::
Home » Verbatim » 2018 » Verbatim Thursday 15th November, 2018

Verbatim Thursday 15th November, 2018

NATIONAL ASSEMBLY OF SEYCHELLES

Thursday 15th November, 2018

 The Assembly met at 9.03am

 National Anthem

 Moment of Reflection

 Mr Speaker in the Chair

 

ENTERPRISE SEYCHELLES AGENCY

 MR SPEAKER

Bonzour tou Manm Onorab.  Bonzour tou dimoun a lekout.  E bonzour spesyal pou Vis-Prezidan Meriton e bann delegasyon ki sorti kot Enterprise Seychelles Agency bomaten ki nou pou pran.

Sa se Ms Penny Belmont ki CEO, Mrs Ursula Marengo Accountant, Ms Johanna Bacco Assistant Admin Officer, PS Roger Toussaint wi Mr Toussaint i Sekreter Prensipal e Ms Aisha De Commarmond ki Senior Monitoring and Evaluation Officer.  Touzour dan nou pe ganny akonpannyen par PS Damen Thésee e bomaten osi nou annan Ms Verghese parmi nou.

Welcome zot tou e nou ava kontinyen nou travay ki nou konmanse de zour pase.  Okenn Manm ki le konmans entervenir lo Enterprise Seychelles Agency. 

Onorab Afif.  Nou ava zis move Sergeant zis move Mace  pou nou retourn dan Staz Komite.  Yes mersi Madam Clerk.  PS zis gid nou pou lo paz dan dokiman dan Schedule. 

 

 

PS DAMIEN THESEE

Bonzour Mr Speaker, bonzour tou Manm Onorab.  Nou ava pran paz 66 pou Enterprise Seychelles Agency pou en sonm R11.799milyon.  Mersi.

 

MR SPEAKER

All right.  Onorab Afif.

 

HON AHMED AFIF

Mersi Mr Speaker.  Bonzour Vis-Prezidan tou bann Manm Onorab tou dimoun a lekout.  Mon kestyon i baze lo zisteman paz 67 e 68, kot nou vwar en logmantasyon dan Bidze Enterprise Seychelles Agency sorti konpare Bidze 2018 konpare avek Bidze 2019 – in sorti R10 milyon pou vin anviron R12 milyon.

Ladan pou travayer i mont par 15poursan e ‘’goods and services’’ 22poursan.  Alor premyerman mon ti a kontan demande si zot kapab eksplik nou sa logmantasyon 15poursan dan ‘’wages and salaries’’ ki’n monte.  Eski zot anploy plis staff oubyen zot in zis fer monte lapey?  Parske nou konnen lapey Gouvernman zeneralman zot pe mont par 5poursan.

Epi lo kote ‘‘goods and services” nou vwar consultancy in monte sorti R7mil pou R157 mil.  I vedir en logmantasyon R150mil.  Si ou kapab eksplik nou.

E akoz bann allowances pou Board in double?  Lo sa nou ti a kontan konnen.  Mersi.

 

MR SPEAKER

Mersi Onorab Afif.  PS Thésee.

 

PS DAMIEN THESEE

Mersi Mr Chair.  Si nou pran paz 67 li menm nou a pran wages the initial budget pou wages ti 3.5.  E son revised i vin 2.9 apre son 2019 i al 4 milyon.

So annefe i annan 500mil increase baze lo initial budget 2018 pou 19.  E sa i an vi 3 nouvo pos ki’n ganny mete pou 2019.  E nou ava note ki sa ti oparavan SEnPA.  Pandan 2018 i ti pe go over serten restriktirasyon ki nou annan bann recruitment ki zot pa’n fer.  Sanmenm sa ou vwar son revised ki nou pou prozekte.  I pa pou recruit apepre 4 pos ki ti’n donn li ki’n delayed.  Selman sa bann pos pou ganny carried over pou next year ki fer 4 milyon.  So overall en 500 mil increase.  Prezan baze lo lezot restructuring bann promosyon staff ek bann lezot allowances ki’n ganny anonse dan Bidze.

Nou pran paz ,68 ki donn nou ‘new spending initiatives’ so sa i eksplik en pe son bann increase dan ‘goods’ sorti 3.2 pou 2018 son initial budget pou al 4 milyon.

E dan allowances basically i annan 285mil ki’n ganny mete konman a new Seed Committee, ki pou ki  regulate anba ESA Act, so sa i basically donn sa lasistans R50mil bann first small   medium size enterprise businesses ki vini pou rod en Startup Capital. 

        E i osi annan consultancy ki mon a kit avek CEO pou eksplik ki pe al fer pou consultancy.  Mersi.

 

MR SPEAKER

Mersi PS Thésee.  Yes Onorab Afif.

 

HON AHMED AFIF

I pa’n reponn lo kote consultancy, ok i pe al reponn.

 

MR SPEAKER

Yes CEO.  Ms Belmont.

 

CEO MS PENNY BELMONT

Bonzour tou dimoun.  Lo kote increase of staff mon krwar PS Thésee in fini eksplike.  Akoz avan anba Act SEnPA nou ti napa en Deputy.  Me la avek sa nouvo Act e sa nou annan en Deputy CEO.  Apre osi nou bezwen plis business development officers, akoz nou ti annan zis 3 ki ti pe operate pou 24 distrik. E osi parey bann dan marketing especially ki nou bezwen ed dimoun plis ek zot biznes.  So nou pe recuit ankor detrwa dimoun pou lannen prosen.  E bann pos sa lannen ki nou’n pran, i pou al ziska lannen prosen, so nou bezwen cater pou nou kapab pey bann dimoun.

Apre lo nou ‘consultancy’ ou pou vwar dan nou ‘new spending proposal’ avan nou pti biznes anba SEnPA ti annan zis 2,900 pti biznes.  Me la avek ESA i over 10 thousand. 

So laspe biznes i sanze e lanvironnman biznes osi sa ki nou pe al rantre ladan i diferan.  Akoz avan nou ti fer zis cottage

        Rezon ki nou’n met en consultancy fee, nou bezwen prepar en data base ot nou kapab konn sa vre lanvironnman pti biznes dan bann distrik.  Par egzanp avan vi ki nou ti fer cottage, i annan ki pa ti tonm anba ESA.  E pou nou kapab konnen lekel ki pa tonm anba ou e lekel ki tonm anba Licensing, lekel ki ti al direk kot Registrar la ki nou bezwen fer sa conultancy, akoz nou pe al fer plis dan distrik.  E osi lenportans sa consultanvy se linkage between bann diferan Lazans pou nou pa fer menm keksoz.  This why nou met sa consultancy dan nou sa.  Mersi.

 

MR SPEAKER

Mersi Ms Belmont.  Onorab Afif.

 

HON AHMED AFIF

Wi Board fees in double sorti R200mil pou vin pros  R400 mil.  Si ou kapab eksplik sa.

 

MR SPEAKER

Mersi Onorab.  Ms Belmont.

 

CEO MS PENNY BELMONT

Avan lo Board SEnPA ti annan zis 6 manm Board me prezan nou annan 8 e nou osi annan en Vice-Chair ki avan nou ti annan zis en Chair.  Apre en reprezantan sorti diferan laspe sorti par our Act. 

        Apard ki sa nou annan sa Seed Capital ki pe al ganny met anba ESA, pou lannen prosen e sa bann dimoun ki ti pe travay Seed Capital zot ti pe travay avek pou nanryen  pour the past two years e zot pa ti pe ganny en fee. 

So pou lannen prosen, nou’n mete, akoz bann dimoun trwa kar ki sorti dan prive, labank dan diferan landrwa, e zot pe fer li apre ler Sanmdi/ Dimans kot zot pe tyeke lekel ki kalifye pou ganny sa capital and all that.  So ki fer nou bezwen met en larzan pou nou kapab pey sa Komite.

E zot they would be paid per Sitting for pou sa Committee. 

 

MR SPEAKER

Mersi CEO.  Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Vis-Prezidan.  Bonzour CEO ek ou delegasyon.

Mr Speaker mon anvi demann CEO vi ki zot in sorti SEnPA aprezan zot in antre anba sa nouvo non, mon vwar ki zot Bidze i pa tro telman en gran logmantasyon.  Mon ti a kontan ki ou ti a dir nou ki nouvo keksoz dan zot plan, anba sa nouvo antrepriz zot pou fer pou benefisye bann pti antrepriz Seselwa?

E 2enm mon anvi demann CEO ki bann landrwa ki tonm anba ou lorganizasyon?  Mon pe demann sa pou nou kapab konnen.

En lot kestyon Mr Speaker, konbyen zot pe ranmase an reveni avek sa bann landrwa?  Akoz nou tande parey sa batiman ‘Leve Debourye kot i annan landrwa ki’n fini ganny donnen ek serten dimoun e landrwa i reste fermen.  Zis nou anvi konnen konbyen zot pe ranmase an reveni parey nou ti fer avek Industrial Estate pou nou kapab fer en pti analiz.  Mersi.

 

MR SPEAKER

Mersi Onorab Loizeau.  CEO Belmont.

 

CEO MS PENNY BELMONT

Premye kestyon; ler nou sorti SEnPA nou vin ESA – parey mon dir avan SEnPA it was about cottage industry e pti biznes kot lakour.

La nou pe pran small ek medium ki pa ti pe – especially the medium ki pa ti pe ganny catered for.  Nou’n come up avek serten incentive dan nou stratezi nou pe rod fason pou nou kapab donn plis training, plis parey mon’n dir – incentives e osi vwar ki mannyer nou kapab ed bann pti biznes sorti small pou vin medium.  E osi pa zis sa par egzanp nou koz bokou lo eksportasyon, me nou vwar nou bann biznes isi Sesel pa ankor rantre ladan.  And these are one of the training ki nou pe mazin train zot ladan se dan ‘go export’ pou zot kapab ariv lo sa nivo lo kote zot packaging lo zot kote standar as well.

        So these are the things ki nou’n prepare dan nou stratezi pou nou travay avek bann mwayen biznes avek small konpare ek cottage. 

 

MR SPEAKER

Lo kote reveni.

 

CEO MS PENNY BELMONT

2enm konsernen larzan ‘Leve Deboury’e pa tonm anba ESA i tonm anba IEA.  La pou lemoman sel landrwa ki nou, nou annan se anba kot Camion Hall, Port Glaud avek ex-Pplayground ki nou fek konmans allocate lespas pou dimoun.  Apre L’esplanade.  Pou lemoman par mwan nou pe ranmas nou R102mil avek tou sa bann landrwa ansanm.

Fodre pran kont poudir sa bann rental i pa o pou sa bann pti landrwa ki nou pe rent pou bann dimoun ki fer biznes.

 

MR SPEAKER

Mersi CEO.  Mon ava donn laparol PS Toussaint.

 

PS ROGER TOUSSAINT

Mersi Mr Chairman.  Zis pou donn en pti pe plis klarite lo sa kestyon; se parey nou ti anmenn Lalwa ki ti ganny aprouve par sa Lasanble, bann pti e mwayen biznes prezan i annan en definisyon legal.  Si oule ou precise sa ki nou kategoriz konman micro zot turnover i up to 2million.  E tandis ki small i ale up to 10million e medium up to 25 million.

Savedir lanpler ki ESA bann biznes ki pou tonm anba li i tonm dan kategori ziska 25 milyon turnover.

E zot kapab realize ki kantite biznes Sesel e nou pe koz plis ki 80poursan sa bann pti biznes ki zot turnover i tonm dan sa kategori.  I pou tonm anba son previzyon ESA ki natirelman i bezwen provide parey Ms Belmont in koz lo la – provide sirtou sa laps training, kot ozordi en kantite sa bann pti lantrepriz, ler zot al dan labank pou apply pou loan – en kantite fwa zot ganny turn down, akoz zot ganny dir zot napa en bon plan – zot napa en bon biznes plan.  So sa i bann laspe enportan ki ESA pou sey donn zot sa bann specialized training pou kapab permet zot ganny pli bon akse avek kredi dan bann labank komersyal.  Mersi.

 

MR SPEAKER

Mersi PS.  Onorab Loizeau.

 

HON NORBERT LOIZEAU

Mr Speaker mon anvi zis enn pti leklersisman lo sa R102mil ou’n dir nou, zot anmas par mwan ouswa par ran ki zot anmas sa 102 mil?

Apre Mr Speaker mon ti a kontan i dir nou si i annan aryeraz pou peyman? Lekel ki pa pe peye?  Si i annan ki pa peye konbyen i arive ansanm bann ki pa peye?

 

MR SPEAKER

Mersi Onorab.  CEO. 

 

CEO MS PENNY BELMONT

Sa 102mil i par mwan ki nou pe anmase.  E pou sa Oktob aryeraz ti 233.  E sa 233 i pa en bokou dimoun apepre 4 dimoun.  Me selman zot annan en repayment plan ki nou pe travay ek zot.  Akoz sa bann aryeraz ti depi avan ki ti SEnPA e ler mwan mon’n vini ti la.

So nou annan en repayment plan.  Epi en ladan nou’n fer eviksyon akoz ti’n ariv tro bokou.  Me an zeneral trwa kar i zero zot par ran.

 

MR SPEAKER

Ok mersi.

 

CEO MS PENNY BELMONT

Zot pe byen peye.

 

MR SPEAKER

Mersi CEO.  Onorab Waven William.

 

HON WAVEN WILLIAM

Mersi Mr Speaker.  Bonzour Vis-Prezidan, CEO.  Mon anvi port ou latansyon lo ou mandate e mon pe vwar ki anba ou ‘current challenges’ avek ou bann’ strategies.’

        Epi mon pe get sa kantite larzan ki ou pe gannyen anba programme 2 pou ‘promotion and marketing’ mon anvi demann ou lefe ki mon dan mon marse mon pas kot bann kiosk kot L’esplanade la, zot pe ganny bokou difikilte pou vann zot bann prodwir.  E i annan petet ki annan en lot aktivite zot kapab subsidize.  I annan ki vreman pe ganny bokou difikilte.

Mon anvi demann ou mon konpran lentansyon se upgrade pou kapab export.  Me mon santi pou dir ou bezwen sipor.  E mon kestyon se eski ou Departman pe fer tou fason pou servi osi bann Lanbasad bann Lanbasad deor?  Nou annan bokou bann pei zanmi e nou bann Consul Honoraire deor.  Ou konnen i annan en kantite aktivite.  Me le problenm se ki nou bann pti lantreprener zot pa kapab fer sa breakthrough pou vreman vin pli konpetitiv pou kapab vann zot prodwir deor.

E mwan mon pe demande mon pa pe vwar avek sa Bidze ki ou pou kapab fer bokou.  So mon pe demann mon lekor si napa en pe dekoneksyon? Akoz nou annan bann Lazans plizyer Lazans Gouvernman, menm lo sekter prive ki kapab ede.  Me osi lontan ki nou bann prodwir p konpetitiv, akoz la lo nivo L’Afrique dan larezyon, letan bann cruise ship i vin fer letour, ler zot in ariv Sesel zot in fini aste sa bann ki pli bonmarse.  E ler zot vini isi zot get pou nou pa vreman konpetitiv e pli ser.  E i pa o nivo.

So mon anvi konpran e konnen konmsi ki ou plan pou vreman ed sa sekter pou kapab annan sa breakthrough?  Akoz si sa pa arive malgre nou pou ofer  tapaz local market pa pou satisfe sa.  E nou konnen ki mannyer bann gran lotel pe operate isi Sesel.  So mon anvi vreman vwar en feuille de route  vizavi sa.  Mersi.

 

MR SPEAKER

Mersi Onorab William.  CEO. 

 

CEO MS PENNY BELMONT

Mersi Onorab.  Si ou pou gard dan nou Bidze, nou pa demann bokou larzan kot training kot marketing i konsernen pou bann artizan.  Akoz parey in dir nou ganny bokou led avek bann diferan Lanbasad.

2 mwan actually nou’n fer en gran meeting Eden Blue kot nou’n zwenn avek diferan.  E nou ganny led avek diferan pei. Trwa kar bann training ki ti avek SEnPA avan i anvoy bann artizan or bann biznes – bann pti biznes e menm staff se bann fully funded training ki nou gannyen diferan pei.  Menm Singapore, Malaysie, parey Indonesie, La Chine dan L’Inde. 

        E tou lannen nou annan ki nou advertise lo nou bann, lo website e osi lo nou Nasyon e dimoun i konnen.

E ki mannyer nou fer sa trwa kar di-tan bann vizit ki nou fer.  Nou konnen ki bann bezwen ek bann lanvi bann dimoun endividi ki anvi serten biznes e la nou team up avek zot.

Wi nou realize pou dir sa Bidze dan marketing i pa bokou.  Me selman nou pe rod fason fer lezot groupman dimoun travay ansanm, pou nou kapab ariv sa nivo pou nou kapab met zot lo sa market. 

E osi ou bezwen pran kont nou travay osi avek SADC avek COMESA ki nou tap in avek zot expertise kot zot vini pou kapab ed nou bann artizan pou promot zot prodwir as well.  Mersi.

 

MR SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair petet pou klarite.  Mon ti a kontan demann Ms Belmont, in regards to bann diferan site kot zot annan bann dimoun ki pe fer bann aktivite micro-enterprise, eski sa bann dimoun i kapab oubyen zot vwar zot i posib pou zot pey zot bann rent oubyen zot bann dues parey zot ti ava swete?  Eski sa i afekte dan okenn fason larzan ki Lazans i annan pou li travay avek?

E mon lot kestyon se pou plito pou PS.  Ms Belmont in dir nou ‘Leve Debourye’ i anba IEA.  E mon krwar petet sanmenm sa ki PS Athanasius oubyen CEO Athanasius ti pe sey dir zafer Rent Board yer ler i ti pe koz lo Rent Board. 

Me mon pa ganny en konpran.  Eski pa i fer plis sans pou ‘Leve Debourye’ anba ESA rather than anba IEA vi ki IEA i deal avek sa estate li menm?

E bann building dan sa estate petet i devret anba ESA akoz tou sa bann dimoun ki dan ‘Leve Debourye’ se bann dimoun ki tonm dan kategori bann biznes ki ESA pe gete.

So si PS ti kapab klarifye sa bout lo ‘Leve Debourye’ e si CEO ti a kapab eksplik mwan en pti pe lo sa lo size bann arrears, oubyen bann problenm bann problenm ki zot pe gannyen pou kolekte rent, avek bann dimoun ki pe dan bann lespas ki tonm anba ESA.  Mersi Mr Chair.

 

MR SPEAKER

Mersi Onorab.  CEO. 

 

CEO MS PENNY BELMONT

Nou bezwen rekonnet wi biznes i struggle – sirtou bann pti biznes.  E se sa rezon ki kot ESA nou rent i abordab.  Nou cheapest i mil Roupi nou pli o i 8,500.

So trwa kar bann rent i tonm an par egzanp kot kiosk ou’n demande L’esplanade zot rent i zis mil Roupi par mwan.

Leres i 1,400, 1,075, 2 mil i pa mont plis ki sa.  E ler biznes i fek konmanse, nou osi annan provizyon ki nou donn zot en grace period, ki pou ed zot pou konmanse apre la nou kapab kontinyen ed zot.

 

MR SPEAKER

Mersi CEO.  PS.

 

PS ROGER TOUSSAINT

Mersi Mr Chairman.  En tre bon kestyon ki Onorab Sebastien in met devan.  Sa i konsern en issue of Polisi.  Parey zot konnen SEnPA avan i ti deal plito ek cottage industry, e ‘Leve Debourye’ i ti enn bann Polisi ki ti ganny konsevwar pli tar, kot pou ed bann dimoun ganny fasilite napa dan Zone Endistriyel.

E se pou se la ki sa bann lenfrastriktir i ganny manage by IEA.  Me mon panse ki sa i en tre bon kestyon ki nou bezwen reflesir seryezman lo la.

Me zis as en matter of clarity, yeah sa size – mon panse i an relasyon avek sa size aryeraz.

Mon krwar nou tou nou konnen ki bann biznes ki dan ki ganny manage by Industrial Estate Authority lafason ki zot structure zot bann peyman i plito on a yearly basis.

        So i fer bokou sans kekfwa sa dimoun ki li son larzan, son rental i due an Zanvye i annan ziska Desanm pou peye.

So i gran posibilite ki en kantite sa bann arrears ki in ganny mansyonnen, petet sa i pou ganny eklersi by December. 

E mon panse tousala i bann size ki nou bezwen revwar – si i annan en matter ki ou pey monthly oubyen on a yearly basis parey i ete.

Me nou pran konsiderasyon e review the Policy when necessary. 

 

MR SPEAKER

Mersi PS.  Onorab Pillay.

 

HON SEBASTIEN PILLAY

Mersi Mr Chair.  Mr Chair mwan mon annan en konsern akoz baze lo lafason ki nou striktir Bidze, nou pe donn ESA en promotion role as well. 

        Me nou’n donn li osi almost en regulatory role as well.  Within sa lespas ki nou pe donn li.

Me aprezan ou annan ou en dimoun ki tonm anba ESA in regards to son biznes.  Me selman son landlord i en lot antite.  E li sa landlord li i deal avek Industrial Estate.  Sa landlord i a manage sa estate dan ki sa building i trouve.

Me the building itself, dan mon lopinyon Mr Chair i pa fer sans pou li anba IEA, akoz se ESA pou konn problenm ki sa pti biznes pe rankontre!

So ler sa small business in arrears avek IEA, IEA in met li devan Rent Board IEA pa pe mon pa le dir koumsa me selman mon pa krwar  IEA pe regard li as a small business – i pe regard li as a tenant.  As opposed ki ESA pou regard li as a small business e i pou bezwen rod fason pou siport li pou li kapab fer larzan avek sa pti biznes ki’n fer.

E mon konnen poum dir dan sa building, i annan bann biznes. I annan bann dimoun ki fer gato, i annan bann dimoun ki fer diferan kalite biznes.  I annan dimoun ki koud.   I pa bann biznes ki sa bann dimoun i garanti en income lo on a regular basis zot bezwen sey sort out. 

        So eski zot kapab dir nou si pou annan en Polisi change akoz mon vwar li i pa akorde avek manda ki nou pe donn ESA.  E nou pe vot larzan pou donn en antite pou li promote biznes.

I pa pou kapab si i pa ganny lespas pou li promot Biznes ladan.  Mersi Mr Chair.

 

MR SPEAKER

Mersi Onorab.  PS Toussaint.

 

PS ROGER TOUSSAINT

Mersi Mr Chairman.  Parey mon’n eksplike sa bann biznes li menm zot pou ganny sipor ESA as an Agency. 

        Parske zot ki pou benefisye si i annan eksport atraver bann Scheme ki’n ganny mete e ki nou anvizaze etablir dan prosenn a lavnir.  At the same time si i annan training sa se ESA. 

Me li Industrial Estate i plito manage the building.  Son lenfrastriktir.  Me si i arive i annan bann kestyon rental mon mazinen of course sa IEA i bezwen recover, baze lo depans ki’n ganny fer pou sa bann lenfrastriktir.  E sey maintain sa bann rental pli ba ki posib.

Me parey mon’n dir i en very good point we have to re look at it.  E nou ava vwar si i annan en nesesite annan en sanzman dan Polisi.

 

MR SPEAKER

Mersi PS.  Onorab Mondon.

 

HON TERENCE MONDON

Mersi Mr Chairman.  Bonzour Vis-Prezidan, CEO, avek ou lekip.

Mon premye kestyon i konsern proze anba PSIP – mon ti a kontan ganny en pti pe plis detay lo sa proze kiosk mini market ki pou fer Bois De Rose ki pou en valer R500mil.  Kote pou ete egzakteman?  Lo ki later pe fer?

E mon 2enm kestyon i adres ou bann defi.  Kot ou dir ozordi ou pa kapab fourni lenformasyon ki korek,  lenformasyon konplet lo biznes ou bann kliyantel.   Akoz ou napa en sistenm IT an plas ki konvenab.

Mon anvi konnen konbyen lannen depi ki SEnPA ki ozordi ESA zot egziste?  E akoz ziska prezan zot napa en proper system? 

Akoz kalite lenformasyon le nou pe koz biznes i en konponan stratezik e sa ti devret ganny adrese avan.

Alor konbyen letan i pou pran pou met sa sistenm an plas? Konbyen i pou kout zot?  Mon ti a kontan ganny en pe plis detay lo la.  Please.  Mersi Mr Chairman.

 

MR SPEAKER

Mersi Onorab Mondon.  CEO.

 

CEO MS PENNY BELMONT

Mersi Onorab Mondon.  Sa consultancy ki nou koz lo la ki nou pe anmas data nou ti cottage industry.  Nou ti annan nou 2,900.  As of ozordi mon kapab donn ou par distrik konbyen biznes ki anrezistre ek SEnPA; ki kategori e ki zot fer; lekel ki’n mor an nesans; lekel ki pe avanse – in sorti small ki’n ganny en landrwa.  Mon annan tousala data nou annan plas.

Me ler nou pe sorti 2,900 cottage prezan pou nou al dan small ek medium, nou bezwen fer provizyon pou nou avanse.  E dan ‘Ease of doing business’ nou koze toulezour.  Pou nou anpes dimoun tourn an ron,  nou pe rod en lot platform pou nou kapab met linkage ansanm.

Akoz avan tou sa bann ki pa tir licensable i ti vini pou li tonm anba SEnPA, kot nou ti ed ou pou fer ou bann promosyon, link avek Public Health lanvironnman e tou sa.  Me anba sa enn sa consultancy, rezon ki nou pe demande, nou pa bezwen antre re vin kot ESA pou vin anrezistre.  The minute you registered the name of your business kot Registrar nou’n fini link up. 

        So sa lanvironnman biznes kot nou ti annan zis 2, 900 pti biznes 175 per district, ler nou pe al azout medium avek large, i pran plis.  Ou kapab mazinen ou annan 2, 900 zanfan dan en lekol ler ou ariv 10 mil ou pa konnen.  Akoz i annan bokou biznes isi Sesel ki pa licensable.  So you don’t know ki zot pe fer eskan ler en keksoz i arive oubyen letan problenm i leve then nou konnen sa dimoun ti pe operate sa biznes.

E sa rezon ki nou bezwen ale travay avek Gouvernman Lokal avek SRC, ek SLA pou nou konnen license pay activity non-licensing – bann ki pe operate, kwa ki nou kapab fer.  This is why nou bezwen avans ladan.

Me parkont sa larzan i pa zis pou la.  Nou ti deza nou’n deza fini konmans en travay 4an pase ki ongoing avek ADB. 

        E now nou sistenm i fini preski an plas.  E sa i zis en addup ki nou bezwen, pou nou kapab avans pli devan.  Par egzanp lontan manrmay  ti al vizit dan distrik avek tou bann lezot Lazans ek en bolpenn ek en papye.  As at now sakenn zot annan en pti iPad ki zot lenformasyon i ganny mete, i anvoy direk.

E sa larzan ki nou pe demande, pou nou kapab anmas lenformasyon pli vit.  Kot ler Lanvironnman in fer son vizit, son rapor i rantre direk. Sa staff ki’n al dan distrik son rapor i rantre direk e thy link up with each other – ki nou ed lezot dimoun fer zot biznes pli vit.  E nou arete kree fristrasyon.  Mersi.

 

MR SPEAKER

Mersi.  Mon krwar i en lot part kestyon.

 

CEO MS PENNY BELMONT

Ou 2enm kestyon se sa 500mil ki nou ti demande pou nou kiosk kot Hyper Market. 

Mon krwar i annan 2an ki bokou dimoun ti annan sa gran fristrasyon – street vendors zot ti pe dan milye lavil partou – napa landrwa pou zot – kote zot tonm anba la and all that. 

        Nou’n rantre negosyasyon avek Hyper Market kot Bois De Rose ki zot ti pou donn nou sa bout carpark ki dan bout – dan fon, pou nou kapab met bann kiosk e allocate bann landrwa pli afordab, pou bann pti biznes ki fek konmanse, pou zot kapab vann zot bann prodwir.

Me la avek devlopman kot i annan plis transpor dan pei, zot in desid poudir carpark i pa ase, zot bezwen zot landrwa ; ki prezan nou, nou’n re negosye ek Gouvernman nou’n re ganny en lot landrwa e nou’n retourn lo nou nide avan.  E mon rapel mon ti’n vin fer prezantasyon avek Lasanble pou ex-Playground.

        Me vi ki sa proze pa pe al konmans desito, la nou pe zis shift landrwa from Hyper Market pou nou met dan ex-playground pou nou kapab donn sa bann dimoun, pou zot kapab kondwir zot biznes for the next 2- 3 years.  Mersi.

 

MR SPEAKER

Mersi CEO. 

 

CEO MS PENNY BELMONT

Mon bezwen zis mansyonnen.  Nou’n zwen tou sa bann dimoun tou sa bann pti biznes ; semenn pase actually mon’n fer dernyen meeting Zedi e zot in dakor zot in konpran e zot apresye poudir i annan travay ki pe ganny fer pou zot e ki nou next step.  Ki zot pe espekte.  Parske ou konnen Christmas is round the corner taler zot pou demann nou zot pou bezwen landrwa pou zot vann.

 

MR SPEAKER

Mersi CEO.  Onorab Mondon.

 

HON TERENCE MONDON

Tre briyevman Mr Chairman – an fet ki mon’n konpran lesplikasyon e sa i dir nou – ki CEO i dir ou pou dir i annan en gran delay.  Akoz mon vreman konsernen avek sa ‘Ease of doing business’ i annan en gran delay pou ganny bann laprouvasyon sorti kot Lasante, Lanvironnman.

Donn nou an mwayenn konbyen letan i pran pou ganny aprouvasyon sorti kot sa de Departman, ler apre ki en biznes in fini fer son bann prosedir, konbyen letan mwayenn i pran pou ganny repons?

 

MR SPEAKER

Mersi Onorab.  CEO. 

 

CEO MS PENNY BELMONT

Mersi.  I depan lo diferan kategori biznes.  Par egzanp en dimoun ki fer handicraft, Fire Department, i kapab donn ou dan 2-erdtan son rezilta.  Public health i annan lezot laspe ki i bezwen gete – manze, sanniter ki mannyer ou’n pas ou bann zafer.  Sometimes 2 to 3 days i depan.  Epi osi ki zot fer annan de ler i pa zis donn ou laprouvasyon sa zour.  I annan en konsey ki zot bezwen donn ou amande, aranze apre la zot donn ou.

Me maksimonm sa bann dimoun ki tonm anba ESA oubyen si i tonm anba SEnPA, within 2 to 3 days ou’n fini ganny ou laprouvasyon.  Eksepte si par egzanp i catering oubyen bann keksoz aste manze.  Me si i depan lo kategori biznes.

 

MR SPEAKER

Mersi CEO.  Bon mon pou ankor entervenir pou mon dir ek bann Manm i en pti Head, annou si nou annan kestyon annou al direkteman lo kestyon ki CEO avek PS i kapab donn zot en repons deswit.

Mon’n fini ferm lalis Onorab Larue mon’n fini ferm lalis kestyon.  Mon pou zis demann bann Manm ki nou lalis pou fer zot kestyon to the point.  Onorab Phillip Arissol.

 

HON PHILLIP ARISSOL

Mersi Mr Chairman.  Bonzour Vis-Prezidan ek ou delegasyon.  Bonzour tou Manm Onorab.

Eski CEO i kapab dir nou ki koneksyon ESA i annan avek Maison Simone silvouple.

 

MR SPEAKER

Mersi – to the point, that is good.  CEO. 

 

CEO MS PENNY BELMONT

Maison Simone i tonm anba IEA, pa ESA.

 

MR SPEAKER

Mersi.  Mersi CEO.  Onorab Simon Gill.

 

HON SIMON GILL

Bonzour Mr Speaker.  To the point bonzour VP avek ou delegasyon bonzour tou manm piblik, tou manm Onorab.

Mr Speaker to the point, i anmenn nou pou rod vreman ki sa lenstitisyon ki nou fek pa tro bokou letan in sanz son non, pe fer.  Mon’n konpran tou bann portal ki zot in etabli la mon pe rode ;

(1) Eski nou’n fini anmas tou bann biznes ki nou santi i annan en posibilite reel, apre ki nou’n donn zot tou bann sipor neseser pou zot kapab fer en perse – swa dan marse rezyonal, oubyen lo main kontinan L’Afrique oubyen ayer?

(2) Eski zot annan en tim ki zot in mete an plas anba sa nouvo striktir ki pou permet swiv en biznes, depi ler zot donn li larzan, ziska ler i ariv sa threshold 25milyon ki Onorab Roger Toussaint in koz lo la?

(3) Ki swivi ki zot pe fer pou kapab donn bann after care pou ki enn ladan bann biznes ki pa pe fer ekstrememan byen, me ki zot kapab konnen dan bann moman ki pe rantre dan difikilte, pou ki nou kapab salvate zot, olye al anmenn en case Ankour pou pran zot bis, pou pran zot pickup, oubyen pran bann lezot asset ki sa bann dimoun i annan?

Mon ava aret la Mr Speaker mon ekout larepons akoz mon ankor 4 kestyon ki mon le rantre lo la.  Mersi bokou Mr Speaker.

 

MR SPEAKER

Bon.  CEO? 

 

CEO MS PENNY BELMONT

Mersi Onorab Gill.  ESA nou pe sey anpes dimoun al rod latizann pou li servi.  So nou pe fer prevansyon.  Sanmenm sa dan nou marketing, nou pe met bokou lanfaz lo lenformasyon, ledikasyon e pa non zis entertainment. 

So nou for pwen se ed en dimoun biznes.  I annan en keksoz ki mon toultan kontan dir – i gou konmans en biznes anrezistre tou sa, reste dan biznes i pli difisil ki tou.

E sa sistenm – sa progranm ki nou’n met an plas, avek nou nouvo stratezi se ed en dimoun – wi konmansman, me selman osi pa zis donn li larzan pou konmanse – fer sir nou annan monitoring and evaluation aftercare programme, swiv li pou ale.

Me fodre pran kont osi, nou pa kapab zis donnen, donnen, dimoun osi i bezwen pran responsabilite ler nou al dan biznes.  Mersi.

 

MR SPEAKER

Mersi CEO.  Onorab Simon Gill.

 

HON SIMON GILL

Dan sa 4 mon ava demann zis enn Mr Speaker.  Mon a donn loportinite larestan.  Kestyon presi.

Eski nou’n idantifye bann sekter kot nou’n idantifye bann dimoun lokal, swa ki dan biznes, oubyen bann ki nou annan bann detay ki zot kapab rantre dan en sekter spesifik ou byen plizyer sekter, kot nou pran zot depi konmansman nou e-lev zot pou ki zot kapab fer en perse lo nivo marse deor?  Mersi.

 

MR SPEAKER

Mersi Onorab.  CEO. 

 

CEO MS PENNY BELMONT

Parey mon’n eksplike nou manda i permet nou travay avek bann diferan lezot Lazans, pou nou vwar ki bor sekter ki nou en pe pli weak; ki bor sekter nou bezwen avanse.

Par egzanp ek SFA, akoz en dimoun ler i lo lanmer, i en peser, ler in ariv ater in fini vin en businessman.

        So nou bezwen – dan ou manda – dan nou responsabilite, nou pe vwar vre nou bezwen plis dimoun spesyalize; plis lekspertiz pou ed sa bann dimoun pou avans en pli o nivo.

Me ou pou vwar dan mon Bidze ki mon pe demann osi en larzan, pou nou train bann staff pou nou kapab anmenn zot lo sa nivo, ki zot kapab ler en biznes i vin devan zot, zot pli konnen ki sa dimoun ki pe vin demann led.  Lo market research, lo ki mannyer pou fer valer zot proze, their product for example.  So nou pe fe sa nou annan sa platform ki nou pe met an plas, pou nou kapab ed bann diferan dimoun e vwar dan bann diferan laspe, kot nou kapab team up fer zot fer B to B avek lezot biznes, kot zot kapab anmenn travay ansanm pou zot fer en progresyon sorti kot zot ete pou zot al dan investment. 

 

MR SPEAKER

Mersi CEO.  PS.  En moman PS Toussaint.

 

PS ROGER TOUSSAINT

Mersi Mr Chairman.  Pou etre pli presiz lo kestyon msye Onorab Simon Gill.  Byento nou pou pe lans en sa ki nou apel en 5 step informative booklet.  Sa i pou provide tou bann pti detay avek bann biznes, sirtou bann ki pe al konmanse, ki mannyer zot pou konmanse.  Ki bann sipor ki annan, pou kapab donn zot len lenformasyon.  Nou’n rekonnet ki en kantite biznes parfwa i fail – akoz i napa akse ek lenformasyon, oubyen i pa konnen kote i pou al rod sa sipor.

Ozordi nou annan plizyer Scheme ki egziste ki swa SME Scheme, ki swa Seed Capital ler ou fek konmanse, ki swa ADF pou Lagrikiltir, ki swa Fisheries Development Fund, nou annan ou en 8 a 10enn.  E la i annan Blue Bond.  Konmsi tousala i pou ganny detaye dan sa pti informative booklet, ki pou permet bann dimoun konnen where do you go and what do you need to undertake pou ou kapab ganny sa bann sipor.

E li ESA parey Mrs CEO in eksplike, li i pou customer apard capture sa bann biznes atraver sa bann sistenm ki pe l met operasyonnel, pou kapab kontinyelman follow-up, pou fer sir ki zot pa reste tousel – zot pa santi zot an izolasyon e zot ganny e sipor ki zot merite.

E nou osi pe anvizaze travay lo bann Export Scheme pou kapab ankouraz dimoun al plis ver eksport pou nou kapab anmenn plis deviz dan sosyete.

E lanfaz si oule pou, ganny mete plis lo bann light manufacturing, value addition e si oule, dekouraz en pe sa kantite lenportasyon, ki pe anvair nou pei, e pe kontinyelman fe keksoz vin pli ser, pli ser, pli ser.

So these are issues ki both Departman avek Lazans, nou pe travay  an tre close kolaborasyon, pou kapab met sa bann Polisi, pou nou kapab fer keksoz vin en pe pli fasil pou nou bann pti e mwayen biznes.  Mersi.

 

MR SPEAKER

Mersi PS Toussaint.  Onorab Aglae.

 

HON EGBERT AGLAE

Mersi Mr Chair.  Bonzour Minis avek ou lekip.

Kestyon ki mon anvi demande, eski CEO i kapab dir ek sa Lasanble – an vi ki annan sa bann sanzman ki zot pe pas atraver e zot in elarzir zot scope.

        An se ki konsern negosyasyon kot i konsern kiosk Port Glaud avek Finans ki ti deza ongoing, eski i annan okenn sanzman mazer, an vi ki mon ti’n fer demann distrik pou fer serten change of use, avek sa landrwa?

E anvi ki osi i annan serten sa bann kiosk ki pa pe servi.  Ki zot pozisyon?  Mon ti a kontan konnen.

 

MR SPEAKER

Mersi Onorab.  Bon ankor mon pou zis averti bann Manm – mon konnen mon vwar en pti pe overlap yer.  Indistrial estate avek sa.  Sa nou fer sir ki nou kestyon i presiz.  CEO. 

 

CEO MS PENNY BELMONT

Mersi Onorab.   Parey ou konnen Port Glaud i sa landrwa kot nou ti pran ti annan en lotel vizavi avan.

So ti mainly for kiosk locally made product. 

        Me lotel in fermen sa landrwa i ankor son alokasyon ki ti, locally made product.  Me ki nou’n fer nou’n met tender out Port Glaud, pou bann dimoun diferan dimoun vini.

E so far nou ankor annan zis en cafeteria ki pe rent apre nou annan de kiosk ki pe vann locally made product pareo, and whatnot.

        Apre nou annan en service ki’n vini ki vann delo.  Me leres dimoun ler nou’n met tender, pa’n vini.  Menm si nou ti’n demande pou nou fer change of use si nou pa konnen ki bann lanvi e bann bezwen distrik ki kalite biznes zot anvi fer laba, nou pa kapab demann change of use, akoz sa landrwa ki mannyer ti’n fer ti’n fer bann pti kiosk pou fer vann bann prodwir.

So nou bezwen sipor distrik.  Nou bezwen zot pou zot kapab met lanfaz konbyen egzakteman ki zot distrik i bezwen ki bann ki zot bann, bezwen servis – an term servis ki apre la nou, nou kapab re negosye pou nou kapab fer change of use. 

Me parkont fodre ou vwar pou dir sa lokasyon kwa ki ti’n ganny dezinyen pou li fer.  Mersi.

 

MR SPEAKER

Mersi CEO.  Onorab Jean-Francois Ferrari.

 

HON JEAN-FRANCOIS FERRARI

Mon kestyon in ganny eklersi Mr Speaker.  Mon ti pe fer en  kestyon arising.  Mersi.

 

MR SPEAKER

Mersi Onorab.  Onorab Henrie.

 

HON GERVAIS HENRIE

Mersi Mr Chair.  3 pti pwen tre presi lo Bidze.  I annan en alokasyon ki apel ‘facilities for events’ de konponan ki ase konsiderab, mon ti a kontan e leklersisman lo la

Dezyenmman, mon note ki napa en a lokasyon pou ‘returning graduate allowance’ ki pe arive avek sa antite, i pa pe atrakte graduate Seselwa?

E dezyenmman dan “goods and services” pwen 7 i annan den a lokasyon for ‘private firms’ en lesplikasyon lo la silvouple.  Mersi.

 

MR SPEAKER

Mersi Onorab.  CEO. 

 

CEO MS PENNY BELMONT

Goods and services;” anba “goods and services” private firms ti’n demande.

Bann private firms ler nou pe mete la,  i zis parey plis pou nou pey bann locally – bann pti private firms parey nou fer uniform, nou fer design, nou fer parey ou’n dir dan bann events ler nou fer events.  Ki nou sey fer nou, nou sey ankouraz bann biznes – pti biznes

So nou met en larzan kot nou ankouraz bann pti biznes.  Ler nou annan en aktivite nou pa donn zis en dimoun en lakonpannyen pou run en aktivite pou nou, me nou pran diferan.  So nou kapab pey zot anba la.

Apre pou graduate nou ti a kontan ganny sa bann ki retournen, me parey ou vwar nou Bidze pa bokou.

Me ki nou’n fer, nou pe travay avek DPA avek Finance pou 2020 pou nou kapab re fer nou ‘’Scheme of Service,’’ pou nou kapab atrakte en pti pe plis bann sirtou dan business development. 

        Fasilite swa events nou fer bokou fairs.  Especially la letan Nwel Christmas Fair pou bann artizan, oubyen Valentine’s Fair for example.  So nou ankouraz bann dimoun ki annan zot prodwir lokal vini vin vann.

Me parey nou vwar anba kot ESA, nou annan en pti ground.  Me ler nou fer sa nou ankouraz zot.  Souvandfwa nou pa pran larzan avek zot akoz nou pe promot zot fairs.

E osi nou al pran par dan bokou lafwar an deor, Maurice, La Réunion, Sud Afrique nou bezwen annan en larzan ki nou kapab allocate pou nou pey zot lozistik avek zot deplasman.  E osi pou nou fer montaz bann kiosk and everything.  Mersi.

 

MR SPEAKER

Mersi CEO.  Onorab John Hoareau.

 

HON JOHN HOAREAU

Mersi Mr Chairman.  Bonzour Mr Chairman.  Bonzour tou dimoun alekout.

Mr Chairman mon pe refer avek programme 2 ki annan 3 milyon ki ganny mete pou promosyon e marketing. 

Mon ti le konnen si tou bann prosedir finansyel ki konsern tender i ganny fer pou sa lokasyon ?

E si pa ganny fer – sey donn nou en pti pe lesplikasyon akoz?  Mersi.

 

MR SPEAKER

Mersi Onorab.  CEO.

 

CEO MS PENNY BELMONT

Mersi.  Ler ou vwar promosyon avek marketing, pou nou promosyon i pa promosyon kot nou bezwen al pran tender deor pou vin promosyon pou nou.  Sa larzan i actually i bann promosyon ki nou ed bann biznes endividi ; swa pou nou  fer li link up lo son lo nou website, oubyen travay avek manrmay.

So basically nou promosyon ek marketing, i parey bann ki nou bezwen al tender bann gro, gro travay pou dimoun vini.

E ler i annan en bezwen  pou nou tender en dimoun – par egzanp pou travay lo nou website oubyen pou fer nenport ki travay, yes nou travay close avek Procurement avek tender nou fer tou travay drwat e korek.  Mersi.

 

MR SPEAKER

Mersi CEO.  Onorab Noline Sophola.

 

HON NOLINE SOPHOLA.

Bonzour e mersi Mr Chair; tou Manm Onorab.  Mr Chair mon ti pe zis regarde si CEO i kapab dir nou, si dan sa Bidze in fer provizyon pou fer en Polisi pou bann beach vendors lo La Digue?  Mersi.

 

MR SPEAKER

Mersi Onorab.  CEO. 

 

CEO MS PENNY BELMONT

Mersi Onorab.  La Digue i pa ganny eparnye.  Parey Mahé osi  nou annan bokou dimoun ki pe vann lo lans.  Ki pe fer sa bann diferan aktivite.  Me parkont sa i pa tonm anba ESA i tonm anba Licensing Authority. 

        Me ki nou’n fer, nou’n rekonnet poudir nou annan sa bann issue – nou annan sa bann problenm.  E ou sa rezon ki nou pe travay ansanm, pou nou kapab revwar, ki zot bann bezwen ankor par egzanp, e akoz ki zot pe al lo lans – zot pa ankor ganny en landrwa dezinyen.

So annefe nou ti annan sa meeting de semenn pase avek Liecnsing Authority, Planning Authority e tou dimoun, pou nou kapab rod en solisyon pou sa bann dimoun.  Mersi.

 

MR SPEAKER

Mersi CEO.  Onorab Valmont.

 

HON JUDE VALMONT

Mersi Mr Chair.  E bonzour, bonzour Vis-Prezidan e delegasyon CEO osi.  Mon kestyon se ki, eski dan okenn fason atraver sa Bidze e sa i fer okenn provizyon pou osi rod fason ed bann sekter enformel? Okenn fason pou zot kapab formaliz zot biznes e osi ganny akse avek servis sipor ESA?

E 2enm se ki, eski ESA i annan okenn rol pou zwe dan sa survey ki pe vini ki dan WTO pe fer, ki Minis Finans in anonse dan son speech Bidze?  Mersi bokou.

 

MR SPEAKER

Mersi Onorab.  CEO. 

 

CEO MS PENNY BELMONT

Ok lo sa WTO yes nou pe travay ansanm e nou ganny enkli dan tou sa bann meeting.

        Wi nou pe fer le neseser.  So pou nou kapab travay ansanm.  E konsernan sa ki ou pe koz lo kaptir sa bann ki pa formel.  Se sa rezon ki avan mon ti konmanse mon ti eksplike pou dir rezon ki nou sorti 2,900 pou nou ariv 12mil nou pe enkli sa bann dimoun ansanm.

E rezon – nou’n realize pou dir pou formil ou biznes, ou bezwen diferan Lazans ou bezwen sa SRC ou bezwen Registrar e osi ou bezwen ESA. 

E pou sa rezon ki nou dir konman en dimoun i anrezistre son biznes, the name of the business, nou fini konnen e SRC osi i fini al ganny son TIN. 

E this is where nou, nou vini nou pick up pou dir entel in anrezistre – la nou sa portal ki nou pe fer, nou anvoy li swa en text, swa en email, akoz pa tou dimoun ki annan text – pa tou dimoun ki annan email or nou annan son nimero kontak, kot la nou konmans ed li rod li pou nou montre li from the 5 step ki nou pe prepare.

Nou la pou ed ou pou avans dan ou biznes.  And this is – sanmenm sa rezon ki nou pe donn sa larzan dan consultancy as well.  Mersi bokou.

 

MR SPEAKER

Mersi CEO.  PS Toussaint.

 

PS ROGER TOUSSAINT

Vitman Mr Chairman pou reponn pou azout sa ki CEO in dir ; enn bann requirement pou ou ganny akse avek sa Seed Capital la en kantite dimoun so far in benefisye se ou bezwen anrezistre.  Akoz en kantite sa bann pti biznes la, zot zis pe eparpiye partou, zot pa konnen ki pou fer.

Me ler zot vini pou zot kapab ganny sa continuous support and after care parey Onorab Gill ti demande pli boner.

So e sa 5 step approach i pou ede tousala sa i pou ganny donnen.  Zot a kapab konnen what needs to be done, pou zot formaliz zot biznes e then get the necessary support where kot i posib.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chair mersi bokou.  Mon annan zis en komanter pou fer parski dan tou sa deba ki nou’n gannyen, i kler ki pou dir i annan en pe dezord I –EIA tou kou mon manke EIA whatever it is – SEnPA, STB, sakenn i annan bann kiosk.

Par egzanp La Digue STB ki ansarz pou al renovasyon.  Mon ti a zis demande ki next time letan zot vin devan nou, ki zot la ki zot annan Lalwa tousala, e tousala i ganny met i ganny met lord.  Sa i zis en komanter.

Mr Speaker i 10er annou pran en vot.  Mersi bokou.

 

MR SPEAKER

Mersi Onorab.  Bon nou’n ariv moman pou nou pran vot.  Nou pou pran en vot lo sa sonm R11, 799milyon pou Enterprise Seychelles Agency ki trouve lo paz 66 ziska 71 ki form par dan sa Schedule.

Mon ti ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  Bonzour tou dimoun mon’n rikord 25 manm an faver Mr Speaker, e personn kont.  Mersi.

 

MR SPEAKER

Mersi Madanm Clerk.  Savedir Bidze pou Enterprise Seychelles Agency pou 2019 in ganny aprouvasyon Lasanble Nasyonal.

Bon mon ti a kontan remersi bann CEO, PS, assistant Admin Officer, Senior Monitoring and Evaluation Officer, Accountant, mersi bokou e nou ava eskiz zot parmi nou.

 

(THE ENTERPRISE SEYCHELLES AGENCY DELEGATION WAS EXCUSED FROM THE HOUSE)

 

 

DEPARTMENT OF POLICE

 

MR SPEAKER

Mon krwar i annan improvement lo lannen pase keksoz pe vin annord dousman, dousman.

Bon nou ava apel se Departman Lapolis.  Nou ava konmans avek zot la, apre nou ava Break.  E nou a kapab retournen apre.

Petet PS zis gid nou en pti moman lo paz antretan.

 

PS DAMIEN THESEE

Mr Speaker pou Departman Lapolis i lo paz 111 pou en sonm R405.029milyon.

 

 

MR SPEAKER

Mersi PS.  Bon mon ti a kontan welcome parmi nou Komisyoner Lapolis Mr Krishnan Labonte ki ganny akonpannyen par son Depite Komisyoner Mr Romano Songor, Direkter Zeneral pou Human Resources and Administration Mrs Angele Lebon e mon annan Financial Controller Mr Danny Labonte.

Welcome parmi nou e nou ava al direkteman lo kestyon.  Okenn Manm? Onorab Woodcock.

 

HON WAVEL WOODCOCK

Mersi Mr Speaker.  Bonzour Komisyoner ou, delegasyon tou Manm e tou dimoun a lekout.

Mr Speaker an total Bidze pou Lapolis i R405milyon.  Ler mon pe get anba “wages and salary” latab 3 anba “compensation of employees” mon vwar ki “wages and salary” in ogmante par 16poursnn sorti 201.6milyon dan Bidze 2018 pou vin 234 milyon pou Bidze 2019.

Mon kestyon i konm swivan akoz sa logmantasyon dan “wages and salary?” Eski zot pe recruit plis staff ouswa i n kestyon ki zot pe donn plis incentive?

        E eski dan sa “wages and salary” i enkli reminerasyon ouswa peyman pou bann special constable?

        En lot Mr Speaker se kan ki Lafors Lapolis pou konmans sa progranm special constable?

        E ki bann kondisyon e konbyen special constable zot pe anvizaze recruit dan lannen 2019? Mersi.

 

MR SPEAKER

Mersi Onorab.

 

COMMISSIONER OF POLICE MR KRISHNAN LABONTE

Mersi Mr Chair.  Premye parti sa kestyon sa increase “wages and salary” i konpri pou recruitment pou lannen pe vini.  I pou annan 25 an tou.

Lo ki konsern special constable wi e demars special constable Praslin avan.  Akoz sa unit ti egziste oparavan.  Me nou bezwen konmans li dousman, dousman.

E apre ler i konmans etabli dan en distrik, ou le propaz li dan lezot distrik.

Lo lavil i annan enn de dimoun former police officers    ki’n apros mwan, mon’n dir zot mon le demar  Praslin avan ki mon espekte nou konmans li petet konmansman Zanvye.

E apre nou demar lezot distrik.  Selman nou bezwen demar en distrik avan.  Zot liniform in fini pare.  Nou annan semiz ki nou’n fer vini pou zot.  I semiz kouler ble e   kannson i parey nou ete en pe ble pal semiz.

Special constable fodre nou konnen se bann retrete pou bann dimoun ki annan en lot profesyon.  I fer travay pou serten erdtan dan letan kot Lapolis i under strength. 

        E zeneralman sa se ler i annan bann aktivite sirtou dan weekend.

        E zot travay pou apre 4 erdtan e apre zot pou ganny peye tou le 3 mwan.  Mon pa konnen si ou’n satisfer larepons.

 

MR SPEAKER

Mersi Konmisyoner.  Onorab Woodcock.

 

HON WAVEL WOODCOCK

Konmsi tou le 3 mwan i en pti pe lwen.  Mon pe mazinen si i pou Lapolis i krwar i pou ganny sa bann special constable ki pou agree ki pou vin travay avek Lafors Lapolis kan zot pe ganny zis sa pti I don’t know allowance, stipend  tou le 3 mwan.

Eski ou krwar poudir i fezab  Eski ou krwar poudir sa bann ex-Zofisye Lapolis pa agree pou retourn – pou travay avek  lafors avek en kondisyon koumsa?

Apre mon 2enm kestyon ou’n dir poudir sa logmantasyon R32.4milyon dan “wages and salary” i pou 25 nouvo staff. 

        Me selman ler mon pe gete  32.4milyon pou 25 staff ki en pti pe bokou.  Eski i zis pou sa 25 staff sa oubyen bann lezot … ?  Konmsi  si ou kapab donn nou en breakdown why akoz mon santi poudir R32.4milyon logmantasyon pou saler zis 25 staff i en pti pe tro e-leve.

Kekfwa ou kapab donn ou en pti breakdown en pti pe regardant sa logmantasyon.  Mersi.

 

MR SPEAKER

Mersi Onorab Woodcock.

 

COMMISSIONER OF POLICE MR KRISHNAN LABONTE

Mersi Mr Chair.  Sa 25 i konpri enkli pou bann expatriate Mauricien, ki annan apepre 5 ki nou’n rekrite, i lo ran serzan e zot saler i pou baze parey en lapey en serzan gard Seselwa.

Me an plis, se zot ganny nou donn zot lakaz.  Me lakaz se lakaz zot ganny en lasanm dan en lakaz.   I pa en lakaz.  Lapolis i lwe lakaz si i annan  3 lasanm nou met 3 zot ladan.

E an plis zot ganny en allowance i 7, 500 as an expat allowance.

Sa ki konsern special constable.  Bi special constable se ki se bann ki retrete ou i annan en lot job.

Me si i annan dimoun ki anvi vin gard, ki santi i annan kapasite vin gard, in deza dan Lapolis, i free pou li rantre dan regular police.  Sa i pa en baraz akoz ou’n deza gard pou ou al dan special constable. 

Special constable i annan en b sa.  Akoz ou pa anvi angaz ou 8erdtan toulezour dan travay.  Ou anvi donn en servis piblik a en serten moman, kot ou servis i vreman ganny demande.  Eski i …?.  Thank you.

 

MR SPEAKER

Mersi Komisyoner Lapolis.  Onorab Waven William.

 

HON WAVEN WILLIAM

Mersi Mr Speaker.  Bonzour Komisyoner avek ou lekip.  Mr Speaker mon ti a kontan demann Mr Commissioner mon pe refer ek paz 112 latab 3 letan ou pe get progranm 1, 2, 3, 4 mon pe vwar poudir i annan bann alokasyon ki’n ogmant, i annan ki’n ganny redwir.

E mwan mon anvi konnen lefe ki mon’n anmenn Mosyon e mon konnen i konsern piblik vizavi sekirite avek lord dan pei, mwan mon anvi konnen e zabitan Grand Anse Mahé i anvi konnen si sa bann Scheme ki pe ganny revize, lefe ki Komisyoner in koz lo la bokou letan, in vin isi dan sa Lasanble, kwa egzakteman ki zot pe travay lo la?

Eski i annan en revizyon konpreansiv?  Akoz letan mon pe regard bann sonm ki pe donnen la.  Mon pe demann mon lekor si vreman – si vreman sa bann Scheme pou ankourazan, pou bann zenn antre dan Lapolis? E an menm tan pou bann ki la deza, pou zot konsider reste e vreman ganny sa bann sipor neseser.  Akoz par egzanp letan mon refer bann gard ki pe okip lans Grand Anse Mahé i annan zis 2, eski ki pou ganny plis.

E mon pe get bann lekipman ki zot pe travay avek, bann incentive zot dir ou zot pe gannyen, ouswa bann mankman, eski nou pe vwar sa arive evantyelman?  Mersi.

 

MR SPEAKER

Mersi Onorab.

 

COMMISSIONER OF POLICE MR KRISHNAN LABONTE

Mersi Mr Chair.  Bann incentive ki i konpri premyerman pou atrakte better candidates dan Lafors Lapolis.  E dezyenmman i annan en lot allowance pou zot retenir zot dan Lapolis.  Bann ki la pou pa ale.

Par egzanp nou’n increase inducement allowance, sa i enn.  Nou’n osi met en risk allowance.  Apre bann pou ganny better candidates nou’n met en allowance pou – mon krwar i R75 pou si ou annan en O Level per subject. 

E maksimonm ki rekonsidere i 6 size.  E sa i osi aplik pou A Level, ki son rate i monte, e son maksimonm i 3 size.

An plis i annan lezot allowance ki nou’n donnen – par egzanp si ou en fingerprint expert pou ou vin en fingerprint expert pa neseserman fodre ou annan en Degre fodre ou’n fer course or study en ta letan.  Apre finalman ou ganny deklare fingerprint expert – sa i annan en allowance. 

Si ou permet mwan Mr Chair mon a pas lo lalis diferan allowance ki annan.  Nenport en course ou fer ant 6 a 12 mwan en dirasyon Lapolis i anvoy ou, ou ganny en  allowance 350.  En ordinary Diploma ki ou, ou fer pandan letan 12 a 18 mwan ou ganny en allowance per month sa – i kontinyel R400.  Si ou annan en Advance hyde National Diploma ou ganny ou R500 par mwan.

Pou en First Degree ou ganny R1800 par mwan.  Pou en Masters or Doctorate ou ganny R3, 500 par mwan.

Tou sa bann allowance e bann allowance ki nou’n fek entrodwir.  Ti napa dan lepase.

An plis ki sa bann ki travay lo lanmer, i osi ganny allowance.  Par egzanp si ou en coxwain ki ou kapab al 10mil notik ou ganny R1000 an plis, ou kapab en coxwain pou kapab al 60mil notik an plis ou ganny R1500 allowance par mwan.  Ou en coxwain avek international time certified as captain ou ganny 5mil par mwan.

An plis i annan diferan allowances depi dan grad pou bann divers. 

E tou sa bann allowance se nou’n fek mete dan Scheme.  Avek bi bann ki la pou kontinyen progrese.  Mersi Mr Chair.

 

MR SPEAKER

Mersi Komisyoner.  Onorab William.

 

HON WAVEN WILLIAM

Mersi Mr Speaker.  Mr Speaker mon ti anvi demann Komisyoner Lapolis, ankor avek vizavi lekipman, eski NDEA sa bann bato dapre mon konpran laplipar pa ti pe marse.

 

MR SPEAKER

I nepli NDEA Onorab, i ANB.

 

HON WAVEN WILLIAM

Wi ANB sa  dan li menm li i kree en gran weakness pou sa seksyon.

Eski tou sa bann bato la i an loperasyon ?  E de lot kote Commissionner, mon pe koz bann gard lans ki lekipman an plis ou espekte gannyen?

Akoz parey mon’n dir se ki mon pe get lans Grand Anse Mahé, ou annan enn a de sa bann gard.  Ler ou pe mazin grander sa lans nou pe ganny bann vol detanzaot ou pa an plis sipor ki bannla i espekte?  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mersi Mr Chair.  Pou mon a pas kestyon konsernan bann bato avek Depite Songor i a reponn avan.

Me konsernan lekipman Lapolis dan lepase i pa en sekre ki pa’n ganny lekipman ki pa’n ganny nanryen Lapolis.

An se moman nou pe fer sey source sa pou nou ganny en fon pou nou source out serten utility belt.  Sang ki ou  me ou servi – i mete tou son bann zafer i ladan.

Nou pe sey source out New Zealand e nou ti pe travay pou fer vin 150.  Mon’n koz avek ce matin avek regional commander  Tirant ki baze Anse Royale.  Ki zeneralman nou pou met sa bann – nou pa pou issue zot endividyel ek bann dimoun.  I pou baze dan bann stasyon e ler zot al patrol zot ganny sa bann lekipman.  E ler zot, retournen zot bezwen retourn dan stasyon.  I ganny accounted for.

E sa i konsern lekipman. Nou pe anvizaz rod plis lekipman pou Lapolis, e mwan an tou leka depi ler mon’n la, mon pe sey tap laport partou pou nou ganny lekipman, plis lekipman.

Akoz dan lepase e sa in neglize.  Prezan pou kestyon ANB mon a pas laparol avek Depite Songor.

 

MR SPEAKER

Mersi Komisyoner.  Yes Assistant Commissioner?

 

DEPUTY COMMISSIONER MR ROMANO SONGOR

Mersi Mr Chair.  Bonzour tou bann Manm Onorab.  Pou konsernan bato ANB – an se moman pa tou nou bato ki operasyonnel.  Nou’n request lasistans avek UNODC zot pou asiste pou repar de bato.

E enn sa bato i kout nou 10mil Dolar pou nou repare.  So nou’n fini secure zot pou dan prosedir fer procurement. 

        Apre lo kote bann lekipman maritim, nou’n deza fini submit nou lalis avek UNODC ankor.  By Fevriye zot ti sipoze pou asiste nou.   Mersi.

 

MR SPEAKER

Bon zis mon annan mon ti a kontan en pti epe bann Manm.  I annan serten mon konnen zot anvi ganny serten lenformasyon e Departman Lapolis i pare pou donn o tan posib.  Annou fer en pti pe atansyon osi tou, ler nou poz nou kestyon.  An vi ki i annan serten keksoz petet i kapab poz en pti pe dout lo mwayen and all that, ok? Nou pa oule bann serten lenformasyon i sorti deor.

Ok zis bann Manm be careful.  E petet mon ava osi dir Komisyoner ek Asistan si zot santi i annan serten keksoz i en pti pe sansib, zot pa oule dir an piblik, zot kapab refrain ok? Nou ava kontinyen.  Onorab Aglae.

 

HON EGBERT AGLAE

Mersi Mr Chair.  Komisyoner mon’n vwar pou dir anba progranm 2 dan sa Bidze 405 milyon ki nou pe al vot lo la – en gran porsyon ladan sa i 153 mil, milyon ki pe al ver vizit nou bann visible policing.  Mon ti a kontan demann ou, eski nou pou vwar serten amelyorasyon la avek sirtou kot i konsern community policing ki in enn bann  challenges dan lepase.  Si nou pou vwar en amelyorasyon?  E osi anvi ki annan bann lezot progranm osi ki Bidze pe tonm anba la, apepre konbyen zot pe mazinen ki zot pe deplwaye pou kapab rann sa bann servis vi ki sirtou anba son programmer 1, 2, 3 ki zot in mansyonnen anba sa progranm 2 la.  Mersi.

 

MR SPEAKER

Mersi Onorab.

 

COMMISSIONER OF POLICE MR KRISHNAN LABONTE

Mersi Mr Chair petet si mon pou kapab koriz Onorab.  I pa en increase – kontrer i en rediksyon.  Si ou gete pou trafik community policing, emergency service nou ti ganny  160milyon.

E pou lannen pe vini i 153milyon.  I pa en increase kontrer i annan en decrease. 

Mwan mon bi pou mwan personnelman se Lapolis i kapab fer better with less.  Me selman nou pou bezwen ganny dimoun ki konpetan ki ale pou kapab fer en pe sa travay.

Lapolis i devret proactive.   E pou etre proactive fodre ou annan konesans de droit pou kapab reakte.  Ou konnen ki ou pou fer.  Ou pa asiz ou dan ou shell e sa ki mon bi.  I pa vedir avek en rediksyon ki nou pa pou kapab desarz nou rol.  Si nou ti ganny plis i ti pou bon menm.

Me nou a fer nou mye avek ki nou’n gannyen zis mon ti le koriz sa lerer ki ou’n mansyonnen, i pa en increase kontrer i en decrease.  Mersi Mr Chair.

 

MR SPEAKER

Mersi Komisyoner.  Onorab Aglae.

 

HON EGBERT AGLAE

Mersi Mr Chair petet ComPol pa’n konpran mwan.  Mon pa’n koz increase mon’n dir ou 153 milyon i en sa bann pli gran porsyon anba sa progranm.

ComPol mon annan en pti kestyon siplemanter.  Taler ou’n mansyonn pou bann ex-servicemen ki ti kapab petet pou ganny konsidere, pou zot vin bann travay konman bann special constable.

Eski i annan okenn kriter ki zot pe servi pou allow, aksepte sa bann dimoun kapab vin donn en koudmen?  Menm si zot petet pran retret dan Lapolis?  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mr Chair special constable i ganny kontrole anba Police Force Act.  I annan en Regulation Special Constable Unit.  E zis ou follow sa pou anploy zot.

Mon krwar ladan osi zot saler i 3 mwan eksetera, zot ganny bann keksoz allowance eksetera ou ganny uniform e zot ganny call. 

        E dapre sa Lalwa si ou pe travay en landrwa Gouvernman eksetera, nou pou bezwen ou servis Komisyoner i ekrir en let pou demann ou release e i obligatwar pou ganny ou release, si i annan serten aktivite.

Me sanmenm sa bi special constable.  E si i annan serten dimoun i krwar i kapab still donnen pou regular police, i feel free pou apros Headquarters nou get li.  E si i free nou anploy li.

 

MR SPEAKER

Mersi Komisyoner.  Onorab Clive Roucou.

 

HON CLIVE ROUCOU

Mersi Mr Chair.  Mr Chair mon kestyon pou Komisyoner se lo paz 112 anba progranm 5 i annan en besman dan Bidze konpare 2019 a 2018.  Mon ti a kontan ganny rasyonnel pou sa besman pou sa progranm ?

Epi mon 2enm kestyon avek Bidze ki plis ki 405 milyon pou 2019 en ogmantasyon plis ki 12poursan.

Mon ti a kontan demann Komisyoner, ki Departman Lapolis i pe fer pou garanti kordinasyon efektiv ant bann lezot Lazans tel ki FIU, SRC, Anti-Corruption Commission  pou garanti efikasite e rezilta efektif.  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mersi Mr Chair.  Onorab 2enm kestyon mon pa’n byen konpran mon krwar taler ou ava repet.

Me selman pou premye parti ou kestyon mon a fer Depite Songor reponn.  Mersi.

 

MR SPEAKER

Mersi Komisyoner.  Asistan Komisyoner Songor.

 

DEPUTY COMMISSIONER MR ROMANO SONGOR

Mersi Mr Chair.  Onorab pou kestyon, se ki nou’n vwar poudir 2017 avek 2018, lafason letan nou ti pran sa letan NDEA Bidze, pa nou ki ti prepare.  Ti’n fini ganny submit dan Bidze 2017.

Ler nou’n al sers nou loperasyon pou 2018, an konsiltasyon avek nou bann partner, nou’n met serten plan stratezi, ki zot advise nou, se ki nou pa pou bezwen sa kantite larzan ki nou ti pe operate lo la 2016/ 2015.  E pou sa rezon ki annan sa bes-man.  Mersi.

 

MR SPEAKER

Mersi Asistan Komisyoner Songor.  Onorab Roucou ou 2enm kestyon.

 

HON CLIVE ROUCOU

Mersi Mr Chair.  Mr Chair mon kestyon ti an relasyon avek Bidze total 405milyon ki en logmantasyon apre 12poursan an konparezon avek 2018.  Mon ti pe demann Komisyoner avek sa tel Bidze ki Departman Lapolis pou donn lepep Seselwa en garanti ki ava annan en kordinasyon efektiv ant tou bann lezot Lazans parey FIU, SRC, Anti-Corruption Commission, pou garanti efikasite dan sa konbat kont krim.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mr Chair mon a fer Mrs Lebon DG Admin … 

 

MR SPEAKER

Yes go ahead Mrs Lebon.

 

DG MRS ANGELE LEBON

Mersi Mr Chair.  Mersi Onorab.  Bon nou Bidze total from 2018 i montre sa increase sa varyasyon par 12poursan.

Premye increase ti 16poursan dan “wages and salaries”.  2enm i dan “goods and services” par 10poursan e 3enm i bes-man par 18% dan nou non-financial assets. 

E son detay i swivan; anba “wages and salaries” sa 16poursan i mezir R32.496 million.

E an 2019 nou annan recruitment bann special constables.  Nou annan upgrading of post.  Nou annan promosyon ki bann dimoun in sit legzanmen sa lannen.

Nou annan long service award pou long service Scheme.  (Sorry) Nou annan sa wage grid 5% increase; nou annan sa Paramilitary Unit ki pe transfer from SPDF pou rantre dan Lapolis.  Epi nou annan nou new Scheme of Service ki pou pran lefe le 01juillet 2019.

Sa 10poursan ki ganny reprezante anba nou ‘‘goods and services” i reprezant selman sa R15.9milyon ki nou’n gannyen an adisyon lo nou budget “good and services” 2018 pou nou kapab pey en aryeraz elektrisite from 2012.

Akoz ler larme ti sorti ex-Coast Guard nou, nou ti rantre i annan serten plizyer lezot dimoun ki ti la, me tou keksoz ti ganny mete anba Police Department.

        Prezan sa aryeraz in kontinyen, in kontinyen e swivan bann deliberasyon ki’n pase nou’n ganny sa 15.9 million pou nou clear sa aryeraz avek PUC. 

        Nou napa ankor okenn increase dan nou “goods and services budget.” Okenn increase ki ganny reprezante – increase and decrease ki ganny prezante increase and decrease ki ganny reprezante dan nou bann budget lines “goods and services” i selman lafason ki nou re etal nou bann line budget item, pou nou kapab travay pli byen pou nou kapab deservi en landscape pli etale avek nou larzan.  Epi nou’n swiv en pti pe the trend ki bann cost drivers in endik nou.  E sa rediksyon 18% dan non-financial assets i rantre anba nou ‘’minor capital’’.  Akoz an 2018 nou ti ganny promet serten transpor anba Indian Grant. 

        Prezan anba nou ‘’minor capital outlay” nou ti’n fer provizyon son konponan VAT then DEMURAGE and clearing and so on ki ti 3.1 milyon.

Be anvi ki 2018,  sa pa’n materyalize e nou pa vwar li osi dan limedya.  So nou’n tir li net dan sa ‘’minor capital’’ e nou’n partaze dan lezot landrwa ki pli byen bezwen sa konponan larzan.  Mersi.

 

MR SPEAKER

Mersi Mrs Lebon.  Onorab Roucou.

 

HON CLIVE ROUCOU

Mersi Mr Chair.  Mr Chair larepons ki madanm in donn mwan, mon ti a kontan demann li ki benefis bann zofisye pou gannyen lo sa ogmantasyon?

Epi mon ti anvi still anvi ganny kler lo ki mannyer Departman Lapolis pou travay avek bann lezot Departman parey mon’n dir avek FIU, SRC, ki nou pou garanti dan sa lalit kont krim?  Mersi.

 

MR SPEAKER

Mersi Onorab.  Mrs Lebon.

 

DG MRS ANGELE LEBON

Wi, benefis ki zot pou gannyen parey mon dir ki nou annan bann upgrading of post ki pou pase ant trainee constable to constable level. 

        Nou annan bann promosyon ki pou pase from constable to corporal – corporal to sergeant an montan.  Nou annan sa Long Service Scheme ki mon krwar nou osi nou enkli ladan.  Nou annan sa wage grid increase 5% ki bann Polisye osi i ladan.  Apre nou annan nou new Scheme of Service ki pou pran lefe le 01 juillet. 

        E sa new Scheme of Service li menm i 13.9 milyon.

So sa i endik ou pou dir 996 personnel ki nou annan pou benefisye.  E parey ComPol in eksplike en pti pe o pli oparavan, nou’n re vizit zot salary structure an term zot inducement allowance avek zot risk allowance pou met azour avek bann legzizans zot travay.

E i annan bann lezot konponan allowances, bann standing allowances, ki nou’n re vizite pou nou fer sir ki dan sa Scheme of Service tou dimoun dan Lapolis is taken care of, baze lo zot diferan travay ki zot pe donnen.  Mersi.

 

MR SPEAKER

Mersi Mrs Lebon.  Bon ok i annan en bout kestyon mon krwar pa ankor reponn.  Mon ava pas laparol avek Asistan Komisyoner.

 

DEPUTY COMMISSIONER MR ROMANO SONGOR

Mersi Mr Chair pou 2enm kestyon Onorab konsernan lapros travay Lapolis avek FIU.  Nou annan 2 fason travay ki nou’n adopte 2017 osi byen pou ki 2018/2019.  Sa se Financial investigation an referans avek bann assets.

        Apre nou pe focus lo intelligence investigation lo nivo Nasyonal, rezyonal osi byen enternasyonal.  O nivo Nasyonal nou pe travay avek SRC, Bank Association, FIU, apre ek bann lezot partner. 

 

MR SPEAKER

Mersi Asistan Komisyoner.  Bon nou ava pran en Break.  Nou ava retournen 11er pou nou kontinyen avek klarifikasyon lo Bidze Departman Lapolis.

 

(BREAK)

 

MR SPEAKER

Bon mon anvi ki nou konnen pas sa travay serye e nou donn en ler pou nou konmanse, nou fer sir nou annan en quorum mon osi annan en kantite pou fer menm ki pandan Break. 

        Me selman mon touzour sey fer mannyer pou kit the time.  Si nou dir 11er premye laklos i warn nou mwen 5 nou rantre ki nou kapab ganny en quorum, e mazinen pou dir nou annan Vis-Prezidan ozordi i fer 3enm zour avek nou, e lezot zofisye osi tou ki la ki’n vini fer travay.

Mon osi tou mon ti a kontan rekonnet prezans de lezot zofisye ki mon’n manke bomaten. Sa se Ms Nellie Coopoosamy ki ankor en travayer dan Minister Finans ki pe akonpanny PS Thésee avek Ms Verghese.  E Mrs Christine Dogley ki pe akonpanny i personal assistant i pe i travay avek ANB Anti-Narcotics Bureau. 

        Bon nou ava kontinyen avek nou travay klarifikasyon kestyon lo Bidze Departman Lapolis.  Mon ava pas laparol avek Onorab Paul Ernesta.

 

HON PAUL ERNESTA

Mersi Mr Speaker.  Vis-Prezidan, delegasyon tou koleg Onorab bann dimoun a lekout presizeman dimoun Takamaka bonzour.

Mr Speaker mon pou fer lo paz 115 anba progranm ‘expenditure’ subprogramme 2 parey pli boner Komisyoner in remark en rediksyon dan sa progranm.

Premye kestyon ki mannyer zot pou fer pou zot kapab parey ou’n dir ou menm.  Pou zot kapab fer sir lefikasite dan sa progranm  –  enn.

E 2enm lekel sa seksyon – akoz la nou pe koz community avek Airport policing, ki pe ganny touse.  Lekel sa seksyon ki pou annan sa rediksyon a se mazer lo la?

Apre Mr Chair mon pa konnen si ou pou allow mwan.  Nou annan Kordgard Takamaka ki mon pa vwar li i ganny mansyonnen ladan.  Eski Komisyoner i kapab dir nou en pe, ki stati i ete avek reparasyon nou stasyon Takamaka?

 

MR SPEAKER

Mersi Onorab.  Komisyoner Lapolis.

 

COMMISSIONER OF POLICE MR KRISHNAN LABONTE

Mersi Mr Chair.  Mon a fer reponn ou dernyen kestyon premye.  E mon a pas sa avek Mrs Lebon konsernan kot in arive lo Kordgard Takamaka.  Mersi.

 

MR SPEAKER

Mersi Komisyoner.  Mrs Lebon.

 

DG MRS ANGELE LEBON

Mersi Mr Chair.  Mersi Onorab.  Bon parey mon’n eksplike avan nou pa’n gannyen okenn ogmantasyon dan nou larzan ‘’goods and services’’ prezan nou’n bezwen regarde ki mannyer  bann diferan progranm.  Akoz PPBB i ase nouvo dan lafason ki ou fer Bidze.  Amezir nou pick-up bann trend ki mannyer bann cost i été, par kwa, nou servi sak lannen ki nou pe partaz nou larzan ki nou’n gannyen, egalman across tou ban promgrammes and subprogrammes pou nou donn en sans tou dimoun travay.

Ou konpran akoz ler zot ti komanse ek PPBB  community policing ti resanble bokou pli gro.  Eskiz mon.

Prezan i annan en kantite larzan ki ti vize ver laba.  Prezan gradually amezir nou ale dan PPBB, nou ganny en sans vwar ki mannyer bann depans i ale e nou partaz li over bann progranm ek bann subprogrammes.  I pa vedir i annan enn ki’n ganny mwens i pa pou travay mwens.  I vedir ki nou pe servi larzan dan en fason bokou pli efikas atraver bann subprogrammes pou nou fer sir ki bann manda i ganny delivre o maksimonm.

No.2 pou Takamaka.  Mersi, bon Takamaka nou ti ganny larzan en pe tar atraver lannen letan juillet, Out son tol antye ti fini dan pye zonblon.

E nou ti ale nou ti retir tou keksoz nou’n kit li bare mon kapab dir, e nou’n fer demars lasistans pou nou ganny en larzan pou nou kapab repar li.

E dek ki nou ganny funding, prezan nou konmans prosedir.  E prosedir se atraver Procurement ek Tender Board ki ase lengthy   ki ase tedious, ki ase dousman – mon kapab dir.

E nou’n reisi fini sa staz la.  Nou dan sa cool-off avan parey Tender Board i apel sa Procurement en cool off letan nou fini desid bidding.

E nou espekte konplet Kontra, akoz sa progranm ti an de sa larzan.  Ti Anse Royale son roofing ki koule totalman devide anndan, avek son renovation of the new Takamaka Police Station.  Prezan sa travay lo Takamaka Police Station, i sipoze komanse le 26 Novanm e son scope pou ale 4 to 6 weeks – son travay.  Akoz tou son striktir i la li i zis nou bezwen prezan re kouver li dapre bann scope ki’n ganny etabli.

 

MR SPEAKER

Mersi Mrs Lebon.  Onorab Ernesta.

 

HON PAUL ERNESTA

Mersi Mr Chair.   Mr Chair mon annan en pti rekomandasyon.  Mon konnen la nou pe al rantre dan letan lapli.

I annan gran posibilite parey nou dir sa time frame ki zot in donnen i riske dekoul lannen prosen, eski  i annan sa Bidze prezan nou pou kapab secure li ki nou asire ki lannen prosenn i travay i kapab fini? Enn.

Apre dezyenmman in view ki sa proze sa sityasyon annou gete dan ka emergency, eski zot napa en mwayen pou fer sir ki bann ka emergency i ganny trete dan sa fason ki kapab speed up the process?

 

MR SPEAKER

Mersi Onorab.  Mrs Lebon.

 

DG MRS ANGELE LEBON

Mersi Mr Chair.  Mersi Onorab.  bon fransman dir ou i pa ti en sityasyon ki nou ti preempt ki nou ti prevwar.  Ti arise out of en movetan and strong winds ki ti dekouver tol antye ek tou son bann zafer ti al fini dan pye zanblon.

So a sa moman nou konmans rod lasistans emergency.  Akoz nou, nou menm nou dan nou Bidze ki nou gannyen, i zis pou zis sa ki nou prevwar forecast immediate pou nou lannen ki nou ladan.  Nou pa prevwar serten lezot keksoz.

So sa pa ti en keksoz ki nou espekte arive.  So Takamaka ti pou tonm dan bann ‘upgrading of Police Stations’ a longer di-tan ki nou ti pe ale.  Me sanmenm sa ki nou’n bezwen rod lasistans fon within Home Affairs fon ki pa ti pe servi pou donn nou.

Be borde ou secure sa – borde ou konmans fer prosedir, ou fer tender, ou fer bidding, prosedir procurement ek tender i pa otan fasil parey nou krwar.

So ler ou’n ariv devan ou tourn deryer akoz napa en checklist pou ou swiv.

So ou annan en kantite retar along the way.  Me pou mon reponn ou kestyon o size gro lapli ki pe vini – pou lemoman Onorab nou annan soley. So mwan mon regard sa soley.  E mon dir pou dir nou pou fini nou travay a tan avan lapli i devid lo nou.

        So nou scope of work ki nou’n mete yes i pou fini a tan avan Trezor i fermen le 21 Desanm.  Mersi.

 

MR SPEAKER

Yes Onorab Ernesta.

 

HON PAUL ERNESTA

Mersi PS Thésee, eski sorry avantyer ki’n sa tel sityasyon nou pa repet ankor, ki parey dan bann ka emergency nou kapab fast track, bann keksoz pou fer sir keksoz parey sa ta prosedir ki DG in mansyonnen i kapab ganny deal avek pli vit posib.  Mersi.

 

MR SPEAKER

Mersi Onorab.  PS Thésee.

 

PS DAMIEN THESEE

Mersi Mr Speaker.  Anyway Procurement ek Tender Board pou osi ganny kriye dan sa deliberasyon e enn rezon se pou osi eksplik sa konsern ki annan deor, konsernan letan ki pran pou fer procurement.

        Me selman nou ki nou dir tou kou se liaise ek Gouvernman se pou konnen i annan sa bann guidelines ki ganny mete, ler nou pe fer okenn proze ki bezwen swiv.  Natirelman si i ganny soumet i bezwen tournen, i bezwen en keksoz ki pa’n ganny fer byen.

So at the same time nou pe reviz Lalwa Procurement avek le bi pou senplifye li pou moderniz li, avek bann diskisyon.  I pou ganny osi diskite avek bann stakeholders early lannen prosenn pou asire ki wi kekfwa lo Minister Finans kot zot met devan nou bezwen protez Gouvernman swiv prosedir byen.

Me annou get osi deor kwa ki bann kontrent ki bann Minister pe dir ki nou kapab asire ki sa revised Lalwa ki vini, i enn ki balanse.  Mersi.

 

MR SPEAKER

Mersi PS.  Mon osi mon’n ganny bokou konplent avek sa post Lapolis 5 mwan apre ki zis son twatir in ganny retire par movetan, i pa vreman akseptab ki sa post Lapolis i ankor fermen.  Sirtou sityasyon sa sekirite dan pei ki bann zabitan in ganny vin met devan mwan.  Bon Onorab Clifford Andre.

 

HON CLIFFORD ANDRE

Mersi Mr Chair.  Mr. Chair mon kestyon i vize ver lefikasite – ou konnen i enn priyorite Komisyoner pou fer Lapolis ek son tim pou fer Lapolis vin pli efikas ki servis ki delivre i alaoter e pep Seselwa i satisfe.

Dan sa konteks e avek sa bann logmantasyon allowance ki ou’n dir nou ComPol, eski bann Zofisye Lapolis ki deza dan Lafors e ki annan sa bann kalifikasyon ki ou pe dir allowance pe ganny mete, eski zot pou, gannyen sa allowance oubyen i zis pou bann ki nouvo?

Dezyenmman sa risk allowance ki ou’n koz lo la, eski i pou aplikab pou bann zofisye SVPD, ki zot louvraz i vreman risky letan zot lo lanmer, pe provide sa sekirite eski zot pou ganny sa allowance?  E eski pou annan en form back-pay ki pou ganny konsidere ladan?

Apre mon le vin direkteman lo Bidze ki dan nou liv la.  Nou annan housing, in sorti lo sa dokiman ki nou annan akoz yer nou ti ganny dir in monte – i pa’ … desann.

Lo sa dokiman ki Minister Finans in donn nou, lannen pase ti 27milyon.  E sa lannen i 40milyon.

I en logmantasyon R13 milyon ki kalite lakaz zot pe al lwe prezan?  Ki kantite lakaz nou pe al lwe?  Konmsi mon ti a kontan ganny en pe leklersisman lo la.

Fuel li in sorti 8.9milyon in vin 12.06milyon.  Kekfwa Komisyoner oubyen Mrs Lebon e menm PS kekfwa i kapab eksplik nou ki mannyer zot a pe get sa, akoz i apepre en 4 milyon 3.1milyon diferans.  Me konsern pli grav se elektrisite.  Elektrisite 1annen 2018 ti 6.6 milyon, me lannen 2019 son prozeksyon se 22 milyon.  Mon dakor elektrisite in monte ti a vin 12milyon ti a dir in double.  Me i vin 22milyon i vin plis ki 3 fwa 3 – threefold!    Akoz si ti 3 i ti pou 18 me in mont 18 apre 4milyon ankor lo la.  So sa mon le en lesplikasyon.

Mon lot konsern se hire vehicle i 9.17milyon.  Me apre lo la nou annan maintenance ki 7.8milyon.  Apre nou annan osi lasirans ki 2milyon.  Mon pe sey demann sa kestyon si en loto letan en lakonpannyen letan i lwe zot loto si pa li ki devret kouver son lasirans.  Sa larzan lasirans pou konbyen transpor Lapolis ki pe ganny kouver anba sa lasirans ek sa maintenance ki 7.8.

Akoz mon mazinen ki si ou pe lwe loto son maintenance, li ki fer, kekfwa i annan serten laranzman ki Lapolis in gannyen.  So nou bezwen lesplikasyon lo la.

En lot issue se mon vwar i annan agricultural supplies.  Mon pa konnen ki Departman ki fer lagrikiltir kot Lapolis kekfwa en pti lesplikasyon sa R270mil.  Mon pa konnen pa zot ki ansarz prizon e letan dimoun i ganny met dan kaso se mazorite fwa se son fanmir ki anmenn en blennket oubyen lezot keksoz ki i donnen.  Parfwa i annan ennler ki dormi lo sa lestik.  E i annan clothing avek bed linen ki sa R32 mil sa osi mon ti a kontan ganny en lesplikasyon.  Local consultancy in sorti 10mil in mont R350mil!

So ki sa local consultancy ki pou kwa in monte e si nou kapab ganny en lesplikasyon.  Mersi.

 

MR SPEAKER

Bon mersi Onorab.  Zis mon fer rapel ki lo sa size elektrisite Mrs Lebon in donn lesplikasyon bomaten e petet taler ou ava ganny sa lesplikasyon.  Mon krwar ou’n antre en pti pe an retar.  Ok?  So Mrs Lebon i a kit elektrisite later, ou ava pran lezot kestyon ki monte.  Mon pa konnen Komisyoner oule pran avan apre Mrs Lebon i a swiv?  Go ahead Komisyoner.

 

COMMISSIONER OF POLICE MR KRISHNAN LABONTE

Mersi Mr Chair.  Onorab mon a pran en pe parti konmansman ou kestyon apre mon a pas leres avek Mrs Lebon.

Konsernan  efikasite Lapolis.   Bon pou kapab fer Lapolis vin pli efikas, se ou pou bezwen donn zot bagaz.  Eske ozordi napa dan lemonn okenn loperasyon sirezikal ki ou kapab fer pou met efikasite par leksperyans ouswa son profesyonnel akademik dan latet en boug.  Ou pou bezwen fer li through training. 

        E depi konmansman sa lannen, Lapolis in fer en kantite training avek bi pou increase efikasite.  Si mon kapab pas lo la.  Nou’n fer 4 kou en mwan kot nou lakademi pou bann non-commissioned officers. 

        E sa i annan sa 104 zofisye polisye ki’n ganny train.  Nou’n fer en basic recruit course ki pe fini next week.  E sa i annan 28 nouvo gard.

Nou annan osi leres course ki nou’n fer pou Customer Care, 200 gard nou’n ganny en asistans avek British High Commission pou nou senior officers dan professionalism course ki nou’n fer kot nou akademik.

Lo allowance ou’n koz lo la allowance i pou tou zofisye.  Allowance i annan i en two-prong approach.  Avek bi pou retain bann ki la e osi pou atrakte bann nouvo kandida pou zwenn Lapolis.  Pou entice zot pou zwenn Lapolis.  Lot issue ki ou’n leve se SVPD.  Onorab SVPD they are fully fledged police officers.  Dapre mon rikord zot ti zwenn Lapolis le 01 Zanvye 2015.  They are plis constable, zot pou due zot gratwite apre baze lo dat ki zot ganny apwente next year.  E zot osi zot pou kalifye sa bann allowance ki mon’n mansyonnen oparavan.

E  mon a azoute lezot parti ou kestyon mon a pas li avek Mrs Lebon.

 

MR SPEAKER

Mersi Komisyoner.

 

DG MRS ANGELE LEBON

Mersi Mr Chair.  Si Komisyoner ti a zis permet mwan dir en pti keksoz lo SVPD please?  Ok. 

Bon SVPD akoz toultan zot retournen.  Zot vin demann ankor Konpansasyon e tousala.  Nou annan avek nou 36 sa bann zofisye polisye prezan, ki ti ex-SVPD – 36.  Mon’n pran zot dosye enn par enn mon’n regarde, ki merit zot larzan ki zot pe rode.

Ek ler zot in fini ganny peye tou zot keksoz.  E le 01 Zanvye 2015 zot ti transfer Lapolis on their ongoing contract, ki kot ti annan avek SPDF.  Zot ti rantre avek the existing. 

Zot ti ganny peye zot Konpansasyon ki ti due pou zot anba sa Kontra ki ti ongoing avek SPDF.  Si i fini le 31 Mars –  le 01 Avril zot ti ganny apwente.  Konman en Police constable, ok  anba Lapolis.

Zot lapwentman anba Lapolis, i konmans sa dat ki zot ti ganny apwente, ler zot Kontra ki zot ti rantre avek from SPDF ti konplete.  Ok?  Zot in ganny peye tou zot keksoz.  They are Police officers parey ComPol i dir e okenn sanzman dan Scheme, zot pou benefisye parey tou lezot dimoun.  Enn.

No.2 mon ti a kontan pran ou bann kestyon lo Bidze Onorab, si ou ti kapab – mon pa’n kapab atrap tou lakantite ki ou’n dir enn deryer lot vitman.  I am sorry.  Premye ou ti dir lo ‘housing’ ok, korek?

Anba mon Bidze pou mwan la ‘housing’ 2019 i zero.  Mon napa larzan anba ‘housing.’  Unless ou pe dekrir li anba something else?

        Mwan mon Bidze anba ‘housing’ i zero.  Mon budget activity la 2019 anba ‘housing’ i zero.  Or you are referring en lot laliny?

 

MR SPEAKER

Ok zis Mrs Lebon.  Mon a demann PS Thésee petet i annan problenm ek sa lalis?  PS Thésee.

 

PS DAMIEN THESEE

Mersi Mr Speaker.  Petet si nou get byen ou pou vwar i met ‘’wages and salaries in kind” apre i met ‘housing’ mon pa pe pick-up sa menm figure anba.

Savedir ignore sa bout ki met ‘housing’.  Sa bann gro total 27milyon – i pa li.  Sa i sa grand total pou “wages and salaries in kind”.

        Mon krwar sa konfizyon ki pe fer.  Nou ava koriz sa spreadsheet apre midi nou ava anvoye.

 

MR SPEAKER

Yes.  Alright thank you. Wi i annan en fot la.  ‘Housing’ i konpri dan sa deskripsyon me i pa …

Minister Finans e bann zofisye zot a sort out taler.  Mrs Lebon ou kapab kontinyen.

 

DG MRS ANGELE LEBON

Ou 2enm kestyon please. 

 

HON CLIFFORD ANDRE

2enm kestyon sete fuel ki’n sorti 8.9 – mon espere ki sa bann sif i korek.  Pa ki nou demann en kestyon, apre nou ganny dir sa bann sif ki’n ganny mete pa korek.  Parey pou sa enn ‘housing’ –  ki’n mont 12.06milyon.

 

MR SPEAKER

Ok petet mon a zis mon krwar sa ki mon kapab. Mon a zis sey recap.  An swivan fuel ou’n kestyonn kou maintenance pou bann transpor – ou’n kestyonn lasirans osi pou bann transpor.  Alright?  

 

HON CLIFFORD ANDRE

Yes.

 

MR SPEAKER

Petet Mrs Lebon i kapab pran sa 3 enn deryer lot.

 

DG MRS ANGELE LEBON

Mersi Mr Chair.  Fuel for vehicles in ganny aziste pou li reflekte lo vre kou fuel. 

Nou’n annan en logmantasyon dan nou loperasyon kot nou servi transpor; nou servi bato pou Marine Police; i annan ANB son la i la son ogmantasyon fuel –  pri fuel in monte lo market.  E nou Bidze 2018 pou fuel nou bezwen virement pou nou anvoy savings ladan, pou nou kapab kontinyen pey SEYPEC pou fuel. 

 

MR SPEAKER

Lo kote lasirans loto.

 

DG MRS ANGELE LEBON

Apre nou desann nou insurance.  Insurance nou pey comprehensive insurance pou tou nou transpor.

E sa amount i reflekte letan nou ti pe fer Bidze, ki nou ti’n peye actually an 2017 pou pou insurance.  Tou nou loto vehicle Lapolis, i insured Comprehensive.  Nou pa annan nanryen pou nou fer avek lasirans okenn car hire ki nou pe lwe.  Zot, zot sort out zot own lasirans.  Nou, nou pey zot sa ki nou dwa zot on a per day basis.

        So sa lasirans 1.7 i reflekte nou bann transpor epi i annan sa increase, akoz ki nou’n fer Onorab, se ki an 2018 nou’n fer en re assessment valer nou bann transpor.

Akoz nou vwar ler i ariv en aksidan, nou submit nou claim avek lasirans, nou perdi sa ki nou pe ganny peye as opposed to the market value ki nou, nou bezwen prezan repar sa transpor.

Prezan nou ti fer en re evalyasyon tou nou bann loto ki ti pli nouvo from 2017 e pou nou ganny nou sif lasirans for 2019. 

Agricultural supply sa i lafason sa budget line i ganny dekrir, me selman an verite i nou manze pou nou bann police dogs.  Yes me selman dan Bidze i pa met li dog food i met li agricultural stock feed. 

 

MR SPEAKER

Mersi Mrs Lebon.  Onorab Andre.

 

HON CLIFFORD ANDRE

I annan 2 clothing and bed linen avek local consultancy ou pa’n attend to.

 

MR SPEAKER

Mrs Lebon.

 

DG MRS ANGELE LEBON

Mersi Mr Chair.  Clothing and bed linen nou annan Lakademi ki nou le rann li fully fledged. Nou oule fer nou bann etidyan rezidansyel.  Ler nou bring in nou bann zofisye from Praslin La Digue ki vin etidye nou bezwen house zot la.

E nou servi sa ‘clothing and bed linen.’ Nou annan lezot nou bann unit akoz zot measure of response, zot bezwen dormi dan barak.  So nou bezwen annan sa larzan pou’ clothing and bed linen’ nou rezyon izyenik pou nou kontinyen mentenir.

Local consultancy sa i pou en consultant Seselwa ki pe travay avek nou ; nou bann stratezi pou refer devlopman curriculum Lakademi.  Mersi.

 

MR SPEAKER

Mersi Mrs Lebon.  Onorab John Hoareau.

 

HON JOHN HOAREAU

Mersi Mr Chairman.  Mon kestyon i vize lo progranm 4 avek progranm 5 basically detective services avek Anti- Narcotics Bureau.

        Anba progranm 4 mon vwar i annan en rediksyon apepre 1milyon.  Mon ti ava kontan ganny en lesplikasyon akoz, anvi ki ler ou pe get anba zot bann performance measures mon vwar  i 64poursan.  Zot pa ankor achieve bokou lo sa kote.  E i annan bokou konplent lo lapar piblik lo kote krim ki pa ganny trouve, oubyen Lapolis pa kapab fini rod en larepons pou dimoun lo la e prosekit bann krim.

Lo kote Anti-Narcotics Bureau osi Mr Chairman.  I annan en rediksyon lo la.  Mon pe zis demande si sa pa pou konpromi sa zefor kont drog.  Akoz mon vwar zot successful prosecution in desann i apepre 55poursan.

Si nou ti kapab anmenn en pti pe lesplikasyon Komisyoner lo la.  Mersi.

 

MR SPEAKER

Mersi Onorab.  Mrs Lebon.

 

DG MRS ANGELE LEBON

Mersi mon a reponn lo progranm 4.  Ok?  Progranm 4 i nou progranm CID e an 2018 ti 26.5 la i 24.5.

        An 2018 anba nou Forensic Unit nou programme Forensic Services nou’n aste en bon pe lekipman.

E that has been done. Prezan la sa lannen nou pou angaz nou plis dan train staff pou servi sa bann lekipman.  So i annan bann shift dan larzan dan diferan fason, ki pe pase.  E se sa petet ki zot vwar sa monte – desann dan lafason ki nou’n landscape nou Bidze pou nou kapab travay avek tou nou bann progranm.

Nou ‘’goods and services’’ larzan in reste parey li. Selman zis nou’n bezwen servi lasazes ki mannyer nou pou platir nou playing field vizavi larzan, pou nou kapab travay across the board tou nou bann progranm.

        Progranm 5 Anti-Narcotics mon a les Depite Songor reponn silvouple.

 

MR SPEAKER

Mersi.

 

DEPUTY COMMISSIONER MR ROMANO SONGOR

Mersi Mr Chair.  Pou Anti-Narcotics nou anba “goods and services” i annan increase, akoz lo kote nou loperasyon nou pe extend li en pe plis an deor lo zil Mahé – mon kapab dir.

Me selman lo kote investigation methods avek tactics sa i reste parey.

 

MR SPEAKER

Mersi Asistan Komisyoner.  Onorab Simon Gill.

 

HON SIMON GILL

Mersi Mr Speaker.  Mr. Speaker premye kestyon ki  mon annan pou propoze ti an relasyon avek efektiv bann Zofisye Lapolis dan son totalite ki i annan.

Eski Komisyoner i satisfe avek lakantite zonm/ fanm dan servis Lapolis donnen nou popilasyon ki nou annan?  La nou pa pe koz neseserman nou kalite la.  Nou a pe demann en kestyon spesifik si lakantite zofisye ki i annan, i satisfe ki i an proporsyon avek nou popilasyon?

E si pa an proporsyon avek nou popilasyon, eski sa Bidze ki nou’n gannyen la pou donn laprouvasyon, i permet Lapolis pou li fer bann nouvo recruitment e si i pe fer nouvo recruitment ki mannyer  i pe prodwir sa travay recruitment. 

        Eski i annan bann  kontak avek Liniversite oubyen lezot lenstitisyon skoler ki nou annan dan Sesel?  Pou ki nou kapab atrakte bann personnel avek nivo neseser pou ki nou al bouz lo sa lot staz, avek kalite prezan bann personnel ki nou bezwen dan Lafors Lapolis.

2enm kestyon ; si nou ti kapab ganny en apersi lo sa nouvo Scheme Saler ki nou konpran pou pran lefe an Zilyet.  Depi konmansman dernyen konstab anba, ziska anler ki mannyer i proporsyon sa bann diferan increase ki pou annan?

E ki mannyer sa dan li menm li, zot kapab servi zot Bidze ki zot annan, pou zot al lo televizyon, al lo radyo, pou zot kapab fer piblisite lo sa package ki nouvo pou zot kapab atrakte Seselwa de kalite pou ki nou kapab vreman ranforsi travay dan Lapolis?

Mr Speaker mon ava aret la.  Mon annan ankor de lezot kestyon si ou a permet mmwan apre pou mon poze.  Mersi.

 

MR SPEAKER

Mersi Onorab Gill.  Komisyoner.

 

COMMISSIONER OF POLICE MR KRISHNAN LABONTE

Mersi Mr Chair.  Mr Chair konsernan plis population ratio ou pa kapab get li an izolasyon san get kapasite.

Lakantite li menm pou mwan i pa fer sans.   Si nou pa get kalite.  I marye ansanm sa.

Aktyelman konmela nou annan apepre 996 police officers.  Fer krwar – assume i annan one thousand en popilasyon an 90mil nou ratio i tro o mon kapab dir.

Nou bezwen mwens gard.  Mon kapab fer better work avek less than ki mon annan la.  Me selman ou bezwen annan gard ki proactive – gard de kalite ki kapab desarz son bann fonksyon.

Akoz en gard ler i lo semen i paret en pti Avoka li.  i bezwen  konn son Lalwa in and out.  Mwan Komisyoner kantmenm mon annan mon Degre mon kapab asize dan biro redi en Lalwa – en liv gete.

Me li i napa letan pou li get sa li.  I devre everything at his fingertips.  E si i mal fer – i anmenn en kou lo Gouvernman.

E alor i devret on his toes pou konn sa ki pe desarze the basic Law, penal code, traffic, criminal procedure code, Konstitisyon i devret tou sa bann keksoz i at his fingertips.

        E ler i konn sa bann keksoz, la i kapab reakte progresivman deal ek sa sityasyon.

Si i pa ganny sa bann bagaz, i pa pou reakte.  Nou pou vwar menm sityasyon ki nou ladan konmela.

E pou nou kapab ariv sa zistans kot nou anvi arive, i pran en ta letan.

Akoz fodre nou tou nou aksepte nou tou Sesel.  Nou’n vwar ki laport Lapolis in gradyelman desann.

Bann ki en pe pli vye parey mwan menm, i konnen ki ti annan en lepok kot Lapolis i ti Tontonn.  He was the king of the road! 

Kot Lapolis ti fer lafyerte Popilasyon Seselwa.  Lapolis mon kapab dir avek fyerte Sesel, Sesel was the best dan L’Ocean Indien! 

        E sa ti en lepok kot ou ti fyer.  Kot ou war liniform gard deor lo lakord pa neseserman i gard regilye.  En gard special constable – sa gro lenz kaki, sa boug i taye i per i kit lakaz i fer letour!  Ou vwar sa.

Me nou bezwen re anmenn sa bann keksoz.  E pou fer gard reakte, ou bezwen train li.

Dan lepase i sad to dir ki dan lepase nou ti napa en vot pou deal avek sa bann training.  La konmela nou pe sey fer pou ganny en vot, e nou pe al pli devan petet a lavenir, nou a ganny en progranm pou training. Kot nou ganny nou larzan pou training. 

        E pou nou elev sa, efikasite Onorab, an se moman tou – mon tap tou kwen pou nou anmenn nou dimoun  deor.

Par egzanp resaman nou ganny en ta kour nou’n anvoy dan L’Inde.  Nou’n anvoy deor.  Nou annan bann workshop –  bann kour ki nou gannyen ;  ziska nou larzan allowance in fini.  Nou’n bezwen tap laport kot nou mother Ministry pou sey demann larzan pou li transfer, pou nou anvoy gard training!

E pou ou kapab anmenn konesans pou kapab fer gard vin efikasite Onorab, ou pou bezwen train.  E i pou pran letan.

Me selman si nou kapab met en fren anpes Lapolis desann, e apre fer li monte, i en achievement ki mon krwar dan mon lifetime mon pou apresye.  Mersi Mr Chair.

 

MR SPEAKER

Mersi Komisyoner.  Mon krwar ti annan en 2enm bout en 2enm kestyon lo bann saler lo bann Salary Scheme.  Yes.  Komisyoner.

 

COMMISSIONER OF POLICE MR KRISHNAN LABONTE

Bon nou parey nou’n vwar in dir in aprouve i dan Scheme. 

Me selman nou, nou pa vwar okenn feedback si in approve into 2 – si parey nou’n anvoye.  Ouswa si petet pou mwan fer sa bann ek sa bann figures egzakt – petet mon a esper feedback.  Selman demars pou nou atrakte nouvo polisye se an se moman nou’n al dan lekol – nou staff lakademi menm, i al dan lekol pou al … Akoz nou konnen la  se le moman le bann school leavers i fini, zot pou fer zot desizyon ki kot zot pou vini.  E nou pe fer sa.

Mon fyer osi pou dir se an se moman  nou annan enn de dimoun ki annan Degre ki’n zwenn Lapolis.

Avek bi si nou ler zot antre travay la, zot konstab me avek bi se dan Scheme, nou met en graduate entry, zot konnen si ler sa Scheme pou pran lefe si sa an …  zot status pou monte e zot reminerasyon pou osi enormeman monte.  Mersi.

 

MR SPEAKER

Mersi Komisyoner.  Onorab Simon Gill.

 

HON SIMON GILL

Mersi Mr Speaker.  Dan sa de mon ava demann zis enn Mr Speaker.  Ti annan voudre ki Komisyoner i dir nou si i annan en unit  spesyalize focusing on cybercrime?  Mersi.

 

MR SPEAKER

Yes Komisyoner.

 

COMMISSIONER OF POLICE MR KRISHNAN LABONTE

Mersi Mr Chair.  An se moman nou napa cyber Legislation as such.  Mon krwar i dan prosesis. Gouvernman i dan prosesis pou travay lo la.

Nou’n deza ganny en antretyen avek DICT.  Me mwan, mon konsern se nou pa kapab fer Lalwa – mon’n eksprim sa devan fer Lalwa nou, nou asize apre Lalwa i vini ou dir Lapolis i enplimante.

Mwan mon vizyon se nou pou bezwen al deor, al gete al training kantmenm nou ganny bann workshop; kantmenm si oule i pas par lao nou latet inisyalman but at the end of the day – at the end of the day ler Lalwa i vin an fors nou osi nou pare pou reakte.  Sa mon bi.

Me sa i mon vizyon ki nou met nou pare, pou annan sa kapasite ler Lalwa i vin anfors nou osi nou up and running.  So to speak.   Mersi.

 

MR SPEAKER

Mersi Komisyoner.  Vis–Prezidan.

 

VICE-PRESIDENT MR VINCENT MERITON

Mersi Mr Chair.  Mr Chair bonzour.  Zis mon ti anvi azoute ki an siport sa ki ComPol in dir ki Lafors Lapolis pa zot tousel dan pei ki responsab pou mentenir lord.  Mon krwar ComPol in met devan bomaten. In eksplike kantite training ki pe ganny fer lokal e osi lo nivo enternasyonal, pou donn kapasite nou bann zofisye dan liniform pou kapab, deservi zot travay.

ComPol in koz lo nesesite bann lekipman ki pou met zot azour avek bann, lezot Lafors.  In koz lo nesesite ki nou konn Lalwa depi Konstitisyon, penal code, e lezot morso ledwa, i kapab permet zot donn zot plis konfyans e vin pli konvenkan ler ou apros en sitwayen ler i annan en keksoz ki’n arive.

Me i osi enportan ki tou bann lezot Law Enforcement Agencies zot pran zot rol o serye.  E ki tou bann lezot Lazans zot kapab fer sir zot travay avek Lapolis pou nou kapab apresye bann lezot Lalwa, ki ler ou kas bann Lareg pou vin en kontravansyon.  Byensir gard i sipoze adres bann size ler dimoun i kas Lalwa.

Me nou pa espekte annan en Police state kot lanmwatye popilasyon i gard oubyen enn pe vey kanmarad.

Nou espekte selman ki dimoun i respekte Lord avek Lalwa dan pei, pou fasilit travay gard.  Akoz otreman ou pou bezwen annan ou bal gard dan sak housing estate.  Nou viv nou lavi, me selman lemoman keksoz i al mal nou kriy gard.

So i bezwen annan en transformasyon dan nou mantalite, ki mannyer, ki rol ki gard i zwe dan pei; ki rol ki Lapolis i zwe,  pou mentenir lord ek Lalwa, me responsabilite i konmans kot nou e Lapolis i annan son bout ki pou li zwe ladan.

So mon ti a kontan met sa an perspektiv sosyete an zeneral Mr Chairman.  Mersi.

 

MR SPEAKER

Mersi VP.  mMn krwar tou dimoun i annan en rol pou zwe ladan.  Mersi VP.  Onorab Sylvanne Lemiel

 

HON SYLVANNE LEMIEL

Mersi Mr Speaker.  Bonzour tou dimoun.  Bonzour Minis avek ou delegasyon.

Mr Speaker mon annan serten kestyon ki ou krwar in fini ganny klarifye.  Me selman nou vwar R700mil dan Bidze mon krwar madanm in reponn in dir pou kouver Stasyon Lapolis Anse Royale? R700 mil dan Bidze ki’n ganny mete lanba PSIP. 

        Apre nou annan CCTV camera ki mon’n vwar in ganny mete dan Bidze sorti 750mil pou vin 1.2milyon.  Mon ti pe regarde si bann CCTV camera zot pe mazin al dan .bann distrik ki napa osi, akoz mon vwar en increase ladan petet zot pe mazinen met dan bann landrwa ki napa.

Apre lo kote bann staff ki travay kot Dog Unit.  Eski sa bann dimoun in konplent toultan zot in dir zot pa ganny en risk allowance. 

Eski Bidze sa lannen – si lannen prosen pe fer provizyon pou sa bann dimoun ganny en risk allowance?  Mersi Mr Speaker.

 

MR SPEAKER

Mersi Onorab Lemiel.  Mrs Lebon.

 

DG  MRS ANGELE LEBON

Mersi Mr Chair.  Mersi Onorab.  Bon dan PSIP i annan anba Anse Royale R700mil.  Sa is the ongoing renovation to the station.  Akoz akote li nou annan bann sa ki CID i servi.  Li osi i dan en leta deplorab.  E nou le move lo li.

        Son twatir pe al ganny fer la zwentman avek Takamaka, akoz nou pa kapab esper Desanm delo i devide lo gard anba.  E gard pa kapab fonksyonnen.

So sa i ou answer pou Anse Royale.  CCTV sa ki ou’n mansyonnen la i son repairs and maintenance.  Nou’n vwar en progranm enstal bann camera, dan diferan sensitive areas, me zot dan lenzir di-tan.  E ou bezwen toultan pe fer bann maintenance, bann technical servicing avek.  E nou’n vwar poudir sa larzan sa lannen i pa sifizan, akoz nou’n increase bann areas kote nou’n met camera, prezan nou’n bezwen fer li monte pou nou kapab maintain zot, service zot pey bann dimoun ki fer sa travay i ganny peye.

And then Dog Unit zot osi zot bann police officers sa bann dimoun ki travay dan nou Police Emergency Services.

        Wi ler Scheme i aplike le 01 juillet anba vye Scheme of service Lapolis pa ti gannyen en risk allowance. 

Risk allowance nou’n entrodwir li la anba sa nouvo Scheme ki pou pran lefe le 01 juillet 2019.  Mersi.

 

MR SPEAKER

Mersi Mrs Lebon.  Onorab Phillip Arissol.

 

HON PHILLIP ARISSOL

Mersi Mr Chair.  Eski nou kapab konnen ki Bidze Lapolis i annan pou Lakademi Lapolis?

E ki poursantaz etidyan zot espekte retenir dan Lafors Lapolis?  Mersi.

 

MR SPEAKER

Mersi.  Direk Mrs Lebon.

 

DG MRS ANGELE LEBON

Mersi Mr Chair.  Mersi Onorab.  pou lannen pase nou annan en larzan dan PSIP 1141, nou le pou nou devlop en new concept plan lenfrastriktir Lakademi.  Akoz sa ki la i pa reponn bezwen Lapolis pou train son bann dimoun dan lefitir.

E wi i annan larzan pou Lakademi.  I anba ‘governance.’  Lakademi i tonm anba ‘governance.’   Akoz son lenportans ki nou antase.

E son larzan i partaze anba ED10, 100.  I annan larzan pou travay Lakademi.

Nou ti a voudre annan en pe plis me selman sa ki nou annan nou a fer nou mye avek.  Mersi.

 

MR SPEAKER

Mersi Mrs Lebon.  Onorab Arissol.

 

HON PHILLIP ARISSOL

Epi eski ou kapab dir nou ki kantite etidyan zot espekte retenir dan Lafors?

 

MR SPEAKER

Mersi.  Mrs Lebon.  ComPol.

 

COMMISSIONER OF POLICE MR KRISHNAN LABONTE

Mersi Mr Chair.  Training i en keksoz kontinyel.  Pa krwar ou’n pas en fwa recruit course apre ou’n fini ou’n fini vin gard ou’n konn tou.

Training i bezwen  konstan.  Tou le lannen pa sa gard ki a pase me en lot gard. Akoz mon dir ou pou en lannen fer pou 4 mwan  – 4 mwan par en mwan 4fwa, nou’n fer nou’n train apepre 100 gard.  Nou annan apepre mil gard nou’n vwar.

E sa i en prosesis kontinyel.  Ou bezwen train bann ki la.  Fer bann me ou bezwen train bann ki ou pran bann recruit. 

E a sa moman nou Lakademi napa kapasite pou si oule pou fer detrwa laklas an menm tan.  E sanmenm sa ki nou le design en lot Police Academy kot i annan 3 4 laklas diferan size.  Ou kapab annan en CID course pe ganny run, par – akoz nou ganny lasistans.  Nou’n fer CID koz resaman.  Nou’n ganny asiste par UNODC zot in anvoy zot staff.  E ou bezwen annan en lakademi ki kapab provide diferan kour ki pe ongoing at the same time.  Mersi.

 

MR SPEAKER

Mersi Komisyoner. Onorab Noline Sophola.

 

HON NOLINE SOPHOLA

Mersi Mr Chair.  Mr Chair seksyon 3 paz 15 anba PSIP, mon vwar pou 2019 i annan 3.5milyon e 2020 3.5milyon ki mete pou Kordgard La Digue.

Eski msye Komisyoner i kapab donn nou en apersi, lo travay ki pou ganny fer pandan sa 2 lannen?  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mon ava fer Mrs Lebon reponn sa kestyon.

 

MR SPEAKER

Yes Mrs Lebon.

 

DG MRS ANGELE LEBON

Bon pou La Digue nou le fer en nouvo Kordgard pou La Digue e MLUH ki pou antreprann sa tou sa bann devlopman.

E pou lemoman nou annan sa larzan la.  I annan serten travay ki’n konmanse parey dan bann concept plans – bann keksoz.

E lannen prosenn nou ava demare.  Nou ava vwar ki mannyer i ale pou La Digue.  Sa mon kapab reponn ou lo sa PSIP.  Me son pwen loperasyon pou La Digue, petet mon a pas avek Depite Songor.

 

DEPUTY COMMISSIONER MR ROMANO SONGOR

Mersi Mr Chair.  Kordgard La Digue i an loperasyon avek rezyon Praslin/La Digue.  Me i dan lefitir apre ki nou’n fini fer nouvo Kordgard i pou en fully functional Police Station.  Setadir pou annan son station commander, son Depite, pou annan son CID, pou annan son Dog Unit.  Akoz nou’n vwar pou dir pandan lepase kantite letan ki’n pran pou nou respond La Digue i vreman tro bokou.  Menm lo Praslin osi nou anvizaze fer enn osi Baie Ste Anne.  Mersi.

 

MR SPEAKER

Bon mon krwar nou pou aret la pou nou kapab rann lantern SBC a ler.  Mon annan ankor 8 Manm ki lo mon lalis.  Nou ava 8 manm.

Nou ava kontinyen apre midi avek Departman Lapolis, e nou pou repran nou travay 1er sharp.  Ok pou nou kapab o mwen en demi erdtan ankor petet avek Departman Lapolis e nou a kapab fini.

Ok nou ava adjourn alor ziska 1er apre midi.

 

(BREAK)

 

MR SPEAKER

Bonn apre midi tou Manm Onorab.  Bonn apre midi tou dimoun ki a lekout.  Bonn apre midi Vis-Prezidan, Komisyoner Lapolis, Asistan Komisyoner, Mrs Lebon, PS Thesee e tou bann lezot zofisye ki prezan e ki pe asiste nou dan sa travay ki nou pe fer.

Nou pou kontinyen avek nou travay ki nou ti kote.  E mon ava pas laparol prosennman avek Onorab Francois Adelaide.

 

HON FRANCOIS ADELAIDE

Mersi Mr Chair.  Bonn apre midi ankor en kou tou dimoun ki a lekout.  ComPol mon annan 3 pti kestyon.  Mon premye kestyon se ki lo manda Lapolis zot pe travay pou zot kapab fer sir zot kit Lartik  161 azour.

E mwan mon pe met devan ou ki lepep Seselwa pe donn zot Bidze pou mentenir stabilite dan pei.

E vi ki nou annan bann harassment ki mon bann zabitan pe ganny enn de fa avek sa zafer ‘tint’ lo vit devan.  ki ou departman pe fer pou fer sir ki nou kapab deal ek sa sityasyon?

E nou va vwar kot Lapolis avek sivilyen, zot ava annan en bon korperasyon.

Mon 2enm kestyon se lo kote ‘’wages and salaries’’ i annan R201.599milyon, eski sa sonm ler nou pou met avek Lapolis, eski nou pou vwar en amelyorasyon, sirtou lo kote anbouteyaz dan rezyon Les ek Sid Mahé sirtou dan bomaten e dan apre midi dan lasemenn?

Ankor en pti kestyon lo kote ‘equal work equal equal pay’ lo sa size saler ki nou p al donn Departman Lapolis, eski sa disparite ant etranze avek Seselwa, ki pe fer menm job, eski zot pou kapab koriz sa inegalite?  Vi ki mon konpran ki etranze i annan bokou incentive konpare avek gard Seselwa, e sa i dekouraz en pe gard Seselwa?  Mersi.

 

MR SPEAKER

Mersi Onorab avan mon donn parol Komisyoner Lapolis, mon annan averti bomaten lo bann kestyon ki kapab met sekirite an risk.  Nou konnen Lapolis pe fer son travay i annan bann progranm ongoing.  I annan bann plan ki zot pe met an mars, mon a zis averti bann Manm annou fer en pti pe atansyon.  E lo kote Lapolis Komisyoner, Asistan, Mr Lebon zot osi egzers en pti pe cautious lo kwa ki zot devwale.

E lo nou kote Manm Lasanble nou konpran sa.  E nou pe fer li tou dan en fason pou osi protez pep Seselwa.  Komisyoner.

 

COMMISSIONER OF POLICE MR KRISHNAN LABONTE

Mersi Mr Chair.  Lo premye kestyon zafer ‘tint.’  An se moman i dan Lalwa mon’n vin zwenn li la.  Lalwa i pase par Lasanble.  E mon pe aplik Lalwa.  Mwan mon pwennvi mwan mon ti a kontan ki ti napa sa Lalwa Tint.  Personnelman mwan mon vwar tou dimoun.  Sa i mon pwennvi.

Petet ki mon kapab dir ou ,donn sa pti visor anler – sa petet akoz nou soley i vreman tape, sirtou le ou sorti kot mon sorti Bel Ombre dan bomaten, e ler ou monte aswar, konmsi sa i tap lo ou menm sa.

Apard sa Lalwa i la nou aplike.  Selman mwan mon se zot bann Lezislater, met Lalwa ki sa i sorti.  E nou tou nou vwar kanmarad.  Sa i mon premye kestyon.  Mon premye repons pou ou kestyon.

Lo ‘’wages and salaries’’ si gard pou perform?  Bon nou’n donn plis ogmantasyon avek plis incentive se avek bi petet ki sa bann gard nou atrakte parey mon’n dir pli boner ce matin nou atrakte gard avek pli bon bagaz. Ki gard i kapab poz  desarz zot fonksyon.

E en lot lo kestyon sa disparite ant expat ek lokal, sa mon’n vin zwenn la avan mwan e i ankor pe maintain. 

        Me selman ou pou vwar mon’n dir bomaten recruit bann nouvo gard Mauricien i pe ganny menm saler avek nou gard lokal.  I pa ganny sa gro, gro saler brit si oule.  Sa mon krwar mon pa konnen si ou satisfe avek mon repons.

 

MR SPEAKER

Mersi Komisyoner.  Onorab Adelaide.

 

HON FRANCOIS ADELAIDE

Mersi Komisyoner.  At least mon ti a kontan ki a bout ‘tint’ devan lo vit sa nou kapab tonm dakor ki (sa pti bout mon pe dir) ki nou  – sa visor wi, nou kapab pou ki nou aret ganny bokou konplent.

Apre i annan en bout ki ou pa’n reponn mwan lo kote sa kantite larzan nou pe donn Lapolis la, eski nou pou vwar en pti amelyorasyon lo kote sirkilasyon trafik?  Akoz anvil mon trouve i annan bokou Lapolis lo semen, e mon vwar poudir sa sityasyon, i amelyore konpare avek ler ou kit Anse Aux Pins parey Anse Aux Pins kot lekol, Pointe Larue kot lekol, mon pa vwar prezans Lapolis.  E sa i ede pou fer bokou konsesyon an menm tan. So petet ou ti a reponn mon en pti git lo la.  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mersi Mr Chair.  Pou kapab donn otomatikman Lalwa i dir ou pou ou ganny okenn ‘tint’ fodre ou apply, even sa pti bout lo vit ou apply. 

E mwan mon solisyon zot tir sa zot met otomatikman ou pa bezwen apply pou sa anler lo windscreen.  Sa se fer Lalwa.  Si gard pou pli prodiktiv an relasyon avek sa saler, mon panse petet ki gard i avek prodiktiv ler i ganny son bagaz akademik pou li kapab deal avek lensidan.

Me selman sa problenm trafik la, i pa tonm lo zis Lapolis.  I annan en ta akter ki i involve.

Par egzanp nou annan en an se moman nou annan ki mon kontan dekrir yer mon ti al vizit Airport.  Nou annan en Airport ki lo semen.  E tou dimoun konmela i kapab pase rantre AirportAirport si ou le i en landrwa kot pou al laba i annan n bi.  Konmela i en dimoun i rantre Airport zis i monte pou al parey mon dir pou al rod en moutay kot Skychef al rod en kafe.  Konmsi i devret en landrwa kot ou ale avek en bi, ou pe al zwenn en pasaze eksetera.  Se i ankonbre.  I annan en car park ki open.  Nou larantre pa restrikte, me mwan mon pwennvi se ki nou fer en lot larantre ki ganny kontrole, i al zis lo Airport.

        Tandis nou kit sa main road pou trafik i al direk Sid.  E mon krwar si nou fer sa nou pou, redwir enta volim trafik ki pe fer traver sa semen.  Sa i mon pwennvi.  Me selman pou deal ek trafik i en soz ki devwar Land Transport ki mannyer nou fer semen ; i demann semen plis semen.  Me nou konnen nou tipografi i pa pe permet sa.  Sa pa posib petet.  Me fodre nou konsider en petet keksoz alternativ.  Mersi.

 

MR SPEAKER

Mersi Komisyoner.  Bon mon a pas laparol avek Onorab Regina Esparon.

 

HON REGINA ESPARON

Mersi Mr Speaker.  Mersi Mr Chairman.  Mr Chairman mwan mon kestyon i baze lo paz ptipti 14 le mon pe regarde anba “central Government investment” i annan en sonm 92, 954milyon ki’n ganny mete pou Departman Lapolis.

E letan mon pe regard anba PSIP, mon vwar i annan Kordgard La Digue – Kordgard Santral Anse Royale ki zot pe fer en travay nouvo lo la.

Epi mon vwar sa ‘upgrading of Police Stations’ la ; ki mon ti a kontan demande anba sa ‘upgrading of Police Stations’ la nou konnen pou dir ti annan en lanons ki ti ganny fer isi menm dan sa Lasanble, konmkwa i annan detrwa Kordgard en pe parey Kordgard Glacis ki ganny mete konman bann Police Post.

Me par kont i annan bann regional parey Beau Vallon e nou, nou antase ek Beau Vallon.  Me prenon kont sityasyon ki letan nouvo komisyoner ou menm ou, ou’n vini mon’n ganny fer konpran ki ou ti a kontan vwar Kordgard efikas, alor nou pou arete avek sa bann zafer  Police Post nou a fer ki police post a vin konman bann Kordgard ki operational 24 lo 24 parey tou lezot Kordgard.

Ki mon pe regarde anba sa larzan sa alokasyon ki lala, eski i annan provizyon ki’n ganny fer pou sa?  E mon pe fer sa direkteman an relasyon ek Kordgard Glacis prenon kont son sityasyon kot i pe ganny transfer dan sant kominoter parske sa Kordgard i pe grennen par morso.  Sirtou letan i annan bann gro vehicles i pase bann ros i konmans sorti ladan.

Ki kalite travay zot pe fer anba sa ongoing renovation la.  Lekel bann Kordgard ki pou ganny aranze anba sa ongoing renovation la ki annan dan sa anba PSIP.  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mersi Mr Chair konsernan Kordgard Glacis apre 3 mwan pase zot ti ganny form apre ki Kordgard Glacis si oule son leta i pa en leta vyab -operasyonnel parey Onorab in dir – ler transpor – gro transpor i pase laso i tonbe.  Sa mon’n met latansyon Gouvernman e mon’n al get ou menm ou, ou okouran ki mon’n al gete.

Menm Planning mon krwar in kondann sa building.  Nou pou bezwen fer en lot Kordgard Glacis.  Nou pou bezwen rod en site.  Mon’n  deza koz avek ou lo la ki mon ti a kontan ki nou fer li lanmenm la en pe par deryer.  Me ou, ou’n dir mon ki sa site i earmarked pou children playground deryer.  Prezan nou bezwen gete lekel ki ou anvi si ou anvi en children playground ouswa si oule en Kordgard ki annan tou son bann zafer ladan.

Par egzanp mwan mon bi se ki tou Kordgard i vin en functioning Police Station.  Sa i mon bi.

Me pou fer li vin en finctioning Police Station ou pou bezwen annan dimoun konpetan ; ou pou bezwen annan sa manpower pou kapab housed met dan sa stasyon.

An se moman nou pa ankor fer.  Nou pe fer li dousman, dousman.  Me selman par egzanp lo size Takamaka.  Takamaka it was a blessing in disguise.  Ler ti ariv sa tir twa.  Akoz ki nou’n fer  se nou’n nobou renovate Takamaka.  Nou’n nobou a grandi Takamaka pou li annan son prop investigation – son CID eksetera ki ler i a konplet pou annan tou son bann fasilite.  E prezan nou, nou manpower nou met ladan.

Me pou Glacis nou bezwen en nouvo Kordgard.  Petet Mrs Lebon i a dir si sa –  selman i pa tonm ladan, akoz ler zot in prepar sa Bidze, sa Kordgard Glacis nou ti’n fini prepar Bidze – sa bann lensidan ler ti arive dan Kordgard Glacis.

Me selman mon pou bezwen Kordgard pli modern lo Glacis.  Mersi Mr Chair.

 

MR SPEAKER

Mersi Komisyoner.  Mrs Lebon oule azout keksoz?

 

DR MRS ANGELE LEBON

Mersi Mr Chair.  Pou sa 2 milyon ki feature dan 2019 anba ‘upgrading of Police Stations’ nou ti annan lentansyon met Glacis ladan.  Me apre son building in ganny dir pou dir i pa vyab nou’n al fer vizit i bezwen en new construction and en nouvo building.  Prezan sa nou pou met li Port Glaud/Baie Lazare.          Akoz Port Glaud Baie Lazare i osi, zot leta i pa mal deplorab konmsi – en.

So nou bezwen pran sa lazan met dan Port Glaud first epi regarde kwa ki reste pou nou fer Baie Lazare.  Mersi.

 

MR SPEAKER

Mersi Mrs Lebon.  Onorab Esparon.

 

HON REGINA ESPARON

Mersi Mr Chair.  Mr Chair zis en pti pwen klarifikasyon.  Se ki petet Komisyoner i kapab dir nou, an se moman konbyen Kordgard ki pe ganny gete konman bann Police Post? 

E avek sa bi pou upgrade zot pou fer zot vin en functional Kordgard, ki prozeksyon ki’n ganny fer anba sa Bidze sa lannen, pou kapab fer sa?  E lekel bann Kordgard ki nou pe al upgrade li fer li vin bann functionable post olye reste konman bann Police Post? 

        E ki poursantaz larzan ki zot in met dan sa Bidze pou fer sa, e lekel ki zot pe al fer an premye?  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mersi Mr Speaker. Pou lemoman nou annan 5 Police Post me nou annan problenm Lapolis i sitan grav ki nou annan en ta problenm ennler nou pa konnen kot nou pou touse.

Par egzanp nou annan problenm Lakademi, nou annan problenm Perseverance kot nou’n ganny later, nou pa kapab fer en Kordgard dan en lakaz.

E tou sa i bann priyorite.  E osi Gouvernman i allocate tousala avek Lapolis, i posib i petet pou napa Bidze.  Akoz nou konnen ki dan lepase si oule, Lapolis in ganny en pe neglize.  Nou pa’n ganny met nanryen.  E ler prezan tou sa bann keksoz i arive, zis nou vwar nou pe  – larzan pe ganny mete.

Selman nou bezwen konmans li gradyel, gradyel ziska ler nou konplet sa latas.  Mersi Mr.

 

MR SPEAKER

Mersi Komisyoner.  Onorab Jude Valmont.

 

HON JUDE VALMONT.

Mersi Mr Chair.  Bonn apre midi.  Bonn apre midi Vis-Prezidan, ComPol ek ou delegasyon e tou koleg Onorab.

Mon kestyon i swivan ;  ler mon pe get Bidze mon vwar parey Onorab Lemiel ti’n refer sorti, i annan en provizyon bidzeter pou bann CCTV camera.  Mon pe gete ti annan en plan pou rezon Les, Anse Aux Pins/ Pointe Larue/ Cascade.  Eski sa i pou kontinyen e kan pou konmanse?

2enm se nou parey ComPol in byen refer sorti se ki nou annan sa problenm trafik e Onorab Adelaide in met lanfaz lo la.  ComPol in dir i annan serten fakter apard ki Lapolis.  Nou ti annan en meeting Konsey Rezyonal ki mon ti ganny sans koz avek SP Denousse, e in donn nou reasiran ki i pou fer a laranzman pou met en pe plis riders – mon konnen ti annan en rider ki ti monte dan bomaten i ti pe fer serten keksoz.

Me selman zot in demann nou sipor lo kote moter.  Depan finansyer.  Alor mon pe demande si i annan okenn provizyon pou okenn moter eksetera or pou train bann polisye pou vin bann riders.  Sa enn.

E dernyen se lo kote speed cams i annan sa issue lo highway.  Alor mwan mon ti a voudre demande, si i annan en provizyon bidzeter, pou sa ki nou e al vot lo la, la, pou fer provizyon pou met speed cams lo highway.  Pou ede evite pou gard prezan fizikman, akoz i poz en danze pou bann drayver e osi pou sa bann Zofisye Lapolis.  Mersi.

 

MR SPEAKER

Mersi Onorab Valmont.  Konmisyoner.  Asistan Komisyoner.

 

DEPUTY COMMISSIONER MR ROMANO SONGOR

Mersi Mr Chair.  Onorab an referans avek CCTV pou nou kouver sa lespas Les aktyelman nou annan zis en sant operasyonnel pou camera. 

E sa i dan nou Sant Komann.  Ki nou anvizaze fer avek nouvo Kordgard Anse Aux Pins, i annan son first floor nou anvi met en wing lo la, pou kapab kouver Les an menm tan anmenn dan Sid.

Me selman bann pwen in fini ganny idantifye kantite camera pou mete.  Nou bezwen met li gradyelman avek bann landrwa kot nou osi pe fer fas avek bann krim.

 

Savedir par egzanp nou’n deza konsider 5 pwen lo Anse Aux Pins osi 3 pwen lo Pointe Larue.

An menm tan osi, avek proze ki nou pou rantre pou nouvo Kordgard ki pou fer, petet ankor dan 2/3an Airport.  So i pou kapab anmenn en brans CCTV pou kapab kouver laba.

Apre lo kote speed cam wi sa i dan nou proze pou nou mete.

 

MR SPEAKER

I annan en lot bout lo kote ‘riders.’

 

DEPUTY COMMISSIONER MR ROMANO SONGOR

Riders aktyelman dan Bidze nou’n fer provizyon pou annan 2moter.  E nou annan training ki pe ganny fer pou bann rider. 

 

MR SPEAKER

Mersi Asistan Komisyoner.  Onorab Churchill Gill.

 

HON CHURCHILL GILL

Mersi Mr Chair.  Bonn pre midi tou prezan.  Mon annan 2 kestyon i annan en lo konsernan  ‘E 5’ ANB mon vwar 53milyon mon pe zis get si frequency ki ANB i desann Praslin, si 2019 nou pou vwar en amelyorasyon lo la?

Apre mon pe sizer osi ki Praslin given ki plizyer zil pli gran – 2enm e sa sityasyon Praslin i osi alarman, petet in ler pou zot konmans reflesir pou nou petet annan en pe plis prezans lo Praslin, pou nou kapab ede alleviate en pe sa sityasyon.  Sa i en pwen refleksyon.

Apre mon 2enm pwen, an 2017/2018 ti annan en provizyon R5milyon dan PSIP pou Kordgard Baie Ste Anne.

Me la 2019, mon pa vwar nanryen ladan.  An menm tan napa travay ki’n konmanse lo site. 

So mon ti a kontan ganny en lesplikasyon akoz ki i koumsa silvouple?  Mersi.

 

MR SPEAKER

Mersi Onorab.  Komisyoner. Ok.

 

COMMISSIONER OF POLICE MR KRISHNAN LABONTE

Depite Songor i a pran lo ANB.  E apre Mr Thésee i a pran lo Kordgard finansman.  Mersi.

 

DEPUTY COMMISSIONER MR ROMANO SONGOR

Mersi Mr Chair.  Yes Onorab pou Inner Island lo kote deployment ANB nou pou annan plis personnel.

 

MR SPEAKER

Mersi Asistan Komisyoner.  PS Thésee.

 

PS DAMIEN THESEE

Mersi Mr Chair.  Lo kote issue Kordgard i enn pou bann proze eksepsyonnel ki nou bezwen allow to be carried over pou next year. 

I pa’n ganny mete dan Bidze 2019, akoz provizyon ti sa lannen.  Me pou plizyer fakter in delay, me nou allow sa amount to be carried over.  Mersi.

 

MR SPEAKER

Mersi PS.  Onorab Terence Mondon.

 

HON TERENCE MONDON

Mersi Mr Chairman.  Mon kestyon i relye avek sa de konponan esansyel ki mon vwar dan Bidze.  Premye se lantrennman.  E 2enm se ‘’Scheme of Service.’’ Lo kote lantrennman an vi lenportans lantrennman pou kree en Lafors Lapolis profesyonnel,  akoz ki dan PSIP sa proze pou nouvo Lakademi pou en sonm 5.6milyon pe ganny fer o nivo 3an?  Depi konmans 2019 ziska 2021.

Mon anvi konnen ki posibilite zot kapab fer sa dan en peryod 2an olye 3an?  Anvi so lenportans sa lakademi?

Mon 2enm kestyon lo kote ‘’Scheme of Service” mon ti a kontan si ou ti kapab elabor en pti pe lo sa Scheme pou bann drayver ki akonpanny bann Lapolis – bann gard.

Akoz zot osi zot annan en serten nivo risk ki asosye ek sa travay e zot pe anmenn bann drayver lo scene.  Eski dan Scheme i annan serten konponan pou zot e sa pa kouver?

3enm kestyon anvi ki annan plizyer ka kot ANB in servi lafors fizik eksesiv, parey nou dir – zot bat dimoun, i annan ka ki devan i annan konsekans legal.

Mon anvi konnen ki kantite ka parey i annan devan Lakour ?  E si i annan okenn provizyon finansyel ki’n prevwar, an ka ki Lapolis pou bezwen pey Konpansasyon.  Mersi Mr Chair.

 

MR SPEAKER

Mersi Onorab.  Mrs Lebon.

 

DG MRS ANGELE LEBON

Mersi Mr Chair.  Mersi Onorab.  No.1 mon a pran Lakademi.  Dan PSIP sa sif Lakademi i 1.14130.  Sa mon’n reponn pli boner mon’n dir i pou son concept plan pou nou re devlop lenfrastriktir Lakademi pou nou kapab buff up nou bann courses ki nou fer alongside kanmarad.  Ok?

So son sif i 1.1milyon.  I pou lenfrastriktir.  I pas sa konponan training.  Training i ganny trouve dan “goods and services”.

        2enm konponan ou’n dir “Scheme of Service” ou ti kapab repet ou kestyon?  I konsern drivers. 

        Drivers konmela nou annan drayver ki sivilyen e zot, zot tonm anba bann “transport Scheme of Service”. 

        Zot pa tonm anba “Scheme of Service” Lapolis. Nou annan bann special constable ki pe fer louvraz drayver, me sa nou pou phase off e zot ava deside kot zot le rantre ok?  And ou ti annan ankor enn?

 

MR SPEAKER

Met ou mic on. 

 

DEPUTY COMMISSIONER MR ROMANO SONGOR

Mersi Mr Chair.  Aktyelman nou annan de case ki’n involve kot ANB oubyen Police officer in assault en sivilyen.  E sa nou’n anvoy kot AG’s Office i annan en zofisye ki deza dan sispann.

E normalman prosedir se k letan lanket i fini nou rod son sanksyon Komisyoner Lapolis, nou anvoy kot AG pou Konsider prosekisyon.

E si i annan okenn domaz ki pou ganny peye avek lenstriksyon Lakour, sa i ganny peye dan Consolidated Fund. 

 

MR SPEAKER

Onorab Mondon.

 

HON TERENCE MONDON

Mersi Mr Chair.  Tre vitman mon krwar madanm pa’n tro konpran mon kestyon.  Mon dir i vre ki i annan 1.1 pou 2019.

Mwan mon ti pe demande akoz  nou pa kapab fer sa proze dan 2an olye 3an?  Konmsi an vi lenportans en nouvo Lakademi Lapolis pou kapab fer nou Lafors vin pli profesyonnel.  Akoz i vreman esansyel ki nou fer sa.

 

MR SPEAKER

Mersi Onorab.  Asistan Komisyoner.

 

DEPUTY COMMISSIONER MR ROMANO SONGOR

Yes mersi Onorab.  Pou lemoman nou Lakademi i ganny kategorize konman en Pos-Segonder.   E nou annan bann etidyan ki vini ki antre e i antre dan kad cadet constable. 

Nou lentansyon se nou Lakademi i vin konman en Kolez o nivo rezyonal osi byen pou nou kapab train bann lezot law enforcement entity.

E sa nou pe fer li an konsiltasyon avek lasistans Lafors Lapolis Maurice.  So lannen prosenn letan nou vini, nou pou ed nou pou nou kapab devlop konsep sa plan Lakademi.

Akoz la nou pa kapab dir nou le en Lakademi ki pou pran 50 oubyen 60 laklas.  Apre dan 15an 20an nou vwar li pa ideal.  So nou bezwen fer li an partenarya sa lasistans ki nou pe gannyen.  Mersi Mr Chair.

 

MR SPEAKER

Mersi Asistan Komisyoner.  Onorab Henrie.

 

HON GERVAIS HENRIE

Mersi Mr Chair.  3 pti kestyon.  Premye lo programme 2 ‘visible policing. ‘

Mon’n deza ekrir Komisyoner avan lo kestyon community policing ki dimoun Mont Buxton ti pe demande zot ti le vwar boots on the ground.

        E mon byen kontan pou dir mon’n pas kot en lakour resaman zot dir mon zot ti vwar gard vin kot zot 2 zofisye demann zot en pti pe kestyon pran en pe notes.  So keep-up sa travay e mon swete zot pas en pe pli souvan dezormen.

Zisteman lo sa progranm, mon vwar poudir ‘community policing’ i ansanm avek ‘airport policing, border control’ e i vin ‘community policing.’

        Prezan mon pe trakase, eski pou napa en problenm la kot sepaman Airport ouswa ‘border’ i ganny plis preferans dan sa progranm ki ‘community policing?’ Mon pe mazin dimoun pas dan kanton.  Konmsi mon ti a prefere vwar li lo li tousel. So zot ava eksplik mon dan sa Bidze la ki mannyer sa i pou marse.

E dezyenmman mon anvi konn kestyon reveni ki Lapolis i gannyen, ki bann sours ozordi?

Lapolis i ganny en pti larzan li – ki bann sours?  Apre ki mannyer nou pe manage sa resours la, eski i pe rantre napa okenn backlog, bann keksoz koumsa.  Mersi bokou.

 

MR SPEAKER

Mersi Onorab.  Mrs Lebon.

 

 

DG MRS ANGELE LEBON

Mersi Mr Chair.  Mersi Onorab.  Lafason ki PPBB in ganny fer zot ti met tou uniform officers together dan community and airport policing.  So that is why ou vwar community, and airport policing. Border control i tonm anba ANB.  Ok? 

2enm ou’n koz lo reveni.  I annan 3 landrwa ki 3 sours kot nou anmas nou reveni.  Enn ki nou dir ‘police miscellaneous.’  Sa i bann dimoun ki vin pas tes drive, pas tes learner – bann character certificates – bann small miscellaneous keksoz ki Lapolis i deservi manm piblik.

2enm nou annan National Guard Services, ki provide static guard services avek bann dimoun kle dan Gouvernman ‘sansib. ‘

Apre nou annan en pe osi sa bann National Guard ki travay avek bann vessels, bann Agents pou fer escort of arms, ki rantre pou fer sir sa bann zarm i al dan armory.  Epi pou retire fer sa escort fer sir sa zarm i re antre lo son bato ki pe ale.

Epi dernyen, sa pti provision of security, i bann small vessels – pleasure vessels ki bann police constable ki antase avek Response Unit zot, zot al lo sa bann bato an mer.  E i napa bokou konmela akoz ti redwir bokou letan the threats of piracy ti redwir.

E anmezir nou ganny demann, it is on a cash basis si zot pey upfront. 

        Lo kote koleksyon – mon pou dir lo koleksyon has been very good.  Nou esey nou mye.  Nou annan en retar lo kote bann vessel Agents.  Akoz ler nou, nou ganny lenformasyon sa mouvman escort, vessels petet in fini ale.

E letan nou nou’n anvoy invoice kot Lazans, Lazans bezwen esper master pou sinyen pou nou ganny pye.

Lo la i annan en delay me selman i pa en keksoz ki pa kontrolab.  Nou annan bon follow-up.  Nou annan en software ki nou mete ki nou fer nou swiv li avek.

Tou nou rikord resi ki la i cash basis.  Larzan ki nou’n ranmase.  E tou larzan i ganny depoze trezor dan Consolidated Fund.  Lapolis napa okenn akse avek – ni pou servi pou nanryen. Tou i ganny depoze dan reveni Consolidated Fund Trezor.  Tou le 24er anmezir sa bann amezir larzan i rantre i l Trezor.  I ganny depoz Trezor.  Mersi.

 

MR SPEAKER

Mersi Mrs Lebon.  Onorab Henrie.

 

HON GERVAIS HENRIE

De pti pwen.  Mon ti ava apresye ganny en sif en average sum konbyen ki Lapolis i generate as revenue on an annual basis ?

        E letan nou pe koz community policing Mr Speaker nou anvi vwar en pe plis dan kominote kot nou reprezante, me i annan touzour sa laspe profesyonalizm.  Parski dan serten ka, i annan bann konplent  kont fason ki Lapolis i azir par egzanp zot kapab zis vini en zour gran maten rantre dan lakaz dimoun ankor pe dormi – bann keksoz koumsa.

So malgre ki nou apresye anfet bomaten in ariv en lensidan Vilaz Paskal, malgre ou’n apresye sa, me nou oule war sa balans ki Lapolis i ganny vwar konman zanmi olye ki  an oppressing force.  Mersi.

 

MR SPEAKER

Mersi Onorab.  Mrs Lebon.

 

DG MRS ANGELE LEBON

Bon mersi Mr Chair.  Onorab ou’n dir oule vwar en average sum.  Sa Bidze li menm i endik ou son average, akoz Gouvernman son resi i ganny prozekte lo en cash basis. 

Si oule vwar en age receivables ki baze lo accrual basis, sa i diferan.  Receipts Gouvernman i baze lo cash basis not on accrual basis. 

        So parkont mon’n reponn ou kestyon epi 2enm ComPol i a pran.

 

COMMISSIONER OF POLICE MR KRISHNAN LABONTE

Mersi Mr Chair.  Lo kestyon latitid nou gard.  Dan nou training nou annan sa tact and good humour.  Ou servi tact    and good humour kot ou kapab fer piblik fer sa  – compare avek ou direksyon san servis lafors.

Sa i labaz de policing.  E se sa nou pe re entrodwir – entrodwir dan Lafors.  Lapolis pa kapab servi ou servi lafors ler i neseser.  Pli souvan petet ou vwar dimoun i servi lafors, akoz i pa konnen ki i pou fer.  Alor i sey met ou anba presyon.

Me sa i pa en bon polisye.  En bon polisye se li menm li i en bon negosyater kot i kapab fer ou fer keksoz ki ou pa ti anvi fer.

Par egzanp en bon negosyater i kapab fer ou si sa dimoun i annan en kouto fer ou dezarmen met ou kouto ater san servi.

San ou servi lafors pou al agres sa dimoun.  E sa i bi ki nou pe travay avek training ver sa bi.  Me i pou pran en pe letan, me nou pe al dan sa direksyon.  Mersi Mr Chair.

 

MR SPEAKER

Mersi Komisyoner.  Onorab Sebastien Pillay.

 

HON SEBASTIEN PILLAY

Mersi Mr Chair Bonn apre midi.  Bonn apre midi tou dimoun.

Mr Chair mon note ki nou vwar Bidze Lapolis in mont par lao Bidze Ladefans.  So nou pe konmans realiz lenportans met resours avek Lapolis which is sound very important. 

        Dan sa laliny Mr Chair mon ti pe tous lo progranm ki annan pou fer avek Forensics  and detective services. 

        Mrs Lebon in dir nou pou dir i annan ‘’acquisition of equipment’’ ki’n ganny fer dan lannen presedan, aprezan zot pe train bann dimoun pou kapab servi bann lekipman.

Me ler nou regard anba zot ‘’minor capital outlays’’ mon vwar ki in terms of acquisition of high tech equipment in desann.  En pti pe all over the place.

So mon kestyon ki mon oule demande, se eski sa bann rediksyon i pou enpakte lo efikasite Lapolis pou kapab up son standar – standard of delivery?  Si sa pou annan en lenpak lo travay ki zot pe fer?

E in terms of acquisition high tech equipments eski Lapolis i pe mazinen par egzanp an relasyon ek bann lekipman ki zot acquire, osi acquire bann sistenm radyo ki ler zofisye i al lo bann patrol kominoter, zot kapab reste an kontak konstan avek en radyo avek sa Regional Command Centre oubyen avek zot Sant Komann Lapolis kot Kordgard Santral.

Mon annan en lot kestyon apre Mr Chair, apre sa enn.  Mersi.

 

MR SPEAKER

Mersi Onorab.  Komisyoner.

 

DG MRS ANGELE LEBON

Mersi Mr Chair.  Mersi Onorab sa lannen nou’n envestir  1.2 million dan nouvo lekipman pou forensic. 

E sa i apar bann lab supplies ki nou renew.  Prezan nou’n gannyen sa bann lekipman.  Nou pe fer serten travay pozisyonn zot.  E 2019 prezan nou shift larzan dan ‘training.’  Prezan nou staff bezwen al training pou zot kapab servi sa bann lekipman avek bann lab supplies ki nou pou annan.

Nou le fer rapid testing tou sa bann keksoz.  Sa i enn pou forensic.

        Wi lo kote radyo ki ou’n demande, fransman dir ou i bann keksoz ki nou le rantre ladan.  Mon annan lo mon latab en lalis bann radyo son charger ou pa kapab zis radyo ou bezwen charger son bann consumables ki vin avek.

E an tou i ariv 1.3.  Nou napa sa larzan e nou pa’n prozekte li dan nou 2019.

Prezan ki nou bezwen fer, nou pou bezwen re egard Bidze bann saving ki annan partou bann lezot akizisyon, pran kantmenm en 100mil – re envestir dan en 6  – 8 radyo in the immediate, pou nou kapab gannyen pou nou servi. Especially over the Christmas season.  Sa i dan nou limedya ki nou, nou le fer la.

 

MR SPEAKER

Mersi Mrs Lebon.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon lot kestyon ti relate avek sa ki ou apel bann support services.  Mon pa konnen si ou apel li support services.

        Spesifikman servis coroner services.  Servis coroner atase avek forensic

        Eski dan sa Bidze, vi mon pa pe kapab vwar li, eski i annan plan pou zot upgrade en servis – sirtou par egzanp sa transpor ki pe ganny servi.  E eski zot in etablir en protokol par egzanp? So par egzanp ler i annan en scene i annan en drayver, oubyen i annan en staff ki ganny ki asosye avek sa servis, ki i ganny deplwaye lo sa scene ansanm avek sa coroner, pou ki sa dimoun swa in perdi son lavi swa whatever  ki i annan pou ganny fer, i a ganny fer e nou pa vwar ki i annan petet en retar?  Eski i annan travay ki zot in fer lo sa kote?

Apre mon dernyen pwen Mr Chair, petet mon adres sa a Vis-Prezidan ek PS Finans.  Nou pe vwar from en pwennvi akizisyon stratezik, i en pwennvi procurement stratezik.  Lapolis pe ganny retar lo nivo delivre lo bann proze.

E Lapolis napa en project officer.  So eski Gouvernman pa kapab pran en desizyon lo nivo Cabinet pou dir be ok, an se ki konsern bann strategic procurement, pou bann proze zot devret etabli en dimoun an plas oubyen santralman ki deal avek bann procurement ek bann proze Ladefans/Lapolis pou ki nou pa ganny bann sityasyon parey Kordgard Takamaka ki kontinyen ale/ vini.  Mersi Mr Chair.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mersi Mr Chair.  Lo project officer nou’n resaman apwente en project officer ki nou pe travay sa bann zafer

Si ou vwar keksoz i speed up la, se akoz nou annan.  Ler mon ti vini dan Lapolis ti napa tousala.  Nou pe konmans al ver en pe pli vit.

Lo ou kestyon coroner mon mazinen ou pe koz lo police hearse.  Ler mon ti vini si oule ti annan en lensidan ki ti arive mon pa oule al repas lo la. Ti ariv en katastrof kot ler Lapolis ti vin pran police hearse ti napa bennzin ladan.

Me apre sa nou’n revwar sa sistenm nou’n fer en protokol kot i annan.  Me i annan serten defayans. Akoz dan sa sistenm kot ou vwar en drayver ki sorti stasyon kot in ariv sa maler, i bezwen desann pran police hearse anvil e mont avek.

Me e osi nou vwar ki sa drayver i en ordinary driver.  I napa sa konpetans, pou ler i al i pa zis drive.  I devret annan serten lapolites kourtwazi ler i avek sa dimoun.  Akoz mazinen ki i en dimoun ki i pe al anmennen.

Alor i annan serten keksoz ki kourtwazi  – i annan serten keksoz ki devret fer.

E sa nou pe mazinen a lavnir, si nou devret anploy en dimoun pou fer sa louvraz, pou nou, ouswa si nou contract out sa avek en konpannyen profesyonnel pou li desarz sa fonksyon.  E ler i annan sa bann lensidan Lapolis, i ale i kontakte li. Lapolis i akonpanny sa dimoun, apre ki’n in pran sa in retrieve sa lo scene.  Akoz mazinen fodre Lapolis i toultan la.  Akoz si i annan en police case Lapolis ki pou deal avek.  Akoz li se zis i pou convey sa dimoun e ler i drive i en pe pli poli ler i drive, eksetera.

E sa i bann keksoz ki dan plan pou nou al ver en bon delivery to the public. 

 

MR SPEAKER

Mersi Komisyoner.  Onorab Flory Larue.

 

HON FLORY LARUE

Mersi Mr Chair.  Bonn apre midi tou dimoun.  Anba ‘other use and services’ for service agreement and outsourcing, mon vwar i annan en figure ki total apepre R40milyon pou security and enforcement apre i annan en figure ki 7.6milyon.

Eski ki nou kapab ganny en lesplikasyon ki s depans i kouver lekel bann lakonpannyen ki pe benefisye silvouple?

Apre Onorab ComPol letan ti pran son desizyon Oktob 2017 letan i ti vin ComPol ti pran son pozisyon, in zet bokou lanfaz lo ledikasyon bann zofisye pe kontinyen – i en gran lanfaz.  Me parkont letan mon get alokasyon pou ‘training’ pou lannen prosenn i reste parey.  Eski sa i fer ki plan ComPol pou training i pe ganny delivre?  E akoz napa en ogmantasyon si enn bann rezon ki nou annan bann defayans, i lack of training.  Akoz nou’n gard sa menm kantite?

Apre anba PSIP pou Forensic  Services.  Nou vwar ki nou sipoze annan sa lokasyon ki ti ganny mete dan Bidze lannen pase pou en DNA lab.  E sa lannen napa nanryen ki’n ganny allocate – nek lannen prosenn ki nou pou vwar en amount ganny mete anba foreign Grant.

        Eski nou kapab ganny en lenplikasyon lo kote sa 8 milyon in ganny met? Kote nou été ek sa proze pou en DNA lab?  Kan nou pou gannyen nou lab?   Mersi.

 

MR SPEAKER

Mersi Onorab Larue.  Komisyoner.

 

COMMISSIONER OF POLICE MR KRISHNAN LABONTE

Sorry Mr Chair mon reponn lo training e DNA lab.

Pou ganny en bon fasilite training fodre annan en bon fasilite training fodre annan en bon Lakademi.  An se moman nou annan zis de laklas.   E ler ou annan en recruit course – an menm tan nou annan sa bann manrmay S4 S5 ki vini pe ganny train pou 2an.  Zeneralman i pa lo en Lalwa, i bann zafer en pe langaz ogmant zot nivo akademik.  A lafen dizour ki ou sey pran zot dan Lapolis.

Me pou ou kapab der en bon training akademi ou devret annan apepre 2 3 4 laklas koumsa ki run diferan course at the different at the same time. 

        Par egzanp ou kapab annan course CID.  Akoz resaman ti annan en course CID kot zot bezwen fer zis bomaten apre midi pa fer – fer li lot apre.

I pa ti en keksoz continuous.  I pa normal sa.  Akoz ler ou dan training, ou devret continuous dan training. 

E avek nouvo lakademi ou pou vwar ou pou annan en logmantasyon eventually.  Petet i pa sa lannen ki pe vini petet i lot lannen.

Lo kestyon DNA lab.  DNA lab pou par lao Police Headquaters ki’n ganny earmarked – en plan in fini ganny donnen e bann Indien pe travay lo la.

Dernyen repons ki mon ti gannyen Mardi se ki zot espekte tender sa bann dokiman par Mars ki ek DNA lab ek Police Headquaters par Mars next year – everything complete.

 

MR SPEAKER

Mersi Komisyoner.  Mrs Lebon ou ti le dir keksoz?

 

DG MRS ANGELE LEBON

Yes mersi Mr Chair. Mersi Onorab.  Mwan mon pou reponn kestyon lo service agreements and outsourcing ki Onorab in leve.

Premye sa enn security and enforcement 14.5milyon,  sa i pou nou 63 Nepale,  ki pe travay avek nou isi pou siport Lapolis.

Epi sa security and enforcement i pou Sensitive Security building.  Sa 7.6 milyon i saler bann ex-SVPD ki zot lapey i still pe reste konman en budget activity line dan “goods and services” pa ankor rantre dan payroll pou zwenn Response Unit.  Mersi.

 

MR SPEAKER

Mersi Mrs Lebon.  Onorab Larue.

 

HON FLORY LARUE

Mersi pou sa larepons.  Mersi Mr Chair.  Mr Chair mon krwar sa kestyon ki Onorab Mondon ti demande pli boner i lye direkteman avek sa proze Lakademi.  Dan PSIP nou vwar ki sa proze pou lakademi i spread pou 3an.  Si pou Lapolis training i en priyorite pou kapab delivre lo servis. Akoz ki nou pe drag sa proze ziska 2021?  Sa mon krwar kestyon ki Onorab Mondon ti pe sey demande e i anliny avek larepons ki ComPol in donnen.

E apre letan madanm in donn nou larepons pou sa 20 milyon anba ‘service agreement and outsourcing’ i dir nou pou Sensitive Security, eski nou kapab ganny en pti pe plis detay ti savedir sa silvouple?  Mersi.

 

MR SPEAKER

Mersi Onorab.  Mrs Lebon.

 

DEPUTY COMMISSIONER MR ROMANO SONGOR

Yes Mr Chair.  Mersi Onorab.  Dan sa proze re devlopman lakademi nou’n focus lo nou organisational development plan i konpri pou nou re devlop pa zis sa proze Lakademi li menm.

Me pou nou osi kapab donn lezot training bann lezot Lazans. Par egzanp prizon, Custom, osi byen Imigrasyon.

Now sa lannen nou ti annan en vizit  dan SAP ki ti vini.  Ansanm nou’n asize nou’n vwar ki mannyer nou pou kapab fer marse sa plan Lakademi.  I pa zis pou en plan lenfrastriktir.  Ansanm nou pe osi vwar bann Polisi aktyel pe donn zot training nou annan en group apepre 60 dan nou apepre 100 zofisye ki’n fini attend training Leadership and Management kot Guy Morel Institute.

        So i en proze ki pe carried forward.  Sensitive i en brans sekirite bann sivilyen, ki pe vey bann building par egzanp Labank Santral bann lezot lenfrastriktir Gouvernman.  Zot pa bann Zofisye Lapolis zot bann security officer.  Mersi.

 

MR SPEAKER

Mersi Asistan Komisyoner.  Onorab Larue.

 

HON FLORY LARUE

Mersi Mr Chair.  Mersi pou sa larepons.  Mon krwar that is exactly pwen la kestyon.  Eski nou ti kapab ganny lalis larepons lalis sa bann firm security ek zot bann Kontra ki annan silvouple.

 

DEPUTY COMMISSIONER MR ROMANO SONGOR

Non Mr Chair, mon a eklersi Onorab.  Zot pa bann security firm – zot bann personnel apepre 152 zofisye I mean 152 Sensitive security officer.  Zot lo payroll Lapolis.  Me selman zot saler i vin dan sa group la.

 

DG MRS ANGELE LEBON

Zot pa bann lakonpannyen security firms.  Zot anploye konman security guard anba ‘sensitive and security.’  Zot saler e zot loperasyon zot biro i fonksyonn anba sa budget activity line.  Tou zot uniform tou zot bann keksoz, i fonksyonn anba sa activity line.  Zot pa Lapolis zot.  Zot pa polisye.  Napa okenn reveni ki rantre.

Zot vey Minister Finans son building, zot vey bann lekol, zot annan ki vey Lasanble. Nou annan 209 zot ki travay – zot anploye konman security officers. 

        Zot pa polisye zot.  Parey ComPol en fwa ti refer zot bann zot gardyen sa bann building, zot annan zot shift, zot annan zot bann roster, e s 20milyon i pou zot saler, zot Thirteen Month, zot Konpansasyon letan zot fini zot 2an Kontra.  Zot Gratwite letan zot fini zot Kontra epi the operational cost of running sa Sensitive Security. 

It is not payed out to any firms.  I anploy dimoun.  Mersi.

 

MR SPEAKER

Mersi Mrs Lebon.  Onorab Audrey Vidot.

 

HON AUDREY VIDOT

Mersi Mr Chair.  Bonn apre midi tou Manm, ComPol avek ou delegasyon VP ek tou ki ale kout.

Mr Chair mon ti a kontan demann avek ComPol mon mazinen zot in fer en bon odit pou zot priyoritiz en pti pe zot bann resours ki zot pou servi dan sa Bidze.

Mon ti le konnen osi fer menm prosedir osi – menm odit pou bann Kordgard ki petet pe deservi detrwa distrik par egzanp Kordgard Mont Fleuri ki nou konnen i annan plis ki 3 distrik ki pe kouver.  Eski zot pe priyotiz en pti pe zot bann resours, pou donn sipor sa bann Stasyon Lapolis?

E dezyenmman mon ti le konnen si dan zot plan pou lannen prosenn oubyen si i pou pli tar ankor lo highway –  nou konnen pou dir i annan en kantite aktivite ki pa neseserman Lalwa trafik i ganny respekte.

Eski zot pe entansifye pou sa bann camera? Akoz nou konnen poudir i annan bokou menm si zot pe Zofisye Lapolis on site dan lazournen oubyen aswar, still i annan bann letan kot i annan bann piblik pa pe respekte sa bann Lalwa trafik.

E mon annan konsern osi  pou bann zanfan ki servi sa semen highway, pou zot al stad linite.  E nou konnen parfwa la napa okenn pa toultan ki annan Zofisye Lapolis ki la napa pyeton okenn keksoz ki SLTA pou lemoman pa ankor met okenn nanryen.  Petet sa ti ava osi ede annan en pti pe plis lizye lo sa bann bout area semen.   Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mersi Mr Chair.  Lo size Mont Fleuri – vre Mont Fleuri i en bizi stasyon, e sanmenm sa ou vwar ozordi Mont Fleuri,ler mon ti vini mon’n fer li en rezyon lo li menm, kot i ganny ansarz par en o zofisye Sirentandan.

I annan son prop seksyon CID.  Menm bann dimoun ki investigate trafik.  Me a lavenir nou le i tousala i ogmante.  Menm nou annan manpower i ogmante.

lo kestyon camera i vre ki nou bezwen plis camera e tousala i annan en kou.  Pli lwen ki nou camera i ariv an se moman kot dan Sid i Providence i dan nmon plan pou ki nou kapab ki al dan eske dan Sid.

Parey Depite Songor in dir, i enn dan nou plan, ki nou fer en Command Centre par lao Kordgard Anse Aux Pins.  Kot nou met bann monitors, pou kgard i la i kapab monitor bann camera.  E tousala pou bezwen camera.  Nou’n sey fer lapel ek enn de donnors e yer ti annan en bann nouvo partner  etranze, yer ti annan en dimoun ki ti vin vwar mon dan  en courtesy call e mon’n diskit camera avek sa foreign partner.  I  dir i a get ladan.  In pran note.

E plis ki nou annan lekipman, i pou fer Lapolis fonksyonn pli byen.  Dan sa monde konmela i pa  neseserman ki ou devret plas gard dan tou kwen, me annan plis camera.

        Menm lo Baie Ste Anne dan sa nouvo Kordgard, i plan ki nou met en camera room ki kapab monitor en ta landrwa ; menm nou port of entry Praslin ki i pli bizi se lo lasose mon pa ni konnen napa kontrol lo lasose.

Alor ler ou annan en sistenm sirveyans, ou konnen lekel ki dimoun ki pou antre, kan bato pe rantre – bann keksoz koumsa.  Esa i en keksoz enportan – camera.  Mersi.

 

MR SPEAKER

Mersi Komisyoner.  Onorab Vidot.

 

HON AUDREY VIDOT

Yes. Mr Chair avek ou permisyon mon pe zis klarifye en keksoz letan ou pe dir mon i annan camera dan bout Providence, ou pe koz mwan dan Providence Inustrial Estate sa bout rezyon la? Oubyen ou pe kouver sa bout ler mon pe demann en pti pe lo highway mon pe konsider sa morso semen from osi ki kouver kot Eden, en bout Eden Island, kot sa roundabout desann pou al pres kot roundabout kot avan ou zwenn Bois De Rose.

Akoz mon’n dir parey la espesyalman bann bout la ki annan bann aktivite ki pa neseserman i annan zofisye lo highway la ki monitor – bann aktivite ilegal ki pase.  Transpor ki napa plak, transpor ki pa ganny kouver pou al lo landfill ; ki dimoun i zis koup semen.  E knowing i en 3 lane e i pe al agrandi ankor.  Konmsi in terms of security e bann tranzaksyon drog ki petet dimoun i ganny servi dan sa bann landrwa dan kasyet dan sa bout rezyon la Stad Linite, pou zot fer zot bann tranzaksyon.  Sa ki mon ti pe fer referans lo la.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KRISHNAN LABONTE

Mersi Mr Chair.  Mon pa krwar i loportinite ozordi pou mon dir ou kot nou camera kot nou mete Providence eksetera.  Si ou pa’n vwar savedir i ok. 

        Me parey mon’n dir nou gran plan, se nou annan camera e pe partou kot nou kapab fer sirveyans.  Mersi.

 

MR SPEAKER

Mersi Komisyoner.  Dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Chairman premyerman mon anvi demande si mon’n tann byen.  R1.3milyon pou zot nobou ganny radyo pou kouver Lafors Lapolis.  Ok, se sa ki’n ganny submitted.

        Mr Chairman mon pa ganny en konpran ki mannyer 1.3milyon pou en zouti esansyel i pa dan Bidze!  Mon ti a kontan ganny en klarifikasyon lo sa avan mon al lo lot.

 

MR SPEAKER

Mersi.  Mrs Lebon.

 

DEPUTY COMMISSIONER MR ROMANO SONGOR

Yes Mr Chair sa 1.3million i apre ki nou’n fini fer sa assessment apepre 2 ou 3 semenn pase, baze lo kantite quota radyo ki nou ti annan operasyonnel.  E nou needs ki nou pou bezwen.

Ki’n arive se ki avek bann aktivite ki nou’n annan, nou’n vwar poudir nou ti pe ganny serten problenm avek nou bann radyo o nivo stasyon.  Nou pe koz lo bann portable   radyo.

E i annan ki ti nobou kapab aranze.  I annan ki nou pa’n kapab aranze.  E se sa ki nou’n tonm ek sa pri 1.3 milyon.  So apepre 2 semenn pas nou’n fini travay lo la. Nou pa ankor submit okenn landrwa.  So petet dan enn la nou kapab servi dan nou  savings osi pou nou kapab aste en pe.  Mersi.

 

MR SPEAKER

Mersi.  Vis-Prezidan.

 

THE VICE-PRESIDENT MR VINCENT MERITON

Se zisteman sa ki mon ti oule dir  Mr Chairman.  Nou ava gete dan bann savings si nou kapab ede – si en zouti endispansab.  Mersi Mr Chair.

 

MR SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Mr Speaker pou mon sa i en zouti endispansab e mwan mon menm vwar ki olye pou al depans tou sa larzan ki’n ganny mete pou pey arrears elektrisite, mwan mon krwar ki poudir ti pou bokou pli enportan pou tir en larzan dan sa arrears elektrisite, pou nobou pey pou nobou aste radyo pou Lapolis koman en zouti enportan.

Mon zis anvi mon pou ensiste lo la, parski mwan mon ti a kontan avan ki nou aprouv sa Bidze Lapolis, ki pou dir zot gannyen at least sa 1.3million pou radyo, ki poudir i kler ki poudir zot pou ganny sa e sa i ava ede dan sa travay.

Mr Speaker apre sa ti annan en parol ki ti pou ki sipoze ganny 10 vehicle koman en Grant avek Gouvernman L’Inde.  E mon pa pe trouv li mon pa pe tro trouv li – mon pa’n tann nonm li – konmsi ki pe arive avek sa bann vehicles zot pe gannyen menm?  Mersi.

 

MR SPEAKER

Mersi Onorab Ramkalawan.  PS Thésee.

 

PS DAMIEN THESEE

Mersi Mr Speaker.  lo konsern vehicles sa i pou vin lo en line of credit.  E sa nou pe travay pou ganny the final opinion avek AG’s Office ki nou’n gannyen sa semenn lo sa Lagreman.  E dek ki nou fini sort out sa bann legal issues, la nou pou kapab ganny sa premye chunk of 10million by mete early next year. 

Nou konmans prosedir akoz i annan en bann lalis proze ki’n vini anba, so nou kapab ganny sa first 10 million. 

E batch of vehicles i pou ladan.  Me selman dan lepase i annan bann vehicles ki zot in gannyen ek India already.

        An sa ki konsern larzan pou lekipman, 2018 mannyer Bidze Lapolis in ganny allocate, in ganny allocate dan portfolyo Home Affairs, ki kouver prizon, Home Affairs, avek bann Regional Centres.  2019 nou’n kas sa ki Lapolis i reflekte i menm – li tousel.

So nou already nou’n fer sa travay avek Lapolis ek Home Affairs, ki nou’n vwar i annan landrwa ki annan savings ki ti pe vire pou sort bann shortfalls.  So nou kapab garanti 2018, menm bann areas ki annan bann savings nou a kapab cater sa li menm, san afekte son loperasyon 2019.

An vi ki sa elektrisite ki ti million, in go back en bon pe letan. Aavan ki Finans in donn sa larzan nou anvi serten garanti ki actually  sa bann elektrisite in ganny fer li par bann Departman Gouvernman ti napa okenn lezot landrwa.

So nou bezwen  prezan PUC in deryer nou i pou donn nou sirsarz si nou pa sort out deswit.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chairman mon pe demande, eski Lapolis dan sa ka pou ganny sa bann radyo ki enportan pou zot vin pli efektiv  avan Desanm i fini?  Mersi.

 

MR SPEAKER

PS.

 

PS DAMIEN THESEE

Korek Mr Speaker.  Akoz parey Lapolis in dir, zot in fer sa internally zot pa’n kominik ek nou.

So zot ava kominik ek nou, pou nou ganny lalis and we will do the work before Desanm fini.  Mersi.

 

MR SPEAKER

Mersi.

 

HON WAVEL RAMKALAWAN

Mersi bokou Mr Chair.  Nou a vote.

 

MR SPEAKER

Mersi Onorab Ramkalawan.  Mon krwar nou’n exhaust kestyon Departman Lapolis.  Bon nou dan en pozisyon pou nou pran en vot lo sa sonm ki dan Bidze pou Departman Lapolis pou 2019 – R405, 029 milyon e ki form par sa Schedule i lo paz 111 ziska 120.

Mon ti a demann tou Manm ki an faver pou montre show of hands?  Okenn Manm ki kont?  Madanm Clerk.

 

MADAM CLERK

Mersi Mr Chair.  Mon’n rikord 25 Manm ki’n vot an faver, e personn kont.  Mersi.

 

MR SPEAKER

Mersi. Savedir Bidze pou Departman Lapolis in ganny aprouve par Lasanble Nasyonal.

Bon mon’n ganny alert osi dan 2 lot bout ki nou pou bezwen pran en vot lo la.

PS zis gid nou i annan Information Commission lo ki paz i ete?  I pa dan nou Schedule pou nou kestyonnen.

 

PS DAMIEN THESEE

Mersi Mr Speaker.  Si nou  gt dan section 2 kot nou donn detail estimates pou expenditure lo paz pti 22 nou pou vwar pou 2019 nou pe propoz en sonm R4.6milyon pou Information Commission. 

        Apre nou annan en sonm R3.5milyon pou Seychelles Intelligence Service.  Pou sa 2 line basically nou napa details. 

I en provizyon estimates ki nou’n fer an vi ki nou konnen sa Information Act in pase.  E nou annan bann estimate bann staffing, nou’n estimate rent kot landrwa in fini ganny idantifye.

So nou met  sa provizyon pou li.  Pou Seychelles Intelligence Service li osi parey lannen pase nou napa.  Son Act pa ankor pase.

So nou’n met sa la par en sonm 3.5 as en provizyon in case i vini an 2019.

Me selman parey ti fer lannen pase, this amount pa ti ganny servi ditou.  It was frozen.  So nou kapab fer the same approach pou Seychelles Intelligence Service i pa ganny servi zis anler Lalwa i vin la.  Me Information Commission the Act is already out, bann information officers zot in fini ganny basically idantifye dan bann Minister.

E prezan sa Komisyon li menm li ki pou ganny apwente as of Zanvye 2017 ler son larzan i la.  So sanmenm sa provizyon ki nou’n fer pou sa Information Commission.  So basically sa i nou propozisyon pou Intelligence Service avek Information Commission.  Mersi.

 

MR SPEAKER

Mersi PS.  Bon nou pou pran lo paz pti 22.  Premye i Information Commission son Bidze apre lesplikasyon PS son Bidze i R4, 646milyon.  Tou Manm ki an faver?  Yes Onorab Ramkalawan.

 

HON WAVEL RAMKALAWAN

Mon krwar ki baze lo sa lesplikasyon ki PS in donnen, sa ki nou pe dir, nou pas sa amount me selman deswit i ganny frozen.  Ziska ler ki tou bann keksoz i deroule.  se sa Lalwa pa ankor pase.  Alors …

 

MR SPEAKER

Se sa.  Provizyon in ganny fer …

 

HON WAVEL RAMKALAWAN

… in fer provizyon me selman sa larzan pa ganny touse ziska ki son Lalwa i pase.

 

MR SPEAKER

Yes se sa.  SIS Lalwa in deza First Reading e nou swete pou pran li avan nou pran Recess.  Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  SIS mon dakor ki Onorab Ramkalawan in dir.  Be Information Commission nou’n fini pase Lalwa – Komisyon – annefe bann information officers in deza in post dan sa 120 MDAs, CCA in fini advertise bann pozisyon.

So the Commission is being – in the process of being constituted.  So permet ki nou pou bouze.  I zis … ok?   Mersi.

 

MR SPEAKER

Information Commission li i pa pou freeze pou lemoman.  Bon nou pou pran en vot  pou sa laliny Information Commission R4, 464milyon lo paz pti 22.  Tou Manm ki an faver?   Okenn Manm ki kont?  Madanm Clerk.

 

MADAM CLERK

Mr Chair 22 Manm an faver, personn kont.  Mersi.

 

MR SPEAKER

Mersi savedir Lasanble in aprouv Bidze pou Information Commission.  Wi nou a pran 2enm.

 

HON WAVEL RAMKALAWAN

Sa enn la 2enm nou pou nou pou attend ziska Lalwa, parski nou pa konnen ki pou annan.  Nou lo nou kote nou pou abstain. 

 

MR SPEAKER

Nou a pran 2enm Seychelles Intelligence Service, sonm i R3, 524milyon ankor laliny lo paz pti 22.  Mon kapab demann tou Manm ki an faver? Okenn Manm ki kont?  Madanm Clerk

 

MADAM CLERK

Mr Chair 13 Manm an faver, personn kont.  Mersi.

 

MR SPEAKER

Bon savedir sa amount pou Seychelles Intelligence Service i ganny aprouve, me avek en bi i ganny tenir on hold ziska ler Lalwa i pase e ki zot vin an mars.

Bon avek sa mon ti a kontan remersi Komisyoner Lapolis Mr Labonte, Asistan Komisyoner Mr Songor, Mrs Lebon e de lezot zofisye ki’n avek nou depi bomaten sa se Mrs Dogley avek Mr Danny Labonte.  Nou ava remersi zot e nou ava eskiz zot parmi nou.

 

(THE POLICE DELEGATION WAS EXCUSED FROM THE HOUSE)

 

 

AGENCY FOR PREVENTION OF DRUG ABUSE & REHABILITATION (APDAR)

 

MR SPEAKER

Bon, nou ava apel lot Lazans.  Sa se Lazans pour Prevansyon Drog e Labi Drog e Reabilitasyon APDAR.

Petet PS ou kapab zis gid nou lo ki paz?

 

PS DAMIEN THESEE

Mersi Mr Chair.  Sa i pou war lo paz 185, pour en sonm R59.852milyon.  Mersi.

 

MR SPEAKER

Mersi PS.  Bon, mon ti a kontan dir en bonn apre midi e welcome Secretary of State, Dr Patrick Herminie ki akonpannyen par CEO – Mrs Beryl Naiken, Deputy CEO –Ms Geralda Desaubin, Acting Director pour HR avek Ladministrasyon – Ms Christina Ogada e Ms Shirley Marie ki Financial Controller.  Bonn apre midi e welcome dan Lasanble Nasyonal, pour nou ansanm kapab fer sa travay klarifikasyon lo Bidze ki’n ganny allocate pour zot Departman.

Bon, nou ava konmanse.  Bann Manm ki pare pour demann kestyon.  Nou a komans avek Onorab Valmont.

 

HON JUDE VALMONT

Mersi Mr Chair.  Bonn apre midi enn fwa.  Bonn apre midi SS e ou lekip.

Mr Chair, bokou in ganny dir lo sa progranm Methadone.  Alor, mwan mon ti a voudre – ler on pe get Bidze, mon war alokasyon larzan in ganny mete, mwan osi mon pou vot lo la.  Me selman mon anvi demande – eski SS i kapab dir nou – dir avek nou akoz sa progranm e ki son lobzektif?

E mon lot kestyon se ki, si SS i kapab fer nou ganny lenformasyon lo ki kantite manrmay – pasyan ki lo Methadone par distrik?  Mersi.

 

MR SPEAKER

Bon, ou kestyon i kapab fer ki nou pou pran apepre 30 a 40 minit pour donn sa bann lenformasyon.

 

(Off-Mic)

 

MR SPEAKER

Wi – yes, se sa.  Mon pou dir avek SS Herminie brefman – brefman donn en pti pe – non i ok, i ok.

(Off-Mic)

 

MR SPEAKER

Yes.  Onorab.

 

HON WAVEL RAMKALAWAN

Mr Chairman, not too long agowithin the last 6 months, Dr Herminie in vin dan Lasanble, e nou’n adres egzakteman sa size.  Mon krwar i pa ler pour nou repet sa.

 

MR SPEAKER

Petet annou kit sa bout ater.  Mon krwar nou tou nou konnen bi sa progranm ozordi.  Wi.  Me ou dezyenm kestyon – wi, i relevan.  SS mon a donn ou laparol.

 

SECRETARY OF STATE – DR PATRICK HERMINIE

Mr Speaker, bonn apre midi – tou bann Manm Onorab, Vis-Prezidan.  Nou annan sa lenformasyon, nou kapab – akoz mon a krwar mon pou lir tou le 26 – 25 distrik.  Be selman nou annan sa lenformasyon – konbyen manrmay ki lo progranm par distrik.

Komans avek Anse Aux Pins ziska Takamaka – nou annan sa lenformasyon ki nou kapab fer zot gannyen.  Unless zot oule mon lir, sa mon pa konnen.

 

MR SPEAKER

Ok.

 

(Off-Mic)

 

MR SPEAKER

Onorab, oule sa lenformasyon i pase dan Lasanble?  Wi – ale an vites.

 

SECRETARY OF STATE – DR PATRICK HERMINIE

Ok.  Kantite dokiman la.  Donn mwan en lenstans.  Ya, ok.

Bon, distrik pli o e osi premye distrik se Anse aux Pins 111 manrmay, Grand Anse Praslin 101, Mont Fleuri 98, Cascade 78, Roche Caiman 74, Baie Ste Anne, Praslin 73, Point Larue 71, Saint Louis 68, Perseverance 68, Les Mamelles 68, Anse Royale 63, Mont Buxton 63, Beau Vallon 51, Plaisance 50, Glacis 45, Anse Etoile 44, Grand Anse, Mahe 41, English River 35, La Digue 34,  Anse Boileau 34, Bel Ombre 33, Baie Lazare 32, Port Glaud 30, Au Cap 25, Bel Air 22, Takamaka 17.  E bann ki pa’n donnen, distrik i annan apepre 67 – ki fer i annan apepre 1,624 kliyan lo sa progranm.

 

MR SPEAKER

Mersi SS.  Onorab Clive Roucou.

 

HON CLIVE ROUCOU

Mersi Mr Speaker.  Bonn apre midi Mr Speaker. Bonn apre midi SS.  Mr Speaker, mon annan 2 kestyon pour SS.

Premye – avek sa logmantasyon dan Bidze pour 2019 an konparezon avek 2018 – en logmantasyon pre 23poursan.  Mon ti a kontan SS ti a diriz nou lo kote sa logmantasyon pe ale. Si i al anver plis travayer ki Lazans pe rode oubyen si i pe anver plis logmantasyon dan saler bann ki la?

Epi mon 2enm kestyon – mon al lo lalis detay pour Medical pour Material and Supplies, No. 6 – Medical and Laboratory Materials.  Mon war en logmantasyon 3milyon pour Medical and Laboratory Materials.  E i annan en pti Entomology – mon ti a kontan SS Herminie ti a defini sa pour mwan silvouple.  An konparezon avek 1milyon lannen pase, la mon war en logmantasyon 3milyon pour Entomology anba Laboratory Materials.  Mersi

 

MR SPEAKER

Mersi Onorab.  SS – Ms Desaubin.

 

DEPUTY CEO  – MS GERALDA DESAUBIN

Bonn apre midi Onorab, mersi pour ou kestyon.  Si mon kapab zis donn en pti pe break down of sa logmantasyon 9milyon dan nou Bidze.

3.5 i dan Salaries.  Anba Good and Services nou annan en logmantasyon 1.6million only.  E apre dan nou capital expenditure, anba PSIP nou annan en logmantasyon 4.1milyon ki an total i fer en logmantasyon 9.5 – 9.6milyon lo nou Bidze pour sa lannen.

Si mon pou al lo ou dezyenm kestyon kot i konsern Entomology – i pa neseserman en logmantasyon per se parey ki zot pe vwar.  Ki nou’n fer?  Ler nou’n fer nou Bidze – parey zot okouran lannen pase nou ti ganny 4 Bidze merge ansanm from 4 diferan Lorganizasyon ki ti pe kree – Lazans.

E sa lannen nou’n fer legzersis – nou get tou bann line items lo kwa ki nou’n depans plis, nou’n organize.  Nou’n met li en pti pe dan lord.  So, nou’n re-allocate nou bann line items.  Dan Entomology, i annan en Bidze 2milyon ki li i ti pe ganny feature lannen pase anba ‘’other goods and services’’ – ki nou’n tir li, nou’n met li kot son cost centre apropriye.

Sanmenm sa ki ou pe krwar poudir i annan sa logmantasyon 3milyon – be non, i zis ki in sorti anba ‘’Goods and Services’’ of program 4 e in antre anba program 3 dan son landrwa kot i sipoze ete.  Mersi.

 

MR SPEAKER

Mersi Ms Desaubin.  Onorab Roucou.

 

HON CLIVE ROUCOU

Mersi Mr Chairman.  Mr Chairman, mon ti a zis kontan si SS oubyen si Mrs Desaubin ti a eklersi nou sa definisyon Entomology silvouple.

 

MR SPEAKER

Mersi.  SS.

 

SECRETARY OF STATE – DR PATRICK HERMINIE

Bon, actually i en pe – mon pa pou servi sa term anomalie.  Me solman i – sa en term ki nou’n inherit from progranm 4 avan.  Mon krwar se SEDAR.  Me son actual term se Medical Supplies.  E anba la nou annan larzan pou aste Methadone, pour aste Buprenorphine, pou aste Naloxone, pou aste Naltrexone, pou aste bann test kits e bann lezot keksoz ki nou bezwen dan nou travay parey steri-kits.

Pour ou lenformasyon Onorab, bokou latizann ki nou ti ganny avek Minister Lasante avan, aprezan nou, nou bezwen aste nou menm – Methadone en legzanp.  Malgre zot ki fer vini, nou peye.

 

MR SPEAKER

Mersi SS.  Onorab Roucou.

 

HON CLIVE ROUCOU

Mersi SS.  Mr Speaker, mon ti a zisteman met en lanfaz avek – lo – avek SS lo sa term Entomology.  Akoz sa – konmsi son definisyon li menm se en study of insect.  Konmsi mon pa konnen ki mannyer ou pou servi koman en tit la.

 

MR SPEAKER

Mersi – mersi Onorab.  Yes.

 

SECRETARY OF STATE – DR PATRICK HERMINIE

Mon dakor antyerman avek ou – 100poursan.  I bon nou sanz li e donn li son vre non.

 

MR SPEAKER

Wi, mersi SSPS oule azout keksoz?

 

PS DAMIEN THESEE

Mersi Mr Chair.  Mon ti a pe al sizere petet nou kapab anvoy li dan ‘’Drugs’’ ki zis anler la – ki a kouver son use.  Ok.  Mersi.

 

MR SPEAKER

Mersi PS.  Onorab Wilbert Herminie.

 

HON WILBERT HERMINIE

Mersi Mr Chair.  Bonn apre midi SS avek ou delegasyon.  Mon annan en kestyon pour SS.  la vi ki sa nouvo drog pe komans antre lo market lo – dan Sesel: Flakka avek Spice, ki stratezi APDAR pour deal avek sa nouvo menas?

Apre mon 2enm kestyon – vi ki ozordi rezo sosyal i en zouti enportan pour nou kapab fer en pe marketing, ki Polisi APDAR pour zot kapab servi rezo sosyal pour promouvwar Prevansyon Labi kont Drog?  Mersi Mr Speaker.

 

MR SPEAKER

Mersi Onorab Herminie.  SS.

 

SECRETARY OF STATE – DR PATRICK HERMINIE

Bon, mersi bokou Onorab Herminie.  Basically pour le moman nou sispe ki i annan Spice dan Sesel, me nou pa ankor etablir sa fe.  E avan ki nou komans avek okenn stratezi, pou neseser ki nou etablir sa fe.

So, anba sa bann Medical Supplies ki Onorab Roucou fek kestyonn lo la, nou osi annan larzan pou fer vini bann kits – screening kits spesifikman pour Spice.  Ki ava donn nou en nide ki son prevwayans dan nou popilasyon e ki bor i ete, ki dela nou kapab plan en repons – en lentervansyon.

Osi dan nou Budget, nou’n met larzan pour training dan sa – sa Spice la i tonm anba sa ki nou apel new psycho-active drugs.  Ok.  E i annan apepre 887 dan lemonn.  E i pe ganny servi pour ranplas bann drog parey Eroin, Cocaine eksetera.  E i neseser ki nou, nou aprofondir nou konesans ladan.

Nou annan plizyer staff konmansman la Novanm, ki pe al attain bann training workshop.  I annan son aspe legal – ou bezwen Lalwa spesyal pour deal avek li.  Normalman i pa tro kapab ganny deal avek anba Misuse of Drug Act akoz pour bann rezon teknik, son chemistry eksetera.

E apre, le moman ki nou annan bann kalifikasyon neseser, then nou ava azite pour nou komans ganny Lalwa an plas.  Me ki pli enportan, se ki ou pou vwar ki dan nou Budget nou’n ankor retourn avek en larzan pour Cap TernaySant Reabilitasyon.

Akoz bann adiksyon Spice e bann lezot nouvo drugs par egzanp Cocaine eksetera, ou napa en tretman pour sa, ok.  Ou napa Methadone – pa egziste Cocadone par egzanp.  So, sel landrwa – sel keksoz ki ou bezwen fer, ou bezwen fer – donn li psycho – donn li sipor psychosocial e apre tret li dan reabilitasyon.  So, tousala i en pe dan nou Budget e sertennman nou pe met nou pare pour deal avek li.  Akoz i reprezant en problenm pa zis Sesel, me dan lemonn an antye.

Pour le moman nou napa okenn levidans ki Flakka i dan peiE petet nou a profit sa lokazyon pour eksplike ki i annan en diferans ant Spice – ki en synthetic cannabinoid avek Flakka ki li i en cathinone.  Zot pa 2 drugs parey, me tou le 2 i tonm anba new psycho-active substances.  Mersi.

 

MR SPEAKER

SS, i annan sa bout lo rezo sosyal – pou servi pour advert.

 

SECRETARY OF STATE – DR PATRICK HERMINIE

Rezo sosyal – nou – rezo sosyal i en keksoz ki nou’n diskit longman nou menm nou dan nou management.  E nou, nou annan en website ki zot kapab al lo la.  E byento nou pou ouver en forum diskisyon – kot nou kapab annan bann deba sivilize avek bann dimoun ki vreman enterese konnen kwa ki nou pe fer e sityasyon drog dan pei.

Malerezman ozordi, pour nou, nou pa war i vo lapenn pour nou annan en deba lo rezo sosyal.  Akoz souvandfwa i deteryor dan bann lensilt personnel e pa abouti nou dan nanryen.  E i en landrwa kot nou’n deside pour le moman ki nou sey avoid.  Petet la mon ava dir ki sa kestyon rezo sosyal i annan en kantite keksoz ki arive lo la – en kantite lipokrizi lo la.

I annan en kantite dimoun ki kontinyelman lit kont nou progranm pirman pour invested interest.  Zot ti kapab fer bokou pli byen, si zot ti koz ek bann dimoun ki tre pros ek zot pour aret vann eroin – ki olye vini tou lazournen, vin dir nou ferm sa progranm Methadone.

Zot konn tre byen – zot konn tre byen ki sa 16san manrmay, si ou tir zot lo sa Methadone, petet zis 10, 5 ki pou kapab al cold turkey, larestan pou retourn lo gento.  E si zisteman sa ki zot oule sa bann manrmay – retourn lo gento pour ki zot kapab kontinyen vann zot eroin sal e fer larzan sal.

 

MR SPEAKER

Non.  Non.  Ok.

 

(Off-Mic)

 

SECRETARY OF STATE – DR PATRICK HERMINIE

Mon pa konnen.

 

MR SPEAKER

Ok.  Non.  Non.  Non.

 

SECRETARY OF STATE – DR PATRICK HERMINIE

Mon pa fer kanpanny.  In demann mwan en kestyon, mon pe reponn.

 

MR SPEAKER

Ok.  Non.  Non.  Annou – ok, order!  SS nou stop li at that.  Ok.  Nou stop li at sa pwen la.  Alright.  Onorab Aglaé.

 

HON EGBERT AGLAE

Mersi Mr Chair.  Bonn apre midi SS ek ou lekip.  Mon pou refer mon kestyon lo paz 25 – PSIP.  SS ouswa PS Finans si ti kapab donn leklersisman kot i konsern proze reabilitasyon vilaz.

I annan en larzan ki pe kontinyelman ganny mete.  La nou war poudir i annan apepre – Local Financing, mon pe war la ki’n met pour 2019, nou pe war nou 4.3milyon.  Apre i annan 10milyon koman Foreign Grant.  Anvi ki sa plan final nou pa ankor war nou osi koman en Lasanble, si ou ti kapab eksplik nou – sa larzan pe al ganny servi pour kwa?

E mon 2enm kestyon i konsern bann travayer – sekirite pour bann travayer.  Eski dan sa Bidze – an vi ki i annan serten konstrent/konplent par bann travayer ki santi zot menase ler zot pe fer sa travay avek sirtou bann adikt.  Eski Finans in fer provizyon pou annan en laspe sekirite pour bann travayer ki pe travay avek – direkteman avek sa bann adikt?  Mersi.

 

MR SPEAKER

Mersi Onorab.  SS.

 

SECRETARY OF STATE – DR PATRICK HERMINIE

Cap Ternay – lannen pase nou ti vin ek Cap Ternay, en konsep.  Ki malerezman apre tou sa bann travay ki’n ganny fer, Development Committee ti krwar ki i en pe tro bokou – i’n ariv an total R105milyon.  E ladan ti annan osi bann – parey treatment plan ki ti pou Cap Ternay antye, enkli bann sant reabilitasyon pour bann manrmay.

So, nou ti ganny demande pour downsize.  E apre ki nou’n annan plizyer diskisyon avek bann expert enternasyonal, UNODC, Sud-Afrique, nou ti santi ki nou ava fer en sant reabilitasyon pour 60 endividi – 25 zonm adilt, 15 madanm adilt e apre zis 10 bann zanfan anba laz.

Dan Budget i met 14milyon – 10milyon nou’n ganny lasirans i sa pou ganny raise atraver en Grant.  E sa 4milyon i sorti dan bidze Gouvernman – dan Kof Gouvernman.

 

(Off-Mic)

 

SECRETARY OF STATE – DR PATRICK HERMINIE

Sekirite?

 

MR SPEAKER

Yes. Wi., lo sa bout – dernyen bout kestyon.  Onorab Aglaé.

 

HON EGBERT AGLAE

2enm kestyon i fer lanfaz avek sekirite pour bann personnel ki pe travay dan sa Departman.  Eski dan sa Bidze in cater pour zot?  Akoz i annan serten konsern ki zot lavi i kapab an menas ler pe travay avek sa bann addict.  Apre mon annan en follow-up.

 

MR SPEAKER

Mersi – mersi Onorab.  SS.

 

SECRETARY OF STATE – DR PATRICK HERMINIE

Yes, sekirite i en gro konsern pour nou tou.  Depi SS ziskan nou bann nurse ki toulezour zot an kontak.  In annan nou bann staff ki’n ganny atake se zot, ganny kas ledwa, eksetera.  So, sa bann lensidan in arive.  E nou, nou’n met sa devan Gouvernman obviously.  E nou annan en Bidze pour sekirite, spesifikman pour nou anploy en konpannyen pour provide sekirite pour nou bann staff pandan ki zot pe travay.

 

MR SPEAKER

Mersi SS.  Onorab Aglaé.

 

HON EGBERT AGLAE

Mersi Mr Chair.  Mersi SS.  An vi ki pou annan sa downsizing lo sa proze, eski zot in annan en estimasyon son kou total e en dele letan ki nou ekspekte?  Akoz la mon war pe ale ziska 2021, ki nou kapab war sa sant materyalize.  Mersi.

 

MR SPEAKER

Mersi Onorab.

 

SECRETARY OF STATE – DR PATRICK HERMINIE

Son kou total apre downsizing i ariv 42ilyon.  E i kler ki lafason ki larzan pe ganny donnen, ki pou bezwen fer par faz.  So, mon mazinen petet dan – mon ti a swete ki i fini o pli vit posib.  Me sa 14milyon pou ganny servi pour lannen prosen.  E apre nou ava gete konbyen nou pou gannyen pour ver ‘20.

 

MR SPEAKER

Mersi SS.  Onorab Waven William.

 

HON WAVEN WILLIAM

Mersi Mr Chairman.  Mon ti a kontan demann SS Herminie – letan mon pe regard progranm Prevention avek Education, mon rapel ki resaman CEPS ti fer serten komanter ki zot anvi enplike dan – lo kote ledikasyon avek prevansyon.

Eski dan ou Bidze, zot fer provizyon pour kapab – mon kapab dir, angaz osi Sosyete Sivil?  Lefe ki zot pe montre sa lanvi.  Eski dan zot Bidze i annan provizyon pour kapab rod sipor adisyonnel?  Mersi.

 

MR SPEAKER

Mersi Onorab.  SS.

 

SECRETARY OF STATE – DR PATRICK HERMINIE

Bon, Onorab nou, nou krwar fortman dan partisipasyon sekter NGO dan sa lalit kont drog.  Nou pa’n – malgre ki nou’n demande, nou pa’n ganny larzan pour kapab asiste bann diferan NGOs.  E mon krwar rezon prensipal se ki le moman ki ou komans si oule, donn serten responsabilite bann NGO, ou bezwen osi asire ki zot annan konpetans pou fer li.  Ou vwar?

Akoz laplipar pei, i pa Gouvernman ki run bann progranm Methadone ouswa bann lezot progranm.  Se bann NGO ki run sa bann progranm.  E dan direksyon ki nou, nou pe fer la – ansanm avek UNODC, se premyer – nou pou fer premye faz; se ki tar sa lannen ouswa boner lannen prosen, pour vin en expert ki pou ed nou set bann standar Nasyonal pour en rehab centre, pour en drop-in centre, pour day care, pour en progranm harm reduction parey Methadone ouswa whatever.

E once ki nou’n etablir sa bann standar Nasyonal, then nou ava dan en pozisyon pli for pour nou dir – be ok, i bon ki nou donn tel responsabilite CARE.  Me selman CARE fodre i asire ki li i pe fer sa bann keksoz ki nou ekspekte de li.  Se sa direksyon en pe devan.  Me mon krwar lavenir se ki, APDAR pou redwir son partisipasyon dan sa bann progranm parey.  E nou pou vwar plis petet bann NGO’s pe fer li.  Mersi.

 

MR SPEAKER

Mersi SS.  Onorab William.

 

HON WAVEN WILLIAM

Mr Chairman, en dernyen pti kestyon.  Mon ti a kontan ki SS – lo pwennvi lespas e fezabilite, i annan bann komanter ki pe dir ki petet sa progranm ti ava apli bon lo en zil, sirtou pour lo sa reabilitasyon.  Ki ou panse vizavi sa?  Eski sa fason fer pou en pti pe pli byen?

Sirtou pou donn sa laspe reabilitasyon vizavi mon kapab dir, bann aktivite ki deza dan sa distrik.  Mon ti a kontan en pti pe ou komanter.  Mersi.

 

MR SPEAKER

Mersi SS.  Esey bref.

 

SECRETARY OF STATE – DR PATRICK HERMINIE

Mon krwar nou sey ti’n komans avek en progranm reabilitasyon lo zil Coetivy.  Ti annan bokou defi – bokou, bokou defi an term ganny travayer, eksetera.  E mon krwar Island Committee menm ki ti finalman dir ki fodre aret fer sa aktivite.

I fasil pour nou dir anvoy sa bann manrmay lo en zil.  Premyerman, nou bezwen idantifye sa zil.  Dezyenmman, nou bezwen met lenfrastriktir pour dizon, 3mil manrmay.  Si zot oule anvoy tou manrmay ki teste pozitiv pour Eroin, ou bezwen met lenfrastriktir.  Zot bezwen dormi en landrwa, zot bezwen manze, zot bezwen bwar, zot bezwen fer bann aktivite.

So, a lafen dizour ou pe koz ou etablir en sant reabilitasyon lo en zil – ki a mon avi pou kout nou plizyer e plizyer e plizyer milyon Roupi.  E apre ou bezwen rod travayer pour al travay laba, eksetera.  Leksperyans Coetivy i monte ou, tanzantan ou bezwen anvoy en avyon- R70mil pour al pran en manrmay akoz en problenm pou retourn avek Mahé.  So, si ou pa oule sa tro arive ou bezwen fer bann lenfrastriktir e parey klinik, eksetera lo sa zil. E mon krwar ki sa i pa fezab.  E i pa anliny avek nou konsep reabilitasyon.

Enn bann pwen enportan pour nou dan reabilitasyon se, partisipasyon lafanmir dan reabilitasyon.  E letan en boug i lo zil – mon pa konnen ki bor, definitivman i poz en problenm pour anmenn zot an kontak avek zot fanmir.  E pour zot ganny sipor familyal.  Pour nou, sa i pa en opsyon pou anvoy zot lo zil koumsanmenm.

 

MR SPEAKER

Mersi SS.  Onorab Stephen Pillay.

 

HON STEPHEN PILLAY

Mersi Mr Speaker.  Mr Speaker, mon kestyon pour – bonzour SS ek ou delegasyon, bonn apre midi. Mon kestyon pour SS i lo sa ki Onorab in leve lot kote pour sa rehab village, ki 14milyon 300.  Eski dan sa – ki par i annan sa 42milyon?  Akoz mon rapel byen lannen pase ler ti vini ti pe demann 10milyon, i ti pour cleaning of the site.  Eski zot in netwaye sa site?  Zot konnen ki lespas netwaye, konmsi?

Ki zot in fer ki la ou pou al tir ankor 14milyon?  Kan ou pa ankor fer ni en plan en landrwa.  Ou pa ankor konnen ki area sa landrwa pour ete – sa lenfrastriktir, son cost of infrastructure.  E pe rod 14milyon, ki mon prezimen ankor i pour zis netwayaz.  Me sa mon en pe – en pti problenm avek.  Mersi Mr Speaker.

 

 

MR SPEAKER

Mersi Onorab.  SS.

 

SECRETARY OF STATE – DR PATRICK HERMINIE

Ou ava mazin byen Onorab Pillay ki, sa 10milyon lannen pase ti ganny frozen.  E letan zot ti deside pour unfreeze part of it – lanmwatye, i pa ti pou al ver okenn aktivite anler Cap Ternay.  Me in ganny servi pour lezot keksoz ki nou ti soumet avek FPAC.

Pour ou lenformasyon, landrwa kot sa zafer pour fer in fini fer.  Mon annan en konsep la devan mwan.  Plan – kan pou desid bann plan avek bann pti soz?  I nepli tonm anba nou responsabilite.  Sa se MLUH ki responsab pour sa.  Solman nou konsep, tou nou bann keksoz, nou’n fini donn ek zot.  Nou’n organize pour zot al LIDO – kot ou annan ou sant reabilitasyon pli sofistike dan l’Asie.  Zot in ale laba, zot in war e zot in vin avek sa.

 

MR SPEAKER

Mersi SS.  Onorab Pillay.

 

HON STEPHEN PILLAY

Wi, wi.  Konmsi SS pe dir nou, sa landrwa zot in fini netwaye, in fini prop?  Be ou 14milyon, konbyen pou ale ladan pour al netway sa landrwa?  Pa ou ki pou netwaye oubyen MLUH ki pou netwaye?

 

MR SPEAKER

Mersi Onorab.  SS.

 

SECRETARY OF STATE – DR PATRICK HERMINIE

APDAR napa kapasite pour netwaye.  Se MLUH ki sipoze fer tou.  Ou vwar?

 

(Off-Mic)

 

MR SPEAKER

Mersi SS.  Onorab Jany Letourdie.

 

HON JANY DE LETOUDIE

Wi, mon’n tande.  Mersi Mr Speaker.  Bonn apre midi tou dimoun.  SS, nou bann madanm Parlman – lo Komite Madanm, sa lannen nou ti ganny sans akeyir en group dimoun.  Zot sorti dan en Lorganizasyon NGO, zot apel DURNS – Drugs Utilisation Response Network Seychelles.  E nou ti ganny sans war sa madanm avek zot in form zot komite madanm.  E nou war poudir zot vreman asosye, zot rakont nou zot zistwar.  Bann ki – ki kantite letan ki zot ti pe servi drog.  E nou war poudir zot in vreman fer en zefor pour zot servi – pour zot sorti ladan.

E prezan zot, zot lobzektif se pour zot osi redwir harm reduction e osi pour redwir krim e bann lezot maladi ki kapab koze par litilizasyon sereng.  Mon pe regarde avek ou – mon konnen ou konn zot byen sa Lorganizasyon – sa NGO.  Eski dan ou Bidze ou ti a mazinen ki ou ti a kapab fer en – sey met zot anba ou lezel?

E eski ou krwar ou ti a kapab fer en kontribisyon pour zot?  Akoz zot osi zot pe fer zot mye, zot pe donn koudmen pour zot anmenn sa lalit kont drog.  Alors dan ou Bidze, mon ti ava kontan konnen si ou ti ava pare – si ou krwar ti ava annan en posibilite pour eberz zot, zot osi?  Mersi.

 

MR SPEAKER

Mersi Onorab Letourdie.  SS.

 

SECRETARY OF STATE – DR PATRICK HERMINIE

Mon vreman dakor avek ou nide ki nou dwatet kapab ed zot.  Me parey mon’n dir, avan ki nou komans ed bann NGOs, nou bezwen etablir bann standar anba ki bann NGOs pou travay, e sa i enkli pour DURNS.

Pour le moman i annan bann aktivite ki nou fer ansanm avek DURNS e bokou bann manm DURNS i bann manrmay ki dan nou lanplwa koman bann Peer Educators.  E ouswa zot in pas atraver ouswa ankor lo nou tretman.

DURNS li menm li, i ganny sipor avek en Lorganizasyon harm reduction – Kanku, Kenya, e mon konpran sa in arete.  But nou, nou menm, mon pa pou dir ou nou annan larzan pour donn DURNS akoz nou napa anba nou Bidze.  Mersi.

 

MR SPEAKER

Mersi SS.  Onorab Audrey Vidot.

 

HON AUDREY VIDOT

Mersi Mr Chair.  SS, mon kestyon2 parti in ganny reponn.  Me mon a plito pronons sa enn.  Kan ki en evalyasyon konplet sa progranm konmsi zot kapab – i pou ganny fer?  Ou’n reponn lo kote zot bann pli gro – bann konstrent, bann defi ki zot pe sa – petet konmsi lo son evalyasyon, akoz mon kestyon i anliny avek Table 6 lo paz 189 lo zot Performance Measurement pour zot bann progranm.

 

MR SPEAKER

Mersi Onorab.  SS.

 

SECRETARY OF STATE – DR PATRICK HERMINIE

Bon, en tre bon kestyon.  Mon krwar Onorab, evalyasyon set en keksoz ki sistematik e i arive lo en baz toulezour.  Menm sa Budget ki nou’n prezant avek zot, i rezilta en need assessment ki nou’n fer at least pour 2019.

APDAR toultan pe mezir en pe – nou pe fer en pe program lenplimantasyon – evalyasyon lenplimantasyon pou gete si nou vreman dan bon direksyon.  I annan bann indicators ki nou pe servi.  Par egzanp, ki retention rate, konbyen manrmay ki ankor pe reste, konbyen manrmay ki’n sorti, ozordi nepli pe servi eroin, ouswa in sorti net lo eroin ek Methadone.  Nou fer tousala lo en baz kontinyel.

Be solman i tro boner pour nou fer sa bann kalite evalyasyon.  Akoz bann lezot konponan e evalyasyon ki enkli son cost evaluation, son economics evaluation, i demann bann ekspertiz avanse – ou bezwen health economist, eksetera.  E nou, nou’n ganny konseye pa vo lapenn pou fer en evalyasyon konplet avan 3an.

Par egzanp l’Europe zot fer sa e bann pei dan Nor l’Amérique, zot fer li tou le 5an.  Me solman nou pe fer evalyasyon kontinyel.  Me en evalyasyon pour gete – be kot nou ete?  Eski ou’n achieve okenn keksoz?  Eski i vo lapenn kontinyen?  Mon krwar ki dan 2an ki nou pou fer enn konplet avek tou expert ki konsernen.

 

MR SPEAKER

Mersi SS.  Onorab Churchill Gill.

 

HON CHURCHILL GILL

Mersi Mr Chair.  Bonn apre midi SS.  Vi ki nou’n ganny dir ki Praslin la in ariv en total 173 sa enn Grand Anse, apre 73 Baie Ste Anne.  Anba progranm Prevansyon apre Tretman e Reabilitasyon, eski i annan en sonm?  An tou i tonm apepre 20 milyon.

E eski pour Praslin – baze lo sa kantite ki annan, si i pa reprezant en challenge?  Vi ki sa rehab laba i pa neseserman gran ki i pou kapab cope ek tousala.  Eski ou kapab zis eksplik nou ki fason ki ou pe deal ek sa?  Vi ki la sonm – kantite dimoun ki lo sa progranm i plis ki kapasite rehab laba.  Mersi.

 

MR SPEAKER

Mersi Onorab Churchill Gill.  SS.

 

SECRETARY OF STATE – DR PATRICK HERMINIE

Bon, dan nou survey ki nou’n fer an 2017, nou’n realize ki Praslin i annan en masiv problenm.  E basically sa sant reabilitasyon ki nou annan Praslin i pa ti zis pour Praslin, me pour Sesel an antye.  Akoz i sel landrwa ki nou’n annan.  E ou ava remarke ki sa lannen nou pa’n servi li pour reabilitasyon proper, me nou’n servi li plis pour detox.

Zisteman akoz nou ti’n realize ki sa landrwa i pran zis 20 dimoun – 25.  E minimum zot dwatet laba, 6mwan a 1an.  E si nou pou deal avek 25 dimoun par lannen, nou pa pou zanmen rezourd sa problenm.

So, Praslin petet ou okouran ki nou’n lans en low threshold program.  Anba la i annan 176 manrmay la aktyelman ki pe swiv tretman e nou pe ganny nou bon rezilta.  par egzanp Praslin,  bann manrmay ki konpletman free of heroin, in ariv en senkantenn manrmay.

E ou konn kondisyon ki zot travay la – anba la.  Zot annan zis en bis, nou annan mon krwar zis 2 nurse la, nou annan zis en counsellor.  Me solman nou pe tackle Praslin akoz laba par rapor ek son popilasyon, sa problenm i masiv.

 

MR SPEAKER

Mersi SS.  Onorab Mondon.

 

HON TERENCE MONDON

Mersi Mr Chairman.  Mon kestyon i relye avek Transportation avek Travel Cost.  E dan bann detay ki nou’n resevwar, dapre mon kalkilasyon – Overseas Fares i mont par – pour 2019, in mont par 182poursan, sorti 141mil pou vin 400mil.  E subsistence allowance pe sorti 167mil pour vin 569mil – en ogmantasyon 400mill ki reprezant 240poursan.  Mon anvi konnen akoz sa 2 – sa gran logmantasyon dan subsistence allowance ki relye osi avek Overseas Fares?

E mon lot pti kestyon i baze lo sif ki ou’n donnen pour Takamaka.  Ou’n dir ki ou annan 17 pasyan.  Mon ti a kontan konnen zi zot in kapab idantifye ki kantite dimoun ki pou tonm dan sa kategori pasyan be ki pa ankor vin lo progranm li menm?  Konmsi ki kantite dimoun i annan, be selman ki nou zis 17 ki ozordi i lo progranm?  Mersi Mr Chair.

 

MR SPEAKER

Mersi Onorab.  SS.

 

SECRETARY OF STATE – DR PATRICK HERMINIE

Mersi Onorab.  Pour reponn ou kestyon lo Overseas Travel avek subsistence allowance – enn n ou pli gro defi ki nou, nou pe rankontre se, pour ganny dimoun spesyalize lo labour market ki nou annan isi, ou war?  Ou pa pou ganny en nurse ouswa en counsellor ki train dizon dan Addictology Counselling.

Ofet nou annan zis en nurse ozordi ki train dan Addictology e zis en dokter ki train dan Addictology, ki pe travay avek nou.  So, nou pou bezwen train – nou bezwen train zot.  Zot pa zis bann nurses, bann counsellors, be nou annan MNU Officers, ok?  Ou pa gannyen en MNU Officer Koumsanmenm.  Ou bezwen anvoy zot training.

E bokou sa bann training – par egzanp Addiction Counselling i pa ganny conduct isi Sesel.  So, nou Overseas Subsistence avek Travel i plis pour training nou bann staff aletranze – Sud-Afrique e lezot pei ankor – La Reunion, se pour sa rezon ki nou annan sa.  Nou, nou pa pe fer li pour al – mon krwar nou’n konplet nou bann visit exchange avek bann lezot pei.

E la prezan nou pou servi sa pirman – e pa pirman, me sirtou pour train nou bann staff.  Nou oule train pli kantite posib.

 

MR SPEAKER

Mersi SS.

 

SECRETARY OF STATE – DR PATRICK HERMINIE

E pour konsern Takamaka – nou kapab fer – nou kapab conduct.  Nou kapab servi bann Peer Educators pour spesifikman rode ki manyetik problenm Takamaka.  E petet osi akoz i annan zis 17 ki lo progranm?  I en travay ki nou kapab fer.  Me solman akoz nou ekstrememan busy la pour le moman, nou pa pe fer.  Be lannen prosen nou kapab fer li.

 

MR SPEAKER

Mersi SS.  Onorab Mondon.

 

HON TERENCE MONDON

Mersi SS pour larepons.  Zisteman, ou – parey ou’n dir nou pour training, ou bann teknisyen, ou bann dimoun ki pou travay avek sa bann dimoun – eski zot in get posibilite ki zot fer bann expert vin Sesel pou train?  Ki ou kapab tous parey ou dir, maximum nou bann dimoun ki nou bezwen dan sa progranm.  Eski ou’n fer sa konparezon?  Akoz pa go pour sa lot opsyon?  Mersi.

 

MR SPEAKER

Mersi.

 

SECRETARY OF STATE – DR PATRICK HERMINIE

Onorab, pour sa lannen nou’n fer plizyer sa bann pro – sa bann training anba – avek UNODC.  E nou’n train en kantite dimoun ladan dan diferan Minister.  Enn bann problenm avek fer vini en konsiltan, premyerman i annan en kou ki vin avek.  So, si nou ti pou er konsiltan vini – etranze, nou ti pou bezwen pey zot anba la osi.

Son dezyenm problenm pour nou – par egzanp, dizon ou pou pran en Lorganizasyon parey Columbo Plan – ki fer en kantite sa bann training li.  E ou ti pou anmenn enn zot konsiltan isi pou fer en training, i ti pou demann ou minimum 25 dimoun.  Ou vwar?  E par egzanp – si ou ti pou fer training dan MNE, nou annan zis 2 staff.  Ou pe swiv mwan?

So, pour nou i fer plis sans petet anvoy zot fer en training 2 semenn, 3 semenn Sud-Afrique ki pou fer vini en konsiltan ki pou fer training 2 staff.  In any case, zot pa pou vini.  Be solman, sa i en opsyon ki detanzantan – sirtou letan nou ganny li free avek UNODC, nou fer.  Be solman nou fer li pour nurse dan Lopital, nou fer pour social worker dan Ledikasyon, nou fer pour tou dimoun – anmenn tou dimoun ansanm.

 

MR SPEAKER

Mersi SS.  Onorab Regina Esparon.

 

HON REGINA ESPARON

Mersi Mr Speaker.  Mr Speaker, mon ti a kontan demann – dir SS ki mon’n war en logmantasyon sibstansyel dan Rent – anviron 51poursan, sorti 2.9milyon pour al 4.3milyon.  Mon ti a kontan ganny en lesplikasyon akoz – si zot pe anvizaze pou al lwe nivo batiman?  E si wi- kote e konbyen zot pe al peye?

Mr Speaker, mon okouran zot osi annan travayer etranze.  Ti ava osi bon konnen konbyen travayer etranze ki zot pe anploye?  E kote – konmsi konbyen rent zot pe peye pour sa bann travayer etranze?  E kote?

Mr Speaker, in koz lo allowance pour bann travayer.  Mon rapel lannen pase nou ti vot lo allowance pour bann travayer.  Be mon ti ava kontan konnen si tou travayer ki travay avek APDAR pe ganny allowance?  E sa i enkli osi staff ki dan ladministrasyon.  E si non, akoz?  Mersi.

 

MR SPEAKER

Mersi Onorab.  SS.

 

DEPUTY CEO MS GERALDA DESAUBIN

Mersi Onorab pour ou kestyon.

 

MR SPEAKER

Arr yes.  Ms Desaubin.

 

DEPUTY CEO MS GERALDA DESAUBIN

Mon a pran lo kestyon premye regarding Rent.  Nou rent 3 landrwa pour office space e sa logmantasyon i reflekte – 2018 nou vwar poudir nou ti annan lofis kot Victoria House kot nou ti fer nou bann day care activities, kot bann dimoun – bann kliyan ti vini pour tes eksetera.  Kot sa nou ti pe pey apepre en 21mil per month.

Me malerezman ler nou Kontra in fini nou’n ganny dir nou pa kapab renouvle.  Sa ti fini boner an Me – kot nou’n vwar nou, nou bezwen al lwe en lot landrwa.  En building ki apel Reliance Building, Providence, ki li son rent i R100mil per month.  E sa ti en gro logmantasyon, kot nou’n vwar nou bezwen fer virement – rod nou bann savings pour nou kapab cater pour sa logmantasyon dan rentSo…

 

(Off-mic)

 

DEPUTY CEO MS GERALDA DESAUBIN

Providence.  En building Providence – Reliance.  Wi – sa i en logmantasyon dan Office Rent.  Apre osi nou annan parey ou’n demande, konbyen anplwayer etranze ki nou annan?  Nou annan 2 anplwayer etranze ki nou pe rent lakaz pour zot, sa i tonm anba la.  E osi nou annan rent Praslin pour nou bann staff  Mahé ki travay Praslin.  Sa i en pti pe logmantasyon dan Rent ki ou pe vwar.  Lezot kestyon si…

 

MR SPEAKER

Mersi Ms Desaubin.  SS.  Non?  Ms – Mrs Naiken.

 

CEO MRS BERYL NAIKEN

In relation to ou kestyon regarding sa allowance – mon krwar ler nou ti meet avek Lasanble lot fwa – FPAC ti – nou ti deside ki – anyway nou, nou ti pe push pour nou – pour tou nou staff gannyen eksepte mwan, SS avek the Deputy.

Me selman apre desizyon ki ti ganny fer se, – an lyezon avek DPA, in ganny trouve poudir pa tou staff – plis lanfaz wasit was – lanfaz was met – ti’n ganny demande pour mete lo bann staff ki ganny exposure to kliyan.  E that’s why ki desizyon ti’n ganny fer eventually ki pa – lo kote Admin pa’n ganny konsidere dan sa group ki pou ganny sa allowance.

 

MR SPEAKER

Mersi Mrs Naiken.  Onorab Esparon.

 

HON REGINA ESPARON

Mersi Mr Speaker.  Mon’n ganny dir ki zot annan 2 travayer etranze e zot pe rent pour sa 2 travayer etranze.  Mon ti a kapab kontan konnen kote zot pe pey rent e konbyen i arive par mwan silvouple?  Mersi.

 

MR SPEAKER

Mersi.  Ms Desaubin.  Petet pa neseserman ki ou donn alokasyon direk me si i dan prive sa landrwa, ek en Lorganizasyon, apre the amount.

 

DEPUTY CEO – MS GERALDA DESAUBIN

Ok.  Pour reponn ou kestyon – nou annan rent ki ou peye – R12mil pour en lakaz pour enn nou Psycho-Therapist.  Sa i en lakaz Au Cap.  Apre nou annan en lot pour nou Senior Psychologist – li i R22mil e sa i en lakaz Ma Joie.  Mersi.

 

MR SPEAKER

Alright.  Mersi – mersi Ms Desaubin.  Onorab Henrie.

 

HON GERVAIS HENRIE

Mersi Mr Chair.  Mon kestyon i konsern ‘’wages and salaries’’ pour sa Lazans.  Parski letan nou pe get son Bidze saler i ase konsiderab – 18milyon nou pe koze.  E mon ti ava kontan konnen – i en logmantasyon apepre 23poursan, baze lo zot previous larzan ki zot ti demande.  So, mon anvi konnen konbyen travayer ki APDAR pou annan 2019 konpare avek sa lannen?  Mersi.

 

MR SPEAKER

Mersi Onorab.  Ms Desaubin.

 

DEPUTY CEO MS GERALDA DESAUBIN

Mersi pour kestyon.  Mon kapab donn ou en pti pe breakdown of sa 3.5million increase dan ‘’wages and salaries’’ an total.  Anba – i pa neseserman zis nouvo recruitment ki feature anba sa 3.5million increase.  Anba Program 1, nou annan post pour – nouvo post, vacant post pour lannen prosenn pour drayver.

Zisteman nou pe get rid of en pti pe bann car hires, nou pe rod bann nouvo transpor.  So, nou bezwen drayver.  Nou annan post pour drayver, nou annan post pour psychologist.  Anba Program 4, nou annan post pour senior counsellor, counsellors, assistant counsellors.  E osi nou pe mazin recruit – nou’n ganny permisyon avek Minister Finans pour recruit overseas – sa ki nou ti prezant avek FPAC ler nou ti vini an Me.  So, tousala i bann nouvo recruitment ki pou tonm parmi sa R3.5milyon.

Apre osi, sa 3.5milyon i feature zot Thirteenth Month Salary definitivman.  E nou annan serten sanzman – serten staff ki ler nou’n gete nou’n assess zot performans, ki nou pe mazin propoz serten promosyon lannen prosenn.  E sa i pou annan enhancement dan zot allowance.  So, sa i en pti pe an gro kwa ki tonm dan sa increment of sa 3.5million lo nou’’ wages and salaries.’’

 

MR SPEAKER

Mersi Ms Desaubin.  Onorab Henrie.

 

HON GERVAIS HENRIE

Mersi Mr Chair.  Mon note ki APDAR son Bidze i plis ki omwen 3 Minister.  Nou pe koz Ministry – Fisheries and Agriculture, Tourism, Civil Aviation, Ports and Marine, apre Family Affairs.  So, eski nou kapab ganny – lannen pase par egzanp, nou ti ganny en dokiman avek State House, ki dir nou tou zot bann pozisyon avek saler, enkli tou keksoz zot gannyen – allowance, bann zafer.  Eski i posib pour nou ganny sa avek APDAR silvouple?

 

MR SPEAKER

Ms Desaubin.

 

DEPUTY CEO MS GERALDA DESAUBIN

Wei, nou annan sa lenformasyon, nou kapab fer zot gannyen.

 

MR SPEAKER

Ok.  Mersi Ms Desaubin.  Yes Onorab Henrie.

 

HON GERVAIS HENRIE

Wi.  Zis pou rapel bann zofisye akoz tou bann lasirans ki zot donnen, fodre i avan 4er Vandredi.  Mersi.

 

MR SPEAKER

Bon.  Onorab Clifford André.

 

HON CLIFFORD ANDRE

Mersi Mr Chair.  Mr Chair, mon pe sey analiz en pti kou sa Bidze e baze lo bann detay ki nou’n gannyen avek Minister Finans.  Dan liv Bidze – Bidze pour 2018 ti 50, 598milyon.  Letan nou get revised budget – savedir sa ki’n ganny servi, Revised Budget ti 42milyon.  Me la nou vwar pour 2019 i 59milyon.  Mon kestyon se, kwa ki fer ki in mont sa kantite?  Ki antisipasyon APDAR an referans avek bann zenn ki lo sibstans?

Konmsi ki taxpayers bezwen fork out en additional – letan mon pe get sa Bidze ki la, en additional 17milyon, baze lo sa dokiman ki Minister Finans in donn nou – sa gro liv.  So, kwa ki SS ek son tim pe anmennen pour ki nou vwar en sanzman?  Oubyen zis nou pe donn larzan pou fer en progranm senpleman akoz en dimoun i oule fer en progranm?  So, sa i premye kestyon.

 

MR SPEAKER

Onorab, onorab, zis mon anvi fer sorti ki bokou sa bann logmantasyon dan Bidze in fini ganny adrese.  Mon konpran an vi ki ou travay, ou’n rantre ler nou’n fini komanse.  So, i annan bokou sa bann logmantasyon bann Manm in deza fini kestyonnen e repons in donnen.  Me mon pa pou mind, mon permet ki SS oubyen Ms Desaubin i kapab donn brefman.  Ok.  Me selman parey mon pe dir, sa logmantasyon in ganny kestyonnen – e dan plizyer seksyon.  E bann responsab APDAR in fini donn larepons.  Alright.

 

HON CLIFFORD ANDRE

Wi, wi.  Selman, Mr Speaker mon ti la letan SS i antre.  Annefe mon ti la avan i antre e mon ti la letan Lapolis i sorti.  So, mon ti deza la.  Mwan mon pe – mon kestyon, mon konpran ki Mr Speaker pe dir.  Me selman mon pe montre lo sa sif global i enorm e i enportan pour nou konpran ki poudir sa pe ganny fer dan en sans ki pou ed kominote.

Letan nou pe get – mon lot kestyon se, nou’n dir i annan 3 – ou’n dir i annan 3 landrwa ki zot pe lwe – ou fek koz lo R100mil.  Me selman nou war i annan en ‘’maintenance fee’’ – eski letan ou lwe, pa i maintain son landrwa?  Akoz ou bezwen larzan pour ou fer maintenance ki en valer R249mil pour sa lannen?  So…

 

SECRETARY OF STATE – DR PATRICK HERMINIE

Mr Speaker, mon krwar kanmenm nou ti’n bidzete pour 52milyon lannen pase, zis 37milyon ki ti ganny disburse.  Parey nou’n ganny dir, sa enn PSIP 10milyon Cap Ternay ti ganny frozen.  So, sa pa’n gannyen disburse kanmenm i aparet dan sa 52milyon.  E ti annan 1.8milyon osi pour Sekirite ki ti ganny pran akoz ti santi ki 3milyon i tro bokou e nou ti ganny zis 1.2milyon.  E Board Fees osi, zot ti war ki i tro bokou e zot ti pran apepre 1milyon ladan.  So, deza ou pe koz ou apepre 13milyon ki ti’n ganny pran avek nou.  Ou vwar?

Ler nou’n retournen sa lannen – parey mon fek eksplike, nou’n retourn avek sa 14milyon pour Cap Ternay.  Ok.  I eksplik ou sa logmantasyon ki ou pe koz lo la.  En lot keksoz osi ki’n arive se an term Emoluments – nou ganny bokou, bokou problenm nou pour nou kapab recruit bann dimoun.  Akoz ou napa sa bann kalite spesyalizasyon lo labour market.

Menm – menm nou’n al Sud-Afrique.  Sud-Africain fek – nou ti annan en korperasyon ek zot.  Zot fek ekrir nou 2 semenn pase, ki malerezman zot pa pou kapab donn nou okenn counsellors ouswa nurses ki train dan Addictology akoz zot menm zot, zot napa ase.  E zot in dir ek nou zot ava donn nou bann normal e nou, nou ava train ki nou pa’n pran.

Me solman nou pa’n servi sa bann larzan.  Nou’n fer gran savings dan Emolument.  Me sa nou pou bezwen servi sa lannen akoz nou pou bezwen anploye sa bann dimoun.  So, sa i eksplike akoz nou’n retourn avek sa 59.  E lezot lesplikasyon mon krwar Depite in donnen.

Maintenance Fee se non pa pou maintenance building, ok?  Kot nou pe lwe.  Maintenance Fee, nou annan nou Dove Centre, Praslin, nou annan Wellness Centre, anler Anse Royale, e apre nou annan nou Mont Royale ki North East Point – nou bezwen maintain sa bann landrwa.  Mersi.

 

MR SPEAKER

Mersi SS.  Onorab André.

 

(Off-Mic)

 

MR SPEAKER

Met ou mic please.

 

HON CLIFFORD ANDRE

Mr Speaker, letan mon pe gete – maintenance, i met building and infrastructure.  Unless ki sa detay ankor ki’n ganny donnen avek nou, pa parey SS i annan oubyen SS ti demande.  I annan maintenance of other – ‘other repairs and maintenance (Non-Residential Building).  E sa i annan sa sif ki mon’n kote.  So, non-residential building i bezwen lofis.  Akoz ou sa ki ou pe dir mwan se residential building.

So, either nou pa mal ganny sa lenformasyon sorti kot Minister Finans parey bomaten ti ete.  Oubyen kekfwa son coding pa parey.  Me selman sa ki ou pe dir i pa koresponn avek sa ki mwan mon pe gete lo sa detay.  Mersi.

 

MR SPEAKER

Mersi Onorab.  PS oule klarifye?

 

PS DAMIEN THESEE

Mersi Mr Speaker – Mr Chair.  Pour ‘’maintenance and repairs’’, sonm ki nou annan i 1milyon – 1.038.  E dan breakdown, ‘’maintenance of repairs’’ i 1.037.5 ki round-off dan nou liv Bidze.  Petet klarifye kwa ki pa balanse?

 

MR SPEAKER

Onorab André.

 

HON CLIFFORD ANDRE

Mon pa konpran ki PS in dir la.

 

MR SPEAKER

Alright.  PS.

 

PS DAMIEN THESEE

Mersi.  Well, mwan osi mon pa konpran.  Mon pe sey klarifye ‘’maintenance and repairs i dan – dan breakdown.  Kot i met nimero 5, i 1.037, korek?  Dan breakdown.  E dan liv Bidze lo paz 184 – 187 plito, i donn breakdown dapre son bann code.  Pour ‘’maintenance and repairs’’ son total i 1.038.  Sel diferans se ki dan gro liv nou round li off – 1037, 1038 …

 

MR SPEAKER

Mersi.  Onorab André.

 

HON CLIFFORD ANDRE

Mr Speaker, mon pa pe koz sa 1.0 – mon pa pe koz sa 1milyon 37mil.  Lo sa detay ki in donn nou, in donn nou ‘’building and structures,’’ i annan 7mil – sa detay ki’n donn nou, en?  Apre i annan ‘’non-residential building’’ ki fer sa sif 3san – ki fer sa sif 249mil, ki mon pe dir.

So, baze lo sa ki SS in dir nou – so, sa ‘’non-residential Building’’ i office building annefe ki i mete lo la.  I met ‘’office buildings’’ – ‘’office buildings’’ ki fer sa 300.  So, mon – sa ki PS pe dir mwan pa korek.  Me sa ki mwan mon pe dir li i korek, baze lo sa ki li in donn nou an term sa R349mil ki mon pe koz lo la – sa R249mil, eskize.

 

MR SPEAKER

PS.

 

DEPUTY CEO – MS GERALDA DESAUBIN

Onorab sa ‘’non-residential’’ ki ou pe koz lo la, mwan mon napa sa lenformasyon.  Mon annan menm lenformasyon ki PS i annan.  E sa se, anba ‘’maintenance and repairs’’, nou annan nou 2 vot pour office buildings.  Enn ki nou’n actually fer savings ladan ki pour 2018 ti 165 e in desann 120mil.  E en lot ki parey nou’n dir – sa ki nou maintain nou bann sant, ki li in ogmante par 40.3.  E sa i menm lenformasyon ki PS i annan.  Mon pa pe konpran sa enn lenformasyon ki ou, ou annan – ki ou pe dir anba ‘’non-residential.’’

 

MR SPEAKER

  1. PS Thésee.

 

PS DAMIEN THESEE

Akoz petet i annan osi ‘’non-residential buildings’’ i pa lakaz.  Ou annan kot Mont Royale ete, North East Point – i bezwen ganny renovate.  Ou ganny mwan?

 

(Off-Mic)

 

PS DAMIEN THESEE

Maintain?

 

MR SPEAKER

Onorab.

 

PS DAMIEN THESEE

So, basically i bann pti touch up parey any lofis ki ou annan, si ou bezwen touch up – konmsi bann pti repairs, bann pti- bann laport kase, bann vit kase, bann pti locks, bann keksoz koumsa.  I repairs and maintenance lo sa building.  I pa en renovasyon as such.  Mersi.

 

MR SPEAKER

Yes Onorab André.

 

HON CLIFFORD ANDRE

Non, si PS i dir se sa.  Me selman mwan mon pe fer an referans avek lenformasyon ki zot, zot donn nou ki kestyon i monte.  So, si sa ki mwan mon annan i pa sa ki li i annan, savedir li ki’n mal donn mwan.  Akoz mwan osi mon annan sa ki mon annan.  Mon pa fer dan lakour parey non ti dir yer.  So, bann code, bann keksoz ki la, i enportan – si ou eksplike ou dir nou poudir sa.  Selman R349mil – R249mil pour nou sanz 2 laport, 3 laport i en pe difisil pour nou kapab konpran.  Mersi.

 

MR SPEAKER

Mersi Onorab.  Nou ava move on.  Onorab Chantal Ghislain.

 

HON CHANTAL GHISLAIN

Bonn apre midi VP e tou dimoun.  Mon kestyon i baze lo sa 1,600 addict ki lo progranm.  Mon ti anvi konnen par egzanp, ki kantite ladan ki dan lanplwa?  And, ki mannyer zot monitor ki sa bann dimoun i vreman da lanplwa?  And, ki kantite osi ki lo Welfare?  Mersi Mr Speaker.

 

MR SPEAKER

Mersi Onorab.  SS.

 

SECRETARY OF STATE – DR PATRICK HERMINIE

Ok.  nou’n fer employment survey avek en sample 300 zot e nou kapab dir ki ladan 55 zot pa dan lanplwa ditou, e napa ki lo Welfare.  E larestan – sa 245, zot dan lanplwa kelkonk, swa zot casual, zot prive.  Ou konnen, adikt pa zis sa bann manrmay ki nou war la anvil.  I annan dimoun avek bann profesyon, avek bann biznes ek tousala, ki osi lo nou tretman.

So, basically nou annan apepre en 245 dan sa 300 ki dan lanplwa.  E petet la mon ava dir san ki zot akiz mwan mon pe fer politik – akoz en kantite keksoz i ganny dir kont zot, sirtou an sa ki konsern tax payers’ money.  Bokou zot – sirtou bann stevedores, en kantite zot – en kantite zot i lo nou progranm e zot osi zot pey tax parey nenport ki dimoun.

E parfwa dan bomaten English River ler ou pase ou war en gran lake, set akoz zot vin sers zot Methadone byen boner, pour zot kapab al travay.  But, solman mon ava dir ki bann ki pa lo lanplwa, zot ganny bokou, bokou difikilte pour zot ganny lanplwa, sirtou dan sekter prive.   E la nou ava fer en lapel avek tou dimoun – pour donn zot en dezyenm sans.

Sa bann – bokou zot i annan en kantite skills sa bann manrmay – mekanisyen, elektrisyen, nou annan accountant.  Nou annan tou kalite – zot annan skills.  Me zis ki zot in nepli pratik zot skills akoz sa problenm eroin.  Me ler zot al lo Methadone – e enn bann lavantaz Methadone se ki i remet zot, zot kalite lavi i retourn parey avan ki zot i al lo eroin.  E napa bokou zot ki lo sipor Sosyal.

 

MR SPEAKER

Mersi SS.  Onorab Afif.

 

HON AHMED AFIF

Mersi Mr Chair.  Mr Chair, mon ti a kontan retourn lo sa size Rent akoz pour Rent, nou annan R4.3milyon.  Ler mon’n ekout ou donn bann detay – ou ti annan 21mil par mwan pour Victoria House ki ou’n arete, ou’n al lo R100mil Providence.  Apre ou’n donn rent R34mil pour 2 lakaz.  Ti annan en morso ladan ki ti 12mil apre en lot 22.  Ler mon azout sa bann, mon pe ganny R134mil.  Me selman ou ti osi nonm 2 lakaz Praslin.  Akoz mon bezwen ganny en total ki ariv R358mil par mwan – 4 lakaz Praslin.  Konbyen i arive par mwan?

 

(Off-Mic)

 

HON AHMED AFIF

56?  Savedir ou annan R190mil.

 

(Off-Mic)

 

MR SPEAKER

En moman. En moman.  Onorab Afif, si oule i enterakt, ou pou donn mic, en?  Ms Desaubin.

 

DEPUTY CEO – MS GERALDA DESAUBIN

Ok.  Pour Providence, mon ti’n donn ou zis sa konparezon sa enn building ki nou’n lwe ler nou’n sorti Victoria House nou’n al dan sa nouvo building.  Nou annan 2 lezot osi building ki nou lwe Providence, ki li i ariv – enn i 68mil per month e lot i ariv 131mil.  So, nou annan nou 3.

 

(Off-Mic)

 

DEPUTY CEO – MS GERALDA DESAUBIN

Yes.  Li nou pe pey – sa enn 131, nou pe pey li R263 per square metre e nou lwe 432 per square metre, office space; – ki an total ler ou pou azout li i tonm apepre en 113mil.  Me selman i annan VAT ki vin lo la.  Zot sarz nou pour VAT, zot sarz nou pour waste disposal, tousala ki tonm apepre 131mil per month.

 

MR SPEAKER

Mersi Ms Desaubin.  Onorab Afif.

 

HON AHMED AFIF

Ok.  Mon ti pou retourn prezan lo zisteman – akoz ou annan en gran, en grander building ki vreman gran.  Mon ti pou retourn lo kestyon ki’n ganny demande, me selman nou pa’n ganny larepons kler lo travayer.

Nou konnen ou’n sorti 13.5milyon estimated sa lannen pour vin lo 18.7milyon.  Me ti annan en kestyon ki’n ganny demande, ou pa’n reponn li kler.  Konbyen travayer – nonm en sif, pour 2018 ki ou annan?  E konbyen – en nonm, ki mon bezwen, pour 2019 – total, silvouple?  Mersi.

 

MR SPEAKER

Ms Desaubin.  Yes, Mrs Naiken.

 

CEO – MRS BERYL NAIKEN

Ok.  Mersi Onorab.  Nou annan an tou en total 107 post vacant ki – including bann ki frozen as well bann ki vacant.  So, nou annan an tou 107, me sel zis 71 i occupied.

 

MR SPEAKER

Mersi.

 

HON AHMED AFIF

E pour 2019?

 

CEO – MRS BERYL NAIKEN

Sanmenm sa ki mon dir ou.  Wi, nou annan sa 71 ki mon dir ou i occupiedSo, nou pe anticipate ki sanmenm sa bann ki pou…

 

HON AHMED AFIF

Me da sa ka, ou pe donn en logmantasyon 39poursan saler.  E sakenn par mwayenn pe ganny apepre – i sorti 11mil Roupi pour vin R15mil par mwayen.  Eski i en logmantasyon rezonnab etan ki larestan Gouvernman pe pran zis 5poursan?  Mersi.

 

MR SPEAKER

Mersi Onorab.  Deputy CEO.

 

DEPUTY CEO – MS GERALDA DESAUBIN

Si mon kapab reponn sa kestyon.  Sa ki CEO pe dir, nou annan nou 76 – nou annan nou 107 pozisyon.  Nou annan nou 71 ki occupied, nou annan nou 31 ki vacant ki nou pe mazin pran lannen prosenn e nou annan nou 24 ki frozen ki – kot nou vwar i neseser – as and when kot nou vwar i neseser, nou pou liaise avek DPA pour nou unfreeze sa bann post.  So, occupied – nou annan nou71.  Me vacant pour lannen prosen – avek frozen, nou annan 31 avek 24 respectively.

 

MR SPEAKER

Mersi Ms Desaubin.  Onorab Afif.

 

HON AHMED AFIF

Ok.  Mon ti oule zis retourn ankor lo pwen – eski ou trouv sa bann logmantasyon zistifye?  Parske i pa pou en gran kantite dimoun ekstra ki ou pe pran lannen prosenn, menm ki i frozen.  Mon vwar sa sif 39poursan logmantasyon, etandonnen ki ou’n fini ganny en logmantasyon sa lannen dan Bidze Siplemanter – parske nou ti a’n freeze, nou ti donn ou, e i dan sa 13.4milyon ki la.  Eski i zistifye pou al 40poursan logmantasyon pour lannen prosenn?  Sa se enn.

E 2enm – si ou kapab donn nou la, mon mazinen ou annan.  Si ou kapab donn nou propriyeter sa bann batiman ki zot pe lwe avek.  Mersi.

 

MR SPEAKER

Mersi Onorab.

 

DEPUTY CEO – MS GERALDA DESAUBIN

Ok.  Pour reponn premye kestyon lo sa size – in terms of staff, sa logmantasyon i pa zis logmantasyon ki nou pe donnen dan saler staff.  Sa increase i enkli sanzman dan allowance.  Nou annan sa nouvo allowance ki fek entrodwir pour staff, ki i pa ti feature pour sa lannen – definitivman nou bezwen mete.  Nou pe mazin recruit overseas staff – ki sa zot, definitivman zot saler i en pti pe diferan.  So, i include tousala.  Thirteenth Month – zot Thirteenth Month i feature – bezwen feature ladan.  So, tousala i enkli dan sa logmantasyon.

Pour reponn ou 2enm kestyon – wi.  Mon annan sa 2 Kontra pour sa 2 – oule pour zis lofis oubyen oule pour sa bann lakaz osi?  Wi.  Mon annan pour tou, mon kapab fer ou gannyen.

 

(Off-Mic)

 

MR SPEAKER

Sa 2 lofis mon krwar ou kapab.

 

DEPUTY CEO– MS GERALDA DESAUBIN

Pour lofis?

 

MR SPEAKER

Wi, Providence.

 

(Off-Mic)

 

DEPUTY CEO– MS GERALDA DESAUBIN

Non.  Dan zot Kontra i pa met zot non.  Dan zot Kontra mon annan Oceanic Investments, ki li i reprezante par Mr Nichol Chetty.  Mon annan City Properties, ki i reprezante par Ms Cindy Tirant.  Apre mon annan Sey Refrigeration, ki li i reprezante par Ms Vicky Adela.

 

MR SPEAKER

Alright.  Mersi Ms Desaubin.  Nou a pran dernyen entervenan.

 

(Off-Mic)

 

MR SPEAKER

Non.  En moman.  En moman.  Mon ti zis – mon krwar sa nou kapab gannyen akoz mon ti zis dir annou pa devwal exact location pour sa 2 lakaz.  I 2 dimoun ki pe travay avek Lazans.  Zis pou pa poz okenn risk – deza in dir ki distrik zot ladan.  Me nou kapab ganny sa lenformasyon dan en fason konfidansyel.  Zis pour…

 

HON WAVEL RAMKALAWAN

Mr Chairman, zis pe rod non – non owner.

 

MR SPEAKER

Non.  In donn en distrik.  Me si zot oule, sa i kapab ganny fer dan en fason diskretman avek zot Komite si zot oule oubyen avek Manm.  Me otan posib, nou pa devwal lokasyon, zis an ka serten risk.  Mon a donn dernyen kestyon Onorab Ramkalawan – dernyen entervenan.

 

HON WAVEL RAMKALAWAN

Mersi bokou Mr Chairman.  Mr Chairman, mwan mon bezwen dir ki nou realize ki poudir sa travay i en travay difisil, si non enposib.  Ok.   Mon realize ki poudir i en misyon kot – i en misyon ki – mwan mon’n deza dir sa dan sa Lasanble avan.  Nou realize ki poudir i vreman en adiksyon, ki letan ou regard rate of success, tousala idan lemonn, i vreman ….  En poursan i en gro figure – it’s less than 1%.

        Me Mr Chairman, mon krwar ki bokou kestyon i ganny pose, se parski kekfwa i annan serten keksoz ki pa kler.  Mon krwar ki enn bann keksoz ki APDAR i bezwen vin avek se plis laklarte.  Par egzanp, menm zot Lorganizasyon – parski dimoun i koze.  Par egzanp, mon war ok – CEO avek Deputy CEO.  Me menm la ou konnen ou tann CEO pa vreman CEO.  Deputy CEO ki CEO.  Konmsi tousala se bann keksoz ki vini, ki aprezan letan Bidze i vini, alors i vin bokou kestyon.

Mon konnen Mr Chairman, ki poudir letan zot in vin devan FPAC – e la Dr Herminie i ava dakor, letan zot i vin devan FPAC, bann dyalog ki’n gannyen pour unfreeze bann morso pa’n ganny okenn problenm avek FPAC.  O kontrer zot in plito ganny problenm avek Finans.  Letan in fini unfreeze, apre Finans ki’n donn problenm.

Alor mwan Mr Chairman, mon pou napa en kestyon as such.  Me zis mon anvi ki nou ganny plis laklerte lo ki mannyer keksoz i marse.  E si nou ganny sa klarte, parey nou dir, then mon krwar, dimoun ava realize ki poudir – wi, Methadone i enn bann metod ki ganny servi dan lemonn.  Me ki i osi annan 5, 6, 10 diferan lezot metod, enkli – enkli parey Portugal, kot zot aktyelman donn eroin bann – Switzerland, kot zot aktyelman donn eroin.

Alor Mr Chairman, mon anvi demann Dr Herminie, eski zot krwar ki sa Bidze la ki pe demande – forget about, pa met sa rehabilitation centre – eski zot krwar ki poudir sa ki zot pe gannyen la, i ava permet zot pour kontiny sa travay ki zot pe fer e hopefully pour nou kapab ganny en pe rezilta?  Parski pour mwan, this is my concern.  Mersi bokou.

 

MR SPEAKER

Mersi Onorab Ramkalawan.  SS.

 

SECRETARY OF STATE – DR PATRICK HERMINIE

Mon krwar ou’n raise en indicator la – rate of success.  E mon krwar ozordi dan tretman drog, rate of success i relatif e i annan en kantite deba – what is the rate of success?  Nou menm nou’n fer sa deba avek bann psikolog, avek bann expert.

Nou lobzektif nou progranm la – a sa staz ki i ladan, se harm reduction.  Tir sa boug koman en boug ki non–prodiktiv – nou konnen en addict, en bandi, en kantite problenm ek li.  E fer li vin en dimoun ki prodiktiv, i annan dinyite, i annan self-respect, i kapab travay e i kontribye dan sosyete.  Ou vwar?

Pour evantyelman tir zot – i annan pei, par egzanp ou’n mansyonn Switzerland, ok.  Switzerland ti annan en lepidemi terib dan bann lannen ‘90.  E ozordi Switzerland, lepidemi eroin i nepli en problenm, ok?  Malgre zot annan bann Heroin Clinics ki mwan mon’n vizite.  Nou war lentrodiksyon lezot drog ki nou komans war dan Sesel – Cocaine, Spice, Crystal Meth, Amphetamine, Ecstasy – you name it.  Tousala nou teste – nou pe teste pozitiv dan bann regular sirveyans ki nou pe fer lo bann manrmay, i en enkrwayab.

So, nou stratezi kour term la, se non pa pou fer Sesel vin drug-free.  I ekskreman i difisil.  Me nou pou fer li sa ki nou apel drug-safe.  Ler nou koz lo sa konsep drug-safe, nou pe rekonnet ki wi, i annan en problenm drog.  Me solman nou pou minimiz bann harms ki sa problenm pe fer.  I annan – i pa zis Methadone, nou’n entrodwir osi Naltrexone.  Akoz nou realize par egzanp – pran en manrmay ki lo Methadone, ou pou anvoy li pour tir banbara, i pa pou kapab.  I pou sabotaz bato pour li retourn vitman.

Me tandis ki ler ou’n met li lo Naltrexone, ou kapab donn li pilil pour en mwan pou al avek.  Enn, i pa ok e dezyenmman i annan plizoumwen menm lefe ki Methadone.  I enn bann ki nou, nou’n entrodwir koman en legzanp.  So, nou pe get tou bann metod ki ganny – ki evidence-based pour nou kapab annan nou en popilasyon zenn ki pe partisip dan devlopman sa pei, dan son defans, dan son travay, e dan tou.

Akoz ozordi en gro problenm – 5mil zonm, ou napa zonm pou al dan larme.  Yer mon tann pe koz napa solda, ou napa anplwayer – ou annan en kantite problenm akoz ou annan 5mil zenn ki dann eroin e eroin i fer ou preski enkapab.

An sa ki konsern Lorganizasyon APDAR, mon krwar en kantite dimoun pa konpran Lorganizasyon APDAR, en?  APDAR i en Lenstiti ki pa nou ki’n – DPA ki’n devlope.  Me solman pour mwan i fer sans.  Nou annan nou 2 konponan – nou annan nou Sekretarya.  Sekretarya i enkli – i konpri mwan, i konpri dimoun ki responsab pour Policy Development, nou Legal Counsel, Training e apre Monitoring and Evaluation, apre Research and Statistics.  Sa i Sekretarya.

Anba kot madanm CEO i annan CEO ki responsab pour administrasyon Lazans, son Deputy i manage plis aspe finans, ok?  Li madanm CEO i en Psycho-therapist by training e i pe devlop son skill dousman dan Finans.  Me solman ou konnen, pa nou tou ki annan en financial background.  E pour le moman en pe plis sa travay pe ganny fer par son Deputy ki li son background se finans.  So, nou pe servi nou bann ekspertiz.

Bokou dimoun – en kantite keksoz zot sey met blanm lo mwan.  Ou vwar?  Par egzanp travayer – pa mwan ki Chair staff meeting.  Staff meeting se CEO ki chair son bann staff meeting.  Li ki Chair bann diferan meeting avek bann diferan konponan son bann staff.  E pare nou zwenn preski tou le semenn – parfwa tou le 2 semenn dan en Komite ki enkli nou avek son group Management – kot nou zwenn e diskite.  Akoz sa i enportan?

Koman en legzanp – mon bann manrmay dan Monitoring and Evaluation, i vwar en problenm avek progranm Low Threshold.  Li ki run Low Threshold, mon par run Low Threshold.  Me letan manrmay i vin en problenm, nou zwenn ek li pou dir ki li – be hold on, la i annan en problenm.  E nou santi petet zot ti dwatet al dan sa direksyon e i annan en deba.  E li i kapab dir – arr, be mwan mon napa sa, mon napa isi, i mank nou bis, eksetera, eksetera.

So, sa en pe lafason ki nou, nou travay.  E mon osi rekonnet ki dan Management APDAR, zot ankor zenn, zot ankor nouvo.  E petet zot napa sa konesans ek lekspertiz ki mwan, koman en medsen avek Lasante Piblik koman mon background.  E mon’n dan diferan post – DG, Speaker, zot napa.  E zot rely en kantite lo mwan pour bann konsey.

 

MR SPEAKER

Mersi SS.  Onorab Ramkalawan.

 

HON WAVEL RAMKALAWAN

Mr Chairman, petet sa ki – ekspre mon’n fer mon entervansyon lafason ki mon’n fer li, zisteman pour eksplik sa.  Pour ki SS i ganny sa posibilite pour eksplik sa parski i konsern larzan.  E dimoun letan i konsern larzan – ou konnen zot pou fer tou kalite issues about sa.

Mon kontan ki in eksplik byen ki poudir sa progranm right now, se harm reduction.  E sa i enportan pour nou dimoun laba deor konpran byen.  E petet la mon ava dir, si zot met plis lanfaz lo la an relasyon avek larzan ki zot pe gannyen, petet sa persepsyon i ava ganny turn around.  E sa i tre, tre enportan e byensir nou enterese pour nou swiv sa parski nou pe koz lo Sesel.

E nou, nou pa anvi war – se pour sa rezon pli boner letan ou ti pe komans koze, mon ti dir parski i osi annan sa lespri e lafason keksoz i ganny fer, sa eleman politik ki rantre.  E alor, nou, nou anvi fer kler ki of course, lafason ki nou’n eksplike – harm reduction, drug-safe, ensidswit.  Annou rod en fason pour ki nou kapab fer en bon travay.

Parski parey ou konnen, nou annan Onorab Georges ki lo APDAR.  E ki mon konnen i donn tou sipor ki i kapab.  Me annou fer li kler above board, napa nanryen sekre – tou keksoz kler.  Mersi bokou Mr Speaker.

 

MR SPEAKER

Mersi Onorab Ramkalawan.  Dernyen parol avek SS avan nou pran en vot.  SS.

 

SECRETARY OF STATE – DR PATRICK HERMINIE

Mersi Mr Speaker.  I kler ki nou’n fer en gran progre konpare avek lannen pase.  E ki nou tou nou vwar nesesite pour annan sa progranm.  E sirtou en progranm baze lo harm reduction.  E ki nou – pour nou APDAR nou santi nou pe fer progre.  E nou napa Lagreman bi-partizan – nou  tou nou ladan, kominote, tou dimoun – ou, Mr De Commarmond – nou pa zwenn nou tou ansanm, zanmen nou pou kapab fer sa travay.  Mersi bokou Mr Speaker.

 

MR SPEAKER

Mersi SS.  Bon, mon krwar Lasanble pou touzour kontinyen siperviz sa progranm.

Bon, nou’n ariv en moman pour nou pran en desizyon – pour nou pran en vot lo sa sonm ki’n ganny allocate pour Lazans pour Prevansyon Drog e Reabilitasyon.  Sonm i 59, 852mil, i trouve dan sa schedule lo paz 185 ziska 191.

Mon ava demann tou Manm ki an faver?  Okenn Manm ki kont?  Mersi.  Madam Clerk.

 

(Off-Mic)

 

MR SPEAKER

Bon, annou repran en vot.  Tou Manm ki an faver?  Bon, mon krwar nou konpran – i annan 2 Manm ki lo Board.  Lo Board, non?

 

(Off-mic)

 

MR SPEAKER

Wi.  Zot pe – zot pa pe cast en vot.  Ok.  Okenn manm ki kont?  Annou revwar bann Manm ki kont.  Alright.  Madanm Clerk.

 

MADAM CLERK

Mersi bokou Mr Chair.  Mon’n rikord 14 Manm ki vot an faver e 2 Manm ki’n vot kont.  Mersi.

 

MR SPEAKER

Mersi.  Savedir Bidze pour APDAR in ganny aprouvasyon Lasanble Nasyonal.

Avek sa mon ti a kontan remersi SS Herminie, CEO Mrs Naiken, Deputy CEO Ms Desaubin e le 2 zot zofisye – Ms Ogada avek Ms Marie.  Mersi e nou ava eskiz zot parmi nou.

 

(THE SECRETARY OF STATE DR HERMINIE AND HIS DELEGAION WAS EXCUSED FORM THE HOUSE)

 

MR SPEAKER

Eski – VP osi – nou’n fini osi avek VP, en?

Bon, mon ti a kontan osi tou profit sa lokazyon pour mwan remersi Vis-Prezidan, Mr Vincent Meriton.  Mersi pour spend sa 3 zour avek nou isi.  I paret ki ou pe ale, non?  Nou pe al pran Zidisyer apre la.  Wi.

PS, Vis-Prezidan i ale la, non?  Nou pe al pran Zidisyer apre la.  Yes.  Vis-Prezidan, mersi bokou.

 

(THE VICE-PRESIDENT MR VINCENT MERITON WAS EXCUSED FROM THE HOUSE)

 

MR SPEAKER

Bon, nou ava pran en Break ziska 4er.  E 4er nou ava retournen pour nou pran Departman Zidisyer.

 

(BREAK)

 

THE JUDICIARY

 

MR SPEAKER

Bon, nou ava kontinyen nou travay.  E mon ti a kontan welcome Departman Zidisyer parmi nou – Rezistrar kot Zidisyer, Mrs Juliana Esticot, Financial Controller, Mr Ranjana de Silva, Direkter pour Human Resources and Admin, Mr Eric Savy, HR Manager, Ms Nichole Maturin, e Senior Assistant Registrar, Ms Marie-Angèle Barbé.  Bonn apre midi e welcome parmi nou.  Nou touzour dan – an konpani PS Thésee, Ms Verghese e Ms Coopoosamy.

Bon nou ava al direkteman lo kestyon.  Bann Manm ki annan kestyon pour Departman Zidisyer?  Mon ava zis demann PS Thésée zis pour gid nou lo paz dan Schedule. 

 

PS DAMIEN THESEE

Mersi Mr Chair.  Nou a pran paz 194 pour en sonm R94.544milyon.  Mersi.

 

MR SPEAKER

Mersi PS.  Bon, okenn Manm ki oule entervenir – ki annan kestyon?  Onorab Regina Esparon.

 

HON REGINA ESPARON

Mersi Mr Speaker.  Mr Speaker, mon ti a kontan ki Mrs Esticot i eksplik nou – mon vwar i annan en increase 12poursan dan wages.  E lefe ki petet i ti a kapab eksplik mwan – dapre konpran i annan en turnover staff ki high kot son Departman.  I ti a kapab donn nou dan sa dernyen 3an petet si i annan sa – ki kantite staff ki’n kite?

E mon war sa increase 12poursan – eski sa i en lankourazman ki pour bann reminerasyon pour ankouraz bann staff pour reste silvouple?  Se sa ki annan sa 12poursan increase oubyen?  Donn nou en lesplikasyon.

 

MR SPEAKER

Mersi Onorab Esparon.  Mrs Esticot.

 

THE REGISTRAR – MRS JULIANA ESTICOT

Mersi Mr Speaker.  Bonn apre midi Mr Speaker, tou bann Manm Onorab, PS Thésee avek ou delegasyon e tou dimoun ki a lekout.

Sa logmantasyon dan nou Bidze pour lannen 2019 anba ‘wages and salaries’ i akoz nou annan bann nouvo post – kreasyon nouvo post.  Nou annan – par egzanp nou annan 2 Legal Researchers ki nou bezwen adisyonnel.  Nou osi annan en Transport Officer, en HR Officer, en Communication and Information Officer akoz letan sa post in ganny – sa Lalwa in pase nou’n napa en dimoun konpetan pour met dan sa post.

E lefet ki nou travay mannye i ete i plizoumwen en pti pe legal – background legal, nou bezwen ne dimoun ki annan en pe knowledge legal.  So, nou war li neseser pour nou recruit en nouvo staff.  Apre nou osi annan 2 Court Reporters ki nou bezwen recruit pour nou azoute lo nou lalis.  Mersi Mr Speaker.

 

MR SPEAKER

Mersi Mrs Esticot.  Onorab Esparon.

 

HON REGINA ESPARON

Mr Speaker, i pa’n dir mwan turnover.  Epi mon ti ava kontan konnen konbyen staff zot pe anploye?  Mersi.

 

MR SPEAKER

Mersi Onorab.  Mrs Esticot.

 

THE REGISTRAR – MRS JULIANA ESTICOT

Regarding turnover – wi, nou annan sa problenm – mersi Mr Speaker.  Wi, nou annan sa problenm turnover dan Zidisyer.  Sa i akoz nou annan en kantite bann zenn staff ki vin join nou.  E sirtou ler zot sorti liniversite, me apre ler zot in vini apre 1an, 2an, ou war ki laplipar zot, i annan ki ti pe esper petet zot scholarship avek liniversite.  E la zot resign pour zot al join – pour al liniversite.  E nou vwar nou pe toultan kontinyelman recruit.  Sirtou nou annan sa problenm kot Enterpret.

Apre nou annan bann staff ki vini, petet letan zot la, zot vwar poudir lezot landrwa – avek zot leksperyans ki zot in gannyen, i enportan pour zot bouz devan e al kot saler i pli o.  E sa i fer ki nou war en kantite staff zot kit nou e zot kontinyelman – zot vini zot ganny en bagaz avek nou – nou, nou train zot.  Apre ler zot in ganny leksperyans, zot kontinyen ale.  Me selman wi, nou annan sa problenm staff turnover.  E unfortunately nou ti pe al travay lo nou dezyenm faz nou scheme of service pour – ki ti pou pran lefe an Zanvye 2019.

Me lefet ki nou’n aprann poudir i annan sa Salary Table ki ti pe ganny revize, nou pa’n kapab travay lo la akoz nou’n bezwen esper sa nouvo – bann nouvo figures ki ganny donnen pour nou kapab travay lo nou Scheme of Service.  Petet pour ede retenir en pe bann staff ki join nou.  Apre…

 

MR SPEAKER

Mersi.

 

THE REGISTRAR– MRS JULIANA ESTICOT

Apre Mr Speaker, mon pe – si mon pe konpran byen Onorab ti pe demann mwan ki kantite staff ki nou pe anploye aktyelman?

 

MR SPEAKER

Wi.

 

THE REGISTRAR– MRS JULIANA ESTICOT

Ok.  An tou nou annan 159 staff ki lo payroll.  E apre nou annan 12 ki anba ‘good and services’.  Mersi Mr Speaker.

 

MR SPEAKER

Mersi Mrs Esticot.  Onorab Churchill Gill.

 

HON CHURCHILL GILL

Mersi Mr Chair.  Lo paz 200 anba ‘capital expenditure’, i annan en sonm R21milyon ki’n ganny mete pour 2019.  Eski nou kapab ganny eksplike ki konstriksyon mazer ki pe al fer pour Lakour silvouple?  Mersi.

 

MR SPEAKER

Mersi Onorab.  Mrs Esticot.

 

THE REGISTRAR– MRS JULIANA ESTICOT

Mersi Mr Speaker.  Sa 21milyon – i R 21,387milyon R, e sa i pour sa proze Lakour Mazistra.  E ladan i annan 18.34milyon ki sa donasyon ki nou’n gannyen avek Gouvernman l’Inde.  E osi 3.05milyon ki konponan lokal ki enkli materyo ek lekipman ki pou ganny aste lokalman.  Mersi Mr Speaker.

 

MR SPEAKER

Mersi Mrs Esticot.  Onorab Bernard Georges.

 

HON BENARD GEORGES

Mersi Mr Chair.  Mr Chair, mon ti a kontan demann Registrar Lakour ki mannyer i eksplik – lo paz 199 anba Table 6, bann ‘Performance’ Measures.  Mon en pti pe enkyet avek bann letan ki case sivil dan Lakour D’Apel i pran pour ganny rezourd.  Mon konnen i pa en kestyon finans.

Me solman i – mon oule konnen akoz ki malgre ki finans pe reste parey e pe ogmante.  Ler nou regard sub-program 2Supreme Court Management, nou’n war i annan en gran rediksyon dan letan i pran pour dispose of a case dan sa bann lannen ki pe vini.  Me ler nou regard civil case Court of Appeal, o konter nou war i ogmante.

Etandonnen ki en case dan Lakour D’Apel i pran zis en zour pour ekoute e son ziman i ganny zis en semenn pli tar, ki mannyer ki i ankor pran 300 zour pour konplet en case?  Mersi.

 

MR SPEAKER

Mersi Onorab.  Mrs Esticot.

 

THE REGISTRAR– MRS JULIANA ESTICOT

Mersi Mr Speaker.  Wi, nou ti annan sa problenm kot nou ti annan en pe case dan Lakour D’Apel ki ti – mon kapab dir ki i ti pe retarde ouswa nou ti annan en pe backlog mon kapab apel li.  Me sa gradyelman in redwir akoz nou’n vwar ki aktyelman nou annan 10poursan Ziz Lakour D’Apel.  Zot tou zot lokal – 100poursan lokal Ziz Lakour D’Apel.  E sa i fer ki aprezan olye sit zis an Avril, an Out avek an Desanm, nou pe war Lakour D’Apel pe osi sit pandan letan ki Lakour Siprenm i an sesyon.  Sirtou lo kote Mardi, zot annan bann case ki ganny pran.  E sa i pe ede pour redwir lakantite case ki annan dan Lakour D’Apel.

Me selman lo lakantite letan ki i pran, definitivman i pou pe redwir la akoz nou ti – nou osi annan bann legal Researchers par egzanp, ki mon pe dir ki ou pe recruit.  E sa i pe ede pou fer bann resers e fer ki bann zizman i ganny ekrir pli vit akoz zot pe asiste bann Ziz avek bann resers.  So, bann Ziz i war zot en pti pe pli at ease mon kapab dir – pli alez, e pli vit pour ed zot pour ekrir zot zizman.  Mersi Mr Speaker.

 

MR SPEAKER

Mersi Mrs Esticot.  Onorab Bernard Georges.

 

HON BENARD GEORGES

Mersi madanm – Mersi Mr Chair.  Eski Mrs Esticot – atraver ou Mr Chair, i kapab konfirmen ki annefe, nou pou vwar lareg dan Court of Appeal vin ki zot ava ekout case tou dilon lannen olye zis 3 fwa par an, olye leksepsyon parey i ete konmela?  Mersi.

 

MR SPEAKER

Mersi Onorab Georges.  Mrs Esticot.

 

THE REGISTRAR – MRS JULIANA ESTICOT

Mersi Mr Speaker.  Wi, i pou annan en improvement mon kapab dir.  Akoz parey mon’n dir, la prezan nou annan tou Ziz ki lokalman – zot tou zot Seselwa.  E malerezman i zis annan en pti hiccup parmi bann Ziz ki dan Lakour D’Apel. I annan ki letan zot ti ganny apwente zot ti ankor annan detrwa case Supreme Court ki zot ti’n komanse, zot bezwen konplete.

Me selman nou pe anvizaze ki apartir Zanvye 2019, zot pou’n konplet tou zot bann ka, akoz nou’n donn serten deadline pour kapab fini ek sa bann ka.  E la definitivman zot pou napa sa fardo ki ti pa ti ankor fini Supreme Court.  E la zot pou en pti pe pli alez e definitivman i pou annan en improvement dan bann case Lakour D’Apel.  Mersi Mr Speaker.

 

MR SPEAKER

Mersi Mrs Esticot.  Onorab Basil Hoareau.

 

HON BASIL HOAREAU

Mersi Mr Chair.  Mr Chair, mon ti a kontan demann Rezistrar – enn bann rezon ki’n ganny dir souvan akoz ki Court of Appeal i tarde ek case se ki preparasyon brief.  Apre ki case in ganny ekoute, preparasyon brief pa pare.  E Court of Appeal in toultan dir se sa rezon ki pe met retar.  Eski sa i korek?  E si sa i korek – ki bann mezir pe ganny pran pou fer sir ki letan en case i fini ki sa bann brief ganny prepare dan minimum letan posib?

E dezyenmman, pour repran kestyon Onorab Georges – mon panse avek tou respe, ou pa’n reponn son kestyon letan in demande si i annan en plan pour Court of Appeal sit tou dilon lannen olye sit selman 3 fwa par lannen ki unfair, olye e i sit tan – permanan olye basically tanporer?  Mon krwar sa i enportan pour nou adrese.

 

MR SPEAKER

Mersi Onorab.  Mrs Esticot.

 

THE REGISTRAR – MRS JULIANA ESTICOT

Mr Speaker, konsernan brief ki kantite letan ki pran pour bann case kot Lakour D’Apel?  Parey mon’n dir, avan sa ti annan bann Ziz etranze e nou ti bezwen fer – compile bann brief ler nou fini, fer sir tou case Supreme Court i annord akoz zot bezwen request file Supreme Court.  E la prepar bann brief pou fer bann case Lakour D’Apel – bann rapel.  E nou ti war nou, nou ti bezwen anvoy sa bann brief aletranze pour al kot sa bann Ziz.  E sa ti pran bokou letan menm si nou ti anvoy par DHL e pour zot kapab prepar zot pour vini.

Me la ki nou annan – parey mon’n dir, tou bann Ziz i lokal, definitivman i pou annan amelyorasyon.  E i fer ki nou pa sipoze – oparavan nou ti annan en problenm avek bann transcript, bann proceedings ki ti – nou ti vwar ki dir letan case i ariv Lakour D’Apel ti mank proceedings dan file.  Sirtou bann case ki ti’n pas en bon pe letan pase akoz nou ti annan sa backlog devan Lakour D’Apel.

So, nou pe koz ou par egzanp, bann case ki ti’n pas par egzanp dan bann 2004/ 2005 e ki ti pe ganny pran petet an 2016/2017 devan Lakour D’Apel.  E nou ti pe vwar poudir ti annan sa problenm proceedings e la i annan bann ki pe rikord lo cassette ki ti’n perdi – nou pa ti pe kapab gannyen.

Me selman la keksoz in amelyore e mon kapab garanti poudir wi, nou pou annan en improvement.  E nou pe sey nou mye akoz tou keksoz prezan i ganny fer lokalman.  Nou napa sa konponan anvoy overseas, alor definitivman i pou annan en improvement dan kantite letan ki bann brief i pran pour fer.  Me nou sel problenm eksteryer mon kapab dir – fact external, se ki akoz sa brief pa ganny print kot Zidisyer.  Nou bezwen al kot bann printing services e zot, zot ofer zot servis.

Me selman pour lenstan, nou ase satisfe avek letan nou anmenn bann brief kot zot pour print, nou ganny ase vit.  Me selman parey mon pe dir, zis tir sa problenm proceedings, ki la in ganny rezourd e tou keksoz i ganny rikorde.  So, definitivman i annan en improvement.

Apre konsernan plan pour sit pandan larestan lannen olye sa 3 – zis sa 3 sesyon, parey mon’n dir – wi, zot in komanse.  Me selman letan ki nou pou war sa bann dimoun – bann Ziz parey mon pe dir, ti pe ekout bann case Supreme Court, zot fini, definitivman prezan Lakour D’Apel pou kapab sit pandan – throughout the year.  Pa neseserman toulezour parey Lakour Siprenm, akoz i pou annan en clash avek Lakour siprenm akoz nou sit toulezour.

So, – e nou napa, parey ou konnen, nou annan apepre en senkantenn avoka ki pe practice maybe.  Me selman si nou sit ansanm ek Lakour Siprenm, i pou annan en clash.  E la nou pou vwar poudir – parey Lakour D’Apel i pran priyorite lo Lakour Siprenm, then nou pou annan en problenm.  Me selman definitivman zot pou annan plis Sitting ki zot sit.  Mersi Mr Speaker.

 

MR SPEAKER

Mersi Madam.  Onorab Basil Hoareau.

 

HON BASIL HOAREAU

Zis pour klarifye en keksoz – mon pa krwar pou annan en clash.  Pou napa en clash Rezistrar.  I pou zis diary – avoka i vini, i fikse son case.  I konnen sa zour i bezwen al devan Court of Appeal pour en hearing, parey i konnen i bezwen devan en Lakour Supreme Court pour en hearing.  I pa pou kapab al devan 2 Lakour Supreme Court pour – menm zour.  So, i pou parey, pou napa clash.  So, mon krwar lanfaz ki nou pe mete se ki Court of Appeal i devret pe sit permanently – se sa ki nou pe demande.

 

MR SPEAKER

Mersi Onorab Hoareau.  Mrs Esticot.

 

THE REGISTRAR – MRS JULIANA ESTICOT

Mersi Mr Speaker.  Wi, mon konpran ki Onorab Hoareau pe dir.  Pour le moman le problenm se ki nou annan en central diary pour Lakour Siprenm, me nou napa enn pour – i pa merge ansanm avek pour Lakour D’Apel.  Me selman mon akeyir sa ki ou pe dir.

E enternman nou a bezwen diskite e gete ki mannyer nou pou merge sa bann diary ki pou fer i pou pli fasil prezan letan pou set bann case – ki pou napa sa clash parey mon ti pe dir oparavan.  Akoz aktyelman si nou fer li la, definitivman i pou annan.

Me selman nou ava get li dan le prosen fitir ki vini, ki mannyer nou pou fer pou merge sa bann diary e pou fer li ki napa okenn clash.  Mersi Mr Speaker.

 

MR SPEAKER

Mersi Mrs Esticot.  Onorab Clifford André.

 

HON CLIFFORD ANDRE

Mersi Mr Chair.  Mr Chair, mon pe get en pti kou lo Uniform.  I annan en alokasyon ki nou ti donnen lannen pase, uniform pa ankor koud.  E zot pe demann larzan ankor sa lannen – a pe donn larzan pour lannen prosen.  Pran sa larzan ki nou ti donnen lannen pase, servi – pa demann nou ankor larzan.  I menm sonm.  So, mon pe zis klarifye sa en pti kou akoz si ou pa’n servi, pa bezwen demann ankor.  Mwan mon pa krwar nou devret donnen 492mil.  Servi sa ki nou ti donnen lannen pase.

Staff – ladan i annan ‘returning graduates’.  Mon ti a kontan ganny en klarifikasyon – konbyen ‘returning graduates’ Zidisyer i annan?  Akoz pour lannen prosen ou’n met 141mil dan – anba en vot.  Returning graduates ankor i annan 196mil.  Returning graduates – mon pe get sa ki byen la mwan.  Returning graduates – so, eksplik nou en pti pe konbyen returning graduates ou annan dan Zidisyer ki zot pe ganny sa allowance?

Apre ou’n dir nou zot pou anploy 2 Legal Researcher – konbyen zot annan la? Pa ase ki nou bezwen donn larzan ankor pour anploy 2?

Lot – i annan bann educational books.  Loto mon war lannen ti aste enn, sa lannen pe aste enn.  Tou le lannen aste en loto kot Zidisyer?  Elektrisite – 2.8 lannen pase, 2.9 sa lannen.   – Epi i kontinyen pour lezot lannen answit.  Minis in vini in anonse ki pou met solar panels lo Zidisyer, lo Lezislatif.  Kot Zidisyer, pa pou bezwen sa larzan mon krwar, i pou bezwen desann.  So, nou bezwen annan sa realistic figure pour nou kapab fer sir ki Pep Seselwa i donn sa ki tou Minister i deserve.

Letan mon pe get Housing madanm Rezistrar, sorti R7.6milyon, i mont R7.9milyon.  Housing pour ki?  Pour ki?  I enportan ki nou konnen sa.  Mon annan en lot pti issue.  I annan bann bwar, bann drinks ki’n ganny zete en pe.  Mon oule sey konpran en pti pe, avek ki larzan ti aste?  Larzan in ganny bidzete.  So, i annan i en pe – i ankor dan attic anler pou ganny zete pli tar.  Set akoz in expire e i pa’n ganny servi pour bann fonksyon ki ti pou servi.  So, kekfwa ou kapab eksplik nou en pti pe akoz sa gaspiyaz larzan kot Zidisyer?  Mersi.

 

MR SPEAKER

Mersi Onorab André.  Mon pa konnen – sa dernyen bout i, napa dan detay?  I dan detay Bidze sa dernyen bout?  Mon napa avek mwan.

 

(Interruption)

 

HON CLIFFORD ANDRE

Mr Chair, se sanmenm sa ki mon demande.  Se larzan pep Seselwa ki pe ganny gaspiye dan Bidze ki nou donn larzan.  Egzakteman sanmenm sa ki mon pe demande – eski ladan pou annan ankor larzan ki pou al aste keksoz ki epi pou zete?  So, i link avek sa Bidze – eksplik mwan kote i pou tonbe, si pou bezwen ankor akoz sa bann ki la in ganny zete.  Mersi.

 

MR SPEAKER

Ok.  Mersi.  Mrs Esticot.

 

THE REGISTRAR – MRS JULIANA ESTICOT

Mersi Mr Speaker.  Mon zis swete mon pa’n mank kestyon.  Ok, lo kote Uniform – wi, nou ti ganny en sonm larzan lannen pase – pour lannen 2018 pour nou aste uniform pour staff.  E pandan letan ki nou’n komans prosedir pandan lannen – akoz normalman uniform nou fer – letan nou fer louvertir Lakour and Zanvye, i – nou war li vreman res – konmsi en pti respektab, en pti pe sa ki bann staff zot annan uniform ase resan pour zot komanse pandan lannen.  E sirtou letan in fer louvertir lakour.

So, nou’n komans prosedir pandan lannen pour nou ganny bann dimoun neseser pou fer koud uniform.  Me le problenm se ki parey ou konnen, anything par alo R150mil, nou bezwen al atraver Procurement.  E nou’n fer prosedir avek Procurement Oversight Unit – nou’n deza ini komanse.  E tender – prosedir tender in ganny fer.  E la nou sipoze pe aste uniform.

Normalman nou uniform ler nou pe demande – ler nou demann pour lannen 2018, nou koud – akoz i pran en pe letan pou fer bann prosedir.  So, nou ganny li pour lafen 2018 e komansman son lannen answit.  E parey la ler nou demann pour 2019, i definitivman pour lafen lannen 2019 e komansman lannen 2020.

So, nou pa pou kapab servi menm larzan ki nou’n demann 2018 pour koud uniform pour lannen 2019.  Akoz nou pou end up 2020 nou pou napa uniform.  E apre an plis ki sa, uniform – bann materyo ki nou annan isi ki nou gannyen pour koud uniform, i pa tarde pour li, mon kapab dir, i – konmsi i bann materyo ki apre en serten letan ou war ou, ou bezwen sanze.  So, e nou annan pandan – dan milye lannen nou vwar ki bann staff i komans vini, uniform i komans sere, uniform i komans desire, uniform i komans blansi.

E nou pa kapab en landrwa parey Lakour kot nou sipoze byen well dressed – well groomed, nou pa kapab annan bann dimoun ki pe vini sakenn dan diferan kalite lenz pour vin Ankour.  So, definitivman nou pou bezwen sa larzan uniform pour lannen prosen.  E sa larzan ki nou’n gannyen pour lannen 2018 i deza dan prose – nou’n deza komans prosedir pou nou fer koud uniform pour lannen 2018/2019.

Konsernan returning graduates – nou annan zis en returning graduates Seselwa ki travay koman Legal Researcher avek nou pour le moman isi kot Zidisyer.  E i lo en Kontra e son Kontra nenport ler pou terminen.  E nou’n ganny lendikatif ki nou riske pa kapab re-recruit li ankor, akoz parey ou konnen, Sesel i en landrwa kot i annan bann Lorganizasyon, bann konpannyen kot pey – zot saler i bokou pli o ki dan – kot nou.

E sa bann dimoun zot prefere al dan prive.  Sirtou bann dimoun i annan background legal.  E laba zot ganny pli byen peye, zot package i pli byen – i pli meyer ki pour nou.  So, pour le moman nou annan zis enn e nou pou bezwen recruit ankor 2 pour lannen 2019 – 2 Legal Researcher.

E nou’n fer provizyon dan Bidze pour – nou pe ekspekte bann Legal Researcher normalman ler nou demann – ler nou recruit, zot kalifikasyon zot bezwen annan at least en Degre.  So, definitivman zot pou tonm koman returning graduates.  E se pour sa rezon ki nou fer provizyon pour returning graduates.

Pour le moman, konsernan ki kantite Legal Researcher nou annan?  Nou annan 3 Legal Researcher pour le moman.  E nou annan enn ki atase ek Lakour D’Apel e 2 ki atase ek Lakour Siprenm.  E nou pou bezwen definitivman ankor akoz prey ou konnen, nou annan 4 Ziz Lakour D’Apel e nou annan 9 Ziz dan Lakour Siprenm e Master.

So, definitivman nou bezwen ankor dimoun akoz nou pe vwar poudir pandan letan ki nou’n recruit Legal Researcher, nou pa’n fer en move desizyon akoz i pe ede pou fer bann case fini pli vit Ankour.  E bann Ziz zot war zot en pti pe pli konfortab pour zot kapab ekrir zot zizman akoz zot deza annan en dimoun pou fer resers pour zot.  So, zot letan pa gaspiye pour al fer resers.  Alor, zot zis senpleman asize, zot – wi, zot fer resers, me selman very minimal akoz Legal Researcher in fini deza ed zot pour zot kapab ganny ase dokimantasyon pour zot kapab ekrir zot zizman.

Konsernan loto an 2019 – nou annan bann loto ki bann Ziz pe servi pour konmela.  E laplipar zot sa bann loto, zot bann Sonatas e i annan ki’n fini sot 5an.  So, i annan ki ti atase ek President’s Office ki nou’n vwar – ki zot in vreman nepli kapab servi.  So, nou bezwen rann President’s Office zot bann transpor – sa bann transpor pour write-off.  I annan i’n fini deza ganny vann – auction sale.

Apre i annan ki aktyelman nou pe servi me i pe kout nou en kantite larzan pour nou kapab maintain sa bann transpor akoz lafason ki semen i ete e kalite transpor ki annan.  Nou vwar nou Ziz pe drive son transpor – in ariv nou lenstans, kot dan milye semen zis in telefonnen pou dir nou son transpor in cease, nepli roule.  I pa konvenab pour sa bann Ziz kapab kontinyen pour rezon sekirite – pour zot kapab kontinyen servi serten sa bann transpor.

So, ki nou pe fer?  Gradyelman, nou pe retir sa bann transpor ki zot letan in fini mon kapab dir, in pas 5an ou plis.  E ki nou pe kontinyel ganny sa bann problenm ki pe kout nou en kantite larzan pour repare.  E i osi ogmant nou larzan anba transpor lwe, akoz sak fwa ki sa bann transpor pa pe marse, nou bezwen met garaz.  Nou bezwen lwe en transpor apropriye pour sa bann Ziz kapab servi e sa i kout nou en kantite.

So, pour nou kapab fer en savings, nou pe sey retir sa bann transpor dan fleet.  E nou pe sey gradyelman ranplas zot par bann transpor ki en pti pe pli apropriye pour lafason ki semen i ete – kalite semen ki nou annan isi Sesel.  E sa i fer ki i annan sa – en transpor an plis ki nou mete pour lannen 2019.

Konsernan elektrisite pour lannen 2019 – wi, nou’n ganny enformen par PUC ki zot pou in met solar panel lo building Palais de Justice.  Me kan pou komanse?  Nou pa konnen.  How far zot prosedir i ete?  Nou pa okouran.  E nou pa’n kapab retir okenn sonm dan Bidze konsernan elektrisite.  Nou prefere met li an plen akoz nou pe realize poudir nou pa pou konnen egzakteman konbyen saving nou pou fer letan pou met sa solar panel.

So, selman letan sa in fini ganny enstale – tou keksoz in fini vin an plas, zis la prezan ki nou pou kapab konnen ki kantite savings nou pou fer.  Se pour sa rezon ki nou’n bidzet pour lannen antye.  Akoz nou napa en garanti ki kantite letan i pou pran pour enstale – pour commission li, eksetera, pou fer li marse.

 

(Off-Mic)

 

THE REGISTRAR – MRS JULIANA ESTICOT

Konsernan drinks ki’n ganny zete Mr Speaker – mon pa pe okouran lekel bann drinks ki Onorab pe koz lo la ki’n expire or ganny zete.  Akoz as far as I know mon pa – mon pa konnen Mr Speaker.  Mersi.

 

MR SPEAKER

Mersi Mrs Esticot.  Onorab André.

 

HON CLIFFORD ANDRE

Wi.  Mr Chair, i etonan pour tann Rezistrar kot i dir en keksoz ki pa korek devan en Lasanble akoz mwan personnelman mon’n vwar sa bann zafer kot pe ganny fer.  E mon aprann poudir i annan ankor dan ki dan attic ki pou zete pli tar.  So, si ou a reste la, nou a fer gard al gete apre i a vin enform nou.

Lot kestyon se – eski…

 

(Interruption)

 

MR SPEAKER

Alright.  Ok.

 

HON CLIFFORD ANDRE

Eski…

 

MR SPEAKER

Onorab.  Stick to the Budget.

 

(Interruption)

 

MR SPEAKER

Order!  Order!

 

HON CLIFFORD ANDRE

Mersi.  Mersi Mr Chair.  Mr Chair…

 

MR SPEAKER

En moman Onorab André.  En moman.  Bon, nou’n al byen lazournen antye.  I reste nou kekfwa en 30 minit pour nou kapab fini ek Zidisyer.  Petet nou a kapab fini boner ozordi.  Annou fini nou lazournen byen.  Onorab André.

 

HON CLIFFORD ANDRE

Mersi.  Mr Chair, mon ti a kontan demann Rezistrar si bann Legal Researcher ki in dir nou posibleman pe ganny apwente, si i pou annan bann ansyen Ziz Lakour D’Apel, tel ki Ziz Doma – si i enn bann researcher ki pou ganny apwente lo sa Bidze.

E lot pwen i an referans avek bann saler ki bann staff pe ganny peye. Akoz ki Zidisyer pe tir zot tax – income tax lo zot saler antye olye parey ki gouvernman ti’n anonse, ki i par alo sa 8,500? E sa pe ganny tire lo zot saler antye.  E mon annan laprev avek mwan la.  Mersi.

 

MR SPEAKER

Alright.  Mersi Onorab André.  Mrs Esticot.

 

THE REGISTRAR – MRS JULIANA ESTICOT

Mersi Mr Speaker.  Konsernan bann Legal Researcher ki nou anvizaze rekrite, zot – nou’n advertise e i pour bann dimoun ki annan background legal parey mon’n dir.  Me selman si ou pe koz mwan Justice Doma – non Justice Doma pa enn parmi sa bann dimoun.  Justice Doma ti – i ti en Ziz Lakour D’Apel.  Apre i ti annan – i ti ganny anploye koman konsiltan pou en serten peryod letan e son Kontra in fini.  So, i nepli avek nou pour le moman.  E non, i pa form parti Legal Researcher, me i ti selman la koman en konsiltan.

Bann Legal Researcher nou pe fer prosedir normal.  E normalman zot bann – mon pa pe dir Justice Doma i aze.  Me selman zot bann dimoun ki en pti pe pli zenn, pli kapab pran presyon pou fer resers – ou konnen?  Akoz i pou en bon pe – i pran bokou pour en dimoun kapab asize ek en bon pe liv pou fer en pe resers ki rekomande.  So, definitivman i pa pou parmi enn sa bann dimoun ki nou pou pe rekrite.

Konsernan saler lo staff – bann rediksyon i ganny fer par – taks rediksyon taks i ganny fer par Trezor.  E prosedir i an accordance avek Lalwa ki an plas.  So, si ou pe dir mwan ki i annan staff ki pe ganny tir lo – pe tir taks lo son saler antye, mon pa okouran.  Me selman nou kap – i pa anpes nou investigate pour nou gete.  E si i annan ki’n arive dan lepase kot nou pou bezwen war nou pou refund eksetera, nou ava fer prosedir normal.

Me selman nou a not ou pwen Mr Speaker, nou a not sa pwen e nou ava verifye pour gete si vreman i annan e lekel zot sa bann dimoun.  E apre nou ava lyez ek Trezor pour nou kapab fer le neseser.  Mersi Mr Speaker.

 

MR SPEAKER

Mersi Mrs Esticot.  Onorab Henrie.

 

HON GERVAIS HENRIE

Mersi Mr Chair.  Mon kestyon dabor lo staff kot Lakour depi lannen pase.  So, i fer egzakteman 1an ki nou ti demann Rezistrar ler i ti vini pour provide nou avek lenformasyon lo staff – pozisyon saler.  Nou ti ganny sa dokiman ek State House par egzanp, ti donn nou.  E zot ti promet, so la i fer 1an nou pa ankor gannyen.  So, normalman ler zot promet pou zot donnen, i dwatet vin avan end of working days – Vandredi.  Savedir par egzanp – demen la si ou dakor, nou pou bezwen gannyen.  Sa i premye.

Dezyenmman, mon ti oule koz lo depans bann zeneral ki Lakour i fer.  E – so, mon anvi konnen ki zefor – ki legzersis pe annan dan Zidisyer pour koup en pe bann depans ki swa lo elektrisite, delo, internet, telefonn.  Me pli enportan, i annan sa konponan Housing – ki Onorab André in koz lo la.  E mon krwar sa i annan keksoz pou fer avek lakaz bann Ziz.

Ki rezon det ki Zidisyer ou Gouvernman i kontinyen mentenir sa zafer housing allowance ki i donn bann Ziz Seselwa?  Apepre R25mil i vini – ki mon payslip la i dan mon lanmen, ki plis ki – mon napa loan lo sa payslip se pourtan – koman MNA, i plis ki sa ki mon anmennen se mwan.

So, ki rezon det ki zot ankor servi pour donn sa bann kalite incentive par egzanp, konpare avek plito ogmant zot saler?  Ki fer ki a lonterm i ava koup sa financial burden lo tax payers Seselwa.  Mersi.

 

MR SPEAKER

Bon, avan mon adonn laparol Mrs Esticot – mon krwar dokiman ki ou pe rode, Zidisyer ti anvoye kot Lasanble.  E Madam Clerk ti sirkile kot bann Manm.  Zis verifye akoz mwan osi mon’n vwar sa dokiman ki’n rantre.  Nou ava verifye apre.  Mrs Esticot.

 

THE REGISTRAR– MRS JULIANA ESTICOT

Mersi Mr Speaker.  Wi, mon konfirmen poudir nou ti anvoye sa bann dokiman.  Akoz apre mon ti annan bann lenformasyon adisyonnel ki mon ti ganny demande par Clerk Lasanble.  E mon ti osi provide sa bann lenformasyon.  Me si zot – pour en rezon ou en lot, zot pan gannyen or mon pa konnen ki’n arive, nou toultan kapab kontinyen anvoy ankor.  Napa nanryen pour nou kasyet Mr Speaker, mon a fer le neseser.  By probableman demen oubyen pli tar Lendi, nou a fer sir ki zot ganny sa bann dokiman.  Ankor enn fwa nou ava anvoy atraver Clerk Lasanble.

 

MR SPEAKER

Mersi.

 

THE REGISTRAR– MRS JULIANA ESTICOT

E konsernan bann depans – sirtou kot housing kot Ziz.  Parey on ti dir lannen pase, mon lanmen i anmare akoz mon annan en Lalwa ki diriz mwan – mon pe enplimante senpleman.  E anba Lalwa Zidisyer – Judiciary Act, i fer provizyon ki bann Ziz, zot ganny swa R25mil allowance or zot ganny en lakaz pour lavaler R25mil.  So, mon vreman pa kapab fer nanryen ziska ler sa Lalwa i ganny amande.  Mon ti dir menm keksoz lannen pase.

So, ziska ler sa Lalwa i ganny amande pou dir enkli dan zot saler or allowance – mon pa konnen, mon zis senpleman kapab enplimant li e kontinyelman pey sa 25mil Roupi or pey en lakaz pour lekivalan R25mil akoz i obligatwar anba Lalwa.  So, mon zis kapab senpleman enplimant li.

 

(Off-Mic)

 

THE REGISTRAR– MRS JULIANA ESTICOT

Konsernan pour Legal Researcher – bann lakaz – bann lezot lakaz ki nou annan se ki, nou fer provizyon.  Akoz bann Legal Researcher normalman laplipar ki ou pe gannyen – parey mon dir, bann Seselwa zot war zot prefere al dan prive olye vin kot nou akoz pour rezon package ki nou ofer.

Nou bezwen letan nou recruit en Legal Researcher si i en etranze, nou bezwen osi per provizyon pour li ganny – nou pa donn li en housing allowance me nou prefere pey en lakaz pour li, ki bokou pli ba ki R25mil – i pa ariv sa kantite akoz zis pour Ziz ki sa sonm.  E nou pey en lakaz pour sa bann Legal Researcher ki vin travay avek nou.

E nou osi annan staff etranze – pour le moman nou annan 6 ki pe travay avek nou.  E definitivman nou bezwen fer provizyon larzan pour nou kapab pey bann lakaz kot zot pe reste akoz zot bann etranze.  Mersi Mr Speaker.

 

MR SPEAKER

Mersi Mrs Esticot.  Onorab Henrie.

 

HON GERVAIS HENRIE

Wi.  Zis en pti follow-up Mr Speaker.  Me laksan i lo zefor pour bann antite Gouvernman actually vreman sey koup en pe zot Bidze.  E mon pa’n tann en sizesyon dan larepons Registrar kot zot pe vreman fer en zefor.  Mon a donn ou en legzanp – dizon par egzanp fuel, Ziz i ganny transpor.

Me letan zot, zot Ankour par egzanp, zot transpor zot madanm i kapab call dir – anmenn mwan shopping, i reste on, air con i marse.  Konmsi i bezwen annan somewhere somehow ki Gouvernmanbann antite Gouvernman i kapab fer en pti zefor.  Non pa zis akoz nou annan en Bidze ki nou vot lo la tou-le-z-an ek mon bann koleg pou zis happily vot lo la.  Nou bezwen dir en landrwa, sey koupe en zour.  Mersi.

 

MR SPEAKER

Mersi Onorab.  Mrs Esticot.

 

THE REGISTRAR– MRS JULIANA ESTICOT

Mersi Mr Speaker.  Lo kote pour koup par egzanp, lo fuel kot ou pe dir – kot Onorab pe koz lo la.  Nou fer en zefor pour nou sey koupe.  Me selman parey ou konnen, la i annan logmantasyon dan pri fuel.  So, i – menm si nou pou fer en zefor pour nou redwir, sa logmantasyon dan pri i ede pour fer nou Bidze reste preske parey or ogmant – annan logmantasyon ladan.

Me selman mon – as far ki mwan mon konnen, wi nou’n annan serten par egzanp, fason ki – ki mannyer mon kapab dir sa?  Konmsi i – nou pe seye pour nou redwir lo kote fuel, nou’n eseye, lo kote elektrisite i parey, lo kote delo nou ti annan bann leakage kot bann tiyo in kase – tousala nou’n repare, nou’n sanz bann tiyo.  So, nou pe war nou annan mwens kantite depans bann delo kase, re-aranze, eksetera.

Nou’n bouz Lakour Tribinal – nou’n bouz Tribinal Lafanmir ek Tribinal Lanplwa sorti Unity House building kot nou ti pe pey rent ase o e nou’n retourn – nou’n anmenn zot dan Supreme Court Annex.  E definitivman in annan en rediksyon dan Office Rent ki nou ti pe peye.  So, wi nou pe eseye.

E la avek sa donasyon ki nou’n gannyen avek Gouvernman Indien – letan nou Lakour Mazistra i fini, i pou enkorpor tou sa bann Tribinal e tou bann Lakour Mazistra.  So, definitivman i pou annan en gran rediksyon dan bann rent ki nou pe peye.  So, mon senserman krwar ki poudir wi, nou pe fer en zefor dan Zidisyer.  Petet i pa sa signifikan ki ou pe vwar li.  Me selman gradyelman ou pou vwar poudir i annan en rediksyon kot nou pe fer.

E osi, zis pour mansyonnen, Praslin nou ti bezwen pran taxi – antre dan en Kontra avek en drayver taxi.  Par egzanp ler nou annan staff ki pe vin travay Praslin ouswa bann Ziz pe vin fer lo … oubyen pe vin sit Praslin, bann Mazistra ki vini tou le 6mwan, ki vin asiz Praslin pour Lakour sit.  So, nou’n koup tousala akoz la nou’n anvoy en transpor Praslin e nou annan en drayver full time ki pe dray sa transpor.

So, nou pa bezwen lwe taxi – nou nepli annan sa Kontra aprezan dan taxi.  So, definitivman nou’n fer en kantite rediksyon dan bann depans.  Me selman zis i – ou pa pe vwar li, me selman wi, nou annan, nou fer.  Mersi Mr Speaker.

 

MR SPEAKER

Mersi Mrs Esticot.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker, ase vitman – Registrar, mon pran sa loportinite pour demann nou si ou kapab fer – si ou kapab dir nou briyevman si zot in fer en pe improvement lo zot Procurement processes?

Akoz tou le lannen, souvan, anfen apre lannen – preski tou le lannen, mon’n pas dan tou bann Rapor Oditer Zeneral e toultan i annan kritik lo zot – ki zot Procurement Process zot pa follow it parey Lalwa i dir.  E zot annan bann leskiz – ‘irzan’, ‘nou napa’ – eksetera.  Eski ou kapab reasir nou poudir i annan en zefor ankor ki’n ganny fer sa lannen pour sa?

Dezyenm pwen se bann, si ou kapab zis donn nou – briyevman, bann allowances in kind pour judges.  Akoz i enportan ki piblik deor i konnen poudir i ganny en loto, i ganny en lakaz, or whatever.  Mon pa bezwen son sonm mwan.  Mon oule zis konnen ki bann allowances konmsi ki en Ziz i entitled?

E sa i anmenn mwan lo mon trwazyenm e dernyen pwen – Sekirite.  Madanm Registrar, mon get ‘Security allocation’ – zot demann ki zot fer sa lannen i sorti 7.3milyon i al 9.7milyon, ki en logmantasyon pre 33poursan.  Mon ti a kontan konnen – akoz?

E an menm kekfwa ou ava – lannen pase, well sa lannen ti annan sa size ki – kot ti annan Zi ki ti ganny en loan, whatever.  Konmsi ki mannyer i marse sa keksoz?  Eski – eksplike si sa osi i form parti en allowance in kind pour bann Ziz?  E si tousala pe ganny respekte silvouple?  Mersi.

 

MR SPEAKER

Mersi Onorab.  Mrs Esticot.  Briyevman.

 

THE REGISTRAR– MRS JULIANA ESTICOT

Mersi Mr Speaker.  Konsernan prosedir Procurement – wi, nou’n amelyore e parey ou kapab vwar, letan Rapor Oditer ti sorti pour 2017, nou annan vreman minimal keksoz lo la.  E nou sel issue se – ki nou fer fas avek konsernan Procurement, i konsernan transpor letan bann Ziz zot transpor i pa pe marse.  I annan problenm avek kot sa mon krwar i pou kontinyelman aparet lo rapor.

Akoz en Sanmdi apre midi or en Dimans bomaten en Ziz son loto i deside aret marse, mon pa pou kapab ganny 3 kotasyon pour mwan kapab fer – pour li ganny en transpor pour li servi pou vin travay Lendi bomaten, ki mon dwa li en transpor.  So, definitivman nou annan bann car hire ki nou annan serten laranzman avek zot.

Menm si napa larzan, zot menm donn nou lo kredi akoz nou bezwen – sa Ziz i bezwen pour rezon sekirite, en transport pour li servi – ki nou dwa li anba Lalwa.  So, sa enn mon pa konnen ki mannyer nou pou fer pour li aret aparet lo rapor akoz kontinyelman nou war nou, nou lanmen i anmare, nou bezwen fer li.  Me selman konsernan bann lezot keksoz – par egzanp, sekirite nou pe fer prosedir normal, uniform nou pe fer prosedir normal, lezot keksoz nou pe swiv – nou’n amelyore en kantite.

Apre konsernan allowance in kind pour bann Ziz – Lalwa i dir zot entitle pour e chauffeur-driven car.  E definitivman nou met fuel dan sa transpor.  Apre bann mon pe dir – mon pe dir bann ki zot napa lakaz, nou bezwen provide zot avek en lakaz.  E konsernan logmantasyon dan sekirite dan nou Bidze pour Sekirite – wi, sa lannen nou annan en total 2.47milyon.

Sa i pour bann sekirite adisyonnel – par egzanp, nou bann Ziz konmela zot fer bann case en pti pe pli serye e nou vwar li i neseser ki pou rezon – par egzanp, i annan bann threat ki’n ganny fer ki ankor dan lanmen Lapolis ki zot pe investigate.  E nou vwar li neseser pour nou kapab donn sekirite bann Ziz.

So, bann Ziz Lakour D’Apel, ti annan zis enn ki ti annan sekirite aswar e i ti napa lizour.  E lezot Ziz Lakour D’Apel ti napa ditou.  Nou annan bann Ziz Supreme Court ki annan zis aswar e zot ti napa lizour.  E la nou vwar ki voler i vini – sa Ziz par egzanp, i ekrir son non lo son bwat fler, lo so sez plastik anba son lavarang.  Voler i still vini – ek son nimero telefonn, zot still vini zot vole pandan lazournen akoz zot konnen napa sekirite kot sa Ziz.

So, nou annan Ziz ki i dan so lakaz aswar – Ziz madanm, i pe ekrir zizman 3er bomaten e dimoun i vini pe tir vit, i pe antre anndan kot li e li i anndan.  So, nou vwar poudir i neseser ki bann Ziz dezormen i ganny sekirite 24 lo 24.  E se pour sa rezon ki ou war en logmantasyon dan Sekirite.

An plis ki sa, Sekirite in osi ogmante akoz Lakour Mazistra Praslin – nou ti napa ditou sekirite kot Lakour Mazistra.  Nou ti pe rely en kantite lo Lapolis Praslin.  Me parey ou vwar, krim in ogmante e Lapolis – mon pa pe dir zot pa kapab ede, me i pran en pe letan pour nou ganny zot par egzanp si zot patrol in sorti.  So, nou’n vwar li neseser pou osi met sekirite kot Lakour Mazistra Praslin.

Konsernan loan ki Onorab pe koz lo la Mr Speaker, mon’n dir dan lepase nou pa’n – mon pa konnen mannyer zot pran li.  Me nou pa’n zanmen donn loan okenn Ziz or okenn dimoun.  Me solman nou’n vwar li neseser pour ki serten sekirite i ganny ranforsi kot serten lakour Ziz.  E se pour sa rezon ki ti pran en desizyon pour nou kapab asiste pour met – ranforsi sekirite kot sa Ziz me pa vreman ti en loan.  Mersi Mr Speaker.

 

MR SPEAKER

Onorab Ferrari.

 

HON JEAN-FRANCOIS FERRARI

Dernyen kestyon.  Mon – avek ou permisyon Mr Speaker.  I enportan ki mon demann Mrs Esticot ki – lo bann delays ki bann case i ganny register Ankour.  Mon annan en ka kot bann travayer por in anrezistre en konplent avek ou personnelman madanm Registrar.  E zot bezwen esper plizyer mwan.  Konmsi ki nou kapab dir zot sa bann dimoun?

Konmsi, ki ler zot santi – zot war poudir nou pe vot en kantite larzan, me selman bann case pa arive Ankour.  Sirtou bann case kont Gouvernman, kont bann Departman Gouvernman – konmsi ou a krwar i aret dan semen.  So, ki ou kapab dir nou pour – lo sa size?  Mersi.

 

MR SPEAKER

Mrs Esticot.

 

THE REGISTRAR– MRS JULIANA ESTICOT

Mersi Mr Speaker.  Konsernan bann case ki retarde pour anrezistre devan Lakour – si ou pe refer spesifikman parey ou’n mansyonnen lo sa case konplent konsernan bann travayer Port Authority – bann ansyen travayer Port Authority.  Wi – zot ti vin kot mwan, ti annan 3 zot.  E zot in fer en konplent formel konsernan zot case pe retarde devan Lak – Tribinal Lanplwa.  E mon’n request file e mon’n verifye.

Me selman le problenm se ki Mr Speaker, mon napa kontrol ni lo Ziz, ni lo Mazistra ouswa lo bann Board members kot Tribinal Lanplwa.  Me selman, ki’n arive?  Se ki, mon’n sey investigate pou vwar pour ki rezon ki sa bann case pe retarde.  E letan mon’n verifye mon’n vwar k ii pa neseserman zis – ki annan pou fer zis avek bann manm Board Tribinal Lanplwa.

I osi annan pou fer avek bann avoka dan lezot kote akoz par egzanp, bann avoka ki reprezant zot.  Akoz mon’n vwar poudir detrwa fwa sa bann case in ganny adjourn akoz avoka pa’n aparet Ankour – i pa’n vin kot Tribinal.  E i annan letan kot sa case an partikilye – si mon kapab mansyonnen petet, nou annan Senior Mazistra Dean ki’n ganny apwente koman Master.  E li ki’n arive?  Se ki in – i annan bann case ki i ti’n komans ekoute, so, nou’n permet li pour li kapab konplet sa bann case.

E definitivman i pran bann case kot Lakour Siprenm koman Master. E i osi pe termin sa bann case ki’n konplete.  So, i pran en pti pe plis letan pour annan sa retar.  Me selman nou’n ganny en koze e keksoz pe bouze.  Me selman zis akoz dan 2 pozisyon, i war i e pti pe…  Mersi Mr Speaker.

 

MR SPEAKER

Mersi Mrs Esticot.  Onorab William.

 

HON WAVEN WILLIAM

Mersi Mr Speaker.  Mr Speaker, mon ti a kontan ki Rezistrar i – letan mon pe get zot Bidze, mon vwar in annan en logmantasyon ladan.  Mon anvi – well, piblik Seselwa pe ekspekte – i annan en gran lekspektasyon.  E letan mon pe regard anba son major achievements, kot mon war poudir Court of Appeal laplipar bann Ziz i Seselwa.

Me an menm tan letan ou get anba ‘current challenges,’ i still montre the historical case backlog continue to clog the system.  E an menm tan anba Strategy mon trouve poudir zot anvi engage avek zot bann local partners.  Ki vreman zot pe fer pou satisfer piblik la deor.

Akoz ki arive?  Se ki, i annan konsern e nou vwar poudir Bidze pe ogmante.  Me solman piblik osi deor pa – satisfaksyon i pa tro, tro bon.  Me mon anvi konnen kwa ki pe ganny fer pou vreman mon kapab dir, fer bann case bouze silvouple?

 

MR SPEAKER

Mersi Onorab.  Mrs Esticot.

 

THE REGISTRAR– MRS JULIANA ESTICOT

Mersi Mr Speaker.  Wi, nou annan serten amelyore ki’n ganny fer e pe ganny fer.  Par egzanp, nou’n entrodwir en Case Management System.  E ladan i pli – bann case ki ganny anrezistre avek Lakour, i pran pli mwens letan pour kapab fer bann prosedir Lakour.  Par egzanp, bann pleadings – ler nou pe koz lo bann plent, bann defans, eksetera, zot annan serten deadline ki ganny mete dan Practice Direction ki zot bezwen swiv.

So, i fer ki ler bann case i ganny anrezistre ziska ler Ziz i komans ekout case, i nepli pran sa kantite mention ale vini parey avan – pour enn fer en lot, fer eksetera.  Zot tou zot annan zot dele letan ki zot bezwen stick to sa dele letan.  E sa i fer ki bann case i fini pli vit.  E even ler case pou ekoute, nou fer listing e bann avoka zot vini avek zot diary, zot vin kot Rezistrar e nou set bann dat baze lo availability  diary Lakour akoz nou annan sa Central System, so nou set bann dat.

E oparavan nou ti war ki bann avoka i pe zis senpleman dir ek bann Ziz zot busy, zot busy, zot pa available.  La zot bezwen anmenn fizikman zot diary pour Rezistrar get ladan si vre zot pa available.  E sa Ziz i deza donn en slot ki bann le – period letan ki oule son case i ganny ekoute.  E la nou bezwen set li dan sa period letan.  So, definitivman i annan en gran amelyorasyon lo bann case letan i vin Ankour.

Par egzanp, nou ti annan sa bann – nou annan serten bann case i ankor en pti pe lannen oparavan.  Me selman sa bann nouvo case ki pe anrezistre la, i annan ki pe fini – akoz nou annan serten deadline ki nou bezwen meet e sa bann case pe fini ase vit.  E even bann Ziz zot ganny en slot pour zot asize pour zot ekrir zot zizman.  So, zot pou napa leskiz prezan pou dir poudir – i pran zot sepa konbyen letan.

E nou annan bann Legal Researcher – se pour sa rezon nou pe ensiste ou kontinyelman recruit zot, ki pou ede fer zizman ekrir pli vit e donn zizman pli vit.  Wi, nou annan amelyorasyon mon krwar.  Tou keksoz i pran en pti pe letan, letan ou demare.  Me selman si zot pe esper – petet zot donn nou ziska by even avan mid – i annan dimoun ki’n komans rev – in komans vwar la poudir in amelyore.

Me selman zis donn nou ankor en pti pe letan e zot pou vwar sa kantite amelyorasyon ki nou pe koz lo la.  Mersi Mr Speaker.

 

MR SPEAKER

Mersi Mrs Esticot.  Onorab Ramkalawan.

 

HON WAVEL RAMKALAWAN

Mr Chairman mersi bokou.  Mr Chairman, en pti kestyon senp e mon ekspekte en larepons pli kourt posib.  Eski dan sa Scheme of Service ki pe sanze, eski nou pou osi war ki bann lisye – parski sa i en demann ki zot menm, eski zot pou war en logmantasyon dan zot Risk Allowance?

Parski deplizanpli i vin pli difisil letan zot al anmenn let dan lezot travay, menm parfwa letan zot pe al anmenn warant, letan fer pe al fer en eviction – i pa fasil.  Alor eski zot pou war en logmantasyon?  Ki sa logmantasyon?  Mersi bokou.

 

MR SPEAKER

Mersi Onorab.  Mrs Esticot.

 

THE REGISTRAR– MRS JULIANA ESTICOT

Mersi Mr Speaker.  Pour le moman, Process Server zot napa risk allowance.  E definitivman sa nouvo scheme of service nou pou mete risk allowance.  Konbyen?  Mon pa pou kapab dir ou akoz nou pa ankor ganny sa salary grid parey mon pe dir ou – salary table pour nou travay lo la.

Me definitivman nou pou sey al serse avek bann lezot landrwa ki zot in provide risk allowance according to DPA pour asiste nou.  E otomatikman pou annan en logmantasyon e zot pou ganny en risk allowance.  Mersi Mr Speaker.

 

MR SPEAKER

Mersi Mrs Esticot.  Onorab Sebastien Pillay.

 

HON SEBASTIEN PILLAY

Ok.  Mersi Mr Chair.  Mr Chair, mon annan en premye kestyon – ler mon regard zot maintenance budget pour Lakour Siprenm.  Mon krwar tou dimoun a dakor ek mwan ki ler leta building i pa vreman an bonn sante.  So, ki mannyer zot pou – atraver sa Bidze ki zot in mete la, kapab cope avek fer bann reparasyon oubyen bann cosmetic keksoz ki bezwen ganny fer pour sa building pour ki pou rann li – pou rann son laparans pli appealing? Sa i mon premye kestyon.

E mon 2enm kestyon Mr Chair, mon pa tro, tro konpran larepons ki ou’n donn Onorab Hoareau bomaten – pli boner.  Akoz ler nou gete bann Ziz zot ganny peye full time, si mon pa tronpe.  Bann pour lo Court of Appeal, zot ganny peye full time.  Be prezan si toultan nou annan sa sityasyon, bann case i pran bokou letan ler ou al lo Court of Appeal.  So, mon pa konnen – eski i pa neseser pour nou revwar sa zisteman pour nou clear bann backlog cases ki bann cases pa tarde?  Mersi Mr Chair.

 

MR SPEAKER

Mon krwar ou dernyen pwen, Onorab Basil Hoareau ek Onorab Georges in leve sa – ki Court of Appeal i sit permanentlyYes Onorab Pillay.

 

HON SEBASTIEN PILLAY

Mersi Mr Chair.  Mr Chair, mwan mon pe met lanfaz lo lefe ki – dan lespri fairness par egzanp.  En dimoun i travay full time, i fer en louvraz full time, e i ganny peye full time.  Mwan mon….

 

(Off-Mic)

 

HON SEBASTIEN PILLAY

Zot, pa – annou pa pran li mal – mon’n raise sa pwen.  So, Rezistrar i ava reponn.  Ok.

 

(Off-Mic)

 

MR SPEAKER

Mersi.  Mrs Esticot.

 

THE REGISTRAR – MRS JULIANA ESTICOT

Mersi Mr Speaker.  Konsernan maintenance building – nou ti anvizaze pour lannen 2019 fer en – sa building i annan 5an, depi 2013.  E nou ti anvizaze fer en bon travay lo la ki ti pou kout nou en sonm 1. 347milyon.  Me nou pa’n ganny finansman.  Nou zis pou kapab senpleman – parey nou pe dir, sey sort out mannyer nou kapab deal avek sa bann pizon.  Ki mannyer bann crack letan i vini, nou pou kapab sey ranpli sa bann crack.  E nou konnen i pe avarye, i annan bann issues avek.  Me selman napa gran keksoz ki nou kapab fer pour sa lannen ki pe vini – 2019.

E konsernan bann Ziz Lakour D’Apel – parey mon’n enformen, wi i pou annan en logmantasyon dan lakantite sitting ki zot pe fer.  Me selman si ou pe koz mwan backlog Mr Speaker, mon statistic ki mon annan la, i dir mwan pour Lakour D’Apel – Criminal, bann case i date lannen 2018 e Civil i date 2017.  E pour nou backlog i 2an ou 3an ou plis.  E ler nou pe get li 2017, 2018 e la nou 2018, i pa vreman annan en backlog.

E nou pe kontinyen improve lo la.  Definitivman by lannen prosen nou pou annan en amelyorasyon.  Mersi Mr Speaker.

 

MR SPEAKER

Mersi Madanm.  Petet, ti a bon osi zot ti a kapab tenir zot bann pizon kot zot akoz zot pe vin – zot pe frekant kot Lasanble osi konmela.  Mersi Mrs Esticot.

Mon a donn en dernyen pti kestyon Onorab Basil Hoareau.

 

HON BASIL HOAREAU

Mersi Mr Chair.  Premyerman, mon ti a kontan demann Rezistrar – Ziz Doma, konbyen i ti pe gannyen koman consultant?  E ki kalite consultant i ti ete?  I consultant – ki ti son – consultant en dimoun spesifik ouswa Zidisyer an zeneral?

E trwazyenmman, letan ou pe koz Legal Researchers, konbyen Legal Researchers zot pe plan pour recruit?  E eski zot pe plan pou recruit bann Legal Researchers pou annan en Legal Researcher pour sak Ziz?  Ouswa ki zot plan an relasyon ek sa bann Legal Researchers?  Ki mannyer zot ganny allocated ek bann Ziz?

 

MR SPEAKER

Mersi Onorab Hoareau.  Mrs Esticot.

 

THE REGISTRAR– MRS JULIANA ESTICOT

Mersi Mr Speaker.  Konsernan Justice Doma, nou ti rekrit li lo en Kontra R124mil pour – pandan en peryod letan 6mwan.  E sa i akoz nou annan en mank – nou ti annan en mankman e nou ankor annan mankman dan Legal Researchers.  E i ti pe konsantre lo fer resers pour bann Ziz Lakour D’Apel akoz nou annan zis en Legal Researcher dan Lakour D’Apel.

E konsernan ki kantite – e son Kontra in terminen, pour le moman i napa kontra avek nou.  E konsernan Legal Researchers, nou pe anvizaze rekrit 2 Legal Researchers pour lannen 2019.  E zot ganny mete dan en pool akoz – parey mon pe dir, lakantite Ziz ki nou annan – Ziz Lakour Siprenm ek Ziz Lakour D’Apel, nou pa pou kapab recruit sakenn en Legal Researcher, i pa fer sans.

Nou annan en pool Legal Researcher e zot, zot bann Ziz, as and when zot war zot neseser pou bezwen fer resers, e la zot tou zot asiz menm landrwa.  E sa bann Ziz i vini e la i donn zot bann travay e la zot fer.  So, zot tou zot dan en pool.  E even par egzanp pour bann- sa enn ki asiz Lakour D’Apel – ki ek Lakour D’Apel , i ganny mete dan sa pool.  E la nou annan zis en pool pour Legal Researchers.  Mersi Mr Speaker.

 

MR SPEAKER

Mersi Mrs Esticot.  Bon, mon krwar in ariv moman pour nou pran en desizyon – pour nou pran en vot lo Bidze Zidisyer pour 2019.  Sa i sonm R94. 544milyon, ki form par sa schedule e ki trouve lo paz 194 ziska paz 200.

Mon a demann tou manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  Mon’n rikord 20 Manm ki an faver e personn kont.  Mersi.

 

MR SPEAKER

Mersi Madam Clerk.  Savedir Bidze pour Zidisyer pour 2019 in ganny aprouvasyon Lasanble Nasyonal.

Bon, avan nou fer bann pti – bann lezot pti travay, mon ti a kontan eskiz bann zofisye pour Zidisyer – Mrs Esticot, Mr De Silva, Mr Savy, Ms Mathurin e Ms Barbé.  Mersi bokou – e nou ava eskiz zot parmi nou.

 

(THE JUDICIARY DELEGATION WAS EXCUSED FROM THE HOUSE)

 

MR SPEAKER

Bon, nou annan enn de lezot pti travay pour nou fer.  Nou ava les nou ganny gide par PS Thésee.

 

PS DAMIEN THESEE

Mersi Mr Chair.  Nou a rapel ler nou ti pran Supplementary la – mwan pase, ti annan – nou ti submit osi Budget cut ki ti ganny fer pour Bidze 2018.  Nou ti fer premye Budget cut an – nou ti soumet an Me e ti annan bann sonm ki ti reste.  E Zidisyer li i ti annan R3.3milyon ki ti ganny koupe dan son Bidze 2018 dan Sekirite.

Akoz i ti annan bann klarifikasyon i ti bezwen donnen konsernan tender.  So, son Kontra avek don lakonpannyen sekirite ti fini an Out 2018.  E alor  i pe fer prosedir la pour li met tender e in fer costing provisional, ki in met larzan pou enkli lezot landrwa ki pa ti lo – ki pa ti pe ganny kouver anba – pour Sekirite.

Me pour 2018, vi ki 3.3 ti ganny freeze dan son 7.3, in demann permisyon avek POU pour extend son Kontra ki i annan avek sa lakonpannyen sekirite ziska Desanm e in ganny permisyon.  Me i bezwen pey bill ziska lafen lannen.  So, larestan nou ti fer Budget cut avek, ki ti ganny aprouve dan Supplementary.  Me sa 3.3 li, nou pe demande pou ganny unfreeze pour Zidisyer pou li kouver son bill sekirite pour sa lannen.  Mersi.

 

MR SPEAKER

PS, mon vwar dan dokiman ki devan mwan – mon vwar i annan en purchase of vehicles.  Eski sa osi i enkli dan sa 3.3?  Notes akote – status.

 

(Off-Mic)

 

MR SPEAKER

I annan 1.9 pour Sekirite e balans?  Mon pa konnen, amen ki dokiman ki ek mwan i pa bon.  Me zis nou get son notes akote?

 

PS DAMIEN THESEE

Wi.  Basically, i pou annan en pti bout larzan ki pou reste ki i pou osi vire pour li kouver son bann replacement son bann vehicles ki in dir – anr, pou aste 3 sa lannen ki in dir akoz sa bann loto ki pe kase i pe incurred en ta cost basically dan ‘repairs and maintenance.’

        So, whatever ki i pa pou fini servi, i pou al towards purchasing of loto – sa diferans.  Solman the bulk ki i pou bezwen, i pou dan son Sekirite.  Mersi.

 

MR SPEAKER

E moman.  Petet Onorab Ferrari.  Regard avek Deputy Speaker obor ou, petet i annan sa bann dokiman.  Ou annan Onorab Afif? Zis pour li ki ou pa war.

Nou ti freeze 3.3milyon dan Bidze 2018 pour Zidisyer.  E dan Supplementary ki’n vini, sa i ganny unfreezeSupplementary ki’n pase pou pey sekirite ki ti’n fini, i ti’n end up Out ziska lafen lannen.  E en pti – e bout ki reste pou al dan depans pour veikil.

Yes Onorab Ramkalawan.

 

HON WAVEL RAMKALAWAN

Mr Chairman, mon pe zis kestyonn sa ki nou pe fer la.  Parski nou, nou pe regard Bidze lannen prosenn la.  Sa ki pou unfreeze sa i sipoze vin dan pour Bidze sa lannen.  Konmsi nou pa pe melanz keksoz ansanm.  Mon ti ava prefere mwan ki tou sa bann zafer unfreeze – letan nou a’n fini regard Bidze, nou ava tous li.  Ok.

Parski, FPAC osi tou i sipoze fer en travay lo la.  Konmsi mon pa ti ava kontan ki nou melanz keksoz.  Parski se sa ki mon pe gannyen, amwen ki i annan en lot lesplikasyon.

 

MR SPEAKER

Wi.  PS.

 

PS DAMIEN THESEE

Mersi.  Well, rezon ki nou pe raise li se ki nou’n ekrir pou demann sesyon dan FPAC, ki’n dir nou raise li anndan la.  So, vi ki nou pa’n ganny sesyon ek FPAC, nou’n raise li la.  Mersi.

 

MR SPEAKER

Ok.  Si napa…

 

HON WAVEL RAMKALAWAN

Annou fer li a lafen.  Annou fer li a lafen Bidze.

 

MR SPEAKER

Koman?  Yes Onorab Pillay.

 

HON SEBASTIEN PILLAY

Zis nou get son timeframe pour nou vwar si i annan okenn blokaz peyman.  Akoz mon konpran akoz in vini akoz i ti ganny frozen in plenary and then they unfrozen in ….

 

MR SPEAKER

Bon.

 

HON WAVEL RAMKALAWAN

Sanmenm sa ki mon pe dir Mr Chair.  Annou pa fer li.  La i 5. 10, mon krwar ki nou ti a kapab komans– Legislature.  Mwan mon krwar nou kapab fer Legislature. 

 

MR SPEAKER

Nou pa pou kapab.  Nou Accountant pa available.  Nou Direkter Zeneral osi tou i pa prezan pour le moman.  Mon’n eseye ler ou’n propoze – se sa bann demars ki nou pe sey fer, i pa posib.  E vwala ki mon’n prompt PS pour demande ki nou annan ankor en pti pe letan, si i annan okenn lezot pti travay ki nou kapab fer, me in come up avek sa.

Si napa okenn blokaz ki pou arive, then nou kapab fer sa pti bout fer lafen Bidze.  Onorab Ferrari.

 

HON JEAN-FRANCOIS FERRARI

Mr Speaker, mwan personnelman an, mon ti a kontan kapab – si i annan sa e lezot travay ki nou bezwen fer pou larg en pe keksoz, mwan mon ti kontan war en – akoz i pour 4mwan.  Mon ti a kontan war en – bann dokiman.  Akoz nou pa pe zis unfreeze en amount for – just like that for that particular purpose.  Enn – e PS in dir nou – Security and replacement of purchase of 1 new vehicle … plus replacement of 2 other.  If we get these documents – based on that, we can take the decision.  I don’t want to just unfreeze just like that.  I hope you  – mon pou – ou konpran.  Yes.  Mersi.

 

MR SPEAKER

Dakor.  Nou a regarde.  PS i ava fer available bann dokiman – petet avek FPAC.  And from there nou ava take it ki bann Manm i ava ganny met okouran.

Bon, yes Onorab Pillay.

 

HON SEBASTIEN PILLAY

Mr Chair, mon konpran akoz nou pe dir lo dokiman available ek FPAC.  Selman baze lo sa ki Onorab Ferrari in raise, vi ki sa in ganny raise dan plenary, ti ava bon ki o pli vit posib bann Manm osi i ganny sa.

Parey ou’n koz lo sa approval POU, ou war?  Sa osi nou bezwen vwar si i annan en approval POU.  E si i annan okenn tender ki’n ganny fer pour sa transpor ki pe ganny aste avan ki nou zis pran sa desizyon.

 

MR SPEAKER

Bon.  Mon krwar nou annan en lantant.  Ok.  Mon ti a kontan premyerman, remersi PS Thésee, Ms Coopoosamy, Ms Verghese pour akonpanny nou pandan lazournen.  E remersi tou bann manm, tou dimoun ki a lekout e osi ankor mersi SBC.

Nou ava adjourn pour ozordi e nou ava repran nou travay demen 9er bomaten.

 

(ADJOURNMENT)