::
Home » Verbatim » 2018 » Verbatim Tuesday 16th October, 2018

Verbatim Tuesday 16th October, 2018

NATIONAL ASSEMBLY OF SEYCHELLES

Tuesday 16th October, 2018

The Assembly met at 9am

National Anthem

Moment of Reflection

Mr Deputy Speaker in the Chair

MR DEPUTY SPEAKER

Bon bonzour tou bann Manm Onorab.  Bonzour Leader Lopozisyon, bonzour tou dimoun dan Galeri, bonzour tou dimoun dan lakour, byenveni pour ankor enn fwa pour nou Sesyon Lasanble Nasyonal, pour ozordi le 16 Oktob 2018.  Zis pour fer zot rapel ki mwan ozordi koman Deputy Speaker mon dan pozisyon Speaker ozordi, akoz Onorab Prea avek en delegasyon Lasanble Nasyonal ki konpri Onorab William, Onorab Letourdie, nou Deputy Clerk e Speaker Youth Assembly Mr Roberto Judith Legaie zot, zot in al Genève La Suisse pour 139enm Renyon Inter-Parliamentary Union.

        Tou dabor les mon a swet la byenveni bann Manm Parlman ki’n retournen sorti 3 Sesyon travay aletranze; premyerman SADC PF, Joint Standing Committee Session ki ti fer Johannesburg Sid Lafrik le 7 a le 2 oktob e dan sa delegasyon ti annan Onorab Ramkalawan, Onorab Mondon, Onorab Aglae, Onorab Ghislain e Onorab Esparon.

Answit nou ti annan le 9 a le 11 oktob kot nou ti annan, 51enm Sesyon ACP Parliamentary Assembly, e Intercessional Meeting ACP-EU, e 3enm misyon ti enn an Nairobi, Kenya ant le 10 a le 12 Oktob sete CPA Small Branches en workshop lo sanzman klima ki ti ganny reprezante pour nou par Onorab Churchill Gill e Onorab Arissol, Onorab Philip Arissol; nou annan 2 Arissol dan Lasanble.  Mersi pour sa klarifikasyon.

Mon ti a kontan osi swet la byenveni, mon pa konnen si mon’n dir sa lo komansman bann dimoun sorti Roche Caiman ki avek nou bomaten, welcome dan Lasanble Nasyonal, byensir zot pour ganny envite ler nou pour adjourn, nou pour break pour dite 10.30 kot zot kapab pas en pti letan avek zot Manm Lasanble e lezot Manm ki anvi zwenn zot lo balkon Lasanble Nasyonal.

Ozordi lo nou Order Paper, mon pour briyevman pas lo la, nou annan prezantasyon bann Papye ki Clerk i ava lir dan en pti moman.  Answit nou annan 9 kestyon ki pour ganny reponn par Minis pour Ledikasyon e Resours Imen, sa pour swivi par en kestyon pour Minis Pamela Charlette, Minis Labita, Lenfrastriktir ek Land Transport.  E sa pour swivi par en PNQ, Private Notice Question, byensir sa i sorti kot Leader Lopozisyon e kestyon pour ganny demande avek Vis-Prezidan.  Sa pour ganny swiv par Mosyon e nou annan 4 Mosyon devan nou.  E vwala travay ki nou annan pour ou sa Sitting ki nou annan devan nou, alor toudswit mon pour demann avek Clerk …. Onorab Ramkalawan.

 

HON WAVEL RAMKALAWAN

Mr Speaker bonzour e mersi bokou pour donn mwan la parol.  Bonzour tou mon bann koleg Onorab e bann zabitan Roche Caiman e tou dimoun ki pe ekoute.

Mr Speaker nou Lasanble i konsernen avek nou pei an antye, e mwan santi avek ou permisyon ki bomaten koman en Lasanble nou devret kondann bann aksyon vandalizm, ki pe arive dan nou pei spesyalman kont Legliz Katolik, nou Konstitisyon i donn nou drwa pour nou sakenn annan son krwayans politik pour li obzerv son pratik, son bann rityel relizye, me pandan en pe letan la Legliz Katolik Romaine isi Sesel pe ganny atake, in annan premyerman bann lekritir ki ti aparet, bann lekritir vilger ki’n aparet lo Legliz Anse Boileau; in annan bann sityasyon kot bann koksis ek bann lezo dimoun ki’n mor in ganny mete dan, kot Legliz Takamaka, Pointe Au Sel, Cascade, e la semenn pase ankor enn fwa bann, pour bann aksyon vandalizm zot in penn en stati La Vierge Marie kot en lagrot Anse Poules Bleues.

Mon krwar Mr Speaker ki nou koman en Lasanble nou devret kondann sa bann aksyon, espesyalman ki i vize ver Legliz Katolik Romaine, pli gran Legliz dan nou pei ki mazorite nou bann Manm isi i bann aderan e nou pour nou osi lans en lapel avek nou popilasyon pou dir avek zot ki i enportan pour nou respekte larelizyon lezot dimoun.  E ki i pa akoz ki ou, ou dan en larelizyon ki diferan oubyen ou pe fer bann pratik ki diferan avek en lot Legliz ki ou bezwen atak sa Legliz, alor Mr Speaker avek sa mwan ti ava kontan move ki konmsi nou Lasanble i vreman kondann sa bann aksyon, parski tousala i anmennen i fer ki annan en deteryorasyon dan lafason ki nou pep i azir, me ki plito nou montre respe ek latolerans anver pratik relizye, me par lao tou anver bann larelizyon ki’n etablir dan nou pei.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Mon zwenn avek ou pour mwan osi e mwan krwar mon koz lo la par tou bann Manm Lasanble pour poz egalman kondann sa bann aksyon nou en pti pei, e en pti pei ki bezwen annan lape, en pti pei ki bezwen annan latolerans e mwan antyerman dakor avek ou e mon krwar mon koz lo non tou bann Manm pour nou kondann sa bann aksyon e pour osi demann zot pour arete, pour montre respe pour Lalwa, respe pour tou dimoun pe enport zot krwayans.  Alor mersi Onorab Ramkalawan.  Onorab Gill ou ti oule dir en keksoz?  Go ahead.

 

HON SIMON GILL

Bonzour Mr Speaker. Bonzour tou koleg Onorab.  Bonzour tou manm piblik ki pe ekout nou, bonzour tou bann zabitan Roche Caiman ki isi prezan dan Lasanble Nasyonal.  Mr Speaker malgre en pe tar i annan en proverb ki dir “plutôt tard que jamais.” I byen ki ozordi dan nou Lasanble Nasyonal nou fer en Deklarasyon pare, en Deklarasyon kot koman en Lasanble nou zwenn avek tou Seselwa, tou Seselwa, Kretyen pe enport si ou Anglikan, si ou Katolik Romaine, si ou Advantis, ou lezot dénomination Relizye pour nou pran kont bann lensidan resan ki pe pase or ki’n pase e pour nou pran en pozisyon vizavi sa bann lensidan.

Nou pozisyon i anmenn nou definitivman pour kondann okenn akt dirize ver okenn dénomination Relizye dan Sesel, sakenn Seselwa i annan son drwa, son laliberte pour li krwar e defann son krwayans, me dan tolerans, dan respe, dinyite e krwayans sak lezot endividi.  Sa i primordyal pour ki Sesel nou pa rantre dan en deteryorasyon dan en konfli ant bann diferan dénomination Relizye, nou bezwen fer atansyon, si i annan okenn sitwayen or dimoun ki’n ganny mobiliser, dan kek par pour vin fer serten aktivite isi dan nou pei pour kree lafreyer dan Sesel pour teoriz pep Seselwa, mwan zenn avek bann lezot lafors patriyotik dan Sesel pour dir rod en lot frontyer, rod en lot teritwar pour zot fer sa bann kalite aktivite.

E koman en Lasanble Mr Speaker mon zwenn avek tou nou bann Koleg pour nou ankor enn fwa dir nou kondann sa bann akt parey e nou swete ki sa bann dimoun zot konsyans i koz avek zot, realize poudir sa ki zot pe fer i dyabolik, i malsen e ki zot pa pe kontribye pour annan lape e gard lape dan Sesel.  E Sesel ozordi plis ki zanmen Mr Speaker nou bezwen lape, nou bezwen linite, nou bezwen pe travay ansanm, nou tro ptipti pour nou divize Mr Speaker, nou bezwen lape, nou bezwen trankilite.  Mersi bokou Mr Speaker.

 

MR DEPUTY SPEAKER

Mersi Onorab Gill.  Onorab Adelaide.

 

HON FRANÇOIS ADELAIDE

Mersi Mr Speaker e bonzour Mr Speaker.  Bonzour tou dimoun a lekout.  Mr Speaker mersi pour donn mwan sa privilez vi ki nou lagrot ki ti ganny targete sa wikenn, e nou Lasanble nou’n denonse e nou denons sa bann latak e fotespere ki Egzekitif i ekoute e i pran aksyon imedyatman e fer ki sa bann keksoz pa ganny repete.  Mon krwar nou annan zonm dan liniform, mon krwar in plis ki ler pour nou pran aksyon, nou pa kapab zis koze me nanryen pa ganny fer, e mwan mesaz pour sa bann dimoun ki pe fer, nou Baie Lazare nou pe priy pour zot e nou pour fer sir ki en zour nou pour konnen lekel ki’n fer sa, e nou Baie Lazare nou reste committed nou pour donn zot nou langazman pour nou ede, koze, pour nou vwar bann dimoun, pour nou apros zot tir lafreyer ek zot annou kontinyen viv dan Baie Lazare pour ki sa distrik i shine dan Sesel.  Mersi Mr Speaker.

 

MR DEPUTY SPEAKER

Mersi Onorab Adelaide.  Mon krwar mesaz i tre kler pour bann dimoun ki pe fer sa bann aksyon.  Nou pour kontinyen ek nou travay lo Order Paper e mon pour demann Clerk pour prezant bann Papye ki lo Order Paper.  Clerk.

 

MADAM CLERK

Mersi bokou Mr Speaker.  Bonzour tou Manm dan Lasanble, byenveni bann dimoun ki anler dan galeri, koman prezantasyon papye sa semenn nou annan:

  • I. 61 2018: – International Trade Zone (Declaration of Zone) (No.2) Notice of 2018.

Dezyenm papye

S.I. 62 pour 2018 – International Bank for Reconstruction and Development – (Third South West Indian Ocean Fisheries Governance and Shared Growth Project) Debt Order, 2018.

        Trwazyenm papye,

S.I. 63 2018 – Business Tax (Amendment of First Schedule) (No.3) Regulations of 2018.

E dernyen papye,

S.I. 64 pour 2018 – Overseas Treatment Act of 2018 (Commencement) Notice of 2018.  Mersi Mr Speaker.

 

MR DEPUTY SPEAKER

Mersi Madanm Clerk.  Bon nou pour al deswit alor lo nou prosen item ki bann kestyon pour Minis pour Ledikasyon ek Resours Imen, alor mon a demann Parliamentary Reporter pour silvouple demann Minis pour vini.

Zis pour lenformasyon bann dimoun a lekout pour annan 9 kestyon premye par Onorab Noline Sophola, Manm pour La Digue, swivi par 3 kestyon sorti kot Onorab, non 4 kestyon sorry sorti kot Onorab Regina Esparon Manm pour Glaçis swivi par Onorab Ferrari Mont Fleuri, Onorab Vidot Manm pour Roche Caiman li i annan 3 kestyon e vwala nou fer nou 9 kestyon.

Bon nou swet labyenveni Minis pour Ledikasyon e Resours Imen, e devlopman Resours Imen Madanm Jeanne Simeon, e avek li i annan 3 zofisye, Madanm Merida Delcy ki Konseye Spesyal pour Minis, Dokter Odile De Commarmond ki PS pour Early Childhood primary and secondary Education, answit nou annan Mr Peter Hoffman Direkter Proze, byenveni dan Lasanble Nasyonal pour reponn bann kestyon.

Alor mon a demann toudswit premye Manm ki Onorab Noline Sophola La Digue pour li demann son kestyon.

 

HON NOLINE SOPHOLA

Bonzour e mersi Mr Speaker.  Bonzour Minis ek ou lekip, tou Manm Onorab, tou bann envite dan Galeri byenveni, e tou dimoun a lekout bonzour.

Mr Speaker eski Minis i kapab dir sa Lasanble, konbyen lodging ek lunch allowance pe kout son Minister par zour pour en ansennyan La Digue ek Praslin ler zot deplase pour vin travay lo Mahe?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Bonzour Mr Speaker, bonzour tou bann Manm Onorab, bonzour bann dimoun Roche Caiman ki dan galeri, e bonzour tou dimoun ki a lekout.

Mr Speaker bann ansennyan ki sorti Praslin ek La Digue zot desann Mahe pour bann rezon swivan; pou asiste en meeting, ouswa lezot aktivite dan kad curricular activities e osi pour asiste serten training workshop.

Ler en ansennyan sorti la Digue pour vin asiste en meeting e i pas en lazournen lo Mahe, anliny avek PSO si i vwayaz par bato direk sorti La Digue, pli o pri ki Minister i peye, i R550 par personn, plis i ganny R75 repa ki fer li en total R625 par personn.

Pour en ansennyan sorti Praslin si i pran bato pli o ki i ti peye i R480 par personn, plis R75 pour repa ki fer total R555 par personn.

Dan ka kot en ansennyan i pran avyon, i kout Minister en minimum 512 pour son pasaz, e 75 pour repa ki fer en total R587 par personn.  Ler en ansennyan i pas plis ki 1 zour kot nou bezwen fer provizyon akomodasyon depans i konm swivan;

R435 pour akomodasyon si i pe reste kot en fanmir ki enkli son repa, si en ansennyan pa pe reste kot 1 manm fanmir pour plis ki 1 zour, Minister ti fer provizyon akomodasyon dan en guesthouse lo baz bed and breakfast ki kout ant R900 a R1, 200.  An plis ki sa i ganny R75 par repa.

Mr Speaker si sa ansennyan pe reste dan en akomodasyon ki lwen avek restoran ou take away, Minister i fer provizyon pour half board ki kout R1, 800 a R2, 000.  Sa 2 pri akomodasyon zot an deor provizyon ki ti ganny fer dan PSO ki R650 par zour.  Sa mezir i ganny pran akoz tou sa bann akomodasyon i kout plis, ti kout plis ki R650.

Kan bann ansennyan ek etidyan i vin Mahe pour Sports Day ki nou apel Athletics, National Athletics Competition, Minister i pran sarz tou fre.

Mr Speaker in annan en devlopman dan sa bann kou akoz depi le 1 oktob, DPA in reviz bann rates dapre PSO e prezan i konm swivan, e prezan i konm swivan, sa i dapre sirkiler nimero 14 2018;

Allowance pour dezennen in sorti 75 in mont R100; board and lodgings pour lannwit ki ler sa dimoun i reste dan en lotel ouswa guesthouse i sorti R650 in ariv en minimum, en maximum pardon R2milpour board and lodging par nwit ler i pe reste an deor lotel ek guesthouse, parey nou dir avek en manm fanmir, ou lezot laranzman in sorti R435 e in mont R1, 000, e an plis ki sa okenn ansennyan ki bezwen travel letan i on duty e ki ganny provizyon lodging i osi ganny en subsistence allowance pour R300 par nwit.  Mersi Mr Speaker.

 

MR DEPUTY SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Speaker.  Mersi Minis pour sa leksplikasyon e mersi Minis pour revwar sa bann allowance akoz parey nou dir ti’n plis ki tan, ti’n plis ki tan.  Me Minis mon pe regarde osi petet akoz i annan sa discrepancy ant ler en teacher pe reste kot en fanmir e ler en teacher pe al dan en lotel?  Mersi oubyen en guesthouse?

 

MR DEPUTY SPEAKER

Minis.

 

MINISTER JEANNE SIMEON

Mon oule fer kler pour ou premye deklarasyon par Minister Ledikasyon ki’n fer sa revizyon, sa se DPA, Departman Public Administration ki’n fer sa revizyon pour tou travayer enkli travayer Minister Ledikasyon ki bezwen deplase etan zot letan travay.

Sa discrepancy mon panse i akseptab, akoz ler ou pe reste ek fanmir ou ekspekte ki rates pa pour parey ler ou pe reste dan en lotel ouswa dan en guesthouse, akoz en guesthouse zot annan zot own tourism rates rather e ler ou pe reste kot en fanmir nou konnen ou kapab fer en serten laranzman ki pa pour kout ou osi ser ki en guesthouse, lotel.  Mersi Mr Speaker.

 

MR DEPUTY SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Speaker.  Dernyen kestyon, Minis mon ti a swete ki petet sa allowance ler bann teachers i gannyen zot ganny on time, akoz?  Petet ler zot vini zot fini travay zot ale, apre ki zot ganny sa allowance akoz petet ler pour zot vini zot in fer en depans, oubyen zot in prete pour zot vini.  Me mon konnen i annan sityasyon kot sa allowance zot pour bezwen ganny apre, parey ler zot in fer marking, mon konnen sa zot bezwen vin ganny apre.  me selman letan zot vin attend bann pti sesyon si ti posib pour donn zot petet menm zour oubyen son lannmen?  Mersi Mr Speaker.

 

MR DEPUTY SPEAKER

Mersi Onorab Sophola.  Minis.

 

MINISTER JEANNE SIMEON

Mersi Mr Speaker, mersi Onorab pour ou kestyon.  Kantite letan ki zot ganny parey nou dir sa refund, e i depan lo kan request pour peyman i ganny fer par sa fasilitater workshop, ouswa sa dimoun ki pe organiz sa meeting.  Dan ka kot bann training i planifye byen lontan davans, zot kapab ganny peye menm zour letan zot vini.

Dan lenstans kot ansennyan i bezwen vin Mahe an irzans, sa ansennyan ouswa son lekol i peye, e Minister i ranbourse plitar.  Pour rezon prosedir i kapab pran en pe plis letan e parfwa menm ki 1 zour, nou vwar ki sa i pa akseptab.  So Mr Speaker Minis i rekonnet ki i annan lenstans kot peyman allowance i ti’n fer dan lepase i pran bokou letan.  Depi sa lannen nou pe fer tou nou zefor pour asire ki sa pa arive ouswa ki pa ariv souvan.  Mersi Mr Speaker.

 

MR DEPUTY SPEAKER

Mersi Minis.  Onorab Aglae.

 

HON EGBERT AGLAE

Mersi Mr Speaker.  Bonzour Minis ek ou delegasyon e tou manm dan Galeri.  Eski Minis i kapab dir ek sa Lasanble konbyen par lannen si i annan sa sif ek li pe kout Gouvernman pour sa bann lodging allowance ek lunch allowance?  E osi apepre konbyen teachers nou pe koze pe ganny kouver anba sa bann allowances la?  Mersi.

 

MINISTER JEANNE SIMEON

Mersi Mr Speaker.  Mersi Onorab.  Mr Speaker mon ava donn legzanp pa par lannen akoz i pour depan, i annan lannen ki nou annan plis workshops, ouswa i annan ki nou annan mwens meeting, so i varye par lannen.  Mon ava zis donn en legzanp ki bann depans ki nou’n fer pour depi Zanvye ek Fevriye 2018 kot pour air fares Minister in depans li R13mil, boat fares R11,640, subsistence allowance R6, 090, dezennen R2,310, lotel ouswa guesthouses R20,300, ler i annan meeting nou provide bann snacks, refreshments ki in ariv R34,500 pour snacks, R16, 200 pour refreshment, in ariv nou en total pour sa 2 mwan R104,040.  Si nou pran 2 lezot mwan pour montre poudir i en pti pe i varye, 2 lezot mwan si workshop i ganny organize bann dimoun Praslin/ La Digue i vini, depans i koumsa pour avril ek me par egzanp dan letan vakans la, avril ek me air fares i R18, 432, boat fares R6, 120, lunch R6,750, lotel R8, 050, e snacks ek refreshments R45,980 pour snacks, R16, 630 pour refreshment en total R101, 962.  Mersi Mr Speaker.

 

MR DEPUTY SPEAKER

Mersi.  En pwen klarifikasyon, Onorab Aglae.

 

HON EGBERT AGLAE

Zis en parti mwan kestyon Minis.  Avek sa bann sif ki ou’n donnen la, apepre konbyen teachers ki pe kouver, si ou pe kouver petet en 20, 15 – mon ti a kontan konnen konmsi.

 

MR DEPUTY SPEAKER

Minis i pe rod zis en sif, konbyen teacher nou pe koze ki tourn Mahe tou le lannen?

 

MINISTER JEANNE SIMEON

Mersi Onorab. Mersi Mr Speaker. Mr Speaker sa ki mon’n donnen i en sif global, me an mwayen pou bann ansennyan bann zil ki vin dan vakans nou ganny apepre 10 a 15.  Mersi.

 

MR DEPUTY SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi Mr Speaker.  Bonzour Minis ek ou delegasyon.  Mr Speaker dan bann chiffre ek dan bann leksplikasyon in donnen i pa’n nonm transportasyon letan sa teacher i ariv Mahe, eski par egzanp si i vin dan avyon lo Erport, eski i pran en bis pour li ariv kot i pe ale?  Si i pran en taxi, konmsi ki kalite allowance ki ganny enkli pour son transportasyon letan i Mahe?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Onorab.  Mersi Mr Speaker. Mr Speaker ordinerman ler nou bann etidyan i sorti Praslin ek La Digue i vini, Minister i okouran zot pran zot ler avyon akoz nou ki boukte zot tiket, so nou al kolekte zot, nou annan transpor ledikasyon ki al kolekt zot swa lo por, swa lo Erport, me i annan de ka ki petet in arive parey nou dir ki nou’n bezwen vin en pti an irzans ki nou transpor in ganny taken up, zot kapab pey en taxi apre zot ganny refund.  Mersi Mr Speaker.

 

MR DEPUTY SPEAKER

Mersi bokou Minis. Onorab Wilbert Herminie.

 

HON WILBERT HERMINIE

Mersi Mr Speaker.  Mersi Minis ek ou delegasyon, bonzour tou bann dimoun dan Galeri.  Minis zis en pti klarifikasyon sa R75 ki ou’n touse, ou’n dir pour lunch allowance, mon pa’n tann nanryen regarding pour dinen, eski dinen sa bann ansenyan zot pey zot menm?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Bon sa nou tir zis R75, si i pe zis dinen i still gannyen R75, parey mon’n dir la DPA in revize e lunch allowance osi in monte, me selman letan zot al dan en guesthouse parey mon’n dir ki en pe lwen avek landrwa kot i vann manze, zis zot al lo en basis half board ok, kot zot ganny osi zot dinen. Zot dezennen zot ganny dan workshop ok, e apre zot ganny zot dinen dan sa landrwa kot zot pe reste.  Mersi Mr Speaker.

 

MR DEPUTY SPEAKER

Mersi Minis.  Nou pou al lo 2enm kestyon par Onorab Esparon, Manm pour Glaçis.

 

HON REGINA ESPARON

Mersi Mr Speaker.  Bonzour Minis ek ou delegasyon, bonzour tou envite dan Galeri, e tou dimoun a lekout, Mr Speaker eski Minis pour Ledikasyon i kapab dir sa Lasanble ki plan son Minister i annan pour bann support staff ki dan bann Lenstitisyon skoler e dan bann lezot plasman lo en Scheme of Service pour promosyon ek logmantasyon lo size training e lo lezot reminerasyon?

 

MR DEPUTY SPEAKER

Mersi Onorab Esparon.  Minis.

 

MINISTER JEANNE SIMEON

Mersi Mr Speaker. Mersi Onorab pour ou kestyon, Mr Speaker dan Minister Ledikasyon ek Devlopman Resours Imen i annan diferan kategori support staff ki konpri school counsellors, psikolog, school librarians, lab technicians, school warden, general assistants, office assistants, office managers, work supervisors, attendant officers, stores assistant, project officers, drivers.

Pour tou sa bann kad Mr Speaker, i annan swa en Scheme of Service ki pe ganny enplimante, ouswa pe ganny revize e ouswa pe ganny devlope an se moman.

Mr Speaker lo size training Minister Ledikasyon ek Resours Imen i fer provizyon pour training ek devlopman profesyonnel son bann personnel, dan son training plan anyel baze lo Bidze anyel ki i gannyen e osi dapre bezwen Lorganizasyon.

An sa ki konsern reminerasyon, sa i dapre Scheme of Service sa kad konsernen.  Mersi Mr Speaker.

 

MR DEPUTY SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker eski Minis i kapab dir nou parey dan ka kot ou annan bann asistan ki apre pe ganny promosyon pour vin bann supply teachers, mon ki konnen ki i annan en batch ti ganny promote oubyen boner sa lannen ti ganny promote zanvye e zot ti ganny zot letter of acknowledgement, me selman zot ti ganny mete dan sa plas depi zanvye e Minister ti promet pour donn zot en back pay e Minister pe rod akoz ki Minister pa’n pey sa bann dimoun zot back pay from zanvye ziska me, konmsi sa bout zanvye ziska me, me o kontrer in pey zot zis me ziska, me, juin, juillet, kan zot ti ganny plase dan sa pos depi Zanvye, sa i premye Mr Speaker.

E dezyenmman Minis, eski sa bann support staff zot ganny appraise parey bann teachers, pour zot kapab ganny en promosyon en pe pli devan dapre zot Scheme of Service, sirtou bann ki zot Scheme of Service prezan ki pe travay lo la?  Mersi.

 

MR DEPUTY SPEAKER

Mersi Onorab Esparon.  Minis.

 

MINISTER JEANNE SIMEON

Mersi Mr Speaker. Mersi Onorab.  Pour nou bann teacher assistants, bann teacher assistants premyerman mon anvi fer ou konnen poudir teacher assistants i tonm lo Scheme of Service bann teachers sa lekol, so zot ganny appraise dan pour zot kapab vin swa en supply teacher ouswa ganny anvoye NIE for training pour zot kapab ganny promosyon pour zot devlope dan zot karyer.

Pour ‘letter of appointment’ ki zot ti sipoze ganny en back pay lo la, nou ankor pe sort out sa issue akoz ti’n ariv en pti problem administrative ki nou ankor pe sort out, me vi ki en commitment in ganny fer avek zot, nou pour bezwen regarde ki mannyer nou pour kapab fer pour sa.  Mersi.

Pour lezot manm staff zot annan zot appraisal system, sel appraisal ki diferan dan nou sistenm, se appraisal pour bann teachers, zot annan zot en Policy lo en appraisal for teachers only me lezot i swiv sa appraisal parey tou bann lezot travayer Gouvernman ki i donn ou sa bann, zot bann areas kot ou gete general behavior, attendance eksetera, work performance, quality and quantity of work sa i parey pour lezot support staff.  Teachers li pour li i diferan akoz nou annan en nouvo Scheme appraisal pour teachers.  Mersi Mr Speaker.

 

MR DEPUTY SPEAKER

Mersi Minis. Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker.  Bonzour tou dimoun a lekout. Bonzour bann koleg MNA. Mr Speaker mon ti a kontan konnen, mon ti a kontan Minis i eksplik nou akoz sa lenzistis dan reminerasyon lo kote bann librarian, premyerman zot pa pe ganny, bann ki’n fini sa course ki ti fer tou resaman, zot pa pe ganny sa marketable skill allowance.

        Dezyenmman i annan en bann i ganny R180, i annan en bann i ganny 190, en bann 200, i annan en bann kot National Library pe ganny ziska R600 apre ki zot in konplet sa course 3 an la, Minis i kapab eksplik nou akoz sa bann discrepancies dan lakantite larzan ki ganny donnen apre sa course ki zot in fer, ki zot in konplete?  Mersi.

 

MR DEPUTY SPEAKER

Mersi Onorab Hoareau.  Minis.

 

MINISTER JEANNE SIMEON

Mersi Mr Speaker, mersi Onorab i annan 2 keksoz la, ou’n koz lo reminerasyon apre training, apre zot Scheme of Service.

Pour school librarians, Scheme of Service ti ganny, ti ganny enplimante pour zot an zilyet 2012 e zot Scheme in fek ganny revize sa lannen, so i kapab zot in ganny allowance dapre zot nouvo Scheme of Service.

Pour training, ordinerman letan ou fini training si en approved course, i annan serten azisteman ki fer avek ou saler, be sa i depan lo saler ki ou pe gannyen already.  I annan ki pour vwar li i pe ganny plis akoz nivo saler kot i ete e i annan ki pour ganny mwens akoz nivo saler kot osi i ete.  Me selman dapre Scheme of Service across the Board dapre ou kalifikasyon ou ganny en reminerasyon dapre Scheme of Service ki’n parey mon dir ou e sa lannen pour zot in ganny revize.  Mersi Mr Speaker.

 

MR DEPUTY SPEAKER

Mersi. Onorab Hoareau, klarifikasyon.

 

HON JOHN HOAREAU

Mr Speaker, mon vwar li en pe difisil pour konpran si ou’n fer en dimoun fer menm course, tou dimoun in konplet menm course in sorti avek zot pass or whatever ki zot in sorti avek, zot in pass sa course apre ki ou pe, ler pour ou donn en allowance sa bann dimoun, i annan en pe ou pe donn plis, i annan en pe ou pe donn mwens, mon ti a kontan ki Minis i revwar sa e rekonsider sa silvouple.  Mersi.

 

MR DEPUTY SPEAKER

Mersi Onorab.  Mon pa konnen si Minis i oule zis pran note e nou al lot kestyon par Onorab Mondon.

 

 

HON TERENCE MONDON

Mersi Mr Speaker.  Minis in dir nou ki tou sa bann kad support staff zot pe swa revize oubyen devlop nouvo kad Scheme of Service, eski Minis i kapab dir nou konbyen letan i pran zot Minister pour devlop en nouvo kad Scheme of Service, e konbyen letan i pran pour zot reviz en kad ki deza egziste?  Mersi Mr Speaker.

 

MR DEPUTY SPEAKER

Mersi Onorab Mondon.  Minis.

 

MINISTER JEANNE SIMEON

Mersi Mr Speaker. Mersi Onorab.  Pour revizyon en Scheme of Service nou pran li ant 3 a 6 mwan akoz i annan konsiltasyon ki nou bezwen fer avek nou bann dimoun zot menm, lezot partners ki nou rely lo la an kad bann Scheme of Service parey DPA nou konsilte zot pour nou kapab ariv lo en consensus pour revizyon.  E nou ordinerman nou reviz en Scheme of Service, i annan ki nou fer li apre 3 an lenplimantasyon, i annan ki apre 5an lenplimantasyon e pour nou konnen osi, i osi nou pran kont lo nou Bidze osi ki nou’n gannyen ok, nou fer li a diferan faz akoz nou pa pe kapab reviz tou Scheme dan en sel letan, me selman pour fer ou okouran, dan sa peryod 2016, 2017 nou’n reviz Scheme of Service for school counsellors, nou ti reviz li an Zanvye 2016, son Scheme of Service ti komans ganny enplimantasyon an 2012, so nou’n reviz li an 2016.

Pour school librarians avek lab technician zot Scheme of Service ti pe ganny enplimante depi 2012, nou pe revize sa lannen la i an prosesis.  Pour bann psikolog zot Scheme of Service ti vin an viger an zilyet 2013 e in ganny revize an out 2016, so apepre 3 an.  Pour bann general assistants ek warden, zot Scheme of Service ti ganny aprouve, sa i en nouvo, an 2017 e i pe deza ganny enplimante.  Si nou get bann drayver nou’n en new Scheme of Service ti’n ganny aprouve an zanvye 2018, i pe deza pe ganny enplimante.  Bann zofisye par egzanp dan Ladministrasyon, Resours Imen, office assistant.  Office managers zot annan en Scheme of Service ki tonm anba Common Cadres kot DPA e sa Scheme ti ganny enplimante an 2012 e revizyon in ganny fer an zanvye 2018.

Pour bann travayer dan stores par egzanp, zot Scheme of Service ti pe ganny enplimante depi 2013 e nou’n reviz li an 2018.  So nou’n, parey ou vwar nou pe fer li gradyelman over the course of time e nou pe fer sir ki nou tous tou nou bann kad, ok bann ki pe komanse petet i pran en pe plis letan pour nou kapab met ansanm en Scheme of Service pour zot.  Me laplipar nou bann travayer zot, i deza lo en Scheme of Service ki nou pe revize e nou’n komans revize dan sa peryod 3an parey ou la, parey mon’n dir la.  Mersi Mr Speaker.

 

MR DEPUTY SPEAKER

Mersi Minis.  Onorab Clifford Andre.

 

HON CLIFFORD ANDRE

Mersi Mr Speaker.  Bonzour tou dimoun, mon ti a kontan demann Minis an referans avek kestyon Onorab John Hoareau, eski bann teachers, bann asistan teachers e osi bann librarian zot ganny en kopi sa Scheme of Service pour zot konnen kwa ki zot entitlement apre ki zot in fer en nivo e ki diferans i pour annan, ki disparity i pour annan, eski sa Scheme of Service i met poursantaz ou saler, pour zot kapab osi kalkile avan menm zot pran en kour ki posibleman Minister pe ofer?  Mersi.

 

MR DEPUTY SPEAKER

Mersi Onorab Andre. Minis.

 

MINISTER JEANNE SIMEON

Mersi Mr Speaker.  Mersi Onorab. Ler nou devlop en nouvo Scheme, parey mwan dir ou i annan konsiltasyon, nou pa konsilte, nou pa apel tou dimoun, me i annan reprezantasyon sa kad ki vini ansanm kot Minister Ledikasyon pour nou diskit lo sa Scheme of Service avek nou bann partners, DPA e lezot.  E ler nou’n finalize sa Scheme of Service lekol i ganny en kopi e sa i kapab, en teacher i kapab annan akse avek ouswa head teacher i eksplike dan Scheme ki mannyer i benefisye zot.

E dan Scheme of Service i mete tou bann benefis ki ou gannyen, i kapab annan provizyon pour serten reminerasyon parey bann incentives, inducement allowance i pour konnen dapre son level kot i kote, son kalifikasyon ki i annan, ki inducement allowance i pour gannyen, ki marketable skills si i annan provizyon dan son Scheme pour zot ganny marketable skills – parey la dernyerman nou vwar bann teachers zot pe ganny marketable skills, e marketable skills i depan lo level ou kalifikasyon – en Sertifika ou ganny tan larzan, en Diplonm ou ganny tan larzan, e advanced diploma ou ganny tan larzan, en Degree, first Degree ou ganny tan larzan e sa i progresiv dan sistenm anmezir ki ou kalifikasyon i pli o akoz ou bezwen fer zefor pour al training eksetera.  So e ou pli marketable baze lo kalite kalifikasyon ki ou gannyen, so tousala i mete dan Scheme konbyen dapre ou kalifikasyon e sa anplwaye li i kapab ganny akse avek sa Scheme pour li gete kote mon ti sipoze, ou’n dir mwan mon ti pe ganny R1, 500 koman en marketable, kote ki mete dan sa Scheme?  Ou ganny access avek sa dokiman pour ou gete kote ou ete, e si vre kot lekol ou pe ganny difikilte i dir ou napa, Minister Ledikasyon dan nou Seksyon Personnel, Human Resource nou annan tou bann copies Scheme e parey nou konnen avek Lalwa Akse pour Lenformasyon ou demande e fasilman ou kapab ganny en kopi sa Scheme of Service pour ou kad.  Mersi Mr Speaker.

 

MR DEPUTY SPEAKER

Mersi Minis.  Klarifikasyon Onorab Andre.

 

HON CLIFFORD ANDRE

An vi ki Minis in enform nou tou sa detay lo sa bann Scheme of Service e an vi ki sa i fek monte la dan nou Lasanble, eski Minis i kapab fer nou Lasanble ganny en kopi sa bann Schemes koumsa nou osi nou ava kapab asiste bann dimoun ki vin kot nou avek klarifikasyon.  Mersi.

 

MR DEPUTY SPEAKER

Mersi Onorab Andre.  Minis.

 

MINISTER JEANNE SIMEON

Mersi. Mr Speaker mersi, Onorab volontiers, nou ava fer ou ganny kopi tou bann Scheme.  Mersi.

 

MR DEPUTY SPEAKER

Mersi bokou Minis.  Nou ava al lo 3enm kestyon par Onorab Regina Esparon.

 

HON REGINA ESPARON

Mersi Mr Speaker.  Eski Minis i kapab dir sa Lasanble kan ki proze playground pour lekol Glaçis pour demare e konbyen sa pour koute?  Mersi.

 

MR DEPUTY SPEAKER

Mersi Onorab. Minis.

 

MINISTER JEANNE SIMEON

Mersi Mr Speaker. Mersi Onorab pour ou kestyon.  Mr Speaker dan proze playground Glaçis i annan 3 partner kle ki konpri Minister Ledikasyon e Devlopman Resours Imen, Minister Gouvernman Lokal ek Minister responsab pour Later, parey nou konnen premye faz proze i konpri ganny sifizaman later pour konstriksyon playground.

Departman ki responsab pour lenplimantasyon proze dan Minister responsab pour Later ti fer bann prosedir pour nou kapab ganny sa teren e sa i ti demande pour rehouse 3 fanmir ki ti pe reste lo sa later kot proze ti pe ganny fer.

Mr Speaker apre sa en site visit ti ganny antreprann resaman, e desizyon in ganny pran pour konstrir en playground ki strikteman ganny servi par lekol. Mr Speaker plan sa playground ki pe al konstrir in pare e nou’n prezant li avek tou nou bann partner dan kominote Glaçis.  Proze playground pour kout anviron R2.5 milyon, si tou kondisyon i favorab pour antreprann sa travay, proze i ekspekte komanse ver lafen lannen 2018 e travay pour pran anviron 3 mwan pour konplete.  Mersi Mr Speaker.

 

MR DEPUTY SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker eski Minis i kapab donn zabitan Glaçis sirtou bann zanfan lekol garanti ki sa bann nouvo devlopman ki ti pe arive kot Minister Gouvernman Lokal ti oule sa morso teren pour zot fer, pour zot extend Kordgard e pour pran sa sit la pour fer nouvo kordgard, e eski Minis i kapab donn nou en garanti ki i vreman konfirmen ki sa sit pour vreman reste pour Minister Ledikasyon e sa propozisyon pour donn sa bout Kordgard in fini en propozisyon ki’n tonm dan delo e nou garanti ki zabitan Glaçis e manrmay lekol Glaçis pour ganny sa landrwa pour fer zot playground.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker, mersi Onorab.  Parey mon’n dir Onorab dan sa proze i annan nou 3 partner kle ok, e vi ki mon’n dir la ki proze in ariv lo nivo plan, kot plan pe ganny aprouve, savedir teren nou’n fini negosyasyon e nou pe bouze.  Mersi Mr Speaker.

 

MR DEPUTY SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker, bonzour a tous. Mr Speaker en klarifikasyon ek Minis silvouple lo sa R2.5milyon pour en playground, eski i a donn en pe detay lo konbyen met kare nou pe koze pour fer sa playground? E si i kapab fer nou ganny omwen ki bann kalite lekipman lalis bann lekipman ki zot pour met dan sa playground pour R2.5milyon?  Mersi Mr Speaker.

 

MR DEPUTY SPEAKER

Mersi Onorab Pillay.  Minis.

 

MR DEPUTY SPEAKER

Mersi Mr Speaker, mersi Onorab, sa playground pour annan en sirfas anviron 1, 000 met kare e i pour konpri 2 diferan fasilite rekreasyonnel, en multipurpose court avek en laplenn.

Mon ava donn en pti pe detay sa R2.5 milyon dan nou summary of nou scope of work pour sa playground.  I annan clearing of the site ki pour kout nou R95mil; i annan pye dibwa pour tire eksetera.  I annan demolisyon sa bann fondasyon ki ti deza la akoz ti dir i annan lakaz lo sa teren e osi i annan ros ki nou pour bezwen drile e kase pour aplati teren, sa i pour kout nou R300mil. I annan excavation works ki pour ganny fer R95,000, i annan backfilling and leveling ki pour kout nou R1 milyon, 300mil, construction of a road access and drainage, parey nou konnen laba kot sa playground ti annan en akse en semen ki ti desann o bor lekol Glaçis – ok, i annan en akse ki nou bezwen still donnen pour al desann anba kot Simityer, apre son drenaz sa i pour kout nou R210, 000.  Nou pour bezwen fer pour landscaping plant zerb eksetera e apre pour met bann playing amenities ladan pour bann zanfan.  Sa landscaping i konpri miray, ankor en fwa drainage and landscaping ki pour kout nou R500,000.  Mersi.

 

MR DEPUTY SPEAKER

Mersi Minis.  Onorab Pillay en klarifikasyon.

 

HON STEPHEN PILLAY

Mr Speaker, mwan, konmsi ler mon regard sa ki Minis in dir, kestyon i pour playground lekol Glaçis, me multipurpose court, playing field ladan?  Si i kapab detay nou oubyen fer nou ganny sa scope of work ki pli fasil ki pour nou zistifye sa R2.5 milyon parey i dir pour sa proze pour koute, akoz pour en playground R2.5 milyon mwan pa pe vwar li zistifyab personnelman, akoz i annan landrwa ki’n fer playground, sa i sipoze lo site lekol, i annan landrwa ki’n fer playground ki ou ape pey Anse Royale apepre par R1 milyon something, e zot ti fer li ek en Donasyon mon krwar ki zot ti rode, akoz ki Minister pa pe fer parey pour lekol Glaçis?  I en playground.  Mersi.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker. Mersi Onorab. Mon krwar kou en proze i pour osi depan lo teren kot ou pe al fer sa proze e mon konpran poudir Onorab Esparon i konn byen sa teren kot sa playground pe al ganny fer, i annan bokou travay ki bezwen ganny fer pour kapab level sa landrwa pour turn li into en playground ok?  So kou pour proze i tou depan lo ki mannyer sa teren i ete, si i annan en ta ros lo la, si nou bezwen fer gro miray pour retenir later eksetera.   o kou i depan lo la, me parey ou’n dir si zot demann nou pour donn zot kopi nou scope of work nou ok avek sa.  Mersi Mr Speaker.

 

MR DEPUTY SPEAKER

En dernyen klarifikasyon Onorab Pillay.

 

HON STEPHEN PILLAY

Non Mr Speaker, si Minis i kapab fer mwan ganny en kopi sa scope of work pour sa playground.  Mersi.

 

MR DEPUTY SPEAKER

Mersi. Onorab Jean-François Ferrari.

 

HON JEAN-FRANÇOIS FERRARI

Mr Speaker mersi e bonzour. Bonzour Minis mon ti a kontan demande ki zefor Minister Ledikasyon in fer otour sa proze pour zot kapab involve bann partner dan distrik atraver swa bann Donasyon, oubyen bann kontribisyon CSR akoz nou koman en Lasanble nou vreman vwar en gran partenarya ki kapab egziste ant Minister Ledikasyon avek lakominote.  E nou kontan ankouraz zot dan sa direksyon.  So mon ti a kontan demann ou Minis, si a okenn moman oubyen si i ankor annan letan i annan okenn zefor ki pe ganny fer pour link up ledikasyon nou zanfan avek bann biznes ki pe devlope dan distrik?  Mersi.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker, mersi Onorab, pour lokazyon Teacher’s Day la nou ti lans en, nou’n fer li anba en Tenm “Ledikasyon i en shared responsibility” e nou pe mars lo sa Tenm.  Sa i depi lontan ki nou pe envit lakominote pour zwenn avek nou dan Minister Ledikasyon pour nou kapab donn en meyer ledikasyon nou bann zanfan.  i annan en bon pe proze, dan bann lekol ki lakominote ouswa bann endividi prive in, nou’n negosye, nou’n demande, parfwa nou demande nou gannyen, parfwa zot anmennen nou diskite e i annan bokou proze ki nou pe fer pour nou bann lekol, pour lekipman, pour liv, computers eksetera, so nou vreman proactive dan sa domenn akoz nou, nou anvi ki ledikasyon parey nou dir i vin an realite, en shared responsibility.   Mersi Mr Speaker.

 

MR DEPUTY SPEAKER

Mersi Minis. Onorab Egbert Aglae.

 

HON EGBERT AGLAE

Mersi Mr Speaker.  Minis anliny ek serten larepons ki ou’n donnen e osi nou konsernen avek, vi nou annan nou problenm obezite dan lekol, eski Minis ou kapab dir ek sa Lasanble ki ou plan pour fer sir ki tou lekol ki ler en playground i ganny fer i annan son prosedir maintenance ki ganny swiv pour ki i pa tonm dan labondans, Minis ou konpran poudir ler ou annan 200 zanfan ki pe servi en playground e pour en lannen i annan bann vandalizm ki kapab arive ouswa i kase, eski ou Minister pe pran kont osi sa bann eleman dan ou Bidze pour fer sir a tou pri playground i reste dan bon leta?  Mersi.

 

MR DEPUTY SPEAKER

Mersi Onorab Aglae.  Minis.

 

MINISTER JEANNE SIMEON

Mersi Mr Speaker. Mersi Onorab. Dan plan Minister Ledikasyon pour physical amenities nou osi annan en plan pour maintenance and remedial works, maintenance and remedial works kot nou annan larzan dan Bidze pour kouver sa bann detay ki ou pe dir nou la, si fil i ganny andomaze ouswa i annan keksoz ki arive, i annan en larzan dan Bidze ki nou planifye pour fer sa bann travay, travay remedial, travay reparasyon, travay maintenance pa zis lo playground, me osi lo nou bann lenfrastriktir buildings.  Mersi Mr Speaker.

 

MR DEPUTY SPEAKER

Mersi Minis.  Onorab Simon Gill.

 

HON SIMON GILL

Mersi Mr Speaker.  Mr Speaker mon ti oule demann Minis pour klarifye retourn lo playground, probableman mon pa’n sezi byen, eski sa proze in fini ganny tender?  Sa pri ki ou dir nou i pour koute, i pri bann lowest tender or bidder something like that? 

Epi si ou kapab redir nou ki kalite fasilite ki pour annan akoz nou pe koz en playground me mon’n tann bann lezot keksoz ankor ki ou’n mansyonnen; probableman se sa ki fer li sa pri, si nou ti kapab ganny sa klarifikasyon oubyen sa presizyon silvouple Mr Speaker.  Mersi.

 

MR DEPUTY SPEAKER

Mersi Onorab Gill.  Minis.

 

MINISTER JEANNE SIMEON

Mersi Mr Speaker. mersi Onorab.  Progre dan devlopman sa proze nou’n dir ki proze in al kot Planning pour nou ganny approval, apre i ava swiv son usual tendering process eksetera.  Sa ki nou’n donnen la se en estimate lo nou scope of work ok?  I pa pour dan final sa ki nou pe dir, sa nou ki’n fer en scope of work e nou pe estimen poudir i pour kapab kout nou sa.

 

MR DEPUTY SPEAKER

Mersi.  Klarifikasyon Onorab Gill.

 

MINISTER JEANNE SIMEON

Pardon en, fasilite mon pa ankor reponn Onorab ok?  Pour fasilite ki nou pe fer la kontenir grander e osi lokasyon sa playground, sa laplenn i pour permet nou annan en bann fasilite ase limite, se sa ki nou dir nou pe, nou ti a kontan rezerv li pour lekol selman, e i pour dapre standar pour permet lenplimantasyon nou progranm ledikasyon fizik ek rekreasyonnel.

So nou pour annan 2 pour sa ki nou pe fer la pour ed bann zanfan akoz pour ledikasyon fizik nou osi annan bann zanfan ki ganny, komans practice the basics of basketball, the basics of volleyball eksetera so, e apre nou annan nou lezot ki nou kapab servi sa laplenn li menm rekreasyonnel pour bann zanfan fer tay taye, ok tap, tap en boul eksetera.  Mersi Mr Speaker.

 

MR DEPUTY SPEAKER

Mersi Minis.  Mon a donn dernyen kestyon Onorab Gill, enn dernyen, klarifikasyon.

 

HON SIMON GILL

Wi Mr Speaker mersi. ou konnen repons ki Minis in fer resorti atraver kestyon Onorab Pillay, mon trouv en danze la, akoz in deza fini dir apepre zot internal estimate.  Pa ankor al lo tender process nou pe koz staz planning e nou’n ganny tante pour devwal internal estimate.  So mon ti a voudre ki nou pran en pe prekosyon a lavenir lo lafason ki mannyer nou adres sa bann size Mr Speaker.  Mersi bokou.

 

MR DEPUTY SPEAKER

Mersi Onorab Gill.  Mon mazinen Minis i a pran note, mon donn dernyen kestyon pour Onorab Esparon vi ki ou’n poz sa kestyon.

 

HON REGINA ESPARON

Mersi Mr Speaker.  Mr Speaker mon ti anvi zis klarifye en keksoz ki Minis in dir, mwan krwar dan son premye larepons in dir nou pour pran 3 mwan pour konplet sa louvraz, me letan mon pe mazin topographie sa landrwa mon pe mazinen si pa’n underestimate sa letan parski si zot pour komans louvraz apre 3 mwan zot pa pour fini la, paran pour vin kot nou pour vin demann nou akoz louvraz pa ankor fini e nou, nou pour bezwen tay deryer Minister Ledikasyon, konmsi mon vwar sa time frame in dir dan 3 mwan zot pour konplete konmsi i en pti pe tro ba.  Mersi Mr Speaker.

 

MR DEPUTY SPEAKER

Mersi Onorab Esparon. Minis, eski zot kapab fini dan 3 mwan?

 

MINISTER JEANNE SIMEON

Mersi Mr Speaker. Mersi Onorab.  Nou’n dir pour ganny konplete anviron, nou’n dir anviron, anviron 3 mwan e nou pe osi maksimiz lo sa letan vakans skoler pour nou kapab fer bann gro travay ki pa pour, nou pa pour annan bann disturbance avek bann zanfan.  So nou nou’n dir anviron 3 mwan.  Me i kapab, me apre nou osi weather permitting akoz nou konnen osi petet Desanm i dan letan lapli, peryod … , me anyway sa i, nou’n pran en estimasyon ki nou’n gannyen lo lezot proze ki nou’n fer dan sa lanpler.  Mersi Mr Speaker.

 

MR DEPUTY SPEAKER

Mersi Minis.  Nou pour al lo prosen kestyon par Onorab Regina Esparon, No. 4.

 

HON REGINA ESPARON

Mersi Mr Speaker.  Mr Speaker eski Minis i kapab eksplik sa Lasanble, ki plan son Minister i annan pour konplet sa travay lo unit dantis kot lekol Glaçis?  Mersi.

 

MR DEPUTY SPEAKER

Minis.

 

MINISTER JEANNE SIMEON

Mersi Mr Speaker.  Mersi Onorab.  En unit danter i enn bann fasilite ki nou pe komans enkorpore dan bann plan bann lekol ki nou konstitye.  Sa i permet ki sa servis pour nou bann zanfan i ganny fer lo lakour lekol e anpes ki nou zanfan i bezwen deplase en long zistans pour li ganny sa servis.

Mr Speaker responsabilite Minister Ledikasyon, se pour annan sa lasal, pour annan bann lenfrastriktir ki dantis pour bezwen tel ki latab, cabinets, lavabo, koneksyon delo, koneksyon elektrisite dapre spesifikasyon Minister Lasante. Responsabilite Minister Lasante pour en tel proze, li se pour fer provizyon pour bann lekipman spesyalize ki dantis i bezwen pour li donn sa servis.

Lo kote Minister Ledikasyon proze in fini ganny konsevwar an partenarya avek unit danter dan Minister Lasante i dan prosesis pour ganny laprouvasyon procurement.  Enn fwa ki nou’n ganny sa laprouvasyon, kontrakter pour ganny envite pour plas zot bid e prosesis ava kontinyen, e si tou keksoz i mars byen, travay i ekspekte komanse dan vakans skoler desanm la ankor pour nou pa disturb lekol e i ava, i pour pran anviron 6 a 8 semenn pour travay ganny konplete.  Mersi Mr Speaker.

 

MR DEPUTY SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker i byen ki Minis i dir mwan poudir lenfrastriktir i sipoze tonm lo kote Minister Ledikasyon, me mwan ti ganny fer konpran dan Bidze ki lo kote lekipman i tonm lo kote Minister Lasante.  Me i annan bann nouvo devlopman ki’n arive dernyerman ki pa tro kler ki mon ti a kontan demann Minis si zot annan sa lyen etrwat ek Minister Lasante pour regarde letan zot in fini ek lenfrastriktir, ki i ok pour Minister Lasante met lekipman parske i annan sa keksoz ki pa tro kler ki Minister Lasante pe dir poudir, lekipman pour kout tro ser.  Konmsi mon ti ava kontan si Minis ti a dir nou  si son Minister avek Minister Lasante, pe koze lo size sa klinik danter pangar nou vwar nou ek en sityasyon kot lenfrastriktir in fini apre Minister Lasante pa pe fer demars pour met bann lekipman pour sa bann zanfan ganny sa servis.  Parski bann zanfan i perdi bokou, bokou, bokou letan zot bezwen deplase pour zot al Beau-Vallon sirtou dan Mardi, ennler parfwa i annan 6 a 7 zanfan ki manke par laklas pour al ganny sa servis pli lwen.  Mersi Mr Speaker.

 

MR DEPUTY SPEAKER

Mersi Onorab Esparon. Minis eski zot synchroniser an term plan ant Lasante ek Ledikasyon lo sa klinik?  Mersi.

 

MINISTER JEANNE SIMEON

Mersi Mr Speaker. mersi Onorab.  Parey mon’n dir dan sa proze nou annan nou 2 partner kle Minister Ledikasyon avek Minister Lasante e nou, nou koze nou pe negosye, petet sa osi ki donn nou en pti retar dan sa proze pour komanse akoz nou bann negosyasyon ki nou pe fer.  Me parey mon’n dir tou lede Minister i annan zot commitment, Minister Lasante i committed pour donn sa fasilite e Minister Lasante i committed pour li met son bann lekipman e prezan pour ofer sa servis danter avek nou bann etidyan.  Mersi Mr Speaker.

 

MR DEPUTY SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Speaker.  Minis an sa ki konsern sa kolaborasyon ki ou Minister i annan ek Minister Lasante, mon ti a kontan ou dir ek sa Lasanble kot i konsern pour annan staff ki ler i annan sa lenfrastriktir dantis in ganny kree, eski zot annan en bon korporasyon avek Minister Lasante, pour fer sir ki i annan dantis ki deservi sa bann fasilite?  E Minis mon pe demann ou sa akoz premyerman i annan serten lekol parey lekol Port-Glaud primer ki i annan en fasilite ki pa ganny servi ditou, eski zot annan sa bann kominikasyon kot i konsern staffing?  Mersi.

 

 

MR DEPUTY SPEAKER

Mersi Onorab Aglae.  Minis.

 

MINISTER JEANNE SIMEON

Mersi Mr Speaker.  Mersi Onorab.  Mon krwar sa korperasyon, sa partenarya i la akoz nou annan nou 11 unit danter dan bann diferan lekol ki pe fonksyonnen.  Nou annan lekol primer ek segonder ki pe share units, so i annan ners la ki deservi lekol primer avek lekol segonder.  Par egzanp pour Plaisance, Plaisance primer fasilite i dan lekol Plaisance primer, me selman i deservi lekol Plaisance segonder e osi deservi lakres Les Mamelles e osi lekol Eksepsyonnel.

Pour Perseverance fasilite pour Perseverance primer me osi deservi Perseverance segonder.  Ok nou tant pour nou share sa pour nou osi pa fer gran depans lenfrastriktir e osi ki nou pa ganny dimoun pour met dan 2, so ler nou annan enn sa bann personnel lasante i vin kot sa enn e nou lekol i anvoy zot bann etidyan kot i annan sa servis.  Mersi Mr Speaker.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker mon anvi demann Minis an term Polisi, eski dan tou bann lekol i en plan Minister pour met sa bann unit danter dan tou lekol; par egzanp lekol La Rosière la byento pour nouvo, eski i pour annan en unit danter dan sa lekol?  Mersi.

 

MR DEPUTY SPEAKER

Mersi Onorab Henrie.  Minis.

 

MINISTER JEANNE SIMEON

Ok, parey, mersi Mr Speaker.  Mersi Onorab.  Parey mon’n dir parfwa ler nou annan 2 lekol ki pros o bor kanmarad i pa cost effective pour nou met sakenn pour li, nou share the facilities, si kot lekol primer, lekol segonder i vin servi, si kot lekol segonder, lekol primer i vin servi.  Aktyelman la lekol La Rosière i annan li en karavann ki pe deservi sa lekol, so ler nouvo lekol La Rosière i ganny konstrir i pour annan son fasilite e nou ava regarde si nou kapab kit sa karavann ouswa si i annan nou kapab donn li en fasilite pour li menm dan son lekol, sa karavann i a ganny servi pour en lot lekol.  Me parey nou dir i la sa bann servis wi.  Mersi Mr Speaker.

 

MR DEPUTY SPEAKER

Mersi Minis.  Dernyen kestyon par Onorab Regina Esparon pour Minis.

 

HON REGINA ESPARON

Mersi Mr Speaker.  Mr Speaker ou pe dir mwan pran No. 5?

 

MR DEPUTY SPEAKER

No. 5 wi.

 

HON REGINA ESPARON

Mersi Mr Speaker.  Eski Minis i kapab dir sa Lasanble ki son Minister i anvizaze fer pour rektifye sa problenm voltaz kouran kot lekol Glaçis, e met li lo standar pour pa afekte bann lekipman?  Mersi.

 

MR DEPUTY SPEAKER

Mersi Onorab Esparon.  Minis.

 

MINISTER JEANNE SIMEON

Mersi Speaker.  Mersi Onorab pour ou kestyon.  Mr Speaker konstriksyon lekol primer Glaçis ti konplete e i ti ganny ofisyelman ouver an mars 2016, o kour son fonksyonnman nou’n dekouver serten defayans dan sistenm elektrisite, anmezir ki lekol i ganny nouvo lekipman ek fasilite, par egzanp nouvo tuck shop sa in fer ki kouran kot lekol tanzantan i sote, lekol lo son kote in kapab fer serten ranplasman lekipman me avek sa bann laranzman, sityasyon in amelyore en pti pe.  Me sepandan nou teknisyen i rekonnet ki i bezwen en travay pli aprofondir lo sa sistenm elektrisite dan lekol Glaçis e sa ki bezwen ganny fer par en electrical engineer, pour nou kapab detekte sours ki kapab pe okazyonn sa bann problenm pour anmenn en solisyon dirab ouswa en solisyon permanan.

Minister pe fer prosedir pou ganny enn sa bann enzenyer elektrik pour antreprann sa travay kot lekol Glaçis.  Mersi Mr Speaker.

 

MR DEPUTY SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker eski Minis i kapab dir nou ki letan bann konstriksyon ki zot gannyen atraver Donasyon, sirtou bann Donasyon Sinwan, bann donasyon sorti La Chine, eski i annan en dimoun kot Minister Ledikasyon, en teknisyen ki siperviz louvraz pour vwar ki sa bann lekipman ki zot pe mete i lo standar pour fer ki sa bann problenm pa arive, parske problenm la, i se sa bann lekipman ki zot in servi ki pa lo standar avek demann pour kouran, en zafer voltaz, en zafer lafason ki zot in plas sa bann switch ki interlink ek kanmarad ki pe fer sa bann problenm, eski i annan sa teknisyen kot Minister Ledikasyon ki supervise, sa louvraz letan pe ganny fer pour vwar ki i lo standar ki nou, nou bezwen isi.  Mersi Mr Speaker.

 

MR DEPUTY SPEAKER

Mersi Onorab Esparon.  Minis.

 

MINISTER JEANNE SIMEON

Mersi Mr Speaker.  Mersi Onorab.  Pour tou proze ki ganny antreprann par Minister Ledikasyon, ordinerman nou annan en project manager ki travay direkteman avek sa kontrakter pour swiv devlopman proze depi ler i komanse ziska son finisyon.

Parey mwan dir, mon pa konnen si level ouswa kalite lekipman ki pe koz sa problenm, se sa ki nou’n dir nou bezwen fer en travay pli aprofondir pour nou vwar pour nou kapab vwar kote egzakteman sa bann problenm i leve pour nou kapab rektifye, nou pa kapab ni blanm li lo lekipman, ni blanm li lo wiring or whatever akoz nou pa ankor konnen egzakteman kwa.  Mersi Mr Speaker.

 

MR DEPUTY SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker letan mon pe dir sipervizyon, mon pa pe dir zis pour elektrisite Minis, parske lekol Glaçis i annan problenm avek railing, balistrad, tiles ater, konmsi letan mwan pe dir sipervizyon, lo tou nivo, nou ganny donasyon me selman an menm an letan ou regarde, mon pa konnen, mon kapab dir sa en ler i parey kad ki anpwazonnen ki ozordi Minister i bezwen al depans en kantite larzan pour al rektifye tou sa bann problenm, tiles i glise, railing pe tonbe, balistrad i pouri.  I pa zis elektrisite Minis i lezot keksoz osi.  Mersi.

 

MR DEPUTY SPEAKER

Mersi Onorab Esparon.  Minis.

 

MINISTER JEANNE SIMEON

Mersi Mr Speaker. Mersi Onorab.  Parey mon’n dir taler nou annan nou bann project managers ki swiv devlopman proze, i pa zis pour elektrisite, delo whatever i swiv the whole thing, e pour lekol Glaçis nou ti osi annan sipervizyon sorti kot MLUH, so i kapab ki in ariv serten defayans o kour ki proze pe ganny devlope.  Me ordinerman nou asire ki kalite ki nou gannyen, i kalite ki nou ekspekte gannyen from nou bann kontrakter an term fasilite ki zot donn nou.  Mersi Mr Speaker.

 

MR DEPUTY SPEAKER

Mersi Minis. Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker mon ti a kontan pre fas mon kestyon avek en, an dizan ki koman en pei nou vreman apresye, sa led ki bann lezot pei i donn nou e notaman ki La Chine i donn nou pour devlop nou bann lenfrastriktir.  E mwan personnelman koman reprezantan Mont-Fleuri mon apresye sa led ki Gouvernman Sinwan pe donnen dan konstriksyon rekonstriksyon lakaz Corgate Estate.  Me selman tou pei i annan son kote for, apre i annan son bann febles.  E mon krwar nou pa devret nou koman en Lasanble per pour nou dir ki dan sa bann lasistans ki nou gannyen avek La Chine i annan en febles dan en Departman, e sa Departman se Departman elektrisite dan bann lekol.  Sa i en keksoz ki enn ler ou a krwar nou en pti pe per dir pangar Gouvernman La Chine pa pour donn nou ankor,  pangar nou ava ofans zot.  Mwan mon krwar ki nou annan en responsabilite, pour nou fer sorti sa sityasyon e pour nou gete, ki mannyer atraver sa bann proze ki nou gannyen, atraver lasistans ki nou gannyen, nou osi nou annan nou input lo son kote teknik.

Mr Speaker mwan konnen poudir i difisil, kominikasyon par ler i difisil pour ou koze, langaz i en problenm, me selman mwan ti a kontan demann Minis si son Minister, son bann teknisyen menm o nivo lezot Minister akoz Minis i asiz o nivo Cabinet, si zot pa krwar zot devret vreman pran sa responsabilite pour annan en dyalog vreman fran, ouver, senser, pour nou gete ki mannyer nou kapab evite sa bann problenm ki an rezilta bann proze, ki en pe bann turnkey projects build and deliver bann keksoz koumsa kot menm sa nou annan nou inputs, so mon ti a kontan ki Minis i kapab dir nou si i annan en zefor ki pe ganny fer o nivo son Minister, e si i annan, si pare pour li o nivo Cabinet osi pour anmenn sa devan.

Dezyenm kestyon ki enportan osi Mr Speaker, se bann kontra maintenance post-delivery.  Mon ti a kontan si Minis ti kapab dir nou si i satisfe avek sa bann servis post-delivery kot nou kontakte avek enn de sa bann kontrakter, pour zot asir rektifikasyon ler i annan en problenm plumbing, ler i annan en problenm elektrik en keksoz koumsa, eski i pe marse?  Oubyen eski nou pe pran bann kontrakter ki li menm zot, zot menm zot, zot in dan sa problenm, zot in annan sa bann defayans pour nou demann pou zot rektifye sa bann defayans.  Dir nou Minis, eski ou satisfe ki sa bann proze pe ganny well maintained, post- contract?  Mersi.

 

MR DEPUTY SPEAKER

Mersi Onorab Ferrari.  Minis.

 

MINISTER JEANNE SIMEON

Mersi Mr Speaker. Mersi Onorab.  I byen ki Onorab Ferrari in rekonnet led ki nou gannyen avek nou bann partner Korperasyon, Bilateral akoz parey ou konnen nou ankor en pei en voie de développement e okenn led lasistans ki nou gannyen nou byen apresye lo nivo nou bann partners.  Me parey mon’n dir nou, nou osi rekonnet ki parfwa i annan serten problenm ki nou rankontre e sa avek nou bann partner Nasyonal, nou pe vwar koman ki nou kapab annan sa pli bon latant negosyasyon avek nou bann partner etranze ki nou kapab a lafen ki nou kapab ganny en win-win situation – ok?

Pour konsernan post construction pour maintenance, ankor enn fwa nou fer tou nou, nou met tou nou zefor ki nou bann new buildings ki i pa, nou pa maintain li ler i fini pour nou ganny refer en lot building – ok? I annan en progranm maintenance ongoing ki nou fer, me it’s all budget dependent.  Nou bezwen regarde kantite ki nou gannyen dan nou Bidze pour nou kapab vwar sa bann travay, sa bann travay maintenance.

E osi nou rekonnet osi ki nou annan serten defayans osi lo kote nou bann kontrakter ki antreprann sa bann travay maintenance, ki ankor enn fwa nou pe fer tou nou posib pour nou kapab zwenn avek zot, nou’n menm ganny advised ki petet nou devret aste nou bann materyo nou menm ki nou ankor pe vwar akoz ordinerman nou ganny problenm lo bann materyo, bann lekipman ki zot servi, nou ankor pe diskite.  Nou’n ganny osi advise ki nou set en standar lo bann keksoz ki zot servi fer maintenance; parey water taps, bann keksoz ki tanzantan i kase dan lekol, kabinen, water taps, lock laport, nou’n, nou osi pe konsidere pour vwar si nou kapab set en standar ki ler ou ganny en kontra avek nou, ou bezwen aste sa kalite pour donn nou pour met dan nou lekol ki, e sa osi i ava fer en prosedir pli fasil osi, ki nou pa pour vwar nou pe al dan en lekol, nou bezwen retir tou sa bann zafer akoz i nepli, i pa bon, nou bezwen ranplas li par en lot.  So i kase, nou konnen poudir be sa kalite ki nou bezwen ranplase, nou pa bezwen ranplas tou.  Nou pe antreprann sa bann diskisyon e fotespere ki ler nou pe bouze dan lavenir ki nou a kapab ganny en pli bon servis lo kote nou bann kontrakter maintenance dan nou bann lekol, e parey mwan dir si nou tou lede kote nou agree nou fer sa, i pour fasilit travay tou lede parti.  Mersi Mr Speaker.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Mersi Minis.  Mon profite koman zot la pour mon ganny enn de leklersisman; 2 pti leklersisman, eski ou kapab dir nou ki ler bann proze korperasyon, ler bann proze lenfrastriktir parey konstriksyon lekol i terminen, zeneralman konbyen letan apre sa, ki zot annan sa ki nou kapab petet kekfwa apel pa en garanti, me selman en service, en follow through konmsi pandan en serten peryod?  Eski i annan en moman ki nou kapab, ki zot kapab dir nou?

E dezyenmman i enportan Minis pour mwan ensiste lo sa size elektrisite akoz sa i size nou kestyon la, kouran, eski Minis i kapab konfirmen oubyen non, poudir problenm elektrisite i en problenm mazer ki souvan, ki enn bann ki pli souvan leve dan sa bann konstriksyon?  Mersi.

 

MR DEPUTY SPEAKER

Mersi Onorab Ferrari.  Minis.

 

MINISTER JEANNE SIMEON

Mersi Mr Speaker.  Mersi Onorab.  Pour sa faz apre konplet, apre ki nou konplet en proze, nou annan sa letan ki nou apel sa, nou annan sa retention whatever ki i dir la, mwan pa tro dan building construction, be sa i kapab en peryod 3 a 6 mwan kot nou gete si tou keksoz i ok e si keksoz pa ok, la sa kontrakter ki bezwen pran ansarz.

Pour elektrisite nou rekonnet poudir nou ganny bokou problenm pa zis avek new buildings, me osi avek nou bann vye buildings ki la depi en ta letan ki pe donn nou problenm osi dan bann lekol avek elektrisite.  E se pour sa ki dan Minister Ledikasyon nou’n rekonnet sa e prezan nou pe fer prosedir pour nou anploy permanentement en electrical engineer ki pour kapab.  La ler nou bezwen, nou bezwen outsource e i kout nou bokou larzan.  Me la nou pe fer neseser pour nou ganny enn in house ki pour kapab donn nou sa servis kot nou bezwen dan nou bann lekol e redwir kou osi.  Mersi Mr Speaker.

 

MR DEPUTY SPEAKER

Mersi Minis.  Mon dernyen kestyon, Onorab Ramkalawan.

 

HON WAVEL RAMKALAWAN

Mr Speaker mon kestyon mon osi ti pe al en pe dan sa laliny lo sa kalite parski i resanble ki tou bann batiman par egzanp nou isi kot Lasanble osi tou menm problenm.  Napa en sistenm air-conditioning ki marse, elektrisite osi tou i pas dan son bann staz difikilte e Onorab Ferrari in pran sa byen, me Minis pe donn nou, eski Minis pe donn bann zabitan Glaçis espesyalman lekol, ki poudir sa problenm i en problenm lepase? Ki zot pa pe ganny li ankor?  Mersi.

 

MR DEPUTY SPEAKER

Mersi Onorab Ramkalawan.  Minis.

 

MINISTER JEANNE SIMEON

Mersi Mr Speaker.  Mersi Onorab.  Parey mon’n dir nou’n rekonnet sa ki nou bezwen ganny fer lo lekol Glaçis pour nou kapab annan en solisyon pli dirab pour nou kapab debiste kote sa problenm i ete, e atak sa problenm pour ki nou kapab rektifye sityasyon ok? Me selman nou pa pe kapab dir avek Lasanble poudir sa it will be a problem of the past akoz elektrisite i kapab en zour en problenm i leve ok? Nou menm dan ou lakaz annandler kouran i sote, lekipman i ganny andomaze.  So nou pa pe kapab donn sa sort of commitment, sa ki nou kapab dir se ki problenm Glaçis ki nou rankontre la avek sa bann sote tanzantan, nou pe fer fason pour nou kapab rektifye e ki i ava kapab ganny en solisyon a lonterm.  Mersi Mr Speaker.

 

MR DEPUTY SPEAKER

Mersi Minis.  Dernyen kestyon Onorab Loizeau.

 

HON NORBERT LOIZEAU

Mersi Mr Speaker.  Bonzour Minis, bonzour tou dimoun dan Galeri, e tou Manm.  Mr Speaker mon anvi demann Minis, sa lekol i annan 3an, depi ler sa lekol in ouver i annan sa problenm elektrisite, e vi ki PUC, PUC se zot ki fer tou koneksyon.  Konmela si ou fer en wiring dan en lakaz, napa ki zot pa donn ou, lenfirmite ki zot pa donn ou avan ki zot vin konekte kouran, me selman kot lekol malgre i annan sa bann problenm zot in konekte kouran pour donnen, eski zot Minister Ledikasyon vi ki PUC ki provide elektrisite, eski zot annan kontak ek PUC atraver bann enzenyer pour vwar ki problenm?

 

MR DEPUTY SPEAKER

Mersi Onorab Loizeau.  Minis.

 

MINISTER JEANNE SIMEON

Mersi Mr Speaker.  Mersi Onorab, e se ki’n nou’n rod konsey sorti kot PUC, e sa ki nou pe dir poudir nou bezwen rod en electrical engineer pour kapab detekte kote sa problenm in komanse, kote i ete pour nou kapab rektifye.  Ok?  Mersi Mr Speaker.

 

MR DEPUTY SPEAKER

Mersi Minis.  Petet zis mon a partaz en pe lenformasyon isi kot Lasanble Nasyonal, nou osi nou ti annan en problenm ase parey ki sa batiman, lenfrastriktir ti ganny konstrir par en kado, atraver Gouvernman Sinwan, me ki nou’n bezwen fer?  Se rod en elektrisyen kalifye Seselwa ki vini e i etidye sa rezo elektrik ki i annan isi e i fer en rapor e i met klerman ladan kwa ki bezwen ganny rektifye, e kwa ki ok ki ou kapab korize.  E baze lo la, lo son rekomandasyon ki pa pran letan, i pran 2 semenn, 3 semenn pour li fer son papye e answit dan 2, 3 semenn nou met tou bann koreksyon ki neseser, laplipar ti zis remet kouler lo difil, difil i servi tou kouler ki pa sipoze son norm, remet kouler lo la, remet bann label lo bann fuse box ek bann lezot appliance elektrik e nou’n nobou kapab pour en gran parti rektifye sa problenm, mwan espere sa se bann solisyon ki Minister Ledikasyon i kapab osi adopte.

Bon avek sa nou’n ariv 10.33, nou pour adjourn pour nou tea break.  Nou a pran sa prosen 3 kestyon a parti 11er.

 

(BREAK)

 

MR DEPUTY SPEAKER

Bon, nou pou kontiny nou travay lo nou Order Paper.  Zis avan nou kite, nou ti lo kestyon No.5.  Nou pou al lo kestyon No.6 – Onorab Jean-François Ferrari, pour Minis Ledikasyon.

 

HON JEAN-FRANCOIS FERRARI

Mersi Mr Speaker.  Mr Speaker, mon ti a kontan si Minis Ledikasyon ki kapab dir Lasanble, akoz son Minister pe permet litilizasyon liv zistwar History of Modern Seychelles par Kevin Shillington konman en liv lansennyman, kan sa liv in ganny deklare konman en koleksyon mansonz e diformasyon listwar nou pei, par bokou istoryen?  Mersi.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab pour ou kestyon.  Mr Speaker, sa liv listwar History of Modern Seychelles par Kevin Shillington, pe ganny servi dan tou nou bann lekol segonder koman en bann liv sipor – bann liv referans depi 2011.  E non pa koman en liv lansennyman ouswa en core textbook.  Fodre osi fer resorti Mr Speaker, ki Kevin Shillington i en istoryen e ekriven renonmen lo lasenn enternasyonal, ki’n ekrir plizyer liv listwar, enkli en liv lo History of Africa.

An se moman, bann liv listwar ki pe ganny servi koman nou liv lansennyman – nou text, nou core textbooks i en seri liv ki’n ganny devlope lokalman par Seksyon responsab pour devlopman Curriculum.  E ki ganny servi par tou etidyan depi S1 ziska S3.  Tandis ki bann etidyan S3/S4, (pardon) S5 – zot pe swiv progranm IGCSE, kot bann liv i ganny preskrir par Cambridge.

An sa ki konsern dir ki sa liv ki’n ganny deklare koman en koleksyon mansonz ek diformasyon listwar nou pei, Minister Ledikasyon ziska prezan, pa’n ganny okenn notifikasyon ofisyel sorti kot okenn istoryen ouswa reprezantan bann istoryen, ki’n konsey nou lo litilizasyon sa liv dan lekol.

Mr Speaker, an vi ki sa liv – avan ki sa liv ti al dan lekol koman en sipor pour Curriculum Listwar, group Curriculum Developers dan Minister Ledikasyon ki responsab pour progranm lansennyman Listwar, ti fer en sesyon travay avek bann ansennyan lo ki mannyer pou servi sa liv koman en materyel sipor ouswa referans pour sa topik da Curriculum ki apel Modern Seychelles.

En revi konteni sa liv ti osi ganny fer pour aviz bann ansenyan lo ki mannyer sa kor – sa liv i kapab ganny servi pour siport sa topik dan Curriculum Listwar.  Mersi Mr Speaker

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker, mon ti a kontan demann avek Minis, si i krwar ki i korek pour servi en liv zistwar ki annan plizyer fot lo bann fe?  I annan plizyer fot lo bann non bann dimoun?  I annan plizyer fot lo bann dat?  E ki sa bann keksoz pe ganny ansennyan – pe ganny met a la dispozisyon nou bann zenn?

Notaman, en legzanp ki mon donnen, konmkwa ler Parti SPUP ti fer Lamars Diri,  ler premye dimoun ti ariv anvil, ti annan ankor ki ti pe sorti Anse Aux Pins, telman ti annan dimoun.  Pa ti ankor fini kit Anse Aux Pins, ti’n fini ariv anvil, telman ti annan dimoun.  Konmsi sa bann keksoz ki bann zanfan pour retenir e i pa devret dan liv zistwar.  Konmsi dir – mon ti a kontan ki Minis i dir avek nou si vreman koman en edikater, la ki mwan mon pe dir avek li poudir i annan bann fe ki pa korek dan sa liv, koman en edikater, i still pa pare pour li reget sa liv e son Gouvernman, son Minister i regete e re-asses sa liv koman en liv sipor dan lekol?  Sa i mon premye kestyon Mr Speaker.  Mon ava annan en lot apre.  Mersi.

 

MR DEPUTY SPEAKER

Mersi Onorab Ferrari.  Minis.

 

MINISTER JEANNE SIMEON

Mersi Mr Speaker.  Mersi Onorab.  Parey mon’n dir avan, avan ki sa liv ti ganny met dan lekol koman en liv sipor, e referans, ti annan sesyon ki ti ganny fer avek nou bann ansennyan pour – avek sa liv, pour montre zot ki mannyer nou pou servi konteni sa liv koman en liv sipor pour sa topik dan Curriculum.

E fot – sa i kapab kouver pour fot dan dat parey ou’n dir – fot dan lannen.  E zot in fer sa sesyon pour kapab rektifye sa.  E nou osi annan parey mon dir, lezot liv sipor ki nou pe servi dan lekol par nou bann ekriven lokal e etranze, ki lekol, teachers i kapab servi for cross- referencing.  Akoz ler nou fer listwar, nou osi pe demann bann manrmay pour get bann levidans, pour konpare, pour analize e pour zot ariv lo en konklizyon.  So nou, nou pe vwar poudir sa liv i pa pe vreman fer ditor nou bann zanfan, an sa ki konsern Listwar.  Parey mon’n dir, ansennyan in ganny train ki mannyer pour servi li.  E koman en liv sipor, i annan lezot liv sipor osi ki pe tret listwar Sesel dan sa peryod letan – post-independence.

Nou annan en liv ki nou osi servi – i annan en liv par Jean-Michel Filliot PIYO – ‘l’Histoire des Seychelles.’  Nou annan en liv – To be a Nation by William Keiter.  Nou annan en liv par Mr Alain Saint Ange – ‘Seychelles What Next’, nou annan en liv par Mr St. Ange e Mr Bernard Georges – ‘Seychelles in Search of Democracy’, nou annan en lot liv par Mr Alain St Ange – ‘The Cry of a People’.  Tou sa bann edisyon la – tou sa bann liv i ganny servi ansanm avek sa liv Mr Shillington pour ansenyan kapab eksplwat sa topik listwar ki ‘Modern Seychelles.’  Mersi Mr Speaker.

 

MR DEPUTY SPEAKER

Mersi Minis.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker, zisteman – antan ki en dimoun ki’n osi ekrir lo Listwar Sesel e ki pour bann rezon kou oter en liv ki’n ganny ban dan sa Lasanble.  Etandonnen ki mon enn bann dimoun ki Mr Shillington in acknowledge dan son liv koman en sours referans, mon ti a kontan demann Minis enn de kestyon.

 

(Interruption)

 

HON BERNARD GEORGES

Mersi Onorab.  Mon ti a kontan demann Minis enn de kestyon.  E mon prefas mon kestyon par mon krwar en slip ki Onorab Jean-François Ferrari in fer ler in demann Minis son 2enm kestyon.  Akoz in karakteriz sa liv koman en liv zistwar e non pa en liv Listwar.  Ki mon krwar i ti anvi dir.  E kekfwa – e kekfwa i ti annan rezon pour karakteriz li dan sa fason.

Mon kestyon ek Minis se – Minis, i kler ki i annan serten defayans dan sa liv, e mon ava mansyon zis enn.  Major MacDonald Marengo, ki ti en senior – en dimoun senior dan Larme, i ganny dekrir dan sa liv depi komansman ziska lafen, sak fwa ki zot mansyonn li koman Tinal Marengo.  Definitivman i pa fer – i pa donn ou en gran lespwar ki konteni sa liv nou kapab depann lo la ler en fot osi bet ki sa i ganny fer par en ekriven ki ganny dekrir par ou Minis, koman en ekriven de renom ki’n ekrir plizyer lezot liv.

Mon kestyon se – konteni bann fot ki annan dan sa liv, ek bann defayans ki annan dan fason ki i montre listwar, eski ou Minister pa’n trouv li bon pour lir sa liv zot menm?  Pour montre – fer sorti serten sa bann fot, dan en fason ki ler en etidyan i ava al dan sa liv, i ava lir sa liv an fonksyon serten koreksyon ki Minister ki annan responsabilite pour edik nou manrmay dan en fason kler, prop e normal, i ava kapab vwar sa ki byen dan sa liv akoz i annan serten konteni ki byen.  Me i ava osi vwar sa ki pa byen e i ava kapab fer son prop lenterpretasyon.  Sa se mon kestyon, Mr Speaker.

 

MR DEPUTY SPEAKER

Mersi Onorab Georges.  Minis.

 

MINISTER JEANNE SIMEON

Mersi Mr Speaker.  Mersi Onorab.  I byen ki Onorab osi in – pe dir nou ki i annan keksoz ki bon dan sa liv.  Savedir i pa totalman pa bon – i annan ki bon.  E lo kote bann ki ou pe dir nou, si nou’n lir?  Wi, parey mon’n dir taler, ti annan sa group Curriculum Developers ki ansarz devlopman materyo pour Curriculum listwar dan lekol – se sa ki zot ti fer.  Sa sesyon ki mon’n dir taler la, se zot in lir sa liv.  Zot in fer resorti tou bann keksoz ladan ki ti en pti pe kontrovers ouswa ki fe pa korek.  E se sa ki zot in fer sa sesyon avek nou bann ansennyan ki ti pou al servi sa liv dan lekol avek nou bann etidyan, pour aviz zot boner lo sa ki annan dan sa liv.  E pour zot kapab fer li – fer sa travay dan en bon fason ki pa pou afekte laprantisaz nou bann zanfan dan lekol.  Mersi Mr Speaker.

 

MR DEPUTY SPEAKER

Mersi Minis.  Onorab Georges.

 

HON BERNARD GEORGES

Mersi Mr Speaker.  Mersi Minis.  Mr Speaker, an konteni sa ki Minis in dir, mon ti ava kontan demann Minis si i pa krwar ki pa zis etidyan – pa zis ansennyan ki devret fer sa lanaliz.  Me sa liv i bezwen annan ladan en lalis sa bann keksoz ki Minister i vwar i pa korek e ki i defayans.  Pour ki ler en etidyan i ava fer en referans avek sa liv dan son letan personnel e pa atraver en teacher, i pa ava ganny induire en erreur.  Premye kestyon.

2enm kestyon – etandonnen ki sa se pa en liv ki Mr Shillington in kontan ekrir lo li menm, me i en liv ki’n ganny demande pour fer e ki’n ganny peye pour fer par Minister Ledikasyon isi, eski Minister pa trouv li bon pour fer 2enm edisyon sa liv si i neseser avek tou bann keksoz kontrovers e fautive e ganny eliminen oubyen korize?  Mersi.

 

MR DEPUTY SPEAKER

Mersi Onorab Georges.  Minis.

 

MINISTER JEANNE SIMEON

Mersi Mr Speaker.  Mersi Onorab.  Parey mon’n dir avan, sa sesyon travay ki sa group Curriculum Developers pour Curriculum Listwar ti fer, se ki i ti relev tou sa bann keksoz.  E nou’n annan en lalis sa bann keksoz ki swa i fautive ladan parey ou pe dir, ouswa i kontrovers.  E sa – letan nou ti’n fini sa sesyon avek bann ansennyan, bann ansennyan i annan sa pour zot kapab refer avek.  E parey mon’n dir, sa liv i pe ganny servi koman en liv sipor.  E pa tou konteni ladan ki pe ganny servi.  Konteni ladan i ganny selekte dapre leson ki sa ansennyan i pe al fer.

Pour keksoz ki bann zanfan i annan, ki zot kapab refer avek, i bann – nou bann core textbooks ki’n ganny devlope spesifikman pour zot servi.  E kot ladan lenformasyon, nou’n asire ki i balanse avek – pour kapab parey ou pe dir, koriz sa bann lerer ki nou’n vwar dan sa liv.  E nou bann core textbooks ki nou annan se ki nou – ki’n ganny prepare par nou bann lekip Curriculum Developers i – nou Curriculum team i ‘Movement For Independence 2007’ – tousala i ekrir.  E ‘Seychelles After 1976’ – e sa osi ti ganny ekrir an 2012.  E ladan parey mon pe dir, dan sa bann materyo la, nou asire ki bann dat i korek.  E ki i a kapab fer en cross-referencing avek konteni ki dan liv Mr Shillington.  Mersi Mr Speaker.

 

MR DEPUTY SPEAKER

En dernyen klarifikasyon, Onorab Georges.

 

HON BERNARD GEORGES

Yes, mersi Mr Speaker.  Minis pa’n reponn enn mon kestyon.  Eski Minis pa krwar ki i ti ava en bon nide pour fer en 2enm edisyon sa liv konteni bann problenm ki son premye edisyon i annan?  Ki menm bann Curriculum Development Officers, zot in vwar dan sa liv?

 

MR DEPUTY SPEAKER

Mersi Onorab Georges.  Minis.

 

MINISTER JEANNE SIMEON

Bon, sa i – mersi Mr Speaker.  Mersi Onorab.  Sa i en keksoz ki Minister Ledikasyon i kapab konsidere.  Mersi.

 

MR DEPUTY SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker.  Mr Speaker, mon koman en ansyen ansennyan, mon pa krwar poudir en liv ki annan bann fe ki mal ladan i devret lo en shelf ki ganny ekspoze avek nou bann zanfan.  Parske menm si teachers pou bezwen fer referans lo serten – zis serten aspe, me still zanfan pour ganny akse avek sa whole book itself.  So, i pa fer tro gran sans pou dir sa liv i kit – i ganny kite lo shelf.

Me mon kestyon an plis i ti al en pe lo laliny ki Onorab Georges in fer.  Me mwan mon ti a kontan si Minis i kapab dir nou si i annan en proze pour lans, oubyen en plan pour lans en proze, pou servi lekspertiz bann dimoun lokal parey Mr Mathiot, Mr Julien Durup, antropolog – Mr Maoune, ki’n viv sa bann lepok pour kapab servi zot lekspertiz pou ekrir en keksoz ki pli relevan avek nou’n – sa ki nou listwar modern i dekrir.  Mersi.

 

MR DEPUTY SPEAKER

Mersi Onorab Hoareau.  Minis.

 

MINISTER JEANNE SIMEON

Mersi Mr Speaker.  Mersi Onorab.  Onorab parey mon’n dir taler, nou pe osi devlop lespri analitik nou bann zanfan.  So, si i annan bann fe ladan ki i pa korek – i pa normal, i annan lezot cross-referencing ki etidyan i kapab fer pour li vwar ladan lekel ki korek, lekel pa korek.  E sa bann analiz i bann competencies ki nou pe devlope, nou pe promote – nou pe promouvwar dan nou bann zanfan.

An sa ki konsern bann istoryen ki ou’n mansyonnen, be i ti a bon si sa bann dimoun zot – nou pe – si sa bann ansennyan, si sa bann dimoun zot – ok.  Nou pe – si sa bann ansenny – sa bann dimoun i kapab, zot osi ekrir serten parti listwar Sesel lo zot perspektiv sa.  Akoz sa li in ekrir lo son perspektiv pour li – sa i a ekrir lo zot perspektiv.  E sa Minister Ledikasyon parey in fer avek liv Mr Shillington, i ti kapab pran li – azout li avek nou bann materyo ki nou annan dan lekol pour donn – pour annan en lot sours.  Akoz sa ki nou annan dan konteni bann liv zistwar se bann sourcessources of evidence, ok?  Nou ti kapab servi sa pour nou ankor en fwa fer sa bann travay avek nou bann ansennyan – avek nou bann zanfan osi.   Mersi Mr Speaker.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Mon ti ava kontan demann avek Minis, baze lo komanter ki Onorab Georges in fer par lefe ki sa liv ti ganny commissioned – konmsi i pa en liv ki Shillington in deside ekrir lo li menm.  So, lekel ki commissioned?  E konbyen in kout pei sa proze?  E konbyen kopi in ganny fer?

E dezyenmman, par lefe ki i fer 10an depi ki sa liv in pibliye, apard travay ki sa Komite la in fer la pour idantifye bann fot ki annan dan sa liv – savedir i a fer lannen prosen 10an.  Eski pandan sa 10an vreman in napa en sizesyon pour sa liv ganny re-pibliye avek bann fot ganny korize?  Mersi.

 

MR DEPUTY SPEAKER

Mersi Onorab Henrie.  Minis.

 

MINISTER JEANNE SIMEON

Mersi Mr Speaker.  Mersi Onorab pour ou kestyon.  Sa liv ti ganny commissioned parey in dir, par Minister Ledikasyon.  Akoz dan sa letan la, nou ti napa bokou materyo ki nou ti kapab servi dan lekol pour nou ansenny listwar post-independence nou bann – avek nou bann etidyan.  Ok?  So, parey mon’n dir taler, avek referans nou’n ganny gannyen, ki Mr Shillington i en istoryen renonmen, ki’n ekrir bann liv listwar lo l’Afrique, lo lezot pei.  So, i ti ganny commissioned pour li ekrir en liv – ‘The Modern  History of Modern Seychelles,’ ki donn sa letap post-independence ki nou ti kapab servi dan nou lekol.

Anfet, nou ti commissioned pou ekrir 8mil kopi sa liv.  Lo nou rikord nou annan 8,020.  E in kout – ti kout Minister Ledikasyon, dan sa letan, en lekivalans 8 Liv Sterlen – great – gran – liv – Great Britain – GBP – 8 Pounds per book, sa letan.  8 Pounds per book.  Mersi Mr Speaker.

 

MR DEPUTY SPEAKER

Onorab Henrie.

 

HON GERVAIS HENRIE

Mersi Mr Speaker.  De pti follow- up – si en liv i 8 Liv, sa i en kopi en liv.  Me li menm li sa ekriven, konbyen i ti ganny peye koman – pour son travay?  E dezyenmman, natirelman letan en dimoun i demann en dimoun pou fer en keksoz pour li, ki swa en sez, ou aranz en loto, si i pa fer byen, either nou negosye en rediksyon ouswa nou pa peye.  Akoz i pa sa ki nou ti ekspekte.  Mon anvi konnen akoz ki zot ti – Gouvernman ti still proceed pour aksepte e pey sa liv plus sa sonm ki mon ava ekspekte Minis donn nou, pour pey Shillington?  Whatever the sum was.  Mersi.

 

MR DEPUTY SPEAKER

Mersi Onorab Henrie.  Minis, i pe rod en sif konbyen sa loter sa liv ti ganny peye pour fer sa travay.

 

MINISTER JEANNE SIMEON

Mr Speaker – mersi Mr Speaker.  Mersi Onorab.  Konbyen sa ekriven ti ganny peye?  Mon pa tro konnen.  Me selman parey nou dir, 8,020 kopi at rate of 8 Pounds – 8 UK Pounds per copy, in donn nou en sonm 64,160 Pound Sterling.

 

MR DEPUTY SPEAKER

Mersi.  Savedir ou napa en sif konbyen sa msye in ganny peye?  Lot kestyon – Onorab Simon Gill.

 

HON SIMON GILL

Mersi bokou Mr Speaker.  Mr Speaker, en bon pe nou dan sa Lasanble – si pa nou tou, ki’n pas lekol, nou’n fer Listwar, nou’n etidye Listwar.  E dan bokou liv listwar, spesyalman listwar l’Afrique, i annan en kantite fot …

 

(Interruption)

 

HON SIMON GILL

I annan en kantite distorsyon listwar l’Afrique.

 

(Interruption)

 

HON SIMON GILL

E mon swete ki mon bann koleg lot kote latab, i zwenn ek mwan dan en demars pour nou re-ekrir listwar l’Afrique.

 

MR DEPUTY SPEAKER

Well, Onorab Gill .,. Onorab Gill.

 

HON SIMON GILL

Mr Speaker…

 

MR DEPUTY SPEAKER

Demann kestyon ki koz lo sa kestyon

 

HON SIMON GILL

Lo sa liv an kestyon i par – i form parti bann liv ki annan lerer e ki nou bezwen re-ekrir listwar l’Afrique e re-ekrir listwar Sesel.  Mr Speaker, eski Minis i ava konsidere pou tir tou liv ki bann politisyen in ekrir dan son Minister, ki pe servi koman mwayen lansennyman?  Premye kestyon.

Dezyenm kestyon Mr Speaker – eski Minis i ava dir nou dan sa Lasanble ozordi, ki Lotorite dan son Minister ki etidye bann liv listwar e tonm dakor ki bann liv ki bon pour lansennyman nou bann zanfan?  Mersi bokou Mr Speaker.

 

MR DEPUTY SPEAKER

Mersi Onorab Gill.  Onorab – Minis.

 

MINISTER JEANNE SIMEON

Mersi Mr Speaker.  Mersi Onorab pour ou kestyon.  Onorab parey mon’n dir taler, nou pou – nou, nou’n prefere gard tou sa bann liv dan lekol.  Akoz lapros ki nou pe pran pour ansenny Listwar, i neseser ki nou annan lezot sours bann fe – lezot sours bann levidans.  So, si i annan ki kontradwir kanmarad, sa i sanmenm sa ki pou donn motivasyon nou bann zanfan pour diskite, pour debat lo la – pour vwar lekel ki bon, lekel ki pa bon.  Nou les zot avek zot lespri ki pe devlope.

Petet demen atraver sa zot kapab vin bann bon politisyen – zot kapab debat, kapab defann.  So, nou pou gard li – nou pou gard li dan lekol.  E lo –

 

(Interruption)

 

MINISTER JEANNE SIMEON

… ok.  E parey mon’n dir taler, sa bann listwar parfwa ki nou vwar i perspektiv serten istoryen.  So, i bon ki zanfan i ganny access avek, i ganny exposed to lezot perspektiv parey mon pe dir, pour zot kapab devlop sa lespri analis – analitik pour zot analiz keksoz e come to a conclusion.

Nou lo kote Minister Ledikasyon, nou napa en Lotorite ofisyel ki vet nou bann liv.  En – nou annan?  Nou sa ki nou annan – sa ki nou annan se en Board ki apel en National Curriculum Advisory Board.  Li i advise nou lo curriculum pour bann diferan size.  E ler nou ganny serten liv ki nou fer vini, zot pas ladan parey sa sesyon ki’n ganny fer avek liv Shillington – zot pas ladan pou vwar si bann fe i korek or whatever.

Nou fer sa pour pa neseserman zis pour listwar, nou fer li osi pour Anglais.  Nou get en pti pe kiltir – la baz kiltir dan bann liv.  Si i ale avek nou kiltir Seselwa – bann keksoz koumsa.  Sa i fer par sa Lotorite.  Me nou napa en Lotorite ki la pour vet every single book.  Nou pe get – zis i pas dan konteni, gete si i ok ouswa – wi.

 

MR DEPUTY SPEAKER

En pti pwen klarifikasyon Onorab Gill.

 

HON SIMON GILL

Mr Speaker, mon a demann Minis – dan ka kot ou pe dir nou, esansyelman napa en unit, en lekip ki vet lotantisite bann liv, eski ou ti ava konsidere pour met sa an egzistans?  Pour ki nou rasire ki konteni bann dokiman ki pe ganny servi i vreman reflekte larealite.  Me mon dakor avek ou ki lenterpretasyon bann fe istorik dan nenport ki pei, dan nenport ki sosyete, i depan en kantite lo sa lansennyman li menm li, lo sa dimoun ki pe delivre sa konteni, lo sa teacher listwar – ki mannyer i anmenn son etidyan pour li enterpret sa bann fe.  Mannyer zot enterpret bann cause and effect dan premyer ger mondyal, dezyenm ger mondyal.  Tousala i bann keksoz ki depan lo sa ansenyan – pa neseserman lo sa etidyan.  Me byensir finalman sakenn i ariv lo son konklizyon.  Mon krwar i enportan ki nou konpran sa.  Mersi.

 

MR DEPUTY SPEAKER

Mersi Onorab Gill.  Minis.

 

MINISTER JEANNE SIMEON

Bon, parey mon’n dir, nou already annan – nou already annan sa sistenm an plas.  Sa, nou National Curriculum Advisory Committee.  Li ki advise nou lo bann materyel ki pou ganny servi pour curriculum, ki advise nou lo bann dokiman ki ganny prodwir nasyonalman pour curriculum.  E si i annan en nesesite, parey pour sa liv Shillington, ti annan en nesesite to go through the whole book pour nou tyeke si bann fe i korek – sa tim i zwenn ansanm e i fer li.  So, nou pa pe al envant the will pour nou kree en Board kan nou already annan en fasilite ki kapab fer sa ki ou pe dir.  Mersi Mr Speaker.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker – bonzour.  Bonzour tou Manm Onorab.  Bonzour tou dimoun ki dan Galeri.  E bonzour tou dimoun ki pe ekout nou, pe swiv nou isi ou aryer.  Mr Speaker, mon ti a kontan demann Minis, eski son Minister in resevwar oubyen ganny okenn kominikasyon sorti kot okenn istoryen ou okenn lezot dimoun, ki dir poudir sa liv, oubyen bann fe dan sa liv, oubyen montre lekel bann fe dan sa liv ki egzakteman pa sipoze korek – ki inaccurate dan okenn fason?

 

MR DEPUTY SPEAKER

Mersi Onorab Pillay.  Mon krwar Minis ti’n klarifye sa koman ki reponn la premyer fwa.  Me, Minis zis konfirmen.

 

MINISTER JEANNE SIMEON

Mersi Mr Speaker.  Mersi Onorab.  Parey mon’n dir taler, Minister Ledikasyon pa’n ganny okenn notifikasyon ofisyel sorti kot okenn istoryen ouswa reprezantan istoryen, ki’n dir nou poudir sa liv pa devret ganny servi dan lekol.  Mersi Mr Speaker.

 

MR DEPUTY SPEAKER

Mersi.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker, alors ler – mon ti a kontan demann Minis, dan son konesans koman en edikater – e nou tou nou konnen poudir le sel size ki petet ou ganny sertennte letan ou fer, se Matematik a en serten nivo.  Me a lezot nivo, i annan serten eleman ki antre.  Listwar in toultan en size ki annan diverzans – sa ki’n ekrir, i ekrir dan son perspektiv, eksetera.

Me eski Minis i kapab dir nou si, eski i annan okenn pei kot se politisyen ki deside lekel liv listwar ki nou pou servi dan en Sistenm Ledikasyon?  Akoz i paret poudir – Mr Speaker, mon’n ekoute mwan.

 

MR DEPUTY SPEAKER

Non, ou annan laparol ou.  Kontinyen.

 

HON SEBASTIEN PILLAY

Mersi Mr Speaker.  So, Minis dir nou ki prosedir ki en Minister oubyen en Lotorite Ledikasyon dan en pei, i entamé pour li kapab – pour li retir en liv oubyen en konponan laprantisaz ki ganny trouve dan Curriculum baz lo bann lenformasyon?  Dan sa ka nou napa lenformasyon, me eksplik Lasanble ki prosedir ki Minister Ledikasyon ti pou pran dan en konteks koumsa.  Mersi Mr Speaker.

 

MR DEPUTY SPEAKER

Mersi Onorab Pillay.  Minis.

 

MINISTER JEANNE SIMEON

Mersi Mr Speaker.  Mersi Onorab pour ou kestyon.  Pour sirkonstans ki pou anmenn nou pou fer en tel keksoz koumsa, mon pa pou kapab dir ou poudir i an egzistans la.  Akoz nou pa ankor gannyen en sityasyon kot in – nou’n bezwen retir en liv Curriculum ki’n ganny preskrir dan lekol.

Par kont, nou National Curriculum Advisory Committee parfwa i reviz bann liv ki nou servi.  Akoz petet i – nou pe rod bann ki pli modern.  Ouswa letan nou sanz lapros lansennyman, parfwa nou bezwen order bann liv ki pli ale – ki son konteni i pli ale avek lapros ki nou pe pran.  Ok?  So, anyway, mwan mon dan Ledikasyon pour en bon pe letan – depi ler mon ladan, nou’n napa en lenstans kot mon’n tande, ouswa mwan koman en teacher, nou’n ganny demande pour retir sa liv konpletman dan lekol or whatever.

Nou’n annan liv ki’n ganny sanze, ki’n ganny revize.  Me selman sa kopi i toultan reste dan lekol, dan nou archives – dan nou sistenm.  Akoz nou pa konnen, demen i kapab ganny en sa ki nou refer avek tel liv ki nou ti servi 1960 ouswa 1975.  So, nou gard li dan lekol me nou osi – nou pe bouze avek devlopman global.  So, nou osi nou pe regarde ki bann nouvo liv lansennyman ki pou – ki adapte avek nou letan modern ki nou pe ale.  Ki pour nou – nou kapab servi dan lansennyman.  Mersi Mr Speaker.

 

MR DEPUTY SPEAKER

Mersi Minis.  Nou pou al prezan lo – ou ti’n lev lanmen?  Onorab Ramkalawan.

 

HON WAVEL RAMKALAWAN

Mr Speaker, mersi bokou.  Mr Speaker, premye kou mon pa ti’n tro byen konpran Onorab Gill.  Me selman la mon pou dakor avek li.  Sa zafer distorsyon listwar l’Afrique.  Parski efektivman sa msye in enn ki’n zwe en gran rol pour distort listwar l’Afrique.  E la aprezan in vin menm distort nou listwar.

 

(laughter)

 

HON WAVEL RAMKALAWAN

Parski parmi son bann liv ki in ekrir, i annan ‘The colonisation of Southern Tswana,’ ‘Junior Certifcate History for Zimbabwe’, ‘History of Southern Africa,’ ‘An African Adventure,’ Brief Life of Cecil Rhodes ‘, ‘History of Africa’, ‘Ghana in the Rawlings Factor’, ‘Causes and Consequences of Independence in Africa,’ ‘Sowing the Mustard Seeds,’ The Struggle for Freedom and Democracy in Uganda,’ ‘Encyclopaedia of African History,’ ‘Luka Jantjie: ‘Resistance Hero of South African Frontier,’ ‘Albert René: The Father of Modern Seychelles: Biography.’  Wi, Mr Speaker, sa msye in zwe en gran rol pour li distort sa listwar l’Afrique.  E alor mon dakor avek Onorab Gill ki fodre re-ekrir sa zistwar.  E mon espere ki sa i ava enkli re-ekrir sa zistwar Sesel ki sa msye in ekrir.

Mr Speaker, ki mannyer nou kapab annan en liv listwar – e la mon anvi dir avek Minis mwan mon napa problenm avek perspektiv.  Perspektiv – nou tou nou kapab annan en perspektiv.  Me letan i vin lo fe istorik, la nou pa ganny drwa zwe avek.  Par egzanp, letan sa msye i deside pour li fer en statement lo paz 212 son liv, pou li dir – e sa se pour li dir, even though the Parti Seselwa with 8 – sa i anba the Election 23rd to soz – July, bann dernyen – dan son dernyen paragraf anba sa seksyon.  Minis pe regarde.

Letan i dir – even though the Parti Seselwa with 1,829 votes – 4.4%, was below the 5 % threshold, Judge Sauzier awarded them one seat.  Mr Speaker, sa i en fe istorik ki’n ganny distortedThis has got nothing to do avek perspektiv.  Parski, Parti Seselwa pa ti lo Komisyon Konstitisyonnel, Parti Seselwa pa ti partisip dan Premye Eleksyon pour Lasanble Nasyonal, akoz sete United Opposition ki ti partisip dan Premye Eleksyon pour Lasanble Nasyonal apre ki Konstitisyon ti’n ganny aprouve.

So Mr Speaker, sa i apel distortion of History.  E sa kalite distortion, letan nou bann zanfan i lir, zot anmase.  Letan sa msye i ekrir mon non Ravel – R-A-V-E-L, mon krwar ki poudir sa i en distorsyon larealite akoz mon non pa ekrir Ravel.  Mon non se Wavel – ‘W’, ok?  E letan nou pe regard ankor sa bann lezot keksoz ki sa msye, li i deside dan en perspektiv ki totalman fo, parey – en pe parey Onorab Gill i ava dakor avek mwan, bann perspektiv ki par egzanp i dir – Msye René zanmen ti fer Koudeta, me ki Mr René ti ganny envite pour li vin Prezidan.  Tousala se bann perspektiv fo!  E alor i annan bokou keksoz.

Mr Speaker, letan sa msye lo paz 213 anler, e letan i pe koz lo Constitutional Commission – First Sitting, lo son paz anler.  Letan i dir, ‘’This was the first time’’ – letan pou ekrir Konstitisyon, this was the first time that the democratically elected representatives of the Seychellois themselves, had the opportunity to freely draft their own Constitution.’’  Mr Speaker, sa i fo!  Parski Seselwa ti’n ganny en eleksyon an 1,900 – avan lendepandans, an 1974.

E apre sa, Seselwa lo kote SPUP, lo kote Parti Demokratik ti mont l’Angleterre – Marlborough House pour zot ekrir Konstitisyon Sesel – pour Sesel.  E sa bann dimoun ki ti ladan, sete bann dimoun ki ti’n ganny democratically elected!  E dan sa eleksyon, Parti Demokratik ti’n bat SPUP – 13 lo 2.  Alor, letan nou pe distort sa bann keksoz koumsa – eski Minis ava dakor avek mwan ki, se sa kalite keksoz ki fodre pa ki nou a pe feed nou bann zanfan avek.  E Minis lo sa menm paz, si ou regard son portre, ziska portre i distort sa boug.  Konmsi ou dir en portre ou pa kapab distort.

Me Minis zis regard son portre lo ba paz 2,013 – letan i dir, letan ou war portre sa gro korvet ki’n park la, ki’n berth, i dir – ‘’a vessel of the Seychelles Coast Guard at anchor in New Port, Victoria 2003.  5 such vessels were donated by the United States Government.’’  Minis ou pou dakor avek mwan ki poudir sa pa ti zanmen en korvet Coast Guard.  Sa en gro korvet Américain oubyen en gro korvet Anglais, oubyen en gro korvet … So, ziska portre i distort, Minis.

E eski alor, si en dimoun pe distort ziska portre, eski Minis pa ti ava dakor avek mwan ki, pran sa liv annou dakor ki poudir i en distortion?  E nou met laba, e vi ki tou le 2 kote la – Onorab Gill in fer en gro statement ki poudir listwar in ganny distorted, nou osi tou nou pe dir listwar in ganny distorted, be annou pran sa liv, nou met li laba.  E nou koman ne Lasanble, nou ava siport Minister Ledikasyon dan Bidze pour zot ganny en proper History of Seychelles.  Parski la ozordi – e la Mr Speaker, mon ava termin lo la – parski sa liv par Mr Shillington, i en liv ki’n ganny ekrir dan en perspektiv.

E Mr Shillington, nou konn byen son zistwar.

E se pour sa rezon ki i ti go on pour li ekrir biography Msye René, sete parski sa boug i en kominis renonmen.  I pa ezite pour li dir i en kominis en… – i en kominis.  E ki ozordi dan sa letap kot nou pe viv, i enportan pour nou ganny keksoz balanse.  Pour ki letan nou zanfan i anmas son liv listwar, i konnen ki poudir in annan disparisyon, in annan legzil, in annan sa bann keksoz.  Sa bann keksoz ki petet ziska aprezan nou ankor en pe per pour nou koz lo la.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Minis, eski zot pare pour konsider – baze lo bann fe ki’n mete, ki liv i ganny park e ki zot ganny lasistans pour redrafte en keksoz – ki met tou keksoz an perspektiv?  Sa se kestyon.  Minis.

 

MINISTER JEANNE SIMEON

Mr Speaker, mersi.  Mersi Onorab.  Parey nou’n dir, nou’n avoue ki dan sa liv i annan defayans lo serten dat, serten levennman ki’n arive.  E parey nou’n osi dir ki sa i servi pour stimil lanaliz bann manrmay letan nou fer li – letan nou fer listwar dan lekol.  Ki sa i la baz listwar, se ganny bann sours e analize.  I annan lezot liv osi ki petet ki’n ganny ekrir, ki petet nou pa’n go through pou  nou war poudir i kapab annan serten defayans.

Wi, si i annan nesesite pour nou revize, pour nou vwar si nou kapab ekrir en lot liv ki pou counterbalance sa ki Mr Shillington in ekrir, parey mon’n dir taler – wi.  Akoz nou’n, nou pran otan sours levidans ki nou kapab.  Tou sa bann liv ki mon’n site oparavan i bann liv ki petet nou osi nou pa’n go through pour nou gete si i korek – pour Mr Saint Ange, pour lezot, me i servi koman levidans.  Petet nou pe get sa enn avek en perspektiv, parey ou pe dir – ki nou pe dir poudir in ganny distorsyon.

Me selman, si i posib pour nou ganny lezot edisyon ki nou reviz sa, manrmay i kapab servi ankor en fwa pou vwar – baze lo sa enn, lala sa fe in nou dir sa ki la, eski i korek?  Eski i pe opoze avek sa ki Mr Shillington pe dir?  E sa en allant, mon ti a byen kontan si dan Lasanble ti a kapab donn nou sa larzan pour nou kapab fer sa commissioned – en group ekriven ouswa lezot ekriven pour kapab ekrir.

Me ankor en fwa ler in fini ekrir, petet osi ladan nou ti kapab trouve poudir i annan en lot perspektiv.  So Mr Speaker, parey mon’n dir taler, lansennyman listwar i baze lo la.  E i osi annan, parey ou pe dir Mr Ramkalawan.  Onorab Ramkalawan in dir poudir sa msye in mal ekrir son non.  Me selman dan acknowledgement mon war in ekrir tre byen Wavel Ramkalawan.  So, petet en pti fot ortografik lo paz Roman  (vi) – your name is written correctly.  So, i pe kapab en pti fot ortografik letan ou pe get ladan en allantmistake, ok?  So, mon pe zis dir sa an pasan parey ou’n dir.  Ok?  So, mersi Mr Speaker.

 

MR DEPUTY SPEAKER

Mersi.  Mon pou permet zis 2 pti kestyon ankor lo sa akoz nou annan 3 lezot pour nou kontinyen.  Mon ti a kontan fini, dizon 12.15.  Onorab Ramkalawan.

 

HON WAVEL RAMKALAWAN

Mr Speaker.  Zis – mon apresye larepons ki Minis in donnen.  Be sanmenm sa, si ennler ou apel mwan Wavel, apre sa ou apel mwan ‘Ravel’, parey lo paz 210.  Mon krwar ki la li menm li i montre nou poudir i annan problenm.

Me Mr Speaker, ankor enn fwa zis pour mwan point out avek Minis, ki konmsi mwan se sa distorsyon.  Par egzanp letan ou pran paz 205 – ok, 205 dan sa liv i annan en portre, ok?  E sa pour mwan, mon krwar ki i vreman grav.  205 – wi, sa portre sa bato ton.  Aprezan annou regard son caption.  Son caption se – ‘’one of the most important achievements of President René’s time in office, was the establishment of Industrial Fishing as the main mainstay of the Seychelles economy.’’  Industrial Fishing zanmen in the mainstay of our economyTourism ki’n reste toultan.

So, letan nou pe ganny sa kalite, la i apel en distortion – ki poudir en etidyan ki pe fer listwar, poudir ki i kapab dir ki Tourism ti’n ganny met de-kote.  Tourism was no longer the mainstay of nou lekonomi.  E ki Industrial Fishing ki’n pran e ki la aprezan Tourism in retournen.  Ki mon krwar sa i totalman fo.  Letan ou pe koz external pressure, lo paz 204 – external pressure for political change.  Ti napa zis external pressure for political change in Seychelles.  There was also internal pressure!

 

(Off-Mic)

 

HON WAVEL RAMKALAWAN

Koman?  Egzakteman.  Ti osi annan internal pressure pour soz.  Parti Seselwa.  Parti Seselwa ek bann lezot – the role of the church, of the churches – lo tou le 2 kote, Legliz Katolik avek Legliz Anglikan.  Tousala se bann keksoz enportan ki met sa listwar – Modern History of Seychelles in perspective.  E alor Minis – atraver ou Mr speaker, i ava dekouver ki i pa zis en kestyon ki nou pa kontan sa liv oubyen nou pa soz.  But it’s a question of met keksoz, sa bann fe istorik dan son vre perspektiv.  E non pa pou ekrir en keksoz dan en faver politik pour met serten dimoun dan en bon lalimyer.  Kan – e an fezan sa, pour distort sa history.  Mersi bokou.

 

MR DEPUTY SPEAKER

Mersi Onorab Ramkalawan.  Mon krwar Minis i a not sa pwen.  Mon a pas prosen kestyon avek Onorab Gill.

 

HON SIMON GILL

Mersi Mr Speaker.  Mon – pa en kestyon, zis mon oule met lanfaz lo en keksoz baze lo lentervansyon ki’n ganny fer.  Ki i enportan Listwar nou pei i ganny enterprete byen, bann fe i ganny state byen.  E ki nou bann ansennyan i partisip dan en fason aktiv pour permet lazenes Seselwa ki dan ledikasyon – ki pe etidye ozordi, i konpran nou listwar.  Pa zis listwar modern, me nou listwar lepase – kot nou sorti, kot nou ete e kot nou pe ale – i enportan sa.  Akoz i annan en kantite lesey pour distort vre listwar Sesel.

Mr Speaker, mon pe met ankor sa lanfaz.  Ki kantite lesey pour distort nou listwar?  Fer nou krwar sa ki nou ete kan nou pa ti ete!  I enportan ki nou fer en bon lenterpretasyon nou listwar.  Akoz zot krwar poudir Sesel ti en l’Europe.  Sesel pa ti en l’Europe.  Sesel ti pe viv dan en lamizer.  Nou ti pe viv dan en lamizer isi dan sa pei.  This has to be stated as part nou ledikasyon pour nou zanfan dan sa pei.

 

MR DEPUTY SPEAKER

Ok.

 

HON SIMON GILL

Fodre konpran poudir i annan Seselwa ki’n travay, ki’n trimouse pour anmenn sa Sesel kot i ete ozordi.  Napa en baton mazik ki’n arive dan sa pei.  This is the real interpretation pour nou Listwar!

 

MR DEPUTY SPEAKER

Mersi.

 

HON SIMON GILL

Zot krwar poudir Sesel son devlopman i parey mannyer i ti ete ozordi la.  Non, i pa ti parey.  Mon’n viv lepase e mon konnen lepase.  E mon konnen ozordi kot nou’n arive, Mr Speaker.  Mersi bokou

 

(Interruption)

 

MR DEPUTY SPEAKER

Mersi Onorab Gill.  Mon krwar nou’n egzose lo sa topik.  Mon krwar Minis in pran not – tou le 2 kote latab i krwar in annan distorsyon.  E i enportan ki bann zanfan i konn keksoz ki baze lo fe e larealite.

Nou pou al lo prosen kestyon –No.7.  Kestyon No.7 par Onorab Audrey Vidot.  Poz ou kestyon Onorab Vidot.

 

HON AUDREY VIDOT

Bonzour Mr Speaker. Minis avek ou lekip, tou Manm Onorab, zabitan Roche Caïman dan Galeri e tou dimoun ki a lekout.  Mr Speaker, mon kestyon pour Minis i konm swivan – eski Minis i kapab dir ek nou Lasanble – ek sa Lasanble, ki zistans progre renovasyon lo tou fasilite toilet bann teachers e zanfan kot lekol lakres Les Mamelles dan distrik Roche Caïman?  Mersi.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab pour ou kestyon.  Mr Speaker, proze lo renovasyon twalet lakres Les Mamelles i an progre an konsiltasyon avek Management lekol.  En tim teknisyen in al lo teren pour vizite e fer assessment lo sa sityasyon.  Scope of work ti’n finalize pour sa proze ganny fer dan 2 faz.

Premye faz pour rektifye problenm twalet e desarz, an premye lye.  E answit 2enm faz, pour enstal partisyon.  Nou – sa ti ganny anvoye kot Procurement, ki ti donn nou en direktiv pour pa fer li an 2 faz, me tret li koman sel proze.  E sa in ganny rektifye par nou seksyon proze.  E la prezan nou pe esper laprouvasyon sorti kot Procurement pour nou demare.

Mr Speaker, si tou keksoz i mars byen, sa proze i ava ganny enplimante ver lafen Oktob.  E i pou kout – nou’n met anviron R250mil.  Mersi Mr Speaker.

 

MR DEPUTY SPEAKER

Mersi Minis.  Onorab Vidot.

 

HON AUDREY VIDOT

Mersi Mr Speaker.  En kestyon siplemanter – Minis, depi ler Minister Ledikasyon in ganny rapor an referans avek sa problenm fasilite twalet, pour ki rezon petet Minister in pran en pe letan pour fer sa renovasyon?  Mersi.

 

MR DEPUTY SPEAKER

Mersi.  Minis.

 

MINISTER JEANNE SIMEON

Mersi Mr Speaker.  Letan nou’n – parey nou’n dir, letan nou’n konnen ki i annan sa sityasyon, nou’n konsilte, parey nou dir, avek Management lekol.  Me parey ou’n vwar, nou’n dir nou pa ti vwar li – nou ti’n, nou’n vwar li neseser pour nou al laba nou menm nou, kot Seksyon Enplimantasyon Proze, pour nou evalye sityasyon.

E parey ou konnen, konmela pour nou kapab ganny en proze on the way, i annan en serten prosesis ki nou bezwen go through.  I pa – si nou kapab nou menm nou dan Minister Ledikasyon, rektifye sa proze dan en semenn, dan 2 semenn, nou ti a’n fer li.  Akoz nou vwar poudir i en proze ki neseser pour bann zanfan.  Me i annan en prosesis dan Gouvernman pour ou kapab ganny en proze on the way.  Mersi Mr Speaker.

 

MR DEPUTY SPEAKER

Mersi Minis.  Onorab Vidot, ou kapab poz ou kestyon No.8.

 

HON AUDREY VIDOT

Mersi Mr Speaker.  Mon 2enm kestyon pour Minis – eski Minis i kapab dir ek sa Lasanble ki desizyon final minister in pran lo sanzman liniform pou bann etidyan lekol segonder pour 2019?  Mersi.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab.  Mr Speaker, Minister Ledikasyon ek Devlopman Resours imen in fini anvoy en sirkiler – sirkiler No.13, 2018 date le 26 Septanm 2018 dan tou lekol lo son desizyon final lo sanzman liniform pour 2019.

Dapre sirkiler, tou etidyan segonder, nivo S1 ziska S3 pou apartir 2019, pour met kannson ek zip gro ble.  Parey sa ki a pe ganny servi pour SALS avek Maritime Academy.  Bann etidyan ki S4 avek S5, zot pour kontinyen met menm liniform ki zot aktyelman pe servi ziska ki zot fini lekol segonder.

Mr Speaker, pou napa okenn sanzman dan top – dan semiz ouswa kor, ouswa blouse liniform.  E pour lenformasyon nou bann Onorab, mon kapab dir ki sa nouvo latwal liniform i kout en pe pli bonmarse ki sa enn ki pe deza ganny servi.  E i kout R28 as opposed to sa enn ki pe deza servi – R35 par met.  Mersi Mr Speaker.

 

MR DEPUTY SPEAKER

Mersi Minis.  Onorab Vidot.

 

HON AUDREY VIDOT

En kestyon ankor siplemanter, Mr Speaker.  Eski bann – Minis i kapab dir nou, si bann paran, prenon kont ki depi septanm sirkiler in pase, eski bann paran ti pe byen ganny averti dan bann diskisyon avan?  Prenon kont petet parfwa i annan ki kontan rod uniform stok si zot annan 2 zanfan.  Pou avoid ki zot aste sa bann liniform ble.  E ki zot kapab rezerve pou aste sa bann gro ble parey zot pe dir.  Mersi.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab.  Ler nou annan okenn sanzman ki nou ganny – ki ganny fer lo nivo Minister Ledikasyon, nou toultan an konsiltasyon avek nou paran.  Nou toultan an konsiltasyon avek nou bann Konsey dan lekol, nou bann PTA’s dan lekol.  So, parfwa i annan menm sanzman ki ganny inisye par sa bann dimoun dan nou lekol, ki ansanm – ki apre ansanm nou diskite, nou vwar validite pour nou fer en tel desizyon.

So, bann paran, mon kapab dir poudir zot i pe demande, zot ti pe demann nou dir zot boner si pou sanze menm, dapre sa diskisyon zot in – ki’n ganny fer, e nou’n dir zot.  Menm avan sirkiler ti ganny sorti, i annan serten paran ki nou ti’n dir zot poudir sirkiler pe ganny sorti e pour annan sanzman – so pa bezwen taye pour al aste liniform la pour le moman.  So, zot in konpran nou.

E parey ou konnen, bann paran zot tant pour aste liniform dan 3enm trimes an preparasyon.  So, mon krwar the timing is right – la konmela.  Ki zot kapab aste nouvo latwal liniform an preparasyon pour ganny koud over the Christmas vacation pour zot zanfan komans – pare pour Zanvye.  So, letan la i the right time pour zot komans aste e fer koud.  Mersi Mr Speaker.

 

MR DEPUTY SPEAKER

Mersi Minis.  En dernyen klarifikasyon, Onorab Vidot.

 

HON AUDREY VIDOT

Minister, letan ou’n dir zot pou swazir zis bout anba – mon konnen dan zot bann diskisyon ti annan pou fer avek polo t-shirt.  Petet ki rezon ki desizyon in ganny sanze?  Ki prezan zot pe stick avek sa bout anler semiz.  Thank you – plain.

 

MR DEPUTY SPEAKER

Minis.

 

MINISTER JEANNE SIMEON

Mersi Speaker.  Mersi Onorab.  Mr Speaker, baze lo nou bann konsiltasyon ki nou’n fer avek nou bann partenaire, Minister pa’n ariv lo okenn rezon valab pour nou kapab ranplas sa top poplin ki nou vwar i ale osi avek sa latwal gro ble ki nou pe entrodwir koman kannson avek zip.  So, nou pa pe sanz top.  Top pou reste blan.  Mersi Mr Speaker.

 

MR DEPUTY SPEAKER

Mersi.  Onorab Egbert Aglaé.

 

HON EGBERT AGLAE

Mersi Mr Speaker.  Minis, anliny avek sa kestyon liniform – eski ou kapab dir ek sa Lasanble si tou keksoz kot i konsern Procurement, i annord?  Vi ki la i reste 3 mwan pour lannen fini.  Ki Zanvye larantre, tou zanfan ki pou pas atraver sa prosedir sanzman, sirtou bann S1/S3, zot pou ganny ase uniform pour zot mete?  E bann lezot uniform osi pour bann lezot etidyan osi i pour annan available?  Mersi.

 

MR DEPUTY SPEAKER

Mersi.  Minis.

 

MINISTER JEANNE SIMEON

Mersi Mr Speaker.  Mersi Onorab.  Nou ti a kontan asir sa Lasanble msye Onorab ki nou stok uniform pour Zanvye i la already.  Tou Procurement sa in fini ganny fer e stok latwal i la – stok latwal gro ble.  E osi nou annan an stok lot latwal, ki si paran i anvi li kontinyen aste pour son bann zanfan ki dan S4/S5 – latwal i available.  Mersi bokou Mr Speaker.

 

MR DEPUTY SPEAKER

Mersi Minis.  Nou pou al lo dernyen kestyon pour bomaten – Onorab Audrey Vidot.

 

HON AUDREY VIDOT

Mersi Mr Speaker.  Mr Speaker, mon kestyon ankor pour Minis – eski Minis i kapab dir ek sa Lasanble ki plan son Minister pour ed lekol Plaisance Primer met en bon fasilite baraz ek lalimyer pour pli byen asir sekirite sa lekol apre ler?  Mersi.

 

MR DEPUTY SPEAKER

Minis.

 

MINISTER JEANNE SIMEON

Mersi Mr Speaker.  Mersi Onorab.  Lekol Primer Plaisance i deza annan en chain-link fencing otour lekol ki’n la depi louvertir lekol an 1995.  Avek letan, sa fence in vyeyi e in osi ganny vandalize dan serten landrwa.  Minister i okouran ki i annan defayans avek sa fencing konmela.  E i annan plan pour li ranplas sa fencing par en lot ki pli dirab.  E ki’n osi ganny servi dan enn – lezot lekol.  Minister i an negosyasyon avek en Lazans ki fer vini sa bann kalite fencing ki pli dirab.  So, si tou keksoz i mars byen, nou pou ekspekte kapab demar sa proze fencing an 2020 – budget – nou Bidze pour lannen li i pa pou kapab fer li.

Antretan, koman en mezir tanporer, nou pou kontinyen repare dan bann landrwa – parey lekol pe fer, dan bann landrwa kot i ganny afekte an servant materyo chain-link fencing ki nou kapab aste lokalman.  Sa travay i pe deza ganny antreprann par lekol.  E vi ki sa proze – parey nou’n dir, pou ranplas fencing total otour lekol, ki en gran siperfisi – pou ganny fer an 2020.  Minister pe osi konsider outsource sa proze pyeste avek en kontrakter, en lakonpannyen an sipor pour lekol.  Akoz nou pa oule ki lekol osi i antre dan sa, ki pa vreman son core business pour li kapab al pase tanzantan, al gete si fencing in kase pour li ranplase.

An sa ki konsern lalimyer sekirite – lo en baz tanporer i annan en travay ki Minister in fer pour amelyor sistenm lekleraz, tel ki enstal bann tube lights e lezot lalimyer dan bann landrwa kot ti manke.  Lo plan lonterm – Minister Ledikasyon pou antreprann en proze la lalimyer kot lekol Plaisance, ansanm avek sa proze fencing dan en zefor pour amelyor sekirite kot lekol.

Mr Speaker, an plis ki sa lekol Plaisance Primer pou osi benefisye avek en proze lenstalasyon CCTV camera an 2019.  Lekol Primer Plaisance i parmi serten lekol ki’n ganny idantifye pour en tel proze baze lo nivo bezwen sekirite.  Mersi Mr Speaker.

 

MR DEPUTY SPEAKER

Mersi Minis.  Onorab Vidot.

 

HON AUDREY VIDOT

Mersi Mr Speaker.  Mr Speaker, mon en pti pe dezapwente pour sa desizyon pour petet an diskisyon pour nek 2020 pour kapab re-fence sa lekol.  Akoz wi, i annan bokou vandaliz, sa fence i fasilman ganny koupe.  E menm sekirite ki veye aswar i ganny challenge pour zot kapab pase dan sa fernwanr pou fer letour lekol.  Akoz zot menm zot, zot fasilman kapab ganny atake telman i fernwanr.

Mon ti ava petet met ankor en pti pe plis lanfaz pour Minister Ledikasyon vwar ankor priyorite an term pour kot sa lekol.  E petet kanmenm tanporerman, met kanmenm en security light ki kapab kle byen otour sa lekol – ki letan sekirite i fer patrol.  Sa i enn.

Dezyenmman, mon konsernen akoz sa lekol menm si i fence avek bann fence wiring, i – zot fasilman ganny disturbance avek.  Zot pres avek kominote.  Petet, mon pa konnen si dan zot Bidze zot pe revwar da plas met zis – met zis sa fence feray, ki mon konnen petet zot pe mazin parey lekol Cascade ek Belonie.  Mon mazinen sa ki zot pe – bann kalite fence ki zot pe konsidere.  Me plito fer li parey lekol segonder – en bon fencing, ki annan plis sekirite e proteksyon pour sa lekol.  Mersi.

 

MR DEPUTY SPEAKER

Mersi Onorab Vidot.  Minis.

 

MINISTER JEANNE SIMEON

Mersi Mr Speaker.  Mersi Onorab.  Parey mon’n dir, nou pe antreprann sa proze fencing an 2020.  Me antretan parey mon’n dir, nou pou annan sa lenstalasyon CCTV camera ki nou espekte ki i ava en deterrent pour bann ki servi lakour lekol, pe antre, pe pase.  So, sa i pou fer an 2019.  So, i pou tide nou over ki ler nou ava kapab fer sa fencing.

Lo kote lekol ki dan lakominote – nou okouran.  Laplipar nou bann lekol i dan bann landrwa kot i annan lakaz obor.  Me selman, nou osi annandler nou mazinen ki i pa tro vreman konvenab pour nou fer bann gro, gro miray tre o kot en lakour lekol – spesyalman kot nou annan en lekol primer.  So, nou espere ki lo kote petet tapaz, bann – nou bann zanfan dan lekol Plaisance Primer in abitye avek tapaz vilaz.  Me selman nou, nou pe get en pti pe lo sekirite – pour dimoun pa kapab antre dan lekol pou vin fer serten aksyon vandalizm.  Ok?  Mersi Mr Speaker.

 

MR DEPUTY SPEAKER

Mersi Minis.  Mon pou pas laparol avek Onorab Valmont.  Solman i bezwen spesifikman lo lekol Plaisance Primer.

 

HON JUDE VALMONT

Mersi Mr Speaker – bonzour.  Bonzour Minis ek ou delegasyon, tou koleg Onorab e tou Manm – bann dimoun Roche Caïman ki pe swiv nou.

Mr Speaker, mon ti a voudre demann Minis – antretan ki zot – MNA pe pouse pou fer miray, improve sekirite Roche Caïman, konbyen zofisye sekirite ki zot mete laba?  E si zot kapab – tanporerman, petet increase lakantite zofisye ki annan.  Mersi.

 

MR DEPUTY SPEAKER

Mersi Onorab.  Minis – eski zot kapab met plis zofisye – sekirite?

 

MINISTER JEANNE SIMEON

Mersi Mr Speaker.  Mersi Onorab.  Pour le moman, lekol Plaisance Primer i enn sa bann lekol primer ki annan sekirite lizour.  I annan en sekirite lizour e i osi annan 2 sekirite aswar.  E si nou annan bokou problenm ki leve, i posib pour nou ogmant sekirite – nou ava konsidere.

 

MR DEPUTY SPEAKER

Mersi Minis.  Onorab Pillay – Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, mwan mon en – mon koz koman en ansyen Deputy Head Teacher lekol Plaisance Segonder, so mon konn byen sa landrwa.  In toultan en konsern pour le 2 lekol par lefe ki nou zo… – nou dan en landrwa rezidansyel.

Eski par egzanp, an se ki konsern sa morso lekol ki vir avek grannrout, nou pa kapab konsidere met en proper miray la?  As oppose ki gard sa bann fencing.  Akoz si sa bann fencing i kree loportinite osi pour bann dimoun ki an deor vini, swa donn keksoz avek zanfan ki par anndan.   So eski sa petet i ava en konsiderasyon?  Akoz lekol Plaisance Segonder i annan en wall fence.  Me lekol Plaisance Primer i napa.  Mersi Mr Speaker.

 

MR DEPUTY SPEAKER

Minis, eski zot kapab met en miray olye zis en fence?

 

MINISTER JEANNE SIMEON

Mersi Mr Speaker.  Mersi Onorab.  Sa i en keksoz ki nou kapab diskite.  Me parey mon’n dir taler, nou prefere pour bann lekol primer, pou pa servi sa bann gran, gran miray o avek bann, kot bann zanf … – bann segonder i ok.  Parey nou pe war, nou annan en proze pour bann lekol segonder.  Kot nou pe ranplas sa bann fencing par miray solid.  Mersi Mr Speaker.

 

MR DEPUTY SPEAKER

Mersi Minis.  Bon, e avek sa nou’n ariv a lafen nou premye seri kestyon – 9 kestyon pour Minis pour Ledikasyon.

Minis avek delegasyon, nou ti a kontan remersye ou pour ou letan ki ou’n fer avek nou e pour ou bann larepons, ki mon asire in ed bann Manm – plizyer Manm ki’n poz bann kestyon.

Nou’n ariv a lafen osi sa Sesyon pour bomaten.  Zis pou anonse ki Komite pour Government Assurances pou zwenn dan Committee Room 3 la konmela.  Zot ti’n progranm pour midi en kar, nou’n ganny en pti retar.  Me zot pou komans toudswit.  E antretan nou, nou pou kontiny nou travay Lasanble 2er apre midi pour nou pran kestyon Onorab Gill pour Minis Charlette.

So, nou pou adjourn ziska 2er apre midi.

 

(BREAK)

 

MR DEPUTY SPEAKER

Bonn apre midi tou bann Manm Onorab.  Bonn apre Minis ek ou delegasyon.  Bonn apre midi tou dimoun ki a lekout Nasyonal Lasanble Nasyonal.

Nou pou kontiny nou travay pou apre midi.  E lo nou Order Paper nou annan en kestyon pou Minis pour Labita, Lenfrastriktir ek Land Transport Mrs Pamela Charlette.  E sa kestyon i enpoze par Onorab Churchill;; Gill.  Alor nou pou konmans toudswit Onorab Gill ou annan laparol.

 

HON CHURCHILL GILL

Mersi Mr Speaker.  Bonn apre midi Minis avek ou delegasyon.  Kestyon i lir koumsa ki kriter ou Minister in servi pou alokasyon lakaz dan distrik Baie Ste Anne?

Eski tou sa bann dimoun ki’n ganny lakaz zot ti kalifye e zot ti azour ek zot peyman?

Eski Minis i kapab dir sa Lasanble konbyen sak sa bann dimoun ti’n peye pou zot kalifye?

Eski Minis i kapab eksplik sa Lasanble lekel ki pe pran bann desizyon pou alokasyon lakaz, dan ka kot plis dimoun i kalifye me i annan mwens lakaz?  Mersi.

 

MR DEPUTY SPEAKER

Mersi Onorab.  Minis zis avan ou reponn zis pou mon swet la byenveni Mr Gerard Hoareau ki Konsey Spesyal pou Minis, e Mr Denis Barbe ki Sekreter Prensipal pour Housing.  Minis ou kapab reponn ou kestyon.

 

MINISTER PAMELA CHARLETTE

Mersi Mr Speaker.  Bonn apre midi tou Manm Onorab.  Pou reponn ou kestyon Onorab Gill.  Mr Deputy Speaker dan kad proze alokasyon lakaz dan distrik Baie Ste Anne sa 2enm faz proze e alokasyon 12 unit ti enn ki’n kontinyelman baze lo premye alokasyon 12 unit ki Minister ti fer dan lannen pase.  Ki fer an total 24 unit pou sa distrik.

An preparasyon alokasyon sa 12 unit lannen pase, Komite alokasyon swivan travay ki zofisye Minister pti desid lo alokasyon 12 aplikan pou sa 12 unit ki ti’n pare.  Komite ti osi fer rekomandasyon pou 6 lezot ka pou ler zot lot faz proze i pare ou alokasyon.

Alor pou sa 6 unit ki ti reste, Minister ek Lotorite Distrik ti egzamin 12 la priyoriter ki ti enkli sa 6 ka ki komite alokasyon ti fer rekomandasyon pou lot faz proze.

E ti osi annan 5 ka deserving cases ki Zofisye Lakaz ti rekomande e 6 ka pou transfer lakaz.  Sa bann ki nou dir exchange cases. 

        Avek bi selekte 6 aplikan pou sa 6 unit.  Savedir antour Mr Deputy Speaker ti annan 23 ka pou 12 lakaz.  Le baze lo sa 17 aplikan ki eksklir bann ka transfer, ti ganny mete lo Sistenm Pwen.

Alor i enportan pou, fer note ki a tou moman bann ka in ganny diskite e vizite par zofisye Minister avek Ladministrasyon Distrik.

Mr Speaker an servan Sistenm Pwen ki enkli lenformasyon lo kontribisyon dan HSS kondisyon lakaz sa aplikan. Kondisyon ki lafanmir pe viv ladan.  Sak sa bann aplikan i ganny prioritize pou fer sir ki en lokasyon ganny fer baze lo lakantite pwen ki zot in gannyen.

Pou tou alokasyon i neseser aplikan i serye e konsistan avek kontribisyon anba HSS.  Alor reponn kestyon A ek B Onorab Gill alokasyon pa deside nou pa desid lo lakantite larzan en aplikan ki’n kontribye me plito lo son abilite le disiplin pou kontribye 10poursan son saler tou le mwan dan sa Scheme lo en peryod letan 2 a 3an.

E nou satisfer ki bann dimoun ki’n ganny alokasyon lakaz Marie Jeanne Estate in konsistan avek zot peyman.

Minister i osi rekonnet ki i annan fakter an deor Sistenm Pwen tel ki bann diferan labi dan en lakour ouswa lefe advers sityasyon lozman aktyel i annan lo zanfan.  E ki pa ganny mezire.

Sa bann lenformasyon i montre vilnerabilite sa fanmir e nou depan nou bann Lazans tel ki, Sosyal, Lasante pou sipleman bann lenformasyon ki nou annan.  I pou sa bann rezon parey ki en komite alokasyon ki konpri bann eksper dan bann diferan domenn avek zofisye Minister ki desid lo alokasyon later ek lakaz.

Alor pou reponn kestyon se Minister atraver son Sistenm Pwen  osi  n komite alokasyon ki finalman pran desizyon pou alokasyon lakaz.

Mr Speaker Mr Depite Speaker sorry, mon swete ki mon’n reponn kestyon Onorab Gill.  Mersi.

 

MR DEPUTY SPEAKER

Mersi Minis.  Onorab Gill.

 

HON CHURCHILL GILL

Mersi Mr pou sa bann lesplikasyon.  Mon annan 2 kestyon siplemanter lenn sa bann deserving cases si ou kapab dir nou sa bann ka koumsa zot.  Kwa ki zot determinen pou dir sa bann deserving cases konpare avek bann Polisi ki deza an plas ki ou’n fek eksplik nou la.  Mon mazinen si i annan deserving cases i pa tonm parey i pa’n swiv 100poursan parey Polisi in dir sanmenm sa zot tonm dan kategori deserve si ou kapab eksplik nou bann ki tonm anba deserving cases kwa ki zot pran kont?  Mersi.

 

MR DEPUTY SPEAKER

Mersi Onorab Gill.  Minis.

 

MINISTER PAMELA CHARLETTE

Mersi Mr Speaker.  Menm si bann deserve cases nou osi met zot lo Sistenm Pwen.  Me selman li i son bann pen i ganny son zistifikasyon pi, ganny siplemanter avek bann fakter parey mon’n nonmen avan.  Par egzanp sa dimoun kot i pe reste si i annan okenn zanfan ki dan ki vilnerab oubyen si sa fanmir li menm li otour son bann sityasyon ki reste ladan i fer li vilnerab.

E  sa osi nou ganny eksper bann dimoun parey mon’n dir kot Sosyal oubyen Lasante ki don sa bann lenformasyon sipleman pou nou kapab fer en desizyon.  Mersi.

 

MR DEPUTY SPEAKER

Mersi Minis.  Mon permet ou Onorab Gill petet a lafen si oule  ou kapab demann ankor.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonn apre midi Minis avek ou delegasyon.  Minis.  Mr Speaker larepons ki Minis in donnen i montre en serten mon pa konnen i en pti pe konfize akoz par lefe ki dan lepase bann Polisi lafason zot ti pe determinen mannyer alokasyon i ganny fer, me ler ou pe get mannyer zot in allocate sa 12, lakaz ou vwar i annan serten keksoz ki pa pe tro balanse la.  Par lefe zot dir zot pou baz zis zot pa pou get lo tro met lanfaz lo sa kad sosyal zot plito get lo en keksoz ki’n fer sorti pli fortman, se lo sa Sistenm Pwen en keksoz – menm kriter ki neseser pou, ganny alokasyon lakaz.  Se kontribisyon ki bann dimoun in fer.

La ou’n dir pou dir it doesn’t matter kantite letan en dimoun i kontribye kantmenm en dimoun i kontribye 2an ouswa 3an i kapab vwar  lo i pas avan bann dimoun ki n for many years zot pe kontribye lakaz.

Mwan mon pe demann sa for the sake of latransparans  se pou konpran en pe lafason ki sa later i ganny allocate ; I mean sa bann lakaz in ganny allocate, eski Minis i kapab donn sa Lasanble en breakdown – en breakdown detaye la, lo sak sa bann dimoun, lo sak sa bann fanmir ki ganny lakaz lo kantite zot in kontribye.  E pou konbyen lannen – pou konbyen letan zot in kontribye pou zot dan sa dan zot Home Saving Scheme.  E ki bann lezot kriter ankor ki Minis i servi zis safwasi, pou fer alokasyon bann lakaz?

En lot keksoz ki Minis in dir se ki i annan en Komite Alokasyon.  Eski sa Komite Alokasyon i konsilte avek MNA ek DA zot distrik?  Akoz lenformasyon ki mwan mon pe gannyen se ki DA avek MNA pa’n ganny konsilte kot i konsern alokasyon sa 12 unit Marie Jeanne.  E plizyer dimoun ki pou plizyer lannen zot pe espere, zot ti’n ganny promet ganny dir zot pou gannyen lakaz, zot in vwar zot ganny met a lekar.  E bann dimoun ki menm DA MNA pa  i menm aware,  zot ti annan bann konsern – ki pa ti menm aware poudir zot ti vreman lo lalis priyorite ouswa zot ti deserving pou ganny lakaz, ki i annan dimoun ki bokou, bokou pli deserving ki zot ki pe espere ki pa’n ganny lakaz.  Mersi Mr Speaker.

 

MR DEPUTY SPEAKER

Mersi Onorab Woodcock.  Minis.

 

MINISTER PAMELA CHARLETTE

Mersi Mr Speaker.  Parey mon’n dir oparavan i pa lakantite larzan ki ou’n kontribye.  Akoz nou pe dir sa?

Akoz i annan en dimoun i pou depan lo son saler konbyen i kapab kontribye.  Sanmenm sa nou’n met nou’n fer sir at least nou vwar pou dir i serye pi konsistan avek son bann peyman.

Pou bann lezot fakter k nou, servi pou met zot lo sa Pwen se konbyen letan sa bann aplikan i lo lalis Housing?  Konbyen letan in enrol lo HSS?  Konbyen letan si sa bann aplikan i konsistan parey mon’n .dir pou sa dernyen detrwa-z-an son kondisyon lakaz lo menm.  Si i annan okenn issues kote over crowdedness nou annan en fason ki mannyer nou mezir li?  Bann living condition parey nou dir par egzanp  kote i pe reste si i pe reste kot son paran si pe reste kot son fanmir oubyen kote landrwa i pe reste?

E osi nou al en pti pe pli an detay par egzanp lo si i annan zanfan ki pe share the same bedroom bann laranzman ki mannyer bann dimoun pe dormi.  Sirtou ler i annan bann gran zanfan sirtou ki i annan sa overcrowdedness prezan zanfan par egzanp en garson ek en fiy i dormi dan menm lasanm.

Nou os pran konsiderasyon bann adilt ki pe dormi ansanm.  Bann osi konsiderasyon si i annan bann lezot landrwa kot dimoun pe dormi apard ki lasanm.  E konbyen letan zot dan sa bann sityasyon.  Si fanmir nou pran konsiderasyon si osi si fanmir i kase.  Akoz  i annan de fwa ki paran i bezwen fer zanfan al reste avek granmanman oubyen bann lezot manm lafanmir.

En lot .fakter konbyen  household annan dan sa lakaz ki i pe reste ladan.  Nou’n met osi en fakter si sa dimoun in deza annan en home.  Osi  bann single parent bann ki couples.  E si sa dimoun i pe rent – konbyen letan i pe rent.  E konbyen poursantaz son saler i ale dan rent.  Se sa bann kriter ki nou pran an konsiderasyon ler nou met zot lo Sistenm Pwen.  Mersi.

 

MR DEPUTY SPEAKER

Mersi Minis.  Onorab Woodcock.

 

HON WAVEL WOODCOCK

Ok Minis i annan en kestyon ou pa’n reponn mon regardant lekel sa Komite akoz en Komite ki’n pran desizyon pou allocate sa bann unit la.

Me mon ti annan en kestyon si Minis i pe konsilte avan ler i fer alokasyon lakaz i pe konsilte avek DA e osi MNA? 

E Minis ki mannyer ou pe dir mon la, savedir ou  osi pe dir poudir i pa neseserman ki Minister pe servi sa Sistenm Pwen ki zot ti’n met an plas akoz  mon remarke prezan pou dir zot pe al an deor Sistenm Pwen zot pe met bann lezot kriter ki montre i annan en  konfizyon total dan lafason ki sa Sistenm Pwen pe ganny enplimante ki mon pa konnen Minis ; I mean ou bezwen re donn en lesplikasyon lepep Seselwa, ki kalite kriter ki fason zot determin pwen pou bann dimoun ki ganny alokasyon lakaz.  Akoz i annan en konfizyon deor, dimoun pa pe ganny en  konpran.  Zot pe ganny dir plizyer lenformasyon e sanmenm sa i annan en fristrasyon deor akoz  dimoun i pa kler ki mannyer sa Sistenm Pwen pe marse.  Mersi Mr Speaker.

 

MR DEPUTY SPEAKER

Mersi Onorab Woodcock.  Minis mon krwar s aki mon pe tande se zot anvi en pe plis klarifikasyon lo ki mannyer sa bann Pwen i ganny kalkile.   Ou’n nonm plizyer fakter me petet al en pti pe pli an detay lekel ki pli enportan ki lot, me donn en legzanp kot petet baze lo bann ka ki i annan ki montre klerman ki mannyer bann Pwen i ganny kalkile.  Mersi.

 

MINISTER PAMELA CHARLETTE

Mersi Mr Speaker.  Kekfwa mon ava la lo kote Komite.  Avan ki alokasyon ti ganny fer ti annan en legzersis kot bann Housing Officers ti mont Praslin e dan sa vizit si mon konfirm byen DA avek MNA ti prezan.  Right?  Yes ok. 

 

(Off-Mic)

 

MINISTER PAMELA CHARLETTE

Non vizit – akoz ler nou ale nou vizit bann aplikan ansanm avek bann akter dan distrik bann District Authority pou vwar sa  bann cases ki’n ganny propoze pou fer alokasyon.

E  baze lo sa bann lenformasyon ki ganny anmase avek dan sa vizit se sa ki nou servi basically pou nou met lo nou Sistenm Pwen.

Pou lot kestyon mon a al en pti an detay dan sa point system zis pou konmanse mon bezwen dir pou dir sa Sistenm Pwen ki ti ganny mete avan ki nou ti konmans avek ler nou ti fer bann alokasyon ler nou ti met bann dimoun lo sa alokasyon nou ti vwar i pa pe donn nou sa picture egzakt ki nou bezwen.

I napa gran diferans avek sa premye bann kriter ki nou servi.  Me zis nou, nou al pli an detay.  An detay akoz i annan bokou fakter par egzanp bann fakter sosyal ki pa vreman ti ganny kapte.  E laplipar bann dimoun dan kominote ti en pti pe bann social cases mon kapab dir ki ti  lo lalis.

So set avek sa dan nide ki nou ti bezwen prezan amelyor sa bann Pwen.  Sa bann fakter ki nou ti pe ki nu ti pe servi, pou nou kapte en bon pe sa bann dimoun ki kekfwa nou pa ti pe vreman ganny zot dan sa bann legzersis ki nou ti fer oparavan.

Pou Sistenm Pwen prezan bann kriter se par egzanp mon pe dir si par egzanp pou en legzanp si ou lalis housing assistant i donn nou bann lannen ki ou lo la.  E avek sa bann lannen ki ou lo la i donn ou en total par egzanp mon pran about ten years ou ganny en total 20 pwen.  Si ou fer pli pti gin letan then ou pwen i pli pti gin.

Ankor Mr Speaker si mon pran par egzanp si ou enrol lo HSS i demande konbyen letan ou lo  HSS e si ou plis ki 5an pou ganny 10 pwen.  Re si  ou mwens ki 5an 4, 3, 2, 1, i annan pli pti git pwen ki pou ganny allocate avek.

I annan osi par egzanp si ou konsistan ou’n, kontribye ou’n konsistan dan sa 2 dernyen lannen then ou osi ganny 5 pwen si ou  konsistan si ou pa konsistan ou ganny 0 pwen.

Ou bann kondisyon housing par egzanp – si par egzanp ou housing condition ‘inhabitable’ then ou ganny ou 10 pwen maximum. 

Si housing condition i par egzanp i annan ‘inhabitable’, ‘extremely poor’, ‘poor’ avek ‘satisfactory’ e pli ou pli i ‘inhabitable’ ou ganny plis pwen 10 pwen.

E i depan osi lo par egzanp overcrowdedness si i ‘overcrowding’ ou ganny ou 10 pwen.  E apre i annan ‘medium’, ‘light’, ‘standard’ avek ‘overcrowding’. So bann Pwen i ganny divize ant sa bann fakter.

Bann person living conditions si ou pe reste avek ou paran par egzanp ou ganny ou 5 pwen.  Si ou pe reste avek relatives ou ganny ou 10 pwen, si ou pe reste order anywhere othen than kot ou paran oubyen kot en relative then ou ganny ou 10 pwen.

Pou zanfan ki pe share bedroom, si i en zanfan anba 9an, then si i pe share bedroom avek en adult i ganny 4 pwen.  Si i annan 2 zanfan ki pe share avek en adult then ou ganny 6 pwen si ou annan en child 10 a 17an dan menm lasanm avek en adilt ou ganny 8 pwen ou ganny plis pwen.  E de ou plis zanfan pe reste avek adilt then ou ganny 10 pwen.  So i plis.

Prezan bann zanfan pe share bedroom avek kanmarad.  Si en garson pe share bedroom ant 9 a 12an then ou ganny 6 pwen.  Si ou annan 2 oubyen plis ki zanfan diferan sex anba 6an dan menm lasanm ou ganny ou 8 pwen.  En fiy avek en garson 13 a 17an 5ki pe share en lasanm, then ou ganny ou 8 pwen.  2 ou plis ki en zanfan diferan sex pe share lasanm then ou ganny ou 10 pwen.  3

Prezan osi bann adilt ki pe share bedroom si ou annan 2 adilt ki pa couple then sharing same room ou pou ganny 4 pwen.  Si i annan 3 adilt i 6 pwen si ou annan 4 adilt i 8 pwen.  E si ou annan ou plis ki 5 adilt i 10 pwen.

Si i annan bann dimoun osi ki pe dormi elsewhere dan sa lakaz ki pa dan lasanm then sa osi i annan bann pwen depandan lo kantite adilt si i annan en dimoun nou ganny 3 pwen si i annan 2 dimoun ou ganny ou 4 pwen.  Si i annan 3 oubyen plis dimoun ou ganny 5 pwen.

E nou osi kont konbyen letan ki sa dimoun i dan sa sityasyon.  So li osi baze lo pwen ksi plis ki 1an, dan sa sityasyon ou ganny ou 5 pwen.  Si 6 mwan en 1an or 6 month to 1 year 3, 3 pwen.  Si 2 a 6 mwan 2 pwen.  Si en mwan i en pwen.

Si bann aplikan si sa bann aplikan pe ki pa pe reste ansanm then i ganny 5 pwen.  Me selman si zot reste ansanm mon ava repet sa si bann aplikan pe reste separeman par egzanp si ou annan en, fanmir ki pe reste dan diferan lakaz then i ganny 5 pwen.  Me si tou fanmir i si fanmir i dan en sel lakaz then i pa ganny okenn pwen.

‘       i dir osi i annan osi numbers of household dan sa lakaz.  So si i annan plis ki en household dan sa lakaz then i ganny 2 pwen.  Si i annan plis ki 2 household ou ganny 5 pwen.  Si annan 3 ou more ou ganny 10 pwen.

Si ou en aplikan ki sorti dan en foster home then ou ganny 10 pwen.  Si ou pa sorti dan en foster home ou ganny 0 pwen.

Single parent avek zanfan avek en zanfan ou ganny 1 pwen avek 2 zanfan ou ganny 3 pwen avek 3 ou more children 5 pwen.

Si ou en koup ou ganny 5 pwen.  Si ou pa en koup ou pa ganny pwen.  Si ou pe rent privately osi i depan ki konbyen letan ou pe rent so si ou pe rent  more than 5 years ou pou ganny ou 10 pwen.  Si ou pe rent 4 years 8 pwen, 3, 6 pwen.  2an 4 pwen, e 1an oubyen pli ba i 2 pwen.

E osi nou pran kont osi lakantite larzan o monthly rental ou monthly salary ki pe al dan rental tou lemwan.  E si 40poursan oubyen plis ou ganny 10 pwen.  Si 30 a 40poursan 8 pwen si 20 a 30poursan 6 pwen, e 20poursan si up to 20poursan ou ganny ou 4 pwen.

Mr Speaker sa an gro bann kriter ki nou servi pou sa Sistenm Pwen.  E parey mon’n dir sa i swivan sa bann legzersis ki Minister in fer oparavan pou nou kapab vwar bann profil nou bann aplikan dan distrik.  Mersi.

 

MR DEPUTY SPEAKER

Mersi Minis.  Onorab Woodcock.  Mon asire ou’n ganny sa byen kler. Petet zis avan ou al pti pe pli lwen Minis, eski i posib pou kapab donn li an ekri bann papye oubyen en kote en A4, tou sa bann detay ki kapab ed bann Manm ki pe demann sa kestyon pou zot konpran sa kalkilasyon.  E petet menm avek en legzanp ki montre sakenn ki mannyer i ganny kalkile. Sa i a va ede parski ler ou pe eksplike koumsa i selman pran letan.  Me mon pa tro krwar i petet sa Manm pou konpran pli byen mannyer bann kalkil i ganny fer.  Onorab Woodcock.

 

HON WAVEL WOODCOCK

Mr Speaker sanmenm sa mon ti pe demande.  Si Minis i kapab fer met a nou dispozisyon en kopi sa bann kriter.  In fact, vi ki nou pe koz lo Access to Information nou pe koz dan latransparans mon krwar i enportan ki piblik osi i ganny sa pli kler ki mannyer ki sistenm ki kriter pe ganny servi pou fer alokasyon lakaz.

En lot keksoz Mr Speaker mon dernyen kestyon Minis in fer sorti pou dir se bann Housing Officer ki sorti Mahé ki’n desann Praslin pou al fer sa legzersis.

Me selman kekfwa en propozisyon pou Minis dan lefitir.  Onorab Gill in dir ki le zot ti fer vizit ki zot ti ganny envite Onorab Gill avek DA me selman when it came to lo konsiltasyon pou alokasyon lakaz, zot pa ti en konsilte.

I ok zot fer vizit zot in vwar enn bann case ki annan. Me selman kot sa faz final, kot pou determinen kot alokasyon lakaz i fer annefe ki sa bann DA ek sa bann MNA zot konn zot distrik pli byen ki sa bann zofisye ki sorti Mahé i konnen.  Mwan mon krwar i enportan ki dan tou distrik ki avan ki lakaz i ganny fer alokasyon ki zot konsilte avek bann MNA ek bann DA.

Pou zot dan zot input.  Mon pa dir ki bann MNA ek DA ki merit determinen avek ki lakaz i ganny allocate.  At least i enportan pou Minister ganny input bann DA avek bann MNA par lefe ki zot zabitan zot distrik zot bann dimoun pli byen ki sa bann Housing Officer ki sorti lo Mahé.  Mersi Mr Speaker.

 

MR DEPUTY SPEAKER

Mersi Onorab Woodcock.  Minis eski ou dakor avek sizesyon ki dan sa prosesis alokasyon i annan en pli pros kolaborasyon ant bann DA bann MNA? 

 

MINISTER PAMELA CHARLETTE

Mr Speaker zis pou mon fer en zis pou mon fer resorti ki legzersis ti fer Praslin ti fer pou en dimoun Praslin.  Nou annan en dimoun Praslin  – Housing ki ti la pou fer premye legzersis.  Apre bann dimoun sorti Mahé ti monte ti vin fer ankor.  Sa dimoun ki baze Praslin li ki fer nou bann legzersis pou preliminer. Nou annan Housing Officer laba dan nou lofis.

E parey mon’n dir sa i en kontinyasyon premye alokasyon ki ti fer Komite Alokasyon premye Marie Jeanne Estate premye faz.  E lo la ti annan reprezantan distrik lo sa Komite. Mersi.

 

MR DEPUTY SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Speaker.  Minis mon pe sey konpran en pe bann lozik.  Mon pe sey konpran en pe bann lozik e mon dakor ki bann Sistenm Pwen pe met en pe lord e pe tir politik dan en sans dan alokasyon lakaz.  me selman Minis atraver ou Minister bann zofisye zot bezwen konpran sa prosedir zot bezwen konpran sa prosedir depi dan distrik kot i konmanse kot MNA ek DA ki al lo teren i vwar sityasyon e kot dimoun i vin kot nou e nou ki komannde nou pouse pou sa dimoun rantre lo HSS premyerman pou zot kapab konmans kontribye pou zot ganny lakaz, e osi nou pous zot dan bann direksyon parey si lanplwa zot lanplwa pa ase eleve, nou pous zot dan bann tel direksyon pou kapab ,siport zot osi pou zot kapab kontribye dan zot lakaz e ganny lakaz.

Alors Minis mon konnen oparavan mwan mon tien DA mon’n deza appear devan sa Board – mon pa konnen si menm Board ki ankor egziste kot i konsern alokasyon lakaz e mon ti a sizere ki sa sistenm san kas okenn zot bann regilasyon ki an plas ozordi i ganny servi ki bann  MNA ek DA i etrwatman dan sa prosedir depi son konmansman, kot i kapab al defann case son kliyan sa enn ki kot li, e ki fer ki demen si i arive ki minister ouswa ou bann zofisye in vwar pou dir be sa kliyan pa pou kalifye, sa lot i a pas devan li kot tou lede i a konpran ki pe arive e prosesis in swiv kler kot pou napa enn ki pou ganny blanmen pa demen MNA pou ganny blanmen ouswa DA pou ganny blanmen.  Mon pe rekomann sa avek ou Minister Minis.  Mersi.

 

MR DEPUTY SPEAKER

Mersi Onorab Minis.

 

MINISTER PAMELA CHARLETTE

Mersi Mr Speaker.  Nou langazman se pou sanmenm.  Nou’n konmanse dan distrik Takamaka kot DA ti la lo Komite Alokasyon.  I annan bann legzersis ki nou pe fer la par egzanp St Louis avek DA.  E zot osi St Louis zot fer zot rekomandasyon nou ale nou diskite avek DA.  E mon krwar se lakot i bezwen annan sa ant MNA ek DA sa kominikasyon pou kominike.  Akoz nou’n toultan dir annou tir politik dan lakaz ek later.  Nou pe seye nou osi nou pe sey nou mye.  Me selman nou bezwen servi bann prosedir ki egzistan.

Si i annan pou amelyore nou napa problenm pou amelyore nou pran feedback konstriktivman, nou amelyore kot nou kapab parey la ki nou’n fer dan sa lalis kriter ki nou pe servi la konmela.  Set akoz bann konsern ki nou’n, gannyen avek bann dimoun, bann Housing Officers osi ki konn byen zot bann dimoun.  Akoz par egzanp sa madanm ki Housing Officers ki osi baze Mahé depi 2011 i pe travay avek distrik Praslin.

So i annan en konesans bann dimoun bann aplikan lo lalis ki nou annan.  Me selman nou parey mon’n dir Deputy Speaker nou angaze pou nou kominik avek Ladministrasyon Distrik Lotorite Distrik.

Nou osi parey nou’n fer pou later, nou pou fer bann leaflet pou nou kapab distribye nou sa kriter ki nou sa point system la nou pe revwar osi nou Polisi pou social housing ki nou pou fer rantre ladan e apre nou pou fer kominikasyon. E met li dan laporte piblik.  Mersi.

 

MR DEPUTY SPEAKER

Mersi Minis.  Onorab Francois Adelaide.

 

HON FRANCOIS ADELAIDE

Mersi Mr Speaker.  Bonn apre midi a tous.  Minis koriz mon petet mon’n ganny en pe mal.  Mon’n tann ou dir zot ti fer sa premye sa Sistenm Pwen apre zot in fer lo 2enm Sistenm Pwen.

Mon kestyon i kan eski sa Sistenm Pwen ti konmanse e kan sa 2enm Sistenm Pwen in antre anfors?

Mon lot pti kestyon apre mon’n tann Komite Alokasyon eski ou kapab donn detay lekel sa bann dimoun e ki zot post ki lo sa Komite Alokasyon?

Apre mon lot pti kestyon ankor se Praslin ler sa bann dimoun in ganny allocate avek later avek lakaz i annan bann kriter in ganny servi.  Mon oule ou donn mon detay.  Konbyen larzan zot in kontribye e pou ki kantite lespas letan zot in kontribye?

Apre Minis en pti dernyen kestyon.  Parey bann dimoun ki lakaz in brile kote zot rantre dan sa Sistenm Pwen?  Mersi.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mr Deputy Speaker, lo kote Sistenm Pwen sa Sistenm Pwen ki met an plas nou ti konmans li avek premye alokasyon pou ION late last year. 

Me selman sa parey mon’n dir oparavan sa Polisi li i pa ankor vin an plas sa framework ki nou’n met an plas pou nou kapab met dimoun lo sa sistenm pou nou priyoritiz zot

Pou lenformasyon konbyen dimoun in peye?  Mon pa konnen si en lenformasyon s ai en lenformasyon prive en dimoun.  I parey ler ou, ou annan en kont labank. So si nou bezwen pou don ou sa lenformasyon nou va rod en pe advice apre nou a fer ou konnen nou a donn ou sa lenformasyon.  Mersi.

 

MR DEPUTY SPEAKER

Mersi Minis.  Onorab Adelaide klarifikasyon.

 

HON FRANCOIS ADELAIDE

Minis ok pa donn non at least i annan en ou annan sa detay devan ou dir nou lo sa detay p nonm non ou.  Kandida enn ziska kandida 10 konbyen letan zot in lo la e konbyen larzan zot in kontribye.

Apre mon annan sa lot pti bout ou pa’n reponn.  Lekel ki lo Komite Alokasyon Lakaz.  E apre sa zafer lakaz in brile.  Ki mannyer zot antre dan Sistenm Pwen?  Mersi.

 

MR DEPUTY SPEAKER

Mersi Onorab Adelaide.  Minis.

 

MINISTER PAMELA CHARLETTE

Mersi Deputy Speaker.  Dimoun ki lo Komite se CEO ASP, Social Affairs, pardon, Marcus Simeon, PS Social Affairs Mrs William, Mrs Melanie sorry. PS Local Government Mrs Vidot, CEO PMC Ms Antat, PS Ledikasyon Mrs De Commarmond, mwan menm mwan, PS pou lakaz Mr Denis Barbe, Direkter pou Housing Mrs Bistoquet e apre sa DA sa distrik.

 

MR DEPUTY SPEAKER

Mersi.

 

MINISTER PAMELA CHARLETTE

Pou lakaz dife sa i annan en nouvo Polisi ki’n vin an plas pou ki tonm anba lakaz tanporer.  So i pa pase dan Sistenm Pwen.  Mersi.

 

MR DEPUTY SPEAKER

Onorab Adelaide.

 

HON FRANCOIS ADELAIDE

Minis i annan enn ou pa ankor reponn mon, kandida pa nonm zot non kantite letan zot in kontribye e zot larzan ki zot in kontribye ki’n ganny lakaz Praslin?  Mersi.

 

MR DEPUTY SPEAKER

Minis.

 

MINISTER PAMELA CHARLETTE

Mersi Deputy Speaker ou pe dir pou Baie Ste Anne?  Ok i napa sa lenformasyon la ek mwan – mon annan zi zot pwen ki zot in gannyen me selman nou napa nou pa’n met li tro an detay nou kapab fer ou gannyen pli tar.

 

MR DEPUTY SPEAKER

Onorab Adelaide oule…

 

HON FRANCOIS ADELAIDE

Minis mwan mon konnen mon kontan bann timeline kan eski ou kapab fer nou ganny sa bann detay?  Akoz i vreman en portan pou nou.  Mersi.

 

MR DEPUTY SPEAKER

Minis.

 

MINISTER PAMELA CHARLETTE

Avan lafen semenn.  Yes. 

 

MR DEPUTY SPEAKER

Savedir Vandredi, nou ava’n gannyen.  Mersi.  Onorab Stephen Pillay.

 

HON STEPHEN PILLAY

Mersi Mr Speaker.  Bonn apre midi a tous.  Mr Speaker fransman mon vwar en konfizyon total dan sa alokasyon housing.

Mon ti ganny en let sorti kot Labita Member Of National Au Cap lo la ti annan en lalis date le 3 Zilyet.  Nou ti ganny en lalis 303 dimoun pou Au Cap ki ti sipoze lo alokasyon.

Anba i mete ‘’tou aplikan pou distrik anba sa nouvo point system pou ganny anvoye kot MNA, pou gid nou priyoritizasyon bann potansyel aplikan pou lasistans.’’  Ki mannyer sa in sanze prezan MNA i pa pe ganny konsilte me i pe al kot sa alokasyon Location Committee, kan an tou senserite parey nou tou nou konnen mon annan en issue ki deza anvoye, zot pa ankor donn mon en repons nou bann lalis ki nou’n anvoye?

Se akoz sa konfizyon total point system in konmanse depi lannen pase ou dir.  Ler i annan en new housing point system. 

Me ou ou’n dir nou parey Onorab Gill in dir i pa’n ganny konsilt,e me nou ou’n dir mete pou dir priyoritizasyon i pou ganny gide par MNA ek Lotorite Distrik!  Mon kapab ganny en pti pe plis detay lol la Mr Speaker.

 

MR DEPUTY SPEAKER

Mersi Onorab Pillay.  Minis.

 

MINISTER PAMELA CHARLETTE

Mersi Deputy Speaker.  Sa lalis ki ou ti gannyen Onorab, se sa lalis tou bann aplikan ki ou annan dan ou distrik.  Savedir ou bann aplikan ki aktiv dan ou distrik avek son kontribisyon osi.

E baze lo la ler ou distrik ler Aux Cap son proze 24 i vini nou pou bezwen konsilte ou pu dir ou sa bann dimoun pe al ganny mete lo Sistenm Pwen. Ok e la apre ki alokasyon ki ganny fer. la nou pe travay par egzanp i annan St Louis ki pres pou ganny allocate nou annan Beau Vallon nou annan enn de distrik ki nou pe travay lo la.  Ki nou pe fer sa legzersis preliminer pou nou osi vizit bann aplikan – update son bann lenformasyon gete si i annan okenn sityasyon ki in sanze,  avan ki Komite i zwenn pou kapab fer alokasyon.  Mersi.

 

MR DEPUTY SPEAKER

Mersi Minis.  Onorab Pillay.

 

HON STEPHEN PILLAY

Speaker sa let alor i pa valab ki in anvoy kot nou pou dir i pou donn nou en lalis ‘’potential applicants pou gid nou priyoritizasyon.’’

Ou bezwen ou pa kapab ale parey in dir nou dan distrik Lotorite, MNA, DA travay ansanm parey Onorab Aglae in dir, nou’n al vizit tou sa dimoun nou konnen lekel zot.  Wi ou pu donn nou sa 303 dimoun lo zot priyorite.  Sa 24 ki zot pou donnen la sa 20 sa quota Nasyonal lekel ki pou deside ?  Distrik pou fer son priyoritizasyon 1, 2, 3, 4, 5, 6 ziska 20?  Oubyen zot ki pou vin dir nou la 20 gete ki zot kapab, fer avek?  Mersi Mr Speaker.

Me selman mwan mon vwar en drive.  Konmsi -napa en direksyon mon krwar dan sa Minis mon konnen ou fek arive.  Me dan ou Minister i annan napa en direksyon – napa – konmsi bato pe drive konmsi manrmay!  Vreman, vreman dezapwente.  Mersi Mr Speaker.

 

MR DEPUTY SPEAKER

Mersi Onorab Pillay.  Minis mon krwar si mon pe ekout lapant diskisyon,  bann Manm pe sey etabli baze lo Baie Ste Anne si Polisi Minister si Polisi Minister se pou annan pou tou distrik en lalis dimoun ki’n, ganny aprouve avek zot pwen ki kler.  E zour dan 300 dimoun ki’n ganny aprouve mon annan 24 ki pe monte.  Sa premye 24 ek plo pwen ki’n ganny determinen traver konsiltasyon i a monte.

Eski sa i leka wi ou non?  Mon krwar sa ki Onorab Pillay pe sey demande.

 

MINISTER PAMELA CHARLETTE

Mr Speaker mwan mon krwar mon pa pou agree avek sa ki MNA Onorab in dir ki nou napa direksyon.

Nou annan direksyon.  Se sa ki nou pe fer nou pe tir politik dan lakaz ek later.  Me ou pe konstaman dir mwan anmenn MNA dan lakaz ek later.

Nou, nou pe dir alokasyon i annan en komite ki deside.  Me selman avan sa Komite i deside byensir nou bezwen al anver en distrik.  Sanmenm sa ki nou ti donn sa lalis distrik bann aplikan.  Lo la i pa dir ou konbyen pwen ou annan, e ki priyorite.

Me selman apre bann legzersis akoz bann proze 24 pa ankor fini.  So nou pe pran li staz par staz pou bann proze ki pe fini.  Nou pe travay la pou St Louis pou Beau Vallon pou sa bann lezot distrik ki pare ki nou pou al anver Lotorite Distrik akoz distrik par egzanp pe fer en  kantite travay Administrater Distrik pe fer en kantite travay lo site ansanm avek nou bann Zofisye Lakaz, pou fer sir ki ler nou met sa bann dimoun lo pwen, lenformasyon i la nou anmas bon lenformasyon e distrik i okouran kwa ki pe arive dan son distrik.  Mersi.

 

MR DEPUTY SPEAKER

Mersi, mersi Minis.  Onorab Sandy Arissol.

 

HON SANDY ARISSOL

Mersi Mr Speaker.  Bonn apre midi Minis avek ou delegasyon.

Mr Speaker letan mon’n ekout Onorab Gill Manm elekte pou distrik Baie Ste Anne en Onorab ki anmenn  plis poursantaz pou Parti Lepep ler mon’n ekout son bann kestyon i pa’n ganny re konsilte.

Prezan mwan lo mon kote letan mon’n tann Minis mansyonn St Louis mon per.  Mon per parske mon pa krwar mon pou ganny konsilte mon lo sa nivo.  Parske Onorab Gill in ganny met ater.

Minis mwan mon pe zis mon annan en lenkyetid parske letan mon’n Minis Mr Speaker dir pou dir i annan bann alokasyon ki ganny fer avek relasyon avek bann problenm sosyal dan distrik ki nou tou nou rekonnet ki nou annan.  Me selman sa ki nou bezwen osi pran kont Minis i annan dimoun depi zot in entrodwir Sistenm Pwen zot in disiplin zot lekor.  I annan dimoun in disiplin zot lekor parske i pe fer sir i pe fer son kontribisyon non-stop byen.  Akoz i anvi annan en lakaz pou li met son zanfan.  I annan dimoun ki pe lwe lakaz i pa pe dezennen, i pa pe donn son zanfan en pti keksoz akoz i pe pey Gouvernman sa lot lanmwatye saler an espekte pou li ganny en lakaz.

Me par kont ler i gt son vwazen ki pe viv en lavi parey nou dir an pou fon mal li menm li ki ganny lasistans sosyal alors se li ki pou benefisye en lakaz avek Gouvernman.  Ki pou mon sa i unfair.

Prezan mon kestyon i vin si nou annan nou en Sistenm Pwen eski pa in ler pou zot re vwar osi sa Allocation Committee kot PS Ledikasyon ki asiz lo la PS Simeon ki asiz lo la.  Byensir Mrs Linda William avek PS Simeon CEO Simeon zot pou donn bann dimoun ki zot vwar lo zot file pli konpare avek letan nou konman MNA, DA nou fer letour dan nou distrik nou konn bann ka nou distrik.

Alor mon ti a kontan demann Minis si zot pe mazinen revwar sa Allocation Committee ki ozordi egziste anba nouvo Sistenm Pwen?

Dezyenmman Minis an vi ki annan en konsiltasyon ant DA Saint Louis ki Mrs Rachel Joseph i annan en konsiltasyon avek Onorab Arissol, me eski sa desizyon final mon konman MNA elekte pou distrik St Louis, mon pou ganny konsilte ; akoz mon pa anvi anmenn en kestyon Minis dan Lasanble parey mon frer lo lot kote latab ki’n ganny pli gro poursantaz Baie Ste Anne in ganny kit ater.  Mersi bokou Mr Speaker

 

MR DEPUTY SPEAKER

Mersi Onorab Arissol.  Minis.

 

MINISTER PAMELA CHARLETTE

Mersi Mr Speaker.  An gardan antet ki set akoz sa rezon ki nou’n revwar sa bann Pwen ki nou pe donnen.

Par egzanp nou’n mete osi rental ladan ki dir nou si en dimoun i lo rental konbyen son saler pe al ladan konbyen letan i pe rent en lakaz? Menm bann deserving case ki nou’n vwar Mr Deputy Speaker sa bann dimoun in still ganny mete lo Sistenm Pwen.

Pou nou vwar pou nou ganny en legzanp ki whether nou pe pran bann sample ki reprezantan.  E sa bann dimoun osi menm si bann deserving cases i annan bann deserving cases ki son pwen i pa’n gannyen parey en lot dimoun.  So i pa’n ganny aprouve.

Me i annan enn ki par egzanp dan distrik Baie Ste Anne ki son pwen i o.  E sa nou’n aprouve.  So i en tout en kalkilasyon lo baze lo diferan fakter i pa zis bann social cases. 

Nou osi nou kontan ki

bann dimoun ki pe apply pou lakaz i bann dimoun ki pe fer bokou zefor.  Se sa ki nou met bokou lanfaz osi lo bann kontribisyon ; nou met bokou lanfaz lo son HSS ; nou met la an-faz parey mon’n dir oparavan lo rent.  E son bann kondisyon son kondisyon lakaz ki ladan.  Se sa ki nou pe ki nou’n pran kont tousala.

Lo kote Allocation Committee si i annan fason pou nou revwar, me selman Onorab pa’n dir mwan pa’n donn en sizesyon kwa ki i anvi vwar lo sa Allocation Committee.

 

MR DEPUTY SPEAKER

Mersi Minis.  Onorab Arissol.  Sandy Arissol.

 

HON SANDY ARISSOL

Mersi Mr Speaker.  Mersi Minis pou larepons mon ti an vi nou’n entrodwir en Sistenm Pwen en keksoz i nouvo e zot ankor pe servi byen sistenm vye Komite ki ti la avan ki zot apel sa  Allocation Committee.  Me kekfwa la avek nouvo fason fer ti ava enportan ki par egzanp nou as MNA nou ganny enkli mwan mon ti a kontan ganny enkli lo sa Komite.  Pa pou donn mon bout politik.  Me an menm tan pou mon vwar parske bann dimoun ki dan distrik parey Onorab Aglae in fer resorti parey Onorab Gill in fer resorti i ava enportan pou nou ki konn nou distrik konpare avek PS Ledikasyon, ki pa konn nanryen lo zabitan Baie Ste Anne Praslin.  me li in ganny  en say pou li kapab dir lekel ki pou al dan flat Baie Ste Anne konpare avek son MNA. Ou konpran?  So mon ti pe met zis en pe dan sa laliny Minis mon pa konnen si a lavenir zot a mazin en pe lo la.

E apre mon ti a kontan dir Minis Mr Speaker lalis ki ti anvoye dernyen fwa letan lo mon sa pwen lalis ki ou’n anvoye ‘’summary of application depi le premye Zanvye 1980 ziska Lendi le 10 Septanm 2018.’’  Mon ti a kontan fer resorti pou dir Sandy John Arissol i aparet lo la son aplikasyon ti le 8 Zilyet 1999.

Mon pe dir sa Mr Speaker parske sak fwa mon oule al dan Ladministrasyon Distrik dan lepase zanmen mon non in aparet okenn par.  Mon happy la anba Minis Charlette lalis ki’n anvoye Sandy John Arissol pa ‘alien’ me i la konman en aplikan.  Mersi bokou.

 

MR DEPUTY SPEAKER

Mersi Onorab Arissol.  Mon mazinen Minis in pran not sa.  Prosennman lo lalis mon annan Onorab Regina Esparon.

 

HON REGINA ESPARON

Mersi Mr Speaker.  Bonn apre midi Minis.  Mr Speaker mon kestyon ti baz en pe lo sa ki Onorab Arissol in demande.

Pou mon demann li ki a lavenir en propozisyon sa Minis ki letan sa Allocation Committee pe fer zot final desizyon pou donn welfare alokasyon, ki MNA avek DA i ganny mete avek zot zis pou gid zot en pti pe, parey Onorab Arissol in dir.

Minis dan ou larepons ou’n dir nou pou tourn back to social housing, zot pe al rekonmans social housing.  Eski dan sa proze social housing i pou osi pran kont bann pwen – bann point system oubyen i pou zis parey konmsi ou annan bann ka sosyal ki ou pou ganny alokasyon dapre baze lo sosyal e non pa baz lo sa bann pwen?

Mr Speaker mon ti a kontan demann Minis, Minis ou’n dir nou pou dir an prenon kont Sistenm Pwen ou osi pe pran kont bann kantite letan ki en dimoun in pey son rent pou en lakaz.

Ki mannyer ou pou baz sa parey bann dimoun lo bedsitter North East Point 23an zot pe pey zot alokasyon dan bedsitter e trwa kar sa bann dimoun pa pe ganny kalifye anba point system?  Mersi Mr Speaker.

 

MR DEPUTY SPEAKER

Mersi Onorab Esparon.  Minis.

 

MINISTER PAMELA CHARLETTE

Mersi Mr Speaker.  Bann ka ki deza dan en lakaz par egzanp bedsitter ou pe dir i pa vedir i pa ale lo nou Sistenm Pwen i vin en exchange. 

Si ou pou ganny en lot lakaz unless sa bedsitter pe rent privately.  Me si en lakaz deza par egzanp PMC in met li dan en bedsitter apre i vin en ka exchange ou pe exchange pou en lot lakaz.  En pti pe pli gran si en fanmir – ok?

 

MR DEPUTY SPEAKER

Mersi Minis.  Onorab Esparon.

 

HON REGINA ESPARON

Mr Speaker mersi.  Mon ti anvi zis elabor ankor en pe plis Minis sa dimoun pe lwe en bedsitter avek PMC.  La ou pe dir mon i vin zis en exchange.

        Me selman menm sa, sa dimoun li fiy 17an, garson 19an pe dormi lo menm lili.  Ou pa pran kont tousala ?  Manman ek papa pe dormi dan lakwizin.  Ou si ou pou dir mon pou dir sa, sa i vin zis en exchange.  Ki mannyer ou pou priyoritiz sa bann ka?  Mersi.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Pou lemoman ki nou’n fer parey mon pe dir ou si deza dan i deza ganny asiste bann ki nou al lo Sistenm Pwen se bann First Time Owners sa bann ki premye fwa i pe ganny en alokasyon lakaz avek Gouvernman.  Me vi ki i en dimoun ki i deza dan lakaz PMC e i annan bokou par egzanp i annan 2 household oubyen zanfan in gran zanfan i kapab fer son aplikasyon i annan de fwa ki zanfan in gran i kapab ,fer son own aplikasyon.  Me si fanmir i grandi, then i vin en ka kot nou kapab exchange avek en lakaz ki annan plis lasanm par egzanp.

Me selman sa i pa al lo Sistenm Pwen sa.  Sa i ganny i sa dimoun li i fer request nou ganny son request apre nou met li lo en lalis e sa lalis par egzanp la nou dan distrik k[i annan 24, 24 nou pran sa loportinite pou rod osi sa bann dimoun ki dan lakaz ki annan plis fanmir pou nou kapab exchange.

        Parey i leka dan sa enn Praslin, kot i annan bann ka exchange osi ki nou’n konsidere ler i ariv dan distrik.

 

MR DEPUTY SPEAKER

Mersi Minis.  Onorab Simon Gill.

 

HON SIMON GILL

Mersi bokou Mr Speaker.  Bonn apre midi Mr Speaker.  Bonn apre midi Minis avek ou delegasyon.  Bonn apre midi tou koleg MNA tou manm piblik.

Mr Speaker, nou dan en dilenm ozordi apre midi.  Onorab Ramkalawan ki le servi mo ‘konfizyon’ olye ‘dilenm.’

Pe enport ki nou servi Mr Speaker.  Ou eskiz mon ki mannyer mon pou entervenir.  Ou konnen mon’n ganny en sans fer en pti pe otour.  Parey ou Mr Speaker ou konn en pe bann pei ki mannyer i ete.  Zot progranm lakaz mannyer li ete.

E leksperyans ki nou annan isi Sesel.  Sesel i en pei ki annan en meyer progranm solisyon e zanmen nou’n deza fer en depar lo nou Social Housing Programme pou sa pep.

Me ki nou’n tande?  Nou’n ganny challenge par lafason ki nou’n fer par lokasyon lakaz atraver bann lannen.  E enn bann dimoun or en group bann dimoun ki’n challenge lafason ki lakaz in ganny allocate dan sa pei, se zisteman Onorab Ramkalawan avek son lekip.  E ki i byen zot in challenge li?  Me zot in dir tir politik dan lakaz.

 

MR DEPUTY SPEAKER

Ou bezwen demann en kestyon avek Minis.  Akoz i pa ler pou nou fer statement.

 

HON SIMON GILL

E Gouvernman pe fer zefor pou tir politik dan lakaz.

 

MR DEPUTY SPEAKER

Si nou pou fer statement tou lezot Manm pou le fer statement e mon bezwen demann ou silvouple annou pa fer statement ; si oule fer en klarifikasyon anba avek demann ou statement mon konpran avan ou demann ou kestyon mon konpran me la se pa ler fer statement i pa en Mosyon i en kestyon spesifik kestyon lo Baie Ste Anne mon ti a demann ou silvouple diriz ou kestyon anver kestyon ki lo.

 

HON SIMON GILL

Mr Speaker eske nou Lasanble i kapab konsidere pou fer bann kontribisyon, pou ed Minister lakaz pou anbelir sa Sistenm Pwen avek bi ki pou tir lenterferans politisyen dan alokasyon lakaz dan Sesel pou nou fer en depar avek sa politik ‘ek nou pa ek nou’ pou zistifye alokasyon lakaz.

Mr Speaker seryezman mon pe demande si okenn Manm Lasanble Nasyonal i annan lide pou kontribye ki mannyer pou anbelir sa Sistenm Pwen fer kontribisyon pou ki sa Sistenm Pwen i ganny anbelir bann profesyonnel bann Minister ki’n fer sa travay ki’n dedye zot letan .les zot travay e annou kontinyen anbelir sa sistenm pou ki tou politisyen i sorti i tir lanmen dan alokasyon lakaz.  Sa i enkli depi lo kote Parti Lepep e i enkli lo kote Parti LDS, nou tou.

Annou les bann profesyonnel fer zot travay tir politisyen dan zafer alokasyon lakaz. Me napa nanryen ki anpes nou konsilte zot diskite e sanz pwennvi.

Mr Speaker ti ava byen ki ozordi apre midi nou ganny sa byen kler.  Mersi bokou Mr Speaker.

 

MR DEPUTY SPEAKER

Mersi, mersi Onorab.  Mersi Onorab Gill.  Minis kestyon ki Onorab Gill pe demande eski Minister i pare pou resevwar propozisyon atraver Lasanble Nasyonal lo lafason pou amelyor en sistenm alokasyon?  Eski zot dakor prensip avek sa? Eski en keksoz zot kapab konsidere?  Minis.

 

MINISTER PAMELA CHARLETTE

Mersi Mr Speaker.  Nou, nou toultan la pou nou kapab pou ofer bann pou resevwar bann sizesyon ek propozisyon sorti nenport ki dimoun.  Nou ekoute feedback ki nou gannyen e ler nou ganny feedback nou ale nou aranze parey in fer parey nou’n fer pou sa Sistenm Pwen ki nou ete.

So wi i nou kapab sesyon avek Lasanble Nasyonal pou kapab al en pti pe pli an detay  zot a vwar bann legzanp oubyen bann sample ki nou kapab montre, ki mannyer sa Sistenm Pwen i marse.  Mersi Mr Speaker.

 

MR DEPUTY SPEAKER

Mersi Minis.  Onorab Wavel Ramkalawan.

 

HON WAVEL RAMKALAWAN

Mr Speaker mwan mon pa dan dilenm mwan mon konfize.  E alor mon anvi demann 2 kestyon.  Mon premye kestyon.  Eski Minis pe dir ek nou ki sa kestyon ki Onorab Gill in anmennen, i ti devret konn tou son larepons e ki alor senpleman i gat letan Lasanble?

Dezyenmman letan nou pe koz lo sa rol MNA, eski Minis pe dir avek nou ki i dezormen MNA pa devret rantre lo sa size lakaz,  me les son DA avek son Komite Alokasyon deal avek size lakaz e tou MNA reste trankil lo s size e reste an deor?

Trwazyenmman letan zot p koz tir politik avek tou respe.  E mn demann Gill osi tou pou li montre plis respe, kan i konn byen ki pou dir i ankor annan bann frod-man politik.

E mwan mon krwar si Onorab Gill in anmenn sa kestyon se parski in vwar ki i annan problenm.  E alor mon anvi konnen be sa Sistenm Pwen e tou sa bann lesplikasyon ki nou’n gannyen isi laba, eski i pa pou en sistenm ki pou kontinyen montre nou ki pou dir ki pou annan serten dimoun ki pou pas par lao bann lezot dimoun e ki alor nou pou kontinyen vwar en sistenm lenzistis?  Mersi bokou.

 

MR DEPUTY SPEAKER

Mersi Onorab Ramkalawan.  Minis.

 

MINISTER PAMELA CHARLETTE

Mersi Mr Speaker.  Mr Speaker mon pa pou comment lo sa premye kestyon.  Mon pa kapab dir si Mr Gill pa konn nanryen.  In demann en kestyon parey tou dimoun i anmennen dan Lasanble, mon’n vini mon’n vin reponn – senpleman.

Regarding MNA lo Komite Mr Speaker mon krwar Deputy Speaker mon krwar Mr Speaker li menm i ti fer en pronons-man dan Lasanble pou tir politik dan lakaz avek later.

DA i sa dimoun lo kote distrik ki koz avek son MNA e osi koz avek son konsil par egzanp.

So alors si nou, nou kominik avek DA mon krwar DA i son rol pou li al anver son MNA pou diskit regarding bann keksoz ki dan son distrik.

So nou kot Minister nou’n met DA konman sa dimoun ki nou enterakte avek, akoz i dan distrik e alor mon krwar ki se MNA se DA ki bezwen al anver MNA si i annan en keksoz ki bezwen diskite dan distrik.

Lo kote lenzistis Mr Speaker – parey mon’n dir Minister i pe fer tou son posib pou li elimin lenzistis dan alokasyon later oubyen lakaz.  Nou pa’n vin la pou dir nou parfe, nou pa’n vin la pou dir sa sistenm i 100% perfect. 

Me mon krwar nou pe fer en gran zefor dan Minister, pou nou kapab met en framework an plas ki pou ranplas bann keksoz ki’n la dan lepase.

Alor Mr Deputy Speaker mon krwar ki osi dan Minister nou pe fer en tre gran zefor pou nou kapab met en framework an plas ki pou elimin zisteman lenzistis e osi baz lo merit e demann en endividi.  Mersi.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon krwar ki fodre pa nou anbet nou lekor dan sa landrwa.  Letan pe dir tir selman DA annou pa fer krwar pou dir i annan bokou bann DA ki pe kontinyen azir lo en nivo politik.  Konmsi annou pa vin fer krwar ki pou dir DA konmsi i annan en kantite sa bann DA ki pa deal politik, akoz mon konn serten DA ki pe fer en bon travay, ki pe depas sa eleman politik, me selman i annan DA ki pe kontinyen zwe politik !

E alor letan nou pe koz konsilte pa avek MNA me selman avek DA konmsi i pou tir politik la mon dir, mwan mon dakor pou dir personn pa parfe me selman an menm tan osi i annan en kantite perfeksyon ki nou bezwen realize.

Mr Speaker letan mwan mon pe poz sa kestyon an relasyon avek Onorab Churchill Gill spesifikman lo Baie Ste Anne ok, spesifikman lo Baie Ste Anne e mwan mon asire ki pou .dir rezon ki Onorab Gill in demann sa kestyon, se parski li ki konn son distrik ki konn bann dimoun letan in pase in vwar bann dimoun ki ti dn pli ka bezwen bann dimoun ki ti dan plis nesesite ki’n ganny kit ater e bann lezot ki pa’n vreman kalifye in depase!  Mr Speaker Onorab Gill pe larger pou rod lenzistis ki’n arive.

E Onorab Gill pe demann sa akoz i vwar en lenzistis.  E sa lenzistis ki Onorab Gill in prononse atraver son kestyon i montre nou ki pou dir sa ki MNA i santi parey Onorab Gill Onorab Arissol in dir en MNA ki dan en distrik ki ganny en gran poursantaz vot, sa ki Gouvernman i fer i zot mars lo 2 diferan wavelength zot pa lo alignment.  MNA pa konnen ki Gouvernman pe fer pourtan zot dan menm Gouvernman.

E sa Mr Speaker sa kestyon i montre nou ankor enn fwa ki pou dir i annan konfizyon dan sa ki sa Gouvernman pe fer.

Alor Mr Speaker eski zot eski sa pep Seselwa ki laba deor, sa bann dimoun Baie Ste Anne, nou’n ganny dir depi lannen pase from laba ki’n kontinyen lot, lot.

Mr Speaker mon pa konnen ki mannyer mon pou demann Minis pou ki s zafer Sistenm Pwen sa bann zafer let ki zot ekrir sa bann komikman ki zot bann MNA in ganny elekte konmsi, kan eski zot pou vin avek en keksoz ki kler, en keksoz pou ki tou dimoun i ava konnen enn fwa pou tou kote i debout?  Kan eski zot pou fer sa ?  Mersi bokou.

 

MR DEPUTY SPEAKER

Mersi Onorab Ramkalawan.  Minis.

 

MINISTER PAMELA CHARLETTE

Mersi Mr Deputy Speaker.  Parey mon’n dir nou kapab fer en sesyon avek Lasanble apre i ava swiv avek nou bann materyo ki nou pe sey met a nou dispozisyon piblik, par egzanp nou bann leaflet ek nou bann booklet ki nou pe fer.  Ki nou pou osi donn bann ladministrasyon distrik bann Minister ki zot a konnen kwa ki i annan dan sa Sistenm Pwen.  Mersi.

 

MR DEPUTY SPEAKER

Mersi.

 

HON WAVEL RAMKALAWAN

Zis en dernyen keksoz.  Mr Speaker depi ler dernyen fwa nou dir i resanble sa Minister li i pa enterese ni avek Konsey Rezyonal ni avek MNA.

        Konmsi mon anvi demann sa Minister kan eski zot pou pran Konsey Rezyonal avek MNA pou donn sa bann dimoun zot rol ki zot devret zwe dan sa rezyon ki byensir enkli sa distrik.  Eski zot in determinen pou dir ki zot pa enterese avek nou konman bann MNAs e si zot pa enterese silvouple dir nou zot pa enterese avek MNA – enn fwa pou tou sa case i ava fermen.  Mersi bokou.

 

MR DEPUTY SPEAKER

Mersi Onorab Ramkalawan.  Minis.

 

MINISTER PAMELA CHARLETTE

Mersi Mr Speaker.  Onorab pa kapab dir nou pa enterese avek bann MNA akoz mwan mon’n ganny meeting avek bokou MNA sorti lo tou kote latab.

So si nou pa ti enterese avek bann MNA, nou pa ti pou vwar zot dan nou lofis.  So nou’n nou asize nou diskite nou konsilte wi.  Parey mon’n dir lo sa Sistenm Pwen la pou lakaz nou kapab fer en sesyon avek bann MNA si i annan pou nou al Lotorite Distrik si i annan pou nou kapab fer en sesyon avek District Council nou ava fer nou napa problenm ek sa Mr Deputy Speaker.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker zis avan mon konmans demann mon kestyon, eski mon annan drwa  prefas mon kestyon ek en statement akoz i pare pou dir sa i norm, oubyen ou le ki mon demann mon kestyon spesifikman?  Akoz mon koleg ki’n koz avan mwan in ganny sans prefas son kestyon avek en statement?

 

MR DEPUTY SPEAKER

En prefas ki kout, selman ou pou kapab fer li kourt.  Selman an relasyon avek ou kestyon.

 

HON SEBASTIEN PILLAY

Mersi Mr Speaker.  Bonn pre midi tou bann koleg, bonn apre midi Mr Speaker, bonn apre midi tou dimoun ki pe ekout nou.

Mr .Speaker an prenon kont largiman ki nou’n avanse vizavi sa bann dimoun ki’n ganny lakaz, mon ti ava kontan demann Minis, eski sa bann dimoun ki’n ganny sa bann lakaz ler zot in ganny sa bann lakaz in kontan zot in ganny sa lakaz zot in kontan zot in ganny asiste avek fwaye?

Akoz Mr Speaker mon pe dir sa akoz i enportan ki nou pa misrepresent keksoz.

En lenzistis pou en dimoun ki nou pe persevwar konman en lenzistis i kapab osi pou en lot dimoun en blessing, akoz sa dimoun in espere son lakaz li osi.

So nou bezwen regard sa dan de kote.  Eski sa bann dimoun ki nou pe dir i bann social cases ki’n pas petet par devan lezot dimoun ki lo Sistenm Pwen pa devret ganny asiste ?

Mon krwar sa ki nou devret pe fer se dan perspektiv Onorab Gill in dir, annou sey amelyor sa sistenm olye vin atak sa bann profesyonnel ki’n vin la devan nou ki’n vin fer bann propozisyon.

Koz s i baze lo sa ki nou, nou dir dan sa Lasanble, bann komanter ki nou nou’n fer kot nou menm nou, nou’n dir tir politik pa met politik, annou konnen ki nou demande next time pou ki nou kapab aranz keksoz.

Dan sa laliny Mr Speaker. pou nou kapab avans keksoz pli devan.  Eski Minis i kapab dir nou ler nou pran konponan Sistenm Pwen.  I annan sa kote sosyal ki nou konnen pou dir toultan i annan serten dimoun ki pou, tonm ladan.

 

(Interruption)

 

HON SEBASTIEN PILLAY

Mr Speaker mon pa kapab, demann mon kestyon si bann Manm pa kapab reponn  …

 

MR DEPUTY SPEAKER

Non i ok ou kapab kontinyen.

 

HON SEBASTIEN PILLAY

Mersi Mr Speaker. Eski i annan dan sa Sistenm Pwen lespas pou ki si i annan en dimoun ki li in kontribye met li en koup zot pe kontribye, zot napa 5 zanfan zot pe fer en bann sakrifis zot pe fer bann keksoz normal man eksetera.

Apre ou annan sa konponan sosyal ki antre, eski Minister pe vwar li difisil pou deal avek sa de sityasyon, e sey balans sa de sityasyon ki mou annan sa dimoun ki li i napa koman sosyal i osi i kapab ganny asiste, e ou annan sa dimoun ki konponan sosyal ki nou tou nou pa oule al tonm dan sa poursantaz lapovrete ki nou le tir li laba li osi i kapab ganny asiste.

So eski Minis ou kapab dir nou si i annan difikilte ki Minister pe rankontre, e kwa ki Minister i pe propoze oubyen anvizaze fer pou ki nou kapab deal avek a sityasyon?  Mersi Mr Speaker.

 

MR DEPUTY SPEAKER

Mersi Onorab Pillay.  Minis.

 

MINISTER PAMELA CHARLETTE

Mersi Mr Speaker.  Mr Speaker Minister i annan diferan prodwir ki nou ofer pou lo kote housing li menm.  Napa zis social housing nou annan condominium nou annan self-finance osi ki ler nou fer profil nou bann kliyan nou diriz zot lo bann prodwir ki available nou la nou asiz ek zot nou advise zot e zot, zot vwar bann sityasyon zot vwar prodwir ki pli apropriye pou zot.  Nou la pou fer sa diskisyon avek zot.

Lo kote Sistenm Pwen li menm i annan bann fakter parey ou pe dir ler mon pe get sa lo kote sa ka Baie Ste Anne dan sa 5 social cases ki nou annan zis enn ki’n ganny pwen pou li kapab ki’n ganny aprouve.

So i pa en reprezantan i pa reprezant en kantite dimoun ki pou ladan.  I annan par egzanp nou pe dir bann dimoun ki nou’n donn lakaz obviously ler ou ganny ou lakaz pou premye fwa ou kontan nou remarke ki i annan dimoun ki ti pe esper lakaz pou 24an pou 10an – en bon pe letan mon krwar sa in fer zot en pe zistis akoz tou sa letan zot pe esper lakaz e i annan en bann ki sorti reste Praslin akoz zot sityasyon lakaz zot bezwen  al reste in bezwen al reste La Digue akoz in ganny en louvraz La Digue ki ofer li en akomodasyon osi.

So i annan bann eleman dan nou Sistenm Pwen si bezwen pou parey mon pe dir si i bezwen amelyore pou li fer li en pti pe pli konvenab nou kapab asize revwar gete ki mannyer nou kapab amelyor li.

Me par egzanp me selman parey mon’n dir i annan bann diferan prodwir ki kekfwa nou kapab diriz sa bann kliyan pou zot kapab ganny en lozman.  Mersi.

 

MR DEPUTY SPEAKER

Klarifikasyon, Onorab Pillay.

 

HON SEBASTIEN PILLAY

Mersi Mr Speaker.  Mon ti oule azout lo la e fer en propozisyon, an menm tan demann en kestyon Minis.  Mr Speaker, nou annan nou bann dimoun ki dan bann bedsitters.  E i en pe partou, dan tou distrik i annan sa bann bedsitters.  E sa bann bedsitters ti sipoze a sa moman ki sa bann dimoun ti antre ladan, bann lakaz tranzitwar akoz zot ti sipoze ganny relocated dan en lakaz proper.  Nou annan dimoun ki’n dan bedsitters pour en kantite letan.

Pran par egzanp dan distrik Glacis, North East Point – bann dimoun in dan bedsitter en kantite letan.  Eski Minister pa krwar ki nou kapab restriktir dan – within the point system, sa konponan letan ki sa bann dimoun in fer dan bedsitter?  Lakantite letan ki zot in pey rent dan sa bedsitter?  E zot current social status kot, the bedsitter i basically napa en lasanm.  Kot plizyer dimoun pe dormi ansanm preski dan menm lespas.

So, si nou restriktir zot alongside point system, e nou pa pran zot koman en case exchange.  Akoz en case exchange i vin – i fer li pli konplike pour sa bann dimoun ganny asiste.  E dan sa sans, ou pa pe asiste en dimoun, ou pou pe asiste 2 dimoun.  Akoz sa dimoun ki dan sa lakaz tranzitwar i sorti e en lot dimoun prezan i kapab antre dan sa bedsitter.  E ou kontinyen servi sa bedsitter pour tranzitwar from now on, rather ki kit en dimoun ladan indefinitely.  Eski Minis i krwar poudir sa i en propozisyon ki zot kapab konsidere within the ambit of the point system?  Mersi Mr Speaker.

 

MR DEPUTY SPEAKER

Mersi Onorab Pillay.  Minis eski bann dimoun ki zot lo sa progranm exchange, zot osi zot kapab tonm anba en Sistenm Pwen pour alokasyon?

 

MINISTER PAMELA CHARLETTE

I, nou kapab – Onorab nou kapab konsidere.  Me selman akoz par egzanp – nou, nou’n servi sa bann kriter pou met tou dimoun lo menm, en pe lo menm wavelength.  Me selman nou kapab konsidere ki mannyer nou kapab fer li zis pour bann dimoun ki dan sa bann tranzitwar, parey ou pe dir – bedsitter.  Nou a gete ki mannyer i aparet ler son bann, son pwen i sorti.

 

MR DEPUTY SPEAKER

Mersi.  Onorab John Hoareau.

 

HON JOHN HOAREAU

Mersi Mr Speaker.  Mr Speaker, Minis taler in koz en pti pe lo son Board.  I annan bokou kestyon ki ganny leve lo lenparsyalite sa Board.  Alor, mon ti a kontan Minis ti a dir nou lekel ki annan prérogative pour nonm sa Board?  E ki modalite i servi pour nonm sa – pour rod sa bann dimoun pou met lo sa Board?

E dezyenmman Mr Speaker, mon ti a kontan si – Minis in koz lo vizit ki zot Zofisye Lakaz in fer avek MNA.  Mon ti a kontan konnen akoz Beau Vallon mon pa ankor ganny enformen kan i annan sa vizit.  E petet mon ti a kontan ki i donn mwan sa lasirans ki i enform mwan osi.  Mersi.

 

MR DEPUTY SPEAKER

Mersi Onorab Hoareau.  Minis.

 

MINISTER PAMELA CHARLETTE

Mersi Mr Speaker.  Premyer kestyon – i pa en Board.  I zis en Komite ki nou, nou’n met an plas nou menm Minister.  En rekomandasyon i gannyen sorti kot PS Housing e apre nou met sa komite an plas.  So, i pa en Board kot ou ganny reminerasyon oubyen bann benefis avek en Board.  I zis en Komite.

Lo kote, sorry – lo kote Beau Vallon, mon krwar legzersis ti fer avek DA, non?  Avek DA – nou pa’n nonm MNA, nou’n dir DA ki ti fer – ki ti ganny – ki pe fer, komans fer legzersis pour nou, ansanm.

 

MR DEPUTY SPEAKER

Mersi Minis.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker, mon’n ekout Minis avek bokou latansyon.  E sa problenm lakaz i en problenm ki pe preokip nou tou dan sa Lasanble – tou politisyen, tou dimoun isi Sesel, e mon menm an partikilye, depi byen lontan.

Mon ti a kontan premyerman koman en prefas, demann Minis si i dakor avek mwan ki zot sistenm antye i merit ganny revwar, akoz zot pa pe swiv zot kriter de baz.  E Gouvernman, dan son 3 kalite lakaz, dan son 3 kalite lasistans ki i donnen, i fail akoz i pa swiv bann kriter.  Nou’n vwar later land bank – later i ganny vann avek dimoun ki sipoze fer en lakaz, e zot al revann avek etranze pour en sonm enorm.  Nou vwar condominium ki sipoze an premye pour bann returning graduatesnew upwardly mobile families, i ganny vann ek bann dimoun ki pa tonm dan sa kriter.  E nou vwar ki social housing pa pe ganny allocate avek dimoun ki bezwen social housing.  Nou vwar dan tou nou distrik.

Mwan dan mon distrik i annan dimoun ki pa merit dan social housing ki dan social housing.  E la Perseverance, nou konn bokou dimoun ki annan gro, gro loto, me ki pe reste dan social housing.  Alor, si – eski Minis i dakor avek mwan, ki si zot revwar e zot swiv zot manda kler, lalis dimoun ki zot pe donn lakaz, i ava redwir konsiderableman?  E dan en fason ki zot a kapab ed bann ki merite e ki devret ganny asiste par en progranm lakaz Gouvernman.   Premyerman.

E dezyenmman, eski Minis pa ti ava dakor avek mwan – ki meyer dimoun, dimoun ki konn zot distrik pli byen, se MNA avek DA?  E olye al envant en bann sistenm ki pa’n marse, e ki nou’n vwar pa’n marse – kestyon Onorab Gill i montre, Onorab Churchill Gill i montre ki i pa’n marse.  Akoz ki zot pa fer sistenm kler?  Kot DA ki zeneralman en activist – mwan Mr Speaker, mon DA ki mon travay tre byen avek, sak eleksyon i anmenn dimoun vot kont mwan pour fer sir ki mon pa ganny eleksyon – apre mon gannyen e nou travay ansanm.

 

(laughter)

 

HON BERNARD GEORGES

Akoz ki sa 2 dimoun ki konn zot distrik pli byen, ou pa demann zot fer sa premye triyaz, anvoy kot zot?  Pour ki zot prezan, zot ava fer alokasyon an fonksyon avek zot pwen si zot anvi?  Me sa 2 dimoun i pli konnen.

E si zot dir avek sa 2 dimoun fodre zot annan en rekomandasyon joint, zot ava ganny rekomandasyon joint.  Sa 2 dimoun ava tonm dakor lo lekel ki merit ganny lakaz.  E si zot pa kapab ganny en alokasyon joint, zot ava anvoy sakenn zot alokasyon.  E zot, zot ava fer en desizyon lo la.  Mon pa konpran Minis akoz – e ou ava eksplik mwan silvouple, akoz zot pa kapab fer sa 2 keksoz pour rezourd zot problenm e pour fer sir ki bann dimoun ki konn zot distrik  i dan premye plan pour fer alokasyon lakaz ler i bezwen.  Mersi.

 

MR DEPUTY SPEAKER

Mersi Onorab Georges.  Minis.

 

MINISTER PAMELA CHARLETTE

Mersi Mr Speaker.  Zis pour reasir Onorab – se sa ki nou pe fer.  Parey mon pe dir, nou’n profil tou nou bann kliyan ki nou annan pour nou kapab redwir.  Akoz avan sa nou ti annan en lalis aplikasyon enorm.  Me la nou’n – in redwir pour 3,100 aplikan lakaz.  E dan sa 3,100 aplikan lakaz, prezan nou annan diferan prodwi ki nou pe target bann spesifik kliyan lo la.  E sa se bann legzersis ki nou’n fer depi lannen pase ki nou pe kontinyen fer pour nou kapab anmas lenformasyon kredib.  Me mon ava note ki annandler nou menm nou dan Minister, nou forse pour nou ale, al rod sa lenformasyon.  Akoz par ler bann lenformasyon kredib i diferan – i pa fasil pour nou gannyen.

So, nou annan deza bann Policy ki nou’n met an plas regarding condominium, self-finance.  E sa bann Policy in ganny aprouve e pou vin an viger.  Lo kote DA – nou currently sa ki nou pe fer se, lalis ki nou donnen, nou donn DA.  E DA li i bezwen fer son komanter lo sa lalis.

 

(Off-mic)

 

MR DEPUTY SPEAKER

Carry on Onorab Georges.

 

HON BERNARD GEORGES

Mersi.  Minis, with respect, ou pe miss the point.  DA of course zot pe konsilte DA.  E mon konnen zot konsilte DA.  Me kestyon ki nou pe demande se akoz zot pa konsilte MNA ansanm avek DA?  Nou pa pe dir ekout MNA, akoz taler zot pou dir nou pe fer politik.  Akoz zot pa fer tou le 2 ansanm?  E demann avek DA e MNA asize e anvoy en joint rekomandasyon kot zot?  E si zot pa kapab fer en joint rekomandasyon, anvoy sakenn zot rekomandasyon e zot, zot ava arbitrate lekel ki sipoze gannyen.  Mon pa vwar problenm ladan, mon pa war difikilte, mon pa war politik.

 

MR DEPUTY SPEAKER

Mersi Onorab Georges.  Minis eski – parske nou pe – nou letan i en pe kourt, eski i en propozisyon ki zot kapab konsidere – wi ou non?  Minis.

 

MINISTER PAMELA CHARLETTE

Deputy Speaker, akoz nou pe donn MN… – nou donn DA, se pour osi annan sa langazman avek son MNA.  Me ou propozisyon, nou a pran konsiderasyon Onorab.  Akoz i annan legzersis ki nou’n fer avek – ki nou osi enkli MNA ladan.  Par egzanp, nou’n fer pour Corgat – re-lokasyon.  Nou’n deza an konsiltasyon avek – through taskforce, ki MNA osi i ganny reprezante lo la.  So, nou a seye, nou a gete ki mannyer nou kapab konsidere.  Ki kalite forum ki nou pou bezwen – nou pou kapab fer li ladan?  Mersi Minis.

 

MR DEPUTY SPEAKER

Dernyen kestyon – Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Minis.  Mr Speaker, mon anvi demann Minis en pti keksoz.  Pli boner in eksplik Sistenm Pwen – kot dan en lasanm, si i annan tan pe dormi, konbyen i gannyen?  Ensidswit.  Mon anvi Minis i eksplik mwan en keksoz, – konbyen pwen ki en dimoun, en koup ki annan zanfan, ki ou msye pe dormi en landrwa, son madanm pe dormi en lot landrwa?  E parfwa zot pe kont diferan landrwa.  En ler zot kot en ser, en ler zot kot en kouzin.  Konbyen pwen zot gannyen zot, Minis?

Apre en 2enm keksoz.  Vi ki nou pe donn bokou nou nasyonalite sa ta etranze pour le moman.  Eski i pa pe kree en pe presyon lo nou sistenm lakaz kot zot Minister?  Mersi.

 

MR DEPUTY SPEAKER

Mersi Onorab Loizeau.  Minis.

 

MINISTER PAMELA CHARLETTE

Mersi Mr Speaker.  Mr Speaker, zis pou fer Onorab konpran – sa bann fakter ki ou pe nonmen i ganny kapte dan nou Sistenm Pwen.  Me selman i pa get zis sa bann fakter.  I annan bokou parey mon’n dir, bann lezot fakter ki ou bezwen pran en ka endividyelman pour ou konnen konbyen son pwen finalman i gannyen.

Lo kote bann etranze, mon pa tro konn lapant ou kestyon.  Me selman nou pa donnen lakaz Gouvernman avek etranze.

 

(Off-Mic)

 

MR DEPUTY SPEAKER

Mon krwar Onorab pe sey demande si lefe ki i annan nouvo…

 

HON NORBERT LOIZEAU

Wi – bann ki’n ganny nasyonalite anba 5(1).

 

MR DEPUTY SPEAKER

….nouvo Seselwa ki pe ganny azoute.  Eski sa i pa met en presyon lo sistenm lakaz?

 

MINISTER PAMELA CHARLETTE

Mr Speaker – Deputy Speaker, nou pa ankor ganny bann ka lo la.  Me ler nou a – nou annan en policy ki nou pe travay lo lala.  Nou a gete si li osi i pou bezwen ganny – si i pou ganny konsidere oubyen non.  Mersi.

 

MR DEPUTY SPEAKER

Mersi.  E avek sa nou’n ariv – mon a permet, pardon.  Mon a permet Onorab Gill pour li demann en dernyen kestyon, parski ou ki’n anmenn sa kestyon.  E nou pou round-up kout lo la.

 

HON CHURCHILL GILL

Wi.  Mr Speaker, sa kestyon ki devan nou i tre kler.  Mon pou war li difisil pour okenn nou dan sa Lasanble pa konpran sa wording tre senp.  E mon pa dir – fer mwan deside ki, fer mwan deside pour lakaz Baie Ste Anne.  Napa lo la dan mon kestyon.  Mon kestyon i senpleman pe demann Minis – eksplik dimoun Baie Ste Anne, ki mannyer sa bann kriter in ganny servi?  Ki mannyer sa ki’n gannyen in gannyen?  Ki mannyer sa ki pa’n gannyen i pa’n gannyen e akoz?  Se sa ki kestyon pe demande.  Napa okenn lezot keksoz ankor ki sa kestyon pe implies.

Prezan mon dernyen kestyon ki mon a demann Minis,  sa Komite ki an plas – eski pour alokasyon Baie Ste Anne, sa Komite ti zwenn?  E ou’n dir nou poudir DA i reprezante lo sa Komite.  E si ler i ti zwenn, DA ti ganny envite?  Mersi.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Deputy Speaker.  Pour sa premye 18 – wi sa Komite ti zwenn.  Me selman sa bann alokasyon dernyen, menm si komite pa ti zwenn, ti annan bann desizyon ki ti’n ganny pran depi dan premye meeting alokasyon ki ti ganny fer.

 

MR DEPUTY SPEAKER

Ok.  Mersi bokou Minis.  E avek sa nou’n ariv a lafen sa Sesyon kestyon pour Minis Pamela Charlette.  Mon ti a kontan remersye Minis avek son 2 zofisye – Mr Gerard Hoareau e Mr Denis Barbé.

Nou’n osi ariv ler pour nou tea break – pour nou adjourn.  Nou ava repran 4er en kar, oubyen zot oule pran li 4er?  4.15?  Nou ava repran 4.15.

 

(BREAK)

 

MR DEPUTY SPEAKER

Bon bonn apre midi tou bann Manm Onorab.  En byenveni spesyal pou Vis-Prezidan Vincent Meriton avek ou delegasyon ki konpri Chief Of Staff SPDF Kolonnel Michael Rosette, Lieutenant Leslie Benoiton e Ms Shelda Commettant li i pa’n vini.  Nou pou kontinyen avek travay lo nou Order Paper ki en kestyon Private Notice Question par Leader Lopozisyon Onorab Wavel Ramkalawan.  Mon donn ou laparol Onorab Ramkalawan.

 

HON WAVEL RAMKALAWAN

Mersi bokou Mr Speaker.  Bonn apre midi Vis-Prezidan avek ou delegasyon.  Mr Speaker eski Minis responsab pour Lafors La Defans i kapab donn Lasanble Nasyonal sa bann lenformasyon swivan:-

  1. Ki bann sirkonstans egzakt ki Mr Alberto Antat e Mr Rodney Payet de Manm Lafors SPDF in disparet lo zil Assomption?
  2. Ki ran sa de solda e kwa ki zot ti pe fer lo sa zil letan sa lensidan ti arive?
  3. Ki protokol ki Lafors Defans i swiv dan bann tel sirkonstans pou enform lafanmir ?  E finalman ki staz aktyel loperasyon pou retrouv sa de zenn Seselwa?  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Vis Prezidan ou annan la parol.

 

THE VICE-PRESIDENT MR VINCENT MERITON

Mersi Mr Speaker.  Bonzour tou bann Manm Onorab.  Mersi pou envit mwan.  Bonzour tou bann dimoun a lekout. Mr Deputy Speaker an mezir ki nou pe reponn sa bann kestyon e diskit lo sa size ozordi  Coast Guard pe kontiny son travay son resers pou retrouv nou bann solda. Epi air force, SPDF.  E nou nasyon an antye pe akonpanny zot avek lapriyer.

Mr Deputy  Lendi le 8 Oktob 2018 apre travay labitid bann solda ki lo zil Assomption savedir Serzan Ernesta, prive Michel, Prive Antat avek Prive Payet ti al fer zot bann aktivite personnel.  Sa i en routin tou le zour.  Normalman en bann i al get televizyon e lezot i al bor lanmer kot ennler zot al lapes lo lans devan lakour ouswa lo lasose.  Sa zour Serzan Ernesta ti pe fer landscaping kot lakour.  Prive Michel ti pe get televizyon, e Prive Antat avek Prive Payet ti’n al lapes lo bor lanmer lo lans.

Apre en pe letan, letan Serzan in al rod en pe delo lakwizin i ti remarke ki Prive Antat avek Prive Payet pa ti lo bor lanmer.  I ti al get dan zalantour me i pa ti vwar zot.  I ti alor rod lasistans avek Prive Michel avek foreman IDC pou rod sa de solda.   Pandan resers atraver binok zot ti vwar sa de solda lo en kartye maron dan delo.

Bann travayer ti vitman pous en pti bato fibre glass dan delo, met masin lo la pou bat masin e al sers sa de solda.  Masin ti start  en fwa ti tennyen apre pa’n start ankor.  Zot ti vitman al telefonn Coast Guard e raport sa lensidan.  Coast Guard a son tour ti deswit telefonn SIF lo zil Aldabra e demann lasistans atraver fast boat.  Bato ti vitman kit Aldabra pou desann Assomption e konmans fer resers pou sa de solda.

Ler bato ti pe antre Assomption, i ti rankontre problenm teknik avek enn son de masin.  Bato ti koste Assomption e pran Serzan Ernesta.  Travay reparasyon lo masin ki ti’n ganny problenm avek ti kontinyen an mer pou pa perdi letan e konsantre lo resers sa de solda.  Avyon IDC avek Air Force ti osi ganny de plwaye e ti ariv dan sa lokazyon menm zour menm. Ler zot ti ariv  lo zil zot ti rode zot in fer letour me zot pa ti vwar naryen.

Coast Guard ti anvoy enn son bato patrol pou al dan sa lokasyon.  Bato patrol ti ariv Merkredi.  Bann lezot personnel Coast Guard avek Lapolis ti osi ganny anvoye lo zil e zot, zot ti vin par avyon.  Resers in kontinyen par bann personnel avyon ek bato e zot pa’n vwar nanryen ziska ozordi.  Mr Deputy Speaker i annan lanket ki’n ouver enn par lapolis e en lot par SPDF pou determin bann fe otour sa lensidan.

Kot i konsern 2enm kestyon Mr Deputy sa de solda ti annan ran Prive parey mon’n dir e zot ti’n ganny de plwaye lo zil pou okip bann fasilite SPDF Assomption.  I dan preogativ SPDF pou fer rotasyon son bann personnel dan bann unit militer atraver pei.  Dan ka sa de solda an partikilye enn ant zot pa ti’n konport li an akor avek Code Disipliner SPDF e konsekaman aksyon disipliner ti’n ganny pran avek li.  E i ti pe deservi en peryod 6mwan pandan lekel i ti bezwen refer son lekor.  Se pou sa rezon ki Pive Rodney Payet ti ganny de plwaye Assomption pou travay akote lezot personnel SPDF.  Sa lensidan Mr speaker ti arive letan sa de solda ti dan zot letan lwazir.

3enm kestyon kot i konsern protokol.  Normalman Mr Deputy Speaker dan en tel sityasyon en Zofisye Senior akonpannyen par staff Welfare Officer avek Chaplain SPDF i ganny demande pou pran kontak avek fanmir enform zot sa ki’n arive.

4enm kestyon staz aktyel loperasyon.  Mr Speaker loperasyon resers pe kontinyen par avyon, par bato e par bann personnel ki lo zil.  Nou pou kontinyen rod an deor bann zone ki nou’n fini kouver e osi donn lenformasyon lezot bato ki pe sirkil dan larezyon.  Nou pou  kontinyen rode ziska ler nou trouv sa de solda e zot kartye maron.  Mersi Mr Speaker.

 

MR DEPUTY SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker i annan plizyer kestyon la ki leve.  Mon premye kestyon e sa i enn ki lafanmir pe kestyonnen.  Letan ou pe dir zot ti lo en kartye maron ok, ou dir lo en kartye maron, me Kolonnel Rosette dan en interview in koz lo en light craft.  Mon ti ava kontan konn diferans ant en kartye maron  avek en light craft?  Parski dan nou fason kreol en kartye maron se en keksoz artizanal ki ou met bann morso, I mean nou dan nou letan – dibwa, banbou, dan nou letan nou ti met bann bout bannann, bann tron bannann nou met ansanm ki flote e nou ti apel sa en kartye maron.  Premyerman eksplik nou sa zafer kartye maron avek light craft?

Dezyenmman, Mr Speaker Vis-Prezidan in dir avek nou ki zot ti regard dan binok.  Zot ti regard dan binok e zot ti vwar – sa se Serzan  Ernesta i ti regard dan binok, zot ti regard dan binok vwar sa de dimoun lo sa lobze kartye maron ki ou ou’n dekrir konman kartye maron.  Eski ou kapab dir avek nou lo ke ler sa ti été? E pran an konsiderasyon ki poudir lo Assomption i annan  de sa bann ma ki Gouvernman Endyen ti donn Gouvernman Sesel e lo tou le de sa ma i annan camera?  Zot annan bann camera ki permet zot pou trouv en tre long zistans ok?  Alor sanmenm sa mon pe demann ou ler pou regarde e osi pou nobou parski zot ti devret dan en pozisyon pou zot trouv sa e swiv sa lobze pandan en kantite letan.  Sa i mon dezyenm kestyon.

Trwazyenmman letan ou pe dir ki bato sorti Aldabra, fast boat, fast boat in vini e ou dir ki lo sa fast boat ti annan  de masin e mon konnen sa fast boat ki ou pe koz lo la e sa de masin se de masin ki tre gro.  Si enn sa masin in ganny en problenm sirman zot ti kapab al lo en  masin parski a sa moman Aldabra i 34mil avek Assomption sirman sa bann dimoun pa ti pou’n, pa ti pou’n ariv tro lwen akoz ki zot pa ti deswit al rod sa bann dimoun?  E lo sa kote protocol, eski ou satisfe ki tou protocol ti ganny swiv letan pou enform sa bann dimoun, sa bann manm lafanmir?  E eski ou menm ou Vis Prezidan parey, parey ordinerman ou fer eski ou personnelman ou’n rankontre okenn manm sa bann fanmir?  Mersi bokou.

 

MR DEPUTY SPEAKER

Mersi bokou Onorab Ramkalawan.  Vis-Prezidan.

 

THE VICE-PRESIDENT MR VINCENT MERITON

Mersi Mr Deputy.  Mr Deputy mon kapab, premye kestyon lenformasyon ki mon’n gannyen ki sa kartye maron in ganny konpoze dan e fason wi artizanal sorti dan bann bout bann lezot craft ki’n arive ki’n land lo lans Assomption.  E ler zot in ganny met ansanm, met plywood lo la la in vin en kartye maron.  Mon pa konnen mon fek arive mon osi weekend, ki sa ki m mannyer ki Kolonnel Rosette i dir me selman Mr Deputy speaker si ou permet donn li laparol i kapab donn plis leksplikasyon. Sa premye bout.  Sa i mon lenterpretasyon Onorab.

2enm – Binok.  Wi ti trouv wi Serzan Ernesta ti trouv zot atraver binok e rikord ki mon annan la i montre midi en kar ki zot ti ganny trouve lo atraver binok.  Fast boat.  Se zisteman sa ki ti arive.  En masin ti kase be zot in vin Assomption pou pran Serzan Ernesta, me zot pa’n espere zot pa’n reste Assomption pour ki masin i ganny repare.  Zot in tourn an mer e an mezir zot pe ale an mer sa teknisyen in aranz masin apre ziske ler in repran.  Me selman lefe i reste ki dan zot voyaz, dan zot resers zot pa’n trouv sa de solda lo kartye maron.

Protocol.  Wi Mr Deputy Speaker lenformasyon ki mon’n gannyen se ki ti annan en Zofisye Senior, ti annan Welfare Officer avek Chaplain ki ti al kot sa de fanmir.  Kot premye fanmir ti 6er diswar.  Kot bann Payet Beau Vallon avek kot bann Antat 7.30 diswar Riviere Anglaise.  Mwan mon’n koz avek tou le de fanmir me nou’n tonm dakor nou pou zwenn, so mon’n koz avek tou le de fanmir me mon pa ankor zwenn zot.  Mersi Mr Deputy Speaker.

 

MR DEPUTY SPEAKER

Mersi Vis-Prezidan.  Dan Question Time i rezerve pou Minis.  Nou pa al dan Staz Komite ladan mon a permet- me ou kapab byensir Vis-Prezidan konsilte avek ou de zofisye ki obor ou.  Onorab Ramkalawan.

 

HON WAVEL RAMKALAWAN

Mr Speaker mersi bokou.  Mr Speaker la mon ti ava kontan ki Vis Prezidan i vreman koz ek son de dimoun lo sa kote teknik.  Lo Assomption mon repete ou pa’n kouver sa, lo Assomption i annan de mas e lo sa de mas i annan camera ki permet pou zot vwar en long zistans.  Mon pa pe – mon ti konnen mon pa konnen si 20 whatever kilometers e mon pe trouv i drol ki poudir sa de mas i ganny manned  par SPDF se pou sa rezon ki zot ki zot laba e la nou pe koz i vwar zot midi en kar e la ou ava apresye ki poudir dan sa Zone avek son longtitude soley i kous pli tar ki ler Mahe ok   So si ou’ vwar zot midi en kar dan binok akoz ki SPDF pa’n swiv mouvman sa kartye maron pandan tou sa bann letan parski sa bato sa fast boat sorti Aldabra mon pa konnen ki selman ou donn lenpresyon ki poudir mare pa ti en problenm, alor zot in kapab sorti savedir ti mare o zot in kapab sorti deswit pou arive e si nou pe regard direksyon vann swet savedir sa light craft i ti pou ganny pouse zisteman dan direksyon Aldabra!  Dan direksyon Aldabra, alor akoz ki zot pa’n – premyerman swiv sa kartye maron avek sa de solda dan bann, lo camera ki zot annan lo sa de mas ki zot ti ava konnen egzakteman ki pozisyon?

Dezyenmman akoz ki zot pa’n al dan en fason spesifik dan direksyon, dan direksyon Aldabra e si zot ti’n fer sa definitivman zot ti pou’n rankontre sa de dimoun parski la nou pe koz, nou pe koz parski annan en serten zistans ki ou drive par erdtan ou de zofisye ki obor ou i konnen mwan mon pa e expert mon’n anmas en pe keksoz avek Kaptenn Grandcourt e alor zot ti pou konnen egzakteman dan ki direksyon ki sa 2 dimoun ti sipoze pe ale.

Mr Speaker apre sa mon anvi demann Minis en kestyon VP pli spesifikman eski Assomption i en baz, i ganny rekonnet konman en baz militer oubyen konman en fasilite prizon pou bann solda, vi ki sa Prive Rodney Payet li i ti’n ganny e santans i ti ape servi en santans ki ou’n konfirmen la apre midi avek nou.

Alor en santans eski i pa sipoze ganny servi dan en fasilite ki pou kot – en fasilite apropriye?  Savedir ordinerman dan kan Bel Eau.  Ki i ti ape fer lo Assomption dan sa ka?  Parski i sipoze lo en santans li i pa sipoze pe travay parski son lapey i ganny koupe letan en dimoun i ganny court martial e alor ki i ti ape fer Assomption?

E eski son fanmir, eski ou kapab konfirmen ki dan ka Mr Rodney Payet – son fanmir ti’n ganny enformen spesifikman son manman pa dan pa ti dan pei sa letan, me son granmanman ki son next of kin eski zot ti ganny enformen spesifikman ki poudir Prive Payet pe al kontiny son santans lo Assomption, e eklersi nou lo sa size prizon oubyen son detansyon parski la ki mannyer ou pe dir avek nou i ti’n fini travay be letan ou pe servi en santans ou pa fini travay akoz ou en – ou ofisyelman en prizonnyen pou bann militer alors ou napa kar travay me si ou Bel Eau ou pe reste dan kaso.  Mersi bokou.

 

MR DEPUTY SPEAKER

Mersi Onorab Ramkalawan.  Vis Prezidan.

 

THE VICE-PRESIDENT MR VINCENT MERITON

Mersi Mr Deputy Speaker.  Onorab mon osi mon pe anmas bann lenformasyon isi laba pou kapab konpran ki mannyer ladefans i travay e sirtou kot i konsern sa ka spesifik.  Sa de lema ki ou’n koz lo la annefe zot dan en staz shut down avek fer en major upgrade pou kapab fer sa bann fasilite e lezot fasilite cyclone proof. I annan en proze ki pe ganny enplimante pou kapab zisteman adres sa.

Bann lekipman in fini ganny order in fini arive epi en lakonpannyen pe vini pou kapab zisteman kapab aktyaliz sa e fer ki sa de leman i travay.  A sa moman ki sa lensidan ti arive sa radar pa ti pe travay.  Premye.

2enm se zisteman se zisteman se sa ki Coast Guard avek tou bann dimoun ki’n vin lo sit sa apre midi ti fer.  Determin lavites divan, lavites ki sa light craft kartye maron ti kapab pe ale, kalkil son direksyon, me selman malerezman pa’n trouve.  Zot in fer tou sa ki ti neseser dapre tou bann lareg, zot in asize zot in mezire me selman zot pa’n vwar zot.

Eski Assomption i en fasilite prizon?  Non Assomption pa en fasilite prizon i en out post parey zot konnen i annan travay ki nou pou bezwen fer a lavenir.  Me selman parey mon’n dir sa solda i ti’n – pa’n konport li an accord avek Code Disipliner Larme e i annan aksyon disipliner ki’n ganny pran avek li.  I ti’n fer 3mwan Mahe apre in mont 3mwan e lo en zil keksoz i diferan ki isi lokal.  Mazinen lesansyel i ti’n ganny anvoye pou li kapab refer son lekor pou li kapab partisip dan serten aktivite ki militer i fer lo bann zil savedir mentenir bann fasilite.

So e wi de tyer saler i ganny koupe e pa antyerman.  Epi kot i konsern lenformasyon.  Taler mon’n dir i preogativ SPDF pou li rotate son bann solda, son bann personnel, dan bann nenport stasyon ki annan atraver larepiblik.  E difikilte ki nou annan la se ki la fanmir i dir i pa ti ganny konsilte apre Coast Guard i ti dir i ganny konsilte.

Me sa i ava ganny sorti ler sa lanket i a finalize akoz i annan bann keksoz ki mannyer mon konpran i annan serten sinyatir ki’n ganny mete ki nou a bezwen vwar e ki apre sa konfizyon i kapab  ganny eliminen.  Mersi Mr Deputy Speaker.

 

MR DEPUTY SPEAKER

Mersi Vis-Prezidan.  Onorab Clifford Andre.

 

HON CLIFFORD ANDRE

Mersi Mr Speaker.  Bon apre midi Vis-Prezidan avek delegasyon.  Mon premye kestyon Vis-Prezidan se konbyen letan servis sa de personnel ki’n perdi i annan avek SPDF?

2enm se ki ti kondisyon lanmer letan sa de solda ti ganny spot dan binok lo lanmer?

3enm se ki zistans vi ki binok militer i enn ki sofistike, ki zistans zot ti ganny spot?

Katriyenm kestyon Mr Speaker se eski sa kartye maron ki zot ti lo la oubyen sa light craft parey in ganny dir in ganny vwar oubyen pa ankor ganny vwar?  Mersi Mr Speaker.

 

MR DEPUTY SPEAKER

Mersi Onorab Andre. VP.

 

THE VICE-PRESIDENT MR VINCENT MERITON

Mersi Mr Deputy Speaker.  Mr Deputy Speaker Prive Antat ti annan 5an edmi e prive Payet 10mwan.  Mr Deputy Speaker lanmer ti kalm ler sa de solda ti ganny spot lo kartye maron atraver binok, me apre midi letan in gonfle pli tar.  Nou pa kapab estimate zistans malgre ou pe dir ki bann binok i kapab donn ou zistans mon’n ganny enformen ki nou pa ti kapab estimate zistans ki sa kartye maron avek sa de solda ti ete avek landrwa kot sa zofisye ki ti pe gete dan binok ti ete.

Kartye maron non pa ankor ganny retrouve.  Parey mon’n dir taler nou le exhaust tou posibilite pou vwar swa nou vwar sa de dimoun oubyen nou vwar kartye maron oubyen okenn debri.  So nou pa ankor vwar e nou pou kontinyen fer nou resers ziska ler nou kapab trouv en keksoz.  Mersi Mr Deputy Speaker.

 

MR DEPUTY SPEAKER

Mersi Vis-Prezidan.  Onorab Andre.

 

HON CLIFFORD ANDRE

En dernyen pti klarifikasyon Vis Prezidan, an vi ki militer i annan bann lareg ki strik e ki parey ou’n dir Prive Payet pa ti’n fer serten konformite avek Lareg Militer eski dan son – ki ti son kondannasyon apard ki 6mwan?  Eski son kondannasyon 6mwan sete pou servi 3mwan lo Mahe e servi 3mwan lo Assomption akoz si sa i pa le ka savedir Lotorite militer i pa’n fer konformite avek Lareg Militer li menm.  Mersi.

 

MR DEPUTY SPEAKER

Mersi Onorab Andre.  Vis- Prezidan.

 

THE VICE-PRESIDENT MR VINCENT MERITON

Mersi Mr Deputy Speaker.  Lo komansman ler i ti’n ganny kondannen sa 6mwan i ti’n ganny dir ki pandan sa 6mwan en pe letan i a fer Mahe apre i kapab ganny rotate lo bann lezot outstation.  Mersi Mr Deputy Speaker.

 

MR DEPUTY SPEAKER

Mersi Vis-Prezidan.  Onorab Gervais Henrie.

 

HON GERVAIS HENRIE

Mersi Mr Speaker.  Bonn apre midi tou dimoun.  Mr Speaker dan son leksplikasyon ziska prezan Vis-Prezidan in dir nou poudir in nonm detrwa non ki ti lo zil.  So kestyon ki mon anvi demande se konbyen personnel i annan laba pou nou kapab apresye kwa ki ti’n kapab fer osi vit pou asiste sa de dimoun dan detres?

E zisteman letan in dir ki sa dimoun ki’n regard dan binok in sey pran bato, eski alor si lanmer ti kalm kwa ki’n determin sa dimoun poudir be deswit mon bezwen al sers sa de dimoun e ki zot dan danze pou pa kapab retournen zot menm?  Mersi.

 

MR DEPUTY SPEAKER

Mersi Onorab Henrie.  Vis-Prezidan.

 

THE VICE-PRESIDENT MR VINCENT MERITON

Mersi Mr Deputy Speaker.  Mr Deputy Speaker ti annan 4 solda lo zil en Serzan avek 3 prive.  Ki sa ki’n determinen, ki sa ki’n determin zot pou al sers sa de solda, be se lanvi soz zot de frer zot de koleg, zot de konpatriyot oubyen mon’n mal konpran ou kestyon.

 

MR DEPUTY SPEAKER

Onorab Henrie.

 

HON GERVAIS HENRIE

Wi sa ki mon pe dir se eski letan in regarde konmsi i ti vwar zot telman lwen avek lakot ki in realize poudir zot pa pou kapab retournen lo zot menm parski ou’n dir lanmer ti kalm zot ti’n al laba avek en zaviron zot ti kapab probableman retournen.  Kwa ki’n determinen poudir ti bezwen al deswit pou al sey rod zot?

 

MR DEPUTY SPEAKER

Mersi Onorab Henrie.

 

THE VICE-PRESIDENT MR VINCENT MERITON

Mersi Mr Deputy.  Mr Deputy zot ti annan permisyon pou al lapes obor lanmer oubyen lasose, me pa al lapes lo swa bato oubyen kartye maron.  Sa ti premye konsiderasyon.  Apre dezyenm pou sov enn ou frer. Mersi Mr Deputy Speaker.

 

MR DEPUTY SPEAKER

Mersi Vis-Prezidan.  Onorab Regina Esparon.

 

HON REGINA ESPARON

Mersi Mr Speaker.  Mr Speaker mon ti a kontan demann Vis Prezidan, ki mezir sirveyans ki annan lo zil parski Rodney Payet ti en kondannen.  Ki kalite sirveyans sipervizyon ti annan lo zil pou fer sir ki i la?  E akoz ki zot napa en backup lo kote masin bato lo Assomption vi ki sa zistans ki i ete avek Mahe? Mersi.

 

MR DEPUTY SPEAKER

Mersi Onorab Esparon.  Vis- Prezidan.

 

THE VICE-PRESIDENT MR VINCENT MERITON

Mersi Mr Deputy.  Onorab mezir sirveyans se bann Lareg ki i egziste Serzan i donn son bann lareg ek son bann zonm ki travay e fodre dir ki sa pa premye fwa ki arive.  I annan bann lezot zil kot SPDF i annan fasilite kot bann zofisye i ganny anvoye pou servi en santans pou refer zot lekor oubyen zis zot ganny poste pou ede mentenir bann fasilite e bann lareg ordiner ki egziste dan  militer i arive  i pran plas.  Ki backup mon a fer sorti la ki sa bato sa pti bato fibre glass se en bato IDC ansanm ek son masin IDC.  Comme tel Coast Guard napa en bato stasyonnen lo zil Assomption, me selman sa ki nou trouve tou dimoun in si ou le koste zepol ansanm depi IDC son former ek son lezot travayer bann dimoun Aldabra ki ler zot ti telefonnen in vini, pou kapab vreman adres sa sityasyon e apard ki bann deplwayman ki’n fer depi Mahe pou kapab vini e sov sa de solda.  Mersi Mr Deputy.

 

MR DEPUTY SPEAKER

Mersi Vis-Prezidan.  Onorab Simon Gill.

 

HON SIMON GILL

Mersi Mr Speaker.

Mr Speaker premyerman bann nouvel lenformasyon ki pe donnen la e ki mon’n swiv nou pe konpran poudir sityasyon i pa tro favorab.  Me dan en sityasyon ase dan en lenpas.  E dan sa konteks lo non nou lekip isi dan Lasanble, nou oule ofer nou senpati avek sa de fanmir, ki’n ziska pou le moman zot pa ankor trouv zot pros.  E i regretab sa lensidan in arive, e sa i anmenn mwan pou demann en kestyon nou Vis-Prezidan ki la.  Ki bann dernyen plan avek ki lavites nou kapab enplimant plan pou nou kapab annan en fasilite, ki ase o nivo dan sa rezyon?  Assomption li menm li in e size ase kontroversyel resaman.

Me ler bann ensidan regretab i arive, i pous nou pou nou kapab bouze e pran bann desizyon e kree bann fasilite lo bann zil, pou ki nou kapab arive mentenir en sirveyans e reste lo alert.  Si mon kapab servi sa term 24 lo 24 pour ki okenn sityasyon ki arive nou a la oter pou nou  kapab sov lavi e protez nou teritwar.  Mersi Mr Speaker.

 

MR DEPUTY SPEAKER

Mersi Onorab Gill.  Vis- Prezidan.

 

THE VICE-PRESIDENT MR VINCENT MERITON

Mr Deputy Speaker.  Mersi.  Nou tou nou konnen sa kestyon Assomption, me selman la ozordi swivan sa lensidan ki’n arive, i montre nesesite ki nou kapab annan bann fasilite lo bann kwen nou teritwar sirtou ban kwen kritik e stratezik nou teritwar.

E mon asire ki Gouvernman e avek de kote latab isi dan Lasanble nou dakor lo sa size e nou pou gete ki mannyer nou kapab ariv lo en tel konklizyon pou nou kapab annan bann resours Assomption, Astove ou autre kot nou annan bann fasilite pou protez lentere nasyonal, lavi imen, proteksyon lanvironnman, vol, nou bann resours ki nou annan e osi kestyon drog e lezot trafik ilegal maritim ki pe arive dan nou delo.   I en defi pou nou me an menm tan i permet nou apresye lanvironnman difisil ki nou bann dimoun air force, Coast Guard, SPDF i pas atraver pou kapab protez nou teritwar e sov lavi dimoun.  So, wi i en travay ki bezwen ganny fer e  Gouvernman e mon asire ki Lasanble i apresye sa e ler i annan serten propozisyon ki a vin devan mon asire nou pou kapab trouv en fason ki mannyer nou pou bouz devan.  Mersi Mr Deputy Speaker.

 

MR DEPUTY SPEAKER

Mersi Vis-Prezidan.  Mon napa lezot dimoun ki – Onorab Wilbert Herminie.

 

HON WILBERT HERMINIE

Mersi Mr Speaker.  Bonn apre midi Vis-Prezidan avek ou delegasyon.  Vis-Prezidan pandan sa moman detres la ki sipor ki lafors pe donn sa de fanmir pou ed zot kapab pas da sa letan ki zot ladan?  Mersi Mr Speaker.

 

THE VICE-PRESIDENT MR VINCENT MERITON

Mersi Mr Deputy Speaker.  Mr Deputy Speaker parey Onorab Ramkalawan in demann mwan lo komansman mon pa ti kapab vi isi san omwen koz avek sa de fanmir.  Mon krwar dan en sityasyon parey nou bezwen koze e mon santi sa douler, sa soufrans ki bann fanmir pe pas atraver.  Mon santi douler e helplessness si oule sa bann dimoun lo zil, ki’n anvi avek tou bonn volonte vin devan e sov zot de pros me zot pa’n kapab.  Mon santi douler bann manm fanmir isi ki napa en lenformasyon malgre lefe ki zot an kontak permanan avek dimoun kot Coast Guard pe koz avek zot.

Mon annan leksperyans bann dimoun otaz dan bann lannen 2008/2009/2010 ler bann fanmir i ganny – ti mon responsabilite pou al pas move nouvel avek la fanmir e dimoun pa ti le tann mon call e vwar mwan se zot akoz zot ti krwar poudir mon pe donn en move nouvel.  E konmsi ou konpran ler en manman oubyen en papa oubyen en zanfan i plere i dir ou i pa vwar son pros e dimoun parler pa larg ou pou en erdtan de erdtan e ou bezwen pas parler en demi zournen avek zot.  Parler tou le de zour ou pe koz ek zot oubyen en fwa tou le zour oubyen petet detrwa fwa par zour akoz sa langwas, sa douler e i difisil.

Met nou dan zot sityasyon e nou apresye ki mannyer i ete. E mon krwar i enportan ki nou priye servi sa lokazyon pou priye ansanm konman en Nasyon.  Pa zis akoz sa ki’n arive me an zeneral pou lape dan nou pei.  Ki nou viv ansanm konman frer ek ser e mon asire zot tou lo tou le de kote latab i apresye bann pozisyon lenfliyans, bann pozisyon Lotorite ki nou ladan ki nou koz zis lape, larmoni, rekonsilyasyon pou nou bouz devan.

I malere selman parler ler ou vwar serten parey mon pe lir bomaten serten keksoz ki pe koz touy piti isi touy piti laba Seselwa pa viv koumsa.

So sa leksperyans otaz bann fanmir ki’n ganny afekte i douloure.  I en keksoz ki nou anvi ferm en sapit met deryer nou e bouz devan.  Sanmenm ki mon’n dir nou pou exhaust tou bann posibilite pou nou kapab gete ki nou kapab fer pou kapab trouv nou fe frer nou de zanfan.  Me selman mon krwar i en zefor kolektiv, en zefor enternasyonal kot tou bann bato ki pe pas dan la rezyon in ganny alerte, tou bann Por dan la rezyon in ganny alerte, tou bann Lotorite Maritim dan la rezyon in ganny alerte, prive mon pe koz SIF, mon pe koz SPDF, Coast Guard avek Air Force.

Mon pe koz IDC e nou en nasyon Seselwa nou tou nou annan lapriyer pou siport bann aksyon ki nou bann zonm ek fanm brav pe seye pou kapab retourn nou de frer sen e sof. Mersi Mr Deputy.

 

MR DEPUTY SPEAKER

Mersi Vis-Prezidan.  Onorab Stephen Pillay.

 

HON STEPHEN PILLAY

Mersi Mr Speaker.  Bonn apre midi Vis Prezidan ek ou delegasyon.  Mr Speaker mon vin en pe lo laliny Onorab Simon Gill zafer sekirite maritim ek bann fasilite propose facilities pou Assomption ki zot ti pe debat lo la.  Mon anvi demann Vis Prezidan ki bann resours aktyel zot annan pou asire sekirite maritim anba Assomption, eski Coast Guard i annan resours pou maintain sekirite maritim.  Mon pe dir sa anvizaze parey ANDROMENT, TOPAZ, CONSTANCE, ETOILE.  Eski zot ale anba laba regilyerman e akoz zot napa e bato laba pou mentenir sekirite lo la akoz mannyer mon aprann ennler zot ale en semenn  de semenn.  Akoz zot ti napa en bato vi ki radar camera pa marse, konmsi e backup ki zot pe patrole an menm tan me si i ti pou fer en lefe si ti annan en bato Coast Guard parey bann ki fer long zistans parey nou’n deza al lo la.  Si ti pou annan en lefe lo sa de zans ki malerezman pa ankor vwar e pou nou sekirite maritim?  Mersi Mr Speaker.

 

MR DEPUTY SPEAKER

Mersi Onorab Pillay.  Vis- Prezidan.

 

THE VICE-PRESIDENT MR VINCENT MERITON

Mersi Mr Deputy Speaker.  Mr Deputy Speaker wi nou annan en Polisi sekirite maritim konpreansiv.  Nou’n  deza koz lo la me selman mon krwar nou kapab a lavenir kapab vin donn en ekspoze avek Lasanble Nasyonal ki konpri bann nivo ki  bann landrwa, ki bann lekipman, ki bann zonm, ki bann aksyon, ki bann partenarya ki nou annan.  W nou annan 3 bato.  3 bato ki pe fonksyonnen la be nou annan en kantite priyorite.  Mazinen Onorab nou annan 1.4milyon kilomet kare pou nou sirveye e nou fer bann patrol.  Nou fer bann patrol me lo sak sa bann zil, lo sak bann zil ki nou deside fer en out post nou bezwen fer serten nivo lozistik pou kapab konekte avek sa ki patrol ki nou pe fer pou kapab swiv.

Mon’n dir ki la nou pe travay lo sa de lema pou kapab met li azour, met bann lekipman modern me pa zis modern me fer li cyclone proof pou ki nou kapab annan en pli, konmsi servi bann lekipman, servi rezilta ki bann lekipman i donnen antretan ki nou kapab annan en fasilite pli sibstansyel pou kapab annan zonm, annan ou bann lekipman pou permet fer en travay pli a long term e ki efikas.  Mersi Mr Deputy Speaker.

 

MR DEPUTY SPEAKER

Mersi Vis-Prezidan.  Onorab Pillay.

 

HON STEPHEN PILLAY

Mersi Mr Speaker.  Mr Speaker ki mon demann Vis Prezidan akoz ki parey pe dir parey nou konnen bato i ale i al patrol anba laba en ler par e semenn de semenn,  zot fully equipped.  Pa pe pran nanryen lo zil zot Assomption.  Me akoz ki zot napa en regilyerman, ler enn i desann mon konnen i annan sepa konbyen kilomet kare ler enn i desann lot pe monte ki ou annan en prezans 24er laba, ou konpran?  Ou annan 3 bato ou annan 4, i annan ….ki kapab fer en pe pli pre.

Si ou annan 3 bato ki kapab al laba, enn i kapab dan Nor enn i dan Sid  be ou annan sa kontrol ziska ler parey nou pe dir sa bann fasilite ki ou pe propoze i vin devan nou, nou diskit lo la, me zot kapab annan sa bato patrol tou le zour laba anba.  Pou ki rezon zot ti napa pandan sa semenn or dan semenn ki lensidan ti arive?  Mersi Mr Speaker.

 

MR DEPUTY SPEAKER

Mersi Onorab Pillay.  Vis- Prezidan.

 

THE VICE-PRESIDENT MR VINCENT MERITON

Mersi Mr Deputy.  Mr Deputy zis mon ti a kontan rapel Lasanble ki en voyaz i kout nou R250mil an mer.  R250mil par zour Onorab.  E nou al bann landrwa baze lo lentelizans ki nou annan.  So ek 3 bato i en pti pe difisil pou nou kouver tou bann landrwa an menm tan.  Me selman otan ki posib Coast Guard i fer bann schedule trips pou aprovizyonn bann zil kot i annan fasilite, e osi pou reponn bann bezwen kot i annan bann call lentelizans.  Mersi Mr Deputy Speaker.

 

MR DEPUTY SPEAKER

Mersi Vis Prezidan.  Onorab Francois Adelaide.

 

HON FRANCOIS ADELAIDE

Mersi Mr Speaker.  Bonn apre midi Mr Speaker.  Vis Prezidan mon annan en pti kestyon.  Ti annan en msye ladan ti’n ganny anvoye kondannen pou fini son pti letan laba lo zil.  Eski sa dimoun ki ansarz zil in permet en dimoun fer en kartye maron?  In trouve?  Akoz ki fer, si ou vwar en prizonnyen pe fer en lakor petet ou konnen i kapab pe fer nide sove, e si ou vwar en dimoun pe fer e kartye maron eski zot i permet sa ziska sa kartye maron in fini ki sa dimoun in pran in servi?  Eski ti napa en monitor li sa zil?  Apre en lot pti kestyon eski i annan lot zil ankor akoz solda i sipoze ban dimoun disiplinen ki zot annan ankor kartye maron eski zot fer sa bann pratik?  Mersi.

 

MR DEPUTY SPEAKER

Mersi Onorab Adelaide.  Vis- Prezidan.

 

THE VICE-PRESIDENT MR VINCENT MERITON

Mersi Mr Deputy.  Mr Deputy sa fenomenn kartye maron in monte la ler bannla in ganny trouve lo delo baze lo lenformasyon ki mwan mon annan.  Mon napa lenformasyon ki’n montre ki prouve ki Serzan ti okouran poudir ti annan en mannev pou fer kartye maron.  So napa lezot kartye maron –  lenformasyon ki nou annan lo bann zil.

I pa en pratik ki ganny fer akoz bann solda pa sipoze al lapes pou anmenn bouyon ater pou kwi.  Coast Guard i aprovizyonn zot avek tou bann lefe nitrisyon neseser ki zot bezwen.  Zot al lapes lo lasose oubyen bor lanmer konman  en pastan – pa en keksoz forse.  Zot pa’n anba okenn obligasyon pou fer sa Mr Deputy Speaker.  Mersi.

 

MR DEPUTY SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker i annan serten keksoz ki pa pe azoute la pou mwan.  Bokou keksoz pa azoute.

Premyerman e mon pa en gran koneser Assomption me selman parey Kolonnel Rosette i konnen avek Komite Zil e avek Komite FPAC nou’n ganny sans pou nou vizit Assomption e pou nou ganny bokou leksplikasyon.  Enn bann leksplikasyon ki nou’n gannyen se ki pandan Vandswet sa bout devan kot lasose ou pa kapab servi li.  Lanmer la i pa bon e akoz Vandswet konmsi basically i pe rantre anndan, konmsi pe pous anndan e alor se lo lot kote zil ki ou kapab servi.  E si nou pe koz lo en kartye maron savedir zisteman pandan sa sezon Vandswet se la kot bann diferan morso dibwa bann debri in tonm lo zil.  Savedir i pe rantre.

Be si sa i le ka, si sa bann dimoun ti lo en kartye maron i ti pou difisil pou zot sorti, pou zot al an deor e an plis ki sa letan nou pe regard Assomption kot lasose i ete e letan nou pe al kot sa  dezyenm ma i ete lo bout sa i en gran labe.  I en gran labe e mon ti ava kontan ganny en bon leksplikasyon lo ki bor egzakteman, ki bor egzakteman zot ti’n zot ti’n sorti avek sa kartye maron!  Parski i ti pou anmenn zot anndan e non pa vreman deor e si zot ti sorti deor, si zot ti sorti deor parey mon pe dir kot Assomption i ete pli dan sid avek Aldabra ki pli dan Sid Was otomatikman nespes konmsi pli anler – otomatikman ti pou anmenn zot dan direksyon Aldabra.

E kestyon alor ki mon poze se eski zot pe fer plis resers, parski mwan mon osi tou Mr Speaker mon anvi dir avek Vis Prezidan mon pa oule perdi lespwar e se sa mon’n vizit mon’n vizit gran manman Mr Payet e son manman in arive os mon’n vizit zot Riviere Anglaise.  Mon’n vizit madanm Hoareau manman madanm Antat Lopital e parol ki mon donn zot se ki fodre pa ki zot perdi lespwar.

Parski nou annan Aldabra ki vast dan li menm alors ki posib zot in tonm lo Aldabra e ki nou pa ankor arive vwar zot.  Lot kote i annan sa gran channel kot bokou bato i pase e lot kote byensir ou al tonm lo grannter lo Kontinan ki konmsi i annan  lespwar.  Se sa ki mwan mon sey ankouraz bann dimoun.  Eski i posib ki lo kote Aldabra li menm, zot pa pe fer ase resers pou regarde si bannla in ariv laba parski si zot pe dir lanmer in gonfle apre midi ki vedir Vandswet in leve alors i pou pous zot definitivman dan direksyon Aldabra li menm.

Me eski Minis pe osi dir avek nou ki bato IDC parski nou’n vwar sa bato IDC nou e i en bato ki solid i en bato ki zot ti – bato IDC i en bato solid laba lo Assomption e ofet se en bato ki zot ti pran avek bann poachers ki zot pe servi ozordi konman sa bato e eski pe dir ki IDC pa’n maintain sa bato pou li kapab degaz lasasen dan en tel sityasyon, dan en tel sityasyon parey?

E an plis ki sa letan nou pe kalkil, letan zot in vwar li letan zot i vwar kartye maron  midi en kar e lanmer ti kalm parski lo zil laba i annan ok, ou dir ti annan 4 solda, ok de ti lo kartye maron an plis ki sa i annan reziser e apre sa i annan bann lezot travayer lo zil, bann travayer ki asosye avek Airport prensipalman me selman zot travay laba ki konmsi definitivman lans en loperasyon lavites e avek lo kote Aldabra osi ki pe vini ki konmsi mon pa pe,  konpran mwan Mr Speaker konmsi mon pa pe trouve ki mannyer zot in kapab sape avek tou sa bann keksoz espesyalman ki sa divan la dan sa moman ki zot in ganny anmennen i en divan ki ti ava pe soufle anndan.

An plis ki sa eski Minis i kapab dir nou, Mr Payet li Prive Payet li i ti zis 3 zour lo zil.  Zis 3 zour lo zil.  Eski pandan sa 3 zour ki in fer – in ede fer sa kartye maron?  Pa ti Mr Antat li i ti lo zil en pe pli avan.  Konmsi konpran mwan Mr Speaker konmsi ou a krwar i annan bann bout ki pa pe azoute, e se pou sa rezon ki mon pe, mon pe, – mon anvi konmsi fouy en pe plis pou nou  ganny plis leklersisman.  Mersi bokou.

 

MR DEPUTY SPEAKER

Mersi Onorab Ramkalawan.  Vis-Prezidan mon krwar sa ki bokou Manm pe sey eksprimen se eski ou kapab konfirmen ki lo en out post tel ki Assomption ki annan de operater sa se IDC apre militer zot napa ni en dinghy ki sorti 3mil nautique avek lakot pou trouv e dimoun ki pe drive?  Eski sa i le ka parski se sa kondisyon ki i paret nou’n ladan ki zot ti forseman 3 a 4 mil nautique avek lakot e nou pa’n kapab al rekiper zot?

 

THE VICE-PRESIDENT MR VINCENT MERITON

Mersi Mr Deputy Speaker.  Mr Deputy Speaker lo detrwa keksoz avek Onorab Ramkalawan nou dakor nou pa perdi lespwar.  Tou dimoun la anndan pa’n perdi lespwar.  E zisteman demen i annan en lanmes midi en kar pou sa bann dimoun, pe organize Katedral Imakile Konsepsyon.  Nou osi tonm dakor ki apre tou sa bann keksoz ki depi Coast Guard, depi IDC, depi Aldabra in fer, nou ti’n devret kapab vwar zot.  So i pa kler pou on osi ler nou’n diskite mon’n vin isi avek en lespri ouver pou kapab donn tou lenformasyon ki nou annan, e si i annan okenn bout ki bezwen ganny met ansanm ankor, e se pou sa rezon i annan de lanket ki pe pran plas la pou kapab piece tou sa bann zafer ansanm pou nou kapab vwar kot i ete.  Be bann teknisyen bann expert avek pa detrwa lannen, en ta lannen leksperyans i montre mwan poudir bann kouran divan, bann labriz ki pouse, mare ki mannyer i été, nou ti’n devret kapab spot zot.  Be i annan keksoz ki pa pe konekte ki nou bezwen al pli profon.  Ki zot in dir mon osi pandan Vandswet la i proteze be la i rough e lenvers ki ou ti pe dir.  So ou ki ou pe dir eski Aldabra napa en posibilite ki nou pa ’n get afon?

 

 

Be Kolonnel in dir mwan nou’n gete be selman travay i ankor ongoing.  Nou pou kouver bann Zone ki nou pa’n kouver e si nou annan okenn soupson oubyen okenn lezot lendikasyon, okenn lentelizans pou nou gete akoz pou nou priyorite se enn retrouv nou bann dimoun apre dezyenm tir bann leson ek bann rekomandasyon ki mon asire sa lanket lo kote SPDF entern avek lo kote lapolis i a kapab montre nou semen ki mannyer nou pou al de lavan.  Mersi Mr Deputy Speaker.

 

MR DEPUTY SPEAKER

Mersi Vis-Prezidan.  Dernyen kestyon Onorab Philip Arissol.

 

HON PHILLIP ARISSOL

Mersi Mr Speaker.  Minis.  mon ti a kontan konnen  si lanmer ti kalm eski sa de solda ti montre okenn siny detres pou atrakte bann dimoun ki ater?  E konbyen letan zot i kapab vwar  si ti annan sa sityasyon?

 

MR DEPUTY SPEAKER

Mersi Onorab Arissol.  Vis-Prezidan.

 

THE VICE-PRESIDENT MR VINCENT MERITON

Mersi Mr Deputy Speaker.  Onorab mon osi mon’n demann sa kestyon ler zot ti ganny vwar dan binok eski zot ti anba siny detres.  Lenformasyon ki mon’n gannyen non ti napa anba siny detres.  Mersi Mr Deputy Speaker.

 

MR DEPUTY SPEAKER

Onorab Ramkalawan, mon krwar i demann enn de kestyon ki relev en pti pe sa ki Onorab Henrie ti’n aktyelman leve, in dir be kwa ki’n pous zot si zot pa ti’n santi poudir ti annan en sityasyon an danze, kwa ki’n pous zot pou zot alors deklans en loperasyon resers? Onorab Ramkalawan ou ti oule azout lo la.

 

HON WAVEL RAMKALAWAN

Mr Speaker en lot keksoz 3mil nautique ou dan defonse.  3mil nautique Assomption napa lapes.  Napa lapes eski zot ti pe plito fer lwazir?  Parski ou bezwen en laliny mil met pou ou lapes 3mil nautique avek Assomption.  Konmsi tousala e eski byensir zot ti bezwen annan pagay avek zot.  Zot ti bezwen annan pagay avek zot e si nou pe dir sa morso la parey zot in endike pandan sa peryod i kalm, zot ti annan  pagay avek zot, zot ti devret fasilman kapab re antre.   E ki – non – I mean kestyon – ‘Questions pour un champion.’ 

 

MR DEPUTY SPEAKER

Mersi Onorab Ramkalawan.  Vis-Prezidan.

 

THE VICE-PRESIDENT MR VINCENT MERITON

Mr Deputy Speaker mwan osi mon krwar nou bafwe avek sa sityasyon mannyer in devlope nou pa oule spekile e les bann teknisyen, bann spesyalis analiz bann opsyon e i annan en kantite opsyon ki lo latab.  I annan bann lanket ki Ankour e mon krwar nou tou nou anvi konnen vreman ki’n arive akoz i parey Angle i dir it’s mind boggling, pou konpran avek e sityasyon kalm avek divan ki ti pe pouse, pa for devret fasilman kapab retrouv zot be selman Mr Deputy Speaker nou kapab permet lanket terminen apre nou kapab vin devan e pronons en rapor pli konpreansiv pou konsonmasyon piblik akoz nou napa nanryen pou kasyet dan sa bann zafer.  Mersi Mr Deputy Speaker.

 

MR DEPUTY SPEAKER

Mersi Vis-Prezidan.  Mon annan zis en dimoun ki’n lev lanmen mon bezwen ferm kestyon la.  i 5.15 me solman mon a permet Onorab Andre demann dernyen kestyon.

 

HON CLIFFORD ANDRE

Mersi Mr Speaker.  Mr Speaker mon ti a kontan demann Vis Prezidan ki kantite letan apre midi en kar ki Air Force in deklans e loperasyon pou li konmans fer resers?  Akoz Air Force i pou bann avyon ki annan lekipman vreman sofistike abor, ki si i pe anvol 10mil nautique i kapab spot  en pti bato lo – i pe altitid 10mil sorry 10mil pye, mersi Onorab Pillay, 10mil pye i kapab spot en pti bato anba e akoz ki letan zot pa ankor met en nouvo fasilite radar oubyen sirveyans laba zot in vwar li neseser pou zot tenny en fasilite ki aparaman ti pe donn recordings of lanvironnman sityasyon ki pe pase laba akoz zot in tenny sa letan lot pa ankor pare pou ganny komisyonnen?  Mersi.

 

MR DEPUTY SPEAKER

Mersi Onorab Andre.  Vis- Prezidan ke ler avyon…

 

THE VICE-PRESIDENT MR VINCENT MERITON

Mersi Mr Deputy Speaker.  Mr Deputy Speaker ti annan avyon IDC ki ti Astove ki ti deswit ti ganny demande pou kapab fer en letour.  E lo kote Mahe se 4er mwen 9 ki avyon ti airborne pou aport lo lokasyon.  Kot i konsern fasilite.  Fasilite pa ti’n ganny shut down li, fasilite pa ti pe marse.  So sanmenm sa ki fer antre prezan sa ki ou apel dan langaz teknik fer en major improvement pou kapab fer li cyclone proof e fer li pli performan.  Mersi Mr Deputy Speaker.

 

MR DEPUTY SPEAKER

Klarifikasyon.  Onorab Andre.

 

HON CLIFFORD ANDRE

Mersi.  I pa ti pe marse konbyen letan i ti annan i pa ti pe marse VP akoz si pa ti pe marse leta nou, nou ti al laba lenpresyon ki nou ti gannyen sete enn bann lekipman vreman sofistike ki nou ti vwar laba.  Mersi.

 

MR DEPUTY SPEAKER

Mersi Onorab Andre.

 

VICE-PRESIDENT MR VINCENT MERITON

Mersi Mr Deputy Speaker.  Lenformasyon ki mon annan i montre ki anviron 2 mwan i pa ti pe fonksyonnen.  Mersi Mr Deputy Speaker.

 

MR DEPUTY SPEAKER

I swiv sa kestyon ale mon a permet sa.

 

HON WAVEL RAMKALAWAN

Mr Speaker si Vis-Prezidan pe dir avek nou avyon, ti annan avyon Astove ki deswit ti ganny dispatch, Astove pou Assomption i donn 138 kilomet.  Ok 138 kilomet e 1 erdtan 138 kilomet i vedir ki dan 1erdtan avyon sorti Astove i pe fly dan over Assomption.  Be si midi en kar, midi en kar e deswit i arive dizon i ariv 2er laba, donn li en pti git plis ki en erdtan i ariv 2er, be 2er sa avyon ti’ n devret spot li.  Parski kartye maron li, kartye maron i annan en keksoz spesifik avek kartye maron Mr Speaker – kartye maron pa koule.  Se sa son bote  avek kartye maron.  E si i kase ou kapab anpandan lo en bout.  Ou pou annan en keksoz pou ou anpandan lo la parski ou sezi mwan?  Kartye maron i pa koule li.  Kartye maron pa koule si i kase ou ava ganny en lot bout pou tyonbo, pou ou anpandan lo la e avyon en erdtan in ariv dan sa area nou trouv i drol ki zot pa’n idantifye.  Si ou ti a pe dir ti  bezwen sorti Mahe 3erdtan pou ariv Assomption la i e lot zafer me sa ki nou pe koz lo la la konmsi tou bann eleman ti la pou nobou vwar sa kartye maron, pou nobou idantifye kote zot ete e pou kapab bato Aldabra al direkteman lo la.  Konmsi – sorry Mr Speaker ankor enn fwa mon pa ganny en konpran mon.

 

MR DEPUTY SPEAKER

Mersi Onorab Ramkalawan.  Alor si Vis Prezidan i kapab zis konfirmen akoz i swiv kestyon ki’n ganny demande par Onorab Andre.  Ke ler premye avyon ti ariv on site?  E ke ler dezyenm avyon sorti Mahe mon prezimen li in bezwen ariv dan fernwar in kit 4er.  Me sa enn premye ke ler in kite ke ler in ariv Assomption?

 

THE VICE-PRESIDENT MR VINCENT MERITON

Mersi Mr Deputy Speaker.  Avyon sorti Mahe ti ariv 7.23 aswar.  Be nou konnen 7.23 aswar ti ankor kler laba.  Avyon IDC ki ti sorti Mahe ti lo son trip regilye pou al Cosmoledo an pasan par lezot zil enkli Astove.  So ti annan bann stop ki i ti fer.  Ler demann in vini li in konmans fer son search apre ki in kit bann lezot zil in konmans fer son search 6er diswar.  Swa i annan en dekalaz apepre 3er edmi 4erdtan.  Be selman ankor Mr deputy Speaker nou osi – bann dimoun in brief mwan bomaten en kartye maron parey ou’n dir pa koule li, so i kapab kas an morso apre i pou remont lo sirfas so tousala pe ganny met ansanm pe ganny piece together parey Angle pou kapab vin ek keksoz akoz i pa fer sans ler ou pran tou sa bann konsiderasyon ou met ansanm lo latab lo papye i pa fer sans pou nenport ki dimoun.  So se pou sa rezon ki annan en lenvestigasyon aprofondi par lapolis e enn par militer pou kapab gete kot nou ete.  Parey mon’n dir taler nou  a kapab retournen kot lasanble pou kapab vin don en rapor pli konpreansiv.  Mersi Mr Deputy Speaker.

 

MR DEPUTY SPEAKER

Mersi bokou Vis-Prezidan e avek sa nou’n ariv a lafen nou sesyon pou ozordi.  Mon ti a kontan remersi Vis-Prezidan ansanm avek Kolonnel Michael Rosette e Lieutenant Leslie Benoiton.

 

MR DEPUTY SPEAKER

Nou’n ariv a lafen nou Sesyon pou ozordi.  Nou pou kontinyen avek nou travay lo Order Paper ki nou pou pran apartir 9er bomaten demen.  Alors zis avan mon adjourn ou ti oule dir keksoz?  Mon donn ou laparol.

 

HON NOLINE SOPHOLA

Mersi Mr Speaker.  Mon pa konnen si nou pou les VP avan ale akoz mon annan en matter of privilege pou mwan raise.

 

MR DEPUTY SPEAKER

Nou ava eskiz VP avek son delegasyon.  Mersi bokou Vis-Prezidan.

 

(THE VICE-PRESIDENT MR MERITON AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Onorab Sophola ou annan en matter of privilege?

 

HON NOLINE SOPHOLA

Mersi Mr Speaker.  Anba Order 36 mon oule raise en matter of privilege kot mon santi ki mon privilez, mon drwa e sekirite konman en Manm Lasanble in ganny afekte, baze lo en lensidan ki’n arive pandan tea break la apre midi dan cafeteria.  Mr Speaker sa lensidan in ganny temwaye par Onorab Loizeau, Onorab Aglae e lezot Manm ki ti prezan e osi en staff Lasanble ki ti pe servi dite.  Mr Speaker mon pou eksplike ki’n arive.

Mon’n rantre dan cafeteria kot ti deza annan bann Manm dan laliny.  Mon’n al dan laliny, mon’n debout par devan Onorab Loizeau.  Mon anpar mon lanmen mon dir li ‘’donn mwan en napkin.’’  I donn mwan, mon dir li, ‘’thank you darling!’’ I dir mwan, ‘’zot la zot in nonm ankor condominium?’’  Mon dir ‘’zot koz lo condominium me zot pa koz lo sa 35mil !’’  Onorab Wavel Ramkalawan i vin zis par deryer mwan, i dir ‘’wi. mon later mon’n aste R35mil. Sa letan later ti R35mil.  Ase fer ipokrit!’’ Mon dir li – mon reponn li mon dir li,’’ Ipokrit ou !’’ Apre i dir avek bann Manm dan laliny, ‘’Avanse avan mon kalot sa tel soz!’’

Mr Speaker in dir kwa, me mwan mon pa pou abes mwan dan sa Lasanble, pou mwan servi sa mo ki Onorab in dir.  Zis mon dir li, ‘’Ou a eseye me ou pa pou kalot mwan!’’  I kontinyen mangonnen, zoure.  Onorab Aglae i vini i dir mwan annou sorti.  Mon’n fini mon’n al pran mon dite e ler mon’n al devan latab Onorab Sandy Arissol ti akote mwan mon’n dir,

‘’Ou pou pike me ou pa pou anbarke!’’

E ler mon ti pe sorti i ti pe kontinyen avek sa bann latak vilger.  Mr Speaker ou konn tre byen ki dan sa Lasanble serten Manm in fatige atak mwan avek ‘condominium’.  Napa en sel moman ki mon’n menas zot!  Napa en sel moman ki mon’n servi latak vilger avek zot.  E la dan sa ka, mon pa ti nonm Onorab Wavel Ramkalawan e mon pa ti nonm later.  Akoz ki in pare pou menas mwan ler mon’n dir ‘R35mil’?  Mr Speaker mon lentansyon se pa pou abes Onorab Ramkalawan.  Me mon santi ki sa ki in fer i mal.  E mon pe demande ki silvouple i apologize.  Mersi Mr Speaker.

 

MR DEPUTY SPEAKER

Mersi Onorab Sophola.  Bon mon’n tann en versyon sa ki ou ou’n dir mwan – mon pa ti okouran okenn sityasyon ki’n devlope.  I annan de fason nou kapab deal avek sa.  Se mwan mon kapab kriy zot separeman pou nou diskite e trouv egzakteman ki’n arive, oubyen nou kapab pran en letan la konmela pou nou fer sa.  Me mon pa krwar sa i apropriye la ozordi.  Mon pran not.  Mon pran not sa konsern ki ou’n leve.  Mon panse poudir i en konfli ant 2 dimoun – parol in ganny esanze, me mon pa ankor ekout son kote.  Me avan mon pran en desizyon, si nou pou dir  keksoz ozordi oubyen nou pou zwenn separeman pou mwan tann tou le de kote.  Mon ti a ofer laparol Onorab Ramkalawan.

 

HON WAVEL RAMKALAWAN

Mr Speaker mersi bokou.  Mr Speaker i senp.  Dimoun i krwar ki son prosen i pli enbesil ki li.  Kreol i dir avek ou, ‘’pa fodre ou mansyonn mon non pou mwan konnen kwa ki ou pe dir.’’  In annan lesanz parol lo tou le de kote e li ki’n konmanse – mon’n reponn.  Parol in ganny esanze parey li menm li in dir, in koz fyerman ‘pike pa pou anbarke’ sepa ki lot zafer.  Be apre sa in fini.  Ki apology?  Si apology li osi tou i bezwen apologise Ok? Alors Mr Speaker tou le de kote parol i ganny esanze e mwan toultan mon pou dir, mwan mon pa boulko personn.  Mon pa en  boul, mwan.  Si ou koz koze mirak atraver parabol, mon pou reponn.  E si letan mon reponn i tro lour sa ou problenm!  Mersi bokou.

 

MR DEPUTY SPEAKER

Mersi Onorab Ramkalawan.  Mon pa pou ouver en deba lo la.

 

HON NOLINE SOPHOLA

Non, Mr Speaker.  Zis donn mwan laparol silvouple. Mr Speaker …

 

MR DEPUTY SPEAKER

Non.  En pti moman Onorab Sophola mon’n permet ou koze mon’n permet li koz en kote.  Si mon pou les ou koze, mon pou bezwen permet li koze.

 

HON NOLINE SOPHOLA

Non Mr Speaker, i annan keksoz nou bezwen eklersi la.

 

MR DEPUTY SPEAKER

Non, non.  Non, non.  Mon anvi termin sa la, akoz nou bezwen terminen ozordi.  Baze lo sa ki’n pase la, tou le de kote i santi zot afekte, atraver en lensidan ki’n arive.  Tou le de kote.

 

HON NOLINE SOPHOLA

Mr Speaker be selman mwan mon pa’n dir li …

 

MR DEPUTY SPEAKER

Mwan mon pa konnen lekel …

 

HON NOLINE SOPHOLA

… Mr Speaker be selman mwan mon pa’n dir li mon pou kalot li!  I pa pou kapab zis leve pou dir i a kalot mwan!  E tel soz avanse i a kalot mwan!  Eski sa i normal Mr Speaker?

 

MR DEPUTY SPEAKER

Onorab Sophola permet mwan fini.  Apre nou ava diskit sa.  Tou le de kote i santi zot parey nou dir an Angle ‘aggrieved’ atraver en lensidan ki’n arive.  Mon pa santi i sa ler kot n’arive pou nou diskit sa lensidan an detay.  Mon pare pou vwar tou le de Manm Onorab an prive pou nou etabli bann fe.  Si i annan okenn kote ki bezwen apologise ek kanmarad, i a swiv sa rankont ki nou pou annan.  Mon krwar kot nou ete la konmela la, napa privilez personn ki pe ganny afekte ziska  konmela.

Parski zot tou le de zot santi zot aggrieved – napa en ki pe santi li pli aggrieved oubyen ki son privilez in ganny abese plis ki lot.  So pou le moman mon pe demann ou silvouple pou bear avek mwan.  Mon pare pou mwan zwenn zot, diskit sa dan en fason enparsyal pou nou trouv en fason ki ou pa santi e Onorab Ramkalawan pareyman pa santi ki i annan okenn privilez ki’n ganny abese.  Avek sa mon – Onorab Pillay?

 

HON SEBASTIEN PILLAY

Mersi Mr Speaker.  Mr Speaker mon pa krwar poudir i fair lo tou le de Manm ki ou fer en statement koumsa – vi ki ou pa ankor parey ou menm ou’n dir ou pa ankor konn all the facts.  So ti ava bon ki ou refrain from fer en komanter ki ‘napa privilez personn ki’n ganny afekte.’  Si sa Manm, si sa Manm in santi poudir in vwar li enportan pou li raise son matter of privilege Mr Speaker, in raise son matter of privilege.  So mon krwar …

 

MR DEPUTY SPEAKER

… Onorab Pillay.  Onorab Pillay ou’n raise son matter.

 

HON SEBASTIEN PILLAY

Son matter of privilege pa’n ganny afekte.  Mon krwar we have to be fair Mr Speaker.

 

MR DEPUTY SPEAKER

… ou’n raise en matter of order.  Ou pe raise e matter of privilege ki mannyer ou privilege in ganny afekte?  Ou  pa’n ganny afekte ladan ou.  Mwan mon’n fer en Ruling ki mon pare pou mon zwenn sa 2 Onorab.  Mon pou zwenn avek zot tou le de a ganny sans pou zot met zot pwennvi, pou mwan assess egzakteman ki’n arive.  Nou tou nou adilt.  Nou tou nou adilt nou tou nou dimoun rezonnab.  Nou tou nou bann dimoun ki pep Seselwa i get nou konman Leaders.  Alor nou bezwen azir konman Leaders.  In ariv 5.30 – en lensidan in pase mon pare pou mon zwenn tou le de kote.  E nou a trouv en solisyon lo la.  Bon avek sa nou’n ariv a lafen nou Sesyon pou ozordi.  Nou pou repran demen bomaten 9er.

 

(ADJOURNMENT)