Home » Verbatim » 2018 » Tuesday 23rd October, 2018

Tuesday 23rd October, 2018

NATIONAL ASSEMBLY OF SEYCHELLES

 Tuesday 23rd October, 2018

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou Manm Onorab.  E bonzour tou dimoun ki a lekout.  Mon anvi dir en bonzour spesyal bann zanfan lekol primer Bel Ombre, ki ankor sa vizit i form par zot Ledikasyon Sivik e ankor sa korperasyon ki mwan annan, e Lofis Speaker i annan avek lekol primer Bel Ombre.  Bann zanfan i akonpannyen par zot Mis, mon ava zis pas en pti kou lo mon lalis, mon vwar Ms Rita Dogley avek Ms Marie-Helene – non Ms Monica, Ms Monica Hortance.  Bon welcome dan Lasanble e mon swete ki zot ava pas en bon letan avek nou, pandan break nou envit zot pour pran dite avek nou lo balkon e mon ti a kontan osi tou envit bann Manm Lasanble pour vini pour vin pran dite avek bann zanfan lekol, e osi tou pour kapab interacte avek zot.  Alor welcome bann zanfan e tou taler ankor nou ava rankontre kanmarad.

Bon avan mon pas lo business ki pour lo Order Paper bomaten, mon vwar Onorab Vidot in lev lanmen, mon ava donn ou laparol Onorab Vidot.

 

HON AUDREY VIDOT

Mersi Mr Speaker.  Mr Speaker premyerman mon oule swet ou avek ou delegasyon ki’n retournen, bon retour.  Manm piblik avek Lasanble in vreman mank zot labsans espesyalman pour semenn pase.  San tarde Mr Speaker anba Order 36 (1) nou Standing Order, mon pe lev en matter of privilege avek ou permisyon please.

 

MR SPEAKER

Bon mon pa’n preview okenn matter – en moman, en moman, mon pa’n preview okenn matter of privilege ok?  Matter of privilege ki nou pran toudswit, se en matter ki raise la within – ok?  Petet mon a zis konsey ou ki pandan Break vin vwar mwan nou ava regarde, nou a diskite avan and then you can raise it apre ki mon’n preview – ok?  Mersi Onorab Vidot.

Bon nou ava zis pas en pti kou lo bann travay ki nou annan pour sa semenn, travay ki lo Order Paper, nou annan prezantasyon bann Papye, nou annan en, nou annan 2 First Reading.  E apre nou pour al direkteman lo kestyon pour Minis responsab, Minis Dezinyen e responsab pour Zafer Entern, Gouvernman Lokal, Lazenes, Sport, Kiltir avek Lamenazman Risk, sa se Minis Macsuzy Mondon.  Bon apre sa nou pour swiv avek Mosyon i annan Mosyon ki’n komanse depi semenn pase, nou pour kontinyen avek sa apre nou annan nou ankor 3 lezot Mosyon.  Nou ava demare toudswit e mon ava demann Madam Clerk pour fer, pas prezantasyon bann Papye e apre pour fer First Reading – Madanm Clerk.

 

MADAM CLERK

Mersi bokou Mr Speaker. Bonzour Mr Speaker.  Bonzour tou Manm Onorab, bonzour tou bann zanfan avek zot ansennyan dan Galeri. Mr Speaker koman prezantasyon Papye nou annan:

S.I. 65 pour 2018 ki The Truth, and Reconciliation and National Unity Commission Act of 2018 with (Commencement) Notice, 2018.

2enm – S.I. 66 of 2018 Constitutional Appointees’ Emoluments (Amendment) Act of 2018 with (Commencement) Notice, 2018.  Mersi Mr Speaker.

 

MR SPEAKER

Mersi Madanm Clerk, nou annan First Reading, Madam Clerk sa 2 Public Bills.

 

MADAM CLERK

Mersi Mr Speaker, koman Public Bills First Reading nou annan premye Business Tax, Business Tax,

This Act may be cited as a Business Tax (Amendment) Act of 2018.

        E 2enm;

The Appropriation Bill 2019, This Act may be cited as the Appropriation Act of 2018.  Mersi Mr Speaker.

 

MR SPEAKER

Mersi Madanm Clerk.  Sa 2 Bill in ganny lir, nou note Lasanble ki’n fer First Reading e Second Reading i ava vini ler nou met lo Order Pape,r lo direksyon ABC pour nou pran li pour deba.

Bon avek sa, mon ava envit Minis avek son delegasyon.  Pour lenformasyon Lasanble e manm piblik deor mon’n ganny enformen ki Onorab Paul Ernesta i pour demann sa 2 kestyon ki on behalf of Onorab Sylvanne Lemiel ki absante ki lo en misyon aletranze.

Bon mwan ti a kontan dir en bonzour Minis Dezinyen, Madanm Mondon e swet li la byenveni parmi nou bomaten, Minis i akonpannyen par son PS pour Gouvernman Lokal Madanm Marie-Celine Vidot, Special Advisor pour Gouvernman Lokal Msye Dan Frichot, Sekreter Prensipal pour Lazenes avek Sports Mr  Fabian Palmyre, CEO pour National Sports Council Mr Jean Larue, Special Advisor pour Lapolis Ms Sheryl Vangadasamy, Acting CEO pour Lazans pour Dife Mr Albert Rose e Senior Divisional Officer ankor pour sa Departman Fire Services – Mr Regis Bethew, Minister avek ou delegasyon welcome parmi nou.  Nou ava al direkteman lo kestyon ki lo Order Paper, e premye kestyon i de la par Onorab Sylvanne Lemiel, i pour ganny poze par Onorab Paul Ernesta.  Onorab laparol i pour ou.

 

HON PAUL ERNESTA

Mersi Mr Speaker.  Mr Speaker, Minis, delegasyon bann koleg Onorab e tou dimoun a lekout bonzour e en bonzour spesyal pour nou bann zenn zanfan lekol Bel Ombre.

Minis, Mr Speaker atraver ou, mon kestyon Onorab Lemiel i konm swivan; eski Minis i kapab enform sa Lasanble e osi zabitan Anse Royale, kan ki nou pour vwar komansman konstriksyon Stasyon Tenny Dife Anse Royale?  Mersi Mr Speaker.

 

MR SPEAKER

Bon avan mon donn laparol Minis, mon’n note ki i annan en group zabitan Cascade ki mon konnen zot in ganny en pti retar avek trafik ki zot osi tou zot in vin, fek fer larantre dan Galeri Lasanble Nasyonal e zot in ganny envite par zot Manm pour distrik Cascade Onorab De Commarmond, bann zabitan Cascade nou welcome zot parmi nou e nou swete ki zot ava pas en bon letan parmi nou e ankor parey mon’n dir dan Break nou pour pran dite ansanm e nou envit bann Manm pour interacte avek zot, alor welcome.  Minister laparol i pour ou.

 

THE DESIGNATED MINISTER MRS MACSUZY MONDON

Mersi Mr Speaker.  Bonzour Mr Speaker, bonzour tou bann Onorab, tou bann zabitan, bann ansennyan avek bann zanfan ki la prezan e osi tou dimoun ki a lekout.

Mr Speaker Stasyon Tenny Dife Anse Royale pour komans ganny konstrir boner lannen prosenn.  Sa plan in ganny laprouvasyon ek Lotorite Planning le 28 septanm sa lannen e Lazans pe finaliz desen, enzenyer i soumet avek quantity surveyor, kot apre sa Lazans pour anvizaze ki prosedir tender i a kapab ganny fer pour sa proze pandan mwan Novanm 2018.  Mersi Mr Speaker.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker.  Mr Speaker eski Minis i kapab eksplik sa Lasanble, akoz desizyon in ganny fer pour fer sa stasyon tenny dife dan sa landrwa kot i ete actually, kot pe deside fer.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mr Speaker parey nou konnen i annan en master plan, en plan devlopman pour distrik Anse Royale.  E se la landrwa ki nou’n ganny donnen par Minister Konsernen MHILT pour nou kapab konstrir sa stasyon tenny dife kot i ete.

Mon ti a kontan dir Mr Speaker ki in annan bokou diskisyon, in annan bokou negosyasyon ki’n pase e finalman se sa landrwa ki’n ganny locate pour nou kapab konstrir sa stasyon tenny dife Anse Royale.  Mersi Mr Speaker.

 

MR SPEAKER

Mersi Minis. Onorab Stephen Pillay.

 

HON STEPHEN PILLAY

Mersi Mr Speaker.  Bonzour Minis Dezinyen ek ou delegasyon, tou dimoun. Mr Speaker mwan ti anvi demann Minis ankor lo bann laliny semenn pase, si Minis i kapab fer nou ganny sa detay sa scope of works ki sa stasyon pour koute, son bann estimates, son scope of work ki zot in, mon mazinen zot in fini fer si in ariv kot Planning.  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Onorab. Mr Speaker wi nou kapab anvoy detay travay ki pour ganny fer lo sa stasyon, mon krwar Onorab osi in demann kou, sa stasyon i pour kout nou anviron R17milyon.  Mersi Mr Speaker.

 

MR SPEAKER

Mersi Minis.  Onorab Pillay.

 

HON STEPHEN PILLAY

Wi Mr Speaker. Minis mwan oule konsilte sa detay ler ou fer ou bill of quantities oubyen ou scope of work in mete konbyen makadanm, konbyen blok konbyen, konmsi son bann detay son cost ki zot estimen zot pour servi.  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi nou ava donn bann detay konsernen ki pe ganny demande.  Mon zis anvi azoute Mr Speaker ki sa 17 milyon i pa zis pour lenfrastriktir, me i osi pour bann staff an plis, ki nou bezwen anploye pour travay dan sa stasyon e sa i osi enkli bann masin ki SFRSA pour bezwen pour servi e osi bann lekipman.  Mersi Mr Speaker.

 

MR SPEAKER

Mersi Minis. Onorab Egbert Aglae.

 

HON EGBERT AGLAE

Mr Speaker Minis in tous mwan kestyon ki mon ti pe al demande.  Mersi.

 

MR SPEAKER

Ok, mersi Onorab. Onorab Flory Larue.

 

HON FLORY LARUE

Mersi Mr Speaker.  Bonzour Minis ek ou delegasyon, bonzour tou Manm, bonzour tou dimoun dan Galeri, mwan ti a kontan demann Minis ki i vreman en pa pozitiv pour bann dimoun Sid Mahe pour nou ganny en fire station, me selman Minis in koz lo Master Plan pour Anse Royale ki en dokiman ki i annan, ki en pe aze, en bokou, bokou letan i egziste, e fire station Anse Royale in bouze dan diferan lokasyon e la nou’n vwar avek bann dat ki ou’n donnen, ki aprouvasyon fek ganny fer an septanm 2018 ki fer ki lanons pour sa fire station ganny trouve zis kot sa lokasyon ki zot in dir o bor semen Les Canelles i en spot ki ase nouvo, ki avan ti en landrwa vid ki ti’n ganny deklare koman en later fer pour lwazir pour piblik dan Sid e distrik Anse Royale.

Lefe ki dan distrik Anse Royale Ladministrasyon Distrik i annan li 14, 000 met kare later, akoz ki Gouvernman in deside pour servi sa morso later ki direkteman vizavi la Ladministrasyon Distrik…

 

(Interruption)

 

MR SPEAKER

Order!  Order!

 

HON FLORY LARUE

Be zot ki’n mank lokasyon!

 

MR SPEAKER

En moman – Order!  Order!

 

HON FLORY LARUE

Lokasyon, lokasyon fire station zot ki’n dir…

 

MR SPEAKER

En moman, en moman, Order!  Order! Order!  Ok?  En moman, Onorab Larue atann en moman.  Onorab Ernesta ki ou point of order?

 

HON PAUL ERNESTA

Mr Speaker mon point of order, Order 32 kot en Onorab pe fer statement dan sa kestyon.  I sipoze demann en kestyon direk, pa statement.  Mersi Mr Speaker.

 

MR SPEAKER

Ok, mwan, bon mon Ruling, mon Ruling lo la se ki …

 

(Interruption)

 

MR SPEAKER

Order!  Order!  Bon Onorab Flory Larue in fer referans avek Master Plan ki ti enkli ler Master Plan ti sorti ti enkli en fire station pour Sid, pour rezyon Sid ki ti pour fer Anse Royale.  In fer referans avek sa, in fer referans avek konstriksyon sa nouvo, dan sa nouvo site ok?  I annan relevans lo sa kestyon e lo repons ki Minis in donnen.  Alor mon pour Rule point of order out e mon pour donn Onorab Larue la parol, i a, fini ou kestyon, ou’n fini fer ou bout statement, fini ou kestyon pour Minis.

 

HON FLORY LARUE

Mersi Mr Speaker.  Eski Minis i kapab eksplik nou akoz ki en later lwazir pe ganny servi pour sa, olye bann lezot later ki already dan posesyon distrik kot Ladministrasyon Distrik i ete spesifikman ki mezir 14, 000 met kare later silvouple?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker pa bann Lorganizasyon ki deside lekel bout later ki zot pour pran pour zot kapab fer bann devlopman ki konsern zot.  Bout later i annan en Minister ki ansarz pour repase e pour dir kwa ki pour ganny fer – kote.  E sa lokasyon kot nou ete, i lokasyon ki MHILT in donn nou pour nou kapab fer Stasyon Tenny Dife e se pour sa rezon nou pe al fer li dan sa landrwa.  Mersi Mr Speaker.

 

MR SPEAKER

Mersi Minis.  Onorab Larue.

 

HON FLORY LARUE

Mersi Mr Speaker.  Mersi Minis, mon ti a kontan ki osi Minis lefe ki i en Minis pour Internal Affairs, Local Government, Youth and Sport e nou pe koz lo en later ki ti’n ganny dedye pour lwazir, mon krwar ki Minis i bezwen konnen akoz ki zot in transfer en later lwazir, pour fer en devlopman lo la, vi ki i annan lezot later ki’n ganny allocate pour Ladministrasyon Distrik Anse Royale.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mr Speaker mwan pa okouran ki sa later in ganny dedye pour lwazir.  Sa landrwa petet nou’n servi li akoz ti napa nanryen lo la, nou’n servi li pour lwazir pour bann aktivite rekreasyonnel.  Me letan en Plan Devlopman i ganny fer dan en landrwa, i pa vedir akoz nou’n abitye fer servi en landrwa pour aktivite lwazir ki nou bezwen kontinyen servi li.  Me selman mon konnen poudir MHILT Onorab in fer provizyon, in fer provizyon pour ki i annan landrwa ki pour ganny allocate pour aktivite lwazir dan sa landrwa la kot nou pe koze Anse Royale, me i pa vedir ki nou, nou pe pran en landrwa kot i fer aktivite lwazir, akoz mon pans pa si Ofisyelman sa landrwa in ganny deklare koman en landrwa ki nou fer aktivite lwazir.  Mersi Mr Speaker.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Speaker, bonzour Mr Speaker, welcome back.  We badly needed you.  Nou ti vreman bezwen ou isi…

 

(Interruption)

 

MR SPEAKER

Order!  Order! 

 

HON CHARLES DE COMMARMOND

Eski Onorab Ferrari i kapab aret malelve Mr Speaker.

 

MR SPEAKER

Order! Order! Onorab De Commarmond poz ou kestyon.

 

HON CHARLES DE COMMARMOND

Yes, ensi ki sa bann lezot – nou pa ti la nou de, vreman Lasanble ti mank nou Mr Speaker la, la….

 

(Interruption)

 

HON CHARLES DE COMMARMOND

I Mank nou, zot in fer en bann malelve isi deryer nou….

 

MR SPEAKER

Kestyon…

 

HON CHARLES DE COMMARMOND

Zoure partou, dan koridor partou.

 

(Interruption)

 

HON CHARLES DE COMMARMOND

Now Mr Speaker bonzour e bonzour Minis ek ou delegasyon, bonzour tou Manm Onorab e tou dimoun ki la, espesyalman bann zabitan Cascade ki’n vini la.

Mr Speaker eski Minis i kapab eksplik nou Lasanble e dir nou avek ki in konsilte e tonm dakor, pour fer sa stasyon tenny dife la kot zot pe propoze olye ki sa lot landrwa ki ti’n tonm dakor avan?  Mersi.

 

MR SPEAKER

Mersi Onorab De Commarmond.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker diskisyon ti ganny fer sa letan avek Lotorite Distrik e avek Minister konsernen.  Mersi Onorab.

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

Mr Speaker akoz ki Minister pa’n konsilte ek zabitan ek bann Lotorite dan distrik ek zofisye kot Stasyon Tenny Dife kot sa Lotorite ki ansarz laba, pour zot vreman tonm dakor dan en fason pli konpreansiv olye zis Minister i sizere pour fer la e prezan tou i vin en fet akonpli?  Oli plis konsiltasyon ki ti devret ganny fer dan sa domenn?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker mwan krwar poudir en konsiltasyon pa tou keksoz ki ou pe al fer ou bezwen fer konsiltasyon avek tou group dimoun.  Mon krwar diferan konsiltasyon i ganny fer avek diferan kous, e nou nou’n konsilte Lotorite Distrik ki nou konnen i enkli DA, i enkli MNA eksetera, e letan nou fer bann konsiltasyon koumsa mon pa okouran poudir ler nou pe al konstrir en Kordgard oubyen letan nou pour al konstrir en Stasyon Tenny Dife nou bezwen al konsilte lapolis oubyen nou bezwen al konsilte bann travayer SFRSA.  Nou fer konsiltasyon avek bann dimoun ki nou santi i annan en say ki nou bezwen fer konsiltasyon avek.  Mersi Mr Speaker.

 

MR SPEAKER

Mersi Minis.  Dernyen kestyon Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun.  Kestyon ki mon ti ava kontan demann Minis, se ki lenformasyon ki dan Domenn Piblik in endike avan ki sa stasyon ti pour kout R8 milyon letan ki ti annan lanons lo la oparavan, donk akoz in annan en logmantasyon prezidis 9 milyon dan sonm ki Minis pe anonse ozordi?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker sa R8 milyon i zis pour lenfrastriktir.  Sa letan i zis pour lenfrastriktir e se sa ki ti ganny mansyonnen, me sa diferans zisteman parey mon’n dir pour nou kapab recruit bann staff pour travay dan sa stasyon e osi aste bann lekipman avek bann masin ki stasyon i pour bezwen, pour li kapab donn sa servis dan sa landrwa kot i ete.  Mersi Mr Speaker.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Sa ki mwan ti ava kontan demann Minis se akoz zot pe met kou travayer dan sa Bidze kan normalman nou konnen poudir bann Bidze ki nou konsidere isi dan Lasanble i pour vin anba ‘Wages and Salaries’ me pa dan en capital project, akoz ki sa voyaz zot, zot pe met li ansanm?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker nou ape sey donn lenformasyon menm e kekfwa parfwa nou donn tro bokou, nou pa pe met sa ansanm, pour met li ansanm dan en capital project.  Mon pe dir an zeneral tou finalman pour nou kapab fer marse sa servis Anse Royale, letan nou’n fini konstrir, letan nou’n fini met tou bann lekipman ki nou bezwen mete, letan nou’n fini anploy bann staff ki nou bezwen anploye, proze final konplete avek servis konmanse, lenplimantasyon i pour kout nou R17 milyon.  Mersi Mr Speaker.

 

MR SPEAKER

Mersi Minis.  Mon donn dernyen kestyon direk pour Loter kestyon Onorab Ernesta.

 

HON PAUL ERNESTA

Mersi Mr Speaker.  Mr Speaker zis klarifikasyon addon pour lo ki sa ki Minister in dir lo kestyon Onorab De Commarmond, atraver, dapre Madanm – Onorab Lemiel i ti annan en meeting konsiltasyon ki ti fer avek piblik Fevriye lannen pase kot sa kestyon ti ganny aborde, e kot CEO Planning ek ansanm Lotorite Fire Brigade ti’n les konpran ki lezot lenstans ki pa’n kapab fer sa landrwa akoz Fire Brigade li menm i bezwen en stasyon lo li menm apard bann lezot servis ki ti pe ganny propoze.  Vwala son klarifikasyon.  Mersi Mr Speaker.

 

MR SPEAKER

Ok, mersi.

 

HON FLORY LARUE

(Off-Mic)

 

MR SPEAKER

Onorab, ki matter Onorab Larue?  Ki matter ki oule raise?

 

HON FLORY LARUE

Mersi Mr Speaker.  Anba 36 (5) provided that if during a Sitting of the Assembly a matter suddenly arises which appears to involve the privileges of the Assembly.

        Mon santi ki Minis in kekfwa mislead ouswa in donn, in redonn nou en lenformasyon ki pa korek.  Akoz devan mwan la lo sit MLUH dan Domenn Piblik i annan en plan ki montre ki mannyer sa area spesifik ti pour ganny devlope e li i mete lo la ki ti pour annan en open air cinema, bann kiosk pour barbeque dan sa lokasyon spesifik ki ti’n ganny allocate pour en lot keksoz.  Alor mon ti a vreman kontan konnen a ki pwen ki sa lenformasyon ti sanze, akoz zanmen sa fire station in deza ganny allocate dan sa landrwa, la lately ki zot in met li la, e i pa kler ditou!

 

MR SPEAKER

Ok bon Onorab ou pe rod en klarifikasyon.

 

HON SEBASTIEN PILLAY

(Off-Mic)

 

MR SPEAKER

Non, non.  Onorab Pillay non.

 

HON SEBASTIEN PILLAY

(Off-Mic)

 

 

MR SPEAKER

Onorab, Onorab Pillay mwan ki pe pran la parol ok? Onorab Larue in lev en pwen anba privilez Lasanble kot petet Minis pa pe donn lenformasyon korek Lasanble – ok?  Mon ava donn sans Minis pour reponn e pour fer okenn klarifikasyon an vi konsern ki Onorab Larue in leve.  Minister la parol i pour ou.

 

THE DESIGNATED MINISTER MRS MACSUZY MONDON

Mr Speaker klarifikasyon mon pour bezwen al rode avek MHILT, akoz mwan la, la landrwa ki nou’n ganny dir nou kot fire station pour ganny konstrir Anse Royale, ok?  Donk mon krwar MHILT ki pour bezwen eksplike si in annan sanzman, si kot ti pour fer, pa ti pour fer mwan mon pa kapab donn sa klarifikasyon.  Mersi Mr Speaker.

 

MR SPEAKER

Mersi Minis.  Nou ava pran 2enm kestyon, Onorab Philip Arissol, 2enm kestyon.

 

 

HON PHILLIP ARISSOL

Mersi Mr Speaker.  Bonzour Minis ek ou delegasyon.  Bonzour tou dimoun.  Kestyon i lir koumsa:-

Eski Minis i kapab dir sa Lasanble dan ki staz enplimantasyon, eski plan pour devlopman stasyon tenny dife Anse Boileau i ete?  Kan ki sa proze i ekspekte komanse e terminen?  Konbyen sa proze pour kout Gouvernman?  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker stasyon tenny dife Anse Boileau pour ganny konstrir kot ansyen Stasyon Lapolis ti baze oparavan, proze rekonstriksyon sa stasyon in ganny retarde akoz priyorite ti pour konstrir main stasyon tenny dife Anse Royale.

Proze rekonstriksyon in ganny planifye pour komans pandan lannen 2020 e sa pour kout Gouvernman anviron R9 milyon.  I pour pran anviron 12 mwan pour konstrir sa stasyon.  Mersi Mr Speaker.

 

MR SPEAKER

Mersi Minis.  Onorab Arissol.

 

HON PHILLIP ARISSOL

Mersi Mr Speaker. Minis eski pour annan nesesite pour bouz stasyon aktyel pandan ki konstriksyon pe pran plas, e si wi, eski en sit in ganny idantifye?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi Onorab ler rekonstriksyon pour komanse kot sa stasyon, e pour ganny, ki la konmela i pour ganny kraze e sa Lazans i pour tanporerman bouz son loperasyon Anse Royale ziska ler proze i konplete.  Mersi Mr Speaker.

 

MR SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Mon ti ava kontan si Minis i klarifye byen pour nou si sa sonm 9 milyon ki’n quote i enkli zis lenfrastriktir ouswa si i pour enkli servis avek recruitment staff ki pour dan stasyon?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker. Mr Speaker sa sonm i zis pour lenfrastriktir akoz i pa pour lo menm lanpler ki sa stasyon ki nou pe konstrir Anse Royale.  Mersi Mr Speaker.

 

MR SPEAKER

Mersi Minis.  Nou ava pran kestyon No.3, Onorab Wilbert Herminie.

 

HON WILBERT HERMINIE

Mersi Mr Speaker.  Bonzour Mr Speaker….

 

MR SPEAKER

Ok en moman Onorab.  Yes Minis.

 

THE DESIGNATED MINISTER MRS MACSUZY MONDON

Mersi Mr Speaker.  Avek ou permisyon mon ti a kontan release sa team ki la lo latab avek mwan e petet demann lot team pour rezwenn mwan silvouple kot latab.

 

MR SPEAKER

Wi, ok mwan konpran Minis, bon nou ava eskiz Ms Vangadasamy avek le 2 zofisye pour fire services parmi nou, mersi bokou, e nou ava eskiz zot.

 

(MS VANGADASAMY AND THE FIRE SERVICES DELEGATION WAS EXCUSED FROM THE HOUSE)

 

MR SPEAKER

Bon pour prosen kestyon, Minis i ganny akonpannyen par PS pour Gouvernman Lokal Madanm Vidot e Special Advisor Msye Dan Frichot.  Onorab Herminie.

 

HON WILBERT HERMINIE

Mersi Mr Speaker.  Bonzour Minis avek ou delegasyon, bonzour tou dimoun dan Galeri e tou dimoun ki pe a lekout, kestyon nimero 3, eski Minis i kapab dir sa Lasanble ki plan pour maintain Vilaz Trezor pour sekiriz sa landrwa vi ki pe ganny servi konmela pour komet bann akt delenkan?  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker i annan serten travay ki bezwen ganny fer pour sekiriz sa playground, akoz dan son fencing in andomaze.

Mr Speaker avan ki travay i ganny fer lo sa playground, i annan en proze drenaz ki bezwen ganny fer e konplete, akoz sa proze i pour bezwen pas atraver sa landrwa kot playground i ete.

Ti annan en rankont ki ti ganny fer le 18 Oktob 2018 avek bann zabitan pour enform zot lo sa size dan prezans MNA, DA e reprezantan PMC. Mr Speaker Mr Speaker enn fwa ki sa proze drenaz in konplete, nou ekspekte komans travay lo sa playground.  Mersi Mr Speaker.

 

MR SPEAKER

Mersi Minis.  Onorab Herminie.

 

HON WILBERT HERMINIE

Eski Minis i kapab dir nou ki dele letan sa proze i kapab ganny konplete.  Mersi Mr Speaker.

 

MR SPEAKER

Mersi Onorab.

 

(Interruption)

 

MR SPEAKER

Order!  Order!  Silvouple.  Order!  Minis.

 

THE DESIGNATED MINISTER MRS MACSUZY MONDON

Mr Speaker, si tou keksoz i al byen, nou ekspekte ki by milye lannen prosenn, nou ava’n kapab fini fer sa proze.  Mersi Mr Speaker.

 

MR SPEAKER

Mersi Minis. Onorab Wavel Woodcock.

 

HON WAVEL WOODCOCK

Bonzour Minis, ou delegasyon, tou Manm ek bann zanfan dan Galeri e tou dimoun a lekout.

Mr Speaker mon kestyon i konm swivan, eski Minis i kapab dir sa Lasanble, ki Polisi son Gouvernman kot i konsern maintenance bann playground?  Sa problenm maintenance playground, i en problenm ki en pe partou dan Sesel.  Annefe Praslin tou lede playground o bor Ladministrasyon Distrik i dan move leta, e mwan menm mon Mr Speaker pour 2 an mon pe lager pour zot kapab maintain e aranz sa playground Grand Anse Praslin alor…

 

MR SPEAKER

Onorab.  Onorab ..

 

HON WAVEL WOODCOCK

Yes.

 

MR SPEAKER

I lo Vilaz Trezor dan distrik La Rivière Anglaise…

 

HON WAVEL WOODCOCK

Wi.

 

MR SPEAKER

Wi mon ava allow sa bout Polisi…

 

HON WAVEL WOODCOCK

Polisi yes

 

MR SPEAKER

Lo maintenance playground, Minister.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker nou Polisi se maintain tou bann playground ki tonm anba Gouvernman Lokal baze lo lakantite Bidze ki nou gannyen dan en lannen, e sa nou fer li par faz o frir a mezir ki nou annan funding pour nou kapab fer li.  I vre kekfwa i pran en pe letan pour nou kapab maintain tou bann playground ki nou annan, me selman nou lentansyon se pa pour kit bann playground dan en leta ki nou pa kapab servi.  Nou lentansyon se ki nou maintain bann playground baze lo funding ki nou gannyen dan en lannen.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Mr Speaker bonzour.  Bonzour Minis.  Minis mon kestyon, i annan 2 kestyon la, (1) sa bann lenformasyon ki ou’n donn nou e ki ou’n partaze avek bann zabitan dan sa meeting le 18, eski tou dimoun in gannyen sa lenformasyon, akoz ou dir nou poudir ou’n pas sa lenformasyon, Minister in pas sa lenformasyon, me i paret ki MNA li i pa gannyen sa lenformasyon.  So mon pe demann …

 

(Interruption)

 

MR SPEAKER

En moman, en moman, yes Onorab Herminie, met ou mic on.

 

HON WILBERT HERMINIE

Mr Speaker kestyon i pour tou zabitan La Rivière Anglaise, mwan mon’n ganny elekte pour reprezant La Rivière Anglaise an antye.  Dan sa meeting ti annan zis zabitan Vilaz Trezor, kestyon pe ganny demande pour lenformasyon zabitan La Rivière Anglaise e i annan en MNA La Rivière Anglaise dan sa Lasanble!  Mersi Mr Speaker.

 

(APPLAUSE)

 

MR SPEAKER

Ok, Order!  Order!  Silvouple, ok, Order! Ok.  Bon dakor ou klarifikasyon ou pa’n ganny enformen, se sa rezon ki ou’n demann ou kestyon.  Onorab Ferrari kontinyen.

 

HON JEAN-FRANÇOIS FERRARI

Mersi Mr Speaker.  Mon pa vwar akoz zot pe eksite, mon pe zis demande si sa lenformasyon MNA osi in gannyen se tou.  Sa i mon premye kestyon.

Mon 2enm kestyon se, playground Vilaz Trezor i vreman dan en leta deplorab, mwan mon’n al gete mwan, e…

 

(Interruption)

 

MR SPEAKER

Kestyon…

 

(Interruption)

 

HON JEAN-FRANÇOIS FERRARI

Mon a kontinyen?  Mon kapab kontinyen.

 

MR SPEAKER

Bon en moman Onorab Ferrari…

 

HON JEAN-FRANÇOIS FERRARI

Mon ava zis espere.

 

MR SPEAKER

Bon mon krwar mon’n ariv dan pozisyon kot mwan pour komans “name” serten Manm.  E nou konnen konsekans ler The Chair i “name” en Manm ok?  Si napa lord dan sa Lasanble mon komans servi sa Pouvwar from The Chair – ok? Onorab Ferrari.

 

HON JEAN-FRANÇOIS FERRARI

Mersi Mr Speaker.  Mon re demann mon kestyon, i playground Vilaz Trezor i vreman dan en sityasyon deplorab, mon ti a kontan demann avek Minis ki mannyer son Minister in kapab permet sa ariv dan sa sityasyon koumsa?  Eski sa bann Lotorite Distrik enkli son MNA in fer konplent dan lepase pour demande?  In fer zefor pour kapab fer en travay lo la, oubyen non?  Se sa mon kestyon.

 

(Interruption)

 

MR SPEAKER

I pa pe

 

(Interruption)

 

MR SPEAKER

Attends, attends – i pa pe insinuate nanryen ki improper.  In zis demande

 

(Interruption)

 

MR SPEAKER

… attends, mon annan la parol! I pe demande si Lotorite enkli MNA i fer bann prosedir pour enform Minis leta sa playground.  Annou esper li fini reponn sa kestyon….

 

HON JEAN-FRANÇOIS FERRARI

Minis i ava dir nou si wi oubyen non…

 

MR SPEAKER

Minis i ava donn repons.  Ok?   

 

 

(Interruption)

 

MR SPEAKER

It’s not out of order.  It’s not imputing

 

HON JEAN-FRANÇOIS FERRARI

Mersi Minis.  Mersi Mr Speaker…

 

(Interruption)

 

MR SPEAKER

Mwan mon ava konnen Onorab Pillay kan i pe impute e mon ava rantre – mon ava defann okenn Manm ki pe ganny sa bann lakizasyon ok?  Onorab Ferrari fini ou kestyon.

 

HON JEAN-FRANÇOIS FERRARI

Mersi Mr Speaker, sete sa mon kestyon, mon kestyon tre senp, mon pa kapab konpran akoz zot pe ankoler, zot pe eksite, zot pe ronfle!  Mon pa kapab konpran!

 

MR SPEAKER

Mersi nou ava donn laparol Minis.

 

HON JEAN-FRANÇOIS FERRARI

Mersi.

 

MR SPEAKER

Minis, laparol i pour ou.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker wi MNA in anmenn sa problenm a latansyon Departman Gouvernman Lokal e se pour sa rezon ki nou’n met sa proze pour nou kapab fer li dan proze distrik pour nou fer li dan lannen 2019.

Playground li menm Mr Speaker i, se en Donasyon Gouvernman Sinwan ok, e mon’n al vizite mwan osi sa playground, pli gro problenm avek sa playground se son fencing, mon krwar Onorab i ava dakor ek mwan, wi nou bezwen osi fer serten travay maintenance lo bann lekipman ki lo sa playground akoz i pa en gran playground, me le moman nou’n fer travay preliminer ki nou’n bezwen fer avan, sa travay lo sa playground i ava ganny fer parey i merit ganny fer.  Mersi Mr Speaker.

 

MR SPEAKER

Mersi Minis.  Yes Onorab Herminie dernyen kestyon.

 

HON WILBERT HERMINIE

Mersi Minis pour larepons.  Vi ki sa playground i dan en ase kondisyon ase normal, son bann zouzou nou pe koze, eski i annan plan Minis pour upgrade en pe met bann nouvo fasilite dan sa landrwa pour kekfwa pour bann nouvo zwe lwazir pour ede avek lakantite manrmay ki i servi?  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi Onorab i dan nou plan pour met ankor en pe plis bann zouzou pour bann zanfan dan sa landrwa.  Mersi.

 

MR SPEAKER

Mersi Minis, nou ava bouz lo kestyon No. 4, Onorab Waven William.

 

HON WAVEN WILLIAM

Mersi Mr Speaker.  Bonzour tou dimoun ki a lekout, mon oule swet la byenveni bann zabitan distrik Cascade avek bann zanfan sorti Bel Ombre avek zot bann ansennyan, kestyon i konm swivan;-

Minis prenon kont lanpler travay Konsey Rezyonal e distrik, eski Gouvernman pour revwar alokasyon bidzeter serten Lazans Gouvernman pour transfer ek Konsey e avek distrik pour pli mye kapab fer son travay, enkli ankor desantralizasyon serten servis e aktivite pour reponn a bezwen bann rezyon dan en fason pli efikas.  Mersi.

 

MR SPEAKER

Mersi Onorab William.  Minis.

 

THE DESIGNATED MINISTER MRS MACSUZY MONDON

Mersi Mr Speaker, Mr Speaker parey nou okouran Konsey Rezyonal pe fonksyonn koman en proze pilot pour 1 an gide par en lankadreman Administrative.

Pour annan en legzersis evalyasyon ki pour ganny fer apre sa 1an pour permet nou kapab pran desizyon lo fonksyonnman Konsey a lavenir.

Dan sa faz pilot i pa recommandable pour Gouvernman transfer alokasyon bidzeter serten Lazans Gouvernman avek Konsey.  Konsey i bezwen letan pour li etablir e plis desantralizasyon servis e aktivite ava ganny fer gradyelman.

Antretan Mr Speaker, Departman Gouvernman Lokal pe donn sipor neseser Konsey pour fasilit son fonksyonnman Administrative.  Mersi Mr Speaker.

 

MR SPEAKER

Mersi Minis,. Onorab William.

 

HON WAVEN WILLIAM

Mersi Mr Speaker.  Mr Speaker swivan larepons Minis mwan anvi demann Minis, lefe ki li menm li i dir ki sa i en proze pilot pour 1an e ki pour annan en evalyasyon, eski Minis i ava konsider avek lefe ki nou pe dir koup depans, revwar en pti pe lafason ki Konsey Rezyonal pe fer son travay, avek le bi ki lefe nou pe koz Konsey Rezyonal, si Minister i anvi fer en bon evalyasyon lo Konsey Rezyonal, mon pe demann Minis si i kapab konsider revwar lafason ki Konsey pe travay – enn – parey mwan dir, se pour koup gaspiyaz avek depans, e osi pour anpes diplikasyon travay!  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker i annan 3 mwan depi nou’n lans Konsey e ki Konsey pe fonksyonnen.  Wi mon krwar letan ki evalyasyon i ganny fer i ava annan en nesesite, si i annan en nesesite pour nou revwar lafason ki Konsey pe travay, nou ava revwar antretan sa ki nou pe fer, se reste an kontak avek bann Konsey e travay pros avek bann DA pour vwar ki mannyer zot pe travay zot osi avek bann Konsey Rezyonal.  E byensir si i annan diplikasyon travay ki pe arive, nou pe ava fer en fason pour nou retir sa bann diplikasyon.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker 2 kestyon silvouple.  Minis mon premye kestyon se dabor mon ti a kontan remersye Departman Gouvernman Lokal pour sa sipor ki zot pe donnen i nivo Konsey Rezyonal, e mon kestyon se vi ki i, sa travay i annan en vole Administrative e ki deza bann DA i anba presyon enorm pour zot kapab delivre dan zot Sekter, nou ti ekspekte ki at least en staff, en staff i kapab ganny idantifye pour li kapab ofer sa sipor Administrative pour Konsey Rezyonal.  Me lenformasyon se ki sa pa ankor ganny met an plas totalman.  So mon ti a kontan demann Minis ki i kapab dir avek sa Lasanble an term sa Administrative support ki Konsey Rezyonal i kapab, i devret kapab gannyen.

Mon 2enm kestyon Minis, an vi ki sa i en proze pilot, mon ti a kontan si Minis ti kapab pronons son lekor lo lesanz lenformasyon ant Ladministrasyon Distrik avek Konsey Rezyonal.  I annan en pe konfizyon la, i annan en pe konfizyon kot kekfwa Ladministrasyon Distrik i en pti pe zalou son bann prerogative pour li e zot pa toultan anvi partaz sa bann lenformasyon.  So Minis si ou kapab dir avek nou ki mannyer ou vwar sa lesanz lenformasyon, ki degre i devret ganny fer e an zeneral eksplik nou ki mannyer i kapab annan sa sinerzi?

 

MR SPEAKER

Mersi Onorab Ferrari.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker nou dan faz pe recruit en staff, en Senior office Assistant pour kapab fer travay avek Konsey e zisteman asiste osi bann DAs kot bann Konsey i baze pour kapab ede si, parey Onorab in dir, tir en pe presyon travay.  Nou’n deza recruit, interview, recruit 3 e i reste nou ankor 4 pour nou kapab recruit, donk mon krwar sa i ava ede.

Kot i konsern lesanz lenformasyon, Onorab mwan panse poudir Konsey i o nivo rezyon e bann diskisyon, bann deba ki ganny, ki pase o nivo Konsey bann keksoz ki ganny diskite, si i annan rezyon, si i annan nesesite pour donn lenformasyon ki pour o benefis Regional Council mon pa vwar en problenm avek sa, me selman nou bezwen tenir an kont poudir sa i en Konsey Rezyonal ok, letan, si a lavenir nou annan konsey o nivo, en konsey o nivo sak distrik petet keksoz i ava mars en pti pe diferaman si sa i direksyon nou pran, me petet nou pe eksperyans serten si i annan bann pti difikilte petet akoz i en Regional Council – ou vwar?

E kekfwa menm DA osi i annan de moman kot i pa konnen si sa lenformasyon i sipoze donn, pas avek Konsey Rezyonal oubyen non, me letan sa i arive mon krwar DA i toultan pran kontak avek PS Gouvernman Lokal pour li vwar – par egzanp mwan – si mon donn en legzanp mon konnen poudir i annan lenformasyon ki ti ganny demande lo zafer lapovrete avek DA, be sa bann lenformasyon pa DA par egzanp ki pour bezwen donnen sa bann lenformasyon, se sa seksyon sa Lazans ki ansarz sa ki pe fer sa bann survey lo Lapovrete ki pour kapab donn sa lenformasyon avek Konsey, akoz petet parfwa i annan lenformasyon ki ganny demande avek DA ki DA napa li osi sa lenformasyon pour li donnen oubyen i napa Lotorite lo sa lenformasyon pour li kapab donnen avek konsey, me mwan panse o frir a mezir ki nou kontinyen travay, serten sa bann pti grey areas i ava ganny amelyore.  Mersi Mr Speaker.

 

MR SPEAKER

Mersi Minis.  Onorab Aglae.

 

HON EGBERT AGLAE

Mersi Mr Speaker, bonzour tou dimoun, Minis ek ou delegasyon.  Minis mon kestyon i vize fer desantralizasyon, eski ou Minister in asize ansanm avek Minister Finans pour etablir en progranm ouswa en plan, kot i konsern desantralizasyon servis avek son resours – en mannyer ki i a rann distrik, antretan i annan Konsey Rezyonal vin pli efikas dan son deroulman e ki keksoz i a roul pli vit san gran retar?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Onorab sa travay i pa pe ganny fer zis avek Minister Finans, me i pe ganny fer avek tou bann lezot Sekter pour vwar ki bann servis a lavenir ki nou kapab desantralize o nivo distrik.  Donk i annan en travay ki pe ganny fer lo la.  Mersi Mr Speaker.

 

MR SPEAKER

Mersi Minis.  Onorab Aglae.

 

HON EGBERT AGLAE

Minis mwan kestyon spesifikman mon pour koz lo Local Government sirtou, li ki sa lakle ki devlopman distrik, eski zot, zot menm zot ansanm avek ou PS, zot in asize pour vwar ki mannyer zot kapab dan imedyat anmenn serten resours dan distrik ki keksoz i kapab bouze.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi Mr Speaker kot nou, nou kapab anmenn serten resours pour fer keksoz bouz pli vit, si i konsern o nivo Departman Lokal, wi nou ava fer li, akoz mon krwar nou tou nou anvi ki keksoz i mars pli vit, i mars pli byen.  Parey nou konnen par egzanp i deza annan serten servis o nivo Ladministrasyon Distrik ki pe ganny ofer par serten sekter, nou annan Lanplwa ki ofer en servis; nou annan Lazans Proteksyon Sosyal ki ofer servis, nou annan Departman Sosyal osi ki ofer serten servis dan distrik; nou annan Lazenes tousala Onorab nou pe, mon krwar nou pe fer en travay evalyasyon lo bann servis ki deza egziste dan distrik, pour nou vwar si sa bann servis i efikas, si nou bezwen amelyore, e sa nou pe travay etrwatman avek bann sekter konsernen.  Me kot i konsern Departman Lokal li menm, kot i konsern son bann progranm, kot i annan pour donn plis resours, nou pour donnen plis resours dan distrik.  Mersi Mr Speaker.

 

MR SPEAKER

Mersi Minis.  Dernyen kestyon pour Onorab William.

 

HON WAVEN WILLIAM

Mersi Mr Speaker. Minis lefe ankor parey mwan dir ki ou dir ki sa i en proze pilot, e ki en evalyasyon pour ganny fer dan 1an, mon anvi demann ou si lafason ki Konsey pe travay, sa evalyasyon letan pour ganny fer, eski zot pour servi baz louvraz dan distrik ouswa baz fonde lo en lanpler rezyonal?

E dezyenmman Minis, i pa paret lafason ki sa travay pe ganny fer, pe fonde lo en baz rezyonal parey Seselwa i konpran poudir sa i Konsey Rezyonal Distrik e mwan mon pe demande ki letan sa evalyasyon i ganny fer, i pour konsern zis en zafer Minister Gouvernman Lokal?  Osi pour enkli, i pour enkli bann lezot Lazans, par egzanp pour annan Manm Elekte dan distrik ki la an menm tan i annan bann lezot Lazans osi ki pe travay dan distrik, e lefe ki zot pe fer meeting piblik, eski piblik osi pour ganny sans donn son pwennvi lo sa evalyasyon lefe ki nou pe mazin lo en plan lonterm pour Konsey Distrik?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker. Onorab evalyasyon pour ganny fer a tou nivo, lot travay ki’n ganny fer Konsey Rezyonal li menm e parey ou pe dir, piblik osi, piblik tou bann dimoun ki’n annan en keksoz pour fer avek Konsey zot pour osi zot pour ganny enplike dan sa evalyasyon.  Donk i pour en evalyasyon zeneral ki pour konpri tou pour nou kapab fer en bon evalyasyon ki pour permet nou zisteman dan ki direksyon nou anvi ale avek Konsey a lavenir.  Mersi Mr Speaker.

 

MR SPEAKER

Mersi Minis.  Kestyon No.5 Onorab Waven William.

 

HON WAVEN WILLIAM

Mersi Mr Speaker.  Mon anvi demann Minis pour ki rezon alokasyon ki nou apel Fon Dirzans in ganny retire dan Bidze Distrik?  Eski ti annan konsiltasyon avek Lotorite Distrik avan ki sa desizyon ti ganny pran?

E dezyenmman lefe ki’n annan en team Brigad Dirzans dan distrik ki mank sipor, ki lankourazman e sipor moral nou pe ofer atraver en tel desizyon ki’n ganny pran par retir sa Fon Dirzans?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mr Speaker mersi.  Lenformasyon ki mon annan se ki distrik pa’n annan en Fon Dirzans, apard lannen 2017 kot nou ti ganny R1.5 milyon avek Minister Finans dan nou Bidze pour nou kapab travay lo bann emergencies ki i arive.

Tou bann ka dirzans dan distrik, ti ganny peye anba Contingency Fund kot Minister Finans. Departman Gouvernman Lokal ti fer en demann R1.5 milyon pour lannen 2018, me sa pa ti ganny aprouve.

Mr Speaker parey mwan ti dir osi dan Lasanble le 18 Septanm, Departman in remet ankor sa sonm dan Bidze 2019 e mon ekspekte ki sa i ava ganny aprouve, pour nou kapab zisteman travay avek sa bann ka dirzans ki nou annan dan bann distrik.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Mr Speaker mon anvi demann Minis, lefe ki nou rekonnet ki ti annan en sonm 1.5 milyon 2017, epi sa sonm ti ganny tire parey mon dir pour rezon ki nou menm nou dan Lotorite Distrik nou pa konnen, e mon mazinen poudir lefe ki ti ganny mete ti annan en rezon par deryer Minis.  E la ou pe dir nou ki ou Minister in fer en lot demann.  Me Minis mwan mon anvi demann avek ou, eski ou team in fer en bon travay pour kal e siport sa demann ki ou’n fer akoz dan distrik nou, nou krwar poudir nou bezwen en fon pour nou travay avek pour reponn parey ou’n dir bann ka emergency ki monte, ki nou ti kapab mon kapab dir defalke en pe keksoz avan ler sa main body i vini pour antre pour deal avek bann ka emergency.  Mersi.

 

MR SPEAKER

Mersi Onorab.  Minis.

 

HE DESIGNATED MINISTER MRS MACSUZY MONDON

Mersi Mr Speaker.  Wi Onorab nou’n ensiste avek Minister Finans ki nou gannyen sa larzan ki nou’n demande pour lannen prosenn, e mon plis ki sir poudir nou pour gannyen sa larzan dan nou Bidze pou nou kapab fer sa travay ki nou annan pour nou fer o nivo tou bann distrik.  Mersi Mr Speaker.

 

MR SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker. Dan kestyon orizinal i mansyon team Brigad Dirzans, donk mwan ti ava kontan demann Minis lo ki baz ki sa konsep Brigad Dirzans ti ganny etabli?  E pandan sa bann letan ki in egziste, ki legzersis in fer pour evalye relevans ouswa efikasite Brigad Dirzans, parski dan bokou pei nou vwar poudir souvandfwa se letan i ariv en dirzans bann militer ki entervenir, donk dan konteks Sesel, eski nou’n fer en legzersis pour konnen how effective this system is?  Mersi bokou.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker. Mr Speaker sa letan mon panse Departman oubyen Minister Gouvernman Lokal ti vwar nesesite pour nou annan en group ki nou apel bann first responders o nivo distrik, e sa group i en group volonter ki ede avek letan i annan bann sityasyon dirzans dan distrik.

Wi Onorab i annan serten assessment ki’n ganny fer lo zot travay e nou preski konplet tou bann evalyasyon ki nou’n fer lo tou nou bann striktir ki nou annan dan distrik e evalyasyon lo zisteman lo sa group brigad nou pe fer li ansanm avek DRDM, pour nou vwar a lavenir kwa egzakteman ki nou anvi sa group i fer o nivo distrik e ki mannyer zot bann travay pour ganny organize.  Mersi Mr Speaker.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Donk baze lo larepons Minis, eski i pe dir nou ki ozordi ler nou pe koze la, dan tou distrik san eksepsyon i annan en team an plas ki bann dimoun detanzantan i touch base, DA i konnen kot zot ete, e ki si i ariv en maler, la ozordi Mont Buxton nou kapab fer 5 phone call, nou ganny 5 brigad?

 

MR SPEAKER

Mon krwar pa si ou pour ganny 5 brigad, kekfwa ou kapab ganny 5 manm brigad Mont Buxton.  Minis.

 

THE DESIGNATED MINISTER MRS MACSUZY MONDON

Mersi Mr Speaker. Mr Speaker wi dan tou distrik nou annan en team, ok sa bann dimoun e mon krwar maximum ki nou annan se apepre anviron en 20tenn dan sak distrik.  Mersi Mr Speaker.

 

MR SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Minis.  Mersi Mr Speaker, Minis an vi ki i annan sa R1.5 milyon e par lannen ki pour ganny mete pour bann minor disaster e ler ou pe kalkil 26 distrik ou diviz li, i tonm anviron R57, 000 eski ou satisfe avek sa larzan ki ou pe gannyen la ki Minister Finans pour donn ou an 2019 pour fer sa bann travay minor disaster avek?  Mersi.

 

MR SPEAKER

Mersi Onorab.  Minis.

 

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker parey mon ti eksplike dan Lasanble dernyen fwa, nou annan lezot Lazans ki ede letan nou annan bann sityasyon parey, par egzanp nou annan ASP ki ede, nou annan MHILT, nou annan SFRSA – nou annan diferan Lazans ki ede letan i annan sa bann sityasyon dan distrik.  Donk pa tou larzan ki ganny donnen avek Local Government e sa larzan i pa vedir ki i ganny partaze ekivalan avek sak distrik.  Larzan i ganny servi baze lo sa sityasyon dirzans ki i annan dan sa distrik an partikilye.  Mersi Mr Speaker.

 

MR SPEAKER

Mersi Minis, Onorab Aglae.

 

HON EGBERT AGLAE

Minis mon konpran ou larepons ki ou pe donn nou, me selman par ler i annan serten kategori minor, nou pour apel li bann pti minor disaster tel ki bann pye dibwa ki tonbe, gro lapli in tonbe i andomaz serten lenfrastriktir peron, railings, nou annan bann petet sityasyon domestik konsern sanitasyon ki i arive, e sa i tonm direkteman anba Local Government, e Local Government li menm li i pa pour kapab al kot SFRSA e bann lezot Lazans, MHILT pa pour antre ladan.  Se sa ki nou, nou pe demande lo distrik ki sa larzan ki kapab ganny donnen i deal avek sa bann kategori minor disaster.  Se sa ki mon pe demande.  Mersi Onorab.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker. Mr Speaker mon krwar letan distrik i annan sa bann ka emergency e zot anmenn sa bann ka kot Local Government, Local Government i fer tou, tou bann kontak neseser ki bezwen ganny fer, se Local Government ki fer, si bezwen lentervansyon DRDM, si bezwen lentervansyon ASP, si bezwen lentervansyon MHILT Local Government i fer tou bann kontak neseser pour kapab zisteman donn sa sipor distrik pour deal avek sa emergency letan i arive.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Mersi Mr Speaker. Mr Speaker mwan ti a kontan demann Minis si i annan okenn difikilte ki distrik i rankontre pour li ganny akse avek serten sipor finansyel si i bezwen dan en ka dirzans, eski i annan difikilte par lefe ki li i napa son fon pour li menm, me oubyen eski i ase en prosesis ase normal ki flow ase byen?

Mon 2enm kestyon Minis, se k mon vwar poudir DRDM in R10.5 milyon pour son Bidze pour lannen prosenn, eski sa i osi annan en konponan lasistans dan bann ka dezas oubyen eski sa i prensipalman the management of the Department e ki bann fon i ganny akse anba lot Bidze parey Contingencies, konmsi se sa ki mon ti a kontan konpran akoz distrik pa pe gannyen oubyen kekfwa zot a ganny en pti bout where, kot i ete sa bann fon la ki finalman ler si i bezwen i arive ki zot kapab akse?  Mersi.

 

MR SPEAKER

Mersi Onorab. Minis.

 

THE DESIGNATED MINISTER MRS MACSUZY MONDON

Mersi Mr Speaker. Mr Speaker mon krwar si distrik i rankontre serten difikilte avek letan i pe deal avek bann emergency, si i rankontre serten difikilte dan sa prosesis parey nou pe dir, Gouvernman Lokal i toultan la pour kapab entervenir pour kapab fasilit bann keksoz pour li.

Kot i konsern DRDM, son bidze Onorab i plis pour Management, son bann travay ki i annan pour li fer.  Bidze pour deal avek bann gro dezas ki normalman DRDM ki pour bezwen deal avek, i sorti dan Contingency.  Mersi Mr Speaker.

 

MR SPEAKER

Mersi Minis.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mersi Minis avek ou delegasyon e bonzour tou bann dimoun dan Galeri, mon kestyon i koumsa Minis:-

Eski dan laplipar bann distrik i annan sa volonte kot bann dimoun i pare pour ede, akoz i dan nou bann Seselwa, i annan dimoun bann dimoun dan bann distrik pour ede, eski Minis, Minister in fer en evalyasyon lo kantite lekipman ki i annan dan sak distrik?  Par egzanp mon pe regard dan bann distrik mon pa tro asire poudir dan sak distrik i annan en masin koup zerb, i annan masin koup dibwa, sorry en masin koup dibwa par egzanp akoz dizon par egzanp i arive en lensidan kot en pye dibwa in tonm lo lakaz en dimoun, vitman ou kriy 2 dimoun dan brigad e zot kapab ale e zot ganny sa lekipman, eski Minis, mon pe demande si Minister in fer en evalyasyon tou bann lekipman ki vreman neseser, and la a la laporte dan sak distrik e si napa ki Minister pe fer pour ki sa bann, sa larzan i ganny mete dan Bidze pour kapab acquire sa bann lekipman e pour met dan sak sa bann distrik.  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi Onorab nou’n fer evalyasyon bann lekipman ki i annan dan bann distrik pour sa bann travay ki bezwen ganny fer.  E Minister in travay lo en proze ki’n fini soumet pour nou kapab ganny en don pour nou kapab ganny tou sa bann lekipman ki nou bezwen.  E nou pe panse poudir dan sa lannen ki pe vini la, nou a kapab ganny tou sa bann lekipman ki nou bezwen, me i annan en travay ki pe ganny fer ok avek serten Lorganizasyon pour nou kapab ganny sa bann lekipman ki nou bezwen baze lo sa evalyasyon ki nou’n fer Onorab.  Mersi.

 

MR SPEAKER

Mersi Minis. Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Minis avek ou delegasyon, bonzour tou dimoun, Mr Speaker mwan anvi demann Minis si zot pe mazin sa bann brigad si zot pe mazin donn zot en bon pti allowance parey zot pe donn bann Regional Councilors aktyelman, olye ki R1. 04 sou par zour ki tonm R42 par mwan ki fer R500 dan 1an, e si zot pe mazin organiz sa bann dimoun en pe pli byen?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker nou konnen dabor i avan tou sa lekip i en lekip volonter, me Departman i donn zot en honorarium parey nou dir tou-le-z-an, ki vre mon krwar in sorti ankor dernyen fwa dan Lasanble poudir ki sa i pase e ki nou merit revwar.  E Departman pe zisteman fer serten travay lo la pour vwar ki mannyer letan nou’n fini fer sa travay evalyasyon si i annan en nesesite pour nou revwar sa honorarium ki nou pe donn sa bann volonter.  Mersi Mr Speaker.

 

MR SPEAKER

Mersi Minis. Onorab Ahmed Afif.

 

HON AHMED AFIF

Mersi Mr Speaker. Bonzour Minis e ou delegasyon, Minis en pti pe dan laliny ki Onorab Loizeau in demande vitman, mon konnen parey dan mon distrik ki pli gran distrik ozordi, sak fwa i ariv sa bann dezas e sa, mon kapab koz pandan sa dernyen 2an, ou realize poudir i difisil pour gannyen sa bann dimoun, eski zot annan en revi konpreansiv pour regarde ki nou kapab fer pour kapab vreman motiv sa bann kalite resours ki nou bezwen, parske ou trouv souvan MNA, DA eksetera ki pe ganny kriye, me sa bann dimoun ou pa pe vwar zot vini.  Alor mwan mon santi napa ase ki’n ganny fer pour ankouraz sa bann dimoun pour kapab mobilize a tan, akoz souvan letan i ariv en dezas ou bezwen zot a tan, ou pa bezwen zot 1 zour pli tar.  Dir nou konkretman ki zot pe fer, ki plan d’action ki zot annan pour vreman met an plas sa ki apel en “Brigad Dirzans?” Savedir koman i arive sa bann dimoun i la, ki zot pe fer pour sa bann dimoun?  Mersi Minis.

 

MR SPEAKER

Mersi Onorab. Minis.

 

THE DESIGNATED MINISTER MRS MACSUZY MONDON

Mersi Mr Speaker, Mr Speaker zisteman sa evalyasyon ki nou pe fer avek led DRDM, i en revi konpreansiv pour nou vwar travay ki sa bann dimoun pe fer e an menm tan osi i en kalite dimoun ki pe fer sa travay.  Akoz lontan letan ou apel volonter, ou aksepte akoz nenport dimoun i vini volonter e ou aksepte son servis.  Me nou santi poudir i annan en nesesite osi pour ranforsi, ranforsi sa servis o nivo distrik.  E se pour sa rezon ki nou pe fer sa legzersis konpreansiv ki mwan ekspekte apre i ava gid nou pour nou kapab zisteman ranforsi sa servis ki nou pe donnen e anmenn sa bann laspe ki petet nou napa, i pa pe egziste ozordi avek sa servis ki nou pe ofer.  Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Bonzour Mr Speaker.  Bonzour tou koleg Onorab.  Bonzour Minis e bonzour tou dimoun dan Galeri, e bonzour tou dimoun ki pe ekout nou isi oubyen aryer

Mr Speaker mon ti a kontan demann Minis si dan plan son Minister pour ki an sa ki konsern bann Councilors nou sorti from regard zot lo en, kot i konsern bann brigad, sorti from regard zot koman en baz volonter zis parey bann Councilors ki pe ganny en allowance pour en travay ki zot fer, ki nou komans vwar bann brigad koman bann dimoun ki kapab, ki ganny en allowance zisteman nou sorti from sa baz.

Epi mon ti pe zis demande an pasan, vi ki mon’n tann detrwa Manm lo lot kote latab demann bann kestyon lo bann brigad, eski ou Minister in resevwar okenn let or okenn call regarding bann brigad dan sa bann distrik?  Non i dan laliny kestyon Onorab Ferrari an relasyon ek kestyon Onorab Herminie bomaten, si zot pa’n ekrir, so i paret mwan zot bezwen fer serten travay an plis.  Mersi Mr Speaker, thank you.

 

MR SPEAKER

Mersi Onorab.  Minis.

 

 

THE DESIGNATED MINISTER MRS MACSUZY MONDON

Mersi Mr Speaker. Onorab zisteman sa travay ki nou pe fer manke i ava permet nou pour nou fer sa, pour nou vwar lavenir si zot pour reste lo en baz volonter oubyen si nou pour konsider zot koman en, dan en diferan fason sa lekip travay ki nou annan o nivo distrik.  Me nou napa okenn konplent an ekrir kot i konsern nou bann brigad dan distrik pour le moman.

 

MR SPEAKER

Mersi Minis.  Mon ava donn dernyen kestyon lo sa lo kestyon No. 5 pour loter kestyon orizinal, Onorab William.

 

HON WAVEN WILLIAM

Mersi Mr Speaker pour sa dernyen kestyon.  Minis mon ekout lafason ki ou’n rann bann larepons, e mwan mon krwar poudir sa sonm 1.5 milyon i devret ogmante! I devret ogmante akoz mwan santi ki (1), letan nou pe koz desantralizasyon resours e servis se sa ki mon’n kontinyelman tous lo la dan mon bann kestyon.  Mon santi poudir (1) se ki nou ankor pe santraliz tou resours.  E Minis i annan travay dan distrik pour sa bann dimoun dan Brigad Dirzans, e mon pour dakor avek bann Onorab lo lot kote ki’n dir ki (1) fodre get welfer sa bann travayer, akoz ki i arive Minis?

Se ki (1), premyerman pour ou mobilize ou bezwen servi telefonn, i annan en kou avek, i annan kou transportasyon ki vin avek, e sa letan ki i pran pour kominik avek bann lezot servis ki baze santral, ou ti kapab petet sov lavi ouswa menm diminyen domaz ki i arive avek propriyete dimoun! Mon’n ganny bann ka ki pran mwan 3 mwan! I sipoze emergency i pran mwan 3 mwan pour sey rezourd.

Be alors Minis mon demann ou, mwan enplor avek ou ki letan ou pe fer sa legzersis annou zwenn avek nou bann brigad osi lo nivo distrik, pour nou regarde avek bann Lotorite kwa ki nou kapab anbelir lo bann lenformasyon ki ou deza annan, ki letan ou fer sa prezantasyon ek Gouvernman, i ava en prezantasyon ki konpreansiv!  Mersi.

 

MR SPEAKER

Mersi Onorab William.  Minis.

 

 

THE DESIGNATED MINISTER MRS MACSUZY MONDON

Pwen i note Mr Speaker.  Mersi.

 

MR SPEAKER

Mersi Minis.  Onorab William ou re ganny la parol pour kestyon No. 6.

 

HON WAVEN WILLIAM

Mersi Mr Speaker.  Mon demann Minis konbyen larzan in donn NSC

 

MR SPEAKER

Zis en moman, zis en moman Onorab, mon konpran Minis, nou ava demann, nou ava eskiz Mr Dan Frichot, e nou ava envit Msye Jean Larue CEO NSC pour vin devan pour akonpanny Minis.

 

(MR DAN FRICHIOT WAS EXCUSED FROM THE HOUSE)

 

 

MR SPEAKER

Mersi Mr Larue. Onorab William

 

HON WAVEN WILLIAM

Mersi Mr Speaker.  Pour demann Minis konbyen larzan i donn NSC pour mentenir bann fasilite sportif dan distrik e osi Community Development? Lekel ki ganny Kontra pour koup zerb e pour netway o tour sa bann fasilite e akoz ki o tour laplenn Souvenir sa travay pa pe ganny byen fer?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker. Mr Speaker parey mon’n deza enform Lasanble, NSC i ganny R3.6 milyon par lannen pour mentenir bann fasilite sportif ki tonm i nivo Nasyonal e rezyonal ki tonm anba sa Lorganizasyon e sa travay i ganny fer par en Lazans.

Mr Speaker Departman Lokal lo son kote i ganny en Bidze anyel R1.5 milyon pour mentenir bann fasilite sportif dan distrik, ki anba son responsabilite.

Departman Gouvernman Lokal i annan en progranm travay enn fwa par mwan, pour koup zerb lo bann laplenn e kot anndan ek court, anndan fence e sa i ganny fer par bann field technicians ki dan bann distrik baze lo en schedule travay ki ganny mete pour zot, zot al koup zerb kot sa bann fasilite sportif ki tonm anba distrik e anba responsabilite Gouvernman Lokal.

Mr Speaker netwayaz an deor laplenn i ganny fer dizon anviron tou le 3 a 4 mwan e la sa bann travay parfwa i bann travay ki nou bezwen rod en kontrakter pour fer.  Travay lo laplenn Souvenir ti ganny fer an zen 2018, e en vizit ki ti ganny fer, nou’n vwar poudir i annan ankor dan mwan Out nou’n vwar poudir i annan ankor lezot travay ki nou bezwen komanse boner lannen prosenn e sa i ganny clear, reniveler sirfas laplenn, konstrir drenaz o tour laplenn, refer fencing, fer en sitting facility e osi konstrir bann fasilite twalet.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mon ti a kontan demann Minis, lefe ki in koz ki i annan en kontrakter ki fer sa bann netwayaz, mwan mon anvi konnen ek Minis si i annan en prosedir kot (1), distrik i ganny met okouran lekel sa kontrakter?

E dezyenmman lekel ki fer sipervizyon lo sa kontrakter pour asire ki sa travay e rezilta apre sa travay i bon?

E Minis konsernan sa zafer fasilite Souvenir La Misère la, mwan mon anvi demann ou, lefe ki depi 2016 nou’n fer detrwa vizit, 2017 nou’n fer detrwa vizit, Minis ou pe donn zabitan La Misère garanti poudir vreman sa proze lannen prosen pour demare?  Mersi.

 

MR SPEAKER

Mersi Onorab William.  Minis.

 

THE DESIGNATED MINISTER MRS MACSUZY MONDON

Mersi Mr Speaker. Mr Speaker travay wi letan nou pe al fer travay dan distrik, normalman nou diskite e byensir ler ou pe pran en kontrakter ou fer bann prosedir ki i annan pour fer, me distrik i ganny met okouran zisteman si i involve en kontrakter lekel kontrakter ki pe vin fer sa travay, e mon krwar dan ka Grand Anse Mahe sa ti ganny fer.

Kot i konsern sipervizyon, sipervizyon i ganny fer ou nivo distrik ok?  E an menm tan osi par bann project officers o nivo Local Government.

Kot i konsern sa proze pour lannen prosenn, in fini ganny mete dan plan Onorab, pour sa proze ganny enplimante, e si tou keksoz i mars byen, wi i pour ganny enplimante lannen prosenn.  Mersi Mr Speaker.

 

MR SPEAKER

Mersi Minis.  Onorab Aglae.

 

HON EGBERT AGLAE

Mersi Minis, Minis eski ou kapab eksplik sa Lasanble akoz i annan 2 Entity ki pe fer maintenance, i NSC avek lo Gouvernman Lokal, petet si ou kapab eksplik sa Lasanble, ki zistans NSC i antre avek kot i konsern fasilite sportif, e ki kalite kategori ki zot, zot antre ladan pour fer maintenance?  E kot i konsern Local Government osi menm parey?

E dezyenmman Minis, mon ganny sans zwenn avek PS Vidot mon’n aprann poudir i annan en plan konpreansiv kot i konsern maintenance pour bann tou fasilite ki egziste anba Local Government, lenfrastriktir sportif e sa i annan en kou ki pour atase avek, eski ou Minister zot pe angaz zot pour en peryod letan petet, pour nou kapab vwar ki sa bann fasilite in ganny fer son maintenance apropriye ki neseser?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker. Mr Speaker NSC i fer maintenance lo tou bann fasilite o nivo Nasyonal e osi o nivo rezyonal. Local Government i fer maintenance lo bann fasilite o nivo distrik ki tonm anba son responsabilite.

Wi Onorab, nou annan en plan maintenance lo tou bann fasilite.  Wi, pour en plan ki nou pour maintain bann fasilite dan en lespas 4an ki pour ariv nou anviron apepre R19milyon – ok, e sa i dan nou plan e mon panse ki letan nou a’n fini ganny, nou a’n fini fer tou sa bann travay ki i annan pour fer, nou pou’n fini osi maintain oubyen upgrade tou bann fasilite sportif ki i annan dan bann distrik.  Mersi Mr Speaker.

 

MR SPEAKER

Mersi Minis. Onorab Ferrari.

 

HON JEAN-FRANÇOIS FERRARI

Mersi Mr Speaker. Mr Speaker mwan ti a kontan si Minis i kapab fer tou bann Manm Lasanble ganny en lalis tou bann fasilite sportif ki egziste e anba lekel, i tonm anba responsabilite? Mon krwar i vreman enportan pour nou konnen ler nou vwar en sityasyon, par ler nou pe telefonn NSC plito ki telefonn Local Government e nou pa pe ganny sa rezilta ki nou pe rode.  Donk sa lenformasyon mwan mon santi ti a vreman enportan pour tou bann MNA.

Mon ti a kontan demande osi, ki Polisi Minister ki responsab pour Spor e ki bann prosedir ki an plas oubyen ki egziste ki nou kapab servi si nou pe apros bann Konpannyen pour ganny en pe CSR pour nou par egzanp kapab refer en fencing, oubyen aranz en peron oubyen en keksoz koumsa, ki bann fasilite ki an plas, e ki bann prosedir ki nou devret kapab swiv?

Mr Speaker mon dernyen kestyon pour Minis, se pour nou dir avek Minis ki nou isi lo sa kote latab e mon pa konnen si lo lot kote osi zot santi parey nou, nou santi poudir i annan en gran defayans dan maintenance bann fasilite.  Nou pa konnen si akoz larzan.  Nou pa konnen si akoz human resources eksetera, me i annan en gran defayans ki dan lonterm i kout nou bokou plis ki ti devret pe kout nou!

Alors nou pe demande e eski Minis i kapab dir nou ki son Minister pe fer pour li vin pli azour, pour reponn bann problenm imedyat ki arive, pour nou pa les en sityasyon degrade.  Akoz o menm moman ki bann zenn pa kapab fer zot bann aktivite i pe kout pei bokou plis, so eski i annan, e kekfwa avek nouvo, sa nouvo lenerzi ki i annan dan NSC, eski i annan en keksoz ki nou kapab fer pour nou reakte bokou pli vit e fer sa bann travay?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker. Mr Speaker wi nou napa okenn problenm pour donn lalis avek Lasanble lo lekel ki responsab bann diferan fasilite sportif o nivo Nasyonal, o nivo rezyonal e osi o nivo distrik.

Kot i konsern bann prosedir pour al rod bann sponsorship oubyen CRC, Onorab ou kapab anvoy ou, enform NSC oubyen Local Government lo ou demann e apre nou, nou fer bann prosedir avek Minister Finans – ok, pour nou kapab, pour zot kapab enplimant sa bann proze ki zot pe mazinen fer li anba sa Polisi ki egziste.

Mr Speaker wi nou, nou konnen ki i annan serten defayans kot i konsern mentenir bann fasilite sportif dan distrik, e nou rekonnet osi ki 1.5 milyon par lannen i pa ase.  Nou’n demann 4milyon pour lannen prosenn Mr Speaker e nou ava vwar si nou pe gannyen 4milyon pour nou kapab mentenir nou bann fasilite sportif dan distrik akoz kantite travay ki i annan pour fer ok, 1.5milyon dan en lannen i pa fasil.  E se pour sa rezon zisteman ki nou’n fer sa Major Maintenance Plan pour nou kapab sey dan en lespas 4 an pour nou kapab sey fer otan travay e konplete e ki sa i ava met nou bann fasilite sportif lo en o nivo.

An menm tan Onorab i annan serten diskisyon ki nou pe fer Local Government ansanm avek NSC pour nou vwar a lavenir si i annan en nesesite pour nou kapab reorganiz sa bann travay dan en lot fason, si i annan en nesesite ki nou bezwen annan en sel landrwa kot nou bezwen fer sa bann travay a lavenir oubyen si nou pour kontinyen pe fer li parey nou pe fer li an se moman.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Mr Speaker mon ti a kontan finalman demann Minis, vi ki dan nou pei nou annan bann klib, bann team distrik ki annan en kantite lanmour pour bann sport, ki nou pe sey fer pour nou devlop avek zot en “sense of ownership” bann fasilite ki egziste dan bann distrik e dan bann rezyon?  Akoz bann klib i annan i dir zot anvi ganny en pe responsabilite pour zot kapab okip sa fasilite ki zot, zot pe servi, me selman zot pa pe gannyen sa demann, zot pa pe gannyen sa rekonesans.  Eski Minister i kapab konsider re donn en pe lenportans sa bann klib e sa bann team pour zot protez sa ki zot, zot pe servi zot menm?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker mwan ti a krwar poudir sa bann klib petet i vwar sa osi koman en devwar san ki zot bezwen ganny demande par NSC oubyen menm par MNA dan zot distrik oubyen menm par Local Government pour zot vwar pour dir be petet ti a bon la nou donn en koudmen, dizon nou bezwen fer en netwayaz lo en laplenn ki nou vini nou donn en koudmen, nou pa toultan espere ki sa i ganny fer pour nou.  Me ou pwen i ganny note Onorab zisteman dan sa travay ki nou pe fer konzwentman ant Departman avek NSC nou ava vwar ki mannyer nou kapab enplik plis sa bann klib, sa bann lekip atraver zot Federasyon dan sa bann, pour devlop en pe plis ownership zisteman dan sa bann aktivite sportif ki zot pe partisip ladan.  Mersi Mr Speaker.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker.  Mr Speaker mwan ti a kontan demann Mini Dezinyen, dan mon distrik Anse Etoile kot zot pe fer en fasilite sportif lo laplenn La Retraite, eski i annan en plan kordinen par ou Minister NSC ek Gouvernman Lokal, pour asire ki maintenance i ganny fer lo sa landrwa pour ki i kapab permet non selman sa fasilite ganny maintain ler i fini fer, me osi deor i kapab annan en lespas pour bann manrmay kapab zwe foutbol oubyen pour zot zwe par deor akoz i en landrwa ki zot ti abitye gannyen pour nanryen, in ganny redwir konsiderableman e mwan ti a kontan konnen ki zot plan pour mentenir sa landrwa e fer sir ki i kapab ganny servi pour bann rezon sportif.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker. Mr Speaker wi sa i en lapel ki nou’n mete akoz Federasyon Foutbol parey nou konnen ki pe entame sa travay, me i annan serten diskisyon ki’n ganny fer ki pour demann zot ki nou annan en Maintenance Plan osi pour sa landrwa pour ki a lavenir nou pa vwar nou petet dan menm sityasyon ki nou pe vwar nou avek serten nou bann fasilite sportif ki nou annan dan bann lezot distrik oubyen o nivo rezyon.  Donk nou pour ensiste ki i annan en Maintenance Plan ki ganny devlope an menm tan ki sa proze i pe ganny enplimante.  Mersi Mr Speaker.

 

MR SPEAKER

Mersi Minis. Onorab William.

 

HON WAVEN WILLIAM

Mersi Mr Speaker. Mr Speaker de pti kestyon, mwan anvi demann Minis dan sa evalyasyon, mon ti a kontan ki Minis i regard ankor lo kote resours, lefe ki serten sa bann travay i tonm avek serten bann travayer dan distrik pour mentenir sa bann fasilite, si Minister i ava konsider ogmant en pti larzan, akoz Minis sa bann fasilite sportif i zistans ek kanmarad, parey si ou pe pran dan mwan distrik ou annan La Misère, ou annan Petit Barbarons e ou bezwen pey transpor pour deplas ek bann masin.  Alors mon a demande ki zot pran sa an konsiderasyon an menm tan evalye sa bann lekipman ki deza zot annan sa bann travayer travay avek.

Minis la lefe ki Mr Larue i la, nou annan bann fasilite sportif konpleks sportif, mon ti ava demande e met lanfaz lo la ki i ankouraz bann Federasyon osi pour desantraliz en pe bann aktivite pour vin ganny fer o nivo distrik ki nou bann zenn i ava en pti pe ankouraze pour letan i vwar sa bann team, lezot bann team vini fer aktivite dan distrik petet i a pous zot en pti pe plis pour kapab pran en pti pe sa bann aktivite.

Alors mon demande akoz i en size ki lontan nou’n koz lo la ki nou ti a kontan ki bann Federasyon ki pe ganny larzan ki zot desantraliz en pe sa bann aktivite sportif ki zot fer.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi Mr Speaker, mon krwar resours i bezwen baze zisteman lo spesifisite sa distrik e nou ava fer nou mye letan nou pe fer alokasyon sa bann resours ki sa nou kontinyen tenir sa an kont.

Wi Onorab mon krwar nou bezwen ankouraz bann Federasyon e zisteman letan nou pe koz desantralizasyon sa osi i form par ki nou krwar poudir bann Federasyon i bezwen osi desantraliz en pe zot bann aktivite, parske sa i ava osi fer sir ki nou pour ankouraz osi en pe plis bann zenn pour kapab zisteman zwenn sa bann disiplin sportif ki nou annan dan pei.  Mersi Mr Speaker.

 

MR SPEAKER

Mersi Minis.  Bon nou pour pran en break e mon sizere nou retournen 11.15, mon pe donn 10 minit an plis, akoz mwan osi mon annan enn de pti keksoz pour mwan fer avan nou repran, alor mon ava envit bann envite dan galeri bann zabitan Cascade pour vin pran en dite avek nou lo balkon, e ankor mwann envit bann Manm pour feel welcome pour vini pour interacte avek bann zabitan ki nou envite ozordi dan Lasanble.

Minis nou avek ou delegasyon nou ava repran travay, i annan 3 lezot kestyon 11.15, ok?  Nou ava break alor.

 

(BREAK)

 

MR SPEAKER

Bon.  Mon prezant en pti leskiz pour sa retar ki nou’n gannyen.  Me mon krwar ozordi i en zour spesyal pour lakantite viziter ki nou gannyen.  Me parey nou dir, nou Lasanble Nasyonal i welcome sa.  I enportan ki manm piblik osi i vini, i konnen ki mannyer bann travay i deroule kot Lasanble.

Mon anvi fer en mansyon spesyal pour en viziter ki dan Galeri ozordi.  Sa se Mr Armand Souyave – garson the late Sir Georges Souyave, ki ti servi nou pei koman Sef Ziz pour en bon pe lannen.  Mr Souyave welcome dan Lasanble Nasyonal – dan Galeri.

Bon, nou ava kontinyen nou travay.  E nou ava kontinyen avek kestyon pour Minis Dezinyen, Mrs Mondon.  Kestyon No. 7.  Mon a donn laparol Onorab Noline Sophola.

 

HON NOLINE SOPHOLA

Mersi Mr Speaker.  Bonzour Minis ek ou delegasyon.  Byenveni tou dimoun dan Galeri.  E tou dimoun ki a lekout, bonzour.

Minis, mon kestyon i comme suivante – Minis an vi ki La Digue i annan plizyer lekip e group sportif i pe bezwen deplase pou vin lo Mahé  E zot pe rankontre bokou difikilte sirtou lo pwennvi finansyel, eski i annan okenn sipor finansyel adisyonnel ki ou Minister pe anvizaze mete?  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MACSUZY MONDON

Mersi Mr Speaker.  Mr Speaker, Departman Gouvernman Lokal i ganny en sonm 1.6milyon pou siport bann tim dan distrik tou-le-z-an.  Sa i konpri lasistans e kou transpor.  Tou-le-z-an i annan anviron 150 tim sport ki benefisye avek sa lasistans.  Dan ka La Digue, zot in resevwar an tou ziska aprezan, en total R141, 500.  E sa in al anver 2 lekip foutbol premye divizyon, en lekip foutbol ki zwe dan lekip Inner Island, en lekip volleyball premye divizyon, en lekip volleyball madanm 2enm divizyon, en lekip karate, en lekip petank, en lekip atletik e en lekip laboks.

Mr Speaker, Departman pa dan en pozisyon an se moman pour ogmant sa alokasyon pour rezon bidzeter.  Pour sa lannen, NSC li in ganny 3.2milyon pour asiste sa 35 Federasyon e Lasosyasyon Sportiv ki kalifye pour resevwar lasistans.  Sa sonm in ganny servi par sa bann Federasyon – i ganny servi par sa bann Federasyon e Lasosyasyon, dan zot progranm devlopman zenn, pour organiz tou zot konpetisyon pandan lannen.  E osi pour partisip dan bann konpetisyon aletranze

Depi Zanvye ziska milye sa mwan Oktob, NSC in depans en sonm 1.2milyon an pli ski sa 3.2milyon pour asiste Praslin e La Digue avek zot bann lekip group sportif e osi bann atlet ki pe fer spor endividyel.  Mersi Mr Speaker.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Speaker.  Minis, ler nou get sa sonm an gro, nou war i bokou.  Me ler nou pe diviz li par sa bann diferan disiplin ki nou annan, e lakantite fwa ki zot bezwen pe vin Mahé, i pa preske nanryen.  E Minis, mon krwar nou tou nou pe dir, nou bezwen tir nou zenn dan drog.  E si napa larzan, nou pa pou zanmen kapab arive ed sa bann – sa bann zenn pour nou kit zot aktiv dan distrik e fer zot ganny sa bann konpetisyon.

Parfwa zot dir ou – akfer mon pou practice?  Me ler i ariv ler pour al dan konpetisyon, nou ganny dir – napa larzan, nou pa kapab ale.  E nou bezwen pe redwir nonm ki nou pe anmennen. E Minis, lo sa petet mon pou demann ou, si ou Minister ti kapab travay en pe pli pre avek bann diferan diferan partner.  Parey bann kot Maison de Foot, Stad Linite ki pe ofer hébergement pour sa bann sportsmen.  Akoz sa i pou ed zot deplase.

Zis mon pou montre ou – Maison de Foot an se moman i pe pran en dimoun 550 par nwit, 2 dimoun i vin R700, 3 dimoun i R900.  E Minis, ler mon pe regarde, sa i pa pou anmenn nou lwen si vreman nou anvi pe devlop sport dan pei.  Mersi.

 

MR SPEAKER

Mersi Onorab Sophola.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker, mon konpran konsern Onorab.  Me nou realize osi poudir sa sonm ki mon’n nonmen i preski 37poursan larzan ki nou pe gannyen pour nou kapab ed sa bann lekip sportif.  E Mahé nou annan nou 80 lekip an menm tan osi ki nou bezwen ede.

Mon konpran mwan ki nou bezwen – nou bezwen travay ek bann zenn, wi.  E sport i en fason zisteman pour nou kapab tir bann zenn anba move lenfliyans e donn zot en keksoz pour zot kapab fer.  Petet ou propozisyon Onorab pour nou kapab travay en pe ek sa bann Lorganizasyon, ki zot kou – zot kou i paret i for, pour ou kapab pey en pe ou bann depans.

Me mon krwar petet sa ki mon ti a propoze, petet ti a bon ki i annan en diskisyon ki ganny fer avek NSC, oubyen menm Gouvernman Lokal,  pour nou vwar osi ki ou bann depans ou bann tim ki ou annan petet lo La Digue, e bann depans ki ou pe fer.  E dan ki fason – dan ki fason ki nou, nou kapab petet sey ed ou en pti pe plis.

Me avek larzan ki nou gannyen – sa kantite larzan ki nou gannyen, e lakantite lekip ki nou annan, Lasosyasyon, Federasyon, i pa posib pour nou kapab donn ankor bokou plis ki sa pe – ki sa ki nou pe donnen.  Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, mon ti a kontan demann Minis spesifikman an relasyon avek sa 2 klib foutbol.  Mon konnen zot 2 klib e i annan Federasyon Foutbol.  Dayer mon oule profite zis pour felisit Lekip Nasyonal ki’n fer en rezilta ekstraordiner kont Sud Afrique – kot Sesel in nobou tenir Sud Afrique lo en draw zero/zero Sesel.

Be Mr Speaker, mon ti a kontan demann Minis, prenon kont ki la i annan en legzizans pour bann klib – sirtou bann klib foutbol Sesel.  E sa 2 klib i 2 klib ase – ase prominent dan premye divizyon, pour ki zot annan serten fasilite pou zot kapab partisip lo nivo Afrique.  Eski in annan okenn diskisyon lo pwennvi sipor ki’n komans ganny fer lo nivo Minister, atraver NSC e Federasyon Foutbol, pour vwar ki bann sipor ki kapab ganny met an plas pour sa bann lekip annan bann – mon pa konnen, bann fasilite?  Ki pe ganny demande zot annan, pour ki zot – pour zot kapab aksed avek sa bann konpetisyon lo nivo enternasyonal.  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi Onorab, i annan bann diskisyon ki’n – ki an kour pour nou kapab vwar zisteman ki mannyer nou kapab, nou kapab siport sa bann klib en pe plis.  Akoz i annan osi partisipasyon dan bann konpetisyon enternasyonal, ki zot osi bezwen partisip ladan.  E NSC pe travay pros avek federasyon pou vwar a lavenir si i annan ankor serten sipor an plis ki nou kapab pour sa bann klib ki ou a pe koz lo la.  Mersi Mr Speaker.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour ankor enn fwa tou dimoun, Mr Speaker.  Mr Speaker, lefe ki Minis in fer resorti la ki pour rezon bidzeter zot pa pe ogmant ankor bann lasistans pour sportif dan distrik.  E nou konnen poudir sports i kout en kantite pou fer marse.

Ki plan alor ki son Minister i annan pou revwar konpletman ladministrasyon e vizyon devlopman sports dan Sesel?  Pou revwar zot bann Policy imedyatman en fason – revwar lafason ki CSR i ganny – bann sports club ek bann tim i ganny sponsor avek CSR.  Revwar lo bann advertisement oubyen sponsorship pour – ki sorti dan bann biznes par egzanp lalkol.  Nou vwar, nou vwar bann – ler nou pe get match deor ki zwe, tousala sponsored by Castle, sponsored par sepa Johnny Walker, sponsored by Guinness.  Toulezour nou war, nou pe gete lo televizyon.

Be nou isi nou ankor dan vye sistenm – be nou’n pas gear.  E ki alor Minister pe fer pou revwar tou sa?  Si nou’n siny serten Lagreman ki pa pe marse ozordi, pe met nou retar.  Be silvouple, al delarg sa bann zafer.  Ale, en fason ki pou fer ki nou sportif i a kapab devlop plis.  Nou war zis akote nou, Maurice partou, bann sportsmen apre en serten letan – letan bann ki’n shine, i ganny en pansyon.

Nou isi Sesel, la ou pran Rival Cadeau, e tou leres konmsi – mwan mon pran li koman en legzanp.  Tousala ki pe kontribye, e zot pe kontinyen kanmenm zot in retire.  Tousala, konmsi nou pa pe get ase.  Ki alor zot pe fer laba la ki nou annan nouvo dimoun kot NSC?  Pour zot get tousala dan en fason pozitiv, konpreansiv, ki a fer nou zenn epanouir pli byen – nou dimoun epanouir pli byen dan sa domenn sports.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Onorab, wi – tou sa bann keksoz ki ou’n koz lo lala, i bann keksoz ki zisteman nou pe revwar pour nou kapab kisisa.  Si i annan keksoz ki nou bezwen revize pou vwar ki mannyer nou kapab ganny plis funding pour nou kapab donn en pe plis sipor nou bann Federasyon.

I annan osi sipor ki nou bezwen regarde – bann sipor ki nou kapab gannyen avek bann Federasyon o nivo enternasyonal pour nou kapab permet nou o nivo lokal ede.  Tou sa bann keksoz ki’n koz lo la – Policy, bann advertisement ki nou fer, ladministrasyon en pti pe, CEO pe regard zisteman dan tou sa bann keksoz.  En mannyer parey ou’n dir, ki nou vin ek en Plan Konpreansiv pour devlopman spor a lavenir.  Mersi Mr Speaker.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Ya.  Mr Speaker, letan pa pe esper nou.  E nou annan Zwe De Zil ki la anba nou lanmen – anba nou lipye, parey nou dir.  E alor pour le moman – imedyatman, tou sa CSR ki ganny anmase par Gouvernman, ki originally ti pou sipoze al dan – ver lasistans sports, sportiv – devlopman sport.  Eski Minis pa kapab met en presyon dan Cabinet e nou osi nou a donn en koudmen – pour ki omwen en bon porsyon sa CSR i ganny anvoye pour devlopman sports?

Konmsi lefe ki nou annan tou sa progranm devan nou.  E sa legzersis ki ou pe dir zot pe plan pour fer, donn nou en pti kou en plan – en time plan – en schedule.  Konmsi dir nou apepre konbyen tan – si pou pran 10an, si pou pran 6mwan.  Akoz sa pa devret konmsi pou met legan pou fer sa.  I sipoze en pe – al en pe vit.  Alor donn nou en garan…

 

MR SPEAKER

Mersi.  Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker, i annan en bon pe larzan CSR ki’n al dan sport.  Byensir apre, Gouvernman i regard osi lezot priyorite ki annan.  E tou-le-z-an i pran en desizyon kote sa larzan – CSR i pou ale.

Me Onorab parey ou konnen, la byensir par egzanp nou annan – ou menm ou’n nonmen, nou annan Jeux des Iles lannen prosenn e en bon pe larzan pe ganny mete.  Larzan ki’n ganny mete sa larzan pour preparasyon – konbyen CEO 10milyon?  10milyon deza ki pe al dan preparasyon Zwe De Zil.  Apre nou bezwen ankor – ankor en 20milyon ankor lannen prosenn pour nou kapab zisteman partisip dan zwe.

Donk i annan larzan ki pe ale dan spor.  Onorab mon a zis demann ou pour pasyant en pti pe.  CEO in antre pa tro lontan e i pe deal avek en kantite keksoz an menm tan.  Me sa i pa en plan ki nou pou pran 10an pour nou fer.  I en plan ki nou pou donn li priyorite.  E pli vit posib ki nou kapab met li lo latab, nou pou met li.  Mersi Mr Speaker.

 

MR SPEAKER

Mersi Minis.  Onorab Jude Valmont.

 

HON JUDE VALMONT

Bonzour – mersi Mr Speaker.  Bonzour tou koleg Onorab, Minis, delegasyon, tou bann rezidan Cascade, bonzour.

Minis, zis pour met lanfaz lo sa ki Onorab De Commarmond in dir – detrwa fwa dan Bidze nou’n koz lo la.  E nou ti menm ganny dir ki ti annan en policy ki zot i pe travay lo la – Minister Finans ansanm avek Minister pour ki responsab pour sports konsernan sa zafer CSR pour bann lakonpannyen lalkol.

Alor, si petet Minis i kapab re – ganny – koz avek son koleg Minis Finans zis pou nobou gete kote sa policy in arive.  Akoz i annan 1an edmi a 2an depi ler nou pe lager pour sa sityasyon.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi, Mr Speaker, mon ava vwar kote nou’n arive avek sa travay lo sa policy ki Onorab pe fer referans, ki lo la.  Ki Minis Finans i sipoze pe lead sa travay lo la.  Mersi Mr Speaker.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Bonzour Minis ek ou delegasyon.  Bonzour bann zabitan Cascade e tou bann dimoun ki pe ekout nou.

Minis la parey ou’n dir, i annan 10milyon ki’n mete pour preparasyon pour Zwe De zil.  Apre i annan ankor serten sonm ki pou mete.  Me si la nou annan zwe De Zil nou kapab trouv landrwa pour nou ganny larzan, eski nou pa krwar poudir Praslin, La Digue, Inner Island, nou devret kapab vwar pour kapab siport sa bann sportsmen?  Akoz, ki arive sa larzan ki pe donnen, i napa en baz ki ganny desid lo la.  Mon krwar fason ki devret fer se, fer tou sa bann sports – sa bann diferan disiplin, donn zot Bidze depans akoz zot ki konnen ki kantite depans zot annan.  Donn Minister e prezan Minister i a pli fasil pour li konnen ki kantite i devret mete.

Parey mon dir, si nou’n kapab vwar pour Zwe De Zil, mon pa war akoz nou pa pou kapab vwar pour Inner Island.  E prenon kont ki Inner Island i kontribye en kantite dan Kof Gouvernman.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Onorab, sa larzan ki nou mete dan Jeux des Iles la, ok – tou le 4an, i benefisye tou bann sportsmen ki nou krwar ki annan potansyel zisteman pour – enkli Praslin/La Digue, pou partisip dan Jeux des Iles.  So, ankor i en lasistans.  I en lasistans ki nou donnen avek tou nou bann lekip, oubyen nou bann sportsmen.

Mon krwar nou realize poudir sport i vin avek en kou – i ser.  E si nou kont zis, konmsi nou fye zis lo Gouvernman pou donn tou – pou donn tou sa ki annan pour donnen, pa pou zanmen ase larzan.  Mwan mon kapab dir sa ozordi.  Nou pa pou zanmen ganny ase larzan pour nou kapab zisteman mentenir nou bann lekip sportif.

E mon krwar nou osi nou bezwen asize, petet fer serten refleksyon entern en pti pe.  Bann lekip ki ou annan, nou bann depans ki nou pe fer avek sa bann lekip, si nou – i vreman bann depans ki nou bezwen fer parey i ete.  E konmsi vwar ki mannyer – nou tou, pa zis lo zot nivo, me lo kote NSC osi, pou vwar bann travay, bann depans ki nou pe fer – ki mannyer nou kapab petet re-organiz keksoz en pti pe.  Pour fer sir ki sa larzan i al kot i merit ale.

I pa zis en kestyon – Mr Speaker, zis depanse akoz nou annan tan kantite lekip.  Nou bezwen zis met larzan pour nou kapab depanse, pou fer sir ki bann ketsoz i marse.  Donk mon krwar sa travay ki NSC pe fer, petet i pou annan nouvo rekomandasyon osi ki pou sorti, ki apre justement, nou pou met devan bann Federasyon.  Mersi Mr Speaker.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Mr Speaker, sa i en kestyon ki mwan osi a plizyer repriz mon’n demande dan sa Lasanble.  Kot i konsern alokasyon pour bann klib, sirtou bann klib ki sorti Inner Island.  Mwan mon krwar ki Minis pe fail pour konpran konteks bann klib lo Inner Island.  Par lefe ki nou kou deplasman i bokou plis.  Nou kou i bokou pli eleve ki bann klib lo Mahé.  Zis pour deplasman pou sorti – en klib sorti Praslin ouswa La Digue pou vin Mahé, i vreman bokou.

Resaman la fek fer konpetisyon judo.  En klib judo i ganny li selman R7mil par lannen – R3,500 tou le 6mwan.  Zis en deplasman, pres R6mil.  Solman mon krwar ki Minis i bezwen get dan reviz.  Menm premye divizyon, en klib foutbol i ganny li R26mil par lannen – tou sa deplasman ki i bezwen fer.  So, Minis, mon santi poudir sa en keksoz ki Gouvernman pe fail pour konpran konteks Praslin e bann depans.  Tou konpetisyon nasyonal ki ganny fer, lamazorite i ganny fer lo Mahé.

On top of sa kou ki ou pe depanse lo klib, kou transportasyon.  Eski Minis i kapab get en pe?  Sirtou kot i konsern kou deplasman pour nou bann klib ki per sorti Inner Island pou al Mahe?  Mon pa konnen – kekfwa antre an negosyasyon avek Cat Cocos ouswa  Air Seychelles pour gete ki mannyer pour ed nou bann klib Praslin pou koup en pe sa bann kou depans ki zot fer lo transportasyon.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker, lasistans pe sorti 2 landrwa, en?  Pe sorti kot Gouvernman Lokal avek – apre pe sorti kot NSC.  Onorab sa ki ou pe fer referans avek justement, Gouvernman Lokal ti asiste – avek sa lekip judo nou ti donnen?  NSC – 7mil.  E NSC osi in asiste zisteman avek transportasyon.  Mon war en amount la – R11,400.

Donknou konpran nou.  Nou konpran poudir Praslin/La Digue, transportasyon i koute, ok.  E se sa ki mon dir, petet i annan parey ou’n dir, bann negosyasyon ki nou – mon pa krwar zis NSC, be nou tou petet nou bezwen met lanmen ansanm pour nou kapab fer sa bann negosyasyon.  Pour nou vwar ki mannyer nou kapab justement ede pour sa bann deplasman pour nou bann klib ki sorti lo Praslin avek lo La Digue.  Mersi Mr Speaker.

 

MR SPEAKER

Mersi Minis.  Onorab Aglaé.

 

HON EGBERT AGLAE

Mersi Mr Speaker.  Minis, mon krwar ki nou – sa batay ki nou pe lager la, nou pa oule larg li lo Gouvernman.  Minis akoz ki Gouvernman li menm li i pa konsider – nou’n nonm CSR, bann lakonpannyen ki prodwir bwar.  E petet i ava annan sigaret parey nou war.  E sigaret, sorry in aret advertise – pa konsider entrodwir en Sports Trust Fund, ki en porsyon sa bann CSR ouswa okenn donater ki anvi ed sport, i kapab kontribye en larzan ladan.  En mannyer ki tou le 4an, nou annan CJSOI ki nou organize, i annan Indian Ocean Game, la nou pe demann 10milyon – ki ler 4an i arive, sa bann letan i arive, nou pa bezwen al tir larzan dan kot Gouvernman direkteman – dan bidze, pour kapab aproporsyonn sa bann lekip?

E dezyenmman Minis, pour nou kapab ganny zwer pou partisip lo nivo enternasyonal, nou bezwen – zot bezwen annan en baz kot zot komanse, sa se dan klib lo nivo distrik.  So, si nou pa pe nurture  lo nivo distrik pour nou kapab ganny bann atlet ki pou al partisip pour Sesel, nou bezwen kapab met resours la pour konn – pour zot devlope pou kapab bouze.

E pour nou ganny sa resours – mwan mon mazinen en Trust Fund i ava ede dan en lot laliny pour siport bann lekip sportif lo nivo Sesel.  Eski zot kapab petet, mazin dan sa laliny dan en fason inovativ?  Mersi.

 

MR SPEAKER

Bon, mersi Onorab.  Zis mon averti Manm, an vi konstrent letan, annou pa fer gran statement.  Annou al direkteman lo kestyon.  Minis.

 

DESIGNATED MINISTER MACSUZY MONDON

Mersi Mr Speaker.  Mr Speaker, nou note propozisyon Onorab.  I annan serten travay ankor ki NSC – Minister pe fer lo la.  Kot i konsern sa Sports Trust Fund, pour nou vwar ki mannyer nou kapab met li an plas – parey  ou dir Onorab, ki ava ede pour nou, ok – pour nou kapab justement fund bann aktivite, bann keksoz ki annan pou fer avek devlopman sport.  Mersi Mr Speaker.

 

MR SPEAKER

Mersi Minis.  Onorab Loizeau

 

HON NORBERT LOIZEAU

Mersi Mr Speaker.  Bonzour tou dimoun.  Mr Speaker, mon kestyon i diriz ver sa 3.2 ki bann federasyon pou gannyen.  Eski – vi ki nou pe mazin larelev dan sport, eski dan sa 3.2 i enkli larzan ki bann, arr – parey baba nou annan la – bann Lakademi?  Zot pou involve bann lakademi?  Ki zot pou ganny en larzan dan sa Bidze ki Federa… – sa bann Federasyon pou gannyen pour ankouraz larelev?

Apre en dernyen pwen Mr Speaker – Onorab Pillay in koz lo lakonplisman foutbol National Team.  Mon anvi demann Minis, eski si pour li sa i en gran lakonplisman pour lekip foutbol?  Apre ki nou’n sorti premye dan Zwe De Zil, ozordi nou war Madagascar ki pe kalifye l’Afrique e nou avek en draw, nou pe koz en lakonplisman.  Eski sa i en lakonplisman pour nou foutbol, Mr Speaker?

 

MR SPEAKER

Mersi Onorab.  Minis.

 

HON NORBERT LOIZEAU

Onorab Pillay, sorry Mr Speaker.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker, non – sa sonm ki mon’n nonmen i pirman pour bann Federasyon.  Parey mon’n dir dan mon larepons, pour zot kapab travay avek pour devlopman sport o nivo sa disiplin.

E donk sa larzan i pa ganny servi pour sa age group ki o nivo – ki dan Lakademi.  Ok.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Briyevman, Mr Speaker.  Mwan mon ti a kontan fer en propozisyon konkret e ki mon krwar ki en pe letan bann zabitan Praslin ek La Digue pe demande.  Minis i pa en lot charge lo Bidze, i pa plis larzan.  I en meyer fason pour ou – pour met larzan kot i fodre ete.

Bann zabitan Praslin ek La Digue pe demande ki tou bann CSR ki ganny aprouve from bann biznes ki Praslin e La Digue, i ganny aprouve pour bann Lorganizasyon Praslin ek La Digue.  Mon krwar i toutafe normal akoz se atraver labote Praslin, atraver labote La Digue ki sa bann biznes i ganny zot reveni.  So, i en senp prosedir pour demande ki tou – Minister Finans, tou bann approval lo CSR ki sorti lo sa 2 zil i ganny fer pour bann Lorganizasyon ki pe operate lo sa 2 zil!  Sa i mon rekomandasyon ki mon pe fer.  Mon war bann defayans.

E la mon war poudir Leader of Government Business li menm li i pe dir ki Minister i defayan.  Mon krwar i pe – mon krwar i krwar li Leader Lopozisyon konmsi, in fini pran pla.. – in fini antre dan Lopozisyon.  Me selman, me selman nou war bann difikilte e nou demande ki Gouvernman i met en pe – zis i met fairness dan sistenm.  Si the fairness is there, nou, nou pa war akoz i pa pou marse.  Mersi.

 

MR SPEAKER

Mersi Onorab.  Bon, mon anvi zis fer en keksoz kler avek bann Manm.  Mon konnen akoz sak fwa en Manm i fer referans avek en lot Manm, zot lev en pti pe – whether nou pe koz lo conduit sa manm.  54 – Standing Oder 54 i kler lo la.  En referans ki en Manmi fer – mwan mon veye.  Koman en manm i nonm non en lot Manm, mon lo mon alert.  Mon veye ki sa Manm pa cross the line pour li al kestyonn conduit en Manm or whatever.  Parey bomaten in leve with regards to Onorab Herminie, i pa’n afekte privilez, i pa’n kestyon conduit sa Manm.  E menm zafer ki Onorab Ferrari osi in fer.  In fer en referans, i pa’n kestyonn pozisyon, sa.  Ok?

        So, otan ki sa Manm pa cross the line, mon pa pe entervenir, ok.  Zis – yes Onorab De Commarmond?

 

HON CHARLES DE COMMARMOND

Non. Mon konpran ou byen Mr Speaker.  I en kestyon mindset sa, ou konpran?  Manm Lasanble.

 

MR SPEAKER

Tou le 2 kote i fer.

 

HON CHARLES DE COMMARMOND

Non, ekoute ou.  I en kestyon mindset.  Nou bezwen sorti dan sa soz kot nou ete pou war ki en Manm Lasanble i egzers son right.

 

MR SPEAKER

Wi.

 

HON CHARLES DE COMMARMOND

E letan i egzers son right, pa vedir ki i – si nou dan kote parti o pouvwar, i pa vedir ki nou Lopozisyon, whatever.  I en right en Manm Lasanble pour li voice out, pour li koze, pour li dir letan i santi en keksoz. E nou isi lo sa kote latab la, nou free.  Nou free!  Mersi.

 

(APPLAUSE)

 

MR SPEAKER

Ok.  Mersi.  Mersi.  Bon, nou ava donn – nou ava donn laparol Minis pour adres kestyon onorab Ferrari.  Minister.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker, Onorab in – in fer en propozisyon, ok.  Ki mon krwar nou kapab reflesir lo la e konsidere.  Mersi.

 

MR SPEAKER

Mersi Minis.  Onorab Sophola, ou pa’n endik ki ou annan okenn kestyon ankor, en?  Akoz mon donn – mon toultan retourn lo loter kestyon.  Ou annan en kestyon – ok.  Go ahead Onorab.

 

HON NOLINE SOPHOLA

Mersi Mr Speaker.  I pe en kestyon, me selman zis en pwen pour refleksyon.  Minis, fodre mazinen ki bokou sportsmen i sorti lo Inner Island.  Alor, si zot pa pe ganny ede, sa pou touy zot motivasyon.  E nivo disiplin pou tonbe e an retour, se lasosyete ki pou sibir lakonsekans.  Mersi.

 

MR SPEAKER

Mersi.  Mersi pour sa refleksyon.  Mon asire Minis avek son lekip i ava pran sa an konsiderasyon.  Nou ava al lo kestyon No.8 – Onorab Clive Roucou.

 

HON CLIVE ROUCOU

Mersi Mr Speaker.  Bonzour Minis avek ou delegasyon.  Bonzour tou dimoun ki dan Galeri.  Bonzour tou Manm Onorab.  Mr Speaker, mon kestyon i lir koumsa – eski Minis i kapab dir sa Lasanble ki plan son Minister pour amelyor laplenn foutbol dan distrik Plaisance avek bann fasilite neseser parey changing room, fasilite twalet, e lezot fasilite ki ava benefisye nou bann sportsmen dan distrik?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker, mon panse ki Onorab pe fer referans avek sa laplenn ki sitye akote laboutik Baba.  Ok?  Sa i pa en laplenn standar pour foutbol.  E en laplenn ki ganny – i mentenir par Departman Gouvernman Lokal.  Distrik Plaisance i annan en tim foutbol ki anrezistre dan trwazyenm divizyon.  E zot pe train kot laplenn Roche Caïman zisteman pour rezon akoz sa laplenn i pa lo standar.

Mr Speaker, i vre petet ki i enportan pour annan serten fasilite dan sa landrwa.  Me nou osi annan serten konsern.  Par egzanp, napa posibilite pour agrandi sa laplenn akoz landrwa i sere.  I pa fasil pou met bann fasilite ki Onorab pe demande, parey twalet – fasilite twalet e changing room.  E negosyasyon – me parey Onorab i okouran, lespas i en gro problenm kot sa laplenn i ete.  E serten negosyasyon pou bezwen ganny fer, pour nou kapab ganny plis lespas.  E apre nou ava dan en pli bon pozisyon petet pour deside kwa ki nou kapab fer dan sa landrwa.  Mersi Mr Speaker.

 

MR SPEAKER

Mersi Minis.  Onorab Roucou.

 

HON CLIVE ROUCOU

Mersi Mr Speaker.  Mr Speaker, mon pou remersi Minis pour son larepons.  Me an vi ki sa laplenn i la dan legzistans, mon anvi demann Minis ki – ki dernyen fwa Lotorite Distrik in fer okenn renovasyon ou byen okenn touch up pour sa distrik?  Okenn fencing par egzanp, ki pe deteryore la?  Silvouple.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mr Speaker, mon napa sa lenformasyon.  Me solman baze lo bann schedule travay ki nou annan Onorab, i merit ganny netwaye en fwa par mwan.  Me solman nou a verifye si sa pe ganny fer.  Mersi Mr Speaker.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker.  Mr Speaker, mon ti a kontan demann Minis si zot annan en Policy kler o nivo bann fasilite.  Tel ki parey nou pe koz la Plaisance, kot i pe koz en changing room, fasilite twalet ek lezot.  Parski plizyer distrik, e enkli Anse Etoile par egzanp, kot basketball court li menm, bokou letan dimoun pe demande.

Mon pe demann sa koman en policy – si zot annan en policy kler.  Parske i pou ede vreman pour bann zenn pa bezwen al lanmenm la obor field pour sanze ler zot fini – avan zot practice e ler zot fini practice.  E mon ti a kontan konn klerman avek Minister, ki zot pe fer dan sa direksyon pour adres bann problenm ki parey sennla ki Plaisance?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker, lenformasyon ki mon annan, i pa paret ki nou annan en policy kler lo kote ki nou annan, ki nou met sa bann fasilite.  Me selman parey nou konnen, ler – ler NSC oubyen ler nou Gouvernman, nou pe konstrir laplenn, nou konstrir, nou fer sir ki sa laplenn i lo standar.  Me nou osi konnen, nou annan plizyer landrwa – pas zis Plaisance, dan diferan – dan plizyer distrik petet, kot kekfwa en laplenn in zis ganny formen la oubyen ganny adopte me ki pa neseserman lo sa standar.  Me kanmenm sa i vin petet parey en fasilite rekreasyonnel, ki bann zenn i ganny servi.

I annan serten landrwa kot nou’n mete sa bann fasilite, Mr Speaker.  Ki apre nou war nou, nou pe bezwen maintain toultan akoz i ganny vandalize, i ganny kase.  Mon profite pour mwan fer en lapel – omwen dan landrwa kot nou’n mete serten sa bann fasilite, ki bann dimoun ki servi sa fasilite, annou servi byen, pour nou kapab pa bezwen pe repare toultan.  Me o kontrer ganny larzan pour nou kapab met lezot fasilite dan bann landrwa kot i bezwen.

Me i neseser Onorab petet, pour annan en policy kler parey ou’n dir.  Pour nou konnen kote finalman ki nou met serten sa bann fasilite.  Mersi Mr Speaker.

 

MR SPEAKER

Mersi Minis.  Onorab Loizeau.

 

HON NORBERT LOIZEAU

Mersi Mr Speaker.  Mr Speaker, mon anvi demann Minis, vi ki in koz lo bann laplenn ki pa standar dan bann distrik.  Par egzanp, Bel Air osi nou annan en pti laplenn ki pa standar e nou tim pa kapab train lo la.  E vi ki sa i le ka, nou bezwen desann Freedom Square, kot plizyer lekip i servi.  Mon anvi demann Minis alors, ki plan zot annan pour Freedom Square ki en pli vye laplenn ki standar?

 

MR SPEAKER

Non.  Non, non.  Non, non.  Non, non.  Onorab ou an deor totalman.  Mon pa mind ou fer referans avek Bel Air ek Freedom Square. –

 

HON NORBERT LOIZEAU

Wi.

 

MR SPEAKER

Me kestyon i lo Plaisance e lo sa fasilite.

 

HON NORBERT LOIZEAU

Parey Plaisance.  Parey Plaisance, zot bezwen move lot kote laba pour – dan sa laplenn standar, parey nou dan distrik Bel Air, nou bezwen move Freedom Square.  Ki plan zot annan pour Freedom Square?  Napa ni lalimyer, ni toilet, ni nanryen.

 

MR SPEAKER

Non, non, non, non.  Kestyon i…

 

(Interruption)

 

MR SPEAKER

Order!  Order!  Order!  Order!  Ou kestyon i out – i out of order.  Ou ava kapab anmenn li koman en kestyon dan li menm pour plan pour Freedom SquareOk?  Mon’n les Onorab Afif akoz in koz li policy ki annan pou fer avek bann laplenn parey distrik Plaisance.  In fer en referans avek Anse Etoile.

Bon, nou bouze.  Nou ava lo lot kestyon – lo dernyen kestyon.  Sa se lo la par Onorab Sylvanne Lemiel.  E mon ava demann Onorab Paul Ernesta pour li demann sa kestyon.  Onorab.

 

HON PAUL ERNESTA

Mersi Mr Speaker.  Kestyon Onorab Lemiel i lir konm swivan; –

Eski Minis i kapab dir avek sa Lasanble akoz ki sa Regional Sports Complex ki pou baze Anse Royale pa ankor komanse menm si larzan dan Bidze ti ganny mete depi lannen 2017 e osi sa lannen 2018?  Mersi Mr Speaker.

 

MR SPEAKER

Mersi Onorab Ernesta.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker, an 2017 NSC ti ganny en sonm R2milyon pour ugrade bann fasilite sportif ki ti deza egziste Anse Royale.  Osi pandan 2017,  i ti annan negosyasyon ant NSC avek Liniversite Sesel, lo kestyon later kot Sports Complex Anse Royale, i sipoze ganny konstrir.  Ofet le 12 Zilyet sa menm lannen, ti annan en meeting  ki ti ganny fer kot UniSey ant MLUH avek NSC e distrik Anse Royale.

Liniversite ti oule plis later pour enplimant zot progranm,  kot zot ti menm oule later kot tennis court i ete e osi en bout laplenn.  Alors, NSC pa ti kapab fer okenn devlopman, tan ki sa kestyon later pa ti ganny rezourd.  Toudmenm, Mr Speaker, NSC ti servi en pe sa larzan pour konstrir en miray pour anpes bann loto mont lo track.  E osi netway track e toultour laplenn ziska kot lanmar i ete.

Mr Speaker, NSC pa ti ganny en Bidze pour proze Sports Complex Anse Royale, an 2018.  Sa i akoz Minister Finans ti pran en desizyon, ki fodre NSC avek Liniversite Sesel i rezourd problenm later avan ki zot konsider finans sa proze.  Mr Speaker, mon kontan pou dir Lasanble ki NSC ti ganny enformen an Zanvye 2018 ki Cabinet ti’n pran en desizyon pou gard tou later pour devlop sa Sports Complex Anse Royale.  Me vi ki – e ki ti napa finansman, i pa’n posib pour nou konmans sa proze sa lannen.  Mersi Mr Speaker.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker.  Mr Speaker, Minis dan son larepons in dir ki malerezman i pa’n ganny Bidze pour komans sa proze.  Eski Minis i kapab dir nou la, kan eski zenn Anse Royale e lezot zenn sa rezyon pour komans vwar si oule, konstriksyon sa Sports Complex dan larezyon?

E dezyenmman, eski tou bann groupman konsernen – savedir bann group sports, ti ganny konsilte dan konsepsyon sa proze?  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker, proze li menm i ankor pe ganny konsevwar, ok.  E mazinen poudir sa lannen ki NSC in okouran poudir i pe ganny tou sa bann later kot i ti anvi fer sa complex.  Letan ki proze – plan proze pe ganny devlope, byensir pour bann proze parey, bann konsiltasyon neseser i ganny fer avek Lotorite e osi avek piblik o nivo distrik.

Donk, osito ki sa i ava pare, sa bann konsiltasyon neseser Mr Speaker, i ava ganny fer.  E apre nou ava ganny en nide pli kler kan ki travay pour kapab komans demare.  Mersi Mr Speaker.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Speaker.  Mr Speaker, mon plito annan zis en pti sizesyon.  Lefe sa ki i pou en Sports Regional Sport Complex, parey Minis in dir, ou pou deza annan serten konsiltasyon ki pou fer lo nivo distrik Anse Royale petet.  Mon a sizere ki extend li avek lezot distrik dan larezyon osi, ki zot osi – nou kapab annan serten input.  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Wi Mr Speaker, sa i en proze rezyonal.  Donk, nou kapab osi komans fer konsiltasyon o nivo rezyon.  Koumsa tou dimoun ki pou servi, zisteman sa Sports Complex a lavenir, i ava ganny sans partisipe, donn son pwennvi.  Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, mon ti a kontan demann Minis, an vi ki sa enn proze ki la pou enn ki ase mazer,  prenon kont teren e siperfisi bann fasilite ki pou ganny met an plas, eski Minis, zot in konsidere – atraver NSC, pour annan en lot form management sa complex?  En pti pe parey i ganny fer dan bann pei aletranze.  Kot bann complex i annan en Management Committee ki manage li.  Ki fer ki prezan i annan en fason servi, en kontrol – tout en prosedir ki ganny fer otour li.  E la kot i kapab annan bann public private partnership lo nivo sa rezyon.  Pour ki zisteman pa tou resours ki bezwen sorti kot Gouvernman.  Me i ava annan menm bann klib sportif ki dan sa rezyon, ki ava vin parti prenant dan gérance sa fasilite.  Eski sa i en keksoz ki NSC pe konsidere?  Dan plas met sa fasilite e esper en bon pe letan.  Apre nou ganny bann konplent konmkwa fasilite pe deteryore, nou bezwen fer bann renovasyon.  Mersi Mr Speaker.

 

MR SPEAKER

Mersi Onorab Pillay.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi – mersi Onorab.  Mon krwar i en sizesyon ki nou kapab pran kont petet pour lavenir.  Partou kot nou pou annan bann Sports Complex parey, ki nou kapab annan en system management ki ava asire ki bann keksoz i ganny byen gérer.  Mersi Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Nou pe koz lo en Sports Complex rezyonal.  Mon ti a kontan dan – demann Minis par egzanp, nou konnen poudir i pou osi annan – i sipoze annan en fasilite rezyonal ki pou ganny trouve dan distrik Anse Etoile, presizeman La Retraite.  Prenon kont sa bann proze rezyonal, ki kalite striktir management ki pou annan par egzanp, pou asire ki bann dimoun ki abitye servi sa bann fasilite i kontinyen kapab servi li?  Par egzanp, bann lekol ki trouve dan sa rezyon, i kapab kontinyen servi li – lekol Anse Etoile, lekol La Retraite.  Bann lekol ki kapab – bann keksoz ki kapab kontinyen – bann aktivite ki devret kontinyen arive.  Akoz sa bann Lenstitisyon i de – i bezwen sa bann fasilite.  Mersi Mr Speaker.  Lo pwennvi rezyonal, en.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker. wi Mr speaker, complex pou a dispozisyon tou bann zenn, enkli bann etidyan, bann zanfan lekol, parey ou pe dir Onorab, o nivo rezyon.  Complex Anse Royale par egzanp, pou osi a dispozisyon Liniversite.  E si i annan bann progranm sport ki zot deside fer, zot osi zot pou kapab – zot pou kapab servi.

Donk mon krwar letan nou annan bann complex parey, otan ki nou kapab petet ouver li a dispozisyon nou bann sportsmen Mr Speaker, mon krwar i ava bon pour nou.  Mersi Mr Speaker.

 

MR SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonn apre midi ankor enn fwa tou dimoun.  Mon annan en kestyon senp pour Minis lo kestyon Sports Complex Anse Royale.  An 2005, en meeting piblik i ganny fer – MNA Barry Faure sa letan, i eksplik devlopman distrik, i koz lo sa complex – 2005.  Le 15 Mars 2001, Manm elekte pour Anse Royale, Terence Françoise i demann en kestyon – sa letan VP Meriton ki ti ansarz Local Government ek Sports, lo Complex Anse Royale.  Dan bidze lannen pase, Onorab Lemiel i demann kestyon lo la.

Savedir 2005 ziska 2008 – akoz ozordi nou merit krwar poudir sa devlopman pou vini?  Akoz nou merit krwar?  Mersi.

 

MR SPEAKER

Mersi Onorab.  Minis.

 

DESIGNATED MINISTER MACSUZY MONDON

Mersi Mr Speaker.  Mr Speaker, mon krwar sa devlopman i ava vini akoz get nou’n rezourd – nou’n rezourd bann problenm ki ti pe anpes li arive.  E la ki nou konnen kote ki nou pe al fer li. Ki landrwa, ki kantite later pou li fer li.  Prezan i en kestyon devlope e apre enplimante.  Mersi Mr Speaker.

 

MR SPEAKER

Mersi Minis.  Onorab Flory Larue.

 

HON FLORY LARUE

Mersi Mr Speaker.  Minis la ki ou’n dir nou pli klerman ki nou napa en dele letan pour nou konnen kan sa – sa proze rezyonal pou konmanse.  Depi la ziska ler sa proze kekfwa i ganny en dat komansman, eski zot annan en plan pour reget bann lenfrastriktir?  Akoz bann tennis court i vreman dan en move leta, enkli sa court.  Eski zot annan en plan ziska ler zot ganny en dat pour zot komans zot complex, silvouple?

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker, mon panse la nou pe al fer tou bann travay preparasyon ki annan pou fer pour kapab devlop sa proze.  An menm tan osi Onorab, nou travay maintenance i kontinyen lo nou bann fasilite sportif ki nou annan o nivo distrik.  Mersi Mr Speaker.

 

MR SPEAKER

Mersi Minis.  Onorab Larue.

 

HON FLORY LARUE

Mersi Minis.  Mersi Mr Speaker.  Non, mon pa krwar sa i akseptab.  Zot in konnen zot in ganny later.  Mon krwar nou konnen i annan en pli gro proze, ki en Regional Sports Complex ki vreman gro.  Ant la ek sa, eski i annan en plan kler pour renovate sa bann keksoz?  E kan – kan ki zot pou fer li?  Akoz sa bann lenfrastriktir i vreman dan en leta enpitwayab.  Ki pou arive ek sa bann striktir?  E kan zot pou ganny renovate?  Mersi.

 

MR SPEAKER

Mersi Onorab.  Minis.

 

THEDESIGNATED MINISTER MRS MACSUZY MONDON

Mr Speaker, mon konnen poudir Departman Gouvernman Lokal pe vizit tou bann enfrastriktir sportif dan distrik.  E parey mon ti dir taler, an menm tan osi, CEO NSC osi i pe fer sa bann vizit pour nou kapab vwar ki kantite degre maintenance lo bann fasilite sportif ki tonm anba NSC.  Ki kantite maintenance ki annan pour li fer.  E si i annan en nesesite pour donn priyorite Anse Royale – Onorab, nou ava donn priyorite Anse Royale antretan ki zot pe espere ki sa Sports Complex i materyalize.  Mersi Mr Speaker.

 

MR SPEAKER

Mersi Minis.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker, eski Minis i kapab dir avek sa Lasanble ler Polytechnic Anse Royale ti ganny konstrir, i ti ganny konstrir ansanm ek son bann court tennis, ansanm avek en gym anndan kot zot ti fer gymnastic.  E mon krwar ti annan en court volleyball osi la.

Eski Minis i kapab dir ek sa Lasanble, si sa bann court tennis i tonm anba Gouvernman Lokal, ouswa i ankor avek Minister Ledikasyon, ki konpri Polytechnic an antye?  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Tou bann fasilite sportif Onorab, ki dan sa compound Anse Royale i tonm anba NSC.  Mersi.

 

MR SPEAKER

Mersi Minis.  Onorab Ernesta ou annan okenn kestyon?  Bon, mersi.

Minis mersi bokou avek ou lekip – CEO Larue, PS Vidot, Special Advisor Mr Frichot e PS Palmyre.  Mersi pour pas sa letan avek nou.  Nou ava eskiz zot alor parmi dan Lasanble.  Mersi Minis.

 

(THE DESIGNATED MINISTER AND HER DELEGATION WAS EXCUSED FROM THE HOUSE)

 

MR SPEAKER

Bon, nou annan en matter of privilege ki pou ganny raise par Onorab Vidot.  Mon’n ganny en parol avek Onorab Vidot e nou pa anvi ki nou pe relev okenn keksoz ki’n fini pase.  Nou pa anvi ki sa pou lev okenn deba.  E mon’n koz avek Onorab Vidot, me i ava zis fer son pwennvi sorti.  E mon ava – from there, mon ava regarde si mon pou fer en Ruling oubyen si sa nou a les pase.  Onorab Vidot, laparol i pour ou.

 

HON AUDREY VIDOT

Mersi Mr Speaker.  Bonn apre midi Mr Speaker, tou Manm Onorab e tou bann dimoun ki a lekout, spesyalman nou bann viziter dan Galeri.

Mr Speaker, parey mon’n eksprim avek – mon’n eksplik avek ou dan break, mon pe lev en matter of privilege akoz mon santi anba mon Drwa koze koman en Manm semenn pase, in ganny vyole.  Alors, anba Order 36(1), mon oule reganny mon Drwa koze pour eksprim mon matter of privilege ki mon’n ganny anpese fer semenn pase.

Mr Speaker, i dan rikord Lasanble avek sipor tou le 2 kote latab Lasanble Nasyonal, ti kree en Komite pou fer lanket dan lensidan kot en Manm ti ganny loportinite pou lev son matter of privilege koman i ti santi ki son sekirite in ganny menase anndan – an deor Lasanble.

 

(Interruption)

 

HON AUDREY VIDOT

Alors, mon pou anpes – pour anpese ki lezot Manm ki annan en matter of privilege kot i konsern sekirite, mon pe sipliy avek ou Mr Speaker, pou reasir egalite dan prosedir ki ganny pran dan okenn lenvestigasyon ki Lasanble i fer, pour okenn Manm.  E ki ABC i seryezman diskit lo bann kalite konportman ki Lasanble Nasyonal – bann Manm i fer, pour anpese ki nou Lasanble i kree en presedans kot nenport ki Manm i sant santi li ganny menase e mank respe.

Si non, nou lo sa kote latab, nou santi ki nou pou vin avek en Mosyon pour ki Lasanble Nasyonal i annan en Komite Disiplinen pour deal avek bann kalite konportman ki sali limaz nou Lasanble Nasyonal.

E finalman, mon oule met lo rikord Mr Speaker, ki nou bann madanm Parti Lepep, pa siport okenn menas par okenn dimoun, alors…

 

MR SPEAKER

Non.

 

(Interruption)

 

MR SPEAKER

Order!  Order!

 

HON AUDREY VIDOT

… nou pa’n war li fair ki Onorab Sophola in ganny en fair judgement me plito viktimize.  Mersi Mr Speaker.

 

MR SPEAKER

Ok.  Non.  Non.  Parey mon pe dir, mwan mon pa pe rantre dan desizyon ki Sitting semenn pase in pran.  Me in fer referans en pti pe avek lensidan akoz i santi poudir in abiz en pti zot pri – ou privilez osi in – non.  Nou pa pe lev en kankan, me mon’n donn li sa Drwa.

Bon, lo sa size – lo sa size konportman bann Manm.  Mon krwar i annan – mon Lofis osi tou pe ganny en pe – en pe let pe sorti enn de landrwa tou.  Mon krwar i enportan pour koman en Manm Lasanble – mon konnen i lezot Manm, i annan Manm Lasanble ki annan 2 chapeau.  Ok?   I annan lezot Manm ki fer lezot travay tou.  i annan ki avoka, i annan ki annan son biznes, and so on.

Me solman bear in mind ki ler manm piblik i regard zot deor, i pa war sa lot sapo.  I war zot koman en Manm Lasanble.  Alor, zis port en pti pe latansyon petet zot fason azir an piblik.  E osi tou, zot fason ki zot – feedback anver piblik.  E petet, enn bann pli bon opsyon par ler se mentenir calm e pull back.  Menm avek en manm piblik, kot petet en manm piblik ennler i fer serten alegasyon, oubyen i menm lans serten lensilt.  Pli bon opsyon parfwa se reste trankil e pull back.  Dan plas ou pou al – akoz zot kankan ki pou arive, e i pou anmenn en tas lo nou Lasanble, okSo, sa i en pti konsey.

Lo sa ki konsern lo bann menas – menas avek okenn Manm.  I annan menas osi tou ki mon konnen ki pe sorti anver deor, ki pe – i annan serten Manm Lasanble ki’n port mon latansyon, ki zot pe ganny serten menas.  Sa i en size ki IPU in pran a 2 repriz.  I apel Human Rights – Right, ‘’Human Rights of Parliamentarians’’.  E dan nou demars, dan nou travay ki nou fer avek IPU, nou lekip semenn pase – atraver Deputy Clerk, nou pe rod sipor IPU.  E mon krwar sa i pou vini, kot nou pou annan serten lantrennman kot nou kapab formel serten policy with regards to Manm e osi tou Manm Sekretarya.

So, nou pe vwar sa i riske posib.  Nou pou fer li petet dan Recess – dan premye Recess lannen prosenn, kot nou pou ganny bann experts IPU pour vin ed nou en pti pe lo la.  Ok.  So, vwala en pti pe mon sa.  mon pa pou fer en ruling  direkteman, me mon santi ki Onorab Vidot in anvi partaz en pti pe son konsern.  Ok.  Nou pa relev sa bann zafer e mon krwar desizyon in fini ganny pran.  Mon pa la pour mwan kestyonn desizyon ki Deputy Speaker in pran dan mon labsans.

Bon, avan nou rann lantern avek SBC, mon ti a zis anvi enform Komite Anti-Viktimizasyon ki nou pou zwenn 12.30 dan Speaker’s Conference Room.  Annou – wi, annou fer li 12.30.  Apre Assembly Business Committee, 1er menm landrwa – dan Speaker’s Conference RoomOk.

Avek sa, nou ava pran break e Lasanble i ava retournen 2er apre midi pour kontinyasyon Mosyon semenn pase.  E Sesyon pou ganny chair pour en kontinyite par Deputy Speaker.

 

(BREAK)

 

MR DEPUTY SPEAKER

Bonn apre midi tou bann Manm Onorab.  Nou pou e tou dimoun a lekout nou pou kontinyen avek travay lo nou Order Paper pou ozordi.  E nou dernyen  -prosennman lo Order Paper nou annan en Mosyon ki nou’n deza konmanse zot a rapel semenn pase par Onorab Flory Larue.  E plizyer Manm ti’n deza entervenir dernyen Manm ti Onorab Wavel Ramkalawan ki ti fer son entervansyon.

Aprezan mon annan Onorab Sebastien Pillay.  Me mon remarke i pa la mon pou donn sans en entervenir.  Eski i annan lezot Manm ki ti’n lev zot lanmen mon ti annan Onorab Gervais Henrie Onorab Sebastien Pillay.  Eski i annan lezot Manm ki ti le entervenir ozordi?  Onorab Ferrari.  Alor mon a donn parol Onorab Gervais Henrie.

 

HON GERVAIS HENRIE

Mersi Mr Speaker.  Bonn apre midi tou dimoun.  Mr Speaker sa Mosyon ki devan nou i spesifikman konsern bann later ki Parti Lepep in pran in aste in gannyen i konsern Parti Lepep.

Mosyon pa konsern later ki Gouvernman in par egzanp swadizan sezi dan lentere piblik pou konstrir lakaz ek semen akoz nou’n antann serten taktik pou senm lafreyer, konfizyon parmi piblik Seselwa e menm pou anbet zot prop siporter.  E sa fodre nou anpese ki sa i kontinyen.

Mr Speaker malerezman Onorab Gill pa prezan ozordi pou rezon i lo Misyon aletranze avek delegasyon Nasyonal.

Me mon le konmans mon lentervansyon ozordi apre midi par komant lo serten komanter ki’n fer.  Premyerman mon krwar i enportan ki mon bezwen dir Onorab Gill i pa’n onnet avek nou Lasanble pou deklar son lentere dan sa deba ki devan nou ozordi.

Onorab Gill in vann later avek Parti Lepep ki form parti sa 59 bout ki annan ozordi e i ti son responsabilite konman en Manm Lasanble pou deklar sa lentere.  Akoz sa deba i konsern Parti Lepep.  Kot Vila Karoutsou i sitye Mont Buxton i pou Parti Lepep.  Tou letan nou antann Onorab Gill dir ki son fanmir ti mizer, ki mannyer in ganny sa bout later pou vann mon pa konnen, mon pe al kestyonn sa.

Me pou lentere piblik sirtou bann zabitan Mont Buxton ti annan 8 morso later ki’n ganny met ansanm pou form sa kare V10072 ki mezir 4 mil 37met kare ki Vila Karoutsou i lo la ozordi.

Sa 8 morso ti V7,144, V7,145, V9,309, V9,312, V9,314, V9,316, V9,317 e V1,085.

Aprezan 6 bout dans a 8 ki mon’n mansyonnen setadir V9,312, V9,316, V9,317, V7,144 e V1,085 ti ganny vann par Gouvernman sinyen par Mr Joel Morgan pou en sonm R135 mil avek Parti Lepep le 20 Desanm 2002.  Li Onorab Gill ti vann V9,314 e V9,315 pou en sonm R200mil plis ki sa ki Gouvernman ti vann le 11 Avril lannen 2000.  E sa 8enm bout ki letan ou met ansanm ki fer sa morso kot Villa Karoutsou i ete sete V9,309 ti ganny vann ankor par Gouvernman avek Parti Lepep le 24 Zen 2003 pou en sonm R58, 950mil ankor sinyen par Mr Joel Morgan.

E Onorab Gill dan son prezantasyon mon santi pou dir in konfiz ouswa in esey konfiz bann ki ti pe ekoute lo rol Parti Lepep koman en parti politik, e konman parti ki dan brans Egzekitiv Gouvernman.  A mon n’avis vre demokrasi i merit annan nen distenksyon kler ant aktivite e linisyativ Gouvernman e en parti politik.  Menm si en Gouvernman i vin o pouvwar en Manifesto ou bezwen pran keksoz pou met dan manifesto pou met an pratik.

Me selman parfwa bann keksoz ki ou fer i deza annan en separasyon.  Akoz si sa pa leka i kapab annan bann vyolasyon etik gouvernans, labi resours, Leta, mal administrasyon e menm vyolasyon, serten bann provizyon konstitisyonnel.

E eski Parti Lepep in fer pandan sa dernyen 40an ki zot in o pouvwar konman en parti politik e apre konsekitiv mon napa okenn dout zot in fer en fwa, de fwa e plis fwa ki mon pa kapab konte.

Par egzanp ler zot ti konnen ki Anse Royale ti bezwen bazar.  Ler zot ti konnen ki Praslin i bezwen batiman pou abrit bann servis Gouvernman.  Zot ti konnen ki Mont Buxton later pou konstriksyon lakaz i rar, alor akoz met sa bann resours ki pli rar dan Sesel se ta dir later dan lanmen Parti Lepep?  Mon ti a kontan konnen si Polisi Parti Lepep sete aste later bon marse avek Gouvernman aste, aste pou zot fer larzan akoz zot ti konnen ki zot pou garanti biznes avek Gouvernman?

Anmas larzan resours Sesel e tir larzan dan pos Seselwa.  Mon repete tir larzan dan pos Seselwa tou lekontrer avek sa ki Lopozisyon i kontan dir met larzan dan pos Seselwa.

Me mwan mon vwar pou dir sa voler gran lizour.  Voler dan kitennge.  Onorab Gill in osi koz lo vann bann later mon’n fini dir an 8 morso.  Baze lo valer bann lannen avan.

Alor eski Onorab Gill pe dir nou ki sa pti batiman ki trouve kot STC Depot i vo R16 milyon?

Mr Speaker mon ava retourn lo sa pwen.  Onorab Larue in koz lo son prezantasyon inisyal.  Me mon anvi re koz lo la akoz inisyalman letan nou ti koz lo sa Mosyon. pou demann STC pou revwar son model loperasyon pou ki kapab fer pri lavi desann e ede fer Seselwa viv en meyer lavi, nou ti koze lo sa morso later V10,104 ki mezir 2,441 met kare.  Sa later STC in lo la e fer son loperasyon Builders Depot depi Septanm 2014.  E tou sa bann letan tou lemwan in pey Parti Lepep R823 mil par mwan e i fer ki pandan sa dernyen 48 mwan in pey li en total R39milyon 405 mil.  Me solman Onorab Larue in dir dan son prezantasyon listwar sa later.  Ki mannyer lease ti ganny donnen avek Island Construction le 23 Me 2003 pou 30an e ti pe pey R73mil par an ki fer R6mil par mwan.

Apre an Zanvye 2013 sa later sa lease ti ganny transfer avek Parti Lepep pou R1 me apre a parti Septanm li Parti Lepep i fer pey R823mil par mwan.  Ki mannyer nou dormi aswar?  Menm zafer lo lot kote semen.  Lease avek NISA depi Me 2016 ziska Septanm 2018 mwan pase NISA pe pey Parti Lepep R63mil par mwan ouswa R756mil par an.  Savedir depi Me 2015 in deza pey Parti Lepep R2milyon 268 mil.  Ki mannyer alor lavi dan Sesel i pa ser?

E la prezan par lao sa 39 milyon ki STC in deza pey Parti Lepep tou lemwan demars i konmanse pou zot aste sa morso later e bann negosyasyon nou pe koz 16 milyon.  Savedir  i ava fer 16 ek sa 39 i preski 40, 54 milyon.  Be sa ki mannyer ‘’zot annan en leker pou tou Seselwa?’’  Ki mannyer ‘’zonm i o sant sa devlopman?’’  Ki mannyer zot pe ‘’share and care?’’   Ki mannyer zot kapab dormi?  Voler dan kitennge mon dir mwan.

E mwan mon krwar mon dir seryezman en Gouvernman ki dir i ‘’share and care’’ i bezwen regete sa.  Parey zot ti ganny sa lease R1 zot merit vann STC R1 sa propriyete.  I pa ni menm en sou.  An plis ki sa R1.

Prezan annou get en zafer la.  Sa Mosyon i konsern later ki Parti Lepep in pran in gannyen, in aste bon marse b anfen lot kot so far zis en dimoun ki’n koze Onorab Gill.  La nou antan pou dir Onorab Pillay in eksprim son lentansyon koze mon pa konnen ankor konbyen zot ki pou koze.  Akoz mon pe demann mon lekor ki zot pou vin dir?  Ki mannyer zot pou kapab defann sa keksoz la ki nou pe koz lo la?  Akoz senpleman ki zot konnen dan sa deal ki’n pase?

Ler nou get byen parmi sa 14 zot ki asiz la sel dimoun ki’n dan pozisyon leadership of the party pou plis lontan se Onorab Gill.  Alor li in kapab konn serten keksoz ki ti pe pase.  Me larestan zot Onorab Pillay, Onorab Ghislain fek vin CC member me se pa si zot konnen ki serten deal in pase.  E i fer mon demann mon lekor mon kestyon pou dir dan sa fason ki Parti Lepep i zer size later ki aste pran, ou ganny bonmarse, en pti group e se pa en pti group tousel ki’n benefisye avek sa?

Annou regard par egzanp kot zot bann later i ete ki i annan lo la  bann MNA ki’n ganny elekte ki atraver tax payers money annan en constituency allowance ki zot gannyen konbyen zot ki annan en biro dan batiman Parti Lepep?  Se ta dir ler nou pe koze ozordi zot still pe fer biznes avek zot parti.  En keksoz ki L’Angleterre ki mon koleg Onorab Pillay kontan koz bokou lo zot bann standar ki zot in mete, in pas Lalwa pou anpese sa ! Si ou dan en parti politik par  egzanp zisteman ou ganny constituency allowance pou bann lofis ou pa kapab lwe biro avek ou parti.  Ou pa kapab fer biznes avek ou parti akoz i annan en konfli lentere.  Parey mon fek dir i al kot bann etnik gouvernans i anmenn bann mal practise!  I anmenn koripsyon e alor konbyen zot?  Si mon lenformasyon pa korek zot ava koriz mon.

Port Glaud Biro MNA dan parti nou apel sa Biro Brans Mr Speaker.  Roche Caiman, English River, Takamaka, Baie Sainte Praslin, bann batiman pou Parti Lepep.

E si zot vin koze sa lenformasyon pa korek feel free pou koriz mwan.  Me si zot pe vin koze e sa lenformasyon i korek deklar zot lentere.

Prezan Onorab Gill dan son prezantasyon  i ti dir nou  ki en desizyon in ganny pran dan premye kar 2017 pou rann 8 morso.  Premye kar dan 2017 i pas 1an edmi ki zot pe tarde ki zot pe lour?  Rann!  Depi premye kar 2017 rann pep Seselwa sa ki pou li.

E dan sa menm loptik permet mon servi sa lekspresyon, nou konnen pou dir bann Manm Komite Santral Parti Lepep, ti al fer en meeting avek Prezidan Larepiblik Msye Danny Faure State House.  Dan lespri latransparans, dan lespri rann kont, dan lespri bonn gouvernans, pa’n zanmen dir nou ki ti diskite laba.  Ki ti sa zafer rann sa deal ti parmi?  Be dir nou.  Dir nou kote pou rann kan pou rann !  Oli transparans?  I ti ava byen ki mwan avek bokou lezot dimoun ti a konnen.

Mr Speaker depi retour miltiparti an 1993, pep Seselwa pa en fwa, pa de fwa, me plis ki 3 fwa in fer en konfyans Parti Lepep.  An ’93 li menm donn zot lamazorite Lasanble donn zot prezidans.  ’98 in ,donn konfyans, an 2001, an 2002, an 2006, an 2007, an 2011, an 2015 dan zot prezidans.  An 2016 10 zot Manm i ganny elekte direkteman.

Me eski zot siporter, eski lamazorite pep Seselwa ti vreman konnen ki ti pe pase?  Eski vreman zot in annan kouraz a en moman, zot annan lonnekte a en moman pou zot dir avek lepep Seselwa, pou dir bannla laba pe dir nou annan 40 bout, nou napa 40 bout nou annan aktyelman 59 bout?

Be tou sa bann lannen ki mon’n dir la akoz i donn zot konfyans depi ‘93 sa bann dimoun i trair ou konfyans. E ozordi mon konnen ou ankoler e se sa rezon ou’n, tir mon ki ler mon vin la eksprim mon fristrasyon, eksprim mon lakoler.  Me nou lakoler pa kapab fini la anndan!

E se pou sa rezon ki nou pe desann anvil le 3 Novanm nou pe dir zot OUT! 

 

(APPLAUSE)

 

HON GERVAIS HENRIE

E ou laba ou konn ou ki sa bann dimoun in mal fer desann zwenn nou fer tande ou lavwa !  Le 3 Novanm annou desann Victoria annou penn li dan nou kouler – nou bann kouler vibran en fer sa bann dimoun enn fwa pou tou konnen e tande pou dir nou ankoler!  Mon ti a prefere dir en lot mo, me mon dan Lasanble mon pa kapab, dir sa lot mo.  Me mon ti a plifere kapab dir!

Mr Speaker nou donn konfyans bann dimoun e ler mon pe regard lakantite later san ki nou pe kestyonn son lentegrite parski in ganny prezante dan Mosyon.  Msye Faure konman Sekreter Zeneral parti in siny 1, 2, 3 4, 5, 6, 7, 8, 9, 10.  10 bout sa ki mon’n kapab konte sa lavan pou English River, Glacis, Cascade, Takamaka, Bel Air, Port Glaud, Mont Fleuri, Pointe Larue, Anse Royale transfer Maison Du Peuple en batiman ki ti kout R10milyon pou lepep Seselwa me ganny aste pou R900mil an ‘96.  Me mon’n koz lo etik gouvernans konmsi napa en moman ki nou konsyans i koz ek nou i dir non nou pe tro ale la.  Tro bokou.

Alor nou fer konfyans tou sa letan.  Nou nepli annan – nou nepli annan pou donnen pou krwar  ve se pou sa rezon ozordi ki nou bezwen anmenn sa Mosyon dir sa ki nou’n dir,  e nou pe pa swete me nou pe demann Gouvernman pou fer sa ki byen rann re-partaze nou pe espekte zot vin sarz nou 16 milyon R1 pa plis ki sa e le 3 Novanm annou desann pou tou sa bann keksoz ki nou’n dir la sa bann keksoz ki pa pe mars byen dan sa pei.  Annou desann fer tande nou lavwa e ansanm nou ava dir avek sa bann dimoun OUT !  Mersi Mr Speaker.

 

MR DEPUTY SPEAKER

Mersi Onorab Gervais Henrie.  Onorab Sebastien Pillay ou annan laparol.

 

HON SEBASTIEN PILLAY

Mersi Mr Speaker.  Bonn apre midi tou Manm Onorab.  E bonn apre midi tou bann dimoun ki pe ekout nou.

Mr Speaker mon’n ekout atantivman Onorab ki’n koze lo Onorab ki’n koze lo lot kote latab.  Mon ti a kontan avan mon kontinyen Mr Speaker.

 

(Interruption)

 

MR DEPUTY SPEAKER

Carry on Onorab Pillay.

 

HON SEBASTIEN PILLAY

Mon ti a kontan demann ou Mr Speaker.  Me nou annan en Standing Orders dan sa Lasanble avan mon kontinyen mon ti a kontan demann ou si konman Speaker ou pou pare pou enforce sa Standing Orders parey Standing Orders i dir?

 

MR DEPUTY SPEAKER

Non mon pe administre lord dan Lasanble dan lafason ki mwan mon krwar i rezonnab.

 

HON SEBASTIEN PILLAY

I pa paret Mr Speaker.  Akoz mon oule port ou latansyon Order 64(5)…

 

(Interruption)

 

MR DEPUTY SPEAKER

Onorab Pillay kontinyen.  Kontinyen.

 

HON SEBASTIEN PILLAY

Mon pou kontinyen Mr Speaker.  Mon bezwen … be mon annan laparol Mr Speaker.  I enportan – sa dokiman, i en dokiman ki  gid nou travay dan Lasanble e ou les en Manm Onorab malgre ki mon’n sinyal ou a plizyer repriz in nonm non en lot Onorab – e fer referans ek sa Onorab, i fer referans avek son conduct Mr Speaker … e sa i montre Mr Speaker …

 

MR DEPUTY SPEAKER

Onorab Pillay mon pa pou ouver deba lo la.  Sel keksoz ki mon anvi dir ou  mon pe kontrol sa deba dan Lasanble.

 

HON SEBASTIEN PILLAY

 Ou pa pe kontrol li in a fair way! 

 

MR DEPUTY SPEAKER

Ekout mwan koze avan …

 

HON SEBASTIEN PILLAY

 Ou pa pe kontrol li in a fair way! 

 

MR DEPUTY SPEAKER

… apre ou ava fer ou komanter.  Dan en deba dan Lasanble Nasyonal, detanzaot ou pou ganny en dimoun ki pou pas en komanter.  I pa on air li i pas en komanter.  I annan drwa fer en komanter.

M selman i pa annan drwa enteronp ou.  E i pa annan drwa fer en komanter dan en fason ki enteronp zeneralman –  sa diskisyon e  sa flow ki ou ladan.  Si i ariv sa nivo mon pou aret li.  Me lo tou lede kote i arive.  Zot osi enn de fwa sa kote i pas en komanter e mon les pase.

Selman i pa devret zanmen enteronp s dimoun ki pe fer son entervansyon.  Si i ariv sa nivo mon pou entervenir – si ou santi ou anbarase avek sa mon ava entervenir – si ou santi.  Mon pa’n santi me ou’n aret.  Fine!  Mon pou demann tou lede kote latab silvouple annou les sa ki pe entervenir fer son lentervansyon.  Mon pou donn laparol Onorab Pillay.  Kontinyen.

 

HON SEBASTIEN PILLAY

Mersi Mr Speaker.  Me Mr Speaker mon bezwen met lanfaz lo lefe ki i pa sa ki mon ti pe sey fer ou konpran – sa ki mon ti pe sey fer ou konpran mon’n port ou latansyon lo Standing Orders ki pandan son entervansyon Onorab ki’n koz avan mwan in mansyonn non Onorab ki lo lot kote latab Onorab Gill a plizyer repriz e sa i fer ki in  menm anmenn conduct sa Onorab.

E mwan mon’n demann ou Mr Speaker pou dir sa i pa’n akord lo Standing Orders mon pe demann ou pou administre nou Lasanble in a fair and just way.  Me si ou santi ou pe fer li Mr Speaker, mwan mon ava kontinyen avek mon …

 

MR DEPUTY SPEAKER

Ok mon a donn ou Ruling lo la.  Mwan mon krwar in fer en referans avek Onorab Gill.  I kler.  In fer en referans avek Onorab Gill me sa referans ki’n fer ti an relasyon avek komanter ki ti annan pou fer avek sa Mosyon.  I ti vize lo sa Mosyon e i ti pe kit kestyonn – i pa kestyonn son lentegrite i pe donn son lopinyon lo ki krwar ki Onorab ti’n devret fer.  Se tou ki in dir li.  I pa’n denigre li i pa’n abiz son lentegrite in zis pas en komanter lo saki li krwar ti’n devret ganny fer dan sa letan.

I en fine line kot ou bezwen deside si sa i en labi oubyen sa i en fason ki ou pe dir i pe maltret – oubyen i pe met kestyon kondwir en Manm Lasanble Nasyonal.  Mon les pase mon.  Mon les pase akoz mon pa krwar i met kestyon kondwit sa Manm Lasanble.  So sa i mon Ruling lo la.  Ou kapab kontinyen Onorab Pillay.

 

HON SEBASTIEN PILLAY

Mersi Mr Speaker.  Mr Speaker mwan mon’n ekout atantivman bann lentervansyon ki’n ganny fer lo lot kote latab e bann referans avek nou konportman konman en Parti Politik pandan sa bann lannen ki nou, nou lo pouvwar e nou, nou annan pouvwar dan sa pei.  Mon‘n ekout bann referans ganny fer avek lafason ki nou’n anmenn pei dan bann konteks kot nou’n ganny, dekrir konman bann dimoun otogratik.  Bann dimoun diktater.  E bann prensip ki nou’n le fer tou sa ki nou krwar nou devret pe fer.  E mon konnen Mr Speaker ki Lepep Seselwa pou osi ekout nou ozordi i pe osi fer sa laliny e sa ki zot p vwar sa ki zot pe tande.  E mon ti a kontan remind nou Lasanble malgre ki LDS ozordi konman en parti, pou premye fwa zot annan lamazorite dan Lasanble pou zot mazin byen bann aksyon ki pe ganny fer anba zot watch akoz listwar parfwa i repet son lekor Mr Speaker, i pli grav i listwar ki’n arive dan lepase.

Lot pwen ki mon ti a kontan fer Mr Speaker, i se ki konsern sa Mosyon – e la mon le raise en issu avek sa Mosyon Mr Speaker ki i enteresan bann komanter ki’n ganny fer e pou pran parol bann entervenan ki’n koz avan mwan en kantite keksoz in arive dan lepase ki bokou nou isi lo sa kote latab nou pa ti la.  Me nou reprezant sa Parti.  E pa akoz bann komanter pe ganny lanse anver sa parti ki ozordi nou, nou pran nou  ledo nou pou vire.  E nou pou tap koudpye sa menm parti ki nou, nou konnen malgre tou son defo.  Malgre tou lenperfeksyon i fer kantite pou sa pei.

Me selman Mr Speaker listwar in toultan prouve pou dir i byen pa ganny konte otan ki sa ki dimoun i apersevwar pou bann fot ki ou’n fer.

Mr Speaker sa Mosyon ki devan nou, i koz lo bann later ki Parti Lepep in pran.  Oubyen ki’n aste bann letan ki nou’n lo o pouvwar.  Annou pran sa dan sa konteks ki sa Mosyon in ganny anmennen Mr Speaker.

Pou en bon pe letan ant  ‘93 Sesel ti annan li en sistenm Parti Inik.  E ler sistenm Parti Ink laplipar Parti Inik Mr Speaker.  Sa parti ki o pouvwar par dikton the party in power is the party in Government – the party is Government and Government is the party.

        E par lefe  – par  lefe ki sa i leka kot sa parti ti Gouvernman Mr Speaker, sa Mosyon i pe fer referans avek tou later ki ganny pran par sa parti.

I pa zis later ki sa parti in met lo son non.  Akoz si sa Mosyon ti koz lo later ki sa parti in met lo son non, mon ti a konpran.  Me Mosyon i koz lo tou later ki  sa parti in pran.  E sa alor i pou enkli tou bann akizisyon later ki sa parti in pran. Akoz the party in power the party in Government is the same.  Pandan sa letan.  I pa diferan sa.  Savedir sa ki zot pe dir an premye lye, atraver zot Mosyon – an premye lye atraver zot Mosyon – vi ki zot pa’n klarifye zot Mosyon petet si zot deside amann zot Mosyon it’s up to zot.

Me sa ki zot pe dir atraver zot Mosyon se ki tou sa bann later ki sa parti in pran, akoz nou’n koz lo pran premyerman nou pran premye bout se pran,  i bezwen rann.

        Now pou li rann sa bann later ki in pran, i annan bann later ki nou’n koz lo la ki sa parti i ankor annan lo son non,  me i annan bann later ki sa parti in pran ki ozordi Gouvernman in fer konstriksyon plizyer lakaz lo la.  Plizyer flat – plizyer devlopman – lekol.

Eski alor zot pe osi dir atraver zot Mosyon, vi ki petet zot pa’n analiz zot prop Mosyon oubyen zis zot in prefere pou vin fer politik ek zot Mosyon, eski zot pe osi dir pou dir sa bann later ki la nou devret rann?

Alors se sa ki LDS pe demande  Mr Speaker pou nou fer sa akoz se sa akoz si ou lir Mosyon parey ou ti remind Onorab Gill dernyen fwa, ou ti remind Onorab Gill ki dan sa fraz i lir koumsa ki zot in pran ase bonmarse oubyen gannyen atraver zot pozisyon privilezye?

Pozisyon privilezye  ki sa parti ti annan Mr Speaker se lefe ki li i ti o pouvwar.  E lefe ki sa parti ti lo o pouvwar, nenport akizisyon ki in fer in ganny fer akoz sa parti ti Gouvernman e Gouvernman ti sa parti.

 

(Interruption)

 MR DEPUTY SPEAKER

En pti moman …

HON SEBASTIEN PILLAY

Sa bann akizisyon in ganny fer  par sa parti.  …

 

MR DEPUTY SPEAKER

En pti moman Pillay … point of order ….

 

HON SEBASTIEN PILLAY

Me taler mon’n enteronpe ou pa’n le les mwan raise en point of order Mr Speaker!

 

(Interruption)

 

MR DEPUTY SPEAKER

Non, non.

 

(Interruption)

 

HON SEBASTIEN PILLAY

Mon pa ganny en konpran  ki mannyer ou dir mwan  ou pe fer!

 

MR DEPUTY SPEAKER

Mon anvi ekoute.  Mon anvi donn laparol –  zis koman en point of order pou gete si i annan okenn order

 

(Interruption)

 

HON SEBASTIEN PILLAY

Mon’n raise en point of order ou pa’n donn mwan menm sans!

 

(Interruption)

 

HON SEBASTIEN PILLAY

Ou pa’n donn mwan menm sans!

 

(Interruption)

 

MR DEPUTY SPEAKER

Onorab Larue.  Point of order.

 

(Interruption)

 

HON FLORY LARUE

Mr Speaker under 54(7)(d) Onorab Pillay pe impute improper motives akoz i dir nou Mosyon i pa well thought out.  Sa Mosyon i kler!  I koz lo Parti Lepep.  Si dan zot parti ot konfize, ki en parti ek Leta i menm keksoz, zot ki annan en problenm klarifikasyon.  Me Parti Lepep  letan zot ti dan Gouvernman zot ti annan later lo zot non ‘Parti Lepep’.  Later ki ti Gouvernman ti apel ‘’Government of Seychelles Land’’ pa ti apel ‘’Parti Lepep Land!’’ 

 

(APPLAUSE)

 

HON FLORY LARUE

Alor mon pe koz lo later Parti Lepep!  Later ‘’acquisition’’ i en lot zafer sa !  I pa devret impute improper motives pou dir ki mon Mosyon pa kler.  Alors i bezwen retract ouswa rege Mosyon e re koz lo la dapre mon’n ekrir.  Mersi Mr Speaker.

 

MR DEPUTY SPEAKER

Mersi Onorab Larue.  Onorab Larue in klarifye sa pwen ki ou pe sizere ki later ki’n ganny pran later Gouvernman ek later Parti Lepep i menm zafer.  E li i pe dir i pa pe koz lo sa, i pe koz lo bann later ki lo nou Parti Lepep.  Ou propozisyon i kler Onorab Larue.  Kontinyen Onorab Pillay

 

HON SEBASTIEN PILLAY

Mr Speaker mon annan en Right of Reply lo sa alegasyon ki mon impute improper motives.

 

MR DEPUTY SPEAKER

Kontinyen koze ou.

 

HON SEBASTIEN PILLAY

Mon pa pe vwar  kote konman Speaker ou kapab dir mon’n impute improper motives kont Onorab.  Si mon ti’n impute improper motives, mon ti ava’n fer lezot komanter.  Be sa napa impute improper motives!

 

MR DEPUTY SPEAKER

Mon pa’n dir ou’n impute – pa mwan ki’n dir.

 

HON SEBASTIEN PILLAY

Be ki ou Ruling.  Ki ou Ruling lo son point of order? 

 

MR DEPUTY SPEAKER

Mon, mon Ruling …

 

HON SEBASTIEN PILLAY

Ki ou Ruling lo son point of order? 

 

MR DEPUTY SPEAKER

Onorab Pillay mwan, mon mon’n donn li laparol parske i krwar poudir sa ki ou ou’n dir i pa sa ki li in mete dan sa Mosyon.  E i annan drwa dir sa li.  I annan drwa dir pou dir ou pe mislead.  Dan son lopinyon ou pe mislead lafason ki ou met li e in klarifye son pozisyon.  Son pozisyon i kler.  Mon pa’n dir ou pe mislead mon’n permet li klarifye sa.

Prezan ou mon pe permet ou kontinyen.

 

HON SEBASTIEN PILLAY

Ok mon byen kontan ki ou aksepte pou dir mon pa pe mislead personn akoz the wording of the Motion,

 

(Interruption)

 

 

HON SEBASTIEN PILLAY

Akoz the wording of the Motion i kler.  The wording of the Motion i pe koz lo bann later zot konnen – mon krwar zot bezwen tir sa bann politik ki zot in met lo zot lizye.  Me si zot vreman al dan sa size.  Get sa ki zot in prezant devan Lasanble.  Actually gete sa ki zot in prezant dan Lasanble si zot ti’n dir dan zot Mosyon si zot ti’n dir dan zot Mosyon ki tou sa later ki ankor lo non ki ankor lo non Parti Lepep anrezistre lo non Parti Lepep then it will make sense! Me ki zot in dir zot in dir zot in dir in pran.  Be si zot in pran savedir anba Parti Inik i annan plizyer later ki’n ganny pran.  Ok so sa i vedir pou dir ou pe dir nou bann later ki nou’n acquire kot nou’n flat pou donn dimoun, sa osi nou bezwen rann.  Mwan ki Mr Speaker ki mon pe fer mon pe zis point to en keksoz ki en defayans dan sa Mosyon.  Be Mr Speaker mwan malgre ki zot in dir tou sa bann keksoz lo nou, Onorab in fer son pwen kler plizyer fwa .dan Lasanble.  Mon pa rapel en lenstans kot Onorab in anmenn en size ki konsern bann later ki Parti Lepep in swa pran.  E bann issues ki konsern bann later ki nou’n pran.

Onorab i annan tou drwa anmenn en case devan Anti-Koripsyon.  E si Mr Speaker si Anti-Koripsyon i dir pou dir sa i determinen pou dir sa bann later ki lo nou non ki nou’n acquire li atraver bann akt, ki pa normal – ki koripsyon, then mwan mon pou premye tou le 14 dimoun ki lo sa kote latab nou pou premye pou rann.  Sa bann later.

Me selman Mr Speaker sa ki mon dezapwente avek – sa ki mon dezapwente avek, se ki mon’n vwar mon bann koleg lo lot latab servi en Mosyon lo bann size later e impute improper motives kont nou ki asize lo lot kote latab ek zot par servi bann term konman voler!  E ou’n les sa pase ou Mr Speaker!  Ou’n les sa pase a okenn moman dan sa Lasanble Mr Speaker ki mon rapel okenn dimoun lo nou kote latab apel okenn dimoun lo lot kote latab ‘voler’!

E mon pran parol ki Mr Speaker i dir bomaten si nou pou al dan sa direksyon in terms of deba lo en Mosyon – si nou pou al konmans koz koumsa lo en Mosyon Mr Speaker.  Then nou pe retourn dan en sistenm kot nou oule vwar en Parti Inik ankor.  Nou oule vwar en sistenm kot napa demokrasi akoz nou le sitan kraz nou lennmi an servan lezot me Mr Speaker mwan mon pa’n zanmen sey kraz personn!

 

(Interruption)

 

HON SEBASTIEN PILLAY

So si i annan dimoun ki lot kote i santi pou dir sa in arive avek li eski i fermal pran rann mal pou mal i fer keksoz byen?

 

(Interruption)

 

HON SEBASTIEN PILLAY

Non it’s a about the Motion akoz i bann eleman ki zot, zot in anmennen dan Mosyon e mon bezwen si zot pa ti’n entrodwir sa bann eleman e mon respe the Chair – akoz the Chair  in allow sa bann eleman pou rantre dan Mosyon.  E so si the Chair in allow sa bann eleman pou rantre dan Mosyon, then zot become bann eleman ki form parti deba ki nou pe diskite ozordi apre midi.

So sa i enportan ki nou, nou met an perspektiv Mr Speaker akoz, si nou pa fer sa kwa ki reste pou nou at the end of the day? 

Mr Speaker Mosyon devan nou i enn ki’n ganny anmennen pou target nou konman Parti Lepep.  In raise en kantite size ki nou, nou vwar nou dan en pozisyon vreman difisil pou defann Mr Speaker!  Nou pa kapab mon pa vin la pou en pozisyon defansiv lo sa size mwan !  Mon pa kapab vin pran en desizyon defansiv lo sa size.  Akoz i annan bann alegasyon ki’n ganny fer kont nou.

So nou a bezwen respond tou sa bann alegasyon baze lo bann levidans ki ganny met devan.  E si sa bann levidans i pou vre pou dir sa bann keksoz i male nou bezwen reakte accordingly lo la.  Be selman sa i pa fer ki mwan mon devret vilifye okenn Manm lo sa kote Latab i devret fann vilifye ou atake.  Ou ganny maltrete akoz ? Akoz en Mosyon ki’n ganny anmennen.  Ti annan diferan fason pou nou fer deba lo sa Mosyon!  Ti annan diferan fason pou nou entrodwir nou pwen lo sa Mosyon!

 

(Interruption)

 

HON SEBASTIEN PILLAY

Me Mr Speaker mon bezwen demann ou off-mic mon tann en Manm pe dir mon sorti pou mon pa tann nanryen eski sa Manm ozordi i pe koz koumsa kan i en Manm ki’n dan Lopozisyon plizyer lannen?   Ki’n lager pou ki nou annan drwa lekspresyon dan Lasanble? Eski Onorab Ferrari atraver ou Mr Speaker pe dir mon pou dir i fer sans ozordi pou en lot Manm dir ek en lot Manm ‘sorti dan Lasanble ?’  E ou konman Speaker ou les sa arive ?

 

(Interruption)

 

HON SEBASTIEN PILLAY

Mr Speaker … Mr Speaker …

 

MR DEPUTY SPEAKER

Onorab Pillay pa les ou ganny distracted par komanter.  Mwan mon veye mwan.  Mon pe ekout byen sa bann komanter ki pe vize.  Mon ekoute si i pe abiz ou privilez –  i pe abiz ou drwa dan okenn fason e ou drwa koze.  Mon pa santi ziska konmela i pe ariv sa.  Kontinyen koze.  Ou annan laparol.

 

HON SEBASTIEN PILLAY

Mersi, mersi Mr Speaker.  Lo en lot not Mr Speaker mon’n tann sa size kot nou’n dir nou’n tir larzan dan pos Seselwa.  Me kestyon ki mon pou, demann zot lo lot kote latab se konbyen larzan zot in met dan pos Seselwa depi ler zot la?  Konbyen larzan ki zot, zot in met dan pos Seselwa depi ler zot la anndan?  Akoz zot in dir nou nou’n tir larzan, ok annou admeton ki nou pandan sa bann letan ki nou’n la.  Sa bann keksoz in arive ki nou, nou pa’n kapab defann.  Me konbyen larzan zot in met dan pos Seselwa?   Oubyen konbyen larzan zot in met dan pos tou dimoun?  Sa i en kestyon ki zot, zot bezwen reponn zot lekor. Akoz at the end of the day sa bann dimoun ki pou desann le 3 – Sa bann dimoun i bezwen fer refleksyon.  Eski nou oule retourn dan en let kot parey zot in dir zot in ganny tou le 26 distrik nou annan 26/0 nou annan Gouvernman sorti dan menm Parti, kot nou napa en ‘checks and balance’ ; kot sa ki ganny dir i sipoze ganny fer sa ki i ganny dir i Lalwa.  Eski nou le retourn laba?  Se sa kot nou pe ale ozordi se sa lafason ki nou, nou oule pei i ale.

E mwan Mr Speaker mon pa oule pei al laba.   Malgre mon parti i annan tou son fot, tou son defayans, eski mon pou zis pran li mon pou kraze mon zet li dan bin listwar?  Non!  Vire?  Non Mr Speaker nou tou nou annan drwa annan en krwayans politik.   Se eski ozordi LDS pe dir mon pou dir dapre ou konstitisyon mon pa ganny drwa annan en krwayans politik?

 

MR DEPUTY SPEAKER

Address the Motion. 

 

HON SEBASTIEN PILLAY

Mr Speaker I am addressing the Motion par lefe ki sa bann komanter in ganny anmennen par lot kote latab e in ganny allowed by the Chair.  E vi ki sa bann komanter in ganny allowed by the Chair, i necessitate an appropriate response. 

        Si the whole point dan Lasanble Nasyonal, se pou nou kapab fer deba.  Si sa deba pou one sided then Mr Speaker plito ou anvoy mwan en  note bomaten ou dir mon ozordi deba pou one sided alors ou kote pa koze les  lot kote koze!

 

(Interrruption)

 

MR DEPUTY SPEAKER

Onorab Pillay ou p koze dimoun deor pe tann tou sa ki ou pe dir personn, pa pe tann okenn komanter ki pe kontrer sa ki ou pe dir!

Alor mazin dimoun ki pe ekout nou ki pa pe konpran sa bann komanter ki ou pe fer.  Ou annan laparol silvouple kontinyen.

 

HON SEBASTIEN PILLAY

Mersi Mr Speaker mon apresye ki ou’n, donn mon laparol ankor.  E en lot pwen enportan ki mon ti a kontan diskit lo la, se ki kot mon vwar en pti pe konsernen avek zot se zot in koz sa bann later ki ti sipoze ganny rann.  E sanmenm sa ki enteresan avek zot, zot kontan koz lo en kantite size me zot aret e en pwen zot.  Zot kontan vwar tou sa bann keksoz, me zot aret la a sa pwen zot.

Par egzanp si ou dir mon par egzanp later Mamelles i bezwen ganny rann be ou vini ou dir be kwa ki ou anvi fer lo sa later Mamelles.

Ok?  Mwan par egzanp si ti mwan mon ti pou dir be ok annou met en Daycare.  Si en later ki’n ganny rann Glacis mon pou dir annou met en flat, en station – en keksoz koumsa.  Nou koze lo la.

Me Mr Speaker ou pa ankor gete.  Vwala ou konpran nou pe fer en bann komanter ki montre pou dir nou pa pe tret sa Mosyon.  Menm zot anmenn zot Mosyon zot pa pe tret li serye.  Annou tret li serye akoz sa i en size serye nou pe koz lo resours ki nou santi pou dir dan konteks ki mon parti i o pouvwar mon parti in pran sa bann resours dan en fason ki malapropo, oubyen zot santi pou dir i pa annakor avek bonn gouvernans.  Is that is the case Komisyon Anti-Koripsyon i ava fer son determinasyon and then nou ava pran desizyon lo la.

Me pa swazir pou pran sa Mosyon konman en baton – e  pou batonn ou oponan akoz ou santi pou dir ozordi ou dan en pozisyon pli for ou pou batonn ou opona !  Mazin byen zot in toultan remind nou – zot in toultan remind nou se sa ki nou’n fer.  E la i pa lemoman pou nou repet menm fot lepase.

Mr Speaker an konklizyon lo sa Mosyon i pou annan plizyer size ki pou come up lo sa Lasanble pou nou koz lo la.  Me mon le remind LDS Mr Speaker ki sa size later pou fini sa.  Ler sa size later i fini zot pou bezwen konmans travay.

Ozordi Mr Speaker napa en Manm lo lot kote latab i kapab dir mwan poudir, bann dimoun dan zot distrik pa pe demann zot en landrwa pou zwenn avek zot.

Tousala lo lot kote latab zot tr byen pou dir dimoun dan zot distrik pe demann zot en landrwa pou zwenn.  Si nou go back to letan Parti Inik kot ler SPPF ti la Onorab Ferrari i konn tre byen akoz i ti donn lanmen set up SPUP ek SPPF – sa letan – sa letan Mr Speaker sa letan Mr Speaker – sa letan ti annan en demann pou sa bann dimoun ki reprezant SPPF/SPUP – ki parey mon’n dir Mr Speaker Onorab Ferrari i konn tre byen, ki mannyer zot bezwen reprezant bann dimoun o nivo distrik.

So sa letan that’s why ti annan bann akizisyon.  Does it means that it was right to have these acquisition?  Anti-Corruption Commission i a determine. 

        Me i ti annan akoz that was the time.  Eski en keksoz koumsa ki nou et ozordi?  Non, i pou napa.  Akoz ozordi nou delink ant bann parti politik avek Gouvernman.  This what happened. 

        Mr Speaker mwan mon pa la pou defann okenn keksoz.  Onorab in anmenn son Mosyon mon’n point to en flaw dan son Mosyon ki mon santi dapre mon i en flaw dan son Mosyon Onorab i free pou li kit son Mosyon parey i ete i free pou li kot son Mosyon parey i ete, i free pou li amann son Mosyon Mr Speaker.  Sa ki mon pe dir se ki lafason ki son Mosyon in ganny worded, i pe montre pou dir ou pe koz akoz ou bezwen get bann diferan letap ki sa bann later in swa ganny pran, swa in ganny aste, swa in ganny acquired – ok?

        E Mr Speaker mon ti a kontan osi ler mon pe fini Mr Speaker semenn prosen posibleman Mr Speaker nou pou ganny sans debat lo Mosyon Onorab William. ki koz lo koriz bann lenzistis inegalite a tou nivo kot i posib tenir kont kalite travay ki dimoun i fer.  Mwan mon krwar Mr Speaker toultan mon dir zot dan Lasanble se ki 15 lo 10 zot dir pou zot 15 lo 10 i pou lepep Seselwa, i pou nou tou.  Whilst  lo zot 15 lo 10 reprezant en laviktwar – i reprezant en letan anmezir, enjoy, e kontan ki zot in ganny pouvwar politik.  Pou nou i reprezant en letan refleksyon lo kwa ki nou pa’n fer – kwa ki nou ti devret fer  – e kwa ki nou devret aranze.

So whilst ki zot, zot pe pas zot letan pou zot fer politik, anmiz zot lekor avek sa pouvwar, nou lo sa kote latab, nou santi poudir i annan bann keksoz ki enportan ki nou, nou bezwen pe gete.   E si nou kapab met plis larzan dan pos Seselwa atraver Mosyon Onorab William Mr Speaker, se sa ideal ki nou pou al avek.

Me Mr Speaker Lasanble Nasyonal ozordi in debat lo sa Mosyon nou’n prezant nou pozisyon lo sa Mosyon Mr Speaker, mon respekte komanter ki’n ganny fer Mr Speaker e mon pa ti a kontan Mr Speaker okenn dimoun ki santi mon pe challenge ou Lotorite.  Me sa i lafason ki Parlman i fonksyonnen.  Mon’n fer li within the right the rules ki egziste, e mon swet tou Manm bonn kontinyasyon lo zot deliberasyon e next week i ava annan en lot Mosyon nou ava kapab koz ankor lo bann size serye – bann size tanzib pou Seselwa.  Mersi Mr Speaker.

 

MR DEPUTY SPEAKER

Mersi Onorab Pillay.  Mon pou donn laparol Onorab Clive Roucou.

 

HON CLIVE ROUCOU

Mersi Mr Speaker.  Bonn apre midi Mr Speaker.  Bonn apre midi tou bann koleg Onorab.  Mr Speaker pou konmanse apre ki mon’n ekout Onorab Pillay mon demande mon menm si vre i reste Sesel.  Oubyen si vre Onorab Pillay i konnen son parti in fer.  Dan son lentervansyon i pe koz lo levidans mon krwar sa ki Onorab Larue si ou’n byen ekoute in donnen.  Onorab Pillay mon pa konnen ki mon pou dir ou ankor.

Mr Speaker Mosyon prezante par Onorab Larue i vreman kler.  E mon felisit Onorab Larue pou en tel Mosyon! Ankor enn fwa in prezant en Mosyon ki met o kler bann fason malonnet e osi laklerte lo ki mannyer Parti SPUP/ SPPF/ Parti Lepep in vol, vyol abiz sa pei avek son pep avek son relasyon Avek sa kantite bout later ki zot in gannyen dan en fason malapropo!

Mr Speaker sa zafer later dan Parti Lepep/ SPPF/SPUP mon krwar i en mikrob.  I en mikrob ki kontazyez pe azarde parmi zot.

Mr Speaker plizyer repriz nou’n tande ex-Minis son goni in plen.  ex-First Lady son sak are in plen la Parti Lepep li son container in plen ek later sa pep.  Sa pep e sa pei Sesel.

Mr Speaker sa lepidemi maladi later i ariv ziska dan distrik Plaisance.   Menm zot pti madanm Trwazyenm-Az li osi i annan plizyer later lo li menm li.  E i pe menm trik bann vye dimoun pou pas later lo li.  Alors mwan mon krwar sa i en maladi parmi zot menm.

Mr Speaker Mosyon pe fer en demann senp.  Mosyon pe zis demann Parti Lepep pou rann tou propriyete Leta ki zot in pran malapropo – oubyen aste bonmarse, oubyen gannyen atraver zot pozisyon privilezye.  Me si Onorab Pillay pa pe konpran sa demann, mon demande mon menm ankor, lo sa pwen mon pe demann ankor en kestyon, eski Parti Lepep i zis voras ek lizye ler zot vwar later?

Mr Speaker mon pe demann mon pe fer en lapel pou mon bann frer ek ser ki dan dernyen eleksyon ki ti vot pou Parti Lepep, mon konnen mon konnen zot ti pe fer li al abonn fwa.  Me zot in ganny trair par menm parti.  Akoz zot pa ti konnen si Parti Lepep in kapab vol zot tou sa ki zot merite.  Mon pe demann sa pep zis mazin ler zot desann pou al rod en bout later pou fer zot fwaye pou zot ek zot fanmir e zot ganny dir napa li Parti Lepep i annan 59 bout!

Mon pe demande – mon bann frer ek ser ki desann pou ganny en bout later  pou konmans zot biznes oubyen agrandi zot biznes zot ganny dir napa e li Parti Lepep i annan 59 bout!

Mr Speaker mon demann mon lekor, eski zot pa onte ler mon tann Onorab Pillay, ler mon tann Onorab Gill pe vini, pe sey zis zistifye aksyon bann malfeter, alors mon demande ankor enn fwa, eski i vre zot annan zot pep aker?  Pli gro kestyon. Pli gro larepons se non!

Mr Speaker nou tou nou konn Polisi later ‘en dimoun en bout later.’ Alors mon pou demann Onorab Pillay avek Onorab Gill, kote atraver Mr Speaker kote Parti Lepep i sitye?

Mr Speaker mwan mon krwar Sesel ti vre  ‘’The animal farm’’ kot ti annan ki ti pli egal ki kanmarad.

E alors Parti Lepep dan son kouler, i ti montre ki li – ki li wi, i annan pouvwar pou li fer sa ki oule pou li pran later sa pep e abiz sa pep.

Mr Speaker Mosyon pe fer demann kler ankor enn fwa mon dir.  Silvouple Parti Lepep rann sa pep sa ki apartir a sa pep.  Rann Cesar sa ki apar tyen a Cesar.

Mr Speaker ozordi Parti Lepep i fer konmsi zot ti dan en nyaz.  Ozordi nou bann koleg lo lot kote latab kekfwa i annan ki konnen kekfwa i annan ki pa konnen me i annan nou vye Manm lo kote Parti Lepep ki’n konnen ki mannyer zot abiz zot pouvwar.

Mr Speaker mwan mon anvi fer lepep Seselwa konpran en keksoz – silvouple lepep Seselwa letan pou arive ankor.  Sa parti ki apel Parti Lepep se bann triker, se bann dimoun ki napa zot aker e sa bann dimoun napa zot byennet!

Nou dan LDS nou pou vwar nou bann Manm pe kontinyen anmenn bann Mosyon ki annan zot a lentere.

Mr Speaker mon pe fer en lapel osi lo mon bann frer ser Seselwa.  Espesyalman zot ki pe ganny afekte par sa bann pozisyon, sa bann desizyon ki Parti Lepep in pran.  Alors le 3 Novanm annou desann anvil, annou dir non e en gro NON apartir lepep!  Akoz Prezidan Faure li menm in siny plis ki 10 bout later. .Alors desann le 10 Novanm pou nou dir li le 3 Novanm pou nou dir li OUT! Akoz i pa pe kapab anmenn sa pei! Mon bann frer ek ser Onorab annou siport sa Mosyon anmennen par Onorab Flory Larue.  Mr Speaker mersi.

 

MR DEPUTY SPEAKER

Mersi Onorab Roucou.  Bon, mon krwar mon pou ferm lalis pour le moman.  Mon pa’n war personn lev lanmen ankor.  Mon annan lo mon lalis Onorab Jean-François Ferrari.  Mon a donn ou laparol.  Apre final, Onorab Larue.

 

HON JEAN-FRANCOIS FERRARI

Mersi Mr Speaker.  Mr Speaker, avek sa Mosyon ki Onorab Flory Larue in anmennen, e ki pe lans en lapel avek Parti Lepep pour rann sa bann later ki zot in – ki zot in pran dan en fason malonnet,  Lepep Seselwa in dekouver en kanser ki bokou pli grav ki nou ti krwar.  Depi semenn pase ler sa Mosyon in ganny prezante, Lepep Seselwa in dan sok.

I annan 2 group.  I annan bann ki dan sa group ki mwan mon form par.  Nou ti ekspekte akoz nou ti komans tann en kantite keksoz.  E apre ti annan – i annan sa group ki lezot Manm lo lot kote latab i form par, ki zot, zot in soke.  Akoz ankor enn fwa zot in ganny laprev ki sa parti ki ti pran pouvwar zisteman lo baz pour redistribye larises Sesel avek bann ki pli bezwen – bann ki pli mizer, zot in redistribye antre zot.  Bann pli zoli bout – bann pli gro bout in al pour zot e Lepep Seselwa in anmas pikan.  Se sa larealite sa konba  ki nou, nou pe anmennen pour nou remet lazistis dan nou pei Sesel.

Mr Speaker, mon krwar i enportan pou mwan redir ankor, e sa mon’n dir sepa konbyen fwa, me selman – ler ou pa oule tande, vre ou pa tande.  Mwan mon’n deza sipor S.P.U.P – S.P.U.P, ki ti pe lager pour anmenn lendepandans Sesel.  Mon pa’n zanmen siport SPPF, ni Parti Lepep – zanmen!  Akoz mon’n war byen boner – kekfwa mon’n ganny eklere, mon’n ganny sans ki Bondye in ekler mwan, ki’n montre mwan byen boner ki sa bann zans, zot pa onnet.  E sa ki zot dir – ant sa ki zot dir e sa ki zot fer, i annan en gran diferans!  Ler zot ti pe pres lazistis, zot ti pe ranpli zot pos.

Alors Mr Speaker, ozordi parey mwan mon’n ganny eklere, mon’n ganny sa sans pour mwan war laverite, mwan osi mon pe partisip dan en travay pour mwan anmenn laverite kot lepep Seselwa – kot tou bann lezot dimoun ki ankor fernwanr.  Mon kontan pour raporte Mr Speaker, ki sa kantite dimoun i ankor dan fernwanr, depi 2an pase i mwens ki sa kantite dimoun ki dan lalimyer.  E la nou pe war avek sa bann deba ki nou’n anmennen, ki i annan bokou plis dimoun ki dan lalimyer.  E i annan en group, anmennen par bann Onorab ki isi la lo lot kote latab – ki ankor pe viv dan denial, ki ankor pe viv dan mansonz, e ki ankor pe viv dan fernwanr!

In annan Mr Speaker, plizyer kalite reaksyon isi dan sa Lasanble ler Onorab Larue in fer son prezantasyon.  In annan bann ki’n riye.  I annan enn de la lot kote latab, zot in riye.  E i annan enn ki ler in koz lo 5 – ler Onorab Larue in koz lo 59 bout later, i annan en Manm Onorab ki li in dir pa ase!  Apre, i annan bann lezot ki’n bes zot latet e ki’n get lo zot papye, akoz mon krwar zot annan en pti morso – zot en pe annan sa lakanmizri, pa pour sa ki zot, zot in fer, me pour sa ki zot Sef in fer.

E i toultan fermal ler ou’n ganny trennen dan en – ki mannyer nou dir sa?  Ok.  Be la apre – be ok, mon ava aret sa enn, mon ava al lo bann ki’n sove, ki’n al kasyet.  Akoz la i annan enn ki pe sove, ki pe al kasyet – ki pa kapab tann laverite.  E nou vwar par egzanp, ler nou get lot kote latab Mr Speaker, nou war en gran group, sirtou bann Dirizan.  E zot, zot konnen zot – bann ki lo Komite Santral.  Zot, zot konnen  ki pe pase.  Lezot ki’n – lezot ki la, zot, zot in vin lo tar.  Bann ki konnen, se zot ki pe kasyet laverite.  I annan bann ki’n zistifye – Onorab Speaker.  I annan bann ki’n zistifye.

 

(Interruption)

 

MR DEPUTY SPEAKER

En pti moman …

 

HON JEAN-FRANCOIS FERRARI

Bann ki’n zistifye Mr Speaker.

 

MR DEPUTY SPEAKER

En pti – en pti moman …

 

HON JEAN-FRANCOIS FERRARI

Bann ki’n zistifye Mr Speaker, mon krwar, avek ou permisyon…

 

MR DEPUTY SPEAKER

En pti moman Onorab Ferrari.  Les mon a klarifye son point of order.  Onorab Pillay ou annan laparol.  Lekel ou point of order?  Anba ki Order?

 

(Off-Mic)

 

MR DEPUTY SPEAKER

Ki Order?

 

(Interruption)

 

HON SEBASTIEN PILLAY

Ok.  Mr Speaker, mon oule raise 2 issue la, en.

 

MR DEPUTY SPEAKER

Anba ki Order?

 

HON SEBASTIEN PILLAY

Mon’n dir ou Order 56 Mr Speaker.

 

MR DEPUTY SPEAKER

Ok.

 

HON SEBASTIEN PILLAY

‘’A Member shall not interrupt another Member who is speaking except to raise a point of order.’’  So, mon raise mon point of order  anba Order 56 e mon pe al dir ou akoz mon’n raise mon point of order.

 

MR DEPUTY SPEAKER

Ok.

 

HON SEBASTIEN PILLAY

Mon ganny drwa fer sa, non?

 

MR DEPUTY SPEAKER

Dir mwan – wi.

 

HON SEBASTIEN PILLAY

Mersi Mr Speaker.  Mr Speaker, premyerman mon ti a kontan Onorab i substantiate lekel sa Manm ki i pe dir lo nou kote latab ki’n dir ‘’pa ase.’’  Akoz i pe impute improper motive kont nou lo sa kote latab, ok.

 

(Interruption)

 

HON SEBASTIEN PILLAY

Dezyenmman – dezyenmman Mr Speaker, mon ti a kontan Onorab i retract sa statement, akoz Onorab depi bomaten i pe pran li en labitid pour li takin bann Manm lo sa kote latab.  En keksoz ki mon krwar nou tou le 2 – koman 2 dimoun ki en pe senior lo nou kote latab kot nou asize, nou ti’n aret fer e ou konn tre byen Mr Speaker.

So, i pa zoli pour en Onorab fer en komanter koumsa – konmkwa poudir mwan mon’n leve pour al kasyet.  E dernyen fwa en lot Onorab ti fer menm komanter in regards to Onorab Gill e sa komanter ti ganny dealt with par Speaker Préa.  So, mon ti a kontan si nou annan – si nou pou annan 2 pwa, 2 mezir dan Lasanble, nou ti a kontan ganny kler boner.

Me si nou pou annan en sistenm par ki nou travay dan Lasanble, mon ti a kontan ki nou tou – nou tou nou travay according to sa Mr Speaker.  Akoz mon’n donn li tou respe.  Mon pa pe dis… – mon pa’n disrupt son speech.  Mersi Mr Speaker.

 

MR DEPUTY SPEAKER

Mersi Onorab Pillay.  Mon ti a kontan ou pa servi sa mo ki i annan en bias isi – en pwa 2 mezir.

 

(Off-Mic)

 

MR DEPUTY SPEAKER

Met ou mic on, retract.

 

HON SEBASTIEN PILLAY

Mersi Mr Speaker.  Si mon’n servi sa mo –e mon pa’n mean li dan en fason dérogatoire, mon parte mwan pour mwan retract sa mo.  I pa mon lentansyon pour mwan impute okenn improper motive in regards to ou chairing sa Sesyon.  Mersi.

 

MR DEPUTY SPEAKER

Mersi Onorab Pillay.  Komanter ki’n ganny fer dan Lasanble, pa ti vize ver okenn dimoun – pa’n ganny nonmen.  Me mon pou demann Onorab Ferrari, si ou ti pe viz an partikilye okenn dimoun ler ou ti pe fer sa bann komanter?

 

HON JEAN-FRANCOIS FERRARI

Mr Speaker, mon’n swear pour mwan dir laverite – wi, mon ti pe viz Onorab Pillay, ki ler mon’n komans koze, in sove!  Be mon retract akoz in tournen.

 

(Interruption)

 

HON JEAN-FRANCOIS FERRARI

E mon felisit pour lapenn in tournen e in vin aksepte pour li ekoute.

 

(APPLAUSE)

 

MR DEPUTY SPEAKER

Ok.

 

HON JEAN-FRANCOIS FERRARI

Mon retractYes.

 

MR DEPUTY SPEAKER

Onorab Pillay in retract son statement.  In retract son statement, ok?  In retract son statement, so Onorab Ferrari kontinyen.

 

HON JEAN-FRANCOIS FERRARI

Mersi Mr Speaker.  Mr Speaker, apre – apre in annan bann ki’n zistifye, e sa i pli grav Mr Speaker – i pli grav.  I annan ki’n zistifye.  Onorab Gill e mon ekspekte ki Onorab Gill pou ankoler avek mwan ler i pou tournen akoz mon ti dir li avan i ale, mon ti fer li konnen poudir mon pou reakte lo enn de bann pwen ki li in leve.

E mon mazinen donk i ekspekte mwan – e sa pwen se ki Onorab Gill in zistifye.  Onorab Gill in zistifye – parey i abitye zistifye, ler i dir nou tou nou pran larzan avek Indien.  Mon pa konnen kot in tann sa.  Pa bezwen – Onorab Simon Gill, wi.

 

(Interruption)

 

HON JEAN-FRANCOIS FERRARI

Yes Onorab Churchill, sorry.  E ki – mon konpran ou Onorab Churchill.  I mal konmsi pour konfiz ou avek Onorab Gill.  So, mon retire.  Sa ki in dir par egzanp, i pe sizere – annou pa lev sa bann size, akoz demen i kapab annan en lot parti ki pou lev sa bann size lo nou.  Me zot kapab leve sa bann size lo nou.  Akoz pa pou arive avek nou.  Akoz nou, nou pe lord dan sa pei!   Kot zot in met dezord, nou pou met lord!  Kot zot in met fernwanr, nou pou met lalimyer.

E alors, si zot annan okenn keksoz pour zot dir lo nou – e la mon a pran lokazyon Mr Speaker pour mwan dir ki mwan mon annan levidans konkret mon ava met devan Speaker byento – konmkwa i annan bann travay sal ki pe ganny fer pour sey rod labou pour anvoy lo mwan, lo Msye Ramkalawan e lezot dimoun ankor!  Akoz nou’n komans sa deba lo later.  Mon ava met sa bann lenformasyon devan Speaker.

Konmsi la nou pe antre dan en faz – ‘asasin ou adverser,’ ‘atak li lo son karakter ! ’Ok ?   ‘Provok li pour li fer keksoz.’  E se sa zistifikasyon ki zot in gannyen lo sa Mosyon later.  E sa Mr Speaker, i enportan pour lepep Seselwa konnen akoz zot bezwen ekspekte zot pou war a lavenir en kantite latak personnel ki pou ganny fer, akoz nou’n lev sa size ‘later’.  ‘Later’ Mr Speaker – e parey Onorab Clive Roucou in dir, later in en maladi dan sa parti lot kote latab.  Se ladan ki zot in profite!  Se la ki zot in donn bal – dan later!  Ok?

Alors, i annan finalman – bann dernyen, ki’n sey fer nou per.  I annan ki’n dir nou, nou pe – sa ki nou pe dir i kapab anmenn dezord.  I annan ki’n ensinye ki sa bann deba ki nou fer, i kapab destabiliz pei.  Sak fwa nou dir en keksoz – sak fwa nou kriy ‘’bare voler,’’ wi – destabiliz pei !  Pa koz lo la – pa koze sa bann keksoz, taler ou a ‘destabiliz pei’.  Keksoz pe mars byen.  Laverite bezwen ganny met deor, e i pou kontinyen ganny met deor!

Menm si ler nou donn levidans – taler Onorab Pillay in demande oli levidans.  Selman, son prop koleg ki avek li lo Komite Santral – Onorab Simon Gill, in dir poudir zot pe rann 8 bout.  Be si ou pa’n pran, ki sa ki pa ti pour ou, akfer ou rann?  Savedir pa ti pour ou!  Ou pa ti merit pran.  Ou konpran?  Si ou pe rann, savedir pa ti pour ou, ou pa ti ganny drwa pran – se tou ki nou pe dir!

Alors, la i la levidans.  Annou pa sey dir avek bann dimoun – annou pa sey dir avek piblik ki napa levidans.  E ki sa bann keksoz i en fabrikasyon!  Sa bann keksoz Mr Speaker, i en – i bann fe konkret.  E mwan mon krwar zot kapab dir tou sa ki zot anvi lo Onorab Flory Larue, me selman napa enn antre zot ki pou tous son pti bout lipye lo son resers ki i fer.  Akoz ler i vini, i prezant bann fe dan sa Lasanble, napa enn antre zot ki pou kapab deny sa bann fe – menm si zot seye!

Mr Speaker, sa bann later – 59 bout, ti later ki ti’n kapab al pour nou bann frer e nou bann ser Seselwa.  E sa i fer nou tris.  Parey Onorab Woodcock ti dir, i fer li ankoler.  Akoz i fer li – nou tris e ankoler? Se ki, toulezour dan nou lavi koman MNA, nou ganny konfronte avek bann dimoun ki vin vwar nou, pour demann nou pou sey ed zot pour zot ganny en pti bout later pour zot mont zot lakaz, pour zot sonny zot fanmir.

Toulezour nou pe sey lager pour nou gannyen sa bann pti bout, ok?  E ki nou war?  En part politik i pran 60 bout pour li.  Bann Dirizan Politik i pran 20 bout, 40 bout – bann gro, gro kopo partou.  E Lepep Seselwa i ganny kit ater li.  Se sa ki fer nou ankoler.  E i fer nou ankor plis ankoler Mr Speaker – e se pour sa rezon zot, zot pa devret ronfle zot, ler nou dir avek dimoun fodre zot desann anvil le 3 Novanm!  Nou bezwen dir klerman avek sa msye ki ansarz nou pei, ki sipoze – ki’n fer serman pour protez nou pei, pour protez nou teritwar, pour protez nou bann Lenstitisyon, pou dir avek li- me msye, ou ti ansarz dan sa pei, be ou’n siny 10 bout later pour ou parti Msye Faure !  I pa en bout, i pa 2 bout – i 10 bout ki ou’n sinyen pour ou resevwar lo lapar ou parti politik a bann pri ekstraordiner – 42mil, 45mil, 130mil, 3 pti bout pour 150mil.  La nou’n tande 8 bout ansanm pour 200ekek mil – 8 bout!  8 fanmir – 8 fanmir ti’n kapab ganny en bout later 20mil Roupi – 8 fanmir.  Be still, sa Gouvernman in deside pou met sa 8 bout later ansanm e aste pour zot parti.

An 1993 Mr Speaker, ti annan en dimoun ti tape en konversasyon ant ban Dirizan pli o dan Sesel – 2 Dirizan pli o dan Sesel.  Zot ti pe koz lo ki zot pou fer akoz la zot pe perdi en pe bann pouvwar politik.  E Prezidan René ti reponn – nou bezwen fer sir nou ganny pouvwar ekonomik.  E se la – e se la ki mwan mon met o defi Onorab Simon Gill pour zistifye sa bann keksoz !  Akoz laplipar sa bann lakizisyon malonnet later, ti ganny fer apre retour Parti Inik.  Onorab Gill – retour par miltiparti!

Onorab Gill in sey vin dir nou poudir Gouvernman sa lepok – dan sa sistenm ki zot ti ladan, zot ti bezwen met an plas bann striktir dan bann distrik kot zot kapab rankontre zot bann dimoun pour zot kapab fer demokrasi marse ?  Be nou ti’n retourn dan parti miltiparti nou.  Sa ti en sistenm Parti Inik sa.  Ler ou ti dan miltiparti, nou kot nou’n ale?  Kot nou’n al rod en biro?

LDS pa in lwe en biro la lo kote la.  In al – in pran en biro? In lwe en biro la kot lopital.  SNP kot in lwe en biro?  In lwe en biro Arpent Vert.  In lwe en biro Arpent Vert e tou le mwan i pey – i donn en cheque i pey son rent.  Mrs Alexia i lwe en bout anvil.  Mr Boullé i lwe en bout anvil.  Nou pa pran en bout later !  Nou osi pa nou bezwen servi – nou bezwen met nou o servis tou bann dimoun?

Mon’n tande taler poudir nou tou nou pe rod en landrwa pour nou rankontre nou bann dimoun.  Be nou dan LDS nou – nou rode, nou trouve e nou pey pour nou war nou bann dimoun!  Nou pa pran later – nou pa pran later Gouvernman pou nou dir sa en bout pour nou akoz nou bezwen war dimoun!  Pa marse sa!  Sa se bann keksoz ki konpleman inakseptab.  E i montre – sa ki’n koz lo mindset taler, i konn tre byen poudir sa mindset Parti Lepep la, sanmenm sa ki’n anzandre avek zot.  E ki fer ki nou pa pe kapab avanse.

Mr Speaker, sa desizyon – e Onorab Sebastien Pillay, li i pe dir poudir nou’n mal ekrir nou Mosyon.  Be kekfwa la prosenn fwa nou ava bezwen kontakte li pour nou gete ki mannyer nou kapab ekrir en Mosyon.  Me selman, mon ti a kontan dir ki sa Mosyon in ganny ekrir byen klerman, pour demann avek Parti Lepep pou fer sa ki onorab, sa ki zis, sa ki legal, sa ki byen pour Sesel.  Nou pe met responsabilite pour zot fer sa travay lo zot.

Nou pa’n pas en Mosyon – nou pa’n anvi pas en Mosyon pou dir lapolis ale, al rod 2 sa bann Dirizan Lepep, met zot dan minot.  Anmenn zot – met zot dan Bok-Bok, anmenn zot Santral e sarz zot akoz zot in pran later ki zot pa ti devret pran.  Nou pa’n dir sa nou.  Menm si nou konnen poudir nou ti pou annan rezon pour nou dir sa!  Nou’n demande ki dan zot – parey nou dir ler nou pe fer nou lapriyer, dan nou nanm e dan konsyans.  Dan zot nanm e dan zot konsyans, si zot in war keksoz ki mal, la i zot sans pour zot aranze.

Alors, ki nou’n gannyen?  Nou’n ganny dir par Onorab Gill ki – mon krwar son fonksyon dan Parti Lepep se Sekreter pour Later, mon krwar – akoz li ki koz bokou lo later.  Onorab Gill in dir nou ki pou rann 8 bout later.  Zot in vwar poudir vre zot ti mal – zot pou rann sa 8 bout.  Prezan nou, nou pe demann avek Prezidan Faure pour li rann tou sa bann bout later.  Nou ti krwar i en keksoz fasil ki nou pe demande.  Ziska ler Onorab Larue in montre nou poudir Prezidan Faure in siny 10 bout.

Be ki mannyer i pou kapab? Ki mannyer – konmsi, ki kantite kouraz i pou bezwen annan pour li vini pou dir – wi, mwan ki ti sinyen, selman vre mon’n war i mal?  Nou pa pe war nanryen.  Nou pa pe war ki Msye Faure pe vin dir sa.  O kontrer nou war Msye Faure pe vin dir nou pa bezwen destabiliz pei.  Se pour sa rezon ki Msye Faure pa pe donn nou okenn swa.  Nou bezwen desann anvil le 3 Novanm – nou bezwen.  Akoz si nou pa desann anvil, Lepep Seselwa pa pou pardonn nou.

Akoz nou bezwen kontinyen rod sa 59 bout later ki zot in gannyen malapropo.  Pa 8, pa 10 – 59!  E mwan Mr Speaker, mon annan sa konfyans ki sa 59 bout later pou retournen pour gouvernman Sesel.  Akoz sa 59 bout later premyerman, pa’n ganny itilize pour sa purpose ki Onorab Gill in dir.  I annan ki’n ganny servi pour fer biznes.  I annan ki’n ganny servi zis pour lwe avek en lot landrwa pou ganny rent.  I annan ki’n ganny vann – ki’n ganny aste, ki’n ganny vann.  I annan ki’n fer bann lakanbiz lo la.  I annan ki zis lease i pour zot e zot pe rod vann sa bann lease.

I annan parey Maison du Peuple – i kler, e mwan mon krwar zot annan rezon pour zot enkyet.  Zot annan rezon pour zot enkyet.  Akoz sa ki’n marke lo sa miray Maison du Peuple la – ‘’Donné au peuple Seychellois par le peuple Algérien’’ – mwan mon Lepep Seselwa mwan osi!  Mwan osi mon annan en par ladan!  Mon osi mon annan en par ladan.  E mon ava esper – mon ava esper 100an.  Parey sa msye ti esper 100an pour le voler e en zour i ti rann.  Mon ava espere.  Mon bann zanfan ava espere.  E mon bann pti zanfan ava kontinyen lager.  E zot konnen ki pli bon nouvel ankor ki sa?  Se ki ler zot pou rann Maison du Peuple, maksimonm ki zot pou gannyen se R900mil – maksimonm.  Akoz sanmenm sa ki zot in peye.

Akoz zot ler zot aste, zot aste bonmarse.  Apre ler zot vann, zot oule vann ser.  Pa pe marse sa !.  Zot in deklar 900mil.  Mon pa konnen si pour zot pa pey tax, pour zot pa pey stamp duty, oubyen whatever.  Me krwar mwan, zot in, zot – Onorab Gill, Simon Gill ankor, in dir poudir later i ganny valer, later pa devalye.  Alors nou bezwen mete ki in fer lo sa bann later pour evalye sa bann later.  I oule gete, i oule negosye.

Later, wi – normalman dan okenn pei later pa perdi valer.  Selman Sesel i perdi valer.  Maison du Peuple ti kout 10milyon.  Ler zot in aste, zot aste 900mil – sa i ok.  Ler zot pe aste, napa valer.  Ler zot pe vann, zot oule negosye.  Be ‘’bouk loulou’’ in mor!

 

(Interruption)

 

HON JEAN-FRANCOIS FERRARI

Bouk loulou in mor!  E nou konnen poudir la zot pe sey taler pou zot vann bann bout – revann bann lease, zot pa pou reisi.  Nou konnen poudir zot in al met en dokiman pour sey vann sa lease laba avek STC, e ki Rezistrar in refize!  Be wi – nou konnen tousala.

Alors Mr Speaker, sa i en keksoz ki nou pou bezwen fer koman en devwar ki nou annan devan Lepep Seselwa.  Mon ti a kontan terminen Mr Speaker an dizan – Sesel ti pou en paradi e nou tou nou ti pou viv byen.  Mwan, Onorab Speaker, Onorab Henrie, Onorab Gill, Pti Pol Leternit, Pti Misel – nou tou nou ti pou viv byen, si nou ti manage sa pei byen avek lazistis, avek lonnekte.  I annan ase – i annan ase later Sesel pour tou Sesel ganny en ros pour li asiz lo la.  I annan ase.  I annan zis 92mil nou.  E manke mwens akoz ladan i annan en bon pe ki pa ni Seselwa.

Si nou ti met en prensip lazistis devan premye, nou tou nou ti pou ganny nou pti kare.  Nou tou nou ti pou kapab viv.  Me ozordi, bokou nou pa kapab.  Zot pa ni pe reve pour zot ganny en bout later !  Zot in fini abandonn sa rev, akoz  i annan en bann – e Parti Lepep i premye ladan, ki’n deside pou dir se zot ki merit pran bann pli gro bout, bann pli zoli bout.  Ler ou gete, napa en bout later ki Part Lepep in fer – in pran, ki dan ros oubyen ki dan kap!  Napa en bout!  Tousala i dan plato, tousala i dan bann landrwa ki’n fini taler.

Mont Buxton ti’n fini kraze, ti’n fini fer plat kot Karoutsou.  Partou kot zot in pase, zot in pran – zot in pran bann zoli bout!  Lo konblaz – partou.  Zot in kit kap, zot in kit bann dernyen, dernyen keksoz pour lezot dimoun.  E pour mazorite dimoun – zot siporter, mazorite zot siporter, zot pa’n ganny nanryen.  Zot ava ganny flat.  Dan sa 24/24/24 – zot a ganny en flat, en bout later zot pa pou war ankor.  Si sa Gouvernman i reste o pouvwar pli lontan ki sa, sa problenm pou kontinyen.  I pou kontinyen Mr Speaker, ou konnen akoz?

Mwan mon annan en legzanp dan Mont Fleuri e mon bezwen termin avek sa.  Mon krwar zot tou ki isi in deza tann nonm flat Larme.  Obor lot kote semen kot Weeling apre kot Lekol Lanmizik.  En morso later 566met kare – i annan en batiman lo la, i annan Biro Brans Parti Lepep, i annan 2 pti laboutik mon krwar, apre i annan 2 flat anler la.  Ziska 2an pase, bann dimoun ki ti lwe landrwa la, ti pey zot rent avek PMC – ziska 2an pase sa.  Zot ti pe pey zot rent  avek PMC.

Zis koman dernyen eleksyon in fini, konm par mazik, sa bout devan – pa sa bout deryer, sa bout devan – sa bout komersyal, ki annan plis valer akoz i lo semen, i annan laboutik, ou kapab lwe pli ser.  Sa bout devan – pli zoli bout, konm par mazik, in ganny transfer lo Parti Lepep.  E bann – bann tenants ki la, i bezwen prezan pey Parti Lepep.  E i annan zot ki’n ganny dir – mon pa konnen si tou, me selman i annan enn 2 ki’n ganny dir ki zot lokasyon in double e ki zot annan en pe aryeraz pou peye tou.

Mon’n byen dir poudir anba, i annan detrwa laboutik, i annan Biro Brans, anler i annan 2 flat.  En flat i ganny lwe avek en fanmir, en flat zot servi pour zot met latab ladan ek sez.  E mwan mon annan bann fanmir ki pe plere, ki pe plere pe rod en landrwa pour zot reste.  Ki zot zanfan pe malad akoz zot pe reste dan bann landrwa ki annan fungus lo miray.  Bann fanmir ki vin kot mwan ki dir mwan poudir zot zanfan pe ganny abize akoz zot reste 5, 6 pe dormi dan en lasanm!  E mwan mon pa kapab fer nanryen pour zot – mon napa landrwa.  E pourtan i annan landrwa.  Selman i en landrwa ki ti pour lepep Seselwa, ki’n ganny pran par Parti Lepep, ki ozordi zot servi pour met sez ek latab.  Oli leker Mr Speaker?

Sa se bann keksoz ki lepep Seselwa i bezwen tande.  I bezwen war poudir i pa akseptab – i pa akseptab Mr Speaker.  Nou bezwen en sanzman! Nou bezwen en sanzman ki profon.  Ozordi bann manm Parti Lepep lot kote latab, notaman Onorab Pillay, pe dir poudir nou pe tret zot parey bann dimoun – parey Parti Inik!  Akoz zot konnen ki mannyer zot ti tret nou zot.  La prezan ozordi ler zot ki pou bezwen bwar sa bouyon bred, zot pe dir avek nou – pa bezwen fer avek zot sa ki zot in fer avek nou!  Nou pa pou fer!  Selman nou dir avek zot, si ou’n ganny ou bouyon bred ozordi, bwar ou bouyon bred trankil.

Pa bezwen konplent – pa bezwen konplent.  Zis bwar bouyon bred, laroul pou pase, loraz pou pase, siklonn pou pase, zot pou ganny en bate bef dan lot eleksyon, zot ava al dan Lopozisyon, zot a regroupe, apre zot a retournen.  Konmsi parey ansyen Onorab, Mrs Charles – ‘’hey hey!’’

 

(laughter)

 

HON JEAN-FRANCOIS FERRARI

Zot ava regroupe zot!  Nou i annan 30an – i annan 30an nou pe lager.  Nou pa anvi detrir personn nou.  Selman nou anvi fer zot konpran poudir sa ki zot pe tande ozordi, se bann keksoz ki reel e ki enportan ki nou met deor pour lepep Seselwa.

Mon terminen Mr Speaker, e dir – par dir avek Lasanble poudir in annan detrwa ka Ankour, L’Australie avek l’Angleterre dernyerman, anba bann nouvo Lalwa ki apel Unexplained Wealth Order.  Sa i vedir kot pei i fer lanket lo bann dimoun ki nou pa kapab eksplike akoz zot ti annan très peu de sou yer, ozordi zot bann milti-milyonner.  I annan Lalwa prezan ki permet konmsi pou kriy sa msye pou dir – nou pa pe akiz ou, ou pa pou bat ou, nou pa pou met ou dan prizon, nou pe zis demann ou detrwa pti kestyon.  Eksplik nou – kote ou’n gannyen sa 30 bout later?  Kote?  Zis nou kriy ou, nou demann ou 2 pti kestyon, ou reponn ou detrwa pti kestyon.

Si pa ti pour ou – si ladan i annan sa, ou a dir, be mon a rann 8 – mon a rann 8.  Mon’n pran 59, mon a rann 8.  Prezan Lakour i ava gete si i pou dir ou – be non, rann tou le 59, fini enn fwa, ale.  Konpran?  Akoz koumsa i marse – koumsa i marse.  Mon krwar i annan tro bokou dimoun ki’n soufer.  Mon ava dir en keksoz – i annan en Manm isi dan sa Lasanble lot kote latab, ki mon konnen poudir in annan dimoun ki’n vreman ganny abize – vreman ganny abize.  Mon koz zis lo lafanmir Malvina anler Takamaka, ki ozordi ni en lapel later i napa akoz bann sistenm ki’n abiz lo zot.  Sa i bann keksoz ki – sa bann keksoz ki larealite.

E alors nou, nou misyon se pou zis klersi keksoz – pa bezwen per.  Parey Onorab Arissol i dir – pa bezwen vid sa bouyon bred lo ou, zis bwar trankil, espere, tou keksoz pour ok.  Napa personn – parey mwan mon dir zot – parey zot konnen mwan mon ti ganny bate, mon ti ganny anvoye lopital – napa enn.  Mwan mon pou debout mon pou defann zot tou ki la.  Zot tou ki la mon pou dir i pa zoli – i pa byen.  Mon pa dakor si okenn dimoun i bat okenn antre zot.  Ler zot, zot ti pe riye anler, zot pa ti la zot.  Zot ti pe riye anler dan vye Lasanble ler gard ti pe bat mwan.  Mon pa pou fer parey, nou.

Selman laverite nou pou fer – nou pou met deor.  E nou pou fer sir ki sa ki pour Pep Seselwa, i retourn pour Pep Seselwa.  Alors, mon remersye Onorab Larue pour son Mosyon.  Mon remersye tou ban Manm ki’n pran par dan sa deba.  E mon demann zot pou vot an faver e anvoy en mesaz for pour tou bann dimoun.  Demann zot pou desann le 3 Novanm – vin reklanm nou later, vin reklanm nou Drwa e vin reklanm Lazistis.  Mersi Mr Speaker.

 

(APPLAUSE)

 

MR DEPUTY SPEAKER

Mersi Onorab Ferrari.  Bon, in ariv 3.42.  Nou pou adjourn, nou ava retournen 4.15.

 

(BREAK)

 

MR DEPUTY SPEAKER

Bon apre midi tou bann Manm Onorab.  Tou dimoun a lekout.  Nou kontinyen avek nou travay, nou dernyen morso travay avan nou adjourn pou ozordi.  E mon pou donn la parol Onorab Flory Larue pou fer summing-up lo son Mosyon.

 

HON FLORY LARUE

Mersi Mr Speaker.  Mr Speaker i paret mon ki pou lot kote latab mon Mosyon pa ti kler.  Me pou pep Seselwa mon anvi zis eksplik en klarifikasyon.  Letan ou aste en bout later, ou aste en bout later lo ou non.  Si ou annan en biznes ouswa ou en dimoun ou swa ou enn lasosyasyon ou aste en propriyete i vin lo ou non.  Dan sa legzanp ki mon pe demande dan sa Mosyon mon’n servi Parti Lepep.  Dan premye repiblik letan Parti Lepep ti aste later i ti aste lo so non.  Letan Gouvernman swa Leta i annan en propriyete ki pou Leta i met ‘Government of Seychelles.’ Sa i pou klarifikasyon pou montre ki i annan en diferans ant propriyete ki pou Leta e propriyete ki pou parti.  Si prezan Leta ek parti i konfiz son lekor zot krwar zot en sel sa i en lot, i en lot keksoz.

Mr Speaker semenn pase mon’n anmenn lalis later ki propriyete Parti Lepep.  Mon’n fer li dan e fason kalm e kler.  Mr Speaker mon ankor kalm me mon pa pou kapab reste trankil.  Sa lalis ki mon’n trouve i annan en total 59 later e mon pa konnen si sa i tou zot later akoz mon pa’n vwar kart Parti Lepep pourtan zot fek lwe later an 2015 avek Gouvernman.  E sa 3 pa aparet lo kart SPPF alor oli kart ki montre sa lo la? Dokiman i manke kot Rezistrar Mr Speaker.  E la Onorab Henrie i fer mwan rapel sa en ki kot NISA vizavi batiman STC kot building Depot ki osi pou zot e zot pe lwe sa ek NISA e zot pe lwe sa pou R63mil par mwan depi Me 2015.  Alor i montre nou’n sorti 59 nou’n ariv 60 Mr Speaker.

Tou sa 60 later eksepte 3 ti ganny aste direkteman avek Gouvernman e menm ladan nou vwar letan zot vann zot later Baie Lazare ek Gouvernman ki zot ti ganny kado pou R1 zot vann Leta enn sa later en valer R5milyon.  Zot fer profi menm.  Mr Speaker mon’n apresye bann deliberasyon lo sa Mosyon sorti kot tou Manm ki’n partisipe.  Me mon pou bezwen adres an premye bann pwen ki Onorab Simon Gill ti met devan, dan bann deliberasyon semenn pase.

Mon’n ekout byen son lozik deryer leksplikasyon akoz son parti SPUP/SPPF e li menm ozordi parti lepep ti bezwen pas tou sa later Leta lo zot lekor. Mon bezwen klarifye ki a en pwen dan son larepons Onorab Gill dan mon lopinyon ti adres topik akizisyon later.  Akizisyon later pou leksplikasyon piblik, se letan later ti  ganny pran par Leta pou benefis Nasyonal tou sitwayen.

Sa Mosyon i koz lo bann later spesifik ki parti lepep in aste avek Leta e ladan i  annan later ki ti ganny pran pou benefis Leta, me a lafen nou vwar se zot parti ki’n benefisye.  Mon le repet sa ki Onorab Ramkalawan ti dir e mon senserman krwar ladan.  Se ki Onorab Gill ti pe anbet pep Seselwa avek sa laliny largiman.

Sa Mosyon napa nanryen pou fer avek akizisyon later Mr speaker e sa i kler mon pe koz lo later ki lo zot’ non.’  E letan zot ti pran sa bann later, zot sipoze pran dan lentere Seselwa sa bann ki ti ganny acquire.  Mo kle i lentere pep Seselwa e non pa en parti politik.  E enn bann ka kler i batiman kot mize SPUP ti ete.  Zot ti pran e sa propriyeter in anmenn zot Ankour e se Lakour ki’n deside ki parti lepep ti’n kas Lalwa e ki nou vwar sa batiman in ganny rann.  In ganny pran avek zot e rann dan lanmen son met.

Dan bann ka later prive ki’n ganny pran se Lakour ki pou deside ki desizyon zot pou pran e non pa LDS si son propriyeter orizinal i anmenn Leta Ankour.

Dan ka parti lepep ki en antite  dan  li menm i parey en dimoun e i annan  drwa aste later lo son non e ler later ti ganny aste pou parti i ti ganny aste lo non sa parti pou lentere sa parti e pou anrisi sa parti!  Parey si en dimoun i annan plizyer later sa i son bann aki ki apre i vann pou benefis son fanmir ouswa son lekor.  Letan en antite i aste e morso later i annan enn son reprezantan ki vin siny dokiman pou sa antite savedir ki sa endividi i krwar ki sa aksyon ki dan sa bann ka i ti pe aste pou parti i byen e i korek.

Savedir i dakor ek sa ki pe pase e sa ki pe ganny fer.  Msye Danny Faure in siny plizyer dokiman kot in aste later pou son parti dan son pozisyon e dan son rol koman reprezantan Parti Lepep.  Mr Speaker mon’n vwar ek mon de lizye 18 dokiman transfer ki Mr Danny Faure in sinyen pou parti lepep ki zot in aste ek Gouvernman. 18 Mr Speaker.  Eski ozordi Onorab Gill pe dir nou ozordi ki Msye Faure pa ti konnen ki i ti pe fer dan son fonksyon konman reprezantan parti?

En morso Mosyon i dir atraver- i dir Mr Speaker later ki zot in gannyen atraver zot pozisyon privilezye ki zot ti annan sa letan.  Eski Msye Faure pa ti okouran ki son parti ki ti dan Gouvernman, ki li i ti form par ti annan en Polisi ki dir en dimoun ouswa en antite i kapab ganny loportinite pou aste zis en bout later Leta? Eski sa pa ti en labi zot pozisyon kont lentere lezot letan zot in ganny loportinite aste plis ki 60 bout later ek Gouvernman?

Mr Speaker Onorab Woodcock in dir an servan bann mo kler, in dekrir sa bann aksyon koman bann aksyon koronpi.  Labi pouvwar i en akt koripsyon Mr Speaker.  E aste 69 bout later pou ou parti i klerman  en labi pouvwar e si ou siny tou sa ta papye pou ou parti ou bezwen konplis dan sa bann aksyon e ozordi Mr Faure i bezwen pran son responsabilite e dan son prop mo rann nou kont sa bann aksyon.

Leksplikasyon pli profon ki’n ganny servi se ki parti ti ganny dir ki zot ti bezwen fer de-linking.  Mr Speaker de-linking ti vin apre lannen 1993 dan 3enm Repiblik pou ki parti lepep i detas li avek Leta akoz zot Prensip se ki pei i osi pou zot.  Pandan tou bann lannen oparavan zot ti’n met zot bann biro brans lo later Leta e bann batiman ti’n souvan ganny konstrir avek larzan Leta.  Dan sa sistenm miltiparti ti annan plizyer parti politik.  Me dan son lentervansyon Onorab Gill in eksplike ki parti lepep li i ti bezwen kontinyen egziste par fer son travay dan distrik pou konekte avek piblik.  Alor zot ti fer demars pou etabli zot pozisyon e zot ti aste sa bann later ek zot Biro Brans ti lo la.  Bann batiman ti’n ganny fer avek larzan Leta.  Me sa dan li menm ti fer ki zot ti servi ankor zot pouvwar pou ranforsi zot lafors kont tou lezot konkiran, par servi zot pozisyon pou ganny en lokasyon dan tou distrik.  Mazin byen ki sa letan nou ti’n sanz sistenm e nou ti sipoze dan en pei demokratik.  Me Parti Lepep pa ti respekte sa fason fer.  Lezot parti politik pa ti ganny ofer sa loportinite pou aste later Leta pou konekte avek piblik.

Sa privilez Mr Speaker ti ganny donnen zis avek Parti Lepep ankor pou ranforsi zot pozisyon kont tou lezot e kontinyen zwir zot kontrol total lo byen Leta e enpoz zot lekor lo piblik par met en lafreyer lo sitwayen ki pa’n zanmen konn en diferans ant en Biro Brans Parti Lepep ki en biro parti politik e Ladministrasyon Distrik ki en biro  Gouvernman anba Gouvernman Lokal.

Sa i enn bann rezon kle ki parti lepep ti servi sa bann biro pou kontrol fason ki later ek lakaz ti ganny distribye ek popilasyon.  E se pou sa ki ozordi lalis dimoun ki pe demann later i vreman dan en konfizyon total.  Se pour sa ki ozordi parti lepep i annan en biro son parti  dan preski tou distrik otour Sesel.

Mr Speaker dan son lentervansyon Onorab Gill in demande si napa nanryen ki byen ki sa parti in fer?  Mr Speaker bann byen pa efas bann mal, espesyalman en mal ki’n anrisi ou parti e ankor pe anrisi ou parti.  E legzanp kler i sa rent R800mil ki STC pe pey parti lepep par mwan ki annan en lefe direk lo pri lavi pou popilasyon antye, e la zot pe al vann de morso vid ek  en morso ki zot ti ganny pou R1 pou R17milyon avek pep Seselwa.  Onorab Henrie in eksplik mwan ki osi le vann NISA son bout.  Konbyen zot pou le vann sa lot bout?  Mr Speaker nou’n ganny dir en revelasyon eblouisan par Onorab Gill.  In fer en deklarasyon ki Parti Lepep dan premye kar lannen 2017 ti fer desizyon a propo sa ta later ki zot in gannyen atraver Leta.  Sa i plis ki en an edmi pase.  Plis ki 18 mwan pase.  Annou pa bliye ki Msye Faure ti ankor Prezidan sa parti politik.  Sa parti ti fer desizyon tou sa letan pase pou rann 8 bout later dan zot 60 bout.  8 bout ki pa ankor devlope dan zot 60 bout, akoz larestan zot ti pou garde i dir nou.  Tou sa letan e Onorab Gill i vin dir nou zot in fini fer en desizyon e zot pa ankor pran okenn aksyon pou kanmenm retourn sa 8 bout ki zot in idantifye pou konmanse.  I pa difisil pou idantifye bann ki vid ouswa ankor dan zot leta orizinal alor akoz ki zot pe asiz lo la?  Ki zot pe espere?

Mr Speaker La Digue i annan en bout ki  vid devan ex- La Noche ki mezir 1942 met kare.  Sa ti pou ideal pou en batiman pou bann biro gouvernmantal ouswa pou bann biro bann lantrepriz.

Glacis i annan en bout deryer ladministrasyon distrik ki ti a bye pou re lokasyon klinik, ki son lokasyon pa ideal pou bann malad.

Au Cap i annan en bout ant larantre Val De Pres ek Ladministrasyon Distrik ki ankor vid.  Les Mamelles deryer ladministrasyon distrik ki ti ava parfe pou en day care i ankor vid.

Roche Caiman kot zot pa pe trouv later pou delivre lo promes 24/24 sa morso osi i ankor vid.  Ler nou koz lo roche Caiman i annan en lakaz ki’n ganny servi konman biro brans parti lepep parey mon’n dir mon pa’n kapab fer tou resers me mon krwar ki sa sityasyon i vreman drol.  Mon pou esey klarifye sa sityasyon spesifikman ek sa mank lozman mon asire en fanmir olye en parti politik, ti a kapab benefisye.  Ti a byen si Onorab Vidot ti a kapab komans regard touzour avek son parti, pou klarifye akoz en lakaz pou lozman ki ti a kapab deservi en fanmir pe ganny servi konman en Biro Brans?

Pointe Larue obor flat SACOS obor runway, i annan en morso ki vid ki ti ava parfe pou devlopman bann rezidans pou bann apartman pou bann dimoun ki pe rod lakaz.

Cascade deryer ladministrasyon distrik sa morso osi i vid.  Sa osi ti a bon pou e Daycare.  Sa 7 morso i konpletman vid e napa naryen pou anpes zot rann sa bann later imedyatman si zot in fini fer en desizyon ki zot pou rann sa bann morso ki vid.  Oli aksyon?  Akoz zot pe tarde?  Me par kont i annan bann bout ki ankor dan son letan parey zot ti pran li.  Montessori ti en lakaz dokter.  Sa lekol ti a kapab ganny lasistans pou en lot morso later e osi pou kapab deblok kon zesyon e refer sa propriyete vin sa ki i ti ete orizinalman.  I ti a kapab deservi servis lasante par konstri bann akomodasyon pou bann profesyonnel lasante.

English River ki kapab re deservi piblik pou bann groupman.

Takamaka obor Court i annan en morso, la osi zot pe fer Day care.  Me sa Day care pour ki?  Pou Gouvernman?  Pou Parti Lepep?  I annan 3 morso kot International School i ete ki si zot rann i a kapab vin en propriyete antye.

St Louis i en propriyete ki’n ganny aste avek zot gen ki zot in benefisye lo Leta. Nou vwar klerman ki Parti Lepep i mank aksyon deryer zot parol.  E sa i klerman bann keksoz ki dan zot pouvwar pou fer.  Anse Royale zot ti rann 3 morso an Desanm 2017, me pa konfize akoz zot in separ sa en sel bout ki zot in pran an 3.  Apre rann en sel morso konman 3 morso.  Me sa solman in ariv prensipalman akoz presyon Linyon Eropeen ki ti ganny tronpe letan zot ti fer en Donasyon pou en devlopman Nasyonal lo sa morso later.  Mon ti enform zot ki sa later pa pou Leta me pou Parti Lepep.  E zot bezwen eksplike akoz zot ti pe konstrir en striktir lo en  later prive?  Se sa vre rezon akoz sa morso in ganny rann Mr Speaker.  Apre ki zot ti koup li an plizyer morso an Avril 2017.   5 mwan apre ki Prezidan ti dir zot pou rann.  Akoz zot pa ti rann li antye?  E akoz zot ti bezwen separ li an plizyer morso?  Mr Speaker Onorab Churchill Gill in koz lo en morso Cote D’Or Praslin ki zot in rann. Pou en klarifikasyon sa se pa Parti Lepep ki’n rann me Gouvernman ki’n rann sa bann later Moulinien ki ti’n ganny acquire.

 

MR DEPUTY SPEAKER

En pti moman Onorab Larue.  Onorab Gill mon donn ou laparol.

 

HON CHURCHIL GILL

Mersi Mr Speaker.  Mr Speaker premyerman mon pa’n partisip dan deba lo sa Mosyon e mon ti pe zis klarifye ki mon koleg MNA Grand Anse ti’ n mansyonnen i annan en laplenn Cote D’Or prezan mon ti pe dir li sa later i pou son met i pou msye Moulinien.  I pa ti’n  ganny pran li.  Sa ki mon ti pe eklersi.  Mersi.

 

MR DEPUTY SPEAKER

Mersi Onorab Gill.  Onorab Larue i zis ki mon annan mon lalis dimoun ki’n koze kler i pa ti’n entervenir, alor petet ou kapab re phrase pou klarifye ki i pa’n koze pli boner.

 

HON FLORY LARUE

Ok. Mersi Mr Speaker, mon’n ma re phrase Onorab Churchill Gill ti zis met en propozisyon pou dir ki –  en klarifikasyon pou eksplike ki sa bout later ki Onorab Woodcock ti pe koz lo la ti  en bout later ki ti’n fini ganny rann avek son met.  Me sa ti en later acquire.  Sa mon ti pe sey fer sa relevans pou dir i annan diferan morso.  Me solman…

 

MR DEPUTY SPEAKER

Onorab Larue mon krwar – zis pou koriz ou sa ki Onorab Gill i dir i pa’n zanmen entervenir dan sa deba li.  I pa’n entervenir dan deba e alor nou pa kapab quote okenn diskisyon ki li in fer dan sa deba isi.

 

HON FLORY LARUE

Ok mersi Mr Speaker.  Mon a kontinyen.  Praslin zot annan en morso later kot zot Biro Brans Parti Lepep ti ete bor Cote D’Or e sa i ankor pou zot aktyelman.  E zot annan en morso obor Pension Fund ki zot lwe avek bann teachers.  Me akoz zot pa rann sa pou benefis lekol Praslin pou fer en lakres parey Onorab Woodcock ti’n  koz lo  la pou nou bann ‘pti trezor?’  Pli gran krim abiz sa privilez avek akse ek later Leta, se pa lot ki lo nou pti zil La Digue.  Kot zot annan plizyer morso e tou sa bann morso i konsantre dan sant La Digue.

An 1996 Mr Danny Faure ti siny dokiman kot Parti Lepep ti aste trwa morso later ansanm pou R110mil avek Gouvernman.  Sa bann later i kot Biro Por i ete kot kiosk i ete e kot sa lakaz dibwa abandonnen zis ant Kordgard ek STC i ete.  An 2001 Parti Lepep ti lwe sa morso later LD 730 ki mezir 988 met kare ki ti vid sa letan avek La Digue Development Fund Board pou R25mil par an pou en peryod 10an.  Zis avek larzan rent Parti Lepep i t re ganny son larzan avek Gouvernman e in kouver son depans letan ki in aste sa trwa bout later avek Gouvernman menm.  Ki mannyer i apele sa si pa koripsyon?  Lekel ki’n perdi dan sa tranzaksyon?  Ki sa tranzaksyon i annan pou fer avek de-linking parti parey nou’n ganny eksplike letan sa parti i annan 6 bout later La Digue?  Ler SPPF ti lwe sa later avek La Digue Development Fund Board, dan son lease i ti dir ki fodre zot fer en batiman ki pou ganny servi konman biro.  Kote larzan ti sorti pou fer sa batiman?  Ki mannyer zot fer en Board pou devlopman apre zot pran later zot donn zot lekor e li sa Board i pey zot?

Konmsi dikton Kreol ‘’pa zis touy dimoun ki krim.’’  Mr Speaker sa lease La Digue Development Fund Board ti zis pou 10an. Eski letan sa lease ti fini eski PL ti aste sa batiman avek La Digue Island Development Board? Sa bann prosesis transfer batiman e pri ki’n ganny peye pa kler ditou.  Ozordi nou annan sa batiman ki Seychelles Port Authority pe lwe.  Eski zot pe lwe sa avek Parti Lepep?  Konbyen eski zot pe peye tou le mwan?  Par deryer zot annan kiosk ki SEnPA pe lwe avek parti lepep pou devlopman bann pti antrepriz.

Pa i ti a meyer pou sa bann lantrepriz si tou sa later ti pou gouvernman direkteman?  Kot i konsern sa bann zafer later nou annan plis kestyon ki larepons.  Parti lepep zot later i osi sa morso vid ki mon’n mansyonnen ki LD 1097 obor STC i devan ex-La Noche.  Zot annan LD 1103 kot Casino i ete e LD622 sa morso kot ex- La Noche ti ete.  En Digwa in pran son letan pou eksplik mwan listwar sa 3 propriyete e dapre mon konpran sa bann later ti en sel ki zo,t zot ti ganny acquire par Gouvernman.  Letan en later i ganny acquire i ganny fer dan lentere Nasyonal.  Savedir pou benefis tou sitwayen e lo La Digue i sipoze pou tou Digwa.  Me nou vwar ki sa menm Gouvernman ki ti sezi later i apre ale e  vann sa 3gran morso avek parti lepep.  Eski sa ti dan lentere Nasyonal?  Ouswa lentere parti?

Mon regrete pou dir ki apre tou sa demann ki nou’n fer pou Parti Lepep konsider rann bann later  sa lanons ki mon ti fer ki parti lepep ti pe rod vann later la Digue in vin vre.  Parti Lepep le 11 Avril 2018 in ganny jackpot e in vann enn son later LD1103.  Zot ti aste LD1103 avek sa morso ki ankor vid pou zis R110mil pou tou le de ansanm.  Mr Speaker zis enn sa de morso later in ganny vann pou R8milyon avek en dimoun prive.  Alor LD1103 nepli pou Parti Lepep e sa morso later ki ti ganny acquire dan lentere piblik ki’n ganny vann avek Parti Lepep par Gouvernman parey sa morso La louise ki ti osi ganny vann pou R8milyon se Parti Lepep ki sorti ek en gro profi.

 

(Interruption)

 

MR DEPUTY SPEAKER

En pti moman Onorab Larue.  Order silvouple.  Zis Onorab Larue ki annan laparol.  Les li koze.  Onorab Larue kontinyen.

 

HON FLORY LARUE

Si zot in konmans vann e morso La Digue eski zot annan lentere pou rann ouswa zot pou vann larestan Mr Speaker?  Sa i en ka grav e serye pou devlopman sant La Digue ki vreman sere.  E pou mwan mon konpran akoz devlopman i parey i ete La digue e napa lespwar pou bann Digwa.

Ankor mon demann Parti Lepep de lapar bann Digwa pou rann sa bann later dan sant La Digue pou donn sa zil en nouvo souf pou re demar zot lanvironnman biznes e ankouraz devlopman.  Aret vann sa bann later La Digue!   Mr Speaker sa sityasyon i aplik pou nou sant lavil Victoria osi.  Nou vwar ki parti lepep in abiz son pouvwar pou ganny Maison Du Peuple.  Sa i bezwen ganny rann avek pep Seselwa.  Sa i en ka kler ki zot in abiz zot pouvwar.

Sa ti en kado pou pep Seselwa  e non pa Parti Lepep me zot in plito pran en batiman ki ti kapab benefisye piblik e ede ek devlopman nou lavil me olye an 1996 zot vann en batiman ki vo R10milyon ek zot lekor pou zis R900mil.  Obor Maison Du Peuple sa later kot ex Flamboyant i ete i preski abandonnen.  Sa gran morso later ti pou ideal pou met en stasyon tenny dife ouswa met bann biro Gouvernman stratezik lo la.

En lot legzanp se sa later kot batiman  Espace ki pou Jj Spirit Foundation i ete ki’n ganny vann freehold avek son fondasyon ki pa sipoze le ka avek later konble. Ki pa sipoze ganny vann i sipoze ganny lwe.  Me ankor nou vwar ki sa Fondasyon ki ti nide Mr James Michel en ansyen Prezidan zot parti i ganny privilez pou aste later kont Polisi sa menm Gouvernman.  Ankor nou vwar ki mannyer later stratezik ti ganny donnen par Leta pou siport parti pou son devlopman olye servi sa later pou fer swa en fire station, en Kordgard ouswa e batiman pou bokou Minister tel ki tourizm, Lasante, Kiltir ou plizyer lezot.  E konman en Fondasyon Jj Spirit in ganny priyorite lo bokou lezot Fondasyon ouswa lasosyasyon.

Depi 2014 lannen ki Espace ti ouver e reprezantan United Nation Human Rights Council ti pronons son lekor  da en rapor ki i ti dir ki Sesel pa ti ankor trouv en bout later pou konstri en shelter pou bann zanfan ek madanm ki’n ganny abize, menm si sa i en problenm dan nou lasosyete.  En NGO in dir ki a lafen sa lannen en lakaz lwe, en lakaz lwe Mr Speaker pou ganny servi pou rann sa servis sa group dimoun vilnerab.

Sa Gouvernman li son priyorite alokasyon later i ankor totalman an dezord e pa montre priyorite bezwen lasosyete.  Onorab Ferrari in donn legzanp plizyer fanmir dan Mont Fleuri parey dan bokou lezot landrwa me parti lepep i lwe son batiman pou met sez ladan.  Sa 3morso later ti ganny met ansanm Barbarons par Mr France Albert Rene ti kout SPPF R240mil e i  mezir plis ki 12mil met kare.  E zot in konstrir gro lakaz ek en swimming pool anrezistre konman SPPF of Anse Polite konman son propriyeter.  Avek ki larzan?  Ki zot fer laba? Eski sa osi ti de-linking parey nou’n ganny eksplike?  Eski sa pa en propriyete ki zabitan Grand Anse ti’n kapab ganny lakaz ouswa later ouswa loportinite biznes?

Mr Speaker i kler ki’n annan vol.  Nou’n ganny dir zot ti pe rann.  Me ki nou vwar konman aksyon solid?  Zot pe vann.  Nou ganny dir ki Lalwa ranforsi Anti-Corruption Commission ti pou vin dan nou Lasanble avan Septanm pou ranforsi sa Komisyon me ki nou vwar nou ganny promet me i pa vini.

Anti-Corruption Commission i reste parey ti ete e pa kapab fer bann lenvestigasyon parey zot devret fer.  Ki mannyer nou pou adres koripsyon dan nou pei?  Mosyon i koz lo later e sa bann later in ganny aste.  Mon pa asire si larzan in ganny transfer dan kont Gouvernman an plen me sa i en lot Mosyon pou en lot zour.

Mr Speaker si parti lepep i ankor krwar dan Fondater Parti eski zot krwar dan SPPF Polisi Statement ‘’Onward to socialism?’’  Be sa bann legzanp ki mon’n donnen se pa bann Prensip ki’n mal fonksyonn konpletman?  Tou sa ki’n arive se legzanp vorasite avek partisipasyon direk Msye Danny Faure.  Si nanryen pa ankor rann ziska prezan savedir sa parti pa kapab delivre.  Annou mazinen si sa bann aksyon i kontinyen ki leritaz ou zanfan e ou pti zanfan?  Mon repete ki mon pa krwar nou’n vwar tou akoz i kapab annan later Gouvernman ki’n ganny transfer lo bann lakonpannyen prive konman faver ouswa privilez.  La mon mazin en legzanp zil Felicite nou pa ankor fini grat lakok be si nou al pli profon ki nou pou vwar?

Mr Speaker sours problenm i kler. Zot fason desizyon i vreman doute e zot leksplikasyon pa donn nou okenn laklerte.  Sanz zot non, divorse ek parti, Parti Lepep i ankor annan 69 morso later e fodre rann pou devlopman kominoter.  Akoz se sa bi sa partou.  Redistribye larises.  Alor redistribye se sa aksyon ki piblik i le.

Sanzman Gouvernman pe vini.  Sa ki ti arive le 5 Zen 1977 pa ti en sanzman Gouvernman me sa ti en Koudeta.  Vre sanzman Gouvernman i ganny anmennen par sitwayen.  I vin atraver bwat vote e non pa en AK47.  Zis 2 Manm Parti Lepep ki’n koz lo sa Mosyon.  Me bann larestan napa kestyon.  Napa lopinyon zis zot aksepte.  Eski zot napa en konsyans?  Si zot annan me zot pa’n kapab dir, siport sa Mosyon pou rann sa bann later pou bann sitwayen ki’n vot pou zot.  Si Onorab William atraver ou Mr Speaker i vot wi kekfwa son bann zabitan ava ganny en swimming pool.

Mon’n dir ki Gouvernman parti lepep pa pran  konsiderasyon Mosyon fer par nou an sa Lasanble.  Si pep Seselwa i anvi pas en mesaz kler vin zwenn nou le 3 Novanm dan Victoria pou e lamars pou pas nou mesaz ki mon pe dir kler e for!  Rann sa 60 bout later   Mon remersi zot tou e mon espere ki zot a siport mon Mosyon ki tou bann kominote a kapab byen profite avek sa bann later.  Mersi Mr Speaker.

 

(APPLAUSE)

 

MR DEPUTY SPEAKER

Bon.  Onorab Ernesta ou annan…mon donn ou laparol.

 

HON PAUL ERNESTA

Mr Speaker mon annan zis en pti pwen klarifikasyon lo sa remark ki Onorab Larue in dir sa Daycare Takamaka i pou Gouvernman i pe ganny administre par Community Development anba distrik.  Mersi.

 

MR DEPUTY SPEAKER

Ok.  Mersi bokou pou sa klarifikasyon.  Onorab Larue.

 

HON FLORY LARUE

Eskize Mr Speaker mon pa – i pa kler pou mwan ki i pe klarifye egzakteman.  Akoz sa later ki sa Daycare pe fer lo la dapre mon konpran i pou Parti Lepep. Si mon mal – si i kapab klarifye avek mwan i sa plot number– sa later pa pou Parti Lepep se tou.  Klarifye i pa pou Parti Lepep.  Mersi.

 

MR DEPUTY SPEAKER

Ok mersi pou sa klarifikasyon.  Nou pa pou ouver deba lo la.  Tou dimoun in ganny sans koze.

 

(Interruption)

 

MR DEPUTY SPEAKER

Non, non.  Mosyon i kler pou dir Onorab Larue i pa pe ensiste poudir sa i pou li e ou’n klarifye ou’n fer ou pwen in klarifye in ariv ler pou nou termin deba lo sa Mosyon.  Mosyon ki devan i lir konm swivan par Onorab Flory Larue ;

‘Lasanble Nasyonal i fer en lapel serye avek Parti Lepep pou retourn tou propriyete Leta ki zot in pran, aste bon marse oubyen gannyen atraver zot pozisyon privilezye ki zot ti annan sa letan, afen ki sa bann later a kapab ganny re partisyonnen dan lentere sa bann kominote.’’

Se sa Mosyon ki la devan nou.  In arive ler pou nou pran en vot lo sa Mosyon.  Alor mon ti a demann tou ban ki an faver pou lev zot lanmen.  E mon a demann Madam Clerk pou take a count.  Pou konte.

Tou Manm ki kont?

 

(APPLAUSE)

 

MR DEPUTY SPEAKER

Clerk ou a donn nou count silvouple?

 

MADAM CLERK

Mersi Mr Speaker.  Mon’n rikord 13 Manm ki’n vot an faver e personn kont.  Mersi.

 

MR DEPUTY SPEAKER

Mersi Madanm Clerk.  Vi ki nou’n annan en vot 13 ‘Pour’  e zero ‘Kont’ sa Mosyon i pase e i pou ganny rikorde konman en Mosyon ki’n ganny pase par Lasanble Nasyonal.  Bon in ariv 4.49 i reste 10 minit.  Mon pa krwar nou pou kapab kontinyen avek lot Mosyon, e alor mon pou adjourn Lasanble Nasyonal ziska demen bomaten Merkredi le 24 Oktob e mon a re zwenn zot demen bomaten.

 

(ADJOURNMENT)