Home » Verbatim » 2018 » Verbatim Wednesday 31st October, 2018

Verbatim Wednesday 31st October, 2018

NATIONAL ASSEMBLY OF SEYCHELLES

Wednesday 31st October, 2018

 The Assembly met at 9am

 National Anthem

 Moment of Reflection

 Mr Deputy Speaker in the Chair

 

 

MR DEPUTY SPEAKER

Bon bonzour tou bann Manm Onorab.  Tou dimoun ki isi dan Lasanble Nasyonal.  Anler dan Galeri nou annan ankor en group lekol Mont Fleuri primer nou swet zot la byenveni avek zot ansenyan dan Lasanble Nasyonal.

Bon nou travay pou bomaten parey nou ti anonse yer, nou kontinyen avek sa Mosyon ki ti’n ganny prezante par Onorab Leader of Government Business kot nou pou fini avek sa Mosyon la bomaten.  Answit nou pou al lo sa Statement par Minis Lasante Mr Jean-Paul Adam e swivan sa nou pou kontinyen avek bann larestan Mosyon ki reste lo nou Order Paper. E I pou annan enn ki sorti kot Onorab Waven William ki nou deza konmanse e nou pou kontiny avek sa deba.  E si I annan letan nou ava al lo 3enm Mosyon ki par Onorab Basil Hoareau.

Alors san tarde mon pou al lo nou prosen item lo Order Paper ki sa Mosyon par Onorab Leader of Government Business kot yer nou ti’n tonm dakor ki son Mosyon esansyelman pa pou sanze an term son sif, me a kondisyon ki nou pe retir R600mil ki ti’n ganny mete pou SCCI e sa I pou ganny ranplase ankor par sa R600mil me I pou al anver Office of the Mayor pou son bann depans lafen lannen.

Me parey I ti ganny nou ti ganny nou ti vwar nou menm yer, I enportan ki sa I swiv Lalwa Konstitisyon ki dir ki Prezidan Larepiblik atraver son Minis I bezwen donn laprouvasyon.

E Minis Finans bomaten in anvoy mon en let ki in kopi avek Leader Lopozisyon e Leader Government Business. Alors son let I date le 31 Oktob, kot I konfirmen ladan e I dir “I refer to the Motion recommended by the President of Seychelles for the imposition of a supplementary estimate be charged on the Consolidated Fund in the amount of R436, 393, 406.61million.  This is to further recommend the President has approved the sum of R600, 000 is recommended to be catered towards the Office of the Mayor.  This is to replace the initial recommendation that was being catered towards the Seychelles Chamber of Commerce and Industry.” 

Alor esansyelman se sa son let mon a donn Onorab Charles De Commarmond Leader of Government Business laparol pou li fer son summing- up answit nou ava pran en vot lo sa Mosyon.  Onorab ou annan laparol.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour tou Manm Onorab e tou dimoun ki a lekout.  Mr Speaker zisteman ki ou fek dir nou’n ganny sa laprouvasyon par Prezidan – Minis in donnen avek ki in rod son laprouvasyon avek Prezidan ki sa sonm R600mil ki ti dan Bidze Siplemanter allocate pou Chamber of Commerce, pe tire akoz Lasanble in dir bann businessman I devret kapab ganny larzan pou fer marse zot lorganizasyon.

E sa sif alor in ganny donnen avek rekomandasyon Lasanble ankor pou Mayor’s Office, pou li kapab organiz lavil lafen lannen pou bann lalimyer, dekorasyon ensidswit dan lavil.  E nou espere avek sa nou pou vwar en lavil lafen 2018, pli egeye, pli egeyant, pli nice e kot Seselwa li menm e touris ki frekant nou, ki vin kot nou I ava apresye e tir portre e kontinyen apresye lanbelisman dan lavil Viktorya.

E nou donn nou sipor avek sa ki pe ganny propoze.  An menm tan Mr Speaker, mon oule dir ki pou sa Bidze Siplemanter ki ti devan nou Lasanble pou sa Mosyon mon krwar ki tou bann Manm ki ti oule leklersisman lo sa Bidze Siplemanter in gannyen, ler lefe ki Minis avek son bann teknisyen in vin devan nou Lasanble, e mon krwar osi I ti en bon legzersis.

E nou osi dir nou profit le moman pou osi dir avek Minister Finans, pou kontinyen planifye depans Gouvernman pli byen.  Pli byen dan lesans ki pou avoid okenn malantandi plitar – okenn keksoz kekfwa ki nou pe espekte ki zot pa pe vwar parey nou.  E ki an menm tan I donn nou en pli bon konfyans dan travay ki zot pe fer.

An menm tan nou le osi lans lapel ki pa zis Minister Finans ki pli byen planifye depans Gouvernman, me ki osi met presyon lo bann lezot Minister e bann Departman e antite Gouvernman pou zot kapab zer pli byen zot Bidze, pou anpese ki nou’n vwar par egzanp I annan bann proze ki pa pe ganny fer e ki I annan larzan dan en fason ki I reste e ki diferan avek Bidze ki zot in orizinalman demande.

Sa osi nou demande ki zot vwar depi boner kot ki I annan bann mankman.  Si par egzanp pou egzekit bann proze zot vwar ki napa bann project officers me zot bezwen rode avan ou demann larzan pou proze.

Mon krwar ki sa legzersis I en legzersis enportan ki zot bezwen.  E nou lans lapel tou Minister I bezwen fer ou pa kapab demann larzan pou proze.  E Bidze pe vin devan nou taler semenn prosenn, e petet nou pou remarke nou pou annan en pe similar comments bann komanter en pe parey.

E nou dir boner savedir zot bezwen vwar sa bann mankman e ki zot adres sa dan en fason vitman e en fason koeran pou anpes ki plitar ki lannen prosenn ki 2019, nou rankontre menm kalite senaryo.

Avek sa mon move Mr Deputy Speaker ki parey Mosyon pe dir ‘’that the National Assembly resolve to approve the Supplementary Estimates of R436, 393, 406.61million laid before the National Assembly in accordance with Article 154 (6) of the Constitution read with Article 154 (7).’’ 

E ki ladan dan sa sif I klerman sa sanzman ki mon dir ki lo sa amount R600mil I osi dir tousel I ganny fer.  I beg to move Mr Deputy Speaker.

 

MR DEPUTY SPEAKER

Mersi Onorab De Commarmond.  Zis avan mon pran en vot Onorab Ramkalawan akoz ou ti le klarifye.

 

HON WAVEL RAMKALAWAN

Bonzour Mr Deputy Speaker mersi bokou.  E bonzour tou bann zanfan e zot teachers e tou dimoun ki a lekout.  Mr Speaker mon pe zis premyerman rod ou gidans, parske nou retourn dan Lasanble konplet e mon ti anvi koz lo Mosyon proper ou pou donn mon permisyon pou mwan koze?

 

MR DEPUTY SPEAKER

Nou ti’n mon ti’n mon ti anba lenpresyon yer poudir nou pou fer en summing-up bomaten, e nou zis ti pou pran vot pou nou al lo la.  Mon ….

 

HON WAVEL RAMKALAWAN

Non parske mon pe zis Mr Speaker mon pa’n ganny sans koz lo Mosyon mwan.  Parske Mosyon ler in prezante apre sa in al dan Committee Stage, aprezan mon anvi lo sa Mosyon as amended dan sa prensip i pa pou long zis en 5minit.

 

MR DEPUTY SPEAKER

Mon napa problenm napa nanryen ki anpes nou anba Standing Order.  Mon napa problenm si oule fer en entervansyon.

 

HON WAVEL RAMKALAWAN

Non Mr Speaker.  Si konmsi mon ti a kontan ki parske sa ki nou fer la bomaten – ok nou sorti dan Committee Stage nou’n antre dan Lasanble an antye e devan nou I ankor annan en Mosyon.

Sa Committee Stage was just pou eklersi bann figures.  Me apre sa lo prensip sa Mosyon mon krwar ki deba pa ankor exhausted as such.  E ki se sa ki mon pe dir be selman si mon deor Standing Orders, by all means mon pou arête.  Me selman mon krwar ki poudir mon drwa pou mwan adres sa Mosyon I la.

 

MR DEPUTY SPEAKER

Mon ti anba lenpresyon ki atraver son atraver Committee Stage, nou ti’n klarifye e nou ti’n tonm dakor the main Mosyon li menm nou ti pou al towards a vote bomaten.  Sa sete mon understanding.  Be selman mon ouver avek bann Manm tou larestan Manm si zot krwar nou devret ouver deba further, mon pa kont lide.  I zis ki sa ti mon understanding yer.  Me si ou pou demann mon ti a prefere ki etan Leader of Government Business in deza close the debate, ki nou ferm deba  la e nou pran en vot si zot dakor.

 

HON WAVEL RAMKALAWAN

Mon al anliny avek ou desizyon.  Mersi bokou.

 

MR DEPUTY SPEAKER

Mersi Onorab Ramkalawan.  Bon Mosyon ki devan nou I lir konm swivan

“That the National Assembly resolves to approve the Supplementary estimate of R436, 393, 406.61million laid before the National Assembly in accordance with Article 154 (6) of the Constitution read with Article 154 (7).”

Parey nou’n dir taler I annan ki nou pa’n ekri ladan en konprenezon ki en transfer R600mil ki ti pou SCCI I prezan ganny transfer to the Office of the Mayor.  Tou bann ki an faver sa Mosyon lev zot lanmen silvouple?  Okenn Manm ki kont?  Madanm Clerk ou a donn nou rezilta.

 

MADAM CLERK

Mersi Mr Deputy Speaker.  Bonzour Mr Deputy Speaker.  Bonzour tou dimoun mon rikord 24 Manm an faver.  E personn kont.  Mersi.

 

MR DEPUTY SPEAKER

Mersi Madanm Clerk.  Savedir sa Mosyon in pase in ganny aprouve par Lasanble Nasyonal.  Bon nou pou kontinyen avek travay parey mon anonse pli boner ki prezan nou pou annan en stetment by the Minister for Health Mr Jean-Paul Adam lo World Bank Human Capital Index and it’s implications for Seychelles.’’  Byenveni Minis Jean-Paul Adam avek Dr Lauren Reginald avek Mr Marty Vidot dan Lasanble Nasyonal.  Dr Reginald I Special Advisor to the Minister e Mr Marty Vidot I Personal Assistant to the Minister – byenveni dan Lasanble Nasyonal.  Minister ou annan laparol pou prezant ou stetment.

 

MINISTER JEAN-PAUL ADAM

Mersi bokou Mr Speaker.  Mr Speaker, Onorab Leader Lopozisyon e Onorab Leader Zafer Gouvernman tou bann Manm Onorab tou bann zanfan lekol ki pe swiv nou deba ozordi e osi tou bann dimoun dan lakour ki pe swiv nou sesyon.

Premyerman Mr Speaker mon remersye Lasanble pou sa loportinite pou prezant e diskit lo rapor ki’n fer par Labank Mondyal lo Lendis mondyal lo Kapital Imen sa ki apel Human Capital Index Report 2018 e osi pou nou diskit son lenplikasyon pou Sesel.

Sa rapor I en loportinite pou nou analiz bann eleman stratezik ki’n marse dan nou pei e ki pe anmenn rezilta.  E I osi donn nou lokazyon pou oriyant nou stratezi a lavenir pou asire ki nou kontinyen ranforsi nou kapital imen.

I enportan ki nou adres sa size konman enn ki ed nou determin meyer fason pou nou siport devlopman pep Seselwa, e osi batir lo bann stratezi ki levidans I montre I marse.

Mr Speaker I enportan pou nou met lanfaz lo en lapros syantifik ek enn ki baze lo levidans e I enportan ki nou fer desizyon lo lavenir nou pei baze lo bann fe.

Sa rapor I enn bann zouti ki bann lorganizasyon parey Labank Mondyal I donn nou, pou nou kapab pli byen sible bann priyorite e adopte bann lentervansyon ki annan bann pli gran lenpak.

Alor ki sa rapor I kapab montre nou?  Dan konteks Sesel nou kapab vwar sa rapor konman en sans pou nou analiz premyerman legalite dan nou pei.

Dezyenmman loportinite dan nou pei e osi lefikasite Gouvernman.  Metodolozi sa rapor se pou analiz ki probabilite ki en sitwayen – en sitwayen Seselwa I annan pou li realiz plennman son potansyel.  Sa rapor I regard serten endikater kle e prensipalman sa 5 swivan.

Premyerman mantalite zanfan anba 5an.

2enm probabilite ki zot sirviv e benefisye avek en bon lasante ki permet zot konmans lekol,

3enm probabilite ki en zanfan I kapab benefisye avek en ledikasyon formel ant laz 4an e 18an.

Katriyenmman ki probabilite ki zot aprann dan en fason sistematik ki zot aprann dan ledikasyon.

E senkyenmman sa probabilite ki zot reste prodiktiv apre ki zot in fini lekol e antre dan lemonn travay e antre dan en lavi prodiktiv.

Sa rapor I donn Sesel en skor 68poursan e an gro sa I vedir en Seselwa I annan probabilite 68poursan pou li konpletman atenn son potansyel.  Sa I plas nou 43enm dan lemonn devan bokou pei ki pli gran e bokou pei ki annan plis mwayen ki nou.  Annefe plizyer pei ki annan en nivo prodwir domestik brit oubyen GDP per capita pli o ki nou zot pa’n perform osi byen ki nou.  Nou No.1 dan Lafrik e nou annan meyer performans parmi tou bann Pti Leta Zil.  Nou devret fyer pou sa.  Nou devret osi servi sa pou ankouraz nou pou renouvle nou zefor e fer lenvestisman kot I fer diferans.

Si nou pran sa premye de endikater ki mon mansyonnen, sa I konsern zefor ki nou mete dan nou sistenm Lasante, pou nou siport en fanmir avan nesans en zanfan e dan son bann premye lannen.

Sesel plis ki 90poursan manman I swiv konsiltasyon avan nesans zot baba atraver nou sistenm antenatal.  Sa I vedir ki maximum pou asire ki en zanfan I ne byen avek minimum konplikasyon e ki ganny en bon depar dan lavi.

An 2017 nou to mortalite pou bann nouvo ne ti 10.9 lo sak mil nesans.   Nou osi met bokou lanfaz lo lasante bann zanfan dan zot premye lannen, e sa I envizib atraver nou progranm vaksinasyon.  Par egzanp kot nou annan en kouvertir pli ki 97poursan.  Nou’n kontinyen envestir dan sa kalite progranm akoz I anmenn rezilta – rezilta ki kler.  E lannen pase par egzanp nou ti entrodwir vaksen kont Rotavirus ki pou ede redwir bann maladi lye avek ladyare.

Sa lannen nou entrodwir vaksen pneumococcal ki apel PCV e nou envestir en kantite resours imen e finansyel ki nou swiv bann zanfan dan klinik e kot lakour.  Nou to mortalite pou zanfan anba 5an ti 14.5 lo mil zanfan an 2016 e parey an 2017 ti en pti pe pli ba an 2017 ti 13.3.  Mr Speaker mon kapab osi konpar sa ki Sesel I kapab fer dan en letan ki ase kourt.  Nou annan 42an lendepandans I annan bokou pei ki en pei depi lontan pe lite e pa ankor arive lo sa rezilta.  E I enteresan pou nou osi konpar parkour ki Sesel in annan avek serten lezot pei ki similer.

Alor mon pou sit serten legzanp par egzanp pou nou konpar nou lekor avek en pei parey Barbados ki annan en popilasyon en pe plis ki nou me I osi en Pti Leta Zil.  E ozordi son to mortalite nouvo ne e osi son to mortalite pou zanfan anba 5an I similer avek sa ki pou nou.

An 2016 to mortalite nouvo ne Barbados ti 11.6 e parey mon dir Sesel an 2017 ti 10.9.  An 2016 to mortalite zanfan anba 5an dan Barbados ti 12.6 e Sesel ti 14.5 osi pou 2013 me in desann 13.3 pou 2017.  Me sa ki enteresan se letan nou regard sa de pei avan lendepandans, nou kapab vwar ki Barbados ti pe konmans bokou pli pre avek sa target ki par egzanp ki Sesel.  Si nou pran lannen 1964 Sesel nou to lanmor parmi bann zanfan anba 5an ti 93.2 lo sak mil.

An Barbados an 1964 sa sif ti 64.8 ti deza bokou pli ba.  Pou met li lo en lot fason an 1964, preski 10poursan zanfan Seselwa pa ti pou arive laz 5an.  Ozordi 99poursan ki ne zot pou soufle zot 5 labouzi.

An 1976 lannen nou lendepandans to lanmor anba 5an ti 45.7.  An 1984 apre 8an lendepandans sa ti’n ganny redwir par plis ki 50poursan pou vin 21.9.  Pou to mortalite nouvo ne e ankor pou konpar nou lekor avek en pei similer avek Barbados, an 1964 to mortalite nouvo ne dan Barbados ti 54.7. Sesel dan menm lannen ti 67.6 e ozordi nou to mortalite nouvo ne I 10+.9 pou Barbados 11.6.

Nou kapab vwar ki lezot pei avek resours similer ki nou ti konmans avek bokou lavans lo nou me nou akselere nou sorti lwen e nou delivre.

Osi lye avek sa de premye endikater Gouvernman pe kontinyen revwar fason pou amelyor rezilta lasante dan en fason sistematik.  Nou konmans en demars resaman avek Lorganizasyon Mondyal Lasante oubyen OMS oubyen WHO an Angle pou sertifye eliminasyon larouzol dan nou pei.  Menm si sa maladi pe parfwa re aparet dan pei devlope.  Nou pe osi fer demars pou sertifye sipor OMS pou elimin sipor VIH Sida ant manman ek zanfan.

I annan mwens ki 10 pei dan lemonn ki reisir sa e pou Sesel I pa pou neseserman fasil akoz risk eleven bann manman ki ganny afekte par labi sibstans e nou kapab fer li e nou parkour I montre ki nou pou fer li.

Fodre nou osi note ki Sesel I annan enn bann rikord lo proteksyon lavi bann manman ki pe donn nesans.  Nou’n annan zis de lanmor dan dernyen 3an e sa I en rezilta vreman remarkab letan nou konpar ek bann pei similer e menm serten pei pli gran ki nou.

An gro Mr Speaker nou konsyan ki pep Seselwa I annan bokou lekspektasyon e latant vizavi nou sistenm lasante.  Nou partaz en lanbisyon tre for sa ki sa rapor I montre nou se ki letan nou konpar nou sistenm lasante piblik ki gratwi nou perform pli byen ki lamazorite pei ki dan menm kategori ki nou.

Si nou osi fer referans avek rapor resan ki’n ganny pibliye par Lorganizasyon Mondyal Lasante lo leta lasante lo Lafrik, nou konstate ki Sesel I annan pli bon rezilta dan Lafrik antye atraver son sistenm piblik.  I en realite ki bokou Seselwa I konpar nou sistenm lasante, avek bann operater prive dan zot pei e larealite se ki nou sistenm lasante piblik, I perform bokou pli byen ki bann sistenm piblik dan sa bann pei.

Se pou sa osi Mr Speaker ki Gouvernman I pe de pli an pli mezir son lekor kont rezilta dan bann pei devlope e sa rapor I konfirmen ki sa I fer sans, e nou bezwen kontinyen montre sa lanbisyon.  Mr Speaker ansanm avek akse gratwi a lasante ki ti konmanse an 1979 Gouvernman in osi asir akse a ledikasyon gratwitman.  Sa lenvestisman I vedir ki tou nou sitwayen I benefisye avek an mwayenn 13.7 lannen ledikasyon formel.  Sa rezilta I osi ganny tradwir dan sa rapor atraver son lekivalan an term son rezilta pou donn en Lendis 463.

Ankor letan nou konpar sa avek bann pei ki similar avek nou, nou vwar ki nou dan en bon pozisyon.  Byensir I esansyel pou nou kontinyen pou nou vwar lafason ki nou envestir dan ledikasyon, pou ganny pli gran rannman posib e nou Gouvernman in etabli bann domenn priyoriter anliny avek bezwen nou pei.  Gouvernman pe osi travay an partenarya pou asire ki bann formasyon ki ganny ofer I reponn a bezwen bann lendistri.

Parmi bann sa bann stratezi ki deza an kour se en zefor spesyal pou nou envestir dan resours imen.  Nou pe met lanfaz lo formasyon bann ansenyan a tou nivo depi pti lanfans ziska nivo Liniversite.  Nou rekonnet lenportans pou envestir dan ledikasyon de kalite.  Par egzanp an 2013 Gouvernman ti envestir R119.7milyon dan bann Labours – dan bann Scholarship e 5an plitar sa sonm in ogmante pou vin R167.7milyon.

Pou lannen 2018 Gouvernman I ekspekte depans R171.5milyon.  Sa I ekivalan avek 250 etidyan ki ti benefisye avek labours an 2013, pou vin 311 an 2017.

Lo kote formasyon bann ansenyan Gouvernman pe kontinyen met lanfaz lo ledikasyon konman en sekter kle dan lekonomi.  Formasyon I anliny avek sa.  Zis pou lannen 2018 en total 210 ansenyan Pti Anfans e primer pe swiv formasyon lo nivo Diplonm. I annan bokou progre ek devlopman dan domenn Pti Anfans depi 2010 avek devlopman e kad Nasyonal pou ledikasyon ek swen pou ansenyan Pti Anfans depi 0 ziska 8an swivan ki Deklarasyon ki Vis-Prezidan Faure sa letan ki byensir prezan konman Prezidan pe montre menm direksyon ek leadership lo sa size.  Swivan e sa ti ganny fer Moscow dan konferans spesyal lo Ledikasyon – dan sa konferans spesyal lo ansenyan Pti Anfans.

Ozordi nou annan bann standar dan servis ki ganny ofer a bann pti zanfan dan domenn ledikasyon ek lasante sosyal e osi devlopman kominoter.  Sa travay ekselan ki’n ganny fer in anmenn Sesel pou ganny rekonnet enternasyonalman.

Nou osi asire ki ledikasyon I koresponn a bezwen a anplwayer.  E dan sa konteks I revwar sa rezondet e lafason ki sa profesyonnel I delivre formasyon.

Dan sa konteks Minister Ledikasyon ek resours imen an kolaborasyon avek Minister Lanplwa ek sekter piblik ek prive, zot pe travay pou asire ki bann formasyon I reponn avek sa bann bezwen.  Proze pou en sant spesyalize pou teknik e vokasyonnel I demontre, sa lapros ki Prezidan Faure in anmennen pou asire ki evolisyon dan sistenm Ledikasyon I koresponn avek loportinite ki nou pei pe kree.

Mr Speaker byensir pou atenn bon rezilta, i neseser pou envestir dan en fason regilye dan en sekter Ledikasyon ek Lasante.  Pandan 40an sa de sekter in priyorite dan progranm Gouvernman.  E sa ki nou kapab vwar osi se ki malgre bann defi ki nou annan, nou annan serten lefikasite dan sa de sekter.

Dan lasante par egzanp en rapor Lorganizasyon Mondyal Lasante I demontre ki Sesel I annan pli gran rezilta lasante dan Lafrik, me an term son kou sistenm lasante, I selman 6enm dan Lafrik an term kou lasante par tête d’habitant.  Savedir I annan 5 pei ki pe depans plis larzan ki nou par tête d’habitant lo lasante me rezilta I byen bon sa ki nou, nou pe reisir.  Nou pou toultan vot bann loportinite pou nou amelyor nou rapor kalite pri e nou kapab konstate ki nou deza osi pe montre bon rezilta.

I enportan pou nou note sa lefikasite akoz I enportan pou nou batir lo sa aki, lo sa ki nou deza delivre pou nou kapab amelyore e re envestir larzan kot I fer plis diferans.  Nou lenvestisman dan Ledikasyon ek Lasante, i osi baze lo sa prensip legalite.  Tou Seselwa I devret kapab ganny sans dan lavi pou li devlop son potansyel o maximum.  Son potansyel endividyel e kolektiv.

ou Seselwa I devret ganny sans eskiz mon sa rapor I konfirmen ki Sesel I permet en dimoun devlop son lekor, an itilizan bann resours ki disponib pou tou sitwayen.  Akse a Ledikasyon ek Lasante, pa ganny determinen par ou sityasyon ekonomik ni par ou klas, oubyen ou krwayans politik, oubyen relizye, ou sex oubyen ou oryantasyon seksyel.  Sa prensip legalite, sans, I fondamantal pou nou konman Seselwa.  Sa rapor I osi adres kestyon legalite dan loportinite.  I evidan la ozordi dan 10enm lannen apre ki nou’n anbark sa reform ekonomik ki en mayon for lo sa reform, sete pou asire ki sak Seselwa, I kapab benefisye atraver loportinite ekonomik ki nou pei I zenere.

Me sa reform pa ti pou marse, si nou pa ti kapab asire ki nou pep I kapab sezi bann loportinite.  Sa rapor I fer en lyen direk ant bann lenvestisman ki en Leta I fer dan son sitwayen, atraver Lasante – Ledikasyon e lenpak prodiktivite ki sa dimoun I kapab annan a lavenir.

I kler ki nou annan bokou potansyel pou nou vin pli prodiktiv, me labaz ki nou annan I donn nou en vreman bon baz – en bon pwen depar.  Mr Speaker sa bann statistik ki mon site I demontre ki polisi ki’n adopte par Gouvernman pandan plis ki 40an, ki met pep o sant devlopman in kontinyen anmenn rezilta pou nou pep.

I montre ki konsantrasyon resours lo Lasante – Ledikasyon menm parfwa kan ou napa bokou ou mwayen I anmenn rezilta ki konsekan.  Sa I enn bann mesaz kle ki nou bezwen retenir ozordi, e mon demann tou Seselwa ki nenport afilyasyon politik, I fer sa zefor pou siport kontinyasyon sa prensip envestir pou gard nou pep o sant devlopman.

Mr Speaker sa rapor I osi envit nou pou nou reflesir lo lapovrete dan nou pei.  Letid ki ti ganny fer 2013 lo Lapovrete I montre en nivo lapovrete preski 40poursan.  I enportan pou note ki sa definisyon lapovrete I baze lo nou sityasyon spesifik isi Sesel.  E I enportan pou nou kapab mezir lenpak lapovrete atraver reveni e kou lavi.

Me I osi enportan pou plas sa sityasyon lapovrete dan en kad pli larz, baze lo tou bann sipor ki en sitwayen I kapab benefisye akoz sa I determin rezilyans sa pei e osi potansyel sa endividi.  Lapovrete I toultan relatif e Sesel lapovrete I relatif avek tou bann servis ki en sitwayen I kapab ganny akse avek ki pa determinen par son sityasyon ekonomik e son reveni.

Sa I vedir osi ki menm si en dimoun I trouv li dan en sityasyon lapovrete sa lenvestisman ki leta I fer sistematikman dan son lankadreman dan son byennet I vedir ki I touzour annan en fitir potansyelman prodiktif.  Alor kestyon byensir baze lo sa analiz se kwa ki nou kapab fer pou kontinyelman amelyor nou sityasyon e nou lenvestisman dan nou kapital imen premye eleman se pou fer sir ki nou batir lo sa ki nou annan, ki nou kontinyen re envestir dan sa de pilye nou pei Ledikasyon ek Lasante.

Dezyenmman ki nou fer pli kler sa lyen ant lenvestisman dan sa de sekter e nou fitir ekonomik.  E pou nou fer sa nou bezwen osi konsyan bann risk ki egziste.  Parmi sa bann risk sa I en kiltir depanse parfwa malerezman san prevwar a lavenir e sa I manifeste son lekor parfwa dan en latitid de pli an plis materyalis dan nou sosyete I regretab.

Sa risk I osi vizib dan logmantasyon risk bann maladi non-konminikab ki kontinyen met plis presyon lo nou sistenm Lasante.  Nou vwar sa atraver bann risk kardyovaskiler, atraver nou bann logmantasyon lobezite dan nou pei parmi zenn konman vye.

Alor nou bezwen kontinyen envestir dan labaz dan sistenm Lasante akse avek swen primer ranforsman formasyon pou bann profesyonnel.  Meyer sipor en reminerasyon profesyonnel lasante, e ranforsman dan prevansyon.  Nou bezwen ranforsi dan baz sistenm ledikasyon.  Revwar bann konpetans kle ki ganny donnen atraver formasyon enkli pou ranforsi bann stratezi ki permet en dimoun pli byen viv dan lemonn konmela.

Sa I listre par legzanp atraver nou Polisi lo nitrisyon ki pe ganny enplimante dan nou bann lekol. E sa pou ganny siporte atraver ledikasyon lo nitrisyon osi dan lanvironnman lekol.

Nou bezwen osi kontinyen met lanfaz lo aktivite fizik e fer fason ki nou popilasyon vin pli aktiv konmans dan bann lekol me nou bezwen osi regard landrwa travay e la nou annan sa progranm ‘’Workplace Wellbeing’’ e osi dan tou laspe lavi nou bann sitwayen.

E nou bezwen osi diminyen nou bann aktivite a risk.  Dan sa bann direksyon nou pe enplimant nouvo taks lo disik dan bann labwason aparti lannen prosenn.  E nou pe bouze osi pou ranforsi regilasyon pou kontrol lavant promosyon lalkol an menm tan ki nou kontinyen adres problenm drog atraver aksyon sever eleman kriminel e osi rediksyon risk pou bann dimoun ki dan adiksyon.  Bokou sa bann Polisi I pa reprezant sa bann gro lenvestisman atraver larzan, me I nesesit en lapros determinen me enn ki bezwen sipor nou tou.

Mr Speaker pou terminen I bon note I bon pou note ki Sesel, in pei ki’n perform pli byen pandan sa dernyen 5an.  Sa in ganny konfirmen ankor par rapor Mo Ibrahim ki fek sorti, kot nou vwar ki Sesel I sa pei ki’n progres plis dan sa dernyen 5an parmi sa premye 5 pei.

Sa rapor labank mondyal in pibliy bann statistik baze lo rezilta 5an pase e lo rezilta 5an pase sa Lendeks sa Lendis pa ti egziste 5an me baze lo formasyon en statistik ki zot annan lo 5an pase I montre ki mannyer rezilta ti pou ete sa letan.

E baze lo rezilta 2012 nou ti pou annan en score selman 59poursan e nou ogmant sa score pou fer li vin 68poursan dan 5an.

Sa amelyorasyon dan dernyen 5an I reflekte determinasyon ki nou montre fas a tirbilans ekonomik enternasyonal, pou nou mentenir lenvestisman baze lo nou prensip pou nou met lepep o sant devlopman e nou bezwen kontinyen dan sa zefor.

Mon remersye ankor enn fwa Lasanble pou sa loportinite a sa moman 10an apre ki nou fer nou reform ekonomik, e osi zis avan debat ankor enn fwa lo nou prosesis bidzeter, mon envit Seselwa pou reflesir lo bann keksoz ki’n permet nou ranforsi nou rezilyans pandan sa dernyen 10an.

Mon envit Seselwa pou reflesir lo kwa ki’n permet nou avanse dan sa dernyen 42an depi lendepandans.  Mon envit tou Seselwa pou envestir lo bann aksyon ki nou bezwen pran pou nou anmenn nou pei pli devan.  Baze lo labaz ki nou etabli ansanm e ki ganny reflekte dan sa rapor mon annan tou konfyans ki nou kapab kontinyen promouvwar legalite, loportinite e lefikasite.  Mersi bokou.

 

(APPLAUSE)

 

MR DEPUTY SPEAKER

Mersi Minis.   Bon apre ki Minis I fer son Statement mon permet bann Manm ki le ganny klarifikasyon demann kestyon pou fer li sa I le moman pou fer li.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker I en keksoz vreman enportan pou nou pei pou nou ganny vwar lo nivo enternasyonal nou achieve sa kantite.  Me selman I annan serten kestyon ki nou bezwen poze mon ti a kontan si Minis I a kapab ti a kapab from son perspektiv, vi ki in enterakte avek sa rapor avek bann diferan konponan pou kapab ganny plis lesplikasyon lo la.

Mon premye kestyon I ki Minis I krwar ki bann defi ki nou pe fer fas avek pou asire ki malgre ki nou pe nobou anmenn sa nivo devlopman sa devlopman pa pe dan serten sirkonstans neseserman tous tou kous nou popilasyon.

E sa I fer ki mon krwar poudir I annan serten dimoun ki malgre pei I avanse zot pa pe kapab avans lo menm ritm avek pei.

E ki prezan ki plan konmsi ki Gouvernman I annan konmsi pou prezan reasire ki sa I ganny adrese?  E la mon pe koz par egzanp spesifikman avek sa resers ki ti ganny fer par World Bank an sa ki konsern lapovrete, kot ti koz sa 40poursan lapovrete eski Gouvernman prezan pou re entame en resers pou nou kapab etabli apre prezan pou nou kapab met an plas mekanizm pli spesifik pou kapab target sa bann dimoun ki probableman pe viv dan bann diferan sityasyon difisil e fer ki zot kondisyon lavi I improve.  So si ou ti kapab reponn sa kestyon pou mon Minis.  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab.  Annefe sa I enn bann eleman ki atraver plizyer progranm ki Gouvernman pe anmennen atraver Bidze nou vwar ki I en fason pou nou esey adres sa konsern.

Pou nou kapab byen konpran osi sa konsern I enportan pou nou regard de pre sa rapor lo Lapovrete 2013.  Akoz sa rapor lo lapovrete I baze lo reveni e baze osi lo depans.

Alor I annan en kantite keksoz letan ou pou regard dan sa rapor ki petet dan en lot pei sa pou ganny konsidere konman en liks, me Sesel nou pe pran li konman en keksoz ki enportan pou dimoun kapab eparnyen ki zot kapab devlop zot lekor.

Par egzanp akse avek enternet, kominikasyon.  Sa I form parti bann keksoz ki nou met li dan nou Lendis pou nou ganny en lendikasyon lo en dimoun me petet dan en lot pei pa fer li.  E lye avek sa, nou kapab konsyan ki serten sa bann difikilte I lye a klasman endividi dan lemonn lanplwa en dimoun par egzanp letan I sa rapor poudir a la baz Seselwa letan I sorti lekol avek en bon bagaz.

Me parfwa defi se ki sa bagaz pa tou an koresponn avek marse lanplwa alors souvan premye travay ki en dimoun I antre ladan I enn petet ki pa pey otan ki zot ti ava swete ki zot petet merite.  E I enportan atraver nou sistenm formasyon, pou nou adres sa bann defi vizavi lanplasman pou bann dimoun ganny bann formasyon ki vreman lye avek bann loportinite pli direk ki kre dan nou lekonomi.

Alor pou met li dan en lot fason nou kapab I annan dimoun ki pe antre dan bann louvraz ki pa pe neseserman pey byen me I annan en kantite loportinite dan nou lekonomi ki pe ganny kree atraver bann lanplwa debaz, bann lanplwa ki teknik, vokasyonnel.

I annan louvraz par egzanp dan plonber dan elektrisyen en kantite demann dan sa bann sekter e nou pa pe forseman trouv toultan antre dan sa bann sekter deswit e sa I bann eleman sey adrese anver formasyon.

Lot eleman se e ankor si ou regard de pre sa rapor lo Lapovrete 2013 ou pou regard konsonmasyon e letan ou pe regard konsonmasyon vizavi konmsi dan en fason soutenab e sa I ganny vwar osi vizavi bann problenm bann maladi non-kominikab ki nou pe gannyen se ki konsonmasyon dan nou sosyete se ki I o.

E I pa toultan sible vizavi bann priyorite ki permet nou pli byen evolye konman bann fanmir, konman bann endividi.  I annan si nou pran par egzanp rapor osi 2015 lo konsonmasyon lazenes lye avek zot lasante nou ti vwar ki plis ki 75poursan bann zanfan lekol pe konsonm omwen par zour en limonnad I kout R17.

Alor alafwa ou pe depans larzan dan en keksoz ki pa pe donn ou nitrisyon ki alafwa I osi pe kre lezot problenm ki osi kontribye ver lapovrete.  Akoz move nitrisyon I osi ede pou fer ou pli malad par egzanp ou vin mwen prodiktiv e alor ou kapasite pou antre dan en lavi prodiktiv I osi diminyen.

Alor bann stratezi ki nou pe met an plas I vize pou nou maksimiz ki sak dimoun I annan pou li partisip plennman dan lekonomi.

E si ou regard sa ki sa rapor I dir ou se labaz I la e se vreman pou nou asire ki dimoun I kapab antre dan sa bon moman e sa bon nivo dan sekter formasyon, e dan sekter lanplwa pou zot kapab benefisye avek sa bann loportinite kree dan lekonomi.  Mersi Mr Speaker. Mersi Onorab.

 

MR DEPUTY SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Zisteman Minis ler nou pe koz lo maximize loportinite ki vin dan lekonomi par egzanp nou pe vwar bann mezir ki Gouvernman pe anonse nou vwar Blue Bond ki’n vini la ek sa.

Mon kestyon pou ou se ki mannyer prezan Gouvernman pou asire ki bann dimoun ki pa neseserman labitid kapab ganny akse avek sa bann finansman I kapab fer li e ki sa bann finansman pa al ver toultan bann dimoun ki zot annan kapital, zot in deza annan en baz etabli.  E ki apre zot repriz tou la restan dimoun ki la restan dimoun pa kapab antre dan sa marse.  So par egzanp an sa ki konsern sa proze SWAYO FISH la par egzanp, ler nou pe koz valer azoute ki mannyer zot pe asire ki par egzanp si pou annan valer azoute lezot dimoun ki pe fer lapes parey dan en distrik parey Glacis deside pou li al konstri en pti cold store konmans store son pwason anploy ankor de dimoun dan Glacis oubyen dan Anse Etoile oubyen La Retraite oubyen bann Kominote Peser.

Kwa ki zot pe fer pou asire ki sa bann loportinite I tou sa bann kategori dimoun e non pa ki pa akoz mon ki mon deza annan kat biznes mon vini e labank I favoriz mwan I pli fasil pou mwan ganny akse, ek sa akoz mon deza annan en soz etabli.  Ki bann sistenm sipor?

Apre mon 2enm kestyon par egzanp en lot pwen par egzanp zot pe koz par egzanp vann shares anba konpannyen Gouvernman I annan.  E si nou koz vann shares par egzanp dan SEYPEC – tousala I rely ever fer Seselwa partisip dan bann aktivite ekonomik ki pe pase.  Be si sa bann shares I ganny vann lo en baz ki nou pa asire ki dimoun ordiner I kapab aste sa bann shares.  E kit nou lo en baz ekitab ou konpran?

Then I pou toultan sa dimoun ki li I annan sa pouvwar finansyel ki plis, ki pou vini ki pou vini pou aste.  Mon pa krwar poudir sa I sa kalite nide ki nou pe fer.

So eski Gouvernman li prezan I pe mazinen poudir mon pe met sa bann loportinite kwa ki mon pe fer pou asire ki sa bann loportinite I pa restrikte parey Gouvernman I ganny akize toultan in fer me ki sa bann loportinite, I ganny spread obor plizyer dimoun, e ki la mazorite dimoun I kapab pli benefisye prezan I ava annan bann lezot lefe

So ki mannyer zot pe met an plas bann mekanizm ki zot met an plas vi ki ou’n reprezant sa rapor ek nou?  Nou bezwen demann ou be mon konnen, mon konpran pa dan ou domenn me mon ti a kontan si ou fer en komanter from pwennvi Gouvernman lo la.  Mersi Mr Deputy Speaker.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Deputy Speaker e mersi Onorab.  Annefe mersi pou sit legzanp lo bond akoz sa I en legzanp zisteman Gouvernman pe mobiliz larzan lo lasenn enternasyonal me ki pou benefisye direkteman bann peser artizanal ek semi- endistriyel.

E si ou regard bann kriter ki annan lo sa bann finansman I spesifikman pou adres zesyon lapes e otour sa bann operater alor avek mon krwar I kler avek plan devlopman nou lespas maritim nou bezwen regarde a lonterm ki nou e si nou pe regard soutenabilite lenpak lapes endistriyel I bezwen ganny redwir.

E pou ranplas sa aktivite ekonomik, I enportan pou get li dan en nivo pli soutenab baze lo en lapes lokal e baze sirtou otour sa lapes artizanal semi- endistriyel.  E bann prensip lo Bond alor I annan en konponan don e sa bann don pou ganny ofer pou libreman pou nenport ki Seselwa fer laplikasyon. I otour zesyon sa nespes maritim lo bann prensip lanvironnman tal e soutenab.  I kapab benefisye bann lorganizasyon peser.  Par egzanp bann don I pa sible pou bann businessman – bann don I sible pou bann lorganizasyon, kominoter bann groupman peser e bann lorganizasyon non- gouvernmantal eksetera.

Apre I annan osi bann eleman loan ki pou disponib a bann kou enteresan e sa I parey ou dir ou’n servi sa legzanp pou par egzanp pou antre dan sa value added chain.

Alor pou zot fer bann transformasyon par egzanp akse avek bann cold store I en tre bon legzanp en kalite proze ki sa I pou fasilite.  E si ou regard dan en fason en pe pli larz partisipasyon dan lekonomi, si ou regard Gouvernman dan lepase bann loportinite ki ou’n met a dispozisyon nou konnen toultan I annan sa deba otour bann gro biznes ek bann pti biznes, me si ou regard legzanp si ou pran legzanp SACOS I annan en kantite Seselwa ki’n envestir dan SACOS.  E ou annan bann sistenm shareholder ki o nivo e ou annan shareholder ki ou osi annan detrwa share ki’n pran sa sans e ki ganny en pti larzan avek sa.

Si ou pran legzanp labank komersyal bann shares ki’n ganny vann I annan bann dimoun ki annan zot kont avek Labank Komersyal ki zot in kapab ganny akse avek sa.  E avek SEYPEC – byensir I annan kalite konpannyen ki Gouvernman pou osi fer fason e nou pou bezwen annan lenvestiser ki stratezi ki gro, me I annan loportinite osi pou lafanmir Seselwa, pou li kapab ganny en par ladan.

E sa I en prensip ki Gouvernman esey swiv e sa bann e sa rapor I monte nou ki Sesel malgre bann defi ki annan malgre ki a en serten moman wi en realite biznes dan nenport ki pei parfwa ou annan en gro biznes, e fodre nou realize nou dan en lekonomi marse en gro biznes parfwa letan I annan en sans I pou sey sezi sa sans e I pou sey maksimiz son sityasyon.

Me si ou regard Sesel sa rapor I montre nou ki a la baz Seselwa nou annan sa legalite loportinite, lo depar. Nou annan sa legalite sans pou nou devlop nou lekor.  E avek serten lenvestisman stratezi ki Gouvernman pe kontinyen fer nou pou dan en pli bon pozisyon nou sitwayen pou li kapab osi pran sa bann loportinite.  Mersi Mr Speaker e Onorab.

 

MR DEPUTY SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Speaker.  Bonzour Minis avek ou delegasyon e tou Onorab a lekout.  Minis mon’n ekout atantivman ou stetment e in annan bokou pwen ki’n ganny fer resorti ki pe rod pozisyonn Sesel kot I ete ozordi.

E lo nivo enternasyonal I byen e mon krwar konman en pep nou merit fyer.  Me selman Minis osi nou bezwen konsyan osi ki atraver sa pozisyon ki ou’n achieve, I annan osi bann defi parey ou’n fer resorti bann defi, bann problenm ki ede menas sa bann pozisyon, ki kapab si nou pa pe met lanmen lo la I kapab menas sa pozisyon.

Par egzanp Minis, mon ti a kontan konn ou pwennvi parey bann defi fleo – nou annan drog ek lalkol ki I en problenm.  nou annan en zenerasyon ki pe ganny afekte I vedir nou pou annan en lafors travayer ki ti kapab build dan lanplwa ki pa pe prodiktiv.  I en problenm pou nou sa e nou pe fer etranze antre plis.  E larzan pe sorti dan lekonomi.

So mon ti a kontan ki pozisyon Gouvernman ki pou pran ki pou kapab adres en pe sa defi.  An menm tan Minis nou pe bezwen mazinen poudir ler ou annan en pep ki dan bann fleo ou annan en problenm avek lasante zot pou ganny bann problenm lasante e plis larzan ver sistenm Lasante e sistenm Welfare, e sa osi I en trend ki ler ou pe get mondyal par egzanp Sesel lo kote konsonmasyon eroin I premye.  I dan parey bann top lalkol osi nou parey bann top.

So I bann keksoz ki menas ki kapab menas nou pozisyon si nou pa fer sir nou met lanmen lo la akoz se en popilasyon ki pe ganny afekte e lekonomi osi pou ganny afekte.

E avek sa Minis mon ti a kontan petet konnen ki pozisyon Gouvernman pou at least met en pe plis lanfaz resours pou nou kapab tackle sa bann sityasyon ki I pa vin menas sa bann achievement ki nou pe koz lo la ozordi.  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Deputy Speaker e mersi Onorab.  Annefe ou’n mon krwar tre byen eksplik e met lanfaz lo bann risk ki problematik pou nou.  Tou Seselwa I konsyan ki sa problenm drog I en fardo ki nou tou nou pe anmennen.  E I en fardo ki parey mon eksplike dan mon stetment ki I annan en lapros ki nou bezwen adres lo kote lazistis kriminel.

E parey nou kapab tande I annan bann lasezi drog ki’n ganny fer fodre nou realize osi ki sa problenm I pa osi lorizin dan nou pei se ki sa I en problenm global e mon konnen ki Prezidan Faure in osi anmenn sa deba lo lasenn enternasyonal pou nou osi adres kestyon lentelizans, kestyon pou redwir sa sours drog kot I pe sorti an menm tan ki I annan en lapros kordinen lokalman an se ki konsern kot I konsern sa kriminalite.

Apre ou annan sa eleman rediksyon demann lokal kot I pe enportan ki nou tret bann dimoun ki deza dan adiksyon.  E nou avek letablisman avek Lazans pou Prevansyon ek Lalit Drog.

Sa Lazans in deza konmans en progranm ki ase larz ki pou tir dimoun ki deza dan drog e ki bezwen redwir bi atraver sa demann pou drog lo marse lokal.

E nou’n deza vwar serten sikse kot serten dimoun ki in swiv sa bann diferan progranm kot I kapab ki avan zot pa ti pe travay e la zot pe travay e sa I enportan an term prodiktivite nou pei.

E ou’n osi koz lo sa eleman ekspatriye akoz enn bann rezon ki nou annan bann plis travayer etranze ki vin isi, I zisteman parey ou dir ki I vin ek sa problenm prodiktivite.  E sa I lye osi avek sa ki Onorab Pillay in dir oparavan, se ki mannyer nou fer Seselwa antre dan sa bann louvraz ki pou anmenn plis rannman.

E I en kestyon pou nou fer sir enn atraver formasyon e osi fer sir ki nou pep I rezilyan e ki nou kapab kont lo zot konman travayer.  E mon konnen ki plizyer businessman dan nou pei businessman Seselwa zot defi se pou zot asire ki zot kapab ganny en travayer ki zot kapab kont lo li.

E sa stratezi konzwent ki mon eksplike I form parti pou mon redwir lenpak drog dan nou pei e nou bezwen travay lo sak dimoun endividyelman an menm tan ki nou pe deal avek sa problenm lo en baz Nasyonal.  Mersi Mr Deputy Speaker e mersi Onorab.

 

MR DEPUTY SPEAKER

Mersi Minis.  Onorab Basil Hoareau.

 

HON BASIL HOAREAU

Mersi Mr Deputy Speaker.  Bonzour Minis.  Bonzour tou Manm e tou dimoun ki a lekout.  Minis mon kestyon I en pe dan laliny ki Onorab Aglae in demande – ou’n mansyonn de kalite dan loportinite pou tou Seselwa.   Mwan mon issue Minis se an relasyon avek biznes pa relasyon ek travayer me Onorab Aglae in adres sa.  Biznes pou Seselwa!

Nou pa kontinyen ganny sa loportinite etranze pa antre vin fer biznes e pran biznes pou Seselwa.  E mon dir sa Minis parske nou annan Lalwa nou annan Lalwa ki limit serten biznes pou Seselwa selman me sa bann Lalwa pa pe aplike parske mon pou donn ou en senp legzanp; par egzanp pou Class 2 license konstriksyon mon krwar I dir ek ou fodre ou annan en konpanny ki mazorite 51poursan I Seselwa I 49 etranze e bokou fwa ki I fer sa konpanny I pou sa etranze ki vini.

Li I pran 51poursan I donn en Seselwa ki li I pare pou ganny servi son non ganny servi e se en etranze ki pe kontinyen annan lanplwa biznes.

Ki Gouvernman pe mazinen pou fer pou nou fer sir ki sa egalite ki nou pe koz lo la I reste pou Seselwa e etranze pa trouv en fason pou antre basically pou nou ranfors Lalwa, e fer sir ki Lalwa I ganny respekte I annan an plas pou konmans son plan?

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Deputy Speaker e mersi Onorab.  Annefe mon krwar Onorab Hoareau in byen met lanfaz lo lefe ki bokou fwa striktir I egziste isi.  E nou konsyan ki parfwa pou diferan rezon parfwa bann problenm kapasite an term regilasyon nou al dan en lekonomi sorti en lekonomi avan 2008, ki ti tre kontrole a en lekonomi ki baze lo en marse ouver.

E parfwa sa kapasite regilasyon I limite e sa pa en leskiz nou bezwen e mon krwar Prezidan Faure in pas en mesaz tre I kler poudir ki kot I annan en Lalwa nou aplik li e san leksepsyon.  E nou bezwen konsyan si nou servi sa legzanp ki ou’n servi Seselwa nou menm nou, malerezman ki parfwa nou sey abiz sa sistenm.  Avek letan nou pe travay avek en partner etranze, e nou, nou bezwen fer sir ki Lalwa ki lo papye Lalwa ki la I ganny met an aplikasyon e mon konnen ki atraver bann diferan mekanizm mezir pe ganny pran I annan bann mekanizm taks.

I annan revi dan bann diferan sistenm license ki kapab ganny fer e ki pe ganny etidye e ki nou servi sa pou nou asire ki labaz bann Lalwa I ganny respekte par tou dimoun.

E si ou pran sa lefe ki ou’n mansyonnen ki nou annan sa bann diferan provizyon, fodre nou konpran osi ki Sesel konman en pti pei nou byen fer pou nou met sa bann provizyon.  Si ou permet mon Mr Deputy Speaker mon ava partaz avek zot akoz resaman mon al en konferans dan Caraibes mon al La Grenade e mon kapab vwar ki par egzanp dan bann pei Caraibes zot preski konpletman depandan lo lenvestiser.

Lafason ki lezot lekonomi I striktire se ki tou mon ti a dir larises I ganny zenere atraver lenvestiser e sa bann larises I benefisye lepep laba, me zot napa parey Sesel zot napa sekter napa bokou sekter ki rezerve pou lokal par egzanp.

E Sesel nou annan e I en kestyon pou nou ranforsi bann Lalwa ki nou deza annan an plas e pou nou kapab pli byen alor transmet sa bann loportinite ki baze lo bann prensip ki Gouvernman I met an plas.  Mersi Mr Speaker mersi Onorab.

 

MR DEPUTY SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker nou ekout Minis avek latansyon malgre sa de rapor ekselan ki Sesel in fer e ki mon persyade avek mon avek sa kalite leadership Prezidan Faure pa mank lontan pou lemonn enternasyonal e rezyonal rekonnet sa, e donn li bann pri – konmans donn li bann pri pou nou rekonnet sa progre ki nou pe fer!

Eski pou kontinyen soutenir sa akoz ariv a en nivo I enn me pou kontinyen soutenir li sustain e gard e fer progre lo la I en lot keksoz.  Ki alor Minis I kapab share avek nou Lasanble, Gouvernman pe fer, pou met lanfaz e plis presyon lo bann lenstitisyon e bann antite Gouvernman, pou zot vin pli efektiv e pli efikas e anport nou bann polisi pou nou al pli lwen ankor dan sa demars, pou nou improve e fer pli byen lo deza sa ki nou pe fer lo en fason ekselan pou nou pei?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  Zisteman nenport ki pei I pa kapab zis dir tou keksoz I byen e zis dir poudir nou pe byen fer alor nou pe espekte ki nou pou toultan byen fer.

Pou ou byen fer sa I en kestyon analize travay lo levidans e baze lo levidans ou envestir e ou fer ou stratezi baze lo sa bann levidans.  E mon krwar si nou regard nou sityasyon dan nou pei, nou konnen baze lo sa bann analiz ki’n ganny fer par bann lorganizasyon enternasyonal parey Labank Mondyal – parey Lorganizasyon Mondyal Lasante – zot regard bann fe bann statistik ki ganny prodwir isi lokalman me ki ganny verifye e ki ganny analize nasyonalman, Sesel nou pe perform pli byen ki lezot pei ki dan menm sityasyon ki nou.

Me si mon pran en pti pe osi serten pwen osi ki’n sorti kot serten bann lezot Onorab parfwa lo en baz endividyel en Minister oubyen departman oubyen servis Gouvernman sa sitwayen I pa pou santi poudir in ganny sa servis.

Alor I enportan ki nou annan bann mekanizm pou adres sa.  E parfwa e se sa ki nou kapab vwar se bann lensidan ki arive ek en endividi oubyen ek en fanmir, I parfwa kre en move lenpresyon lo en departman antye oubyen lo Gouvernman antye.

E I enportan pou nou met lanmen lo sa nou bezwen annan en prensip servis piblik, nou bezwen annan en prensip ki dimoun pe travay pou Leta Seselwa e i pou tou Seselwa.  E pou nou fer sa nou bezwen osi ki nou pe mezir lefikasite nou bann departman entern, osi baze lo bann levidans.  E si mon pran legzanp Departman Lasante sa ki mon apresye dan Departman Lasante I en Departman ki nou mezire.

E mon pa pou dir sa pa akoz Minis se akoz bann profesyonnel lasante, ki zot louvraz zot pe regarde nou annan tel rezilta e baze lo sa rezilta nou bezwen amelyor la apre nou regard sa defi ki mannyer nou pou redwir par egzanp mortalite bann zanfan ki nouvo ne.

E bann dokter ki travay lo Maternite, bann profesyonnel lasante ki travay lo Maternite bann ki travay avek bann nouvo ne avek bann servis pediatric zot pe konstaman regarde ki bann keksoz ki pe arive, e ki bann stratezi ki nou kapab fer e zot pe fer propozisyon avek nou pou nou enplimante.

E nou bezwen annan sa lapros dan Gouvernman kot nou mezir lefikasite en Departman, e nou mezir lefikasite endividi.

Akoz fodre nou osi konpran ki nou annan en kantite pa neseserman me serten dimoun dan servis piblik, ki osi pa pran son responsabilite.

E ki I fasil zis dir mon pa pou ed nou endividyelman e apre se Gouvernman ki anmas sa problenm dan en fason zeneral.  Alor I enportan osi ki dan Lasanble e konbyen fwa osi mwan personnelman – par egzanp mon vin dan Lasanble e nou pe debat kestyon, ki apre ler ou al deryer sa letan vreman nou fouye nou vwar bann fe, I pa forseman baze lo bann realite.

Alor I enportan osi ki Lasanble, I demann bann kestyon baze lo levidans, lo fe, lo statistik lo bann keksoz ki nou kapab mezire, akoz se sa apre ki permet nou adres bann defayans dan bann sistenm sistematik.  Mersi Mr Speaker mersi Onorab.

 

MR DEPUTY SPEAKER

Mersi Minis.  Onorab Waven William.

 

 HON WAVEN WILLIAM

Mersi Mr Speaker.  Bonzour Minis.  Bonzour tou dimoun ki a lekout.  Minis mon ekout ou atantivman e mon pe fer referans lo sa ki ou’n dir avek realite dan mon distrik e mon anvi demann ou si ou krwar poudir malgre ki sa rapor bann fe e bann rezilta ki ou pe dir nou gannyen eski ou santi poudir nou kapab fer pli byen?

E si ou kapab dir nou akoz mon letan mon pe regard mon distrik mon pe ganny bann servis mon osi mon krwar ki nou kapab fer pli byen.  Eski ou santi poudir I annan serten dekoneksyon a la baz?  E eski nou pe vreman letan nou pe dir nou pe revwar, nou pe koz desantralizasyon eski nou pa kapab fer pli byen?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab.  100poursan nou kapab fer pli byen e fodre toultan nou pe pous nou lekor, nou pe pous kanmarad pou nou fer pli byen.

Nou pe … Fodre nou pa mal enterpret sa rapor sa rapor I analiz bann keksoz ki fer ki Sesel nou met an plas pandan plizyer lannen, e ki nou kontinyen aranze, met … e kontinyen envestir ladan ki fer en diferans e ki fer nou en bon baz.

Ou’n koz lo sa size si I annan en dekoneksyon mon krwar ki e sa petet I en lopinyon en pe personnel, me dan nou sosyete ozordi avek nou vin bokou pli endividyalis ki oparavan, e sa I enkli osi serten parfwa lafason ki servis piblik I reazir vizavi popilasyon.

Setadir parfwa I annan en mank konpasyon.  E alor I annan en parfwa nou pa met lanmen ase vit lo bann problenm ki pe leve par egzanp lo bann distrik e letan I ganny adrese se parfwa tar.

E sa I re vin ankor en pti pe avek sa pwen ki mon’n reponn avan pwen Onorab De Commarmond, ki si nou pe kapab mezire sa ki sak travayer dan Gouvernman pe fer, e donn zot bann target e ou evalye zot performans baze lo sa bann target.  E ou kapab fer sir ki amelyorasyon I konstan.  Akoz nou kapab vwar dan bann diferan departman Gouvernman, parfwa I annan sa santiman ki keksoz pa pe bouz ase vit pou sa sitwayen.  E pou nou sekwe sa pou nou fer bouz sa I pa en kestyon politik I en kestyon pou nou kapab byen mezir sa ki servis piblik I fer, e kot pa nou standar aksyon I ganny pran dan en fason sa ki sever e imedya.  Mersi Mr Speaker.  Mersi Onorab.

 

MR DEPUTY SPEAKER

Mersi Minis.  Onorab Paul Ernesta.

 

HON PAUL ERNESTA

Mersi Mr Speaker.  Minis bonzour e Dr Reginald bonzour.  E bonzour tou bann koleg Onorab e tou dimoun a lekout.  Minis mon osi mon ekout atantivman ou prezantasyon, e menm mon apresye si oule avek sa travay en revizyon lonterm ki Prezidan Rene in anmennen, depi ler in pran direksyon pei ziska ozordi in anmenn nou kot nou ete.  E ki pe ganny kontinyen avek Prezidan Faure, pou fer sir ki petet dan ankor next 40an Sesel I ava vin pli devan ki kot I ete ozordi.

 

(APPLAUSE)

 

HON PAUL ERNESTA

Minis mon kestyon I konm tel Human Capital Index I met bokou lanfaz lo travayer ki Gouvernman pe fer sirtou dan bann lenstitisyon gouvernmantal, pou asire ki tou bann HR kot nou bann travayer zot santi zot kapab kontribye plis dan zot lorganizasyon e zot osi motive ki zot ava ganny zot osi alafen serten benefis ki pou ed zot avans pli devan?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker mersi Onorab.  Parey ou’n fer sorti sa rapor I montre ki ou pa pou ganny rezilta koumsa zis dan en moman I en keksoz ki nesesit en lenvestisman a long dire e ki Gouvernman in met labaz.

E sa in kontinyen ganny swiv e menm nou vwar osi par egzanp serten statistik ki mon partaze ki nou pe ogmant lenvestisman dan serten sa bann sekter kle, zisteman pou nou kapab amelyor sa rannman.

Sa lanfaz lo travayer I esansyel e I vre ki petet dan servis piblik parfwa serten defayans I vin otour resours imen e zesyon resours imen e sa I en keksoz ki mon konnen departman ladministrasyon atraver en kordinasyon avek diferan Minister pe met lanfaz bann formasyon pou bann dimoun dan resours imen.  Pou osi annan bann demars pou nou otomatiz en pe plis bann prosedir ki pou fer li pli fasil akoz nou annan bann sirkonstans par egzanp bann lasante ,bann sirkonstans kot parfwa en travayer I ganny peye an retar, pou en keksoz ki I merite e parfwa se akoz I en problenm ki sa travayer resours imen I pe travay lo en file e parfwa pa tou lenformasyon ki I disponib alor mon pe donn ou serten legzanp.

Alor pou al dan plis ver lefikasite e bann sistenm teknolozi I en fason.  Par egzanp ki nou kapab adres sa an menm tan ki nou pe fer formasyon pou bann travayer resours imen e sertennman I en landrwa ki Gouvernman pou kontinyen met priyorite lo la.  Mersi Mr Speaker.  Mersi Onorab.

 

MR DEPUTY SPEAKER

Mersi Minis.  Onorab Jude Valmont.

 

HON JUDE VALMONT

Bonzour Mr Speaker mersi.  Bonzour Minis e delegasyon.  E bonzour tou koleg Onorab tou Manm piblik ki pe swiv nou.

Mr Speaker ler mon swiv sa mon osi mon swiv sa rapor in vin fer byen atantivman e mon vwar I konfirmen par bann lorganizasyon enternasyonal, ki nou annan sa bon baz dan Lasante, Ledikasyon alor dan lespri pou nou ankouraz nou bann ners dokter e lezot parey bann teachers e lezot management lekol.

Mon tann Minis in tous en pti pe dan kestyon ki’n reponn pou Onorab Paul Ernesta, pou ankouraz nou bann travayer, be mon kestyon I en pti pe pli zeneral dan sa bann parey nou dir Ledikasyon, Lasante eski Minis I kapab dir nou in mansyonn en pe pou envestir plis larzan me selman si I annan en pe lentansyon Gouvernman konkret.  Konmsi ki nou pou fer pou bouz pli devan?  Ki nou anvi fer pou bouz pli devan pou montre ki nou kapab gard sa e fer sa nou achievement vin bokou plis ankor?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  E sa kestyon lankourazman – sirtou bann travayer kle.  Fodre nou rapel ki Ledikasyon ek Lasante I labaz ki fer devlop lekonomi sa I en mesaz kle ki sorti dan sa rapor.

E nou si mon pou pran legzanp nou deza dan … nou deza enplimant serten nouvo Scheme e bann lezot travayer lasante pou benefisye avek nouvo Scheme dan Bidze 2019.  Me osi nou pe envit en refleksyon ki larz lo lafason ki nou pey travayer dan Lasante.

E sa I lye osi avek sa nide pou nou kapab mezir performans.  Akoz si en dimoun par egzanp dan Lasante I fer en performans ki remarkab e I depas son target par egzanp nou devret kapab donn li en bonus konsekan.  E nou pe al en pti pe lo nou anvi devlop en lapros reminerasyon ki reflekte performans, me osi reflekte si nou pran legzanp dan sekter Lasante, la kantite lenvestisman ki sa endividi I bezwen fer personnelman – sakrifis ki sa dimoun I bezwen fer pou li etidye e rekonnet sa atraver bann loportinite devlop son lekor e osi reminerasyon dan travay.

E mon konnen ki similerman dan servis piblik dan en fason zeneral dan Bidze 2019, nou pe regarde pou nou osi retenir bann travayer ki’n la pou en kantite letan.  E bann travayer ki parfwa pa’n ganny sa rekonesans an term larzan a diferan moman me ki’n la e ki fer e ki I en mayon for dan nou sistenm pou li delivre en servis ki kle e nou pe sey adres sa atraver diferan bann revizyon dan bann Scheme me osi en revi dan lafason ki nou pey travayer Seselwa dan servis Gouvernman.  Mersi.

 

MR DEPUTY SPEAKER

Mersi Minis.  En dernyen kestyon Onorab Waven William.

 

HON WAVEN WILLIAM

Mersi Mr Speaker.  Mr Speaker ankor mon kontan ki Minis pe met lanfaz lo sa mo mezire e mon kestyon se Minis eski ou krwar poudir nou pe ase motiv si ou pran sa de sa de sekter Ledikasyon avek Lasante an menm tan annou elarzi li, eski nou bann zanfan ozordi lekol pe ganny ankouraze oubyen motive pou fer pli byen?  sa I enn.

Akoz mon krwar poudir I merit annan – I merit annan pou ou kapab mezire. I merit annan bann incentive motiv bann zanfan an menm tan pa zis motiv bann zanfan dan sa laklas me pou sa ansenyan osi tou.

Menm sa I aplik pou kot servis Lasante e an menm tan an zeneral dan sosyete par egzanp si ou pe tous en Departman ou en Minister ki bann motivasyon ki bann incentive si vreman nou kapab mezire ki nou pe mon kapab dir met devan ki sa travayer lo en dokiman swa bann kondisyon vreman kler ki I konpran ki I motiv li pou li vreman donn li maximum ler I fer sa?  Se pei menm ki benefisye atraver anver kreasyon larises an menm tan sa I reponn dan sekter prive.  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  An se ki konsern bann lekol mon konnen ki I annan serten demars atraver pou donn plis lotonomi par egzanp dan bann sant profesyonnel e osi pou donn plis lotonomi, avek bann Headteachers avek bann ansenyan.

I en fason pou vreman motiv zot pou zot kapab fer sa zefor ekstra, apre byensir I annan sa bann eleman reminerasyon ki enportan.  Dan Lasante nou annan lentansyon pou nou al ver en sistenm kot serten eleman dan reminerasyon I pou ed direkteman avek performans.

E mon krwar sa I vreman enportan.  E akoz si ou annan si ou pe regard Sesel vizavi en pei si nou pou al met nou lekor parey en pei devlope, lakantite ners ki nou annan par pasyan I pa sifi nou ogmante nou preski double dan bann dernyen lannen sa kantite ners ki annan disponib me volim travay I kontinyen ogmante.

Alors si nou kapab dir me sa ners I delivre tel rezilta e dan Lasante nou kapab mezire atraver par egzanp si bann chart I ganny update atraver bann mezir donn latizann a-ler I annan diferan keksoz ki nou kapab mezire.

Avek nouvo sistenm servis nouvo sistenm lenformasyon lasante ki pou elektronik bokou sa lenformasyon pou disponib pli vit pou fasilit sa lapros pou nou al lo en reminerasyon baze lo performans.  Alor I toutafe lo lentansyon pou nou fer sa e ki pou permet mon krwar ganny en pli bon rezilta baze lo en lenvestisman ki targete.  Mersi Mr Speaker mersi Onorab.

 

MR DEPUTY SPEAKER

Mersi Minis.  Onorab Ghislian – wi.

 

HON CHANTAL GHISLAIN

Bonzour Mr Speaker.  Mr Speaker Minis in koz osi lo sa rapor kot ti annan custody lo bann zanfan ki gro dan lekol, mon pe zis demande I annan en pe letan nou pe koz lo sa bann keksoz, ki vreman Minister pe fer?  Akoz tou sa ki zot pe esey fer still ou vwar ou a krwar I ogmante or tou.

Ki zot pe fer konkretman pou ki sa I kapab pou kapab rezourd sa problenm akoz zot in esey fer tou sanz fason manze la in arête vann juice dan lekol kan nou ganny dir poudir juice I bon pou zanfan; vann bann yoghurt dan sa kot nou menm nou pa konnen kot I sorti  vreman.

Konmsi sa bann yoghurt vreman avek ki dile I ganny fer and all konmsi ki study ki ganny fer pou ki pou ganny dir poudir be sa bann kalite yoghurt sa I pli bon ki sa juice ki manrmay ki pe bwar dan lekol or ki pli vreman Minister pe fer pou ki sa I konkretman ganny rezourd enn fwa pou tou?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Annefe ki nou kapab vwar atraver sa progranm nitrisyon ki nou fer dan lekol e ki mon a dir pe marse be I ankor en pe boner pou nou kapab dir tou bann rezilta.  I ankor en pe nouvo me par egzanp I annan en Headteacher ki’n dir avek mwan I dir depi ler pe enplimant sa progranm dan lekol, e pa tou lekol pe enplimant li parfe akoz I annan lekol ki fer li pli byen ki lezot me dan sa lekol par egzanp – Headteacher in vreman disiplinen in anpese poudir I annan lavant bann bwason sikre dan sa lekol e deswit zot in vwar par egzanp en meyer latansyon dan laklas par serten zanfan ki dan lepase ti annan serten difikilte ti kontan fer problenm dan laklas.

Alor sa I en legzanp sibzektif.  Ok, I pa en keksoz ki ou kapab mezire deswit.  Me mon krwar nou pou vwar atraver konsantrasyon dan laklas, e osi bann rezilta plitar I pou pran en pe letan, I enportan pou nou konsyan serten sa bann lentervansyon ou pa ganny en rezilta dan en semenn oubyen menm dan 1an.

Akoz osi sa bann problenm in devlop lo plizyer lannen.  Me progranm nitrisyon dan lekol I en progranm ki pou fer en gran diferans e nou bezwen reste ferm lo la.  E ki nou pe vwar deza dan sa bann lenplimantasyon, zanfan zot menm zot pe konpran akoz zot pe ganny eksplike e nou annan en kantite travay pou nou kontinyen eksplik paran.  Nou pe fer en kantite formasyon avek paran me pa toultan ki mesaz pe pase.

E nou tou nou annan en responsabilite pou nou pas sa mesaz kler e pou nou konpran byen ou’n dir par egzanp I annan dimoun ki pa ankor kler yoghurt akoz oubyen labwason.  Alor bann letid e I vre ki dan lepase par egzanp nou dir en juice fri I bon pou zanfan oubyen pou nenport ki akoz I annan vitamin C ladan e I annan vitamin C ladan I bon me resers pli resaman ki’n ganny fer par WHO e osi lezot in ganny konfirmen par plizyer gran liniversite, se ki letan ou annan disik ki dan en labwason, sa disik I kontribye bokou plis anver lobezite anver lagres e anver lezot problenm medikal, konpare avek disik ki par egzanp dan en lot keksoz ki par egzanp ou kapab ganny nitrisyon.

Alors si ou pran legzanp yoghurt disik I toultan en problenm fodre nou konsyan sa fodre toultan nou konsyan la kantite disik ki nou konsonmen.  Me si ou annan en kantite disik ki dan yoghurt, ki annan disik dan yoghurt, me ou pe ganny lavantaz bokou plis lavantaz atraver sa calcium atraver sa nitrisyon ki vini, avek sa bann prodwir letye – bann prodwir dile ki annan dan sa yoghurt, ki sirtou pou en zanfan a an sa moman kot I pe grandi I bon pou li.

Alor menm sis a disik dan en yoghurt, par egzanp I pa neseserman bon, akoz disik toultan ou devret redwir li.  Me ou ganny lezot benefis akoz I en prodwir ki donn ou nitrisyon, me problenm avek disik dan en labwason pa pe donn ou nitrisyon.

E annefe sa disik I al direk.  I kree problenm direk pou sa zanfan.  Par egzanp nou tann nonmen zanfan I vin hyper e sa akoz sa disik pa ganny letan ganny abzorbe dan en fason korek dan lekor sa zanfan I deswit konmans vin I kree plis lenerzi ek sa zanfan I kapab servi dan sa moman imedya.

E bokou pei ki’n enplimant bann progranm ki redwir disik dan bann labwason e ki met bann taks lo bann labwason ki annan disik zot in vwar bann rediksyon dan bann nivo lobezite parmi zanfan par egzanp e osi atraver bann meyer performans.

Alors Sesel nou pe enplimant sa baze lo bann meyer pratik baze lo tou bann resers ki’n ganny fer e an mezir ki nou enplimant sa bann proze Sesel nou osi nou pou pibliy bann lenformasyon e bann rezilta pou nou montre poudir si sa pe marse oubyen non.

Me tou lenformasyon, tou bann letid ki’n ganny fer, I montre klerman lenportans pou nou aplik sa bann proze ek sa bann progranm dan nou pei.  Mersi Mr Speaker.  Mersi Onorab.

 

MR DEPUTY SPEAKER

Mersi Minis.  En pti swivi Onorab Ghislain.

 

HON CHANTAL GHISLAIN

Mr Speaker.  Eski Minis I kapab eski vreman avan sa ti ganny entrodwi direkteman zot ti fer en letid lo la kantite – dizon par egzanp letan nou regard enn sa pti bwat juice ti pe vann R6 I annan landrwa ki vann R5 – and la so yoghurt I vann R10!  And si I ariv La Digue I vann R12 dan bann ka.

Prezan eski zot in fer sa letid konmsi pou vwar konmsi sa ti pou en burden lo la fanmir lo bann sa?

And eski I annan sa letid or sa study ki’n ganny fer avan poudir vre sa juice I pa bon, me sa yoghurt ki bon?  Akoz nou pe regard osi I annan bann juice osi ki zot dir it’s a fruit juice ou vwar ladan and still la kantite juice ki pe vini konmsi sa zanfan menm si I al lekol I pe sa yoghurt still, I al dan lekol apre lekol ou vwar li pe aste sa juice I pe aste sa limonnad!  Konmsi tou sa bann keksoz la I ogmant konmsi I en kantite, me selman still sa bann zafer pe ganny ogmante dan anndan e ki mannyer nou kapab ki zot ki sa I kapab ganny redwir and pou kapab rezourd sa problenm?

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Annefe sa nou fer letid menm par egzanp lo kou e si nou pran sa legzanp yoghurt nou pa pe dir ranplas sa juice par yoghurt nou pe dir ranplas sa juice or sa limonnad par delo.  Delo dan lekol I annan bann fountain dan lekol ki disponib, me osi menm si dimoun I osi anvi aste delo I annan bann boutey delo ki R6 ki R5.  I annan delo ki bon marse.  E zisteman fodre nou konpran dernyen letid 75poursan zanfan dan lekol, ti pe aste en Pet limonnad R17 lanmenm.

E si dimoun I bouz ver delo nou pou fer en savings met ou osi pli byen servi sa larzan ki ou annan lo en keksoz ki annan vre nitrisyon.

Akoz nou annan e legzanp ki ou’n donnen ki mon konpran se ki I annan en kantite marsan ki pe fer vini bann prodwir ki pa neseserman bon pou nitrisyon.

Me ankor enn fwa dan lekonomi ki nou ladan la, nou pa la pou nou dir sak endividi konsonm koumsa, oubyen konsonm koumsa, nou pa kapab forse atraver Lalwa.  Nou kapab gid li baze lo sa ki bon pou son lasante.  Me nou pe vini avek serten reform kot serten kalite prodwir pou ganny anpese.

Par legzanp I annan prodwir letid ki’n montre problenm avek trans fats e I annan trans fats dan serten prodwir parey serten twistees parey serten biskwi e sa a en serten moman nou pou vin avek en propozisyon pou nou anpes son lenportasyon.  Me I pa pou anpes lenportasyon tou keksoz tou prodwir ki pa bon.  Letan ou pe met en polisi dan lekol ou pe fer en diferans, akoz nou’n vwar atraver letid ankor ki dan lepase ki zanfan ti pe konsonm en kantite sa bann keksoz dan lekol.  Ou pa pou anpes li konsonm konpletman akoz osi I kapab aste an deor lekol parey ou’n dir e osi parfwa paran pe donn bann move keksoz avek zot zanfan.

Me nou bezwen kontinyen kre sa konsyans kwa ki bon pou lasante, kwa ki pa bon pou lasante, apre tou dimoun I pran responsabilite pou zot lasante!  I enportan ki dimoun I konsyan kwa ki bon pou zot lasante e pran responsabilite pou zot lasante.

Me nou pou osi siport sa atraver bann Regilasyon ki pou redwir serten sa bann prodwir ki disponib.  Me lenportans dan lekol I esansyel pou nou kapab kre sa lanvironnman ki pli bon pou en zanfan dan laprantisaz e en zanfan devlop byen.  Mersi bokou Mr Deputy Speaker.

 

MR DEPUTY SPEAKER

Mersi Minis.  Dernyen remark Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker konnen data e lenformasyon korek ki tre enportan dan sa bann keksoz ki nou pe koze, zisteman sirtou si nou pou bezwen pibliy bann rezilta nou bann sikse ek bann lenstitisyon enternasyonal.  E pou edik nou pep.

Ki rol medya alor dan tou sa progre ki nou pe fer?  Konmsi ki travay ki medya pe fer pou ede pou an port sa progre la ki nou pe fer Minis?

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab.  Definitivman medya I annan en rol esansyel anver sa.  E lo kote bann medya nou apresye ki en kantite zot I fer zefor pou siport bann diferan mesaz sorti kot Lasante, sorti kot Ledikasyon sorti kot bann diferan partner.  Me nou bezwen asir sa akse osi avek medya akoz I annan en tandans pou nou fer medya vin zis en lot lespas komersyal kot dimoun I aste I fasil ganny en slot pou fer avertisman pou en prodwir ki I pa neseserman bon pou lasante me pou ou ganny en slot pou ou fer en avertisman pou en konpanny, I pa osi fasil oubyen ou pa ganny bann slot kot dimoun vreman I vwar.

Osi nou pe servi bokou par egzanp medya sosyal pou nou pas serten mesaz e sa I tous en bon pe dimoun.  Me I enportan ki osi ki osi dimoun I montre leadership lo en baz endividyel.  I enportan ki bann Manm Lasanble I montre leadership.  Zot montre poudir zot krwar dan sa bann eleman konman en eleman pou ede anmenn nou pei pli devan.  I enportan ki bann leaders dan bann distrik bann leaders Relizye I enportan ki bann diferan reprezantan bann lorganizasyon non- gouvernmantal, nou pas sa mesaz inifye, akoz resers I montre ki lenportans sa bann size.  E nou tou nou bezwen koz sa size e nou bezwen pas sa bann mesaz dan en fason sistematik e nou tou nou bezwen zwe en rol avek medya pou pas sa bann mesaz.  Mersi Mr Speaker mersi Onorab.

 

MR DEPUTY SPEAKER

Bon mersi Minis.  Avek sa nou ariv alafen lo sa Statement Minis nou ava eskiz ou avek ou delegasyon.  Mersi bokou Minis.

 

(MINISTER JEAN-PAUL ADAM AND HIS DELEGATION WAS EXXCUSED FROM THE HOUSE)

 

 

MR DEPUTY SPEAKER

Bon nou osi ariv 10.33 in ariv ler pou nou adjourn pou en tea break.  Alor nou ava retournen e kontinyen 11er.

 

 

(BREAK)

 

 

MR DEPUTY SPEAKER

Bon bonzour tou bann Manm Onorab nou kontiny avek nou travay lo Order Paper e nou annan kontinyasyon deba lo Mosyon Onorab Waven William.  Onorab William ou ti le dir nou keksoz avan.

 

HON WAVEN WILLIAM

Mersi Mr Deputy Speaker.  Mr Deputy Speaker mon ti zis anvi koriz en sif ki mon ti donnen e sa I baze lo nou la kantite larzan par tête d’habitant mon ti dir 26mil e mon anvi koriz sa poudir ki I $15, 735 par tête d’habitant.  Mersi.

 

MR DEPUTY SPEAKER

Mersi Onorab William.  Si mon pa tronpe avan ou ti’n nonm 20mil – $26mil ok?  Mersi Onorab William.  Nou asire bann Manm in not sa koreksyon dernyen sesyon ki nou ti annan lo sa Mosyon ti annan – apre ki ou ti fer lentervansyon Onorab Sebastien Pillay ki ti segonn sa Mosyon, me swivan sa mon napa en lalis dimoun ki ti’n lev lanmen pou koze.  E alor mon ti a demande si zot kapab zis pou nou kontinyen donn mon en lendikasyon lekel ki bann dimoun ki ti le entervenir lo sa Mosyon.  Ok so Onorab Ernesta, Onorab Noline Sophola, Onorab Ghislain, Onorab Ernesta, Onorab Aglae, Onorab Valmont, Onorab Basil Hoareau.  Eski I annan okenn lezot Manm ki le lev zot lanmen mon pa pe ferm lalis me selman mon ti anvi zis ganny en lendikasyon pou le moman.

 

HON WAVEL RAMKALAWAN

Nou pe rezerv nou drwa plitar nou ava deside.

 

MR DEPUTY SPEAKER

Ok mon napa problenm ek sa.  So nou a konmans toudswit avek Onorab Paul Ernesta.  En moman Onorab Ernesta.  Onorab Sophola.

 

HON NOLINE SOPHOLA

Mersi Mr Speaker.  Mr Speaker mon pe zis demande si pa ti a bon nou repas lo sa Mosyon etandonnen ki sa gran lespas in ale – petet bann dimoun in en pe oubliye deor lo kwa ki nou pe koze?.  Mersi.

 

MR DEPUTY SPEAKER

Ok mon dakor avek ou.  Mon zis pou remind bann Manm ki pe bann Manm e bann dimoun a lekout.  Onorab William son Mosyon ti lir konm swivan:

“Prenan kont kou lavi ki pe ogmante e sa nesesite pou revwar kad saler e Gratwite parmi lezot mezir ankor, sa Lasanble I demann Gouvernman dan sa revizyon ki pe fer, pou;

  • Koriz bann lenzistis e inegalite a tou nivo kot I posib tenir kont kalite travay eleman risk, tan servis leksperyans e konesans.
  • Met lanfaz dan kondisyon lanplwa ki ogmantasyon I baze lo bon performans prodiktivite baze lo bann target.
  • Ki bann dokiman lagreman travay e kondisyon kler I ganny etabli pou sak pozisyon dan tou sekter.
  • Travay ek sekter prive me pa enpoz lo zot pou sivre dan moman apropriye.

Answit I dir met ouswa ranforsi Regilasyon pou ankouraz sekter prive pou ede kontrol kou lavi kot I posib.

Vwala sa Mosyon ki devan nou e alor premye entervenan pou ozordi Onorab Ernesta.

 

HON PAUL ERNESTA

Mersi Mr Speaker.  Mr Speaker parey mon ti promet zabitan Takamaka ki mon pou toultan koz pou zot lentere e a plizyer repriz mon pa’n ezite pou koze e fer resorti bann pwen ki tous nou bann zabitan.

Dan plizyer lenstans mon rankontre e koz avek bokou bann travayer mon distrik tel parey travayer SPTC, PUC, travayer lasante, SBC carer, drayver, maren, kwizinyen, ansenyan e plizyer lezot ankor.  In annan serten kot zot in eksprim zot konsern lo zot kondisyon e kalite tretman ki zot pe fer fas avek dan zot landrwa travay.

Menm si pa mazorite zot, nou bezwen admet ki I annan nou bann travayer ki pe aktyelman vreman mal pase.  Mr Deputy Speaker sa ki mon toultan apresye se ki Gouvernman pa zwe sourd zorey in entrodwir enplimant bokou mezir avek bi pou ogmant reveni bann travayer e konsekaman ogmant zot pouvoir d’achat e osi ed zot pou satisfer lezot depans esansyel tel ki internet e telekominikasyon.

Nou rekonnet zefors lo lapar Gouvernman menm si nou pe ozordi demann Gouvernman pou get ankor pou fer sir ki nou pep I kapab viv pli byen.

Serten sa bann mezir ki Gouvernman in met an plas I swivan;

Lentrodiksyon saler debaz ki pe konstaman pe ganny revize e son dernyen revizyon in ganny fer an 2016.

Lentrodiksyon servis charge dan sekter tourizm.

Trezyenm Mwan Saler,

Taks free lo saler par anba R8550.

Konze anyel baze lo zour travay selman san pran kont wikenn.

Napa taks lo bann benefis konpansasyon.

Trezyenm Mwan Saler, bonus, Gratwite enkli overtime e lezot allowances.

Taks progresiv;

logmantasyon dan konze Maternite sorti 16 semenn pou al 18 semenn e konze Paternite ki’n double sorti 5 zour pou al 10 zour.

Regilasyon lo tonaz e konpansasyon pou bann stevedores.

I enportan note Mr Speaker ki tou sa bann mezir I an konformite avek bann konvansyon ILO e ozordi Sesel I annan li en Lalwa lanplwa tre modern ki a mon avi I enn ki pli meyer dan la rezyon.  Me malerezman son lenplimantasyon dan serten k ape defavoriz bann travayer e kree bokou bann fristrasyon e dezapwentman.

Mon pa pou fleks mon lebra pou akiz personn ouswa nonm non personn.  Me mon pou aksepte ki I egziste akoz mon koz ek travayer.  Se sa ki pe ankouraz mon pou koz lo sa Mosyon e Mosyon I tonm dan en tre bon moman kot Gouvernman pe revwar kad saler pou nou kapab ede adres sa bann konsern.

Konman Manm elekte pou distrik Takamaka, I donn mon sa loportinite pou mon pous en tel travayer mon distrik pli devan e mon pou osi koz pou tou sa Seselwa ki ti dan bann rally ‘’Pil Lo Li.’’

Nou Gouvernman Parti Lepep ki abitye pran swen ek tou Seselwa.  Sa Mosyon I pe fer en lapel avek nou tou pou zwenn ansanm pou enn fwa pou nou koz pou nou bann dimoun ki’n elekte nou.

Pa nou tou me parey mon fer referans anler I annan politisyen pandan sa 2an ki’n oubliy sa bann menm dimoun ki’n met zot la.  Ozordi zot oule donn lord Minis ki mannyer pou pous dimoun kondann dimoun me zot enplimant zot mesaz eleksyon pou met larzan dan pos Seselwa.  Sa bann Onorab pou bezwen aksepte ki zot in fail lo promes, me la sa Mosyon anmennen par enn mon koleg.

I donn nou sa sans pou koriz sa.  Lo sa pwen mon zwenn ek Onorab William pou demann nou tou pou bliy politik partizan e bon marse pou met lensilt e kankan de-kote e avek en lespri ouver pou nou focus lo esansyel sa Mosyon – lo sa ki enportan pou Seselwa ki afen nou ava annan en deba e kontribisyon ris dan byennet nou bann elektora akoz zot pe esper nou.

Mr Speaker mon’n deza dir dan enn mon lentervansyon oparavan, ki en travayer I lakle e resours pli enportan dan en lorganizasyon.  E I responsabilite sak anployer pou li tret byen son bann travayer dan sa prosesis I bezwen asire ki son travayer pe annan li en bon kondisyon travay en lanvironnman travay kot I santi li an sekirite kont tou bann risk.

La, si natir son louvraz I enn ki riske I merit annan bann mezir neseser pou ki otan ki posib sa bann risk I ganny minimize atraver bann lekipman ek mezir sekirite ki ganny met an plas.  E osi I merit annan en sistenm lasirans ou konpansasyon byen efektiv, ki kapab soulaz sa travayer letan I ganny afekte.

Par egzanp lontan ti annan en Scheme apele ‘’Workmen compensation’’ pou en travayer ki ganny injury dan landrwa travay.  Mon krwar sa I bezwen ganny re entrodwir akoz konmela bann travayer ki ganny injury I ganny zot konpansasyon atraver lasirans, me bokou fwa sa I tarde I annan menm ki pa ganny ditou ouswa si zot gannyen I pa vo sa domaz ki sa dimoun I gannyen.

Mon konn en case ki en travayer in perdi de son ledwa letan I ti pe travay atraver lasirans I ti ganny ofer zis R50mil.  Sa lof pou mon I en lensilt pou sa zenn travayer ki son lavenir e lavi in ganny afekte malerezman pou li in bezwen al fer en lot depans pou li al rod en lot rekour devan lakour e I fer 2an la son case pa ankor fini.

Mon senserman krwar ki san ide pou entrodwir sa work man compensation I pou ede adres sa bann inegalite Mr Deputy Speaker.

Anplwayer I osi bezwen asir sekirite lanplwa pou son travayer kot sa travayer pa santi li an danze perdi son louvraz atraver bann aksyon malisye ki ganny komet kont li par son anplwayer, akoz zot anvi ranplas li.  I malere poudir Mr Speaker I annan bokou nou bann travayer pe ganny maltrete persekiter akoz sa problenm sa I ariv sirtou dan bann lotel kot son bann management I laplipar bann etranze.  E osi bann dan bann lenstitisyon paraetatik malerezman nou bann travayer I bezwen sibir bann diferan kalite lensilt e tretman.  Sa bann mannigans Mr Speaker I ganny fer ekspre zis pou fer nou bann Seselwa degoute e ale la apre zot pou dir ou ki zot napa travayer e zot pa pe ganny Seselwa pou fer tel ou tel louvraz, pou zot ranpli sa bann pos avek zot bann dalon.

Me ki pli fer lapenn ankor la si sa pozisyon I o nivo management byen rarman zot pou promot en anplwaye ki annan bokou lannen leksperyans dan sa louvraz zot a plito anploy enn zot dalon ki dan bokou lenstans I pa konn sa louvraz e sa anplwaye I pou bezwen vwar li malerezman pe montre dimoun travay.

Mr Speaker sa Mosyon pe tous osi lo bann inegalite ki egziste dan landrwa travay I annan lorganizasyon ki pa pe neseserman tret byen zot long serving staff I annan travayer dan mon distrik ki pe travay dan lorganizasyon pou plis ki 29an I pe ganny li zis R7225mil san okenn overtime e lezot pti benefis.

Ki enteresan oparavan zot ti gannyen zot overtime ki enkli tou Sanmdi me avek nouvo management sa I nepli leka e menm okenn kominikasyon pa’n ganny fer avek zot avan ki overtime I ganny koupe.

Ou kapab mazinen Mr Speaker ki lenpak sa I annan lo sa travayer letan I vwar ki son reveni I pli ba ki I ti’n prozekte menm en pti R400 an plis lo son saler ti pou ed li fer en gran diferans dan son Bidze le mwan.  I annan son bill e loan pou peye manze pou aste provizyon transportasyon e goute pou son 2 zanfan al lekol e provizyon manze e transport pou li menm al travay.

Avek sa R7225mil ou kapab mazinen ki kantite difisil I difisil pou sa travayer.  La dan menm I sipoze travay pou 8erdtan me malerezman I pe travay pou 9erdtan edmi, me I ganny peye zis pou 8erdtan parey sa ki nou kontan dir ‘’travay reggae me lapey slow dance.’’

La mon demann Biro Lanplwa pou get en kou dan sa ka sa travayer fer vizit kot tou sa bann lorganizasyon e koz avek bann travayer endividyelman zot ava kapab dekouver keksoz.

Sa bann dimoun pa pe demann bokou zot pe zis demann en pti logmantasyon ou menm rekonesans pou tou sa bann letan ki zot pe travay.

Mon profite pou demann tou bann lorganizasyon parastatal parey PUC, SPTC, IOT, STC, IDC pou silvouple get byen zot bann travayer, espesyalman zot bann long serving staff.  Mon pa pe akiz zot pou mal fer keksoz, me parey Angle I dir I toultan annan room for improvement akoz sa bann travayer zot reprezant kontinyite e zot ranpli ek leksperyans ek konesans dan en lorganizasyon.

O kontrer zot merit met bann pli bon sistenm ki pou ankouraz zot e gard zot ankor plis akoz pa konsider donn zot en retention allowance ouswa menm konsider ogmant zot saler ki reflekte zot bann lannen e zot leksperyans travay e osi zot performans.

Zot osi kapab ganny servi konman bann mentor e lanbasader pou zot lorganizasyon.  Mr Speaker sa bann zafer tir taks lo bann allowances e serten lezot benefis ki travayer I gannyen I en lot keksoz ki nou bezwen revwar problenm I arive akoz tou bann benefis I ganny azoute lo zot saler e enn fwa sa I sot sa threshold R8500 la taks I aplikab.  En lot fakter ki osi afekte reminerasyon sa travayer e taks ki aplikab lo zot bann back payment ki zot gannyen, akoz sa lorganizasyon pou diferan rezon I tarde pou pey sa travayer son bann benefis me malerezman menm si sa I pa lafot sa travayer la li I bezwen ganny pini.

Mon konn en ansenyan dan mon distrik ki’n pas dan sa menm ben Minister ti tarde pey li son marketable skills allowance ki zis R800 pou en serten peryod letan.

Me ler zot ti pey li apre plizyer ale vini kot zot, zot ti back pay li tou son larzan ki zot ti dwa li.  Ladan taks ti pran pou li e pansyon osi ti pran sa ki pou li alafen pa ti reste li en gran zafer sa Mr Deputy Speaker I pa fair ditou.

Lo sa pwen mon pou demande ki dezormen nou tret bann allowances e lezot benefis an deor saler en travayer e osi ki nou bann travayer HR I vin pli proaktiv zot merit byen boner konnen lekel staff ki zot benefis pe al due e konmans fer bann prosedir neseser pou evite ki sa bann problenm I arive.

An konklizyon Sesel ozordi I annan li en bon Lalwa lanplwa I annan zis pou fer sir ki nou pa lacking dan son lenplimantasyon.  Plis zefor I merit ganny mete pou asire ki tou sa bann lenzistis I ganny adrese e travayer I ganny benefis pou zot kouraz.

Mon profit sa not pou felisit tou travayer dan sekter piblik e prive ki ozordi zot pe leve byen granmaten pou al kontribye zot par dan sa lekonomi. Sesel I pou nou me nou konman en pep annou gard linite e pa tonm dan okenn lanbetman annou kontinyen motive pou pous nou pei pli devan.  Mersi Mr Deputy Speaker.

 

MR DEPUTY SPEAKER

Mersi Onorab Ernesta.  Onorab Noline Sophola.

 

HON NOLINE SOPHOLA

Mersi Mr Speaker.  Mr Speaker nou Gouvernman pe touzour rode konman pou ed sak sitwayen pou anmenn en diferans dan zot lavi.

I pe met plizyer fasilite pou ed fanmir pli vilnerab kre plis loportinite travay e ankouraz bann zenn pou kontinyen e pran zot letid pli o serye, ki zot a ganny en bon metye avek en bon saler.

Mr Speaker la realite lavi I montre ki Zanvye 2019 nou bezwen annan en revizyon dan tou kad saler e Gratwite sa pou anmenn en logmantasyon saler zeneral dan Sesel pou tou kous travayer akoz tou dimoun pe ganny afekte Mr Speaker.  Souvandfwa travayer I fristre akoz zot mank lenformasyon e I fasil pou zot ganny anbete par bann fabrikasyon malisye mon sizere ki tou lorganizasyon travay I fer zot HR organiz sesyon travay pou eksplik travayer lo PSO, ek distribisyon saler an parallel parey bann stratezi e vizyon zot lorganizasyon.

Me I tre enportan ki sa I ganny fer dan en fason byen organize e byen kalkile e pli enportan tou travayer I bezwen ganny eksplike akoz I pe ganny sa saler, kan ki I pou ganny en logmantasyon si I annan en overtime ki mannyer I ganny kalkile e kan ki son Gratwite I pou gannyen non pa apre 5an ki en travayer I dan lanplwa ler I pe rod son Gratwite ki I pou ganny dir ki I ti lo casual.

Mr Speaker mon krwar ki bann anplwayer I bezwen kree kondisyon pou fer bann anplwaye vin pli prodiktiv pou zot devlop sa lentere pou travay akoz an retour zot annan en lekspektasyon ki zot pou gannyen.

Sa I kapab vin dan en laform appraisal kot anplwayer e anplwaye I diskite e tonm dakor lo sa ki zot vreman met lanfaz lo la e asire ki I annan swivi.

Mr Speaker mon konpran tre byen ki loter Mosyon pe demande ki nou annan en metod pli efektiv pou evalye valer en travay ou en metye.

Par egzanp annou pran en travayer lakaz mor e konpar son travay avek en lot nou a vwar ki en travay delika, sansib, en travay risk, en travay lanmor ki pa tou dimoun ki oule fer.  Pourtan sosyete I apresye e bezwen zot servis petet ler nou konpar sa travay ek lezot metye nou a donn li plis pwen dan evalyasyon e alor plis lapey.

Mon sir ki sa kalite legzersis pou tou travayer I souvan pas anba revizyon.  Petet sa ki mon pe vwar se ki travay ki pli delika, pli a risk e ki atir mwens travayer I bezwen pli enteresan kot I konsern lapey.  Mon donn mon sipor bann expert lo job evaluation.

Mr Speaker a sa staz mon santre mon lentervansyon lo bann ansenyan apre mon a donn enn de lezot legzanp.  Tou dimoun I konnen ki travay en ansenyan I pa zanmen fini zot napa wikenn ni konze piblik zot travay 24 lo 24 e souvandfwa negliz zot PROP lekor e fanmir.

Mr Speaker la dan sa Minister mon senserman krwar ki en revi dan kad saler e plizyer kriter I bezwen ganny pran an konsiderasyon pandan sa legzersis appraisal.  Kot zot set zot target e ki zot pour gannyen an retour.  Serten kriter ki nou kapab regarde wi kapab ganny konsidere par egzanp lannen ki sa bann ansenyan I dan lanplwa.

Mon pa vwar li zistifye ki en dimoun ki fek antre dan lanplwa I ganny plis ki enn ki ti la pou plis ki 10an ou menm plis lannen akoz sa osi I anliny avek zot kalifikasyon.

Sa li tousel kalifikasyon li tousel I pa ase I devret al anliny avek leksperyans.  E osi nou bezwen regarde ki mannyer sa bann ansenyan I committed dan zot travay zot komitman. La I vin zot preparasyon fason zot delivre, rezilta bann zelev, e zot attendance e time keeping zot lavi pou devlope profesyonnelman zot bezwen pran loportinite swiv bann course ,akoz sa I en fason ki pou ed zot saler ogmante osi.

Zot dispozisyon pou korpore avek ladministrasyon lekol e partisipasyon dan lavi lekol an zeneral.  En lot pwen se partisipasyon dan lavi kominote apre lekol sirtou kot I konsern ledikasyon sa kominote lenplimantasyon bann size ki zot in gannyen osi I osi enportan I zot lorganizasyon travay sirtou kot I konsern disiplin.

Mon krwar ki si sa bann kriter ki fasil pou evalye I ganny pran an konsiderasyon, met zot dan bon konteks, sa pou ede donn bann ansenyan en pli bon saler akoz zot tou zot pou konnen e I fasil pou mezire sa enn de pwen ki mon dir.

Mr Speaker mon krwar I annan en gran febles dan kad saler ansenyan.  Apre tou sa bann difikilte ki sa bann ansenyan I pas ladan permet mon pou donn en legzanp saler.

Apre ki en ansenyan avek Diploma in fer 23an dan lanplwa I pe ganny selman R10, 769mil e plis I annan responsabilite konman HOD e pe ganny selman R960 par lao son saler si I dan en pti lekol.

Mr Speaker annou met sa dan en realite si sa ansenyan I en manman avek 3 zanfan anba laz ki mannyer eski nou pe espekte I pou sirviv avek sa saler ler I pe donn tou dan lasosyete?  Sa I pa akseptab e sa kip li sagrinan zot pa konnen ki mannyer e kan zot pou sorti lo en kad pou mont lo en lot kad.  Mon egalman krwar ki Minister I bezwen osi revwar la fason ki Gratwite I ganny donnen akoz apre 5an ansenyan pe ganny selman R5mil.

I annan tro bokou disparite dan la fason ki larzan I ganny partaze.  Annou prezan pran paran Digwa e Pralinwa Mr Speaker si nou pran en paran pe ganny R5,050mil I annan li 2 zanfan anba laz enn dan primer kot I bezwen trouv goute toulezour enn dan pos segonder kot la malgre ki sa zanfan I ganny en allowance sa paran I bezwen ankor pe fer depans an plis avek zot, san tenir kont lezot depans kot lakour parey bill e lezot ankor.

I annan lekol ankor parey pos segonder parey SHTA kot depans I vreman o lo konmansman lannen e si zanfan pe al reste Hostel en lot depans pou konmanse akoz zot bezwen aste serten keksoz debaz.

Menm sa R5,050mil ki en saler pa ase pou sa bann depans, depans I vreman bokou me paran I konnen ki ledikasyon I enportan alor zot fer mye pou trouve.  Mr Deputy Speaker nou paran I leve debourye se pou sa rezon ki nou vwar bokou paran pe fer 2 louvraz e ki nou gannyen an retour?

Fanmir kase, fanmir ki’n ganny neglize e reperkisyon I tonm lo lasosyete zanfan I tonm dan move frekantasyon.  Alor pou nou evite ki sa I arive annou revwar kad saler bann travayer de baz en pe pli byen.

Mr Speaker mon oule fer rapel sa ki mon ti dir taler ki I annan plizyer travayer ki zot lavi I a risk parey travayer medikal zot an kontak avek tou kalite maladi bann kot XRAY ek laboratwar osi travay PUC.  Souvandfwa bann ki lo teren zot riske zot lavi eski tou sa bann fakter I ganny pran an konsiderasyon ler nou pe travay lo kad saler?  Definitivman zot bezwen zouir en bon saler konpare avek bann ki pa dan risk.

E la ankor mon pou met lanfaz lo ledikasyon travayer eksplike akoz travay dan sa departman I bezwen pe ganny en saler pli o ki dan sa lot departman.  Parey dikton I dir tou penn I merit son saler.

Mr Speaker avan mon termin mon lentervansyon I enportan atir latansyon sa Lasanble lo en keksoz e sa pa lot ki sak fwa I annan logmantasyon saler pri bann komodite I ogmante lo letazer I vedir ki logmantasyon saler bann travayer I pa vedir en pli gran purchasing power pou bann marsan.

En lorganizasyon ki mon le tous lo la se Linyon bann Travayer, akoz dan en lanvironnman marse lib bann linyon I annan en gran rol pou zwe sirtou konsernan negosyasyon saler e lanvironnman travay fizik e administrativ bann anplwaye.

Nou’n vwar serten legzanp tou resaman Mr Deputy Speaker mon oule dir ki fodre annan en lapros global e konserte avek partisipasyon sa Lasanble, Gouvernman, sekter prive, Sosyete Sivil, linyon bann travayer e Lazans Konsonmater pou rezourd problenm e kou lavi dan nou pei.

Se pou sa rezon ki mon pou propoz avek Gouvernman pou souvan organiz latelye, lo saler e kou lavi dan Sesel ki pou regroup tou sa bann lenstitisyon e lorganizasyon.

An konklizyon Mr Speaker mon bezwen nou bezwen kontinyen evolye.  Sa formil ki servi pou kalkil konpansasyon pou sa bann dernyen lannen pou servis kontinyel, pou osi bezwen ganny revwar.  Sa I ava en keksoz ki pou ed nou e mon krwar nou kapab konmans fer li.

Mr Speaker dan tou kous travay I annan bann keksoz ki nou devret fer nou devret fer tou pou koriz bann inegalite kot I egziste.  Osi Mr Speaker nou annan Seselwa tre kalifye menm lo nivo Doktora ki nou pa pe regard zot kondisyon travay.  Nou bezwen, nou kapab fer plis pou zot.  I enportan ki nou fer sa analiz e aranze kot fodre.  Mersi Mr Speaker.

 

(APPLAUSE)

 

MR DEPUTY SPEAKER

Mersi Onorab Sophola.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker ozordi Mosyon nou pe koz lo ki annan keksoz ki annan pou fer avek pos Seselwa and sak fwa nou pe koz larzan nou touzour rode vreman lenportans larzan dan lavi en imen e sa I parey lenportans manze dan lekor imen.

Parey imen pa kapab viv san manze pou detrwa zour, imen osi pa kapab viv pou lontan san larzan.  Rezon se ki larzan I sa mwayen tranzaksyon an esanz pou bann keksoz ki ou bezwen dan ou lavi.

Souvandfwa ou antann dir ki larzan pa keksoz pli enportan dan lemonn.  Pou en lot group larzan I parey delo sale ki pli zot bwar prezan ki zot swaf be pou bokou nou parkont larzan I egal a sa ler ki nou espire toulezour me sa pa neseserman vedir ki nou bann dimoun materyalistik me nou plito bann ki vreman konpran vre valer larzan e se dan sa kategori ki mazorite nou bann Seselwa nou tonbe.

Larzan I donn nou laliberte swa ler ou annan en bon saler ouswa resours finansyel ou kapab swazir ki kote e ki fason ou anvi viv.

Lo lot kote kan ou napa ase larzan swa I vin en komodite rar e ou menm napa ditou.  Anfen kont se pou sa rezon ki imen I bezwen travay e pli ou travay ouswa les mon dir pli ou travay pli dir ou devret ganny plis larzan an lot mo travay dir I egal a en bon saler.  Se senpleman sa ki tou travayer I egzize zot gannyen pou zot kapab akonpli zot rev e dezir.

Mr Speaker ler mon regard Mosyon devan Lasanble prenan kont la realite la deor, I fer li enposib pou mon pa siport en tel Mosyon, anmennen par enn nou Manm lo sa kote latab.  Felisitasyon Onorab William pou anfen anmenn en tel Mosyon ki annan pou bi rod solisyon pou met plis larzan dan pos Seselwa.

Mon dir enposib pou mon pa siport sa Mosyon akoz dan bokou ka I annan en kantite lenzistis ki ti kapab fasilman ganny regle, pou ki sa travayer I vreman kapab anmenn plis larzan dan lakour; plis larzan ouswa menm larzan ki sifizaman I anpes sa dimoun tonm dan lapovrete.  Sifizaman larzan pou sa dimoun ki vreman travay I vedir I annan plis swa pou satisfer zot bezwen.

Mr Speaker nou bezwen rod tou fason pou ariv en lekilib favorab pou nou bann travayer Seselwa.  Sa propozisyon pou revwar kalkilasyon e formil ki kalkil konpansasyon 1.25 zour fodre totalman revwar letan in arive e les mon a dir plis ki ler ki nou a fer monte sa petet pou ariv 1.75 zour oubyen 2 zour sa pou al tre byen avek lespri pou ede adres serten inegalite ki egziste.

Mr Speaker Gouvernman avek tou son bonn fwa ti entrodwir service charge dan sekter tourizm pou anmenn plis benefis pou nou bann travayer dan sa sekter I enportan note ki service charge pa peye taks lo la I annan lotel ki pe servi sa progranm byen menm pou rekonpans zot bann travayer kot ou vwar travayer pe tous zot plis ki 6 a R7mil par lao zot saler.

Me dan bokou ka I annan lotel ki pe mal distribye sa service charge par egzanp I annan lotel ki pran sa service charge I distribye avek diferan departman apre sa pti git ki reste ki ganny partaze avek travayer.

En lot keksoz ki pa fair lo bann travayer I ki si ou annan sick leave ou service charge I ganny koupe.  I normal pou si ou pa’n travay pou ou pa ganny service charge me ou devret pey sa travayer tou bann lezot zour ki in travay!  Dan bokou ka sa formil kalkilasyon I enn ki pa zis si ou annan 2 zour sick leave en zour I ganny koupe lo ou service charge me si la ou annan 3 zour sick leave ou service charge antye I ganny koupe sa I pa zis koup selman sa 3 zour e pey li larestan!

Largiman ki zot servi bokou fwa se ki I ede pou koup labi lo sick leave.  Sa pa fer sans travayer I bezwen konnen ki zot pe ganny vole dan gran kler.

Si en travayer pa’n travay 3 zour I pa ganny service charge 3 zour sa I korek e non pa servi son sick leave konman en fason pou pini li pareyman si I pa’n pran ditou sick leave sa I devret en form lankourazman pou donn li plis.

Fodre note I annan landrwa travay ki pe deza fer sa e se sa bann menm landrwa kot travayer Seselwa I reste dan zot lanplwa pou plizyer lannen, me pou bann ki pa fer okenn zefors pou ankouraz sa travayer Seselwa pou reste dan son lanplwa se zot menm ki annan plis travayer etranze.

E ou ganny lenpresyon e selman sa I selman en manev pou anmenn plis etranze pou travay plis dan zot lorganizasyon pou mon sa I pa zis pou sa bann travayer akoz tou lezot zour sa travayer in vin travay e in kontribye dan son lorganizasyon.

Me ler kot I annan en benefis, I pa benefisye.  Sa Mr Speaker I bann keksoz ki touy motivasyon en travayer e abes son nivo prodiktivite.

Parkont I annan lotel ki vwar bann fason inovativ ki pe ede motiv sa travayer e ogmant son prodiktivite serten lotel in deza met an plas serten sistenm pli zis ki kouver sa problenm sick leave.

Par egzanp I en annan landrwa ki donn allowance an plis pou en travayer ki annan mwens sick leave oubyen sa ki napa ditou e pa bliye ki trwa kar sa bann travayer se bann manman tousel ki vreman trimouse ki fer de bout zwenn pou soutenir zot zanfan e zot lekor.

Mr Speaker mon pa pe kapab konpran ki mannyer waitress ki’n fer plis ki 40an servis dan en menm lotel ziska ozordi I ankor pe ganny li selman R6mil 40an pa 40sou Mr Deputy Speaker.  Tou son lavi travay in donn sa menm lotel depi son zenes zanmen in mank travay in touzour la a-ler me still dan sa lotel pa rekonnet son devouman e lanmour pour son travay mon menm pa kapab konpran ki mannyer en etranze ki’n vin fer menm louvraz ki sa Seselwa e dan sa menm lorganizasyon I deza li I pe ganny landrwa reste e manze ki sa Seselwa li I pa gannyen e still sa etranze son saler I pli o.

I annan menm landrwa ki travayer I travay 9erdtan san okenn larzan an plis kote sa 9erdtan travay sorti sa mon pa kapab konpran.  Mr Speaker nou touzour antann dir ki en sosyete I ganny defini par lafason ki nou tret nou dimoun aze akoz se zot ki’n trimouse pandan sa moman ki ti vreman dir pandan sa listwar, ki ti vreman dir pou nou pei konstriksyon sa pei ti konmans ek zot.

E I toutafe normal ki ler zot ariv moman retret zot rezouir en bon pansyon.  Malgre mon rekonnet zefor pou asire ki zot viv dan dinyite nou bezwen fer fas avek bann sanzman dan kondisyon lavi ozordi in plis ki ler pou nou pei rekonnet e azir asir en pli bon kondisyon lavi pou nou bann dimoun ki aze laz 80an an montan.

Se laplipar letan zot menm ki dan kondisyon pli difisil zis pandan wikenn nou vwar en lot madanm pe selebre son santener Madanm Samson si mon rapel byen son non ti selebre son 102enm Laniverser.  En gro laz sa!  Mon sizesyon se pou ki en dimoun ki ariv laz 80an ou plis I resevwar 50poursan an plis lo son sekirite sosyal.

90an ou plis I resevwar 75poursan an plis lo son sekirite sosyal.  Sa I ava annan pou bi pou ankouraz dimoun pou viv en lavi an bonn sante e an rezilta zot a viv ziska sa laz.  E pou bann ki ariv laz 100an ou plis mon sizere ki zot ganny en logmantasyon 100poursan lo zot sekirite sosyal.

E nou kapab al pli lwen ki sa se ki Minister Lasante I al pli lwen avek sa bann dimoun ki ariv laz 100an ou plis allocate zot avek en dokter ou ners prive ki la on call pou ki si I ariv en keksoz nenport ler avek sa dimoun 100an an montan, I kapab call sa dokter e ners ki ava vin kot li olye deplas sa dimoun 100an ou plis.

Mr Speaker tou sa bann keksoz I kapab ganny fer fasilman fer sa bann dimoun dan sa kategori laz, me fer li an faz, me pou sa bann ki ariv laz 100an ou plis sa I kapab fasilman ganny komanse depi Zanvye 2019.

I annan zis 9 zot apre tou sa bann dimoun aze 100an ou plis isi Sesel.  Mr Speaker se avek sa ki mon termin mon lentervansyon e pou siport sa Mosyon.  Mersi Mr Speaker.

 

MR DEPUTY SPEAKER

Mersi Onorab Ghislain.  Onorab Egbert Aglae.

 

HON EGBERT AGLAE

Mersi Mr Chair.  Mr Speaker nou pe koz lo en Mosyon ki’n anmennen par Onorab William ki dan lentere pep Seselwa.  Nou pe koz lo travayer Seselwa e dabor mon ti a kontan felisit tou travayer ki pe fer son travay dan en fason nob dan en fason zis avek en leker pou son pei.

Mr Speaker mon osi rekonnet ki parey sanson I dir tou travayer I merit en saler.  Me souvandfwa Mr Speaker nou vwar ki in annan bann inegalite I annan bann de-balansman kot I konsern lapey travayer e sa I pa zis Sesel I egziste partou dan lemonn sa.

Mr Speaker ler nou pou get en pe listwar kot I konsern saler dan pei anba sa Gouvernman ki ankor dan pouvwar nou vwar ki a diferan lenstans in annan bann logmantasyon dan kad saler.  ki mon rapel Mr Speaker parey mon menm ler mon ti konmans travay an 2002 apre 3an letid mon lapey ki mon ti gannyen se R2, 900mil a sa moman letan.  E ler ou tann bann listwar osi ki’n arive avek nou bann gran pye ki’n koz ek nou akoz zot in travay I annan ki’n travay pou R40, R50, R100 par mwan.

So I montre poudir I annan bann progre ki’n ganny fer a diferan lenstan pou ou ariv kot en kad saler kot nou ete ozordi.

E an mezir ki kou lavi in ogmante – an mezir ki standar lavi I ogmante e fodre pa bliye ki standar I osi I dikte en saler ki ou bezwen gannyen pou ou kapab cope.

E se sa ki Mosyon ozordi pe demande ki dan bann revizyon ki pe ganny fer lo kad saler travayer I pran kont tou sa bann eleman ki fer sir ki sa malez – ki nou apel malez le 15, Seselwa ki pe bezwen fer fas avek I ganny efase.

Mon dir sa Mr Speaker akoz en Seselwa ordiner mon pa pe koz en profesyonnel la mon pe koz en Seselwa ordiner ki pe travay ki pe ganny li en saler debaz, ki I annan en fanmir pou sonnyen, I bezwen leve tou le bomaten trimouse parey nou dir ler I ganny en saler dan son lanmen I fini pey tou son bann dues son bann bills nou pe vwar poudir I difisil pou li kapab ariv sa 30zour ki I annan dan en mwan.

I petet kapab sirviv sa premye semenn apre le 1 me ler I ariv le 15, nou vwar li dan difikilte.  I sa bann de-balansman ki nou anvi tir sa lour lo sa kad travayer ki nou vwar poudir zot pa pe benefisye sa kantite.

Mr Speaker mon kapab byen ouswa mon kapab mal ouswa I mon lopinyon ki nou sosyete pa pou zanmen kapab realiz son vre potansyel dan ki nou bann travayer pa ganny valorize.

I annan bann kad travayer Mr Speaker ki nou pe met lanfaz bokou lo la I byen I enportan nou koz lo ners nou koz lo dokter, nou koz lo lapolis.  Me a mon lopinyon Mr Speaker fodre pa ki nou kre prezidis kot I konsern bann kad saler bann kad travayer.

I annan bann lezot kad akoz sa group ki nou pe met lenportans lo la I vre zot enportan me selman I annan en lot pli gran group ki nou pet ant pou bliye tou kou.

E fodre pa ki nou fer sa bann prezidis e nou bezwen get tou keksoz dan son ekitabilite.  Mr Speaker ler nou koz lenportans travayer mon pran parey dan domenn lasante nou nonm ners nou nonm dokter tou kou me pou sa servis ki kapab ganny delivre I annan bann lezot travayer osi ki pe osi donn en koudmen, menm ki annan mon kapab dir dan background nou annan bann travayer teknisyen, farmasi nou annan laboratwar, ou annan bann clerk ki bezwen tir kat, ou annan sa cleaner li menm li ou annan sa porter, ou annan sa drayver eski zot osi zot pa en mayon pou sa lorganizasyon kapab bouze?

Eski osi zot pa kapab ganny gete dan en fason pli ouver ki zot kapab osi benefisye parey sa bann lezot ki nou lager?  Pou bann lezot benefisye pa akoz zot lavwa I pli feb ki nou pa merit ekout zot nou bezwen ekout zot pa akoz zot pa pe desann dan semen ki nou pa bezwen tann zot.

Mr Speaker bokou keksoz I kapab ganny dir lo konsern travayer.  E lanvironnman en travayer osi I bezwen ganny deside I desid I merit desid en pe lo sa saler.  Nou pran en legzanp ou annan en profesyonnel I al etidye I fer li 4an, 5an I vini avek en doktora avek en PHD I vini I retourn Sesel I ganny li en dyob e I ganny en bon saler mon kapab dir dizon 15mil a 20mil an montan kan ou annan enn ki li in kit S4 I deside poudir be mon petet mon bagaz ledikasyon I pa sa o nivo I antre dan en lanplwa I konmanse I fer 1an 2an e I vwar I gou I reste I fer 5an me apre sa 5an li menm li sa dimoun li I ankor pe ganny en saler ki ou pa I pa pe zistifye pou sa travay ki li I pe fer.

Dizon I dan soley I pe dan en lanvironnman I pa tro bon pou son lasante, tousala I bann fakter ki ou bezwen kapab desid saler.

Mr Speaker I annan serten kous travayer osi ki mon krwar parey peser bann ki dan bann kondisyon par-ler zot defavorize e par-ler I annan kondisyon ki enpakt direkteman lo zot lasante e sa bann travay osi I en bann travay ki enportan me selman ou pa kapab fer li pou bokou letan eski prezan ler sa bann dimoun ki dan sa bann I tonm dan sa kategori, zot deside move on ouswa nou dir zot pou pran en tan mor dan sa travay akoz mon fatige 10an mon lo lanmer 10an, mon mason dan soley 15an, mon fer isi, mon fer laba dan bann kondisyon ase annan lenpak lo ou lekor, ou fizik, zot vwar zot si zot arête zot napa en bon reminerasyon pou tenir zot.

Zot pa pe ganny en preski napa ou pa kapab dir peser pou ganny Gratwite peser pa pou ganny Gratwite.  En mason petet I en lakonpannyen I ganny peye son tann servis wi me apre tou sa travay ki in travay nou riske vwar li tonm dan en kwen ou riske war li dan en problenm ekonomik akoz in napa en kad en fason ki nou soutenir li.

Wi I annan welfare; wi I annan sekirite sosyal me sa pa en rezon pou zot sa zot ankor kapab fer serten keksoz, me selman mon krwar nou bezwen at least annan serten fason fer kot nou ed sa bann dimoun ki ede pou batir pei ede anmenn pei pli devan.

Mr Speaker en pwen enportan e tou dimoun I kontan larzan tou dimoun parey Onorab Ghislain in dir taler ozordi ou pa pou kapab viv si ou napa en larzan tou keksoz I round otour larzan.  Me selman pou ou ganny sa larzan byensir ou bezwen travay.  Ou pa kapab anvi larzan ou pa travay sa en kontradiksyon total ant sa de keksoz unless ou al fer bann aktivite ki pou demen pou met ou dan bann problenm ilegal.

Me selman Mr Speaker konman en travayer I vin avek en responsabilite.  Si ou leve bomaten, ou al kot sa lakonpannyen ouswa dan Gouvernman ou pa prodiktiv, e ler ou ganny en saler ki ou vwar petet ou kanmarad in gannyen ki li in prodiktiv ou pa kapab rezenbe.  Ou osi ou donn ou prodiktivite.

Nou annan bokou problenm ki pe arive ozordi avek nou travayer Seselwa – mon repete I annan Seselwa ki onet ki pe travay onet ki pe travay dir me I annan Seselwa osi ki pa pe fer son responsabilite ki I pa pe pran son responsabilite o serye.  E pou sa rezon Mr Speaker ki nou bezwen met lanfaz ki ler nou pe revwar sa bann kad saler son bann reminerasyon Gratwite, tan servis, allowance I bezwen pran kont prodiktivite ki sa travayer I donnen.

Akoz demen nou pa kapab kree bann prezidis kot sa enn ki li 365 lo 365 I leve I travay enn ki li tou le mwan I annan 4, 5 sick leave e lafen lannen I pe ganny son Trezyenm Mwan Saler ouswa I pe ganny menm bonus ouswa I pe ganny menm reminerasyon ki sa enn ki li in 365 in travay dir.

Me Mr Speaker mon pa pou fer politik lo sa size parey mon tann serten Manm lot kote pe koz lo parti politik mon pou get sa ka konman en ka ki serye e nou bann lot kote Onorab nou bezwen osi anmenn sa lager pou ki tou travayer I bezwen annan son prodiktivite.

Bokou in ganny dir lo Trezyenm Mwan Saler anplwayer osi in konplent zot annan zot rezon dan en kote me dan lot kote I en keksoz ki osi ki tou lede kote ti tonm dakor ti dir bezwen annan en Trezyenm Mwan Saler.  Alors Mr Speaker sa I en pwen lot pwen I leksperyans anliny avek kalifikasyon.

I annan dimoun ki’n dan 30an, 40an in dan servis ozordi I ankor egziste I annan ki pe I dir ou parey mon dir I annan en group kad travayer ki pa ganny get ase.

Nou koz lo profesyonnel wi I profesyonnel dan en pei pa bezwen zis profesyonnel pou fonksyonnen I bezwen osi sa bann lezot kad ki pa tonm dan sa kategori ki pou bouze.  30an, 40an, ou pa pe kapab ganny ou R6mil dan en lanplwa I annan en keksoz ki mal la.

E sa I bezwen ganny gete pran leksperyans dimoun serye akoz leksperyans I ekivalan en serten Degre akoz lo job description I mete ler I annan en avertisman I fer lo lanplwa, I dir ou either ou annan sepa 10an leksperyans dan sa domenn, ouswa ou annan en masters ouswa I annan ekivalan tel Degre tousala I bann keksoz ki ganny met devan ou.

E en keksoz ki enportan se travayer osi I bezwen konn son job description byen ler ou pe siny en Lagreman pou ou vin travay dan okenn sekter ou bezwen demann kestyon ou bezwen kler lo sa papye ki an nwar ek blan ki ou pe sinyen.

Akoz demen ou pa kapab dir mon sipoze ganny peye pou sa travay pa pou sa lot travay ki ou pe donn mwan.  Ou bezwen get byen.  I annan bokou case ki devan tribinal lanplwa ozordi akoz bann mank konprenezon bann mank leksplikasyon ki pa’n ganny gete ou zis in aksepte en keksoz ki ou menm ou pa’n lir byen e sa in kre bann problenm.

Mr Speaker  mwan mon pou siport Onorab William ler in nonm saler debaz I bezwen ganny ogmante dan sa pei pou bezwen ganny ogmante dan en fason ekitab dan en fason zis an mezir ki nou koz lo pei, pei pe fer byen ekonomikman nou bezwen donn en logmantasyon dan saler debaz.  A ki moman repriz I pou vin bann diskisyon sa I a vin bann diskisyon me selman mon pe siport en demars dan sa direksyon pou ki sa R5050mil I ganny ogmante.

E kote nou pou ganny larzan Mr Speaker atraver bann reform ki kapab ganny anmennen.  Dan nou sistenm taks.  Mwan mon santi poudir I annan landrwa kot Gouvernman I kapab anmas larzan plis atraver nou sistenm taks.  Si nou koz lo kou lavi nou anvi redwir kou lavi Mr Speaker enn bann fakter kle se kou litilite nou bezwen vwar en formil ki serye pou ki Seselwa I pa pe anmas sa kou pou kou parey nou pe dir ki demen ler in pey ler in ganny son payslip preski at least en kar son larzan I al dan kou litilite.

I annan pri karbiran Mr Speaker.  Gouvernman ozordi R8 taks akoz nou pa revwar sa?  Tir R2 lo la fer vin R6 I a ede fer kou lavi desann. I bann opsyon ki nou pou diskit lo la dan Bidze mwan prosen ki pe vini la le 5 bann keksoz enportan e si nou serye konman en Lasanble nou bezwen donn en sipor osi pou vwar.

I annan bann larzan ki nou bezwen anmase I annan gaspiyaz ki nou bezwen evite.  Mr Speaker tousala I bann keksoz ki I kapab ganny antreprann ganny get ladan pou fer ki Seselwa I kapab ganny pli byen reminere.

E pou terminen Mr Speaker ti annan en moman letan kot ti annan en disparite dan kot I konsern travayer Gouvernman e travayer prive e bokou travayer Gouvernman ti pe kite ti pe al dan prive akoz prive ti pe pey zot byen zot ti pe ganny en pli bon package, me ozordi nou vwar poudir Gouvernman in step up en pti gin me selman nou bezwen al ankor en pti pe pli dan fon la nou bezwen al ankor en pe pli devan pou fer sir ki nou kapab match sa de sekter ki enportan sekter prive I bezwen kontinyen bouze pou fer lekonomi bouze me selman Gouvernman li konman en administrater konman administrative li osi I bezwen get son dimoun byen ki I kapab ki ler I ava ariv le 15 nou napa sa malez.

E ki ler nou koz lo profesyonnel epi nou get sa pti labourer parey nou dir sa labourer mon pa pe dir zot devret ganny menm lapey mon me selman aranz zot fer sir ki zot osi ki ler zot pe pran zot retret zot pa’n travay zis pou pey litilite, pou pey zot bill pou pey zot loan pou pey zot lakaz ki napa en savings ki reste sa.  Avek sa Mr Speaker mon pou siport tou travayer Seselwa e mon pou donn mon sipor pou sa Mosyon.  Mersi.

 

MR DEPUTY SPEAKER

Mersi Onorab Aglae.  Bon in ariv 12.06 nou pou adjourn pou le moman.  Zis de pti lanons; premyerman zis pou dir zot ki Komite Anti-Viktimizasyon pou zwenn ozordi 12.15 dan Committee Rm 3.  Alor bann Manm zot ava al laba.  2enm se ki zis pou remind zot ankor enn fwa ki Speaker Lasanble Ghana ki ti pou vini Vandredi pa pou vini alor sa randevou ki nou ti’n mete avek li prezant dan Lasanble Nasyonal in kennsel pou le moman.  Avek sa mon pou adjourn Lasanble ziska 2er apre midi.

 

 

(BREAK)

 

MR DEPUTY SPEAKER

Waven William mon pa pour relir Mosyon, nou’n fek fer li bomaten.  Prosennman lo mon lalis mwan annan Onorab Jude Valmont.

 

HON JUDE VALMONT

Bonn apre midi Mr Speaker. Mersi pour laparol. Bonn apre midi tou koleg Onorab e tou Manm piblik ki pe swiv nou.

Mr Speaker sa Mosyon i al direk ver koriz inegalite ki egziste dan tou kad travay. Lesansyel se asire ki si ou travay, si ou donnen, an retour ou bezwen kapab war benefis. Mon toultan koz pour travayer dan sa Lasanble. Annefe dan mon distrik plizyer dimoun i dan bann lanplwa kot zot in travay pandan plizyer lannen. Nou devret, nou bezwen kapab war fason reward sa lwayote. Nou devret osi war fason kontinyen envestir dan ledikasyon e lepanouisman nou pep.

Mr Speaker bomaten Minis in fek koz lo plizyer sikse ki nou pei in fer e sa pa’n zis vin koumsanmenm.  In vin atraver travay dir ki nou tou nou’n nou’n fer.  Me nou bezwen asire ki nou tou nou kontinyen vwar sa pli devan.  Avans nou pei, avans pli devan.

Mr Speaker nou bann zenn i bezwen kontinyen ganny ankadre. I mon lopinyon personnel ki nou sosyete pa pour zanmen kapab realiz son vre potansyel tan ki nou bann ansenyan pa ganny valorize lo sa nivo ki zot vreman devret ete. Lopinyon i kapab difere lo la me lansennyman i profesyon pli enportan dan en pei, e konm tel saler debaz bann ansenyan i devret reflekte sa lenportans.

Mr Speaker mon konnen ki pour annan kontansyon lo sa size akoz pour plizyer lannen nou’n met lapolis, ners avek ansenyan lo menm nivo, lo menm podyonm, e i annan en lekspektasyon ki sa 3 profesyon i devret ganny menm reminerasyon, menm package. Me pour swiv en largiman senp, si napa ansenyan dan pei e nou’n deza komans napa Mr Speaker – si napa ansenyan pour napa okenn sa bann lot profesyonnel ki mon’n nonmen akoz se zisteman bann ansenyan ki form zot.

Dan sa ka mon pe propoze ki nou pei i lans en deba nasyonal lo sa size saler ansenyan. Mwan personnelman, mon konvenki ki entry point pour teachers, depandan lo kalifikasyon byensir pa devret mwens ki R20 mil.

Sa i ava asire ki sa profesyon i atrakte le meyer ki nou pei i annan pour ofer.  E ki nou konfye nou bann zanfan dan lanmen en group dimoun ki pa pe konbat avek en ta presyon sosyal, lavi ki lye avek zot kondisyon finansyel. Koumsa zot ava annan tou zot letan, lafors, avek lenerzi pour zot lekor a plen pour enspir nou zanfan dan bann bon direksyon.

Mr Speaker mon swete ki sa propozisyon i ava ganny byen resevwar.  E ki en deba Nasyonal ava kapab ganny deklanse otour sa size. E mon swete ki bann MNA ki pe takinen lot kote antan ki zot vakans lot kote zot osi zot resevwar sa byen.

Mr Speaker mon 2enm propozisyon i ganny enspire par sa salon lagrikiltir ki ti ganny fer Dimans pase, me osi egalman par en lide ki’n deza ganny avanse par Prezidan Faure.  Mon pe propoze ki Gouvernman i o pli vit posib, met an plas en lafwar marsandiz an gro, wholesale parey nou dir an Angle, la anba NSC Hall, let us say, kot en fwa par mwan, tou bann fanmir Seselwa ava kapab vin fer zot komisyon le mwan a bann pri wholesale.  La mon pe propoze ki sa i ava enkli tou bann wholesalers ki annan Sesel pour ofer en pli gran varyete marsandiz posib bann fanmir. Sa dan en zefor pour retir zot anba dominasyon sa bann kartel biznes ki egziste Sesel e nou’n koz lo la fortman sa 6enm Lasanble Mr Speaker.

De ki sa in komans marse isi Mahe i devret bouz lo Praslin e La Digue, pour ki bann zabitan zil pros ava kapab egalman benefisye.  (Mr Speaker si zis ou kapab dir Onorab Larue ler i pran laparol i a koze.) Mr Speaker la mon oule kominik avek Gouvernman irzans sa propozisyon. Sa i en premye lafwar an gro ki pour kapab ganny met an plas pour lafen di-mwan Novanm.  Sa ti ava permet bann fanmir pour kal zot Bidze lafen lannen dan en fason ki bokou pli byen. Alors Mr Speaker mon demande ki Gouvernman ki nou pa trenn lipye.  Si Prezidan ti kapab pran sa dosye an men, e ofer lepep Seselwa sa kado pour lafen lannen 2018.  Sa ti pour tre byen pour nou pei.

Mr Speaker 6enm Lasanble Nasyonal ti antre lo en larou lekspektasyon ki ti ganny kree dan sa pep Seselwa.  Nou dimoun partou ti eksite pour sanzman ki ti’n pran plas e zot lekspektasyon pour en meyer lavi ti natirelman tre o. Nou pep ti pe ekspekte en sanzman imedya dan zot bann kondisyon lavi toulezour baze lo bann desizyon ki nou sa Lasanble dan lekel ki zot ti’n met tou zot konfyans ti pour pran bann bon desizyon ki ti sipoze met larzan direkteman dan pos lepep Seselwa.

Mr Speaker sa lekspektasyon met larzan dan pos Seselwa i enn ki reel. Si ou en dimoun ki frekante e ki fouraye ou pour konnen ki sa i dan konversasyon bann fanmir Seselwa preski tou le zour.

E Pointe Larue pa leksepsyon. Nou pep i oule vwar en retonbe personnel ase signifikan dan bann benefis ki pei i zenere i reportaz larises pli ekitab ki ava ede pour rebalans en pe keksoz e redress lekilib ant sa ki pe ganny plis avek sa ki pe ganny mwens dan nou pei ozordi.

Se sa swe lepep Seselwa. Se zisteman sa rev nou pep. Se sa lekspektasyon ki bann Seselwa Sesel i annan ozordi. Me ozordi nou pe vwar ki laplipar dimoun i vreman dezapwente dan performans nou Lasanble an zeneral.  Apard sa enn de ki pe kontinyen aplodi tou sa ki pe pase lo rezo sosyal, sa ki byen e koman sa ki mal. Me sa Seselwa li menm, sa Seselwa ki pe viv lavi toulezour Sesel, li sa Seselwa i vreman dezapwente avek performans nou Lasanble.

E Seselwa pe koze. Si okenn de nou i pare pour ekoute, i pare pour sorti lo sa rezo sosyal pour zis 5 minit e ekout sa vre Seselwa li menm, ekoute kwa ki li i annan pour dir, kwa ki i pe vreman santi, la nou pour remarke ki Seselwa i vreman dezapwente avek performans nou Lasanble.

En case in point Mr Speaker, mon’n deza mwan menm anmenn Mosyon pour general purpose loan ki mwan ti avans devan, mwan ti dir annou rod fason, nou kote latab ti dir annou esey rod fason pour met larzan dan pos Seselwa me ki nou ti war lot kote latab ti dir zet anba.

Seselwa i dezapwente.  Mr Speaker si i annan en santiman vizavi saler, vizavi pri lavi, e bann diferan benefis ki lamazorite nou pep pe partaze ozordi sa set en santiman ki zot in ganny abandonnen, ki zot in ganny konpletman abandonnen sirtou, sirtou par nou Lasanble. Mr Speaker ozordi isi Sesel e la mon pe koz Sesel akoz mwan isi dan Lasanble koman en reprezantan Seselwa, Sesel. ozordi isi Sesel lenpresyon ki Seselwa i annan se ki Lasanble Nasyonal Sesel i pli enterese avek welfare serten Seselwa ki viv aletranze ki bann Seselwa ki viv Seselwa.

E sa i en santiman ki mon’n tann dimoun pe eksprimen plizyer fwa mon bann koleg Onorab lo lot kote latab.  Dimoun i dir, i dir ou ki sa Lasanble i lager, sekirite sosyal pour Seselwa aletranze. Nou lager Overseas Treatment pour zot.  Nou pe lager pour zot ganny rann zot bann later e lezot byen. Me ki nou pa pe fer nanryen serye e konsekan pour bann dimoun ki’n elekte nou pour reprezant zot.

Mr Speaker i regretan pour dir ki lo sa size pri lavi Seselwa Sesel pa fye nou ditou isi dan sa Lasanble. E zot in nepli posed okenn lekspektasyon ki sa Lasanble pour fer okenn keksoz pour zot. E pour sa rezon ki mon pour siport Mosyon Onorab William pour enspir e donn lespwar nou Seselwa.

Seselwa kot mon pase ozordi Mr Speaker dan mon distrik, menm ozordi apre midi ler mon pe al lanterman mon pas dan Lari Bazar, zot in dir ek mwan, zot ti tann ler sa bann zanfan ker ti vin fer prezantasyon dan nou Lasanble, zot ti tann mesaz ki ti dir ki nou Lasanble ‘’aret senpleman koze.’’  Annou ede pour siport sa Gouvernman pour pas a laksyon e pour met plis larzan dan pos Seselwa. E pour sa rezon Mr Speaker ankor mon dir mon pour siport sa Mosyon.  Dimoun Pointe Larue i siport mwan pour siport sa Mosyon.  E mon demann lot kote pour siport sa Mosyon osi. Mersi Mr Speaker.

 

MR DEPUTY SPEAKER

Mersi.  Mersi Onorab.  Mersi Onorab Valmont. Mersi Valmont. Nou pour kontinyen. Mwan annan Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour tou dimoun a lekout.  Mr Speaker mon pour komanse la apre ki mon’n ekout bann Manm ki’n koze, mwan en pti pe konfize la mwan en.

Mon en pti pe konfize la mwan en.   Mon en pti pe konfize lo le pwen ki mon demande ki Parti Politik zot reprezante? Mr Speaker mon dir sa akoz i sanble ki i annan 3 mouvman dan pei.  I annan Msye Faure tousel.  I annan zot en lot parti politik dan Lopozisyon ansanm avek nou ki an pli gran mazorite ki osi en Parti Lopozisyon Mr Speaker.

Mr Speaker mon pe dir sa akoz ler mon’n lir Mosyon konmsi i fer mwan lapenn Mr Speaker, pour en parti ki bann Manm ki sorti dan menm parti ek zot Gouvernman, vin ek Mosyon parey Mr Speaker kan sa Mosyon, ki kan sa bann konsern zot ti kapab koman en Caucus Mr Speaker.  Zot pa zwenn pour koze.  Onorab De Commarmond dan Lasanble Nasyonal ki ou ete, ou?  Pa ou Leader Gouvernman, Leader of Government Business.  Sa bann konsern pa zot ti merit pran Mr Speaker e zot anmenn devan Gouvernman olye vin devan Lasanble Mr Speaker?

 

(APPLAUSE)

 

HON NORBERT LOIZEAU

Mr Speaker dan lepase lekel ki ti koz lo zorey Minis?  Lekel ki ti annan zorey Prezidan?  Nou isi ki ti annan zorey Prezidan, pa zot ki ti annan zorey Prezidan. Zot ti a kapab al koz dan zorey Minis oubyen dan zorey Prezidan e fer konnen sa konsern Mr Speaker!

E mon pa krwar ki zot ti devret vin avek en Mosyon la dan Lasanble koman en Lopozisyon Mr Speaker. Ler mon pe gete Mr Speaker zot pe practice ki mannyer ler zot pour dan Lopozisyon zot pour fer. En bon practice zot pe fer Mr Speaker!  E de plis ki sa Mr Speaker, nou koman en Lopozisyon nou ti a vin ek en Mosyon koumsa i ti pour ok, akoz nou konnen Mosyon pa binding.  Mosyon pa binding lo Gouvernman kantmenm i pa fer nanryen. Nou, nou dan Lopozisyon, be zot, si Prezidan i deside pour pa fer, ki zot pour fer.  Zis nou pour vini zis koze fer en ta politik bonmarse parey Onorab Ernesta in dir taler tou dimoun tande konm kwa zot pe fer keksoz?  Mon pe vin kot ou apre, relax ou.

Mr Speaker le mon’n ekout bann entervenan, i montre nou Mr Speaker ki Prezidan Faure napa en reprezantasyon dan sa Lasanble.  Zot pa dir li nanryen zot, selman zot vini, zot vin montre zot mekontantman atraver Mosyon dan Lasanble, kan zot ti kapab dir Onorab De Commarmond ki sipoze Leader Zafer Gouvernman dir li al dir dan zorey laba avek Egzekitiv.

Mr Speaker sa i montre ki i annan en pe dezord lo kote Parti Lepep. Mon a dir zot akoz, Onorab Pillay.  Mon pe vini la, Mr Speaker atraver ou Onorab Pillay ler mon’n dir sa ki zot pa pe konekte avek zot Prezidan, Onorab Pillay semenn pase in dir sa klerman Mr Speaker.  In dir ki sa ki i pe dir, sa ki zot pe dir, se lopinyon zot parti, me pa lopinyon zot Gouvernman.

Mr Speaker be ki Gouvernman zot siporte? Onorab Pillay atraver ou Mr Speaker, mon ti a kontan Onorab Pillay i dir nou ki Gouvernman zot siporte, ki parti Msye Faure i ladan. Mr Speaker les li, li i koze selman i pa tande ki i dir li.  Selman zis i koze.

 

(laughter)

 

HON NORBERT LOIZEAU

Sa i ok, nou’n abitye ek sa nou. Mr Speaker e dan tousala, mwan ler mon’n ekout sa bann keksoz, tou sa bann keksoz Mr Speaker ki pe ganny dir la, nou lo sa kote latab, nou’n koz lo la en pake letan Mr Speaker.  En ta lannen nou pe koze.  E sa Mr Speaker, i fer mwan rapel an 2015 Mr Speaker bann letan ler nou ti ganny apele bann ‘’donner lenfirm’’, bann ‘’cowboy lo pickup’’, ‘’nou ti pe rabase. ‘’ Mr Speaker bann ki ti dan 5enm Lasanble, zot rapel sa byen tre byen Mr Speaker.

Sa bann letan Mr Speaker, nou, nou ti ganny gete koman bann ‘’boug fou’’ nou. Bann Onorab Pillay, Onorab Ghislain, zot rapel, ler zot Prezidan ti vin dir nou sa.  Zot Prezidan letan i ti dir ki en Gouvernman serye pa pour fer sa bann keksoz ki Onorab William ozordi Mr Speaker pe vin demann nou pour aprouve pour zot fer!

Selman Mr Speaker par deryer zot in taye zot in fer, ok? Onorab Ernesta in dir dan rally, dan rally ‘’Pil Lo Li,’’ ‘’nou’n promet dimoun apre nou pa’n fer nanryen,’’ ‘’nou’n kit bann dimoun ater.’’  Mon anvi dir ek Onorab Ernesta nou ziska aprezan nou pa ankor kit personn ater Mr Speaker! Personn nou pa’n kit ater!  Nou pe montre zot kot larzan in perdi Mr Speaker.  Nou pa’n montre SBFA.  Sa bann keksoz montre lepep Seselwa, kote nou larzan in aler letan zot ti asize yer.  Zot pa’n dir nanryen, zot asize trankil, zot in ekoute akoz zot konnen i byen Mr Speaker. Nou, nou pa’n kit nou dimoun ater, sel dimoun ki’n kit zot dimoun ater se zot Prezidan Michel apre ki nou ti ranport 15 lo 10, ki ti taye ki ti kit zot tou anpandan! I enportan Mr Speaker ki zot mazin sa tre kler laba lo lot kote.

Mr Speaker mon anvi osi fer bann Onorab lo lot kote latab rapel, Onorab Ernesta taler in koz bokou lo bann keksoz ki zot pe demande, lapey, logmantasyon. Mr Speaker lekel ki ti demann lapey, ki lapey minimonm i ogmante, lekel ki ti demande? Be pa nou isi ki ti demande? Nou, ki ti dir Mr Speaker.  Taks lo overtime nou’n koz lo la Mr Speaker, Onorab Ramkalawan toultan in koz lo la. Sekirite sosyal logmantasyon sorti 3,200 pour vin 5, 050.  En – zot ti dir pa bon, pa pour fer, bann boug fou ki pour fer Mr Speaker.  Nou ti dir Mr Speaker ankor sa ki ganny lapey R8mil pa pey taks lo la, be pa nou ki ti dir Mr Speaker?  Be pa sa Ramkalawan ki zot tou, zot byen kontan ki ti koz lo la Mr Speaker.  Mwan dir sa akoz sanmenm sa fason ki zot dir. Mwan mon a dir lo Onorab, zot, zot pa dir li Onorab zot, sanmenm sa Onorab Ramkalawan ki zot byen kontan la se li ki ti dir zot tou sa bann keksoz.

Ozordi Mr Speaker, ozordi zot menm lo lot kote latab ki’n pran sa bann nide’’ fou’’, sa bann nide ‘’fou’’ ki nou ti pe vin avek zot ti dir nou ‘’fou’’ Mr Speaker, ozordi zot vin avek sa bann nide ‘’fou.’’ Nou pe zis mazinen Mr Speaker, eski zot pe fou zot osi lo lot kote, ouswa Onorab William ki pe ‘’fou?’’ Si ou pe ‘’fou’’ parey nou Onorab William vin la lot kote, akoz nou, nou annan en ta nide ‘’fou’’ ankor pour nou pase, pour nou met devan!

Mr Speaker, mwan a fer zot rapel, zot rapel Minis Larose, Dr Larose ti’n byen komanse, zot ti’n war ki sa bann nide fou ki nou annan ti bon, dokter Larose ti komans enplimant sa bann nide ‘’fou’’.  Mr Speaker detrwa letan apre dokter Larose ti ganny met deor.  Mr Speaker i ti ganny kite.  E la Mr Speaker mon per pour Minis Loustau Lalanne Mr Speaker.  Akoz i pe komans ‘’fou’’ en pti gin parey nou yer ler mon’n ekout li Mr Speaker. Mon pe si i pa pour ganny met deor.

Mr Speaker i annan ankor bann nide ‘’fou’’ parey zot ti dir, parey zot Prezidan ti dir ki i pour vin ankor dan sa Lasanble. E sa bann nide ‘’fou’’ ler i ti vini Mr Speaker, mon byen rapel sa bann letan dan 5enm Lasanble ti annan mazorite Manm Mr Speaker, personn pa ti vin okenn sa bann nide, personn pa ti war ki sa bann nide ti bon.

Me selman ozordi nou war ki sa bann nide zot war li i bon Mr Speaker.  E nou toultan lo sa kote latab ou konnen ki nou dir sa ki bon pour nou i bon pour Seselwa.  Me si zot in war sa i bon pour Seselwa, alors i byen.  Alors kontinyen pran nou bann nide ‘’fou’’ Mr Speaker.

An terminan Mr Speaker, mwan anvi dir avek lepep Seselwa, vi ki sa Mosyon in vini taler mon’n tann en Onorab laba deryer mon pa pe mazinen lot kote in koz lo revizyon, nou’n koz lo en revizyon lapey dan tou sekter pour vini Mr Speaker. Be nou, nou konnen isi lo sa kote latab.

Akoz sa Mosyon in vini. Mosyon in vini akoz pour annan sa revizyon ki pe ganny fer. Me apre ki sa revizyon pour vini dan lannen prosen la ki en fason ki zot pour dir la la, nou, nou’n lager, nou’n lager pour Seselwa ganny en meyer lavi.  Se sa ki zot anvi fer. Onorab Pillay get mwan ou, ou pa pe koz ankor, ou’n fini koze depi Merkredi.  Zis ou pour get mwan.

Mr Speaker apre ki mon’n ekout loter Mosyon ek lezot e lezot Manm lo kote, mon pe zis mazinen Mr Speaker vi ki zot in dekonekte ek zot Prezidan eski pa nou annan rezon pour nou demande ki Prezidan Faure i resign?  Mr Speaker akoz sa ki zot pe dir la ozordi Mr Speaker, pa i montre ki klerman ki Egzekitiv dirize par msye Faure pa pe delivre e ki lepep Seselwa e ki zot in fail lepep Seselwa Mr Speaker. Mon pe dir sa Mr Speaker mon pour repet ankor klerman ki Onorab Sebastien Pillay in konfirm nou ki zot, zot napa nanryen pour fer avek Prezidan Faure, i ti dir Mardi Mr Speaker, i koze i pa tande ki i dir Mr Speaker, i ti dir mon pour repete ki ‘’sa i lopinyon SON parti se pa lopinyon Gouvernman.’’

Mr Speaker savedir i montre ki zot napa nanryen pour fer ek sa Gouvernman zot alors nou annan tou dwa pour nou dir ek Prezidan Faure ki napa personn ki siport li dan sa Lasanble.  Alors i bezwen step down.

Mr Speaker an terminan mon anvi demann Onorab loter Mosyon, Onorab William. Mwan anvi ki Onorab William i montre, i dir nou mannyer zot pour fer tou sa bann keksoz ki zot pe dir arive Mr Speaker. Akoz nou ler nou ti propoz tou sa bann keksoz, sa bann letan nou ti konnen mannyer pour fer, e nou pa zis vini dir.  Nou ti dir ki metod nou pour servi, kote nou pour ganny sa larzan e menm ti annan en fwa ti annan serten keksoz nou ti pe koze lo pickup mwan rapel Labati, nou ti pe koze ki mannyer nou pour ganny larzan, nou ti dir bann etranze ki annan propriyete, nou pour met en taks lo la pour nou anmase.

Zot pa dir nou nanryen kot zot pour ganny larzan pour fer sa.  Mr Speaker nou ti dir, nou ti osi dir Mr Speaker ki tou bann dimoun ki’n aste propriyete e apre Onorab Ghislain ti tann nou li.  I ti vin avek en Mosyon en kestyon pour demande ki bann etranze ki bann etranze ki’n aste propriyete, ki’n aste lakaz apre zot petet annan  en guest house, zot bezwen pey taks en keksoz koumsa ti vin avek Mr Speaker. Ti bann nide ki nou, nou ti vin avek.

Mwan anvi osi ki Onorab William i montre nou ki mannyer sa i pour arive Mr Speaker san afekte personn sirtou bann ki pe fer biznes dan prive Mr Speaker.  E osi  – e osi i enportan ki i dir nou ki mannyer Mr Speaker sa pour fer desann pri lavi.  Akoz par fwa ler nou fer logmantasyon lapey kot lavi i remont ankor. Tousala Mr Speaker se bann leksplikasyon, se bann leksplikasyon ki nou, nou anvi konnen pour nou kapab konpran mannyer zot pour fer sa.

E ozordi Mr Speaker wi mon pe lir lo en pti bout papye nou’n gannyen pour nou lir ki i fer, ou pa ou pas papye laba partou?

 

Interruption

 

HON NORBERT LOIZEAU

Mwan mon’n koze personn pa’n donn mwan nanryen pour lir.  Mr Speaker, e la Mr Speaker pour montre ki i annan en dezord dan zot parti ki Egzekitiv pa pe ekout zot Mr Speaker, pour montre ki zot Gouvernman napa en reprezantasyon pour dir, pour montre ki i annan en dezord e zot pe montre i annan en dezord Mr Speaker.  E nou, nou anvi dir ek dimoun Mr Speaker le 3, Sanmdi le 3 desann pour nou vin montre ki i annan dezord 9.30 bomaten, ki i annan dezord dan parti SPPF/ Parti Lepep, desann dan sa lamars pour nou dir ‘’DANNY OUT!’’ Mr Speaker.  Akoz Onorab Pillay in dir klerman ki i napa en reprezantasyon dan sa Lasanble Mr Speaker.  Mersi pour donn mwan laparol.

 

(Interruption)

 

MR DEPUTY SPEAKER

Mersi Onorab Loizeau.  Onorab Pillay ou pour ganny ou sans koze zis apre.

Point of Order, si i en point of order mon a donn ou permisyon.

 

HON SEBASTIEN PILLAY

Mersi Mr Speaker anba 56, (1) (d) mwan oule raise en point of order ki koriz en misapprehension ki’n ganny fer. Mon ti a kontan remind Onorab Loizeau ki koman en Manm Lasanble i nou drwa e i nou rol pour anmenn Mosyon e bann size ki nou krwar i pour avans lavi dimoun an deor.  E Mosyon ki Onorab William in avanse Mr Speaker i al dan laliny zisteman sa. E komanter in regards to nou koman en parti politik sa i nou pozisyon. I normal akoz nou dan Lasanble Nasyonal i annan 3 Brans dan sa pei. I annan Egzekitiv, i annan Zidisyer e i annan Lasanble Nasyonal e nou Manm Lasanble.

Sa i vedir Mr Speaker ki …

 

(Interruption)

 

HON SEBASTIEN PILLAY

… Mr Speaker mon annan  en point of order.  Mon annan  en point of order Mr Speaker.

 

MR DEPUTY SPEAKER

Onorab Pillay mon pe ekout ou selman mon pa’n tann nanryen ki ou’n dir ki’n kontraye avek sa ki Onorab Loizeau in dir.

 

(Interruption)

 

HON SEBASTIEN PILLAY

Mon pa kapab koze si zot pa kapab les mwan koze Mr Speaker.

 

MR DEPUTY SPEAKER

Me fer ou pwen kler parski i pa kler.

 

HON SEBASTIEN PILLAY

Mersi e Mr Speaker baze lo komanter ki Onorab in pase ki whether or not Prezidan i annan sipor dan nou Lasanble in regards to sa ki nou pe fer i pa mon komanter ditou ki mon’n pase.  Mon komanter ti relye ki mwan koman en Manm Lasanble e nou koman en parti dan Lasanble, nou krwar ki nou bezwen avans bann size.  Me i kler ki pour dir ler LDS pour ganny mazorite dan Lasanble e Gouvernman, LDS son MNA pa pour kestyonnen son Gouvernman!

 

(Interruption)

 

HON SEBASTIEN PILLAY

So then alor se sa ki …..

 

(Interruption)

 

MR DEPUTY SPEAKER

… Non, non Onorab Pillay mon bezwen aret ou la.  Parske pa sa ki li in dir.  Ou, ou pe anmenn en lot eleman ladan ou.

 

(Interruption)

 

MR DEPUTY SPEAKER

Ou pe anmenn en lot eleman dan sa largiman.  Sa ki li, sa ki Onorab Loizeau, in fer en referans lo ou konversasyon, well ou entervansyon e i 100 poursan korek sa ki in dir. Parske ou dir pour dir ou, ou pe koz lo lapar ou parti ki diferan ou pa pe koz lo Prezidan.  Le fe ki ou’n dir sa in repete.  E ler in repet sa, i korek sa ki li in dir.  I pa’n dir en keksoz ki fo li.  I pa’n dir en keksoz ki fo. So annou kit sa, annou kit sa kot nou ete, mwan pour al lo nou prosen speaker se Onorab Basil Hoareau ou annan laparol.

 

HON BASIL HOAREAU

Mersi Mr Speaker.  Mr Speaker en Manm dan Lasanble i annan detrwa rol ki i zwe.  E parmi sa i annan en rol enportan. Enn se en rol oversight ek en rol reprezantatif.  E sa rol i ganny desarze Mr Speaker par tou Manm ki swa en Manm ki sorti dan menm parti ki Incumbent Prezidan, ouswa par parti Lopozisyon.  Sa i en rol ki tou Manm i devret santi zot lib e zot responsabilite pour desarze.  E mon santi ki par sa Mosyon Onorab William pe desarz son rol reprezantatif e oversight.

I pe dir menm si i sorti dan menm parti Prezidan i sorti ouswa ki Prezidan ti sorti li, li i santi son devwar, son responsabilite pour met bann konsern son bann constituents e konsern Seselwa.  E nou tou isi mon krwar nou devret zwenn ansanm e realize pour dir sa Mosyon ki nou pe koz lo la nou pe koz lo en Mosyon ki konsern Seselwa, lentere Seselwa.

Nou pa anvi fer politik e mwan mon pa pour fer politik da mon lentervansyon pour koz dan en fason pour sey avans bann keksoz ki bon pour nou bann Seselwa Mr Speaker.

Mr Speaker pour mwan sa Mosyon, labaz sa Mosyon se cost of living, se kou lavi ki sa Mosyon pe adrese Mr Speaker.

E mon santi ki pour dir se sa ki motiv Onorab William pour li anmenn sa Mosyon, parske nou tou nou konnen kou lavi i en keksoz ki konsern bokou Seselwa.  I vre ki nou’n koz lo la dan sa Lasanble a plizyer repriz, me sa problenm i en problenm ki reste reel.  I en problenm ki ser e frer Seselwa pe fer fas avek ozordi Mr Speaker.

Mr Speaker mon dir pour dir sa Mosyon in ganny motive par pri lavi, parske son premye fraz Mr Speaker par son premye fraz, me son premye bout fraz i dir – ‘’prenan kont kou lavi ki pe ogmante…’’ Savedir tou keksoz apre i swiv lo labaz sa pri lavi ki pe ogmante Mr Speaker.

E sa ki nou bezwen ki lakle sa Mosyon e se sa ki nou bezwen adrese Mr Speaker. Nou bezwen vwar ki mannyer nou pour adres sa problenm kou lavi e enkli ladan i enkli reget saler Mr Speaker.  E Onorab William in kas son Mosyon an 4, an 5 aksyon.  5 e mon pour pran sa 2 premye ansanm kot i dir koriz bann lenzistis ek inegalite a tou nivo kot i posib ; tenir kont kalite travay eleman risk, tann servis, leksperyans e konesans. E 2enm met lanfaz dan kondisyon lanplwa ki ogmantasyon i baze lo bon performans, prodiktivite baze lo bon target.

E pour mwan letan mon war sa de premye aksyon ki pe demann Gouvernman pour pran, ki Onorab William pe adrese la pour mwan i pe dir nou bezwen egalite e ekitabilite dan saler.  Nou bezwen fer sir pour dir en dimoun i ganny valer pour son lasyer Mr Speaker.  E i pe dir pour dir, nou bezwen fer sir pour dir sa dimoun, sa prodiktivite ki i donn nou.  Sa prodiktivite ki i donnen dan departman Gouvernman koman en zofisye piblik an retour Gouvernman i compensate li byen an term son saler.  Ou pa kapab annan en sityasyon kot en dimoun i santi pour dir li i pe donn son kouraz, i pe donn son lafors, i pe leve bomaten, i pe fer sir i antre dan louvraz a ler, i pe travay pandan lazournen e i pe delivre e menm par fwa reste par lao son normal working hours, me a lafen dizour i santi ki sa saler ki i pe gannyen i pa zis.  I santi pour dir sa saler ki i pe gannyen pa pe vreman compensate li pour sa louvraz ki i pe fer Mr Speaker.  E alors nou bezwen pe adres sa.  E mon santi pour dir sa 2 premye pwen i pe konsern Gouvernman. Me apre lezot pwen ki swiv i annan pli tar parey mon pour adrese kot in adres avek sekter prive.  Me i pe demann Gouvernman basically to lead by example.

Gouvernman komanse, fer sa ki i devret ganny fer pour annan egalite e ekitabilite, equilibrium dan saler bann travayer apre Gouvernman i ava anmenn sekter prive on board pour li osi delivre Mr Speaker.

Mr Speaker nou annan nou Public Salary Act, nou annan en act nou, problenm isi Sesel Mr Speaker bokou fwa, e bomaten nou’n vwar sa en pe letan mon ti pe kestyonn Minis Adam, ou annan Lalwa an plas, ou annan Lalwa an plas, me sa Lalwa pa ganny aplike.  Nou annan Lalwa me serten dimoun ki pe aplik Lalwa pa pe aplik li byen ouswa nou pa pe get provizyon Lalwa pour fer sir pour dir i pe ganny aplike.

Akoz mon dir sa Mr Speaker?  Sa ki Onorab William pe demande in deza ganny permet dan Public Salary Act. Akoz Public Salary Act Mr Speaker i set son salary band apre i annan son bann steps. Me i annan keksoz enportan ki i dir ou. I dir ek ou ladan pour dir sa bann band la ek son step la i minimonm saler ki ou kapab donnen, ki ou devret pe donnen. Savedir letan en dimoun i antre dan sa salary band e i dan sa step 1 ouswa step 2, sa ki i pe dir ek ou sa saler, i sa saler minimonm ki ou devret pe donn li.

Me i dir ek ou, i dir ek ou pour dir ou kapab donn li plis baze lo bout performance, leksperyans e lezot fakter. Savedir sa ki Onorab William pe demande nou Lalwa i deza li menm li fer provizyon pour dir gete si ou annan ou de travayer ki dan menm salary band avek steps, i pa vedir ki tou le de i devret ganny menm saler. Ou kapab Gouvernman i devret pe assess sa bann dimoun, e si i annan enn ki annan plis leksperyans, savedir i annan en pe plis konesans, ouswa i pe donn plis an term prodiktivite, ou devret kapab pe donn li an plis.

E se sa ki nou devret pe fer met sa an aplikasyon parske nou bezwen gete, parske parey i pe dir ou, ou bezwen donn sa dimoun pour sa ki travay. parske akoz ou fer appraisal dan en landrwa travay. Ou a praise pa zis pour an term promosyon me pour vwar ki performans sa dimoun pe donn ou dilon lannen pour vwar si i pe delivre.  E si nou anvi en public service ki efficient ou bezwen met sa an pratik parske ou pour donn ou bann dimoun en lankourazman parske demen letan sa koleg i war pour dir be i annan enn ki’n perform byen e in ganny rekonpanse pour sa an term son saler, then i en lankourazman pour li osi pour li demen donnen pour li perform.

So an dot mo Mr Speaker nou annan provizyon dan nou Lalwa ki pour permet sa legzersis ki Onorab William pe demann Gouvernman pour fer pour zot regete, pour zot reget kondisyon travay fer donn bann travayer en saler ki egal a sa servis ki zot pe donnen Mr Speaker.

Mr Speaker 3enm pwen ki Onorab William pe demann Gouvernman pour pran, pour fer aksyon pour fer se ki bann dokiman Lagreman travay e kondisyon kler i ganny etablir pour sak pozisyon dan tou sekter.  Ki mwan mon santi par sa demann se ki nou pe demann latransparans dan kondisyon travay. E latransparans dan kondisyon travay i ede pour kouraz en travayer pour delivre parske bokou fwa ou kapab santi kot travayer i konplent.

I dir ek ou pour dir be gete i annan dimoun ki pa merit ganny promosyon i pe gannyen ouswa li i pe ganny viktimize. Me letan ou annan sa kondisyon ki kler, ou annan latransparans, ou annan bonn gouvernans, sa travayer i konnen ki i bezwen meet, ki kriter i bezwen satisfe pour li swa ganny en logmantasyon ouswa pour li ganny en promosyon Mr Speaker.

E pour mwan mon krwar pour dir sa i en mezir ki enportan parske ou menm retir posibilite annan viktimizasyon, oubyen posibilite pour annan bann aksyon ki pour dekouraz en travayer.

E sa Mr Speaker letan nou pe koz sa bann kondisyon travay la i anmenn nou Mr Speaker lo le fe sis a travayer pe delivre e ou donn li sa ki i merite ou pour ed li dan son lavi familyal, son lavi sosyal parski ou pe donn li plis finans e sa i ava ed li pour progrese e sa i ava ed li pour li adres sa sityasyon kou lavi an term son bann keksoz ki i bezwen depanse lo la Mr Speaker.

Mr Speaker Onorab William dan son pwen 4 ek 5 in adres sekter prive prezan.  E la in dir dan (4) i dir ‘’travay ek sekter prive me pa enpoz lo zot pour swiv dan moman apropriye.’’  ‘’Met ouswa ranforsi regilasyon pour ankouraz sekter prive pour ede kontrol kou lavi kot i posib.’’

Mr Speaker la pour mwan mon pa pour share vi Onorab William lo la.  Ou konnen sekter prive nou bezwen travay avek Gouvernman, Gouvernman i bezwen travay avek zot, anmenn zot onboard evantyelman. Me si sekter prive pa anvi vin onboard, Gouvernman pour bezwen pran bann mezir neseser pour fer sir pour dir ou annan ekitabilite dan saler ki pe ganny peye.

An dot mo ou pa anvi en sityasyon kot Gouvernman li i fer ogmante son saler, saler pour bann travayer, ouswa i reget en fason ki travayer pe ganny peye.  Me sekter prive i reste deryer, kot ou pour annan bann travayer Seselwa ki travay dan Gouvernman pe ganny byen peye, me ki pa neseserman ou pour annan sa dan sekter prive ki pa pour byen.  So in order pour nou fer sir ki sa ki ganny fer, bann mezir ki ganny pran pour ed bann travayer Seselwa, i ganny aplike both dan sekter piblik ek sekter prive – evantyelman si sekter prive pa oule swiv Gouvernman pour bezwen pran aksyon an term aksyon legal Mr Speaker.

E Mr Speaker i enportan pour dir nou pa pour kapab fer sa dan en fason agresiv avek sekter prive.  Nou bezwen annan en balans, en balans ki ganny fer kot sekter prive i ganny ankouraze wi parey Onorab William pe demande, me an menm tan kot sekter prive pa oule come onboard, Gouvernman i bezwen prezan act.  I bezwen servi son pouvwar ki i annan atraver pas Lalwa anmennen e anmenn Lalwa devan Lasanble Mr Speaker.

Mr Speaker i annan en size ki mon oule adrese, mon’n deza adrese dan sa Lasanble e sa se travayer etranze. Parske si ou pa anploy sa travayer Seselwa then sa Mosyon napa okenn valer pour li.  Pour sa Mosyon annan valer pour li fodre sa travayer Seselwa pe ganny anploye i pour dir ek ou be mon pa dan lanplwa kote ki en logmantasyon saler pour fer sans pour mwan. ou pa dan lanplwa ki mannyer ou pour menm donn pli bon kondisyon travay, be napa benefis pour mwan. So fodre first and foremost bann travayer Seselwa pe ganny anploye Mr Speaker. E mwan mon’n fatige koz lo la dan Lasanble e mon pour kontinyen koz lo la.  Parski mon krwar pour dir nou bezwen fer sir ki dan Sesel, dan sa Sesel ki nou dir pour Seselwa Mr Speaker, Seselwa i toultan vin an premye.

E mon konpran Mr Speaker ki pa tou pos ki nou pour annan travayer Seselwa, sa i vre. Me nou bezwen maximize bann pos ki ganny okipe par Seselwa e sa i en keksoz ki nou bezwen fer Mr Speaker.  E mwan toultan mon’n dir e mon repete in plis ki ler pour nou restrikte serten pos a Seselwa selman. Parski i vre nou annan en problenm lanplwa Sesel me mon repete parey mon’n deza dir i annan dimoun ki pran sa koman lavantaz.  I annan dimoun ki kontan nou annan sa problenm lanplwa akoz pour li servi sa pour li nobou fer vini son bann etranze parski li i napa okenn lentansyon ouswa okenn lentere pour li anploy Seselwa Mr Speaker, e i le ki etranze i pas par devan Seselwa dan son prop pei Mr Speaker.

Mr Speaker mon pe dir pour dir Gouvernman i devret reget sa sityasyon – in plis ki ler. Mon pa konnen kwa, akoz Gouvernman pe trenn lipye lo la pour nou ganny en lalis pour ganny fer legal, pa en Polisi, mon pa krwar dan Polisi, parske Polisi ou kapab sanze, polisi ou kapab demen zis dir be a x ou ok, sa Polisi mon pa pe enplik sa ek ou, be letan ou annan en Lalwa, i diferan sa Lalwa i apply pour tou dimoun, pour aplik pour tou dimoun Mr Speaker, kot i dir klerman pour dir serten dyob i restrikte a Seselwa Mr Speaker! Parski right now malgre ki nou annan Lalwa, nou Lalwa lanplwa e nou Lalwa Immigration Decree i fer provizyon pour dir ou bezwen en GOP, dimoun pe bypass sa Mr Speaker.

Pe bypass sa dan fason. Zot pe kontinyelman kree bann sityasyon kot zot dir ou napa Seselwa. I annan serten anplwayer pe fer sa e pour zot anmenn etranze apre ou annan en sityasyon kot sa etranze i antre dan pei pour li travay koman pour fer serten louvraz. Me an realite sa etranze pe fer en lot louvraz!  E nou, nou pa pe apply sa e ki i pe fer i pe anpes en frer ouswa en ser Seselwa manze Mr Speaker dan son prop pei.  Be si nou pa kapab donn asire, asir en Lanplwa a nou frer e ser Seselwa, then pri lavi pour vedir nanryen pour zot, zot pour kontinyen ganny afekte akoz zot pa pe ganny en fason en mwayen pour zot ganny en fason viv.

Se sa pour mwan Mr Speaker – mon krwar i enportan ki sa i en pwen ki nou bezwen adrese.  E mon ti a kontan ki Gouvernman letan sa Mosyon i ganny anvoye kot Egzekitiv ki sa osi i en issue ki nou mete akoz in plis ki ler nou reakte lo la. Nou’n fatige koz lo la me nanryen pa pe ganny adrese lo sa pwen Mr Speaker.

Mr Speaker Onorab William in koz lo minimum wage, in koz, in fer en sizesyon ki minimum wage i ganny increase to 10,000 rupees per month evantyelman Mr Speaker.  Mr Speaker mon pa pour vreman share son view lo la.

Mwan mon krwar ki i enportan ki nou ganny sa en balans byen, akoz si ou fer en minimonm wage monte dan en fason agresiv i riske ki ou evantyelman ou afekte sa bann travayer menm ki ou ti anvi ede. Akoz ki i kapab arive? Minimonm ki letan ou increase li dan en fason agresiv ki basically ou pe double li from sa ki i ete la, ou pour annan en sityasyon kot ou pour kapab kree unemployment!  Akoz ou kapab annan en sityasyon kot bann travayer dan sekter prive, bann anplwayer rather dan sekter prive, i santi pour dir ki i pour bezwen fer redundancy bann travayer akoz son cost i pe ogmante!  So i kapab annan en lefe negatif lo sa travayer. Nou bezwen annan sa balans vreman byen Mr Speaker.  E Mr Speaker mon konnen sa ou pour konn pli byen ki mwan, i annan sa ki nou apel en wage push inflation kot basically akoz ki saler i monte, sa product ki pe ganny vann ouswa sa servis ki pe ganny donnen son cost osi i ogmante.

Ou pran en senp legzanp en avoka par egzanp si li i ti pe sarz I don’t know, 10 mil roupi pour en servis i kapab dir ek ou be mon pour al sarz 12 mil ouswa 15mil prezan. Dan laboutik, dan laboutik bann fermye par egzanp ki i annan travayer ki travay avek zot, zot prodwi i monte. So ou annan en Cost-push inflation i kapab arive.

So i enportan ki letan nou. Mon pa pe dir pa fer increase lo minimonm wage mwan. Mon pe dir wi nou kapab fer increase, be selman nou bezwen fer sa balans byen.  Nou pa anvi detri ouswa afekte sa travayer, sa frer, ser Seselwa ki nou anvi ede la. nou ed li la kot nou ed li la nou dir be ok, as of now from sa mwan la ou pa ganny 10mil, me dan lot mwan i war li san en lanplwa, swa de mwan ou war li san en lanplwa.  Ouswa ki i war dan 2 mwan i war li bann prodwi ki i ti abitye aste pe monte e suddenly i vwar pour dir purchasing power sa 10mil roupi in preski reste parey sa enn ki ti 5mil, akoz cost of living has gone up.  So nou bezwen annan en balans Mr Speaker. E mwan mon krwar nou bezwen fer sir pour dir letan nou pe annan sa increase dan minimum wage, nou bezwen osi fer sir pour dir i pa enn ki pour annan sa bann lenpak negatif Mr Speaker.

Mr Speaker letan nou pe koz lo pri lavi, ou annan 2 fason get li e Mr Speaker mwan asir ou ki ou konn sa pli byen ki mwan se ki ou annan redwir pri ouswa fer monte saler.  Ou annan sa de konsep.  Eski e sa ki Onorab William pe dir nou la li i pe dir ek nou, i pe met sa plito lo fer monte saler. Sa Lasanble in deza pe adres sa issue fer desann pri lavi.  In deza annan Mosyon ki’n ganny anmennen dan Lasanble e ki nou’n koz lo la lo fer desann pri lavi.  Me pour mwan Mr Speaker nou bezwen gete lekel ki nou pour gannyen ant sa de, ki mannyer nou pour fer.  Mwan Mr Speaker mwan pa en ekonomis, mon pa en eksper dan finans me letan mwan pe gete nou pour bezwen annan en bout dan tou le de.

Pran en sityasyon kot nou pour bezwen fer desann pri, me an menm tan ganny en balans pour nobou fer en increase en pe sa saler ki mannyer nou pour kapab ed nou bann frer, ser Seselwa pour ganny en meyer standard of living Mr Speaker.

Mr Speaker letan nou pe koz lo ki mannyer nou pe fer desann pri lavi, nou pour bezwen adres sa issue cartel ki Onorab Ferrari ti anmenn en Mosyon lo la.  Mr Speaker si nou pa kas cartel Sesel la pri lavi pa pour zanmen desann.

Fer sa ki nou oule e cartel i egziste, i en realite Sesel. Serten dimoun pour dir ek ou cartel pa egziste, mon pa konnen lekel ki zot pe bat latet.  Mon pa konnen lekel ki zot krwar pour dir Seselwa pa pe war zot pour dir cartel i la, i la devan nou Mr Speaker!

Mr Speaker ozordi Sesel ou annan serten retailers i annan 10 laboutik, 15 laboutik, non diferan dimoun, e ki zot pe fer Mr Speaker zot pe ede, zot pe fer sa pour zot limit zot taks ki zot peye business taks.  E an menm tan zot pee de pour zot kontrol pri, pour zot kontinyen trangle Seselwa Mr Speaker. Sa ki zot pe fer.  E sa i larealite. Nou bezwen trouve solisyon pour sa Mr Speaker. Sa i larealite!  E pour mwan ankor i anmenn mwan lo sa size, ki anmenn mwan lo sa size Mr Speaker ki, i anmenn mwan lo sa size Mr Speaker ki nou annan Lalwa.  Ankor nou annan en zoli Lalwa nou me nou pa kapab enforce li.  Nou dir pour dir pour dir nou pa pe kapab dekouver. Me pour mwan nou bezwen train nou dimoun; nou bezwen invest dan dimoun, train zot akoz training si ou invest sa dimoun pour konnen kwa ki i pour gete pour li dekouver pour dir i annan cartel. Kwa keksoz ki i pour bezwen fer. Nou bezwen invest dan nou bann dimoun fer zot vin bann eksper Mr Speaker. Parske sa bann dimoun ki fer cartel in vin dan eksper dan fason pour fer cartel to beat the system.  Nou, nou bezwen montre zot pour dir nou kapab kree eksper pour counter sa ki zot pe fer Mr Speaker. E nou bezwen annan sa lanvi, sa lanvi pour nou adres sa Mr Speaker. E mwan mon krwar pour dir i en keksoz toultan ki nou pa nobou deal avek sa pri lavi Sesel pa pour desann. Nou a koze, nou a kriye me aksyon pa pour ganny fer Mr Speaker.

Letan nou koz lo cartel i pa zis dan retail industry, retail sector ki nou annan sa. Nou annan sa menm dan telekominikasyon.  E sa osi nou bezwen regete.  Parski sa i ede dan kou lavi.  Ozordi letan nou pe koz internet, nou pe koz telefonn ki dan lepase mon pa konnen 20 an, 25 an pase, ou annan en mobile ouswa annan internet kot ou, ouswa dan ou lofis, i en luxury, ozordi i en nesesite.  Dan sa lemonn ki nou pe viv ozordi i en nesesite. Zanfan i bezwen pour fer zot resers lo la. Bokou keksoz ozordi i lo internet pour ou kapab fer en bon resers. Zanfan i bezwen sa dan zot ledikasyon koman en mwayen kominikasyon. I en fason ki nou servi nou tou.

E alor pour mwan nou bezwen adres sa, parski ozordi tou dimoun i en annan en telefonn.  Ozordi bokou fanmir i annan internet kot zot, ouswa dan lofis as part of ou biznes.  So nou bezwen reget tousala e nou bezwen adres sa parske pour mwan sa i pour ede pour mwan adres sa logmantasyon pri lavi ki’n motiv, ki’n motiv Onorab William pour anmenn sa Mosyon Mr Speaker. E Mr Speaker mon mwan krwar pour dir nou bezwen war aksyon prezan. Nou mon santi nou’n koze lo la e ou a dir sa deba pe ganny epwize evantyelman.

Nou’n koz lo fer desann pri lavi e la Onorab William in anmenn li dan en lot perspektiv petet dan en pli bon kondisyon lanplwa, e ogmant saler. Me nou bezwen war aksyon. Nou frer ser Seselwa i bezwen santi sa rezilta.  Mwan Mr Speaker, mon’n zwenn dimoun ki’n vin koz ek mwan in plennyen. Mon’n zwenn en msye lot fwa i dir mwan pour dir i en drayver i pe travay dan Gouvernman i pe ganny zis R6mil koman en drayver.  E sa msye in montre son fristrasyon ki mannyer i santi pour dir i pe ganny let down.  I pa pe war en rezilta. I anvi trouv en rezilta ariv kot li kot i vwar pour dir son kondisyon viv, son kondisyon fanmir sosyal in vin pli eze.  E sa ki i anvi.  Sa ki i anvi, i anvi en rezilta.

E mwan Mr Speaker mon pa konnen si mon pa konnen si mon pour al tro lwen pour par demande, me dir be ekout en kou be eski petet Lasanble i devret fer en Komite ki nou regard nou kri dimoun, nou regete pour nou osi prezan fer en rapor lo la, nou dir be la la ki nou krwar aksyon i devret ganny fer?  Eski sa i devret en keksoz ki devret ganny konsidere? Nou devret konsidere. E Mr Speaker, mwan mon pour dir ki mon pour siport sa Mosyon malgre mon’n mansyonn bann serten rezervasyon lo an term ogmant minimonm wage to 10,000 Rupees dan en sel kou.  Me selman mon krwar nide, lentansyon deryer sa Mosyon i en ki bon, e mon pour demann tou bann Manm enkli Onorab Loizeau pour siport sa Mosyon.  Mersi.

 

MR DEPUTY SPEAKER

Mersi Onorab Basil Hoareau. Mon annan Onorab Jean- Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker ler mon ekout bann Manm lo lot kote latab pe debat lo sa Mosyon prezante par Onorab William mon santi difikilte ki zot annan pour zot debat lenzistis, linegalite, mank prodiktivite, tou sa bann keksoz ki ganny liste dan sa Mosyon.  E an menm tan, an menm tan zot pe esey fer en gymnastic pour zistifye akoz se zot ki’n la pandan 40 an e ozordi zot pe trouv dan en sityasyon koumsa. I en gymnastic ki pa fasil pour fer e sirtou la bomaten kot nou’n ganny Minis Adam ki’n vini ki’n dir nou pour dir tou keksoz i zoli, tou keksoz i roz, tou bann lendeks i ok, tou bann endikater i ok, e an menm tan nou pe ganny demande pour nou fer refleksyon lo difikilte lavi, difikilte pour tou Seselwa, an fen pa tou Seselwa me bokou Seselwa pour fer de bout zwenn.  Ki mannyer nou fer zwenn sa deba ant en Minis ki vin dir nou pour dir tou keksoz i ok e en Onorab dan s a parti kot sa Minis i sorti pe vin dir nou, pe dir avek Minis initil ou donn nou bann lendeks, bann ki sa mo i servi, bann ‘’rating’’ akoz bann ‘’rating’’ mon pa kapab met dan kastrol, mon pa kapab kwi ‘’rating.’’ So i annan en gap, i annan en gran zistans ant Gouvernman avek sa ki Onorab William pe dir.  E i kler ki sa i en indictment terib lo sa Gouvernman e ki ozordi finalman nou pe tann zot pe aksepte bann defayans e zot, zot pe azir parey Onorab Loizeau in dir, plis koman en Lopozisyon, plito ki en parti mazoriter.

Me sa i en lankourazman li menm. Annefe ler mon’n tann Onorab Hoareau pe koze taler, mon’n anvi dir, mon pe mazinen ler Onorab Loizeau in dir pour dir i per pour sa Minis Finans, Minis Lalanne, konmsi i en pe per pour li akoz ler i get sa ki’n arive avek ansyen Minis Larose i en pe per pour li.  E mwan mon en pe per pour Onorab Hoareau.

Mon pa konnen si an Zanvye i pour ankor la, me mannyer mon war kot i pe ale la, mon en pe per pour li akoz Onorab William i kapab koze koumsa li.  Ou Onorab Hoareau malerezman ou lo rebate.  Ou avyon i kapab ale, ou kapab ganny kit ater.  So i annan en soulazman ki finalman Parti Lepep pe reveye e pe trouv, e pe war en serten lalimyer.  Sa tors ki nou’n klere i pee de pour vwar ki par egzanp Lalwa i la, me Lalwa i bezwen ganny aplike e Lalwa pa pe ganny aplike.

Mon kestyon mwan ozordi se ki Onorab William, mon santi in anmenn en Mosyon tre politik, in vin ofer lesyel lo later pour tou bann zabitan, in fer en Mosyon ki normalman ou tann zis avan eleksyon.  E son bann koleg i annan de son bann koleg ki zot, zot in anfons sa klou bokou pli lwen ler zot in komans koz lo en starting salary R20mil, Onorab Valmont. Mon krwar ki se Onorab Ghislain ki li in dir ki fodre double bann alokasyon pour bann pansyoner ler zot ariv en serten laz.  Sa se bann pwen ki mon war drol zot pe fer akoz konbyen fwa zot ti dir nou pour dir nou’’ fou?

Me selman annou ekoute, kekfwa dan sa lafoli i annan en lozik.  Alors mon pour bezwen demann avek Onorab William koman loter Mosyon, dir nou avan nou pour kapab pran en vot dir nou, dir nou, ou’n fer ou kalkil avek lekel ou’n diskite, ki banns if ki ou’n pran?  Ki bann kalkilasyon, bann diferan senaryo ki ou’n pran.  Eski ou parti in fer en letid?  Eski nou ti kapab ganny sa bann sif, sa bann leksplikasyon pour nou kapab vwar si vreman sa ki ou pe dir nou i fezab?  Akoz nou isi lo sa kote latab, nou osi nou ti a kontan war Seselwa ganny en pli meyer lapey ki posib. Me selman nou bezwen koup nou latwal dapre nou grander.  Sa i en keksoz ki fondamantal e Onorab in dir sa i fondamantal. Nou pa kapab pran bann desizyon ki pour demen retourn lanmer mor, i pour vin bat son met.

Alors, Onorab William i annan en devwar pour li eksplik avek sa Lasanble ki mannyer i pour fer sa bann desizyon koumsa, ki mannyer i pour annan en lenplikasyon bidzeter?  Oubyen kekfwa Onorab William i ava dir ek nou, i ava konfes avek nou pour dir i konn tre byen ki Gouvernman pe vin propoz en revizyon saler, e li pe vin ‘’jump the gun’’, i pe vin demann en revizyon saler kan i konn tre byen ki Gouvernman pe al fer, kekfwa sa i le ka, mon pa konnen i ava dir nou li menm li pli tar.

Mr Speaker i annan en Onorab ki fek koze ki Onorab Hoareau in eksplike dan en fason tre senp ki i annan de metod pour nou kapab soulaz difikilte pri lavi.  Enn se fer monte saler, enn se fer desann pri lavi.  Mon ti a kontan dir ki nou, nou debout lo en premis ki nou’n lager pandan tre lontan lo la e ki nou envit zot pour zwenn nou e sa premis se ki nou konvenki ki nou kapab fer desann pri lavi dan Sesel.

I posib si i annan en lavolonte politik, i posib fer desann pri lavi.  Sa i nou premye laliny latak.  Byensir revizyon saler i en keksoz ki pour arive e ki devret arive regilyerman.  E mon krwar ki bann ki rapel toultan nou’n dir ki revizyon saler, enn bann metod ki nou pe propoze se lendekszasyon saler lo kou lenflasyon.  Sak fwa nou mezir lenflasyon, nou pa les saler deryer.  Nou aziste saler pour nou fer sir ki bann travayer pa perdi ler pri lavi i ogmante.

Me selman nou konnen pour dir nou kapab fer tou Seselwa benefisye bokou plis ki en logmantasyon saler atraver annan meyer bann komodite e bann servis dan en fason pli bonmarse.

Mr Speaker sa i demann en volonte politik. E malerezman mon dir sa san okenn lezitasyon. Napa okenn volonte politik, napa okenn determinasyon politik pour zot akte lo sa domenn pour fer pri lavi desann.  Mon ava partaz avek zot en refleksyon ki nou ti pe annan e Onorab Deputy Speaker ti la lo pri bwat ton dan Sesel.

Nou’n fer en pe resers e nou’n trouve pour dir IOT an mwayenn i pe vann en bwat ton apepre R12. E dapre lenformasyon i annan dan sa R12 i annan en bout pour VAT e i annan profi IOT lo la. Apepre R12 i arive.  Me selman ler nou al dan laboutik sa menm bwat ton i vann R23.

Alors si nou Gouvernman, si nou, nou annan par dan sa konpannyen nou napa en parol pour nou dir, nou napa en fason pour nou fer ki en bwat ton i vann R15 pa R23. nou soulaz bann fanmir, nou soulaz bann zanfan, nou ede pour fer desann pri lavi?  Akoz mon mazinen ki nou tou isi ki dan sa Lasanble omwen en fwa par semenn nou ouver en bwat ton, omwen en fwa par semenn ki fer 4 fwa par mwan, nou ouver en bwat ton.  Si nou ti kapab omwen en fwa par semenn ganny sa bwat ton en pe pli bonmarse i ti ava soulaz en pti pe. Kekfwa bann dimoun ki en pe plis dan problenm, en pe pli mizer, e ki zot lapey i pli feb zot ouver sa bwat ton en pe pli souvan.

So kekfwa se la ki nou devret pe gete ki mannyer nou kapab fer desann pri lavi. E wi Gouvernman i kapab, nou pa pe al dan en marse kontrole. Gouvernman i annan 40 poursan dan IOT, Gouvernman i annan STC, Gouvernman i devret kapab dir STC nou pour donn ou leksklisivite, oubyen nou pour donn ou sa market bwat ton lo kondisyon ki ou vann li lo R15!

Gouvernman i kapab fer sa, i kapab fer sa. Bann cartel laba deor pour kriye, zot pour kriye me selman nou pour konnen pour dir STC in benchmark li R15 r, e i pour annan en lobligasyon, i pour annan en presyon ekonomik moral politik lo bann cartel ki sey kontinyen degozir Seselwa e vann keksoz de fwa son pri. I annan posibilite.  Nou bezwen kapab taks sa bann keksoz, malerezman napa volonte politik. Onorab William mon byen sorry, me selman mwan war pour dir i annan dimoun ki pe demann Gouvernman, me selman Gouvernman napa sa lafors, napa kouraz, napa sa determin aksyon pour fer desann pri lavi. Se sa ki nou, nou anvi vwar nou.

Akoz parey Onorab, i annan en Onorab ki’n koze pli boner ki’n dir ou pa kapab zis get lapey.  Sa drayver taxi li i pa ganny en lapey li, ler nou fer monte lapey ki nou’n fer pour li? S a pti biznes, sa pti madanm ki vann dan bazar lekel ki donn li en lapey lafen di-mwan.  Ou kapab fer monte lapey si oule. Napa nanryen pour li ladan. Se pri lavi, se kou lavi ki enportan. Se la ki nou bezwen focus e se la ki nou demande ki Gouvernman i met son zefor e ki Gouvernman i aret per sa bann cartel.

Mr Speaker mon ava dir enn bann keksoz ki ti sok mwan e i ankor la dan mon lespri, ti sok mwan ler Onorab ler nou ti pe koz lo bann cartel Onorab De Commarmond ti dir ki nou tou, nou pa kapab koze akoz nou tou nou ganny larzan avek marsan. Yes, yes ou ti dir, wi.

 

(Interruption)

 

MR SPEAKER

Onorab Ferrari eski ou anvi give way.

 

HON CHARLES DE COMMAROND

Mr Speaker I never said that.

 

HON JEAN-FRANCOIS FERRARI

Nou ava get verbatim, nou ava get verbatim ou a war.

 

MR SPEAKER

Mwan a donn ou laparol ler i fini.  Kontinyen Onorab Ferrari.

 

HON JEAN-FRANCOIS FERRARI

Napa volonte politik.  Mwan mon pe fer sa pwen.  Mwan mon pa vin la pour dir keksoz ki pa korek.  Si nou kontinyen, si nou kontinyen dan tou zournal, dan tou zournal politik donn en lavwa bann cartel – ki savedir sa? Le nou, nou pe demann sa bann cartel pour fer desann pri lavi, zot, zot donn li en paz antye dan zournal, dan people, ki savedir sa?  Sa se bann keksoz ki pe ankouraz e ki pe detri e ki pe fer soufer Seselwa. Alors Mr Speaker, mon ti a kontan dir ek sa Lasanble, mon ti a kontan dir ek sa Lasanble sa ki fer lavi ser Sesel se koripsyon!  Se labi! E se cartel! Se la kot pri lavi i ogmante.  Ok? E se sa.  Ok?

Mr Speaker Leader Lopozisyon fek fer mwan remarke ki aparaman se Onorab Simon Gill ki ti dir sa e mon demann mwan leskiz e mon retir sa, se aparaman Onorab Simon Gill ki ti dir sa. Mon retire e mon demann en leskiz.  Me sa parol in ganny dir e pour mwan i en parol ki pa korek.  I pa korek.  Akoz mwan mon war keksoz lo kote Parti Lepep ki zot bezwen aranz zot alignment byen.  Zot bezwen aranz zot alignment byen.  Zot pa kapab ozordi vin isi dan sa Lasanble e vin dir lavi i ser kan nou, nou pe lager kont cartel e zot, zot pe donn en full page dan zot zournal pour sa bann boug ki pe defann cartel.

 

(APPLAUSE)

 

HON JEAN-FRANCOIS FERRARI

I pa posib. Si nou dan sa lager, nou bezwen fer lager antoure e fer sir ki nou ganny rezilta!

Mr Speaker dan sa Sesel ki nou viv ladan ozordiAvek nou larises dan nou losean ek nou labote ki anmenn 350 mil touris par an nou ti kapab, tou Seselwa ti kapab viv ben avek ase pour li viv. I annan ki ti pou annan en pti pe plis, i annan ki ti pou ganny en pti pe mwens. Si nou ti partaz byen, si nou ti aret koripsyon.  Nou fek tande yer konbyen milyon disparet, 50milyon Dolar disparet. Koripsyon mon bann koleg se le pep Seselwa ki peye, koripsyon i savedir R1 lo sak pake diri e mon repete R1 pour Parti Lepep lo sak pake diri ki en dimoun i aste dan laboutik!  Sa i mal!  Se sa ki nou bezwen atake, se la kot nou pou fer desann pri lavi ok?  Se bann keksoz koumsa ki konkret ki nou pe lans en lapel avek Gouvernman pour zot pran rod bann nouvo sistenm taks, ki nou’n propoze ki zot pe espere?

Prezidan ti dir nou par egzanp i pou met en taks lo propriyete lo bann lakaz pour bann etranze la nou pe al 12 mwan nou pa ankor pran en sou avek sa bann dimoun ki annan lakaz Eden Island!

Mr Speaker, Mr Speaker sa se bann keksoz ki enportan ki merit ganny fer rapidman. Ozordi nou fek fer monte PUC ankor nou pa devret fer monte PUC nou, si sa bann dimoun laba Eden Island, sa bann milyonner Eden Island ti kontribye zot share pour nou kapab envestir dan PUC.  Napa lavolonte Politik Mr Speaker, e mon regrete Onorab William menm avek ou Mosyon ou pa pe al lwen akoz i mank sa lavolonte politik pour fer bann keksoz ki konkret.

Mr Speaker annou konman en Lasanble pronons nou klerman lo vreman sa ki arive.  Vreman sa ki koupab dan sa bann keksoz koumsa. Ou konnen nou dan sa bann sityasyon nou kot nou annan en Gouvernman ki pandan 40 an in konny nou, in konny nou, in konny nou, in donn nou en boubou e sa boubou tanzantan i konbyen en kou, nou kriye i konny en kou.  Ler nou kriye i pas deryer i anmenn en pti morso latizann pour nou, i anmenn en pti poban dimyel – i anmenn en pti pake disik pour nou, apre i konny nou boubou ankor en pti pe plis. Selman i aranz nou li, i donn nou, nou sa.  La Onorab William in donn nou en pti latizann la, i a soulaz nou. I annan dimoun i a krwar ki vre i pe vini, be avek sa Gouvernman.  I pa vini akoz nou pa pe atak son vre problenm, son vre son sours nou soufrans parey defen Onorab Ogilvy Berlouis ti deza dir ki ti en Minis Defans dan sanmenm sa Gouvernman i ti dir, ‘’sours tou nou soufrans i sorti laba anler State House.’’ E nou problenm se ki nou pa pe atak sa bann labi, ek sa bann koripsyon.

Nou fek met lo Biro Prezidan plizyer rapor.  Nou pe espere aksyon ki ganny pran. Nou pa kapab i pa posib Mr Speaker ki 2 semenn pase oubyen 3 semenn pase, FPAC i rankontre, nou koz avek Sef Lafors Defans avek son accountant, nou gete nou war pou dir larzan pe ganny sanze pe ganny met dan en tant pe al State House – ok?  Nou ganny dir sa, nou pa konnen akoz, be nou pa kapab zis retire en dimoun.  Nou bezwen fini sa lanket nou bezwen al lo son sours e se sa ki zot pa anvi.

Se la kot i annan son mank lavolonte politik pour nou al dan sa sours, pour nou fer sir ki sa keksoz pa arive. Menm keksoz ankor nou problenm avek SBFA, lekel ki pou peye sa loan? Be sa drayver taxi ki’n pran en loan i pou bezwen pey en lanmwatye poursan lo son loan byento.  Sa pti dimoun sa peser ki’n pran en bato ek en masin li osi i pou ganny kriye pou dir i sorti 2 i vin 2 edmi poursan.  Akoz ler en dimoun i vole, ler en dimoun i pran ler zot pa kapab account pour larzan piblik se piblik ki peye silvouple!  Se sa mesaz ki nou le e nou annan en sityasyon kot piblik pe peye me nou bann dirizan pa pe fer nanryen.

E zot rode akoz?  Zot rode akoz nou pe dir bann dimoun desann anvil? Le 3, Sanmdi le 3 be akoz nou bann reaksyon! Si nou pa pe ganny aksyon, nou bezwen dir ek sa msye debout par kote les nou travay, les nou met en pe lord ladan se sa travay ki nou anvi fer Mr Speaker.  Nou bezwen atak sa bann problenm lo kot i ete, konbyen fwa nou pou dir sa i pa, mwan Onorab William mon byen apresye mon war serten keksoz ki osi ou war dapre mwan. Akoz ou osi ou war Dimoun Grand Anse i bezwen dir ou pou dir sa pake dir ii ser. Ki ou dir li ou?  Ou kapab i dir li i ok i annan zis R1 ladan pour Parti Lepep.  Ou pa pou kapab dir li sa, li osi i soufer laba anler, laba anler Letyopi, Letyopi laba anler kot lavi i tough kot nou konnen pou dir bann dimoun i vreman pe soufer en bon pe ki ou pou dir li.

Se bann dirizan politik ki bezwen pran sa bann desizyon e nou pa kapab, nou pa kapab kontinyen, nou dan en sityasyon Mr Speaker kot nou annan 40poursan, nou ti annan oubyen nou annan 40 poursan lapovrete e tou bann lezot keksoz. Be selman pourtan dan 40poursan ki mizer nou annan bann koronpi ek briefcase ki mars avek briefcase. Nou’n war mon pa pe envant nanryen, nou tande ki i annan bann koronpi dan kitenge.

 

(laughter)

 

HON JEAN-FRANCOIS FERRARI

Nou tande pou dir nou 50 milyon Dolar in pas an pasan i al laba deor, dan briefcase.  Nou war bann dimoun dan palto nou krwar pou dir zot bann biznesmenn salerla zot bann mafia tousala nou war Sesel.

Be ki mannyer nou pou rekonsilye de-kote? Nou bezwen fer konpran sa bann msye ki enn bann keksoz pli enportan dan en pei se ki i annan lord dan finans piblik.  E nou, nou pou mete sa lord, nou pou mete lord dan finans piblik akoz nou krwar ki si nou met sa lord tou Seselwa pou kapab ganny en pti lavi desan. I pou kapab viv byen.  An menm tan nou pou eksplik Seselwa ki nou pou montre bann ki pa konnen kot nou pou met ou saving akoz i annan bokou Seselwa ki pa konnen kot zot pou met zot saving i travay tou son. Onorab Aglae in dir mon krwar, non Onorab Enesta in dir i annan dimoun in travay tou son lavi apre i napa en saving.  Be nou bezwen montre li kote i mete saving.  Saving pa met Amusement Centre, saving pa met dan Seybrew, saving pa met dan klib baka, saving pa mete dan ‘’pti ponm.’’  Saving i met dan labank.  E nou bezwen eksplik sa bann dimoun sa, sa ki en Gouvernman responsab i fer. Se sa ki en Gouvernman responsab i fer, i ede pou diriz son pep ver en lavi desan ver en lavi meyer kot nou pran responsabilite pour nou prop lavi.

E sa i konmans par ler nou vin dan sa lasanble nou dir laverite, nou pa vini parey bomaten pou nou tande ki tou keksoz i roz. Tou keksoz i roz; tou keksoz i roz, Sanmdi pase, Dimans pase 6er mwen en kar mon ti dan lopital mwan pe konsol en madanm, asistan ners ki pe plere, ki pe plere akoz i nepli kapab cope avek sa kantite louvraz ki annan laba dan son louvraz.  E i pe ganny menase in ganny raporte, akoz i pa kapab … Ler mon desann mon zwenn en madanm ki en asistan ners li osi, i pe al sanze 6er mwen sa boug i al pran en kar sekirite i pe al fer en lot louvraz sekirite apre, I fer de mare enn deryer lot.

Pourtan – pourtan si nou ti ekip pli byen, si nou pare parey Prezidan i dir i fer bann zoli parol pou gete ki mannyer nou rod bann finansman pour nou sistenm lasante, i dir sa an Zanvye la nou’n ariv Novanm zot pa ankor fer nanryen – pa ankor fer nanryen. ‘’Milyonner’’ pa peye ‘’Kaypouti’’ pa peye,’’ Pti Pol Leternit’’ pa peye, en lot laba pa peye. Be ki mannyer nou kapab viv dan en pei kot tou dimoun pa peye apre zot dir nou pou dir legalite, liberte, fraternite, sosyalis.  Zot pe anmenn nou dan en presipis, zot bezwen atak sa problenm kot i ete – dan son sours e zot bezwen aksepte ki in met zot in siport pandan 40an en Gouvernman ki ti dir zot nou pou anmenn legalite, me legalite i vedir mon lanmen dan ou pos ou, ou pos pou ou napa naryen pou ou, ou war.  Nou met larzan dan nou pos, pa dan pos Kreol se sa ki’n arive.

Alors Mr Speaker mon ava terminen an dizan, i enportan pour tou dimoun laba deor konpran e fer la diferans ant bann diskour politik ki nou’n tande e la zot in vwar zot tou zot in koze, napa enn ki pa’n koze mon krwar Onorab De Commarmond i reste li pour li koze.  Zot tou zot in koze, zot tou ti annan en parol politik ler i ariv pou zot dir nou bezwen met saler minimum R10mil zot tou, zot koze – ok?  Zot tou akoz sa zot kontan fer sa kalite politik koumsa.

Mwan mon anvi dir avek le pep Seselwa fer en distenksyon ant sa bann dimoun ki pe vin koz ek ou politik. Ki li menm li dan Gouvernman, li menm li lalwa i egziste parey Onorab Hoareau in dir i pa bezwen vin la pou donn ou R10mil li i kapab donn ou, selman i pe vin fer politik.  Fer diferans ant sa group ki pe vin bat ou latet ek sa lot group ki lot kote latab ki mwan mon ladan ki pe vin anmenn bann solisyon konkret lo ki mannyer nou kapab fer sa pei avanse.  Se sa keksoz ki nou bezwen retenir dan sa deba.

E mwan mon krwar ki si le pe Seselwa i retenir sa, i ava vin donn nou sa siport pour nou dir avek Prezidan Faure ou’n fer ou bout, ou’n ariv lo ou 2an mon krwar ou ariv lo ou limit la. Ou napa en parti ou bann dimoun dan Lasanble zot pe dir zot pa reponn ek ou sakenn pe fe son bout. I annan bann dirizan dan sa parti ki laplipar ditan zot pa ni la dan sa Lasanble nek zot antre sorti, napa nanryen ki pe pase. Ya, ya ya sa mon pou dir sa, napa leadership – ok sakenn pe fer pou li msye Prezidan ou’n fe ou bout, ou’n divorse.  La fanmir, sa gran fanmir SPUP, SPPF, Parti Lepep in kas an mil morso. Napa direksyon, napa lavolonte politik, kekfwa ‘’Sesel i pli gran ki nou tou’’ in ler pou dir be ok, mon’n al mon bout prezan mon ava pas sa dan eleksyon le pep Seselwa i ava deside, le 3 Oktob fotespere le pep Seselwa i rise up to sa, le 3 Novanm wi, ‘Nevanm’, ‘Nevanm’ ouswa Novanm, ‘Nivanm’, le 3 Novanm nou pou fer nou lamars dan en fason tre kalm, dan en fason tre respektab pour nou dir parey nou’n abitye fer, parey nou abitye fer, respekte tou dimoun fer nou travay dan lord dan lape, respekte lapolis, Senpleman fer tande nou lavwa dir avek sa msye silvouple sed la plas parey Onorab Gill ti pou dir, les LDS travay! Mersi bokou Mr Speaker.

 

(APPLAUSE)

 

MR DEPUTY SPEAKER

Mersi, Onorab Ferrari in ariv 3er 27 e mon krwar i ler pour nou pran en tea break.  Me zis avan nou ale zis pour mwan sinyal zot ki lo mon lalis pour koze i reste 3 dimoun apard the mover of the motion e mon annan Onorab Henrie, e mon annan Onorab De Commarmond e apre mon annan Onorab,

 

HON CHARLES  DE COMMARMOND

Mon pa ankor lev lanmen mwan.

 

MR DEPUTY SPEAKER

Pardon mon ti krwar ou’n leve lanmen. Mon ti krwar ou’n sinyale ou’n lev lanmen.

 

HON CHARLES DE COMMARMOND

Mon a koz ler mon anvi Onorab Ferrari pa ….

 

MR DEPUTY SPEAKER

Mon ti a kontan alor ler nou antre 4er ki nou annan en final list.  Eski ou pe lev ou lanmen Onorab De Commarmond?  Eski ou anvi koze?  Parski mon pe al ferm lalis la.

 

HON CHARLES DE COMMARMOND

Mwan mon pou koze mwan, mon a koz ler mon a santi mon anvi koze.

 

MR DEPUTY SPEAKER

Ok.

 

(Interruption)

 

HON CHARLES DE COMMARMOND

Wi, wi mon ava lev mon lanmen ler mon anvi koze.

 

MR DEPUTY SPEAKER

Mersi, mersi. Nou ava repran i 3. 29 nou ava repran 4er.

 

(BREAK)

 

MR DEPUTY SPEAKER

Bonn apre midi tou bann Manm Onorab, tou dimoun a lekout. Nou kontiny avek bann entervansyon lo Mosyon Onorab William, prosen lo mon lalis mon annan Onorab Gervais Henrie.

 

HON GERVAIS HENRIE

Mersi Mr Speaker.  Bonn apre midi tou dimoun. Mr Speaker Detrwa semenn pase ti annan en Mosyon kot nou ti anmennen ki esansyelman ti pe get en pti pe performans Gouvernman.  E si Gouvernman vreman ti pe delivre e si non nou ti pe demann en vot pou dir ek Gouvernman ladministrasyon msye Faure demisyonen. E largiman prensipal lo sa kote latab se ki ladministrasyon Msye Faure pa efektiv e ki Striktir Leta pe degrengole. Anfen ler mon get sa Mosyon ki’n ganny table par Manm Elekte pour distrik Grand Anse Mahe Onorab Waven William, bann largiman ki’n mete depi pwen 1, 2, 3, 4, 5 i al en pe dan menm largiman ki nou, nou ti pe met devan sa letan.

E mon krwar pou dir i ti pou’n fer byen si bokou sa bann komanter ti’n sorti detrwa semenn pase letan dan Lasanble nou ti pe diskit sa Mosyon.

Letan nou koz lo premye pwen lenzistis ek inegalite dan domenn travay dan sa de dernyen semenn letan ki sa Mosyon i vin Lasanble nou’n ganny plizyer legzanp sorti sirtou kot bann dimoun sorti dan sekter piblik, ki’n eksplik nou lenzistis ek inegalite ki i annan; ki mannyer bann kad saler i pa ganny byen defini an nwar e blan. Ki mannyer ki bann dimoun dan long servis pa pe ganny byen rekonpanse dan zot saler e ki mannyer bann dimoun ki fek rantre i parfwa pe ganny bokou plis saler ki zot.

In osi annan detrwa lannen pase revizyon ki ti ganny fer dan Gratwite ek tann servis e ki mannyer bann dimoun in ganny afekte. Letan nou osi koz lo 2enm pwen kondisyon lanplwa ozordi i kler pou dir Gouvernman pa’n regard ki mannyer i pey en nurse ouswa en teacher ki travay bann support staff pa’n kalkile sa bann keksoz e i en pe tro ‘’one size fits all.’’ Ki pa byen e anfet LDS pou plizyer lannen menm avan formasyon LDS bann diferan parti in koz en pe dan sa bann direksyon. E Gouvernman si ti senser pou fer en diferans dan lavi pep Seselwa, sirtou pou met an aksyon zot gran parol ‘’met zonm o sant devlopman’’ ti’n merit pran kont sa bann keksoz.

Par egzanp Leader Lopozisyon an plizyer repriz in kestyonn fason ki saler in ganny determinen Sesel. Minimum saler letan Gouvernman ti vin avek 50, 50 ti ganny kalkile lo kwa. E Leader Lopozisyon in koze lo la dan le pase pou dir ki ou pa kapab konmsi zis ou kas en sif dan ler e ofer en dimoun.  I ti bezwen annan en formil e i ti bezwen annan en rezon, Minis bomaten in koz lo levidans syantifik. Eski prezan ki Gouvernman di zour i reflesir lo sa pwen? T i annan en letan kot zis apre Koudeta zot ti dir ti annan en formil kot pli o saler i ti ava 8 fwa saler pli ba. Ki’n arive avek sa?  Parske ozordi dan sekter piblik i annan dimoun ki ganny peye plis ki R250mil par mwan, kan saler minimum i 5,050.  Alor ki’n arive avek sa?

Menm zafer letan Leader Lopozisyon in dir e in donn en propozisyon ki in donn en dimoun ki in fer en serten kantite letan tann servis, i pa kapab – i bezwen konmsi en saler ki akseptab. Letan ou tande pou dir en dimoun 35 an servis pe ganny li apepre R9mil par mwan, prezan sa dimoun ki fek vini sorti dan pos-segonder, parfwa i ganny plis ki li.  Alor oli lazistis ladan? Menm zafer letan Leader Lopozisyon ti koz lo, letan ti pe entrodwir personal income tax Sesel in koz lo posibilite pou entrodwir tax return, ki bokou pei i fer e ki fer i donn en incentive bann dimoun par egzanp si ou pa al kot dokter pandan lannen, a lafen lannen ou prezant ou bann depans Leta parfwa i rann ou en larzan.  E sa i vin en incentive pour bann dimoun debourye e annan responsabilite vizavi bann kou ki zot pe met lo letan.

Parske Ozordi letan Minis bomaten ouswa yer in dir ki i annan 400 mil konsiltasyon dan Sesel par an, be letan ou pe get popilasyon nou pei ok kont bann etranze ki isi 95mil lekel sa bann Seselwa ki al kot dokter mwan mon pa konnen mon pa rapel ki dernyen fwa mon’n al kot dokter. Alors lekel sa bann Seselwa ki pe al kot dokter.

Sa i tousala bann nide ki LDS e lopozisyon an zeneral in met devan.  Nou’n osi malgre largiman ki Onorab Valmont in met devan, konmkwa ki dimoun i dezapwente avek Lasanble, nou pa pe travay. Mon pa konnen kot i pase parski mwan dimoun i eksprim, ozordi avek mwan bokou satisfaksyon lo fason ki nou pe travay, sirtou pour ekler koripsyon e gaspiyaz Sesel e presyon ki nou pe mete lo Brans Egzekitiv pour fer retournen sa larzan pour ki alors zisteman i ava elev en pe presyon kou lavi lo nou popilasyon. E lopozisyon in mete deza bokou bann propozisyon depi pou fer lakantite larzan ki in pe bann pansyoner an term sekirite sosyal pou vin egal avek minimum wage set e propozisyon sorti kot Lopozisyon.

Nou’n osi apiye pour Trezyenm Mwan Saler, alor nou’n fer en kantite keksoz ki lotorite in bezwen tonm dakor avek.  Me Mr Speaker size kou lavi, kou lavi, bezwen ganny adrese e mon agree avek bann ki’n koz avan mwan ki i mank volonte politik vreman pour adres sa size.  Kou lavi nou’n anmenn PNQ lo la, nou anmenn Mosyon STC me ki vreman Gouvernman pe fer pou vreman anmenn, soulev, soulaz plito popilasyon an term kou lavi.  Nou santi ozordi pou dir STC i kapab fer bokou plis ankor.  Si STC i konsernen avek sa ki nou pe dir i bezwen annan aksyon e mon swete ki Lendi le 5 Minis Finans i ava donn nou en direksyon si bann, bann propozisyon konkret sorti isi dan sa Lasanble pou ganny adrese par Gouvernman atraver Diskour Bidze le 5 Novanm.

Egalman nou, nou konsernen ki sa Mosyon i pa devret i keksoz popilis ki en parti politik, i eksit dimoun pou dir sa posibilite i la pou dir sa karot ki ou’n met devan en torti pou sey fer li mars pli vit. I bezwen annan en plan konkret.  Deza nou’n vwar pou dir en Supplementary Budget in vin devan nou i napa en lendikasyon pou dir serten sa bann keksoz pe ganny adrese. Eski lendi le 5 Novanm nou pou vwar serten keksoz?  Mwan mon pa tro krwar poudir, sa i leka.  E dan sa pti moman letan Gouvernman eski in fer en konsiltasyon serye avek sekter Prive pou vwar ki mannyer sa bann keksoz i kapab ganny met an aplikasyon.  Sekter labank sirtou Labank Santral ki plizyer fwa nou’n tann Gouverner Labank Santral pe kosyonn nou lo nesesite redwir depans. Parski letan i annan en kantite larzan – liki dite dan sirkilasyon i ankouraz depans.  Dimoun pa neseserman save zot voyaz en kantite. Wi parfwa zot larzan pou zot, zot lib pou fer sa ki zot anvi avek – zot oule fer avek.  Me solman dimoun i bezwen pridan akoz i enpakte negativman lo lekonomi.  E  …i osi kwa ki i kapab fer?  I annan 2 labank ki tonm anba kontrol Gouvernman.  Pou kapab redwir to lentere par egzanp ki tousala i kapab soulaz en pti pe sa presyon kou lavi lo dimoun.  Dezormen nou al lo lasirans me solman kalite konversasyon ki Gouvernman n i kapab annan avek bann lakonpannyen lasirans avek bann konpannyen telekominikasyon ki nou, nou konnen i pe met bokou presyon lo wallet bann Seselwa tou le lafen di-mwan ler zot in ganny peye.  –

Ozordi i enportan osi i annan en konversasyon avek popilasyon – en konversasyon fran lo nou rezim taks dan pei.  E ansyen Minis finans Pierre Laporte a plizyer repriz in avoue ki Sesel i enn bann pei kot the burden of tax lo sak endividi i pli o dan lemonn.

E pour ou ki pe ekout mwan zis sey fer en kalkilasyon depi ler ou leve ziske ler ou al dormi, sak depans ki ou fer i annan 15 pour sa VAT lo la par keksoz ki ou aste lo elektrik, lo delo, tou sa bann keksoz konmsa. Lo telefonn ki ou servi, lo fuel avek son excise tax fee R8, tousala i annan en, en kou e en presyon i mete lo nou.

Me osi enportan i annan sa size gaspiyaz avek koripsyon loter Mosyon in mansyonn sa an riflan e mon ti ava kontan ki bann dimoun lot kote latab ki’n koze ti ava kapab adres sa en pe pli direk e dan en fason en pe pli for.  Parski vreman, vreman gaspiyaz e koripsyon pe met en kantite presyon lo sa pti resours limite ki pei i annan.  E depi ler ki 6enm Lasanble in vini nou’n tann plizyer bann sift re sokan zis yer atraver SBFA 80milyon ki’n ganny pran e pa ankor retourn dan kof Gouvernman.  Dan lanket FPAC detrwa semenn pase R16 milyon r ki’n ganny tire dan en kont kot bann larzan ki ti’n ganny sezi dan offshore account e ki’n zis ganny, in ganny transfer dan en kont larme apre tore san okenn paper trail 16 milyon letan nou’n met bann konte ansanm.

Me lannen pase pa bliye, Onorab Clifford Andre ti al ankour e fer en pti resers e vwar tou bann kont ki’n ganny sezi ki sipoze antre dan Consolidated Fund me ki pa’n ganny accounted for vizavi bann rapor finansyel Gouvernman nou pe koz plis ki R220milyon roupi. I annan osi sa 50milyon yer dan rapor FPAC lo dyaliz ki nou’n antann ki health care agency in depanse an plis ki si li i ti provide sa servis. I annan apre sa fame 50milyon Dolar.  So, tousala ansanm dan sa pti pei dan sa pti peryod letan depi retour militparti ki kantite larzan ki sa pei in gate atraver koripsyon, atraver move zesyon fon piblik, atraver gaspiyaz e tousala in fer ki kou lavi in mont an plis ki i ti devret monte.

E ozordi Mr Speaker mwan mon krwar nou ti merit annan en better deal from Gouvernman.  Akoz ler nou pe get nou grander popilasyon ler nou get resours ki pei i generate sirtou atraver tourism e mon pe priye ki toulezour ki en zour vwar delwil e mon osi swete ki mon ava annan en sanzman Gouvernman ki ava pli byen zer sa resours pei. Nou dwatet bokou pli byen.  Petet nou merit annan pli bon semen, plis lalimyer, bus stop ti kouver, nou bann klinik merit napa fungus, i merit santi bon letan nou antre. Nou bann lekol pa merit mank lafnet i merit annan fan. I merit annan bann fasilite pour manrmay pe zwe dan distrik, pa en bann pti playground ki son fence in tonbe, zouzou in dekoke napa, konmsi nou ti merit bokou pli byen.

E anfet keksoz ki dan bann reform ki nou merit pe konsidere letan, si nou annan sa volonte politik se sa burden ozordi ki nou sistenm proteksyon sosyal pe mete lo pei. E nou bezwen fer en assessment profound ladan pou vwar pour dir vreman sa ki merit pe gannyen i ganny li, i merit pe gannyen. E mon ava termin avek e lide Mr Speaker ki bokou pei dan lemonn zot in zwe avek e zot in santi pou dir parfwa zot annan resours e ki mannyer sa resours i kapab ganny partaze dan en fason zis e ekilibre. I annan en konsep ki apel Basic Income Proposal kot bann dimoun ki an faver sa e dimoun e diferan bann gran businessman Mark Zukerman par egzanp i siport sa, Branson ki annan lakonpannyen ‘Virgin ‘i siport sa kot zot dir ou pou dir larzan i solisyon pour soulaz dimoun dan lapovrete i amelyor ledikasyon lasante e standar lavi an zeneral.

E i kree en balans dan lekonomi kot en pti group dimoun deplizanpli pe vin ris. E anpese ki lezot i al dan lapovrete alors ki zot dir ki Gouvernman i donn en saler tou dimoun tou le mwan, e sa i enkli osi zanfan.  Akoz pei osi parfwa sirtou pei ki annan delwil, ouswa nou dan nou ka par egzanp tourizm lakantite larzan ki antre so Gouvernman i donn ou en larzan, me selman ou bezwen annan sa sans responsabilite ki pa konman ou gannyen ou taye ou depanse akoz i pou bezwen vin egzakteman ki Onorab Hoareau ti pe koz lo la. vitman I annan en kantite likidite pri komodite i monte i kre lenflasyon.

E dan serten pei zot menm dir ki sa letan zot fer i ankouraz bann zenn koup ki santi presyon lavi pou fer zanfan.  So, bann pei kot i annan low birth rate zot in vwar pou dir sa i kapab ankouraz bann zenn koup pou fer zanfan.  E depi an ‘67 Martin Luther King en fwa ti koz lo sa konsep, e an 68 Prezidan Johnson Lanmerik sa letan zot ti sey konmans eksperimant avek sa kot en group dimoun ti ganny en saler tou le mwan. e apre an 82 dan letan Alaska an servan zot larzan rezerv delwil zot ti osi sey fer sa eksperimantasyon. Me depi 2017 bann landrwa par egzanp Hawaii in pas en lalwa ki obliz Gouvernman konsider sa konman en solisyon pour rezourd sa problenm inegalite dan sosyete e pour atak lapovrete.

3 lezot Leta Ameriken par egzanp Californie in osi eksperimant avek sa, Canada Ontario in fer sa, Ferlann, Olann dan letan Uthrek, Kenya anfet li osi in konmans avek sa experiment kot in pran, zot in ofer pilot apepre 12 an kot 6 mil vilazwa pour ganny en income avek Gouvernman, e Taiwan li i pe konsider sa pour li adopte konman en experiment.

So, par egzanp letan nou pe get nou Welfare Bill ki pe tonm apepre en bilyon 293milyon 915mil Roupi, prezan en dimoun li i kapab pe kalkile e dir be ekout en kou, be mwan mon travay dan prive mon kontribye taks mon pa al kot dokter. Mon pa pas dan dis akoz mon annan mon pti transport mon’n fini aste mon lakaz, lakantite ki mon met dan Sesel konman en leta e sa ki mwan mon benefisye avek letan mon balanse i pa tonm parey – i pa ekilibre.

Donk, zis mazinen si demen ti annan sa posibilite, ki prezan nou dir be ok tou dimoun i ganny en larzan avek Gouvernman ki prezan sa larzan tou bann zanfan dan en fanmir 8 dimoun zot ganny met ansanm zot kapab pey en carer pour zot paran.  Zot kapab pey en dimoun pour lave, pou drese kot zot, pour vey zot zanfan i kree en nouvo dinamik dan lekonomi.  Me selman sak endividi i bezwen annan gran, gran responsabilite, pou ki an menm tan ou pa zis dir ou’n ganny larzan akoz sa menm si ou pe travay i vin en lot income.  

Me zis kree sa plis larzan dan pos dimoun e osi ou bezwen mazinen pou dir Gouvernman in koz lo en National Sovereign Fund.  In fini anonse nou e esper bann detay – tousala i bann keksoz ki mon vwar Mosyon i pa’n koz lo l.   Me nou ti ava swete ki dan Bidze le 5 Novanm nou ganny en pe plis detay si sa pou vini menm.

Alors Mr Speaker sa ki mon ti anvi dir lo sa Mosyon mon ti ava’n swete vwar, pou dir i ti ava’n en keksoz ki zot in loter Mosyon pli kalkile anmenn en pe levidans plis syantifik donn en pe sif e apre pozisyon Parti Lepep ti ava en pe plis armonye akoz mon’n vwar pou dir zot in plito vin plis avek bann largiman en pe popilis, kot zot pe eksit dimoun dan en moman kot zot popilarite politik tre, tre feb LDS i lo en ‘wave’.

E se pou sa rezon ki nou pe desann le 3 dimoun konmsi pe vreman vin par deryer nou pe desann anvil le 3 anfet sa premye meeting sa Komite la ki Onorab Hoareau in propoze pou get sa bann zafer la premye meeting pou fer kot Stad Popiler zis avan sa lamas i konmanse alor welcome Onorab Hoareau ou kapab ganny elekte konman Chair si ou desann.  Donk mon ti ava annan sa pou dir e mon remersye zot pou zot latansyon. Mersi Mr Speaker.

 

MR DEPUTY SPEAKER

Mersi Onorab Henrie.  Onorab De Commarmond.

 

HON CHARLES DE COMMARMOND

Mersi Mr Speaker.   Ankor enn fwa bonzour tou dimoun.   Bonn apre midi.  Be Mr Speaker nou pa pou pran bokou letan pou koz lo sa Mosyon.   Nou al straight to the point mon krwar sa Mosyon i en bon Mosyon.   E pa bezwen nou fer en ta politik.  Politik popilis whatever they want to call it.   Mwan mon krwar mon nou pe koz gran dimoun.  Nou pe koz sityasyon kondisyon nou pep e premye bout la mon pou dir mwan mon bezwen felisit tou bann Seselwa ki pe travay serye, travay dir ki pe donn tou zot bann devouman dan zot travay e ki pe fer sa  pei kontinyen avanse e kontinyen anmenn bann rezilta pozitiv, ki larezyon i tre rekonnet ki lemonn i pe rekonnet.

Sa deza dan li menm, i vedir en gran keksoz.  E bomaten nou’n ganny lapros konkret par le Minis ki’n vin eksplik nou lo sa.

E ankor enn fwa si Gouvernman pa pe marse, si en pei pa pe bouze e napa keksoz pozitiv ki pe arive, ou pa pou gannyen sa bann rezilta koumsa.

I montre klerman poudir ladministrasyon Msye Faure ladministrasyon nou Prezidan anba gidans nou parti i pe bouze i e anmennen sa pei délavant.  E i pe fer en keksoz marse. E nou pep i bezwen rekolte sa pri.

La Mr Speaker e napa nesesite pou desann Sanmdi.  Pou desann pou kwa?

 

(laughter)

 

HON CHARLES DE COMMARMOND

Ou konpran?   Mon pa oule tard sa pep ankor mwan mon  pe dir.  E mon lans lapel ek Seselwa al fer zot keksoz ki enportan pou zot kapab amelyor zot lavi olye desann vin gat letan avek sa bann dimoun!

 

 

(laughter)

 

HON CHARLES DE COMMARMOND

Now Mr Speaker an menm tan bomaten nou’n tande e la mon repete nu parti nou parti depi SPUP/ SPPF/ Parti Lepep e la nou pe aranz li ankor la.  Nou pe fer li Parti Lepep pou en rezon en nou pe aranz li.   E sa sanzman la sanzman dinamik dan nou parti i bezwen kontinyen sa. I bezwen kontinyen pou ki o firanmezir ki nou avanse osi Parti i bezwen get li i bezwen aranz li i bezwen pou li an menm tan ki vin pli bon pli byen pli efikas.   E ki reponn a lapel dizour.   I reponn al lapel dizour.  I reponn a lapel lepep Seselwa.   E pep Seselwa i demann reste konnekte avek sa Parti Lepep la.  Akoz Parti li menm i vedir en gran keksoz pou li e in tir li lwen in tir lwen, akoz nou pe kondisyon travay la.  Kondisyon travay ler Parti SPUP ti pran pouvwar letan Parti Lepep in kontinyen avek li e Parti SPPF tousala nou’n sorti lwen e leksplwatasyon ti serye dan pei.  Savedir kondisyon travay a ti bon ditou.  Se sa rezon prensipal sanzman ti vini. Now, pran sa met laba akoz i en bon pe letan e nou’n fer en ta progre pandan tou sa letan.  Me k nu pe remarke Mr Speaker.  Le problenm k nou pe koze la se ki i annan volonte politik.  Me pei i devlop sitan vit.   E nou bezwen ozordi annan en ta etranze i nou bezwen anploy pou travay.  E an menm tan ou annan bann lezot fleo ki pe afekte nou lafors travay nu bezwen aksepte la devan nou sa bann keksoz.  Me nou, nou pe dir – e bann Lalwa i ganny sanze o firanmezir ki annan improvement pou fer.  Me bann diferan Lalwa i la.

E bann lenstans bann lenstitisyon i’n ganny organize ganny fer i la dan pei.  E nou pe dir sa Mosyon pe lans en lapel avek konsernen pou zot kapab desarz zot rol ek responsabilite zot osi.  Mon pou donn detrwa legzanp pou mon eksplik sa ki mon pe sey dir.  Nou menm nou FPAC nou ti al La Digue ler nou ti al L’Union Estate.  E ki nou ti vwar sa madanm ti vin koz ek mwan.   Mon ti koz avek Chairman FPAC mon dir la i annan en sityasyon e ki nou pa kapab tolere – nou pa’n kapab aksepte.

En madanm 35an pe travay dan L’Union Estate i ankor pe ganny li saler minimum.  Be si la napa nanryen pou fer ek Prezidan. Prezidan pa kapab vin get sa laba li.  Be sa lenstans la sa lorganizasyon i bezwen pe get son travayer.  Ou’n gard sa dimoun la pandan 35an savedir i ti en bon travayer.   Si i pa ti bon ou’n ti’n met li laba.  Ou ti ava’n dir li ale.

Me si i ti en bon travayer ki ou’n gard li la ou’n bezwen get dan son welfare.  Mwan mon issue i dan sa bann direksyon koumsa.  E sa mon pran zis en legzanp.  Be sa i annan plizyer landrwa kot pa pe ganny gete.  Ki dan Gouvernman e ki dan prive.  E nou, nou pe dir Gouvernman ou, ou bezwen pran en responsabilite osi lefe ki nou pe met ziska devan e nou pe dir silvouple dan bann diferan lenstans la bann diferan landrwa ki annan responsabilite depi son DPA partou nou pe dir get byen ladan e fer sir ki sa bann keksoz i pa arive i pa kapab kontinyen arive.  E nou pe dir prezan prive li i pran legzanp i gete i fer swivi li osi kot li i gete si i amann bann ka i take up.

        E prezan nou rapel bye nou.   Dan nou Lasanble nou’n koz sa plizyer fwa ot i konsern par egzanp bann pansyon.  E nu lans sa lapel ankor la.  E nou’n koze ek Prezidan nou’n koz ek Prezidan lo la dan leaders forum mon rapel mon ti annan Onorab Ramkalawan, Onorab Patrick Pillay former speaker ti la nou’n dir ki sa zafer non, non (Onorab Ferrari les mon koze e mon pe eksplike) e n dakor in, donn en direktiv ok in dir al regarde don mon en cost – mon le konnen ki kantite larzan sa konsernen sa.   E ki kantite keksoz ki pou ki deranze pou ki nou deranze.

Ok la i fer konsern bann pansyon bann dimoun ki ti ki nou’n fer en bout Lalwa pa ase nou’n vwar pou dir sa bann keksoz i bezwen ganny gete.

Apre i annan letan Lalwa pansyon ti sanze in annan ki nu osi ganny afekte.   Nou pe dir annou gete si nou kapab get sa bann keksoz.  Akoz cost of living in monte e sa bann dimoun zot i ganny de pare zot pansyon i annan keksoz ki pa byen la.  Nou dir dan letan kot nou été ozordi annou get en kou. Si napa keksoz ki nou kapab fer.

 Ok, alor i annan en volonte politik.  E Prezidan in donn en direktiv demann ou in donn direktiv in dir al regarde.

So i bezwen en feedback lo la.   Ok?  Napa 1an – napa 1an  Onorab Pillay napa 1an depi ler in ale.  Konman Speaker napa1an.  Ok so i sanmenm sa lannen sa.   Anyway … (les mwan fini koze?  Ok?  

        Now lot keksoz ki nou kapab koz dir ankor ladan e ler nou pe koz lo sa bann kestyon pozisyon travayer ok alor nou pe kestyonn son Gratwite.  Nou’n dir sizesyon in ganny mete e ti olye 1.25poursan fer li vin 1. Oubyen 2poursan.  Konmsi de zour savedir.  1.75 oubyen de zour pou kapab baz Gratwite lo la.  E menm zafer avek konpansasyon plito. Baz konpansasyon.  E menm zafer pou Gratwite.  Nou pa kapab les travayer tou sa letan i travay avek ou la e Gratwite sanmenm tou ki i gannyen a lafen mon krwar R6mil.

Me ou pa kapab apre 25an en teacher lotrozour teachers bann ki long term lontan dan teaching.  In ganny bann pri.  E zot gratwite zot kite e nou pe dir i bezwen revwar sa bann keksoz.  Ki mannyer nou dan Lasanble Gratwite pa mal ditou e li laba deor li osi pe trimouse akoz i pa ganny gete.

So nou pe dir sa bann keksoz nou pe dir revwar gete e vwar son e sa i pa aplik zis pou Gouvernman i aplik osi pou prive.  I annan Onorab Basil Hoareau i annan parfetman rezon i annan keksoz ki pou aplik atraver Lalwa.  I pou annan en lefe.  E fodre pa an menm tan mon dir lotrozour la nou’n koz lo Trezyenm Mwan Saler nou’n obliz tou dimoun donnen depi prive ensidswit mon pa vin kont sa as such mon me selman nou pe dir osi an menm tan ler n fer bann sanzman nou bezwen byen kalkile.  I pa kapab vin zis popilis.

E mon krwar en legzanp taler in ganny donnen si ou pou fer en baz saler minimonm en sif pou zis konmsi dan en fason brit al dan en sif, nou bezwen reflesir.  Si non nou menm nou sa ki le dir parey dikton ‘’sa ki le konmanse sa ki le fer sa konmans li menm.’’  So ou’n konpran so nou bezwen pe e di bann keksoz ki.  Mon panse i fer en pe sans lo sa bann keksoz koumsa ki reel, ki meaningful, ou konpran mwan.

Par egzanp Mr Speaker nou’n koz lo Trezyenm Mwan Saler.  IOT la nou pe lager ou rapel o menm Mr Speaker letan IOT ti formen ou menm ou t laba sa bann keksoz mon krwar petet ou konn en pe ki mannyer keksoz i été.   Ou ti PS soz sa letan – Finans.   Be ozordi sa letan ti napa Trezyenm Mwan Saler pa ti lo topik.  La ozordi nou pe dir IOT i bezwen donn en Trezyenm Mwan Saler.  Be si Lalwa ki mannyer i été la i riske dir ou non ‘’sorry mon pa pou donn ou mwan.’’  Ki mannyer keksoz i été letan PS Finans in vin diskit ek nou sa letan zafer mon pa pou kapab donn ou.’’

Be nou, nou bezwen sanz Lalwa.   E Lalwa nou pe dir avek Lotorite anmennen mon krwar la zot in fek anmennen.  Nou Lasanble nou bezwen pa tarde Bills Committee get sa Lalwa sa Prozedlwa Zafer Taks la e  lezot ki vini pou nou kapab fer IOT donnen.  I annan larzan pou donnen.  Be Lalwa akoz i napa Lalwa zot servi sa leskiz.  Ou konpran mwan?  So ler nou pe koze ki Gouvernman i i bezwen fer sa bann keksoz la volonte politik i la li.  Be Prezidan li i pa fer Lalwa li.  Lasanble ki fer Lalwa.  E Gouvernman i vedir sa 3 Brans i bezwen pe azir ansanm nu tou nou bezwen pe donn en serten koudmen.  Ou konpran mwan?

So mon pa pou dwell lo la tro bokou.  Me selman i kler sa.  E nou, nou bezwen pans Lalwa.  Pou fer sir ki IOT i en tan ki Lalwa pa pase Gouvernman li i bezwen rode li dan son Bidze.  Donn sa larzan az i annan 40poursan share dan IOT.   Pou fer sir travayer IOT i ganny son Trezyenm Mwan Saler.  

Nou a pe koz lo koud lavi pri marsandiz.   Pa ni bezwen met legan Mr Speaker i annan keksoz ki mal.  E ler letan bezwen dir mal e bann lenstans lenstitisyon pei i bezwen montre zot bout.  I bezwen annan en legzanp konkret.  Pe koz mon bwat ton.  Onorab Ferrari i mansyonn bwat ton.  En tre bon legzanp bwat ton ki IOT i prodwir i kapab met lo market R12 diferan kalite 12, R13 R11 whatever.

Sa marsan li li zis i vin aste kot IOT wholesale i ale dan son laboutik 22 – R23 ou annan parfetman rezon that’s bad.  E sa i mal e sa pou mon i apel abiz lo travayer pou sorti la anvil pou vin dan ou laboutik pou met R10 lo la just like that. Me nou bezwen deal avek.  Akoz la nou dan en peryod liberasyon ekonomik e privatizasyon ekonomik.  E zot menm zot ti pres sa.  E prezan nou pa kapab kontrole.  Si oule nou kontrole mon napa problenm mon.  E nou, nou kapab nou dir Prezidan konmsi pran sa onboard fer desizyon pei ki nou annan pri kontrol nou etabli pri kontrol parey avan ti été.  Me nou pa pe dir sa ozordi.  Konpetisyon i bezwen les li ale prezan.  Akoz nou WTO nou dan COMESA – konpetisyon nou dir nou bezwen fer liberalizasyon, privatizasyon – korek.  Be i bezwen annan bann lenstans ki li pou vwar kote problenm i été pou take up tou sa bann problenm.

Alor IOT nou demann li pran sa bwat ton prodwir ankor lakantite plis nou annan en bon pe ton la.  E la ton pe ogmante met laba tou le semenn.  Fr en nespes lafwar met fer kot ou landrwa laba ou laboutik ou kot IOT anvil.  Mon krwar zot deza pe konmans fer nou dir ogmante.  Vann sa ton R12, R11, R10 laba.  Vann pa plis ki en kartron par dimoun.  E anpese ki bann marsan i vin aste sa an soz, apre pou bat latet dimoun avek.  Vann ek sa senp Seselwa.

Nou pe dir ki Seselwa i servi en bwat ton fer krwar en fanmir i servi en bwat ton ouswa en dimoun par semenn i fer li 4 par mwan?  Deswit la lo en bwat ton lo sa baz koumsa i pou save li R40 zis en marsandiz sa en.   En bwat ton sorti olye ki aste sa R23 ouswa R22 dan laboutik i aste li R12 sepa R13 la kot IOT i ete.   Deswit en bwat ton R10 i save.  4 bwat ton i fer R40.

Mes amis bann Onorab Mr Speaker me la si lotorite ti tann nou e i konpran nou be sa keksoz i kapab ganny fer e ale lo 8 10 prodwir.  E i pa fer saving enportan pou en fanmir.

 Now ki i arive IOT i oule sey fer sa.  FTC i vini i, dir li tyonbo en kou ou napa drwa fer.  FTC Fair Trading Commission olye Fair Trading Comission al deal ek cartel i le dil ek IOT la.  E nou, nou pe dir Prezidan ou’n i annan political will.  Akoz Prezidan ti dir pou fer bwat ton desann.   Me zisteman be pa li ki pou vin vann sa ton.  Ki mon pe dir ou se ki i kapab ganny arive relman.  Me i annan en lenstitisyon ki li i pa pe get sa byen.  Li i dan en problenm avek e la nou pe lans en lapel Minister Finans Gouvernman sa FTC, deal ek sa sityasyon e si fodre tir VAT osi lo bwat ton fer li desan ankor bokou plis.  So e sa en lapel nou pe fer serye e i kapab arive pa ni bezwen met legan sa.

        Alor nou pe demande atraver sa Mosyon ki sa bann keksoz la i ganny akt lo la sa napa okenn rikord ki’n ki renye Onorab Henrie sa ki nou pe dir i pou arive.   E ou pou trouve premye ki pou vin aste ton ou menm.

 

(laughter)

 

HON CHARLES DE COMMARMOND

E mon pe dir i pa manz ton ok les li.   Mwan mon pe dir alor i annan en kantite keksoz konkret ki kapab arive dan sa pei.  Zot pe koz nou marsandiz isi nou pa fer en kantite nou bezwen enporte.  Be enporte i pa nou sorti konmsi the other side of the world, i annan ki sorti lanmenm la ater Dubai, lanmenm la pa ni lwen.  E Lotorite, Custom, i bezwen konnen SRC i bezwen konnen sa marsandiz si i sorti la Dubai ki pri an zeneral i kapab annan en plus 10 – 15% diferans ki pri sa pe vann laba Dubai.   Pa kapab letan i vin isi lo manifest laba sa pri inflate lo ou lalis ou pri inflate in monte.  E mwan mon’n deza met Mosyon de fwa dan nou Lasanble.  Ok?  Kot nou annan fason pou nou kapab annan kontrol.  E la nou lans en lapel FTC i kapab take sa onboard.  Ozordi ou pa ni bezwen al kree en lenstitisyon ankor li menm li i kapab zis gete.   SRC i kapab zis li menm li gete,.  Custom i kapab gete.  Just ozordi nou annan tou sa bann social media la sa bann teknolozi olye al fer bann ensinifyan lo la ki mon vwar zot pe fer lo la partou sa bann keksoz pozitiv fodre reservi avek sa teknolozi.  Pou nou kapab konnen dir ek sa marsan tyonbo.   Nou pou si ou pa aranz sa pri la nou pou koup ou license.  Ou bezwen pran zot license.  So i annan bann mezir ki nou bezwen pli serye lo la.  E nu nou demann en nou lans en lapel pou, fer si ki sa bann keksoz i arive.

E mon pe dir ki en kantite keksoz Mr Speaker i kapab arive e i kapab arive vitman si bann lenstitisyon ki nou pe dir fer marse i bezwen zot osi sakouy zot e pran zot responsabilite.  Nou a pe koz lo sa tax lo non taks lo propriyete pou etranze.

Be tax propriyete etranze in ganny dir.  Be in ganny dir be Prezidan li i pou desann pou al fer e ou konpran i annan SRC i bezwen ale al aksyon lo la.  I annan problenm la lo aksyonn-en.  Ou konpran mon so nou pe dir sa bann lenstitisyon silvouple sakouy zot ale pran sa bann aksyon ki nou pe dir akoz ler nou pa pran bann aksyon lanmenm la nou krwar pou dir keksoz pa pe marse nou vwar i pa pe marse.  E prezan zot le desann.

Me pou donn ou pou bezwen al tir sa bann lenstitisyon dir me ou konpran. E sa ki ansarz sa bann lenstitisyon souvan fwa i bann dimoun zot menm zot lo lot kote latab zot in negosye ansanm pou dir ok nou met sa nou met sa.

Be nou vwar prezan pe refoul ek nou.  E sa mon dir Mr Speaker volonte politik i la en kantite keksoz nou kapab fer e nou, nou pe lans en lapel en lapel for e nou, nou pou fer sa.

Parey toultan nou’n fer e nou pou kontinyen.  E nouvo Parti Lepep pou pli serye ankor lo la.   E tou letan nou pou remind Lotorite nou pou remind pa zis nou Lasanble me Gouvernman li menm pou fer sir ki pri lavi dan nou pei i desann i vin abordab pou Seselwa pou tou nou Seselwa.

De pwen avan ler mon fini Mr Speaker an vites i nou pe koz la lo rate forex.   Sa i annan en gran rol pou zwen en gran lenfliyans lo pri komodite.

Be pri forex i kapab aranze akoz nou’n vwar lotrozour i kler sa bann labank e bann Money Changer sirtou Money Changer zot e zwe en rol enkrwayab ladan.  Zot annan en responsabilite direk ki zot bezwen.

E prezan Central Bank i annan en rol pou li regulate sa pou li met kontrol.  Be Central Bank li prezan i dir ou li ariv ziska la.   Apre sa i vin SRC.   Ou konpran mwan?  Be Minister Finans i bezwen lo par lao tou sa ou ti PS Mr Speaker.  Pa ou bezwen par lao tou sa non?  Finans i par lao tou sa li oubyen non?  Ou pa dir nou nanryen.

Be ou konpran so nou e dir ki i bezwen annan en rol si napa zot tou zot bezwen ganny called to order pou kapab met en kontrol ek tou sa.   Ou konpran mwan?   I pa en kestyon pran zis pran larzan zis met labank pou save.  Pran larzan met labank pou save sa ki in vin pran loan epi se sa bann ki annan menm.  La i annan en lot zwe sa mon pa en lot zour nou ava koz sa konversasyon.

Dernyen keksoz Mr Speaker nou pe koz travayer Seselwa vizavi travayer etranze.  La i annan en rol enportan Minister i bezwen fer.  E nou pe vwar detrwa letan la ki mannyer sa keksoz i e vin out of control.  

E primordyal an nou bezwen pe get nou travayer Seselwa.  Travayer Seselwa fasilman san ki Gouvernman i al dir saler debwaz i tan sa saler debwaz i pou mont otomatikman si en anplwayer ler i pou anploye i anploy en Seselwa olye en etranze.  Akoz ek en etranze en depans plis.

Me pran en pe sa depans anvoy lo sa Seselwa.  Ou konpran la Seselwa li osi nou bezwen sakouy nou en pe. E donn en pe plis responsabilite.  E an menm tan li Welfare – Welfare i bezwen gete e welfare i bezwen pe travay vizavi sa ansanm avek sa.  Welfare li pa kapab donn welfare sa dimoun pa pe travay.   Nou bezwen kapab met dimoun dan travay.  E therefore ou pa les enport sa etranze pou travay.  Konmsi i annan en kontrol la en keksoz ki nou anvi fer li sa bann Minister sa bann departman i devret pe kapab fer.  E nou, nou ensiste e nou pe met en presyon pou dir avek zot lotorite silvouple fer sa.  E prezan Prezidan li i pa kapab desann fer tousala li menm.  Akoz in diskite dan Cabinet laba in dir fer koumsa be i bezwen ganny fer.  I menm zafer kot Planning ensidswit tou sa bann zafer.

Mr Speaker nou ava aret la mon krwar nou kler lo sa ki nou pe koze nou kler lo vizyon e lo responsabilite ki annan devan nou.  Nou kler lo sa  Mosyon e sa Mosyon  i pe demann senpleman pou dir avek bann lenstans ek bann lenstitisyon e Gouvernman zeneral travay plis wi, wi, e fer sir ki sa bann keksoz ki pe ganny mansyonnen dan sa Mosyon i ganny korize   e i ganny rektifye i ganny aranze organize pou ki pep Seselwa i annan en soulazman.

En soulazman pa zis an mo.  Me en soulazman reel.  En soulazman ki vwar son lavi amelyore e son kondisyon lavi improve e ki i santi li en pep, i santi li en dimoun en fanmir ki bokou, bokou pli byen e sa i kapab arive.  Pa ni bezwen desann Sanmdi – sa bann zafer i kapab arive e nou demande ki i annan en nou annan Bidze ki pe vini nou a koz ankor lo la dan Bidze.

E nou a gete sa voyaz dan Bidze keksoz konkret.  Nou ava dir lala vwala bann keksoz konkret i annan political will alor ki sa bann keksoz i kapab arive.

Mr Speaker nou siport sa Mosyon.  Mosyon i bon e nou lans en lapel avek tou dimoun sirtou lot kote latab pou zot siport sa Mosyon.  E enn fwa ki ou siport sa Mosyon ou pa vwar ou en nesesite pou desann Sanmdi.

 

(laughter)

HON CHARLES DE COMMARMOND

Alor nou ava ale koumsa nou ava aranz nou pep nou ava fer sir nou pep i a dan en pli bon sityasyon.  Mersi bokou Mr Speaker.

 

MR DEPUTY SPEAKER

mersi Onorab De Commarmond. Ou ti’n demann en kestyon pli boner mon pa’n enteronp ou.  Minister Finans i en lorganizasyon Gouvernman Labank Santral i en lenstitisyon endepandan. Regilater monneter pa okouran ki Minister Finans i kapab donn lord Labank Santral.  I pe fer sa     then i en drol rezim ki diferan.  Mon pa konnen.  Me vwala prosennman lo lalis mon annan Onorab Wavel Woodcock.

 

HON WAVEL WOODCOCK

Mr Speaker sa Mosyon ki devan sa Lasanble i enn ki vreman enteresan.  Ler mon pe ekout bann entervenan lo lot kote latab ennler mon demann kestyon si zot bann dimoun mon pa konnen ki sorti lot plannet ki fek debarke Sesel.

Mr Speaker i kler pou dir si nou pe get sityasyon Sesel ozordi, nou vwar pou dir bann Manm sirtou lo lot kote latab zot pe viv dan denial akoz mon pa krwar zot pe viv dan menm Sesel ki zot pe viv ladan akoz i kler lo tou bann deba bann Mosyon ki’n anmenn devan sa Lasanble Nasyonal, ki Sesel ozordi nou douler politik e ki zot pe sey zot mye pou penn en portre ki pa vreman larealite nou pei ozordi.

Mr Speaker parey nou’n dir, sa Mosyon ozordi i enn ki vreman enteresan spesyalman sa bout dan sa Mosyon ki demann Gouvernman pou koriz bann lenzistis e inegalite a tou nivo kot i posib tenir kont kalite travay vreman risk eksperyans ek konesans.

Mr Speaker si nou pou koz lo inegalite lenzistis ki Sa Gouvernman in fer, sirtou kot i konsern lanplwa saler e kondisyon travay i pou pran nou plis ki de semenn pou nou koz lo la.

Ozordi Gouvernman Msye Faure li menm pe met lanfaz lo bann term ki pou plizyer Seselwa an deor zot pa pe tro ganny en konpran.  E zot pe fer sa Mr Speaker dan zot attempt pou fer Seselwa krwar ki tou keksoz i an roz Sesel.

Ozordi nou pe tann Minis e prezidan osi koz lo Human Capital Index e osi lo United Nation Human Development Index.  

        Mr Speaker kekfwa parol pli enportan ki Onorab Waven William ti dir dan son entervansyon lo son Mosyon se ki ou pa kapab met Human Capital Index dan kastrol.

Ozordi Sesel in ganny plase 43enm dan 150 pei dan lemonn lo Human Capital Index.   Prezidan dan en ladres resaman e menm Minis bomaten Mr Speaker in vin devan sa Lasanble e tou lede zot in koz labous plen lo Human Capital Index Sesel.

Me Mr Speaker human capital index i mezir lenvestisman Gouvernman dan ledikasyon ek health care pou bann zenn.

Me le kestyon ki nou bezwen demande se oli rezilta sa bann lenvestisman.  En keksoz ki Prezidan Faure pa’n koz lo la.  Ler i ti pe koz lo son swadizan sikse dan sa dernyen 2an se le loportinite pou bann zenn dan zot prop pei.

Ozordi Mr Speaker nou annan nou 21 mil etranze pe travay Sesel.  Ladan en bon pe sa bann etranze swa zot GOP in e expired swa zot napa GOP. Nou pe koz lo inegalite e lenzistis Mr Speaker ozordi Sesel etranze pe pli byen pase ki Seselwa.

Dan bann deba dan lepase nou’n koz lo plizyer ka akoz etranze pe ganny pli bon saler package ki Seselwa.  Sa disparity ant saler Seselwa etranze i tro larz i tro bokou.  Annou pa bliy dan lepase sirtou dan deba dan Bidze lo FIU NDEA.  Annou pa bliy sa trainer lisyen Irlande ki ti pe ganny en saler plis ki R100mil pou train lisyen.

Air Seychelles osi pa tro bokou letan pase ler nou ti pe get saler enn sa bann etranze ti annan sa fame  madanm etranze Mr Speaker en Sud Africain ki ti e ganny peye bann konmsi manrmay lo social media pe ganny peye  bann biye feros ki en Seselwa dan menm pozisyon si ti pou zis reve gannyen.

Nou’n vwar osi resaman PUC Mr Speaker kot PUC nou vwar kot bann asistan bann enzenyer PUC pe ganny peye plis ki R25mil zot pe ganny loto, lakaz, lekol prive pou zot zanfan.

Me en Seselwa dan menm pozisyon Mr Speaker pe ganny peanuts.  E Gouvernman Mr Speaker zot kontinyen sourd lo Seselwa.

Mr Speaker mon konn zisteman mon konn fer mon mazin ka en madanm ki’n travay 32an, 32an konman en ansenyan avek Minister Ledikasyon.  Mr Speaker 32an sa madanm i travay dan Minister Ledikasyon.  Me Mr Speaker son basic salary i selman R9800.  R9800 son reward pou travay pou 32an avek Minister Ledikasyon.

Mr Speaker sa i montre akoz ki i annan en mank teachers dan lekol.   Saler i tro ba.   Me sa ki enteresan Mr Speaker ankor enn fwa se ki bann teachers etranze zot, zot ganny lakaz ankor loto I mean lakaz lekol prive pou zot zanfan e en saler bokou pli eleve.

Sanmenm sa Mr Speaker ki ti fer bann teacher desann lo semen.  Zot pe koz lo lenvestisman Gouvernman dan ledikasyon Mr Speaker ozordi i annan plizyer zenn ki ‘n al etidye aletranze.  me ler zot retournen zot saler ki zot gannyen dan sekter piblik i en joke i en fars Mr Speaker.

Les mon donn de legzanp dan lepase Gouvernman in dir dan plizyer bann interview bann gran deklarasyon zot in fer dan bann interview kot i konsern saler debwaz bann return graduate ki en return graduate i sipoze ganny li en minimum R12500.  Sa son basic salary.  

Mr Mr Speaker mwan mon konn en zenn n fact ki fek koz ek mon pa to lontan en zenn fiy ki’n fek fini son letid in fer 4an letid aletranze e in ganny en Bachelor Degree dan medical laboratory technology.

Me selman son saler i pe gannyen i selman R975.  En return graduate ki’n 4an aletranze.

Mr Speaker vi ki Gouvernman pe reviz salary grid e ki i annan en disparity ant bann etidyan ki’n graduate avek en Bachelor Degree par lefe ki sakenn i ganny en kalite saler depandan ki kalite lorganizasyon swa ki Departman Gouvernman ki i travay ladan.

Mon annan en sizesyon.  Sa sizesyon ki mon pe fer se ki i merit annan dan bann kategori lapey ki bann zenn ki kalifye avek en diploma ouswa en degre i merit tonm ladan.

Par egzanp en zenn ki ganny en Diploma i kapab tonm dan band 4 ouswa band 5.   

        En zenn ki kalifye avek en First Degree i merit lo en band pli o.  Par egzanp band 6 ouswa band 7.  I merit annan en salary grid kler ki en return graduate i tonm ladan.

Mr Speaker mon senserman krwar ki Gouvernman i merit annan en grid ki montre klerman ki montre klerman the starting basic salary pou sak kalifikasyon.   E ki i merit mandatwar pou tou lorganizasyon swiv sa grid pou   anpes en return graduate ganny en saler tro ba ki i merite.

Mr Speaker kot i konsern bann profesyonnel lasante pa tou graduate pa tou return graduate ki ganny trete parey.  Anba Public Service Order zis en group health professional ki ganny R2500 housing allowance.

Si ou en dokter ou ganny R2500 housing allowance anba PSO.  Me si ou en return graduate ki’n kalifye avek en First Degree dan bann lezot field parey biomedical engineer, occupational therapist, physio therapist, ou pa kalifye ,anba PSO pou ganny sa  alowance.  

Sa i en diskriminasyon e en lenzistis kont tou sa bann return graduate.  

        Mr Speaker ou vwar klerman ki en pwa de mezir e ganny servi ki montre bann lenzistis dan sa Gouvernman ou pou vwar Gouvernman Parti Lepep.

Mr Speaker Prezidan in koz osi lo bann in koz osi li bann Human Development Index ki mezir life expectancy oter lo nivo ledikasyon e GDP per capita dan en pei.

Me ankor si ou pou get GDP per capita Sesel, en keksoz i kler.  GDP Mr Speaker i gross domestic product.  An lot mo i the total value of goods and services provided dan en pei pandan en an.  E GDP per capita e ler ou pran GDP en pei e ou diviz li par total popilasyon ki se an 2017 Mr Speaker ti 15mil 504.46 Dolar.

Me i enportan note Mr Speaker ki plis i enportan pou note Mr Speaker ki 90poursan larises Sesel i ganny kontrole par en pti group e lit nu popilasyon.

I stand to be corrected Mr Speaker.  Me si mon pa tronpe dan en rapor National Bureau of Statistic mwens ki mil dimoun Sesel pe ganny en saler par lao R25mil.  Income inequality Sesel i vreman o, i tro o. Disparity ant bann ki annan avek bann ki napa i vreman larz.

Mr Speaker, se selman en pti group dimoun Sesel ki pe kontrol nou lekonomi.  Zot ki anploy lamazorite Seselwa.  Zot ki anploy lamazorite dimoun etranze, Seselwa zot ki annan lamazorite bann later prime Sesel, zot ki kontrol pli gro poursantaz larises Sesel nou lekonomi.’

Mr Speaker  nou’n koz lo cartel –  Onorab Ferrari in koz lo la Onorab Basil Hoareau in koz lo la,  ki ozordi zot annan en monopoli en kontrol total ou kapab dir absoli lo wholesale avek retail, atraver price rigging e atraver collusion, ki pe fer ki zot pe detri e fors bann lezot konpetiter out of a market.  E zot pe gard pri tou komodite a en oter, ki pe ede fer montre pri lavi olye fer desann pri lav,i ki sipoze norm dan en free market ekonomi.

Nou’n koz lo resaman Onorab Larue in anmenn en Mosyon lo 60 bout later ki Parti Lepep in aste pou naryen avek Gouvernman e i annan sa bann later dan lepase ki zot in re vann san ekek mil Roupi zot in re vann  sepa konbyen milyon  8  ekek milyon Roupi.

E sa i bann fason ki nou’n vwar ki in afekte nou lekonomi nou pri lavi par lefe ki sa bann later nou ti kapab servi li pou envestir dan bann lezot proze dan bann lezot keksoz ki ti pou benefisye nou pep Mr Speaker.

Nou’n vwar land speculation ki’n ganny lead par sa Gouvernman ki o pouvwar Gouvernman Parti Lepep i montre legzanp bann lezot dimoun pou osi form par dan sa land speculation Mr Speaker.   E sa bann keksoz ozordi i en lenpak advers lo lekonomi e pri lavi Sesel ozordi.

Nou koz ankor lo later menm ex-First Lady ki osi in pran plizyer bout morso later in fer  land speculation, tou sa bann later nou ti kapab ganny servi dan plizyer landrwa menm Grand Anse kot Onorab William konbyen met kare in ganny aste pou naryen ki ti kapab ganny servi.  Devlope ou benefisye bann zabitan dan distrik ti ava benefisye zot.

Mr Speaker i sagrinan e nou’n vwar dan lepase kwa ki’n afekte lekonomi se ki in annan en pti group lit ki’n benefisye. I annan bann dimoun ki’n o pouvwar e zot in servi zot lotorite pou zot anrisi zot lekor olye get dan welfare e byennet lepep Seselwa.  Nou’n vwar yer dan sa gran deba kestyon ki ti anmennen par Leader Lopozisyon lo SBFA.   SBFA ki sipoze don bann pti loan bann biznes ki nou’n vwar 80  milyon unpaid debts, 6 milyon det in ganny write-off san okenn dokiman, san okenn laprev ki’n arive avek larzan ouswa akoz sa bann loan in ganny write-off e nou’n vwar pou dir nanm nou’n vwar pou dir bann fantonm in ganny loan bann dimoun ki’n mor bann dimoun, ki pa’n egziste bann dimoun  ki ganny fabrike e tou sa bann keksoz annou mazinen ki nou ti kapab fer avek 80 million Rupees.  Kantite biznes kantite dimoun ti kapab benefisye avek R80 milyon kantite dimoun mon konnen so many kantite zenn kantite dimoun aprosan menm dan distrik mon krwar i pa zis mon annan plizyer distrik  nou bann Onorab nou bann dimoun i  vin kot nou zot in apply loan SBFA zot pa’n ganny zot in ganny difikilte ganny loan.  

        E si zot ti kapab ganny sa larzan bokou Seselwa ozordi ti pou bokou pli devan.   Bokou Seselwa ti pou kapab pe benefisye zot ti pou kapab annan zot biznes.  Antan ki lager avek en cartel zot pe lager avek zot prop Gouvernman ki larzan ki sipoze pou zot larzan p ganny servi pou inisye enn de dimoun ki benefisye zot lekor enkli parey nou ti vwar  19 ex- MNA  Parti Lepep ki’n benefisye olye les sa sans pou bann Seselwa deor ki annan sa mwayen pou zot kapab ganny sa larzan pou invest dan en biznes ouswa konmans en pti biznes.   Tousala Mr Speaker i montre klerman pou dir i annan en  gro dan sa Gouvernman, e la ozordi nou pe vin devan Lasanble pou fer nou krwar ki zot pe get dan lentere lepep Seselwa.  Kan se zot menm zot ki loter sa sityasyon sa kriz ekonomik e osi sa bann problenm pri lavi ki nou pe fer fas avek dan nou pei ozordi.

Annou pa bliy STC osi, Mosyon ki ti ganny anmennen pa tro bokou letan pase, kot nou’n vwar kot bann middleman ki pe enport bann keksoz aletranze.  STC olye enport bann keksoz lo li menm, i fer enportasyon atraver bann middleman ki benefisye.   E enn sa bann middleman nou tou nou konnen lannen pase ki’n benefisye ki’n vin milyonner ozordi, ki ozordi i annan li son 50 milyon Dolar se pa lot i  Mukesh.  E nou tou nou konnen ki po dir ki mannyer Mukesh in antre dan pei.  Ok be pa son dalon Albert Rene?

Mr Speaker nou konnen ozordi nou la kot nou été ozordi, an rezilta sa bann koripsyon ki sa Gouvernman kot i n fer e ozordi ki nou pe fer nou pe trangle lepep Seselwa nou pe sey tir dile avek park bef konmsi Onorab Loizeau, e apre nou vini nou en sanblan nou pe fer krwar nou pe anmenn en Mosyon pou e lepep Seselwa kan zot menm zot, zot pe pas partou dan plizyer Departman Gouvernmantal zot pe dir avek bann staff partou ki byento pou annan en nouvo zot pe al reviz kad saler.  Apre zot don sanblan zot pe vin anmenn en Mosyon comme labitid donn en Onorab en Mosyon anmennen apre ler Bidze i vini zot sey aziste en pe zot dir lala, zot pe travay.

Mr Speaker Seselwa nepli bet nou vwar kler ki zot pe fer nou lo kote latab nou konnen ki zot pe fer.  Zot pa’n fer naryen vreman pou ede fer desann pri lavi.

O kontrer si zot ti vreman serye pou fer desann pri lavi en Lalwa pou donn ledan Anti-Corruption Commission ti a vin devan sa Lasanble Nasyonal, e tou sa bann case ki i devan ACCS enkli sa enn ki’n anmennen par Onorab Larue konsernan 60 bout later nou ti kapab ekoute e aksyon ti kapab ganny pran avek sa bann dimoun ki pe tir de milyon e de milyon dan pos lepep Seselwa.

Avek sa Mr Speaker mon dir mersi pou sa letan ki ou’n donn mon pou siport sa Mosyon par lefe ki i annan serten merit akoz vreman pri lavi i o e nou bezwen fer, keksoz tanzib pou nou fer desann pri lavi e met plis larzan dan pos Seselwa.  Mersi Mr Speaker.

 

MR DEPUTY SPEAKER

Mersi Onorab Woodcock.  Laparol i pou Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker i annan en sanson David Andre ki dir tou sa ki mon ti annan pou dir mon’n fini dir.  Mon fini dir ou.

E mon krwar si nou ti vreman strik lo Standing Orders nou Lasanble ti pou trouv li koupab pou lakantite fwa ki nou’n koz  lo pri lavi.  Parski Standing Orders i dir avek ou, ou kapab diskit ou pa ganny drwa diskit en size ki’n ganny diskite 1an konmsi ou kapab koz lo la zis 1an apre.

E definitivman sa size pri lavi e tou ki i annan pou fer avek li i sitan en size  enportan ki tanzantan nou retourn lo la.  E letan mon pe dir letan mon’n sit sa sanson David Andre se dan bokou sans tou sa ki nou’n dir pandan sa deba nou’n deza dir.  E se la kot mon trouv i drol kot letan serten Manm serten Manm mon pa konnen pou ki rezon portan in koze li osi i koze me selman li osi i form Lasanble Nasyonal  i koz lo bann problenm i dir i pou siporte.

Selman apre dir Lasanble i en gaspiyaz letan.  Selman i reste dan sa Lasanble li.

E si Lasanble i ti en gaspiyaz letan ti en dezapwentman dimoun. Be mon premye keksoz  mon ti pou fer si mwan mon ti sa Manm mon ti pou prezant mon demisyon  parski mon ti pou dir mon pa anvi form parti en tel lenstitisyon.  Me pourtan Onorab Valmont i kontinyen reste dan sa lenstitisyon.

Alor mon krwar pou dir la i annan en dekoneksyon.  E an plis ki sa Mr Speaker, sa Onorab i krwar ki pou dir letan i a vini i a dir bann teachers ki zot saler ki zot pou konmanse i dapre li R20 mil ki pou dir parey Onorab De Commarmond in dir sa bann zafer ki napa rezonnman ladan fodre pa ki nou vin dir dan sa Lasanble.  Se sa aprezan ki fer souvandfwa letan dimoun i ekout sa bann kalite keksoz R20mil konmansman letan ou be dimoun i dir be pa serye sa.  Me parski si en teacher i konmanse a laz 21an apre ki i fer son bann course e klarifye konman en teacher a laz 21an ou donn li R20mil la ozordi me sa enn ki Headteacher pandan 35an konbyen pou donn li?

Alor Mr Speaker nou bezwen balanse.  E se la kot se la kot a relasyon avek sa Mosyon Mr Speaker mwan mon konpran lentansyon Onorab William.  E i annan de mo ki mwan mon trouv enportan Mosyon Onorab William.  Premye mo ki mon vwar i enportan se sa mo ‘revwar’.  Prenon kont pri lavi pe ogmante e sa nesesite pou revwar kad saler. Revwar Gratwite ek lezot mezir.  Sa Lasanble ki pou fer son 2enm mo enportan pou ‘’koriz’’ so i annan mo ‘’revwar’’ ek ‘’korize.’’

E tou lede i annan en sans lo sa ki’n pase e se la mon respekte lonnekte e senserite Onorab William.  Akoz mwan mon krwar senserman ki pou dir Onorab William letan i pe anmenn sa Mosyon i pa pe vin zis fer politik.

E se la kot Onorab atraver ou Mr Speaker i annan plizyer ou bann Manm in let ou down.  Par egzanp Onorab Valmont.  Ok in let ou down konpletman.  Parski in vin lo en baz popilis e revwar savedir i annan en problenm.  E nou tou nou rekonnet ki pou dir i annan en problenm.  E se pou sa rezon ki Lopozisyon pandan tou sa bann lannen nou’n koz lo la nou.  Nou’n koz lo pri lavi nou’n koz lo met larzan dan pos Seselwa.  Nou’n anmenn bann Mosyon.  FPAC pe fer tou sa bann travay senpleman akoz nou vwar pou dir i annan en problenm.

E korize e byensir si ou vwar en problenm ou pa korize ou en lenbesil.  Si ou vwar en trou ou rantre ladan ou lenbesil.  E nou konman bann politisyen n bezwen rod en fason pou nou korize pou li vin dan en fason pli pozitiv.

E Mr Speaker mon ava dir ki ou konnen si pandan sa 2an san ses ki nou’n koz lo sa size pri lavi.  Se parski nou anvi trouv solisyon permanan.  Nou anvi trouv en solisyon permanan nou anvi ki tou nu Seselwa i viv pli byen.  Nou anvi ki sa merd fanmir sa merd fanmir sa zanfan i grandi dan en fason byen.

Mr Speaker o mwen i annan en limaz ki ankor antas dan mon lespri le ki sak fwa i vin en kou devan mon i ras ker.  I fer mwan, vreman, vreman dimal.  ,

S en zour devan Deepam Cinema la dan sa kontour i annan en van ki vann burger.  e mon vwar en manman avek 3 zanfan. I aste en burger apre sa mon vwar sa manman i konmans koup sa burger avek son ledan pou don sak son zanfan en pti bout.

Mr Speaker ziska ozordi sa i ankor fermal.   Akoz se parski e konmsi mon ankor pe regard sa 3 zanfan. Ou konnen i annan sa zimaz ki parfwa letan ou pe regard  bann lanatir kot ou trouv s manman zwazo i vini e prezan zis ou vwar bann pti labous ki’n ouver e sa manman zwazo p met manze dan konmsi sa 3 pti zanfan pe regard sa manman pou zot ganny sa pti bout burger.  

E byensir nou tou konman politisyen nou pa anvi vwar sa bann keksoz.  Nou anvi ki lapovrete i ganny eliminen nou anvi trouv bann solisyon permanan e se pou sa rezon ki letan nou koz lo sa size pri lavi, lontan nou koz lo sa size bann cartel ki egziste si en Manm Lasanble ki annan responsabilite dan sa pei i pa ankoler  i  annan en keksoz mal avek li.

E Onorab Hoareau felisitasyon pou lafason ki ou’n koz sa zafer cartel.   E se la kot letan Onorab William pe dir revwar korize mon krwar ki enn bann keksoz ki nou bezwen konmans atake se la cartel.

Pou Gouvernman se la kot Onorab De Commarmond mon pou dir la i l direk kot Prezidan.  La i al direk kot Prezidan.  Ou Msye Faure otan Prezidan met son lipye ater fer sir ki nou annan nou en Lalwa bokou pli for.  E nou kas sa once and for all.  

        Parski Onorab Hoareau in eksplike ki nou tou la dan sa Lasanble nou konnen letan i annan letan i ariv en serten i gete li pou dir son income pou ariv tan.  E alor i pou deplas sa limit lakantite tax ki i pou peye i pou depase ki fer i kas an de.  Letan i kas sa an de. Son tax ki i pou peye lo premye  dizon i ariv 2 milyon i konnen li ki pou dir  ou bezwen kas sa an de i vin en milyon  sakenn. Egzakteman.  Sa en milyon sakenn prezan i kontinyen fer biznes letan i vwar i ariv 3 milyon i kas ankor enn.

Mr Speaker sa i en keksoz ki bezwen arete.  E ki mannyer ozordi dan Sesel letan nou a pe dir lavi i ser nou a pe koz isi nou a pe koz laba.  Ramu i annan li 20 laboutik.  Akoz dan sa 20 laboutik in kase in kase in ka e lekel ki perdi se Gouvernman ki perdi.  Se Leta Seselwa ki perdi.  E Leta Seselwa i perdi ki fer nou pa kapab donn sa servis lasante ki nou kapab ki nou devret donnen ledikasyon i desann.  Partou kote lapovrete sa lager kont lapovrete tousala i.

E lo lot kote kot nou pase nou trouv Supemarket Kannu.  Me sa frer Ramu.  Be nou pa vwar?  Konmsi kwa ki nou bezwen ki kalite linet ki nou bezwen pou nou vwar sa bann kalite keksoz.  E tousala Mr Speaker i form sa labaz s baz nou bezwen kase pou ki pri lavi i kapab desann.  E nou osi koz lo Money Changer.  

        Ozordi Mr Speaker sa zafer Money Changer en lot zour mon’n dir mon pa vwar akoz Labank Santral ki pa pran li en desizyon avek sa rezerv ki nou annan n pou pin the Dollar.

        E letan mon pe koz lo pin the Dollar pou ki son valer i reste fix – R12 – fix e mon letan mon pe dir sa i annan bann economist i annan bann dimoun mon vwar zot ennler lo Facebook ki fer tou kalite komanter.

Be mwan mon krwar ki pou dir en pei si ivwar ki pou dir  i annan en problenm parfwa i bezwen pous son Labank Santral ankouraz son Labank santral malgre son lendepandans pou annan en serten direksyon pou nou kapab ede rezourd en problenm.

E mwan mon krwar ki Labank Santral wi i en ,endepandan me selman nou annan en problenm i devret montre e sa i ava fer Mr Speaker ki letan bann goods i ganny enporte dan nou pei personn pa pou kapab dir naryen Money Changer i pa pou kapab zwe avek pri Dolar pou fer li monte pou ki finalman ant  letan en marsan i met son komann e aste sa komodite lo en Dolar ki pli ba e apre sa zot zwe avek sa lezot zwe avek sa i monte e apre sa keksoz i rantre dan pei sa Dolar i ganny deklare, sa komodite i ganny deklare lo en Dolar ki pli o e sa soz pli o i pas direkteman avek bann dimoun e li sa dimoun ki’n fer vini sa komodite li i benefisye.

Akoz in aste sa komodite dizon in aste sa telefonn letan Dolar  ti R12.50 oubyen n R13 li in pey R13 li letan sa telefonn i rantre  dan pei Dolar  i R14.15 be li i benefisye lo la prezan ki i fer i pas sa avek kliyan.

So mwan mon krwar ki letan Onorab William pe koze

Letan Onorab William pe adres sa bann size mwan mon vwar bokou sans ladan.

Me Mr Speaker ou konnen an menm tan i annan en kantite bann desizyon endesizyon ki nou bezwen sanze pou ki nou bann zanfan a kapab benefisye.  Letan par egzanp desizyon, se en dimoun pa pey alimoni ou anvoy li Montagne Posee.  Me sa zanfan?  Mwan mon krwar ki pou, dir en dimoun pa pey alimoni i ganny arete i ganny mete dan travay lakominote  ou pran sa larzan  ou donn sa zanfan e sa zanfan i kontinyen.  Tousala pa ede pou nou kapab bann pti fason pou nou kapab lager ek sa pri lavi.

Mr Speaker letan nou p koz lo lapey e la ankor enn fwa mon pou dakor letan nou’n pas lo Supplementary Appropriation well sa Mosyon. Be Mr Speaker letan ou regarde konbyen en Gurkha oubyen en solda Tanzanian pe gannyen.  I pe ganny plis lapey ki en Seselwa.  Sa bann gard Gurkhas ki ti vini.  Be Seselwa letan ti ganny R10mil – R11mil li i pe ganny li dan R18 mil R20 mil e letan ou balanse.  Me lo nivo krim, me pa nou ankor pe koz menm zafer?  Ozordi mo pa trouv bann prizon.  Pa ti pou sove dimoun ankor.  Be dimoun pa’n sove?  Me dimoun pa in mor dan prizon.

E ofet mon ava dir keksoz i vin pli grav, akoz dan prizon Sesel in annan en kantite prizonnyen ki’n mor pourtan ou annan ou annan ou Gurkhas e la nou pe soz Tanzanian.

        Be si Seselwa ti ganny ofer n keksoz pli o.  Lotrozour ti annan en konversasyon ki’n dir pa bezwen fer vini Tanzanian  e pourtan i annan en kantite solda bann former soldiers bann dimoun ki ti dan SPDF .  Rezon ki mon ti gannyen se ki zot in fer vacancy aplikasyon ensidswit   zot pa’n apply.  Be zot ki pa’n apply se parski sa lapey ou dir ou pe donn zot.   Si ou ti pe al donn zot menm lapey ki ou ti pe al donn s Tanzanian e letan mon pe dir lapey pou tou.  Pou nou regarde konbyen i koute pou nou annan en Tanzanian oubyen en Gurkha lo Sesel.

Mazinen nou bezwen pey son pasaz pou li vin isi.  Nou bezwen donn li en lakaz pou li reste dan an plis ki sa nou donn li allowance pou manze e apre nou donn li son lapey.

Be eski nou pa’n fini sot R25 mil pou en Gurkha?

Me si ou tipe donn en sa former soldier sa ex-soldier dizon ou ti a pe donn li 18mil oubyen R19mil ou ti pou fer en lekonomi lo la.  Me an plis ki sa, sa boug ti pou happy.   Akoz i ti a kapab pey son taks byen e i ti pou kapab nouri son fanmir. Me tousala nou’n met li de kote.

Mr Speaker mon letan mon ti pe prepare pou sa Mosyon mon ganny en text sorti kot en travayer PUC ki travay dan seksyon sewage.   I dir avek mon ‘’Father silvouple met en pwen pou mon.  i dir avek mon li i en labourer laba. E sa i enn bann travay pli degoutan mon kapab dir.  Son lanvironnman ensidswit tou sa bann keksoz.

Mr Speaker i dir avek mon son saler i R6300, R6300 si i pa ti ganny en pti allowance isi en pti allowance laba.  I pa ti pou sanz naryen.  I pa ti pou nobou ganny en keksoz da n son lanmen.  Me R6300 ou konnen ki vedir i vedir lafen lannen letan i ganny son Trezyenm Mwan Saler i ganny li R6300.  E mwan mon krwar ki la ankor enn fwa deswit i en keksoz ki dan Mosyon Onorab William ki mon’n dakor avek.  Fodre nou revwar.  Akoz ki tou lemwan ou tir tax lo mon pti allowance ki mon gannyen lo mon pti lot ensidswit.

Me selman letan in ariv ler pou ou donn mwan mon Trezyenm Mwan lapey ou donn mon konmsi ou dezabiy mon lapey.  Ou donn mon zis sa leskelet.

Mwan mon krwar ki sa i devret aranze.  Mon Trezyenm Mwan lapey i devret sa lapey ki mon touse tou lemwan, avek mon allowance e sa ankor enn fwa i ava kapab permet  sa dimoun pou li ganny en pti keksoz an plis dan son pos.  E mon krwar ki se sa ki nou pe rode.

Annou retourn en pti git get bann laboutik.  Mr Speaker ti annan en keksoz Sesel lontan e ki mon krwar nou bezwen retourn lo la.  Lontan Sesel premyerman nou pa ti apel laboutik Indien.  Tou bann laboutik nou ti apel li laboutik Tanbi, laboutik Malbar.

Letan ou manman ti donn ou  en larzan i ti dir avek ou l kot laboutik Tanbi e mwan dan mon ka parfwa i ti dir mon al kot  laboutik Razu. Ti annan Tanbi, Razu oubyen i dir Tip Top.  Me selman laboutik sete laboutik Malbar.  Ti napa okenn problenm avek sa.

Letan ou ti rantre dan tou laboutik Malbar ki ti annan pe travay ti annan en Seselwa.  Ti annan en Seselwa.  En komi e an plis ki sa nou osi konnen ki pou dir bokou madanm Seselwa in fer zanfan avek Tanbi.  In fer zanfan avek sa Malbar ki ti la.

Me ti annan en Seselwa.  Be akoz ki ozordi akoz ki ozordi napa en napa Seselwa.  Letan zot apply pou GOP zot dir zot pe rod en shop manager.  En shop manager selman letan ou rantre dan laboutik sa ki sipoze shop manager li menm li ki a pe tri lay i a pe met keksoz i a pe met ponm dan plastik i a pe netway shelf e apre sa i pe pran ou sak i pe anmenn dan ou loto.

Mr Speaker be Imigrasyon i bezwen regarde e mwan mon i annan en Manm ki’n mansyonnen.  Mwan mon konnen e nou tou nou la nou konnen Gouvernman i konnen i pa’n sekre.  Si Imigrasyon ti fer travay serye ti pas dan tou sa bann laboutik nou ti pou atrap en kantite travayer ilegal e tou sa bann travayer ilegal pe met retar Seselwa.  Me pa zis sa.  Pa zis en laboutik.

Mr Speaker si zot ti osi pas kot lakour sa bann gro se msye la ki dan cartel zot ti pou vwar en kantite travayer domestik ki nou apel li ozordi ki dan nou letan mon ti a pe grandi mon a ti apel sa nennenn ou ti pou vwar en kantite sa bann Indien ki pe travay dan bann laboutik.  E an plis ki sa ou ti pou kestyonn zot ou ti pou vwar i annan ki mannyer nou apel sa human trafficking.  Akoz sa bann pov malere zot pa pe ganny lapey ki zot pa pe ganny peye zot pe ganny maltrete zot pe ganny bate akoz pa krwar ki pou dir dan sa bann serk koumsa keksoz i pas byen.  Nou tou ki la ki’n soz nou’n konnen.

Mr Speaker i annan en kantite keksoz pou dir.  Me selman mon pou mon konsyan anler.  Mr Speaker dan lanmen la e Onorab Ghislain in mansyonn service charge.   Sa mon krwar i en lot size ki nou devret regarde.  Akoz?  E la ankor enn fwa mon pou dir avek Onorab De Commarmond Mr Speaker sa i en keksoz pou Gouvernman met ladan.

Gouvernman i bezwen annan en regilasyon kler lo service charge.  I bezwen annan en regilasyon kler.  Parski ou pa kapab annan sakenn i vini i fer sa ki pou li.  E la dan mon lanmen mon annan regilasyon pou Bayan Tree, Bayan Tree ok service charge 1poursan i ganny retenir pou lost and breakage. 10poursan i ganny retenir pou appraisal bonus.  Service charge sa, ki pou al pou appraisal bonus la i la Bayan Tree ki mon pe dir 89poursan i kava distribye.

Aprezan Bayan Tree – sick leave – one day sick leave per month full charge.  2 days sick leave per month ‘’no service charge will be paid for the second day.’’  ‘’3 days and more sick leaves per month no service charge will be paid for that month.’’  

Be sa travayer ki son zanfan in malad sa travayer Seselwa e sa deswit Mr Speaker ou konnen ki i favorize i favoriz sa travayer etranze.  I favoriz sa travayer etranze akoz li sa Filipino, li sa Thailandais li sa lot ki pe travay dan lotel li i napa zanfan li.  Son zanfan i dan son pei.

B sa travayer Seselwa ki li in ganny pti baba pou fer son fanmir nou Konstitisyon i met lanfaz lo rol lafanmir ki mannyer nou kapab aksepte ki pou dir son piti i tonm malad i ganny larouzol en keksoz koumsa ki i bezwen reste avek son zanfan oubyen sa papa i bezwen reste avek sa zanfan parski in ganny sick leave e akoz in 3 zour i pa pou ganny en sou.

E an plis ki sa son 4enm pwen ‘’one day sick leave over weekend per month’’ i koup 15 zour ou service charge.   E mon ti krwar Lasanble ki fer regilasyon.  Mon ti krwar S.I. i pas devan Lasanble oubyen S.I i ganny fer en pe partou.   Sa ki nou pe dir S.I. Bayan Tree.  Eksepte ki sennla ankor en S.I Gouvernman i vin la e nou, nou annan 45 zour 90 zour pou nou quash li me sa bann.

E aprezan Mr Speaker i annan en bann zafer. Absenteeism’’ ‘’one day absenteeism per month 50poursan i koupe.  2 days or more no service charge.  Ki konmsi letan nou pe regard tousala e mwan mon krwar ki pou dir sa bann keksoz koumsa lo service charge, ki sa Seselwa wi ou bezwen ankouraz li nou bezwen ankouraz li pou li vin travay.  Me selman an menm tan osi nou bezwen konpran sa Seselwa akoz sa manman Seselwa si i annan son msye, son fanmir, ou espekte ki pou dir i pou ganny piti. Ki i pou dir i pou ganny en zanfan.

E ou espekte ki pou dir at some point sa zanfan i pou malad.   E ou pa kapab aprezan kapitaliz lo son service charge.

La prezan en lot zafer mon pe regard casino Bai Lazare li Liberty Casino Baie Lazare  li i pe koz lo tips li aprezan.  Tips tou bann tips i ganny ranmas.  Ou, ou pe travay ou, ou en travayer ou a pe travay e ou’n byen servi sa dimoun i donn en tips.   Ranmas tou met ansanm pou tou travayer napa problenm.

Me ou konnen kot problenm i vini Mr Speaker – ‘’the amount of 25% will be deducted from the tips to cover   management time for the company and banking cost.’’  Be ki si sa ankor tousala?  Me sa travayer in travay me sa i apel voler sa.   Be sa nou bezwen kriy for ‘’bare voler!’’ Se sa bann kalite keksoz ki nou bezwen letan mon krwar Onorab William pe dir annou revwar i annan en kantite keksoz ki nou bezwen revwar.  Be si pou 25poursan pou ‘’management time company.’’   Mwan mon krwar ki parey i arive dan bokou landrwa okenn anmas tips pou sa sware travay apre dan sa lannwit la nou group ki’n travay tou dimoun in happy ki mannyer nou’n, travay be annou kontan annou partaze sakenn i ganny son zafer i al se li avek.  Ki management time 25poursan?

Tousala Mr Speaker se bann keksoz voler kot travayer pe ganny vole e nou konman en Lasanble nou pe dir Gouvernman an menm tan i bezwen vini ranpli ladan azir akoz sansan nou pou kontinyen ganny problenm.

Me selman i annan en lot zafer ki Onorab De Commarmond in mansyonn WTO.  WTO li bann gro, gro pei tou i ladan.  E bann gro, gro, pei zot lager for kont cartel parski cartel i sipoze en danze pou your free market economy.   E an plis ki sa cartel i kontrer avek free market economy.  Parski sa free market economy i donn ou konpetisyon li i sipoze fer desann ou pri.   E se pou sa rezon ki zot lager for kont cartel.  Me si nou Gouvernman pa pe lager for kont cartel, i pou i konnen i parey en transpor sa.   Bomaten mon ti servi sa legzanp avek en group nou bann dimoun.  Ou dir get sa letan ou rantre dan ou loto ou pe drive letan ou pez akselerater ou loto i sipoze al pli vit.   Me si ou pez akselerater ou loto i pez fren.  Me i annan en problenm avek ou akselerater.  Ou bezwen revey li.  E cartel i deregle dan free market economy. I deregle lidealizasyon.   E alor se la kot nou problenm i vini.  E annou fer remark nou tou ki la well bokou nou nou’n al dan L’Inde.   Be L’Inde i en manm WTO li.  L’Inde i en manm WTO depi le premye Zanvye 1995.  Be letan ou aste latizann L’Inde ler ou al dan laboutik ou al aste en konmisyon fodre sa boug dir ou konbyen pou peye.  Me pa in fini marke lo la.  Bann latizann ki nou al rode dan bann farmasi isi e la i enportan pou dir avek tou Seselwa,

Bann latizann letan ou al kot bann farmasi ou aste en latizann fer sa remark ki pou dir lo la lo la.  In ekrir zot in servi en marker i annan en keksoz ki’n bloke.

Sa keksoz ki zot in bloke se vre pri sa latizann dan Roupi Indien minimum retail price.  Maximum, maximum retail price ki lo la.

Be ankor enn fwa be nou pa kapab regarde.  Nou pa kapab regarde. Annou pa zis dir lidealizasyon nou pa kapab fer nanryen.  E mwan mon krwar ki pou dir i responsabilite en Gouvernman pou li zisteman fer keksoz fer keksoz pou son pep.  Nou pa pou kapab Mr Speaker konman en Lasanble zis koze lo lo ki mannyer nou pep pe soufer me nou pa fer nanryen.

E mon krwar ki pou dir sa Mosyon e bann diskour ki konmdir Onorab De Commarmond ki fer sans ki’n ganny prononse dan sa Lasanble pandan sa deba.  Mon krwar pe dir ‘’enough is enough!’’  E letan nou pe dir ‘’enough is enough’’ mon krwar ki sela ki nou pe dir avek dimoun me le 3 Oktob le 3 Novanm la fodre zot desann.  Akoz nou pe donn zot e kantite legzanp lo ki mannyer zot pe ganny abize.  Zot pe ganny abize.  E Gouvernman malerezman pa pe defann zot mon dir malerezman pa pe defann zot parski enn zot prop Manm Onorab William in bezwen anmenn sa Mosyon.

Se Onorab William apre midi ki pe dir avek nou Gouvernman pa’n vreman defann sa pep Seselwa se pou sa rezon nou bezwen revwar se pou sa rezon ki nou bezwen aranze se pou sa rezon ki nou bezwen fer keksoz.  ‘

E nou lo nou kote konman LDS nou, nou’n toultan nou’n toultan en zwer dan sa game.  Letan pou dir aranze nou pare pou dir aranze nou pare pou aranze.  Se p[ou sa rezon nou’n la nou’n dekouver SBFA,SBFA la ou’n dekouver AMSA nou’ dekouver bann zafer sitwayennte, nou’n dekouver tou kalite keksoz ki nou’n anmenn dan sa Lasanble.

Me selman Mr Speaker ankor enn fwa nou kapab anmennen e dimoun i dir e mwan sa konplent ki mon gannyen.  Sa konplent ki Onorab Valmont i gannyen. Mwan konplent ki mon gannyen se apre dimoun i dir felisitasyon pou sa travay ki zot in fer ki zot pe fer dan sa Lasanble dimoun i dir be ki pou arive ankor la.  Ki pou arive apre?  Zot zis koze?  Zot zi koze me aprezan ou bezwen eksplik dimoun ki pou dir ou wi nou, nou koze nou montre nou tal ater nou montre kote voler in pase  met pa nou ki atrap dimoun.  Lapolis ki atrap dimoun.

E se a kot at the end of the day konmdir sa proverb the bucks stop kot biro Prezidan State House.  E avek sa detrwa parol Mr Speaker mon pou termin la.  Me akoz the bucks stop State House e State House pe les nou dimoun tonbe e nou, nou moto se nou pa pou zanmen les tonbe nou pe dir avek tou Seselwa Sanmdi fodre zot desann kot desann anvil 10er nou ava zwenn kot car park nou ava fer tande nou lavwa akoz nou pe defann lentere lepep Seselwa!  Avek sa de parol Mr Speaker mon ava dir ou mersi bokou e an menm tan an menm tan mon ava zis remind Parti Lepep ki zanmen LDS in o pouvwar zanmen LDS in dan Gouvernman pandan sa 40 ekek lannen se SPUP Msye Rene.  SPPF Msye Rene, Parti Lepep Msye Michel la prezan in sorti i vin Mr Meriton ek Msye Faure se zot ki’n o pouvwar. Alors i en indictment parey nou dir an Angle i en zizman ki Onorab Waven William pe pas lo zot ozordi.  E nou, nou pou siport li dan son Mosyon parske nou krwar ri fer sans.  Le 3 nou a zwenn.  Mersi.

 

(APPLAUSE)

 

MR DEPUTY SPEAKER

Mersi Onorab Ramkalawan.   Bon in ariv 5.39 nou’n al bokou mon pou don laparol Onorab William pou fer summing-up.  

 

HON WAVEN WILLIAM

Mersi Mr Speaker.   Mr Speaker an premye lye mon ti a kontan remersi tou bann Manm Onorab ki’n koze. E remersi zot pou bann pwen ki’n fer sorti ki annan bokou relevans avek sa Mosyon ki pe demande.   E mon remersye tou bann osi ki’n konpran rekonnet pou dir sa Mosyon in ganny anmennen pa dan en fason popilis, me avek en realite.  En realite ki nou pe viv ki nu sitwayen e nou bann travayer Seselwa e fer fas avek

E Mr Speaker mon pe zis demann mon lekor – nou’n fer bann zoli diskour nou’n fer sorti plizyer bann problenm kot i konsern inegalite, lenzistis e nou’n fer osi sorti bann problenm ki sekter prive i fer fas avek, e kestyon se lekel ki Gouvernman?  Lekel ki dan Gouvernans?

E si ou permet mwan mon ava dir i annan Egzekitiv, Lezislatif, Zidisyer epi i annan bann lezot akter ankor ki kapab zwenn ansanm ki form Gouvernman enkli sak Seselwa dan sa pei.   Akoz se sak Seselwa ki swazir en Gouvernman.

So tou sa bann dimoun nou annan serten degre responsabilite swa direk swa endirek.

Mr Speaker ki mon anvi dir se ki i byen ki nou’n dir ki sa Lasanble in fatige koz lo sa size;  i en bann size ki nou pou kontinyen koz lo la.

M mon ava demann avek nou Lasanble, lefe ki sa size i pa en size ki pou ale i en size ki pou viv avek nou.   Mwan mon ava demann avek nou lasanble lefe ki i annan plizyer komite e sa kestyon ‘what next?  Apre sa bann zoli diskour, apre sa deba enteresan kwa ki pou arive apre?

Mr Speaker mwan mon anvi ou gidans.  Akoz nou konn bann diferan terms of reference bann diferan Komite.

E mwan mon dir annou al en pti pe pli lwen.   Parey nou konnen nou annan en Komite FPAC – nou annan Komite COGA.

        Mr Speaker i vre semenn pase nou ti tann en paran ki ti vin la avek bann group CARE, ki ti sipliy avek nou dan en fas senser e dir nou ‘’bann Manm Lasanble in ler pou aret koze annou fer aksyon. ‘’

Me selman Mr Speaker nou rol konman Manm Parlmanter se koze. Kontinyen koze e sipliye avek Egzekitiv.

Me Mr Speaker mwan mon ti a kontan ki sa Lasanble avek sa size, ki nou tonm dakor.  Ki nou tonm dakor ki enn nou pran en bout responsabilite, La mon pa oule ki Egzekitiv i vwar nou konmkwa nou pe enterfer dan Egzekitiv.   Me konman Manm Parlman.  Konman Manm Elekte ki konn soufrans nu pep a labaz dimoun i demann nou wi nou’n koze me mon pe demande Mr Speaker e ki enn en Komite  en nouvo Komite ouswa no revwar serten terms of reference pou nou kapab pran tou  sa bann bon sizesyon, sa bann konsern ki merit adrese Mr Speaker,.

Akoz si pa ganny adrese Mr Speaker nou pou zis vir an ron.  E nou pa pe war nou pe bouz dan en direksyon a lavans,.

So Mr Speaker mon ti ava demande ki Komite FPAC, apre sa Bidze deba lo Bidze 2019 ki sa Lasanble nou tonm dakor pou nou revwar serten lapros.  Si vreman nou anvi enn dir avek pep Seselwa regarde nou’n koze nou’n prezant aksyon avek Gouvernman.  Nou ava dir pep Seselwa nou’n fer nou bout.

Mr Speaker mon oule remersi sa de leaders ki’n koze ki’n donn direksyon e konpran avek ansanm tou Manm ki’n koze, lo size enportan ki nou pe diskite lo sa Mosyon.

Mr Speaker mon ti a kontan tous lo enn de keksoz ki pou mwan mon santi apart ki’n ganny touse.  Ki mon santi pou dir ki Gouvernman pou merit adrese toudswit.

Mr Speaker nou tou nou dir e tonm dakor ki Sesel i pou Seselwa e ki Seselwa i bezwen pran ownership.  

        Mr Speaker me si Seselwa bezwen pran ownership nou pa pou kapab fer Seselwa santi li konman sitwayen 2ENM KLAS dan son pei!

Ki mon pe sey dir Mr Speaker nou pa pou kapab travayer etranze pou en saler minimonm parey Onorab Leader lopozisyon in dir en etranze pe tous li R15 a 18mil – a R20mil minimonm.  Konpare avek sa senp travayer Seselwa ki li swa i pe ganny li R5,050 ouswa 8,500.

Mr Speaker ki mannyer ou konpran ownership la? Mr Speaker si ou ganny pli o lo maksimonm ou pe etranze i e ganny zot anviron 60 a100 ekek mil Roupi.

Me ler ou pe get nou bann zenn profesyonnel bann dimoun ki annan leksperyans  e ler ou pe get zot saler  ou demann ou lekor be akoz nou pa ti kapab donn zot lanmwatye – menm twa kar? Akoz nu pa kapab donn zot en housing allowance   Mr Speaker on anvi tous sa de legzanp ki mon’n tous dan mon prezantasyon.

Mr Speaker mon pe tous sa akoz mon ti a kontan ki Gouvernman i anmenn koreksyon imedyatman.  Mr Speaker mon pou refer avek nou bann sitwayen ki nou anvoy travay deor dan bann Lanbasad.

Mr Speaker dizon mon ale konman en Anbasader mon madanm i pou mont avek mwan. Mr Speaker mon madanm i pou tous li zis R1300 pou li fer fas avek sa lavi aletranze.    E si ou annan zanfan i pou tous li anviron R800 Mr Speaker.  Me letan ou konpar lavi dan en lot pei avek Sesel ou ek ou fanmir ou napa zanmi ou en enkoni.

Mr Speaker mon anvi demontre lenzistis, inegalite ki nou bezwen korize.   Kot nou pa kapab annan en drayver etranze, ki pe ganny plis ki en senior counsellor!  Pa kapab sa Mr Speaker.  Sa Lanbasad Sesel.  Nou pa kapab!

Mr Speaker lot kote mon ti tous lo nou problenm lo bann zenn maren lo tanker. Mr Speaker la ankor pou 4 mwan – 7 mwan zot pa ganny nanryen.  E mon pe demande akoz ki laranzman pa kapab ganny fer, ki zot ganny lanmwatye zot saler, ouswa en allowance pou zot kapab tenir lo la ziska ler zot al lo bato ankor apre 7 mwan.

Mr Speaker eski i normal pou en travayer Seselwa ki’n fer 35an parey in ganny mansyonnen.  Pou li ozordi i pe tous zis R13mil?

Mr Speaker mon ti kapab koz lo en ta legzanp ankor.   Me ki nou pe dir se ki, – enn;- nou pa pe met fardo lo Gouvernman ouswa lo sekter prive  akoz Mosyon i kler.  Mosyon pe dir regard bann lezot mezir.   Malgre ki mon’n fer sa propozisyon R10mil mon dir evantyelman.

Mr Speaker me Sesel li i parey en lakonpannyen li.  Lontan nou ti tann nonm corporate Seychelles. E tou Seselwa i form parti sa lakonpannyen.

E letan Seselwa in ganny donnen en bon plan, i kler.  In ganny donnen bann target e i konnen ki i pou gannyen ladan, Mr Speaker nou, nou konnen nou a labaz ki nou travayer Seselwa i kapab akonpli.  E ler i konnen poudir i benefisye otomatikman i pou donn maksimonm Mr Speaker.

E mwan mon pe demande ki nou donn nou bann travayer Seselwa en fair deal  -en fair deal Mr Speaker.

Mr Speaker sa Mosyon i en Mosyon ki byen.  I toultan normal letan ou port keksoz ki byen.   E parey mon’n dir mon’n apresye sa bann kontribisyon ki’n ganny fer par bann diferan Manm anrisi sa deba.  Nou pa’n get zis travayer Seselwa letan nou’n fer deba nou pa’n get zis sa bann nou pa’n get zis sekter prive nou’n osi regarde bann problenm Gouvernman pe fer fas avek.  Me o premye lye Mr Speaker koud lavi se Gouvernman i bezwen re double sa volonte politik Mr Speaker!

E avek sa Mr Speaker mon anvi remersi tou bann Manm e  mwan mon a demann zot annou donn en vot  inanim pou konsern lepep Seselwa.  Mersi.

 

MR DEPUTY SPEAKER

Mersi onorab William.  Zis pou reponn ou bout briyevman lo ou komanter. Nou ti dir ou pe demann en pe gidans an term Komite e travay ki Lasanble i fer.  Mon sel gidans ki mon kapab fer se ki tou bann Komite zot annan zot terms of reference e tou Komite finalman i raport avek Lasanble.   Savedir se sa Lasanble antye ki deside ki i kapab fer.

Me si ou regard konstitisyon li menm konstitisyon i fer provizyon pou en ‘’separasyon pouvwar.’’ Savedir ou bezwen annan en lendepandans ant Lezislatif, Egzekitiv ek Zidisyer.   Se sa bann kontrol ki fer lafors dan sa leta dan Gouvernman.

E alors mon krwar si ou vwar poudir i annan en Brans ki pa pe fonksyonnen se finalman dimoun ki pou bezwen deside en brans pa pe fonksyonnen me pa anpes okenn sa bann Brans fer bokou tapaz e dir nou santi lot Brans pa pe fonksyonnen

E mon krwar sa i apepre limit ki nou kapab ale, dan konteks nou lankadreman legal ki nou annan ozordi e sirtou Konstitisyon.  Sa i mon komanter lo la.

Onorab Ramkalawan.

 

HON WAVEL RAMKALAWAN

Mr Speaker zis en pti pwen klarifikasyon lo en keksoz ki mon’n dir.  I annan en dimoun ki’n anvoy mon en text en pti koreksyon lo klib Liberty Club sa casino.  In fact i  pe dir avek mwan ki i pli pir ki mon ti’n dir; – sa Club Liberty sa Casino laba anler Baie Lazare in retain  50poursan tips pou ‘’lofis’’ –  25 poursan pou ‘’end of year bonus’’ e staff i ganny zis 25poursan tips.

 

MR DEPUTY SPEAKER

Mersi bokou pou sa klarifikasyon Onorab Ramkalawan.  Bann nou’n ariv a lafen deba lo sa Mosyon.  Mon pou re lir Mosyon zis pou remind bann manm sa Mosyon par Onorab William i dir konm swivan;

Prenan kont koud lavi ki pe ogmante e sa nesesite pou revwar kad saler e Gratwite e mezir ankor, sa Lasanble pe demann Gouvernman sa revizyon ki pe fer pou;

  • Koriz bann lenzistis e inegalite a tou nivo kot i posib, tenir kont kalite travay, eleman risk, tann servis leksperyans e konesans.
  • Met lanfaz dan kondisyon lanplwa ki ogmantasyon i baze lo bon performans prodiktivite baze lo bann target.
  • Ki bann dokiman Lagreman travay e kondisyon kler i ganny etabli pou sak pozisyon dan tou sekter.
  • Travay sekter prive me pa enpoz lo zot pou swiv dan moman apropriye.
  • Met ou ouswa ranforsi Regilasyon pou ankouraz sekter prive pou ede kontrol koud lavi kot i posib.

Vwala Mosyon ki devan nou tou bann Manm ki an faver silvouple lev zot lanmen?  Okenn Manm ki kont? Madanm Clerk ou a donn nou count.

 

MADAM CLERK

Mersi Mr Speaker.  Mon rikord 22 Manm an faver e personn kont.  Mersi.

 

MR DEPUTY SPEAKER

Meri 22 Manm an faver personn kont.   I vedir ki sa Mosyon i ganny aprouve par Lasanble Nasyonal.

 

(APPLAUSE)

 

MR DEPUTY SPEAKER

Annan en Mosyon ki nou kontinyen travay.  E demen osi? Zot vreman determinen ozordi.  Bon mon ti a kontan zis fer lanons sirtou po benefis piblik lo travay Lasanble Nasyonal pandan semen prosenn.  Bidze 2019 pou ganny lir Lendi le 5 Novanm 9er bomaten.  E toudswit apre Bidze e in ganny lir Minister Finans pou distribye – sa pou bann Manm Lasanble en gro liv ki annan detay ou Bidze.  Bann Minister e Depans

Repons ki pou konmanse par Leader Lopozisyon answit bann lezot Manm Government Business manm pou konmans 3 zour pli tar.  Zedi le 8 Novanm apartir 9er bomaten.

E ABC i espere zwenn probableman 1er oubyen 1.15 Zedi, pou le de Leaders ansanm avek speaker pou kapab travay lo en plan lo ki mannyer pou fer deba lo Bidze.  Savedir lekel lorganizasyon ki zot pou deside – The House pou deside kriye pou vin reponn kestyon lo la,

So sa i en pti pe travay poi semen prosenn.  Mwan mon estimen pou dir bann Replies bann larepons Bidze, i kapab dir probableman 3 zour.  Savedir si nou pran Zedi nou ava al Vandredi probableman Lendi.  E si tou Manm i dakor mon mazinen apartir Mardi semen prosenn – son semen answit nou kapab al preski toulezour lo deba Bidze.

So vwala en pti pe plan ki devan nou an term ki travay Lasanble Nasyonal.  Alors nou’n ariv a lafen nou travay pou ozordi.  En pti pe tar – zis avan 6er.  Mon pou adjourn Lasanble ziska Lendi le 5 Novanm 9er bomaten.

 

(ADJOURNMENT)