Home » Verbatim » 2018 » Friday 16th November, 2018

Friday 16th November, 2018

 

NATIONAL ASSEMBLY OF SEYCHELLES

Friday 16th November, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

 

SEYCHELLES BROADCASTING CORPORATION

 

MR SPEAKER

Bonzour tou Manm Onorab.  Bonzour tou dimoun ki a lekout e ki pe kontinyen swiv travay Lasanble Nasyonal lo klarifikasyon e deba lo Bidze 2019.  Bomaten nou pe konmans nou travay nou pou pran SBC Seychelles Broadcasting Corporation e mon ti a kontan swet labyenveni CEO SBC Mr Berard Dupres avek son Financial Controller Ms Denise Horace.  Zot pou ganny akonpannyen ankor parey sa detrwa zour PS pou Finans Mr Damien Thésee avek osi Ms Verghese osi Miss Tamatave.

Bon mon ava zis demann Deputy Sergeant pou li move Mace pou retourn dan Staz Komite.  E mon ava demann PS pou gid nou lo ki paz ki nou pe pran pou SBC.

PS DAMIEN THESEE

Bonzour Mr Speaker. Tou Manm Onorab.  Nou a pran paz 231 pou SBC pou en sonm R131.311milyon.  Mersi.

MR SPEAKER

Ki paz PS?

 

PS DAMIEN THESEE

231.

MR SPEAKER

  1. Bon okenn Manm ki oule konmanse avek kestyon pou SBC? Onorab Wavel Woodcock.

 

HON WAVEL WOODCOCK

Mersi Mr Speaker.  Bonzour CEO, ou delegasyon, tou Manm e ou dimoun a lekout.  Mr Speaker mon kestyon i tre senp mwan.  Avek sa transfer lo DTT ti annan en pti pe problenm network lo kote Inner Island sirtou lo kote Praslin, mon ti a kontan demann CEO ki zot pe fer pou rektifye sa problenm?  Mersi.

 

MR SPEAKER

Mersi Onorab.  Mon ava pas laparol avek CEO.

 

CEO MR BERARD DUPRES

Bonzour Mr Speaker.  Bonzour tou Manm Onorab.  Onorab wi i annan e ti annan en gran problenm avek network lo Praslin.  Larezon se ki parey in mete la dan bann challenges lo paz 231 se ki nou network ti ganny plan pou servi en third party e pou anvoy sinyal pou Praslin ti bezwen pas par microwave network, ki li menm li pe anmenn en ta lezot trafik.

E apre en bon pe travay avan nou ti switch over apre lanmenm la apre ki’n ganny fer pou stabiliz sa network.  Mon kapab dir poudir over the last month or so sa network in stabilize e bann fot ki i ti annan ki ou perdi bann sinyal ki nou anvoy Praslin, in redwir konsiderableman.  Fotespere bann telespektater Praslin in vwar sa me ti annan ankor lezot issues avek DTT avek sa network ki nou travay tre dir pandan sa bann detrwa mwan, pou nou kapab rezourd.  E fotespere ki ou’n obzerv e bann zabitan Praslin in obzerv en gran amelyorasyon dan zot resepsyon DTT.  Mersi.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

Mersi Mr Chair.  Bonzour CEO avek ou FC.  Mon kestyon i lo paz 235 ‘pogramme SP1 Finance and Administration and HR’ i annan en ogmantasyon from Bidze 2018  -tre sibstansyel si petet ou ti kapab donn nou en lide kwa ki’n koz sa ogmantasyon ase gro?  Mersi.

 

MR SPEAKER

Mersi Onorab.  CEO.

 

CEO MR BERARD DUPRES

Onorab sa sif petet i R45milyon ki ou pe gete sa tou sa larzan pou fer pou sa Grant pou SBC House sa increase i dan CAPEX non?  Wi capital expenditure pou SBC House only sa larzan i ganny zere anba Grant pou sa proze.  Mersi.

 

MR SPEAKER

Mersi CEO.  Onorab Sophola.

 

HON NOLINE SOPHOLA

Mersi Mr Chair.   E bonzour CEO tou Manm Onorab e tou dimoun a lekout.  Mr Chair mon le bring mon le apport latansyon CEO ki La Digue osi sirtou ler lapli i tonbe, nou pe rankontre problenm – swa zimaz i kole – i pa pe sa.  Apre CEO mon 2enm kestyon se ki eski i annan provizyon ki’n ganny fer dan Bidze, pou bann travayer SBC ki lo Praslin pou vin fer coverage lo La Digue? Enn zot in dir mwan poudir ki zot larzan ki zot gannyen zot float i pa ase, akoz kou ki zot bezwen aste pou zot take away i bokou.  Apre 2enm si i annan en aktivite ki fer dan weekend ou demann zot pou vin fer coverage i dir ou zot pa pe kapab vini.  E sa petet ou ti a dir mon si la zot in fer en provizyon dan Bidze pou rektifye sa bann keksoz?  Mersi.

 

MR SPEAKER

Mersi Onorab Sophola.  CEO.

 

CEO MR BERARD DUPRES

Mersi Onorab.  Lo kote DTT wi akoz i ganny fer from Praslin nou acknowledge sa.  I pa sipoze siseptib akoz lapli si sa i leka mon krwar i annan en konsern.  Me zis pou fer konpran ki solisyon pou Praslin ek La Digue, nou’n mete dan Bidze pou nou annan nou own private microwave network, me nou pa’n ganny larzan.

E i enportan pou anmenn rezilyans menm la kan keksoz i annan stabilite in stabilize ki SBC i annan son prop network ki anmenn trafik – pa zis Praslin La Digue me Mahe antye.  E pou sa i enn bann keksoz ki nou’n demande ki nou mete me nou pa’n gannyen.

Lo kote kouvertir pou La Digue i domaz e i pa devret leka ki sa i en leskiz ki kouvertir pou La Digue i baze lo en allowance take away.  Sa nou ava take it internally me allowance ti fer monte dapre Scheme of Service R75 pou ariv R100 e si sa pa ase pou fer ki La Digue, mon pa krwar i en zistifikasyon e i zistifye pou nou kouver La Digue akoz allowance take away.  I annan lafason ki nou kapab fer ki nou rezourd sa enn.  Mersi.

 

MR SPEAKER

Mersi CEO.  Onorab Sophola.

 

HON NOLINE SOPHOLA

Mersi Mr Chair.  Mon zis anvi fer CEO konnen poudir take away i enn parmi bann leskiz.  I annan lezot leskiz ki petet ou bezwen find out akoz.  Akoz parfwa mon byen me kontan ki ler i ariv en aktivite skoler, ki lekol Praslin pe ganny kouver lekol Mahe pe ganny kouver e lekol La Digue nou pa ganny kouver!  Akoz bann zanfan osi zot anvi letan zot in fer progre pase e paran osi tou zot kontan vwar sa pe pase.  E CEO mon pe anmenn mon latansyon osi si ou ti kapab dir mon ki’n arive avek Silhouette, si zot pe ganny zot televizyon la oubyen kwa ki’n arive?  Mersi.

 

MR SPEAKER

Mersi Onorab.  CEO.

 

CEO MR BERARD DUPRES

Onorab mersi ou ti lev sa pwen avek mon, mon pran li avek nou tim entern.  Sales and marketing desizyon lo sa se ki travayer Silhouette i tonm anba IDC e ki e IDC ki devret pe provide zot avek sa set top box sa i pou Silhouette.  Pou lezot rezon  – lezot  kouvertir mon ti ava voudre parey ki Onorab i ti a fer lezot phone call i fer mon konnen ler sa i leka mon ava regarde mon ava donn nou larepons pli timely ki sa.  Mersi.

 

MR SPEAKER

Mersi CEO.  Onorab Sophola.

 

HON NOLINE SOPHOLA

CEO savedir ou pe dir ki Silhouette zot pa ankor ganny resepsyon?

 

MR SPEAKER

En moman ok.  CEO.

 

CEO MR BERARD DUPRES

Onorab sinyal DTT i ale Silhouette zot bezwen set top box pou decode sa sinyal, e zot kapab zot annan de opsyon zot menm zot vin rod sa or pas atraver IDC pou kapab ganny sa set top box.  Mersi.

 

MR SPEAKER

Mersi CEO.  Onorab Waven William.

 

HON WAVEN WILLIAM

Mersi Mr Speaker.  Bonzour PS avek CEO SBC.  Mr Speaker avan ki mon demann mon kestyon, mon oule demann ou permisyon pou pas en swe mon anvi lo non distrik Grand Anse Mahe e tou bann Manm isi lo sa kote swet Msye Prezidan France Albert Rene bonn aniverser.

 

(APPLAUSE)

 

HON WAVEN WILLIAM

E swet li tou de bon e ki Bondye i kontinyen beni li e mon dir li en gro mersi pou son kontribisyon !  Mr Speaker mon kestyon i konm swivan.

 

MR SPEAKER

Non annou pa kontinyen Onorab.

 

HON WAVEN WILLIAM

Mr Speaker mon kestyon i konm swivan on ti a kontan apport CEO lo paz 231 kot mon vwar poudir non 222 i annan en increase sibstansyel e mon vwar osi dan ‘current challenges’ ki zot pe fer fas avek bann problenm resours imen e mon pe vwar ki poudir zot pe ganny problenm pou retenir bann staff e i annan problenm lack of training e in koz lo problenm lethargie avek lack of productivity . Mon anvi konnen avek sa ogmantasyon sibstansyel si i kapab dir nou ki pe arive avek Scheme of Service ?  Par egzanp Gouvernman in anons pou li eski bann staff SBC pou osi benefisye avek sa kalite long letan servis parey ki dan servis piblik pe donnen?

E lot keksoz mon ti a kontan demande se ki eski bann overtime zot pe rekonsider lafason ki zot donn li?  Akoz ki arive se ki bokou bann staff spesyalman bann drayver zot pe konplent vizavi lafason ki zot overtime pe ganny compute.  Mersi.

 

MR SPEAKER

Mersi Onorab.  CEO.

 

CEO MR BERARD DUPRES

Mon a pran li an revers mersi Onorab.  Mon pa okouran sa issue of overtime ki pe ganny compute ti ava bon management SBC ti a konnen in the first place.  2enm lo kote sa long service byensir i tonm ladan.  Mon pa konpran SBC pou benefisye zis pou fer kler avek sa logmantasyon long service ek sa lot pou – yes pou sa 5poursan increase.

Lo kote Scheme of Service Onorab nou’n attempt pou nou kapab revwar sa, akoz parey dan sa challenge i mete nou ti attempt pou nou fer li endepandaman avek SBC. Nou ti konmans sa konmansman lannen 2018 – in ale vini e nou ti ganny nou en larepons dan bann Zilyet/ Out ki dir nou pa kapab al an deor retournen e sa via DPA.

Mon annan konsern both pou son letan ki i pou fer pou fer sa revi e son outcome li menm.  I enportan ki si en revi Scheme of Service ek tou son ki vin avek, i ganny fer dan en fason obzektif – en fason detase ki sa rezilta li menm li – staff – i ava vwar ki poudir be i napa en lentere DPA ladan i napa en lentere management SBC e i ava dir kote sa benchmark i devret été.

E mwan mon ti espekte i ti ava fer li pli vit e se sa ki nou ti anvi.  Me malerezman i pa’n leka e direktiv ki nou gannyen se go back to do it internally an nou pa sipoze pran consultation.  Nou bezwen respekte sa bann desizyon, me sa li menm li in vin en lobstak dan sa prosesis.

Scheme of Service nou pe travay ek DPA aprezan me mon pa kapab konnen kantite letan i pou pran pou fer li.  I annan en need en need pou nou kapab revwar Scheme of Service dan SBC.  Sa i kler akoz i enn bann rezon ki nou annan sa issue of retention dan nou korperasyon.  Sepandan i bon rekonnet osi sa increase ki ou’n dir sibstansyel, mon pa konnen si i sibstansyel – me mon prezimen i pa e nou bezwen fer kler ki ler nou pe dir sibstansyel si i refer to R45milyon then i pa pou nou sa.  I pou SBC House mon ti ava kontan si Onorab i anmenn klarite lo sa met en figure lo sa sibstansyel ki in nonmen si i pa mind please.

 

MR SPEAKER

Onorab.

 

HON WAVEN WILLIAM

Mon pe demann ou 233 kot ‘consolidated expenditure estimate’ ki zot revise 2018 ti R26.6milyon e ki la 2019 nou pe koz R73 ekek milyon anba ‘progamme 1’ e ‘programme 2’ osi in well ‘programme 2’ in desann me selman overall letan ou regarde revise i R91milyon e nou pe koz R131milyon pou 2019.  Mersi.

 

MR SPEAKER

CEO.

 

CEO MR BERARD DUPRES

Mersi Onorab.  Mon kontan ou’n donn sa klarite e i enportan pou fer konnen apar sa logmantasyon ki R1.84milyon e R700mil pou lapey staff, Bidze SBC in reste egzakteman parey i ti été lannen pase.  Zis sa adisyonnel R45milyon ki’n fer li vwar li en pe gro.  Me i ankor parey i ti été lannen pase more or less R30milyon pou ‘goods and services’ apre R53milyon pou ‘wages and salaries.’  E in mont en pti gin apepre to R55milyon akoz sa allowance ki nou pe fer pou sa 5poursan increase pou staff, e pou sa long service allowance.  Mersi.

 

MR SPEAKER

Mersi CEO.  PS Thésee.

 

PS DAMIEN THESEE

Mersi Mr Speaker.  Petet zis pou klarifye pangar kestyon i vin ankor lo la.  Lo paz 233 nou pou vwar anba kot i met ‘economic classification’ nou vwar sa R45milyon anba 2019 konpare avek revised 2018 i 8 e son original ki 27.  So total sanmenm sa ki pe fer sa gran increase from 18 to 19 pirman akoz sa R45milyon pou sa SBC House.  Thank you.

 

MR SPEAKER

Mersi PS.  Onorab Paul Ernesta.

 

HON PAUL ERNESTA

Mersi Mr Speaker.  Mr Speaker, CEO, tou bann koleg Onorab, tou dimoun a lekout bonzour.  Mon pou refer lo paz 231 si oule kot CEO in koz lo bann challenges ki i pe fer fas avek, eski CEO i kapab dir nou actually lo kote son bann staff, konbyen bann vacancies ki i ankor annan la pou li fer sir ki pou i pou satisfer?  Akoz letan nou get anba 235 ‘SP 1 finance and administration’ mon konpran nou ti pe koz lo la taler mon vwar i annan sa logmantasyon pou fer sir ki i pe balans korek lo lakantite staff ki pe manke e pou li ki pe fer sir ki i annan son recruitment pou tonm an plas.  Mersi Mr Chair.

 

MR SPEAKER

Mersi Onorab.  CEO.

 

CEO MR BERARD DUPRES

Mersi Onorab.  Si mon pe konpran oule konnen konbyen staff mon annan e konbyen vacancies nou annan.  Staff i ankor son figure i more or less  parey ti été -234 full time part time 17.  Sa ti lannen 2017.  Nou annan nou 224 full time an se moman savedir i annan 10 vacancies ki pou anmenn li 234 ankor.  E nou annan nou en pti increase konpare avek lannen i annan 21 part time.  So i annan 10 vacancy an se moman si tou nou pe seek to fill.  Mersi.

 

MR SPEAKER

Mersi CEO.  Onorab Ernesta.

 

HON PAUL ERNESTA

Thank you Mr Chair.  Prezan CEO eski nou konnen i pe annan en pe lenpresyon zeneral i annan de satisfaksyon parler kote bann performans bann progranm SBC, eski sa bann nouvo recruitment ki pe annan ki mannyer zot pe balanse pou fer sir, ki bann progranm ki SBC pe delivre i alaoter ki dimoun i satisfe an zeneral pou zot kapab donn en bon servis?  Mersi.

 

MR SPEAKER

Mersi Onorab.  CEO.

 

CEO MR BERARD DUPRES

Mersi Onorab.  Mon pran kont e mon regrete ki sa de satisfaksyon.  Mon krwar SBC pe fer en bon pe pou li anmenn nouvo progranm pou inovate i pran en pe letan.  E i pa zis neseserman depan lo staff i depan lo nou resours an zeneral.  Si dan en lorganizasyon parey SBC pou plizyer lannen mon konn napa ni menm en mixer son ou annan ou zis 4 camera engineering pou ou kapab meet demann 2 channel ou level of funding e ou level of staffing i reste parey ou pou ou kapab ogmant la kantite progranm e menm la kalite ou bezwen sa kapasite.  E nou sa Bidze ki pe dir nou la e menm sa enn lannen pase ler mon ti konmanse mon ti dir demande pou donn nou en pti pe plis, pou nou kapab build sa capacity ki nou bezwen pou anmenn nouvo lide – nouvo dimoun e re integurate enkli sa Scheme of Service ki nou koz lo la, pou kapab annan sa inovasyon e osman dan servis ki lodyans i espekte lo nou bann progranm.  

        So sa li menm i en challenge.  E sa lizye ki nou gannyen e i efektivman i dir business as usual as far as sa challenge is concerned.  E mwan pour mwan mon vwar li ki nou bezwen still, try to make do e fer ki nou kontinyen.  E mon kapab zis dir i annan bokou ki pe ganny fer despite sa bann challenges ; ki i enportan nou rekonnet i pa zis SBC ki pe ganny challenge funding.  E sa i pa neseserman en kritik me la realite ki nou bezwen met kler nou pe vini e nou pou kontinyen progresivman lev nivo nou bann progranm.  Mersi Onorab.

 

MR SPEAKER

Mersi CEO.  Onorab Regina Esparon.

 

HON REGINA ESPARON

Mersi Mr Speaker.  Bonzour tou dimoun.  Mr Speaker avan mon konmanse mon ti a voudre dabor felisit tou bann manrmay ki’n graduate Unisey yer e an partikilyerman Onorab John Hoareau ki’n ganny distinction in Master Degree dan Business Administration. 

 

(APPLAUSE)

 

HON REGINA ESPARON

Non i mon pa pe reponn zafer laniverser mwan.

 

MR SPEAKER

Annou kontinyen Onorab Esparon.

 

HON REGINA ESPARON

Mr Speaker mon ti a kontan demann CEO si dan sa Bidze i annan larzan ki’n ganny mete pou pey non pa koumsa.  Pou demann CEO si bann dimoun ki’n ganny tire lo Kontra kot SBC zot pou benefisye avek sa allowance ki pe ganny donnen eski i annan larzan dan sa Bidze pou fer sa?  Mersi Mr Speaker e avan mon pas laparol avek CEO.  CEO mon pe ekout dan bann larepons Praslin pe ganny problenm ek sa zafer go digital La Digue pe gannyen e Glacis osi pe gannyen, konmsi an zeneral ki zot pe fer pou fer sir ki by Zanvye mon pa konnen mon tou sa bann problenm ki digital konmsi sa bann problenm ki kliyan pe fer fas avek i ganny rezourd enn fwa pou tou?  Mersi Mr Speaker.

 

MR SPEAKER

Mersi Onorab.  CEO.

 

CEO MR BERARD DUPRES

Mersi Onorab.  Premye kestyon wi allowance pe cater pou tou staff ki ti lo Kontra oubyen pa lo kontra pou ganny sa allowance.  Lo kote DTT wi i annan en ta ki’n ganny fer pandan sa dernyen detrwa mwan, e i enportan ki nou open about this sa i en issue Kontra actual ki efektivman nou’n ganny nou’n en product ki defective dan tou son planning, enplimantasyon e son prodwir li menm.

Me ler i dan en sityasyon koumsa i enportan espesyalman ler Kontra li menm i pa telman defini ki ou annan sa dyalog, sa langazman ek sa kontrakter ki i annan sa goodwill ou kapab dir pou rezourd sa problenm.  E mon kapab dir mon satisfe so far ki as we speak la tou nou bann transmiter Mahe/Praslin/La Digue i stab e sa bann issue i annan pou fer avek enstabilite ti annan pou fer avek stabilite lo network.

E ki nou pe vwar prezan bann issue ki nou pe gannyen avek DTT ki pe ganny raporte, i annan pou fer avek lenstalasyon domestik li menm, kot sa bann dimoun.

E nou annan nou en sistenm raportaz ki la mon napa limero telefonn me ki dimoun i kapab call poudir mon annan sa problenm e nou vini e nou vin rezourd.  E ler nou get sa statistik sa bann problenm i ganny rezourd.  E i annan pou fer petet lema dan move direksyon koleksyon sa antena li menm indoors en ta keksoz pou fer la prezan nou kapab zoom in la gete akoz nou network i stab i pa pe monte desann – i pa pe on/off la nou annan sa kapabilite pou nou zoom in lo sa landrwa domestik li menm, pou kapab rezourd son problenm.  

        So nou ankouraze si i annan okenn dimoun ki pe ganny problenm avek DTT, pou call sa limero ki i pase lo televizyon tanzantan ankor zis SBC pou raport en problenm e nou ava vin rezourd li koumsa.  Pou Glacis e pou lezot landrwa dan planning DTT i envaryableman pou annan bann black spot ; bann landrwa kot napa sinyal SBC.  E mon konnen poudir i annan en pe lo kote Nor mon krwar Machabee kouver en pe i annan enpe overlap e se sa ki pou ed nou prezan si bann dimoun i raporte pou konnen si nou annan en black spot ki nou apel bann gap fillers.  So i byen ki nou ganny sa bann feedback me mon as far ki sa issue contractol i konsernen mon espekte li pe rezourd avan lannen 2018 i fini.  Mersi Onorab.

 

MR SPEAKER

Mersi CEO.  Onorab Esparon.

 

HON REGINA ESPARON

Mersi Mr Speaker.  Mr Speaker pli boner CEO in dir ek nou poudir Finans pa’n aprouv larzan dan Bidze pou improve network DTT, konbyen larzan ki Finans pa’n aprouve dan sa Bidze?  Mersi.

 

MR SPEAKER

Mersi Onorab.  CEO.

 

CEO MR BERARD DUPRES

Onorab si ou get lo paz 200 ‘new spending initiative’ 234 ou pou vwar poudir i annan en pe keksoz ki nou demande e sa i zis pou fer pou pa fer ek staffing sa en ki amount to R27milyon nou demande – si ou get lo sa lalis nou pou ganny sa nek 2021.  Sa i a donn ou en lide ki nou demande apre i annan son bout staffing ki nou demande pou nou ganny additional zournalis eksetera, ki nou pa’n gannyen osi.  Mersi.

 

MR SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chairman bonzour.  Bonzour tou Manm Onorab.  Bonzour CEO.  E bonzour tou dimoun ki a lekout isi oubyen ayer.  Mr Chairman mon ti a kontan demande detrwa pti kestyon pou CEO SBC premyerman anba ou anba breakdown ki ou’n gannyen mon vwar en logmantasyon sibstansyel dan ‘substistence allowance’ i sorti R400mil pou al pres R2.2milyon right? Eski ou ti kapab donn nou lesplikasyon lo sa logmantasyon?

Dezyenmman lo bann ‘Board fees’ mon vwar logmantasyon i sorti 0 pou al R1.4milyon ankor enn fwa si ou ti kapab donn nou en lesplikasyon lo la?  An se ki konsern i annan sa kestyon ki’n ganny raise lo overtime, e nou tou nou konnen poudir bann travayer SBC i bezwen kouver bann levennman diferan ler ariv kot zot pli tar eksetera, mon vwar i annan en sonm R4.8milyon pou overtime, eski ou kapab donn nou en breakdown very briefly lo ki mannyer overtime i ganny aporsyonen pou bann travayer SBC?  Very briefly.  E apre anba ‘other allowances’ mon vwar in ogmante in vin R2.792million.  Sa ‘other allowances’ la ki i kouver egzakteman li?  Ok mersi thank you.

 

MR SPEAKER

Mersi Onorab.  CEO.

 

CEO MR BERARD DUPRES

Onorab ler mon pe get li sa Heading in monte me an zeneral parey mon pe dir sa alokasyon in reste parey.  Pou sa enn overseas sa i cater pou Zwe de Zil ki pe vini pou travel pou bann zournalis SBC e depans sa kouvertir Zwe de Zil pou nou piblik Seselwa.  Lo kote ‘Board fees’ wi an konsiltasyon avek e lekspektasyon Minister Finans tou emouluments, tou reminerasyon i bezwen antre dan Bidze ki i pa ti leka avan.  La nou fer ‘Board fees’ antre dan Bidze – koumsa i kler nou vwar li kot i été e in vin dan peyman through the salaries and  wages budget.  Korek PS ? Mersi PS.  Lo kote ‘overtime’ mon pa R4.8milyon ‘overtime’ son Bidze Onorab nou follow Scheme of Service parey tou dan public service pou ‘overtime.’ E mon pe espekte ladan i annan commuted overtime.  

        E si i annan en issue avek mon pa’n konpran sa issue la mon fek konpran sa issue overtime si i annan issue lo kote si i pli ba si i pli o mon pa konpran rezondet sa, me selman i nou swiv parey tou lezot entities i fer.  Lo kote ‘other allowances’ FC ed mwan silvouple.

 

FINANCIAL CONTROLLER MS DENISE HORACE

Bonzour tou a lekout.  Sorry, pou sa R4.8milyon pou ‘other allowances’ i kouver tou bann outstanding allowances ki enkli responsibility allowance ki enkli inducement allowance tou ladan ki kouver anba nou bann Scheme of Service.  Mersi.

 

MR SPEAKER

Right mersi Ms Horace.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon pa satisfe ek sa larepons overtime, mon ti a kontan petet FC i donn mon par egzanp – annou par egzanp en cameramen par egzanp.  Si mon ti kapab ganny en legzanp tanzib, akoz ki pe arive, nou pe gannyen sa bann konplent, me i paret ladministrasyon SBC pa pe ganny sa bann konplent ki mon pa konnen akoz.  So si ou ti kapab donn nou en lide par egzanp pou en travayer ki annan son Scheme of Service, son travay ki i pe fer mon vwar larzan dan Bidze pou pey li sa overtime, be meton i al kouver par egzanp en match foutbol sa match foutbol i sipoze en 2half 45minit i annan extra time eksetera, i ankor laba pou anmas sa lekipman – so how does this cover – fit in into sa.

Ki mannyer zot kalkile sa?  Kwa ki zot servi dan SBC pou kalkil sa?  Akoz mon krwar SBC pa parey overtime ki en lot Minister pou peye anvi travay ki sa bann dimoun i fer.  Mersi Mr Chair.

 

MR SPEAKER

Mersi Onorab.  FC oubyen CEO nenport.

 

CEO MR BERARD DUPRES

Mersi Onorab.  I vre i news to me sa issue overtime, commuted overtime in ganny kalkile par DPA pou tou pou average out overtime.  I annan letan ki par egzanp en dimoun menm si i pa pe fer overtime i ganny en peye sa commuted overtime, me ler i fer sa overtime ki si i extend en pe plis, sa ki ti sa ki ti ganny peye mwan pase, menm si i pa’n ganny overtime i sipoze average out over the period si en mwan or a year ki fer li ase zistifyab.

Commuted overtime dapre DPA i sipoze ganny revwar regilyerman pou balans li avek the actual hours of overtime worked.  Sa dan nou endeavor pou revwar kantite hours si vre par egzanp en cameramen i ganny li R3500mil overtime si vre eski sa actual hours ki i pe fer on average i plis ki son R3500mil ou mwens.  

        DPA i fer kler swa ou donn commuted swa ou donn overtime.  E ti annan en legzersis ki ti ganny fer avan mon letan pou fer ki akoz kou overtime SBC ti signifikan pou average it out koumsa i annan en serten prediksyon lo ki ou outlay.  Si i annan en serten demann pou sanz the state of affairs, then nou ava konsidere e nou ava fer ki i re balanse – an aprouvan an ganny sa larzan pou nou fer li ki pa ladan.  Mersi Onorab.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon le alert CEO lo ler nou ti ganny Chief Secretary for Public Administration i ti eksplik nou ki bann additional ki en dimoun i gannyen ki commuted avek son saler i ede pou kalkil son total tan servis apre.  Alright?

E mon konpran poudir la i annan travayer SBC ki’n sorti from Kontra e zot in move as anploye. so tousala i bezwen ganny factored-in.  Mon kestyon pe al ver pou nou asire at the end of the day sa travayer SBC ki’n donnen pandan 30an 40an, ler nou pe kalkil son tan servis bann bout ki’n gannyen, akoz in en cameramen toultan in al lo scene toultan, i pe kouver sa bann events toultan, i vin parti and part and parcel son louvraz, ki then sa i perdi akoz i pa vin part and parcel of sa ki i sipoze pe ganny kalkile.

So sanmenm sa ki mon pe vin lo la ek ou.  So eski travayer i kler lo lafason ki sa pe ganny kalkile lo lafason ki sa i sipoze ganny kalkile?  Si non then nou ti advise SBC pou fer tou le neseser pou fer sir ki tou travayer SBC ki sipoze pe ganny sa larzan i konnen ki mannyer sa larzan pe ganny kalkile.  Mersi Mr Chair.

 

MR SPEAKER

Mersi Onorab.  CEO. 

 

CEO MR BERARD DUPRES

Mersi Onorab.  Mon krwar la ou dernyen stetment se ki sa kominikasyon ki pa kler.  Whatever is due legally to any staff e par regilasyon for public service they will be due.  Sa i otomatik sa.  Si i annan okenn prezonpsyon ki management SBC pe retire oubyen pe pa pe fer li, mon ti a kontan konnen.  Nou ki nou pou fer – ki nou sizere pou fer mon krwar i annan sa konsern, apre ki i annan sa bout ki revwar ki mannyer kalkilasyon konpansasyon, i ganny fer ler ou sorti lo Kontra ti ganny mete dan en let poudir your terms and conditions is as per the employment regulations and tou bann existing regulations.  So that is the commitment ki nou bezwen swiv tou regilasyon an plas e fer ki zot ganny zot due ki zot merite.  Mersi Onorab.

 

MR SPEAKER

Mersi CEO.  Onorab Philip Arissol.

 

HON PHILLIP ARISSOL

Mersi Mr Chair.  CEO mon tante krwar ki SBC pa’n ganny Bidze total ki zot in demande, eski sa i vedir ki zot kapab servi larzan reveni ki zot pe gannyen dan zot bann proze?  Eski Minister Finans i permet sa?  E CEO dernyen fwa ou ti dan Lasanble ti annan konsern lo sa kantite staff ki pe kite SBC eski sityasyon i ankor parey?  Si non ki mezir ou’n pran pou remedi sa sityasyon?  Si wi eski dan Bidze i annan en provizyon pou adres sa?  Mersi.

 

MR SPEAKER

Mersi Onorab Arissol.  CEO.

 

CEO MR BERARD DUPRES

Mersi Mr Speaker.  Onorab mersi pou ou kestyon premye ti annan pou fer avek reveni wi sa nou saving grace e nou ankor pe dir mersi Minister Finans pou allow nou pou servi nou reveni pou met dan shortfall dan budget.  E si ti napa sa en bonpe keksoz ki ti pou fer sa lannen nou pa ti pou kapab fer – enkli the overpayment of the DTT itself.

So nou apresye sa e nou pe hope ki i annan lespas pandan sa bann mwan e lannen ki pe vini pou nou increase nou reveni ki nou become even more or at least en pe mwens dependant lo sa Bidze, akoz nou realize.  I enportan pou met kler ki nou pa premye national broadcaster ki fer fas avek funding issues.  Laplipar dan lemonn antye bann national broadcaster mon ti dan sa bar pou bann African Vocational Association ki la pli par broadcaster pe fer fas avek funding crunch.  

        So i pa en kritik me zis en stetment of the state of affairs ki funding in reste parey.  Pou reponn ou kestyon poudir si i annan larzan dan Bidze pou adres en pe sa bann issue? – Non !  Ki ou pe dir in terms of retention of staff – an dizan sa an Onorab ou’n link retention of staff e staff pe avek reminerasyon avek larzan, so larealite pou incentivise ou bezwen annan lespas pou ou kapab donn zot keksoz.  Napa lespas Onorab.

Me nou rekonnet e nou kontan ki i annan serten mouvman ki pe adres nasyonalman pou rekonnet long service, ek sa 5poursan.  So la li menm li i en soulazman e nou kontan en soulazman avek pou tou larepiblik public service antye e non pa zis pou SBC.  So pou spesifik pou SBC non.  Nou’n demande nou pa’n gannyen.  Mersi.

 

MR SPEAKER

Mersi CEO.  Onorab Aglae.

 

HON EGBERT AGLAE

Mersi Mr Speaker.  Bonzour CEO ek tou Manm Onorab.  CEO mon ti a kontan konnen  an vi ki SBC pe pas dan bann transformasyon e ou annan en Bidze R131milyon pou nou vot lo la, mon ti a kontan konnen si SBC pe sanz en pe son business modem, mon kapab dir an term kwa ki son priyorite ki li i pou kouver?  An vi ki nou pe vwar ki i annan serten levennman ki an se moman parey sa lannen nou vwar Festival Kreol i annan serten keksoz nou pa pe kouver, eski zot annan serten kontrent ki pa pe permet zot fer sa ouswa zot menm zot Board pe deside pou pa fer sa?

Dezyenmman kot i konsern progranm lokal paz 237 mon vwar ki zot anvi increase zot kantite hours ki zot broadcast bann progranm lokal, eski zot pe ganny ase sipor avek bann dimoun ki pe progranm lokal pou zot premyerman kapab donn SBC en bon progranm e kot SBC osi i al ver zot pou aste serten progranm?

E dernyerman konsern zot reveni petet piblik ti a kontan konnen ki zot reveni ki zot anmase an 2017 e ki zot forecast ki zot i pou gannyen pou 2018?  E dernyerman Mr Speaker kot i konsern ‘SBC AM ‘mon konnen ki zot la zot al lo DTT pou televizyon e tradisyonnelman ‘SBC AM’ i ganny servi pou pas bann lanons ek mesaz e i annan serten rezyon an se moman sirtou Port Glaud kot nou pa pe ganny bann resepsyon.  So mon ti a kontan konnen ki zot pe fer dan sa laliny eski zot pe still konsider sa ‘AM’ konman zot main channel kapab transmet bann lanons ek mesaz enportan ki tradisyonnelman nou koumsa.  Mersi.

 

CEO MR BERARD DUPRES

Mersi Onorab.  Mon a reponn ou kestyon an revers.  Wi Radyo Sesel ‘AM’ i en stasyon tre enportan pou SBC i domaz ki son resepsyon in deteryore over the years.  E zis pou fer le pwen nou demann akoz nou pe konstri SBC House e lema ‘Radyo AM’ kot i été la pou enterfer ek lekipman dan SBC House nou’n demann larzan pou nou kapab rellocate li.

Ler ou rellocate li ou bezwen plan pou ki son resepsyon i improve savedir ou annan nouvo sistenm antena so ou pe annefe ou kapab dir ou pe tap de poul avek zis en ros pou ou improve the reception apre pou ou mitigate lenpak lo SBC House.

Si ou get dan ‘new spending iniciative’ nek an 2021 ki nou pou ganny sa larzan kan nou bezwen li pli boner akoz si nou ganny li 2021 nou bezwen i annan enta proze pou fer i annan en ta planning pou fer sa pou improve resepsyon i enportan ki nou improve sa resepsyon Sadyo Sesel li en pa zis en parey ou pe imply Onorab si i annan en emergency si i annan okenn emergency nasyonal e ou bann FM ki pa eparpiye partou- si in pli bon fason pou fer ou mesaz tande se via radyo sesel ki al pli lwen ki FM. 

        So i enportan e mon hope ki Gouvernman i rekonnet ki nou bezwen kite sa AM service.  E dan sa konteks mon en pe konsernen.  Mon’n koz ek PS lo la bomaten ki nou pe met sa proze nek 2021 kan i devret pe mars an menm tan ki ler nou met on SBC House nouvo, li radyo AM pa pe ganny tennyen.

PS in reasir mon ki si nou met en case devan Development Committee pou refer pou re aranz sa then i a ganny konsidere.  Mon hope sa i lapros ki nou kapab fer ki nou fer li sooner.  Sa pou Radyo AM.  Me antretan parey ou kapab okouran si ou anvi ganny en pli bon kalite resepsyon lo Radyo Sesel ou kapab download nou App e ekout lo ou mobil.

 

E mon konpran sa bout data mon ti a kontan nou koz lo la pli tar.  E i annan en lot plan pou nou pran AM Radyo Sesel anvoy lo FM.  Board in fer rezolisyon lo la pou konnen ki problenm larzan pou ganny li prezan.  Mersi Onorab mon reponn tou ou kestyon.

 

MR SPEAKER

Yes Onorab Aglae.

 

CEO MR BERARD DUPRES

Wi progranm lokal avek sa mersi Onorab.  Sa i en kestyon pertinan zis pou met li dan perspektiv Onorab.  Akoz nou annan sa ceiling e nou bezwen repartisyon avan nou ti annan en Bidze R7milyon pou progranm ti nou lentansyon sa lannen R7milyon pou nou kapab pran en bon parti sa envestir dan progranm lokal.

E i kler pou nou ki keksoz ki diferan se nou okenn broadcaster avek okenn lezot broadcaster, se zot konteni lokal.  E si par egzanp internet ti free Sesel kantite dimoun ti pa pe get Netflix or lezot keksoz pou li entertain son lekor e ki keksoz ki konteni content ki ti pou consume sorti kot SBC ti pou an kestyon.

Me sa pe vini sa.  I deza annan konsepsyon content ki pe fer via what you call OTT.  E pou nou i kler e mon oule reasir ou nou vizyon i 3 prodiksyon lokal.  E ladan kategori Nouvel, Live broadcast, Spor, Levennman Nasyonal e la mon a vin lo sa pwen ki ou’n leve konsernan Festival Kreol e prodiksyon dokimanter, progranm entertainment lokal.  Sa i enportan.  Me Onorab nou annan nou R1milyon la progranm enternasyonal pou progranm lokal.  Zis sa ki nou annan la pou lokal R2.5milyon pou enternasyonal avek sa Bidze ki nou annan la an se moman.

I annan en volonte me kapasite pou fer li i vreman dir nou pa pe give up i annan lezot fason inovativ ki nou claim nou kapab anmenn progranm.  E ankor nou a gete ki mannyer nou increase nou reveni, pou nou commission local content akoz sa i enportan. E se sa nou stratezi e si ou pou get nou stratezi plan pou sa bann lannen a lavenir remet lanfaz e remet larzan menm si i annan en pti gin dan konteni lokal.  Mon krwar mon reponn tou ou kestyon Onorab.  Mersi.

 

MR SPEAKER

Mersi CEO.  Onorab Aglae.

 

HON EGBERT AGLAE

I annan Mr Speaker kot i konsern reveni ki mon demande ki zot reveni ki zot in anmase petet 2016 e ki zot 2017 e ki zot pe forecast pou 2018?  Osi mon ti a kontan baze lo larepons ki ou’n donnen CEO pou kapab fer sa demann ki avek Finans pou ki nou pa kapab esper 2021 kanmenm Midyear Review letan i ganny fer ou a kapab demann en pe larzan pou ou kapab manage sa.

E mon ti a kontan demann ou swivan fermtir BBC eski i annan okenn petet vi ki li osi ti pe transmet bann lo radyo BBC laba Grand Anse ki’n fermen, si zot in ganny okenn petet ti annan okenn korperasyon avek okenn lekipman si zot in ti kapab donn SBC si zot in resevwar okenn si zot in aprose osi mon ti a kontan konnen.  Mersi.

 

MR SPEAKER

Mersi.  CEO mon krwar i annan bann tower osi tou ki ankor debout ki ankor operational.  Yes CEO.

 

CEO MR BERARD DUPRES

Mersi Mr Speaker.  Tower BBC pa operational ti annan en dimoun ki ti dir be sa tower pe enterfer avek zot e pe donn en bon pe travayer dan laferm kot laba en pe radyasyon i pa leka.  Ler ou tir tou transmiter ki pe donn sa power sa lema i zis en lema ki en striktir ki tenir sa lema.

So i bon ki mon profite mon klarifye sa napa okenn loperasyon lo la.  Ler BBC ti decommission ti annan en lagreman ki sa tower pou servi pou lezot operator lo la, me malerezman lekipman BBC i high power HF 250kw i gro i konsonm en kantite power, e i pa ti pou fit dan nou bann lekipman ki nou annan.

Me i en valid pwen ki si ti leka nou pe retransmet BBC World service pou zot lo en FM e zot donn nou en pti larzan tou-le-z-an pou sa.  Se sa korperasyon ki egziste konmela nou ti ava ti ava plis me zot a donn nou en pe plis konteni menm zot konteni zot menm si nou pou stream lo BBC, nou bezwen peye so sa i en pe domaz.

Pou come back to nou reveni lannen pase nou ti ganny nou R11.5milyon sa lannen nou forecast R12milyon e parey ou pe gete dan nou ‘performance indicator’ pou reveni anba – nou espekte i mont en pe. I monte par 25poursan pou ariv R14milyon pou lannen 2019, anvi ki nou bezwen la DTT pe stabilize commercialise en pe ‘SBC 2’ e nou annan lezot platform kot nou kapab generate advertisement parey  nou App parey lo nou Facebook parey lo nou website.  So nou espekte sa i kontinyen monte.  Mersi Onorab.

 

MR SPEAKER

Mersi CEO.  PS Thésee.

 

PS DAMIEN THESEE

Mersi Mr Chair.  Parey CEO in eksplike pou relokasyon AM Radio sa i ava sort out son bann lozistik vi ki i fini ganny site e son bann lezot laranzman la i ava vin kot nou e nou ava reprezant Development Committee ki ava ganny konsidere, even if nou met li la provizyonnelman 2021.  So i ava met son bann planifikasyon annord i ava kominik ek nou.

Me selman ti a bon note ki priyorite ki pe donn SBC la, se pou konplet son nouvo basically son bann nouvo akomodasyon – son SBC House ki pou kout R189.1milyon.  Sa prozeksyon ki nou annan.

So sa ki pe pran plizoumwen alokasyon pandan sa 3an 2019/ 2020/ 2021.  Nou annan en provizyon parey nou’n dir R45.9milyon pou 2019 ; an 2020 – R58milyon e 2021 – R76milyon.  Even if i annan en gran konponan Grant ladan.

Me selman pou 2019 Gouvernman pou met R5.1milyon – 2020 Gouvernman pou bezwen met R17.1milyon e 2021 apepre R15milyon ki kouver bann konponan taks  ki bann donors ordinerman pa donn ou. Ki i pa kouver bann taks  ler i donn ou bann don.

So Gouvernman i bezwen come in.  So sanmenm sa ki nou annan sa kontrent kekfwa nou pa kapab vreman come in par egzanp nou konnen sa issue local content all along in diskit ek nou pou increase son alokasyon, me nou pe donn priyorite at least pou sa.

Nou ava donn priyorite next year ler i fer diskisyon AM Radio.  E lo son Scheme dernyen fwa i ti fer sete 2015 e parey nou dir tou kou at least donn en 5an, so i ava finaliz li ler nou donn konsiderasyon 2020, me selman at least pou lannen prosenn i ava benefisye avek sa bann long Scheme avek increase 5poursan lo sa basic.  Mersi.

 

MR SPEAKER

Mersi PS.  Onorab John Hoareau.

 

HON JOHN HOAREAU

Bonzour Mr Speaker.  Bonzour Mr Chairman.  Bonzour tou dimoun ki a lekout.  Mon kestyon i relye en pti pe avek kestyon Onorab Aglae anvi ki nou ganny eksplike par CEO ki zot annan en pti lespas fiskal dapre zot reveni ki zot fer pou zot kapab met en pe plis progranm lokal.

Me selman ler mon pe get anba zot ‘latab performans’, mon vwar ki poudir zot target i kontinyen desann mon pe sey demann mon lekor ki mannyer zot pou kapab achieve bokou plis ler zot target pe desann?

Dezyenmman mon ti a kontan konnen lo kote marketing si zot pe fer sa zefor towards pou vann prodiksyon SBC aletranze?

E trwazyenmman mon ti a kontan konnen si bann travayer rigger i ganny kouver anba okenn lasirans spesyal akoz anvi ki louvraz ki zot fer pou mont sa bann gran zot i vreman en travay riske?  Mersi.

 

MR SPEAKER

Mersi Onorab Hoareau.  CEO.

 

CEO MR BERARD DUPRES

Mersi Mr Speaker.  Mersi Onorab.  Mon a reponn an revers rigger special insurance non i ganny kouver par lasirans ki SBC i annan ki protez tou son staff sa i liability insurance or ki mannyer nou apel li e sa i aplik pou tou staff.  Petet FC i annan plis detay ki mannyer sa coverage i été.  Me si i annan wi rigger i en travay riske nou kouver mon krwar pou tou dimoun up to 2years or what i annan en serten saler ki deal avek sa.

Akoz si i annan sa demann or revendikasyon then nou ava konsidere pou fer li en pe spesyal.  Vre it is a risky job me i annan lezot areas osi ki risky dan SBC.  Petet nou ava get li an menm tan.  Lo kote marketing en kestyon vreman pertinan lo kote vann progranm overseas.  SBC i annan konteni menm si Onorab i dir poudir kekfwa ki pa bon ki nou konnen i pli o kalite ki pe ganny fer menm dan larezyon ki menm dan Lafrik.

Mon konvenki ki o debi ki nou kapab aranz sa bann progranm.  E enn bann lapros ki nou fer e i byen ki petet nou ava espere pou nou kapab aktyelman bouze pou vann sa bann progranm.  So dan konteks laba Southern African Broadcast Association i annan sa moman pou bouz lo sharing and selling of content me selman ou bezwen fer li dan en fason efikas.

Savedir ou bezwen annan bandwidth pou ou kapab upload sa konteni met li lo sa platform e sa ki anvi i ava aste.  Nou lanmizik lokal – nou bann klip de o kalite nou bann progranm Made in Seychelles, Tremolo you name it mon kapab dir Onorab i de kalite i kapab leve e mon pou dir i pou vann.

I pa pou vann egzorbitanman me i a vann.  So nou pe bouze lo la nou pe trial 2 platform enn i annan anba African Union li menm ki’n konmanse, e i annan avek sa back pou fer sa.

Dan lepase toultan nou persiste ou pa kapab share content pou nanryen, i annan en valer pou sa.  E ki nou anvi dir ladan osi si i annan programme makers ki ler nou prezan pe aste son progranm avek li, e ki sa i nou bi imedya nou pe vin avek advert pou demann zot pou vin ek nou pou commission, vi ki nou napa sa kantite larzan pou pey zot, i ava annan lezot laranzman pou revenue pou nou share.  Par egzanp si ou fer en seri progranm ki de bon nou met devan lo sa bann platform – mon pa konnen mon krwar tou dimoun i konnen si ou al lo ITUNES oubyen si ou met ou SMART TV on i vin enta opsyon ou annan Netflix, ou annan lot apre ou ale ou swazir, e ou kapab peye pou vwar sa progranm.  

        So si nou anvi sa platform ki nou ki pe ganny devlope i koumsa.  E si i annan en producer i annan en pli gran kapab dir loportinite ler ou pe dir li wi SBC i a donn ou en pti larzan pou sa, me annou ganny en laranzman si sa bann lezot broadcaster i aste, i met lo zot channel ou ganny tan reveni e zot zwe li parey zot fer royalty e lide royalty, ki nou pe fer lo radyo, i bezwen ganny transfer lo televizyon.

La i annan bann lankadreman legal ki nou bezwen fer sir i kler.  Me sa i en endeavor – i en proze ki nou pe push in earnest.  So nou pe trial detrwa platform.  Nou problenm Onorab internet bandwidth ki fer li difisil, si ou annan li en seri mon konnen 8 progranm ki enta GB sa kantite letan ki i pran pou li upload li, pou fer li laba apre pou fer sa, nou bezwen annan en pe pli louvertir pou sa.

Sa i en limitasyon ki nou pa pou pran li konman en sa anpes nou me selman i annan ankor ki mon ti ava kontan point out. Si ou get lo ‘new spending initiative’ ankor mon ti met OTT konman en servis ki mon ti a kontan vwar kapab dir demen me osi i dan 2021.

Ou bezwen envestir lenfrastriktir pou ou kapab share sa OTT.  OTT ou kapab vwar SBC ler ou anvi kan ou anvi kot ou anvi.  E ou osi kapab annan sa bout ‘Video on demand.’  E ou a get nou live ou ava get nou stream ou ava annan ou progranm. E enn nou bann resours materyel ki annan en ta valer se nou larsiv, larsiv odiovizyel nou met en pe lo SBC 2 e demann ki dimoun i le vwar pou aste sa pou li ganny son kopi in shoot up.  So ou kapab mazinen ki mannyer i difisil poudir be ok ou annan en demann mon a pran mon met lo en cd mon a tir dan achieve mon a donn nou en kopi mon a donn ou ki zis sa dimoun li i dir be si ou ti anvi aste sa progranm, al lo sa site met user name and password apre ou a peye ou kapab download vwar li lo device ki ou anvi.

Me sa pou mon i enn i enportan pou nou met li dan konteks Onorab ki linear tv parey nou pe koz DTT la kot en dimoun i asize i get la saler nouvel i 8er i on the decline.  E nou konnen menm zot petet zot ale zot rewind pou gete si Lasanble par egzanp or progranm.

 

Sa fasilite OTT i pa en nice to have sa.  I en keksoz esansyel si nou anvi nou broadcaster nasyonal i reste relevan, ahead of teknolozi e fer ki donn bann prodwir e konteni ki inovativ, ki fer ki i reste dan sa parey mon dir sa broadcasting landscape ki vin increasingly competitive.  

        So ki ou bezwen kapab dir?  Bon ou pa’n vwar sa progranm, ou anvi vwar li parey BBC catch up ou ale pou en semenn, ou kapab ale lo ou App get li lo telefonn get li kot ou e playback free of charge as a tax payer e by the way nou annan en pti video on demand store ou anvi get en progranm ki back ou pey nou R10 – R50 whatever ou get li or ou download pou ou.  Nou annan sa App.

I annan dimoun Ostrali in dir nou a pey ou pou get SBC. Nou a pey ou pou nou vwar SBC e fason pou ou fer li se via OTT.  Me si ou napa sa larzan ki nou demande pou nou envestir la ou dan limbo.  E  mwan mon pou dir ki i enportan ki nou keep ahead teknolozikman.  E jump  the loop pou nou kapab anmenn konteni kot dimoun i été.  Demande konbyen zenn konmela ki pe get SBC?  E fason pou dir li get SBC se i annan progranm konteni lokal, ki enteres li akoz konteni enternasyonal i kapab ganny lo Facebook – i kapab ganny lo Netflix eksetera e ler internet i vin cheaper ou konman national broadcaster ou bezwen kapab fer li.  Akoz ou annan en lot bout ou bezwen enform li edik li pa zis entertain li.

E pou ou ganny li ou bezwen anmenn sa kot li i été i anvi vwar sa se lo la son mobile.  Mwan mon kapab dir enn bann defi dezapwentman ki nou demande nou demann R9milyon e kapab pey son lekor overtime nou kapab fer li en pe pli cheaper si i neseser OTT i en domaz ki nou pa pe bouz ladan.  Mersi Onorab mon krwar mon ase reponn ou kestyon avek en long diskour mon eskiz mon pou sa.  Mersi.

 

MR SPEAKER

Wi CEO mersi.  Onorab Sylvanne Lemiel.

 

HON SYLVANNE LEMIEL

Mersi Mr Speaker.  Bonzour Mr Speaker.  Bonzour CEO avek ou delegasyon e bonzour tou mon bann koleg Manm Onorab.  Mr Chair mon ti a kontan demann CEO lo kote bann dimoun ki travay lo kote teknikal kot SBC, ler nou pe gete zot en bann dimoun ki travay dir, zot en bann dimoun ki travay long hours – devoue, eski Bidze 2019 i fer provizyon en clothing allowance pou sa bann dimoun?  Mon konnen zournalis i gannyen me eski Bidze pe fer provizyon pou sa bann dimoun teknik gannyen?

Apre mon ti a kontan konnen ki SBC pe fer pou retain e ankouraz bann zenn travayer kot zot pou fer sir ki sa bann dimoun i reste.  Kwa ki zot pe fer konmsi en pti keksoz ki zot pe donnen – kanmenm zis en pti sertifika 5an 10an an montan sa i ok sa me bann lezot ki nou pe fer pou retain zot?

E nou retourn lo Board Allowance pou bann members dernyen fwa ler nou ti dan Lasanble ti annan en zafer ki Board members ti pe ganny en o allowance parey bann Constitutional Appointees eski sa in ganny aranze e si wi prezan konbyen ki sak bann Board members pe gannyen?  Mersi Mr Chair.

 

CEO MR BERARD DUPRES

Mersi Onorab Lemiel.  CEO mersi Onorab mon ti a kontan fer le pwen ki tou travayer SBC i travay dir an prensip.  Clothing allowance pou technical staff non as far as mon konsernen mon konnen napa clothing allowance pou front line staff ki fer prodiksyon sa menm mon krwar dan Scheme of Service i spesifikman pou sa.  Si i annan pou technical staff nou pe koz PPE sa i ok nou provide whatever protection ki zot bezwen ki deem sa, ki i pa pou vin en allowance ou aste e nou donn ou, si sa i the issue. Clothing allowance prezantasyon bann prezantater bann koumsa – sa ki mannyer mon konpran li.  FCOk?  Bann ki vin isi dan Lasanble clothing – ok.  T-shirt, jeans, SBC lanmans long? Nou a kapab provide.

 

MR SPEAKER

I annan sa bout lo Board fees.

 

CEO MR BERARD DUPRES

Onorab wi i annan pou reponn Board fees byensir.  Non larepons i non Board fees i ankor parey.  E mon ava donn en bilan lo la.  Ler ti leve sa issue dan Lasanble lannen pase Minister Finans via PS Thésee ki ti comptroller sa ti fer kler ki bezwen follow regilasyon both pou Board fees ek bonus by the way ki ti pe ganny over and above Trezyenm Mwan Saler.  Bonus nou comply akoz egzekitivman nou ki responsab Board fees i matter for the Board.  Board in engage avek Minister Finans e Board i fer kler the Board fees according to the SBC Act shall be prescribed by the Minister.  So Board in dir, nou, nou nou’n  fer en desizyon si zot krwar poudir i mal prescribe.  

        So the Minister responsible for SBC Minister of Information so Board this issue zis pou konnen in ale back and forth where is the prescription for the Board fees Minister Finans li in dir la regilasyon ki ou sipoze swiv, Board in dir this is nou pozisyon ou anvi prescribe the fees prescribe avek serten konsekans ki a vin avek me prescribe.  Ziskan konmela pa ankor ganny prescribe avek tou sa back and forth ki i annan lo sa size.

So sa R1.4milyon i pou sa Board fees parey i été Onorab.  Pou youth retention ok well Onorab long service award i long service award.  Pou bann zenn ki konmanse nou annan mon espekte poudir i bezwen annan room for growth both in terms of the saler avek zot professional development ou konmans anba e nou ankouraz ou so ou ganny training on the job sa should be an incentive dan li menm e hopefully ou lapey i ase consumarate avek sa ki ou pe fer.

E si pa leka ou ganny  en diskisyon avek ou manager ek HR.  So pou zenn spesifik pou youth that comes in I think the incentive is that this is a karyer ki ou kapab fer long term parey bann lezot senior ki la ki i annan ki’n ganny 40/ 0/ 35an kantite zot e poudir this is worth having in broadcast. Napa zis pou reponn li an senp napa okenn special Scheme pou ankouraz li ankouraze.

 

MR SPEAKER

Mersi CEO.  Onorab Lemiel.

 

HON SYLVANNE LEMIEL

Mersi Mr Chair.  Mr Chair ler mon pe koz lo kote lankourazman pou retain staff nou pa pe koz Scheme la nou, nou pe koz an term par egzanp en keksoz ki in fer byen en pti incentive en pti rekognisyon en pti sertifika konmkwa ou’n byen fer.  Sa i en lankourazman en pti motivasyon pou bann  travayer e an menm tan pou retain zot.

Me apre an menm tan osi ler nou pe koz lo kote clothing allowance mon santi kekfwa ou pe lafason ki ou’n reponn petet kekfwa koman en fars. Ou  konnen ler ou pe dir eski triko, eski semiz lanmans long. Ou konnen.  Akoz bann dimoun ki vin dan Lasanble i ganny demande pou reprezante.

So mon krwar petet apre i fre isi anndan, so petet i ti pou byen nou vwar zot bann teknisyen i ganny look after en pe byen – zot vin byen prezantab.  Nou pa dir i sa me selman sa i en regilasyon Lasanble mon krwar si bann dimoun ki vin anler pe ganny demande pou zot sanz byen petet bann teknisyen ki vin Lasanble i bezwen ganny byen regarde.  En ler ou vwar zot al State House zot al bann landrwa enportan ki zot pe filme zot pe provide bann lasistans teknik ki zot osi zot bezwen byen reprezante.

E mon krwar sa osi pou sorti byen lo kote SBC.  Petet si i pa ladan ti a bon i ganny konsidere a lavenir mon pa konnen.  Apre lo kote allowance Mr Chair mon krwar i ti pou byen si Minister Finans i repous ankor, i gete akoz sa ti en komitman ex-PS ki’n la SS Payet i ti dir sa zot pou al regete pou fer sir ki i comply avek liv ki dapre tou bann lezot Board members pe gannyen e si la zot pe dir zot ankor pe ganny sa o allowance mon krwar i plis ki ler ki Minister Finans action e pou get ladan.  Mersi.

 

MR SPEAKER

Mersi Onorab.  CEO oubyen PS Thésee si oule entervenir lo allowance.

 

CEO MR BERARD DUPRES

Onorab petet pou fer kler poudir mon pa pe fer fars.  Sa desizyon pou donn zot lenz ki comply avek National Assembly pa kapab ganny konfize avek en clothing allowance.  Senior executive earlier this year detrwa mwan pase, ti fer desizyon pou donn zot lenz sanmenm sa mon ti pe smile pou donn zot vin dan Lasanble Nasyonal ki apropriye parey zot pe demande ki ler zot ti revwar zot bann protokol.  Zis pou reassure you.  This  was already done decision.

Nou pou bezwen ganny enpe larzan pou fer li sa ki mon ti pe smile.  Mon pa pe fer okenn derogatwar pou mon staff poudir zot pe demann sa.  Mon’n smile akoz ti’n ganny demande pou fer sa e i ti annan kestyon ki ti ganny demande si semiz lanmans long oubyen lanmans kourt ek soz SBC.  E sa ki mon ti pe smile pa pou revandikasyon poudir zot bezwen lenz apropriye sa mon toutafe dakor avek ou fodre nou professionalism.  Lo Board fees mon napa nanryen pou mwan dir ekstra ki mon dir pou Board fees sa i ava pran ek bann  lezot Lotorite konsernen.  Mersi.

 

MR SPEAKER

Mersi CEO.  PS Thésee.

 

PS DAMIEN THESEE

Mersi Mr Chair.  lo kote Board fees ti a bon note ki SBC pa pe pey okenn Board fees dan son Bidze ki nou donn li la. Dan son Bidze ki nou donn li  ek Trezor.  Tou son reveni ki i anmase currently i al dan en kont komersyal e se la ki i vin pey son Board fees li.  So nou fer nou pozisyon kler ki i annan en polisi e Polisi i aprouve by Cabinet, ki regulate tou basically Lazans ki lo Bidze ki ganny en Bidze Gouvernman.

So sa nou pozisyon.  Me parkont parey CEO in dir Board in fer referans avek son Act in dir prescibe.  So ki nou’n fer nou, nou met sa devan AG pou AG prezan donn nou en lopinyon menm si nou krwar i sipoze swiv Polisi. So nou atann sa pozisyon formel la from AG’s Office ki prezan nou ava kominik avek Board.  Mersi.

 

MR SPEAKER

Mersi PS.  Onorab Ferrari.  Mick.

 

HON JEAN-FRANCOIS FERRARI

Mersi Mr Speaker.  Lo sa dernyen pwen – lo sa dernyen pwen mon pa konnen ki vi ki sa pwen in ganny leve tou lede kote latab, si zot pou pursue li oubyen zot pou lev en pwen apre zot pou kit lanmenm apre zot pou vot an faver.  Konmsi mon anvi konpran kot zot pe eski zot pe ale menm konmsi avek sa pwen?  Konmsi ok atraver ou Mr Speaker pou nou tou nou konpran si …

 

(Interruption)

 

MR SPEAKER

Order! Order!  Order!  Onorab poz ou kestyon.

 

HON JEAN-FRANCOIS FERRARI

Mersi Mr Speaker.  Mr Speaker nou ti byen konmanse wi Onorab i annan plizyer Onorab ki’n koz lo content – mon ti a kontan pran sa lokazyon pou mon dir ki si ozordi Msye Albert Rene i ganny 83an kekfwa ti ava lokazyon pou SBC interview li pou li dir nou en pe laverite lo bann keksoz ki’n arive?

 

(Interruption)

 

HON JEAN-FRANCOIS FERRARI

Ti ava vreman enteresan i ava en progranm enteresan.

 

(Interruption)

 

MR SPEAKER

Onorab kestyon.

 

HON JEAN-FRANCOIS FERRARI

Vwala so Mr Speaker prezan pou CEO.  CEO i annan bann pwen ki’n ganny leve lo staff lo employee satisfaction.  Mwan mon ti ava kontan konnen si mon avek bann logmantasyon dan basic pay e allowances ; eski ou kapab ou santi poudir ou kapab go to a en serten zistans, pou ou kapab meet serten rekomandasyon, serten reklanmasyon ki staff pe fer, lo lapey.

Eski sa i ava ede dan en sans?  Eski sa bann sityasyon, konplent e i pe ganny adrese eski i ti tanporer ler ti annan sa change over from en SBC tre politik ki ti fer kanpanny pou Parti Lepep e la avek en SBC ki pe sey move away, eski sa in vin en moman kot ti annan sa tranzisyon e ki prezan sityasyon i stab?  Mon krwar i enportan pou nou konpran ki si nou antre dan en moman stabilite la vizavi bann staff?  Sa i mon premye kestyon.

Mon 2enm kestyon vi ki CEO ou pe al move dan en SBC pe al move dan SBC House byento en fasilite ki annan bokou nouvo teknolozi ki pou purpose bill pou SBC ,eski okenn travay pe ganny fer pou prepar bann staff e prepar tou bann lekipman ki zot pou bezwen pou zot antre laba and hit the ground running?  I enportan ki nou dan sa Bidze nou get pa zis la nou get enn de lannen devan, pou nou gete ki mannyer nou pe prepar sa move pou ki nou napa leskiz ler keksoz i arive.  Mersi.

 

MR SPEAKER

Mersi Onorab.  CEO.

 

CEO MR BERARD DUPRES

Mersi Mr Speaker.  Mersi Onorab.  Employee satisfaction i vre ki la realite employee satisfaction pa alaoter ki nou management nou ti ava kontan.  E nou napa nanryen pou kasyet lo sa sityasyon.  E an plis enn bann fason ki open ki nou sey gete pou fer ki nou ganny metrik lo employee satisfaction se entrodwir en staff survey.

Napa bokou lorganizasyon ki fer sa e i ava mezir performans CEO avek Deputy CEO ti ganny link avek parey lo son bout staffing ki i annan pou li avek sa.  So it is not good enough.  I annan en ta rezon.

E the recurring team se i annan en link avek lapey ek reminerasyon.  Me sa pa zis rezon. Mon pa pou servi sa poudir ki i akoz sa.  E si nou dan en sityasyon stabilite Onorab sanzman transformasyon ki SBC pe pas ladan, li menm li sanzman i pa endik stabilite.  Nou bezwen move dan sityasyon kot nou été pou nou improve nou bezwen sanze.  Nou bezwen sanz mindset ; nou bezwen sanz fason mannyer nou ti fer avan, akoz si nou pe kontinyen nou pe fer menm parey, nou pou ganny menm rezilta!  

So i annan e i pou kontinyen annan en stabilite.   E staff ki la i pou bezwen gete eski nou pou ride the storm together and get through it?  E mon kontan pou vwar sirtou bann staff de lontan ki vwar sa i vwar sa vizyon e vwar kote nou pe ale konman en broadcaster ; ki nou bezwen os nivo profesyonalis, prodiktivite e tou sa ki vin avek pou nou kapab be an efficient broadcaster. 

So i annan ki pou ek ou lo sa journey sanzman transformasyon ; i annan ki pa pou ek ou.  And that’s part of change management.  Byensir i pa vedir nou aksepte, nou dir parey nou ti ganny allege  nou les bato marse – ‘’sa ki pa kontan kite ale’’ eksetera.  Nou bezwen incentify kominike.

E  mwan mon kapab dir konpare avek nou annan nou en bon pe fason nou pe engage avek staff – i annan en bon pe keksoz ki nou fer pou improve lanvironnman pou staff – en long lalis.

Pou premye fwa e dapre SBC Act nou bezwen prodwir en rapor anyel.  Apard son finansman son financial statement poudir kwa ki nou fer.  E ladan nou ava vwar ki pou fer pou staff.  E ki nou pou kontinyen fer pou staff mon pa pou al ladan tro an detay akoz mon pou pran bokou letan.  Me persepsyon ki i annan sitback e nou pa pe engage e nou pa pe fer nanryen, i kapab ganny kontinyen perpetuate.

Be mwan mon pa pou al dir poudir,  wi keksoz pe amelyore e keksoz pou kontinyelman pou amelyore.  Ler ou pas dan serten tranzisyon.  Wi lapey reminerasyon, is one of the bigger issue of retention.  Mon pe demann mon lekor si i annan sa ki lespas nou annan, nou napa lespas eksepte sa ki in ganny provide par Minister Finans pou tou.

E nou dir mersi akoz i ede en pti gin pou mitigate e alleviate sa sityasyon.  So sa ki nou annan pou nou avek, si nou anvi pou nou ganny plis pou nou amelyore, donn mwan en pe plis.  Sa mon ava met la

So mon come back to SBC House si staff i ganny Onorab tre valid e parey in ganny mete lo nou bann challenge preparasyon pou sa digital tranzisyon transformasyon ki nou ladan, i bezwen en bon pe training development expertise.  E ler ou napa lespas pou anmenn sa expertise pou anmenn sa head count i kapab sanze ou dan kontrent la.

Akoz ki mannyer ou learn ou learn par sa ki vin ek ou, ki pli konnen swa andeor pou en pe letan swa bann nouvo ki annan nouvo lide, pou kapab fer ki nou anmennen.  Akoz pa tou dimoun dan SBC ki pare or ki’n prepare pou sa digital tranzisyon.  I annan staff ki’n dir mon pa pe al lo sa sistenm digital playout, akoz in tro abitye ek son analog.  Ou bezwen respekte sa.  Ou sey deploy li – ou sey reservi son skill apre tou sa lannen, ou sey ankouraze.

Radyo Sesel pe al automated, akoz enn bann keksoz dan nou transformasyon – parey FM  i annan e tousala, se pou nou bouze dan sa digitalisation.  Ki i fer ki ou pa bezwen teknisyen par egzanp pou la.  Nou pa dir ki nou pou get rid of sa teknisyen.  Ou redeploy li ou reservi li.  Pou SBC House zis pou reasir ou, lekipman ki pe vini dan SBC House, sa ki nou apresye avek sa kontrakter se ki in donn nou tou sistenm, tou lekipman e  in donn nou en sans pou nou kapab donn nou lopinyon lo la.

E mon kapab dir i de o kalite e i bann standar.  E bann keksoz ki nou konmanse deza par egzanp zis lo nou media system ki allow nou pou nou manage nou bann konteni pli byen, e ki pou ed nou en pe lo sa OTT – nou bezwen training.

E nou demann zot training as soon as possible.  E zot amenable pou sa.  Dan convergence parey nou pe dir, e tou keksoz pe al dan digital, i enportan ki nou provide not just training, me reasirans avek nou staff, ki – be sa i en teknolozi.  E mon krwar nou pe fer li o fil a mezir menm sa App ki nou’n lanse.  Orizinalman ti annan rezistans menm par staff radyo, zot menm me ler zot vwar son kapabilite ki i kapab fer pou zot,  pou zot konteni pou zot progranm it was taken up onboard.  

So sa li menm i enn sa bann milestone dan reedikasyon – re alignment lo nou staff dan nouvo teknolozi ki nou bezwen, pou nou kapab kit nou relevan konman en broadcaster.  So zis pou konsomen wi nou pe fer sa ki nou kapab a la limit ki nou Bidze i allow nou Onorab, pou nou kapab train and re train e gid nou bann staff lo sa tranzisyon ki nou pe pas ladan.  Mersi.

 

MR SPEAKER

Mersi CEO.  Onorab Simon Gill.

 

HON SIMON GILL

Bonzour Mr Speaker.  Mersi Mr Speaker pou donn mon laparol.  Bonzour tou koleg Onorab, manm piblik ki pe ekout nou.  Bonzour CEO SBC avek ou delegasyon.  Mr Speaker nou pe koz lo Bidze SBC e avan ler mon al pli lwen ou a permet mon Mr Speaker pou mwan dir personn dan LDS pa pou vin intimidate okenn nou bann MNAs lo sa kote latab espesyalman Onorab Ferrari Mr Speaker.

 

(Interruption)

 

MR SPEAKER

Onorab! Onorab! kestyon, kestyon.

 

(Interruption)

 

HON SIMON GILL

Mr Speaker.

 

MR SPEAKER

… kestyon.

 

(Interruption)

 

MR SPEAKER

Order!  Order! Order!

 

(Interruption)

 

HON SIMON GILL

Personn pa pou per personn isi dan sa Lasanble !

 

MR SPEAKER

Onorab en moman, en moman.  Bon mon pou konmans pran aksyon avek serten Manm.  Si i annan en Manm ki pe refer avek en lot Manm, mon a espekte omwen sa de Manm ki pe koze.  Okenn lezot Manm ki antre parey nou dir antre en ‘figure of speech’ Onorab Sebastien Pillay antre dan sa lager’ mon pou pran aksyon akoz i enteronp the running of the Assembly – alright?   Vwala mon desizyon e vwala ki mannyer mon pou ale pandan lazournen.  Bon Onorab Simon Gill ou kestyon pou CEO pou SBC.

 

HON SIMON GILL

Mersi bokou Mr Speaker.  Mr Speaker mon ti ava demann CEO SBC ki bann plan limedya ki i annan dan provizyon byensir Bidze 2019, pou asire ki bann son ki piblik i gannyen dan zot lakaz, i annord e ki sa manm piblik pa bezwen asize avek en remote pou kontrol son sak fwa i pe ekout ou oubyen i pe get SBC?  Apre nou vin lesklav remote.

Akoz nou bezwen annan varyasyon dan bann son.  Ki bann problenm teknik e ki bann provizyon ki i panse i kapab met an mars dan limedya, pou regle sa problenm?

E ankor enn fwa eski Bidze 2019 i annan ase provizyon pou permet met sa sityasyon anba kontrol?

2enm kestyon Mr Speaker Onorab ki’n koz avan in demande si nou pou kontinyen lo sa kestyon allowance Board wi nou konnen nou napa en mazorite dan sa Lasanble me bann lesplikasyon ki nou gannyen lo sa kestyon Board allowance i montre serten teknikman serten iregilarite eski i pou annord si nou demande pou tenir avek sa allowance, ziska ler sa bann keksoz i ganny met annord?

3enm kestyon Mr Speaker mon konpran ki mannyer CEO pe fer bann prozeksyon – bann nouvo teknolozi ki i panse ki nou bezwen or SBC pa li, i bezwen, me eski i annan en demars dan zot plan pou ki zot fer en koleksyon lokalman, or en levanter lokalman isi Sesel, tou bann dimoun ki kapab fer bann bon prodiksyon met zot ansanm konman en tim, en lekip, devlop serten spesyalizasyon parmi zot pou ki zot kapab fokaliz lo prodiksyon diferan progranm, e pou ki nou kapab parey ou ti pe eksplike prozekte sa bann progranm lo marse enternasyonal pou ki nou kapab ogmant reveni SBC pou konplimant bann depans ki i gannyen.

E la letan mon pe dir sa pwen mon koz osi oubyen mon a fer en mansyon lo STB.  Nou lorganizasyon nou lenstitisyon ki nou fer promosyon Sesel a leksteryer, eski konzwentman avek nou Lazans tourizm, nou pa kapab kree sa bann progranm?  Pou ki an plis i donn nou osi sa louvertir – sa piblisite lo marse enternasyonal, pou ki i kapab osi annan en retonbe dan nou Lendistri Touris, ki an retour i ava tre pozitiv.

E akoz non ankouraz bann touris pou aste serten sa bann prodwir?  Avek bon piblisite bon marketing mon krwar ki nou kapab achieve en kantite keksoz an term ekspoze Sesel e son bann labote ekstraordiner ki nou annan.

Dernyen kestyon Mr Speaker ki mon a demann CEO SBC pou adrese i pe fer nou konpran ki i pa satisfe avek striktir saler bann travayer SBC dan son totalite.  Now ki mannyer ou panse ou kapab ariv lo sa optimum pou ki ou kapab retenir bann staff ki la, e permet ou kapab konplet sa recruitment, sa 30 oubyen plis pos ki ou dir nou depi la 2018 ou’n annan ou pa’n fini recruitment e ki ou pe pous sa pou 2019?

E ki ou’n dir nou dan ou evalyasyon sa pe enpakte lo performans zeneral SBC.  Now ki mannyer ou pou mitigate sa bann zafer mon ti ava voudre ganny en lesplikasyon lo la avan ler mon kapab pran en vot or pran en desizyon si mon pou vot an faver Bidze SBC?  Mersi bokou Mr Speaker pou donn mon laparol.

 

MR SPEAKER

Mersi Onorab Gill.  CEO anvi letan annou sey fer repons ase bref.

 

CEO MR BERARD DUPRES

Repons ase vit pou dernyen kestyon donn nou en pe plis larzan Onorab pou mitigate sa issue avek striktir saler.  Nou fer sa ki nou kapab nou al outsource seye HR consultant ki li ki ava dir nou kote pou benchmark saler SBC relatif avek market Nasyonal.  Akoz SBC pa pe zis perdi staff avek public service dan private sector e ti ava bon.  E nou, nou pa pe dir poudir underpaid or overpaid.  Sa legzersis ki a dir nou sa, ler in fer benchmarking.  Nou pa mind lekel ki fer nou. Nou ti a kontan DPA fer, me mwan nou’n engage ek DPA, lo sa size, pou revwar parey ou pe dir zisteman benchmark saler strik Scheme of Service, skills e ki mannyer nou refer sa, me nou parey nou eksplike pli boner nou pa’n ganny sa outcome ki nou ti ava kontan fer.

Me mwan pou mon et fran mon napa gran larepons a sa pwen, poudir ki mannyer nou kapab fer sa, si nou pa pe ganny sa finansman ki nou bezwen.  Nou’n saturate avek staff ki nou annan, pou nou kapab annan ekstra, pou donn sa servis – nou napa larzan. So sa i pwen prensipal.

Be sa i en pe negativ.  Be kote pozitiv mon krwar Onorab pe fer pwen tre byen, sa korperasyon e sa fason pou nou kapab market nou pei.  E mon ti a kontan reasir li dan background enta travay in ganny fer within sa 3 avek nou kolaborater Renyonnen e prensipalman Morisyen, kot nou pe deza dir akoz li MBC in deza avanse e pe vin avek bann channel thematique ; savedir lo sport enn, lo lanvironnman enn, e tourizm kot nou deza annan en Lakor ki nou pe gete ki mannyer SBC i kapab donn li e vann li or ki kalite laranzman progranm ki nou annan pou fer avek tourizm.

E parey in ganny dir sa bann progranm touris ki ganny fer par STB i de o kalite – ki mannyer nou pran sa nou met en pe lo SBC me nou anmenn li deor kot lezot landrwa e sa ki mon eksplike taler kot i annan sa content sharing ek market place.  

        So nou pe travay me i pran en pe letan pou nou ariv la, me sa i sertennman nou vizyon.  E pou ranforsi i nou plan pou kolekte avek bann prodikter lokal par konman en gro lasosyasyon prodiksyon lokal i deza de ot kalite.  E the next couple of weeks nou pe envit zot pou vin kot SBC, pou pitch zot progranm ki zot annan, ki nou pa pou kapab e mon oule fer kler nou napa bokou larzan pou pey enta, me nou deza pe konmanse sa legzersis nou deza pe aste pe pey en pe progranm.

E nou anvi ouver sa en pe plis e lafason pou ouver li plis se i annan en pe plis marche Sesel i 90mil Lafrik zis Southern African Broadcast i annan dan SADC i 300milyon.

E la kot i annan sa market pou vann progranm.  E la parey mon dir nou lanmizik Seselwa i enn.  Nou bann clips lanmizik ki fer de o kalite ek bann lezot progranm.  So Onorab sa bann keksoz pozitiv ki mon vwar i antouzyazm mwan pou nou kapab fer pou redinamiz nou bann konteni.  Nou bann … e provide loportinite pou nou bann prodikter producer lokal.  Lo Board fees mon pa kapab reponn sa enn la.  So mon krwar mon reponn tou kestyon.  Mersi Onorab.

 

MR SPEAKER

Ok bon nou exhaust tou.  Yes Onorab Ferrari.  Ale.

 

HON JEAN-FRANCOIS FERRARI

Mr Speaker.  Mon krwar lo nou kote nou pare pou pran en vot lo sa pwen ki Onorab Gill in sizere,  mwan mon krwar ki Gouvernman i bezwen pran son responsabilite e fer sa desizyon.  Se pa nou ki pou fer sa desizyon dan plas Gouvernman.  Zot in annan 1an pou zot fer si Gouvernman pa pare pa nou ki pou fer.  So nou pou approve sa Bidze mannyer i été e Gouvernman i ava pran son responsabilite akoz i annan 1an zot sipoze vwar sa bann Board fees zot pa’n fer.  Mersi.

 

MR SPEAKER

Wi anyway mon krwar i en keksoz ki Minister Finans i note e zot ava kapab wi PS in eksplike taler.  Bon in ariv en moman pou nou kapab pran en desizyon pou nou kapab pran en desizyon pran en vot lo Bidze pou SBC pou en sonm R131, 311milyon ki trouve dan sa Schedule lo paz 231 ziska 238.  Mon ava demann tou Manm ki an faver?  Okenn Manm ki kont?  Ok Madanm Clerk.

 

MADAM CLERK

Mersi Mr Chair.  Mon’n rikord 25 Manm an faver.  E personn kont.  Vot inanim Mr Speaker.

 

MR SPEAKER

Mersi Madanm Clerk.  Savedir Bidze pou SBC in ganny aprouvasyon Lasanble Nasyonal.  Bon avek sa mon ti a kontan remersi CEO Dupres e Financial Controller e nou ti ava eskiz zot parmi nou.

 

(THE SBC DELEGATION WAS EXCUSED FROM THE HOUSE)

 

MR SPEAKER

Bon avan nou pran en Break mon annan en matter ki mon bezwen pran en ruling lo la ki ti ganny leve par Onorab Sophola,  Mon pa pou fer li la deswit me mon ava fer li ler nou antre apre Break. Apre Break osi tou nou pou pran Bidze pou Lasanble Nasyonal pou Lezislatif ok?  So nou ava Break e nou ava repran nou travay 11.15.

 

 

(BREAK)

 

 

MR SPEAKER

Bon avan nou kontinyen nou travay i annan zis sa matter ki ti’n ganny leve par Onorab Sophola Mardi, swivan bann deliberasyon – bann Repons lo diskour ki ti ganny fer par Minis Finans.  Bon mon’n regard verbatim e mon annan sa pou mwan dir ;

Onorab Sophola son non in ganny mete direkteman dan sa bout diskour ki’n ganny fer par Onorab Ferrari, e i annan en lakizasyon ki konm kwa in vann son bout later ki ti aste R30mil e apre 2an in ganny li R1.1milyon ki in fer in aste 2 condominium avek sa.

Apre ki Onorab Sophola in vin kot mwan in fer mwan konpran ki poudir sa i pa le ka, e i napa 2 condominium ok?  I annan li en condominium ki in ganny li dapre bann prosedir ki in swiv.  So alor pou mwan – mon  ruling se ki mon ti a kontan demann Onorab Ferrari pou retract sa bout 2 condominium akoz i pa vre.

E mon parey mon dir mon regarde dan verbatim e Onorab Sophola in konfirmen e mon krwar si nou al pli lwen nou a kapab konfirm sa pli lwen.  Alor mon ava zis donn ou laparol Onorab Ferrari pou retract sa pti bout sa lakizasyon.

 

HON JEAN-FRANCOIS FERRARI

Mr Speaker.  I enportan poudir akoz mon’n fer sa stetment.

 

MR SPEAKER

Annou – non, non, non.  Attends ..

 

HON JEAN-FRANCOIS FERRARI

Mwan mon’n konnen poudir Onorab Sophola i annan en condominium ki unit B 35, me se LI ki dan bann deba dan Bidze in dir poudir Onorab Woodcock avek mwan menm ti vin dan son condominium!  Be mon ti krwar i annan en lot, akoz mon ale dan en condominium mon ti krwar pou li sa lot tou!  Akoz li ki’n dir!  So be napa problenm Mr Speaker – napa problenm si i annan enn i ok – i enn!  Ek sa bout later ki in gannyen avek Gouvernman menm i fer 2!  I fer bout later condominium – in ganny 2 fwa.  So mon pa vwar akoz i pe konplent.  O kontrer i ti  devret dir mersi in ganny en bout later avek en condominium! Kanmenm i pa en graduate – kanmenm i pa en returning graduate!  So la i la – sa napa problenm.  Si enn i enn – me enn ek enn i fer 2 en bout later ek en condominium i fer 2 benefis !

 

MR SPEAKER

Onorab wi i vin koumsa lafason ki ou’n met li 2 benefis si oule pran li koumsa.  Me dan ou repons ou’n fer sa direkteman konmkwa i an posesyon 2 condominium.  Mon ti a zis kontan ou a retract sa bout Onorab e nou kapab kontinyen nou travay.

 

HON JEAN-FRANCOIS FERRARI

Ok nou a kontinyen.  Mr Speaker si ou’n pran en zoranz …

 

(Interruption)

 

MR SPEAKER

Onorab.  Order! Order! Order! Order! Order!.  Onorab ou’n ganny sans ou’n fer kler ou pozisyon, mon pe zis demann ou pou nou kapab kontinyen avek nou travay.  Ou’n fer referans avek 2 condominium pou Onorab Sophola.

 

HON JEAN-FRANCOIS FERRARI

Mr Speaker.  Mon regrete me mon pa ti le dir 2 condominium mon ti le dir 1 condominium ek en bout later R30mil La Digue! Mersi.

 

MR SPEAKER

Mersi.   Mersi.

 

(Off-Mic)

 

MR SPEAKER

Non in … Mon’n fer mon ruling.  Mon’n demann li pou retract in fer li!  In prezant son regre ki in fer mon krwar in dir Madanm Onorab Sophola i annan 2 condominium.  Onorab Sophola.

 

HON NOLINE SOPHOLA

Mersi Mr Speaker.  Mr Speaker mon ti fer kler mon ti vin kot ou parey ou pe dir e parey mon demann Onorab Ferrari pou anmenn sa dokiman 2 condominium ki in dir e parey la in fek dir poudir mon pa en returning graduate e mon pe fer li konnen ki li i ti lekol Seychelles College mwan non me selman mwan osi mon annan mon sertifika.

 

Al deor lo board in afise.  E si mon Mr Speaker permet mwan si mon’n vann mon later mwan ki’n vann!  Si mon annan 12 condominium mon’n aste mon 12 condominium that’s my business as long mon pa’n vole!  E li sa ki pe sey fer konmsi i pe degrad son kanmarad!  Dan Lasanble nou pa fer sa Mr Speaker.  Nou sipoze en landrwa kot nou sa.  E mwan mon pe demande lafason ki i pe dir konmsi – i pe gognarde poudir ‘’wi mon retract’’ – ‘’wi mon retract’’ mon demande ki i fer en retract e with an apology ! This is what i want! 

 

(APPLAUSE)

 

 

MR SPEAKER

Bon ok.  Mon fer mon rulling e mon demann li pou li retract in pare pou li retract e in menm prezant son regre e mon krwar sa dan li menm i en apology.  Ok?  We will take it from there ok?  Annou pa ouver en deba ladan.  Onorab Ferrari mersi pou konpran pou nou kapab deal avek sa matter ok?  Bon zis ankor mon kosyonn zot pou nou pa antre dan bann keksoz koumsa, annou ganny nou bann facts byen.  E annou pa lans bann latak personnel ok?  E ankor mon dir bomaten parey mon dir bomaten ler mon pe deal avek de Manm si sa de Manm ki annan drwa pou reakte.

Mon pa kontan ki ler tou lezot Manm i pran par dan sa lager e i fer ki nou perdi kontrol lo Lasanble.

 

THE LEGISLATURE – THE NATIONAL ASSEMBLY OF SEYCHELLES

 

MR SPEAKER

Bon nou pou kontinyen avek nou travay e prosennman devan nou annan Bidze pou Lezislatif Lasanble Nasyonal e devan lo panel ki pou ganny asiste par PS Thésee nou annan Madanm Jutta Alexis – Madanm Clerk nou annan Mr Godfra Hermitte – DG e Madanm Gislaine Therlermont konman senior accountant.  Alor nou ava konmanse okenn Manm ki annan kestyon pou vize ver Bidze Lasanble Nasyonal pou 2019.  Onorab Terence Mondon.

 

HON TERENCE MONDON

Mersi Mr Chairman.  Mr Chairman mon annan 3 pti kestyon an menm tan remark.  Mon premye se anba bann detay ‘goods and services’ ‘service agreement and outsourcing’ e mon remarke i annan en rediksyon sorti oli mon pe rod li la en rediksyon par R585mil ki reprezant 28.6poursan pou lannen 2019.

Mon anvi konnen eski sa akoz ou konnen maintenance ti en kou.  Dan lepase ti en gro kou dan nou dan Bidze Lasanble, eski sa i rezilta bann re negosyasyon bann Kontra zis bann nouvo Kontra ki nou pe antreprann ki anmenn sa rediksyon?  E si i kapab dir nou lekel bann nouvo Kontra pou maintenance nou Lasanble Nasyonal?

Dezyenmman eski i annan provizyon dan Bidze pou repar sa sistenm deteksyon lafimen ansanm avek sa sprinkler an ka i annan en dife? Eski i annan provizyon dan Lasanble pou repar sa?  Mersi Mr Chairman.

 

MR SPEAKER

Mersi Onorab Mondon.  Eski Madanm Clerk oubyen DG i oule reponn.

 

MADAM CLERK MRS JUTTA ALEXIS

Mr Speaker avek ou permisyon mon ti a les DG reponn, akoz i annan proze spesyalman konsernan fire extinguishers ek sprinklers se son lofis ki pe oversee.  Mersi Mr Speaker.

 

MR SPEAKER

Mersi Madanm Clerk.  DG.

 

DG MR GODFRA HERMITTE

Mr Speaker mersi.  Onorab Mondon osi mersi.  E bonzour tou Manm Onorab.  Bonzour tou dimoun ki pe ekoute.  An referans nou outsourcing – si nou a pran sekirite premye.  Lasanble in deza pran en desizyon parey zot in deza konnen ki nou pa pe outsource security avek sa private company parey nou ti pe fer avan.  Nou sekirite pou le moman pe travay avek Lasanble sorti en sel landrwa e sa se Sensitive Building Security me selman dan sa provizyon nou kit en R150mil ki just in case ki Lasanble i bezwen revwar son sekirite, e pran serten desizyon sa larzan i ava la pou nou kapab zisteman fer sa. E sa i en keksoz ki anba konsiderasyon mersi bokou.

Lot kestyon se maintenance, maintenance wi nou ti annan en Kontra parey nou deza anonse dan sa Lasanble avek en serten konpannyen me nou pa’n renouvle sa Kontra.  Nou panse poudir ler nou pran nou bann maintenance nou menm parey nou fer dan lepase, sirtou pandan sa dernyen lannen nou kapab fer achieve bann keksoz avek en cost bokou pli ba e mon panse ki definitivman sa pou anmenn en lekonomi pou nou e nou anvi kontinyen kit nou Lasanble lo standar atraver sa menm sistenm fer.

3enm dernyen ki annan pou fer avek smoke nou deza anonse piblikman poudir nou annan serten problenm e nou annan provizyon deza la dan nou Bidze 2018 ki nou’n met akote pou nou kapab enplimant sa proze refer bann sprinkler avek smoke detector.

E in pran en pti pe letan pou fer li akoz bann negosyasyon avek Goods and Services Committee i annan bann POU e nou kontan poudir ki an prensip zot in aprouve i annan serten pti step ki nou bezwen fer e apre posibilite nou pou konmanse avan lannen fini.  Mersi Mr Speaker mersi Onorab.

 

MR SPEAKER

Mersi Mr Hermitte.  Onorab Sylvanne Lemiel.

 

HON SYLVANNE LEMIEL

Mersi Mr Speaker.  Bonzour Mr Hermitte avek ou delegasyon.  Mr Chair mon ti a kontan demann avek Komite ki pou reprezant pou Lasanble, eski mon konpran ki Lasanble in ganny son lotonomi, eski bann travayer zot annan en prop Scheme pou travayer isi kot Lasanble?  Sa i enn.

Apre mon ti pe regarde antan ki nou annan sa bann diferan Komite e parfwa nou vwar petet lentansite travay ki nou bann Komite i annan la nou get parey COGA  – bann Komite ki annan bokou travay pou fer.  E nou vwar ki bann travayer Lasanble ki wi mon felisit zot, zot pe fer en bon louvraz avek nou lo nou bann Komite, me selman nou pe zis regarde eski sa Bidze pou lannen 2019 i pe fer provizyon petet pou nou petet kapab ganny enn oubyen 2 dimoun? Pa tou Komite petet.  Akoz pa tou Komite ki annan sa kantite travay, me bann ki annan bokou travay ou get FPAC ou get COGA e petet i annan lezot, eski i annan en provizyon ki pe ganny mete dan sa Bidze pou kapab anploy en sekreter. Researchers tousala kekfwa i bezwen, eski i annan larzan dan sa Bidze pou fer sa?  Mersi Mr Chair.

 

MR SPEAKER

Mersi Onorab Lemiel.  DG Mr Hermitte.

 

DG MR GODFRA HERMITTE

Onorab mersi pou ou kestyon.  pou reponn premye konsernan Scheme Lasanble i dan demars pou reviz son bann Scheme pou fer li vin pou nou.  Me selman pou le moman nou pe sivre Scheme ki DPA i servi pou le moman.

2enm kestyon an relasyon avek travay Komite – wi nou fer provizyon nou pas lo la longman in annan request ki’n ganny fer par sa laliny ki Onorab pe demande e nou lentansyon apel li research officer me selman zot travay i pou asiste bann Komite sirtou an relasyon avek par bann rapor.  E nou konnen dan bann Komite i annan en kantite parey legzanp ki in donnen COGA, FPAC zot travay en kantite e zot bezwen sa sipor adisyonnel.  Mersi bokou.

 

MR SPEAKER

Mersi DG.  Onorab Aglae.

 

HON EGBERT AGLAE

Mersi Mr Chair.  Mon ti a kontan demande mon vwar dan zot ‘consumables’ i annan en gran rediksyon ki an 2018 ti R127mil mon vwar la in ariv dan bann R42 – R43mil ki prediksyon mon ti a kontan kwa ki pe koz sa gran rediksyon plis ki 50poursan?

E dezyenmman mon ti a kontan demande kot i konsern nou bann international subscription avek nou bann affiliated partners aletranze, eski nou ase azour avek nou bann souskripsyon?  E dernyerman kot i konsern staff Lasanble parey nou MNA nou swiv en salary table salary grid eski tou staff MNA pe swiv en salary grid?  Mersi.

 

MR SPEAKER

Mersi Onorab Aglae.  Direkter – DG.

 

DG MR GODFRA HERMITTE

Onorab mersi pou ou kestyon.  nou a pran premye wi ‘consumable’ ler nou get nou statistik pandan sa 2an sirtou dan 6enm Lasanble la nou’n vwar konparezon bann konsonmasyon e nou santi poudir nou kapab fer serten improvement – serten zefor pou nou kapab redwir en pti pe nou depans dan sa laliny.  Me an menm tan ki nou mentenir sa nivo servis ki nou deza pe donnen.

2enm kestyon an relasyon avek si mon konpran li byen nou bann souskripsyon enternasyonal wi nou azour avek sa i ti annan en serten pti query ki ti leve dernyen fwa an relasyon avek serten CPA me selman sa desizyon in fini ganny pran e nou fini enplimant mezir pou rektifye sa.

        Staff Lasanble plizoumwan i lo salary scale Gouvernman, me selman nou osi nou annan serten travay ki nou fer an relasyon avek lotonomi finansyel e osi administrasyon pou zisteman asiste nou bann staff an relasyon avek zot kantite travay ki zot menm zot konnen, kantite input zot konnen ki lafason ki Lasanble pe travay konmela.  Mersi bokou.

 

MR SPEAKER

Mersi DG.  Onorab Andre.

 

HON CLIFFORD ANDRE

Mersi Mr Chair.  Mr Chair letan mon pe get No. 2 ‘allowance ‘mon vwar nou annan en pti logmantasyon.  Eski Lasanble i kapab eksplik mon si sa logmantasyon i pou ase pou fer sa travay adisyonnel e delika, ki aktyelman nou Lasanble konpare avek bann lezot avan pe fer?

Mon 2enm kestyon se letan nou get ‘liniform’ ankor parey Onorab Aglae in dir mon vwar en rediksyon, eski sa i pa pou annan en lenpak negativ lo kekfwa pou nou abiy nou bann staff byen e alaoter parey yer kot Judiciary in dir zot bezwen byen prezantab byen zoli – mon krwar nou osi nou bezwen alaoter byen prezantab e byen zoli.

Mon ti annan ‘consumable’s me la prezan in fini taken care of.  Dan ‘other expense’ mon vwar i annan hospitality osi i annan en rediksyon, eski nou pa pe plito vwar Lasanble pe pran en lapros kot tou lezot Minister in annan en logmantasyon – sirtou lo serten landrwa e letan mon pe gete nou plito pran en lapros konservatif? Sa zot ava enform mwan.  Mon pe get bann dan ‘transportation cost’ ki osi in redwir, me selman letan mon pe gete nou annan bann nou bann aktivite in ogmante.  Eski sa pa pe met en presyon lo nou apre pou nou osi nou menm nou posibleman a demann en Bidze Siplemanter?

Mon pa pou long mon ava demann mon dernyen kestyon Mr Speaker mon vwar dan ‘minor capital outlay’ mon vwar nou annan ‘aquisition of cars’ mon vwar R650mil ki nou kapab ganny en lesplikasyon silvouple?  Mersi.

 

MR SPEAKER

Mersi Onorab Andre.  DG.  Onorab mersi pou ou kestyon.  nou a konmans anba zisteman ou dernyen kestyon ki ou’n demande.  Wi i annan en larzan R650mil pou aste en transpor e sa transpor ki nou pou aste i pou enn nou Leader LGB.

Rezon ki nou pe fer sa se akoz son transpor in ariv 6an e nou vwar poudir kou maintenance sa transpor pou son Lofis – pa pou li personnelman me pou son Lofis nou vwar ki kou depans pou repare i pe vin pli o.  E reparasyon i vin en pe pli souvan.  So mon vwar lo en lonterm i pou pli bon pou nou aste en transpor e donn li, ki nou napa maintenance at least for the next 5years.

Lot kestyon ki ou’n demande se an relasyon avek ‘transportation cost ’, ‘transportation cost’ i relatif avek bann aktivite ki nou annan.  E pou lannen 2019 nou napa okenn ban major Konferans ki pran en pe nou larzan, e alor i toutafe normal ki nou pri transportasyon i desann – tout ankor an mentenans sa nivo servis ki nou donn bann Onorab.  E nou konfidan poudir sa ki nou annan dan Bidze i pou sifizaman pou nou fer sa.

Lo kote ‘hospitality’ wi nou’n annan ankor en decrease la kot nou kapab servi sa larzan dan lezot domenn.  E sa i an relasyon ankor zisteman avek statistik.  Ler nou’n gete nou vwar kantite ki pe ganny servi lo kantite bann vot pou bann ki ganny sa hospitality allowance e i toutafe normal, ki ler nou balanse e depandan lo konbyen zot depanse, nou’n decrease li.  E ankor – ankor nou pou mentenir sa standar ki pe ganny practice ladan.

E si zanmen i ariv en sityasyon pou nou bezwen nou touzour kapab annan virement pou nou fer akoz Lasanble i fer pa mal savings osi.

Lo kote liniform wi i osi i annan en pti rediksyon e nou pe revwar nou liniform.  Larzan ki nou’n mete nou satisfe ki pou sifizaman pou abiy nou bann staff isi dan Lasanble.  E o kontrer petet menm parey mon dir mwens depandan ki mannyer ou negosye osi, i ava fer ki ou kapab annan en liniform osi pli o nivo.  So mon krwar i enportan ki nou fer sa.

Si mon’n konpran ou premye kestyon i committee allowance?  Committee allowance zisteman wi nou annan en increase ladan akoz  lakantite Komite ki nou annan e nou’n bezwen plis dimoun lo la pou nou kapab desarz sa bann responsabilite.  Alor lozikman i bezwen annan zot increase.  Mersi bokou Onorab.  Mersi bokou Mr Speaker.

 

MR SPEAKER

Mersi DG.  Onorab Sebastien Pillay.

 

HON SEBASTIEN PILLAY

Mersi Mr Chair.  Mon annan detrwa kestyon ki mon ti a kontan ki petet Sekretarya ti kapab klarifye.  Mon premye pwen i konsern ‘aquisition of radio and TV equipment’ mon krwar i en keksoz ki fer Komite ki fer bann live session in koz lo la.  Lideal se ki Lasanble Nasyonal kapab fer zot prop broadcasting without ki nou bezwen led SBC.  Bokou lezot parlman dan larezyon in fini bouz dan sa direksyon.

Sa akizisyon ki nou pe fer la zis pou aste bann lekipman ki nou pou servi la poule moman la ki nou manke?  E dezyenmman la ki sa bann akizisyon ki nou pe fer – par egzanp anba sa menm Head kot mon pe koz ‘capital outlays’ mon pe vwar ‘radio and equipment’ i furniture sa i osi bann akizisyon bann furniture pou fer sa bann Committee Room pou fer pli pou nou kapab accommodate plis dimoun dan sa bann Komite plis piblik ava anvi swiv bann travay Lasanble.  Akoz nou en pe ptipti.  Mon ti ava les Sekretarya reponn sa enn and then nou ava bouz lo lot.  Mersi Mr Chair.

 

MR SPEAKER

Mersi Onorab Pillay.  DG.

 

DG MR GODFRA HERMITTE

Onorab mersi pou ou kestyon.  Mon krwar dan serten fason konmsi ou’n reponn en pti pe an mezir ki nou progrese, nou pou bezwen en pe plis resours pou met nou azour avek progresyon.  Me direkteman kot i konsern of nou broadcast nou menm, wi sa larzan ki dan Bidze i zisteman pou fer pou nou automate nou Chamber.  Nou pou annan nou prop camera.  Byento zot pa pou vwar petet tou bann camera SBC pe filme.  Nou pou annan nou bann camera ki pou ganny monitor dan en sa.  E sa i en proze ki nou travay ansanm avek SBC.  I ava relieve zot en kantite bann resours zot donn Lasanble pou fer sa.  Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mersi Mr Chairman.  Mr Chairman i annan en pwen ki ou’n souleve dan enn ou ruling avek ou koumsa me nou annan diverzans diferans lo la an konsernan usage of IT equipment dan Chamber.  Mon’n vwar poudir par egzanp Kenya dan son Chamber ki zot fer zot annan dedicated portal kot i annan en IT equipment swa i annan en ipad swa en tablet ki la an permanans lo latab sa Manm. Onorab Ferrari i kapab sertifye akoz he was also on the same visit e sa Manm i kapab browse or whatever.

E vi ki sa i en dedicated equipment set up par Chamber then i kapab ganny monitored as to bann kalite aktivite ki kapab ganny fer e i strictly related to travay.  Eski par egzanp dan konteks plan ki Lasanble Nasyonal i annan, zot in konmans met serten provizyon bidzeter, pou travay avek en konsiltan, pou vwar bann areas kot Lasanble i kapab kontinyen upgrade servis ki bann Manm i gannyen, pou ki nou kapab anfen kont reponn serten bann kestyon oubyen bann legzizans ki bann Manm i kapab annan?

E ler mon lo sa size Mr Chairman mon ti a kontan demann Sekretarya si sa osi i enkli provizyon pou finaliz, oubyen pou realiz sa plan pou ki i annan sa 2 Annex avek main building Lasanble kot tou Manm Lasanble i ava annan en Lofis ki ler sa Manm in ganny elekte proporsyonnel, directly or otherwise, i annan en lofis dan sa landrwa ki apel Lezislatif ; Legislature e sa lofis i ganny servi par sa Manm e ler i vacate i sorti dan sa lofis.

So is that something zot in konmans travay lo la?  Eski i annan en provizyon bidzeter pou konmans rod bann konsiltan lo la?  Akoz mon en pti pe konsernen ki mon vwar ki Bidze consultancy i tant pou desann en pe.  So mon pa konnen si Lasanble pe sey travay ek Minister Finans pou en lot alternatif.  Mersi Mr Chair.

 

MR SPEAKER

Mersi Onorab Pillay.  DG.

 

DG MR GODFRA HERMITTE

Onorab Pillay mersi pou ou kestyon.  Mon a konmans avek dernyen.  Wi Lasanble in deza travay lo en konsep of expansion. Dan nou plan pou annan 2 wing sak kote Lasanble ki zisteman pou cater pou bann fasilite lofis pou bann MNA.  Cater osi pou serten landrwa reste ; bann conference room.  Me selman nou  ti’n fer en demann dan Bidze, pou nou ganny larzan pou nou finaliz sa plan dan son detay – en fason ki ava permet nou pou nou kapab move devan e rod bann lasistans an term donasyon.  Akoz i pou kout nou en bon pe.  Me selman malerezman nou pa’n ganny sa dan Bidze sa fwasi.

Me selman touzour  i nou lentansyon kot nou pou kapab fer en pti savings, nou pou met ansanm e nou pou seye pou nou kapab ganny sa plan finalize dan son detay, pou nou kapab move forward.  E mon konnen si mon ava oze dir sa plan dan son estimate i pou kout nou apepre R110milyon.  So i krwar i ase.  Dan son fason ki nou fer li petet apre i ganny revwar i kapab redwir.  So that is the fact ki nou annan pou le moman.

An term lekipman spesifik pou Lasanble, e parey in ganny mansyonnen swa en tablet oubyen laptop, nou deza konnen poudir MNA zot ganny issue avek serten lekipman, ki ti en tablet ler zot ti konmans zot term.  E nou’n santi nou diskite enn de fwa poudir petet en tablet i pa neseserman tro apropriye, sa nou ti donn zot e nou’n diskite pou vwar posibilite pou nou kapab kekfwa donn zot en keksoz en pe pli o nivo parey en laptop.  

        So avek sa propozisyon ki Onorab Pillay in met devan nou ava konsidere – si nou krwar nou devret met enn spesifik la dan chamber ki tou Manm i a kapab servi – ler i ale wi ler i ale i reste la oubyen si nou kontinyen avek enn ki kapab carry away i kapab servi li dan lezot landrwa.  Mersi bokou Mr Speaker.

 

MR SPEAKER

Mersi DG.  Onorab Pillay.

 

HON SEBASTIEN PILLAY

Mersi Mr Chairman.  Mr Chairman mon krwar i annan en dernyen pwen, ki mon le fer vizavi sipor pou bann Komite.  In regards to serten Komite par egzanp ler nou pran serten Komite ki annan par egzanp FPAC oubyen menm lezot Komite i annan bann staff avek bann konpetans petet spesifik ki ou bezwen pou sa bann Komite ; petet staff ki annan bann abilite dan Finans – dan analysis, eski prezan Lasanble mon pe regard ‘training vote’ mon vwar poudir sa osi in desann.

Konmsi eski nou pe rod lezot areas pou kapab ganny additional training pou staff? Akoz mon pe mazinen si nou pou sey train staff in house oubyen nou pe fer additional recruitment, pou nou anmenn bann dimoun ki kapab fer sa bann fonksyon, e pou zot etal zot avek en par egzanp en research and en Research Unit dan Lasanble basically.

 

Akoz bokou Parlman i annan sa Research Unit ki zot fer sa bann resers lo  bann Prozedlwa, lo sa bann keksoz e bann Manm i kapab partake dan sa bann lenformasyon.  Akoz ou kapab konpran Mr Chair ou lo Bills Committee e en kantite travay i bezwen ganny fer par bann Manm zot menm, bann Manm FPAC i kapab koz lo la, akoz en kantite travay writing of reports i ganny fer par bann Manm nou menm.  Malgre nou ganny sipor avek Sekretarya.  So mon en pti pe konsernen avek sa provizyon bidzeter, so eski i annan en lot plan alternativ pou nou tackle sa sityasyon.  Mersi Mr Chair.

 

MR SPEAKER

Mersi Onorab Pillay.  DG.

 

DG MR GODFRA HERMITTE

Onorab.  Mersi ankor pou kestyon.  Mon krwar i swiv en pti pe sa ki Onorab Lemiel ti dir taler ki nou bezwen annan lasistans dimoun petet pou research pou asiste bann travay Komite.  E parey mon’n dir wi i en keksoz ki nou reflesir seryezman lo la, e nou krwar poudir dan en short term nou pou kapab achieve sa e donn sa sipor.  Me selman an menm tan ki nou fer sa, sirtou pou konman en Unit ou pou annan plizyer dimoun osi nou bezwen annan lespas.  E se sa ki dan nou plan pou nou annan plis lespas.  Actually la si ou pou dir nou recruit – nou pou annan en pti pe problenm lespas.  Me selman nou a kapab fer provizyon pou nou squeeze in parey ou pe dir at least enn, ki i a kapab asiste bann Manm dan zot travay toulezour – enkli bann travay Komite pou ed zot dan sa research.  Mersi Mr Speaker.

 

MR SPEAKER

Mersi DG.  Onorab Audrey Vidot.

 

DG MR GODFRA HERMITTE

Mr Speaker.  I annan en bout in koz lo training osi.  Petet mon ti ava profite pou …

 

MR SPEAKER

Ale DG.

 

DG MR GODFRA HERMITTE

Nou Bidze lo konsernan training in desann lo kote nou staff, akoz fransman sa lannen nou’n fer sir ki tou nou staff en fason ou en lot in fer en training.  Nou pe koz lo 88percent nou bann staff (sorry) 98percent nou staff in go through en training.  E nou annan en training final ki pending.  E nou Bidze i apepre R400mil.  E dan nou forecast avek lasistans ki nou gannyen lo kote enternasyonal, nou’n vwar poudir nou kapab redwir en pti pe dan sa Bidze.  Akoz i pa pou neseser ki next year i pou fer sa kantite training.  Me selman empowering training nou bann staff i reste osi nou priyorite.  E kot i bezwen aziste pou nou kapab donnen – sirtou an relasyon avek bann training ki ganny ofer aletranze, then nou ava asiste e nou konfidan ki nou pou kapab donn sa sipor.  Mersi Mr Speaker.

 

MR SPEAKER

Mersi DG.  San antre dan deba.  Sergeant osi i lo training ozordi. Se sa labsans Sergeant-at-Arms i osi i bann ki pe fer training.  Bon Onorab Audrey Vidot.

 

HON AUDREY VIDOT

Mersi Mr Chair.  Bonzour tou dimoun prezan.  Tou dimoun ki a lekout.  Mr Chair mon kestyon premye eski i annan okenn revizyon pou incentives benefis pou bann constituency clerk dan bann distrik?  E 2enm mon ti a voudre konnen konbyen consultant dan sa Bidze Lasanble, pe peye?  E lekel zot sa bann consultant please?  Mersi.

 

MR SPEAKER

Mersi Onorab.  DG.

 

DG MR GODFRA HERMITTE

Mr Speaker mersi.  Mersi Onorab Vidot pou ou kestyon.  Lo kote constituency clerk wi nou’n fer en serten diskisyon pou nou kapab ed zot in terms of zot bann saler ou konnen bann MNA pe dir zot constituency clerk, i travay en kantite.  E menm si pa neseserman ki nou ganny adisyonnel ek Finans, nou nou’n vwar dan nou Bidze posibilite pou kapab donn zot en increment. 

        Basically i pou ariv apepre R198mil pou 32 contituency clerk.  So en senp matematik i ava montre zot apepre konbyen nou pe kalkile an relasyon 5poursan ki total increment.  Lo kote consultancy nou annan 4 konsiltan ki travay – 2 avek sak Leaders.  2 i travay avek LGB 2 i travay avek Leader of the Opposition.  E zot Kontra pou le moman in terminen, e nou’n advise bann lofis pou zot fer le neseser.  Nou pa konnen ki nouvo non ki pou monte, akoz sa se bann Leaders ki deside lo la. Me aktyel i ti annan Madanm Irene Fonseka. Ti annan Mr Robert Ernesta lo kote LOTO.  E lo kote LGB i annan Mr Jerry Morin e avek Mr Johan Loze.  Mersi.

 

MR SPEAKER

Mersi DG.  Onorab Stephen Pillay.

 

HON STEPHEN PILLAY

Mersi Mr Speaker.  Bonzour a tous.  Mr Speaker mon ti pe demann en leklersisman atraver ou lo sa salary increase ki pou Lasanble ki apepre R4.3milyon.  I tonm apepre R359mil par mwan. Si ladan i enkli si kapab dir nou konbyen bann travayer par egzanp behind the house – cleaners bann zafer, konbyen zot espekte gannyen on average en logmantasyon ladan – si zot pou gannyen?  E mon ti a kontan demann Mr Speaker en pe plis leklersisman lo sa ‘Board members allowance’ ki R2.5milyon – apepre R208mil par mwan?  Mersi Mr Speaker.

 

MR SPEAKER

Mersi Onorab.  DG.

 

DG MR GODFRA HERMITTE

Mr Speaker mersi.  Mersi Onorab Pillay.  Mon krwar la nou bezwen fer en pti koreksyon.  Petet lo sa lalis ki zot in gannyen i annan R4milyon keksoz increase.  Non! I R1.886 e sa increment dan saler i annan pou fer avek revizyon saler ki annan pou fer pou staff Lasanble – enkli bann pos vacant ki aktyelman i la.  Nou annan azisteman osi nouvo Scheme.  Par egzanp nou annan IT Cadre ; nou annan PA ki Gouvernman in anonse, sa larzan i ladan.  Nou annan osi sa larzan i kouver long service ki osi Gouvernman in anonse.  E nou annan provizyon pou sa information officer ki tou bann Departman i annan.

 

MR SPEAKER

Onorab si ou petet si ou refer lo dan Schedule dan Schedule i reflekte sa R1.886million.  So i annan wi se sa.  Se sa ki ou pe refer tou non?  DG.

 

DG MR GODFRA HERMITTE

Mr Speaker si petet Onorab Pillay ti kapab repet son kestyon in respect of …

 

MR SPEAKER

Yes Onorab Pillay.  Stephen Pillay repet ou kestyon zis pou klarifikasyon.

 

HON STEPHEN PILLAY

Tou lede kestyon oubyen zis enn?

 

MR SPEAKER

I annan Board members.

 

HON STEPHEN PILLAY

Wi mon pe regarde plis leklersisman lo ‘Board members allowance’ ki R2.5milyon ki tonm apepre R208mil par mwan ; ‘Board members allowance. Lekel Board ki nou annan kot Lasanble?

 

DG MR GODFRA HERMITTE

Mr Speaker mersi pou repet son kestyon.  Onorab sa allowance i pou bann MNA ki lo bann Komite.  I apel ‘members board allowance.’  Selman pou fer li en pti pe pli kler se ki i pey bann MNA ki sit lo diferan Komite.  So basicallycommittee allowance.’  Mersi Mr Speaker.

 

MR SPEAKER

Mersi  Onorab.  Ou annan query ankor.  Onorab Pillay?  Ok.  Zis petet pou eklersi sa konfizyon, Lasanble napa en Board as such parey taler SBC i annan en Board Lasanble i napa sa.  Ok?  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour tou bann ki devan la.  Mr Speaker detrwa keksoz ;- enn, i enportan mon fer resorti osi ki, aktyelman la, mon napa transpor – zot konn tre byen e ki sa transpor i kase tou lazournen e lontan mon pe demande konmsi pou pa fer ensinifyan avek sa.  Si zot pa oule donn mwan osi napa problenm, mon a pran mon bis.

Mr Speaker mon le mon pe regarde i annan en kantite Komite ki’n ganny formen par Lasanble, e an menm tan poudir mon vwar i annan rediksyon i paret mwan dan kantite allowance pou Komite.  Pou lannen ki pe vini.  Eski sa i akoz serten Komite i anti- konstitisyonnel e ki prezan sa bann allowance pou nepli konte?

E ki pou arive ek bann allowance ki’n fini ganny donnen, eski i pou ganny rann oubyen i pou zis akoz in fini pase – in pase?  E lo ‘travel’ mon vwar osi poudir in en kantite travel ki bann Manm Lasanble i travel pou bann bon rezon akoz i annan kantite workshop, konferans e bann lorganizasyon ki nou asosye avek ki demande ki sa bann travel i ogmante i ganny fer e ki i annan sa bann travel ki Lasanble i pran sa kou ; be mon remarke ki ou pa’n ogmant la kantite ‘travel’ – i byen mon pe demann en lesplikasyon why?  

        Eski nou pe ganny bokou sa bann travel sponsor or finanse par bann lorganizasyon ki nou asosye avek deor oubyen pou en lot rezon ki ou’n koupe?  Parkont i annan de kalite ‘travel ‘i annan ‘overseas travel’ apre i annan bann pou local domestik konmsi.  Be domestik mon vwar in monte en kantite sorti R99mil – mon panse pou ariv R180mil.  Konmsi mon vwar la in double, eski petet kapab ganny en lesplikasyon?

E dernyerman lo ‘furniture’ mon vwar osi ki sa in double par 100poursan, in ogmante, eski i kapab ganny eksplike en pti pe akoz avek nou Lasanble?  Mersi.

 

MR SPEAKER

Mersi.

 

DG MR GODFRA HERMITTE

Mr Speaker mersi …

 

MR SPEAKER

Non en moman DG.  An vi nou pour ganny en pti pe late, mon ava zis demande ki SBC i ava bear avek nou akoz nou annan 1 Manm ankor, mon pa pe pran ankor kestyon Onorab – ou’n …

 

(Interruption)

 

MR SPEAKER

… non attends en moman.  Mon anvi zis fer lo sak komanter ki Leader of Government Business in fer lo sa zafer loto.  Bon, i byen mon respe ou lopinyon me ou konn tre byen poudir konversasyon e negosyasyon ki nou fer ti napa provizyon avan e nou konnen bann sityasyon ki ou pe fer fas avek vizavi sa loto, se sa rezon ki Sekretarya otan posib nou fer mannyer nou kapab meet ou kanmenm half way.

Me se sa ki nou fer provizyon pou ou lofis ganny en transpor nouvo.  Akoz i pe kout osi Lasanble pou mentenir.  Ok sa i nou kler lo la.  E mon pa krwar i apropriye pou nou fer okenn bann komanter advers, akoz ler nou antre dan Lasanble, son lofis li i ti agree pou kontinyen servi sa loto, me la nou vwar apre 2an i pe donn nou en pe problenm.

So i normal ki nou fer provizyon e nou ganny Minister Finans pou aprouve, ki son lofis i ganny provided avek en nouvo loto.  E parey mon dir  parey yer nou’n tann Madanm Esticot dir i pa zoli ler ou annan ou en Ziz oubyen ou annan ou enn ant le de Leaders zot loto i vre ek zot dan semen.  I pa zoli.  Ok?  Bon mon ava pas laparol.  Yes Onorab Andre.

 

HON CLIFFORD ANDRE

En pti pwen klarifikasyon.  Mon krwar napa Lakour Sesel ki’n dir okenn Komite Lasanble i anti-konstitisyonnel so sa fodre nou kler.  E ou konn tre byen ki poudir letan en zizman i ganny donnen, i annan en lot course of action ki ganny fer se  rappel.  So Lakour Konstitisyonnel pa’n zanmen dir i annan okenn Komite Lasanble ki anti- konstitisyonnel.  So nou bezwen fer sa kler akoz nou pa kapab mislead nou pep.  Mersi.

 

MR SPEAKER

Mon pa ti anvi fer komanter lo la me selman dapre zizman Lakour Chair Anti Viktimizasyon i ti pe dir mwan ki i annan posibilite ki zot pou appeal ki zot pou set the record straight.  So mon pa oule fer komanter lo la mon dir i ankor parey nou apele subjudice.  So la nou reste annou esper eskan ler Chair of the ABC Komite Anti- Viktimizasyon i retournen i raporte avek lo bann desizyon ki zot pou pran swivan sa zizman.  So annou hold on lo la.  DG.

 

DG MR GODFRA HERMITTE

Mr Speaker mersi.  Mersi Onorab De Commarmond pou ou kestyon.  Premye sa relasyon avek Komite e parey zot konnen wi i annan bann travel ki nou bezwen peye nou menm, be i annan osi bokou ki nou gannyen, an term – wi.  E nou, nou ganny envite pou attend sirtou aletranze.

E nou vwar poudir nou fer bokou sa lannen.  Nou’n depans en kantite dan sa area e pou nou kapab annan en meyer kontrol lo nou Bidze, nou panse osi konman en Lasanble responsab, pou nou revwar en pti pe lakantite travel.  Pou nou focus lo bann keksoz ki pou ed Lasanble pou li progrese pou ki lannen ki a pe vini – pa zis akoz en dimoun i anvi travel i monte desann pou li travel.  So vwala kot nou pou annan en pti pe kontrol pou fer sir ki nou Lasanble i byen benefisye, out of sa bann travel ki nou travel.

Lo kote lokal lazisteman ti ganny fer akoz ti annan en lanons increase by Air Seychelles.  So vwala kote in afekte sa en pti pe.  E mon krwar i pou ganny aziste an mezir ki nou ale.

Lo kote furniture toutafe normal – nou vwar i pou neseser ranplas en pe nou bann furniture e vwala kot nou vot dan sa area i pou double.  Mr Speaker mon krwar mon reponn tou son kestyon.  Mersi bokou.

 

MR SPEAKER

Mersi.  Onorab De Commarmond.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan dir ki pou Bidze lo Lasanble, mon krwar i en lokasyon pou nou felisit management, staff, akoz mon krwar mon konnen depi o komansman lannen e mon krwar depi lannen pase, zot in met li konman en lobzektif pou nou vin Bidze model – en Bidze ki donn legzanp lezot landrwa nou vot Bidze.  E nou tenir nou bann depans.  Nou fer tou bann prosedir byen e mon vreman apresye vwar poudir in annan bann rediksyon serye dan bann landrwa, parey dan ‘travel ‘16poursna an mwens ; ‘fuel’ 22poursan an mwens ‘hospitalit’y 12poursan an mwens ; ‘telefonn’ 18poursan an mwens ; ‘maintenance’ zot konnen sa bann Kontra en pe bizar ki ti annan avan in fini ganny deal avek.

E sa 6enm Lasanble Mr Speaker, mon pran sa lokazyon pou remersi ou osi, konman Head sa lenstitisyon e tou bann staff pou sa bon zesyon ki zot in fer dan nou Bidze.

 

(APPLAUSE)

 

HON JEAN-FRANCOIS FERRARI

E  mwan mon ti a kontan dir lo sa kestyon ‘travel’ konman Chairperson IAC mon’n ganny – ou menm ou’n donn mwan gidans e Leader Lopozisyon in donn mwan gidans pou nou sey streamline bann depans lo travel – fer sir parey DG in dir ki nou al la kot nou merit annan nou merit ale e ki nou fer full use sa fasilite.  Sirtou nou donn fasilite bann ki fully funded pou ki nou fer byen atansyon avek larzan Lasanble.  Sa i fer ki ozordi mwan mon fyer pou form parti en lenstitisyon ki’n re aranz li – ki’n remet lord dan son finans e ki keksoz pe mars vreman byen – to the extent ki nou kapab menm met capital budget ogmant li sa ki i afekte nou Bidze.

Kot sa ki’n bezwen en funding enpe plis parey en loto, nou’n kapab fer li, menm si anyway mon pa pou al lo sa, sa mon ava tenir lo la – me selman Mr Speaker se sa ki mon  ti anvi dir nou pare pou nou pran en vot e nou pare pou nou kontinyen fer sa bon travay isi dan Lasanble Nasyonal.  Mersi.

 

(APPLAUSE)

 

MR SPEAKER

Mersi Onorab Ferrari.  Mon prezant en leskiz.  Mon pa ti’n – vre mon marke Onorab Sophola in sinyal mwan ki in lev lanmen.  Onorab mon a donn ou dernyen kestyon.

 

HON NOLINE SOPHOLA

Mersi Mr Chair.  Mr Chair i pa en kestyon as such lo paz 205 latab 6 kot ‘outcome indicator’ i annan 2 ‘committee reports’ selman limero ki aliny avek i pa parey.  Petet mon pe demann en lesplikasyon pou mon konman en Manm Lasanble ki demen mon annan sa dan mon lanmen, mon ganny poz kestyon. Mersi.  Si en lerer I don’t know.

 

MR SPEAKER

Mersi Onorab Sophola.

 

MADAM CLERK MRS JUTTA ALEXIS

Onorab eskiz mwan, i posib pou re demann ou kestyon?  Mersi.

 

HON NOLINE SOPHOLA

Mersi.  Lo paz 205 latab 6 anba ‘outcome indicator’ i annan 2 ‘committee reports’ me anba 2017 pou sa enn premye tou i parey – i konsistan.  Me sa enn 2enm, li i annan diferans dan son target ek son actual.  Vedir mon pa pe konpran sa 2 ‘committee reports’ ki si sa pe tonm anba la.  Mon pe rod en lesplikasyon.  Mersi.

 

MADAM CLERK MRS JUTTA ALEXIS

Mersi Onorab.  Mr Speaker zis pou klarifye ki sa bann sif la i reflekte en pti pe pattern ki nou vwar dan travay Komite.  E an tou zis pou konfirmen nou annan 12 Komite Lasanble Nasyonal e sa bann lendikasyon bann figures ki nou annan sa se bann rapor ki i ganny soumet avek Sekretarya an fir an mezir bann travay i progrese e osi bann forecast ki nou pe antisipe for the upcoming years.  Mersi Mr Speaker.

 

MR SPEAKER

Mersi.  Onorab Sophola.

 

HON NOLINE SOPHOLA

Akoz i annan kot ‘committee reports’ mon konpran sa ki pe montre apre anba la i vin ankor ‘committee reports’ konmsi akoz i annan de sub heading ‘committee reports ? ’ It is not clear for me.  Mersi.

 

MR SPEAKER

Yes mersi.

 

MADAM CLERK MRS JUTTA ALEXIS

I posib en lerer Onorab i posib nou ava regarde nou ava rektifye.  I osi tre probab ki sa i en lerer dan Lenprimri.  Mersi.

 

MR SPEAKER

Wi e i pa ..  Yes DG.

 

DG MR GODFRA HERMITTE

Mr Speaker zis pou eksplik ou pou azoute petet zot kapab konnen nou antre dan full PPBB e pou nou siport nou Bidze, i enportan ki nou annan bann statistik.  So in a way i en pti pe lo pilot project sa bann statistik me nou pou vini osi pou demann osi bann lenformasyon avek bann MNA – constituency clerk ki nou kapab servi pou nou met dan nou tablet.  Mersi bokou Mr Speaker.

 

MR SPEAKER

Mersi.  Sa i bann endikater sa en.  I pa vreman afekte nou Bidze me selman i donn nou sans pou nou kapab amelyore pou regard efficiency.  Bon.  Yes Madanm Clerk.

 

MADAM CLERK MRS JUTTA ALEXIS

Mr Speaker.  Mersi pou donn mwan laparol.  Zis avan nou pou nou pran en vot, i konfort nou en kantite pou nou konnen ki Sekretarya pe fer en bon louvraz e nou dan bon direksyon.  E mon profite avan osi nou pran en vot pou mon remersye nou lekip dinamik isi kot Sekretarya nou management team ki pe fer en bon louvraz.  E parey zot kapab vwar vre i annan bann zefor ki nou pe mete pou vreman redwir nou Bidze, san ki nou afekte bann servis ki nou ofer bann Manm, bann Komite e lezot sipor.

E konman en Brans Gouvernman vested with the oversight role, i byen pou note ki nou pe lead par en bon legzanp.  E mon ti a profité osi pou remersye bann Manm pou zot konprenezon pandan lannen pou zot sipor e mon swete ki zot kapab kontinyelman kont lo zot pou nou kontinyelman amelyor lo Bidze, fer sir ki i prozekte byen for the coming years.  Mersi Mr Speaker.

 

MR SPEAKER

Mersi Madanm Clerk.  Bon nou ariv en pozisyon pou nou pran en desizyon pou nou pran en vot, lo sonm ki devan nou ki Bidze pou Lasanble Nasyonal pou 2019 en sonm R43, 074milyon ki dan sa Schedule e i form par lo paz 201 ziska 206.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  Vot i unanimous tou le 26 Manm in vot an faver Mr Chair.

 

MR SPEAKER

Mersi Madanm Deputy Clerk.  Savedir Bidze pou Lasanble Nasyonal pou 2019 in ganny aprouvasyon.  Bon avan nou break anyway mon ti a kontan remersi Madanm Clerk, DG Mr Hermitte, Madanm Thelermont Senior Accountant, e byensir lasistans PS Thésee, Ms Verghese e Ms Tamatave.  E osi tou lezot Manm.  Mon anvi zis anonse ki apre midi – 1er ziska 3.30 Deputy Speaker ki pou Chair, me an menm tan lefe ki nou dan Komite si i annan okenn kestyon pou li poz sa ki pou devan lo panel i pou kapab fer li, akoz nou konnen poudir i annan sa posibilite ki i kapab fer.  Mon swete ki mon pou retournen 4er e si i annan ankor travay ki pou fer – si i annan nouvo entity ki pou pran 4er mon ava la dan Chair.  Ok, so nou pou Break e petet nou a rann SBC en pti pe letan ki nou’n servi nou pou repran nou travay 1.15.

 

 

(BREAK)

 

 

TOURISM DEPARTMENT

 

MR DEPUTY SPEAKER

Bonn apre midi tou bann Manm Onorab.  Bonn apre midi Minis ek ou delegasyon.

Apre midi nou annan dan Lasanble Nasyonal pour nou staz Komite Bidze kot nou pour regard Minister Tourizm e mon ti a kontan swet labyenveni Minis Didier Dogley.  Nou annan 4 lenstitisyon ki tonm anba Minister Tourizm. E mwan ti a kontan en pe gidans anba PS Finans ki mannyer nou pour pran sa.

Me tou dabor avan mwan fer sa mwan ti a kontan swet labyenveni Ms Anne Lafortune, Sekreter Prensipal pour Tourizm, Mr Don Julie ki accountant, madanm Doreen Gertrude ki Direkter pour Resours Imen ek Ladministrasyon.  E mon krwar sanmenm ki nou annan la pour le moman.  Me pli tar mon mazinen i annan lezot ki pour vini.                                         Alor laparol i pour ou PS Thésee.

 

PS DAMIEN THESEE

Mersi Mr Chair.  Nou pran Minister Tourizm, Lavyasyon Sivil, Por e Maren.  E li i annan 2 Departman. I annan Departman Tourizm apre i annan Departman Lavyasyon Sivil, Por e Maren.  Nou sizere ki premyerman nou tous Departman Tourizm. Li nou pour war li lo paz 467.  E dan sa total sonm ki nou pe vote pour sa Minister, R52. 024milyon, Departman Tourizm li i annan 66 .364milyon pour li.  E nou pour osi war ki Departman plizoumwen Tourism Academy i osi en divizyon dan sa Departman. Nou pour tous li apre.  So nou ava komans lo paz 467 la.

 

MR DEPUTY SPEAKER

Mersi bokou.  PS Thésee savedir nou pour al direkteman lo Departman Tourizm ki lo paz 467.  E li i annan en Bidze total pour 2019 26 milyon 364 mil. I korek Mr Thésee.

 

PS DAMIEN THESEE

Wi Mr Speaker, korek.

 

MR DEPUTY SPEAKER

Mersi bokou.  Bon deba i ouver, okenn … Onorab Mondon.

 

HON TERENCE MONDON

Mersi Mr Chair. Mon kestyon i anba ‘’other use of goods and services’’, bann detay ki nou’n ganny, nou’n resevwar. Anba professional expenses, mwan vwar en gran logmantasyon pour ‘foreign consultancy fees,’ mwan anvi konnen, premyerman mon vwar en logmantasyon 1.2 milyon sorti 576 pour vin 1.872 milyon ki fer en diferans 1.2.  Apre i annan en lot provizyon sorti 175mil pour vin R198mil.  Mon anvi konnen akoz i annan sa gran logmantasyon dan foreign, sirtou ‘foreign consultancies fees?’  E pour ki rezon zot pe fer sa provizyon?  Mersi Mr Chair.

 

MR DEPUTY SPEAKER

Mersi Onorab Mondon.  Mon a donn laparol Minis oubyen son PS Tourism.

 

PS ANNE LAFORTUNE

Mersi Mr Chair.  Mersi Onorab pour ou kestyon.  With regards to foreign consultancies, wi, i annan en logmantasyon over apepre 1.2 milyon. Ki nou’n – parey nou ti eksplike dernyen lannen nou pe etablir en sistenm tourism satellite account, TSA, kot nou ti, lannen pase nou ti eksplike ki sa i pour over 3 lannen.

Savedir nou’n met larzan pour over the next, dan sa 3 lannen.  Lannen pase nou ti fer son situational analysis kot nou pe travay avek UNWTO ki’n donn nou en konsiltan ki vin travay avek nou, akoz zot travay avek bann members, pei manm.

E baze lo sa situational analysis i ti fer bann rekomandasyon e sa lannen nou pe met an plas bann rekomandasyon ki nou’n komans mete, e lannen prosenn osi nou pour annan an plas en lot rekomandasyon.

E lannen prosenn i the bulk. Laplipar bann travay pour ganny fer lannen prosenn, e i pour annan nou apepre 2 konsiltan ki pour vini e pour travay avek tou bann lezot partner konsernen parey Statistics Bureau, parey Central Bank, in order pour nou asire pour dir nou met an plas en framework kot nou kolekte bann statistik korek pour nou kapab fer bann polisi ek bann desizyon pli accurate dan lefitir. Mersi Mr Speaker.

 

MR DEPUTY SPEAKER

Mersi PS.  Onorab Mondon.

 

HON TERENCE MONDON

Mersi Mr Chair. zis en pti kestyon ki swiv, parey nou vwar bann konsiltan enternasyonal ki pe vini pour sa spesifik, mon konpran sa. E eski nou pe servi nou bann konsiltan lokal dan sa prosesis pour fer sir ki i annan sa lesanz lekspertiz si oule?  Mersi.

 

MR DEPUTY SPEAKER

Mersi Onorab.  PS.

 

PS ANNE LAFORTUNE

Mersi Mr Chair.  Ler nou ti lans sa proze, nou ti vwar pour dir nou ti napa bann konsiltan lokal, akoz sa i en proze ki ganny fer laplipar di-tan by UNWTO.  Se zot ki advice nou pour fer sa.  E nou ti go through the Tender Board e through POU, e zot ti fer nou fer, nou ti fer direct bidding akoz zot ti vwar pour dir napa lezot konsiltan ki pour kapab fer sa nivo travay ki UNWTO i fer.

 

MR DEPUTY SPEAKER

Mersi PS. Onorab John Hoareau.

 

HON JOHN HOAREAU

Mersi Mr Chairman. Mr Chairman mon ti ava kontan konnen eski i annan okenn proze konstriksyon ki nou pa’n prevwar dan Bidze la pour $250 mil pour en grant $250 mil pour fer language lab? Mersi.

 

MR DEPUTY SPEAKER

Mersi Onorab.  PS Thésee.

 

PS DAMIEN THESEE

Petet mon krwar sa pour relate avek STA.  Nou ava tous li zis apre tourism. Mon propoze. Mersi.

 

HON JOHN HOAREAU

Ok mersi.  Mon ava demann li apre.  Mersi.

 

MR DEPUTY SPEAKER

Very good, mersi. Onorab William.

 

HON WAVEN WILLIAM

Mersi Mr Chair.  Mon ti a kontan demann CEO letan mon pe get anba zot governance programme e mon pe get lo zot bann major achievements, mon pe refer avek bullet point kot zot pe dir ki in annan en improvement dan monitoring of crimes.        Mwan mon anvi konnen le fe ki letan mon pe reget sa, mon per regard avek realite, sirtou dan mon distrik, mon santi poudir eski zot santi pour dir, ouswa zot satisfe avek bann sipor ki zot pe gannyen avek bann letablisman otelyer, vizavi zot sa bann kliyan konsernan proteksyon lo lans?  Menm kot zot ale?

Akoz ki arive se ki sirtou lo kote Was, nou annan en pe bann problenm.  E nou santi pour dir sa dan li menm li, i annan serten lefe negativ ki kapab anmennen.  E mon pe vwar la zot in dir ki zot pe improve – eski zot satisfe ouswa zot santi pour dir i annan lespas ankor pour kapab fer serten travay?  E ki an plis nou kapab fer?  Akoz si nou pa vey byen sa lefe negativ i pour vreman afekte sa lendistri.  Mersi.

 

MR DEPUTY SPEAKER

Mersi Onorab William.  PS oule reponn.

 

PS ANNE LAFORTUNE

Mersi Mr Chair.  Si ou’n remarke nou’n mete dan Bidze pour lannen prosenn, nou annan en seksyon ki apel Risk Management.  E ki dan sa seksyon nou annan nou bann staff ki pe travay avek bann lotel pour zot met an plas bann progranm ki pour fer zot prepar zot pour okenn risk, e a part of sa osi se pour zot osi kapab annan bann leaflet, osi bann guidelines ki nou, nou devlope nou donn zot, ki mannyer zot pour tackle okenn lensidan ki pour annan okenn risk lo zot lotel.

Alors sa Bidze i la, pour nou fer sir ki nou kapab travay avek Lapolis, nou kapab travay avek DRDM pour nou ed zot met an plas bann progranm, pour protez zot lenstitisyon e protez bann touris ki dan zot letablisman.  E nou annan e sa i en keksoz ki nou fer souvan e nou pour emphasise lo la plis lannen prosenn.

 

MR DEPUTY SPEAKER

Mersi PS.  Mon pour al lo Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon oule tous lo sa ‘rent, rates and taxes ‘anba sa alokasyon pour Departman Tourism.  Eski nou kapab ganny en leksplikasyon akoz sa amount, 11.638 million?

 

MR DEPUTY SPEAKER

Sa set en sonm dan ‘’rent and rates’’. PS ou pour reponn oubyen …

 

PS ANNE LAFORTUNE

Ok Mersi Mr Chair.  Rent i parey avek rent lannen pase.  Parey ou konnen lannen pase, lannen avan nou ti ganny demande pour bouze, pour nou al kot Botanical House, e nou ti met an plas en sonm pour nou kapab pey rent  kot Botanical House ki en pe plis ki sa ki nou ti pe peye ler nou ti pe Espace avan.  E menm kantite amount in ganny mete pour lannen prosenn osi e rent i reste parey ek sa lannen.

 

MR DEPUTY SPEAKER

Mersi.  Onorab Ferrari.

 

HON JEAN-FRANCOIS FERRARI

Mwan ti a kontan si PS i kapab dir nou poudir la kot zot ete, zot pe house – Minister pe house lezot servis ki zot pa ti pe house Espace.  Notaman mon krwar Port and Civil Aviation – mon pa asire.  Konmsi mon pa oule piblik i ganny lenpresyon ki finalman akoz nou’n demann zot pour bouze i pe kout Gouvernman plis. So mon ti a zis kontan en klarifikasyon lo la silvouple.

 

MR DEPUTY SPEAKER

Ok PS.  Petet hold on PS, mon a les Onorab Pillay azoute, lo la si ou annan klarifikasyon.

 

HON SEBASTIEN PILLAY

Mr Chairman mon annan en Point of Order avan ki mon azoute, ou a permet mwan.

Mon krwar as a matter of procedure si Onorab in lev son lanmen pour li demann son kestyon, i a fer son klarifikasyon ler son kestyon i vini.  Me annan respe pour les en Manm ki pe demann son kestyon, napa personn ki’n fer referans avek rent avan. Mon’n zis vwar en sonm dan Bidze ki mon war i en gro sonm, e mon pe demande akoz sa sonm in ganny mete sa groser pour ‘rent.’ E Minister i ava eksplike.

Mwan ti a kontan konnen ki prosedir nou pour swiv si ler en Manm pour demann en kestyon, en lot li i oule fer en pwen, son pwen klarifikasyon i pour vin dan sa kestyon!

Otherwise then i pour annan en dezord.  So mannyer nou’n etablir dan bomaten, se ki mwan mon pe demann mwan kestyon, Onorab i a lev son lanmen, i ava met son klarifikasyon ler i demann son kestyon.

Napa personn ki pe fer en alizyon as to whether or not zot in sorti laba, in vin laba.  I zis ki nou pe get sa Bidze ki annan 11 milyon ekek mil Roupi pour rent.  E mon krwar ou osi ou ti pour demann sa kestyon akoz nou annan en gro rent!  Akoz se sa kestyon ki nou’n demande.

So mon lot kestyon ki mon ti a kontan konnen se e Onorab in sey komans demann leksplikasyon, me per square metre konbyen nou peye dan sa landrwa zis pour nou kapab konpare, akoz yer avek APDAR nou ti raise menm issue.  Nou pe kontinyen raise menm issue ek rent.  Akoz le bi se fer ki nou pa pe depans sa kantite lo rent. Enn.

E 2enm – depans ki Gouvernman i fer lo rent i pa fer monte pri rent dan rental an zeneral e sa i afekte private sector osi.  Se sa le pwen ki mwan ti oule fer avek mon kestyon.  Mersi Mr Chair.

 

MR DEPUTY SPEAKER

Mersi Onorab.  So PS si mon combine sa de kestyon ansanm sey dir nou si ou annan menm loperasyon kot ou’n ale – si i pe kout ou plis, me si i pe kout plis eski i zistifye ler ou kalkil an term benefis ki ou pe fer avek sa grander loperasyon pour sa landrwa.  E finalman donn nou son kou par met kare.  PS.

 

PS ANNE LAFORTUNE

Mersi Mr Chair.  Dan building Botanical House nou house nou menm Tourism Department, i house STB, i house Department Civil, Aviation, Port and Marine, apre avan ti house osi Sekretarya Minister Lafanmir. Be selman lafanmir in bouze, zot in move out e aprezan nou house zis Tourism Department, STB avek Department Civil, Aviation, Port and Marine.

Wi nou sa lakantite lasal ki nou annan, i pa an plis i menm en pe sere akoz, nou tou nou en pti kwense, me selman avek mouvman Departman ki ti plan anyway depi avan ek mouvman Sekretarya Minister Lafanmir, STB i kapab move en pti pe plis out e donn ou en pe plas en pti pe plis pour accommodate bann lezot ki ti pe asiz en pe tro ansanm.  With regards to rate nou pe pey nou R420 per square metre e nou annan nou en total square metre of 1000 around 50 square metre.  Mersi Mr.

 

MR DEPUTY SPEAKER

Mersi PS.  Onorab Pillay.

 

HON SEBASTIEN PILLAY

Mersi Mr Chairman. Mr Chairman mon ti a kontan ki Minister Finans i eklersi nou, eski par egzanp rent, par egzanp, par egzanp Departman Tourism i pour pran sa rent, eski sa i vin en consolidated position pour sa Departman kot tou bann Departman ki tonm anba sa Minister then zot rent i tonm i al kot, Departman Tourizm ki pe pey sa rent pour dsa building konplet pour tan sa bann lezot Departman e nou pa pour war e konponan rent pour par ezanp Departman Civil Lavyasyon avek Port and Marine.  Sa i mon premye pwen.

Mon 2en m pwen mon vwar pour dir ou annan en greatly reduced Budget for, PS i a reponn sa bout. Me sa 2enm bout ou annan en greatly reduce Budget for ‘events.’ Mon konpran eski sa se akoz se akoz se STB ki fer la mazorite events se zot, zot konsantre lo Polisi, or sey eksplik mwan. Akoz mwan ti ava ekspekte ki Departman Tourism i about the promotion osi.  So ti annan en konponan Bidzeter ase signifikan pour fer serten promosyon. Me klarifye si mon’n ganny sa mal. Mersi Mr Chairman.

 

MR DEPUTY SPEAKER

Mersi Onorab Pillay.  PS.

 

PS DAMIEN THESEE

Mersi Mr Chair. Aktyelman Departman Lavyasyon Sivil, Por e Maren, i form par dan Minister antye.  So ti pli fasil pour nou met rent dan en landrwa.  Even if i annan STB, ou pa pour war en rent pour STB akoz i osi i dan menm building ek zot.  Pour rezon Kontra, Lagreman ki ti ganny fer i pli fasil pour feature li en sel Kontra, met li dan en landrwa ki nou fer en peyman pour sa bann lofis ki ti pe ganny occupy dan plas spread it across diferan landrwa.  So ti en matter of simplicity.  Mersi.

 

MR DEPUTY SPEAKER

Mersi PS.  Mwan annan zis en pti kestyon mon ti a kontan demann PS Tourism.  Vi ki ou dir ou annan 420 met kare, non R420 par met kare e ou annan mil met kare.  Dizon ou pey R420mil par mwan oubyen R5 milyon tou le lannen. Me selman ou Bidze 11.6. Eski ou annan lezot rent ki ou pe peye?

 

PS ANNE LAFORTUNE

Mersi Mr Chair.  Mr Chair nou annan nou, nou pey R420 par met kare.  Nou annan nou 1050 sqm tou ansanm.  E ler nou kont akoz nou annan nou rent plus bann maintenance parey aircon, liv, landscape, tousala i vin separe ek son VAT.  An tou i ariv nou R965, 712 par mwan. Mersi Mr Chair.

 

MR DEPUTY SPEAKER

Mersi PS.  Onorab Pillay.

 

HON SEBASTIEN PILLAY

Sorry, Mr Chairman.  Mwan pa oule prolonz deba ant avek Departman me ti annan en kestyon in regards tou bann events, ki mon war konponan bidzeter in greatly reduce.  So mon ti a kontan klarifye ki akoz sa please?  Mersi.

 

MR DEPUTY SPEAKER

PS.

 

PS ANNE LAFORTUNE

Ok.  Mersi Mr Chair.  Wi Onorab Departman Tourizm li son Manda se pour zis travay lo Polisi, Regilasyon, standar, bann guidelines, e ki nou met an plas pour lendistri Tourizm. Nou, nou pa fer okenn levennman, ni okenn promosyon destinasyon.

Si nou annan okenn levennman ki nou bezwen involve ladan, nou travay ansanm ek STB.  E me selman tou bann, okenn kou finansyel se STB ki ava kouver on our behalf.

 

MR DEPUTY SPEAKER

Mersi PS.  Onorab Egbert Aglae.

 

HON EGBERT AGLAE

Mersi Mr Chair.  Bonn apre midi PS.  Mon kestyon.  An vi ki sa Bidze ki nou pour al vot lo la e sa lendistri li menm ki en pilye, mon ti a kontan demande kot i konsern standar, sirtou kot i konsern 472 kot zot pe met bann performans ek bann mezir, ok, an 2017 kot i konsern large hotel and resort formerly graded.  Si ou ti kapab donn en leksplikasyon k sa sif pe reprezante, target 2019 i 53, e kot i konsern bann advisory grading osi, ki zot in mete lo latab 6 No.2 anba kot an tou target i 256, eski sa i vedir i annan serten bann letablisman ki zot pe vwar poudir i bezwen annan plis sipor, pour zot kapab retenir, ouswa upgrade zot standar?  Mersi.

 

MR DEPUTY SPEAKER

Mersi Onorab.  PS.

 

PS ANNE LAFORTUNE

Mersi Mr Chair.  Kot nou dir large hotel and resort formerly graded Mr Onorab.  Ler ou vwar, akoz sa i en progranm ki nou pe antisipe met an plas as from 2019, sa ki nou apel nou classification progranm.

E dan sa progranm klasifikasyon i en progranm ki ou fer li, i en progranm ki pour last 2 an ki si ou’n ganny graded, mete dan 2019 then i pour, ou pour ganny, ou grade pour ganny revwar ankor, are renewed dan ankor 2 an. E large hotel nou annan nou apepre 53 large hotel dan pei. E savedir ki lannen 2019, nou annan lentansyon grade 53 large. E pi nou pour annan lentansyon, akoz bann pti lotel, zot, zot annan bann pti lotel ek guest house.

Zot annan apepre bokou plis.  So nou pour fer, nou pour grade 256. Be selman large hotel akoz nou annan zis 53. Son lannen 2020, nou pa pour bezwen grade zot akoz i last for 2 an.  Apre dan 2021, nou grade zot ankor.

Nou pour grade tou le large hotel dan en lannen. Whereas bann pti lotel i bann advisory oubyen bann actual, i annan apepre 500 odd zot. E nou pe fer tou-le-z-an, nou bezwen fer eskan nou konplet tou lakantite.  Selman zot osi i en grade ki pour pas tou le 2 an. I hope mon’n kapab eksplike.

 

MR DEPUTY SPEAKER

Mersi pour klarifikasyon. Onorab Aglae.

 

HON EGBERT AGLAE

Yes en pti siplemanter Mr Speaker.  Sa bann grading la ki zot pe nonmen, eski i pour bann rating ki pour ganny rekonnet zis lokalman, ouswa i pour ganny rekonnet enternasyonalman osi, pour ki sa bann prodwi ler in ganny package, petet, konmsi en kliyan ler i pe vin get en lotel, i a war son grading.  E la parey nou bann lezot platform ki annan ki nou kapab get bann lezot lotel?  Eski i pe ganny rekonnet enternasyonalman? E si sa grading pe ganny fer par okenn entities Seselwa, ouswa ou pe ganny sipor avek bann partener aletranze osi?  Mon ti a kontan konnen.

 

MR DEPUTY SPEAKER

Mersi Onorab.  PS.

 

PS ANNE LAFORTUNE

Mersi Mr Chair.  Sa grading nou’n fini travay lo zot kriter e nou ti ganny ankor lasistans UNWTO pour nou fer zot kriter e zot kriter i baze lo en baz enternasyonal.

E ler sa grading pour ganny donnen bann lotel pour kapab servi sa grading pour market zot enternasyonalman. Konmsa en touris ler i konnen pour dir i pe boukte dan en lotel, i konnen pour dir sa lotel i annan sa grade i pour ekspekte ki i en grade ki pour lo nivo bann lezot pei an zeneral. Akoz i ganny fer a nivo enternasyonal e nou’n osi partener avek en lasosyasyon in, dan South Africa kot zot osi zot promot nou grading pour montre poudir i ganny rekonnet par en body enternasyonal osi. Mersi Mr Chair.

 

MR DEPUTY SPEAKER

Mersi PS.  Onorab Churchill Gill.

 

HON CHURCHILL GILL

Mersi Mr Chair.  Bonn apre midi Minis avek ou delegasyon. Ler nou pou’n fini ek sa legzersis upgrading, then nasyonalman sa bann etablisman pour ganny sertifye konmkwa zot sa nivo.  Prezan ki Minister in met an plas, pour bann letablisman ki ler zot in ganny met sa nivo, zot in ganny fer byen kler tou bann kriter mannyer i ete, me selman apre serten letan ou war zot pa pe maintain sa nivo vi ki in ganny deklare enternasyonalman. Nou, nou ekspekte zot, zot maintain.  Ki Minister i fer dan sa bann lenstans koumsa. Mersi.

 

MR DEPUTY SPEAKER

Mersi Onorab. Mwan oule zis kosyonnen ki nou pa pour al tro dan Polisi akoz sanson i kapab ouver tre vas e nou pa pour zanmen fini.  Mon ti a kontan, mon pour les pase serten issues lo Polisi me selman annou restrikte li kot i annan en lenpak direk lo Bidze.  Me mwan a les sa kestyon pase.  PS.

 

PS ANNE LAFORTUNE

Mersi Mr Chair.  Parey mon’n dir avan sa grading i pour 2 an. Nou pour fer sir ki pandan sa premye lannen zot pour ganny zot grade.  E nou pour, si par egzanp nou ganny konplent pour dir sa lotel i son standar pe desann, nou pour kapab ale al reget zot e re-advice zot pour dir ou bezwen re-aranz ou standar, remet ou korek, be selman strikteman i pour last li 2 an.

Be selman an menm tan nou annan en seksyon lenspeksyon ki fer zot, zot fer bann lenspeksyon routin.  E zot annan bann minimonm kriter ki zot bezwen meet pour zot kapab ganny en license.

Savedir ki ler bann routine inspection i ganny fer e zot pa pe meet sa minimonm kriter pou zot ganny en license, the nou, nou kapab rekomann ek licensing pour nou kapab withdraw zot license, ouswa ki zot bezwen aranz zot as neseser, donn zot en deadline in order pour nou kapab kontinyen les zot operate.  Mersi Mr Speaker.

 

MR DEPUTY SPEAKER

Mersi PS.  Onorab Flory Larue.

 

HON FLORY LARUE

Bonn apre midi Mr Chair.  Mersi bokou.  PS eski ou kapab dir nou progranm 2 lo paz 472, mon war ki zot annan bann target pour fer sir ki bann letablisman i konform avek standar parey ou fek mansyonnen.  Eski ou kapab dir nou lo kote bann Zil Elwanye ki pe fer bann devlopman touristik, si zot ki Bidzete pour, si zot annan en Bidze spesifik pour zot al vizit sa bann landrwa pour fer sir zot pe confirm avek Polisi Tourism silvouple.

 

MR DEPUTY SPEAKER

Mersi Onorab.  PS.

 

PS ANNE LAFORTUNE

Mersi Mr Speaker, wi Onorab nou annan nou, nou pa separe pour konmsi al vizit bann zil elwanye ouswa bann zil deor. Tousala i anba en sel, be selman wi nou annan, nou bann lenspekter i ale lo bann Zil Elwanye osi pour zot kapab fer sir pour dir zot osi zot pe meet kriter neseser pour zot ganny zot license, ouswa pour zot ganny sa grading.

 

MR DEPUTY SPEAKER

Mersi PS.  Onorab Larue.

 

HON FLORY LARUE

Mersi PS.  Mersi Mr Chair. PS be letan, parey letan ou’n dir nou tou i enkli, zot travel avek Air Seychelles, ouswa avek IDC ki fer sa bann laranzman pour zot, e ki i arive si en letablisman pa pe konform avek regilasyon? Eski zot donn li en serten de letan pour li sanz son bann spesifikasyon, ouswa zot shut li down?  Mersi.

 

MR DEPUTY SPEAKER

Mersi, mersi Onorab. PS.

 

HON FLORY LARUE

Mersi Mr Chair.  Normalman ler i annan bann Zil Elwanye, non nou pa, nou napa en Bidze pour transpor.  Nou annan Bidze pour transpor Praslin La Digue akoz nou annan en kantite lotel dan Praslin La Digue.

Dan bann Zil Elwanye nou annan en laranzman avek owner ki ler zot monte.  Savedir le zot monte, e zot bezwen provide nou avek transpor.  Sa i en kondisyon ki zot bezwen provide nou avek transpor e sa i mars byen akoz zot regarde mainly ler zot pa, akoz kantite fwa avyon pa plen, zot kit de plas, i annan de plas, kan i available nou mont lo la.

E nou desann, e sa i at the cost of owner.  Nou, nou pa cost pour sa e sa se en laranzman ki zot in agree.  Zot bezwen provide transpor pour nou al vizit zot.  Apre, wi, wi, byensir ki si nou vwar pour dir zot pa meet kriter akoz nou annan bann kriter byen definir, kot nou tick, tick, tick, met komanter, nou premye attempt se nou donn zot, nou ekrir zot.

E nou copy Licensing, nou copy tou bann lotorite. E nou donn zot en deadline pour zot aranz zot. E la apre nou al re-vizite ankor. Si then zot ensiste ki zot vwar. Si nou vwar pour dir lamazorite in ganny aranze. I annan de pti gin ki bezwen aranz ankor. Nou dir ok, nou a donn ou license kondisyon sa 2 pti gin i kapab aranze.

Be selman si nou vwar pour dir nou pa satisfe kontinyelman, then we will recommend avek Licensing pour zot kapab re regard zot license.

 

MR DEPUTY SPEAKER

Mersi PS.  Onorab Larue.

 

HON FLORY LARUE

Mersi bokou PS.  Mersi bokou Mr Chair.  PS eski ou kapab zis konfirmen ki Polisi ki aplike lo Mahe, Praslin ek La Digue pour bann definisyon parey size bann keksoz koumsa i parey pour bann Zil Elwanye silvouple? Mersi.

 

MR DEPUTY SPEAKER

Mersi.  PS.

 

PS ANNE LAFORTUNE

As far as I am aware mon pour, kekfwa mon pour bezwen get byen mon bann teknisyen. Be selman wi i aplike bann dimansyon, i aplike throughout Sesel.

Selman mon preski sir si i annan enn de ki manke, kekfwa mon pa aware be selman mon preski sir pour dir i aplike throughout.

 

MR DEPUTY SPEAKER

Mersi PS.  Petet ki ou kapab fer se fer Lasanble ganny en kopi spesifikasyon ki ou donnen pour Mahe, Praslin e La Digue e byensir bann Zil Elwanye osi.

Bon nou napa okenn lezot kestyon.  Onorab Alcindor.

 

HON REGINA ESPARON

Mersi Mr Chair.  Mon ti’n lev mwan lanmen. Mon ti’n lev mwan lanmen kekfwa ou pa’n apersevwar.

Mr Chair mon ti a kontan demann Minis.  Mwan ti a kontan port latansyon Minis lo paz 470, SP1, latab 5, SP1, ‘’Minister’s support services.’’ Lannen pase zot ti ganny 1 milyon 777mil.  E sa lannen i annan en logmantasyon 268 mil, zot pe demann 2 milyon 45 mil.  Mon ti a kontan konnen ki aktivite an plis zot pe al fer anba sa Head pour zistifye sa logmantasyon R268mil? Mersi Mr Speaker.

 

MR DEPUTY SPEAKER

Mersi Onorab Esparon.  Mon pa konnen si Minis oubyen PS. Minis.

 

MINISTER DIDIER DOGLEY

Mersi Mr Chair.  E bonn apre midi tou dimoun, bonn apre midi tou bann Onorab, e tou dimoun ki pe ekout nou.

Anba sa vot Onorab i premyerman i annan en, nou sipoze recruit en dimoun pour travay sekirite dan biro Minis e an menm tan biro Minister ki nou napa la an se moman. Alors sa lapey sa dimoun.

2enm i annan staff, bann, akoz mwan 4 staff dan biro.  E i annan sa bann sanzman ki’n ganny dir ogmantasyon ki Gouvernman pe donnen. Sa bann logmantasyon i enkli ladan.   E pou Pam mon personal assistant i osi annan en increase dan son saler.  Apre Lapolis pour, normalman ti abitye sarz nou R20mil par mwan pour sekirite.  La zot pe demann nou R25mil. Alor tousala in ganny enkli ladan.  Se sa ki ou war sa sanzman.  Mersi Mr Chair.

 

MR DEPUTY SPEAKER

Mersi Minis. Onorab Esparon Klarifikasyon?

 

HON REGINA ESPARON

En pti klarifikasyon Mr Speaker, Mr Chairman.

Zis petet eklersi mwan akoz i pa pe tonm anba ‘wages and salaries’ i tonm direkteman anba ‘Minister’s support services?’ Mersi.

 

MR DEPUTY SPEAKER

Petet zis pour klarifye Onorab Esparon sa i bann progranm, progranm include wages, include ‘’goods and services.’’ So mon pa konnen si Minis oule azout lo la, or PS.

 

PS DAMIEN THESEE

Mersi Mr Chair, si ou tourn lo paz 471, ou pour get sa latab anba kot i met economic classification by sub-programme ou pour war i detay sa SP1 pour ‘Minister’s support services.’

So i pour donn ou son detay for compensation for employees kot ou pour war sa increase from 956 to 1.1 milyon dan wages ki basically akoz all Ministers zot entitle en sekirite. I ladan.  Mersi.

 

MR DEPUTY SPEAKER

Mersi PS.  Onorab Ferrari.

 

HON JEAN-FRANCOIS FERRARI

Mersi Mr Chairman. Mr Chairman pa en gran zafer. Mon krwar nou preski pare pour nou pran en vot. Me selman avan nou pran sa vot kekfwa mwan ti a kontan presiz sa kestyon ki Onorab Larue ti pe demande, Cosmoledo.

Lasanble in ganny lenformasyon ki annan en konstriksyon ki’n ganny fer kot touris pe ganny mete dan, reste dan container, e ki Minis Finans in dir nou li si ti i pa ti pour zanmen les arive.  Nou bezwen, mwan ti a kontan kekfwa zot donn nou en pozisyon. Eski Minister, eski sa ki pase lo Cosmoledo, lo bann zil IDC, i tonm anba Minister konmsi donn nou en pozisyon kler? Mersi.

 

MR DEPUTY SPEAKER

Mersi Onorab Ferrari.  Minis oubyen PS.  Minis.

 

MINISTER DIDIER DOGLEY

Mersi Mr Chair.  Konsernan Cosmoledo prosedir ki sa devlopman in pran, i parey tou bann lezot devlopman ki’n ganny fer lo Mahe, Praslin, La Digue. I annan premyerman en submission ki’n antre lannen pase pour sa proze kot ti pas atraver SIB.  E i ti ganny permisyon atraver SIB pour go ahead apre ki tou bann lazans ti ganny konsilte.

Apre pli tar i ti al kot Planning. Planning in donn permisyon, ankor Planning i annan plizyer lazans ki ganny konsilte ler i annan bann proze ki ganny submit, okenn konstriksyon i bezwen pas atraver Planning.  E zot ti’n gannyen permisyon Planning e si pour nou in pas atraver sa prosesis kot in ganny konsilte in ganny debate lo la, e a lafen in annan bann permisyon ki’n gannyen pour nou sa i the way ki keksoz i devret ganny fer. Mersi Mr Chairman.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mr Chairman, mon apresye ki Minis in sey reponn sa kestyon. Mon pa’n anvi donn li en trip, sey trip li.  Me selman piblik ti a kontan konnen ki Chairman Development Committee li menm li sa msye ki apel Mr Glenny Savy.  Li menm li ki ansarz bann zil.

E mon krwar ki i toutafe byen ki ou’n demande ki nou ganny sa bann guidelines lo bann grander lasanm lo bann keksoz koumsa.  E nou ava demann Minister Lanvironnman si serten dimoun i ganny drwa fer lotel lo lans tou sa bann keksoz koumsa, e la nou ava pran nou desizyon.  Me selman mon krwar i kler ki.  Mon krwar i kler ki nou napa zis en Prezidan Sesel, nou annan de.  Mersi.

 

MR DEPUTY SPEAKER

Mersi Onorab Ferrari, Onorab Henrie ou ti le demann en klarifikasyon lo menm pwen oubyen ou ti annan en lot?

 

HON GERVAIS HENRIE

En lot me apepre, pre avek.

 

MR DEPUTY SPEAKER

Ok mon a met ou non lo lalis mon a kontinyen.  Onorab Waven William.

 

HON WAVEN WILLIAM

Mersi Mr Speaker.  Mr Speaker zis mon ti anvi Minis i reponn mwan sa kestyon vizavi, mon pa vwar dan Bidze en Fon contingency?  Mon anvi konnen letan i ariv en lensidan avek en touris, kot i perdi tou son byen, ki bor ki Minister i antre pour soulaz sa viziter vizavi – mon kapab dir ed li pour li kapab.  (1) ganny serten lasistans an menm tan retourn dan son  pei.  Si tou son keksoz in perdi. Eski i annan en alokasyon par la anba Minister ki zot antre ladan pour kouver serten sa bann fre? Mersi.

 

MR DEPUTY SPEAKER

Mersi Onorab.  Minis eski i annan enn dan bann sif devan nou la ki ou servi pour sa bann tel lensidan?

 

MINISTER DIDIER DOGLEY

Mersi Mr Chair. Nou napa en sonm pour en keksoz parey. Laplipar pei i napa en sistenm parey.

Normalman si i ariv en lensidan avek en dimoun dan en pei ou sipoze annan en insurance ki ou vin avek, e ou claim ou lasirans depi kot ou ete.  Me annan de ler nou dan en pei nou annan sa konpasyon, nou sey rod fason pour ed sa dimoun.  E normalman nou travay tre pre osi avek bann ki annan bann reprezantan par egzanp zot Onorer Konsil ki dan pei, li i pran osi bann responsabilite pour ed sa dimoun ziska ler ki i kapab sort out son problenm. Be selman normalman i pa normal ki Gouvernman li i pran sarz bann kou bann dimoun ki perdi zot keksoz, ouswa en keksoz parey.  Mersi Mr Chair.

 

MR DEPUTY SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Minis mon konpran sa ki ou’n dir. Me selman le fe ki sa sityasyon ler i devlope, pa Konsil ouswa Lanbasad ki fer.  Konmsi ou pa krwar petet, lefe ki in vin dan ou destinasyon e tourism i pilye nou lekonomi.  Petet pour lavenir.  Mon konnen petet nou pa pe mazin li, donn li sa lenportans pour le moman.  Me selman pour lavenir, prenan kont parey mon dir ki (1), nou annan konpetisyon dan larezyon.  E sa i nou pilye, mon ti ava demande petet serten konsiderasyon dan lavenir i ganny pran lo la.  Mersi.

 

MR DEPUTY SPEAKER

Mersi Onorab.  Mon pa konnen si Minis oule fer en komanter oubyen ou a mazin lo la.

 

MINISTER DIDIER DOGLEY Well nou remersye li pour son kontribisyon Mr Chair.  Nou ava mazin lo la.

 

MR DEPUTY SPEAKER

Mersi.  Onorab Pillay ou ti le raise en …?

 

HON SEBASTIEN PILLAY

Yes Mr Chair. Avek ou permisyon mon ti oule raise en pwen klarifikasyon avek panel.

Mon ti oule klarifye akoz Onorab Ferrari in raise sa pwen lo Cosmoledo. Sa size enforcement i tonm anba zot, oubyen i tonm anba STB? Akoz par egzanp i annan, ti annan en size mon ti oule raise konsernan bann yacht ki vin Eden Island ki antre, i annan bann birth ki ganny servi e zot ep fer en aktivite kot touris pe vin abor, pe dormi, pe fer ekskirsyon.  So who captures sa?  Akoz mon pa war konponan Bidzeter pour zot.

So mon ti pe al demann sa kestyon avek STB. Be ler mon’n tann PS koz lo bann guidelines, konpran so nou bezwen, akoz mon ti oule konpran si sa li vin la, oubyen se STB ki nou bezwen annan size avek.  Lekel ki pe monitor?  E si annan Bidze ki nou’n ogmant kapasite enforcement, pour fer ki bann lotorite, bann antite i follow bann guidelines.  En endividi pa kapab pran en yacht, anmenn isi pour family, pour ekskirsyon apre finalman ou war sa yacht pe ganny servi pour al fer charter, pour fer isi laba? So mon ti a kontan konnen ki pe arive akoz i annan en kantite konsern.  Menm bann lakaz Eden Island ki ganny lwe, ki an deor konpletman sa ki pe pase. Gouvernman pa pe anmas okenn reveni avek.

So mon ti a kontan konnen kote sa i ete.  Mersi Mr Chairman.

 

MR DEPUTY SPEAKER

Mersi Onorab Pillay.  Petet Minis ou kapab donn en klarifikasyon lekel vreman ki responsab e ki kapab pran en desizyon kot fodre pour fer kler ki polisi ki an mars.  Mersi.

 

MINISTER DIDIER DOGLEY Mersi Mr Chair.  Konsernan Eden Island i deza annan en travay ki pe ganny fer par Departman Tourism ki pe swiv bann Villa. Akoz i annan serten poursantaz bann Villa ek apartman ki’n anrezistre avek lotel Eden Bleu, ki zot ganny dwa lwe through lotel Eden Bleu.  Me larestan pa ganny drwa lwe.  E si zot ganny dekouver pe fer li, then i pour annan aksyon ki pour bezwen ganny pran kont zot.  E sa pe ganny fer par Departman.

Konsernan bann yacht, sa i en travay ki pour bezwen ganny fer par SMS konzwentman avek Port Authority.  Mersi Mr Chair.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Chair.  Mon kestyon i relye avek lo paz 468. Mon pe get sa programme 2 la, product development and standard monitoring.

E mon pe demann en kestyon an relasyon avek manda sa Minister an zeneral. Eski si tourism i nou premye lendistri? Eski dan sa product development la mon pe konpran li koumsa.  I annan en, i pour annan en zefor atraver sa Bidze pour ankouraz Seselwa – take ownership of the industry. E sirtou, sirtou an relasyon avek sa 3rd Outer islands development plan pour lannen 2018/ 2023 ki Cabinet ti konsidere an Septanm 2018, pour ki sirtou bann Seselwa i al fer bann devlopman touristik lo Zil Elwanye ki nou pa tann zis Sid Afriken i vini i ganny Cosmoledo, i ganny Alphonse, i ganny Desroches.

Me Seselwa enkli detrwa nou kekfwa la letan politik nou nepli ladan, nou ti kapab mont en pti cottage somewhere lo en zil, pour ganny en reveni.  So ki mannyer sa Bidze pour pe fer ki pour Seselwa i ganny ankouraze?  E sirtou dan tou bann distrik nou vwar bann pti, mannyer zot apel sa la, bann pti landrwa kot touris i kapab reste parmi Seselwa, kot bann dimoun par egzanp Nelson dan Mont Buxton vreman i ganny lankourazman pour devlop son pti biznes?  Mersi.

 

MR DEPUTY SPEAKER

Mersi Onorab Henrie.  Mon mazinen PS ki pour reponn sa ou annan en Bidze 4 milyon sa progranm pour 2019.

 

PS ANNE LAFORTUNE

Mersi Mr Chair.  Sa progranm, programme 2, programme, development and standard monitoring, mainly sa i kouver 2 main seksyon anba Departman, sa i seksyon kot nou regard bann standar, e lenspeksyon kot nou lyez avek Licensing pour nou rekomann license avek SLA, e osi pour nou rekomann occupancy certificate avek Planning Authority.

Sa ler nou al fer lenspeksyon nou fer sir zot get zot, zot ganny zot bann minimonm, nou, zot fer zot minimonm criteria pour zot fer sa. Regarding kot product development, sa bout i enkli osi klasifikasyon kot nou pour met an plas lannen prosenn hopefully.  e osi i annan en unit kot nou, ler nou dir product development, mainly pour nou diversifye prodwi ki ofer pour touris aste.

Parey nou dir toultan touris i vin Sesel, zot napa, tou dimoun i fer akomodasyon, whereas zot vini zot larzan, zot napa ase aktivite pour zot depans ladan.  E sa nou annan en unit kot nou pe travay, nou pe fer en assessment a le moman pour nou idantifye kwa ki ganny ofer ek touris pour touris aste, kwa ki fodre ganny ofer, ki gap ki annan e idantifye bann aktivite e laplipar di-tan se SIB ki fer promosyon bann aktivite.

Par egzanp pour bann investors. Si ou annan aktivite, whether investors. Mon sipoze investors lokal osi.  Be selman nou osi i pa anpes nou fer sa.

Selman at the moment nou pe travay lo nou, Master Plan kot nou pour annan bann action plans kot Departman i pour bezwen travay ek bann lezot Lotorite.

E one of that is pour nou kapab promot plis nou bann lokal, dimoun lokal pour take up bann aktivite ki in order for touris pour depann lo la.  This is mainly sa de sa.   Wi apre nou fer, epi nou fer training nou bann staff osi ladan, tousala i kouver ladan dan sa.

 

MR DEPUTY SPEAKER

Mersi PS.  Onorab Henrie.

 

HON GERVAIS HENRIE

Mersi Mr Chair.  Baze lo larepons ki PS in donn nou, so mon vwar i annan, i pour annan en logmantasyon baze lo revise Budget pour sa progranm konpare avek Bidze ki zot pe gannyen lannen prosenn, menm si pa bokou.

Selman savedir i annan en logmantasyon. Prezan letan Minis, PS in dir pour dir zot travay, zot annan en unit, mon anvi ganny en legzanp, par egzanp en recent product ki’n come along, kot nou kapab dir pour dir vre bann la in fer en keksoz akoz letan mon pe koz, ou pe koze mon pe mazin par egzanp dizon Takamaka Bay. I en ronm lokal, ti pour byen en zour par egzanp zot ti kapab dir avek T Takamaka Bay be come up avek en konsep, en zoli bar lo lans kot prezan zis bann cocktail a baz ou prodwir ki touris i kapab sorti dan tou lotel vin la.

Mwan pe mazin sa ki zot ti pe fer.  So eski i annan en legzanp tanzib ki prezan mon kapab war pour dir be wi i demann donn zot en pti larzan an plis pour fer sa.  Mersi.

 

MR DEPUTY SPEAKER

Mersi Onorab Henrie.  PS.

 

PS ANNE LAFORTUNE

Mersi Mr Chair. Sa unit in fek ganny formen sa lannen.  Ok? Savedir nou’n fek komans, konmsi nou’n fek komans an plas.  La le moman nou lo staz idantifye sa bann aktivite parey ki ou pe dir.  Nou pe idantifye sa bann aktivite kot nou pe vwar pour dir, nou kapab met a lofer avek touris, pour touris aste.  At the moment this is sa.

Dek ki nou’n fer sa analysis, hopefully parey ou pe rekomande Msye Onorab lannen prosenn nou kapab dir be ok ki mankman ki annan.  Ki mankman ki annan e nou ava fer en lalis mankman. E sa nou kapab prezan share sa avek par egzanp SIB, avek SHTA – SHTA, sa lasosyasyon ki okip bann sekter prive, share avek zot.

E ki nou kapab share avek maybe SCCI.  So bann lorganizasyon ki konnen i annan kontrol lo bann private sector, pour zot dir be i annan sa bann zafer, sa bann keksoz on offer, e zot kapab komans kalkile, en keksoz ki zot kapab take on.  Be at the moment nou pa ankor fer okenn spesifik, nou ankor lo en situational analysis seksyon mon kapab dir pour le moman.

 

MR DEPUTY SPEAKER

Mersi PS.  Onorab Henrie.

 

HON GERVAIS HENRIE

Mr Chair mon krwar en, regarding sa zafer 3rd Outer Islands Development Plan ki Cabinet in konsidere an Septanm mon pe sey lyez li avek Ministry of Tourism, sa zafer pour Seselwa ganny loportinite devlop en pti bout later ki Gouvernman i lease li fer en pti pour Seselwa, pour touris zot pa’n reponn mwan si i annan en plan. Mersi.

 

MR DEPUTY SPEAKER

Mersi Onorab.  PS.  Minister. Minis.

 

MINISTER DIDIER DOGLEY Mersi Mr Chair. Mon krwar loportinite i la. Dimoun i bezwen al kot, ou annan ou proze. Ou pran ou al kot SIB, ou diskit ou proze, ouswa ou kapab vin kot nou.  Apre ou pas atraver SIB, SIB i anvoy kot bann lorganizasyon nasyonal, bann agencies, e zot donn zot pwennvi, ou konnen apre baze lo concept si sa pour kapab al devan ouswa non.

Prosedir i parey pour Mahe Praslin, La Digue, Cosmoledo, e le zot zil.  Ou bezwen pas atraver en sistenm SIB.  E nou, nou konsey bann envestiser.  Minister li menm i pa konsevwar bann proze.  Se sa dimoun li i bezwen al kot en dimoun ki kapab devlop son concept, ed li avek son businessman plan, la apre li i al devan.  Be apre ler li in pare, i al kot SIB, e i ganny konsey ki mannyer pour li al devan.

E nou, nou’n dernyen fwa ler mon ti la nou ti pe koz anler, nou ti pe koz lo kestyon vertical integration.  Enn bann keksoz ki mon ti leve se ki nou vwar pour dir i annan en gran mankman. Par egzanp la i annan cruise ship ki’n arive, ki dan por pour 2 nwit.

Ler sa bann touris i sorti dan por napa bann aktivite, bann landrwa kot zot kapab ganny atrape pour zot depans sa larzan.

Nou pa pe ofer zot bann loportinite.  Ou a demann kwa. Par egzanp i mank bann kafe, i mank bann restoran, kot zot kapab al asize, depans zot larzan. I mank bann entertainment areas kekfwa ki zot desann aswar pour zot al vizite, pour zot kapab pas en letan laba.

Menm bann sale, nou war dimoun pe vann bann menm kalite keksoz, ouswa laboutik ler in ariv 5er diswar in fini fermen.  I annan tou sa levantay loportinite ki malerezman nou pa pe devlope.  E se sa travay ki nou pe fer aprezan pour idantifye ler nou’n revwar partou dan bann diferan pei kot i annan cruise ship.  Kwa ki zot, zot pe fer pli byen ki nou.  E osi bann lezot aktivite ki pour ankouraz touris pour depans larzan e kit larzan isi Sesel. Se sa travay ki nou pe fer e apre nou, nou ava prezant li avek bann potential investors pour dir zot vwala bann loportinite. Me a lafen desizyon si zot pour envestir ouswa non, i reste avek envestiser.  Mersi Mr Chair.

 

MR DEPUTY SPEAKER

Mersi Minis.  Onorab Wavel Woodcock.

 

HON WAVEL WOODCOCK

Minis ou’n mansyonnen la kot i konsern vertical integration. La an se moman la i annan plizyer bato krwazyer ki pe vini.  Ou menm ou’n dir i annan en mankman aktivite. I annan en kontrol bann DMCs kot i konsern sa bann bato krwazyer.

An se moman zot annan zis en Polisi lo vertical integration ki pa neseserman pe safeguard sa bann pti biznes, bann pti guesthouse, bann pti lotel avek bann pti letablisman. So eski dan le fitir, zot pe konsider pour fer sa Polisi lo vertical integration, it’s not just being a policy, met li dan Lalwa ki zot a ganny plis ledan, plis lafors pour deal avek bann DMCs akoz mon’n aprann pour dir menm i annan DMC pe konteste sa Polisi Ankour.  Eski sa i dan zot plan dan lefitir pour annan en Lalwa lo vertical integration pour safeguard sa bann pti antite.  Mersi.

 

MR DEPUTY SPEAKER

Mersi Onorab.  Minis oubyen PS.

 

PS ANNE LAFORTUNE

Mersi Mr Chair.  Wi nou pe travay avek AG’s office pour nou ganny nou Lalwa. Nou Tourism Development Act kot nou’n fini fer bann final draft e i sipoze vin devan Lasanble soon.  E dan nou Lalwa nou pour mete bann seksyon relevan kot nous anti ki fodre ganny enforced e sa pour antre koman bann (S.I) dan nou Lalwa ki nou pe hopefully ganny, pour ganny aprouve next year par Lasanble.

 

MR DEPUTY SPEAKER

Mersi PS. Si napa okenn lezot kestyon, nou pour pran en vot lo sa Budget Head ki en total PS Thésee petet ou kapab zis gid nou.

 

PS DAMIEN THESEE

Wi Mr Chair.  Nou pour bezwen pran vot lo total pour sa Minister akoz Departman Tourizm i the only en Departman dan sa Minister.  So petet nou ti ava si zot dakor, nou a pran Tourism Academy, apre Departman Lavyasyon Sivil apre vot a lafen.

 

MR DEPUTY SPEAKER

Konmsi nou a pran tou le de ansanm? Ok mon napa problem avek sa.  Ok nou a pran tou sa bann. Savedir nou pour pran Departman Tourism, Civil Aviation, Ports and Marine, apre STASo Tourism avek STA.

 

PS DAMIEN THESEE

Ek Departman Lavyasyon Civil tou. I fer sa Minister antye.

 

SEYCHELLES TOURISM ACADEMY

 

MR DEPUTY SPEAKER

Ok.  Very good.  Be alors nou a, oule kriy alor la prezan Mr Thésee, Tourism Academy.  Gid nou lekel ki devret vini next.  So nou annan Tourism Academy ki nou pour pran prosennman lo paz 479 pour en total R22 milyon 450mil e mon ti a kontan swet labyenveni Mr Flavien Joubert ki Principal kot Tourism Academy, e Manmzel Lizette Nolen, Senior Accountant kot Tourism Academy.

Alor deba i ouver lo la. Onorab Wavel Woodcock.

 

HON WAVEL WOODCOCK

Mersi Mr Speaker. Mon kestyon i konm swivan pour STA se kot i konsern zot strategic priorities 2019, to 2021.  Dan zot strategic priorities zot in fer sorti annefe sa i en keksoz ki sorti dan dernyen Bidze pour 2018; ‘to set up training facilities on Praslin to cater for the training needs of Praslin and La Digue residents and increase the graduation rates on all academics programmes.’ So anyway –

So mon kestyon Mr Speaker i regardan sa bann facilities, training facilities lo Praslin ki pour benefisye bann zabitan Inner Island.

Me selman ler mon pe get dan PSIP mon pa war okenn Bidze dan 2019, okenn larzan Bidzete pour 2019 up to 2021 kot i konsern en fasilite pour cater pour sa bann etidyan ki sorti Inner Island.  Alor mon ti a kontan demann zot si vreman sa i en keksoz ki zot pour fer li vin en realite pour bann zabitan Inner Island.  Mon 2enm kestyon i kot i konsern bann etidyan ki pe fer advance diploma dan hotel management avek Shannon College atraver STA en konsern ki plizyer Praslin etidyan in leve se ki zot allowance, i annan en discrepancy dan zot allowance ler ou konpar li avek allowances bann lezot etidyan parey Unisey kot zot, zot pe ganny first year student pe ganny R1600, 2enm lannen pe ganny R1800, 3enm lannen pe ganny R2mil, sorry, 3enm lannen pe ganny 2 mil roupi, me selman dan zot 2enm lannen zot al fer staz osi aletranze.  Sa allowance ki zot pe gannyen i vreman ba as opposed tou bann lezot student.

An menm tan i pli worse pour bann etidyan ki sorti lo inner island par le fe ki zot, zot bezwen rent en landrwa reste lo Mahe.

Tandis ki bann etidyan Unisey zot ganny zot en allowance R3mil pour akomodasyon.  En etidyan sorti Inner Island zot konsidere koman en mature student le moman ki zot enroll lo sa Advance Diploma. E zot, zot ganny R1600, zot bezwen pey R1500 rent pour zot reste Youth Hostel.  I reste zot zis selman R100 dan zot lanmen.  So mwan mon kestyon i ki zot pour fer, regardan sa bann students an across the board zot allowance enkli pour Inner Island kot i konsern akomodasyon.  E osi bann etidyan ki ti dan lanplwa ki zot in fer zot antre lo sa course, ki zot ti pe ganny en saler e la ou war zot retourn ankor lo en allowance R1600 kan zot ti pe ganny en proper salary.

So ki zot pour fer pour get dan welfare sa bann student? Mersi.

 

MR DEPUTY SPEAKER

Mersi Onorab Woodcock. Premyerman petet si Mr Joubert pour reponn, ou a dir nou si sa bann allowance i pey anba sa Bidze ou non? Oubyen sa i zis en kestyon polisi ki en lot dimoun ki fer peyman? Mr Joubert.

 

PRINCIPAL MR FLAVIEN JOUBERT

Mersi Mr Chair.  Mersi Onorab. Premye kestyon pour Praslin letan nou ti komans Praslin koman ou konnen ou menm. Nou ti komans li pti, pti menm, avan menm.  E apre in grandi, letan in grandi, in grandi pli gran ki nou lekspektasyon.

Alor se pour se la prezan ki nou ti demande pour nou fer en lenfrastriktir lo Praslin.  E letan pour nou fer lenfrastriktir lo Praslin i kout en kantite larzan koman ou konnen ou menm, e nou’n ganny ed avek SCAA ki’n pas en lakor avek nou pour nou servi Touch Down restoran.

Letan nou ti pe al ouver pour Touch Down restoran vin en lekol, letan nou’n met sa proze devan, vreman sa proze ti tro adventurous.  Ti pour kout en pake larzan. Alor Minister Finans ti demann nou pour nou come up avek en feasibility study ki vre e nou ti fer en feasibility study e Minister Finans nou’n vwar poudir vreman Minister Finans i annan rezon.  Sa kou ki nou ti pour al depanse pour nou fer sa lekol spesyal pour Praslin, i pa vreman fezab, be in the short term, ni in the long term.

Alor ki mon ti fer koman en dimoun ki osi in travay Praslin dan lotelri, tourizm, personally mon’n al Praslin, personally, mon’n al vwar bann otelye, bann partener pour gid mwan, ki nou pour fer.  Parske nou deza annan sa lenfrastriktir.

E la i tre enteresan. Zot dir ek mwan ok, zot pour donn nou sipor, me selman sa larzan ki nou bezwen, zot pa pour kapab donn nou.  Akoz i tro bokou.  E nou osi nou pa kapab al kot Minister Finans at the stage, parske dan nou lekol otelyer, Mahe pa ankor fini, so nou pa kapab al met nou ankor lo en demann pour fer en lot lekol.

Alor ki bann partener in advice nou, ki mwan pour advice ou la ozordi, bann parterner i dir nou ok, nou ava pran Touch Down restoran, nou ava fer 3 laklas.  En, savedir zis nou met partisyon ladan akoz lekipman, tou bann keksoz nou annan kot Lakademi Tourizm, zis nou fer anvoy lo Praslin. Prezan akoz sa course i laprantisaz.  Laprantisaz se 2 zour dan lekol, 4 zour dan lotelri e en zour konze.  Alor letan manrmay i komanse an Zanvye pandan premye 2 mwan kot zot vin dan laklas kot lekol kot Touch Down e la zot pour fer zis bann soft skills training; customer care, communication skills, telephone skills, teamwork, team building, service attitude and delivery, apre bann matyer akademik.

Once ki zot fini fer sa, pandan sa premye 2 mwan solid la nou met zot dan lendistri parey progranm i demande pour 4 zour. E pandan sa 4 zour zot fer zot practical, solid, dan sa lotel.  E zot retourn kot lekol, 2 fwa par semenn pour kontinyen avek teori e pratik, sorry, teori avek sa bann soft skill training ankor ki kontinyen.  Akoz sa i dire pandan tou sa course antye.

Maintenant, prezan letan sa bann manrmay in ariv Zilyet – Zilyet se letan kot Lakademi Tourizm i vid, parske bann etidyan Lakademi Tourizm, zot al lo internship.  Nou pran tou sa bann manrmay Praslin, nou anmenn zot Mahe, e la nou fer training entansiv avek zot pandan sa 2 mwan.

Savedir zot reste Mahe e zot lo hotel school full time.  Apre sa 2 mwan zot retourn ankor lo Praslin e la mode i kontinyen parey, 2 zour lekol, 4 zour dan lendistri, e Desanm zot retourn ankor Mahe e ziske ler byensir zot fini fer zot letid.  Savedir zot desann Mahe 2 fwa.  Maintenant prezan ou kapab demann mwan be kote zot pour reste sa bann manrmay letan zot desann Mahe?

Alor nou pour komanse nou ekspekte nou pa pe ganny nou 100 manrmay.  Sa kantite manrmay ki nou krwar nou pe gannyen.  Kekfwa nou a ganny nou kekfwa en 40 pour komanse.  E nou ki nou pe fer, nou pe fer deza provizyon pour landrwa reste sa bann manrmay.  Osi avek Youth Hostel parski pour napa bokou manrmay kot youth hostel. Akoz bann lezot lekol, bann lezot PCs zot bann manrmay, either zot lo vakans, oubyen zot lo attachment.  E lekel ki pour pey tiket pour sa bann manrmay desann Mahe?  E la osi nou pe fer laranzman ki mannyer nou pour ganny sa larzan.

So finalman Onorab mon kapab asir ou sa ki lendistri in vin avek i en pli bon mode, ki sa ki nou, nou ti pour vin avek.

Alor ki mannyer nou al devan maintenant?   Nou pa kapab zis akoz Minister Finans prezan zis donn zot sa dir bon vwala sa ki nou pe fer.  Prezan nou pe fer nou en concrete feasibility written one, ki letan nou fini ganny sa pour nou donn nou Minis pour nou Minis al kot byensir demann laprouvasyon.

Me par kont sa feasibility study li ki nou pe fer, pe ganny sponsor par enn sa bann partner ki osi in partisip dan sa bann nide, sa mode. Mersi Onorab.

 

MR DEPUTY SPEAKER

Mersi Mr Joubert.  Minister oule fer en klarifikasyon.

 

MINSTER DIDIER DOGLEY

Yes Mr Chair.  Mon ti a voudre reponn sa dezyenm bout kestyon ki i annan pour fer avek allowance pour bann Shannon etidyan i en issue ki zot ti’n deza raise avek.  E mon’n raise sa avek Minister Ledikasyon.

Annefe i annan en teknikalite ki pe koz sa problenm, e nou, nou pe travay lo la, akoz mon krwar senserman pour dir nou devret apply menm rule avek Unisey.  E i en keksoz ki nou ava finalize tre byento.  Mersi Mr Chair.

 

MR DEPUTY SPEAKER

Mersi Minis. Onorab John Hoareau.

 

HON JOHN HOAREAU

Mersi Mr Chairman. Mr Chairman Lekol Lakademi Touris ti ganny en Grant 250 mil Dolar pour refurbish bann language lab.  Mon vwar lo paz 481 i annan serten larzan ki’n ganny depanse depi 2017 ziske, apre i annan serten larzan ki’n ganny prevwar pour 2019.

Me senpleman dan sa landrwa, napa sa bann language lab.  Sa landrwa in ganny fer koman en staff room. Eski msye CEO la i kapab donn nou en pti leksplikasyon lo la silvouple.  Mersi.

 

MR DEPUTY SPEAKER

Mersi Onorab Hoareau.  Mr Joubert.

 

PRINCIPAL MR FLAVIEN JOUBERT

Mersi Mr Speaker.  Mersi Mr Hoareau.  I vre ki BADEA in pledge 250 mil Dolar pour devlop sa language lab, wi sa i serten.  E nou ti annan meeting avek Minis Lalanne, e avek mon chairman byensir.  E Minis Lalanne in asir nou ki in met en dimoun pour swiv sa dosye.

Akoz letan i pledge i pa vedir ki kan ou’n fini pledge ou gannyen.  Parske prezan nou bezwen sa bann prosesis.  Me sa bann prosesis i ganny fer par Minister Finans e mon kapab asir ou pour dir Mr Lalanne in asir nou pour dir in allocate en dimoun dan son Minister pour swiv sa prosesis pour nou ganny sa 250mil Dolar pour nou fer sa de, pour nou ekip pardon sa de language lab.  An se moman sa de language lab nou pe servi li parske i vid, nou pe servi li koman en staff room avek en laklas.

 

MR DEPUTY SPEAKER

Mersi Principal Joubert. Onorab Hoareau.

 

HON JOHN HOAREAU

Petet msye la i kapab eksplik nou en pti pe sa bann larzan anba ‘building and infrastructure’ ki pe ganny servi, pour kwa sa pe ganny servi?

 

MR DEPUTY SPEAKER

Mersi Onorab. Principal Joubert.

 

HON JOHN HOAREAU

Bon, bann larzan anba ‘building avek infrastructure’ ki nou’n gannyen la ki nou ankor pe servi se pour fini sa first phase of the Tourism Academy, the first phase, pa second phase, first phase.

 

MR DEPUTY SPEAKER

Mersi Onorab.  Noline Sophola.

 

HON NOLINE SOPHOLA

Mersi Mr Chair.  Mr Chair zis en pwen klarifikasyon premyerman Mr Joubert i CEO or Principal?  Which ki nou pour adres li silvouple?

 

MR DEPUTY SPEAKER

Mr Joubert.

 

PRINCIPAL MR FLAVIEN JOUBERT

Mersi Onorab.  Principal.

 

HON NOLINE SOPHOLA

Bonn apre midi Principal avek ou lekip.  Principal mon kestyon premyerman ti sa ki Mr Woodcock in demande.  Onorab Woodcock in demande.

Mon vreman apresye ki la nou bann zanfan Inner Island pe ganny taken care of.  Me selman ou pe garanti nou ki nou bann zanfan pe ganny menm sa bann training, menm sa bann posibilite parey sa bann ki i isi pe gannyen. I pour napa en mank ki demen zot oule al fer en further studies, ki ler i get dan zot dosye i dir non, i annan en keksoz, en letap ki ou’n manke.  Ok.

E mon 2enm se mon pa konnen pour reponn premye. Mon dezyenm se paz 479, bullet 6 dan ‘’current challenges.’’ In dir ki i annan en mank dan mature student akoz zot annan sa low allowance.  Eski dan sa Bidze in fer provizyon pour ogmant allowance sa bann zanfan, pour zot kapab fer, swiv zot training?  Mersi

 

MR DEPUTY SPEAKER

Mersi.  Mr Joubert.

 

PRINCIPAL MR FLAVIEN JOUBERT

Mersi Mr Chair.  Mersi Onorab. Onorab mon ti a kapab asir ou pour dir tou sa bann kour pour parey parske nou napa drwa fer, ofer en lot kour ki pa valide parey sa enn kot Lakademi Tourizm.  Alor mon ti a kontan zis asir ou pour dir sa kour in valide par Seychelles Qualification Authority, se laprantisaz. Alors se menm kour.  Menm sertifika.

2enm kestyon, wi, parey Minis in dir, i en gro challenge parske pour le moman sa allowance ki bann etidyan pe gannyen, i tre minim e zot pa kapab make ends meet.

E dernyen fwa mon ti dan Lasanble letan, zot bann Onorab, zot ti poz sa kestyon. La osi mon ti vin anver zot, mwan ti dir ek zot, si zot kapab donn mwan en sipor somewhere because I don’t know, kote ki nou kapab fer monte allowance sa bann manrmay management.  Be selman i pa zis manrmay management, i osi manrmay laprantisaz.  Zot osi allowance i pa ase konvenab. Mersi Onorab.

 

MR DEPUTY SPEAKER

Mersi Mr Joubert. Onorab Waven William.

 

HON WAVEN WILLIAM

Mersi Mr Speaker.  Mr Speaker mon ti a kontan demann Principal le fe ki dan bann Bidze lepase, la nou pe koz, nou pe refer avek 2016/ 2017.

Nou’n koz lo sa proze faz 1 ek faz 2.  E mwan demann principal si sa proze pour konplete sa faz 2.  Akoz mon pe regarde toultan ou a krwar pour dir pe ganny retarde.  E la mwan mon pe vwar pour dir pe ganny prozekte pour 2021.

Mon anvi konnen si sa faz 2 i pour ganny konplete? Eski sad an li menm li i afekte en pti pe progranm e potansyel sa lakademi?

E dezyenmman. Mon ti a kontan demande eski nou annan ki poursantaz bann etidyan etranze. Eski nou pe ganny bann etidyan etranze ki pe vini?  E letan ou konpar nou nivo dan larezyon ki potansyel nou annan vreman avek sa lekol letan i pour konplet son faz 2?  Mersi.

 

MR DEPUTY SPEAKER

Mersi Onorab.  Minis oubyen Principal Joubert.

 

PRINCIPAL MR FLAVIEN JOUBERT

Mersi Mr Chair.  Mersi Onorab. Pour 2019 nou’n ganny nou sa 500mil e sa 500mil se pour facilitate arsitek fini avek tou sa bann plan 2enm faz.  Savedir Minis in asir nou ki 2enm faz, wi, pe al fer e 2enm faz, wi pour ganny fer. Sa se enn.

No. 2, wi san sa bann fasilite i afekte teaching, and learning.  Lefikasite Lakademi Tourizm pour ofer bann kour pli byen.  Me selman nou bezwen rod bann lot fason pour nou kapab ofer.  Esey fer nou mye posib avek sa ki nou annan ziska ler sa bann ki i ava fini pour nou kapab servi.  Me par kont Onorab sa bout kot etidyan etranze i annan en kantite etidyan etranze ki fer bann demann tou-le-z-an pour zot vin fer bann letid isi Sesel. mon kapab dir ou depi Lanmerik, Malta, dan L’Inde, La Chine, menm dan Losean Endyen.  Demann i vreman, vreman enorm.

E pour le moman akoz ki nou pa kapab resevwar sa bann manrmay pour zot vin fer bann full time studies, nou bezwen siny bann MOU kot nou bann etidyan i ganny sans al fer, pardon bann etidyan avek bann staff i ganny sans al fer bann practical dan sa bann pei kot nou bann MOU i vini.  Letan nou resevwar sa bann etidyan ki anvi vin etidye dan Sesel full time, me zot pa kapab.  Me nou resevwar pour zot vin fer zot bann attachment.  I annan ki vin attachment pour 1 mwan, 2 mwan, 3 mwan, 6 mwan.

E la mon kapab garanti ou pour dir  la sa lannen nou’n resevwar manrmay ki’n sorti depi Lanmerik, La Chine, dan L’Inde, Malta, La Suisse.  E nou bezwen kontinyen avek sa momentum parske letan Lakademi Tourizm pou’n fini konplete, la prezan sa bann etidyan olye vin zis internship, zot kapab vin a plen tan.  Mersi.

 

MR DEPUTY SPEAKER

Mersi Principal. Onorab William.

 

HON WAVEN WILLIAM

Mr Speaker mon ti a kontan adres mon kestyon anver Minis.

Lefe ki nou konnen nou pe, nou annan nou bann Lanbasad deor, e nou pe osi ganny bann Grants avek pei zanmi – eski sa zefor ouswa demars pe osi ganny konsidere?  Malgre ki Gouvernman pe finanse, eski nou pe konsider osi ganny serten foreign finansman, pour kapab fer sir ki sa bann proze i demar ase vit?  Mersi.

 

MR DEPUTY SPEAKER

Mersi Onorab.  Minis.

 

MINSTER DIDIER DOGLEY

Mr Chair, nou, nou pa’n vreman sorti pour al demann bann Grants.  Me i pa en keksoz

ki normalman nou pa fer.  I en

keksoz ki Gouvernman i fer bokou.

E mon’n menm ganny sans diskit avek serten Anbasader avek reprezantan Sesel, pour regarde ki mannyer, ki zot kapab donn nou en koudmen pour, mon ti pe koz plis lo market Sesel akoz zot laba deor.  Sirtou dan bann pei Eropeen kot ouswa dan bann pei kot nou market i ete, pour vwar ki mannyer nou kapab donn nou en koudmen konsernan marketing epi menm konsernen konektivite serten avyon, pour sorti dan serten landrwa kot nou napa bann direct flights.

Me i pa anpes nou pour elarzi sa bann diskisyon pour diskit lo bann issues Grant.  Me pare you konnen Grant Sesel parey Anbasader Ameriken i fek dir lotrozour, laplipar bann pei OECD ler zot regard Sesel, zot dir ou pour dir ou en high income country, i difisil pour ou ganny zot pour pei li menm donn ou larzan.  Me i annan bann lorganizasyon prive ki pli fasil par ler pour ou kapab ganny en kontribisyon avek zot.

E mon salye Mr Joubert.  In fer en kantite bann travay lokalman kot in travay avek bann lakonpannyen prive ki’n donn en kantite sipor STA, ziska aprezan sirtou bann lekipman training ki zot fer.  Me parey mon’n dir nou, nou pour kontinyen sey tap laport gete kote i annan bann loportinite pour kapab ganny bann Grants. Mersi Mr Chair.

 

MR DEPUTY SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Chair.  Kestyon pour PS, Principal. Ou’n nonmen taler pour dir phase one konstriksyon STA.

Eski ou kapab zis dir sa Lasanble la si, akoz mon war anba PSIP i annan en sonm larzan ki ankor la, 2017, ziska 2021.  Eski sa proze phase one in totalman konplete?

2enm – kot i konsern training, hospitality training, i annan 11milyon ki pe ganny mete pour 2019.  Eski sa i konpri bann training overseas an vi ki zot annan en Lagreman avek Shannon College pour bann etidyan osi. Mersi.

 

MR DEPUTY SPEAKER

Mersi Onorab.  Principal.

 

PRINCIPAL MR FLAVIEN JOUBERT

Mersi Mr Chair.  Mersi Onorab. Sa dernyen bout larzan ki nou’n gannyen, wi, sa se pour konplet phase one.  Sa se pour konplete, mon mazinen by Desanm, Zanvye i ava fini akoz i reste zis bann pti travay pour fer.

Wi 2enm kestyon sa training, sa larzan non, i zis pour etidyan Lakademi Tourizm ki Sesel.  Selman i enkli bann manrmay management. Pa letan zot al Shannon, oubyen kou pour Shannon.  Sa bout, sa konponan Shannon i ganny ansarz par ANHRD. Mersi Onorab.

 

MR DEPUTY SPEAKER

Mersi.  Onorab Gervais Henrie.

 

HON GERVAIS HENRIE

Mersi Mr Chair. Mon premye kestyon i ava lo paz 482 en pe lo bann ‘’performance measures.’ Dabor mon pe get poursantaz bann graduate ki’n ganny train e ki pour ganny ranplase dan lendistri.  I pe zwe dan bann 80 plus percent.

So sa ki mon anvi konnen se ki – eski zot in fer legzersis pour vwar, kwa ki pa pe pour pous zot pour ariv plis ki 80, 10 poursan ziska 2020.  E kwa ki ti kapab ganny fer atraver sa Bidze pour speed up sa lakantite – vin pli pre.  E dezyenmman, mon ti ava kontan konnen si i annan en Lagreman ki STA i fer avek ISPC e si sa Lagreman vreman i pe anmenn zot en benefis Bidzeter. Mersi.

 

MR DEPUTY SPEAKER

Mersi Onorab.  Principal.

 

PRINCIPAL MR FLAVIEN JOUBERT

Mersi Mr Chair.  Mersi Onorab Henrie.  Premye kestyon. Mon krwar nou devret aksepte pour dir tou-le-z-an STA i larg en kantite manrmay pour al dan lendistri e vre zot kalifye.

Me nou problenm ki annan, se ki i annan en kantite manrmay apre en serten letan, letan zot dan lendistri, zot kite sa travay zot al fer en lot.  Nou fer bann legzersis tou-le-z-an.  Se pour se la ki ou vwar sa bann statistik i pa monte, parske nou pa anvi fer en legzersis kot si ou pa tro asire, zis ou met en figure ki kapab false inflated.  Se pour se la ki nou’n sey stick lo la.

Me le problenm dan Sesel an se moman, i annan plis travay, pli demann ki travayer. E ozordi si mwan, mon’n ganny train par egzanp dan front office, zis sa bann basic skills ki mon’n gannyen, customer care, communication skills, team work, team building, service attitude, service delivery, bann basic management, mon kapab vreman ozordi dan Sesel swazir kot mon oule ale.  Si mon pa oule al dan Lotel, mon al dan Labank, mwan al kot Lasirans, mwan al kot Cable & Wireless, ou konnen, enn de bann konmsa.

So i en pti parey en Catch 22 kot mon al dan lotel mon pa happy, mon sorti, mon konnen mon pour ganny en lot travay, oubyen mon pa anvi travay aswar.  An realite Onorab mon kapab dir ou sa i ankor en gran defi. Ki mannyer nou pour sort sa out, I am not so sure at the moment.  Akoz i en vreman en gro defi.  So mon pa kapab reponn ou en larepons.  Mon pa anvi reponn ou en larepons pour mwan dir ou pour dir. Selman nou pe kontinyen, nou pe kontinyen avek sa bann letid. Selman zis mon ti anvi met devan ou pour dir these are the opportunities ki annan pour le moman dan Sesel.

Prezan nou annan en lot sityasyon kot nou’n ganny nou en kantite sa bann ki bon, i annan bann yacht ki’n vini, bann yacht ki pran bann kliyan ki fer bokou bann ekskirsyon e tou sa.  E la osi ki avan sa, i annan en bon ki ti pe vin avek zot bann crew, prezan zot pe pran Seselwa.  Sa osi i en bon keksoz.  Me par kont la osi i deplete sa pti gin ki nou annan ki pour sipoze al dan lotel.

Prezan nou annan nou en lot sityasyon ankor, nou annan nou bann laliny aeryen, ou annan ou Qatar, maintenant ou annan ou Emirates, zot osi zot pe pran dan sa pti group menm ki nou annan.  E dernyen fwa mon fek vini mon sorti Shannon mon’n pas par Qatar mon vwar 7 ansyen Seselwa ki lo Airport Qatar, in abitye dan zot lenz parey laba, e mon pa ti rekonnet zot.  E zot kriy mwan, ‘’Mr Joubert’’, ‘’Mr Joubert’’, Letan mon regarde mon dir,’’ zot, Seselwa?’’  ‘’Wi, wi nou pe travay la. ‘’ Ou Konpran?

So mon pa anvi dir ou pour dir nou pour arive annan tou sa kantite dan 2020.  Mon kapab dir ou selman nou pour kontinyen fer sa swivi, kontinyen ankouraz zot. Me la osi nou bezwen sipor osi sa lendistri ki pran zot.  Ki letan zot pran zot, parski zot ankor bann pti baba, pour nurse zot, pour fer zot reste dan sa lendistri.  Wi.  Sa se No 1.

Nimero 2, wi nou annan en lagreman avek ISPC.  E ISPC mwan senior accountant la fek konfirmen avek nou ki IPSC dan sa MOU i vann nou keksoz, i vin STA byensir at a reduced price savedir at lending cost. I osi donn nou, tou-le-z-an i donn nou sa bann donasyon parey 120mil, R125mil, R150mil, sa se pour nou fer bann proze avek.  Par egzanp sa proze ki nou ti pe al fer lo Praslin sete ISPC ki’n donn nou sa lannen, ti’n donn nou R125mil something like that.                          Me akoz sa proze pe tarde, nou pe servi en pe sa larzan pour nou kapab aste en nouvo server.  Me par kont menm si i pe donn nou, nou bezwen go through the normal tender procedure.  Me sa pe ganny fer. So wi sa MOU avek ISPC i anmenn benefis pour Lakademi Tourizm.  Mersi.

 

MR DEPUTY SPEAKER

Mersi.  Onorab Henrie.

 

HON GERVAIS HENRIE

Wi, zis en pwen klarifikasyon. So par egzanp lo lakantite poursantaz graduates ki pour ganny plas dan lendistri hotel industry. Dizon lannen prosenn target i 87percent, sa 13 poursan kot i sipoze ale?

 

MR DEPUTY SPEAKER

Principal.

 

PRINCIPAL MR FLAVIEN JOUBERT

Bon, letan nou met hotel industry ladan i zis hotel industry.  Me nou annan Airport, nou annan Airline. Mersi Onorab.

 

MR DEPUTY SPEAKER

Mersi.  Onorab Churchill Gill.

 

HON CHURCHILL GILL

Mersi Mr Chair.  Mon kestyon pour Principal.  Sa sityasyon ki ou fek eksplik nou.  Si sa bann etidyan, sa bann graduates i split dan lendistri Sesel.  I ankor dan nou lavantaz.  Savedir sa bann depans ki nou pe fer, nou pe ganny retonbe.

Mon kestyon se bann kondisyon sa bann lendistri, ler sa bann manrmay in fini zot, in fini graduate.  Eski ou santi pour dir petet sa bann, la i annan problenm, oubyen kekfwa i annan pour fer ek sa bann bokou loportinite? Akoz petet si ou ti a donn nou en nide zot kondisyon ler zot vini.  Parey ou’n dir taler sa bann, ou bezwen sipor lendistri pour siport sa bann manrmay. Me eski ou sant pour dir petet kondisyon osi i annan en

serten rol ladan?  Mersi.

 

MR DEPUTY SPEAKER

Mersi Onorab.  Principal.

 

PRINCIPAL MR FLAVIEN JOUBERT

Mersi Mr Chair.  Mersi Onorab. Wi, mon ti a kontan, mwan pa anvi kasyet, parske wi i annan serten problenm ki letan bann etidyan i al full time dan lendistri.  Selman mon pa anvi koz lo bann policies akoz sa i pa tonm anba mwan.

Me par kont … eskiz mwan Onorab, premye kestyon sete kwa?

 

HON CHURCHILL GILL

Non mon ti pe zis elabore pour konpran mon kestyon.  Mon ti pe dir pour dir si bann manrmay ki graduate, parey ou dir ki al dan Airline, i al dan lezot. Me selman sa i zot Sesel. Konmsi i byen, i dan nou lavantaz akoz nou’n depans isi. Me selman pour sa mouvman, sa bann manrmay, eski ou santi pour dir kekfwa kondisyon sa bann manrmay ler zot al full time, kekfwa zot pa santi zot konfortab ek sa kondisyon ki zot gannyen? Mersi.

 

MR DEPUTY SPEAKER

Mersi.  Principal.

 

PRINCIPAL MR FLAVIEN JOUBERT

Wi, Mr Chair.  Onorab. Wi, i annan sityasyon, bann challenges ki bann etidyan i face letan zot al dan lendistri. Me selman mon pa kapab antre ladan akoz mon pa ansarz Polisi.

 

MR DEPUTY SPEAKER

Mersi bokou. Mon napa personn ankor lo mon lalis.  So mon mazinen PS Thésee ou a dir nou ki nou proceed avek, Departman Civil AviationOk? So nou fini lo la.  Nou pour pran vot en sel lo Civil Aviation, Tourism, Departman Tourism, avek Tourism Academy.

So la nou pour al lo Departman Civil Aviation.  Alor mon ti a kontan remersye, Principal Joubert avek son Senior Accountant, Ms Lisette Nolin pour avek nou apre midi. Mersi bokou.  Nou swet zot bonn kontinyasyon e osi PS Tourism, Mrs Lafortune.

 

(SEYCHELLES TOURISM ACADEMY DELEGATION WAS EXCUSED FROM THE HOUSE)

 

CIVIL AVIATION, PORTS AND MARINE

 

MR DEPUTY SPEAKER

Bon nou ava demann PS pour gid nou.  Mon krwar, pour Civil Aviation, eski nou pour annan Mr Renaud, Mr Julie, avek Valentina Barra.  Nou ava atann zot antre.

So zis pour lenformasyon Manm, nou pour al lo paz 474, Bidze ki devan nou, i en Bidze R3.3, 210 milyon.

Bon nou swet labyenveni parmi nou Mr Renaud, Sekreter Prensipal pour Lavyasyon Sivil, Por e Marine, Mr Don Julie ki Accountant e Ms Valentina Barra ki Direkter Polisi ek Stratezi dan Minister.

Alor devan nou annan en Bidze pour Departman Sivil, Lavyasyon Sivil, Por, e Lamarin, paz 474, Bidze R3.21milyon roupi. Deba i ouver. Okenn kestyon?

Mr Renaud mon krwar personn pa anvi demann ou kestyon. Ah, i annan enn. Onorab Ferrari.

 

HON JEAN-FRANCOIS FERRARI

Mersi Mr Speaker. Mon krwar mon pour fasilit en pti nou enteraksyon lo ou Departman Mr Renaud. Mon ti a kontan si ou donn mwan, si ou donn nou Lasanble, si ou eksplik nou Lasanble ki relasyon i annan ant ou Departman avek SMSA? I en keksoz ki enportan pour nou sey konpran.  Akoz apre nou pour vini lo SMSA.  E mwan mon anvi konpran ki bann link, bann linkages ki annan ant ou Departman avek SMSA i fini. Ok?  Sa i en kestyon, mon ava swiv par en lot en pti moman.

 

MR DEPUTY SPEAKER

Mersi Onorab.  So PS Renaud.

 

PS ALAN RENAUD

Mersi Mr Speaker. Mersi Onorab for your question. Please excuse me, I speak in English, for your question, I’ve only in the job for two weeks, but my understanding is, at the moment, we have a Bill pending, SMSA, to become an autonomous entity.

        We have a Bill pending for the SMSA to become an autonomous entity.  And at the moment our department, Mr Valmont, will be reporting to us, and so we are helping them to get the Bill across.

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Mr Speaker, prezan, shall we continue in English or…

 

MR DEPUTY SPEAKER

Nou ouver, si, ou kapab demann an Kreol, li i a reponn an Angle.

 

HON JEAN-FRANCOIS FERRARI

Mwan a demann mon kestyon an Kreol me you are free to reply an Angle.

 

MR DEPUTY SPEAKER

Nou servi plizyer lalang.  So nou ok ek sa.

 

HON JEAN-FRANCOIS FERRARI

Mr Renaud, mon mazinen kestyon i kapab ganny reponn par ou accountant.

Nou vwar dan Departman Lavyasyon Sivil, Por, e Lamarin, en logmantasyon bann saler, wages, par 18 poursan.  Sa i en, i pa bokou bann sif par pa enorm – sorti 1.4 milyon pour al 1.66 milyon.  Me sa an li menm i fer 18 poursan logmantasyon ki above the normal 5 poursan, 5 a 6 poursan ki nou ti pe ekspekte pour lannen prosenn.

Mon ti a kontan si ou kapab dir avek Lasanble ki bann recruitment in fini ki zot pe al fer? E oubyen eski zot in revwar bann pos e avek bann allowances ki vin avek?

Sirtou ki overall zot Bidze i 7 poursan logmantasyon. Me selman pour wages i annan sa 28 poursan.  Sa i mon krwar i enportan ki ou eksplike.

2enm kestyon se i annan en sonm pour en foreign consultancy.  Sa osi i enportan pour nou sey konpran akoz sa dimoun, oubyen sa consultant pa’n kapab ganny recruit locally e dir nou si en lorganizasyon enternasyonal ki pe fer sa finansman?  Mersi.

 

MR DEPUTY SPEAKER

Mersi Onorab Ferrari.  So 2kestyon, spesifik si ou kapab reponn nou, Mr Renaud.

 

PS ALAN RENAUD

Mersi Mr Speaker. Mersi Onorab.  For the 2019 Budget  our salaries and wages has gone up by 253thousand Rupees. This is, we have recruitment of a new driver for approximately 100 thousand Rupees, or 99 thousand Rupees.

        We brought a car last year and this will now come with the driver.  We have an augmentation of 253 thousand Rupees for the year, of which a 100 thousand, of which is the recruitment of a new driver.

        In addition to that we have got 2 early payment for staff, 20 thousand. Augmentation of 5 percent in the salaries.  We’ve made an allowance for long service allowance, 13 month salary, and of course the scheme for the new information officer.  All added up, will give us the 253 thousand.

        Now with regards to your second question about the foreign consultant. Now we put this in there as a foreign consultancy fees to give us some flexibility. We had this last year. We have a very small department of only 5 people, one director of policy and strategy and of course myself.

        In dealing with the IMO International Maritime Organization and IKO and another for our policy work, it’s necessary for us to rely on the abilities of foreign consultants,

        Lat year we made use of a consultant for about 6 months to help us with addressing the last international maritime organization safety audit.  But at the moment we are actually working with a local consultant. So eventhough it says foreign consultancy fees, we will be working with local consultant. And in fact the biggest part of we would be working on in 2019, will be translating our obligations, our ratifications of the treaties and conventions into domesticated laws and new legislations.

        And this for sure will need the requirement of the local consultant and we are actually doing that with the gentleman from SMSA who’s been extremely helpful.

 

MR SPEAKER

Mersi.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair letan mon get lo paz 475, mon vwar ki the ‘current receipts’ ti annan en prozeksyon R77milyon me letan i ti revise i ti fer en receipts of 32milyon.  E la sa lannen i annan en prozeksyon 61milyon, mon pe demande si eski sa rezon akoz ki Bidze pour Civil Aviation, Ports and Marine ki mwan mon konsider konman vreman, vreman enportan parske i bann por, port of entries kot bann dimoun e kargo i antre. Eski sa sonm zot in demande, eski i sifizan? Oubyen zot pe osi annan bann deductions ki zot pe fer lo bann receipts ki zot in prozekte ki sa lannen parey nou dir, I mean lannen prosenn i 61 milyon?

Akoz mwan mon santi ki i annan keksoz ki manke ladan. Pou kapab fer en travay efikas kot ki en Sesel i kapab meet bann lekspektasyon sa bann lorganizasyon enternasyonal. Mersi.

 

MR DEPUTY SPEAKER

Mersi Onorab Andre. PS Thésee.

 

PS DAMIEN THESEE

Mersi Mr Chair.  Pour sa sonm i relye avek passenger service fee, ti annan lanons ki ganny fer ki sipoze ogmant passenger service fee by 10Dolar.  Ki pa’n ganny materyalize an 2018 e nou pe still met sa prozeksyon dan 2019 an vi ki travay pe kontinyen avek SCAA, Civil Aviation Authority, ki li i bezwen travay avek IKO mon krwar si mon si mon prezim byen. Pour li asire avan ki nou ogmant sa passenger service fee i annan pli o mwen en lagreman ek IKO ki keksoz i annord avan ki nou ogmant sa fre.

So, sa pa’n materyalize an 2018 so, sanmenm sa nou’n revise li downwards an 2018 selman son figure actual nou avan konnen an Desanm. E nou’n re prozekte li ankor an 2019 avek lentansyon ki nou ava kontiny en diskisyon avek SCAA pou vwar si wi nou pou kontinyen avek lentansyon pour ogmant sa passenger service fee.  Mersi.

 

MR DEPUTY SPEAKER

Mersi PS Thésee. Onorab Andre.

 

HON CLIFFORD ANDRE

Lot kestyon mon krwar ki kekfwa PS ki pou reponn akoz mon’n demann li si sa sonm i adekwa pou fer performans travay ki son Departman i fer pou fer sir ki Sesel i meet bann requirement enternasyonal. Akoz mon war i ptipti, nou pe dir i zis 3.2milyon.  So 3.2 milyon mon krwar i enn bann pli pti Departman oubyen ki nou annan Sesel an term larzan. Mersi.

 

MR DEPUTY SPEAKER

Mersi Onorab Andre.  PS.

 

PS ALAN RENAUD

Mersi Onorab.  Mersi Mr Speaker. Of course I will welcome more money in the Budget to do our work.  But at the moment we do use the work of consultants to augment our function.  Under the current structure we will look towards 2019 and Budget  willing to see if whether we could expand as we look at it, but at the moment we think that the structure have is fine and the use of the consultancy is efficient.

 

MR DEPUTY SPEAKER

Ok, mersi, thank you Mr Renaud.  Mr Thésee.

 

PS DAMIEN THESEE

Mersi Mr Chair.  Petet i enportan pour note pour sa departman i pe, bokou son bann sipor administrative i avek tourism.  Vi ki zot dan en sel building.  I en sel Minister at the end of the day, zot bann sipor administrater, zot bann sipor accounts even parey nou’n war rent avan i baze laba.  So i ed nou pou fer en pe savings dan plas donn li en striktir administratif ankor ki add the cost.  So se sa le bi.  Mersi.

 

MR DEPUTY SPEAKER

Mersi PS Thésee.  Mon annan zis en kestyon pou demann petet PS menm.  Ou’n met koman reset 61milyon e mon pe pran 330 mil touris ki pe vin Sesel mon pe ganny apepre R200 koman passenger service fee par touris.  Eski i pa 50 Dolar?  E akoz i lanmwatye?

 

PS DAMIEN THESEE

Korek i 50 Dolar li son actual, son actual rate ki nou sarze.  Me selman se pa tou ki vin pou Gouvernman, SCAA i gard en bout e nou, nou pran en bout.

 

MR DEPUTY SPEAKER

Pa tou ki vin pou Gouvernman, kot larestan i ale?

 

PS DAMIEN THESEE

SCAA i retain en poursantaz, me selman at the same time i donn nou dividend dan son loperasyon apre son bann depans.  Mersi.

 

MR DEPUTY SPEAKER

Ok.  Mon annan Onorab Terence Mondon.

 

HON TERENCE MONDON

Mersi Mr Chair.  Mr Chair mon kestyon i pour Minis, akoz fransman mon pa tro kler kote nou pe ale, ler mon get en Bidze ki en Departman i ganny formen. Parey mon koleg in dir i en departman ler mon gete ki pe reprezant nou de gateway enternasyonal nou por avek nou lavyasyon.  E mon pa war en departman ki pe ganny en Bidze pour beef up son louvraz ki mon pe ekspekte li fer.

Ozordi Polisi i reste e pe ganny formile, son manda se pour formulate policy – monitor eksetera.  E i annan resers ki sipoze ganny involve ladan e bann travay.  E pour le moman zot pe kit li avek civil aviation lo kote lavyasyon.

E lo kote por mon pa konnen lekel ki pou formulate bann … Pour mwan mon ti ekspekte ki Departman ki pou responsab Polisi e ti devret pe reflekte ek bann Bidze ki zot annan dimoun ki pe fer resers.       E ler ou get son bann challenges, bann defi ki zot pe mete pour mwan i ki, mon kestyon i sa Bidze eski zot annan sa bann dimoun pou fer sa travay?  Eski Gouvernman vreman pour re anmenn sa bann polisi lo kote Departman ouswa zot pou kontinyen kit li avek bann, parey civil aviation ouswa avek SMSA?  Mon anvi ganny en direksyon kler, eski nou pe met larzan zis pour en dimoun zis vir la, zis vir files, file pour sinyen approval pour anvoy kot Minis – se tou?

Akoz mwan i pa reflekte en travay serye pour donn en direksyon nou pei lo kote Lavyasyon avek Marin?  Mon ti a kontan ganny larepons akoz mon pa konnen ki mon pe aprouve la? Mersi.

 

MR DEPUTY SPEAKER

Mersi Onorab Mondon. Minister.

 

MINISTER DIDIER DOGLEY

Mersi Mr Chair.  Mon krwar part of larepons ou’n fini reponn akoz deza dan SCAA avek SMSA, avek Port Authorities i annan bann travay Lezislasyon ek bann travay Polisi ki pe ganny fer avek sa bann lorganizasyon.                      Mon krwar ou kestyon ki ou pe demande, eski sa bann fonksyon i devret sorti kot sa bann lorganizasyon e vin anba en sel parasol dan Departman. Mon krwar larepons i korek, i wi, a lafen nou’n kree en Departman pou fer Lezislasyon, pou fer Polisi e apre pou fer sa strategic planning pou zot set sa larout kote nou pe ale ek sa bann sekter.

I annan serten diskisyon ki’n nou’n deza fer avek SCAA par egzanp ki serten travay ki zot pe fer, par egzanp ki zot pe negosye bann nouvo airline avek bann lezot pei ki sa i pou bezwen sorti kot zot, i pou bezwen vin kot Departman.

Ankor kot SMSA i annan serten travay ki zot pe fer ozordi ki konsernan Lalwa bann zafer konmsa, ki at some point ler zot pou’n ganny sa lendepandans ki sa bann travay i pou bezwen re-ganny distribye pour al dan son landrwa ki i devret ale.

Alor larepons i wi.  I annan en pe lord ki nou pou bezwen mete dan sistenm pou fer sir pou dir bann lorganizasyon ki’n ganny mandated pou donn en serten travay, zot, zot fer sa travay.  Mersi Mr Chair.

 

MR DEPUTY SPEAKER

Mersi Minister.  Mon annan Onorab Churchill Gill.

 

HON CHURCHILL GILL

Mersi Mr Chair.  Mr Chair Baze lo mandate, mon ti a kontan ki sa Lasanble i ganny en nide an term nou bann rating pour nou bann por avek nou airport.  Akoz ler mon get mandates konmsi i annan keksoz pou fer ek sa bann keksoz alors si i ti kapab donn nou en nide ki nou rating nou ozordi?  Ok?  Apre ki bann rekognisyon enternasyonal ki nou’n gannyen baze lo nou rating ozordi?

 

MR DEPUTY SPEAKER

Mersi Onorab.  Minister oubyen PS.

 

PS ALAN RENAUD

Mersi Mr Speaker.  Mersi Onorab for your question.  So, the international maritime organization and international civil aviation both for maritime and for aviation regularly audit states for their compliance on both organization Seychelles is on the White List.  In the sense that we’re not in danger of any blacklisting or any other rating. I would have to check the most recent audit – I believe an audit was conducted for civil aviation in 2018 I don’t know whether the results has been released but I do know it was a marketing improvement of what we had 5 years ago, the cycles is normally about 5 years.

        The last audit for IMO was in 2016 we had 19 findings of which 14 had been done in the last 5, have been submitted. And by the last exchanges that i saw the IMO was quite pleased with Seychelles response. What is remaining now for Seychelles on the maritime side is the translation of our ratification agreements into domestic’s legislation which we will do.  So, overall we’re doing ok, and we’ll do better.  And the idea I believe is for us to hit international standards across all measures. On both the aviation and maritime side, and to be honest to exceed them if can, and I think we can.

 

MR DEPUTY SPEAKER

Mersi.  Thank you Mr Renaud. Onorab Gervais Henrie.

 

HON GERVAIS HENRIE

Mersi Mr Chair. Mon kestyon i relye lo paz 478 lo sa table 6 performance measures for programme.  Mon war nou pe koz bokou avek relasyon avek konvansyon swa relasyon avek lavyasyon ouswa maritime.  So, savedir sa Bidze ki nou pe donnen ki travay tangible work ki pour fer dan sa direksyon? Zot pou recruit dimoun pour kapab fer bann resers apropriye, kwa egzakteman ki zot pou fer?  Akoz par egzanp letan mon get dan goods and services mon war pour dir, koriz mwan si mon mal. Me napa lokasyon pour en returning graduates.  So mon pe wonder si sa sekter alor, i pe ofer loportinite pour bann Seselwa kalifye vini e fer bann travay, ki par egzanp ki zot pe targete pour fer dan table 6.  Mersi.

 

MR DEPUTY SPEAKER

Mersi Onorab.  PS.

 

PS ALAN RENAUD

Mersi Mr Speaker e mersi Onorab for your question.  At the moment for 2019 we aren’t projecting an increase in the number of people that we will be recruiting.  Over the course of the year of course we will review as the Minister stated as our responsibilities grow, whether we have enough people to review that number and we will come next year with something else.

In the meantime as been also said a lot of the very qualified people already exist here in Seychelles. Within the STA now we have a lot of talented qualified people also in the maritime side.  So, a lot of our work, we actually use other departments to help us out and do it.  So between the consultants and using the very qualified people who already is within these organizations, we are able to get it done.

        And I’m pleased with the progress that we had in 2018 from what I’ve reviewed and I’m definitely pleased about what we are planning to do in 2019. Where we go from there I’m not sure, obviously up and better, but I hope these answers your question in a sense that at the moment we have no plans for recruitment right as we speak. But we do have access to a lot of local talent to assist us. Thank you

 

MR DEPUTY SPEAKER

Thank you very much.  Minister.

 

MINISTER DIDIER DOGLEY

Mersi Mr Chair zis pou enform Onorab Gouvernman in met en cap lo recruitment of staff. So, menm si Minister ti ava ou le recruit dimoun nou pa kapab recruit, so nou bezwen servi sa bann staff ki in-house pour fer bann travay. E bann travay ki zot pa kapab fer nou pou bezwen servi konsiltan parey mon’n eksplik avek Onorab Ferrari.  Mersi Mr Chair.

 

MR DEPUTY SPEAKER

Mersi Minis.  Bon nou’n fini avek kestyon avek Departman Lavyasyon Sivil por ek Marin. E Lamarin nou’n osi pran Seychelles Tourism Academy e avek Departman Tourism. PS Thésee eski nou pran vote lo sa 3 lenstitisyon?  Korek.   Alor nou a komans avek Departman Tourizm.  Gid nou PS Thésee.

 

PS DAMIEN THESEE

Mersi.  Nou pou pran li pou en sel akoz i en Minister antye, Minister Tourizm Lavyasyon Sivil, Por e Maren pour en sonm 52.024milyon.

 

MR DEPUTY SPEAKER

Ok.  Nou pe pran en vote alor pour R52.024milyon. Ki konpri R26.4milyon pour Departman Tourizm, R3.2milyon pour Departman Lavyasyon Sivil e 22.4milyon pour Lakademi Tourizm.   Tou Manm ki an faver? Deputy Clerk ou a donn nou count.

Nou a rekonte nou pe pran en vot pour R52.024milyon tou Manm an faver?  Madam Deputy Clerk ou a donn nou outcome.  Okenn Manm ki kont? Ou a donn nou rezilta.  Deputy Clerk.

 

MADAM DEPUTY CLERK

Mersi Mr Chair.  18 Manm in vot an faver – personn kont. Mersi.

 

MR DEPUTY SPEAKER

Bon 18 Manm an faver personn kont, ki vedir sa total R52.024milyon i pase pour Minister Tourizm Lavyasyon Sivil, Por e Lamarin.  In ariv 3.15.  Bon mon ti a kontan remersye PS Renaud, Mr Julie avek Ms Valentina Bara.  E nou swet zot bonn kontinyasyon.  PS Renaud mon krwar ou reste ou or ok.

In ariv 3.15 mon ti a sizere ki nou pran en Break ziska 4 er mwen kar e ler nou vini nou ava pran 2 lezot lenstitisyon ki Tourism Board e Maritime Safety Administration.  Mon pa krwar nou pou ganny letan pou al ziskan Electoral Commission me nou a gete ki mannyer apre midi i deroule.  I korek PS Thésee?

 

PS DAMIEN THESEE

Mersi Mr Chair.  Nou a rapel nou pou war zis SMSA, STB li i pa ti ganny kriye be selman nou pou bezwen pran vote pour li. So nou annan SMSA apre.

 

MR DEPUTY SPEAKER

So nou pa pou pran Electoral Commission ozordi? Si zot la ok.  Bon, savedir nou ava kontinyen 4er mwen kar.

 

(BREAK)

 

SEYCHELLES MARITIME SAFETY ADMINISTRATION

 

MR DEPUTY SPEAKER

Bonn apre midi tou bann Manm Onorab, tou dimoun a lekout.  Nou kontinyen avek nou travay Komite.  Apre midi nou annan SMSA, Seychelles Maritime Safety Administration e dan zot liv i paz 490 e sonm ki nou pou vot lo la ozordi se R11milyon 50 mil.

Alor mon ti a kontan swet labyenveni dan Lasanble avek nou, apard PS Renaud nou annan Kaptenn Joachim Valmont, Direkter Zeneral SMSA, e Ms Chantal Jules ki senior accountant, alor byenveni parmi nou.  E nou pou konmans tout swit lo okenn kestyon lo SMSA.  Onorab Mondon.

 

HON TERENCE MONDON

Mersi Mr Chair.  Mon premye kestyon i adres sa size basic pay kot mon vwar en rediksyon 31.5poursan.  Ouswa en sonm 1.9milyon rediksyon.

Mo anvi konnen  akoz sa rediksyon eski zot pe anploy mwens dimoun ?

E ki mannyer sa i marse an relasyon avek travay ki nou, nou espekte SMSA pou fer sirtou avek bann Licensing  bann hirecraft, bann travay ki vreman esansyel i ganny fer ?

Mon en pti pe konsernen avek savedir basic pay pe redwir savedir pou annan mwens travayer.

Lozikman mon pe get li koumsa e ki mannyer pou fer sa bann travay ouswa si PS ki’n koupe ou ava dir nou.  Me selman mon ti a kontan ganny en leklersisman lo la.

Apre i annan en sonm 500 mil anba « minor capital outlays » pou’ acquisition of other machinery or equipment » mon anvi ganny en detay kwa egzakteman ki pe al kout 500 mil?  Mersi Mr Chair.

 

MR DEPUTY SPEAKER

Mersi Onorab.  Alor 2 kestyon spesifik Mr Kaptenn Valmont.

 

CAPTAIN JOACHIM VALMONT

Mersi Mr Chair.  Mersi Onorab pou ou kestyon.  Bonn apre midi tou Manm Onorab.  Pou reponn ou premye kestyon akoz ki nou’n vwar en rediksyon dan Bidze SMSA.

        Byensir parey ti ganny enformen. SMSA ti sipoze vin en Lotorite me malerezman nou pa ankor kapab make it. 

E pou ou lenformasyon nou lezislasyon i ankor kot biro Attorney Zeneral.  E rediksyon i reflekte en pti pe bann post ki SMSA ti’n kree ki nou ti pe anvizaze ki nou vin en Lotorite an menm tan i annan serten Bidze ki nou ti’n mete sirtou pou de examiner enn examiner surveyor enn pou pon tank kaptenn. Enn enzenyer i osi Minister Finans in koupe nou ti’n met provizyon pou en saler R132 mil pat mwan.  Me sa nou pa’n servi nou’n recuit 2 dimoun nou’n pey zot less akoz zot pa ti ankor ti annan en kantite training pou zot swiv byensir avan zot ganny sa larzan me sa larzan in ganny retire e vwala akoz ou vwar en rediksyon dan Bidze.  Mersi.

 

MR DEPUTY SPEAKER

Mersi e de 2enm kestyon i ti’n demande lo ‘ acquisition of other machinery and equipment’.

 

CAPTAIN JOACHIM VALMONT

Pou lo sa « minor capital » i pli zou mwen beach management sa letan nou koz beach management nou koz lo bann safety signage e tou resaman SMSA in sanz li 22 signage sa bann safety signage ki nou vwar lo lans kot i annan lanons touris, dan Kouran’ ‘Danzere’ and so on and so for.  Nou’n bezwen sanz tousala e nou’n even enkli langaz Chinois, nou’n fer antour 22 e nou fek refer sa lannen.

 

MR DEPUTY SPEAKER

Kontinyen Kaptenn.  Kaptenn Valmont ou’n fini?

 

CAPTAIN JOACHIM VALMONT

Yes Msye. 

 

MR DEPUTY SPEAKER

Ok.  Onorab Mondon ou ti le klarifye

 

HON TERENCE MONDON

Wi Mr Chair.  Mon repran sa kestyon basic pay repons ki Mr Valmont in donn mon akoz avan in dir ki bann post ki pa’n ki’n koupe pa’n ki’n koupe pa’n aprouve.  Me selman avan ti 6.7 milyon.  Aprezan i 6.1 milyon aprezan i 4.2 milyon. Savedir lannen pase ou ti pe travay avek Bidze pou avek Bidze 6.1 pou basic pay travayer.

Aprezan i redwir konsiderableman e, savedir ou annan mwens travayer ozordi ki ou ti annan lannen pase.

Apre lo sa 500mil pou sa bann signage mon anvi konnen si prosesis ki eski i ti ganny tender ki prosesis ti ganny fer pou kapab antreprann sa?

Aprezan ki pe al fer sa?  ou dir mon ou’n sanz 22 ki prosesis ki’n ganny fer pou zot sanz sa tender signage?  Mersi.

 

MR DEPUTY SPEAKER

Mersi Kaptenn Valmont eski ou santi ou endikape premye kestyon akoz e 2enm eski ou’n swiv prosedir tender? 

 

CAPTAIN JOACHIM VALMONT

Mon a reponn 2enm kestyon.  Pou signage annefe nou’n ganny nou 14 10 10 10 sign board ki ti ganny sponsored by SCAA. 

Nou annan nou 4 ki ti ganny sponsored par Red Cross e larestan SMSA in.  E i enportan pou mon dir pou dir ki nou pa’n fer sa en sel kou.  Nou’n fer sa  gradually.  Nou’n bezwen sanze gradually ti annan bann landrwa ki nou’n bezwen ranplase.  E bann landrwa ki  nou’n met nou’n vwar nou lobligasyon pou met nouvo signage bann landrwa ki ti napa.  Mersi.

 

MR DEPUTY SPEAKER

PS Thésee.

 

PS DAMIEN THESEE

Mersi Mr Chair. lo sa issue saler i pa vreman annan okenn staff ki’n ganny koupe as such, parey in eksplike 2 post examiner ki ti ganny Bidzete pou en sonm R132 each sakenn.

        Me selman ler SMSA in recruit ki zot in peye i konsey alman pli ba.

So nou Bidze prezan i reflekte saler sa 2 dimoun as is dan plas donn sa gro sonm R132 mil.  Prezan sa i reflekte son actual basically.  Mersi.

 

MR DEPUTY SPEAKER

Mersi.  Onorab Noline Sophola.

 

HON NOLINE SOPHOLA

Mersi Mr Chair.  Mon kestyon i al pou Kaptenn Valmont.

Kaptenn ziska prezan napa reprezantan SMSA lo La Digue. Sa i osi trouve dan zot ‘current challenges’ o paz 490.

E si Kaptenn i kapab dir nou si sa problenm pe ganny adrese dan sa biznes dan sa Bidze ?

Akoz difikilte pe kontinyelman ogmante La Digue.

La aktyelman nou annan en problenm jet ski i pli prezan.  Mersi.

 

MR DEPUTY SPEAKER

Mersi Onorab.  Kaptenn.

 

CAPTAIN JOACHIM VALMONT

Mersi Mr Chair. Mersi Onorab pou ou kestyon.  Wi nou osi nou ti a anvizaze ki nou grandi e extend nou servis Praslin avek La Digue me malerezman sa bann provizyon parey mon’n refer sorti ti dan letan SMSA i vin Lotorite.

Savedir nou’n fer plan an menm tan pou nou pran sa bout licensing, kot nou ti pe propoze pou nou ouver en biro Praslin pou deservi Praslin avek La Digue an menm tan poste en dimoun ki pou kapab fer sa travay.

Lo kote jet ski wi ankor en fwa sa SMSA i okouran nou annan serten sirtou dan weekend nou ganny en bon pe rapor ki antre e ankor mon a refer sorti pou dir provizyon in ganny fer dan Lalwa ki mon’n mansyonnen oparavan ki kot AG’s office, nou  pe come out avek bann nouvo regilasyon pou nou kapab met en kontrol lo jet ski e speed boat as well. I pa zis jet ski e an menm tan ankor dan sa revizyon Lalwa.  Nou pe pran kont even bato lapes as well.

So sa i dan sa nouvo Lalwa ki nou pe vin avek.  E mon swete ki sa nouvo Lalwa i a vin devan Lasanble lannen prosenn nou a ganny zot sipor.  Mersi.

 

MR DEPUTY SPEAKER

Mersi Kaptenn. Onorab Churchill Gill.

 

HON CHURCHILL GILL

Mersi Mr Chair.  Bann apre midi Kaptenn ek ou tim.  Kaptenn mon kestyon in demann par plis me selman mon pou elabor en pe plis lo la.  Ou’n dir nou dan sa nouvo Lalwa i pe revize kot AG plan ti pou met en Biro Licensing. 

Me selman nou problenm la parey la Licensing nou annan so sa i pa tro en problenm.  Me selman nou problenm i reste sa danze ki Praslin i fer fas avek an term safety vi ki annan sa kantite bato lwazir Praslin.

Alors mwan mon ti a sizere baze lo sa kantite ki annan en keksoz i devret ganny fer pou en biro ganny mete Praslin, ziska ler sa bann Lalwa i vin an fors.

Akoz si non nou pe ouver en gran laport pou nou fer fas avek bokou bann sitasyon petet i nou ti kapab evite. Si la deswit konman lannen i sanze nou fer provizyon nou met en biro met en dimoun kot a kapab verifye sa bann dimoun ler pe sorti ek touris dan zot bato ekskirsyon si zot bann safety measures i devret i an plas mon krwar sa ti ava ed en kantite.  Mersi.

 

MR DEPUTY SPEAKER

Mersi Onorab.  Kaptenn Valmont petet zis ou ti a kapab dir nou si ou annan en provizyon la k kapab met en laranzman enterim ziska Lalwa i vin an plas? Mersi.

 

CAPTAIN JOACHIM VALMONT

Mersi Mr Chair.  Mersi Onorab pou ou kestyon.  Wi annefe nou mon’n note, nou a sey fer provizyon.  Me selman mon’n fer resorti pou biro Licensing, i en biro pou SMSA pa zis pou servi pou Licensing officer. 

Nou ti pe fer provizyon pou met en zofisye Licensing letan nou pran Licensing from SLA.

        Biro i pou vin biro SMSA.  E nou a gete dan Bidze mon krwar nou ti’n deza fer provizyon dan Bidze 2018 pou rent en biro problenm Praslin.

So nou a regarde e nou a go back nou a gete si nou kapab for next year sey try pou rent en biro an menm tan poste en dimoun SMSA Praslin.  Mersi.

 

MR DEPUTY SPEAKER

Mersi Kaptenn.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker. Mr Speaker mon ti a kontan demann avek bann Lotorite Licensing ki mannyer premyerman zot pou fulfill sa ki Minis in dir nou dan son ladres Bidze.

E tou bann keksoz ki nou’n  ganny dir avan.  Manda SMSA pou en Regilater.  Pou lemoman nou’n koz lo safety. 

        Zis veye ki en jet ski pa tap en dimoun eksetera.  SMSA dapre mon understanding i osi i pu vin en Lazans zot ki regle e ki donn bann pa konnen si License, oubyen bann permi i fer sir k itou keksoz i annord i annan en kaptenn lo bato ki en kaptenn, eksetera, eksetera.

Ki mannyer eski sa pou ganny met an aplikasyon ler Bidze pe ganny koupe sa kantite?

Mon 2enm kestyon, se si napa sa bann travayer ki ou’n dir ou ti sipoze gannyen.  Me ki ou pa pe gannyen, lekel ki pou fer spot checks, lekel ki pou enspekte sirtou bann bato etranze bann yot ki vin Sesel?

Lekel i pou al Eden Island e ki pou fer sir ki sa bann msye ki pe vin Sesel e ki pe anvoy en yacht Sesel e ki pou fer biznes Sesel e ki pa pey nanryen lekel ki pou fer sa bann lenspeksyon?

Lekel ki pou kontrol sa lendistri dan en bare boat charter isi Sesel ?

Sa se bann kestyon ki mon konman en Lezislater i fer ki i en posib i en posib pou mon donn zot en Bidze konman mon konnen pou dir zot pa pe al fer sa travay.  #

Alors eksplik mon ant la e le moman ki SMSA i vin en Lotorite lekel ki p[ou fer sa bann kontrol ?

Akoz mon’n demann Minis Finans, mon Minis Touris in deza promet mon Minis Touris avan pou dir i pou pran ka avek sa bann keksoz.  I pa’n fer nanryen.

Monn demann li ler i ti Minis Finans, i dir mon wi, wi i annan bann keksoz pe vini.  Napa nanryen ki’n vini.

Ozordi nou annan en lendistri ki Seselwa i Sesel i kapab benefisye lo la ki nou pa pe benefisye se Sud Africain an mazorite ki pe benefisye lo nou.

Alors ki mannyer ki, mannyer ou kapab dir eksplik nou avek sa larzan ki nou pe donn ou, ou pou kapab ranpli sa manda. Akoz si ou pa kapab ranpli sa manda ki’n ganny donnen nou pa pou kapab don ou okenn  larzan – ok?

        E en lot kestyon se ou bezwen dir nou klerman dan nou bann Zil Elwanye akoz sa i maritine, dan nou bann Zil Elwanye eski se ou SMSA ki pou annan Lotorite ?  Oubyen se sa bann dimoun ki ansarz IDC? 

Sa i enportan pou nou konnen.  Akoz si nou pe vot en Bidze e pou napa okenn lefikasite mwan mon pou demann lo mon kote latab pou nou pa pran en vot lo sa Bidze.  Pou nou ganny tou sa bann repons pou fer sir ki i annan en tou bann reveni ki bezwen rantre dan Kof Leta.

Akoz sa i en lendistri sa.  Nou bezwen gannyen revenir, e si nou pa pe kontrole nu a pou gannyen reveni.

Premyerman sa bann reveni bezwen rantre dan Kof Leta.  Ki mannyer ou pou fer pou ou fer sir ki nou protez sa lendistri e ki nou ganny reveni pou Sesel.  Mersi.

 

MR DEPUTY SPEAKER

Mersi Onorab Ferrari.  Kaptenn Valmont zis dir nou si avek R11.5milyon ou pou annan resours pou fer sa louvraz ki pe ganny mete devan ou e ki i paret tre enportan.

 

CAPTAIN JOACHIM VALMONT

Mersi Mr Chair.  Mersi Onorab pou ou kestyon.  Pou ou premye kestyon nou rol koman Regilatwar wi SMSA i annan sa rol regilatwar an menm tan parey ou konnen i annan plizyer responsabilite ki vin avek.

An se ki konsern lo Bidze parey in refer sorti wi i annan sa mwens ki pe reflekte. Me parkont letan nou ti ganny meeting avek Ministry of Finance zot ti garanti nou pou dir la SMSA konman i ete anba Departman Civil Aviation force and Marine.

Zot pe maintain sa Bidze parey i ete me o moman nou Lalwa i pase, i pou annan Budget review kot zot pou donn ou en pti pe plis larzan pou nou kapab si ou le parey ou’n refer sorti recruit plis dimoun akoz even nou post in freeze nou ti kree post pou nou kapab si nou Lalwa ti pase sa lannen pou nou kapab anploy dimoun.  Me i pa’ pase i pa’n posib pou nou anploy dimoun.

So this is larezon ki ou vwar pou dir post in freeze nou pa kapab pran dimoun parey Onorab Churchill Gill in refer sorti nou ti  a kontan remet dimoun Praslin pou deservi Praslin ek La Digue.  Tousala i pa’n arive.

Bon lo kote prezan ou’n refer sorti en pti pe kontrol, kontrol bato e reveni pou anmas reveni pou Gouvernman.

Yes sa osi nou’n fer provizyon dan revizyon Lalwa nou’n menm ale pou dir bann bato charter ki pe fer charter parey nou’n refer sorti pou zot kapab ganny license e anrezistre anba hirecraft zot pou bezwen pran paviyon Sesel.  E sa i a donn SMSA en pti pe plis letan e ed plis kontrol pou nou kapab kontrol sa bann bato.

Akoz konmela i pa mandatwar pou sa bann bato pran paviyon Sesel.  Sanmenm i ou vwar po dir dan sa bann lakonpannyen charter i annan bato anba plizyer paviyon.

Me avek revizyon nou Lalwa nou pe fer sir pou dir sa bann bato si zot anvi fer biznes Sesel zot pou bezwen pran paviyon Sesel pou nou kapab ganny sa letan pou nou kapab fer kontrol lo zot.

An referans avek Eden Island la i annan plizyer entity ki rantre.  I annan Port Authority, bato ki pe vin vizite e ki pe vin Sesel i bezwen notifye Port Authority letan i pe rantre dan nou delo teritoryal.

E i bezwen annan serten kontrol par Port Authority kot sa dimoun sa Kaptenn lo sa bato i bezwen raport kot Port Authority avek son certificate of registry dir mon mon’n arive. Mon’n ariv Sesel.  I fer son deklarasyon.

E Port Authority osi i bezwen fer sir pou dir i anmas port dues, si bato pa raporte ki mannyer Port Authority i kapab anmas port dues? 

I annan Licensing Authority as well sanmenm sa rezon ki SMSA i le pran sa Licensing Authority si en bato  i vin isi i le al fer ilegal charter parey ou’n fer sorti.  Licensing Authority i osi annan en rol ladan.  I pe breach sa Licensing Act. 

E mwan mon pou remersi nou annan SMSA i annan enn de dimoun ki nou travay avek baze Eden Island mon remersi sa bann dimoun kot zot call preski tou le semenn no resevwar call kot zot raporte.  Konman en bato i sorti SMSA i ganny en call pou dir be la nou’n obzerv tel bato skipper etranze, pe sorti.  Zet en koudey.

E nou SMSA an vi ki nou napa resours nou napa assets, nou depan heavily lo Marine Police avek Coast Guard. 

E la konman nou ganny sa bann rapor koumsa la nou met dan latansyon Marine Police. 

E nou’n ganny plizyer ka kot even dimoun in ganny fer ale la resaman mon krwar semenn pase i annan en skipper ki ti’n li i ti’n vin lo both charter and trip boat carter ki korek.

Me i pa’n ale.  In reste deryer pou li pran en lot group.  Savedir ki montre ou, i pe travay.  E i napa en GOP.

        E nou’n averti Imigrasyon e sa gentleman in ganny fer ale.  So this is en pti pe an gro lo sa kote outer island parey ou’n refer sorti.

Bon SMSA ozordi, ozordi menm mon annan en garson ki’n al fer survey lo bato. Alphonse in al Alphonse pou al fer survey. 

        E parey mon’n refer sorti nou annan sa rol surveying me nou napa reprezantan Alphonse oubyen Cosmoledo – dan zil.

So nou  limite. Sa ki pase laba si i pa ganny raporte SMSA pa pou konnen e parey mon’n dir mon remersi ankor sa bann dimoun ki frekant Eden Island ki al lo zil ki vin, rapor ek SMSA.  Mon remersi zot.  E vwala mersi.

 

MR DEPUTY SPEAKER

Mersi Kaptenn.  Minis.

 

MINISTER DIDIER DOGLEY

Mersi Mr Chair.  Mr Chair mon dakor avek Onorab Ferrari pou dir nou bezwen ranforsi bann travay ki nou e fer konsernan bann ilegal charters ki ganny fer isi Sesel bann yot, mon osi mon ‘n ganny plizyer rapor pou dir i annan bann yot ki vini e ki sirtou bann Sud Africain ki pe engage dan bann aktivite legal isi.

Alor pou mwan i en nesesite ki SMSA i anvoy son bann lenspekter regilyerman dan sa bann landrwa kot nou konnen sa bann dimoun i vini e fer sir pou dir sa bann bato i ganny tyeke konbyen dimoun ki annan on board bann lekipman kalite bato e si nou vwar pou dir i annan  dimoun ki lo bato i sipoze pa lo bato nou anmenn sa bann lenformasyon kot bann Lazans ki konsernen par egzanp Licensing, Port Authority, Imigrasyon.  E nou pran aksyon avek sa bann dimoun nou pa kapab annan dimoun ki vin Sesel vin fer biznes ranpli zot pos lo ledo Seselwa.

Mon krwar ki i mank ou ankor en lenspekter ouswa de lenspekter enn pou Praslin avek enn pou fer bann zafer Eden Island nou dir ki nou bezwen e nu demande.

E mon krwar se sa pozisyon ki nou devret pe pran.  Mersi Mr Chair.

 

MR DEPUTY SPEAKER

Mersi Minis.  PS Thésee.

 

PS DAMIEN THESEE

Mersi Mr Chair.  Petet t a bon nou met Bidze SMSA an perspektiv akoz Gouvernman in donn bokou latansyon SMSA 2018.

Si nou get lo paz 491 nou pou vwar an 2017 par egzanp son saler ti R3.2 milyon.  Nou’n double sa an 2018 sorti 3.2 po vin 6.7 so sa ti bann legzersis ki nou ti fer avek SMSA pou donn li n pe plis zefor en pe plis resours.

Me parey nou’n eksplike son revised Bidze pou wages in vin 4.2, an vi sa de post ki son sonm surveyor nou i donn R135 mil on average. 

So sa i reflekte son saler. E alor 2019 nou donn li 4.9 savedir i sorti 4.2 pou 4.9.  Mon krwar i annan li 3 post ki ase i vacant la.  Nou pran sa menm pozisyon lo paz 492 son outsource spending an 2017 ti 3.8 nou’n preski double son resours dan goods 2018 i ti 6.3 dan Bidze.

Me selman nou pe estimen ki i pou depans selman 5.8 an 2018.  E nou’n donn li 6.5 an 2019.

Lot depans i sa 7milyon nou pou vwar an 2018.  Nou’n donn li 7 milyon annan « capital project »me sa pou reflekte an 2019.

Savedir ou annan ou 7 milyon ki ti dan « capital  project »n 2018 ki pa pou dan 2019.  Prezan sa ki fer sa bes

Savedir i pou sorti 17 milyon ki’n estimen pou depanse sa lannen 6 a 7 so nou tourn li lo 11 baze lo son loperasyon la.

E parey in dir i annan detrwa post ki vacant pe ganny difikilte ou li recruit i ava recruit i ava kontinyen kominik avek nou. ler son Lalwa i pase nou konpran son Act ki’n pase nou ava revwar li pandan Midyear Review.  Mersi.

 

MR DEPUTY SPEAKER

Mersi PS Thésee.  Onorab Ferrari.

 

HON JEAN-FRANCOIS FERRARI

Mersi Mr Chairman.  Mr Chairman depi 2an nou pe travay lo performance.  Bidze i bezwen performen. Se sa tou Bidze Gouvernman tou bann lines baze lo PPBB. 

Setadir i bezwen annan performans.  Ki mannyer ler nou get pou SMSA nou vwar pou dir bann challenges ki zot annan tousala se inability to do most things;

‘inability to maintain navigation aids’’

‘inability to expand to Praslin’’

 ‘inability to …’’ sa zot napa ase travayer

‘inability to conduct more surveys’’ eksetera.

Donk SMSA in eksprimen li son sityasyon ki ladan.  Malgre sa nou pe donn li en bidze an mwens pou ankor en pe letan.

So mwan konman en dimonn ki a ni en ekonomis pa ni en accountant, mon vwar pou dir napa performans e mon krwar kaptenn  Valmont e Minis tou lede i n rekonnet pou dir nou annan en problenm.  Dan monitoring sa lendistri.  Zot in rekonnet nou annan en problenm.  Me selman nou pa pe donn zot bann mwayen pou zot atak sa problenm.

Apard lefet ki ler SMSA Lalwa pou ganny zot pou annan plis ledan e aparaman zot pou ganny plis larzan, me nou pa konnen.

Apard sa nou e al dan en non-performing budget line!  Se sa mon problenm.  Nou problenm lo sa kote latab se ki mannyer nou kapab donn en sonm larzan kan nou konnen ki son performance pa pou a la oter ki nou pe espekte.

So mwan mon ti a  vreman kontan konnen.  Par egzanp si zot annan en bato pou zot fer sa bann check si zot annan en biro en landrwa ki kalite kolaborasyon ki zot pe gannyen avek Por.  Ki kalite kolaborasyon zot pe gannyen avek Minister Imigrasyon pou nou konnen ler dimoun i vini i dir son ladres Eden Island, me ou ladres i Eden Island me Eden Island i kapab nenport landrwa.  I kapab lo en bato.

E ou osi ou pe vin fer biznes.  So ki mannyer sa se bann keksoz ki esansyel ki nou konnen.  E esansyel osi ki akoz enn bann pli gro problenm mon repete Mr Valmont in aksepte, se lo bann Zil Elwanye. Ki mannyer nou pou kapab monitor sa ki pe pase lo bann zil elwanye kan nou pou depan kan nou, servis SMSA pou depan lo si IDC i pare pou donn nou en plas lo avyon.

Savedir IDC i ava don nou en plas lo avyon ler i fer sir pou dir napa personn ki e fer bann ilegal  Cosmoledo. Akfer i pou anmenn en gard Cosmoledo kan i konnen pou dir i annan bann keksoz ki pe deroule ki pa legal?

Konmsi ki mwan,  mon konnen pou dir mon’n dir en kantite keksoz lo la me selman lo nou kote i enportan pou nou konpran sa bann keksoz pou nou vwar pou dir nou pe donn larzan e nou pou gannyen keksoz an retour.

Akoz Minis, Kaptenn nou’n ganny promet en kantite keksoz dan lepase. E ozordi si nou ankor pe ganny promet keksoz pa ankor arive se ki annan bann dimoun ki pa oule i arive.  I pa oule ki SMSA i ganny ledan. E zot pe lager pou zot pa les SMSA ganny ledan.  E zot pou kontinyen lager.

        So plito mon vwar ou vin kaptenn Du Port.  Plito mon vwar ou kat travayer i vin kaptenn Du Port.  Omwen letan zot a pe fer keksoz plito ki zot dan en biro kot zot napa ledan zot napa keksoz pou fer.

So mon sipliy avek zot.  Avan nou fini deba lo la please dir nou ki zot krwar zot pou kapab achieve pou met en pe lord dan sa lendistri silvouple.  Mersi.

 

MR DEPUTY SPEAKER

MERSI Onorab Ferrari.  Kaptenn.

 

CAPTAIN JOACHIM VALMONT

Mersi Mr Chair.  Mersi Onorab. Mon apresye mon apresye bokou sa ki ou’n refer sorti, e mon pou dir ki SMSA menm avek sa 14 staff ki nou annan pou lemoman e kekfwa sa ki nou e fer i pa ganny pibliye.  ‘   SMSA sa lannen nou’n train tou nou staff an Zen sa lannen tou nou staff nou ISO 9001 2015 compliant.  Sa i en requirement IMO.  Tou nou staff in gannyen.

Sa lannen osi 5 staff in al train i annan de ki’n fer Flag State Implémentation Italy ; mon annan de ki’n al fer port state control ankor Italy.  Mon annan enn ki fek ale an Oktob i pou al pou 9 mwan i pe al fer maritime law.  Emily.  E finalman mwan menm 2 semenn mon fek retournen sorti training ISPC code implementation. 

So tou sa bann keksoz i montre ou nou pe met pare SMSA pou ler nou Lalwa i pase, pou nou kapab annan sa bagaz pou nou kapab travay.

San sa bann training, pa vo lapenn parey ou’n dir SMSA i egziste.  So tou sa bann training parey mon’n mansyonnen la nou pa’n pibliye nou.  Training nou’n fer.

E ankor pare ou’n refer sorti wi nou napa asset SMSA napa asset pou travay avek.  Nou depan pou coastal nou depan en bon pe lo Marine Police.  Par egzanp sa bann problenm jet ski ki arive weekend konman mon ganny call mon konn Marine Police.

        E pli lwen pli lwen mon depan heavily lo Coast Guard. 

Si i annan issue mon call Coast Guard e Coast Guard i asiste SMSA. 

SMSA os in gard en lofis dan Por. E sa pou port state control.  Nou’n gard en lofis e nou annan 2 zofisye kalifye ki’n train Japon ki fer port state control. 

E osi nou annan sa bon lantant avek imigrasyon nou annan en protokol parey ou’n refer sorti bato ki pe al dan zil zot pas kot SMSA pou rod clearance avan zot al lo zil.  E nou, nou fer devwar pou kontakte SRC pou gete si sa bann bato zot pa pe fer ilegal charter ensidswit, ensidswit. 

Tousala nou annan sa bann kontak e protokol an plas pou kapab kontrol.  Mersi.

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Dernyen pti pwen Mr Valmont mwan mon ti a kontan vwar ki ou konmans en landrwa nou’n lager ek jet ski nou’n lager ek bann bato i ti fer sa, mon menm mon ou konnen  mon ti ganny blese.

Mon pa ankor tande pou dir okenn dimoun okenn dimoun in ganny en sanksyon akoz in fer sa bann keksoz koumsa.  Mon pa konnen kekfwa in arive.

Mon pa ankor tann ditou pou dir i annan okenn bato ki’n ganny sezi akoz i pe fer ilegal lo en baot charter. Pourtan nou tou nou konnen nou tou nou konnen it’s the most – laverite i ganny la pou tou dimoun.

Si ou pa vwar en konmansman ki mannyer nou pou ankouraz ou?  Nou pa vwar.  Nou p vwar.  E mon a zis dir finalman pou Minis Touris ki la, i annan en sityasyon lo Eden Island ki pe devlope ki pou met Seselwa kont etranze

E pa zoli i pa bon pou en pei touristik sa.  So nou bezwen fer keksoz.  E bann Seselwa ki pe sey rod en lavi zot pe rod en konmansman en konmansman avek sa bann dominer.  Bann dominer Eden island apre bann pli gro dominer lo Zil Elwanye.

Me si nou pa kapab met en lord avek sa bann msye nou pa pou kapab donn larzan dan Bidze nou konnen pou dir nanryen pa pou arive! Sa i zis en komanter mo pa espekte okenn reaksyon lo la.  Mersi.

 

MR DEPUTY SPEAKER

Mersi Onorab Ferrari.  Minister.

 

MINISTER DIDIER DOGLEY

Mr Chair  mon krwar i pa korek pou donn en apersi ki konmkwa SMSA pa pe fer nanryen.  I annan en kantite travay ki’n ganny fer pandan sa 6 mwan ki mwan mon’n la Minister mon’n zwenn regilyerman avek kaptenn e i annan en kantite travay lo kestyon Lalwa i annan plizyer Lalwa ki tre avanse.

Par egzanp i annan sa Hirecraft Act ki ou pe revwar e i tre avanse kantite travay ki nou’n fer.  I annan Beach Control Act ki nou’n revwar ankor  i lyez avek bann aktivite safety dan sa bann landrwa.  I annan travay ki’n ganny fer lo SMSA Bill ki parey Mr Kaptenn Valmont in dir sa i dan lanmen AG’s Office.  I annan bann morso Lalwa ankor ki nou’n travay lo la. E ankor i annan tou sa bann zafer ki annan pou fer avek IMO sa bann konvansyon enternasyonal pou en pti lorganizasyon ki annan 14 dimoun zot annan en kantite travay  pou fer e zot pe travay i pa vedir  pou dir louvraz pa pe ganny fer en kantite travay pe ganny fer.

Sa ki mon dakor ek ou sa ki nou ti a voudre mwan personnelman mwan osi mon ti  a voudre vwar se ki i annan plis bann foot soldiers lo bann landrwa kot bann marina kot bann bato i antre e ki nou konmans tyek sa bann bato e nou fer sir bann ki pe fer bann keksoz ilegal, nou met en lord ek zot enn fwa pou tou.

Epi 2enm keksoz se ki bann issues parey lalkol jet ski, bann bato ki pe fer bann aktivite ki pa apropriye, ki pe met lavi zot kanmarad an danze sa mon krwar nou pou bezwen fer plis travay dan sa bann letan ki pe vini.

E mon vwar pou dir lo Schedule konsilte avek PS Damien Thésee.  Nou vwar pou dir  i annan 3 post ki vacant e nou, nou ava demande pou dir sa bann pos i ganny ranpli.  Epi i annan 3 ki’n ganny freeze ziska ler zot vin otononm ler zot a vin otononm zot a ganny bann dimoun plizoumwen bann dimoun natif ki annan pou fer avek Account avek administrasyon HR ki sa osi i a ganny freeze ziska ler sa bann zafer i pase.

E ler in ganny pase nou ava  nou en lorganizasyon ki’n pare pou travay.  E mwan mon donn mon komikman Lasanble pou dir konsernan sa bann zafer ilegal e bann soz mon pou swiv sa zafer dapre pou fer sir pou dir nou annan dimoun on the ground, ki pe fer bann travay pou aret, ouswa kontrol sa bann problenm ki nou, vwar pe arive laba landrwa kot pe either pe fer keksoz ilegal ki zot pe pran reveni ki ti a devret  al dan pos Seselwa, me ki pe al dan pos bann etranze.  Ouswa bann ki pe poz en danze avek bann lezot  dimoun  ki pe servi nou bann inshore areas.  Mersi Mr Chair.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Chair.  En pe dan menm laliny ki Onorab Ferrari in koz longman e passionately lo la.  Weekend mon’n fek en konversasyon avek en Kaptenn i dir avek mon Sesel i en pei beni, i beni pou la senp rezon ki Bondye i vey nou sak segonn sak zour nou lavi.  I dir mon Sesel i en pei antoure ek lanmer evidaman nu en pti zil.  La kantite dimoun ki pe voyaze ant nu bann zil toulezour lakantite touris ki pe dormi lo delo toulezour pou around Sesel i dir mon son estimasyon apre 3,500 dimoun.

Zot pe dormi lo bann bato.  Letan nou kalkil lakantite peser e tou sa  avyon ki pe travers nou lanmer pou ariv se nou. luckily, luckily, mersi Bondye ki okenn keksoz katastrofik pa ankor arive, ki pou afekte nou pei koumsa.

Donk pou asire ki sa i reste koumsa, i pa kapab zis nou tonm lo nou zenou toulezour, e dir Bondye vey nou.  I bezwen – nou pe donn en Bidze la asire ki resours sa dekwa atraver personnel, bann keksoz koumsa i ganny materyalize

Donk letan mon pou get par egzanp bann target ki lo paz 494 in mete an term ; pou sertifye bann bato, pou anrezistre,  pou espekte, pou survey.

        Mon pa satisfe mwan.  Pou dir nou pe al fer tou keksoz sa Gouvernman sak fwa nou ‘challenge zot’ – pe al fer – an se moman i devan nou – nou pe konsidere.

Mon pa satisfe avek bann repons ki nou’n gannyen.  E petet repetisyon i pa en move zafer li, pou dir nou eski resours finansyel ki dan sa Bidze vreman pou fer achieve bann targets lo paz 494 Onorab Pillay atraver ou Mr Chair, pou dir sa pou ganny achieve.  Mersi bokou.

 

MR DEPUTY SPEAKER

Mersi Kaptenn Valmont.  Eski ou kapab donn en larepons ki konvenk sa kote latab ki pe demande, pe demann aksyon efektiv, ledan ki ou lenstitisyon i annan pou vreman adres bann konsern ki pe eksprimen?

 

CAPTAIN JOACHIM VALMONT

Mersi Mr Chair.  Mersi Onorab pou ou kestyon.  Ankor mon pou refer sorti pou dir yes, SMSA i pe esper sa Lalwa pase.  E avek sa Lalwa letan i pase.  Parey nou’n refer sorti kekfwa lannen nou ti espekte sa lannen i pase.

Me la nou hope i high ki lannen prosenn i pase.  E se sa ki pou kapab donn nou ledan.  Se sa ki pou kapab fer nou al fer survey lo bato lapes par egzanp!   Se sa ki pou kapab fer nou fer tou sa bann pti bato dan Sesel swa anrezistre swa ganny idantifye!  Se sa ki pou donn nou ledan pou fer sir sa jeune homme mont jet ski i annan 16an i annan en certificate of proficiency pou i anmenn sa jet ski! 

La pou lemoman napa tousala.  SMSA i servi Lapolis pare mon’n dir si i ganny en rapor nou anvoy Lapolis, Lapolis osi pa kapab fer gran soz.  I met en pe Lord e si sa dimoun i konpran li, i respe.

Me pou lemoman Lalwa pa ankor pas nou pa ankor kapab fer keksoz ki pa dan nou Lalwa!

So nou bezwen letan sa Lalwa i pase.  Se a se moman ki SMSA pou ganny sa ledan neseser pou li kapab fer sa ki devan li.  Mersi.

 

MR DEPUTY SPEAKER

Onorab Henrie.

 

HON GERVAIS HENRIE

Mersi Mr Chair.  So baze lo larepons ki Kaptenn Valmont in donn nou se ki, enn fwa ki sa Lalwa i pase ki zot pou ganny ledan.

 So prezan savedir sa Bidze ki nou pou zot pe demann nou so i pou servi dan ki fason?  Akoz si par egzanp sa Bidze ti pou zis garanti ou saler, but nothing else, so eski – sa Lalwa pou vin apre li.  Me la nou pe al donn ou en Bidze pou kapab achieve serten gol ki’n ganny presiz elo paz 494.

So ki mannyer mon’n demann ou mwan.  Sa resours ki ou pe demann nou la, pou permet ou achieve serten keksoz ziska ki sa Lalwa i antre.  Mersi.

 

MR DEPUTY SPEAKER

Mersi Onorab. Kaptenn?  Kaptenn ou annan laparol.

 

CAPTAIN JOACHIM VALMONT

Ok mersi Mr Chair.  Mersi Onorab pou ou kestyon.  E byensir parey mon’n refer sorti avek sa 14 staff ki SMSA i annan, ou pou vwar pou dir en staff pe fer li 3 kalite task 3 kalite i annan staff sadly mon pou dir avek passing away of Captain Grand court nou’n bezwen apwent Kaptenn Mark konman    surveyor par egzanp.        An menm tan i pe fer port state control.  So ou pou, vwar pou dir staff SMSA la i pa pe fer zis en travay i multi task.  SMSA this is why mon’n dir sa lannen nou’n spend almost 1milyon Roupi pou train staff SMSA.  Mon’n fer sorti taler ki mon pa’n pibliye.

Me solman travay in ganny fer.  Staff in ganny train.  E boner sa lannen mon pou refer sorti.

 

MR DEPUTY SPEAKER

Mersi Kaptenn.  Onorab. Pa ankor fini.  Carry on.

 

CAPTAIN JOACHIM VALMONT

Ok bon ek sa 14 staff ankor SMSA i fer anrezistreman bato.  I fer survey bato i fer port state control, fer flag state control, i fer tou.

So sa Bidze la i pa zis saler.  I al dan tou sa divizyon kot SMSA i annan responsabilite.  Nou annan NAVTECH – NAVTECH SERVICES ki nou, nou pe maintain ki pe pas lenformasyon avek bann bato ki pe cross dan delo Sesel.  Tousala SMSA pe fer.  Mersi.

 

MR DEPUTY SPEAKER

Mersi Kaptenn.  Onorab Francois Adelaide.

 

HON FRANCOIS ADELAIDE

Mersi Mr Chair.  Bonn apre midi. Mon kestyon pou panel se ki dan zot ‘’current challenges’’ pwen 6 se ki zot pe, ganny difikilte pou donn piblik lenformasyon.

E vi ki dan Bidze i annan 11.5milyon ki zabitan Baie Lazare pe osi kontribye ladan,  pou zot kapab ganny lenformasyon,  mon pou demann Kaptenn ouswa panel list pou dir mwan donn zabitan Baie Lazare detay.  I annan en, gro bato feray ki’n mouye dan labe Baie Lazare.  Nou le konnen si sa bato pe kontribye dan lekonomi Sesel ?  Ki son purpose akoz i la?  Eski zot pe pase pou fer spot check pou zot get son bann desarz e bann lezot keksoz ki mars avek sa bato?

Mon 2enm kestyon se ki zot manda s se ki pou fer sir k dimoun i kapab servi e enjoy zot lanmer mannyer zot kapab.

E nou annan en problenm dan Baie Lazare akoz ki zabitan Baie Lazare pe met ankor 11.5 milyon se ki bann peser i konplent ki ler Arab i vini zot pa annan drwa lev zot kazye, akoz zot ganny anpese.

E zot manda i fer sir ki sa bann dimoun ni kapab enjoy lanmer.  Ki rekour sa bann peser pou gannyen – ki limero i kapab call zot pou ki an mod  Onorab Ferrari sa bann dominer arete.  E zot manda zot vreman espekte e ki nou peser i kapab enjoy son lanmer.  Mersi.

 

MR DEPUTY SPEAKER

Mersi Onorab Adelaide.  Kaptenn.

 

CAPTAIN JOACHIM VALMONT

Mersi Mr Chair.  Mersi Onorab pou ou kestyon.  Ou premye kestyon ou pe fer referans avek sa bato mon krwar ki mouye Anse La Mouche.

Sa bato SMSA i napa bokou lenformasyon lo la.  Parkont mon kapab apros SPA, akoz se SPA k anmas tou port dues or dues ensidswit.  Si en bato i rantre, parey mon ti pe fer sorti taler.  Si en bato pe rantre dan delo Sesel i bezwen enform SPA.  E sa mon kapab rod sa lenformasyon pou si i pey port dues ki pe fer ensidswit.

Lo kote bato lapes k ganny bann peser ki ganny anpese lev kazye.  Premye fwa sa rapor i vin ,dan mon latansyon e mon’n pran not e sa mon a fer follow-up avek SFA Seychelles Fishing Authority e mon krwar i pa korek si vreman sa bato i annan Lotorite pou li anpes nou peser lev zot kazye or tranp zot kazye.  Sa mon’n pran not e mon a take up avek SFA. Mersi.

 

MR DEPUTY SPEAKER

Mersi Kaptenn.  Onorab Adelaide.

 

HON FRANCOIS ADELAIDE

Mersi Mr Chair.  Mr. Chair vi ki Minis i la.  Petet li i okouran akoz se Gouvernman Sesel ki’n donn permisyon sa bato pou rantre.

So nou ti a kontan ganny en detay akoz nou pa kapab annan en bato dan nou lanmer nou pa konnen lekel ki i annan ki fer.  So i montre en Gouvernman ki vreman iresponsab.  Mersi Mr Chair.

 

MR DEPUTY SPEAKER

Mersi Onorab Adelaide.  Minister.

 

MINISTER DIDIER DOGLEY

Mr Chair mersi.  I pa normalman louvraz Minis pou al tyek bato akoz Minis i annan lezot keksoz pli enportan pou fer.

Me mon dakor lo en serten nivo pou dir SPA ki lorganizasyon ki deal ek bann bato, ler i rantre dan nou delo,  zot devret annan  bann detay eksetera lekel sa kaptenn pou ki bato eksetera.

E SPA malerezman zot pa ganny reprezante la.  Nou, nou ava fers sir pou dir sa bann lenformasyon ki ou pe rode nou ava demann SPA pou fer sir ou ganny lenformasyon ki ou devret gannyen.

 

MR DEPUTY SPEAKER

Mersi Minis.  Onorab Adelaide.

 

HON FRANCOIS ADELAIDE

Mr Chair ou konn mwan parey labitid, mwan mon demann en time frame akoz mon abitye ganny dir sa bann parol me selman mon napa en time frame.  Akoz zabitan Baie Lazare pe met Bidze ladan e nou pe konnen kan nou pou ganny lenformasyon, Minis kan ou espekte nou ganny lenformasyon.  Merit.

 

MR DEPUTY SPEAKER

Mersi Onorab.  Minis.  Eski demen ou kapab fer nou ganny lenformasyon?

 

MINISTER DIDIER DOGLEY

Demen i Sanmdi, mon krwar  soz me selman nou kapab fer ou gannyen pli tar Mardi. I pa devret en problenm.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonn apre midi tou Manm Onorab.  Mr Chair eski mon krwar i annan en kestyon ki pa pe ganny reponn e petet mon krwar Minister i bezwen eksplike – ok?

        Pandan letan ki Lalwa SMSA pa ankor pase.  SMSA i annan en lot louvraz ki fer.

So mon ti a kontan demann ou Kaptenn.  Eski zot fer lenspeksyon lo bann bato?

(1) Eski zot e lenspeksyon lo bann bato?

(2) Eski zofisye ki fer port state control pe travay?  Akoz mon krwar sa dimoun i en dimoun tre kalifye li.

Eski zot pe fer Flag State control?  Eski zot pe fer bann mon pa konnen bann review?

        Eski zot pe fer tousala?  Akoz mon krwar ou pe donn lenpresyon pou dir i annan lenpresyon pe ganny donnen pou dir SMSA pa fer nanryen.  Zot pe zis esper Bidze lannen prosen pou travay.

So eksplike Minis avek SMSA, kwa ki zot pe fe ozordi?  Ki bann louvraz ki zot pe fer, e kwa akoz i enportan ki nou annan SMSA vizavi bann obligasyon ki nou annan avek IMO?   Sa i mon premye kestyon.  Mersi Mr Chair.

 

MR DEPUTY SPEAKER

Mersi Onorab Pillay.  Mon krwar Minis in eksplike Kaptenn Valmont – in eksplik en pe training ek lezot keksoz.

Eski i annan bann fonksyon ki pou satisfer bann Manm ki la, ki zot vreman efektiv?  Alor mon donn laparol Kaptenn Valmont.

 

CAPTAIN JOACHIM VALMONT

Mersi Mr Chair.  Mersi Onorab pou ou kestyon.  Byensir SMSA i annan li anviron 500 hirecraft ki anrezistre.

E obviously SMSA i annan li 2 lenspekter ki prensipalman lenspekter surveyor ki prensipalman pe fer sa travay surveying. 

        Nou fer survey 2 fwa par semenn Mardi avek Zedi.  E en fwa dan par mwan surveyor i mont Praslin i kouver Praslin/ La Digue.

E parey mon fek refer sorti i annan 4 parey ozordi menm mon annan surveyor ki mon’n bezwen anvoy Alphonse Island pou al fer survey. 

        Lo kote port state control mon annan mwan 2 zofisye en kaptenn avek en enzenyer ki fer port state control. 

        E de semenn pase nou ti ganny en issue kot en bato – en riffer in antre e se bann lekipman, son bann derrick ek son wire, ki pa ti an eta e la zofisye in al fer lenspeksyon lo sa bato, in vwar e bato in – ti fer ganny arete son travay.  In fer li rektifye sa bann problenm.  E bato gradually in donn li permisyon pou li kapab kontiny son travay.

Nou annan osi registration preski tou le semenn mon kapab dir nou annan average 2 5 apepre 5 bato ki ganny anrezistre.

E ler nou dir anrezistre i en whole series kot sa registration officer i bezwen liaise avek DICT ensidswit, ensidswit.

Nou annan osi parey mon’n refer sorti servis NAVTECH kot nou fer sorti bann maritme safety information, ki bann bato ki pe cross dan nou delo pe ki pe al lezot destinasyon.  An menm tan nou annan examination.  Nou annan responsabilite konman  en administrasyon pou fer oral examination, pou tou nou bann young  seafarers ki pe lekol Seychelles Maritime Academy  fer zot oral i vin fer kot SMSA. 

An plis ki sa nou annan bann cadet officers bann AB ki pe travay lo nou tanker.  Mon krwar Lasanble i konn tre byen pou dir SEYPEC i annan en fleet 6 tanker.  I annan 5 ki pe train worldwide apre nou annan ptipti Paradise ki pe train isi.  E SMSA, i annan responsabilite pou fer legzanmen oral examination tou sa bann zofisye avek manm lekipaz, ki pe al travay lo nou tanker aletranze.

So globalman en pti pe vwala bann responsabilite SMSA.  Mersi.

 

MR DEPUTY SPEAKER

Mersi Kaptenn Valmont.  Minister.

 

MINISTER DIDIER DOGLEY

Sa ki Kaptenn Valmont in koz lo la Mr Chair, se bann routin travay ki zot fer kot SMSA.  Me an plis ki sa i annan bann travay Polisi e i annan bann louvraz Lezislasyon ki zot pe fer la an se moman.

Par egzanp mon’n nonm sa bann diferan Lalwa ki zot bezwen travay lo la.  I annan bann issues ki annan pou fer avek IMO.  Pou fer sir pou dir nou reste White Listed avek tou sa bann lezot konvansyon anba IMO ki zot, zot travay lo la e zot pe travay ansanm avek bann konsiltan, pou fer sir pou dir tou sa bann Lalwa i ganny finalise e i ganny met an plas.

Sa travay laplipar lo konsernan Lalwa lamazorite i tre avanse.

Savedir i annan en kantite travay ki’n ganny fer pou fer sir pou dir sa bann keksoz i ganny finalize.  So i annan de bout i annan sa bout ki annan pou fer avek safety, kot zot ale zot al fer bann lenspeksyon, zot fer sertifikasyon zot tyek bann bato, zot tyek masin, zot tyek kalite bato.  Epi lo lot kote osi zot tyek son dimoun li menm.  Pou gete si sa Bann dimoun i ,sertifye if not they have to go through prosedir, pou fer sir pou dir sa bann dimoun i ganny sertifye pou zot kapab delivre pou kapab fer sa louvraz.

Si non zot pa pou kapab fer sa.  Alor i annan en servis ki annan plizyer servis ki SMSA pe donnen ozordi, e si SMSA pa pe travay, ouswa pa pou kapab operate sa bann servis pa pou kapab donnen dan pei.

Alor i enportan pou dir nou konpran sa.  E an menm tan ler i pou’n pas sa nouvo Lalwa, olye ki pe deal zis avek serten kategori bato la konmela ki ase restrikte, i pou kapab expand sa bann zafer anrezistreman bato pou sorti depi bann hirecraft eksetera ki pe fer la.

Pou al deal ek bann bato lapes pou fer sir tou  bato dan delo Sesel i anrezistre – i annan en limero nou kapab idantifye li e nou konnen kote i ete.  E sa i bann travay ki pou bezwen ganny fer.  E i pou vin an mars  ler sa bann nouvo Lalwa i ava’n pase.

E Lalwa in fini ganny travay lo SMSA Act dan lanmen AG i senpleman nou pe esper li vin isi, ler i ava vin isi nou espekte boner lannen prosen.  E si i pase then sa nouvo soz i ava take in. 

        Nou espekte sa i pou arive dan bann premye quarter lannen prosen. Mersi Mr Chair.

 

MR DEPUTY SPEAKER

Mersi Minis.  I byen nou pe koz lo Lalwa. Onorab Bernard Georges.  Onorab Georges.

 

HON BERNARD GEORGES

Mersi Mr Chair.  Mr Chair ler mon ti koze Lendi pou reponn Minis.  Mon ti dir ki mon problenm avek son Bidze se ki annan tro protokol konvansyon agreement eksetera i pa ase.  Sibstans pa ase travay pa ase rezilta.

E mon fini la semenn pe kout SMSA in montre nou egzakteman sa.  Tou sa ki nou’n tande apre midi Mr Speaker sa i fer mon fatig mwan, se ki SMSA pe fer protokol pe koz ek IMO pe met keksoz an mars pe esper en Lalwa lannen prosenn.

Me antretan kabri pe manz salad.  Parey Onorab gos ek drwat avek mon in fer sorti.

Mwan mon kestyon i senp.  Safety sa mo safety dan SMSA.  3enm mo dan zot tit.

Tou-le-z-an ler i ariv le 14 Out tou dimoun i fremir pou konnen ki pou arive son lannmen.

Lannen pase mon ti demann en kestyon sa lannen mon pou demann menm kestyon, mon espere lannen prosen mon pa pou bezwen demann menm kestyon ankor Mr Chair.

Sa se anba zot progranm Marine Transport Safety Management lo paz 495.  Dir mwan silvouple Kaptenn Valmont oubyen Mini,s ki sa larzan ki zot pe demande e ki nou pe al donn zot anba « goods and services » oubyen anba « non –fiancial assets »  i pou al ,dan met dan en sistenm safety boats, partou dan nou bann lokalite e mon ti dir Baie Sainte Anne, Grand Anse Praslin Anse Royale, Anse La Mouche, Beau Vallon dan en fason ki ler i ariv en problenm at sea, nou pa bezwen esper Coast Guard provilize pou al deal avek.

Silvouple, silvouple fer mwan kontan avan weekend e  dir mwan ki wi sa ki pe arive la anba sa vot, se ki nou larzan p al ganny mete swa pou met a dispozisyon sa bann sou rezyon en safety boat, swa pou pey bann dimoun ki annan  en bato deza dan sa bann rezyon, pou zot met sa bato a dispozisyon SMSA – si e ler  e ariv en aksidan lo lanmer.  Mersi Mr Chair.

 

MR DEPUTY SPEAKER

Mersi Onorab.  En kestyon direk.  Eski ou pou annan resours pou met en bato a dispozisyon pou asir sekirite dan bann rezyon tel ki Praslin La Digue?  Kaptenn Valmont.

 

CAPTAIN JOACHIM VALMONT

Mersi Mr Chair.  Mersi Onorab pou ou kestyon.  Anba sa vot spesifik ki ou’n refer sorti nou annan nou’n met serten larzan ki al anver MAIB, Marine Accident Investigation Board, ki ler i ariv en lensidan, se zot ki annan sa responsabilite manda pou al fer investigation.

        E mon’n note ou propozisyon kot SMSA i kapab servi en en pe sa larzan.  Akoz ki arive avek sa larzan nou pa pe tous li.  An ka en evantyalite i arive avek enn sa bann tanker ki pe train internationally. 

        Alor sa larzan i la on standby.  Me selman parey ou’n refer sorti, e pa sa ki ava anpes nou kekfwa servi sa larzan pou pa aste bato parey ou’n dir.  Me travay avek diferan dimoun dan diferan distrik ki annan en fasilite bato.

Pou lemoman parey ou’n refer sorti, nou annan lifeguard osi detrwa landrwa parey zot stasyonnen Anse Lazio zot annan bato Beau Vallon, zot annan en rescue boat. 

        Me parey ou konnen nou annan en kantite lans.  E i pa posib pou life guard a parpiye lo tou sa bann lans.

E ou’n byen fer refer sorti nou kapab travay e sa i en bon propozisyon nou kapab apros enn de dimoun dan bann distrik e mon krwar i napa bokou distrik ki lanmer i move.

Nou kapab pou konmanse avek sa larzan i la a  lapros sa bann dimoun travay ek zot e servi zot bato an ka bann lensidan.

Nou’n konmanse nou SMSA nou’n met bann nou’n met 10 mon krwar dan bann rezyon Sid.  Nou’n met 10 life ring me sa nou’n donn avek bann tourism police ki al lo lans.

Sa nou’n kit dan zot dispozisyon.  Me selman i en bon propozisyon e mon a vwar avek Minister Finans parske mannyer nou kapab allocate sa larzan – la zisteman sa larzan i la nou pa pe servi nou pa tous li an ka.  E nou a sey fer parey ou’n propoze.  Mersi.

 

MR DEPUTY SPEAKER

Mersi Kaptenn. Onorab Georges.

 

HON BERNARD GEORGES

Mersi bokou Mr Chair.  Mersi Kaptenn Valmont ou’n soulaz mon en pe.  Malgre ki i paret ki lamazorite sa larzan se pou letopsi, se pa pou anpes aksidan arive.

E mon ti ava swete parey ou’n promet sirtou pou ki ler bann letan 15 Out i arive ki Sesel pa aret respire parey nou bezwen fer tou-le-z-an.  Pe espekte ki problenm ki pou arive  demen.

Alor silvouple mon kont lo ou Kaptenn Valmont – mon kont lo ou Minis pou liber en pe sa larzan letopsi e anvoy zot pou anpes sa bann aksidan arive.  Mersi.

 

MR DEPUTY SPEAKER

Mersi Onorab Georges. Onorab Pillay ou ti le en klarifikasyon lo la?

 

HON SEBASTIEN PILLAY

Wi Mr Chair. mon ti annan en klarifikasyon lo la akoz Minis i a recall mon ti menm call li mon ti menm call Kaptenn Valmont an relasyon avek REGATTA, apre ki mon ti ganny lenformasyon avek baze lo bann bato ki fer bann race. 

        So sa ki mon ti pe al demann ou se vi ki SMSA ozordi i bezwen travay avek bann lezot Lazans marine police Coast Guard ki kalite deplasman ki zot fer ler i annan bann levennman pou asire ki annan safety e prezan ki mannyer lannen prosenn baze lo Lalwa ki pe vini nou pe enkorpor ase konponan dan Bidze pou aste petet en bato ou de bato ki ava tonm anba responsabilite SMSA pou li manage sa bann levennman spesifik.

So Minis eski ou kapab dir nou ki bann travay ki zot fer avek bann lezot Lazans?   Mersi.

 

MR DEPUTY SPEAKER

Mersi Onorab Pillay.  Kaptenn.

 

CAPTAIN JOACHIM VALMONT

Mersi Mr Chair.  Mersi Onorab pou ou kestyon. Tou le lannen parey ou okouran nou annan levennman parey lot Onorab in refer sorti nou annan 15 Out, nou annan REGATTA.  E i routin sa tou le lannen responsabilite pou oversee safety at se kot sa bann levennman i tonm lo ledo SMSA.

        E SMSA ki fer li an vi ki napa i napa asset, nou met an kontak tou pou sa Agency par egzanp life guard services Coast Guard, Marine Police, e nou travay ansanm.

E nou fer sir poudir sa bann entity i met a dispozisyon SMSA zot bann asset. 

E sa i ganny konfirmen avan sa levennman.  E nou al even fer site visit.  Kot zot  konfirmen zot bann asset ki zot pou servi pandan sa bann levennman.

Nou’n fer sa pou la mon krwar 5an nou pe fer sa.  Tou-le-z-an nou fer sa.  Nou al La Digue nou al avek REGATTA nou a la tout dernyerman ti annan even Dimans ti annan Kreol Dimans Kreol Bor lanmer.  Zot ti’n, vwar pou dir ti annan asset Coast Guard i annan son assets laba.  Marine Police i met son asset laba.

E even tou dernyerman nou’n anmenn even SNPA osi avek nou pou kapab siport sa bann levennman.  Mersi.

 

MR DEPUTY SPEAKER

Mersi Kaptenn.  Onorab Regina Esparon.

 

HON REGINA ESPARON

Mersi Mr Chairman.  Mr Chairman mon ti a kontan port latansyon CEO lo anba « other goods and services » an detay.

Mon’n remarke ki i annan en logmantasyon R162mil pou ‘Board members allowance’ sorti 332mil pou vin 494mil mon ti a kontan en lesplikasyon lo zot pe ogmant zot allowance e si wi konbyen bann Board members’ pe al gannyen?

I os annan en logmantasyon dan « insurance and license fee » sorti R43 mil pou vin R142mil pe kout R99 mil ogmantasyon.  Mon ti a kontan ganny en pti lesplikasyon osi.

Epi dan « aquisition of machinery equipment » i annan en sonm R500 mil la kwa ki zot pe al aste avek sa larzan silvouple?  Mersi.

 

MR DEPUTY SPEAKER

Mersi.  Kaptenn.

 

CAPTAIN JOACHIM VALMONT

Mersi Mr Chair. Mersi Onorab pou ou kestyon.

Premye kestyon ou’n demann lo increase dan Board members e sa provizyon dan Bidze nou’n fer provizyon pou ler SMSA i vin Lotorite e obviously Lotorite i ganny gide par en Board.

        E sa nou’n fer provizyon i deza dan nou Bidze.  Ok sorry pou sa mon pe fer referans avek Board members SMSA me non pa Appeal Board. E sa ogmantasyon i vin Appeal Board nou’n fer provizyon pou SMSA osi annan en Appeal Board.  Instead of sa Board SMSA ki gid SMSA li menm, i pou annan en Appeal Board an ka, i annan bann sityasyon ki devlope.  Par egzanp letan nou fer legzanmen whatever i annan konstatasyon pou sa.

Apre pou lasirans, nou’n met serten larzan, mon krwar 50mil sa i pou lasirans pou nou bann port state control officers inspectors, surveyors letan zot mont lo bato.  An ka zot ganny en aksidan, akoz obviously letan zot al lo bato, zot al dan masin lo on ensidswit pou al espekte just in case i arive en lensidan arive.

Alor nou annan sa lasirans i kouver zot, ki avan ti napa.  E sa dan nou diskisyon nou’n santi e even sa bann staff in apros nou in dir nou, in dir be bon sa travay ki zot pe fer in pti pe riske, alor zot ti a kontan annan en lasirans pou zot fer sa.  E sa nou’n fer provizyon dan sa Bidze.

Pou sa 500mil ; sa 500mil i plizoumwen pou beach management – beach management parey mon ti’n refer sorti taler e bann signage i annan demarkasyon osi.  Tousala i konpri.   Mersi.

 

MR DEPUTY SPEAKER

Mersi Kaptenn. Onorab Esparon ou ti le en klarifikasyon.

 

HON REGINA ESPARON

En ptipti klarifikasyon Mr Chair.  Konmsi sa ki Mr Valmont pe dir avek mwan zot pou annan zot SMSA pou annan li 2 Board; en Board ki zot deza annan la apre zot pe al kree en lot Board  ki pou apel en Appeals Board.  Sa ki pe sey eksplike zot pou annan zot 2 Board. 

En Board ki zot deza annan la konmela, epi zot mon pa konnen mwan en lot Board ki pou apel en Appeals Board li?  Sa ki ou pe sey eksplik mwan.  Sa ki mon’n konpran. Sey eklersi mwan silvouple.

 

MR DEPUTY SPEAKER

Kaptenn.

 

CAPTAIN JOACHIM VALMONT

Pou lemoman SMSA napa okenn i annan zis Marine Accident Investigation parey mon’n refer sorti taler ki li i annan son Bidze.

Sa ki nou pe fer referans la i ki nou pe fer provizyon i pou Appeal Board.  Yes SMSA letan i vin Lotorite, i pou annan son Board ki pou diriz li.  Me apre i pou annan en Appeal Board mon krwar ki pou annan 3 dimoun, just in case nou ganny bann kontestasyon, ki dimoun i fer grievance and so on and so forth.  This is it.  Mersi.

 

MR DEPUTY SPEAKER

Mersi Kaptenn.  Onorab Simon Gill.

 

HON SIMON GILL

Mersi bokou Mr Speaker.  Bonn apre midi Minis avek  ou delegasyon, Onorab, manm piblik bonn apre midi.

Mr Speaker mn osi mon le ganny en zistifikasyon tre kler avan ler mon donn en vot lo s Bidze pou SMSA. 

        Now, lo paz 490 ‘current challenges’, ‘strategics priorities’ dan ‘current challenges’ zot in pran tou sa bann zafer zot en met li dan en negative format.

        E mon pe konpran ki zot in sey tie sa up avek Lalwa.

Me kestyon eski Lalwa i anpes zot fer tou sa bann ‘current challenges’ la? Si sa Lalwa pa vini konmsi pa pou kapab handle sa bann zafer?  Akoz sa negative format dan lafason definir zot bann challenges?

        Par egzanp No.1 ‘inability to maintain the regional aids     outside the port limit and safety …’ mon pa konnen mon trouv i met en kalite zafer – mon prezimen i ‘signal’, ‘across the country,’ or en lot kalite terminolozi ok.

        ‘Inability to expend SMSA services on Praslin and La Digue.’

‘Inability to conduct more survey and schedule inspection to ilegal charters.’ 

        ‘Inability to maintain SMSA business management system policy. ‘

‘Inability to attract qualified …. time rated personnel to build capacity SMSA services and inaccessibility of information for general public. ‘

        Eski sa i depandan lo Lalwa?  I pa depandan lo Lalwa?  Bon si i pa depandan lo Lalwa, sa i mon lafason ki mannyer mon perceive sa sa kwa ki zot, bezwen an term provizyon bidzeter pou fer zot kapab turn sa bann negative challenges la into real – real – real e tangible target pou zot kapab vreman bouze?

Akoz zot met li koumsa ?  Mon pa pe dir mon krwar mon pli konnen ki zot tou.  Me mon prezimen i annan en pli meyer fason deal ek sa zafer.

Bon si nou kapab ganny convince lo sa then mon prezimen mon pou kapab vot an  faver sa Bidze. Mersi.

Mon ava atann repons Mr Speaker.  Epi mon annan lezot kestyon zot a kapab donn mon loportinite koze.  Mersi.

 

MR DEPUTY SPEAKER

Mersi Onorab Gill.  Kaptenn Valmont oubyen Minis

 

CAPTAIN JOACHIM VALMONT

Mersi Mr Chair mersi Onorab pou ou kestyon.  Onorab akoz ou vwar nou’n met tousala se i relye tousala la i relye avek Bidze, i relye avek larzan pou SMSA kapab bouze!

Pou mantain sa premye mon pran premye pou maintain nou pe koz la mon pe koz lo far Aldabra.  Lo far Aldabra lo Aldabra konmela i koute.

E Aldabra lannen p/ase son bulb ti brile.  Son batri in andomaze.  E pou nou kapab ganny larzan pou ranplase in pran SMSA nearly 9 MWAN pou nou kapab ganny larzan pou nu ranplas avek tou sa bann prosedir.  E an menm tan pou sours sa prodwir.

Akoz sa bulb li i spesyal.  Nou’n bezwen ganny li mon krwar La France.  Now si nou get ‘inability to expand SMSA services to Praslin’ –sa osi i relye.  Pos in freeze Lalwa ti sipoze pase pa’n pase pos in freeze. 

        Nou pa kapab expand.  ‘Inability to conduct and schedule survey.’ Sa i relye – i relye avek – SMSA sa lannen n vwar li en rezon en lot fer arete en lenspekter.

E ler nou’n fer arete sa lenspekter in al met en case devan PSAB.  Nou fek ganny nou fek ganny repons la la semenn pase.

SMSA pa’n kapab anploy personn dan son plas toultan PSAB pa donn son go ahead!

So in met nou deryer.  ‘Inability SMSA pou devlop son business management system.’  Mon ti mon’n mansyonnen oparavan.  In kout nou en milyon pou train.  Pou met an plas en sistenm ki ISO 90001-2015 compliant.  E lannen prosenn nou sipoze fer en 2enm faz training.  E sa i pou kout nou otan ankor pou nou kapab maintain nou sistenm an plas.  E sa osi i Bidze an plis.  SMSA Minister Finans in met serten ceiling  ki nou bezwen zwe avek.  Nou bezwen pran en larzan isi,  fer isi pou nou kapab sey cope avek sa vizavi sa responsabilite ki nou annan.

Kekfwa se pou sa rezon ki ou’n vwar pou dir nou pe met li dan sa konteks.  Mersi.

 

MR DEPUTY SPEAKER

Mersi.  Minister.

 

MINISTER DIDIER DOGLEY

Mersi Mr Chair. Mon krwar pa ler nou keksoz an Anglais, Anglais pa tro nou langaz.  Kekfwa si ou ti demann ou pou eksplik an kreol i ti a pli fasil.  Akoz kekfwa ler in ekrir sa mo ‘inability’ i annan lezot mo ki kapab ganny servi ki dir pou dir i annan serten limitasyon.  Annan serten limitasyon i pa vedir pou dir ou pa kapab fer keksoz ditou.

Me selman i annan en limit ki ou kapab ale e apre ou bezwen led pou al pli devan.  E parey ler nou pe fer sa Bidze ki baze lo performance.  Ler ou pe fer ou analysis ok this is ki mon’n kapab fer la kot mon kapab ale, me pou al ankor en mile mon pou bezwen tel resours tel resours, tel resours. tel resours.

Se vwala ki pe sey ganny eksprimen an en langaz Anglais ki kekfwa pa’n ganny ekrir dan sa fason ki devret ete.

Akoz an realite i annan en kantite keksoz ki pe ganny fer around Mahé, ki ozordi pe ganny fer.  E bann limitasyon kekfwa ki soz i annan, se ki parey in ganny refer sorti, i annan serten resours kekfwa i mank li pou al pli devan.  E ler  i pe ekrir pou pe eksplike kwa ki pou bezwen avek Minister Finans, pou li kapab al fer sa lot bout, se sa ki’n ganny eksprimen dan sa bann zafer ‘iinabilities’ saMersi Mr Chair.

 

MR DEPUTY SPEAKER

Mersi.  Avan mon donn Onorab Gill mon a les PS Thésee klarifye.

 

PS DAMIEN THESEE

Mersi Mr Chair.  E petet parey Minis in eksplike i annan sa bout challenges ki PPBB nou, nou anvi konnen ki zot eksperyanse, akoz i ed nou osi bann Bidze ki vini pou travay lo la.

Me selman i annan sa bout ki nou apel ‘strategic priorities’ 2019 – 2021 ki zot in liste lo paz 490 ki zot pou fer avek sa Bidze?

So nou osi get sa bout la strategic priorities pandan sa 3an, in mete ki zot pou fer in terms of – par egzanp fer more surveys – more inspection -convert zot into One Stop Shop; recruit bann dimoun kalifye; disseminate information avek mariners ek piblik.

So sa i montre ki pou fer avek sa larzan ki annan despite, ki nou en kontrent bidzeter.  Akoz tou lorganizasyon i annan en kontrent bidzeter.  Minister Finans osi nou fer Bidze nou annan kontrent bidzeter, akoz nou pa pou kapab zanmen recruit tou dimoun ki ou le pey saler ki nou oule.

Alor kekfwa nou bezwen get li dan laspe pozitiv osi ki pa zis en issue ‘inability of challenges me get son bann priyorite over Midyear term ki i pou osi travay lo la.  Mersi.

 

MR DEPUTY SPEAKER

Mersi PS.  Onorab Gill.

 

HON SIMON GILL

Mersi Mr Speaker.  Mr Speaker dan lesplikasyon ki Minis avek Mr Valmont in donnen, nou’n konpran pou dir i deza annan serten nivo sinerzi ki zot devlope avek prive.  Par egzanp nou’n mansyonn bann bato letan i annan bann levennman Nasyonal ki en fwa oubyen de fwa dan lannen, i annan bann levennman e i annan sa sinerzi.

Now dan ou  bann ‘inability’ ki ou annan, nou pe konpran ki SMSA pa kapab, travay li tousel.  I bezwen  travay n relasyon avek bann lezot Lazans, bann lezot lenstitisyon ki deza annan bann lekipman, bann resours e i dan Gouvernman apart prive ki kapab permet SMSA, dan sa lespri travay ansanm e devlop sa sinerzi – servi sa bann resours, bann lekipman dan son optimum pou ki ou kapab achieve serten bann target ki ou or bann task ki tonm anba ou responsabilite.

Now presizeman bann kestyon ki’n leve.  In lev en konsern serye.  Lo bann bato – bann yacht ki rantre dan teritwar, dan lanmer Sesel e ki bann lenformasyon, bann lendikasyon se ki zot pe abiz zot lenstans dan teritwar Sesel, atraver bann diferan aktivite ki zot fer.

Now dan lespri sa sinerzi avek bann lezot Lazans, lenstitisyon, dan lamezir ki ou pe esper Lalwa pare, kwa ki ou kapab convince nou an servan  sa Bidze ki la, an tenir kont ki PS  Finans in dir dan ou bann ‘strategic priorities’ eksetera ki ou kapab montre nou vreman ou kapab fer keksoz pou me sityasyon anba kontrol.  Mon pa bezwen al repet sa ki bann lezot Onorab in dir – mon krwar ou konnen kote mon pe vini.

Now, annou sey al lo sa nivo convince nou pou dir bon vwala ki mon kapab fer, e vwala sa kalite sinerzi ki mon pou bouze al travay lo la, e ansanm konman en lafors, bann resours ki nou annan, nou pou fer aksyon pou ki teritwar Sesel i reste teritwar Sesel! Sa Sesel  pou Seselwa i bezwen reste rezonnen dan lespri tou dimoun !  Sesel pou Seselwa!

E nou pa kapab les personn sorti kote ki i anvi vin fer okenn aktivite kot nou’n swet li ‘labyenveni’ e i pa konmsi fer bann overdose dan sa ‘La byenveni’ ki nou’n swet li ‘La byenveni.’

Mon ava aret la pou lemoman Mr Speaker.  Mon annan ankor de kestyonn ava atann larepons lo la.  Mersi bokou.

 

MR DEPUTY SPEAKER

Bon mersi Onorab Gill.  Mon pa konnen si Minis i le reponn oubyen Kaptenn Valmont i le fer komanter, si non nou ava al lo lot.  Minister oule dir keksoz, non?

 

CAPTAIN JOACHIM VALMONT

Mersi Mr Chair.  Mersi Onorab pou ou kestyon.  An sa ki konsern fer li – wi.  Mon pou konfirm ankor pou dir parey mon’n refer sorti SMSA, i napa asset me selman nou travay an kolaborasyon avek Marine Police e sa pou coastal.  An menm tan SMSA i met a dispozisyon zofisye pou fer bann patrol task force.  Nou’n kree e taskforce ki enkli zofisye Coast Guard zofisye SMSA avek zofisye Marine Police. 

E sa pou coast.  Parey dan Sanmdi, dan Dimans kot nou ganny en kantite jet ski, speed boat pe fer dezord.

Pli lwen nou depan antyerman lo Coast Guard.  Nou konnen pou dir Coast Guard osi zot annan serten kontrent zot osi kot pa ler nou demann zot serten servis pou e i annan parler ki nou zot involve avek serten loperasyon, ki anpes zot pou rann sa lapel si oule imedya.  Akoz tou sa bann Agency ki ou’n mansyonnen paler zot osi zot annan bann loperasyon spesifik ki zot pe antreprann, ki an menm tan si nou pe demann zot pou rann en servis.

Mon’n osi kekfwa pa mansyonn NDEA – zot osi nou travay close kolaborasyon avek zot a menm tan

So i annan tou sa sinerzi ki SMSA i pe travay avek sa bann Agency.  E zis pou mon konklir Coast Guard avek Marine Police letan zot al fer sa bann patrol, zot anvoy SMSA rapor.  Si par egzanp over weekend zot in aret 6 bato zot anvoy rapor kot SMSA, pou dir be bon vwala nou’n aret sa 6 bato lo sa 6 bato sepa son skipper ti napa license ensidswit, ensidswit, pou SMSA kapab fer sa follow-up.  Mersi.

 

MR DEPUTY SPEAKER

Mersi.  Minister.

 

MINISTER DIDIER DOGLEY

Mr Chair mon ti’n deza donn en under taking konsernan sa zafer bann ilegal bato lwazir ki vin dan nou delo ki mouye isi.  Apre ki fer biznes ilegal avek touris.

Mon krwar pou dir avek s a tim ki SMSA i annan avek sa 3 post ki nou’n dekouver ki k i pa frozen ki ankor egziste.  Si nou kapab recruit sa bann pos nou pou kapab anvoy – e mwan mon pou fer sir pou dir Kaptenn i annan en pti tim kantmenm i ava napa bokou – enn ou de bann zofisye ki ale.  E avek bann lenformasyon ki a gannyen avek bann ek piblik ki mon konnen akoz sa bann piblik li menm li i dir i call li, i call mwan – i call lizyer dimoun.

Alor nu pou gannyen lenformasyon kote sa bann bato i ete.  Alor nou a kapab anvoy kantmenm en lenspekter de lenspekter, akoz nou bezwen anvoy par de akoz mannyer sistenm Zidisyer i ete, dan en fason si enn ti dir ti koumsa lot at least i ava annan en witness prezan e ki nou kapab konmans kolekte lenformasyon e pran aksyon avek bann dimoun ki pe fer keksoz ilegal dan pei.  Nou pa kapab tire sa kalite zafer dan Sesel.  Mersi Mr Chair.

 

(APPLAUSE)

 

MR DEPUTY SPEAKER

Mersi Minis.  Onorab Andre.  Mon krwar Onorab Gill nou’n kouver en kantite lo sa size.  Mon’n permet ou en kantite i annan e nou pe run out of letan osi.  Mon krwar nou pou bezwen pran en desizyon in ariv 5.15, mon pou donn laparol Onorab Andre

 

HON CLIFFORD ANDRE

Mersi Mr Speaker.  Mon pou demann de kestyon dan 15 kestyon ki mon annan.

Mon get dan ‘’office rent’’ i annan en Bidze lannen pase ti 2.017milyon e sa lannen i 2.089.  Ankor enn fwa mon pou demann kaptenn vi ki fonksyon SMSA i vize ver lanmer e dan tou pei ki mwan mon’n pase son lofis SMSA, i anndan dan son por e i en building Gouvernman.  So sa mon ti a kontan konnen akoz.

2enm letan on gete mon annan PSC ki’n ariv R105 mil e ou saler in plito desann.  Pou mon i demontre ki ou pa’n anploy ankor en nouvo dimoun akoz ou allowance PSC in monte?  Si ou napa dimoun konpare ek sa lannen?  Ok so sa i lot.

E eski nou annan garanti ki sa Lalwa pou vin Lotorite, i pou riv kot Lasanble? Akoz sa i en Lalwa Minis i pa ti ankor menm vin Minis Lalwa pe marse – pe marse e i pa ankor arive

Menm letan mwan mon ti lo Board i en keksoz ki pe marse i pa pou arive.  Ki garanti prezan.  Ki sa pou ganny materyalize.  E Sesel pou benefisye avek sa Lalwa.

Apre lot se pa sa Lalwa ki fer SMSA annan son fonksyon.  Sesel i deza sinyatir Konvansyon UNCLOS, kot i kapab egzers i kapab al Eden Island fer kantite inspection.   It is in your internal waters napa nanryen ki anpes ou.  You are signatory to the convention you can go.  Antre fer sa lenspeksyon. Akoz nou pa pe fer?  Mersi.

 

MR DEPUTY SPEAKER

Mersi Onorab Andre. I posib ki en porsyon sa kestyon ki ou’n demande lo kote resours e akoz in redwir in ganny reponn pandan ki pli boner mon krwar ou pa ti ankor rantre.  Me selman lo sa konponan, eski i kapab fer serten louvraz la konmela avek resours ki i annan akoz Lalwa i permet kaptenn Valmont pou reponn.

 

HON CLIFFORD ANDRE

Mon pa’n demann li so rediksyon.  Mon’n dir li son PSC in monte, son PSC contract in monte, me son saler pa’n monte.  Savedir i demontre i pa pe anploy en lot dimoun e ki mannyer son PSC i monte?

 

MR DEPUTY SPEAKER

Kaptenn Valmont mon a permet ou reponn apre mon a donn PS Thésee.  Oubyen PS Thésee oule al avan?

 

CAPTAIN JOACHIM VALMONT

Mon konnen nou annan en staff ki’n ganny promosyon in mont lo PSC contract – obviously son saler i monte e se sa kekfwa ki reflekte.

E apre ou’n demann rent, rent parey mon’n refer sorti nou annan nou’ bezwen move out of the port.  Akoz nou’n move out of the port por osi i le a grandi i le pran plis staff SMSA osi i le pran plis staff pou build up son kapasite.  E dan por nepli annan.  Nou ti kwense se pou sa rezon ki nou’n sorti sel landrwa ki ti available at that time ti Trinity House.

        E nou’n move la ki nou kapab recuit plis dimoun.  E rent osi parey mon’n refer sorti oparavan nou’n gard Onorab nou’n gard en biro pou port state control dan por.  Mersi.

 

MR DEPUTY SPEAKER

Mersi, mersi Kaptenn.  PS Thésee. I ok?

 

HON CLIFFORD ANDRE

Referans avek nou fonksyon ki nou vreman pa bezwen Lalwa.  Me selman zis pou moderniz se nou fer Lalwa.  Me selman nu annan sa bann pouvwar anba akoz nou pa pe servi li?

 

MR DEPUTY SPEAKER

Mersi Onorab Andre.  Minister. 

 

MINISTER DIDIER DOGLEY

Mersi Mr Chair.  Konsernan Lalwa SMSA mon kapab garanti ou pou dir Lalwa i fin fer.  I dan lanmen AGs office in ganny konfirmen i dan lanmen AGs Office.

        So in fini sorti kot Minister aprezan sel landrwa ki kapab vini se kot National Assembly pou zot fer zot travay epi nou hope ki sa zafer i ava pase i ava soz.

So mon pou kapab donn ou garanti pou dir Lalwa lo nou kote in fini.  Lot keksoz ki ou’n demande se konsernan enforcement – mon’n fini donn en garanti 2 fwa la  a fer 3enm fwa, pou dir nou pou servi bann resours i nou annan, menm si nou ava fer li en fwa par semenn nou a pran 2 dimoun nou ava anvoye ouswa tou lede semenn nou ava anvoy de dimoun i ava fer letour.

E si nou kapab ratrap 3 ou 4 ou 5 nou ava fer li avek resours ki nou annan.

Alors se sa garanti ki mon’n donn sa Lasanble.  Mersi Mr Chair.

 

MR DEPUTY SPEAKER

Mersi Minis.  Mon donn Onorab Ferrari.

 

HON JEAN-FRANCOIS FERRARI

mersi Mr Chairman. Mr Chairman mon krwar nou pou pare ou nou pran en vot.

Mon ava zis sum-up sa sityasyon dan en fason eronik ; – SMSA i en Lazans ki sipoze pe fer travay lo lanmer.  Selman son biro i kot Lorloz.

Sa pou mon i dekrir en lorganizasyon ki en pe dis fonksyonnel.  Me selman nou kontan nou’n ganny sa deba ozordi.

E nou kontan sa ki nou’n tande sorti kot Minis sorti kot Mr Valmont e nou lo sa kote latab nou rekonnet nesesite annan en lorganizasyon parey SMSA. 

        Me selman nou anvi ki i  efikas.  Baze lo lefikasite si nou bezwen pran en vot lo efikasite mon krwar tou lede kote latab nou ti pou vot kont.

Me selman nou pa pe pran en vot lo lefikasite.  Nou bezwen sa lenstitisyon.

Alors Mr Speaker avek ou laprouvasyon, mon ti a kontan propoze ki baze lo enn sa ki Minis in dir nou, ki bann lasirans ki’n donn nou isi dan sa Lasanble baze lo bann lasirans ki Kaptenn Valmont in donn nou,  ki nou pran en vot lo sa Bidze ki mannyer i ete.

Me ki nou demann avek SMSA silvouple pou raport avek Lasanble dan 3mwan.  E la mon pe dir le 15 Fevriye 2019 raport avek Lasanble lo serten linisyativ ki zot in pran ; an term kote Lalwa i été – par egzanp – enn.  (2) en rapor lo bann kontrol ki zot in efektye lo landrwa parey Eden Island e lezot landrwa ; lo bann kontrol ki zot in fer la mon pe anvoy zot ganny dan problenm me selman mon fotespere zot retourn antye zot pa retourn. ;a bann monn trouv zot in fer dan nou zil dan Sid.  Si zot bezwen pran en lasirans avan zot ale pran en lasirans.

Ok al laba dan zil dan Sid al gete ki pe arive.  E lo sa baz Mr Chairman mon krwar ki o mwen nou ava vwar en konmansman en konmansman akoz Lasanble an antye lo tou lede kote latab i anvi vwar en keksoz.

E akoz e piblik deor i anvi vwar en keksoz.  Par egzanp la fek ganny lenformasyon ki i annan de katamaran ki’n sove Tanzania ki pa’n pey zot port dues i ariv Eden Island e la zot pe charter anba Alphonse.

Sa bann keksoz ki i normal ki dimoun i dir sa bann keksoz, menm si i en spekilasyon i normal akoz dimoun i enkyet dimoun nepli konnen prezan i annan rimer partou.

So sa se bann keksoz ki nou bezwen fer.  E mwan mon pe demande mon pe dir la in ler pou nou pran en vot.  E nou lo sa kote latab nou pare pou nou pran en vot lo baz sa ki minis in dir sa ki Kaptenn in dir e sa ki nou’n rekomande konman aksyon a kour term.  Mersi.

 

MR DEPUTY SPEAKER

Mersi Onorab Ferrari.  Mon a donn dernyen laparol Onorab De Commarmond.

 

HON CHARLES DE COMMARMOND

Mr Chair zis en pti klarifikasyon akoz Onorab Ferrari pe mansyonn 3 mwan wi.  Be mwan mon pe kalkil State of the Nation Address e avek Lalwa ki petet ki kapab ganny fer e arive devan nou.  Mon pe mazin alors si nou dir 4 mwan i pa pli bon? Akoz konmsi nou a ganny n sans o mwen donn zot en sans pou zot prouv zot lekor byen mon dakor ek sa lapros.

E an menm tan sa Lalwa konmsi mon pa le dir Lalwa i n pare me selman Lasanble pa ankor zwenn.

So i a donn nou sans zwenn e si Lalwa in pare nou a donn priyorite Lalwa osi pou al délavant.  Mon dir petet 4 mwan rather than 3 mwan.

 

MR DEPUTY SPEAKER

En propozisyon Onorab Ferrari.

 

HON JEAN-FRANCOIS FERRARI

Mr Speaker 3 mwan edmi – 31 Mars.

 

MR DEPUTY SPEAKER

Ok mon krwar i rezonnab akoz menm ki Lasanble pa zwenn pou anpes SMSA si i ganny rapor.  Sirkil en rapor atraver en email tou dimoun i gannyen menm ki nou pa dan Lasanble, me zot a konnen zot okouran pozisyon pli vit posib ki Lasanble i reconvene zot in fini pare avek en propozisyon.  Alor mon krwar i en propozisyon rezonnab.

Bon avek sa nou’n avek a lafen deba lo Seychelles Maritine Safety Administration ki annan en total R11milyon 509mil.

Mon krwar in ariv ler pou nou pran en vot lo sa budget line.  Tou Manm ki an faver?  Eski i annan okenn Manm ki kont?  Deputy Clerk ou a donn ou count. 

 

MADAM DEPUTY CLERK

Mersi Mr Chair.  27 Manm in vot an faver personn kont.  Mersi.

 

MR DEPUTY SPEAKER

Mersi Deputy Clerk.  Savedir 27 Manm in vot an faver R11.5milyon in ganny aprouve pou Seychelles Maritine Safety Administration.

        Bon avek sa, avan nou fini PS Thésee.

 

PS DAMIEN THESEE

Mersi Mr Chair.  Nou asi pran en dernyen vot pou Seychelles Tourism Board ki ti ganny dakor pou pa vini  pou en sonm R144 119milyon.  Lo paz 484.  Mersi.

 

MR DEPUTY SPEAKER

Mersi PS Thésee.  Onorab Ferrari.

 

HON JEAN-FRANCOIS FERRARI

Mr Chairman sa i en gran vot i annan en gro vot nou’n deside an diskisyon dan Lasanble ki nou pa pou bezwen apel Seychelles Tourism Board pou en rezon ase senp s ki nou’n rankontre zot pandan lannen e nou’n vwar zot in fer n kantite zefor en kantite progre lo bann rekomandasyon ki’n nou, nou ti’n fer e ki Oditer Zeneral ti’n fer e nou anvi ler i annan en Lazans oubyen en Departman oubyen en Minister ki fer zefor nou anvi ki nou rekonnet sa.  E nou rekonnet ki Seychelles Tourism Board in fer sa bann zefor.

So nou ok pou nou pran en vot lo la.  Mersi.

 

MR DEPUTY SPEAKER

Mersi Onorab Ferrari.  Alor nou pou pran en vot lo Seychelles Tourism Board ki lo paz 484 pou en sonm R144,119milyon.

Tou Manm ki an faver?  Eski i annan okenn Manm ki kont?  Deputy Clerk ou a donn nou count.

 

MADAM DEPUTY CLERK

Mersi Mr Chair.  23 Manm vot in vot an faver e personn kont.  mersi.

 

MR DEPUTY SPEAKER

Mersi Deputy Clerk.  Savedir sa line item Seychelles Tourism Board pou R144,119milyon i pase.  E aprouve par Lasanble Nasyonal.

Bon nou’n fini pran tou bann item ki ti lo Order Paper pou ozordi espekte Electoral Commission, ki nou ava pran li apartir demen bomaten.   Lendi nou pe tro travay nou’n bliy zour.  Apartir Lendi mon a permet Minis en dernyen parol avan nou eskiz li.

 

MINISTER DIDIER DOGLEY

Mersi Chair.  Mon ti a voudre remersi tou Manm Onorab, ou menm Chair pou sa sesyon ki nou’n gannyen la ozordi apre midi.  Mon rekonnet pou dir zot ti annan serten konsern lo serten laliny Bidze ki nou’n annan en pou mwan sa i toutafe normal.  Mon apresye kontribisyon e rekomandasyon se ki zot in fer i a ed nou pou fer pli byen.  Mon’n pran not lo bann diferan konsern ki zot in leve.

E definitivman sirtou konsern SMSA bann prezan ki neseser nou ava fer le neseser pou fer sir pou dir sa bann keksoz i ganny met an plas.

Avek sa mon dir zot mersi bokou e pas en bon weekend. 

 

MR DEPUTY SPEAKER

Mersi Minis nou ava eskiz ou avek ou delegasyon.  Mersi Kaptenn Valmont. Mersi PS Renaud, e Ms Chantal Jules.

 

(MINISTER DIDIER DOGLEY AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

Bon avan nou adjourn mon a demann Serzan pou retourn nou dan Lasanble.   Mersi.  Avan nou adjourn zis en communication zis pou anons zot ki Standing Orders Committee pou zwenn demen Sanmdi 9er bomaten anba chairmanship Onorab Georges.  E in dir mon zot pou ale ziska 8er diswar demen.

Alors i ti anvi konmans 8er me mon krwar la in dir i pou konmans 9er bomaten.

Avek sa mon ti a swet zot en bon weekend e nou pou adjourn ziska Lendi bomaten 9er.

 

(ADJOURNMENT)