Home » Verbatim » 2018 » Verbatim Tuesday 9th October, 2018

Verbatim Tuesday 9th October, 2018

 NATIONAL ASSEMBLY OF SEYCHELLES

 Tuesday 9th October, 2018

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab.  Bonzour tou dimoun ki a lekout e pe swiv Lasanble Nasyonal ozordi.  E mon annan en bonzour spesyal pou nou bann envite ki dan Galeri sa se bann zanfan lekol primer Grand Anse Mahe e zot akonpannyen avek de teachers,  sa se Mis Frida Sultan e Ms Jourdana Lespoir.  Bann zanfan ek zot mis welcome parmi nou e mon swete ki zot kapab- i ava annan keksoz ki ava enteres zot pandan Sesyon bomaten.  E parey labitid dan break nou pou pran en pti goute ansanm, en pti dite en pti juice e mon envit bann Manm Lasanble osi tou pou monte pou kapab fer bann pti lesanz avek zot.  Ok?  Bonn lekout e bonn kontinyasyon.

Bon mon ti ava kontan osi tou enform Lasanble osi, Manm piblik ki Lasanble Nasyonal pe ganny reprezante kot detrwa Misyon aletranze e sa i mon kapab mansyonn de ladan – SADC PF Standing Committees ki pe ganny fer Sud Afrique e ACP-EU ki pe ganny fer Belgique.  Mon konnen demen osi i annan delegasyon ki pe kit pei pou en lot rankont e mon menm mon pe lead en delegasyon kot IPU Vandredi.  So vwala en pti pe bann mouvman bann Manm Lasanble Nasyonal.

Nou ava pas briyevman lo nou Order Paper pou ozordi.  Nou annan bann dokiman ki nou’n prezante, nou’n sirkil avek bann Manm.  Sa pou swiv par kestyon pour Minis responsab pou Tourizm Civil Lavyasyon Por e La Marine Mr Didier Dogley.  E answit i annan kestyon pour Minis pou Lanvironnman e Lenerzi e Sanzman Klima Mr Wallace Cosgrow.

E nou annan osi en Urgent Question pou Minis pou Tourizm Mr Dogley e apre nou ava pran bann Mosyon ki lo Order Paper.  Nou ava al toudswit lo Orderyes Onorab Ferrari.

 

HON JEAN-FRANCOIS FERRARI

Mr Speaker mon ti a kontan dir bonzour e me toudswit lev en matter of privilege.  Mr Speaker mon vreman ankoler ki mannyer bann Manm lo lot kote latab pe apros travay Lasanble.  Premyerman i pa akseptab ki Mosyon i vin lo Order Paper e i ganny tire zis konmsi san okenn gran rezon.  Les mon a dir ou Mr Speaker e mon ava eksplik ou akoz i afekte mon privilez.  Semenn pase, semenn pase Zedi nou ganny en Order Paper ki dir ki Onorab Sebastien Pillay i annan en Mosyon lo ki pe demann enn lenvestigasyon dan bann zafer bureau d’échange.  Sa i Zedi pase.  Sanmdi mon ganny lenformasyon konmkwa sa Mosyon in ganny tire, e in ganny ranplase par en Mosyon par Onorab Paul Ernesta pou Manm pou Takamaka.  Sa Sanmdi.

Yer 3er apre midi mon ganny notis konmkwa Onorab Paul Ernesta i re tir son Mosyon ok, ki fer ki lot Mosyon lo Order Paper ki pe vini, se enn ki mon ti mete semenn pase.  Now Mr Speaker problenm i koumsa.  Nou tou nou travay dir.  Nou seye travay dir.  Nou seye fer en travay pou valer sa larzan ki pep Seselwa i pey nou.  Ler en Mosyon i vin lo Order Paper, mwan konman Chief Whip mon ralye tou mon bann Manm pou fer sir ki zot travay lo sa Mosyon.  Zot konmans reflesir boner e fer zot resers.  Mosyon i ganny tire 2 zour apre.  I ganny ranplase par en lot.  Nou kit sa enn ki’n ganny tire nou pran e lot.

De zour apre sa lot Mosyon i ganny tire ankor.  Mr Speaker i pa akseptab.  I pa akseptab la ozordi mwan mon retrouv mwan dan bann sityasyon kot mon annan sa semenn plizyer meeting pou prepar en Mosyon lo bann pratik dan komers avek Fair Trading Commission e lezot Lorganizasyon.  Mon annan en plan travay e mwan mon ganny dir yer 3er apre midi ki mon Mosyon pou ganny pran ozordi e si mwan mon fer parey bann Manm lo lot kote latab e mon dir poudir mon defer mon Mosyon nou pe a dan lakour Zedi 11er nou pe al dan lakour.  Mon pa konnen si se sa ki lot kote latab i anvi fer – fer nou retourn dan bann sityasyon kot zot ti pe travay zis en demi zournen, me selman Mr Speaker i pa akseptab.

Mon konnen poudir Manm i annan en privilez pou mete pou tir en Mosyon, me selman nou bezwen annan en serten responsabilite dan sa Lasanble.  Nou bezwen responsab pou bann keksoz ki nou fer e nou bezwen responsab vizavi lezot Manm ki osi annan travay pou zot fer.

Alors mon pe register Mr Speaker en konplent vreman formel e mon pe demann ou konman dirizan dan sa Lasanble pou rod en fason pou nou evite ki sa bann keksoz i arive ankor akoz i pa byen ditou ki – sa pa en fason travay ditou e sanmenm ler apre dimoun deor i dir nou ganny gro lapey selman nou pa fer nanryen.  Nou, nou fer keksoz nou selman mon le krwar poudir lot kote latab zot, zot pa pe redi zot bout.  Zot dir ek nou tou lev pwa avek nou, me nou nou pa pe aksepte sa kalite travay.  Mersi Mr Speaker.

 

(APPLAUSE)

 

MR SPEAKER

Mersi, mersi Onorab Ferrari.  Bon sa matter pou ganny adrese demen dan ABC.  Mon osi mon en pe konsern i annan rezon valab par egzanp kot mouvman en Manm ki lo Misyon son Mosyon in appear lo Order Paper e li i pa pe la, then i annan tou rezon pou demande ki son Mosyon i defer e sa nou aksepte.  Mon – lo kote ou Mosyon avek Mosyon Onorab Sebastien Pillay, tou le de in vini e i tonm pli ba ki sa 10 zour notis.  Mon ti aksepte ki mon servi Order 95 e nou met tou le de lo Order Paper, me apre mon’n ganny enformen par Onorab Sebastien Pillay ki i annan en meeting ozordi avek serten Lotorite ki pou ed li pou prepar son Mosyon so se sa rezon ki – se sa rezon wi.  Manm in fini koze.  Se sa rezon ki i ti pe demann – i ti pe demann en pe letan. Ok?   Mon annan – mon konnen mon’n fer Madam Deputy Clerk ganny kontak avek ou si ou pou pare e ou dir ou pou pare pou ou prezant ou Mosyon. Wi.

Me lo kote, lo kote parti lepep nou’n ganny enformen ki i annan en lot Mosyon ki pou ganny mete lo Order Paper i en Mosyon ki ti  deza dan bank dan pipeline.  Ok?  Me yer mon osi mon’n ganny enformen ki sa Mosyon pe ganny deffered.  Ok? Mon krwar i annan petet parey Onorab Ferrari in fer resorti nou bezwen rezon valab.  Fodre i bezwen annan en rezon valab sa Manm ki pe move son Mosyon i malad oubyen i pe vwar li son Mosyon i lo Order Paper i fer en semenn, de semenn apre i pe al lo en Misyon overseas, then sa i bann rezon ki nou defer.

Me nou pou tackle sa dan ABC demen bomaten.  Mon pa pe ouver deba Onorab Pillay.  Non mon’n fini deal avek ou sa – ou’n prezant ou leskiz avek mwan semenn pase.  Se sa rezon ki ou Mosyon pa appear lo Order Paper.

 

HON SEBASTIEN PILLAY

(Off-Mic)

 

MR SPEAKER

Non.  Ou – in fer referans avek ou Mosyon ki an menm ta pou li ti anmennen.  Ok?  Onorab De Commarmond.

 

HON CHARLES DE COMMARMOND

Mr Speaker.  Mersi bokou.  Bonzour tou Manm e tou dimoun ki a lekout.  Mr Speaker sa matter of privilege ki Onorab Ferrari in leve bomaten i pa fer sans!

 

(Interruption)

 

HON CHARLES DE COMMARMOND

I pa fer sans e mon a eksplike.  Mon a eksplike.  I pa kapab li blanm lo sa kote latab poudir nou tir Mosyon nou mete nou tire.  Sa i prérogative en Manm.

Me par kont zot lo ot kote osi zot napa okenn Mosyon zot vin anmenn en Mosyon la pou la!  Ok?   Pa fer krwar dan sa Lasanble ki zis zot ki pe travay!  E nou konmsi nou pa pe fer nanryen.  Nou osi nou pe kontribye otan ki zot!  E les mwan a dir zot Onorab Ferrari sa ki ou pe dir ou, ou pa konnen ki rasyonnel ki nou nou’n pran pou kapab retir sa serten Mosyon la pou donn sans ou Mosyon.

 

 

(Interruption)

 

HON CHARLES DE COMMARMOND

Akoz?  Mon a eksplik ou.  I enportan le pep Seselwa i konpran nou akoz nou’ vwar poudir sa Mosyon i annan en sans pou tous lo pri lavi.  E nou’n vwar poudir i pli enportan ki sa Mosyon pou le moman ki Onorab Ernesta ti pe mete nou’n dir retir sa pou lemoman fer li desann anba anvoy sa enn ki tous pri lavi pli o e ler Mosyon Mr Speaker i ariv lo Order Paper sa Manm i devret pare li.

Onorab Ferrari si li krwar i pa pare sa i son problenm!  E nou, nou krwar ki sa Mosyon i tous lo pri lavi e nou nou’n vin isi la pou nou fer sir ki nou pep Seselwa deor son sityasyon sosyal, son sityasyon ekonomik, son sityasyon kot i tous son lakour, i enportan e pli enportan ankor, alor se sa rezon ki nou dir ok nou, nou a fer desann pou nou les pou li al devan pou nou kapab promot sa.

Be si li i pa kontan sa son problenm li osi i kapab tir son Mosyon parey lezot dimoun in tire e sa i prérogative en Manm.  I napa drwa i pa normal ki i blanm nou isi.  Nou osi nou ava swiv sa blanm lo li.  E ou konn byen Mr Speaker ki dan  ABC meeting lotrozour nou’n vwar poudir lo lot kote latab zot napa preski ditou kestyon, e tou kestyon i sorti lo nou kote, so ki ou pe sey vin dir dan sa Lasanble?  Mersi bokou.

 

(Interruption)

 

MR SPEAKER

Mersi.  Mersi Onorab.  En moman.  En moman.  Annou pran en pti soupir nou tou.  Nou konnen poudir i annan en pti pe leksitasyon annou pran en pti soupir.  Bon mon’n konmans adres ou sityasyon zis mon anvi ou fer kler lo ou kote.  Ok?  Onorab Pillay.

 

HON SEBASTIEN PILLAY

Mersi Mr Speaker.  Bonzour tou Manm Onorab.  Bonzour tou dimoun ki a lekout e bonzour tou bann zanfan ki dan Galeri ek zot ansennyan.  Byenveni dan Lasanble Nasyonal.  Mr Speaker mon Mosyon ti pe demann en lenvestigasyon dan pratik bann bureau d’échange.

Mon Mosyon ler mon ti anvoy kot ou Lofis Mr Speaker ou ava remarke ti napa 7zour ler mon ti anvoy mon Mosyon e mon ti anvoy mon Mosyon pou ki i al lo vye lalis Mosyon akoz ti annan serten preparasyon travay akoz en Mosyon koumsa ou pa kapab zis anvoy li apre les bann Manm vin koze.

I en pe drol ki Onorab Ferrari in dir mon ki in zwenn son bann Manm dan 2 zour ki zot in nobou pare pou en Mosyon koumsa, akoz sa Mosyon i annan bann konponan teknik ki ou bezwen  fer serten  travay.  Yer menm Mr Speaker mon’n angaz mwan dan en meeting avek ‘SFA’ ki ou lofis i kapab konfirmen avek CEO ‘SFA’, FSA sorry ki mon’n koz lo sa size e mon’n konmans koz avek Labank Santral e la i reste SRC pou mon zwenn avek zot an relasyon avek sa Mosyon.  Sa Mosyon i enn ki pou tre enportan akoz tou lede kote latab nou’n raise sa size, nou dan nou deba an sa ki konsern ler

(1) nou ti pe koz lo Bidze lannen pase e ler zot in anmenn sa Mosyon ki zot in anmennen dernyen fwa.

So Mr Speaker mon ti a kontan demann ek Onorab Ferrari pou prezant en leskiz avek mwan si li Onorab Ferrari i santi poudir i bezwen fer en serten meeting, pou li fer son Mosyon pare, mwan osi parey mon bezwen met serten meeting.  E mwan si Onorab Ferrari i santi pa kapab move son Mosyon ozordi mon pou konpran akoz i en Mosyon enportan ki demann en bon pe resers, ki demann en bon pe travay, e nou dan sa Lasanble nou bezwen fer sir poudir ler nou anmenn en Mosyon.

I pa en Mosyon ki nou zis koz lo la me i en Mosyon ki nou kapab anmenn en sanzman vizib pou le pep Seselwa deor.  E mon remersi ou lofis Mr Speaker pou konpran mwan lo  sa size.  Mon pa ti a kontan fer okenn lezot polémique, me mon ti a kontan Lasanble e lepep Seselwa i konpran mon pozisyon, vizavi sa Mosyon; ki dan mon lenterpretasyon Mr Speaker i en Mosyon tre teknik e i en Mosyon ki riske preempt serten keksoz ki pe vini.

E la i ava fer ki bann dimoun ki dan sa aktivite i kapab sanz zot pratik, vizavi sa ki nou pe vi anmennen atraver sa Mosyon.  So mon ti a kontan ki Lasanble mon beg indulgence Lasanble. Mon Mosyon i a pas son 7zour admissibility e i ava retourn lo Order Paper parey nenport ki Mosyon parey nou Standing Orders i demande.  Mersi Mr Speaker.

 

HON SANDY ARISSOL

(Off-Mic)

 

MR SPEAKER

Mersi Onorab Pillay.  Bon – Onorab Arissol – ok.  Nou kapab kontinyen.  Onorab Ferrari.

 

HON JEAN-FRANCOIS FERRARI

Tre briyevman mersi pou laparol.  Mr Speaker mwan mon demann zis enn de keksoz ki nou serye.  Si nou Mosyon i ariv lo Order Paper fodre nou pare.  Nou pa kapab met en Mosyon apre ki nou pou al get bann keksoz.  Mwan mon travay i sipoze ganny fer semenn prosenn, me selman avek en Mosyon e Lalwa Mr Speaker, bann Lalwa bann Lezislasyon ki vin devan Lasanble zot pa serye zot mete zot tire, zot al re gete ankor.  I pa posib nou travay koumsa Mr Speaker.  Mwan mon pe zis demande e enn bann pwen ki mon pe fer ofisyelman isi se ki deferment of motion Mr Speaker mwan mon krwar deferment of motion i bezwen annan en rezon spesifik e valab.

Si Onorab Pillay in met en Mosyon apre in deside tire akoz i pa ankor fini travay lo la, i retir son Mosyon e son Mosyon i al at the end of the queue.  I pa defer.  Akoz ou pa kapab zwe avek bann rules Lasanble koumsa akoz dimoun deor pe pran nou – anfen i pa pe pran ‘nou’ pou bann dimoun koumsa i pe pran zot pou bann dimoun ki pa serye.  Mersi Mr Speaker.

 

MR SPEAKER

Ok bon.  Mon ava fer mon ruling final lo la. Ok.  Nou pou diskit sa sityasyon dan ABC e parey mon’n dir an konsiltasyon nou pou bezwen rod bann rezon valid pou en Mosyon ganny deffered.  Ok.  Lo sityasyon i fer mon krwar 3 semenn ki nou napa okenn Bills okenn lezislasyon parey ou’n fer leve Onorab Ferrari. Mon’n take up this up with the Head Egzekitiv ok e matter pe ganny adrese.  I dan serten par me sa sityasyon pe ganny adrese e fotespere keksoz i ava amelyore nou annan bann Bills ki pending, ki nou’n fini fer Second Reading and all that e nou ti a kontan ki petet avan Bidze nou kapab tackle sa bann Bills get it out of the way.  Ok?  Lo sa sityasyon Mosyon and all that, nou ava tackle sa dan ABC demen lunch time.  Bon nou ava retourn lo Order Paper mon ava demann Madanm Clerk pou prezant bann papye ki devan nou.

 

MADAM DEPUTY CLERK

Mersi Mr Speaker.  Bonzour tou bann Manm e tou nou bann envite dan Galeri e tou piblik ki pe ekout nou.  I annan 3 Papye ki pe ganny prezante sa semenn e premye i

Mid-Year Economic And Fiscal Outlook.  Financial Year 2018 and 2019 Outlook. 

Nou annan 2 S.I osi.

S.I. 59 Excise Tax  (Amendment) Of Schedule 1 (Glass Bottle Levy) (No 2) (Regulations 2018) e

S.I. 60 Customs Management Tariff And (Classification Of Goods) (Amendment) (No 3) (Regulations 2018).  Mersi Mr Speaker.

 

MR SPEAKER

Mersi Madam Deputy Clerk.  Bon nou ava antretan ki nou pe esper Minis mon anvi enform Lasanble ki kestyon ki lo papye ki sorti kot Onorab Egbert Aglae pou ganny poze par Onorab Jude Valmont.

Bon mon ti a kontan dir bonzour e welcome Minis Didier Dogley Minis responsab pou Tourizm Lavyasyon Sivil Por e La Marine.  Minis i akonpannyen par Sekreter Prensipal pou Tourizm Madam Anne Lafortune.  Minis avek Madam Lafortune welcome parmi nou.  Bon nou ava al direkteman lo kestyon.  E mon ava donn la parol Onorab Churchill Gill.

 

HON CHURCHILL GILL

Mersi Mr Speaker.  Bonzour Mr Speaker.  Bonzour Minis ek ou delegasyon.  Bonzour manrmay Grand Anse Mahe dan galeri.  Sa pti tansyon ki zot in vwar in pase sa i normal dan Lasanble sa.  (laughter).  Bon mon al lo kestyon.  Eski Minis i kapab eksplik sa Lasanble ki bann sanzman mazer ki’n antre dan Polisi Vertical Integration ki pou benefisye tou bann dimoun ki dan biznes tourizm?

Eski prezan pou nepli annan sityasyon kot zis serten dimoun ki pe fer tou kalite aktivite touristik e an konpetisyon direk avek lezot pti biznes tel parey ki drayver taxi, pti bato ekskirsyon, pti guest house, car hire, tour guide, artizan e pti restoran?  Eski i annan serten aktivite biznes ki bann gro Konpannyen pou nepli kapab fer ki’n rezerve pou lezot pti biznes?  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Bonzour tou bann Onorab tou dimoun ki a lekout dan lakour e osi bann zanfan avek zot teachers ki dan Galeri.  Mr Speaker mon ava pas direkteman avek mon larepons sa trwa kestyon ki Onorab Gill in demande.  Policy Vertical Integration in date depi 2008 e in ganny amande an zen 2018 swivan en gran prosedir konsiltativ ki’n enkli partisipasyon tou bann stake holders konsernen.

Sa revizyon ki nou’n fek fer i adres 8 item dan 13 ki form par sa Polisi ki ti deza egziste depi 2008.  Nou lobzektif se pa pou anpes bann pli gran lakonpannyen fer biznes e envestir dan Sesel, me pou reponn a bann demann par bann pti biznes pou annan plis kontrol dan serten sekter kot konpetisyon i tre for e ankouraz konpetisyon ki zis e fair.   Sa 8 sanzman mazer dan sa Polisi i konm swivan;

Premye – sanzman i dir ki en Tour Operator i ganny drwa envestir, aste ouswa zer pa plis ki 150 lasanm lotel konpare ek Polisi avan kot en Tour Operator ti ganny drwa envestir dan pa plis ki 15poursan la kantite lasanm total an  egzistans dan Sesel.

Par egzanp an Zilyet 2018 ti annan 6, 171 lasanm ki fer ki en Tour Operator ti pou kapab annan 925 lasanm.  Sa i montre ki avek sa logmantasyon kontinyel dan la kantite lasanm lotel, ti pou annan potansyel pou zot annan en dominans ouswa en monopol dan sa marse – pou sa rezon ki neseser pou enpoz en norm lasanm fixed.

2enm sanzman, se ki en lotel ouswa en dimoun ki annan lentere da en lotel i ganny drwa zer zis en bato ekskirsyon avek en kapasite 12 pasaze, konpare avek Polisi avan kot ti napa en limit enpoze lo la kantite bato ki en lotel i kapab annan.  Sa revizyon dan Polisi i pou ankouraz bann lotel, pou donn sans bann pti operater bato charters, pou zer zot biznes e osi partisipe.

Trwazyenmman oparavan Polisi Vertikal Lentegrasyon pa ti fer okenn mansyon lo size motorise water sports, an vi ki Polisi konsernan motorise water sport i spesifye ki sa aktivite i rezerve pou Seselwa selman.  Dan sa laliny okenn motorise water sport ki en lotel i ofer a son kliyan, i bezwen ganny donnen avek en antreprener Seselwa.

Par kont si sa lotel i san poursan Seselwa, savedir sa bann dimoun ki own sa lotel i Seselwa i pou ganny drwa annan e zer son prop aktivite bato motorize.

Katriyenmman avek sa nouvo Polisi bann letablisman lo La Digue ki annan plis ki 5 lasanm pa ganny drwa annan okenn lentere dan en biznes lwe bisiklet.  Sa i pou asire ki bann pti biznes lwe bisiklet pa ganny afekte avek konpetisyon sorti direkteman kot ban lotel.  Sa Polisi pa aplikab pou bann letablisman lo Mahe e Praslin, kot zot kapab ofer sa servis a zot kliyan lo e baz konplemanter e konman en servis valer azoute vi ki lo Mahe ek Praslin sa biznes pa en aktivite an demann konpare avek La Digue.

Senkyenmman sa Policy Vertical Integration ki’n ganny revize, i osi fer provizyon pou ki bann gran lotel i met bann laboutik or bann retail outlets a dispozisyon bann antreprener Seselwa.

Si en lotel i annan plis ki en laboutik ouswa en ladan – omwen enn ladan i bezwen lwe avek en operater Seselwa.  Par kont si i annan en sel laboutik sa lotel i bezwen fer sir ki prodwi lokal i ganny vann dan sa laboutik.

Sizyenmman Polisi konsernan Tour Operator e hire craft in osi ganny revize.  En Tour Operator ouswa en dimoun ki annan en lentere dan en Tour Operator, pou prezan ganny drwa annan zis 5 bato olye 10 konpare ek oparavan.  Sa i pou ankouraz bann Tour Operator pou servi bato bann pti operater endepandan.

Sa i ava osi donn sa bann pti operater sans pou ogmant e ofer zot servis.  Tour Operator ki deza annan plis ki 5 bato in ganny donnen en dele 1an apartir le 1 Zen 2018 pou zot retir okenn bato an plis ki zot annan dan zot fleet.

Setyenmman sanzman dan sa Polisi i konsern tour operator ek restoran.  Oparavan en Tour Operator pa ti ganny drwa annan en restoran, me avek revizyon dan Polisi zot konmela kapab annan en restoran spesyalize.

Rezon akoz i annan en mankman dan bann restoran spesyalize alors desizyon in ganny pran pou ouver sa sekter e les bann tour operators zot osi envestir.

Wityenmman e dernyen sanzman dan sa Polisi i konsern tour operator e ferry in osi ganny amande.

En Tour Operator i osi ganny drwa annan en ofer servis Inter Island Ferry me son kapasite pa devret depas 1450 seat dan son fleet an total.  Sa i pou les loportinite pou konpetisyon dan sa sekter e ki pou napa biznes ki ganny en monopol.  Vi ki ferry i en mode transportasyon esansyel dan Sesel, sa Polisi i annan pou bi ankouraz konpetisyon zis e ofer swa dan kalite servis ki ganny ofer a bann Seselwa ensi ki touris.

2enm kestyon eski prezan pou nepli annan sityasyon kot zis serten dimoun ki pe fer tou kalite aktivite touristik?  Mr Speaker bann operator aktyel pou kapab kontinyen avek zot aktivite an vi ki nou dan en marse lib e dan en marse lib pou toultan annan konpetisyon.  Me avek sa Polisi ki’n ganny met an plas ou annan serten limitasyon, ki pou aplikab pou fer sir ki serten lakonpannyen pa ganny monopol e dominan dan en sekter e afekte bann lezot ki pe sey antre dan sa biznes.  Par egzanp parey mon’n mansyonnen en Tour Operator pou aprezan annan zis 5 bato ekskirsyon dan zot fleet ki pou donn sans lezot pti operater pou ganny plis loportinite.  Bann mezir ki nou’n met an plas parey nou dir an Kreol pou anpes bann ‘gro pwason’ manz bann ‘pti pwason’.

3enm kestyon ki nou’n ganny demande, eski i annan serten aktivite biznes ki bann gro lakonpannyen pou nepli kapab fer ki’n rezerve pou lezot pti biznes?  Anvi ki sa Polisi i baze lo lentansyon pou promouvwar konpetisyon ek diversifikasyon pou les bann endividi partisip ekitableman, sa Polisi pa pou kapab vin tro restriktiv e anpes bann gran lakonpannyen ganny loportinite, pou kontinyen envestir zot larzan e agrandi sa sekter.

I enportan pou osi realize ki parey tou lezot lakonpannyen ouswa biznes, zot in konmans pti e avek letan e bokou lenvestisman zot in agrandi dan sa sekter isi Sesel.  Alors nou osi bezwen rekonnet ki bann gran lakonpannyen i bezwen re envestir zot larzan e sityasyon aktyel pa devret vin en fakter ki restrikte envestiser lokal dan devlopman nou pei.

Okenn restriksyon lo lenvestisman dan sa sekter pa devret telman strict ki i pou anpes bann biznes kontinyen re envestir e kontribye dan devlopman pei.  Mersi Mr Speaker.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Minis pou ou leksplikasyon.  Mon premye kestyon i lo sa Cap pou bato pasaze.  Pou le moman kapasite i pa arive 600, pou le moman e nou nou’n Cap 1450 pou e biznes; savedir i en sityasyon kot i pou pran nou en kantite letan pou annan konpetisyon dan sa area.

Eski Minis ou konpran sa?  Apre 2enm kestyon ou dir okenn Tour Operators i ganny drwa annan 5 bato.  Ler ou dir 5 bato parey nou konnen ekskirsyon i bouz lo mainly lo sa trwa zil Praslin/Mahe/ La Digue.  Eski sa 5 bato si sa Tour Operator pe Operate Praslin Mahe/La Digue, eski an total i annan li 5 bato pou li operate dan tou sa bann landrwa oubyen 5 bato i pou Mahe oubyen ganny drwa annan adisyonnel pou sa de lezot zil?  Mersi Mr Speaker.

 

MR SPEAKER

Mersi Onorab Gill.  Minister.

 

MINISTER DIDIER DOGLEY

Mersi Mr Speaker.  Mon ti a voudre enform Onorab poudir pou le moman i annan en operater ki annan 1450 seat – i annan ase bato ki an tou i annan 1450 seat ki pe fer ferry ozordi e sanmenm sa ki nou pe servi sa sif pou nou Cap sa limero.  Konsernan 5 bato larepons i wi total bato ki sa Tour Operator okenn Tour Operator pou annan i 5.  E sa i vedir kouver tou bann zil isi sirtou bann Inner Islands savedir 5 pou Mahe Praslin La Digue e Silhouette tou an zeneral.

 

MR SPEAKER

Mersi Minis. Onorab Gill.

 

HON CHURCHILL GILL

Minis si mon konpran byen sa 1400 ou a zis koriz mwan sa i pou Inter Island Ferry Service?  E ou ou dir mwan i annan tour operater ozordi ki annan en fleet 1400 seat zis pou ferry service oubyen pou e ekskirsyon tou?

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon ti a voudre konfirmen poudir sa 1450 i zis pou ferry.

 

MR SPEAKER

Ok.  Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker mon ti ava kontan demann Minis in dir nou poudir sa bann amannman in vin apre bokou konsiltasyon.  E li menm li Minis in servi sa lekspresyon gro pwason manz pti pwason.  Kestyon mon anvi demande se ki lenformasyon i kapab donn nou ozordi ki dan sa konsiltasyon ouswa son resers ki Gouvernman in fer pou montre nou en pe vreman lefe lentegrasyon vertikal dan Sesel dan bann lannen ki’n pase.  Eski vreman in annan en move lefe lo biznes an zeneral dan Sesel ki’n fors lanmen Gouvernman anmenn sa bann lamannman e si sa in leka donn nou detrwa legzanp sa bann lefe advers ki lentegrasyon vertikal in annan lo lekonomi ki’n fors nou pei fer sa bann lamannman?  Mersi bokou.

 

MR SPEAKER

Mersi Onorab Henrie.  Minis.

 

MINISTER DIDIER DOGLEY

Mersi Mr Speaker.  Mr Speaker konsiltasyon wi nou’n fer mon krwar in pran apepre 2an pandan sa bann leta ki nou’n sa e parey ki mon’n dir sa bann mezir i p totalman nouvo depi an 2008 Gouvernman in met an plas sa Vertical Intergration Policy pou anpese ki i annan sa bann adverse effect lo bann pti biznes.  E annefe nou’n vwar poudir in marse akoz ozordi ler nou vwar lakantite pti biznes ki’n  antre dan biznes touris dan plizyer sa ki nou apel bann sub sector be it charter bann pti lotel ek bann lezot aktivite, i kler poudir sa Polisi in marse.

Akoz ler nou regarde la kantite touris ki annan at any given time dan Sesel i ase limite i apepre 10mil touris si ou kalkil li apepre – si ou dir la konmela la kantite ki i annan i apepre dan 10mil koumsa ki nou kalkile.

E ladan i annan en poursantaz ki pa fer aktivite e i annan en poursantaz ki fer.  E otomatikman si nou pran ka parey  en Tour Operator akoz ou pe demann mwan bann ka direkteman 10 nou annan nou apepre 18 Tour Operator ozordi i licences dan Sesel, isi Sesel.  Tour Operators zot tou zot ti pou annan drwa annan kantite lotel ki zot annan.  Zot ti pou annan en dominans kler lo kote touris ti pou al reste akoz si ou pe fer Tour Operator akoz ou ki annan kontrol lo touris ler i antre e ou annan ou bann lasanm definitivman ti pou annan sa problenm.

Lot keksoz se par egzanp car hire si nou ti les Tour Operators annan  zot prop car hire otomatikman ler ti po annan touris ki’n antre ki pe rod car hire ou ti pou konman en Tour Operator anvoy li kot ou biznes i ete.  E menm keksoz avek bisiklet si parey lo La Digue sirtou si nou ti’n les ouver pou dir tou lotel i ganny drwa annan biznes bisiklet, bann dimoun ki zot core biznes ki senpleman i fer zis lwe bisiklet zot ti pou vwar zot dan difikilte pou zot ganny biznes, akoz laplipar bann touris ki ti pou sorti dan lotel i ti pou ganny akse avek lwe bisiklet direkteman dan sa landrwa.

E sa i aplik osi avek bann charter.  Si par egzanp nou ti ouver e les tou bann lotel ki annan  charter zot osi run zot prop charter, bann pti  biznes ki annan en pti desk pe sey veye pou ganny detrwa touris pou zot al run zot biznes, i ti  pou difisil pou zot kapab ganny biznes pou zot operate.

E zot in dir nou sa klerman poudir zot pe ganny afekte an plis zour an zour pou dir i difisil pou zot kapab ganny biznes, akoz i annan en konpetisyon enorm dan sa bann sub sector.  Me an dizan sa i annan osi bann lezot loportinite ki bann gro biznes i kapab antre ladan.  Mersi Mr Speaker.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Mersi pou larepons Minis me sa ki pe trakas mwan la se ki mon ti ava mazinen ki Gouvernman pou pran bann Policy baze lo bann levidans konkret.  E si ou pe dir mon depi ki sa Policy i vin an fors an 2018 savedir – an 2008 savedir 10an pase e si Minis i pe dir nou dan son larepons poudir dan sa 10an zot in konstate ki par egzanp La Digue 5 pti biznes bisiklet in fermen or in ganny aste par en lotel ouswa si ti ava dir nou be trwa pti lotel Belombre in ganny aste par e Tour Operator.  I annan enn levidans konkret ki’n montre Gouvernman poudir sa pe arive e alor nou’ bezwen pran.  Konmsi pou mwan si zis bann dimoun ki pe fer sa bann biznes pe dir ou poudir nou pe kapab ganny afekte ouswa nou pe gannyen me san bann levidans konkret pou met devan nou la bomaten i fer mwan demann mon lekor eski vreman nou konpran dinamik lentegrasyon vertikal dan pei ozordi.  Se tou ki mon ti anvi dir.  Mersi Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon konpran byen kote Onorab i sorti e mon osi on dakor avek li poudir nou bezwen annan statistics dan laplipar bann desizyon ki nou fer.  Me solman i kler poudir ou pa bezwen esper problenm arive pou rod latizann pou ou donnen.  E dan Gouvernman annan de ler ou bezwen vwar poudir i otomatik ki i kler poudir si demen par egzanp nou pran sa ka La Digue ou dir ok tou lotel i ganny drwa annan son prop biznes bisiklet ou pa bezwen statistics pou dir ou sa dimoun ki son core biznes i dan biznes lwe bisiklet i pou vwar li dan difikilte.

I annan keksoz ki kler e normalman konman en Gouvernman ou devret kapab pran bann desizyon baze lo bann keksoz ki kler devan ou poudir si ou pran en desizyon kot ou ouver bann biznes ou pa pou ekspekte al konte apre konbyen ki’n ganny afekte.  Your role se ki pou ou kapab al anler lo e precautionary principle ki sorry mon napa en mo an kreol pou mon servi li ki ou kapab vwar egzakteman poudir si nou al laba, ou kapab fer serten forecast pou dir si tan kantite lotel zot tou zot annan sa i pou annan tan kantite bisiklet ki pou ganny lwe lo sa zil, ki vedir poudir bann ki son core biznes i ladan definitivman i pou vwar li dan en difikilte.  Se sa ki mon ti a voudre azoute Mr Speaker azoute Mr speaker.

 

MR SPEAKER

Mersi Minis.  Onorab Charles De Commarmond.

 

HON CHARLES DE COMMARMOND

Mersi Mr Speaker.  Bonzour Minis ek ou – ek PS.  Mr Speaker zisteman lo sa ki Minis fek dir la be La Digue bann lotel i annan bisiklet.  So mon krwar i annan sa ki ou pe dir i annan en keksoz ki pa tonm drwat la.  Now eski avek Polisi Vertical Integration ki nou pe koze la, sa menm sa Policy ki fer bann drayver taxi bann lezot pti biznes konplent?  E akoz ki avek sa Policy Vertical Intergration i fer ki serten biznes gran biznes dan touris, i kapab annan car hire lo zot non e ki Praslin par egzanp en pti lotel pti letablisman li i pa kapab annan car hire lo son non par kont Mahe li i kapab.  Akoz bann diferans telman evidan ki anpes sa bann ki ti pti osi vin gran?  Mon ti a kontan Minis i dir nou keksoz dan sa direksyon.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker konsernan La Digue, normalman zot pa devret annan parey ou’n dir i annan serten lotel ki ou, ou konnen i annan. I posib osi i annan serten lotel ki travay avek bann pti biznes ki lwe bisiklet ou pou vwar zot la kot sa lotel.

Me solman i pa neseserman sa lotel ki own sa biznes i senpleman ki en lot dimoun ki baze la ki sa.  Si i annan ki deza pe fer e mon krwar nou ava fer sa travay pou nou regarde kwa egzakteman ki sityasyon ki annan.

E si i annan pou rektifye li nou ava fer le neseser pou rektifye.  Ok?  Dezyenm keksoz ou’n dir mwan poudir i annan diferans ant bann diferan zil.  Ler ou regard Mahe, Mahe i ganny sa bulk touris ki vin Sesel; savedir i annan bokou plis loportinite lo Mahe pa zis dan touris me lezot biznes osi.  Tandis ki Praslin pou bann potansyel pou ou fer biznes i limite pratikman avek touris li menm.  Now si dapre bann sif ki mwan mon annan i annan apepre 400 ekek lotel lo Praslin.

Si tou sa bann pti lotel zot osi zot ti annan zot prop car hire, bann ki zot core biznes ki zot biznes prensipal se zot car hire zot menm, zot ti vwar zot dan en gro difikilte pou zot kapab lwe zot loto.

E se sa ki ou krwar ki sa Polisi, nou, nou pa’n sanz sa enn Policy.  Sa enn Polisi in la depi an 2008 ki zis nou’n garde li ki mannyer i akoz in annan en demann par bann dimoun ki zot core biznes i loto lwe e nou’n vwar ler nou konsider tou bann sif tou bann limero i kler poudir si nou ouver li ki sa bann biznes zot pou bezwen diversify zot osi ouswa senpleman i annan ki pou bezwen fermen.  Mersi Mr Speaker.

 

MR SPEAKER

Onorab de Commarmond.

 

HON CHARLES DE COIMMARMOND

Mersi.  Mr Speaker petet Minis pa pe sezi k mon pe sey dir la en.  Eski petet lefe ki serten lotel i annan zot prop, bisiklet i zis en legzanp nou pe donn en legzanp konmsi dizon i annan son prop bisiklet ki i lwe ek son kliyan eski sa i akoz deor lezot biznes bisiklet i pli  ser bokou ki i fer sa dan sa fason?  Kestyon mon napa solisyon zis mon pe dir.  E prezan me sa ki ou pe dir lo Praslin par egzanp en pti letablisman en pti guest house i annan son car hire li.  I pa lo son non sa guest house.

Dizon sa guest house i apel mon pa konnen mon donn en nenport ki non i kapab annan son car hire i pa kapab met lo sa non me selman i met lo en lot non me i pou li.  I pou li.  Mwan mon pe demann ou akoz ki i pa kapab met lo son non?  Ou konpran.  Tandis ki en lot li i kapab mete e Mahe ou kapab mete i annan diferans la.  Ou largiman ki ou pe donnen i pa telman lozik.  Ou sezi?

Eski i pou menm rezon ki i fer bese pri akoz son car hire pou li alor i fer li pli bon marse ki ek son kliyan pou li.  Mon pa konnen mon napa sa bann solisyon, me selman i bann keksoz ki egziste la ater. Eski sanmenm sa rezon ou pa’n adres sa zafer taxi. Taxi e lezot biznes ki dan sa – dan bann zanmirant – dan sa kalite la kot zot pe konplent, eski sa i vin akoz son pri i telman o ki prezan sa lotel li i dir mon anvoy mon prop transpor pran mon bann kliyan; or eski ki dyalog ki i annan pou kapab vwar kot sa pti biznes Sesel, sa pti taxi driver li osi benefisye dan sa gro gato ki apel biznes touris la.  i annan en ta- i zener en ta larzan li me sa pti Seselwa li osi sa senp Seselwa i bezwen li osi pe benefisye.  Mon pe vwar ki nou Polisi i pa ase i pa pe fer ase pou fer ki sa senp Seselwa i ganny plis ladan.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon’n konpran sa ki Onorab pe demande. Li i pe dir poudir par egzanp lo Praslin i annan bann pti lotel ki annan car hire, me solman zot pa pe kapab anrezistre li lo zot non akoz Polisi pa permet zot fer li.  Mwan mon senpleman pe eksplik li akoz ki Polisi i pa an faver ki lotel i own car hires.

I senpleman akoz si vreman nou ouver la kantite lotel ki annan si sak care hire parey lo Mahe zot annan zot prop zot prop car hire bann ki dan biznes ‘car hire only’.  Savedir zot fer zis sa zot pou vwar zot dan en sityasyon kot i pou difisil pou zot kapab ganny en bout dipen.

Ouswa zot pou bezwen rod larzan ouswa travay ek en lot dimoun ki annan en lotel e se la kot lo Mahe kot nou vwar poudir i annan bokou plis biznes i annan bokou plis loportinite nou pa vwar li neseser pou kontrole be solman lo Praslin nou’n ganny konsiltasyon avek bann diferan group biznesmenn e zot in kapab konvenk nou ler nou’ regard bann sif la kantite lotel ki annan e si sakenn i annan sa i pou kree en problenm pou bann ki pe fer zis sa kalite biznes.  Mersi Mr Speaker.

 

MR SPEAKER

Mersi Minis. Onorab Ahmed Afif.

 

HON AHMED AFIF

Mersi Mr Speaker.  Mr Speaker mon ti a kontan demann Minis si i kapab eksplik nou in eksplik nou lo kote Polisi e Polisi i dir poudir bann gro operater lotel par egzanp zot pa kapab al dan parey boat charter ekskirsyon eksetera, zot met restriksyon.  E sa bann restriksyon zot met li atraver en Polisi ki mon annan en kopi zot dernyen Polisi ki date Zen 2018.

E par egzanp en pwen ki’n fek ganny souleve se ki Praslin zot dir ladan, ‘a hotel or person with ultimate beneficial interest in a hotel may not own, operate a car hire at the same time’.  Me le pwen se nou konnen lo Praslin ler nou pe koz ultimate beneficial interest i annan serten lotel ki li menm li propriyeter en lot lakonpannyen ki annan car hire.  Mon pa pe kestyonn si i bezwen oubyen i pa bezwen.  Mon pe demann ou etan ki ou’n ekrir en Polisi i kler, ki mekanizm ou annan ki ou’n met an plas ozordi pou asire ki ou pe vreman met an viger sa Polisi ki ou’n ekrir – parski sinon lafason mwan mon get li i zis en bout papye pou satisfer bann dimoun deor ki gro pwason pa pou manz pti pwason, me larealite se zot ferm en lizye lo bann operater.

E Praslin an partikilye li i soufer plis li so ki zot pe fer dir nou klerman ki zot pe fer, ki mekanizm ki an plas pou fer sir ki sa Polisi ki zot in met black and white devan nou ki pe ganny enplimante parey i ganny ekri ki zot pe fer konkretman pou dir nou sa?

E zis en dezyenm kestyon lo kote bato kot zot pe koz tour operater i bezwen annan 5 bato eski zot annan en limit lo ki kantite pasaze sa bann bato i kapab pran parske i annan serten dan sa bann bato ki pran ziska 112 dimoun.  I annan bann ki gro so zis dir li i annan 5.  I pa vedir ki ou pe al anpes li pran biznes ek tou larestan parski si i vin ek 5 gro bato zot pe ale zot pe pran so mon anvi konpran klerman ki ou Polisi eski i vreman vize pou anpes gro pwason manz pti pwason?  Oubyen eski ou’n fini vwar poudir ou pa pou kapab anpes sa arive e ou ekrir en Polisi ki ou konnen ou pa kapab enplimante.  Mon ti a kontan ou larepons. Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker Polisi in ganny ekrir pou ganny enplimantasyon akoz si ou pa pe enplimante Polisi i parey Onorab in dir i pa fer sans.  Me enplimantasyon i lo kote Minister ansanm avek Licensing.

Now Licensing i annan en travay pou li fer ler en dimoun i vi anrezistre en biznes akoz tou sa bann biznes ou bezwen en license pou ou kapab operate sa biznes e ler ou ale pou al anrezistre sa bann dimoun i bezwen deklare who are the beneficiary owners sa biznes.

E bann dimoun ki pe benefisye atraver sa biznes e si i menm dimoun ki pe benefisye ek sa biznes ki pe fer Vertical  Integration then Licensing i devret pran bann mezir neseser pou pa donn license sa dimoun ouswa si in ganny license i bezwen pran mezir pou adres sa problenm.

Akoz at the end of the day sa ki enportan se ki nou bezwen konnen lekel ki benefisye atraver sa biznes e se sa dimoun pa non biznes ki mannyer i apele me lekel ki par deryer sa biznes pou fer sir poudir sa Polisi i ganny fer korekteman e nou, nou pou travay ansanm avek licensing pou fer sir parey ou fek dir sa Polisi in fek re ganny amande an Zen sa lannen pou fer sir i ganny enplimante.  Mersi Mr Speaker.

Epi dezyenm keksoz konsernan kapasite bato non nou pa’n limit nou’n limit lo kantite bato ki en dimoun i kapab operate lo Mahe Praslin ek La Digue.  Be solman nou pa’n operate ki groser kalite bato.  Akoz par egzanp nou pe devlop biznes cruise ship isi Sesel e nou konnen dan serten ka nou pou bezwen bann pli gro bato ki annan pli gro kapasite pou kapab tir sa bann pasaze par sa bann cruise ships pou anmenn Praslin pou anmenn La Digue pou zot kapab partisipe.

E si nou konmans met sa bann operater dan en bwat totalman fermen i pou difisil pou zot kapab reponn a bann bezwen ki pei i bezwen pou kapab devlop sa sekter.  Mersi Mr Speaker.

 

MR SPEAKER

Mersi Minis. Onorab Afif.

 

HON AHMED AFIF

Zis en pti swivi lo la.   Minis mon ti pe rod avek ou en mekanizm ki kler pou nou konpran.  E rezon mon pe demann ou sa se parski bokou dimoun Praslin e menm La Digue a dir ou.  I annan lotel ki zis i form en lot pti lakonpannyen ki apre i lwe bisiklet.  Tou dimoun i konnen pou ki e ou larepons se ki Licensing ki devret konnen.  Me ki mekanizm ki Licensing i annan pou li fer sa?

Par egzanp lo Praslin, lo Praslin san nonm sa bann lotel i annan en lotel ki gro e i annan enn son propriyeter i annan 3 bato ki pe operate ek sa lotel ki ou Polisi i kler lo la i dir li ou Polisi lo la i dir koumsa poudir ‘a hotel or person with ultimate beneficial interest in a hotel may be allow to operate one boat as hire craft with a maximum of twelve seats’.  Me dan sa ka ki mon pe dir ou i annan 3 bato ek 10 pasaze.  Alor sa se dimoun i konnen.  Sa dimoun i propriyeter i annan 3 bato Polisi i kler zis en bato me i kontinyen.  E i kontinyen pandan plizyer lannen.  Alor oli sa mekanizm ou’n mansyonn, ki mekanizm Licensing i annan pou li kontrol sa bann lenstan kot i klerman kont zot Polisi alor mon kestyon si ou Polisi pa kapab ganny enplimante i pa vo lapenn.  Kekfwa ou dir ek dimoun fran nou pa kapab fer li koumsa nou pou fer li en lot fason.  Oubyen si zot serye e zot annan en Polisi zot bezwen an plas mekanizm pou fer li marse.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mekanizm i kler, akoz en dimoun pou li kapab anrezistre en lakonpannyen parey mon’n dir i bezwen en license e ler ou al kot Licensing otomatikman ou bezwen oubyen ou bezwen al anrezistre sa biznes ou bezwen dir lekel ki pe benefisye atraver sa biznes e a sa pwen ou devret konnen be si msye entel ki sa beneficiary sa biznes, e i annan lentere dan lotel i pa devret pe own bato pou li al fer biznes.  E at sa pwen i devret trigger i devret trigger en keksoz ki al kot Licensing e Licensing i ofer i enform Minister touris e ki bann mezir i ganny pran pou rektifye sa problenm.  E nou, nou pou travay ansanm avek licensing pou fer sir poudir nou vwar epi  avek Rezistrar akoz Rezistrar ki anrezistre bann biznes pou nou kapab ganny sa bann lenformasyon.  Se sa mekanizm ki nou pe koz lo la.  Mersi Mr Speaker.

 

MR SPEAKER

Mersi Minis. Onorab Paul Ernesta.

 

HON PAUL ERNESTA

Mersi Mr Speaker.  Bonzour Mr Speaker, Minis ou delegasyon e tou bann koleg Onorab, bonzour.  Minis – Mr Speaker atraver ou zis pou mon pran lo sa ki Onorab Afif in dir.  Lo sa kote Cap ki bann tour operater. Ozordi nou annan 2 major tour operater ki nou annan ki fer bann zafer ekskirsyon.  Apre nou annan sa bann 5 lezot pti bato eski ou pa krwar i neseser ki nou et en Cap en ki sa ava kapab asire.

Akoz ozordi tou le de sa de major tour operater zot pe annan zot 3 bato sakenn i fer 6 bato ki zot pe pran pa mal share dan la kantite kliyan ki pe pran.  Si par egzanp i met en Cap 40 seat pou bann dimoun ki kapab ede e prezan ki a fer ki sa bann lezot ki reste i ava kapab partaz avek sa bann lezot pti biznes.

E apre Minis lo sa laspe car hire la, i enportan ki nou vwar ki dan bokou bann pti guest house ozordi i annan bann car hire e sa i fer ki i touy bann lezot pti biznes parey bann taxi drivers.  Eski dan Polisi i annan en fason ki nou kapab protez sa bann lezot pti biznes pou zot kapab osi kapab flow baze lo Polisi ki zot annan?  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Ok.  Mr Speaker nou’n asize nou’n rezonnen nou’n re vwar tou sa bann, sa bann item dan sa bann Policy.  Annefe konsernan la kantite seat ki en bato, en excursion i kapab annan i difisil pou nou kapab met en limero lo sak groser bato ki en Tour Operater i operate akoz parey bann – parey mon fek dir nou pe devlop pandan sezon cruise ships ki nou annan bann gro bato ki vin isi Sesel ki vin Mahe Praslin e ki pou la e si nou dir ki tou bato i bezwen en serten groser ler ou pou annan sa bann seasonal gran limero ouswa gran kantite touris ki vini, ou pou vwar ou dan en sityasyon kot i pou difisil pou kapab donn sa kalite service.

 

E an plis ki sa sirtou bann cruise liners zot annan en bann kondisyon ki tre spesifik par egzanp ki annan pou fer avek lasirans, ki kalite sistenm lasirans ki ou annan pou fer sir ki i menm kalite ki zot, zot annan pou bann pasaze.  E pa tou pti biznes ki pou kapab donn sa bann kalite servis parey ki pe ganny demande par sa bann cruise liners.

Alor pou nou i enportan pou dir wi nou bezwen fer sir poudir bann pti biznes i ganny loportinite pou zot epanouir me an menm tan nou bezwen fer sir poudir nou kree bann kondisyon, ki bann pli gran biznes ki annan kapasite pou envestir dan bann sistenm, ouswa bann kondisyon ek terms ek kondisyon ki bann cruise ships i demande, zot osi zot ganny sans pou zot reponn a bann bezwen.

Sansan nou pou vwar nou dan en sityasyon kot bann cruise ships pou vini nou pa pou kapab donn zot sa servis e zot, zot pou servi zot prop bato pou anmenn touris partou ki fer ki Sesel li menm a lafen i pou perdi.

Konsernan bann car hires nou’n konsider diferan opsyon.  Sa ki nou nou’n tonm dakor lo la se ki lo Mahe nou vwar poudir i annan ase lespas pou bann pti lotel ki up to 15 lasanm, zot nou’n les zot annan detrwa loto pou zot lwe, akoz nou vwar poudir i a ed zot pou zot grosi e devlope konman biznes.  Me lo Praslin ler nou’n fer bann konsiltasyon bann diskisyon ou’n vwar poudir sa i pou en problenm lo sa zil.  Mersi Mr Speaker.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker.  Mr Speaker mon pa konnen si Minis letan zot in pran kont sa laspe cruise liner la nou a dakor ki li i vin en zafer – i seasonal i pa toultan ki i annan e letan i napa ki arive avek sa bann pti dimoun?  E sa nou kapab krwar akoz zot bezwen kontinyen fonksyonnen e sa i montre klerman ki zot pou pran sa bann lezot kliyan pou sa bann lezot pti dimoun e avan ou’n koz lo laspe Licensing.  Nou konnen ki Licensing i for administrative.  Ki i annan dan Policy pou asire ankor ki sa bann dimoun, nou bann pti biznes, ankor i ganny proteze?  Konmsi nou bezwen ganny li kler Mr Speaker.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker lide se ki nou bezwen kapab cater pou tou le de sezon e si nou fer nou restriksyon selman pou nou kapab operate serten parmi en serten sezon nou pou ganny problenm ler i annan cruise ship.  Se sa la realite.  E bann pti biznes avek sa nouvo restriksyon nou, nou pe dir poudir i pa devret annan plis ki 5 bato.  Bann Tour Operaters pa devret annan plis ki 5 bato.  Alor se la kantite bato ki kapab operate lo Mahe Praslin ek La Digue ki determin whether konpetisyon avek sa bann pti biznes pou ete. E an prensip ler nou’n diskit avek bann biznes zot – se sa ki basically ki nou’n tonm dakor lo la avek bann pti biznes.  Mersi.

 

MR SPEAKER

Mersi Minister.  Annou letan pe kit nou annou fer nou kestyon ase bref.  Onorab Wavel Woodcock.

 

HON WAVEL WOODCOCK

Mr Speaker mon kestyon i en pti pe dan laliny ki Onorab Ahmed Afif in demande.  Anba sa Polisi Vertical Integration lo 1(3) (a), Boats for Excursion i dir klerman ki ‘a hotel or a person having interest in a hotel may be allowed to own or operate one boat as hire craft with a minimum of twelve seats (sorry) with a maximum of twelve seats’.  Me solman Mr Speaker i kler ozordi ki sa bann plizyer bann DMCs – sa bann Tour Operators zot deza propriyeter plizyer bato ki zot seat kapasite i bokou plis ki 12.  Annou pran en legzanp annou regard sa de DMCs Creole Travel ki zot propriyeter aktyelman i en Tour Operator en lotel.  Parey Creole Travel i annan La Domaine de La Reserve, La Domaine de L’Orangerie, Mason’s Travel, Inter Lodge, Carana beach me ler ou pou get bann bato ki sa bann propriyeter sa bann Tour Operators zot own,  Creole Travel i annan li Au PlaisirAu Plaisir i annan li 112 pasaze azout 2 crewAu Desir 75 pasaze azout 4 crew.  Zefir 30 pasaze azout 3 crew ki en glass bottom boatMason’s Travel li i annan Anahita ki pran 112 pasaze avek 2 crew.  Indina i annan li 50 pasaze avek 2 crew.  Catalina 75 pasaze avek 10 crew.  E sa de gran DMCs zot annan zot apepre en total 424 seats pou ekskirsyon par zour sa.  424 pasaze zot pran ki fer ki zot annan en gran kontrol lo the market share; lo la kantite ki zot fer zot annan en oligopoly lo market pour kot i konsern bann bato ekskirsyon.  Alor eski  ki mannyer ou Minister pou enplimant sa Polisi konman deza sa bann Tour Operators zot deza own sa bann bato ki pe marse aktyelman?  E eski zot in deza sey at least konsidere?  Si 12 si kekfwa i en pti pe tro bokou eski zot pa kapab met en capping par bato at least en 40 pasaze ki at least ava annan en 200 pasaze ki ava ganny partaze avek bann lezot bato ekskirsyon.

Mon ti a kontan konnen ki mannyer Minis pou deal avek sa bann Tour Operators sa bann DMCs ki annan tou sa bann bato avek tou sa bann seats?   E mon dezyenm kestyon Minis dapre sa Polisi i dir ki, i selman bann lotel ki annan plis ki 25 lasanm ki pou napa drwa annan car hire.  Me selman as we know it already i annan bann lotel. I annan bann lotel ki annan plis ki 25 lasanm zot annan car hire.  Eski Minis ou santi poudir zot pou kapab enplimant sa?  Ki mannyer ki zot pou deal avek sa?

E mon osi mon dakor avek sa ki Onorab De Commarmond in dir poudir en pti lotel mon pa vwar nanryen mal ki en pti lotel ki annan mwens ki 25 lasanm i kapab own en car hire.

Me selman mon dakor ki bann gran lotel mon krwar i pou defavoriz bann pti letablisman ek bann car hire akoz the bulk of bann touris ki pe vin kot zot.  Alor Minis mon kestyon eski ki zot pou fer pou kontrol sa bann gran lotel pou anpes zot antre dan sa biznes car hire e pou deal avek bann ki deza an se moman zot annan car hire?

Finalman mon trwazyenm dernyen kestyon Mr Speaker dapre sa Polisi i dir ki bann Tour Operators ki annan have 15percent of a total hotel room ki tonm apepre 899 lasanm.  Me selman Mr Speaker mon pe demann Minis si zot pe konsider osi ki zot pe kont zis lotel zot eski zot pe kont bann bato catamaran?  Bann bato catamaran ozordi i annan kliyan ki vini i debarke i al direkteman li bann bato catamaran ki ankor owned by sa bann Tour Operators sa bann DMCs.  E i bann lasanm sa Mr Speaker. Eski ki mannyer zot pou osi kontrol sa pou eski vreman pou dir sa Polisi ki zot pe dir 15poursan total room eski 15poursan ouswa i plis lasanm par lefe ki i annan lezot lasanm lo sa bann bato catamaran?  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker Onorab in dir en kantite keksoz mon’n sey, mon’n seye pou mon capture sa kantite keksoz ki in dir.  Mon a sey reponn bann ki mon’n gannyen e lezot mon krwar mon a bezwen dir li pou soz akoz in sot, sot en pe partou.  Konsernan bann boats Tour Operator i pe demann mwan ki mannyer ki Minister pou kapab adres sa problenm kot bann gran Tour Operators zot deza annan plizyer bato?

Ler nou ti pe travay lo sa Polisi ti annan en resers ki ti ganny fer pou vwar ki kantite bato ki bann gran Tour Operators i annan e nou ti vwar poudir sa de ki pli gran ki dan biznes charter pou le moman sakenn ti annan 5 bato ki ti operational.

I vre zot annan en kantite lezot bato me sa bann lezot bato pa ti operational ler nou ti fer sa resers boner sa lannen.  Alor ki Gouvernman in fer nou’n pran en desizyon ki nou pou donn zot 1an, 1an savedir depi le 1zen ziskan le 31 Me lannen prosenn ouswa le 30 Me zot pou bezwen adres sa bann lezot bato ki pa operational.  Savedir tir li dan zot fleet ki dan en fason zot annan 5 bato pou zot operate.  Ouswa si zot le lezot kalite bato zot pou bezwen tir enn dan sa 5 ki zot annan, pou zot met enn nouvo.  So se koumsa ki sa keksoz pe ganny adrese.

Konsernan bann gran lotel avek car hire diskisyon ki nou nou’n gannyen avek bann dimoun parey mon anvi dir ki lo Mahe i pa en problenm.  Nou’n vwar poudir bann pti lotel ki annan detrwa lasanm par anba 15 lasanm, i pa en problenm.  Up to 15 lasanm i pa en problenm pou zot annan en pti car hire, pou ed zot avek zot bann reveni total ki zot fer par mwan akoz lakantite lasanm ki annan i pa bokou.

Savedir zot turnover i pa gro alor pou ed zot Gouvernman ti dakor pou donn sa extension pou zot kapab al dan biznes car hire kot zot biznes i ete.  Me nou pa’n extend li pou bann gran lotel par lao 15 lasanm pou sa akoz nou rekonnet poudir bann pli gran lotel pou kree plis problenm dan sistenm si nou annan zot pou annan zot prop car hire.

Me parey mon repete ankor lo Praslin in annan en gran rezistans sorti kot bann car hire, bann dimoun ki fer biznes zis car hire e zot, zot in dir nou – e nou nou’n osi ler nou’n regard la kantite lotel ki annan lo Praslin – sirtou i al dan apard ki sa detrwa gran akoz napa bokou gran lotel lo Praslin laplipar i bann pti guest house ek bann pti lotel.  E si laplipar sa bann pti lotel e sa bann guest house i extend i al dan car hire then otomatikman tou sa bann dimoun ki dan car hire solely, zot pou vwar zot dan difikilte.  Unless ki zot trouv larzan pou zot al envestir dan lotel zot osi.

Konsernan 150 rooms bann Tour Operators avek bann live onboards, live onboards nou napa en kont lo – i pa en landrwa kot i annan konpetisyon direkteman avek bann pti operater lo Mahe Praslin ek La Digue.  Nou pa vwar li an se moman i en rezon akoz ki nou bezwen al kontrol sa.  I en landrwa ki nou kapab devlop ankor sirtou nou konman en zil ki – konman en pei ki en l’archipel nou annan en kantite zil.  I en landrwa ki nou krwar i kapab ganny expend alor nou pa’n vwar li neseser pou nou al kontrol la kantite rooms ki annan live on boards pou le moman.  Mersi Mr Speaker.

 

MR SPEAKER

Mersi Minis.  Onorab Noline Sophola.

 

HON NOLINE SOPHOLA

Mersi Mr Speaker.  Bonzour Minis.  Mr Speaker Minis in dir ki biznes avek plis ki 5 lasanm pa kapab annan biznes lwe bisiklet lo La Digue?  Minis eski i annan bokou sa bann gran lotel ki pe fer sa biznes lwe bisiklet petet ki’n anrezistre ki ou konnen?  Eski i annan travay ki’n konmans ganny fer avek sa bann gran lotel pou aret sa practice?  Ki dire letan ki zot in ganny donnen pou aret sa practice? E Minis eski ou kapab eksplik sa Lasanble ki la konsekans ler sa bann gran biznes pa pe respekte sa Polisi e osi akoz i en Polisi i pa en Lalwa eski i obligatwar pou zot swiv? Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mersi.  Mon pa’n ganny okenn lenformasyon direk ki dir poudir i annan lotel ki pe extend dan biznes bisiklet.  Bann ki mwan mon’n antann se bann ki dir poudir konmkwa zot pe travay ek bann pti biznes, pou vin met biznes bisiklet kot zot lotel e zot operate from there.   Now nou, nou ava fer legzersis pou determinen egzakteman si i egziste kote i egziste.  E bann ki nou trouve nou ava donn zot en serten dele letan pou rektifye sa problenm sinon nou pou bezwen diskit ek Licensing, akoz i pou en vyolasyon bann kondisyon zot license dapre nouvo Polisi ki Gouvernman in met an plas.  Mersi Mr Speaker.

 

MR SPEAKER

Mersi Minis.  Mon ava don en dernyen kestyon yes Onorab Sophola.

 

HON NOLINE SOPHOLA

Wi Mr speaker mon’n demann li ki dire letan ki sa i ganny donnen?  Konmsi ki dire letan ki ou pe gannyen pou met sa an egzekisyon vedir?

 

MR SPEAKER

Ok mersi Onorab.

 

HON NOLINE SOPHOLA

Si i annan travay ki’n ganny fer avek sa bann lotel?  Vedir eski i donn zot 1an, 3mwan, 6mwan ki tou keksoz in kapab pare?  Silvouple.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker i pa en keksoz ki nou’n deza fer nou pou bezwen asize e konsider li o profon e fer sir poudir nou tonm dakor a en dele letan ki fer sans.  Definitivman i pa pou 1an i pou bokou mwens letan ki sa akoz nou krwar dan en keksoz parey bisiklet i pa devret pran en kantite letan pou en dimoun vann sa biznes ek en lot dimoun e fer li take over sa soz.  Mersi Mr Speaker.

 

MR SPEAKER

Mersi Minis.  Mon donn dernyen kestyon Onorab Churchill Gill.

 

HON CURCHILL GILL

Mersi Mr Speaker.  Mr Speaker mon ti anvi zis Minis i donn nou en leklersisman lo sa rasyonal ki mon pe al demann li.  I dir nou koumsa bann pti letablisman pa kapab annan car hire akoz i pou detrimental pou sa bann dimoun ki pe operate car hire.  Me selman lot kote i dir nou koumsa pti lotel i kapab annan en bato ekskirsyon avek 12 seat.  Eski i pa fer menm lefe lo sa bann dimoun prezan ki annan bato ekskirsyon parey sa premye legzanp kot sa bann dimoun ki annan car hire in ganny afekte?  Sa i enn.

Apre 2enm lo kote car hire Praslin la kantite car hire ki annan i pa ankor kapab koup ek la demann akoz i annan en fakter ki pa’n ganny pran dan sa bann lenformasyon se, sa bann kliyan lokal.  Bokou weekend i annan dimoun pa gannyen car hire; savedir i montre ou poudir nou devret pran sa fakter touris apre nou devret osi azout sa fakter lokal ki zot osi zot lwe loto.  E sa i fer ki la kantite car hire ozordi i pa ankor tro bokou.  E mon krwar poudir sa bann pti lotel nou pe koz konbyen 5 lasanm, 4 lasanm, 8 lasanm, e zot a kapab operate menm dan en fason  profitab akoz la kantite demann pou car hire kan i ariv weekend Praslin oubyen dan lasemenn i pli bokou ki sa ki nou annan ozordi.  Mersi Minis.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker nou ava asize e fer en resers o profon pou vwar egzakteman ki sityasyon car hire.  Parey mon’n dir demann pou restrikte car hire i sorti lo Praslin i pa sorti kot Gouvernman e Gouvernman in asize i etidye sa ki zot pe dir e bann pti lotel Sesel son kategori i tonm ziska 15 lasanm ki bann Seselwa i ganny drwa own, e sa group ki si okenn sanzman i ganny fer se sa group ki pou bezwen ganny targete e nou, nou pou bezwen gete ki kantite ki annan.

E pou le moman dapre bann sif ki mon annan i annan plis ki 400 bann pti etablisman lo Praslin savedir i par anba 25 lasanm.  E apre ki nou’n fer sa travay nou a kapab vwar ki mannyer nou kapab fer rekomandasyon avek Gouvernman.  Mersi Mr Speaker.

 

MR SPEAKER

Mersi Minis.  Bon nou ava bouz lo – yes Onorab Churchill Gill.

 

HON CHURCHILL GILL

I annan enn ki Minis pa’n touse sa enn premye, kot mon’n dir li koumsa poudir in dir poudir i pa kapab donn les pti lotel fer car hire, akoz i pou afekte bann dimoun ki pe fer biznes car hire ki pa dan lotel.  Prezan mon’n demann li eksplik nou ki mannyer pti lotel ou les zot annan bato 12 seating capacity si sa i pa fer menm lefe lo sa dimoun ki fer ekskirsyon akoz sa lotel pe kapab fer ekskirsyon whereas sa lot legzanp sa lotel pa kapab fer car hire i dir nou si i les fer car hire i pou afekte sa bann dimoun ki pe fer car hire individually?  Mon krwar Minis ou konpran –

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker lenformasyon ki nou annan i pa en landrwa kot i annan en gro konpetisyon ant bann pti lotel avek bann dimoun ki fer ekskirsyon.

Zour nou a vwar poudir i annan sa konpetisyon for ki pe kree en problenm la nou ava kapab pran bann mezir.  Pour le moman bann konsiltasyon ki nou’n fer, i pa donn nou sa konsern si ou le, pou nou pran sa bann mezir pou restrikte li parey car hire.  Mersi Mr Speaker.

 

MR SPEAKER

Mersi Minis.  Nou a pran dezyenm kestyon.  Onorab Jude Valmont.

 

HON JUDE VALMONT

Bonzour e mersi Mr Speaker.  Bonzour Minis e PS, bonzour tou koleg Onorab. Kestyon Onorab Aglae i lir koumsa.  Eski Minis i kapab dir ek sa Lasanble ki staz negosyasyon ek propriyeter ex-Mahe Beach pou kapab antreprann sa proze lotel, anvi ki sa sit i kapab koz serten nwizans baze lo serten lensidan lepase?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mon ti a kontan enform sa Lasanble ki nou pa ankor konmans diskisyon ouswa negosyasyon propriyeter ex-Mahe Bach Hotel.  Departman Touris in konmans e travay avek Biro Lenvestisman Sesel e Departman responsab pou lenvestisman pou konmans angaz Gouvernman dan bann diskisyon avek bann propriyeter, bann sit kot Gouvernman in donn laprouvasyon pou devlopman lotel e apre pa’n annan okenn devlopman ouswa gran progre.  Propriyeter ex-Mahe Beach i parmi bann Lorganizasyon ki nou pe plan pou annan bann tel diskisyon tre byento.  Mersi Mr Speaker.

 

MR SPEAKER

Mersi Minis.  Onorab Valmont.

 

HON JUDE VALMONT

Mersi Minis.  Kestyon swivan sa ki Onorab Aglae in met devan se ki sa landrwa li menm i abandonnen, i koz en lenkonvenyans e menm pou eleman sekirite alor e menm en eye sore alor mon ti a voudre demann Minis si zot annan – zot in deside oubyen zot in menm ou dir pe al dan negosyasyon avek sa propriyeter me petet si mon kapab demande, eski zot annan en dele letan pou sey pouse pou fer demoli sa batiman at least avek sa bann danze ki i koze?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Konsernan antretyen bann lespas ouswa bann batiman sa i tonm anba Planning ki normalman tonm anba bann batiman.  E si i annan okenn batiman ki derelic ouswa i poz en danze pou lavi ouswa pou imen se Planning Authority ki bezwen pran sa desizyon pou li investigate e pran mezir pou retir bann batiman.

Nou konman tourism sa ki nou enterese se ki sa landrwa ki ti en touristic site i ganny re devlope e ganny zere konman en lotel ki sifo ki nou al dan bann landrwa vyerz ki nou rekonmans re devlop lotel.  E se sa ki mon pe dir ki nou le travay avek biro pou envestisman akoz se zot ki deal avek envestisman.  Avek Minister osi Departman responsab pou envestisman e osi Minister responsab pou later, pou fer sir poudir nou rekonmans en dyalog avek sa bann diferan lenvestiser ki’n aste sa bann diferan propriyete, ouswa ki Gouvernman in donn permisyon pou zot devlop sa bann landrwa pou vin lotel, ki dan en fason ki d-isi boner lannen prosen, nou a fer sir i annan en swivi regilyerman lo sa bann diferan site.  E nou a konnen egzakteman ki pe arive.  Mersi Mr Speaker.

 

MR SPEAKER

Mersi Minis.  Onorab Valmont.

 

HON JUDE VALMONT

Yes mersi Mr Speaker.  Mersi Minis.  Minis eski ou kapab donn nou en dele letan en peryod letan pou dir nou kan egzakteman zot pou konmans sa negosyasyon?  Kan apepre la, mwan prosen, desanm, lannen prosenn?  Zis donn nou en peryod letan pou nou konnen pou zabitan Port Glaud reasire ki nou kapab deal ek sa sityasyon met sa building ater konmans en lenvestisman?

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker an se moman Minister pe konmans compile tou sa bann sit ki nou pou konmans diskisyon avek e travay pe preski konplete avek compilation tou sa bann diferan Lorganizasyon e envestiser akoz nou pa le deal zis avek Port Glaud nou pe deal avek tou bann ki deza egziste ki lo nou liv e nou pe fer en travay e tousala i ganny met lo en lalis e nou kree sa task force, nou’n fini diskite avek lenvestisman pou fer sir i annan en tim solid, ki travay lo la e nou ekrir sa bann Lorganizasyon e nou pran kontak ek zot e nou konmans annan bann diskisyon.

So by boner mon mazinen akoz la nou pe antre dan Bidze bann lezot keksoz ki nou pou ase busy, me solman travay pou konmanse tre byento.  Sanmenm sa mwan nou pou konmans travay lo sa bann lalis.  Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Bonzour tou dimoun.  Bonzour Minis.  Mr Speaker prenon kont ki zot pou annan dele letan ki zot pe travay lo tou sa bann keksoz e sa sit i ankor la, e en kantite aktivite e kantite keksoz i kapab arive dan sa sit ki bann mezir prezan ki zot pou bezwen pran pou asire ki enn dimoun pa antre dan sa sit either pou fer vandalizm oubyen pou fer ban lezot akt oubyen bann lezot aksyon?  Oubyen sa bann aksyon ki kapab lead to en dimoun perdi zot lavi akoz sa sit i annan en morso sa sit ki kapab koz en danze pou piblik, sirtou si par egzanp ou ganny ou bann zenn bann aktivite ki zot al fer frekant sa landrwa.  Ki bann mezir prekosyon ki zot bezwen pran in regards to sa?  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker lenformasyon ki mon annan, mon konpran i annan sekirite deza lo sa sit.  Mon pa’n kapab konfirmen, me lenformasyon ki mon annan i annan sekirite lo sit i pa posib pou en dimoun zis antre pou al lo sa sit.  Mersi Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker Minis in koz lo travay ki bezwen ganny fer ek sa bann sit pou re devlope bi demann kestyon se pou press Minister for action e nou ti a kontan demande, eski i pa neseser ouswa ti ava pli ideal pou ki nou kapab ganny en dele letan dan ki tou sa bann proze sa bann devloper pe vin avek en plan?  E si zot napa en plan then serten lezot negosyasyon bezwen ganny atrape pou dir be si ou napa en plan, then nou bezwen vwar lezot alternatif akoz as long ki nou kontinyen esper sa devloper pare then nou dan en lanzir di tan pe espere si pou devlope pa pou devlope, e ou ganny bann kestyon ki pou dir ou ‘’be tou sa letan?’’  So mon krwar ti ava bon ki nou regard seryezman dan ki bann mezir nou bezwen pran pou li ariv sa sityasyon?  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker sanmenm sa ki nou le fer an kree atraver an kreasyon sa task force ant touris, lenvestisman avek Minister responsab pou Lenvestisman ek Minister responsab pour Later.  Mon pa krwar poudir nou pou kapab annan en mezir ki nou pou kapab servi dan tou sityasyon, akoz i annan bann later ki prive e nou pou bezwen diskit ek sa bann dimoun e regarde si zot annan larzan pou zot envestir, akoz mon konpran i annan sa bann envestiser ki ankor pe rod finansman pou zot envestir dan lotel.

I annan ki later in lease ek Gouvernman oubyen later in ganny lease ek Gouvernman sa Gouvernman i kapab pran serten mezir direk me ler later i ganny own par sa owner keksoz i vin en pe pli difisil akoz son propriyete i pou li, e ou bezwen travay ek li pou ankouraz li pou li fer sir poudir i fer sa lenvestisman.  Me nou deza par egzanp bann lotel ki pa pe devlope, nou pe pran bann kont lasanm anba Moratorium avek zot pou donn bann ki deza pe envestir.  So they will have to go back in the queue pou zot re vini apply pou ganny lakantite lasanm pou zot kapab devlope.  Alor nou pe donn priyorite bann ki annan larzan ki pare pou envestir pou donn zot priyorite, pou donn zot la kont lasanm ki zot bezwen pou zot konmans enplimant zot proze.

Be at the same time nou realize poudir nou bezwen annan en dyalog, e nou bezwen reste an kontak avek bann envestiser pou nou konnen egzakteman ki pe arive e ki nou bezwen annan en follow up tou- le-z-an pou nou kapab update nou lekor lo ki bann plan ki ban difikilte ki sa bann  biznesmenn pe fer.  E si zot bezwen envestiser i annan lezot envestiser ki envesti Sesel ler zot ava al laba kot SIB, SIB a kapab dir zot be pran kontak avek entel e entel i pe rod envestiser e kekfwa zot a join ansanm e devlop sa landrwa.  Mersi Mr Speaker.

 

MR SPEAKER

Mersi Minis.  Onorab Audrey Vidot.

 

HON AUDREY VIDOT

Mersi Mr Speaker.  Bonzour Mr Speaker.  Tou Manm Onorab e Mini e tou dimoun ki a lekout.  Mr Speaker mon kestyon pou Minis ki dernyen fwa zot in koz avek sa propriyeter e petet ki dernyen lenformasyon resan ki zot annan lo sa size devlopman?  E si i pou ganny respekte parey ou’n – dan zot diskisyon zot in koze lo bann pwen ki ou’n fer sorti proteksyon sa landrwa?  Mersi

 

MR SPEAKER

Mersi Onorab.  Minis.

 

MINISTER DIDIER DOGLEY

Parey mon pe dir nou pa ankor konmans okenn diskisyon avek sa propriyeter.  Mon konnen poudir Rezistrar i an kontak avek zot e nou, nou pe travay ansanm avek bann lezot Lazans ki deza an kontak avek sa bann propriyeter e nou, nou pe met sistenm an plas pou dir ler nou’n kapab travay ansanm etabli bann kriter kler pou bann envestiser sirtou bann ki ler zot vini zot dir zot pe al fer tel keksoz, zot fer zoli plan apre zot, nou pa tann plis ki sa, nou, nou pou bezwen met …an plas e osi bann mekanizm pou ankouraz zot pou envestir.  E si zot pa envestir nou bezwen servi bann lezot mezir pou fer sir poudir keksoz i bouze avek bann lezot ki enterese pou envestir.  Akoz envestiser ou pou annan diferan kalite group i annan ki annan sa larzan e i annan ki klerman zot napa sa finansman.  E se sa ki koz sa problenm pou fer keksoz bouze.  Mersi Mr Speaker.

 

MR SPEAKER

Mersi Minis.  Onorab Vidot.

 

HON AUDREY VIDOT

Mersi Mr Speaker.  Mr Speaker mon ti le zis enform Minis ki en pe letan napa sekirite laba akoz i annan en bann aktivite anti- sosyal, en dimoun pe konplent.

 

MR SPEAKER

Mersi Onorab.  Minis ou le fer en komanter oubyen ou ava note ou ava- Minis.

 

MINISTER DIDIER DOGLEY

Mr Speaker mon remersi li pou sa lenformasyon.  Nou ava fer le neseser pou travay ek bann Minister konsernen ki akoz par egzanp lanvironnman i ava pran – nou ava diskit avek Minis Lanvironnman pou fer sir poudir sa landrwa i ganny mentenir dan en fason ki sa bann kalite aktivite pa kapab pran plas.  Mersi Mr Speaker.

 

MR SPEAKER

Minis mon krwar sa konsern i osi pou Belombre kot Le Petit Village kot nou pe sey demann owner i annan en bout sa landrwa ki pe soutir bann move, move aktivite.  Nou’n fatige ekrir lanvironnman tou napa nanryen ki’n ganny fer.  Petet sa osi tou a ganny pran an konsiderasyon.  Mersi Minis.  Onorab Sylvanne Lemiel.

 

HON SYLVANNE LEMIEL

Mersi Mr Speaker.  Bonzour Minis avek ou PS.  Mr Speaker petet mon ti a kontan Minis dir nou lekel sa group envestiser ki’ aste sa lotel?  Mersi.

 

MR SPEAKER

Mersi Onorab Lemiel.  Minis.

 

MINISTER DIDIER DOGLEY

Lenformasyon ki nou nou’n kapab trouve lo Rezistrar sa lotel i ankor anba e Lakonpannyen ki apel Oceanic Mahe Beach Resort Limited e i ti sanz non an 2008 an Zanvye 2008.  Bann larestan detay i annan bann directors ki’n ganny liste e laplipar sa bann directors i bann Malaysien.  Bann larestan detay mon pou napa akoz i tonm direkteman anba Minister ki responsab pou later.  Sa ki nou, nou’n kapab vwar anler lo file lo soz, me bann lezot detay ou pou bezwen pran kontak avek Minis Later pou donn ou sa bann lenformasyon.  Mersi Mr Speaker.

 

MRR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Vitman Minis bonzour. Minis mon krwar sa Lasanble ti a vreman apresye en attendant ki bann re devlopman i ganny fer si Minis ti kapab donn nou en komitman ki i ava koz avek bann Lazans pou fors bann owners pou gard sa bann landrwa dan at least dan en sityasyon en pe izyenik.

Mon konnen poudir par egzanp Praslin L’Amitie Praslin dan bor lotel Dhevatara i annan landrwa ki enfeste par lera prezan zot annan bann vye tol zot bar sa keksoz konmsi nou ti a mazinen poudir si zot – si bann devloper napa sa larzan oubyen zot proze pa ankor pare, at least zot ti ava fer en miray korek e zot ti ava regilyerman netway bann landrwa pou anpese ki i enfeste e ki i pa en lenkonvenyans pou bann dimoun ensures ki Gouvernman i kapab enforce en attendant bann devlopman final.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon remersi Onorab pou sa sizesyon, mon krwar i en keksoz ki tre pozitiv nou ava pran kontak avek bann Minister avek Lazans ki deal avek bann kestyon netwayaz avek kit landrwa prop pou fer sir poudir nou enforce, kont sa bann Lorganizasyon ki zot maintain zot propriyete.  Mersi Mr Speaker.

 

MR SPEAKER

Mersi Minis. Mon krwar in ariv ler pou nou pran en break e nou ava kontinyen avek Minis Dogley apre Break.  Minis ou annan ankor en kestyon normal apre zis pou nou pa kree lenkonvenyans nou pou pran sa kestyon Urgent, Minis i deza la apre nou ava regarde si nou pou pran Minis Cosgrow apre midi 2er.  Ok?  I depan lo letan.  Mon anvi zis atir latansyon bann Manm sa size ki’n leve bomaten.  Nou Standing Orders i kouver anba 39(6) avek 44(1) – ok?  I donn en pti pe sa fleksibilite ki en Manm i kapab withdraw son Mosyon oubyen defer son Mosyon me selman parey mon dir nou pou tackle li ankor dan ABC ki nou pa abiz sa 2 Orders just for the sake of nou met en Mosyon apre zis nou pull out.  Ok.  Nou ava pran en Break.  Nou ava retournen 11.15.

 

(BREAK)

 

MR SPEAKER

Bon, nou ava kontinyen nou travay.  Nou ava al lo trwazyenm kestyon.  Onorab Valmont.

 

HON JUDE VALMONT

Mersi Mr Speaker.  3enm kestyon i lir koumsa –

‘An vi ki waterfall i en sit latraksyon touristik, eski Minis i kapab dir ek sa Lasanble ki bann dernyen devlopman ki’n ganny aprouve dan sa landrwa, an vi bann konstrent devlopman lepase avek sa envestiser?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker e mersi Onorab.  Sa devlopman kot waterfall i sitye, i ganny trouve lo en propriyete prive ki pour Misyon Katolik.

Dapre Misyon Katolik, zot ti met en ka Ankour kont sa envestiser ki ti la avan, akoz zot pa ti satisfe avek sa devlopman ki i ti pe fer.  Mon Minister ti ganny enformen le 3 Me 2018 par reprezantan Misyon Katolik, ki en Notice ti ganny mete dan zournal Nasyon ek TODAY, ki pe envit nouvo envestiser pour lwe e re-devlop sa landrwa.  E dernyen dat ki sa bann envestiser ti annan pou soumet propozisyon pour sa redevlopman ti le 25 Me 2018.

Dernyen kominike ki nou Minister in gannyen sorti kot reprezantan Misyon Katolik, se ki en desizyon final pa ankor ganny pran konsernan lekel devlope, ou envestiser, ki zot pou swazir pour lease sa propriyete avek.  Reprezantan Misyon Katolik in enform nou ki ler en desizyon final i a ganny pran, zot ava met nou okouran.  Mersi Mr Speaker.

 

MR SPEAKER

Mersi Minis.  Onorab Valmont.

 

HON JUDE VALMONT

Mersi Mr Speaker.  Mr Speaker, Onorab Aglae in met an mon latansyon ki laba pour le moman i annan en laspe sekirite.  Alor, mon ti a voudre demann Minis koman 2enm kestyon – ki mannyer Minister ek sa propriyeter pe travay ansanm pour asir plis sekirite akse kot sa sit enportan?  E trwazyenmman – en eleman distrik, ki Minister i kapab fer por reasire ki Lotorite Distrik osi i ganny enkli dan bann negosyasyon, dan bann preparasyon?  Akoz i annan Onorab in refer sorti ki i annan keksoz ki pase ki zot, zot pa neseserman okouran.  E apre i vin en retonbe lo distrik.  So, ki zot pe fer pou angaz distrik osi pour partisip dan negosyasyon pou vwar ki sa landrwa i vin en landrwa apropriye?  Mersi Mr Speaker.

 

MR SPEAKER

Mersi Onorab Valmont.  Minis.

 

MINISTER DIDIER DOGLEY

Mersi Mr Speaker.  Nou ti napa lenformasyon poudir ti annan problenm ensekirite dan sa landrwa.  Nou napa okenn statistics, okenn soz ki’n donn nou pou dir okenn touris in ganny atake ouswa okenn problenm in arive.  E an vi ki ou’n donn nou sa lenformasyon la, nou ava fer sir poudir lenformasyon i ganny pase avek Lapolis.  E nou a fer sir osi ki nou staff i vizit sa landrwa e donn nou bann lenformasyon konkret ki nou, nou kapab diskit avek Lafors Sekirite pou regarde ki mannyer ki nou kapab amelyor sekirite dan sa landrwa.

Dezyenm keksoz konsernan negosyasyon – i en pe difisil pour nou enpoz lo sa owner sa landrwa pour annan distrik form par sa negosyasyon ki pe arive avek sa devloper dan sa landrwa.  Sa ki mon ti a rekomann – nou osi nou kapab koz avek bann reprezantan Legliz Katolik, pour ki zot travay ansanm avek distrik, me osi avek Minister Tourizm pour regarde ki mannyer ki nou fer sir poudir sa proze i en sikse dan sa landrwa.  Mersi Mr Speaker.

 

MR SPEAKER

Mersi Minis.  Onorab Valmont

 

HON JUDE VALMONT

Mersi Mr Speaker.  Minis petet si – zis pour sizere dan lespri bouz devan, petet si Minister Tourism i kapab organiz en rankont avek propriyeter apre Lotorite Distrik. Si zot kapab fasilit sa e Onorab a ganny sa fasilite, fason pour koze osi o par distrik.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker, sa i en bon propozisyon.  Nou ava pran kontak avek Legliz Katolik, nou ava organiz sa rankont.  Mersi.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker.  Atraver ou Mr Speaker, Minis in – pe eksplik nou son lakantite difikilte ki pe gannyen pou negosye si oule pour finaliz sa laspe devlopman sa – devlopman touristik dan distrik.  Eski Minis i kapab eksplik nou antretan ki sa bann proze pe, negosyasyon pe fer – si zot annan bann latraksyon touristik ki kapab ankouraz nou bann dimoun pou kapab antre ladan?  Pour nou kapab fer ki bann dimoun osi ava kapab benefisye – touris an zeneral ava kapab byen pase.  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker, i annan bokou sites ki deza egziste ki nou kapab devlope.  Par egzanp, Mission i enn ki dan distrik Port Glaud, ki mon krwar i annan en kantite potansyel pour nou kapab devlop li an plis.

Nou annan nou bann trails ki deza pe mars byen.  E i annan en bon pe bann – ki mannyer nou apel sa?  Bann gid ki anploy zot lekor zot menm, ki pe mont avek touris lo bann trails.

Me osi parey mon’n nonmen, i annan bann sekter kot pour le moman i annan bann mankman ladan.  Par egzanp, si nou regard restoran – in enn bann landrwa kot napa ase restoran.  Si nou regard anvil – en touris ki sorti lo bato, ouswa ki sorti Beau Vallon ki vin Victoria, apre ki Pirates Arms in fermen – pour le moman i annan zis Coco Bleu avek Dolce Vita ki egziste anvil.  Apre kekfwa i kapab annan enn de bann pti keksoz ki egziste.

Me bann landrwa prensipal kot en touris i kapab ale, epanouir, pas en bomaten, pas en midi, bwar en labyer, bwar en tas kafe, relax, apresye lavil Victoria – nou vwar poudir i annan en gran mankman dan sa bann keksoz.

Epi osi, kot retail konsernen – par egzanp, kalite bann keksoz ki nou pe vann.  Mon konnen poudir dan sert… – dan Caraïbe, i annan plizyer bann landrwa ki vann bann keksoz brand.  Par egzanp, i kapab mont, i kapab lenz, i kapab bann jewellery.  Bann keksoz koumsa, ki ou vwar dan lavil dan bann landrwa ki pe ganny ofer avek touris.

Ban aktivite dan national Park ankor.  Ouswa dan bann landrwa soz – bann aktivite adventure tourism par egzanp.  Nou konnen i annan sa zipline laba Ephelia.  Me eski zis Ephelia ki soz?  I annan bann lezot aktivite ki nou kapab fer.

Alor, i annan tout en levantay lezot aktivite ki nou. Nou’n travay lo la.  Ki nou’n donn Investment Bureau, ki dimoun i kapab konsidere.  Ki si fo tou dimoun pe fer car hire, ki pe fer pti guest house, apre nou war nou an konpetisyon ek kanmarad.  I annan tout en levantay lezot aktivite ki bann lenvestiser i kapab al ladan.  Mersi Mr Speaker.

 

MR SPEAKER

Mersi Minis.  Onorab Audrey Vidot.

 

HON AUDREY VIDOT

Mersi Mr Speaker.  Mr Speaker, mon ti oule zis demann avek Minis, eski Lanmisyon in apros oubyen kominik avek Biro Lenvestisman oubyen Planning pour okenn nouvo konsep lo devlopman dan sa landrwa?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker, mon napa lenformasyon.  Me ler nou ava fer sa meeting, nou kapab demann zot ki bann lezot konsiltasyon so far ki zot in fer.  Me nou, nou menm nou’n apros zot nou’n demann zot.  Pour le moman nou pa ganny okenn gran lenformasyon sorti kot zot.  Mersi Mr Speaker.

 

MR SPEAKER

Mersi Minis.  Onorab Flory Larue.

 

HON FLORY LARUE

Mersi Mr Speaker.  Bonzour Minis ek ou delegasyon.  Bonzour tou dimoun.  Minis, lefe ki bann sit pour vizite Sesel e bann aktivite i limite, parey ou fek liste.  E avek bann propozisyon e lankourazman ki Minister pe sey fer pou devlop diferan aktivite, eski ou kapab dir nou ki akse ki touris i annan avek sa waterfall?  Eski i en akse kler?  Eski akoz i prive, napa akse ditou?

Akoz i annan en konfizyon.  Mon konnen i annan en kantite gid ki sey anmenn dimoun laba.  Annandler zot annan akse, annandler zot napa – semen pa kler.  Annandler zot demande pou peye.  Eski ou, ou kapab determinen klerman – ki akse ki Tourizm i kapab gannyen avek sa waterfall e osi Seselwa lokal?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Well, pour le moman se Legliz Katolik ankor avek zot reprezantan ki kontrol akse ek sa waterfall, e i pa Gouvernman.  E mon konpran i annan serten restriksyon ki zot mete pour pas lo zot later.

Me mon konpran osi poudir i annan en lot landrwa ki lo later Gouvernman, ki dimoun i kapab pase pou ganny akse avek sa waterfall.

Mon napa bann dernyen detay, alor mon pa pou kapab donn ou egzakteman ki mannyer i ete la konmela.  Me solman sa ki mon konnen se ki Legliz Katolik i met serten restriksyon pour dimoun ganny akse avek sa landrwa.  Mersi Mr Speaker.

 

MR SPEAKER

Mersi Minis.  Onorab Larue.

 

HON FLORY LARUE

Minis – atraver Speaker.  Minis, eski ou kapab dir nou, lefe ki ou dir ki i annan en alternative access avek later Gouvernman pour sa sit.  E ou’n donn nou en lalis keksoz ki Minister pe ankouraz dimoun pour divulge ladan.  Akoz ki li Gouvernman pa deza fer en sit ki adventurous lot kote sa waterfall – pli aksesib avek tourizmAkoz i pour zot – zot annan akse avek, parey ou’n dir.  Akoz ki li Minister pa pe met plis lanfaz pou fer sa sit pli aksesib ek tourizm?  Mersi.

 

MR SPEAKER

Mersi Onorab Larue.  Minis.

 

MINISTER DIDIER DOGLEY

Mr Speaker, landrwa ideal pour akse sa landrwa i pas atraver propriyete legliz Katolik.  E i pa Policy Gouvernman pour antre an direk konpetisyon avek lezot Lorganizasyon ki pe envestir dan en keksoz.  Akoz si Gouvernman demen i al ouver son prop access, i pou afekte posibilite pour Legliz Katolik devlop sa landrwa.  E petet legliz i a ganny en reveni atraver sa zesyon sa landrwa li menm.

E parey mon’n dir, i pli ideal pou fer akse par laba akoz sa landrwa i bokou pli gran, i plat.  E i fasil pour ou kapab met en batiman e provide – e i pa zis kestyon ganny access, bann sit parey, i annan loportinite pour ou kapab met en kafe, pour ou kapab met twalet – bann fasilite ki bann viziter pour bezwen.

Tandis ki lot kote i pa neseserman – ou a kapab pase, be solman ou pa pou kapab met sa bann kalite fasilite ki neseser pou siport bann gran group dimoun ki pe vizit landrwa.  E alor pour nou, nou war li pli – i pli fer sans pour nou travay ek legliz Katolik, ki zot, zot devlop sa morso later kot zot ete.  Kot i annan proper parking ki’n fini ganny fer.  E ki zot devlop landrwa zot donn sa kalite fasilite ek sipor ki touris i bezwen.  Mersi m Speaker.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker.  Zis en pti klarifikasyon avek Minis, Mr Speaker.  Minis pe dir nou ki son plan detaye kot sa proze waterfall, pa ankor gannyen.  I ankor avek Lanmisyon pour – ki pe, sa lease later.  Eski i pa sarz?  Konmsi Minister i devret ganny detay si ou pou dakor ek mwan, avan okenn proze touristik i fer?

Pour fer sir ki i konform avek zot bann Policies, zot bann Lalwa, avan ki sa – konmsi ti a advise zot, avan ki zot siny lease, epi zot pa kapab kas lease.  Sa dimoun prezan – son bann investment ki i pe fer, eski i pa devret vin dir zot avan?  Submit ek zot, zot plan – ek Minister son plan, epi i a sign son agreement.

Akoz i kapab arive ki ou kapab dir non.  Ou koman Minis, ou kapab dir li non, sa devlopman pa apropriye – fer en lot zafer.  Se zis en pti klarifikasyon avek Minis, Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mon krwar Onorab i bezwen konpran prosesis ki mannyer sa bann devlopman i normalman i ganny fer.  La pour le moman, sa ki mon’n sey eksplike se ki nou lo staz kot i annan negosyasyon ant en propriyeter later, ki i Legliz Katolik avek bann envestiser ki enterese pour la devlop sa landrwa.

E sa i ankor an negosyasyon ki mannyer legliz in dir nou.  Zot pa ankor pran en desizyon lekel sa Lorganizasyon ki pe fer sa devlopman.  Mon konpran poudir ki mannyer i pe dir ki ti a bon poudir ler sa bann envestiser pe fer zot deed, ki zot donn en pe lenformasyon, en konsep kwa ki zot enterese al fer dan sa landrwa.  Ki i ava fer li vin pli fasil ler i vin kot Minister Tourizm atraver SIB – Biro pour Envestisman akoz zot ki resevwar bann proze ki apre i sirkil dan bann Minister.  I ava fer li bokou pli fasil akoz i pou’n annan sa ki nou apel en pre-planning diskisyon ki’n deza pran plas.  Me malerezman i pa le ka.  Nou’n sey pran kontak ek legliz e legliz in dir nou zot ankor an negosyasyon.  Mersi Mr Speaker.

 

MR SPEAKER

Mersi Minis.  Bon, nou’n ariv a lafen kestyon pour Minis.  Nou pou pran prezan sa Urgent Question an vi ki Minis i deza dan Lasanble.  Nou ava demann Parliamentary Reporter pour apel bann lezot zofisye ki pour akonpanny Minis.

Bon, mon ti a kontan welcome Kaptenn Joachim Valmont – Direkter Zeneral pour SMSA.  Sa se Lotorite Safety Maritime.  Ms Sheryl Vangadasamy – Special Advisor pour Minis Dezinyen, Minis pour – responsab pour Zafer Entern.  Mr Albert Rose – Acting Chief Officer.  Mr Ralph Agathine – Direkter pour Lifeguards.  Bonzour e welcome parmi nou dan Lasanble Nasyonal.  E zot la pour asiste Minis Dogley dan sa Kestyon Irzan.  Mon ava pas laparol prezan avek Onorab John Hoareau pour li poz son kestyon pour Minis.

 

HON JOHN HOAREAU

Mersi Mr Speaker.  Bonzour Msye Speaker.  Bonzour Minis ek ou delegasyon.  Mr Speaker, mon kestyon i lir koumsa – Swivan ankor en lensidan trazik, kot en viziter in noye semenn pase La Digue, eski Minis pour Tourizm i kapab enform Lasanble ki bann mezir prekosyon ki’n ganny pran sa bann dernyen mwan pou minimiz risk bann lensidan similer otour ban lans ki bokou frekante par viziter e osi mezir ki’n ganny mete an plas pour asire ki sekirite sa bann dimoun ki frekant bann santye otour bann montanny e dan bann lafore?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mon Minister, depi an Fevriye ziska Zilyet sa lannen, ti ranplas 11 Safety Warning Sign Board dan diferan langaz e enstal 7 nouvo frame lo bann lans ki ganny pli frekante par touris ek piblik an zeneral.

Dapre SMSA, lo La Digue 4 Safety Sign Board ti ganny ranplase an Fevriye.  Sa i Grand Anse, Petit Anse, Anse Coco e Anse Gaulette.  Zis pour enform Lasanble ki sa lans kot sa lensidan in arive, i deza annan en Swimming Warning Sign Board.  An se moman, nou frame  pour 3 sa bann Sign Board pe ganny refer e sa i pour Grand Anse, Anse Coco, Petit Anse lo La Digue.  E pe kout SMSA, ouswa Lotorite pour Marine Safety R25mil.  Nou’n osi travay lo en swimming advisory tips ki’n ganny sirkile kot tou bann lotel, guest house e self-catering dan Sesel.  E osi dan bann Biro Lenformasyon Touristik.

I osi annan en Beach and Safety Guide ki donn lenformasyon lo bann mezir prekosyon, ki touris i devret pe pran ler zot pe fer okenn aktivite lo delo sale, ki enkli naze.  Sa in osi, in ganny distribye kot bann letablisman touristik e Biro Lenformasyon Touristik lo Mahé, Praslin e La Digue.  Sa gid pe an se moman ganny refize e byento i pour ganny – reganny enprimen pour distribisyon.  Sa bann lenformasyon i osi ganny mete lo nou website – savedir pour Minister.

Vizit i osi ganny fer kot bann lotel ki trouve obor lanmer, pour fer sir ki zot osi zot met bann Swimming Warning Flags ek Sign Board pour aviz zot kliyan e lezot touris ki frekant lans lo bann mezir prekosyon.  Nou osi travay avek Seksyon Lifeguard ki tonm anba responsabilite Fire and Rescue Services Agency, pour ki bann personnel bann lotel ki trouve obor bann lans, i ganny training lo sea rescue and lifesaving.  Bann lotel pe ganny ankouraze pour osi anploy zot prop lifeguard.  E mon kontan pou dir ki deza i annan lotel ki’n anploy zot prop lifeguards.

Minister Zafer entern pe travay  lo en Policy ki pour ranforsi kapasite Unit Lifeguard ki an se moman tonm anba Seychelles Fire Services Agency pour ranforsi zot kapasite an term resours imen ek lekip neseser pour zot kapab kouver plis lans, sirtou bann kot napa lotel.  An menm tan, zot pou donn plis training e sertifye bann lifeguard ki ban lotel i anploye.

E mon kontan pour dir ki lannen prosen dan proposed budget  i annan 1.3milyon ki zot in anvizaze – ki zot pe demann Gouvernman pour donn zot pou ranforsi zot tim lifeguard atraver pei.

Mr Speaker, konsernan sa dezyenm kestyon – an se ki konsern mezir sekirite lo bann santye dan montanny ek lafore, Lotorite Park Nasyonal dan Minister Lanvironnman in responsab pour zer 11 Santye Ofisyel ki zot pe kontinyelman fer bann travay antretyen lo la.  Sa i en travay kontinyel akoz i annan vandalizm ki ganny fer lo sa bann santye.  An se moman, zot pe repare e remet bann nouvo lenfrastriktir, tel ki nouvo Sign Board avek demarkasyon, eksetera lo sa bann Santye Ofisyel.

Resaman, Cabinet in pran en desizyon pour donn plis resours Lotorite Park Nasyonal pour zot osi kapab zer bann nouvo santye, ki pour le moman pa tonm anba zot responsabilite.  Sa i bann pti santye ki pa ofisyel me ki touris pe frekante, sirtou lo Praslin ek La Digue.  An se moman i annan travay resers ki’n deza komanse pour idantifye tou sa bann pti santye ki annan potansyel, pour ganny deklare e antretenir parey bann Santye Ofisyel.

Mon Minister in osi pibliy en gid lo bann nature trails touris i kapab konsilte.  Sa gid i osi donn nivo difikilte sak sa bann santye.  Pour konplemant sa gid i osi annan en ‘Walks and Trails useful tips leaflet’ ki donn lenformasyon bann touris lo mezir prekosyon ki zot devret pran – pe pran ler zot al lo bann trails.  Nou sirtou ankouraz touris pour pran servis bann gid lokal ki annan en license pour ed zot ler zot al lo trails ouswa pour pa la zot tousel, me al an group an ka si i annan problenm ki dan en fason zot kapab ganny led ki neseser.  Mersi Mr Speaker.

 

MR SPEAKER

Mersi Minis.  Onorab John Hoareau.

 

HON JOHN HOAREAU

Mersi Minis pour en larepons ase elabore lo sa size.  Me antretan mon ti a kontan konnen, konbyen lifeguard zot annan an se moman?  E konbyen Post Sekour zot annan, zot pe maintain otour Sesel?  I mean, Mahé, Praslin e La Digue an prensip.

Dezyenmman, mon ti ava kontan konnen si sa bann dimoun ki fer sa bann gid i ganny serten bagaz, serten formasyon pour ki zot kapab asir sekirite kliyan e zot osi konn en pe lo First Aid ki si an ka i ariv okenn sityasyon evantyalite ki zot kapab fer fa avek?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  An tou an se moman i annan 18 lifeguard ki travay anba Fire and Rescue Agency.  E zot baze lo Mahé, Beau Vallon.  Praslin i annan Anse Lazio.  Apre i annan Côte D’Or, Praslin.  Lo La Digue pour le moman napa lifeguard ki stasyonnen laba.  Me solman avek provizyon parey mon’n dir, ek sa 1.3milyon. Departman responsab pour bann lifeguard pe fer le neseser pou regarde si zot kapab osi annan bann ki kapab stasyonnen lo La Digue.  Me osi lo Mahé kot zot in idantifye 3 landrwa kot zot oule met plis lifeguard – i Port Launay, i Anse Royale, avek Anse Forban.  I sa 3 landrwa ki zot pe anvizaze avek sa bidze – ki petet zot a gannyen lannen prosen pour zot kapab fer sa bann travay.

Konsernan bann gid – wi, nou fer training pour bann gid.  Minister i organize atraver STB.  E nou sey fer en mannyer ki nou fer en training konpreansif.  Me ankor, petet lakantite training ki nou pe fer – nou’n fek konmanse, nou devret fer li en pe pli detaye.  Nou pe revwar an se moman pour regarde ki mannyer ki nou kapab donn zot en training ki vreman ase solid.  Akoz lo pour komansman nou ti pe konsantre lo la kalite lenformasyon, la kalite konesans ki zot annan.  Ki lee zot al gid bann touris, zot pe donn zot bann lenformasyon ki korek.  E ki touris – e ki zot konnen ki mannyer pour gid dimoun.

Petet aprezan nou kapab vwar ki mannyer ki nou kapab fer li en pti pe pli long.  Ki nou kapab anmenn sa kestyon Safety.  Akoz nou, nou fer ladiferans ant safety ek sekirite.  Akoz sekirite pour nou i plis pou fer ek lapolis, fer sir dimoun pa ganny atake, eksetera.  Me tandis ‘safety’ i plizoumwen dimoun pa kas lipye, pa – zot pa ganny dimal, landrwa i safe pour zot kapab marse.

E pour le moman STB pe fer 2 training – STA pe fer 2 training par lannen, kot i pe train sa bann dimoun.  Nou a fer sir poudir nou enkli First Aid dan zot progranm.  Ki en fason ki zot kapab donn sa sipor bann touris si zot annan okenn difikilte.  Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, Minis in mansyonn – in mansyonn bann gran lotel e bann mezir ki zot, zot pe pran.  Mon’n remark en tandans – akoz kot mon reste par egzanp, i annan en lans.  E ou vwar poudir en kantite bann touris, sirtou bann zenn koup ki pe vini, zot pa pe reste dan bann gran lotel.  Zot pe al dan bann pti letablisman, apre zot pe roam around the island.  E ki zot fer prezan?  Kot zot war en lans, zot sey rod akse, menm parfwa pas par dan ros.  Oubyen parfwa i vin lo sa bann lans, e zot pa neseserman konnen.  So, eski i annan en travay ki zot pe fer avek STB pour zot kapab zwenn avek bann operater pour ki i annan en progranm sansibilizasyon ki ganny fer avek sa bann operater?  Oubyen serten lenformasyon ki ganny garde lo ki bann, petet bann lans ki bann dimoun i kapab frekante?

Sa ki ti etonn mwan Mr Speaker, se ki enn sa bann – sa zenn touris le mon ti koz ek li i dir mwan – we are looking for wild beaches.  Bann landrwa kot i annan lans en pe pli wild.  Zot oule war natirel konmsi.  Zot pa oule bann landrwa kot i annan – kot i annan tro bokou dimoun.  So, pour mwan sa i en konsern akoz si nou pou met lifeguard, nou pou bezwen met lifeguards partou e i pou kout nou en bon pe larzan.  So, eski i annan premyerman, premye lye sa travay ki zot pe fer pour zot kapab, si – travay ek sa bann operater?  Mersi Mr Speaker.

 

MR SPEAKER

Mersi Onorab Pillay.  Minis.

 

MINISTER DIDIER DOGLEY

Mersi Mr Speaker.  Mon konpran ki Onorab Pillay pe dir.  Mon konnen poudir bann zenn touris pli ale ki sorti L’Europe, zot pe rod plizoumwen sa ‘wilderness’.  Pour zot dekouver bann keksoz ki nouvo i pa neseserman ban landrwa kot touris i frekante – touris normal i frekante.

E pour sa ankor i montre poudir, i annan bann niche market kot bann guides i kapab antre e devlop sa koman en biznes.  Pour anmenn bann touris dan bann landrwa –sirtou sa bann zenn touris ki pe rod sa kalite leksperyans kot i annan en pe lavantir, bann keksoz koumsa, kot zot al dekouver.

Me sa nou, nou pa ankouraz zot pour fer li zot tousel.  Nou plizoumwen zot al avek gid dan bann landrwa parey – dan bann landrwa pli sovaz.  Akoz si i ariv zot en keksoz, at least ava annan en dimoun ki kapab konnen ki mannyer pou ed zot, pour sa.

Sa ki mon krwar ki nou bezwen rekonnet osi, se ki Sesel nou’n bless avek en kantite ban zoli lans.  I annan de santenn – zis Mahé menm mon krwar si ou asize ek en ma, ou sey kont kantite lans ki annan lo Mahé, mon asire i plizyer santenn.

E i difisil pour nou kapab – pour nou kapab manage tousala.  Alor, ki nou fer?  Nou sey donn touris maksimonm lenformasyon pour gid zot dan bann landrwa ki pli enteresan.  Kot nou konnen ki zot pou pli safe.  Kot zot kapab frekante dan bann soz.  Me sa i pa anpes zot pou al dan bann lezot landrwa ki zot, zot anvi vwar.  Akoz i annan bann ki nou konnen zot adventurous.  Zot oule war bann lezot ki bann touris ordiner pa frekante.  E i annan en kantite lenformasyon out there.  E nou, nou sey fer nou mye pour kontinyen donn bann pli bon gidans ki posib pour minimiz bann risk ki touris i war zot fer fas avek.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker, mon konpran ki lapratik, sa ki mon pe la propoze i riske difisil pou fer.  Me mon oule alert Mini sen sityasyon ki mwan mon’n vwar vi ki mon reste Glacis e mon pas par Carana.  I annan en gro sign ki eksplike tou bann danze dan sa landrwa.  Me i malere ki o moman ki lanmer ti tre move, ou vwar bann touris in park e zot pe sot dan delo, zot pe naze.

So, dan ban landrwa kot in annan sa bann sign ki’n ganny propoze, eski nou pa pe mazinen pour annan en rotating system kot i annan – mon pa konnen, mwan mon apel zot ban Beach Police, me ki pase pandan lazournen, ki regarde si bann dimoun pe respekte, sirtou bann kliyan.  Akoz sa landrwa i zoli e ou pa konnen kwa ki pas dan lespri sa bann dimoun.  Zot in anvi al naz dan sa landrwa, zot in al naz dan sa landrwa.

So, eski i annan sa posibilite?  E eski zot in kalkil en konponan – ki mezir finansyel i pou annan?  Oubyen why not konsider outsource sa e les en dimoun dan sekter prive pran li koman en biznes?  Pour li provide sa kalite safety pour bann dimoun ki pou al naze lo bann lans.  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker, mon krwar Onorab li menm li in dir poudir i annan posibleman i annan bann limitasyon avek sa ki i pe demande.  Akoz nou, nou rol se donn – pa zis touris, nenport dimoun ki pe al dan en landrwa kot nou konnen ki i annan serten danze.  Par egzanp, kot i annan kouran, ouswa i annan dimoun ki’n deza noye dan sa bann landrwa.  Pour fer sir nou donn ou ase lenformasyon pour ou kapab pran the right decision.

Akoz dimoun pa al lo lans zis ler ki kekfwa ou pou annan dimoun pe vey zot lo lans.  Zot al lo lans depi granmaten ziska tar aswar.  E i annan dimoun par egzanp, ler ti annan sa problenm latak reken Anse Lazio.  Kot nou ti met lasenn pou dir touris al benny la kot i annan lasenn akoz si ou al lot kote, ou kapab ganny manze ek reken.  E ki nou ti vwar?  En kantite touris pa ti al naze dan sa lasenn.  Zot ti pli move – zot ti plizoumwen al naze kot napa lasenn.

Alor ou, ou kapab donn en dimoun maksimonm lenformasyon.  A lafen desizyon pou sa dimoun – whether i pou al benny ouswa i pa pou al benny la, i reste avek sa dimoun li menm.  E nou, nou kapab fer nou mye e nou pe sey fer nou mye pour donn dimoun lenformasyon pour minimiz bann risk e pour ed zot fer pli bon desizyon.  Akoz i pa posib pour nou annan lifeguard 24 erdtan lo lans e pou vey dimoun pou fer sir zot pa noye.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker, mon ti a kontan premyerman demann Minis si i pa krwar ki vi ki La Digue, dan rezyon Grand Anse, i enn sa bann landrwa kot i annan bokou plis fatalite, e ki i pa’n ler pour – kanmenm i pa en lifeguard, me ki nou annan en Safety and Information Officer ki ganny anploye dan sa landrwa?  Pour fer sir ki bann dimoun pa sot dan delo, pa fer bann sa.  Konmsi ki nou, nou fer en zefor dan en landrwa spesifik, kot in annan plizyer fasilit.  Si Gouvernman pa pare pour zot provide sa zofisye?  Sa i enn.

2enm – eski Minis, lo bann santye dan fore, eski Minis i ava konsider en propozisyon ki’n ganny fer en pe letan pase par bann zabitan ki reste – parey bann ki reste Nid d’Aigle, La Digue, dan leo menm laba, ki zot menm zot, zot ganny kontrakte pour zot netway e up-keep sa bann trails?  Ki sa bann dimoun in dir avek nou personnelman – nou 2 Onorab Afif ki ti laba pa tro lontan, ki zot anvi fer sa e ki lontan zot ti fer en pe.  Me apre distrik in sanz zot sistenm travay, in sanz zot sistenm e zot nepli fer li.

So, eski Minister Tourizm i kapab gete – i annan posibilite ki mannyer zot, zot kapab angaz bann dimoun ki reste dan bor e ki benefisye direkteman sa trafik bann touris pour zot kapab maintain sa bann trails?

E mon 3enm kestyon Mr Speaker, i se pour demann Minis, si Minister Tourizm i pa krwar poudir le moman pour demann avek sak gran lotel – ki dizon i annan plis ki 100 lili, pour li annan en safety or lifeguard dan son letablisman?  Sa par egzanp, i ava fer ki Beau Vallon, deswit nou pou annan 5 lifeguards ki’n ganny – ki pe ganny finanse e ki pe travay pour bann lotel e ki pe vey bann kliyan sa lotel?  E mon krwar ki poudir sa lotel i ava santi poudir zot osi zot pe donn en servis ekstra.  E zot pe pran plis swen avek zot kliyan.

Akoz bann lotel osi i bezwen pran en pe responsabilite pour proteksyon son kliyan.  Sa i ava fer ki nou ava tir en pe sa 18 lifeguards dan bann landrwa kot efektivman i annan bokou sirveyans.  E nou ava anvoy zot dan bann landrwa parey Minis in dir, kot nou’n annan bann fatalite parey Anse Forban.  Kekfwa Anse Royale, pli an Sid kot i annan kouran.  Konmsi pour nou re-balans en pe nou manpower e fer sir ki bann lotel, zot menm zot, zot angaz zot pour zot kapab provide en pe plis sekirite pour zot kliyan.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Yeah – mersi Mr Speaker.  Konsernan lifeguard lo La Digue – parey mon’n mansyonnen dan sa bidze ki’n ganny propoze pour 2019, i annan 1.3milyon pour finans ekstra pour finans lifeguard.  Well, si i ganny sipor e sa bidze i ganny aksepte, en morso sa larzan – en konponan sa larzan pou al pour met lifeguard lo La Digue.

I pou annan en pti tim lo La Digue ki pou spesifikman deal avek sa problenm Grand Anse avek Petit Anse pandan letan vandswet.  Akoz sa problenm i sezonnal, i pa en problenm tou diran lannen.  E ler napa sa landrwa, zot a regarde kote ki annan nesesite pour donn koudmen dan lezot landrwa.

2enm keksoz – konsernan kontrakter pou netway bann trails lo La Digue.  Mon konpran i annan en travay pe ganny fer ant National Park Authority akoz se zot ki annan lekspertiz maintain bann trails.  Zot in ganny training avek bann eksper sorti deor.  Zot konnen ki mannyer pou zer sa bann zafer.  E ETF mon konpran pe donn en serten sonm larzan pour tackle sa bann trails lo La Digue o pli vit posib.

Mon konpran i annan serten travay pe ganny fer right now.  E ki definitivman Gouvernman normalman, bann maintenance serten keksoz, zot pa – pa neseserman ki Gouvernman pou fer li, li menm.  Sirtou lo La Digue, kot napa ase mendev, definitivman zot pou servi kontrakter pou fer sa bann louvraz.  Me ki mannyer sistenm kont tender i marse, se ki i pou bezwen en open tender.  Akoz Gouvernman pa kapab zis donn en dimoun ne Kontra, dapre ki mannyer Lalwa i ete.  Savedir bann ki enterese a kapab tender e met en keksoz devan.

2enm keksoz – konsernan bann gran lotel.  I deza annan en travay ki pe ganny fer ek bann gran lotel.  Parey mon’n dir, Kempinski i deza met son prop lifeguard i lo lans.  Avani in fer li.  Apre mon krwar i annan en trwazyenm – Ephelia osi, Port Launay, li osi in met son prop lifeguards lo lans.  E mon krwar i en keksoz ki mon 100poursan dakor avek ou, ki nou bezwen pouse.  Pour le moman napa Lalwa, nou bezwen ankouraz bann lotel pou fer li.  E si bann gran lotel i fer li, definitivman i pou donn nou sa lespas pour re-deploy bann dimoun ki nou annan pour met dan bann lezot landrwa kot napa gran lotel.  Mersi Mr Speaker.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Minis mon kestyon i konm swivan – dan dernyen – dan Bidze lannen pase, pou – ti mete pour sa lannen, ti annan sa issue ti ganny leve regardan lifeguard lo Praslin.  Mon krwar mon ti lev sa, kot i annan en konsern Praslin ki i annan en mankman lifeguard.

Non selman i annan en mankman lifeguard, me osi i annan mankman lekipman.  Parey dingy avek bann lezot lekipman ki zot bezwen pour zot kapab fer zot louvraz.  E Praslin i annan plizyer bann lans ase prensipal.  Nou annan Côte D’Or, nou annan Anse Lazio, me selman sa zafer mank resours i en konsern.  Eski ou Minister i anvizaze increase lakantite lifeguard ki baze lo Praslin?

E mon 2enm kestyon Minis, i plito en sizesyon – ki mon santi poudir enn bann pli gro konsern Praslin se ki napa ase Sign Board – bann demarkasyon bann santye.  Ou war – napa ase Sign Board, napa ase bann Sign Posts dan bann landrwa lo sa bann santye – lo sa bann trails.  Alor mon pe demann Minis, si zot annan lentansyon increase e met plis sa bann Sign Posts dan – lo tou sa bann trails, en pe partou lo Praslin.  Akoz in arive dan plizyer repriz dan lepase, kot touris in tonbe – Cherimont partou dan pou al Anse Lazio.  Alor, si Minis pe get towards increase lo lakantite sa bann Sign Boards ki zot mete en pe partou lo bann trail?  Mersi.

 

MR SPEAKER

Mersi Onorab Woodcock.  Minis.

 

MINISTER DIDIER DOGLEY

Mersi Mr Speaker.  Konsernan bann nonm lifeguard anler lo Praslin – dan sa Bidze 1.3million ki nou pe ganny propoze, ankor enn parmi bann konponan ki pou ganny finanse, se lekipman pour bann lifeguard an zeneral.  E sa i pa zis lo La Digue.  I La Digue, Mahé, Praslin osi, kot pour ranforsi zot kapasite pour kapab fer en pli bon louvraz.  Konsernan lakantite lifeguard – nou zanmen annan ase lifeguard, me solman parey nou remarke, lo Praslin ziska aprezan, nou’n napa bann ka kot touris in noye.

Nou’n annan zis 2 ka resaman pandan lafet La Digue, kot sa 2 manrmay ti perdi zot lavi, malerezman.  Me an zeneral, i paret poudir sistenm ki nou annan pe marse lo Praslin.  Me sa i pa vedir poudir nou pa ranforsi travay ki nou pe fer.

Konsernan bann Sign BoardSign Board i enn bann sistenm ki nou servi pour endik dimoun, ouswa pour ede pour zot sa.  Me solman i annan bann trails, bann pamphlets, bann lezot lenformasyon an form ki nou kapab donn dimoun pour fer sir zot ganny lenformasyon.  E menm nou kapab met li anler lo webpage, kot dimoun i kapab download ek zot telefonn.  Ki dan en fason ki zot kapab al trail e swiv trail baze lo – dan e fason digital.

Problenm avek trails, lo sirtou Praslin ek La Digue se ki, i annan en kantite pti santye ki pa neseserman bann trail ofisyel ki touris i al lo la.  En pe parey sa ki Onorab Pillay ti pe dir pli boner.  En touris i war en pti semen lapay, i ale, i al mars ladan.  Be sa i pa neseserman bann trail ofisyel.  Pour bann trail ofisyel, i annan bann piblikasyon, i annan bann lenformasyon, i annan kontrakter ki maintain.  Par egzanp Glacis Noir avek New Come – sa bann trail i ganny maintain regilyerman.  E i kler – napa personn ki perdi dan sa bann landrwa.

Me parey mon’n dir avan, i annan travay ki pe ganny fer pour idantifye bann lezot official trails.  Akoz nou bezwen fer ladiferans ant official trails avek bann pti santye ki dimoun i servi.  E ki touris par ler i senpleman ale, al marse lo la akoz zot krwar zot pou al dekouver en keksoz nouvo.

 

MR SPEAKER

Mersi Minis.  Bon, mon anvi zis sinyal bann Manm ki nou’n sot midi, alor annou presi lo nou kestyon.  E Minis osi, être bref dan repons.  Onorab Henrie.

 

HON GERVAIS HENRIE

Mersi Mr Speaker.  Mr Speaker, le 21 Septanm, Komite COGA ti La Digue e nou ti profite pour al vizit Grand Anse.  I annan ne portre la lo mon telefonn – Board ki – mon’n tir sa laba, ki zisteman warn bann dimoun, i ater dan vouloutye.  E kestyon alor mon demande se ki, ki kantite letan i pran pour bann Lotorite konsernen i asire ki sa bann keksoz i annord?  E mon’n tir sa portre le 21, yer mon’n anvoy en dimoun tyeke.  In anvoy mwan en WhatsApp, ti ankor dan menm landrwa.  Pour nou asire akoz en kantite touris i al laba.  E letan nou ti pe desann, nou war kantite touris pe desann Grand Anse.  Mon kestyon la i se ki, nou bezwen asire ki i annan en dele letan ki sa bann keksoz i ganny aranze – pa sa R25mil ankor pe rode, ki Minis in mansyonnen.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mon 100poursan dakor ek ou pou dir maintenace ek monitoring i devret ganny fer.  E parey mon’n dir, i devret annan serten limitasyon lo prezans lo La Digue.  E mon krwar si nou ganny sa 1.3milyon lannen prosen, kot nou ava annan en prezans pour lifeguard lo La Digue, nou ava kapab annan en pli bon swivi.

Me osi parey mon’n dir dan mon larepons, sa bann frame – akoz sa frame ti ganny mete an Fevriye sa lannen.  Malerezman sa kantite salen pandan vandswet, in afekte son frame ki’n fer ki sa board in tonbe anler lo sa frame.

        E nou ekspekte poudir dan bann zour ki pe vini – semenn, sa bann nouvo frame i pou’n fini ganny met an plas e sa board pou’n fini ganny enstale.  Se sa Mr Speaker.

 

MR SPEAKER

Mersi Minis.  Onorab Noline Sophola.

 

HON NOLINE SOPHOLA

Mersi Mr Speaker.  Minis, ou’n dir ki bann trail pe netwaye La Digue.  Me dernyen keksoz ki mon’n pandan diskisyon ek bann dimoun, i annan serten travay ki zot in al fer laba, me netwayaz pa ti ankor komanse.  Ok?

E Minis, ler ou pe dir netwayaz lo trail, mwan mon a dir osi ki bann trail pa zis netwaye, me selman esey met bann board notifikasyon.  Don en pti gin ki direksyon, ki difikilte ki zot pe anvizaze lo sa bann trail.  Sa pou ed bann kliyan osi pour anpes perdi.

E mon pou tous lo lifeguard malgre ki in ganny dir.  A plen fwa dan Lasanble depi ler nou’n rantre, menm dan bidze, mon’n demande.  Mon’n koz lo la – lifeguard.  Mon’n montre akoz i enportan pour nou gannyen.  E la mon kontan ki ozordi ou pe dir ki ou pe fer ou mye ki dan sa 1.3million, ki nou pou ganny lifeguard lo nou zil.  E pour sa mon dir ki Minis, esey gard zot promes, ki nou osi La Digue nou ava aret tann sa bann zafer noye lo zil.  Mersi.

 

MR SPEAKER

Mersi Onorab Sophola.  Minis.

 

MINISTER DIDIER DOGLEY

Mr Speaker, i annan zis en pti koreksyon.  Mon pa dir poudir louvraz on the ground – netway trail in komanse.  Mon’n dir poudir ETF – Environment Trust Fund ansanm avek Lotorite National Park, zot pe travay ansanm.  ETF pe finans travay pour degaz keksoz e fer sir poudir sa bann trails ki i ganny servi par – ouswa bann pti santye ki ganny servi par touris lo La Digue, o pli vit posib i ganny netwaye.  Sa i en travay ki mon konnen Minis Cosgrow ek son tim i deza pe travay lo la.

Me i pa ankor komanse on the ground.  Mon konnen poudir i pa ankor komanse, soz.  E mon a fer sir poudir mon met sa lenformasyon avek li, poudir ki zot bouz sa pli vit posib.

Konsernan bann lenformasyon lo bann trails – normalman okenn trail ofisyel, mon konpran ki poudir menm Mr Speaker ti al Copolia resaman e ou’n vwar lo bann trail ofisyel, nou regarde sa kestyon safety.  Me kestyon osi – lenformasyon, ki dimoun i konnen kwa ki zot pe – kote ki zot pe ale.  Konbyen letan i pran pour ariv laba?  Ki kantite difisil ki i difisil?  E normalman nou swazir bann landrwa ki dimoun – okenn dimoun normal ki fit, depi en zanfan 8an/7an ziska en dimoun 65an/70an i kapab marse.  Nou pa ankouraz dimoun pour al lo bann santye ki difisil ouswa ki danzere.

E normalman letan sa trail i ganny swazir, i annan tout en travay ki ganny fer pour fer sir ki i ganny amenaze dan son totalite.  Mersi Mr Speaker.

 

MR SPEAKER

Mersi Minis.  Bann Onorab, zot osi zot ti ganny envite pour al Copolia, en?  Wi, wi.

Bon, Onorab Larue.

 

HON FLORY LARUE

Mersi Mr Speaker.  En pti komanter an pasan lo sa bann signs.  Lefe ki prezan ki nou pe met signs up, nou pa kapab les zot rouye.  Si enn fek mete an Fevriye, la nou war in ton mater.  Mon krwar material bezwen ganny swazir from the very beginning, ki i pa kout Leta in the long run pour nou mete, re-mete sa bann signs.  Akoz salen i partou otour Sesel.  Savedir si sa bann material pa conducive, i pou rouye, i pou tonbe, zis nou pou repare.  Mon krwar sa Minister i devret pran an konsiderasyon.

Lo kote kestyon – Minis in mansyonn met training First Aid koman enn bann requirements.  Mwan mon vreman soke!  Mon ti a kontan konnen how often ki sa bann First Aid training pou ganny fer?  Akoz dan serten karyer tel ki cabin crew, pou en dimoun annan son license pour li fly, i bezwen annan son First Aid license ganny meet.  Tou-le-z-an i bezwen refer son training.  Mon ti a kontan konnen si lo kote lifeguard sa bann sistenm standar pou a sa nivo?

E osi mon ti a kontan konnen – letan ki Minis in dir clearly ki nou annan nou 2 sezon – nou tou nou konnen nou annan 2 sezon.  E i annan serten lans ki vin vreman danzere dan bann sanzman sezon.  E lefe ki kliyan i ganny bokou lenformasyon online – eski nou kapab annan en harsh warning pandan nou bann sezon?  Pour dir ki either beaches in the South or beaches in the North i annan plis sans annan bann kouran pli for.  Akoz dimoun i servi sa bann online services pour enform zot lekor lo ki bann lans zot pou ale letan zot vin vakans.  Eski nou kapab servi sa sistenm information online ki STB i annan silvouple?  Mersi.

 

MR SPEAKER.

Mersi Onorab Larue.  Minis.

 

MINISTER DIDIER DOGLEY

Mersi Mr Speaker.  Konsernan materyo – sa mon 100poursan dakor avek Onorab.  Nou bezwen fere sir nou servi materyo ki apropriye.  E mon krwar poudir sa SMSA in aprann zot leson.  E sa voyaz zot a fer sir poudir zot servi bann materyo ki korek.

2enm keksoz konsernan bann lifeguard –lifeguard i fer bann training First Aid, enkli CPR tou le 6 mwan.  Savedir i plis ki Air Seychelles – bann crew ki ti pe travay lo la i fer.

Konsernan bann gid, nou pe – akoz bann gid avan zot ti napa, apard bann ki ti travay ek bann tour operators, zot ti napa sa ankadreman.  Se aprezan ki nou pe travay ek zot pour fer sir nou donn zot sa kalite training.  Me an menm tan mon bezwen dir poudir bann zelev, bann students ki al STS – Lakademi Tourizm La Misère, zot, zot fer 2an training pour Tour Guiding.  E ladan i enkli ki zot aprann First Aid.  Sa bann ki mon ti pe koze avan, se bann dimoun ki pour en rezon ou en lot, zot in deside pour al dan Tour Guiding, me ki ti napa sa ankadreman.  Me selman nou a pe sey fer mannye pou travay pour donn zot bann bagaz neseser pour zot kapab fer sa travay.

Konsernan advisory – wi, nou kapab donn advisory.  E parey mon’n dir, lo webpage Minister i deza annan advisory pour touris.  Konsernan bann diferan landrwa kot lanmer i kapab move.  At the same time, nou bezwen donn advisory dan en fason ki pa fer touris per.  Akoz lo lot kote, si ou pe fer touris per, ou kapab war ou san touris osi pou dir – be Sesel pa landrwa pour ale, ou pou al noye.

Alor, nou donn zot bann tip, bann advisory pou fer – pou pran mannyer pou pran prekosyon e minimiz risk pour la dan bann landrwa kot i kapab – zot kapab an danze.  Mersi Mr Speaker.

 

MR SPEAKER

Mersi Minis.  Onorab Larue.

 

HON FLORY LARUE

Mersi Mr Speaker.  Mersi Minis pour ou larepons.  Me solman mon krwar avek touris nou bezwen fran.  Nou tou konnen i annan 2 sezon.  Nou isi Sesel nou konnen nou bann lans ki annan high currents.  Me solman plito nou donn the true rezon en touris ki pe arive, rather than pa scare.  Dimoun i vin isi pour lans – zot annan lezot swa.  Zot annan lot kote zil zot kapab ale.  So, plito nou fran nou dir, ki rather nou – pour nou perdi en touris.  Mon pa aksepte poudir nou pa kapab scare.  Mersi.

 

MR SPEAKER

Mersi Onorab.  Minis, oule fer komanter?

 

MINISTER DIDIER DOGLEY

Mr Speaker, mon dakor poudir nou bezwen fran.  Mon pa pe dir nou rakont mansonz touris – nou koz laverite.  Me solman nou bezwen fer li dan en fason ki responsab.  Mersi Mr Speaker.

 

MR SPEAKER

Mersi Minis.  Dernyen kestyon, Onorab Clive Roucou.

 

HON CLIVE ROUCOU

Mersi Mr Speaker.  Bonn apre midi Mr Speaker.  Bonn apre midi avek ou delegasyon.  Bonn apre midi tou koleg Onorab.

Mr Speaker, pour komanse mon anvi zis rekonnet sa travay ki nou bann lifeguard pe fer.  E mon pour Minis se an term lekipman.  Mon anvi demann Minis an term lekipman, e ki kalite lekipman ki nou bann lifeguard i annan ozordi ki pe travay avek pour sovgard nou popilasyon e bann touris?

E Minis in koz lo detay lekipman ki zot pour al rode.  Mon anvi en pe plis laklerte lo la.  E mon anvi demann Minis – an term lekipman, kote sa bann lekipman ki bann lifeguard pou servi, i baze?  Eski zot lo site oubyen zot kot Fire Services?

Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Lenformasyon ki mon annan se ki, i annan en pe limitasyon koman lekipman i konsernen an se moman.  E ki bann demars pe ganny fer pou ganny nouvo lekipman pour donn bann lifeguard lo Mahé e Praslin.

Konsernan lekipman de baz – mon’n ganny dir poudir i annan ase kot bann baz kot zot ete, at least bann ki zot bezwen.  Par egzanp, Beau Vallon pou annan serten lekipman de baz ki zot travay avek ki pou deza la – menm keksoz avek Praslin.  Me an menm tan dizan sa, nou rekonnet poudir nou bezwen envestir plis larzan pour donn nou bann dimoun bokou plis lekipman, dan en fason ki zot kapab fer sa travay.

E demann pour larzan in fini pour finans sa bann zafer – in fini ganny fer depi 3 semenn pase.  Mersi Mr Speaker.

 

MR SPEAKER

Mersi Minis.  Onorab Roucou.

 

HON CLIVE ROUCOU

Mersi Mr Speaker.  Mersi Minis.  Mr Speaker, mon zis met en laksan lo sa zafer lekipman.  Mon anvi zis Minis donn nou en pti pe detay ki zot, zot pe anvizaze rode silvouple?

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker, mon ava fer sir poudir Onorab Roucou i ganny lalis – mon napa la avek mwan.  Be nou a fer sir poudir i ganny en detailed list of all the equipment ki nou bann lifeguard i annan.  Mersi Mr Speaker.

 

MR SPEAKER

Mersi Minis.  Bon, avek sa nou termin Sesyon kestyon pour Minis responsab pour Tourizm – Minister Dogley.  E Minis, nou ti a kontan remersye ou pour letan ki ou’n spent avek nou bomaten.  Avek PS Lafortune, Kaptenn Valmont, Ms Vangadasamy, Mr Rose e Mr Agathine.  Minister mersi e nou ava eskiz ou avek ou lekip parmi nou.

 

(MINISTER DOGLEY AND HIS DELEGATION WAS EXCUSED FROM THE HOUSE)

 

MR SPEAKER

Bon, nou napa okenn komite ki pe meet pandan lunch break – pa sa ki mon okouran.  Nou pou pran Break, nou pou retournen 2er, kot nou ava rankontre Minis Cosgrow pour reponn bann kestyon ki konsern son Minister.  Nou ava Break alor e nou ava retournen 2er apre midi.

 

(BREAK)

 

MR SPEAKER

Bonn apre midi tou Manm Onorab.  Bonn apre midi Minis Cosgrow.  Minis ki responsab pou Lanvironnman Lenerzi Sanzman Klima.

Bonn apre midi a son lekip ki konpri Sekreter Prensipal dan Departman Lenerzi Sanzman Klima Mr Wills Agricole. Depite CEO pou PUC Mr Jude Valmont e Mr eskiz mon Mr Joel Valmont, e Mr Mussard ki responsab pou Managing Director pou water and sewage kot PUC. 

        E osi bonn apre midi tou dimoun ki a lekout ki pe kontinyen swiv travay Lasanble Nasyonal.  Mon ava al direk lo kestyon.  E mon ava pas laparol avek Onorab Churchill Gill.

 

HON CHURCHILL GILL

Mersi Mr Speaker.  Bonn apre midi tou Manm.  Bonn apre midi Minis ek ou lekip.  Minis mon kestyon i en kestyon swivi pou bann travay ki ti’n deza pe konmans ganny fer.  Selman la zabitan Baie Sainte Anne tou sa bann ki ganny touse kot stasyon.  Mon ti a kontan ganny en update ki zistans bann keksoz i ete.

Alor mon kestyon i lir koumsa ;

Ki progre lo proze PUC Baie Ste Anne ki pe arive avek p progranm lokasyon zabitan ki progre lo prosedir konpansasyon lo dan konbyen letan ankor nou espekte bann legzersis ki pou konplete?  Mersi Mr Speaker.

 

MR SPEAKER

Mersi Onorab Churchill Gill.  Minister.

 

MINISTER WALLACE COSGROW

Mersi Mr Speaker.  Mersi Onorab.  Bonzour Mr Speaker, bonzour tou Onorab.  Bonzour tou dimoun ki a lekout.

Mr Speaker repons kestyon Onorab Gill progre lo stasyon Baie Ste Anne Praslin pou amelyor son performans pou redwir tapaz ek polisyon pe al dan sa fason swivan.  Kontra i ganny donnen avek en lakonpannyen ki apel Ace Crane ki baze Dubai pou lavaler 4.3 milyon Dolar e sa proze i sipoze ganny fer an de faz e sa Kontra ti swiv prosedir procurement tender ki PUC i normalman fer.  Premye faz sorry i konpri redwir bann tapaz ki sorti kot sa stasyon.

E son 2enm faz i pou konpri kontrol ki sorti dan son exhaust.

An sa ki konsern premye faz pou redwir tapaz ki sorti kot stasyon fabrikasyon bann diferan lekipman ki enkli bann panel ki sound proof i ankour e  PUC i espekte zot pou ariv dan pei dan sa prosen 3 a 4 mwan sa bann lekipman i sipoze ganny konstri dan faktori e ganny asanble isi kot stasyon Praslin Baie Ste Anne

Lekipman  pou sa 2enm faz ki pou kontrol emisyon avek exhaust espekte ariv dan pei en pe letan apre sa.

Mr Speaker PUC i espekte konplet sa premye faz sa proze an Zen lannen prosen.  E 2enm faz i espekte ganny konplete an Out lannen prosen.

2enm parti kestyon Mr Speaker ki pe arive avek progranm re lokasyon bann zabitan.  Mr Speaker parey bann zabitan Baie Ste Anne Praslin ti ganny enformen provizyon bann ki pare pou bouz dan en lot landrwa i an Mars.  E sa provizyon pe ganny fer par an kolaborasyon avek Minister ki annan portfolyo pou later.

Dapre Minister pou responsab pou Lakaz ek Lenfrastriktir ek Later, aviron 3.5 arpan later in ganny idantifye dan zanmirant Marie-Jeanne Estate.  Sa bout later pou ganny servi pou konstri lakaz pou bann zabitan ki agree pou bouze akoz normalman i annan zabitan ki petet zot pa neseserman anvi bouze me selman pe get bann lezot opsyon.

Dapre sa Minister i annan provizyon pou 35 plo[t lo 14.078 met kare, later ki kapab ganny ofer avek bann zabitan konman lesanz.  Sa Minister in ariv lo sa lakantite baze lo bann prosedir  evalyasyon, bann lakaz grander avek kondisyon lakaz.  Kot obor power station.  Bann vizit ki’n ganny fer par sa Minister e lalis ki Departman Lanvironnman an kolaborasyon avek distrik in idantifye konman bann ki’n ganny afekte.

Minister pou Lakaz Labita ek Lenfrastriktir in estimen ki sa proze pou kout Gouvernman anviron R35.7 milyon.

Mr Speaker les mon fer kler ki sa estimasyon pa enkli okenn konpansasyon finansyel pou bout later ouswa domaz lezot domaz.

I enportan pou mansyonnen mansyonn ek sa Lasanble ki avan Minister pou lakaz Lenfrastriktir Labita i kapab fer okenn plan lenplimantasyon. Zofisye sa Minister i bezwen zwenn avek sa landowner ansanm avek bann dimoun ki annan lakaz lo sak morso later dan zalantour power station lo en one-to-one basis pou kapab agree lo lekel ki benefisye avek konpansasyon ouswa par egzanp resanz lakaz.  Ler mon dir konpansasyon mon pe dir par egzanp en dimoun ki opte pou li pa pran lakaz, me selman i pou en konpansasyon pou relocate li.  Me pa bann lezot konpansasyon ki kapab vini evantyelman apre.  Osi pou agree lo bann partikilye e detay plan zot lakaz Lagreman avek lof avek pozisyon plan.

Minister pou Lakaz Lenfrastriktir ek Later pe organize pou bann travayer Departman Later al Praslin pou konplet sa legzersis avan lafen lannen ki i ava ganny konplete boner lannen prosen oubyen premye kar 2019.

Bann zabitan pou osi ganny enformen ki bann kriter kondisyon ki pou ganny servi parey lakantite lasanm, grander e osi lo valer bann later.

Minister i konstate ki i annan serten dimoun ki pa oule relocate parey mon’n dir.  Me zot ti a kontan ganny led pou repar lakaz ki zot in santi in ganny afekte avek vibrasyon.

Pou bann ki dan sa kategori pre ki assessment striktirel in ganny fer zot ava kapab enkli dan proze pou adres zot demann.

Pou proze kapab demare e letan ki sa proze i sipoze ale i pou depan lo enn premyerman lo proze P UC.  Akoz ler PUC pou enplimant son proze i pou annan rediksyon konsiderab lo lakantite tapaz ki sa power station i large.

E osi lo lakantite emisyon.  So tre probableman i annan bann dimoun ki en pe an deor en pe pli lwen avek power station ki zot pou santi zot   dan en sityasyon petet zot p pou le relocate.  Petet zot pa pou le relocate so i pou depan bokou lo sa proze PUC prezan apre proz PUC ek bann lenformasyon ki nou’n anmase bann diskisyon avek sak personn ki pe benefisye pou vwar se sa ki pe ganny ofer i akseptab pou zot.  Avan ki okenn plan detaye i ganny fer.

Sa Minister parey mon’n mansyonnen mazinen ki sa bann proze konstriksyon pou ganny demare pa pli tar ki 20 20 sorry 2020 pou bann ki deside zot le sorti net – ok?

        Me sa pou depan osi lo bann negosyasyon sa bann dimoun ki mannyer i ale.  Kantite vit sa negosyasyon i ale.  Gouvernman i konstate ki sa bann negosyasyon sa bann zabitan si i al ase vit bann plan i kapab ganny desinen e agree avan ki bann lezot prosedir i ganny fer.

Osi lo ki progre prosedir konpansasyon Mr Speaker nou’n demann Biro Attorney Zeneral pou asiste Minister an sa ki konsern konpansasyon pou sa bann zabitan Baie Ste Anne.  Biro Attorney Zeneral Attorney Zeneral li menm ti diskit avek nou zwenn avek sa bann zabitan pardon an vi ki zot ti annan konsern lo sa bann form konpansasyon ki zot ti ganny donnen.

Dapre Attorney Zeneral en nouvo form ti pou ganny sirkile pou bann zabitan ranpli.  Dan dernyen kominikasyon ki mon’n gannyen avek Attorney Zeneral li menm, mon’n ganny dir ki pe eksperyans dele akoz son biro an se moman pe travay lo plizyer lezot demann pou konpansasyon   ki  poz en kontrent lo son bann Konsey Legal pou travay lo sa bann ka konpansasyon zabitan Attorney Zeneral in asir mon ki i ava donn sa konpansasyon plis  priyorite bann zabitan i ava ganny en formen lo la tre byento.

So konpansasyon i depan antyerman lo evalyasyon biro Attorney Zeneral ki fasilit sa prosedir.  Akoz si en prosedir legal Onorab.

So sa i en pti pe larepons kestyon Onorab.   So alors pou kapab konnen kan ki tou pou konplete i pou depan lo diferan Lazans.

Me solman parey mon’n eksplike i annan bann diferan keksoz ki’n ganny fer pou lemoman.  E pli enportan se ki sa legzersis ki PUC pe fer pou redwir konsiderableman sa kantite …. ki ganny emit from sa stasyon.  E osi konsiderableman sa kantite lafimen ki sorti.  E tre probab ki nou kapab annan bann zabitan ki dir ‘’be la mon santi mon konfortab, mon pa oule bouze.’’  So tousala i pou depan lo sa legzersis ki PUC pe fer.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Minis mersi pou sa lesplikasyon byen detaye akoz zabitan ti pe zisteman look forward pou zot konn en pe byen ki pe arive.  Alors lesplikasyon li tre kler e prezan nou ava esper sa form konpansasyon ler i al ganny fini sirkile apre nou a bouz lo sa next step.  Mersi.

 

MR SPEAKER

Ok mersi Onorab Gill.   Onorab Woodcock.

 

HON WAVEL WOODCOCK

Mersi Mr Speaker.  Bonzour bonn apre midi Minis ek ou delegasyon.

Minis mon annan zis en pwen, klarifikasyon.  Akoz avan mon rapel ou ti pe dir ki ti napa konpansasyon pou bann dimoun ki ti pou ganny ki ti refize relocate.

        Mon zis anvi klarifye en keksoz si now prezan dan zot bann konpansasyon ki zot pou donnen bann dimoun ki akoz by next year Out semenn prosen lannen prosenn.

Sa problenm emisyon avek tapaz sipoze ganny rezourd.  Bann dimoun ki pa oule  deplase ki zot pa oule relocate zot pou gannyen peye en konpansasyon bann ki pe klanm domaz ouswa ki zot lasante in ganny afekte avek bann emisyon?

So eski sa bann dimoun prezan will be considered e zot pou ganny peye en konpansasyon bann ki pe ki’n deside pou reste dan sa landrwa me not to relocate?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Wi Onorab parey mon’n dir prosedir konpansasyon i reste avek biro Attorney Zeneral.  E okenn konpansasyon ou pou bezwen ganny deside baze lo evalyasyon ki biro Attorney Zeneral i fer.

Mon sipoze mon krwar si mon pa tronpe bann meeting ki’n ganny fer avan ki mwan mon vin dan Minister bann zabitan ti express ok bann zabitan ti express zot konsern pou zot kapab ganny en konpansasyon.  E mon krwar ti annan serten legzanmen medikal ki ti ganny fer initially pou kapab etablir serten keksoz.

E tousala okenn konpansasyon endividyel pou sa endividi pou li menm i pou baze lo bann rapor lasante lo bann assessment ki biro Attorney Zeneral i fer akoz i pou bann assessment ki pou bezwen ganny fer lo en baz legal.  E konpansasyon i ava deside.

Petet lo konpansasyon ki mon ti pe dir si par egzanp a pre en serten letan  ou vwar petet lakaz in crack avek sa si en dimoun pa’n deside bouze petet Gouvernman i kapab dir li be ok mon asses striktir ou lakaz e vi ki ou pa pe bouze nou kapab repar sa striktir lakaz pou ou.

Me selman parey mon’n dir parey ou’n dir osi i sa legzersis ki PUC pe fer pou amelyor sa stasyon i pou crucial ; i pou enportan e once sa i fini nou kapab dan en pli bon pozisyon pou dir tou sa bann pou donn en desizyon final.  Mersi.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Bonn apre midi Minis.  Minis mon pa’n sezi byen bann figures ki ou’n donnen so mon ti a vreman apresye si ou kapab break down en pe sa figure 3.5 milyon, 3.5 milyon Dolar is that it? 

 

MINISTER WALLACE COSGROW

(Off-Mic)

 

HON JEAN-FRANCOIS FERRARI

Initially ki ou’n dir 4.3 that’s the only phrase one?  Tou lede phrase 4.3?

Ok Minis mon ti a kontan si ou kapab break down sa an sa de faz akoz e osi konfirmen pou dir relocation enkli konstriksyon lakaz Marie Jeanne Estate i R37.5milyon.  Sa i en konponan dan sa legzersis.  Mon ti a kontan si Minis i kapab dir nou prezan kan eski sa tender ti ganny fer?  Eski i ti en open tender o nivo enternasyonal?

E dezyenmman kekfwa Mr Valmont i la i kapab eksplike,  akoz avek sa gro sonm larzan ki apepre R60milyon – R60milyon nou ganny nou en nouvo power station 8 megawatt brand new lo Zil Eve!  Konmsi mon pe sey ganny en konpran be ki mannyer nou pou eskiz mon Mr Valmont mon pe sey ros da lenformasyon mon pa pe akiz personn? Mon pe zis sey konpran ki mannyer (pa ou Onorab Valmont) mon pe koz ek Mr Valmont PUC silvouple.  Mersi.

 

(Interruption)

 

MR SPEAKER

Kontinyen Onorab.

 

HON JEAN-FRANCOIS FERRARI

Nou anvi sey konpran ki mannyer zot in zot pa’n pran sa opsyon annan en stasyon modern nef ki pa fer lafimen ki pa fer vibrasyon.  Me zot in swazir opsyon refer housing refer proteksyon otour en vye stasyon e bann vye masin.  Konmsi sey donn nou en lasirans pou dir nou larzan pe ganny byen depanse la silvouple.  Mersi.

 

MR SPEAKER

Mersi Onorab Ferrari.  Minis.

 

MINISTER WALLACE COSGROW

Ok mersi Mr Speaker.  Mersi Onorab.  Mon ava pran ou premye bout kestyon anmezir ki Mr Valmont i rod serten lenformasyon.

Wi i 4.3milyon Dolar an de faz.  En faz se ki i pou met insulation sorry pa insulation.  Sound proofing ki fer ki i redwir lakantite tapaz.  E 2enm ki i pa sitan en gran faz i pli zou mwen pou met kalite converter anler avek sa bann laseminen, pou ki i pa redwir sa bann full lafimen ki ti pe afekte bann zabitan.

So se sa de faz e wi i kout 4.3 milyon Dolar.  E tender ti ganny fer wi i ti en open tender it was an open international tender.  Sa ki PUC i fer mon konnen.

E baze lo sa tender ki sa lakonpannyen Ace Crane baze Dubai ti vin sa tender.  Ok Mr Speaker eskiz mon lenformasyon ki mon annan en nouvo masin sorry en nou vo power station pou Praslin lestimasyon i pou kout 27milyon Dolar avek ekipe avek 6 masin 2.5 megawatt each.  So i pou kout nou bokou, bokou plis dapre PUC en nouvo masin lo Zil Eve.  Se sa lenformasyon ki mon annan Mr Speaker.  En nouvo power station – sorry. 

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Minis.  En dernyen kestyon.  Mon ti a kontan si PUC i kapab donn Lasanble kan sa tender ti ganny fer?  Lekel sa bann dimoun ki ti partisip dan sa tender?  e si Ace Crane i en konpannyen ki zot abitye travay avek e ki zot konn son leksperyans son ability?

        E finalman eski the whole cost will be borne by PUC oubyen par Gouvernman?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok mersi Mr Speaker.   Onorab mon krwar PUC i kapab ganny sa lenformasyon.  Mon pa konnen si ou le sa lenformasyon la deswit.  Ok nou kapab fer available sa lenformasyon the whole tender procedure e ki mannyer tender in ganny warded.  Sa definitivman nou kapab fer available avek Lasanble Nasyonal.  Mersi.

 

MR SPEAKER

Mersi Minis.  Onorab Simon Gill.

 

HON SIMON GILL

Bonn apre midi Speaker.  Bonn apre midi koleg Onorab.  Bonn apre midi tou manm piblik.

Mr Speaker mon ti le demann Minis avek son lekip.  Premye kestyon si i satisfe avek tou bann cost analysis stasyon avek en nou stasyon e reparasyon sa stasyon avek tou bann lezot kou ki enplike?

2enm kestyon eski i annan okenn provizyon dan sa tender ki zot in anvoy li lo nivo enternasyonal ki serten Clause ki nenport ki kontrakter ki konpannyen ki ganny sa tender ki zot pran konsiderasyon en konponan lokal.  Konponan lokal i vedir partisipasyon bann lezot konpannyen Seselwa pou kapab osi enterakte benefisye avek sa lenvestisman.  Mersi.

 

MR SPEAKER

Mersi Onorab Simon Gill.  Minis.

 

MINISTER WALLACE COSGROW

Mr Speaker mersi Onorab pou ou kestyon.  Mr Speaker Onorab an term si nou satisfe dan cost analysis premyerman pou sa tender wi mon satisfe dan cost analysis e ti annan de lakonpannyen mon krwar ki ti finalman submit zot bid. 

An term si nou satisfe avek cost analysis pou en nouvo power station? Sa cost analysis ti fer avan mon letan.  E PUC i satisfe ki baze lo bann kou bann kou nasyonal enternasyonal se sa ki pou kout zot pou fer en nouvo power station. 

Me solman si nou bezwen al en pti pe plis ladan nou kapab asize gete rediskite gete.  Me solman PUC being the competent authority ki abitye avek sa bann sa zafer zot satisfe avek cost analysis.  Sa i premye kestyon.  Provizyon dan tender pou local participationDan tender i en international tender avek international norm –    normalman dan bann dokiman tender napa okenn bann provizyon pou sa.

E sirtou sa tender i plizoumwen pou fabrikasyon, bann panels ki fer sound proofing.  E nou napa fasilite pou fabrik ban panels.  Apre i osi plizoumwen pou fabrik kalite converters ki pou al anler lo chimney. 

E tousala i pli zou mwen tender i fabrike.  E enstalasyon i en enstalasyon si mon pa tronpe parey mon’n ganny eksplike en enstalasyon ki vreman vit e it’s an expert     installation.  E pou se la rezon ki nou’n ganny lakonpannyen sorti aletranze ki’n kapab bouz sa tender akoz sa expert installation.  Sorry.  Mersi bokou Mr Speaker mersi bokou Onorab.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker.  Mr Speaker mon ti a kontan en pti pe klarifikasyon lo sa bann pri ki zot in eksplik nou. Lenformasyon ki mon annan se ki pou 6 fwa 2.5 megawatt ki ou’n dir nou Minis ki ou pe koz 15 megawatt pou Praslin pe kout 27milyon Dolar.

Savedir pou en megawatt i preski 2milyon Dolar pou en megawatt. Me mon kapab dir ou pou dir ou mon konn 2 lotel enn Mahé ki met 5 megawatt in kout li 3.5 milyon Dolar.  Savedir li en megawatt i kout 600mil Dolar pa 2 milyon Dolar.

E mon pa konpran alors ki mannyer li PUC i pe kout sitan kantite pou en megawatt.  En megawatt i en megawatt. I en zenerater bril dyezel en zenerater, zot a dir nou en i   high speed, enn i low speed.   Me se zenerater tousala.

Mon pa konpran ki mannyer sa bann zenerater pe ariv sa kantite pri e pou Praslin nou pa pe ni aste zenerater dan sa bann pri ki ou pe donnen sa 3 milyon Dolar. I zis bann insulation eksetera.

Me sa 3.4 milyon Dolar ti’n fini ganny ou en zenerater nef dan en lotel ki enkli dan son stasyon tou.  Akoz zenerater i vin ek son stasyon son baz son fondasyon.  E sennla mon e dir ou i convert ek son lasaler i fer delo so.  So i re ganny en pe sa lenerzi perdi.

E tousala pou bokou, bokou mwens larzan ki PUC pe dir, akoz sa gran diferans sa gran dekalaz dan pri?  Mersi.

 

MR SPEAKER

Mersi Onorab Afif.  Minis.

 

MINISTER WALLACE COSGROW

Mersi Mr Speaker.  Mersi Onorab.  Eskiz mon pou sa pti delay teknisyen ti pe eksplik mon en pti pe ki mannyer i marse.

So sa ki mon ganny en konpran la se ki sa zenerater ki Onorab pe refer lo la se parey mo dir en fast zenerater.  Ki operate lo 400 voltaz e se sa ki fer li cheaper.  Sa ki pou PUC i en base engine i operate lo 11 mil volt e i annan fasilite pou stokaz, fuel storage dan building itself avek bann lezot auxillaries ki vin avek.

So ladiferans ant sa de se ki enn i operate lo 400 volt e sa fast speed e lot i mon pli zou mwen i pou pli plis robust i base engine lo 11mil volt Onorab.  Mersi.  Se sa lesplikasyon teknik ki mon annan.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker.  Mr Speaker mon ti ava enterese vwar en pti pe lafason tender in ganny fer parske mon pa konvenki ek en largiman ki en zenerater akoz i pou al 11mil volt.  Sa ou kapab regle li pou prodwir kantite voltaz oule.  Bann zenerater i mars.

E si sa bann dimoun dan sekter prive i kapab envestir parske elektrisite se elektrisite ki zot pe generate i ariv kot sa konsonmater 240 volt.

Praslin zot in fer parey 2.5, 2.4 megawatt in kout en milyon 1.2milyon Dolar.  Lanmwatye milyon Dolar pou en megawatt.  Me la nou pe koz 3, 4 fwa plis nou pe koz sa kantite plis son senp rezon parske ou pe met li at 11 thousand volts olye ki ou met en transformer p ou fer sa mon pa tro konvenk mon ti a kontan vreman vwar bann dokiman procurement ki mannyer i ganny fer, parske mon konvenki sa bann pri i devret bokou pli ba ki zot ete.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mr Speaker parey mon’n dir Onorab Ferrari nou ava fer available bann dokiman bann prosedir tender ki Lasanble i a kapab egzaminen pou …  Zis mon a fer resorti pou dir sa pri ki nou’n donnen lo power station, i pa ankor vin en tender li i en estimasyon lo sa installation baze lo bann diferan proze.  Ok? 

        Savedir dokiman tender ki nou pou submit se pou sa refit sa power station Praslin.  Ok larestan i akoz in demann nou Onorab Gill ti’n demann nou si i annan en lot plan prosedir pou sorry Onorab Ferrari ti’n demann pou en lot power station so sa vedir in house esimate  i sa kantite.  So nou ava fer available dokiman tender pou sa enn ki an Mars la, ok mersi bokou Mr Speaker.  Mersi.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Bonn apre midi tou dimoun.  Mon kestyon i baze lo leksperyans Gouvernman pou deal avek sa sityasyon ki nou pe koz lo la ozordi.

I annan en kestyon lo zafer konpansasyon.  So mon anvi Minis i dir nou petet ki leson zot in tire dan bann lezot lenstans kot nou vwar konpansasyon i involve, ki fer ki PUC pe pran sa semen ki in pran la?

Mon pe dir sa akoz ti annan en zafer 250mil par lakaz apre zafer in al Ankour ozordi nou vwar leta Sesel i bezwen pey en konpansasyon.  So sa i en legzanp.

Lot legzanp i zafer fungus.  Kot nou en Komite ti ganny set up ki zot, zot in fer en evalyasyon e propoz avek Gouvernman fason pou peye.

So prezan mon anvi konnen ki leson zot tire lo sa de lenstans pou asire ki nou pa al pey bann Pralinwa en sonm larzan, apre case i al end up Ankour ki Leta Sesel i bezwen re pey ankor mon ki en tax payers lo Mahé ki bezwen foot the bill ankor premye kestyon.

Dezyenmman ki al en pe dan laliny sa kestyon kou.  Ki bann lezot Onorab avan mon zot in argimant lo la.  I annan bann legzanp dan sekter prive kot zot pe generate zot prop elektrisite e PUC pa PUC me IDC en lot antite Gouvernman ki’n deza annan en konversasyon dan sa Lasanble, ki’n dir be pou kwa pa regard ki zot, zot pe fer ki leson ki PUC i kapab tire pou enplimant en sistenm en pe parey lo Praslin – so eski in annan en refleksyon lo sa direksyon baze lo konversasyon ki’n deza annan dan sa Lasanble lo sa menm size?  Mersi bokou.

 

MR SPEAKER

Mersi Onorab Henrie.

 

MINISTER WALLACE COSGROW

Mersi Mr Speaker.  Mersi Onorab.  Konsernan premye kestyon konsernan bann leson ki nou’n tire lo konpansasyon mon ti a zis met a latansyon Onorab avek Lasanble ki i 3 diferan lenstans 3 diferan konpansasyon.  Par kont ki i involve Gouvernman.  E se pou se la rezon ki nou pa pe tay ek konpansasyon e nu pe fer l i byen dan en kad legal e se pou se la rezon ki nou pe met li dan lanmen Biro Attorney Zeneral kot i annan dimoun i kapab konpetan pou kapab deal avek bann issue konpansasyon.

E nou, nou ava fer sir nou anmas tou lenformasyon lo teren e supply Biro Attorney Zeneral avek lenformasyon pou ki demen i pa ava annan mon ap pe dir in annan avan. Me selman demen i pa ava annan okenn issue ki ava leve ki a dir be mwan mon ti mal ganny peye entel ti ganny pli lot, lot.

So se pou se la rezon ki nou pe met nou konfyans dan Biro Attorney Zeneral e se louvraz Attorney Zeneral pou advice Gouvernman lo bann lenstans koumsa.  So sa i larepons No.1.

An term 2enm kestyon kot i konsern bann lezot antite ki pe zener elektrisite; par egzanp IDC ou’n mansyonnen Deputy CEO in enform la ki pou dir zot tin apre ki sa bann diskisyon ti’n deza ganny fer zot in deza pran kontak avek sa lakonpannyen ki supply IDC e i ti envit zot osi pou tender pou tender pou sa travay Praslin.  Me zot pa’n submit okenn bid. 

        So in annan diskisyon ki’n ganny fer avek sa lakonpannyen ki supply IDC avek lekipman.  Mersi bokou Mr Speaker.

 

MR SPEAKER

Mersi Minis. Onorab Henrie.

 

HON GERVAIS HENRIE

En pti follow-up lo larepons premye kestyon ki Minis in donn mon.  Minis in dir nou pe ranmas lenformasyon lo teren pou fourni Biro Attorney Zeneral.  Ler i dir nou lekel nou ?  E akoz mon dan sa ka fungus mom dakor ou dir mon 3 diferan lenstans.  Me dan ka fungus i en Komite endepandan ki napa en lentere partikilye dan sa case ki’n provide Gouvernman with an ‘independent opinion’ lo kwa ki pou pey bann dimoun.

So mon per la dan ka PUC ki kapab annan prezidis lekel ki pe ranmas sa lenformasyon pou fourni Biro Atorney Zeneral pou asire ki amount is fair.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok mersi Mr Speaker, mersi Onorab. Onorab zis mon ti ;n bliye mansyonnen avan pou dir PUC ti al osi vizit sa bann lenstalasyon lo bann zil.  Konsernan kestyon avan.

Ok ler ou dir lekel ki pe ranmas lenformasyon.  Nou ganny gide par Biro Attorney Zeneral nou.  So Biro Attorney Zeneral ki gid nou kalite lenformasyon ki pou, ganny ranmase e ki mannyer nou ranmase.  E se pou se la se zot ki design bann form pou kapab fer sa bann legzersis.

E bokou bann lenformasyon i ganny donnen par sa bann zabitan lo bann form,.  Me selman nou par egzanp Departman Lanvironnman nou’n fer mezir par egzanp an term ki kantite tapaz ki ganny sorti kot sa power station, an term radius toultour kantite zistans ki ou ale ki akseptab.  Se sa, sa bann lenformasyon ki nou pe provide.  Mon konpran avan ki mwan mon’n vin dan Minister in annan bann lenformasyon medikal ki’n ganny anmase si mon pa tronpe.

So se sa bann lenformasyon ki’n ganny met ansanm e Biro Attorney Zeneral demen bomaten li ki pou deside I mean zot ki pou deside si sa lenformasyon i adéquate e in byen ganny ranmase in byen ganny reprezante pou ki zot kapab fer en desizyon konpansasyon.

So whatever desizyon konpansasyon ki ganny pran i pou ganny pran lo en baz lenformasyon ki’n anmase legal e nou, nou pou napa nanryen avek the amount, the sum ki ganny peye.  E sa pou ganny deside par en konpetans legal. Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker mon premye kestyon mon ti a kontan demann Minis atraver son bann teknisyen pou eksplik nou diferans an term zenerater ki ti sipoze supply en lotel avek en seri zenerater ki sipoze supply en si oule Baie Ste Anne antye avek elektrisite pou nou konpran si i kapab konpran en pti pe sa ki, sa i mon premye kestyon.

E mon 2enm kestyon mon ti a kontan klarifye Mr Speaker en klarifikasyon se eski travay lo sa proze i zot pe fer in pran kont ant nouvo demann par lefe ki la a Zil Eve pe ganny devlope pou annan ankor demann adisyonnel pou elektrisite?  So eski sa proze in pran kont lo nouvo demann ki pou annan dan rezon Baie Sainte Anne pou kou elektrisite ?  Mersi Mr Speaker.

 

MR SPEAKER

Mers Onorab Pillay.  Minis.

 

MINISTER WALLACE COSGROW

Ok Mr Speaker eskiz mon pou sa bann pti delay akoz kestyon i vreman teknik.  Sa ki mon ganny en konpran avek teknisyen se ki bann zenerater ki lotel i seri i pli pti zot normalman operate lo 400 volt.  E zot vol-tasyon i pli vit zot servi plis fuel e zot life span i bokou pli kout ki sa ki lorganizasyon parey PUC pou operate ki operate lo 11mil volt i seri en pti pe less elektrisite sorry less fuel.  E son life span i bokou son i plis bann heavy duty masin.  E byensir okenn devlopman n term elektrisite i pe ganny plan pou Praslin i enkli osi La Digue akoz zot konekte La Digue avek en kab.

E definitivman i ganny konsiderasyon devlopman ki pou annan lo Praslin e sirtou devlopman endistriyel light industrial ki pe take off lo Zil Eve.  Mersi bokou Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon ti a kontan demann Minis an premye lye an se ki konsern efikasite sa bann masin ki zot pe rode.  Pu adire ki sa servis dimoun Baie Ste Anne pou gannyen san entersepsyon akoz mon krwar se sa ideal kestyon ki Onorab pe anmennen.

E dezyenmman an relasyon avek sa ban zenerater ki zot pe procure lekel sa ban brands  spesifik ki zot pe procure koumsa ki nou ava kapab nou osi menm si nou pa teknisyen me nou a kapab servi Mr Google pou nou konnen kwa egzakteman ki nou pe  koz lo la ,pou don en pti pe plis konprenezon.  Akoz nou pa oule ban dimoun i distort lenformasyon devan Lasanble. Mersi Mr Speaker.

 

MR SPEAKER

Mersi Onorab Pillay.  Minis.

 

MINISTER WALLACE COSGROW

Ok mersi Mr Speaker.  Mersi Onorab. Onorab mon konpran ki Mahé mazorite nou bann masin ki nou servi i Rapsoila e pou Praslin osi pou Praslin la pou lemoman nou annan detrwa kontinyasyon masin ki pe ganny servi.  Me selman pou nouvo power station ki pou annan, i pou baze lo en open tender e sa ki vin ek en pli bon bid en pli bon masin.

So  pou lemoman nou pe servi bann masin Rapsoila. Praslin nou ankor Praslin i annan caterpillar osi, Meliz, Cummings caterpillar apre Rapsoila.

So sa bann zenerasyon nou bann masin ki pe servi pou lemoman.  Me solman pou sa nouvo power station i pou depan open tender.

 

MR SPEAKER

Ok yes Onorab Pillay.

 

HON SEBASTIEN PILLAY

Mersi Mr Chair Mr Speaker.  Lo pwennvi efikasite oubyen efficiency sa power station. 

 

MR SPEAKER

Yes Minis.

 

MINISTER WALLACE COSGROW

Ou pe dir mon power station ki egziste pou lemoman la en? Efikasite?

 

HON SEBASTIEN PILLAY

Sa ki nou le ganny en konpran-se ki, eski sa bann lenvestisman pou anmenn plis efikasite pou anmenn plis efficiency dan lafason ki sa kou ki sa power i ganny provided, par lefe ki Baie Ste Anne nou tou ki’n al Praslin nou’n vwar pou dir Baie Ste Anne i en  kominote pe grandi.  E i annan lezot bann aktivite ki pe rantre ki pou demann dan sa demann.  Mersi Mr Speaker.

E zis an pasan Mr Speaker mon ti a kontan si bann teknisyen ed Minis pou reponn si sa bann mark ki zot in nonmen bann sa bann brand ki nou servi Sesel, i bann pli bon brand ki annan, oubyen i bann brand ki ou konnen pou nou konpran tousala akoz i larzan piblik ki nou pe depanse.  Mersi Mr Speaker.

 

MR SPEAKER

Mersi Onorab Pillay.  Minis.

 

MINISTER WALLACE COSGROW

Mersi Mr Speaker.  Mersi Onorab pou ou konsern.  Mon krwar mon annan en pti pe knowledge osi ladan.  Mon ganny les konpran ki sa bann brand i bann brand ki montre tabli byen etabli ganny servi en pe partou dan L’Europe partou.

        So i bann brand ki realiable bann brand ki nou kapab kont lo la.  PUC in toultan kont lo la pou zener elektrisite.

An term efficiency sa bann refit ki pe fer ek lizin i pli zou mwen pou an term efficiency an anviron-mantal pou reduce noise avek performans anviron-mantal pou reduce noise avek lemisyon.  So  i pli zou mwen sa.  Pa pe azout nouvo masin ladan.  Sa bann masin ki ladan pou lemoman i sifizan me solman mon krwar i annan de masin ki mon ti pe ganny en konpran avek  CEO ki i en pti pe in ariv lo zot letan fini sa bann masin  i ava ganny ranplase.  Ankor avek bann masin ki efficient i pou fer sir ki distribye kouran  lo Praslin avek La Digue efficiently fer sir napa or minimiz kantite kouran koupir.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker zis pou drive sa pwen lefikasite.  Lefe ki nou pe fer sa lenvestisman ki krwar it’s substantial nou ava espekte ki dimoun pou ganny en meyer servis pli efikas.

So mon konpran nou lanvironnman nou’n improve sa kote i enportan ki nou fer li pou nou koriz bann sa.  Me eski prezan zot pe osi vwar lafason pou asire par egzanp ki si i annan en koupir kouran lo La Digue i pa last pou 4 zour.  Si i annan en koupir kouran lo Baie Ste Anne i pa last.

        Zis pou reasir piblik mon pe sey ed PUC fer en pe public relation osi la pou eksplike ki zot plan ki zot annan regarding improve lefikasite, zot bann zot travay ki zot pe fer.  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker mersi Onorab.  Onorab part sa ki ou pe dir i pou aparet dan lot kestyon ki pe vini konsernan La Digue par egzanp lefikasite provizyon elektrisite La Digue.  Me osi mon kapab garanti ou pou dir sa ki nou pe fer tou bann lenvestisman ki PUC i fer par egzanp dan power station Praslin bann lekipman Praslin, se byensir definitivman pou asire e nou kapab ozordi dir avek zabitan Praslin La Digue pou dir nou pe asir zot sekirite elektrisite par fer bann lenvestisman dan bann lenfrastriktir ki PUC i annan.

E sa i detrwa sa i enn.  I annan bann lezot lenfrastriktir ki PUC pe osi amelyore pou fer sir ki i amelyor lefikasite son servis lo Praslin avek La Digue.  E taler dan lot kestyon nou pou koz en pti pe lo la.  Mersi.

 

MR SPEAKER

Mersi Minis.  Onorab Simon Gill.

 

HON SIMON GILL

Mersi Mr Speaker.  Pwen kontansye ki mon santi i annan la se kou sa envestisman.  E konklizyon inisyal mon ariv lo la se ki i annan serten Onorab dan Lasanble ki annan kontak lenformasyon lo bann zenerater, or masin ki kapab prodwir osi kantite elektrisite pou Praslin a en kou lenvestisman ki pli ba ki sa ou Minis ou bann teknisyen pe koz lo la ozordi apre midi.

Dan sa ka, eski ou Minister ou bann teknisyen i kapab fer bann kontak neseser pou ki ou revwar e konpare tou bann asiran ki bann spesifikasyon masin ki i annan ozordi son spesifikasyon son standar e son kalite output finalman i pou satisfer bann rekizit ki PUC i travay lo la e byensir i attend bann norm e standar enternasyonal.  Mon met sa la Minis e mon ava atann ou pou dir mon annan ankor 2 kestyon mon ava poze.  Mersi.

 

MR SPEAKER

Mersi Onorab Simon Gill in retournen in fer son retour.  Ok Minis repons.

 

MINISTER WALLACE COSGROW

Mersi bokou Mr Speaker.  Mr Speaker repons Onorab Gill mon krwar mon pa konnen ki lenformasyon lezot Onorab i annan.  Me solman mon krwar ki dan PUC nou annan nou bann teknisyen bann dimoun kalifye bann dimoun ki nou’n anvoy zot training parey Deputy CEO obor mwan – parey GM pou Delo avek Sewage nou’n envestir dan zot, zot annan sa konpetans sa kapabilite. E nou trust en pti pe zot bann well pa trust en pti pe nou trust zot bann desizyon ki zot annan ki zot pran e nou krwar ki zot fer li dan lentere PUC lentere pei an zeneral.

E mon pa ti ava mine si i annan lezot dimoun ki i annan bann lezot lenformasyon ki zot annan zot krwar ki pou dir li osi i bon, anmennen nou ava konpare avek nou bann teknisyen ki nou’n train pou zot kapab gete balanse gete si i annan okenn diferans Mr Speaker.

Me selman mwan mon annan konfidans, mon annan 5 mwan dan P UC dan Minister Lanvironnman mon annan konfidans ki sa bann teknisyen PUC nou Seselwa ki nou’n train i annan kapabilite e se ki zot pe dir i vo lapenn.  Se sa mon larepons Mr Speaker.  Mersi.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Wi Mr Speaker mon krwar i enportan a sa pwen ki nou fer en leklersisman mon osi mon annan en kantite konfyans dan bann teknisyen ek bann profesyonnel ki’n ganny train bann Seselwa.

Me selman mon ti a kapab dir pou dir zot 2 enzenyer e zot pa 2 dimoun ki konn pri masin oubyen ki konn al deal bann pri masin mon respekte zot konman bann enzenyer.   Ok?  Sa i mon premye kestyon.

Mon 2enm kestyon, Mr Speaker mon ti a kontan mwan mon napa plis lenformasyon apart sa enn la  Ace Crane Dubai  pa fer okenn izolasyon li pa fer okenn sound protection i pa fer okenn ki mannyer ,i apele sa kalite converter – … Ace Crane Dubai i en konpannyen ki fer crane.  Ki fer day entries pou Por ki fer lifts ki fer hoist.

Alors si nou pe pas atraver en middleman pou fer sa bann keksoz, oubyen  si mon’n mal fer mon resers zot ava dir mwan, me selman i enportan me mon pa anvi bann Manm lo lot kote latab i nerve, akoz nou pe vey larzan piblik.  E i nou rol pou nou demande sa bann kestyon.  Nou pa pe akiz personn.   Nou pe demann sa bann kestyon silvouple.  Mersi.

 

MR SPEAKER

Mersi.  Mersi Onorab Ferrari.  Nou ava donn Minis en pti pe letan.  Onorab Ferrari i en manm FPAC parey ou menm ou Onorab Pillay mon krwar i byen i kestyonn sa size.  Minis.

 

MINISTER WALLACE COSGROW

Mr Speaker, Onorab mersi.  Onorab mon ganny konpran pou dir avan ki ti fer tender zot ti pas dan en prosesis kalifikasyon.  So son bann referans in bezwen ganny anmennen ganny met devan avan ki zot kapab partisip dan tender. 

E parey mon’n dir taler nou kapab met lo dokiman tender a-laporte Lasanble Nasyonal.  E nou ouver nou gete si i annan okenn iregilarite dan prosedir.  Solman nou konfidan ki pou dir it should be ok. 

 

MR SPEAKER

Yes Onorab Ferrari.

 

HON JEAN-FRANCOIS FERRARI

Non mon pe dir Mr Speaker ki i enportan pou mon fer sa koreksyon ki mwan mon pa pe akiz okenn sa 2 enzenyer ki la.  Me mon pe dir ki desizyon pa ganny fer par zot.  I ganny fer en lot nivo e sa lot nivo e sa lot nivo honestly mon pa trust. Akoz nou’n vwar tro bokou keksoz dan lepase.  Mersi.

 

HON SEBASTIEN PILLAY

Me lo kote ou’n fer ou’n dir sa 2 enzenyer ….

 

(Interruption)

 

MR SPEAKER

Order!  Order!   Onorab non, non, non, non, non, non, non Order!  Order!  Onorab si ou ti’n lev ou lanmen  mon ti ava donn ou sans pou koze.  Ok?  Lafason ki ou’n, fer li pa  bon.  Me parey mon’n dir i enportan – i enportan ki Manm FPAC i kestyonnen.  E Minis in dir i pou anvoy bann dokiman.  Minis mon ti la sizere ou anvoy bann dokiman kot Komite FPAC.  E si i annan okenn plis travay pou fer sa Komite i a fer.  Ok Minis?  Yes Minister.

 

MINISTER WALLACE COSGROW

Mersi Mr Speaker.  Zis en pou pti klarifikasyon nou pa pou antre plis dan deba.  Sa prosedir la i en prosedir ki pa ganny par okenn dimoun par lao.  I en prosedir ki’n ganny fer par son bann Komite in ganny fer dapre bann  Lalwa, Lareg, Procurement bann tenders. 

        So se sa ki nou konfidan nou kapab anmenn tou bann dokiman so we have the document available avek Lasanble pou zot kapab vwar.

So i en prosedir ki’n ganny fer dapre prosedir Procurement.  Mersi Mr Speaker.

 

MR SPEAKER

Mersi Minis.  Nou ava kontinyen nou travay, nou ava pran  2enm kestyon ki ankor wi se Onorab Paul Ernesta.  Yes laparol i pou ou Onorab.

 

HON PAUL ERNESTA

Mersi Mr Speaker.  Minister, ou delegasyon bann koleg Onorab tou dimoun a lekout Mr Speaker menm bonn apre midi.

Mr Speaker mon kestyon i lir koumsa.  Avek limitasyon delo trete dan Leo Quatre Bornes e difikilte pou ganny akse ek delo trete pandan letan lasesres dan leo Takamaka presizeman Upper Ste Ange Estate, e swivan vizit e letid ki’n ganny fer par zofisye PUC Seksyon delo konzwentman avek Lotorite Distrik boner sa lannen.

Eski Minis i kapab eksplik sa Lasanble, si son Minister i annan plan pou rezourd sa problenm delo dan sa 2 kominote?

2enm si wi eski Minis i kapab eksplik sa Lasanble, ki travay pe al fer egzakteman pou rezourd sa problenm delo enn fwa pou tou?

3enm kan ki son Minister lo en dele letan pli kourt pou enplimant sa proze?

E katriyenm konbyen fanmir pou benefisye avek sa proze?  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab pou ou kestyon.  Mr .Speaker PUC in osi idantifye 2 landrwa dan distrik Takamaka kot i annan en nesesit epou amelyor sistenm distribisyon delo.  Enn i Ste Ange Estate, e lot i en landrwa kot nou apel dan Kalver.

Mr Speaker PUC pe adres sa 2 problenm konmela menm pou rezon Ste Ange Estate Ste Ange PUC in deza konmans louvraz e in preski fini met pli gro tiyo dan sistenm distribisyon e sa louvraz pe ganny fer par PUC li menm.

Sa louvraz kout PUC en sonm R200 mil en total 115 konsonmater pou benefisye anba sa proze.

Pou rezon Kalver PUC i pe al sanz en laliny tiyo ki sorti kot legliz Takamaka ziska kot i fini kot en tenk 50 kilo lit ki lo en     210 met oter.  PUC pou ranplas sa tenk 50 kilo lit par en pli gro tenk avek kapasite 200 kilo lit.  PUC pou apre extend sa laliny tiyo apepre 1.9 kilo met ziska en lelevasyon 330 met oter kot i pou konstri en lot tenk  kapasite 200 kilo lit.

Mr Speaker delo ki pou sorti dan sa tenk pou ganny distribye par gravite, kot i pou benefisye bann  konsonmater.

Sa proze Kalver pe al ganny met lo tender dan sa bann semenn ki pe vini. PUC i espekte ki pou pran 9 a 12 mwan pou konplet sa bann travay.  Apre ki Kontra in ganny sinyen

Mr Speaker apepre 50 konsonmater pou benefisye anba sa proze par sa enn proze sa proze kout PUC en sonm R5 milyon.  Bann adisyon Mr Speaker PUC pou relye sa sistenm Kalver avek Ste Anges Estate par en pli gro tiyo ki sa enn ki deza an plas, pou asire ki delo i a kapab ganny sanze par sa 2 sistenm.

Ti a bon note ki sa de sistenm Ste Ange Estate e Kalver, pe resevwar delo sorti Mare Aux Cochons, Port Glaud Mare Aux Cochons Port Glaud, L’Islette, e Grand Anse par en tiyo ki ganny enstale par en ba en proze ki nou apel South Mahe Integrated Water System. 

        E sa proze li tousel i kout PUC en sonm R15milyon e an adisyon parey in ganny deza anonse dan lepase,  pou asire ki delo dan, rezon was Sid Mahé i ganny fourni avek bokou plis sekirite ki ozordi.

PUC in deza angaz li dan bann diferan proze pou pran plis delo Mare Aux Cochons, Port Glaud, L’Islette ek Grand Anse.  Mersi Mr Speaker ek larepons pou sa kestyon.  Mersi.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker.  Minis zabitan mon annan sa ki mon kapab dir ou mersi pou sa bon proze si oule ki pou fer ki nou kominote i ava benefisye.

E an menm tan letan konpresyon proze, eski zot annan plan petet pou kapab zwenn avek kominote pou kapab eksplik zot la mannyer  pou zot kapab ganny akse ouswa fer koneksyon avek sa bann sistenm i vin an plas an Mars.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab wi definitivman once ki i fasilite in ariv a laporte bann zabitan dan kominote, PUC i fer en legzersis PR e PUC i fer petet en legzersis port an port.  Kot i en form bann zabitan ki zot kapab ganny konnekte prezan avek sistenm.  I annan landrwa par egzanp ki zabitan in deza konnekte me selman PUC pe zis improve sa pli gro tiyo k i anmenn delo kot zot pou don zot bokou plis presyon pou kapab fasilit zot lavi dan mon krwar sa i dan rezon Ste Ange non?  Ste Ange wi Kalver i en lot zafer kot i annan dimoun ki pa konnekte.  Me zot Kalver ler PUC in fini anmenn tou sistenm la, nou kolekte zot enn par enn avek sistenm.  Nou a fer li pli fasil.  Mersi Mr Speaker.

 

MR SPEAKER

Mer si Minis.  Onorab Henrie.

 

HON GERVAIS HENRIE

Mersi Mr Speaker.  Mr Speaker kestyon mon anvi demann Minis, se ki mon note ki i annan 32an apepre ki PUC i egziste as it is ozordi from ’85 –  ‘86 PUC ki nou konnen.

E si an 2018  nou pe tande pou dir i annan enn ou 2 kominote ki ankor pe ganny limitasyon .avek delo trete.  E dan serten ka elektrisite parey e ki li ki zer tousala.

Mon anvi konnen ki zot plan pou asire ki bann kominote pe byen ganny kouver.  Ki zot konnen la pou dir nou 2018, i annan tan kominote ki pa ankor ganny akse ek delo trete ou elektrisite.  Ki mannyer nou atak sa e ki 2019 nou ale, ki vreman Sesel i en pei modern nou pe koz high income country mon vwar i en pe tris pou sa bann zistwar dan nou Lasanble ozordi apre midi.  Apre 40an o  pouvwar.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Mr Speaker mersi Onorab.  Onorab mersi pou ou kestyon i vre ki annan serten rezyon lo Mahé par egzanp ki dan bann lokasyon e-leve vreman e-leve ki petet zot pa pe ganny delo trete i annan me selman mon remind Onorab, Lasanble avek tou dimoun ki pe ekoute.  Louvraz pandan sa 32an ki PUC in fer pou fer sir ki ozordi 99poursan Sesel i électrifier.  Sa bann kalite poursantaz nou pa tann bokou pei ki i annan sa bann kalite poursantaz électrification si mon pa tronpe.

E menm distribisyon, menm distribisyon, delo Onorab i enn ki mon krwar PUC in fer en kantite travay.  Me souvandfwa nou osi nou konplent nou vwar pe kas semen partou pe met tiyo i en kantite travay i difisil i annan bann teren difisil ki ennler donn delo pous delo avek bann laponp.  Me selman PUC i ase bon ki pou dir zot a pe travay zot travay pou fer sir zot pe anmenn dan tou rezyon.  Tou rezyon Mahé.

E mon asir ou Onorab ki nou pa pe dormi lo sa travay nou pe kontinyen e PUC la mezir larzan i permet i kontinyen pous bann proze pou benefis bann kominote, sirtou bann ki men pti pe elwanye pou zot kapab ganny akse ek delo trete avek elektrisite.

Ok e an term koneksyon delo nou pa lao 90poursan coverage lo Mahé dan Sesel.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Dan son larepons Minis in donn nou 2 statistik elektrik, coverage 89 cents 98.  Elektrik konbyen? 99.  E delo in dir 90.

        Donk savedir nou pa ankor ariv lo nou pou mwan letan i ti pou 100poursan ki mon ti pou dir ‘’ya PUC’’ – ‘’ya Sesel. ‘’

So prezan mon anvi konnen ki nou plan pou nou  kapab konble sa lespas ki ankor vid.  Mersi bokou.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker, Onorab mersi bokou.  Sa kestyon larepons i senp.  Plan i la PUC mon krwar in fer laplikasyon avek Lasanble Nasyonal pou li fer prezantasyon son plan devlopman e definitivman plan devlopman costing sa plan devlopman i la.  Al amezir ki resours i vini PUC i tape nou ale.

So plan i la Onorab pou nou kapab fer sir ki tou nou frer ek ser Seselwa nenport ki pocket Sesel i ete nou, bezwen kapab ganny akse avek delo, delo trete ek elektrisite.  Me sanble osi sa statistik ki mon’n donn ou  99poursan électrificationover 90% sorry over 90% coverage nenport delo.  Mersi Mr Speaker.

 

MR SPEAKER

Mersi Minis.  Nou ava pran 3enm kestyon pou Minis Cosgrow.  Onorab Noline Sophola.

 

HON NOLINE SOPHOLA

Mersi Speaker.  Bonn apre midi Minis ek ou lekip.  Mr Speaker mon kestyon pou Minis i en kestyon swivi.

Apre sa koupir kouran ek delo plis ki 4 zour pandan mwan Me La Digue, Minis ti promet pou met en zenerater provizwar.  Eski Minis i kapab dir sa Lasanble, ki pe arive avek sa proze e kan ki zabitan La Digue i ekspekte vwar sa proze anmars?  Mersi Mr Speaker.

 

MR SPEAKER

Mersi Onorab Sophola.  Minis.

 

MINISTER WALLACE COSGROW

Mersi Mr Speaker.  Mersi Onorab Sophola pou ou kestyon.  Mr Speaker 2 mezir pe ganny pran pou asire ki servis elektrisite delo La Digue pa soufer gran pa eksperyans  gran problenm evantyalite ki i annan defayans lo ka elektrisite Praslin en La Digue.

Premyerman PUC pe al enstal de pti zenerater enn kot stasyon tretman delo Anse Reunion e en lot Belle Vue pre kot laponp delo.

Sa de pti zenerater pou ariv dan pei dan 2 a 3 semenn e enstalasyon pou konmanse imedyatman apre.  Sa 2 zenerater pou asir proteksyon avek son sa 2 zenerater pou ansanm proteksyon akoustik zot pou asire si emisyon tapaz i ganny minimize o pli vit posib.  Sa in kout PUC en sonm R800 mil.  I enportan note ki sa 2 pti zenerater i enn i 150 kilowatt e lot i 50 kilowatt.

        So i 2 pti zenerater pou kapab donn elektrisite pou kapab pous laponp delo.

Dezyenmman PUC pe fer vini en zenerater pli gro avek kapasite en megawatt pou asiste avek servis elektrisite La Digue ler enn ant sa 2 kab si i arive ki sa 2 kab i tonm en panne sa i ava minimiz risk  koupir elektrisite La Digue.

Mr Speaker sa zenerater en megawatt ki pou donn elektrisite dan rezo elektrisite i pou donn elektrisite dan rezo elektrisite lo La Digue direkteman, e PUC pe regard dan posibilite pou enstal li dan goulo.

Kot PUC i deza annan en substation.  Mr Speaker sa zenerater pou lo en container e pou asire ki i annan bann proteksyon akoustik pou fer ki annan less emisyon tapaz minimize minimiz ki sorti kot li ler i anmas.

Mr Speaker PUC i le fer ki sorti ki sa bann zenerater pou ganny servi inikman ler i annan problenm lo La Digue.  E pa dan letan normal.  PUC pa pou kapab an se moman met en 3enm kab ant Praslin ek La Digue akoz PUC napa sifizaman finansman pou sa proze.  Dapre dernyen estimasyon pou s 3enm kab ant Praslin e La Digue.  Sa i pou kout PUC en sonm R100 milyon ki pou enkli kab li menm transportasyon enstalasyon e komisyon.  I tro ser e PUC i napa finansman an se moman pou sa proze.  Mersi Mr Speaker, mersi Onorab.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Speaker. Minis dan en lot mo ou pe asir zabitan Digwa ki pou annan keksoz ki pe ganny fer e ki ou pe asir e ki sa sityasyon pa pou ariv ankor e nenport ki enstalasyon ou pe fer i pa pou deranz popilasyon.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Wi Mr Speaker mersi Onorab mersi.  PUC i konfidan ki sa bann mezir ki pe pran akoz lot fwa ki ti arive koupe kouran e osi problenm delo.  Akoz evidaman sistenm delo i bezwen servi sistenm kouran.

So alors PUC pou met sa zenerater stand by ou bezwen fer sir ki tanzantan i run sa zenerater, pou fer sir ki si annan en sityasyon zenerater bann dimoun i ganny train konnen ki mannyer pou run zenerater.  Fer sir ki enn sistenm delo i kontinyen marse. E mon’n La Digue detrwa fwa sa lannen e mon’n koz ek bann dimoun bann zabitan sirtou bann otelye ki dir ou pou dir ler kouran ti koupe sa ki zot problenm lo La Digue.  So PUC pe sey fer sir nou kapab garanti zot pou dir avek sa enstalasyon zenerater pou delo, minimum enteripsyon delo ki zot pou gannyen e osi avek sa enstalasyon zenerater ki pou standby en megawatt.  Si i arive ki en kab i kase i pou annan kapasite en megawatt pou elektrisite pou prodwir lo La Digue pou ki i  kapab donn kouran lo zil ansanm lo kab ki a kapab supply en pe kouran.

So nou pe met lo sa ki nou sa sistenm ki nou pe met an plas pou kapab asir zabitan La Digue pou dir zot elektrisite ek zot .delo i an sekirite si an  ka si en kab soumaren i kase.  Mersi Onorab.

 

MR SPEAKER

Mersi Minis.  Mon ti nap okenn lezot kestyon lo kestyon lo poze par Onorab Noline Sophola.  Bon nou a fini alor avek kestyon.  Onorab Ferrari ou ti le pti keksoz.

 

HON JEAN-FRANCOIS FERRARI

Wi Mr Speaker mon ti anvi welcome propozisyon ki Minis in fer sa lenvitasyon ki Minis in renouvle avek PUC pou zwenn avek Lasanble Nasyonal mon krwar i enportan mon ti pe dir sa avek Mr Morin avek Mr Valmont.  E tou bann enzenyer ki mon respekte mon ti pe dir zot ki enportan e mon fek annan en lesanz avek Mr Speaker, pou dir ki nou aksepte byento avan deba lo Bidze Speaker i ava ganny kontak avek PUC e nou ava enterese pou konn zot Investment Plan e ki mannyer zot pe avanse dan lavenir.  Mr Speaker

 

MR SPEAKER

Mersi Onorab Ferrari.  Bonn nou’n ganny plizyer demann par bann lorganizasyon pou vin fer bann prezantasyon.  Me anvi ki bann Manm i vreman okipe nou’n tant pou nou dir avek bann lorganizasyon nou pa pe kapab entertain.  Me anvi lanpler envestisman ki PUC pe anvizaze fer.

E lenpak osi ki pou kapab annan i bann kestyon ki kontinyen leve lo sa bann kalite envestisman.  Nou ava organize atraver Lofis Clerk ki i ava pran kontak avek Minis menm lofis Minis avek CEO PUC ki nou a kapab organiz en rankont Manm Lasanble avek bann zofisye Minister e PUC, pou kapab annan sa prezantasyon avek enteraksyon avek bann Manm.  Ok nou ava organize nou ava fer sa.

Bon avek sa Minis mon ti a kontan remersi ou pou ou vin dan Lasanble pou ou reponn bann kestyon ki konsern ou Minister.  Minis mersi e Depite CEO Mr Joel Valmont e Mr Mussard.  Mersi e nou ava eskiz zot parmi nou.

 

(MINISTER COSGROW AND THE DELEGATION WAS EXCUSED FROM THE HOUSE)

 

MR SPEAKER

Bon mon’n fer en desizyon ki nou pa pou konman Mosyon ozordi. Nou pou konmans Mosyon demen bomaten dan Sitting demain matin.  Savedir nou pou adjourn la e nou pou repran nou travay demen 9er bomaten kot nou ava konmans avek Mosyon Onorab Ferrari.  Akoz premye Mosyon lo la Onorab Ernesta in enform Lofis Speaker ki i pe demann en deferment – ok?  Savedir nou ava adjourn me nou a repran nou travay demen 9er bomaten.

 

(ADJOURNMENT)