Home » Verbatim » 2018 » Wednesday 14th November, 2018

Wednesday 14th November, 2018

NATIONAL ASSEMBLY OF SEYCHELLES

Monday 14th November, 2018

The Assembly met at 9am

National Anthem

Moment of Reflection

Mr Speaker in the Chair

 

DEPARTMENT OF INFORMATION COMMUNICATION AND TECHNOLOGY

 

MR SPEAKER

Bonzour tou Manm Onorab.  Bonzour tou dimoun ki a lekout e pe kontinyen swiv deba lo Bidze 2019.  En bonzour spesyal pou Vis- Prezidan ki depi yer i la parmi nou pou deliberasyon pou bann Bidze ki tonm anba son lofis.  E mon annan en bonzour spesyal tou pou PS Thésee, Mis Croisée e Ms Tamatave ki pe kontinyen ed nou dan deliberasyon lo bann diferan Bidze.  Bomaten osi tou nou welcome PS pour DICT savedir Departman pou Lenformasyon e Kominikasyon ek Teknolozi – Mr Benjamin Choppy ki ganny asiste par Mr Jeffrey Dogley ki Direkter Zeneral pou divizyon kominikasyon e Mr Randy Barra ki Procurement Manager.  Bonzour zot tou e welcome dan Lasanble Nasyonal.

Zis avan nou konmanse mon ti a kontan atir Latansyon bann Manm ki bomaten mon resevwar Auditor General ki’n prezant mon avek rapor Auditor pou bon Auditor General pou lannen 2017.  Savedir Lasanble Nasyonal in fini resevwar sa dokiman.  Nou pou met li dan nou konman Papers Laid semenn prosenn me kopi i deza available.

I avek Lofis Clerk e mon mazinen toutaler pandan Break tou bann Manm i a kapab resevwar en kopi sa rapor.  Bon zis en ankor en pti gidans pou ozordi pou nou travay, mon ti a kontan demann bann Manm pou nou evite antre dan administrasyon sa Departman ; administrasyon e menm petet tro deep dan Polisi e pou nou pa perdi letan pou pa al direkteman lo Bidze.

E mon ti a kontan demann osi tou bann enkli PS tou bann dimoun ki devan lo latab pou reponn otan posib nou fer nou repons bref and to the point.  Mon ti a kontan dir Vis-Prezidan i bon lo la e PS Thésee osi tou tre bref me nou ti a kontan ki lezot osi tou i fer parey nou reponn kestyon direk ki Manm in poze.

Bon mon fek ganny enformen osi tou la mon konnen mon pa pou osi tou en landrwa ki pou zis pas kondoleans, me mon krwar bann dimoun ki renonmen mon fek aprann ki Mr Ferdinand Vidot en dimoun ki renonmen en erbalis renonmen dan Sesel in kit nou bomaten.  Anyway mon ti okouran ki i ti malad, me mon pa ti konnen ki sa staz.  So ankor de la par Lasanble Nasyonal nou pas nou kondoleans avek lafanmir.  Yes Onorab William.

 

HON WAVEN WILLIAM

Bonzour Mr Speaker.  Bonzour Vis-Prezidan ek ou lekip e tou dimoun ki a lekout.  Mr Speaker baze lo sa ki ou’n dir mon respekte, ou lopinyon, me selman mon ti a kontan apport ou latansyon lo Standing Orders Lartik 76 (6) kot si mon lir ‘debate may take place upon that question – such debate being confine with the policy of the service for which the money is to be provided including the revenu, ’ So mon ti anvi ou pou en pti pe fleksib lo la, akoz i vre nou annan bann figures, me selman nou bezwen kestyonn osi Polisi.  Akoz parfwa ou pa ganny sans dan question time pou vreman al go deep, me nou ganny sa bann dimoun pandan sa moman deba, i enportan pou donn nou serten fleksibilite.  Mersi.

 

MR SPEAKER

Mersi.  Sanmenm sa mon pa pe tro regid lo la me selman mon pe dir otan posib pa al tro profon ; par egzanp yer Madanm Esparon in santi ki i pe pli zou mwen koz en pti pe lo administrasyon DPA and so on ki i pare pou … Ou konnen i annan plizyer parfwa nou ganny sa bann demann ki zot pare pou vin rankontre bann Manm Lasanble, pou koz en pti pe lo fason ki zot Minister oubyen zot Departman i ganny administre.

Wi mon ti doute enn antre zot pou lev mon latansyon lo Standing Orders ki fer provizyon pou sa.  Me parey mon pe dir as much as possible, nou kapab tous en pti pe akoz deza dan egzekitiv osi tou zot koz en pti pe lo zot bann achievements, lo policies lo bann stratezi and so on.  Wi me annou nou kapab touse me as much as possible annou fer li dan en fason en pe bref.  Onorab Ramkalawan.

 

HON WAVEL RAMKALAWAN

Bonzour Mr Speaker.  Bonzour Vis-Prezidan tou bann koleg Onorab e tou bann teknisyen e bann zofisye ki pe asiste e manm piblik.  Mr Speaker mersi pou donn mon laparol.  Mon ti zis anvi raport avek Lasanble Nasyonal atraver notis ki mon ti’n donn ou ki swivan propozisyon ki nou fer yer pou ki Auditor General ki fer en lodit konsernan lavant STC pou ki lavant premises ki ti’n ganny lease avek Parti Lepep Bois De Rose avek STC pou sa sonm R17milyon ki’n ganny anonse, mon’n fini ekrir Auditor General en let e dan sa let byensir nou demann li pou regard tou bann eleman konsernan sa Lalwa e pou fer en assessment lo la.  E nou espere ki byento nou ava ganny en rapor lo la.

Apre Mr Speaker zis en 2enm pwen ki plito vin en klarifikasyon ki petet pou ed nou bann piblik deor ki pe swiv sa deba lo Bidze. Ou  konnen parske yer ti annan sa sonm 6.5milyon ki nou ti koz lo la e apre sa in annan Bidze State House President’s Office e konmsi dimoun pe demande be ki’n arive?  Konmsi zis poudir dimoun ki Bidze State House President’s Office i napa nanryen pou fer avek sa sonm, parske sa i pou vin plitar letan nou pe get Constitutional Appointees.  Parske dimoun parfwa i kapab fasilman mansyonn tou keksoz.  E apre sa Mr Speaker zis sa zafer ‘abstansyon’ i annan dimoun i demann kestyon akoz ki LDS i abstain dan serten letan pe pran serten vot.  Mon zis anvi dir avek dimoun ki wi LDS i annan en mazorite dan sa Lasanble, me i annan en Gouvernman sa Bidze ki nou pe regarde se progranm Gouvernman antye si sak fwa ki LDS ti vote i ti vot kont, se ladministrasyon Sesel ki ti pou bloke an antye.  Travayer pa ti pou ganny lapey zot pa ti pou ganny Gratwite.  Ti pou napa larzan pou aste latizann ti pou napa lekol ki ti pou ouver – tou sa bann keksoz.

Alor nou pe pran nou rol o serye e alor dan bann areas kot nou abstain i annan serten keksoz ki nou pa dakor avek, me an menm tan osi nou bezwen travay dan en fason pou ki progranm nou pei, i kontinyen ganny fer.  So zis pou konmsi pou dimoun i relax en pti git osi konpran ki poudir nou pe pran sa travay dan en fason serye, e an mezir ki i ava ale zot ava osi vwar sa.

E si parfwa Mr Speaker ankor enn fwa pou dir ek dimoun ki si parfwa i napa sa kantite deba lo serten keksoz, se parske pandan sa dernyen 2an nou bezwen dir e nou ti felisit bann financial officers dan bann diferan landrwa, se parske zisteman in annan en kantite improvement lo lafason ki zot fer zot fer zot travay, lafason ki bann procurement i ganny fer e alor kot napa nanryen konplike.

Nou osi nou tou nou pou make nou vwar i annan konplikasyon e i annan bann kestyon ki nou bezwen poze definitivman nou pou poze.  Mon krwar ki sa i ava ede pou klarifye serten keksoz Mr Speaker.  Mersi bokou e ki nou pa pe servi LDS pa pou zis servi son mazorite pou blok Bidze Gouvernman.  Sa mon anvi fer mon anvi met mon anvi fer li kler, me ki nou pou azir dan en fason rezonnab akoz nou pei i bezwen kontinyen fonksyonnen.  Mersi bokou.

 

MR SPEAKER

Mersi Onorab Ramkalawan.  Bon lo kote mon zis fer en pti komanter lo kote amelyorasyon, mon krwar dan nou bann enteraksyon osi tou avek nou bann zofisye finans mon krwar se sa ki’n sorti i annan bokou amelyorasyon depi ler nou antre dan 6enm Lasanble e sa kalite travay ki nou pe fer lo Bidze.  E parey mon dir i reflekte osi tou dan rapor Auditor General.  Ou kontinyen vwar bann issues ki come up me selman i pa bann issues ki vreman grav ki vreman sa.  Ok so i annan amelyorasyon dan zesyon Bidze dan zesyon larzan dan bann diferan Departman.  Bon avek sa nou ava konmans nou travay e mon ava pas laparol avek PS Thesee lo.  Yes Onorab Ramkalawan.

 

HON WAVEL RAMKALAWAN

Mr Speaker.  Mon krwar yer nou mank en mo dan nou lapriyer nou adjourn konman en Komite, nou ti devret retourn konman en Lasanble pou nou adjourn Lasanble so that ozordi la nou rantre dan Committee Stage.  Mon krwar nou mank en pti parol dan nou lapriyer, me la mon krwar nou devret retourn konman en Komite parske ou adjourn konman en Lasanble e nou …

 

MR SPEAKER

Wi ok mon ava zis – Nou ok la.  Wi i ok nou lo Komite nou dan Komite.  Bon mon ava pas laparol avek PS Thésee – PS ou ava gid nou lo vot ki pou pran bomaten Bidze.

 

PS DAMIEN THESEE

Bonzour Mr Speaker tou Manm Onorab.  Nou pran paz 49 pou Department of Information Communications Technology pou en sonm ki pe ganny propoze pou R64.668milyon.  Mersi.

 

MR SPEAKER

Mersi PS Thésee.  Bon okenn Manm ki annan kestyon lo DICT.  Onorab Paul Ernesta.

 

HON PAUL ERNESTA

Mersi Mr Speaker.  Mr Speaker, Vis-Prezidan avek ou delegasyon, tou Manm Onorab, tou dimoun a lekout e presizeman bann dimoun Takamaka bonzour.  Mr Chair sorry mon kestyon i vize lo paz 52 programme 2.  Mon’n obzerv en pti pe lo zot lo zot en pti logmantasyon si oule.  Petet mon pou demann PS pou eklersi nou akoz sa logmantasyon. (1).

E dezyenmman si sa logmantasyon pou ed li pou kapab fer sir ki bann service provider, i kapab pe enplimant bann progranm pou asire ki tou distrik i ganny access avek network swa internet, telefonn ensidswit akoz sa ki pe reflekte lo son programme 2.  Mersi Mr Chair.

 

MR SPEAKER

Mersi Onorab Ernesta.  PS Choppy.

 

PS BENJAMIN CHOPPY

Si Onorab i kapab donn nou en pe nou pe rode egzakteman ki laliny sa increase.

 

MR SPEAKER

Yes Onorab Ernesta.

 

HON PAUL ERNESTA

Mersi Mr Chair.  Sorry i pa paz 52 i plito paz 53 i sorti from R6.490million to R8.4million – en apepre approximate R2million logmantasyon ki nou’n vwar anba son total programme si oule.

 

MR SPEAKER

Yes PS Choppy.

 

PS BENJAMIN CHOPPY

Ok pou programme 2 sa logmantasyon i en konbinasyon ‘wages ek salaries’, akoz lannen pase pou Scheme of Service tou sa bann Scheme of Service increases ti dan programme 1.  Epi dan sa lannen mannyer Bidze i ganny fer ou bezwen aproporsyonn sa dan bann diferan progranm.

So sa enn bann driver increase in terms of actual increase i annan en R875mil ki ladan e sa lo kote bann proze regulatory telecom pou enforcement.  Spesifikman lo ka bann service provider donn akse, sa Bidze i pou improve bann aktivite ki bann regulators pe plan over bann proze, bann studies eksetera.  I pa direkteman pou fer towers par egzanp.  Sa ki normalman i lefe si i annan en landrwa kot napa servis, nou kapab zwenn avek sa landrwa epi gete kisisa ki posib e nou take up avek operators ek lezot actors.

 

MR SPEAKER

Mersi PS.  Onorab Ernesta.

 

HON PAUL ERNESTA

Mersi Mr Chair.  Mr Chair zis pou refer lo dernyen pti pwen ; PS in dir bann landrwa Takamaka selman pou mon al en pti pe dan mon distrik Takamaka i en distrik ki i annan pa mal difikilte servis bann network, eski sa i kapab ganny take up pou nou fer sir ki mon vwar enn zot major achievement in annan bann Polisi ki’n ganny fer lo tower sharing ki sa i kapab ede pou nou kapab rezourd bann problenm enn fwa pou tou dan nou bann distrik?  Mersi Mr Chair.

 

MR SPEAKER

Mersi Onorab.  PS.

 

PS BENJAMIN CHOPPY

Wi nou kapab zwenn pou nou get sa pou nou get spesifikman ka Takamaka pou gete ki son issue pou nou gete.

 

MR SPEAKER

Ok mersi PS.  Onorab Valmont.

 

HON JUDE VALMONT

Bonzour Mr Chair mersi.  Bonzour Vis-Prezidan avek ou delegasyon, tou koleg Onorab.  Mon kestyon mon anvi adres li pou PS Choppy.  Premye kestyon se ki, ki zot pe fer ler mon get paz 50 bullet 1 i annan sa pou ‘have an effective competition amongst operaters facillitate entry of new ICT service providers and increase access and usage of ICT services’.  Mwan mon ti a voudre konnen ki zot pe fer atraver sa Bidze ki nou pou vote pou zot la, pou garanti ki bann servis parey data i nobou desann ki bann zenn bann dimoun ki pe servi sa data i ganny best value for money?

E 2enm mon ti a voudre konnen vi ki zot ki responsab pou bann zafer ICT Polisi lo kote Sesel, ki ozordi la aktyelman ler nou get pri data konbyen si zot konn sa konbyen en GB data i koute prepaid apre postpaid?  Zis pou nobou konnen kot nou été avek lezot pei dan zalantour?

Apre 3enm mon pou lo en kestyon ki relye avek kestyon Onorab Ernesta dan mon distrik osi i annan sa problenm network mon konnen tou bann koleg Onorab zot annan a serten landrwa dan zot distrik ki annan sa bann issues , sa mon get bullet – la mon get sa bullet 3 lo paz 49 ki dir zot in konplet sa ‘communications tower’ ek sa ‘antena policy’.  Be ki mon konnen zot pe fer fas avek serten challenges parey pou fer lezot partner travay ek zot, parey Planning Authority nou vwar i pran en kantite letan mwan mon’n ek PS, mon’n vwar nou travay pou aranz serten issue sinyal sirtou dan Nageon Estate, Anse Francois e Anse Des Genets dan Pointe Larue, nou’n vwar ki sa in pran plis ki 1an.

Ki garanti ki ler mon vot pou sa Bidze ki zot pou fer kapab fer en keksoz timely pou kouver, pou ede sort sa problenm network once and for all dan mon distrik.  Mersi.

 

MR SPEAKER

Mersi Onorab.  PS.

 

PS BENJAMIN CHOPPY

I annan 3 kestyon.  Mon a konmans avek premye.  Spesifikman pou sa Bidze sa ki mete anba programme 2 ki deal dan area regulatory, i annan pou kontinyen number portibility pou fer number portibility ; i annan pou inter connection rate review ; i annan pou RF i annan osi tou pou market study ki sa 3 evalyasyon study ki bezwen ganny fer.  So sa i a ed nou pou fer pou tou bann regilater kapab facillitate konpetisyon en pe plis.  An term bann pri bann pri ki mon annan la from mon bann regulators tipikman en Gigabyte pou fix akoz i annan diferan kalite servis pou fix broadband konmela ou kapab ganny li as low as lo package apepre R22 par Gigabyte.  Pou Prepaid i around R200 per Gigabyte.  R200 per gig e pou postpaid i apepre R129 per gig.

An term ki bor nou été vizavi bann lezot pei, normalman sa ki ou gete se affordability.  E i annan 2 barenm ki normalman 2 endikater ki ou servi.  I annan enn par UN ki dir ou bezwen below pou ou half gig ki lo mobile data i bezwen below 5percent of JNI per capita.

Epi lot se pou alliance of affordable internet ki dir ou bezwen below pou 1 gig ou bezwen 1 ou bezwen below 2percent of JNI per capita dan ka Sesel.  Pou sa enn UN nou at 1.22percent, so nou within sa standar ki servi.  E pou alliance of affordable internet nou within ler ou fakter in nou within nou 1.59poursan 2016 ki ti dernyen rapor ki nou annan.

Now i si ou demann mon, mon dir ou koumsa, nou byensir enn bann obzektif Departman se pou bring down sa cost per gig as low as possible.  E nou pa, nou pa satisfe menm ki nou within sa barenm enternasyonal nou bezwen osi tou get tandans.

Lo kote enternasyonal the key one ki ou bezwen gete ou bezwen gete ki mannyer sa de index ki mon mete, ki mannyer ou sanze over time.  E dan ka Sesel tou letan sa de index i desann.  Si mon pran parey sa enn alliance internet ki zeneralman i consider the toughest one, li an 2013 nou ti 2.76poursan la nou ariv 1.5percent, so son trend i dan en bon direksyon.

Ler nou get menm bann pri ki nou annan lo pou nou, bann pri per gig depi 2009 ziska konmela – si ou gete whether ou pe get the highest package or the lowest package ou pou trouve in desann ba anviron 70poursan.  So wi zot pe desann zot unit cost from sa so

Mon pa tro ok network problems spesifikman pou Pointe Larue definitivman mon rapel nou annan detrwa enteraksyon lo la.  Nou’n – i vre i pran en pti pe i pran en pe letan, akoz nou annan diferan partner ki ou bezwen come liaise avek aranz en solisyon.  Selman avek Planning la avek Planning in reisir anmenn sa avek nou ki pe korpere – pe labor avek zot, nou’n reisir avek sa tower policy ki fer li bokou pli kler, kan mannyer towers i ganny manage e administre.  E mwan mon krwar sa i pou fasilit en kantite louvraz Planning e i devret redwir en kantite letan pou finalize.  Selman mon bezwen dir ti pou Pointe Larue mon krwar in konmanse louvraz pou met sa tower la, apre ki nou fini akoz nou fini idantifye site.  Mersi.

 

MR SPEAKER

Mersi PS Choppy.  Onorab Valmont.

 

HON JUDE VALMONT

Mersi Mr Chair.  Zis en follow up lo 2 repons ki PS in donn nou.  PS mwan mon santi ki mon konnen en bon pe dimoun i share mon pwennvi mon santi sa pri data pou le moman it’s a rip-off!  Mwan mon dir li koumsa, akoz mon santi mon zis picture en zenn ki pe servi data i pe lekol pou li fer en pti resers i pe bezwen pey li apepre R200 par GB!  Alor mwan mon demande ki garanti ler mon vot pou sa Bidze ankor ki zot pou fer le mye posib pou ede redwir sa pri konsiderableman?  Sa enn.  E 2enm se konsernan sa zafer network  – mon konnen zot in travay lo sa polisi me selman DICT ki son dele letan ideal pou dir pou set up a tower pou li operasyonnel lo start ziska finisyon, ki dele letan ideal zot donnen?  Mersi.

 

MR SPEAKER

Mersi Onorab.  PS Choppy.

 

PS BENJAMIN CHOPPY

Zis mon en pti klarifikasyon pou lo kou mobile wi i sa de sif sa de ki’n mention, sa i lo mobile data.  Selman ou bezwen i osi annan fix broadband ki li i R22 per GB.  So i bokou pli avantaze si en dimoun i rod en fix broadband i en kestyon ki konsonmater i bezwen fer.  Selman an term ki nou pe fer nou outline bann keksoz ki nou fer.  Nou stratezi tou letan se fasilit konpetisyon otan ki posib dan sa.  So sa bann lapros ki nou pe servi.  An term towers, i difisil pou DICT pou annan en dele letan pou fer en towers, akoz en tower first i ou bezwen ganny ou Planning approval akoz i en striktir.  I pa en vreman en desizyon telecom.  Epi then apre ki sa operater ti ganny son approval, then li apre son kontrakter i bezwen set up sa tower. Nou napa en barenm otan ki mon aware ouswa en standar pou kantite dele letan – zis eksepte pou dir i varye.

 

MR SPEAKER

Mersi PS.  Onorab Valmont.

 

HON JUDE VALMONT

Mersi Mr Chair.  Mon ti a zis voudre met sa size pri data a latansyon Vis-Prezidan osi.  Akoz mon bezwen zis refer sorti ki sa Prepaid se la pli par nou bann etidyan nou bann zenn etidyan ki servi e pa toultan ki zot ganny akse avek fix broadband parey nou pe dir.  Alor mon ti a voudre Gouvernman osi ler mon pe vot sa Bidze zot endeavour pou zot ede slash sa pri data otan ki posib pou ede deal avek sa sityasyon pri lavi osi.  Mersi.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Onorab.  Mersi pou met devan lakoz bann zenn pou zot kapab ganny akse avek teknolozi modern pou zot kapab fer zot letid.  Nou a osi rappel ki nou pe travay avek bann lekol pou ki bann lekol i vwar en failable pou bann etidyan kapab servi pou zot kapab fer zot resers.  Me parey PS in dir nou fasilit konpetisyon e pri in desann konsiderableman si ou pran depi 2009 dan lespas 10an me an menm tan ki pri i desann nou servi plis sa bann servis.  E alor dan en serten sans nou vwar ki kou ou a reste parey i été oubyen ogmante, me tou i depan lo ki kantite servis ki nou le.

So Gouvernman i ankor angaze pou kapab fer desann bann pri.  Sanmenm nou dir meyer fason pou fer desann pri se annan plis konpetiter lo marse.  An menm tan nou sezi lefe ki nou pa kapab saturate the market me selman an menm tan mon krwar poudir sa i ava enn bann fakter kle ki pou kapab fer desann bann pri ki bann zenn e lezot konsonmater i kapab benefisye avek en kou redwir, pou fer nou mars bokou pli lwen ankor dan la rezyon parey PS in fer sorti.

 

MR SPEAKER

Mersi Vis-Prezidan.  Onorab Herminie.

 

HON WILBERT HERMINIE

Mersi Mr Chair.  Bonzour VP avek ou delegasyon.  Bonzour tou Manm Onorab.  Mon kestyon i lo sa proze digitalisation bann dokiman, eski dan sa Bidze i annan larzan pou beef up sa seksyon e pou met plis staff ladan?  E akoz nou konnen tre byen ki sa bann dokiman bann vye dokiman i relye avek sa problenm fungus, eski zot in met larzan dan sa progranm e ki dele letan zot espekte konplet sa progranm?  Mersi.

 

MR SPEAKER

Mersi Onorab.  PS Choppy.

 

PS BENJAMIN CHOPPY

Ok larzan actually i dan mon krwar programme 1.  Ler nou ti dir digitalisation, nou annan i annan diferan laspe sa i annan laspe parey yer CS ti leve bann ka ki ou pe scan bann keksoz, epi then konmsi pou met zot dan digital form.  Sa i difisil annan en dele letan akoz i tou depan ki kantite dokiman sa particular Departman pou annan.  Selman wi i annan nou annan en unit ki ed bann departman ki fer sa, so nou annan en group ki lo la e larzan i osi tou part of sa Bidze pou pey pou sa bann dimoun.

Epi i annan si digitalisation pli avanse kot ou pa zis scan sa bann zafer selman i osi tou link avek en line of business system.  Sa i form part of nou programme 4 kot nou annan diferan sistenm ki pe met an plas depan avek diferan MDAs.

 

MR SPEAKER

Mersi PS Choppy.  Onorab Ahmed Afif.

 

HON AHMED AFIF

Mersi Mr Chair.  Bonzour Vis-Prezidan.  Bonzour le de Leaders, tou Manm Lasanble e tou dimoun a lekout.  Mr Chair mon ti a kontan demann PS Choppy ler mon get Bidze an gro pou ICT mon vwar in sorti R57milyon in vin R65milyon e sa i enkli capital ki reprezant en logmantasyon 13poursan dan zot Bidze.  Zeneralman mon mazinen lenflasyon i 5poursan, zot pe fer menm louvraz popilasyon i espekte en logmantasyon 5poursan.  Zot in ariv 13poursan e ladan mon remarke poudir saler par egzanp basic salary pa’n monte – i pa’n monte, me selman allowances i mont en kantite aktyelman saler li in desann zot in reduce basic salary an detay.  E mon a dir ou in redwir sorti R12.8milyon in vin R10.6milyon.  So en rediksyon dan basic salary, selman zot allowances i sorti 5.1milyon i vin 6.7milyon ki rasyonnel par deryer sa pou fer sa kalite logmantasyon?

E dezyenmman lo ‘goods and services’ i kler poudir zot pe anploy plis foreign consultant zot in redwir local consultancy e zot in ogmant foreign consultancy.  Alors i eski i vedir ki zot pe depan plis lo etranze ki Seselwa?  Sa kestyon.  E finalman dan ‘capital expenditure’ si ou kapab eksplik nou sa ‘non-produced asset’ R4.3milyon kwa sa?  Mersi.

 

PS BENJAMIN CHOPPY

First mon a pran sa enn sa ki’n drive nou logmantasyon pli significant se sa R4.299milyon ki ‘capital expenditure. ’ Sa aktyelman i en Grant ki nou en technical assistance grant ki nou gannyen apre ki nou ti apply avek African Development Bank.  Parey ou konnen tou le lannen i annan sa bann peryodikman i annan sa bann funding ki vini e nou for a while back nou ti’n met en propozisyon nou pa ti konnen, then in turn out in gannyen sa i primarily tou i vize ver siport lo kote regulatory telecom.  

        So i annan en full seri proze an term studies primarily consultancies akoz sa ki nou elligible anba sa technical Grant, pou sa sekter.  E i over en peryod 2 a 3an si mon pa tronpe.  I annan en premye trans ki zot in donnen pou sa.

So sa ki the bulk ki’n drive an monte.  Lo kote consultancies prensipalman i area ki nou pe rod dimoun, ki nou pe rod sa bann spesyalizasyon par egzanp si mon get dan telecom i vreman limite spesyalis dan sa bann spesific area.  I often akoz ou pou bezwen osi tou defann serten pozisyon avek bann lezot partner ki fonksyonn anba nivo enternasyonal, san menm sa akoz nou tant pou move nou dan sa direksyon.  Selman otan ki posib pou bann lezot areas nou prefere e en diskisyon souvan avek Minister Finans si nou kapab gannyen lokal ki suitable i kapab fer li nou tant pou prefere pou pran zot mon pa dir nou it’s quite the reverse nou tant pou prefere lokal.  Sa bann allowances mon krwar mon bezwen pas avek Mr Thésee i pa spesifikman DICT lo sa.

 

MR SPEAKER

Mersi PS.  PS Thésee.

 

PS DAMIEN THESEE

Mersi Mr Speaker.  Annefe Bidze DICT i reste parey lo nivo 2018 li son original Budget ti R17.9milyon e son revised pou 2018 i desann R15.7milyon, akoz dan sa 11 pos ki nou ti donn li an 2018 ladan 6 as of Out ler nou ti fer assessment ti on freeze.  Savedir i annan en pe savings lo delay recruitment.

Prezan ki i fer an 2019 nou met li lo standar 2018, me parkont en pe sa bann pos pa’n ganny donnen.  Me nou a bliye ki nou annan sa long service allowance ki pe ganny donnen, alor sa i pou ganny monte son Bidze allowance pou lannen prosenn.  E apre osi nou annan sa 5poursan ki ganny factor-in.

        So i more or less at par avek original Budget pou 2018.  E annefe over all son Bidze i preski parey.  Sel increase i annan sa R4.2milyon ki anba dan non financial asset parey PS Choppy in eksplike sanmenm sa ki fer sa diferans from R59milyon azout sa R4.9milyon i vin R64milyon.  Mersi.

 

MR SPEAKER

Mersi PS Thésee.  Onorab Afif.

 

HON AHMED AFIF

Zis en dernyen klarifikasyon lo sa dernyen pwen – sa bann allowances ou ti pe donn avan R5milyon la in vin R6.7milyon me selman ou pe retain preski menm staff ki reprezant en logmantasyon 34poursan dan allowances.  Mon pa pe kont sa neseserman, mon pe zis demande parske mon konnen IT i en domenn ki ou bezwen dimoun eksperyanse e zot koute, eski zot santi sa i zistifye?

 

MR SPEAKER

Mersi Onorab.

 

HON AHMED AFIF

34poursan dan allowances?

 

MR SPEAKER

Mersi Onorab.  PS Thésee.

 

PS DAMIEN THESEE

Well annefe aktyelman i annan re alokasyon osi ki’n ganny fer akoz i annan Scheme Of Service ki tou ti ganny mete dan basic an 2018, ki prezan sa in ganny en re allocate dan allowance.  So sanmenm sa ou pou vwar overall kekfwa pou napa sa gran diferans me kekfwa in reflekte dan allowances.  Mersi.

 

MR SPEAKER

Mersi PS Thésee.  Ready pou pran en vot mon annan ankor detrwa Manm ki ti’n lev lanmen, i depan lo zot, si zot santi ki zot in exhaust ready pou …  Ok si zot anvi demann kestyon Onorab Aglae oule kontinyen avek ou kestyon?  Ok Onorab Aglae.

 

HON EGBERT AGLAE

Mersi Mr Speaker.  Mon ti anvi zis demann PS baze lo progranm 3 kot i konsern ‘Government connectivity and data infrastructure’ an vi ki i annan en serten poursantaz ki zot pe targete e la parey 2019 zot pe target zot pe ganny zot 22milyon e zot target i pou ariv 80poursan e nek 2021 ki nou pou ariv 100poursan.

E parey zot konnen lo kote ICT connectivity lo rezyon nou ase eleve, akoz pe pran tou sa letan?  Kwa ki pe anpese ki nou pa kapab attend sa lobzektif, an vi ki en bonpe letan i annan sa bann demars ki pe ganny fer?

E dezyenmman mon ti le refer lo kote connectivity Nasyonal li menm li tou resaman zot in siny serten Lagreman avek bann service provider kot i konsern bann tower sharing ki mon krwar i enportan.  Me selman sa ki mon ti a demann DICT se dan sa prosesis la, parey i annan bann distrik ki’n fer resorti kot i annan problenm connectivity, eski i sa distrik ladministrasyon ki bezwen al ver sa bann service provider, ouswa nou bezwen pas atraver DICT li menm, pou zot donn en koudmen zot menm pou al negosye avek sa bann service provider, pou kapab annan tower?  Mon pe rod sa akoz dan rezyon Morne Blan mon ankor i annan 2mwan – depi 1an pase pa ankor ganny materyalize.  Mersi.

 

MR SPEAKER

Mersi Onorab.  PS Choppy.

 

PS BENJAMIN CHOPPY

Ok premyerman lo kote sa progranm 3 lo sa KPI sa – sa bann indicators, nou, nou pa ankor ariv 100poursan, akoz kontinyelman Gouvernman i annan nouvo landrwa ki vini.  So nou epi i annan serten landrwa ki pa ankor ganny konekte.  So nou aim se dapre sa ki nou panse nou kapab fer tou le lannen e sa ki nou’n predir – nou’n project sa anba progranm 3.  Sa so that’s the way ki nou’n predict sa koneksyon connectivity ki mannyer pou arive.

Lo kote so wi lo kote ki mannyer nou feature regionally pou sa, mon krwar si ou get dernyen EGDI ki’n sorti pou 2018 ki fer tou le 2an, nou’n mont ankor.  An real terms nou number so nou pe fer progre dan sa area.

Lot issue about towers mon pa spesifikman aware about sa enn ka ; kekfwa si nou gannyen nou gete.  Normalman selman zis pou eksplike zafer coverage, normalman sa bann operators zot bann kliyan ki pe pou pe konplent, so bann operators i aware e zot i dan zot lentere pou zot provide pou provide coverage bann landrwa.  I pa neseserman ou bezwen vin kot DICT pou konplent avek ou operators. 

        Actually mon pou dir koumsa premye rekour se ou al direkteman avek kot sa bann operater ou dir dan mon rezyon dimoun pe konplent akoz ennler ou annan bann nouvo devlopman ki pa ti dan coverage so ou ale kot zot, zot i dan zot lentere komersyal pou zot kouver sa.

Lo kote DICT nou si ou dir nou i annan en landrwa par egzanp i napa coverage, definitivman nou take up avek bann operators, pou gete ki mannyer pou fer pou ensure ki ou ganny servis dan sa bann landrwa.  Selman ou pa neseserman bezwen vin through nou.  Ou kapab vin through nou pou ede fasilite.

 

MR SPEAKER

Mersi PS.  Onorab Aglae.

 

HON EGBERT AGLAE

PS mersi pou ou larepons.  Sa ki ou’n dir mon dernyen dan ou larepons la i byen li, me selman antan ki DICT i regilater, akoz sa bann service provider pa pou ekout en nenport pti endividi – you are the enforcement e zot pou bezwen ekout ou ler ou’n dir en keksoz.  So se sa ki enportan ki zot sa pon – sa veikil pou anmenn sa mesaz kot service provider laba ki zot tande ler zot dir en keksoz!  Mersi.

 

MR SPEAKER

Mersi Onorab.  PS.

 

PS BENJAMIN CHOPPY

Normalman ki mannyer regilater i marse si ou pa satisfe sa ki operators in donn ou ouswa ou feel ou pa pe fer okenn progre, then ou escalate to regilater, epi then nou zot nou gete.

 

MR SPEAKER

Mersi PS.  Onorab William.

 

HON WAVEN WILLIAM

Mersi Mr Speaker.  Swivan bann larepons ki pe ganny donnen, mon anvi demann PS Choppy lefe ki nou bezwen vot sa Bidze pou zot, e nou annan bann problenm e ler mon pe refer avek bann Bidze oparavan i annan bann keksoz ki kontinyelman monte me selman nou napa en timeline. E mwan dan mon distrik Grand Anse Mahe, nou annan problenm.

E parey Onorab Aglae pe dir se ki fason regilater i kapab asiste nou, pou fer ki fer service providers zot amelyor zot servis.  So mon ti a kontan ki petet mon a met en propozisyon devan ou, petet zot devret pe sorti en pe dan zot lofis, mont en pe dan distrik, vin koz avek nou en pe.  Akoz i annan bann Biro Ladministrasyon distrik, sey vin koz ek nou en pe nou ava endik zot pou dir i annan problenm!   E PS i annan problenm. E mwan mon pa pe demann ou, akoz letan mon pe get anba ou ‘current challenges’ la, mon pe demann mon lekor lo premye bullet point i ‘absence of effective mechanism to address non-compliance’.  Mon anvi konnen ki zot pe fer!  An plis pou fer sir ki – enn – sa bann keksoz i arive.  Mersi bokou.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Chair.  Mr Chair mon konpran byen sa ki Onorab Aglae sa ki Onorab William e osi sa ki Onorab Valmont pe dir.  I annan en nesesite nou kouver bann grey areas e ler nou ti pe diskite ansanm avek Planning an preparasyon avek sa tower policy nou ti dekouver lo map Mahe, Praslin ek La Digue bann landrwa kot napa sinyal oubyen ler ou pase ou konmans fer en call dizon montan La Louise ou pas atraver ou koupe, e parler si ou annan lasans ou kapab ale en sel kou ziska La Misere.  Sa ki Onorab pe dir, konmsi ki ler dimoun i pey son bill lafen di-mwan ki i ganny valer pou larzan.

E sa tower policy pou permet nou travay ek bann operater pou ki zot kapab donn sa meyer servis.

E deza nou konnen bann grey areas kot i annan e ki Onorab pe dir ki DICT ansanm avek bann Lotorite lokal i tonm dakor ansanm avek bann service operators, ki zot met bann lenfrastriktir neseser, pou ki i annan en coverage adekwat pou ki dimoun i kapab reste an koneksyon avek kanmarad.

Akoz ler ou pe koz nivo barenm enternasyonal i vedir ki sa dimoun ki pe monte dan son loto ki konmans en call i koupe konmsi i pa en pwen pou nou ; konmsi i pa ed nou pou al pli devan.  E se sa ki bann dimoun pe dir e nou bezwen kontinyen travay avek tou bann operater ek bann Lotorite pou nou kapab fer sa arive.  Mersi Mr Chair.

 

MR SPEAKER

Mersi.  Pa’n monte Vis-Prezidan.  Onorab Mondon.

 

HON TERENCE MONDON

Mersi Mr Chair.  En pti kestyon ki relye avek ‘cyber security’ mon vwar ki Departman pe met li konman en priyorite stratezik pou 2019- 2021 e ki’n fer resorti ki i annan bann menas deza.  Mon ti a kontan ganny enpe lenformasyon lo ki kantite frekans e ki sityasyon vreman sa menas par lefe ki ou’n met li en priyorite mon mazinen i alarman, e ki bann provizyon bidzeter ki zot pe fer pou kapab amelyor sistenm bann Minister bann Departman, bann Agencies pou kapab fer li vin azour pou kapab adres sa sityasyon ‘cyber security’?  Mersi Mr Chair.

 

MR SPEAKER

Mersi Onorab.  PS Choppy.

 

PS BENJAMIN CHOPPY

Ok spesifikman lo sa ki kantite mon napa sa lenformasyon imedyatman la avek.  Selman wi i annan en serten number direkteman ki nou pe fer deza nou annan nou bann sistenm sekirite an plas selman i pa zis pou lo kote ‘cyber security’ i pa zis en issue teknolozi.

I osi tou en issue ki nou bezwen met en standar bann prosedir an plas.  E enn bann areas ki nou pe travay for se pou nou annan bann prosedir ki par egzanp ISO 27,000 i demande.  So sa bann sa.  E ziska prezan nou lo kote bann diferan threats ziska prezan nou’n successful mon poudir anpes bann zafer enkli ti annan bann zot konnen a year ago, ti annan en major one ki nou ti nou pa ti ganny afekte avek.  E sa bann mezir ki nou pe ki nou pe met an plas, enkli formasyon en group spesyalize pou look after ‘cyber security’ Gouvernman.

 

MR SPEAKER

Mersi PS.  Onorab Audrey Vidot.

 

HON AUDREY VIDOT

Mersi Mr Chair.  Bonzour Mr Chair tou Manm Onorab VP avek ou delegasyon.  Mr Chair mon ti le zis met dan latansyon Vis-Prezidan poudir menm si Cable & Wireless, Intelvision avek Airtel i lanmenm la Roche Caiman, i pa en grey area me selman i annan problenm.   I annan problenm.  Dimoun pe pey servis me selman zot pa pe ganny network ditou, pou zot package ki zot pe servi!

Mon konpran wi lekol zot ganny sipor atraver wifi ek teachers me sa paran ki pe fer sakrifis, i pe pey en package pou son zanfan pou li kapab ganny en bon akse internet, menm lezot servis ki sa bann service providers i ofer, i pa a la oter lo zot larzan.  Mon ti a kontan ki at least annan en survey, donn en serten regarde kot DICT ki mannyer zot kapab vwar atraver sa Bidze, konekte avek dimoun pou vwar ki mannyer nou kapab tir sa bann lorganizasyon pa rip-off nou bann Seselwa.  Mersi.

 

MR SPEAKER

Mersi Onorab.  PS Choppy.

 

PS BENJAMIN CHOPPY

Wi actually sa i tonm en fwa ki sa regulation quality of service i fini ganny met anfors – i tonm – bann keksoz koumsa i tonm dan son kad pou ganny fer.

 

MR SPEAKER

Mersi PS.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonzour Mr Chair.  Bonzour Minis avek Vis- Prezidan.  Bonzour tou Manm Onorab.  Bonzour tou dimoun ki pe ekout nou isi ou ayer.  Mr Chair mon ti a kontan demann PS premyerman anba sa ‘regulatory framework’ ek Bidze ki nou pe donn ou, i annan sa size anmenn en 2enm kab soumaren Sesel.  eEin ganny bokou kestyon in ganny demande lo la.  Eski PS i kapab donn nou prenan kont konponan bidzeter ki nou pe donn zot kwa dan sa Bidze ki relye avek sa proze ki zot pe anmennen?

E petet donn nou rezon det oubyen akoz sa proze pe vini akoz i annan kantite kritik lo la e i enportan ki popilasyon i konpran whether this is a viable investment ki nou pou al ladan ozordi, or this is something ki nou devret put off for the future?  Sa i mon premye kestyon.

Mon 2enm kestyon Mr Chair i relye avek anba progranm zot in donn bann KPIs ki zot dir zot pou meet in regards to Government connectivity . Nou’n tann Onorab Flory Larue yer demann kestyon in regards to registration e mon ti ekout en interview Mr Chair lo televizyon kot en bann zenn Seselwa ti pe koz lo akse a bann servis Gouvernman atraver internet, eksetera.

Now dan sa Bidze eski zot in ganny ase larzan pou zot kapab etabli sa rezo an plas, pou asire ki i annan en rezo konektivite kot dimoun i kapab par egzanp, se li  par egzanp kapab fer serten tranzaksyon ki i pa bezwen desann Anvil, pou li fer pou li ganny akse avek serten lenformasyon – kot i pa bezwen deplase?

Akoz tousala i en kou so pli nou konekte pli i reduce the cost.  So si anba sa Bidze i annan posibilite pou zot kapab fer sa?  E mon dernyen kestyon Mr Chair, eski zot pe plan envestir dan en letid pou vwar ki rol ki konman regilater zot sipoze zwe e ki rol ki FTC i bezwen zwe?  Akoz parfwa i paret poudir i annan en konfizyon lo kote dimoun pou anmenn en konplen, si i pou anmenn enn kot zot akoz en regilater i sipoze regulate oubyen si i pou anmenn kot FTC e FTC i bezwen vin kot zot.  So mon krwar ti ava bon zot pe dir nou si i annan sa lenvestisman ki pe ganny fer pou nou kapab finalman determinen ki rol sa de lorganizasyon pou zwe?  Mersi Mr Chair.

 

MR SPEAKER

Mersi Onorab Pillay.  PS Choppy.

 

PS BENJAMIN CHOPPY

Mersi mon a reponn ou bann kestyon.  Sa submarine cable direkteman avek nou Bidze, i napa en lyen direk.  Nou pa pe fund anything dan submarine cable sa SPV sa Special Post Vehicle ki ti fer premye ki pe handle son financing.  So sa i reponn sa.  An term son viabilite ek nesesite mon krwar definitivman ou bezwen.  Akoz pou ou ensure security of connectivity, ou bezwen annan 2 sistenm ki endepandan.  Sa ou pa kapab relye lo zis 1. So sa lo kote submarine cable.  

        Lo kote registration ek bann online services ;wi sa i ganny kouver anba Bidze programme 4 e i en prosesis kontinyen nou target i annan serten again ler nou get enternasyonalman ki mannyer ou fer, i annan en serten set of services ki oule met online e registration i annan serten key areas ladan.  Nou definitivman pou met plis resours pou fer progre dan sa area.

Lot kote regulatory framework between FTC ek bann lezot regilater wi i annan serten overlap an term anti- competition selman ou bezwen gete kan mannyer – normalman ou annan en fason travay pou annan serten framework pou ou travay ladan.  FTC i tant pou look after bann ka ki’n fini arive.  Whereas bann operater sector osi tou i sey preempt sa bann keksoz avan i arive osi tou.  Selman operater regulator telecom ek FTC i travay otan ki posib an kolaborasyon ansanm.

 

MR SPEAKER

Mersi PS.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon le ki PS i konpran in terms of son Budget component ki in gannyen pou fer sa.  Akoz in annan bokou konsern eksprimen souvandfwa par egzanp konman en Manm FPAC ou ganny bokou entities ki vin devan FPAC ki dir ou i pe esper DICT pou fer tel keksoz ; lot i vini i dir ou DICT i pa ankor met an plas son sistenm ; lot i dir ou DICT pa ankor met an plas progranm e ou ganny sa bann konsern.

So sa ki mon le get at se eski nou annan mon konnen zot fer bokou travay, me eski zot in balans li?  Nou annan Mr Barra from Procurement la – zot in balanse par egzanp pou asire ki nou pe move dan en direksyon ki nou kapab donn par egzanp sa msye ki reste mon pa konnen enpe pli lwen dan Grand Anse, ki i pa bezwen desann Anvil pou li vin fer en tranzaksyon ki petet i kapab fer kot li si i annan konektivite ki bann brans Gouvernman lo la.  So sey donn nou en dele letan ki zot krwar zot kapab achieve sa?  Mersi Mr Chair.

 

MR SPEAKER

Mersi Onorab.  PS.

 

PS BENJAMIN CHOPPY

Onorab i tou depan ki servis, ki area.  E mon pou dir ou koumsa every year nou travay lo tipikman apepre 28proze around e nou konplet apepre 14 right?  So i depan i annan proze osi tou ki pli konplike, sa i enkli bann proze ki ou bezwen upgrade sistenm, eksetera.

I – sa ki ou’n dir la se definitivman se nou targets.  E i part of programme 4 pou attain sa.  Si ou par egzanp ou dir ou e kekfwa pli tar si nou kapab ganny lalis bann areas kot i dir pe esper nou, then nou a nou a kapab donn en larepons spesifik.

Selman i tou depan which one.  I annan en bann i al pli vit.  I annan en bann i al pli dousman.  Si mon byen get bann – pou met bann sistenm koumsa an plas, i pa zis en solisyon teknik ou osi tou bezwen en kantite business process reengineering ki depan osi tou sa Minister ouswa sa Departman pou sa.  I pa tou keksoz ki nou.

 

MR SPEAKER

Mersi PS Choppy.  Vis-Prezidan.

 

THE VICE PRESIDENT MR VINCENT MERITON

Mr Chairman.  Zis pou anmenn klarte mon krwar ki Onorab pe dir ki DICT i servis plis Gouvernman dan ki mannyer i delivre en servis ek la popilasyon.  Preski tou bann lorganizasyon bann Minister, bann Departman ek bann Lazans, i bezwen en platform nimerik pou kapab fasilit servis ki i donn avek popilasyon.

E DICT tou le semenn i annan diskisyon avek sa bann Lazans e travay avek sa bann Lazans, i poste bann zofisye ek sa bann Lazans ki mannyer pou (1) devlop bann platform, anrisir bann platform get nouvo fason fer keksoz an servan platform teknolozi modern, pou kapab donn en servis pli vit.  Sa i (1).

Nou fek aprouv Lalwa Akse a Lenformasyon an Me e sa in kre en revolisyon lo fason ki ou fer keksoz.  I enn.  Pe koz kreasyon en platform ki sak 1 keksoz en website ki sak lorganizasyon dan apepre 120 ki i bezwen annan, pou kapab met tou sa lenformasyon ki i bezwen mete anba proactive discloser.  

        Apre i annan sa kestyon digitalisation ki i bezwen fer ki sak lorganizasyon i bezwen konmans digitalise rikord ki i annan depi ozordi e desann ziska mon pa konnen 1900 depi ler nou tenir lenformasyon.

So en travay dan li menm ki ekstrememan konplike, ki DICT pe ed bann Lazans pou kapab fer sa arive.  Me an menm tan ki ou bezwen deal avek bann defi ki pe pran plas la konmela.  I annan osi lapros proze digitalise signature ki nou’n fer ki pou fasilit servis.  En dimoun i lodge en aplikasyon atraver konmsi vwar modern teknolozi, i ganny pase atraver tou bann servis e rezilta proze i ganny aprouve, ankor i ganny rezilta atraver en vwa teknolozi modern.

Sa ki nou pe koz lo la me nou bezwen kategoriz bann servis baze lo bann priyorite, sak sa bann sekter me osi san bliy priyorite Nasyonal.  Mon krwar i en defi sanmenm ki’n dir anba progranm 4 ki nou bezwen pran priyorite par priyorite dan sa tou sa bann progranm ki egziste, ki mannyer nou balans resours ki nou annan, kot nou kapab outsource travay ki nou fer, pou kapab fer sir ki nou deliver kot i neseser dan sa domenn.  Mersi Mr Chairman.

 

MR SPEAKER

Mersi Vis-Prezidan.  Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun.  Dan son larepons Vis-Prezidan i fek dir in koz lo irzans e mon krwar serten kestyon ki in demande depi bomaten, letan nou pe get bann priyorite 2019 a 2021.  By 2020 i kapab annan pa kapab pou annan en sanzman Gouvernman, so nou anvi ki bann antite ki vin la ler nou donn zot en Bidze zot pe al fer serten travay avek.

E i annan 2 issues la.  Enn Onorab Mondon in tous lo la, e larepons ki PS in donnen mon pa neseserman satisfe, konsernan ‘cyber security. ’ Lamazorite pei konmela ler ou al online, ou tape ou pou vwar zot stratezi Nasyonal lo ‘cyber security.’ E Sesel mon pe sey trouve mon pa vwar.

Menm zafer avek ‘legal framework’ an term telekominikasyon avek broadcasting.  Yer nou’n tann AG dir bann diferan expert legal ki bezwen ganny recruit dan Gouvernman.  So nou anvi vwar eski DICT i konsernen avek sa bann challenges ki i vedir i annan, e ki son kot i met larzan pou kapab achieve sa avan 2020?  Sa i mon premye kestyon.

Dezyenmman i kestyon sa submarine cable sa enn ki la depi 2012, mon anvi konnen ki kalite reveni retonbe finansyel in anmenn Sesel sirtou atraver dividends, si in pey Gouvernman?  Rezon mon pe demann sa se ki mon pe dir sa enn 2enm dan dernyen interview ki PS in dir in donnen in dir ‘Government is not looking to make money out of this project’.  Me sa enn premye ki mannyer li son reveni finansyel in été pou pei?  Mersi.

 

MR SPEAKER

Mersi Onorab.  PS Choppy.

 

PS BENJAMIN CHOPPY

Ok mon a pran sa bann kestyon.  Ok premyerman lo kote ‘cyber security framework’ Polisi stratezi actually in ganny formile e in fer son round konsiltasyon.  La nou pe met li ansanm pou kapab al kot Cabinet pou ganny approval.  So nou espekte sa an term sa bann framework cyber security,’ son Polisi son eleman stratezi, boner lannen prosenn latest hopefully, nou a get sa out of the way, so that then nou kapab pibliye osi tou parey mazorite lezot pei.

Sa ki ou’n dir i korek.  Nou espekte nou pou catch up avek sa.  Lo son bann lezot legislative instrument as part of sa stratezi, i annan serten revi ki ou bezwen ganny fer par egzanp avek Computer Misuse Act ki bezwen ganny supersede probably by en Cyber Crimes Bill ki li osi tou nou fer en kantite travay e i pou al dan konsiltasyon byento.  E eventually will go through White Paper stage eksetera. 

        So sa bann keksoz ki’n target spesifikman pou la.  Lo kote bann actual  draft bann Regilasyon, bann Acts sorti, i pran en pe letan avek, mon panse AG osi i bezwen plis resours pou kapab fini drafte.  E wi i ti a bon zot ti a osi tou annan spesyalis dan sa bann dan bann areas selman i en issue AG’s Office ki sa nou travay osi pre posib avek zot.

Lo kote submarine cable nou bezwen get back a few years ago konsep sa SPV ler i ti fer i pa ti pou fer profi ouswa pou fer larzan.  Son primary objective sete pou nou kapab met ansanm en kab, akoz pa ti pe arive.  Epi son an term, son peyman i vreman pou servis loan e son loperasyon.  I napa plan konmsi pou fer re tonbe finansyel.

 

MR SPEAKER

Mersi PS.  Onorab Henrie.

 

HON GERVAIS HENRIE

Vitman Mr Speaker.  So si i napa en re tonbe finansyel, savedir sa R20milyon ki pou sa enn proze lannen prosen eski li sa konpannyen i pe met okenn larzan direk ladan?  Mersi.

 

MR SPEAKER

PS Choppy.

 

PS BENJAMIN CHOPPY

Wi zis pou mon eksplik en pti kou ki mannyer i marse.  Son original set up lakonpannyen i baze lo selling sa ki ou apel RRU –  Irrevocable Right of Use.  Parey en Kontra lonterm ki ou vann avek bann operater pou servis pandan 15an par egzanp.  Selman zot pey ou sa upfront in one go.  So sa ki’n fer konpannyen annan serten rezerv pou osi tou kontribye pou fer sa 2enm.

 

MR SPEAKER

Mersi PS Choppy.  Nou a pran dernyen kestyon Onorab Simon Gill.

 

HON SIMON GILL

Bonzour Mr Speaker.  Mersi Mr Speaker.  Bonzour VP avek ou tim, tou koleg Onorab, manm piblik.  Mr Speaker nou pe al vot Bidze pou Departman Lenformasyon, Telekominikasyon, Teknolozi mon demann mon ki mannyer nou kapab convince nou lodyans e nou piblik ki nou annan vre rezon pou nou vot pou sa Bidze, akoz zot annan en lenportans kapital dan pei.

E piblik la deor i oule ki zot servi tou bann mwayen, si nou pou aprouv sa Bidze piblik deor, i oule zot servi tou zot mwayen pou fer desann ankor plis telekominikasyon dan sa pei telefonn, televizyon, data!  I oule ki zot bouze e se konmsi zot pou donn nou en lasirans, en garanti ozordi, ki i annan vre rezon pou nou vot pou zot Bidze.

Akoz zot pou al travay pou fer desann sa zafer dan sa pei.  E an menm tan piblik pe demann zistifikasyon en 2enm kab soumaren, akoz si sa 2enm kab soumaren pa pou ede pou fer desann bann pri, akoz ki nou bezwen anmenn 2enm kab soumaren?

Piblik osi pe demann sa.  Now Mr Speaker mon pou kit sa la mon atann repons PS Mr Choppy, pou kapab convince nou otreman pou nou kapab vot pou son Bidze.  Mersi bokou.

 

MR SPEAKER

Mersi Onorab Gill.  PS Choppy.

 

PS BENJAMIN CHOPPY

Ok, definitivman nou pou nou pe travay e nou pou kontinyen travay pou fer pri desann otan ki posib.

 

MR SPEAKER

  1. Vis-Prezidan.

 

THE VICE-PRESIDENT MR VINCENT MERITON

Mersi.  Mr Chair DICT an kolaborasyon avek bann lezot Lazans e an kolaborasyon avek bann operater, sa ki Lasanble pe demande ki nou met plis zefor, pou nou kapab fer desann pri bann servis ki bann operater i donnen

        PS in eksplike tranzitwar tandans kot bann pri ki ti ekstrememan o, en kantite letan pase in desann sibstansyelman.  Pri depi 2009 pou akse pou 1GB lo fix avek mobile i annan en gran diferans en diferans 10fwa, me selman pri in kontinyelman desann e ki Lasanble pe demande ki nou fer tou sa ki nou kapab pou pri i kontinyen desann.

Nou pa anvi dir ki parey zot ti dir dan Lasanble avantyer ki nou fer antre pri kontrol.

I pa dan nou koze ozordi i pa dan nou DNA.  Nou’n fer sorti ki nou bezwen amelyor lankadreman legal pou fer sa arive.  Nou’n tonm dakor met plis lenfrastriktir – met bann Polisi ki i neseser e osi annan bann lenstans ki kot bann operater pa pe desarz zot responsabilite, oubyen zot pa pe tenir zot onor zot Kontra, ki regilater avek FTC e lezot lenstans dan pei i kapab deal avek zot e take them to task parey Lalwa i dir.

Nou bezwen fer sir ki nou, nou pa kit okenn nou pa anpay okenn zefor, me nou travay pou fer pri desann.  Nou’n dir meyer keksoz pou fer pri desann, annan plis operater ki pou zwe rol dan sa laplenn kot i konsern telekominikasyon e sistenm lenformasyon modern.

En lot kestyon ki Onorab in demande, akfer nou bezwen en 2enm kab?  Sa 2enm kab i la pou en sekirite, akoz zot konnen zot menm ler sa kab i ganny andomaze i kree en problenm pou biznes, pou telekominikasyon, pou servis Gouvernman, e pou dimoun menm ki servi rezo sosyal ozordi en kantite.

Me Gouvernman pa pe envestir ladan.  Sa en keksoz ki sekter prive pe antre ladan e Gouvernman i siport sa akoz i kree plis lespas plis bataz, e i kre sa sekirite sa stabilite an ka i annan en problenm ki en 2enm soumaren i kapab ede.

E nou si oule aplod sa zefor ki sekter prive pe fer me an menm tan nou demande ki pri i desann i fer li vin pli abordab.  Be selman nou pa bliye ki nivo ekspektasyon nou popilasyon i tre o e nou la pou deservi sa lekspektasyon dan la mezir ki posib dan la mezir ki lankadreman legal, Polisi, operasyon e osi dan laspe ki mannyer nou deal avek bann dimoun ki pa pe onor zot lagreman.  Mersi Mr Chairman.

 

MR SPEAKER

Mersi Vis-Prezidan.  Mon krwar Onorab Simon Gill napa ankor kestyon non?  Bon nou ariv ler pou nou pran en vot lo sa sonm R64, 668milyon ki form par dan sa Schedule i pou Departman Lenformasyon, Kominikasyon ek Teknolozi lo paz 49 ziska 55.  Mon ava demann tou Manm ki an faver?   Okenn Manm ki kont?  Madanm Clerk.

 

MADAM CLERK

Mersi bokou Mr Chair.  Mon rikord 23 Manm ki an faver.  E personn kont.  Mersi.

 

MR SPEAKER

Mersi Madanm Clerk.  Savedir vot pou DICT Bidze DICT in ganny aprouvasyon Lasanble Nasyonal e mon krwar in ganny aprouvasyon tou Manm ki prezan Madanm Clerk non?  Non pa tou Manm ok?  Bon PS Thésee zis gid nou eski nou pou bezwen nou annan prosennman se Information Department of Information mon pa i pa ti dan nou Schedule pou nou sa non?  Be eski nou pran en vot lo la?  Nou a fini avek.  Bon ok, nou pou pran en vot lo paz 56 ziska 58 pou Departman Lenformasyon i en sonm R4, 124milyon.  Tou Manm ki an faver?  Departman Lenformasyon paz 56 ziska 58 i form par dan sa Schedule en sonm R4, 124milyon.  Tou Manm ki an faver?  Okenn Manm ki kont.  Madanm Clerk.

 

MADAM CLERK

Mr Chair, mon’n rikord 11 Manm ki an faver.  E personn kont.  Mersi.

 

MR SPEAKER

Mersi.  Savedir vot pou Departman Lenformasyon in ganny aprouvasyon Lasanble Nasyonal.  Nou ava pran PS Thésee nou ava pran pou Blue Economy?  Bon nou pou pran pou Blue Economy.  Nou pou pran en vot i form par dan sa Schedule i lo paz 59 ziska 63 pou en sonm R16, 096milyon.  Tou Manm ki an faver?  Bidze pou Blue Economy sa en.  Tou Manm ki an faver?  Annou re montre en show of hands.  Okenn Manm ki kont?  Madanm Clerk.

 

MADAM CLERK

Mr Chair 16 Manm ki an faver e personn kont.  Mersi.

 

MR SPEAKER

Mersi.  Savedir Bidze pou Departman Blue Economy in ganny aprouvasyon Lasanble Nasyonal.  PS Thésee gid nou.  Nou pou pran lo Industry Entrepreneurship osi?  Bidze pou Departman Lendistri Developman Entrepreneurship i lo paz 64 ziska 65 i form par sa Schedule sonm R5, 235milyon.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair 14 Manm ki an faver.  Personn kont.  Mersi.

 

MR SPEAKER

Mersi.  Savedir vot pou Departman Lendistri Entrepreneurship Development sonm R5, 235milyon in ganny aprouvasyon Lasanble Nasyonal.  PS nou pran Enterprise osi?  Enterprise Seychelles Agency?

 

PS DAMIEN THESEE

Enterprise ti ganny kriye li.

 

MR SPEAKER

Ok in ganny kriye.

 

PS DAMIEN THESEE

Nou pran NISTI. 

 

MR SPEAKER

Nou pran NISTI.

 

PS DAMIEN THESEE

Nou pran NISTI lo paz 72.

 

MR SPEAKER

Bon nou pou pran National Institute of Science Technology Innovation NISTI.  I form par sa Schedule i lo paz 72 ziska 77 pou en sonm R11, 210milyon.  Mon demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair.  19 Manm an faver.  E personn kont.  Mersi.

 

MR SPEAKER

Mersi.  Savedir vot pou NISTI National Institute of Science Technology and Innovation in ganny aprouvasyon Lasanble Nasyonal.  PS Thésee any others?

 

PS DAMIEN THESEE

Dernyen pou SBS Seychelles Bureau of Standards lo paz 83.  Pou en sonm R22, 26milyon.

 

MR SPEAKER

Ok mersi PS.  Bon nou pou pran en vot lo paz 83 ziska paz 89 sa se pou Biro Standar Sesel i form par dan sa Schedule.  I en sonm R22, 726milyon.  Tou Manm ki an faver.  Okenn Manm ki kont.  Madanm Clerk.

 

MADAM CLERK

Mr Chair.  19 Manm ki an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pou Biro Standar Sesel sonm R22, 726milyon in ganny aprouvasyon Lasanble Nasyonal.  PS nou fini ek sa bout la en.  Bon mon kar in ariv ler nou ava pran en Break.  Premyerman mon ti a kontan remersi PS Choppy avek son delegasyon e Vis-Prezidan osi.  Me mon konnen Vis-Prezidan pe retournen apre Break avek bann zofisye Minister Finans.  Nou ava pran en Break e nou ava repran nou travay 11er bomaten.

 

 

(BREAK)

 

INDUSTRIAL ESTATE AUTHORITY

 

MR SPEAKER

Bon nou ava kontinyen nou travay.  E nou pou pran Bidze pou Industrial Estates e mon ti a kontan welcome CEO Madanm Lucy Athanasius ki ganny akonpannyen par son Deputy CEO Mr Alain Quilindo, Ms Cecile Fred ki HR and Budget Management Office, Mr Roger Toussaint ki PS of Department of Industry and Entrepreneurship Development e Ms Aisha De Commarmond Senior Monitoring and Evaluation Officer.  CEO Athanasius welcome avek ou delegasyon parmi nou dan Lasanble e touzour dan konpani Vis- Prezidan, PS Thésee, Ms Coisee e Ms Tamatave.  Mon ava mon a demann PS Thésee pou diriz nou en pti moman lo ki paz.

 

PS DAMIEN THESEE

Mersi.  Nou a pran paz 78 pou Industrial Estate Authority pou en sonm R27.859milyon.  Mersi.

 

MR SPEAKER

78 ok.  Bon nou a konmanse avek bann Manm.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonzour CEO, Vis-Prezidan, ou delegasyon, PS Finans tou Manm e tou dimoun a lekout.  Mr Speaker mon kestyon i baze lo paz 11 anba ‘PSIP Capital Project’ pou fer ‘infrastructure development Ile Eve. ’ ‘Total initial cost’ pou sa ‘infrastructure development’ lo Ile Eve, i pou kout R25.3milyon.  An 2018 ti annan en sonm R4milyon bidzete pou sa proze devlopman lenfrastriktir Ile Eve, ki enkli parey CEO in deza dir nou oparavan dan bann rankont avek li, ki enkli semen, utilities, delo e elektrisite, sewage e osi pou 2019 dan sa Bidze 2019 i annan en sonm 5milyon ki’n ganny bidzete.

Mon kestyon i konm swivan ; dan dernyen miting ant tou lede MNA Praslin avek CEO IEA, nou ti ganny dir ki sa 40 bout later ki IEA, in idantifye pou fer alokasyon avek bann businessman Praslinois, pa pou ganny fer, pa pou ganny allocate ziska sa bann lenfrastriktir i ganny fer.

E Mr Speaker fodre pran kont ki sa proze lenfrastriktir – devlopman lenfrastriktir pou fini an 2021 avek en Bidze R13.5milyon.  So olye ki IEA i esper sa proze devlopman lenfrastriktir fini, akoz ki IEA pa allocate sa bann later avek bann businessman Praslinois.  An menm tan ki zot pe met sa bann lenfrastriktir an plas, olye ki sa bann businessman ki pe espere pou plizyer lannen zot esper ankor pou detrwa lannen avan ler ki zot ganny allocate avek zot morso later?

Mon 2enm kestyon i ki legzersis ki IEA pe fer pou repran bann kare later ki pa’n ganny devlope Providence e osi Ile Eve e osi pou repran bann later ki bann lease pa’n ganny peye?  Mersi.

 

MR SPEAKER

Mersi Onorab.  CEO oule reponn oubyen.  Yes CEO go ahead.

 

CEO MRS LUCY ATHANASIUS

Mersi bonzour Mr Chairman.  Bonzour tou Manm Onorab.  E bonzour tou bann piblik ki a lekout.  Mersi Onorab pou ou kestyon.  An konsernan lenfrastriktir lo Ile Eve – wi nou’n dir nou pa pe allocate otan ki napa lenfrastriktir de baz lo sa zil.  Ok ?  E   sa ki ou’n quote pou dir ki pou konplet an 2020, sa i konplet tou keksoz.  Ki nou pou fer an mezir ki nou ganny semen ok ouver ek elektrik ek sewage, mon krwar i enportan ki nou kapab allocate la.  Akoz si nou pa allocate si nou allocate san sa lenfrastriktir nou pou annan problenm parey nou pe fer fas avek Providence, konmela kot sirtou Zone 20, kot nou ti donn later nou ti allocate.

Selman delo napa semen napa elektrisite zot in ganny lo en temporary connection delo zot pe pey apepre en R50mil par mwan, akoz dimoun i koup zot rapor, ouswa i Cascade lo delo sale zot bezwen al early.  I annan en ta problenm.  Napa semen ki byen fer la kot ki nou konmans fer keksoz.  E pou sela nou dir ler i konmans fer ok nou pe esper son design then nou fini konn son design e zot in konmans fer sa semen premyerman nou pou kapab get pou allocate.

La dimoun pou a kapab ariv kot zot landrwa, selman on the understanding ki napa tou lenfrastriktir an plas, pou ki demen zot vini zot dir nou pa ankor mete zot pa kapab fer nanryen lo zot later.  

        Ok sanmenm sa nou pe sey ed zot konmsi.  Olye fer zot lanmen anmare enn fwa ki zot ganny sa bout later akoz zot pou annan zis en dele letan en 18mwan pou zot devlop sa later, e si zot pa fer sa be la i pou vin en problenm ok dimoun i a dir be get ater i pa ankor ganny devlope.  Ok? 

        So se pou se la nou’n dir nou pa pou allocate la konmela kanmenm zot annan bann beacons ki zot in deza mete.  Zot in survey sa bann 44 bout later.  An konsernan ou 2enm kestyon lo sa bann later ki pa ankor devlope ki’n fini ganny allocate, i annan 3 sityasyon kot later, pa ankor devlope.  I annan en bann later kanmenm in ganny allocate i annan en court case lo la.

I annan en injuction – pa kapab fer nanryen lo la.  I annan bann bout ki wi dimoun in gannyen, selman zot pe esper en loan dan labank ki pran en pe letan, e apre i annan osi bann dimoun ki pa ankor devlope ok?  Ki nou pe fer?  Wi i annan osi parey i annan en bann parey mon dir ou dan Zone 20 ki osi kekfwa pa annan lenfrastriktir pou kapab fer zot proze parey zot anvi.

Me nou, nou’n fer nou resers lekel ki pa ankor devlop zot later pou nou repran, selman repran pa fasil akoz nou annan Lalwa ki nou bezwen swiv.  Si ti mon ti pou al pran demen, selman malerezman nou bezwen fer en bann prosedir ekrir zot en notifikasyon – nou pe al kennsel ou later.  E pandan sa letan dimoun i vini, zot vini zot taye fer en plan – zot taye zot vini zot dir nou zot annan problenm labank.  Tousala i bann keksoz ki nou bezwen fer fas avek.

E i annan bann ka ki vre i annan en rezon valab me i annan bann ki zot napa en rezon valab.  E nou bezwen fer le neseser pou pran sa later selman i pa fasil pou zis al pran.  E sa ki ennler i anmar nou lanmen kot IEA, pou kapab donn lezot dimoun ki mon konnen i laba deor i annan en lalis, ki pe espere e ki annan mwayen e lentere devlop zot later e sa pe met nou an retar.  Mersi Mr Chair.

 

MR SPEAKER

Mersi CEO.  Onorab Woodcock.

 

HON WAVEL WOODCOCK

Dan sa prose lenfrastriktir ki zot in mete dan Bidze ki total 25.3milyon, eski zot pe konsider sa micro enterprise pou bann pti biznes – parey nou deza diskite mon avek osi Onorab Churchill Gill lo lot kote latab

E osi CEO dan lepase mon menm ankor avek Onorab Churchill Gill nou zwenn avek oparavan avek CEO Desaubin e ou menm pou travay lo en lalis bann aplikan pou alokasyon sa 40morso later Ile Eve, eski sa lalis pe ganny konsidere?

E ki metod zot pou servi pou alokasyon sa bann later?  La mon pe aprann ki Gouvernman i le met Sistenm Pwen dan alokasyon kare later Ile Eve.  Eski tou sa bann travay ki ou’n fer dan lepase e ou menm avek IEA e ou menm Board IEA eski sa bann travay ki nou fer anven?  Eski sa bann lalis ki nou travay lo la ki nou ti submit avek IEA, zot pe konsider sa bann lalis sa bann aplikan pou alokasyon later ler zot fer dan le prosen fitir?  Mersi.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Wi sa lalis nou pe konsidere e nou pe konsider lalis ki ti vini avan an previous CEO, bann lalis ki nou annan ki’n ganny donnen ler IEA ti ganny formen – sanmenm sa nou annan dimoun lo lalis ki kekfwa i annan apepre 29an zot pe esper later.  Wi nou pe get sa, akoz i enportan pou nou kapab ed zot, akoz zot in esper en pe tro lontan.  Mersi.

 

MR SPEAKER

Mersi CEO.

 

HON WAVEL WOODCOCK

I annan kestyon i pa’n reponn micro enterprise.  Yes.

 

CEO MRS LUCY ATHANASIUS

Kapab repet sa kestyon Micro Enterprise silvouple Onorab.

 

HON WAVEL WOODCOCK

Mon mazinen Deputy CEO osi ti la en batiman ki annan bann konpartman pou bann biznes ki zot napa sa mwayen, pou zot pran en lease en later apre fer konstriksyon lo la.  En pe parey Providence i annan kot bann dimoun i vini i lease bann diferan unit pou zot fer bann pti biznes.  Mersi.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Wi sa bann batiman ek konpartman bann Micro Enterprise Centers  nou pe get seryezman pou kapab konstri sa – pou kapab ed bann biznes ki napa mwayen ganny en bout later etabli zot biznes pou lo zot menm.  E savedir pou sa bann pti biznes nou pe fer fason annan bann workshop ok?  E pou se la nou pe get partou pou pe travay ansanm avek Minis Later ek bann distrik pou gete ki bann morso later i annan dan distrik.  Deza nou pe fer en site visit pou al gete ki later nou kapab gannyen pou kapab konstri bann Micro Enterprise Centers pou kapab ed sa bann dimoun ki napa sa mwayen pou fer zot prop batiman lo en bout later.  So sa ki nou pe fer.  E sa nou’n osi nou idantifye later lo Eve Island pou micro enterprise.  Wi mersi.

 

MR SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon ti a kontan demann CEO prenan kont laspe bidzeter met bann lenfrastriktir, e la mon le koz spesifikman an relasyon avek sa bann class 3 contractors ki sipoze ganny en morso later, e ki nou konnen lenfrastriktir pa ankor pare.  Eski IEA pa’n konsidere pou zwenn avek sa bann dimoun vi ki zot bann kontrakter – fer zot vin ansanm e zot provide sa lenfrastriktir apre offset sa lenvestisman ki zot in fer dan lenfrastriktir, lo peyman zot lease pou en serten letan?  Akoz zot in bite – zot ankor pe espere that was the commitment ki’n ganny fer ek zot e mon ti a kontan kan eski sa commitment pou ganny realize ki sa bann kategori kontrakter i kapab ganny akse avek en teren pou zot kapab fer zot aktivite lo la?  Mersi Mr Chair.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Mersi Onorab pou ou kestyon.  E mon krwar i en bon sizesyon ki nou kapab pran bann class 3 contractors pou demann zot, selman nou akoz i later Gouvernman nou bezwen follow bann prosedir ki a met an plas e ki nou pe fer nou pe esper Minister Later pou fer bann infrastructure design, akoz deza sa bout later pou class 2 contractors nou annan bann beacons ki’n ganny mete, selman nou pe esper sa infrastructure design semen, pou nou konnen kot semen pou pase egzakteman ki mannyer pou été pou nou kapab konmans allocationOk so lenfrastriktir nou bidzete pou kapab ganny mon krwar (sorry) wi i deza (sorry) i deza annan en prozeksyon ki Vijay ti gannyen pou fer sa lenfrastriktir ti gannyen ti fini konmanse pou fer lenfrastriktir Zone 20 e sa pou enkli tou sa.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Sa klarifikasyon given ki ou pe dir ki Vijay pou travay lo sa lenfrastriktir pou Zone 20, so kestyon mon pe demande ti annan sa lalis sa bann dimoun ki zot in travay avek, e ki zot in desifye ki sa bann dimoun i qualified pou sa plot, so mon kestyon then, i kan eski sa bann kontrakter class 3 contractors, pou kapab ganny akse avek sa later ki zot bezwen pou zot kapab fer zot bann aktivite?  Akoz prenan kont ki se lamazorite zot, se zot ki travay lo bann proze lo bann small projects.

E i met en retar lo lefe ki zot napa lespas pou met zot lekipman, zot bezwen sey fer bann bout par bout, e sa osi i kontribye pou met retar dan zot travay.  E to top it up Mr Chair si ou a les mwan azoute, zot ganny parfwa difikilte dan peyman, ler zot in fini fer zot travay avek Minister respektif so nou pa kapab les sa bann dimoun al anzirditan dan sa milye, kot zot in pri.  Lo en kote zot osi zot bezwen resours pou travay avek, lo lot kote zot pe ganny retar avek peyman.

So mon krwar i enportan pou vin ek en solisyon.  So eski IEA i dan en pozisyon pou dir nou, kan eski sa bann dimoun pou ganny allocate avek sa bann later, pou ki zot kapab fer zot aktivite avek?  Mersi Mr Chair.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Ok nou, nou pe avize akoz dapre ki Minister in kontakte nou, in dir nou zot pou annan bann infrastructure  design, zot in deza fer apartir sa lannen e alokasyon dapre mwan oubyen zot pou kapab al lo zot later pou dan Mars/ Avril lannen prosenn.  Mersi Mr Chairman.

 

MR SPEAKER

Mersi CEO.  Onorab Audrey Vidot.

 

HON AUDREY VIDOT

Mersi Mr Chair.  Bonzour CEO avek ou lekip.  Mr Chair mon kestyon pou CEO i annan referans avek zot ‘strategic priorities pou 2019  – 2021.’  Sa de premye prenan kont nou pe mazin nou bann pti antreprener ki dan biznes garaz mon konnen ti sipoze annan bann plot alokasyon pou zot, mon ti a kontan konnen kan ki zot pou konmans ganny zot bann alokasyon e ki bann lenfrastriktir ki zot pe met an plas pou, ensure ki sa bann dimoun dan sa bann distrik i benefisye?  Akoz mon pa’n vwar nanryen dan lo paz 11 ki petet kapab eklersi sa pou mwan.  Mersi.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Ok zafer bann garaz mon konnen i annan bokou dimoun dan bann distrik ki kwense, akoz zot pe ganny dir sorti akoz zot pe fer zot garaz.  E nou bezwen kapab donn en landrwa pou zot kapab etabli zot pou zot kapab fer zot garaz dan en landrwa apropriye.  E ti annan a 7mil met kare ki ti ganny anonse dan State of the Nation e sa i pe preski 95percent in fini ganny konble, nou pe esper li konble pou nou kapab fer bann neseser pou annan bann lenfrastriktir bann workshops, pou sa bann garaz ek bann ki repar bato bann mekanisyen bato.  So nou pe fer sa e nou pe espekte lannen prosenn pou nou kapab fini sa osi.  Mersi.

 

MR SPEAKER

Mersi CEO.  Onorab Vidot.

 

HON AUDREY VIDOT

CEO petet si ou kapab eklersi sa bann dimoun ler zot pou ganny allocate, mon mazinen zot pou fer en pti en survey assessment pou regard en pti pe priyorite bann ki pou gannyen.  Eski osi pe ganny konsidere anba sa Land point system ki zot pe al konmanse?  Mersi.

 

MR SPEAKER

CEO.

 

CEO MRS LUCY ATHANASIUS

Sorry mersi Mr Chair.  Ok wi nou pe konsider bann dimoun, akoz nou annan bann dimoun ki deza zot in ganny let sorti kot Lanvironnman, ki zot bezwen arete sansan zot pe al ganny met ankour.  Nou pou bezwen get zot konman en priyorite ok?  Apre nou bezwen osi gete lekel ki pe fer sa bann garaz an plen tan.  Ok, si zot pe zis fer apre travay sa en lot zafer bann ki zot pe depan lo zot bouse manze lo la, sa nou bezwen fer sir ki zot bezwen ganny en lasistans e nou pou get sa osi dan fason ki nou pou allocate.

E sa point system pou ganny donnen nou pou bezwen konsider sa bann keksoz, akoz lekel priyorite ok si zot pe ganny pourswiv pou ganny met Ankour nou bezwen ed zot – ok?  E nou bezwen tou konpran ki zot lanmen in anmare pou zot fer keksoz.  Mersi Mr Chair.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker enn de kestyon.  Mon ti a kontan retourn en kou lo sa size bann dimoun ki’n ganny bann lease e ki pa pe devlope.  Mon en pe dezapwente CEO, ki pli boner ler ou’n reponn ou’n kit akote one of the issues ki vin devan sa Lasanble e lo televizyon for so many years.  Dimoun ki’n ganny lease ki pe tranp avek pou zot vann!  You’ve left this sa out and I’m disappointed akoz sa i en gro problenm – ok?  E when you leave this aside ou donn mon lenpresyon la pou you don’t see it as a problenm. 

        So mon kestyon se sey dir nou konbyen letan whatever the circumstances en dimoun i ganny drwa hold en lease pou e pa fer nanryen lo sa later.  Do you have a cut off point and say you’ve got a lease you have done nothing, you give it back?

Mon 2enm kestyon lo la se konbyen donn nou en lide konbyen sa bann dimoun i ankor pe asiz lo sa bann bout later ok, and there are no complains about utilities nothing, zot annan – i annan bann MNA ki annan bann bout later ki pe asiz lo la, ki pa pe fer nanryen ki pe tranpe pou zot vann, dir nou konbyen and what are you doing to deal avek sa problenm silvouple?  Ok that’s my first question.

Mon second question se what rate of compliance do you have lo peyman bann rents?  Eski ou annan dimoun ki pa pe pey bann rents e when this happens ki ou fer do you just let it happen are lenient are you just or eski ou pe pran bann mezir strik, pou fer sir ki tou dimoun i kontribye dan sa bann keksoz?  So these are my 2 questions.  Thank you.

 

MR SPEAKER

Mersi Onorab Ferrari.  CEO.

 

CEO MRS LUCY ATHANASIUS

Mersi Mr Chair.  Mersi Onorab pou ou kestyon.  Ok an konsernan later ki pa’n devlope ki annan lease ok, i annan zot annan ler zot ganny sa lease zot annan 18 e pran e ti annan bann lease lannen pase ki ti ganny 24mwan pou zot devlop sa later.  Savedir sa is the cut off point.  

        Selman parey nou konnen ti napa swivi, so i annan dimoun ki annan bout later ki’n la pou en bon pe letan ki zot pa’n devlope ok.  La ki nou pe gete ki mannyer nou kapab demar e konmans pran later ek sa bann dimoun deza sa lannen nou pe konmans gete ki mannyer nou kapab fer sa, parey mon ti’n eksplike oparavan taler – mon ti dir nou pe bezwen ekri en notis.

Si ti mwan, mon ti a pran akoz ou’n asize pou 5an lo la ou’n 6an 10an ou pa enterese selman nou napa sa pouvwar pou fer sa e nou bezwen fer bann prosedir.  And this is where nou ganny problenm, akoz dek ki nou dir nou pe al pran ou later, zot al fer zot demars pou plan pou dir akoz zot in fer an retar.

Nou bezwen konsider zot rezon si i valab.  Apre ou’n dir bann dimoun ki annan later ki pe vann ok e nou pe pa siport sa kot IEA e nou pe fer sir ki ler dimoun i vini ok pou assign en lease ; akoz ki zot fer konmela zot i ti lo ou non apre taler ou al met lo ou konpani apre ou al vann ou bann shares, apre la kot en lot dimoun i ganny later.  Sanmenm sa ou vwar i annan dimoun Providence ki deza i annan apepre 4, 3, 5 bout later, akoz zot in aste par dan en konpani apre zot in ganny majority shares, apre zot … Selman nou, nou pe dir ok nou bezwen konpran dan biznes e mon krwar ou konnen ou en businessman ou osi dan biznes ennler ou pe al fer en keksoz apre keksoz i arive ou napa ase finans.  Ou annan en partner ki kapab ed ou e si sa partner en Seselwa nou osi nou bezwen konpran kekfwa i anvi ed ou pou devlope e i pou kontribye dan lekonomi nou pei.

Nou pa kapab bar dimoun progrese.  Selman nou pe dir la si ou pe al vann share dan ou konpani ok, ou bezwen demann permisyon IEA e nou bezwen fer sir ki ou retain majority shares, sansan nou konnen.  I akoz nou’n ganny ka kot dimoun i vini zot dir ok zot le  – mwan mon pou annan 40 bout apre Madanm Bolpenn, pou annan 20 bout, piti Bolpenn pou annan 20 bout e zot dir nou minority shares.  Be i pa sa nou bezwen get sa byen pou kapab anpes sa – ok ?

Wi poursantaz shares so nou pe get sa vreman pros pou ki sa pa tolere IEA dimoun i vann later akoz sa later i later Gouvernman i en subvention zot ganny pou nanryen pou mon vwar i pou dir pou nanryen apre zot vann pou milyon.  Savedir sa nou pa pe aksepte kot IEA.

Apre ou 2enm kestyon Onorab lo rent – bann dimoun ki annan arrears ek IEA, wi nou annan nou annan bokou dimoun ki annan arrears malerezman.  E nou pe nou pe anmenn zot kot Rent Board.  Nou bezwen ekri zot 3 reminder fer sir ki zot pey oubyen zot vin kot nou pou dir nou ki mannyer zot pou kapab clear zot arrears –ok?  

        Nou bezwen konpran ennler dimoun i annan problenm zot vini zot dir ok mon a pey en lump sum apre tou le mwan mon a pey sa in addition to the rent which will be also be due.  E nou bezwen get ki mannyer nou kapab fasilit zot akoz nou pe dir bann pti biznes ok e nou la pou ede.  So wi nou anmenn zot kot Rent Board ok e i annan bokou pou anmenn kot Rent Board e nou pe fer nou fason pou ganny sa akoz i larzan Gouvernman at the end of the day e i bezwen ganny peye.  Mersi fotespere mon reponn ou kestyon.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mersi CEO.  Si Financial Officer ki la i kapab donn ou what is the approximate konbyen larzan ki outstanding?  I enportan ki nou konnen konbyen larzan ki deor pou nou konnen si zot pe fer zot travay akoz enn zot travay se pou fer sir ki tou dimoun i pey zot larzan.  So sey donn nou enn sa?  E apre mon ava demann zot de mon a donn ou de legzanp e mon ti a kontan konnen par egzanp sa bout later kot Builders Depot i été, ki ti annan en lease avek Mr Petrousse, i pa tonm anba zot sa?

Be kekfwa ou kapab donn nou en lide lekel ki li i tonbe akoz sa i sipoze Industrial Commercial Land anba lekel ki zer sa?  Lekel ki responsab pou fer sa bann deal avek Parti Lepep?  Konmsi sey donn mon sa?  Be mon annan en lot plot lo Perseverance, mon ti a kontan kekfwa ou get ladan ou a gete ki mannyer ou kapab donn nou larepons mon annan en plot number V15974 ki pou en MNA.

Eski ou pa krwar ki CEO ki legzanp bon konportman bon legzanp i devret konmans par nou dan sa Lasanble, e ki nou bezwen donn legzanp e fer akoz i annan dimoun pe esper later i annan me selman i annan MNA ki pe asiz lo later, ki i pa pe fer nanryen lo sa plot.  So eski mezir pe ganny pran pou enforcement, pou fer sir ki sa e i pa kontinyen?  Mersi.

 

MR SPEAKER

Bon zis mon ti a kontan kosyonn CEO dan son repons akoz mon vey en pti pe lapant kestyon ki conduct of a Member, i ganny dirize dan en Standing Order.  So if there is anything the conduct of a Member nou bezwen careful.  So CEO zis en pti gidans lafason kot ou reponn sa kestyon Onorab Ferrari.  Go ahead CEO.

 

CEO MRS LUCY ATHANASIUS

Mersi Mr Chair.  Ok an relasyon Builders Depo tsa pa tonm anba Industrial Estates i tonm anba Commercial, ki nou napa nanryen pou fer avek akoz nou kot Providence Industrial Estates Perseverance, Ile Eve pou le moman ok.  E konsernan devlopman later parey mon dir tou dimoun i bezwen devlop zot later ok, e i annan sa bann ki an prosedir pou fer zot plan e met kot Planning Authority.  E nou bezwen get dan rezis ki mannyer keksoz pe ganny devlope pou nou kapab pran nou aksyon.

 

MR SPEAKER

Mersi CEO.  Mon krwar i annan en pti bout ankor in demande lo apepre konbyen aryeraz?  Aryeraz donn en lide apepre konbyen.

 

CEO MRS LUCY ATHANASIUS

Oh eskize sorry ok wi.  Ok nou annan diferan revenue type ki nou annan pou bann peyman rent ok?  Nou annan bann long term lease ki half year lease e sa ki zot rann nou pou le moman ok as of October sa lannen i R2, 461, 880milyon.  Pou long term lease ki ganny pey monthly bann monthly rent nou annan ki is owed as of Oktob R1, 206, 38milyon.  Apre i annan bann rental pou micro enterprise ok ki nou annan outstanding as of October R2.6milyon – wi.  E nou annan bann case e sa bann case pe al kot Rent Board.

 

MR SPEAKER

Mersi CEO.  Yes Onorab.  Yes.

 

CEO MRS LUCY ATHANASIUS

Sorry may I as we are takingThis is nou i annan bann parey mon dir yearly oubyen half yearly, ki zot pa ankor its outstanding, akoz lannen pa ankor fini.  Zot pou pey an Desanm ok?  Pou sa bann.  Sanmenm sa nou pa ankor ganny en sif egzakt a sa moman la ziska lafen lannen.  Thank you.

 

MR SPEAKER

Ok mersi CEO.  Onorab Ferrari.

 

HON JEAN-FRANCOIS FERRARI

Zis pou benefis sa Lasanble kekfwa CEO i kapab dir nou what’s the average retar?  Konmsi ki nou pe koze la apepre 6mwan, 1an, 2an retar ou ki été?  Akoz mon vwar son sonm i bokou e sey dir avek Lasanble CEO, ki bann mezir ki ou pe met an plas to enforce to ensure that next year sanmenm kestyon pa leve konmsi ki sa bann rent arrears.  Mersi.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Ok nou pe get sa akoz sa bann reveni i enportan pou nou kolekte e nou pe fer sir ki nou anmenn zot dan Rent Board.  Selman pou sa nou bezwen ekri zot mon dir ou 3 notifikasyon.  Pou le moman nou pe sey met tou keksoz in a database system ki nou pe al fer, pou ki bann keksoz i flash up sa dimoun i due.  

        Akoz tou sa bann file ki nou annan ki manual, e i annan zis en dimoun ki pe fer li, i pa posib put the hands on each and everyone.  E la kot problenm i arive.  Dele pou zot peyman, i annan bann ki 1an – i annan bann ki malerezman mon bezwen dir i 5an, i annan e sa nou pe mon pa konnen ki mannyer in arive, me in arive.  E nou pe bezwen fer fas avek.  Nou bezwen fer koleksyon sa bann det ok e nou pe travay dir pou fer sa arive Mr Chair.

 

MR SPEAKER

Mersi CEO.  Onorab Waven William.

 

HON WAVEN WILLIAM

Mersi Mr Chair.  Mr Chair mon ti a kontan demann CEO, mon konnen in erit en keksoz ki an al en pti pe an deor kontrol mon anvi demann li lefe ki stratezi, i annan en timeline, mon anvi konnen si ou satisfe avek kantite larzan ki ou’n gannyen, eski ou demann  ti plis in ganny koupe?  E letan mon get anba ‘strategies’ mon osi vwar ki ou koz lo bann lenfrastriktir avek bann mikro antrepriz dan rezyon avek distrik.

E mwan mon anvi konnen akoz ki arive se ki dan sa bann detay, ou pa vwar en plan pou ou kapab sivre pou dir be ok mwan konman en Manm Parlman mon a sivre ou mon konnen poudir be 2019 ou pou al fer sa 2020, ou pou al fer sa e ou pou demann tan larzan, konmsi gid nou en pti pe.  Mersi.  Akoz par egzanp mwan mon dan mon distrik i annan demann ki nou’n fer ti annan en batiman ki ti pou ganny fer, me mon pa konnen si nou pou vreman gannyen.  Mersi.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Thank you. Mersi Mr Chair.  Mersi Onorab pou ou kestyon.  Ok dan bann distrik ok nou bezwen fer bann Micro Enterprise projects e nou pa’n met larzan ladan, pou konstri sa, akoz sa pe tonm anba en lot proze dan Minister ok anba ‘Bilateral Corperation,’ kot pou konstri sa bann sant mikro antrepriz dan sak distrik.  Oubyen dan en distrik ki pou partaz an de, akoz parey ou konnen Bel Air –  mon krwar napa ase later.

I annan bann distrik kot i annan konstrent later selman nou le fer otan posib ok?  E nou sipoze konmanse lannen prosenn sanmenm sa nou fer sa legzersis tou resaman pou idantifye ansanm avek bann DA pou idantifye later, kot nou kapab demann Gouvernman pou donn nou, pou nou kapab met sa bann sit mikro antrepriz.

Akoz nou kot IEA nou vreman konsyan bann problenm bann fristrasyon bann dimoun dan distrik, pou ganny landrwa pou kapab fer zot lavenir – pou travay.  E zot fer sa anba sa progranm ki Minister pou annan anba ‘Bilateral Corperation’ pou konstri dan bann distrik.  Ki nou pe konmans lannen prosenn omwen nou sipoze annan en 6 pou lannen prosenn, si nou kapab fer plis nou pou fer plis.  Mersi Mr Chair.

 

MR SPEAKER

Mersi CEO.  Onorab William.

 

HON WAVEN WILLIAM

Yes Mr Speaker.  Mon ti a kontan demann CEO, lefe ki in presize lefe ki pou annan 6, eski ou annan lenformasyon poudir la poudir avek sa Lasanble sa 6, ki bor e ki distrik silvouple?  Mersi si ou annan lenformasyon.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Ok mersi Mr Chair.  Bann distrik ki nou pe gete dan sa 6 i enkli Union Vale, akoz Union Vale i deza dan en sityasyon deplorab si oule servi sa mo kot i byen bezwen en re doing . Selman osi nou pe get pou fer lot letaz par lao, akoz nou bezwen al e nou pe fer sa pou distrik pou al vertical, pou draw otan posib lespas pou dimoun kapab debourye.  Savedir Union Vale nou annan Anse Aux Pins ok, nou fini idantifye en landrwa par deryer kot vye lakres ti été Anse Aux Pins ok ?  Apre nou annan Baie Lazare ok obor Legliz.

I pti, selman nou pou monte apre Grand Anse Mahe ok, akoz deza nou annan en bout ki pa pe pa ankor devlope, apre i annan de lezot antrepriz enn sarpantye enn mekanisyen.  E la osi leta sa landrwa pa bon nou bezwen refer e nou pou bezwen fer sa ok?  Apre Eve Island Praslin i lot e La Digue – L’union konmsi nou le pou sa 6 nou le enkli en pe partou.  Mersi Mr Chair.

 

MR SPEAKER

Mersi CEO.  Onorab Terence Mondon.

 

HON TERENCE MONDON

Mersi Mr Chair.  Mon premye kestyon anba bann detay ‘other goods and services’ mon vwar ki zot Bidze pou ‘security avek enforcement’ in sorti R464mil pou vin R1, 368milyon savedir i sorti sorti R38mil par mwan pou vin R114mil par mwan.  Mon anvi konnen akoz sa gran logmantasyon?  Lekel bann lakonpannyen ki zot pe outsource security e kote sa bann landrwa?  E mon 2enm kestyon mon anvi CEO i dir mon sa later Ile Eve, apre Zone 20 ki ziska prezan ki zot pe met lenfrastriktir, depi kan sa later ti’n pare pou met lenfrastriktir?  Mon anvi ganny en lide konmsi konbyen lannen e kantite retar zot pe met en sekter enportan dan sa pei – devlopman biznes konbyen retar nou pe donn nou pe mete dan sa pei sa mon anvi konnen kan ti pare sa bann later?  Mersi.

 

MR SPEAKER

Mersi Onorab Mondon.  CEO.

 

CEO MRS LUCY ATHANASIUS

Mersi Mr Chair.  Mersi Onorab pou ou kestyon.  Anba ‘maintenance and repairs’ i annan en logmantasyon R552mil ok e sa pou ground emaintenance pou bann sant mikro antrepriz.  Nou  annan 8 sa bann sant ki nou bezwen met sekirite nou ti annan zis kot leve debourye ek Union Vale la nou pe met dan tou nou bann mikro antrepriz ok.  Apre under ‘other goods and services’ i annan en logmantasyon ki ‘goods, sekirite and maintenance’ osi sa site Anse Boileau nouvo sit ki nou gannyen ek lezot parey mon dir.

Mon ti a kontan azoute ki sa logmantasyon i annan osi en logmantasyon R57mil dan ‘office building rent’ ki devret enkli dan ‘other insurance and fees’ ki pou fer lasirans bann sant mikro antrepriz ki tonm anba IEA, akoz nou zot napa zot ti napa zot ti annan lasirans anba SEnPA e la zot in tonm anba nou e nou bezwen met lasirans ladan.  Mersi Mr Chair.

 

MR SPEAKER

Mersi CEO.  Onorab Mondon.

 

CEO MRS LUCY ATHANASIUS

Ar sorry.

 

MR SPEAKER

Yes Onorab Mondon.

 

CEO MRS LUCY ATHANASIUS

Sorry 2enm kestyon.

 

MR SPEAKER

Ale go ahead CEO.  Ok Ile Eve ek Zone 20 ou pe demande konbyen letan sa later in pare ki nou pa ankor fer nanryen avek.  Ok,  pou Zone 20 ok parey mon dir nou sa ki nou ti annan nou donnen kanmenm ti napa lenfrastriktir debaz pou donn zot ok e la nou pe esper sa enn ki pou bann class 2 contractors ki deza pa ankor ganny lenfrastriktir akoz son design pa pou ganny fer.  Konsernan Eve Island i annan detrwa bout later ki’n ki deza la, selman en fwa ankor napa sa lenfrastriktir apropriye pou kapab kot sa bann bout later ki ankor pou kapab donnen.  Mersi Mr Chair.

 

MR SPEAKER

Mersi CEO.  Onorab Mondon.

 

HON TERENCE MONDON

Mr Chair.  Dezyenmman mon 2enm kestyon depi kan ozordi nou 2018 nou ankor pe koz lenfrastriktir i met en detrwa milyon tou-le-z-an mon anvi konnen sa lespas letan ki’n pran depi ki sa bann later in pare pou zot met lenfrastriktir ?  Akoz mon konsider sa sekter vreman enportan, e mon pa vwar i annan ase lanfaz e priyorite pou met lenfrastriktir pou dimoun kapab fer zot biznes.  E sa ‘security and enforcement’ mon anvi konnen lekel lalis bann companies lakonpannyen ki pe donn sa servis sekirite sa Lotorite.  Mersi Mr Chair.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Ok mon a zis retourn lo sa ‘security services’ ankor ok, i annan sa logmantasyon akoz nou annan leve debourye, Maison Simone, Union Vale, Plaisance, new PIE ok sa nou pe al dan prosedir tender ok pou sa.  E sanmenm sa ki nou met pou sak lokasyon R23mil par mwan pou sa.  Ok?   Apre mon a zis pas lo ek mon Depite akoz i ti la avan mon pou dir ou zafer Zone 20 ek Ile Eve i pli teknik lo la.  Mersi.

 

MR SPEAKER

Mersi CEO.

 

DEPUTY CEO MR ALAIN QUILINDO

Mersi Mr Chairman.  Bonzour tou dimoun pou reponn kestyon Onorab apropo ki kantite letan later in la avan nou bouz pou fer prosedir alokasyon.  Zone 20 in fek resaman ganny konble fini boner depi tar lannen pase in fini, so nou bouz vitman nou fer subdivision.  Parey CEO in eksplike nou pe travay pou nou met lenfrastriktir konman en lenfrastriktir debaz savedir semen avan nou bouz dan alokasyon.  Aprezan Ile Eve li sa bout Ile Eve ki annan available, ti annan en gro trou ki ti’n ganny fouye pa ti servicable sa later.

So Gouvernman in aranze in fer li pare e apre en pe legzersis ki Departman Lenfrastriktir in fer in dir nou later in pare pou alokasyon.  La nou fer pou bouz pou fer subdivision pou nou met pare pou alokasyon.  E pou osi pou nou ankor pe esper design semen lenfrastriktir debaz, setadir semen omwen avan nou konmans bouz dan alokasyon.  Mersi Onorab.

 

MR SPEAKER

Mersi Mr Quilindo.  Bon mon ava pas laparol avek Onorab Churchill Gill.

 

HON CHURCHILL GILL

Mersi Mr Chair.  Bonzour CEO.  CEO boner dan kestyon pli boner ou’n mansyonn micro enterprise  mon krwar anba Bilateral ; Ile Eve osi i annan enn ki pou gannyen mon ti a kontan konbyen lespas i espekte gannyen dan sa enn?

Apre i annan bann promoter lo Praslin ki zot pare pou envestir dan bann building micro enterprise, eski i sa bann dimoun i kapab vin fer en konversasyon avek zot pou gete si sa i posib akoz mon krwar i ava ede pou bous la kantite lespas vi ki mon pa konnen ki kantite lespas sa enn ki nou pou gannyen atraver bilateral so ou ava eksplik nou si sa i ava posib.

Apre i annan bann dimoun ki zot lo lalis depi lontan mon tande i annan kestyon nou’n demande pou lo kote pwen mon kestyon se en lot.

E sa bann dimoun ki depi lontan i la kekfwa sa letan ki zot in ganny allocate ti napa lenfrastriktir, e prezan zot pa’n ganny sans devlop sa bann later.

(1)- eski sa bann dimoun still i bezwen pey rent lease sorry menm si napa lenfrastriktir?

(2) si sa bann dimoun pa pe pey sa lease pou napa lenfrastriktir, eski zot pran kont be sa i pa fot sa dimoun ki’n ganny allocate avek sa later?  Si ou ti kapab eksplike pou benefis sa bann dimoun ki dan sa sityasyon.  Mersi.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  E mersi Onorab pou ou bann twa kestyon.  Sa enn dernyen i en kestyon enteresan, akoz wi i annan dimoun ki pe ganny problenm pou devlop zot later akoz napa lenfrastriktir, oubyen zot pe perdi kliyan dan zot biznes akoz napa lenfrastriktir pou kapab akey sa bann kliyan.

E nou bann dimoun i vin osi pey up front en one-off nou kapab donn Gouvernman larzan pou kapab fer lenfrastriktir, selman ler zot ti donnen pa ti ase pa tou dimoun in donnen savedir ti napa ase larzan.  E pou sela zot annan sa problenm e zot pey rent.

I annan bann ki dir zot pa kapab pey sa rent akoz zot pa ankor devlop zot later –  mon dir zot be ekri nou pou nou kapab konsider sa, akoz i vre si nou ki annan tor ki pa ankor anmenn sa lenfrastriktir, e nou ti donn zot sa later e nou ti dir zot nou pou fer li si zot pey upfront ki en bann in peye konmsi sa en komitman pou nou pou nou kapab gete dan en fason imen, pou kapab pa touy sa dimoun avan ki in konmans fer keksoz pa son lafot.  Ok?

An konsernan micro enterprise oubyen bann landrwa bann workshops ki i ganny fer par en dimoun prive bann dimoun prive ki annan ase mwayen pou kapab fer bann micro enterprise petet sa nou pou ouver pou kapab diskite avek zot akoz sa pou definitivman asiste dan en fason PPB kot dimoun prive a kapab fer bann fasilite apre lwe  a en … e sa kot problenm i arive.

Akoz ou donn zot enn de ler apre zot al lwe pou fer larzan with other tou keksoz i dan en zour, i fer li pa posib pou bann pti antrepriz pran sa bann landrwa.  Savedir nou bezwen fer en bon negosyasyon ki sa selman nou pare pou ekoute, e pou gete ki mannyer nou kapab travay ansanm avek private sector pou kapab fer sa bann sant – wi.

Apre pou sa bann propriyeter Ile Eve ki nou pe gete pou sa Micro Enterprise Project nou pe get de ki apepre 800met kare sakenn.  E nou pou nou pe fer sa concept design pou nou konnen.  E nou pe get at least 2 floors up ok, pou kapab donn maximum lespas.

Selman osi nou bezwen gete.  Nou pa kapab dir ou egzakteman konbyen konpartiman pou annan, selman konbyen unit pou annan, selman nou bezwen osi gete ki bann bezwen e apre gete pou fer sir ki nou bann unit ki nou fer, i ase gran pou sa bann dimoun met zot masin ladan pou kapab operate – ok?  Mon krwar mon reponn ou twa kestyon.  Mersi Mr Chair.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

CEO mon ti le zis en leklersisman i annan bann dimoun ki annan later lo Ile Eve ki zot pe mars dapre zot lease, zot pe respekte zot bann kondisyon me selman parfwa i annan bann dimoun ki perdi keksoz laba kot zot striktir i été, prezan zot, zot  anvi konnen si zot osi kapab ganny permisyon ler zot pe fer zot striktir zot fer en bout kot en staff i kapab reste ki an menm tan i ava fer konman en sekirite pou sa striktir ki son owner in fer.  Eski i posib sa si i posib ki son prosedir?  Mersi.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Wi i annan plan dan lease agreement ki kapab fer en security quarters lo ou bout later akoz si ou pe devlop ou annan bann materyo ou annan keksoz ki ou bezwen annan en dimoun oubyen sekirite depan lo grander ou kapab fer li.

E si zot le fer sa zot bezwen fer nou konnen ok ekri nou pou demann permisyon pou met sa striktir ok.  Selman nou napa obzeksyon si zot an konformite avek bann lezot Lazans ok pou health and safety, pou lanvironnman, pou fire, pou ganny keksoz koumsa selman pou annan safety i pli enportan ok?  Mersi.

 

MR SPEAKER

Mersi CEO.  Dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon ti ava kontan premyerman demann CEO an relasyon avek son Bidze, ki kalite incentives ki in sey build ladan pou son bann travayer etandonnen ki zot travay dan en landrwa kot i polye ; kot i annan en risk lo zot lasante, eski i annan en keksoz la pou bann travayer?  E an menm tan osi ki kalite promosyon ki bann travayer dan sa Lotorite pe gannyen?  Sa i mon premye.

2enm mon ti ava kontan Mr Chairman ganny … parske sa i enn bann konfizyon ki mwan personnelman mon tanzantan mon gannyen – sa zafer Industrial Estate avek Komersyal.  Sa zafer Komersyal mon ti ava kontan ganny en bon lesplikasyon akoz le moman ki ou tous bann lezot later zot dir avek ou sa i Komersyal.  Be lekel ki ansarz Komersyal?

Parske an menm tan ki nou pe vwar ki nou pe vwar ki sa bann later konblaz ki ti sipoze – e la mon pe koz tou later konblaz ki ti sipoze pou lizyer dimoun, pou maximum dimoun ganny en posibilite, sa ki nou vwar, i annan detrwa dimoun ki annan pli gro bout, ki’n aste pli gro bout – en lease i ganny pase ensidswit.

E la letan mon pe koze Mr Chairman, mon konnen ki poudir lo Ile Eve, devan sa bout pre kot SFA i sipoze pou fer bazar, i annan en bout later la ki zot pe speculate e ki i annan demars pou vann li detrwa milyon !

E mwan mon anvi fer kler le moman ki en dimoun i  – kouler politik pa antre ladan, la nou pe koz pou lepep Seselwa e ki si en bout later son lease i sipoze R5mil ensidswit e apre sa i ganny vann R10milyon – R7milyon sa i al direk kont prensip ki pe arive!  Parske la osi la mon a pran enn ki poudir la obor petrol station Roche Caiman Ramu in ganny 3 bout!  Be ki mannyer Ramu i kapab ganny 3 bout kan en serten dimoun ni en pti bout i napa?

Se sa kalite V11101, V10419, V11559.  Se sa bann kalite lenzistis ki mon krwar nou pe koz lo la, parske si nou pou donn larzan en Lotorite i bezwen fer son travay!  Tandi ki lo lot kote Mr Chairman i annan dimoun ki’n fer laplikasyon, zot file in disparet, zot file in perdi, e apre sa zot pe pas dan bann lezot kalite difikilte.

E menm si Prezidan in vizit zot e la mon pe dir for Mr Audrey Lautee Prezidan in vin kot li i annan en garaz ki Prezidan menm in admire ki mannyer i pe travay.  File in perdi. Prezidan 2an pase ti dir avek li ou pou ganny en bout later e la Mr Chairman ozordi i ankor pe pas dan en bann lenfirmite – pe ganny anvoy isi, pe ganny anvoy laba prezant isi, prezant laba, ensidswit.

So sa kalite lenzistis i annan en msye ki’n fer vini son bann masin pou li fer bann blok ki ou kapab fasilman kapab fer bann konstriksyon, son masin blok pe pouri! Lenzistis Mr – mon espere mon ava ganny en larepons lo ki mannyer sa bann dimoun ki’n esper pou plis ki 20an ensidswit, ki olye al rod sa bann olye al rod point system, olye al rod sa bann zafer annou degaz lasasen e pran avek sa bann la ki zis pe aste lease avek bann lezot dimoun.

Lot zour nou koz lo la Industrial Estate Providence kot Madanm Sarah Rene in vann en lease avek ki mannyer i apele Shreeji e deza sa msye li i annan pli gran Industrial Estate – mon krwar nou ti devret apel li Shreeji Industrial Estate akoz li i annan plis!  Alor nou bezwen regarde ki mannyer nou kapab lager.

E letan ou non se Industrial Estates Authority alor si nou pe donn Bidze, mon krwar nou bezwen regarde ki kalite Authority ki annan lo la.  Me Mr Chairman mwan mon dernyen pwen mon vreman mon bezwen dir mon dezapwente letan nou pe kot donn larzan, letan nou aprann ki poudir sa Authority i annan arrears plis ki 5milyon – plis ki 5milyon.

Mwan mon anvi fer sa propozisyon swivan parske se egzakteman sa ki nou ti fer avek laba anler kot i annan Ponm Kannel – Heritage Foundation.  Letan Heritage Foundation ti dir avek nou zot annan en kantite arrears ki nou ti fer nou ti freeze.  Nou ti freeze enpe zot Bidze e nou ti dir ek zot, nou pe freeze al kolekte, al ranmas larzan fer en zefor e apre sa retourn kot nou.  E Mr Chairman rezilta, reziltan ti en rezilta pozitiv.  Heritage Foundation ti ale efektivman zot ti anmas bann larzan in arrears e apre sa lo FPAC nou ti ekout zot letan zot ti retournen avek Minister Finans e nou ti unfreeze zot Bidze.

E Mr Thésee i la konman PS i konn byen ki mannyer sa i été.  Mwan mon krwar dan ‘goods and services’ e si Lasanble pa fer sa nou pa pe pran nou responsabilite.  Mwanmon krwar ki dan ‘goods and services’ kot pa pou al afekte travayer kot pa pou al afekte zot running of the organisation, mwan mon krwar ki nou freeze R2.5milyon out of sa R6milyon which is ekivalan 50poursan sa det ki zot sipoze anmase 5million – nou freeze 2.5million i pou reste zot 3.5million dan sa Bidze ‘goods and services’ e nou plis ki sir ki 3.5million i ava ase pou anmenn zot ziska milye lannen Zen ki letan nou ava pe fer Midyear Review, nou ava regarde ki mannyer zot in fer sa travay  -ki mannyer zot in ranmase.

E sa an menm tan osi parey nou pe dir – nou anvi anmenn ankouraz zot se pou sa sanmenm ki mon pe dir sa Authority pou ale pou al met presyon lo bann dimoun ki dwa peye e apre sa Midyear e sa ki nou pe fer la i pa pou afekte zot sa.  Me selman i osi en fason pou zot retourn ankor devan nou, pou zot kapab koz avek nou ki difikilte ki zot annan ensidswit

        So mon pe propoz sa Mr Chairman, me an plis ki sa  mwan mon demann mon letan sa bann dimoun in siny zot lease, zot in prezant zot proze, dan zot lease pa’n osi dir ki i pe donn zot tan kantite letan pou zot fer zot proze?

Me si zot pa’n fer spesyalman bann ki later i ankor dan soz kot napa okenn zefor ensidswit, Madanm Athanasius in dir avek nou ki i konnen si li i ti kapab i ti ava ale.  Be mon krwar ki ou devret kapab ale, parke sa Kontra ki zot in sinyen, sa Kontra en kote pa’n obzerv Kontra, e lefe ki ou’n pa’n obzerv Kontra lo en kote, mon krwar ki ou devret annan sa ledan pou ou morde.  Alors nou ti ava kontan vwar plis morde.  Me parey mon pe dir Mr Chairman, kot sa 4 pwen ki mon met devan nou vwar li e bann dimoun ki’n esper vitam aeternam ki deswit zot nobou keksoz i kapab speed up pou zot kapab fer sa ki zot devret fer.  Mersi bokou.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Ok mersi Onorab pou ou kestyon e bann propozisyon ok?  Premyerman mon ti a kontan zis dir ki nou pa zis in the red me osi nou ranmas larzan mon kapab dir ou konbyen nou anmase ziska konmela.  Revenue lo long term lease mikro antrepriz ok the long term lease pou land, pou le moman ziska Oktob, nou kolekte R6milyon pou mikro antrepriz nou kolekte R3.6milyon ok.  Savedir en total R9.6milyon nou pe espekte at the end of November, December pou kolekte sa bann keksoz normal R2.4milyon ok?  E the total pou 2018 i R12.1milyon.

Sa ki nou espekte ganny by lafen sa lannen.  So i pa zis ki nou napa larzan – nou pa pe pran aksyon pou re ganny sa larzan, nou pou fer li.  E pandan ki nou pe fer li, nou pe anmenn bann dimoun Rent Board parey mon dir ou ok?

E Rent Board osi i pran son letan ok?  So nou bezwen travay ansanm avek Rent Board ok.  Lo pran lease ek dimoun ki pa pe devlop zot later – wi nou bezwen ledan.  IEA nou pe get nou Act pou revwar li pou kapab donn nou ledan – akoz nou bezwen ledan.  Si nou bezwen swiv prosedir ok nou ganny legal advice ki nou bezwen fer sa notis, nou bezwen fer sa, sa, sa.  Nou pe swiv akoz nou pa oule al kont Lalwa ok?  Sansan si mon ti IEA ti annan ledan eskize, nou ti pe morde ok?  En pe plis ki nou pe morde konmela – ok?

An konsernan bann ka parey ou’n nonm Mr Lautee apre sa msye ki servi blok, wi nou okouran sa bann ka.  Mon kapab konpran zot fristrasyon selman nou pe met zot lo en lalis priyorite deza zot annan akoz Gouvernman in fer commitment ek zot e nou bezwen onor sa – ok? 

        So apre konsernan sa bout next to Shell ki komersyal, sa pa pou nou.  E an parlan komersyal IEA sa menm sa nou deal avek bann keksoz endistriyel Komersyal i en lot keksoz ki tonm pa tonm ek nou pou le moman.

Mon krwar i tonm anba SIB ek Minis Later – MHILT – pa ek nou.  E nou anvi sey get dan nou Act ki nou kapab vin Commercial Industrial.  Akoz si ou al Providence ou a vwar napa zis lendistri, i annan commercial ki’n ganny etabli Ok?  E nou bezwen osi mazinen ki i annan enpe commercial ki supportive of industry – ok?

E nou bezwen gete ki kalite aktivite commercial parey wholesale.  Sa i commercial. Ok, dapre UN definition of what commercial is.  E nou bezwen gete ki mannyer nou kapab entegre sa dan Industrial Estate pou nou kapab osi konnen si nou pe fer commercial oubyen non.  Si nou annan drwa ok?  Because we have people doing commercial.

I enportan bann pti mon pa pe dir ou vin vann lenz sa i pa commercial pou lendistri.  Si ou pe vin vann spare part sa i commercial because you are selling something which is already made.  Si napa value added ladan i vin commercial ok?  E nou, nou pe sey gete ki mannyer nou kapab ganny en konprenezon byen eklersi Industrial Estate zis pou lendistri oubyen nou kapab osi ganny sa commercial ladan ok, akoz i enportan.

Akoz i annan bokou landrwa ki commercial ki pa tonm anba IEA.  Nou, nou tonm anba value added manufacture selman Providence in vin en pti lavil.  Parey ou konnen ou menm i annan laboutik, i annan take away ok, byento restaurant tou sa.  Ok?

I sa pou mon se bann supportive services pou bann lendistri. Anywhere dan lemonn si ou ale ou al en industrial park – Industrial Estate, ou pou vwar i pou annan laboutik i annan i annan osi residential, me selman pa dan milye bann factory.  Selman i annan kote ki ganny emarked pou residential pou bann travayer pou bann zot fanmir – bann keksoz koumsa day careOk?  Tou sa i supportive pou sa bann dimoun ki vin travay dan sa lendistri – dan sa estate si oule dir.  E nou bezwen get en pe plis pou kapab amelyor sa sityasyon – ok?

E zafer spekilasyon i mean dimoun si ou dir i annan sa ka lo Praslin parey mon dir dimoun in deza vin kot nou latansyon nou pe get sa ka pros me nou napa laprev pou le moman, pou nou kapab pran aksyon.  Ok?  E sa nou pa kapab fer naryen si zis lo en anr ou konnen sa pe arive.  Montre mwan laprev.  E nou kapab pran aksyon.

San sa nou pa kapab fer nanryen.

Mon krwar mon reponn tou ou bann kestyon.  Anr staff welfare sorry staff welfare ok nou annan nou staff e nou konnen nou dan en landrwa polye, e nou sey donn zot bann keksoz ki zot kapab bann soulye bann inspectors sirtou, ok nou pe pey lasirans lo zot ok, akoz zot bezwen be insured anything can happen ler zot lo teren laba.  Nou pe sey gete ki nou kapab fer pou en lanvironnman ki nou tou nou pe kapab asiz byen konfortab ladan.

E bann inspectors ki al lo site nou sizere en bisiklet ou en keksoz.  Akoz zot pa kapab zis marse dan gro ker soley selman pou le moman ek sa sityasyon trafik, nou pa pe demann pou en aksidan arive, e sa i pou le moman zot in dir non.  So nou pe sey get zot welfare training nou pe gete ki mannyer nou kapab fer training pou zot.  Akoz nou annan en mankman resours e en mankman bann kapasite ki nou kapab build up ek training ek nou bann dimoun.  Mon krwar mon’n reponn ou bann kestyon.

 

MR SPEAKER

Bon annou fer li vitman.  Nou’n deza exceed nou letan.  Onorab Ramkalawan.

 

HON WAVEL RAMKALAWAN

Yes.  Mr Chairman letan mon pe letan Minis in reponn lo bann travayer ok, in dir basically letan CEO in reponn in basically dir ok zot ganny soulye, zot ganny isi, zot ganny laba.

Me sa lasirans fine it’s good, me eski i annan dan zot Scheme etandonnen sa landrwa ki zot pe travay eski i annan okenn lezot allowance ki dan sa Bidze nou pou vwar pou donn zot lankourazman?  Akoz parey mon pe dir I mean personn ant nou la pa ti pou kontan travay obor en rubbish dump – personn pa ti pou kontan travay dan sa e se pou sa rezon.

Mon sipoze nou annan bann diferan allowance risk allowance, health allowance ensidswit eski i annan okenn se sa ki mon ti pe koz lo la, dan sa Bidze, si i annan okenn koumsa.

E dezyenmman Mr Chairman mon remarke ki basically CEO in aksepte ki en pti freeze, i ava ed zot pou al rod bann lezot parske i pa’n adres sa size, me letan CEO in dir ki fodre zot annan laprev avan ki zot kapab move in.

Me mon pe regard li lot fason mwan.  Si en dimoun in ganny en bout later in siny en Kontra e i pa’n fer nanryen mon krwar ki this is apre tan letan ki in gannyen, pou li devlope – sa i laprev – i ase laprev ki poudir i annan en spekilasyon ki pe go on, spesyalman si i pa vin avek en progranm – en proze spesifik ensidswit.

Sa i montre ki poudir i deza spekilasyon.  E an menm tan avek sa, pou nou regard lo kote bann dimoun ki nek zis pe vini pe vin rod aste lease, eski i pa ler pou ki asiste lease en dimoun i ganny deklare ilegal konpletman?  E ki se zot konman IEA tro bokou sa bann keksoz la kot se zot ki determinen.

E ki letan en dimoun pa’n fer en devlopman i bezwen zot move in, zot pran e apre zot ki e ki zot pa aksepte ditou – ditou sa zafer vann lease ki ou’n gannyen.  E zis final semen lo Zone 6, parske i annan sa bann problenm semen la kan eski zot annan lentansyon pou konstri en proper semen lo sa bout ki mon krwar zot dir Zone 6 deryer kot Bureau of Standards ensidswit la?  Mersi.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Zone 6 sa semen nou ti anmenn kot Devlopman Komite, e nou ti dir zot konbyen nou bezwen larzan pou sa.  Selman mon vwar ki pa’n enkli dan sa larzan ki zot in donn nou pou fer sa semen.  Nou ti annan zis sa bann ki ti nou annan en pti gin dan Subsistence Account selman i pa pou ase pou fer sa louvraz – wi.

Selman i annan dimoun ki ti’n pey upfront pou sa semen e i vreman tris ki nou pa’n kapab ganny tou larzan pou nou kapab fer sa semen.  E la dan Bidze i pa’n enkli mon krwar i en oversight par la akoz nou ti demann Virement Committee sa larzan pou fer Zone 6 ok?

An konsernan savedir otan ki nou napa larzan e kekfwa ou pou lease I don’t know anyway zafer bann ilegal revann later pe fer li ilegal sa mon krwar nou bezwen asize in vin en keksoz legal dapre en Lalwa kekfwa Registration Office, i a kapab get ladan.  Akoz nou dan nou lease agreement, nou dir ou pa kapab sanz bann dimoun dan ou konpani and which is how they actually pe vann zot later, san demann nou.  And dan bann lease i dir it cannot be i annan en bann lease ki dir without unreasonablenesss.

        Savedir si ou napa en rezon valab ou bezwen aksepte. E under the Companies Act si mon pa mal si mon mal koriz mwan under the Companies Act ou kapab vann ou bann shares.  E la kot ou bezwen kapab asize e get sa dan nou Lalwa osi ki mannyer nou kapab tackle sa, akoz sa vre i en issue.

E nou IEA nou pa toler sa akoz i pa fair. Sa subsidise land ki Gouvernman i donn pou bann biznes e si nou fer milyon at the cost of somebody else ki ti anmas son larzan pou li kapab devlope dapre, i devret, i mal pou li. Oubyen i pa devret ganny tolere.  So nou pe sey nou mye lo sa kote.

An konsernan if I may just Mr Chair go back konsernan msye akoz ou’n nonm li Mr Audrey Lautee, nou pe deal avek sa nou fini idantifye en landrwa nou pe zis esper nou pe negosye avek MLUH, pou tir bann keksoz ki deza lo la ok, pou li kapab antre.  Akoz sa later ti annan stockpiling pou bann contruction companies, ki nou bezwen tire pou nou kapab donnen.  Selman nou okouran e nou deza pe travay lo la.  E annan bokou ka ki priyorite ki irzan ki Gouvernman in fer komitman e nou pe esper later pou kapab fer sa ok?

Wi -wi akoz nou napa later nou bezwen demann later i annan en later ler i ganny donnen.  So si nou napa nou pa kapab donn sa ki nou napa.  Ok malerezman nou kapab pran selman pou pran avek sa ki devlope, sa en lot prosedir.  Si nou kapab ganny sa ledan akoz pou mon ler i dir ipso facto dan en lease agreement, mon pa en dimoun legal pou mon automatically you take back the land.  Selman mon ganny dir dapre legal advice ou pa kapab zis pran.  E sa ki nou bezwen fer prosedir ki gives you time to do something pou nou pa pran sa later, ki nou bezwen get sa.  E nou pe get dan nou Lalwa ki nou kapab fer pou nou annan plis ledan.  Thank you mon krwar mon reponn tou Mr Chair.

About workers wi nou annan bann Scheme of Service ki dapre DPA ok?  Sa ki nou swiv nou napa nou prop Scheme of Service nou fer bann allowances dapre sa.  Risk allowance the number lasirans be nou pa pou donnen allowance nou pa’n mazin pou donn en allowance lo la, me la ki ou’n dir sa kekfwa nou a vini dan milye lannen prosenn si ou pa freeze nou Budget, pou nou kapab demann pou ed nou fer sa.  Mon krwar mon reponn.  Mersi Mr Chair.

 

MR SPEAKER

Mersi CEO.  Vis-Prezidan.

 

THE VICE-PRESIDENT MR VINCENT MERITON

Mr Chair.  Zis mon le dir ki nou konnen i annan en gran demann pou later pou rezon endistriyel pou bann pti pou bann lendistri mikro avek mwayen grander, me selman annou pa bliye ki i annan en gran proze konblaz ki nou pe al antreprann, e ki tou Lazans e Departman Gouvernman, in ganny demande ki kantite later ki zot bezwen anba zot protfolio.  IEA i enn ladan e bezwen sa bann dimoun i ava ganny adrese.  Nou konnen i pou pran letan be selman nou les zot konnen.

Nou osi apresye sa kestyon lenfrastriktir ki nou bezwen adrese ; konmsi en bon pe letan nou donn later be selman napa lenfrastriktir i met nou Polisi si oule an kestyon.  E i met nou deryer so zis mon ti le donn lasirans ki – enn – i annan en proze konblaz ki pe al ganny antreprann e nou bezwen get sa kestyon lenfrastriktir, pou permet ki nou vreman donn lelan sa Enterprise Seychelles Agency kapab bouze, e pran bann lantrepriz mikro pti e mwayen kapab bouz devan, e zwe en rol pli enportan dan devlopman ekonomik.  Mersi Mr Chair.

 

MR SPEAKER

Mersi Vis-Prezidan.  PS Thésee.

 

PS DAMIEN THESEE

Petet pou demann Lasanble pou nou pa al lo sa lannen lo semen freeze, zis pou kekfwa donn en pe garanti pou lannen pase nou’n basically travay avek IEA, nou donn staff account IEA pou travay avek son bann enforcement officers pou met a zour en pe debtors ki zot annan.  Ti napa okenn sistenm avan dan Gouvernman ki ti basically zer any zesyon reveni oubyen det.

So nou’n travay avek DICT nou vin avek en cashier module kot nou enplimante ki vin kot Minister Later, Housing dan Biro MLUH. Nou’n osi deploy sa kot IEA, kot nou staff i laba i baze in met tou file sipoze met tou file lo sistenm ki in vin azour.  E 2019 dan Bidze Minister Finans, nou pe basically demann larzan pou met kapasite dan Trezor, prezan pou konekte tou Minister Santral avek Trezor, pou nou kapab monitor tou zot bann debtors.  Akoz la as it is la, nou pa vreman annan en apersi lo espesyalman zot bann non-staff revenues unless sa Minister i soumet ek nou lo en monthly basis zot bann debtors, zot bann creditors.  Pou reveni nou napa en sistenm.  

        So sa prezan lannen prosenn i pou ganny kolekte avek Trezor, pou asire at nou annan sa bann rikord e nou kontinyen monitor zot.  So kapasite adisyonnel ki nou bezwen mete dan Trezor an 2019.

So petet nou pe donn sa lasirans ki nou pe entansifye zefor aktyelman, pou rekiper reveni ki nou annan.  Selman parey CEO osi in eksplike i annan sa prose legal osi tou ki ennler nou bezwen swiv donn premye notis 2enm 3enm petet dan lepase i annan ki’n neglize pa’n fer selman avan ou kapab ale tire ou bezwen montre sa step ki ou’n swiv, espesyalman si ou pe al lo Rent Board.  So ki petet ki nou allow sa process to happen.  Mersi.

 

MR SPEAKER

Mersi PS Thésee.  Bon mon krwar mon pou bezwen akoz mon pe ganny endike ki mon pou bezwen rann SBC lantenn 12.30, nou pou kontinyen nou pa pou kapab fini.  Nou kapab retournen apre midi, me akoz mon en pti pe nou pou kas nou lagreman ki nou gannyen avek SBC – ok?  Ale Onorab Ramkalawan.

 

HON WAVEL RAMKALAWAN

Mr Chairman mon’n ekout sa ki PS Thésee in dir, me selman nou pa bliye, ki poudir nou fek pas dan SBFA e lefe ki nou fek pas dan leksperyans SBFA ki en Lotorite direkteman anba Minister Finans e tou sa bann zafer in arive!

So i pa donn nou gran konfyans ki poudir sa ki nou pe koz lo la i pou ganny rezourd.  E nou, nou pa pe koupe nou pe dir parske sel fason pou zot retourn ankor devan nou.  E napa problenm avek sa!  Eski i annan en problenm pou zot vin ankor devan nou pou zot donn nou en update?

E enn bann fason pou nou fer sa, se atraver FPAC e apre pou vin devan Lasanble.  E parey nou vwar ki i annan plizyer Lazans, e tousala i ede pou ki i annan plis lankourazman ki nou donn zot lankourazman zot fer zot travay pli byen, e keksoz i mars pli byen pou nou pei.  So sa R2.5milyon la mon krwar nou pe ensiste lo la.  Mersi.

 

MR SPEAKER

Right.  PS Thésee.

 

PS DAMIEN THESEE

Mersi Mr Speaker.  Le pwen ki ou’n fer sorti, nou napa okenn issue avek vini pou donn lenformasyon plis, me nou pa neseserman bezwen freeze pou nou vini.  I pa as if ou bezwen atrap nou pou nou vini.  So anytime atraver FPAC, nou kapab vini ek detay pou montre bann arrears sirtou over the years ‘16, ‘17, ‘18 montre zefor ki nou fer pandan 2018 espesyalman atraver IEA atraver sistenm ki nou met an plas, pou rekiper sa larzan si zot bezwen vwar lalis debtors nou a montre zot lalis debtors ki’n ganny mete lo sistenm akoz avan ti napa okenn keksoz – konmsi ki i pa neseserman freeze li.  Akoz son Bidze li i vreman tight i napa vreman much space for waste.  So konmsi annou allow en proper process zesyon Bidze pou pran plas.  Mersi.

 

MR SPEAKER

Ok mon ava …  Mersi PS.  Mon ava hear Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair lo sa size i annan en size ki mon krwar pa’n ganny klarifye, mon ti a kontan konmsi klarifikasyon lo la.  Premyerman par egzanp 2an pase Gouvernman ti pran repran later avek Dr Ramados ki’n donn bann dimoun pou devlope e apre Dr Ramados ti met bann dimoun Ankour.  So i annan sa bann case

 

MR SPEAKER

Non. Annou …

 

 

HON SEBASTIEN PILLAY

non, non i tie-in ek sa

freeze, Mr Chair!  Lo sa freeze lo sa freeze … ki mon pe vin lo la

 

MR SPEAKER

Attends, Attends Onorab, mon annan 3minit pou mwan rann lantern SBC.  Size ki devan nou se i annan en amount ki’n ganny sizere pou freeze e Finans pe dir non pa freeze.  Se sa ki nou pe koz lo la annou fer li brefman.

 

HON SEBASTIEN PILLAY

Mr Chair mwan mon krwar propozisyon ki’n ganny fer si nou fer li nou freeze sa amount – i mwan mon vwar li ok mwan!  Akoz mon vwar li ok, akoz i pa afekte Bidze son Bidze li.  Minister Finans i a vin avek son bann detay, i ava rule out son progranm and then i ava an akor, akoz nou pa pe retir sa Bidze i pe reste within son Budget.  So that’s it.  Nou pa pe koupe.

 

MR SPEAKER

Se sa ki mon oule tande Onorab Pillay, mersi.  Mon krwar lentansyon Onorab Pillay in koze konman en Manm FPAC osi lentansyon ki Lasanble i le fer se i up performans sa bann diferan Lazans, se sa ki nou anvi vwar right?  So propozisyon ki devan Lasanble, se vot ki nou pou pran lo Bidze IEA Industrial Estate Authority se son Bidze less R2.5milyon mon kalkile i fer, vote for the whole amount i fer R2.5milyon i ganny freeze e in the next 6 months zot retourn devan FPAC.  So nou pou vot pou zot Bidze antye R27, 859milyon ki form par sa Schedule e i baze lo paz 78 ziska 82.  Mon a demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  Mon rikord 25 Manm ki’n vot an faver.  E personn kont.  Mersi.

 

MR SPEAKER

Mersi.  Savedir Bidze pou Industrial Estate Authority in ganny aprouvasyon Lasanble Nasyonal.  Bon mon ti a kontan avan nou break remersi CEO Athanasius, Mr Quilindo, Mr Toussaint, Ms De Commarmond e Ms Fred mersi bokou.  E VP ankor enn fwa mon krwar ou pou retournen apre midi, e apre midi mon oule fer bann Manm konnen ki nou pe pran Departman Foreign Affairs apre Departman Defans.  Bon nou pou break la e mon pe rann 30minit SBC nou pou repran lantenn e osi 30minit bann Manm, nou pou repran lantern 1.30, me zis avan nou ale mon ava donn parol CEO Athanasius.

 

CEO MRS LUCY ATHANASIUS

Mersi Mr Chair.  Mersi tou bann Onorab pou donn nou sa lokazyon pou vin prezant nou Bidze pou defann nou Bidze.  Mersi pou sa freeze!  Mersi pou tou nou ava vwar ou dan 6 semenn 6 mwan.  Mersi.

 

MR SPEAKER

Mersi CEO.  Mon krwar lentansyon Lasanble i bon, i pozitiv, napa nanryen pou enkyet ladan. nou anvi ki i annan performans dan nou pei.  Wi mersi bokou so nou ava adjourn e nou repran nou travay 1.30.

 

 

(BREAK)

 

DEPARTMENT OF FOREIGN AFFAIRS

 

MR SPEAKER

Bonn apre midi tou Manm Onorab.  Bonn apre midi tou dimoun ki a lekout.  Bonn apre midi spesyal ankor pou bann manm dan delegasyon Vis-Prezidan sa se SS Barry Faure, Mr Jimmy Finesse Direkter Zeneral pou Human Resources e Ms Floria Cesar ki Financial Controller e i sorti dan Departman Foreign Affairs enlot Departman ki tonm anba Lofis Vis-Prezidan.  Vis-Prezidan pou kontinyen ganny akonpannyen par PS Damien Thésee e Ms Verghese, Ms Tamatave ki sorti kot Minister Finans.  Bon PS Thésee ou ava gid nou lo paz Schedule.

 

PS DAMIEN THESEE

Mersi Mr Speaker.  Nou ava pran paz 42 kot pou Departman Foreign Affairs pou en sonm R108.810milyon.  Mersi.

 

MR SPEAKER

Mersi PS Thésee.  Bon okenn Manm ki.  Yes Onorab Valmont nou konmanse.

 

HON JUDE VALMONT

Bonn apre midi Mr Chair.  Bonn apre midi a tous.  Mon konmans avek en kestyon lo revi Scheme of saler.  Nou’n aprann atraver lentervansyon Minis dan son prezantasyon Bidze  ki in annan revi Scheme saler bann diplomatic staff ki baze kot Headquaters mon konman en ansyen travayer Foreign Affairs mon welcome sa.  Me mon al en pti pe pli lwen pou demande eski in annan okenn konsiderasyon pou revi Scheme bann non-diplomatic staff dan sa Bidze ki la, ou lavenir pou bann staff ki baze kot Headquaters?  E par egzanp bann drayver bann lezot staff koumsa parey zot sekreter and what not ki non-diplomatic en?   E sa mon demande par lo la eski sa revi e Scheme saler i enkli bann zofisye protokol ki zot osi zot ganny vwar konman bann diplomatic staff dan Headquaters?

E 2enm mon ti a voudre demande eski sa Bidze ki mon konman en MNA mon pou vot lo laM eski i fer provizyon okenn fason pou amelyor kondisyon bann travayer protokol Erport? Akoz nou konnen zot fer en kantite letan erport e ti annan sa issue ki ler VIP ti sorti anba responsabilite Foreign Affairs ti al anba responsabilite Air Seychelles, zofisye ti annan staz ki zot ti napa landrwa pou poze, nou konnen alor mon pe demande si i annan okenn provizyon ki’n ganny fer pou get dan zot welfare osi?  Mersi.

 

MR SPEAKER

Mersi Onorab.  Mon ava donn laparol SS Faure oule reponn.  Go ahead SS.

 

SECRETARY OF STATE MR BARRY FAURE

Bonn apre midi Mr Chairman.  Bonn apre midi Vis-Prezidan, Leader Lopozisyon, Leader lo tou lede kote e bann Manm Lasanble ki prezan.  Nou remersye Onorab Valmont pou sa kestyon.  Wi dan sa Scheme dan Bidze pou 2019 i annan provizyon pou revwar term e kondisyon lanplwa bann travayer kot Headquaters.  Annefe i annan en provizyon bidzeter osi pandan lannen 2019 e si ou vwar i osi ogmante an 2020.

Ki vedir ki an 2019 i pou ganny parsyelman enplimante ler nou fini fer nou negosyasyon avek bann Departman konsernen sirtou Departman Ladministrasyon Piblik avek Departman Finans.  E wi nou kot Departman Zafer Etranzer, nou’n table avek sa de Departman konsernen nou demann ki nou revwar term e kondisyon lanplwa pou tou staff tou anplwayer ki kot Headquaters.

E nou ankor dan sa staz negosyasyon.  E nou pa kapab dir lekel ki pou le moman ki pou ladan ouswa non.  Fodre dir ki bann chauffeur  kote Protoko,l zot annan zot prop term e kondisyon lanplwa ki diferan avek term e kondisyon lanplwa bann Diplomat ki kot Headquaters.  Bann sekreter ouswa bann office manager zot osi zot annan zot prop term e kondisyon lanplwa ki apel kad common cadre lo nivo Nasyonal.

E nou kot Departman Zafer Etranzer nou napa en zesyon lo sa term e kondisyon lanplwa sa bann travayer ki tipikman ganny kategorize dan common cadre staff lo nivo Nasyonal.  Nou osi pe get dan posibilite an deor term e kondisyon lanplwa pou bann zofisye protokol ki bezwen detanzaot fer servis lo Erport Enternasyonal.  E i annan plizyer konsiderasyon ki nou pe fer an dyalog avek bann diferan Departman dan Gouvernman.  Mersi bokou Mr Chairman.

 

MR SPEAKER

Mersi SS Faure.  Onorab Valmont.

 

HON JUDE VALMONT

Mersi SS pou ou larepons.  Zis pou met en pe lanfaz lo sa sityasyon zofisye protokol erport.  Parey mon ti pe eksplike problenm se ki zot ti annan en problenm en biro, zot ti napa landrwa pou poze ler zot ti pe travay akoz zot pe travay bann long hours ,e la nou konnen bann flight in double.  Alor ti annan en provizyon – ti annan en diskisyon sa letan pou gete atraver bann nouvo lofis SCAA si zot pou ganny enn parmi, eski i annan okenn progresyon lo sa bout la apre mon termin lanmenm?  Mersi.

 

MR SPEAKER

Mersi Onorab.  SS.

 

SECRETARY OF STATE MR BARRY FAURE

Mersi Mr Chairman.  Mr Chairman nou negosyasyon avek Lotorite Lavyasyon Sivil osi byen ki avek bann lezot partner dan Gouvernman, pou nou vwar ki mannyer nou kapab amelyor kondisyon bann travayer protokol ki bezwen detanzaot al fer zot servis lo Erport.  E nou bann anplwayer i konnen kwa ki bann propozisyon ki nou pe met devan dan nou negosyasyon.  Mersi Mr Chairman.

 

MR SPEAKER

Mersi SS.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon annan de kestyon pou SS Faure.  Mon ti a kontan premyerman strikteman lo Bidze ki SS i kapab eksplik nou, nou note en logmantasyon dan well plito stab basic pay, me selman i annan en logmantasyon zeneral dan wages and salaries in cash, basic pay i reste parey me selman nou vwar seksyon allowances ogmante par R3.6milyon, ki fer en logmantasyon ase signifikan apepre 7poursan.  Wages pa ogmante basic pay me allowances i ogmante en kantite.  So eski SS i kapab eksplik nou ki mannyer zot in zot kapab zistifye sa?  Sa i mon premye kestyon.

Mon 2enm kestyon se i annan pou fer SS avek lefikasite e nesesite pou bann diferan misyon bann diferan diplomatik Seselwa dan diferan pei aletranze.  Lo sa kote latab nou ase konsernen ki i annan serten pos diplomatik ki pe travay bokou e anba bokou stress, tandis ki i annan lezot pos diplomatik, ki ennler ou demann ou lekor si i kapab fer pli byen?

Alors mwan pli spesifikman mon ti a kontan demann ou pou pos Lanbasad Sesel Belgique, Brussel.  Dan en rankont avek Linyon Eropeen dernyerman, bann Diplomat Eropeen in konfirmen ki zot a kontan vwar en reprezantasyon dan sa Lanbasad pli larz, plis staff pou reponn a sa kominikasyon ki pe pase ant bann Gouvernman Eropeen avek nou reprezantasyon Brussel.

E mon kapab dir osi ki dan en vizit dernyerman dan sa Lanbasad, mon’n antann menm mesaz ki bann ki sa de madanm prensipal ki la ki vreman mon enpresyonnen par zot kapasite travay, me selman i lenpresyon ki zot understaffed.  Alors mon kestyon SS, eski dan sa bann ler ou’n revwar ou stratezi pou lannen prosenn pou sa Departman eski ou’n re allocate bann resours la kot ou santi sa bann resours i devret kapab ale, e pou ganny en pe plis lefikasite?  Mersi.

 

MR SPEAKER

Mersi Onorab Ferrari.  SS Faure.

 

SECRETARY OF STATE MR BARRY FAURE

Mersi Mr Chairman.  Mr Chairman mon remersye Onorab Ferrari pou sa de kestyon.  Premye kestyon lo akoz i annan en logmantasyon dan allowances.  Si nou tourn lo paz 34 sa dokiman ki devan nou, pou pardon wi 34 annefe i ale ziska 45 nou pou vwar i annan sa ‘item approved new spending initiatives’ e i annan la lo paz 45 alors en ‘new spending initiative’ ki apel Scheme of Service ki nou fek koz lo la term e kondisyon bann travayer.  E nou vwar poudir i annan en provizyon pou R2.42milyon dan Bidze 2019 ki nouvo e sanmenm sa ki fer ki i annan sa ogmantasyon.

2enm kestyon ki en kestyon en pti pe pli zeneral, i en kestyon enportan lo nesesite pou tou bann Lanbasad aletranze e pli spesifikman Brussel.  Nou pe fer aktyelman depi lannen pase, en legzersis pou vwar nesesite nou bann Lanbasad e ki mannyer nou kapab revwar lafason ki nou devret pe itiliz bann Lanbasad deor.

Dan nou plan stratezik 2020 ki en dokiman piblik ki lo nou sit web i fer kler ki nou stratezi se pou ranforsi nou bann Lanbasad sirtou dan bann sant miltilateral tel ki Nasyon Ini, New York e Geneva, Brussel kot parey ou’n dir leker Linyon Eropeen e osi byen ki Addis Ababa leker Linyon Afriken.  E dan lenplimantasyon stratezi sa stratezi annefe nou fer sir ki nou annan plis personnel plis anplwaye dan sa bann diferan sant e nou deza konmans plas dimoun dan sa bann sant.

Kot i konsern Brussel annefe nou retourn i vre lo sa ki Bidze i prevwar pou nou se a dir de Diplomat ki nou annan depi louvertir Lanbasad an 2006, nou mentenir sa sif de me selman ki nou fer nou apartir sa lannen avek laprouvasyon Gouvernman se ki nou redwir fardo lo bilateral lo Brussel pou fer li konsantre plis lo miltilateral, si avan par egzanp Lanbasader ti akredite avek 6 pei e menm ti annan en lepok kot i ti akredite avek 12 pei prezan nou redwir sa par en kantite pou fer ki i akredite prezan i pou akredite zis avek 3 pei se a dir i pou akredite avek Brussel li menm li kot i baze avek Luxembourg avek Lae e apar sa i pou akredite avek bann lorganizasyon miltilateral ki la Brussel e la nou pe koz lorganizasyon ASP Lorganizasyon bann Lenstitisyon Linyon Eropeen e nou pou osi parkont fer li akredite avek LMC Lorganizasyon Mondyal pou Komers ki baze Geneva e sa pa nesesite akoz nou napa en Lanbasader ki baze Geneva i enportan ki en Lanbasader ki vreman ganny akredite avek AMC.  An fezan sa nou Lanbasad Brussel pou kapab fokaliz plis e donn plis latansyon a zot biznes miltilateral nou pou vwar.  Alors dan kour lenplimantasyon nou stratezi 2020 gete ki mannyer sa i marse, e si nou vwar poudir i ankor i annan en problenm, nou ava revwar nou stratezi si fodre ogmante nou ava byensir donn sa konsiderasyon ki merite.  Mersi bokou Mr Chairman.

 

MR SPEAKER

Mersi SS.  Onorab Ferrari.

 

HON JEAN-FRANCOIS FERRARI

Mr Speaker mersi.  Mon ava kontan azoute SS i annan mon demann sa kestyon lo allowances, akoz mon ase konsernen avek en sityasyon bann staff diplomatik dan bann Lanbasad aletranze, zot spouse – zot madanm oubyen zot msye, i difisil pou zot travay.  I annan enn de ki gannyen en pti louvraz, me selman vi ki zot akonpanny zot spouse ki enportan, zot – i annan bokou plizyer ki’n kit en travay isi, en travay profesyonnel isi pou zot akonpanny zot spouse.

E mon krwar ki on average sa ki zot gannyen, $600 konman en pti Konpansasyon – ki sa i fer en gran dekourazman.  Mon ti a kontan konnen si dan zot refleksyon dan sa Scheme of Service, zot in sey pran an konsiderasyon sa konsern.  E an menm tan, eski zot in pran an konsiderasyon pou esey met lo menm lo preski menm nivo me sey aranz bann saler bann Anbasader, pou ki napa tro bokou disparite?

I annan anbasader ki li i kapab lobby en pe pli byen Gouvernman i ganny en pli o saler, me selman ou a krwar konmsi napa en armonizasyon dan sa kad siperyer la anler pou bann Anbasader sirtou ant bann ki’n deza Minis oubyen annan en plas ase enportan ek bann, bann Diplomat de karyer.  So lo sa de pwen mon ti a kontan si ou kapab eklersi bann dimoun konsernen.  Mersi.

 

MR SPEAKER

Mersi Onorab.  SS.

 

SECRETARY OF STATE MR BARRY FAURE

Mersi Mr Chairman.  Sa pwen ki Onorab Ferrari in fer Mr Chairman i en pwen ki valab akoz nou kot Departman Zafer Etranzer nou pa’n osi nou pa’n zis fer en propozisyon pou revwar, term e kondisyon travay bann anplwaye ki kot Headquaters me osi byen term e kondisyon travay nou bann anplwaye ki baze deor dan bann pos diplomatik.

E sa i enkli osi bann spouse.  E nou an negosyasyon konsiltasyon avek bann nou bann partner dan Gouvernman, sirtou Departman Ladministrasyon Piblik avek Departman Finans, pou nou vwar ki bann sanzman ki kapab ganny fer.  E wi nou konfirmen ki nou propozisyon ki nou pe fer, i adres term e kondisyon bann travayer ki deor an zeneral, e spesifikman kot i konsern bann spouse nou pe osi adres sa pwen.

E mon krwar i en pwen ki ganny partaze lo tou lede kote dan Lasanble, akoz mon konpran ki i menm annan en diskisyon dan Lasanble lo sa size.  Mersi bokou Mr Chairman.

 

MR SPEAKER

Mersi SS.  Onorab Waven William.

 

HON WAVEN WILLIAM

Mersi Mr Speaker.  Bonn apre midi SS Faure avek ou lekip.  Mr Chairman mon oule poz mon kestyon an relasyon avek ‘current challenges bullet point’ kot i pe koz ‘inadequacy insufficient services to public and international stakeholders inability to employ and retain staff’ ki vin en pti pe lo sa laliny ki Onorab Ferrari in koz lo la, an menm tan nou pe koz cost of revenue akoz zot pa ankor enplimant en sistenm kot kapab anmas larzan taks deor.

SS Faure mon ti a kontan met devan ou ki saler debaz Sesel i pe al R5250 apartir lannen prosen.  E prezan letan ou pe regard bann spouse bann zanfan bann Diplomat mon santi poudir si nou pa fer keksoz mon kontan tande poudir i annan revizyon pe al ganny fer.  Me selman ti a bon pran kont sa bann saler debaz isi.  Akoz letan ou konpar lavi deor avek lavi Sese,l e mon pou tonm dakor avek mon bann koleg Onorab ki’n koze oparavan, ki i annan sa nesesite – en gran nesesite akoz mwan mon santi poudir tro bokou letan nou trenn lipye lo la e letan nou trenn lipye lo la, nou bann dimoun in travay dan en lanvironnman en pti pe pa tro favorab.

Alors mon ti ava demande ki sa i vreman ganny pran o serye.  Akoz ou pe koz zanfan teenagers avek zanfan ki dan lakres, e kou laba deor avek isi, pa parey.  So mon ti ava demande ki i annan en vreman en comprehensive review, ki vreman ou pa ava pe perdi staff, me retenir bann staff.

Mon lot pwen Mr Chairman se ki mon vwar poudir lo ‘major achievements’ ki nou pran la prezidans COI.  E ankor lo kote Polisi e prensip mon ti ava demande lefe ki sa pos i pou 1an, ki vreman Sesel i son plan vizavi ki in pran pos COI la prezidans, pou sa 1an?  Akoz pou nou koman bann Manm Parlman, nou vreman enterese akoz COI i en lorganizasyon sub regional ki pou nou, si nou zer li byen, nou kapab fer plis ler nou al sot nou bann lezot kontinan.  Mersi.

 

MR SPEAKER

Mersi Onorab William.  SS Faure.  Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  Mr Chairman mon a reponn 2enm kestyon ki Onorab William in mete.  Wi Sesel in pran la prezidans COI depi le 13 Septanm sa lannen.  E lanfaz ki nou pe mete se lo sekirite maritim nou lespas losean.  Se Lekonomi Ble ; se devlop en lespas kot bann pa zis zil Losean Endyen me bann zil Afriken, i kapab annan en platform pli for lo nivo an deor Lafrik.  E notaman nou pe koz lo nivo ACP kot nou kapab i annan serten similarite, kot i annan en plis lafors pou nou kapab fer bann negosyasyon.  E la nou pe koz pos Cotonou, so i montre nou ki sa lapros ki nou pe pran lo nivo COI, i annan serten retonbe ki an deor la rezyon e en keksoz pozitiv pou montre ki la COI pe fer.

Nou pe osi get modernizasyon nou lorganizasyon, depi 1984 ler Lakor de Victoria ti ganny sinyen.  I annan nesesite ki nou revwar.  E se pou sa rezon ki nou pe de plway en zofisye ziridik pou met laba pou ede dan sa prosesis, ki apre nou ava ganny sans etabli en linite ziridik, ki pou ed tou sa bann lakor ki nou annan avek tou bann manm, bann lezot partner.  E osi an menm tan antre dan en dyalog avek bann pei an deor COI pou siny bann Lagreman ki si oule pou permet ki nou protez sa lespas Losean Endyen ki i en menas pou nou e pou zot.

E an menm tan i a met an sekirite sa lespas losean ki nou tou nou apel kot nou.  So lala de mo plan ki nou annan.  Nou term i 1an, be nou pou annan en 2enm miting ki pou fer semenn prosenn.  Annefe Lendi la, kot Sekreter Zeneral e son lekip pou zwenn mwan isi.

Mon ti zwenn zot le 14 zis apre ki nou ti pran la prezidans, pou nou kapab etabli bann gran travay pou mwan apresye travay ki zot pe fer e konsey de Minis pou aprouv fer derout prezidans Seselwa tou lo son bann 4 gran pwen ki mon dir ou e ki nou pe al aprofondir lo la Lendi.  Vwala Mr Chairman lo 2enm kestyon mon ava pas SS pou pran premye kestyon.

 

MR SPEAKER

Mersi Vis-Prezidan.  SS Faure.

 

SECRETARY OF STATE MR BARRY FAURE

Mersi bokou Mr Chairman.  Mr Chairman sa kestyon ki Onorab Waven William in poze i parey sa kestyon ki Onorab Ferrari in poze.  E mon le konfirmen ki nou mon le konfirmen Mr Chairman, ki propozisyon ki nou fer pou revwar term e kondisyon term e kondisyon travay bann nou bann anplwaye deor, i osi enkli propozisyon pou revwar sa alokasyon, sa larzan ki nou donn zot dimoun zot partner ki akonpanny zot, osi byen ki zot zanfan.

E sa en keksoz ki nou pe fer li nou fini fer en propozisyon.  Nou’n fini soumet en propozisyon avek Departman Ladministrasyon Piblik pardon avek Departman Finans.  E nou annan plis ki en round diskisyon deza, avek de Departman.  E plan se pou nou kontinyen fer li o kour lannen prosenn alors mon le konfirm sa san ki al dan bann detay.  Mersi bokou Mr Chairman.

 

MR SPEAKER

Mersi SS.  Mon ava pas laparol avek PS Thésee.

 

PS DAMIEN THESEE

Mersi Mr Speaker.  Petet ti a bon osi note ki kad saler diplomatik ler i ganny konsepte i konsider bann cost of living index.  So i pran konsiderasyon kou lavi dan bann diferan pei e petet se pou sa osi kekfwa i annan bann diferan saler pou bann Anbasader, ou even bann lezot teknisyen dan bann diferan pei.

Akoz sak pei i annan son sort of cost of living index.  E i annan sa foreign service allowance ki ganny donnen ki ganny konsep pli zou mwen pou kouver sa cost of living.  E on top of sa foreign service allowance i annan bann clothing allowance ki ganny donnen i annan sa spouse allowance ki i ganny donnen even if kekfwa over the years prezan i merit revize.  E i enportan osi note ki pou bann kad Anbasader zot package i pou zot, e Leta i pey akomodasyon total even pou bann lezot teknisyen.

Me parkont bann Anbasader zot ganny free utilities savedir delo, gas pou bann sirtou bann pei Lerop elektrisite, telefonn e internet.  Savedir i annan konsiderasyon ki ganny pran pou kad Anbasader pou cater enpe sa bann challenge.  So zot saler at the end of the day i totalman pou zot including sa foreign service allowanc,e pou cater sa bann issue ki pe anmenn osi spouse avek zanfan sirtou bann anba 18an konpare avek en isi Sesel si ou travay ou saler i sa cost of the job e ou bezwen rod sa larzan pou pey ou prop rent ou menm.  So in ariv ler petet pou revize me in ariv ler pou pandan diskisyon 2019, pou nou vwar kwa sa bann keksoz ki annan dan sa bann foreign service cadre, pou nou enplimante an 2020.  Mersi.

 

MR SPEAKER

Mersi PS.  Onorab William.

 

HON WAVEN WILLIAM

Mersi Mr Chairman.  Mr Chairman mon ti ava demande osi ki konsiderasyon – mon pa konnen si sa pe ganny fer ki konsiderasyon i ganny pran osi pou risk allowance.  Akoz i annan bann misyon Sesel aletranze ki anba bann risk klimatik.  Ou annan par egzanp sekirite.  E mon pe demande ki sa i pran an kont akoz sa dan li menm mon ekout PS Thésee koze, me mon pe dir ki en revizyon konpreansiv.

E SS Faure mon pa konnen mon me selman mon konn sa ki ou’n dir ki sa pou enplimante an 2020.  Me vizavi sa bann spouse pa pe travay e ou annan sa bann second secretary e third secretary zot in mont avek zot fanmir, zot sityasyon i pa vreman normal.  Eski nanryen pa kapab ganny fer konsernan en landrwa ki kapab ganny koupe kot zot kapab ganny en pti lasistans pou zot kapab fer fas avek sa lavi?   Akoz pa bliye poudir en madanm konpare avek en zonm pou li sanze pou li reprezant Sesel deor, i bezwen depans bokou.

Alors si ou pe konmans avek 800 epi lannen prosenn pou donn 400 Euro sa dan li menm li si ou pe konpar ou annan liver avek lite pou sanze deor konman en Diplomat, ou reprezant ou pei, mon ti ava demann SS Faure pou regard sa bout si zot kapab enplimant li o pli vit posib.  Mersi.

 

MR SPEAKER

Mersi Onorab.  SS Faure.

 

SECRETARY OF STATE MR BARRY FAURE

Mersi bokou Mr Chairman.  Si mon ti kapab enplimant li mon ti a fer li ozordi ouswa yer.  Mr Chairman sa kestyon Onorab William lo risk allowance ; nou’n  dan nou propozisyon ki nou’n fer avek Gouvernman i avek sa de Departman mon a presize avek Departman Ladministrasyon Piblik e avek Departman Finans, i osi enkli en propozisyon pou konsider risk allowance, ki kouver tou lede kestyon klima konman kestyon sekirite.  Mersi bokou Mr Chairman.

 

MR SPEAKER

Mersi SS Faure.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair lo sa latab ki in donn nou par Minister Finans mon ti a kontan lo premye paz fer referans avek ‘allowance’.  I annan ‘returning graduates allowance’ ki aparet diferan fwa dan sa seri ‘allowance’.  So mon pe sey konpar li avek sa lot ‘housing allowance’ ki aparet la kot avan ti R14milyon, me la in ganny separe dan diferan landrwa so mon ti a kontan konnen ki sa diferans ant sa de ‘returning graduate allowance’ akoz dernyen fwa dan Suplementary Budget sete an referans avek ‘housing allowance’.  So akoz i annan housing apre i annan ‘returning graduate allowance’?  Lot se an referans avek lo son 2enm paz i annan medical sorry lo menm paz 2enm kot ‘wages and salaries’ i annan ‘medical fees’ letan nou gete lannen pase lo 2enm laniy ti R2.8milyon e la sa lannen nou vwar in vin R268mil lo sa laliny apre R116mil lo sa lot laliny apre i kontinyen desann R1.2milyon so i kontinyelman desann lo la.

Selman mon ti a kontan konnen ki vreman sa, akoz lannen pase i ti 0 e la i annan bann sif signifikan so mon ti a kontan ganny en pe leksplikasyon lo sa?  Apre nou annan osi ‘official gifts’ mon pe sey rode pou si Prezidan i voyaze Prezidan i prezant son ‘official gifts’ e sa i ganny take up for anba ‘allowance State House. ’

        So mon pe sey rod en pti pe ki vreman sa i reflekte?  E letan nou pe get lo programme 2 SS mon pou anmenn ou spesifikman lo paz 47, nou vwar sa i konsern international relations.  E nou vwar ki i annan en logmantasyon signifikan sorti R27milyon pou vin R35milyon.  E nou konnen ki ti en pe sa unit dan Foreign Affairs ti’n ganny pou en rezon ou en lot, ti bann staff ti’n ale, eski sa i vedir re lentegrasyon? E si sa re lentegrasyon sa unit konbyen staff prezan pou annan dan sa unit?  Apre lo paz 44 SS, i annan ‘maintenance and repairs’ mon vwar in sorti R2.7milyon in mont R3.5milyon eski nou kapab ganny en lesplikasyon lo kwa ki pou ganny repare ki signifikan ki mont par apepre R1.2milyon?  Mersi.

 

MR SPEAKER

Mersi Onorab.  PS Thésee.

 

PS DAMIEN THESEE

Mersi Mr Chair.  An sa ki konsern ‘housing’ anba ‘wages’ ou annan en ‘returning graduate housing allowance’ sa i standar pou tou sa bann graduates ki ganny graduate allowance me parkont dan ‘goods’ e parkont dan ‘wages in-kind’ plito ou vwar sa bann akomodasyon ki ganny peye pou sa bann diferan Lanbasad pou staff, ki ganny poste overseas.

Avan sa ti zis dan en kod se pou kwa ou vwar pou 2018 ti R14milyon dan en kod me ki in fer pou 2019 nou kas li dapre son bann diferan Lanbasad i annan diferan programme kod allocate avek li e sa i osi pou insurance menm zafer.  Pou ‘medical fees’ zot bezwen pey insurance pou tou staff deor, ki evantyalite ki zot bezwen servis lasante zot gannyen.  E ankor nou kas li pou reflekte diferan Lanbasad.  ‘official gifts’ osi menm issue bann Lanbasader i sipoze dan zot manda dan zot fonksyon si i neseser zot pe zwenn bann o Diplomat zot reprezant pei kan i neseser zot donn ‘official gifts’ e nou vwar sa sonm ase ba R318mil ki’n ganny cater.  Pou ‘maintenance’ pli gran sonm aktyelman i pou Paris akoz Paris aktyelman kot Lanbasad i été i osi building ki pou Gouvernman i annan flat lo la so ou annan Lanbasad anba apre son flat i anler so i annan apepre R700mil ki’n ganny mete pou renovate sa building next year en touch basically.  Mersi.

 

MR SPEAKER

En moman Onorab Andre.  SS Faure.

 

SECRETARY OF STATE MR BARRY FAURE

Mersi Mr Chairman.  Mr Chairman i annan sa kestyon ki Onorab Clifford Andre in poze lo sa nouvo unit – in dir ki in ganny kree kot Departman Zafer Etranzer.  Sa avek bann sanzman ki nou’n fer dan striktir depi konmansman sa lannen, i annan esansyelman en striktir ki son travay prensipal se Polisi Zafer Etranzer.  Epi i annan en lot striktir en lot divizyon ki li i travay plis lo lenplimantasyon sa Polisi kot i konsern mobilizasyon bann resours pou benefis pei.

E sa se en divizyon ki apel international corperation and regional integration setadir Korperasyon Enternasyonal e lentegrasyon rezyonal.  E i annan en Direkter Zeneral ki ansarz sa Divizyon e i annan de unit dan sa Divizyon.  Enn ki get kestyon korperasyon Enternasyonal sipoze annan en direkter ki ansarz sa unit avek 5 staff Diplomat pou travay avek li.

E 2enm unit i zafer en direkter ki ansarz en unit ki apel Lentegrasyon Rezyonal avek 5 staff pou travay avek li.  I fer ki i annan dan sa Divizyon en total 13 pos zofisye diplomasi.  Sa striktir ki’n ganny kree, bann pos osi ki’n ganny aprouve par Departman Ladministrasyon Piblik, ki prezan en kestyon enplimante.  Parey ou konnen sa sanzman dan striktir in ganny fer pandan en lannen bidzeter e nou bezwen konmans gete ansanm avek Departman Finans, ki bann pos ki nou kapab ranpli baze lo sa ceiling bidzeter ki nou annan pou 2018 e osi byen ki pou 2019.

Alors nou’n kapab nou o kour 2018 kapab ranpli en pe sa bann pos ki’n ganny kree.  An 2019 nou ava kontinyen fer li.  E an 2020 nou espere nou a kapab konpletman ranpli sa 13 pos ki nou pe dir.  Pou le moman i annan serten pos ki’n ganny parey mon dir frozen e ki’n ganny bloke akoz napa sifizaman lespas finansyel pou kapab ranpli zot.  Mersi bokou Mr Chairman.

 

MR SPEAKER

Mersi SS.  Onorab Andre.

 

HON CLIFFORD ANDRE

Mersi Mr Chair.  Mr Chair PS Thésee in dir nou Paris koriz mon si mon mal in dir Paris R500mil in ganny met de kote R700mil in ganny met de kote pou fer sa travay.  Be sa logmantasyon i plis ki R700mil.  So mon pe sey konpran akoz nou sorti lo sa R2.7milyon nou ariv lo R3.5milyon si nou pe dir R700mil savedir i pa sa i annan keksoz ki pa add up so eski PS i kapab klarifye nou?  Mersi.

 

MR SPEAKER

Mersi Onorab Andre.  PS.

 

PS DAMIEN THESEE

Petet allow mon pou klarifye lo pe koz lo ‘maintenance’ non?  Oubyen an zeneral?  Akoz pou ‘maintenance’ i annan R300mil an 18 e in monte pou vin R1milyon.  So sa R700mil i baze dan sa Paris ; oubyen spesifye spesifikman lekel laliny ki ou pe demann klarifikasyon?  Mersi.

 

MR SPEAKER

Yes Onorab Andre.

 

HON CLIFFORD ANDRE

Mersi Mr Speaker.  Mon lo paz 44 PS kot i met ‘maintenance and repairs’ mon pe dir sa sonm in sorti R2.730milyon e in mont R3.547milyon.  So sa se sa lesplikasyon e ou dir i annan R700mil unless i ganny kategorize dan laliny ki i diferan avek kot  mwan mon pe gete posibleman.

 

MR SPEAKER

Yes PS Thésee.

 

PS DAMIEN THESEE

Mersi.  Well annefe sanmenm ki nou pe dir sa R700mil sa R2.7milyon azout R700mil i fer R3.4milyon apre roughly sa diferans R100mil i annan lezot Lanbasad ki’n kase osi ki nou donn li bann very small amounts pou maintain zot bann lofis basically.  Selman the major one ki fer sa diferans R2.7milyon pou vin R3.5milyon ki R800mil the major one i sa R700mil pou Paris.  Mersi.

 

MR SPEAKER

Mersi PS.  Onorab Aglae.

 

HON EGBERT AGLAE

Mersi Mr Chair.  Bon apre midi SS Faure e ou delegasyon.  Mon kestyon i kouver programme 2 kot i konsern ‘international relations’ kot R92milyon pe ganny mete dan sa Bidze pou 2019.  SS mon ti a kontan konnen kot i konsern bann Lagreman Bilateral, Miltilateral i osi annan bann Trete osi, eski sa larzan ki nou pe donn zot la, nou pou vwar en amelyorasyon kot i konsern bann swivi ki bann Lagreman ki Sesel i fer avek bann partner enternasyonal, anliny avek bann protokol ki swa dan domenn ekonomik, pou fer ki nou napa bann lenstans kot ler petet i annan en delegasyon ki al deor Prezidan i a fer serten komitman, apre napa swivi avek sa Minister ouswa entities e Sesel i perdi.

Eski atraver sa Bidze la nou pou vwar amelyorasyon dan sa bann areas ki mon nonmen?  E dezyenmman osi kot i konsern bann Trete ki nou bezwen ratifye ki dan faver Sesel, kot nou menm nou Lasanble nou vwar ki dan lepase in annan bann lenstitisyon ki’n vini ki pe tay avek serten keksoz pou nou ratifye, eski la nou pou vwar ki bann keksoz pou ganny met azour, kler, avek son letan rezonnab ki tou keksoz i ava mars byen?  Mersi.

 

MR SPEAKER

Mersi Onorab.  SS.

 

SECRETARY OF STATE MR BARRY FAURE

Mersi bokou Mr Chairman.  Mon krwar sa de kestyon ki Onorab Aglae in poze, i de kestyon ki reel – de kestyon ki tous la realite pratik.  E nou kot Departman Zafer Etranzer, nou annan en unit annefe ki atase avek biro Sef Egzekitif sa Departman, ki son rol spesifikman se i spesyaliz dan Lalwa Enternasyonal e Drwa Imen – International Law and Human Rights Unit.

E i annan pou sakenn sa bann paramet ki ou vwar dan nou plan stratezi ki’n ganny reflekte osi dan progranm ki ou’n fer referans avek, i annan en plan operasyonnel oubyen en plan de implimentation ki’n ganny devlope, pou sakenn bann target sak sa bann paramet.

E ki enkli travay avek bann diferan lezot Minister, Departman e Lazans dan pei ki konsernen direkteman avek lenplimantasyon sakenn sa bann Lakor ki ganny sinyen akoz i vre ki nou kot Departman Zafer Etranzer nou responsabilite pou kordin e revwar negosyasyon e sinyatir bann rapor.

Me souvandfwa sa ki enplimant sa bann Lakor se bann diferan Minister, Departman e Lazans dan pei.  E se zot sa bann Departman, Lazans e Minister responsab pou fer sir ki sa bann lakor i ganny byen enplimante.  E nou, nou’n met li dan nou plan travay, dan nou plan operasyonnel pou fer sir ki nou travay avek sa bann Minister, Departman e Lazans konsernen, pou fer sir ki i annan swivi neseser lo ki mannyer sa bann lakor enternasyonal ki konsern zot sekter, pe ganny enplimante.

Alor sa in deza ganny revwar dan zot plan operasyonnel, pou fer sir ki sa bann diferan target ki nou’n mete pou sak paramet, i ganny enplimante.  Kot i konsern ratifikasyon bann Trete i sa i en lot nivo byensir, akoz apre ki en Trete in ganny sinyen, i bezwen ganny ratifye par Konsey Minis e apre par Lasanble Nasyonal.

Sa osi i form dan nou plan travay operasyonnel e sa i sa unit mon dir  ki la – unit pou Lalwa Enternasyonal e Drwa Imen ki konsernen pou fer sir ki sa i ganny adrese.  Byensir i pou annan bann kontrent.  Akoz nou annan 6 pos annefe dan sa unit e sa i enkli sa dimoun ki ansarz avek lezot bann zofisye, ki swa 2enm sekreter ouswa 3enm sekreter ki form parti sa unit.

E mon bezwen dir sa lezot zefor zot fer en kantite travay, akoz tou sa bann Lalwa tou sa bann Lakor ki ganny pardon tou bann Lakor ki ganny sinyen e re negosye e i retonm finalman lo zot.

Si i annan ki nouvo i bezwen tonm kot zot osi e napa zis sa i annan osi bann rezolisyon ki konsern drwa imen.  Aktyelman sa semenn la ziska Desanm i annan tou en seri rezolisyon dan 3enm komite Lasanble Zeneral Nasyon Ini e zot osi zot bezwen pe gete ki pe arive dan tou sa bann rezolisyon.  Alors i annan bokou presyon lo zot mon pe zis dir ki menm si nou annan en plan nou osi bezwen travay baze lo resours ki nou annan a nou dispozisyon.  Mersi bokou Mr Chairman.

 

MR SPEAKER

Mersi SS.  Mon a donn laparol Onorab Esparon.

 

HON REGINA ESPARON

Mersi Mr Speaker.  Bonn apre midi SS, Minis avek ou delegasyon.  Mr Speaker mon ti a zis kontan fer en leklersisman, en kestyon zeneral pou mwan demann SS ki rol en project officer oubyen bann project officer anba Ministry of Foreign Affairs?  Rezon mon pe demann sa kestyon SS se akoz ler mon ti fer vizit avek Minis Morgan boner sa lannen, lo sit konstriksyon lekol Glacis, mon ti ganny fer konpran ki project manager ki ti vin supervise sa louvraz ti sorti kot Foreign Affairs.

E letan mon pe regard sa rezilta sa louvraz la prezan Gouvernman pe al depans li R1.4milyon pou rektifye problenm ki annan avek sa konstriksyon e konstriksyon kot lekol Glacis, mon pe zis demann mon lekor SS si i efektiv pou annan en project officer ki pou supervise bann konstriksyon, kot MFA oubyen si i pa ti pou plis efektiv annan li kot MLUH kot son rol ti ava pli sa oversight ti a ganny plis supervise.  Mersi.

 

MR SPEAKER

Mersi Onorab.  SS Faure.

 

SECRETARY OF STATE MR BARRY FAURE

Mersi bokou Mr Chairman.  Mon bezwen dir ki sa osi en tre bon kestyon ki ganny poze set fwa si par Onorab Esparon.  E i montre ki i annan en nesesite ki pou tou proze ki i annan sa bann konsiltan ouswa bann enzenyer ouswa bann arsitek ki ganny peye pou fer sir ki bann proze i ganny enplimante i ganny enplimante byen.

Dan sa ka spesifik la nou bezwen dir ki nou kot Departman Zafer Etranzer i pa nou rol pou get bann kestyon teknik lo nivo enzenyer ouswa lo nivo arsitektir nou bann project officer.  Zot plito annan en rol pou fer sir ki proze ki in ganny aprouve i proze ki sa proze pe mars selon sa ki’n ganny aprouve, ki i kordinasyon pe mars byen ; ki peyman i ganny fer atan e ki i swiv sa bann diferan faz proze.  I plito lo nivo pou fer sir ki proze an zeneral i mars byen.  Me lo kote teknik la i en  lot i ava en lot Departman Gouvernman ki ava ansarz sa oubyen bann konsiltan ki’n ganny peye, pou fer sa travay ki zot fer li byen.

E si ou pe koz lo nivo sa lekol Glacis mon mazinen la i pou rol Departman Ledikasyon ki zot, zot annan kot zot en unit ki ansarz bann proze.  E se zot ki bezwen fer sir ki zot met mendev lo teren toulezour, pou fer sir ki proze pe ganny enplimante byen.  Nou project officer kot Departman Zafer Etranzer li i pa sipoze lo teren toulezour li.  Li i ava swiv en progranm ki ava get proze dan en fason pli zeneral, pli global, me pa toulezour.  E i pou napa zis sa byensir – i pou annan lezot proze ki’n ganny finanse par en bailleurs de fond ouswa en partner etranzer.  Mon pa konnen si mon fer mon lekor mon fer sa kestyon kler.  Mersi Mr Chairman.

 

MR SPEAKER

Mersi SS.  Onorab Esparon.

 

HON REGINA ESPARON

Mersi Mr Speaker.  Wi SS mon konpran sa ki ou pe dir me kekfwa pou lavenir i devret annan sa bon kordinasyon ant sa project officer kot MFA avek sa lot project officer kot sa lot Minister – kot sa keksoz pe ganny enplimante les dir ou pe ganny en Grant anba les dir Lasin pou fer en konstriksyon pou Minister Ledikasyon sa project officer kot MFA i bezwen annan sa bon kordinasyon avek sa lot project officer kot Minister Ledikasyon, pou fer sir ki louvraz i ganny delivre, ki i bon e i lo standar.  Mersi.

 

MR SPEAKER

Mersi Onorab.  SS oule fer komanter.

 

SECRETARY OF STATE MR BARRY FAURE

Non nou pran not sa propozisyon e rekomandasyon ki Onorab Esparon in fer.  Mersi Mr Chairman.

 

MR SPEAKER

Mersi SS Faure.  Onorab Simon Gill.

 

HON SIMON GILL

Bonn apre midi Mr Speaker.  Mersi Mr Speaker.  Bon apre midi SS avek ou delegasyon, koleg Onorab e manm piblik.  Mr Speaker mon pe rod en bon rezon pou mon vot an faver sa Bidze, ki’n ganny prezante par Minister Finans byensir pou Foreign Affairs.  E dan mon fouraye e konpran en pe ki pe pase mon demann SS atraver ou Mr Speaker pou dir nou si i satisfe pou sa provizyon bidzeter ki in ganny fer i ase pou fer premyerman ;

Enn – asire ki Sesel i sezi tou bann loportinite pou kapab soumet dosye pou nou ganny bann finans ki la deor an kantite, e ki i annan en kantite ki nou pe manke?   Eski sa Bidze i pou permet ou fer bann recruitmen,t met bann dimoun anplway pou nou kapab soumet bann dosye aler pou ki Sesel i osi ganny son par dan sa ki pase la deor?

Dezyenmman ou’n reponn en kestyon taler atraver Onorab Aglae mon krwar nou bezwen demann en lot kestyon lo la pou nou kapab satisfer nou lekor avan ler nou donn laprouvasyon sa Bidze ;

2enm eski ou annan an plas or eski sa Bidze ki nou pe al vot lo la i pou permet ou met bann staff an plas pou nou kapab swiv tou sa bann protokol ki Sesel i parti prenan ladan pou ki nou kapab finaliz zot e met nou azour avek tou sa bann protokol?  La dan mon lespri an partikilye ki en dosye ki pe trennen protokol en lenstriman se Konvansyon oubyen Protokol Malabo.  Partou kot nou ale nou pe tann pe koz lo la, pe koz lo la, pe koz lo la pe dir Sesel pa ankor fini met sa annord, so ki mannyer nou kapab finaliz sa zafer?

Si i annan problenm eski nou pa devret pe vin devan, met sa bann zafer azour pou ki nou kapab aret fer Sesel ganny grinyote deor, dan bann diferan lorganizasyon letan nou ale?

Trwazyenmman nou konnen ki i annan en lot size apre ki nou annan sa bann reorganizasyon lo nivo Minister, ki mon konpran pa ankor fini, me nou annan bann staff ki dapre serten lenformasyon zot la pou plis ki 10an zot lo Kontra dapre bann standar ki annan apre 2an ki i fini, zot sipoze pe ganny en hausse dan zot saler ou zot napa promosyon, sa osi i enn bann eleman ki mon pe demande, eski dan Bidze i annan provizyon pou nou kapab met sa annord?

Dernyen, dernyen pwen pou mon siport Onorab William, eski provizyon Bidze ki annan la i pou permet Minister antre e fer en revizyon konpreansiv pou nou kapab fer sir ki tou nou bann reprezantan diplomatik deor zot annan sifizaman resours, e ki zot pe ganny sifizaman peye, ki koresponn byensir avek kondisyon e kou lavi dan bann pei respektif kot zot été?  Mon pa ankor tro konvenki lo sa apre repons ki ou’n donn Onorab William.  Mersi bokou Mr Speaker.

 

MR SPEAKER

Mersi Onorab Simon Gill.  SS.

 

SECRETARY OF STATE BARRY FAURE

Mersi bokou Mr Chairman.  Mr Chairman sa dernyen pwen lo term e kondisyon bann nou bann anplwayer ki deor, mon ti a kontan donn plis detay lo sa kestyon, me i pa pou apropriye pou mon fer li a sa moman.  Mon ti a prefere ki nou konsiltasyon negosyasyon i terminen avek Departman Ladministrasyon Piblik, avek Departman Finans, pou nou apre kapab donn bann detay avek Lasanble petet atraver Komite Zafer Enternasyonal Lasanble Nasyonal.

Lo kestyon eski nou satisfe ki sa Bidze ki devan Lasanble Nasyonal pou aprouvasyon, i pou permet ki Sesel i kapab atir tou sa bann itiliz tou sa bann loportinite ki i annan deor pou nou anmenn plis benefis pou Sesel?  E pli spesifikman, eski i permet nou fer sa bann recruitment?

        O kour sa lannen nou fer bann recruitment e nou pe kontinyen fer recruitment.  Annefe si zot get bann lanons nou konstaman pe anons bann pozisyon dan medya.  E annefe sa semenn i enn semenn kot nou bann dimoun kot Departman Zafer Etranze nou bann zofisye, in fer interview avek bann dimoun, bann kandida ki’n fer laplikasyon.  Alors nou dan sa prosesis e nou bezwen kontinyen fer li e o fil an mezir ki nou ganny anplwaye dan Departman, nou bezwen osi met zot lo en progranm formasyon.  Alor mon bezwen dir ki wi sa Bidze i permet nou fer li, e nou bezwen fer li dapre nou kapasite pou nou kapab zer nou bann anplwaye pou nou kapab donn zot formasyon osi, e dan konteks lespas finansyel ki nou annan.  Byensir si nou ti kapab recruit tou bann dimoun ki lo nou nominal roll ouswa dan nou plan MBE – Manpower Budget Exercise nou ti ava fer li.  Me an zeneral nou satisfe.

Dezyenmman lo kot i konsern bann protokol i preski menm kestyon ki Onorab Aglae in poze e nou pe si oule avek bokou pasyon fer tou sa ki posib pou nou fer sir ki o fil an mezir, ki nou ganny bann anplwayer ki pe vini nou donn zot formasyon, e nou met zot dan sa plan operasyonnel pou akonplir nou bann target ki nou’n mete.

E lo kote bann travayer ki dan Departman Zafer Etranzer, wi nou fini fer re organizasyon striktirel Departman. Parey mon’n dir avan nou fini ganny laprouvasyon bann pos e nou pe fer bann recruitment selon dispozisyon finansyel ki nou annan.

E lo kot i konsern bann dimoun ki devret ganny zot promosyon, i annan ki’n deza gannyen e nou pe fer sir ki tou nou anplwaye, i ganny evalye avan lannen fini.  Nou pe fer sir ki tou nou anplwaye ki pa ankor ganny evalye ki ganny evalye, pou nou kapab vwar si zot bezwen ganny promosyon ki zot merite.  Sa en keksoz ki nou pe fer e nou an dyalog byensir avek Departman Ladministrasyon Piblik, kot i konsern serten travayer pli spesifik ki nou krwar zot devret ganny mete lo en lot ran diplomatik.  Mersi bokou Mr Chairman.

 

MR SPEAKER

Mersi SS Faure.  Yes Onorab Simon Gill.

 

HON SIMON GILL

Dernyen pti kestyon Mr Speaker.  Mon ti ava voudre ganny en presizyon lo en dele letan spesifik.  Mon’n tann dir avan lannen fini, me lo kote pou etabli sa unit – sa seksyon dan Minister ki bouz bann dosye – konmsi i annan en letan ki zot pe donnen pou nou kapab fini avek sa recruitment pou nou met bann dimoun an plas pou nou kapab bouz ek sa bann dosye ki pe asize, pa pe bouze, nou pe perdi bann led bann labours finansman deor la ki i pa zoli e nou ti ava voudre annan en dele letan tre spesifik lo sa kestyon Mr Speaker.  Mersi.

 

MR SPEAKER

Mersi Onorab Gill.  SS Faure.

 

SECRETARY OF STATE MR BARRY FAURE

Mr Chairman nou annan en plan stratezik an 2020 e tou larepons i dan sa plan stratezik 2020 ki lo nou sit web e ki nou kapab donn Onorab en kopi osi.  Sa plan stratezik nou i lo i an piblik i en dokiman piblik e nou  pe byensir baze lo lespas fiskal met li an progresivman an plas.

Sa divizyon parey mon eksplike avan Divizyon International Corperation and Regional Intergration i an plas.  I annan en Direkter Zeneral i annan en Direkter ki pe al ganny recruit.  Nou’n fer de interview deza e nou bezwen osi kapab recruit dimoun ki annan sa nivo, pou kapab ansarz sa bann unit e ranpli sa bann pozisyon.

Me nou pe fer li e nou pe adres tou bann konsern si Onorab i konnen pli spesifikman ki progranm ki nou pa pe aktyelman travay lo la.  Mon ti a kontan konnen lekel egzakteman, pou nou fer sir ki nou pa perdi.  E mon kapab donn Onorab Gill lasirans ki nou pe fer le neseser pou fer sir ki 2019 nou pou nobou kapab adres bann konsern prensipal ki annan kot sa kot nou Departman i konsernen.  Mersi Mr Chairman.

 

MR SPEAKER

Mersi SS.  Dernyen kestyon Onorab Ramkalawan.

 

HON WAVEL RAMKALAWAN

Mr Speaker.  Mon ti annan de kestyon me selman mon krwar ki mon pou mon pa pou demann sa kestyon akoz mon konnen nou exhaust sa head e mon a move ki nou pran en vot silvouple.  Mersi bokou.

 

MR SPEAKER

Mersi Onorab Ramkalawan.  Bon nou dan en pozisyon pou nou pran en vot lo sonm pou Departman Zafer Etranzer ; sonm R108, 810milyon lo paz 42 ziska paz 48.  Ok i form par dan sa Schedule nou a pran en vot.   Tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  22 Manm an faver.  E personn kont.  Mersi.

 

MR SPEAKER

Bon mersi Madanm Clerk.  Savedir Bidze pou Departman Zafer Etranzer in ganny aprouvasyon Lasanble Nasyonal.  Avek sa mon ti a kontan remersi Sekreter D’Eta Anbasader Barry Faure, Mr Finesse e Ms Cesar parmi nou. Mersi bokou.

 

(THE SECRETARY OF STATE MR BARRY FAURE AND HIS DELEGATION WAS EXCUSED FROM THE HOUSE)

 

MR SPEAKER

Bon nou pou pran lot Departman sa se Departman Defans, mon anvi avertir bann Manm ki nou anvi fini avek Defans ozordi.  Sa i nou target me osi an menm tan mon anvi fer bann Manm konnen poudir mon ganny averti ki SBC i anvi i oule ki nou aret 5er.  Alor nou perdi en demi erdtan deza.  Bon eski nou pran Departman Defans nou al en sel tre ziskan 5er e nou pa Break alright?  Oubyen nou akoursi nou Break – nou konmans ek Defans la nou ava pran kekfwa en 15minit Break 3.30 – 4er mwen kar apre nou retournen nou fini avek Defans?  Oubyen nou pran en break la?  Bon ok nou Break la nou ava repran 3.15 – ok?  Bon nou adjourn ziskan 3.15 kot nou ava pran Departman Defans.

 

 

(BREAK

 

 

DEPARTMENT OF DEFENCE

 

MR SPEAKER

Bon nou ava kontiny nou travay.  Zis avan nou demare mon’n, nou’n ganny reasire par SBC ki nou kapab ale ziskan 5er edmi, me nou bezwen arete 5.30 sharp e depi demen osi tou whether nou’n fini en Departman oubyen non ler in ariv midi, midi, midi mwen 5 nou pour handover back to SBC akoz i osi annan son bann progranm, i annan son bann advert osi tou ki i bezwen fer fonksyonnen pour li osi tou kapab zener en pti pe reveni pour kapab kontinyen fonksyonnen koman en entity.

        Bon mon ti a kontan welcome Kolonnel Michael Rosette, Chief of Staff pour Defense Forces parmi nou, Kolonnel Rosette i ganny akonpannyen par Mr Paul Dupres ki Senior Accountant.   E ankor touzour Departman ki tonm anba Lofis Prezidan e Vis-Prezidan nou kontinyen dan konpannyen Vis-Prezidan, PS Thésee, Ms Verghese e Ms Tamatave.  Nou ava al direkteman lo Bidze Defans, PS get nou please.

 

PS DAMIEN THESEE

Mersi Mr Chair, nou pran paz 34 pour en sonm R316. 329 milyon.  Mersi.

 

MR SPEAKER

Mersi PS Thésee.  Nou ava pran premye kestyon, premye Manm, Onorab Churchill Gill.

 

HON CHURCHILL GILL

Mersi Mr Chair.  Bonn apre midi tou prezan, mon kestyon i lo Konpansasyon avek pour bann travayer.  An 2018 lo paz 35 en, an 2018 ti annan en Bidze 147, 000, 147 ki ti’n ganny mete apre ti ganny revise ti vin 1.6, me apre an 2019 i mont pour 1.79.  I montre poudir i en ogmantasyon ki ase konsistan e ki demann vwar detay pour nou kapab sertifye poudir kwa ki tonm anba la.  Me selman mon rekonnet ki in annan en Komite ki’n ganny kree pour Ladefans, alors mon ti a sizere ki sa bann detay i ganny donnen avek Komite konsernen, apre petet Lasanble i a ganny enformen, be kwa ki koz sa ogmantasyon konsistan?  Mersi, si panel i santi i kapab donn nou sa, then donn nou, me si i tonm dan kad kot rezon ki nou’n kree sa Komite then panel a dir nou, i ava al donn Komite.  Mersi.

 

MR SPEAKER

Ok mersi Onorab, zis mon ava met bann Manm okouran, mon krwar depi lannen pase nou pe kapab depouy Bidze Defans, me Vis-Prezidan i la e Kolonnel osi tou i ava averti, nou si i annan okenn keksoz ki en pti pe sansib petet ki pa pour kapab aborde, sa nou ava respekte, nou annan parey ou pe dir nou annan sa Komite.  Me otan posib bann lenformasyon ki i kapab donnen i ava donn Lasanble Nasyonal alright?  Thank you.  Mon ava pas laparol avek Kolonnel Michael Rosette.

 

COLONEL MICHAEL ROSETTE

Mersi Mr Chair.  Bonn apre midi Mr Chair.  Bonn apre midi tou lede Leader, bann Manm Onorab.  An sa ki konsern sa logmantasyon premyerman nou’n annan en nouvo Scheme of Service ki ti komans enplimante lannen pase, e se sa ki ti kree sa diferans.

O milye lannen nou’n bezwen demann en pe larzan siplemanter pour kapab kouver sa nouvo Scheme of Service ki ti pour bann, zis pour bann Militer, bann solda.  Pour lannen prosenn osi nou’n revwar osi Scheme of Service pour Brass BandBrass Band menm si i ganny tou son bann Administrasyon i ganny dirize par Department of Public Affair, DPA me zanmen in deza annan en Scheme of Service pour bann mizisyen.  E tou dilon lannen sa bann lannen ki zot in travay koman bann mizisyen, zot lapey zanmen in monte.

Oubyen zanmen zot menm zot in ganny increment apard bann increments ki ti gannyen, ganny donnen par Gouvernman.  Ti enportan pour nou vwar ki zot ganny en Scheme of Service apropriye e nou’n devlop li nou menm anliny avek bann striktir mizisyen bann band enternasyonal ki egziste.  E mon krwar nou tou nou apresye ler Brass Band i zwe bann lanmizik dan bann seremoni e pour nou anpese ki nou perdi plizyer bann Manm Brass Band ki’n la plizyer lannen avek nou.

E an menm tan nou pe ankouraz bokou bann zenn, nou’n kree en Brass Band Youth, pour li kapab ranplas sa bann ki pli vye ler zot letan in arive pour ale, e pour sa bann zenn kapab kontinyen vini deservi dan Brass Band, fodre zot vwar en striktir la an plas ki pour ankouraz zot pour zot kontinyen zwe lanmizik pour nou kapab kontinyen vwar sa Brass Band ki nou kontan ekout son lanmizik.

E se sa Mr Speaker, Mr Chair rezon pour sa logmantasyon dan sa Scheme of Service.  Mersi.

 

MR SPEAKER

Mersi Kolonnel.  Onorab Churchill Gill.

 

HON CHURCHILL GILL

Yes, eski Kolonnel i kapab dir nou konbyen dimoun dan sa Brass Band ki nou pe koze silvouple?  Mersi.

 

MR SPEAKER

Mersi Onorab Gill.  Kolonnel.

 

COLONEL MICHAEL ROSETTE

Nou annan plizyer, nou annan bann dimoun ki permanan ki toulezour i vini i zwe lanmizik, parey mon dir nou annan sa Brass Band Junior ki li i pe monte, li osi nou compense li, apre nou annan lezot ki vini ki i annan zot louvraz, me zot vin part time ki nou bezwen compense zot pour sa.  An tou i annan 44 dimoun ladan dan Brass Band.

 

MR SPEAKER

Ok mersi Kolonnel.  Onorab – yes Onorab Churchill Gill.

 

HON CHURCHILL GILL

Mon dernyen Mr Speaker, Mr Speaker sa kantite ogmantasyon ki pe reflekte la, i sa 44 dimoun i pour reprezant serten sonm, me selman pa sitan ki pour kouver sa.  E petet nou ti a demann plis detay, me selman parey mon’n dir i a depan lo zot si zot santi sa bann lenformasyon i kapab ganny met a domenn piblik omwen si kekfwa i ava lo Komite.  Mersi.

 

MR SPEAKER

Mersi Onorab Churchill Gill.  Kolonnel.

 

COLONEL MICHAEL ROSETTE

Mersi Onorab pour ou kestyon.  Parey nou’n dir nou ankor pe enplimant nou Scheme pour Militer.  E dan Scheme pour Militer i annan plizyer fakter ki zwe ladan, dan Konpansasyon.  I annan bann osi bann lezot fakter tel ki bann dimoun ki al lo lanmer zot bann letan zot larzan i monte sak fwa zot servi plis letan lo lanmer.  Alor i en fakter lo la ki antre an zwe lo la.  Epi i dan osi lo kantite parey dimoun ki retire oubyen ki zot Kontra i fini par lannen, sa i bann fakter ki zwe bann rol pour swa ogmante letan nou kalkile lo kantite lo la.  I en fakter osi sa.

 

MR SPEAKER

Mersi Kolonnel. Onorab Waven William.

 

HON WAVEN WILLIAM

Mr Speaker mersi mon ti a kontan demann Kolonnel lefe ki in tous Brass Band, bann ki lo part time mon konnen poudir i annan bann ki lo part time ki’n, ki i annan diferan kalite Degre, eski letan sa, mon pa konnen si allowance, Konpansasyon pour ganny donnen, eski sa pour reflekte sa bann diferans?  Akoz i annan mon konnen in pas bann diferan nivo kalite training e ki pe menm fer mon kapab dir donn en pti pe lasistans bann ki zenn, eski i pour annan en refleksyon ladan?  Mersi.

 

MR SPEAKER

Mersi Onorab.  Kolonnel.

 

SENIOR ACCOUNTANT PAUL DUPRES

Ok bonn apre midi Mr Chairman.  Bonn apre midi bann Onorab.  Pour reponn kestyon Onorab Waven William, bann part-timers zot pa ganny menm allowances, e Scheme of Service i pour allow ki bann time, timers zot a ganny increase according to their different levels akoz parey ou dir ti diferan nivo, diferan eksperyans i ganny diferan larzan.  Pa tou ki ganny menm allowance baze lo zot letan dan brass band ek zot leksperyans.  Mersi Sir.

 

MR SPEAKER

Mersi Mr Dupres.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair bonn apre midi, bonn apre midi VP ek tou delegasyon laba Kolonnel e tou.  Dir mwan Mr Chair konmsi par egzanp sa bann zafer Konpansasyon solda, mon konnen poudir i annan plizyer konplent ki zot bann Konpansasyon pa ti pe ganny donnen; i annan 2enm round, i annan lot, lot, lot – apre SVPD osi i annan en bout zot dir ti ankor avek SPDF letan in bouz avek Lapolis.

Ziska ozordi kontinyen annan sa bann problenm, nou gannyen bann call, nou gannyen bann kestyon lo la, eski i tonm dan menm laliny Bidze ki nou pe koze, e an menm tan kekfwa ti a bon eksplik en pti gin lo sa long service allowance ki’n ganny mansyonnen, eski sa i pour tonm ladan vizavi lapey solda an tenir kont an considérant ki solda i annan osi en kontra avek Lafors Defans?  Ki mannyer sa i tonbe ladan.  Pour le moman vwala ki nou ti oule Mr Speaker.

 

MR SPEAKER

Mersi Onorab De Commarmond, Kolonnel.

 

COLONEL MICHAEL ROSETTE

Mersi Onorab pour ou kestyon.  An sa ki konsern Konpansasyon nou aksepte ki sa lannen nou’n ganny serten retar lo peyman Konpansasyon pour bann solda pour plizyer rezon.  I annan bann lezot fakter, fakter imen nou’n ganny enn de bann dimoun dan nou Departman ki ti annan serten maladi e osi lekipman.  Me sa problenm nou aksepte in la, nou pe rektifye li.  An se moman nou pe travay ler an plis pour kapab kouver sa retar ki nou’n gannyen lo la, e nou ekspekte par lafen lannen sa backlog ki ti annan lo bann peyman Konpansasyon pou’n fini ganny fer par sa travay an plis ki nou pe fer lo la.

An se ki konsern SVPD, SVPD letan zot ti ganny fer arete travay zot menm bann Manm SVPD ti al kot DPA e zot ti met en konplent konmkwa zot pa’n ganny peye zot bann dues.  E pli lwen ki sa zot in al kot PSAB zot in met file en konplent, e PSAB ti donn en ruling ki nou pey zot, zot Gratwite avek zot Konpansasyon.

E sa size ti ganny pase dan Lasanble lannen pase.  Ti annan en retar peyman in aksepte, me nou ti an kontak avek Komite Lasirans isi, nou ti enform zot lo la ki nou pe fer tou posib pour kapab pey zot.  E avek Minister Finans nou ti trouv solisyon, nou ti ganny larzan, go ahead pour pey zot.

E le 11 zen sa lannen mon ti ganny en mail sorti kot Ms Isaac isi i ti demann mwan update lo sityasyon SVPD, e son landmen le 12 mon ti donn lalis avek Ms Isaac e Chair Lasirans Komite Lasirans isi, mon ti donn li lalis tou bann ki’n ganny peye.

E ti annan 7 ki pa ti ankor ganny peye akoz zot file ti ankor pe process.  E nou konfirmen ki la ki tousala in ganny process, an tou ti annan 132 ki zot ka e zot file sorti kot Lapolis ti vin kot nou kot SPDF.  Ladan ti annan 6 ki pa ti kalifye pour en rezon ou en lot zot ti kas Kontra e zot pa ti konplet zot Kontra e dapre Hearing PSAB ti dir ki zot pa sipoze ganny peye an vi ki zot in kas kontra, i annan 126 ki’n ganny peye tou zot dues ziska aprezan.

Me depi ki nou’n fini pey sa nou SPDF nou pa’n ganny konplent ankor apard enn ou de ki’n vini nou’n rektifye sa bann problenm ki ti annan.  E nou tou nou peyman in baze lo ruling ki PSAB in fer e se sa ki nou’n fer dapre PSAB.  E nou’n enform li poudir tou sa bann dimoun ki ti’n met case kot li in fini ganny peye.

Mr Chair an sa ki konsern sa nouvo long service allowance mon ava pas avek Mr Paul Dupres pour kapab reponn sa kestyon.

 

MR SPEAKER

Mersi Kolonnel Rosette. Mr Dupres.

 

SENIOR ACCOUNTANT PAUL DUPRES

Dan nou MBE pour lannen prosenn i enkli sa long service allowance dan, nou’n mete pour … Me selman Militer pa pe gannyen akoz zot lo Kontra zot, i sipoze zis pour sivil sivilyen.  Militer i ganny at the end of each contract they are paid their allowance, their gratuity.  So unless ki sivilyen ki tonm anba sa nouvo Lalwa ki zot fek pe pase.

 

MR SPEAKER

Savedir bann staff Ladministrasyon.

 

SENIOR ACCOUNTANT PAUL DUPRES

Solda osi tou i gannyen, wi.

 

MR SPEAKER

Wi, ok. Onorab De Commarmond.

 

HON CHARLES DE COMMARMOND

Konmsi ou pe dir bann sivilyen ki travay ek Militer zot, zot pour gannyen e bann solda or zot pa pour gannyen akoz sa zot annan en Kontra?

 

MR SPEAKER

Yes Mr Dupres.

 

SENIOR ACCOUNTANT PAUL DUPRES

Mr Speaker wi akoz sa dapre lareg mon krwar ki Minis ti dir i tonm pour zis bann dimoun ki pa lo Kontra permanan, ki pa lo Kontra.  Bann ki lo long service ki gannyen, alor solda i tonm anba Kontra, tou le 2an zot ganny renouvle zot Kontra zot ganny peye zot Gratwite.

 

MR SPEAKER

Mersi Mr Dupres.  Onorab John Hoareau.

 

HON JOHN HOAREAU

Mersi Mr Speake. , Mr Speaker mon ti ava kontan ki Kolonnel Rosette ti a kapab dir nou anba ‘’other allowances’’ sey donn nou en pti pe detay ki kantite, ki bann diferan allowances ki ganny konsidere anba ‘’other allowances?’’  apre mon ti ava kontan i donn nou en pti pe detay akoz son office expense in monte sorti 25.8 milyon pour al 29.8 milyon?  Mersi.

 

MR SPEAKER

Mersi Onorab Hoareau, Kolonnel oubyen Mr Dupres.

 

SENIOR ACCOUNTANT PAUL DUPRES

Mersi Mr Chairman.  Mersi Onorab.  Kot allowances i enkli lezot allowance ki pa fix avek permanant allowances; par egzanp sea time allowance, flying allowance ki zot ale zot, kan zot ale zot al par ler e bezwen ganny kalkile kantite erdtan zot fer lo lanmer ou tel zour zot fer lo lanmer e i enkli en kantite, e lezot allowances parey menm, akoz mon’n dir sea time flying.

Epi i annan lezot allowance ki i ale avek, allowance ki pa tonm anba menm sistenm par egzanp i pa tonm parey koman ou apel sa, ki Militer i gannyen, savedir si en dimoun i antre Militer koman en solda me selman i annan karyer an deor, i en dokter, i en méchanique, i en soz, zot ganny lezot technical allowance ki tonm anba ‘’other allowances.’’ E diferan grad zot gannyen, depan ki grad, ki nivo zot annan dan sa karyer ki zot ladan koman en sivilyen.  Aprezan i pour equivalent pour fer sir ki nou retain sa bann dimoun ki zot kite, olye kite al fer louvraz an deor, then nou donn zot sa bann professional allowance, technical professional allowances.  Mersi Mr Chairman.

 

MR SPEAKER

Mersi Mr Dupres.  Onorab, yes Onorab Hoareau.

 

HON JOHN HOAREAU

(Off-Mic)

Kestyon lo ….

 

MR SPEAKER

Mon krwar i annan en bout kestyon ou pa’n reponn non?

 

HON JOHN HOAREAU

Mr Chair mon’n demann en kestyon osi lo zot office expense ki’n monte, mon oule konnen akoz.

 

MR SPEAKER

Wi, Mr Dupres.

 

SENIOR ACCOUNTANT PAUL DUPRES

Mr Speaker an realite nou office expense i mwens par 424, 000, i sorti 300, i sorti 30 milyon, 293, vin 229, 000, en, non, non…

 

HON JOHN HOAREAU

(Off-Mic )

  1. 8 pour al 22.

 

SENIOR ACCOUNTANT PAUL DUPRES

Sa ou pe koz lo nou original budget me nou bidze egzakteman avek bann revised, revised budget ki nou fek gannyen avek, ki in fer avek bann virement ki’n ganny fer, i fer ki i 30 milyon, an realite nou office expenses i short, si ou regard dan revise budget 2018, mon krwar PS Finance i kapab donn ou en pe plis detay lo la.

 

MR SPEAKER

Alright, nou ava – PS Thesee ou oule azour keksoz lo la?

 

PS DAMIEN THESEE

Pa vreman Mr Speaker, zis petet akoz bann Lorganizasyon ou pour vwar original budget and revised budget zot bouz larzan petet pandan bann expenditure code ki fer sanzman, sel additional fund ki nou ti donnen dan goods pour SPDF an 2018 ti sa 10 milyon nou ti al dan minor capital.  Mersi.

 

MR SPEAKER

Mersi PS.  Onorab Afif.

 

 

 

HON AHMED AFIF

Mersi Mr Chair.  Mr Chair mont i a kontan tou dabor ganny en pti pe leklersisman petet avek Kolonnel oubyen Mr Dupres lo ki rational par deryer gard basic salary preski parey e mon pe konpar ou Bidze par revised budget ou Bidze 2018 konpare ek 2019 par egzanp basic pay ti R95 milyon.  Me an 2019 i zis R100 milyon, alor en logmantasyon 5poursan.  Me parkont ler ou pran allowance, savedir mon prezimen zot pa’n pran bokou dimoun an plis dan Militer, me allowance li in sorti 27milyon pour vin 41milyon ki i en logmantasyon 50poursan dan lespas en lannen.

Gratwite dan lespas menm peryod n sorti 25milyon pour vin 39milyon, en logmantasyon 58poursan e ler ou pran, mon pe prezimen baze lo diskisyon 2018 kan zot ti dir nou zot annan anviron 620 personnel enkli sivilyen en solda.

Well en travayer pe ganny apepre R17, 000 par mwan kot Militer e avek sa logmantasyon R20, 000 par mwan, mon pe demann zot si zot vwar sa normal baze lo travay ki solda i fer, e eski en tan ki i ti deza 17, i ti deza pli o ki laplipar saler dan Gouvernman, eski zot vwar dan sa moman kot nou ete i zistifyab pour donn en logmantasyon 22poursan par mwayen.  Ler ou pran tou lede ansanm basic pay, allowance ek Gratwite 22poursan dan sa moman letan, dan lespas 1 lannen, eski zot trouv sa zistifye?  So sa mon premye kestyon.

E si ou a permet mwan, mon a les li reponn sa, mon a demann en 2enm kestyon.  Mersi.

 

MR SPEAKER

Yes mersi Onorab Afif, Kolonnel oubyen Mr Dupres.

 

SENIOR ACCOUNTANT PAUL DUPRES

Mersi Onorab Afif, mon kapab reponn sa kestyon, nou saler, nou saler in monte parey ou dir sorti 95 vin 99, 100milyon apepre en diferans 4 milyon, 600 mil right, me nou bann Konpansasyon, nou bann allowances ki’n sorti 27 milyon pour vin 41milyon en logmantasyon 13milyon, of 50poursan or 27, ankor … wi e sa in arive akoz sa bann allowances ki nou ti mete lannen pase ti vreman low, Scheme of Service ki’n entrodwir lo revise li, nou’n vwar ki pour nou kapab kouver epi, epi i annan Gratwite ki’n fer sa sif mont pli o.

Akoz ler nou kalkil Gratwite solda i pe pran zot allowances plus zot basic salary, e si zot get allowance an plis, technical allowance ki’n sorti, en parti in sorti, in mont par 3 milyon, R3,000 par mwan sorti 1, 500 in ariv 4, 500, en parti in sorti 500 in ariv 1, 500, mon krwar lowest i 1, 500 par mwan an bann lowest grade, mont 1, 500 par mwan.

Me ler ou met sa ou pour al kalkil gratuity, well gratuity i mont en kantite li, sanmenm sa ki fer 14 milyon dan gratuity in monte an plis, 14, be sa ki fer ki sa gratuity i inflate letan ou kalkil Gratwite sa bann solda ek zot i monte ki i fer ki ou pour ganny sa diferans dan sa, e ou bezwen la.  Scheme of Service i dir ki ler ou pey en solda son Gratwite, I’m waiting to include these allowances into it, sel allowances ki pa antre ladan.  Se bann periodic allowances ki zot gannyen i soz, menm bann ki lezot allowances ki pa fix pour tou solda, transport allowance osi pa ladan, e se sa ki fer a figure 14milyon dan gratuity Mr Onorab.

 

MR SPEAKER

Mersi Mr Dupres.  Onorab Afif.

 

HON AHMED AFIF

Mersi Mr Chair.  Mr Chair mon ti ava al, selman ou pa’n dir ek mwan si ou krwar i en logmantasyon rezonnab pour en peryod 1an, akoz zot ti deza lo R17,000 par travayer, zot in ariv lo R20, 000 eski zot vwar sa koman en logmantasyon rezonnab?

 

MR SPEAKER

Mr Dupres.

 

SENIOR ACCOUNTANT PAUL DUPRES

Bon baze lo natir travay e nou nide pour retain as much as office soldiers e atir dimoun dan Larme, mon krwar i zistifye pour le moman sansan nou pa pour ganny solda pour vin dan Larme.

Epi nou Scheme of Service i dir ki nou bezwen pran bann dimoun ki, si nou pe pran bann dimoun ki’n kalifye par egzanp bann ki i annan grad.  I annan Diploma ouswa zot annan osi lezot allowance ki vin an plis lo la pour zot ledikasyon alor nou bezwen apard ki donn zot, zot lapey zot ran we’ve go to give them their education allowance baze lo zot Diploma ouswa degre ki zot annan alor la rezon deryer.

 

MR SPEAKER

Mersi Mr Dupres.  Onorab Afif.

 

 

 

HON AHMED AFIF

Mersi Mr Chair.  Mr Chair mon ti pour al prezan lo ‘goods and services.’ E lo ‘goods and services ‘spesifikman lo bann detay, mon ti pour al lo sennla ki apel consumables e anba consumables i annan en gro logmantasyon, par egzanp 2018 Bidze mon pe koze, pa revised ti R4.6 milyon pour 2019 in vin R8.7milyon, logmantasyon 88poursan, pour manze food and ration in sorti 18.8 milyon in vin 18.4 ki 10poursan logmantasyon.

Alor premyerman si ou kapab eksplik mwan ki rational pour consumables preski double?  Ou annan menm solda zot pe ganny plis lapey ki byen, me zot pe konsonm de fwa plis, me selman parkont letan mon get maintenance, e maintenance mon panse poudir i en keksoz ki zot bezwen bokou parske zot fek dan Lasanble resaman zot ti dir nou radar pa marse, radar Assomption pa ti marse, me Bidze maintenance in sorti an 2018 Bidze, 24.9 milyon in redwir pour vin 21.5 milyon 14poursan rediksyon, alor ki rational ou pe pey dimoun plis, ou pe konsonm plis, ou bann keksoz in kase e ou pe depans mwens pour aranze, konmsi koman en Militer.  Eski ou santi sa i direksyon korek ki nou pe ale?

E finalman mon ti a kontan demann ou, dan sa bidze ki i devan nou pour laprouvasyon ki R316 milyon, konbyen ladan ki pour ganny verse atraver Trezor Gouvernman ek konbyen ladan pour pas atraver en kont Nouvobanq ki nou konnen pa servi okenn papye?  Napa okenn resi pour fer okenn peyman, zot kapab pey sa ki zot oule ladan.  Mersi.

 

MR SPEAKER

Mersi Onorab Afif.  Mon ava donn la parol PS Thesee avan.  PS.

 

PS DAMIEN THESEE

Mersi Mr Chair.  Petet zis pour klarifye lo saler, an 2018 son Bidze orizinal ti 147milyon, apre son revised in vin 160milyon, nou a rapel sa lannen la nou’n fek vin kot Lasanble pour 12.8 milyon additional fund ki fer sa diferans la ki ti Scheme of Service ki ti pran lefe Septanm 2017, ki pa ti’n ganny factor-in.  Prezan sa i restrikt sa diferans ant orizinal 18 ek son revise, pour 19.  Prezan son apepre 160milyon pour vin 179milyon, sa 15milyon i annefe dan Gratwite e Konpansasyon ki fer sa diferans; ki vedir apard sa 4 milyon increase petet dan basic, son other allowances i standar, i napa nanryen an plis, eksepte pour sa Brass Band ki pour ganny enplimante.  So i pa vreman annan gran diferans ler nou konpar avek revise 2018.  Mersi.

 

MR SPEAKER

Mersi Mr Dupres, PS Thesee.  Mr Dupres ou oule azout keksoz?

 

SENIOR ACCOUNTANT PAUL DUPRES

Onorab regarding consumables, nou revise consumables se 7 milyon, 725mil, e nou consumables pour lannen prosenn i 8 milyon, 666 mil, i vin 941, 000 an plis, rezon ki consumables i sa kantite, i akoz nou annan lezot legzersis ki nou bann Lafors i fer, nou lafors, bann Departman, units i fer avek Lafors etranze ki nou pa ti’n cater it lannen pase, i ti fer nou ti bezwen pey an plis.

Me sa lannen i annan bann 6, 5 legzersis pour lannen prosenn ki nou bezwen cater it anba consumables; consumables i plis ou mwen kouver bann si mon eksplike bann peyman bann keksoz ki nou aste ki nou servi lo bato sirtou ler bato i deplase, ler i annan legzersis, ouswa ler nou bann solda osi i al overseas avek bato and so on.  I tonm anba consumables.  I pa tonm anba food and ration.  Food and ration i bann manze, dezennen ki nou gannyen.  Food and ration ou’n koz lo la in monte.

An realite food and ration dernyen, food and ration kot i tonbe sa, bon nou a get en kou manze, mon krwar i reste preski parey si mon pa tronpe li, ankor rezon ki food and ration in monte, nou’n arete Barbarons en unit MTC, nou’n arete kwi nou prop manze.  Nou’n cater out avek nou, nou’n fer en procedure, procurement nou’n cater out avek en nouvo, akoz nou napa sa cook pour anploye, cook in rear out.  Nou napa dimoun pour kwi manze.   Alor nou pe pran ek en nouvo landrwa ki pe kwi manze, epi osi pri manze mon krwar an zeneral in monte, me selman sa ki byen se ki nou’n kapab kit en pri pour par latet R38 par bwat manze toulezour, sa ki fer ki nou food and ration.

 

MR SPEAKER

Mersi …

 

SENIOR ACCOUNTANT PAUL DUPRES

E kot i konsern ‘repair maintenance’, ou pe dir avek en lot kestyon ki ou’n demande, nou ‘repair and maintenance’ in desann me selman mon krwar ki i baze anliny ki nou gannyen avek Minister Finans pour nou kapab met nou ceiling ki fer ki bann nou bezwen al aziste sa koumsa ok.

 

MR SPEAKER

Mersi Mr ….

 

SENIOR ACCOUNTANT PAUL DUPRES

Kot i konsern nou lot kestyon ki demande dernyen, se 3.16 milyon ki nou pour gannyen dan nou Bidze i pour al dan TIS dan nou sistenm santral, sa i pour ete, e sa kont Nouvobanq i paret i nepli egziste.  In fermen – wi.  Mersi.

 

MR SPEAKER

Mersi Mr Dupres, Onorab Afif, ok.  Mersi Onorab.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon pour al koz, mon pour al en pti kou anba sa progranm ki deal avek surveillance sirtou deterrence and surveillance and response e mon pour koz partikilyerman an relasyon avek konponan Bidze pour bann avyon, bato eksetera maintenance bann bato eksetera, ki mon ti a kontan demann SPDF.  Mon vwar sa sonm i en pe ba given ki nou pour bezwen pe fer plis patrol lo bann outer islands eksetera, an vi i deza annan sa lensidan sa 2 solda ki’n trazikman nou pa’n kapab vwar zot e resaman la.

Mr Chair si ou a permet mwan, mon’n vwar en video poste par en msye ki mon konsider li koman en eksper dan lapes e in, zot in nobou retir en balenn ki ti’n pri dan en lasenn e dapre li sa lasenn pa en lasenn ki ganny servi par bann peser Seselwa.  Me plito for bann peser Sri Lankais ki servi sa lasenn ki montre poudir i annan serten illegal fishing ki pe arive dan sa landrwa.

E so mon kestyon Mr Chair, i relye avek lefe ki mon’n vwar poudir fuel for boats mon’n vwar 10milyon, mon’n vwar upgrading 19.7milyon; eski avek sa konponan bidzeter ki nou pe koz lo la in terms of resources pour al met lo sa bann landrwa, sa i pour ase pour nou ekip sa bann landrwa?  Par egzanp eski petet, eski anba sa larzan zot pe osi mazinen par egzanp pour equip bann post par egzanp lo Assomption, a until ki nou sort out sa size en fasilite konplet lo Assomption, eski nou pa pour bezwen annan petet en bato – en fast boat la ki ava kapab fer bann patrol; bann small patrol o bor lakot ki ava annan deterrence.

Akoz ler mon pe get sa konponan bidzeter Mr Chair i paret i en pe ba, so eksplik mwan en pti pe ki mannyer an relasyon ek sa size deterrence zot in prevwar sa dan Bidze.  Mersi Mr Chairman.

 

MR SPEAKER

Mersi Onorab Pillay, Kolonnel.

 

COLONEL MICHAEL ROSETTE

Mersi Mr Chair e mersi Onorab pour ou kestyon.  Mr Chair si nou get sa Bidze ki nou’n ganny allocate pour fuel pour bato pour fer patrol avek avyon, i avek kantite patrol ki nou bezwen fer par lannen i pour met nou dan serten difikilte an term kalite bato ki nou annan, son konsonmasyon par zour – bann gro bato.

S irtou ki konsonm bokou plis fuel i annan en pe long range wi, be selman par zour i konsonm bokou i pour kout nou, nou pour bezwen sey revwar en pe k mannyer nou organiz nou patrol pour nou kapab vin pli efikas avek sa ki nou annan, be selman i pa pour ase, nou konnen i pour difisil pour nou kapab kouver tou bann zone neseser, avyon in monte par 500, 000 an vi ki nou’n ganny en nouvo avyon depi zen sa lannen, me definitivman letan nou get aktivite ilegal ki pase pour nou kapab kouver nou zone antye, sa ki nou’n gannyen  pa pour ase pour nou.

An sa ki konsern bann lezot fasilite ki nou annan lo zil nou pe mazinen ki nou pour bezwen komans al pli devan.  E koman s travay lo en fason pour nou kapab prepozisyon plis dimoun, plis bato lo nou zil, nou pe antisipe ki boner lannen prosenn, nou pour komisyon 2 nouvo bato, bato medium range e nou pour antisipe met enn Assomption, pour kapab kouver sa rezyon laba; ki nou konnen bann aktivite ilegal ki pe pase laba i pe met en kantite kontrent lo resours ki nou annan – lo resours marin dan sa rezyon ki pe ganny vole oubyen depleted par bann lezot Nasyon.

E osi bann lezot aktivite ilegal narkotik bann lezot ki fer ki pase dan sa rezyon laba, sa i nou plan pour lannen prosenn pour nou travay lo la.  Me definitivman parey mon’n dir, i pour koz serten kontrent pour nou kapab fer sa travay vin tre efektiv avek sa Bidze ki nou’n gannyen pour alokasyon pour an term fuel pour bato.  Mersi.

 

MR SPEAKER

Mersi Kolonnel Rosette. Onorab Pillay.

 

 

 

HON SEBASTIEN PILLAY

Mersi Mr Chair.  Mr Chair Kolonnel in mansyonn sa 2 bato medium range ki nou pour gannyen, savedir ki zot pour servi enn sa bann zil koman zot baz pour zot kapab fer zot aktivite; sa 2 bato pe vin atraver bann donasyon oubyen pe vin atraver purchase ki SPDF pe fer.  Oubyen 2 bato ki la pour le moman i out of Commission ki nou pe re commission zot?

 

MR SPEAKER

Mersi Onorab.  Kolonnel.

 

COLONEL MICHAEL ROSETTE

Mersi Onorab, sa 2 bato i 2 bato ki nou pe ganny koman en don.  I 2 bato nef kan konstriksyon la an se moman e nou ekspekte konstriksyon fini ver lafen desanm e boner lannen prosenn sa bato a kapab ganny transfer isi Sesel pour nou komisyon li dan nou laflot Coastguard isi.  Mersi.

 

MR SPEAKER

Mersi Kolonnel Rosette. Onorab Pillay.

 

 

HON SEBASTIEN PILLAY

Mersi Mr Chair.  Mon vwar ou pe regard mwan, so mon ava demann mon dernyen leklersisman lo sa size, mersi.  So prenon kont sa nesesite, eski sa i vedir ki konpleman Coastguard ni menm koman en lafors, en deterrent force eski nou annan plan prezan sa Bidze pe pran konsiderasyon ki nou bezwen, nou pour annan en logmantasyon dan konpleman lafors lo nivo Coastguard?  Eski zot pe pran sa an kont dan sa Bidze, se pour sa rezon ki zot in propoz sa bann logmantasyon osi as well dan Bidze?  Sa i mon premye pwen.

E dezyenmmen i annan osi lo en pwen en pe pli spesifik, i annan bann solda ki ganny bann sitasyon baze lo bann aksyon ki zot pran, lo bann aksyon eroik; par egzanp bann ki ti al dernyen fwa ti tyonbo sa bann pirat e zot ti ganny sa bann meday, dann tou Lafors aletranze bann solda ler zot ganny bann sitasyon koumsa i annan bann reward ki vin avek, e ankouraz lezot solda pour annan menm kalite konportman, so eski atraver zot Scheme zot in osi enkorpor eleman reward pour bann sitasyon ki bann solda i gannyen?

 

Akoz nou annan solda ki’n fer bon pe lannen dan Lafors Defans e zot in donn pa mal letan zot servis, negliz zot fanmir pas plis zot letan pe sirvey nou, pe protez nou, bann ki nou letan nou pe dormi nou dan lakour, so eski zot in pran sa osi an kont dan sa bann allowances oubyen sa bann diferan konponan bidzeter la?  Mersi Mr Chair.

 

MR SPEAKER

Mersi Onorab Pillay.  Kolonnel Rosette.

 

COLONEL MICHAEL ROSETTE

Mersi Mr Chair e mersi Onorab osi pour ou kestyon.  Definitivman nou fer provizyon akoz nou lafors parey nou’n fer sorti dan lepase la nou pe diriz nou ver en Lafors maritim, aeryen, e lannen prosenn nou pour bezwen ogmant nou efektiv an term zonm vi ki nou pe ganny bato an plis pour nou kapab fer Coastguard vin, i annan plis zonm.  Me an menm tan vin plis efektiv, nou pe rod kalite, pa zis zonm, be zonm kalite ki kapab travay desarz sa responsabilite fer sir ki nou vin pli efektiv ki dan lepase nou’n ete, se sa nou bi, se vin pli efektiv pour kapab deter e anpes bann aktivite ilegal pase.

E an se ki konsern bann reward, definitivman nou annan nou Scheme pour reward, en Scheme pour donn bann meday, nou annan plizyer kalite meday ki ganny donnen, i annan apard meday kantite letan ki ou servi dan Militer, i ganny mete la.

I annan bann dimoun osi ki servi serten kantite letan lo lanmer i ganny en meday, bann ki fer bann lezot aksyon osi lo lanmer i ganny serten meday, mon krwar i enn bann keksoz ki nou bezwen vin pli proactive ladan pour fer bann zenn ki antre dan Larme fer zot vin pli – konmsi ler zot in ganny en meday zot santi zot pli fyer.

Parey Dimans mon ti kot Seremoni Larmistis, mon vwar bann ex-servicemen Angle in met zot meday menm si zot in retire mon vwar zot, zot fyer dan zot meday, zot fyer zot in ganny en meday zot in deservi dan en Lafors.  Mon krwar nou osi nou bezwen al dan sa direksyon vin parey, ler en solda i pase anvil i pase ek son meday bann lezot sivilyen, sitwayen i get li, i annan respe pour li akoz i vwar in fer en aksyon brav, pa zis pour Militer, me pour pei.  E an menm tan pa zis ganny en meday, me si i annan Konpansasyon osi an reminerasyon ki al avek sa meday, sa osi i devret ganny pran an kont e i devret gannyen pour sa.  Mersi Mr Chair.

 

MR SPEAKER

Mersi Kolonnel Rosette.  Mon ava pas la parol avek Onorab Clifford Andre.

 

HON CLIFFORD ANDRE

Mersi Mr Chairman.  Mwan osi mon pour komans met mon meday ki mon ti gannyen letan mon ti Lafors Defans pour montre mon nivo siperyorite e mon a gete si i annan en pti reminerasyon ki vin avek.

Bon Mr Speaker mon oule konpran en pti pe akoz mon’n servi sa lafors pour 18an, Mr Dupres in dir nou poudir ‘consumables ‘i bann letan i annan legzersis – letan i annan bann lezot keksoz ki ganny fer.  So kekfwa ki pa ti’n ganny prevwar ki’n gannyen, me selman letan nou get, letan nou pe get sa Bidze i annan kot i donn nou rasyon, i annan ‘food and ration’, ekspre i met li ‘food and ration’, rasyon se sa ki al lo bato pour ganny servi e letan pe fer legzersis.

So ou al fer legzersis ek rasyon, me akoz alors prezan nou vwar sa ‘consumables’ ki’n monte significant sorti 4.6 milyon, parey ou’n dir revise ti 7, be selman la zot met 4.6, pour li vin 8.6.  Si nou annan sa bann lezot kategori ki sipoze pe cater pour sa eski pa nou pe zis posibleman pran sa larzan si nou ti kapab aranz bato avek, akoz pa dir nou poudir ou ekrir’ rasyon?’

E mon konnen kisisa rasyon dan Larme, aprezan ozordi letan Onorab Afif in demann ‘consumables’, ou dir li ‘consumables’ se sanmenm sa enn ki mwan mon konnen i apel rasyon.  Alors mon krwar nou bezwen lesplikasyon pli kler e pli serye lo sa size akoz mon pa servi en term kekfwa ki pa Parlmanter, me selman letan nou pe get rasyon ‘food and ration’ supply savedir in sorti 16. 8 milyon in mont 18.4 milyon.  So sa i mon premye leksplikasyon ki mon ti a kontan gannyen.

E mon ti osi annan konsern lo bann ‘other allowances ‘ki mon pa kler, mon pa kler ditou, epi mon annan en lot kestyon, se lo ‘housing’, ‘housing’ lannen 2018 ti zero la in ariv 1 milyon, ‘housing ‘pour ki?  E akoz sa 1milyon ki sa lannen pase nou ti napa, nou bezwen sa lannen.

Elektrisite Mr Chair, i en konsern serye, Militer pe demann li 9.9 milyon pour elektrisite, si i annan barak akoz nou pa met solar panel lo barak, nou annan lofis Bel Eau akoz pa met solar panel lo sa lofis, nou annan soley ki pour nanryen i pa kout nou ditou larzan pep Seselwa.  Nou pe demann pep Seselwa pour donn 9 milyon pour pey elektrisite ki nou kapab at least koup sa sif par lanmwatye si nou servi bann metod proactive, sa i konsern sa size.

E lot konsern se, mon vwar i annan en ‘upgrading of patrol vessels’ 9 milyon, 9.7milyon, mon ti a kontan kekfwa ganny en pe leklersisman lo ki sa upgrading ki pour al fer, akoz si mon pe get byen sa kondisyon, se solda aprezan, I mean at least bann ki kot Coastguard pour mars dan en bato ki super-fast, super comfortable akoz si in sorti zero lannen pase nou pe al vin 9.7milyon, mon konsernen avek sa.

E mon issue se sa’ other supplies’, i annan en vot other supplies ki 3.9, si nou pe dir ‘consumables’ se manze e bann keksoz ki get taken care of pour legzersis.  So ki ‘other supplies’ nou bezwen, nou pa bezwen ‘other supplies’ parske ‘other supplies’ is already taken care of, … in dir ‘consumables’ in monte.

Letan nou pe get ‘uniform’, ‘uniform’ pour son vot in reste parey, savedir en lendikasyon ki pour napa logmantasyon dan solda, lendikasyon ki pour napa en logmantasyon significant, me akoz saler in mont significant?  Akoz ‘consumables’ in mont significant?  Akoz bann lezot keksoz in mont significant avek sa persepsyon ki sete solda ki pe ogmante, kan nou konnen, nou konnen, e nou tou isi nou konnen ki poudir Lafors solda in diminyen, akoz solda i dir ou kondisyon pa bon, so in diminyen, me ki mannyer nou pe demann en logmantasyon letan i pa et, i pa et?  E mon lot kestyon…

 

MR SPEAKER

Round-up ou bann kestyon Onorab.

 

HON CLIFFORD ANDRE

Round-up?

 

MR SPEAKER

Wi.

 

HON CLIFFORD ANDRE

I annan…

 

MR SPEAKER

Ou pe monopolise en pti pe letan.

 

HON CLIFFORD ANDRE

Well pep Seselwa mon krwar i annan en swa…

 

 

MR SPEAKER

Si ou oule, nou ava les Kolonnel ek Mr Dupres reponn….

 

HON CLIFFORD ANDRE

(Off-Mic)

Reponn en pti kou apre mon a repran, very well.  Very well….

 

MR SPEAKER

Apre si ou oule ou le repran, alright?  Mersi Onorab, nou ava pas la parol avek Kolonnel avek Mr Dupres.

 

SENIOR ACCOUNTANT PAUL DUPRES

Ok i annan en, kekfwa i konfiz, Onorab Andre.  ‘Food and ration’ konmela, kekfwa mon pa dir ou okouran se ki se led bann dinen, dezennen epi par ler i annan de unit plis ou mwen bann dimoun ki nou contracted pour nou donn nou manze, food, e rasyon, e koman rasyon sa ki nou pey food and ration ladan.

Dan consumables i annan de bato sak fwa i sorti nou donn consumables nou bato akoz sa i varye akoz i monte akoz pri marsandiz ki nou aste in monte, dan ‘consumables’ i osi annan bann unit.  Enn de unit ki fer zot prop breakfast e apre i annan SSU enn de unit ki fer PSU zot fer zot prop breakfast zot rod zot prop manze pour breakfast.  Menm konmela SD i fer zot prop breakfast e nou met sa dan ‘consumables ‘akoz i kontinyen i antre dan en sa.

Epi in, i zot bezwen rode tou le mwan, mon krwar i klarifye ki food and ration i kler ki sa nou pey zis bann kontrakter manze ki pey manze pour nou dezennen ek dinen e ‘consumables’ i bann ‘consumables’ ki nou met lo bato ler i annan legzersis osi nou mete, bann unit osi ki bezwen fer zot breakfast zot pey dan ‘consumables’ pa dan ration, ok sa mon krwar i eklersi, klarifye sa pwen ki zot.

Lo ‘other allowances’ i napa tro gran increase akoz i konpare ek lannen pase lo nou reviewed budget lannen, letan ti komans initial budget akoz sa Scheme of Service i nouvo.

Nou pa ti vreman prevwar ki ti pour annan sa kantite ‘other allowances’ ki dimoun pour gannyen, nou pa ti’n asize fer en louvraz letan nou ti’n fini prepar Bidze pour vwar ki nou ti pey zis R240,000 pour en unit ki apre in ariv milyon lo ‘other allowances’, ‘allowances i preski tou dimoun ti pe ganny R500, epi in al revwar ki en parti pour bezwen ganny allowances baze lo zot profesyon, lo zot nivo ki i ete e tou bann louvraz allowances en senp solda ki en senp méchanique i pe ganny R1, 500, so you can see the increase even though other allowances ki’n fer ki i reflekte sa, sa bann figures ki monte.

Ou desann osi lo housing ki ti napa, ti zero, savedir housing ti annan en figure, nou ti ganny li, nou ti ganny demande pour mete par FPAC ki nou ti konfiz zot, nou ti pe pey lakaz pour bann Konseye Endyen dan Foreign Consultancy prezan ti dir be tire, delegasyon avek Finans i dir met anba housing ki pour mwan i pa the right term akoz nou pey rent sipoze annan en, akoz nou napa en … item pour rent pour sa bann expert ki ek nou then ti dir nou met anba housing akoz konmsi i vin en konmsi en sa real kind ok?  Sa ki fer sa housing ti sorti, pa ti zero li, nou ti met 1, 500 sa lannen, nou ti tir dan Foreign Consultancy e in desann akoz nou krwar sa bann pilot Endyen ki pe reste dan sa bann lakaz ler zot in, bann solda in fini ganny training ek dornier zot pe ale e desann par R500, 000.

Elektrisite an realite osi mon krwar in desann si mon pa tronpe ok, vreman elektrisite nou pe mont par zis R155,000, Coastguard le pri elektrisite nou tou nou konnen in monte, selman nou, nou elektrisite pour mwan si i pe increase par zis R150, 000 mon krwar nou fer en bon zefor pour nou kapab kontrole, tou bann bato Coastguard ler i vin ater sirtou bann gro bato inshore zot ganny, zot servi kouran ater pour zot fer marse zenerater lo bato akoz si nou servi fuel toultan in annan en labitid fer sa, i pour vreman tro bokou pour nou pey fuel, akoz fuel osi in monte, so nou servi elektrisite pour fer bate bato, e Coastguard i pran plis si ou vwar lo sa vot Coastguard 211 i sorti li menm li in monte par R500, 000 se tou, larestan in desann par egzanp mon pe ekout Headquarters i sorti 1milyon in vin R150, 000 kot nou kontrole epi unit lezot pti por i osi in desann par R200, 000.

An realite dernyen kou solar panel mon krwar si mon pour koz lo la, i annan, ti annan en Departman ki ti demann nou pour fer en study anvoy rekomandasyon kot zot, nou’n fini anvoye, yes.  Wi kot zot pe travay lo la pour nou e ler sa i a finalize nou a, kekfwa nou a ganny solar panel e i a kouver, nou ti annan dan Bidze lannen pase pour, nou ti propoze, me pa ti ganny aprouve pour nou ganny solar panel lo nou building kot Coastguard, me zot pa’n aprouve akoz ti annan sa Commission ki ti pe, Energy Commission ki ti pe travay lo la pour fer ganny solar panel.

Upgrading of vessel, upgrading of vessel i ganny fer par en Lakonpannyen ki nou’n outsource li e upgrading oversight sak fwa bato i vini, nou napa en group dimoun ater – solda ater.

Napa manpower ki oule drive nou bato ki get anba la ki, akoz en bato sak fwa i vin dan por fodre i annan tretman lo la, sansan i pour pouri ek nou ok, i pa vedir en upgrade ki nou pour fer swift, nou pe fer en nouvo bato pour donn dimoun luxurious non!  Se sak fwa bato i vini sorti 5 zour lo lanmer la, bezwen tir grabo bezwen netway anndan, bezwen tir salte, i bezwen netwaye aranz tou keksoz ki’n kase abor e i koute, vreman koute, i vreman ser.

I annan dimoun zot al 24/24 pour fer sir ki bato son, si i annan tel keksoz i bezwen sorti pli vit posib i kapab ale.  Sa en upgrading of vessel, lannen pase ti annan, nou ti oblize mete, me selman nou ti ganny additional sorti kot Minister Finans 10.2 milyon e sa lannen in desann par 9 milyon si, an realite mon krwar pri 9 milyon, 10.2 milyon?  10.2?  Pour vin 9 milyon alor in desann i pa’n monte.  E so mon krwar pa si pour ase.

Epi en lot pwen ki ou’n demande uniform, uniform akoz sa lannen nou pa’n demann uniform, dan lepase mon krwar depi 2016 – 2017 nou pa ti vreman demann bokou liniform akoz ti annan dan stok, 2018 nou’n aste ankor uniform.  I annan liniform latwal la pe koud, nou annan ase sifizaman, prezan pour nou kapab maintain nou zis met menm balans ki ti annan dan lepase.  Ok konsernan liniform.

An realite dan nou Bidze parey ou’n dir nou pe demann gran increment ki fo, akoz nou Bidze lannen pase letan ti revise ti ariv an plis par 390, 000, sa lannen, lannen pase nou total 2018 pour sa lannen.  Savedir i 376, 710 e sa lannen ki nou pe al gannyen i 316, 710, sa lannen pe ganny 316, 329 par short par R390, 000 lo nou a…

 

MR SPEAKER

Mersi Mr Dupres.  Onorab Andre.

 

HON CLIFFORD ANDRE

Mersi Mr Chair.  Mr Chair mwan mon demann kestyon baze lo sif dan liv ki Minister Finans in donnen e letan i zero ou bezwen dir zero, kot in ale?  So mon pa pour, mwan mon napa sa dokiman ki Mr Dupres i annan, alors mon pour baz mon largiman lo sa ki mwan annan, e Minister Finans i ava korize.  Mon pe sey konpran akoz zot met sa upgrading of vessel, upgrading nou tou nou konpran ki poudir letan ou sorti la, ou pe mont en nivo pli o.

Sa ki ou’n dir mwan i cleaning of vessel, si letan i vini oubyen tir whatever ou’n dir ou bezwen tire anba la.  Savedir pour netway sa bato, be ou annan cleaning expenses la ki lo la, so akoz ou pe met li upgrading of vessel kan i pa upgrading of the vessel.  So sa i enn.

E nou pe get Lasirans insurance avek license fees i sorti 7.9 dapre dokiman ki mwan annan Mr Dupres, i sorti 7.9 milyon, i mont 9.4 milyon, mon ti a kontan ganny en konpran e sa ‘cleaning expenses’ ki mon pe dir in sorti 1.6 in mont 1.8.  Alors li i bezwen netway bato ler i vini, mon prezimen sa ki i bezwen fer.  Mersi.

 

MR SPEAKER

Mersi Onorab.  Mr Dupres, esey ankor.  Mr Dupres.

 

SENIOR ACCOUNTANT PAUL DUPRES

Wi cleaning material, upgrading of vessels mon’n eksplik ou, cleaning material i plis ou mwen pour bann lofis avek sa, avek soz, e cleaning material i sorti, in sorti 1.8 milyon, i reste 1.8 milyon, preski menm parey.  E plis ou mwen pour office expenses sa cleaning material, i pa cleaning material of a ship, repair ship ler nou fer bann repair, bann major repair sa ou konpran, dry docking ek lezot major repair.  Me sa upgrading i ler nou netwaye, upgrading i pa zis vedir ou fer keksoz fer li vin pli nef, me ou pe fer li dan en fason ki dimoun i kapab servi ou konpran?  Sa ki mwan pe sey eksplike.

 

MR SPEAKER

Mersi Mr Dupres.  Onorab Andre.

 

HON CLIFFORD ANDRE

Zis en klarifikasyon Mr Speaker.  La Mr Dupres in dir mwan ‘cleaning expenses’ i 1.6, i 1.8 e in reste 1.8.  Sa bann sif ki nou pe gannyen savedir i bezwen set en koreksyon ki ganny fer akoz sif ki mwan mon pe gete ki sorti kot Minister Finans.  Dokiman ki in donn Lasanble, in met 1.6 e savedir i annan en logmantasyon 1.8, I mean 200, 000, in mont 1.8.

Alors si oubyen swa Mr Dupres ki son dokiman pa bon ouswa pour Minister Finans ki pe donn nou ki pa bon.  So i bezwen annan en koreksyon an term bann dokiman ki nou gannyen akoz mon pa oule ki Mr Dupres i get koman en dimoun ki pa konnen ki i pe dir.  Me vice versa osi mon pa oule ki i gete ki mwan mon pa konnen ki mon pe dir akoz mon pe servi sif ki Minister Finans.  Mon napa sa sif mwan.  pa ni dan lakour nanryen, ni dan Lasanble.  So mon’n gannyen sa bann sif.  Mersi.

 

SENIOR ACCOUNTANT PAUL DUPRES

Onorab Andre pe koz lo initial budget ou, ou pa pe get lo revise budget.

 

MR SPEAKER

Yes.

 

SENIOR ACCOUNTANT PAUL DUPRES

Revise budget cleaning expenses i 1.8 pour 2018.

 

MR SPEAKER

Petet Mr…

 

SENIOR ACCOUNTANT PAUL DUPRES

58.27 e…

 

MR SPEAKER

Petet PS i ava klarifye.

 

SENIOR ACCOUNTANT PAUL DUPRES

Virement, revise i virement ki nou fer, ki nou’n fer dan nou Bidze.

 

MR SPEAKER

PS Thesee.

 

PS DAMIEN THESEE

Mersi Mr Speaker, well si nou get overall revised figure i still 316 milyon, parey nou konnen dan i ankor pe kontinyen revise figure li, nou pa ankor fini lannen 2018, i baze lo forecast.  So ler nou pe fer liv Bidze back an oktob beyond septanm ki nou pe finaliz figure pour fer nou prozeksyon, e li SPDF i ankor pe kontinyen travay li, si ou vwar i bezwen landrwa ki bezwen vire, petet ler nou pe close nou revise figures li i kontinyelman fer son bann lazisteman, son bann virement.  

So i pour lannen prosenn ler nou fer Bidze 2020 ki nou pour vwar actual 2018, ki mannyer i ete ler in ganny odite, akoz pa bliye tou kou nou fer en lannen avan Bidze lannen ki vini – apre 2year forward, so pour annan bann estimates pour bann lannen ki parey la nou pe fer estimates pour 18, pour Bidze 2019.  Me selman son actual apre i pour vin lannen prosenn ler odit i close.  So i ankor pe kontinyen depanse sa lannen e i pour aziste accordingly.  Mersi.

 

MR SPEAKER

Mersi PS.  Onorab Terence Mondon.

 

HON TERENCE MONDON

Mersi Mr Chair.  Mr Chair mon premye kestyon i baze lo paz 3 PSIP kot nou vwar ki i annan dan pos proze lasose, en proze 15 milyon ki’n ganny spread sa 2 dernyen lannen, apre nou annan proze barak nimero 3, mwan anvi konnen ki bann prosedir tender in ganny swiv pour sa 2 proze e lekel ki pe konstrir sa 2 proze sa lasose avek sa barak?

Mon lot kestyon i dan bann detay ki nou’n resevwar lo karbiran.  E mon konsernen ler mon get sa bann Bidze, sa bidze karbiran par egzanp anba en item pour karbiran pour bann veikil, nou vwar ki i sorti 1.5milyon i pe vin 3milyon.  Nou pe koz veikil en, e en lot item veikil menm i sorti 200, 000 pour vin 400, 000, mwan mon anvi konnen ki kantite transpor zot annan?

Akoz rapor oditer zeneral 2017 ki fek sorti, in fer resorti ki dan 7 veikil ki pour SPDF selman i pa lo lalis, zot rikord pa annord, ti lo lalis SPDF, napa ni menm kot SLA.  Mon konsern akoz zot rikord. I  vreman i an dezord, e sa i reflekte dan rapor oditer zeneral aprezan ler ou pe get sa bann sif, mon pa konfortab pour mwan kapab zis aprouve ler nou pe vwar en karbiran sorti 1.5 pour 3 milyon pour veikil, kote zot ale?

Akoz veikil nou pe koz bann dimoun, bann solda ki baze Mahe, aprezan ki mannyer sa karbiran in monte an menm tan Lafors Defans ti dir nou lannen, ki zot annan en sistenm kontrol an plas pour karbiran, e ki baze kot stasyon petrol santral kot i annan dimoun ki pe tyeke sak fwa zot pe gard rikord.  E sa mon pa vwar akoz ki, zot sipoze annan en sistenm kontrol, mon ti ekspekte en rediksyon unless si zot annan bokou plis veikil ki sa lannen ankor.

Mon lot kestyon ankor se printing, stationary preski 1 milyon, 945, 000 pour printing, stationary, ler mon get DPA pe pran son Bidze 263, 000, nou bann solda pe servi printing pour 1 milyon, Minister Ledikasyon i 3 milyon, nou konpran Minister Ledikasyon byen, be selman 1milyon i fatig mwan sa bann sif.

Mon dernyen pti kestyon i annan pour fer avek reveni Mr Chairman, mon anvi konnen konbyen zot ti ekspekte ranmase avek sa fasilite langar kot i annan en Konpannyen prive Zil Air ki nou’n fe resorti e ki reveni zot pour gannyen avek sa pour lannen prosenn?  Mersi Mr Chair.

 

MR SPEAKER

Mersi Onorab Mondon.  Bon Kolonnel oubyen Mr Dupres.

 

COLONEL MICHAEL ROSETTE

Mersi Mr Chair, mon a reponn sa premye bout kestyon, e apre Mr Dupres i ava pran, an sa ki konsern sa barak, se en barak pour bann recruit dan training sa barak, i en vye barak Barbarons e i ankor asbestos lo la e se sa ki i pour ganny renouvle e in ganny tender out par en kontrakter ki nou’n donnen e i annan plizyer nou ti tender out.  Me i annan en kontrakte ki’n pran.

E an se ki konsern jetty osi lokalman nou’n koman fer consultancy pour konstrir sa jetty, i pour ongoing.  Se sa ki ou pour vwar li ongoing pour en pe letan, Sesel i annan zis 2 consultant ki’n come forward e ki’n donn nou en quote ladan zot quote, i annan enn ladan ki egzorbitan.  I annan en 2enm ki son quote nou’n vwar li rezonnab e nou pe pran sanmenm sa 2enm ki nou krwar son quote i rezonnab pour nou kapab kontinyen travay avek li.  Mon ava pas avek Mr Dupres pour kapab reponn bann lezot bout kestyon.

 

MR SPEAKER

Mersi Kolonnel.  Mr Dupres.

 

SENIOR ACCOUNTANT PAUL DUPRES

Mersi Onorab Mondon pour ou kestyon.  La mon annan ou quote kot i konsern fuel pour vehicles, i annan en subsistence increase dan pri fuel sa lannen.  E nou pe met fuel ant commercial rate ki mete tou-le-z-an nou, nou annan 107 vehicles dan nou lalis, nou pour annan lannen prosenn ankor en 10enn, en 20tenn konmsi non, nou pour annan ankor 20tenn transpor ki nou’n gannyen e pa bann pti transpor, bann gro transpor ki’n ganny kado avek Gouvernman Sinwan.

Nou pe sey zis met sa, nou’n met sa figure e an realite nou pe monte par 1.1 milyon an plis pour pran konsiderasyon si pour annan ankor increase dan fuel prices e sa 2 transpor ki nou annan konmela ok?  Nou lalis transpor ki ou dir ki pa parey avek sa ki oditer in vwar, nou’n realize ki Licensing in fer fot, in met en bann transpor GS lo pour nou ki pa lo nou, nou pe travay lo la.

E nou pe aranz nou lalis up to date akoz la mwan nou pe al pey Lasirans transpor, e nou pe al pey tou nou bann transpor ki ek nou, ok, bann ki, i annan osi bann vye transpor ki pa pe operate byen ki mon krwar i annan plis ki 20an apre sa bann soz, nou pe write-off.  E nou pe al, Minister Finans pe take it over … mon krwar ouswa mwan prosen pour zot al tender out.  Savedir nou pe tir en bann, enn de vye transpor ki pa paret lo sa 107 transpor la en, i ti deza lo lalis write- -off depi avan.  Thank you Mr Speaker.

Ou ti pe koz en kou lo stationary e printing, ankor printing e stationary mon pa konpran akoz kekfwa i annan en diferans ankor parey lo revise budget, nou desann par, nou desann sorti 1.3 milyon nou’n ariv 945, 000 pour lannen prosenn.  Mon pa vwar akoz nou annan sa kantite, nou’n decrease lo printing and stationary en bon pe.

 

MR SPEAKER

I annan en klarifikasyon.  Kolonnel oubyen PS, non ok.  Onorab Mondon.

 

HON TERENCE MONDON

Mr Chair nou bezwen kler akoz sif i pe dir nou 945, 000, mon krwar nou bezwen konnen si kote problenm i ete.  Anyway sa zot ava sort out apre, me selman…

 

MR SPEAKER

Yes PS Thesee.

 

PS DAMIEN THESEE

Petet, mersi Mr Chair, petet zis klarifye, ou pe kestyonn sa 945 000 ki ganny mete dan Bidze 2019, sa i son prozeksyon ki in demande pour printing and stationary, wi….

 

HON TERENCE MONDON

(Off-Mic)

 

MR SPEAKER

En moman.

 

HON TERENCE MONDON

Sorry lalis ki nou’n resevwar i annan 5 konponan printing and stationary, i annan enn i 500, 000 lot i 100, 000, lot i 150, 000, lot i 120, 000 e 5enm i 175, 000.  Sa pour, i budget pour 2019.  Sa mon kestyon aprezan.

 

PS DAMIEN THESEE

Well i toutafe normal si en Lorganizasyon i vwar i bezwen reviz li down, in fer son revizyon, akoz sa amount?

 

MR SPEAKER

En moman PS.  Onorab Mondon.

 

HON TERENCE MONDON

Mr Chair mwan pe demande akoz zot pe depans preske 1milyon lo stationary and printing ler mon konpare avek lezot Departman, sa mon leksplikasyon, wi in desann par 60, 000, wi…

 

MR SPEAKER

PS.

 

PS DAMIEN THESEE

Mersi, well sa i baze lo son usage, paper work, peyman.  Si ou get sa on average i pour ariv mwens ki apepre 80, 000 par mwan, bann ream papye i ser.  Mersi.

 

MR SPEAKER

Bon, Onorab Mondon.

 

HON TERENCE MONDON

Wi mon kestyon ki swiv wi, akoz mon en pti pe konfize dan travay, vreman travay nou Lafors Defans Sesel, be selman mon anvi kler lo kote veikil, i dir nou 107 ki pa enkli bann ki lo lalis pe al write- off, mon anvi zis konpare akoz i pa donn mon sif, akoz nou vwar fuel in monte, an 2018 konbyen ou ti annan an veikil?  Akoz la ou dir mwan ou annan 107, I mean savedir sa pour 2018?  Apre ou pe ganny sa 20, sa 20 ki pour fer sa logmantasyon…

 

MR SPEAKER

Yes…

 

HON TERENCE MONDON

Mon pa konpran ou sistenm, ou annan en sistenm kontrol pour fuel, i pa pe raport okenn benefis, akoz nou ti ekspekte sa bann kou pour karbiran i diminyen.  Nou pa pe vwar sa dan Bidze.  Mersi Mr Chair.

 

MR SPEAKER

Mersi Onorab Mondon.  Mr Dupres.

 

SENIOR ACCOUNTANT PAUL DUPRES

Bon Onorab Mondon mersi.  Nou’n ganny afekte bokou avek sa increase dan fuel prices sa lannen ok, prezan nou pe prevwar ki lannen prosenn avek 20 nouvo veikil an plis i pour riske mont ankor.

Prezan menm nou pe met, nou annan nou kontrol an plas nou krwar nou pour, fuel pour vehicles i pour monte, me selman i zis en provizyon ki nou met 3milyon pour nou kapab vreman gete si nou kapab cope avek increase in fuel prices pour lannen prosenn.

Akoz sa lannen nou ti met pli pti gin menm si nou met kontrol nou fuel in monte, 1.8 milyon, be la nou’n met ankor an plis pour lannen prosenn e konsiderasyon ki nou pe ganny extra vehicles, i depan ankor.  How are we gonna use these vehicles?  Sel keksoz ki mank nou lo kontrol kot i konsern vehicles se vreman usage of vehicles par lezot dimoun, sa i en pwen problenm, private use of vehicles – mon bezwen dir.

 

MR SPEAKER

Mersi Mr Dupres.  Onorab Mondon.

 

HON TERENCE MONDON

Mersi Mr Chair.  Zis en pti kestyon ki mon ti a kontan Lafors Defans i konfirmen avek nou, akoz nou konnen ki zot siny bann blank cheques, eski napa okenn bann koupon ki zot pe donnen elsewhere  -set en dimoun ki pe gannyen konmsi ki i pe pas lo sa Bidze Ladefans.

 

MR SPEAKER

Mersi Onorab.  Mr Dupres.

 

SENIOR ACCOUNTANT PAUL DUPRES

Non Onorab.  Sertennman nou pa donn koupon lezot dimoun deor.

 

MR SPEAKER

Mersi Mr Dupres.  Onorab Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Mr Chair Lafors Defans pe demann nou en Bidze R316 milyon, 329,000 sa i reprezant en sonm 866, 000, 654, 79sou par zour.  Now si nou ti pour ferm Larme ozordi, baze lo en popilasyon 95, 421 Seselwa nou ti kapab donn sak dimoun R3 milyon, 315 mil, 87 nou ti kapab donnen la ozordi si nou ferm Larme.

Prezan nou pe egzize poudir Lafors Defans i en Lafors disipliner kot i seye fer lekonomi e mon Koleg Onorab Mondon in koz lo bann rapor oditer zeneral lannen apre lannen, ki bann defayans ki i annan dan Militer.

E mon prezantasyon lo letan nou ti anmenn sa Mosyon lo Anti-Koripsyon mwan ti koz spesifikman mon lo lafors SPDF pour montre over the years ki kalite mal-administrasyon, move zesyon in annan ki ankor paret dan rapor 2017.  E mwan personnelman mon pa fye SPDF ditou, ditou, ditou, ditou.  On record I want to put this down kot i konsern zesyon larzan piblik, mon pa fye zot, so mon kestyon ki mon anvi demande, dir nou tou Kontra, tou Kontra ki SPDF i annan e konbyen i pe koute dan sa Bidze 316 milyon enn par enn.  Mersi bokou.

 

MR SPEAKER

Mersi Onorab Henrie. Kolonnel oubyen Mr Dupres.

 

SENIOR ACCOUNTANT PAUL DUPRES

Mersi Onorab pour ou kestyon, nou annan Kontra pour avan gard pour upgrade of ship, nou Kontra pour bann food caterers, konbyen apepre, apepre 5 food caterers.  Nou annan Kontra pour enn de civil works ki elektrisite, mon konnen i pour maintain elektrisite dan nou unit epi plumber, garaz nou napa.  Garaz nenport ki dimoun i fer nou fer nou anvoy kot zot, sanmenm tou Kontra ki nou annan sinyen la, lezot louvraz ki i annan nou outsource nenport ki dimoun ki kapab fer.

 

MR SPEAKER

Mersi Mr Dupres.  Onorab Henrie.

 

HON GERVAIS HENRIE

Wi mon kestyon sete konbyen i annan e konbyen i pe koute enn par enn.  Mersi.

 

MR SPEAKER

Mersi Onorab.  Kolonnel.

 

COLONEL MICHAEL ROSETTE

Mersi Mr Chair, mersi Onorab pour ou kestyon.  Mr Chair me la avek nou, nou napa tou sa lalis antye, me selman nou kapab prepare e fer bann Manm Lasanble gannyen sa bann Kontra pour dek ki nou’n pare – wi.

 

MR SPEAKER

Yes Onorab Henrie.

 

HON GERVAIS HENRIE

So mon aksepte repons Kolonnel Rosette, me solman mon enkonfortab pour mwan vot lo en keksoz ki pa konnen, parske la pour la.  E sa ankor i vin bann keksoz ki i 3enm leksperyans ki nou pe pas ladan.  So pour bann lezot antite ki pe vini ki pe ekoute, zot bezwen byen prepar zot, zot bann Advisor’s i bezwen byen dir zot bann areas of question ki kapab monte e zot bezwen pare, so mon pa konfortab pour mon vot an faver sa Bidze.  Mersi.

 

MR SPEAKER

Mersi Onorab Henrie.  Yes PS Thesee.

 

PS DAMIEN THESE

Mersi Mr Chair.  Kontra mazer ki nou pour vwar dan Bidze pour sa enn avan gard ki’n repete over the past 2 years, son sonm i la li.  I anba detay ki nou’n donnen ‘minor capital outlays ‘R9.7 milyon ok, sa pour sa avan gard e lot ki’n ganny dir even if nou, nou napa detay kontrakter pour rezon ki SPDF i swete sekirite, son total Bidze la li pour ‘food and rations’ ki’n ganny raise avan i R18. 4 milyon.  So sa, sa 2 major Kontra i annan, e larestan i pour trouve dan son parey in dir i outsource.  Savedir si i bezwen ‘maintenance’ son bann grounds, son bann aircon koumsa, i pour dan son Bidze.  Mersi.

 

MR SPEAKER

Ok PS Thesee.  Yes Onorab Henrie.

 

HON GERVAIS HENRIE

Wi mon pa’n tro konpran.  Eski PS Thesee in mansyonn keksoz sekirite la li?  Non, manze.

 

MR SPEAKER

En moman, en moman, annou fer ki ler en zofisye ki devan pe reponn kestyon, nou ekoute pour sa lot Manm osi tou kapab konpran en, yes PS Thesee.

 

HON WAVEL RAMKALAWAN

Mr Speaker i difisil pour konpran. Mr Speaker mon anvi dir avek ou ki letan kot nou pe asize la, mon pa konnen si i annan en problenm avek sa microphone, i difisil parfwa pour ou tande letan Mr Thesee i koze, se sa ki nou pe, avek tou respe ki nou annan pour Mr Thesee, me mon pa konnen si ou bezwen demann teknisyen pour, parske Mr Thesee son lavwa i en pe scruffy, scruffy soft, e konmsi si son lavwa ti kler, for parey pour mwan, i ti pour diferan…

 

MR SPEAKER

Ok mon krwar…

 

HON WAVEL RAMKALAWAN

Petet si ti ganny sa gran microphone parey Vis-Prezidan.  Sa konmsi ti ava….

 

MR SPEAKER

Non, PS zis koste en pti pe pli….

 

HON WAVEL RAMKALAWAN

Be non ti a kapab…

 

MR SPEAKER

En moman, en moman, nou pe run out of time, mon ankor annan plizyer Manm lo lalis.  PS zis koste en pti pe pli pros avek mic ler ou pe reponn, si ou pa mind zis repet repons pour Onorab Henrie.

 

PS DAMIEN THESEE

Mersi Mr Chair, ki’n ganny dir lo bann issue Kontra pour SPDF in ganny mansyonnen i annan pour sa avan gard ki’n ganny raise pandan sa 2 dernyen lannen.  Sa i pour dan ‘minor capital outlays ‘i R9.7 milyon i la i reflekte, lot pour ‘food and rations’ ki nou annan son Bidze pour 2019 i R18.4 milyon.  Me selman nou, nou napa detay sa bann caterers akoz SPDF pour sa enn i pour rezon sekirite i pa donn nou, e larestan i pour standar dan son bann lezot maintenance, ki si li i fer par egzanp pour aircon oubyen netwayaz deor, sa i standar parey lezot Minister.  So sanmenm sa ki mon krwar zot in mansyonnen pour Kontra.  Thank you.

 

MR SPEAKER

Bon mon krwar lo repons ki PS in donnen, nou konnen poudir nou ti dir ki sa Komite i gard keksoz an konfidansyalite.  Si zot oule en pti pe plis detay, petet sa Komite, mwan … Yes ale Onorab Henrie.

 

HON GERVAIS HENRIE

Wi Mr Chair mon oule demann PS Thesee vizavi sa bann Kontra ‘catering’, eski par egzanp ou Minister zot in vwar sa bann Kontra, zot satisfe avek bann terms?  Rezon ki mon pe demann sa, akoz par egzanp dan rapor oditer zeneral ki devan nou la, pour vwar poudir Larme in lwe 9 apartman,.  Me napa en sou bann dokiman ki zot in pey 2.9 milyon, napa selman sa bann dokiman annord, eski alor par egzanp pour manze ki nou pe koz 18.4 milyon Minister Finans in vwar bann dokiman e in satisfe avek bann kondisyon ki in etaler ladan.  Mersi.

 

MR SPEAKER

Mersi Onorab. PS.

 

PS DAMIEN THESEE

Mersi Mr Chair. Ordinerman pour bann sonm koumsa, i pour bezwen al lo procurement. So i pour bezwen fer son prosedir procurement ki mon krwar pour sa enn i swiv prosedir e i demann exemption, so si procurement i satisfe, i donn li laprouvasyon pour li go ahead.  E li i bezwen annan son rikord kot li internal parey tou lezot tranzaksyon ki ler odit i vini prezan i kapab go over sa bann dokiman, pour li fer sir i azour.  Mon pa aware dernyen rapor oditer lo sa size akoz petet, mon krwar i fek fer sorti ozordi, me selman nou kapab review pour travay ek zot pour gete si i annan defayans ler i a ganny raise.  Mersi.

 

MR SPEAKER

Wi mersi PS.  Zis mon ti a apporte latansyon bann Manm poudir nou pa ankor menm met li koman Papers Laid, me nou’n sirkile bomaten, i pa pour fer zistis bann zofisye Finans ki zot pa ankor ganny en kopi, e osi bann lezot landrwa pour nou refer avek sa dernyen rapor oditer.  Nou konnen poudir FPAC pour fer travay lo la e apre nou kapab, i kapab retourn dan Lasanble pour nou kapab poz kestyon Minister Finans ek lezot Departman.  Bon nou ava bouze Onorab Stephen Pillay.

 

HON STEPHEN PILLAY

Mersi Mr SpeakeB.  Bonzour a tous.  Bonn apre midi a tous.  Mr Speaker mon oule tous lo demann delegasyon ki la enn de pti leklersisman en pe plis, sirtou lo sa Bidze Kominikasyon 7 milyon, 650, 7 ki wi, eski i pour enkli bann sistenm radar sirtou parey lo bann zil Assomption lezot zil ki pour kapab detekte early detection of bann aktivite ilegal lo la?  Akoz sa i anmenn mwan a sa ki Onorab Sebastien ti pe dir ki, akoz i annan sa 2 bato ki pe vini pour stasyon laba?

Konbyen zot operating cost budgeted an plis?  Akoz zot pa stasyonn en bato Assomption e fer crew rotation atraver avyon vi ki ler Vis-Prezidan ti la dernyen avek en lot zofisye larme ti dir i kout R250, 000 par zour pour al laba, me ler ou’n ariv laba ou reste laba ou sanz crew, refuel laba, se sa ki mon oule demann delegasyon.

Epi lo kote ‘capital projec’t sa progranm construction of jetty, i dir i annan en Konsiltan ki’n ganny rekrite pour fer bann travay lo mon krwar bann cost analysis bann zafer?  Me si ou pa ankor konnen konbyen pe arive akoz ou pe demann 9 milyon, 500?  Akoz nou pa espere ou ganny ou cost, ou larg ou tender, ou vini, ou demann Lasanble or FPAC release mon 9, 500 mon 8, 500 oubyen i kapab en 12 milyon, 500 tou me fer li, mon sizere nou fer li.  Mon sizere nou freeze sa 9 milyon, 500 nou larg ler ou’n vini ou fini fer ou consultancy ou’n fini fer ou kontazyon, ou’n fini ganny ou tender, then ou vini ou demann larzan, ou pa demann larzan kan ou pa konnen kantite pe al arive.  Mersi Mr Speaker.

 

MR SPEAKER

Mersi Onorab.  Kolonnel.

 

COLONEL MICHAEL ROSETTE

Mr Speaker, mersi Onorab pour ou kestyon.  An se ki konsern sa bann lekipman kominikasyon i pa enkli radar, sa i bann lekipman kominikasyon, pirman kominikasyon kot nou pe mazin bann radyo ki ou kapab koze oubyen konmela i digital sa bann radyo, ou anvoy text bann keksoz koumsa, e sa i pa pour direkteman, i en Grant ki nou pe gannyen,

E an se ki konsern rotasyon, sa ki VP ti pe refer lo la petet pli boner dan en lot lentervansyon, sete rotasyon tou le mwan, se sa ki nou planifye akoz ou pa kapab fer li toulezour rotasyon ou anmenn dimoun laba Assomption i reste, i operate bato pour 1 mwan apre i sanze, sa i en keksoz normal ki nou ekspekte fer ler nou annan bato laba.

An se ki konsern konstriksyon jetty, nou ti negosye avek Minister Finans, i en gro kou i pa kapab met larzan pour fer li en sel kou la, me ansanm avek sa Konsiltan avek son bann lezot kontrakter ki pour vini, nou pe vwar ki nou fer li par faz gradyel, se sa ki larzan ki mete, in met en larzan gradyel, nou pour bezwen negosye avek bann kontrakter pour kapab fer li gradyelman, sa i desperation ki i annan.  Mersi.

 

MR SPEAKER

Mersi Kolonnel.  Onorab Stephen Pillay.

 

HON STEPHEN PILLAY

Mersi Mr Speaker, se egzakteman sa ki mon ti pe sey dir ek Kolonnel, ler ou’n konnen ou premye faz pour ariv 9 milyon.  500, 7 milyon, 500 or 12 milyon 500 par faz, ou kontrakter in vini in dir ou, then Mr Thesee i vin avek en pti papye i ale laba, i dir release sa kot FPAC.  Mon krwar i pli bon fason pour fer li par faz, akoz Mr Thesee i konn byen sa bann kontrakter laplipar ler i dir ou 9 milyon, ler ou pran kont in ariv 12milyon menm par faz, pran stad lanmizik koman legzanp.  Mersi Mr Speaker.

 

MR SPEAKER

Mersi Onorab Mr Thesee.  PS ou oule reponn?

 

PS DAMIEN THESEE

Mersi Mr Chair.  Parey in eksplike sa proze i already ongoing depi even lannen pase so nou mannyer nou allocate larzan nou konnen nou pour touzour annan kontrent Bidze, nou pour fer alokasyon over the years, e sa mon krwar i dernyen alokasyon ki nou’n fer dan Bidze pour li, akoz 2020 i pa feature.

Nou pour vwar li dan 2018, i la i annan larzan ki ti ganny mete e i pa pe feature dan 2020.  So parey mon’n eksplike avan nou bezwen annan en prosesis Bidze, i vreman petet distort en budget process pour okenn Minister Finans pour kontinyen vin devan Lasanble pour vin demande.  Si nou vin demande, nou demann en sonm adisyonnel pour bann keksoz ki petet nou pa’n prevwar oubyen bann aktyalite keksoz ki’n go over the cost, me selman parey sa si SPDF in met li koman son priyorite.

E nou vwar i bezwen konplete.  So sa sonm larzan ki nou’n donn li pour li fini konplet li e in osi al devan Development Committee sa, tou son bann proze over the 2, actually depi lannen pase in vini devan Committee in prezante, in donn son costing, in donn son zistifikasyon, in donn son lenportans.  E alor nou bezwen siport li pour li konplete.  Mersi.

 

MR SPEAKER

Mersi PS.  vitman Onorab Pillay.

 

HON STEPHEN PILLAY

Wi Mr Speaker, be la i annan 2 parol, i ongoing project sa dernyen faz i lo staz konsiltasyon, prezan pour zot al rod kontrakter, if it’s an ongoing project, the same Contractor would be finishing it, ki mannyer mon’n konpran Kolonnel la?  Ne ankor, anyway, i depan lo latab pour deside.  Mersi Mr Speaker.

 

MR SPEAKER

Mersi Onorab Pillay.  PS ou oule reponn?  Kolonnel.

 

COLONEL MICHAEL ROSETTE

Mr Chair parey nou pe dir pe ganny fer par faz, sa Konsiltan la i pour donn nou son bann drawings avek son bann costing tou.  Me nou letan nou ti komanse ti annan en estimasyon ki ti ganny fer par son final costing, la sa Konsiltan i pour vin up avek tousala, se sanmenm nou ti’n prevwar se sa par faz o fir a mezir ki ler i fini nou ava ganny sa final costing ki nou ava submit avek Finans.

 

MR SPEAKER

Mersi Kolonnel.  Onorab Adelaide.

 

HON FRANÇOIS ADELAIDE

Mersi Mr Chair.  Bonn apre midi, pti kestyon.  Minister Ladefans nou pe al donn zot R316. 332 milyon, eski i sa sonm ki nou pour al donn zot ki zot pour servi ouswa zot annan ankor en lot landrwa ki zot pour ganny larzan pour finans zot bann proze?  Mersi.

 

MR SPEAKER

Mersi Onorab.  PS ou oule reponn sa?  PS Thesee.

 

PS DAMIEN THESEE

Mersi Mr Chair parey nou konnen ler nou fer Bidze, i annan 3 sours finansman most of recurrent budget i ganny donnen par Gouvernman.  Selman ‘capital project’ kekfwa ennler ou annan sa konponan Grant oubyen konponan loan, e dan PSIP lo paz 3 pour SPDF pour 2019 i annan zis sa 7.6 milyon ki lo konponan loan.  Savedir tou sours as much as possible, nou’n fer sir nou’n met li ladan, e sa i reflekte sa ki nou konnen – as of now dan preparasyon Bidze si i annan okenn donor, nou pa okouran i kapab vini pandan lannen parey nenport Minister i kapab vini i fer sa.  E si i ganny okenn don la nou; nou rikorde pandan lannen.  Me selman sa as of now i sa ki nou konnen i ganny reflekte.  Mersi.

 

MR SPEAKER

Mersi PS. Onorab ou ti dir enn pti kestyon?  Yes ale, go ahead Onorab.

 

HON FRANÇOIS ADELAIDE

Ok PS mon pe sey demann ankor en kou, eski sa revolving account ki SPDF ti annan, eski i ankor ouver ouswa in frenmen?  Mersi.

 

MR SPEAKER

Mersi.  Kolonnel.

 

COLONEL MICHAEL ROSETTE

Mersi Mr Chair.  Mr Chair sa revolving account in fini fermen.  Mersi.

 

MR SPEAKER

Mersi Kolonnel.  Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker mon ava sey al ase vit, laplipar mon bann kestyon i konsern sa salaries gratuities and allowances, me avan sa mon ti a zis kontan.  Akoz lannen pase mon ti demande mon pa ti, mon ti ganny dir poudir byento i pour al ganny sorted out, Airwing i annan.  I sipoze SPDF i annan en warehouse kot Lakademi Ladefans, ki zot ti pe pret pour nanryen, Zil Air pa ti pe pey nanryen lo la.  Konmsi sa mon ti a kontan konnen konmsi si in komans peye, kan in komans peye e konbyen i pe peye par mwan?  Sa i en kestyon apar.

Lo saler Mr Speaker, mon ti a kontan ki Kolonnel i kapab dir nou si bann zofisye ki segonde an deor, eski zot reste lo payrollPartly oubyen konpletman?  Savedir eski zot kontinyen ganny bann allowance Militer oubyen ler zot ganny segonde ki legzanp mon kapab pran, kekfwa mon kapab pran legzanp Kolonnel Ciseau ki kot lo por, konmsi sa en kalite legzanp ok ki, eski ki i reste lo zot payroll dan en serten fason swa pour saler ouswa pour allowance?  Eski zot annan en Legal Advisor?  Akoz mon annan non en dimoun en madanm ki mon’n ganny lasirans poudir i lo zot payroll ok, e li son baz i legal, sanmenm sa mon apel li en Legal Advisor, eski zot annan sa bann kalite dimoun ki mon dir zot ki sivilyen ki akte pour SPDF pour dan en rol quel qu’on so silvouple sey eklersi nou lo la.

Trwazyenmman lo saler, eski zot pe pey okenn saler pour bann zwer Redstar Seselwa oubyen etranze, oubyen okenn allowance whatever pour sa bann zwer foutbol?

Mon 2nm kestyon Mr Speaker i konsern Gratwite, Mr Speaker nou konnen poudir nou pe al dir Leopold Payet pe al pran son retret, in ganny anonse, e mon ti a kontan konnen par egzanp eski, vi ki sa lanons in ganny fer mwan pase, eski zot in, dan sa Bidze i annan en sonm pour pey son tan service parey nou dir?  Eski i ladan ok?  Eski i ladan, si i pa ladan nou ava pran sa pli tar, me si i ladan eski zot kapab donn nou son sif ki i ekspekte gannyen.

Lo sa size mon ti ava kontan demann kekfwa avek Vis-Prezidan i kapab reponn nou koman Minis ansarz, an vi ki nou konnen ki Mr Payet, Brigadye Payet in fer 41an dan servis e nou konnen ki son lwayote ti bokou anver Parti SPPF/SPUP eksetera, eksetera e ki in la depi komansman e ki’n vin Brigadye e ki kekfwa nou pa bezwen Brigadye akoz nou napa Brigad Sesel, so eski zot pe pran sa lokazyon pour zot reorganiz Ladministrasyon anler top pour redefinir bann rol pour ki nou pa bezwen annan bann, sa bann pos onorifik ki vin avek sipor politik eksetera?  Eski konmsi nou pe al la dan en, nou pe al antre dan en keksoz pli profesyonnel, mwens zofisye, plis solda, plis efikasite?

Finalman mon dernyen kestyon i konsern bann allowances, e mon ti a kontan si Mr Dupres i kapab konfirmen ki bann allowances ki’n ogmant par 200, 300poursan sorti 500, 1, 500, 500, 3, 000 akoz, konmsi eski sa bann keksoz i normal?  Kekfwa PS osi i kapab pitch in ladan konmsi pour dir nou si in normal ki in annan sa sitan gran logmantasyon en sel kou pour sa bann zofisye.

Finalman Mr Speaker, mon vwar poudir fuel pour bann bato in bese.  Me selman i annan en kontradiksyon la, Mr Dupres in dir nou poudir zot in ogmant bann loperasyon, be selman mon vwar fuel pe bese.  Zot in ogmant zot bann loperasyon e zot in bezwen pey plis allowance.  Me selman mon vwar fuel in bese, konmsi mon pe sey aziste la, mon pe sey konpran kote ki’n al mal.  So si i annan mwens sorti, bann allowance osi i bezwen restrikte, so eklersi nou akoz vreman i annan en kantite sa bann keksoz ladan ki pa kler.  Mersi Mr Speaker.

 

MR SPEAKER

Mersi Onorab Ferrari.  Nou a komans avek Kolonnel ek MrDupres apre PS i ava pitch in.

 

COLONEL MICHAEL ROSETTE

Mersi Mr Chair e mersi Onorab pour ou kestyon, mon ava komans reponn premye bout apre mon a pas avek larestan, konsern sa langar ki kot Zil Air lannen pase ler sa pwen ti leve, sa ti ganny mete avek Lotorite avek Gouvernman ki nou bezwen recover sa langar e direktiv in pran e vi ki sa later i pa pour SPDF i pour MLUH ki lo la sa langar e negosyasyon i an plas ant MLUH pour kapab recover later avek nou langar lo la pour rann nou lo la.

 

HON JEAN-FRANÇOIS FERRARI

(Off-Mic)

….

 

COLONEL MICHAEL ROSETTE

E an se ki konsern bann zofisye ki segonde dan sa ka ou’n mansyonn spesifikman Kolonnel Ciseau i ankor lo lalis koman en Militer me i pa ganny peye avek SPDF tou, ni allowance, ni son saler pa ganny peye ek SPDF.

An se ki konsern en Legal Advisor, nou napa en Legal Advisor e lo nou payroll mon konfirmen ki nou napa okenn saler pour okenn Legal Advisor, tou nou legal advice nou refer kot Biro Attorney Zeneral, sa mon konfirmen lo la, non akoz nou payroll osi i ganny fer atraver Trezor zot vwar zot ki konfirmen ki donn nou, nou saler lafen di mwan.

E an se ki konsern sa team foutbol Redstar Defense Forces, sa team mon osi mon’n demann zot, mon’n verifye zot pa ganny nanryen ki sorti dan larzan SPDF, zot rod zot prop finansman, zot annan zot prop kont e zot prop sponsor ki run zot e zot account pe al ganny odite pour asire ki napa nanryen ki sorti dan SPDF e dan soz, no pa pey okenn zwer etranze avek larzan SPDF ok, se tou mon ava pas la parol avek VP.

 

VICE-PRESIDENT MR VINCENT MERITON

Mr Chair zis en pwen, wi Brigadye Leopold Payet in anons son retret apre preski konbyen, 4 deseni servis atraver sa 4 deseni servis son lwayote i anver la Patri, i anver defann entegrite nou Teritwar antet avek, antet SPDF.  Nou byensir bezwen eksprim nou respe anver li dan son rol ki in zwe pour mentenir son travay ki in fer.  E fodre apresye parey Onorab Ramkalawan in dir parey larestan in dir ki nou bann zonm ek fanm dan liniform pa dormi aswar, zot riske zot lavi, zot pa pas letan ek zot fanmir pour kapab fer sir ki nou, nou kapab travay e vi an stabilite enkli nou bann Prezidan, nou bann ansyen Prezidan.

So Mr Chairman wi Defense Council in komans en reform sibstansyel dan SPDF, kot nou pour kapab anmenn en revolisyon, anmenn modernite dan lafason, deza i annan en komansman nou pe vwar, i annan bokou zenn ki pe pran la relev dan tou bann Sekter.  E le moman ki sa i fini – o moman apropriye lenformasyon a ganny pase pour nou konsonmasyon piblik e pour nou kapab apresye ki rol zot pe zwe.

E i annan en kantite kestyon ki tou bann Onorab in demande kot i konsern bann sif, me selman sa ki enportan pour nou apresye se ki, mon repete ki bann dimoun pe travay nwit e zour, dan bann kondisyon difisil, dan bann kondisyon riske; zot al deor par ler zot riske zot lavi.  E ler zot retournen sen e sof mon krwar nou tou nou fer en respirasyon e zot kontinyen, zot pe kontinyelman pe antre dan risk.  Be selman sa en vokasyon ki zot in pran e nou, nou apresye sa e atraver Brigadye Leopold Payet nou pe dir zot mersi, se tou ki mon ti oule dir Mr Chairman.  Mersi.

 

MR SPEAKER

Mersi petet mon pour annan en pti kestyon pour Kolonnel.  An vi ki depi 3enm Repiblik ti annan bokou bann keksoz ki nou ti pour sanze, nou pour sanze, nou’n vwar sanzman in komanse apre i pa’n fini, eski SPDF li menm Seychelles People Defense Forces i relye avek sa revolisyon ’77, eski dan sa reform petet zot pour revwar SPDF pour vin SDF “Seychelles Defense Forces” mon pe sa la, mon pa konnen si Kolonnel i pare pour reponn oubyen si sa i ava ganny konsidere, Kolonnel.

 

COLONEL MICHAEL ROSETTE

Mersi Mr Chair.  Mr Chair dan sa prosesis parey VP in fer sorti i annan en bezwen pour nou amann nou Defense Forces Act e mon krwar i en propozisyon tre valab ki ou’n fer sorti e pandan lannen prosenn si Attorney Zeneral son biro i a nou dispozisyon.  E i annan sa konmsi i kapab travay avek nou pour kapab fer upgrade nou Defense Forces Act mon krwar nou note sa pwen ki ou’n fer sorti e nou ava met devan lo la.  Mersi.

 

MR SPEAKER

Mersi Kolonnel, vitman i pa en question arising, i annan Seychelles Coastguard Act osi tou ki dapre nou konpran i pe letan i pe kwi, eski sa osi tou pour vini pandan sa reform, akoz nou konnen pour le moman napa en Act ki fer li Seychelles Coastguard, zis nou apel li Seychelles Coastguard.

 

COLONEL MICHAEL ROSETTE

Mersi Mr Chair, wi definitivman nou’n plizyer repriz attempt pour ganny sa Act, sa bout Coastguard kouver dan Act dan Defense Forces Act, pour elarzi li, pour asire ki bann travay e bann manda ki ganny donnen i kler, in net pour li kapab desarz son responsabilite, nou’n deza komans fer en pe travay e depar enn de bann eksper ki’n vini ki’n asiste nou, nou deza annan en premye draft.

E Attorney Zeneral i okouran e lide se pour refer nou Act antye e enkorpor sa bann osi en bout Coastguard ladan ki nou asire ki Coastguard i kapab pli modernize, avek son bann Lezislasyon apropriye pour li kapab desarz sa responsabilite pli performan dan le fitir.  Mersi.

 

MR SPEAKER

Mersi Kolonnel Rosette.  Bon i reste nou 2 dernyen entervenan, mon ava pas la parol avek Onorab Chantal Ghislain.

 

HON CHANTAL GHISLAIN

Mersi Mr Speaker, bonn apre midi tou dimoun.  Mr Speaker Minis zot in koz lo kou bwat manze par personnel dan Larme ki lo barak ki kout R38, mon ti anvi konnen par egzanp pour en solda ki al lo bato, apepre konbyen sa pe koute par solda.  E lefe ki zot in anonse osi ki as lannen prosenn sa bann solda pour al stasyonnen lo zil Assomption, eski sa osi i pour anmenn en logmantasyon dan lakantite ki zot pe depanse lo manze, e konbyen sa pe koute an plis?

E lefe osi ki zot pe stasyonnen laba ki vedir poudir zot allowances pour monte par solda ki e stasyonnen laba lo Assomption, konbyen sa osi pe Kout Lafors Defans pour dan logmantasyon allowances pour sa bann solda, eski sa i annan en lefe osi lo sa kantite allowances ki’n monte dan bidze zeneral pour Lafors Defans?  Mersi Mr Speaker.

 

MR SPEAKER

Mersi Onorab Ghislain.  Kolonnel ek Mr Dupres.

 

COLONEL MICHAEL ROSETTE

Mersi Onorab.  Mr Chair e Onorab pour ou kestyon, an se ki konsern en solda i pour tou depan varye lo bato konbyen i koute depandan son ran, son trade ki i fer, me selman nou kapab donn zot en figure pli tar.  Pa la akoz i pour depan par an responsabilite ki i fer lo bato pour kout li par zour.  Definitivman si nou pe post li lo en lot zil i annan serten kou ki vin avek, son displacement allowance, ki nou bezwen pey li ler i pa ganny sans vwar son fanmir pour bokou plis letan ki enn ki isi Mahe oubyen ki lo bato ki pe al pour 1 semenn tournen, li i pe reste laba 1 mwan, 2 mwan depandan posting ki nou ganny fer.

Me tousala in fini pe ganny determinen dapre letan nou komans fer bann posting, nou ava determinen ki kantite letan, parey, parey pe dir rotasyon 1 mwan nou vwar li konvenab, be si i annan posibilite ki i kapab poste plis letan, sa solda li i vwar li konvenab pour li reste plis letan, e desarz sa responsabilite laba, sa bann opsyon osi nou pour gete.  Be definitivman i pour annan en reperkisyon finalman lo kou son lapey, son bann allowance ki vin avek.  Mersi.

 

SENIOR ACCOUNTANT PAUL DUPRES

Mr Chairman mon krwar pour nou vreman kapab konpran sa konpleksite dan saler Militer, ti a bon sa kestyon i pas devan Defense Committee kot Lasanble i ava aware ki mannyer i marse bann allowances dan Militer, e napa bann nespes misconcept … mon dir nou ti a ganny en kopi sa bann soz nou ava aware of it.

 

MR SPEAKER

Dakor, mon krwar i normal sa.  Mon vwar bann Manm osi pe nod. Alright, Onorab Ghislain ou ok?  Onorab Ramkalawan.

 

HON WAVEL RAMKALAWAN

Mersi bokou Mr Chairman. Mr Chairman mon krwar ki ziska aprezan nou tou nou annan bokou kestyon ankor dan nou lespri, sa sesyon ki nou’n fer apre midi i kit bokou kestyon; par egzanp letan zot koz lo, letan zot in koz lo sa reform, lannen pase nou’n tann nonm reform, nou pa’n vwar nanryen vreman ki’n arive, lo bann kan ki mannyer ti pour bouze ensidswit.

Letan nou pe regarde nou pe plis ou mwen vwar menm defans, mon anvi zis demann de pti kestyon i mon ava fini avek en seri, en propozisyon.  Mr Speaker letan nou pe koz lo pour met larzan parske la nou pe regarde pour nou met larzan pour ki i annan en travay efektiv ki ganny fer, mon anvi demande nou pe met larzan la, i dir nou annan 2 avyon fine.

Nou annan 2 Dornier be sa 2 dornier la ki nou pe met fuel ladan, ziska aprezan nou pa ankor tande ki poudir zot in detekte bann bato ki pe lapes ilegalman dan nou lanmer, e zot in koresponn avek Coastguard pour al aret sa bann bato, mon’n plito tann peser ki ankor pe fer sa.  Be dan sa ka plito nou kontinyen donn peser, plito nou kontinyen donn peser fuel allowance ek incentive pour zot nobou fer sa travay parski i resanble ki zot, zot fer sa travay byen.

Dezyenmman letan nou pe koz lo, konmsi sanmenm sa ki mon dir petet taler mon fer en propozisyon pour nou regarde ki vreman vizyon nou Lafors Defans, e si nou pour annan bann resours pour nou attend sa vizyon, mwan mon pa kasyet e Kolonnel Rosette ti reponn sa dan enn son bann speech, letan i dir serten i kapab pli anbet zot poudir ferm Lafors Defans, i ok.

Mwan mon pa mind ek sa bann zafer mwan, parske mwan ki ti dir, fodre ki Larme nou regard li e serten morso i fermen akoz letan i ti ganny formen le 5 zen ’77 e ozordi son misyon totalman diferan.  E nou pa kapab kontinyen annan en kan Larme par egzanp ki otour lakaz Msye Rene zis akoz i ansyen Prezidan, sa bann kalite misyon parey in fini ok, so Mr, par egzanp sa warship la ki nou’n dir nou pe al gannyen ou pa’n dir nou ki pei, eski mon kapab prezimen i Japon oubyen L’Angleterre ki pe donn nou?  Mon ti ava kontan si ou dir nou ki pei ki pe donn nou sa.

Letan nou pe regarde Mr Speaker, kan eski sa kont Nouvobanq ti fermen?  Mon ti ava kontan konnen akoz 1 mwan pase, 2 mwan pase nou ti devan FPAC e zot dir avek nou ki sa kont i ankor ouver, si in fek frenmen mon apresye, parske i vedir ki sa ki nou, travay ki nou fer i annan en lefe.

Mr Chairman mon mwan krwar ki sa sesyon avek defans i pa kapab, en vot pa kapab ganny pran ozordi, akoz i pa kapab ganny pran mon krwar ki Lafors Defans i bezwen retourn devan sa Lasanble pour donn nou detay bann consumables by supplier, konbyen solda ki ganny deploy dan sa bann servis?

Suppliers of manze zot non ek zot valer, suppliers, suppliers of uniform par zot non ek zot valer, lalis veikil avek zot nimero enregistration ek zot drayver, zot dernyen payroll an detay pour oktob 2018, fuel ki’n ganny servi par bann vesel depi zanvye ziska oktob, mon krwar ki sa bann detay i ava ed nou pour fer sans avek sa bann chiffres ki nou pe ganny prezante.

Par egzanp Mr Speaker zis ou bezwen mazinen ki poudir wages and salaries in cash pour lannen 2019 i annan R179 milyon apel li 180 ,R180milyon ki pe ganny mete zis pour saler ki trouv letan ou balans sa Bidze Lafors Defans i menm tonm plis ki lanmwatye ok?

E nou bezwen gannyen sa bann detay akoz pour mwan Mr Chairman lakantite dimoun ki Lafors Defans i toultan reste en mister.  I toultan reste en mister e mon pour menm dir ki unless ki mon trouv en lalis avek sa payroll konmsi pour nou konnen ki poudir la i la sa bann dimoun, sa bann vre dimoun nou kapab konpar zot non par egzanp ek Rezis Voter, e konn sa bann dimoun.

Mon ganny en lenpresyon ki i kapab annan en pe ghost soldiers lo nou lalis, e mwan mon dir sa byensir, parske mon anvi vwar si nou aprouv en Bidze ki poudir bann larzan i ganny servi byen.  Parske la lotrozour nou’n ganny dir ki avek sa kont Nouvobanq zis cheques ki ganny, zis Brigadye avek Mr Dupres i sinyen, larzan i al tire ek cash akout 5milyon, akout 3milyon, akout 4milyon zis i ganny anmennen State House.

Zot menm zot, zot pa konnen ki mannyer sa bann larzan i ganny depanse e nou bezwen veye sa bann keksoz parski, nou rol koman, i nou rol koman en Lasanble pour nou fer sa. Onorab Ferrari in demande bann Gratwite, Gratwite pour Brigadye apre 41an, mon krwar ki i enportan pour nou konnen, i enportan pour nou konnen konbyen eski i R120, 000 i R200, 000, i 4 milyon, i 5 milyon?  Konbyen i ete?

Parske tousala pour al dan sa Bidze e mon kontan bann parol ki Vis-Prezidan in koze, me selman mon krwar Vis-Prezidan i pa’n retourn ’77, son diskour i en diskour petet 2016 an montan, be mon pa pe rod diskour 2016 an montan mwan parski mwan mon anvi diskour depi 1977 ok, e petet letan nou ava pe koz lo sa bann kont, mon ti ava kontan osi ganny, mon krwar i enportan pour nou ganny levidans ki poudir sa bann kont, sa kont vre in fermen, kan in fermen?  Konmsi levidans kler ki poudir in fermen, son balans ki i ti ladan kote in ganny transfer?

Alor Mr Chairman nou’n annan nou ankor 2 semenn edmi pour nou regard Bidze, mwan mon ti ava demande ki Head, sa Head lo Defans i ganny suspended e ki nou ganny sa bann lenformasyon e atraver sa bann lenformasyon la aprezan nou ava kapab pran en vot.  Me selman mon anvi en pe larepons sa bann keksoz ki mon’n met devan e petet osi Kolonnel Rosette in mansyonn team foutbol, be petet nou ti ava kontan konnen lekel ki met fuel dan sa pickup ki anmenn bann zwer, sa pickup SPDF ki anmenn bann zwer train e lefe ki Kolonnel in mansyonnen ki poudir bann kont pe al ganny odite alors ki lenfliyans ki SPDF li menm li koman en Lorganizasyon i annan dan sa lekip foutbol?  Mersi bokou Mr Chairman.

 

MR SPEAKER

Mersi Onorab Ramkalawan.  Bon mon ava demann ek panel pour donn en pe repons, apre nou ava pran desizyon lo propozisyon ki’n ganny avanse.  Kolonnel.  Mr Dupres.

 

COLONEL MICHAEL ROSETTE

Mr Chair mersi.  Mr Chair nou kapab donn sa bann lenformasyon e nou ti a prefere ki nou al dan Select Committee for Defense nou anmenn sa bann lenformasyon, nou prezant avek zot.  Mersi.

 

MR SPEAKER

Bon ok.  Savedir nou, nou annan en propozisyon ki’n ganny fer ki vot lo Bidze Lafors Defans i ganny anvoye ziskan ler sa bann lenformasyon i ganny fer available avek Lasanble Nasyonal, eski, wi si fodre, mon krwar si fodre Lafors Defans, bann zofisye ki la avek nou i rankontre avan avek Komite Defans Lasanble, sa i ava ganny fer apre nou ava atraver PS Thesee Minister Finans, nou ava reorganiz en lot pti slot kot zot ava rantre kot nou a kapab klarifye serten keksoz ki nou santi i pa pour met en jeu nanryen e nou a kapab pran en desizyon lo zot Bidze, eski zot dakor avek sa?  Alright.  Onorab Ramkalawan.

 

HON WAVEL RAMKALAWAN

Be Mr Chairman.  Mon napa okenn dout ki letan nou’n etabli Komite Defans.  Sa i pour, sa ti pour enn bann responsabilite, lannen pase nou ti fer Komite FPAC fer sa travay.  Me alor la i definitivman pli apropriye pour Komite Defans e petet nou ti ava kapab, petet Mr Chairman si Kolonnel i dir nou kan?  Si i bezwen 2 zour petet nou ti ava kapab, well demen i zedi, non i pour bezwen semenn prosenn akoz mwan osi mon pe deplase pour SADC, SADC-PF petet mon retourn, mon pa konnen si mon pour retourn Dimans oubyen Mardi, be nou ava kapab fer li Merkredi …

 

MR SPEAKER

Prosen…

 

HON WAVEL RAMKALAWAN

Merkredi pandan lunch break oubyen menm si nou, mwan mon pa mind travay 7er bomaten, 7er ziska 9er si i ok avek bann lezot Manm, konmsi donn zot 1 semenn; 1 semenn i next week merkredi, merkredi prosen be nou ava, zot ava liaise avek Lasanble pour regarde ke ler ki pli apropriye Mr Chairman.  Mersi bokou.

 

MR SPEAKER

Mersi Onorab.  Bon mon krwar i annan en latant la.  Kolonnel Rosette oubyen maybe kapab liaise atraver PS Thesee ki ava liaise avek Lasanble atraver Lofis Madanm Clerk e nou a kapab set sa rankont.

Bon avek sa mon ti a kontan remersi Vis-Prezidan, Kolonnel Michael Rosette, MPaul Dupres Senior Accountant, PS Thesee, Ms Verghese, Ms Tamatave, tou Manm Onorab e ankor mon dir mersi SBC pour et en pti pe fleksib avek nou.  Nou alor pran, nou ava adjourn, wi nou ava sorti dan Komite, zis nou ava retourn dan Committee of the Whole Assembly, Sarge ou ava bouz Mace e nou ava adjourn e repran nou travay demen 9er bomaten.

 

(ADJOURNMENT)