Home » Verbatim » 2018 » Verbatim Monday 19th November, 2018

Verbatim Monday 19th November, 2018

NATIONAL ASSEMBLY OF SEYCHELLES

 Monday 19th November, 2018

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab.  Bonzour tou dimoun ki a lekout.  Nou pe kontinyen nou travay lo deba, lo Bidze pou 2019.  Bomaten nou pe pran Minister Lasante, bann Departman, bann Lazans ki asosye avek.  E mon ti a kontan dir en bonzour spesyal e en welcome Minister Jean Paul Adam, Sekreter Prensipal pou Lasante Dr Bernard Valentin, Special Advisor to the Minister Dr Loren Reginald,  AG Director Human Resources Ms Helda Rousseau e mon annan detrwa lezot ankor ki anler dan – non i annan detrwa ki parmi nou ankor la.  Ms Jacinthe Bonne Financial Controller, Mrs Patricia Rene Chairperson National Institute Health and Social Studies.  Mrs Maryline Lucas Director National Institute Health and Social Studies e mon annan osi tou detrwa zofisye ki anler dan Galeri.  Bonzour e welcome parmi nou.  Mon annan en lalis bann zofisye ki anler se Madanm Kathleen Cécile Deputy CEO, Mr Marthy Vidot personal assistant to the Minister, Ms Sheila Vidot Administrative Officer, Mr Michel Brutus Senior Accountant.

Yes mon krwar mon’n ganny zot tou Dr Jude Gedeon osi tou i parmi nou.  Bon avan nou pou konmans nou travay mon ti a kontan osi  welcome PS Damien Thésee parmi nou e PS Thésee i ganny asiste par Ms Tamatave e Ms Croisee.

Avan nou pran nou travay nou pou zis pas lo nou Order Paper  e nou annan en dokiman ki mon ti anonse semenn pase ki bann Manm in deza ganny kopi.  Nou pou met li konman Presentation of Papers ozordi e mon ava demann Madanm Deputy Clerk pou lir papye ki devan nou.

 

MADAM DEPUTY CLERK

Mersi Mr Speaker.   Bonzour tou bann Manm, Minis avek son delegasyon.  Papye ki pe ganny prezante bomaten se Report of the Auditor General for 2017.  Mersi.

 

MR SPEAKER

Mersi Madanm Deputy Clerk.  Bon mon ava donn la parol PS – non zis avan nou ava move dan Staz Komite.  Mon a donn la parol PS Thésee zis pou gid nou lo ki paz dan nou Schedule.

MINISTRY OF HEALTH

PS DAMIEN THESEE

Bonzour Mr Speaker e tou Manm Onorab.  Nou a pran paz 433 pou Minister Lasante pou en sonm 77milyon 614mil.  Mersi.

 

MR SPEAKER

Mersi PS Thésee.  Bon nou pou konmans nou travay lo Ministry of Health paz 433 sonm 77milyon 614mil.  Okenn Manm ki oule entervenir ki le klarifikasyon kestyon?  Onorab Churchill Gill.

 

HON CHURCHILL GILL

Mersi Mr Chair.  Bonzour Mr Chair, bonzour Minis ek ou delegasyon.  Bonzour tou Manm e tou dimoun a lekout.  Minis mon pe gete si dan sa Bidze, i annan okenn provizyon ki’n ganny fer pou okenn lekipman spesyalize pou Lopital Baie St Anne Praslin?  Mersi.

 

MR SPEAKER

Mersi Onorab.  Minister.

 

MINISTER JEAN-PAUL ADAM

Mersi bokou Mr Speaker e bonzour tou bann Manm Onorab e tou dimoun ki pe swiv nou deba.  I en plezir pou nou ankor en fwa ganny sa sans pou nou diskit avek zot bann prensip bidzeter pou sekter Lasante.  Mersi Onorab pou ou kestyon.  Mon krwar ki sa kestyon i pli anliny avek letan nou pou pas lo Lazans Servis Lasante Health Care Agency akoz bann Proze Kapital i anba Health Care Agency me zis pou dir ki i annan provizyon pou nou adres serten bann eleman lekipman dan Lopital Baie Ste Anne parey nou’n demande.  Me letan nou pou pas lo Health Care Agency CEO i a kapab donn en pti pe plis detay.  Mersi.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mr Speaker dan sa Bidze ki nou pe al aprouve pou Minister Lasante, mon ti a kontan demann Minis ki Polisi ouswa stratezi ki zot annan pou ankouraz e siport plis nou Seselwa dan en plan lokalizasyon ki – enn – avek en progranm kler ki nou bann Seselwa bann ners e bann ki’n ganny train ki pe spesyalize konman dokter pou kapab pran  sa bann post an menm tan redwir en pti pe ban depans.  Epi dezyenmman an siny pou akoz mon vwar bann challenges ki annan serten bann problenm.  Ki nou pe fer par egzanp a ler aktyel pou donn en pti pe plis sa ki nou pe donn bann etranze – donn nou bann Seselwa ki ava ankouraz zot en pti pe plis an menm tan ankouraz bann zenn ki pe lekol pou kapab pran bann desizyon pou antre dan sa Minister? Mersi.

 

MR SPEAKER

Mersi Onorab William.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Bon tou dabor eleman ki tonm anba Minister Lasante ki pli anliny avek ou kestyon, se lenvestisman ki nou pe kontinyelman fer lo formasyon nou bann profesyonnel akoz se zisteman e  la baz formasyon se pou nou kapab pli byen envesti dan bann profesyonnel Seselwa, e kot i relevan pou nou ranplas travayer etranze, kot i annan be nou bezwen realis mon krwar nou tou nou konsyan ki dan sekter lasante ou pa pou kapab en zour ziska lannmen, zis annan en sel kou en sistenm lasante ki konpletman lokalize.  I pran letan.

E lot eleman se menm, si ou regard la kantite spesyalizasyon ki nou annan  aktyelman dan nou pei i pa pou forseman toultan le ka kot ou kapab annan en spesyalis lokal dan tou sekter par egzanp.  Me mon ava note ki i annan R17.436milyon ki’n ganny met akote dan sa Bidze dan Minister Lasante pou formasyon kontinyel.

Sa i pa enkli par egzanp bann dimoun ki pe al fer zot bann degre sorti A Level akoz sa i kouver anba ANHRD alor i pa kouver tou formasyon par egzanp dokter ki byensir ki bokou plis, me sa i konsern bann formasyon kontinyel.  E i osi ranforsman bann konpetans serten kad kle.

E sa i enkli par egzanp atraver bann kour kourt dire ki sa i kapab ganny fer kot NIHSS ou osi ki kapab ganny fer kot Lopital ki nou annan partenarya avek.  Par egzanp sa lannen nou’n anvoy en kantite dimoun La Reunion e nou’n osi fer vini bann formater La Reunion pou vin Sesel konman en legzanp.  I annan lezot formasyon ki nou’n fer dan L’Inde par egzanp e lezot.  E si nou pran par egzanp ners –  rezon ki nou annan ners ekspatriye aktyelman se ki nou’n santi pou nou kapab delivre sa standar servis nou’n bezwen fer vini serten ners ekspatriye pou kapab partaz sa travay ki annan.

E sa i osi en fason pou nou siport nou ners Seselwa akoz si nou ti napa sa bann ners ekspatriye zot lakantite erdtan ki zot ti bezwen fer i plis e ti pou pli difisil.  Me a long term nou anvi byensir ranplas sa bann ners tan ki posib avek bann ners Seselwa.  Ki nou kapab vwar se dan progranm ACCESS ki en progranm ki NIHSS in etabli ki osi ede pou nou fer lokalizasyon aktyelman nou annan 32 dimoun ki lo sa kour ACCESS.

Nou annan osi aktyelman en total 42 dimoun ki pe fer formasyon pou ners me zot letan ki zot pou graduate i en pti pe diferan.  I annan 27 ki pou graduate an 2020 e sa i form parti sa stratezi pou nou ogmant lakantite dimoun ki pe antre dan sa formasyon.  Pou 2018 ek 2019 bann sonm i mwens.  I annan 10 ki pou graduate an 2018 e i annan  selman 6 ki pou graduate an 2019.  Me avek 27 ki pe vini 2020 nou kapab vwar ki nou stratezi pou nou ogmant la kantite dimoun ki pe antre, dan bann formasyon lye avek lasante pe ogmante.  I pou annan letan pou nou kapab ganny sa bann formasyon.

Nou osi annan aktyelman 54 dokter lo diferan nivo formasyon aletranze e i annan 16 ki pe retourn dan nou sistenm an 2019.  Ankor enn fwa sa i reprezant en eleman kle dan lokalizasyon bann servis kle.  E i mars ansanm osi avek bann stratezi spesyalizasyon – savedir o pli vit posib ki en dokter Seselwa in fer son formasyon, nou donn li sa sans pou li spesyalize – o pli vit posib.  Dan laranzman ki nou annan par egzanp avek  Cuba, bann dimoun ki’ n al fer zot premye degre Cuba zot kapab al fer deswit zot spesyalizasyon.

I annan parmi ki’n swazir pou fer en pe letan Sesel me nou annan sa kapasite pou nou anvoy zot vitman pou zot fer zot spesyalizasyon.  Nou pe osi travay avek La Reunion nou annan en progranm ki pe al fotespere si tou keksoz i la byen i konman an 2019 kot lenformasyon spesyalizasyon kot en dokter pou kapab fer 1an La Reunion e 1an Sesel apre ankor 1an La Reunion 1an Sesel 4an spesyalizasyon me avek sipervizyon sorti La Reunion.

Nou osi annan dokter ki’n al spesyalize Sud Afrique e i annan ankor ki pou ale an 2019.  E nou pe regard tou bann diferan sekter sa ki nou apel Allied Health Professionals pou nou kapab fer sa bann formasyon neseser pou nou ranplas etranze avek Seselwa, e mon krwar nou tou nou konpran pou dir sa i pa en louvraz en zour.  Mersi Mr Speaker e mersi Onorab.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mr Speaker mon ti anvi si Minis ti kapab si i annan lenformasyon, akoz ki arive se ki, nou santi poudir i annan bann disparite e nou ti a kontan konmsi ki nou vwar serten lesey pou koriz sa bann inegalite.

Par egzanp en ners etranze avek en ners Seselwa ozord,i konmsi ki sa disparite ki i annan?  Konmsi kwa ki nou kapab fer parey mon dir akoz ki arive se ki pou ou ganny dimoun, letan ou pe pey dimoun byen dimoun pou ankouraze pou vin travay, me si i annan sa disparite par egzanp kwa ki zot pe ofer sa bann ners etranze ozordi, ki nou kapab konsider osi pou kapab fer en fason ki sa ners Seselwa li osi i kapab benefisye otan pou li kapab ankouraze pou li donn son maximum?  Mersi.

 

MR SPEAKER

Mersi Onorab William.  Minis.

 

MINISTER JEAN-PAUL ADAM

Mersi bokou Onorab e ki mon pou fer kler se parey Gouvernman in donn son langazman atraver Prezidan Faure se ki 2018 e 2019 nou fer sir ki tou travayer lasante in ganny en logmantasyon dan zot saler atraver en Scheme.  E sa i an mwayenn R3mil logmantasyon me dan serten ka i plis.

E sa i baze pou nou esey adres pou nou al dan direksyon ki parey ou’n dir kot nou regard en travayer ekspatriye en travayer Seselwa lo menm baz.  Me si nou pran legzanp ners akoz i pou diferan dan diferan travayer.  Me si ou regard par egzanp ners, i annan serten lavantaz ki ners Seselwa i gannyen ki ners etranze- par gannyen par egzanp.  Si ou pran marketable skills en ners Seselwa ki annan en BSC oubyen menm en MSC en Masters i ganny marketable skills allowance ki bann sonm enportan ki en ners ki nou’n rekrit sorti etranze pa gannyen.

Lavantaz ki en etranze i gannyen  se i ganny akomodasyon, ki en pri ki konsekan.  E definitivman letan nou pe al pli devan nou pou esey aliny sa bann diferan progranm pou nou met li dan en package ki pli senp pou administre, e osi ki pa kree sa distorsion ant etranze oubyen lokal.

E fodre nou mazinen ki etranze osi i annan serten keksoz ki Seselwa i benefisye avek ki zot ti ava swete.  Par egzanp lo loportinite formasyon. Par egzanp zot pey enn nivo income tax ki pli o.  I en keksoz ki travayer lasante nou pe sey adrese, akoz nou anvi fer sir ki bann travayer lasante etranze pa santi zot ki zot annan en difikilte par rapor ek bann kondisyon ki letan zot ti vini.  Lezot lavantaz ki travayer Seselwa i gannyen ki etranze pa gannyen par egzanp Trezyenm Mwan Saler.  Alor i annan  serten lavantaz ki konsekan pou bann travayer Seselwa.

Nou bi e la kot nou pe travay mon mazinen sa deba pou lev ankor letan nou pou koz lo Health Care Agency nou bi se osi fer en evalyasyon travay tou travayer lasante e sa nou pe fer li avek sipor Board Lazans servis lasante HCA Board, pou nou kapab kree en kad ki en pe pli iniform ant tou bann diferan kad travayer lasante.

Me sa ki nou pe fer an 2019 nou fer sir  ki tou travayer lasante an 2018 e 2019 ki tou travayer lasante i ganny en logmantasyon, e ki zot dan en pli bon pozisyon ki avan.  E nou bi a long term se zisteman adres en pti pe sa bann diferans dan zot kondisyon servis ant etranze ek lokal, pou nou anmenn zot en pti pe lo menm platform. Mersi Mr Speaker.  Mersi Onorab.

 

MR SPEAKER

Mersi Minis.  Onorab Ahmed Afif.

 

HON AMED AFIF

Mersi Mr Speaker.  Mr Speaker mon kestyon i baze lo paz 435 latab No 2 e mon pe regard logmantasyon dan saler 2018 son Bidze ki ti R17.2milyon ki aprezan in vin R19.3milyon.  E ler mon al dan son detay mon vwar ki dan son detay basic pay li aktyelman in redwir sorti 14milyon pou vin 12.7milyon, me allowances in sorti 2.9milyon pou vin 6.5milyon.  Alor mon ti a kontan premyerman demann Minis pou eksplike, ki sa rasyonal fer monte saler me selman gard basic pay parey zis allowances ki mont dan en fason sibstansyel.

Sa se mon premye parti kestyon. Mon 2enm parti kestyon se lo kote ‘’goods and services’’ ki mon vwar en rediksyon.  Si Minis i kapab zis donn nou an rezimen kwa ki pe fer sa rediksyon?  Mon krwar ler mon pe get bann detay i annan pou fer ek sekirite – avek rent me si i annan lezot eleman ki enportan ki i devret fer nou konnen nou ti ava kontan si i kapab donn nou sa bann leksplikasyon?  Mersi Mr Speaker.

 

MR SPEAKER

Mersi Onorab Afif.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Mon pou donn en larepons en pe zeneralize apre si neseser PS Finans ek PS Lasante i ava donn en pti pe plis detay.  An se ki konsern lapros zeneral, ki nou’n vwar letan nou pe travay lo bann diferan Scheme se ki nou bezwen sitye tou bann Scheme Gouvernman tou bann Scheme travayer lasante dan kad latab saler, salary grid ki Gouvernman in adopte.

E mon krwar si nou vwar en rediksyon dan basic pay i pa pou en rediksyon dan saler de baz en endividi i pou petet en post petet ki pa’n ganny rekrite oubyen i annan –  i en pti pe dan sa laliny akoz ou pe regard son total.  Lo kote bann allowances se dan bokou ka latab saler pa permet nou fer en ogmantasyon san kree en disparite antye lo latab saler.

Alor lapros ki nou pe pran se adres sa dan en premye faz atraver bann allowance e sa i gidans ki’n ganny donnen par egzanp par Departman Administrasyon akoz latab saler in ganny kree lo en analiz tou bann diferan louvraz ki annan dan Gouvernman.

E letan nou ariv lo en serten nivo ou pa kapab al plis – ou pa kapab al lo en step pli o san ki ou re baz latab saler dan son totalite.  Solisyon imedya pou nou kapab adres sa bann Scheme se sa bann diferan allowances ki nou’n met devan e lot parti sa revi se sa travay se sa job evaluation ki pou ganny fer avek sipor Board HCA, pou nou kapab osi regarde si i annan nesesite par egzanp kree en kad spesifik e diferan an deor pou bann travayer dan sekter medikal.  Mon pa konnen si en pe plis sa i lo sa kestyon basic pay.  E lo ‘’goods and services’’ dapre mon konpreansyon se zisteman parey ou’n dir serten rediksyon an term Bidze sekirite, me mon pa konnen si sa de PS petet i le donn serten konpleman lenformasyon.  Mersi.

 

MR SPEAKER

Mersi Minis. PS Thésee.

 

PS DAMIEN THESEE

Mersi Mr Speaker.  Pou être presiz anba allowance pou 2019 kwa ki antre nou annan apepre 1.3 pou long service allowance, apre apepre 1.3 ankor pou part time lecturer allowance kot NIHSS.  Sanmenm sa ki pe fer sa diferans basically.  E lo ‘’goods’’ ou pou vwar diferans i plizoumwen anba ‘’other uses of goods and services avek minor capital outlays’’ ki fer rediksyon. E parey Minis in eksplike i plizoumwen sekirite ki’n sorti anba Minister Lasante akoz in sorti from Red Roof ki al anba HCA prezan.  E osi ‘’netwayaz’’ ki’n sorti osi anba Minister Lasante ki ava al anba  HCA.  Se sa ki fer sa gran diferans plizoumwen.  Mersi.

 

MR SPEAKER

Mersi PS.  Onorab Sophola.

 

HON NOLINE SOPHOLA

Mersi Mr Chair e bonzour.  Bonzour Minis ek ou delegasyon, tou Manm Onorab e tou dimoun ki a lekout.  Mr Chair eski Minis i kapab dir nou si dan sa Bidze son Minister in fer provizyon pou annan en bato pou ede dan deplasman emergency pasyan Praslin/ La Digue?  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Sa size pou plito ganny aborde dan deba ki nou pou fer lo Bidze Lazans Servis Lasante me dan en fason zeneral, nou napa lentansyon pou al dan sa direksyon me nou konsyan defi otour transfer pasyan e nou pe pran serten mezir pou nou amelyor sa e nou ava koz lo la en pti pe plis pli tar.  Mersi.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mersi Mr Speaker.  Bonzour Minis, ou delegasyon, tou Manm e tou dimoun a lekout.  Minis anba ‘’current challenges’’ lo paz 434 i state ki i annan en ‘shortage of train human resources in all programs to carry out mandates.’  Mon kestyon i konsernan annefe sa issue lack of trained human resources e mon ti a kontan demann en kestyon an regardan zot Polisi, kot i konsern bann specialized staff pou Inner Island, pou zil pros parey kot i konsern Physio therapist, radiographer in fact menm i annan konsern teknisyen pou run X-ray masin dan lopital Baie St Anne.  Mwan mon kestyon i ki zot Polisi kot i konsern recruitment  e  annan bann dimoun permanan pe travay lo Inner Island.

Akoz enn bann konsern ki nou pe gannyen se ki bann profesyonnel ki vini physio therapist, ouswa radiographer ouswa bann teknisyen se ki zot konplent konmkwa i annan bann allowance ki zot sipoze gannyen anba PSO ki zot pa pe gannyen.  displacement allowance, posting allowance e sa i fer ki zot dekouraz apre zot kite.  E nou napa sa bann profesyonnel pou fer sa ban louvraz permanan.

E sa bann louvraz ou bezwen bann dimoun permanan dan louvraz par lefe ki bann sirkonstans ki baze kot i konsern X-ray tanzantan i annan bann emergency me napa profesyonnel permanan  lo zil alor ki zot Polisi dan le fitir ki mannyer zot pou adres sa problenm kot i konsern Inner Island? Mersi.

 

MR SPEAKER

Mersi Onorab.  Minis.

 

MINISTER JEAN PAUL ADAM

Mersi bokou Mr Speaker e mersi Onorab.  Mon krwar kot i konsern spesifikman bann staff ki dan bann diferan sant lasante, nou pou kouver li en pe letan nou pou koz lo Lazans Servis Lasante.  Me an term Polisi nou esey o maximum pou nou plas bann ekspertiz neseser dan bann sant lasante relatif avek demann pou sa bann servis.

Nou konsyan ki parfwa i annan demann pa zis lo Praslin me osi par egzanp dan lezot sant lasante ki menm par egzanp bann sant lasante lo Mahe ki parfwa en servis swete annan me i annan sa mank mendev.  E fodre nou realize depandans ki nou annan Sesel par egzanp lo lekspertiz sorti bann partener parey Cuba, e nou esey o maximum par egzanp pou nou servi sa resours atraver sa partenarya dan en fason ki siport devlopman meyer lasante posib dan nou pei.

Me larealite sa bann Kontra se ki apre en serten letan i annan en rotasyon e ki sa bann dimoun pa kapab reste.

Me osi anliny avek ou kestyon se pou nou kapab plas dimoun dan en fason pli permanan lo sa bann zil, i nesesit logmantasyon, rekritman lakantite dimoun.  E ou pou vwar letan nou pou koz lo HCA poudir i annan serten rekritman adisyonnel ki pe vini.  E i annan serten rekritman adisyonnel ki’n fini ganny fer ki pou adres an parti sa problenm.

Me sa ki nou bezwen nou tou konsyan dan lasante se ki demann i kontinyen ogmante.  E savedir menm letan ou met plis resours par egzanp resours ki disponib lo Praslin ozordi, i bokou plis ki dan lepase me nou  konsyan poudir demann i kontinyen ogmante.  E lye osi avek kestyon pli boner kot Onorab William, lakle se formasyon a long term.

E parey mon’n montre dan bann statistik ki mon’n donnen nou annan en formasyon konsekan ki pe ganny fer me rezilta i delivre a long term.  Mersi bokou Mr Speaker.  Mersi Onorab.

 

MR SPEAKER

Mersi Minis.  PS Lasante.

 

PS DR BERNARD VALENTIN

Mersi Mr Speaker.  Mersi Onorab.  Mon krwar sa ban komanter lo sa paz ki ou’n fer referans avek i an relasyon avek manda Minister li menm sa bout ki nou apel PS Secretariat e nou’n met sa konman bann challenge akoz nou  santi poudir i annan fonksyon ki nou, nou devret pe fer konman en Minister nou pa pe kapab fer li zisteman akoz nou napa mendev kalifye.

Par egzanp nou bezwen bokou plis statistisyen e nou napa men si nou fer advertisment lokal nou pa gannyen.  E nou bezwen dimoun ankor pou fer lezot aspe monitoring and evaluation pa neseserman ki nou annan.

Nou bezwen dimoun osi dan health promotion bokou plis ki nou annan la konmela, e i en pe difisil ou nou recruit.  So i sa bann manda koumsa ki nou  annan konman en Minister ki nou vwar nou annan en bon pe defayans pou nou ranpli zisteman akoz, nou napa sa bann mendev.  Menm pou recruit nou napa.  Mersi.

 

MR SPEAKER

Mersi PS.  Onorab Jude Valmont.

 

HON JUDE VALMONT

Mersi Mr Chair.  Bonzour.  Bonzour Minis e delegasyon.  Bonzour PS Thésee e tou koleg Onorab.  Tou Manm piblik ki pe swiv nou.  Mon kestyon Minis i konsernan bann staff ;  training staff pli presizeman lo paz 435 latab 2 program 2.  Ki met ‘‘training and professional development.’’  Mon’n fer en remark ki i annan en logmantasyon pros 2milyon from revised budget lannen pase pou Bidze 2019.

Mon konnen nou toultan koz lo lespri pou ankouraz plis staff profesyonnel e alor mon demann Minis, eski okenn konsiderasyon i kapab ganny pran pou pey full training sirtou kot lenstiti Guy Morel pou bann staff locally?  Akoz mon konnen zot pey en tyer alors dan lespri ankouraz zot si okenn konsiderasyon i kapab ganny pran an vi ki i annan sa logmantasyon dan Bidze?  Mersi.

 

MR SPEAKER

Mersi Onorab Valmont.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Ki – sa kestyon i kouver en lespas ase gran me lakle se pou nou vwar formasyon menm si nou annan en  Bidze ki santralize dan Minister Lasante i osi annan lezot mwayen ki nou servi par egzanp dan  lazans Servis Lasante – par egzanp dan Lotorite Lasante apre i annan osi bann resours ANHRD.

Nou annan bann formasyon ki, bann formasyon ki finanse a 100poursan.  Par egzanp nou annan ban dimoun ki – bann dimoun in sevice ki nou anvoy par egzanp lo ACCESS course kot NIHSS i finanse 100poursan. Letan nou anvoy dimoun al fer bann formasyon dan bann Lopital partener oubyen par egzanp La Reunion nou finans sa a 100poursan.

Nou osi pou finans an parti letan nou pou fer sa ki nou apel Recognition of Prior Learning (RPL) ok, sa osi i pou ganny finanse an parti ; i baze lo Bidze ki disponib.  Alor kestyon lo si nou kapab finans li dan son totalite par egzanp kot Guy Morel mon pou dir ou fransman ki priyorite i vin pour bann sekter medikal dan sa Bidze.

E letan sa prensip zeneralize kot nou finans en  parti pou sa bann formasyon akoz sa bann formasyon administrasyon in an mwen enportan, i pou depan lo resours ki disponib.  Alor nou annan bann formasyon kot mon kapab dir en dimoun i swazir lo li menm i anvi fer sa kour, i pa posib pou nou finans li a 100poursan akoz petet nou napa sa mwayen.

Me anliny avek nou training plan si i annan en formasyon ki spesifik e ki lye a lenformasyon, enn nou bann lobzektif ki dan nou plan stratezik lasante e ki dan Bidze i en keksoz ki kapab ganny konsidere.  Me nou ava diskit en pti pe en fason pli larz akoz i osi konsern Polisi zeneral ki Gouvernman in met an plas vizavi sa kalite formasyon.  Me priyorite parey mon’n dir se sa bann formasyon ki spesifik pou lasante, kot NIHSS bann dimoun ki deza dan zot pozisyon ki nou anvi fer zot evolye e avanse.  Mersi bokou Mr Speaker.  Mersi Onorab.

 

MR SPEAKER

Mersi Minis.  Onorab Regina Esparon.

 

HON REGINA ESPARON

Mersi Mr Speaker.  Mr Speaker mon ti a kontan demann Minis, letan in reponn kestyon Onorab Afif taler in dir poudir zot pe al regard bann Scheme pou bann travayer.  Mon ti a kontan demann li an vi ki i annan serten kad travayer ki napa en Scheme si i annan provizyon dan sa Bidze la pou letan Scheme i ganny revise pou sa bann travayer ganny compensate pou sa ki zot due.

Epi Minis en pti leklersisman mon ti a kontan demande parey bann, dan ka bann nursing assistant mon konnen zot napa en Scheme zot be selman zot ti ganny promet en night duty allowance ki zot pa pe gannyen.

Eski i annan provizyon ki pe ganny fer la dan sa Bidze pou kouver zot e pou menm donn zot en refund pou sa bann letan ki zot pa’n ganny zot en night allowance?  En lot pti kestyon se nou’n remarke anba ‘’capital projects’’ i annan 36milyon ki’n ganny mete – mon vwar in met ‘new HQ’ mon ti a kontan ganny en pti pe detay lo la silvouple.  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  An se ki konsern preski tou travayer lasante lamazorite i kouver da en Scheme dan en fason oubyen en lot oubyen i annan serten ki petet pa dan en Scheme spesifik pou lasante,  i annan bann Scheme si nou pran par egzanp bann dimoun ki dan Accounts par egzanp zot ganny kouver par zot Scheme respektif.  E dan lasante la grande mazorite zot annan zot Scheme spesifik.

Petet i annan enn de leksepsyon bann kad administratif e sa bokou zot pou benefisye par egzanp atraver sa long service retention allowance ki Minis fiance ti anonse.  Annefe totalite dan sekter lasante i annan 1216 dimoun ki pou benefisye avek sa retention allowance pou long service a diferan  nivo depandan zot longer servis.  E se zisteman lentansyon apre byensir i annan sa logmantasyon 5poursan zeneralize dan wage grid e ki pou benefisye tou travayer e sa i enkli sa bann dimoun.

Apre nou annan serten travayer ki spesifik dan lasante si nou pran par egzanp sa bann medical porters nou’n fer serten travay pou nou donn zot serten amelyorasyon dan zot kondisyon servis.  E fodre nou mazinen ki en Scheme of Service in toultan lye avek en travay ki spesifik pou en louv raz spesifik.

Kot i konsern health care assistant annefe an 2018 zot in gannyen logmantasyon mil Roupi konman en retention allowance ki an parti in adres serten zot bann konsern.  Kot i konsern zot night shift allowance mon ti ava demann ou petet pou partaz avek mwan plis detay lo bann ka spesifik. Bann ka ki mwan mon konnen kot serten ti apros mwan, ti konsernan lenterpretasyon ki mannyer sa allowance i ganny peye.  Me  bann travayer ti pe gannyen sa allowance.

Prezan si en lot ka petet mon pa okouran mon pou demann ou petet pou donn mwan en pe detay lo la pou nou kapab fer en lenvestigasyon.  Me an 2018 bann asistan lasante ti ganny en logmantasyon mil Roupi.

Apre an se konsern sa 36milyon sa i Bidze ki’n ganny prevwar pou kontinyasyon pou sa proze lenformasyon lasante ki pe kontinyen ganny enplimante.  Nou’n ariv lo staz final sa tender e nou pou ariv lo staz pou nou aste sa software e osi sa bann lekipman ki lye avek sa servis lenformasyon lasante.  Mersi Mr Speaker e mersi Onorab.

 

MR SPEAKER

Mersi Minis.  Onorab Esparon.

 

HON REGINA ESPARON

Yes Mr Speaker.  Petet mon pa konnen Minis.  Lo en payslip in met night duty contract, apre zot dir ti annan en night duty allowance ki zot ti sipoze gannyen mon pa konnen si parey ou’n dir lenterpretasyon ki sanmenm sa ki sipoze pe kouver sa.  Kekfwa son lenterpretasyon ki mal, ki zot krwar zot pa pe gannyen.  Mon pa konnen zis eklersi sa.  Mersi

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker.  M on krwar petet nou ava ganny en pe detay lo la nou ava kapab regarde e nou ava kapab sey adres sa.  Mersi Mr Speaker.

 

MR SPEAKER

Mersi Minis.  Onorab Wilbert Herminie.

 

HON WILBERT HERMINIE

Mersi Mr Speaker.  Bonzour Minis avek ou delegasyon.  Mon kestyon i lo paz 48 lo PSIP lo  sa Health Information System ki Minis in fek touse la.  Eski Minis i kapab donn nou en pti pe detay lekel sa konsiltan ki pe fer sa e kan ki zot prezimen sa sistenm pou vin an fors vi ki bann Regional Centres i pe esper sa pou zot kapab konekte avek main Lopital.  Mersi Mr Speaker.

 

MR SPEAKER

Mersi Onorab Herminie.  Minis.

 

MINISTER JEAN-PAUL ADAM

Mersi Mr Speaker e mersi Onorab.  An se ki konsern sa servis lenformasyon lasante sa Health Information System sa i en progranm ki ler nou pou enplimante i pou permet tou nou bann  servis lasante ganny lye ansanm dan en fason elektronik.  Nou tou nou konnen defi ki nou annan aktyelman dan lasante e k bann file, bann kart an papye serten ki la depi lontan kondisyon i en pe move e osi ou annan sa risk ki  arive letan en pasyan par egzanp pe vwar plizyer spesyalis sa risk ki sa kart i perdi.  E avek sa servis lenformasyon lasante sa pou ganny fer dan en fason elektronik.

Staz kot in arive la se nou’n fer e letan CEO pou Lazans servis lasante i vini mon krwar i ava koz en  pe plis an detay lo la, me dan – nou’n fer sa tender.  Nou bezwen fer sa tender 2 fwa akoz premye fwa letan nou ti fer nou ti vwar poudir ti annan serten mankman presizyon lenformasyon alor nou ti pe refer li e in ganny fer.  i lo staz la kot zot pe selekte sa operater ki pou enplimant sa proze.  Mwan menm mon personnelman mon pa okouran lekel operater ki’n ganny shortlisted akoz i pa ganny adrese atraver Minister li menm li in ganny adrese atraver en komite spesifik ki’n ganny kree pou adres sa size anliny avek bann prosedir ki ganny mete anba Procurement Act e sa operater.  Sa prosedir nou’n fer li avek sipor en laliny kredi sorti dan L’Inde ki’n egziste depi en pe letan e nou’n mobilize pou nou servi sa, pou nou kapab ganny en meyer sistenm lenformasyon lasante ki posib.

E bann kriter ki nou’n met an plas i fodre ki sa lozisyel sa software i ganny servi dan en Lopital renonmen, dan en Lopital ki annan ban servis spesyalize e ki sa i pran an kont bann bezwen spesifik ki nou annan isi Sesel.  I enkli bann diferan lekipman ki pou neseser pou nou met sa servis an plas.

Alors sa i pou vreman i form parti modernizasyon nou sistenm lasante e pou nou kapab fer en meyer servis e osi pli byen lye avek serten kestyon ki’n vini pli boner par egzanp an term ki mannyer nou siport nou travayer lasante, e osi bann dimoun ki servi swen lasante, pou nou kapab pli byen mezir performans e donn en pli bon reminerasyon.  Par egzanp pou performans atraver e verifikasyon en rezilta ki nou gannyen dan nou sistenm lasante.  Mersi Mr Speaker e mersi Onorab.

 

MR SPEAKER

Mersi Minis.  PS.

 

PS DR BERNARD VALENTIN

Mersi Mr Speaker.  Mon ti a kontan zis azoute ki menm si sa larzan in park anba Minister PS Secretariat en larzan ki ganny zere par Health Care Agency akoz Health Care Agency i pli direkteman enplike avek sa Health Information System.

 

MR SPEAKER

Mersi PS.  Onorab Paul Ernesta.

 

HON PAUL ERNESTA

Mersi Mr Speaker.  Mr Speaker Minis ek ou delegasyon ek bann koleg Onorab, tou dimoun a lekout bonzour.  Atraver ou mon a demann Minis si oule pou vwar si dan sa Scheme i annan – I mean dan sa Bidze i annan provizyon Scheme pou nou bann dokter lokal?  E apre dezyenmman si zot osi pe fer provizyon pou annan bann servis spesyalize dan bann sant rezyonal lo nivo distrik, I mean dan bann rezyon dan sa Bidze?  Mersi.

 

MR SPEAKER

Mersi Onorab Ernesta.  Minis.

 

MINISTER JEAN-PAUL ADAM

Eskiz mwan Onorab ou kapab zis repet dernyen parti sa kestyon, eskiz mwan.

 

MR SPEAKER

Mersi Minis.  Onorab Ernesta.

 

HON PAUL ERNESTA

Yes mon 2enm kestyon i eski dan sa Bidze i annan provizyon, akoz mon vwar i annan bann diferan  sant zot pe fer fas avek, lo kote bann spesyalis, si i annan bann servis spesyalize zot pe fer provizyon bann servis spesyalize dan bann sant rezyonal?  Mersi.

 

MR SPEAKER

Mersi.  Minis.

 

MINISTER JEAN-PAUL ADAM

Mersi Mr Speaker e mersi Onorab.  O maximum ki posib nou pe sey ofer bann servis spesyalize dan bann diferan sant lasante enkli bann sant rezyonal.  I annan serten spesyalizasyon kot nou’n kapab rekrit byen kot nou annan sa kantite spesyalis ki disponib.  Serten lezot spesyalizasyon i difisil, akoz i annan serten spesyalizasyon kot napa bokou spesyalis.  Par egzanp ANT nou annan zis 3.  I annan serten menm ki nou mwens spesyalis.  Dermatologue par egzanp.  Alor sa i vedir ki nou kapasite pou nou kapab ofer sa servis dan en fason pli larz, i lye a la kantite dokter ki nou annan a nenport ki moman.

E dan bann sekter kot napa plis demann par egzanp pou bann sen kardyak par egzanp nou pe seye pou nou ogmant sa nonm spesyalis pou nou kapab adres sa bezwen.  E an term bann diferan Scheme of Service nou fer provizyon ki alor an 2018 i annan kad ki ti gannyen sirtou ners health care assistant e lezot e an 2019 tou bann Allied Health Services pou ganny zot Scheme of Service pou ganny revize enkli osi dokter.

Alor dan serten – e i enkli par egzanp sa bann dokter spesyalize, me nou konnen ki nou pa kapab adres tou demann me nou sey o maximum pou nou met bann eleman kle dan sa Bidze 2019.  Apre i annan perspektiv atraver serten prosesis ki ankour ; Onorab William in koz par egzanp lo  aliny bann provizyon pou bann eksper etranze avek lokal, alor sa en prosesis ki nou pe sey swiv.

Apre nou annan osi lapros pou nou regard reminerasyon atraver performans ki pou lye avek servis formasyon lasante.

Mr Speaker si ou permet osi lo kestyon pli boner ki Onorab Esparon ti’n demande, pou fer kler Health Care Assistant zot annan zot Scheme ti ganny serten amelyorasyon an 2018  ki ti sa allowance retention ki ti en logmantasyon mil Roupi.

Sa ki zot in demann nou mon krwar sa zafer night duty akoz zot ti p demande ki sa i ganny vwar atraver par nwit plito ki  zis en allowance e sa an prensip in  ganny adrese an 2019.  Me  apre nou ava koz pli an detay pou nou vwar se zisteman se sa kestyon ki zot in met devan ou.  Ok.  Mersi.

 

MR SPEAKER

Mersi Minis.  Onorab Jean- Francois Ferrari.

 

HON JEAN-FRANCOIS FERRARI

Mr Speaker mon ti anvi zis e pti klarifikasyon lo bann saler pou bann dokter  e dantis.  Zot bann kondisyon nou pou koz lo la.  Health Care AgencyHealth Care Agency, so mon pa ava entervenir la mon ava donn la parol Leader Lopozisyon akoz i ti anvi entervenir.

 

MR SPEAKER

Onorab Sylvanne Lemiel.

 

HON SYLVANNE LEMIEL

Mersi Mr Speaker.  Bonzour Mr Chair.  Bonzour Minis avek ou delegasyon. Mr Chair i annan enn parti mon kestyon in reponn ti konsern Health Information System. Lo kote son recruitment ek training.  Mon krwar Doctor in  koz en pti pe lo la.  Me selman sa ki mon ti a kontan met en pti pe lanfaz i se ki lo zot seksyon statistic.  Wi i annan koze in ganny koze lo la, me selman sa Bidze 2019 i pe fer provizyon pou revwar saler sa bann dimoun.

Akoz Mr Chair sa ki mon’n ganny en konpran mon panse mon krwar aparaman i annan petet pa plis ki trwa dimoun dan sa seksyon.  Petet zot ti kapab koriz mwan e i paret mwan ki bokou dimoun pa oule al travay dan sa seksyon zot pa pe ganny dimoun se ki akoz sa lapey i ba.

So eski sa Bidze 2019 pe fer provizyon pou revwar en pti pe menm sa basic salary avek lezot allowances kekfwa ki pou atir dimoun pou zot kapab  ganny dimoun dan sa seksyon?  Mersi Mr Chair.

 

MR SPEAKER

Mersi Onorab Lemiel.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Annefe sa kestyon ki PS in koz lo la lenportans ki nou annan bon statistisyen i en keksoz kle pou nou.  E mon profit sa lokazyon parey ou’n dir en pti lekip trwa dimoun mon profit sa lokazyon pou mon felisit sa lekip dan lasante akoz zot fer louvraz remarkab.  Lasante nou annan  kantite bon statistic nou anvi amelyore e sa servis lenformasyon lasante pou ed nou.  Me deza sa ki nou annan konpare ek en kantite lezot pei nou pe byen fer, me letan nou regard sa ki nou anvi fer nou  bezwen ogmant lakantite statistisyen.  E parey PS in dir problenm se nou pa pe gannyen lo marse an parti akoz napa ase dimoun ki pe ganny formen dan sa sekter an parti lye avek kondisyon saler.

Sa Scheme of Service i enn ki santralize.  I annan en national Scheme pou statistisyen e nou’n koz personnelman par egzanp nou’n koz avek CEO, pou nou vwar ki bann eleman ki nou kapab adrese in annan en revi pa tro lontan pase.  Ki nou kapab vwar osi dan sa Scheme se ki  bann dimoun ki annan lenformasyon en e pli avanse sa Scheme i mon pa ti a dir i sitan move.  Si ou annan en Masters par egzanp ou benefisye byen.

Nou annan serten travayer kot nou ki zot annan vreman bann konpetans ki o me zot napa petet sa formasyon petet li nivo Degre e se pour sa parfwa zot saler i ba.

Alor enn sa bann travayer nou pe sey adres son konsern atraver recognition of prior learning pou nou ganny rekonesans pou sa travay ki i pe fer pou nou kapab amelyor son saler.  Me mon krwar nasyonalman nou bezwen vwar en pti pe lafason ki nou pou form bann statistisyen e pou lasante sa sertennman i en priyorite.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman pli boner Minis in koz lo enn zot bann challenges se employment e par egzanp ou’n nonm  an relasyon ek bann foreigners nurses e nou konnen ki poudir grad bann zanfan S5 ki anvi fer e karyer dan nursing sa bann grad in tonbe e ki zot pe ganny problenm.

Eski dan ou Bidze ou pe fer okenn provizyon pou ki menm si en zanfan son grad i ba konmsi kapab e zot enterese avek nursing pou zot kapab antre e ganny en course konmsi en pre course ki ava kapab ed zot pou lev zot nivo.  So that apre sa zot a kapab follow the course pou nou zisteman kapab rezourd sa problenm kot nou napa ase pa zis ners me pharmacist ensidswit ; konmsi so that the Ministry of Health i ava kapab dan li menm li konnen ki poudir these are our needs me sistenm ledikasyon pa pe donn nou sa ki nou vreman bezwen.  Me pou zot kapab fer sa e konble sa, parski i annan en kantite nou bann ners kalifye ozordi nou bann ansyen ki parfwa nou annan plis konfyans dan zot ki dan dokter.  Zot in konmans en pe koumsa me dousman, dousman zot in lev, zot in lev zot nivo.  Mersi bokou Mr Chairman.

 

MR SPEAKER

Mersi Onorab Ramkalawan.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab Leader Lopozisyon.  Annefe nou’n idantifye sa kestyon e depi 2017 nou pe ofer sa progranm ki nou appel ACCESS dan Lenstiti Nasyonal pou lasante ek Servis Sosyal NIHSS.

Sa progranm ACCESS aktyelman i annan 32 dimoun ki dan sa kour.  I pa zis pou nursing i osi pou lezot e se zisteman sa kestyon otour bann dimoun ki petet zot napa toutafe sa nivo pou zot antre dan sa – i annan ki annan me i annan ki petet dan pa toutafe sa nivo sorti dan bann lekol post segonder.

Osi dan sa progranm nou annan dimoun ki sorti dan lemonn travay savedir bann dimoun ki’n al dan en lot louvraz e ki zot santi ki zot anvi antre dan servis lasante.  E nou’n fer en travay rekritman mon felisit NIHSS me, mon le osi felisit lekip direksyon pou ners kot Lopital e osi dan bann sant lasante, akoz nou’n fer en travay, nou’n al dan bann lekol, nou’n zwenn plizyer bann zenn zanfan ki pe al dan lekol Pos-Segonder e nou’n sey ankouraz zot.

E sa ki nou’n vwar se malgre ki nou annan sa defi pti gin ners si nou pou al dan legzanp ners spesifik alor dan sa ACCESS aktyelman i annan 32.  Si nou pran kestyon ners li tousel ki nou’n vwar akoz ACCESS i vin avan.  Pou fer sa ACCESS course i 6mwan ki vin avan e ou annan sa opsyon apre ki ou’n al dan sa ACCESS course serten ka pou ou vin dan travay dan  lasante par egzanp konman en health care asistant, oubyen en lot louvraz kot ou pa bezwen en diplonm spesifik oubyen ou annan sa opsyon pou antre dan en lot kour kot NIHSS swa nursing, swa travayer laboratwar, swa Public Health Officer, oubyen pharmacist bann diferan louvraz ki nou bezwen dan Lasante.

Alor sa progranm in marse akoz nou annan 32 aktyelman.  Lot kote ners nou’n kapab ogmant lakantite aktyelman ki dan premye lannen i 27 ners, ki ou vwar en logmantasyon konpare avek dan lepase.  Si nou regard par egzanp 2018 i annan zis 10 ki pou graduate.  E nou’n kapab ogmant lakantite ki pe antre.  I pa vedir sa i son solisyon konplet me i form parti solisyon e mon felisit lekip NIHSS e osi bann dimoun dan lasante ki’n vreman met lanfaz lo la, pou nou sey amelyor sa rekritman e adres zisteman sa defi.  Nou pa ankor fini sa travay i bezwen en travay ki kontinyel ki konstan me nou vwar ki poudir en komansman sa bon direksyon i la.  Mersi bokou Mr speaker e mersi Onorab.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman de pti kestyon pou swiv.  Konbyen ners Minister Lasante i bezwen – konmsi nouvo pou kapab satisfer bezwen?  Nouvo ners Seselwa konmsi an tou ki zot bezwen pou satisfer sa demann.  Mon’n demann menm kestyon de fwa.  Dezyenmman an relasyon avek bann zenn ki Praslin avek La Digue, eski ou ti ava kapab donn nou ki posibilite ki annan aktyelman pou zot osi tou partisip dan sa progranm ACCESS e  sa byensir pou enkli housing pou enkli bann lezot keksoz.  Mersi bokou.

 

MR SPEAKER

Mersi Onorab.  Minis.

 

MINISTER JEAN PAUL ADAM

Mersi bokou Mr Speaker.  Bon si ou regard – akoz nou bezwen mazin ekstansyon nou servis lasante a long term.  E si nou pe regard ekspansyon nou servis lasante a long term, e sa i enkli par egzanp serten reform  ki nou fer ki kapab donn plis responsabilite pou ners e ou menm ou’n dir mon dakor ek ou dan serten ka en ners i byen plase pou li par egzanp konsey en pasyan e nou annan dan serten pei par egzanp sa ki nou apel en nurse practitioner.  Nou anvi fer bann sanzman dan  regilasyon evantyelman ki pou permet sa vin an plas ki kapab servi – i donn nou loportinite pou nou pli byen deplway nou bann resours imen sirtou atraver ners.

Alor dan sak lannen idealman nou devret annan en 30tenn ners ki pe ganny formen.  E si ou regard a partir 2020 nou pa tro lwe avek sa target.  Si ou pe regard avan sa ki pe vini an 2020 i – nou pa lo sa targe e menm apartir 2020 nou bezwen entansifye travay pou nou kapab arive.  Apre lot eleman se byensir pou ranplas ban ekspatriye ki an pos aktyelman ki nou annan en swasantenn ekspatriye lo sa 500 total ners.  Alor nou bezwen ranplas sa swasantenn ki la e apre nou bezwen en trantenn par lannen.  Atraver sa progranm ACCESS mon krwar nou pe al dan sa bon direksyon me i en travay ki bezwen konstan, kontinyel e nou bezwen kontinyen ranforsi li.

E mon profit sa lokazyon pou dir avek nenport dimoun ki pe ekout nou ki sa travay i enn ki vreman donn ou perspektiv.  Akoz si nou vwar osi bann ners nou annan en kantite ki’n antre dan diferan fason dan sa profesyon ners e aktyelman nou annan ankor en trantenn par egzanp ki pe fer lo nivo BSC ek MSC.

Savedir i annan perspektiv dan sa louvraz pou zot vreman devlop zot lekor dan servis lasante.  Apre mon krwar sa i plizoumwen kouver bann eleman.  I annan premyerman si zot sorti dan lekol segonder pou al dan Pos-Segonder i annan progranm atraver ledikasyon ki parey ou okouran zot kapab par egzanp reste dan Hostel e ki zot kapab ganny loze atraver Hostel e zot ganny bann allowance parey nou konnen ki kouver pou bann etidyan Praslin/ la Digue.

E sa i enkli si zot al dan ACCESS nou kapab adres zot atraver sa progranm.  Nou annan en lot eleman ki mon ava mansyonnen se si en dimoun i enterese par egzanp pou li vin en health care assitant dan premye faz apre pou li fer formasyon pou li vin en ners, nou annan osi sa kapasite pou nou anploy zot konman en Health Care Assistant.

Savedir zot ganny en saler e apre nou anvoy fer byensir fodre zot antre dan kriter apre nou planifye li me si zot meet sa kriter zot antre konman en Health Care Assistant zot konmans ganny en saler e apre nou anvoy zot pou zot fer zot formasyon kot NIHSS zot formasyon aprofondi pou zot vin ners.

Alor nou pe kree plizyer pwen d’antre pou sa profesyon ners me osi bann lezot profesyon ki lye avek lasante, tel ki zofisye lasante piblik, bann dimoun ki travay dan bann pharmacy assistant, bann travayer laboratwar, eksetera. Mersi.

 

MR SPEAKER

Mersi Minis.  Bon nou’n ariv – PS Valentin.

 

PS DR BERNARD VALENTIN

Wi mon ti a kontan zis fer le pwen Mr Speaker ki nou bezwen ners partou. I annan en kantite posibilite pou nurse e menm si ou get primary health care, nou primary health care ozordi nurse in son back bone toultan.  E la ozordi nou ankor bezwen bokou plis nurse dan primary health care. Bokou.  Par egzanp si ou ger school health idealman nou ti devret annan en nurse dan sak lekol.  Lekol primer, lekol segonder en nurse.  Nou annan nou progranm reproductive health.  La osi ankor i mank nurse.  So nou le plis nurse e osi plis nurse kalifye spesyalize pou fer sa kalite travay ki nou, nou bezwen fer ozordi dan konteks Sesel.

`       So wi nou pou bezwen met plis lanfaz pou nou kapab ganny sa bann kandida kapab pou nou train zot ki pou pran bann pozisyon dan nursing ki neseser.  Nou bezwen ners osi dan resers akoz ners ozordi i pa zis bedside i osi resers, i osi teaching, i osi Polisi.  Partou da sa bann domenn nou bezwen ners e nou ankouraze ki nou devlop zot pti a pti pou nou ganny zot dan sa bann pozisyon.  Mersi.

 

MR SPEAKER

Mersi PS Valentin.  Bon nou pou pran en  vot lo pou Ministry of Health sonm 77milyon, R614mil ki trouve lo paz 433 ziska paz 441 e ki form par dan Schedule ki devan nou.

Mon ava demann tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  Mon’n rikord 23 Manm ki’n vot an faver e personn kont.  Mersi.

 

MR SPEAKER

Mersi savedir Lasanble in aprouv Bidze pou Minister Lasante e sa i pou bout administrasyon.  Bon nou pou pran lot seksyon.  Mon konnen nou pe ganny en pti lavantaz lo letan.

 

PUBLIC HEALTH AUTHORITY

 

MR SPEAKER

Nou pou pran prosennman Health Care Authority oubyen HCA.  Nou a konmans HCA.  PS.  En moman.  PS Thésee.  Wi Public Health Authority. Ok i trouve lo paz 451 ziska 456 dan nou Schedule e pou en sonm R62milyon 674mil.  Bon mon ti a kontan azout en welcome pou Dr Shamlaye, Dr. Conrad Shamlaye.  Madam Daphne Belle e Dr. Jude Gedeon ki lo panel devan nou.  Bon okenn Manm ki oule konmanse avek kestyon pou Public Health Authority?  Onorab Sandy Arissol

 

HON SANDY ARISSOL

Mersi Mr Speaker.  Mon ti a kontan demann Minis anba Public Health Authority lo paz 451 zot Bidze i 62milyon anviron 62milyon, mon ti  a kontan demann Minis si i annan okenn provizyon anba Bidze pou Public Health Authority pou laranzman ki ti ganny fer pou sa 15 sanniter a relasyon avek Degre ant liniversite Sesel avek liniversite Western Scotland si i annan okenn provizyon anba sa Bidze pou sa?

Dezyenmman mon ti a kontan demann Minis an vi ki bann sanniter zot ankor pe pran bis pou al fer zot travay  e dernyen fwa mon ti al lasose ti annan  en problenm mon ti al rezourd mon ti bezwen al sers de kot klinik Riviere Anglaise, ki tonm dan mon zone kot mon ete Minis.  mon ti a kontan demann ou eski dan Bidze ki’n fer provizyon pou Public Health Authority, si zot annan provizyon pou zot anploy en drayver, akoz mon aprann ot annan de pickup nef ki zot in fer vini akoz i annan enn pe dormi parski senpleman napa drayver.  Mon pa konnen si sa in rezourd  si i annan provizyon anba Bidze.

Dezyenmman lot kestyon mon ti a kontan demann Minis i baz el paz 452 Mr Chair lo table 2 P2 Public Health Protection ki annan R53milyon pou lannen 2019.  Mon ti a kontan demann Minis an relasyon avek sa bann travayer etranze ki antre dan pei pou travay, mon pa konnen si Occupational Health i ansanm avek zot an relasyon avek bann etranze ki antre dan pei pou travay, eski i annan en tes ki ganny fer medikal parey lontan nou ti apel sa ou ganny met an karantenn an relasyon avek proteksyon Lasante Piblik?  Sa i enn.

E dezyenmman mon ti  a kontan  demann Minis lo menm laliny avek sa pou proteksyon Lasante Piblik, eski Polisi Minister Lasante in sanze an relasyon avek bann Seselwa ki mor aletranze ki antre dan pei?  Eski Polisi in sanze?  Parski mon rapel an 2011 Selvian Arissol ti antre Sesel lekor pa ti kapab ouver, be la mon aprann tou resaman i annan en pe lekor ki pe ganny les ouver letan i antre dan pei bann dimoun ki’n mor aletranze.  Eski Polisi in sanze oubyen i ankor parey?  Mersi bokou Mr Chair.

 

MR SPEAKER

Mersi Onorab Sandy Arissol.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  An se ki konsern sa ban kor formasyon pou bann zofisye lasante nou pe verifye en pti sa lenformasyon me dan son Prensip nou annan en kantite diferan formasyon ki pe ganny fer pou an 2019.

E sa progranm avek liniversite Scotland i ankour.  Nou pou bezwen verifye spesifikman si sa bann zofisye si zot dan lalis me nou annan en priyoritizasyon. Alor mon pa pou kapab dir ou egzakteman la si sa 15 oubyen si parmi sa 15 oubyen lezot me nou pou – nou ava verifye sa e nou ava donn ou sa lenformasyon, me son prensip sa formasyon i aki.

Alor sa bann zofisye nou kapab asir zot si zot pa ganny li deswit sa formasyon zot a ganny li pare akoz i anliny avek nou plan formasyon.  An se ki konsern pickup mannyer mon konpran sa problenm sa pickup spesifik ki ou’n koz lo la mon krwar in ganny adrese me selman i vre ki sa pickup i vye  i annan serten problenm.

Lot eleman ki ou’n mansyonnen se bann travayer sanniter parfwa bezwen pran bis piblik sa i anliny avek lefe ki i annan en kantite landrwa pou zot vizite.  Nou seye donn provizyon transpor zot bann zour spesifik, sa nou fer li atraver partaz resours avek Lazans servis Lasante.

E nou pou vwar letan nou adres Bidze Lazans Servis Lasante, ki i annan en Bidze pou transpor ki enkli bann transpor pou fasilit staff pou zot al dan en landrwa pou en lot e sa pou amelyor en pti pe disponibilite transpor pou osi bann travayer sanniter ki baze dan bann sant lasante.

An se konsern bann Seselwa ki mor aletranze Polisi pa’n sanze, me sa ki mon pou petet presize se depandan sak ka spesifik e par egzanp rapor ki ganny donnen par sa Lotorite Lasante sorti dan sa pei kriter i diferan.  Akoz si o maximum nou, nou rekomande ki serkey par egzanp i ganny sele.  Dan serten ka nou bezwen al pli lwen ki sa.  Dan serten ka nou bezwen oblize pou dir ki sa – ki zot fer le neseser  – kremasyon pou kapab desann avek lasann.

Akoz depandan sa sirkonstans ki sa dimoun in mor ki sa i defini bann kriter ki Lotorite Lasante piblik i met lo sa – lo retour sa lekor.  Apre i annan serten lezot eleman ki parfwa sa konpannyen akoz si i pe vin dan avyon, diferan konpannyen lavyasyon i annan diferan kriter.  Alor i annan kriter ki nou, nou’n etabli kot nou baz li lo risk ki sa dimoun i kapab annan lo – par egzanp si nou konnen sa dimoun in mor atraver en lenfeksyon, definitivman pou napa permisyon pou gard sa serkey ouver.

Lot eleman se rapor lo ki mannyer sa lekor in ganny anbonmen?  Alor si sa mon krwar Dr Gedeon i kapab donn en pti pe plis detay selman mon pe donn ou serten bann eleman ki servis Lotorite Lasante piblik i regarde.  Apre lot eleman konsernan Occupational Health otour sa bann test ki ganny fer pou bann dimoun ki pe demann GOP e i annan en seri test ki ganny fer dan tou ka letan en dimoun fek antre dan pei e mon krwar Dr Gedeon i kapab donn tou detay.  Apre mon krwar mon’n kouver tou bann pwen.  Si mon’n mank enn petet ou ava dir mwan.  Mersi Mr Speaker.

 

MR SPEAKER

Mersi Minis.  Mon a donn la parol Public Health Commissioner Dr. Jude Gedeon.

 

DR JUDE GEDEON

Mersi Mr Speaker.  Bonzour tou bann Onorab.  Pou bann seksyon Occupational Health wi i trouv kot Public Health Authority.  Tou travayer etranze ki vin Sesel i bezwen prodwir en certificate of fitness letan zot vini e i annan bann check ki fer lo bann travayer nouvo e sa i enkli en chest X-ray ki zot bezwen prodwi fizikman ; swa laform digital ouswa laform fizik pou gete si napa okenn lenfeksyon poumon.  Sa screening i annan tes disan, i annan tes pou get lenfeksyon poumon e okenn lezot lenfeksyon ki sa dimoun i kapab annan.  Sa screening i ganny fer osi peryodikman, letan Kontra sa bann etranze i fini pou ganny renouvle i ganny refer.

An se ki konsern bann lekor ki vini si en dimoun in mor avek maladi infected e i kategorikman non serkey pa pou kapab ganny ouver.  I annan bann ka ki en dimoun i mor avek en maladi ki pa kontazye a leksepsyon en control of opening i kapab ganny fer dan mortuary dan prezans bann zofisye lasante piblik. E sa i bann ka kot dimoun zot pa’n met en glass panel kot latet sa serkey pou permet fanmir kapab vwar lekor anndan.  Be lamazorite ka parey Minis in presize pa ganny ouver serkey.  Mersi.

 

MR SPEAKER

Mersi Dr Gedeon.  Onorab Gervais Henrie.

 

HON GERVAIS HENRIE

Mersi Mr Chair.  Mon kestyon i ava lo paz 455 e sa i annan pou fer avek zot bann performance indicators.  Sa ki mon vwar i en pe drol la e zot ava eksplik mwan akoz, tou zot bann sif ki par egzanp zot in mete la i  5poursan ouswa par anba i 3poursan so larzan ki nou pou donn zot pou zot fer serten travay e nou anvi vwar en rezilta tanzib.  So mon anvi konnen sa bann sif ki mannyer i pou ganny translate dan sa alokasyon bidzeter ki Public Health Authority pou gannyen.  E dezyenmman touzour an relasyon avek sa akoz par egzanp letan mon pe get website Minister Lasante pou mon ganny serte statistik, mon remarke poudir sa bann lenformasyon pa osi up to date.  Prezan i fer ki si mon pe donn ou en sonm larzan la mon anvi vwar en progre over the years, over the months poudir be vreman wi s sonm ki nou pe donnen konman en Lasanble Nasyonal pe ganny servi dan en fason efektiv, sa i komanter ki mon le fer.  Mersi.

 

MR SPEAKER

Mersi Onorab Henrie.  Minis.

 

MINISTER JEAN-PAUL ADAM

Mersi bokou Mr Speaker.  Mon ava pran dezyenm parti sa kestyon avan.  Mon krwar ki lo nou sit web letan mon’n verifye bann statistik i azour ziska 2017.  I vre ki pou 2018 nou anvi o maximum kapab dan en fason tou le kar lannen met bann statistik lo nou sit web. Sa i lye avek mankman mendev an term statistician ki in ferakoz  problenm se ki statistik i ganny kree e apre i bezwen ganny valide avan i ganny met lo sit web.  E pou nou fer li tou lekar parey nou ti ava swete pou le moman nou napa sa mendev me tou le lannen, nou fer sir ki sa bann statistik i ganny mete lo nou sit web.  Alor dernyen rapor an 2017 i azour, i lo nou sit web rapor leta lasante pou 2017 i la.

Nou pe  travay an mezir ki nou ganny plis statistician ki nou ganny dimoun pou fer sa ban louvraz validasyon, verifikasyon ki nou kapab met sa bann statistik dan en fason routin lo nou sit web an mezir ki i antre, akoz nou kree statistik tou le zour dan lasante.

E ki mannyer sa – premye parti ou kestyon ki mannyer sa lye avek bann resours ki ganny met devan?  Alor Lotorite Lasante Piblik zot rol se en pti pe atraver sansibilizasyon me osi atraver bann verifikasyon par egzanp dan landrwa travay atraver bann travay konzwent ki zot fer avek son eleman Lazans Servis Lasante, pou kapab redwir sa bann maladi par egzanp non kominikab.

Sa i lye ansanm avek serten mezir ki annan dan Bidze par egzanp taks lo disik ki pe ganny enplimante pou fer kler sa taks lo disik i e taks lo disik zis dan lafason akoz sa in ganny vwar ankor atraver bann diferan letid ki’n ganny fer isi me osi aletranze, ki sa i par egzanp koz primer pou lobesite sirtou parmi bann zanfan.  Alor se pour sa ou’n fer en taks ki targete.

I annan osi serten lezot mezir ki pe vini pou adres serten sa bann eleman bann maladi non-kominikab, bann maladi non-transmisib sa i enkli pou redwir konsonmasyon lalkol, rediksyon konsonmasyon taba.

Apre osi an term verifikasyon nou rezilyans vizavi bann rezilyans vizavi bann menas sorti aletranze.  Mon krwar nou tou nou konsyan par egzanp an 2017 nou ti bezwen fer fas avek sa problenm La Peste e nou annan osi sa defi ki kontinyel pou nou adres par egzanp lafyev dengue. E sa i bann travay ki kontinyel ki lye avek travay toulezour ki Lotorite Lasante Piblik i fer.  Fodre nou kler selman ki i pa fer li, li tousel.  I en travay ki fer an partenarya avek Lazans servis lasante me osi avek lezot partener – enkli par egzanp bann servis sosyal, bann servis kominoter atraver Gouvernman lokal eksetera.  Mersi Mr Speaker.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Chair.  Mon kestyon mwan se ki par egzanp ou pe dir ou pou redwir lakantite bann ka spesifik dizon hepatitis ouswa tuberculoisis.  Prezan nou vwar poudir sa bann target depi 2018 ziska 2021 i reste 5poursan, mwan pou mon se ki i kapab zis en sif ki’n ganny met la pou ranpli en latab.

Konmsi mon anvi vwar en keksoz tanzib pou dir nouvo ka HIV par egzanp sa lannen ti annan 30 e si zot pe dir poudir 2017 i up to date solman dan son actual la i ‘NA’Not Available or  something like that.  Sa ‘NA’ i vedir. Prezan nou pe donn zot en Bidze akoz nou anvi vwar poudir vreman mon  pa konnen mwan ki dernyen fwa mon’n vwar en advert parla ki’n dir ek mwan poudir something to do with hepatitis par egzanp.  Ki swa lo televizyon ouswa dan en zournal?  Se pourtan nou pe donn zot sa larzan Public Health pou ale pou al fer sa louvraz pou redwir lensidan sa bann maladi dan nou pei.  E nou anvi ki sa larzan ki nou donn zot i anmenn en rezilta pozitiv. Se sa mon largiman la lo sa 455 mon vwar sa i en pe vag e mon pa anvi ki pou zot i business as usual.  Mon anvi zot anmenn en rezilta tanzib ek larzan ki nou donn zot.  Mersi.

 

MR SPEAKER

Mersi Onorab.  Mon ava donn la parol Dr Gedeon.

 

DR JUDE GEDEON

Mersi Mr Speaker. Mr Speaker sa bann sif la i pa bann sif arbitrer i bann sif baze lo plan stratezik pou non communicable diseases par egzanp pou bann – pou fer avek MCDs.  Nou annan en plan stratezik 2016 2025 ki lye prosman avek Un Strategic Plan.  E sa bann target i ganny set par UN.

Si ou get bann risk factors ki koz bann maladi non transmisib e ou get bann target ki UN pe set i pa bann gran, gran target.  Zis par egzanp pou obesite by 2025 target ti pou ariv a zero konmsi pou obesite pa kontinyen ogmante.  Pa desann me pa kontinyen ogmante.  So letan ou get sa konman en target ou dir be ou pa’n achieve nanryenBe Ppu r UN, pou WHO lefe ki ou kapab tenir li avan ki ou kapab tenir li  avan ki ou kapab fer li desann i bezwen en achievement.

E sa pou pran nou omwen 6 a 7an ankor.  Pou bann maladi non-transmisib osi – maladi transmisib sorry i menm zafer. Apard ki HIV petet avek hepatitis ki son sif i en pe o bann lezot maladi transmisib i ase ba par egzanp TB, leprosy bann water bound disease i tre, tre ba isi.  Me si ou get trend mannyer i pe ale pou HIV Hepatitis C pou nou met en sif ki ki mannyer ou dir sa ki tro enthusiastic nou riske pa achieve. Alor sa sif 5poursan rediksyon i realistik baze lo fet ki nou annan baze lo lefe ki sa ban latizann i koute par egzanp pou tenir en pasyan hepatitis C i kout omwen R17mil zis pou trete.

Prezan bann test ki vin avek e fodre pran kont poudir sa bann dimoun en kantite i ankor pe pike.  Zot kapab ganny enfekte ankor.  So i bann challenge koumsa ki fer li ou pa kapab met e sif pli o pou achieve year in year out pou le moman.  Mersi.

 

MR SPEAKER

Mersi Dr Gedeon.  Onorab Afif.

 

HON AHMED AFIF

Mersi Mr Speaker.  Mr Speaker mon kestyon mon annan 2.  Enn ki baze lo wages pou public health.  Si Minis i kapab zis konfirmen pou dir menm leksplikasyon ki i ti donnen pou Ministry of Health i aplike ki basic wages i reste parey akoz salary grid zot pa pe bouz e zot in fer sa.  Sa premye.  Dezyenm lo kote ‘’goods and services’’ kot laboratory supplies in ogmant par R1.1milyon ki pa paret petet bokou me i reprezant 50poursan logmantasyon, lo sonm ki ti’n ganny bidzete an 2018.  Si i kapab donn nou en leksplikasyon lo la.  Mersi.

 

MR SPEAKER

Mersi Onorab Afif. Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Efektivman  i menm rezon an term sa ban saler me i annan logmantasyon dan bann emoluments an total akoz i annan sa bann nouvo Scheme of Service par egzanp pou Public Health Officer ki’n ganny adrese atraver bann retention allowance.  E sa i vedir ki en logmantasyon reel pou tou sa bann travayer e i pou osi lye avek sa retention allowance pou long service ki zot osi pou benefisye e osi sa logmantasyon saler.  An se ki konsern bann tes laboratwar rezon senp se nou’n ogmant drastikman lakantite tes ki nou pe fer me mon a les Dr Gedeon donn en pe plis detay.

 

MR SPEAKER

Mersi Minis.  Dr. Gedeon.

 

DR JUDE GEDEON

Mersi Minis.  Mersi Mr Speaker.  Rezon ki sa Bidze reagent in mont en sel kou an gran se akoz dan le prosen past dan sa 4an a 5an ki fek pase nou ti pe ganny en kantite sipor avek CDC pou etabli bann servis.  Par egzanp pou teste TB pli boner pou teste rezistans pou TB.  Pou teste influenza – pou teste bann hormones, antibiotic.  Be sa i a ariv son lafen Septanm la.  Lannen prosenn nou pou bezwen larzan pou nou kapab aste sa bann reagent nou menm prezan.  Adisyonnelman nou pe ganny en nouvo masin avek sipor IAEA i pe vini boner lannen prosenn e sa i pou anmenn fasilite pou nou kapab fer bokou plis tes, tes bann kontaminan antibiotic, hormone, bann pestisid par egzanp dan bann manze bann prodwi agrikol ki prodwi isi e ki antre Sesel.  So tou sa ki fer ki bann reagent ki nou pou aste i bokou plis, e i pou permet nou pou nou kapab expand nou service en pe plis.  Mersi.

 

MR SPEAKER

Mersi Doctor.  Onorab Sophola.

 

HON NOLINE SOPHOLA

Mersi Mr Chair.  Mr Chair mon ti’ n konmans poz mon kestyon taler, me selman Minis ti’n komans reponn me i pa ti ankor fini.  Mon a repoz mon kestyon ankor ti pou Health.

 

MR SPEAKER

Yes go ahead.

 

HON NOLINE SOPHOLA

Ok.  Mon kestyon sete si dan sa Bidze in ganny fer provizyon pou annan en bato pou ede dan deplasman emergency Praslin La Digue?  Minis ti’n konmans reponn.

 

MR SPEAKER

Ok.  Mon krwar i pou tonm anba Health Care Agency.

 

HON NOLINE SOPHOLA

Pa Public Health?

 

MR SPEAKER

Non pa Public Health en.  Hold on to your question ziska ler – ler nou pou antre nou pran HCA ou a kapab re poz ou kestyon en.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon pe retourn lo premyerman size retour lekor nou bann bien aimée ki mor aletranze.  Mon pa satisfe avek larepons ki zot in donnen, akoz ti annan en moman pandan plizyer lannen kot sete non, sete en non ‘ABSOLI.’  Nenport ki maladi ki sa dimoun ti annan.  Espesyalman nou bann dimoun ki’n mor dan L’Inde sa ankor enn fwa fini menm.  Alor eski zot in fek sanz zot Polisi?  Parski … mon anvi ensiste lo Polisi parski parfwa Polisi i sanze depandan lo lekel ki annan pli gro lavwa.

E tou dernyerman ki mannyer mon konpran sa in arive, i annan parski nou osi nou swiv in arive parski in annan serten dimoun ki’n annan gro lavwa, ki’n kapab ale pou dir serkey tel dimoun pou ouver e efektivman ti ouver.  Parski letan ou pe dir maladi kontazye frer Onorab Arissol ti mor avek lukemiaLukemia pa kontazye.  Mon konn lezot dimoun ki’n mor avek maladi kardyak tou resaman ki napa naryen kontazye ! E bann standar anbonmen parey nou konnen well mon pa oule nonm okenn pei konmsi pou degrade me selman mon konnen ki poudir par egzanp standar anbonmen L’Angleterre i en standar o parski zot menm zot, zot in donn zot sertifika.  Me tou sa bann lekor letan in arive zot in dir non!

Alor eski zot in fek sanz zot Polisi ?  Oubyen ki mannyer i ete ?  Dezyenmman lo kote GOP sa Public Health Authority i zwe en rol  dan donn fer siny bann papye.  Koriz mwan si mon mal.  Parski pou asire ki poudir sa dimoun son parey ou pe dir X-ray lot, lot, lot, eski zot pe fer, zot pe gard zot lizye byen ouver pou asire ki poudir napa koripsyon ki pe arive dan sa Lotorite kot bann stanp pe ganny servi zis pou fasilit keksoz san ki tou bann prosedir i ganny swiv.   Parski an mezir ki nou pe regard Bidze nou bezwen osi met lanfaz ki koripsyon i ganny eliminen.  Mersi bokou.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Zis pou klarifye an term retour lekor sa i pa en eleman Polisi sa i en eleman dan Lalwa.  Lalwa i donn pouvwar avek Lotorite Lasante piblik pou ki defini bann kondisyon pou retourn en lekor e petet akoz ou pe vwar petet sa lafason ki ou’n prezant sa kestyon mon krwar e petet Dr Gedeon i ava donn en pti plis detay, se si en dimoun pa demande spesifikman larepons se swa ou fermen oubyen si i en maladi kontazye zot landrwa ; akoz parfwa si i en maladi kontazye par egzanp popu transfer sa lekor sa Lotorite dan sa pei pou anvoy serten lenformasyon e Lotorite Lasante piblik i kapab dir dan sa ka spesifik nou pou fer li koumsa akoz tel konsernen tel risk.

Si en dimoun pa pe demande, alor otomatikman lasante piblik pou dir ou fermen akoz sa i standar de baz.  Si en dimoun i demande spesifikman atraver en demann ki ganny fer avek Lotorite Lasante Piblik sa Lotorite pou fer en zizman baze lo sa ka e i pou donn en gidans baze lo sa selon Lalwa avek sa dimoun  ki pe demande.

Mwan mon ti pou demann ou Onorab si i annan en ka kot ou krwar ki zot in – Lotorite Lasante Piblik in ganny met anba presyon, i meyer ki nou debat sa e nou vwar akoz mwan mon annan konfyans atraver bann prensip e fason travay ki bann azan Lotorite Lasante Piblik i azir ki zot pa pou les nenport ki met presyon lo zot.  Mon’n vwar sa ek mon prop lizye kot i annan serten fanmir ki’n demande kot ti annan ka enfeksyez zot in ensiste zot in met zot lipye ater alor ti kler. Si ti napa en risk petet zot in fer serten desizyon ki Lalwa i donn zot sa diskresyon dan serten ki presi.

Mon pa konn sa ka ki ou pe site.  Si ou anvi nou fer en lenvestigasyon pli presi nou kapab.  Si ou anvi donn bann fe isi nou napa problenm pou nou re vwar sa me mon oule eksprim devan piblik Seselwa mon konfyans konplet dan bann travayer lasante Lazans Lotorite Lasante Piblik.

An se ki konsern risk koripsyon pou bann GOP ankor mon napa okenn, mon pa’n zanmen ganny okenn levidans poudir sa i arive.  Parey nenport ki mon’n tande e nou’n fer serten verifikasyon, serten nou bann prosedir pou vwar ki napa sa risk.

Mon pa pou kapab dir ou 100poursan ki i pa ariv ditou me sa ki mon le dir se si nenport ki i annan menm en soupsyon ki sa bann keksoz pe arive, mon demann zot pou zot met li a nou latansyon e nou ava fer en lenvestigasyon.

Mon pou osi dir pa ezite pou menm met sa devan Lotorite Lapolis akoz si sa i arive i en keksoz ki grav e ki sever e ki Lalwa i annan son previzyon pou adres sa konman en act kriminel.  Alor nou pran sa tre o serye si i annan en ka spesifik oubyen en alegasyon nou toutafe pare pou nou fer en lenvestigasyon pou nou ganny son rezilta e pran aksyon kot i neseser.  Mon krwar petet ti a byen  Dr Gedeon ti  a donn en pti pe plis presizyon.

 

MR SPEAKER

Mersi Minis.  Dr Gedeon.

 

DR JUDE GEDEON

Mersi Speaker.  Mon krwar Minis in byen eksplike e mwan mon pa rapel egzakteman lekel ka me selman ti a bon si nou konnen pou nou kapab fer nou investigation.  Akoz i vre ki menm let ki nou issue pou bann lekor ki pe vini nou dir ki si fanmir nou rekomande ki fanmir i met glass panel kote kot latet akoz letan serkey i arive louvertir a pou ganny otorize.  Nou pa rappel lekel ka ki ti ganny ouver nou ti a kontan konnen pli tar petet. Mersi.

 

MR SPEAKER

Mersi Dr Gedeon.  Onorab Ramkalawan.

 

HON WAVEL RAMKALAWAN

Mon ava koz avek zot mon pa oule nonm non okenn dimoun, me selman mon kapab zisteman demann zot en kestyon ; tou dernyerman konbyen lekor ki’n vin dan pei ki zot in donn permisyon pou ouver serkey?

 

MR SPEAKER

Mersi Onorab.  Dr Gedeon.

 

DR JUDE GEDEON

Nou ava verifye.  Mon pa rapel resaman donn permisyon pou ouver okenn serkey.  Petet in arive dan mon labsans mon pa konnen.  Mon ava verifye nou a fer zot konnen.

 

MR SPEAKER

Mersi Dr.  Onorab Ramkalawan.

 

HON WAVEL RAMKALAWAN

Mr Chairman zisteman mon krwar ki petet i enportan sa kominikasyon, pou ki kominik sa byen annan en keksoz kler mon kontan nou pe fer li la dan Lasanble pour ki dimoun i konnen ki poudir zot kapab fer en demann, e ki i pa en Polisi kot napa okenn serkey ki pou ouver parski i en keksoz emosyonnel e tou e mon krwar ki poudir i annan en malantandi.  E petet zis en dernyen final ankor enn fwa zis pou eklersi keksoz eski a sa moman  zot pe aksepte pou bann lekor bann dimoun ki’n mor Maurice, Maurice spesifikman i kapab antre dan pei?  Mersi bokou.

 

MR SPEAKER

Mersi Onorab.  Dr Gedeon.

 

DR JUDE GEDEON

Mr Speaker si en dimoun i fer vini en lekor isi nou pa kapab refize si en fanmir en Seselwa ki’n mor aletranze respective ki pei i sorti si i sorti Maurice oubyen L’Angleterre nenport ki – nou rekomande ki sa lekor i ganny anbonmen propreman.  E nou bezwen ganny serten dokimantasyon si sa dimoun in ganny anbonmen nou bezwen embalm certificate,  si in ganny cremated nou bezwen en commission certificate. Nou bezwen en death certificate ek son cause of death.  Si nou pa ganny sa bann dokiman nou pa donnen en dokiman pou release sa lekor oubyen pou sa lekor kit sa pei pou vin Sesel.  Until ou ganny sa bann dokimantasyon nou pa donn okenn otorizasyon pou lekor antre.  Mersi.

 

MR SPEAKER

Mersi Dr Gedeon.  Onorab Audrey Vidot.

 

HON AUDREY VIDOT

Mr Speaker mon pou demann mon kestyon dan Health Care Agency.  Mersi.

 

MR SPEAKER

Ok.  Mersi. Bon nou’n ariv moman pou nou pran en vot lo sonm ki devan nou 62milyon R674mil sa se pou Public Health Authority ki form par dan sa Schedule e i trouve lo paz 451 ziska 456.  Tou Manm ki an faver?  Okenn Manm ki kont?

Madanm Deputy Clerk.

 

MADAM DEPUTY CLERK

Mersi Mr Chair mon’n rikord 22 Manm ki’n vot an faver e personn kont.  Mersi.

 

MR SPEAKER

Mersi Madanm Deputy Clerk.  Savedir Lasanble in aprouv Bidze pou Public Health AuthorityYes PS Thésee.

 

PS DAMIEN THESEE

Mersi Mr Chair.  Petet nou a sizere nou osi kapab pran vot pou Seychelles Nurses and Midwife Council avek National Aids Council ki pa’n ganny kriye.

 

MR SPEAKER

Ok zis PS ou a zis gid nou ok.  Mon vwar li la.  Bon nou pou pran – sa i bann vot bann Head ki pa pe ganny kriye par Lasanble pou kestyonn zot Bidze.  So lo paz, dan nou Schedule lo paz 457 ziska 461 Seychelles Nurses and Midwife Council sonm 1milyon R349mil.

Tou Manm ki an faver?  Okenn manm ki kont?

Madanm Deputy Clerk.

 

MADAM DEPUTY CLERK

Mr Speaker 22 Manm in vot an faver e personn kont.  Mersi.

 

MR SPEAKER

Mersi savedir Bidze pou Seychelles Nurses and Midwife Council in ganny aprouvasyon Lasanble.  Nou a pran lot National Aids Council ki form par dan nou Schedule.  En sonm 3milyon R958mil.  I trouve lo paz 462 ziska 464.

Tou Manm ki an faver?

Okenn Manm ki kont?

Madam Deputy Clerk.

 

MADAM DEPUTY CLERK

Mersi Mr Chair.  22 Manm in vot an faver e personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou National Aids Council in ganny aprouvasyon Lasanble.  PS anything else?  Non.  Ler nou ava antre nou ava konmans avek Health Care Authority.  Zis mon anvi lo non Lasanble Nasyonal mon anvi eksprim kondoleans avek la fanmir Sef Ziz Madanm Mathilda Towmey e la fanmir Payet a lokazyon lanmor zot manman Madam Butler Payer ki’n arive Vandredi tar.  So kondoleans i sort kot Lasanble.  Yes Onorab Ferrari.

 

HON JEAN-FRANCOIS FERRARI

Zis en point of procedure Mr Speaker.  Eski in order prezan ki nou resevwar rapor oditer Zeneral ki nou fer referans dan bann deba ki pe swiv akoz par egzanp ti annan plizyer pwen lo Public Health Authority kot i pe rekomann zot pou aranz en pti pe zot management so eski it’s an order pou nou –

 

MR SPEAKER

Mon krwar se sa.  Mon krwar in leka osi dan le pase kot bokou – once ki in prezante e ozordi nou fer prezantasyon ofisyel ki’n ganny mete konman en Paper LaidCross reference i kapab ganny fer avek.  Me nou konnen apre FPAC pou fer en travay bokou pli detaye lo la.  Ok? 

So nou ava  pran en Break e ler nou ava antre nou ava kontinyen avek Minister Lasante nou ava pran Health Care Authority.  Mon panse preski tou bann zofisye pou la petet Dr Conrad Shamlaye nou pou bezwen eskiz li, Ms Barbe.  Mon mazinen petet osi tou Dr Gedeon me bann ki pa pou la bann zofisye nou a dir zot mersi bokou e nou ava eskiz zot.  E nou apre nou ava kontinyen avek nou travay.  So nou ava Break e nou ava repran nou travay 11.15.

 

(BREAK)

 

HEALTH CARE AGENCY

 

MR SPEAKER

Bon nou ava kontinyen nou travay e nou pou pran dan nou Schedule paz 442 ziska paz 450 Health Care Agency pou en Bidze R878milyon 859mil.  Ok nou ava komans avek Onorab Audrey Vidot.

 

HON AUDREY VIDOT

Mersi Mr Chair.  Bonzour Mr Chair, Minis avek ou delegasyon, tou Manm Onorab e tou dimoun ki a lekout.  Mr Chair mon kestyon pou Minis.  letan nou pe get Bidze Lasante ki pe kontinyelman ogmante eski Minis i kapab dir ek nou Lasanble ka ki nou eksepte vwar  en kriter pou lasirans medikal ki tous bann etranze ki pe travay e pe reste Sesel, e ki pe servi nou sistenm lasante?  Sa i enn.   Dezyenmman avek sa Bidze ki devan nou ki plan Minister pou zwenn avek Minister Ledikasyon pou annan plis progranm prevansyon pou ed zot adres sa challenges ki zot pe rankontre lo paz 442 kot nou pe koz lo teenage pregnancies and premature birth increasing ki zot pe demann pou plis specialized care lo sa size ?  Mersi Mr Chair.

 

MR SPEAKER

Mersi Onorab Vidot.  Minis.

 

MINISTER JEAN-PAUL ADAM

Mersi Mr Speaker e mersi Onorab.  Definitivman parey Onorab in fer sorti nou Bidze pe kontinyelman monte letan ou regard sekter lasante dan son totalite i plis ki R1bilyon prezan.  Alor i enportan anliny avek sa e anliny avek serten lezot konversasyon ki nou deza annan dan Lasanble pou nou mobiliz plis resours.

E nou bezwen konstate osi ki malgre ki poursantaz oubyen lakantite larzan dan Bidze pe kontinyen ogmante konman en poursantaz nou prodwir domestik brit lasante i reste apepre konstan e annefe konman en total dan nou lekonomi i mwen ki 4poursan ki pe ganny mete lo lasante.

E si nou pou konpar ek bann pei ki’n annan en servis lasante ki’n vreman devlope zot pe ariv res avek 10poursan lo zot GDP ki al dan lasante.  Me nou pa ekspekte ki sa i ganny mobilize atraver Bidze oubyen atraver taks me ki nou vwar lezot metodolozi ki nou kapab mobiliz sa bann finansman.

Bon en premye depar ki’n form parti apre serten konsiltasyon e diskisyon se sa R25 ki’n ganny propoze pou nou ganny en – pou preskripsyon.  Mon krwar parey Minis Finans i dir zot nou pou rod gidans an term son laspe legal pou nou asire ki sa i annord.

Sa sonm i pa en gro sonm i pa mobiliz bokou larzan me i regard sa prensip ki seselwa pou konsyan ki servis lasante i annan en kou e ki i annan en kontribisyon ki ganny fer par sitwayen.  Napa bokou pei dan lemonn kot napa okenn kontribisyon ki ganny fer par bann pasyan.  Prensip ki enportan pou nou se ki napa okenn kontribisyon ki vin en baryer pou lasante.  Savedir nenport ki i devret annan akse avek en dokter oubyen avek swen ki apropriye.

Prezan ansanm avek sa bann diferan mezir nou pe travay lo en konsep la aktyelman pou – en konsep lasirans sa byensir i pa en kestyon ki fasil, i pou pran en pe letan pou nou devlop li e i annan diferan faz diferan eleman dan sa propozisyon ki nou pe met devan.

Enn bann premye eleman se en lasirans pou bann etranze ki reste Sesel.  Letan zot servi nou sistenm lasante ki sa i annan en kou.  Nou ava note si ou regard bann sekter lo reveni ki nou deza anmans plis ki R20milyon tou le lannen an term reveni.  Alor nou annan en reveni ki pa nanryen.  Be si letan ou pe regard nou total Bidze i en pti sonm e i annan perspektiv pou nou kapab pli efikas si nou annan en servis lasirans par egzanp pou bann travayer etranze ki isi.

En 2enm eleman pou nou regarde avek nou sa konsep lasirans se posibilite pou nou annan en sistenm lasirans, baze lo kontribisyon ki ganny tire lo saler ki kapab adres sirtou eleman tretman ki Seselwa i fer aletranze akoz aktyelman sa i kout nou apepre R40milyon e nou ti kapab fer en pti kontribisyon atraver saler pou en sistenm lasirans, ki kapab osi anmenn en serten benefis akoz nou kapab fer sa lyezon, fer sa stratezi avek serten lezot lavantaz ki kapab anmennen dan nou lekonomi ki permet nou devlop pou anmenn plis kontribisyon dan sekter lasante e mobiliz plis poursantaz nou GDP pou ganny envestir dan lasante.

Alor sa konsiltasyon pou kontinyen e prosennman nou espere ki nou kapab partaz en dokiman avek bann Manm Lasanble, par egzanp ayer osi avek bann lezot konpannyen lasirans pou nou kapab debat sa dan plis detay e osi pou nou ganny sipor bann lezot partener tel ki WHO pou nou kapab met sa an fors.

Me mon oule fer kler ki sa i a staz en konsiltasyon en konsep e nou bezwen pran li pa par pa pou nou kapab met li an aksyon.  Lot eleman ki konsern par egzanp travay ki Minister lasante e Lazans servis lasante pe fer avek Minister Ledikasyon nou’n idantifye risk bann lansentman boner par bann adolesan, konman en bann fakter risk tre enportan ansanm avek labi sibstans letan nou regard par egzanp to mortalite anfantil e osi bann zanfan ki ne parfwa avek bann serten dezabilite oubyen anormalite.  E nou pe vwar sa pe ogmante annefe.

E alor i enportan pou nou met en – pou nou ranforsi ledikasyon e formasyon an se ki konsern reprodiksyon e bann eleman lye avek seksyalite dan bann lekol.  Nou annan en Polisi ki’n ganny valide sa lannen i an devlopman depi an 2015 in ganny valide e sa nou pe travay avek Minister Ledikasyon pou nou enplimant li atraver curriculum ki dan lekol.

E sa i mars ansanm avek bann lezot mezir ki nou pe anmennen pou nou adres bann keksoz ki nou’n vwar dan letid ki ti ganny fer 2015 lo bann zenn lo – par egzanp lefe ki zot konmans konsonm lalkol boner, zot akse avek drog par egzanp.  E tousala i bezwen ganny adrese atraver ranforsman dan curriculum.

Pli boner PS ti dir nou ti ava swete met en ners dan sak lekol.  Nou bi nou bouz dan sa direksyon, me an atandan nou travay avek bann lekol pou regard lekol konman sa landrwa kot nou promouvwar lasante depi pli zenn az, e nou fer dimoun konsyan zot responsabilite konman bann zenn adolesan ki pe vin bann adilt.

E osi bann servis ki a zot dispozisyon.  Akoz ki nou pe vwar osi ki zenn pe vin aktiv seksyelman pli boner alor letan zot pe vin aktiv seksyelman ki zot annan akse avek sa bann servis kontrasepsyon kot i neseser atraver klinik, atraver sa profesyonnel lasante e osi pou zot ganny gidans dan lekol lo ki mannyer pou ganny akse avek sa bann servis. Mersi Mr Speaker e mersi Onorab.

 

MR SPEAKER

Mersi Minis Adam.  Bon mon ti a zis avan mon donn laparol Dr. Louange mon ti ava zis kontan aknowledge Minis pe ganny asiste par Dr Danny Louange, Dr. Reginald, Madanm Daniella Larue, Ms Mirose Boniface, Ms Jacinthe Bonne.  Ok sa bann zofisye ki la ki pe asiste Minis e mon annan touzour Mr Marthy Vidot e Mr Michel Brutus ki anler dan Galeri.  Dr Danny Louange laparol pou ou.

 

CEO DR DANNY LOUANGE

Mersi Mr Speaker. Mersi Onorab e bonzour tou bann Onorab e tou dimoun a lekout.  Zis pou azoute ki Mini s in dir nou osi annan plan pou an konsern bann progranm bann mezir ki nou  pe – ki mannyer nou pou adres sa bann problenm adolesan.  Nou pe travay closely avek WHO nou pe devlop la an se moman nou’n fini konmans en bann konsiltasyon ek all stakeholders apre Minister Ledikasyon osi involve, en plan stratezik pou bann madanm, lasante bann madanm, lasante neonates bann ptipti baba, bann zanfan, adolesan e osi nitrisyon.  E sa i bann progranm ki nou deza annan, me sa plan stratezik  i pou fer pou nou met nou anliny avek plan stratezik Minister Lasante e osi anliny avek bann standar enternasyonal enkli WHO.  Se sa ki – nou’n konmanse nou’n fer premye meeting avek WHO avek bann stakeholders, nou’ fer en gap analysis sa i pou kontinyen e nou swete ki i pou fini dan 2enm quarter 2019.  Mersi Mr Speaker.

 

MR SPEAKER

Mersi Dr Louange.  Onorab Philip Arissol.

 

HON PHILLIP ARISSOL

Mersi Mr Speaker.  Eski Minis i kapab dir nou ki pozisyon Minister Lasante i annan pou met en zenerater kot klinik Anse Boileau pou ki servis i kontinyen menm ki kouran i koupe.  Apre eski Minis i kapab dir nou kan ki bann prizonnyen Montagne Posée pou aret vin kot klinik Anse Boileau vi ki zot annan en klinik anler laba.  E bokou pasyan ek bann travayer lasante pa santi zot an sekirite sirtou aswar e an menm tan ou vwar parfwa prizonnyen i sove kan zot vin kot klinik.  Mersi.

 

MR SPEAKER

Mersi Onorab Arissol.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Pou le moman napa en zenerater parey ou’n dir e dan Bide 2019 napa provizyon pou le moman.  En zenerater i disponib kot Lopital Anse Royale, akoz sa i lopital ki pe pran dimoun konman bann in patient pou reste dan Lopital.  Nou pou swete a lavenir pou nou sant rezyonal kapab annan sa bann zenerater, me lo lot kote letan nou pe regard bann servis esansyel, nou bezwen met nou resours sirtou la kot nou annan bann pasyan par egzanp ki’n ganny admet ki anba ladmisyon ki konman bann inpatient.  Alor pou le moman i pa dan plan a kour term, me i pa vedir ki nou pa pou kapab konsider li pli tar.  Mers Mr Speaker.  Mon pa konnen si nou oule azoute.  Mersi.

 

MR SPEAKER

Mersi Minis.  Onorab Arissol.

 

HON PHILLIP ARISSOL

Minis pa’n reponn mon kestyon pou prizonnyen Montagne Posée.

 

MR SPEAKER

Wi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab.  Nou annan en servis byensir ki dedye pou prizon Montagne Posée ek ners ki baze Montagne Posée pou ofer sa servis de baz avek bann prizonnyen.  Me se sant lasante Anse Boileau ki sa sant rezyonal, ki akey zot pou bann keksoz de baz.

Apre dan serten ka byensir zot bezwen ganny anvoye swa anvil oubyen parfwa Anse Royale.  I annan serten defi ki nou’n leve avek departman Zafer Entern e avek Departman Prizon, me sa i lye sirtou atraver bann kondisyon ki bann pasyan i ganny anmennen. Nou krwar ki nou servis dan sa bann klinik si sa ban pasyan i byen ganny akonpannyen par servis prizon, ki nou kapab redwir sa bann problenm ki’n arive dan sa bann sant lasante.

Akoz depandan sa pasyan dan la grande mazorite ka, sa pasyan i bezwen ganny swiv par bann travayer prizon konman en deteni, konman en dimoun ki anba detansyon Leta.

Alor nou’n fer serten travay avek departman Prizon pou nou adres  sa bann konsern e nou santi ki Departman Prizon depi ler zot pe enplimant sa bann mezir ki risk in diminyen, me efektivman parey ou’n fer sorti ti annan en ka ki ti regretab e nou pe le maximum ki sa pa arive la prosenn fwa.  Mersi.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Mr Speaker mon ti a kontan demann Minis anba governance epi anba ‘’preventive services’’, Minis mwan mon anvi konnen par egzanp la nou konnen bann diferan parey i annan Biro of standard i annan osi Minister Lagrikiltir, i annan  bann diferan laboratwar, mon anvi konnen si Minister Lasante pe travay an etrwat kolaborasyon avek sa bann Lazans Gouvernman?

Lefe ki mon pe demann sa akoz par egzanp ozordi nou konnen poudir PUC pe servi klorin pou tret delo.  Piblik pa konnen akoz lenformasyon nou napa lo si pe servi the accepted dosage – klorin.  E an menm tan Minis par egzanp Grand Anse Mahe i annan en bon pe bann dimoun ki vin bennyen par lao baraz delo Grand Anse e nou, nou anvi konnen si sa bann delo p ganny teste avan ler i pas dan sa sistenm ki met klorin akoz nou pa konnen sa klorin i touy kwa?  Epi dezyenmman i annan bann dimoun ki pe enport bann bulk lavyann par egzanp bann ham ensidswit e nou pa konnen si sa bann lavyann ki pe antre si pe ganny teste osi isi.

Menm i annan osi lezot manze ki pe antre dan pei me nou vwar poudir sa kanser pe ogmante bann diferan ka maladi, me mon anvi konnen si i annan en koneksyon ek sa bann Lazans, pou fer sir ki (1) – lasante piblik i ganny prezerve.

Mon dernyen kestyon se ki lefe ki nou dir nou pe go green pou redwir depans Minis.  Mon pa konnen si ou annan sa sif avek ou konbyen egzakteman Minister Lasante i depanse avek elektrisite?  E eski zot annan en progranm konkret kan vreman bann pano soler pou ganny mete lo bann outpatient klinik?  Mersi.

 

MR SPEAKER

Mersi Onorab William.  Minis.

 

MINISTER JEAN-PAUL ADAM

Mersi Mr bokou Mr Speaker e mersi Onorab.  Annefe tou bann laboratwar i travay an etrwat kolaborasyon alor anba lasante nou annan de.  Nou annan laboratwar Lasante Piblik apre nou annan laboratwar klinik sa ki nou apel clinical laboratory ki bann servis ki lye avek lopital. Alors sa de laboratwar zot travay pros ansanm me osi anba prensip ki nou apel one health’ savedir ki tou lasante, lasante zannimo ek bann prodwi zannimo i lye osi  etrwatman avek lasante piblik, lasante imen.  E nou’n fer en revi pa tro lontan pase ki avek WHO, pou nou regard bann defayans ki nu annan dan nou sistenm.

Annefe sa revi in montre ki i annan en kantite keksoz ki vreman bon sirtou kot i konsern nou laboratwar nou  lasante piblik e an se ki konsern zannimo, nou annan en pe travay pou nou fer, me sa bann nouvo lenvestisman ki  Departman Lagrikiltir e Lazans Lagrikiltir pe fer pou ede adres sa.  E nou pou bezwen partaz lenformasyon.

E menm dan serten ka partaz resours imen e regard osi serten konpetans serten lenvestisman a la venir ki nou kapab fer menm konzwentman dan serten ka.  E si nou pran sa bann l ;egzanp ki ou’n site alor i tonm en  pti pe anba Lotorite Lasante Piblik, ki nou’n diskite avan me Lotorite lasante piblik dan en fason sistematik e regilye, i teste par egzanp bann diferan basen naze ki annan sa enn nasyonal Roche Caiman, be osi  bann basen naze ki annan dan bann lotel.

E nenport ki menm dan prive kot i neseser zot kapab fer bann spot checks.  Zot osi teste delo larivyer.  Zot teste bann baraz ek rezervwar e zot osi teste delo PUC dan en fason regilye e sistematik e zot partaz sa lenformasyon ankor dan en fason sistematik.  Sa ki nou kapab vwar e zot tyek par egzanp sa nivo klorin – parey ou pe dir dozaz akoz klorin i klorin a la baz se son doz apre ki afekte son lenpak.  E apre i annan serten lezot kriter osi ki annan lenpak lo sa doz klorin par egzanp nivo evaporasyon eksetera, eksetera.  E lasante piblik i kominik regilyerman avek bann diferan Lorganizasyon ki servi klorin e i donn zot gidans e kot i neseser osi i pran aksyon.

An se ki konsern lakantite larzan ki nou depanse lo elektrisite nou ava verifye sa sif nou ava donn ou prosennman me ansanm avek proze nasyonal ki Gouvernman i annan pou nou met o maximum panel soler lo bann batiman piblik Minister Lasante i en bann kandida ki antre dan sa laliny sirtou nou bann klinik dan bann distrik i bann kandida mon kapab dir premye plan pou kapab adres sa.

E evantyelman nou anvi osi don plis lotonomi sa bann diferan klinik e sa i enkli atraver zot kapasite pou zot manage zot Bidze ek lenerzi par egzanp.

E si nou kapab donn zot plis kapasite pou zot kapab fer sa lo zot menm, i permet zot ganny resours osi parey ou dir i kapab ganny envesti dan bann progranm lasante.  Alor i annan sa progranm Nasyonal ki pe regard sa dan en fason sistematik.  Nou pou tyek sa sif pou elektrisite nou ava donn ou prosennman.

 

MR SPEAKER

Mersi Minis.  Onorab William.

 

HON WAVEN WILLIAM

Mr Speaker dernyen pti kestyon.  Minis vizavi lenformasyon akoz nou problenm la nou la se lenformasyon.  So par egzanp dizon Grand Anse Mahe ouswa nenport kominote ki fason piblik Seselwa li i ganny sa lenformasyon?  Akoz ki arive se lenformasyon pe ganny konserve par Minister, me nou, nou pa konnen ou trouve sa?

Par egzanp dimoun pe dir osi poudir i annan serten bann laferm ki pe servi eksesiv kemikal pou spray zot bann legim e sa osi i annan ban problenm ki devlop konman kanser.  So ki fason konmsi ki nou, nou kapab konnen akoz ki arive si piblik pa konnen menm si ou  pe dir li fer legzersis li laba, me i pe konsonm bann keksoz ki pe afekte son lasante letan i napa sa bann lenformasyon i pa pou evite pou aste sa bann kalite prodwi. Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab.  Zis pou dir ki nou Bidze elektrisite i R32.4milyon.  E an se ki konsern kominikasyon par Lotorite Lasante Piblik letan i annan  en – alor i annan serten moman kot e nou – sa i lye ek Lalwa alors si – alor par egzanp ou kapab al teste en sours delo par egzanp e petet ou detekte ki i annan en pti problenm.  Par egzanp i annan serten eleman serten bakteri me zot fer en analiz lo ki risk sa i annan pou lasante piblik.

I annan serten ka kot otomatikman  zot pou bezwen met en alert Nasyonal pou dir sa i en risk pou lasante piblik.  Dan serten ka i kapab zis e tras e alor si sa landrwa i anba ziridiksyon en Lotorite zot pou donn sa lenformasyon ek sa Lotorite, sa Lotorite pou azir me si i annan en ka kot i annan en risk pou lasante piblik, Lasante Piblik Lotorite Lasante Piblik pou fer sorti en kominike e zot pou dir piblikman alor ti annan sa legzanp Baie Lazare par egzanp si nou pran sa konman en legzanp konkret.

Me i annan lezot kot de ki annan en risk kontaminasyon pli larz zot pou pran sa an – zot pou pran sa e met li devan konman en priyorite.  An se ki konsern ou’n servi legzanp bann fermye tou bann fermye ki anrezistre zot ganny lenformasyon lo lakantite pestisid ki  – e la fason ki servi pestisid dan en fason ki pa vin en risk avek lenplimantasyon zot bann prodwi.

E osi pou lenportasyon sa bann pestisid i annan en Board spesifik anba Lalwa ki apel pesticide Board ki aprouve oubyen non bann pestisid ki ganny enporte e i annan bokou pestisid par egzanp ki pa ganny lese pou nenport ki kapab enplimante.  Apre byensir Lotorite Lasante Piblik kapab fer bann spot checks.  E kot bann ka kot dimoun in fer en konplent kot zot annan en konsern lo pestisid ki’n ganny servi, zot in antre zot in fer bann tes ki neseser.  Mersi.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker.  Bonzour a tous.  Mr Speaker mon annan de pti kestyon pou – well lo kote capital PSIP mon pe regard sirtou bann Proze Kapital ki zot annan ki mon pe gete i apepre  R45milyon an zeneral me mwan mon le tous lo de an partikilye, sa An se Royale Hospital outpatient clinic e sa purchases of ambulances ki kapab donn en pe plis detay lo la pou nou konnen ki akoz mon pe gete pou outpatient i pe ale ziska 2021.  I annan zis de milyon ki’n ganny allocate e si zot in fer scope of works diferan se ki zot tender document ki zot in gannyen pou sa proze ki diferans i annan?  Epi lo sa lanbilans konbyen ki pou – si i pou met enn Anse Royale?  Mersi Mr Speaker.

 

MR SPEAKER

Mersi Onorab Pillay.  Minis.

 

 

MINISTER JEAN-PAUL ADAM

Mersi bokou Mr Speaker e mersi Onorab.  Kot i konsern nouvo Block Outpatient pou Anse Royale ki i enn proze ki nou’n konmans demar li sa lannen atraver rekritman sa lekspertiz pou zesyon sa proze.  Alor nou’n re group anliny avek nou plan re devlopman pou lopital nou’n re group bann diferan proze ki en pe similer ansanm e nou’n fer en lapros konzwent pou nou anmenn sa devan Procurement Oversight Unit apre pou nou pas pou son tender.

E sa proze dan sa faz ki nou’n fer deza se pou zisteman idantifye kantite travay ki bezwen ganny fer, bann servis ki bezwen dan sa landrwa e apre pou travay avek sa Project Manager pou kapab pas a staz lenplimantasyon e rekritman sa kontrakter.  Alor sa larzan ki la i reflekte plan lenplimantasyon ki wi malerezman i en pe long nou ti ava swete i pli vit.

Me vi bann eleman bann kriter spesifik ki vreman enportan nou’n pran en lapros kot nou fer atansyon lo detay sa proze e fer sir ki nou annan sa bon lekspertiz an plas pou nou kapab enplimant sa proze korekteman.

Alor sa proze dan son faz ki pou vini an 2019i pou pas lo prosen staz kot ou rekrit son designer, son arsitek apre pou pas avek Kontrakter pou kapab fer sa travay.  Mon ava les CEO petet donn en pe plis detay.

 

MR SPEAKER

Mersi Minis.  Dr Louange.

 

CEO DR DANNY LOUANGE

Mersi Mr Chair.  Mersi Onorab.  Sa proze Anse Royale out patient i kout – i pou kout R14milyon, so ki nou’n fer nou’n met li akoz nou bezwen travay li an faz.  Nou pou konmans – nou’n fini konmans parey Minis i dir nou fini konmans outsource son project management.

E la nou dan faz ki bor nou pe match sa bann lakonpannyen ki enterese avek bann proze.  E enn sa bann proze i Anse Royale outpatient.  Nou annan 2milyon an 2019  apre 2milyon an 2020 apre 9milyon, 2021.  So sa nou pou konmans ki akoz i en proze ki nou le fer li byen. Nou oule donn zabitan Anse Royale en bon out patient e sa rezyon i e bon outpatient ki pou enkli tou bann servis ki nou krwar i bezwen dan sa rezyon.

Nou bezwen konsilte popilasyon ki pou servi sa servis, bezwen konsilte staff.  Nou’n fini konmans annan bann servis ki nou dan Health Care Agency ki nou propoze sa nou pou diskit avek zabitan Anse Royale e staff Anse Royale osi e sa ou vwar li koumsa parey Minis i dir nou le fer li en proze ki konplet e i pou zabitan Anse Royale.  Mersi.

 

MR SPEAKER

Mersi CEO.  Minis Adam.  Minis.

 

MINISTER JEAN-PAUL ADAM

Mersi Mr Speaker.  I annan sa dezyenm parti kestyon Onorab konsernan lanbilans nou  annan 10 lanbilans ki pe arive ki sa lannen pou antre an servis e pou ganny distribye da bann diferan sant rezyonal enkli Anse Royale.

Apre nou annan lannen prosenn en Bidze ki pou bann lanbilans adisyonnel e bann transpor ki siport travay lasante.  Sa i enkli par egzanp transfer bann travayer.  Sa i enkli pou transfer bann samples ki bezwen anmenn kot laboratwar e bann lezot servis pou pli byen kolekte nou bann sant lasante e sa i sa apepre 3milyon ki ou’n site da Bidze.  Mersi.

 

MR SPEAKER

Mersi Minis.  Onorab Pillay.

 

HON STEPHEN PILLAY

Mersi Mr Speaker.  Kekfwa sa kestyon i ava al pou PS Thésee.  Vi ki sa proze i pou parey ou pe dir par faz, mwan parey toultan mon’n krwar se ki rod son cost involve, wi ou annan ou Bidze pou li avan ou disburse larzan.  Akoz la mon pe get R2milyon nou ankor lo faz konsiltasyon pou fer bann rod bann konsiltan, whatever pou konsilte.  Mwan mon vwar li en pe tro – konmsi ti devret rod ou konsiltan fer ou cost estimate and then ou vin demann larzan.  Sa mon lopinyon kekfwa PS ava reponn mwan lo la.

Me mon pe demann en garanti ek Minis as of next year nou annan en additional lanbilans pou emergency akoz parey mon ti dir avan  dan mon repons Minis i annan  en mankman ankor en lanbilans Anse Royale … a de repriz ti napa lanbilans headteacher lekol ti bezwen pran manrmay pou anmenn kot lekol.  Annou pa esper enka vreman fatal arive akoz nou bezwen de lanbilans i pa pou Anse Royale sa en, i rezyonal Au Cap i servi lopital Anse Royale Au Cap i servi klinik Anse Aux Pins me nou bezwen de lanbilans Anse Royale.

Sa Mr Speaker mon oule demann Minis si i kapab promet nou oubyen dir ek nou i pou fer tou dan son posib pou met de lanbilans Anse Royale.  Mersi Mr Speaker.

 

MR SPEAKER

Mersi onorab.  Minis.

 

MINISTER JEAN-PAUL ADAM

Mersi Mr Speaker.  Efektivman pou bann sant rezyonal ki enkli Anse Boileau, Beau Vallon sa zot pou annan sa dezyenm lanbilans ki pou adres sa konsern ki nou’n met devan.  Apre kot i konsern difikilte an term kou sa proze, travay avek sa bann konsiltan nou’n anvi fer sir ki sa travay i ganny fer byen e akoz spesifisite sa louvraz si nou pran par egzanp lakantite letan ki’n ganny pran zis pou met sa, zis pou ganny clearance avek Procurement Oversight Unit, in pran en kantite letan akoz nou’n bezwen annan en lapel d’offre ki vreman spesifik e ki lye avek akoz i pa nenport ki batiman.

Dan lepase nou ti fer bann sant lasante ki ti bann lakaz ki ti ganny konverti.  Sa lepok in fini.  Nou dan en lepok prezan kot letan nou pou fer en outpaitent Department nou pou adres li parey i ete savedir i en Annex dan en Lopital kot osi i annan admisyon.  E dan sa laliny nou’n pran sa letan pou nou fer sa travay avek sa konsiltan.  Me pou bann prosesis bidzeter nou ava rappel ki Bidze i milti anyel.  E i enportan annan bann estimasyon ki ganny mete dan Bidze ziska 2021 akoz depandan lanpler sa proze son lenplimantasyon.  Byensir sa konsiltan letan i pou fer son travay nou pou bezwen aziste e nou pou travay avek Finans pou nou aziste Bidze depandan sa ki konsiltan i idantifye ek sa ki i travay lo la.  Alor mersi pou konpreansyon lo sa size. Mersi.

 

MR SPEAKER

Mersi Minis.  PS Thésee.

 

PS DAMIEN THESEE

Mersi Mr Chair.  An se ki konsern zesyon proze ordinerman ki nou fer depi 2013nou’n fer en reform fondamantal lo ki man yer nou zer proze.  I annan 2faz prensipal basically.  Ou annan son konsep avek son appraisal e pare dezyenmman monitoring son egzekisyon ek monitoring.  Nou konnen nou annan problenm la lo egzekisyon ek monitoring me lo son bout kot komansman kot ou konmans konplete en proze e kot ou konmans appraise en proze ki nou fer ordinerman avek Development Committee sa Minister i vini e nou get an prensip sa proze ki sa Minister pe mete si an prensip i merite.  E la li i fer sa ki nou apel en pre feasibility savedir i fer son bann initial costing ; i  get son bann paramet son zistifikasyon akoz i bezwen sa proze e la si nou vwar i annan merit se la kot prezan ou ale ou fer en proper full feasibility en full costing.

So dek ki i ganny sa approval an prensip avek Development Committee la prezan ki nou met larzan sanmenm ki ou vwar parey pou sa proze ki la nou met en larzan zis pou li kapab kouver son bann consult fees akoz tou proze i pou bezwen prezan ale al rod expert pou fer bill of quantities, fer drawings me selman si i napa internal capacity e pou Minister Lasante si sa le ka i pa parey Minister Labita ki annan en full projective.  So i bezwen outsource sa bann proze.

So nou donn li sa larzan pou li al deor prezan, ganny tou son bann  costing, son drawings byen prezan kot i pou retourn kot Development Committee apre pou Development Committee gete apre si sa ki’n aprouve sa skill sa proze si i pou enn realistic.

So nou annan diferan staz.  Alor annou petet konpran ki i annan en prefeasibility apre en proper feasibility study apre sa.  Mersi.

 

MR SPEAKER

Mersi PS. Onorab Regina Esparon.

 

HON REGINA ESPARON

Mersi Mr Chairman.  Mr Chairman mon ti a kontan port latansyon Minis lo item 6 dan detay materials and supply sirtou kot i met medical laboratory material kot i annan en logmantasyon 43milyon.  E letan mon pe regard dan detay in sorti 158milyon in vin 201 milyon.  E letan ou pe get dan detay pou laboratory supply in ogmant par 6milyon epi medical supply li menm li in ogmant par 30milyon.

Mon ti a kontan demann Minis kwa ki zot pe asire dan sa Bidze, ki mekanizm ki an plas pou asire ki i annan bann reagent ki teste bann maladi a tou pri?  Parski nou pe donn zot larzan pe vot en Bidze e toultan ou tande i annan sa mankman.  Epi mon ti a kontan port latansyon Minis lo en lot zafer ki konsern laboratwar.  Minis i annan sa pratik kot bann dimoun ki al kot dokter prive, bann dimoun ki al kot dokter prive ler i vin fer tes lopital Gouvernman i pa pe peye.  Me i paret i annan sa pratik kot dokter prive pe sarz zot an  menm tan ki Minister Lasante pape sarz zot pou sa tretman, oubyen pou sa tes.  Ki mekanizm ki Minister met an plas, pou asire ki zot pa pe perdi larzan atraver bann pratik koumsa?  Epi Minis en dernyen pti keksoz.  Anba ‘’minor capitals’’ Mon vwar i annan 3.4milyon.  Mon ti a kontan en klarifikasyon kalite lekipman medikal zot pe al aste avek sa 3.4milyon?  Mersi.

 

MR SPEAKER

Mersi Onorab Esparon.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  An se ki konsern bann reagent par egzanp bann tes i enportan pou nou klarifye akoz mon konnen dan deba sa in leve oparavan.  E i enportan pou nou klarifye serten keksoz.  Pa tro lontan pase nou ti entrodwir sa ki nou apel ‘rapid test’ ok e sa i servi en reagent ki spesifik.  E an 2018 nou ganny en kantite ka lafyev ki nou’n bezwen servi par egzanp sa rapid test ki nou konfirm si dengue oubyen non e dan  lamazorite ka i pa’n dengue selman sa lepidemi dengue pe kontinyen evolye, me akoz nou’n bezwen servi sa bann reagent en kantite pou sa bann rapid test.  Alor a diferan moman in arive ki nou napa sa reagent pou sa rapid test a sa moman, me reagent pou nou sa tes konfirmatwar par egzanp pou  dengue, pou leptospiroz e lezot sa tes konfirmatwar i disponib.

So nou kapab fer le neseser pou tret sa bann maladi e osi vizavi bann gidans klinik setadir bann gidans lafason ki ou tret sa bann maladi ou pa bezwen sa rapid – akoz sa rapid test tou fason ou bezwen ganny li konfirmasyon.  Sa rapid test i zis en eleman dan sa bann gidans pou tretman sa bann maladi.

E annefe ban dokter i ganny rekomande pou pa tro fye zis lo sa rapid test.  Sa rapid test pe ed ou pou fer sa vitman me lakle sa tretman i ganny fer atraver sa konfirmasyon.  Parey mon’n dir sa test pa tro lontan in ganny entrodwir e defayans ki’n arive se ki a serte moman nou’n bezwen teste en  kantite tes en sel kou.  Me mon kapab konfirmen avek Lasanble ki menm pou sa rapid test dan bann zour ki pe vini son reagent pou disponib.

An se ki konsern bann test ki ganny fer dan prive me ki Gouvernman pa sarze.  Sa i en Polisi ki Gouvernman in met an plas ki nou rekonnet ki tou Seselwa menm si i al kot en dokter prive i pe – dan en fason i pe tir en presyon lo en klinik Gouvernman i pe al kot en prive e se pour sa menm pou sa bann tes nou’n ofer sa gratwitman, pou nou sey gard sa bann kou rezonnab pou sa sitwayen.

Me i vre mon’n ganny serten rapor  mwan osi ki serten bann dokter prive pe sarze pou sa tes.  Mannyer mon konpran sa i pa en keksoz ki anba regilasyon lasante ki nou kapab defini, akoz en sekter prive i kapab sarze pou nenport ki servis ki i ofer.  Me i annan en deba ki kapab ganny fer vizavi Fair Trading Commission si sa i en keksoz rezonnab, akoz sa klinik prive si  pe sarze pou sa tes i bezwen zistifye pour kwa i pe sarze.  Akoz i pa pe sarz pou sa tes spesifikman.  Swa i pe met son kou konsiltasyon ladan, oubyen i pe met en lot kou mon pa konnen sa transpor ki’n al fer pou anmenn laba oubyen lezot servis sa klinik prive endividyel pou bezwen reponn.

Me an term kapasite ki nou, nou annan pou verifye sa i tonm, regilasyon pou bann Lotorite prive i tonm anba servis Piblik Lasante me i pa regard bann pri.  Napa en gidans a ma konesans ki spesifik lo pri en servis ki ganny ofer dan prive me sa i kapab ganny adrese swa atraver Biro licensing oubyen atraver biro Fair Trading Commission a ma konesans.  Mersi.

 

MR SPEAKER

Mersi Minis.  Nou annan 4 minit mon pou pran sa pti bout petet Minis lo menm laliny ki Onorab Esparon.  Koman mon’n koz avek enserten dokter  – en pti moman –  ki zot bezwen sa rapid test pou zot kapab konmans aplik tretman.  Sa rapid test i ed zot le moman ki i montre en siny influenza dengue oubyen leptospiroz zot kapab konmans aplik.  Me ler napa sa rapid test koman zot pou kapab konmans aplik tretman menm si sa lot test apre ki pou konfirmen finalman si leptos, si i dengue, si influenza.

E mon annan en paran ki’n kontakte mwan Vandredi zot ti bezwen pran zot zanfan anmenn kot en klinik prive pou kapab sertifye e dokter in sertifye ki i dengue e i lo tretman la.  Apre de semenn ki i pe ale vini kot Minister Lasante e i pa ti menm ganny dir poudir napa sa rapid testSo kestyon se ki kan sa bann kits pou rantre e akoz ki – I mean koman en dokter pou konmans tretman si i pa pe ganny sa tes direk la ok.  So en pti pe dan laliny Onorab Esparon.

 

MINISTER JEAN-PAUL ADAM

Mersi bokou Mr Speaker.  Mon pou les bann dokter koz spesifikman konman dokter lo tretman selman i annan  sa rapid test i sipoze zis donn ou en gidans tou fason.

E si ou pe pran legzanp dengue son tretman tou fason se pou adres sa lafyev i en sentonm ki ou fer li atraver par egzanp fer sir ki sa dimoun i ganny en kantite delo eksetera.  Mon pou les dokter koz pli an detay lo la fason ki ou trete, me apre an term sa bann tes disponib alor bann dengue kits i deza dan pei i deza pe ganny servi ti la depi semenn pase, depi Vandredi e bann lezot tes dan bann lezot zour ki pe vini pou disponib.

Me nou ava rapel Mr Speaker ki apre sityasyon La Peste nou ti fer serten zefor pou nou me sa bann tes rapid a nou dispozisyon, me tou bann dokter Sesel i annan formasyon pou zot kapab adres en keksoz parey dengue atraver bann tretman lo sentonm klinik.  Me mon a les dokter koz en pti pe pli an detay lo la.

 

MR SPEAKER

Mersi Minis.  Dr. Louange.

 

CEO DR DANNY LOUANGE

Mersi Mr Chair.  Mersi Onorab.  Pou zis azoute ki pou azout avek sa ki Minis in dir i enportan pou nou konnen ki tretman spesifik si nou pou koz lo dengue avek lepto spesifikman – spesifikman letan en pasyan i antre letan nou pou diagnose, nou diagnose li clinically par egzanp par interview apre egzaminen, egzamin sa pasyan.  De ki nou’n etabli oubyen nou sispe ki sa pasyan i annan dengue oubyen lepto nou tret zot pou sa de maladi.  Tes i ed nou pou gid nou ver  tretman.

Rapid test i enportan i pa as accurate as lezot tes ki nou annan. I annan rapid test ki la an se moman nou ti’n short i pe vini la sa semen either demen oubyen apre demen be i annan osi bann lezot test ELISA avek PCR.  PCR i bann ki konfirmen e ELISA i osi ede pou – i en pe pli accurate ki sa rapid test.  Me tou sa bann tes kantmenm zot annan kanmenm napa, kanmenm i pozitiv pa pozitiv letan nou’n sispe ki i annan dengue oubyen lepto nou tret zot konman dengue oubyen lepto.

Osi pou mwan dir egzakteman en rezon akoz nou’n run out parey Minis in  dir en rezon akoz nou’n run out i la resaman i annan en ta nou i annan ogmantasyon pasyan ki vin avek lafyev e bann sentonm ki en pe parey dengue.

So sanmenm sa ki nou’n run out of sa rapid test.  Selman mon pou osi pou reponn ou kestyon os ki an konsern bann tes ki manke par ler dan laboratwar. E sa i enportan osi pou fer Lasanble e piblik antye konpran ki depi resaman la ler nou’ get statistics bann tes ki nou pe fer dan laboratwar i ogmante.

Menm par ler 22poursan ogmantasyon e tousala i relye avek sa devlopman ki nou pe anmennen dan Health Care Agency.  E bann devlopman i bann spesyalis, bann nouvo servis spesyalize nou pe, bann maladi ki nou pe deal avek nou bezwen entrodwir bann nouvo tes.  E bann lenfeksyon, i annan lenfeksyon ki’n ogmante parey Hepatitis C, HIV tousala i met en burden lo sistenm.

So ki fer nou bezwen catch up avek sa.  Par ler nou pa kapab predir e ki arive i annan de fwa ki nou run out of bann reagents.  Me letan ou pou gete ki mannyer nou procure sa bann reagent ki i enportan.  I enn bann fakter bann lendikasyon ki nou veye tre closely sa.   Laboratwar en klinik laboratwar i bezwen annan son reagent so ki arive pou procure sa bann reagent i annan en peryod par ler e gran peryod ki ou bezwen met ou order e sa order ou bezwen fer sir ki ou met li dan en fason  parey nou’n sey fer 3mwan met en order avan ki ou stok i fini.

Par ler nou remarke si sa nou’n increase sa bann tes ki nou’n fer.  Menm ou met 3mwan i deza tro tar.  So be selman nou bezwen fer en fine balance between letan ou order sa tes i pa tro lwen akoz i pou expire by the time i ariv sesel.  E osi peyman osi par ler  i en problenm akoz en detrwa sa bann suppliers zot demann ou larzan in advance.

I annan ki  donn ou kredi me menm osi nou bezwen pey peyman kredi wi.  Laplipar fwa nou vwar nou bezwen pey zot i advanceSo sa bann challenges ki nou gannyen e nou si i annan bann tes ki nou’n run out par ler nou bezwen konsider bezwen fer emergency order ki pou kapab fer sir ki laboratwar pa run out of sa bann tes.

 

MR SPEAKER

Mersi Dr. Louange.  Onorab Esparon vitman.

 

HON REGINA ESPARON

Mersi Mr Chair.  Mr Chair i annan en kestyon ki Minis pa’n reponn. Sa 3.4milyon anba ‘’minor capitals’’ ki kalite lekipman ki zot pe al aste avek?  Mersi.

 

MR SPEAKER

Mersi Onorab.  Minis oubyen-

 

MINISTER JEAN-PAUL ADAM

Mersi Mr Speaker mon ava les petet FC donn sa detay.  Mersi.

 

MR SPEAKER

Ok Minis.  Financial Controller. 

 

FC HACINTHE BONNE

Mersi Mr Speaker.  Bonzour.  An realite sa 3.4 i anba medical equipment ki pou aste pou bio medical pou ed zot avek zot bann maintenance ki zot fer pou bann lekipman Lopital.  Akoz pou sa dernyen lannen zot ti pe benefisye anba … avek India Grant be pou lannen 2019 nou bezwen fer en provizyon akoz nou pa pou ganny sa benefis pou  2018.

 

MR SPEAKER

Mersi FC.  Bon nou pou aret la pou sa sesyon akoz nou bezwen ran lantenn avek SBC.  Nou annan en bon pe Manm ankor ki ankor lo lalis pou HCA.  Mon sizere nou ava repran nou travay apre midi e nou pou break nou ava reconvene 1.15.  Zis nou ava donn letan en pti pe letan SBC catch up ek son bann progranm.

 

(BREAK)

 

 

MR SPEAKER

Bonn apre midi tou Manm Onorab. Bonn apre midi tou dimoun ki al ekout. Bonn apre midi Minis avek ou delegasyon PS Thésee osi avek ou de supporting staff. Bon mwan zis prezant en pti leskiz pour sa retar. Mon ti deza pri dan en lot meeting.

Nou ava kontinyen avek nou travay lo deba lo Bidze pour Health Care Agency, e mon a pas laparol avek Onorab Jean- François Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a zis pran sa lokazyon pour mwan remersye, felisit tou bann travayer lasante ki travay vreman tre dir e mon pa kontan mank en lokazyon pour mwan remersye zot pour sa travay.  Zot ava konnen lekel zot ete akoz, mwan vizit zot ase souvan.

Mon kestyon ozordi Mr Speaker. Mwan mazinen lezot Manm in abord bann diferan kad travayer.  Mon ti a kontan demann enn de kestyon lo kad bann dokter. E bann dantis. Mwan mon santi Mr Speaker ki bann dantis ek bann dokter pour bann dimoun ki’n fer formasyon tre long, zot pa pe ganny rekonpanse parey zot devret ganny rekonpanse. E kekfwa se pour sa rezon nou pe struggle pour nou annan plis dokter Seselwa e zot spesyalize, fer zot travay apre laplipar zot i ale.  Mon aprann ki i annan apepre 30poursan dokter ki Seselwa. I stand to be corrected. Mwan ti a kontan demann Minis, premyerman pour nou kapab konpran ki mannyer sa striktir saler ek bann benefis i ete pour bann dokter pour dir avek nou enn fwa pour tou dan en fason kler.

Eski en dokter etranze pa i kout plis ki en dokter Seselwa? Ki avek zot tiket, zot lapey, zot bann allowances, zot lakaz, tou bann keksoz koumsa.  Si vreman sa i le ka akoz toultan bann dokter etranze ler zot fer zot total package zot ganny, ler zot ganny plis ki Seselwa?  Sa i mon premye kestyon. Mon dezyenm kestyon se pour bann zenn dokter, bann ki’n fek graduate, ki’n fer zot internship, swa isi, swa deor ki parey zot dir mwan, ler zot komans travay dan Minister Lasante pour en lapey R15, 600, basic pay par mwan, zot bezwen swazir ant swa lwe en lakaz, pour zot antre ladan oubyen aste en loto.  Zot pa kapab fer tou le de ansanm. Zot bezwen gete lekel konmsi ki zot pli, ki pli dan zot faver.  Alors eski sa basic i pour kapab ganny improve e si wi kan eski sa pour ganny improve?

Mr Speaker mon 3enm bout dan sa kestyon se osi lo saler. Dapre lenformasyon ki mwan mon’n anmase i annan bann dokter ek bann dantis, i annan  serten allowances par egzanp On-call allowances dan weekend, kot zot pe ganny 25 roupi par erdtan ki mwens ki lapey minimonm. Mwens ki sa lapey basic ki en travayer unskill pe ganny peye.  Alor mon kestyon se ki Minister, ki Departman sa Health Care Agency pe fer pour revaloriz lapey e tretman sa bann travayer pour fer zot reste Sesel?  Ki, e kan?  Akoz plizyer lesey in ganny fer, plizyer diskisyon in ganny fer, plizyer scheme in ganny mete lo latab, plizyer propozisyon in ganny mete latab me sa bann profesyonnel i santi ki they had been let down by the system akoz lannen ale, lannen vini. Alors lo sa dernyen bout kestyon mwan ti a kontan konnen kan eski ki sa bann profesyonnel i kapab ekspekte ki zot Scheme of Service i ganny revwar pour ki zot ganny en reminerasyon ki koresponn a zot kalifikasyon?  Mersi.

 

MR SPEAKER

Mersi Onorab Ferrari.  Minis.

 

MINISTER JEAN-PAUL ADAM

Mersi bokou Mr Speaker, e mersi bokou Onorab. E premyerman mon ti a kontan remersye Onorab e tou bann Manm Onorab pour sa rekonesans pour nou travayer lasante.  I enportan ki nou pran toultan en moman pour nou salye zot determinasyon, zot dedikasyon, zot langazman anver zot metye ki pa enn ki fasil.

E nou, i annan petet de eleman dan kestyon ki Onorab in met devan.  Enn se ki mannyer nou pli byen siport nou bann dokter dan en fason zeneral lo zot reminerasyon. Apre dezyenmman otour ou kestyon ki i vre ki i kout plis pour anmenn en etranze dan nou pei.  Me byensir lo sa 2enm parti kestyon larealite imedyat se ki menm si ou ti anvi par egzanp ranplas sa bann dokter etranze deswit avek Seselwa napa dan limedya.

Alor i en plan mwayen a mwayen term, i a long term pour nou kapab adres sa.  E si ou pou refer avek sa bann statistik ki mon’n donn ou lo bann dokter ki pe aktyelman fer formasyon, ou pour war ki nou pe al dan bon direksyon. Nou annan 54 dokter aktyelman ki pe fer formasyon a diferan nivo ki pour retourn e lannen prosenn nou annan 16 dokter ki pe tourn dan nou sistenm. Lannen 2018 nou’n ganny 11 nouvo ki’n vini ankor. E enn bann defayans kle se saler debaz en dokter junior.

Enn fwa ki en dokter in spesyalize, mon pa pe dir ou menm spesyalis i parfe.  I annan lespas pour nou amelyore. Selman enn fwa ki en dokter in spesyalize, son saler i amelyore.  Nou anvi kontinyen ogmant sa me i annan amelyorasyon. E dan konversasyon ki nou’n annan avek bann dokter, i annan en komite ki’n ganny kree. E nou’n diskit serten prensip.  Mon remersye sa Komite ki’n fer en travay aprofondi.  E zot in fer en soumisyon avek Gouvernman. Sa soumisyon i mon kapab dir en kad konpletman diferan.  E nou anvi al dan sa direksyon. Me mon pour eksplik zot en pti bann prosesis akoz pour nou ganny en keksoz dan Bidze 2019, nou’n bezwen travay lo kad ki egziste, savedir dan wage grid ki’n ganny etablir.

Alor dan Bidze 2019, ki i annan pour le moman, i annan en logmantasyon 10poursan dan zot saler debaz. E sa in posib akoz kad mannyer i ete. Ti annan en pe lespas dan sa kad pour dokter ki’n permet en logmantasyon, sa 10poursan. Apre i annan en logmantasyon 4 mil roupi dan zot inducement allowance.  Savedir inducement pour en dokter, nou pe koz pour en dokter lokal la en. Dokter lokal in double akoz ti 4mil la aprezan i pe vin 8mil. Alors sa i reprezant en logmantasyon plis ki R5mil par dokter.

Nou osi anvi adres sa kestyon On-call ki parey ou’n site, sa rate par erdtan aktyelman i tro ba.  Me i enportan pour nou vwar On-call i pa neseserman i en peyman par erdtan dan sans classics. Selman nou dakor avek ou i tro ba.  E i annan en travay ki pe ganny fer pour nou kapab link li avek saler debaz en dokter.

Pour le moman sa pa dan Bidze pour 2019, me nou pe travay avek Finans pour nou vwar kan ki nou kapab met an fors en nouvo sistenm peyman On-call.  E si Bidze i permet par egzanp atraver saving pour nou kapab fer sa, menm ankour 2019.  Me nou bezwen travay en pti pe lo sa kad pour nou kapab enplimante i anliny avek kad zeneral ki Gouvernman i annan.

Prezan Mr Speaker, Onorab sa i osi mars ansanm sa job evaluation ki nou’n dir nou pour fer ansanm avek Board Health Care Agency.  E sa i pour permet nou pour nou sitye en kad en petet en pe spesifik pour bann kad medikal.  Akoz nou konsyan pour dir nou annan serten limitasyon atraver grid lapey ki Gouvernman i annan vizavi larealite, sityasyon medikal ki i en dimoun letan in etidye pandan 7an, e ou’n sit sa legzanp ki aktyelman zot pe bezwen swazir ant lokasyon en lakaz ek en loto.  Sa i bann realite ki en zenn dokter pe frer fas avek.

Alor i annan plizyer keksoz premye faz logmantasyon dan saler debaz. I dan Bidze 2019.  Nou pour kontinyen aprofondi konversasyon avek bann dokter e fer bann propozisyon avek Minister Finans notaman priyorite se lo On-call allowance. E pour nou kapab adres sa kestyon saler debaz pour nou ganny en Lagreman avek Gouvernman pour nou regard en kad ki en pti spesifik pour sekter medikal, avek bann definisyon pour nou kapab montre vizavi WHO e lezot ki fason ki nou kapab mon kapab dir defann sa vizavi striktir lapey lo Gouvernman.

Lot eleman e si mon retourn en pti pe lo sa eleman letan nou pe konpar Seselwa avek etranze, nou kapab konpran ki mannyer nou’n ariv dan sa pozisyon ozordi.  A en serten moman letan nou ti pe rekrit dokter aletranze, nou ti pe war ki nou pa ti pe kapab ganny dokter, nou pe koz en bon pe letan pase la en.  Pa resaman, nou ti pe war ki nou pa ti pe ganny dokter etranze menm lo sa saler ki nou ti pe ofer.  E se la a sa moman la kot sanzman ki’n ganny fer se pour ofer zot akomodasyon koman en eleman separe e akomodasyon parey nou tou nou konnen dan nou pei i kout ser.

E a mwayenn nou pe depans apepre en 12,500, a R13mil par dokter, an mwayenn, i annan ki en pe plis, i annan ki en pe mwens.  E enn bann eleman ki nou pour diskit en pe plis an detay avek Minister Finans se revwar konpletman la fason ki nou fer e sa i anliny avek sa ki Minister Ledikasyon pe gete, eksetera, la fason ki nou rod akomodasyon pour bann etranze.

Premyerman Gouvernman i anvi envestir en pe plis dan bann fasilite ki disponib e sa i kapab benefisye a la fwa dokter Seselwa e dokter etranze.

Apre dezyenmman regard dan en fason ki sa bann larzan ki ganny depanse, dan plas ki Gouvernman, Gouvernman i kapab annan son prop fasilite me dan plas lwe dan prive ki nou kapab donn zot en serten larzan apre zot fer zot debrouy pour al rod sa larzan.  E sa i bann eleman ki form parti sa travay pli aprofondi ki nou kapab adres li a long term.  Me mwan oule reasir tou bann dokter ki pe ekout mwan ki i annan en poursantaz logmantasyon dan 2019, dan limedya, apre an mezir ki nou adres sa bann konsern ki ankor reste, par egzanp otour On-call ki sirtou priyoriter.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mr Speaker sa dernyen pti bout avek mon kestyon ki mon krwar i enportan, zot ava eskiz mwan ki mon pe ensiste lo la, me selman mon krwar i enportan ki nou dir avek bann dokter ek bann dantis, kan eski nou pour rekomans angaz avek zot dan sa diskisyon?

Mon krwar i enportan ki nou set en – pa en timeframe, me selman nou set en target. Akoz Minis i ava dakor avek mwan sa 52 dokter ki pe train deor, nou bezwen fer sir ki nou pa perdi ni enn ladan.  E pli boner ki nou aranz nou striktir saler plis nou pe met plis sans lo nou kote pour nou retain sa bann dokter.  So eski CEO oubyen Minis i kapab dir, donn zot langazman pour dir, pli boner ki posib o komansman lannen prosenn zot pour angaz zot dan sa diskisyon, pour kapab trouv en solisyon ki akseptab pour tou bann parti. Mersi.

 

MR SPEAKER

Mersi Onorab Ferrari.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab. Annefe ti annan en prosesis ki ti’n deza komanse avek bann dokter. Nou’n zwenn zot avan Bidze. nou’n zwenn zot byen boner, avan nou’n soumet avek Minister Finans.  I pa’n fezab pour nou kapab fer tou keksoz ki nou ti anvi dan premye faz. Me nou’n eksplik zot, antouka sa Komite akoz i annan en, nou pe zwenn avek Komite. Apre pour annan en meeting pli larz. Annefe demen, ti’n deza planifye, demen 1.30 mon pe vwar zot.  Alor konversasyon i kontinyen.

E letan nou annan en Lagreman lo la fason ki nou pour enplimant sa, nou pour diskit avek Finans lo ki mannyer nou pour met li an faz. Akoz en pti sa ki’n sorti dan ou kestyon Onorab saler debaz en dokter i bezwen ogmant dan en fason ase enportan.  Me pour nou fer sa nou pe bezwen al en pti pe andeor sa kad egzistan pour Gouvernman; kad saler Gouvernman.  Alor negosyasyon i deswit.  Nou pe zwenn demen. E nou pe sey ganny en Lagreman lo sa bann prensip pour nou soumet ek Finans pour nou kapab planifye kan prezan ki nou kapab enplimante. Mersi.

 

MR SPEAKER

Mersi Minis. Onorab Jude Valmont.

 

HON JUDE VALMONT

Bonn apre midi.  Mersi Mr Chair. Minis mon kestyon i vize ver paz 50 PSIP sa pti 50 la. i konsernan health centre Anse Aux Pins.  Mon vwar ki zot in met ‘’remedial works’’ lavaler R800mil pour 2019 apre in Bidze 500mil 2020, e 2019 pareyman ankor 500 mil.

Mon premye kestyon sa laliny se si ou kapab donn nou, dir nou pour lannen 2019 e sa de lannen ki pe vini ki pe bann major remedial works ki zot pe al fer lo health centre Anse Aux Pins. Pa bezwen al an detay zis bann en pti pe pli gro ki pran en plis larzan dan sa 800mil.

E 2enm lo sa menm paz mon war Ile Soleil, health centre, me selman ler mon get dan, mon pa war okenn larzan ki’n ganny mete 2019, 2020, 2021.  Alor nou war ki en sonm konsekan, en sonm lavaler pros 2 milyon ki pe ganny Bidzete pour remedial works pour sa 3 lannen pour health care centre Anse Aux Pins. Alor mon pe demande o non zabitan Pointe Larue e lezot zabitan ki ti servi Anse Aux Pins, Cascade osi.  Kan ki nou pe ekspekte vwar komansman konstriksyon sa sant Ile Soleil?  Mersi.

 

MR SPEAKER

Mersi Onorab Valmont.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  An se ki konsern bann remedial works lo Anse Aux Pins, mon pour kapab les CEO donn en pe plis detay. Me dan son fason zeneral parey nou konnen i en sant lasante ki en pti pe aze.  Alor ou bezwen kontinyelman fer bann travay par egzanp otour bann fasilite debaz otour son sekirite.  E mon ava les CEO donn en pti pe plis sa bann detay.

A long term Mr Speaker e Onorab, nou annan sa plan pour nou al lo Ile Soleil e komans sa sant rezyonal.  Rezon se ki la kot sant Anse Aux Pins i ete aktyelman i en pti pe ankonbre e i annan osi serten problenm drenaz otour ki fer ki pour ou ganny en sant rezyonal parey nou standar i demande i pour vreman difisil pour fer li.  An menm tan nou konnen, ou menm ou Onorab ou’n deza koz ek mwan lo la e lezot Onorab, ki i annan en serten valer istorik ki sa sant i la e nou kapab vwar ki mannyer sa i kapab ganny entegre dan en sistenm lasante akse avek lasante dan en fason zeneral, menm si laplipar bann servis en pti pe pli spesyalize i al dan en landrwa ki konvenab.

Me sa pour form parti osi en konversasyon ki nou pour annan avek rezidan sa bann distrik konsernen.  Sa i enkli Anse Aux Pins, Pointe Larue, Cascade pour nou kapab ganny kler lekspektasyon bann dimoun ki reste dan sa landrwa e osi kwa ki fezab e kwa ki pa fezab.  Me plan a mwayen term se mwayen long term se pour al lo Ile Soleil.  Pour le moman mon krwar sa pa dan Bidze akoz nou ti pe regard li koman en don.  Ti’n ganny soumet avek Gouvernman Sinwan.  Me nou ava rod en pe plis lenformasyon avek Finans lo ki, aki moman sa pour ganny reflekte dan Bidze depandan lenplimantasyon sa bann proze.  Mersi.

 

MR SPEAKER

Mersi Minis. Onorab Clive Roucou. En moman, en moman, Onorab sorry. Yes Dr Louange – CEO.

 

CEO DR DANNY LOUANGE

Mersi Mr Speaker. Mersi Onorab. An se ki konsern Anse Aux Pins, bann travay ki nou pour fer dan sa current health centre. I annan 2 porsyon; i annan fencing. Akoz nou’n annan problenm e in ganny raporte ki sekirite i en issue apre i annan dimoun kit ant pour vin anndan oubyen servi sa landrwa pour bann lezot aktivite.  E nou ti oule fer sa fence around sa health centre. Sa nou’n fini fer scope.  E mon krwar i en pe avanse sa proze. Lot part of sa proze Anse Aux Pins, proze i pour remodel par deryer ki bor ti annan en lavarang avek en landrwa ki pa ti pe ganny itilize.

So nou ti pour partition li ki konmkwa nou a fer ‘Dressing,’ nou anmenn dressing laba apre, ti annan en lot servis pour met deryer osi, sa osi nou’n fini komans drawing apre nou pe travay lo scope of work.  E osi Anse Aux Pins akoz i en vye building tan-zan-tan nou bezwen penn akoz dan sa koulwar i annan en koulwar ki tou kou i annan fungus ki nou bezwen trete tan-zan-tan e nou pa ankor war en solisyon in ganny diferan kontrakter ki’n vin sey ed nou pour adres sa problenm. Mersi Mr Speaker.

 

MR SPEAKER

Mersi Dr Louange.  Onorab Clive Roucou.

 

HON CLIVE ROUCOU

Mersi Mr Speaker. Bonn apre midi tou dimoun. Mr Speaker mwan osi mon anvi pran sa loportinite pour mwan remersye tou mon bann koleg ki pe travay dan Lopital Victoria i ayer pour zot travay nob ki zot pe fer.

Alors Mr Speaker mon kestyon pour Minis se dan detay under ‘’other use of goods and services,’’ spesifikman pour ‘’security and enforcement’’ ki mwan war en total plis ki 14 milyon in ganny allocate.  Mon ti a kontan demann Minis detay pour sa lokasyon, akoz ler mon pe gete ti annan plis ki 1.2 milyon pe ganny donnen par mwan, an konparezon avek training fees ki vreman medyok?

Mon 2enm kestyon se ankor dan detay lo materials and supplies, anba sou tit ‘’entomology,’’ mon war en gran increase plis ki 30 milyon.  Mon ti a kontan Minis ti ava ankor donn en detay kler lo sa enn akoz sa ‘’entomology’’ mon war li in deza leve dan public health, so en detay spesifik lo la Minis silvouple.

Mon 3enm kestyon Mr Speaker avek sa logmantasyon dan Bidze, mon ti a demann Minis si i annan okenn fason pour Minister dan sa allowance ki bann ners i gannyen R3mil, si sa i kapab antre dan zot basic salary ki ava benefisye zot dan zot Gratwite osi. Mersi.

 

MR SPEAKER

Mersi Onorab Roucou.  Minis.

 

MINISTER JEAN-PAUL ADAM

Ok.  Mersi bokou Mr Speaker, e mersi Onorab. Premyerman se ki konsern sekirite i en pti pe lye avek konversasyon ki nou’n annan bomaten letan nou’n koz Minister Lasante.  Akoz an part bann kontra ki avan ti ganny reflekte anba Minister Lasante in ganny transfer anba Health Care Agency.

Sa pour bann rezon transparans akoz se annefe se Health Care Agency ki pe kontra sa bann servis. E nou ava rapel ki nou annan 16 fasilite dan nou pei.  Alor i pa en pti sonm akoz nou bezwen fer sir ki sekirite i ganny ofer dan tou sa bann landrwa. E menm par egzanp kot lopital i annan en logmantasyon dan bann nonm azan, zofisye ki pe ofer sa sekirite e menm mwan ti a dir ki malgre sa logmantasyon nou ankor annan defi, en pti akoz la fason ki nou lopital i ete. I annan landrwa ki vreman ouver.  En pti osi lwe avek larealite ki nou tou nou fer fas avek ki labi sibstans ki egziste dan nou pei alor nou annan en kantite eleman ki kree bann problenm sekirite pour nou staff osi byen ki pour lezot pasyan.

Alors sa eleman sekirite i vreman enportan. E sa Kontra in ganny tender in ganny swiv tou sa bann diferan prosedir pour fer sir ki nou ganny valer pour larzan.  E Onorab in osi fer konparezon avek sa ki pour formasyon par egzanp.  Mon ti ava kontan sinyale ki lamazorite formasyon i ganny mete an term Polisi anba Minister Lasante.  E bomaten nou ti, nou’n aprouv 17 milyon dan Bidze Minister Lasante pour formasyon, ki ganny konplimante par serten sonm pour formasyon en pti pe plis spesifik ki en pe anba Health Care Agency. I annan en pe osi ki anba Public Heatlh Authority eksetera.

Me labaz bann formasyon, mon pa dir sistematik, nou ganny, nou fer li atraver bann fon ki ganny mete dan Minister Lasante.

Sa kestyon ‘entomology’, annefe i en pti pe en, mon kapab dir en lerer terminolozi ki’n egziste depi en pe letan, i pa fek komanse sa lerer terminolozi dan Bidze akoz anba sa laliny Bidze, annefe se tou bann medikaman lenportasyon bann medikaman ki ganny servi pour swen lasante dan nou pei.

E nou war avek plis dimoun ki ganny hospitalize, plis dimoun par egzanp ki ganny maladi kronik, itilizasyon sa bann latizann pe ogmante. E nou ava note ki dan Bidze siplemanter ki nou ti vin avek pli boner sa lannen. Annefe se Minister Finans ki ti anmennen, ti ganny aprouve par Lasanble. A grann mazorite sa bann gran sonm larzan ki ti ganny demande, sete zisteman pour reflekte larealite depans pour bann lenportasyon, bann latizann ek bann drog spesifik, sa ki nou apel an zeneral medical supplies.

E Bidze 2019 sa gran logmantasyon i baze lo vre konsonmasyon ki nou’n vwar an 2018.  E sa toultan nou ti annan en problenm ki si ou regard, si nou retourn an aryer ziska 2015, ou pour vwar tou le lafen lannen, nou plizoumwen annan en larzan ki nou dwa ki premye parti sa lannen swivan, alor an 2016 ki nou bezwen pran en poursantaz sa Bidze 2016 pour nou pey bill 2015.  E i ti menm zafer, e prezan in akimile.

E sak lannen sa i vin en pti pe pli gro akoz Bidze pa ti vreman reflekte larealite kwa ki pe ganny depanse.  Be nou’n kapab montre sa bann zistifikasyon avek Minister Finans e Bidze in ganny donnen selon vre konsonmasyon. Byensir nou konpran ki tou dimoun i anvi konnen pour dir i annan en bon valer pour larzan vizavi sa bann lenportasyon.

E nou ava note ki lo bann plizyer letid ki’n ganny fer resaman, i annan enn ki’n ganny fer par labank mondyal, in montre ki nou annan serten defayans dan lesans ki nou en pti pei.  Alor menm si sonm ki nou pe aste i konsekan pour nou, letan ou pour regard li an konparezon avek lezot pei i ganny konsidere koman ptipti. Me letan dan sa letid par egzanp ki WHO in fer resaman, zot in vwar ki nou kou medikaman konpare ek bann lezot leta zil, enkli par egzanp Moris, nou kou i annefe ekivalan avek sa ki pour Maurice, ki mon krwar i montre pour dir nou kantmenm pe fer en serten zefor mon kapab dir ki devret ganny mansyonnen ki nou pe reasir ganny en pri ki rezonnab vizavi sa pti lekonomi ki nou annan.

Mon pa konnen si apre petet CEO pour anvi donn en pti pe plis detay lo logmantasyon sa bann medical supplies, ki parey mon’n dir i tonm anba sa heading entomology.  Me sa ki dan Bidze i reflekte sa ki nou ekspekte pour sonm ki’n ganny depanse lafen lannen. Avan se ki konsern scheme of service pour bann ners e pour enkli sa R3mil dan saler debaz i en pti pe parey mon’n deza eksplike ki wage grid dan Gouvernman i ganny fer dan en tel fason ki i difisil ki mannyer keksoz i ete dank ad aktyel pour kapab met en allowance zis dan sa saler debaz.

Me letan nou’n diskite avek bann ners, nou’n rekonnet sa defi e sa swe pour nou kapab adres sa.                E sa pour ganny adrese ankor atraver sa revi, sa job evaluation ki pour ganny fer atraver board HCA pour nou kapab donn en kad kler lo la. Me i konsern kle se eski sa i kontribye anver Gratwite?  Larepons i wi, menm si i en allowance, menm si i pa tonm dan zot saler debaz, nou’n ganny en Lagreman ki inducement, bann inducement allowances i ganny konsidere dan kalkilasyon Gratwite anba nouvo sistenm Gratwite.  Alor nou kapab reasir bann ners dan sa laliny malgre ki pour le moman sa saler, sa inducement pa ankor ganny antre dan zot saler debaz.   E pour fer kler osi, Mr Speaker. Sa kestyon i pa’n neseserman lye avek Bidze, lye avek wage grid zeneral ki Gouvernman i annan.

Alor menm si par egzanp zot pa’n war li dan Bidze i pa vedir ki nou pa pe travay lo la akoz i pa en kestyon Bidzeter. Dan Bidze sa bann allowance i la li.  Sa bann allowance pe ganny peye, in ganny prevwar e osi zot Gratwite baze lo sa saler debaz e sa logmantasyon ki’n ganny mete dan sa inducement in osi ganny konsidere.  Mersi Mr Speaker e mersi Onorab.

 

MR SPEAKER

Mersi Minis. Dr Louange.

 

CEO DR DANNY LOUANGE

Mersi Mr Chairman. Mersi Onorab. An se ki konsern sekirite, parey Minis in dir nou pe improve sekirite, nou bann fasilite.

Nou’n bezwen increase sekirite dan bann health centres apre menm osi lopital osi. Dan bann health centres laplipar dan bann health centres i annan en sekirite.  I annan ki nou bezwen met aswar osi akoz i annan dimoun ki antre e i fer bann aktivite dan bann fasilite. Kot Lopital nou’n vwar ki nou osi bezwen ogmant security officers ki annan.  Menm la an se moman nou pe travay pour increase.  Lopital nou annan 9 bomaten, pandan lazournen, 9 aswar. E menm nou bezwen ogmante, met adisyon 2 sekirite pour ed nou kot casualty apre lo ward osi konmkwa ki. Akoz nou pe vwar ki nou staff i at risk, nou bann pasyan i at risk konmsi.

So sa ki montre ki annan sa additional increase.  Lot osi ki nou pe mete as well, bann CCTV cameras ki nou war i en nesesite pour nou kapab monitor nou bann, nou lanvironnman, nou space, e sa menm English River osi nou’n enstale.

Lo kote medical supplies ki nou’n mete dan nou Bidze i entomology.  Medical supplies i kontinyen increase. Minis in eksplike akoz.  Be in addition i annan osi nou’n ganny en ta lekipman osi resaman avek the Indian Grants. Be sa bann lekipman osi i bezwen bann pour nou kapab run li. Consumables.  E sa i enkli bann electrodes, bann diferan, diferan, diferan items ki fer ki increase nou medical supplies. E menm nou pe osi ogmant nou infection prevention control osi konmkwa ki legan e lezot bann items ki konsern prevention control osi i ogmante.  Mersi Mr Speaker.

 

MR SPEAKER

Mersi CEO.  Onorab Roucou.

 

HON CLIVE ROUCOU

Mersi Mr Speaker.  Mersi Minis ek Dr Louange pour zot larepons.

Mr Speaker mon ti a kontan Minis i ava dir sa Lasanble lekel sa security firms ki pe travay kot Minis Lasante premye.  Epi sa terminolozi entomology, mon ti a kontan Minis i ava asire ki sa i ganny korize akoz i fer dezyenm fwa, ouswa 3 enm fwa la, ki menm terminolozi pe ganny servi anba en lot deskripsyon. Epi kominikasyon avan bann nurse pour zot asire ki zot osi zot ava santi zot konfortab avek sa menm leksplikasyon ki Minis in donn nou ozordi. Mersi.

 

MR SPEAKER

Mersi Onorab Roucou, or Minis.

 

MINISTER JEAN-PAUL ADAM

Mersi bokou Onorab e mersi Mr Speaker.  Wi an se ki konsern entomology, en sirkiler in fini sorti kot finans, me malerezman dan dokiman Bidze i ankor reflekte sa vye terminolozi.  Me selman finans in fini pran mezir pour adres sa.

An se ki konsern sekirite, bon i annan plis ki en dizenn konpannyen dan son totalite me pour lopital i Cardinal Security, ek BNM security. E nou kapab donn zot lalis pour bann lasante. Mersi.

 

MR SPEAKER

Mersi Minis.PS Thésee.

 

PS DAMIEN THESEE

Mersi Mr Chair. Petet lo kad saler, ti a bon kekfwa nou kominik ankor pour fer konpran kad saler Gouvernman ki en pe letan ler nou ti re-entrodwir wage grid dan bann reform 2019, 2010, tou bann allowance ti ganny groupe dan basic salary.  E nou ti tir bann allowances and inducement, nou ti donn zis basic.  Be ki nou ti war apre sa, ou ti war en manifestasyon, bann dimoun ti pe demande oli son night shift, ti pe demann nou oli son risk, oli son bann lezot marketable ki i ti pe gannyen.

Menm si sa larzan ti’n ganny tire, ganny mete dan en basic salary.  E ki’n ganny fer apre sa as nou’n evolye, nou’n war nesesite pour ogmant basically bann package travayer Gouvernman, bann Scheme in revin ankor.  Mon krwar dan nou Budget speech nou’n anonse ki nou annan apepre 140 diferan Scheme. E sa Scheme i partikilye a son diferan sekter.  Nou wage grid i pran an konsiderasyon, mon krwar apepre 13 kriter ki ganny evalye. So sak kad pour diferan baze lo son bann risk, lo son bann entry points lo nivo ledikasyon, lo bann lezot kriter ki konsider bann risk, bann lenkonvenyans ki ou gannyen si ou travay dan Sesel, oubyen si ou asiz dan biro.

So sa i ganny mete as labaz pour evalye bann pozisyon. So ler scheme i ganny revize bann job description i bezwen ganny ekrir pour pran le fe bann sanzman ki’n ganny arive bann lannen ki vini apre ki nou’n revised Scheme.

E bann inducement prezan i antre pour top up saler sa staff basically ankor baze lo sa sekter kot i ete. i pour anmenn evantyalite sa sekter partikilye e donn li sa inducement.  So ki nou dir as kad Gouvernman nou bezwen get total package. Akoz nou annan basic, nou annan inducement ki pour varye dan diferan landrwa kot ou ale. Savedir si ou sorti lasante ou al en lot landrwa, ou pa pour ganny menm package. Akoz son inducement i pour cater basically sa weight sa louvraz.  So i annan parey nou pep ran lanfaz lo ners la, zot osi pe ganny sa long service allowance on top of sa retention ki donn zot.               En diskisyon preliminer avan se ki nou pa donn ners sa long service an vi ki zot deza annan en retention allowance 3 mil roupi konpare avek bann lezot landrwa ki pour ganny sa si i fer mon krwar 30 an.

So desizyon final sete non. On top of the retention zot pour ganny sa long service.  So i annan bokou zefor ki’n ganny fer pour vreman adres en pe kad lasante e diskisyon ki nou’n gannyen ek Minister Lasante se depi 2018 basically pour son Bidze depi 2017, dan bann Septanm nou pe negosye pour revwar zot bann package Minister Lasante over the next 2, 3 years.  Premye lenportans sete pour ners.  La pou sa lannen pour donn lanfaz pour bann allied ki kouver tou lezot, plizoumwen kad anba lasante ki anba Allied e dokter. E ler zot fini revwar lezot kad napa ou ava met li pour 2020. Me selman annou prenan kont kad Gouvernman, nou striktir li.  Akoz nou ti anonse konstrent ki’n vini tou kou ek sa zafer allowance pour vin dan basic sete travayer i krwar ler i pour al labank i pa pour ganny en loan.

Me nou’n klarifye sa ki labank i get ou total package as long ki sa bann allowances i standing allowances.  Savedir tou le mwan ou pe ganny li e i pa pour konsern pour bann periodic ki toutafe normal ki i pa pe get zot bann overtime, oubyen ou bann pti On-call akoz sa depann lo ler ou perform extra hours.  

So nou’n met ankor lanfaz. Annou get nou total package. E lasante ankor li lanfaz annou get nou total package e lasante ankor li i annan en Scheme Gratwite ki pour ners i pou’n mont 10 poursan sa lannen sa lannen. Mon annan bann lafors spesyal parey lasante, parey SPDF, parey lapolis, parey Fire Brigade, e zot, zot diferan avek bann lezot kad teknik ki zis ou fer parey en Scheme account, ou fer 5an, ou ganny ou R10mil.

E ou war ki bokou lanfaz in ganny mete dan bann lezot perks ki bann lezot kad teknik pa gannyen konpare avek lasante. Gratwite i enn, e demen ler nou ogmant sa bann scheme lasante, be it ners, ou war ki zot Bidze Gratwite i monte konsiderableman.  So zot kontinyen benefisye.  So nou bezwen pran tousala an kont. Mersi.

 

MR SPEAKER

Mersi PS Thésee. Minis.

 

MINISTER JEAN-PAUL ADAM

Wi mersi Mr Speaker e mwan remersye PS ki in fer rapel ki i annan ankor logmantasyon pour ners an 2019 ki lye avek sa long service allowance akoz nou annan en kantite, annefe nou annan 361 ners ek fanm sarz ki pour tonm dan sa kad pour zot benefisye avek sa long service allowance.  Mersi.

 

MR SPEAKER

Mersi Minis.  Onorab Sylvanne Lemiel.

 

HON SYLVANNE LEMIEL

Mersi Mr Speaker. Mr Chair mon pa konnen si ou pour permet mwan avan mwan demann mon kestyon. Ozordi mon krwar preski nou tou nou’n bliye tou madanm isi dan sa Lasanble, ozordi i Lazournen Enternasyonal pour bann zonm.     Alors mwan ti a kontan profit sa lokazyon, i dir ou pli tro tar ki zanmen pour mwan swet tou nou bann zonm Onorab isi dan sa Lasanble enkli ou menm Mr Speaker, Minis avek son tim zonm kot Minister Lasante, PS avek tim zonm kot Minister Finans e tou bann zonm dan Sesel, mon ti a kontan swet zot en bon lazournen. Mon espere in byen komanse, i a byen fini. Rol, tenm sa lannen se ‘Positive Male Role Models.’

Mon konnen i annan en kantite zonm, menm dan nou Lasanble isi, menm an deor ki vreman zot bann roles models Mr Speaker. Nou ti a kontan zot kontinyen reste parey, reste pozitiv, vin bann role model pour zot fanmir e zot zanfan. Mersi Mr Speaker, e prezan mwan ava demann mon kestyon.

 

(APPLAUSE)

 

HON SYLVANNE LEMIEL

Mr Chair mon annan de mon kestyon in ganny reponn, sa ti lo sa outpatient clinic Anse Royale.  E lot ti lo kote lanbilans. Mersi Onorab Pillay pour mwan donn mwan lanmen fight pour kapab vwar en rezilta pour nou outpatient clinic Anse Royale.  E osi lanbilans, servis lanbilans amelyore dan nou distrik.  Mr Chair mwan vwar dan Bidze ki i annan en sonm R700mil pour ‘remedial work’ lo Lopital Anse Royale. Mon ti a kontan Minis or CEO i eksplik zabitan Anse Royale petet kwa ki pe vin ganny fer lo lopital Anse Royale pour sa sonm R700mil. Nou vwar en lot sonm R800mil pour new medical gas system kot maternity unit.  Nou ti a kontan zabitan Anse Royale i ganny en leksplikasyon lo sa gas system ki pe vin ganny mete e petet osi kan nou pour vwar louvertir sa maternite Anse Royale.

Nou vwar osi anba ‘’minor capital outlays’’ zot annan 1 milyon roupi pour CCTV.  Nou konnen Lopital Anse Royale i annan camera dan ward anler.  Me sa Lopital i ganny vreman frekante e tou resaman in annan vol sereng bann zafer dan Lopital. Nou ti a kontan konnen si dan sa 1milyon ki zot pour gannyen pour annan 2 pti CCTV camera ki pour ganny met kot Lopital Anse Royale, pour kapab kouver en pti pe sekirite sirtou dan bann landrwa kot bann dimoun i zis kapab pas deryer kot lopital kot sekirite pa kouver pour zot antre.

E apre Mr Speaker mon ti annan lo kote pano soler lo Lopital Anse Royale, mon krwar sa Minis in reponn. Mersi Mr Chair.

 

MR SPEAKER

Mersi Onorab Lemiel. Minis.

 

MINISTER JEAN-PAUL ADAM

Mersi bokou Mr Speaker e mersi bokou Onorab. An se ki konsern sa bann remedial works, sa 700mil.  Annefe ou pour war lo laplipar nou bann diferan sant lasante, nou’n met en serten larzan pour adres larealite travay toulezour dan sa bann landrwa. Lopital Anse Royale i enn nou bann pli gran fasilite. E sa larzan i sirtou pour nou adres bann konsern kontinyel, bann reparasyon laport, peron, bann travay debaz pour fer fonksyonn byen. E osi dan serten ka lye avek louvertir lopital pour bann inpatients se pour nou osi amelyor serten fasilite ki lye avek sa.  An se ki konsern louvertir potansyel maternite, sa i lye avek disponibilite staff.  An 2019 nou pe rekrit ankor staff enkli par egzanp bann ners.  Nou pour annan osi serten dokter adisyonnel.

E depandan lo disponibilite e osi bezwen pour sa bann servis pour nou kapab ofer sa servis Anse Royale.  Me pour le moman priyorite se plito dan lopital Victoria pour le moman. Me efektivman a longer di-tan i en keksoz ki pli tar nou pour kapab konsidere pour nou ofer sa servis.

Me kontrent prensipal se pa lespas, se pa lekipman, konstrent i plis resours imen. An se ki konsern CCTV mon ava les CEO petet koz lo la e pano soler, nou pour regard Anse Royale parmi bann proze priyoriter lye avek sa proze zeneral ki Gouvernman pe sey travay lo la pour met bann pano soler lo bann batiman dan Gouvernman. Mon a les CEO petet azout detrwa ti pwen lo sirtou kot i konsern CCTV.

 

MR SPEAKER

Mersi Minis.  CEO.

 

CEO DR DANNY LOUANGE

Mersi Mr Chair. Lo kote CCTV wi, nou’n komans avek CCTV, nou ti’n komans avek lopital Sesel apre nou’n move Beau Vallon, nou’n fer en pe, nou’n al English River, Anse Royale, nou’n met anndan akoz pour, nou ti pe al servi li koman en, ti en standby pour Infection Isolation Centre.  Nou a assess, nou a evalye sa ki ou’n dir regarding fer plis sirveyans dan lanvironnman kot Anse Royale. Nou ava fer en feasibility study nou a gete ki, kwa in addition nou kapab mete Anse Royale.

Pour remedial work avek sistenm gas, sistenm gas nou’n fini pas sistenm dan Lopital. Sel ki reste i housing ki bor ou’n met bann cylinders pour konekte gas avek.  Sa nou’n fini travay lo drawings, nou pe fer bann prosedir pour nou tender out sa travay.  Apre pour remedial works osi nou pe osi annan plan pour met en X-ray machine laba.   Nou pe esper en Eye beam ki nou’n fini procure, mon krwar in fini fer prosedir, mon pa konnen kan ki ou pour arive, mwan ava tyek avek mon tim. Me selman sa larzan osi nou a met en X-ray machine lo la.  Mersi Mr Speaker.

 

MR SPEAKER

Mersi CEO. Onorab John Hoareau.

 

HON JOHN HOAREAU

Mersi Mr Chairman. Mr Chairman mwan ti a kontan refer lo paz 444, lo kote ‘’current receipts.’’ Nou vwar ti annan en forecast pour Minister Lasante kolekte 32 milyon lo kote dyaliz. Me revise Budget in montre ki zot in kolekte zis 4milyon.  Sa i montre ki lagreman ki zot annan avek AMSA i pa pe abouti Minister Lasante lo sa kote.

Eski Minister i annan, i pe al revwar sa lagreman avek AMSA an vi ki i annan bokou kritik lo sa servis ki i osi i ti kapab osi redwir en pe Bidze Minister Lasante si ti ava annan sa reveni ki ti pe antre, zot ti ava annan sa lespas fiskal pour kapab amelyor sa servis.  Mersi.

 

MR SPEAKER

Mersi Onorab Hoareau.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Annefe sa sif pour 2018 mon krwar i en, ki ou’n site pour dyaliz, mon krwar i en lerer administrative. E mon krwar sa ti ganny adrese dan rapor oditer zeneral, e akoz si ou regard son actual pour 2017, ti 3.192 milyon. E mon pa kapab dir ou 100 poursan. Selman mon estimen ki ti sipoze 3.2 milyon dan plas 32 milyon.  Akoz si ou pour regard son actual ek son Bidze e mwan konnen sa ti ganny tous lo la dan rapor Oditer Zeneral.

Apre kot i konsern pwen ki ou’n fer sorti lo renegosyasyon lo kontra AMSA.  Annefe sa i deza en pwen ki nou’n komans fer bouze sa prosedir.  Nou an konversasyon avek AMSA. Resaman mwan annan avek sipor Minister Finans.  Mon’n anvoy en let kot AMSA pour demann sa renegosyasyon. Sa premye re-demann renegosyasyon ti plis ki 1an pase. E nou’n met klerman bann kondisyon an plas ki nou anvi vwar dan sa renegosyasyon. E sa i enkli en rediksyon dan pri debaz.  I osi enkli lo lapar Minister Finans en revi dan bann provizyon an se ki konsern taks dan lagreman aktyel.  E sa bann revizyon dan Lagreman lo taks, fodre ki nou fer kler ki an pratik nou pa pe servis sa bann benefis ki’n ganny donnen dan Lagreman. An pratik AMSA pe pey par egzanp income taks pour son bann travayer e par egzanp osi an se ki konsern bann taks lo lenportasyon bann veikil. Akoz sa i bann keksoz kid an lagreman, la fason ti’n ganny drafte, pa ti an konformite avek nou Lalwa nasyonal.  E dan reneosyasyon nou espere ki nou kapab adres sa size, dan renegosyasyon osi nou espere ki nou kapab adres sa kestyon revi dan kontra parey ou konnen kontra i pour 10 an, e pour nou annan en revi apre 5 an.  E osi avek en Clause terminasyon Lagreman ki pli kler.

E lot eleman se pour nou klarifye dan Lagreman li menm dan en fason pli transparan e direk, sonm lenvestisman e kote sa bann lenvestisman i ganny sitye.  Alors sa i en pti pe bann eleman debaz sa prosesis renegosyasyon ki ankour aktyelman pour nou kapab redwir sa kou ki asosye avek sa kontra. Me nou ava note ki anba sa eleman, akoz ou’n diriz nou anver sa latab ki koz lo reveni akoz sa i bann peyman ki AMSA i fer avek Health Care Agency, vizavi par egzanp bann pasyan aletranze ki dyalize isi.

E i osi pour serten keksoz par egzanp ki’n ganny ranbourse, HCA par egzanp in anvoy en invoice kot AMSA zis pour klarifye. Me nou pran, nou pe bouz devan avek sa prensip pour nou renegosye Kontra avek AMSA.  Mersi bokou Mr Speaker e mersi Onorab.

 

MR SPEAKER

Mersi Minis.  Onorab Ahmed Afif.

 

HON AHMED AFIF

Mersi Mr Speaker.  Mr Speaker mon ti, mwan kestyon i baze lo paz 444, latab No.3 kot logmantasyon dan saler in sorti konpare avek Bidze 2018, to R347milyon in ariv R414milyon. I en gro logmantasyon, apepre 67 milyon roupi an tou ki dan li menm i plis ki Bidze Public Health Authority, zis logmantasyon saler, so i en gro logmantasyon, plis ki R5.6 milyon par mwan.  Prezan ler mwan al lo detay sa bann logmantasyon, mon vwar pour dir overtime i en gro konponan ladan li. I sorti R5milyon pour li vin 12 milyon ki vedir zot pe pey en kantite overtime.

Mon kestyon eski pa fer plis sans pour zot olye pey sa kantite overtime, ki anploy petet en pe plis dimoun ki kapab travay lo shift, e alors par erdtan ki ou pe pey en travayer, ou pour ganny meyer valer pour larzan. An menm tan ou pe kree lanplwa. Olye zis pey bann overtime parske overtime pour menm louvraz ou pe pey de fwa par ler. So eski sa pa en posibilite ki ou ti kapab konsidere?

E dezyenmman kot i konsern mon konnen nou’n koz lo la en pti pe dan ou bann lentervansyon lo kote medical and laboratory supplies, mwan en pe etonnen par sa sif logmantasyon medical supplies ki sorti 27 milyon, i mont par 30 milyon – i plis ki double. Mon konpran ki pour dir nou pe donn meyer kalite swen, servis e latizann.  Me eski ou kapab donn nous a lasirans ki nou pa pe zis pey bann pri fou ek bann fourniser, senpleman akoz zot vwar nou bezwen plis e meyer kalite. E alors pour menm keksoz an kantite ki nou pe gannyen, zot in ogmant sa dan en fason ki pa lozik pour nou. Parske R30milyon logmantasyon selman i vin Bidze ki Minister Lasante li menm i servi dan 6 mwan.  Zis sa logmantasyon.                        Alor eski napa, eski ou kapab asir nou ki ou satisfe pour dir la fason ki zot in fer procurement lo la set en fason korek kot zot in ganny meyer pri ek bann meyer fourniser pour donn nou bon kalite latizann ki piblik pe demande. Mersi.

 

MR SPEAKER

Mersi Onorab Afif.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab pour sa kestyon. Premyerman logmantasyon dan saler. Tou bann Scheme dan lasante in ganny revwar apard ki ners ek health care assistant ki ti ganny fer depi 2018.

Alor tou bann lezot Scheme se pour sa ou war sa sonm. Osi en gran poursantaz dan sa sonm i lye avek, lye avek long service allowance. Akoz dan lasante nou annan en kantite travayer ki’n la en kantite letan e parey ou konnen, parey in ganny anonse par Minis Finans sa bann allowance apartir 5 an, servis i ganny peye e i annan 1216 travayer dan lasante ki pour benefisye avek sa long service allowance. Alor lakantite e la grann mazorite dan 1216. Annefe sa 7216 zis HCA si mon pa tronpe. Zis pour HCA. Alor dan Public Health i ankor en pe. I dan Minister Lasante ankor en pe osi. E alor lakantite travayer sa i form parti sa logmantasyon ki tre gran dan bann saler.

Apre ti annan sa kestyon overtime e efektivman enn bann stratezi ki nou pe fer an 2019 se pour nou rekrit serten pozisyon, alor pour ranpli serten pos. Me i annan serten pos kot nou napa, malgre ki nou pour anvi rod sa bann dimoun, malgre ki nou ti pour anvi rod sa bann dimoun zot pa neseserman imedyatman disponib.

Apre lot eleman ki petet pe fer overtime, ogmant plis ki neseser. An fen oubyen ki pe mon tre en distorsyon se ki resaman nou’n negosye avek bann drayver lanbilans ek bann drayver an zeneral enkli bann porter akoz ti annan en lagreman ki la depi 2015. Zot ti fer serten travay sa lepok pour adres serten mobilizasyon ki zot ti bezwen fer dan kad Ebola, e osi dan kad ZIKA si mon pa tronpe ki zot ti dokimant zot overtime, tou dokiman ti la.

Me zot pa ti ganny peye an 2015.  E zot ava rapel ki ti annan en reprezantasyon par sa bann drayver porter anver Minister Lasante nou ti negosye avek zot. E lagreman ki nou ti annan avek zot se sa ki pour ganny, sa ti pour ganny peye an parti atraver bann savings an Bidze 2018, i annan en pe in fini ganny zot larzan, i annan en pe ki pa ankor gannyen e sa i enkli en serten parti ki’n ganny Bidzete an 2019.  Me nou pe sey sa stratezi parey ou dir i annan osi sa eleman ki i annan bokou overtime ki pe ganny fer dan bann kad kot napa ase travayer e sa nou pe esey adrese atraver rekritman.

Petet lo medical supplies dan en fason zeneral mon pour petet envit si ou dakor Mr Speaker petet nou Deputy CEO ki osi ansarz procurement i ava kapab petet eksplik nou, mwan ava envit li petet pour vin devan akoz mon krwar li i annan detay ki i a kapab partaz avek nou.

Me eleman ki mon ava partaz avek zot an atandan ki i vin devan, se ki zis par egzanp an 2018, lo komansman an 2018, lo sa Bidze, preski 30 milyon, 10.59milyon ti ganny servi pour pey bann aryeraz 2017.  E sa bann aryeraz in akimile depi 2015/2016/2017 akoz anyelman itilizasyon ti deza en pe o.  Apre logmantasyon in kontinyen an parti akoz CEO in eksplike i annan serten osi lekipman ki nou annan aktyelman ki nou ti napa avan, ki servi bokou plis bann consumables, bann keksoz ki ou bezwen sak fwa ou servi sa masin  ki ou pe bezwen ranplase.

E sa i vedir ki sanmenm sa logmantasyon parey zot konnen nou ti fer en Bidze Siplemanter pli boner sa lannen zisteman pour adres sa size.  Konsern ki mon konpran ki nou pe ganny valer pour nou larzan? Bann letid ki WHO in fer i montre ki dan en fason zeneral nou procurement i ase efikas, bann pri ki nou gannyen par egzanp bann medikaman i konpetitif vizavi sa bann consumables nou pri osi i konpetitif.  Me i annan serten sa bann consumables ki osi lye avek sa bann lekipman. Alor par egzanp si ou annan en lekipman en serten mark ou bezwen fer sir ki ou annan sa bann consumables ki lye avek sa mark.

Mwan ava envit madanm Cecile, petet pour donn en pti pe plis detay si i neseser.

 

MR SPEAKER

Mersi Minis. Deputy CEO.

 

DEPUTY CEO KATHLEEN CECILE

Mersi Minister.  Mersi Speaker, mersi bann Onorab. Mwan kapab eksplik zot en pti li size medical supplies akoz mon annan sa general overview procurement akoz mwan ti komans travay koman Director of Procurement e mon ti vwar li tre enportan pour nou swiv e travay dapre nou Public Procurement Act e nou swiv sa preski 99percent konmela nou swiv sa.

Donk ler nou ganny en request pour aste en keksoz sa request i sorti swa par egzanp lo en spesifik unit parey nou operating theatre ouswa i sorti kot nou Central Medical Stores.  Nou’n prepare pour nou asire pour dir nou swiv Lalwa avek due diligence best value for money. Akoz apre tou nou pe travay e nou pe servi larzan Gouvernman. Donk nou’n prepar nou en checklist tou bann purchase orders ki nou plase.

Sa requisition i arive lo nou Procurement Department. Nou ouver enn sa form, dat ki nou ouver lekel sa dimoun ki pe manage sa fayl. Apre sak purchase order i ganny en nimero.

Answit, nou annan en database plizyer suppliers. Nou demann 3, menm enn ler 5 zot pour bann keksoz ki nou kapab aste kot nenport source.  Nou demann zot quotation.  Ler nou ganny sa quotation nou fer en konparezon pri e kalite, delivery time pandan lo koman nou stok level.  E eski zot pe demann nou advance payment ouswa zot pe demann, zot pe provide nou kredi, si zot pe provide nou kredi, i ed nou akoz nou kapab procure, fer sir sa bann consumables i ariv dan pei pli boner, advance set a dir nou bezwen esper detrwa semenn avan sa larzan i ariv lo kont sa supplier.

E once nou’n fer sa konparezon, nou award sa kontra, sa parti ki pe donn nou better delivery condition, better prices. E apre sa, pour medical supplies pour laboratory supplies nou annan en Komite dan Health Care Agency ki nou prezant tou bann file ki par lao R150mil, bann par anba R150mil, mon sinyen, CEO i sinyen, bann par lao nou anmenn kot sa special Komite, nou dir pe al aste gloves.  Nou pe al aste sterile disposal gowns eksetera.  Nou spesifye kwa ki nou pe al aste. E nou demann zot, zot permisyon. Eski vreman nou bezwen? Se sa kalite ki nou pe al aste i bon.

Fodre pa nou bliye osi ler nou sanz supplier pour par egzanp glove ouswa gowns ouswa drips pour loperasyon, nou al kot bann dimoun ki servi sa bann zafer pour fer sir pour dir zot dakor avek sa kalite ki nou pe sanze akoz i pa volapenn nou aste gloves ki bokou pli bonmarse, legan, me ler zot pe servi avan zot ganny en ki bon zot in fini desir detrwa.  Donk nou fer sir pour dir nou pe aste bon kalite.

Pour bann order ki par lao 150 mil, nou demann sa bann permisyon e nou osi annan en plis gro Procurement Committee ki nou anmenn tou bann orders ant R150mil e R750mil. la nou eksplike osi ankor kwa ki nou pe al aste, akoz nou pe al aste li. Keksoz ki par lao R750mil, nou enform bann lotorite pli o. Me apre vwala, nou vwar si nou annan larzan dan nou Bidze. Eski nou pour fer advance payment.

Eski i pour lo kredi. Si i lo kredi kan ki nou pour peye. Apre nou swiv, keksoz i ariv Sesel, ler i arive nou annan customs clearance. Nou fer sir nou annan tou nou bann shippings documents, goods ki stok items i antre the medical stores, i ganny tyeke, keksoz in kase, keksoz i manke, nou kontakte nou supplier. Si i neseser nou kontakte zot, nou fer sir ki zot annan en insurance, lasirans pour nou bann keksoz akoz i en gran valer ki nou depans larzan lo la.

Si par egzanp en bato i koule ouswa i annan en leakage kek par. Nou asire ki pour dir nou pour ganny nou larzan pour nou keksoz ki nou’n peye.

E tre enportan nou annan en dokiman apel ‘’goods receive note.’’ Dan sak purchase order file nou devret annan nou’’ goods receive notes.’’ Setadir mon vin kot Minister, mwan donn li sa boutey delo ki mon’n aste dan sa Budget medical supplies, mwan donn li son boutey delo, mwan dir li silvouple sinyen pour dir ou’n ganny mwan boutey delo. Si non mon file mon pa kapab fermen.

E donk se sa prosedir ki nou swiv e nou travay diligently lo la pour nou asire pour dir nou pe byen travay anba procurement.  Ankor en zis en pti klarifikasyon lo Medical Supplies akoz sonm i tre sibstansyel, Minister in donn leksplikasyon ki nou ti komans nou lannen 2018 avek en Bidze ki ti zis R27milyon.  Ler nou ti kalkile kwa nou actual expenses ki nou’n depanse dan medical supplies pour lannen 2017, nou ti vwar pour dir nou ti in excess of 45milyon. Donk si nou pour provide nivo servis an 2018 nou devret ekspekte nou pour depans omwen a menm kantite ki nou ti depanse an 2017 aktyel.

Donk ler nou’n komans avek Bidze ki tro mwens, i annan bann invoice 2017 ki nou pa ti’n kapab peye, i annan parmi sa bann invoice preski R10.5milyon, nou’n depans nou Bidze 2018 pour pey sa bann invoice apre larzan in fini, nou’n bezwen kontiny, nou’n reste avek det 2017, R27.2 milyon – en fason nou Bidze pour komans lannen 2018, nou ti negatif 10.8. Donk pour nou move forward pour nou asire, i annan keksoz pour Lopital kontinyen marse, isi Victoria, nou Lopital dan Zil Pros e tou nou bann Health Care Centres nou ti napa okenn swa eksepte demann suppliers pour donn nou keksoz lo kredi.        Donk granmersi apre nou’n ganny en supplementary Budget an Zilyet. Dan sa Supplementary Budget, nou’n allocate 29.5milyon lo Medical Supplies.  An swivan sa nou ti still short larzan, nou’n ganny ankor en Supplementary Budget resaman e nou’n met R9.17 milyon pour medical supplies.  Zis pour donn zot en pti nide ankor kwa ki anba sa budget line medical supplies, i enkli bann keksoz pour nou operating theatre.

Par egzanp sa lannen nou’n fer vini en order ni implants pour 50 zenou. In ariv nou net R2.2milyon. E ler sa in ariv Sesel ou annan pour ou pey ou 15percent VAT avek ankor en 5percent handling charges. Nou’n osi fer vini osi en order mon krwar 2.5 pour bann implants pour cataract surgery.  Eksetera, tou sa bann servis ki nou provide, i vin avek en kou. Donk sa i eksplike akoz nou Budget line medical supplies i o. Mersi bokou.

 

MR SPEAKER

Mersi Deputy CEO.  Onorab Afif.

 

HON AHMED AFIF

Mersi Mr Speaker. Mr Speaker mwan satisfe avek leksplikasyon ki madanm Deputy CEO in donn mwan. Me selman i annan en eleman dan sa ki Minis in dir e sa ki osi Deputy CEO in dir ki trakas mwan en pti pe.  Le fe ki par egzanp anba overtime nou pe pran bann overtime depi 2015 nou pe anmenn la dan Bidze 2019.  I en pti pe parey sa anba Constitutional Appointees nou ti pe anmenn bann peyman Prezidan, Vis-Prezidan end of term nou pe anmenn li la.

Mon pa krwar i la fason korek pour fer sa. Petet i devret vize ver finans parski aryeraz i devret ganny cleared atraver zot bann Supplementary Budgets.  I pa kapab vin met dan Bidze pour en lot lannen ki fer nou krwar sa lannen avan tou keksoz in mars byen.  Sa ki zot in demande ti zis sa, plus son supplementary. Parske i paret la nou pe al dan bann lezot Bidze, nou pe anmenn det lezot Bidze ansanm.  E sa i pa normal sa; i pa normal, parske i pe distorsyon dan sif en kou loperasyon sa Lopital.

Mwan pa pe blanm Deputy CEO, oubyen bann dimoun teknik ladan, be selman la fason teknik finansyel i mal pour mwan, parske nou pe donn en distorsyon sa kou ki vreman i devret ete. Alor mwan ti a kontan en leksplikasyon akoz ki aryeraz ki pa sipoze annan dan premye lye parske i pa sipoze annan aryeraz akoz i pe vini.  E akoz dan en lannen nou annan de fwa Bidze siplemanter pour menm item. Savedir pa paret nou konnen, nou napa en egzakt ki nou pe vreman konn sa size pour vreman konnen konbyen i pe kout nou.  Alors sa i fer mwan en pti trakase. Petet Minister Finans i kapab eksplik nou akoz zot in fer li dan sa fason. Mersi.

 

MR SPEAKER

Mersi Onorab Afif. Nou ava eskiz Deputy CEO.  PS Thésee a repran son plas Minis.

 

MINISTER JEAN-PAUL ADAM

Mersi bokou Mr Speaker. Mon remersye CEO osi pour vin partaz son leksplikasyon avek nou. Mon tant pour dakor avek Onorab Afif.  Me selman avek en pti en KAVEAT… akoz sa eleman overtime ki mon’n mansyonnen par egzanp pour drayver, i en pti poursantaz ladan mon pa mazin sa sonm egzakt selman, mon’n sit koman en legzanp.

Mon dakor avek li selman ki sa ti devret kler.  Petet atraver en Bidze Siplemanter nou a rod gidans avek Finans lo la. Me an term prosedir ki nou’n fer lo kote lasante ti annan mon kapab dir en diferans lopinyon lo ki ti komanse avek sa problenm overtime 2015.  E legzersis letan ti vin en sityasyon kot par egzanp Union ti’n ekrir Health Care Agency.  E CEO ti zwenn avek sa bann reprezantan drayver, ti annan en konversasyon, en deba, e nou ti fer en legzersis pour nou kapab vwar ki sa overtime depi 2015 ki ti’n byen ganny rikorde e baze lo la ki sa overtime ti’n byen ganny rikorde.  E baze lo la vi ki sa overtime ti’n ganny rikorde, e ki sa letan ki ti’n pase i ti, i pa ti rezonnab osi pour nou, i pa ti fezab pour nou kapab konsider, par egzanp konze dan plas peyman.  E lo sa baz nou ti negosye en solisyon baze lo peyman.

En poursantaz sa bann peyman in ganny fer atraver recurrent Budget Health Care Agency, i annan en poursantaz ki la e ki petet, mon dakor avek Onorab ti bezwen pe ganny fer kler pour nou pa war sa koman en recurrent.  Me petet akoz mon’n reponn en pti pe vitman sa in vin dan mon lespri akoz mon ti konn sa size. I annan serten lezot fakter osi ki’n, ki afekte rate overtime.  An parti nou pour adres li atraver rekritman.  Me i annan osi en review dan overtime rate pour bann ners dan sa Bidze, en logmantasyon preski 20 poursan, si mon pa tronpe pour ki fer ki sa i an parti sa logmantasyon.

Parmi lezot, mon pa konnen si i annan en dimoun, mon napa sa sif devan mwan, me mon kapab rod sa banns if, sa breakdown, sa overtime ki petet i ava permet nou pli byen vwar sa.  Apre lo sa kestyon medical supplies, pwen ki Onorab Afif in fer sorti si konsern ki nou pa konn sa vre kou. I annan en serten eleman dan lesans ki letan ou annan en nouvo servis, se letan ou servi li ki ou konn son demann a en serten nivo.

Me bann, si ou regard bann estimasyon ki Health Care Agency ti soumet e la fason ki nou’n prezant sa bann statistik.  Nou ti annan en bon nide. Mon pa pour dir ou ti parfe. Me selman ti annan en bon nide.  Me defi ki’n vini, se la fason ki par egzanp Gouvernman i fer peyman kot i annan sa shut down lafen lannen e ki nou ti annan toultan sa, mwan pa apel sa en pti en hangover sorti en lannen pour al lo en lot, ti kree en distorsyon dan la fason ki finans ti regard sa bann sif.  Sa in ganny klarifye en travay entans ki’n ganny fer par Health Care Agency kot nou’n met klerman sa bann diferan eleman procurement ki lye avek medical supplies, e ki nou annan ase konfyans pour dir sa sif ki dan Bidze pour 2019 i pros avek larealite.

Rezon ki mon pa kapab dir ou 100poursan larealite, akoz i annan en serten eleman ki lye a bann keksoz ki ou pa kapab prevwar. I annan serten demann, serten servis, serten tes, serten fasilite ki ou pour servi li en pe plis, oubyen en pe mwens depandan lo sirkonstans dan sa lannen spesifik.  Mersi Mr Speaker mon pa konnen si Finans i oule azout serten klarifikasyon lo la.

 

MR SPEAKER

Mersi Minis.  PS Thésee.

 

PS DAMIEN THESEE

Mersi Mr Chair. I bon note osi ki an konsern overtime i ganny regulate anba Lalwa lanplwa. Nou pa sipoze pe pey overtime, over 60 hours. E alor Trezor i pour ensure ki nou pe pey overtime son kad ki nou pour peye i 60 hours dan en mwan. e alor bokou fwa overtime in akimile pandan le mwan. E si ou war pandan dan bann lannen pase, nou’n vreman contain bann Bidze overtime.  Akoz nou ankouraz bann Minister e se sa bann Minister ki annan Scheme.  E si nou war i annan bann nesesite pour fer overtime go towards committed overtime. Akoz sa i en fason ki ed ou pour more or less contain ou Bidze wages.  Me selman sa nou war i annan bokou rezistans ek bann servis kle ki pa neseserman fasil pour fer zot fer committed overtime. Me selman nou konnen drayver osi kot Minister Lasante, ou annan ase bokou challenge.

Ou annan en pe turnover ki prezan ki fer ki zot ganny difikilte pour recruit ki prezan si annan menm drayver ki bezwen fer sa bann overtime.  So sa bann diskisyon ki nou touzour annan avek sirtou Minister Lasante pour fer zot contain zot overtime.  E alor finalman zot in ganny approval Labour, pou clear off tou sa bann akimilasyon ki nou annan. Akoz nou, nou kad i 60 hours dapre Lalwa.  So in ganny approval, prezan la nou clean it up.

So i pour bezwen en travay kontinyel, zis ou bezwen prezan annan sa larzan 12 milyon la, fer en assessment, gete si nou might as well recruit plis drayver ki redwir sa overtime ki ava spread sa bann plizoumwen staffing en pe pli, more efektiv si oule.  Mersi.

 

MR SPEAKER

Mersi PS Thésee. Onorab Woodcock.

 

HON WAVEL WOODCOCK

Mersi Mr Speaker.  Minis mon kestyon i konn swivan i baze mwan rapel lannen pase pour Bidze sa lannen pour 2018 ou ti fer lanons ki pour annan en donasyon.  Mon krwar en Grant ki Lenn pour donnen pour aste 10 lanbilans, si mon pa tronpe sa grant i 385mil Dolar. Me mwan mon kestyon eski aprezan ki pe arive avek sa grant e kan ki zot pe ekspekte ganny sa 10 lanbilans sirtou kot i konsern pour Inner Island par le fe ki la nou sa lanbilans ki nou pe servi, pe ganny deservi pour emergency, pour anmenn pasyan fizyo, kan alor ki nou pe ekspekte ki sa bann lanbilans pour ariv Sesel e kan ki pour ganny dispatch e lekel bann distrik ki pour benefisye?

oan dezyenm kestyon i annan pour fer avek Medevac. Mon krwar konsern in ganny leve a plizyer repriz e in annan bann sirkonstans lepase kot bann pasyan pandan lannwit ki annan bann ka ase grav, parey latak leker kot pandan lannwit napa provizyon pour transport sa bann dimoun.  E akoz Air Seychelles li i komans bouz dan bomaten dan 7er. I annan plizyer, a plizyer repriz pasyan in reste lo Airport, in espere ziska ler en avyon i available. Napa en servis aswar pour transport bann pasyan, bann ka emergency.

Alor mon kestyon ki plan Minister, si dan sa Bidze ouswa dan kourt term pour rezourd sa problenm Medevac pour bann pasyan, bann pasyan Inner Island. Mon krwar Onorab Sophola in mansyonn lo kote bato, be selman mwan mon pe mazin an term avyon ouswa helicopter, or si zot pe ganny difikilte, si zot pa kapab antre dan kek negosyasyon avek IDC ouswa Zil Air pour ede, olye ki zot pe depann lo en Air Seychelles ki pa toultan ki fezab, ler pour ganny transportasyon.

Mon kestyon final i tonm anba PSIP pour Health Care Agency kot i konsern proze lopital Baie Ste Anne ki en total en Bidze R3.375 milyon in ganny mete ki pour enkli lab pour fer lab, store, workshop. Me en keksoz ki mon pa pe war ki en konsern pour zabitan pour Inner Island se ki nou napa en Hospice. Bann pasyan terminal parey pasyan kanser ki lo katriyenm faz, zot war zot lo ward ansanm avek bann lezot pasyan. E sa i en lenkonvenyan, mwan a plizyer repriz mon’n war kot bann pasyan terminal ansanm lo ward avek bann lezot pasyan ki ou konnen zot bezwen sa konfor, e zot sityasyon i ase kritik e si kekfwa sa i en keksoz ki Minis pe konsider pour le fitir pour inner island en Hospice. E finalman kot i konsern bann pasyan ki’n ganny latak leker dan lepase.

Ki arive se ki nou napa en landrwa lo Praslin/La Digue, ouswa lo Praslin kot bann pasyan i kapab fer fizyo, ouswa en sant reabilitasyon pour sa bann dimoun ki’n ganny latak, ki zot bezwen fer sa deplasman, zot bezwen vin reste Mahe. E fanmir i bezwen deplas pour vin Mahe pour reste avek zot Manm Fanmir eski Minis dan lefitir, pe konsidere pour annan en sant. Pa bezwen bokou lasanm en landrwa pour sa bann pasyan pour zot kapab ganny zot tretman, zot fizyo, reabilitasyon pour zot ganny latak leker ki a kout mwens pour bann fanmir deplase.  E osi ki ava fer li kot sa bann pasyan zot ava plis pros avek manm fanmir ki kapab donn zot sa sipor moral. Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Annefe pour Medevac nou konsyan sa defi e nou’n negosye avek Air Seychelles o maximum ki nou kapab.  Zot osi zot annan serten defi vizavi par egzanp i annan plizyer eleman dan sa defi. I otour par egzanp disponibilite pilot. Par egzanp, e parey ou’n sizere i annan osi IDC ki nou an konversasyon avek zot, avek bi pour nou kapab ofer sa servis a nenport ki moman zour, oubyen nwit.  E nou annan mon kapab dir en Lagreman de prensip.  Sa i dan limedya. Ok?.

Me lot eleman ki lye avek sa se pour nou fer sir ki parmi bann dokter ki ganny poste Baie Set Anne, ki annan bann dokter ki annan kapasite par egzanp pour stabiliz en pasyan ki’n ganny formasyon neseser pour li kapab stabiliz met en dimoun lo life support ki permet stabiliz sa pasyan ki apre nou kapab pran en aksyon pli aprofondi.  Akoz lakle dan emergency medicine se toultan lavites ki ou stabiliz en pasyan. E parfwa sa bann fasilite ki zot bezwen pour stabiliz en pasyan i pa sitan bokou e nou pe esey fer sir ki nou annan sa a labaz lo Praslin.

A long term Mr Speaker, i enportan pour nou konsider, mon krwar moman in arive pour nou konsider annan en fasilite dedye pour Medevac e sa i en keksoz ki nou pe diskit avek Minister Finans, petet en posibilite pour nou ganny en don par egzanp avek enn nou bann partener.  Fodre nou kler kid an en pti pei parey Sesel sa i pa neseserman en keksoz ki pour kout bonmarse. I en keksoz ki pour kout ser. Me nou regard li dan diferan opsyon, nou regard li dan opsyon evakyasyon sorti bann zil pros pour vin Mahe.  Me osi dan serten sirkonstans, si nou ganny en avyon ki kapab azout par egzanp son kapasite refueling pour anvoy bann pasyan aletranze kot i neseser. Akoz nou annan serten ka osi kot nou bezwen demann avyon vini sorti dan en lot pei pour vin isi, bann ka ki nou pe bezwen refer aletranze.

Alor sa i en pti a long term. Konsernan Baie Ste Anne, mwan pour les CEO donn en pe plis detay lo sa ki’n prevwar dan Bidze. me se zisteman bann lekipman ki anliny avek siport rol lopital Baie Ste Anne koman en lye premye swen pour asire ki o maximum ki nou kapab ofer sa premye servis irzans kot i neseser.

E osi pour nou ou maksimonm kapab fer bann tes par egzanp atraver laboratwar lo Praslin san ki en dimoun i bezwen deplase.  Sizesyon pour nou annan en fasilite Mahe pour akomodasyon bann manm fanmir, sa i pa dan plan imedya par egzanp pour 2019. Me dan konteks redevlopman Lopital, sa i osi prevwar bann lezot fasilite ki kapab ganny met dan Lopital.  E i annan en posibilite atraver anliny avek sa Proze Redevlopman Lopital pour nou regard bann opsyon akomodasyon a en nivo abordab.  Me i bon ki osi bann dimoun ki deza annan problenm par egzanp pour akomodasyon si zot napa en fanmir. Akoz par fwa i pli fasil, i pli konfortab osi pour al kot en fanmir, me si zot napa sa bann opsyon, i annan bann provizyon osi atraver lazans proteksyon sosyal pour siport dimoun ki vreman dan bezwen.

An se ki Hospice dan Bidze 2019 napa provizyon. Sertennman a-longer-di-tan i en keksoz ki nou ti ava kontan met a dispozisyon dan lopital Baie Ste Anne. I annan serten keksoz ki nou kapab fer par egzanp avek sekter prive. Nou note par egzanp ki menm hospice lo Mahe, nou’n ganny serten sipor avek serten donasyon pour nou fer sa landrwa pli akeyan.  E i annan kekfwa serten keksoz ki nou kapab fer a lenterim pour nou kapab siport sa bann fasilite pour disponib dan Lopital Baie Ste Anne e pour nou lenportans se byensir form bann dimoun ki kapab mete lo Praslin an se ki konsern sa sipor dan hospice li menm.

Alor i pa dan Bidze a kourt term. Me i en keksoz ki kapab ganny konsidere a mwayen a long term. An se ki konsern lanbilans osi ki mon krwar ti en pwen klarifikasyon e mwan oule reasir tou dimoun ki malgre serten retar ki’n gannyen, sa bann lanbilans ki arive dan bann semenn ki pe vini.  A nenport ki moman i pour arive. E fotespere prosennman ki nou pour kapab fer sa seremoni pour donasyon.  Mersi bokou.

 

MR SPEAKER

Mersi Minis.  CEO.  Dr Louange.

 

CEO DR DANNY LOUANGE

Mersi Mr Chair.  Mersi Onorab. Pour lo kote capital project, Baie St Anne nou annan plan pour nou refer renovate sa Drivers Bay, sa i dan nou plan. Nou annan mortuary ki nou’n fini komanse, nou lo tender phase e nou ankor pe identify en suitable kontrakter pour fini, pour fer sa travay.  Nou annan drawing.  Nou annan scope of work.  Nou annan BOQ.

Osi nou annan plan pour fer detrwa fasilite.  Laboratwar i enn osi ki nou pe travay lo la. e lezot fasilite i akoz Baie Ste Anne e Praslin e La Digue zot annan bann lekipman ki’n, nou’n gannyen dan sa don resaman avek bann lezot lekipman ki nou ti annan.  Nou oule set up en workshop, en bio- medical workshop laba. S a osi i dan nou plan, nou annan drawings.  Nou annan pe travay lo scope of work.  Me sa osi pour vin en letan nou pe fer sa building osi nou pour annan, nou pour osi met bann specialist clinic.  Nou realize ki letan nou bann spesyalis sorti Mahe i al Praslin i crowd, i zis napa ase lespas pour zot servi. So sa osi i enn ki nou pe travay lo la.

E mon krwar ou ti’n osi, mersi.  Mersi Mr Chair.

 

MR SPEAKER

Mersi CEO.  Onorab Woodcock.

 

HON WAVEL WOODCOCK

PS ou’n mansyonnen pour dir i annan bann lekipman ki byento pour ganny met Lopital Baie Ste Anne. Si ou kapab donn en pe detay lo sa bann diferan lekipman ki zot pour enstale ouswa mete Baie Ste Anne. Apre zis en pti klarifikasyon ler mon tip e koz lo en sant reabilitasyon ouswa fizyo pour bann pasyan ganny latak. Mwan ti pe dir ki olye ki bann fanmir ouswa pasyan i vin Mahe pour reste North East Point, si i kapab dan lefitir konsider en landrwa ki pour deservi bann zabitan Inner Island. Vi ki zot fer sa deplasman ki ankor pour kout Minister e osi pour kout sa bann fanmir pour sa deplasman.  Non pa lo Mahe kot zot bezwen fer sa deplasman. Konmsi mon pe koz en pe desantralizasyon en pe bann servis ki lopital ouswa Minister Lasante pe ofer. Mersi.

 

MR SPEAKER

Mersi Onorab. Minis.

 

MINISTER JEAN-PAUL ADAM

An se ki konsern servis reabilitasyon avek nouvo rekrir sirman si al byen nou pour ganny en pe plis fizyon ki nou kapab ofer, serten sa bann servis lo Praslin. Me i vre ki menm avek nouvo rekritman ki’n prevwar i petet nou pa pour annan ase pour nou kapab ofer tou bann servis ki aktyelman nou ofer lo Mahe.  Alor mon pa pour kapab dir ki nou pour kapab fer sir ki tou dimoun i ganny zot tretman lo Praslin. E i annan par egzanp ou’n sit sa legzanp apre en latak.  I annan diferan nivo.  I annan dimoun ki petet pour kapab swiv zot tretman lo Praslin.

Me i annan malerezman ki nou pour touzour bezwen refer lo zot Mahe.  Me an mezir ki nou rekrit plis dimoun e si i annan zenn osi ki anvi al dan sa karyer ankor enn fwa i enn ki annan bokou perseptif. Ou annan posibilite atraver formasyon pour al lo nivo Masters.

E i annan bann spesyalizasyon aktyelman otour rehabilitative services ki vreman donn mon krwar perspektiv pour dimoun kapab devlop zot lekor.  E osi avek nou popilasyon ki pe kontinyen vin pli aze, demann pour sa bann servis pour ogmante e nou pe osi lye sa avek bann lezot kondisyon ki pe bezwen reabilitasyon.  Par egzanp bann problenm Alzheimer’s e Dementia e pour nou kapab gradyelman ofer sa bann servis dan en fason desantralize, me i nesesit plis resours imen spesyalize dan sa bann domenn.  Mersi.

 

MR SPEAKER

Mersi Minis.  CEO oule azout keksoz.  Go ahead CEO.

 

CEO DR DANNY LOUANGE

Mersi Mr Chair. Dan sa ki konsern bann lekipman ki nou’n, ki pour ganny delivre Praslin oubyen ki’n ganny delivre Praslin, mon napa sa lalis ek mwan.  Me an gro i nou pour al install sa X-ray machine Praslin, i annan ultra sounds, patient monitoring machines, i annan lili. I annan bann electronic drip machine. Sa i bann lekipman ki Praslin osi pour resevwar dan sa don.

Mersi Mr Chair.

 

MR SPEAKER

Mersi CEO.  Onorab Paul Ernesta.

 

HON PAUL ERNESTA

Mersi Mr Speaker.  Mr Speaker, Minis e ou delegasyon, tou dimoun bann koleg bonn apre midi. Mr Chair atraver ou mon pe obzerv annefe sa Bidze lasante pe kontinyelman ogmante menm si nou pour pran pour lazans son Bidze i plis ki 60milyon an plis ki Minister Ledikasyon. Ki bann mezir kontrol zot annan an plas pour asir son bon zesyon?  Enn.

Apre eski dan seksyon account zot annan ase staff or zot satisfe lakantite staff ki annan pour kapab asire bon zesyon Bidze? E mon vwar i annan sa 40 milyon dan zot challenges ki zot 49 milyon pour 2017 eski zot in fini deal avek sa 40milyon ouswa i pe, i ladan, dernyen, PSIP, mon vwar i annan R250mil ki zot mete sa i zis pour remedial work pour Takamaka.  Kan zot pe mazin fer en bon travay pour lo klinik Takamaka?  Akoz nou prenan kont ki logmantasyon popilasyon dan distrik ki son servis li menm i deza pa adekwat.  Mersi Mr Chair.

 

MR SPEAKER

Mersi Onorab Ernesta.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab pour sa kestyon. Annefe, parmi, sa i enn nou bann preokipasyon kle se ki pour nou fer sir ki avek logmantasyon Bidze ki nou pe mete dan lasante ki nou asire ki annan valer pour larzan.

Mon krwar an se ki konsern, alor i annan diferan eleman ladan, diferan stratezi ki nou pe servi, pour bann diferan eleman Bidze.  Premye eleman Deputy ki osi parey nou’n dir i ansarz procurement in eksplik ase an detay par egzanp bann eleman ki nou’n met an plas pour procurement, pour asire ki nou ganny sa meyer standar ki posib pour nou kapab ganny sa standar kalite.

Me an menm tan pour nou ganny sa rapor kalite pri. Larealite se letan nou pe ouver plis spesyalizasyon, nou pe ouver plis servis, nou pour ekspekte ki sa bann sonm, pour kontinyen ogmante.  Me sa ki enportan se pour nou kapab demontre ki annan valer pour larzan vizavi sa ki pe ganny envestir dan sa bann servis.

Me nou pour ekspekte ki pour annan plis sa bann servis ki pour disponib e sa pour ogmant nou kou.  En legzanp ki’n ganny site se bann pyes pour ranplasman zenou. E nou ava rapel pa tro lontan pase, ranplasman zenou pa ti ganny fer Sesel.  Mwens ki 6an 7an pase nou pa ti kapab fer tou sa bann ranplasman isi e ti annan dokter, dokter Louange sa bann lepok en pe letan pase, letan i ti pe travay deor ti vwayaze pour vin isi pour fer sa bann ranplasman isi.  La ozordi parmi adilt tou sa bann ranplasman i kapab ganny fer isi.  E sa i en lekonomi enorm an term sa ki si nou ti pour anvoy sa bann dimoun deor.  Me par kont i ogmant nou Bidze lokal akoz sa servis spesyalize prezan i disponib isi.

E ankor letan nou pour regard sa kou a long term nou’n envestir dan serten nivo kalite, sa bann pyes e serten, sa bann pyes son standar i tel ki i pour dir pli lontan.  Nou estimen ziska 20 a 25an pour sa bann pyes konpare avek lontan ki son dire ti mwens.  Me alor ou bezwen en pti pe plis lo debar. Selman a long term ou ekonomiz larzan.  Sa i e an se ki konsern procurement.  Apre an se ki konsern resours imen definitivman nou bezwen ranforsi pa zis nou resours imen li menm, me nou bezwen ranforsi bann kad zesyon pour resours imen.

E mon profite pour mwan remersye e felisit bann travayer dan resours imen akoz mon krwar souvan zot pa ganny rekonnet.  E dan en sekter parey lasante zot pe adres petet lakantite travayer pli larz ki annan dan sistenm Gouvernman. I annan par fwa bann mankman akoz, akoz i annan bann defayans. Me mwan war zot fer en zefor enorm pour zot sey adres sa bann size.

Avek nou sistenm lenformasyon lasante sa osi pour ed nou. E mon pour dir ki nou bezwen moderniz, pa zis dan lasante, nasyonalman dan Gouvernman nou bezwen al anver en sistenm resours imen ki konpletman elektronik.

Nou sistenm lenformasyon lasante pour permet nou al dan sa direksyon.  Me i pour enportan mon pour dir zeneralman dan Gouvernman ki nou bezwen osi al dan sa direksyon e sa pour osi permet nou annan plis kontrol.

An se ki konsern nou PSIP, nou bann projects parey nou’n dir, nou pe al en pti pe tro dousman lo sa bann proze dapre sa ki lideal nou ti ava annan, sa ki nou ti ava swete. Me la fason ki nou pe ale avek bann eksper kalifye ki pe ganny rekrite atraver prosesis procurement ki vreman mon kapab dir an detay, i vedir ki nou annan, kapab annan plis konfyans ki sa bann proze pour fer en pli bon rannman ki ou pa pour zis neseserman zis sanze dan dernyen minit.

Ou pour vreman annan en proze ki adapte premyerman avek ou bezwen, e osi avek ou mwayen. Lot eleman ki nou ti ava swete fer a lavenir, nou pa’n kapab ganny sa sipor pour nou met li an Bidze 2019, nou’n demann en internal auditor, me nou swete ki sa i ava kapab ganny adrese menm si pa an 2019, me a en moman pli tar.

An se ki konsern sant lasante Takamaka. Fodre nou konnen ki banns ant parey Takamaka, bann pti sant lasante malgre ki pa tou servis ki disponib laba zot en rol entegral dan nou servis lasante an term zot akse avek popilasyon.

Me nou pa pour kasyet avek ou pour ki atraver revi ki nou pour fer, plan redevlopman lopital, nou bezwen revwar en pti sa bann sant la fason zot fonksyonnen. E la fason zot fonksyonnen i bezwen pli pres avek kominote savedir ofer servis, vin en baz pour par egzanp fer promosyon lasante dan kominote, pour fer swen pour bann dimoun aze. Fer bann home visit eksetera.

E an term nou plan redevlopman Lopital nou espere ki nou kapab fer sa redevlopman en pti pe pli konsekan ki zis sa me sa i pour vin en pe pli tar akoz nou priyorite se dabor banns ant rezyonal.  apre pour nou kapab fer bann lezot sant. Me nou pour seye atraver e osi mon profite, mon remersye sa bann staff ki travay laba, mon krwar zot fer en louvraz vreman bon avek par fwa pti gin mwayen. Mon krwar CEO ti anvi dir en keksoz. Mersi Mr Speaker e Onorab.

 

MR SPEAKER

Mersi Minis. CEO.

 

CEO DR DANNY LOUANGE

Mersi Mr Chair. Mon krwar i enportan. Mersi pour demann sa kestyon. Mon krwar i enportan osi pour nou fer sorti detrwa mezir ki nou’n fer dan Health Care Agency. Nou pe reviz, review bann sistenm ki nou annan an plas e nou pe travay very closely, management pe travay closely avek bord Health Care Agency.  E nou strengthen governance dan Health Care Agency. E bann striktir nou’n etablir bann komite ki meet regilyerman. E sa i pe ed Health Care Agency pour annan plis kontrol lo ki mannyer pe depans sa Bidze.

E menm parey Deputy CEO in prezante nou pe monitor procurement very closely. Nou osi Minister Finans ki kapab eksplik en pe plis, nou’n recruit en stock control officer ki osi pe get ki mannyer nou itiliz nou bann consumables.  E nou avek li osi nou pour devlop en sistenm audit internal auditors dan sak unit konmkwa ki nou a train zot within nou system ki nou ava audit system. E pri parey Minis in dir si nou kapab ganny en internal auditor ki ava travay osi avek bord pour audit management Health Care Agency.

Me kwa osi pour 2019 ki nou pour annan ki Minister in mansyonnen i sa Health Information System. Health Information System nou’n pe procure en system ki pour annan tou son konponan. Pour annan konponan sa medical side ki bor i pour annan son clinical, bann mannyer dokter i pour servi par bann dokter e bann health professionals pour fer bann notes detaye, pour bann notes pour lasal loperasyon, bann pour preskripsyon tousala.

E sa i pour ed nou pour annan plis kontrol, nou kapab monitor bann preskripsyon pli byen, nou kapab monitor bann loperasyon pli byen.  Me bann lezot konponan ki annan dan sa sistenm ki nou pe procure i pour annan HR component konmkwa nou a osi konnen ki mannyer nou bann staff pe performen, ki bann aktivite ki zot pe fer.

I pour annan osi en procurement component, pour annan osi stock component and so on.  Tousala i pour ed nou, tou sa bann component i pour ed nou osi pour annan en pe plis kontrol ki pe arive.  Nou osi annan lo sa ki konsern quality.  Nou osi nou pe devlop, nou pe strengthen sa ki nou deza annan, nou annan en infection prevention control system e sa nou pour extend li pour annan en patient safety and quality care.  E nou ti a swete nou’n fini etablir en post pour en re clinical risk manager ki pour ed nou kapab travay lo sa patient safety and quality care.

Mersi Mr Chair.

 

MR SPEAKER

Mersi CEO.  Yes PS Thésee.

 

PS DAMIEN THESEE

Mersi Mr Chair, nou annan nou 15 staff accounts dan Minister Lasante la, enkli son FC avek en asistan ki en senior accountant. I annan 3 tim basically ki fer payroll and pour revenue management avek enn payables. E over, depi 2013 depi ler nou’n pran fon manda accounts dan Minister, nou’n beef up en pe seksyon accounts pour ariv sa 15 la, ki’n arive.

E nou pozisyon lo la se ki nou pa anvi donn tro bokou staff ki zis tide in the egzekisyon.  Akoz sa ki nou war, zis nou met staff la pour peye, peye e peye.  So nou pe met en pe lanfaz lo planifikasyon, lo procurement ki ede basically en pe dan konmsi avoid sa zafer depanse apre ou bezwen taye peye.

So i annan zefor ki’n ganny fer dernyerman la dan procurement.  E osi nou’n recruit sa lannen en inventory accountant basically pour ede avek monitoring zesyon bann consumables ek bann lezot items dan bann stores.  Even bann medical supplies.  Akoz sa i en keksoz ki nou bezwen vwar ki mannyer nou pe itilize, rather than zis ki mannyer nou zis pey bill, me fer sir ki ou annan en kordinasyon ant accounts ki pe koz avek bann staff procurements ek bann stores, ki asire ki nou annan en better zesyon.

Akoz at the end of the day nou pa anvi zis recruit staff accounts.  Nou ti a plifere pran sa resours, mete, recruit en ners an plis, recruit en dokter an plis ki enn ki involve dan administrativman ki basically si nou improve nou sistenm, nou pour annan sa Health Information System ki pour vini byento avek ranforsi en pe lo nou bann inventory management.  Nou ava asire at least ki resours i al kot fodre dan plas zis nou add up more administrative staff.  Mersi.

 

MR SPEAKER

Mersi PS.  Onorab Ernesta.

 

HON PAUL ERNESTA

Mersi Mr Chair. I annan sa kestyon ki pa’n ganny adrese lo sa 49milyon outstanding.  Eski PS mon kestyon fondamantal ki mon’n demande. Eski ou pe satisfe avek lakantite staff ki zot pe annan la dan seksyon accounts pour zot kapab fer sir ki parey mon’n demande, akoz mon pe al vot pour en Bidze pour fer sir ki sa i pe byen ganny zere.  Kestyon direk.

 

MR SPEAKER

Mersi Onorab.  PS Thésee.

 

PS DAMIEN THESEE

Mersi pour ou kestyon.  Aktyelman non. Akoz la nou annan, nou main issue i lo plizoumwen lo revenue management.

Nou annan 3 staff ki involve dan revenue management e ki pe basically santralize pour get tou bann lezot klinik.  Me avek lanons ki’n ganny fer osi pour lannen prosenn ki nou pour sarz, well avek diskisyon si nou materyalize, ki nou pour sarz prescription fee, nou bezwen beef kapasite osi pour met dan bann, plizoumwen dan bann pharmacy.  Me sa i pa pour zis staff ki pour vini, ki pour ganny mete la akoz pe zot pe entrodwir sa prescription fee.  I deza annan defayans la ki ava ed nou basically servi zot pour bann lezot defayans ki nou annan dan revenue management.  So natirelman nou bezwen beef- up. Mersi.

 

MR SPEAKER

Mersi PS.  Minis.

 

MINISTER JEAN-PAUL ADAM

Mersi Mr Speaker, Onorab petet si ou kapab klarifye eski nou, nou pa’n kapab reponn sa kestyon lo sa 49milyon me petet ou pour kapab klarifye e refer nou, sa eleman dan Bidze, e nou ava kapab petet pli byen reponn ou.

 

MR SPEAKER

Mersi Onorab Ernesta.

 

HON PAUL ERNESTA

Thank you Mr Chair.  Lo paz 443 i annan zot bann challenges ki zot in fer resorti se ki zot annan en outstanding payment pour bann medical supplies.  Eski sa in fini ganny deal avek la, vwala mon kestyon mon ti pe demande.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Onorab. Mersi zis akoz ou kestyon ti annan en kantite eleman e i annan en kantite keksoz ki nou pe fer. Me wi sa in ganny adrese an kler akoz atraver sa Bidze siplemanter ki ti vin devan Lasanble, nou’n kapab adres sa size.

E nou annan konfyans ki nou dan en pozisyon bokou pli kler prezan pour 2019 kot nou an prensip nou pe ale avek san aryeraz ki dat depi 2017.  E nou plizoumwen anliny avek sa larzan ki’n ganny depanse an 2018.  Mersi.

 

MR SPEAKER

Mersi Minis. Onorab Henrie.

 

HON GERVAIS HENRIE

Mersi Mr Chair. Mon kestyon i lo paz 444 latab 2.  Letan mon pe get sa logmantasyon dan reveni an relasyon avek pharmacy fees i apepre 3.4 ki pe ganny prozekte. Selman si nou pe dir i annan apepre 400mil konsiltasyon par an, even menm si ou pour minus bann kategori ki pa pour pey sa R25.

Mon pe demann akoz nou pa ti estim en pti pe plis petet 5 milyon as oppose to 3.4?  E apre sa sonm – ki mannyer i relye dan okenn fason avek latab dan performance indicators lo paz 447, mon pa war par egzanp ki mannyer napa en prozeksyon pour redwir lakantite konsiltasyon over bann lannen ki pe vini. E touzour an relasyon avek sa latab, mwan en pe perdi letan konmsi sa bann poursantaz, akoz Sesel bomaten mon krwar dokter Gedeon ti dir nou pti, pti. E probableman nou ti kapab war bann sif as opposed to ki poursantaz ki prezan konmsi nou kapab war vreman bann progre ki Bidze i ede fer pour Sesel, pour Minister lasante, o fir a mezir ki bann lannen i pase.

E ankor mwan not bann landrwa kot napa sa bann statistik, be selman nou’n deza tann en pe rezon pour sa. Finalman Mr Speaker, en kestyon lo the goods and services lo cost of laundry. Mon’n war 3 konponan ki letan mon azout ansanm i tonm apepre 6milyon. So mon ti ava kontan demande eski en sel kontrakter ki pe gannyen pour servis laundry.  E si sa i ganny tender, e si vreman Minister satisfe avek sa sonm e si napa posibilite ki o fir lannen i pase sa sonm i redwir.  Mersi.

 

MR SPEAKER

Mersi Onorab Henrie.  Minis.

 

MINISTER JEAN-PAUL ADAM

Mersi bokou Mr Speaker.  Mersi Onorab annefe sa sif i en pe konservatris me nou’n santi in ne a mwen ki i meyer pour nou komans lo en baz en pti pli konservatris plito ki anbisye akoz i annan bokou egzanpsyon, par egzanp 400mil konsiltasyon. Sa i enkli osi bann ladmisyon. E letan en dimoun pour admit dan lopital i pa pour pey sa sonm. Apre ou annan tou bann zanfan kip pour osi egzanp e. E ou annan bann pansyoner ki pour osi egzanpte. Apre ou annan osi bann kondisyon kronik ki i en poursantaz ase o dan nou bann konsiltasyon.

Savedir sa dimoun letan i pour vin pour son konsiltasyon kronik pa pour ganny sarze, si i ti pou vin pou en lot keksoz i ava pey sa prescription fee. E se pour sa ki nou pa’n anvi met en target en pe o ki petet i difisil apre pour zwenn.  E i en nouvo konsep pour Sesel, nou’n anvi komans li lo son prensip. E sa i labaz ki nou rekonnet ki e mon krwar ki dan bokou pei dan lemonn e menm dan Lasanble lannen pase letan nou ti diskit lo Bidze, nou ti koz lo sa konsep.

Parey in ganny fer sorti pour annan en deba, pour annan en konsiltasyon pour nou ganny en lenformasyon lo si sa i anliny avek Konstitisyon oubyen non.  E nou pour swiv sa rekomandasyon ki nou gannyen baze lo en lenterpretasyon dan Konstitisyon.

An se ki konsern sa bann performance indicators, rezon ki 2017 napa se ki, e annefe nou annan sa bann lenformasyon. Me i pa’n ganny mete dan konteks sa Programmer Performance Budget. Se apartir 2018 ki nou’n komans lo sa progranm Performance Programme- Based Budgeting kot sa bann sif in antre.  E sa eleman rediksyon dan par egzanp enn bann target se rediksyon, length of hospital stay.  Sa i lye avek si ou pe fer en, si ou pe annan en plis lefikasite dan pou servis, ou pour kapab redwir lakantite letan ki en dimoun i kapab pase dan Lopital.

E nou’n war resaman ki par egzanp, mon pa pour dir dan tou servis me dan bokou servis, nou’n kapab redwir sa akoz par egzanp dan orthopedic, nou’n servi bann nouvo teknolozi, bann nouvo stratezi ki’n redwir lakantite letan ki en dimoun i bezwen pase dan Lopital.  En dimoun par fwa in fer serten loperasyon, son menm zour menm i kapab marse ki redwir lakantite letan ki zot pas dan Lopital apard ki si zot annan lezot kondisyon kronik ki nesesit lobzervasyon.

E sa i lye osi avek logmantasyon dan bed occupancy rate.  Ankor se pour maksimiz sa fasilite ki ou annan. Lopital i annan serten ward ki annan en nivo lokipasyon ki vreman o e ou annan serten lezot kot nou kapab amelyore vizavi sa bann standar servis ki nou annan an plas.

An menm tan rezon ki sa i vin koman en poursantaz e pa zis en sif, se pour nou kapab osi pli fasilman konpare, en lannen pour en lot, pour nou kapab pli byen konpar Sesel osi avek bann lezot pei. E osi pour nou annan, pour nou kapab konpar ant bann servis. Ok. Akoz si ou annan en statistik ki en pti pe plis spesifik dan en servis ki dan en lot. Me letan ou annan bann target ki baze lo poursantaz i permet nou en pti pe pli kapab fer sa bann konparezon e lye avek health information system nou pour kapab pli byen osi mezir sa bann eleman.

Mon pa konnen si CEO pour anvi donn en pti pe plis detay lo sa bann eleman, sa bann eleman performance management. Me sa i osi lye avek nou lentansyon vizavi bann reform ki nou anvi fer dan reminerasyon akoz evantyelman avek Health Information System nou kapab osi lye nou reminerasyon avek serten rezilta ki nou kapab gannyen, ki nou kapab mezire.

E bokou sa bann keksoz nou deza pe mezire dan nou rapor anyel.  Me Health Information System pour permet nou mezir li dan limedya.  Ou pour kapab war dan en zournen par egzanp konbyen dimoun in ganny admet, e sa ou pour kapab fer li san bezwen al rod sa bann dokiman ladmisyon, pas lo la, i en dokiman ase entans aktyelman akoz ou bezwen pas dan bann dokiman papye.  Avek Health Information System CEO par egzanp i pour kapab antre dan sa system e vwar lala la kantite dimoun ki’n antre dan lopital dan sa dernyen de zour, ki son trend, baze lo lannen ziska prezan.  E osi diskit sa avek bann dimoun, avek bann diferan konsiltan ansarz pour regard sa bann eleman.  Alor i pour donn nou bokou plis mwayen pour nou mezir sa ki nou pe fer.

E sa ki nou war deza

atraver ban rapor Lopital.  Dan bokou bann servis spesyalize nou pe dan sa bon direksyon nou pe redwir lakantite letan ki dimoun i bezwen pas dan Lopital.  Nou pe amelyor sa patient safety. 

        E parey Dokter Louange in dir pli boner, nou pe osi etablir bann mekanizm pou nou pli byen evalye sa bann eleman dan en fason sistematik.

Apre an se ki konsern laundry pou Lopital i zis en operater.  E sa i kouver tou nou bann nurse lasante osi.  E sa ti ganny fer atraver en expatriate interest an 2016 si mon pa tronpe.

Dan 2016 e ti annan de konpannyen ki ti reprezant zot propozisyon finalman enn ki ti vreman pare pou fer sa travay.  E se sa konpannyen ki pe fer.  Ti 2017 boner 2017.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Chair.  So mon ti a zis kontan demann de pti follow-up question an rezilta larepons Minis.  Konsernan sa pharmacy fees la ki pe al enpoze R25.  Eski Minister pou’n pare an Zanvye 2019 pou roll out sa progranm?  Enn.

Dezyenmman pa lefe ki annan en sugar tax ki pe al ganny entrodwir e dan Ladres Bidze ti sit lakantite larzan 83.3 milyon ki Minister Lasante i depanse par an.  E osi poursantaz popilasyon  adilt ki ganny dyabet avek hypertension mon konmsi mon fer li montre pou dir i en prosesis ki’n ganny byen mazinen lo la.  Mon pa vwar en target solman dan Bidze.

So si ou ti kapab donn nou en lesplikasyon.  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e Onorab.  Mon pou pran 2enm parti ou kestyon lo taks lo disik avan, apre mon a adres sa size pharmacy fees. 

An se ki konsern taks lo disik son target annefe ti dan Bidze lo Public Health. 

        E kot i annan si ou permet mon, mon va sey rod li.  si ou pou al lo paz 455 kot i konsern public protection ou annan ‘’annual reduction in premature mortality from non-communicable diseases.’’

        E sa i lye avek lenplimantasyon sa taks lo disik dan labwason.  Fodre nou kler ki dan labwason.  E sa i lye osi avek travay ki’n ganny fer  letid 2015 letid i  baze lo lannen oparavan in fer plizyer lannen sa ki nou apel an Anglais the Seychelles Hearts Study. 

E sa i regard bann risk kardyovaskiler pou Seselwa.  I osi lye avek letid 2015 lo lazenes. Ki montre ki plis ki 70 poursan zanfan lekol pe konsonm omwen en pet limonnad par zour.  Apre plis ki 92poursan pe konsonm limonnad toulezour.  Dan diferan kantite.  Plis 90poursan omwen en pet e plis ki 92poursan pe bwar limonnad toulezour.

E sa i direkteman lye osi avek bann konsern ki nou annan an term ogmantasyon obésité sirtou parmi zanfan.

E sa i’n ganny vwar osi dan sa letid sa Seychelles Hearts Study in montre ki ogmantasyon targete dan serten prodwir i lye avek demisyon dan konsonmasyon sa bann prodwir.

E si nou regard menm par egzanp lalkol nou tou nou petet nou annan sa persepsyon ki lalkol dimoun pe konsonm plis.  Me pa tet dabitan sa ki sa letid i montre ou se ki gradyelman konsonmasyon pe diminyen.  S ai pa vedir risk diminyen.

Akoz lafason ki nou konsonmen osi pe sanze.  Par egzanp an 1989 50poursan popilasyon ki ti pe konsonm lalkol ti pe konsonm bann prodwir parey baka, lapire, kalou eksetera.

Ozordi zis 5.8poursan 5.9poursan pardon ki pe konsonm sa bann prodwir lamazorite pe konsonm lezot prodwir.

E alor ki nou pe vwar par egzanp sa bann sa ki nou apel ready to drink alcohol ek beverages sa bann labwason parey nou dir Pti Zonn eksetera.  Kot i annan en o konsantrasyon disik e i osi annan relativman en konsantrasyon lalkol ki o.  Se pou sa osi ki sa taks lo disik i osi target bann labwason alkolize.  Akoz i annan en doub lefe.  I annan en lefe lo sistenm kardyovaskiler a la fwa ki en lalkol e  la fwa ki annan en nouvo disik ki eleve.  E sa letid Seychelles Hearts Study in montre ki atraver sak fwa nou annan en logmantasyon dan pri dan lalkol konsonmasyon regilye i diminyen.  Selman, ki nou pe vwar i annan en tandans parmi Seselwa pou fer en pe plis sa ki nou apel binge drinking letan nou konsantre konsonmasyon lalkol pandan weekend Vandredi, Sanmdi me pandan lafet.

Me konsonmasyon regilye units per capita pe redwir gradyelman.  Alor sa i parmi bann stratezi targete pou nou  adres sa kriz  lobésité  ki nou  fer fas avek dan nou pei.  I mars ansanm avek linisyativ pa li tousel.  i mars ansanm parey avek Polisi lo nitrisyon bann lekol dan bann lekol e sa i a la fwa atraver bann formasyon ki ganny fer dan curriculum.  E i osi vizavi gidans ki ganny donnen sa ki bann tuckshop i kapab vann  e bann gidans atraver bann ansenyan atraver bann paran, vizavi konsonmasyon bann prodwir ki pa bon pou lasante pou nou redwir sa bann konsonmasyon.

Alor i enportan pou nou regard sa taks lo disik dan labwason pa konman en aksyon lo li tousel me konman en aksyon ki koeran ki mars ansanm avek lezot entervansyon ki nou pe fer, pou nou redwir risk kardyovaskiler e risk maladi non transmisib.  Mersi Mr Speaker.  Mersi Onorab.

 

MR SPEAKER

Mersi Minis.

 

MINISTER JEAN-PAUL ADAM

Mersi.  Mr Speaker e apre an se ki konsern bann si nou pou pare an Zanvye pou sa, travay ki nou kapab konmans sa fee lo sa prescription fees.  Nou’n met nou bann bezwen an term resours imen avek Minister Finans pou nou kapab fer maksimonm pou nou met sa an plas.  An prensip i fezab.  Me petet dan lapratik nou pou bezwen dekal li petet en mwan oubyen de mwan e nou pou finaliz sa avek Minister Finans e nou pou kominik en dat final kot sa pou pran anfors.  Kot osi le premye Zanvye bann peryod vakans petet i pa sa moman ideal pou nou enplimant li me son prensip si nou’n pare i annan sa kapasite nou pou bezwen ranforsi resours imen pou nou kapab delivre lo la.  E nou met nou bann bezwen devan Minister Finans.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Chair.  Bonn apre  midi Minis.  Minis mon krwar ou rapel mon ti fer en korespondans avek ou an menm tan ki MLUH pou nou kapab ganny en helipad Praslin akoz sa sityasyon emergency kot en pasyan i bezwen pran lanbilans al Amitié e i annan letan kot i annan gran posibilite kot sa pasyan pa arive Amitié.  E mon krwar ou bezwen donn nou sipor lo la pou nou ensiste ek MLUH ki i annan en helipad pli pre avek Lopital Baie Sainte Anne pou ki ler i annan bann emergency i ava pli fasil pou nou kapab deal avek.

Apre mon ti annan en sizesyon pou Lopital Baie Ste Anne Praslin mon vwar la dan Bidze ou’n eksplike CEO in eksplike ki bann keksoz ki’n mete e mon ti a sizere ki tou-le- z-an nou met bann  keksoz sirtou bann lekipman spesyalize akoz i kout bann dimoun Praslin Inner Island pou desann Mahé.

So si tou-le-z-an nou kapab met en keksoz dan lespas 5an nou pou kapab fer en gran lavantaz.  Mersi.

 

MR SPEAKER

Mersi Onorab. Petet Minis Sosyal i a kapab dir nou si nou pou annan en helipad kot Lopital Sesel.  Pa vo lapenn annan enn Praslin me apre isi  kot Lopital Sesel napa enn.  Minis.

 

MINISTER JEAN-PAUL ADAM

Mersi bokou Mr Speaker.  E nou’n konpran sa demann e nou’n deza kominike avek Onorab.  Pou Lopital Sesel akoz Speaker osi i annan sa size dan plan re devlopman Lopital i enn bann keksoz ki pe ganny konsidere.  Pou Lopital Baie Ste Anne i en keksoz ki nou pe diskit avek Minister konsernen Minister Labita ek Lenfrastriktir ek Lakaz, pou nou vwar ki bann opsyon.  Mon krwar nou tou nou bezwen konsyan pou dir nou dan en pti pei i pa en keksoz ki fasil pou annan en landrwa apropriye.

Parey nou konnen dan en ka vreman irzans i annan posibilite pou servi laplenn in zis parey aktyelman.  Nou servi laplenn Mont Fleuri e pou Lopital Sesel.  Pou renouvelman Lopital nou pe regard sa konman bann prensip pou Lopital Baie Ste Anne e pou konsiltasyon e mon ti pou sizere osi dan distrik si zot annan bann sit pou sizere petet lo Zil Eve i annan serten landrwa ki kapab ganny idantifye nou pe al dan sa laliny pou nou diskite avek Minister konsernen.

Apre sa ki konsern lekipman gradyelman nou anvi ranforsi lekipman ki disponib Baie Sainte Anne s ai mars ansanm avek son resours imen osi pou nou gradyelman ranforsi bann resours imen ki disponib pou nou fer plis servi desantralize Baie Ste Anne.  Mersi Mr Speaker e Onorab.

 

MR SPEAKER

Mersi Minis.  Onorab Flory Larue.

 

HON FLORY LARUE

Mersi Mr Chair.  Bonn apre midi tou dimoun.  Minis dan PSIP nou vwar Anse Royale outpatient clinic in ganny allocate R2milyon dan sa Bidze.  Lannen pase zot ti ganny en milyon ki fer en total 3milyon dan sa sonm orizinal 14milyon.

Onorab Pillay in tous lo sa pwen.  Stephen Pillay. E Minis in d dir nou ki sa depans i pou consultancy.  Eski Minis i kapab donn nou en lalis detaye sa bann depans ki’n deza ganny fer e bann ki pou ganny fer n 2019.

E eski Minis i kapab eksplike i annan en prosedir tender pou okenn consultancy e lekel ki pe fer sa travay?

Mon 2enm kestyon Bidze i ganny fer pou delivre servis pou popilasyon Minis Lopital Anse Royale  ti ouver an Zen 2013 i ti sipoze pran 54 pasyan.  Nou’n vwar an Septanm piblik ti ganny dir ki zot ti pou pran 20 pasyan, l10 zonm e 10 fanm.

Me resaman sa pa leka in ganny limite pou zis 6 pasyan 3 fanm e 3 zonm, akoz napa ase staff.  Lefe ki Minister in angaz li pou lans sa servis inpatient services kot Lopital Anse Royale e i annan zis 2 mwan zot pa’n kapab onor lakantite ki zot ti le pran.  Eski zot kapab eksplike konbyen zot pe met a komet dan s Bidze pou kapab delivre lo 10 madanm 10 msye dan sa Lopital e osi delivre promet orizinal zot ti fer pandan 54 pasyan dan Lopital Anse Royale.

An plis ki sa zot ti annan bann servis ki ti ganny lanse promet 5an pase ki ti enkli theatre ki pe arive avek sa?

E CEO in dir nou ki fasilite X-ray pe vin dan pei.  Kan ki sa fasilite pou upon running Lopital Anse Royale.

3enm kestyon la lefe ki nou pou ganny nouvo lanbilans eski Minis i kapab asire ki 2 lanbilans pou ganny assign Lopital Anse Royale i e keksoz ki pe ganny demande pou plizyer lannen.  E eski en transpor ekstra i ganny fer available dan sa Bidze pou fer service home visit, school health visit, e pou anmenn bann urgent lab test pou lemoman zot servi par fwa en lanbilans pou delivre e sa i pa devret leka.  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  Mersi Onorab.  Mon krwar serten bann eleman dan kestyon Onorab in ganny adrese letan nou ti reponn Onorab Pillay.

Me mon ava repran serten eleman kle.  Alor Lopital Ans Royale an term sa travay ki’n ganny fer ziska prezan in plito otour preparasyon bann dokiman preparasyon atraver pou nou ariv dan sa staz kot nou’n travay dan en fason aprofondi avek bann konsiltan.  E pou ariv lo sa staz kot sa bann konsiltan i kapab ganny apwente.

E si nou, regard prosesis kot nou’n anmenn devan Procurement Oversight Unit in annan en kantite verifikasyon e revi dan travay dan sa bann dokiman pou fer sir i an konformite avek Lalwa Procurement.  E osi pou fer sir ki a la  baz bann keksoz ki nou ti anvi in ganny mete dan sa dokiman.  Laplipar sa bann depans se bann keksoz ki’n ganny abzorbe dan Bidze ki recurrent pou Health Care Agency.  E en poursantaz Bidze in ganny fe konman   akoz nou ti annan sa problenm medical supplies ki’n deza ganny koz lo la an term defi ki nou ti annan pou adres sa kestyon medical supply.  

        Alor enn fwa ki sa konsiltan i ganny apwente se a sa moman la kot bokou sa bann depans anliny avek preparasyon sa proze pou vreman ganny fer.

Apre an term louvertir inpatient bann fasilite dan Lopital mon krwar i annan en eleman konmsi i annan en serten demann pou sa servis me sa demann akoz serten letan dan Lopital pa’n ouver konman en inpatient. 

Alor kreasyon sa demann i pa imedya.  Me si par egzanp nou annan en demann akseler-e pou sa bann pasyan nou kapab fer sir ki sa bann staff i disponib.  E nou pe travay dan sa direksyon pou fer sir s servis i disponib pou sa ki i bezwen.

Me nou vwar laplipar pasyan ki admit sirtou bann pasyan ki anvi annan sa proksimite avek zot paran dan Anse Royale.  Me bokou bann pasyan ki annan bann problenm pli sever i baze byen sir dan Lopital Victoria.  Sa i anliny osi avek nou plan pou nou amelyor bann fasilit, atraver par egzanp X-ray e ti annan serten ti pran e serten letan pou nou ganny sa konsiderasyon korek pou sa X-ray spesifik pou Anse Royale.

E parey CEO in dir pli boner son in fini ganny son peyman in fini ganny fer i anrout pou  Sesel nou a kapab rod lenformasyon plis spesifik kan sa pou arive.

An se ki konsern lanbilans letan nou ti reponn kestyon Onorab Pillay nou ti konfirmen pou annan de lanbilans disponib Anse Royale.

An se ki konsern transpor osi letan nou ti koz lo PSIP nou ti endike ki sa en pti pe plis ki R3milyon ki’n ganny mete pou lanbilans e lezot veikil pou enkli osi bann veikil pou nou aste ki pou ede avek transfer staff e osi avek transfer bann par egzanp bann sample pou laboratwar eksetera pou adres en pti pe sa konsern ki met devan.  Mon pa konnen si CEO i anvi azout en presizyon.  Mersi Mr Speaker.  Mersi Onorab.

 

MR SPEAKER

Mersi Minis.  CEO. 

 

CEO DR DANNY LOUANGE

Mersi Mr Chair.  Minis in reponn plis laplipar sa bann kestyon me ki mon ti pou osi ki mon tip ou azoute nou’n ouver sa inpatient section Anse Royale e nou  bed occupancy rate i low pou lemoman ; i below 50%.  So parey Minis in dir dek ki nou vwar ki i annan en demann e pe increase nou pou adjust li accordingly.

        Lot regarding akoz letan nou, nou, fer sa inpatient nou osi ouver laboratwar laba.  So sa demann pou fer desann bann specimen santral i redwir osi dan rezyon.  So sa i en improvement significant ki’n ganny fer.  E i vre ki nou osi ankor pe ganny challenge avek transpor pou home visit, school.  me sa nou pe enterese avek Bidze 2019, bann transpor ki nou pou a procure.  Mersi Mr Chair.

 

MR SPEAKER

Mersi CEO.  Onorab Larue.

 

HON FLORY LARUE

Mersi Mr Chair.  Mersi Minis ek CEO pou ou repons.  Me parkont mon kestyon ti eski Minis i kapab don nou en breakdown detaye ki pou arive sa 3milyon mon konpran byen prosedir Minis.

E la mon konpran ki en milyon pa’n al dan proze osi.  Alor eski nou kapab ganny en lalis detaye kwa ki pou ganny fer ?  Pa zis en konmsi mn pe demann ou si ou kapab donn nou en detail list what needs to be done?  Koumsa nou a konnen lannen prosenn nou ava demande kwa ki’n ganny fer dan pou sa.

Lo kote Lopital ek pasyan CEO si an Septanm Minister ti deside pou lans dan inpatient avek 20 patient, ti bezwen annan serten demann pou zot lans dan sa depans.

E la mon pe demande ki plan Minister i annan pou meet sa demann orizinal ki zot ti dir zot pou delivre 5an pase ki  54 pasyan e la se dir napa needs savedir sa Lopital i kapab ganny konverti into something else.  E nou pa kontinyen pou lans inpatient pou en servis ki pa needed.  Ouswa eski napa ase staff sanmenm sa ki nou pa kapab delivre?  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab.  Mon krwar CEO i ava donn en pti pe plis detay lo prosedir sa proze a ki moman bann diferan eleman pou ganny depanse.

An se ki konsern louvertir sa Lopital en demann pou serten servis i petet dan limedya nou pa vwar li.  Me nou konsyan pou dir sa i kapab ogmante a nenport ki moman e lye osi avek lezot kondisyon dan distrik.  Alor parey si ou’n eksplike pli boner letan nou’n met en staff laba i baze l demann a sa moman e nou annan sa kapasite zis en serten pwen pou nou anvoy lezot staff laba si demann i ogmante.

E defi resours imen i toultan la.  Dan Lopital santral in toultan la dan bann klinik dan tou bann sant rezyonal defi i toultan la i touzour en challenge pou nou kapab met staff a sa dan sa landrwa lo en nivo ki mentenir sa pli bon standar posib.

Me lo Anse Royale bann dimoun ki kapab met dan Lopital Anse Royale i pou kout nou pli bonmarse.  E i pou pi efikas.

Alor nou plan i touzour la pou gradyelman ogmant e parey CEO in dir nou’n envestir dan laboratwar.  E petet en keksoz ki pa’n byen ganny konpran se pou nou re ouver Lopital Anse Royale byensir nou’n fer serten zefor pou repenn serten keksoz pou adres serten keksoz debwaz.

E sa vre lenvestisman resours imen ki ti manke.  E se pou sa ti pran nou en pe letan pou nou re ouver li.  La nou’n re ouver li nou espekte ki sa demann pou gradyelman ogmante dan en premye staz sa demann pa o, me gradyelman nou annan sa konfyans ki i pou vini  anmezir ki osi plis konsiltasyon espesyalis pou ganny fer dan sa Lopital. E ki dimoun i konsyan bann servis ki  disponib.

E lot eleman se enn fwa ki sa X-ray i disponib sa osi mon espekte ou ogmant lakantite pasyan ki kapab reste dan sa Lopital.

Me an term resours imen touzour en defayans me touzour i en presyon me si i annan sa kapasite pou nou ogmant lakantite pasyan nou pou rod fason pou nou met sa bann resours imen laba.  Mon krwar petet CEO i kapab donn plis detay.  Mersi.

 

MR SPEAKER

Mersi Minis.  CEO.

 

CEO DR DANNY LOUANGE

Mersi Mr Chair.  Mr Chair si ou permet mon al lo kote diskit lo kote ladmisyon akoz en keksoz ki mon krwar mon pli konfortab avek.  Lo kote ladmisyon.  Ladmisyon  pou Anse Royale sa inpatient hospital pou Anse Royale mon tande Onorab ou dir fermen si i pa rityel.  I annan son benefis.  E nou’n vwar ki depi letan nou’n ouver i annan occupancy.

         E parey mon’n dir occupancy rate i low.  Lekel ki admit pasyan, i bann dokter. Nou annan en kriter ki nou servi pou admit pasyan laba Anse Royale.  E sa bann kriter i spesifik akoz pou sa bann lekipman e sa ker ki nou kapab fer Anse Royale.

Ladmisyon bann problenm medikal laba Anse Royal i depan lo bann disease pattern lo social ill.  I pa en keksoz static ki nou kapab estimate. 

Onorab in fer monte konmkwa ki estimasyon ti mal. Me sa estimasyon sa pwen nou ti vwar ki i ti sa.  E la letan nou’n fer li nou’n enplimant li nou’n vwar i diferan.

So nou’n pti pe espekte  en keksoz koumsa arive e maladi tou kou i dinamik li. I annan bann pattern.  Se nou bezwen zis swiv sa bann patterns. 

Lo kote proze sa nouvo outpatient Anse Royale, sa i en proze ki dan plan Seychelles Hospital Master Plan e nou’n konmans sa proze sa lannen nou ti swete ki nou ti kapab konmans avek recuit en outsource sa project management.  Parey Minis in eksplike i annan en ta prosedir pou fer pou Aux Cap nou kapab ganny sa project management company ki nou’n fer e byento nou pou kapab annan en konpannyen ki pou manage sa project. 

Nou espere si tou keksoz i al byen nou ava  idantifye sa lakonpannyen sa lannen, e lannen prosenn sa konpannyen ki nou’n aprann sa avek nu leksperyans sa lannen ki bor nou’n outsource sa bann project management.

E lannen prosenn nou pou travay ek sa lakonpannyen ki pou fer project management nou pou travay lo sa service needs ; i pou asize avek i pou reviz sa ki nou, nou annan bann konsiltasyon piblik zabitan annan konsiltasyon.  Avek staff osi e second step i pou design en outpatient pran kont sa bann lenformasyon ki’n gannyen dan sa konsiltasyon.  Letan in design i ava fer son drawing son scope e son BOQ parey tou apre i pou outsource i pou tender out sa proze li menm.  Sa proze konstriksyon.

E sa bann steps ki nou pou pran. Mersi Mr Chair.

 

MR SPEAKER

Mersi CEO.  Onorab Noline Sophola.

 

HON NOLINE SPHOLA.

Mersi Mr Chair.  Mr Chair parti mon kestyon in ganny repran par Onorab Woodcock lo deplasman pasyan Praslin La Digue sorry Inner Island.

Alor mon pou koz lo deplasman pasyan La Digue pou Praslin dan ka emergency ler napa koneksyon bato.  Oubyen letan ki kondisyon sa pasyan sa bann sa bato Praslin/ La Digue pa kapab pran.

Eski Minis eski ou Minister in fer provizyon dan sa Bidze pou ganny en bato parey nou kapab apele taxi boat pou ede dan sa deplasman ?  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Onorab Mr Speaker an se ki konsern sa bato lo menm li napa en provizyon dan Bidze 2019.  Me dan mwayen lonterm premyerman lye avek nou konversasyon avek Air Seychelles IDC me osi avek Zil Air pou nou adres sa bann size evakyasyon letan i leve.

Parey nou konnen difikilte se aswar sorti La Digue akoz nou pa kapab servi helicopter.  E alor i enkli dan en staz dan imedya pou nou vwar negosyasyon ki nou kapab fer ek en serten operater dan sekter prive par egzanp pou nou annan en servis dan ka irzans akoz pou lemoman i pa dan provizyon bidzeter.

Me anliny avek nou provizyon mwayen a lonterm nou’n koz par egzanp lo sa nesesite nou ganny en servis  dedye pou Medevac.  E i annan posibilite pou nou regard sa resours ansanm avek Departman Risk ek Zesyon Dezas.  E avek bann lezot departman ki konsern irzans pou nou vwar kot nou annan petet en fasilite en bato ki pou mars mon kapab dir konzwentman avek sa lekipman Medevac ki nou bezwen regard li koman en sistenm e pa zis en lekipman.

Me dan son premye faz nou pou oblize pou nou adres sa an kolaborasyon avek sekter prive ek bann lezot lorganizasyon etatik ki petet i kapab ed nou a serten moman ok.  Mersi Mr Speaker e mersi Onorab.

 

MR SPEAKER

Mersi Minis.  Onorab Norbert Loizeau.

 

HON NORBERT LOIZEAU

Mersi Mr Speaker.  Mr speaker mon kestyon i relye avek case repons kestyon Onorab John Hoareau pli boner.  Kot Minis ti dir pou annan en revizyon lo Kontra AMSA.  Minis vi ki i annan en pti logmantasyon lo bann utilities.  Mon anvi demann ou anvi ki Minister  Lasante ki ti pe kouver tou bann utilities ki AMSA i servi.

Eski dan sa revizyon ou’n dir pou annan lannen prosen sa revizyon Kontra.  Eski sa size pou ganny revwar pou ki Minister Lasante pa perdi pa kontinyen perdi larzan dan sa bann Kontra parey.

Apre Minis en pti kestyon an pasan.  Eski dan sa Bidze i annan en, alokasyon pou bann pasyan dyaliz i an se moman pe servi en pe pran sa servis Renasense.  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker. Mersi Onorab.  As se ki konsern pri elektrisite annefe atraver en deza aktyelman menm avan negosyasyon Kontra avek AMSA pri elektrisite in ganny kouver atraver en konsider sa konman en discount 5 Dolar par pasyan.  Savedir ki sak pasyan ki Gouvernman i peye i pey 195 Dolar dan plas 200 Dolar. E sa i an konsiderasyon ki kou elektrisite i ganny kouLer par Lazans Servis lasante aktyelman.

Dan re negosyasyon sa kontra nou pe sey osi travay avek PUC nou vwar si napa en fason pou met en metre spesifik pou sa.  Nou ava note dapre mon konnesans ki sa ti deza form parti deba depi 2015 me ti annan serten difikilte teknik lye avek sa.

Me sertennman an term re negosyasyon Kontra nou bezwen regard sa eleman elektrisite konman en eleman entegral dan Kontra ki sa i ganny reflekte.  E sa i anliny osi avek rekomandasyon ki Biro Oditer Zeneral ti fer lelan i ti, regard sa  Kontra. E sa in ganny mete devan koman enn bann eleman pou nou adrese dan re negosyasyon.

Nou ti ava swete ki re negosyasyon i al pli vit posib.  Me parey nou konnen sa i en re negosyasyon savedir i pa pou otomatik ki petet AMSA pou dakor avek tou keksoz.  Akoz i annan de parti nou bezwen negosye avek zot.  Me son prensip lefe ki nou deza annan sa pri 5Dolar ki’n, ganny kouver elektrisite.  Savedir zot rekonnet pou dir sa eleman i bezwen ganny adrese dan en fason ou en lot.  E ki sa i ganny normalize dan en Kontra mn krwar i toutafe lozik.

An se ki konsern bann pasyan dyaliz ki kot Renasense.  nu ava note ki provizyon i la akoz tou sa ban dimoun ki kot Renasense.   ti, deza en serten moman pe dyalize dan Lopital.  E sa i vedir ki zot alokasyon bidzeter baze lo sa plan ki zot ti pou fer dyaliz Lopital i la.  Ti deza la depi 2018 i kontinyen an 2019.

An se ki konsern pozisyon Gouvernman vizavi peyman sa dyaliz avek Renasense,  Gouvernman i pran en desizyon Polisi ki nou pa pe konsider aktyelman peyman avek Renesans pou plizyer rezon.  Me parmi sa bann rezon i enkli ki Gouvernman in a konsiltasyon isi avek Board HCA in dir ok  okenn lezot outsourcing bann aktivite lasante i pe bezwen ganny fer selman apre ki i annan en Lagreman en tern e osi k ii annan en revi e letid fezabilite pou nou kapab byen konnen pou dir sa i en eleman ki rezonnab e ki marse.

Osi lafason ki Renasense.  ti ganny komet peyman atraver en let sorti kot Minis Finans sa lepok, i pa an konformite avek bann prosedir Gouvernman pou fer en Kontra.  E pou sa rezon pa pou kapab konsider sa.

E trwazyenmman, an se ki konsern bann servis ki ganny fer dan prive bann prensip Gouvernman se ki nou pa pe al nou pa kapab konsider sityasyon kot en dimoun i al kot en operater  prive apre demann Gouvernman pou pey sa servis avek sa operater prive.

Mon konsyan Mr Speaker ki i annan bokou debat ko sa size e ki bokou dimoun pe konn nou diferan lopinyon – nou – Minister Lasante e larzan servis lasante nou’n osi zwenn avek bann pasyan ki ti pe dyalize kot Renesans e nou pe sey siport zot maksimonm ki nou kapab zot ganny sa sipor neseser letan zot tourn Lopital Sesel pou fer zot dyaliz, pou asire ki zot ganny servis rezonnab e konvenab.

Nou’n osi agree avek zot prensip ki nou pe tabli en Komite pou bann pasyan.  Sa i an plis ki sa Komite teknik ki revwar lenplimantasyon lagreman menm kopi tes spesifik pou bann pasyan dyaliz ki fer dyaliz dan Lopital Sesel pou nou kapab adres zot konsern dan en fason sistematik.  Mersi Mr Speaker e mersi Onorab.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon oule refer lo larepons ki Minis fek donnen.  An vi ki Minis in mansyonnen pou dir i annan en revi entern sipoze annan en Lagreman entern savedir i pa pe ekskli ki kapab annan en servis ganny ofer an deor, e ki Gouvernman i met son fre par lefe ki ou’n osi aksepte pou dir dan Bidze konponan bidzeter pou sa bann pasyan i deza la.

So par lefe ki sa i leka pa osi ki Gouvernman then pa regard dan nesesite anvi ki sa i en tretman tre spesyalize pou vwar pou ki le sa larzan i kapab al ver soulaz kou ki sa bann pasyan pou pey sa tretman until ki Gouvernman i kapab sort out sa sityasyon.

Dezyenmman eski i pa dan lentere Gouvernman pou a met tou son dizef dan en sel basket me pou allow lezot operater.  An vi ki ankor enn fwa sa i en servis tre spesyalize pou ki then i ava annan lezot opsyon given ki si en zour par egzanp sa operater ozordi ki pe rann sa servis i komet oubyen i pa kapab kontinyen e la ou pou bezwen al rod en lot operater pa ti ava bon ki ava annan enn la ki pe kontinyen operate. 

E mon 3enm kestyon.  Mon konpran tre byen en par lefe ki n napa en desizyon Cabinet ki’n ganny pran lo la.  Me meton mwan mon en sitwayen ordiner e mon vwar en let sorti kot en Minis.  Mon pou otomatikman krwar par lefe ki pozisyon ki sa dimoun i annan.  Akoz mon pa konpran sa.  E probableman sa i pou lead mon pran sa desizyon ki ou’n pran.

Eski i pa dan lentere Gouvernman atraver Minister Lasante pou re go back lo sa size, e asize analiz tou bann pozisyon legal e otherwise ki devret ganny pran akoz nou riske vwar sa pozisyon i kout nou i kapab kout nou plis.  I ser oubyen nou riske defavoriz sa bann pasyan – zisteman – par lefe ki sa peyman pou zot tretman i deza en korpere dan Bidze ki ganny mete ozordi.  Mersi Mr Speaker.

 

MR SPEAKER

Mersi Onorab Pillay.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Bon tou dabor an term lapros pros dirab ki Gouvernman i annan.  Nou’n note rapor FPAC lo sa size.  Ki regard kestyon outsourcing dyaliz dan en fason ase larz.  Parmi bann rekomandasyon ti par egzanp re negosyasyon Kontra AMSA e sa i en keksoz ki nou deza Ankour pou nou fer li.

Polisi ki Gouvernman in etabli se ki e kot petet i annan en pwen kontinyelman ki pa annakor avek sa ki FPAC in rekomande.  Se Gouvernman pa’n ankor aktyelman pou anvoy sa pou peyman pri tretman bann pasyan kot en operater ki an deor Lopital Sesel.

I pou plizyer rezon.  Serten ki nou’n deza site me pou pran sa bann pwen ki ou’n dir wi Bidze i la akoz Bidze i lye avek pasyan.  So pasyan sa bann pasyan i Seselwa si en pasyan i en Seselwa savedir nou fer provizyon dan nou sistenm Nasyonal Lasante pou nou adres bezwen sa pasyan e sa pasyan letan i in Lopital Sesel son Bidze i la pou nou kapab pey son servis.

Sa kestyon pou nou pa met tou dizef dan en sel pannyen fodre nou rapel ki avan AMSA ti annan zis Lopital Sesel ki ti fer sa servis toutfason.  E i annan bann protokol an plas atraver par egzanp si annan en problenm avek servis lo ki mannyer ou  adres sa atraver bann dyaliz tanporer eksetera.

Nou ava rapel ki sa operater prive letan i ti vini ti vin avek en proze sirtou se ki konsern dyaliz touris.  Sa ki nou apel holiday dialysis e lakantite dimoun ki’n gannyen pou sa servis i pa’n permet li komersyaliz son lantrepriz e se la kot in fer en demann avek Gouvernman pou konsider sa.  E Minis a sa moman Minis Finans a sa moman letan in donn sa let i ti avan ki okenn konsiltasyon oubyen desizyon in ganny pran formelman a Gouvernman setadir sa prosedir par anliny.

Prezan an term konsiderasyon ki Gouvernman i kapab annan an term analiz pli an detay sa  size desizyon ki’n ganny ki’n deza an plas.  Se ki nou pa pe al privatiz lezot servis aktyelman napa okenn servis dan Lopital oubyen dan lezot ki aktyelman nou pe konsidere aktivman pou nou fer koman en outsourcing avek prive.

E si nou al dan sa direksyon i pou en travay ki pou ganny fer an konsansis avek Board Lazans Servis Lasante e avek bann letid fezabilite  i apropriye.

Alor a sa moman dan Polisi Gouvernman pou nou revwar sa desizyon.  Anliny avek rapor ki FPAC in anvoye lapros ki nou pe pran se mon pe anmenn sa rapor dan Konsey Minis pou bann Minis donn pou re konfirm lopinyon ki Gouvernman in deza donnen lo sa size.

Me aktyelman mon pa ti ava dir ki i annan lespas pou nou revwar sa Polisi akoz sa Polisi in deza en size analiz larz dan Minister en dan Gouvernman.

Lot eleman pou mansyonnen se ki i annan osi serten bann konsern bann pasyan ti al dyalize kot Renesans ti bann konsern ki ti otour par egzanp lespas apropriye e ler ki zot ti sipoze dyalize e en nouvo sant dyaliz pou ouver a nenport ki moman e bann fwa ki dernyen problenm elektrisite i ganny rezourd avek PUC.  Sa ekstansyon pou ouver ki pou ofer sa bann fasilite ki pli konvenab sirtou pou bann dimoun ki osi bezwen travay an menm tan ki zot dyalize.

Fotespere Mr Speaker Onorab ki sa i ase kler an term lapos ki Gouvernman pe pran.  Nou toutafe konpran pou dir i annan diferan lopinyon ki annan diferan fason ki dimoun i anvi apros sa size.  E petet dernyen pwen mon ava dir se ki malgre ki pa aret senp ki nou pou serten dimoun i dir be zis pey sa avek sa lot operater, fodre nou mazinen ki malgre ki nou annan serten defi otour lenplimantasyon Lagreman ki’n agree avek AMSA tou sa bann fasilite AMSA i reste dan Lopital.  E i reste bann asset ki pou Lazans Servi s Lasante e sa dan konteks osi ki nou bezwen mazin batir kapasite nou Lopital nou servis lasante a lonterm.  Mersi Mr Speaker e mersi Onorab.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker Minis nou konpran tre byen pozisyon difisil ki ou trouv ou ladan akoz lo en kote ou annan en kontra en Kontra servis avek akonpannyen.  Lo lot kote ou annan bann pasyan Seselwa ki’n al an deor pou al rod en servis avek operater ki pe ofer menm servis ki sa operater ki ou annan Kontra avek pe ofer.

Me ler nou pas Renesans nou pa    la.  La nou pe get sa 20 Seselwa ki pe pran sa servis.  This is the main issue la. I pa about whether zot main issue la.  I pa about whether zot ganny plis lespas whether zot ganny plis konfor whether i sa.

A sa moman presi ki mon pe diskite la i konsern peyman tretman sa bann Seselwa.   This what  we’re about. 

        E sa ki nou pe rode se ki nou pe rod en pozisyon kot nou kapab vwar sa bann dimoun ganny en solisyon sa sityasyon konman en propozisyon petet vi ki sa i en annan en serten eksite ladan akoz fodre pa bliye baze lo sa ki Oditer Zeneral in osi dir nou AMSA pa neseserman onor to the letter tou bann eleman i ganny trouve dan son Kontra !

So si AMSA demen i vire i dir ek Gouvernman koumsa be ou pe kas ou Kontra avek mwan?  Then li i pa kapab li get away avek en sityasyon e mon pa pe dir akoz de mal i fer en byen.

Me selman forget all of that all the issue about AMSA akoz i annan menm bann dues ki AMSA pa ankor retour ver Gouvernman.  Mon a konnen si in fini ganny fer.

So annou regarde plito lo en baz sa bann Seselwa ki pe swiv sa tretman e lefe ki i annan en konponan Bidzeter ki kouver sa tretman.  E mon konpran largiman ki en dimoun pou dir demen si mon anvi pran mon zanfan anmenn li kot prive mon pou anmenn li e apre mon pou anmenn Gouvernman peye.  Me i pa parey.  Akoz dan Bidze Gouvernman napa larzan ki dir i kouver ledikasyon mon zanfan pou li al lekol prive.  I napa sa.  Se pou sa rezon mon krwar nou pe miss the point en serten servis spesyalize e i annan anba sa servis zot in pran an konsiderasyon lakantite pasyan e sa Bidze i baze lo zot pa’n le tire sa lo zot prediksyon.

Se sa ki ou’n eksplik nou e mon konpran ou presizyon difisil.  So selman mon ti ava propoze i Gouvernman i take another look of sa.  E petet over period of time konsider satisfer sa demann over a period of time spesifikman ki zot a kapab come to an arrangement pli tar or mon pa konnen si sa bann pasyan ou bezwen engage zot dan en lot prosedir.

Me selman mon krwar i nou pou bezwen rod en solisyon pou sa  problenm.  Akoz mon pa oule fer li en issue about to Bidze Lasante.  Bidze Lasante mwan mon pou vote an faver Bidze Lasante akoz i enportan. I enportan nou pe travay Bidze Lasante.  Me selman sa i en issue ki pe kontinyen e nou tou anvi rod en solisyon.

        So i a en kestyon montre ledwa lo enn lo lot me en kestyon what’s the best solution for the situation ki nou annan. Mersi Mr Chair.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mr Speaker pran not bann diferan ki Onorab in met devan e osi bann pwen sorti kot Onorab Loizeau en pti pe pli avan.

E pozisyon Gouvernman pa’n sanze.  Sa nou konpran konsern sa bann pasyan spesifikman nou sey nou maksimonm pou nou senpatiz avek zot e pou nou siport zot.

Me lefe i reste ki malgre ki zot pe ganny zot ti pe ganny sa servis avek en operater dan an deor dan prive sa servis i disponib dan Lopital.  Savedir letan zot l dan avek en operater prive i vin en diplikasyon an term sa servis disponib dan nou pei.

E lot eleman se ki malgre ki annan serten konsern par egzanp vizavi sa let i’n ganny anvoye.  E si par egzanp Gouvernman i deside wi al dan sa direksyon mon pe zis mon kapab dir re konfirm en sityasyon en pti pe abnormal vizavi lafason ki sa Kontra i ganny fer.

Selman petet pou petet i annan lezot Manm ki pou anvi entervenir lo la.  Me mon sizesyon an term semen pli devan mon’n kominik avek Lasanble pozisyon ki Gouvernman in pran.  I reste pou nou konsider rapor FPAC lo nivo Cabinet.

        Konsiltasyon i mon’n fer ziska prezan pozisyon Gouvernman pa’n sanze. Me mon pou anmenn sa bann pwen ki’n ganny anmennen par Lasanble  devan Cabinet Minis.

E baze lo la mon pou re kominik pozisyon Gouvernman baze lo nou Polisi.  Selman Polisi Gouvernman i baze lo analiz entern ki’n ganny fer sa bann diferan profesyonnel baze lo konsiltasyon ki’n ganny fer avek Board deside.  E mon pa tro vwar en lespas pou nou kapab revwar sa Polisi.

E mon ava swiv sa prosedir.  Me byensir si lezot Manm i le don sizesyon nou ava ekout zot.

Lot pwen ki Onorab in fer sorti se bann peyman ki AMSA ti sipoze fer vizavi sa de keksoz ki drwa ki ti ganny sinyale dan laparol Oditer Zeneral e swivan meeting CEO ti fer avek FPAC in travay d pros avek nou financial controller e si mon pa tronpe lamazorite sa bann invoice in ganny soumet.

E bokou bann peyman in fini ganny regilarize me i posib ki i annan serten peyman ki ankor outstanding.

I annan nou ava verifye egzakteman e osi letan nou Health Care Agency pou reponn formelman avek rapor FPAC nou ava fer siny pou nou signal sa bann diferan pwen.  Mersi Mr Speaker e mersi Onorab.

 

MR SPEAKER

Mersi Minis.  Nou ava pran dernyen entervenan Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon’n ekout tou sa ki Minis in dir.  E mwan mon aktyelman ankoler!

Mwan mon aktyelman ankoler avek stance ki Gouvernman in pran.  Gouvernman pa kapab vin dir en Minis dan son Gouvernman sa ki i n fer i pa anliny.  I annan en keksoz ki appel responsabilite kolektiv.  E responsabilite kolektiv  i en prensip Gouvernman ki bezwen ganny respekte.

En Minis, Finans in donn n let ki Gouvernman pou pey tretman Seselwa. Nou pa pe koz zis etranze la Mr Chairman.  Nou pe koz tretman Seselwa.  Commitment in ganny donnen let i la finans letan FPAC ti diskit sa size in konfirmen wi sa sete en let sorti kot Gouvernman Sesel sinyen par Dr Larose lo lapar Gouvernman.  Let i la letterhead se pa mon letterhead se letterhead Minister Finans.

E donk sa Minis i fer keksoz avek serten Lotorite.

MR Chairman commitment in ganny donnen larzan i dan Bidze tou bann eleman i la.  Mon anvi demann en kestyon mon anvi ki si sa ki fermal pou pey tretman sa bann Seselwa?  ki si sa ki fermal pou pey tretman sa bann Seselwa?

Ou konnen akoz mon demann sa Mr Chairman konbyen bann o zofisye dan Gouvernman ki al fer en kantite tretman kantite kalite tretman e apre sa se tax payers ki end up pey sa bann bill.  Nou tou nou konnen sa ki pase.

E akoz alors sa bann Seselwa i trouv zot dan sa sityasyon ozordi?

Mr Chairman mon s aki mon ti ava dekrir konman en sityasyon abnormal se zisteman sa Kontra ki Gouvernman Sesel atraver Health Care Agency in sinyen avek AMSA! 

        Sa ki abnormal! E pou lenformasyon Minis Deputy CEO ki pe asiz lo kote gos i ti Deputy CEO dan nou enteraksyon i ti dir li e Dr Louange mon respekte son parol e mon konnen ki pou dir i ti a pe koz laverite i ti dir avek nou li konman en Deputy CEO he was not aware of the Contract! Not aware of  the Contract! 

        Sa ki sityasyon abnormal Mr Chairman.  Alor sa Kontra ki mon annan en kopi la avek mwan e sa Kontra i menm li i ilegal!  E an plis ki sa Mr Chairman, Mr Thésee PS ki pe asiz lo kote drwat Minis, li osi i ti dir avek nou i dan rapor ki pou dir Minister Finans – Minister Finans PA TI okouran sa Kontra   ziska zot ti konmans ganny demande pou zot peye !

Minis atraver ou Mr Chairman sa ki en sityasyon abnormal!  Sa ki en sityasyon abnormal.  E alor nou lo nou kote FPAC in fer son rekomandasyon kler e mon pa ankor kapab mon ti a kontan Minis i eksplike parske menm si i pe koz lo Polisi menm si i pe koz lo Polisi pou mon personnelman mon pa vwar kote en sityasyon kot Kontra i an dezord – AMSA pa pe pa’n respekte son bann keksoz ki sipoze fer.  E la mon menm demann mon dan sa Kontra i dir ki i ti bezwen annan en lasirans.  Ok?  I ti bezwen annan en indemnity insurance pou lavaler 2milyon.

Mon pe poz sa kestyon eski i annan sa i annan sa lasirans pou sa indemnity insurance, ki kouver bann pasyan e kouver bann lezot sityasyon.  Parski in annan bann imortalite. 12poursan bann pasyan ki fer tretman avek AMSA i annan 12poursan ki mor e i annan bann ka irzan eski sa bann ka pou tonm lo Minister Lasante?  Nou ki pou bezwen al peye kan li i sipoze annan son annan son indemnity insurance pou sa bann pasyan?

Alor Mr Speaker mwan mon siport Minister Lasante.  Me selman letan ler Minister Lasante pa pare pou li sipor nou Seselwa ler i pa pare pou li sipor nou Seselwa ki trouv zot obor Lorloz e sa i en lakizasyon nou Gouvernman Sesel ki toultan koz imen … o … sant devlopman … ensidswit.

Letan nou trouv nou ziska en ansyen Minis !  En ansyen Anbasader  – pe debout anba Lorloz pou son lasante mon pou mwan mon trouv sa konman en.

Eski i pa ti ava kapab en keksoz tre senp silvouple  -‘pou Lanmour Bondye’ ki nou tou nou envoke dan nou Konstitisyon silvouple annou pa rod Polisi !  Annou pa rod Polisi dan sa ka akoz larzan i deza la.  E annou senpleman peye pou sa bann Seselwa ganny sa tretman.  E nou selman pli bonmarse.

Mr Speaker ki pli bonmarse ki sa ki AMSA pe ofer. Annou pey sa e annou les sa bann dimoun kontinyen ganny zot tretman pandan ki i annan bann re negosyasyon e mwan mon pa vwar akoz i annan re negosyasyon avek AMSA olye annan en retendering of the whole hemodialysis proze ensidswit.

Parski why should AMSA akoz ki AMSA i bezwen ou bezwen re al negosye son Kontra ki HCA pa ti okouran zis ti ganny sinyen Oditer Minister Finans pa ti okouran, Attorney  Zeneral pa ti ganny konsilte pou sa Kontra.  Ki si sa ki difisil?

Eski Minis i kapab dir avek nou ki si sa ki difisil pou pey sa tretman pou sa bann Seselwa e pou lezot kontinyen ganny zot tretman vi ki se lasante sa bann Seselwa ki enportan.

Mr Speaker mon ti  a kontan ganny sa premye bout lo AMSA mon annan lezot kestyon ki pa pou lo AMSA direkteman me ki konmsi mon pa anvi mon pa anvi melanz avek lezot keksoz.

‘Silvouple ! – Mon re dir ankor Mr Speaker ‘pou Lanmour Bondye’ donn sa 20 pasyan zot tretman silvouple! Mersi.

 

MR SPEAKER

Mersi Onorab Ramkalawan.  Minis.

 

MINISTER JEAN-PAUL ADAM

Mersi bokou Mr Chair e mersi Onorab pou ou kestyon.  Premye pwen ki mon krwar ri enportan pou nou tou fer kler se ki bann profesyonnel Lasante zot annan bokou pasyan, e zot annan bokou zot annan bokou vreman mon kapab dir santiman pou bann pasyan ki santi ki zot dan en sityasyon difisil o pwen ki zot in santi ki zot in bezwen manifeste zot dezapwentman.

Me nou bezwen diferansye ant bann eleman emosyonnel avek bann eleman ki kot i konsern bann prosedir gouvernmantal ki la pou bann bon rezon.

E an bref nou Mr Speaker 2 mal pa fer en byen.  I en de fot pa pou fer en keksoz aranze.

Pou mwan al en pti pe dan an detay lo serten bann pwen ki Leader Lopozisyon in fer sorti. Premyerman ki annan sa kestyon otour si sa Kontra avek AMSA i abnormal oubyen non.

Parey in deza ganny dir dan FPAC e nou rekonnet e Deputy CEO parey ou’n dir mon osi mon donn li toutafe rezon e bann lenvestigasyon entern ki nou nou’n fer i montre k ise CEO sa lepok ki ti pran sa linisyativ pou li siny sa Kontra.  E ki ti siny sa Kontra san swiv bann lareg procurement ki ti an plas sa lepok.

Alor kestyon eski lefe ki sa i leka.  Apre ou’n sit serten lezot problenm e mon krwar Onorab Pillay ti sit osi serten lezot problenm otour Kontra  eski sa i fer sa Kontra vin en valid i pa en kestyon ki mwan mon tousel mon kapab reponn.  Oubyen menm e i pa en kestyon osi strikteman medikal.  I en kestyon ki en gidans legal i kapab donn nou.  E nou kapab demann sa kestyon pou nu ganny sa mon’n demann li dan lepase mon’n demann sa kestyon dan lepase.  Larepons mon ti gannyen sa lepok mon pe koz ,2016 sete en Kontra ki konmans vin anfors i en Kontra ki ganny respekte.  I en Kontra konmsi ki ganny konsidere konman sa de parti konman valid.

Prezan mon konsyan sa bann pwen ki ou’n dir petet i annan serten defayans, me si sa i vedir ki sa Kontra prezan pa en-valab.  Nu pou bezwen en gidans legal pou nou kapab dir sa.

Me eleman segonder ki al avek sa se bann eleman klinik.  Bann eleman medikal e sa  i annan en odit klinik ki CEO aktyel in konmans demars me ankor i pe pas atraver procurement.

E nou  ti’n fini idantifye en dimoun pou fer sa travay, me ankor enn fwa nou anvi fer sir nou swiv byen sa bann lareg procurement ki an plas.

E nou anvi fer sir ki nou swiv sa dan en fason ki responsab.  E malgre ki sa bann pasyan zot santi ki zot merite ganny sa servis atraver sa operater.  Si Gouvernman i konmans peye zis lo labaz sa let ki sorti kot Minis sa lepok nou pou fer menm fot ki ti ganny fer letan Kontra ti ganny sinyen avek AMSA.

        Se pou sa ki mon dir ki zis pou nou fer sa peyman i pa rezourd tou bann eleman ki al avek sa.  Lenportans pou nou dan lasante lenportans pou dokter Louange konman CEO lenportans pou bann profesyonnel lasante sa bann ners tou bann profesyonnel medikal ki travay avek sa bann pasyan, se pou asir i nou ofer meyer servis posib dan Lopital Sesel, baze lo bann resours ki annan dispozisyon.

Kestyon debwaz se nou kapab ofer sa servis pou tou pasyan.  E wi i annan sa Bidze ki la ki anliny avek provizyon ki Gouvernman in fer avek lannen ki pe vini.

Parey mon’n deza dir letan mon’n lo bann pwen ki’n ganny sorti oparavan.  Mon pou kominik sa bann diferan pwen ki’n ganny fer sorti avek Gouvernman avek vi avek bi ki nou re konfirm nou pozisyon.

E baze lo konversasyon ki’n deza ganny fer dan Gouvernman e baze lo konversasyon ki’n ganny fer avek Chairperson Board HCA nou santi  ki si nou zis valid  sa laranzman ki’n ganny fer.  Nou kree lezot problenm ki apre pli tar nou pou bezwen revwar sa ankor.

Alor sa kestyon re negosyasyon Kontra AMSA i en prosesis legalite Kontra AMSA i depandan lo konsey legal ki nou gannyen.  Me an-na-tan-dan nou bezwen azir dan en fason koeran avek AMSA koman sa partenaire ki pe enplimant sa  servis. E osi pou pran kont tou sa bann staff ki pe delivre sa servis toulezour vizavi sa bann pasyan.

Mon’n osi not pwen ki Leader Lopozisyon in mete en lakizasyon kronm kwa i annan pasyan ki’n mor lo dyaliz.

E Mr Speaker, mon le dir ki pou annan a nenport ki moman serten nom pasyan swa akoz zot larz oubyen avek lezot konplikasyon koz zot kapab mor.

Kestyon se eski alor lakizasyon se i sa i lye direkteman avek swa en mank standar dan servis dyaliz oubyen neglizans?

E nenport ki ka ki in annan en dout otour en pasyan ki’n mor dan sa bann sirkonstans nou fer nou revi entern.

E an term mon konn zis en pasyan ki mon konnen i annan en revi e dan sa ka sa pasyan i pa lye avek standar dyaliz me i annan en revi an term sa tretman ki’n gannyen pou fer sir ki sa pasyan in byen ganny sonnyen.

Sa odit medikal e klinik ki pou ganny fer enn fwa ki nou’n ganny sinyalizasyon sa Kontra atraver procurement i pou kapab montre si i annan lezot problenm oubyen mankman dan nivo servis ki ganny delivre, par AMSA. 

        Mon pou petet aret li la Mr Speaker e Onorab.  Mon’n pran not tou bann diferan pwen mon pou kominik sa bann diferan pwen.  E HCA pou reponn formelman vizavi sa rapor FPAC ki ganny soumet.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Chairman mersi bokou.  Mr Chairman mon pa satisfe avek larepons ki Minis in donnen.  Mon trouv son larepons tre  diplomatik. I en diplomat alors mon konpran li – in sef nou diplomasi.

Dezyenmman mon trouv son bann larepons konman en delaying tactic.  Akoz i en delaying tactic?  Parske sa ki nou pe koz lo la i en urgency.

I en urgency e depi Oktob konmansman Oktob nou’n prezant sa rapor e Gouvernman pa’n vwar li konman en priyorite.  Parski se la prezan Minis in dir avek nou se la prezan ki i pe anmenn sa devan Gouvernman pou diskite.

Alors i pa en ugency.  E nou, nou a pe koz lo en sityasyon urgent!  Parski ou konnen ki pou dir si s ai nou pe koz lo la pa ganny rezourd petet pa dan sa semenn  sa lot servis pou arete.

E alor i pou nepli en size pou, diskit lo la.  Parski enn pou’n fini mor e alor pou napa naryen pou diskit lo la.  E sa dan li menm li i en lenzistis.  I en lenzistis.

Mr Chairman mon anvi met devan Minis sa ki fer li vin en lenzistis se lefe sa ki li mwan mon pe dir i pa mwan mon pe dir sa akoz mon lo kote Lopozisyon.  Sa ki Onorab Pillay i fek dir i pa pe dir sa akoz li i kote Gouvernman.

Se sa Lasanble annan tye ki pe dir sa.  Rapor FPAC ti en rapor inanim.  E alor e letan pa nou sipoze reprezant sa lepep nou.   Nou sipoze reprezant lepep Mr Chairman.

E lepep an Oktob ti dir ou konnen ki lepep ti dir Mr Chairman dernyen fwa dan ki zot ti dir.  ‘’In this particular Contract service HCA ….’’ apre i dir in the meantime the FPAC believes that the HCA should pay for the treatment Seychellois patients are receiving at Renasense.’’

Se sa ki lepe Seselwa in dir atraver nou dan sa Lasanble.  Be fodre ou dir nou kler Minis eski sa ki lepep Seselwa i dir dan sa Lasanble pa ganny ekoute ?

Me si s ki lepep Seselwa pa dir dan sa Lasanble sa ki lepep Seselwa i dir dan Lasanble pa ganny ekoute, mwan mon krwar ki pou dir se seryezman sa Bidze la nou bezwen regard li!  Nou bezwen regar sa Bidze.  Pou nou  si fodre desin en lot laliny i ava dir tel sonm pey pou tretman sa ban dimoun annou dezin lo en lot laliny.

Parski at this point in time malgre tou sa bann keksoz amwen ki Mr Chairman Minis i pran sa konman en urgency, i a koz ek son Gouvernman e demen bomaten i vin dir nou en keksoz konkret!

Akoz Mr Chairman right now avek sa sityasyon ki nou nou’n konsider li depi an Oktob konman en urgency ki tou lede kote in konsider li konman en urgency nou bann pasyan Seselwa pe bezwen tretman, ki la prezan pou al diskite ki pou al regarde e nou osi  – nou osi tou konman en Lasanble nou ava – we can two can tango – two  can play the game.

        E mon anvi ganny en larepons kler e larepons defini ki Bidze Health Care Agency i pa ganny aprouve ziska ki nou ganny en keksoz kler from Gouvernman pou konnen ki pou arive avek nou 20 frer e ser Seselwa!

Mr Chairman sa i mon pwen lo la.  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Mon note ki Onorab in dir mon diplomatik.  Me mon servi sa diplomatik pou mon eksprim bann fe.

Non mon’n konpran mon’n pran li pozitif.  Mon’n pran li pozitif.

E mon pa pe fer servi sa akoz   ki sa i en delaying tactic.  Mon oule fer kler ki pozisyon Gouvernman in fini ganny kominike.  In ganny kominike avek sa bann pasyan menm mon’n eksplik a pozisyon la dan sa Lasanble.

Mon konsyan pou dir i de parti.  Pe pran en pozisyon ki diferan ek sa ki Lopozisyon sa ki Egzekitif en Polisi ki’n ganny debat en tern lo nivo Polisi Health Care Agency Minister Lasante e osi lo nivo Konsey Minis.

Alor mon pa pe servi sa koman en delaying tactic me mon pe dir byensir sa mon kapab anmenn li pli devan.

Me pozisyon Gouvernman i kler. Pozisyon Gouvernman dapre Polisi i ganny adopte ki nou fini ganny diskite in fini ganny agree se ki pou napa peyman ganny fer avek Renasense akoz sa pou dapre lenterpretasyon nou Gouvernman ki sa pou pa pran konformite avek bann lareg lo procurement.

        E pa akoz in annan problenm avek procurement lo Kontra AMSA ki  sa i vedir ki nou kapab bliy sa bann lareg procurement letan i konsern en lot konpannyen.

E an se ki konsern irzans sa ka Gouvernman i pran li konman en keksoz irzan pou asire ki sa bann pasyan i ganny i kapab ganny trete dan Lopital Sesel e nou’n fer provizyon pou sa.

Me irzans sa rapor FPAC par egzanp Onorab Leader Lopozisyon, menm formelman mon pa ankor resevwar sa rapor!  Mon’n ganny sa atraver Mr Sinon.

Alor mon pa ankor ganny sa rapor.  Mwan letan mon’n ganny li mon’n ganny li atraver Mr Sinon.  Petet in antre anatandan apre ki mon’n zwenn li semenn pase.

Me antouka mon pwen se i pa en kestyon mank irzans i en kestyon ki Gouvernman in fini pran son pozisyon.

E pwen osi ki Leader Lopozisyon in fer, pou dir sa ki Egzekitif i bezwen ekout Lasanble mon note.  Mon note ki i annan en konsansis parmi bann Manm vizavi sa pwen.

E sizesyon Onorab Ramkalawan se pou al konsilte Gouvernman apre mon re vin raport avek zot.  Mon ava fer sa.  Napa problenm pou mon fer sa pou mon kominik sa pwen avek Gouvernman avek bi pou nou donn en pozisyon.

Me mon ti a kontan dir Mr Speaker e bann Onorab malgre ki nou konnen i annan bokou dimoun ki annan senpati pou serten endividi nou konpran sa.

Me i en lot keksoz pou nou dir ki nou pou blok en Bidze pou lasante pep Seselwa.

E nou bezwen fer atansyon dan sa laliny, akoz nou bezwen fer sir ki nou protez drwa lasante epou tou dimoun dan nou sosyete.

Sa 20 dimoun ki pe ganny  afekte atraver Renasense  zot annan loportinite pou zot fer tretman i touzour la.  Nou pran kont zot demann.  Nou note osi zot preferans.  Nou senpatiz avek zot.

Me i en lot keksoz pou dir ki nou pa aprouv Bidze pou Lazans Servis Lasante, akoz sa size.

Mon ti a kontan demann Mr Speaker e Onorab Lopozisyon pou mon kler an term mesaz ki mon pou anmennen.  Se eski pwen se ki Bidze Lazans Servis Lasante Health Care Agency pa pou ganny aprouv si nou pa adres sa size?  Si mon kapab ganny sa kler.  Mersi.

 

MR SPEAKER

Mersi Minis.  Zis mon’n ganny en formen ki rapor FPAC in ganny anvoye kot President’s Office an Oktob.  Yes Onorab Ramkalawan.

 

HON WAVEL RAMKALAWAN

Mr Speaker, Mr Chairman mesaz kler ki nou anvi pase.  Byensir nou konnen ki pou dir lasante en pep i enportan.  E byensir ki sa Bidze sa Bidze i en  portan pou tou Seselwa ok.

        Me an menm tan osi nou anvi ki si ou pa kapab asir en tretman ki kontinyel en tretman ki konmanse baze lo negosyasyon ki’n ganny fer e en tretman ki baze lo let ki sorti kot Gouvernman ki ozordi pe ganny dekrir konman pa ti normal – ilegal ensidswit.

Me lefe ki i annan en history.  E mon krwar ki pou dir se sa ki nou bezwen fer ladiferans avek bann lezot pwen ki Minis in mansyonnen dan presedans ki kapab kree ensidswit.

La nou pa pe koz bann lezot presedans ki kapab ganny kree.  Ofet mwan mon krwar ki pou dir sa enn la i en leksepsyon.  I en leksepsyon ki nou bezwen osi pran li konman en leson.  Ki pa ganny repete.

E i annan diferan keksoz la ki bezwen pa ganny repete.  Premyerman ou siny en Kontra 55 ‘MILYON’ i devret ganny aprouve par Board HCA!   E non pa en CEO.  E sa i enn.

Dezyenmman sa prosedir Minis in mansyonn procurement procedure ki kapab ganny afekte.  Se sa ki procurement procedure.  Sa i pa’n swiv procurement procedure! 

Pli boner Deputy CEO ti eksplik nou byen letan i 150mil  par anba i sinyen napa landrwa letan i pa lao 150mil i bezwen pas dan procurement. 

        E la nou pe koz 55 M.I.L.Y.O.N!  So sa ki’n pas procurement procedure.  Nou mesaz ki nou anvi Mr Chairman atraver ou pou Minis se pou dir avek State House ki’n fini ganny kopi nou rapor.  Nou anvi ki sa bann pasyan i kapab kontiny zot tretman laba.  Se tou!  Se tou!  Se tou.  Nou pa pe rod okenn lezot nou pa pe rod okenn lezot konplikasyon.  Se tou ki nou pe rode.  E nou rekonnet ki pou dir lafason ki keksoz in deroule i pa’n swiv tou bann prosedir.

E mon osi koz konman Chairperson FPAC.  Ki nou toultan nou la pou, nou regarde ki pe arive ki pe arive.  Tou bann prosedir finansyel pe mars byen.  Nou rekonnet ki pou dir bann keksoz ki’n arive.

E ki pou sa enn ou konsider li konman en eksepsyon en ab-normalité e si pou sa rezon ki dan nou rapor nou’n dir kontinyen pey tretman sa bann dimoun.  Parski

(1) I pli bonmarse.

(2) Sa bann pasyan zot ok laba.

(3) e pli enportan se bann Seselwa!

Alors zi kontinyen donn zot sa tretman e keksoz i rezourd.  E nou tou nou lo menm paz e keksoz i kontinyen.  Bann manrmay i ava al se zot.  Zot pa bezwen letan zot fini fer dyaliz vin obor Lorloz avek en plakar e zot ava kapab vin pli prodiktiv e sa i ava en bon limaz pou nou Sistenm Lasante.  Se sa ki nou an vi.  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab Leader Lopozisyon.  Alor pou mon konpran e mon krwar i enportan ki nou kler lo la akoz i enportan ki nou pa ganny sa persepsyon ki tou Bidze lasante Seselwa pou ganny tenir a lotaz lo sa size.  Mon krwar i en portan ki nou kler lo la.

Ok alor pa sa ok.  E si mon’n konpran mesaz alor se plito pou mwan al konsilte bann baze lo bann pwen ki’n ganny met devan apre avek bi pou mwan retourn avek en larepons vizavi sa kestyon.

 

MR SPEAKER

Yes Onorab.  Eski i annan en propozisyon ki the House i le fer regards to … ?  Mersi.

 

HON WAVEL RAMKALAWAN

Mr Chairman mon krwar ki dan sa Bidze 55 milyon mon krwar ki Minister Lasante HCA i kapab regarde konbyen  apre premyerman tou fason zot ti pou pey 175 Dolar par Sesyon.

Alors regarde balans sa an relasyon avek sa ki zot pe peye laba kot Renasense.  E zis dan sa zot ava fer en peyman.  Fer en peyman laba.

E anba Lartik 65 Public Procurement Act Seksyon 55(1) i dir ‘’procuring entitiy me purchase goods services or work from a single supplier without competition in cases of extreme urgency.’’

        Mon krwar ki sa seksyon dan Procurement Act i kapab ganny servi i kapab ganny servi e nou rezourd sa nou rezourd dan en fason kalm san okenn difikilte.

E sa i ganny tire from sa 55 milyon ki’n ganny mete pou zot e i ganny peye laba. E tou dimoun i happy e case close e nou bouz devan!  Se sa selman nou anvi vin dir nou sa avan ki  nou aprouv the whole Bidze kekfwa i ava annan en serten diskisyon ankor ki nou a kapab annan.  Mersi.

 

MR SPEAKER

Mersi Onorab.  Ou ti’n dir ou annan ankor detrwa kestyon eski ou pou pran sa bann kestyon e nou ava kit sa size dyaliz pou lemoman.

 

HON WAVEL RAMKALAWAN

Mr Chairman mersi bokou.  Mon ti anvi letan nou pe koz lo lanbilans i annan en de pti pwen ki konmsi bann Seselwa i en pti git trakase.  Ou konnen toultan nou ti annan nou bis TATA paviyon L’Inde lo la.

Me la konmela tou bis ki zot donnen i annan paviyon L’Inde lo la.  E ki mannyer nou konpran ki pou dir menm Lopital tou bann lekipman ki L’Inde in donnen.  Tou bann lekipman zot in donnen zot anvi ki paviyon, L’Inde i ganny mete lo la.

E la konmsi se bann lanbilans osi  tou pe vini.  Nou pa ganny paviyon L’Inde lo la mon krwar ki ti ava bon dir avek L’Inde mersi bokou me selman sa pa nou koutim pou nou met tou zot bann paviyon lo tou bann keksoz ki zot donn nou.

Dezyenmman Woman Hospital mon ti ava kontan konnen ki plan dan sa Bidze pou fer li vin en Lopital parske la pou lemoman i ti basically ward.  So  lefe ki annan tou bann fasilite ladan i annan en theatre ladan ki mannyer mon konpran tou bann fasilite.  Konmsi at what point dan sa Bidze nou pou vwar li vreman vin en Lopital instead of a ward? 

Apre sa zafer helipad pou al konstri.  Mwan mon krwar personnelman si ou demann mwan, mon pou as a laymen  mon pou dir it’s a bit of waste of money, konmsi pou nou al kan nou annan laplenn kolez la obor  Lopital Victoria.  Lopital Baie Ste Anne i basically pa  lwen ek laplenn foutbol e mon pa vwar akoz konmsi bezwen al fer sa.

Apre ki problenm avek helicopter akoz aswar akoz letan mon get film mon vwar helicopter i anvole aswar.  Konmsi zis Sesel ki pa anvol aswar?  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi Leader Lopozisyon an se ki konsern paviyon lo bann donasyon e osi sa lekritir ki dir ki sa i en donasyon sorti kot L’Inde, parey bokou bann partenaire ki letan zot fer donasyon zot anvi en serten lye avek la transparans osi ki sa i en keksoz sorti dan en donasyon.

E nou, ava rapel ki par egzanp nou annan en lanbilans  ki ti ganny donn par lor    nou annan lanbilans ki’n ganny donnen par lezot ki a diferan moman in annan en mark lo la ki montre pou dir sa i en rezilta en donasyon.  Nou annan lezot lekipman ki mon sizer ki mon ava fer lo la mon ava diskit sa size avek Minister Zafer Etranzer pou annan en Polisi ki koeran ki nou kapab kominik avek bann partnaire etranze.

Mon krwar aktyelman nou napa en Polisi ki spesifik lo la.  E nou bi se travay avek nou bann partenaire.  E sa bann partenaire petet mon kapab dir en pe natirelman dan en sans ki letan zot donn en donasyon zot anvi en serten rekonesans.

Kestyon se otour nou koutim lafason ki sa i a rekonnet e ankor enn fwa mon dir ki nou annan plizyer lekipman pa zis sorti kot dan L’Inde sorti dan zot pei, ki annan son mark lo la parfwa i annan son paviyon eksetera.

Me parey mon’n dir mon ava diskit sa avek Minister Zafer Etranzer pou nou vwar letan nou pe al pli devan ki mannyer pou, adres sa.  Me tou bann nouvo lekipman ki pe ankour pou vin nou pou vwar serten donasyon ki pe vini i deza annan sa branding lo la.

        Ok alor sa i deza leka.  Zis pou nou fer kler nou pa pou kapab fer kler ki nou pa pou kapab fer okenn sanzman deza pe vini, akoz sa i deza ankour.

Sa i deza en keksoz ki’n ganny adrese.

An se ki konsern helicopter si kapab anvole si mon p tronpe sa i lye avek bann regilasyon Lotorite Lavyasyon Sivil Sesel SCAA.

        Mon napa sa konesans teknik pou mon dir ou ki bann rezon par deryer sa.  I bezwen lye avek sa bann kalite helicopter ki nou annan isi, osi avek nou kondisyon spesifik me mon sizere ki nou demann sa Lotorite petet pou donn nou plis presizyon.   E nou ava kapab kominik sa avek Lasanble.

E mon dezole mon napa sa larepons teknik avek mwan.  Mon pa konnen si en lot dimoun dan mon delegasyon i annan sa kestyon.  Si selman mon konnen selman i baze lo bann regleman ki’n ganny fer par SCAA.  Mersi Mr Speaker, mersi Onorab.

 

MR SPEAKER

Mersi Minis.  Bon eski i annan en laranzman ki en vot pa pe ganny pran e nou ava regard avek kan Minister Lasante i ka retournen.  Ok eski sa i en konsansis ?  Yes Onorab Pillay.  Onorab Pillay.

 

HON SEBASTIEN PILLAY

Mr Speaker mon krwar i en pe unwise pou nou al dan sa direksyon. Mon konpran mwan mon’n koz lo la Onorab in koz lo la.

Ok nou tou nou’n koz lo la e nou tou nou dakor konsansis lo ki mannyer nou pou nou bezwen tackle sa size s 20 pasyan.

Me selman le pwen se ki nou pe koz lo Budget of the Ministry of Health ki konsern the other 90 thousand minus the 20.

        Nou tou senpatiz avek sa 20 we all want the solution nou’n koz lo la, mwan mon’n koz lo la mon’n reprezant pozisyon mon kote lo sa latab.

Mon lo FPAC mon’n siny s rapor mon’n sipor sa rapor and we do want a solution.  Me selman let’s assume ki demen Gouvernman i vini i donn nou annou dizon we get we don’t get the answer that we want. 

Mwan mon krwar poudir the point has been made anba this issue mon siport pozisyon ki nou’n pran konman en Lasanble on this issue ki malgre i annan Procurement Act ki definir bann eleman, me lefe reste ki baze lo bann prensip ki nou’n koz lo la ansanm an ki konsern Overseas Treatment Bill, ki fer referans ek bann tretman spesyalize it’s clear ki nou annan sa larzan dan sa Bidze what the Minister has now to communicate i pwennvi pa zis FPAC me pwennvi Lasanble as in collective in regards to this matter.  This is what we need.

        Me selman  apre i bezwen ganny fer dan en delimited time frame kot sa konpannyen i a bezwen sustain son lekor out of other means ki i pou bezwen sustain son lekor.  Si i pou al fer medical tourism  i bezwen fer.

Parey mon’n dir sa i pa en kestyon AMSA/ Renasense.  I en kestyon sa 20 pasyan.  This what I think we need to reconsider as a House.  This is the Budget of the Ministry for Health i annan en ta dimoun la ki i annan en kantite fonksyon pou zot fer.  We kept them the whole day – I leave that to the House deside sa i mon lopinyon e mon krwar sa i en pozisyon lo nou kote latab osi.  Mersi.

 

MR SPEAKER

Mersi Onorab Pillay.  Yes Onorab Adelaide.

 

HON FRANCOIS ADELAIDE

Mersi Mr Chair.  Mr Chair anba Order  36 (5) mon le raise en matter of privilege, akoz mon lev mon lanmen a plizyer repriz ou’n acknowledge me selman ou dir mwan non mon pa pou koze.  So mon pe demann ou permisyon pou mwan koze.  Mersi.

 

MR SPEAKER

Bon mon’n donn ou permisyon pou koze.  Mon ti krwar lo sa size.  Me mon pa’n note ki ou’n lev ou lanmen mon’n vwar plizyer mon prezant mon leskiz, si ou pa’n ganny enkli lo lalis bann Manm pou demann kestyon.

Me mon pa’n vwar ou lanmen anler.  E pandan moman ki mon ti pe fer letour avek ( en moman Onorab Simon Gill) pandan moman ki mon’n fer letour mon’n donn tou bann Manm ki mon’n note lo mon papye mon pa’n, vwar ou endik ankor.  Si ou’n endike ki mon’n manke mon pa’n vwar ou en dik ankor ki ou’n anvi koze.

Se sa rezon ki mon’n fermen san anmenn ou.  Onorab Simon Gill ou fek larantre i anvi koze li osi.  Mon ti’n fini fermen lalis.

Me si ou ti’n endik mon pandan mon ti’n fer letour ki ou ti’n lev ou lanmen parey plizyer manm i fer mon ti ava’n kapab enkli ou.  Me sa i pa’n leka.

Ok?  Nou pa pou fer en deba lo la, akoz i pa premye fwa ki mon pran desizyon parey.  I annan en serten moman kot the Chair i bezwen ferm son lalis – ok? 

Bon nou’n ariv en moman pou nou deside.  Nou pou pran en vot oubyen non.  Mon anvi en keksoz final, akoz nou pa kapab reste la pou plis letan ;  in limbo.  Yes Onorab Ramkalawan.

 

HON WAVEL RAMKALAWAN

Mr Chairman, mon krwar nou pa pran en vot.  Mon krwar demen 9er bomaten Minis i kapab vini e menm taler menm dir nou wi ou pe pey pou sa bann pou sa bann Seselwa e nou fini.  Nou kapab pran nou 2 minit demen bomaten alors la pou la nou pa pou kapab pran en vot.  Se sa ki nou pe propoze.  Mersi.

 

MR SPEAKER

Ok.  Eski sa i konsansis Lasanble ?   Mon krwar sa pwen i n pwen ki Lasanble in pran ok, eski sa i konsansis Lasanble?

Mon pou donn ou laparol Onorab Simon Gill.  Pou dir si wi oubyen si non.  Kestyon ki’n ganny mete pou Lasanble pran en desizyon – pa pou nou al plis dan deba.  Onorab Simon Gill, lo kote Parti Lepep.

 

HON SIMON GILL

Mersi bokou Mr Speaker. Mon’n rantre en pe tar, leskiz.  Me i domaz mon pa’n ganny sans pou partisip dan sa deba.  Mon konnen zot pe rod en pozisyon si wi oubyen non.  Me Ki pozisyon Mr Speaker nou bezwen rasyonnel.  Mon krwar pran en vot la pa pran en vot la i zis en kestyon ki nou le met en pe presyon.

Me eski par pa pran en vot la sa presyon i kapab aboutir pli byen ki si nou vot lo sa Bidze,  nou les Bidze ale e nou donn Minis dizon par demen i Mardi – Merkredi i annan Cabinet oubyen si i annan bann konsiltasyon zot pou fer.  Avan sa semenn in fini nou ganny en pozisyon definitif lo size!

Mon annan en bann largiman ki mon ti oule anmennen pou kapab balanse ekilibre sa pozisyon.  Tout an tenir kont ki mon oule mo osi rezourd sa lenpas ki annan.

Me selman mon pe dir avek lot kote latab, annou vot pou sa Bidze lo en baz kondisyon ki Merkredi, latest Zedi Minis i retournen e i state en pozisyon definitif lo sa size.  Mersi bokou.

 

MR SPEAKER

Yes Onorab Ramkalawan.

 

HON WAVEL RAMKALAWAN

Sa Bidze i Bidze 2019.  Ozordi avek Zedi napa diferans.  Napa en sou ki pou ganny tire dan sa Bidze ki nou bezwen.

Me si i a pe dir Zedi annou fer li Zedi!  Annou fer li Zedi!  Nou, nou pare pou li fer li demen nou!  Nou anvi en assurance  –  nou anvi en assurance avan ki nou pran sa vot.  Mersi bokou.

Osi senp ki sa.  Mersi bokou.

 

MR SPEAKER

Bon.  Ok – annou mon krwar nou pe sorti dan sa impasse ki nou ladan – ok?  Nou ava pran en desizyon si nou pou pran en vot la i riske nou pou vwar ki pou dir, swa sa Bidze pa pase ok?  So mon anvi ki nou kit avek en konsansis.  Sa  Bidze i Bidze Health Care Agency pou 2019.

I parey Defans, Defans son vot i ganny deffered Defans pe retourn devan nou.  Ok?   

So eski nou agree ki Merkredi oubyen Zedi, Minister Lasante – I mean Minis avek HCA i vin devan nou, pou donn nou en serten repons anvi sa deba ki mannyer nou fini avek and the we take a vote.  Onorab Simon Gill.

 

HON SIMON GILL

Mr Speaker mon konpran tre byen ou pozisyon, e lo nou pou nou pa pou vot pou nou postpone vot lo sa Bidze.  Nou pou les Lopozisyon pran zot, desizyon lo la.  Mersi bokou.

 

MR SPEAKER

Non i pa p vin en vot pou postpone vot.  Mon pe demande ki si nou defer sa vot pou Merkredi oubyen pou Zedi.  Se sa.  Parey nou’n fer parey nou’n fer pou Defans.  Defans i bezwen retournen dan serten klarifikasyon e apre son Bidze i ganny konsidere.  Se sa ki nou pe demande.  Si nou agree pou nou defer the vote. 

Mon pa pe vwar en konsansis.  Si napa en konsansis then mon put the Budget to the vote.  Yes Onorab Ramkalawan.

 

HON WAVEL RAMKALAWAN

Let’s take a vote.  Nou mazorite.  Nou pe demande Onorab Gill in fini dir ki i pa pou vote.  Alors nou lo nou kot nou pe dir defer.  So I guess the majority carries.  I deffered e  – parski i napa problenm ek sa li.

Alors nou, nou annan problenm avek nou, nou pe dir defer e nou defer li.  Si Minis i kapab vin demen bomaten 9er bomaten premye keksoz, i kapab vini li tousel, san okenn teknisyen zis donn nou son desizyon final –  keksoz epi nou pran en vot e nou ale.

Parski si non, nou pou kapab – pa bliye pou dir nou kapab osi koup sa Bidze Dyaliz.  Mersi.

 

MR SPEAKER

Wi ok?  So nou pran en desizyon lo ki anfen nou ava konsiltasyon avek Minis e osi atraver PS Thésee pou retournen – pou Minis retournen e fotespere i pa en  long deba ankor zis 15 minit.  Minister Lasante i ava fer provizyon kler.  HCA ava la fer provizyon kler with  regards to sa deba ki’n leve.  E apre Lasanble i ava pran en desizyon final lo son vot.  Ok?  So nou agree pou nou defer the vote parey in ganny agree swa Merkredi ouswa Zedi kot Minis avek bann zofisye i ava ganny sans al klarifye avek Cabinet si fodre.  E then, nou ava retournen.

Zis pou avan nou adjourn PS pou demen zis annan enn de pti sanzman, eski nou pe mentenir progranm pou demen?  Ok savedir demen nou pe pran Designated Minister bann portfolios ki tonm anba li.  Ok?

        So nou ava alor adjourn e nou a pran nou travay.  Bon nou ti pran en desizyon pou Finans nou pa ti pas en Mosyon pou defer the vote – ok? 

 

(Off-Mic)

 

MR SPEAKER

I en konsansis zot dakor.  Both side agreed then.  La napa Lagreman.  Napa lagreman.  So alor zot le pas en vot?

        Ok bon i annan en Mosyon devan Lasanble la.  pou pran en vot pou defer vot lo Bidze HCA Health Care Agency.  I en Mosyon ki’n ganny move par Leader Lopozisyon, mon ti a kontan ki ti a ganny segonde, avan nou pran en vot.

 

(Off-Mic)

 

MR SPEAKER

Bon ok.  Mwan mon kapab mon konman Chair mon kapab pran en desizyon final. Mon pou pran en desizyon final e mon pe adjourn s deba lo la.  Mon pe defer the vote ok akoz nou pa pou kapab kontinyen zwe avek sa – ok?   

So desizyon final ki mon’n pran se the vote lo Bidze Health Care Agency.  I ganny defer ziska ler Minis i retournen swa Merkredi swa Zedi e nou a kapab pran en vot final.

Minis mon sorry pou sa bann dernyen liberasyon.  Mon ti a kontan remersye ou avek ou lekip mon ti a kontan osi remersi tou bann Manm pou zot pasyans e remersi tou dimoun ki a lekout.  E of course remersi SBC.

        Mon demann Sergeant zis pou retourn Mace dan son plas a retourn Committee of the whole Assembly, avan mon anons Adjournment. 

        Lasanble i adjourn e nou repran nou travay demen bomaten 9er.

 

(ADJOURNMENT)