzour Mr Speaker.  Bonzour tou Manm.  Bonzour Minis.  Prezantasyon Papye pou sa semenn i konm swivan ;

S.I 72 pou 2018 Value Added Tax (Amendment of Schedule) Regulations of 2018,

S.I 73 pou 2018 Public Assembly Speaker’s Corner Regulations of 2018.  Mersi Mr Speaker.

 

MR SPEAKER

Mersi Madanm Clerk.  Bon nou ava al direk lo nou travay nou ava pran kot nou ti kite semenn pase mon ava zis donn laparol SS Payet pou gid nou lo paz dan Schedule.  SS.

 

SEYCHELLES ENERGY COMMISSION

 

SS MR PATRICK PAYET

Mersi Mr Chair.  Bonzour tou Manm Onorab e tou dimoun ki a lekout.  Pou konmanse bomaten nou pou pran Seychelles Energy Commission lo paz 523 ziska 527 pou en sonm R18, 516milyon.  Mersi.

 

MR SPEAKER

Mersi SS Payet.  Bon parey mon ti anonse semenn pase, de ozordi nou pou increase nou lunch time par demi erdtan.  Savedir nou pou annan en lunch time 1erdtan edmi dan plas 1erdtan me apar sa tou lezot break tou lezot ler osi i reste parey as much as possible.  Bon nou ava konmanse avek Seychelles Energy Commission – okenn Manm ki le demann kestyon klarifikasyon.  Onorab Afif.

 

HON AHMED AFIF

Mersi Mr Chair.  Bonzour Minis e tou dimoun a lekout.  Mr Chair mon ti a kontan demann Seychelles Energy Commission si zot kapab donn nou en pti pe detay lo sirtou zot ‘capital projects’ ki ase sibstansyel.  Zot ti annan R1milyon la in ariv R12milyon.

E sirtou lo ‘energy efficiency – pilot project’, ‘solar home’ eksetera mon krwar pli gro ladan se ‘solar home systems’ zis dir nou en pti pe si sa i grant funded?  E donn nou en pti pe detay lo ki zot pe fer vreman pou pous Sesel pou kapab al anver PV e si zot dakor avek sa Polisi pou nou ariv 15poursan PV ver lannen 2030?  Parske bokou nou i krwar sa i bokou tro lwen, e nou devret fer sa bokou pli vit.  Alor vi ki nou pe donn en Bidze R6.3milyon pou zot anplis R12milyon zis pou sa bann proze, dir avek sa larzan ki pli vit nou kapab sov nou $40milyon tou le lannen dan fuel?  Mersi.

 

MR SPEAKER

Mersi Onorab Afif.  CEO Mr Imaduwa.

 

CEO MR TONY IMADUWA

Mersi Chair.  Mersi Onorab.  Bonzour tou Manm.  Bonzour tou dimoun ki a lekout.  Energy Commission son manda parey zot konnen i pou promot lenerzi renouvlab.  E enn de keksoz ki nou pe fer se travay lo bann diferan proze pou lenerzi renouvlab.  Sa ki konsern ‘capital project’ nou annan enn gro.  Sa i sa R12milyon ki zot kapab vwar dan nou Bidze anba ‘capital project’ e sa in ganny funded anba Indian Grant.  Son total li menm i R45milyon, me selman in ganny split between sa 3 lannen ki pe vini sa i 2019, 2020 ek 2021.  Sa Grant pou ganny servi pou finans inisyalman ler nou ti devlop proze i pou solar home project me apre diskisyon avek Gouvernman nou’n turn li into PV democratization project.  E ki ti pou target kominote ki vilnerab – ki pe resevwar sipor avek ASP pou pey zot bill.  

        So nou’n devlop proze pou donn sa bann dimoun ki tonm dan sa kategori en maximum 30kilowat pou enstal lo zot roof, e lenerzi ki prodwir lo sa sistenm i offset zot konsonmasyon.

        So maximum ou espekte gannyen pou en 3kilowat e apepre 300unit elektrisite par mwan.  E ler nou fer survey i annan lakaz ki pa kapab met sistenm solar ladan either twatir i pa conducive or twatir i anba shed i pa pou prodwir lenerzi renouvlab.  So zot, zot tonm anba what we call en communal PV system ki nou pou fer en farm solar, ki pou ganny mete lo Romainville – 1megawat.

E sak sa bann dimoun ki tonm dan sa kategori ki pa kapab met lo zot twa, zot ganny allocate en 3kilowat dan sa gro sistenm 1megawat.  So dan sa sistenm 1megawat nou anvizaze target apepre 300lakaz e anba sistenm ki pou ganny enstale lo zot twa apepre 100 – 125 lakaz.  Ler nou ti inisyalman fer financial analysis, nou ti vwar i ti pou kout apepre R3.4milyon.  Me once ki nou tender it out through Lenn – ki Lenn ti fer tou procurement kot zot menm, me solman tou bann technical spec and everything else, nou ki ti anvoy zot.

Ti annan serten savings ki ti ganny fer akoz pri PV in desann.  So sa larzan in ganny extend to prezan kouver lezot lenstalasyon ki tonm – pou annan 3 sistenm 100kilowat ki pou tonm lo kote Lasanble, State House avek Zidisyer, apre pou annan bann plizyer sistenm 30kilowat 10kilowat ki pou kouver diferan public building.  

        So sanmenm sa i more or less lannen pase Minis lannen pase or 2an pase Minis Didier Dogley ti anons sa progranm ki apel Smart Energy in Public Sector.  So ladan se ki nou devret vwar ki mannyer public sector i kapab adopte lenerzi renouvlab ek energy efficiency.  So sa an bref i pou sa R12milyon.  Nou annan Kontra ki’n ganny sinyen ek sa lakonpannyen ki pou enplimant sa proze nou kapab share ek zot.  E donn ou detay kantite larzan bann building ki’n ganny idantifye anba sa proze e konbyen zot – sa sistenm i sa.

Sa nou kapab provide zot.  Apre nou ti annan R1milyon ki nou ti ganny allocate kot Energy Commission – sa ti 2an pase ki Minister Finans ti apros nou i ti dir nou koumsa ki i anvi look at en panel project pou energy efficiency.  Lefikasite lenerzi dan public sector. Ler nou ti annan diskisyon avek zot nou ti dir i pou pli soutenab si nou kapab devlop en progranm anba energy efficiency dan public sector.  So sanmenm sa ki nou apel EPS which ki pou nou i stand energy efficiency in the public sector.

E sa progranm se ki i pe target public sekter ki mannyer nou kapab enplimant devlop sa kiltir energy efficiency dan public sector.  

        I pa zis annan pou fer avek latitid fason ki bann travayer i save lenerzi, me osi ki mannyer nou kapab entrodwir teknolozi dan public sector ki kapab redwir zot kou.  Nou’n konmans baseline survey e nou vwar kantite building ki owned by public sector ki pa owned by public sector ki pey rent e kantite ki nou kapab save par diferan mezir.

Nou’n apros – nou’n fer detrwa energy audit – nou’n apros detrwa Minister e pou sa lannen nou’n deside travay ek Minister Lenerzi, Lanvironnman well charity  has to start home.

Apre nou apros Minister Kiltir akoz from previous years nou’n vwar ki Minister Kiltir zot bill elektrisite ti vreman o milyon keksoz zot ti pe peye tou le mwan.  So nou’n apros zot nou dir nou anvi travay ek zot pou regarde, ki mannyer nou kapab redwir zot bill.  E i sa de Minister ki nou pe travay avek pros la, pou enplimant sa energy efficiency.  

        So sa milyon ki ti la avan nou pa’n vreman prezan met li anba ‘capital project,’ me selman nou split li down dan nou diferan économic codes, pou nou kapab enplimant sa progranm.  So this is more or less the 2 under ‘capital project’ ki nou annan.

 

MR SPEAKER

Mersi CEO.  Onorab Afif.

 

HON AHMED AFIF

Wi i pa ankor reponn sa konponan 2033 – 15poursan.

 

MR SPEAKER

CEO.

 

CEO MR TONY IMADUWA

Mersi Chair.  Mersi Onorab.  Wi lo kote nou Polisi i state 5poursan 2020 – 15poursan 2030 ok?  Lo kote 5poursan 2020 right now, avek kantite sistenm solar  – sistenm sa wind farm ki nou annan at least reach around 3poursan.          E nou annan 2 proze in the pipeline – i annan sa 5megawat lo Romainville apre i annan sa 4megawat floating PV, ki nou anvizaze i ganny commissioned 2019 ok.  

        Tou lede i dan tender process lo kote Romainville in fini ganny allocate successful bidder – lo kote floating nou pe bouz towards RFP – ‘Request for proposal’ so nou anvizaze konstriksyon i konmanse early 2019 e i fini – lafen 2019. E sa i pou tonm plis ki 5poursan.  

        So nou pou meet nou target 5poursan an 2020.  The issue ki nou annan se how nou pou reach sa 15poursan 2030.  I pa fasil.  Sesel nou bless avek soley, e nou annan gro potansyel soley, me selman problenm avek sistenm soler, se ki i bezwen lespas.  E an plis i entermitan ou ganny lenerzi ler i annan soley.  So i annan de keksoz teknikal kontrent ki nou pe fer fas avek, se ki mannyer ou pou entegre plis soler dan nou rezo e ki mannyer nou pou al rod landrwa pou enstal soler.  Zot kapab dir met lo twa wi, me selman nou fer survey lo kote twa, i pa sifizan ok ?  

        I pa sifizan dan sans ki striktir building roof ennler i pa conducive pou prodwir maximum lenerzi ki nou ti a kontan gannyen.  Si ou pran legzanp parey sa 2 sistenm soler ki nou enstale Perseverance ki nou ti pe fer performans, ti annan 2 sistenm enn amorphous avek enn silicon crystalline.

E nou’n vwar ki zot prodiksyon i redwir dapre zot angle ki sa twatir i été.  E pou nou sagren i ti en miss opportunity.  Si nou ti vreman devlop nou housing estate avek en roof ki conducive.  Nou ti kapab maximise lenstalasyon PV, me malerezman ou kapab vwar Perseverance nou roof i apik.  So nou’n fini perdi en loportinite la, me selman i pa anpes nou.  So that’s why ki nou osi nou pe eksplor sa konsep floating PV, akoz later i premium – i annan enta diferan sekter pe soz.  So zis pou donn ou en at least en perspektiv ki mannyer i challenging – si ou pran parey Romainville, Romainville ou kapab met en total apepre – I would say 8megawat PV kouver antye – 8megawat.  Selman nou pe mete 8megawat.  Pou annan apepre 6megawat lo la.  E sa pou kontribye apepre dan nou poursantaz at least 2 a 3poursan ok? So si ou pou reach sa 15poursan – ou kapab mazinen konbyen Romainville ou bezwen  – si nou pou maintain the same level of konsonmasyon Sesel.  Me selman by 2030 most likely the konsonmasyon pou double.

What ki nou pe anvizaze se ki i annan resers devlopman pe ganny fer sirtou lo stokaz – battery storage e sa i kapab at least ed nou to reach sa 15poursan.  So avek resers ek devlopman nou anvizaze ki i pou permet nou pou turn sa lenerzi soler, ki ti termitan avek stokaz fer li vin en pe pli stab.

E parey zot in tande resaman avek proze Alphonse, zot vwar ki i annan en sistenm hybrid soler – stokaz batri, plus en son dyezel as the last resort. 

        So sa 7.7 pou ganny enplimante pou Mahe/ Praslin/ e La Digue.  Me selman son i vin en kou finansman ki vin en issue, me osi how fast can we move.  So sa i en challenge ki nou pe regarde.  E ansanm ek PUC i annan plizyer fason ki nou pe regarde ki mannyer nou pou increase ability of the grid par egzanp i annan en line up grid ki pe fer i annan en centralised battery sistenm pe ganny enstale, so sa pou allow pou plis dimoun pou soz.

Me selman pou reach sa 15poursan, definitivman i en big challenge.  Mon konnen Minister i annan en plan pou go 100poursan lenerzi renouvlab, e sa pou nou enpe konsernen lo sa 100poursan lenerzi renouvlab, dan sans how to achieve?  Theorically i posib, me pratikman i en big challenge pou nou overcome.  Mersi.

 

MR SPEAKER

Mersi CEO.  Onorab Afif.

 

HON AHMED AFIF

Zis en dernyen kestyon.  Eski i annan okenn larzan dan sa Bidze ki zot in mete pou fer en letid lo lezot sours – par egzanp LNG, ki nou tann koz lo la?  Mon pa’n vwar okenn mansyon lo la.  Kote nou été e ki zot pe anvizaze dan sa domenn?  Mersi.

 

MR SPEAKER

Mersi Onorab.  CEO.

 

CEO MR TONY IMADUWA

Mersi Chair.  Mersi Onorab.  Lo kote LNG nou pa vreman fer resers as such.  Ki nou ti fer an 2014, nou ti fer what we call a Least Cost Power Plant Development Plan.  Nou regarde avek demann elektrisite ki monte which are the least cost sours of zenerasyon ki kapab.

E LNG ti ganny montre ki wi i posib selman nou bezwen vreman regard son fezabilite, son kou, pou enplimant li.  LNG dan ka Sesel se ki i provide en cleaner source of energy ok?  Me selman pou nou konsern se ki, lenerzi renouvlab ki nou annan potansyel right now, nou pa kapab dir demen nou pou met lenerzi renouvlab, apre nou pou shut down power plant i pa pou marse.  So nou pou bezwen en sours ki pou kapab ki kouver sa base load – ki mannyer nou apele nou pou ganny lenerzi 24 lo 24.  E sa pou pran letan.

Nou, nou pe pli focus lo kote ki bann lezot potansyel ki nou annan apar from lenerzi soler – lenerzi divan.  Divan fransman on shore  i feb ok? Nou bezwen go offshore, me selman la i vin en kou offshore.  Soley parey mon dir ou potansyel i la me son i entermitan.  Biomass nou deza gete issue se ki nou pride ourselve being green.  So si nou konmans al dir koup pye dibwa, fer energy crop plantation pou lenerzi, i vin en lot zafer environmental, ki i kapab en ‘no, no.’ Apre nou annan waste to energy, me waste to energy plizyer fwa se ki waste to energy i zis en solisyon dan waste management.  So i en kestyon ki Minister i bezwen kler lo son polisi how nou deal avek waste dan Sesel.

So si i dir basikaman solisyon pou deal ek waste i waste to energy then nou enplimant waste to energy.  Li  osi en potansyel ok.  Apre nou annan marinable e li osi i annan en potansyel me selman problenm avek marinable marinablei annan en kantite resers ek devlopman.  Nou pa ankor konn enn ki nou kapab dir i ekonomik viable pou nou kapab envestir ladan ok?  E tou sa la nou pe gete pou Sesel.  So i en mix.  Mersi.

 

MR SPEAKER

Mersi CEO.  Onorab Simon Gill.

 

HON SIMON GILL

Bonzour Mr Speaker.  Mersi bokou Mr Speaker pou donn mwan laparol.  Minis avek ou delegasyon bonzour Minister Finans, tou koleg Onorab, manm piblik.

Mr Speaker dan kadreman Bidze 2019 pou Energy Commission mon krwar nou pe tous en size tre enportan.  E nou reprezantan isi in lev en size ase enportan nou pe koz lo striktir lakaz, lo roof structure, ki osi i annan keksoz pou fer avek design – ki mannyer nou design  nou bann twatir.

Byensir si nou pe serye e ki nou le maksimiz litizasyon sa nouvo domenn, e kot nou le maximum Seselwa or lakaz transformen, kestyon ki poze eski i annan sa sinerzi ki pe ganny devlope?  Petet ou lenstitisyon pou ki ou pe dirize avek Minister ki responsab pou Lakaz – bann enzenyer laba – bann draftsman – bann arsitek ki pe responsab pou sa Unit Design, pou zot kapab fer sir pou zot kapab i annan proper reinforcement dan bann striktir – twatir ki mannyer i ganny pozisyonnen, loryantasyon tousala, eski i annan sa sinerzi ki pe ganny devlope, pou ki nou kapab vreman annan bann fitir housing estate, ki vreman vin efikasyan an term litilizasyon lenerzi soler? I kapab koup bann deal eksponansyelman preski partou.  Now sa i en kestyon.

2enm kestyon si dan sa letid ou pe dir nou, nou annan nou bann dimoun ki dan kondisyon vilnerab, e zot plan se donn zot priyorite.  E ou’n koz problenm lespas prezan.  Now ki solisyon ki zot pe anmennen? Eski zot pe idantifye en landrwa santral dan kominote – petet si ou dir mon pa konnen 5, 6, 7 lakaz – idantifye en landrwa ki zot kapab pozisyonn en striktir ase minimal e kapab prezan kapte sa lenerzi dizon fournir distribye kot sa bann lakaz.  E se sa osi form par zot plan?  

        Now mwan osi mon reste dan konman mon 3enm pwen mon reste dan en pti pe bafled ek sa kantite letan ki zot pe dir nou 2030 – mon krwar i tro bokou letan.  Now lo sa size, i anmenn mon pou demande ki mannyer zot pe etal lenplimantasyon oubyen egzekisyon sa proze li menm li?

Konbyen kontrakter ki zot pe angaze ladan?  Akoz mon krwar poudir Sesel si nou prepar nou byen olye angaz en kontrakter – si nou dizon nou angaz 10 kontrakter, nou annan en kantite bann manrmay kot SIT laba ki pe fini lekol, zot pe train zot pe annan bann basics dan bann electrical, e nou kapab team zot up e ou annan apepre en 10enn team – larzan i la akoz ki nou pa kapab bouz dan en fason pli efikas – efektiv, pou ki nou kapab redwir sa lespas letan ki zot in dir nou la?

Konmsi si ou kapab convince nou ki nou kapab met mechanism ater, pou nou tir sa 2030 dan semen, mon krwar ou pou ganny en kantite sipor lo sa proze.  E finalman pou lo sa Bidze ozordi osi.  Mon ava atann la Mr Speaker mon annan ankor 2 pwen ki mon pe antisipe baze lo repons ki in donnen pou mon kapab entervenir lo la.

 

MR SPEAKER

Mersi Onorab Simon Gill.  CEO.

 

CEO MR TONY IMADUWA

Mersi Chair.  Mersi Onorab.  Lo kote travay avek lezot Minister – sirtou Minister housing ek habitat, nou deza pe diskit ek zot lo kote Regilasyon pou bann building.  I annan en ki nou apele en Regilasyon ki normalman dan sa sekter nou appel li a green building code e sa green building code i donn guideline e osi bann mezir ki mannyer ou devret pe konstrir or design ou lakaz, ki fer li pli soutenab ; ki fer li servi mwens lenerzi e osi i fer li conducive pou enstal sistenm soler lo la.  E sa nou pe ganny sipor avek IOC ki pe finans nou pou devlop sa kod ok   Apre osi lo kote Korperasyon nou pe travay osi avek ban diferan Minister – parey mon’n mansyonnen pli boner i annan bann diferan Minister Kiltir.

Minister Kiltir i annan en plan a se moman pou devlop nouvo building pou fer renovasyon lo bann batiman.  E la kot nou come in pou advise zot, gid zot lo ki fason zot devret fer sa bann renovasyon ; ki fason zot devret design zot bann batiman pou fer li vin pli energy efficient.

E lo kote Minister Ledikasyon, mon krwar li osi i annan en gran lalis plan pou fer renovasyon lo bann lekol, e nouvo lekol nou deza fini apros zot lannen pase.  E nou’n etablir en loperasyon pou ed zot gid zot lo kote plan design zot bann lekol, ki fer li pli energy efficient.  Nou annan lezot proze ki nou’n travay ki nou pe fer en demo project avek La Digue, ki nou pe montre ki nou kapab redwir lenerzi zis enplimantasyon lenerzi renouvlab ek energy efficiency.  

E sa nou apel li eco school.  Kontrer nou’n devlop en cd lo sa materyo lo la pou montre ki nou kapab share ek lezot lekol pou zot adopte ok?  Lo kote fer bann diferan gro sistenm, dan bann diferan distrik, sa i posib.  E sa osi nou pe gete.  So nou pe vreman regard bann diferan loportinite, ki mannyer nou kapab maksimiz lakantite PV ki nou enstale.

So sa enn ki tonm anba sa Indian Grant PV Democratazation project nou pe servi en bout Romainville pou fer sa megawat ki pou siport zot.  Menm konsep – menm soz i kapab ganny servi anba diferan distrik ok? E sa i dan plan.  Apre lo kote 30poursan – 15poursan by 2030, i en formal policy an plas.  Wi nou respekte li, me nou kote Energy Commission, nou pa pe vreman pran sa konman nou ceiling.  Nou pe pran sa konman nou base ok? E si nou depas sa even avan 2030 very good. 

Me selman nou bi se ki nou devret met plis zefor pou enplimant pou speed up the whole process of enstal lenerzi renouvlab – at the same time try to find solisyon, ki mannyer nou kapab overcome sa diferan challenges.  En ta dimoun i dir met lenerzi renouvlab i senp.  Non i pa senp.  I difisil.  I annan diferan technical challenges ki nou bezwen overcome.  Sirtou  sa –

Apre sa lot kestyon ki ou’n demande lo kote kontrakter – diferan kontrakter anba sa Indian Grant parey soz in ganny procure L’Inde, lakonpannyen i from Lenn, me selman part of kondisyon ki ler zot isi most of the civil work i devret contracted isi lokalman.  Me selman mon kontan mon kapab share ek ou, kot i get diferan bann term kondisyon ki i bezwen swiv e konbyen i bezwen depanse, pou sak sa bann konponan.  So sa mon kapab share ek zot.  Zot a vwar ok?

 

MR SPEAKER

Mersi CEO.  Onorab Gill.

 

HON SIMON GILL

Mersi Mr Speaker.  Kestyon ki poze, se ki i annan en limitasyon avek sa lasistans – se sa ki ou pe dir nou finalman i annan en limitasyon.  E lo kote civil works ki ou dir bann local contractor i kapab entegre ladan, ki son scope sa civil work?  Si ou ti ava kapab donn nou en pe lenformasyon lo la.  E ou pe dir nou osi ki Land pou anvoy son main team project team, pou enplimentat sa.  Mon prezimen pou annan 1, 2, 3, 4 konbyen zot pou annan? Sa osi ti ava byen ki nou ganny detay.

Zisteman pou nou get lefikasite lenplimantasyon sa proze li menm li, e within the scope of sa Lagreman, ki posibilite vreman i annan pou nou fer antre bann modification lo la, zisteman pou nou al dan en fason bokou pli efektiv e redwir sa lespas letan ki’n ganny donnen.  Mersi bokou Mr Speaker.

 

MR SPEAKER

Mersi Onorab Gill.  CEO.

 

CEO MR TONY IMADUWA

Mon pa konnen egzakteman Mr Chair.  Mon pa konnen egzakteman konbyen dimoun zot pou deplase, me selman sa lakonpannyen ki’n gannyen i pou vin avek serten dimoun technical ki pou fer the whole enstalasyon.  Me an plis ki sa i annan en larzan apepre – si mon recall correctly, apepre $400mil ki’n ganny met akote pou enkli bann dimoun lokal, from SIT – bann ki enterese pou ganny train pou asiste zot pou enstalasyon.

Inisyalman ler nou ti konmans avek sa proze, pou lans avan lans procurement nou ti deza pous tou bann lakonpannyen lokal ki fer lenstalasyon PV, e nou ti donn zot loportinite pou zot travay konmsi pou zot come in as a partner.  Tou sa lakonpannyen ki eventually ganny sa Kontra so nou fini donn zot.  So mon pa konnen si i annan 1, 2 ou 3 ki’n fini recruited avek sa lakonpannyen L’Inde pou travay ek zot.

Me definitivman i annan en konponan ladan ki plis dimoun lokal pou ganny training, pou fer lenstalasyon.  Lo kote civil work  ki annan i plizoumwen  pou enstal bann frame, pou fer bann pilling sirtou lo Romainville ki i annan pou met lo later.  Apre i annan bann lezot civil work in terms of reinforcing roof and so on, ki i pou fer lokalman.  Me selman the sa zafer design oubyen enstalasyon of the system, a ganny fer par zot dimoun, me definitivman i pou annan en konponan capacity building en transfer of knowledge ki pou enkorpore ladan pou okenn dimoun lokal ki enterese pou partisip dan lenstalasyon.  Mersi.

 

MR SPEAKER

Mersi CEO.  Minis.  Minis laparol i pou ou.

 

MINISTER MR WALLACE COSGROW

Mersi Mr Chair.  Bonzour Mr Chair.  Bonzour tou dimoun.  Mr Chair petet zis pou azout en pti pe, ki mon ti resaman koz avek sa reprezantan sa lakonpannyen, ki’n ganny Kontra pou met sa bann PV – ki swa lo bann lakaz ouswa lo Romainville ouswa lo batiman Gouvernman.  I ti reasir mwan poudir pou annan serten eleman – konponan ki bann louvraz lokal, pou bezwen evidaman ganny fer, par bann kontrakter lokal.  E mon sipoze i bezwen ganny fer atraver serten Lagreman ouswa serten tender ki in mete.

 

Me selman baze lo larzan ki dan Bidze ki pou lot lannen, sa bann proze ki’n  ganny idantifye i devret kapab ganny konplete by 2019 konplete ek sa bann lakour e menm bann building Gouvernman, i kapab benefisye avek en rediksyon dan zot bill elektrisite.  So  mon ti zis anvi wrap-up en pti pe sa ki CEO in dir.  Mersi Mr Chair.

 

MR SPEAKER

Mersi Minis.  Onorab Simon Gill.

 

HON SIMON GILL

Mersi Mr Speaker.  Dernyen pwen. Ou konnen petet konman en sitwayen Seselwa pa konman en Manm Parlman, mon swe se ki ti ava byen nou angaz maximum Seselwa dan sa proze.  Ou konnen i pou en mervey ekstraordiner sa, ki konmsi dan bann lannen ki pe vini nou pou vwar en transformasyon konmsi vreman profon dan Sesel, dan lafason ki nou kapab tap dan sa lenerzi ki nou annan an abondans isi.

Konmsi annou angaz bann zenn ki pe monte – annou angaz zot ladan pou ki zot part of this movement, konmsi pou nou kapab anmenn sa real change, dan nou koup nou depans, dan lenportasyon fuel, pou nou konsonmen e Sesel i vreman i kapab tap dan sa resours natirel ki la.  Annou angaz maximum Seselwa dan sa transformasyon – si oule sa i mon swe ki mon ti ava voudre ki nou kapab – dan tou nou bann negosyasyon ki nou fer, malgre nou apresye en kantite bann sipor, bann led ki nou gannyen, akoz san sa bann sipor – sa bann led, nou pa pou kapab anmenn sa transformasyon.  Nou vreman apresye, me annou osi rod lespas pou nou angaz maximum Seselwa dan sa transformasyon.  Mersi bokou Mr Speaker.

 

MR SPEAKER

Mersi Onorab Gill.  Minis oule fer en komanter.

 

MINISTER MR WALLACE COSGROW

Mr Chair mersi.  Non mon totalman dakor avek Mr Gill  pe dir.  I en loportinite vreman eksitan pou Sesel pou nou bouz dan sa direksyon.  E mon totalman dakor avek li ki poudir nou devret fer sir ki mazorite ki maximum Seselwa, i bezwen benefisye.  E i en sekter ki pe grandi – ki pe agrandi e i pou annan en kantite loportinite pou bann spinoff biznes pou antre dan sa sekter.  Par egzanp ozordi nou annan bann lakonpannyen ki pe enstale, demen nou kapab annan bann pti lakonpannyen bann pti endividi, ki fer maintenance, ki netwaye – ki bokou loportinite pou annan.  So mon totalman dakor avek son lentervansyon ki in fer Mr Speaker.  Mersi.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Bonzour tou dimoun zisteman dan sa laliny Mr Speaker mon ti a kontan kekfwa CEO oubyen Minis i kapab eksplik nou diferans ant bann proze ki deroule lo Mahe, lo mainland, Praslin/La Digue/Mahe e bann proze ki deroule lo bann Zil Elwanye?  Konmsi sa i en lot.  Eski bann devlopman dan renewable energy lo bann zil ki manage par IDC, i annan okenn konsiltasyon ki fer avek zot? I  annan okenn link avek Energy Commission?  Akoz mon vwar poudir par egzanp sa proze Alphonse, i annan at least1 konponan ki zot in koz lo la ki pa’n egziste ladan.  Setadir antouka dapre mon lenformasyon, setadir involvement bann konpannyen lokal, dan lenplimantasyon sa proze, akoz nou tou nou’n tande lo televizyon poudir proze in fini fer – in fini …  So eski i annan  en – eski nou dan de diferan pei la?  Oubyen eski nou pe zot pe kordinen?  Sa i mon premye kestyon.

Mon 2enm kestyon se lo bann hardware, lo bann lekipman ki nou pe gannyen atraver sa Grant India, eski nou satisfe ki nou pe ganny bann dernyen zenerasyon materyo ki met nou lo en modernite, ki nou ti a swete.  Oubyen eski zis nou pe aksepte sa ki nou pe gannyen?  So dir nou ankor ki involvement Energy Commission i annan dan swa e dan spesifikasyon, sa bann keksoz e si nou kapab si bann keksoz ki kapab la avek nou pou plizyer bokou lannen, e prodwir lenerzi pou bokou lannen?

E finalman mon vwar CEO ki enn ou bann challenges se SEC i depan lo donor funding en kantite.  Now please eksplik nou ki difikilte zot pe gannyen, akoz mwan personnelman e nou lo sa kote latab nou toultan anvi konnen ki mannyer sa partnership ant ou lorganizasyon avek Minister Foreign Affairs ki sipoze pe met ansanm tou sa bann negosyasyon, ki mannyer sa pe marse e si i annan bann outputs ki pozitiv – oubyen eski i annan bann bottlenecks eski i annan eski sa relasyon travay i prodiktiv?  Oubyen eski i mank kapasite dan sa domenn?  Mersi Mr Speaker.

 

MR SPEAKER

Mersi Onorab.  CEO.

 

CEO MR TONY IMADUWA

Mersi Chair.  Mersi Onorab.  Mon a reponn ou dernyen kestyon lo kote korperasyon donor funding.  Wi mazorite proze mon kapab dir tou proze ki Energy Commission i devlope i from donor fund . The only larzan ki nou deza gannyen ki pou en proze se sa R1milyon pou sa energy efficiency standar.  So ou kapab mazinen konmsi pou tou sa ki nou fer nou servi donor fund pou fer nou Bidze i zis reccurrent pou pey staff pou pey bann diferan expenses. 

So nou’n travay pres avek diferan Minister – pa zis MFA, me osi Minister Lenerzi e osi Minister Finans akoz zot osi zot annan bann Bilateral Korperasyon avek diferan entities parey si mon mansyonn Minister Finans i annan Equal Bank nou ganny sipor through sa.  Lo kote Minister Foreign Affairs i plis pou etabli korperasyon avek bann lezot pei sirtou parey ler i annan bann joint commission avek L’Inde avek bann lezot pei nou come in nou dir ki nou request ki nou ti a kontan ganny sipor avek.

Apre i annan through Minister nou ti fer li pou EU – so laplipar proze ki nou annan i ganny finans anba sa. E parey mon mete lo enn mon bann challenges se ki, mon krwar i partou – i kordinasyon between diferan Minister – i en  biggest challenge.  I annan bann ki reakte vit – i annan bann ki pa reakte vit, e ou ganny delays in terms of enplimantasyon ok?  E sa i en gro problenm.  I delay enpe nou bann process pou enplimant proze, me selman nou pe seye diskit avek sa bann diferan Minister, sa bann diferan lorganizasyon  pou fer zot konpran ki  lenerzi renouvlab i pa Energy Commission.  I Nasyonal.  E tou dimoun i bezwen zwe son rol ladan.

Si nou ti le fer zis Energy Commission, then mon ti a recruit 10 – 20 dimoun – non.  Nou’n streamline Energy Commission – nou pe regarde dan diferan bann Departman kote zot annan serten kapasite zot involve dan lenerzi renouvlab.

E sa i anmenn mon lo lot pwen lo kote standar ok.  Standar Energy Commission i set standar pou lenerzi renouvlab – spesifikasyon.  E tou lakonpannyen ki nou’n anrezistre ki pe fer lenstalasyon, i design PV i bezwen vin kot Energy Commission, pou prezant nou avek tou son bann sertifika o standar, pou son lekipman ki i pe enportan.

E sa nou anvoy kot SBS; nou travay pre ek SBS pou authenticate sa  bann sertifika pou gete, si i pa fake – si i genuine.  Once nou’n etabli sa minimum spesifikasyon, la nou anrezistre zot e nou share zot kontak avek PUC avek tou dimoun, se ki la sa bann lakonpannyen ki eligible pou performen.  E nou pa pe fer sa zis pou lenerzi renouvlab ; nou pe fer sa osi pou solar water heater osi.  Ok?  

Si ou pa vwar nou en lakonpannyen lo nou lalis, then either i pa’n vin kot nou, or i pa meet sa minimum energy performance standar pou sa bann lekipman.  Pou sa proze L’Inde sa i en requirement ki nou mete – i annan en standar – nou’n fini anvoye dan sa tender document, ler i ti anvoye sa technical specification ki zot lakonpannyen i bezwen provide sa lekipman ki meet sa minimum.

Nou pa dir en higher soz me minimum ki etabli pou Sesel ok?  So sa nou met an plas e sa lakonpannyen i garanti son lekipman e nou met li an standar e i good quality equipment.   E nou espekte i pou last sa kantite letan i sipoze last ok?

Then lo ou kestyon sistenm lo Zil Elwanye, nou, nou apel sa bann off grid system ok?  Ki pa konekte lo rezo enternasyonal. Nou plizoumwen devlop proze ki i annan pou fer avek Mahe, Praslin ek La Digue.  Me selman as part of nou responsabilite pou nou provide gidans ek advice lezot organizasyon, nou osi involve dan serten sistenm ki’n ganny enstale

IDC nou’n deza koz lo plizyer fwa e nou advice zot lo servi lenerzi renouvlab pou off setset konsonmasyon from dyezel.  Nou travay ek zot nou provide zot sans pou anvoy dimoun pou ganny train dan PV enstalasyon – cooler and from sa e even nou’n apros zot lo kote nou ti fer en Energy Microgrid MasterPlan avek Zapon e nou ti involve zot tou ladan.

Akoz sa dimoun ti fer en letid, lo ki mannyer pou devlop en hybrid system lo Desroches.  So si demen zot  the way ki zot anvi enplimante, nou pa anvi get involve ladan ok? Nou annan lakonpannyen lokal ki nou ankouraz zot pou go lo sa bann zil.  Parey resaman i annan enn ki ganny enstale lo Denis Island, se en konpannyen lokal ki’n fer ok?  E the same thing nou espekte ki zot zil i fer parey.  Bann zil ki ganny manage par SNPA, nou plizoumwen regarde si i annan sans ki lokal i partisipe e osi si nou kapab ganny larzan donor fund pou fund.  Me selman lo kote IDC si i deside enplimant li through lokalman, or i le direkteman avek en lorganizasyon, nou pa get involve ladan.  Si ou pe fer referans lo sa enn Alphonse, nou pa get involve ladan, me selman nou ankouraz ou.

Pou mwan, mon pe get li koumsa fransman – the way in ganny enplimante mon pa tro konsernen.  Mwan sa ki mon kontan se ki, i annan en sistenm solar ki meet soz – ou war?  Me as long as ki sa lenplimantasyon i ok, sa standar ki met an plas i ok, i sa – pou mwan – mon vwar li i deza  pe … E si plis zil i kapab fer li fantastik.

E mon ti a kontan kekfwa i a servi kekfwa en pe plis lakonpannyen lokal pou fer li, be mon napa vreman …

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Non mon zis termin lo sa 2enm pwen – mon ava pran sa swe ki Onorab Gill in leve taler, mon pa konnen si Minis i annan sa lafors, oubyen sa Lotorite pou sey gete ki mannyer bann travay i ganny fer lo zil ki manage par IDC – i osi benefisye dan en serten fason.  Mon vwar li en pe funny ki nou annan bann zil, me selman nou les bann ki ansarz deside si zot anvi oubyen zot pa anvi.  Mon krwar i ti ava enteresan konmsi Minis i kapab dir nou wi – bann zil IDC – sirtou bann zil IDC, akoz zot apartenir a Gouvernman – zot osi ava rod en fason pou fer zot tonm dan en relasyon travay, kot nou demann zot pou travay avek bann konpannyen lokal, e devlop sa knowhow.  Akoz si non akfer nou annan sa konpannyen si i pa pou ed lepep Seselwa?  Mersi.

 

MR SPEAKER

Mersi Onorab.  CEO.

 

CEO MR TONY IMADUWA

Mersi Chair.  Mon toutafe dakor avek ou.  Aktyelman mon ti anvi zis dir ozordi -lenerzi renouvlab Sesel, pou mon, mon dir ou fransman i gras a private sector.  Energy Commission pa’n – mon pou dir ou fransman  en – ki nou’n fer nou met an plas en lanvironnman e all the work has been done by the private sector.  E mon salye sa bann lakonpannyen ki’n ganny etabli anse moman ki pe fer sa louvraz enplimantasyon lenerzi renouvlab ; sirtou PV system Sesel.

E mon krwar zot pe fer en fantastic job.  E an se moman i annan diferan challenges ki nou pe resevwar lo kantite nou kapab entegre lo rezo ok?  E sa nou bezwen travay ek PUC pou vwar ki mannyer nou akan modernise system, ki i kapab aksepte plis lenerzi renouvlab.  Wi i en pe annoying pou sa bann lakonpannyen ki ler zot vwar ki serten laplikasyon ki zot fer, zot vwar i ganny redwir or refize i pa kapab ganny entegre.  Me selman mon zis le dir ki i gras a zot ki lenerzi renouvlab i kot i été la.  E the same pratik ki nou fer pou lenerzi renouvlab, nou anvi fer pou energy efficiency, kot lakonpannyen lokal i devlope e i promot sa sekter.  Mersi.

 

MR SPEAKER

Mersi CEO.  Onorab De Commarmond.

 

HON CHARLES DE COMMARMOND

Mersi Mr Chair.  Bonzour Mr Chair.  Bonzour Minis avek ou delegasyon, tou Manm Onorab e tou dimoun ki pe ekoute.  Mr Chair i annan detrwa pti keksoz ki nou bezwen demann Minis e CEO sa Energy Commission me nou pa pou demar tou ansanm pangar zot pa kapab reponn li dan en fason lozik.  Mon anvi fer – konmsi swiv byen nou bezwen annan en fason fer.

Premyerman dan lagon Providence, Brillant la sa proze ki zot pe al fer nou pa kontan nou pa oule e nou ti ava voudre ki i stop!  E nou bezwen annan en substitution konmsi ler nou stop sa – ki nou kapab fer.  Sa en pwen.  2enm keksoz Mr Chair – taler CEO in dir ki LNG, zot pa’n fer much resers ladan.  Savedir zot pa konnen si i pou marse si i pa pou marse – to what extent ki pou marse.  Korek sa?

 

(Off-Mic)

 

HON CHARLES DE COMMARMOND

Pa korek? Pa sa ki ou’n dir – zot in fer enta resers ladan?

 

 

(Off-Mic)

 

HON CHARLES DE COMMARMOND

Non, zot pa’n fer resers?

 

(Off-Mic)

 

MR SPEAKER

Poz ou kestyon.

 

HON CHARLES DE COMMARMOND

Non i enportan pou mwan.  Mon a les li reponn sa pti bout kestyon.

 

MR SPEAKER

Mersi Onorab.  CEO.

 

CEO MR TONY IMADUWA

Mersi Chair.  Mersi Onorab pou ou kestyon.  Lo kote LNG mon pa’n dir nou pa’n fer ase resers – mon’n dir nou fer what we call en Discourse Power Development Plan pou Sesel, ki regard demann Sesel ki montre ziska 2035 e war ki bann sours ki pli bon pli ou kapab competitive, pou meet sa bann zenerasyon.  E LNG ti rekonnet ladan.  Me selman i pa ti aparet pandan sa time frame ki nou mete la.  I dir mon nou bezwen konmans gete dan bann 2020 an montan, nou konmans devret get LNG as en ranplasman, pou nou HFO zenerasyon ki nou annan.

So laprezan ki resers pe ganny fer ladan. Prezan ti anonse ki wi nou pou bouz through LNG.  Me prezan avan ler ki nou kapab tonm lo en desizyon final poudir wi LNG pou vin the next zenerasyon Sesel, nou annan plizyer letid ki nou bezwen fer financial, ekonomi – tou fason.  Tou keksoz nou bezwen gete – ok?

 

MR SPEAKER

Mersi CEO.

 

HON CHARLES DE COMMARMOND

Mersi savedir ok.  Prezidan in anonse me zot pa ankor fer ase keksoz pou zot kapab donn li ok?  Nou konpran i pou pran enta letan – otherwise pou pran en bon pe letan avan vreman substitute nou baz energy konmela.  An menm tan Mr Chair se ki, lenerzi li labaz, pou kot i konsern kou lavi – pri lavi – si li i ba i pou ede pri lavi kou lavi dan Sesel osi desann ; fer li vin ba.  Savedir i a vin afordab pou lepep sa i konsern nou bokou, bokou, bokou lo sa kote latab.  E nou, nou ti ava kontan ki nou kapab ariv dan sa direksyon.

Prezan avek sa, eski ou kapab dir nou sa 300 lakaz –  i annan en kestyon ki’n ganny demande ki pa’n ganny – mon pa santi in ganny reponn fully – sa 300 lakaz pou bann dimoun ki vilnerab ki zot pe al met sa proze lo la, ou’n dir taler ki petet pa tou striktir sa bann lakaz ki kapab bon.

Now ki kantite lakaz ki nou annan dan Sesel ki kapab mete en tel proze lo la? Pe enport si i afordab pa afordab si i vilnerab pa vilnerab.  Ki kantite lakaz eski zot annan sa sif? E ki kantite building Gouvernman ki kapab mete en tel proze lo la?  Par egzanp State House pe al mete i pou ok State House son twa mannyer i été dapre zot leksperyans pou zot, i pou bon.  Ki lezot building eski i annan bokou building ki kapab met sa lo la en fason ou kapab olye ki ou fer en gran proze, ki ou pran later oubyen lanmer, ou kapab servi sa ki egziste la pou kapab fer ki sa proze i kapab marse?

E an menm tan, si nou believe ladan – akoz solar energy li ki pou ranplas tou sours lenerzi dan lefitir  – well pou Sesel omwen akoz enta soley ki nou gannyen.  Sa i en lozik.  I kler.  Me fodre nou met an pratik.  Now si nou dir nou tonm dakor lo la – alor nou bezwen believe ladan.  Si nou believe ladan nou bezwen dir ek Planning Authority – i bezwen Minis, ou bezwen kapab anmenn sa dan Cabinet pou dir apartir de la, la en Polisi tou building ki ganny fer i bezwen annan sa lo la – tou batiman, proze lakaz, ensidswit ki ganny fer, i bezwen annan sa lo la – e nou bezwen mete e sa i pou kapab ed nou pou nou al bokou pli vit e ranplas sa conventional system ki nou annan.  E nou kapab ariv kot nou anvi arive pli vit.  Ki ou panse lo la an tenir kont sa Bidze ki annan devan ou?  Eski sa Bidze i kapab fer ou achieve sa, oubyen i mank ankor en pe or ki problenm ki ou pou vwar ki sa Bidze pou ed ou pou ariv dan sa direksyon?

E dernyen pwen waste to energy ; waste to energy ki zot in fer lo la – eski i annan keksoz dan sa direksyon konkret?  Ki petet lannen 2019 nou pou vwar en keksoz dan sa direksyon lefe ki Cascade ou konnen nou annan en ta waste kot nou laba.  Mersi.

 

MR SPEAKER

Mersi Onorab.  Minis.

 

MINISTER MR WALLACE COSGROW

Ok mersi Mr Chairman.  Mon pou reponn sa bout waste to energy – dernyen kestyon Onorab.  Onorab wi waste to energy i prezant en posibilite pou nou i en posibilite pou de keksoz.  Parey CEO in eksplike taler en posibilite pou prodwir lenerzi wi – me osi i en posibilite pou nou kapab defalke sa kantite proze ki nou prodwir dan lannen isi Sesel.  I plis – waste to energy i plis en loportinite tir salte ki fer lenerzi.  Lenerzi i vin en bio product of sa bril salte.

Ki zistans nou’n arive?  Nou’n fer enn de letid lo la – ki zistans ki nou arive se ki, i annan enn de konpannyen ki enterese.  Boner lot lannen si pa tar sa lannen boner lot lannen nou pou lans sa ki nou appel en ‘expression of interest’ pou nou vwar – nou konnen i annan en kantite konpannyen ki enterese pou nou vwar lekel bann lakonpannyen ankor ki enterese, akoz i annan ki’n vin kot nou, i annan petet ki pa ankor ariv kot nou – i enterese pou enplimant en proze waste to energy.  

        Nou anvi ki i al en proze prive.  So boner lannen prosen si pa tar sa lannen nou pou lans en expression of interest pou nou kapab bouze.  E nou espekte kapab annan keksoz konkret lannen 2019 e petet poukwa pa konmans en konstriksyon 2020.  So waste to energy, i la – i reel e posibilite pou nou fer lenerzi avek salte i la.  Petet CEO i a kapab reponn bann lezot kestyon konsernan lagon avek bann lezot.  Mersi.

 

MR SPEAKER

Mersi Minis.  CEO.

 

CEO MR TONY IMADUWA

Mersi Chair.  Mersi Minis.  Mersi Onorab.  Mon a reponn lagon proze apre kekfwa ou a ed mon en pe avek sa 2enm part akoz i annan plizyer kestyon ou’n demande pou mon kapab reponn ou korekteman.  Proze lagon inisyalman, nou ti pe regarde ki mannyer nou kapab enstal en ki nou apel en megawat PV farm.  Savedir en sistenm soler en plan ki reprezant parey en utility scale nou apel sa.

E inisyalman nou ti idantifye Romainville pou fer li anba ki mannyer nou apel IPP basis – savedir Independent Power Producer.  Se Independent Power Producer se ki nou envit sekter prive pou build, own, operate and vann lenerzi zenere lo sa plant ek PUC e PUC i aste sa lenerzi at en rate over en peryod lifetime of sa proze normalman bann PPA ki zot met an plas i 20an, me selman en plant PV i kapab last 30an ok?  Me ler nou ti pe get pou Romainville ti annan PUC ti vin onboard ti dir non ler i pe get the cost of PV i vwar ki si li i envestir ladan, e i ganny sipor avek IRENA avek UAE anba IRENA Abu Dhabi Fund Project zot pou vwar en higher return si zot enplimante.  So zot ti rod Cabinet approval e zot ti ganny approval e zot ti request anba proze pou ganny larzan pou Romainville.

So nou prezan ki nou fer nou dir ok la prezan nou bezwen rod en lot fason pou enplimant sa proze.  So nou konmans regard bann diferan twatir ki egziste, pou nou kapab vwar si nou enstal sa megawat sistenm.  Si ou konmans place sa sistenm lo diferan twatir i vin en issue pou en private investor come in and dir pou li kapab operate and maintain sistenm, akoz diferan twatir pou donn diferan yield, e i pou vin en pe pli konpleks pou enplimant en proze IPP lo diferan twatir.

Pli gran twatir ki nou vwar se IOT e IOT i dir i annan apepre 300mil met kare twatir e 30mil met kare twatir ou kapab ganny en maximum zis 3megawat PV mete lo la.

E IOT in fer konnen ki li i enterese envestir ladan so nou pa’n argue plis lo la.  E nou’n regard lezot landrwa STC roof bann warehouse FSA me zot osi zot annan plan pou enstal zot prop sistenm lo la.  So the other thing ki nou fer se nou get en kou enpe resers e nou vwar ki i annan such thing as floating PV, ki pe ganny enplimante.  E sa ti depi 2015.  E nou’n fer resers lo la e nou’n sey find bann diferan lokasyon ki bor pou enstale.

And one of the lokasyon nou vwar i en pti pe konvenab se sa bout Zone 18 Providence kot i ganny proteze from laroul e osi i enpe kalm.  So nou’N seek approval avek Cabinet e in ganny aprouve pou fer PV laba.  Nou ti regarde avek Planning Authority si napa okenn plan a sa letan, pou fer okenn lezot proze – zot dir mwan non e la nou’n ganny approval e nou’n devlop proze e i pe ganny enplimante.

La nou lo tender phase.  Nou pe al bouz dan RFP e pou ou dir ou anvi kennsel mon krwar i mon pou dir ou fransman i en pe tar pou fer sir la – ok?   Si ti non ou ti a dir non depi pli boner, me la mon fini bouze mon fini enplimante EIA process in fini ganny fer tou zafer, lakonpannyen in ganny shortlisted.  E i pa bann pti lakonpannyen ki pe plan pou envestir – bann gran lakonpannyen ki i annan leksperyans dan IFP ki enplimante.   E pou nou la dir kennsel – well zot kapab dir kennsel wi – me selman demen limaz Sesel i gate lo kote lenvestisman – lo kote lenerzi renouvlab.  E sirtou demen pou al fer en lot tender pou IPP lakonpannyen i dir previous experience zot in kennsel mon, mon pa enterese e the risk of envestir Sesel lo kote lenerzi renouvlab i vin o e whatever rate ki sa lakonpannyen pou demande pou monte prezan i pou azout en pti premium lo la ki nou at the end of the day nou ki nou peye.  

        So mon krwar si nou ti pou dir kennsel ti devret ganny fer avan nou tender e la mon krwar i tro tar – but the good thing about it, mon reasir ou se ki if floating demen apre son operation, Gouvernman i kapab dir mon pa anvi renew sa Kontra e sa dimoun i zis dismantle e la i retourn parey i été.  I napa okenn striktir solid pou ganny fer lo la.

E i floating system e once in fini pas son Kontra either Gouvernman i kapab dir mon renew it pou additional 10years, akoz parey mon dir ou i 30an or nou dir nou decommission e si nou anvi enplimant li ankor, or nou dir non lagon i a ganny servi par en lot keksoz ankor.  That’s something ki Gouvernman i a deside.  Me selman nou pe le montre ki i en potansyel e zis pou fer ou konnen ki sa i pou premye floating PV lo sa scale lo Lafrik ok ? Sengapour resaman in fek anonse ki li osi i pe al fer e Sengapour pou vin pli gran dan lemonn.  Mon ti a kontan fer li depi avan, nou’n  fini ganny pe enplimante la, ki Sesel i a vin premye pou enplimant enn, me larezon mon krwar Sengapour pou depas nou.  

        So nou kapab zis claim nou pou pli gran floating PV dan Lafrik ok?  Nou tire dan lemonn me selman la nou pou ganny Lafrik.  Lo lot kote lo nou bann lezot kestyon, mon’n tann en pe lo kote tarif ok ki mannyer nou kapab fer desann wi sa i sa soz sa rebalancing programme ki’n ganny resume pou redwir lo komersyal, e increase lo kote domestik.

Parey ou konnen tarif i ganny crosssubsidised –  elektrisite lo kote komersyal i basically pe pey pou tou depi delo ek sewage in terms of son reveni ki i gannyen.  Si mon recall correctly, zis elektrisite i pe donn PUC apepre 70poursan son reveni ki i pou pey pou delo avek sewage.  E sanmenm sa ki komersyal pe pey en high rate onnetman i o e mon vwar akoz zot dir i tro ser pou fer biznes Sesel.

Me plan pou rebalance tarif se pou redwir lo kote komersyal increase lo kote rezidansyel e demen tou dimoun i a increase son cost of service.  E mon krwar sa i pou pli gran incentive pou demen pou endividi pou envestir dan lenerzi renouvlab avek efikasite enerzetik ok?  Me selman zis mon ti le note ki nou fer en resers lo kote the net tarif e nou’n vwar from 2014 ziska la more or less nou annan en decrease dan net tarif.  Me selman eski kou lavi in ganny reflekte lo sa net?  Or eski komersyal in deside apear avek the higher margin ki zot pe resevwar right rather than passing across the board?  

        So demen mon pa kapab dir si nou fer desann pri tarif ler ou pe ganny reflekte.  Mon krwar i annan en pli gran letid ou en pli gran progranm, ki zot devret fer mannyer nou kapab fer desann pri lavi pa zis elektrisite.

Apre number of lakaz ki kapab enstale parey mon dir ou i depan lo son twatir of course. E ki mannyer son twatir i locate.  Nou annan en proze ki nou pe fer ki apel en resab e sa nou pe fer avek en lakonpannyen L’Angleterre …. Energy Institute ki nou pe servi satellite data pou idantifye which are the potential pou Sesel antye lo kote lenerzi renouvlab.  E nou’n travay ek PUC pou ganny tou zot bann meter, ganny tou bann lokasyon otour Mahe pou vwar kantite zot potansyel.  Me selman from survey nou’n vwar nou kapab dir zis 30poursan lakaz Sesel i kapab vreman met en PV lo la akoz from sa 400 from vulnerable household, nou ganny zis 100 ki more or less i kapab mete so nou mazinen i the same so i pa vedir ki ladan zot twatir i poor, me selman kekfwa zot twatir i anba pye dibwa or i pa pe prodwir.  Demen si ou kontan going green ou pa mind perdi sa lenerzi, might as well ou enstale, me selman konsekans se ki ou pa pou prodwir maximum lenerzi ki ou ekspekte gannyen.  Mon krwar i annan ankor ?

 

MR SPEAKER

Mersi CEO.  Onorab De Commarmond.

 

HON CHARLES DE COMMARMOND

De keksoz  – enn ou konn tre byen depi o konmansman sa proze nou’n kont e i rikorde dan zot dokiman.  Now sa ki ou pe dir la savedir ki sa 300 lakaz ou pa pou kapab mete PV lo tou le 3 sa lakaz ou pou met lo 100?  Sa ki ou pe dir?  Savedir ou bezwen revwar sa stratezi e regete ki mannyer zot pou kapab servi lezot striktir ki egziste, pou kapab apre idantifye ou bann dimoun ki ou anvi benefisye, pou li prezan son bill i ava desann – pa neseserman ki sa striktir i ganny mete kot li.  So zot bezwen mon krwar la revwar stratezi vizavi sa proze.

E lefe ki ou’n mansyonnen ki private sector Sesel i top lo dan sa bann direksyon, ou bezwen gete ki mannyer private sector Sesel i kapab ganny deservi dan zot proze  – en pe parey Onorab Gill ti pe dir pou ki nou al enpe pli vit.

Mwan mon krwar se lavites ki sa i kapab ganny enplimante e lefe ki i en grant e nou pe ganny sa sipor avek India e India in dir letan nou ti laba delegasyon Parlman me Mr Mohideen in dir i pare pou donn sipor Sesel en kantite, selman nou, nou bezwen al en pti pe pli vit mon panse pou nou ganny o maximum lenerzi ganny fer mon panse mon si nou ganny maximum lenerzi derivate from that, i pou ede pou fer desann tarif mon krwar tarif i kapab desann eventually si nou prodwir bokou plis lenerzi.  Mersi.

 

MR SPEAKER

Mersi Onorab.  CEO.

 

CEO MR TONY IMADUWA

Mersi Chair.  Mersi Onorab.  Wi pou sa proze democratisation sa bann lakaz ki pa pe ganny enstale lo zot twatir zot pe gannyen en fason.  Nou annan sa ki nou appel sa community system pou sa 1megawat ki pou ganny enstale so ladan dan 1megawat sak lakaz pou ganny 3kilowat so si ou diviz par sa 1megawat ou ganny more than 300 lakaz ki pou tonm anba la so 333 lakaz.  So definitivman i pou soz. E  dapre Kontra ki i donnen ek sa lakonpannyen se ki by 2019 tou sa bann lakaz pou ganny sistenm enstale. E sa i vit pou si ou pe mazin pou grander sa proze i vit pou by 2019.

E en lot keksoz lo kote wi nou ti a kontan tou lakaz i met sistenm soler, me selman nou osi nou challenges.  Parey mon mansyonnen pli boner i tarif demen sa whole cross subsidisation e vi ki lenerzi renouvlab i entermitan ou pe zis offset lenerzi ou pa pe offset power pou PUC.  

        Demen be it ou annan en ta lenerzi renouvlab PUC you still need to provide lenerzi kot ou ler napa soley.  So lekel ki pey pou sa maintaining sa sistenm an plas e lekel ki pey pou maintaining en sistenm?  Par egzanp nou ti fer en dump load test PUC nou vwar si i ti annan en sistenm at least 8megawat an plas PV en sel kou nyaz i pase i drop ok, i kapab ariv en blackout akoz son zenerater i napa ase soz pou li kapab soz.  Akoz  ler i drop voltage, tousala i ganny afekte e i bezwen ramp-up son zenerater pou meet sa demann ki i ti annan.  So this is the technical challenges ki nou bezwen overcome.  Sa batri ki i pe enstale i pou donn li at least letan akoz batri i quick discharge.  Le moman i tonbe batri i kick in i maintain sa soz e i ganny sans pou ramp-up son zenerater pou meet. 

        So these are the challenges e pou nou i vreman difisil how do we deal avek the technical and osi the financial ?  Akoz demen PUC i dir koumsa i’m losing revenue e nou bezwen regarde how can we put an plas serten mekanizm ki i fer en win-win situation pou tou me selman i difisil

        I mean mon ti a kontan koz enta lo lenerzi renouvlab but i mean si Lasanble i permet mon ti a kontan en zour have en sesyon ek zot eksplik zot the current sityasyon ki i été pou le moman e what the current challenges and how are we trying to address that.  E mon krwar i ava donn zot en pli gran soz lo ki mannyer lenerzi renouvlab i yes i sa potential but yet i annan enta keksoz nou bezwen fer avan nou ariv lo sa nivo ki nou ti a kontan nou arive.  Me definitivman i something ki Energy Komisyon ansanm ek Minister ek tou lezot partners pe try and address sa sityasyon, ki mannyer nou kapab met plis lenerzi renouvlab Sesel.  Mersi.

 

MR SPEAKER

Mersi CEO.  Onorab Bernard Georges.

 

HON BERNARD GEORGES

Mersi Mr Chair.  Mr Chair mon ti absan semenn pase me mon regrete pou dir ki olye kontan ki mon retourn dan sa Lasanble bomaten mon depress avek sa ki mon pe tande la bomaten.  I paret mwan ki unless mon pa’n byen ekoute ki nou annan zis problenm devan nou – nou napa solisyon.  E enn, enn bann keksoz ki CEO fek dir nou se ki annefe enn bann lobstak se PUC li menm akoz i vwar lenerzi renouvlab afekte son cash flow.

E dan sa ka mon regret pou dir ki ler nou ti riy 15poursan lenerzi renouvlab pou 2033 akoz i ti fay. Mwan  mon war i ti it was an exact duration nou pa ankor arive ni 15poursan 2033 and that’s the problem.  Mr Chair mon fek sorti Moris, La Renyon li in ariv 50 in target 100 Moris pe target 30poursan nou, nou ankor pe vire pe deside kot nou pou al met PV farm – lenerzi – lot pa marse – eskiz mwan Mr Chair, CEO, Minis, SS – annou rod solisyon – e annou pa annou pa kal nou problenm.  Akoz sansan we are never going to get anywhere.  Semenn pase Moris zot ti pe akeyir en lakonpannyen Franse ki pe vin ed zot pou met an mars zot LNG project.  Nou ankor zis pe koz nou ankor zis pe koz lo la.  Dir nou CEO avek sa Lasanble bomaten come clean – dir nou kisisa ki ou bezwen in terms of finance dan sa Bidze, pou ou kapab tir nou lo sa problenm kot nou été la, e fer en fason ki dan en dele ase rezonnab, lepep Seselwa i kapab vwar ki son bill elektrisite pe desann! Se sa mon krwar ki is that the bottom – se sa ki nou tou nou pe rode.  Dir nou ki ou bezwen pou ou kapab kas sa problenm ariv ek solisyon – met en keksoz anmars fer desann pri elektrisite.  Mersi Mr Chair.

 

MR SPEAKER

Mersi Onorab.  CEO.

 

CEO MR TONY IMADUWA

Mersi Chair.  Mersi Onorab.  Moris, La Renyon zot poursantaz penetrasyon i o i pa akoz zot annan en pli bon plan ki nou or nou pa bless avek potansyel lenerzi renouvlab Sesel.  Sa ki nou appel firm sources of lenerzi renouvlab Moris, La Renyon i annan sa ki nou apel firm sources ; Moris lamazorite zot poursantaz i akoz bagas ok zot brile – non i bagas – ok  I prodwir 24 lo 24 lenerzi brile.  La Renyon i annan potansyel high drone ki kapab prodwir lenerzi 24 lo 24 Sesel nou napa non be soley parey mon dir i en entermitan i zis en energy solution.  Moris mon a donn ou legzanp resaman zot pe fer envestir dan batteye storage akoz zot sistenm soler ki zot pe devlope pe ogmante ok zot demann i o me selman zot pe enstal en bonpe sistenm soler e zot in fini vwar i annan problenm dan grid e la zot pe envestir dan centralise storage system pou compensate pou sa instability ki solar i soz.  Ler ou get prodiksyon soler i monte koumsa desann i eratic ok nyaz i pase i perdi i monte i pa stab e grid as en network operator i bezwen ensure ki kalite elektrisite ki ou pe gannyen i stab ou pa pe ganny sa bann flickering or voltaz i desann, i monte.  Non son rol se ki i ensure pou ganny en bon standar elektrisite.  La Renyon/ Moris i o akoz zot annan sa bann firm sources.

Pran legzanp Costa Rica ki resaman ou’n tande i 100poursan lenerzi renouvlab i 100poursan par soley, soley mon krwar i zis 5poursan or 10poursan ladan ok ?  Zot stab lo la akoz zot annan geothermal avek hydro ki provide zot 24 lo 24 e nou demen si nou ti annan vreman potansyel hydro 15poursan ti pou koumsa ok ?  Nou problenm se ki nou annan plis soler ki mannyer nou kapab entegre soler dan nou sistenm ki kapab ki stabilise ok?  Ki pa fluctuate ?  E sanmenm sa ki nou pe envestir lo batri.  Wi i annan plizyer nou pe fer li nou deza annan centralise storage – PUC pe upgrade son network cable pou allow plis lenerzi renouvlab.  E nou pe regard bann lezot potansyel ; parey waste to energy ki a provide 24 lo 24 konpran nou pe gete tousala, me selman the end of the day i annan sa issue tarif osi erosion ou konpran – ki si i annan plis lenerzi soler, lekel ki pe pey pou sa batri storage lekel ki pou pey pou sa bann lezot sistenm pou stabilise the grid  – ou konpran?  

        So i annan plizyer challenges ki nou pe adrese an se moman.  Wi kekfwa i pa ase vit – wi kekfwa nou pa pe koz lo la me i something ki i reel – ki toulezour nou pe fer fas avek nou pe sey try and address  – ou konpran?  Si demen nou le fer en solisyon pli vit then en gro form larzan ki nou modernise the system rezo nou envestir plis lo batri ou konpran e sa i koute nou bezwen rod sa finansman somewhere.  Me selman lo nou kote nou’n fer li dan en fason ki dousman nou pe sey adres sa bann issues – ou vwar?  

        So i annan solisyon ki nou pe gete nou ti a kontan fer li pli vit me parey mon dir ou nou pa bless avek lenerzi renouvlab, unless demen nou lenerzi marin, i annan serten teknolozi marin parey Ocean Thermal Energy Conversion – OTEC ki kapab prodwir lenerzi 24 lo 24.  Me selman ler nou fer feasibiity studies the closes potential ki nou annan avek Mahe 45 kilomet west of Sesel – nou bezwen en profonder 1000met minimum pou avest pou kolekte sa delo fre anba delo pou convert pou elektrisite.

E li i kapab provide 24 lo 24 demen si ou met en sistenm laba ki soz, nou bezwen pey en transmission line 45kilomet away.  Ou konpran ? So  i annan plizyer challenges ki we are trying to address.  Mon reasir ou ki nou pa pe konmsi relax lo la – non. I something ki nou konnen ki nou bezwen adres e si nou le plis meet nou target.

 

MR SPEAKER

Mersi CEO.  Minis.

 

MINISTER MR WALLACE COSGROW

Mersi Mr Chairman.  Zis mon ti le wrap-up en pti pe lo ki CEO in eksplike mon ti a kontan reasir Onorab ki poudir konmsi it’s not all doom and gloom.  Nou annan en tim kot Energy Commission ki pe travay.  Energy Commission i travay an etrwat kolaborasyon avek PUC, dan lesans ki Energy Commission i regilater osi en?  So i bezwen konpran issues en prodikter elektrisite. PUC i bezwen kapab asiste son lekor, pou li kapab pran sa bann lenerzi renouvlab ki pe ganny prodwir.

E petet sa ki CEO ti pe sey dir se ki si nou tro tay tro vit nou riske pe al pli vit ki sa distribiter i kapab cope avek lakantite ki antre.  E riske vin en problenm an term son cash flow an term son lenfrastriktir and all.  Me mon kapab reasir ou ki poudir nou stratezi – nou plan nou pe stick lo nou stratezi ek nou plan.  Mwan mon krwar personnelman mon krwar ki nou kapab achieve sa ki sa target ki nou’n mete.  I annan serten landrwa ki bezwen tret par egzanp kot i konsern bann twatir bann lakour – nou pou bezwen vwar ki mannyer nou deza CEO in eksplike poudir nou pe entegre sa dan building codes.  Nou pou bezwen vwar dan le fitir fer sir ki parey nou dir met en dalo ek lakaz, i vin mandatwar ler nou fer ou pe aprouv en plan.  En petet en PV – pour kwa pa en PV i ganny built-in dan ou fer lakaz – mon pe met sa devan.

So mon krwar nou pou arive me selman along the way, i pou nesesite ki an mezir keksoz i avanse teknolozi avanse nou aziste en pti pe ki mannyer nou bouze on the way me the stratezi and nou plan e nou aim, mon krwar nou pou achieve Mr Chairman.  Zis mon ti le reasir Onorab poudir nou pe travay dir pou nou fer sir ki nou achieve.  Mersi.

 

MR SPEAKER

Mersi Minis.  CEO.

 

CEO MR TONY IMADUWA

Mersi Chair.  Si ou permet mon zis mon ti le donn en legzanp sirtou ou’n mansyonn La Renyon ok.  La Renyon ti annan 30poursan penetrasyon lenerzi soler.  Resaman zot ti pe ganny issues dan public holidays or pandan Dimans ler demann i low e prodiksyon PV i o.  E ki ti pe arive se ki i kre en stabilite dan grid ki zot ti pe curtail  dimoun – nou apel sa curtailing kot zot koup bann sistenm soler.  Sirtou bann IPP’s – bann gro prodikter ki li i depan son – pou ganny en reveni from lenerzi ki i vann, me selman i vwar kot sa utility pe koup son prodiksyon.  I dir li i pa kapab entegre, akoz si pou entegre ou pou disband.  E i annan ka ki even zot pa’n curtail e sistenm in blackout  La Renyon.  E sanmenm sa ki La Renyon i annan en Polisi right now ki tou dimoun ki enstal soz sistenm soler, i bezwen met en batri avek son PV system, e sa i vin en kou tradisyonnel lo rezidan – pou ki output of sa PV sistenm i bezwen stabilise par sa batri ki zot enstale avek zot sistenm.  So parey mon dir ou i challenging si zis ou annan lenerzi soler.

 

MR SPEAKER

Mersi CEO.  Onorab Georges.

 

HON BERNARD GEORGES

Mersi Mr Chair.  Mon realize ki nou’n overshoot nou letan, e mon pa oule prolonz sa deba me mon krwar ki mon devret pe demann avek CEO ek Minis, eskiz mwan me zot pa’n satisfer mwan.  Zot annan defi nou konpran sa.  Zot annan problenm devan zot nou konpran sa e nou konnen ki zot pe travay for.  In fact sa Lasanble 2 Lasanble ago – nou ti aprouv Energy Commission avek linanimite.  Nou konnen zot bezwen egziste pou zot kapab anmenn sa bann teknolozi devan e fer sa resers.  Nou kestyon se kote? Donn nou en legzanp ki sa ki nou pou fer ki pou achieve en keksoz?

Akoz sel keksoz ki nou tande se defi ek problenm.  Nou pe travay dir me nou annan defi nou annan problenm.  That doesn’t help us konman en Nasyon.  Si nou pa pou kapab fer, annou arete once and for all e dir, ‘’nou pa kapab – it’s a waste of time.’’ Nou ava rod en lot fason pou prodwir lenerzi.  Me si nou kapab – dir nou en keksoz CEO, Minis, ki nou pou al fer la e ki pou annan en lefe direk lo pri ki konsonmater i peye?  Mersi.

 

MR SPEAKER

Mersi Onorab.  CEO.

 

CEO MR TONY IMADUWA

Mersi Chair.  Mersi Onorab.  Lo kote pri lenerzi renouvlab, sa i en keksoz pa short term.  E i plizoumwen medium to long term.  Nou bezwen e analize the kou lenerzi renouvlab i kontribye dan kou elektrisite Sesel an zeneral.  E kantite sa i kapab ganny translated in terms of rediksyon lo elektrisite.  Sa i pou vini definitivman.  Lo  kote kwa ki  nou’n fer mon’n mansyonn plizyer.  I annan upgrade transmission – laliny ki pe ganny fer to 32KV around Mahe antye.  Sa i pou allow pou plis lenerzi renouvlab pou ganny entegre lo rezo.  Ok?   I annan batri stokaz ki PUC pe fer lo centralise soz – ki i pe fer – ki pou increase stability of the grid ler i annan plis lenerzi renouvlab.  I annan bann plizyer proze ki nou pa pe zis regard lenerzi renouvlab, me osi lo kote lenerzi enerzetik ; ki mannyer nou kapab redwir lo lakantite demann ki demen nou kapab delay lenvestisman dan nouvo zenerater.

So sa i annan keksoz ki nou pe travay lo la.  I annan bann lezot progranm ki nou pe target end users depi mansard management of servi lenerzi renouvlab, e promot plis ki dimoun i enstal sistenm soler.  So i annan ki pe ganny fer e nou annan ankor parey mon si dimoun pa konnen nou annan bann financial Scheme ki’n ganny met an plas ki pou ankouraz dimoun pou akse avek finansman – ou konpran?

I kout larzan pou envestir ek en sistenm soler – en 3kilowat parey nou’n mansyonnen tou lazournen – i pe kout ou around meton de lakonpannyen R60 a R80mil pou en sistenm – ou konpran?  E i annan SEEREP ki provide sa loan pou kapab akse ek sa.  I annan rebate ki pey ou apre ki ou’n envestir ou’n ganny ou sistenm in ganny enstale ou commission.  Onorab Ramkalawan i annan en sistenm e in vin kot nou.  So i deza annan bann mekanizm.

Right now pou mon dir ou lo kote lenerzi renouvlab i healthy in terms of deployment.  What ki our focus is?   How do we address the current constraint now to overcome sa bann challenges pou kapab plis lenerzi renouvlab i vini.  So mon mansyonn ou detrwa aktivite.  E i annan osi the issue of legal status dan legal framework pou lenerzi renouvlab, ki nou bezwen met an plas ; ki demen nou kapab fer bann nouvo innovative financing – ou konpran?

Parey sa sistenm Alphonse i innovative financing.  Ou pa pey nanryen.  Sa envestiser i vini i envestir i gete e i annan en long term contract avek sa dimoun ki off-take sa lenerzi e in ganny son investment.  E sa nou kapab fer lokalman osi.  Nou deza annan en proze ki nou travay ansanm avek Minister, pou regarde pou nou submit avek GCF pou devlop sa what we call a community scale, ki nou servi bann twatir nou bann diferan building, ki ou endividyelman ou kapab envestir ladan e ou ganny sa lenerzi pou offset ou konsonmasyon.

So i annan bann plizyer progranm.  Si nou anvi reach nou target, then nou bezwen envestir into pli modern teknolozi parey batri, ki kout larzan e si ou demann mon pou met sa anba Bidze, sanmenm ou pa vwar anba Bidze ki mon met larzan pou lenerzi renouvlab – ou konpran?  Zis pran sa proze democratilisation ki pou enstal apepre en maximum 2megawat total en – i pe kout $3.4milyon – ou konpran?

50milyon e pou mwan demann ou 50milyon dan Bidze pou fer dan en proze ki donn ou zis 2megawat, mon use external funding i egziste.   I annan green climate fund – ou konpran?  So I try to use that and try to use the local funding ki nou annan from Bidze pou help increase, strengthen the capacity of  the commission, pou enplimant sa bann mezir or solisyon ki nou pe try to soz.

So that is why ou pa vwar larzan, akoz demen si  zis mon  tay kot Minister pou demande li poudir mwan tou kou mon napa larzan, e i pou napa larzan pou donn mwan.  So mon kapab dir ou tou proze nou fer i anba donor funding so that I’m pleased –  mwan mon pleased avek.

 

MR SPEAKER

Mersi CEO.  Minis.

 

MINISTER MR WALLACE COSGROW

Mr Chairman mersi.  Brefman konmsi mon ti a kontan reasir Onorab ki poudir bann challenge ki ou pe tann CEO pe eksplike la,  i pa neseserman challenge Minister avek Energy Commission.  I challenge sa sekter li menm.  Konmsi Energy Commission i konnen i annan sa challenge li i prepare pou sa bann challenge pou ou enplimant sekter lenerzi renouvlab dan nenport ki landrwa. So i pa vedir ki nou arete nou give up nou pa fer nanryen akoz i annan challenge,  Challenge i pou la nenport ki pei i annan challenge i annan pei i overcome en pe pli vit ki nou, me selman challenge sa sekter li menm, i enn ki very challenging.  

        Se sa ki mon krwar CEO pe sey fer sorti.  E  mwan mon pa krwar nou devret dir, ‘’non nou give up nou bouz lo en lot keksoz.’’ Mon krwar nou devret kontinyen pouse i pou anmenn benefis pou nou in the long term – petet pa – mon pa pou vreman zouir li la, me selman mon zanfan i ava zouir benefis lenerzi renouvlab Sesel.  Mersi.

 

MR SPEAKER

Mersi Minis.  Nou’n ariv en moman kot nou pou pran en vot pou sonm R18. 516milyon pou Seychelles Energy Commission ki form par sa Schedule e trouve lo paz 523 ziska paz 527.  Mon a demann tou Manm ki an faver?   Okenn Manm ki kont?  Madanm Clerk.

 

MADAM CLERK

Mersi Mr Chair.  Mon’n rikord 22 Manm ki’n vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pou Seychelles Energy Commission in ganny aprouve par Lasanble Nasyonal.  Bon avan nou Break mon ti a kontan remersi CEO Mr Imaduwa – mon ti a kontan osi remersi Minis Wallace Cosgrow ki’n vini ki’n akonpanny CEO bomaten.  Zis avan nou pran Break mon ava donn laparol SS pou gid nou lo prosen entity ki nou pou pran ler nou pou antre.  SS.

 

SECRETARY OF STATE MR PATRICK PAYET

Mr Chair the next one nou pou pran Seychelles Licensing Authority ki lo paz 265 a paz 271 pou en sonm R18. 017milyon.  Mersi.

 

MR SPEAKER

Mersi SS.  Avek sa nou ava break e nou a repran nou travay 11er.

 

 

(BREAK)

 

SEYCHELLES LICENSING AUTHORITY

 

MR SPEAKER

Bon nou ava kontinyen nou travay e mon ti a kontan welcome Minister Maurice Loustau-Lalanne parmi nou Minis responsab pou finans e osi tou lekip ki sorti kot Licensing Authority ki dirize par son CEO Mr Andre Pool ki ganny lasistans son Deputy CEO Ms Angelique Appoo son Accountant Ms Karine Andre.  Bonzour e welcome dan Lasanble Nasyonal.  Nou pou touzour ganny lasistans SS Payet, Ms Verghese avek Ms Tamatave sorti kot Minister Finans.  Bon mon ti a kontan ganny bann Manm ki pare pou entervenir.  Nou ava konman avek Onorab Sandy Arissol.

 

HON SANDY ARISSOL

Mersi Mr Chair.  Bonzour tou dimoun.  Mr Chair mon ti a kontan demann CEO an relasyon avek Licensing lo paz 265 letan mon pe get lo P3 ‘lenspeksyon, investigation avek enforcement’ mon ti a kontan ki i annan R2.5milyon, mon ti a kontan demann li an relasyon avek osi ‘current challenges’ ki mon vwar limero 3 ‘lack of good operating vehicles to conduct site visit and inspection’ mon ti a kontan zisteman lo sa 2 pwen ki mon fer resorti, demann CEO si Licensing zot ankor pe travay an etrwat kolaborasyon avek lezot Minister oubyen lezot stakeholders parey nou dir?  Par egzanp Lasante Planning Authority, Sanniter, LWMA an relasyon avek donn license pou donn en dimoun pou operate konman biznes?

Mon pe dir sa parske ozordi letan ou pase, i annan plizyer biznes ki operate par egzanp ki napa en bin site ; i annan biznes ki pe operate par egzanp ki napa en parking facility, eski i annan en travay eski sa travay i ankor pe kontinyelman ale ant ou Licensing avek lezot?

Parske letan mon pe koze la dan lavil ki St Louis i tonm parti en bout, i annan biznes ki pe run, be selman son bann salte par egzanp letan i pe kwi manze par egzanp i pe pey en dimoun sa ki nou apel bann dimoun ki lo lapoud, pou al zet sa dan en lot bin ki pe koz lenkonvenyans pou lezot dimoun.

Nou annan nou bann biznes ozordi ki letan li in fini fer son biznes i pran son salte i pe al zet lezot landrwa dan en lot distrik e si mon pa tronpe i annan Regilasyon ki dir ozordi ou ouver en biznes, ou bezwen annan en Kontra ki ou’n fer avek LWMA pou ganny ou License?  Sa i mon premye kestyon.

 

Mon 2enm kestyon mon ti a kontan demann Minis CEO ankor avek ‘lenspeksyon, lenvestigasyon avek enforcement’ an relasyon avek bann biznes ki ganny license atraver tou zot bann prosedir, e apre souden letan zot in ganny zot license, ou vwar zot blok zot parking ; zot parking i vin zis pou zot prezan i nepli pou piblik.  Eski i annan sa enforcement – sa lenspeksyon ki kontinyen ganny fer par ou Departman Mr CEO pou ranforsi tou sa bann pti pwen ki mon koz lo la?  Mersi bokou.

 

MR SPEAKER

Mersi Onorab Sandy Arissol.  Mon a donn laparol CEO Mr Pool.

 

CEO MR ANDRE POOL

Mersi Mr Chair.  Mr Chair an se ki konsern premye kestyon pou Seksyon inspectorate inspesction, investigation and enforcement ;  Mr Chair ozordi avan ki Lotorite Licensing i donn en license okenn biznes, okenn laplikasyon byensir i depan ki kalite biznes, i annan son bann stakeholders ki konsilte avek.  E mon a menm dir ki dan plizyer ka Lotorite i pran son desizyon, baze lo rekomandasyon bann stakeholders.  Par egzanp si i en biznes ki annan pou fer avek manze, definitivman Lotorite Licensing nou pou bezwen rekomandasyon sorti kot Health  – Lasante avan nou pran en desizyon.  Si i annan en issue parey ou pe dir – ki i annan pou fer avek parking, definitivman rekomandasyon i bezwen sorti kot Land Transport Department, avek ki nou pran tel desizyon.

Answit tou biznes avan ki i Lotorite i prodwir son license, i bezwen prodwir en Kontra tir salte avek LWMA.  Pou le moman i ankor koumsa e dan le fitir nou pe aktyelman annan diskisyon avek LWMA, ler pou annan lezot akter ki pou antre dan sa zwe, nou pou annan bann Regilasyon neseser ki pou ensiste ki ou annan en Kontra avek swa LWMA oubyen enl ot akter vizavi tir salte.

So wi Onorab atraver ou Mr Chair, Lotorite Licensing avan i issue sa bann license, i fer sir ki tou sa bann requirements i annord vizavi bann lezot stakeholders, san kwa nou pa issue sa license pou ou komans fonksyonnen. 

        Now son challenge rightly so parey in ganny fer resorti e parey nou fer resorti dan son dan nou dokiman, se monitoring and enforcement kot la nou annan plizyer difikilte – plizyer challenges kot nou napa ase resours, pou nou kapab fer li parey nou ti a voudre.  Me an menm tan nou demann lezot akter ki an premye lye an tou ka, ti donn nou en koudmen to issue the license atraver zot bann rekomandasyon, nou demann pou zot osi donn nou en koudmen dan sa travay monitoring and enforcement ; kot zot vwar ki sa bann rekomandasyon ki zot, zot ti fer an premye lye – pa pe neseserman al parey i ti été.  Zot devret anba zot Lalwa zot bann Regilasyon spesifik zot osi zot kapab pran aksyon me an menm tan fer bann rekomandasyon neseser, avek Lotorite Licensing, akoz si nou vwar ki bann kondisyon license pa pe ganny respekte, nou osi nou kapab pran aksyon neseser.  

        So wi nou travay pros avek sa bann stakehoders, me i reste pa mal challenges pou nou kapab ensure, ki tou bann akter dan sa zwe, i donn nou en koudmen pou fer sir ki sa bann kondisyon i ganny respekte.  Pa zis ler ou ganny license, me letan ou’n fini ganny license e ler biznes pe fonksyonnen.  

        So dan revi ki nou pe fer anba nou Licenses Act ok – bann Regilasyon ozordi ki egziste e osi bann kondisyon license, nou pe revwar tousala pou fer sir ki konman en Lotorite si oule – nou annan plis ledan – nou annan plis ledan pou nou kapab pran bann aksyon neseser – san neseserman bezwen ki bann lezot Lotorite – si oule, i pran bann pa neseser pou nou kapab met sityasyon pli byen ki i été ozordi.  Mersi Mr Chair.

 

MR SPEAKER

Mersi CEO.  Onorab Esparon.

 

HON REGINA ESPARON

Mersi Mr Chair.  Mr Chair mon ti a kontan port latansyon CEO – mon vwar en ogmantasyon dan ‘goods and services’ par R1.2milyon ti a kontan en leksplikasyon silvouple.  Lo paz 265 anba ‘strategic priority pou 2019-2021’ mon vwar zot in mete poudir i pou annan en ‘new opening of new office decentralise SLA services’ mon ti a kontan CEO i eksplik nou kote zot pe ganny sa nouvo lofis, e konbyen i pe al kout zot dan sa Bidze silvouple?

Lo kote ‘enforcement avek lenspeksyon’ CEO mon ti a kontan demann ou si zot ankor pe pratike sa zafer regarde bann discoteque ki ganny license, ki bann manrmay par anba 18an pa ganny admet ladan dan discoteque?  E osi ki zot pe fer pou enforcement ankor pou vwar ki bann marsan pa pe vann bwar avek zanfan ki par anba 18an ki zot annan dan sa progranm la pou ki zot regarde si sa i ganny enforce?  En dernyen issue CEO mon ti a kontan konnen anvi ki mon konnen ki zot ki donn license zot travay mon mazinen etrwatman avek SLTA lo size road tax, parske i ganny peye kot zot.  Dan ka parey i annan sa bann bato touris, ki vini zot annan zot bann bisiklet zot kliyan i ganny debarke ek zot bisiklet.  E mazorite letan sa bann bisiklet napa sa license.

Problenm ki pe arive se ki bann dimoun ki pe servi semen an menm tan avek sa bann bisiklet ki napa license, zot annan en lenkyetid.  Annefe yer ti annan en landrwa Anse Etoile obor dan kontour obor Legliz ki ti annan 4 sa kliyan lo zot bisiklet ti pre pou tap avek en pickup en dimoun e sa dimoun i dir mwan koumsa si sa pickup sa bann bisiklet ti tap lo li, zot napa en road tax – zot napa en lasirans, kote li i ti pou al rod rekour li?  Li i pey son tax li i pey son lasirans me zot pe ganny permisyon pou zot roule san en road tax, san en lasirans, si i arive ki zot tap en dimoun zot andomaz en lot transpor, kote sa dimoun i al rod rekour?  Mersi.

 

MR SPEAKER

Mersi Onorab.  CEO.

 

CEO MR ANDRE POOL

Mr Chair.  Nou a pran ou bann kestyon enn par enn.  Bon premyerman an se ki konsern ogmantasyon dan Bidze.  Mr Chair si ou permet mon, mon ti a kontan petet eksplik sa enn fwa pou tou.  Pandan nou dan nou Bidze 2018 SLA ti ganny en sonm R15. 107milyon e nou pou vwar ki dan Budget prosenn en sonm R18, 017milyon pe ganny propoze – ki fer en logmantasyon anviron R2.9milyon.

Bon dan sa R2.9milyon premyerman nou annan R231mil pou nou met an plas en nouvo records management project.  Sa si oule an kolaborasyon avek en lakonpannyen prive, ki’n ofer son servis.  Nou annan en gran problenm avek nou sistenm storage nou bann rikord ki SLA i annan ozordi ok?  Kot nou’n vwar ki pou nou kapab pran serten desizyon, nou vwar li difisil ganny akse avek nou bann dokiman.

E pli danzere ankor, serten dokiman si oule pe ganny abimen e i nepli aksesib.  So sa i en sityasyon tre alarman e nou diskit sa avek Finans, e zot in donn nou larzan pou nou kapab met nou bann dokiman annord proper classification and proper  storage, pou fer sir ki nou bann dokiman pa ganny abimen e i perdi.  E nou ti menm annan serten ka, ki ler nou ti ganny demande pou vin devan Komite Lasanble Anti- Viktimizasyon kot serten dokiman ki si oule ki nou bezwen ti annan problenm avek.  So nou pe ganny sipor pou nou kapab rektifye sa.

Mon 2enm konponan trez enportan lo sa ogmantasyon, se pou upgrade nou bann software ok?  Nou annan problenm nou bann software si oule i outdated.  E nou anvi met nouvo software e nou’n rod detay e pri pou sa i tonm anviron R5ekek mil e Finans in dakor pou donn nou R575mil, pou nou kapab finans sa proze.  E sa si oule i pou permet nou an menm tan met nouvo lekipman pou nouvo driving license ok, pou anpese ki pou nou kapab moderniz nou bann driving license.  E an menm tan met sa servis lo Praslin ki konmela i napa.  Savedir nou ava annan posibilite pou nou kapab fer driving license Praslin olye neseserman vin fer tou Mahe.

Well i annan en lot sonm tre enportan ankor pou FATF Financial Action Task Force ; parey zot konnen Sesel nou pran direksyon sa task force e SLA i en konponan tre enportan ladan.  E nou pou bezwen partisip dan bann diferan progranm e aktivite ki zot fer e la si oule Finans in donn nou R354mil pou nou kapab fer li.

E finalman pou zot lenformasyon boner sa lannen tar lannen pase, nou’n ganny en nouvo Scheme of Service anba nou functional review e structure review, e si oule i annan bann nouvo pos – nouvo bann sistenm Gratwite e long service award e osi pou sa new office ki nou pe anvizaze e pou sa Finans in donn nou R1.7milyon.  So sa si oule i ankadre sa R9.2milyon an plis ki zot pou vwar dan nou Bidze sa lannen.

Bon new office nou pe panse met en lofis dan Sid Mahe kot i a ed nou desantraliz en pe e definitivman nou diskit sa konsep avek Minister Finans, e zot in ki santi wi i annan sa bezwen.  So la prezan once si nou Bidze i ganny aprouve la nou a konmans demars kote dan Sid Mahe si Anse Aux Pins si Anse Royale ki sa lofis i devret été, baze lo demann ki nou annan ozordi.

Bon vizavi enforcement premyerman i annan sa zafer anba laz diskotek anba laz nou pe travay tre pros avek Lapolis detanzaot.  Preski tou le semenn nou annan nou tim sorti inspectorate ki si oule i fer bann spot check, e pou vwar i napa zanfan anba laz dan bann diskotek.  E ziska prezan nou pa ankor ganny okenn rikord e okenn rapor ki sa i leka.  Akoz si sa i leka definitivman Lotorite Licensing nou pou pran aksyon neseser.  Menm zafer avek vann bwar anba laz – ziska aprezan nou pa ankor ganny okenn laprev ganny anmennen kot nou, ki sa i sa ki sa in arive.  E ankor enn fwa si i annan okenn ka ki ganny raporte avek nou, definitivman konman en Lotorite nou pou pran aksyon neseser vizavi sa issue.

Bon bisiklet wi Onorab atraver ou Mr Chair, nou ti ganny en rapor semenn 2 semenn konmkwa ti annan en cruise ship ki ti antre e ti met bisiklet deor sirtou – La Digue kot ti annan apepre en 60enn bisiklet e konman en Lotorite nou anmenn sa a latansyon Minister Tourizm e ti annan en emergency miting ki ti ganny organize son lannmen – kot en desizyon in ganny pran e Minister pou Finans osi i okouran kot nou’n dir ki nou pa oule sa ankor.  

        So  bann Lazans vwayaz ki annan pou fer avek cruise ship, in ganny enformen pou enform zot bato ki bisiklet okenn touris ki debark lo cruise ship, si i fer letour avek bisiklet pou le moman i pou bezwen lwe bisiklet avek bann fourniser isi lokal, e zot pa ganny dwa sorti avek okenn ek okenn bisiklet pou kapab donn zot kliyan ensidswit.

E sa si oule lenstriksyon tre kler in ganny donnen avek tou nou bann partners pou monitor ki sa i leka.  Mon pa konnen si Minister ti le azout keksoz lo sa dernyen issue avek ou permisyon Mr Chair.

 

MR SPEAKER

Mersi CEO.  Minister.

 

MINISTER MR LOUSTAU-LALANNE

Mersi Mr Chairman.  Mersi Onorab.  Zis mon le konfirmen sa ki CEO in dir e napa zis bisiklet parler zot osi debark bann labwason – dan bann cool box eksetera, e sa osi zot napa dwa akoz fodre zot pas en prosedir Ladwann e zot pa fer li.  So sa osi i en lot item ki zot pa pou kapab debarke met lo lasose from now on.  Mersi Mr Chairman.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Chair.  Mr Chair mon ti a zis oule demann avek CEO lo kote sa task force la, mon konpran ou pe dir ou pa pe ganny rapor konmkwa bann marsan pe vann lalkol avek manrmay anba 18an.  Marsan li i pou vann – i pa pou vin dir ou li.  Si ou task force li i aktif i pe fer letour – i pe monitor ki pe arive, la ki ou pou konnen ki bann keksoz ki pe – bann iregalite ki pe arive.  Se sa ki ou mon pa konnen si sa R354mil ki ou dir mon zot in gannyen se pou ranforsi louvraz ou task force donn zot en pe plis ledan.  Dan sa ka koumsa par egzanp, sa bann bisiklet ki lo semen ki napa en license lekel ki pou press charges la se Licensing oubyen SLTA?  Mersi.

 

MR SPEAKER

Mersi Onorab.  CEO.

 

CEO MR ANDRE POOL

Mr Chair.  Konnen i annan sa zafer enforcement pran sa legzanp ki Onorab ou pe koz lo la lo zafer vann bwar avek manrmay anba laz – ensidswit pou mwan sa i devret e sa mon’n dir avek nou bann partners – sa i devret en louvraz ki konsern nou tou.  I pa devret zis en zafer Lotorite Licensing.  Par egzanp Lapolis zot osi zot annan patrol bokou plis ki nou, antouka e zot devret dan en menm pli bon pozisyon ki nou, pou dekouver enn  – zanfan anba laz dan bann diskotek parey ou pe dir ; lavant labwason lavant lalkol avek bann zanfan anba laz.

So mwan mon dir ki nou devret annan pli bon korperasyon avek bann lezot stakeholders e anmenn levidans avek nou, kot nou kapab pran bann aksyon neseser kont bann ki pe kas sa bann Lalwa.  Konmsi pa fye zis lo Lotorite Licensing pou monitor e fer sir ki sa ki ganny respekte.

So si sa ti leka mon krwar ou a dakor avek mwan ki nou ti pou tyonbo serten sa bann infringement kont Lalwa.  E nou zwenn avek Lapolis e nou’n koz lo la e nou demann zot pou donn nou en koudmen en pe pli direk pou nou kapab ranforsi sa.  So sa i kwa ki si oule i pe nou pe fer pou kapab ranforsi en pe sa enforcement vizavi dan sa de direksyon.

An se ki konsern bisiklet, nou tou nou bezwen monitor nou menm Road Transport Commission, Lapolis akoz tou bann stakeholders ti onboard dan sa miting pou nou kapab sa.  E ti annan menm en proposal dan sa miting ki bann tour operater – si oule – ler zot konsider pey en license avek lasirans, si lo Mahe ok – si lo Mahe zot anvi donn sa servis bisiklet.  Me selman sa napa nanryen konkret si oule ki’n ganny deside an ka si i annan okenn claim ki arive.

Sa ti en proposal ki’n ganny fer avek tour operater.  Me tourism ek nou bann lezot partner pa ankor get back to us an se ki konsern sa.

Me selman pou lenformasyon Onorab, okenn cruise ship ki antre Mahe tou bann Lazans konsernen ler i annan sa disembarcation nou la.  So nou pou vwar si i annan okenn bisiklet si oule ki ganny sorti abor cruise ship pou kapab si i annan okenn aksyon ki fodre pran.  Mersi.

 

MR SPEAKER

Mersi CEO.  Onorab Phillip Arissol.

 

HON PHILLIP ARISSOL

Mersi Mr Chair.  Nou ti ganny dir ki larzan ki bann propriyeter transpor i peye pou CC ti pou fer reparasyon semen.  Eski sa i ankor leka akoz mazorite bann semen pa dan bann bon kondisyon?  Mersi.

 

MR SPEAKER

Mersi Onorab.  CEO.

 

CEO MR ANDRE POOL

Mr Chair.  Wi nou ki anmas larzan road tax parey nou appel li me tou larzan i al dan Consolidated Fund Gouvernman ki  apre sa si oule i ganny redistribye par Minister Finans.  So kestyon Onorab i lye plito avek redistribisyon sa larzan e petet avek ou permisyon Mr Chair mon a demann Minis Finans pou reponn sa bout lo redistribisyon.  Mersi.

 

MR SPEAKER

Mersi CEO.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Wi ou annan parfetman rezon mon krwar apepre lanmwatye reveni ki SLA i anmase, i anmas atraver sa road fund license prensipalman.  E Gouvernman i redistribye.  Par lepase nou annan difikilte kot plan pou resurface – annou koz lo resurfasing la – in tonm enpe an aryer pou divers rezon, me i enportan ki nou met lanfaz ki letan en semen in ariv son ler pou resurface, fodre ou resurface.

Akoz si ou kit li finalman ou preski poubezwen rekonstrir en nouvo semen, e sa fodre nou evite a tou pri akoz i pa fer okenn sans.  So mon donn ou mon garanti ki efektivman ki mon pou garanti avek Land Transport e sirtou avek SLTA, ki son progranm resurfacing par an i ganny respekte, akoz ozordi annan tou son lekipman ki la pe fonksyonnen e zot kapab fer ase bitumen pou nobou annan en progranm resurfacng ki zot sistematikman swiv.  Mersi Mr Chairman.

 

MR SPEAKER

Mersi Minis.  Onorab Adelaide.

 

HON FRANCOIS ADELAIDE

Mersi Mr Chair.  Tou dabor CEO Andre Pool mersi bokou pou nou bon fason travay sa lannen.  Nou’n fer en pe keksoz, mersi bokou.

Me mon krwar i annan en lot pti keksoz ankor, ki mon krwar ou pou kapab fer.  Mon konnen ou’n erit en keksoz ki ou pou bezwen deal avek – parey nou ti konmanse avek Minis Finans Vandredi, nou annan sa zafer sirsarz ki nou peye kot Licensing, pou bann transpor ki anndan.  E nou vwar nou dan en sityasyon par-ler nou – akoz ki i fer ler nou pe depanse pou nou aste pyes, nou napa pti mwayen pou al pey en CC tou sa bann letan.  Nou bezwen kit nou loto anndan, me prezan nou ganny sarze sirsaz pou ler pou nou pey nou dues pou nou transpor.

So petet lo sa laliny mon a demann zot – premyerman konbyen larzan ki Licensing Authority in anmase avek sa zafer sirsarz pou transpor?  Dezyenmman nou annan sa zafer sirsaz osi pou driving license, ki mon krwar osi i pe fer Seselwa depans enpe plis, vi ki lo zot bann manda lo progranmen i annan bon Gouvernman i annan bon gouvernans e Minis Finans i la pou fer sir ki larzan Seselwa ai byen veye ler nou pe depanse, e ki nou pa ganny abize.  So mon ti a kontan enn pti parol lo sa de keksoz.  Sirsaz pou transpor avek sirsaz pou dirving license?  Mersi.

 

MR SPEAKER

Mersi Onorab.  CEO.

 

CEO MR ANDRE POOL

Mr Chair.  Premye kestyon sirsaz lo transpor.  Bon sirsaz lo transpor ti ganny etabli dapre rikord ki mon annan anba Licenses Road Transport Regulations le 31 Mars 1987 so i deza en bonpe letan e i trouve anba Seksyon 9 (2) kot i dir: ‘a person who was a holder of a license and who applies after the expiration of the license for the same type of license shall unless the Authority satisfied that he had during the period between the expiration of his previous license and his application cease to own the motor vehicle in respect of which he held his previous license or drive a motor vehicle or operate a taxi in Seychelles as a case may be be liable to the condition and license fee and any other penalty under the Act to a surcharge equal to 10percent of the license fee for each month or part thereof, which has elapsed from the date of the expariation of the previous license and the date of the lodging of his application.’ So la i la kot sa sirsarz in vini ki mon zwenn e ki pe kontinyen ganny enplimante ok?

Bon prezan anliny avek sa Mr Chair mon’n osi zwenn enlot zafer an plas kot si ou konnen poudir ou transpor pa pe kapab meet requirements pou al pas tes pou li al roule, e ou parey nou dir ou patant pe fini – so ou fer konnen Lotorite Licensing konmkwa mon patant pe fini le 31 Mars – i mank pyes garaz whatever ensidswit e ki pa pe roule, ki en mannyer ler i pare pou ou re vin peye, ou pa bezwen pey sirsarz – ok?  Mon’n zwenn li koumsa e i ankor koumsa.  So ozordi nou annan en kantite akoz mon vwar – i annan en kantite dimoun si oule ki enformen e ki ler zot vin repey zot road fund license, zot patant parey nou dir zot pa pey sa sirsarz.  E pa demann mwan akoz sa ti ganny mete me mon mazinen bann lespri par deryer sa letan mon mazinen ti annan bann bon rezon akoz zot ti met sa.

Me sa ki enteresan pou fer resorti Chair, Manm Onorab Mr Chairman, se ki mon ganny dir par Lapolis ki i annan menm dimoun ki’n enform Lotorite Licensing ki son loto pe repare dan garaz, pyes napa, lot isi, ensidswit i ganny vwar pe roule lo semen.  So i annan en zafer ki mars mal la somewhere e Lapolis in pran aksyon dan detrwa sityasyon dan sa bann ka ki zot fer mon pa konnen.  Wi so sa zafer sirsarz i dan regilasyon me i annan en opsyon prosedir pou anpese ki ou pey sirsarz e sa si oule i aplik pou menm zafer pou driving license ok? Menm sityasyon i aplike.  Me selman vi ki parey mon dir depi 1987 e la nou pe fer revizyon nou Lalwa – nou bann Regilasyon sa osi si oule i en size ki pe ganny ki’n ganny met ater, avek nou konsiltan ki pe ed nou avek sa bann proze.  E nou ava ganny dir si pa bon – oubyen si fodre ou re aranze, oubyen si fodre tire konpletman, oubyen si fodre monte sorti 10poursan vin 20poursan, so sa si oule i a bann konsiderasyon i a ganny pran e en desizyon final i ava ganny pran lannen prosenn ler nou pas dan sa bann revizyon nou bann Lalwa e nou bann Regilasyon ki pe fer.

Me selman Mr Chair its their and prosedir i la pou ou pa pey sa sirsarz, alors mon ti ava lans en lapel avek manm piblik ler nou annan sa sityasyon fer sa pti prosedir e pa bezwen sirsarz e napa nesesite vin ensilte, vin zour nou bann staff akoz mon ganny enn de rapor ki serten dimoun i vin zour nou bann madanm ki travay la anba kot traffic, ler zot ganny eksplike sa bann zafer.  Zot ganny ensilte lo telefonn ler zot ganny dir sa bann zafer.  Napa nesesite pou nou al fer tou sa bann zafer annou zis swiv prosedir ziska petet en nouvo desizyon i ava ganny pran – nouvo Regilasyon i ava ganny desid lo la.  Mersi Mr Chair.

 

MR SPEAKER

Mersi CEO.  Onorab Adelaide.

 

HON FRANCOIS ADELAIDE

Mersi CEO.  Mon konpran ou me selman nou vin la konman bann lavwa lanasyon, pou nou defann nou pep e mon pou defann zabitan Baie Lazare.  Vi ki ou’n vin la pou demann nou sa Bidze, nou pou donn ou sa larzan nou me selman nou anvi en keksoz avek zot Licensing, nou pa kapab espere si prosedir si i pran 3mwan – 6mwan dan soz pou fer desann pri lavi, mon krwar nou tou Minis Finans mon krwar ou full time angaze pou fer desann pri lavi e by Zanvye nou pe al ganny en pti larzan.  Si nou kapab fer li sa zafer CC ler lannen i fini nou osi fini avek sa.

Minis Finans i ava koz avek Prezidan Msye Faure parey bann la i dir i  pe travay nou a gete si i pe travay so tir sa bout les nou benefisye en pti gin.  Akoz mon pa vwar en sans pou nou pey en sirsaz ler nou transpor – akoz nou ki pe pey pyes nou transpor nou ki dir kan nou transpor pou roule, nou ki dir ler nou met nou transpor anndan mon pa vwar nanryen zafer sirsarz ki zot pou met avek nou pou anmar en lot ros ek nou lipye.  So Minis mon ti a kontan ki ou ale ou koz avek Prezidan, e dir li lot lannen sa zafer nou pa le tande, akoz li osi i bezwen ede pou fer desann pri lavi, nou osi nou soufer, so nou ava ganny en understanding – ok CEO?  Mersi bokou.

 

MR SPEAKER

Mersi.  Sa i en komanter mon pa konnen si CEO i le comment on it oubyen Minis.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pou ou propozisyon.  Parey nou eksplike i annan deza an Lalwa i annan en prosedir ki nou bezwen swiv pou nou nobou fer li disparet.  Akoz ou propozisyon se fer li disparet.  So nou pou bezwen swiv sa prosedir.  Mersi Mr Chairman.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Chair.  Bonzour Minis avek ou lekip, Manm Onorab e tou dimoun ki a lekout.  Mr Chair premyerman nou pou regard paz 265 ‘current challenges’ dernyen bullet kot i dir ‘lack of full corperation from certain stakeholders’ apre anliny avek sa nou a regard progranm 3 ‘inspection, investigation and enforcement.’ Mon pou retourn ankor lo bisiklet, akoz mon viv sa zafer bisiklet mon ankor pe viv sa zafer bisiklet e mon krwar parey ou’n dir nou bezwen pran en lord enn fwa pou tou.

CEO an 2015 an Oktob, Desanm nou ti rankontre sa bann zafer bisiklet ki ti vin La Digue.  E sa mon rapel byen ti annan en gro lager nou ti fer pou fer anmas tou e menm latant nou ti ganny en pake problenm.  E sa lannen ankor parey zot in dir mon pe repete akoz pou benefis La Digue zot anvi tann mon pe repet sa, akoz sa i en gro problenm pou tou dimoun ki fer biznes lo La Digue.  E sa lannen ankor menm keksoz in arive.

Mon kestyon i e mon ti ganny an 2017 mon ti dir la dan Lasanble, e mon ti ganny promet pou dir sa bann keksoz pe al ganny rektifye.  Me napa nanryen ki’n ganny fer.  E la ankor sa lannen i arive e mon ki mon pe sey dir mon le konnen akoz menm fot i kontinyelman repete?

Si sa ti en fot zot ti pran aksyon lo la akoz i kontinyelman repete akoz sa enforcement i pa’n take place?  E mon ti a voudre osi konnen si pandan sa bann letan ler sa bann keksoz i arive, ou al kot Land Transport i dir ou,’’ pa mwan ki responsab.’’ Licensing i dir ou,’’ pa mwan ki responsab Lapolis i dir ou pa mwan ki responsab.  Me mon ti a kontan dan sa Polisi dan sa travay ki zot pe fer nou mete lekel ki responsab enn fwa pou tou i kler.  E lo sa not mon pe demande CEO ek Minis ki en miting o debi Zanvye i ganny fer, ki all parties concerned Land Transport, Licensing, Lapolis bann endividi, nou tou nou vin onboard pou nou konnen akoz.  La nou vwar cruise ship demen mon pa konnen ki nou pou vwar.

E i annan lo sa bisiklet i annan en kantite keksoz ki fodre nou met lord.  Mon 2enm pwen se sa vizyon La Digue ankor ; enn parmi bann pwen enportan ki ti ganny debat lo la ti kontrol lo kalite bisiklet ki ganny anmennen lo La Digue, e sa bann bisiklet i pe kontinyelman antre larou in pli gro pli gro ki pou moter i ankor pe antre menm.  Me mon ti a voudre konnen ozordi enn fwa pou tou, sa travay enforcement ki ganny fer lo por akoz bisiklet i bezwen debark lo por Mahe avan i vin La Digue.

Konmsi si i en Lalwa – si nou pe travay an partnership an kolaborasyon avek lezot, vedir laba kot cargo zot bezwen konnen poudir sa i devret pe debarke me kote i pe ale?  Si al lo Mahe i ok me si i pe al lo La Digue me le moman kot ou vwar Noline Sophola ki’n request sa, nou pa i konnen sa pe al La Digue, me nou les li antre.  E la pli ale semen nou anmenn transpor semen i reste parey.  Depi 1957 semen i ankor parey menm, me transpor i kontinyen antre, nou nepli annan landrwa pou pase.

E mon pe demande lo la ki nou pou fer?  E osi eski dan sa Bidze nou demann en larzan pou fer ledikasyon piblik?  Akoz sa i en keksoz nouvo ki nou pe entrodwir, eski nou pe fer ledikasyon pou eksplik dimoun akoz sa i mars koumsa – sa i mars koumsa?

E mon dernyen pwen lo La Digue ankor konsern Licensing mon pe demande ki Lareg i aplik pou tou dimoun san eksepsyon. Mon konnen dan gramer i annan leksepsyon, me selman i annan keksoz ki nou bezwen aplik li byen e enforcement i double zot zefor.  Si mwan konman en Onorab Elekte dan La Digue mon demann en keksoz pou en dimoun i dir mwan non akoz sa, sa, sa, i pa kapab.  Mon retourn kot sa dimoun mon dir li.  Me si en lot Onorab i monte i demande apre ou vwar in gannyen, nou annan en problenm!  Mersi.

 

MR SPEAKER

Mersi Onorab Sophola.  Bon mon krwar i annan 3 dimoun lo mon lalis mon demann CEO annou sey fer en pe donn en repons ki bref ki presi.  CEO.

 

CEO MR ANDRE POOL

Mersi Mr Chair.  Mon a sey bref e presiz parey mon labitid.  Mr Chair Onorab in fer sorti 3 pwen bon premyerman an se ki konsern lack of corperation parey nou mete dan challenges, bon mon kapab dir ki nou gannyen korperasyon avek bann Lazans wi.  Me selman i pa parey nou ti a swete.  Sa nou pe take up avek zot direkteman pou nou kapab vwar ki mannyer nou kapab amelyor li.  Sa i enkli Planning Authority; i enkli Lazans Transpor lo Later ; i enkli Lapolis parmi bann ki mon kapab nonmen.

Bon an se ki konsern sa problenm bisiklet La Digue parey mon dir nou letan nou annan sa bann issues si oule nou konekte avek nou bann partners pou kapab vwar ki mannyer nou kapab rektifye.  E se pou sa rezon ki tou resaman an de lokazyon i annan serten legzersis ki’n ganny fer lo La Digue, pou fer sir ki bann bisiklet par egzanp ;

(1) – zot azour avek zot license e zot lasirans.  Nou’n dekouver pa mal problenm.

(2) zot kondisyon bisiklet si oule ;

(3) bann bisiklet ki napa license ki pe ganny lwe.  So sa in ganny fer a de repriz e i pou kontinyen lannen prosenn, pou nou fer sir ki nou kapab rektifye bann diferan problenm ki sa ki pe fer fas avek.  Me ankor enn fwa rightly so Onorab i depan osi lo nou bann partners ki nou travay avek.

Bon an se ki konsern sa bann kalite bisiklet ki pa annord ki pe antre La Digue, sa si oule i pa tonm direkteman anba SLA, akoz nou napa okenn kontrol lo por ki antre, me selman parey mon’n dir toultan nou pa lav lanmen poudir i pa konsern nou, i konsern en tel, en tel en tel.   Mon krwar sa bann issues i konsern nou tou, e nou ler nou ganny okenn konplent nou toultan refer li avek Lapolis lo La Digue avek Land Transport.

Parey ou konnen konmela nou annan en zofisye transpor ki baze laba e pou nou i reste lesansyel, se ki sa bann bisiklet pa sipoze lo La Digue kot i pase nou ganny dir i pas lo lasose so lekel ki ansarz lasose pou anpes sa bann bisiklet i antre ki pa parey pa annord – mon pa konnen si Minis petet ti a le dir de mo lo la.

Bon 3enm Lareg i aplik pou tou wi sa mon totalman dakor avek ou Lareg i devret aplik pou tou be si i annan okenn ka ki ou santi lareg pa’n aplik pou tou, mon laport i ouver anmenn devan mwan e investigation neseser i a ganny fer e si fodre korize i a ganny korize.  Mersi Mr Chair.

 

MR SPEAKER

Mersi CEO.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Mon repete pou sa bann bisiklet lo cruise ship definitivman dan Minister Finans osi nou annan en rol pou zwe, akoz sa bann keksoz letan zot antre La Digue zot parey en enportasyon dan Sesel.  Alor i bezwen swiv serten lareg ou pa kapab zis pran 50 bisiklet poz ater kot napa ni license parey nou diskite mon pa oule repete.

 So nou pou pran nou responsabilite dan Minister Finans pou fer sir ki sa bann keksoz pa arive nou annan en Cabinet miting Merkredi e si neseser mon ava fer sir ki sa i ganny diskite pou nou ganny kolaborasyon tou Minis lo sa pozisyon ki nou pe pran.

Wi parey in fer resorti mon krwar lenportasyon bisiklet lo La Digue prezan sa i en zafer Land Trasnport e se li ki pe merit enplimant Polisi ki egziste e mon krwar i annan i annan revi pou anmenn bisiklet elektrik.  So i annan bann diskisyon ki’n arive me mon krwar se zot Lazans fokal pou nobou fer sir sa bann keksoz i ganny respekte.  Mon konnen menm osi avek bann buggies ki ganny donnen pou bann lotel lasanm ou plis, la osi Lalwa i kler.  Me selman parler fodre nou fleksib mon servi sa legzanp pou montre ki fodre nou servi fleksibilite – ou pa kapab espekte ki lotel i ouver apre ou al rod ou buggy pou ou fer antre pou anvoy La Digue.

Akoz se koumsa ki Lalwa i été ozordi akoz letan ou ouver ou dir ou pe donn en servis fodre ou lotel i annan sa buggy deza la letan ou ouver.  So fodre nou fer en donn en konsiderasyon ki sa buggy i ganny enporte sa buggy i vin Mahe en pe an avans apre i ganny anvoye La Digue, pa neseserman respekte mannyer Lalwa i été ozordi.  So i en legzanp pou montre ou fleksibilite ki nou bezwen kontinyen egzerse letan nou pe koz donn servis piblik.  Mersi Mr Chairman.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Chair.  Mr Chair mon toutafe dakor avek CEO avek Minis ki Licensing napa nanryen pou fer lo por – ok fair.  Me ler sa license bisiklet i al peye i vin licensing la.  Vedir Licensing pa pe desarz son responsabilite – sa ki i sipoze fer – i pa pe fer!  Ok (1).

Apre 2enm Lotorite Distrik DA, ler sa bann keksoz i ganny met anfors eski i devret ganny met okouran?  E si wi lekel ki sipoze enform li poudir tel keksoz tel pe ganny fer?  E apre petet Minis ek CEO sey donn mon en dele letan, kan ki nou krwar sa bann keksoz pou konmans ganny met an aplikasyon next year?  Mersi.

 

MR SPEAKER

Mersi Onorab.  CEO oubyen Minis.  CEO.

 

CEO MR ANDRE POOL

Mr Chair.  Mon krwar Onorab in propoze ki nou pou organiz en miting Zanvye, kot nou ava diskit tou sa bann issues e nou ava pran bann desizyon.  So deadline i Zanvye 2019 – pa konnen si Minis i le azout keksoz.

 

MR SPEAKER

Mersi CEO.  Minis ou le azout keksoz?

 

MINISTER MAURICE LOUSTAU-LALANNE

Zis pou azoute – mon konnen ki in annan en travay ki’n ganny fer resaman ; i annan menm en booklet ki Minister Tourizm pe fer sorti lo vizyon La Digue, e i annan en Komite ki’n ganny etabli pou fer sir ki tou sa bann problenm ki egziste lo La Digue, i ganny capture e i ganny regle.  So i annan en lot lenstans – en lot Komite – ankor en lot Komite ki an plas, pou nou fer sir ki La Digue i bouz de lavan.  Mersi Mr Chairman.

 

MR SPEAKER

Mersi Minis.  Onorab Basil Hoareau.

 

HON BASIL HOAREAU

Bonzour Mr Chair.  Bonzour Minis ek ou delegasyon.  E bonzour tou dimoun ki a lekout.  Mr Chair mon ti a kontan demann CEO letan mon get ‘current challenges’ zot dir koumsa poudir ‘outdated Licenses Act’ e regulation and license condition hampering appropriate enforcement premyerman mon vwar sa en pti pe drol letan i dir outdated Licenses Act, Licenses Act in sa enn nouvo ki nou annan i selman 2010 so 8an pase nou ti annan enn ‘86 apre in ganny amande an 2010.  So i pa sitan outdated mon ti a kontan konnen ki i annan dan sa Lalwa ouswa sa bann regilasyon ki zot santi pe impair zot ouswa anpes zot pou desarz zot responsabilite pou zot enforce sa?  Sa i enn.

E si i annan vreman bann keksoz dan sa bann Lalwa ki pe anpes zot, kwa ki zot pe met an plas ouswa ki zot pe mazinen pou fer pou zot retir sa bann impairment si pou fer zot enforce Lalwa.

2enm sa ‘current challenges’ li menm nou vwar poudir menm Licensing SLA pe breach Lalwa, parske zot pe aksepte ki zot pa pe meet the 14 day time limit ki ganny set dan Lalwa pou zot nobou deal ek en aplikasyon ki ganny fer ki Seksyon 8 i fer li kler mandatory ki sa bann aplikasyon must be dealt with within 14 days.

E zot pe dir poudir se bann lezot regulatory bodies ki zot pe ganny kontak avek ki pa pe respond.  Prezan mon ti a kontan konnen poudir ordinerman on average ki kantite letan ki zot pe pran over and above sa 14 days ki Lalwa ki dir ek zot i bezwen pran?

E ki zot pe mazinen pou fer an plas pou ki zot kapab meet sa requirement ki Lalwa i dir?  Parske sa i en lekspektasyon ki en applicant pe espekte letan i submit son application.  So i pa – mon pa vwar li i byen poudir Licensing pe dir pe i normal nou pe sot sa 14zour non, zis akoz enn nou lot body pa pe reponn.  Nou bezwen delivery akoz Lalwa ki fer li mandatory ki sa i bezwen ganny satisfied.

 

MR SPEAKER

Mersi Onorab Hoareau.  CEO.

 

CEO MR ANDRE POOL

Mersi Mr Chair.  Mr Chair bann issues ki Onorab in leve plito i lye avek kanmarad.  Premyerman in koz lo outdated – mon pa konnen si sa outdated is the right word pou servi la, me selman lesansyel se ki Lalwa ozordi ki la savedir Licenses Act ki ti ganny vin an fors an 2011, i annan en kantite loophole ladan – si oule, ki nou santi ozordi i devret ganny revwar – regete – re modernize  – byen modernize ki petet is the right word ki pou ed nou si oule apre deal avek bann diferan Regilasyon.  Pa bliye nou annan apepre 27 Regilasyon ozordi ki diriz bann diferan aktivite ki nou donn license. 

        So sa si oule ti enn bann challenges ki letan nou pou management SLA, letan nou ti pran, nou ti dekouver e nou ti fer en request avek Finans ki nou ganny en proze – si oule pou revwar the Act itself e answit permet nou revwar bann sa bann diferan regilasyon.  So sa in ganny akorde nou ti ganny en proze atraver Finans kot nou’n ganny finansman avek African Development Bank – AFED, e nou’n ganny en konsiltan ki’n vini ki’n vwar nou bann Lalwa e nou bann Regilasyon e nou bann license conditions.  E zot in zwenn tou bann stakeholders ki ti en aktivite tre enportan e zot in fer konsiltan in fer en first draft lo bann proposal – si oule ki  kapab devret pe ganny regarde.

Apre nou’n rezwenn tou bann stakeholders sa ti ganny fer milye Septanm, kot sa bann proposal in ganny prezante avek zot, zot in ganny sans si oule redonn ankor zot pwennvi e la in soumet the final draft lo premyerman ki direksyon Sesel nou le ale vizavi License Act License li menm ok.

E answit de ki oule ler sa desizyon a ganny pran en nouvo Act nouvo regilasyon answit i a dekoul dan bann nouvo license conditions. Mr Chair ou’n dir mon as brief as possible so i pa pou permet mon al dan bann detay, petet a son moman apropriye nou ti a kontan organiz en lot sesyon pou nou kapab diskit tousala.

So vwala ki pe ganny fer pou nou kapab fer tou sa travay.  Bon aktyelman la nou pe compile final draft pou nou anvoy kot nou parent Ministry ,kot Finans e answit i ava al Cabinet ki desizyon final ki a ganny pran and then le neseser pe ganny fer kot konsiltan pe tournen pou kapab prezan ed nou avek drafting tou bann Lalwa, Regilasyon  e kondisyon ki annan.  So 2019 i annan sa travay – sa gro travay devan nou pou nou kapab fer li.  E sa zafer 14 zour – mind you pa tou license ki pran 14 zour e menm plis, i annan en kantite bann license ki nou kapab donn within 24 hours – i annan within 7 days i tou depan ki kalite aktivite.  Me wi i annan serten ki pran plis ki 14 zour pa akoz SLA i anvi me akoz stakeholders ki pa meet nou bann deadline.

        E sa si oule i enn bann issues ki nou pe demann konsiltan pou revwar e fer bann proposal neseser, lo ki mannyer nou bouz devan avek nou nouvo Lalwa ki a vini.  So en pti pe Onorab dan sa direksyon ki nou pe bouze.  Mersi.

 

MR SPEAKER

Mersi CEO.  Onorab Henrie.

 

HON GERVAIS HENRIE

Mersi Mr Chair.  Mon premye kestyon i annan pou fer avek lo paz 270 lo sa la kantite lenspeksyon ki zot pe fer prezan ler mon pe get zot lo zot website ozordi lakantite lenspeksyon ki zot in fer e zot fer sa par rezyon Sid, Was, Nor, santral, Praslin, La Digue e par egzanp santral ek nor mon ava enpe pli konsernen mon vwar Zanvye zot in konmans ek en sonm ase o 44 apre i desann en sel kou i ariv 18 i zwe koumsa dan 20 ziska an Oktob zot in fer 31.  So mon anvi konnen ki kalite lenspeksyon nou pe koze, eski zis dan laboutik ouswa nenport biznes ki annan en license ki kalite lenspeksyon spesifikman?

E apre ki kantite dimoun ki pe fer sa travay lenspeksyon e frequency pou zot achieve sa target ki zot in mete lo paz 270.  Sa i premye.  2enm letan zot pe koz lo zot challenges ‘lack of full corperation from certain stakeholders which prevents delivery of better services’ mon anvi konnen ki mannyer ozordi zot pe kwa ki zot pe fer pou ranvers sa sityasyon pou asire ki i annan meyer lantant ant bann diferan stakeholders.  

        Parske mon vwar nesesite pou toulezour lapolis, lasante tou bann dimoun ki sipoze pe regard en keksoz pe koze dan en landrwa i kapab nenport elektronik ki dimoun pe met lenformasyon ; i kapab zot fer bann rankont detanzaot so mon anvi konnen ki mannyer zot pe fer sa?

Sa i enn.

3enm dernyen pwen, zis en keksoz ki en zour en dimoun i dir mwan, mon pe pas dan distrik i dir ek mon ou konnen ki pe arive ozordi Sesel bann etranze i vin travay zot sorti Lenn zot sorti Sri Lanka ou Bangladesh wherever zot sorti en ler zot ariv isi, zot pe travay, be selman sa pti mwenza ki zot gannyen i pa ase.

E zot osi zot mazinen be ki mannyer mon pou kapab ganny en 2enm saler.  So dezormen i konmans fer sanmousa li i pa sipoze fer sanmousa li, selman i pe fer akoz kot i sorti sa i zot koutim zot fer.

E bann dimoun ki konnen ki sa bann zans pe fer sa zot konsernen akoz lapropte zot konnen poudir Seselwa letan li i bezwen sa pou fer sa bann dimoun i vin vizite.  Donk pou sa bann dimoun ki ozordi ki dan distrik ki pe vwar sa bann keksoz, ki i fer li?  Si zot ti a kapab dir nou kot i ale si i vin kot zot si i pa kot zot kot i ale, pou asire ki sa bann Lotorite konsern i ganny met okouran sa bann issues ki mon pe dir la.  Mersi bokou.

 

MR SPEAKER

Mersi Onorab.  CEO.

 

CEO MR ANDRE POOL

Mr Chair.  3 issues.  Bon premyerman sa issues lenspeksyon. Wi parey Onorab in dir anba nouvo website ki nou pe fer nou pe tant pou met plis lenformasyon posib o fil a mezir nou avanse ki nou byen kontan ou menm Onorab ou al lo nou website e al regarde.

 

In koz lo statistik vizavi bann lenspeksyon.  Bon nou fer 3 kategori – inspection premyerman bann new application.

         Dezyenmman ler i annan renewal

         Apre trwazyenmman routine inspection.  Me sa 3 kategori i pa neseserman i ganny fer an izolasyon.  I kapab ganny fer tou le trwa tou le tim ki pe bouze ki kapab i fer tou le 3.  E toulezour nou annan en tim lo semen sirtou dan bomaten e apre midi zot plito fer bann office work.

An ka si i annan bann travay spesyal – bann lenspeksyon spesyal, la zot fer dan apre midi.  Me selman toulezour nou annan en lekip nou ti a voudre fer plis me avek challenge vehicles ki parey mon’n mete la – sa si oule i anpes nou fer la kominote ki nou ti a swete fer.

Bon nou’n adres sa issue avek Finans e Minis i la obor mon in promet mon ki tre byento pandan lannen prosenn nou pou ganny sipor sorti kot zot an se ki konsern nouvo vehicle.  So sa i en pti pe sityasyon an se ki konsern inspection.

Bon lack of corperation parey mon dir taler wi, nou ti a voudre ganny plis vwar sa korperasyon ant nou bann diferan partners –  rightly so – i annan Lapolis, i annan Health i annan Land Transport, i annan SMSA plizyer sa bann Lazans si oule i nou santi ki i devret nou devret ganny plis sipor sorti kot zot.  Nou zwenn avek zot detanzaot wi nou zwenn avek zot e nou sey vwar ki mannyer zot a kapab ed nou plis.

Me mon kapab dir ki i a pe vini e dan bann prosen mwan ki devan nou, nou a kapab fer bokou plis ki nou pe fer konmela.  Bon 3enm pwen etranze i fer bann aktivite ; – wi i annan serten aktivite si oule ki pa licensable e mon pa dir napa nanryen pou fer avek nou.  Si nou vwar si nou bann lenspekter i report – nou report par egzanp si i annan bann aktivite ki tonm anba SEnPA e sa konmela nou met a zot latansyon.

Recently ti annan en aktivite parey ou pe dir ti pe fer samousa laba dan kannel dan en lasanm, kot nou ti al donn en koudmen ok – nou ti al donn en koudmen e actually aksyon in pran kont sa ki ti pe fer sa.  

        So nou, nou  toultan pare pou donn en koudmen ler i annan sa bann infringement ler sa bann problenm malgre parey mon pe dir malgre sa aktivite pa licensable, me si nou bann staff i come across bann tel keksoz, nou fer li nou devwar pou konsilte avek bann Lazans konsernen.  Mersi.

 

MR SPEAKER

Mersi CEO.  Vitman Onorab Henrie.

 

HON GERVAIS HENRIE

Wi vitman Mr Chair.  Touzour lo paz 270 an relasyon avek sa bann ‘performance measures’ pou sa enn ‘contributing indicators’ pwen 2 ek 1 mon vwar poudir ou poursantaz pou mont en pti pe, an mezir ki al pli pre an 2021 – be mon ti a mazinen ki si SLA pe travay byen avek son bann partner, prezan zot pe fer sir ki bann dimoun pe swiv bann Regilasyon – zot pe pase tanzantan – dezormen bann lofans ti ava mwens non?  Then akoz zot pou donn plis warning a la venir?  Mon mazinen ki zot bezwen pe donn mwens, akoz si dimoun pe vreman konnen ou pa sipoze fer sa akoz SLA i toultan pe pase pe koz ek mwan – nou annan …?  You get me?

 

MR SPEAKER

Mersi Onorab.  CEO.

 

CEO MR ANDRE POOL

Mr Chair.  Be se egzakteman sa ki bann indicators i  demontre – se ki bann sif an 2019, i pou pli ba ki an 2018 pou sorti – par egzanp ‘percentage increase in number of compounding’ pou sorti 83 pou desann 75 ‘warning issue’ pou sorti 94 pou desann 80 – set egzakteman ki nou, nou pe anvizaze an se ki konsern sa bon travay ki nou pe fer avek nou bann partners.  So –  anr 2021 – wi – so – nou la nou pe anvizaze ki i pou annan bokou plis bann aktivite.  Mwan  mon dakor avek ou ki olye la ogmante i devret pli ba.  La mon dakor avek ou – petet en fot dan kalkile.

 

MR SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair Licensing Authority in eksplik nou byen ki mannyer zot sipoze rely lo bann lezot Lazans ki pe fer bann lezot travay – parey Public Health Authority, Food Act i vizite, SMSA, eksetera.   Sa ki mon ti a kontan konnen savedir given to sa bann konsern ki zot annan, lekel konponan bann licenses ki pe move anba sa bann Lotorite dedicated?  Par egzanp SMSA i donn license lo bato akoz li ki annan ekspertiz dan investigate, lot i donn license – pou sa e zot pran serten konponan.

Akoz problenm se ki malgre pe koz tou sa bann defayans ki ou annan ek nou, lefe i still reste ki ou en Lotorite, e ou annan en rol enforcement pou zwe.  So ki mannyer ou pou fer la dan sa letan ki pe vini, reasir piblik Seselwa ki enn ; ou kapab zwe sa rol enforcement?  

        E 2 dan bann sirkonstans ki sa bann enforcement i konplike pou ou fer li, sa i ava al anba sa Lotorite ki sipoze pe fer li.  Par egzanp ou’n dir par egzanp bann laboutik par egzanp ki pe vann bwar avek bann lalkol avek bann dimoun anba laz, me eski zot pe asire ki par egzanp bann laboutik i met en sign anler poudir ou pa ganny dwa vann lalkol ek dimoun ki napa 18an?  Eski tou laboutik i fer sa?

Dan bann laboutik ou vwar sirtou dan bann laboutik retail – ou vwar travayer i sanze souvan – eski tou sa bann travayer i konnen ganny eksplike so tousala i bann travay ki bezwen ganny fer.

So ou avek Minis Finans eksplik nou ki plan zot annan dan limedya la, going forward next year, pou fer ki nou konmans balans byen sa bann keksoz, e asire ki nou pe protez bann sekter ki devret ganny proteze, e bann dimoun pe reakte byen parey zot devret reakte, in regards to bann licenses ki zot in gannyen?  Mersi Mr Chair.

 

MR SPEAKER

Mersi Onorab.  CEO.

 

CEO MR ANDRE POOL

Mr Chair briyevman.  Parey ti ganny anonse, i annan 3 domenn fondamantal ki license pou sorti avek Lotorite Licensing e pou al avek dan bann diferan Departman e Minister. Bon premyerman i annan bann license ki annan pou fer avek bann aktivite lanmer pou sorti avek nou pou al avek SMSA.

         Dezyenmman i annan bann license pou fer avek telekominikasyon, pou sorti avek nou pou al avek pou annan en nouvo Lotorite telekominikasyon ki pou ganny kree ki pou al avek zot.

E trwazyenmman bann license ki annan pou fer avek complimentaty health ek Lasante pou sorti ek nou e pou al avek Lotorite oubyen Minister Lasanble.  Bon tou le 3 ka nou konman en Lotorite nou’n zwenn avek zot – par egzanp avek SMSA nou’n zwenn avek zot e nou’n partisip dan zot Lalwa.  Nou’n resevwar staff ki sorti kot zot vin fer attachment avek nou si oule pou prepar zot pou fer sa pa dan sa direksyon.

E sa i aplik pou sa de lezot Lazans.  Now kan zot pou pare sa i pa dan nou lanmen ok? Nou, nou’n pare pou hand over kan zot pare pou pran sa i depan lo zot mon pa konnen si Minister i kapab donn serten lendikasyon.

Me malgre sa bann aktivite pou sorti kot nou, e pou al anba sa bann diferan antite, nou konman en Lotorite Licensing nou, nou ofer zot pou nou kapab kontinyen donn zot sipor neseser, ki zot santi zot pou bezwen pandan sa faz oubyen sa peryod tranzisyon.  Mersi Mr Chair.

 

MR SPEAKER

Mersi CEO.  Minis oule azout keksoz.

 

MINISTER MAURICE LOUSTAU-LALANNE

Mersi Mr Chairman.  Zis pou mon fer en komanter lo SMSA akoz son Act in ganny aprouve par Cabinet me i kot Attorney General pe ganny drafte.  Donk a en moman donnen i ava vin osi kot Lasanble pou zot konsiderasyon e pou zot aprouvasyon.  E inikman apre ki sa in arive ki sa transfer i ava kapab arive.  Mersi Mr Chairman.

 

MR SPEAKER

Mersi Minis.  Mon ava donn en dernyen pti kestyon Onorab Georges.  Petet pou bann Manm ki absante, i annan serten moman kot mon ferm lalis mon konnen zot pa’n la zot pa’n okouran, me mon ava permet Onorab Georges demann en dernyen kestyon.

 

HON BERNARD GEORGES

Mon remersi ou Mr Chair.  Mersi bokou.  Minis, CEO bomaten mon en pti pe fatige akoz mon’n mal dormi yer swar e mon mal dormi akoz tapaz – dir nou CEO egzakteman ki mon kapab dir avek bann dimoun ki vin konplent kot mon ki serten letablisman i ganny license, e zot fer tapaz – bokou tapaz ki afekte vwazinaz?  Sa kestyon i pa relye avek Bidze me nou Standing Orders i permet nou al dan Polisi.  E si mon’n demann permisyon Speaker pou mon poz sa kestyon an deor son lalis ki ti deza fermen, se akoz sa problenm in vin a mon latansyon a en moman ase tartif malgre ki  mwan mon’n sibir li mon menm.  E i annan bokou dimoun ki pe espere deor a tou nivo pou vwar egzakteman ki Licensing i pe propoze pou fer dan sa sityasyon polisyon tapaz.  Mersi.

 

MR SPEAKER

Mersi Onorab Georges.  CEO.

 

CEO MR ANDRE POOL

Mersi Mr Chair.  En kestyon ki vin a en moman tre apropriye parey Onorab in dir.  Bon wi mon dakor ek ou Onorab, ki sa i en konsern – en public concern ozordi e nou pe ganny sa dan 3 kategori license prensipal.  Premyerman mon annan public bar ; dezyenmman nou annan en outdoor entertainment license e trwazyenmman serten restoran.  Ki dan serten ka parey ou konnen serten restoran i osi annan public bar license,  – i normal.  E nou par egzanp license restoran i public bar license, enn bann kondisyon license ki nou mete se ki well nou zwenn la e parey mon dir i lo revizyon li osi se ki i vwar la ou pe zwe soft music ok?  Bon kestyon ki ou demande ki sa soft music?  Ok?

Now nou pe ganny sityasyon ozordi, kot serten sa bann etablisman pe fer bann aktivite piblik e se la kot sa enn issue i leve.  E dan mazorite ka – si pa tou, zot ganny en permisyon sorti kot Komisyoner Lapolis ok, pou fer aktivite i dir ou ziska 1er bomaten ziska 2er ziska 3er apre i desote ensidswit.  Now nou ziska prezan mon fek ganny en legal officer an Oktob la, nou manda se pou nou pran aksyon kont en letablisman, akoz i pe fer noise pollution – parey nou dir – nou bezwen ganny konfirmasyon ki komet en lofans anba Lalwa Lanvironnman noise pollution e i tre difisil sa.

So si demen bomaten nou ganny sa, nou kapab pran aksyon kont sa bann letablisman konmkwa zot in kas Lalwa e nou pou pran aksyon neseser.

So malerezman Mr Chair pou le moman, i tre difisil san laprev pou nou pran aksyon kont license sa bann letablisman.  Vwala nou pozisyon kot nou été ozordi.  Me selman nou ler nou ganny sa bann konplent nou apel sa bann license holders, nou koz ek zot e nou met sityasyon devan zot fodre pa zot fodre zot comply avek zot sa pou zot zwe soft music.  So nou en pti pe pri ladan.  Mersi Mr Chair.

 

MR SPEAKER

Ok CEO.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Mwan mon krwar in ler pou nou rod en solisyon pratik.  Akoz i vre parey Onorab ti pe mansyonnen – en dimoun responsab en Departman i dir ou pa li – lot ; apre lot i dir ou pa li – lot.  La mon’n ekout CEO i sanble mwan fodre mon donn li en loto.  Mon pou donn li en loto prezan dan sa loto la nou met en Lapolis – nou met son lenspekter, apre nou met sa boug Lanvironnman ek son noise masin.  I annan de sa masin.  I kapab met tou lede dan sa loto.  I ganny en call i dir entel pe fer tapaz zot a bouze – a tan met kot sa letablisman, zot a pran en kou sa sound reading zot a gete apre ou antre anndan e la ou’n fini build ou case n’est-ce pas Onorab?  E koumsa nou pou al de lavan.  So fodre nou rod en pti loto nou met tou le 3 ladan zot pa kapab pas baton sorti enn a lot – a lot – a lot.  Zot bezwen pran zot desizyon e se sa ki nou bezwen fer.  Mersi Mr Chairman.

 

MR SPEAKER

Mersi Minis.  Onorab Georges.

 

HON BERNARD GEORGES

Mersi Minis.  Mersi Mr Chair.  Mersi Minis.  Mersi CEO.  La prezan nou konpran Minis i annan en sel fodre ou met dan sa loto, en telefonn pou ki ler nou call zot, zot ganny sa call pou zot konnen kote pou ale.  Si nou kapab fer sa tou dimoun i ava byen apresye.  Mersi.

 

MR SPEAKER

Mersi.  Mon ava zis extend Onorab Basil Hoareau ou ok yes?  Right.  Bon mon krwar in ariv moman pou nou kapab pran en vot lo Bidze 2019 pou SLA Licensing Authority.  Bon sonm i R18. 017milyon ki form par sa Schedule e i trouve lo paz 265 ziska 271.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  Mon rikord 23 Manm ki’n vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze 2019 pou Lotorite Licensing in ganny aprouve par Lasanble Nasyonal.  Bon mon ava remersi CEO Mr Andre Pool – son Depite CEO Ms Appoo e Accountant Ms Andre e mon ava remersi zot.  E avan nou pran break mon ava zis demann SS pou gid nou pou apre midi avan nou rann lantern SBC.  SS Payet.

 

SECRETARY OF STATE MR PATRICK PAYET

Mersi Mr Chair.  Mr Chair pou apre midi nou pou konmans avek Public Enterprise Monitoring Commission ki lo paz 304 a paz 308 e ler nou konplete nou pou pran Seychelles Revenue Commission ki lo paz 279 ziska paz 289.  Mersi.

 

MR SPEAKER

Mersi SS.  Avek sa nou ava bon mon ti’n dir nou pou extend lunch time, so mon sizere nou a retournen 2er ok, e an menm tan i ava donn SBC osi en pti pe letan pou li recap avek son bann progranm.  Mersi nou ava Break e nou ava retournen 2er apre midi.

 

 

(BREAK)

 

PUBLIC ENTERPRISE MONITORING COMMISSION

MR SPEAKER

Bonn apre midi tou manm Onorab.  Bonn apre midi tou dimon ki alekout e mon anann en bonn apre midi spesyal pour bann zofisye ki sorti kot PEMC Public Enterprise Monitoring Commission Mr Georges Tirant ki CEO; Ms Verona Rose Prinicipal Business Analyst e Mr Pedro Pierre Prinicipal Business Analyst.  E Mr Loustau-Lalanne ou osi bonn a pre midi.  E touzour pe ganny asiste par SS Payet, Ms Coopoosamy e Ms Croisee.  

Bon nou ava pran Bidze pou PEMC –  SS in fini gid nou paz 304 – 308 en Bidze R7milyon 501.   Nou ava komanse avek Onorab John Hoareau.

 

HON JOHN HOAREAU

Mersi Mr Chairman.  Bonn apre midi a tous.  Ler mon pe get zot manda mon war ki zot sipoze fer bann lantrepriz piblik travay dan  en fason ki zot pli rann kont zot pli transparans e zot vin pli konpetitiv e zot improve competitiveness.  Mon vwar ki  pou lannen 2018, zot in fer sa ki nou apel en completion of gouvernance and operational assessment pou plizyer bann diferan  lantrepriz piblik ensi ki STC.  So mwan mon kesye se ki kwa ki zot in fer oubyen ki zot in propoze, oubyen ki Seselwa pou vwar ki bann keksoz tanzib ki lafason ki STC i operate k lafason i a koup middlemen en pe.  E i pa ava annan stok zis pou en pti morso letan.

E ki nou vwar apre nou bezwen fer vin par avyon e i kout pli bokou – i vin pli ser e answit osi ki zeneralman bann pri marsandiz i a desann.  So ki zot pe fer dan sa laliny e si nou pe vot zot Bidze ki nou ekspekte zot pe fer osi lo kote legal, pou fer sir ki sa sirtou sa bann size Kartel ki nou’n koz lo la dan Lasanble i ganny curtail lo la?  Mersi.

 

MR SPEAKER

Mersi Onorab Hoareau.   CEO.

 

CEO MR GEORGES TIRANT

Mersi Mr Chair e mersi Onorab.  E bonn  apre midi zot tou, mon krwar ava mon al lo kestyon i enportan ki nou konpran rol en state-owned enterprise or parey nou apel li dan Sesel en public entreprise. Byensir i  bann lantrepriz ki apartyen o pep Seselwa nou Nasyon e son reprezantan i  Gouvernman menm sanmenm nou apel li state-owned enterprise.  E kwa ki  nou’n fer?  Ler nou’n ganny apwent an 2017 si i annan sa sityasyon – mon pa pou koz ou lo STC – mon pe koz en pti pe pli globalman.  Mon’n vwar mwan ki defayans dan sa Lalwa.

Premyerman; –  enn – i pa pe set bann targets pou bann entreprises.  I dir monitor targets.  Me ki mannyer nou monitor? Apre kwa ki benchmark pou zot vin pli competitive – pli transparans?  E from la nou’n devlop  – e nou byensir i pa ankor ariv staz kot in fini ganny aplike.  Nou pe an negosyasyon dabor ek Minister e byensir  i pou al devan Cabinet.

Nou annan nou Ownership Policy.  Vi ki i apartyen a pep Seselwa  i bezwen annan en Ownership Policy kot Gouvernman komann reprezantan – owner i met tou bann mechanism kot kwa ki i pa espere ek bann state-owned enterprises ; ki mannyer i apwent bann Board members.  Tou bann  – ki mannyer i enterfer or i pa enterfer e from la ki parey IMF in demande, se ki sa rol ki Gouvernman i kapab delegate sa rol ; par egzanp avek PEMC se la kot nou set targets.  E nou vwar ki mannyer nou pou monitor sa target.  Zot pou bezwen achieve bann keksoz.  Zot bann benchmark bann ki pe pli ICE.

E la nou pou dan en pli bon moman dan legzanp STC  Seychelles Trading Company pou nou de komansman asiz en son Board, donn li en direktiv Gouvernman e pou sa Board aplik sa direktiv ki mannyer li i kapab bes lavi.

Kote Kartel sa byensir i pa en manda Public Enterprise.  Sa Kartel i devret ganny konsidere anba Lalwa Fair Competition Act ki tonm anba Fair Trading Commission.  Mersi.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

Mersi Mr Chair.  Bonn apre  midi  tou dimoun prezan.  Mon premyer kestyon eski tou sa bann lantrepriz piblik zot in submit zot yearly audited report?  Si i annan ki pa’n submit lekel zot?  Apre eski dan sa group lantrepriz piblik i annan ki zot kategoriz zot koman problematik?  E si wi ki bann kalite problenm ki zot annan?  Mersi.

 

MR SPEAKER

Mersi Onorab. CEO.

 

CEO MR GEORGES TIRANT

Mersi Mr Chair.  Mersi Onroab pou ou kestyon.  Wi i annan to-date 3 ki pa ankor submit e byensir i annan bann ki’n ganny en pe delays akoz mannyer nou timeframe i été, me i annan enn ki nou bezwen travay avek SSI  – sa se Paradis Des Enfants ki en pti lantrepriz.  Gouvernman i bezwen deside ki mannyer pou handle sa.

Lot i Linyon Estate ki pa ankor submit kot nou.  Linyon annou rapel poudir ki i ti annan en ta problenm from the past e mon kapab dir klerman avek the owners ki poudir lepep Seselwa ki nou’n vwar en turnaround Linyon kot zot pe konplet tou sa ki zot annan pou konplete ; akoz zot ti fer en rapor 2017 si mon pa tronpe avan mon lapwentman ; FPAC in fer en rapor – nou’n fer en rapor 2017 kot nou ti vwar poudir ki keksoz pa ti pe bouze e la from la in annan en nouvo lapwentman.  E nou’n fer en dernyen rapor ki nou’n submit ek Minis Finans, kot nou’n vwar en kantite sanzman.

E kot zot in sort out en kantite issues ki zot annan e mon krwar zot lo en bon semen.  Zot ti bezwen konplet sa AFS 2016 e dapre mon konpran it should be submitted in the shortest delay.  Lot entreprise ki pa ankor submit i  Petro Seychelles pou rezon ki son 2017 osi, ti annan en pe retar ; i ti bezwen en serten ‘’letter of comfort’’ from Minister ki in gannyen.

E dapre lenformasyon ki nou annan se ki in ek Oditer zot pe konplete.  So nou pe follow-up lo sa size.  Kote problemantik i annan kote kot nou, nou ziz diferan fason.  Nou kategoriz problematik lo kote risks ki annan lo pei.  Nou osi kategoriz osi non-compliance.  So byensir si  mon pou get lalis – si nou pe get kote compliance nou pou annan par egzanp byensir ki parey Onorab Hoareau in koze nou annan STC ki nou’n vwar en dele dan son submission ki pa labitid e nou proze ki Board in demann pou fer lannen prosenn as early as January i komanse se fer en full operational reviewassessment lo Seychelles Trading Company pou vwar – pou al a pli profon.  Li i enn.

Byensir nou ti annan Air Seychelles osi nou pe – enn nou target pou 2019 pou regard Air Seychelles de pre.  E apre nou ti annan osi Board in demande pou 3enm pou regard Pension Fund en pti pe lo compliance dan le paseAn menm tan pou nou vwar akoz i annan bann investment ki pase e tousala i demann – nou annan en pti lekip e letan nou annan bann gro konpannyen parey nou bezwen full resources kot tou dimoun i bezwen met lanmenm ansanm pou kapab al pli vit.  Kote risk si ou pou get kote kot assets byensir nou menm si i pa problematik nou asset-based i kapab annan Nouvobanq i annan high asset – nou annan SEPEC, PUC osi i high asset-basedPension Fund mon’n mansyonnen, Air Seychelles en pe bann pli gro konpannyen apre bann ki annan en dividend konsiderab pou Gouvernman.  Mersi.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

Ya zisteman mon lot kestyon ti lo dévident eski zot tou zot –  sesa lantrepriz ki deside kan ki i pour peye, konbyen i pour peye oubyen ler sa bann lantrepriz i ganny konsevwar i annan serten kondisyon ki deza la ki compel zot ki zot pour bezwen annan rezilta pour kapab pey sa dividends akoz i kout bokou sa bann lenvestisman lo Seselwa.

E i enportan ki nou konnen poudir dividends pe ganny peye.  E si pa pe ganny peye akoz?  Mon leksplikasyon.  Me selman mon kontan ki PEMC la in komans adres bann problenm right on the spot – bann areas kot zisteman ou kapab war sa bann rezilta.  So mwan ti a kontan ganny komanter SS silvouple.  Mersi.

 

MR SPEAKER

Mersi Onorab.  SS.

 

SECRETARY OF STATE PATRICK PAYET

Mersi Mr Chair.  Mersi Onorab. Dividends baz ki nou ti pe servi se 50poursan profi.  Me sepandan sa ti zis en internal base ki letan nou ti pe negosye avek bann SOEs.  Me ki nou pe fer la fer sir at least sa i enkli Polisi ki tou SOEs i vreman kler lo la.  Me secondly en lot assessment ki nou fer letan Bidze i vin kot nou, parey ou pour vwar kekfwa dan liv Bidze ki PEMC in fer assessment akoz tou bann SOEs, zot osi zot soumet zot Bidze parey bann Minister e Departman, pour nou soumet avek Lasanble Nasyonal, e pour vwar sa dan sa pti Budget document.  E ki ou pour vwar ki i annan forecast ki sa bann SOEs in fer pour zot pey dividend. Me nou, non, nou pa’n servi sa, nou’n servi dapre nou prop assessment ki nou, nou’n fer.  E sa negosyasyon ki nou’n SOEs letan nou pe finaliz Bidze ki ou pour vwar sa de dokiman i en pe diferan.  Mersi.

 

MR SPEAKER

Mersi SS.  Onorab Henrie.

 

HON GERVAIS HENRIE

Mersi Mr Chair.  Mon kestyon i ava lo paz 307 pour bann performance measures.

Mon pe get sa pwen 4 la. ‘Number of public enterprises complying with codes of governance.’  Prezan mon war pourdir dan 2017, the code of governance will be a project pour 2018.  Savedir sa lannen. E mon pe prezimen zot in fer. Prezan letan mon pe get ou target from 2018 ziska 2021, ou sa i konsistan 35 poursan. Mon ti a mazinen poudir sa target ti pour parey sa bann anler.  Parey 20 out of 20. Si ou koman PEMC, ou’n met en code napa negosye. Tou dimoun i bezwen swiv. So eksplik akoz i pa neseserman le ka.  Mersi.

 

MR SPEAKER

Mersi Onorab.  CEO.

 

CEO MR GEORGES TIRANT

Mersi Mr Chair.  Mersi Onorab. Wi mwan kapab konfirmen ki an 2018, nou’n finalman kapab fer en pe savings e ganny en konsiltan pour ed nou lo drafte en code of governance.

E pli bon ankor se ki bann, nou bann stakeholders ki ti la ti vwar li ti dakor pour dir ki i pa devret en code of governance inikman pour public enterprises.  I devret en keksoz pour pei an zeneral. Ok. Letan nou ganny onboard, nou bezwen ganny onboard Minis ti bezwen champion sa. E onboard Central Bank i deza annan en guidelines ; annan stock exhange, bann key stakeholders. E la nou dan letap konsiltasyon early January kot nou pour annan bann lesanz.

Kote sa bann indicators byensir nou met li parey nou devret petet parey nou devret pe war logmantasyon nou. En code li menm li i pa en keksoz binding dan sans kot i more voluntary.  Ou devlop sa kiltir compliance. E byensir en keksoz nou bezwen aranze la kot nou ekspekte sa kiltir compliance i monte, monte, monte, monte.  E letan napa compliance ou pa kapab ekspekte 100poursan. Akoz pat ou dimoun ki parfe. Toultan pour annan dimoun ki anvi bypass.  Me selman ki i annan sanksyon apropriye letan i annan dimoun kip a swiv.  Sanmenm sa ki nou pe fer li more like en, not comply, apply and explain lo sa code. Mwan pa konnen si petet mon koleg i osi pe ed nou osi drafte sa code ti a kontan dir en keksoz.  Mersi.

 

MR PEDRO PIERRE

Bonn apre midi tou dimoun.  Nou’n pran bann mezir, nou’n fini idantifye konsiltan. Nou’n fini draft en code.

Nou sipoze zwenn bann stakeholders dan bann meeting la byento.  Nou’n zwenn enn de stakeholders zot in met zot input.  Nou pe adopte apply or explain an alternative approach kot either sa ou comply sa code or ou state ou alternative approach ki ou’n swiv ou donn rezon akoz ou swiv. Prezan akoz nou’n pran sa mezir pour sistemm gouvernans.  Mersi.

 

MR SPEAKER

Mersi Mr Pierre. Onorab Henrie.

 

HON GERVAIS HENRIE

En follow-up lo la Mr Chair.  E petet mwan ti ava kontan ki Minister Finans i donn zot pwennvi, lo sa size parski mon ti ava mazinen poudir pei li menm ki anvi met en keksoz la, ki tou dimoun pe swiv, ki nou konnen, akoz keksoz pe ganny fer dan tel fason.  I napa bann disparite dan practice ant en antite avek en lot.

E sa mon krwar i ti ava en bon legzanp pour nou kapab swiv.  Akoz i lev ankor sa zafer en lot antite ki ti vin la an Tender Board avek procurement nou ti pe demann zot.  Par egzanp, i annan ki zot prosedir tender i pa pas atraver, i en lot fason li. So i kree bann konplikasyon pour nou isi dan Lasanble, ki pe sey war en keksoz kler devan nou – me nou pa war akoz i annan diferan bout ki pe zwe. Ansanm.  So mwan anvi konn lopinyon Minister Finans lo sa size.  Eski zot krwar i merit en code ki tou dimoun i swiv? Ouswa still nou pour kit bann derogasyon parey nou apel sa non?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Chairman.  Mersi Onorab.  Definitivman si nou pour pas atraver kree sa code of governance, definitivman zot tou zot bezwen swiv.

E i en keksoz ki’n arive sa lannen pour la premye fwa se ki, PEMC in en pe ensiste vizavi sa bann public entities pour zot anvoy zot monthly report, zot quarterly report, zot audited financial report.    E finalman pour la premye fwa, zot in fer en assessment – en overview, tou sa bann SOEs ansanm.  Ki mannyer zot relate ansanm vizavi exposure Gouvernman.

E sa rapor fek ganny soumet avek nou.  I ankor en rapor preliminer ki nou pe etidye.  Ou war?  E nou komans war lenportans ki PEMC i en sistenm ti pe vizavi sa bann SOEs. Ok, zot pe konplent akoz dir ankor paper work ankor en lot Lazans.

Me i enportan akoz li i pe regard li avek en lot rezondet. E i pe fer sa travay pour nou, pour get si i annan risk, si i annan exposure pour Gouvernman lo son Bidze. Mersi Mr Chairman.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonn apre midi, bonn apre midi tou dimoun.

Mr Chair mon pe regarde, mon vwar poudir Bidze PEMC i pa’n go through gran sanzman from lannen pase.  Prezan prenan kont lenportans PEMC pour asir accountability, transparans vizavi bann SOEs e zisteman pour reponn en bon pe bann kestyon ki souvandfwa nou tande lo bann diferan SOEs be it Air Seychelles, be it SEYPEC, PUC whatever,  i enportan pour PEMC annan sa resours pour li kapab fer sa travay ki i fer.  Akoz par ekstansyon i en mechanism entern, ki Gouvernman i annan, pour li asire ki sa bann diferan antite Gouvernman – ki belong to Seselwa pe fonksyonn dapre en fason ki accountable e transparan.

E mon vwar poudir sa Bidze pa’n ogmante.  So eski nou kapab eksplike rezondet akoz ki sa Bidze pa’n ganny ogmante? Eski PEMC napa plan pour li recruit travayer adisyonnel?  Eski i napa plan pour met an plas bann mezir adisyonnel?  Oubyen eski PEMC i bezwen rely lo lezot antite ki egziste par egzanp Internal Audit Committee – menm Oditer Zeneral pour li kapab fer serten travay ki i pe fer?  Sa i mon premye kestyon, klarifikasyon.  Mersi Mr Chair.

 

MR SPEAKER

Mersi Onorab Pillay.  CEO.

 

CEO MR GEORGES TIRANT

Mersi Mr Chair.  Mersi Onorab.  Mon krwar pour dir, letan ou pe regarde – I vre ki i menm i pa’n ogmante, in desann en pe.

An menm tan ladan i pran bann konponan parey housing allowance, i pran increase in salary, in sa annual salary, sa country salary ki pe al arive.  I pran kont osi mon krwar en lot laspe, en amelyorasyon dan Scheme.  Me nou bezwen, internally nou ti’n ganny demande pour pa depas en ceiling, nou’n seye – nou’n met li.  Me letan sa figure in vin kot mwan pour mwan osi ti en sok akoz mwan pa anvi, ofet mwan konpran sityasyon de fwa, nou dan en sityasyon kot nou war nou i limite, e petet sa Bidze parey ou dir  Onorab i pa pe fer justice petet pour sa ta louvraz ki i annan pour fer.

Parey taler mon’n koz lo set targets, monitor targets, be internally nou annan nou zis technical staff e IMF in konsey nou met enn 2 Departman. I compliance and governance, zot ki fer bann assessment dan bann enterprises.  I annan en principal ek son 3 officers. Lot i annan financial analysis kot nou pa kapab priyoritiz par egzanp financial analysis akoz ou annan bann monthly ki ou bezwen prepar bann quarterly ; ou kapab annan bann ad hoc demand kot ou pe idantifye bann possible risk letan ou war profit pe desann, ou war tou bann lezot konponan pe vin devan ou.  Ou  bezwen advice Minis ek Gouvernman in a timely manner.  E mwan mon pou believe in a timely manner.

Ou annan osi parey Minis in anonse, i ankor dan en draft stage, nou ankor pe koze, nou annan, nou bezwen, i premye fwa ki nou prodwi en public enterprise annual report avek en lot konponan ladan se en fiscal risk statement, kot zot pour war en bout in ganny mete dan Budget.  E i premye fwa.  Nou fek aprann la nou, mwan krwar 2enm, i annan zis de pei dan Lafrik ki’n prodwi sa.  Sid Afrik ek Sesel.  So i montre deza en ta progre nou pe sey fer.  Byensir nou annan en pe frozen post.  Me selman nou bezwen larzan available pour nou kapab recruit.

Me pa zis recruit, recruit qualified and experienced. Akoz par egzanp i vreman teknik, i teknik kot nou anvi al plis ki zis raporte.  Analize, sanmenm sa ki nou annan bann staff par egzanp nou war en besman, be kwa ki pe koz sa? Letan mon pe al kot Minis, or devan Lasanble, mon bezwen kapab dir kwa ki pe cause en loss or nou pa pe achieve sa targets.

So me selman parey ou konnen, byensir mon krwar i enportan nou stress ki nou bezwen plis resours, me servi li byen.  Ok?  Nou pe osi travay osi ek bann lezot lorganizasyon parey IMF pour nou ganny training pro bono ; zot kapab vini train nou bann staff.  E tousala i – nou pa pe zis demande pour nou al voyaze, me pour beef up  – strenghten nou capacity. Sanmen sa ki nou bezwen fer ; pour vin sa oter ki mon krwar lepep Seselwa ti ava kontan vwar sa rapor kot pe sorti. Deza i en high quality, be nou bezwen al pli lwen.  Mersi.

 

MR SPEAKER

Mersi CEOYes Onorab Pillay.

 

HON SEBASTIEN PILLAY

Mersi Mr Chair.  Mr Chair petet mon ti a kontan demann Minis Finans pour klarifye.  Si nou kapab ganny en committment ki i annan resours adisyonnel ki ganny provided, pour ki PEMC i kapab fer sa louvraz ki i annan pour li fer, sirtou an se ki konsern sa eleman risk ki ou pe dir.  Akoz, nou konnen pour dir si ou annan en SOE ki end up dan bann sityasyon kot nou toultan pe bezwen donn li bann bail out, i vin en problenm pour nou.  Akoz nou ti kapab servi sa larzan ki nou pe donn sa SOE, si i pa pe ganny manage byen pour fer en lot keksoz.  So i enportan ki nou kapab annan resours adisyonnel, adekwat pour nou kapab fer sa.

E la one that comes to mind – par egzanp ki mwan ti a kontan klarifye ; par egzanp ler ou annan bann gro SOE, par egzanp, Air SeychellesIDC, ou annan bann lezot, eski tou sa bann SOEs pe comply avek bann requirements ki PEMC i annan an plas? Kwa ki nou kapab fer adisyonnelman akoz i annan bokou kestyon. Souvandfwa mon tann bann lo lot kote latab  pe eksprim bann kestyon lo IDC, in fer isi, in fer laba.

So eksplik nou en pti pe, eski i pe comply avek bann reglemantasyon ki annan an plas? Eski i pe prodwi son bann annual statements, son bann annual reports? Eski sa pe ganny fer lo en nivo kot PEMC i satisfe pour dir sa pe meet dan requirements? Oubyen si i pa pe ganny fer kwa ki Minister Finans i anvizaze fer, pour asire ki tou antite Gouvernman, ki’n ganny en asset Gouvernman pour li manage, ki apre i pe zener serten profi ek sa asset – enn – parey nou’n koz lo la dividends i vin pour Gouvernman. I al dan consolidated funds.

Me 2 sa antite, sa enterprise i pe fonksyonn lo en nivo kot Minister Finans ek Gouvernman Sesel i konfyan ki sa nivo i annan tout latransparans, i annan tou accountabilitySo eski Minister Finans oubyen PEMC i kapab klarifye sa pour nou ? Mersi Mr Chair.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman, mersi Onorab.  An fen CEO i la i kapab demanti mwan. Letan nou ti diskit sa Bidze.

In dir avek mwan ki i dezapwente in ganny apepre parey en pti pe an mwens.  Me sa ki mon’n apresye avek li i dir mwan avek sa larzan, ki i kapab cope pour 2019.  E mon kontan sa lekspresyon.  Akoz – enn – mon pour tyek li mwan. E 2 i bezwen osi parey in dir nou an 2019, nou pe revwar son PEMC Act.

E parey deza mon’n dir letan i annan en Prozedlwa ki ganny amande, Minister Finans nou bezwen fer sir nou donn sa Bidze, pour fer sa Prozedlwa marse korekteman. So vwala mon langazman Mr Chairman.  Le moman CEO i anmenn mwan sa revised PEMC Act ki ganny aprouve, mon a siport li finansyerman. Mersi.

 

MR SPEAKER

Mersi Minis.  CEO.

 

CEO MR GEORGES TIRANT

Mersi Mr Chair.  Wi nou pe revised the Act li menm.  Mon’n fini submit ek Minister Finans, pe esper early January pour nou kapab ganny en dyalog, avan nou anmenn devan Cabinet.

I vre ki nou’n diskite.  Kote ‘good and services ‘ nou kapab mannye.  Me selman tan ki nou pa ganny resours siplemanter kote human resources, nou pa pour kapab set targets ; nou pa pour kapab monitor parey nou ti a voudre.  Lalwa i demann nou pour nou scrutinize tou sa bann Bidze public enterprises ki zot Board in aprouve pour vwar si fransman i up to the standard ki zot Board, zot annan bann depans apre nou bezwen swiv zot bann plan ki i pe according to the business plan. Ozordi i pa posib pour nou fer tousala. So vwala. Mersi.

 

MR SPEAKER

Mersi CEO.  Onorab De Commarmond.

 

HON CHARLES DE COMMARMOND

Mersi Mr Chair.  Bonn apre midi tou dimoun, Mr Tirant ek ou tim e tou dimoun ki a lekout.

Mr Chair mwan pour swiv dan bann pwen ki Onorab Pillay in fer mansyon, e ki’n annan serten ladan ki pa’n ganny reponn par CEO e msye le Minis.  Ou konnen from FPAC point of view nou, nou, nou war PEMC koman enn sa antite ki vreman, vreman enportan – ki zwe en rol oversight e i donn koudmen FPAC dan son rol oversight.

I fer nou travay en pe pli fasil si ou kapab dir.  E an menm tan si nou, sa Lalwa i enportan, i enportan ki in vin vitman e mon dakor ki i ganny sa kestyon Bidze, i relye avek Lalwa.

E alor nou tonm dakor ki koman sa, nou pouse ki sa Lalwa i vin vitman e ki by mid year, ou bezwen annan en review e ki la Bidze PEMC i ganny revwar seryezman, pour kapab anmenn plis sa oversight, accountability, transparans e bonn Gouvernans, dan bann antite piblik.  Akoz i enportan Mr Speaker, Mr Chair ki sa bann antite zot rol i pa’n ganny kree zis koumsa dan en rev. In ganny fer pour serten bi spesifik.

I annan 2 keksoz ki bezwen beef up la se rol, sa rol i bezwen reste e la kot PEMC i bezwen fer sir ki sa antite pe desarz sa rol, sa responsabilite.  E an menm tan Board – Board dan sa Lalwa i bezwen annan plis ledan pour PEMC si fodre, tir serten Board, revwar serten Board, fer li akoz Board i bezwen lapel korek sa antite vizavi son rol, e son manda.

Alors sa i bezwen kler.  E par egzanp, mwan kontan nonm Linyon Estate taler. L’union Estate nou’n ale, nou’n vizite nou menm nou, me ki nou vwar i annan bann fot ankor ki’n ganny fer. Menm par Oditer Zeneral.  Ler zot in al fer odit from Finans, nou’n war poudir i ti dwa bann dimoun, i annan in dir in vole, i dwa taks ensidswit.  Be la mon’n ekout son Chairman i dir koumsa non i riske prezan ki taks, SRC ki pour pay back to L’Union Estate.  Akoz bann travayer i bann travayer agrikol, se alor letan ou lo laferm bann travayer lagrikiltir pa peye taks.

So i annan sa zafer la ki bezwen ganny regarde, regete. Se sa mwan dir mwan ki PEMC i sa rol la, i vreman enportan, nou bezwen sonny li byen.  Mr Chair ler nou pe koz lo la, mwan mon swiv bann alegasyon ki’n ganny fer dan zournal, bann alegasyon.  Ou konnen lontan dan nou pei bann dimoun i fer, fer en joke. I dir defen Guy Sinon.  Defen Guy Sinon ti en boug enportan dan nou pei, GS Guy Sinon, joke, i ti fer ‘Government of Seychelles’ ozordi mon’n antann mwan dan Lasanble nou’n ganny dir sa konmsi i annan lezot dimoun ki konmsi en lot Gouvernman, Gouvernman pour bann Zil Elwanye,» Konmsi i dir sa en lot Gouvernman.

Lot zour menm dan nou Lasanble in ganny dir sa. Prezan mon pe rode ki mannyer i vini apre mon realize wi Glenny Savy GS i osi, konmsi.  Mon dir la la zafer en lot Government of Seychelles.

Be ou konnen bokou in ganny dir.  Bokou in ganny dir ki lala ki in vole.  In pran, in isi, in laba, GICC, Green Oaks, lot ankor, Green Tree, Green Island, tousala. Mwan, Onorab Pillay in demann en kestyon ki pa’n ganny reponn, PEMC li i la li konmsi, ou kapab vi ki zot la, le Minis i la kapab dir nou IDC ek tou son bann subsidiaries la, Oak, Green Oak, GICC, Green Tree, si in fer son bann due diligence sa bann, son accounts, in donnen.

Eski zot in gete si pa pe fer okenn bann trik?  Akoz la msye Savy in ganny reapwente pour 3 an par Board. Son Board in rekomande, son Board, son Chairman Mr Pat Berlouis, Patrick Berlouis.

E kontrer nou felisit Mr Savy akoz mwan konnen i fer en bon travay Mr Speaker nou’n al lo zil ansanm – nou’n vwar dan tim laba koman, son travay i pe fer ekselan.  Nou felisit li nou dir li keep it up. Donn nou ankor sa ki bon.  Me selman eski ou kapab dir si, si in swiv tou sa bann mezir? Si i annord, si i pa annord, si kwa? I menm zafer Mr Speaker alor ki Onorab Pillay in dir e ki ou pa’n donn sa larepons.

Mon ti ava kontan si nou ganny en pe komanter lo la.  E alor dan sa sans la fer ki sa Bidze, nou’n tonm dakor pa pour ase.  E i ava ganny regarde parey nou’n tonm dakor.  Mersi.

 

MR SPEAKER

Mersi Onorab De Commarmond. Bon mwan anvi zis klarifye al lo zil ansanm, mon ti al ansanm avek Komite Zil. Ok? Onorab De Commarmond i en Manm ladan. E detrwa fwa ki in annan en plas vid, mon’n ganny anmennen onboard par Komite Zil.  Ok.  CEO.  CEO.

 

CEO MR GEORGES TIRANT

Mersi Mr Chair.  Mersi Onorab. O 2 premye pwen kot ou’n koz lo rol bann public enterprises ek Board sa i devret ganny adrese dan Lalwa en.  Nou kapab ganny sa manda akoz si ou annan, the owner i delegate sa avek ou, then ou annan plis pwa pour ou kapab administre li.

Dezyenmman ki nou pe demande se ki, omwen menm si Prezidan ki apwente or si i sanze kot PEMC i zwe sa rol due diligence the appointment and reappointment of Board members.  Ok?

I pa zis en kestyon PEMC, i en kestyon ki mannyer nou travay an synergy.  Akoz i osi enn ler i arive mon tann keksoz lo televizyon.  Tou sa ki ganny pase nou sipoze onboard pe dan bann meeting nou pe konnen ki pe pase.  Me letan parey nou pe koz bann Board, mandate of an organization i ganny donnen avek en Board according to governance good practice.  Be ki nou vwar i dan de fraud la. Enn de fwa CEO i zwe sa rol, de fwa Board li i trankil.

E mon konpran bann CEO enn ler i bezwen zwe sa rol, sirtou si ou dan public service.  Akoz ou ki vin devan Lasanble ki ganny, devan FPAC.  Kot la bann Chairman zot zwe en rol pli enportan. Ler ou set a target sa bann board i devret donn bann strategic directives sa CEO pour achieve pour fer sir ki sa i pa ou prop konpannyen.  Letan nou pe koz lo synergy ant tousala. Synergy avek Appointment Authority – ozordi i annan en fragmented oversight.

Ou annan ou bann Minister.  Ou annan Minister Finans e nou osi nou raport ek Minister Finans.  Ou annan ou SCCI ; i manke sa synergy. Sanmenm sa ki nou pe lager depi 1an pour travay avek sa synergy an menm tan annou klersi la kot fodre klersi.  Ok? Kote IDC lenformasyon ki mwan annan li son accounts i son lannen i termin an Mars. E i pa zanmen an retar pour submit son bann auditedfFinancial statement. Me Ms Rose ki head of financial analysis i a reponn larestan.  Akoz mwan konnen zot assess si i pe comply si son bann keksoz i korek.

 

MR SPEAKER

Mersi CEO.  Mon ava donn laparol Ms Rose.

 

MS VERONA ROSE

Mersi Mr Chair. Mersi Onorab pour ou kestyon. Regarding submission of financial information from IDC.  Mon kapab dir ki tou son bann annual financial statement pour li ek pour son bann subsidiaries set a dir Green Island Construction Company, Green Oak Investment Company and Green Tree Investment Company i ganny soumet kot PEMC a ler.

Parey CEO in dir zot lannen i termin le 31 Mars.  So zot annan ziska le 30 Zen pour submit sa lenformasyon kot nou. In addition to the annual financial statements, nou osi request ki zot submit zot annual Budget kot nou.  Sa osi i ganny fer a ler par IDC.  E so far tou bann lenformasyon ki nou’n demande osi dan nou fiscal risk assessment ; par egzanp bann flows between IDC and Gouvernman, between IDC ek en lot public enterprise, tousala in ganny submitted a ler.  Mersi.

 

MR SPEAKER

Mersi Ms Rose.  Nou napa ankor…

 

HON CHARLES DE COMMARMOND

L’Union Estate petet ki mannyer pe ete la from your perspectives?

 

MR SPEAKER

Yes.  Ok CEO.

 

CEO MR GEORGES TIRANT

Ti annan parey mon’n dir, ti annan en follow-up vizit ki’n ganny fer L’union Estate. And parey zot konnen i annan en nouvo lapwentman Board nouvo CEO, zot in apwent osi en CFOThen sa ki sa tim in retrouve si ki in annan en amelyorasyon.

Par egzanp dan debt recovery, dan bann human resources, mannyer i ganny distribye.  Sa ki nou’n vwar kot L’Union Estate ok? Prezan byensir i pour demann dan lefitir kontinyen monitor li.  Me selman parey resours.   Pa kapab monitor li – annou pa bliye nou annan 31 public enterprises.  Sa i enkli bann … zot bann subsidiaries.  E lannen prosenn an Zanvye, nou annan ankor de nouvo.  Sa i SNPA avek SFA ki pe vin lo lalis.  E apre posibleman TGMI, en kantite pour en pti lekip.

 

MR SPEAKER

Mersi CEO.  Bon nou’n ariv en moman pour pran en vot lo Bidze pour Public Enterprise Monitoring Commission, en sonm R7.501milyon ki form par sa Schedule e i trouve lo paz 304 ziska paz 308.

Mwan a demann tou Manm ki an faver?

Okenn Manm ki kont? Madanm Clerk.

 

MADAM CLERK

Mersi Mr Chair.  22 Manm in vot an faver.  E personn kont. Mersi.

 

MR SPEAKER

Mersi. Savedir Bidze pour PEMC pour 2019, in ganny aprouve par Lasanble Nasyonal.

Bon avek sa mwan ti a kontan remersi CEO, Mr Georges Tirant, son de Principal Business Analyst Ms Rose, avek Ms Pierre, e nou ti ava eskiz zot parmi nou.

 

 

 

(MR GEORGES TIRANT AND HIS DELEGATION WAS EXCUSED FROM THE HOUSE)

 

MR SPEAKER

Bon nou ava apel Revenue Commission. SS zis gid nou lo ki paz sa Schedule.

 

SEYCHELLES REVENUE COMMISSION

 

SECRETARY OF STATE  PATRICK PAYET

Mr Chair nou pour al pran Seychelles Revenue Commission lo paz 279 ziska paz 289 pour en sonm R128. 709milyon. Mersi.

 

MR SPEAKER

Mersi SS Payet.  Ok. Bon mwan ti a kontan dir bonzour e welcome parmi nou, Komisyoner Zeneral pour SRC, msye Ronald Cafrine, Deputy Komisyoner Zeneral, Mr Fred Morel, Head of Accounts, Ms Annielle Desaubin, Ag Commissioner of Customs, Mr Francois Ally, Asistant Commissioner of Tax, Mrs Marie-France Franchette, e Director Taxpayer Edcuation and Service Delivery, Mrs Emeline Camille.

Bonn apre midi e welcome dan Lasanble Nasyonal. Nou ava komans entervansyon avek Onorab Woodcock.

 

HON WAVEL WOODCOCK

Mersi Mr Chairman. Bonzour Minis ek ou delegasyon. Mon kestyon i baze lo zot manda lo paz 279, which is to ‘’enhance the standard and quality of services provided to taxpayers and other stakeholders.’’

Mon kestyon i regardan nouvo mezir kontrol Customs Airport ki plizyer zabitan Inner Island pe konplent, ki i en dezavantaz pour bann zabitan Praslin/ La Digue. Bann zabitan Inner Island ki dan pti biznes, komers, wholesale ouswa retail, zot vwar ki zot depans pour ogmante pour zot kapab clear zot bann goods. Avan sa nouvo mezir zot ti senpleman pas kot ‘’something to declare,’’ montre zot license, pey sa ki fodre peye e desann avek zot bann, zot bann marsandiz lo zil.

Me problenm se ki la prezan, zot pour bezwen reste plis zour lo Mahe, pey akomodasyon, ouswa monte desan ki i en kou, en depans an plis pour zot, ki zot bezwen depanse pour zot kapab clear zot bann goods, zot bann marsandiz.

Ladan menm zot bezwen pey pour en clearing agent ki ankor en lot kou adisyonnel.  E at the end of the day tou sa bann kou pour ganny pas lo konsonmater. E en keksoz ki mwan pa pe ganny en konpran se ki taks lo lenz in ganny tire.

E lamazorite sa bann dimoun, sa bann pti biznes la zot dan wholesale ek retail.  Zot vann, zot fer vini lenz.  Alor mwan kestyon i ki le pwen, met sa fardo lo bann zabitan Zil Pros lo Mahe Praslin La Digue, e olye ki zot ranforsi sa mezir sirtou lo bann zabitan Inner Island akoz, eski SRC pa kapab annan en sistenm, en sistenm fast track pour bann pti biznes Praslin/La Digue pour ede redwir sa bann kou sa bann, sa bann depans adisyonnel ki zot bezwen depanse.

 

MR SPEAKER

Mersi Onorab.  Komisyoner oule reponn.  Yes si zot pa mine, panel devan zot ava zis endike lekel ki pour reponn kestyon en.  Komisyoner.

 

COMMISSIONER GENERAL MR RONALD CAFRINE

Mersi Mr Speaker. Mersi Onorab pour ou kestyon. Wi nou konpran pour dir sa nouvo laranzman ki nou’n fer Airport, i annan en bon dimoun i annan zot konsern. Nou ganny en konpran sa be selman nou osi nou bezwen get keksoz lo son lanpler en pe pli larz.  Prensipalman terminal kot pasaze i pase all over the world, i pour pasaze avek zot bann allowance prive. Sa i osi en rekomandasyon, oubyen en keksoz ki Lotorite Lavyasyon Sivil i pour rekomann nou fer, akoz zot osi zot annan zot bann benchmark ki zot ganny rate lo la.

So ki nou’n sey fer se ki nou dir bann dimoun primordyalman komersyal. I annan son channel pour li.  E ozordi si ou laplipar dimoun i konnen kwa ki i pe fer vini.  E en bon pe fwa zot annan zot invoice ki kwa ki zot orderSo i annan dimoun i ale personnelman pour li al fer son bann demars. Zot kapab lodge zot bann bill boner.          So pre-lodge ou bill. So ler i vini sa enn i pas lot kote laba dan cargo, ou ganny li fasil, vitman ; pre-lodgement nou apel sa.  Now aprezan si ou pa fer pre-lodgement ou pe dir kekfwa nou dir ok, ou bezwen al fer dan cargo parey nou’n dir, nou pe fer mannyer ki the next day zot pe ganny zot keksoz.

So sa nespes fast track ki ou pe dir, sa nou’n pran kont. Me selman si ou napa en gran keksoz.  Ou annan en pyes, en sak, ou annan 2 item.  I annan dimoun i dir ou koumsa mon’n al deor mon’n anmenn mon alternator par egzanp, i kout R25mil.  Nou pe seye nou dir ok, petet nou kapab pe fer dimoun pey lanmenm la.  Pa bezwen al lot kote pour en pyes ki pa pe tard dimoun. Prensipalman ki nou pe dir ler ou vini avek 5 sak.  E ler ou debark en avyon 300 dimoun i annan 10 dimoun avek 5 sak, tousala i pour apepre 15, 20 minit pour clear.  E konbyen ou pe anbaras en lot dimoun par deryer ki fer i annan zis en, mwan pa konnen mwan, en mil Roupi item an plis ki son allowance, oubyen en boutey bwar, en pake sigaret an plis ki li i bezwen, i pe tarde, i 5enm dan laliny.  Ki tou sa dimoun i komersyal la.  So we are trying to met konmsi ou kapab dir fer keksoz mars en pe byen, komersyal i komersyal, pasaze, i pasaze.

E obviously plis fasilitasyon i depan lo lenfrastriktir ki ou annan.  So SCAA i osi annan son konstrent lespas, nou osi nou annan nou konstrent lespas. So nou pa pour kapab pour le moman fer tro bokou akoz lespas i limite.  Kekfwa si ti annan en pli gran Airport, i kapab annan en channel lanmenm ki ou dir ok commercial al lanmenm la. E ou fer en lot laliny pour komersyal.  Be selman kekfwa la pour le moman mon pa war fasilite konmsi actually now pour kapab fer sa akoz lespas i limite. Kekfwa nou ava diskite avek SCAA si i posib, be selman dan nou kote nou pe fer sir ki dir next day, sa bann dimoun i kapab ganny zot bann keksoz.

Regarding cost nou pe mazinen avek sa rediksyon dan taks obviously i fer an zeneral pri vin pli ba.  Ok, ou pour agir ek mwan kekfwa i pey en customs agent R200, R300 and what ki rate zot servi. I kapab met en pti kou lo la me selman sif overall, 25 poursan in desann lo lenz, kekfwa i kapab, i devret kapab abzorb en pti pe sa kou kekfwa ki ou pe dir in ogmante.  Mersi Onorab.

 

MR SPEAKER

Mersi Komisyoner Zeneral. Onorab Woodcock.

 

HON WAVEL WOODCOCK

Mr Chair sa ki CEO in propoze regardan en channel pour komersyal.  Mwan krwar  sa i en bon sizesyon, me in dir son konstrent i en negosyasyon ki zot bezwen fer ek, mwan mazinen Minister i bezwen antre avek SCAA.

Me selman si ou pe pran kont pour dir deza kou ki zabitan Inner Island i peye i bokou pli eleve ki sa ki zot depanse lo Mahe sirtou kot i konsern kou transportasyon. Mon pe sizere ki sa en keksoz ki kekfwa Minis i bezwen konsidere.  Pour bann zabitan Praslin ki deza nou pe depans ase, nou depans i ase en pti pli o ki zabitan lo Mahe.  Mersi, Yes.

 

MR SPEAKER

Mersi pour sizesyon.  Mon krwar Minis Finans i ava note. Onorab Sandy Arissol.

 

HON SANDY ARISSOL

Mersi Mr Chair, bonn apre midi a tous.  Mr Chair mwan ti a kontan adres mwan kestyon lo Customs si i ok.  An vi ki mon war zofisye pe asiz laba i ok pour mwan demann mwan kestyon lo Custom, i tonm anba SRC.  Mwan ti a kontan, letan ou konnen letan nou koz custom, nou koz SRC, i osi annan sa bout se nou bann ser ek frer Seselwa ki travay laba.  So, mon ti a kontan demann avek konmisyoner an relasyon avek zot Bidze ki zot annan si i annan provizyon, parey nou konnen i annan en logmantasyon dan lenportasyon drog atraver Airport kot nou antre.

Eski i annan dan Bidze, oubyen i zot lentansyon konman SRC ki custom, ki tonm anba SRC pour zot annan en lekipman apropriye par egzanp pour nou custom officer kapab detekte drog pli vit.  Par egzanp mon pe koz lo en drug test kit ki kapab ed zot konman bann zofisye ki zwenn dimoun o premye lye pour zot kapab detekte sa. I enn mon premye kestyon.

Mon 2enm kestyon i an relasyon avek zot Polisi. Par egzanp letan bann custom officer pe travay zot annan en Polisi ki pa servi mobile phone lo floor eksepte zot supervisor. Me letan bann zofisye zot bord avyon par egzanp, zot attend VIP lounge, cargo passenger terminal zot napa en mwayen kontak avek zot supervisor.

So, ki zot, zot pe fer dan Bidze ki nou bann zofisye Seselwa ki pe fer en travay ekselan zot kapab annan kontak avek kanmarad?  Mon krwar i en demann ki’n sot plis ki 5an ki mon krwar zot pe espere, pour gete ki mannyer zot kapab ganny en fason kominikasyon antre zot konman staff, pour fasilit pour desarz zot responsabilite bokou pli byen ki zot pe fer la konmela.

E letan mon pe koz lekipman, i annan osi letan zot pe bord bann bato zot napa life jacket parey SMSA i sipoze rekomande. Sa osi zot senpleman, mon pe mazinen si dan Bidze i annan provizyon pour ki nou bann frer ek ser Seselwa zot kapab fer byen zot travay swa santi zot an sekirite.

Epi letan zot bord bann bato, bann bato, ozordi mon krwar tou bann cargo ki pe antre dan bann bato ki pe antre dan pei, mon krwar zot ekipe avek bann, bann zonm arme abor.  I annan pour rezon sekirite, so, eski i annan okenn training pour nou bann staff moralman, pour zot konnen ki ler zot pe mont abor sa bann bato i annan, e i annan sa ki zot pe ekspekte.         E i annan dimoun arme laba, so, zot menm zot konman SRC ki ek ansanm i tonm anba zot ki zot pe fer pour met nou bann staff okouran sa bann zafer pour zot osi ganny train dan en serten fason, pour rezon sekirite pour zot osi oubyen pour lezot staff ansanm?  So, sa i mon de pti kestyon osi Mr Chair, ki mon ti a kontan demann Komisyonner kot SRC ki responsab pour custom. Mersi.

 

MR SPEAKER

Mersi, Onorab Arissol. Komisyoner Zeneral ou le pran, go ahead.

 

COMMISSIONER GENERAL MR RONALD CAFRINE

Mersi Mr Speaker. Onorab mersi pour ou kestyon. Wi 2018 mon krwar i enn bann rikord lannen lo kote deteksyon drog by zofisye Airport terminal sirtou.  E mon pou felisit zot pour sa bon travay. E nou’n war nou osi pou dir si sa i pe vin pli souvan, deteksyon pli souvan e osi enportasyon osi pli souvan – i petet.  Be selman i pa vedir ki nou travayer p ape fer plis louvraz, kekfwa i pe plis travay at the time kekfwa i annan plis lenportasyon i anvi nou war plis. So, mon felisit zot pour sa.  Lo kote lekipman. Wi lo Bidze i annan avan Desanm la fini, nou sipoze aste bann testing kit pour drog ; i annan bann swap also ki nou pe procure.  Apre nou’n fer plan pour nou procure swa atraver donasyon si non met dan Bidze pour le fitir en scanner en body scanner.  Sa nou’n, mon kapab dir ou nou’n apros Gouvernman Abu Dhabi already lo sa nou’n annan en meeting de semenn pase lo sa lekipman.                 Akoz mon krwar sa pour ed nou en kantite, akoz sa i pe vwar ou basically nenport ki kote ou pe kasyet en serten keksoz dan ou lekor i pe vwar. I kout en kantite larzan be selman nou bezwen mazin cost benefit pour sa lekipman.

Lo kote kominikasyon – wi sa mon pou dakor, sa i pa en keksoz ki nou mon krwar 2an pase nou ti annan en plan pour met radyo ‘walky talky’ so, apre ti annan en sityasyon mon krwar ki ti arive avek Licensing …. and so on.  Sa in sort out be mon krwar procurement pa ankor finalize.

Be selman sa i lo plan so, i en keksoz ki i byen ou’n demande e i lo nou plan.  Lo kote life jacket pour nou bann boarding officers, avek bann vest lo por – wi sa i en enquirement ki nou pe tackle en mon’n fini war model ki nou ou le aste i lo nou plan pour aste sa.

Boarding yes, nou ganny en bon pe training avek US government, zot ti la apepre what 4 semenn pase mon mazinen.  Ti annan apepre 5 zot e zot ti pe koz ek nou lo bann training ki nou,  nou ti a kontan US Government i provide pour zot. E zot pe follow lo kote marine time, maritime security.         So, yes boarding i enn nou bann area ki dan le pase nou ti ganny zot sipor e zot kontinyen donn nou sipor e i annan en plan pour nou annan more training by US Government.  Mersi Chair.  Mersi Onorab.

 

MR SPEAKER

Mersi Komisyoner Generale. Onorab John Hoareau.

 

HON JOHN HOAREAU

Mersi Mr Chairman. Mr Chairman mon kestyon i en kestyon tre direk krwar ki zot pou fer dan sa Bidze pour zot ensure ki annan plis compliance atraver taxpayers education?

Dezyenmman mon ti a kontan konnen an term lenspeksyon e deteksyon lo progranm 3, ki zot pe fer, pour fer sir ki bann etranze ki vin travay lo bare boat charter isi i pey zot withholding taxes. Mersi.

 

MR SPEAKER

Mersi Onorab.  Komisyoner General.

 

COMMISSIONER GENERAL MR RONALD CAFRINE

Mersi Mr Speaker, mersi Onorab. Onorab konsernan withholding tax, sa pour le moman nou krwar i anba kontrol.  Be nou konnen pou dir challenge ki annan avek lendistri yachting  and so on. Nou believe ki annan keksoz ki nou kapab fer pli byen.  Nou’n fer en pe diskisyon avek Eden Island so management laba, e li in dir nou ki i pare pour asiste nou avek tou lenformasyon avek tou bato ki annan laba. Bann ki prive, bann ki komersyal i en pe difisil pour tonm dan zot ziridiksyon.

Nou pa ankor fer diskisyon avek sa bout komersyal, me selman lo kote bann private yacht sa nou’n ganny komitman avek Eden Island ki zot ed nou lo la.  Ki zot dir nou zot annan lalis tou bann bato e zot fer sir ki tou bato ki antre i rezistre, e tou bato ki antre konman private i ganny dir kwa ki zot kapab fer, kwa ki zot pa kapab fer dan pei.  Lo lot pwen Onorab, Onorab ou pa mind mon a zis repet ou kestyon silvouple…

 

MR SPEAKER

Onorab Hoareau.

 

HON JOHN HOAREAU

Wi mon lot pwen ti lo tax payers education ki zot pe fer pou ensure compliance lo sa kote. Mersi

 

MR SPEAKER

Mersi Onorab.  Komisyoner.

 

COMMISSIONER GENERAL MR RONALD CAFRINE

Mersi Mr Speaker.  Mersi Onorab.  Onorab, compliance i en keksoz pri mondyal pour nou.  Nou krwar pou dir pri compliance i pli o pli nou pou anmas plis reveni.  So, pour nou ki nou pe dir se ki annou donn plis lenformasyon nou bann taxpayers ; annou make it accessible pour zot pli fasil annou fer li pli senp pour zot ganny en konpran.

So, ou pou vwar pou dir i annan en kantite larzan ki nou’n mete anba education e nou kontinyen fer li akoz nou krwar i en bon lenvestisman pour nou increase compliance. E ki nou pe fer osi nou devlop en tax education diploma.           Well nou pa’n ganny funding this year, be selman nou believe i en bon keksoz, e ki lavenir ki nou pou ganny larzan nou ava fer li.

Be selman sa pa pou anpes nou devlop li. Nou pou fer li avek TGMI – Guy Morel Institute e sa pou ed nou train pa zis zofisye osi bann agents e osi bann lezot dimoun ki enterese etidyan ki ler zot vin dan lendistri demen zot pli comply avek Lalwa Tax.

Apre i annan bann lezot kantite training ki nou pe fer fek fer meeting avan yer, en kantite training ki nou’n fer sa lannen e i kontinyen reste alaoter.  Mon pe dir be enn bann landrwa ki annan plis training mon krwar dan Gouvernman i bezwen SCR, akoz i annan en kantite training.  E nou pe ganny en kantite led avek Malaysian tax academy, avek ETAF, IMF en lalis stakeholders ki pe ed nou.

So, mon kapab dir ou mon satisfe lo kote compliance  -zefor ki nou pe mete dan compliance, akoz nou believe pou dir sa i lakle pour nou, complianceSo, tou dimoun i dir be kekfwa tax sistenm ti kapab en pe pli senp.  Kekfwa en pe pli senp en zour, be selman in the meantime i pa ankor vin pli senp nou fer sir ki nou kontinyen edik dimoun e fer access tou lenformasyon lo tax pli fasil e pli cheaper to comply with the tax system. Mersi Onorab.

 

MR SPEAKER

Mersi Komisyoner Zeneral. Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon premye kestyon i relate pou sa nouvo mezir ki SCR in pran regarding border control e mon ti a kontan demande si SCR dan sa mezir ki zot in pran, kot zot pe fer bann, tou bann dimoun ki antre avek bann good skills sipoze over comercial make up, pas atraver en filyer normal kot zot al met kot cargo and then pour zot retire.

Si SCR in pran tou mezir neseser pour zot kapab delivre sa servis e si dan sa Bidze i enkonpor mezir ki zot bezwen pran pou zot annan staff adisyonnel? Prenon kont ki deza kot par egzanp pandan letan la festivite, i pou en gran influx of keksoz ki pe antre dan pei.  E si zot pou kapab delivre lo sa nouvo mezir ki zot in pran?  Premyerman.

E mon ti a kontan si CEO i klarifye – si  Komisyoner  i klarifye si sa mezir i an akor avek bann, sa mon krwar zot devret pe fer se border control pour asire, ki ler bann dimoun pe antre dan pei napa bann contraband eksetera  – pase. Kot zot pa pas atraver prosedir Ladwann parey me zot pe pas atraver sa ki par egzanp ou pe vini avek sa personal items eksetera e tou dimoun pe pas menm landrwa.  E sa i delay osi lakantite letan ki zot kapab pran pou zot screen bann dimoun.  Sa i pou mon premye pwen.

Mon 2enm pwen i relay to taxation of the retail sector. Eski zot kapab dir nou ki kantite travay zot in fer la, e si zot in pran mezir la dan sa Bidze, parey zot ti propoze dernyen fwa zot ti vin dan Lasanble.  Pour zot etablir bann mechanism pour zot kapab takse bann retail sector? Akoz i annan konsern ki petet konman en Gouvernman nou pa pe anmas tax parey nou devret pe anmase atraver retail sector? E pour avoid sa sityasyon osi kot pou annan income splitting, par bann endividi ki dan sa sekter.  Mersi Mr Chair.

 

MR SPEAKER

Mersi Onorab.  Komisyoner Zeneral.

 

COMMISSIONER GENERAL MR RONALD CAFRINE

Mersi Mr Speaker. Mersi Onorab. Onorab wi, border control i enn nou bann focus mazer e ler nou delivre li, nou bezwen delivre li dan diferan loptik.  Premyerman nou bezwen mazin trade facilitation ; dezyenmman kontrol lenportasyon dan pei kont whatever is ilegal. E trwazyenmman nou bezwen fer sir ki i annan serten, annan serten delay letan ki ou kapab, sa time release, akoz nou ganny rate parey ou konnen ou pou get dan, doing business trade across borders i enn bann area ki nou ganny ratingSo, sa i sa 3 major area ki nou sey focus lo la ler nou fer border control.

Wi, mon krwar ou’n fer en pwen tre enportan nou konstaman nou pe lager kont bann keksoz ki ilegal. Mon krwar si nou fer en statement zeneral, nou krwar pou dir nou, nou pei in deklar en lager sirtou kont drog.  Konmsi nou kote Ladwann nou osi bezwen donn lanmen lager kont sa.

So, nou krwar pou sir komersyal goods i pas dan son channel komersyal proper, laba i annan son bann enough dimoun, i annan son lekipman, i annan son time pour nou deal avek.  I pou pli fasil pour nou detekte okenn lenportasyon drog.  I pa zis lenportasyon drog obviously i annan lezot keksoz parey nou pe war blank invoices ki pe antre atraver, atraver courier.

So, si en dimoun i anmenn blank invoices dan son, dan son airport terminal, kekfwa ou, ou pe kalkil get kalite soulye, kantite semiz kantite whatever ki i pe anmennen.  Be somewhere i annan blank invoices, ki finalman i vin en issue koleksyon reveni.  So, ler i pas dan channel normal i annan petet nou sey fer mannyer nou kapab.  Solman normalman nou service delivery i devret annan 2 dimoun, ki asiste en verifikasyon komersyal.  Anba terminal ou pa pou gannyen de dimoun avek en dimoun. Landrwa i ptipti e landrwa i fast so l er i pas laba i annan en better control.  So en pe dan sa laliny ki nou pe fer sa mezir.

Wi nou’n koz avek sa seksyon, zot in asir nou pou dir wi zot kapab manage. Mon al kot Mr Ali Sanmdi pou al teste ki mannyer zafer pou été – pou li al kind of visualize.  I dir mwan in ase smooth.  Nou sipoze pe ganny plis lenformasyon lo ki’n arive Dimans – by petet ozordi oubyen by demen.  So, nou pe monitor mannyer keksoz i ale. So obviously nou pa pou – nou fer li en pe smooth konmsi, akoz nou konnen pou dir la i very fast – i annan dimoun ki vin avek – you know avek Desanm ki arive ou annan extra pti keksoz avek ou.  Si ou annan R3mil avek ou extra above ou R5mil si nou kapab tret ou lanmenm la, nou ava tret ou lanmenm la, nou pa anvoy ou lot kote laba,  pou al dan komersyal.

So lo sa kote mon krwar pou dir ki’n nou’n asir byen met an plas tou bann keksoz. Be selman nou pe monitor. Nou’n  realize si nou kapab decree – deplway detrwa dimoun oubyen petet aranz opening hours.  Mon pa konnen si petet nou pa kapab extend en pti pe opening hours.  Nou a koz avek SCAA si posib petet Sanmdi ou en pti pe pli tar nou ava koz avek zot.  Me selman so far nou ase ekipe lo sa kote.

Lot kestyon regarding retail sector Onorab ; wi dernyerman la in en issue ki nou’n tande e nou’n koz lo la in tender li.  E sertennman bomaten mon fek pe demande. Retail sector i enn nou bann sekter No.1 pour nou lo kote odit, audit plan, profiling – whatever pour 2019. Obviously i annan bann laspe ki’n vini earlier also, about melanz.  Ou konnen retail and money changer – kind of grouped together.

Sa i en challenge pour nou, nou pe fer en diskisyon avek lezot organizasyon parey Central Bank ki mannyer nou kapab properly regulate la kote money changer.                Selman sertennman retails centre i enn bann area ki nou pe focus lo la.  Mon pa pou dir ou nou fully ekipe.  Nou napa lakantite dimoun, be selman ki nou fer nou kot priyorite i ete nou met resours, So koumsa ki nou pe travay pour le moman.  E an mezir ki nou pe devlope, fini al fer bann negosyasyon pour nou ganny plis resours,  sa prezan nou ava petet pran plis keksoz dan en gran plan.

Be selman pour le moman wi i lo nou radar, pou 2019 e nou pe met resours avek.  Mon pa konnen si nou pou bezwen – obviously ler nou resours i limite ou bezwen priyotize.  Sa ki nou pe fer, e mon krwar tou lorganizasyon pou fer parey.  So, yes i lo nou radar nou pou deal avek an 2019.  E from there on nou pou devlope pour nou kapab fer li better.  Mersi Onorab.

 

MR SPEAKER

Mersi Konmisyoner Zeneral, Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair zisteman lo sa size retail sector avek sa size VAT, i annan pei ki konmans entrodwir en sistenm elektronik ki link sa point of sale avek sistenm koleksyon reveni.  Vi ki Sesel nou pa en gran pei as such, eski SRC pa pe al dan sa direksyon, pour kapab link sa santralman, kot par egzang atraver bann point of sale e fer asire ki tou bann retails, tou bann retailers pe servi en point of sales ki pe link electronicly ; zis pou fer sir ki at the end of the day sa dimoun ki pe aste sa komodite, i pa pe end up pey VAT lo en keksoz ki napa VAT.

Akoz ler i donn ou sa resi VAT is deducted at the end.  E ou pa konnen si par egzanp ou ‘n aste en goods ki napa en VAT lo la si sa pa pe ganny retire.

So, eski zot pe fer sa akoz mon konnen en pti pei parey Fiji par egzanp in al dan sa direksyon pour li entrodwir en mezir koumsa, se eski SRC pe fer plan pour entrodwir en mezir koumsa?

E prezan lo sa size income splitting, in en size kot income up kot par egzanp i annan kontrakter 4 lezot pti kontrakter i formen.  Me i paret poudir sa 4 lezot ptipti ki’n formen i form par avek sa enn gro.  E menm parey dan retail sector ou war i annan en gro retailer apre ou war i annan bann offshoot diferan bann pti retailers ki ganny formen.

So, ki mannyer zot SRC zot pe target sa sityasyon pou fer sir ki at the of the day, ou napa enn bann unfair advantages ki ganny kree dan bann unfair competition ki ganny kree dan marse. Me asire ki bann dimoun ki pe fer biznes dan sa bann sekter, ki pour mwan i paret lucrative akoz ou war plizyer laboutik i kontinyen ouver partou, ki zot pe pey tax parey zot devret pe peye.  E reveni ki Gouvernman pe gannyen, i parey avek sa ki nou pe depanse akoz sa pou al dan laliny redwir the cost of living.

Akoz ou pa kapab donn Seselwa en pti logmantasyon me apre lo lot kote sa i pe ganny pran atraver bann sekter kot petet i annan bann pratik ki pa neseserman an konformite, avek Lalwa.  Mersi Mr Chair.

 

MR SPEAKER

Mersi Onorab.  Annou sey bref otan posib e petet osi bann Manm e Komisyoner Zeneral osi. Minister.

 

MINISTER MAURICE LOUSTAU-LALANNE

Mersi Mr Chairman, mersi Onorab. Onorab kekfwa ou ava rapel dan mon repons dan Bidze, mon ti tou lo sa size.  Me annefe sa ki mon ti dir se ki, an 2019 nou pou annan en kozri avek sekter prive pour nou fer 2 keksoz ;  Gouvernman li in deza konmanse atraver Minister Finans met bann POS dan bann landrwa kot Gouvernman i anmas reveni. So, sa i an mars.  Me  sa ki nou anvi fer se met en electronic cash register, dan tou sa bann retail shop ki pou ganny sertifye par Komisyon Reveni. Donk se sa nou proze an 2019. Mersi Mr Chairman.

 

MR SPEAKER

Mersi Minis.  Komisyoner ou le azout keksoz?

 

COMMISSIONER GENERAL MR RONALD CAFRINE

Mersi Mr Speaker. Onorab mersi pou ou kestyon regarding sa bann, the retail sector, ki mannyer nou kontrol li ki i ed nou avek ki nou le achieve en better kind of prize for the Customer. Wi, ou konnen tou bann retailers zot bezwen an rezistre zot endividyelman.  So, si i annan en group en big one avek a lalis bann lezot ptipti, tousala i pe ganny reste konman en laboutik.

So, nou bezwen tret zot koman endividyelman koman en taxpayer oubyen i annan son card identity, son TIN and so on.  So, how prezan ki nou fer sir napa bann nespes transfer prizing oubyen nespes link antre zot tou – ki mon krwar nou’n dir en pe se pa cartel. Mon pa konnen si mon’n servi sa term.  Sa i en lentelizans ki nou bezwen anmase. I bann profiling, i anmas bann lentelizans pou nou kapab fer en proper lenvestigasyon lo la.

Mon pa pou dir ou ki, i en louvraz fasil, me selman i en keksoz ki nou’n war pou dir i en nesesite.  Parey mon dir ou taler nou dir nou’n koze earlier akoz bokou fwa sa zafer retail sector in monte,  ki mannyer prezan nou SRC nou gear nou, pour nou target sa. So, enn bann premye keksoz ki nou’n fer lo kote odit, i enn nou bann sekter ki nou pe gete next year.

E obviously avan ou fer en odit for nou bezwen bann profilings. Solman son ou anmas sa bann lentelizans,  bann lenformasyon ki nou vwar e pour nou fer en odit avek.  So, kekfwa avek odit osi i ed nou pour nou ganny lenformasyon pour nou fer pli byen. So, yes Onorab i en keksoz ki nou fer li konman priyorite for 2019. Mersi.

 

MR SPEAKER

Mersi Konmisyoner Zeneral.  Onorab Francois Adelaide.

 

HON FRANCOIS ADELAIDE

Mersi Mr Chair. Detrwa pti kestyon – parey zot manda i pou fer sir ki Gouvernman i anmas bann larzan, ki lepep i drwa, ki dimoun i drwa zot annan – zot annan en Board, en SRC Board ki mon konnen i annan bann businessman ase red, ase serye lo la, me selman zot pe dir ki zot pa pe ganny pran o serye.  Zot bann desizyon ki zot pran lo ki mannyer pour regle sa bann sistenm tax.  Zot donn bokou propozisyon selman zot war zot propozisyon i reste la.  E sa bann businessman in dir zot pa kapab vini asiz 2erdtan zot pa war solisyon.  1ertan zot kapab fer en bon pe larzan so zot le ganny valorize ler zot donn desizyon so CEO petet ou a donn en pti mo lo la.

Apre i annan enn de pti konplent ankor la, bann lozistik parey bann papye, bann form la.  La mon pe aprann pou dir lo kote form zot en pe limite e bann businessman pa pe gannyen bann form pou fer bann tranzaksyon – parey bann ki zot fer tranzaksyon pour expat.  Bann lapey expat bann detay koumsa – i paret i annan en pti konsern.

Dernyen pti pwen i annan sa progranm 4 ledikasyon avek service delivery – i annan bann dimoun ki’n eksprim mwan konsern ki petet i kapab pour Custom.  Ki par-ler i annan bann dimoun ki travay malis, ou konpran?  I annan de pwa, de mezir lo kote lenportasyon ler i vini.

Par egzanp si en dimoun i fer vini en laport i annan enn ki pou ganny sans pour en laport antye, pou ganny kapitonnaz, an vit, tou zafer e i annan bann ki ganny pini ou dir en laport non i dir ou, tir vit, tir  soz –isi, laba. So,  mon krwar i enportan ki nou tret tou dimoun parey e ki nou donn lespas pour nou fer biznes.

Dernyen pti keksoz ankor ki fer fermye in dir mwan met a latansyon SCR petet avek Custom.  I ti annan bann kontrol avan, me zot pe konplent par egzanp si zot annan en pickup konmela.  Si zot cabin i tape, zot bezwen pas anba en bann prosedir ki i tard zot.  Me tandis ki si ti annan en fason ki mannyer sa bann cabin ti ava isi Mahe, zot fasilte ti ava pli fasil.  E zot ti ava ale aste sa cabin e ti ava koup lo zot kou pour zot al espere e apre prodiktivite ti ava en pe pli bon.  So, mon ti ava kontan de pti mo lo la. Mersi.

 

MR SPEAKER

Mersi Onorab. Komisyoner Zeneral.

 

COMMISSIONER GENERAL MR RONALD CAFRINE

Mersi Mr Speaker. Mersi Onorab. Si mon a pran lo Board, well Board in antre boner sa lannen e zot annan en bon kominikasyon avek Minis Finans e ziska ozordi Minis Finans i ankor mansyonnen dan SRC Act. So, Board i annan rol oversight obviously bann lo kote stratezi, polisi zot en pe for lo la. Wi, Board i annan son fason obviously i nouvo i annan fason ki i ti a kontan travay.  E zot in fer en plan pou war Minis next year early pou met sa plan lo latab.  So, Minis i la obor mwan i tann sa e in resevwar en let tou regarding enn de bann issues. So, i a pran sa ler zot zwenn.

Lo kote latransparans ‘ease of doing business,’  wi I mean – mon krwar si pour nou reste en lenstitisyon ki kredib nou bezwen tret tou dimoun parey.  Mon pa dir ou nou sen lo la obviously imen ki travay dan SRC i annan sans kekfwa keksoz pa ganny trete parey.

Me ler sa in ganny dekouver internal audit kot nou ler i pas lo fonksyon, e bann keksoz koumsa i ganny raise e bann dimoun i ganny apele e bann lesplikasyon i bezwen ganny donnen lo la.

Selman nou konman ladministrasyon, koman management, nou fer ki laspe delivery of services i ganny fer en fason transparan.  Ki nou pe fer imedyatman la ki nou pe fini an Mars tou bann SOPs operating procedures dan Ladwann partou pe ganny revize.

Lo kote bann zafer cabin pou masin and so on.  Mon konpran ou pwen i annan pwen ki’n vini dan le pase ki si ti kapab petet les en serten parey bann mekanisyen, bann garaz, petet anmenn serten low be prezan ler i bezwen en cabin en masin i al kot sa landrwa i gannyen.  Be selman sa i en issue Polisi ki avek Ministry of Finance bezwen diskite.  Mon konpran ou pwen, be selman i en issue Polisi ki Ministry of Finance bezwen guide nou lo la.  Lo ou pwen form mon ava les Depite donn ou en pti mo lo la.  Mersi.

 

MR SPEAKER

Mersi Komisyoner. Depite Komisyoner.

 

DEPUTY COMMISSIONER GENERAL MR FRED MOREL

Bonn apre midi Onorab.  Lo kote form mon pe mazinen ou pe koz lo kote payroll, pour, wi.  Letan nou’n ganny lentrodiksyon progressive  income tax nou’n entrodwi detrwa bann nouvo form – payroll ki nou konnen pou dir i annan, sa bann form i sipoze ganny lodge elektronikman pour en serten kategori biznes. ki annan 10 travayer an plis.  E i annan bann lezot form ki nou’n fer pou bann pti biznes ki, pour ed zot kapab lodge li manually si zot pa kapab lodge li elektronikman.

Nou konnen pou dir i annan serten problenm ki nou pe ganny lo kote e-service pou lodge serten bann form – ki nou’n liaise avek DICT pour sey redwir sa bann problenm ki nou pe gannyen.

Osi bann diskisyon ki travayer in gannyen avek serten bann biznes, ki letan zot ti pe lodge  sa bann form sete, i annan ki zot pe servi kekfwa bann tools ki’n ganny devlope avek bann lakonpannyen prive lokal – ki nou ti’n liaise avek zot pour format ki form i sipoze ladan.  E i paret i annan serten issue nou sipoze meet avek sa bann dimoun pour nou rezourd sa bann problenm.  E osi annan en pe plis ledikasyon avek bann gro biznes sirtou – akoz nou anvi, zot annan en kantite travayer lo zot payroll, kot nou anvi zot lodge sa bann form elektronikman, pour fer keksoz pli fasil pour zot apre pour nou osi, pour nou kolekte bann lenformasyon statistics. E osi verifye osi bann peyman income tax pour fer sir ki sa ki zot pe deklare i korek. Mersi.

 

MR SPEAKER

Mersi Depite. Onorab Adelaide.

 

HON FRANCOIS ADELAIDE

Ok, Mr Chair pour donn mwan sa pti sans. Ok, mon’n konpran zot largirman.  Me selman parey nou’n dir nou pe al donn zot larzan la.  Nou pou donn zot, zot larzan parey nou abitye dir, me selman nou le en keksoz nou pa kapab zis donn larzan nou pa war keksoz e soz.  O pli vit posib ki zot kapab fer sa, mon krwar ti ava bon pour nou pei, an menm tan ki sa bann dimoun i ava ganny tou zot bann dokiman a ganny plis larzan Minis ou konpran?  Mersi.

 

MR SPEAKER

Mersi pou ou sizesyon Onorab, Onorab Phillip Arissol.

 

HON PHILLIP ARISSOL

Mersi Mr Chair. Bann zofisye lad 1 zot fer mazorite bann dekouver bann keksoz ilegal swa sibstans ki antre dan pei, ki serten endividi i sey fer antre dan pei. Eski i annan okenn rekonpans pour sa? Eski bann zofisye, sa bann zofisye i annan okenn form lasistans pour zot sekirite akoz i annan bokou zot ki ganny menase? E eski i annan okenn incentive pou sa bann zofisye, pour anpese ki zot ganny tante ou enflianse pou les pase sa bann keksoz ou sibstans? mersi.

 

MR SPEAKER

Mersi Onorab. Konmisyoner Zeneral.

 

COMMISSIONER GENERAL MR RONALD CAFRINE

Mersi Mr Speaker, mersi Onorab.  Onorab ozordi nou napa en incentives special pour bann zofisye ki vwar bann deteksyon mazer sirtou par egzanp drog.  Nou ti a swete nou’n koz lo la mon rapel 2008, 2009 ler mon ti travay Custom ti annan en zafer R10mil. Ki manrmay ki war drog si i en dimoun i ganny R10mil si 2 zot, 3 zot i ganny share.  Sa ki i annan pli major role ladan konmsi.  Be apre sa in sorti.  Mon rapel ti sorti ti annan en pe largiman ki dir be zot louvraz anyway. ‘’Ki mannyer nou dan por nou war keksoz dan container, nou pa ganny larzan ?’’ So, largiman was eski pa zot louvraz sa ? akfer donn zot additional? Anyway mwan mon believe ki i devret annan. Nou’n koze lo la kekfwa next year nou a met en case, I mean, nou stratezi ki nou pe vin devan nou’n met ladan, mon believe ki i devret annan en keksoz spesyal pour bann deteksyon.

Wi, e lo kote sekirite sa nou parey in monte enn defwa nou’n koze avek NDEA ex-NDEA, zot in dir nou pou dir wi zot in pare pour asiste nou ; par egzanp si i annan zofisye ki bezwen al Ankour.

Akoz i annan bann case ki bezwen al ankour so, nou, transpor pour zot ariv kot zot. Akoz ozordi zot bezwen desann dan bis parey tou dimoun oubyen pran zot loto.  So, ki transpor i pran zot kot zot e i anmenn zot kot zot.  So ler i annan bann, pe al ankour sorti ankour, be toulezour koumsa nou napa okenn lezot sekirite ki nou donn nou bann travayer.

So, an gro zot pe fer zot louvraz parey tou lezot zofisye e ler zot dekouver nou dir zot fer zot louvraz byen obviously kot nou kapab applaud zot no applaud zot.

E nou’n fek koze semenn pase nou dir koumsa be ou konnen be ler marmay i fer en travay zoli koumsa nou pa zis ekout tann lo radyo nou bezwen nou menm nou konman management anvoy en serten mesaz pou dir ‘’good job!’’ Nou koze avek Mr Ali lo la.  So nou pou fer sa plis dan le fitir.  Mersi.

 

MR SPEAKER

Mersi Konmisyoner Zeneral. Onorab Phillip Arrisol.

 

HON PHILLIP ARISSOL

Eski i annan okenn incentive pour anpes sa bann dimoun tonm swa dan tantasyon swa pour les pase sa bann keksoz? Mersi.

 

MR SPEAKER

Mersi Onorab. Konmisyoner Zeneral.

 

COMMISSIONER GENERAL MR RONALD CAFRINE

Mersi Mr Speaker. Mersi Onorab. Wi nou, custome i annan en allowance ki nou donn zofisye.  E zofisye espesyalman bann terminal i annan en allowance en pti pe anplis.  Ok, to be frank with you, zot dir ou i devret plis, selman i annan en allowance ki zofisye customs i annan konpare avek petet lezot Minister.  Mersi.

 

MR SPEAKER

Mersi Konmisyoner Zeneral. Bon i reste 7 Manm lo lalis.  Mon sizere nou pran en Break nou ava retournen 4er pour nou kapab fini avek SCROk, nou ava pran Break nou repran travay 4er.

 

(BREAK)

 

MR SPEAKER

Bon nou a kontiny nou travay.  Onorab Gervais Henrie.

 

HON GERVAIS HENRIE

Mersi Mr Speaker.  I have a bone to pick with SRC.  SRC an 2016 zot in vini zot letan nou ti pe pas premye Bidze ki 6enm Lasanble ti pase.  Zot ti dir nou zot bezwen travayer.

Alor konman Lasanble nou dir ok nou pou siport zot.  Nou pou donn zot Bidze – 2017 – menm zafer.

Prezan nou konman Manm Lasanble, bann dimoun la anndan pou konn tre byen ki mon pe dir – se ki souvan nou zwenn dimoun ki dir mon pe rod travay kot mon pou al rod travay. Be ler la mon konnen pou dir SRC pe rod travayer.

        So dan sa dernyen lannen pa mwens ki 7 dimoun Mr Speaker mon’n anvoy kot SRC. 

Problenm avek SRC se ki swa bann dimoun in al interview.  Zot pa tann ankor from SRC or, zis pou re call ou pa call ou!

Dan sa 7 mon konnen pou dir i annan enn Mont Buxton prezan i pe travay avek PNJ – dan larzan.  I annan enn in vin travay isi Lasanble Nasyonal, in ganny en pozisyon isi.

Lot mon prop fiy mon sel zanfan premye keksoz zot demann li zot demann li lekel son manman ek son papa.  Apre nou pou call ou Merkredi prosen Merkredi i pase i dir be ok mon esper ankor 7 zour.  I re call zot dir be in dir pou call ou, nou ava call ler nou’n pare!

Finalman i pe fer en part-time 2 zour kot Ernst & Young la Castor Road.

So 3 lenstitisyon PNJ, Lasanble Nasyonal avek sa accounting firm in pran sa bann dimoun.  Savedir sa bann dimoun pa kapab annan sa – konmsi zot annan sa abilite.

So mon problenm avek SRC se ki si zot dir nou poudir zot bezwen travayer nou, nou sey ede.

Prezan mon anvi konnen be akoz sa bann problenm – e si ozordi zot pou dir nou zot ankor annan defayans avek resours imen.  Sa i mon premye pwen.

2enm pwen Minis in dir poudir Gouvernman pe al anbark lo en proze pou annan sa bann kestyon ki Onorab Pillay ti demande dimoun in fer peyman elektronik.

Minis dan ou prop batiman Liberty House kot Lapos anba la kot dimoun i vin sers bann pti cargo small parcel.   Just last week en zanmi in ale, napa in bezwen pey cash.  So si zot ti kapab sort out sa.

E trwazyenmman SRC sak fwa i vin devan Lasanble i enn bann antite ki plis son travayer pou text nou tou la anndan.  Demann isi, demann laba, i montre pou mon i annan en problenm kominikasyon.  Konmsi fodre zot koz ek bann staff en pe pli souvan dir zot, ki zot bann kondisyon.  Mon pa pou al demann sa ban kestyon ki zot pe dir mon demande akoz si non nou pou pran tro bokou letan.

Me mon zis rekomande ki zot annan en bon channel kominikasyon avek staff pou lesplikasyon konsern nenport kwa, ki konsern zot bann Scheme of Service or lezot kondisyon travay.  Mersi bokou.

 

MR SPEAKER

Mersi Onorab Henrie.  Komisyoner Zeneral.

 

COMMISSIONER GENERAL MR RONALD CAFRINE

Mersi Mr Speaker.  Mersi Onorab pou sa kestyon.  Yes Onorab sa zafer staff shortages i en gro problenm pou nou.

I en landrwa ki nou’n met bokou zefor.  Ou pou vwar kekfwa dan Nasyon dan bann piblikasyon nou pe rod kantite travayer e fer ou demann HR ki outcome, i dir ou pou ki nou annan tan dimoun ki refuse     point blank now. 

I annan ki dir ou ki      ou’n call li for en interview.  Apre ki dir ou i annan detrwa potential e finalman i dir ok dan sa bann ki’n dir ‘potential’ ki nou’n dir – ‘’you got the job’’ finalman ler zot konn saler zit dir ok mersi bokou mon pe al somewhere else. 

So bokou zefor pou rode pa fasil – pa gannyen.  Mon konpran sa issue ki ou dir petet mon pa konnen nou pa fer li ase nou tro triye lekel ki nou oule.  Me selman ou bezwen mazinen poudir sa louvraz osi SRC i en louvraz ki ase delika e i ase teknik.

So the moment ki ou antre travay ou ganny thrown into the deep oceanSo mon konpran poudir ok training i la, me selman toulezour ou pa kapab ganny en ganny bokou letan pou ou train dimoun.  So ki nou pe sey fer la zafer training pe vini.  Sa pou ed nou en pti pe pou nou train nou bann dimoun pli vit – kapab delivre en pe pli vit.

So yes si i annan en sityasyon kot ou dir mwan poudir zot pa pe ganny feedback lo zot aplikasyon, mon sorry ki pou tann sa i pa devret ganny arive.

E ler nou tourn lofis nou ava fer en lenvestigasyon lo la.

E lo kote kominikasyon Onorab.  Sa i en keksoz ki depi ler mwan mon’n vini mon’n fer en kantite meeting. Mon’n fer meeting managers ek direkter.   Mon’n fer meeting avek staff diferan tim.  Minis osi in fer meeting; Board in fer meeting at the same time. 

So kantite meeting ki nou’n fer sa lannen i en kantite.  So si staff i bezwen petet en pti e personally vin kominik lot keksoz – lot issues nou welcome.  Si nou laport i ouver.  E bokou i vin kot mon.  I en keksoz ki mon promote toultan.

So nou a regarde si nou kapab fer pli byen lo kominikasyon me selman parey monn dir ou ki nou pe promote mon fer li toultan.  Lo kote …

 

MR SPEAKER

Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab mon osi parey ou, mon’n anvoy enn de dimoun laba.  E pa plitar 2 semenn pase nou’n refer enn.  Me apre anba negativ.  So mon’n re take up parey osi ou’n fer – mon’n re take up parey ou osi ou’n fer, mon’n re take up  e mon pa ankor tann dernyen leko.

Me sa ki mon ti a kontan dir se ki SRC ozordi i annan li 350 staff an total.  E i annan 41 pos ki vakan ek larzan.

So ou vwar i annan i en lorganizasyon ki kapab rekrit plis dimoun.   Me konm CEO in dir, Commissioner in dir par-ler kekfwa pa tou dimoun ki met kriter.  Me selman mon krwar fodre fer en zefor. Akoz i annan vacancy i annan Bidze e zot bezwen plis dimoun mon krwar i en keksoz ki fodre zot port plis lentansyon lo la.

E lot keksoz se ki letan nou mon ti vizite – staff ti koz ek mon parey Commissioner in dir, nou ti pran en langazman pou fer sir nou revwar zot Scheme of Service.  Sa lepok zot ti’n soumet Scheme avek Departman Public Administration, me apre zot in pran lo zot menm pou retourn sa bann Scheme dan SRC pou zot travay lo la.

E sa travay in ganny fer.  E se akoz se sa ki dan sa Bidze sa voyaz.  Nou’n metR7milyon pou en Scheme of Service pou SRC.  Mersi Mr Chair.

 

MR SPEAKER

Mersi Minis.  Onorab Henrie.

 

HON GERVAIS HENRIE

Wi zis en pti pwen Mr Chair. Mon’n note ki CEO in mansyonn meeting ki’n Board in fer avek staff.

        Zis an pasan mon realize se antite ki letan nou’n diskit Bidze dan Staz Komite ki son Chairman Board ti la NSC.

Q      konmsi a lavenir ti ava byen si bann Chairman Board tou sa bann antite ki nou’n vot zot Bidze zot partisipe omwen pou montre en lentere dan sa antite ki zot pe a latet. Mersi.

 

MR SPEAKER

Mersi Onorab.  Mon krwar i en sizesyon ki panel i ava take up.  Mon a donn laparol Onorab Audrey Vidot.

 

HON AUDREY VIDOT

Mersi Mr Chair.  Bonn apre midi Mr Chair, Minis avek ou delegasyon tou Manm Onorab e tou dimoun ki a lekout.

Mr Chair mon kestyon pou SRC eski SRC i kapab dir ek  sa Lasanble ki sa nouvo Scheme of Service sa bann konsern swivan;   Sa zofisye custom ki son saler i 7,225 ki pe ganny bann allowance swivan R1080 pou shift allowance; R361 pou standby, R1000 pou risk manze R200 e ki pe kouver en long shift ki sipoze 8 staff par parfwa i annan zis 4 staff – eski i annan fairness dan sa Scheme of Service akoz i annan managers ki santi ki napa gran diferans ant zot saler avek bann supervisor Custom.  Eski zot pe revwar bann zot in revwar bann risk pou bann travayer akoz natir zot louvraz lo site.  Zot pe ganny pli mwens ki bann ki pe asize dan lofis.  Petet ou kapab eksplik nou akoz.  Mersi.

 

MR SPEAKER

Mersi Onorab.  Komisyoner Zeneral.

 

COMMISSIONER GENERAL MR RONALD CAFRINE

Mersi Mr Speaker.  Mersi Onorab pou ou kestyon.  Wi sa nouvo Scheme i adres basic salary e osi allowance bann zofisye.

Dan nouvo Scheme, pou napa en zofisye ki pou tous mwens ki R10mil.  Sa i enkli son allowance sa.

Ozordi wi nou pe koz en basic salary i 6,956 avek allowance i tonm R9,456 – sa i currently existing lowest salary. 

        Ek nouvo Scheme en dimoun ki dan non-technical area R10,400 e bann ki technical R11,100.  So nou pe vwar en signifikan increase dan zot saler,.

Wi i annan extra allowances pou at least – vre mon dir detrwa.  Sa kot terminal.  Passenger terminal zot ganny 1000 parey zot in dir.  Sa i spesyalman pou zot, zot ganny sa allowance an plis.  Zot kalite travay ki zot fer.

Selman dan lefitir ki nou le fer nou le parey nou dir Scheme i ankor avek nou sa nou kapab dir first phase.  So nou bezwen get li en pti pe pli an profon ki nou kapab mete dan diferan Scheme ki nou’n come up avek se technical, so ki mannyer nou kapab annan en Scheme ki kouver bann ki technical akoz si nou le atrakte dimoun pou vin kot SRC. 

Ozordi napa bokou dimoun ki petet ki annan en serten competency petet atrakt bann graduates.   Nou oule fer sa dan lefitir.  Akoz nou vwar nou pe struggle e lanvironnman biznes – kalite tax nou deal avek, i vin pli konpleks.

So nou pou bezwen annan en sistenm anndan ki atir sa bann dimoun.  Sansan toultan nou pe vwar nou pe en dimoun i vini 1an – 2an i ale.

E ozordi parey i annan en issue kot zot vini ganny train  SCCA and so on.  Me selman kekfwa si ou pa pe match sa kalifikasyon avek sa larzan i pou deside al kot private sector ACCA i pli ganny peye.

So nou mazinen ki by lafen lannen nou pou’n propoz en lot Scheme akoz Scheme i ankor ek nou.  Nou pou propoz Scheme avek Gouvernman ki nou hope ki pli tar – I pa ne neseserman imedyatman – akoz la i annan en increase ki’n fer sa lannen.  I kapab annan en keksoz i ganny mete ladan ki petet i osi donn zot en pti pe plis compensation.  Mersi Onorab.

 

MR SPEAKER

Mersi Komisyoner Zeneral. Onorab Vidot.

 

HON AUDREY VIDOT

Savedir Scheme pa ankor finaliz konpletman?  Nou swete ki parey mon’n mansyonnen.  I annan sa fairness in terms of sa bann disparite ki annan ek serten bann travayer.

Apre si ou permet mwan Mr Speaker mon ti’n manke pou mon demann avek Komisyoner, si bann dimoun ki pe ganny ki pe pey overtax si zot pe pey zot tax en pti pe an plis eski, SRC pe rankontre bokou sa bann ka ki zot bezwen pey refund sa bann dimoun?  E si wi akoz ki kantite letan zot pran pou refund sa bann dimoun zot larzan? Mersi Mr Speaker.

 

MR SPEAKER

Mersi Onorab.  Komisyoner Zeneral.

 

COMMISSIONER GENERAL MR RONALD CAFRINE

Mersi Mr Speaker.  Mersi Onorab wi SRC i fer en kantite refund dan diferan fason.  E la annefe sa semenn nou’n increase dimoun dan nou Refund Unit. 

Avan – well currently nou annan de refund.  Enn i kot Custom enn i kot Business Tax.  So nou le santraliz sa kote refund ki i annan plis dimoun ansanm zot a share   pli byen.

So e parey ou konnen i annan sa refund SFA ki’n rantre, so sa i enn bann rezon par deryer ki nou fer en pli bon tim akoz nou bezwen fer li pli vit.

So ki mon’n dir mwan nou pa kapab refund pli dousman ki SFA par egzanp.  Sa i pli vit.  Akoz sansan i pou en dezavantaz pou zot.

So nou ankor pli vit.  Se sa ki mon dir de dimoun i ganny mete dan sa nouvo tim.  E ansanm zot a fer en pli bon travay.  E deza bomaten nou’n vwar enn de refund pou SFA konmans sorti.  So i parfetman i pe marse.  Wi pou biznes i parey.  I parey VAT refund en kantite lezot refund i annan en kantite nou fer li.

 

MR SPEAKER

Mersi Komisyoner.  Onorab Bernard Georges.

 

HON BERNARD GEORGES

Mersi Mr Chair.  Mr Chair mon ti annan 4 kann dan mon pake Onorab Philip Arissol in pran 2 – Onorab Gervais Henrie in pran 1 – Onorab Audrey Vidot in pran mon katriyenm.

Mon kestyon alor i pou flot en pti pe lo sa ki sa 3 dimoun in, demande e sa i annan pou fer avek saler Scheme eksetera.  Parey mon kestyon donk pou Komisyoner Zeneral se ki zot pe fer komiser pou adres kestyon moral bann staff dan ou komisyon?  Sirtou bann ki travay Airport, ki i santi ki zot annan en rivalite avek bann travayer Imigrasyon ki zot, zot pe fer en pe plis e Imigrasyon pe fer en pe mwens.  Me i annan en dekalaz lo nivo saler, lo nivo kondisyon.

E vis versa mon bezwen dir.  Ki zot pe fer pou adres sa laspe ki tou vwayazer i krwar ki i annan en moral tre ba o nivo bokou staff dan sa landrwa?  Mersi.

 

MR SPEAKER

Mersi Onorab Georges. Mersi osi pou donn mon the right word mon ti pe rode sa mo komiser taler.  Bon mon ava donn laparol Kominer Zeneral.

 

COMMISSIONER GENERAL MR RONALD CAFRINE

Mersi Mr Speaker.  Mersi Onorab pou ou kestyon.  Yes Onorab wi I mean staff moral mon krwar i en keksoz ki nou bezwen pran li enportan akoz si i desann si zot nivo i desann i afekte proaktivite.  E i afekte moral e the whole situation. 

Mon krwar i annan en kantite pou fer ek moral.  I pa ziz oubyen si saler i en big part lo la.  E mon krwar anba sa Scheme ki nou pe seye la.  Nou’n fer en step.  Nou pe get ankor fer li pli byen.

Issue of allowances i monte tanzantan.  Taler in mont issue of reward – recognition of reward.  Petet pou serten tim dimoun.

I vre ki i en issue.  I mean mon pa pou kapab dir i pa en issue.  Akoz tou kou zot pe nonm mo sa issue.

Selman nou menm nou konman en SRC, nou pa neseserman kapab i imedyatman adres tou zot issue. 

        Ok nou’n diskite me solman ti annan son frame work, fiskal ki bezwen get keksoz apre petet tro bokou lezot lenstitisyon Gouvernman i en lot kestyon i kapab leve.

Mon pa konnen ozordi nou pa en Lotorite autonomus ki nou kapab pran tou desizyon, reminerasyon package, kree condition dan en package.  Nou pa kapab akoz nou pa neseserman annan sa full lotonomi.  Nou pe think lo la.  I en keksoz ki tanzantan mon pens en kou SS Payet lo la.  The Board osi i very strong, lo la – i krwar poudir sa i devret the way to go – pou SRC vin pli efektiv.  E i kapab vin pli efficient.  So i byen ki sa issue in leve.  E mon krwar i ou’n nonm en Airport – detrwa fwa Airport in monte la.  Ozordi mon krwar kekfwa Airport i en landrwa ki nou devret petet la ozordi mon krwar kekfwa Airport i en landrwa nou devret petet annan en dyalog avek staff.  Mersi Onorab.

 

MR SPEAKER

Mersi Komiser.  Onorab Basil Hoareau.

 

HON BASIL HOAREAU

Mersi Mr Chair.  Mr Chair mon ti anvi premyerman adres sa issue ki nou apel tax gap; savedir amount of tax ki e ganny ki sipoze ganny kolekte konpare avek amount of tax aktyelman ki pe ganny aktyelman ganny kolekte.

Mon ti a kontan demann Commissioner ki tax gap i ete Sesel?  Savedir bann tax ki nou pa pe kolekte, akoz i annan bann avoidance Scheme tax avoidance Scheme ki pe ganny met an plas.  Sa i enn.

Dezyenmman – eski zot santi pou dir SRC i annan – i byen ki pe an term Human Resources, pou deal avek sa issue tax avoidance scheme.  Pou zot dekouver zot santi zot bann staff i ekipe pou dekouver sa bann Scheme ki pe ganny met an plas.

Eski i annan en legzersis ki pe kontinyelman ganny fer, pou fer sir ki zot azour bann diferan Schemes?  Akoz sa bann dimoun pe fer sa bann Scheme – zot pe vin avek bann nouvo Scheme tanzantan e eski zot azour ek sa ki pe arive?

E si non eski ki zot pe met an plas pou zot nobou deal ek sa sityasyon?

 

MR SPEAKER

Mersi Onorab Basil Hoareau.  Komiser.

 

COMMISSIONER GENERAL MR RONALD CAFRINE

Mersi Mr Speaker.  Mersi Onorab mon pou l mon Depite reponn sa kestyon.  Mersi.

 

MR SPEAKER

Mersi Mr Fred.

 

DEPUTY COMMISSIONER GENERAL MR FRED MOREL

Mersi Onorab pou ou kestyon.  Lo kote tax gap, nou pa’n zanmen fer okenn estimation –  en tax gap analysis.  I annan serten bann pei deor bann revenue ki fer sa legzersis.  Pou lemoman nou estimate pou koleksyon reveni nou resevwar li from a forecasting analysis branch from Minister Finans ki donn nou kantite nou pou anmase against Budget tou- le-z-an.

So nou pa’n zanmen e ou actually nou napa sa expertise internally pou conduct en tax analysis. 

Lo kote avoidance scheme.  I annan serten ki travay ki ennler nou fer dan odit kekfwa ki nou vwar serten bann Scheme pe arive.  Dan Scheme ennler i bokou – i complex.  Pa tou kou ki nou annan technical expertise ki kekfwa nou deal avek tou sa bann kalite Scheme or konpran tou sa bann kalite Scheme ki egziste.

Me selman i annan serten sirkonstans ki letan nou vwar bann Scheme ki kekfwa en dimoun i mete pou li sey avoid tax, ki lo kote odit ki kekfwa nou pick up.  E nou pe osi kekfwa servi parey nou annan bann e pe plis bann exchange of information – nou annan tromatik exchange of information.  Nou pe sey build en pe kapasite ladan, ki mannyer nou pou kapab servi sa bann lenformasyon third party ennler ki pou nou kapab tackle en pe sa bann tax evasion ki pe arive.  Mersi.

 

MR SPEAKER

Mersi Mr Fred Morel.  SS Payet.

 

SECRETARY OF STATE PATRICK PAYET

Mersi Mr Chair.  Mersi Onorab.  En keksoz ki nou ti annan diskisyon letan sa IMF ti dan pei.  Me selman nou pa ankor konkretman fer li ofisyel, se pou lannen prosenn fer independent tax gap analysis.  E sa i fer par en lenstitisyon TADAT.  I en lenstitisyon enternasyonal endepandan.  E anvityelman once ki konplete, nou ava share the report avek Lasanble osi.  Mersi.

 

MR SPEAKER

Mersi SS.  Onorab Afif.

 

HON AHMED AFIF

Mersi Mr Chair.  Mr Chair mon osi en dimoun in pas dan mon pake kann – Onorab Hoareau.  Me selman mon atak sa kestyon en lot fason.

Letan ki compliance i en keksoz ki SRC zot dir zot pou fer, mon ti a kontan demann ou spesifikman lo sekter par egzanp telekominikasyon, ki dan Bidze ou’n met VAT ou pou amas R133 milyon lannen pase.

Mon ti a kontan konnen ki lekspertiz ou pou anmennen demen pou kapab pli bye sirvey sa sekter?

Rezon mon demann ou sa konman premye kestyon se an 2010 koleksyon GST sa letan ti apele.  Lo telekominikasyon ti R100 milyon.

An 2012 ti me kab soumaren.  Tou volim telekominikasyon ti monte Sesel.  Me la an 2020 – 2019 lannen prosenn ou pe anmas VAT, pa GST me i zis 133 ki montre en logmantasyon par an apepre 3poursan.

Ki mekanizm eski ou annan an plas, pou ou kapab vreman deside si ti 3poursan oubyen si ti plis?

Mwan personnelman si ou demann mwan i bokou plis ki 3poursan par an.  Mon a donn ou en legzanp – mwan mon ti abitye mwan mon kapab dir ou ozordi mon bill telefonn i mont plis ki 2 fwa konpare ek 2010 – 2 fwa.  I pa’n mont par 26 poursan li – 33poursan li.

Alor mon prezimen laplipar dimoun ek lakonpannyen ek data ki i annan ozordi, i bokou pli o ki sa.

Me ki zot pe fer pou zot kapab fer sir ki ler Cable and Wireless oubyen Airtel oubyen Intelevison i donn ou son tyek VAT tou lemwan.  Ou ou konnen poudir sa tyek i korek.   Akoz mon asir ou ozordi nou pa konnen – ou pe zis aksepte pou dir sa son data sa son telefonn e fax mon pa konnen si zot ankor servi – oubyen lezot servis ki zot pe ofer.

Alor ki ou pe fer spesifikman pou ou kapab rezourd sa?

Mwan mon ti a panse si ti’n doubler ti devret ranmas ou plis ki R100milyon ekstra.

Me pou R100 milyon ekstra, eski ti ava vo lapenn anploy en dimoun kantmenm i kout nou 10mil Dolar par mwan expert spesyalize telekominikasyon ki ou a pey o 120 Dolar par an.  Ki mwens ki R2milyon me selman ou ranmas R100milyon? Zis en legzanp san al fer gran letid naryen.

2enm lo kote Ladwann.  Ladwann ou pe ranmas ou VAT en milyon Roupi lo Ladwann.  E pli boner nou’n annan konplent ki la nou pe met lanfaz lo bann pti dimoun ki pe pase – bann pasaze.  Ki pe pasaze ki pe pase nou pe tant pou aret zot – nou pe fer difisil pou zot.  Mon pa konnen konbyen zot ranmase lo sak flight. 

Dizon i annan 10 dimoun ki pe vyole, ki pe vyol bann Lalwa tax ki zot drwa sakenn R2 mil an plis.  Ou ranmas ou R20 mil.

Me si ou pe ranmas ou en bilyon Roupi atraver container laplipar sa i vin atraver container – zis en pti porsyon ki vin par kekfwa 20poursan.

Me si dimoun pa pe deklar son vre valer, oubyen pa pe deklar son vre kantite dan sa bann container.  Parske ou pa ganny sans verifye tou keksoz.  I posib olye en milyon Roupi ou anmas ou 1.1 milyon Roupi – R100 milyon an plis.

Eski I pa vo lapenn ou anploy 10 dimoun pou pey sakenn R20mil par mwan R200mil par mwan – R2.4 milyon pou ou ranmas R100 milyon an plis?  Eski i pa vo lapenn?

Ankor pa bezwen gran letid, me straight away ou reveni i mont par R200milyon zis avek telekominikasyon avek zis Ladwann.  Eski sa bann opsyon ki zot pe etidye – zot pe met an plas?

 

MR SPEAKER

Mersi Onorab Afif.  Komiser.

 

COMMISSIONER GENERAL MR RONALD CAFRINE

MERSI Mr Speaker.  Mersi Onorab.  Onorab mon krwar ou’n fer en lalis analysis fantastik.  Wi Minis mon krwar detrwa lannen pase about si nou okipe internally SRC lo kote kominikasyon?  Pou  kapab deal ek sekter kominikasyon konpleks.

Mon pa pou lalang la – non.  I pa neseserman annan pou li s lekspertiz.  Me dan lepase mon rapel menm etranze focus lo sa, me selman nou’n 2an 3an zot ale.

E nou pa’n build nou  lekor pou nou kapab kontinyen dan zot lepa ki zot in fer.

Wi sertennman nou okipe fransman pou nou fully deal ek sa bann lakonpannyen ki zot sistenm i en pe konplike pou konpran.  Nou ti a wish nou anvi fer li me selman pou lemoman nou pa kapab.

So wi dan nou plan pou nou kapab ganny bann dimoun koumsa.  E Board nou’n koze en pti pe lo ki area nou kapab anmenn nou bann expert.  E menm parey ou’n dir la si nou kapab ranmas so much more then petet I kapab fer sans nou pey zot so much more for two years – three years. Si nou krwar mon konnen dan sa 2 years zot in anmenn nou 100milyon – 120 milyon.  Si ou ti pe pey zot dizon 10mil lo la par mwan kekfwa obviously i make sense. 

E menm parey lo kote Por ou’n nonm sa YES si nou kapab focus lo kot i annan plis reveni plito kot landrwa ki napa me sa i en risk me sa pos ki nou bezwen focus lo la.  Mon krwar i fer sans pou fer li akoz se sa ki fer ou en Lotorite tax modern oubyen focus lo kot ou kapab ganny kot pe depans larzan plis resours.

So yes i de keksoz ki nou pe focus lo la me selman ozordi nou napa sa kapasite pou nou fully deal avek.  Mersi.

 

MR SPEAKER

Mersi Komiser.  Minis.

 

MINISTER MAURICE LOUSTAU-LALANNE

Mersi Mr Chairman. Mersi Onorab.  Petet dan menm laliny on osi mon krwar ki nou pou bezwen met kekfwa 3 tim.  Sa i en pti pe sa ki mwan mon ti pe panse 3 tim.

Konmsi sa proze forensic expert ki mon’n deza koz lo la avan, sa nou pou les tonbe pou sa 6milyon Ero.

Me nou konsantre 3 tim.  Kekfwa etranze me selman fodre bann expert ki kapab koz byen Kreol.  Ki konpran Kreol akoz osi nou bezwen fer plis reveni antre primordyal nou konn kreol.

Donk nou bezwen tou en pei zanmi frer pou kapab nou ganny sa bann ekspertiz akoz zot osi zot in overhaul zot sistenm.

E ozordi bokou tax ti pe ganny evade pe rantre dan sistenm.  So nou bezwen rantre en dyalog konmansman lannen, ki mannyer nou kapab fer sa korperasyon marse lo menm bit ki ou pe sizere.  E osi Onorab Hoareau mon krwar i annan en pti tim osi ki kapab fer sa louvraz.  Mersi Mr Chairman.

 

MR SPEAKER

Mersi Minis.  Onorab Simon Gill.

 

HON SIMON GILL

Mersi Mr Speaker.  Bonn apre midi Minis ek ou lekip e tou manm piblik.

Mr Speaker mon annan 2 keksoz – enn well tou lede annefe i sorti kot bann manm piblik ki konnen nou pe diskit Bidze.  E zot in demann nou pou ankadreman reform 2019 ki Revenue Commission pe antite.

Ki minimum dele letan piblik ki konsernen pe gannyen bann dimoun ki pe fer lenportasyon bokou atraver Por atraver Airport, konnen ki  minimum dele letan zot pe set zot target pou kapab fer sir ki piblik i ganny son marsandiz retire lo lasose epi lo Airport.  Ki minimum threshold zot oule etablir konman zot bottomline pou zot kapab achieve an 2019?

2enm konsern ki mon osi krwar i tre enportan.  Mon’n ladan en bon pe letan.  E mon konpran en pe konsern bann dimoun ki fer zot lakaz.  Ki aste en bon pe bann komodite enporte, e la petet mon ava vin en pe pli spesifik lo bann prodwir elektrik.

Ladan dizon ou pe koz socket – ou pe koz bann switches – ou pe koz bann wire 1.5, 2.5 eksetera, eksetera.

Ler PUC i pas kot zot pou donn zot kouran – i dir zot koumsa sa on pa oule la pa bon, sa pa bon, sa pa bon. Sa dimoun ki li in ganny son loan – li in depans son larzan in met sa bann finishing dan son lakaz in aste sa bann zafer ler in ariv ler pou li ganny kouran, be kote i ganny larzan ankor pou li al aste.  Or refer wiring  konplet dan son lakaz  konmsi.

Sa bann prodwir ki enporte la konmsi annou poz nou kestyon prezan.  Sa bann prodwir ki’n enporte la i pas lasose i pas lo Airport e sa bann dimoun ki Airport sa bann prodwir la ki anmenn isi, ki kote ki nou kapab fer zot aret rantre dan sa pei?

Mon prezimen se lo lasose avek lo Airport.  Mon prezimen sa de landrwa kot nou kapab aret zot.

        Now en kestyon adisyonnel, eski i annan okenn Komite ki an mars ant Custom avek Biro Standar ou lezot ankor ki la nou travay lo en lalis.  Travay lo en lalis Custom i ganny sa lalis, Airport, lasose i gannyen.

Ki mekanizm nou met an aplikasyon pou kapab verifye, ki sa bann prodwir premyerman pa ganny en enporte, pou nou redwir lakantite konplikasyon pou bezwen al scan – al tir tou sa bann container – al get item par item.  Olye prezan minimiz lakantite letan ki container i pran lo lasose mon mazinen i pou pran ou 1 mwan.

Now nou bezwen reverse the thinking.  Annou gete ki mannyer nou kapab premyerman ki sa bann prodwir i ganny liste e personn, okenn dimoun ki fer eksportasyon pa fer rantre sa bann komodite dan sa pei.  Pou nou kapab ankor enn fwa mon repete pou nou fer sir ki sa dimoun ki aste sa bann komodite dan laboutik, ki li i pa expert, i al rod en soket i al rod difil elektrik, i al rod isi i al rod laba, oubyen  … i pa expert ladan li.  In dir li al rode in al rode li.

So annou gete ki mannyer nou kapab adres sa.  I form en ledikasyon pou nou piblik la deor.  I form par osi en ledikasyon pou bann dimoun ki pe enporte.  E annou dir get ki mannyer nou kapab adres sa konsern, ki detrwa manm piblik in koz ek nou lo la.  Mersi bokou Mr Speaker.

 

MR SPEAKER

Mersi Onorab Simon Gill. Komiser.

 

COMMISSIONER GENERAL MR RONALD CAFRINE

Mersi Mr Speaker.  Mersi onorab pou ou kestyon.  Lo konsern minimum delay mon pa pou kapab vreman dir bann well si tou keksoz tou dokiman i annord tou keksoz – permi mon rapel nou ti annan en zafer 48 hours.  Tou keksoz annord.

E sa i enkli si ou ti kapab lodge ou bill boner.  Akoz ler keksoz pe vini Dubai it takes you like seven days to get here.    Ou’n fini ganny trou keksoz ou.  Ou lodge ou bill boner.  Staff i risk assess – risk assess     ouswa i en low risk or i annan only one item – same item baze lo track record – lo issues.  Konmsi ou kapab ganny vitman.   Pey vitman – ganny vitman.

I annan bokou fwa osi i assess i peye – pa ankor peye esper peye – tousala i vin ladan.  Si tou keksoz i mars byen, napa okenn problenm ek ou papye ou pey boner ou ganny apwentman boner i sipoze 48  hours.

        La nou pe rantre lo progranm tanporize ki nou pe mete – nou annan en scanner ki bezwen an plas – parey zot.  Konnen.  Apre nou annan en software ki nou met ek sa scanner ki apel Carbonatic  system.  Basically ou pe ganny lenformasyon boner avan goods i arive – ki ou kapab profile li ou riske al sers li normal ki finalman ler i antre ou kapab dir it’s a risk low   item ou les li  ale.

So nou espekte avek cargo sa CF ler i rantre.  Sa eleman ki nou apel chief facilitation pou vin en pe i pou vin en pe peak.  I pou vin vit.  Ou pou ganny ou cargo vitman so i dan sa laliny ki ou pe koze nou’n prepar nou.

Now lo kote bann item electrical – mon okouran ki bann keksoz pou fer ek wiring sa i annan ou bezwen al kot permi laba, avan ki ou enporte.

So mon pa konnen si lezot mon pa konnen si tou parey sockets, and petet lezot gadget camera system I don’t know me selman wiring for the house, pou en building pou ganny occupancy – sa i ou  bezwen donn ou spesifikasyon kalite wiring – son konponan syantifik ladan mon pa oule tro … mon pa so lo la.  Sa i ganny kontrole e i bezwen permi pou sa.  Oubyen si zis ou fer vini en toaster en boulwar sa i pa ganny.

Solman mon kontan ou propozisyon, kekfwa i devret annan tim ki provide en lalis kekfwa zis met en ‘extend’ ki prezan ler sa dimoun i fer son building i fer son lakaz i pa vwar li pe ganny dir be sa pa bon tire.

E osi si enn pa bon i sorti – tire ki bor i sorti.  Eski ti pas Ladwann?   Si ti pase eski pa ti ganny vwar?  Oubyen pa ti pas ditou?  Kot i ti aste?  Kekfwa i annan en post audit ki bezwen ganny fer lo sa dimoun – ki mannyer sa i dan pei – ki mannyer sa i ganny vann mannyer in aste pou tou.

So sa Komite ki ou’n nonmen mon krwar i en bon propasal.   Mersi Onorab.

 

MR SPEAKER

Mersi Komiser.  Onorab Simon Gill.

 

HON SIMON GILL

Mersi Mr Speaker.  Eski nou kapab ganny en undertaking avek Minis Finans Mr Speaker ki si an ka napa sa Komite ki pe travay ansanm petet PUC Biro Standar e lezot lenstitisyon ki relevan ki zot konnen – si napa oubyen Minis i kapab gete si i annan e si napa e pa ti a fer en bon nide konmans met later ansanm nou konmans liste, etabli bann standar pou ki nou kapab target bann enportater sa bann komodite.  Pou ki nou kapab donn zot bann lenstriksyon apropriye pou ki nou kapab adres en konsern.  I ekskreman grav sa.

Annou fodre nou pa bezwen krwar pou dir i en pti zafer leze, leze.  I serye, serye.  En dimoun ki’n depans li R50 mil pou fer en  wiring dan son lakaz, avek bann prodwir ki substandard ki’n rantre epi dife i rantre i bril son lakaz – akoz en fot elektrik ki arive – i serye sa sityasyon la.

Konmsi ti ava byen nou ganny en undertaking nou bouz lo la – gete ki mannyer; byensir nou pa pe dir al talonn personn nou, nou pe dir gete trankilman zantiman diskite met en Komite an mars etidye en keksoz fer bann lalis, tou partenaire, tou bann stakeholders i vin ansanm, e nou tonm dakor poudir vwala sa i meyer fason pou nou bouze e keksoz i bouze.  Mersi bokou Mr Speaker.

 

MR SPEAKER

Mersi Onorab Gill.  Minis.

 

MINISTER MAURICE LOUSTAU-LALANNE

Mersi Mr Chairman. Mersi Onorab.  Par-ler i dir ler ou reste trankil konmsi ou dakor.  Se pou sa mon’n reste trankil.  Me ou ti anvi mon koze mon dakor.  Mersi Mr Chair.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker enn de pti kestyon silvouple mon ti a kontan si Komiser Tax i kapab dir nou ki son ki son Polisi lo kredi ki i donn bann enportater sirtou bann enportater fresh produce bann retailer bann whole salers bann retailers.

        Mon pe demann sa kestyon akoz sa de dernyen lannen  nou’n vwar pou dir isi dan sekter la ki annan en bon retar dan bann peyman en pe backlog eksetera so mon ti a  kontan si Komiser Tax i kapab reasir nou i annan bann improvements dan koleksyon bann taxes avek bann enportater.

Mon annan 2enm kestyon lo bann lobzeksyon bann tax payers i mete.  I paret ki i annan en kantite sa bann lobzeksyon e bokou bann accountant bann tax agent i krwar poudir i annan serten sa bann lobzeksyon pe ganny mete en pe par esper dan en fason parey zot dir legalman dan en fason ki frivolous pou zis retard peyman.

E mon ti a kontan demande avek Komiser Tax ki son pozisyon ler i vwar pou dir sa bann lobzeksyon i la zis pou delay peyman bann tax e ki bann mezir ki kapab ganny pran.

Dan menm lespri pou optimizm koleksyon reveni, mon ti a kontan si Minis i kapab sa kestyon i pou Minis i kapab eksplik avek asanble si Gouvernman i fer oubyen son Minister i fer okenn progre dan refleksyon lo en Lalwa pou deal avek bann unexplained wealth.  

E si Gouvernman i annan lentansyon lavenir osi regard bann tax audits pou sey verifye si i annan bann fortin ki’n ganny fer e ki bann tax pa’n ganny peye lo la akoz sa i bokou piblik i demande konmsi ki pou arive ek sa?

Mon ti a zis osi kontan demann avek Komiser Tax i annan lenformasyon ki’n ariv kot nou ki i annan en koneksyon ant SRC ek bann Lazans ki monitor larantre bann etranze dan nou pei.  E sa bann etranze travay dan nou pei dan en fason ki zot pa pey tax.  Zot pe travay me selman zot pa pe pey tax akoz napa en link ant bann servis Imigrasyon bann servis Lanplwa avek SRC.

        Mon ti a kontan ganny reasire ki pou dir pou dir sa i par osi grav ki mon tande, akoz si i arive – sirtou nou koz bokou e nou revin ankor lo bann sityasyon lo menm sityasyon sa bann dimoun ki vin travay dan bann yacht dan bann bare boat charters. 

Sirtou dan sa area la ki nou santi poudir i annan en linkage – la – i annan en febles dan nou sistenm. E mon ti a kontan konmsi ki zot reasir nou ki poudir, i annan en zefor ki pe ganny fer, pou nou kapab fer en pe sa vis la e fer sir ki reveni i rantre dan Kof Leta.  Mersi.

 

MR SPEAKER

Mersi Onorab.  Komiser.

 

COMMISSIONER GENERAL MR RONALD CAFRINE

Mersi Mr Speaker. Mersi Onorab.  Mon a pran premyerman konsernen objection.

        Wi nou’n konstate ki mon krwar sa zafer objection i en zwe pou delay peyman.

E nou Lalwa i pa dir nou pa devret kolekte larzan.  So Lalwa i dir nou koumsa ou devret peye kanmenm object. 

So pa’n fer li for en long period of time.  La nou pe dir nou pe diskite ki nou anvi met sa devan.  Oubyen dir kwa ki ou pe object.  Si i annan 3, 4, 5 tax ki ou ganny assess for object de tax ladan.  Oubyen pey sa bout ki pa object.  Ozordi ou a krwar nou pa’n fer li for sometimes la i annan keksoz ki nou anvi fer.  Oubyen kekfwa en poursantaz.  En pti pe poursantaz.  Si ou an 10 milyon pou object kekfwa when it comes to Revenue Tribunal ler ou’n ariv laba ou pey en poursantaz – one third or 20% . 

So selman Lalwa i kouver nou, ou devret peye.  Me selman largiman i ini i dir ou be mon pe object nou pa kapab peye.  Me selman sipoze dir kote pe object kote pa pe object – sipoze peye.

So sa nou’n vwar poudir nou devret fer en zefor lo la.  E si fodre met okenn keksoz dan Lalwa pou ranforsi sa nou pou koz avek Minis pou li kapab ed nou avek sa.

Lo kote kredi pou enportater – mon pa konnen si mon pe konpran ou Onorab nou kredi nou pa donn kredi personn.

So i annan letan ki dimoun in vini dan lepase zot dir ok mon annan tan tax pou peye, me selman mon napa sa larzan donn mon en instalment.  Nou’n fer dan lepase sa zafer instalment. 

Me mon rapel byen ler nu ti la lannen pase zafer instalment fodre arete.  Selman ler instalment i ganny donnen i annan son sir-saz ki vin lo la.  Lefe ki ou pe pey an retar i annan en tax ki ou bezwen pey 10% additional   taxes.

        Apre i annan sa eleman interest tou.  Akoz sa interest pou dekouraz ou, ou ti kapab al labank rod loan or overdraft pey nou.

Me la konmsi ou pe fer nou konman en labank.  So nou sarz sa lentere – It’s quite high as well.

        So i pa neseserman en incentive pou pran instalment payment.  Annefe nou mete dan Lalwa i desensitized en dimoun pou fer sa.

Apre nou’n koz lo kote disconnection SRC avek Imigrasyon e lezot.

Nou annan MOU avek Imigrasyon – nou annan en MOU avek Employment, ki mannyer nou pou kantmenm demare MOU – i pa neseserman parey Imigrasyon fek komanse i anba diskisyon.  So i en keksoz ki nou bezwen etabli byen ki mannyer nou maximize sa korperasyon anba sa 2 MOU.

Lo kote boat charters mon pou dakor avek ou i en area ki challenging.  Yes i annan keksoz ki nou konnen – nou vwar osi e ler nou vwar nou fer aksyon.

E mon krwar idealman se ki anpes li arive e i pa devret arive.  So i en i pou bezwen en multi sectoral approach pou kapab liaise avek tousala.  E mon krwar i becoming en issue i koze partou, partou – i neseser en multi sectoral   approach pou li avek zafer boat charters. Mersi Onorab.

 

MR SPEAKER

Mersi Komiser.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Zis pou osi azoute ki letan sa gran kantite tax payers i met obzeksyon.  La osi i annan lentere ki ganny pe ganny sarze korek?  Vwala.  So zot osi bezwen pey plis apre.

Me ou annan rezon.  Mon pe regard en sif la par egzanp lo en sonm R413milyon ki SRC pa kapab pursue pou lemoman.  Enn ladan i 260 milyon objection cases.  So i laplipar.  I laplipar ou annan rezon.

An sa ki konsern unexplained wealth – wi definitivman, akoz i enn bann keksoz nou bezwen capture an ba sa Anti-Money Laundering ek Terrorism Financing – ou vwar sa osi nou pe reviz sa pou anmenn kot Lasanble.

So we are capturing it anba sa Lalwa e AMLCFT.  Mersi Mr Chairman.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

2 pti pwen Mr Speaker.  Mon ti a kontan demann avek Commissioner Komiser, si i kapab donn nou en lide lo bann peyman an retar – ki kalite progre ki zot in fer lo la.  Si zot annan bann court decisions ki’n ganny si zot in anmenn bann dimoun Ankour – si zot in annan bann settlement out of court?   ki mannyer zot pe progrese dan sa direksyon.  E sirtou lo sa sonm ki nou ti dir ki Minis La rose ti dir nou apre nou ti settle apepre 5milyon.  Sey dir nou apepre kot nou ete.

E lo menm laliny, mon ti a kontan demann nou si ler ou koz lo specialist staff dan ou strategic priorities to ensure complaints – ok la ou’n mete within national obligation’ me selman si eski ou bezwen sa bann specialist staff – ki kantite irzan ki ou bezwen zot. E si ou i lirzans i la, e ki I neseser.  E parey Onorab Georges in dir, i en lenvestisman dan sa bann specialist staff pou kapab annan en pli bon koleksyon ou  – reveni eski ou’n diskit avek ou Gouvernman pou gete pou kapab ganny detrwa sa bann staff ki pou al ki pou ki enportan – sirtou pou rekiper bann backlog peyman.

Epi finalman dernyen pti pwen – sa mon zis profite konman ou la Commissioner, kekfwa ou kapab dir nou lo mon bil lasirans mon vwar len mon ganny sarze witholding tax on re insurance.  Be mwan mon en sitwayen ordiner mon peye withholding tax sa konpannyen lasirans ki sipoze pey withholding tax.  Si li i pe pey avek en re insurer i pa devret pe sarz mwan mon krwar.

So sey eksplik mon akoz mon bezwen pey en mon ki bezwen pey sa tax – e mon sipoze i aplik bokou bann lezot insurance bann dimoun ki annan bann Polisi insurance so ..  Mersi.

 

MR SPEAKER

Mersi Onorab.  Komiser.

 

COMMISSIONER GENERAL MR RONALD CAFRINE

Mersi Mr Speaker.  Mersi Onorab pou ou kestyon.  Lo kote koleksyon. Mon krwar Minis ti nonm sa zafer detrwa zour pase – as at le 30 Oktob nou’n kolekte 312milyon aryeraz.

So parey nou ti dir dan nou interview avek lapres dan Oktob – wi – ki nou fek annan gran progre lo la.  E mon kontan pou dir ki kot ou pase dimoun i dir nou’n fer en gro progre lo la, e sa mon remersi bann staff osi pou fer sa travay.

Me si i annan ki deza fer obzeksyon this is where we have a bit of issues obviously zot dir poudir i annan keksoz nou bezwen fer.  Mwan osi nonm ou fodre get Lalwa oubyen being firm lo la we will do it. 

Lot kestyon Onorab – specialist staff. Wi nou sertennman krwar pou dir serten sekter areas sirtou si nou annan specialist staff nou pou fer en kantite diferans.

Odit parey ou’n nonmen pou bann specialist audit parey bann gro odit parey telecom banking menm construction – so sa bann area kot nou krwar pou annan substantial amount of money ki nou kapab kolekte.

Parey mon’n dir ou taler Board nou pe koz about the same thing – eski nou krwar nou devret pe anmenn expert from deor Mins in nonm mwan osi pou dir li osi i ti pe get en landrwa e taler in dir pou dir sa zafer tim la, i en keksoz ki i pou fer ki i fer pou nou en kantite.

So lo sa kote wi nou bezwen e the good thing also is something SOEs something has been done about it. 

        Lo sa kote withholding tax mon zis mazinen ki zot pe pass on the cost – mon pa konnen Mrs Fanchette  i kapab nonm en pti keksoz lo la.  Me selman mon zot pe pas on the cost to you. 

 

MR SPEAKER

Mersi Komiser SS. 

 

ASSISTANT COMMISSIONER MRS MARIE-FRANCE FANCHETTE

Mon ti a zis kontan fer resorti pou dir nenport ki dimoun pe fer biznes normalman i pa pou zanmen retenir sa kou li menm.  Tou ss bann keksoz ki i konnen i pe peye al leksteryer i pou sey rod en fason ki finalman i anvoy sa kou lo sa kliyan.  E si zisteman sa lasirans pe fer.  I pa en keksoz ki dan nou kontrol kot SRC.   I en desizyon ki tou bann lasirans dan Sesel in deside pou fer parey zot pas on tou zot bann kou avek zot kliyan.

Sanmenm ou pou vwar lo ou bill i annan sa bout witholding tax.  I pa ou ki pe peye withholding tax sa lasirans pe pey sa withholding tax me selman finalman i montre dan ou bill pou ou pou dir sa i en kou k pe pass on.

 

MR SPEAKER

Mersi Asistan Commissioner.  Onorab De Commarmond.

 

HON CHARLES DE COMMARMOND

Mersi Mr Chair.  Bonzour, bonn apre midi tou dimoun, Komisyoner ki la ek nou.

Mr Chair be kestyon sa ki Komisyoner in dir la eski i legal?  E zot in reste silent lo la mon krwar, ti a bon zot eklersi sa.  Sa ki lasirans pe fer.  E petet lezot biznes dan sa direksyon.

Mr Chair i annan detrwa pti pwen la ki enportan touse.  Kantmenm sa kestyon saler n ganny touse, mon pou re tous li ankor – akoz mon krwar kot i konsern koleksyon reveni, bann dimoun ki travay dan sa Seksyon – dan sa Departman dan sa domenn i bezwen ganny en saler rezonnab ki anpes li ganny tante pou li kapab aksepte en keksoz akote.  Sansan i pou fer.

E sa mon pa pe evante; tou dimoun i konnen e zot menm zot laba depi Komisyoner zot tou zot konnen.

Alors zot konnen zot bezwen fer en keksoz serye dan sa direksyon.  E zot bezwen osi met li o piblik annan en pe transparans fer konnen dimoun fer konnen piblik Seselwa si ou pou travay kot SRC la la bann deal la la bann kondisyon la la  bann  saler i ava atrakte nou bann zenn laba kot  business  centre – laba kot business soz kot Polytechnic kot Liniversite Sesel i ava atrakte sa bann zenn pou vin kot zot pou travay.  Pu donn en pli bon servis.

Lannen pase Mr Chair nou ti vizit seksyon kot Custom, e nou ti vwar osi ki ti annan bokou dimoun bann travayer ki ti la lontan e ki mon panse sa ki in anonse la zot a benefisye sa bann long term service  la e zot pe ganny held against the post.  En bann pou 5an – en bann pou 9an – e zanmen ganny confirmed. 

Mon oule ki Komisyoner i dir nou en keksoz dan sa direksyon si i annan en keksoz konkret ki’n ganny fer.  E an menm tan dir nou osi en keksoz lo staff turnover.  Konmsi kantite staff kot zot laba ki’n kite ouswa aki dan problenm, akoz in bezwen touse oubyen i annan en problenm pa’n dir ou non sa bann dimoun pa sa.  E ki kantite eski i bokou ki konmsi ganny atrakte a kote petet package pa bon whatever – dir nou keksoz dan sa direksyon.

I annan en lot pwen Mr Chair ou osi ou’n ganny en kopi sa let sorti kot bann cabin crew Air Seychelles ki i annan en problenm lo ler zot vwayaze.

Si mon pa tronpe Lalwa Regilasyon en Seselwa i kapab vwayaze 3,4,5 10 fwa 20 fwa dan en mwan – sak fwa i ale i annan en basic ki allow en mon krwar i R5mil ladan i kapab annan sepa en pake sigaret i annan serten kantite lalkol, serten kantite lesans, serten kantite whatever sak fwa si mon pa tronpe si mon mal eklersi mon en pti kou mon krwar sak fwa letan dimoun i ale Seselwa ler i retournen i annan drwa anmenn sa bann keksoz,

E alor bann cabin crew zot dir zot kantmenm zot Seselwa sa pa aplik pou zot.  Zot, zot pa gannyen sa benefis ki lezot Seselwa i gannyen.

Alor i annan en problenm la eski nou kapab ganny en leklersisman akoz ki cabin crew i koumsa e li osi Seselwa les li benefisye li osi. I ava ankouraz li olye pou al rod etranze pou vin travay i a kontinyen reste.

So sa ti a bon nou ganny en leklersisman e pou fini i annan en keksoz ki Prezidan Larepiblik  son Ekselans Msye Danny Faure ti dir lannen pase or olye lannen pase si mon pa tronpe.  I ti servi sa mo KIS Keep It Simple dan tax collection.  Dan reveni laba kot SRC i dir Keep It Simple pou ki bann dimoun i annan son due i peye personn pa ava konplent letan i simple tou dimoun i a konpran.

La mon krwar zot annan en progranm zot ava eksplik dimoun i annan serten mon krwar Mr Chetty i parmi zot pe sey eksplik dimoun ki mannyer sa zafer tax i marse akoz tanzantan zot annan bann sanzman.

Alors si i senp nou konnen pou dir tou dimoun pou napa rezon pou peye.

Eski alor zot kapab eksplik nou ek sa Bidze ki mannyer zot pou Keep It Simple pou koleksyon reveni pou fer sir ki reveni i antre.  R

E dernyen pti keksoz nou le konnen sa larzan from the sale of Cable and Wireless nouvo konpannyen ki’n pran Cable and Wireless sipoze pey serten sanksyon mon krwar bann dues ki zot sipoze pey Gouvernman e ki pa ti ankor rantre pa ti ankor ganny peye.  Donn nou en update lo la silvouple, akoz sa i en bon groser larzan i enportan pou nou reveni dan nou pei pou nou kapab fer marse dan lekonomi pei.  Mersi bokou.

 

MR SPEAKER

Mersi Onorab De Commarmond.  Komiser.

 

COMMISSIONER GENERAL MR RONALD CAFRINE

Mersi Mr Speaker. Mersi Onorab pou ou kestyon.  Onorab lo kote mon pou dakor ek ou lo kote package – staff – Customs i selman ganny adrese e nou konmans fer sa travay.  E nou Scheme ki nou pe fer basically Minister Finans i pou improve li. Sa i sipoze ed nou dan sa travay sa direksyon ki nou pe fer. E parey mon’n dir ou   right improve this service.

Lo kote en kantite dimoun in ale 31 dimoun in ale sa lannen e nou’n recruit 49.  Lo Keep It Simple yes mon osi mon kontan sa term be mon mazinen i bezwen e travay pli larz akoz i demann get Lalwa.  So eski Lalwa i konpleks eski Lalwa i konpleks?  Eski kot i konpleks eski i annan tro bokou form konmsi i en gro travay.  We need to relook at it.  Mon dakor avek ou, me selman i en louvraz i pa zafer zis SRC, akoz bokou fwa nou ganny konplent, me selman Lalwa i anpes mon Lalwa ki dir sa.

So finalman Minis of Finance 5everybody together they sit down si nou kapab fer li senp akoz bokou fwa nou kont li me nou dir pli byen se Lalwa ki dir, Lalwa ki dir. Lalwa ki dir

So petet nou devret parey nou lo en Komite nou devret fer Komite gete lo review Policy review of everything ki demen nou kapab fer li pli senp.

Lo kote Cable and Wireless.  Mon’n ganny dir ki sa i lo kote Registrar zafer sanction fee pou le moman i pa kote kot nou.  Mon pa konnen si Minis ou annan okenn update. Mersi Onorab. Mersi Mr Speaker.

 

MR SPEAKER

Mersi Komiser.  Minis.

 

MINISTER MAURICE LOUSTAU-LALANNE

Mersi Mr Chairman.  Onorab sa ki konser si sa insurance i pas lo son kliyan si i legal oubyen non?  Mon pou bezwen rod legal advice si non zot pou blanm mon ankor mon ‘Lalang.’

An sa ki konsern cabin crew ou konnen son distenksyon i senp. Cabin crew letan i vwayaze i pe travay.  So sanmenm son allowance i ganny restrikte.  Me si cabin crew i off duty i pe vwayaze i parey en dimoun normal.  So i kapab gannyen.

Me letan i pe travay i ganny restrikte.  Fotespere mon’n eksplik ou sa kler.

Cable and Wireless li sa i en lot zafer Cable and Wireless mon’n ekrir zot de let sorti dan mon biro e mon’n propoz avek zot de keksoz premyerman zot bezwen pey 16.5milyon Dolar sa ki zot drwa.  Lo en evolisyon ki ti ganny fer lo valer Cable and Wireless letan en konpannyen ki apel Liberty Global  ti aste Cable and Wireless sa larzan pa ankor ganny peye.  sa larzan pou ganny peye ant 2019 i dan nou Bidze reveni ant 2019.

E zot pe vini pou vin diskit avek mon konmansman Zanvye, akoz la i en pti pe difil avek nou plan travay eksetera.  Pou nou finaliz sa tranzaksyon.

Legalman nou, nou annan rezon zot, zot annan tor.  E normalman letan ou donn en sanction ou bezwen peye dan en peryod letan 12 mwan.  Ou kapab negosye – ou kapab fer li ki pli kout ou kapab fer li on negotiation. 

Me selman dan 12 mwan ou bezwen peye.  E sa 12 mwan in fini pase sa.

Me sa ki pli enteresan se ki i sanble ki Cable and Wireless in ganny re aste ankor.  e donk sa nou ankor pe esper larive Liberty Global pou nou konnen ki pozisyon so nou pa kapab fer plis komanter pou lemoman.  Mersi Chair.

 

MR SPEAKER

Mersi Minis.  SS Payet.

 

SECRETARY OF STATE PATRIK PAYET

Mersi Mr Chair.  Mr Chair kekfwa zis mon adres en pti gin ss kestyon Keep It Simple. 

Dan Bidze 2018 Minister Finans sa letan Minis Larose ti fer lanons lo kote business tax,   sa sa ti en pe lo bann diskisyon ki nou ti’n gannyen avek sekter prive.

Me sepandan letan nou ti fer Investment Forum an Zilyet ti annan nouvo rekomandasyon ki sekter prive ti met devan nou sirtou lo sa business tax rate.  Sanmenm sa ki Gouvernman in delay en pe lo son enplimantasyon business tax ou prenon kont first lo sa business tax rate e osi lo keep it simple.  Keep it simple at their tax payers of you me osi i en pe bann diskisyon ki nou anvi gannyen avek zot pandan premye kar lannen prosen. Ki evantyelman nou ava poz en sistenm business tax ki pli simple for SRC e ki pli simple osi pou tax payers point of view.  E sa ki dan laliny ki nou ladan ziska prezan.

 

MR SPEAKER

Mersi SS.  Bon nou’n ariv dan en pozisyon pou nou pran en vot e desizyon lo Bidze pou Seychelles Revenue Commission ki en sonm R128 709milyon ki trouve lo paz 579 ziska paz 282 i ki form par dan sa Schedule.  Mon a demann tou Manm ki an faver? Okenn Manm ki kont?  Madam Clerk.

 

MADAM CLERK

Mersi Mr Chair.  21 Manm in vot an faver e personn kont mersi.

 

MR SPEAKER

Mersi Madam Clerk.  Savedir Bidze pou Seychelles Revenue Commission pou 2019 in ganny aprouve par Lasanble Nasyonal.

Bon mon ava zis rod gidans SS si nou pou pran lezot.  Mon krwar i annan the Commission … mon pa konnen si nou aret la ozordi nou pran lezot demen.

 

SECRETARY OF STATE PATRICK PAYET

Mr Chair mon pa konnen nou annan apepre 11 lezot entities ki nou bezwen pran vot bann ki pa bezwen annan dimoun pou zot reprezantan mon pa konnen si nou a konmans avek demen bomaten avan nou konmans avek bann lezot other wages ek bann lezot.

 

MR SPEAKER

Ok wi dakor.  Mon krwar nou pou zis anba nou run out of time akoz nou annan nou plitar 5.30 pe rann lantern. Nou ava fer lo gidans SS nou ava fer li demen bomaten.

Bon i reste pou mon remersi ban zofisye ki sorti kot Revenue Commission Mr Cafrine, Mr Morel, Ms Desaubin, Mr Ally Mrs Franchette e Mrs Camille mersi bokou e Minis Loustau-Lalanne, SS Payet, Ms Coopoosamy, Ms Croisee mersi bokou e mersi osi tou bann Manm Onorab e tou manm piblik ki’n a lekout e ki pe kontinyen swiv travay Lasanble Nasyonal.

Bon mon a demann Sergeant tourn Mace pou retourn nu dan Committee of the whole House before we adjourn. 

        Mon anvi osi enform bann Manm Bills Committee bann Manm Bills Committee ki pou annan en meeting demen konman nou break midi.  E SS Payet i osi ou osi ou ganny envite pou attend akoz i annan bann Bills ki annan pou fer avek Minister Finans.

Pou bann Reform ek Komite Reform e Modernizasyon nou ava regarde nou ava konfirm en meeting probableman Merkredi oubyen Zedi.  Ok nou bezwen fer en pti meeting vitman, vitman.

Ok avek sa nou ava adjourn e nou a repran nou travay demen 9er bomaten.

 

(ADJOURNMENT)