Home » Verbatim » 2018 » Verbatim Tuesday 13th November, 2018

Verbatim Tuesday 13th November, 2018

NATIONAL ASSEMBLY OF SEYCHELLES

 Tuesday 13th November, 2018

The Assembly met at 9am

National Anthem

Moment of Reflection

Mr Speaker in the Chair

 MR SPEAKER

Bonzour tou Manm Onorab.  Bonzour tou dimoun ki a lekout.  En bonzour spesyal pour Minis pour Finans – Minis Maurice Loustau-Lalanne, ki ganny akonpannyen par SS Patrick Payet bomaten e PS Mr Damien Thésee e Ms Sitna César koman son Special AdvisorMinister avek ou lekip, ankor enn fwa welcome dan Lasanble Nasyonal.

Bon, avan nou pou – mon pou donn Minis Drwa-d-Repons, mon annan Onorab Noline Sophola ki oule raise en matter of privilege.  Onorab Sophola.

 

HON NOLINE SOPHOLA

Mersi Mr Speaker.  Mr Speaker, bonzour.  Tou Manm Onorab, Minis ek ou delegasyon bonzour.  E tou dimoun ki a lekout.

(Minis) mon’n koz ek ou bomaten e mon pe raise en matter of privilege anba 36(1).

 

MR SPEAKER

Non.  Onorab.

 

HON NOLINE SOPHOLA

Mr Speaker, sorry.

 

MR SPEAKER

Ou’n koz ek Mr Speaker.

 

HON NOLINE SOPHOLA

Mr Speaker, yes.  En matter of privilege anba 36(1). 

Mr Speaker, yer dan mon labsans dan lentervansyon Onorab Ferrari, in mansyonnen ki mon annan 2 condominium.  Mr Speaker, mon pe demande ki Onorab Ferrari i anmenn sa laprev 2 condominium avan Vandredi, sinon i pou bezwen retract.  Mersi.

 

(APPLAUSE)

 

HON NOLINE SOPHOLA

E mon 2enm lentervansyon Mr Speaker, Onorab Sandy Arissol – mon non i Noline Antoine Sophola, pa Antwenn.  Si ou konnen ou pa kapab mansyonnen, silvouple pa bezwen dir.  Mersi Mr Speaker.

 

(laughter)

 

MR SPEAKER

Mersi – mersi Onorab.  Bon, mon ti dir mon pou –

 

(Interruption)

 

MR SPEAKER

Order!   Mon ti dir mon pou veye en pti pe bann latak personnel, me par ler ou sitan pe veye ki ou manke.  Wi, ti annan sa referans avek 2 condominium e Onorab Sophola in demann mwan pour li fer sa leklersisman bomaten.

Onorab Sandy Arissol, zis – mon krwar Onorab in zis – i zis dir ou son non.

 

(Off-Mic)

 

MR SPEAKER

Wi.  Ale.

 

HON SANDY ARISSOL

Mr Speaker, bonzour.  Bonzour Minis.  Bonzour Onorab Sophola.  An vi ki ou pa ti la yer, vre mon ti dir Noline Antwenn Sophola.  Be mon ti krwar Antwenn i an Français e Antoine i Kreol.

Mwan mon’n servi sa versyon Français, Antwenn Mr Speaker.  Mersi.

 

(Off-mic)

 

MR SPEAKER

Ok.  Bon, zis ankor – order!  Order!  Order!

 

(Interruption)

 

MR SPEAKER

Order!  Order!  Order!  Yes Onorab Ferrari.

 

HON JEAN-FRANCOIS FERRARI

Mr Speaker, mon zis poz sa la – en staff Lasanble Nasyonal ki an realite i personal assistant Onorab De Commarmond, Leader of Government Business – i konsiltan.  E la i la sa ki i in annan pou dir  yer –

‘’Seselwa aret ekout Ferrari –  sa kouyon, pa ni konn lir en liv Bidze.’’

Mon krwar i – mon napa en konplent pou mwan fer mwan.  Akoz mon krwar – sa msye pour mwan i pa konte.  Ok?

Me selman mon anvi dir poudir ler nou senm sa bann move mers parmi nou staff dan Lasanble, se sa ki nou rekolte.  Alors, i ti a enportan ki Onorab De Commarmond …

 

(Interruption)

 

 

MR SPEAKER

Silvouple, mon’n donn laparol Onorab Ferrari.

 

HON JEAN-FRANCOIS FERRARI

Mon senpleman – mon pa pe rod en apology mwan akoz mwan mon mir dan sa bann zafer!  Mon pe zis dir ki kekfwa Onorab De Commarmond i devret met en pe lord dan son lakaz avan son bann dimoun i vin fer konplent dan Lasanble.  That’s my point!  Mersi.

 

(Interruption)

 

MR SPEAKER

Mersi.  Bon, i annan en fason ki nou pou fer nou travay ozordi.  Si napa respe pour sa Lasanble, mwan mon pe adjourn sa Lasanble e mon pe al dan mon Lofis.  I senp – i tre senp!  Ok?

Ler mon’n donn laparol en Manm, nou tou nou ekout sa Manm pour li koze.  E ler the Chair i pran laparol, nou tou nou bezwen ekoute.  Onorab de Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour Minis ek ou delegasyon, tou Manm Onorab e tou dimoun ki a lekout.

Mr Speaker, sa ki Onorab Ferrari in dir, pa fer okenn sans!  Mon a eksplike akoz i pa fer okenn sans.  Mwan mon konsiltan ler i dan letan travay i ok, mon – i anba mon kontrol.  Ler i sorti an deor son ler travay, be mon pa kapab kontrol li mwan!

Me an menm tan, i dir ou kan ou senmen ou rekolte sanmenm sa.   Be isi dan sa Lasanble – letan Lasanble i on, i annan serten Onorab ki fann son bann kalite semans, lalang, mansonz e tousala.  Be personn la pa dir nanryen!

So, mon met sa devan ou pou dir ou, mwan mon sourd lo sa ki Onorab Ferrari pe dir!  E zot – wi, be akoz zot menm zot ki kontinyen sa bann zafer.  Zot in komanse, zot in kontinyen.

Mwan dan lepase ou rapel tre byen Mr Speaker, ki mon’n dir sa bann keksoz.  Onorab Ramkalawan in koz ek mwan, mwan osi mon’n koz ek li.  Be si nou deside pour arete, arete!  Be si zot oule kontinyen, be mwan mon pa kapab kontrol sa boug mwan.  Zot al deal ek li.  Pa zot ti pourswiv li, be pourswiv li ankor!

 

MR SPEAKER

Mersi.  Mersi.

 

HON CHARLES DE COMMARMOND

Mon napa problenm ek sa mwan!

 

MR SPEAKER

Mersi.

 

HON CHARLES DE COMMARMOND

So, mersi.

 

MR SPEAKER

Mersi Onorab De Commarmond.

 

HON WAVEL RAMKALAWAN

Ou osi aret koz lalang.

 

MR SPEAKER

Bon, mon pou fer en Ruling lo sa sityasyon.  Depi nou’n rantre, Sizyenm Lasanble – anba leadership Speaker Pillay, nou ti pran en desizyon pour nou allow the use of IT dan Lasanble.  Savedir i fer ki nou an kontak avek nou bann constituents.

E ler nou pe fer en travay, nou bann constituents osi tou i anvoy serten lenformasyon kot nou.  I marse byen lo tou le 2 kote latab.  E sa i fer ki nou toultan – nou azour avek lenformasyon.  E nou pe kapab met nou azour avek kestyon ki nou pe anmennen pour bann zofisye Gouvernman, pour bann Minis.

I fer ki prezan nou’n vwar ki travay Lasanble i mars en pti pe pli byen.  Nou ganny lenformasyon la pour la ki sorti kot Gouvernman – kot Minis.  E parey nou dir, Minis pa kapab – bann Minis pa kapab zis vini, vin bat nou latet, akoz bann dimoun deor pe konsilte avek nou.

Nou pou kontinyen pour nou allow the use of IT dan Chamber pandan Sesyon.  Me mon fer mon pwen ankor – pandan ki Lasanble i on, Manm Lasanble i enterakt avek son consistency me i pa servi sa letan pandan Lasanble pour li bash kanmarad.

Mon pa pe allow sa akoz this is a time of the Assembly e nou devret pe servi li dan en fason konstriktiv.  Okenn Manm – in deza arive, mon’n deza reprimann enn de bann Manm.  E mon ti a kontan – mon pa ti swete ki i ariv ankor.

Dan sa ki konsern konsiltan pour le 2 biro, ankor sa i aplik pour zot.  Moman ki Lasanble pe travay, si sa bann ler i ganny servi – akoz se sa bann konsiltan, zot anba payroll Lasanble Nasyonal!  E mon pa pou tolere ki pandan letan Lasanble Nasyonal, ki en konsiltan ki pe travay ek nenport ant le 2 biro, i pe bash en Manm oubyen i pe bash en Leader.  Mon pa pe aksepte sa.  E mon pou deside avek Management bann aksyon ki nou pou pran.

Mwan osi mon profite pour mwan dir ankor, mon’n fer mon mye pour mwan retir politik dan Sekretarya Lasanble Nasyonal.  Mon’n aprann yer poudir i paret ki sa pe retournen.  E mon fer en lapel piblik ozordi pour tou Manm Sekretarya Lasanble Nasyonal, politik i ganny fer dan Chamber ant sa 2 parti.  E ozordi nou annan Parti Lepep avek LDS.

Mon pa pe toler okenn staff Sekretarya Lasanble Nasyonal, pou pran par ouvertman dan politik.  Nou tou nou annan nou krwayans politik, me ler nou pe travay pour en Lenstitisyon parey Lasanble Nasyonal, nou bezwen annan serten respe.  Nou kapab al pran par dan bann manifestasyon, me nou bezwen fer li dan en fason ki pli retire.  So, vwala en pti pe mon Ruling lo sa sityasyon.

Bon, mon ti a kontan lo non Lasanble Nasyonal, prezant mon kondoleans avek Onorab Noline Sophola.  Se sa rezon yer ki in bezwen absante – in sorti.  Ti annan en malad dan son fanmir e bomaten in anons mwan ki son tonton in kit nou yer.  Onorab Sophola aksepte kondoleans ki sorti kot mwan avek Lasanble Nasyonal.

Bon, avek sa mon ava donn laparol Minis pou fer son repons lo bann entervansyon ki’n ganny fer pandan sa 3 zour.  Minis Loustau-Lalanne, laparol i pour ou.

 

MINISTER MAURICE LOUSTAU-LALANNE

Mersi Mr Speaker.  Mr Speaker, Onorab Leader Lopozisyon, Onorab Leader Zafer Gouvernman, Manm Onorab Lasanble Nasyonal, ser konpatriyot Seselwa, bonzour.

Pandan sa dernyen 3 zour, mon’n ekout bokou e mon’n ekout atantivman deba bann Manm Onorab lo diskour Bidze 2019.  Gouvernman in osi ganny pwennvi bokou sekter e dimoun an zeneral.  Mon konstate ki bokou in ganny dir pandan sa bann deba.  E mon oule asir sa Lasanble ki Gouvernman pou travay pli dir pou fer sir ki sa plan pour Bidze 2019 i ganny realize.

Mr Speaker, permet mwan pou reponn enn de bann size ki bann Manm Onorab in leve pandan sa deba.  Bann lezot pwen pou osi ganny leve pandan Staz Komite Bidze 2019 e bann Minis konsernen i ava adrese.

Mr Speaker, mon oule asir sa Lasanble parey mon ti’n anonse dan Bidze 2019, ki Gouvernman pe aktyelman travay lo en vizyon ziska 2033 pour Sesel.  Nou ti prezant sa draft vizyon ek bann stakeholders Vandredi le 2 Novanm, 2018 9er bomaten ziska 12.30, kot lasal No.1 ICCS.

Nou ti envit Lasanble Nasyonal pou partisip dan en dyalog pour prepar sa draf vizyon 2033.  Me ziska prezan nou pa ankor ganny zot partisipasyon.  Alor mon enplor sa Lasanble pour ki Departman Planifikasyon Ekonomik dan mon Minister i ganny en letan avek Lasanble Nasyonal pour diskit sa propozisyon avan ki nou finaliz li e lans sa plan an Zanvye 2019.  I enportan ki zot don nou zot kontribisyon lo sa plan Nasyonal.

Mr Speaker, mon oule donn en pe plis detay lo sa estimasyon kou konstriksyon lo sa proze 3mil lakaz ki’n ganny prozekte pou kout R3.02bilyon e sa i baz koman swivan:-

R2.14bilyon, swa 71poursan kou proze pour konstriksyon bann lakaz.  An mwayenn sa i fer R713. 501 par unit.  Pli spesifikman, nou estimasyon i baze lo en kou konstriksyon mwayenn pour batiman a R7, 750 par met kare.

Nou alor ekspekte konstriksyon en unit 3 lasanm a en kou R755mil par unit.  E en unit 2 lasanm a en kou R641, 773 par unit.  R610milyon pour kou Lenfrastriktir asosye avek bann diferan lokasyon.  Sa i reprezant 20poursan kou proze.

Kou lenfrastriktir i varye depandan lo lokasyon.  I annan landrwa ki annan bokou retaining wall ek semen pour konstrir.  I annan landrwa kot stasyon tretman sewage i bezwen ganny konstrir.  Kou lenfrastriktir i alor kapab varye ant 4poursan par egzanp, pour en devlopman St Louis ki obor tou servis, ziska 37poursan pour en proze Bel Air, kot teren i demann bokou retaining walls avek ekstansyon laliny sewage par egzanp.

275milyon i pour Contingency pour bann kou ki pa’n prevwar.  Proze i lo en dire 6an, alor i posib i pou annan logmantasyon pri.  Kou estimasyon i osi baze l oban teren ki’n idantifye.  Me avan survey e plan detaye i ganny fer, alor propozisyon Bidze i bezwen en pe konservativ.  Sa i fer sa total Bidze pour proze sa 3mil lakaz prozekte a R3.02bilyon.

Mr Speaker, bokou in ganny dir lo koripsyon.  Mon oule asir sa Lasanble ki nou angaze pour nou travay avek Komisyon Anti-Koripsyon pou fer sir nou donn li tou sipor neseser ki i bezwen.  Nou pe fer sa ek son lenvestigasyon dan sa 50milyon Dolar Américain.

Konsernan konsern releve lo revi lo taks lo lavyann poul ek pork, i enportan pou fer distenksyon ek klarifikasyon lo sif egzakt sa logmantasyon.  Taks lenportasyon aktyel lo poul i 15poursan e R5 par kilo, ki pou ganny revize pour vin 15poursan e R5.92sou par kilo.  Sa i reflekte selman en logmantasyon 92sou par kilo.  Lo lavyann pork, taks lenportasyon aktyel i 15poursan.  I pou ganny revize pour vin 15poursan e R3 par kilo.  Sa i reflekte en logmantasyon R3 par kilo

Sa bann logmantasyon i ganny propoze par Minister responsab pour Lagrikiltir, dan son zefor pour relev prodiksyon lokal.  Sa i en mezir parmi plizyer lezot ki sa Minister in antreprann, dan en zefor pou ankouraz fermye pour agrandi zot nivo prodiksyon aktyel.  I en mezir pou asir sekirite alimanter pour nou pei.  Pou kree plis lanplwa e anmenn valer dan nou prop lekonomi.

Vi ki taks lenportasyon lo poul ti deza annan en serten nivo provizyon vize anver protez prodiksyon lokal, sa logmantasyon ki’n ganny propoze pour tanporer an prenon kont bann lezot mezir ki Minister Lagrikiltir pe al antreprann.

Mr Speaker, aktyelman Sesel i depan bokou lo lenportasyon.  E Gouvernman i bezwen fer tou zefor ki i kapab pour redwir sa depandans.  Relevman prodiksyon lokal dan lavyann debaz, i enn bann mezir ki pou ede redwir sa depandans lo lenportasyon.  Sa i ava ede pou anmenn en rediksyon lo demann pour deviz etranzer, an vi ki lannen pase nou’n enport lavaler R81.1milyon lavyann poul ek pork, ki en sonm alarman.

Mr Speaker, lavyann pork e poul lokal i pli organik, i pli bon pour nou Lasante konpare avek lavyann enporte ki nou pa konnen ki kantite hormone in ganny enzekte dan sa bann lavyann.  En logmantasyon dan prodiksyon lavyann i osi bon pou sekter rekolt.  Sa i akoz i redwir nou depandans lo langre, avan ki agrikilter i ganny akse avek plis fimyen a en pri pli abordab.

Lenformasyon ki Labank Santral i annan i montre ki resaman, in annan logmantasyon kontinyel dan loan ki labank komersyal i donn sekter prive.  A lafen Septanm sa lannen, lakantite kredi ki bann labank in pret sekter prive ti ogmante par R819milyon ouswa 14.2poursan konpare avek Septanm 2017.

Konpare avek Desanm 2017, sa logmantasyon ti 551milyon ouswa 9.1poursan letan nou konpar li lo Desanm 2016.  Sa bann loan i prensipalman pour finans konsonmasyon.  Lentere ki bann labank komersyal i sarze – i sarz zot kliyan i sipoze ganny enfliyanse par Polisi monneter ki pran konsiderasyon prensipalman risk lenflasyon.

I enportan ki lentere dan bann labank komersyal i aziste ek lanvironnman aktyel dan lekonomi pou siport en nivo krwasans ki soutenab.  A lafen 2016, to lentere lo loan total ti an mwayenn 12.42poursan.  2017 to lentere ti desann pour ariv 12.05poursan.

Apre ki Labank Santral ti aziste son Polisi Monneter pou adres risk lenflasyon dan dezyenm kar sa lannen, nou’n vwar en logmantasyon dan to lentere pou ariv an mwayenn 12.38poursan a lafen Septanm 2018.

Dan ka mortgage loan, ki pa ganny konsidere konman loan pou konsonmasyon, to lentere an mwayenn in desann sorti 10.19poursan a lafen 2016 pour ariv 9.91poursan an 2017 e 9.63poursan a lafen Septanm 2018.

An sa ki konsern lakantite mortgage loan ki bann labank komersyal in donnen, sa ti ogmant par 152milyon ouswa 21poursan an Septanm 2018 konpare avek Desanm 2017.  Konpare avek Septanm 2017, sa logmantasyon ti R196milyon ouswa 29poursan.

Mr Speaker, pour donn enn de legzanp lo bann to lentere ki ganny aplike lo bann mortgage loan par bann labank komersyal.  Sa bann statistics i lo website labank santral.  Nouvobanq ti pe ofer en mortgage loan an Desanm 2016 lo en to lentere 7.5poursan e en peryod repeyman maksimonm pour 25an.  Sa in ganny revize e le 2 Novanm i 5poursan e 30an.

MCB ti pe ofer en mortgage loan an Desanm 2016 lo en to lentere 9poursan e en peryod repeyman maximum pour 30an. Sa in ganny revize e le 2 Novanm i 7.5poursan e 30an.

Mr Speaker, letan nou regard kwa ki i annan pour bann biznes dan Bidze 2019, mon pou donn enn de legzanp.  Nou pou kontinyen avek sibvansyon lo loan pour bann SMEs.  Sa sibvansyon i lo zot loan anba 3milyon.  Nou annan bokou incentives pour Sekter Lagrikiltir.  Nou pe donn resours adisyonnel Biro Prokirer Zeneral ki i ava ede anmenn plis Lezislasyon an 2019.

Biro Rezistrar Zeneral in osi ganny resours adisyonnel.  2enm kab soumaren ver 2020 a’n fini ganny enstale.  15milyon Dolar blue bond.  En National payment switch ki ava ede dan metod peyman elektronik e redwir kou.  Teknolozi Finansyel – Fintech, ki ava anmenn plis prodwir pour sekter finansyel.  34milyon Ero lenvestisman pour agrandi e moderniz por komersyal.  Sa i ava ede pour devlop komers dan Sesel.

Enn de bann depans ki pe direkteman tous sekter prive dan Sekter Lasante ek Sekter Ledikasyon i konm swivan;

Provizyon Sekter Sekirite – R50.3milyon.  Provizyon Servis Netwayaz – R49.4milyon.  Lokasyon lakaz – R70.8milyon.

Mr Speaker, sa 10 legzanp i zis enn de legzanp ki – me i annan bokou e sekter prive i bezwen asiz ek sa Bidze ek nou, pare pou ede pour fer sir ki nou al an detay e nou popilasyon i konpran son konteni.

Pour 2019, Biro Rezistrar Zeneral in ganny finansman pour en total 11 pozisyon e osi lofis ki Air Seychelles ti ete kot Independence House.  Sa, ansanm ek sa lofis adisyonnel, pour ede dan son zefor pour amelyor son servis. Osi dan son plan, i pou kree en Collateral Registry.

Atraver sa, bann labank ek bann lezot Lenstitisyon finansyel a kapab anrezistre bann pledges lo bann movables online.  Nou ekspekte ki sa pou kontribye anver zefor Gouvernman pou fasilit lanvironnman biznes.

Mr Speaker, nou pe kontinyen avek sanzman ki’n anonse dan Bidze 2019 pour SBFA.  An mezir ki nou fer sa tranzisyon ek Labank Devlopman, nou osi pou fer sir ki sa bann write-off ki’n ganny fer pou bezwen ganny revwar.  Tou mezir neseser pou bezwen ganny pran pou kolekte sa bann larzan ki’n ganny write-off.

Mr Speaker, parey nou’n anonse dan diskour Bidze, tou bann travayer Gouvernman ki pa lo en Kontra avek Public Sector Commission, pou benefisye avek en long service allowance apartir Zilyet 2019.  Par kont, tou travayer ki lo Kontra, zot pou benefisye avek zot end of contract payment ki pou prezan ganny kalkile lo zot allowance osi, an vi ki avan sete selman saler debaz ki ti pe ganny enkli dan formil kalkilasyon.

An se ki konsern, sa long service allowance pour bann travayer ki pa lo Kontra pou prezan benefisye plis, konpare ek bann travayer ki lo Kontra.  Mr Speaker, les mwan met sa an perspektiv.

En travayer ki lo Kontra i normalman dapre rekomandasyon Lorganizasyon ki anploy li, pou vin lo en Kontra si i par lao Band 6 – savedir saler debaz par lao R11,186.  E avek sa, tou le 2an ouswa 3an – pour bann Direkter Zeneral e Sef Egzekitiv, saler en staff lo Kontra i ganny ogmante apre appraisal dapre son performans up to 10percent lo son saler de baz.

Sa i vedir, en staff ki ganny li R11,186, si i perform eksepsyonnelman byen, e i ganny li en logmantasyon 10poursan i pou ganny li en logmantasyon R1,118.60sou.  Sa i pou osi aplikab pour tou le 2an, kan i renouvle son Kontra.  Sa logmantasyon i en performans allowance mansyel.

Mr Speaker konpare ek en travayer ki pa lo Kontra, ki fer li 5an servis ki pou ganny li 500 e enn ki fer 10an servis pou ganny li 1,000 Roupi.  Sa enn lo Kontra pa pe ganny dezanvantaze.  En travayer ki lo Kontra i osi ganny en performans 5poursan pandan sa lannen ki i pa ganny son peyman end of contract.

Mon pou donn en legzanp en travayer ki ganny 11,186 e adisyonnelman en inducement allowance R3mil dapre bann scheme saler.  Sa travayer pandan 4an, pou ganny peyman end of contract 2 fwa, performans Gratwite ki 5poursan 2 fwa, e osi en logmantasyon R1,118.60sou pandan 24mwan.  Alors son benefis adisyonnel pour ariv R150, 706. 92sou.

Par kont en travayer ki’n travay pandan 30an ki pa lo Kontra pou ganny li en allowance pour long service ki pandan 4an pour ariv en total benefis R144mil.  Me si en travayer in fer plis ki 35an ouswa 40an, sa travayer pandan 4an pour ganny en total benefis R168mil oubyen R192mil pour sa 40an.  I annan 388 travayer ki annan plis ki 35an ou plis ki pou benefisye ek sa long service allowance.

Bann travayer ki’n travay plis ki 30an e plis dan Gouvernman ki lo Kontra, son saler de baz i plis ki R11, 196.  Alor Mr Speaker, mon krwar ki ti’n ler pour nou get en kou travayer ki pa lo Kontra ki kapab fer de lannen lo menm pozisyon san en kad striktire, ki pour rekonnet son lannen servis.  Nou bezwen rekonnet zot leksperyans ki zot i anmennen dan servis piblik.

Mr Speaker, revizyon lo saler de baz par 5poursan dapre latab reminerasyon e saler servis piblik pou ganny fer apartir Avril 2019, konpare parey ti’n ganny anonse ki ti Zilyet 2019.  Nou respekte provizyon Lalwa Reminerasyon Servis Piblik, 2013.  Nou pou bezwen ankor R21milyon pour ki sa logmantasyon saler i konmans an Avril 2019.  Nou pou demann Lasanble Nasyonal pour transfer larzan sorti dan en vot pour al dan detrwa vot pour fer sir sa ogmantasyon saler i ariv e ki nou osi mentenir sa R8,46bilyon Bidze 2019.

An se ki konsern groser Gouvernman Mr Speaker, Gouvernman i reste alert lo sa size.  I enportan note ki amezir ki nou donn stabilite lanplwa tou Seselwa ki dan servis piblik, nou osi bezwen rekrite pour kapab delivre.  La mon fer mansyon lo bokou sizesyon ki sa Lasanble in demande pour asire ki i annan ase resours dan bann Minister pour kapab delivre.  Alor, Gouvernman pe fer sir ki nou balans lakantite rekritman ki nou fer e fer sir i soutenab.

Groser Gouvernman i osi relye avek nou Bidze total pour saler.  Nou a note ki sa i pou an 2019, R2.67bilyon.  Alor nou bezwen port atansyon ler nou kontinyelman promot plis logmantasyon saler e ankor plis scheme saler menm si Gouvernman i annan en lapros pli rezilyan avek lenplimantasyon nouvo Scheme.  Nou Polisi se ki omwen en Scheme i fer 5an lenplimantasyon.

Deplis, i annan bokou presyon ki pe ganny mete pou fer monte saler debaz avek kritik ki saler debaz i ba, menm si i annan bokou lezot allowance ki kapab ganny atase avek saler travay.  Nou oule fer resorti la ki nou bezwen get total package en travayer.  A lafen dizour nou konfirmen ozordi ankor Mr Speaker, ki tou labank i pou donn loan en travayer si i atenn kriter sa kantite larzan ki i anvi prete.  E ki tou son saler, enkli son allowance, e se selman zis bann periodic allowance ki pa ganny konte, ler zot fer en laplikasyon pour ganny en loan.

Alor Mr Speaker, Gouvernman i deza annan li son kad saler e kad pour bann diferan Scheme saler. An se moman nou annan en total 140 scheme saler ki an laplikasyon e ki kontinyelman ganny revize tou le lannen an mezir i neseser.  Nou bezwen alor respekte sa, akoz a lafen dizour se sa bann fo enterpretasyon ki osi kontribye dan met presyon dan groser Gouvernman.

Lo zesyon nou bann Proze Kapital Mr Speaker, nou rekonnet sa challenge ki nou pe eksperyanse pandan sa dernyen 10an.  An 2013, nou ti entrodwir nou Polisi lo zesyon Proze Kapital dan sekter piblik, avek le bi amelyor lafason ki proze i ganny konsepte, swazir, analize e ganny selekte.  Lapwentman en Development Committee in ede pour asire bann Proze Kapital ki ganny konsepte par bann Minister oubyen departman i aktyelman neseser e ki napa anbigite dan seleksyon proze.

Me parkont, defi ki nou ankor pe vwar se dan egzekisyon proze.  Depi 2016 Mr Speaker, egzekisyon proze i ganny monitor e raporte avek Cabinet of Ministers tou le 3mwan, pour ki progre bann proze i ganny sirveye.  Me parkont kont, nou rekonnet ki nou anba bann defi enstitisyonnel e kapasite pour asire ki nou kapab egzekit tou bann proze dan Bidze.

E alors Mr Speaker, se pour sa rezon ki nou’n deside pou rezourd nou konstrent kapasite pour rekrit 8 teknisyen proze pour soulaz sa sityasyon.  Sa i a konplimant sa 3 ki deza in fini ganny rekrite par Minister Ledikasyon.

Mr Speaker, an sa ki konsern ki Gouvernman pe fer en overall deficit, i byen note ki en Bidze sirplis primer i korekteman ekskli peyman lentere lo det.  Sa i alor donn en lendikasyon zefor lo zesyon Bidze fiskal ki Gouvernman pe fer, anvi ki peyman lentere i pou antyerman depan lo lentere ki Gouvernman pe peye e groser bann defisit bidzeter dan bann lannen pase.

Lentere lo det domestik i baze lo market domestik e Sekter Monneter.  Pour lannen 2019, nou pe prozekte 490.4milyon pour pey lentere lo det domestik.  Lentere lo det eksteryer i an mwayenn 16milyon Dolar par lannen pour sa prosen 3an e pour lannen 2019 i R232.7milyon.

Alor, pou bann pei ki annan en gran nivo det konpare avek prodwir domestik brit parey Sesel, Bidze sirplis primer i sa mezir ki ganny servi.  E i ganny met plis lanfaz lo la pou mezir performans bidzeter en pei an mezir ki sa pei i redwir son nivo det.  Sa i asire ki omwen pei pe fer en sirplis fiskal primer, kot depans i pli mwens ki reveni ki pei pe kolekte.

Mr Speaker, dan sa 59.6poursan prodwir domestik brit, nou det Gouvernman i 8.6poursan prodwir domestik brit.  I reprezant det ki Gouvernman in pran pour asiste Labank Santral lo son Polisi monneter.  I montre ou si nou retir sa 8.6poursan dan sa 59.6poursan, nou det lo fiskal i selman 51poursan prodwir domestik brit.  Alors menm si Gouvernman pe pran det adisyonnel pour kouver son overall deficit Bidze, i pa alarman akoz i prezant 0.6poursan prodwir domestik brit konpare ek en balans primer 2.5poursan prodwir domestik brit.

Mon osi oule konfirmen ki sa Bidze in ganny negosye avek Fon Monneter Enternasyonal.  Alor, si Fon Monneter Enternasyonal i krwar ki nou lo bon semen pour redwir lo det anba 50poursan prodwir domestik brit apartir 2021.  Nou det domestik pour asiste Sekter Monneter i reprezant 24.7poursan total det domestik.  Alors, dan sa 490.4milyon lo peyman lentere lo det domestik, 122.6milyon i lentere lo domestik det pour Sekter Monneter.

Mr Speaker, nou det eksteryer i R5.45bilyon ouswa 24.9poursan prodwir domestik brit. Sa det i konm swivan:-

37.7poursan nou det i avek bann Lenstitisyon miltilateral parey ADB, BADEA, Labank Lenvestisman Européen, Labank Mondyal e lezot ankor.  32.4poursan nou’n prete, avek bann private bond holders dan sa bond ki nou ti pran an 2006.  12.5poursan nou’n prete avek bann pei dan Paris Club parey La France, l’Italie, Japon, lezot ankor.  6.7poursan bann det komersyal sorti kot Nedbank, MCB, First Gulf Bank ek lezot. 5.4poursan nou’n prete ek La Chine.  3poursan nou’n prete ek bann lezot pei ki pa dan Paris Club.  E 1.8poursan nou’n prete ek Abu Dhabi.  0.5 poursan nou’n prete ek l’Inde.

Mr Speaker, konsonmasyon disik an mwayenn ki nou lekor i bezwen i 25granm, konpare avek konsonmasyon ki Seselwa pe servi 100granm an mwayenn.  Alor, nou bezwen regard nou Lasante e fer plis legzersis ouswa redwir konsonmasyon disik.

Nou’n ekout konsern ki Manm Lasanble in fer resorti, lo lentrodiksyon en fre pour preskripsyon dan sistenm Lasante baze lo provizyon Lartik 29 nou Konstitisyon.  Mr Speaker, Gouvernman pou mentenir son Polisi lo lentrodiksyon sa fre preskripsyon.  Me avan nou finaliz sa fre preskripsyon, nou pou fer sir ki tou keksoz i an plas e an akor avek lankadreman legal.

Mr Speaker, konzesyon trafik i en laspe ki Gouvernman i tre konsernen avek.  Departman Transpor ti anmenn en propozisyon devan Konsey bann Minis, me Konsey Minis in demann Departman Transpor pour ankor propozisyon adisyonnel.  Bann legzanp:- by-pass dan Victoria, en sistenm eksportasyon pour bann veikil ki annan e serten laz.

Gouvernman pe osi al lans en ‘expression of interest ‘pour en konsiltan pou fer plan e siperviz en overhead crossing pour roundabout Providence, kot lekol English River – prenon an kont mouvman dimoun ler Stad Lanmizik i konplete, roundabout Roche Caiman e kot Eden.

Dan lezot proze ki lo latab i konm swivan:- Trwazyenm lane kot Laveni 5 Zen.  3enm lane kot Francis Rachel Street.  3enm lane Pointe Larue e nou pe esper way-leave.  Revwar Plaisance roundabout e nou pe esper way-leave.  Revwar junction kot Laveni Revolisyon e semen Bel Air e nou pe esper wayleave.  Koneksyon semen Sans Soucis ek semen Fôret Noire ki pas kot semen FIBA.

Nou pe kontinyen avek bann letid pou vwar e idantifye problenm trafik.  E nou pou vin avek lezot mezir pour amelyor sirkilasyon trafik, espesyalman seksyon Les Mahé – depi Au Cap ziska Erport.  E osi en propozisyon pour entrodwir cable car pe ganny evalye.  Sa Mr Speaker, i detrwa legzanp.  Sa pou ganny diskite avek sekter prive tre prosennman.

Mr Speaker, Gouvernman pe kontinyen revwar opsyon finansman pou konstrir en premye tinel ant Cascade e Grand Anse Mahé.  Bann opsyon finansman ki pe ganny analize pour fer sir i pa tous Bidze e osi nou det pei pa ganny afekte.

Mr Speaker, lenerzi renouvlab i reste en priyorite Gouvernman.  E nou panse ki sa pour anmenn bokou benefis pour lepep Seselwa lo zot bil elektrisite e osi lo kantite deviz etranzer ki nou depanse lo enportasyon karbiran.  Sa proze SMART Energy kot bann lakour pou ed nou bann fanmir benefisye apepre 300 fanmir.

Nou pou osi bezwen travay ek Minister responsab pour Lenerzi, Konmisyon Lenerzi ek PUC pour vwar sa target 15poursan pour prodwir lenerzi renouvlab ver 2030, si nou pa kapab atenn sa target pli boner.

Mr Speaker, LNG i en konponan pour ed nou osi redwir lo kou lenerzi.  Nou’n demann IFC pour ed nou dan sa prosedir e nou ekspekte annan en rekomandasyon sorti kot IFC pandan premye kar 2019.  E sa pou ganny diskite avek tou bann parti-prenan.

Mr Speaker nou bezwen regard lenvestisman dan 2enm kab soumaren pou fer sir nou lekonomi i rezilyan avek okenn risk ki kapab arive si i annan okenn koupman avek nou sel kab soumaren ki nou annan.  Dan larezyon Maurice ek Madagascar i annan 3 kab soumaren.  Comores i annan 2 me tre prosennman i pou annan 3.  Kenya i annan 4.

Mr Speaker, letan i annan okenn koupman dan bann pei ki annan selman en kab soumaren, son perdman dan lekonomi i kapab ariv plis ki 12milyon Dolar Américain e osi son opportunity costs dan bann lenvestisman.

Mr Speaker, an 2009 The Mobile Broadband Internet Package ti R250 pour 0.25GB ki ti apepre R1,000 pour sak GB.  Me an 2018, pour anviron 225 Roupi ou kapab aste 1.75GB ouswa R129 pour sak GB.  I montre ou ki pri in desann me selman nou usage lo data osi in monte.  Mon konstate nou kapab fer pli byen lo bann prodwi ki ganny ofer letan nou konpar nou avek bokou lezot pei.

Mr Speaker, Linyon pour Telekominikasyon Enternasyonal dan l’Etats Unis in defini pri telekominikasyon i afordab dan en pei ler pri pour 0.5GB dan mobile.  I pli ba ki 5poursan GNI par Capita.  Sesel i meet sa target an vi ki i score 1.22poursan an 2016.

Sesel in osi atenn target ki pli sever ki mete par Alliance for Affordable Internet, ki li son kriter se pou ofer 1GB pou pli mwens ki 2poursan GNI per Capita.  Sesel i score 1.59poursan an 2016, sorti 2.76poursan an 2013.  Sa i pli meyer ki pour Maurice.

Par kont pour telefonn mobil, Sesel pa score pli byen ki Maurice.  Me pri in desann sorti 1.86poursan nou prodwi domestik brit an 2010 pour ariv 1.1poursan an 2016.  I osi enportan note ki an se ki konsern broadband, pli ou aste, pli i vin pli bon marse.

Alor, pour en lekonomi avek pli mwens ki 100mil habitant, i pou touzour en konstrent pou konpar avek bann lezot pei avek plis habitant e alor ki annan plis pouvoir d’achat.  Lokasyon oubyen nou izolasyon zeografik i zwe en gran rol osi dan pri.  Alor nou ankouraz bann lakonpannyen telekominikasyon, pou ouver prodwi ki zot ofer, tel ki unlimited broadband pour mobile eksetera.

Mr Speaker, Komisyon Reveni Sesel in konplet 27 odit an 2017 pour bann gran biznes avek en total evalyasyon R59.6milyon.  Ziska Septanm 2018, Komisyon Reveni Sesel in konplet 22 odit avek en evalyasyon R28.8milyon.  Mr Speaker, nou pe osi travay lo en sistenm elektronik pou monitor bann reveni par bann marsan direk ek sistenm Komisyon Reveni.

Bann marsan pour bezwen servi en Electronic Cash Register ki pou ganny sertifye par Konmisyon Reveni.  Sa sistenm pour ganny diskite avek sekter prive an 2019 letan nou pe revwar sistenm elektronik Konmisyon Reveni.  Mon konstate avek en tel sistenm nou pou ed Konmisyon Reveni pour anmas plis taks.

Mr Speaker, sanksyon lo lavant lotel Banyan Tree in ganny prozekte dan Bidze 2018.  E nou ekspekte ganny sa reveni pandan mwan Novanm.  Nou pe finaliz diskisyon avek Cable &Wireless e nou’n prozekte reveni lo sanksyon lavant an 2019.

Nou pou fer sir ki nou kolekte sa taks lo bann propriyete imobilye ki pour bann etranze letan Lalwa i ganny finalize.  Nou pou met en sistenm an plas pour fer sir ki sa bann evalyasyon lo sa bann propriyete i ganny evalye dan en fason zis.  Sa bann konsesyon taks endirek lo karbiran ki nou pe fer par en lapros anilasyon gradyel an 2019 e 2020, nou pou bezwen extend sa sertifika TIA pour met sa bann nouvo lapros gradyel dan konteni sa bann sertifika.

Mr Speaker, nou ti prozekte pour kolekte en reveni R83.97milyon an 2018 lo license telekominikasyon baze lo estimasyon krwasans dan sa sekter.  Me nou’n reviz nou prozeksyon pour kolekte R78.2milyon baze dan krwasans aktyel dan sa sekter.  Letan nou konpar sa avek 2017 ki ti 69.7milyon e annan en logmantasyon.  Pour lannen 2019 nou’n prozekte 84.9milyon dan license telekominikasyon.

Gouvernman in fer son langazman travay ek Labank Mondyal pour vwar soutenabilite bann benefis progranm Sosyal.  Propozisyon pour bann pansyoner ki par lao 80an – 90an nou bann santener, pou ganny analize e prenon an kont ler nou pe fer sa legzersis.  Sa travay i konmanse e i pour kontinyen pandan lannen 2019.

– Mr Speaker, STC pou kontinyen abzorb kou transportasyon lo komodite esansyel pou fer sir ki i mentenir pri sa 14 komodite esansyel lo Praslin ek La Digue.

STC in osi kapab mentenir pri sa 14 komodite esansyel depi 2012 ziska prezan, menm si Roupi in depresye e osi kou transportasyon i ogmante.  Mr Speaker, STC in aste sa propriyete Parti Lepep kot Builders’ Depot pour lavaler R17milyon.  Dernyen peyman lokasyon mansyel ti an Zen 2018.

Mr Speaker, an se ki konsern plan Gouvernman lo sa fleo drog ki nou pe eksperyanse, nou latas i kontinyen pour lannen 2019.  E sa pour entansifye zefor ki’n deza komanse pou donn tretman e reabilitasyon nou bann dimoun ki malerezman in tonm dan adiksyon avek sa sibstans.

I annan diferan tretman ek bann program reabilitasyon ki APDAR pe zere.  Enn sa bann progranm prensipal se, The Low Threshold Methadone Program ki pe ganny servi pour target lamazorite dan sa bann 5mil a 6mil adikt ki APDAR i swete met lo tretman.  Sa progranm in ganny prouve pou être efektiv e i baze lo pratik enternasyonal.

Lot program ki annan se, The High Threshold Maintenance Program.  E la Regilasyon i pli kontrole an konparezon avek sa lot program low threshold.  E apard Methadone, Buprenorphine e Naltrexone i osi pe ganny servi koman bann sibstitisyon pour Opioid.  Pour le moman, sa Lazans pa kapab fer okenn lezot program, espesyalman enn rezidansyel, an vi ki napa en sant reabilitasyon apropriye.

Par kont, Gouvernman in propoz en Bidze R14.3milyon dan Bidze 2019 pour konmans konstrir sa sant reabilitasyon.  Dan tou sa bann konstrent, APDAR pe amelyor son kapasite an attendant, par anploy bann profesyonnel e lantrennman kontinyel dan sa domenn

Diskisyon avek Minister Ledikasyon pe osi ganny fer pour devlop en program prevansyon vize a bann zelev.  Tre byento pou annan lansanm en National Drug Control Master Plan, kot bann diferan Minister pou ganny bann diferan responsabilite vizavi zot rol dan sa lager kont sa fleo drog.

Mr Speaker, sa sonm R6.6milyon ki’n ganny mete dan liv Bidze dan Seksyon 4 pour saler bann lapwentman Konstitisyonnel paz 1, i sonm ki pa ti ganny donnen pour Prezidan, Vis-Prezidan e 6 Minis pour zot end of gratuity an 2015 ler eleksyon prezidansyel ti ganny fer.

Mon koriz Manm Onorab, ki sa sonm pa relye avek okenn eleksyon.  Me par kont relye pour koriz en anomalie ki’n arive an 2015.  Bann lezot Minis ki’n nepli dan Gouvernman ti’n fini ganny peye zot end of term gratuity ler zot ti kit Gouvernman.

Mr Speaker, bokou in ganny dir pandan sa bann zour par nou – tou nou sours popilasyon.  Gouvernman i bezwen fer sir ki nou prezant en Bidze responsab, ki nou war progre pour lavenir.  Nou ti kapab vin avek en Bidze kot tou dimoun i ganny son saler double.  Me sa pa pou en Bidze responsab, ki prenon kont tou laspe nou lekonomi.  Me nou pare pou asize e ekout e fer sir ki nou pep i konpran propozisyon Gouvernman.

Nou osi bezwen asize ek sekter prive pour fer sir Lepep Seselwa i ganny the best deal.  Letan nou koz pri lavi, Gouvernman i bezwen fer son bout e osi sekter prive i bezwen fer zot bout li osi.

Mon pe donn mon langazman avek Lepep Seselwa pour lenplimantasyon Bidze 2019.  Nou’n anons bokou keksoz dan Bidze 2019, me nou bezwen fer sir ki nou enplimant sa bann Polisi ek progranm pandan lannen 2019.

Mr Speaker, nou pe al dan Staz Konmite pou war Bidze sak Minister, Departman ek Lazans.  I annan larepons ki mon pan donnen dan mon larepons e mon bann koleg Minis pour koz plis lo la.

Tenm Bidze 2019 i lo Stabilite ek Progresyon.  Nou’n war kot nou ti ete an 2008 avan nou reform makroekonomik.  Me i annan bokou progre ki nou bezwen fer ansanm pour nou akonpli plis ankor pour nou menm e pour nou zanfan demen.

Mr Speaker, mon demann tou Onorab pour siport Bidze 2019 avek bi kontinyen nou progre pour Sesel e byennet Nasyon Seselwa.  Mersi Mr Speaker

 

(APPLAUSE)

 

MR SPEAKER

Mersi Minis Loustau-Lalanne.

 

(Off-mic)

 

MR SPEAKER

Non.  Sa son – non, non, non.  Sa son – order!  Order!  Sa i Right of Reply Minister.  Nou pe al – parey Minis in dir, nou pe al dan detay.  Zot ava annan bann queries ankor ki zot kapab menm serten klarifikasyon dan son repons.

Mwan osi mon annan serten konsern.  Mon annan serten reaksyon ki mon – wi mwan osi mon annan sok.  Me mon pa la pour mwan enterfer dan deba yet.

Bon, moman in arive pour nou pran en desizyon – pour nou pran en vot lo merit zeneral Appropriation Bill 2019 ki’n ganny prezante par Minis Loustau-Lalanne.

Alor mon ava demann tou Manm ki an faver pou lev lanmen.  Okenn Manm ki kont?  Madanm Clerk.

 

MADAM CLERK

Mersi Mr Speaker.  Mon rikord 13 Manm ki an faver e personn kont.  Mersi.

 

MR SPEAKER

Bon, savedir vot lo merit zeneral Appropriation Bill 2019 in pase e in ganny aprouvasyon Lasanble Nasyonal.  Madanm Clerk, nou kapab ganny en Formal Second Reading.

 

MADAM CLERK

Mersi Mr Speaker.  A Bill of an Act to provide for the service of The Republic of Seychelles for year ending December 31st of 2019.  Mersi Mr Speaker.

 

MR SPEAKER

Mersi Madam Clerk.  Bon, parey nou’n tonm dakor, nou pou pran en Break e apre ler nou retournen nou ava antre dan Staz Komite.  E nou ava komans al dan bann detay bann Bidze touzour anba gidans Minis avek son lekip – SS Payet, Mr Damien Thésee.

Wi.  Nou ava fer sa – nou ava pran en Break e nou ava retournen 10.30.

 

(BREAK)

 

MR SPEAKER

Bon, avan nou kontinyen nou travay, mon ti a kontan welcome Vis-Prezidan – Mr Vincent Meriton parmi nou.  Vis-Prezidan i akonpannyen par Mr Damien Thésee – PS pour Finans devan lo latab, Mrs Yvonia Richardson ki PS dan President’s Office, Mr Marcus William ki Acting Financial Controller dan President’s Office.  E lo kote Minister Finans, nou annan Ms Croisée, Ms Tamatave avek Ms Verghese parmi nou.  Ankor welcome Vis-Prezidan avek ou lekip.

Bon, zis avan nou komanse, mon’n mank en pti keksoz lo nou Order Paper bomaten.  Mon krwar ti en pti pe so mon kapab dir.  Mon ti pe esey tanporiz en pti pe lanvironnman.  Mon ava demann Madam Clerk pour go back lo Presentation of Paper.  E i ava fer prezantasyon sa papye la avek mwan.  Madam Clerk.

 

MADAM CLERK

So, Prezantasyon Papye ozordi pour nou Sitting, nou annan FIU Annual Report for the year ended December 31 of 2017.  E zis pour azoute Mr Speaker, ki rapor nou ti sirkile 2 semenn pase pour bann Manm.  Mersi.

 

MR SPEAKER

Mersi Madam Clerk.  Bon, ok.  Yes, Onorab Ramkalawan.

 

HON WAVEL RAMKALAWAN

Mr Speaker, mon ti ava kontan ki avan nou al dan Committee Stage, si ou donn mwan – avek permisyon pour mwan fer 2 pti pwen an relasyon avek travay ki ou pe al fer.

 

MR SPEAKER

Ok.  Go ahead Onorab.

 

HON WAVEL RAMKALAWAN

Mr Speaker, bomaten in annan 2 lanons ki Minis in fer.  E mon krwar ki nou bezwen pran li vreman serye.

Premyerman, Minis in anons avek nou ki STC in aste batiman Builders’ Depot – ki sa later ti pe ganny lease par Parti Lepep e ti annan en batiman lo la.  Zot in pran en desizyon pour aste sa pour lavaler R17milyon.  I en gro sonm.  E mon ti pou demande Mr Speaker, ki nou demann Oditer Zeneral ki i fer en lodit.  STC i tonm anba PEMC e PEMC i accountable direkteman avek nou Lasanble Nasyonal.

Alor dan en fason kler pour nou ganny byen egzakteman ki’n arive, si keksoz i anliny.  E koman Chairman FPAC, i nou responsabilite pour nou regard tou sa bann tranzaksyon ki arive.

Donk, mon ti ava kontan ki nou tonm dakor ki Oditer Zeneral i fer en lodit pour etablir bann tranzaksyon konsernan lavant oubyen bay later ki ti ganny lwe ek STC.  Sa i premye.

Dezyenmman – etablir si bann sif ki’n ganny kalkile in ganny fer dan gou – dan lentere Gouvernman.  E ki si i fer sans ekonomik sa tranzaksyon ki’n arive.  Akoz la nou pe koz larzan lepep Seselwa.  E nou pa la zis pour nou fer kado larzan Lepep Seselwa – sa i premye.

Dezyenmman Mr Speaker – Minis in dir avek nou ki sa bann sonm ki dan Presidential Emoluments ki koz lo end of term gratuity, ki Onorab Ferrari ti fer referans avek.  Savedir en sonm R6.585580milyon.  E sa i ganny trouve lo Seksyon 4 liv Bidze, lo paz( 1).  Minis in dekrir sa koman en anomalie.

En anomalie ki an 2019, zot pou pey Mr Danny Faure R1.411411milyon, Vis-Prezidan R1.148453milyon e avek plizyer Minis en sonm R4milyon – 4025716milyon.  In dekrir sa koman en anomalie.

Mr Speaker, sa mo anomalie i pa akseptab!  E mon pe met – mansyonn sa o komansman nou bann deliberasyon parski mon anvi fer kler ki poudir nou lo nou kote nou pa pou aksepte sa bann kalite keksoz.  Akoz?

Mr Speaker, dan Leta Lanasyon le 16 Fevriye 2016, Mr James Michel koman Prezidan ti dir sa bann parol swivan –

‘’Nou, Gouvernman Parti Lepep, nou swiv prensip ki’n toultan anim nou e soutenir nou.  Nou diriz par legzanp.  Se pour sa rezon ki komansman sa lannen dan Konsey Minis, nou’n pran desizyon ki ni Prezidan, ni Vis-Prezidan, ni Minis pa pou tous nou Gratwite sa lannen.  Sa i enn.

Prezan, (ekoute!)

 

(Off-Mic)

 

HON WAVEL RAMKALAWAN

Mr Speaker, Onorab Valmont ti pou fer byen si i ti aprann ekoute koman en zenn dimoun.

 

MR SPEAKER

Wi.  Ok.  Mon’n fer pozisyon tre, tre kler bomaten.  Ler en Manm i ganny laparol, silvouple annou respekte.  Kontinyen Onorab Ramkalawan.

 

HON WAVEL RAMKALAWAN

Mr Speaker, dan – le 13 Zanvye prezan.  E ekspre mon lir sa bout avan parski ti vin dan Leta Lanasyon apre ki Cabinet ti pran son desizyon.

Press Communiqué State House – Office of the President of the Republic of Seychelles: Cabinet Resolutions – Wednesday 13th January, 2016.  The President said that his Government’s first priority is the welfare of the people of Seychelles.  As a sign of solidarity with those most in need, the President, the Vice-President and all the Ministers agreed to ‘forego’ – ‘FOREGO’ their personal end of term gratuity payments due to them upon the end of their term in office on 19th December, 2015.’’ 

Sa sete en Cabinet Resolution.  I pa ti en anomalie.

Alor Mr Speaker, deswit mon pou dir ki sa statement ki Minis in fer i completely misleading!  Letan ou annan en drwa legal, ki zot ti annan anba Lalwa – ki zot in pran en desizyon to ‘FOREGO.’  An 2019 ou pa kapab retournen pour ou rod sa ki ou’n FOREGO!

Alor Mr Speaker, mon anvi dir avan nou antre dan Committee Stage, si i annan okenn bann sif ki petet in ganny kasyet isi laba – parske si Onorab Ferrari pa ti’n lev sa, i posib ki pa ti pou ganny eklersi sa.  Alor, si i annan okenn sif dan sa Bidze ki nou pe al komans regarde, ki nou devret konnen, ki pe ganny kasyet anba lezot keksoz, fer nou konnen!

Akoz deza la Mr Speaker, mon bezwen dir ki premye sif ki – Minis in dir nou i bezwen plis larzan pou komans pey bann travayer an Avril.  Mon anvi dir avek li, nou pou fer li en premye kado R6,585, 580.  Akoz sa end of term gratuity dan Bidze nou pou koupe!  Mersi bokou Mr Speaker.

 

(APPLAUSE)

 

MR SPEAKER

Mersi Onorab Ramkalawan.  Bon, mon a zis pran ou premye demann.  Mon ava liaise avek Lofis Madam Clerk e nou ava fer en let ofisyel pour nou anvoy kot Oditer Zeneral.  Ki sa demann ki ou’n fer koman Chair of FPAC e osi tou lo non Lasanble Nasyonal, ki Oditer Zeneral i ava fer sa bann travay e i ava retourn rezilta kot Lasanble.

Me petet mon pa konnen si sa tranzaksyon – akoz a en moman, mwan osi mon’n ganny en sok bomaten.  A en moman sa negosyasyon ti ankor pe ganny fer.  Me la nou’n aprann ki peyman in fini ganny fer.  So, mon pa konnen kwa ki byen la – si negosyasyon i ongoing oubyen si peyman in fini ganny fer.  Petet mon pa konnen si PS Thésee i annan okenn lenformasyon lo la.

E mwan on ti a dir, antretan ki Oditer Zeneral pe al fer sa investigation, ki sa tranzaksyon i ganny met on hold.  Akoz sa i en demann ki sorti kot Lasanble Nasyonal.  Mon pa konnen PS si oule eklersi nou lo la – sa tranzaksyon ant STC avek Parti Lepep.  Si ou okouran, PS Thésee.

 

PS DAMIEN THESEE

Bonzour Mr Speaker.  Parey Minis in anonse dan speech, sa propriyete in fini ganny aste pour sa lavaler larzan ki in nonmen.  E dernyen rent sete an Zen 2018.  So, lenformasyon ki nou, nou annan se ki in fini ganny aste.

So, kekfwa ki mon sizere, vi ki zot in sizer en odit pour get basically si sa valer ki’n vann, si zot anvi zistifye pour war ki R17milyon i actually vo.  Se sa mon krwar ki zot in demann Oditer Zeneral pou fer.  I a fer sa travay i ava donn nou e Lasanble basically zot outcome.  Se sa ki mon sizere petet.  Mersi.

 

MR SPEAKER

Mersi.  Ok.  Mersi PS.  Bon, Onorab Sebastien Pillay.

 

HON SEBSTIEN PILLAY

Mersi Mr Speaker.  Bonzour Mr Speaker.  Bonzour tou manm. Bonzour Vis-Prezidan.  Bonzour tou dimoun ki a lekout isi oubyen a leksteryer.

Mr Speaker, lo nou kote latab nou siport demann pou annan en lodit, an vi ki sa i konser Parti Lepep.  Mon krwar ki dan lentere latransparans tou dimoun i oule konn laverite.

Nou welcome i ki i ava annan en lodit e ki sa zafer i ava ganny met o kler.  E ki then personn pa ava fer okenn persepsyon negativ lo okenn dimoun.  So, nou napa okenn problenm avek okenn lodit.  Annefe nou siport demann pour en lodit.

 

MR SPEAKER

Mersi Onorab Pillay.  Bon, nou ava fer le neseser.  Yes Onorab Bernard Georges.

 

HON BERNARD GEORGES

Mersi Mr Speaker.  En pti pwen Mr Speaker.  En pti point of order – eski nou’n antre dan Staz Komite oubyen pa ankor?

 

MR SPEAKER

Non.  Mon konnen – mon konnen ou ti pe vin lo la.

Bon, nou pou rantre dan Staz Komite pour nou kapab komans nou travay.  Mon konnen lafason keksoz in vini mon’n otomatikman donn parol PS pour ganny sa pti leklersisman.

Mon ava demann Sergeant pour nou move Mace pour nou rantre dan Staz Komite.  E nou ava komans – PS se ou ki pou pran sa rol ki SS Payet ti pran lannen pase, pour ou gid nou lo bann seksyon, lo bann vot ki tonm anba President’s Office and Vice-President’s Office.

Bon, zis mon ava – avan mon donn PS laparol, mon anvi dir ki bann – tou bann Minis, CEO’S and all that ki pou vin devan Lasanble, pa pou bezwen fer lentrodiksyon.  Nou’n fini pas sa staz.

E mon ti a kontan osi tou bann Manm – parey mon’n dir yer, annou fer li dan en lespri ouver.  Annou fer li dan fason konstriktiv, kot nou pe al direkteman pour nou rod leklersisman – pour nou rod lenformasyon.

Moman fer statements nou’n fini depase.  Nou’n fer plizyer statements dan nou repons – annou al direkteman akoz nou anvi fer en travay ki bon.  E nou anvi fer en travay ki nou kapab fini, dizon fer lafen Novanm.  PS Thésee.

 

OFFICE OF THE PRESIDENT AND VICE-PRESIDENT

 

PS DAMIEN THESEE

Mersi Mr Speaker.  Dan gro liv basically, pour Estimates of Revenue and Expenditure, nou a ava Section 2 kot i met Program Performance-Based Budget Statements e paz 8 a 15, kot nou pou kouver Office of the President and Vice-President.

E apropriyasyon ki pe ganny rekomande i pour en sonm R78.873milyon.

 

MR SPEAKER

Mersi PS.  Okenn Manm ki annan kestyon lo Bidze pour Lofis Prezidan e Lofis Vis-Prezidan?  Onorab Ferrari.

 

HON JEAN-FRANCOIS FERRARI

Mersi.  Mersi Mr Speaker.  Mr Speaker, mon ti a kontan – menm si nou annan serten detay, i enportan pour piblik ganny sa lenformasyon.   Dan program 2 Executive Office – mon pe lir paz 9 la.  Mon remarke ki an 2017, ti annan 16milyon ki ti ganny allocate.  An 2018, ti bese – ti budget 15.4 me zot pa’n servi 15.4, zot in servi 15.2.

Me an 2019 – menm si an 2018 zot in servi mwens ki zot ti – en pti gin mwens ki zot ti sipoze servi, an 2019, zot pe demann nou 25.8milyon, ki plis ki 10milyon an plis ki lannen pase.  E sa se pour Executive Office dan Biro Prezidan.  Eski PS i kapab eksplik nou kote pe ale sa 10milyon silvouple?  Mersi.

 

MR SPEAKER

Mersi onorab Ferrari.  Bon, PS ou kapab reponn?  Oubyen touzour VP osi i la.  Oubyen PS responsab pour Lofis Prezidan, Mrs Richardson.  Ok, go ahead madam.

 

PS YVONIA RICHARDSON

Bonzour Mr Speaker, tou Onorab e tou dimoun ki la e ki pe ekoute.

Sa 10milyon an plis parey Onorab in dir, i reprezant larzan – sa larzan pour bann vwayaz an deor pei ki ganny fer.  Ki an mazorite sa 4 – i annan 4.5milyon ki si ou regard Bidze ki’n ganny revize pour 2018, i pa enkli sa 4.5milyon.  Sanmenm ou war li ladan – dan pour 2019.  Alors lo menm la sa 4.5 i monte.

Be selman i annan osi lezot sanzman ki anmenn pour sa 10milyon.  Par egzanp, lo – pour saler – lo bann konpansasyon, i annan 1.9milyon an plis ler ou regarde.  Sa i kouver – par egzanp, i annan bann basic pay pour bann laser debaz.  Bann post – i annan 986mil e sa i kouver bann nouvo dimoun ki ganny anploye, ‘confirmation in post,’ i annan transfer dimoun ki’n sorti par egzanp dan Cabinet ki’n al dan President’s Private Office.  I – sa i kouver pour sa bann basic pay.

I annan pour allowances, i annan confirmation in post and upgrading, i annan logmantasyon dan bann performance allowance – bann dimoun ki lo PSE, i annan housing allowance ki lontan ti pey an deor, prezan i pey lo pa – pou pey lo – i pey lo payroll.  I annan sa bann long service allowance ki Minis in anonse, scheme of service allowance, responsibility allowance.  Par egzanp nou Information Officer i pou tonm anba Private Office President.  So, annan allowance ki nou’n fer provizyon pour sa ladan.

Nou fer osi serten sanzman – par egzanp azisteman lo bann zafer overtime.  Dan lannen 2018, ler larzan ti ganny allocate – par egzanp, tou overtime ti ganny met anba Ladministrasyon.  Prezan pour sa lannen, nou pe met li anba son bann vot ki i devret ete.  So, se sa – i annan en 252mil ki pe ganny met anba sa progranm, ki pe sorti anba Ladministrasyon.  Sa an tou i fer sa 10.1milyon.

 

MR SPEAKER

Mersi Mrs Richardson.  Onorab Ferrari.

 

HON JEAN-FRANCOIS FERRARI

Mersi madanm.  Madanm, mon – kekfwa si PS i kapab gid mwan dan bann detay ‘’goods and services,’’ kot mon pou war en pe sa bann lesplikasyon ki Mrs Richardson in donn nou.

Me antretan, Mrs Richardson in dir nou poudir – in eksplik nou poudir in annan serten mouvman ant bann biro.  For example – from Cabinet Office to Executive Office eksetera.  Me mwan mon war otan ki Executive Office in ogmant par 10milyon, Cabinet Office li osi in double – pour 3.4 pou al 6.7.

So, mon pe sey konpran si i annan travayer ki’n sorti dan Cabinet Office in al dan Executive Office, ti devret annan en bes.  Eski in annan in a 2-way traffic sa?  Eski in annan lezot ki’n antre dan Cabinet Office?  Akoz mon mazinen Mrs Richardson i ava konpran mwan ler mon pe lev sa bann pwen.

Se ki one plus one i egal de.  Si nou tir li en landrwa nou met li dan en lot landrwa, fodre kot nou’n tire i mwens.  Be la war tou le 2 pe kontinyen ogmante.  E ki an total, nou pe ganny – dan plas annan 63milyon, nou annan 78milyon.  Donk, 15milyon ki’n ogmante.

 

MR SPEAKER

Wi.  Ok. nou ava donn.

 

HON JEAN-FRANCOIS FERRARI

I enportan pour ou Mrs Richardson dir mwan kote mon pou war sa bann lenformasyon.  Par egzanp, housing allowance – kote mon pou war sa?  Foreign Travel by the President – kote mon pou war sa?  Eski i konsern zis Prezidan?  Akoz nou annan serten lenkyetid nou.  Nou annan lenkyetid – par egzanp, semenn pase Prezidan in al Paris, nou’n – nou tou ki la nou’n veye lo televizyon.  Nou’n war Mr Trump, nou’n war msye lot – nou’n war tou sa bann dimoun pase.  Nou pa’n war Prezidan Faure.

 

MR SPEAKER

Non.  Non – Onorab. Ok.

 

HON JEAN-FRANCOIS FERRARI

E i normal ki nou…

 

MR SPEAKER

Ok.

 

HON JEAN-FRANCOIS FERRARI

…ler nou pey pour en trip koumsa, nou sey rode kote nou Prezidan in asize, kote i ete.  Be si nou pa war, nou lev sa kestyon.  So, mon ti a kapab…

 

MR SPEAKER

Ok.  ok.  Yes.  Onorab, ou pwen…

 

(Interruption)

 

MR SPEAKER

Bon.  Non, Onorab Arissol!  Onorab Arissol!  I annan en lesanz ant onorab Ramkalawan atraver mwan, Onorab Valmont.  Napa pour ou rantre ladan.  Ok.

Bon, annou tenir.  Nou annan en problenm letan lo nou lanmen, annou tenir ki nou fer keksoz.  E Onorab Ferrari, annou fer li pli presi.  Mon krwar Mrs Richardson i ganny ou pwen.

 

HON JEAN-FRANCOIS FERRARI

Diriz mwan Mrs Richardson.

 

MR SPEAKER

Wi.

 

HON JEAN-FRANCOIS FERRARI

Kote mon pou gete pour mwan vwar sa bann detay?  Mersi.

 

MR SPEAKER

Wi.  PS oule entervenir avan?  Non.  Mrs Richardson, apre PS.  Mrs Richardson.

 

PS YVONIA RICHARDSON

Mersi Mr Speaker.  Mersi onorab.  Petet sa ki mon’n eksplik ou, mon’n koz en pti pe plis lo konpansasyon pour employees.  Mon pa al tro dan bann lezot ‘’goods and services.’’  Se sa petet ou pa’n tro konpran mwan.  Wi – mon a pran ankor sanmenm sa pour Presidential la, en?  Sa Executive.

        Sa ki mon’n koz lo la se bann sanzman.  I annan zis en pozisyon ki’n sorti anba Cabinet ki’n al anba Executive.  E sa i ganny reprezante dan sa 1.9milyon.  Apre i annan lezot depans ankor.

Si mon swiv ankor anba Presidential, i annan kot par egzanp, Hospitality – mon pou al bann ki en pti pe pli gro sonm.  ‘Hospitality’ – nou’n ogmant li avek 1.1milyon.  Sa se akoz nou annan bokou plis events ki nou fer.  I annan en kantite events ki nou fer, alors nou bezwen ogmant larzan dan ‘Hospitality.’

Apre nou annan ‘Official Gifts.’  ‘Official Gifts,’ nou’n ogmant li by 280mil.  Sa 280mil la i – nou ti annan larzan anba Ladministrasyon.  Ti annan larzan kit i pour Official Gifts anba Ladministrasyon.  Ladministrasyon pa depans larzan Official Gifts li, prezan nou’n transfer.

Nou bi ler nou’n fer sa Bidze sa voyaz la, nou’n get byen dan Ladministrasyon bann keksoz ki pa relevan avek Ladministrasyon, nou’n met li anba son bann vot relevan.  E sa enn Official Gifts i enn sa bann sanzman ki nou’n fer.

Par egzanp Stationery osi tou pli ba, nou annan en logmantasyon 272.  Ler nou get nou konsonpsyon – consumption stationery.  Par egzanp bann invitation cards, i nou war ki nou’n pey sa kantite – plis pour Presidential ki nou’n – ki ti la e nou’n tir li anba Ladministrasyon.  Savedir sa osi nou’n transfer en pe larzan, nou’n met ladan pou kouver zot consumption.

Pli lwen – ‘’Transportation and Travel Cost’’.  La osi tou i annan en logmantasyon 777mil.  Ladan nou’n met – i annan en logmantasyon par egzanp, pour Domestic Airfares.  Domestic Airfares – Prezidan i fer bokou plis travel dan bann outer island konmela – dan bann zil.  So, nou bezwen met en pe plis larzan ladan.  Sanmenm nou’n met 598mil.  E osi – sa osi tou nou’n ogmante akoz i annan bann ferry fares, bann bis, enn lezot – i menm zafer.

Apre subsistence osi tou i ogmante akoz sa osi tou i pour sa bann travel.  Sa subsistence i ogmante par 179mil.  Ok.  Apre mon ti al kot ‘’other goods and services’’, kot i annan sa 4,500 pour travel ki ladan i tonbe.  I annan rediksyon lo rents.  I annan en rediksyon 139mil lo rents akoz nou pe sey aste en pe bann lekipman.  Ok.   I annan sa 4, 500.

Apre i annan ‘’minor capital.’’  Nou’n demann 1.2milyon – sa pour en minivan avek en loto pour en Minis.  Sa i kouver.

 

MR SPEAKER

Alright.  Nou ava donn PS laparol – PS Thésee.

 

PS DAMIEN THESEE

Mersi Mr Speaker.  Petet pour repran kestyon Onorab.  Liv Bidze ki nou prezante basically i pou donn ou son manda e stratezi lobzektiv sa Lorganizasyon.

Vandredi nou ti share line items.  Ou pou napa line items – nou’n share line items avek Lasanble.  Mon pa konnen si tou Manm petet i annan.  Se sa kot ou…

 

(Off-mic)

 

PS DAMIEN THESEE

Nou’n share line items budget avek Lasanble Vandredi.  Se sa ki pou donn ou detay kote sa bann larzan i ete – dan son ‘’Transportation,’’ ‘’Office Expenses’’ ek ‘’Otherwise.’’

Si nou pran paz 9 lo sa liv Bidze, nou pou war 2018, Bidze ti 79milyon – 79.8, son revised in vin 63milyon.  E an 2019 i tourn 78milyon.  Nou a rapel ki lannen pase, nou ti freeze 13.5milyon apepre pour ‘security’.  Savedir sanmenm sa ki fer li desann an revised 2018.  Pour 19, only 3.6 ki pe retain pour sekirite.

Me par kont, ki nou’n fer?  ‘’Overseas Travel’’ li i ti abitye feature koman ‘’other goods and services’’ li.  I ti abitye apepre 12 a 16milyon ‘’other goods.’’  Avek PPB, ki nou pe fer?  Nou pe clean up sa bann basically Line Items ki ti pe ganny montre lezot landrwa, nou met li anba son portfolio respektiv.

So, i annan 16milyon prezan ki antre as ‘’Overseas Travel Expenses’’ anba Biro Prezidan pour 2019.  So, i sort of net off pour Prezidan, pour VP, pour Ministers ek bann PS akoz sa ou bezwen approval State House avan.  So, sanmenm sa ou war li i go back to 78.

Me si ou pran ou summary prezan – si ou pran sa summary ki pou donn – mon a donn zot paz.  Lo paz 31, kot i met ‘’overseas travel’’, zot pou war 2018 i annan 15.7.  Me solman 2019 napa any sonm akoz nou’n tir la, nou’n met li anba son portfolio respektiv.  Mon pa konnen si i reponn kestyon Mr Speaker.  Mersi.

 

(Off-mic)

 

MR SPEAKER

Alright.  Nou ava pran en lot kestyon.  Onorab Stephen Pillay.

 

HON STEPHEN PILLAY

Mersi Mr Speaker.  Bonzour Vis-Prezidan ek ou delegasyon.  Mr Speaker, en bout lo sa – zis premyerman en pti komanter lo sa ‘’overseas travel.’’  Mon krwar Prezidan i devret regarde – 1.3milyon par mwan, i en pe excessive.  Si i kapab regarde pour koup en pe.

Epi mon oule demann konbyen Lofis Prezidan in fer savings ler in transfer Poverty Alleviation pou sorti pour al kot Family Affairs?  Epi en pe plis detay lo Sekirite avek Ranforsman dan Biro Prezidan.

Mr Speaker, kekfwa PS i kapab donn mwan en pe detay lo la.  Mon pa tro konpran ki mannyer ler ti anvoy son Mid-year Review, depans pour Lofis Prezidan ti apepre R31milyon anba – si ou mazin premye 6mwan avek 2enm 6mwan, i pou pa apepre R31milyon diferans.  Akoz sa ki premye 6mwan i mwens ki sa dernyen 6mwan?  Mersi Mr Speaker.

 

MR SPEAKER

Mersi Onorab Pillay.  Mrs Richardson, oule pran oubyen PS Thésee?  Ale Mrs Richardson.  PS Thésee.

 

PS DAMIEN THESEE

Mersi.  Lo kestyon Poverty Alleviation – korek.  Ou pou war in sorti anba Biro Prezidan e pou feature anba Family Affairs.  Ok.  So, I suppose sa ti en statement.

E 2nm lo Mid-year Review – akoz en Minister i pa pou depans son larzan egal tou le mwan li.  Nou nepli apportion Bidze par mwan.  Ki nou fer?  Tou Minister i submit en cash-flow.  Savedir i donn son requirement larzan ki li i bezwen tou le mwan.

Akoz par egzanp i annan depans ki ou fer li in lump sums.  Si ou pe aste en loto, ou pa kapab diviz li by 12.  Ou bezwen met li sa mwan ki ou pe al mete.  E sa i ed nou pou ler nou pe al rod larzan, basically akoz i annan mis-match ant nou reveni ek depans.

Si nou pou al lo – pe al rod Treasury Bills, i ed nou pour nou forecast at least en right balans dan nou kont.  So, sanmenm sa i pa pou neseserman tou kou ki ou annan provizyon egal as of mid-year ki’n depans lanmwatye.

I kapab annan depans ki in egzekit pli boner oubyen in egzekit pli tar.  Mon a les Mrs Richardson petet reponn sa 2 lezot kestyon lo Travel.

 

MR SPEAKER

Mrs Richardson.

 

PS YVONIA RICHARDSON

Mersi.  Pour Travel ou pe – Onorab, ou pe dir ki – ki’n allocate 4.5milyon pour Prezidan.  Ou pe demande ki i redwir?

 

(Off-Mic)

 

PS YVONIA RICHARDSON

Wi.  An tou total i annan 16milyon.  Dan sa 16milyon i annan 4.5 ki tonm anba pour President – pour Prezidan ek son delegasyon letan i travel.  Apre i annan 8milyon ki kouver tou bann Sekreter Prensipal ek bann Egzekitiv – Chief Executive Officer letan zot travel.  Apre i annan 3.5 ki kouver pour bann Minis.  An tou la i fer sa 16milyon.

Selman zot pou tonm anba diferan progranm.  Sa 4.5 i tonm anba pour Executive President.  Sa 8milyon i tonm anba progranm Ladministrasyon e sa 3.5 ki tonm anba Cabinet.  I pa tonm tou ansanm.

 

MR SPEAKER

Ok.  Mersi Mrs Richardson.  Onorab Pillay.

 

HON STEPHEN PILLAY

Mersi Mr Speaker.  PS Thésée, ler ou pe dir poudir wi, i annan depans ki i fer lo dezyenm mid-year, me lenkyetid ki gannyen se zot tenir premye 6mwan epi zot al rode pou fer savings. Parey lannen pase mon ti dir, savings i tourn dan Consolidated Fund.  Pa al aste bis, fer depans – ki ar, mon’n fer savings, prezan mon annan tan larzan reste.  Sa ki lerer i vini.

Akoz mwan si i koumsa, nou kapab sizere ki nou koup sa 31milyon apepre lo Bidze.  E mid-year ler nou vini – ou vin avek Supplementary Budget e ou zistifye ki ou pe al fer ek sa dernyen 6mwan.  En loto – parey ou pe dir ou pe aste, ou pa kapab fer savings lo premye 6mwan, epi dir ar mon annan ase larzan pour mwan aste en valiz lenz pour mwan al avek Dubai.

Konmsi ler ou vini pour dezyenm mwan – dezyenm 6mwan, ler ou fer ou review, vin avek en Supplementary Budget parey ou ti fer dernyen kou.  Ki fason ki nou a kapab debat lo la, zistifye – nou pa pe dir pa pou zistifye nou.  Be vini dir nou ki ou pe al fer avek.  Mersi Mr Speaker.

 

MR SPEAKER

Mersi Onorab.  PS

 

PS DAMIEN THESEE

Mersi Mr Speaker.  Petet parey zot konnen, en Bidze i en plan-d-aksyon pour en lannen.  So, ou fer li en legzersis pour en lannen – pa vreman 2.  E tou aktivite ki ganny prevwar par Minister, ou donn li son alokasyon Bidze dapre larzan ki ou annan dan pos.  So, natirelman sanmenm sa nou fer Mid-year Review.

Mid-year Review i allow nou pou war kote ki – i pa neseserman savings as such.  Akoz i sipoze fer en keksoz avek me solman kekfwa i annan bann rezon, kekfwa i annan delay.  Par egzanp ou konnen recruitment ou annan issue kapasite.  Ou pou annan delay tou kou.  Sa tou le lannen nou pou annan.

So, la nou vwar si sa Minister i annan sa bann sonm ki pa’n depanse.  Sanmenm sa nou fer budget cut.  Dan nou mid-year exercise, letan ou war nou’n soumet larzan pou fer budget cut, ki anpes sa Minister dan en sans gaspiy sa larzan pour al fer en lot keksoz avek.  So, nou, nou annan – nou atraver Cabinet of Ministers i annan sort of en kontrol lo la.  Unless i en priyorite pour li re-allocate son larzan.  Nou sipoze donn li en serten fleksibilite osi pour li operate, pa tro kontrol li.

So, i annan mwayen mezir ki nou sirvey Minister.  So, i pa pou vreman apropriye pour nou vin refer en lot Supplementary pour en 6mwan.  I pa vreman la baz ki mannyer en Bidze i marse.  Mersi.

 

MR SPEAKER

Ok.  Mersi.  Mersi PS.  Onorab Afif.

 

HON AHMED AFIF

Mersi Mr ChairBonzour Vis-Prezidan.  Bonzour tou bann Manm.  Bonzour tou dimoun a lekout.  Mr Chair mon kestyon i baze lo paz 9 dan sa gro liv anba ‘’other uses of goods and services, ‘en pe pli kot nou vwar 2018 ti 15.6milyon, i vin 27milyon.  Mon kestyon spesifik i annan 2.

Premyerman, ler mon al an detay sa ‘’other uses of goods and services’’ e lo detay ki mon pa konnen ki mannyer ou fer referans avek.  Lo sa premye paz sa file ki zot ti donn nou, i annan anba ‘’Goods and Service’’ pour Consumables en sonm R428milyon ki zot in fer estimen – R428mil pour 2018.

Me pour 2019, i R2.9milyon – preski 7 fwa sa kantite.  Ler nou konnen anba Biro Prezidan zot in retir APDAR e zot in tir Departman Foreign Affairs anba zotAlor, mon pa konpran akoz Consumables olye desann, i monte – sa premye.

E dezyenmman, ler ou al lo Landscaping – li in sorti R958mil pour vin R1.27milyon.  Alor, li osi on pa konpran kwa ki’n ogmante anba Landscape ki fer li mont sa kantite.  Alor, mon ti a kontan en lesplikasyon silvouple lo sa 2 item.

 

MR SPEAKER

Mersi Onorab Afif.  Mrs Richardson.

 

PS YVONIA RICHARDSON

Mersi Mr Speaker.  Mersi Onorab.  Mon pou pran sa enn ki mon’n war premye – sa Landscape, sa 958 avek sa 1.7, i fer en sonm an plis 746mil.  Sa nou oule fer – nou oule aranz en pti pe zarden State House.  Pour le moman i annan – konmsi i bezwen en bon pe re-aranze, refer li byen koman en zoli zarden.

State House son zarden i parey en sort of – nou – parey en history museum, ou konnen?  Alors nou oule aranz li, fer li byen.  Nou war konmsi i annan en kantite keksoz ki bezwen fer avek.  So, nou’n met en pe larzan ladan.  Nou’n met apepre 1milyon – si ou gete, an plis pour nou refer sa.

Ki nou an – nou lentansyon?  Se pour lannen prosen, partaz en pti in, gete si nou kapab ganny en pe bann pti kontrakter ki nou annan – bann ki fer bann beautification.  Fer en pe Kontra, gete si nou kapab ganny zot, sakenn i kapab – nou kapab partaz mannyer zarden i ganny maintain – aranze, fer li vin pli zoli.

Pour le moman la nou annan National Botanical Garden ki pe fer.  Zot napa ase staff, zot pe fer zot mye, zot pe fer byen.  Me selman i mank en kantite.  Nou zarden i annan en kantite louvraz i bezwen ganny fer lo la.  Mon oule aranz li byen pour fer vin en zoli zarden State House.  So, nou oule – se sa nou pe met en pe plis larzan ladan.

Apre lot – apre kot Hospitality, kot Consumables.  Ki nou’n fer pour Hospitality?  I annan – anba Hospitality nou pran li parey letan ou host – Prezidan i host bann diferan event.  Be dan sa Hospitality vote i annan en kantite keksoz ki consumable si oule.  Prezan tou sa bann – par egzanp bann meetings ki ganny fer State House.  Preski toulezour i annan 3, 4 meeting ki ganny fer.  E dan sa bann meeting nou depans en kantite dan term fer dite, fer kafe, bann keksoz koumsa.  So, nou pa met li anba Hospitality as such, nou tir bann bout ki consumable, nou’n met li anba Consumables.  I zis en matter transfer en pe larzan, tir li koman Hospitality, met li anba Consumables pou kouver sa bann depans ki pli reprezantab konmsi – reprezantan konmsi.

 

MR SPEAKER

Mersi Mrs Richardson.  Onorab Flory Larue.

 

HON FLORY LARUE

Mersi Mr Speaker.  Bonzour tou dimoun.  Mon ti a kontan demande osi lo sa figure pour travel.  Letan ou gete, sa i 20poursan Bidze President and Vice-President’s Office pour travel.  Mon krwar nou merit en pe plis lesplikasyon – ki bann proposed travel ki account to sa amount?  Akoz parey i pe dir, i plis ki 1.3milyon per month for travelling from these office.  E mon krwar i en pe excessive.  Mersi.

 

MR SPEAKER

Mersi Onorab.  Mon krwar PS Richardson in donn en pti pe lenformasyon.  Me i touzour – i ok.  PS ou a kapab eklersi Onorab Larue ankor.

 

PS YVONIA RICHARDSON

Mersi Mr Speaker.  Dan sa – ou pe koz, ou pe demann sa enn pour 4.5 ou?  Oubyen an zeneral?

 

MR SPEAKER

The whole amount.

 

PS YVONIA RICHARDSON

An zeneral?

 

MR SPEAKER

Wi an zeneral.

 

PS YVONIA RICHARDSON

Pour lannen prosen nou pe demande – in fact – annefe nou’n fini demann tou Lorganizasyon pour donn nou zot travel requirement pour 2019.  E nou pe pran bann ki mandatwar.  Nou pou – ler nou – mon’n fini gannyen aktyelman bann ki mandatwar pour nou sey fer mannyer pour nou nabou koupe lo sa bann depans travel.  En mannyer ki nou ava bann mandatwar ki nou ava fund pour sa.  Apre bann ki petet nou pou war ki nou kapab evite, nou kapab ava fer.

 

MR SPEAKER

Ok.  Mersi PS.  Onorab Larue.

 

HON FLORY LARUE

Mersi Mr Speaker.  Mersi PS.  I still pa kler.  Si ou pe dir ki sa Bidze 16milyon, zis 4.5milyon ki pour President’s Office e larestan i pour bann lezot CEO, bann lezot – konmsi mon pa pe konpran ki mannyer sa i tonm anba The President’s Office pour sa allocation.

 

MR SPEAKER

Ok.  PS try…

 

HON FLORY LARUE

Si ou pe kontinyelman go back to 4.5million for the President, what about the rest then?  What does it cover?

 

MR SPEAKER

PS Richardson.  Yes PSgo ahead.

 

PS YVONIA RICHARDSON

Mersi.  Wi – sa 4.5 i pour Prezidan, i annan 8milyon ki pour bann PS ek bann CEOs, apre i annan 3.5 ki pour bann Minis.  Zot tou zot pou pe donn zot bann travel ki mandatwar.  E bann PS zot bezwen – dapre bann sirkiler administratif, zot bezwen demann approval sorti kot President’s Office pour zot travel.

 

MR SPEAKER

Petet PS Thésee, ou kapab eklersi sa.  Mon vwar en pti pe konfizyon ki mannyer PS en lot Minister, son travelling expenses i tonm anba Bidze President’s Office.  PS Thésee.

 

P S DAMIEN THESEE

Mersi Mr Speaker.  Ki arive?  Tou Minis, tou Sekreter Prensipal, tou Sef Egzekitiv i bezwen permisyon President’s Office basically, ou menm Prezidan avan i travel.  They cannot zot menm zot travel.

So, en staff ordiner pou demann permisyon son PS avan i travel liBe bann PSs’zot bann travel i ganny kontrole by State House.  So, zot bezwen anvoy en Request Form pour en travel, ki State House i ava aprouve.  La State House i a fer sa laspe administratif pour zot.  I rod – i shop around pour the airfares, i pey zot, zot per diemSo, se pour kwa ou war tou sa larzan i ganny mete avek sa minister.

E i annan parey PS Richardson in dir, tou Minister i soumet – depi e pe lannen la, i soumet son bann lalis bann travel ofisyel ki zot bezwen fer.  Par egzanp Minister Finans mon kapab donn ou en legzanp.  Nou annan tou le lannen bann annual meetings IMF ek World Bank ki nou bezwen attend, so sa i feature lo la.  Nou bezwen attend meeting nou bann partner parey ADB e alor se pour kwa sa lalis ki nou anvoy President’s Office.  E pour kote – si Minis ek PS pe travel, nou pou anvoye pour peye.

E si ou get the trend over the years, nou pou vwar ki i along the same amount total pour Overseas Travel pour Prezidan, PS, Minis.  I pou ogmante relatively over the years, me solman i apepre sa menm sonm.  Mersi.

 

MR SPEAKER

Mersi PS.  Onorab Larue.

 

HON FLORY LARUE

Mersi bokou Mr Speaker.  Me selman savedir letan nou pe get pour Overseas Travel dan bann lezot Ministries, i pour en lot allocation pour Overseas Travel, i pa parey?  Ok, nou a sey konpran.  Mersi.

 

MR SPEAKER

Ok. Mersi Onorab.  Onorab Terence Mondon

 

HON TERENCE MONDON

Mersi Mr Speaker.  Mon annan 2 pti kestyon.  Mon premye kestyon i relye avek – lo zot paz 8 sa gro liv ler zot koz lo zot bann defi.  Enn zot bann defi se, high cost of outsourcing avek hiring for events.  Aprezan mon pe sey relye avek bann items ki’n ganny prezante avek nou.  Mon anvi konnen – mon pa war sa hiring of – for events and outsourcing lekel bann cost items la ki asosye avek sa outsourcing ki zot pe koz lo la – konbyen i amount to?

E dezyenmman, mon anvi konnen si – mon konpran sa legzersis, zot in fer sa mouvman, eksetera, zot pe reorganize.  Eski mon kapab ganny en garanti poudir sa legzersis i pe konplete?  Akoz sa bann mouvman i fer li en pe difisil pour nou swiv.  Eski lannen prosenn i pou’n fini annord?  Kot nou pa pou war sa bann mouvman – zot air cost item i inflate akoz lot i transfer laba eksetera.

Mon anvi konnen si in fini met lord dan sa – dan zot bann cost figures pou fer sir ki nou kapab swiv pli byen lannen prosenn.  Selman mon kestyon pertinan se mon anvi konnen konbyen i kout zot pour outsourcing, hiring?  Pour mwan kapab relye li avek sa bann depans ki zot in donnen.  Mersi.

 

MR SPEAKER

Mersi Onorab Mondon.  PS Richardson.

 

PS YVONIA RICHARDSON

Mersi Mr Speaker.  Mersi Onorab.  Pour sa bann events nou lwe en kantite – se sa ki nou dir nou lwe en kantite bann keksoz pour bann events.  Par egzanp letan nou fer bann gro, gro aktivite – parey Senior Citizens, nou bezwen lwe latab, sez, bann keksoz koumsa.  Nou bezwen le latant pour nou fer sa bann keksoz.

Bann gro aktivite parey sa enn, nou pa pou kapab koup tou pour nou sir State House nou pou aste tou sa bann lekipman oubyen tou sa bann furniture – nou pa pou kapab.  Nou pou aste serten furniture ki nou’n fer provizyon ladan.  Mon – dan – i anba ‘’minor capital’’ wi, nou’n fer serten provizyon pour nou aste en pe.  Par egzanp en pe sez.

Nou menm lwe serten keksoz parey bann tapi latab.  En pe sa bann pti keksoz koumsa, nou pou koupe, nou pou aste pour nou ava annan nou own stok.  Be selman nou pa pe kapab koup li an gran kantite pour sa.  Nou pou kontinyen savedir, lwe sa bann keksoz pour bann gro aktivite.

 

MR SPEAKER

Mersi PS.  Onorab Mondon.

 

HON TERENCE MONDON

Mersi Mr Speaker.  Mon ti anvi konnen si i kapab donn nou en sif – konbyen i amount to pour lannen pour sa bann levennman ki zot lwe?  Si zot kapab donn nou en sif please.

 

MR SPEAKER

Mersi Onorab.  PS Richardson.

 

PS YVONIA RICHARDSON

Mersi Mr Speaker.  I tonm – sa bann depans la, nou’n met li i tonm anba bann Hospitality.  So, si mon pou rod Hospitality en pti kou – nou annan 2.9milyon ki nou’n fer provizyon pour 2019.  E sa i pou kouver pour sa bann keksoz ki ou – ki nou pe demande.  I diferan – nou annan bann detay ki mon kapab rode, par egzanp pour diferan aktivite.

Par egzanp nou pou annan Senior citizens, nou pou annan Nativity ki nou fer, i annan bann cocktail ki Prezidan i host pour bann Lanbasader, i annan bann Dignitaries ki letan zot vini – i diferan – nou’n pran tou nou’n met tou ansanm.  Nou’n fer en serten costing pour dan lannen konbyen apepre.  E tou letan nou’n met tou ansanm i ariv sa.

 

MR SPEAKER

Mersi PS.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair, mon ti a kontan demann Mrs Richardson – an relasyon ek bann staff State House, nou vwar i annan bokou ki bezwen la ek sa bann aktivite ziska ler i fini ziska tar.  Eski i annan en provizyon overtime oubyen allowances pour zot an relasyon avek adisyonnel fonksyon ki zot annan pour zot fer ler i annan bann aktivite, sirtou ki State House i bezwen host – oubyen?  Akoz given nature sa Lofis.  Mersi.

 

MR SPEAKER

Mersi Onorab Pillay.  PS.

 

PS YVONIA RICHARDSON

Mersi Mr Speaker.  Mersi Onorab.  Wi nou bann dimoun, sirtou sa ki okip bann zafer Events – nou bann housekeepers, zot ganny en commuted overtime pour letan zot travay apre ler.  Zot ganny inducement allowance osi tou pour motiv zot en pti pe pou donn sa bann servis.

 

MR SPEAKER

Mersi PS.  Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker, kestyon ki mon anvi demande i lo – letan mon pe get breakdown dan ‘’goods and services’’, bann diferan alokasyon ki’n ganny mete.  Sa ki mon note se ki bann sif – dizon apartir 2019, 20/ 21, si i pa ogmante i toultan konsistan.  Nou pa war vreman en rediksyon.

So, sa ki mon anvi dir – demande, plan Lofis Prezidan pour zisteman, set en legzanp dan Gouvernman kot i kapab redwir son bann depans dan bann lannen ki pe vini.  Akoz par egzanp si i annan bann levennman ki zot pe organiz toultan, ou pe outsource preski dir avek bann menm dimoun.  So, lefet ki nou pe donn ou biznes over a period of time, mon pe ekspekte ki detanzantan ou redwir en kou mon – sa ki ou sarz mwan.  Ouswa ou konnen ki bor ou pou al procure ki pou en pe pli bon marse.

So, mon pa war sa zefor pour aktyelman koupe.  Letan dan lepase ki nou’n tann Gouvernman par egzanp koz lo nesesite redwir dan kou voyaz aletranze par en serten poursantaz, redwir kou telefonn, internet, depans lo karbiran avek loto lwe.  So, mon anvi vwar kwa dan sa Bidze la, kote zot in fer sa zefor?  Mersi.

 

MR SPEAKER

Mersi Onorab.  PS.

 

PS YVONIA RICHARDSON

Mersi Mr Speaker.  Mersi Onorab.  Nou’n annan de – aktyelman nou’n ogmant bann aktivite ki ganny fer.  So, iler – menm si ou war nou depans i pa’n ogmante, be selman aktivite ki ganny fer i ogmante.  Savedir an gro i redwir li son cost.  Ki nou pe fer?

I annan serten kontrakter ki nou pran pou fer serten keksoz kot – dan Lofis Prezidan.  Nou pe negosye nou.  Ler nou refer Kontra, nou pou esey fer mannyer pour nou kapab – pou ganny pri pli bon marse.  Be selman osi, i pa desann net akoz nou ogmant nou kantite aktivite ki nou fer.

Si nou ti reste lo menm kantite aktivite selman nou pe depans menm larzan.  Konmsi nou ti ava dir i pa pe desann.  Me ler nou pe depans sa bann – sa menm kantite larzan, selman nou pe fer plis aktivite, an gro i desann.

 

MR SPEAKER

Ok.  Mersi PS.  Onorab Henrie.

 

HON GERVAIS HENRIE

Mersi Mr Chair.  Repons ki mon’n gannyen, mon pa satisfe.  Akoz par egzanp si mon pou get zot depans lo delo ouswa internet ouswa telefonn enternasyonal, telefonn lokal, rental, liniform – sa ki mon pe koz lo la.  Se ki, menm si ou fer aktivite, ou bezwen kalkile poudir – be swa nou envit mwens dimoun ouswa sa aktivite vreman fodre nou fer?  Kote nou pou koupe?

Par egzanp lo kestyon delo, zot ti kapab dir mwan poudir – be nou pe fer en pe rain harvestings anler State House.  Ouswa nou pou met bann zafer fotovoltaik pour nou koup – konmsi State House lead by example.  Akoz Gouvernman in deza promet ki i pou sey koup bann serten depans o fir ki lannen i ale.  Mersi.

 

MR SPEAKER

Mersi Onorab.  PS Thésee.

 

PS DAMIEN THESEE

Mersi Mr Speaker.  Mon krwar kestyon i pou aplik pour preski tou Minister.  Akoz ler bann Minister i vin devan pour soumet en Bidze, nou donn li en ceiling.  E li i bezwen basically fit son bann requirements dan sa ceiling.  E nou pou demann li bann menm kestyon pour ensure i pe fer bann cost saving measures, ki napa gaspiyaz e ki i pe rod alternatif pour basically fund nouvo progranm, nouvo Polisi par tir bann ki kekfwa nepli la.

So, i pa neseserman ki tou kou ou pou neseserman war en bes dan Bidze.  Ou bezwen pran konsiderasyon ki bokou Kontra ki ler i ganny renouvle parey en saler, i pe demann ou en logmantasyon dan son Kontra.  So, it’s market driven e sa bann lakonpannyen ki pe donn ou sa bann servis ki ou pe outsource ki pe vreman determinen.  Ou annan sa relasyon ki ou’n build ek zot – wi, ki ede.  Me selman ou pa vreman annan en kontrol.

So, i pa tro realistic pour nou dir nou pou war en bes tou le lannen.  E nou bann medium term figures si ou war, i ase rough la akoz nou pa ankor build kapasite vreman pour nou fer medium term projections ase byen.  So, i ankor pe baze en pe lo trend ki nou, nou krwar i pou annan lannen prosenn.  So, i pou improve dan bann lannen ki pe vini.  So, sa bann issue lo utilities i en keksoz ki touzour la.

E mon krwar nou tighten Minister bokou fwa kot nou, nou war fodre.  Si fodre nou get konsonpsyon pandan lannen nou war pe monte pandan mid-year, nou kosyonn zot.  Zot bezwen rod fason pour zot cater sa through internal virement.  Nou pa zanmen come for Supplementary plizoumwen si ou war, pour bann keksoz parey utilities.  Nou tant pou fer zot as much as possible vire ki zot kapab go back.

So, i annan repriz ki nou pran.  So, i en pe challenging vreman pour ekspekte war en bes dan Bidze en Lorganizasyon, espesyalman si ou pe evolye, ou pe donn li nouvo fonksyon, nouvo manda pour li fer.  E sirtou parey dan son ka pour li, son bann aktivite ki pe ogmante.  Mersi.

 

MR SPEAKER

Mersi PS Thésee.  Dernyen kestyon, Onorab Ramkalawan.

 

HON WAVEL RAMKALAWAN

Mr Chairman, mersi bokou.  Mr Chairman, mwan mon’n ekout tou sa bann lesplikasyon e mon retourn ankor lo sa – lo paz 9.  Sa logmantasyon sorti 15milyon pou vin 25milyon lo P2 – Executive Office.  E apre zis par anba li, Cabinet Office pou sorti 3.4 pour vin 6.7.  Mr Speaker, mwan mon ti pou anvi en pe detay.  Parski zis pour nou dir pou annan staff ki pou isi, ki pou bouz laba, i bezwen annan bann – i bezwen annan detay lekel sa bann staff ki pe sorti tel landrwa pou al tel landrwa ensidswit.

Mon ti pou kontan ganny en detay lo la.  Parski pour le moman la mon – personnelman mon pa – mon santi pou dir sa leklersisman pa ankor byen.  Parski se sa 2 la ki fer sa Bidze State House vreman monte.

Apre sa, letan nou pe koz – ou konnen, dan sa moman kot nou pe viv, letan nou tande ki poudir landscaping budget pe mont par 1milyon.

 

(Off-mic)

 

HON WAVEL RAMKALAWAN

Well, 800mil apel li – round li off to 1million – i pa tonm byen dan zorey nou pep.  I pa tonm byen dan zorey nou pep.  E mon pe regarde olye ki zis nou pe met larzan, konmsi ki mannyer eski sa Bidze aktyel i kapab ganny servi pour li vin pli efektiv?  Parski nou bezwen kapab sey regarde ki mannyer nou kapab fer plis avek pti git.

Mon krwar this is – sa i form parti sa legzersis Bidze.  Sa Bidze 700ekek mil ki nou annan ozordi.  Si nou anvi refer en zarden – it’s not as if zarden State House i en zarden botanik ki – lo kestyon son grander.  Me mon krwar ki i pa zis en kestyon balye, me mon krwar ki avek sa larzan i devret kapab san ki nou pe al fer li double son Bidze.  Mon ti ava kontan ganny en …

Apre Mr Speaker – Mr Chairman, konmsi letan mon regard bann sif, nou’n tann – nou’n tande ki poudir State House i pe al benefisye avek fotovoltaik.  Be dan Bidze mon pa war ki mannyer – konmsi ki lenpak sa pou annan.  Parski ler mon pe regard zot bann bil elektrisite, ou krwar konmsi i ankor menm parey.

Mon ti ava ekspekte imedyatman – e mon kapab dir sa akoz mwan mon annan fotovoltaik dan lakour, e imedyatman PUC ki dwa mwan zis koman mon’n mete.  So, mon pa pe war swivan sa lanons – parski Lasanble osi tou, nou pou – mon pou demann menm kestyon avek Lasanble.  Parski Lasanble osi tou pandan lannen prosenn i sipoze vin fotovoltaik.  Be mon pa war bann sif ki pe montre son benefis.  Mersi.

 

MR SPEAKER

Mersi.  Mersi Onorab.  PS – PS Richardson.

 

PS YVONIA RICHARDSON

Mersi Mr Speaker.  Mersi Onorab.  Pour sa fotovoltaik, nou pa ankor komans enstale.  Prezan nou pa tro asire – nou pa tro kapab tro fye dizef dan vant poul.  Ou konpran?  Nou dir be – nou’n baz li lo nou bann depans ki nou annan la konmela.

Si letan nou’n etablir, nou’n mete nou fer savings, nou a kapab reservi li pour lot landrwa.

 

(Off-Mic)

PS YVONIA RICHARDSON

Non, larzan i a reste.  Larzan i a reste la, nou pa ava depans li.  Me selman nou pa ankor enstale.  I annan lentansyon pour enstale, pour mete. Nou swete ki nou a fer savings lo la.  Me – be selman pour le moman nou pa’n fer sa.

Letan mon regard kot ou pe demann sa logmantasyon lo kote, kot i sorti 15milyon anba paz 9 – Executive Office kot i sorti 15milyon i vin 25milyon.  Sa i montre sa – i plito montre sa logmantasyon lo bann – lo ‘’overseas travel’.  Se sa ki i montre sa gro sonm akoz anba la ki annan sa bann larzan ‘‘travel.’’

 

 

MR SPEAKER

Vis-Prezidan, oule azout keksoz?  Ale Vis-Prezidan.

 

THE VICE-PRESIDENT MR VINCENT MERITON

Mersi Mr Chair.  Bonzour tou Manm Lasanble Nasyonal e tou dimoun ki al lekout.  Mr Chair, nou realize ki en gran parti logmantasyon anba ‘’other goods and services’’For the use of ‘’other goods and services’’, i dan ‘’overseas travel’’.  Nou ti oule met lenportans ki bann voyaz aletranze, bann delegasyon ki al partisip dan bann foronm, dan bann Konferans, dan bann meeting aletranze.

Malgre nou kapab annan nou diferans entern isi, be selman lo nivo enternasyonal, tou bann Manm ki al fer vizit i realize ki Sesel i zwe en rol dirizan dan preski nenport ki domenn.  E Sesel i osi form parti en kantite Lorganizasyon enternasyonal.  Sesel i ganny envite pou vin partaz son leksperyans lo – dan nou leksperyans – dan serten sekter kot Sesel i dominen.

Par ler nou anvoy nou bann Anbasader ki baze dan bann pei.  E par ler i nesesit ki i en delegasyon o nivo – swa par Minis oubyen PS oubyen bann Direkter Zeneral oubyen menm par Vis-Prezidan oubyen Prezidan.  E par ler i demann en delegasyon ki zis plis ki enn oubyen 2 dimoun.  Akoz nou bezwen defann nou pozisyon?

Nou bezwen defann nou bann lobligasyon enternasyonal.  E nou vwar sa logmantasyon i zistifye akoz s bann retonbe pozitiv ki fer antre dan pei an term sipor ki nou gannyen, an term ekspertiz ki nou gannyen pou kapab fer marse nou pei dan bann diferan sekter.  So, mon krwar ler ou pran depans ki nou fer dan sa bann sekter kont bann retonbe ki nou annan, Sesel i sorti, i benefisye.

So, mon krwar i zistifyab bann depans ki pe fer.  E la dan sa ka spesifik i pa zis voyaz li, i osi bann per diem.  Fodre fer sorti osi ki dan bokou ka i annan bann voyaz, bann vizit, bann travay ki fer aletranze kot bann Lorganizasyon i pey ou tiket e Gouvernman i pey zis pour en reduced subsidy – en reduced subsidence.

So, deza la i en lot pwen ki mon ti a kontan met ladan ler nou pe diskit sa.  So, bann depans ki nou pe fer i zistifye e Sesel ki benefisye dan sa bann voyaz aletranze.  Mersi Mr Chair.

 

MR SPEAKER

Mersi Vis-Prezidan.  Bon, nou’n ariv a lafen kestyon.  Oule clarify keksoz Vis-Prezidan?

 

THE VICE-PRESIDENT MR VINCENT MERITON

Landscaping – Mr Chair, avek R79mil par mwan parey i ete ozordi la.  Nou war ki bokou nou bann plan State House – zot in remarke petet dernyen fwa zot in monte ki mannyer i ete.  I demann en serten renouvelman.  I annan parey in ganny dir, pa bezwen – i pa zis en kestyon balye, anmas salte.

I annan bann plan ki bezwen sanze.  I annan bann nouvo plan ki bezwen vini.  Konmsi donn State House sa valer ki devret ete.  Akoz i annan bokou son bann plan ou war lo son bann bor i komans vin zonn e i nesesit en serten travay, ranplase, met plis langre, annan en lot kalite plan ki nou mete, be met li azour.  E se pour sa rezon i annan sa logmantasyon.  Mersi Mr Chair.

 

MR SPEAKER

Mersi Vis-Prezidan.  Onorab.

 

HON WAVEL RAMKALAWAN

Baze lo sa bann larepons – konmsi mwan mon en pe taken aback avek sa larepons ki – konmsi avek fotovoltaik, zot pe kont dizef dan vant poul.  Parski pour mwan sa i trakasan; i trakasan parski nou’n tann en kantite koze dan sa Bidze lo fotovoltaik.  Eski – nou’n tann 15poursan laferm lo Romainville.

Be – e sa larepons la e State House i pa ni en tro gran landrwa pour – ki nou pe koz la.  Konmsi – e sa fotovoltaik, ou pa bezwen soley pou fer li marse.  Si non Germany ek bann lezot pei l’Europe, i pa ti pou marse.  I pa bezwen soley vreman pou fer li marse.  I mean se sa tanperatir li menm li ki fer li marse.  Be si State House la pe dir avek nou ki zot pa tro asire.  Konmsi, zot pa donn bokou konfyans.

 

MR SPEAKER

Mersi Onorab.  Mon krwar PS in servi en figure of speech ankor ler in reponn ou taler.  En pti pe parey ou’n servi – ‘’dizef dan vant poul’’.  Bon, i pour – petet ou’n mansyonn Bidze Lasanble, ou pou vwar sa osi tou dan Bidze Lasanble.  Akoz rezon se, kan nou pou ganny PV?  Kan i pou ganny enstale?  And so on.  Nou konnen nou ankor an diskisyon – Deputy Speaker i okouran.

Me nou, nou’n fer provizyon osi tou dan nou Bidze ki nou tenir nou Bidze normal pour itilite.  But when it comes, then i ava vin savings.

Mon ava les PS Richardson reponn ou kestyon.  PS.

 

PS YVONIA RICHARDSON

Mersi Mr Speaker.  Mersi Onorab.  Mon krwar i pou anmenn en savings pour sa fotovoltaik letan i pou ganny enstale.  Me selman mwan – nou’n pran nou bann depans lo nou trend ki nou pe depanse avek lentansyon ki nou pou annan en savings.  Avek – baze lo depans ki nou pe fer la konmela, nou pa’n met li ki – nou pa’n redwir.

Me selman ler nou a’n ganny – i a’n ganny enstale, zot in vin – mon konnen zot in vin regard landrwa e nou’n war kote pou mete osi tou.  Enn fwa ki’n mete i ava sa savings ki nou fer, i a redwir nou bann depans ki nou’n fer provizyon pour sa.  Ok.

 

MR SPEAKERE

Mersi PS.  Mon ti pe ferm kestyon.  Me an vi ki – nou konnen Departman Legal i la, nou pa pou kapab pran Departman Legal avan midi, nou pa pou fer zot zistis.  Nou ava anvoy zot apre midi.  Mon ava les Deputy Speaker – Onorab Afif, en dernyen kestyon lo Bidze pour President and Vice-President’s Office.

 

HON AHMED AFIF

Mersi Mr Chair.  Mon annan zis 2 pti kestyon ankor lo paz 14 gro liv, anba program 3, Cabinet Office – lo kote ‘’other goods and services.’’  Pour Cabinet Office, mon war R3.5milyon.  Cabinet Office, son louvraz – dapre sa i mete – ‘’to support Cabinet meetings, communicating Cabinet decisions, following up on Cabinet decisions and conducting media briefings.’’  Alors ki sa 3.5milyon?  Zot annan en biro, zot annan elektrik, zot annan landscape, zot annan tou keksoz.  Ki zot pe al depanse ek 3.5milyon?

Apre dezyenmman, mon pou PS Thésee – si zot krwar dan sa proze fotovoltaik, akoz ki tou le lannen – apard 2019 par egzanp pour State House, zot met R3.4milyon?  I reste parey.  Si zot krwar ladan – akoz mon kapab dir ou lo kote Lasanble Nasyonal ki mwan mon’n demann enn de kestyon, zot dir enn fwa in mete i pou redwir nou bill par 40poursan.  E pour nou i pou vin R40mil par mwan.  Mon’n fini konnen mwan.  Mon ti a kontan konnen ki President’s Office in kalkile?  Parske zot pli o biro dan pei.  Zot in bezwen kalkile poudir, be si nou mete – parske zot pe promouvwar sa, pou annan en rediksyon e konbyen pou ete.

 

MR SPEAKER

Ok.

 

HON AHMED AFIF

Akoz i pa paret Gouvernman i serye dan sa demars pour redwir li.  Parske zot in progranm pandan 4an – 3an ki vini menm kou elektrisite.  Nou pa pou zanmen redwir nou kou elektrisite si nou pou al koumsa.  Mersi.

 

MR SPEAKER

Mersi.  Bon, mon ava allow en pti kestyon kot Onorab Sebastien Pillay.

 

HON SEBASTIEN PILLAY

Wi, Mr Speaker.  Prenon kont ki ou’n fini ferm deba lo bann kestyon spesifik, mon ti oule zis tyek ek klarifikasyon lo size State House li menm – the building.  Akoz i annan State House as the grounds and the State House as the building – ki mon krwar nou bezwen diferansye le 2.

The building itself i pa en moniman istorik li – eski nou pou kapab met fotovoltaik lo sa building?  Akoz sa pou greatly reduced lakantite bann photovoltaic cells ki ou pou kapab mete.  Akoz sa building li menm mon pe mazinen, i en keksoz istorik e prezan i pa pou permet ou pour met sa kantite ki pou annan sa rediksyon.  So, zis klarifye sa pti pwen pour mwan san ki mon al enter en deba.  Mersi.

 

MR SPEAKER

Mersi Onorab Pillay.  PS.

 

PS YVONIA RICHARDSON

Mersi Mr Speaker.  Wi Onorab, nou’n fini idantifye landrwa kot pour nou mete.  Nou annan bann Annex buildings – i annan Annex1 anba letan ou rantre, apre par deryer the main gran kaz, ou’n idantifye ki nou pou met lo sa bann building.  So, i pa pou – i pou ok li.  Selman nou pa ankor – nou pa’n pran kont sa benefis konmsi ki nou pou gannyen ladan letan nou’n fer nou Bidze.

Si mon kapab reponn kestyon Onorab Afif.  Sa R3, 500 ki ou pe koze anba Cabinet la, i pour Travel pour Minis sa.  Akoz bann Minis zot bann depans li nou pas anba Cabinet konmsi.  So, i pou – i sa R3, 500 i depans pour Travel pour Minis.

 

 

MR SPEAKER

 Ok.  Mon krwar PS in fer sorti taler.  I sorti dan sa 16milyon, sa 3 – i sorti ladan, sa 3.5milyon i al pour Travel Minis.  I annan 8milyon i al pour bann PS and so on.  Apre 4.5 i al pour Prezidan – Lofis Prezidan.  It that clear Onorab Afif?  Ok.

 

HON AHMED AFIF

Zis mon ti an vi demann li si – mon konpran ou’n transfer enn ou’n anvoy dan lot.  Me eski i reprezant en logmantasyon?

 

MR SPEAKER

Ok.  PS.

 

HON AHMED AFIF

Konpare ek kot ou ti abitye peye.

 

MR SPEAKER

PS.

 

PS YVONIA RICHARDSON

Mersi.  An gro ler mon pe get Bidze 2019 avek pour 2018 i pa montre en logmantasyon.  Annefe i – total si mon pran lo paz 9 – ler mon pran paz 9 mon pran kot i R78, 873milyon, mon tir – nou tir R73, 770milyon, i donn en ogmantasyon 15milyon – 15.1milyon.  Me selman nou Travel Budget i 16milyon.  Savedir i pa – i en savings la, an gro.

 

MR SPEAKER

Yes.  Mon a donn laparol Vis –Prezidan.

 

THE VICE-PRESIDENT MR VINCENT MERITON

Mr Chair, mersi.  Mr Chair, pour fotovoltaik – nou pa vin ankor devan Lasanble oubyen ler nou vini lannen prosenn, menm ler la, i pou’n annan en sanzman sibstansyel kot i konsern elektrisite.

Nou pe al met presyon lo sa bann dimoun pour kapab enstal sa bann pano soler ki pou kapab annan en rediksyon parey nou’n pe dir.  So, mon –pe donn en langazman ki nou pou kapab handle sa.  Ki nou napa en tel problenm ankor lannen prosenn.  Mersi Mr Chair.

 

MR SPEAKER

Mersi Vis-Prezidan.  Bon, nou’n ariv en moman pour nou pran en vot lo Bidze Lofis Prezidan avek Vis-Prezidan.  Sa i trouv lo paz 8 ziska 15 dan nou gro liv.  E sonm i R78.873milyon.

Bon, mon a demann tou Manm ki an faver.  Okenn Manm ki kont?  Madanm Clerk.

 

MADAM CLERK

Mersi Mr Speaker.  Mon’n rikord 12 Manm ki an faver e personn kont.  Mersi.

 

MR SPEAKER

Bon, savedir Bidze pour Lofis prezidan avek Vis-prezidan in ganny aprouve par Lasanble Nasyonal.

Bon, mon ti a kontan remersi tou bann teknisyen ki’n prezan – PS and so on pour sa legzersis pour sa Bidze sa 2 lofis.  Nou pou tenir nou pozisyon an vi ki nou’n fer en Lagreman avek SBC ki nou pou Break la akoz pa vo lapenn nou pran Departman Legal, nou annan zis 5 minit.

Nou pou pran Break la e nou pou retournen 1er pour nou pran Bidze Departman Legal.  Vis-Prezidan, PS ek bann teknisyen – mersi bokou.  Nou ava adjourn e nou repran nou travay 1er.

 

(BREAK)

 

OFFICE OF THE ATTORNEY GENERAL

 

MR SPEAKER

Bonn apre midi tou Manm Onorab.  Bon apre midi tou dimoun ki a lekout.  En bon apre midi spesyal Vis Prezidan avek ou lekip ki enkli Mr Frank Ally Attorney General, Madanm Karen Hoareau Human Resources Budget Management Officer e ankor lo kote finans PS Thésee, Ms Criosee, Miss Tamatave, Miss Vergees bon apre midi welcome dan Lasanble.  Well nou pou al direkteman PS Thesee ou ava gid nou lo the next budget.

 

PS DAMIEN THESEE

Bonn apre midi.  Lot Bidze I pou Departman Legal Affairs pou en sonm R49.479milyon e eskize nou pou pran avan pou Biro Attorney Generale pou en sonm R33.025milyon e sa I trouve lo paz 23 e apre pou Rezistrasyon pou en sonm R16.454milyon lo paz 29.  So nou ava konmans avek AG’s Office.  Mersi.

 

MR SPEAKER

Mersi PS.  Yes Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker avan mon demann mon kestyon mon ti anvi zis dir e mon pa’n ganny sans ler nou close deba lo President’s Office poudir ki pou rapel avek piblik ki lannen pase nou ti koup Bidze Lofis Prezidan avek Lofis Vis- Prezidan pou en sonm apepre R10milyon dan ‘sekirite’ e nou kontan pou vwar ki I pa’n re aparet.  Savedir konmsi mon pe zis fer sa statement pou dir ki I paret ki I ti zistifye ki nou ti fer sa.  So just for the record nou kontan vwar poudir I pa’n re aparet.

Attorney General’s Chambers Mr Speaker mon ti a kontan lev 2 pwen.  Premyerman logmantasyon dan Bidze ki pas R25milyon pou ariv R33milyon – R8milyon logmantasyon nou – Lasanble an zeneral in a plizyer repriz swete en logmantasyon dan Bidze Attorney Zeneral pou li kapab delivre dan en fason en pe pli efikas.  Nou vwar la ki laplipar logmantasyon e anba heading “wages and salaries. ” So eski Attorney General li menm oubyen PS I kapab dir nou ki bann nouvo staff ki’n kapab recruit? Eski in kapab improve konpansasyon sa salaryal bann staff ki egziste deza?  E an zeneral ki mannyer I espekte ki sa I kapab delivre ek efikasite?  Sa I mon premye kestyon.

Mon 2enm kestyon anba lezot “goods and services” Mr Speaker I annan en logmantasyon dan rent sorti R227mil pou al R1.180milyon pe sey rode dan sa latab kote I ete me mon mazinen nou ava vwar li.  Yes “office rent” toutafe anba mersi.  E mon ti a kontan si zot kapab eksplik sa silvouple.

Mon annan osi Mr Speaker en lot kestyon lo en sonm lo “overseas allowance” “overseas subsistence allowance.”  Now mon mazinen sa I kapab monte plizyer fwa anba lezot Bidze akoz nou ti ganny dir poudir laplipar bann “travel allowance” pou ganny fer anba Biro Prezidan.  La nou annan en vot R717mil pou “overseas subsistence allowance.”  Kekfwa Mr Ally I kapab dir nou ki I pe antisipe pou sa depans e akoz I bezwen sa depans?  Mersi.

 

MR SPEAKER

Mersi Onorab Ferrari.  Petet zis avan mon donn laparol Attorney Zeneral mon dir tou bann Manm lofis Clerk in anvoy zot en link kot zot kapab access tou sa bann detay ok?  E-copy.  Nou pa pou print ankor sa bann detay ki parey nou ti fer lannen pase me zot kapab access atraver zot sistenm IT ki zot pe servi.  Alright?  Attorney Zeneral laparol i pou ou.

 

ATTORNEY GENERAL MR FRANK ALLY

Mersi Mr Speaker.  Mersi Onorab Ferrari pou ou kestyon premyerman mon ti a kontan petet reponn sa enn en pti pe pli direk ki pli fasil pou nou se rent sa logmantasyon dan rent.  Ki ti arive se ki dan lo Attorney Zeneral i annan detrwa unit e en unit an partikilye se ki sa enn ki nou apel Public Prosecution Unit e la kot i annan bann prosekiter ki fer bann case dan Magistrate Court.  E zot biro ti kot National House e i ti en pti pe sere kot National House – zot ti pe share lofis parey tou lezot counsel me an menm tan bokou letan ti ganny perdi dan travelling.  Zot ariv biro 8er bomaten zot bezwen appear devan en Mazistra 8.30 bomaten – zot fini 9er, 10er, 11er, zot bezwen esper transpor ki pran zot ansanm e anmenn zot National House e la zot travay zot pran zot lunch break midi, zot retournen 1er – 1.15, 1.30 zot bezwen vin devan Mazistra appear devan Mazistra ankor 1.30 e apre travel retourn back kot National House.

So mon ti pran en desizyon menm si nou ti napa sa kantite larzan pou nou rod bann lespas pou nou kapab lwe pros avek Lakour.

                    So vi ki Lakour Mazistra i dan i aktyelman dan Pension Fund Building Unity House rather, nou ti ganny serten lofis ki ti vin vacant apre ki Lakour ti bouz zot bann staff Family Tribunal ek lezot kot Lakour Palais de Justice, alor nou ti ganny sa bann lokasyon e nou ti met sa bann zofisye la.  

                    So i anmenn bokou plis konfor pou zot i pa enkonvenyan zot e zot e rezon se osi pou ogmant zot prodiktivite. So zot arive 8er bomaten zot kapab travay en pe zot monte – zot pran zot 5minit, zot appear devan Mazistra zot retourn back dan zot Lofis.  

So sa in anmenn enpe stress lo nou Bidze sa lannen e lannen avan akoz nou ti aste bann furniture e pey bann deposit.  E se sa rezon akoz i annan sa logmantasyon se sibstansyel dan lokasyon.  Avan nou ti napa vreman landrwa kot nou ti pe lwe.  So nou re nou pa fer bokou savings an rezilta sa akoz menm transpor vi ki i en short distance nou pa fer bokou savings lo fuel ek lezot me parkont nou fer savings lo nou kapab cost en pti pe pou nou ogmant prodiktivite.

Lo kote staff wi i annan nou pe propoz en logmantasyon ase sibstansyel nou parey Lasanble i kapab i evidan pou nou bann Manm Onorab, se ki nou ankor still pe ganny bokou difikilte avek bann Legislative Drafters.  Nou annan nou ase bon nonm Seselwa ki bann Legislative Drafters me zot osi zot bezwen training.  Zot in fer bann short training ek Commonwealth me sa i pa ase zot bezwen enpe training enpe pli long petet LLM dan legislative drafting pou zot kapab pli delivre.

Pou le moman nou annan nou en Principal Legal Draftsman ki msye ki en Indian National e avek 3 Seselwa ki Legislative Drafter e en Assistant Legislative Drafter.  Nou bezwen ogmant nou kapasite dan legislative drafting.  I pa en area of law ki nou annan en kantite dimoun dan lemonn i fer bokou pei i war sa konman en defi.  Mon ti attend en miting bann Attorney Zeneral ek bann Minis lazistis dan bann Small Jurisdiction ki form par lorganizasyon Commonwealth e sa ti en konsern e ki a tou moman zot ti pe koz lo la ansanm avek law reform pou reform bann Lalwa.  So nou le kre enpe plis pos ankor pou Legislative Drafter gete kote nou kapab ganny bann Legislative Drafters nou pou bezwen rod zot aletranze, a mwen ki petet enn de i si nou kapab gannyen isi ki en pti pe difisil or preski enposib.

Me enn bann rezon akoz nou pe ogmant kapasite lo dan drafting.  Nou pou osi ogmant en pti git lo kote bann avoka ki donn bann konsey e ki fer bann case sivil e kriminel dan biro akoz sa osi i annan en logmantasyon e parfwa mon menm mon santi poudir petet nou napa ase letan pou nou port latansyon avek sa bann case.

Ou konnen ler en avoka i travay dan sekter prive i son letan i son larzan ki i pe gannyen an retour en zofisye Gouvernman i travay 8erdtan dan en zour e i ganny peye pou 8erdtan dan en zour.  I ganny en allowance ki i donn en pti pe plis me i pa kapab donn parey ki en avoka dan sekter prive ki li i pe gete ki poudir parey Onorab Andre i kapab pe travay 16erdtan oubyen 18erdtan par zour akoz i vwar sa rannman i ariv kot son lakour.

Me sa avoka ki en public servant sa rannman pa vin kot son lakour.  I kapab i vini wi i vin better an term en avoka me selman i bezwen balans son letan personnel, son letan profesyonnel.  E parfwa i enportan.  Akoz en kantite detay ennler oubyen en kantite letan ou bezwen spend dan en case, dan en Konsey pou nou kapab donn Gouvernman en bon konsey. Ou war?

Akoz tre souvan tou nou deal avek en kantite bann Minister bann Departman e bann Agencies e parfwa zot osi zot konplent akoz i annan en kantite delay pou Biro Attorney Zeneral donn zot en konsey e si nou annan ase staff then nou kapab improve lo delivery sa servis pou Gouvernman, e osi dan bann prosekisyon e reprezant Gouvernman Ankour

So enn bann rezon akoz nou pe nou pe ogmant nou bann personnel dan biro.

Lo kote «overseas subsistence allowance» parey ou konnen Lalwa i en keksoz ki vreman fonksyonnel – i annan toultan bann nouvo keksoz pou aprann e nou ganny envite pou partisip dan bokou bann workshop bokou bann seminar bann miting.

E tre souvan i ganny fully funded me osi parfwa i pa ganny fully funded ouswa si i ganny fully funded or partly i annan en sonm larzan ki i ganny peye en reduced per diem.  

                    So sa i pou al pou bann zofisye.  I de pli an pli mon vwar i annan bokou plis lenvitasyon pou partisip dan bann workshop.

E tre souvan oubyen bann miting e tre souvan i enportan ki nou partisipe parfwa nou pa kapab partisipe akoz petet sa zofisye i annan en case Ankour e sa i fer li difisil pou fer li ale pou al partisipe.  Oubyen nou pa pe ganny zofisye pou kapab al partisip dan sa bann workshop.

E parfwa Sesel pa ganny reprezante a en nivo en konseye ziridik Seselwa.  So sa i sa lannen par egzanp nou run short of nou Bidze pou overseas travel. Kant a mwan, mon en pti pe sirprann mon osi mon bezwen al partisip dan serten bann meeting nou osi servi. I annan bokou fwa ki mon ganny envite in fully funded i annan fwa ki biro – Departman in bezwen bare the cost of mon travel.  E in annan ka osi kot President’s Office ki’n bare the cost of mon travel.  Petet ler mon ti’n fek arive nou pa’n fer reprezantasyon avek President’s Office pou bare the cost of mon ‘travel’ me evantyelman mon krwar nou aprann e nou al tap laport President’s Office pou bear sa cost.

 

MR SPEAKER

Mersi AG.  Onorab Ferrari.

 

HON JEAN-FRANCOIS FERRARI

Mersi Mr Ally.  Mr Ally mon ti a kontan nou koz en bon pe lo lefikasite e sey gete ki mannyer nou kapab ganny plis avek sa larzan ki nou pe vote pou ou Chambers.  Ou konnen AG ki in annan souvan kritik sorti kot Lasanble Nasyonal pou ou Lofis akoz nou santi poudir nou pa pe toultan vwar sa efikasite ki nou, nou pe rode.

E la i annan bann legzanp tou dernyerman nou vwar sa R25 «prescription fee» serten Manm ki osi avoka i dir poudir i pa oule i pa konstityonelman ok.  SBFA Minis in vin dir nou i pou fermen e la nou aprann poudir i pa pou kapab fermen akoz sa in ganny kree anba en Lalwa.  Bomaten Minis in vin dir nou poudir i pe Prezidan, Vis- Prezidan enkli bann Minis pe claim back en larzan ki zot ti dir zot pa ti le avan dernyen eleksyon me selman la zot oule.  E dan ogmantasyon saler minimum tousala konmsi dir nou AG anfen mon pa anvi met ou donn ou en kestyon ki akoz ou kliyan se Gouvernman, me selman nou ki vot ou Bidze.  Me mon ti a kontan konpran, eski ou ganny konsilte lo sa bann keksoz AG? Akoz  tousala i retonm lo ou, i pa retonm lo Gouvernman zot anvoy parey nou dir i annan dimoun i kontan manz bannann i anvoy lapo lo son kanmarad.  So sey dir nou ki mannyer keksoz i marse?  Ki mannyer nou kapab espekte lefikasite a lavenir?  Mersi.

 

MR SPEAKER

Mersi Onorab.  AG.

 

ATTORNEY GENERAL MR FRANK ALLY

Mersi Mr Speaker.  Mersi Onorab Ferrari.  Petet i annan zis en bout ou premye kestyon ki mon pa’n reponn kot ou’n koz lo konpansasyon salaryal.  Petet mon a pran sa lokazyon pou mon reponn.  Konpansasyon salaryal en increase dan saler pa’n en size dan sa Bidze ki nou propoze me parkont Minis Finans in dir poudir i pou annan en revizyon Scheme of Service.  I deza annan en drafts Scheme of Service akoz Scheme of Service AG’s Office i sipoze ganny revize tou le 5an.

In deza annan en propozisyon ki’n ganny anvoy kot Gouvernman pou sa revizyon.  So si i aprouve e then i kapab annan en logmantasyon.  So pou reponn ou kestyon lo kote konpansasyon salaryal sa nou bezwen esper ziska Zilyet ler ki nou ganny sa Scheme of Service i ganny finalize.

Kant ou kestyon ki ou fek demann mon si nou ganny konsilte mon kapab dir wi nou ganny konsilte tre souvan – well bokou.  Me mwa personnelman mon krwar ki nou dwatet ganny konsilte bokou plis.  Me pou nou kapab ganny konsilte bokou plis nou bezwen annan sa manpower pou nou kapab reponn demann bann Minister – bann Mepartman e bann Agencies bokou pli vit.

Akoz parfwa i annan serten fristrasyon dan Gouvernman dan Egzekitif partikilye e petet pou fer miz o pwen nou Konstitisyon i dir Attorney Zeneral i principal advisor to the Government.  Petet part to you as the Member of the National Assembly me to the Government.  So tou le 3 Gouvernman as a whole.  So e si par egzanp demen i annan en case ki bezwen ganny reprezante nou pou bezwen reprezant serten bann dimoun dan Gouvernman whether nenport ki organ Gouvernman.   Bon – me parey mon dir nou dwatet ganny konsilte bokou plis tre souvan i plito reaktif.  E AG’s Office  in toultan tradisyonnelman i en avoka tradisyonnel.  I pa konsey avan i ganny demande pou donn son konsey ok?  So fodre i Gouvernman bann public servant zot vwar poudir i annan en bezwen pou demann AG’s Office en konsey e la AG’s Office i donn zot en konsey.  Mon pa asize dan mon lofis e vwar en keksoz pe arive e konsey en Gouvernman baze lo sa ki pe al arive e pou warn Gouvernman lo la.  Dan en meeting anfet mon dir petet dwatet nou devret en pti pe pli proaktif me again fodre nou annan manpower.

Par egzanp si demen mon pase mon vwar en serten keksoz or enn mon zofisye i pase i vwar en serten levennman e i santi poudir be sa levennman i kapab koz Gouvernman pou komet en ENTAME responsabilite  DELIKTYEL Gouvernman.  E la ou kapab warn li poudir be la ou kapab pran en mezir pou ou kapab rektifye sa avan i vin en problenm.  So be selman tradisyonnelman, se Gouvernman bann zofisye Gouvernman ki pou vin kot AG’s Office e pou demann nou en konsey.  E la nou reakte.

Me parey ou pe dir i annan serten keksoz ki petet Gouvernman i dwatet pli konsey AG’s Office parske  mwan mon krwar poudir Biro Attorney Zeneral i bezwen o sant ladministrasyon e o sant piblik kot i travay avek tou bann MBAs pou kapab donn zot bann konsey ler i neseser.

 

MR SPEAKER

Mersi AG.  Onorab Sebastien Pillay.

 

HON SEBASTIEN PILLAY

Mersi Mr Chair bonn apre midi.  Bonn apre midi Vis-Prezidan, Attorney Zeneral e tou dimoun ki pe ekout nou.  Mr Chair Attorney Zeneral in reponn en parti mon kestyon regarding son creation of post and recruitment ki i pe fer.  An relasyon avek sa recruitment ki ou anvizaze fer eski ou pe fer en local recruitment oubyen eski ou pe fer international recruitment osi?  E prezan in regards to sa nou konnen poudir dan atraver ou Chambers, bann dimoun ki vin travay bann legal person ki vin travay i ganny loportinite pou devlop zot konpetans zot skills, eski ou pe osi par egzanp dan sa enn Bidze enkorpor eleman pou retain bann dimoun ki ou annan ki en pti pe pli ki’n vin tre eksperyanse ki’n vin tre kalifye pou ki ou kapab gard zot e ki ou ava kapab annan bann in house dimoun ki kapab train bann lezot ki pe antre an relasyon avek travay ki ou lofis i bezwen fer?  Mon annan en lot kestyon mon ava demande apre sa enn Mr Chair i posib?  Thank you.

 

MR SPEAKER

Mersi Onorab.  AG.

 

ATTORNEY GENERAL MR FRANK ALLY

Bon lo kote recruitment nou pou sey nou mye pou nou kapab recruit locally.  Akoz i kout nou bokou pli mwens me parkont si kot nou pa kapab ganny local counsels oubyen bann draftsman then nou pou bezwen al aletranze.  Kan i swazir bann draftsman definitivman nou bezwen mon krwar recruit from overseas.  Akoz menm overseas i annan difikilte.

Mon’n seye.  I annan bann dimoun ki pare pou vin travay isi me zot Gouvernman pa les zot pa release zot pou vin travay pou zot kit zot lanplwa.

E parey ou konnen pou ou annan bann etranze i kout nou pli ser akoz rent ou bezwen pey en rent nou bezwen lwe en lakaz pou zot e pey rent.

Kan i swa dir rentention wi nou tou ti a swete ki bann avoka biro Attorney General i reste malerezman nou annan tre pe mon kapab dir Seselwa ki reste biro Attorney Zeneral i annan plizyer rezon parfwa nou mazin rezon i reminerasyon parfwa nou vwar rezon i kondisyon travay i en pti pe dan tou mon krwar i osi dan lepase in re in ganny servi en pti pe konman en training ground, kot en dimoun i vini i travay i ganny en saler i ganny ekspoze avek sa louvraz.

Me apre ler i santi li i kalifye i ale.  Me mon pe sey gete as much as possible ki nou kapab anploy bann sirtou bann zenn avoka, ki’n fek fini zot legzanmen vokasyonnel apre zot degre iniversiter pou zot vini.  Petet menm si nou pe anploy enpe plis, me selman evantyelman i kapab reste en group ki kapab reste avek bokou plis leksperyans. E petet enn i kapab fer louvraz 2.

Konnen akoz pou le moman la nou annan bokou bann zenn avoka ki pe travay nou pe sey train zot; donn zot the maximum exposure posib, me nou pa konnen ki pou arive si zot pou ale oubyen zot pou reste.

E mon swe se ki mon pa ti a kontan vwar biro Attorney Zeneral i reste konman en landrwa kot bann zenn avoka i zis pas an tranzisyon e apre i ale. i afekte fonksyonnman ladministrasyon piblik en kantite.  E napa memwar istorik – bann dokiman bann tranzaksyon e toultan i pe rekonmans a zero e mon krwar i anmenn bokou fristrasyon dan Ladministrasyon Piblik par bann akoz sa.

 

MR SPEAKER

Mersi AG.  Onorab Pillay.

 

HON SEBASTIEN PILLAY

Mr Speaker avek ou permisyon mon le adres sa kestyon a PS Finans pou li reponn.  Ou konnen Biro Attorney Zeneral i donn nou loportinite pou anmenn en size ki nou’n koz lo la dan Lasanble.  La nou annan en size kot nou pe koz bann Seselwa kalifye ki’n train e anmenn en etranze osi pou vin travay.  E sa kestyon mon pa pe adres li Attorney Zeneral akoz i bezwen travay within en paramet ki in gannyen.

E petet si Minister Finans i kapab reponn e Vis Prezidan osi i kapab weigh-in lo la.  Lefe ki nou annan Seselwa e nou pe dir ankouraz bann Seselwa pou donn plis ed fer zot donn plis ou’n servi legzanp Onorab Andre, ki si i dan son private practice i pou travay akoz i konnen poudir sa return – sa reward i vin pou li direkteman.  Me vi ki nou annan sa opsyon donn lakaz, oubyen provide transpor oubyen provide serten incentive, akoz ki Gouvernman pa konmans mazin nou provide bann similar incentives, pou bann Seselwa ki in ariv en nivo kalifikasyon, dan plas ki nou vwar bann sityasyon kot nou bezwen ale – al dan private sector dan plas ki zot reste dan sa bann landrwa?

Mon pa pe adres sa kestyon avek Attorney Zeneral akoz i pa dan son paramet petet en paramet global dan Minister Finans.  Ki mannyer nou revwar sa sistenm an plas?  Akoz si nou pou donn nou Seselwa kalifye meton R15mil – R20mil me sa etranze pou ganny li R30mil, akoz en Seselwa pa kapab ganny li R25 ouswa R26mil – en allowance transpor? Bann keksoz ki ava balans son prodiktivite vizavi son lanvi vin dan son landrwa travay e i a ed li prodwir plis.

So petet mon krwar i en moman petet nou konmans adres sa size, vi ki i annan en Mosyon dan Lasanble both sides of the House in vot an faver.  Mersi Mr Chair.

 

MR SPEAKER

Mersi Onorab.  PS Thésee.

 

PS DAMIEN THESEE

Mersi Mr Speaker.  Anyway mon krwar sa issue i pa zis kekfwa avek avoka – the challenge i across the board.  Nou pou konpar nou osi Minister Finans nou perdi staff i train, akoz i vini Gouvernman i en training ground  apre i kite.  Nou donn li sa bagaz pou train on the job osi.  Nou pey zot bann course e apre zot kite zot al dan private sector.  

      So sa i en challenge ki nou annan across the board.  Me selman pou le moman parey nou konnen nou fer nou mye pou reviz Scheme at least tou le 5an, ki at least i kit li ase konpetitiv.  Me selman nou konnen for sure we cannot compete avek private sector.  Deza nou annan en challenge to contain nou Wage Bill ki tou kou i monte ki nou bezwen fer sir nou Wage Bill pa go over. Akoz Wage Bill i pa zis kantite dimoun ki nou pe anploye.  I osi konbyen nou pe peye pou diferan kad ki fer sa saler ogmante.

So be lo zot incentive osi pou le moman zis bann Sef Egzekitif ki ganny transport allowance ; lakaz zis bann expat nou konnen already par egzanp pou lakaz ki nou pe provide pou bann expat dan Minister Ledikasyon, Minister Lasante i over 50milyon.  I deza en challenge pou nou.  So ou bezwen get soutenabilité tousala.  So nou pou napa en larepons la pou donn zot.  It is just a matter of zis ogmant saler sa ki nou pe pey expatriate.  Me nou bezwen gete si nou kapab soutenir li.

 

MR SPEAKER

Yes Onorab Pillay.

 

HON SEBASTIEN PILLAY

Mr Chair.  Mon apresye larepons PS e mon konn tre byen sa largiman i anmenn en eleman soutenabilité e i en keksoz ki nou bezwen vreman konsider byen.  Me selman PS annou pran en lot angle.  Nou vwar Gouvernman in vin avek en Bidze Siplemanter kot i montre nou poudir i pa’n kapab fer recruitment.  So si nou pa pe kapab recruit en serten sekter kot si nou vwar en lot fason pou renumerate sa bann dimoun ki pe travay dan sa bann sekter ki Seselwa, ki ava increase zot prodiktivite why then don’t we al dan sa direksyon akoz otherwise then mon pou dezapwente si nou pe met larzan mon pa pe koz spesifikman biro Attorney Zeneral mon pe koz an zeneral mon pou vreman dezapwente si nou pa kapab improve kondisyon nou bann profesyonnel o nivo – bann ki annan Doktora, me apre nou vwar poudir dan Bidze, nou pa’n fer fini fer recruitment.

E sa bann dimoun pandan sa lannen zot in donnen a e zot in sey reponn legzizans zot bann lorganizasyon.  So nou pa krwar par egzanp bann pei parey Singapore ki valoriz – valoriz zot professional competency, sa i enn bann rezon akoz zot in nobou devlop a sa rate ki zot in nobou devlope.  Akoz in ariv sa moman pou Sesel konmans reponn sa kestyon akoz nou’n train en kantite dimoun.  E petet now is the time pou nou konmans deal avek sa sityasyon avan ki nou vwar nou dan en konpleksite kot zenn pa oule vin travay dan en Departman Piblik, akoz i pa santi ki lonterm i annan en plan oubyen en karyer ladan.  Mon kit sa la avek Lasanble Mr Chair.  Mersi.

 

MR SPEAKER

Mersi Onorab Pillay.  Vis-Prezidan.

 

THE VICE PRESIDENT MR VINCENT MERITON

Mersi Mr Speaker.  Mr Speaker nou apresye defi e lour responsabilite lo Biro Attorney Zeneral. Dan domenn ekrir Lalwa nou konnen deza lo konmansman lannen ti annan en 40enn morso Lalwa ki nou ti’n diskite avek bann Leaders ki nou bezwen pase.  E nou preski ariv lafen lannen i annan en bon pe ki reste ankor.  E nou bezwen dimoun ki ekrir Lalwa.  E AG li menm in fer voyaz ennler dan Lenn ennler otreman pou gete kot ou kapab ganny bann Legal Drafters parler atraver korperasyon parler pe sey gete kot nou kapab hire, be in eksplike bann defi ki nou annan.

Nou osi nou bezwen domenn kot konsey legal i bezwen ganny donnen.  E nou konnen ozordi dan sa lanvironnman politik ki pei pe pas atraver, dimoun deor pe vey sak desizyon ki Gouvernman i pran, kot i santi son drwa konstitisyonnel oubyen drwa legal in ganny abize oubyen enpetinen lo la i rod rekour pou al Ankour.  E mon krwar prezan in fer kler in dir nou bezwen konsilte Attorney Zeneral avan ler nou pran en desizyon ki annan, bann enplikasyon ki pou anmenn Gouvernman serten enplikasyon finansyel apre.

Trwazyenmman nou bezwen konsey.  Nou bezwen pourswiv case ankour so ankor i annan en kantite case ki atraver lapolis oubyen atraver lezot Lazans ki enplike avek law enforcement ki bezwen prepar son case anmenn kot biro Attorney Zeneral pou deal avek.  So responsabilite i la.  Prezan an rezourd letan nou pe rezourd sa problenm nou bezwen balans ki mannyer nou mentenir en serten stabilite dan sekter piblik, toultan an valorizan travay ki bann dimoun kot Biro Attorney Zeneral i travay.  Nou mazinen bomaten e yer bann diskisyon ki nou annan sak sekter i bezwen plis resours, resours finansyel pou kapab batir son bann resours imen, valoriz zot donn zot en bon reminerasyon kot zot kapab viv zot lavi.  I en deba ki pe al konmanse.  Eski i annan serten legzanp be sityasyon i en pe diferan eski ou al fason Central Bank? Eski ou al fason FSA?

Eski ou gete kisisa ki ou kapab think outside the box dan en fason non konvansyonnel, me ou reste dan paramet depans fiskal, ki pei i met devan nou pou gete ki mannyer nou trouv en fason pou al de lavan?  So nou apresye tou bann defi nou bezwen gete ansanm avek Minister Finans avek Biro Prokirer Zeneral avek sekter prive ki mannyer nou kapab ganny en solisyon dan sa size.  Mersi Mr Speaker.

 

MR SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  E welcome pou Biro Attorney Zeneral avek son asistan.  Mr Speaker mon anvi premyerman demann Attorney Zeneral sa Bidze ki ou’n ganny propoze i annan en increase ladan eski sa ki ou pe gannyen i pou sifizan pou ou amelyor ou travay e konble bann mankman an 2019?  E kote ki ou krwar ou ti merit ganny plis sipor?

Dezyenmman Mr Speaker ; ozordi i annan de landrwa kot bann Seselwa kalifye i reste.  I annan Labank Santral avek Minister Finans.  E letan ou regard bann dimoun dan sa de landrwa parey Attorney Zeneral in dir zot osi annan institutional memory e Mr Thésee i en legzanp i annan en kantite lannen in reste kot Minister Finans, SS Payet bann lezot staff ki laba osi tou ki mon pe regard zot letan ou pou demann zot, zot pou annan en kantite lannen anba zot sang parey nou dir.  Be enn bann rezon se parske zot in ganny byen peye! Oubyen zot Scheme i ganny well taken care of.  Kisisa ki anpese Mr Attorney Zeneral Vi ki ou osi tou ou’n konmans laba kot Attorney Zeneral apre sa ou’n al dan prive e la ou’n retournen ok?  Ou’n retournen.

Kisisa ki anpese pou ki Gouvernman – e la i osi adres pou Minister Finans – ki Gouvernman i pare pou pey serten landrwa serten dimoun bann bon lapey e sa i osi enkli osi tou pey bann etranze dan serten landrwa.  Letan nou tande en etranze i ganny R100mil akoz i travay kot PUC.  I ganny R100mil akoz i en dog handler.  Se parske nou vwar lenportans sa travay.  Be Biro Attorney Zeneral ozordi e san menm sa ki mon anvi konbin sa avek mon premye kestyon biro Attorney Zeneral ozordi nou tou nou konnen i annan tro bokou travay e mon ti kontan enn bann kartoun ki zot ti mete lo Facebook mon krwar kot ou ti vwar zis linet avek bout fron Mr Ally me tou otour li ti annan zis file e tou bann zafer. Se sa sityasyon tou departman Gouvernman i demann li konsey legal enkli Finans.

Nou tou nou anvi ekrir bon Lalwa.  Nou tou nou anvi pourswiv tou bann case depi devan bann Tribinal depi devan Mazistra, Lakour Siprenm al defann devan Lakour D’appel.  Letan i annan bann abritrasyon nou espekte li lakaz i anvi ki i fer tou bann Kontra konman Noter ensidswit.  Kisisa ki pe anpese pou ki sa Bidze Attorney Zeneral pou li kapab ganny sa ki i bezwen pou li?  Si fodre double li double li, parske mon pa vwar akoz Lofis Attorney Zeneral par egzanp pou sa travay ki i fer, ki sitan enportan e la Defans i kapab ankoler avek mwan ki son Bidze i preski nanryen ditou konpare avek Bidze SPDF, ki mon si ou demann mwan, mon pou dir avek ou mon pa vwar apar bann solda ki la ki montre zot devosyon – (ki byensir nou annan gran respe pou zot) me selman mon krwar poudir i annan en kantite mankman la ki nou kapab regarde.

Alor mon ti ava kontan ganny en leksplikasyon Mr Chairman akoz  mwan mon krwar ki in ler pou nou Lasanble donn sa Lofis larzan ki i merite larzan ki i bezwen pou li kapab fer en bon travay, pou li atir sa zenn avoka ki fer sitan byen ki konmanse avek bokou lespwar e tenir zot la pou zot kapab kontinyen e fer sa bon travay.

So mon ti ava kontan ganny en pe sa pou mon regarde si nou pa kapab dir avek Minis Finans e bann ki konsernen silvouple ogmant sa Bidze silvouple!  Let’s get on with serious piece of work.  Mersi.

 

MR SPEAKER

Mersi Onorab.  Attorney Generale.

 

ATTORNEY GENERAL MR FRANK ALLY

Mersi Mr Chairman mersi Onorab Ramkalawan.  Pou reponn ou kestyon mon pa pou dir sa kantite larzan ki propoze i pou ase pou meet ekspektasyon en Biro Attorney Zeneral i efikas.  Definitivman i pou bezwen bokou plis.  E me parkont dan sa lakantite ki nou demande dan well petet pandan sa lannen ki pe vini, i a kapab ed nou dan sa direksyon pou nou kapab fer rann sa Biro bokou plis efikas.

Me i pa zis lo kote larzan i osi pou nou kapab ganny bann dimoun kalifye pou kapab fer sa travay.  Me dimoun kalifye dan limedya sa ki nou bezwen, se bann dimoun drafte Lalwa.  E mon krwar zot santi li byen finans Minister Finans osi tou akoz zot annan en kantite enteraksyon avek nou lo kote drafte Lalwa.  Mon krwar si nou kapab ganny detrwa dimoun kalifye or lo nouvo plito dimoun kalifye lo la lo drafte Lalwa i pou kapab improve lo lefikasite.  Me nou pou still bezwen bann dimoun avek bokou plis leksperyans e pou nou kapab achieve sa mon krwar e pou kapab retain bann zenn Seselwa.  Akoz en keksoz ki nou bezwen konpran poudir nou annan ozordi en Fakilte lalwa dan liniversite.

E si nou kontinyen anploy etranze – oubyen les etranze par egzanp vin Sesel vin travay then nou pou bar plas bann zenn Seselwa.  Mon pa pou dir nou pa bezwen etranze pou travay me i pou bezwen en mezir kourt term – petet 4an ou 5an maximum.  Me nou bezwen donn lespwar sa zenn avoka ki pas son Bar e ki anvi vin travay Biro Attorney Zeneral pou li dir be mon ava fer en karyer la.  Petet i pa pou reste 15an 20an me i a reste 7an 10an i a travay e i ava annan en succesion plan.  I ava kapab ganny ranplase par en lot dimoun ki li menm li i a train avek letan.

So pou sa mon krwar avek en bon Scheme of Service parey ki Onorab Sebastien Pillay in dir, e lot kote latab e lot kote Lasanble osi se en bon Scheme of Service.  Me an plis ki sa mon toultan dir nou bezwen konpran poudir nou anba Konstitisyon Attorney Zeneral i konseye legal prensipal Gouvernman.  I pa sel konseye legal me sa enn prensipal.  So sa dernyen konsey legal ki i donnen i sa enn ki Gouvernman ou formally pran oubyen si i pa anvi pran sa desizyon san sa konseye i pran sa desizyon.  Me la nou bezwen annan spesyalizasyon e Gouvernman i bezwen depans lo spesyalizasyon.

Dan kourt term mon krwar nou bezwen fer bann avoka Seselwa ki travay lo bann ziri Seselwa ki travay konman Legislative Drafter se spesyaliz dan legislativ drafting, me mon donn ou en legzanp Gouvernman i en gran kontra kliyan dan lemonn konstriksyon me biro Attorney Zeneral nou napa en eksper dan kontra konstriksyon e petet si nou annan en eksper dan kontra konstriksyon i kapab nou pou kapab konsey Minister Later e Labita en lenfrastriktir bokou pli byen vit e petet save Gouvernman larzan lo serten bann Kontra kot ou vwar poudir Gouvernman oubyen en nenport kliyan i ganny taken advantage of par bann serten dan serten kontra konstriksyon.  

      So par egzanp nou konsey konman konseye prensipal Gouvernman nou dwatet annan en dimoun ki spesyaliz dan Lalwa Taks.  Nou dwatet annan en dimoun ki spesyaliz dan Lalwa trade par egzanp.  Bann short training petet i pa ase nou bezwen petet annan en pool of staff ki spesyalize – ki annan en Masters Degree e sa i bann keksoz ki pou retain bann staff ki zot pou reste zot pou travay e zot pou kree en fer en karyer dan sekter piblik.  

      So sa i enn de bann keksoz me bann defi e ki petet i nou pou bezwen plis larzan Minis Finans in dir dan Bidze ki dan son ladres se ki biro Attorney General pou ganny en nouvo office block.  Me pou le moman nou napa ase lespas dan biro pou tou dimoun se la rezon pou lakel ki nou ti bouz Public Prosecution Section dan Unity House.

      Nou annan me ler nou pou anploy plis dimoun i pou nou pou bezwen al lwe landrwa pou nou kapab met zot.  E nou napa en bon sistenm IT par egzanp nou napa en case management system.  Mon anvi en sistenm mon konmans koz avek DICT pou li kapab kree en sistenm pou nou se ki ler lapolis i anmenn i anvoy file kot nou, nou konnen poudir ozordi nou annan 20 file in antre kot nou e ki prosesis sa 20 file?  A tou moman kote i été si nou file en sarz si nou retourn sa file kot lapolis si sa file, si sa dimoun in ganny kondannen si sa dimoun in ganny santans, si sa dimoun in fer appeal nou bezwen an case management system ki digital.

Ozordi nou napa nou konman en dimoun i call nou i dir nou koumsa mon annan en case Attorney Zeneral nou konmans lev vir en gro liv nou konmans rode kote i été so lanmenm la i pran letan e ki mon ti espekte poudir ler mon vini nou ti annan en sistenm parey kot Lakour Siprenm i annan sa sistenm.

Lot keksoz se ki ozordi i annan en pe letan nou annan bokou nouvo mon kapab appel sa bann konsep oubyen bann Lalwa ozordi nou pe deal avek Anti-Money Laundering nou pe deal avek Proceeds of Crime Act, Civil Proceeds of Crime, Civil Confiscation Act e osi Anti- Corruption Commission Act.

E parey tou dimoun i konnen nou pa ankor konmans bann pourswit nou pa ankor ganny okenn file sorti kot Anti- Corruption Commission pou fer okenn pourswit pou okenn lofans anba sa Lalwa nou pa ankor annan bokou nou pa ankor deal bokou avek Anti Money Laundering menm si i a en moman FIU ti pe fer serten case nou pa ankor fer bann case par egzanp bokou case lo Proceeds of Crime civil confiscation kot par egzanp si i annan bann dimoun ki pa kapab explain zot bann wealth, nou annan Lalwa, me evantyelman Lapolis e bann lezot Enforcement Agencies zot pou anvoye sa bann file kot nou e nou pou bezwen annan kapasite pou nou kapab deal avek.

Nou pa pou kapab annan en sityasyon kot nou bezwen met nou house in order, so that ler zot anvoy sa bann file kot nou, nou annan bann dimoun ki annan sa kapasite pou fer.

Resaman nou fer demann avek Linyon Eropeen pou asiste nou lo swa bann short term training ouswa menm gete si zot kapab asiste nou avek en dimoun ki kapab la pou en pe letan 6mwan oubyen 1an ou 2an, ki pou kapab ed nou avek sa bann nouvo issues dan Lalwa ki nou pou fer fas avek.

Ler FIU ti pe ti tre aktiv ti annan en kantite bann aplikasyon ki ti ganny met devan Lakour pou fer bann konfiskasyon, e me ozordi nou napa sa bann aplikasyon ki pe ganny met devan Lakour e nou bezwen pare pou nou kapab reazir ler i annan sa bann lenstriksyon pou nou.  Mersi Mr Speaker.

 

MR SPEAKER

Mersi AG.  Bon mon a zis mon ava koz konsey Lasanble ki AG in donn nou bokou detay la lo son bann challenges, e en pti pe lo son stratezi son bann priyorite, so annou viz kestyon prezan lo son Bidze itself.  PS Thésee.

 

PS DAMIEN THESEE

Mersi Mr Speaker.  Petet zis pou klarifye ki nou allocate resours mon krwar tou le lannen dapre soutenabilité.  E en Bidze i baze lo kontrent en pei natirelman pa pou vreman en bottomless pit kot ou vini pou donn sa Minister sa larzan ki in demande.  Akoz i annan diferan lenstitisyon pou konsidere e si nou get Departman Legal Affairs e la nou pe enkli Registration avek li pou 2018 nou ti donn li 20 pos of recruitment.  E as of now i annan 10 ki ankor vacant e pou 2019 nou donn sa Departman 20 pos total ankor ki fer ki zot pou annan 30 pos pou zot kapab dir li ou ganny mwan.  Savedir se sa ki nou pa vreman kantmenm i pou vini dir nou bezwen 50 staff nou pa pou zis biro Attorney Generale, sa i kanmenm Minister Finans ki nou pou bezwen staff, me selman nou konnen nou pou napa deor.  E kekfwa nou bezwen al deor.

Me selman nou bezwen fer li dan en fason kradil pandan bann lannen ki vini.  E asire ki i soutenab.  E en Scheme of Service tou Scheme of Service ki ganny fer i ganny en evalyasyon.  I annan en process evalyasyon kot DPA i go over with your job description ou get ou bann fakter bann entry points bann risk ki determin basically ou package.  E se pou kwa basically en Scheme i parastatik ou reviz li tou le 5an.

So se sa basically kekfwa met a latansyon Lasanble ki i pa neseserman ki Minister Finans i annan en gro package akoz mon pou recruit en FC sa gro package ki swadizan nou annan mon kapab ale deor pou recruit FC.  Akoz i pa meet nou pa pou zanmen kapab compete avek en private sector.  So nou osi annan bann kontrent as Minister Finans e mon asire ki tou bann lezot Minister i annan menm kontrent parey nou.  E zis pou azoute san menm sa Gouvernman osi i met bann lezot keksoz a leko bann graduate par egzanp i donn li housing allowance ki R5mil la.  Avek zefor kontinyel basically pou eseye tenir graduates dan public service, me selman i pa en keksoz i en zefor kontinyel ki Gouvernman in fer over the years pou asire ki nou retain sa staff.  Mersi.

 

MR SPEAKER

Bon mersi PS.  I annan de Manm eski zot still le go ahead pou zot kestyon spesifikman lo Bidze.  Onorab Simon Gill.  Non, non, non.  Onorab Simon Gill.

 

HON SIMON GILL

Bonn apre midi Mr Speaker.  Mersi bokou Mr Speaker, VP avek ou delegasyon Attorney Zeneral e Minister Finans, Manm piblik, koleg Onorab.  Mr Speaker mon pa oule prolonz okenn deba i pa nou lentansyon mon konnen nou preski fini lo la me i enteresan pou nou kapab met sa pwen la pou nou reflesir pli tar e gete ki mannyer nou bouze.  Nou konpran poudir Biro Attorney Zeneral pa’n ganny ase provizyon pou li kapab egzekit bann latas ki i annan.

So si nou demann en senp kestyon – ki minimum ou santi ou bezwen pou ou kapab egzekit maximum avek sa minimum ki ou, ou krwar i ava donn ou sifizaman lafors pou ou kapab bouze e akonpli bann latas?  Note ki in annan bokou kritik par nou menm nou isi dan sa Lasanble ki bann Prozedlwa ki sorti kot ou biro Attorney Zeneral with all respect i annan par 20 i annan menm mon tande 50, 30 lerer ladan.  Avan ler ki i vin isi dan nou Lasanble nou ti ava voudre ki sa bann sityasyon koumsa pa repete.

Now pou li pa repete ou bezwen ganny bann dimoun ki kalifye konpetan dan en mo – pou kapab asire ki nou ganny bann Prozedlwa ki vin kot nou Lasanble e nou pa bezwen al fer travay ki ou Biro in devret fer okNow lot eleman ki annan se nou menm isi dan sa Lasanble par rapor avek kalandriye legal ki Gouvernman nou konpran poudir i annan en kantite retar poudir serten bann Prozedlwa arive i annan ki’n arive in bezwen retournen, akoz son bann konplikasyon ki i annan – bann mankman ki i annan.

Now pou mon pa al pli lwen dir nou minimum ki ou bezwen pou nou kapab ede pran serten desizyon. Mon’n fini ganny hint ki nou kapab petet serten virement petet.  An respekte nou bann teknisyen nou bann expert dan Minister Finans pou nou kapab donn ou sa minimum.

Dernyen pwen Mr Speaker ki mon krwar i ekstrememan enportan donnen lenportans sa lofis sa travay e bann travayer ki dan sa lofis Biro Attorney Zeneral, eski lo nivo sa salary grid ki nou annan la eski i kapab annan en konsiderasyon spesyal baze lo spesifisite sa kalite natir travay ki Biro Attorney Zeneral i annan pou fer; ki zot saler i diferan i pa kapab konparab avek tou bann lezot landrwa.  Eski nou annan sa posibilite pou nou kapab ariv lo sa nivo?

      Now mon pe konpran ki ou dir ou annan konsiltan deor osi tou, eski mon ganny li byen poudir ou annan konsiltan deor ki pe travay pou ou biro tou AG atraver ou Mr Speaker?

 

ATTORNEY GENERAL MR FRANK ALLY

(Off-Mic)

 

HON SIMON GILL

Non.  Anr ou pe demande ?

 So lokalman ou pe dir nou dan market napa nanryen konmsi?  Difisil?  Ok so mon krwar ki nou bezwen pran serten desizyon pou ki nou kapab bouze sorti dan sa lenpas Mr Speaker.  Mon ava kit sa la pou nou kapab gete ansanm ki mannyer nou kapab aranze sa sityasyon.  Mersi bokou Mr Speaker.

 

MR SPEAKER

Mersi bokou Onorab Gill.  Onorab De Commarmond oule fer en swivi ladan menm en dan menm direksyon apre mon a donn laparol AG.

 

HON CHARLES DE COMMARMOND

Wi Mr Speaker.  Mon pa pou long me i swiv ladan ki ou a fer en sel repons e konsiderasyon.  Bonn apre midi tou dimoun VP e tous e AG.  Konnen de keksoz diran nou parkour dan Lasanble a diferan moman lev li Mr Speaker enn i konsern etidyan ki’n ki pe al fer son letid liniversite i bezwen al dan lekol pou pas en pe letan dan lekol.  Ti lev en issue kot serten i dir olye ki mon pe al aprann lalwa olye ki ou anvoy mon dan lekol pou al fer lekol akoz ou pa fer mon atase avek AG’s Office.  E sa i aplik pou serten lezot job osi lezot training.  Sa en pwen.

E lot se, ou’n nonmen ki konmsi nou pe think outside the box la ou’n nonmen ki i annan cohort lalwa laba kot Liniversite Sesel, eski sa bann etidyan lo en baz part time, i kapab osi donn en koudmen dan proof reading ensidswit, e ki zot kapab eski zot annan provizyon anba ou Bidze ki zot kapab pey zot en allowance, ki sa i a konplemant sa ki zot pe gannyen ek Gouvernman deza e zot a feel good.

 

Akoz etidyan Seselwa i al deor, i annan bokou ki al travay deor i fer son pti part time pou li ganny keksoz pou konplemant avek sa ki Gouvernman i donn li, eski sa i kapab ganny konsidere alongside e tan donnen ki ou pe esper tou ou bann dimoun kalifye?

E apar korperasyon EU ki ou pe ganny serten sipor anba la, eski i annan lezot sipor Korperasyon Bilateral ki ou pe regarde, oswa ki ou pe negosye pou ou kapab ganny osi lasistans?  Parey mon vwar kot ou Biro i annan plizyer Sri Lankan, Endyen en pti pe sa ki i annan dan sa direksyon, vi ki sa i en Bidze ki sorti laba ki’n fer laba.  Ou vwar?  Mersi.

 

MR SPEAKER

Mersi Onorab.  Mon a donn laparol Attorney Generale.

 

ATTORNEY GENERAL MR FRANK ALLY

Mersi Mr Chairman mersi Onorab Gill avek Onorab De Commarmond.  Petet mon a konmans avek kestyon Leader of Government Business.  Pou le moman zis pou eksplike nou annan bann expatraite dan nou Lofis. Nou annan 7 expatriate enn i dan Legislative Drafting e 6 i dan Criminal Prosecution and Civil Advisory.  Zot nasyonalite i Endyen.  Nou napa Sri Lankan lontan ti annan bann Sri Lanken ki ti travay avek Biro Attorney General.  Nou’n demann korperasyon Gouvernman Endyen an relasyon avek Legislative Drafting, nou espekte resevwar en dimoun anba ITECH a tou moman pou li vini nou fer en swa demann enpe eksepsyonnel, e Gouvernman L’Inde in aksepte, akoz i ti en dimoun ki ti deza travay dan Biro Attorney Zeneral avan.  E i ti annan en kantite leksperyans dan Legislative Drafting pou sey allieviate nou sityasyon.  Nou osi fer en demann avek Gouvernman Sri Lanke me Sri Lanka li menm li sa ki mon konstate se ki zot annan problenm osi avek Legislative Drafting.  Mon kapab partaze ki nou ti esey ganny en dimoun avek leksperyans pou vini, me son Gouvernman pa pe release li.

Me selman nou pe sey rod lezot opsyon.  Me parkont ek Sri Lanka nou pe sey demande si nou kapab ganny asiste par Gouvernman Sri Lanka avek enn ou de avoka avek leksperyans ki pou kapab ed nou esansyelman vizavi avek sa bann nouvo – si mon kapab dir bann nouvo lofans, ki pou vin devan nou pou fer bann pourswit. E osi petet avek bann konsey.  Sa parey mon dir pou nou met nou lakaz annord.

Nou osi annan serten pa direkteman mon Lofis me Gouvernman al dan bann kozri Bilateral avek Gouvernman Botswana avek Gouvernman Sidafriken pou ed nou avek bann Legislative Drafters.  Me nou bezwen fer en swivi pandan sa bann mwan a venir pou nou gete kot si zot kapab asiste nou.  Nou pou bezwen pran bann mezir en pti pe drastik menm si petet mon a ganny kritike dan bann serten miting ki kekfwa mon ava ale, nou pou bezwen spend lo Legislative Drafting e si neseser met bann vacancy dan  bann pei, kot petet la nou bezwen rod sey rode gete si nou kapab ganny zot pou vin travay Sesel.

Parey mon dir a en peryod letan, e antretan an konsiltasyon avek ANHRD, nou pou bezwen gete si nou kapab train bann Legislative Drafter.  Mon konnen Central Bank pa egzanp i annan en scholarship ki i ofer.  E mon vwar zot in met law ladan.  So nou osi nou pou esey an konpetisyon pou nou gete si nou kapab ganny enn nou zofisye kalifye pou ganny sa scholarship.

 

Lo kote bann e zenn etidyan bann etidyan ki pe etidye liniversite pou gannyen en group zot pou vin kot nou, nou sey partaz zot avek Biro Lanrezistreman mon sey mentor zot – mon dir zot this is en moman kot ou aprann.  So mon anvoy zot biro Lanrezistreman mon sey fors zot, zot pa tro le ale me evantyelman zot kontan akoz mon dir zot gete bann avoka pa tro konpran bokou keksoz ki pase dan Biro Lanrezistreman.

E ou ganny sa loportinite pou ou konpran ki arive laba.  So ou annan en lavans demen zour ou konmans practice dan sekter prive oubyen menm avek Gouvernman.

So de ou trwa ki nou anvoye mon vwar zot in reakte ase pozitivman evantyelman.  Me nou problenm again se ki menm si PSO i fer provizyon ki sa bann stazyer si mon kapab dir, zot ganny en serten reminerasyon nou pa’n spend sa dan nou Bidze, pou zot ganny peye.

Alor i anmenn en pti pe en fristrasyon.  Ou konnen zot bann etidyan zot bezwen en pti en pe larzan pou zot kapab depanse, e zot pe travay.  E petet nou pe dir ek zot gete ou ganny en loportinite ou ganny leksperyans, me i pa parey letan ki mon par egzanp letan mon ti vini dan bann break e ou travay e ou ganny ou R1900.

So mon krwar sa i en keksoz ki nou pa’n o moman ki ler nou prepar Bidze e ler nou’n resevwar en group etidyan, nou pa’n mete petet sa i en keksoz ki evantyelman nou pou bezwen fer en pti varyasyon pou nou kapab ankouraz bann stazyer pou vini e ganny en reminerasyon.  E petet sa i ankouraz zot pou zot osi partisip en pti pe aktivman dan fonksyonnman Biro Attorney Zeneral.

Pou reponn sa ki Onorab Gill in dir krwar pou lakantite larzan ki pe propoze, bann lakantite pos, mon krwar nou annan nou bezwen konmans somewhere.  E pou nou kapab fer minimum mon krwar sa kantite pos – sa larzan nou a konmans dan sa direksyon.  E parey PS Thésee in dir petet pou lannen prosen nou a gete.

Me an menm tan nou pou bann ki la zot pou ganny plis leksperyans ou konnen ek leksperyans keksoz ki ou fer dan 5minit dan 1erdtan ou pou fer li dan 30minit.  E sa i pou petet en zofisye i pou donn rannman 2 zofisye evantyelman – 2 zenn zofisye e an menm tan nou pe gete si nou support staff osi i kapab partisip bokou plis e rann son zofisye bokou pli efficent dan discharge son fonksyon.

So nou pe sey gete si bann support staff i kapab fer sa.  Par egzanp nou’n kree bann pos par egzanp pou proofreader ki nou ti napa pos so sa pou ed Drafting Section osi vin pli efikas.  So mon krwar mon ase konfidan avek sa Bidze i a kapab ed nou.  Me les problenm i pa vreman – wi avek larzan me i avek pou ganny sa bann dimoun.  E ler ou kapab ganny sa bann dimoun, sa larzan ki ou donn zot i pa commensuate avek petet sa ki zot kapab gannyen dan en lot pei.

Anfet en dimoun in deza dir ek mon gete mon zanfan i kapab vini sorti aletranze vin travay Sesel, me eski ou pou pare pou ou donn li sa saler ki ou pe donn sa expatriate – at least pa plis ki sa?  Me petet dan Scheme of Service, pou nou montre sa legalite, petet nou kapab dan plas donn annan de saler diferan pou en expat e pou en Seselwa, be selman sa petet i premature – me i food for thought, pou nou kapab dir be ok sa expatriate allowance i expatriate allowance, sa sonm expatriate allowance nou a donn li en lot terminolozi nou a nonm li en risk allowance en supplimentation – en whatever.  Ou konnen en Ziz in deza dir Maurice poudir en Lakize – en Prosekiter ek en Ziz, pa kapab pran menm mwayen transpor pou zot ariv se zot.  Akoz ou pa kapab ler ou’n ariv lo bus stop e ou vwar sanmenm sa boug ki ou’n fek pourswiv li e ki’n fek ganny kondannen en swa en suspended sentence swa en fine i antre dan bis e i asiz zis par deryer ou e sa Ziz osi i dan menm transpor ki ou!  So sa i zis pou donn en pti pe lesansyel.

 

MR SPEAKER

Mersi Attorney Generale.  Onorab De Commarmond.

 

HON CHARLES DE COMMARMOND

Byen kontan AG ki mannyer ou pe think.  Be zisteman olye esper lannen prosenn, akoz mid-year ou pa revwar konmsi pou kapab pou nou kapab reget sa Bidze.  Menm  nou pou kapab annan en Bidze Siplemanter les li, me nou a kontan poudir i annan en bon cause akoz sa cause ki ou pe dir la i enportan.

E an plis ki sa, sa bout Bidze sa bout pou bann etidyan ki ou’n dir ou pa’n met dan Bidze ki son – konbyen si ou ti pou mete konbyen amount la nou pe koze?  Ki nou ti kapab regarde kote nou kapab rod en landrwa pou nou koupe pou nou donn nou pou sa sipor.  Mersi.

 

MR SPEAKER

Mersi Onorab.  AG.

 

ATTORNEY GENERAL MR FRANK ALLY

Bon pa krwar ki i pou ariv plis ki R100mil.  Akoz let’s say nou ganny apepre 5 etidyan ki vini, zot vin en mwan e zot pou zot ganny de vakans.  Let’s say zot pou vin pandan 2 vakans e let’s say ou pe pey zot en serten en allowance then mon pa krwar i pou ariv plis ki R100mil – at the most R200mil petet.  Mersi Mr Speaker.

 

MR SPEAKER

Mersi AG.  Mon annan ankor de entervenan mon ava donn laparol Onorab Andre.  O kontrer Onorab Andre welcome back mon mazinen ou fek arive bomaten me laparol i pou ou.

 

HON CLIFFORD ANDRE

Mersi Mr Speaker.  Mr Chair mon ti a kontan Attorney Zeneral PS Thésee i dir nou ki Attorney Zeneral i annan 30 pos ki i bezwen fill baze lo son demann ki i ti fer semenn pase.  E nou vwar tou lede sa de pozisyon Legal Drafting and Law Revision avek Prosecution Mitigation Advisory and Notary Services i fer anviron R5milyon – R5.2milyon.  E mon’n sey fer en pti kalkil en pe vitman – mon vwar i tonm R173mil par dimoun.  Letan mon diviz 30 par sa R5.2milyon R173mil par lannen savedir i fer en saler apepre R14mil par mwan.  Eski realistikman nou krwar nou pou ganny en avoka Seselwa pou vin travay avek Biro Attorney Zeneral pou R14mil?  Mon lopinyon se, i pa pou fasil.

Lot keksoz ankor mon le demann Attorney Zeneral pou eksplik nou, nou pe get lo paz 25’’building and Infrastructure’’i annan en R500mil apre lo sa 4enm «approve new spending intitiative» i annan «minor capital outlay» R200mil.  En pti lesplikasyon lo sa de.

Apre Mr Chairman eski letan Attorney Zeneral i dir poudir Gouvernman ‘bann Departman Gouvernman ki mon mazinen i enkli Manm Lasanble pa Manm Lasanble be Lasanble li menm per se, eski Attorney Zeneral pa ti a krwar ki i pli bon ki sak Minister i annan en legal person ki segonde avek Attorney General me ki ganny peye par sa Departman.  Akoz bokou zot i annan en legal advisor si zot pa pe ed ou pa vo lapenn annan sa legal advice alors.  So si pa kapab annan en keksoz ki merge kekfwa ki zot annan en serten form training, zot zwenn tou le semenn, zot pas lo bann keksoz ki in arive e zot vin parey ou bann laison officer ki donn bann advice dan sa bann Departman, mon krwar i pou ed bokou sa bann keksoz i vin direkteman kot Lofis Attorney General e ou vwar ou ankonbre avek bokou sa bann sityasyon.  Mersi.

 

MR SPEAKER

Mersi Onorab Andre.  AG.

 

ATTORNEY GENERAL MR FRANK ALLY

Mersi Mr Chairman mersi Onorab Andre.  I annan sa provizyon pou R500mil.  Ki ti arive se ki ler mon ti konnen National House i pa dan en leta mon kapab dir akseptab, i en vye batiman.  I – nou konnen ler ou annan en etranze ki vini par egzanp mon pa pe ki nou pe prefer etranze me avek serten lekspektasyon e ou donn li en lofis dan Biro Attorney Zeneral e ou dir ek li ou pou share lofis avek en zofisye, e i get sa sez i get sa bann lenfrastriktir ladan, ou konnen i pa vreman welcoming.

E menm en zenn etidyan Seselwa i vini in annan high expectations in al etidye e i antre dan biro i pa vreman conducive.  So nou ti demann en R500mil pou nou fer en pe bann renovasyon ; toilet i enn nou fer lannen pase e sa lannen me nou bezwen fer e me selman la nou kapab fer en pti savings nou ganny en pti kontrakter petet ki en pti pe rezonnab e nou pe fer.  

   So i annan gran posibilite ki sa larzan petet nou pa pou kapab servi pou sa ki nou ti’n pa kapab dir sa devan PS Finans me selman evantyelman avek sa ki nou pe kapab fer en savings lo la.  Me sa i a pran son kour natirel anba Bidze si nou pa servi sa sonm.  Me sa bann larzan ki nou ti le bidzete pou nou improve en pti pe kondisyon nou staff – ok?  Parey mon dir toilet, zot lofis i en pti pe difisil pou travay.

Kant ou pe lo sa sizesyon legal person – wi i annan en sizesyon kot par egzanp Minister Finans i annan li en dimoun ki li i deal avek toultan.  Problenm ki arive se ki ler sa dimoun i ale nou perdi.  E sa Minister osi i en pti pe lost.  So swa nou annan bann dimoun ki spesyaliz dan bann area, parey mon ti pe koz lo spesyalizasyon – ou konnen ou annan en dimoun ki spesyaliz dan Tax Law, en dimoun ki spesyaliz dan Lalwa Lanmer, en dimoun ki spesyaliz dan de delimitasyon maritim e ki i pe fer tou sa bann travay.  Nou annan par egzanp nou annan zofisye par egzanp ki spesyaliz dan International Maritime Law so i Iiaise avek sa MDA sa relevant MDA. 

   So me selman wi i en sizesyon ki nou kapab fer – nou kapab pran. Me selman nou pou bezwen annan sa bann staff pou nou kapab fer.  Nou fer dan en fason soft ; par egzanp SFA i konnen poudir be gete toultan mon al kot tel zofisye mon al kot li direk pou li kapab ed mon akoz nou aret en bato e sa zofisye i deza fer sa avan e ki i speed up the process.

Taks par egzanp i annan en dimoun kekfwa or Trade ; i annan en dimoun ki toultan petet nou anvoy li  bann seminar pou Trade e li prezan Departman Trade i deal avek sa dimoun sa zofisye enpe pli direk e sa dimoun i reakte dan en fason bokou pli efikas.

Kant i sazi bann legal officers – mon konnen poudir dan Minister i annan en kantite bann legal officers, e tre souvan i arive kot zot travay an izolasyon avek nou.  E mon ti a swete petet ki nou annan en fraternite ant tou bann legal officers ek biro Attorney Zeneral konmsi i pa Biro Attorney Zeneral i laba e zot isi e zot napa sa akse avek sa zofisye.  E tre souvan i arive kot ou pou zwenn en zenn legal officer ki konmans dan en Minister e i en pti pe lost ouswa MDA.  E petet i pe wrestle avek en pti issue li pou li i en big issue.  Me si i vin kot biro Attorney General e i demann en led nou solve sa petet dan en pti git letan.

E i kapab osi ki nou pe resstle ek en big issue or en small issue kot nou krwar i sibstansyel, me parkont dan sa Minister i annan en legal officer ki li in spesyaliz dan sa size e li i kapab ed nou.

   So in fact mon sa ki mon ti anvi se in fact mon ti fer demann avek DPA donn mwan en lalis tou bann legal officers, ki nou kapab kree pa en Lasosyasyon me en pti fraternite ki nou kapab share knowledge e lenformasyon.

E mon krwar osi ki ler en zofisye legal me selman pou le moman nou annan en scarcity of sa manpower ki ideally i ti pou bon ki avan en Minister en Departman i anploy en legal officer sa legal officer i travay dan Biro Attorney Zeneral.  E prezan si i le i ganny segonded swa parey nou dir sa MDA i seconded kot Biro Attorney Zeneral i travay pou en pti pe letan ouswa the other way round, kot  i fer detrwa zour kot biro Attorney Zeneral apre detrwa zour kot sa MDA, ouswa i travay ek sa MDA me selman dan Biro Attorney Zeneral zot ganny akse avek leksperyans bann dimoun otour li.  Mersi Mr Chairman.

 

MR SPEAKER

Mersi AG.  Onorab William dernyen kestyon.

 

HON WAVEN WILLIAM

Mersi Mr Speaker.  Bonn apre midi Vis Prezidan avek AG avek ou lekip.  Mr Speaker mon ti a kontan demann Minis sa kestyon, lefe ki Minis Finans mon krwar i pa’n le reponn sa kestyon mon krwar in dir mwan trankilman – petet letan AG i vini petet demann li sa kestyon.  So AG mon anvi AG ou ki zabitan La Misere pe demande lefe ki Minis Finans in anonse ki i annan R30milyon ki merit ganny mete dan Bidze pou La Misere, mon anvi demann ou si sa prosesis travay in fini konplete e si sa larzan i sanmenm tou?  E kan ki zabitan La Misere i ekspekte ganny zot sonm larzan?  Mersi.

 

MR SPEAKER

En moman AG.  I en pe an deor – i pa en pe an deor – i vreman an deor wi.  I dan Bidze.  I dan Contigency.  PS Thesee i dan Contigency sa non?

 

PS DAMIEN THESEE

Mr Speaker.  I annan R50mil dan Contigency me ladan R15milyon i pou Kiltir R20milyon – R50milyon …

 

MR SPEAKER

Petet annou esper wi annou esper Bidze ariv lo la.  Akoz mon krwar i pou en pe an deor well i an deor sa ki nou pe fer la.  Ok mon konpran ou konsern Onorab.  Konsern i note.  Me ler nou ava ariv lo pou kestyonn sa Bidze ou kestyon i ava relevan i ava monte.  Ok.  Bon yes Onorab Simon Gill.

 

HON SIMON GILL

Non, selman mon pe dir petet mon pa pou ganny sans ganny Attorney Zeneral me i annan sa size ‘’prescription fee ‘’ki’n leve lo kote Lasanble – probableman i byen ou donn nou ou avi lo la?

 

MR SPEAKER

Non i polisi me Minis dan son Repons bomaten in dir, zot pe kontinyen … wi pou annan en way around it.  Bon nou ariv en moman pou nou pran en eski PS nou pou pran en vot direkteman lo la, apre nou ava pran pou Registration Division?  Nou a pran en vot lo la PS?

 

PS DAMIEN THESEE

Aktyelman vot i pou total pou sa R49milyon enkli Registration.

 

MR SPEAKER

Ansanm avek Registration.

 

PS DAMIEN THESEE

Yes.

 

MR SPEAKER

Be nou savedir nou pou bezwen appel bann zofisye pou Registration DivisionOk.  Bon nou ava eskiz AG avek AG pe reste wi nou ava eskiz Madanm Hoareau parmi nou.  E nou ava demann bann zofisye pou Registration pou antre.  Mersi Madanm Hoareau.

 

(MRS HOAREAU WAS EXCUSED FROM THE HOUSE)

 

MR SPEAKER

Yes Onorab Ferrari.

 

HON JEAN-FRANCOIS FERRARI

Mr Speaker mon kapab lev en pwen en matter of privilege arising now?

 

MR SPEAKER

Yes ale.

 

HON JEAN-FRANCOIS FERRARI

Mersi Mr Speaker.

 

MR SPEAKER

Met ou mick on.

 

HON JEAN-FRANCOIS FERRARI

Mr Speaker mon en pe dezole ki mon pe lev sa devan Vis- Prezidan me selman mon santi si mon pa fer li mon pa pou ganny sans lev li apre.  Ou konnen nou pe sey fer en travay nou be i annan en msye ki apel ki en anplwaye Lasanble Nasyonal ki apel Mr Johan Loze ki pe asize dan biro Leader of Government Business ki pe ensilte nou ki pe ensilte mon sirtou sa bann gro betiz e mon sorti ler mon sorti Mr Speaker pandan deba mon al fer verifye e i pe asize dan Lasanble Nasyonal dan biro LGB e i pe zoure e mon pa pou kapab!  Bomaten mon dir enn de mo mon pa pou kapab dir la.  E sa in ariv.

 

MR SPEAKER

Eski pe ariv la an se moman dan sa deba?

 

HON JEAN-FRANCOIS FERRARI

La Mr Speaker.  I pa pou posib ki nou kontinyen koumsa.  Nou bezwen annan en lord dan sa Lasanble.  Mr Speaker akoz si nou pa kapab fer nanryen be mon ….

 

MR SPEAKER

Ok mersi.  Mersi Onorab.  Mersi.  Bon.  Mon le ranforsi mon pwen ki mon fer bomaten konsiltan ki ganny anploye par le de biro i responsab le de Leaders. Onorab De Commarmond mon krwar ou a pran li konman ou responsabilite, akoz si non mon pou regarde lo kote Lasanble atraver sa Kontra si i annan posibilite ki nou pou bezwen defer sa Kontra.  Se sa rezon ki bomaten nou pe liaise nou de Madanm Clerk pou nou regarde en byparty contract nou bezwen fer li en tripartite contract.  Akoz se Lasanble Nasyonal ki pey sa allowance, malgre ki Kontra i ganny fer ant le de lofis.  So pran ki konman ou responsabilite Onorab De Commarmond.

 

HON CHARLES DE COMMARMOND

Mon ava regarde mon a brief ou taler dan Break.  Mersi.

 

MR SPEAKER

Yes please mersi.  Mersi Onorab.

 

HON JEAN-FRANCOIS FERRARI

Mr Speaker avek respe si ou pa mind mon pa mank ou respe e mon pa mank respe Vis- Prezidan personn.   Mwan mon pou kit sa lasal akoz mon pa pou ganny ensilte …

 

MR SPEAKER

En moman … en moman … Onorab De Commarmond.

 

 

HON JEAN-FRANCOIS FERRARI

Mon pa pou ganny ensilte …

 

MR SPEAKER

En moman … en moman … Onorab De Commarmond.  Mon donn ou leave ou al sort out – si non – si non  mwan mon pou donn lord Sergeant ki sa msye i kit the premises of the National Assembly.  Nou pa kapab ler Lasanble Nasyonal pe fer en travay ki serye, nou annan en dimoun anndan dan batiman Lasanble Nasyonal ki pe ensilte en lot Manm.  Mon’n dir bomaten mon pa pe toler sa ni menm avek en Manm Sekretarya – en staff Sekretarya! Mon pa pe tolere!

 

HON CHARLES DE COMMARMOND

Mr Speaker mon promet ou mon ava tyeke me …

 

MR SPEAKER

Mon pe donn ou leave now !

 

HON CHARLES DE COMMARMOND

Wi mon ava ale mon ava al tyeke.  Me selman zis mon pe dir ou en – konmsi mon bezwen tyeke e raport avek ou, akoz sansan ki arive i annan dimoun ….

 

(Interruption)

 

HON CHARLES DE COMMARMOND

e.k.o.u.t.e!  Ler dimoun pe koze …. Akoz i annan dimoun i kasyet anba plizyer fake profile.  la dan sa Lasanble i annan.

 

(Interruption)

 

HON CHARLES DE COMMARMOND

e.k.o.u.t.e  mon a pe koze.e.e.

 

MR SPEAKER

Order!  Order!

 

HON CHARLES DE COMMARMOND

Zot bous zot zorey?  I annan ki kasyet anba fake profile.  Mon pa konnen si sa ki zot pe dir la i en fake profile oubyen non mwan  Mon ava tyeke mon ava dir ou.  E fake profile osi tou dan nou Lasanble ler nou pe … Lasanble i on sa osi ou bezwen  ou osi met aksyon pran aksyon lo la – en?   Mersi.  Mon a tyeke.

 

MR SPEAKER

Onorab mon ganny alerte bomaten i annan en keksoz pe go on mon ankor pe investigate lekel ki responsab pou sa fake profile.  Mon pa ankor … Mon napa mwayen – ok?  Me selman parey mon pe dir Lasanble nou antre dan en lot staz la nou pe depouy sa Bidze dan en fason ki serye e nou anvi ki tou Manm i ganny sa sans pou konsantre pou kapab fer sa travay.  Nou pa kapab envit bann teknisyen ki’n la avek nou depi semenn pase Vis-Prezidan i ek nou dan sa Lasanble ki nou pe al dan sa direksyon!  Mon pa pe tolere silvouple le de Leaders zot pran responsabilite pou zot Lofis!

 

HON CHARLES DE COMMARMOND

Mr Speaker mwan osi mon pa tolere sa bann zafer!  Ou konn tre byen e mon pa lo Facebook!  Mwan mon ava al regarde e mon a fer ou konnen o pli vit posib – en?  Pa trakase.  Mersi.

 

REGISTRATION DIVISION

 

 

MR SPEAKER

Mersi.  Bon nou pou al pran Bidze pou Departman Rezistrasyon e mon ti a kontan welcome Madanm Wendy Pierre ki Registrar General i ganny asiste par Madanm Marlene Mondon Director Administration e Mr Fred Hoareau I got it right Mr Fred Hoareau Deputy Registrar General.  Bon PS Thésee bon zis gid nou.

 

PS DAMIEN THESEE

Mr Speaker lo paz 29 Registration Division e pou en sonm R16.4milyon.  Mersi PS.  Mon a donn laparol Onorab Churchill Gill.

 

HON CHURCHILL GILL

Mersi Mr Speaker.  Bonn apre midi Mr Speaker, Vis-Prezidan, lekip.  Lo paz 30 mon kestyon i lo paz 30 anba table 2 «current receipts» i annan en ogmantasyon sibstansyel ki antisipe an 2019 pou «stamp duty» si nou kapab ganny zis en nide ki kantite sa lekel ki bor nou anticipate anmas sa kantite «stamp duty»?  Mersi.

 

MR SPEAKER

Mersi Onorab.  PS Thésee.

 

PS DAMIEN THESEE

Mersi Mr Speaker.  Sa sonm i relye avek stamp duty sel ki annan pou fer avek Cable & Wireless.  Mersi.

 

MR SPEAKER

Ok mersi PS.  Onorab Churchill Gill.

 

HON CHURCHILL GILL

Eski zis Cable & Wireless ouswa petet i annan lezot ankor?  Mersi.

 

MR SPEAKER

Ok PS.

 

PS DAMIEN THESEE

Pou Cable & Wireless nou met apepre R222milyon e larestan i pou form par day to day ki Registration i abitye kolekte.  Mersi.

 

MR SPEAKER

Mersi PS.  Onorab Aglae.

 

HON EGBERT AGLAE

Mersi Mr Speaker.  Bonn apre midi avek ou delegasyon Attorney General.  mon kestyon i al lo paz 31 kot i konsern «new spending initiative» e enn zot lobzektif priyoriter sete pou improve zot lefikasite.  E mon ti a kontan konnen anvi ki i annan bokou bann servis ki depan lo Registration sirtou i annan bann biznes prive osi e kot i annan bokou konsern kot i annan bokou retar dan bann prosedir, eski atraver sa «new spending initiative» la nou pe al vwar at least i ankor annan en servis ki pou pli vit efektiv pou ki bann kliyan ki pe depan lo Registry, i pa bezwen esper en kantite letan pou zot kapab dan bann prosedir kapab ganny pase?

E dezyenmman mon ti a kontan konnen la ozordi depi 2018 la ki bann fakter ki zot santi ki’n fer sa bann retar dan lepase eski i zis fakter pou fer avek zot resours imen, ouswa i annan bann lezot fakter konzwent avek bann lezot Lazans ki zot travay avek?  Mersi.

 

MR SPEAKER

Mersi Onorab.  Madanm Pierre oule reponn.

 

REGISTRAR GENERAL WENDY PIERRE

Yes. Bonn apre midi Mr Chair tou Manm Lasanble.  Mersi Onorab pou ou kestyon.  Ok, so mon panse sa de kestyon mon kapab formil li dan en sel larepons – ok?  So i vre kot Biro Lanrezistreman nou annan bann challenges an term retar nou bann dokimantasyon ki ganny prezante kot nou.

 

Enn bann rezon prensipal si mon kapab zis brefman liste ; i annan pou fer avek kantite dokiman ki nou resevwar.  As you already said ennler nou bezwen pran an konsiderasyon ki kot nou la tou bann – par egzanp le moman ki annan en sanzman dan Polisi ok dan Lalwa – ultimately sa i tonm kot nou konmsi i fini kot nou pou anrezistre pou regarde pou legalize.

So whilst tou sa bann devlopman pe arive dan pei pou en pe lannen an term resours, i reste menm parey. Sso si mon pe regarde mon laba apepre 4an koumsa mon poudir fasilman ki bann dokimantasyon in 4 times ogmante.  Akoz nou ti pe fer en pti nou ti pe fer en pti resansman nou vwar poudir apepre par mwan nou ganny nou apepre en 400mil dokimantasyon ki antre de tou sort kalite – ok? 

   In addition tou kalite dokiman nou pe koze pa zis later nou bezwen mazinen kot nou, nou deal avek later – wi i bann dokiman ki antre ler mon pe dir 400mil i enkli pa zis neseserman bann dokiman ki nou pe stanpe pe anrezistre i bann request ki nou gannyen osi.

 

   Ok ki la i ogmante.  So kot nou, nou deal avek lanrezistreman later vye sistenm nouvo sistenm nou deal avek lasosyasyon, nou deal avek bann charges ki sorti labank,  pledges, nou deal avek konpani, biznes, intellectual property – so tou sa bann diferan seksyon ki nou divize la nou kapab mazinen kantite dokiman ki pe antre toulezour.  Ok?  

E an plis ki sa pou bann ki frekant nou biro mon krwar nou kapab safely dir ki bann figir ki zot ti vwar 10an pase se sanmenm sa bann figir ki pe actually deal avek zot dokiman.  So resours imen of course vizavi kantite dokiman ki antre i en fakter enportan.

Apre osi anyway ziska aprezan i am please to say ki dan nou Bidze mon vwar poudir i annan en logmantasyon lo kote staffing me selman as opposed parey AG en keksoz ki mon vwar li konman en challenge pou nou en.

Akoz menm si par egzanp nou ganny nou  – nou apel sa bann support staff a en nivo en pti pe pli – in en pe pli ba ki donn sipor bann zofisye, sa i ogmante, i kapab tir i larg- konmsi i kapab larg enpe lanmen.  Me selman when it comes to bann pozisyon en pti pe pli o par egzanp bann zofisye bann senior officer sa i en gro challenge pou ganny dimoun.

Ki vedir menm si tou sa bann dokiman nou pe deal avek ultimately i end up kot sa bann menm dimoun ki end up apepre 4an ki annan apepre 5, 6 zot la ki zot bezwen asize stanp sa bann dokiman anrezistre sa bann dokiman.

Apre of course i annan mon avek Depite Rezistrar ki i annan ler nou bezwen admet poudir nou vin en pti pe bottleneck akoz tou sa bann dokiman as is now nou ki bezwen sinyen.  Ok? Sa i en kontribye dan sa challenge ki nou annan so i pou ed en pe me selman fingers cross ki nou ava kapab sey idantifye nou kapab ganny bann dimoun en pti pe pli a en serten nivo.  Akoz ki nou vwar osi ler sa bann dimoun i antre la, kot nou i annan en serten nivo presyon an term demann ek lekspektasyon pou servis, ki i annan bann zenn dimoun i vini graduate zot tenir enpe letan, apre zot kit nou, zot ale.  Ok sa i enn.

Apre osi fil -e mon krwar i annan bann Onorab in enterakte avek nou kot kekfwa i annan serten file ki ganny demande osi kekfwa i pa pe ganny donnen dan en lespas letan ki i kekfwa ki dimoun i ti ava apresye i été.  Me lo sa ka la i annan pou fer osi avek sa challenge lespas ok?  Akoz tou le kontrol file si ou le manage e kontrol ou file ou bezwen annan en proper filing system ok?  

So nou napa ase lespas pou annan sa filing system.  Which means file ennler i al an apporte staff ki menm ennler ou fer serten ledikasyon poudir staff ler ou pran en file ou fer antre dan en sistenm, rikorde so that when – pa zis ler bann kliyan i demann file me osi ler nou pe process bann dokiman ou konpran mwan?

Akoz ou kapab dir file i avek meton Madanm Mondon selman ler nou gete i pa avek li in bouze  –ok   Be lo selman lo sa kote la ki nou de keksoz ki enportan note an term ede e deal avek sa problenm.

Enn sa lespas ki nou pe gannyen kot the ex-Air Seychelles downstairs.  So pou tir sa kalite presyon akoz nou plan se ki when it comes – Business, Companies and Intellectual Properties pou bouz anba ; ki vedir pou reste later bann zafer Mortgages, Charges sa pou anler.  Savedir tou bann file later i ava anler savedir nou ava annan ase lespas pou nou fer sir ki tou file i ganny you know – in ganny byen i ganny tyonbo e ganny bann sistenm.  Avek DICT osi ki nou pe travay pres avek nou nobou met ranplas en sistenm nou apel sa Land Registration System.  Savedir tou dokiman ki pe vini in fer antre ladan.  Akoz ultimately ankor kekfwa mon ava enform en devlopman ki nou pe fer se ki nou anvi kre en kiosk ok?  En kiosk both anler kot nou été la avek anba.   Ki sa kiosk i ekspekte fer se ki par egzanp  Onorab Aglae, atraver Mr Chair ler ou pou vini ou dir mon anvi en file ou pa pou bezwen pe ganny sa physical file dan ou lanmen konmsi. So ou pou sak kiosk i pou annan li computers where ou pou ale ou akse avek computer ou pou ganny soft – you know all the files will be there. 

So sa i nou target ki nou anvi.  Savedir ;

(1) i pou redwir  – you know i pou ogmant speed avek nou – you know nou kliyan apre nou osi nou ganny access ek file.  Apre i pou osi protez kalite file.  Akoz ou konnen kalite file dimoun pe handle toulezour i damage apre i annan son kou ki vin avek ki pou kapab you know ranplase.  Ok sa i enn.

Apre osi i en challenge osi kalite you know ennler nou annan en tandans ki mazin Lofis Lanrezistreman and like you said ennler nou atrakte avek nou lezot Lazans ; nou enterakte avek avoka nou enterakte avek bann oditer.  E ennler zot kalite response ki nou gannyen avek zot osi kalite dokimantasyon ki vin kot nou.  Ennler bann avoka zot kontan dir nou – you know nou pa gard, nou pa Ziz pou get dan sa bann dokiman, be selman we cannot do it blindly.  Akoz nou annan en responsabilite – you know?  So demen i al Ankour.

Nou annan bokou bann case ki arive ki nou osi nou pou reponn kestyon be Rezistrar why is it ki ou pa’n tyek sa ki ou pe anrezistre.  So i bezwen annan serten disiplin osi dan sa ki ou pe fer.  Ok?  So nou this is why what we have been doing se ki nou konmans en series of meetings ki enkli avek bann legal practitioners kot zot osi zot in met zot bann konsern devan nou, nou osi nou met nou konsern avek zot.

   So nou dir i enportan ki nou travay ansanm.  Nou pa kapab dir en zwe blanm ‘’ti ek ou pa ti ek ou !’’ Ou konnen?  So e pou ed sa osi nou annan en sistenm, kot nou anvi met an plas la se ki si sa enn dokiman ki antre i kot Rezistrar, savedir i pou kot Rezistrar.  Konmsi savedir ou konnen kot i été.  Mon krwar Planning i fer en pti pe koumsa si mon pa tronpe. Ok, so sa nou pe met an plas avek sa.

Apre osi avek DICT osi i annan sa problenm ki ennler i annan kekfwa i annan serten penalty ki bann kliyan ti pe rankontre ki ler zot dokiman i reste en pti pe letan.  So ki nou pe fer avek DICT, le moman ki ou dokiman in pare pou peye, le moman ki ou dokiman in pare pou kolekte, nou anvoy en notis kot sa bann kliyan ki or kot sa bann avoka, ki zot konnen deswit pou zot vin peye.  Ok?  So apre osi mon krwar Minister mentioned the Collateral Registry ki nou pe travay avek Central Bank and DICT also, where bann labank olye fizikman vin kot nou, from kot zot été zot kapab anrezistre nou appel sa bann register sa bann notis – ok?

Savedir i pou tir en pe sa laspe pe vini en pe retar tousala ok? Savedir i pou en shared responsabilite between sa bann lenstitisyon  avek osi nou Lofis.  Apre ok  I mean parey mon pe dir vre nou ganny bann konplent.  Nou bezwen annan en sistenm pou nou kapab kaptir sa bann konplent akoz ennler nou konnen nou dir i annan en konplent Rezistrar i konnen.  Ennler i annan keksoz kekfwa ki pa ankor ariv kot nou ok? 

   So nou met an plas nou pe sey met an plas en lankadreman ki kliyan i konnen poudir mon annan en issue – akoz ennler mon al devan kot Resepsyon nou konplent nou dir isi laba, me selman i pa ariv kot dimoun konsernen.  Ok?  So sanmenm sa nou met an plas en Complaint Section – en mechanism pou konplent ki dimoun i annan konplent i anmennen i rikorde e nou oblize donn sa feedback.  Akoz ennler ler nou dir sa staff i bliye i annan telefonn pe sonnen, en dimoun pe vini apre i dir ‘’anr mon ti vini napa nanryen ki’n arive.’’ Me sa pa’n ariv kot dimoun apropriye ok? 

   So apre nou pe fer bann meeting weekly avek bann practioners avek bann dimoun osi.  Mon krwar mon ti anons sa lo medya.  E an plis ki sa nou rekonnet mon krwar Onorab Woodcock ti’n deza mansyonn sa avek Onorab Churchill Gill konmsi sa laspe bann dimoun osi Praslin/ La Digue.

   So nou ti an diskisyon avek Minis Charlette on the possibility having en fasilite partaz avek zot lofis kot at least pou konmanse at least tou le de semenn nou annan en prezans konpran mon.  So ki prezan nou laba ki dimoun prezan i kapab konmsi annan sa enteraksyon direk ok?  So sa nou pe travay lo la avek Minis Labita.  So mon panse ki direkteman so mon panse ki tousala ler ou get li dan son totalite i pou ede pou nou kapab anmenn en pli bon servis.

 

MR SPEAKER

Mersi Madanm Pierre.  Nou ganny leksplikasyon sa grander akoz kestyon in vin direkteman ver polisi lo bann challenges.  Onorab Andre Onorab Woodcock ou kestyon i tonbe Madanm Pierre in adres Praslin/ La Digue tou – non?  Ok?  Onorab Andre.

 

HON CLIFFORD ANDRE

Mersi Mr Chair.  Mr Chair nou pe get dan sa Bidze i annan en logmantasyon parey nou dir signifikan Onorab Churchill Gill in poz sa kestyon lo zafer «stamp duty» mon ti a kontan demann avek Rezistrar, si sa logmantasyon sorti R150milyon pou vin R325milyon i enkli sa R2.3milyon ki mon ti mansyonnen, ki en det ki bann dimoun ki pey zot «stamp duty» ki’n donn bounced cheque ki i en det ki Gouvernman i bezwen kolekte.  Si sa pou enkli sa?  Oubyen i zis parey bomaten Minis Finans in dir se, larzan ki pou antre pou Bayan Tree avek Cable &Wireless?

 

Mon ti a kontan ou eklersi sa.  Lot issue se ou’n dir la ki ou Departman e si nou pe donn larzan se pou fer performans vin pli byen ou dir ki ou Departman pe liaise avek Central Bank avek bann Labank pou zot submit zot bann dokiman elektronikman zot bann charges electronically akoz zot pa kree menm sistenm avek bann avoka, pou ki nou osi nou kapab submit nou bann transfer ki en dimoun i vin kot nou elektronikman e sa i ava redwir posibilite, ki ou annan en kantite pa sa kantite dimoun pou fer sa travay, akoz ennler elektronikman electronically i annan serten kriter ki nou bezwen tick ‘yes or no’, apre i pou al dan en queue ki i ava mars koumsa.

E akoz ou pa eski Attorney General i kapab dir nou sa akoz sa i tonm anba son Departman akoz ou pa annan en separasyon ant Company, Business e Lands i ganny separe koumsa i pa ava met sa presyon direkteman lo zis en dimoun e i ava annan kekfwa Deputy ki ava ansarz en sekter lot ki ava ansarz en sekter.  Apre lo kote sistenm computerise ki nou vwar ladan larzan pe ganny donnen pou sey amelyor sityasyon e sa i annan 4an ou dir i annan 4an ou’n vini la 4an sa menm zafer i vini tou le lannen lo computerisation upgrading e zanmen i arive !  Kan ki finalman nou pou kapab vwar avek larzan ki’n donnen lannen pase be sanmenm sa ki ti ganny dir sa larzan se pou fer sa e nou still pa ankor vwar li arive e sa larzan ki ti donnen ki’n arive avek?  Mersi.

 

MR SPEAKER

Mersi Onorab.  Madanm Pierre sey et bref.

 

REGISTRAR GENERAL WENDY PIERRE

Ok.  Mersi Mr Chair and Onorab Andre.  Ok so lo kote reveni prensipalman sa bulk of sa increase i pou tous sa Cable & and Wireless and Bayan Tree. Ok?   Ou’n mansyonn si sa i annan pou fer avek bann det nou annan nou annan en sistenm kot nou dokiman pa pe anrezistre si ou pa pe peye. Ok?  Konmela bann sistenm ki nou met an plas lo kote Finans nou very strict when it comes to sa bann zafer cheque even to the point kot nou pa pe release nou pa pe fer nanryen.

Si mon krwar nou donn en lespas letan pou cheques ganny clear by Central Bank ki apre nou kapab proceed avek ou bann dokiman.  Lo sa kote bann zafer bounced cheque and dimoun pa pe peye sa i ti en challenge mon pou dir ou fran ler mon ti fek pran sa lofis me selman dousman dousman, it’s just i pe diminyen signifikan significantly – ok?

Lo kote parey ou pe dir digitalisation and elektronik i enportan parey mon mansyonnen avan nou kapab annan en system fully up and running.  La fodre tou sa bann lenformasyon i lo la sanmenm sa ki nou ti vini parey mon ti koz lo kote overtime, sa bann zafer koumsa la ki staff pe fer, me selman nou bezwen mindful poudir sa bann menm dimoun ki pe fer sa ki pe scan zot osi zot pe travay 8er- 4er.

   So i ennler i en pe lour lo zot.  Menm si parler nou donn en pti overtime ennler staff i dir ou mon fatige akoz nou travay non- stop konmsi – ok?  So selman sa bout nou selman en lasirans ki mon kapab donn ou an term parol bann zafer depans larzan tousala, sistenm internally tou nou sistenm i  elektronik en? Tou nou sistenm.  Basically ler ou get par egzanp ou get company ek biznes, still i annan posibilite pou kapab annan anrezistre, me selman bann avoka ennler pa pe servi.  Akoz sanmenm sa i en challenge kot Biro Lanrezistreman se ennler bann avoka bann pratitioners, menm pa le servi sa bann sistenm unless nou met dan Lalwa nou fer li obligatwar ki partou i koumsa.

Mon krwar kekfwa nou ti ava bouz dan sa direksyon.  Be selman sa nou ganny bokou rezistans when it comes to bann avoka menm pou sanz fason ki zot abitye fer keksoz.

Selman internally to nou sistenm i online.  Zis prezan pou nou azout sa pti bout an plis konpran mon pou anvoy kot nou bann practitioners.

Sa zafer separasyon biznes ek lands sa nou diskit li bokou ansanm avek Attorney Zeneral avek Gouvernman nou ava annan nou en lot Depite ki at least i ava manage sa bout konpani seksyon apre – you know – Business ek Konpani avek Lands i ava en lot Depite.  So sa i en diskisyon ki nou gannyen. i en kestyon kree sa pozisyon avek en dimoun apropriye ganny apwente lo la pou sa.

 

MR SPEAKER

Mersi Madanm Pierre.  Attorney Zeneral.

 

ATTORNEY GENERAL MR FRANK ALLY

Mersi Mr Chairman.  Zis pou fer en pti miz o pwen, lo kote bann soumisyon bann dokiman par elektronik – elektronikman nou annan en Lalwa ki apel Secure Transaction Act, e sa i pou ler nou enplimant li nou pou bann serten dokiman pou kapab ganny soumet elektronikman e li i pou ranplas en Lalwa ki appel Security Unmovables Act.  I annan en kantite bann dokiman ki plis ki kot i annan bann lyen ki anrezistre e sa bann lyen alor la pou ganny anrezistre elektronikman.

Me selman nou ankor an diskisyon akoz i annan platform pou fer peyman.  E osi lo lot keksoz se ki lo fees ki fees ki pou ganny peye akoz Gouvernman Leta pou perdi en pti pe larzan.  So nou bezwen kapab si nou al parey ki pe ganny anvizaze.

Me parkont i annan bann serten dokiman ki pa kapab ganny soumet elektronikman.  Parkont i kapab ganny viewed – search i a kapab ganny fer elektronikman ler nou kree sa platform land LRS – Land Registration System akoz ki arive en dimoun ki ou anvi en dimoun ki aggrieve par en desizyon or en tranzaksyon i bezwen vwar sa dokiman fizikman si sa dokiman in sinyen.  Akoz parey nou konnen i annan dokiman ki anba later anba Land Registration Act anba Mortgage and Registration Act i bann dokiman ki bezwen ganny sinyen e egzekite dan en form ki prevwar par sa Lalwa.  Anba vye sistenm par egzanp ki nou apel vye sistenm ki nonm Mortgage and Registration Act dokiman i ganny egzekite me i kite avek en Noter se sa Noter ki ansarz sa dokiman e li apre 1an i pran sa dokiman i pran en kopi i gard ek li, en kopi i anvoy kot Larsiv  – i transkrir i pibliy en kopi.

E ou ler ou al kot Biro Lanrezistreman ou zis vwar sa dokiman ki’n ganny pibliye ki’n ganny transkrir en Testaman en lavant ou pa vwar bann sinyatir – ou pa vwar bann keksoz koumsa amwen ki en dokiman ki ganny fer  – sours en prive.

   So i annan bann challenge.  I annan en Lalwa an partikilye, mon pa pou mazin egzakteman electronic transactions kot nou fer bann amannman nou fer bann egzanpsyon, me dousman dousman nou pou bezwen enplimant li.

Me parey Rezistrar in dir, i annan bann dokiman ki ou kapab soumet elektronikman anba Lalwa.  Par egzanp si ou annan en dokiman ki ou bezwen bann dokiman companies.  I annan bann provizyon, me petet mon pa konnen si en ledikasyon ki pou kapab, me ki fodre osi ki Biro Lanrezistreman i kapab resevwar sa.  E kot ou kapab fer peyman.  Mersi Mr Chairman.

 

MR SPEAKER

Mersi AG.  Onorab Andre.

 

HON CLIFFORD ANDRE

Zis en pti klarifikasyon ; Madanm Pierre pa’n klarifye mon pa’n klarifye nou lo la se sa R2.3milyon ki mon’n dir, eski sa larzan in ganny re kolekte, akoz sa i sorti dan en rapor Gouvernman konmkwa bann dimoun ki zot dokiman in fini ganny fer sa lepok, me letan larzan in pase, i reste outstanding.  So sa ti ava fer nou reset pou 2019 vin R338 oubyen R339 letan nou met sa pwen 3 avek sa 7 i a vin R339milyon dan plas annan R336milyon.  Mersi.

 

MR SPEAKER

Ok PS ou le reponn sa.  PS Thésee.

 

PS DAMIEN THESEE

Mersi Mr Speaker.  Mon sipoze pe refer to dishonored cheques bann bounced cheque.  As of 2018 sa in tonbe.  I aktyelman R89mil ki nou annan dan sistenm kot nou, konpare avek R2.4 oparavan.  Savedir in rekipere nou rekiper en pe larzan i reste zis R89mil outstanding la.

 

HON CLIFFORD ANDRE

Eskiz mwan Mr Speaker.  Mon pa pe dir a ler aktyel konbyen dishonored cheque i annan, mon pe dir sa larzan ki ti dwa sa letan si sa letan si sa larzan in ganny peye avek Gouvernman oubyen ki Gouvernman in fer pou al kolekte sa larzan pou ki i ava ogmante sa revenue ki nou pe gannyen pa si a ler aktyel 2018 dizon 2017 ou ti ganny ou R2milyon dishonored cheques la aprezan ou pe ganny ou mon pa konnen mon R1milyon si sa larzan in ganny anmase.  Se sa ki mon pe dir.  Mersi.

 

MR SPEAKER

Mersi.  PS.

 

PS DAMIEN THESEE

Wi sanmenm sa ki mon dir balans la i R89mil so back then ti R2.4 savedir in ganny kolekte in redwir sa bann cheque ki i ti bounce go back ek zefor Trezor avek Registration in kolekte ki la i back to R89,000 ki bezwen ganny kolekte.  Mersi.

 

MR SPEAKER

Mersi.  PS.  Onorab Afif.

 

HON AHMED AFIF

Mersi Mr Chair.  Mr Chair mon ti a kontan demann petet Madanm Pierre mon vwar en logmantasyon konsiderab dan «wages» sorti R8milyon pou vin R11milyon, mon kestyon se eski sa logmantasyon i pe pran i vin akoz ou pe pran bokou plis dimoun e si wi konbyen?  Mon 2enm kestyon se anba lo paz 33 lo progranm 2 «registration and services» mon vwar poudir letan ki pe pran pou anrezistre later parske la ou pe demann plis larzan pou dimoun

Mon mazinen i pou vin pli efikas letan pou anrezistre later pou vin 30 zour konmela i deza 30zour ou’n achieve sa target e pou lannen prosenn i osi 30zour lannen 2019 lannen 2020 osi i redwir 20zour.  Mon regard ‘ease of doing business pou Sesel e sa sete enn bann fakter ki anmenn nou anba e aktyelman Maurice son time frame i 7zour.

Me nou 30zour nou pe al lo 20zour kan eski nou kapab ariv 7zour parey Maurice ki en pei ki i annan petet 10 15fwa nou popilasyon pli gran – pli konplike?  Mersi.

 

MR SPEAKER

Mersi Onorab.  Madanm Pierre.

 

REGISTRAR GENERAL WENDY PIERRE

Mersi yes – mersi Mr Chair Onorab Afif thank you.  Ok an term lo kote staff wi i pou bokou an term bann pozisyon bann ki nou pe gannyen pou 2019 nou pe ganny nou en additional of 11 staff.  E parey i annan osi bann ki bann pozisyon ki ti la.  Osi par egzanp ki nou kree an term enn bann rezon retar, se ki konmela i en problenm se an term dokimantasyon ki ganny anmenn kot nou, kot nou vwar poudir i undervalue. – Ok ?   So bokou lenstans when it comes to that, nou vwar nou bezwen anvoy kot Minister Labita, pou zot kapab fer sa bann evalyasyon pou nou.  So nou, nou  panse poudir by having our own dimoun internally ki pou take care of sa bann keksoz i pou tir enpe sa presyon lo nou ok?

        So i vin dan bokou sa bann lenstans i vin sa pozisyon ki pe ganny kree pou 2019.  Parey ou pe dir Maurice sa bann transformasyon ki ou vwar poudir ozordi lo sa pozisyon ki zot été la in take place over en peryod apepre mon kapab dir 10 a 15an.  Nou pa’n fer preski nanryen.  It’s only now recently for the past 5an 4an well kekfwa en pti pe pli boner ki sa osi kot en status koumsa kot nou konmans avek sa bann sistenm bann prosedir fer keksoz online.  So Moris si nou byen gete zot in pas atraver en transformasyon an term zot bann sistenm IT e an term osi zot bann Lalwa.

Akoz AG i dir, i annan bokou transformasyon ki ou pa kapab zis senpleman dir ok annou fer li online.  I annan en bann laspe pou nou akoz at the end of the day nou bezwen garanti legalite sa bann dokimantasyon ki by zis en senpleman dir annou fer li online ki nou pa pe compromise ok?  So i enportan osi pou nou fer en konparezon miting Sesel avek Maurice la, nou apresye osi sa tranzisyon ki zot osi zot in pas ladan.  Lo nou kote pou nou we have tried to be a little bit conservative i will be frank with you. Ok?

Akoz parey mon mansyonnen inisyalman bokou sa bann pozisyon fingers cross, nou kapab ranpli zot.  Akoz i bann pozisyon ki kle ki pou atir bann staff ki pou pe ed Rezistrar ek Depite pou anrezistre dokimantasyon – ok?

 

MR SPEAKER

Mersi Madanm Pierre.  Onorab Flory Larue.

 

HON FLORY LARUE

Mersi Mr Speaker.  Bonzour bon apre midi tou dimoun.  Kekfwa Madanm Pierre ti kapab eksplik nou en pti pe plis lo sa kote «strategic priorities» ki nou ti vwar dan Bidze 2018, kot zot ti dir nou zot pou focus en kantite lo going electronic and digitalising processes within the Registration Department.  Akoz letan ou eksplik nou lefe ki zot pe target pran plis staff ou pe dir ki i annan bokou louvraz ki pa ganny fer through digitalisation and computerisation, me selman akoz zot napa sa sistenm an plas, zot vwar zot pe bezwen pran plis staff pou refer sa servis.

Alor eski i pa ti a pli senp si by now zot ti annan en sistenm an plas, to go digital?  Konmsi ki in arive avek sa «strategic priorities» ki zot ti met dan Bidze 2018, pou fer sa arive?  Akoz zot pe dir nou zot stress bann staff pou le moman.  Eski i pa ti a pli fasil pou outsource once and for all e fer tousala ki apre nou ti a kapab benefisye through luring staff pou sa Departman?

Apre mon vwar zot in met en upgrade of CCTV mon pe gete ki zot risk sekirite ki zot annan ki zot pe upgrade zot sistenm?  E eski ou ti kapab eksplike bann «fares» nou vwar en increase lo «overseas travel» e «overseas subsistence» pou Bidze pou sa lannen e ki bann travelling ki zot espekte fer silvouple?  Mersi.

 

MR SPEAKER

Mersi Onorab Larue.  Madanm Pierre.

 

REGISTRAR GENERAL WENDY PIERRE

Mersi Mr Chair.  Mersi Onorab Larue.  Ok dan mon lopinyon pou mon an term sa ki nou ti mete pou 2018 when it comes to automation of system, parey mon dir oparavan mon pa panse nou kapab achieve.  Akoz internally nou tou nou sistenm i elektronik.  Pou tou sa ki nou fer i elektronik.  Savedir la le moman ki dokiman pe antre la i pe ganny mete lo sa sistenm.  Ok sa nou fine tune li nou fer bokou travay avek DICT lo la.  Me selman the facts remains as is now an term nou Lalwa ki nou été, i still bezwen sa human intervention.  Ou konnen pou get sa bann dokiman, pou regarde si zot annord pou stamp zot, pou anrezistre zot.  E sa nou pa kapab move away from, ziska ler nou dir nou revwar Lalwa.  Nou napa en – konmsi nou pou napa swa.  Parey mon pe dir – at no point in fact should be compromising legalite sa bann dokiman akoz nou bezwen go electonic okSo i en process dan li menm.  Me selman la fondamantalman kwa ki enportan pou nou se try and get all these information capture dan nou database koumsa ler nou konmans fer nou kapab fer konmans ganny sa access donn sa access ek sa servis nou bann kliyan e bann dimoun deor la nou konnen poudir lenformasyon ki lo sa bann sistenm i lenformasyon ki accurate and ki updated.

When it comes to «CCTV» sa i pou fer parey mon mansyonnen nou annan lofis anba ok   ki nou pe bouz kot ex-Air Seychelles e as you can appreciate this is very accesable to the public.  So nou, nou annan nou en responsabilite pou asire ki ler dokimantasyon i vini e nou konn son bann valer enstitisyonel nou konn valer nou pe deal avek drwa propriyete dimoun ou bezwen asire ki i dan en lanvironnman ki i proteze.  So sa sekirite se pou sa.

When it comes to «overseas travel» mon krwar AG osi in mansyonnen i annan en problenm konmsi nou spend most of nou letan pe find a file toulezour dan nou lofis.  Ki prezan ki nou pe perdi se sa bout ki nou devret go out there pe fer bann network pe ganny sa bann access avek sa bann devlopman ki pe arive.  Ki mon remarke Biro Lanrezistreman i en lofis ki la dan kwen ki zis pe stock dokiman.  I bokou plis ki sa.  So nou pou modernize nou bezwen out there osi pou regarde kwa ki pe arive so bokou sa bann «overseas travel» se osi pou permet sa bann attendance sa bann meetings sa bann workshops.

E osi nou bezwen devlop staff sa i enportan i en priyorite pou nou sa training pou nou bann dimoun e training i pa zis lo papye fer legzanmen whatnot.  I osi fer zot sa exposure enternasyonal osi, ki zot kapab zwenn zot bann lezot dimoun out there apre i vin en devlopman personnel e kapasite osi.

Wi akoz si mon kapab mansyonnen osi akoz Onorab Afif in mansyonn Maurice.  I went there personally – I spent a lot of time dan tou sa bann lofis, e sanmenm sa mon kapab reset egzakteman pa egzakteman, me mon kapab apresye an term ki zot in fer an term devlopman zot bann sistenm.  So tousala nou bezwen pran konsiderasyon ki nou bezwen fer sa lofis moderniz li ok?  Parey son Central Bank parey FSA ok?  Nou bezwen ariv a sa nivo pou sa lofis.  Nou pa kapab tou lazournen dan papye dan file nou bezwen ed nou bann dimoun osi pou kapab ouver sa lespri si nou pou modernize.  Sa i vin atraver you know bann exposure ki bann dimoun i kapab gannyen.

 

MR SPEAKER

Mersi Madanm Pierre.  Onorab Larue.

 

HON FLORY LARUE

Mersi Mr Speaker.  Mersi Madanm Pierre pou ou larepons.  Me i egzakteman sa ki mon pe demande anliny avek larepons ki ou pe donnen, dan sa Bidze ki nou annan devan nou mon pa vwar allocation of funds pou fer nou ariv sa staz ki ou pe dir, so ki bann time line?

Akoz nou ti pe koz lo la dan Bidze lannen pase sa lannen nou pa vwar funds ganny mete towards sa menm bi, kan ki nou pou konplet sa sistenm antye?  Me selman i annan en kote ki ou pa pe mansyonnen ki lo kote ‘’Search’’ ki li bann dokimantasyon in fini ganny process i pa bezwen ganny handle anymore.  i zis pou fer li aksesib ek piblik.  Sa osi mon pa konnen si ou pe koz lo sistenm antye akoz i en servis ki staff i ganny servi en kantite i ganny servi bokou letan.  Alor lo kote time line mon pa vwar dan sa Bidze kan ki sa ki ou pe dir pou vin en realite.  Si ou kapab met nou en pti pe anliny avek sa.  Wi mersi.

 

MR SPEAKER

Mersi Onorab.  Madanm Pierre.

 

REGISTRAR GENERAL WENDY PIERRE

Mersi Mr Chair thank you Onorab Larue.  Ok so mon ti mansyonnen avan en following question ki mon demande ki mon ganny demande ki mon mansyonn bann devlopman Onorab Aglae ti’n demann mwan sa kestyon, ki mon dir li bokou pwen.  Kot nou kote ‘’Search’’ mon krwar parey Onorab ou konnen i annan bokou you know an term mouvman ok?  E sa bann staff i servi bann nou bann kliyan dan sa kote ‘’Search’’ i annan bann lenstans osi kot zot bezwen pe fer bann lezot tranzaksyon ki form parti sa process of registration ou ganny mon so sanmenm sa ki mon mansyonnen si ki dan sa Bidze la i enportan pou nou kontinyelman scan sa bann dokiman input data dan en database, ki prezan letan par egzanp ou vin kot nou lofis, olye ki ou espere ki ou ganny sa file akoz sa staff i dir mon i bezwen al rode ou pou kapab al kot en kiosk ok, e sa kiosk i pou annan computers whereby you will go on there and access the file – ok?  Nou annan sa nou pe travay lo la.  This is actually an term sa lofis anba enn bann bout ki nou annan se met an plas sa kiosk.  Mon pa konnen si ou kekfwa si ou’n port atansyon kot sa bout kot dimoun i asize in extend en pti pe bout.

 

(Mic-Off)

 

REGISTRAR GENERAL WENDY PIERRE

Non be …

 

MR SPEAKER

Madanm Pierre in dir zot deza pe travay lo la so ….

 

REGISTRAR GENERAL WENDY PIERRE

Wi sanmenm sa i part of fer nou target se sa kiosk la i vin an fonksyon 2019 ok ?  Sel challenge parey mon pe dir nou bezwen human – you know nou bezwen bann staff pou stamp sa bann dokiman ok?  Be so this is part of plan ki nou pe target in konmanse 2018 e mon kapab dir avek en serten lasirans ki in materyalize akoz nou annan sa bann sistenm se zis update – set up pou sa kiosk e la prezan dimoun i kapab ganny access avek.

Me selman i en work in progress ki in konmanse e nou you know nou lentansyon se you know kontinyen 2019.  Ya.

 

MR SPEAKER

Mersi Madanm Pierre.  Nou ava pran en dernyen kestyon lo la Onorab Woodcock.

 

HON WAVEL WOODCOCK

Mersi Mr Speaker.  Registrar General mon kestyon i en pe baz lo menm laliny ki Onorab Larue in demande lo kestyon time frame e mon osi mon krwar bomaten ti demann sa kestyon lo sa laliny regarde sa laliny lo sa transfer later lo vye lands sistenm pou al lo sa New Land Registration sistenm.  E sa i en keksoz ki i pa fer premye fwa ki mon koz lo la depi Bidze 2017 mon koz lo la 2018, la 2019.  Dan en meeting ki nou ti fer ki mon ti zwenn avek ou Praslin e osi dan Bidze lannen pase ti dir ti pou annan en alokasyon dan le fitir e sa alokasyon ti pou al towards en legzersis pou fer sa transfer bann later lo Inner Islands sorti lo sa vye Land Registration System pou al lo sa nouvo Land Registration System.

E la ou pe dir nou poudir ou work ou pe koz avek Minister pou Land Use and Habitat, me selman napa nanryen tanzib napa nanryen dan sa Bidze e nou pa’n ganny dir en timeframe e nou pa ni menm konnen konbyen sa legzersis pou koute.  So ki legzersis ki’n ganny fer?  Akoz mon konnen pou kout enpe larzan an ou surveyor so mon kestyon i kan nou pe espekte zabitan Inner Island vwar kot nou pou nepli bezwen monte desann sorti Praslin oubyen La Digue pou vin Mahe pou nou kapab fer tranzaksyon ki ennler i pran nou 4mwan 6mwan zis pou nou fer sa transfer nou later pou sorti lo vye lands system pou vin lo new lands system.  Mersi Mr Speaker.

 

MR SPEAKER

Mersi Onorab.  Attorney General.

 

ATTORNEY GENERAL MR FRANK ALLY

Mersi Mr Chairman.  Mersi Onorab Woodcock.  Malerezman sa legzersis i pa depan lo Registration Division ouswa Departman Legal Affairs.  I esansyelman lo Minister Labita ek Lenfrastriktir e son Departman Survey.  So i pou difisil pou nou kapab dir donn nou en timeframe parkont ler sa legzersis i fini fer la prezan sa bann numbers i ganny anvoy kot Biro Lanrezistreman pou Biro Lanrezistreman register sa bann plot numbers lo new land point system.

Me si mon pou partaz mon pwennvi personnel, mwan mon krwar poudir i pou en legzersis i en lontan ki Gouvernman in promet sa.  Bokou letan mon pa ti ankor vin avoka e si mon krwar nou ti dwatet fer sa fer sa ler ti fini Mahe imedyatman ti fer Praslin, bann zofisye zot ti ankor annan sa leta lespri.  Ozordi i pou vin ase onore, ase konbatan, me selman mon pou donn benefis sa Minister ler i pou fer sa.

Mon konnen i annan en issue petet mon personnelman konman en avoka mon deza ekri ou mon deza ekri Onorab Gill i annan en issue inscription fees e petet en zour Finans i ava mazin lo la akoz ler later i lo vye sistenm en dimoun ki reste Praslin ek La Digue dan plas pey R100 i vwar li pe pey menm kantite an term inscription fees ki stamp duty.  Me sa petet evantyelman i ava met devan Gouvernman akoz sa bann dimoun ler zot reste Praslin ek La Digue zot pey dan zot pos pou fer sa survey pou zot survey zot later.

E pou met sa later swa lo nouvo sistenm parfwa ouswa zis pou zot kapab kadastre zot later.  E i koute e evantyelman ler zot met en lipotek ler zot fer en sirtou en lipotek en, zot vwar zot pe pey doub.

Me sa i en size ki kapab deal avek me selman lo kote met later lo nouvo sistenm i en long prosedir ki pou bezwen akoz ou bezwen al lo road title me bann dimoun ki deza ler zot fer zot kadastre zot later zot apply avek survey pou met zot later lo nouvo sistenm, zot annan en pti pe en plas.  So esperon ki sa  – mon krwar sa i en kestyon ki petet ou kapab rezerv pou Minister Labita ler zot pe fer desizyon pou zot bidzete sa larzan ler pou fer sa legzersis lannen prosen.  Mersi.

 

MR SPEAKER

Mersi AG.  PS zis gid nou lo vot ki nou pou al pran.

 

PS DAMIEN THESEE

Mr Speaker sonm i pou R49, 479milyon pou Departman Legal Affairs.

 

MR SPEAKER

R49, 479milyon ok mersi.  Bon nou pran en vot pou Bidze pou Biro Attorney Generale.  E osi tou pou Departman Rezistrasyon sa i lo paz 23 ziska paz 33 pou en sonm R49, 479milyon.  Tou Manm ki an faver?  Okenn Manm ki kont?  Madanm Clerk.

 

MADAME CLERK

Mersi Mr Chair. Mon rikord 23 Manm an faver.  E personn kont.  Mersi.

 

MR SPEAKER

Mersi.  Savedir Bidze pou Biro Attorney Generale e Biro pou Rezistrar Zeneral in ganny i mean Divizyon Rezistrar in ganny aprouve par Lasanble Nasyonal.  Bon avek sa nou ava eskiz Madanm Pierre, Madanm Mondon, Mr Hoareau parmi nou.

Pa konnen AG ou pe reste pou Departman Administrasyon tou, non?  Ok nou ava eskiz AG osi tou parmi nou mersi bokou.

 

(THE ATTORNEY GENERAL AND HIS DELEGATION WAS EXCUSED FROM THE HOUSE)

 

 

MR SPEAKER

Zis en pti moman DICT, PS lekel Departman ki nou sipoze pe pran la nou?

 

PS DAMIEN THESEE

Departman Ladministrasyon Piblik.

 

MR SPEAKER

Ladministrasyon Piblik – DPA?

 

PS DAMIEN THESEE

Yes sorry.

 

MR SPEAKER

Bon ok.  Nou annan nou 15minit avan nou pran Break eski petet mon sizere nou pran – (en moman Onorab De Commarmond.)  Nou pran Break la nou ava retourn 4er mwen kar instead of 4er en?  Ok mon ava zis pran mon ava donn Onorab De Commarmond laparol.

 

HON CHARLES DE COMMARMOND

Mersi Mr Speaker.  Ou’n anvoy mon fer en travay mon ale.  Mon’n regarde apar en komanter 7.11 bomaten letan Mr Loze ti ankor kot li, in nonm Onorab Ferrari.  Mon pa’n vwar mon al gete kisisa i pe mete lo Facebook.  Mon’n sey vwar tou e mon pa’n vwar kote in mansyonn Onorab Ferrari  – in  ’ZOUR li’ parey i pe dir.  E mon’n fer li arete lo poste okenn kwa se swa lo Facebook apartir depi ler mon sorti laba.  E mon ti ava kontan alor ki Onorab Ferrari i montre nou Lasanble kote ki son non in ganny servi e ki in ‘zour li’ parey i pe dir.  Mon pa’n vwar.  Prove li otherwise mon pa’n trouve mwan.  Mersi.

 

MR SPEAKER

Ok mersi Onorab De Commarmond.  Mon krwar i annan en fason ki Onorab ou kapab organize pou print kot i montre son bann ler tou zafer lo la.  Petet mon ava sizere ki pandan Break sa i ganny fer e i ava ou ava fer mon ganny en kopi e nou ava kapab sort sa out.  Bon yes Onorab De Commarmond.

 

HON CHARLES DE COMMARMOND

I annan osi en keksoz savedir i bezwen tir sa bann zafer ki pe dir lo Facebook pou li montre en?  Me osi mon le fer sorti letan ki nou dan Lasanble la, e menm konmsi bann fake profile ki dan Lasanble, fodre zot aret poste e maltret dimoun!  Akoz nou osi mwan an partikilye mon pou montre ou – taler mon pou vin kot ou, mon le koz ek ou en keksoz – i pa normal!  Mersi.

 

MR SPEAKER

Mon pou adres sa, mon ti pe al adres sa.

 

HON CHARLES DE COMMARMOND

Mersi.

 

MR SPEAKER

Mon ti pe al adres sa.  Bon mon konnen i en pe difisil pou kapab trace bann fake profile, me mon pe sey se sa rezon ki zot vwar mon pe fer en pti pe kominikasyon osi avek nou Departman IT. Me parey mon dir si mon dekouver ki i annan en Manm isi dan Chamber pandan ki nou pe fer en travay ki serye, ki pe servi en fake profile pou li atak en lot Manm, mon pa pe tolere e mon pou pran aksyon sever!  E zot konnen aksyon sever i kapab en Manm i ganny anpese antre dan Chamber pou detrwa zour e mon a kapab ordonn-en osi ki son lapey i ganny koupe.  Ok so mon pa pe toler sa. parey mon’n dir!

Nou’n antre dan en prosesis ki serye annou en fer en travay ki serye.  I pa normal dimoun pe swiv nou deor dimoun pe respekte travay ki nou pe fer nou pe fer en bon travay e mon pa pou pare pou nou antre.  Mon ganny lenformasyon la kot i annan enn ki pe menm dir poudir Speaker i devret annan en fason pou teste Manm ki antre sou dan Lasanble – vin teste lalkol! Come on if this is coming from a Member of the National Assembly  this should be stopped!  Mon pa pou tolere sa! Mon pa pou tolere! Ook?   Yes Onorab Ramkalawan.

 

HON WAVEL RAMKALAWAN

Mr Speaker.  Mwan dan tou calmness, cool mon pou dir Mr Speaker pwen se Mr Johan Loze in fer bann post!  Ok?  E i fasil aprezan parey labitid e sa i tipik Onorab De Commarmond!  Zis pou li vir keksoz pou li fer en lot lenvansyon! Alor nou abitye avek sa!  Sanmenm sa ki appel manz ou bannann zet lapo lo nou!  E se egzakteman sa ki i pe fer!  I konnen poudir se Johan Loze son konsiltan ki pe fer sa bann kalite keksoz, alor aprezan i anvi anvoy sa lo nou!  Come on men annou serye dan sa Lasanble!

 

MR SPEAKER

Bon …

 

HON CHARLES DE COMMARMOND

ZOT ki bezwen serye lo LOT kote!

 

MR SPEAKER

Alright Onorab.  Bon avan nou pran Break mon ti a zis kontan partaz en pti nouvel en pti pe tris.  Mon’n aprann lanmor Madanm Collette Payet.  Madanm Collette Payet ti deza en Manm Lezislasyon Lasanble.  Lo nou Lasanble mon ti a kontan eksprim nou senser kondoleans avek lafanmir.  Semenn pase osi mon ti annan kontak avek en manm lafanmir David i lekol avek mon, mon annan kontak avek Jeffrey senserman Lasanble Nasyonal i ofer kondoleans avek lafanmir.  Ok nou ava pran en Break e nou ava retournen 4er mwen10.

(BREAK)

 

MR SPEAKER

Bon avan nou kontiny nou travay pandan Break mon ganny lenformasyon sorti lo tou lede kote.  E mon anvi ki nou met en lafen sa bann keksoz ki pe arive.  Wi i annan bann latak ki pe ganny fer lo bann Manm.  I annan ki pe ganny fer anba diferan profil ki paret i bann profil ki fake.  Wi Onorab Ferrari ou osi ou’n sibir serten latak ki mon annan non, non mon dir ou’n sibir serten latak ki mon annan, be i annan lezot Manm osi tou lo kote Parti Lepep ki pe pas atraver keksoz parey, me ankor i ankor parey mon pe dir i annan bann profil fake.

Mwan osi tou mon’n ganny en dokiman la ki montre en portre me selman malerezman in pase le 24 ki mon ti adjourn Lasanble akoz ti napa Quorum en portre ki’n ganny tire isi par en Manm dan sa Lasanble e in ganny mete lo medya sosyal.  Parey mon’n dir in fini pase in arive depi le 24 Oktob, me dan okenn pros lavenir ki sa i arive, mon pou pran aksyon vizavi sa. Ok?  E sa portre paret ti in sorti e in ganny tire par en Manm Lasanble ok?

Bon mon pou dir ankor malgre mon ganny maltrete mon ganny apele tou sort kalite non silvouple e sirtou mon pe adres an piblik ozordi lazenes ki servi medya sosyal medya sosyal i en bon mwayen pou nou kominike i en bon mwayen pou nou kapab lesanz lide pou nou kapab lesanz nouvel annou servi li byen annou aret ensilte kanmarad annou aret ensilte bann lezot dimoun an piblik met zot defo an piblik.

Mon anvi azoute poudir mon’n ne e grandi dan en fanmir enb, senp dan distrik Bel Ombre.  Si mon’n ariv la ozordi mon fyer mon paran. Mon fyer tou sa dimoun ki’n atrap mon lanmen pou anmenn mon kot mon été ozordi.  Me mon ti a kontan ki mon mesaz pou lazenes ozordi pou nou kapab swiv parey.

E mon mesaz osi tou pou tou bann lezot dimoun, bann adilt nou kapab fer en keksoz ki byen.  Nou kapab servi en rezo en teknolozi modern dan en fason ki byen.  Annou rediriz nou.  Annou revwar ki fason ki nou anvi ki sa lazenes ki pe swiv nou par deryer nou, nou ti a kontan zot bouze.

Demen se nou menm nou ki pou dir lazenes pa bon ; lazenes i pouri me lazenes pe regard nou konman bann leaders.  Alor mon ti a kontan ki nou met sa bann keksoz negativ a kote e nou kontinyen nou travay sa travay ki nou antre ladan depi Lendi le 5 dan en fason ki serye e dan en fason ki nou kapab fer bann kontribisyon konstriktiv pou nou pti pei Sesel.

Bon nou ava kontinyen avek nou travay e mon ti a kontan welcome Madanm Jessie Esparon ki Chief Secretary kot Departman Zafer Administrasyon Piblik mon ti a kontan osi tou welcome Mrs Marie Annette Rosalie ki Financial Controller e Marie Antoinette Gilbert ki Direkter pou Administrasyon e osi en koleg dan volleyball dan nou lepok kot nou ti dan Lekip Nasyonal.  Bon avan nou pran Bidze pou DPA, mon annan eski Onorab ou pe lev lanmen pou kestyonn …?  Non.  Yes Onorab Andre.

 

HON CLIFFORD ANDRE

Mersi Mr Speaker.  Mr Speaker bomaten in annan vot ki’n ganny pran an referans avek President’s Office Bidze President’s Office.  Mon ti a kontan port ou latansyon a Lartik 96 nou Konstitisyon – pa Standing Order me nou Konstitisyon.  Mon pe zis posibleman met en word of caution ki i annan posibilite ki sa Lartik i kapab annan serten konsekans lo nonm kantite dimoun ki’n vote oubyen ki’n ganny konte ki’n vot pour plito akoz Lartik i dir «subject to this Constititution» savedir definitivman i pran presedans lo okenn lezot Lalwa «before a meeting of the National Assembly shall be decided in accordance with the majority of Members present and voting».

         Eski abstansyon i pa en vot?  I pa parey avek ‘spoiled vote.’ Sa i en word of caution ki mon pe met devan pou ou Mr Speaker kekfwa parey taler parey Attorney Zeneral dir poudir li ki Legal Advisor pou Gouvernman e non pa zis pou Egzekitiv savedir Gouvernman savedir Zidisyer enkli Lasanble.  So kekfwa nou bezwen rod en pe konsey lo la.  Mon pa le ouver en deba mon ti le zis port sa konman en word of caution.  Mersi.

 

MR SPEAKER

Mersi Onorab Andre.  Yes Onorab Pillay.

 

HON SEBASTIEN PILLAY

Mersi Mr Speaker.  Bonn apre midi.  Mr Speaker mon konpran ki mon koleg pe dir atraver Lartik 96 me selman Lartik 96 mon krwar mon koleg i bezwen recall ki i pa premye vot ki nou’n pran baze lo Quorum ki ti annan ki lot kote latab ti abstain e nou kote latab in vot an faver.  E sa in ganny e sa in aksepte e Onorab ti la dan Lasanble ler nou fer sa a plizyer repriz pandan sa 3 Bidze ki nou’n konsidere.  If that was an issue then, then nou to devret soulev li la.  Me Konstitisyon i fer zis de landrwa kot i dir ki egzakteman kote nou bezwen konsider «the number of numbers present and voting ;»

(1)se ler nou aprouv en Minis, e

(2) se ler i annan lamannman ki annan pou fer lo Konstitisyon.  An se ki konsern «Members present and voting» se sa Manm ki vote ler i prezan ler son vot i konte Mr Speaker e se pou sa ler Clerk i dir i dir Members that have votedThank you.

 

MR SPEAKER

Yes bon.  Mersi lo tou lede kote. Mon – anfen mon – Onorab Ferrari in osi lev sa avek mon toutaler – mon konnen i annan sa de lokasyon ki vreman enportan pou ganny sa mazorite absoli.  Me pou sa Clause 96 mon krwar i annan enterpretasyon whether i deal avek sa de lot Clause ki dir ou bezwen egzakteman sa  2 sa mazorite e dan ka Bidze kot nou pe ale lo largiman ki Onorab Sebastien Pillay osi in leve i osi tou i relevan ok?  Nou’n toultan debat lo whether ‘abstansyon’ i en vot ok?  E mon pa krwar nou kapab ganny en konklizyon lo la.  Me mon pran ou parol pou nou et cautious.  Thank you Onorab.  Yes Onorab Ramkalawan.

 

HON WAVEL RAMKALAWAN

Me selman annou rod sound legal advice parske in deza vin la pou en Minis.

 

MR SPEAKER

Apwentman Minis sa i serye wi.

 

HON WAVEL RAMKALAWAN

Wi be …

 

MR SPEAKER

Nou’n deza …

 

HON WAVEL RAMKALAWAN

Wi be regard son wording pou apwentman Minis, e avek sa enn parske pou apwentman Minis ki ti bezwen refer it was –  ti annan en abstention e apre sa i pa ti gannyen the majority ; the word «majority» la ki enportan ok?  ’’The majority of Members present and voting».  Si i ti dir si ti napa sa mo «majority».

 

MR SPEAKER

«Present and voting»

 

HON WAVEL RAMKALAWAN

‘’the majority of Members present and voting.» Savedir it must be «the majority of the Members present».

 

MR SPEAKER

«And voting».

 

HON WAVEL RAMKALAWAN

Wi «voting» bliy «voting» «majority of the Members present».  Anyway zis …

 

MR SPEAKER

I ava.  Yes Onorab Andre.

 

HON CLIFFORD ANDRE

Mon kapab azoute akoz si i napa quorum en Sitting pa kapab fer, so si sa quorum i required pa vini par lefe ki par lot kote pa vini, zanmen Bidze pou pase.  I kapab ganny fer dan diferan fason sa.  So nou bezwen get byen e mon osi mon dakor letan mon dir majority i bezwen annan en mo signifikan pou nou kapab vwar avek bann dimoun ki ti fer Konstitisyon, ki sa akoz zot ti met «majority ?» I bezwen annan en weight  ki atase avek i pa kapab zis in ganny mete dan labstrak.  So mon krwar nou bezwen kler, letan nou pe fer, akoz nou pa oule demen ki sa legzersis ki nou pe fer la nou repet li ankor akoz prosedir oubyen nou menm nou anba Konstitisyon …  Mon dakor i bezwen annan lenterpretasyon ki ganny mete.  Mwan mon kapab annan en lenpretasyon Onorab Hoareau i kapab annan en lot lenterpretasyon.  Parey i ti dIr letan mon ti lot kote, mon ti vot pou sa i dir i si i ti sa kote i pa ti vot pou sa.  So i annan diferan keksoz, dan diferan letap lavi ki arive.  Letan ou lizye in ouver pou get en keksoz ou vwar li en pti pe pli kler.  Letan ou fermen ou vwar li ou pa vwar sa keksoz byen.  Ou konpran ou?

 

DEPARTMENT OF PUBLIC ADMINISTRATION (DPA)

 MR SPEAKER

Yes mersi Onorab Andre.  Point taken.  Bon nou ava kontinyen avek nou travay e PS Thésee gid nou.

 

PS DAMIEN THESEE

Lo paz 16 nou pou vwar Departman Ladministrasyon Piblik pou en sonm R21.3milyon vi ki nou annan DPA la anba «estimates of revenue expenditure» sa ki nou kapab refer konman 27 paz 27 nou pou annan «other wages and salaries» ki nou kapab fer detrwa Bidze osi ki annan ladan.  E osi lo paz 35 nou annan 2 tranzaksyon pou pension special pension ki nou ava refer avek.  So mon ava konmans lo paz 16.

 

MR SPEAKER

Yes mersi PS Thesee.  Yes Onorab William.

 

HON WAVEN WILLIAM

Mersi Mr Speaker.  Bonn apre midi Madanm Esparon CS Esparon avek ou lekip.  Mr Speaker si Madanm Esparon i kapab eksplik nou en pti pe vizavi Manda mon pe get son bann ‘’current challenges’’ lefe ki ozordi i annan en bon pe mazorite bann travayer dan servis piblik ki en pti pe konfize vizavi kwa ki vreman manda Public Administration letan i annan pou fer avek bann Schemes of Service e bann appraisal akoz ler mon pe lir dan manda mon vwar ki zot sipoze pe lead lo la e parfwa i annan sa konfizyon osi ant bann alegasyon ki ganny dir pou fer avek bann blanm ki anvoye lo Minister Finans lo Ladministrasyon ouswa diferan Departman ki pa pe fer zot travay vizavi vreman bann apropriyasyon saler avek bann Scheme of Service.  So si ou ti kapab eksplik sa mon krwar ki i ava eklersi en pti pe manm piblik even nou dan sa Lasanble.  Akoz parfwa nou koz bokou lo la nou fer bokou bann alegasyon petet ki ou pa tro dakor avek akoz petet nou annan serten linyorans nouvo eleman ki zot travay i été.  Mersi.

 

MR SPEAKER

Mersi Onorab William.  Madanm Esparon.

 

CHIEF SECRETARY MRS JESSIE ESPARON

Mersi Mr Speaker.  Mersi Onorab William pou rod klarifikasyon lo sa size Scheme of Service i en Manda DPA pou aprouv bann Scheme of Service, selman Scheme of Service zanmen DPA i fer li tousel i toultan fer li ansanm avek sa lorganizasyon ki i pe demande pou fer sa Scheme.

 

Dan Scheme of Service i annan kantite travay ki ale dan background avan ki nou met en Scheme an plas i annan ki deza egziste ki nou zis amelyor lo la i annan ki nouvo ou bezwen devlope.  Bokou fwa bann lorganizasyon i bezwen pe travay get zot travay ki zot fer bann job descriptions, get bann kondisyon tou sa bann pti detay kondisyon ki ale avek en travay sa pos sa travay ki bezwen ganny evalye.  Prezan dan evalyasyon normalman i annan 13fakter i ganny pran an konsiderasyon.

Evalyasyon pa DPA ki fer li tousel lontan nou ti fer nou tousel aprezan nou ganny panel partou sorti dan bann lorganizasyon, nou annan bann diferan bann group dimoun ki pare pou vini ki pare pou donn nou en koudmen, e sa i plito bann dimoun resours imen at the same time i vin en training pou zot pou zot aprann ki mannyer i fer bann job evaluation.

Ler nou get osi sa job description nou get osi tou bann pti kondisyon si ou travay aswar, si ou pe travay apre ler si ou pe travay dan bann kondisyon hazard  – ki lafimen ki tapaz sa bann keksoz i enportan pou nou konnen pou nou nobou kapab rode ki mannyer nou met rekonpans dan sa Scheme.

Prezan letan nou fer sa Scheme la i osi depan lo lespas fiskal ki i annan nou bezwen akoz en Scheme ki ou fer ki kekfwa kout R1milyon me selman ou kapab fer li par faz. Ou kapab dir be ok sa i pou kout R1milyon avek tou son zafer ek letan pou devlope be la sa voyaz mon kapab donn Minister Finans kapab dizon i kapab donn tan larzan pou donn dizon en base increase, so ou’n fer job evaluation pos in monte – diferan pos in monte.

2enm faz nou pou donn inducement.  3enm faz sepa nou pou donn marketable skills.  I pou tou depan lo faz fiskal.  E nou toultan sey fer mannyer pou fer en Scheme dapre lespas fiskal ki i annan e i kapab ganny fer par faz parey nou vwar Minister Ledikasyon Teachers Scheme lot fwa annan de fwa kot zot in ganny base pay increase son lot lannen in ganny inducement avek marketable skills, so i kapab fer par faz e nou DPA ki aprouve sa bann Scheme, me nou fer li ansanm avek sa organizasyon.

Nou pran an konsiderasyon sa ki zot pe demande zot laspirasyon me nou bezwen osi esey apply sa consistency.  Me sa i en pe difisil ennler nou seye konmsi bann Scheme en pe dan menm i annan menm relasyon zot tousel zot spesifik i pa konparab ek en lot, me bann ki konparab nou sey fer mannyer nou etabli parey sirtou parey bann common cadres.

Wi sa nou ki aprouve e nou ganny larzan ek Minister Finans pou aprouve e nou sey get bann priyorite i annan ki pa’n zanmen donn Scheme nou donn zot priyorite – bann ki’n annan pe demann en revizyon nou get difikilte dan sa sekter ki nou annan pou recruit pou gard dimoun, tou sa bann keksoz nou pran an konsiderasyon.

Espere mon’n kapab donn ou en apersi e si plitar dan lannen prosen Lasanble i le ganny en pti pe plis detay nou kapab vin fer en prezantasyon lo bann diferan staz ki nou pas atraver avan ler nou devlop en Scheme.  Mersi Mr Speaker.

 

MR SPEAKER

Mersi Madanm Esparon.  Mon krwar napa okenn lezot Manm ki’n lev lanmen i annan referans ki’n ganny fer lo paz 27 «other wages» okenn Manm i annan kestyon lo paz 27?  Yes Onorab Ferrari.

 

HON JEAN-FRANCOIS FERRARI

Mr Speaker.  Mon ti a kontan si CS yes CS Madanm Cosgrow.

 

MR SPEAKER

Madanm Esparon.

 

HON JEAN-FRANCOIS FERRARI

Madanm Esparon sorry former.  Ki eski ou kapab eksplik nou akoz tanzantan nou ganny bann dimoun ki sorti dan bann Lazans menm bann Minister bann Departman me sirtou dan bann Lazans ki pe sey rod en pe lotonomi, ki pe sey rod en pe plis lefikasite ki annan toultan en ou a krwar toultan zot pe blanm DPA pou pa permet zot rekonpans zot staff parey i parey zot ti ava an dezir fer li.

Konmsi eski i en kestyon birokrasi? Eski ou servis i factor-in sa bann nesesite ki sa bann Lazans pe dir, e ki zot rekomandasyon ki zot pe dir?  Oubyen eski DPA i zis en masin ki telman lour ki’n met son lareg ater personn pa pe bouz li?  E sa i en leksplikasyon akoz bann dimoun i perdi staff, staff zot dir. perdi staff i dekouraze eksetera akoz DPA napa sa sirplis, pou permet ki sa bann keksoz i arive?  Mersi.

 

MR SPEAKER

Mersi Onorab.  Madanm Esparon.

 

CHIEF SECRETARY MRS JESSIE ESPARON

Mersi Onorab.  Mon kontan mon ganny sans pou reponn sa kestyon akoz mon tann bokou komanter dan Lasanble lo sa size.  Parey ou konnen depi sa lannen bann Lazans in ganny zot en serten degre pou zot pou fer tou zot bann recruitment depi parey nou pe dir salary band ziska 10 zot menm administre zot Kontra zot menm.  Parey ou konnen sa bann Lazans zot depan lo en Bidze zot, zot ganny en Bidze zot depans i devret konmsi depans dan Bidze.  Annan de fwa ou pou ganny ou bann sityasyon i annan Lazans zot i posib osi en Minister i pou demann ou keksoz ki pa tonm dan sa lankadreman.  I pou demann ou kekfwa keksoz ki tonm an deor Lalwa.  I pou demann keksoz an deor regilasyon be si sa larepons i non mon bezwen dir li non!  Be letan i annan wi plis fwa i wi ki non.

Akoz si mwan mon responsab pou mon aprouv en keksoz, e sa keksoz i pa devret ganny fer mon pa pou fer!  Akoz ki dimoun laba deor i krwar si i demann aprouvasyon kot DPA  mwan mon aprouve menm si sa keksoz i pa devret i a pase.  Me mon pa kapab fer sa keksoz koumsa!  Mwan mon bezwen fer sa keksoz ki tonm dan Lalwa tonm dan Regilasyon ek en responsabilite.

Akoz si demen mon aprouv en keksoz ki pa devret demen Oditer i pick up sa organizasyon i pou dir be DPA ti aprouve!  Mwan ki responsab! Akoz mon sipoze avan ler mon aprouv sa keksoz get tou framework ki egziste.  Ennler nou ganny sa bann sityasyon ek bann lorganizasyon me selman, i annan bokou keksoz ki arive ki nou travay ek bann lorganizasyon pou petet rod en lot stratezi ki mannyer pou zot kapab fer sa keksoz ki zot petet zot pa ti mazinen pou fer.

I annan selman sa bann ou pa pou tande sa ou vwar me selman nou donn sa bann Lazans zot lotonomi zot pe operate.  Letan ou donn zot lotonomi i annan i dir ou be mon pa ankor pare.  I annan i dir ou be la ou’n donn mon plis louvraz i annan i dir be mon pa dakor konmsi selman nou bezwen donn zot, zot responsabilite pou zot kapab fer zot travay.

E zot bezwen sa bann Lazans fer zot bann demann anliny avek Bidze ki zot annan.  Si ou napa en pos ou a demann kre si nou vwar i annan nesesite nou pou kree nou.  Me si ou napa sa larzan nou pou freeze sa pos.  Nou pa kapab les ou recruit dan en pos ki ou napa larzan oubyen ou pe demann plis larzan ki sa larzan ki’n ganny bidzete i sa bann problenm koumsa ennler ki nou gannyen avek bann Lazans.  Selman nou ed zot en kantite pou fer bann serten travay ki zot osi zot napa kapasite pou fer.  Mersi.

 

MR SPEAKER

Mersi Madanm Esparon.  Onorab Ferrari.

 

HON JEAN-FRANCOIS FERRARI

En pti follow up Mr Speaker.  Madanm Esparon DPA i ganny vwar konman en lorganizasyon ki arkaik – ki vye ki annan bann vye metod ki in fact zot dan enn pli vye building dan ladministrasyon Gouvernman konmsi zot ganny vwar en pe.  E si mon demann ou sa kestyon si en demann ki en Lazans pe fer i pa dapre Lalwa i pa dapre regilasyon, me ou, ou vwar poudir dan ou nanm e ou konsyans ou vwar poudir sa regilasyon sa Lalwa i vye, i an retar, i mal, eski ou pou fer en keksoz pou ou sanz sa Lalwa?  Eski DPA i responsive a bann nouvo challenge ki bann Lazans ki zot gannyen pou zot kapab retenir zot staff?  Akoz i annan telman lezot lakonpannyen prive oubyen parey paratatik deor ki pe lager pou zot pran sa bann staff.  E ki zot eski ou santi poudir zot in avanse pou zot vin responsive dan sa bann sityasyon?

 

MR SPEAKER

Mersi Onorab.  Madanm Esparon.

 

CHIEF SECRETARY MRS JESSIE ESPARON

Wi Onorab.  Si i en Lalwa mon pa pou kase!  Selman si i en keksoz administratif i annan bokou fwa nou vwar be dan PSO menm i fer provizyon i dir ou si sa Regilasyon administratif petet i pa koz lazistis, ou kapab aranze e bokou fwa nou fer sa.   I annan kantite fwa ki nou fer selman si i en Lalwa mon pa pou kase me selman mon kapab fer en rekomandasyon pou aranz sa Lalwa.  Lo Lalwa kanmenm i vye nou vwar li i pa fer sans, me selman si i en Lalwa nou pa kapab kas li i pou en lofans pou mwan kase.  Me selman keksoz administratif toultan nou aranze nou rode ki mannyer nou pou ed sa lorganizasyon, pou li avans devan bokou fwa nou fer sa.  Selman ou pa pou tande.

 

MR SPEAKER

Mersi Madanm Esparon.  Mon a donn laparol VP.  Vis-Prezidan.

 

THE VICE-PRESIDENT MR VINCENT MERITON

Mersi Mr Chair.  Mr Chair zis pou mon met en sipor ek sa ki CS in dir.  Dan bann Minister bann Departman bann Lazans pou apepre 11mil staff e defi DPA se pou mentenir serten balans, serten stabilite, serten ekite, konmsi kot i konsern travay atraver sa 11mil dimoun dan diferan kad zot saler e sistenm saler.  I annan salary grid ki’n mete ki enn ki donn nou en framework ki mannyer nou kapab bouze.  I annan osi bann Schemes of Service ki bann Departman ki bann Lazans i kapab travay lo la kot i santi i annan en nesesite pou kapab bouz pli devan fer sa bann lespas pli larz.

I annan osi bann Lazans ki ganny lotonomi zot kapab servi sa lot osi.  Apre osi dan bokou ka ki’n pas devan mwan PS e ot kot bann lorganizasyon in argue zot case in montre lespas kot nou kapab ale an servan fleksibilite tou an regardan lespri Lalwa, mon krwar in ganny fer e se sa ki CS pe dir.  Me ou bezwen annan en framework atraver 11mil dimoun pe operate o fir e an mezir ki nou pe devlope nou pe osi pe devlop avek letan pou gete ki mannyer nou kapab fer keksoz pli byen pli modern an servan bann dernyen teknolozi ki dan sans pe met devan kot i konsern gouvernans.  Mersi Mr Chair.

 

MR SPEAKER

Mersi Vis-Prezidan.  Onorab William.

 

HON WAVEN WILLIAM

Mersi Mr Speaker.  Mon ti a kontan demann CS (Payet) mon koriz mon i mon mal mon dan bann prosedir administratif ou process bann Gratwite, tan servis ensidswit bokou travayer i dir zot swivre bann prosedir formel me selman zot pa kapab ganny en konpran akoz i pran bokou letan pou process bann peyman, so CS Esparon mon ti a kontan ou dir sa Lasanble ki bor ou kre retar kot i ganny anploye direkteman kot ou lofis kot Minister Finans?  Silvouple donn nou en leksplikasyon.  Mersi.

 

MR SPEAKER

Mersi Onorab.  Madanm Esparon.

 

CHIEF SECRETARY MRS JESSIE ESPARON

Mersi Mr Speaker.  Lo kote nou annan bann peyman parey ki vin kot nou dizon konpansasyon akoz gratwite i pey dan ou landrwa travay normalman sa bann 5an 10an 15an dan landrwa travay parey konpansasyon.  Konpansasyon i ler en dimoun in resign oubyen kekfwa en dimoun in retire i ganny peye son konpansasyon.  Be sa i konmans dan landrwa travay sa travay konpansasyon i en partenarya dan landrwa travay avek kot DPA.  Dan landrwa travay sa dimoun i resign in ganny aksepte son resignation.  Standar ki nou met an plas se ki 10 zour apre ki sa dimoun in fini kite son form konpansasyon in devret ganny compute avek tou bann dokiman ek son file vin kot nou kot DPA nou pou prezan gete verifye si tou dokiman i annord akoz sa bann dokiman ek sa bann rikord i egal larzan, nou bezwen fer sir tou sa bann dokiman i la.  Apre i ale pou al peyman.

Dan en mannyer ki within 1mwan sa dimoun ki’n kite resign or retire, i sipoze pe ganny son larzan.  Be bokou fwa i pa arive koumsa!  Bokou fwa la 3mwan 4mwan 6mwan ennler 1an ki sa form konpansasyon i vini.  E bokou fwa letan i vini i vin ek en kantite fot.  Toultan dan sa standar ki nou etabli la nou annan en checklist of tou keksoz ki ou bezwen anvoye ler ou pe anvoy en case konpansasyon.  So payslip si i annan sub assignment of salary son personal file tou rikord en lalis mon krwar 10 checklist keksoz ki ou bezwen fer sir i la akoz pou verifye pou fer peyman.  Me bokou fwa i pa arive.  Zanmen nou ganny en case ki vini within 10zour ki sa dimoun in fini kite.

I konmans laba prezan zour sa dimoun i konmans rod son konpansasyon i dir ou anvoye i pa dir sa dimoun kan in anvoye ennler i ankor dan semen pe vini i pa’n arive.  Nou annan konmsi sa bann sityasyon koumsa.

Me selman si en case i vin kot nou i vin konman problenm avek nou pa nou bezwen kapab retourn kot sa lorganizasyon al tay deryer zot pou al rod lenformasyon pou nou kapab konklir sa case. Nou ganny sa bann difikilte koumsa ennler sorti kot bann lorganizasyon.

 

MR SPEAKER

Mersi Madanm.  Onorab William.

 

HON WAVEN WILLIAM

Mr Speaker.  Dernyen pti kestyon CS mon konpran ki ou pe dir be i annan bokou dimoun deor la i ankoler avek sa sityasyon.  Konmsi kwa ki ou Departman ouswa sa Minister i kapab fer pou amelyor sa sityasyon?  Akoz i annan dimoun ki in fini kite l,i me i pe esper son pti larzan pou li kapab viv lo la pou li kapab fer de bout zwenn.

Me si personn pa fer nanryen sa sityasyon pou kontinyen.  So mon pe demann ou mon pe sipliy avek ou kwa ki nou kapab fer dan sa bann Departman pou nou evit sa bann problenm konmsi napa en serten mechanism mon pa konnen mon ki fason, me nou bezwen amelyor sa sityasyon?  Akoz i bezwen fer bokou dimoun ankoler.  Mersi.

 

MR SPEAKER

Mersi Onorab.  Madanm Esparon.

 

CHIEF SECRETARY MRS JESSIE ESPARON

Ok nou sirtou sa bann ki’n ganny delegated authority nou lentansyon se retir demann Minister Finans pou retir zot larzan konpansasyon fer zot pey zot menm bann Lazans zot pey zot menm.  Petet sa i a kapab fer zot pran plis responsabilite.  Selman plizyer fwa dan lepase nou pa konnen konbyen sesyon training nou fer avek bann dimoun ki ansarz HR lo kalkil konpansasyon nou anmenn zot National House dan Assembly Hall nou fer plizyer sesyon training.  Nou bezwen dir avek sa bann dimoun ler dimoun i kite fodre nou fer li vit akoz ennler ou pa ni menm ganny kopi si ou ganny kopi sa letter of resignation sorti dan sa landrwa ou konnen poudir ar sa dimoun in resign sa desk officer i a follow up.  Ni menm sa ou pa gannyen ennler i annan dimoun i travay dan en lorganizasyon in resign in ganny anploye li i ganny pou resign ni menm son kopi letter of appointment nou pa ankor gannyen.

Konmsi nou annan sa bann difikilte dan landrwa travay e taler pli boner mon tann enlot koleg ki ler tou bann keksoz pe vin kot nou ou at the recieving end la blanm i pou vin lo ou ler lezot dimoun i pa fer son louvraz byen.  Mon pa pe dir nou parfe. Mon pa pe dir nou pa bezwen amelyorasyon me selman nou annan problenm avek nou bann landrwa travay.  E osi la nou pe met bann i annan bann nouvo sistenm gouvernans, bann sistenm raporte ki pou annan letan nou pou fer bann RBM nou pe konmans bann pilot ek bann lorganizasyon be menm sa nou annan bann difikilte pou nou kapab konmsi travay ek sa bann pilot pou annan Scheme pou zot annan sa commitment pou met sa an plas.  Osi bann lorganizasyon zot bann CEO, zot bann PS, i bezwen zot osi pran zot responsabilite. Nou tou nou bezwen pran nou responsabilite. Konmans dan lakour kot sa dimoun i travay.

 

MR SPEAKER

Mersi Madanm Esparon.  Onorab Henrie.

 

HON GERVAIS HENRIE

Mersi Mr Chair.  Mon pou demann de pti kestyon ki lo Bidze pou mon ganny en larepons ase kourt premyerman pou Madanm Esparon resaman dan en symposium seminar la lo bann zafer access to information en prezantasyon ki DPA ti fer ki enn zot bann gro challenge se pou digitalise bann dokiman akoz pou kit nou sa si nou pa fer en keksoz vitman.  So mon anvi konnen si i annan en konponan dan Bidze in mete somewhere pou konmans sa travay a en moman?

E dezyenmman Mr Chair si ou permet mon pou en kestyon zeneral ki kekfwa PS Thésee ti kapab dir nou pou mon ledikasyon personnel e lezot Manm par egzanp dan «goods and services» breakdown ki zot donn nou la zis eksplik mon akoz bann alokasyon pou en menm item selman ou vwar plis?  Mon a zis donn ou en legzanp par egzanp 5 ou vwar «newspaper and magazines and periodical» i 3, «stationeries and printing» i vin 4, ou vwar «overseas subsistent» ou konpran ki mannyer mon pe dir ou konmsi akoz i pa en sel?  Zis en pti kestyon senp.  Mersi.

 

MR SPEAKER

Mersi Onorab Henrie.  Madanm Esparon.

 

CHIEF SECRETARY MRS JESSIE ESPARON

Wi mersi Mr Speaker.  Mon a reponn sa kestyon lo digitalisation 2an dernyen 2an nou ti annan en proze ki nou ti pe fer nou ti bezwen rod en consultant pou reget nou sistenm registry kot nou annan nou en sistenm kot tou let ki vin kot DPA i ganny anrezistre.  So nou konnen kan en let in antre.  Nou annan rikord nou si en lorganizasyon ti devret anvoy nou en case konpansasyon 4mwan pase ler i vini nou konnen nou akoz nou anrezistre li prezan letan tou sa bann let in al dan registry i file i anvoy kot bann desk officers nou annan en sistenm ki ou kapab track si in vin kot sa desk officer epi kote in marse kote in ale ler in fini aprouve kote in ale si in retourn dan registry si i dan BU si in retourn dan registry nou annan sa.

Prezan nou annan sa progranm digitalisation nou annan en masin nou pa anploy dimoun spesifik ki pandan son staff dan record management dan registy ki pe konmans fer scanning bann file.  Be nou konmans avek bann nouvo parske dan DPA i annan file!  I annan volume i annan file ki annan 4, 5 volume gro, gro file sanmenm nou job deal avek file.  So i annan kantite pou fer e nou konmans sa proze digitalisation 2an pase mon a ganny letan kite ale en kantite nou i a ganny letan fini retire la, digitalisation pou ankor akoz i pou en process me selman i en keksoz ki nou pe konmans travay lo la.

 

MR SPEAKER

Mersi Madanm Esparon.  PS Thésee.

 

PS DAMIEN THESEE

Mersi Mr Speaker.  Zot pou vwar i annan bann code i pou repete petet 3 fwa parey pou DPA i annan li 3 progranm i annan p1, Governance, Management and Administration i annan p2 for Public Administration compliance, p3 Service Management of Standards.  So sak progranm i annan son bann Bidze ki allocate avek li.  E sa i zis en summary met li as a summary prezan ou pou vwar sa economic code obor li.  I pou annan son bann code ki pou atase avek li ou pou vwar li i diferan pou sak sa bann progranm.  Mersi.

 

MR SPEAKER

Mersi PS.  Onorab Henrie.

 

HON GERVAIS HENRIE

Wi mersi Mr Chair.  Pou Madanm Esparon en pti follow- up, so mon anvi konnen si i annan en konponan bidzeter pou sa digitalisation process?  Pou donn ou en legzanp Registrar ti pe fer e zot ti fer bann staff vin travay ekstra Sanmdi ouswa reste apre travay kot zot ti ganny en larzan ekstra eski zot annan en konponan bidzeter pou sa?  Mersi.

 

MR SPEAKER

Mersi Onorab.  Madanm Esparon.

 

CHIEF SECRETARY MRS JESSIE ESPARON

Wi mersi.  Wi nou annan en konponan ki la i dan consultancy dan nou consultancy sa non.  Non wi apre ennler nou pran bann etidyan ki dan vakans nou servi zot pou zot kapab fer sa bann travay digitalisation pou ed nou en pti pe.

 

MR SPEAKER

Ok, mersi Madanm Esparon.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair mon ti a kontan demann posibleman PS Thésee pou eklersi nou akoz ler nou pe get sa latab ki zot in li in fer nou gannyen budget 2018 with regards to «wages and salaries in cash» i R77milyon e sa lannen i R12.277milyon e letan mon pe get lo paz 17 koriz mwan si mon mal PS kot i met «compensation of employees» korek 2019 i R12, 277milyon me pou 2018 i R10milyon.  Konmsi akoz sa disparity akoz mon pa pe tro konpran kisisa sa.  So mon bezwen en leksplikasyon lo sa.

Apre mon pe get menm lo paz 18 e osi lo paz 19 i annan «building and infrastructure» pou 2019 i annan R1milyon ki’n ganny met de-kote ki building e lenfrastriktir ki DPA pe fer?  Apre lo sa bann dokiman ki zot in donn nou Mr Chair i koz lo en «housing» sa lannen mon vwar i annan R19milyon mon pe sey klarifye en pti kou ki sa R19milyon akoz dan Bidze Siplemanter in donn bann «housing allowance» returning graduate housing allowance sak Minister so ki pou al fer ek sa R19milyon?  Oubyen i pou donn zot avan i donn lot kote apre nou pou vwar ankor dan sak Minister i pou annan sa milyon ki pou fer pou apre sa R10milyon i pou reste la oubyen i pa pou ganny donnen, apre Minister pou vini ankor pou dir nou zot in fer savings kan pa ti devret allocate in fer savings aprezan i pe repartisyonnen.  So mon le en leksplikasyon lo la.  Mersi.

 

MR SPEAKER

Mersi Onorab.  PS Thésee.

 

PS DAMIEN THESEE

Mersi Mr Speaker.  Lo paz 7 nou pou annan Budget 2018 nou pou annan revise 2018 nou revise savedir ler nou fer assessment mid-year e ler nou pe finaliz Bidze pou lannen 2019 nou gete zot spending ki mannyer i été baze lo konbyen zot in depanse e konbyen en mwan in reste nou fer en prozeksyon.  Akoz ennler akoz pa tou neseserman ki zot pou depans tou sa larzan ki’n ganny mete se pou sa i en revised Budget ki pou reflekte enpe actual ler nou pou ariv lo 2020 la nou pou bezwen raport lo 18 as the actual son figure osi i pou diferan e 19 otomatikman i vin sa provizyon ki nou pe fer pou bann lannen ki pe vini.

Lo «building and infrastructure» i annan R1milyon sa i pli zou mwen dan capital expenditure e sa in ganny mete parey in dir building DPA i enn sa bann vye building ki nou annan ki house staff Gouvernman, e nou pe donn li mon krwar i annan en isssue avek son bann electrical works.  I annan roofing issue avek electrical works so sa larzan i pou 2019 pou son bann electrical works.

E lo «housing», «housing allowance» parey nou konnen in sorti anba DPA se pou kwa ou vwar son Bidze total i redwir signifikan from R40milyon orizinal an 2018 pou vin selman R20milyon akoz nou apportion sa dan lezot Minister e sa nou ti fer mid-year 2017 osi.  Mersi.

 

MR SPEAKER

Mersi PS.  Onorab Andre.

 

HON CLIFFORD ANDRE

PS pa’n reponn mon kestyon avek tou respe, letan mon dir li akoz ki lo sa latab ki in donn nou «wages and salaries in cash i R77million» mon konpran mon konnen sa revise me selman revise lo latab lo paz 17 i dir nou pou lannen 2018 i R10, 651milyon, me selman lo sa ki la i R77, 686milyon.  So mon pe rode be selman tandis pou 2019 i egzakteman sa sif ki lo paz 17.  So akoz i annan sa disparity dan sa sif ki pa reflekte lo sa gro liv ki nou annan e paz 17?  Mersi.

 

MR SPEAKER

PS.

 

PS DAMIEN THESEE

Mersi.  Oparavan ki nou ti fer nou mon fer mansyon avek bann «other wages» e nou pou al lo la lo paz ki pti 27 nou ti met tou bann other line expenditure ki ti relate avek sa larzan selman ki pa ti pe feature dan son Bidze osi Consolidated.  So 2018 nou ti met tousala ansanm mon krwar sa i fer R77.  So nou vwar sa i kre en konfizyon basically sanmenm sa ki nou tir li la 2019 nou pa met li la e nou kit li an deor pou nou pa fer sa konfizyon ankor.  Mersi.

 

MR SPEAKER

Mersi PS.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon pa konnen si ou pou allow sa kestyon selman mon pou sey tant mon sans dan en Provizyon ki DPA i servi pou kalkil bann konpansasyon pas kot past continuous service se sa formula en konponan sa formula se sa 1.25 days mon ti a kontan petet vwar demande si i annan travay ki pe ganny fer pou revwar sa formil konpansasyon ki pe servi konmela an relasyon on past continuous service.  Akoz baze lo sa ki nou vwar la par egzanp en dimoun pe ganny en long service allowance ki pe vin ansanm avek son saler.  Me ler i pou fini son travay sa long service allowance pa pou vin accrued as part of sa ki i pou gannyen an total.  Son final konpansasyon pou ganny kalkile selman lo son final salary.  So petet mon ti a kontan petet si ou kapab find out si i annan okenn plan pou revwar sa 1.25 days as oppose to increasing it  petet to 1.5days.  Mersi.

 

MR SPEAKER

Mersi Onorab.  Madanm Esparon.

 

CHIEF SECRETARY MRS JESSIE ESPARON

Mersi Mr Speaker.  Formil ki nou servi pou konpansasyon nou servi formil ki dan Lalwa lanplwa nou pa servi nou formil okenn formil nou.  I 56 of 1 day pay for each completed month of service.  Apre ki nou fer base pay apre i annan bann serten allowance nou enkli ; par egzanp sa R500 – R1000 whatever i pou en Polisi ki i pou ganny enkli pou li pou ou kalkil konpansasyon avek lo la a lavenir ler ou kalkil konpansasyon dimoun.  Ou pa pou kapab konmsi ou pa pou kapab kit li an deor ou vwar. Sso vwala.

 

MR SPEAKER

Yes  Onorab Pillay.

 

HON SEBASTIEN PILLAY

Mersi Mr Chair.  Mon krwar Chief Secretary in fer kler ki se Lalwa Lanplwa ki which has to be amended but with relations to sa mon ti a kontan PS Thésee i pronons son lekor lo la, vi ki nou pe koz Bidze DPA fight e donn DPA ase resours pou li kapab fer bann travay ki neseser – propoz bann sanzman neseser.  In regards to sa eski zot, zot in mazinen poudir an relasyon avek bann sanzman ki zot pe fer dan kad saler zisteman, avek reminerasyon i pa zis fini la sa.

I bezwen par egzanp annan en lenpak lo par egzanp si mon travay pou 20an e mon ganny bann allowances parey Chief Secretary pe dir bann keksoz ki mon gannyen i devret annan en fason ki ganny kalkile ansanm avek sa donnen  ki mon’n gannyen, pou ki ler mon fini mon travay apre 30an i kalkil lo mon final – plus mon allowances mon bann keksoz ki mon annan – as oppose ki mannyer mon konpran le pase ti zis lo salerpetet lo sa size dir nou si i annan plan pou revwar sa formil kalkilasyon dan Lalwa Lanplwa, pou vin oubyen Mr Speaker, eski mon out of order?

 

MR SPEAKER

Mersi Onorab.  PS oubyen Madanm Esparon.

 

CHIEF SECRETARY MRS JESSIE ESPARON

Bon mersi Mr Speaker.  Nou pa kapab vin koz lo lapar Lanplwa si i annan si pou tire.

 

(Off-Mic)

 

CHIEF SECRETARY MRS JESSIE ESPARON

Anr PS Thesee pa pou mwan – ok?

 

MR SPEAKER

Yes oule PS Thésee reponn sa?

 

HON SEBASTIEN PILLAY

Wi Mr Speaker avek ou permisyon.  Thank you.

 

MR SPEAKER

Ok PS.

 

PS DAMIEN THESEE

Mersi Mr Speaker.  Si mon konpran ou oule langazman Finans ki sa i konsern sa bann allowance dan kalkilasyon formil konpansasyon?  Me selman the thing is nou pa vreman donn okenn direktiv diferan an sa ki DPA pe donnen lo ler i vin lo zer saler.  So pou le moman all along allowances in ganny konsidere dan konpansasyon sa ki nou mentenir e la in entrodwir sa bann nouvo allowance i kontinyen as normal still ganny konsidere.  Napa okenn revizyon ki pe ganny fer pou tire.  In touzour la basically.

 

MR SPEAKER

Yes Onorab Pillay.

 

HON SEBASTIEN PILLAY

Mersi Mr Chair.  Mr Chair mon pwen avek PS i se ki sa formil pou kalkilasyon in la pou en pe letan e mon pwen se ki vi ki nou avanse e bann demann, bann legzizans lo lavi en dimoun par egzanp ; pou en ansenyan ki’n teach pandan 30an e en ners ki’n travay pandan 25an tou bann kad travay kot en dimoun i fer li en career dan sa lanplwa ki mon pe zis demande, eski i pa vi ki nou annan bann main Lotorite nou annan Vis Prezidan, nou annan Chief Secretary Departman Ladministrasyon, nou annan PS Finans eski sa i en keksoz ki zot kapab anmenn devan Gouvernman?   Mr Speaker I beg your indulgence pou zot konsidere dan laliny bann deba ki nou’n annan dan Lasanble pou revwar sa formil kalkilasyon e ki bann dimoun ki’n travay pandan tou sa letan i ava ganny reward pou sa ki zot in donnen over the years.  Mersi Mr Chair.

 

MR SPEAKER

Mersi Onorab.  Madanm Esparon.

 

CHIEF SECRETARY MRS JESSIE ESPARON

Ok mersi Mr Speaker.  Bon i annan bann sa bann allowance i annan serten allowance si i pa en reimbursement of expense, i ganny enkli dan pou kalkil konpansasyon prezan Lalwa taks i exempt tax payment konpansasyon li, selman i quote sa bout Lalwa Lanplwa ki dir «provided sa kalkilasyon, sa formil ki ou pe servi i anliny avek sa formil Lalwa Lanplwa.’’ Si ou pe fer en lot formil ki depas sa, then anything above probableman petet ou pa pou tonm dan sa framework ou pe petet pey taks ou vwar unless li Lalwa i aranz konmsi petet i aranz sanz son formil, akoz sa letan sa 56 of 1 day pay ti fer ler taks ti vini 20poursan whatever.  Aprezan keksoz in sanze in vin progresiv petet Minister Lanplwa i bezwen reget son sa formil, si i anliny avek bann sanzman taks, progresiv ki’n vini ki’n fer.  Petet sa i en keksoz pou Minister Lanplwa konsidere.

 

MR SPEAKER

Mersi Madanm Esparon.  Mon krwar nou exhaust sa pwen.  Mon ava pas laparol avek Onorab Simon Gill.  Wi mon pe non mon pe mon pa kapab kontinyen donn akoz i pou vin en two way conversation.  Onorab Simon Gill.

 

HON SIMON GILL

Mersi Mr Speaker.  Bonn apre midi tou dimoun.  Mr Speaker atraver ou, i enportan ki nou fer mansyon akoz deor la direkteman pou Madanm Esparon kot Ladministrasyon kot nou pe konsider Bidze pou ou.

Deor preski tou Departman i dir ki Ladministrasyon i retard progre recruitment bann personnel dan bann diferan pozisyon.  So konmsi ti ava byen ou dir nou ki mannyer zot kapab sanz e npe sa persepsyon ki annan kot bann Departman i dir zot met retar, zot pe espere zot anvoy Scheme of Service nek zot fer roule tourn an ron, pa bouze i ale/vini konmsi ki mannyer nou kapab aranz sa zafer la?  Sa i premye keksoz.

2enm keksoz – nou pe servi en kantite konsep nou servi long service nou servi tan servis i annan dimoun la deor ki pe rod en klarifikasyon in travay depi PWD fini PWD in vin WEL sorti WEL in al PUC prezan i pe dir be konmsi ki mannyer mon été ?  Anba bann long service ki nou tann zot pe koze mon pe dir parey sa dimoun i dir sa long service ki zot pe koz lo la kote mon tonbe mwan?  Ler ou pe kalkil mon tan servis prezan ki kote mon tonbe i parey sa zafer la?  So mon met li parey sa msye i dir annou sey klarifye sa pou sa detrwa sa bann dimoun ki la deor ki pe rod en klarifikasyon.  Mersi bokou Mr Speaker.

 

MR SPEAKER

Mersi Onorab Gill.  Madanm Esparon.

 

CHIEF SECRETARY MRS JESSIE ESPARON

Mersi Mr Speaker.  Konmsi mon pa pe reponn kestyon Bidze me selman plis lezot keksoz dan kondisyon servis piblik me mon pare pou mon fer li.  Recruitment i ganny fer dan delegated authority par bann lorganizasyon.  Tou dimoun i advertise zot pos zot fer zot interview zot recruit zot menm ou konpran ? E bann Lazans la prezan avek zot ziska SB10 zot fer zot menm.  Bann lezot lorganizasyon Minister si i lo Kontra PSC in fer son in swazir son dimoun, i anvoy son rekomandasyon e bokou fwa la sa bann keksoz i vini anba presyon fer sa in fini pran sa dimoun depi lontan.

So konmsi poudir ki DPA i met retar dan zot recruitment pou mwan, mon krwar i pa zistifye e bokou fwa i sorti kot zot sa retar.  Si en keksoz ou’n asiz 6mwan lo la apre letan ou vin kot mon ou le depi yer nou annan sa bann difikilte kot nou osi nou fer fas avek.  Scheme of Service i annan en kantite travay ki bezwen ganny fer avan en Scheme of Service i met an plas – parey mon ti eksplike taler evalye job get tou bann kondisyon gete si i annan larzan pou parey.

Dizon en Scheme of Service pou pran lefe Zanvye, me li sa lorganizasyon kan son proposal i anvoye i anvoy Zen i anvoy Zilyet.  Nek ou pe deryer li.  Zot anvoy ou proposal pou nou gete pou nou travay lo la me i anvoy Zen i anvoy Zilyet oubyen bann ki pou pran Zilyet nou fek aprouv 2 Scheme la recently.  Yer in fact mon pa pou nonm sa lorganizasyon akoz mon pa anvi name and shame li.  Non, Depi Zilyet in fek anvoye !  Ou bezwen travay konmsi travay ziska tar pou sort out sa bann keksoz ! Konmsi i annan bokou keksoz dimoun pa konnen e ennler ou tann bann komanter dan Lasanble, ki pou mon i pa zistifye !  Malerezman mon pa ganny en sans pou reponn.  Anyway

Prezan i annan bann mon ganny en pti sans wi re eksplik zot.  Konmsi mwan mon ti a voudre ki ler zot tann sa bann zafer, zot fer parey Onorab Ramkalawan, Onorab Afif, Onorab Valmont i fer i call i rod en lesplikasyon.  I annan menm in vin akonpanny son dimoun ki annan en sityasyon ki pe vin rod en rezon or whatever!  In akonpanny son dimoun kot mwan!  Onorab Afif in deza fer sa.  Nou’n asize nou get rikord nou dir lala e i vwar i satisfe poudir ki sa dimoun vre – la i la i pa vreman sa ki i ti pe krwar.  Mon ti a voudre ki bokou plis dimoun ti a fer sa – ti a call ti a rod sa lenformasyon olye zis dir vin dir nenport kwa.

Prezan an sa ki konsern tan servis sa bann PWD ki ou pe dir mon WEL sepa kwa sa i tonm dan bann letan depi letan sistenm kolonyal.  E sa bann dimoun i annan bokou zot pe ganny pansyon i annan bokou ki zot apel Tarmak.  I annan bokou pe ganny pansyon i annan napa ditou rikord.  Me ou pa kapab pey dimoun rikord si i napa pansyon si i napa rikord akoz pansyon i ganny peye anba en Lalwa.  Sa bann letan PWD Cap (159) i ganny peye anba sa Lalwa pansyon e sa ler ou ranpli sa form pou ou pey sa dimoun i bezwen al fer sertifye kot Oditer Zeneral, avan ki sa dimoun i ganny peye.  Si sa bann rikord pa la personn pa kapab sertifye.  Ou konpran?  Se sa bann difikilte ki nou annan.

I annan dimoun i ale i al rod atestasyon akoz sa Lalwa li i permet pou ou al rod atestasyon.  Be sa atestasyon i devret dapre rikord.  I annan dimoun zis i fer atestasyon koumsa menm.  E prezan tou bann dimoun ki ti kapab fer atestasyon lontan in fini mor – zot nepli la.  Prezan napa nouvo dimoun ki pou kapab fer atestasyon pou sa bann dimoun lontan.

Nou osi nou annan difikilte.  Nou pa kapab peye si napa sa bann rikord.  Prezan avek sa bann, avek sa long service la ki fek anonse si en dimoun i ti travay Ledikasyon, i ti travay en lot landrwa in pas partou, be son servis i kontinyen.  Si i pa’n zanmen kite annan en break – son servis i pou kontinyen.  Ou vwar?  E dan public service nou annan en rule ki si ou’n kite in napa en lespas 31zour nou kapab get ou servis konman en servis kontinyen pou purpose pou sa bann peyman koumsa.

Ou konpran?  I pa kase.  I annan dimoun in telefonnen in demande i dir be mwan ti travay dan en Lazans mon ti travay dan en landrwa mon fini ganny peye mon konpansasyon, aprezan sa menm landrwa in re anploy mwan, eski mon pou ganny mon 5an sepa mon 10an?  Wi i pou gannyen.  Akoz?  Ou pa’n kite ek sa lorganizasyon.  In zis annan en sanzman striktirel ki ou’n ganny peye ou konpansasyon.  I pa vedir ou’n kite ou napa en Break.  So si ou ti annan 40an ou 40an.  Si ou ti annan 30an ou annan 30an.  Mon espere mon kapab satisfer zot avek sa lesplikasyon.  Mersi.

 

MR SPEAKER

Mersi Madanm Esparon.  Dernyen kestyon Onorab Ramkalawan.

 

HON WAVEL RAMKALAWAN

Mr Speaker.  Mon osi tou sorry mon pa pou direkteman lo Bidze, me dan sa laliny parske petet i ava pli mon anvi konnen – ou konnen i annan en kantite keksoz pou fer avek public service, ki i annan en bout isi dan Lalwa Lanplwa en lot bout isi en lot bout laba, kan eski petet sa Departman pe mazinen ki a en serten moman i ava annan en Lezislasyon kler, ki ava gouvern public service ?  Ki tou keksoz ki annan pou fer avek public service, i ava dan en morso Lalwa, pou ki tou dimoun i ava lo menm paz?  Parske mon krwar ou konpran mon la pou le moman i annan diferan kalite konfizyon.

E zisteman mon kontan pou antann letan i pe dir ki bann allowances i ganny konsidere letan i pe regard konpansasyon – pa tann servis – konpansasyon pou tann servis?  Ok, fine.  Me parske la bomaten la nou tann en lot keksoz ankor ki pou vin dan civil service ki pou tous ou direkteman parske la bomaten Minis fek anonse ki poudir dezormen bann dimoun ki lo Kontra zot bann allowances osi tou pou ganny azoute letan pe work out zot end of contract payment.  Me dan milye tousala kan eski zot pou pran en desizyon pour ki letan pe travay lo Trezyenm Mwan parske sa ankor enn fwa i vin lo polisi ki gouvern zot en dimoun son lapey i R7mil i ganny en allowance isi en allowance, laba son lapey ki i anmenn dan lakour i R12mil.  Me selman ler pou travay lo son Trezyenm Mwan ou donn li zis son basic salary – eski ou pa krwar osi tou i annan en lenzistis?  Mersi.

 

MR SPEAKER

Mersi Onorab.  Madanm Esparon.

 

CHIEF SECRETARY MRS JESSIE ESPARON

Wi mersi Mr Speaker.  Mersi Onorab.  Bon sa PSO la nou annan lentansyon fer li vin en Public Service Act. Wi e sa PSO ki tou lazournen dimoun pa respekte la, letan i pou vin en Public Service Act zot pou bezwen forse respekte!  Parey nou annan sa Salary Act – sa salary grid la bokou fwa dimoun i bliye i en Lalwa i le pey nenport kwa i le fer nenport kwa.  I pa lir ki Lalwa i dir.  La parey ler pou donn bann salary progression increment zot pa lir ki Lalwa i dir zot le fer nenport kwa konmsi i sa bann framework ki dimoun i bliye.

E ler sa PSO i tournen i vin en Lalwa sa bann keksoz ki administratif kekfwa ki nou dir kekfwa i annan en problenm nou kapab fleksib avek, me nou pou bezwen respekte Lalwa dapre son let ki mannyer in dir.  Sa i enn.  Apre i annan sa zafer ki ou dir Minis Lalanne in koze bomaten pou bann dimoun ki lo Kontra.  Si mon konpran byen i ti dir inducement allowance ; konmsi inducement allowance pou ganny konte ler i fer end of contract payment.  

        Akoz pou le moman ki nou konte i son basic.  Akoz PSC contract i en Scheme dan li menm.  Son basic si i ganny son PSC performance allowance i kont ladan, akoz sa nou met li dan son Kontra.  Apre nou pou enkli inducement allowance ki dimoun i gannyen.  Sa nou pou konmanse konmansman Zanvye.  Selman i pa pou lo 5poursan peyman ki pou donnen annual sa.  I pou ler ou fini ou Kontra.  Koriz mwan si mon sa.  Sa i  sa leksplikasyon.  Prezan i annan en lot kestyon ou’n demann mon lo Trezyenm Mwan Saler – Trezyenm Mwan Saler i en size Labour.  I ganny trete e regle anba Lalwa Lanplwa. Lasanble ki ti vote pou aprouv ‘basic.’  Prezan si zot santi poudir i devret plis ki ‘basic’ be Minister Lanplwa i ava anmenn en lamannman pou met li plis ki ‘basic.’  Mersi.

 

MR SPEAKER

Mersi Madanm Esparon.  Onorab Ramkalawan.

 

HON WAVEL RAMKALAWAN

Mr Speaker.  De pti keksoz premyerman mon en pe etonnen letan Madanm Esparon in vire i dir avek PS’’ koriz mwan si mon mal.’’  Parske mon ti mazinen ki poudir sa ti en keksoz ki zot in koze ti’n diskite avek ou.  Kekfwa ‘ou’n mank en mo dan ou lapriyer’ mon pa konnen.  Parske ou konnen i annan en pe sa ki sa ki ganny anonse pandan Bidze la, i annan en kantite Departman deor ki dir nou pa konn nanryen – parey sa zafer R25 Minister Lasante zot dir zot in tann sa parey nou.  Alors i annan en pe sa bann keksoz.

Me letan Trezyenm Mwan ti ganny aprouve Trezyenm Mwan pou public service savedir 5enm Lasanble ki ti aprouv sa.  Parske nou letan nou’n vini nou, nou letan nou vini sete Trezyenm Mwan pou sekter prive e Trezyenm Mwan – Trezyenm Mwan pou sekter piblik se 5enm Lasanble ki’n aprouve ant 2011 ek 2016.

 

MR SPEAKER

Madanm Esparon.

 

CHIEF SECRETARY MRS JESSIE ESPARON

Wi ok.  Sa Trezyenm Mwan Saler ti konmans administrativman.  Premye fwa ki ti konmans peye ti konmans dan public service – ti donn zis basic.  Apre in al in evolye in al sekter partou.  Sa Lalwa it binds the Republic.  Tou dimoun ki Gouvernman, ki prive prezan i bezwen pey dapre ki Lalwa Lanplwa i dir, me selman tou sa ki dan Lalwa Lanplwa i ti konmans avek Polisi Administratif letan i ti konmanse.  Apre in vin debat dan Lasanble, zot in azout en pe keksoz an plis – zot in azout parey si en dimoun i dan custody  – si en dimoun pe ganny bonus whatever, sa in evolye, in ganny aranze mon krwar dan Bills Committee ki zot in aranze.

Me sa prezan sa prezan Gouvernman i al lo sa enn sa Lalwa prezan.   Son zafer administratif in ganny mete de-kote.  Apre letan mon dir PS Thésee ‘’koriz mwan si mon mal’’, wi mon konnen ti pou lo inducement, selman letan ou dir lo tou bann ALLOWANCES mon’n oule sir ki dimoun i konpran i pa lo bann allowances i lo the additional ki in mete se ‘inducement’.  Pangar dimoun i a dir Leader Lopozisyon ti dir ‘allowances’ be ou, ou pe dir ‘inducement!’ I INDUCEMENT !

 

MR SPEAKER

Ok bon mersi Madanm Esparon.  Bon avan nou pran en vot i annan sa caution ki’n ganny mete.  Yes Onorab Pillay.

 

HON SEBASTIEN PILLAY

Zis en quick point of clarification ki Lalwa pou Trezyenm Mwan Saler ler pou li vin dan Lalwa Lanplwa ti ganny aprouve par 6enm Lasanble.  Me administrativman Gouvernman ti konmans li by then i pa 5enm Lasanble ki ti aprouv Lalwa.  Mersi.

 

MR SPEAKER

Mersi.  Bon parey mon dir avan nou pran en vot, mon ava zis klarifye en pti pe nou pozisyon lo vote.  Mon ganny konseye par enn nou bann konseye legal, se ki abstentions pa ganny konte.  I pa ganny konsidere konman en mwayen vote.  Ou annan swa en vot ‘POUR ‘oubyen en vot’ KONT’.  E ler nou koz mazorite nou koz mazorite Manm prezan e vot – e vote  ki an faver.  Si mazorite i ‘kont’ savedir i ganny rezete.  Me  si sa mazorite ki’n vote – ki’n’VOTE’ – pa ki’n ’ABSTAIN’ – i an faver, sa vot i pase.

E sa petet osi mon a fer referans in vin bann presedans ki nou’n pran avan lo sa de lot Bidze ki nou’n pase avan.  Kot i annan moman in annan plizyer Manm in’ abstain’  – plis Manm in ‘abstain’ ki Manm in vot ‘an fave’r, e Bidze in still pase.  

        So ziska prezan mon krwar nou pe al dan en bon direksyon.  Nou ok.  Me i kapab – parey mon pe dir – i annan lezot enterpretasyon mon enterpret koumsa e mwan osi mon ganny sa konsey legal e mon vwar Onorab Basil Hoareau osi tou pe agree.  Bon in ariv ler pou nou pran en vot.  PS ou ava gid nou. Mon konnen in annan sa vot lo paz 16 apre i annan lo pti 27.  PS Thésee.

 

PS DAMIEN THESEE

Aktyelman Mr Speaker lo paz 27 la nou pou ki pou relye ek DPA pou only sa enn Gratwite.

 

MR SPEAKER

I pa pou tonm dan sa vot?

 

PS DAMIEN THESEE

Non i pa pou tonm dan sa vot.

 

MR SPEAKER

Ok.

 

PS DAMIEN THESEE

Gratuities i pou R37milyon.

 

MR SPEAKER

Selman nou’n fini clear li tou?

 

PS DAMIEN THESEE

And compensation for continuous service R28milyon.

 

MR SPEAKER

Wi.

 

PS DAMIEN THESEE

Sa ki relye ek DPA i pou son Bidze R21.3milyon.  Mersi.

 

MR SPEAKER

Bon mersi PS Thésee.  Bon nou pou pran en vot lo Bidze Departman Ladministrasyon Piblik paz 16 ziska paz 22 pou en sonm R21, 301milyon.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  24 Manm an faver.  Personn kont.  Mersi.

 

MR SPEAKER

Bon savedir Bidze pou Departman Ladministrasyon Piblik in ganny aprouve par Lasanble Nasyonal.  Bon mon ti a kontan remersi Madanm Esparon, Madanm Rosalie e Madanm Gilbert parmi nou e nou ti ava eskiz zot parmi nou.  Mersi.

 

(THE DELEGATION OF PUBLIC ADMINISTRATION DEPARTMENT WAS EXCUSED FROM THE HOUSE)

 

MR SPEAKER

Bon mon anvi regard avek Lasanble si nou pou kontinyen.  Nou annan DICT ki la mon pa konnen konbyen letan i pou pran. Eski i vo lapenn nou komans avek DICT e apre nou pa fini?  Ki zot panse ?  I depan lo zot.  Nou annan ziska 5.30.  Nou kapab fini?

 

HON WAVEL RAMKALAWAN

Non nou pa konnen si nou pou fini.

 

MR SPEAKER

Wi se sa.

 

HON WAVEL RAMKALAWAN

Be mwan Mr Speaker mwan osi mon ti ava dir annou adjourn demen nou vini fre e nou komans sa travay.

 

MR SPEAKER

Ok.  Petet osi en pti pe ankor pou gidans pou demen.  Nou annan bokou kestyon ki vin en pti pe lo Polisi, lo administrasyon sa bann Departman and all that, si Manm i kapab petet evit en pti pe annou al direkteman lo Bidze sa bann Minister, Bidze sa bann Departrman. Dan sa fason koumsa nou kapab bouz en pti pe pli vit.  Ok?  Mon ti ava kontan remersi Vis-Prezidan – PS Thésee, Ms Croisee, Ms Tamatave e Ms Verghese ki’n pas en lazournen avek nou ozordi e ankor mon remersi tou Manm e tou dimoun ki a lekout e mon remersi SBC.  – Lasanble i ava adjourn e nou pran nou travay demen 9er bomaten.

 

 (ADJOURNMENT)