Home » Verbatim » 2018 » Verbatim Wednesday 3rd October, 2018

Verbatim Wednesday 3rd October, 2018

NATIONAL ASSEMBLY OF SEYCHELLES

Wednesday 3rd October, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab.  Bonzour tou bann viziter anler dan Galeri.  E ozordi sa I en group ki sorti dan distrik Roche Caiman ki’n ganny envite par Onorab Jany De Letourdie.  Bonzour osi tou dimoun ki a lekout e ki pe swiv travay Lasanble Nasyonal.  Ozordi nou pou kontinyen avek deba lo Mosyon ki’n move depi semenn pase par Dirizan Lopozisyon e apre sa si nou fini boner nou pou konmans 2enm Mosyon ki lo Order Paper sa se Mosyon ki ganny mete par Onorab Waven William.  Nou pou demare toudswit avek prosen entervenan lo lalis sa se Onorab.  Yes en moman.  Yes Onorab Ramkalawan.

 

HON WAVEL RAMKALAWAN

Mr Speaker.  En pti point of order in fact I afekte mon privilez konman en Manm dan sa Lasanble.  Depi yer I annan en lalimyer SBC ki klat direkteman lo sa screen.  Depi yer mon sey dir zot regarde e ziska aprezan napa nanryen ki’n ganny fer.  Mon ti ava kontan si Sekretarya ti ava take sa up – pou ki parske mon – I pli fasil pou mon regard lo sa screen ki la be … Silvouple it’s a small matter of but … please.

 

MR SPEAKER

Mon remarke yer ou pe focus lo screen anler la.  Ok?  Nou ava take it up tou lede kote en.  Mersi Onorab De Commarmond.  Nou ava take it up pandan Break yes.  Pandan break avek SBC en ok.  Bon Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour tou Manm.  Bonzour tou zabitan Roche Caiman bann zabitan Roche Caiman ki dan Galeri ozordi e tou Seselwa ki pe ekoute.  Mr Speaker pou donn mon sa lokazyon pou mon fer mon lentervansyon e parey ou konnen ozordi le 3 Oktob e pou nou dan Lopozisyon sa zour i en zour sakre.  I en zour kot nou dan Lopozisyon nou ti pe lager pou laliberte lekspresyon kot serten nou bann dirizan ti osi ganny bate e zot disan ti verse sa zour.  E pou mon i en privilez pou entervenir ozordi le 3 Oktob e mon anvi dir tou lepep Seselwa tou bann dimoun ki siport nou taler nou pou kot National Library 12.30 pou nou selebre sa zour pou nou reviv en pe sa bann moman istorik ki ti pase sa zour.  Alors nou pe dir zot desann zwenn nou Mr Speaker mon pou al direk lo Mosyon.

Mr Speaker mon ekout depi semenn pase mon ekout bokou entervenan koze, e yer menm si Onorab Bernard Georges in eksplik zot Mosyon ki Mosyon i vedir i montre nou Mr Speaker ki bokou zot ki serten zot lo lot kote latab zot pa pe konpran sa Mosyon ki devan nou.

Mr Speaker parey mon dir mon ekout bokou entervenan me apre ki mon tann Onorab Ghislain koze semenn pase, in montre klerman ki zot lo lot kote latab, zot pa kontan ler i annan lord.  Onorab Ghislain e osi Onorab Sophola in dir ki Onorab Ramkalawan i swaf pouvwar e in veye ler Prezidan Faure pa dan pei pou li anmenn sa Mosyon.  E ler mon get sa Mr Speaker, i paret mwan ki Mosyon i lo Mr Ramkalawan Mosyon i pa dapre ki lo Order Paper i éte.

Mr Speaker pou mon sa parol ki zot in dir i enn bann pli gran mansonz.  I montre nou Mr Speaker klerman ki Parti Lepep i ankor annan sa mindset senm mansonz senm kalonmni pou anbet lepep Seselwa pou zot kontinyen reste la kot zot été lo pouvwar.  Mr Speaker mwan mon anvi dir, ki i annan plis ki 15an mon konn Mr Ramkalawan mon travay ek Onorab Ramkalawan.  Onorab Ramkalawan i en boug ki toultan krwar dan demokrasi i toultan krwar pou ki en dimoun i merit al pli lwen posib e toultan pare pou siport nenport ki dimoun, pe enport son afilyasyon politik Mr Speaker yer nou trouve mannyer son konpasyon pou dimoun.  Yer ler Onorab Lemiel ti pe prezant ti pe dir ki konmkwa serten dimoun lo Facebook ti pe met serten keksoz ki mal lo li e Mr Ramkalawan ti deswit i ti koze i ti siport Onorab Lemiel.  I ti montre ki li osi i pa an faver sa bann keksoz menm si Onorab Lemiel pa lo nou kote latab.  Me selman Mr Speaker apre ki Onorab Lemiel ti fer son lentervansyon nou ti vwar ki i ti donn serten koudpye Mr Ramkalawan Mr Speaker sa nou konpran Parti Lepep i koumsa parey Onorab Ferrari i kontan dir – skorpyon menm si grenwir pe fer li cross larivyer i pou oubliye si i dan milye kannal, i pou pike Mr Speaker apre i pou noye.  Me selman Mr Speaker mon konnen mon ki Onorab Lemiel i pa ou lentansyon fer sa me selman ler ou dan sa parti politik ou bezwen fer li.  Mr Speaker …

 

(Interruption)

 

MR SPEAKER

Non.  Order!  Order!  Onorab Loizeau en moman.  Bon en Manm –

 

(Interruption)

 

MR SPEAKER

… Order!  Order!   En Manm i reakte avek parol ki in deza ganny dir – ok?  Onorab Loizeau any referans avek en Manm ou bezwen fer li through the Chair.  Ou pa kapab fer li direkteman avek sa Manm.  Ok me selman parey mon dir ankor yer vey lekspresyon vey parol ki nou servi, akoz en Manm i fasil apre pou li anmase e pou li debat lo la.  Ok?  I annan bann lekspresyon osi tou lo zot kote osi tou ki’n ganny servi Onorab Pillay.  I annan bann ekspresyon i osi pe servi en lekspresyon skorpyon avek grenwir – ok?  Annou kontinyen.  Onorab Loizeau kontinyen.

 

HON NORBERT LOIZEAU

Mr Speaker.  Eskiz mon atraver ou mon fer pase sa detrwa pwen atraver bann Manm lot kote latab.  Mr Speaker e tou sa ki’n fer e Onorab Ramkalawan malgre bokou pe dir tou bann move keksoz lo li, tou sa ki’n fer pandan tou sa letan, i pa’n fer li pou li in fer li pou byennet Seselwa in fer li pou byennet Sesel e tou Seselwa.  E ozordi Mr Speaker si in vin avek en tel Mosyon, se akoz in trouve Mr Speaker ki nou pei i an dezord.

Striktir Leta pe deteryore e nou annan ozordi en Ladministrasyon dan nou pei ki pa efektiv.  Bomaten Mr Speaker nou vwar pou nou menm yer bomaten, ler Minis ti pe reponn kestyon nou vwar ki napa kominikasyon avek bann Minister. Minis i ganny anvoye kestyon kot li e vwar kestyon i konnen kestyon pa pou li pou en lot Minister still i vin dan Lasanble i asize apre ler kestyon i vini i dir sa en lot Minister ki sipoze reponn.

Mr Speaker sa i montre nou ki napa kominikasyon e ki Ladministrasyon pa efektiv e Onorab Ramkalawan Mr Speaker li i en dimoun ki’n toultan krwar dan lord e li i anvi ki lord i ganny etabli byen dan nou pei.

Mr Speaker parey ou konnen nou pei i parey en lakaz.  Ozordi nou pei i parey en lakaz ki pa pe ganny byen okipe ; kot lafnet ek laport i reste ouver tou sa ki le antre i antre i donn bal ladan Mr Speaker.  Sa ki ansarz lakour li i napa kontrol lo personn sa ki i dir personn pa fer ni ekoute me nou Mr Ramkalawan i trouv sa dezord e i anvi ki sa lakaz i ganny met an lord.  I anvi ki nou retir sa lili dan lakwizin nou retourn li dan lasanm Mr Speaker.  I anvi ki sa bann vye pwalon ki zot dir pou le moman lanmans in fre i ganny tire dan toilet i ganny met dan bin, in aste bann lot pli nouvo in met dan nou lakwizin Mr Speaker.

Mr Speaker e malgre sa, nou pe tann koz lo enstabilite.  Nou lo sa kote latab nou anvi dir zot en keksoz nou pou fer nou anvi ki sa bann keksoz ki nou pe mazin fer i pa destabiliz nou pei Mr Speaker, akoz nou en parti ki krwar dan la lademokrasi.  Mwan mon pa believe dan fer dezord Mr Speaker.  Mwan mon enn ki believe dan pa fer dezord mon en boug ki krwar dan lademokrasi e mon pa krwar dan fer vyolans.  Menm Mr Speaker Prezidan Faure mon pa pou kontan tande i annan en keksoz mal ki ganny arive ek li ; menm okenn keksoz malisye ki’n ganny fer arive ek li Mr Speaker, akoz i en Seselwa parey nou e i bezwen viv byen konman en Seselwa Mr Speaker.

Me selman Mr Speaker, konman en Seselwa konman en zanmi si i annan keksoz ki mal nou bezwen dir li!  Sa i pa vedir ki akoz nou pe dir li sa bann keksoz ler nou pou zwenn li nou pa pou koz ek li.  Onorab Ramkalawan i pa pou koz ek li.  I pa pou al State House pou koz ek li.  Nou pou ale me selman nou vwar keksoz pe deteryore nou pou bezwen ed li Mr Speaker, akoz zot lo sa kote latab zot pa pe ed Prezidan Faure ditou nou vwar Mr Speaker.

Be Mr Speaker pou nou vwar parey nou konnen ozordi i annan serten Manm, ki ozordi pe dir nou Mr Speaker, ‘Les Danny travay.’  Me selman ler zot pe zwenn dimoun deor zot pe rod kandida pou eleksyon.  E ler bann dimoun pe demande be lekel ki’n anvoy ou zot dir Prezidan Michel?  Mr Speaker eski lekel ki zot siporte dan larzan an plis zot lekel ki zot Prezidan pou le moman?  Prezidan Michel ouswa Prezidan Faure?  Sa mon pa konnen taler zot ava dir nou.

Mr Speaker mwan parey zot konnen mon deza siport sa sistenm ki zot ladan ozordi toultan mon dir mon ganny en sans pou sot lot kote, me zot ankor pe tenir.  Mr Speaker be mon pa vwar ki Koudeta in anmennen Sesel mwan dan nou pei?  Pa mon soufrans ki serten nou bann fanmir in pas ladan akoz Coud Etat?  Mwan mon pa anvi ki sa pep i eksperyans sa bann kalite soufrans ankor Mr Speaker, sirtou Mr Speaker nou bann zenn.  Mon anvi vwar lavenir briyan pou zot.  Me anba ladministrasyon Msye Faure keksoz i dan sonm kot nanryen pa pe marse Mr Speaker.  Ozordi drog pe kontinyen antre dan nou sosyete bann fanmir pe kriy lasasen pourtan ki zot pa’n dir pourtan laba ki zot pa’n dir pou fer ki zot pou fer pou elimin drog, prezan ki drog i antre.

E plis nou bann zenn pe vwar zot ganny ekspoze par eroin ki dan lepase ler i eroin ti premye dekouver Sesel dan en miting ler CARE ti pe dir ki i annan eroin i annan ti dir zot in vwar nanm kot i napa nanm.  E ozordi Mr Speaker eroin in nepli en nanm eroin i en malfezan, ki pe fer per tou lakour dimoun e bann dealer pe vin pli ris me Gouvernman pa kapab met kontrol avek eroin ki pe ravaz nou sosyete.

E konman en Gouvernman napa nanryen efektiv ki nou vwar pe arive.  Alor Mr Speaker eski i mal pou nou demande ki annan nou vre eleksyon?  Vre eleksyon a ganny fer e ki lepep Seselwa a deside pou zot menm si zot anvi kontinyen anba sa Administrasyon, ouswa si zot anvi en lot Ladministrasyon pou diriz sa pei.

Mr Speaker sa pei i vreman bezwen en nouvo direksyon akoz lepep Seselwa in perdi konfyans dan sa Gouvernman.  Menm zot lo lot kote latab Mr Speaker zot montre parfwa ki zot perdi konfyans Mr Speaker.  Ozordi menm ki bann Minister menm bann Departman dan Gouvernman Prezidan Faure, menm si zot organiz serten keksoz zot bann Manm lo lot kote latab zot pa turn up mon pe mazinen zot pe boycott Mr Speaker.

Mon rapel mwan pase PEMC ti selebre 5an legzistans pourtan Mr Speaker Mr Faure dan son Press Conference i ti dir Sistenm Pwen i bon e li in pouse in donn go ahead ek sa Sistenm Pwen menm si dan nou Konstitisyon i donn tou Seselwa ‘right for shelter’ me ozordi Sistenm Pwen pe bar ‘right’ tou Seselwa pou zot ganny en shelter Mr Speaker.  E Mr Speaker e sa ki pli tris ankor, dan sa bann levennman sirtou kot PMC pou montre ki zot pa dakor avek sistenm pwen zot pa dakor dan lafason ki mannyer Administrasyon pe travay menm Leader Gouvernman Mr Speaker i pa’n turn up Mr Speaker.  I pa ti la. Dan sa Lasanble menm Mr Speaker souvandfwa bann Manm lo lot kote latab kestyonn Minis be zot montre ki zot pa happy avek larepons Minis.

Onorab Valmont in montre yer ler Minis ti dir ki Onorab Woodcock pe fer politik be li i ti dir ek Minis i non nou bezwen demande sa bann  kestyon.  Sa i montre ki zot pa happy avek Ladministrasyon Prezidan Faure.  Mr Speaker souvandfwa dan sa Lasanble nou vwar Onorab Leader Gouvernman en ler ou a krwar ki li ki dan Lopozisyon – konman Onorab Ramkalawan i dir en keksoz li i dakor avek Mr Speaker.  E i dakor e i aplodi zot keksoz.  Sa i montre ki zot pa avek zot Ladministrasyon ki Prezidan Faure pe okipe ozordi.

Me selman Mr Speaker ler nou dir napa aksyon efektiv dan Ladministrasyon e ki bann striktir leta Sesel pe deteryore zot tou zot sot anler zot dir non me selman an deor ou tann zot pe konplent.  E sa ki regretan Mr Speaker ler ou tann serten Manm lo lot kote latab, sirtou Onorab Ernesta ki dir aotvwa depi ki LDS in vini, i annan pa mal problenm.  Konmsi nou, nou’n vini nou vin fer problenm.

Be Mr Speaker be ler nou dekouver ki bann Irlande, kot FIU/NDEA pe donn bal dan nou larzan. Mr Speaker atraver ou mon anvi demann Onorab Ernesta eski sa nou pe fer problenm?  Ler Kontra i perdi Mr Speaker menm State House nou rod kontra, kontra pa trouve State House kot Msye Faure i été menm kot Vis- Prezidan napa Kontra Mr Speaker.  Eski nou pe fer problenm?  Eski LDS pe fer pa mal problenm?

Ler nou vwar ki Prezidan pe mal servi Konstitisyon e pe donn nou nasyonalite an brit an blan, eski Mr Speaker nou pe kre problenm?  Be Mr Speaker sa ki pli enteresan ankor e apre ler ou vwar sa bann menm etranze pe mont lo televizyon pe koze pe dir ‘’this is my land’’ bann Seselwa enkli mwan Mr Speaker ki napa en ni menm en pti kwiyer later, eski nou napa rezon pou nou ankoler Mr Speaker?

Nou napa rezon pou nou ankoler?  Eski sa Mr Speaker atraver ou mon anvi dir Onorab Ernesta eski sa nou pe fer pa mal problenm?  Ler nou montre Mr Speaker – ler nou montre lepep Seselwa labi ki arive kot SBFA kot larzan pe ganny partaze ant fanmir ek dalon Mr Speaker – menm serten MNA pe abiz lo la Mr Speaker.  Me bann pti travayer ki sipoze ganny sa larzan, zot pe ganny met de-kote Mr Speaker eski sa i apel pa mal problenm oubyen Onorab Ernesta atraver Mr Speaker?

E Mr Speaker Onorab Ernesta ti dir ler nou ti pe koz eleksyon i ti dir la Desanm pe arive la nou ankor Septanm Mr Speaker nou ankor dan Sezon Nwel.  Mr Speaker eski bor dan rezyon Takamaka kot Onorab Ernesta i reste eski zot fet Nwel Septanm?

 

(laughter)

 

HON NORBERT LOIZEAU

Mr Speaker be eleksyon 2015 eski zot kapab dir nou kan i ti fer?  Pa ti ale ziska Desanm 2015?  E de plis Mr Speaker i ti en early election sa non?  I ti en early election – pa zot rapel Mr Speaker ler zot ti vin avek zot slogan ‘Knockout zot ti fer triko?  Kan ti fer sa be pa Desanm ?  Sa ki gou Mr Speaker pe fer mon mazin en keksoz la ler nou pe koz lo triko ‘Knockout’ e apre eleksyon ler Onorab De Commarmond in vin dan Lasanble, i ti vini i ti vin koz lo lafimen ki ti monte lo landfill sa i montre mekontantman avek Gouvernman !  Lafimen ki pe monte ki pe mont dan lakaz san realize Mr Speaker se sa container triko ‘TOGETHER’ ti pe brile lo landfill …

 

(laughter)

 

HON NORBERT LOIZEAU

ki lafimen ti pe mont kot li triko Knock Out Mr Speaker.  Mon vwar zis 5 sa triko ti annan 3 fiy ti tire ti met lo Facebook li i ti pe konplent sa Mr Speaker me sa bann letan ti letan eleksyon ki ti fer an Desanm 2015 Mr Speaker akoz nou pe koz Sezon Nwel?  Akoz nou pe koze ki eleksyon pa kapab fer Desanm?  Si fodre fer nou kapab fer Mr Speaker.  Ozordi Mr Speaker nou annan en Gouvernman ki negliz nou bann sportsmen Seselwa.  Mr Speaker zot pe negliz nou bann sportsman Seselwa.  Zot rekonnet nou bann sportman Seselwa zis ler zot ganny en meday, zis ler zot fer byen ou vwar zot vini avek kouronn avek en pti kolye lo Erport apre ou pa vwar zot. Mr Speaker nou vwar dernyen fwa dan kestyon Private Notice Question ki Onorab Ramkalawan ti vin avek.  Kot nasyonalite Mr Speaker pe ganny donnen ; kot Mr Faure pe donn nou nasyonalite etranze pou vin bann nazer etranze, pou vin naze pou vin bar plas nou bann nazer Seselwa Mr Speaker.

Eski sa i bann problenm ki nou pe koz lo la Mr Speaker?  Sa i mal Mr Speaker sa i montre ki nou Ladministrasyon pa efektiv Mr Speaker.  E Mr Speaker e nou vwar semenn pase osi kot en coach etranze li i pe pran plas nou bann coach Seselwa, menm dan zot dernyen miting ki zot in fer i annan serten coach in ganny met deor Mr Speaker akoz zot panse akoz li sa msye i panse ki sa dimoun ki’n donn nou lenformasyon Mr Speaker.  Li sa dimoun i en Seselwa in al train, ozordi i pe ganny met deor akoz sa Private Notice Question ki ti vin dan Lasanble.  Eski dan en Ladministrasyon Prezidan Faure i permet sa bann keksoz koumsa Mr Speaker?  E ler nou dan sa Lasanble nou koz lo la, eski nou pe fer problenm?  Sa zot a dir mwan taler si nou pe fer problenm.  Mr Speaker bann lenfrastriktir sportif pe deteryore menm bann MNA lo lot kote latab zot in vin avek kestyon pou renovasyon bann multipurpose court, lalimyer whatever ki zot ti le Mr Speaker.  Eski en Ladministrasyon efektiv i le se sa bann keksoz arive?  Mr Speaker Victoria Gymnasium in ganny demoli ; kontrakter in ganny en bout larzan, kontrakter in ale Mr Speaker, nanryen pa ankor fini fer nou pa konnen ki pou fer.  Bann sportsmen deor i ankoler e la ozordi ou konnen ki pe arive kot Palais De Sport, bann sport parey basketball, handball, volleyball zot bezwen lager pou zot kapab ganny en pti sans pou zot kapab servi Palais De Sport akoz napa lot venue Mr Speaker.  Sa i montre ki nou bann sportsmen pe ganny neglize.

Pti biznes Mr Speaker bann pti biznes pa happy ek lafason ki keksoz ki bann later endistriyel in ganny partaze.  Ozordi i annan ki annan detrwa morso i annan in pran kit la apre in vann zot lease pli ser.  Gouvernman pa fer nanryen Mr Speaker.  I annan ki le plis later en ler ou a krwar zot le vin en leverdter Mr Speaker kan san zot realize ki zot pou vin leverdter ler zot al dan zot 6pye anba later ki zot pou vin leverdter.  Me Gouvernman i les zot Mr Speaker Gouvernman pa fer zot nanryen selman nou pe koz ‘one man one land’ sa i montre nou napa aksyon efektiv dan sa Ladministrasyon zot fer bokou promes me zot pa delivre.  E la i fer mon mazin vizit Prezidan Faure ti fer dan distrik Bel Air Mr Speaker.  Nou ti ganny promet ki pou annan agrandisman semen Curio Road ki ozordi Mr Speaker Curio Road i nepli en semen segonder Curio Road pe ganny servi konman en main road – dimoun sorti Port Glaud i desann par Port Glaud pou desann dan semen Bel Air.  Onorab Aglae i okouran sa akoz pou zot escape traffic lo lot kote semen tou dimoun Glacis i pas la e semen i etrwat Mr Speaker.

E Prezidan ti promete ti dir ki by sa lannen – by lannen pase by sa lannen semen pou konmanse ozordi nou ariv Septanm Mr Speaker nanryen pa ankor ganny fer e mon zis espere ki napa en aksidan grav ki arive avan zot vin repar sa semen Mr Speaker.

Parey i ti arive Bel Eau i annan lannen nou ti dir met en crash barrier Bel Eau zanmen zot in fer eskan ler enn mon gran zanmi ti tonbe dan son pickup i ti mor apre deswit zot ti vin mete.  Se koumsa ki sa Ladministrasyon i travay.  E Mr Speaker lo en Ladministrasyon koumsa ki pa efektiv nou pa kapab travay avek.

E Mr Speaker an terminan mon anvi reponn en pti kestyon ki dimoun pe demande e ki bokou zot laba pe kestyonnen Mr Speaker.  Ozordi dimoun pe demande akoz la apre 2an ki nou pe dir Prezidan Faure fodre i sorti?  Mr Speaker Onorab Georges in eksplike yer.  Onorab Georges ti dir ki li depi konmansman depi ki i ti ‘pas baton’ ler i ti ‘pas baton’ ti dir fodre pa nou les li fer en semenn dan Biro.  Me i ti dir sa Onorab Ramkalawan ki zot tou zot pa kontan, i ti dir non les li konmanse nou a gete.  E la Mr Speaker 2an in pase e nou pa vwar nanryen efektiv ki pe arive, e ki nou vwar ladministrasyon pe pli deteryore, alors nou pe dir li step down fer nouvo eleksyon e Seselwa a ganny en nouvo souf.

Mr Speaker mon anvi dir li ‘’annou pa fer Sesel plere.’’ Sa i fer mon mazin sa parol ki zot ti dir dan zot rally.  Mon rapel Mr Speaker dan en Kongre ki zot ti fer kot zot ti pe dans reggae kot Prezidan Faure ti pe danse ti pe pez bann reggae ‘One Love’ i ti dir ‘’annou pa fer Sesel plere’’ be ‘’annou pa fer Sesel plere’’.  Annou fer en eleksyon Seselwa i a ganny en nouvo souf e zot pa a plere e sa ki vini i ava swiy sa larm ki ozordi i dan lizye lepep Seselwa.

E pou terminen Mr Speaker mon anvi dir zot ki Onorab Ramkalawan plizyer nou in koz lo Lespoir, lo Lesperance ozordi i annan enlot sinyatir ki pe ranpli nou pei Mr Speaker, avek sa soufrans ki nou pep pe pas ladan, ozordi i annan en sinyatir ‘Souffrance’ dan nou pei.  E sa douler ki lepep ki Parti Lepep pe met lo nou bann Seselwa ozordi i annan en sinyatir ‘Doulerez’ osi Mr Speaker ki nou bann Seselwa pe apele.  Alors mon anvi dir avek Prezidan Faure konman en zanmi Mr Speaker mon pli byen ek Prezidan Faure ki zot menm zot bann Manm dan Parti Prezidan Faure, akoz mon konn li lontan i en zanmi pou mwan.  Me selman Mr Speaker mon anvi dir li fer sa pa onorab ; ‘pa les Sesel plere’.  Mersi Mr Speaker.

 

MR SPEAKER

Mersi Onorab Loizeau.  Mon a donn laparol Onorab Jany De Letourdie.

 

HON JANY DE LETOURDIE

Mersi Mr Speaker.  Bonzour tou dimoun Mr Speaker napa okenn dout prezan dan lespri lepep Seselwa ki gouvernans SPUP/SPPF/ Lepep in anmenn plis deteryorasyon dan striktir Leta nou pei Sesel.  Eski senserman nou vreman kapab rezouir labous plen e mezir bann lakonplisman par rapor a 40an o pouvwar?  Oubyen sa zour bomaten ki zot ti apel li nou Liberasyon ti zis en presipitasyon nou bann prop frer dan lanvi pou realiz zot rev e zot lanbisyon san pran kont ki sa ti pou koute plitar?  Mr Speaker se sa ki mon apel bloke e la swaf pouvwar.  Nou ti ganny dir ki dezormen nou lavenir pou enn pli meyer, me ziska ozordi nou ankor pe fer fas avek bann boulversman ek son bann konsekans lanmor, disparisyon, lanprizonnman, legzil e lezot soufrans imen.

Sesel konman en zenn nasyon in osi gout lespwar e promes eksitan ki lendepandans in anmennen konman en zenn nasyon in lite pou etabli en demokrasi milti parti e nou vwar sa arive.  Mr Speaker ozordi Sesel ‘plis ki zanmen’, nou pe osi eksperyans desepsyon fo promes, letarzi e dekadans moralite.  Sa ki mon pe dir la I pa en diskour ki kelken in prepare pou mwan Mr Speaker me sa I larealite aktyel nou nasyon.  Prezidan Faure dan son dernyen Konferans Lapres, in dir ki I pou bezwen en semenn pou koz lo sa bann lakonplisman pandan sa 2an konman Prezidan Mr Speaker.  Be permet mwan dir Msye Prezidan Faure ki dimoun I araze la deor, ler zot ti atann sa akoz zot pa vwar zot dan sa lakonplisman, zot ankoler akoz pandan sa 2an konman Prezidan ‘plis ki zanmen’ zot vwar zot pe espere menm pou ganny en solisyon pou zot problenm ki pli vye ki 2an.

Zot rakont mwan Mr Speaker ki mannyer ler zot ekri ou konman Prezidan sa kantite letan ki pran pou zot ganny en larepons omwen ki si senp ki en dat pou en apwentman.  Ki mannyer sa bann zofisye ki ou refer zot avek, ler ou pa kapab war zot, I fer zot malere akoz zot pa ganny en lespwar ki zot problenm pou ganny rezourd.  Ki mannyer ou fer zot krwar ki ou pou fer sir ki zot sityasyon pou ganny amelyore letan ki ou pe koz avek zot State House oubyen letan ki ou pe vizit zot lo teren me apre sa zot kontinyen espere ziska 2mil zanmen.

Parmi sa bann viktim, I annan osi bann prop siporter ou parti.  Mr Speaker parey tou Nasyon tou Seselwa osi I bezwen e I son drwa e sa bann komodite esansyel pou li avanse epanouir konman en et imen.  Parmi lozman, nouritir, lenz, ledikasyon e swen medikal sa I ou bann drwa ki ou erite konman ou vin dan sa monn konman en et imen e I devwar en Gouvernman pou asire ki sa I son bann priyorite e son devwar mon repete son devwar me pa en faver pou fer sir ki son pep I ganny swen ek servis neseser.

Me Mr Speaker ki nou trouve dan lannen 2018 sa size lozman pou nou pep in plito enn ki’n ganny manipile dan en latmosfer politik e elektoral, anpaye parmi bann abrevyasyon ki apel MLUH, PMC ek HFC ki fer dimoun ankoler, dezapwente, konfize e finalman rann zarm, akoz I napa ase pwen pou li ganny en twa lo son latet.

Lo en lalis omwen 75dimoun par distrik ki pe esper lakaz Mr Speaker pa ni menm en kar ki kalifye eski sa menm sa ki Prezidan Faure I apel pei I dan bon lanmen.  Mr Speaker ler ledikasyon nou zanfan in vin zis en size pou deba eksperimantasyon, reform ek Scheme of Service, kot zanfan i ganny oubliye e plis zanfan pe al lekol san lanvi pou aprann.  Nou bann edikater ki pe mazinen de zour an zour ki mon krwar la mon ava rod en lot dyob e rezilta legzanmen I pa ankourazan.

Mr Speaker eski nou bann paran ki ti pe konzing verb Etre et Avoir e konn byen nou Past, Present and Continuous Tenses depi dan P1 eski nou kapab tir nou sapo a sa bonn gouvernans SPUP/SPPF/Lepep e dir bravo Minister Ledikasyon pou ki in mentenir oubyen lev nivo ledikasyon dan Sesel?  Mr Speaker lannen apre lannen nou pe ganny ofer lespwar atraver bann slogan e tenm nasyonal bann Diskour Leta Lanasyon e osi bann propagann ki deform sa realite e ki pas konman solisyon, me se lepep I not byen nou pou realize ki tousala se bann parol dan vid e promes kase.

Akoz repetisyon menm keksoz pa vin vre par laverti akoz ou pe repete, si napa la pratik.  Onorab Ghislain mon ser in fer nou rapel ki Sesel I en pei Beni e sa in ganny fer resorti dan nou tenm nasyonal pou sa lannen.  I vre Sesel. I vreman en pei Beni akoz Mr Speaker san kwa en kantite problenm grav nou ti pou bezwen fer fas avek gras a lensousyans sa Gouvernman o pouvwar.

Mr Speaker nou pa kapab kontant nou zis avek lefe ki nou en pei beni be akoz en zour ou konnen ki pou arive nou pou ganny korize parey sa 5vyerz ki ti pe al rod maryaz me letan ki zot ti pe esper bann nouvo, arive zot ti tonm dormi avek zot lalanp ki ti napa delwil ladan.  Fernwar ti fer e ler bann nouvo ti vini pou marye, zot pa ti kapab zot ti leve zot ti tay taye partou e rod pret en pe delwil.  Me personn parmi sa 5 lezot vyerz ki ti annan pa ti donn zot alors zot ti ganny kit deor dan fernwar.

Avek sa kalite vizyon Mr Speaker par laverdir mon tabatyer Mr Speaker, I kler akoz Gouvernman ki Prezidan Faure pe dirize I fer bokou gaf ,se akoz napa plan, napa preparasyon, e napa direksyon.  Mr Speaker sa I anmenn mwan lo mon lot pwen koabitasyon ler Prezidan Faure ti pran Lofis I ti fer en seri miting dan tou distrik dan Sesel e I ti envit tou Manm Lasanble elekte e non elekte.  I ti met lanfaz lo koabitasyon e I ti dir ki se mwayen pli nob pou travay, e fer nou pei avanse ansanm dan linite.

E nou dan LDS nou ti lwayal anver sa mod travay akoz nou ti konsyan apre tou ki rezilta 15 lo 10 ki ti anmenn sa sityasyon koabitasyon.  LDS ti’n pare pou donn ansanm dan linite en sans si sa ti pou anmenn en solisyon pou soulaz nou pep me, lektir ek poem lo koabitasyon ti’n vin en diskour manboulouk e en manipilasyon politik, pou fer lepep Seselwa krwar ki L’Egzekitiv anba direksyon Mr Faure, ti’n pare pou travay avek e pou tou dimoun.  Me ler keksoz pa marse zot mannigans sa deswit e anvoy sa lo ledo LDS, an dizan ki nou’n freeze, nou’n bloke e nou pe koul dominer, kan sa ler la Mr Speaker’ ek nou pa ek nou’ ti pe met amor koze e pe pran tou sort laform.

Koabitasyon ti neseser li LDS in fer son par pou donn li en stati e fer son tes me malerezman son koabiter Parti Lepep ti annan en lot azanda e alors koabitasyon in fail.  LDS in touzour pare pou travay e nou ankor lwayal a servis pou nou pep, Mr Speaker alors nou a rod lezot fason ki mannyer nou pou kontinyen deservi Seselwa ziska ki nou ganny laviktwar.  Mon pa pe dir sa akoz LDS I swaf pouvwar, e pe presipite pou ariv State House parey zot kontan gognard nou lo la.  Me se akoz koabitasyon I ti sipoze pou fer an sort tou lede parti politik ti a travay ansanm pou detekte bann defayans e anmenn devan pou ki L’Egzekitiv li a son tour, I fer le neseser pou amelyor sityasyon sa pei.

Mr Speaker me mon anvi dir Prezidan, se gras a son ladministrasyon e gras a son bann zofisye dan servis piblik ki koabitasyon in fail.  Zot pa’n ekout ou ler ou ti pe dir zot tir politik dan lozman dan ledikasyon, welfare e dan distrik.  O kontrer zot in esey fer zot mye pou kasyet tou lenformasyon pa reponn nou call e la pli move Mr Speaker si ou vwar en MNA ki pa’n ganny elekte, zot dir ou akfer ou pe mele dan distrik e zot refize pou korpere.  Apre zot pas deryer ou Mr Speaker e zot dir sa bann dimoun ki bann MNA, LDS pa enterese travay pou zot, vin kot nou MNA Lepep e I a donn zot en pti larzan, zot miray a ganny fer, zot bann blok a gannyen e zot a ganny en pti git tol.

Alors mon kapab konpran alors akoz Onorab Vidot ou dir ki dimoun ki vot pou LDS pe demann li ki motiv sa Mosyon?  Mr Speaker LDS dan distrik sirtou kot Parti Lepep I pa’n raport laviktwar, I mal pase avek sa bebet ki ‘’ek nou pa ek nou’’ alor sel fason pou zot servi pou zot ganny servi ki zot merite se atraver fet zot vre kouler politik.

Mr Speaker ti annan depouy en sanson semenn pase dan plas depouy sa Mosyon.  Mon ti antann dir annan leker Seselwa ki prop later.  Mwan mon enn sa leker ki prop Mr Speaker.  Mon pa’n zanmen trenn lipye pou fer dibyen pou nenport ki pou nou pei akoz ‘I pli gran ki nou.’  Se sa ladiferans MNA LDS avek MNA Lepep.  Lo nou santye koabitasyon LDS in rankontre tou sort difikilte letan sel keksoz ki nou ti anvi fer se amelyor lavi Seselwa.  Me nou pa en parti politik ki pou reste lebra krwaze e les bann manipilasyon politik met nou retar.  Mr Speaker be pa zis LDS ki krwar ki Ladministrasyon pei pa efektiv e ki striktir Leta pe deteryore lo kote Parti Lepep osi tou zot trouve dimoun laba deor osi I trouve e zot konplent lo la.  Me selman nou pa espekte Parti Lepep vin dir Prezidan Faure OUT! Me nou dan LDS nou pe demande Mr Speaker nou pa malelve nou e son landrwa pou demande, se la isi anndan.  Moman demande I sa moman, alors Onorab Ernesta ou konnen nou byen nou de, me selman napa nanryen pou fer avek Nwel pe vini akoz ler ansyen Prezidan Rene ti enpoz son curfew e I ti donn lord pou met dimoun aret dimoun met zot dan kaso an Oktob, I pa ti mazinen si Nwel ti pe aprose! Mon konnen zot pa tro kontan ler nou koz lo lepase akoz I fer zot onte.  Me nou pa pou pri dan lentan nou, akoz MOTO nou Festival Kreol se ‘’En lizye lo lepase en lizye lo lavenir.’’  La konman nou pe al antre dan Festival Kreol Mr Speaker mon panse I avek mon bann zanmi artis, nou bann artis Seselwa I dezapwente, akoz zot santi ki napa ase lenvestisman an sa ki konsern lar dan Sesel.  Bokou diskour ranpli ek promes ki keksoz pou amelyore, e ki zot pou ekipe avek lenfrastriktir e finansman neseser pou ki, zot a kapab devlope e kontribye dan lekonomi zot pei zot osi anver kreativite e osi kreativite pou nou bann zenn.

Mon konn serten bann artis tre doue e serye ki’n vin vwar ou Prezidan Faure, me ziska aprezan zot kontribisyon I ankor en rev e ou promes zot ankor pe garde.  Napa en plan konkret ki pou angaz nou bann artis ver ledikasyon e prezervasyon nou kiltir.  Mr Speaker laplipar nou bann lorkes tradisyonnel pa pe kapab performen prezan dan bann lotel e pourtan touris I demande oli nou lanmizik.  Me zot pa kapab fors lotel donn zot kontra si I anvi anmenn en lorkes oubyen en DJ etranze. Napa nanryen ki zot kapab fer e napa nanryen an plas ki pou kapab protez zot.  Ou trouve mon ser Onorab Ghislain, o konmansman ler ou ti anmenn en Mosyon lo en size kiltirel mon pa ti vote, mon ou rapel e sa zour mon rapel byen ou ti ankoler ek mwan – me la mon ava demann ou be ki sa nouvo lelan serye ki sa Minister konsernen in pran pou re donn lavi nou aktivite e zafer kiltirel?  Apar ki sanz Minis 4fwa dan lespas 2an se a ki in pronons gran Diskour lo ki mannyer zot ti pou kre sa platform ki ti pou met divan anba lezel artis.  Oli nou Mize Nasyonal?  E zis mazinen sa grad stad lanmizik.  Ou trouve mon ser ou ek mwan nou annan menm vizyon nou pou nou kiltir, me se senpleman ki’n les mwan ek ou bann artis tonbe.

Mr Speaker nou’n atann plizyer entervansyon ki konsern sa Mosyon ki LDS aret fer Seselwa per.  me sa I totalman fo! LDS in senpleman demaske bann mansonz demagozi e trik pandan sa 2an ki’n la dan Lasanble se sa laverite ki’n frap lepep Seselwa an plen ki’n sok Seselwa e fer zot per!

 

(APPLAUSE)

 

HON JANY DE LETOURDIE

Zis mazinen sa kantite larzan ki’n ganny gaspiye oubyen perdi e mazin la kantite proze Sesel ti’n kapab akonplir pou rann lavi Seselwa pli ere.  Ozordi zot annan lodas pou dir ki Gouvernman ki Prezidan Faure pe dirize, I annan son pep a ker, me selman I pa fer nanryen pou adres sa bann lerer ki’n ganny komet!  Tou sa bann kantite later, paspor e osi nou sitwayennte ki’n ganny donnen oubyen vann an brit an blan, san okenn konsiderasyon ki be gete la nou bezwen nou Old Peoples Home modern pou nou bann aze ki’n bers nou, e ki nou telman kontan; lespas pou en sant modern e spesyalize pou nou bann dimoun ek dezabilite Mr Speaker.

Se sa ki fer per sa bann gro sonm larzan ki’n disparet e Seselwa pa konnen si pou arive ganny li ankor!  Lord I vreman pe delivre Sesel, par fer sa bann revelasyon avek son pep.  Sa Mosyon Mr Speaker I pa’n zis vini koumsa menm akoz nou napa lanmour pou Prezidan ek bann dimoun dan son Gouvernman.  Me in vini akoz en dimoun en zour ti pou bezwen dir zot be annou arête pran nou pep pou enferyer me donn li le meyer!  Zot menm mon bann koleg MNA Parti Lepep ki’n dir nou bezwen donn bann bon legzanp.  Alors annou oze pou dir I mal annou aksepte ki poudir avek sa lemonn ki’n modernize Seselwa pa kapab kontinyen esper en demi zournen avan I kapab vwar en dokter, file I konstaman perdi dan bann biro, ou bezwen 2 zour pou ganny kontak avek en zofisye dan en biro e pa bliye en zour zis pou ou hold on.

Mr Speaker la I annan sa bann dimoun ki ti’n met tender pou netway nou pei, sa bann dimoun Mr Speaker I annan pe konmans mor lafen akoz I al lo preski 1an zot pa ankor tann nanryen.  Kisisa tousala Mr Speaker?

 

(APPLAUSE)

 

HON JANY DE LETOURDIE

Seselwa I ganny defavorize dan son pei.  Mon ankoler Mr Speaker mon anvi plere, akoz etranze I ganny tou keksoz I ganny defavorize; Seselwa akoz depi saler, job, later e lakaz I tourn an ron I monte, I desann I gaspir letan resours telefonn alafen dizour I kol lanmenm Mr Speaker.  Sak Seselwa ozordi I kapab annan son zistwar baze lo en leksperyans, lo lafason ki Sesel pe ganny dirize.  Apre 41an mon konnen zot pou dir nou, nou fer bokou be I reste bokou pou fer.

Seselwa ouver zot lizyer netwaye, netway zot zorey ouver zot lespri, zot ki pou deside e mon pou le moman mon annan zis pou dir parti SPUP/SPPF/ Parti Lepep avanse silvouple, e les LDS ek son kwen tapi a montre zot mannyer I fer!  Mersi Mr Speaker.

 

 

(APPLAUSE)

 

 

MR SPEAKER  

Mersi Onorab Letourdie.  Mon ava pas laparol avek Onorab Wilbert Herminie.

 

HON WILBERT HERMINIE

Mersi Mr Speaker.  Mr Speaker koleg Manm Onorab e tou dimoun ki a lekout mon le dir zot en gran bonzour.  Mr Speaker kan ou en spektater ou toultan vwar kan en zwer ki pe zwe son performans pa a la oter I pe mal zwe, I ti devret fer koumsa oubyen pa fer koumsa, san realize Mr Speaker ki ou zis en spektater e ou pa dan son soulye pou konn son vre realite ki sa zwer I ladan.  Kan ou pa en zwer lo sa laplenn, me ou lo bann pe espere kan ou pou mont lo laplenn e montre ou talan en kou asize e analize.  Fer ou lespri marse e rod meyer fason pou adres e rezourd bann sityasyon, ki en fason ki en zour vreman ou ganny sa pou vin en zwer ou a fer ou diferans.

Mr Speaker sa Mosyon I enn ki mon pou etre tre fran lo la e mon le lepep Seselwa I ganny en konpran keksoz byen.  Sa Mosyon anmennen par Leader Lopozisyon ki’n Leader Lopozisyon pou plizyer lannen e I ankor Leader Lopozisyon pe demande ki sa Lasanble I eksprim son gran dezapwentman dan lafason ki L’Egzekitiv pe diriz pei.

Dezyenmman son konsern profon ki napa aksyon efektiv dan Ladministrasyon pei.  Trwazyenmman Mr Speaker lenkyetid ki striktir leta Sesel pe deteryore.  E finalman I demande ki Prezidan Faure I pran aksyon Onorab e demisyonen imedyatman konman Prezidan dan lentere nasyonal permet lepep Seselwa swazir son prop prosen Gouvernman.

Mr Speaker dan sa Lasanble napa zis Lopozisyon.  Dan sa Lasanble I osi annan reprezantan Parti Lepep ki osi reprezant egzekitif malgre ki wi Lopozisyon I annan en mazorite dan sa Lasanble fodre zot realize ki Parti Lepep osi I annan en lavwa dan sa Lasanble e se Parti Lepep ki mazorite dan parti Egzekitif.

Mwa Mr Speaker mon Wilbert Herminie, mon ti ganny elekte dan distrik English River anba parasol Parti Lepep.  Mon ti pe reprezant Parti Lepep dan eleksyon an 2016 e mon ti ganny en nonm 1316 voter ki ti donn mon sa konfyans e mon pa pou dezapwent zot.

Mon ti dir ek mon bann zabitan ki mon pou travay pou zot e wi Mr Speaker mon pou travay pou sa pep.  San kanmi mon parti ki form parti sa Gouvernman aktyel, mon pa pou zanmen les Lopozisyon vin anbet mon moral siporter Parti Lepep I devret reste toultan anler.  Parti Lepep I ankor annan en lafors dan sa pei.  Nou’n perdi Lasanble Nasyonal wi, me nou pa’n perdi sa pei.

Ozordi Onorab I vin dan sa Lasanble ek en Mosyon pou demann Prezidan Faure pou demisyonen akoz plizyer rezon ki in donnen.  Me Mr Speaker mon pou demann nou pou demann Prezidan Faure demisyonen e nou pou ganny demande pou met konfyans dan lekel?  Sa enn ki’n vin dan Lasanble I dir lanmans pwalon I so e gran mersi li I pa’n ganny eleksyon e sa ti dan letan ki Prezidan Michel ti pe seye met pei dan en lot direksyon.

Onorab li I ti pe dormi dan konfor. Alors ki sa I vedir akoz ki sa ozordi ki Prezidan I ankor pe travay pou anmenn pei dan en lot direksyon, ou vwar tou sort defo e dir li demisyonen.  Pou set laplas avek ou e ou dir nou ki ou pou fer ler lanmans pwalon I so?  Ou pou ale e kit lakwizin?

Mr Speaker sa I anmenn mon lo mon lot size anbet sa pep.  In plis ki ler pou nou vin fran e dir vre laverite ki nou vre azanda? Annou aret fer politik bonmarse.  Prezidan Faure in vin Prezidan apre ki Prezidan Michel in pas baton avek li lepep Seselwa in ganny sa byen kler sa ki’n arive pa en keksoz mal oubyen ekstraordiner. Ler Prezidan Michel ti al dan eleksyon an 2015 son Vis- Prezidan ki ti dan son kote sete Msye Danny Faure.  Lepep Seselwa letan zot tip e vot pou Parti Lepep zot ti pe konn tre byen ki zot ti pe donn en vot Msye Michel ek Msye Danny Faure zot ti pe donn sa de dimoun pou reprezant Parti Lepep.  Alors dir mwan kwa ki mal ladan?  Nanryen.  De lot kote avan ki zot ti al dan maryaz zot ti osi annan en candida prezidansyel en candida Vis Prezidan si zot ti ranport sa eleksyon ki dezormen zot pa ti ranporte, byensir sa msye ti pou vin Prezidan e lot ti pou vin Vis-Prezidan.  E si Mr Speaker anka okenn keksoz ti pou arive, byensir lot ti pou pran son plas konman Prezidan.  Alors eski sa I en problenm oubyen parey labitid si I dan zot kote I ok, me si I dan nou kote I annan problenm.

Mr Speaker plis lipokrizi ankor Prezidan Faure I pran son plas konman Prezidan koabitasyon I ganny sante isi dan sa Lasanble, pe marse pe byen travay.  Apre en sel kou problenm.  Kestyon ki lepep Seselwa I demande kote keksoz in al mal?  Lot size Mr Speaker lepep Seselwa sa I en analiz personnel pou sakenn de zot. Prezidan Faure in vin Prezidan e in dir I pou aranz son Gouvernman.  lL 25 Oktob 2016 propozisyon ti ganny fer par Prezidan Faure pou 5 sitwayen Seselwa ganny apwente konman Minis.

Mr Speaker lepep Seselwa ki ti arive dan sa Lasanble?  Lopozisyon anba gidans sa menm Leader Lopozisyon ti tap kalot dan propozisyon Prezidan Faure an donn en leskiz ki pa kapab politisyen pa kapab vin Minis dan sa Gouvernman.  Me zot ti aprouv selman Mr Peter Larose konman Minis e dekrir li konman en teknokrat eski sa Lasanble dan son totalite ki ti pran sa desizyon?  Non?  Sete lopozisyon akoz zot ti pe servi zot lotorite 15 lo 10.  Mr Speaker eski zot ti pe servi sistenm ‘ek nou pa ek nou’ ki zot kontan koz lo la?  Mwan ozordi mon ti al demann mon ti pou demann en kestyon an pasan, si an 2mil zanmen sa menm Lopozisyon I vin dan sa Gouvernman Onorab Loter Mosyon I vin Prezidan, pei eski ou sa bann Manm ki pe asize laba obor li, eski ou pou form par son Gouvernman konman Minis? Eski I pou dir ou koumsa vi ki ou en politisyen ou ti en politisyen ou pa pou kapab pran plas dan son Gouvernman?  Lepep Seselwa annou not sa tre byen.  Alors apre tousala Prezidan Faure I travay avek sa ki I annan in sey son mye dan en lot fason.  Le 11 Avril 2018 Prezidan Faure I propoz avek Lasanble 3 nouvo sitwayen Seselwa pou vin Minis dan son Gouvernman, e la lopozisyon anba gidans Leader Lopozisyon, I sant nou en lot versyon a sa moman la pei pa bezwen plis Minis.

Alors mon kestyon se eski zot ti pe azir dan lentere sa pei pou Prezidan Faure aranz son Gouvernman, oubyen zot ti pe servi zot lotorite 15 lo 10 pou fer li zot Lasanble?  E la ozordi Mr Speaker nou tann menm Leader Lopozisyon e sa menm lopozisyon pe vin isi dan sa Lasanble e dir nou ki zot pe eksprim zot dezapwentman zot konsern profon e zot lenkyetid ki striktir Sesel pe deteryore.

Eski sa zot pa ti pe ede ler zot ti pe lev zot lanmen pou vot kont propozisyon sa bann sitwayen konman Minis?  Mr Speaker Prezidan Faure in demontre ki I en prezidan pou tou Seselwa.  I pa en diktater I en peacemaker e non pa en troublemaker.  Prezidan Faure in toultan pres dan la transparans, rann kont e bonn gouvernans.

Mr Speaker Prezidan Danny Faure pa sipoze pe travay li tousel me I sipoze annan en lekip avek li son bann Minis, PS, CEO, Direkter Zeneral sakenn I annan son rol nou imen nou annan nou limit.

Kan en zofisye dan en biro Gouvernman I promet pou donn en dimoun son feedback lo son case apre 2 zour me I pa fer li eski sa I lafot Prezidan Faure?  Me selman Mr Speaker les mon remind sa pep ,lo sa fame vers ki lopozisyon I toultan dir, ki kan en dimoun pa siport sa Gouvernman dizour, I al dan en lofis pou en lasistans, son demann pa ganny entertain akoz sistenm ‘ek nou pa ek nou.’

Mr Speaker me laprev I la dan sekter piblik ozordi, I annan plis ki 20mil travayer e pa bliye ki dernyen rezilta eleksyon ti 50/50 ki sa I montre ou Mr Speaker?  Ki mannyer en Onorab I kapab dir ki napa aksyon efektiv dan Ladministrasyon kan anba prezidans Mr Danny Faure I annan kreasyon Lazans pour Lapovrete, Lazans pour Prevansyon Reabilitasyon bann Viktim Drog.  Nou’n ganny dir ki ler nou ganny dir ki bann zenn ki lo progranm methadone I fer lapenn eski zot pa ti fer lapenn ler zot ti pe rod drog lo ghetto?  Eski zot pa ti fer lapenn ler zot ti pe pike lo ghetto?  Eski zot pa ti fer lapenn letan zot ti kas lakaz e vole?  Mr Speaker 1500 zenn lo progranm I 1500 zenn ki pa lo ghetto.  Eski sa pa pe ed sa pep Mr Speaker?  Lenplimantasyon ‘progressive income tax, re lentrodiksyon URS pou ed nou bann zenn, 13enm mwan saler, konstriksyon nouvo danm, 24 unit dan 24 mwan Mr Speaker tousala in ganny fer par Prezidan Faure pou sa pep.

Me wi Mr Speaker nou bezwen aksepte ki lavi pa an roz isi Sesel.  Nou bezwen aksepte ki Seselwa I annan lanbisyon ki nou tou nou le en pe plis dan nou pos e viv en meyer lavi.  Sa I toultan normal konman en pep. Me Mr Speaker nou menm nou konman en pep ennler nou fer bann aksyon ki nou menm nou pa rekonnet e met nou prop lekor a risk.  Ou sa drayver taxi ki tou le bomaten ou menm dormi lo erport parey zot abitye dir pou zot ganny en kours kan ou ganny en touris ki dir ou anmenn li Berjaya Beau Vallon Bay depi ler sa kliyan in anbark ek ou Pointe Larue, nek ou konmans kritike Sesel pa bon.  Pei I ser.  Tro bokou voler; tro bokou krim.  Sanmenm advertise ou servis e promot ou biznes eski demen sa touris pou ankouraze pou retourn Sesel?  Eski ler ou pe fer sa pa ou kip e perdi biznes eski zis sa Gouvernman ki ou pe kraze ki ou pou perdi?

Mr Speaker in ler pou nou pep mazin seryezman lo la.  Ler ou sa drayver pickup 5er bomaten ou’n alinyen lo erport pe esper cargo Arab debarke pou ganny en kours pou anmenn se li, e demen se ou menm ou ki’n benefisye ek sa menm msye Arab ou asize e kritik sa msye e dir isi laba lo li.  Demen I deside aret vin Sesel lekel ki pou perdi, eski zis sa Gouvernman dizour?

Ankor la annou mazinen.  Envestiser etranze Mr Speaker ler envestiser I montre en lentere prop pou envestir Sesel e lease en bout later, pou fer devlopman lepep Seselwa annou korpore e konpran, ki sa bann envestiser I vin avek bann bon lentansyon ki pou benefisye Sesel.  Annou pa kriye e konplent akoz ler nou reakte dan sa fason sa msye, I deside pran son semen e al dan en lot pei lekel ki pou perdi apard sa Gouvernman?  Se lepep Seselwa menm Mr Speaker.  Napa biznes, napa lanplwa pei pa devlope apre se nou menm nou ki kritike striktir leta Sesel pe deteryore.  Kan keksoz I mal I devret ganny aranze dan plas ganny pran e ganny fer politik bon marse avek.

Parey nou vwar dan plizyer lesans bann politisyen responsab Mr Speaker kan bann teachers, I deside desann dan semen pou fer strike zis akoz konportman en etidyan, e nou vwar bann politisyen pe ankouraz sa. Mr Speaker konbyen etidyan ki reste deryer e ganny afekte akoz konportman en sel etidyan?  Annou etre pli responsab e annou mazin mazorite.  Wi mon dakor I devret annan plis disiplin e plis lord, me pa fer lamars sa pa pou rezourd nanryen me I plito pe afekte sa 99 ki deryer.

Par-ler se nou menm bann politisyen ki ankouraz sa bann keksoz e apre nou kriye napa stabilite dan pei keksoz.  I annan en fason fer. Prezidan Faure I advocate lo konekte avek son pep.  Dyalog – konbyen desizyon ki nou ganny dir in ganny pran an konsiltasyon avek Leader Lopozisyon?  Ti kriye SBC pa bon – pa endepandan – CEO OUT! Ti fer lamars, eski sa pa ti bann aksyon pou destabiliz sa pei?  Ki in arive apre sa?  Nouvo CEO in vini Mr Speaker ozordi I demann pwennvi bann dimoun lo SBC e nou a vwar pou nou menm.  Sa I montre vre laswaf pouvwar serten dimoun.

Prezidan Faure in ganny elekte akote Prezidan Michel anba parasol Parti Lepep sete lepep Seselwa ki ti elekte li.  Nou isi lo sa kote latab nou pou dir fortman ki Prezidan Faure pa pou demisyonen e I pou kontinyen sa travay ki’n konmanse.

En travay ki’n fer malgre tou defi ki Lopozisyon isi dan sa Lasanble pa’n toultan aport zot sipor.  Mr Speaker sa ki Sesel I vreman bezwen a sa pwen la, se stabilite politik.  Sesel pa bezwen en lot eleksyon. Sesel I bezwen respire. Sesel I bezwen redrese pou avans pli devan; envestir plis – bann biznes agrandi bann travayer Seselwa a ganny plis larzan dan zot pos, sekter pou vin pli profesyonnel e pli proaktiv.  Sa ki anvi form par sa prosen Gouvernman ava esper an 2020 an 2020 lepep Seselwa ava vot pou zot pou zot aksyon e non pa par zot prop parol.  Si zot merite a gannyen me si zot pa merite sa pep ki pou dir zot.  Desizyon I toultan reste dan lanmen lepep Seselwa.  Shame lo sa ki pe label nou pei konman en failed state.  Sa ki’n ganny selekte pou antre par laport deryer lo en tiket rebate li ki ti devret fer sa aksyon Onorab e demisyonen.  Mr Speaker annou les Danny travay.  I pou fini son manda!  Mersi Mr Speaker.

 

(APPLAUSE)

 

MR SPEAKER

Mersi Onorab Herminie.  Mon a pas laparol avek Onorab Esparon.  Onorab Regina Esparon.  Yes Onorab Esparon.  Ok.

 

HON REGINA ESPARON

Yes Mr Speaker.  Mon ti pou koz apre Break mwan.  Mersi.

 

MR SPEAKER

Ok.  Pa problenm Onorab Stephen Pillay.

 

HON STEPHEN PILLAY

Mersi Mr Speaker.  Bonzour tou dimoun.  Mr Speaker mon lentervansyon I pou aport sipor pou sa Mosyon anmennen par Onorab Ramkalawan Leader Lopozisyon dan Lasanble.  Mwan mon vwar sa Mosyon dan son senplisite, pe demann Mr Faure pou retourn ver pep Seselwa e fer nouvo eleksyon.  Sa ava donn lepep Seselwa sa sans pou fer son swa lo ki mannyer pei pe ganny dirize.  Bezwen demande, eski I annan dezapwentman lo ki fason I pe diriz pei?

Mon krwar wi I annan dezapwentman.  Me si Parti Lepep I pa krwar sa vin kot pep Seselwa e les lepep Seselwa deside.  Eski napa aksyon efektiv ki mon krwar I napa, les lepep Seselwa deside.  Eski striktir Leta pe deteryore wi mon krwar I pe deteryore, me les lepep Seselwa deside.

Mr Speaker mon’n ekoute semenn pase be mon krwar I annan fodre sorti dan sa zarden pisanli e re- konekte e zot dimoun.  Lekel ki pa pe vwar larealite ozordi?  Mr Speaker en keksoz ki’n frap mon si napa largiman ki zot pa pe servi pou montre mekontantman anver e ek sa Mosyon.  Zot pe akiz serten konman Diktater, me I ras ker ki ler serten in ne oubyen grandi anba en sistenm diktater e pa’n zanmen fer okenn komanter ler en dimoun ti pe disparet Sesel, ganny egzile viktimize e tou sort lenzistis, zot ti reste trankil.  Me parkont zot akiz en dimoun ki’n debat pou anmenn lazistis, enn ki son disan in koule, me I pa’n zanmen fer okenn ditor son prosen.  Ki in fer in pardon zot. I pa’n zanmen fer okenn akt agresyon kont personn; en zonm plen ek konpasyon pou son pep.

Mr Speaker sa zonm li I ganny akize konmkwa I en Diktater, me alor Mr Speaker sa se ‘kapris letan’.  Mr Speaker ler mon atann Mr Faure dir les li fini son manda e sa I ganny repete e repete par lot kote latab mon demann mon lekor si zot in konpran byen sa Mosyon.  Mon demann mon lekor akoz I pa oule en manda pou 5an, me prefere fer zis 4an.  Manda ki mon krwar pa pou li.

Eski I annan keksoz ki pe ganny proteze oubyen kasyet ziska 2020 a tou pri?  Mr Speaker apre 15 lo 10 Prezidan Michel ti fer sa ki onorab e demisyonen.  Prezidan Faure ti pret Serman lo manda Prezidan Michel ki ti met kandida anba Parti Lepep.  Personnelman mon pa krwar kote Prezidan Faure in ganny en manda. Onorab Herminie mon pa ti vwar son portre Msye Faure lo ballot paper.  Mr Speaker sa Mosyon pe zis demande – mon repete – pe zis demande ki I fer nouvo eleksyon.  Tre senp rod en parti pou ou konman son kandida oubyen debout endepandan, me lenportans retourn ver lepep.  Rezilta en tel eleksyon, pou ganny respekte par nou tou.  Alor ki en fwa pou tou I ava annan en manda pou diriz pei.  Fodre fer kler nou napa Lotorite pou dir li resign, me dan tou liminite nou pe demann li pou resign.  I senpleman en request pou retourn ver lepep Seselwa.

Nou, konman reprezantan lepep dan sa Lasanble nou ekout nou dimoun e dimoun I fristre ek fatige avek sa Egzekitiv.  ‘The time is now!  Retourn ver lepep.  Pli enportan se nou ki dan sa Lasanble nou annan en manda pou 5an.  Nou tou Mr Speaker menm bann ki’n ganny elekte direkteman oubyen proporsyonnelman, nou annan en manda anba nou parti respektivman.  Me ki nou tann Msye Faure dir? ‘’Lasanble I kapab dizourd son lekor oubyen li konman Prezidan anba Konstitisyon i kapab dizourd Lasanble.’’

Me parkont li ki napa en manda I pou fini manda Msye Michel.  Si ma memwar I bon Mr Speaker Prezidan Faure li menm ti dir ki’n divorse avek Parti Lepep, me alor ki manda I pe servi par lo la lot kote latab dan zot dezespwar zot ki annan zot manda pe demande ki nou lo sa kote latab nou anmenn en Mosyon pou dizourd Lasanble.  Mon fer en lapel pou sa bann Seselwa deor ki ti vot pou Parti Lepep, eski zot satisfe ki zot reprezantan pe demande?  2an dan zot manda zot pe demann dizourd?  LDS nou vin travay pou Sesel; en sel Nasyon, me parkont ler nou met laklerte ki nou vwar Parti Lepep I dizourd I demande pou dizourd, nou, nou pou kontinyen travay nou manda pou sa pep e nou pa pou zanmen les tonbe nou pei Sesel.  Eski mon demann mwan si eski akoz zot per 26 – 0 dan 3an ki zot pe demann dizourd?  Mr Speaker parey mon’n dir avan Lasanble, I annan en manda me li Prezidan I napa pandan sa 2an pase nou donn li en sans pou deliver pou Seychelles me I pa’n kapab deliver.  Sa se akoz in napa en egzekitiv ki efektiv si nou esper ankor 2an vi ki I pe ale bato pe zis drive e nou kapab mont li brizan parey sa bato Diamond Ace.

Mr Speaker si Lalwa in ganny sanze e napa ankor sa zafer ‘pas baton’ mon demande ki aksyon onorab Prezidan I devret fer, vi ki I en rezilta sa zafer pas baton e zot in dir ki sa Lalwa pa retrospective me selman ki aksyon onorab I devret pran?  Mon krwar sa demann – mon repete sa demann ki Mosyon pe rode I byen e zis.  Msye Faure montre legzanp dan ou imilite.

Mr Speaker ki nou vwar pandan sa 2an anba Msye Faure eski in fer okenn aksyon pou fer retourn sa bann later ki Parti Lepep in pran?  Larepons se non, me prenan kont ki sa enn Au Cap ki ti ganny demande par en group zabitan pou fer auditorium, ki’n arive?  Nanryen! Semen Dan Gravye Au Cap ki menm MNA Lepep ti bezwen anmenn en Kestyon Irzan ki’n arive?  Nanryen!  Me reste Au Cap ankor – semen obor Madarine Estate 1an apre son vizit, ki’n arive?  Nanryen! vizit kot lakaz upper Pointe Au Sel?  Nanryen!  Me kekfwa zot pe esper sa proze 24/24/24.  Proze Hall Pointe Au Sel pou bezwen fer renovasyon ankor apre ki I fek fer renovasyon.  Mr Speaker les mon met lanfaz lo sa 24 lakaz pou montre ki Egzekitiv pa efektiv.

Gouvernman I napa en direksyon.  Gouvernman pa pou kapab rezourd sa problenm lakaz anba sa sistenm ki egziste. Minister in ekoute in ekout li pou fer 24 lakaz, me ki menm Minister nou vwar in fer pou Au Cap? 24 lakaz pou en lalis ki Housing ti submit ek nou dan sa Lasanble pou Au Cap I annan 303.  Seryezman lakaz anba Parti Lepep pou ganny rezourd parey Onorab lot kote in dir ‘2mil zanmen’.  Alor Mr Speaker Au Cap osi pe dir wi retourn ver lepep Seselwa rod en manda.  Mr Speaker pandan 2an koabitasyon, nou pa’n vwar en bon direksyon Egzekitiv me ankor pou montre ki nou vwar semenn pase? Sa zafer paspor 5 (1) ki tou Seselwa I konnen, menm Minis in dir ki prerogative Prezidan in ganny abize e son Minis I ti aksepte ki I ti donn advice, me apre lav son lanmen e dir Prezidan ki deside avek son prerogative.  Eski sa I akseptab dan en Gouvernman?  Mr Speaker Prezidan ti vin dan sa Lasanble e dir I annan 40poursan lapovrete dan Sesel – si mon pa tronpe apepre 2an pase.  ‘Kestyon pou en Sanpyon’ ki Egzekitiv in fer pandan sa 2an pou fer desann pri lavi e met larzan dan pos Seselwa?

Ki nou vwar pri lavi I kontinyen ogmante, e Seselwa pe trimouse pou fer de bout zwenn ki zot pe fer?  Nanryen!  Nou vwar bann kartel pe kontrol pri marsandiz e kit li o ki STC pe fer apar donn larzan lepep nanryen.

Mr Speaker nou bezwen revwar saler dimoun e sa I en priyorite avek bann pos pansyoner fodre zot osi zot larzan I ogmante.  Ek sa kou lavi nou bezwen konsider lapey minimum R8500 enkli pou bann pansyoner.

Mon tann zot pe dir, ‘’kot pou gannyen?’’  Kou pou gannyen par elimin gaspiyaz ek faver dan L’Egzekitiv.  Pep Seselwa tre byento dan sa Bidze L’Egzekitiv pou vin avek devan sa Lasanble, nou pou vwar labi ankor.  Me zisteman konfyans ki zot in donn nou avek sa manda, nou, nou pou montre zot ankor ki en nouvo eleksyon I neseser.  Nou pou met kontrol ek zot.  Lasanble pa kapab met larzan dan pos Seselwa avek en Egzekitiv ki ‘’sourd lo nou.’’  Pri lavi pa pou desann Sesel avek en Egzekitiv ki sourd lo nou alor pep Seselwa, I repet sa ki Onorab De Commarmond ti dir ‘’Elections you want, elections you get!’’  Mr Speaker enn pli gran defi sa pei se met son pep dan en lanplwa ki annan rannman pou dinyite sa pep.

Mr Speaker nou tou nou sorti anba lansye etranze.  Nou, nou ptipti e nou bezwen tre konsernen lo la kantite GOP ki pe ganny donnen.  Sa bann travayer etranze I bezwen annan en Seselwa akote li pou transfer knowledge.  Sa en pwen kle.  Priyorite se Seselwa me Gouvernman napa en plan. Ankor nou vwar en L’Egzekitiv ki pa kapab met lord avek travayer etranze.  Fodre I annan en limit letan pou ed GOP probableman pa plis ki 2an.  Nou demande ki Seselwa I ganny trete lo menm nivo avek etranze, e sa zafer certificate of entitlement I ganny aboli.  Me ki Egzekitiv pe fer?  Nanryen!  Mr Speaker tren mon krwar in tonm dan delo, tinel pa konnen ki plan, prizonnyen dan prizon pou napa, ek elektrik I monte mwan pase, e semenn apre I re … avan.

Mr Speaker napa en plan.  Zot le met photovoltaic lo lakaz mwen fortinen, kan zot ti kapab donn premye 200 unit free pou sa bann ki pe pas dan difikilte, e servi sa bann panel dan landrwa ki rantab, sirtou bann landrwa prodiksyon ki a ede fer desann pri lavi.  Mr Speaker pou konklir Seselwa pe dir ‘’Enough is enough!’’ Rod en lot manda! Les Seselwa deside.  Msye Faure montre nou sa bon legzanp!  Mersi Mr Speaker.

 

(APPLAUSE)

 

MR SPEAKER

Mersi Onorab Stephen Pillay.  Bon nou ava pran en break e nou ava retournen 11er pou nou kontinyen deba lo sa Mosyon.

 

(BREAK)

MR SPEAKER

Bon nou ava kontinyen nou travay e mon ava donn laparol Onorab Aglae.

 

HON EGBERT AGLAE

Mersi Mr Speaker.  Bonzour tou Manm Onorab e pep Seselwa a lekout.  Mr Speaker sa Sesel ki nou konnen I ‘Pli gran ki nou’ tou sa Sesel ki nou ti konnen I pou reste ‘Pli gran ki nou tou’ zonm in touzour o sant devlopman.  E dan Labib nou kreater in fer bokou referans lo karakter zonm.  Malgre depi Kreasyon zonm ti ganny tante e zonm ti konmans fer pese.

Mr Speaker ozordi zonm I ankor pe ganny tante.  Zonm I ankor pe fer pese pou plis ki sa 2mil an pase.  Mr Speaker dan en demokrasi pou arive attain en o nivo demokrasi, sa pa ariv dan 1an ni dan 2an.  I egzakteman kantite letan ki reste pou Prezidan Faure fini son manda.

Mr Speaker vre demokrasi pa en sprint, me en marathon lavi.  Ozordi I annan en Mosyon dan sa Lasanble pe demande pou Prezidan Faure demisyonen.

Mr Speaker dan son dernyen Lapres Konferans Prezidan Faure ti dir nou ti dir nou pei Sesel I dan bon lanmen.  E I ti osi dir I pou fini son manda ziska lannen 2020, ki Konstitisyon I permet li.  Eski anba sa case anba nou Lasanble, I pe kas okenn Lalwa anba sa menm Konstitisyon ki permet li?  Mr Speaker sa Nouvo Sesel – sa Sesel – sa Nouvo Sesel ki ti en moto lepep an 2011 vre in vin sa Nouvo Sesel.  Dan sa Nouvo Sesel Seselwa I ganny plis liberte. Seselwa in vin en pep matir.  En pep ki pe prospere e Prezidan Faure in byen dir ki pei I dan bon lanmen.  E tou resaman IMF in pronons sikse Sesel.

Mr Speaker en pei pa ganny dirize par en zonm.  En Lerwa ler I lo son tronn pa travay li tousel.  I pa en one man show.  En pei ki ganny dirize par en sel zonm se la ki la diktatir dan son pli gran sans.  Mr Speaker si ou leadership for the sake of love and knowledge of the part of the journey a boss says you do it; en sef I dir ou al fer li, me a leader says let’s do it en leader I dir ‘’annou fer li.’’  Mr Speaker still leadership Prezidan Faure se enn ki’n dir annou fer li ansanm konman en pep in les pouvwar dan lanmen son pep in met pouvwar dan lanmen Lenstitisyon ki’n kree; in donn liberte lezot leaders ki in selekte pou li gouvern pei, plis liberte pou pran desizyon o non sa pep; in osi les bann leaders ki pa krwar dan son leadership e direksyon plis liberte pou eksprim zot drwa dan en fason ouver e li osi in ekout zot.  Mr Speaker Prezidan Faure in dir tou Seselwa travayer Seselwa pran travay.  Sa ki pe trenn lipye, sa ki le met otaz Lenstitisyon, Departman, Minister arête silvouple, akoz nou vwar zot e nou pe get zot.

Sa ki oule kree enstabilite ouswa ensit vyolans arête silvouple sa ki pa oule vwar son frer o user bouz devan ou osi leve pran loportinite.  Mr Speaker sa zoli pei Sesel I bezwen lape e trankilite.  Dan boulversman napa prodiktivite.   Dan leta dirzans bokou pou bloke ni ou biznes pa pou marse ni ou ledikasyon pa pou avanse ni ou lasante riske pa ganny gete, e ou lasyet manze pa pou ganny asire.  E plis sekirite ou lavi I an danze.  Sa I deskripsyon en ‘failed state’ Sesel pa dan en ‘failed state’.

Mr Speaker pep Seselwa eski sa I en Sesel ki nou pour eve pou nou trouve?  Dan plas kree divizyon akoz nou pa promot ‘togetherness?’ Dan plas kre enstabilite akoz nou pa ede pou kre plis latmosfer stabilite?

Mr Speaker pep Seselwa pe esper sa Lasanble pou koz lo zot case.  Pep Seselwa pe esper en case ki koz lo zot fitir.  Pep Seselwa pe demann en meyer kou lavi, en meyer saler en pli o nivo kondisyon e latmosfer sosyal.

Mr Speaker sa I en case ki devan Lasanble sa I en case ki nou pe merit vin met devan Lasanble e an inimanite debat lo en baz kontinyel.  Sa I en case reel ki pep Seselwa ti pou annan gran lentere pou ekoute.

Mr Speaker sa case devan nou Lasanble kont Prezidan Faure ti merit zis en dyalog.  Ti merit en case kot ki mannyer nou pou ede zouir resours sa pei, e met li anver sa pep me non pa pou en pti group ouswa detrwa pti group privilezye.

Mr Speaker letan pase pa esper personn.  Letan gate pa ganny re atrape.  Ozordi nivo ki Sesel in arive se gras a travay dir son pep.  Nivo rekonesans ki enternasyonal ki Sesel in arive se gras a en vizyon e sakrifis nou bann past e present leaders.

I pran en leker ek lanmour en zonm pou tous son pep e anmenn zot ansanm kot tou I kapab akonpli. Mr Speaker avek lentelizans ki nou pep I annan e osi matirite nou rekonnet ki napa pa mal defi. Ler en pei I devlope I modernize popilasyon I ogmante I agrandi lekonomi I progrese nivo lavi sa pep I vin pli o byensir I gou me byensir I pou anmenn bokou defi.

Si ozordi I annan mansyon ki’n ganny fer lo bann problenm trafik se akoz I annan plis transpor ki Seselwa in aste Seselwa in bouz devan si ozordi nou pe demann plis semen, pou mont anler dan bann land bank se akoz I annan plis lakaz ki’n ganny konstri.  Si ozordi nou vwar problenm ice se akoz I annan plis bato e bann akter ki’n antre dan sa bann biznes.  E si ozordi Seselwa pe demann plis larzan dan son pos, se akoz Seselwa I anvi e I pe vive n lavi ki pli o e I anvi keksoz ki pli kalite.

Mr Speaker avek lentelizans ki nou pep i annan, nou osi nou annan en devwar e responsabilite konman en politisyen.  Akoz nou pa anmenn bann case serye dan sa Lasanble pou nou kapab konbat nou bann defi?  Bann fleo drog floe sosyal en meyer sistenm lasante pli avanse; ledikasyon ki pli o nivo ankor ki deza egziste.  Annou koz lo plis lenvestisman dan sa pei annou koze pou nou anmenn en pli meyer sans transpor ki deza egziste e ki pli konfortab.  Annou koz lo re distribisyon larises sa pei annou koz lo kou lavi, kou litilite.  Annou koz lo sekirite pei ki pe ganny menase ozordi.

Annou koz lo plis lozman e ankouraz sekter prive antre dan sa biznes.  E en pli gran case ankor ki nou devret pe koz lo la dan sa Lasanble Mr Speaker, se epanouisman nou lazenes ek dinyite pou nou bann vyeyar akoz nou pa anmenn bann case koumsa e lepep Seselwa pe espere?  Alors Mr Speaker mon sipliye ki nou tou ansanm nou donn en koudmen pou elev nou pei pli o.  Se nou menm ki pou fyer plitar me si I pa leka alors annou les Danny travay.  Msye Faure I pa en zonm parfe in pran prezidans dan en moman inik klima politik in sanze e ki nou vwar in ouver semen, e I pa’n anpes lademokrasi evolye.  In kree lenstitisyon.  In les son pep lib pou egzers zot dwa san entimidasyon e san okenn larestasyon.  Eski pou sa nou pe demann li pou demisyonen?

Mr Speaker leadership Msye Faure I fran in aksepte pou travay ansanm e koabite e nou tou la anndan nou koz lo koabitasyon labous plen.  La ozordi zot dir ki koabitasyon in ariv son letan.

Mr Speaker Prezidan Faure in osi retir politik dan travay e lenstitisyon.  Enn bann fason pou re ini sa pep e anpes divizyon.  Ozordi sa pep I koze. Travayer I eksprim zot drwa.  Zot diferans politik pe ganny respekte I pran en vre leader pou fer sa kapab arive ek eksepte.

Eski pou sa lakonplisman pou demisyonen?  Lepep annou note.  Bokou in ganny dir lo travayer Seselwa e lekip ki pe diriz pei, me ki nou fer konman en Lasanble?  Ler Seselwa kalifye ti pe ganny apwente dan pos Minis, menm si pa tou ki ti siport Parti Lepep LDS ti zet zot anba eski sa lespri Seselwa avan tou in pas deryer ozordi?  Eski nou les lanbisyon politik pas avan sa ‘Sesel ki pli gran ki nou?’  Eski ler nou pa’n donn Msye Faure son lekip ki pou travay eski I vo lapenn pou les nou vin demann li demisyonen?  Kestyon ki mon demande kwa ki pa pe marse lo lot kote?

Eski tou problenm defi ki pei pe fer fas avek ki nou zonm in ede kre nou blanm Prezidan Faure?  Eski ler nou fail pou nou elve nou zanfan, nou pou blanm Prezidan Faure?  Eski ler nou fail pou nou al travay nou pou blanm Prezidan Faure? Eski nou pou blanm kanmarad nou blanm Prezidan Faure?  Eski ler ou ganny aksidan, ler ou malad ou blanm Prezidan Faure menm?  Eski ler I annan lasesres, kalamite, nou blanm Prezidan Faure?  Eski ler I annan bann fleo sosyal ki anmenn ki vin avek modernite nou le blanm Prezidan Faure?

Mr Speaker napa en leader ki annan baton mazik.  Kan eski nou konman en pep nou pou konmans blanm nou lekor?  Kan eski nou pou dir nou menm nou ki kree bann kalamite, bann defi ki nou pe fer fas avek?  Mr Speaker Mr Faure dan son pos Prezidan I okouran ki I annan pa mal defi dan service delivery. I osi okouran ki li tousel I pa pou kapab diriz sa pei, set alor ki I met konfyans dan pep Seselwa profesyonnel ouswa travayer ordiner.

Me I osi okouran ki I annan serten public servant dan Gouvernman ki pe ede met retar se zot ki pe merit demisyonen e les Danny travay. Mr Faure I anonse ki I ti divorse avek pouvwar Parti Lepep vedir in divors li avek politik lepep, dan lentansyon pou tou Seselwa reini e in fer li dan en fason nob! Eski sa I egal demann li pou step down?  Pandan son dernyen manda Mr Speaker, pandan sa bann dernyen lannen ki’n pase ler mon fer sa refleksyon lo sa pti zi,l ki nou pe viv ladan nou vwar ki nivo moralite la partaz la polites respe ki nou pe konsider tre o dan nou pei, ti pe desann e abese.  E pou sa nou konmans par blanm nou lekor nou menm nou bann politisyen.

Mr Speaker dan lepase I annan en I annan ki’n anmenn en lalit asarnen pou dir out nou dir Gappy OUT!  Me eski ozordi Komisyon Eleksyon I pli fair? Eski ler nou dir Onezime OUT SBC!  Ozordi SBC I pli meyer?  Eski laplenn in vin pli o nivo?  Mr Speaker parfwa ler nou krwar nou pe koz sa ki nou siporter I devret tande, fer aksyon ki nou siporter I anvi vwar, nou kree en ta divizyon antre nou.

Mr Speaker pou konklir mon refer en ekstre en Manifesto dan LDS Mr Speaker an 2016 – ‘the Assembly and the Executives at the same time recognize and respect the powers and the responsibility of the Executives to manage the social affairs and development.  We will support the policies and projects of the Executives whenever they are common and they are without partisan political interest’.

 Eski zot pe viv sa ki zot in dir dan zot manifesto?  Pou konklir Mr Speaker, mon pou sizere ki Loter Mosyon I dismiss sa case pou ‘les Danny travay.’  Mersi.

 

 

(APPLAUSE)

 

MR SPEAKER

Mersi Onorab Aglae.  Onorab Regina Esparon.

 

HON REGINA ESPARON

Mersi Mr Speaker.  Mr Speaker nou pei Sesel in ariv dan en krwaze semen ki ti sipoze anmenn li ver plis prosperite, me nou pep pe sibir sa lefe dire ken Gouvernman ki nepli annan lide ki mannyer pou diriz sa pei.  E de zour an zour nou vwar nou pe pran semen presipis e an rezilta sa nou pe fer fas avek en Nasyon ki pe envok en sanzman Gouvernman toulezour.  Sa I akoz zot pe viv dan fristrasyon e zot kontinyen vir an ron ek zot problenm ki swa lozman, lasante ou sosyal san bliy pri lavi kip e tous plafon e Gouvernman pa pe fer nanryen pou soulaz sa sityasyon.  E mon repete Mr Speaker se Gouvernman ki pa pe fer nanryen e se sa Gouvernman ki pe ganny dirize par Msye Faure anba baryer Parti Lepep e non pa LDS.

Nou vwar nou an fas en sistenm Gouvernman ki pa pe donn konfyans, akoz I ranpli ek defayans e pe montre sa siny deteryorasyon sak zour ki reste o pouvwar.  Mosyon anmennen par Leader Lopozisyon pe demann Msye Faure pou demisyonen akoz son gran dezapwentman dan lafason ki L’Egzekitiv pe diriz sa pei son konsern profon ki napa aksyon efektiv dan Ladministrasyon pei e son lenkyetid lo striktir leta ki pe deteryore.  Mr Speaker mon kapab dir ki Msye Faure pe kontinyen fail sa pep I napa en vizyon kler pou fer sa pei progrese akoz son bann lord pa pe ganny egzekite.

I annan en eleman mank konfyans dan tou sa ki pe ganny fer.  Si vreman Mr Faure ti annan sa pei e son pep a ker e I ti annan sa vizyon kler, I ti pou vwar nou pei pe pran lapant brizan.  En Kaptenn ki anmenn en bato I bezwen santi letan bato pe tous koray e si I pa anvi koule I rod fason redrese e se son responsabilite konman en Dirizan, si I ti serye I ti a rod fason pou remet sa pei lo en bon direksyon.

Mr Speaker ozordi dan sa pei Sesel in vin pli evidan ki sa disparite avek sa ki I annan ek sa ki napa kontinyen grandi; tandis ki 40poursan nou pep pe viv pe kontinyen fer fas avek lapovrete napa en keksoz ki pe ganny fer pou soulaz zot soufrans.

Nou vwar en Gouvernman ki pe kontinyen tat tate dan fernwar malgre ki I annan e n tors dan son lanmen.  En Dirizan ki pa pe ekoute oubyen pe mal ganny konseye ki mannyer pou diriz sa pei.  Mr Speaker ler mon ti pe prepar mon lentervansyon yer swar, mon ti mazin en sitasyon ki Onorab Valmont ti servi yer dan son entervansyon. I dir I ti tir dan Labib ler I ti dir ki LDS I parey move zerb e fodre zet dan dife.  Wi Onorab Valmont move zerb nou zet dan dife pou li pa bourzonnen, me selman pa LDS ki bann move zerb Mr Speaker.

 

(Interruption)

 

MR SPEAKER

Order! Order!  Order! Order!  Order! Order!  Onorab Esparon tenny ou mick.  Yes Onorab Valmont.

 

HON JUDE VALMONT

Bonzour Mr Speaker.  Mersi pou donn mon loportinite klarifye keksoz.  Mon pa’n dir LDS pou pye dibwa pou zet dan dife mwan! Mon’n zis fer en sitasyon.  Mon ti a kontan Onorab at least I retract sa, mon pa’n dir sa mwan. Mersi Mr Speaker.

 

MR SPEAKER

Ok. 

 

HON JUDE VALMONT

Si sa sapo I antre zot mete.

 

 (Interruption)

 

MR SPEAKER

Ok, ok.

 

(Interruption)

 

HON REGINA ESPARON

Parabol

 

(Interruption)

 

HON REGINA ESPARON

Ok? Mon kapab kontinyen Mr Speaker?

 

MR SPEAKER

Order! Order!  Bon mon konpran ki in fer son sitasyon, me la ou’n la ou komanter prezan ou’n vir li ou’n prouve ki ou sitasyon kwa ki ou ti pe mean par deryer.  Ok?  Ale Onorab Esparon kontinyen.

 

HON REGINA ESPARON

Mersi Mr Speaker.  Mr Speaker I paret mwan Onorab pa’n get byen otour li pou vwar ki move zerb I ranpli dan son kan.  Avan vin dekrir LDS konman move zerb.  Labib I dir koumsa ‘’get sa morso dibwa dan ou lizye avan ou tir sa lapay dan lizye ou kanmarad.’’ Sa osi ti dan Labib me ou pa’n vwar ou!

 

(APPLAUSE)

 

HON REGINA ESPARON

Mon vwar li byen drol ki I pa’n donn sa bon konsey son Prezidan ‘pas baton’ ler I ti pran baton avek son predeseser.  Akoz ozordi si Mr Faure ti’n tir tou sa bann move zerb otour li dan son Gouvernman, dan son kan, kekfwa I ti a vwar progre sa pei ti a vwar progre.  Me olye retir move zerb I kontinyen remet zot dan Gouvernman konman bann pyon politik parey nou’n fek vwar arive kot Fon Pansyon.  Se sa bann kalite aksyon ki pe met sa pei an retar Mr Speaker.

Mr Edwin Palmer en zabitan Glacis Prezidan ti konn son laz, avan I ti apwent li. Zis 9mwan apre I dir li I tro vye pou sa plas.  E vre rezon ki Msye Faure in tir li se pa akoz I vye, I entelizan. I pe vwar bann iregilarite e I pe kestyon, e sa I fer sa bann dimoun ki pe abiz nou larzan pansyon, enkonfortab, alor zot in dir li demisyonen e zot in met zot pyon politik ki ankadre byen dan kan Alibaba e zot pou kontinyen donn bann dan pansyon sa pep.

 

(APPLAUSE)

 

HON REGINA ESPARON

Ozordi zot pe penn en portre pou fer krwar ki LDS ki en curse lo sa pei.  Sa bann senaryo ki pe arive dan sa pei ozordi, se bann senaryo organize zis pou senm lafreyer e retir le vre realite Mr Speaker.  Akoz bokou dimoun lizye in ouver e zorey pe tann sa mesaz ki LDS pe kontinyen koz lo la.  Nepli sa letan pou fer dimoun krwar lizour pou aswar, e en keksoz formidab ki LDS in fer se re donn Seselwa zot laliberte lekspresyon; e konmela dimoun I kapab eksprim li libreman apar detrwa ki ankor pri anba sa sistenm.

Nou tann koz lo lentere personnel e lafen pouvwar Mr Speaker.  Fodre nou remind sa pep e osi zot lo zot kote latab ki se parti SPUP/ SPPF/ Lepep ki ti annan lentere personnel e ki ti lafen pouvwar ler zot ti ranvers en Gouvernman ki ti lezitim atraver Koudeta le 5 Zen 1977.  Ki pli lafen pouvwar ki sa?  E si sa pa apel lafen pouvwar ki mannyer ou pou dekrir sa alor Mr Speaker?

Ozordi ler ou pas dan distrik tou sa ki ou koz avek pe demann ou kan eleksyon oubyen zot dir ou ki in ler pou annan en sanzman Gouvernman?  I annan ki dir ou Sesel I bezwen en Gouvernman elekte akoz sa enn ki la I ankor en Gouvernman ‘pas baton’ alor zot napa konfyans dan li.

Nou bezwen rekonnet ki I annan en kantite lenstitisyon dan nou pei, ki I pa pe marse akoz sa eleman mank konfyans I pa akoz sa dimoun pa le travay me akoz sistenm ki defavoriz zot.

Pran zis en legzanp ki mannyer travayer I kapab ankouraze pou travay ler ou donn ou kouraz pou 30an e ou ankor lo en lapey R8,032 par egzanp kot Lakaz Mor, e nou konnen sa pa en louvraz ki tou dimoun ti a kontan fer alor I normal ki dan zot lanvlop lafen di-mwan I reflekte sa kouraz ki zot mete dan sa louvraz.

En lot legzanp en clerk kot klinik oubyen dan Lopital ki travay pandan 32an ki ankor pe tous en saler R5,532. Sa I anmenn dekourazman e I normal ki son performans I pa alaoter.

Zot bezwen konpran ki parfwa piblik I konplent; servis ki pa alaoter.  Me parkont si nou anvi en amelyorasyon dan service delivery, nou bezwen get dan saler travayer e lezot reminerasyon pou ankouraz zot ogmant zot performans.  E alafen dizour popilasyon a satisfe e servis ki zot resevwar.  Ozordi dan L’Egzekitiv pa pe delivre, nou blanm Lasanble.  Be Lasanble li I pe fer son louvraz.  I pe aprouv lezislasyon ki bon e mon repete Lezislasyon ki bon.  Wi Lezislasyon ki pou met retar sa pep Mr Speaker, nou pa pou aprouve nou fer retournen aranze apre nou ava aprouve.  Nou pe kontinyen fer nou louvraz oversight role e kestyonn Bidze Gouvernman e dan Bidze kot nou vwar gaspiyaz wi nou pou koupe Mr Speaker

 

(APPLAUSE)

 

HON REGINA ESPARON

E advise Gouvernman, kot I pe mal depanse kot I pe mal depans larzan Leta.  Ler nou fer sa nou pa pe anmar lanmen Gouvernman nou.  Me nou pe fer li vin pli konsyan vin pli vizilan e pran plis prekosyon ek larzan piblik.  Me se L’Egzekitiv ki kontinyen trenn son lipye Mr Speaker.  Sa I parey si ou annan en loto e sipoze mars lo 4 larou me zis 1 ki bon ou pa pou al lwen kantmenm ou met bennzin ladan ou pou pouse sa pa pou anmenn li lwen.  E ozordi nou pei pe fonksyonn parey en loto ki pe roul lo en larou.  Pran par egzanp nou prizon ozordi sityasyon en pe letan pa pe mars byen.  Olye fer en reform dan sistenm prizon, nou sanz sa ki ansarz e keksoz I vin pli pir.

Mr Speaker sistenm prizon I bezwen en reform konplet e ozordi mon pa pou dakor ler Vis-Prezidan I vin dir nou fodre nou met plis larzan dan sistenm prizon.

Nou bezwen rode ki mannyer nou met plis nou bezwen rode ki mannyer nou pou fer drog aret antre dan prizon.  Fodre nou aret soutir bann eskobar ki pe afekte nou zenn dan prizon avek eroin.

E sa I lo tou nivo depi sa ki anler dan L’Egzekitiv ziska dan son APDAR.  Ozordi gro larzan I deroule dan prizon lanmenm la anba nennen prizonnyen e nanryen pa pe ganny fer.  Nou ti vot larzan pou Bidze pou APDAR pou li ede rod solisyon dan sa lalit kont drog; pa pou zot rod loto lux pou mars ladan, tandis li ki eroin pe pran pirat e pasaz lo scooter pou al dan ghetto.

Mr Speaker seryezman annou get sa problenm methadone, ki Gouvernman in envestir bokou ladan eski sa progranm pe marse?  Si wi oli son rezilta?  Si nou pe vreman fer progre dan sa domenn annan sa kourtwazi vin prezant en rezilta dan sa Lasanble e nou a vwar en rezilta sa bann milyon ki nou pe donn zot.  Akoz konman en pei nou pa kapab kontinyen envestir san vwar rezilta konmsi nou pe met larzan dan en trou san fon.

Mr Speaker an menm tan ki nou pe rod tretman nou osi bezwen pe mazinen progranm prevansyon e travay lo ki mannyer nou pou fer drog aret antre dan pei e sirtou dan prizon.

Akoz sa sityasyon I vreman vin enkyetan.  Si ou koz ek en paran ki annan zanfan dan prizon ozordi, I pou dir ou ki mon piti ki ler I ti antre dan prizon I pa ti lo drog, me ler I laba in konmanse.  Mr Speaker eski ozordi ou kapab dir ki dan prizon I annan en progranm reform? Avek sa kalite sityasyon kondannen I antre dan prizon, prizon ki ti pe fim en ‘Mahe King’ ler I sorti I ganny en ‘picking’ disease e si I pa pike I malad e I tranble.  Mon swe ki se ki avek sa progranm methadone nou zenn ki al lo sa progranm I pran li serye kot zot vreman swiv zot tretman pou zot rekipere sanz zot lavi e demen zot a kapab re entegre dan sosyete, pou fer zot kontribisyon.  Parey bann ki’n zwenn sa lorganizasyon ki apel DUNNS ki nou ti pe ede e pe ankouraz bann zenn pou sorti dan drog e nou devret pe kontinyen ankouraz zot fer sa demars.

Mr Speaker dan sa dernyen 2an I annan en kantite Board ki’n ganny re-apwente.  Nou’n obzerve ki lo mazorite sa bann Board Msye Faure in al rod bann vye pyon e in resikle, e dan tousala I annan en konotasyon politik.

Mr Speaker I kler ki sa bann defayans dan sistenm Gouvernman ozordi, se akoz Dirizan in konpletman dekonekte avek son pep.  Akoz dimoun ki anba Msye Faure pa enterese pou ekout son direktiv e se sa bann move zerb (Onorab Valmont) ki’n Msye Faure ti’n devret retire dan son zarden e zet dan dife!

Alor I kler ki son prop dimoun I nepli krwar dan li e zot osi zot pe dir ki fodre sa pep I ganny sans pou elekte son Prezidan, akoz Prezidan ‘pas baton’ in fail sa pep alors dimoun nepli annan konfyans dan li.  Nou pe vwar ki ozordi kot travayer etranze pe anvair nou pei e I annan en lenzistis an sa ki konsern reminerasyon ki en travayer etranze I gannyen, vizavi en Seselwa.  Mr Speaker mon pa konpran ki mannyer nou zistifye sa kot en travayer etranze kot travayer Seselwa I annan menm kalifikasyon zot pe fer menm louvraz, me selman sa travayer etranze I ganny en lapey pli o ki sa travayer Seselwa mon dir donn Seselwa son plas ki I merite dan son pei, e annou aret met etranze dan plato e demen I kraz nou sitwayen parey nou vwar kot bann lotel dan nor kot H Hotel e kot Savoy, kot Seselwa pe ganny maltrete ek travayer etranze dan Management.

Les apar son housing allowance ki zot gannyen, me mon senserman krwar si nou ti aplik menm pwa menm mezir pou tou lede, sa ti pou donn lankourazman sa travayer Seselwa pou pran en lanplwa e reste dan sa lanplwa.  Sa ti a fer ki I a vin pli prodiktiv e ti a koup lo lakantite forex ki nou pei I bezwen servi pou pey sa travayer etranze e sa larzan ti a reste dan sistenm e se nou dimoun ki ti pou benefisye.

Lo en lot kote, I annan en latmosfer lensertitid e sa I fer ki envestiser I osi dan dout pou li vin envestir dan nou pei akoz I pa konnen kwa ki pou arive demen si I annan en collapse, akoz deza nou vwar sa deteryorasyon ki pe anmenn nou ver en ‘failed state.’  Mr Speaker vre, me nou’n vwar ki mannyer sa Lasanble sirtou sa travay ki FPAC in fer kot nou kapab kler tors lo bann gaspiyaz lekstravagans ki Gouvernman ti pe fer atraver sa legzersis bidzeter kot nou’n get sak seksyon enn par enn e nou’n kapab dekouver gaspiyaz ek manboulouk ki ti pe pase lanmenm la anba nennenGouve4rnman e kot Gouvernman li menm in konplis e pri dan sa bann tranzaksyon, parey dan Ka senaryo FIU/NDEA.

Nou’n vwar kot Lasanble i debat lo Mosyon Koripsyon lo later lo later COSPROH kot in sanz lanmen e kot Gouvernman in perdi larzan.  Senaryo SBFA tou sa bann ka Mr Speaker in ganny ekspoze e Gouvernman in reste trankil lo la.  Swa in dir wi i pe apwent en Komite pou fer lanker apre i fini lanmenm.  Tro souvan nou tann sa senaryo nou pe apwent en Komite pou fer Lanket e apre ou pa tann nanryen.  Mon kr2wa sa i zis bann mannev byen kalkile zis pou fer krwar ki zot konsernen apre Kabri i kontinyen manz salad parey labitid e Seselwa ki pey lepo kase.

En lot sityasyon ki pe fer sa pep fristre Mr Speaker se sa  zafer point system  k i pa pe mars ditou, ki bokou Manm in koz lo la e bokou dimoun ki vreman bezwen pe ganny defavorize par sa sistenm pwen ki’n ganny entrodwir pou later ek lakaz.

E mon vwar sa koman en sistenm ki pe fail nou dimoun vreman dan bezwen e sa i en gro lenzistis.  3o an lo lalis lakaz e ou napa ase pwen.  Eski ou pe ganny plis pwen ler ou pou dan Chiller kot Padayachy oubyen ler ou anba later Simityer?  Kote ou pou ale pou ganny sa bann pwen?

Mr Speaker, mon kapab dir ki sa pei kot ou met lanmen i annan problenm. Bokou dimoun i annan en lenkyetid lo sekirite pei.  Annou get Lafors Lapolis.  2 semenn pase mon ti koz avek en Zofisye ansarz kot Departman Lapolis e i ti fer mwan konpran ki ozordi ki Departman Lapolis i pli a pa efikas ki oparavan e i ti fer resorti detrwa pwen pou mwan konpran kwa ki i ti pe dir.

Sa msye i dir mwan dan Lapolis ozordi zot pli gro problenm se personn pa pe ekout personn.  Si sa ki pli o zot pa pe ekoute, ou pa ekspekte ki lo sa nivo i pou diferan Mr Speaker.  I dir mwan ki zot parey detrwa dimoun ki ou’n met dan en pti bato e ou’n la dan milye kannal e ou’n dir li al lapes e retourn ek pwason selman zot pa konn koray – zot napa zouti lapes e zot napa labwet.  Ni menm en lapo soulye zot pa pou kapab retourn avek Mr Speaker.

I dir mwan ki dan Departman Lapolis i annan en kantite problenm.  Eski ou reste trankil e les problenm akimile ou konsyans i reste sarze tandis ki si ou koze ou fer fas ek en kantite problenm e ou riske perdi ou plas travay.  In menm dekrir sityasyon dan Lapolis koman tre kritik.  Li i ti’n retire zot demann li pou retournen i dir mwan sa dezord total ki i annan dan Lapolis i pou pran bokou, bokou letan pou kapab aranze a van ki Lapolis i pou vin pli efikas ki sa ki i ete.

Nou vwar bokou Board ki’n ganny apwente mon’n dir Mr Speaker les mon a dir ki sa pei pa bezwen sa kantite Board. Si nou ti annan en Gouvernman pli pti ki met bokou plis lanfaz lo bon gouvernans e kot son Ladministrasyon ti pli efikas, sa dan limen ki ou fer ki pei ti pou depans mwens sirtou lo bann depans initil sa ti a fer ki koripsyon ti a diminyen e sa pep ti ou benefisye.

Mr Speaker sa pep pe fer fas ozordi ek en Gouvernman ki per pou li pran desizyon sirtou sa ki nou apel bann bold decision akoz zot per pou perdi vot.  Prezidan Faure i per met lord dan son Gouvernman akoz i per son popilarite i a tonbe.  Enn ler ou a krwar Msye Faure pa oule sa pei progrese.  I kler ki nou dan sa sityasyon akoz sa pep pe ganny gouvernen par 3 Prezidan.  Enn kot Espace – enn kot Maison Du Peuple ek enn State House e zot pa pe kordinen ek kanmarad e sa i met bokou retar sa pei.    Sa ki apel Kapris e en pei pa kapab ganny dirize lo kapris akoz Msye Faure i la zis ou egzekit lord.

Nou annan nou zis en Vis-Prezidan ki li i maars an tayan li! E toultan i montre sa siny  ki i pe travay anba bokou presyon akoz  i pa tro konnen ek ki i ou pran lord akoz li osi i en Sef.

Mr Speaker nou bezwen konnen ki mannyer nou regard sa pei.  Nou bezwen annan en plan konkret avek en vizyon kler ki pou donn konfyans; kot nou zenn a kapab get lavenir avek en lespwar malgre ki nou’n pas dan sa bann nyaz nwanr.

Pou zabitan Glacis kwa ki’n akonpli? Zon non lo lalis lakaz in desann pli ba.  Sa ki ti esper later, menm zafer.  Prezidan Faure in fer vizit en vizit dan distrik Glacis an Me lannen pase tou lord ki in donnen pa ankor ganny egzekite.  Dimoun pa pare pou ekout li Mr Speaker parey mon’n dir.  Bann zabitan Malaysian Flat ler Msye Faure ti vizit zot i ti promet zot ki i pou fer sanz tol lo zot lakaz akoz sa i en defayans lenfrastriktir.  Ki nou’n vwar?  Nou’n vwar?  Delo i ankor pe koul dan zot zorey.

Ozordi zot pe ganny dir si i sanze zot bezwen peye.  Zot in vin zis kot detrwa tol lo serten lakaz ki pa’n abouti nanryen.  Zot in ganny promet ki pou fer miray ziska ozordi i ankor zis lo plan.  Tou le zour nou tann dir in tender me i pa avan pli devan.

Mon pa konnen si zot pe esper zot dalon oubyen bann gro pwason pou donn sa louvraz san men sa bann zabitan Malaysian Flat i bezwen kontinyen espere.  Zot mantalite koripsyon pa ankor arete e se sa ki met retar sa pei.  Zabitan lo flat North East Point in ganny promet lakaz zot ankor pe espere.  En fanmir ek 6 zanfan dan en Bedsitter ankor pe esper en lakaz.  E la i fer mwan mazin Jane ki li 23an i ankor dan en Bedsitter i dir mwan ki li fatige dormi dan lakwizin pou li ganny son privacy ek son zanfan.  Pourtan dan dernyen Kanpanny eleksyon Parti Lepep ti dir li i pe al donn li son lakaz met pare pickup pou transport son pake dan nouvo lakaz.  Pickup i ankor lo standby e son non pa lo lalis priyorite akoz anba Sistenm Pwen ni ganny defavorize.

Semen North East Point ti dir pou komanse avan lannen fini, nanryen pa ankor tande.  24 lakaz dan 24 mwan i ankor zis en rev pou zabitan Glacis.  Zot dir Glacis napa later mon konpran nou reste lo ros me mon krwar i annan landrwa nou kapab ganny later pou bann dimoun Glacis.

E la Mr Speaker, mon ti a demande ki Gouvernman i pran sa 72 kare later ek sa gro msye  ki’n gannyen dan land bank e redistribye – kekfwa dimoun Glacis ti a ganny ofer en kare dan sa 72 morso.

Rann sa later e redistribye avek dimoun ki pe esper later. Mr Speaker mon pou donn tou mon sipor total sa Mosyon e mon pou dir ki wi Msye Faure step down avan ou fer plis ditor sa pei ek son pep!  Mersi Mr Speaker.

 

(APPLAUSE)

 

MR SPEAKER

Mersi Onorab Esparon.   Mon a donn laparol Onorab Basil Hoareau.

 

HON BASIL HOAREAU

Mersi Mr Speaker.  Bonzour tou bann Manm.  Bonzour Mr Speaker, tou bann dimoun ki a lekout.

Mr Speaker avan ki in pran Lofis dan sa Lasanble nou ti pre Serman a nou Konstitisyon.  Nou ti pran en Oath of Allegiance toward nou Konstitisyon Mr Speaker.  E nou ti dir ki nou ti pou Prezerv. Defann e protez nou Konstitisyon.  E sa bann sa Serman i pa zis nou koman bann Man m Lasanble ki pran.  I bokou bann Lofis ki ganny kree dan Kotitnitsy9n sa bann dimoun avan zot pran zot Lofis zot osi zot bezwen pret Serman a Konstitisyon sa i enkli prezidan, Manis e bann Zis Mr Speaker.

Lefe nou pa zis pret Serman zi sa koz nou Konstitisyon i demann ou pou fer li Mr Speaker me nou pret Serman parske an pretan Serman an relasyon avek nou Konstitisyon, nou pe pret Serman an relasyon avek nou pei.  An relasyon avek Sesel Mr Speaker.  N ou pe dir ki nou pare pou Prezerv, Defann Sesel a tou pri Mr Speake3r.  An dot mo nou pe dir ki Sesel i par lao tou.  I annan ki dir ki Sesel i pli gran ki tou e Sesel i par lao tou Mr Speaker.  Nou pa pran en Oath of Allegiance towards en pri Politik, nou pa pran en Oath of Allegiance toward en Leader Mr Speake.  Se Sesel.  Se touzour Sesel ki bezwen diriz nou dan nou louvraz ki nou fer.  Dan bann desizyon ki nou pou pran se Sesel e nou Konstitisyon ki bezwen an premye Mr Speaker. E nou bezwen fer sir ki nou touzour anmenn devlopman e advancement nou pei Mr Speaker.

Letan mon vin lo Mosyon direkteman Mr Speaker, i fer mwan realize ki Mosyon pe adrese se leta laprezidans Sesel.  Se sa ki Mosyon pe  demann nou pou adrese.  I    PE get Leta – laprezidans leta L’Egzekitiv.

Kestyon ki vin an premye pou mwan se eski I annan problenm? Eski I annan serten issues ki bezwen ganny adrese dan pei Mr Speaker?  Si nou onet e fran nou pou dir wi I annan bann issues ki nou bezwen adrese Mr Speaker.  I kler sa.

Par egzanp Mr Speaker prizon in ganny koz lo la par Onorab Esparon.  Vre I annan issues ki bezwen deal avek dan prizon e mon dakor avek li letan I dir poudir nou bezwen nou pa kapab zis fer bann peacemill adjustment avek prizon.  Nou bezwen get sa problenm prizon dan son totalite Mr Speaker.  Nou bezwen al rod e vreman kwa ki mal dan sa prizon. Akoz ozordi nou tande poudir telefonn pe ganny pran avek prizonnyen, drog pe ganny pran ek prizonnyen, me eski sa I solisyon?  Nou bezwen rode kwa ki pe arive.  Letan Mr Speaker nou vwar 2 prizonnyen kondannen in ganny perdi zot lavi. Sesel napa santans lanmor. Mr Speaker mon pa krwar I normal ki letan en Ziz in pas en santans lo en dimoun, sa dimoun apre I trouv li ouswa son fanmir I trouv li, I vwar poudir enn zot pros I al perdi son lavi dan prizon.

Sa pa byen. I pa normal. I annan de dimoun ki’n perdi zot lavi Mr Speaker e mon krwar I montre nou poudir nou annan en problenm dan prizon.  E mon krwar poudir I enportan ki L’Egzekitiv e tou bann stakeholders, I reget sa problenm prizon dan zot totalite pou sa bann keksoz pa repet zanmen ankor Mr Speaker.

Nou Lapolis Mr Speaker –  I dan problenm.  E pou mon Onorab Ramkalawan ti fer referans avek sa video, sa lensidan avek sa video I reflekte leta nou Lapolis Mr Speaker.  Letan mon vwar poudir en zenn zonm in ganny arête I dan en minot e devan Lapolis I pe ganny taiszerd par en sivilyen e mon tann en dimoun avek en aksan etranze I dir, anmar li avek en lakord, apre trenn li.  E zofisye Lapolis I vwar sa normal e zot in vwar li normal zot debout e get en lofans ki’n ganny komet Mr Speaker.  Sa I montre leta nou Lapolis Mr Speaker.  And to add insult to injury parey Angle I dir ki aksyon disipliner kont sa bann gard?  Nou tande poudir zot in ganny fine serten bout zot saler selman.  Be Mr Speaker be se Lapolis I bring itself to disrepute! Sa bann gard par zot aksyon pe bring the Police Force in disrepute e Lapolis par sa mezir disipliner I bring itself to disrepute li osi.  Be sa en santans? Ki nou pe dir avek bann dimoun an deor?  Poudir I normal pou fer krim ou a en ganny en slap on the wrist?  Be sa pa byen Mr Speaker.  Pou mwan letan mon ti tann sa mon ti dir be I annan en gro problenm dan sa Lapolis sa bann dimoun sa bann gard I devret ganny sarze with aiding and abetting of the offence of causing of assault – of causing of the bodily harm or action bodily harm, akoz mon pa konnen egzakteman ki vreman the extent of injury sa dimoun ti gannyen.  Be sa bann Lapolis pa a met sa dimoun dan minot e debout e get li kot I pe ganny taiszerd.

Zot in aid and abet the commission of an offence, e zot debout e zot devret ganny sarze dan en fason kriminel.  Parske pou mwan Lapolis ozordi pou vin dir ek nou sa ti ok, ti normal son sel pinisyon senpleman fine li en bout son saler?  Me sa pa akseptab, be alors pou mon pe dir ou bezwen enkyet Lapolis Egzekitiv I bezwen re-adres sa issue Lapolis e trouv en solisyon once and for all.  Nou koz lo sa problenm Lapolis an plizyer repriz dan sa Lasanble, me nou bezwen arive donn en rezilta Mr Speaker.  Nou bezwen regete Mr Speaker e revwar sa issue Lapolis.

En lot keksoz Mr Speaker ki mon krwar L’Egzekitiv pou bezwen adrese e regete se sa issue citizenship.  Nou’n koz lo la dan sa Lasanble Mr Speaker a plizyer repriz.  Aktyelman mon krwar pou sa dernyen 3 semenn, I ti sa topik pli so ki nou debat lo la dan sa Lasanble e mon krwar nou pou bezwen regete.  E mwan Mr Speaker ki mon ti a kontan demann Prezidan Faure se pou pa donn okenn citizenship anba 5(1) ziska ler I annan en lamannman ki ganny fer ki sa issue I ganny dealt with dan sa Lasanble.  Mon krwar sa ki devret fer e mon krwar I enportan Mr Speaker.

Mr Speaker lot issue ki mon krwar I devret adrese se Assomption.  Mon krwar Seselwa I bezwen konnen egzakteman ki pe arive avek Assomption e mon krwar ki enportan ki nou ekout lavwa sa pep lo Assomption lavwa sa pep in kler lo Assomption li.  In dir poudir nou pare pou annan en baz militer, lo Assomption en fasilite militer lo Assomption a en kondisyon.  En kondisyon ki sa baz militer I pou Sesel e Seselwa selman Mr Speaker!

E I pou anba kontrol, kontrol konplet Sesel e Seselwa Mr Speaker.  E mon krwar nou bezwen fer deal avek sa e address li once and for all!  Akoz nou pa kapab kit sa issue e pep Seselwa pe kontinyelman demann kestyon lo la Mr Speaker.

Mr Speaker en lot issues en lot issue rather ki nou bezwen adrese ki Egzekitiv I bezwen adrese se Imigrasyon in ganny koz lo la par Onorab Esparon nou bezwen reget nou Lalwa imigrasyon nou konnen ti annan en Bill ki ti’n vin devan nou me nou’n bezwen fer li retournen, me nou pou bezwen revwar konpletman nou Lalwa sa problenm Imigrasyon.  Nou pa kapab kontinyelman les etranze antre dan nou pei an fezan krwar ki Sesel I fasil pou ou vin travay, pou ou vin reste.  Non!  Nou bezwen fer sir poudir sa Lalwa Imigrasyon I reganny gete pou ki Seselwa I vin premye dan son pei Mr Speaker.  Nou bezwen reget tousala.  Sa I serten bann problenm ki nou annan Mr Speaker.

Me Mr Speaker apre ki nou mansyonn tou sa bann problenm eski I vreman fair e zis ki nou dir tou sa ki mal dan sa pei I akoz Prezidan Faure Mr Speaker?  Eski nou bezwen I zis pou nou dir sa Mr Speaker?  Eski senserman letan nou asize, nou analize sa bann problenm, pou dir tou sa ki pe pas mal nou met devan laport Prezidan Faure?  I vre ki Prezidan Faure I head of is the Head of State.  Me mon pa krwar I zis si nou senser avek nou lekor poudir tou sa problenm ki arive dan sa pei se Prezidan Faure!

Mr Speaker mon tann serten Manm ki’n koze lot kote ki’n dir poudir, I annan problenm dan fanmir – bann fanmir pe tonm dan dekadans e zot in dir poudir sa se responsabilite Prezidan Faure.  Senserman Mr Speaker?  Mon pa krwar sa I korek!  Si en paran pa pe pran son responsabilite Mr Speaker, nou pa pou kapab dir poudir sa I fot Prezidan Faure.  Si nou civil servant pa pe desarz zot responsabilite nou pa pou kapab dir poudir tousala I devret devan d laport Prezidan Faure.

Nou annan bann Head of departments Mr Speaker.  Nou annan bann lezot responsab ki dan Gouvernman.  Zot osi zot bezwen pran zot responsabilite.   E nou koman Lasanble nou bezwen dir ek zot sa bann dimoun osi zot pran zot responsabilite.  Be annou pa fer li fasil Annou pa trouv li en solisyon bokou pli fasil pou dir Prezidan Faure ou ki responsab pou ton sa ki pe pas mal dan sa pei Mr Speaker.

Mr Speaker annou pran en senp legzanp.   Nou bann Manm isi ki’n ganny elekte direkteman si zot fer en remord konsyans eski zot ou dir – en legzanmen konsyan eski zot ou dir poudir zot in desarz zot responsibilities dan zot distrik to the best of your abilities?   Eski zot pou dir poudir napa keksoz ki zot ti kapab fer pli byen?  Eski senserman zot pare pou dir zot in fe4r tou keksoz zot in fer li 100poursan byen?  Ouswa i annan keksoz ki zot ti’n kapab fer pli byen?  Egzakteman! So eski savedir si zot ti’n kapab fer pli byen, i vedir ki nou pou i dir ek zot demisyonen akoz zot pa’n kapab fer li 100pousan dapre s aki zot ti pou kapab fer?

 

 

(APPLAUSE)

 

HON BASIL HOAREAU

Larepons in Non!  I non!  Non nou pa pou kapab dir ek zot sa.  Nou pa pou kapab dir ek zot demisyonen.  Parske malgre ki zot pa’n kapab fer li 100poursan me sot in kapab fer en serten zefor.   Me sa alor nou pa pou kapab dir zot demisyonen e egalman Mr Speaker nou pa pou kapab ale dir ek Prezidan Faure akoz i annan serten keksoz ki petet ou ti kapab fer pli byen nou pe demann ou pou demisyonen.   Nou pa kapab fer sa Mr Speaker.   Annou -, ou osi ou annan pouvwar Onorab Henrie.  Si dan distrik Mont Buxton ou annan en paran ki’n les son fanmir tonm dan dekadans ki’n les son fanmir tonm dan lalkol – ton m dan drog eski nou poudir ki Onorab Henrie i en responsabilite sa?  Non, i pa pou fair!  Egalman nou pa pou kaba dir sas i responsabilite Prezidan Faure Mr Speaker.

Mr Speaker mon krwar nou bezwen get sa keksoz dan en fason vreman obzektif e avek senserite Mr speaker.

Egalman dan nou pei  ozordi i annan keksoz pozitiv  ki’n ariv  – keksoz pozitiv ki’n arive par sa travay ki Egzekitiv avek Lasanble in fer;  pozitiv  ki’n arive e sa bann keksoz pozitiv ki’n arive se par sa travay Egzekitif avek Lasanble in fer.  Ozordi nou bezwen aksepte poudir nou bann lenstitisyon demokratik in vin pli for. Ozordi par egzanp nou konmen i annan en issue lo lapwentman me nou konnen poudir nou’n fer en Lalwa – Human Right Commission Act ki en Lalwa ki vreman fantastik ki nou’n fer.  E ki pou ede ranforsi lademokrasi Mr Speaker.  Sa en travay Lasanble ek Egzekitiv e kot nou pe fer lademokrasi vin bokou pli for Mr Speaker.

Nou annan nou CAA ki avek bann reform ki’n ganny anmennen avek bann amannman ki’n ganny anmennen ansanm, ek travay Egzekitiv avek Lasanble nou’n fer li vin pli for Mr Speaker.  SBC nou’n fer li vin pli for.  Be sa in arive ant Lasanble ek Egzekitiv.  E nou bezwen realize ki I annan osi keksoz pozitiv ki’n arive.  E letan nou pe fer en assessment Mr Speaker, nou pa kapab get keksoz ki mars mal nou osi bezwen gete letan nou fer dan nou assessment nou get lo tou lede kote, nou dir be gete I annan serten improvement osi ki’n arive Mr Speaker.

Mr Speaker mon pou al lo en pwen parske pou mon sa Mosyon I anmenn en issue pli fondamantal – en issue lo konstitisyonalite sa Mosyon Mr Speaker.

E letan mon dir sa Mr Speaker mon dir sa avek senserite.  E pou mwan fer sa Mr Speaker pou mon eksplike – e la Mr Speaker mon pa pe dir ek Onorab Ramkalawan I fer sa par ekspre, in breach Konstitisyon.  Ki mon pe dir se ki mwan mon krwar poudir letan I anmenn sa Mosyon petet I pa pe realize, poudir I annan en issue konstitisyonalite ki pe arise ladan.  E mon pou eksplike akoz Mr Speaker e permet mon Mr Speaker fer referans ek serten nou provizyon nou Konstitisyon letan mon pe eksplik sa Mr Speaker.

Mr Speaker in ganny mansyonnen poudir I annan 2 Lartik nou Konstitisyon ki provide ki mannyer Prezidan I kapab ganny tire – ki nou apel zeneralman impeach ki mannyer I kapab ganny tire dan son Lofis.  Nou annan Lartik 53 ek Lartik 54.  Lartik 53 I koz lo letan ou pe al remove Prezidan pou son incapacity – either physical or mental incapacity pou li desarz son fonksyon konman Prezidan.  E annou get sa prosedir ki mannyer sa in ganny fer.  Sa prosedir I kapab konmanse swa the Cabinet of Ministers, kot bann Minis an mazorite zot dir koumsa poudir abilite Prezidan pou desarz son responsabilite, I bezwen ganny investigated.  Son abilite fizik e mantal I bezwen ganny investigated or I kapab konmans isi dan sa Lasanble.

Ki mannyer I konmanse dan sa Lasanble, se I bezwen annan en Mosyon ki ganny sinyen par at least lanmwatye bann Manm Lasanble.  Sa Mosyon I donn notice ek Speaker, Speaker then I met li devan Lasanble.  E letan I met devan Lasanble – ki enteresan ki Konstitisyon I dir ek nou lo la – letan sa Mosyon I vin devan Lasanble I demande ki I annan investigation ki ganny fer lo abilite Prezidan pou gouvernen – son abilite fizik ek mantal, I dir ek nou napa en deba lo la – a sa moman napa en deba ki kapab take place dan zis en vot ki ganny fer.

La letan ki sa vot in ganny fer – si sa vot in ganny fer, I bezwen ganny siporte par de tyer Manm Lasanble, la prezan I anvoy kot Sef Ziz, Sef Ziz I apwent en medical board avek 3 dokter.  Sa 3 dokter ki enquire about the physical or mental incapacity of the President to discharge his functions.

Sa 3 dokter letan zot fini enquire ki zot fer?  Zot anvoy en rapor kot Sef Ziz.  Swa zot pou dir Prezidan ki I annan mental capacity and physical capacity pou desarz son fonksyon e sa issue I fini.   Fini. Ok?  Me si zot dir poudir I annan physical and mental incapacity – savedir I pa kapab desarz son fonksyon sa Sef Ziz pou anvoy sa swa kot Cabinet e apre kot ou Mr Speaker e la prezan I ganny prezante devan Lasanble e ki rol Lasanble ladan la pou annan en deba apre pou deside si I pou adopte, si i ‘Pou Adopte’ sa finding poudir Prezidan I annan en physical and mental incapacity.  Selman pou adopte.  Ok?  E by 2 tyer.  So nou vwar premyerman son rol se pa li ki’n fer desizyon – pa li ki’n pas dan lopinyon, lopinyon I bezwen ganny pase?  An premye par Medical Board e prezan si Medical Board I dir napa mental capacity I fini.  E me selman si I annan then Lasanble pou deside si I pou adopte.  Annou prezan al dan al Lartik 54 kot Prezidan I kapab ganny tire si in vyol Konstitisyon ouswa for gross misconduct.  Ankor sa prosedir I kapab konmanse selman par Lasanble;  en Mosyon in ganny sinyen par lanmwatye bann Manm Lasanble.  Letan sa Mosyon in fini ganny sinyen, I anvoy kot ou Mr Speaker e ou prezant li devan Lasanble.  E Lasanble ki I fer?  Lasanble I bezwen si I vwar poudir I annan nesesite pou investigate whether Prezidan in breach Konstitisyon, ouswa I annan gross misconduct I pas sa Mosyon par 2 tyer son Manm.  E Konstitisyon I dir ek ou Lasanble napa deba dan sa staz.  I dir ou pa kapab debat.  An lot mo Konstitisyon pe dir ek ou, ou Lasanble pa ou ki pou pas sa lopinyon, ou zizman, si in vyole ouswa non, ouswa si I annan gross misconduct.  Se ou annan zis dir ‘’investigate.’’ Letan sa envestigasyon in ganny fer Mr Speaker sa Mosyon I pase, ou pran sa Mosyon, sa rezolisyon ki’n pase ou anvoy kot Sef Ziz.  Sef Ziz I pran sa I met devan Lakour Konstitisyonnel Mr Speaker.  Sef Ziz I pran sa I met devan Lakour Konstitisyonnel.  E letan I vin devan Lakour Konstitisyonnel Mr Speaker, se Lakour Konstitisyonnel ki pou deside si I krwar I annan en Prima facie case ki Prezidan in breach Konstitisyon, ouswa in fer en gross misconduct.  Si Lakour Konstitisyonnel letan li I gete I dir ek ou napa, sa zafer I fini. I fini lanmenm – pa al pli lwen.  Lasanble napa okenn say ladan.  Si Lakour Konstitisyonnel I dir ek ou wi I annan en Prima facie case kot I annan en breach of the Constitution ouswa I annan en gross misconduct, la Sef Ziz pou pran sa rapor, I anvoy kot Mr Speaker.  I vin devan Lasanble, e Lasanble I a deside prezan I ava annan en deba si I pou adopte findings of the Constitutional Court.  E la si sa I pase par 2 tyer, then Prezidan I ganny remove.  

So ki nou vwar Mr Speaker? Dan sa 2 prosedir ki rol Lasanble?  Pa rol Lasanble pou pas en lopinyon, pou pas en zizman poudir si ti annan Prezidan I annan incapacity physical or mental pou li desarz son fonksyon.  Pa rol Lasanble poudir si Prezidan in breach Konstitisyon ouswa in fer gross misconduct.  Se either Medical Board or Lakour Konstitisyonnel.  Lasanble I vini zis pou li adopte e I demann investigation kot napa deba.

Savedir Mr Speaker ki nou pe dir la, se ki letan ou get sa I kler poudir Lasanble ki son rol I annan dan removal of a President Mr Speaker.  Lasanble pa kapab sey bypass sa sistenm ki ganny etabli dan en sistenm demokratik, par nou Konstitisyon ki ti ganny adopte par swa plis ki 60poursan nou popilasyon, e ki nou, nou’n pret Serman pou defann proteze Mr Speaker nou pa kapab bypass sa.

Ou konnen kwa ki mannyer I apele sa Mr Speaker?  Se sa ki nou apel en separasyon pouvwar – separation of powers Mr Speaker. Akoz ki I pe dir? I annan en rezon akoz nou Konstitisyon in ganny fer koumsa.  Nou pe dir poudir gete nou pa anvi ki en Brans Gouvernman I tread lo lipye en lot Brans Gouvernman.  Sel fason – sel fason ki en Lasanble I kapab – i kapab  pran en desizyon lo abilite en Prezidan pou kontinyen reste o pouvwar se anba Lartik 53 e Lartik 54 nou Konstitisyon e la son rol I limite.  I limite Mr Speaker.  E nou pou zis deside evantyelman si nou pou adopte en rezolisyon en finding of a Constitutional Court or the Medical Board Mr Speaker.

Lasanble Mr Speaker, I pa son rol pou li pas en’ vote of censor’ kont Prezidan.  I pa son rol Mr Speaker pou li pas en vote of ‘No Confidence’ dan Prezidan.  Mr Speaker parey Onorab Georges en vote of No Confidence I egziste dan en parliamentary system I pa egziste dan en Presidential System ki nou annan Mr Speaker.  Nou napa sa Mr Speaker.  Mr Speaker en vote of censure Mr Speaker pa egziste Mr Speaker an relasyon avek Prezidan.  Parkont anba Lartik 74, Lasanble I annan pouvwar sansir en Minis, e sa letan ou vwar ki nou Konstitisyon in ale in dir ek nou poudir Lasanble ou kapab sansir en Minis, ou kapab pas en vote of ‘censor’ lo en Minis me I annan son prosedir ki Minis I ganny sans vin devan Lasanble li menm; savedir an lot mo akoz ki Lakour Konstitisyonnel in fer li spesifikman avek en Minis.  E I pa’n donn sa menm pouvwar avek Prezidan.  I pe dir ek nou poudir nou napa sa pouvwar avek Prezidan.  Nou napa sa pouvwar Mr Speaker avek Prezidan ou kapab fer sa avek en Minis me non pa ek Prezidan.

Efektivman Mr Speaker ler mon lir sa Mosyon sa Mosyon I en vote of No Confidence ki nou pe pase.  I en vote of ‘censor’ ki nou pe pase lo Prezidan.

 

(Interruption)

 

HON BASIL HOAREAU

Lartik 55 napa Mr Speaker napa okenn provizyon ki permet …

 

(Interruption)

 

HON BASIL HOAREAU

… sa I son kondisyon.  Prezidan demisyonen I son own volisyon Mr Speaker.  Sa ki pe arive Lartik 55 I donn Prezidan drwa pou demisyonen on his own volition!  Sa ki pe arive la se ki Lasanble pe met presyon lo Prezidan pou demisyonen

 

(Interruption)

 

HON BASIL HOAREAU

Sa i kont Konstitisyon Mr Speaker.

 

(Interruption)

 

MR SPEAKER

Order!  Order! Order! Order! Order!

 

(Interruption)

 

HON BASIL HOAREAU

Mr Speaker ..

 

MR SPEAKER

Order!  Order! Order! Order!  Les Onorab Hoareau fini.

 

HON BASIL HOAREAU

Mr Speaker.  Impeachment I sel fason byen e sel fason ki Konstitisyon in donn nou konman en Lasanble, kot nou kapab pas en lopinyon ouswa en zizman lo kondwit Prezidan lo son Lofis Mr Speaker.  Nou pa kapab 55 I dir letan Prezidan li I deside resign I resign, me Lasanble pa kapab sey met en presyon lo Prezidan ouswa pas en vote of censure akoz efektivman Mr Speaker.

 

 

(Interruption)

 

MR SPEAKER

Order!  Order! Order! Order!  .  Ale fini Onorab Hoareau.

 

HON BASIL HOAREAU

Mr Speaker.  Nou pa kapab fer li.  Mr Speaker I kler ki nou napa expressed powers dan nou Konstitisyon, kot nou kapab pas en lopinyon, ouswa zizman lo conduct Prezidan unless nou anmenn nou lekor anba Order Article 53 or 54 of the Constitution Mr Speaker.  Mon konnen e mon ti pe al lo la Onorab – egzakteman mon pe al lo la mon pe vini.  Mon konnen largiman ki ou pe anmennen lot kote. Zot pou dir ek ou be ou konnen kwa?  Nou annan freedom of expression dan Lasanble.  Nou Standing Orders i permet nou anmenn nenport ki Mosyon.  Zot pou dir ek nou ou konnen kwa, sa Mosyon ki nou pe pase i napa legal consequences as such li.  I selman nou pe eksprim nou lopinyon.

Mr Speaker Standing Orders i Lalwa segonder nou Konstitisyon.  Lartik 104 nou Konstitisyon i dir ek nou koumsa poudir Lasanble i bezwen fer Standing Orders pou li kapab desarz son responsabilite, son bann fonksyon pli efficient.

Savedir premye keksoz ki nou bezwen demann nou lekor ki fonksyon sa Lasanble?  Eski i fonksyon sa Lasanble pou li pass en ‘vote of censor’ or ‘a Vote of No Confidence’ lo Prezidan?  Non.  Mr Speaker savedir Standing Orders i bezwen ganny fer within the ambit of fonksyon of Lasanble within the ambit  of Konstitisyon.

E Mr Speaker par pass en vote of censure lo Prezidan par pass en vote of No Confidence nou pe al an deor fonksyon Lasanble Mr Speaker.   Sa ki no pe fer Mr Speaker.  Nou pe al an deor fonksyon.  Lasanble napa en absolute right pou anmenn okenn Mosyon. Eski  demen  – Eski demen – demen si nou pe dir sa nou pe anmenn sa largiman eski demen letan  i annan en case devan en Ziz, Lasanble pou pas sa Mosyon  e dir nou anvi sa Ziz i dir poudir Msye X i koupab eski sa ki nou krwar Lasanble pou fer?  Non!  Lasanble pou …zot krwar i a pas en Mosyon.  I a pas en Mosyon.  Eski demen Lasanble par egzanp i kapab pas en Mosyon e dir ek Prezidan nou oule ou apwent X koman Minis, eski Lasanble pou kapab fer sa?  Non.  Rol Lasanble dan lapwentman Mins i selman pou approve – to approve a nomination by Prezidan.  Par li.  Akoz nou bezwen realize poudir nou pa kapab zis krwar poudir nou kapab anmenn nenport ki kalite Mosyon.  Mosyon i bezwen with the functions of the National Assembly Mr Speaker.

Mr Speaker sa ki pe arive ozordi se en Constitutional Koudeta.

En Koudeta Konstitisyonnel.

 

(APPLAUSE)

 

HON BASIL HOAREAU

…parske en Koudeta Konstitisyonnel Mr Speaker. Mr Speaker ….

 

(Interruption)

 

MR SPEAKER

Order!  Order!  Order!  Onorab Larue – Onorab Arissol … Order!  Order!  Order!   Onorab Hoareau.

 

HON BASIL HOAREAU

Mr Speaker, mon dir en Koudeta Konstitisyonnel akoz en Koudeta Konstitisyonnel i letan en Brans Gouvernman i sey fer en maneuver politik ki kont Konstitisyon pou li sey exert pressure ilegal e kont Konstitisyon lo en lot Brans Mr Speaker.   E se sa ki pe arive ozordi Mr Speaker.

 

(APPLAUSE)

 

HON BASIL HOAREAU

Mr Speaker i enportan.   Ou konnen mon dir sa akoz ou konnen i enportan nou’n riye wi, me solman en keksoz enportan.  Nou pa kapab set en bad presedans.  Parski ki nou pe fer la demen dan 10an dan 15an i kapab en lot Lasanble, i deside fer sa ankor li osi.  Sa i en bad presedans. I annan en rezon akoz Konstitisyon in met sa bann limitasyon dan ki fason Lasanble i kapab enterfer avek laprezidans.   Se parske parey mon’n dir separation of powers i en sistenm la demokratik Mr Speaker otherwise tanzantan Lasanble pou oule enterfer Mr Speaker avek prezidans.   Tanzantan – Ozordi nou pase nou pas en Mosyon koumsa dan ankor 1an nou vini nou pas ankor en Mosyon koumsa Mr Speaker?  Nou bezwen annan en serten kontrol.  E mwan Mr Speaker mon senserman krwar e mon dir san ezitasyon poudir sa ki nou pe arive sa prosedir i kont Konstitisyon. I pa zis Lalwa ki nou kapab pase si i kapab kont Konstitisyon.

Prosedir ki nou adopte.  E nou bezwen set good examples si nou pe dir annou fer keksoz dan en fason konstitisyonnel nou bezwen we fer li byen Mr Speaker.  Si Mosyon Onorab Ramkalawan ti napa sa bout anba e alor Prezidan Faure i pran aksyon Onorab e i demisyonen son Mosyon ti ou ok. Me letan Mosyon i al lo sa bout demisyonen la nou pe sote Onorab Ramkalawan.  La nou pe al an deor Konstitisyon.  E la nou pe breach Konstitisyon Mr Speaker.

Mr Speaker, si nou pa kapab antre par laport nou pa kapab sot par lafnet Mr Speaker.

 

(APPLAUSE)

 

HON BASIL HOAREAU

Mr Speaker, letan bar in ganny set si nou pa kapab sote nou pa kaba pas anba la.

 

(APPLAUSE)

 

HON BASIL HOAREAU

Apre dir nou’n sote.

 

(APPLAUSE)

 

HON BASIL HOAREAU

Nou pa kapab fer sa Mr Speaker.  Nou pa kapab nou bezwen swiv  – swiv, swiv dan Konstitisyon Mr Speaker.   Mwan Mr Speaker….

(Interruption)

 

MR SPEAKER

Order!  Order!

 

HON BASIL HOAREAU

Mwan Mr Speaker – mwan pou rikord mon kont tou kalite Koudeta Mwan.  Koudeta Militer mon kont Koudeta Konstitisyonnel Mon kont Mr Speaker.

(APPLAUSE)

 

HON BASIL HOAREAU

Pou rikord mon pa krwar dan Koudeta Mr Speaker.  Mon pa krwar.  Mr Speaker,

 

(Interruption)

 

MR SPEAKER

Order!  Order!

(Interruption)

 

HON BASIL HOAREAU

Mr Speaker

(interruption)

 

HON BASIL HOAREAU

Mr Speaker ….

MR SPEAKER

Order!  Onorab en moman – en moman bon si nou pa kapab fini nou pa kapab ekout onorab Hoareau fini mon pou komans name serten Manm ok? Onorab Hoareau fini.

 

HON BASIL HOAREAU

Mersi Mr Speaker.  Mr Speaker mon pa’n pran okenn offence lo sa ki’n arive mon krwar ti in a very light mood ok?  Mr Speaker, mon anvi dir en keksoz.  Nou’n koz lo disolisyon Lasanble.  Mr Speaker, mon a dir akoz nou’n dir dissolve sa Lasanble.  Ok?  Parey mon ‘n dir sa pa dapre Konstitisyon sa ki’n ganny fer sa ki pe ganny fer Mr Speaker.  Nou, nou pe dir gete si zot krwar poudir Prezidan Faure in breach Konstitisyon par egzanp ae nou pou bezwen impeach e nou pou bezwen 2 tyer ki nou pe dir be gete annou fer li byen annou dissolve Lasanble LDS i a go back to the people e LDS i krwar i pou ganny son 2 tyer i ganny son 2 tyer, i retournen e i dir ek Prezidan la nou pou al komans aksyon Impeachment kont ou anba Lartik 54.  E Mr Speaker, an Fevriye 2017 Onorab Ramkalawa ti donn en interview dan Today in Seychelles. Annefe mon ti pe regard sa Interview. Onorab Ramkalawan ti dir poudir si Prezidan Faure i dissolve sa Lasanble LDS pou retourn ek 2 tyer me si sa i leka then nou fer li senp nou fer li dan en fason Konstitisyonnel – dissolve e wi mon pe dir fer li dan en fason konstitisyonnel.  Si nou war poudir i annan issue – i annan issue e nou devret tir Prezidan, nou fer li byen.  Annou fer li keksoz drwat dapre Konstitisyon Mr Speaker.  Nou pa kaba fer en keksoz Mr Speaker ki kont nou konstitisyon Mr Speaker kan nou men nou, nou’n la pou protez e defann nou Konstitisyon Mr Speaker.  Mr Speaker mon fini avek sa e mon pou dir pour sa bann rezon mon pa pou kapab vot an faver sa Mosyon Mr Speaker.

(APPLAUSE)

 

MR SPEAKER

Mersi Onorab Basil Hoareau.  Mon ti a swete ki apre prezantasyon sa Mosyon par Onorab Ramkalawan ou ti ava le sel Manm lo ou kote pou prezant sa largiman e petet nou ti kapab konsidere si sa Mosyon i al kont Konstitisyon.  Me malerezman tou Manm in entervenir tou Manm in pas zot lopinyon – anfen mazorite Manm in pas zot lopinyon e in fer ki sa Mosyon in ganny lavi.  E an menm tan Onorab Basil Hoareau Mosyon in pas devan IBC e mwan ler mon regard Lartik 53/54 i pa’n ganny kestyon lo Mosyon dan deba lo abilite fizik e mantal  Prezidan lo ki Prezidan in breach Konstitisyon nou bezwen impeach and all that.  So mon’n pran enn de bann pti note ou largiman i vreman fantastik me mon krwar ki Lasanble en Manm dan nou Standing Orders i dir ‘notwithstanding the Constitutions’ – ok mon pa krwar ki ler ou’n breach sa 2 Lartik en Manm i ganny drwa anmenn en Mosyon, me mon pa pou al pli lwen pou dir ki mon pas mon lopinyon personnel me parey mon’n dir menm ou o komansman ou’n anmenn serten defayans e mon krwar i en zizman.  I en zizman lo Executive and the President being the Head of the Executive i bear the brunt.  Ok sa  zis mon 2 pti komanter mon oule fer anver sa e parey mon pe dir lamazorite Manm in entervenir alors nou pou kontinyen avek Mosyon apre midi e apre nou ava pran en vot e parey mon pe dir Onorab ou annan tou drwa sa liberte pou ou  deside kote ou pou vote.  Ok?  So yes Onorab Ramkalawan?

HON WAVEL RAMKALAWAN

Dir mwan ankor enn fwa bon largiman me solman Onorab Hoareau i en avoka li.  Tou sa ki in dir i kapab argimante lo fason osi tou pou dir ki sa Mosyon i annord e i normal.

 

(laughter)

 

HON WAVEL RAMKALAWAN

Vey li laprosenn fwa Mr Speaker.

 

HON SEBASTIEN PILLAY

Mr Speaker parey Onorab Georges in oule fer.

 

MR SPEAKER

Bon mon annan zis2 pti lanons pou mwan fer.  ABC pou rankontre dan Speaker’s Conference Rm 1er e sa pou swiv parey mon krwar Komite Anti-Viktimizasyon zot ti oule en meeting avek mwan.  Si tou Manm i la mon pa vwar Chair ozordi nou ava swiv 1.30 avek en meeting kot mon a rankontre bann Manm Komite Anti-Viktimizasyon ankor kot Speaker’s Conference Rm.  Avek sa nou ava Break e nou ava repran nou travay 2er apre midi.

(BREAK)

 

MR SPEAKER

Ok, bon nou annan en quorum nou kapab komans nou travay. Bonn apre midi tou Manm Onorab.  E bonn apre midi tou dimoun ki a lekout e pe kontinyen swiv travay Lasanble Nasyonal.

Nou ava kontinyen avek deba lo Mosyon ki devan nou. E prosennman lo mon lalis mwan annan Onorab Phillip Arissol. Onorab.

 

HON PHILLIP ARISSOL

Mersi Mr Speaker.  Bonn apre midi Mr Speaker, tou Onorab e tou dimoun dan lakour. Mr Speaker sa Mosyon anmennen par Onorab Ramkalawan pe demann Prezidan Faure pour pran en aksyon onorab e demisyonen pour 3 rezon.

Premye rezon se dezapwentman dan la fason ki Egzekitiv pe diriz pei. Son konsern profon ki napa aksyon dan ladministrasyon pei.  E son lenkyetid ki striktir Leta Sesel pe deteryore.  Sesel i ‘Pli gran ki nou.’ Parol ki Prezidan Faure i kontan servi.  E mwan mon krwar se sa rezon ki i merit demisyonen, akoz Sesel e Seselwa in perdi lespwar.  Nou napa en direksyon.  Set a dir nou napa en bon leader pour diriz sa pei. Tro bokou dezapwentman.  Tou keksoz pe deteryore.

Mr Speaker nou’n arive ‘beyond 2000 ‘me par ‘in style’. Mon dir ankor nou’n ariv ‘beyond 2000 ‘kot nou ti sipoze arive.  Me selman nou pa’n ariv li ‘in style.’  Mr Speaker Sesel in tonm dan en dekadans, personn pa per Lalwa.  I annan dimoun ki nepli annan respe pour propriyete zot prosen.  Sa ki anvi antre se ou, fer shopping, lo ou pye fri dan ou zarden konmsi se zot, zot odasye.  E nou pa pe war okenn aksyon par Lotorite.  Si nanryen pa ganny fer Sesel e Seselwa ki pour perdi.  Sa ki ganny afekte par fwa i pran Lalwa dan zot prop lanmen. Mr Speaker napa lord. Dimoun i fristre, dimoun i dezapwente.

Ler ou get ledikasyon Sesel in zis vir an ron. Gouvernman in tir sa ki ti la, apre in remet sanmenm. E i dir ou koumsa nou pe devlope. Serten nou bann zanfan in perdi respe pour bann ansenyan.  Bann ansennyan i dekouraze e kite.  E ki nou war dan rezilta?  Nivo ledikasyon i kontinyelman degrade.

Ler ou war bann zenn zonm ek bann zenn fanm ki ti kapab dan lanplwa e pe kontribye dan devlopman pei, malerezman zot in vin viktim e tonm dan drog.  E zot pe vin envalid kot zot pe depann lo lasosyete. Menm nou bann zanfan pe pri dan sa fleo.  Lo lot kote, nou war sa bann dimoun ki pe enport drog zot pos pe vin pli plen, pli gro. San okenn traka zot kontinyen avek zot aktivite.  Prezidan ki i fer li sa letan?  Seselwa i dezapwente Mr Speaker.

Antretan ou vwar bann paran ki pe soufer.  Swa ler zot get degenn zot zanfan.  Ler zot bann zanfan i teroriz e vol zot, vol vwazen.  Ou ler zot zanfan i al fini prizon. I menm annan en pe sa bann zanfan ki pa retourn dan lakour.  Zot plito al Simityer Mr Speaker.  Bann paran in perdi konfyans. Zot dezapwente, zot pa war okenn aksyon lo lapar Mr Faure. Dan sport nou tou nou anvi war nou national team pe ganny meday lor.  Me zwer tou lekip nasyonal i sorti dan en klib, ouswa dan en lekip distrik. Ki bann lankourazman bann sportsmen i gannyen Mr Speaker?

En lekip volleyball ouswa en lekip football, menm en tim basketball i ganny selman R8mil pour en lannen. Ki ou kapab fer avek 8 mil roupi. Lekipman sport i ser, transpor pour ou deplase kot pour ariv kot venue i ser, sirtou pour bann tim ki an deor lavil, Praslin.  I tre ser pour nou kapab ariv Anvil. Bann zenn i dezapwente, zot arete. Sa sel, sa bann ki kontinyen, zot kontinyen zis akoz sa lanmour pour sa sport. Mwan mon dir envestir dan zenn. Envestir dan sport, e nou pa pour bezwen pe donn zot methadone pli tar.

Anse Boileau i annan en gro problenm lozman.  Partou kot mon pase dan distrik ou war bann dimoun pe konplent, lakaz, lakaz, lakaz.  Mon’n al kot en fanmir i annan 14 zot ki pe reste dan en lakaz 3 lasanm. Dan en bedsitter i annan en manman avek son msye, avek en garson adilt.  Li i annan zanfan, son zanfan pa kapab vin reste kot li.  I annan bann zabitan zot lakaz i deplorab. Ler lapli i tonbe ou a krwar larivyer ki pe pase.  Tou keksoz anndan i mouye.  Eski sa ki bon pour Seselwa?  I annan en madanm ki’n fer aplikasyon pour li ganny en morso later pour li konstrir son lakaz 20an pase. E la in ganny dir i pa kalifye.

I ti’n anmas tou son pti larzan.  Me Sistenm Pwen i dir li i tro vye.  Mr Speaker eski li ki tor si in vye ouswa sa sistenm ki zot in kontinyelman pe sanze? Mr Speaker plis dezapwentman. Seselwa pe soufer Mr Speaker, pri lavi i kontinyelman monte. Komodite i vin pli ser.  Me saler bann travayer pa sanze.  Sa pti ogmantasyon ki zot gannyen, i ganny repran tre vit, bill elektrik, delo, sewage i monte, Seselwa i dezapwente.

Dan mon distrik Anse Boileau, i en landrwa kot lagrikiltir, bokou dimoun i angaz dan lagrikiltir e lapes.  Me mank aksyon lo lapar sa Gouvernman, i fer ki sa bann dimoun in dezapwente e dekouraze, finalman arete.  En bazar Anse Boileau napa.  Peser pe demann en pti Lasose, pour kapab fasilit zot travay ler zot antre pour debark zot pwason ou ler zot pe met ice.  En bwe dan lapas Anse Boileau.  Sa i en bann keksoz ki bann peser pe demande pour plizyer lannen. Sa ti pour fasilit bann peser ki ti pour antre.

Zot pa ti pour bezwen al Anvil, pran pwason dan pick up, revin vann Anse Boileau.  Alor pwason ti ava pli meyer marse. I ti a kout lo pri lavi.  Zabitan Anse Boileau osi tou pe soufer Mr Speaker.

Dan sa dernyen 10 an lagrikiltir dan Sesel in pas dan plizyer problenm kot in tonm konpletman. Tousala se akoz bann move planifikasyon. Gouvernman ti oule kontrol tou keksoz.  E si ozordi nanryen pa ganny fer.  Nou pour war sekirite alimanter nou pei pe tonm pli ankor.  Prezidan in la pour sa dernyen 2an.  Ler mon get sa sityasyon Anse Boileau, en vilaz kot lagrikiltir i tre for, en landrwa kot bann fermye ti fyer, zot bann zanfan ti partisip dan pour plant e sonny poul, ouswa koson.  E pe swete pran sa metye.  Me dezapwentman apre dezapwentman bann zanfan laplipar zot i al rod en lot metye.  E petet zis ed zot paran pour fer sarwa, akoz napa bon semen lo laferm. E zot paran nepli kapab anmenn bann gro pake lour. Dezapwentman ankor Mr Speaker.

Si Prezidan Faure ti annan en bon leadership, i ti a fer sir ki lagrikiltir ti ganny priyorite dan tou son plan.  Sa ti pour fer sir ki sekirite alimanter nou pei ti garanti.  I ti a donn direktiv pour ki lagrikiltir i ganny plis, pour ki Sesel pa ti pour bezwen pe depann lo lenportasyon.  Me sa pa le ka.  Prezidan Faure i fer musical chair avek son Minis, en tim relay dan 23 mwan, 4 Minis Lagrikiltir ek Lapes.

An Zilyet 2017, Minis Pamela Charlette ki ti Minis Lagrikiltir dan Gouvernman Prezidan Faure, ti vin dan Lasanble e prezant son Plan pour Lagrikiltir.  Zis 1an apre i ganny ranplase par Minis Bastienne ki li 2 semenn pase in vin avek en lot Plan Lagrikiltir.

Mr Speaker sa bann plan pa pe pouse sa. Montanny Posee pa ankor annan en semen apropriye pour kapab transpor zot rekolt pour anmenn bazar e pour anmenn fimyen lo zot laferm.  Sa pa ozordi ki bann fermye pe demande.  Sistenm irigasyon ki’n ganny promet pandan kanpanny eleksyon, pa ankor ganny enstale.  Menm zafer pour bann fermye Anse Boileau, Hermitage, dan leo Anse Louis, Anse La Mouche. Dan en distrik kot lapes ek lagrikiltir i for.  Mon dir ankor enn fwa, mon pa konpran ki mannyer Anse Boileau napa en bazar.

Dan bann lannen ‘80 nou bann fermye lokal ti prodwi apepre 90poursan demann poul.  An 2004 Sesel in komans war en bes dan prodiksyon poul ki’n ariv apepre 86poursan. E ozordi prodiksyon in ariv selman 14poursan. Bann kazoo poul i zis moniman lo bann laferm. Ankor dezapwentman.

Tou sa ki’n arive akoz move planifikasyon sa Gouvernman ler zot ti donn fermye quota ki kantite poul sonnyen, pour donn zot bann dalon ki napa okenn leksperyans, ni license pour fer elevaz poul.  Si Prezidan ti santi ki prodiksyon poul ti enportan, i ti ava pran aksyon pour redress sityasyon. In la pour 2 an li, depi 2016.  Ozordi Sesel nou war nou pe bezwen enport poul sorti Brazil ou Sid Lafrik. E sa lenportasyon pe afekte sa pti porsyon fermye ki pe lalit pour kontinyen malgre tou sa bann problenm.

Seselwa osi ki konsonm sa bann poul ki’n ganny enporte pe ganny afekte, akoz sa bann poul i ganny enzekte avek hormones pour li grosi vitman. E sa la kot nou ganny tou sort kalite maladi.  Mr Speaker mon demann ankor enn fwa eski sa ki bon pour Seselwa?

Ziska lannen 2007 Sesel ti prodwi plis ki 50poursan pork apre 2007 sityasyon i kontinyelman deteryore pour ariv apepre 30poursan. Bann fermye ki’n fer elevaz koson, zot park in ganny kouver anba lalyann. Ozordi prodiksyon pork i selman 430tonn lo en demann 1500tonn ki reprezant apepre 27poursan. E napa bokou fermye Anse Boileau ki pe fer elevaz koson parey avan.  Sa pti porsyon ki’n reisir avek difikilte pour fer elevaz zot osi zot pe ganny difikilte pour lalit kont lenportasyon.

Mr Speaker si ti annan en vre vizyon kler, si ti annan direktiv e azir e pran lagrikiltir vreman serye, sa pa ti pour arive. Se pour sa rezon ki Onorab Ramkalawan pe demann Prezidan Faure pour demisyonen akoz li ki donn lord.  Li ki sipoze leader, tou direktiv i merit sorti kot li.  E sa i pa pe fer byen.

Mr Speaker si ti vreman annan en vizyon plis larzan ti a ganny mete dan sa sekter, lenfrastriktir parey semen pour bann laferm. Sistenm irigasyon ti ava an plas.  Nou bann fermye ti ava pe prodwi bokou plis e pei ti pour koup lo lenportasyon e an retour sa ti pour ede fer desann pri lavi.  Bann zenn fermye ki annan plan pour kontiny sa metye, i war zot dan difikilte.  Zis pour ganny akse avek loan.  Kote pour ale?  Lekel ki i pour war? Zot dezapwente, menm bann zenn ki dan Sant Formasyon pour Lagrikiltir i santi ki napa Plan pour Lagrikiltir.

Zot lekol napa resours.  En laboratwar ki fer bann tes syantifik pour Lagrikiltir napa. Deor lo laferm zot ankor pe servi pyos pour fer bed.  Ni en shed house zot napa.  Rakor pour irigasyon zot bezwen fer ‘zapon’ parey nou dir an kreol. Napa lankourazman la osi bann zenn i dezapwente. Se sa menm sa bann zenn ki nou bezwen demen pour garanti sekirite alimanter nou pei.

Mr Speaker sa i zis en Sekter Lagrikiltir, kot nou war sa mankman direktiv e sa i selman en Minister. Mr Speaker ler mon get sityasyon Anse Boileau.  E ler mon get sityasyon Sesel tro bokou dezapwentman, tro bokou mank aksyon lo lapar dirizan sa pei.  Anse Boileau i merit sa ki meyer. Sesel i merit sa ki meyer. Moman i la pour nou sov Sesel. Les Seselwa deside. Sa Mosyon mon krwar i tonm byen e mwan mon pour siport Onorab Ramkalawan dan son demars. Mersi.

 

(APPLAUSE)

 

MR SPEAKER

Mersi, mersi Onorab Phillipe Arissol. Mon ava prezan donn laparol avek Onorab Sebastien Pillay.

 

HON SEBASTIEN PILLAY

Mersi Mr Speaker. Bonn apre midi Mr Speaker, bonn apre midi tou koleg Onorab. Bonn apre midi tou dimoun ki pe ekout nou Sesel oubyen aryer. Mon swete ki tou dimoun i an bonn sante.  E ki nou tou nou pe fer nou mye pour nou fer avanse nou lavi.

Mr Speaker mon komans mon lentervansyon par fer en remark ki pour mwan i en pti sagrinan.  I sagrinan ki par le fe ki Lopozisyon dan Lasanble in dir nou apre 15 lo 10 nou Konstitisyon in ganny en nouvo souf, me ki atraver sa ki zot pe fer ozordi, zot pe touy sa nouvo ki zot in donn nou Konstitisyon.

Mr Speaker i kler ki i annan en malez dan Lopozisyon ki zot pa pe realize zot menm, par bann fason ki zot pe koze, bann keksoz ki zot pe dir, zot in vin parey en rikord ki pe repet bann menm keksoz san anmenn bann nouvo largiman pour siport zot pozisyon.

Mon dir sa Mr Speaker akoz mon’n asize, mon’n fer en checklist en lalis bann keksoz ki Lopozisyon i kontan dir dan Lasanble.  E mon pe tick sak fwa en dimoun dan lopozisyon i koze.

40an o pouvwar, tou Manm ki’n koze ziska la 40an o pouvwar menm.

40poursan lapovrete, tou Manm in koz lo la. zot in menm fail dan fer bann konparezon konkret kot zot dekrir nou parey en bato ki ti lo brizan me dayer mon fek konpran sa bato in sorti lo brizan.  E dayer i reste Beau Vallon, egzakteman. Politik, saboule, Sesel in fail, promes eleksyon. Mr Speaker kan ki Lopozisyon pour realize pour dir 15 lo 10 malgre zot pran 15 lo 10 pour zot, 15 lo 10 i pour lepep Seselwa?  15 lo 10 pour nou ti en leson e pour zot, zot in pran li koman en laviktwar, me pa benny dan sa ben laviktwar e krwar pour dir zot ver in fini plen, zot ver pa ankor plen.

E Seselwa pour remind zot ki zot ver pa ankor plen si zot pa vin alaoter bann promes bann commitment ki zot menm zot in fer avek lepep Seselwa! Mr Speaker kan en Manm i vin dan Lasanble i koz lo 40poursan lapovrete, me malgre sa li i ti campaign e dir met mwan dan Lasanble mwan a fer desann sa 40poursan lapovrete.  E 2an along the line i still koz 40 poursan lapovrete, sa Manm in fail.  In fail sa dimoun ki’n met li dan Lasanble.  Se pour sa rezon ki mon krwar ki zot bezwen regard byen zot retorik e aziste sa malez ki egziste dan Lopozisyon, pour ki zot kapab konpran ki lesansyel ozordi se ki mannyer koman en Lasanble nou kapab travay pour avans nou pei pli devan.

Mr Speaker deba lo konstitisyonalite sa Mosyon i en deba.  Nou kapab dir en kantite keksoz. E in prouve Mr Speaker.  Mon koleg in fer largiman as to whether or not sa Mosyon in meet the threshold of constitutionality.  Si sa Mosyon pa pe tenny sa souf, ki nou dir nou’n donn Sesel.  Me dan plas fer sa reste en souf akoz pa fer sa vin en laflanm?  Akoz ansanm nou pa travay pour nou zisteman fer nou’n promet lepep Seselwa.  E sa se met larzan dan pos Seselwa?

Me Mr Speaker nou pou donn Lopozisyon en sans pour redeem son lekor dan sa Lasanble.  Nou pour donn zot en sans pour realign zot lekor. E sa atraver en Mosyon ki enn mon koleg pe anmennen Mr Speaker.  Sa Mosyon i lo Order Paper me sa i prosen Mosyon. Se sa ki mon preempt deba Mr Speaker. Sa Mosyon i dir;

‘Prenan kou lavi ki pe ogmante e sa nesesite pour revwar kad saler e Gratwite parmi lezot mezir ankor, sa Lasanble i demann Gouvernman dan sa revizyon ki pe fer pour koriz bann lenzistis e inegalite a tou nivo kot i posib tenir kont kalite travay, eleman ris, tann servis, leksperyans e konesans.’

Sa Mosyon ki pe vini pe demande pour met lanfaz dan kondisyon lanplwa ki ogmantasyon i baze lo bon performans prodiktivite baze lo bann target.  Sa Mosyon ki pe vini i demande ki bann dokiman lagreman ek travay e kondisyon kler i ganny etablir pour sak pozisyon dan tou sekter.

Sa Mosyon ki pe vini pe demande ki travay ek sekter prive. Me pa enpoz lo zot pour swivre dan moman apropriye.  E dernyen pwen sa Mosyon i demande pour met ouswa ranforsi regilasyon pour ankouraz sekter prive pour ede kontrol pri lavi kot i posib.  Mr Speaker se sa en Mosyon.  Se sa Mosyon ki nou devret pe debat dan sa Lasanble!

 

 

(APPLAUSE)

 

HON SEBASTIEN PILLAY

Adjust, aziste Lopozisyon.  Akoz si non ou konnen ki pour arive lepep Seselwa pour vot zot e pour vot nou deor!  E nou pour pri dan en serk visye.

So annou sorti dan serk visye.  Annou realign nou lekor lo sa ki sa pep pe vreman demann nou pour fer.  E mon annan koleg lo lot kote latab ki rapel menm yer swar menm, pandan ki nou pe ganny konversasyon avek en koleg lo lot kote latab, en sitwayen pe kriy ek nou, pe kriy nou dan en kwen; ‘’met larzan dan pos Seselwa!’’ Eski i pa vre sa ti arive?  Devan menm enn zot pli gran siporter LDS.

Mr Speaker let’s wake up and smell the coffee.  I enportan Mr Speaker, akoz Lopozisyon pa pe align son lekor avek bann promes ki in fer avek sa pep. Ler ou dir ek en dimoun vot pour ou pour vin dan Lasanble pour vin travay pour fer amelyor son lavi.  Me mannyer mon’n vwar pour dir zot tou zot in fail dan zot distrik akoz in dir mwan pour dir nanryen pa’n ganny fer.  Menm Mr Speaker, me e la ou a permet mwan e mon konnen mon riske al out of order, i annan en zournal ki sorti Mr Speaker ki apel Le Seychellois.

E lo sa zournal i annan en kolonn ki dir bann MNA LDS pe travay. Me dir be mon gete. Ler mon gete mon vwar bann portre, bann proze ki pe ganny fer, bann, be tyonbo en kou, si sa bann proze pa’n ganny fer Mr Speaker, be savedir sa bann MNA LDS pa pe travay.  Be ki pe arive alors? Mr Speaker mon krwar sa malez ki’n komanse ler petet LDS in frakase, in annan en divors parmi zot. En parti in ale, e mon konnen larestan i ankor la zot pe esey travay.  So petet, petet Mr Speaker parey zot dir nou, nou ti lo brizan me Diamond Ace, in sorti lo brizan li. Annou, pa al lo brizan parey nou. Pa komet menm fot ki nou, nou’n fer.

Mr Speaker mon dir akoz mon bezwen remind Lopozisyon ki zot dir dan sa Lasanble. Lopozisyon Mr Speaker ti dir ek nou koumsa pour dir zot pa pour aprouv bann Minis ki dernyen fwa Prezidan Faure ti met devan Lasanble. Akoz zot santi pour dir Prezidan Faure i bezwen al devan lepep Seselwa pour li ganny en fresh mandate.

Me ki zot ti azoute Mr Speaker ki zot pa pe dir nou ozordi, ki zot pa pe dir nou ozordi se ki zot ti dir, zot ti dir ki si Prezidan Faure i ganny eleksyon pour bezwen re annan eleksyon Lasanble Nasyonal. Me si se zot kote ki gannyen pa pour bezwen annan eleksyon Lasanble Nasyonal, akoz zot annan mazorite. Be then therefore zot, zot in koz lalang avek lepep Seselwa ler ti met zot dan Lasanble apre eleksyon Prezidansyel.  Nou bezwen get larealite an fas Mr Speaker.

Si nou pe dir pour dir met nou dan Lasanble pour travay, me selman nou bi dan Lasanble se vin travay pour ariv State House apre 2an, Mr Speaker nou pa pe respe Konstitisyon. Me sa largiman ki dir koman en Parti Politik ou pa devret esper 5an pour al o pouvwar, i pa fer sans Mr Speaker. Akoz Konstitisyon i fer kler kantite lannen ou bezwen pran pour al o pouvwar.

Me Mr Speaker ankor enn fwa Lopozisyon i dir nou en keksoz zot fer lot. En lot keksoz ki Lopozisyon pe dir nou, zot pe koz bokou lo sa zafer sitwayennte, bann kartel ki’n ganny kree.  Be Mr Speaker lekel ki ti ekrir let sa bann kartel? Lekel ki ti ekrir let pour bann Kominote Indien. Se pa nou, se Lopozisyon ki ti ekrir let. Se Lopozisyon ki ti ofer bann pos dan Cabinet avek Kominote Indien.

 

(APPLAUSE)

 

 

HON SEBASTIEN PILLAY

Se Lopozisyon ki ti fer bann promes e mon konpran.  Mr Speaker mon konpran zot en parti politik.  Zot bezwen fer politik.  Savedir sa Mosyon ki devan nou, i pa en Mosyon ki genuine, me i en Mosyon politik. Lopozisyon pe fer politik pour li sey prouv en pwen politik.  Me zot pe fail Mr Speaker pour sa pwen. Akoz malgre petet zot bann leaders i ava aziste. Mon konnen zot pour esey aziste. Zot pa bet bann politisyen Mr Speaker.  Zot ase sharp sa bann politisyen.

Ki pour arive zot bezwen aziste akoz tou zot Manm ki’n koze Mr Speaker in fail to address the issue.   Zot tou, zot in koz lo size apard ki sa Mosyon.  Be mon pa ganny en konpran Mr Speaker.  Zot pas en Mosyon apre zot koz lo en lot keksoz.  Be i pa fer sans.  Mon krwar petet zot ti devret asize analize pour dir be ok i annan en Mosyon devan nou.  Annou vin ek bann pwen tanzib lo kwa ki’n arive.  Mon’n tann Manm dir pour dir nanryen pa’n ganny akonpli dan zot distrik.  Me Mr Speaker, i annan lalis bann diferan keksoz ki’n ganny akonpli.

Mon konnen dan mon distrik par egzanp. I annan en msye ki apre ki mon konnen MNA e lotorite distrik in lager. En proze in realize pour sa madanm.  Be nou pa kapab dir pour dir nanryen pa’n realize. Ok? So Mr Speaker mon krwar ki nou bezwen etre fran ek nou lekor.  Kwa vreman ki nou oule fer.  Kwa vreman ki nou oule koman en pei.  Nou attack public servants, nou attack Gouvernman. Me Gouvernman ozordi Mr Speaker mon avoue dir ou mon pa konnen lekel dan Gouvernman ki siport LDS, lekel ki siport lepep e I don’t care lekel ki siport LDS, lekel ki siport lepep.  Si ou en Seselwa ou anvi travay, sa ki enportan. Me ki mon war Lopozisyon fer? Ler lapwentman en dimoun i ganny fer, kritik lezot keksoz dan sa lapwentman.  Me enn zot largiman se ki sa dimoun in en politisyen dan en Gouvernman.

Me lo zot kote latab, Mr Speaker, politisyen prominan lo zot kote latab ki zot reprezantan lo CAA ti deza en Minis dan nou Gouvernman. Me eski ler en dimoun i sorti dan Lepep, i al dan LDS alors tou keksoz i ok akoz ou LDS?  Mr Speaker me se sa ek nou pa ek nou. Se sa ek nou pa ek nou.  Zot pe rapidman vin egzakteman menm keksoz ki zot pe kritike ki nou, nou ete.

Mr Speaker Prezidan in entrodwir en lapros kot ou annan dyalog.  Ou annan tolerans, i pa get ou kouler politik dan en apwentman. I ganny kritike. I pran en dimoun vreman for pour fer en lapwentman, kot en dimoun ou konnen pour dir lezot dimoun pour dir be sa i’ pa ek nou’ … pa sa ki enportan.

Li koman Prezidan i santi pour dir sa dimoun ki la i kapab fer sa louvraz pli byen.  E i donn li sa loportinite.  Me i anmenn dimoun devan zot ki zot ti dir li. ‘musical chair Minis’. Be i pa ti pour bezwen annan musical chair.  I ti ava annan Minis ki ti pe tay 100met. Zot pa ti anvi. Me selman Lopozisyon ki i fer Mr Speaker, enteresaman, ki i fer ler Minis dan Gouvernman i kritike, ler Minis i deor i en bon Minis, i ti en bon boug, i ti en bon dimoun!  Be mwan pa ganny en konpran Mr Speaker. I annan en malez dan Lopozisyon ki petet zot pa kler egzakteman lo kwa ki zot pe dir ek kwa ki zot oule fer! Mr Speaker, sa Mosyon devan i pe donn loportinite Lopozisyon pour fer konpanny.  Sa ki mon’n tande la anndan ziska la Mr Speaker i bann speech konpanny; i bann PPB. Malerezman zot pa’n ganny sans ganny bann dimoun an deor pour koz lo la. Petet nou devret sanz fason nou fer Mosyon ki vin en proper PPB, nou ava al deor nou ava al rod dimoun pour koz lo la.  Me selman malerezman zot pa’n ganny sans pour fer dimoun koz lo la.  Me zot bezwen realize ki si zot in ozordi, mon pe dir sa. E demen zot trouv zot dan menm sityasyon, sa ki nou pour pe fer dan nou pei, se ki nou pour kase avek en tradisyon ki nou Konstitisyon in etablir pour nou.  Annou pa al ver parey sa bann lezot pei in fer dan larezyon.

Pa fer sa!  Akoz largiman ki ou pa bezwen esper 5 n pour ou vin o pouvwar i tonbe. Konstitisyon in set sa.  Annou respekte sa.  Parey nou respekte zot manda.  Mwan mon pa al enterfer dan manda sa dimoun ki’n ganny elekte dan mon distrik mwan.  Mon pa enterfer dan manda okenn lezot dimoun ki’n ganny elekte.  Me okenn dimoun ki vin vwar mwan, mon vwar li.  Me mwan pa vin fer okenn lezot konpanny ek okenn lezot sa.  Sa i nou bi koman MNA se pour travay pour dimoun.  Sa ki nou devret pe fer mes amis, se ki nou devret pe travay pour ede fer lavi dimoun amelyore.  Se sa ki nou devret pe fer.

Mr Speaker nou’n koz lo bokou size dan sa Lasanble nou. Sa 40poursan lapovrete.  E la mon pour retourn ek zot ankor.  Tou bann mezir ki zot dir LDS ki’n akonpli e malgre sa bann dezir ki prezan ki Gouvernman in fer pa’n abouti dan nanryen, then LDS osi in fail si i ankor annan 40 poursan lapovrete.

Savedir zot langar lo sa 40 poursan lapovrete i bezwen komans sanze.  Mwan mon demann Gouvernman imedyatman fer en letid ankor, e etablir kantite dimoun ki pe viv dan lapovrete dan sa pei. Annou konnen, annou gete at the end of the day lepep Seselwa i a ziz nou si nou’n kapab fer en mezir tanzib pour amelyor son lavi.  Annou pa kontinyen vin koz lo menm retorik, lo 5 Zen, lo Liberasyon, lo 40an. Me tousala nou’n tande Mr Speaker.  Been there, done that. what is new? Kwa ki nouvo? Napa nanryen.  Mon challenge zot pour al devan zot prop siporter e sa i enteresan Mr Speaker.  E mon bezwen dir sa. Mwan mon’n koz ek plizyer siporter Lopozisyon ki dir mwan pour Sebastien nou zanmen nou pour vot pour Parti Lepep, zanmen nou pour vot Parti Lepep, nou pour vot LDS nou. Me selman nou, nou santi pour dir eleksyon pa ler la.  Me lekel sa mazorite ki zot pe koz lo la alors? Si mon pran 5 a 10 dimoun sorti dan sa distrik ki pa oule sa, be then sa margin ki nou’n ganny eleksyon sa 193 vot la, i tonbe.  Savedir politik parey enn lo zot, Onorab lo zot kote latab, set a dir 50/50. Be nou pa kapab en group fors son will lo en lot group akoz i santi pour dir i pa sa moman pour vin fer li.

In fini sa letan e nou menm nou, nou’n dir fodre pa annan sa.  Mr Speaker mon dir en parol ki mon’n ganny reminded of dan sa Lasanble par en koleg Onorab lo lot kote latab, ki mon respe li.  I annan bokou plis leksperyans ki mwan.  ‘’The end never justify the means.’’ E mon ti ganny reminded of sa vreman resaman Mr Speaker.  E i enportan ki zot mazin byen sa.  En koudeta, koudeta Konstitisyonnel, koudeta, i en koudeta.  Pa les listwar repet son lekor e annou reanim nou, realign nou, prepar nou pour sa Mosyon ki pe vini next week, pour nou al rod bann mezir tanzib ki nou kapab propoz ek Gouvernman zisteman pour fer sa ki nou anvi fer se met larzan dan pos Seselwa.  Sa ki enportan.  E Mr Speaker, lo sa pwen sitwayennte Mr Speaker. I enteresan Mr Speaker lo sa pwen sitwayennte.  Nou ti ganny deba lo Lalwa Imigrasyon ki nou ti pe fer be ti annan lamannman ki ti pe ganny propoze par lot kote latab Mr Speaker.  Mwan pa pour al dan sa bann lamannman. Be sa bann lamannman eski ti ganny diskite antre zot.  Eski zot ti realize ki sa bann lamannman ti pe fer Mr Speaker?

I annan lamannman ki ti menm al ver ki en dimoun ki vin travay pa bezwen en GOP, ganny propoze par zot kote.  Ti annan bokou largiman lo la sa bann Lalwa.  Eski zot tou zot ti an faver sa bann lamannman? Mr Speaker, Mr Speaker nou bezwen serye dan sa Lasanble. Sa Lopozisyon ki la in ganny elekte par Seselwa dan 15 distrik, pour zot travay par pour ganny zot bouton peze par nenport ki. Zot beholden par sa pep ki’n elekte zot.  Sa bann dimoun dan sa bann distrik ki’n met zot la, pe get zot parey pe get nou.  E si zot dir parey zot dir pour dir nou Parti Lepep nou letan in fini.

Si zot dir parey zot dir nou Parti Lepep nou nepli relevan, be why the fear 4an ankor?  Sa 2 an ki reste. Akoz per 2020? Akoz per 2020? Ou dir mwan nou pep pe soufer. Mon ti a kontan ou ti’n vin avek legzanp tanzib ou pep soufer.  Me ou pa vin avek menm retorik ki ou’n vin avek toultan an krwayan pour dir ou pour convince lamazorite, ki ou pwennvi i carry the day.  Pa sa larezon. Mon krwar nou bezwen fer sir pour dir dan la fason ki nou, nou’n enterakte koman MNA Mr Speaker, nou annan en loportinite dan sa pei ki zanmen nou’n deza annan.  Annou fer sir Mr Speaker.  Annou fer sir ki, annou pa get sa ki dimoun pe dir deor. Mwan konnen pour dir i annan msye Pillay ki ti avek zot ki’n sorti an deor pe met serten presyon lo zot.  Mon konpran sa.  I arive sa, i arive sa.  I arive ok?  E la Mr Speaker i annan en largiman mon oule avans.  Mon oule testes a ek Lopozisyon.  Si par egzanp zot dir ok, manda Prezidan Faure pa pour li, be ler LDS ti vini ti annan bann Manm e mon rapel byen sa largiman ti ganny servi, ti dir serten Manm pe vin reprezant Lalyans Seselwa anba sa parasol LDS. Me si Lalyans nepli parti LDS. Savedir sa bann Manm zot osi zot manda i tonbe.

 

(Interrruption)

 

 

HON SEBASTIEN PILLAY

Me non Mr Speaker i pa le ka.  I pa le ka.  Non be sanmenm mon pe dir. Sanmenm mon pe dir zot, Mr Speaker.

 

MR SPEAKER

Order! Order!  Order! Order!  . Petet, Order! Order!  Mon krwar i annan en pti pe kontansyon la.  Eleksyon e reprezantasyon dan Lasanble i Parti Lepep avek LDS.

 

HON SEBASTIEN PILLAY

Mon ti pe al klarifye Mr Speaker.

 

(laughter)

 

MR SPEAKER

Order! Order!  

 

HON SEBASTIEN PILLAY

Mon pa’n ganny sans fini akoz mon’n ganny enteronpe.

 

MR SPEAKER

En moman, en moman, bann Lopozisyon ki la ti al lo tiket LDS.  Ale kontinyen, kontinyen.

 

HON SEBASTIEN PILLAY

Mersi Mr Speaker. Mr Speaker wi mon ti pe al dir before I was so rudely interrupted par serten Manm lo lot kote latab ki sa i pa le ka. I pa le ka akoz koman Manm Lasanble zot pa ti ganny elekte lo sa tiket zot, zot ti ganny elekte koman sa Manm Lasanble.  E zot ti al devan sa bann dimoun.  Se zot ki ti al devan sa laport, pa anba tiket sa parti politik me koman en groupman parti politik.  E se sa ki fer lezitimite zot manda.  E zisteman se sa ki fer lezitimite manda Prezidan Faure.  So nou pa kapab koz lezitimite manda ka nou osi nou annan serten keksoz ki kapab kree serten ilezitimite lo nou kote Mr Speaker.

So mon krwar sa i nou bezwen fer.  Mr Speaker mwan mon en dimoun ki fermeman krwar dan mon bann koleg mwan.  Mon konnen ki zot pour rise to the occasion.  Mon konnen zot anvi travay pour Sesel.  E mon konnen pour dir ki zot in bezwen anmenn sa Mosyon akoz zot santi pour dir i annan serten presyon lo zot. Me annou pa fer sa Mosyon, annou pa fer sa Mosyon vin en deba lo divizyon.  Annou fer sa Mosyon vin en deba lo ki mannyer koman en Lasanble Mr Speaker nou kapab travay ansanm pour fer nou pei avanse.  Mr Speaker, mwan mon premye dimoun pour kritik mon bann koleg lo lot kote latab pour bann Lalwa ki zot in pase dan sekter offshore. Mon premye dimoun pour fer sa. Mon santi par fwa mwan war mon bann koleg i favorab anver serten practice.  Me Mr Speaker par fwa mwan osi mon pa get zot perspektiv.  Me, me lesansyel Mr Speaker i reste se ki zot pour ganny sans koriz sa bann fot.

Zot pour ganny sans koriz bann keksoz ki zot in fer ki’n kree difikilte pour pei, zot pour ganny sans korize.  E mwan ki mon pe dir ek zot.  Mon pe dir ek zot enn: enn – premye annou koriz sa bann keksoz ki petet nou’n fer pandan nou manda. Nou ti ankor fek antre.  Nou ti annan bann keksoz ki nou ti oule fer.  Nou’n fer li, premyerman enn.

Dezyenmman annou onor bann promes, bann commitment ki nou’n fer ek nou bann dimoun ki nou’n fer ek nou bann dimoun dan nou distrik. Annou rod tou fason pour travay pour fer sir ki bann promes, bann commitment ki nou’n fer i ganny akonpli. E kot pa’n ganny akonpli, kot genuinely pa’n ganny akonpli. E la nou ava vin devan nou ava dir pour dir be mwan mon’n fer tou sa ki mon kapab e nanryen pa’n ganny fer.

E trwazyenmman Mr Speaker, trwazyenmman, sa sityasyon politik ki nou annan dan sa pei Mr Speaker i unique.  Partou dan lemonn pe get nou. Nou le sel pei ki’n kapab annan en sanzman politik parey ki nou’n annan san ki nou’n annan lager, san ki nou’n annan diskord, sa ki nou’n annan problenm antre nou. Nou kapab annan nou diferans me nou’n kapab travay ansanm.  E sa Mr Speaker i en keksoz ki nou bezwen viv by.

I en keksoz ki nou, nou bezwen fer tou posib pour nou kontinyen.  E se sa mon krwar lespri, lespri ki Prezidan pe travay. Se pour sa lespri ki mon krwar Leader Lopozisyon i koze avek Prezidan dan bann leaders forum.  Se sa lentansyon sa bann dyalog se pour montre lepep Seselwa ki nou linite antre nou.

Mr Speaker mon servi ankor sa legzanp.  Yer mon donn mon koleg en ponnyendmen e enn son siporter i dir mwan be zot donn ponnyendmen zot, rapel Onorab, ou konpran.  So annou pa donn lenpresyon dimoun pour dir nou anger.  Annou pa donn lenpresyon dimoun ki nou annan problenm antre kot napa.  Annou pa kree problenm kot napa Mr Speaker.  Me kot i annan problenm annou travay ansanm pour nou kapab aranze. Akoz se sa lesansyel ki nou’n ganny mete la anndan Mr Speaker.

Mr Speaker, i annan bokou keksoz ki nou’n dir dan sa Lasanble pandan sa bann dernyen zour la ki nou’n koze lo sa Mosyon.  Nou’n dir plizyer keksoz.  E en keksoz ki mon’n fer personnelman Mr Speaker se ki ler tou Onorab in koze lo lot kote latab mon pa’n enteronp personn.  Me i malere Mr Speaker pour war ki mon bann koleg pa pe a la oter menm lespri, ki mon war zot serten zot pe swazir pour enteronp mwan.

Mon konpran Mr Speaker, politik par fwa i fer disan en pe so e nou anvi enteronp. Me mwan ti ava apresye Mr Speaker ki mon ganny menm respe ki mwan mon’n donn zot akoz apre tou, apre tou se koumsa ki nou, nou montre respe avek sa bann dimoun ki pe get nou, avek bann zenn ki pe get nou, avek zenerasyon ki pe grandi.

E mon ti a kontan dir zot Mr Speaker, mon ti a kontan dir zot pour dir nou pe ganny size. Tou le de parti politik dan sa Lasanble nou pe ganny size. Me annou pa les sa zizman ler i tonbe, tonm lo en kote ki nou tou le de nou pa kontan e ki anmenn nou pei dan en lot direksyon. Plito annou seye pour nou travay ansanm, pour nou anmenn sa pei pli devan.  E annou pran sa lapros ki Prezidan pei in pran pour nou anmenn dyalog, pour nou anmenn konpasyon, pour nou anmenn konprenezon, e pour anmenn en lespri fairness antre nou ki toultan apre nou kapab dir pour dir nou’n fer li pour Sesel.  E Sesel i pli gran ki nou tou Mr Speaker.

Mr Speaker, malerezman Mr Speaker mon pa pour kapab aport mon soutyen pour sa Mosyon.  E mon ti a swete Mr Speaker, mon ti a swete ki nou realign nou, realign nou seryezman tou bann Manm lo lot kote latab e pour nou onor sa promes, met larzan dan pos Seselwa e ki next week ler Mosyon Onorab William i vin lo Order Paper, nou tou nou donn li son sipor e nou tou nou koz lo sa Mosyon pour ki nou avans pei pli devan e ki lepep Seselwa i dir ki Lasanble Nasyonal pe travay pour li. Mersi Mr Speaker.

 

(APPLAUSE)

 

MR SPEAKER

Mersi, mersi Onorab Sebastien Pillay. Ki i pour al fer Pascal Village. Mwan zis en pti komanter Onorab Pillay mwan apresye en pti pe dan laliny ki mon ti ale yer.  Omwen ou’n anvoy sa mesaz pour dir nou pa anger.  E sa Mosyon osi tou pa pe anmenn pep anger. Nou kontinyen tenir sa linite, nou kapab annan nou diferans politik.  Nou atak diferan Polisi lo sak kote. Me nou pa kree bann problenm antre nou pour nou al kas sa linite ki nou pe kree dan nou pei. Bon prosennman mwan ava pas laparol avek Onorab Sandy Arissol.

 

HON SANDY ARISSOL

Mersi Mr Speaker. Bonn apre midi Mr Speaker, bonn apre midi tou Manm Lasanble Nasyonal, zabitan St Louis avek lepep Seselwa.

Mr Speaker mwan ti a kontan premyerman dir ki Onorab Pillay koman en ansenyan par profesyon, byen kalifye mon ti a kontan remind li ki i pa vin fer lekol personn dan sa Lasanble Nasyonal. Sel group dimoun ki kapab fer lekol se son bann koleg obor li.

 

(APPLAUSE)

 

HON SANDY ARISSOL

Ozordi sel mo ki in servi se ‘malez’, ‘tanzib,’ apre in sant menm ritorik parey i abitye fer toultan.  Granmersi i pa’n servi mo’ loptik’ ozordi. Mr Speaker sel malez ki in annan se dan 20enm Kongre Parti Lepep msye Michel ti dir apre ki zot ti swazir li koman kandida zot parti pour eleksyon Prezidansyel, ki Parti lepep i sel vre lavwa lepep Seselwa.  E i reprezant lazistis, lape, i garanti progre ek stabilite.  E i pa ekskli personn.  ‘E pa tous Parti Lepep e pa esey teste zot lafors’ i ti dir. Annou pa bliye pour dir Parti Lepep ti sa parti ki ti ‘Kosto’, ‘Kapab’, ‘Konpetan’, e pa bliye, Onorab Wilbert Herminie in dir Parti Lepep i ankor annan en mazorite dan sa pei.  Me i dezole pour mwan dir pour dir Parti Lepep en kort volleyball Anse Boileau ozordi pa kapab ranpli Mr Speaker.

 

(APPLAUSE)

 

HON SANDY ARISSOL

Mr Speaker, Msye Michel ti menm dir avek son bann siporter ki nou pa kapab kit travay dan milye semen. I ankor annan kouraz ek volonte. E i pour travay pour Sesel. Me ki nou’n vwar depi sa Mr Speaker? Sesel napa direksyon. Ou konnen akoz Sesel napa direksyon Mr Speaker? Akoz msye Michel li menm li in taye, e in kit travay dan milye semen. Akoz in taye? Akoz lanmas pwalon ki so? Oubyen lanmans pwalon in refrwadir?

Sa ki Onorab Ernesta ti pe esey dir nou parski lanmans pwalon in so pour Msye Michel, oubyen i senpleman ‘kapris letan’ parey Onorab Ghislain ti remind nou.  I pa’n travay pour lepep parey i ti dir.  Nou dan LDS nou ti konnen nou pour dir i napa stamina akoz zanfan lekol ti’n komans dir i travay SBC akoz son laparisyon i preski toulezour lo televizyon Sesel.  E deplis i ti pe komans koz ek pwason.  Pa konnen si sanmenm sa zonm ki Onorab Ghislain ti pe fer referans avek letan sa zonm ti pe get makro lo lans, e ti konnen ki i annan karang.  Me letan pa ti bon.  An fen ‘kapris letan’ sa.

 

(laughter)

 

HON SANDY ARISSOL

Konmdir sanson tyoubwik, tyoubwak la la JAM in tonm dan delo ek son pwason! Mr Speaker mon komans koumsa akoz plizyer gran promes in ganny fer dan sa pei, par sa menm Gouvernman ki’n la pour plis ki 40an.

Zot in sant tou kalite sanson; zot in vin avek plizyer slogan, me ki’n nou’n vwar? Pei in tourn an ron. Ozordi napa gran keksoz ki pe ganny arive dan nou pei.  Parey nou’n tande Mr Speaker, Vandswet i annan de fas, en lot kot i kares ou lapo, lot kot i dekouver ou lakaz.  Me mwan anvi dir Mr Speaker sa set egzakteman parey Parti Lepep i fonksyonnen.  Parey Vandswet, avan eleksyon zot kares ou lapo, zot kares lapo Seselwa par aste zot vot, anbet Seselwa dan lalkol, promes lakaz ek later, vann nou nasyonalite an retour pour zot ganny plastic surgery, sanmenm sa ki apel kares lapo Seselwa.  Me ler zot ganny eleksyon zot vin parey sa lot fas Vandswet ki Onorab Ghislain in koz lo la. Zot dekouver ou lakaz Mr Speaker.  Ki i vedir par sa. Ler zot ganny eleksyon zot sanz zot nimero telefonn, tou promes i ganny oubliye.  Pri lavi i tous plafon e sa i fer ki ou lakaz i dekouver e zot asiz dan zot konfor.  E zot les tou responsabilite lo Lasanble Nasyonal.  Eski Parti Lepep i osi annan kapris parey letan? Oubyen senpleman zot napa bonn volante pour zot per, pour zot servi sa pep?

Alor nou bezwen dir Msye Faure avek Gouvernman, Msye Faure OUT!  Dan sa Gouvernman ‘pas baton’ dirize par Msye Faure, nou’n vwar Minis in kite, lot in ganny apwente, sanze, bouze, pouse, me Sesel li i reste parey. Son maladi i agrave, akoz zis sanz lili, swa tapi anba en pasyan pa fer en gran diferans. Maladi i bezwen latizann, pa nouvo drwa oubyen nouvo lili. Me i bezwen medikaman ek tretman efikas.  Parti Lepep pe mazin sanz zot non ankor enn fwa Mr Speaker.  Savedir zot mank konfyans dan zot prop sistenm, oubyen zot en striktir, oubyen en parti kwen tapi parey Onorab Ernesta ti remind nou zot ete?  Parti Lepep i fer rally avek 15 dimoun Anse Boileau.  Selman Mr Speaker Headquarters Parti Lepep pa okouran ti annan en rally laba dapre bann ‘gran golan.’  An fen ‘kapris letan’ sa.

Msye Faure pep ran desizyon an konsiltasyon avek sa de Prezidan avan li kot zot pe fer sir ki Polisi zot Gouvernman pa afekte zot bann siporter, swa bann o zofisye dan Gouvernman. Zot kontinyen viv oubyen pran bann desizyon popilis ki pa bon pour nou pei.

Nou pa pe bouz delavan. I zis parey Onorab Ghislain Mr Speaker in remind, nou sa gro zwazo dan Vandswet ki bat isi, bat laba.  (Onorab Valmont mon pe vin lo ou, ou.) Onorab Valmont Mr Speaker in remind nou ki Labib i dir parey Onorab Regina Esparon in dir bomaten, Onorab Valmont i bezwen konpran byen kler, pour dir avan ou esey tir lapay dan lizye ou kanmarad, i annan en poto dan sa ki pour ou, ou bezwen tir sa poto dan sa ki pour ou pour ou kapab byen vwar lapay dan lizye ou kanmarad.

Mr Speaker Onorab Valmont in osi koz lo sa pye pikan ki nou tou nou’n ekout li. Sa pye pikan Mr Speaker ti ganny plante le 5 Zen, mon repet ankor le Zen 5 1977.  Se la kot laenn ti antre dan nou pei.  Se la kot lagir ti antre.  Se la kot revanz, vorasite pouvwar ti antre par sa Parti Politik ki ti apel SPPF avan SPUP ozordi zot in vin lepep Mr Speaker.

E i enportan letan nou koz lo SPUP/SPPF Onorab Wilbert Herminie ti rapel nou bomaten pour dir lamars pa efikas.  Me sa ki Onorab Wilbert Herminie ti bezwen mazinen pour dir ‘Lamars Diri’ sete SPUP ki ti fer.  Lamars ‘Yankee go home’ sete SPUP avek Ton Yanm ki ti responsab pour fer dan nou pei.

Letan Ladministrasyon Msye Faure Mr Speaker napa direksyon, sa i fer ki Parti Lepep i kontinyen fer biznes avek STC. Bann ki koupab pour koripsyon zot ankor pe marse lib deor. Nou larzan i kontinyen ganny partaze antre fanmir, e zot loan i ganny write-off parey nou’n tande kot SBFA. E pour zot dir zot a ganny lodas apre dir nou ‘’Les Danny travay!’’ Nou larzan pe ganny partaze antre dalon, ‘’Les Danny travay!’’

Si msye Faure i annan prerogativ anba 5(1) pour donn sitwayennte san konsilte lezot i bezwen servi menm prerogativ pour li kapab pran desizyon dan sa pei.  Letan mon lo SBFA Mr Speaker i enportan pour mwan dir klerman, ki nou dan LDS nou krwar dan epanouisman nou bann zenn, kot zot ganny met a laporte bann finansman neseser, pour zot ouver en pti biznes swa agrandi zot biznes.  Me nou osi krwar ki larzan piblik i serye. si ou’n pran en loan, i osi ou responsabilite pour ou rann sa loan pour ki en lot ou frer i benefisye li osi a lavenir.  Me nou pa krwar dan lapliferans kot menm dimoun ki gannyen. Me larestan i kontinyen dir i pa kalifye.  Zis CEO tousel ganny sispann Mr Speaker mwan mon krwar pa ase.  Akoz i pa’n pran tou desizyon lo li menm.  Me in osi annan en Board ki’n pran desizyon an konsiltasyon avek li.

Mon osi krwar ki tou bann ki’n ganny en loan e zot ankor fit for duty parey nou dir, zot pe travay zot devret rann tou zot loan ki zot in pran avek SBFA parey tou lezot Seselwa ki’n pran en loan dan sa pei. Ladministrasyon Msye Faure i bezwen kapab annan kouraz pour adres sa bann defi ki nou pe fer fas avek, Mr Speaker.  Sansan nou pour bezwen dir li ‘Sorry Msye Faure OUT!’’

Later lagrikiltir i en lot defi.  Lekel ki annan later lagrikiltir?  Konbyen zot annan e lekel bann vre propriyeter sa bann later?  Distribisyon later lagrikiltir i bezwen ganny fer dan tout transparans, me pa ganny donnen ek dalon pour fer lezot keksoz oubyen vin en byen personnel.   Selman nou annan zenn ki’n lekol pour Lagrikiltir ki pa’n zanmen santi loder later. Move zesyon anba Ladministrasyon Msye Faure. Lo topik later, nou’n aprann later ki plizyer endividi ek fanmir in gannyen, tousala in bann Mosyon ki nou’n anmennen dan sa Lasanble.  Sa i montre ki Lasanble pe travay. Sa se oversight lo Gouvernman.  Pa bliye se LDS ki ti anmenn Minis dan Lasanble Nasyonal pour re-negosye pri tiket avyon domestic pour zabitan Praslin. Letan Msye Faure ti’n fini pran desizyon pour trangle zabitan sa de zil avek pri tiket plis ki R2000 sote.  Savedir Lasanble pe zwe son rol.

Egzekitiv osi pour bezwen zwe son rol si zot serye. Ki Egzekitiv in fer depi sa Mosyon lo later in pase dan Lasanble Mr Speaker?  Nanryen!  Menm Parti Lepep zot menm zot Parti Lepep zot annan zot 40 morso lo zot non.  Akoz si zot en Gouvernman serye zot komans partaz sa bann later ek pep Seselwa?  Akoz i annan plizyer Seselwa pe fer legzanmen pour kapab aste en morso apre ou a ganny ou report ki ava dir ou, si ou’n fail, swa ou’n pas ou legzanmen pour ou kapab aste en morso later. Ladministrasyon Msye Faure i devret rod fason pour repran sa bann later ek bann endividi ki’n benefisye plizyer arpan Mr Speaker.  Pour bann nou ki lo en lalis, nou ava kapab anfen aste en morso nou osi.  Me par kont napa linifikasite dan ladministrasyon Msye Faure. I per pour pran aksyon kont son prop dimoun ki’n degorz sa pei.

Drog anba Ladministrasyon Msye Faure pe kontinyen ronz nou lazenes. Nou pa tann nanryen konkret. Me zot met lanfaz dan sonny bann zenn pour dalon ganny en saler.  Me lanfaz lo anpes drog antre dan nou pei nou tann nanryen Mr Speaker.  Akoz sa? Sa ki ansarz progranm drog pe rod plis larzan.  Rod en sant pour bann zenn ki servi drog. Selman ozordi nou annan nou en prizon ki sipoze en sant pour zenn ki ganny arete, akoz ti pe servi drog e ki ganny konsidere koman en lofans anba nou lalwa.

Prizon i en dezord.  Zot ti anmenn en group Nepale, e reasir tou fanmir ki tou pour ok e pour annan lord dan prizon. Ki nou’n vwar bann Nepale in fer? Zot in byen kale dan nou pei, zot in ganny fanm e pe reste dan konfor Perseverance e en pe partou, partou.

Byento nou pour ganny bann nouvo sinyatir dan rezis skoler bann lekol.  E nou pour vwar zot pe al met laliny pour vote zot osi, akoz zot pou’n ganny nasyonalite akoz zot osi zot kontan Sesel parey lezot etranze ki rod nou nasyonalite anba 5(1) prerogativ Prezidan ‘meritorious’ parey nou’n tande sa sanson in zwe sa semenn antye.

Si en Gouvernman pa kapab met lord dan en prizon avek anviron 400 dimoun eski ou ekspekte annan kontrol lo sa ki pase dan son pei?  Larepons i non.  Nou prizon i montre larealite nou pei.  Dezord partou kote, bann Lotorite in perdi kontrol parey Onorab Hoareau in remind nou bomaten.  E parey Mosyon pe dir.  Dan prizon prezan ki i annan dezord.   Sirentandan ‘in’, sirentandan ‘out.’ An fen ‘kapris letan’ sa.

Me ki nou vwar drog dan sa menm sant kot nou bann zenn in ganny mete.  I annan dezord total.  Napa kontrol. Si ou ganny kondannen pour vol, ou sorti koman en adikt.  Me eski i pour realis konstri en lot sant pour en lot group zenn. Eski drog pa pour rantre?  Eski pour annan lord?  Oubyen en lot gaspiyaz larzan lepep Seselwa, anba sa menm Ladministrasyon ki’n fail?

Zot dir ‘cold turkey’ pa bon pour zenn.  I refer zot revolte. Kestyon ki mon demann mon lekor par fwa, akoz sa zenn ki ganny atrape ek drog i ganny sarze, kondannen pour li al dan prizon kot sipoze napa drog? Eski sa pa i en legzersis ‘cold turkey’ dan li menm?  Akoz i pa pour ganny drog laba, i pa sipoze ganny drog laba, swa methadone.   Eski sa zenn i mor, i revolte laba?  Deza Anse Royale kot zot baze pour le moman zot revolte, akoz i annan en pti group zot e bann staff i bezwen rod lasistans avek Lapolis pour degas lasasen.

Bezwen revwar la fason ki methadone i ganny donnen Mr Speaker.  Napa kontrol.  Zot bwar lalkol avan zot pilil. Koman zot fini zot retourn lo ghetto. Nou tou nou konnen, nou tou nou vwar. Landrwa kot sa distribisyon i ganny fer pa ideal.  E sa in ganny fer resorti dan bann meeting kot nou’n ale. Ki progranm travay zot annan pour sa bann zenn pour ki zot pa zis servi larzan tax payers money Seselwa, me ki zot osi kontribye dan lekonomi nou pei pour bann depans ki zot pe fer lo non lepep Seselwa.

Letan mon pe koz lo lekonomi pei, i enportan pour nou mazin nou bann travayer Seselwa.  Ozordi Sesel sa saler minimonm i bezwen reflekte kou lavi ozordi dan nou pei. Eski sa saler minimonm i reflekte kou lavi dan Sese? Letan ou koz avek en gard sekirite oubyen en manman ki carer zot dir ek ou letan ou’n tir tou sa ki fodre tire lo sa saler pa reste gran keksoz.  Letan ou kalkil depans en fanmir kestyon ki ou demande eski zot dezennen swa dinen letan zot in fini tir tou zot depans?                  Annou pa bliye, nou annan plizyer nou frer ek ser ki pe viv anba nivo lapovrete Mr Speaker dan Sesel.  La mon repete ‘anba nivo lapovrete dan Sesel.’ Pa akoz nou pa’n vot pour 2 Minis ki i annan lapovrete Sesel Mr Speaker. Resers in prouve me SPPF sa letan ti dir ‘propagann.’  Me anba Parti Lepep zot in aksepte. E zot in rekonnet e zot in menm apwent Sekreter D’Eta pour get sa problenm dan son lizye.

Me ki i arive ek sa bann vizit? Letid ki’n ganny fer dan distrik St Louis?  Oli aksyon?  Zis kestyonn Seselwa dan zot lavi prive. Me sa bann fanmir dan distrik St Louis pa’n tann nanryen.  Zot anvi konnen ki’n arive avek zot letid e oli aksyon ki sipoze ganny pran pour ed zot sorti dan sa sityasyon ki zot ladan.  Letan ou konsider saler bann etranze ki travay dan menm Departman, swa lorganizasyon, ou reste soke konbyen zot gannyen koman zot saler.  Me annou pa blir lezot benefis ki vin avek zot saler. Me sa menm lorganizasyon i dir ek nou, napa larzan. Akoz sa disparite dan saler etranze Mr Speaker konpare avek sa Seselwa ki pe fer menm louvraz? Swa ki annan menm tit, savedir lo menm nivo. Anba Ladministrasyon msye Faure toultan Seselwa i ganny konsidere koman 2enm Class dan son pei.

Annou get zis kot PUC ki nou’n koz lo la dan sa Lasanble. Menm sa lorganizasyon ki’n fer monte tarif akoz i pe rod larzan pour lenfrastriktir zis kot li bann travayer etranze ki travay lo laliny tiyo zot ganny anviron R15mil par mwan konpare avek Andrew, Rolly ki fer menm louvraz e ki zot, zot ganny anviron R7mil par mwan. bann enzenyer etranze ki pe ganny plis ki R28 a R35mil par mwan e i annan etranze ki manager ki pe ganny anviron 100 mil parey nou’n tande.  E deplis zot ganny loto pour zot bezwen personnel, zot ganny fuel ki ganny peye par PUC e PUC pey lakaz pour zot anviron 17mil an montan tou le mwan, pour sak travayer ki tonm dan sa group e zot ganny osi bann lezot allowance.  Lekol prive peye pour zot zanfan par sa lorganizasyon e osi en lasirans ek lezot benefis Mr Speaker.

Me ozordi oan kontan pour aprann ki Minis Finans Energy Commission, avek PUC enkli SEYPEC pe zwenn pour regard ankor sa sityasyon e rod lezot alternativ pour ranplas sa logmantasyon.  Se sa ki nou dan Lasanble nou ti pe rode Mr Speaker.  Se sa ki nou ti anmenn Minis pour nou vwar ki lezot alternativ zot annan olye trangle zabitan St Louis avek lezot Seselwa.  E mon kontan ozordi zot in ekout Lasanble Nasyonal.  Savedir Lasanble pe travay.

Sa i zis konpare avek nou bann travayer Seselwa ki pa ganny nanryen Mr Speaker. Apart en saler ki pa vedir nanryen.  Apre parol ‘’se Seselwa pa oule travay.’’

Eski i normal pour li rente pour R7mil? Me sa etranze i ganny R30mil kan li in la dan sa profesyon pour plis ki 15an? Letan sa Seselwa i tande swa konnen ki etranze i pas devan li, apre ki in devoue son letan, son lenerzi pour sa lakonpannyen ek son pei, eski pa i annan rezon pour li pran lakoler e demann Msye Faure pour li demisyonen e fer nouvo eleksyon? Apre zot dir Seselwa pa oule travay.  Zot dir sa akoz zot pa kapab fer Seselwa lesklav parey nou’n tande dan bann etranze pe fer fas avek dan nou pei.  Sa i rezilta Seselwa pa oule travay.

Akoz en pti group dimoun pa oule travay tou Seselwa i ganny marke parey.  La travayer Ile Du Nord Mr Speaker pe kriy lasasen, zot anvi en vizit par Lotorite konsernen parski zot santi zot defavorize; zot ganny maltrete e zot dekouraze. Travayer Seselwa pe lager kont travayer etranze, pour zot ganny zot service charge dan bann lotel apre ki zot in leve granmaten e al debrouye e zot pe travay tre dir pour zot pei.  Anba Ladministrasyon Msye Faure Seselwa i ganny maltrete dan son pei.  Nou bezwen annan en kad kler an relasyon ek saler dan nou pei.  Etranze pa kapab kontinyen ganny preferans lo nou Seselwa.  Kwa ki zot fer an pli ki nou Seselwa ki ladministrasyon Msye Faure pa war pour nou bann travayer?  Si zot efikas e enportan pour nou pei.  Ozordi nou annan nou anviron 20mil etranze ki pe travay dan Sesel. Sa i fer ki mazorite pos senior dan pei se zot ki okipe.  Dan bann lotel mazorite ka se bann etranze ki travay. E zot travay par fer lavi nou Seselwa difisil.  Koumsa nou Seselwa i ava degoute, i a kite apre zot a ganny rezon pour zot dir Seselwa pa oule travay.

Bann gran lotel zot ganny sa ki nou apel Mr Speaker en certificate of entitlement.  Sa i permet sa bann lotel fer vini zot prop travayer.  Alor Mr Speaker, kwa ki arive?  Sa Sef etranze i fer desann son fanmir.  Nou tou nou konnen. Lanplwa osi i konnen, e zot annan diskresyon pour donn promosyon zot fanmir ki zot in fer desann.  Olye sa Seselwa ki’n la dan sa profesyon, dan sa lotel pour plizyer lannen.  Si ou rebel, ou anvoy latet, ou ganny en let ki remersye ou pour ou letan tann servis.  Si nou asize nou kalkil depans en etranze ki vin travay Sesel, konpare avek saler sa Seselwa ki par fwa i montre li louvraz i minim.  Napa direksyon an relasyon avek travayer etranze dan nou pei, ek la fason ki zot tret nou bann Seselwa dan nou prop pei.  Ki Ladministrasyon Faure in fer, pe fer, pour fer?  Nanryen!

 

(APPLAUSE)

 

HON SANDY ARISSOL

Annou get dan biznes. I annan en kartel enorm, la mon repete, i annan en kartel enorm ki pe pase dan nou pei.  Bann marsan Indien zot vann zot prodwi swa aste zot prodwir an gro zis antre zot.  Letan mon koz ek en madanm i dir mwan mansyonn son non, madanm Therese Charles, mon’n zwenn li apre midi ki fer sa biznes wholesale, i dir ek mwan napa market Sesel avek sa bann laboutik Indien.  Akoz zot refize aste avek li.

Alor li koman en Seselwa dan son pei i pa bouz de-lavan Mr Speaker.  Prezan annou get en kou dan magazen; cashier, handyman, sekirite, dan stor, pickup ziske drayver.  Zot dir ou napa konfyans dan nou Seselwa. Nou tou nou konnen mannyer zot fonksyonnen. Therese in dir ek nou zot pa aste komodite ek Seselwa e zot napa konfyans dan Seselwa koman travayer. Prezan Mr Speaker annou get en kou zot larzan.  Zot fer cartel dan nou pei, zot anploy zot prop dimoun, e ki arive ek zot larzan ki zot in rekolte dan nou pei? Mazorite sa bann gran businessman zot annan en Bureau D’Echanges.  Tou zot larzan i sorti dan nou lekonomi. Eski sa i vedir, eski i vedir ki zot osi zot napa konfyans dan nou lekonomi? Oubyen zot napa konfyans anba Ladministrasyon Msye Faure?  Eski Sesel Mr Speaker pour kontinyen vin berso tou etranze pour zot lav zot larzan, fer zot larzan e kasyet zot larzan? Kan eski Sesel ek Seselwa pour benefisye? Napa direksyon Mr Speaker.  Nou pour bezwen etablir norm bann norm kler an relasyon ek biznes etranze ek zot lenfliyans dan nou pei.

Sa i pa apel zenofobik sa Mr Speaker, akoz ‘zenob’ pa ‘fobik’, e ‘fobik’ pa ‘zenob’.  Sa i ava fer ki nou ava pe swiv bann norm enternasyonal kot mazorite pei pe sekiriz zot border, pe kontrol trafik imen, osi bann imigran ilegal ki pe rantre dan zot pei.  Nou’n tande dan medya ki i annan travayer etranze ilegal dan pei ki GOP in fini.  Me nou sistenm pa kapab detekte.  Lekel ki dwatet dan pei oubyen non?  Napa direksyon Mr Speaker.  Eski Parti Lepep i bezwen apwent nouvo Minis pour war sa, pour dir ki i annan dimoun ki dan pei ki pa devret dan pei? Eski nou bezwen annan nouvo Minis pour war sa bann defi?  Sa i linifikasite Gouvernman Msye Faure. An fen ‘kapris letan’ sa.

Letan napa direksyon pei Mr Speaker se Seselwa ki soufer.  Akoz mon dir sa. Ler lakonpannyen ki anrezistre i pey son taks, i anploy travayer, apre li i pa peye, ou tande ki Gouvernman i pour peye atraver en fon ki zot in etablir ki nou’n tande dan medya. E mwan letan mon ti tann sa mon ti dir sa i mal.  Gouvernman napa larzan pour donn Seselwa en logmantasyon, selman Gouvernman li atraver son Minis i anonse pour dir pour annan larzan pour pey travayer etranze en lakonpannyen sekirite.  Minister, sa Minis e sa Minister i dir i pour peye avan. La apre nou aprann pour dir Prezidan sa menm parti ki dan sa menm Gouvernman, selman li in divorse mon konpran, i dir pa pour peye.  Napa direksyon Mr Speaker.  Sakenn i dir en parol.  Sa i montre pour dir ki nou napa bann Lalwa ki for, oubyen ki morde parey nou kontan dir dan langaz kreol, napa direksyon, pei pe zis viv lo desizyon popilis pour protez dalon.  Apre zot ava ganny lodas e dir ek toupe pour dir avek nou ‘’Les Danny travay!’’ Kestyon ki Seselwa pe demande, konbyen etranze ilegal ki annan dan nou pei?  Ki Lotorite i konnen dan bann biznes?     Eski sa bann etranze zot bann dokiman i annord? Lotorite i konnen zot la? La nou’n ganny lenformasyon ki en 50enn etranze in ganny nasyonalite e pe byen pase dan nou pei.  O menm moman i enportan pour nou pa bliye Mr Speaker, ki nou frer ek ser Seselwa zot in perdi zot plas travay par egzanp kot lakonpannyen Air Seychelles. Eski anba Ladministrasyon msye Faure i annan en lenspeksyon serye ki pe ganny fer pour asire ki nou pei i konnen lekel?  Kwa ki’n antre e ki’n sorti dan nou pei?

Mr Speaker, letan mon lo sa pwen mon ti a kontan partaz en lenformasyon avek Lasanble Nasyonal.  Zot a rapel semenn pase Minis Telemaque ti donn nou en lalis.  List of applicant obtained citizenship since October 2016.  Mr Speaker lo sa lalis i annan 2 sinyatir, zot konn mwan mon pa dir non, mon dir sinyatir, mwan a dir sa de sinyatir. I annan de sinyatir Esaie. Zot ti ganny sitwayennte le 24.072017.   Mon repete le 24.07.2017.  Sa menm non, sa menm sinyatir, zot aparet lo rezis voter Anse Aux Pins. Rezis voter Anse Aux Pins sertifye par Electoral Commission sa letan 2013.  Sa de non i aparet lo rezis voter 2013.  Zot in ganny sitwayennte 2017.  Eski nou bezwen apwent nouvo Minis pour vwar sa Mr Speaker?  Eski Manm Lasanble ki ti dir sa? Eski sanmenm sa promes ki Manm Lasanble in fer pour nou bann dimoun laba deor?  Nou Lasanble Nasyonal nou pe travay.  Ladministrasyon Msye Faure pa pe delivre. Alor nou bezwen dir ek li ‘’OUT!’’

 

(APPLAUSE)

 

HON SANDY ARISSOL

Letan napa en direksyon kler, sa i fer ki bato i rantre dan nou lanmer.  Lotorite enkli Coast Guard ki zis 2 kilomet lanmenm pa konnen i annan en bato dan nou lanmer.  Sa i fer kanmi Mr Speaker.  E annou pa bliye se Msye Faure ki Commander in Chief, sekirite nou pei, nou zanfan i dan son lanmen!  Napa direksyon Mr Speaker. Ladministrasyon enkli Mr Faure koman Commander-in- Chief selman Lotorite in sey rod mont lo sa bato plizyer fwa.  Mon kestyon mon demande pour fer kwa, si ti napa permisyon pour antre dan nou lanmer?

Selman bato pa’n ganny permisyon pour antre dan nou lanmer.  Sa i montre nou doub standar parol pe rir labous. Granmersi ‘kapris letan’ sa bato finalman in sorti kot i ti ete. Lotorite i anpes Seselwa met latab dan lavil pour vann zot prodwi.  Me nou’n vwar sa menm lotorite pa fer nanryen letan en etranze i ouver en latant lo en trotwar kot manm piblik i sipoze pase e i vann son prodwi.  Sa menm lotorite pa fer nanryen. Doub standard an nou pei.  Napa direksyon.  Letan napa direksyon kler nou ganny bann Onorab ki sorti dan lot kote Parti Lepep, prezant zot laraz, zot lakoler atraver bann Mosyon oubyen kestyon dan zot deliberasyon ki zot in fer.  Zot osi zot santi Mr Speaker mank linifikasite.  Me sakenn i fer li dan zot prop fason.  I annan nou ki annan kouraz.  I annan ki napa kouraz.  Nou bezwen konpran sa.  Me selman nou bezwen osi dir oli problenm?  Konmdir Onorab Sophola.  Sa ler La Digue mari problenm i annan Mr Speaker.

Letan napa direksyon nou ganny bann Manm Parti Lepep ki dir avek zot Minis ki zot in mal ganny konseye e Minis in kas Lalwa e pa pe swiv nou Konstitisyon e napa direksyon kler.  Sa i en lot fason Mr Speaker eksprim zot dezapwentman kont Ladministrasyon Msye Faure. Letan napa direksyon nou ganny nou bann santer Seselwa parey mon santer prefere i kontan sante, kot i dir ‘’Lari Bazar pa kapab pase pour en ‘bonzour’ ou a donn R10. Pour en ‘koman sava’ ou a donn R25. Sa osi i en lot fason eksprim dezapwentman kont sa sistenm ki’n fail Mr Speaker.  Mon santer prefere se Norvil Ernesta Mr Speaker zis pour al lo rikord.

 

(APPLAUSE)

 

HON SANDY ARISSOL

Kestyon ki mon ti a kontan demande Mr Speaker.  Letan nou anmenn en tel Mosyon eski sa Mosyon ki nou’n anmennen i anmenn enstabilite dan pei? Eski sa Mosyon ki nou’n anmennen pe ensit vyolans dan nou pei? Eski sa Mosyon ki nou’n anmennen i fer ki bann dimoun ki al parti State House zot per e zot bezwen koz avek zot Onorab? Mr Speaker sa Mosyon ki’n ganny anmennen i en Mosyon parey tou Mosyon. Alor koman aksyon onorab. Mwan Sandy, John, Arrisol ganny elekte pour distrik St Louis, mon pour siport Mosyon anmennen par Onorab Ramkalawan;

‘Ki Lasanble pe eksprim gran dezapwentman dan la fason ki L’Egzekitiv pe diriz pei. Napa aksyon efektiv dan Ladministrasyon pei.  Bann striktir Leta pe deteryore.  Alor mon pour siporte e vot an faver ki msye Faure i pran en aksyon onorab e demisyonen imedyatman koman Prezidan dan lentere nasyonal pour permet lepep Seselwa ek zabitan St Louis swazir son prosen Gouvernman. Avek sa detrwa parol Mr Speaker mon ti a kontan remersye ou.

 

(APPLAUSE)

 

MR SPEAKER

Mersi Onorab Sandy Arissol. Mwan a pas laparol avek Onorab Charles De Commarmond.

 

HON CHARLES DE COMMARMOND

Mersi Mr Speaker, bonzour tou dimoun, tou bann Manm Onorab e tou dimoun ki a lekout.

Mr Speaker lo sa Mosyon unconstitutional ki devan nou la, mwan fransman mon pa anvi koz lo la.  Me selman i fer, i enportan kantmenm dir enn de keksoz zis pour met keksoz an perspektiv pour nou dimoun ki pe ekout nou.  Ou vwar premye dimoun ki’n koz lo sa Mosyon ki’n montre nou pour dir sa Mosyon i pa fer sans, i kont Konstitisyon.  Sa ki i pe demande i pa rezonnab.  Se Onorab Georges. E mwan mon kontan son bann pwen ki in avanse kot Onorab Georges li menm in dir e mon quote sa ki in dir la mon repete, i dir ki sa Mosyon pa pe demann Prezidan Faure pour demisyonen e sorti State House.  Premye keksoz. Selman tou dimoun ki’n koze, mon’n ekout zot, zot pe dir Danny OUT! Be i en kontradiksyon enorm sa.

2enm keksoz Onorab George i dir nou Konstitisyon pa permet Prezidan sorti o-pouvwar koumsa dan sa fason. I montre ankor pour dir sa Mosyon i kont sa ki Konstitisyon pe dir.  Lot keksoz ki i dir ankor i dir i pa en Mosyon ‘No Confidence. ‘ Ankor i montre nou menm zafer. E an fen ‘kapris letan’. Me Mr Speaker, nou, nou pe dir ki sa Mosyon vreman parey Onorab Basil Hoareau in eksplike tre, tre kler.

 

E Onorab Basil Hoareau in eksplike tou dimoun deor pe felisit li, tou dimoun deor in tann li byen.  E i pe dir vreman lala sa ki ti devret ganny dir depi komansman e menm ou Mr Speaker nou pe dir sa ti pe dir depi komansman en fason apre personn pa ti ava koze.  Me les li nou nou’n le les li ale koumsa e se sa.   Napa okenn konsern Onorab Ramkalawan, se  nou nou’n pe eksplike ki mannyer sa vreman i kont Konstitisyon.

E an plis ki sa Mr Speaker, mazinen ou apenn 2 semenn pase nou’n koz lo en Mosyon pou eksplik e edik nou zenn lo Konstitisyon nou pei e nou ole donn legzanp nou vin dan lasanble 2 semenn apre nou met en Mosyon anti-konstitisyonnel.  So sa fransman i montre poudir nou pe mal edik e diriz nou bann zenn.   E nou bezwen fer atansyon lo la

E si ou vwar alor ki sa Mosyon ler alor i kont Konstitisyon savedir nou pe fer en Koudeta Konstitisyonnel nou apel ki koumsa e la mon pe lans lapel avek Onorab Ferrari ki li in dir dan nou lasanble a plizyer repriz ki li i regrete pou partisipe dan koudeta le 5 Zen 1977 ki nou dir fantastik ou regrete ki ou partisipe ladan e la nou demann ou e la mon oule lans lapel avek ou ‘pa partisip ankor dan en 2enm Koudeta!

 

(APPLAUSE)

 

HON CHARLES DE COMMARMOND

E fransman e se sa lotrozour Mon ti dir Mr Speaker, mwan mon ti ava kontan pou vwar en Lasanble vreman ki napa personn ki krwar e fer koudeta ankor.  Ou konpran?  Sa Mr Speaker, ou konnen sa Mosyon i vin devan nou osi dan en moman istorik.  Istorik pou 2 rezon.   La ki nou pe koze i annan bann Konvansyon – bann Konsil onorer –Sesel a aletranze ki ganny fer Eden Blue.  Sa bann dimoun ki nou ti zwenn a diferan an mon an dan louvertir nou’n al zwenn dan moman ki tri annan cocktail  mwan mon pa’n dir okenn mon pa’n zour zot nanryen mon pa dir bann parol mal, avek sa bann dimoun e sa bann dimoun in dir mwan be ki arive Onorab De Commarmond avek zot Lasanble nasyonal?  Mon dir what do you mean konmsi?  Ki ou pe sey dir mwan?  Mon dir nou Lasanble an realite i travay en kantite.  Mon’n dir mwan – i travay en kantite la get FPAC.  Me nou fer en kantite travay e travay ansanm.  I dir mwan non, non, non, bann dimoun pe koze bann dimoun pe dir i annan en Mosyon ki pe pase.  I dir mwan be zot le tri zot Prezidan?  Mon dir mon fer en pti sourir e riye – i dir mwan be sa i mal.  Sa Prezidan ki zot annan en tre bon Prezidan.  En Prezidan ki lo rezyon rezyonal lo niv9o enternasyonal i pe ganny rekonnet – i pe ganny felisite i pe ganny konmsi en ta kredi.  I dir Sesel pe monte ek sa Prezidan ki zot annan.  E zot devret kontan en Prezidan parey.  I dir mwan be dan nou pei pa pou kapab pase en Mosyon koumsa nou Lasanble zanmen pou les li antre.  Pa pou ganny admissibility – test pa pou gannyen.  I pou fail pa pou kapab fer.  Anyway mon dir be nou isi nou Lasanble I en pti pe dir … mon dir tou keksoz i antre apre i sorti.

 

(laughter)

 

HON CHARLES DE COMMARMOND

Mon dir li be solman an menm tan sa Konvansyon ki pe ganny fer Mr Speaker mwan pou mwan atraver sa Konvansyon mon vwar aksyon ki Gouvernman pe fer.  Sa Konvansyon i reponn lapel Prezidan lo dernyen Konvansyon letan i ti zwenn bann Konsil Onorer e bann Anbasader i it dir annou fer ki zot travay i abouti a keksoz pou nou pei.  Pa travay zis laba deor travay en pe osi pour ki nou pep, i feel sa travay ki zot pe fer e zisteman sa Konvansyon atraver dyalog ki mon’n annan avek diferan nou bann Konsil – Konsil Onorer i pe reflekte.  E mon vwar nou L’Egzekitiv kot pe partisipe zis pandan Konvansyon ouswa zos apre dan koridor e pe aksyon lo bann keksoz.  Par egzanp mon a donn enn de legzanp

Pran Minister Ledikasyon deswit Minister Ledikasyon in dir avek serten Konsil Onorer donn nou – donn nou sipor avek bann dimoun ki pe travay teachers nou bezwen teachers.  Nou lafors travay i ptipti dan Sesel.   Sa responsabilite ki nou annan i bokou e nou pe devlop ek en lavites enorm e nou bezwen plis travayer etranze.  Me selman bann ki ilegal sa en lot problenm sa a ganny deal avek.  Me solman nou bezwen.  Alor aksyon pe ganny fer lo sa nivo e ki vitman nou pou gannyen dimoun.

Par egzanp nou annan bann program PPBB ki ganny fer dan tou bann Minister – nou konn tre byen dan FPAC nou pe swiv sa depros.  E pou sa bann Minister egzekit sa si i napa dimoun konpetan dan Minister pou swiv sa kote pou gannyen?  Alor sa dan pe swiv sa Konservasyon relasyon pe ganny avek bann Minister ek bann Konsil e Konsil Onorer pou zot kapab sipot Sesel direkteman ladan.

I annan en lot lide ki pe ganny avanse se ki serten sa bann konsil zot travay ek bann distrik e bann Ambassadors osi menm zafer.  Pa kapab zis bann Ambassadors i vini dan Sesel e nou bann Anbasader mon oule dir ki ganny plase aletranze apre zot pa anmenn en rezilta isi.  I bezwen annan en rezilta.  I bezwen annan en travay avek detrwa distrik pou ki sa i anmenn en fri, ki pep dan distrik i benefisye direkteman.  Sa osi i ganny fer e mon’n vwar bann travay petet plitar apre sa Konvansyon i a ganny anonse piblikman.  Par let problenm m ki in o annan kot nou kapab ba petet akseler-e; nou SBC nou SBC I bezwen ale e sa bann Minister i bezwen liaise ek SBC pou raport ek pep Seselwa ki pe pase dan nou pei.  En kantite keksoz pe arive me solman zot pe ganny fer, pa ganny raporte korekteman.

I annan en  lot keksoz ler mon’n dir i en moman istorik i sa pe arive sa Mosyon pe pase dan nou pei se zisteman letan sa Misyon IMF in la in fer sa re view ki zot in fer e mon’n swiv yer lo televizyon sa ki zot in dir dan zot rapor. E zot rapor pe koze ki pozitiv ki pei in fer ki nou dan nou lekonomi, dan nou pei ki pe marse e i annan osi negative.  Negativite e zot pe koz nou ler mon’n annan en dyalog avek zot e lo sa kote latab isi nou’n annan en dyalog e zot dir nou dan 3 mwan dan 3 mwan Mr Speaker si nou pa re anmenn sa ML Act ki ti vin en Bill prive isi nou ti pase e ki mwan mon ti dir ek Pr3ezidan pa sinyen mon ti tap lanmen lo latab e ki in sinyen ozordi pe dir re-anmenn sa akoz i mal ki nou’n fer sansan nou pe al lo Blacklist.  Dan 3 mwan si nou pa aranz keksoz dan sa kote la nou pou ganny tape.

Be sa lekel? Pa nou ki ti anmennen.  So mon pe dir Mr Speaker pour ki zot osi zot pe swiv nou de pros sa ki pe arive dan pei pou vwar poudir nou Prezidan i a pe travay i pe travay ek en lavites enorm e i enportan e sa pa premye fwa ki mon dir.  I enpotan ki tou lezot entans dan pei i al avek sa lavites ki Prezidan nou vwar li pe fer.  Be nou Prezidan e mon pe dir i pe travay avek en lavites enorm Mr Speaker e mon dir ‘’Les Danny Travay!’

 

 

(APPLAUSE)

 

HON CHARLES DE COMMARMOND

Mr Speaker nou Prezidan letan in pran sa manda difisil in aranz en kantite keksoz.  Sa Prezidan ki nou annan la mon anvi konmsi fer lepep Seselwa kontan en keksoz.  Dan lemonn diferan moman diferan pei, in ariv diferan kalite Prezidan.  Par egzanp mon rapel L’Allemagne i kler in vini ek en lanmen robis dan lanmen konmsi en Diktater enorm in vini in fer tou keksoz li.  Si pa i kler lekel konmsi?  Ok? Ou vwar dan Italy laba Mussolini la lo bor nou dan Lafrik nou’n annan Idi Amin tousala i bann dimoun ki ‘n vini ki’n pran pei in si oule dir Sesel Albert Rene mon napa problenm m ek sa Onorab Ferrari sa zot ti fer Koudeta ansanm.  Mwan mon sa….

 

(APPLAUSE)

 

HON CHARLES DE COMMARMOND

… mwan mon pwen ki mon oule diri se ki ozordi nou annan en Prezidan ki li i diferan ek sa ki mon pe nonmen mwan.  Li i believe dan bann lenstitisyon for.  Dan bann lenstitisyon dinamik.  E pour mwan that is the modern democracy.  Modern democracy e ki li in touse in dir ou nou bezwen annan en pei ki fonksyon e ki mars dan latransparans, rann kont bonn Gouvernman.  E dan bonn gouvernans e bann lenstitisyon for.

Mon ti a pe koz ek enn detrwa dimoun, enn de dimoun dan council LDS, tou resaman la.  E zot pe dakor pour dir Prezidan pe travay. E prezan mon pa konpran ki mannyer nou annan en lopozisyon ki anmenn en Mosyon ki dir Prezidan OUT!   Mwan a nonm ou apre pa trakase. Pour le moman la nou pa nonm non dimoun.  Mwan mon pe dir zot, mwan pe dir zot.  Mon kapab dir zot plis ki sa, pa ou ki’n dir non. Non, non pa ou ki’n dir.  Sa mwan kapab garanti pa ou ki’n dir.

Mr Speaker, i enportan pour vwar sa Prezidan ki nou annan la. sa bann lenstitisyon for i bezwen ki ler li i ale la pei pa tonbe ek li.  Pei i kapab kontinyen avek zisteman en striktir fantastic an plas.  Me ou kapab annan ou pli zoli striktir ou.  Me si napa dimoun pour fer marse sa bann striktir. Be ou striktir i initil, ou konpran mwan?  En lakaz pour li vivan pour li aktivite pour annan lazwa de viv dan sa lakaz, fodre i annan dimoun e bon dimoun.

So i parey sa.  Alor nou, nou pe lans en lapel dan en fason kid an L’Egzekitiv, dan Lezislatif, dan nou Lasanble, dan Zidisyer osi ki sakenn i fer en bout travay. Tou bann dimoun i desarz en responsabilite a la oter. Nou, nou’n koze nou dan nou Lasanble.  Par egzanp L’Egzekitiv osi mon krwar in dir ki bann dimoun ki fer bann sarz par egzanp bann petty crimes oubyen ki pa’n pey alimoni, nou dir arete anvoy prizon.  Nou’n dir e mon krwar nou bezwen anmenn Mosyon lo nou kote nou ava anmenn en Mosyon pour nou dir ankor sa pour pous ankor plis.  Be selman i pa nou Lasanble ki egzekit sa.  E nou, nou pe dir silvouple Zidisyer avek L’Egzekitiv egzekit sa. Fer ki konmsi i ava, nou pa kapab zis dir, i ava annan aksyon ki swiv.  Be sa bann aksyon la i vin aksyon en Gouvernman.  E pa zis aksyon en L’Egzekitiv.  Ouswa zis aksyon Lasanble.  Mwan mon pe get li koumsa.  Se sa ki nou, nou pei i mar lo en pei, i en sistenm Prezidansyel, i pa en sistenm parlmanter. Amwen nou deside pour sanz sistenm? Me pour le moman i koumsa.

Alor nou bezwen relans sa lapel e Gouvernman li menm. Savedir depi son 3 Brans Gouvernman i bezwen pe travay ansanm.  E mwan mon’n koz ek mover Mosyon i osi i vwar pour dir look i pa pe vin fer okenn soz pour konmsi annan problenm ek Prezidan lo la.  Sa nou’n koze e mon dakor son lapros lo la.  E ou konnen savedir i pe montre ou nou dyaloge, nou dyaloge ansanm ek Prezidan en kantite keksoz ki nou pe war ansanm. Me selman i annan de bout kot keksoz pa pe marse pour aksyonn lo tou sa bann keksoz ki nou anvi i ganny fer lo la.  Nou anvi i al pli vit ki sa.

Prezidan li Mr Speaker i napa en baton mazik. Si i ti annan en baton mazik deswit i tape e tou keksoz i arive.  Me se sa rezon nou bezwen annan en pe pasyans akoz 2an petet i pa menm ase pour sa bann lenstitisyon ki mon pe nonmen i ganny fer e i ganny marse dan en fason efektiv e pli efektiv ankor.  Ou vwar? Nou annan en Polisi enkliziv.  Nou oule esey met tou sa Seselwa posib ki kapab kontribye dan nou pei pour donn koudmen.  E la nou bezwen deside pour tir en kou sapo politik si nou anvi get pei tousel, get pei konmsi avan tou, get pei de-lavan, get pei konmsi premye.

Nou bezwen deside e nou bezwen embrace tou lezot dimoun ki pare pour donn koudmen.  Me nou bezwen kree sa kondisyon, kree sa latmosfer pour dimoun partisipe.  Amwen nou pa anvi fer li.  Nou zis pe dir en keksoz apre nou pa fer.  E mwan war Prezidan, se sa direksyon ki i anvi ale e ki i pe sey fer.

E prezan nou pa kapab les nou Prezidan, nou bon pti Prezidan ki nou annan, tou dimoun deor pe dir sa en bon Prezidan zot in gannyen Sesel. E en bon Prezidan koumsa ou pa kapab konmsi pa siport. Ou pa kapab, konmsi les li travay li tousel.  E mon lans en lapel ek tou dimoun ki annan responsabilite dan pei pour donn koudmen nou bon pti Prezidan ki nou annan pour nou kapab fer nou bon pti pei avans devan, pour kapab konmsi avans pli lwen.  Mwan, mwan Mr Speaker, mwan mon dir avek nou Prezidan Faure la e ki mon konnen mwan.  Mwan mon dir sa akoz, wi en bon Prezidan nou annan.  Sa nou bezwen dakor. Mwan mon dir, ‘no one but you ‘avek sa Prezidan ki nou annan. ‘No one but you.’ E sa nou bezwen al avek sa pour fer sir nou re-elekte ou at the moment of election back in office akoz ou pe fer byen Msye le Prezidan, keep it up!

Mr Speaker sa Mosyon in vin dan nou Lasanble pour en senp rezon.  Tou dimoun ki konnen e Onorab George mon dir ou enkli Onorab Basil, mon respekte zot bokou sa de dimoun, zot konn tre byen.  E mwan zour ou pa la, zour ou pa pe lead Bills Committee mwan mon pa vini.  Mon kontan travay ki ou pe fer Onorab George, Onorab Basil de menm. E zot ki gid nou, zot ki gid nou dan sa bann zafer.  E mwan mon krwar pour dir sa Mosyon in vin devan pirman pour bann rezon lenkyetid.  Dimoun dan sok la, Lopozisyon o dan sok akoz son bann dimoun pe ale. Sirtou letan nou ansyen Speaker, Lalyans, Pat Pillay, Ton Pat in ale la, pe domaz en kantite domaz pe ganny fer.  E pli keksoz i tarde, pli zafer i sal laba anndan.

 

(APPLAUSE)

 

HON CHARLES DE COMMARMOND

E prezan sa Mosyon alor in bezwen vini pour sey tir latansyon, esey kouver sa panik, ensidswit. Mwan mon krwar se sa state ki Lopozisyon i ladan ozordi.

Be mwan, mon krwar pour dir sa Mosyon i pa devret la devan nou.  Nou devret pe pran plis nou letan pour nou get welfare nou dimoun. Savedir met en presyon kot neseser L’Egzekitiv e sa nou pe fer dan sa Mosyon ki pe vini semenn prosenn nou pour fer pour met presyon plis lo L’Egzekitiv l. E nou pour pouse. La nou pour bezwen zot osi pour donn nou koudmen. E mon swete zot ava donn nou koudmen pour pouse pour sa Mosyon ki nou pe anmennen la pour ki L’Egzekitiv i al en keksoz dan sa direksyon.

I annan en keksoz taler ki’n ganny dir. Ki mon pour tyonbo ankor akoz sa i en pwen ki fer sans sa zafer cartel la ki Onorab Arrisol ki’n fek koz avan mwan in mansyonnen.  Anyway pa nou ki ti anvoy let pour bann Indien, zot ki ti anvoye, les li, le sa ou. Me selman mwan mon rapel lo nou kote la nou annan en dyalog ki nou pe fer avek Minister Finans ek Central Bank.  E sa issue nou’n leve.  And it’s a real issue, i en issue ki nou bezwen met lanmen lo la.  Nou bezwen at one moment FPAC osi ki mon konnen i vey byen sa.  Nou a met devan, nou a gete ki mannyer nou pour bezwen fer ki en travay pli konpreansiv dan nou lekonomi, dan nou, ek nou Minister Finans i ganny fer pour fer sir ki distribisyon larises dan nou pei i al dan en fason pli byen, pli ekitab, e ki nou pep i pa santi sa peze for lo pri lavi, lo kou lavi ki pe tap li bokou ozordi.

So mon a les sa pour le moman, nou ava anmenn li dan en lot Mosyon.  Nou ava koz lo la pour fer sir ki vreman nou gete nou pep.  Lasanble pa kapab la zis pour get lezot keksoz. I bezwen la primordyalman pour get welfare son pep.  I bezwen donn en koudmen dan gete dan fer pour pouse e realiz kondisyon lavi pli meyer pour pep.  E nou lo sa kote latab i en pledge ki nou’n fer toultan ek nou pep, nou parti dan son Konstitisyon, dan tou, i sa bann keksoz ki toultan.  E se sa rezon parti ti kree. Nou parti lo nou kote part SPUP/SPPF e la Parti Lepep, e la nou pe aranz sa Parti Lepep pour fer sa nouvo Parti Lepep ki mon dir tanzantan, nou a gete ki mannyer pour vini, pour vin pli byen.  I pour ganny netwaye. Mwan mon dir la sa Parti Lepep si i annan serten keksoz ki mal ladan i aranze, i netwaye pou fer sir ki ler ou ek Parti Lepep la ou vreman dan en bon kote, ou vreman dan en bon parti, ou vreman dan en parti ki ou pour feel son feel.

Ou pour ganny li. Fer ki sa parti i anmenn keksoz konkret pour ou.  Ou konpran ou? Kondisyon lavi i bezwen vin meyer ek Parti Lepep. E deza nou’n anmenn li kot nou ti sorti lontan, nou’n anmenn li. In annan en moman letan dimoun i dir ek ou ozordi dan semen. Dimoun i dir ek ou, i dir dan en moman letan nou ti ok nou.  La in desann, be nou bezwen nou Parti Lepep refer sa zafer vin lo la, rekalibre li. Be pour sa nou bezwen nou souvandfwa mon dir mwan en better Lasanble. En Lasanble kot nou, nou an mazorite.  Nou, nou bezwen repran nou mazorite dan Lasanble, Parti Lepep pour nou kapab al pli vit.  E sa group ki la, plus letan eleksyon, nouvo eleksyon letan pour vini. Sa voyaz lepep pe dir esper nou lo Facebook partou ou war. Partou ou war dimoun pe dir, dimoun pe sanze la.  Dimoun pe realize en kantite en e mwan mon pe espere e mon dir, mwan mon dir Prezidan si Lasanble i sey may ou zanbek dizourd sa Lasanble annou al dan en eleksyon, e annou pran nou mazorite e annou anmenn nou Danny, nou Prezidan, annou fer monte. Fer li monte e nou, nou dir Prezidan Faure ‘’no one but you’’. We’re there to support you until the end.  E lepep Seselwa met zot konfyans dan Prezidan Faure tenir li, for, for menm.

Mr Speaker sa Mosyon mwan repete i pa en bon Mosyon, i pa en Mosyon ki pour ed nou pei avans devan. E alor nou, nou pour ‘zet anba’ sa Mosyon.  Nou, nou pa pour vot pour sa Mosyon. Nou a esper sa lot Mosyon ki dan lentere lepep Seselwa semenn prosenn pour nou vot pour sa Mosyon. Mersi bokou.

 

MR SPEAKER

Mersi, mersi Onorab De Commarmond.

Bon zis mwan anvi fer de pti remark akoz dan ou entervansyon i annan enn de pti bout kot petet ou’n viz en pti pe lo Lofis Speaker.  Bon depi komans 6enm Lasanble, lofis speaker pa’n zanmen prepar Order Paper.  Order Paper in ganny prepare anba konsansis atraver ABC, kot nou tou Manm, nou’n regarde kestyon ki pour al lo Order Paper, Mosyon ki pour al lo Order Paper.  So mon anvi met sa dan kler ki pour dir si sa Mosyon in lo Order Paper se nou tou nou’n regarde e in pas tes admisibilite.

E dezyenmman Mosyon in lo Order Paper depi Mardi le 11 Septanm savedir, savedir si ti annan okenn kestyon ki nou ti pe koz sa unconstitutionality, okenn Manm ti an kapab challenge, e menm in lo nou website tousala okenn Manm piblik osi i pa’n challenge, spesyalman Onorab Sebastien Pillay i asiz lo ABC, mwan asire si i ti’n vwar sa i ti pour flag nou, i ti pour lev sa alert.  Ok? So zis mon anvi fer sa de pti keksoz kler.  Bon nou ava break e nou ava retournen 4.10 pour nou kontinyen nou deba.  I reste de Manm, mon pa konnen Onorab William ou pa’n eksprim ki ou pe koze.  Non ou pa pe koze i a reste Onorab Ferrari apre loter Mosyon i ava wrap-up.  Nou ava retournen 4.10.

 

(BREAK)

 

MR SPEAKER

Bon nou ava kontiny nou travay.  E mon a donn laparol Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker premyerman mon ti a kontan prezant mon leskiz avek Lasanble, lavwa pa bon me mon ava fer mon mye.

Mr Speaker ki I annan moman dan lavi en Nasyon kot i enportan ki nou avans devan, ki nou debout e ki nou koze. Nou pei i dan enn sa moman. Sesel pe pas dan en lepok ki politikman difisil, kot lensertitid i rennyen e tou dimoun i anba lenpresyon ki pei pa pe avanse.  E parey parol i dir, « tou sa ki pa bouz devan, annefe i retourn an aryer.”

2 semenn pase, mon ti pe asiste en seremoni an memwar lavi en bon zanmi Ile Aux Cerfs e dan sa seremoni, prêt ti partaz avek nou en pti parol Labib lo zistwar Lazar e en zonm ris, mon krwar zot konnen.  Lazar ti mizer e ti pe mandyan kot en zonm ris.  Sa zonm ris pa ti pous li, me i pa ti fer osi nanryen pou li.  I pa ti fer nanryen soulaz son douler.  I ti zis inyor li. I pa ti fer nanryen mal kont li, me i pa ti fer nanryen byen pou li.

An sa moman, dan nou pei, nou annan en Prezidan ki kontan zis zwe bon boug; Msye Faure i oule dalon ek tou dimoun, i koz lo linite, lape, lanmour, eksetera. Malerezman, i koz plis ki i fer aksyon.  I dir nou ki Sesel i ‘Pli gran ki nou tou’, me ler nou dir li met Sesel premye, i dir nou ki li i konn son Konstitisyon.  Ler nou dir li ankor, met Seselwa premye, i fer konmsi i pa tande e i distribye paspor ek nasyonalite an brit an bann.  I promet nou i pou protez nou souverennte, me ler i al aletranze, i al diskit nou souverennte deryer nou ledo e i retournen an fezan egzakteman le kontrer ki sa ki in dir i pou fer.  Ant sa ki Msye Faure i dir e ant sa ki Msye Faure i fer, i annan en gran losean lensertitid.  Msye Faure, i parey sa zonm ris ki pa fer nanryen, ni byen ni mal.  I zis pa fer nanryen, e i les sa pti bato ki apel Sesel drive trankilman lo losean.

Me nou, pep Seselwa, nou pa bezwen en dimoun ki sipoze en leader, me ki pa pran bann desizyon.  En kaptenn ki pa pran bann desizyon i pa en bon kaptenn.  Nou bezwen aksyon, pa letarzi.  Nou bezwen en dimoun dan Lotorite ki egzers son Lotorite e fer keksoz arive ki bon pou Sesel.  Kot en krim in ganny komet, nou bezwen aksyon, pa en dimoun ki fouy en trou dan disab e met son latet ladan.  Msye Faure pa vwar nanryen mal, i pa dir nanryen mal, tou senpleman, i pa fer nanryen.  ‘’See nothing’’, ‘’say nothing’’, ‘’do nothing’’.  Ler Msye James Michel ti taye e i ti kit bato apre 15 lo 10, nou ti ganny promet konman nou leritaz en Prezidan for.  Me nou’n erit en Prezidan fay ki nou pa ti demande me ki, dapre serten Manm lo lot kote latab, nou pou bezwen anmennen lo nou ledo kontan pa kontan non.

Non.  Nou, nou pa krwar dan sa bann kalite sityasyon parey konmsi nou’n ganny en malediksyon.  Nou krwar dan sanzman, dan progre e nou krwar ki i nou devwar pou sorti lo sa semen defet e remet nou pei lo semen aksyon e progre.  Pou bann dan sa Lasanble ki dir, ki nou pa pe respekte Konstitisyon, ki nou lafen pouvwar zis akoz nou pe demann en Prezidan ki nou santi pa pe delivre pou retourn devan lepep, les mwan dir zot ki sa ki nou pe fer ozordi, e sa konba ki nou pou anmennen dan san letan ki nou pe viv ladan, sanmenm sa pli gran laprev respe e lavi nou demokrasi.  Kontrerman avek malerezman zot konn fer pandan sa dernyen lannen e ki’n anmenn en kantite maler pou nou pei.

E avek respe mon ti a kontan dir a sa pwen Mr Speaker ki Onorab Hoareau in fer son pli move lentervansyon.  Dan sa Lasanble ki in fer pandan sa dernyen 2an, akoz son largiman i normalman i tape ozordi Onorab Hoareau ti mank en pe konviksyon.

Alors, kot nou ete ozordi? Apre 24 mwan anba direksyon oubyen plito mon ti ava dir anba mank direksyon Msye Faure, kot nou ete?

Pandan sa dernyen 24 mwan, nou dan LDS, nou’n pran nou responsabilite serye, parey lepep Seselwa in demann nou.  Avek laviktwar 15 lo 10, lepep Seselwa in met nou ansarz Lasanble Nasyonal e i konfye nou bann latas swivan, vey larzan piblik aranz bann lenstitisyon nou pei e fer grandi nou demokrasi.  Demaske koripsyon, netway zimaz nou pei aletranze, redonn konfyans nou lazenes, ankouraz envestiser Seselwa e etranze, protez nou lanvironnman e nou teritwar.  Fer sa Lasanble vin nou Lasanble.

Sa i zis detrwa latas ki nou ti gannyen.  Lalis konplet i ankor pli long.  Nou’n konmans travay premye zour ki nou ti sermante dan sa Lasanble Nasyonal e pandan sa 730 zour ki’n pase, nou pa’n aret travay.  Nou’n pran nou responsabilite serye partou kote, lizour aswar, Sanmdi Dimans, nou pa’n repoze.  Nou seve in blan, pou en bann son seve in grennen.  An plis avek nou responsabilite dan distrik, nou double kar e nou’n triple mare.  Kot Prezidan Faure in kriy o sekour, kot i pann kapab e i demann lasistans nou ti reponn prezan.  Pa li ki ti desann kot Lasanble, nou ki ti mont State House pou sey ede menm.  Ler ti annan problem sosyal, nou ki ti ganny demande pou delarg lasasen; ler drayver taksi, travayer lasante, stevedores, teachers, travayer arsiv, eksetera. Air Seychelles ti pe pas dan difikilte, se LDS ki ti ganny kriye e se LDS ki ti reponn prezan.

Msye Faure, li, in zwe rol Mer Theresa.  Bon dimoun, pa ofans personn.  Pa pran okenn desizyon kontroversyel pangar i kapab ofans en dimoun oubyen en lot i kapab ofans en dalon lontan parey James Michel.  Tenir trankil sa 3an ziska ler nou nepli kapab kestyonn ansyen Prezidan Michel lo bann keksoz ki’n pase anba son manda.  Lot travay ki Msye Faure in fer tre byen se apwent bokou Board bann CEO, partaz paspor, koup riban, eksetera sa i fer tre byen.

I fer bokou vizit mon dakor avek.  Me malerezman dan sa deba ki nou’n pas ladan dan 2 zour, en kote latab en lot kote latab tou bann Manm i dir ki rezilta sa bann vizit in byen par anba bann nivo satisfaksyon ki nou ti ti’n kapab espekte.

Kestyon ki plizyer dimoun in demande, depi ler nou’n konmans reklanm en Eleksyon Prezidansyel se akoz se aprezan ki nou pe fer sa demann, la a sa moman?  Pa koabitasyon ti pe marse  ki’n arive? Larepons se ki ozordi, apre 2an ki nou’n pouse, ki nou’n redi, ki nou’n sarye tou pake lour, ki nou’n fer tou louvraz difisil, nou’n ariv lo konklizyon ki Msye Faure, li, i pa pe fer son bout.  I pa pe ranpli son Kontra.  E konsekans se ki pei pe tre vit aret bouze.

Bann lenstitisyon demokratik, bann lenstitisyon oversight ki nou met an plas pa pe kapab fonksyonnen.  Pei napa direksyon akoz Prezidan pa oule oubyen pa kapab pran en desizyon.  Son bann prop dimoun pe vir kont li. Fristrasyon i o.  Sakenn pe fer pou li.  I ti napa mazorite dan Lasanble, la prezan i pe perdi mazorite dan son prop minorite.  Serten parmi bann Manm Lepep dan Lasanble, nepli konnen si zot pe ale oubyen zot pe vini.  Sel keksoz ki reste Msye Faure pou fer se sanz pozisyon son bann menm Minis otour latab e donn lenpresyon ki keksoz pe bouze.  Zis mazinen parey Onorab Jany i dir 4 Minis Lagrikiltir dan 2an, 4 Minis Lapes dan 24 mwan, 3 Minis Touris dan 2an!

Me mwan ozordi mon’n vin dan sa Lasanble, devan sa pep ki’n elekte nou, pou dir zot ki sityasyon i grav e pe deteryore de-zour an zour.  Nou pa kapab espere.  Nou napa sa letan presye pou espere.  Pa fer nanryen i pa en solisyon.  Nou dan LDS, nou ti kapab pran semen ki fasil, nou ti kapab zwe tranpe, les sityasyon dekante, les li deteryore e sey anmas vot pou lannen 2020.  Sa pa ti en swa pou nou, akoz nou konnen ki pli nou les bato nou les bato drive, pli nou pep pou soufer.  Annou zis pran detrwa legzanp.

Annou pran en kou lekonomi, avan 15 lo 10, zot ti dir dimoun si zot vot pou LDS, avyon pou aret apoze, bato pa pou koste, eksetera sa nou’n tande plizyer fwa.  Biznes nou frenmen, biznesmenn pou taye.  Tousala pa’n arive me o kontrer lekonomi in grandi e nou dan Lasanble, nou’n fer tou sa ki ti dan nou pouvwar atraver tou nou aksyon e atraver nou travay Komite FPAC pou met lord dan larzan Leta.  Bokou voler in maron e menm si zot in pran nou larzan ek zot ler zot ti ale nou ankor pe tay deryer zot.  Avek 15 lo 10, dan premye lannen ki Msye Faure ti State House, nou’n trouv en gran amelyorasyon dan finans piblik.  Dan Bidze, kot laplipar depans pa ti kler, nou’n koupe.  Nou’n reisi sov nou pei plizyer milyon.

Menm moman ki nou ti pe fer sa travay, nou’n demann Msye Faure pou fer son bout, setadir ler nou devwal en sityasyon li i bezwen fer bann lanket aprofondi, tay deryer sa bann voler, aret zot, met zot Ankour, retourn nou larzan e met sa bann malfeter deryer baro feray.  Msye Faure pa’n fer sa bann keksoz.  E pourtan sa ti dan son Kontra, e i ankor dan son Kontra.  Ni lev son pti bout ledwa dan plizyer ka i pa’n leve.  E sa pou nou i en keksoz vreman grav.  Me sa ki pli grav se ki bann malonnet, bann koronpi, bann ki ti’n konmans per zot kapab ganny tyonbo, aprezan zot lafreyer pe disipe e nou pe vwar avek zot bann vilen manni pe konmans re koste obor kof Leta.

Parey mon’n dir zot ti’n maron, me la zot pe rekoste dan bor pou gete si napa en keksoz ki zot kapab konmans pran, e gete si napa en lot fason pou zot atak sa kof.  Rezon pou sa mon bann koleg, se ki mon krwar ki Gouvernman in anvoy move mesaz.  Mesaz ki’n ganny anvoye depi deor se ki nanryen pa pou arive avek zot napa nanryen ki’n arive avek zot FPAC in fer son travay me napa nanryen ki’n arive avek zot.  Me pourtan en kantite keksoz ti’n devret arive avek sa bann dimoun.  Ler Egzekitiv pa pran son responsabilite se sa konsekans ki arive.  Ler bann Lotorite ki ansarz krim, ki ansarz lager kont krim zot pa pran zot responsabilite kriminel i vin en pe pli odasye.  Lasanble pou kontinyen kriye, pou kler tors, me Egzekitiv pa pou fer nanryen.

Pli boner mon’n dir ki en dimoun ki pa pran son responsabilite, ki pa fer nanryen, se en dimoun ki danzere akoz i pe anvoy mesaz pou bann ki pe fer sa ki mal ki Sef pei pa pe fatig li avek zot. Diverti kontan manrmay, Msye Faure i ‘Pli gran ki Sesel e i pe zis konsantre lo son letan State House!  Mon krwar ki mon pou napa tor ler mon dir ki lapwentman – enn bann lapwentman resan lapwentman Mr Jacquelin Dugasse konman Chairperson Pension Fund i en mesaz kler ki Msye Faure in definitivman abandonn son prensip bonn gouvernans e ki la aprezan bal nou’n ’ouver e zot pe rekonmans larg dilo.

I fer lapenn Mr         Speaker,  ler ou konnen ki nou ti annan en dimoun ki ti pe okip pansyon nou pep, ki ti pe pey tou sa dernyen sou sa dernyen roupi e fer sir sa bann keksoz i la pou ler nou pep pe pran son retret, ler i pe demann kestyon ki ganny met ater.  I ganny demande pou resign i fer lapenn Mr Speaker.  E mwan mon pe lev sa pwen sa pwen ozordi akoz mon santi ki mo bezwen sonn sa alarm, son sa laklos ki keksoz pe rekonmans al mal dan nou pei.

Sa statement ki mon pe fer Mr Speaker i enn ki serye akoz wi, mon vreman enkyet pou nou sistenm pansyon mannyer keksoz pe ale.  Mon osi vreman enkyet pou lakonpannyen SACOS e lezot gro lakonpannyen kot Gouvernman i annan par ladan.  Sa bann lakonpannyen i bezwen Management efikas, onnet Management i performan i pa bezwen bann dimoun ki pa’n montre lentegrite e ki pa’n montre sa konfyans pandan bann lannen.

Pandan sa 2 dernyen lannen, mon ti krwar ki Msye Faure i annan vreman sa determinasyon pou protez sa 2 lenstitisyon pou retret nou popilasyon, la prezan mon pe krwar ki in large e i pe les son bann dalon donn bal parey dan lepase.  Sanmenm sa mon dir i annan en irzans pou fer en eleksyon e remet tou nou bann sistenm annord.  Lepep Seselwa ler ava’n fini ekout nou, i ava annan son lokazyon pou li osi desann e pou li vi dir ki zot osi zot enkyet avek sa ki pe arive dan nou pei.  Sa i zis en legzanp dan lekonomi Mr Speaker.

Pou nou nasyonalite mon ava dir ki okenn Prezidan ki asiz dan sa sez State House i annan en devwar pou protez nou nasyonalite.  Sa i enn bann keksoz pli sakre ki nou annan.  Pa bezwen gran leksplikasyon pou montre ki sa 2 dernyen lannen, Msye Faure in distribye nasyonalite Seselwa drwat gos konmsi sa i en komodite lo kontwar laboutik.  Lannen pase, ler i ti donn en group prêt ek relizye, nou ti dir byen for ki sa pa akseptab.  Mwan mon ti dir byen for e in anvoy nou pronmnen e in kontinyen distribye.  Ki’n anvoy zot pronmnen e in kontinyen distribye.  Ki nou pou fer? Si nou kit sa pei dan lanmen sa Msye Faure, kwa ki pa dir nou ki nou pou vin etranze lo nou prop later byento!  Akoz Mr Faure in donn nou laprev ki i pa pe ekout nou. I parey Onorab De Commarmond in dir pli boner in tap lo latab Msye Faure pa’n ekout li, Msye Faure a pa pe ekout personn Mr Speaker!  E sa i danzere i serye.  Msye Faure pe soud lo nou e sa nou pa ti krwar ki pou dir i ti pou arive.  E sa i en sityasyon ki devret sonn alarm.  Nou nepli annan sa konfyans apre sa parol Msye Faure ni dan son aksyon.  59 paspor partaze dan zis 24 mwan i fer ki sa progranm i annan plis sikse ki progranm lakaz 24 dan 24 distrik dan 24 mwan.  Sesel i ‘Pli gran ki nou tou’, nou ganny dir e repete, me nou pe partaz li ti bout par ti bout.  Si nou pa pran aksyon la konmela pou aret sa lavenn ki pe sennyen, dan 2an nou pou nepli lerwa dan nou prop pei.

E mon a fini lo sa pwen pou dir ki plizyer fwa nou’n demann avek Msye Faure pou aret donn nou nasyonalite, me i pa tande. Se pour sa rezon ki nou dan sa Lasanble nou pe demande retourn devan lepep.  Al dan eleksyon e dir avek sa pep dan ou progranm ki ou dan ou progranm ou pou kontinyen donn paspor don nasyonalite.  Nou a gete si lepep i dakor avek ou.

Lo kestyon lalit kont koripsyon, les mon pran zis 2 legzanp.  Premye, nou’n montre ki STC pe donn Parti lepep preski R900mil tou le mwan.  Sa i en larzan ki tou konsonmater i peye lo sak liv diri ki i aste nou ki peye.  Zot ki peye mon bann frer ek ser Seselwa.

2enm, nou’n montre li ki Gouvernman i donn en pake later avek bann dalon politik e nou’n demann li pou retourn sa bann later.  Menm zafer pou bann later endistriyel partou sa bann keksoz in ganny partaze.  Nanryen pa’n ganny fer.

Parey mon’n dir pli boner, nou dan en moman danzere, akoz malerezman i annan serten move mantalite ki LDS  ti’n fer fannen, me ki pe vitman retournen.  Bann malonnet ki ti pe kasyet in rekonmans tir zot likou deor e nou dan LDS nou konvenki ki nou pa pou kapab kont lo Msye Faure fer sa travay.  Nou pa pou kapab akoz nou’n demann li pandan 2an e i pa’n fer li.  In kontinyelman repete ki en gran keksoz ki’n anmennen pou Sesel konman Prezidan se Linite Nasyonal.

Larealite Mr Speaker i montre nou lekontrer.  Larealite i montre nou en pei divize kot sa ki deza annan pe kontinyen sey pran plis e kot sa ki napa i kontinyen soufer.  Annou, pou en moman koz lo divizyon politik aret koz lo divizyon politik me konsantre en kou lo divizyon sosyal ekonomik.  Se la kot nou problenm i été e se sa problenm ki Msye Faure pa pe adrese.  Ler nou pe lager pou en lakaz pou en fanmir 7,8,9 dimoun pou zot viv en pe dan dinyite e nou pa gannyen, nou vwar son prop Vis-Prezidan pe konstri en lakaz 15 lasanm parey en lotel.  Larealite i montre nou annan en Gouvernman ki pa senkronize ant son Diskour avek son aksyon!  Ki napa lefikasite akoz napa direksyon e sakenn pe ris son kote.  Msye Faure pa kapab pres linite kan dan son prop kan i annan divizyon e lanpayaz.  Apre ki in divorse avek Parti Lepep, Msye Faure pe aprezan sey diriz bato kot lekipaz pa pe ekout li, e li i pa pe ekout lekipaz sakenn pe fer sa ki zot oule e nou pe vir an ron.

Bann zanmi Msye Faure, enkli tou dernyerman pli boner sa lannen mon krwar Mrs Potter, in dir piblikman ki problenm sa Gouvernman se ki tou son manm pa dan menm gir.  Sakenn pe sey al diferan vites, sakenn pe sey redi dan diferan direksyon.  Me pli gran problenm se ki Msye Faure nepli annan okenn Lotorite lo son lekip.  Mwan, konman Tyermenn Komite Zafer Etranzer dan Lasanble, mon pli gran fristrasyon se ler mon raport keksoz avek Prezidan e i pa fer nanryen.  I zis les keksoz gate.  Ozordi, nou annan en departman Zafer Etranzer ki napa direksyon e bokou loportinite ki nou pei ti’n kapab sezi pe pas anba nou lezel e pe perdi pou touzour.  Sa ti en legzanp kot Lasanble ti fer en lanket, nou ti met nou konklizyon e rekomandasyon devan Msye Faure.  Mon ti fer li personnelman mo devwar konman Chairman Komite IAC pou montre sa danze deteryorasyon.  Me nanryen pa’n ganny fer.  Ziska en pwen kot menm zot bann Manm Parti Lepep dan Lasanble dan zot fristrasyon zot ti kriye pou demann sa bann dimoun pou demisyon nen.  Eski koumsanmenm ki nou pou fer nou pei avanse?

La finalman nou perdi bann direksyon e napa personn pou ranplase e nou Minister nou annan en Departman ki pa ni konnen kote i pe anmenn sa pei.

Onorab De Commarmond les mwan permet mwan pou dir atraver Speaker pou mon dir ou avek sa legzanp ki mon fek donnen laplipar sa bann Diploma ki aktyelman dan Konferans Sesel zot dezapwente, zot dan fernwanr zot pa konpran ki pe arive.  Zot pa konnen ki direksyon Sesel pe ale.  Se sa larealite ki pe arive.  E zot pe priye ki pou Sesel i ganny en nouvo Gouvernman e en nouvo direksyon.

Menm zistwar dan lapli-par bann Minister e Departman Gouvernman.  Mon sertennman pa pe blanm bann travayer dan servis piblik, akoz mon konn zot fristrasyon e sa zefor ki zot pe mete.  Mon blanm mank direksyon e mank Lotorite.  E mon pa kapab aksepte ki tou kou ler keksoz pa marse sa bann Manm sa Lasanble lo lot kote latab i blanm travayer Gouvernman. The bucks stops on President’s desk – en pwen se tou!  I malonnet pou blanm bann travayer ler ou pa pe donn zot direksyon e sipor ki zot delivre.

Ozordi, atraver sa Mosyon, nou pe lans en lapel avek Msye Faure pou pran son responsabilite.  Montre nou ki i pa pe met son lekor par lao Sesel, me ki i pe ekout lavwa lepep Seselwa e ki i donn nou en dat pli boner posib pou Eleksyon Prezidansyel.  Ler mon tann bann Manm lo lot kote latab pe dir ki sa demann ki nou pe fer i kont Konstitisyon, mon trouv sa largiman fer lapenn.  Dan tou pei, ler keksoz pa marse politisyen i annan drwa e devwar demann eleksyon boner.  L’Angleterre ozordi, Lopozisyon pe demande. Eski sa i kont Konstitisyon?  Non.  Me zot, dan Parti Lepep, zot ofanse akoz zot krwar ki zot annan en drwa sakre pou asiz dan sa sez, parey Onorab Simon Gill in deza dir pour ankor 100an oubyen 200an.

Nou dan LDS nou pe servi bann zouti demokratik pou fer avanse nou demokrasi.  Lepok koudeta in fini.  Ni koudeta konstitisyonnel pou napa, Onorab Hoareau.  Personn, ni ou fanmir ni fanmir en lot dimoun pa pou ganny met dan kaso akoz son krwayans politik.  Lepok parti inik in fini.

Lepok politik dominer in osi fini. Lepok sa ki pa kontan ki pe ale in fini.  Lepok ‘ek nou pa ek nou’ pe fini.  Sa demann ki nou pe fer Onorab Hoareau, se en demann ki ganny fer dan tou pei demokratik ler mazorite i santi ki son Gouvernman pa pe perform alaoter.  Reste trankil dan sa kalite sitasyon, i en mank responsabilite, en mankman nou devwar patriyotik.

Si Msye Faure i sitan krwar ki i pe byen fer, demann sa kestyon lepep Seselwa dan en eleksyon.  Si i gannyen, i ava deside si i pou dizourd Lasanble e diriz en Gouvernman mazoriter.  Akfer i per fer sa? Akoz i per lavwa lepep.  Pa zot ki dir Vox Populi i Vox Dei? Demann Populi ki son desizyon.

Si ou Onorab De Commarmond ou santi ki Msye Faure pe fer sitan byen, menm si ou dir ou dir nou ou bezwen tap koudpwen lo latab i pa ekout ou.  Si ou krwar i fer sitan byen demann lot pti Danny ankouraz li pou sa eleksyon.  Kot i pou ganny en laviktwar enkrwayab.  Dernyen fwa nou ti dir nou demann eleksyon ou menm ou ti dir nou ‘’Election you want election you get.’’  Be oli?

Mon pe osi lans lapel avek Manm lo lot kote latab mon bann koleg pou dir avek zot ki zot osi zot annan en gran  responsabilite devan nou pep ki’n elekte zot.  Zot pe tande, mon krwar, apard si zot sourd, sa leokri laba deor pou sanzman.  Zot pe tande ki Seselwa i fristre e pe demann en Gouvernman ki efektiv, en Gouvernman ki delivre.  Ouswa zot pa tande zot osi?  Ouswa zot pe zwe sourd lo sa pep?

Ler mon ti dir pli boner ki keksoz in sanz en kantite sa dernyen detrwa semenn, pa pou meyer me pou piy, dan Lasanble osi nou pe vwar bann keksoz ki enkyetan.  Onorab De Commarmond, par egzanp i tre souvan absan konmela pandan bann deba.  Hon. Basil Hoareau in deside sorti lo bann Komite, sirtou Bills Committee, kot i annan en kantite travay, e i ti pe kontribye en kantite.   Hon Simon Gill osi i absan tre souvan e la mon aprann i ti lo sick leave me in ariv Banjul dan Was L’Afrique.  Tousala i montre ki Lasanble lo lot kote pa pe travay alaoter ki nou e demande.  E sa i en keksoz ki nou pe konmans vwar la e sa i enkyetan.  Akoz nou tou dan sa Lasanble nou bezwen delivre.  Tousala pa serye.  E nou pa kapab aksepte sa letarzi.  Met Bill, tire, re-mete, antre sorti donn kestyon, kestyon pa pou mon sa i pa posib Mr Speaker.

E mwan mon ava termin koumsa Mr Speaker.  Diferans ant Msye Faure avek Msye Ramkalawan, loter sa Mosyon, se zot latitid vizavi zot responsabilite.  La kot Msye Faure i donn tou rezon pou dir ki i napa kouraz pou li pran bann desizyon difisil, Msye Ramkalawan i en zonm ki pa zanmen ezit-e pou pran sa responsabilite ki son dimoun in konfye li.  Kan desizyon i difisil, Msye Faure i saye, me Msye Ramkalawan kan desizyon i difisil i step up, i konsilte, i pran konsey e i deside.  Nou apel sa decisive leadership, oubyen leadership tou kourt.  Enn i en follower, lot i en leader.

Sesel i vreman enpasyan pou vre leadership, en leader for ki pare pou tackle lo bann size difisil. ‘’If you’re not part of the solution, you’re part of the problem,’’ proverb i dir. Msye Faure malerezman pa pe anmenn sa bann solisyon ki Sesel e Seselwa pe espere.  Se pour sa ki nou pe demann li pou revin devan lepep pou  redemann lepep son desizyon.

Parey bokou lezot Manm lo sa kote latab in fer resorti, sa Mosyon napa nanryen pou fer ek si wi oubyen non nou pa kontan Msye Danny Faure. Mwan mon annan en relasyon tre amikal avek Msye Faure.  Mon respekte li pou son langazman politik, menm si mon pa krwar dan son bann prensip politik.  Dan tou pei demokratik, i annan en drwa pou demande ki en leader i demisyon nen.  Isi Sesel, akoz leritaz parti inik, lot kote latab I apel sa lafen pouvwar, malelve oubyen larogans.

Onorab Aglae in sey fer nou per dezord ek enstabilite.  Sa se bann zistwar soungoula ki lontan zot in dir nou ki nou’n aret krwar Onorab Aglae.  Sa mon krwar kekfwa ou’n aprann sa dan ‘Portrait of a Struggle ki’n ekri par Msye Albert Rene.

Sesel, mon bann konpatriyot, I parey en biznes avek en gran potansyel me ki pa pe ganny byen dirize. Nou annan en zoli pei kot tou dimoun dan lemonn i anvi vizite.  Nou annan pwason dan nou lanmer ki nou apel en Lor Ble.  Nou annan tou keksoz bondye in vreman bon avek nou.  Nou’n ganny beni par lesyel.  Me Sesel i en biznes ki demann en bon manager ki demann en bon direksyon, ek en vre stratezi.  En bon lekip dirizan, en bon group travayer ki kontan zot louvraz e ki tou dimoun pe ris dan menm direksyon.

Malerezman pa sa ki pe pase dan administrasyon Msye Faure. E nou krwar ki sa i merit sanze tre vitman dan lentere Sesel, dan lentere sa Nasyon, ki nou tou nu kontan.  E ki serten i proklanmen ki Sesel i ‘Pli gran ki nou tou.’

Mon lans en dernyen lapel alors avek Msye Prezidan Faure pou donn nou en dat pli pre posib pou li organiz sa Eleksyon Prezidansyel.

Sesel pa kapab reste ankor, pli lontan dan en lentitid, e dan peryod tranzisyon.  Sesel i bezwen laklerte, dan son semen.  Montre Msye Faure, mon tre nou ki nou pe vreman met nou pei premye.  Ou pe met ou pep premye e ou pe donn zot sa sans pou pas zizman lo direksyon kot nou pei pe ale.

Mon dir pli boner ki en Prezidan i bezwen kapab pran bann desizyon difisil.  Montre nou ki ou kapab pran sa desizyon ki nou pe demann ou.  Mersi Mr Speaker.

 

(APPLAUSE)

 

MR SPEAKER

Mersi Onorab Ferrari.  Zis mon pou clear en pti keksoz, Onorab Simon Gil i lo en misyon e avan sa son bann labsans i ti lo rezon medikal i ti ganny leave from the Speaker’s office. E konman in rantre in al lo en misyon PAP, Pan African Parliament.  Ok nou espekte vwar Onorab Simon Gill next week dan Lasanble. Petet zis en pti klarifikasyon. Ok?   Yes Onorab Basil Hoareau.

 

HON BASIL HOAREAU

Mr Speaker zis pou correct en miscomprehension ki Onorab Ferrari in fer.  An moderasyon Bills Committee vre mon ti bezwen al lo tou bann Committees.

        Mr Speaker ou ti request mon pou retourn lo Bills Committee e mon’n retournen lo Bills Committee.

 

(APPLAUSE)

 

MR SPEAKER

Mersi Onorab Basil Hoareau. Bon mon ava donn laparol loter Mosyon.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker apre 2 semenn ki Lasanble in konsider sa Mosyon mon bezwen dir ki mon pe fer mon konklizyon avek mixed feeling parey nou dir an Anglais.

Mixed feeling akoz mon santi malerezman ki spesyalman bann Manm lo kote latab zot pa’n vreman konpran sa Mosyon.

E mon bezwen dir se pandan ki Diskour Onorab Hoareau e osi Diskour Onorab Aglae e sa de Diskour ki mon’n santi in pli pre avek sa ki sa Mosyon ti a pe demande.

Mon ti konnen pou dir lot kote latab zot pa pou vot an faver sa Mosyon.  Si zot ti fer sa zot ti ava pe montre vreman zot santiman akoz se sa ki zot santiman zot fatige avek sa ki pe arive.

Me selman nou konnen ki pou dir dan politik ou bezwen siport parti ou bezwen montre solidarite ek sa bann zafer. ]      Me pou ki sa Mosyon ki kler i ganny tournen dan lensilt sa mon pa ti espekte Mr Speaker. Par egzanp letan mon’n ganny dir ki mon’n anmenn en Mosyon deryer ledo Msye Faure totalman fo.

Mosyon parey in ganny mansyonnen.  Mosyon ti lo premye Order Paper pou sa 3enm term.  E Msye Faure ti dan pei so 2enm semenn savedir semenn p[ase Msye Faure ti bezwen al L’Amerique e se sa moman mon Mosyon in pase.  E ozordi Msye Faure i dan pei.

Si mon ti pe senpleman anvi koz deryer son ledo mon ti ava vin kot ou bomaten Mr Speaker pou mon dir avek ou mon pe retir sa Mosyon akoz Msye Faure i la e mo pa oule diskit sa Mosyon devan li.

Me Mr Speaker ou enn bann dimoun ki konn mon pli byen.  Mwan si mon annan en keksoz pou mon dir ou, ou kapab apel Prezidan, ou kapab apel Premye Minis, ou kapab annan nenport tit ki ou anvi.  Si mon annan en keksoz pou mon dir ou mon pou dir ou.  E sa ki mon pe anmenn dan sa Mosyon.  Pa trakase mon’n osi dir sa avek Msye Faure li li menm.  Pa enn fwa pa 2 fwa plizyer fwa.  Mon’n koz avek li lo son Gouvernman mon’n dir avek li ki mannyer son Gouvernman i weak.  e Mr Speaker pou lenformasyon Onorab Ghislain letan Mosyon ti’n tabli devan son sef isi dan Lasanble Onorab Charles De Commarmond, mon ti koz lo sa size avek Msye Danny Faure!

 

(APPLAUSE)

 

 

HON WAVEL RAMKALAWAN

Alor pa zanmen dout mon lo sa kote.  Pa zanmen dout mon lo sa kote mon pou dir ou sa ki mon panse san ki mon ensilte ou.  Me selman letan in ariv ler pou dir mon dir.

Mr Speaker selman mon bezwen dir pas dan sa direksyon ki Onorab Hoareau in termin son diskour.

Letan i koz lo Konstitisyon.  Ti Konstitisyon i zoli. Onorab Hoareau in dir ki sa Konstitisyon i defann nou anmenn en tel kalite Mosyon.  Mon trouv i drol ki Onorab Hoareau in vin ek sa largiman. E parey ou konnen Onorab Hoareau i en dimoun ki mon’n ekout li argimant kont mwan Ankour.  E tanzantan letan i anmenn son pwen mon dir (hm)  la en bon pwen.  Me ozordi mon trouv i drol ki i vin dir sa.

Akoz Mr Speaker sa Konstitisyon i annan zis en restriksyon.  Ki met lo Lasanble Nasyonal.  Zis enn, e Onorab Hoareau i konn sa byen li.  Se zis an relasyon avek Lartik 90.

Anba Lartik 90 sa Konstitisyon i dir avek nou, nou pa kapab anmenn okenn Mosyon oubyen okenn Akt parske Mosyon i bezwen pas atraver Akt pou li vi Lalwa.  Ki konsern en poz en taks lo Leta dan Consolidated Fund.  Se tou.

E ofet Mr Speaker se pou sa rezon letan mon ti anmenn mon Private Member’s Bill ou ti bezwen rod permisyon Minis Finans.  Parski atraver ou menm ou Mr Speaker parski zis sa ki i demande.

Sel keksoz se sa i ganny mete dan nou Standing Orders osi.  E ofet Mr Speaker, mon trouv i drol ki Onorab Pillay an krwayan pou dir sa ki Onorab Hoareau in ekspoze ti vreman fantastik, in koz labous plen lo en Mosyon ki pe vini semenn prosenn.  E Mr Speaker ozordi mon pe dir ki sa Mosyon li ki kont Konstitisyon.  Sa Mosyon ki lo Order Paper i kont Konstitisyon, akoz zisteman i kont Lartik 90 (a) parski i a pe dir prenon kont kou lavi ki pe ogmante e sa nesesite pou revwar kad saler e Gratwite parmi lezot mezir i a pe enpoz en taks lo Consolidated Fund. 

Akoz sel fason pou ou kapab anmenn en logmantasyon lapey oubyen revwar kad Gratwite se pou vin atraver Appropriation Bill; savedir Bidze oubyen anmenn en Private Member’s Bill.  E alor Mr Speaker mon ti ava demande ozordi vi ki sa Mosyon pa ankor ganny prezante pou ki Lasanble i vreman regard sa.

Alors Mr speaker mon anvi dir klerman, klerman avek Onorab Hoareau avek Onorab Pillay avek Onorab De Commarmond sa 3 Sef lot kote ki pou dir zot largiman lo Konstitisyon an relasyon avek sa Mosyon i totalman fo; i totalman fo mon annan drwa pou mon anmenn okenn Mosyon.

An plis ki sa Mr Speaker mon trouv i drol ki Onorab Hoareau in al lo Lartik 53 lo en kapasite Prezidan avek 54 kot en prosedir impeachment parski pa sa ki mon pe rode.

E mon trouv i drol ki Onorab Hoareau i pa’n plito konsider Lartik 55. Parski Lartik 55 ki nou’n amande i dir ‘’where the office of President becomes vacant by reason of the death or resignation of the President.’’

        Nou, nu a pe dir avek li fer sa lofis vin vacant.  Atraver ‘ou resignation.’  ‘Ou resignation.’  Parske nou, nou Pa kapab mont anler State House ale dir pran en roten Maurice mont anler State House e dir ek prezidan la i la la en papye fer sir ou sinyen si ou pa sinyen nou pou bat ou ek sa roten Maurice.  E kekfwa pou servi lekspresyon Onorab De Commarmond ki mon trouv mank respe pou Prezidan kot i apel Prezidan Larepiblik ‘Pti Danny’ i apel ‘Pti Danny’ dan Lasanble Nasyonal konmsi pou nou monte e dir avek ‘Pti Danny’ dan son eksprim rezo pou li la en roten Maurice siny sa papye sa, sa non, non pa sa ki nou pa sa ki sa Mosyon pe demande.  Sa Mosyon i dir avek Msye Faure pran en aksyon onorab. Sa i absoliman parey nou’n tande sa semenn prérogative Prezidan.

Nou pe dir avek li pran ou prerogative demisyonen e apre sa i ava annan eleksyon.  Parski nou’n sanz Konstitisyon pou ki la prezan ‘pas baton’ nepli annan ‘pas baton’.  E nou kontan tande ki pou dir sa baton ki Msye Faure ti pran i pa ti en baton mazik sa enn i napa okenn mazik ladan, me i en baton en pe ki napa gran keksoz ladan.

Alor Mr Speaker sa Mosyon pa pe rod okenn Koudeta Konstitisyonnel.  I resanble ki pou dir sa mo koudeta sa mo Koudeta i vreman en mo ki zot kontan lot kote. Akoz mon mazinen sa i form en pe zot listwar.

E i enteresan i enteresan ki pou dir letan zot pe nonm koudeta nek zis zot vir zot vir lo Onorab Ferrari.  Be wi Onorab Ferrari i napa naryen pou li fe avek Koudeta.  Onorab Ferrari i pa ti organiz Koudeta li  alor sa i tipik Parti Lepep. Tipik Parti Lepep. Se pou zot pran zot responsabilite s avek lezot dimoun.  Me selman bann ki dan milisya bann ki ti dan milisya Onorab De Commarmond i konn byen sa bann letan milisya.  Se sa, sa bann dimoun ki ti Onorab Gill, Onorab Gill ti konn demont en AK-47 lizye fermen.  Dan lapay kot i ti pe veye.  Mon krwar zot ti vey nanm mon pa konnen ki zot ti pe veye.

Alor Mr Speaker se sa bann dimoun ki ti a pe defann sa Koudeta.  Onorab Ferrari me mwan mon kapab dir sa byen akoz mon konnen. Onorab Ferrari parey en nenport zennzan ti ava fer si ou papa ti annan involvement ladan e apre sa i dir avek ou, ou annan 17an 18an e i ti arive ek enn de bann zenn.  Bann zenn parey Roy Bristol, parey Kenneth Pillay enn de bann lezot ki zot ti ganny kriye.  E apre sa zot ti marse avek en fizi zot pa ti ni konn tir fizi.

E Onorab Ferrari i ti enn parmi.  Alor annou pa rod annou pa zis rod fer gou.  Parske sa Lasanble i en landrwa ki serye i pa en landrwa kot nou zis vin fer gou.

Mr Speaker mwan mon trouv vreman drol. E la ankor enn fwa se sa lafason ki zot p konn pran zot responsabilite.  Onorab De Commarmond, onorab Pillay, apre mon krwar i annan en de lezot ankor ki’n koz lo Lalwa ki’n pase isi.  E zot in koz lo sa Proceeds of crime Act.

        Me Mr Speaker, ou konnen kwa ki enteresan?  La i la sa Lalwa i dan mon lanmen.  Letan mon regard sa Lalwa ki dan mon lanmen i ti ganny debat isi e letan mon regarde le 3 Zilyet 2017, i annan mon vwar en sinyatir lo la.  E sa sinyatir ki mon vwar lo la, se sinyatir i mete la Danny Faure President.   ‘’I Danny Faure i assent.  Danny Faure.’’ Be alor konmsi zot Prezidan pa konnen ki i sinyen?  Zot Prezidan zis i sinyen, zot Prezidan i p retourn sa ankor sa kot Lasanble, anba Konstitisyon Onorab Hoareau i kapab donn nou ban detay anba Konstitisyon, kwa ki i fer si i pa dakor avek en Lalwa.  I fini sinyen.  I fini vin Lalwa ki i ti dakor avek.  E Onorab De Commarmond byensir ni son Manm pa ekout li.  Parske li menm in dir dan sa Lasanble.  In dir li menm li ki pou dir i demann son Manm pou donn en speech list e zot pa ekout li.

Mr Speaker mon demann zot, zot pa ekout mon zot anmenn mon pronmnen.  Me alor si son Manm pa ekout li eski ou espekte Prezidan ekout li?  Lepep Seselwa lozik sa nou pa bezwen en vin en syantis ki al dan lespas pou nou konn sa.

Mr Speaker letan Maurice i tande.  Ou konnen zot annan en lot teknik ki lepep Seselwa i bezwen konpran byen e letan zot pe dir siporter pe ale, mwan mon dir avek zot atansyon en parske lepep Seselwa pandan sa 2an pe regard zot byen!  Sa politik ‘divide and rule’ pa marse ozordi.  Sey vin avek en nouvo kart. #

E mwan pou mwan i senp e letan zot sey.’’ la en    pti kou Anbasader Pillay avek ki mon’n devlop en bo relasyon ti a’n ganny dir Onorab Ghislain pe dir sa s e Onorab Anbasader Pillay ki’n anmennen.  Me mon napa problenm ek sa mwan.

Wi Mr Pillay ti debout ti asize obor Lorloz. Me selman Mr Pillay ti a pe swiv en Mr Moncherry.  Me selman mon admir li.  Les sa mon admir li.  Wi Mr Pillay mon pou dir avek ou wi ou ti al asiz obor Lorloz wi Mr Pillay ou’n fer en lamas avek 40 dimoun otour lavil Victoria.

Me mon Mr Speaker mon napa problenm pou mwan swiv Mr Pillay.  E si dimoun i krwar ki pou dir mwan mon annan problenm ek Mr Pillay, zot     akoz mon parey tou lokazyon ki mon gannyen mon pou koz mon kapab annan en lot diferans panse diferans politik. Me solman konman endividi   e konman en frer Anglican mon toultan annan respe pou li.  Me si mwan mon deside anmenn sa Mosyon devan Lasanble ki zanmen in arive.  Sa i ok. Me dan menm fason me Mr Pillay letan mwan mon ti konmans mon lalit politik, me i ti ankor dan Gouvernman.  Pa in servi konman 16an Gouvernman. Dan Gouvernman. Me apre mon ki’n ganny 25an dan politik ki Mr Pillay i vwar sa lalimyer in vi swiv mwan.

Me sa ki enportan sa ki enportan se ki ansanm nou’n anmenn en sanzman.

 

(APPLAUSE)

 

HON WAVEL RAMKALAWAN

E ki nou ‘n anmenn sa sanzman pou byennet Sesel.  E ki si demen avek sa konpanny ki ozordi Mr Pillay in siporte,  nou, nou pe siporte nou kapab zwenn ansanm pou anmenn sa konpanny me nou pou kontinyen fer li.   Oli problenm?  Oli problenm?  Oli problenm?

Alors Mr Speaker mwan mon pa konnen ki

 

(Interruption)

 

HON WAVEL RAMKALAWAN

… ayo vre zot annan problenm.

Mr Speaker Mr Speaker napa ki pa’n ganny dir napa ki pa’n ganny dir konmsi zot, zot bann sen.

Me Mr Speaker nou dan LDS letan zot pe sey ensilte kon nou dan LDS pa nou’n anmas nou pake nou?  Pa nou’n ganny nou ta.  Avek enkli Msye Faure e Msye Faure li menm li in vin lo televizyon in admet letan nou ti pe selebre 25an Laniverser Lasanble Nasyonal.  Letan nou’n ganny dir i annan enn ant zot laba mon’n bliye lekel ki’n koz lo sa sanson pil lo li.  En pti kou tou problenm i avek sa sanson ‘’Pil lo li!’’  Me selman letan zot ti pe apel LDS’’ lisyen’’ dan Lasanble, letan zot ti a pe dir ‘’lipou dan latet’’.  Eski sa pa ti sa konmsi sa pa ti afekte personn sa. Sa ti bann zoli katesis ki nou bann zanfan ti kapab rantre pou zot ganny semen lesyel.

Mr Speaker mon krwar ki i enportan.  E se sa lafason mon’n prezant sa Mosyon pou nou sey fer en refleksyon serye lo nou pei.  Pou nou realize ki pou dir i annan problenm da nou pei.   E alor letan i annan problenm annou rod en fason pou nou vwar en solisyon.  E enn bann gran parol ki Nelson Mandela the Great Maniba ti dir.  I ti dir ‘’nothing discourages people more underground than the continued absence of top leadership in problematic areas.’’ Savedir Mr Speaker napa nanryen ki pli dekouraz sitwayen ordiner plis ki en labsans kontinyen bann leaders spesyalman dan bann areas kot i annan problenm. E ozordi nou pei i ranpli ek problenm.  E wi se pou sa rezon nou pe dir ek Msye Danny Faure pran en desizyon onorab en desizyon onorab fer ou legzanmen konsyans parey Onorab Hoareau ti dir bomaten e retourn kot sa pep Seselwa.  Parski apre tou i annan plizyer Manm ki’n koz lo la.  Letan Msye Faure i koz lo manda en segonn annou zis regard sa pou nou regarde ki manda ki vreman i pe koz lo la?

2015 i ti al konman running mate Msye Michel.  2016 Msye Michel it’s step down.  Msye Faure i sipoze kontiny sa manda.   E parski lo  i pa ti lo ballot paper wi.  Me selman i ti running mate anba Lalwa Elektoral.

E lo papye sete senbol Parti Lepep, sa soley ki ti pe kouse e le 16 Oktob i vin  Prezidan.  Me deswit apre Mr Speaker Msye Faure i dir in divorse avek sa parti!  Me lefe ki in divorse eski ozordi i pe kontiny sa manda koman sa ki i pe dir sa ki i pe apel son manda,  eski i pe fer sa konman en endividi.  Oli sa laliny ki zwen n li avek Msye Faure avek Msye Michel?  Me mon krwar lefe ki li menm li ki in fer son deklarasyon ki pou dir in divorse savedir in koup lakord.  E si in koup lakord i pa kapab dir manda.  Parski manda i manda Msye Michel akoz li in koup lakord!

Alors sa osi tou mwan mon krwar ki pou dir Msye Faure in fer en fot me ozordi i kler ki pou dir in fer en fot. Parski i pa krwar ki pou dir nou pa konnen ki pou dir menm si  in koz in divorse ensidswit, e eleksyon sipoze eleksyon Mr Macron an France ti a pe enspir li dan serten fason e ti menm annan serten ki’n dir Msye Faure i vin parey Mr Macron.  E Mr Macron li osi tou i tro dan bon laba li.  I dan gro problenm laba li.

Alors Mr Speaker nou kapab dir be napa manda.  Alors si napa manda plis rezon pou li retourn devan lepep seselwa pou ki ou ava ganny nou en Prezidan ki i annan manda!

Mr Speaker la ankor gran i annan serten Manm lot kote ki pe rod nou, nou manda ki nou’n gannyen isi dan Lasanble ki pou dir nou pa pe Lasanble pou perform, Lasanble pa pe isi – wi Onorab Pillay kekfwa ou amann tro bokou labitid pou ou tanzantan sorti dan Lasanble se pou sa rezon ou mank en kantite ban deba ki i arive.

Wi ti annan Onorab Lemiel ki ti met poz kestyon ki ti a pe demande zot ti dir zot pou met larzan dan pos Seselwa oli?  Zot ti pou isi – oli ?  Lasanble pa pe perform. Me wi Mr Speaker vreman si nou tou sa keksoz ki nou’n koz lo la dan sa Lasanble.  E lo kote nou’n mansyonn FPAC lo kote tou sa bann keksoz ki nou’n diskite kot nou’n vwar kot i annan problenm.  Mosyon lo STC tou lede kote ti siporte.  Mosyon lo fer desann pri lavi tou lede kote ti siporte.  Apre sa zot vi zot dir napa nanryen?

Me mon krwar e la parey Onorab Ferrari i dir parey ki Mrs Potter ti dir ki definitivman gir i dan problenm.   Parski sakenn pe fer ki pou li.  E Mr Speaker ozordi mwan mon trouv i drol ki pou dir napa en sel mezir ki e la mon ti ava kontan si zot demanti mon.  En sel mezir ki’n ganny anonse.  Depi Msye Faure in vin Prezidan ki’n al direkteman pou fer desann pri lavi.  E nou tou nou konnen. Ki pou dir enn bann keksoz ki annan en rol enportan lo pri lav se valer ki Dolar i annan.

Mr Speaker konman en pei nou pa kapab zis koz pou dir i annan nou Rezerv ozordi i 400 milyon.  E la mon pa tro konnen parske Msye Faure i fek dir dan son dernyen Konferans Depres ki pou premye fwa nou rezerv i $400milyon, me pourtan Msye Michel avan ki i ti step down i ti fer kler pou dir rezerv in fini ariv 500milyon Dolar.  I ti dir sa isi menm dan sa Lasanble.  Mon pa konnen ki bor ki vre me selman letan mon’n koz ek bann dimoun kot Central Bank zot in dir avek mwan ki se Msye Michel ki’n fer son statement konsernen $500milyon nou Rezerv se sa ki realite.

Me Mr Speaker, si nou annan nou rezerv plis ki $500 milyon ki mannyer nou pa kapab tenir sa Dolar lo R12. Ki mannyer sa Dolar ozordi in depas R14?  Me Mr Speaker sa i pou annan en lenpak direk lo nou lo nou lekonomi lo pri lavi. Nou’n al Maurice tou dimoun isi dan sa Lasanble in deza al Maurice e ki nou’n vwar?  Maurice sa Dolar i reste e  am sure pandan ki Onorab Hoareau t pe etidye Maurice Dolar i tenir sa premye bout ou pa ti Maurice ennler ou?  Non, non ok.  Letan ou’n al Maurice tanzantan sa Dolar i tenir lo R28.  Sa Dolar i tenir lo R28.  E en Dolar ki tenir lo en pri.  Par egzanp ozordi si nou ti tenir nou Dolar lo R12, parske nou annan rezerv pou kapab tenir sa, sa i ti pou fer Mr Speaker ki pri komodite ti pou desann.  Pri komodite ti pou tenir, ti pou pou stab, parske ti pou napa sa zwe ki pe arive ozordi. Me ki nou’n vwar?  Nou’n vwar ki pou dir dan sa dernyen 2an pandan sa dernyen 2an Dolar in monte par mon krwar in ariv R15 parfwa i redesann en pti git i ariv 14.  E ozordi Mr Speaker sa ki pli boner serten Manm in koz lo la.  Letan fer referans lo cartel avek let ki mon’n ekrir, wi mon ti ekrir en let e Onorab Hoareau i konn byen sa let.  Ki mon ti ekrir.  E pou len formasyon pou sa bann ki pa konnen selman ki prefere koze, granmoun ti toultan dir avek nou avan ou ouver sa labous fer sir ou lespri i dan gir.  Sa let la ti napa naryen pou fer avek okenn cartel.  Sa let ti napa naryen pou fer avek sa bann keksoz ki zot pe dir.  Sa let ti annan pou fer avek tenir sa pou sa pep ansanm ki napa divizyon Kominal.  Pou ki i annan respe dan sa pei.  E ozordi sa ki pe arive dan nou pei a traver la mon pou dir fran sa ki pe arive avek sa Indian Association Sesel ki pe arive ek Mr Ramoo pe anmenn divizyon dan sa pei!

 

(APPLAUSE)

 

HON WAVEL RAMKALAWAN

Zot pe anmenn divizyon dan sa pei.  E nou konman en Lasanble mon’n deza dir sa avan fodre ki pa anmenn okenn divizyon dan sa pei.  Si ou’n vin Sesel tanpi konnen ki mannyer ou’n vin Sesel ou Indien ou en Seselwa arete avek sa zafer ki premyerman ou en Indien apre dezyenmman ou en Seselwa.  Si ou en Seselwa ou en Seselwa annou arete avek sa zafer.

E sa semenn Mr Speaker sa ki nou pe vwar la sa ki nou pou vwar la e mwan mon pe swiv byen sa bann zafer ki pe arive.  Mr Speaker e pou montre sa divizyon ki pe arive  zot in taye zot Mr Ramoo i ozordi mon pa konnen pou ki i pe front Mr Ramoo in taye in tir portre in al anmenn son lenvitasyon kot bann Minis.  E sak Minis ki’n donn lenvitasyon in tir portre. Mon pa konnen si i ti anmenn pou ou personnelman o osi Mr Speaker.  Me selman nou, nou pa’n gannyen.

E sa ankor enn fwa sete en fason ki nou pep pe divize.  E mwan mon pe dir si Msye Faure i pa kapab tenir sa pep ansanm sa i en lot rezon akoz i bezwen fer sa ek onorab!  I bezwen fer sa ki onorab!  E lotrozour mon ti dir klerman dan sa Lasanble ou pa kapab selebre Settlers Day  pou komemor 5 Indien ki’n vini.

Konman en Prezidan Mr Speaker i ti’n devret kriy zot pou dir avek zot sa pti liv a ki apel Konstitisyon i promot linite sa pep. I pa promot divizyon sa pep.  E alor fodre ki nou met keksoz annord.

Alor Mr Speaker ki nou pe fer? Ki nou pe vwar?  Napa leadership dan sa pei. Dan bann landrwa kot nou bezwen leadership nou pa pe vwar li.  E se pou sa rezon ki ozordi letan nou pe regard Kominote Biznes.  Sa cartel parey mon ti pe dir taler cartel i kontinyen.

E i annan serten Man ki’n koze avan, sa cartel atraver sa bann Money Changers – sa cartel atraver sa bann Money Changers fodre nou regarde i serye sa Mr Speaker.  Be si ou annan ou en Prezidan ki pa kapab regard sa, pa kapab pran en desizyon senpleman akoz Mr Ramoo i pre avek Mr Valabjhi e ki Mr Valabjhi i pre avek Madanm Sarah Rene e ki malgre ki Madanm Sarah Rene pe fer tou sa bann zafer ou pa kapab tous li.  Me nou annan en problenm.  Sa i kree en lot cartel ankor kot serten Seselwa serten group pou kontinyen benefisye e nou pep Seselwa nou, nou pou kontinyen ganny detrir.

Alor Mr Speaker fodre ganny regarde sa.  E mwan mon krwar ki pou dir Labank Santral i bezwen pran en aksyon serye lo sa size pou ki nou ava kapab adres sa size pri lavi dan en fason konkret.

E leta nou regard ankor lo en lot nivo get nou ban Seselwa ki i annan bann pti lotel.  Nou bann Seselwa ki annan bann pti lotel ozordi zot pe ganny trete egzakteman parey bann gran lotel.  Pa kapab arive sa.  E nou bezwen leadership dan sa pei, ki desann ki dir tyonbo en kou sa bann lotel ki pou Seselwa ziska 20 lasanm fodre nou donn zot en pli bon deal.  Akoz Mr Speaker?  Sa bann Seselwa ki annan pti lotel zot larzan i reste Sesel.  Zot al aste avek sa fermye dan distrik sa fermye i osi i pe ganny en 5sou lo sa Ero.  I met son labank i met son larzan dan labank isi i reste dan nou lekonomi.  Tandis sa bann gro lotel ki pa pou nou tou larzan i kit nou pei e i ale.

Alor nou pa fer nanryen pou nou bann pti biznes po nou bann pti lotel?  Nou kontinyen les zot soufer. Nou kontinyen tret zot parey bann gran lotel.

E Mr Speaker sa ki pe arive osi la ki byento nou pou bezwen regard pri e ki mwan mon trouv i drol ki pou dir Msye Faure otan ki Prezidan pa pe regarde.  Ki arive?  Sa bann gro lotel ki plis ki 20 lasanm zot met zot pri preski parey pou sa bann pti lotel e aprezan sa kliyan i vini i regarde i dir be si mon pa reste dan en pti lotel pou sa pri plito mon met ankor 10Ero plito mon met ankor 50Ero e mon ava la lab.  E tousala Mr Speaker i fer ki nou e soufer e bann biznes Seselwa pa pe ganny the best deal possible.

        Alors Mr Speaker petet zis mon ava remind mon bann koleg lo lot koleg lo lot kote latab, mon bezwen remind zot.  In donn en ta bal lo sa zafer pa aprouv Minis zot in sey dan zot lespri zot dan sa konfizyon.  E alor zot, zot krwar pou ki dir dimoun i konfize.  Alor zot in sey promot sa konfizyon.

Frer ek ser Onorab rezon ki ziska aprezan pou al dan premye round nou pa ti siport nominasyon bann politisyen,  se parski nou’n fer keler ki nou konsider sa peryod anba Mr Faure konman en peryod tranzisyonnel.  Fotespere zot ganny en konpran mon byen mon pe koz en pe dousman.  2enm round e la mon anvi dir avek zot pa zanmen fer sa fot, ki krwar ki pou dir konmsi nou’n vin pini sa 3 dimoun ki nou pa’n aprouve.  Pou zot lenformasyon Mrs Luciana Lagrenade mon koz byen avek li, Mr Billy Rangasamy Abu Dhabi mon koz byen avek li.  Mr Patrick Payet mon koz byen avek li, rezon ki nou pa ti aprouv sa se parski msye Faure konman Prezidan ti a pe montre nou ki pou dir i napa en plan.  Pran Minis Morgan ki i ti en Minis ki ti a pe fonksyonnen en Minis ki ti a pe delivre pou li.  Pran Minis Larose pous li.  E apre zis fer musical chairs.  Nou konman en Lasanble nou ti fer kler pou dir Msye Faure si ou, ou a pe zwe ek dimoun nou pa dakor avek sa ou pa vin zwe ek profesyonnel.  E se pou sa rezon ki nou pa ti aprouv sa!  Mon espere Mr Speaker ki pou dir sa aprezan i kler dan zot lespri e ki nou pa ava mont lo sa size ankor e nou a kapab bouz devan.

Mr Speaker mon kontan lafason ki Onorab Hoareau ti konmans son diskour.  I ti dir li i annan en 5 problenm.  Prizon, Lapolis, Sitwayennte, Assumption, imigrasyon.

Mr Speaker sa 5 problenm i  a la baz en sosyete.  Si nou pe viv dan en pei e napa sekirite savedir nou Lapolis pa pe fer travay ki i devret fer nou dan en gro problenm.

E problenm i vin pli grav ankor spesyalman ki spesyalman ki sa Lafors Lapolis i sipoze pran swen avek nou tou.

Si nou napa sekirite voler pou rantre, si ou napa sekirite drog pe rantre si ou napa sekirite e i annan drog e i annan voler fanmir pou dan problenm.  Si ou napa sekirite drog pe rantre voler pe rantre fanmir i dan problenm ledikasyon pou dan problenm.  Si ou napa sa sekirite e ou napa sa bann zafer lasante pou dan problenm.

Mr Speaker sa ki Onorab Hoareau in tous lo la pou mwan i ti ava rezon pou li vot an faver sa Mosyon. Parske ofet in dir avek nou ki pou dir problenm i grav. Nou sitwayennte e Onorab Larue li menm li Onorab Hoareau li menm li i ti dir avek Minis la kan eski ou Gouvernman pou konmans swiv Lalwa?  Me si ou annan en Gouvernman ki pa swiv Lalwa savedir ou pe al en direksyon en ‘failed state’. 

        I annan serten mon krwar letan zot in tann sa mo fail konmsi mon pa konnen mon ki’n arive.

Be a failed state’ a ‘failed state’ pa vedir ki dimoun pa ganny peye lafen di-mwan ou napa lopital ki ouver ou napa soz.

A ‘failed state’ savedir ou napa sekirite al get zot diksyoner byen, (Onorab Valmont mon vwar ou konmsi ou pe get mwan konmsi ou a krwar ou’n vwar ou fek vwar dimoun sorti dan lespas.)

Mr Speaker se sa ki fer ki nou pou al dan sa direksyon.  Sitwayennte nou nepli konnen lekel ki vin Seselwa e la demen, demen nou ou fouy ladan pou nou konn en pe ki rezo sa bann dimoun in vin Seselwa.

Alors Mr Speaker letan mon pe al ver mon konklizyon mon osi tou bezwen dir i enportan pou nou tou pou tou Seselwa konpran.  Ki pou dir ‘’the bucks stop somewhere.’ 

Dan Lasanble Nasyonal the buck stop with you, Mr Speaker.  Dan Zidisyer the buck stops kot Chief Justice dan en pei the bucks stop with the President – at the President’s desk! 

        Se laba ki arete.  E se pou sa rezon ki dan tou sa bann pei demokratik devlope mazin nou Mr Speaker en tren i fer aksidan sepa dan ki lavil e i annan 120 dimoun i mor.

Sa pov Minis Transpor ki pa ni ti dan sa tren, pa ni ti pe dray sa tren i demisyon-nen. Akoz the bucks stop with him. 

Be annou arete dir sa bann zafer ki pou dir ou konnen civil servant s pa pe delivre si par an.  Wi si par an pe fail.  Akoz i annan drwa akoz napa sekirite.  Akoz pe les drog rantre si civil servants napa direksyon lo ki mannyer zot pou fer zot travay e zot pa pe deliver en let i vin kot zot, zot konnen ki zot pou fer me zot per pou zot pran desizyon wi Mr Speaker se Prezidan Larepiblik ki responsab.

E alor se Msye Faure at the end of the day ki responsab.

Mr Speaker mo espere ki sa deba in vey lepep Seselwa en bon pe.  E mwan mon anvi dir k nou lo kote LDS nou pa satisfe ki mannyer nou pei pe ganny manage.  Nou pa satisfe senpleman akoz sakenn antre nou, nou en shareholder dan sa lakonpannyen ki apel Sesel.  E letan son CEO pa pe fer son travay nou, nou anvi dir avek li reflesir byen fer sa keksoz ki onorab.

E Mr Speaker pare nou’n anonse i nou pou kontinyen avek sa konpanny, parski nou anvi ki Msye Faure i realize ki pou dir i annan fristrasyon.  E la mo anvi terminen vreman par dir ek lepep Seselwa annou sezi byen ki poudir sa pei ki apel Sesel si nou pa aranz li deswit, si nou pa tir li lo sa koray. Mon kontan zot in servi sa legzanp sa bato Kenyan ki’n mont lo koray zot in vwar ki manner     bann la in sey tir li en pe vit.  Akoz si zot ti kit lo koray la i ti pou koule lo koray.  Me nou pei ozordi pe al lo sa koray.  Annou anpes li al lo sa koray annou sov nou pei.  Lord deliver Seychelles.  Mersi bokou.

 

(APPLAUSE)

 

MR SPEAKER

Mersi Onorab Ramkalawan.  Mosyon in fini ou’n byen entervenir Onorab William Mosyon in fini ganny wrap-up. Yes ale Onorab William.

 

HON WAVEN WILLIAM

Mersi Mr Speaker pou donn mon laparol.  Annefe mon anvi raise a point of order zis pou koriz en misapprehension ki’n ganny fer dan letan Leader Lopozisyon pe fer son wrapping up.

Mr Speaker mon ti a kontan ki ou konfirmen ki sa Mosyon ki ou’n anmennen in fini pass the admissibility test?  Mon ti a kontan ou konfirm sa e osi konfirmen pou dir le 2 Dirizan ki asiz lo ABC zot in bezwen aprouv sa Mosyon.

Dezyenmman Mr Speaker mon’n lir byen Lartik Konstitisyon 90.  Mr Speaker si Onorab Leader Lopozisyon i lir byen Mosyon pou koriz sa misapprehension ki in fer ki mon krwar in anvi petet shelved mon Mosyon letan mon’n ekout li se ki mon Mosyon Mr Speaker isi dan sa Lasanble la, nou tou lo kote latab nou’n koz lo kou lavi. Egzekitiv osi in fer sa.  E sa Mosyon e fer Mosyon avek en legzersis ki deza Egzekitif pe fer.  Ou trouve?  En legzersis e pe kot demann Gouvernman sa revizyon ki pe fer – enn – pou koriz bann lenzistis e inegalite a tou nivo kot i posib.  Tenir kont kalite travay eleman ris tann servis e konnesans.

Dezyenmman Mr Speaker i vedir met lanfaz dan kondisyon lanplwa ki logmantasyon i baze lo bann performans prodiktivite lo bann target.  Trwazyenmman ki bann dokiman lagreman travay e kondisyon kler i ganny etabli pou sak pozisyon dan tou sekter.

E katriyenmman travay sekter prive me pa enpoz lo zot pou swivre dan moman apropriye. E finalman Mr Speaker sa Mosyon i dir ranforsi Regilasyon pou ankouraz sekter prive pou ede kontrol kou lavi.

Mr Speaker Onorab in tous en pwen letan in koz lo Dolar.  E lot kote osi i annan bann Manm ki’n koz lo bon Gouvernman e reget lo saler bann travayer. Mersi Mr Speaker pou permet mon koriz en pti pe sa misinterpretation.  Mersi.

 

MR SPEAKER

Mersi onorab.  Bon ankor en leklersisman Onorab Ramkalawan pa asiz lo ABC ok me i annan son whip avek son Deputy Whip. Wi Mosyon in pas tes devan ABC.  Mon krwar Onorab dan son konklizyon, i fer referans ki si son Mosyon i kont Konstitisyon, sa enn osi tou then i kont Konstitisyon.  I son lopinyon – ok. 

Sa Mosyon i pa pe anmenn en final Bill pou al devan Gouvernman i pa’n vin devan mon Lofis pou ekrir finans pou sa.  I en demann i en ekspresyon ki en Manm ki pe fer dan sa Lasanble.   E ankor mwan mon enterpret li konman en drwa lekspresyon ki en Manm i kapab anmennen atraver en Mosyon.

Ok ou Mosyon i lo Order Paper savedir in pas tes e i stand. Ok?  Bon in ariv ler pou nou pran en desizyon pou nou pran en vot lo Mosyon anmennen par dirizan Leader Lopozisyon Onorab Ramkalawan. En Mosyon e pe long.  Mon pa pour li sa Mosyon nou tou nu konnen ki Mosyon nou’n debat lo la.  Pandan sa de semenn.  Mon ava tou Manm ki an faver pou lev lanmen?

 

HON JEAN-FRANCOIS FERRARI

Yes Basil ya, ya, ya, ya, ya.

 

HON WAVEL RAMKALAWAN

Onorab Hoareau tou in vot an faver non?

 

MR SPEAKER

Yes mon’n vwar li in lev lanmen me mon krwar in montre zis en ledwa non?  Bon wi okenn Manm ki kont?  Ok.  Madam Deputy Clerk.

 

MADAM DEPUTY CLERK

Mersi Mr Speaker.  Bonn apre midi tou bann Manm. Mr Speaker 17 manm in vot an faver e douz in vot kont sa Mosyon.  Mersi Mr Speaker.

 

MR SPEAKER

Mersi.  Savedir Mosyon in ganny aprouvasyon lamazorite dan Lasanble Nasyonal.

 

(APPLAUSE)

 

MR SPEAKER

Bon avan nou adjourn mon anvi zis fer 2 pti lanons FPAC pe rankontre an fen i en lanons FPAC i pe rankontre de zour, demen FPAC pe rankontre avek bann zofisye Minister Imigrasyon pou regard sa bann issue lo sitwayennte e sa pou konmans depi 8.30 e i pou live lo televizyon ek lo radyo.

E dezyenmman FPAC menm pe rankontre osi Vandredi ankor menm ler mon krwar, pou en public hearing lo special audit of payments by FIU and NDEA. 

        Sa in ganny compiled by lofis Oditer Zeneral.  So vwala sa 2 zour.  Petet zis mon a demann en pti konsey pou FPAC – mon konnen parfwa zot pa kapab koup zot bann sa.  Me avek sirtou kote lunch time – wi si ot kapab break before 12.30 ki nou ava permet SBC pas en pe son bann progranm bann lanons bann mesaz tou.  Ok? 

Bon avek sa nou ava adjourn e nou ava repran nou travay Mardi prosen.  Savedir i vin Mardi le 9 wi Mardi le 9 Oktob 9er bomaten.

 

(ADJOURNMENT)