Home » Verbatim » 2018 » Verbatim Tuesday 11th September, 2018

Verbatim Tuesday 11th September, 2018

NATIONAL ASSEMBLY OF SEYCHELLES

Tuesday 11th September, 2018

 The Assembly met at 9.14am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab.  Bonzour staff Sekretarya.  Bonzour tou dimoun ki a lekout e ki pe konmans swiv travay Lasanble Nasyonal pou sa 3enm trimes pou lannen 2018.

Premyerman mon ti a kontan prezant en pti leskiz pou sa retar ki nou’n gannyen bomaten, an vi en pti problenm teknik ki nou’n eksperyanse avek son mon swete ki tou keksoz i ava mars byen.  Avan nou pran nou travay, mon annan sa kominike swivan pou mon fer.

Premyerman o non mon Lofis, Lofis Deputy Speaker le de Dirizan dan Lasanble, Manm Lasanble Nasyonal, Sekretarya mon oule eksprim mon senser kondoleans ek tou fanmir ki’n perdi en pros dan bann aksidan oubyen lensidan trazik pandan mwan pase.  Out i en mwan ki’n ranpli ek nouvel tris, e malgre i pa pou fasil.  Mon swete ki tou bann ki’n ganny afekte e sa kouraz e sa sipor neseser pou zot sirmont zot perd e dan en fason ou en lot zot a kapab kontinyen avek zot lavi.

Dan sa moman Lasanble Nasyonal ti dan Recess.  Alor an siny solidarite mon ti a demann tou Manm pou debout e obzerv en moman silans pou eksprim nou kondoleans ek tou manm lafanmir.

 

(One minute of silence was observed)

 

MR SPEAKER

Lo sa lot mon ti anvi osi enform bann Manm ki enn nou staff Madanm Dufresne ki ansarz Parliamentary Reporter Unit, in osi perdi son frer pandan weekend.  E lo non Lasanble Nasyonal nou ofer li nou kondoleans.

Bon pandan Recess mon asire bokou bann Manm mon osi rankontre plizyer dimoun ki’n koz ek mon e partaz serten lenkyetid lo sa ki pe pase dan pei e ki bann Lotorite pa pe desarz zot responsabilite dan en fason ki efektiv.  Mon pou donn 3 legzanp.

Sityasyon prizon.

Ozordi en kondannen pa santi li an sekirite ler i al fer son santans e son fanmir osi napa konfyans dan Lotorite ki zot zanfan pou fini zot santans byen.  Zot pe demande, sa demann i vin osi atraver mon lofis ki Lotorite i fer en travay byen pou elimin tou posibilite ki’n met en lavi an danze.

Dezyenmman sa sityasyon sa bato lapes Kenyan eskan ozordi i annan bokou kestyon pe ganny demande.  Pou bokou e pou mon menm apre ki mon demann kestyon Lotorite i paret ki Lotorite pa ti menm konnen ki sa bato i dan nou teritwar e ni menm konnen ki ti pe pas sitan pre avek nou dan Marine Park. 

Parey mon’n dir i annan tro bokou kestyon ki napa repons.  Set apre 3 semenn ki pep Seselwa i ganny dir ki sa bato ti pe vin rod karbiran pou kontinyen son larout ver Kenya. 

Me Lotorite nou konnen pa ti ganny enformen.  Konsekans in trazik.  E konsekans i ankor devan nou akoz sa sityasyon pa ankor fini rezourd.

Trwazyenmman mon koz lo sa sityasyon trafik imen ki leve detanzantan.  Lafason ki travayer etranze i ganny trete dan nou pei ek permi travay zot paspor ki ganny retenir par zot anplwayer, zot akomodasyon, zot lapey e menm parfwa zot ganny pini ek zot manze.

Lotorite i kontinyen annan mankman dan monitoring e sa konsernen ki bann konsekans e retonbe negativ sa i kapab anmennen pou nou pei.

Konman travayer etranze i kapab kontinyen sa kantite letan san travay san en permi?   Konbyen ka i kapab annan ankor?  Seselwa pe demande ki Lotorite Ranforsi Lalwa ki deza la pou anpes bann tel sityasyon arive.  Nou osi e sirtou nou konman Manm Lasanble nou pran kont ki sa lensidan i pou afekte pozisyon Sesel lo Lendeks Enternasyonal.

Mon kapab al lo en katriyenm sityasyon, sa se sa lensidan zarm lo semenn pase me mon pa anvi pran bokou letan an vi ki nou annan bokou travay devan nou.

Alor mon vin lo lafason ki Lasanble pou fer son travay pandan sa 3enm trimes 2018.  Ankor mon anvi averti tou bann Manm e menm staff Sekretarya ki sa 3enm term ki pou en term tre sarze.

Lasanble pou konmans ek bann Sesyon parey labitid savedir Question Time, Prozedlwa, ek Mosyon.  Sa i pou anmenn nou ziska a lafen Oktob kot Minis pou Finans pou vin prezant Bidze 2019.

Apre reaksyon par bann  Manm deba pou kontinyen lo Bidze bann Minister      Lotorite.  Ce pou fini 3enm trimes nou pou pran bann Lalwa ki pou sorti  dan Bidze 2019.  E nou timetable pou Sitting i anmenn nou ziska ver 19 Desanm.

Apre konsiltasyon ek ABC, Merkredi 29 Out, mon’n deside pou revwar bann prosedir pou kestyon e Mosyon me touzour anliny ek Standing Orders.  Koman zot pou ganny aksepte.  Si zot pass test admissibility e ki kantite Kestyon Siplemanter pou ganny aksepte.  Deba osi lo Mosyon e Prozedlwa pou reste a diskresyon the Chair.

Alor deza mon kapab dir zot ki pou annan plis kontrol lo kantite Kestyon Siplemanter e sa ki nou apel Questions Arising.  Urgent Question pou reste e mon dir pou reste en privilez eksepsyonnel.  E o tan posib mon pou demann en speech list sorti kot le de party Whips lo deba lo Prozedlwa e osi deba lo Mosyon e pou repons Bidze.

Alor vwala en pe konman Lasanble pou fer son travay pandan sa 3enm trimes.  Mon swet tou Manm en bon sesyon travay e mon osi swet tou staff Sekretarya kouraz e parey labitid ki zot kontinyen desarz zot responsabilite dan en fasin profesyonnel avek lentegrite.  Mersi.

Mon annan 2 Manm ki’n lev lanmen Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker.  Bonzour tou Manm Onorab.

Mr Speaker mon oule felisit ou konman MNA pou Bel Ombre.  Onorab Esparon mon koleg e zabitan Bel ombre, Beau Vallon e Glacis i partaz labe Beau Vallon.  I fer mwan tre fyer ki Beau Vallon i premye lans dan Sesel ki’n  ganny donnen en white flag, e sertifye konman en plastic free zone par ocean balance conservation ki en lorganizasyon enternasyonal ki afilye avek UNWTO, UNESCO e Prince Albert II of Monaco Foundation.

Fodre dir ki sa label i pou donn Sesel en pli bon zimaz lo nivo mondyal konman en destinasyon touristik ki annan safe marine areas.  Mersi.

 

MR SPEAKER

Mersi Onorab Hoareau.  Me rikord mon anvi dir i malere ki SBC dan son reportaz i pa’n montre le de Manm Beau Vallon e Glacis.  E mon’n selman appear dan en official photo ansanm avek Prezidan.

Mon krwar sa 3 manm ki bord avek la plage Beau Vallon ki ti ganny envite pou sa Sanmdi bomaten ti devret pas omwen en pti clips lo televizyon SBC. 

Me Onorab mon krwar sa ki’n arive sa white flag pou Sesel e nou pe ankouraze  ki tou lezot distrik ki bord avek en lans nou ankouraz zot MNA, zot DA e zot zabitan pou tenir sa lans prop akoz nenport keksoz ki’n kit lo lans nou konnen i pou end up dan lanmer e ler keksoz ki polye lanmer i end up dan lanmer i afekte nou konman en destinasyon touristik. E osi ganny afekte Kominote Peser, akoz sa i ede pou enpakte negativman lo reprodiksyon pwason e lo bann labita pou pwason.  Mon ava pas laparol avek Onorab Jude Valmont.

 

HON JUDE VALMONT

Bonzour e mersi Mr Speaker.  Bonzour tou koleg Onorab, tou manm piblik ki pe swiv nou.  Mr Speaker mersi pou donn laparol mon osi konman en MNA Pointe Larue e tou zabitan Pointe Larue mon asire tou mon bann koleg MNA i zwenn ou pou pas nou senser, senpati avek bann manm fanmir ki’n perdi en pros pandan mwan Out.

Mr Speaker ou rappel byen 2enm term ler nou ti fini pandan Recess nou’n zwenn en fwa nou’n ganny konversasyon dan en fonksyon.

E mon osi anvi zwenn ou pou eksprim mon dezapwentman avek SBC sirtou lo sa size sa Kestyon Irzan ki mon ti anmennen konsernan sa sityasyon moter lo semen.  Zot pa’n fer mon zistis aktyelman ni menm zabitan Pointe Larue akoz ler mwan mon’n swiv reportaz mon’n vwar en reportaz koumsa menm.  Ni montre  manm ki’n demann kestyon pe demann sa kestyon aktyel.

Erezman SBC in kouver akoz i annan sa channel live osi.  Mersi Mr Speaker.

 

MR SPEAKER

Mersi Onorab Valmont.  Mon krwar bann pti issues nou kot administrasyon pou bezwen take up avek SBC, sirtou lafason ki travay Lasanble i pase dan konman en News item.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Speaker.  Bonzour tou Manm Onorab e tou piblik ki ale kout.

Mr Speaker letan mon ankouraz mon lekor dan, sa Lasanble dan sa 3enm trimes sa ki nou pe rantre ladan mon osi zwenn ou pou partaz nou sagrinasyon avek tou bann ki dan peryod Out, Septanm in perdi serten manm lafanmir pandan sa bann diferan stratezi ki’n arive.  E nou konman en Nasyon mon krwar nou zwenn avek ou parey ou pe dir la pou nou senpatiz avek tou sa bann sityasyon.

E mon demande – mon lans en lapel ki bann Lotorite konsernen ki i annan pou fer avek lenvestigasyon dan tou sa bann lensidan mon demande ki zot met tou zot resours tou zot zefor, pou fer sir ki lenvestigasyon konplet e detaye i ganny fer e pli vit posib tel ki pou anmenn bon lesplikasyon e laklarte pou lepep Seselwa pou nou kapab move délavant. 

E an menm tan la, mon lans lapel spesyal kot Lotorite SMSA avek Lotorite Prizon kot nou konnen laba klerman i annan mankman ki’n demande ki sa bann mankman i ganny met devan sirtou nou pe al rantre dan Bidze la.  Konmsi ki zot fer en zefor spesyal.

Sa i pa bezwen Prezidan Faure ki bezwen fer zot laba dan sa bann landrwa i bezwen fer sa bout an  plis.  Pou zot kapab donn pli bon dil lepep Seselwa.

An menm tan sa bann lensidan ki’n arive, i montre nou en serten peryod, fernwanr  kot nou pei in pas ladan.  I montre e mon la mon lans en lapel a nou pei antye mon pa en Prêt mwan, mon pa dan okenn Monsenyer naryen.

Me selman mon krwar sete en lapel ver lapriyer e plis lapriyer pou nou pei.  E mon lans en lapel mon demande ki tou dimoun i renouvle zot zefor pou lapriyer e plis lapriyer, pou nou kapab sorti dan bann letap move, espas nwanr ki nou pei i pas ladan.

Pou fini mon oule osi i annan bann keksoz ki bon osi ki’n arive, pandan sa letan.  Nou bann sportif in fer ekselan swa lo nivo rezyonal oubyen kontinantal – zot in shine.

La mon pe mazin Damien Laporte li osi in fer byen e i pe fer son letap aletranze.  E osi nou bann foutboler in weekend pase in pas atraver en tough game. 

        Me zot in montre serten kalite.  E bann etranze ki ti ek nou dan bann sesyon dan bann Konferans la in osi al get match.  E zot dir zot in dir mon ler ou pe konpar Sesel zot pa profesyonnel zot me zot in zwe kont en pei ki tou son bann lekip i profesyonnel tou son bann zwer.

I dir mwan e enn menm in al tir portre ek Warren Mellie.  I dir mwan be sa boug la plus i annan en lot ankor in shine.  I dir mon be ki i fer sa boug.  Mon dir be sa i en stevedore.  I dir mwan, ‘’Kwa?’’ I dir mwan koz ek ou Lotorite dan Sesel foutbol dir zot fer en fason sa bann potansyel koumsa pa kit ater.  Fer zot osi vin osi ris ki sa bann Nigerian ki’n vini ki’n zwe avek zot.

So mon dir sa parey mon’n ganny demande pou dir e mon pe lans en lapel sa bann Lotorite sportif dan nou pei pou zot vwar sa bann potansyel ki annan e pou fer sa bout an plis pou nou kapab fer ki Seselwa, zenn Seselwa i ale lo lot nivo pou zot kapab anmenn pli bon keksoz pou nou pei lo zot menm.

Mersi bokou e mon swet ou Mr Speaker bonn kontinite.   Ou pe diriz nou Lasanble byen e kontinyen lo sa bon semen nou, nou pou siport ou i annan bann sanzman ki ou dir ou pe vin anmennen dan reform e la mon krwar mon sa bann sanzman i pou pli bon ankor pou nou Lasanble.  Mersi.  Mon swet nou tou bon deliberasyon dan sa 3enm trimes.

 

MR SPEAKER

Onorab Ramkalawan.

 

HON WAVEL RAMKALAWAN

Mersi Mr Speaker, bonzour, e bonzour tou bann Manm Onorab e tou bann dimoun ki e ekout nou dan lakour.

Mr Speaker sa mwan Out parey nou tou nou’n dir, in en mwan difisil pou bokou fanmir dan nou pei.  In vreman anmenn latristes.  2 zanfan Praslin in kit nou.  4 dimoun i ankor manke, kaptenn Grandcourt, en zanmi personnel e byensir en dimoun en personnalite vreman enportan dan nou pei, li osi tou in perdi son lavi.

Dan prizon i annan prizonnyen in ganny touye.  Trou sa bann keksoz ek bokou ban lezot maler ki’n arive, i tous nou konman en Nasyon pou non selman pou montre konpasyon.  Me osi pou nou poz kestyon dan ki direksyon nou pe ale.

Mr Speaker mon osi mon’n ganny sa posibilite pou mon avek bann fanmir ki dan sa bann moman fermal bann moman tristes mon’n pler avek zot.

Me an menm tan Mr Speaker mon krwar ki ozordi si nou pe poz bokou bann kestyon mon dakor ki nou pei i bezwen bokou lapriyer.  Sa napa okenn dout.

Me i annan en lot keksoz ki nou pei i bezwen osi tou.  Nou pei i bezwen leadership.  Se leadership ki napa dan sa pei.  E tan ki napa leadership nou pou kontinyen ‘pass the buck pou dir pa sa nou responsabilite lot ki bezwen fer lot ki bezwen fer e finalman nou pou kontinyen eksperyans sa bann kalamite.

Si dan en pei nou pa kapab anpes drog rantre ant 4 miray ki’n ganny kontrole par bann zonm arme avek AK-47 ki mannyer eski nou espekte drog pa rantre dan nou pei kot napa zonm avek AK-47 kot napa miray otour nou bann zil?

Alors Mr Speaker se pou sa rezon ki mon’n anmenn en Mosyon ki pou permet nou tou pou regard leta nou pei, pou regard sa size leadership.  E pandan sa term ki la i pou en term vreman enportan nou pou regard Bidze.

E si tou sa bann keksoz ki nou pe koz lo la i kout nou konman en Lasanble nou met larzan dan Bidze.  Me ki keksoz pa ganny realize sa pep ki apel Seselwa li i pou bezwen pran en desizyon.

Alors Mr Speaker mon swete ki sa term nou pou travay vreman serye.  E nou lo nou kote nou pa pe vin zwe dan sa Lasanble nou pou adres bann size dan en fason pertinan, dan en fason serye.  Letan nou pe regard sa Bidze nou pou analiz dan en fason pou fer sir sa bann larzan la sak sou Seselwa i byen ganny itilize.  E kot nou santi zot pa pe ganny itilize byen, lo nou kote nou pa pou zis freeze.  Nou pou koupe kot fodre koupe.

Alors Mr Speaker mon swet tou Manm kouraz.  Mon swet tou Seselwa plis kouraz ankor.  I annan en kantite keksoz ki nou bezwen adrese dan en fason serye dan nou pei.  E mwan mon dir annou parey Anglais i dir ‘’take the bull by the horns’’ pou nou kapab fer sa pei avanse.  Mersi bokou Mr Speaker.

 

(APPLAUSE)

 

MR SPEAKER

Mersi Onorab Ramkalawan.

 

MR SPEAKER

Bon avan nou regard biznes  Order Paper, mon ti a kontan enform bann Manm ki nou fer en nou met koneksyon anba zot desk, zot ava vwar koneksyon electrical, e mon krwar i annan pwen pou USB.  Dan plas ki deryer zot ki ler en Manm i sorti i may ladan.  So nou profit pandan Recess pou management fer sa travay ki mon krwar i ava pli bon zot.

E sa i konpri kot Minis ek son delegasyon osi i asize.  Ok?  So ankor en pti improvement ki nou’n, fer pou bann Manm.

Bon nou ava pran lot topik lo Order Paper.  Sa se Prezantasyon Bann Papye.  Madanm Clerk.

 

MADAM CLERK

Mersi bokou Mr Speaker.  Mon ti a kontan dir bonzour pou bann dimoun ki pe ekout nou lo televizyon e lo radyo.

E en bonzour spesyal pou tou bann Manm Lasanble Nasyonal.  E mon swet tou Manm byenveni pou nou 3enm term travay Lasanble Nasyonal.

Mr Speaker mon Prezantasyon Papye mon annan rapor FPAC, baze lo rapor Oditer Zeneral 2016 ki pou ganny prezante par Chair FPAC e Leader Lopozisyon Onorab Wavel Ramkalawan.  Mersi Mr Speaker.

 

MR SPEAKER

Bon mersi Madanm Clerk.  Onorab Ramkalawan ou a fer en pti prezantasyon.

 

HON WAVEL RAMKALAWAN

Mersi Mr Speaker.  Mr Speaker i en gran plezir pou mon prezant en somer en rezime rapor FPAC baze lo rapor Oditer Zeneral pou lannen 2016.  Avek sa rapor i fer ki nou’n FPAC in eklersi tou bann rapor Oditer Zeneral ki’n ganny prezante devan nou.  La aprezan nou pe esper rapor 2017 ki ankor enn fwa nou ava met li anba mikroskop, pou nou apre prezant en rapor avek Lasanble Nasyonal.

I pran nou en pe letan parske ki serten bann antite, bann dimoun ki ti sipoze vin devan nou zot pa’n kapab vini.  Alors sa i fer ki nou, travay ki nou ti anvi prezant avek Lasanble term pase nou pe fer li ozordi Premye Sesyon nou premye Sitting Lasanble Nasyonal.

Tou bann Manm in siny sa rapor zot in aksepte avek sa rapor e alor mon ava prezant en rezime.

Sa rapor i baze lo egzaminasyon 14 lorganizasyon an relasyon avek rapor odit anba Lartik 158 (3) Konstitisyon Sesel.  Sa bann lorganizasyon ti ganny swazir lo sa bann baz swivan.

Premyerman groser zot Bidze.

Dezyenmman natir bann problenm ki’n ganny idantifye.

Trwazyenmman lenpak okenn mezir pou koriz bann defayans oubyen lefe bann enteraksyon pou asire ki bann bon pratik i ganny mentenir dan sekter piblik.

E finalman sa rapor i ganny organize dan en fason pou prezant ase detay anba sak idantite bann konsern sorti dan rapor Oditer Zeneral pou 2016, avek en rezime bann larepons sorti kot sak lorganizasyon ki ti ganny donnen pandan enteraksyon avek FPAC. 

Sa bann larepons i ganny endike dan rapor li menm detay tou bann enteraksyon i ganny garde kot Lasanble e piblik e alor dimoun i kapab ganny akse avek zot atraver sekreter FPAC.  E byensir sa rapor pou osi lo website Lasanble Nasyonal.

FPAC ti egzamin 14 lorganizasyon ki ti annan en Bidze kot bann defayans ki’n ganny obzerve ti fer li enportan pou regard zot de pre e pou rekomann aksyon korektif.

FPAC i konklir kronm swivan.  I annan plizyer ka mank konesans lo Lalwa ek bann Polisi e prosedir ki devret ganny swiv kan Gouvernman pe aste servis oubyen lezot item.  Serten keksoz ki ganny aste san kont Lalwa e prosedir an plas dan sa bann tranzaksyon e kot napa vre valer pou larzan.

Rikord ki manke pou siport tranzaksyon finansyel bann Lazans piblik.  Bann Lazans piblik ek bann sistenm ki mank kontrol pou asire ki tou tranzaksyon ganny rikorde korekteman.  Labsans zot bann bon sistenm pou zer zot bann byen Leta.  Bann ka kot byen Leta in perdi, oubyen raporte perdi, me ki pa ganny rikorde korekteman.

En bezwen pou asir en bon plan lantrennman pou tou zofisye Kont Piblik kot zot pli byen konn zot rol e responsabilite dan kad zesyon finansyel.  Bann kont labank ki ti annan ziska R134milyon le 31 Desanm 2016, me ki pa ti’n ganny enkli dan kont Gouvernman apard zis en not lenformasyon dan liv.  Reveni ek lavant ou bay, ki pa ti ankor ganny peye e ki pan ganny met azour dan kont e ki fer Leta perdi bokou larzan e finalman serten bann Lazans in fer gro zefor pou amelyor lo zot febles ki ti’n ganny idantifye dan lepase.

FPAC i fer sa bann rekomandasyon swivan pou amelyor bann febles ki’n ganny idantifye.  Sak lorganizasyon i devret annan ase zofisye ki’n ganny lantrennman neseser pou kapab desarz zot manda korekteman.  Pou fer sa DPA i devret travay an kolaborasyon ek bann Lazans Gouvernman lo zot bann bezwen.    Minister Finans i devret konsider finansman kot i neseser pou serten Lazans baze lo zot bezwen spesifik.  Ladministrasyon tou Lazans piblik, i bezwen asir bon kontrol entern e ki depans ek reveni i ganny zere dan fason ki an konformite avek regilasyon.

Ladministrasyon tou bann Lazans i devret promouvwar en lespri rod meyer pri e valer pou larzan dan tou sa ki zot peye.

Minister Finans i devret fer en revi tou bann kont banker ki pa ganny enkli dann sistenm Trezor, e fer sir ki zot ganny reflekte dan sistenm kont.

Minister Finans i devret akseler bann lavant oubyen bann bay lo byen Leta ki’n deza ganny selekte pou ganny van oubyen lwe.

Konklizyon.

Mr Speaker rapor Oditer Zeneral i en eleman enportan dan lankadreman ki an plas ozordi pou asir latransparans.  E sa i kontribye bokou pou anmenn bonn gouvernans dan tranzaksyon Gouvernman.

I enportan ki sak Minister, Departman ou Lazans, i servi sa bann lenformasyon atraver sa lodit pou adres zot bann defayans e fer sir ki larzan piblik i ganny byen depanse.  Lapros ki’n ganny adopte par FPAC, i enn ki met lanfaz lo latransparans e donn la baz pou fer swivi ou anmenn solisyon pou sa bann tel defayans.

I kler ki serten sa bann Minister, Departman e Lazans, in konmans azir lo sa bann konsern dan rapor Oditer Zeneral, me i osi kler ki i ankor annan plizyer size ki tou le lannen – tou le lannen i monte e pa ganny adrese.

Alor nou pe demann zot pou bouze e pou ki nou kapab avans devan.  I pou enportan alor pou konsider ranforsi kapasite pa zis FPAC me resours dan Oditer Zeneral li menm.

Mr Speaker mon bezwen osi raporte ki dan egzaminasyon Oditer Zeneral FPAC pou premye fwa in trouv li avek en sityasyon kot apre ki en zofisye in donn levidans anba Serman, Ziz Lakour D’Apel in ekri pou demanti sa ki in dir.  I pou annan en dezyenm parti sa lenvestigasyon e FPAC byento i ava raport avek Lasanble Nasyonal son konklizyon.

FPAC i fer lapel ankor en fwa avek Sekretarya Lasanble Nasyonal, pou mendev profesyonnel, ki ava ede dan sa travay enportan ki nou pe antreprann pou sa Lasanble e pou nou pei.

I enportan ki tou dimoun i konnen ki se enn de Manm ki pe ekri tou bann rapor ki nou’n prezante ziska prezan.  FPAC i bezwen en dimoun kalifye e kapab ki ava asiste nou dan sa travay.  Mon espere ki nou demann i ava ganny pran an konsiderasyon dan Bidze ki pe ganny prezante byento.

Avek sa Mr Speaker mon prezant ou en kopi rapor FPAC ki mon’n fek pas lo la.  Mersi bokou.

 

MR SPEAKER

Mersi Onorab Ramkalawan.  Bon nou ava kontinyen avek nou travay.  Mon ava repas la parol avek Madam Clerk zis pou pas lo bann (S.Is) ki devan nou.

 

MADAM CLERK

Mersi bokou Mr Speaker.  Premye SI lo Papye;

S.I. – 37/2018  Land Reclamation (Retrospective Authority) Order, pou 2018.

S.I. – 38/2018  Land Reclamation (Retrospective Authority) (No. 2) Order, 2018

S.I. – 43/2018  Enterprise Seychelles Agency Act, 2018 avek (Commencement) Notice pou 2018.

S.I. – 44/2018  Revenue Administration (Filing of Business Activity Statement) (Amendment) (No. 2) Regulations, 2018

S.I. – 45/2018  Public Service Special Pension (Life Certificate) Regulations, pou 2018

S.I. – 46/2018  Income Tax and Non-Monetary Benefits Tax (Amendment of Schedules) Regulations, 2018

S.I. – 47/2018  Business Tax (Amendment of First Schedule) (No. 2) Regulations 2018.  Mersi bokou Mr Speaker.

 

MR SPEAKER

Mersi Madanm Clerk.  Bon lo Order Paper nou pou kontinyen avek Kestyon pou Repons e sa pou swiv par PNQ apre nou annan 2 Public Bills pou Second Reading e nou ava swiv avek bann Mosyon ki lo Order Paper ant ozordi avek demen.

Avek sa mon ava demann Parliamentary Reporter pou apel Minis Pamela Charlette ki pou dan Lasanble la bomaten.   Bon mon ti a kontan dir bonzour Minis Pamela Charlette Minis responsab pou Labita Lenfrastriktir avek Transpor lo Later.

Minis mersi pou reponn nou lapel dan sa premye zour nou travay 3enm trimes.  Minis i ganny akonpannyen par son PS pou Housing Mr Denis Barber; son PS pou Transpor lo Later Mr Patrick Andre; son PS pou Lenfrastriktir Mr Yves Choppy, Special Advisor to the Minister Mr Gerard Hoareau, Road Transport Commissioner Mr Desire Payet, CEO pou Land Transport Agency Mr Parinda Herath e Direkter pou Land Acquisition and Sales Ms Bernadette Boniface.

Minis avek ou delegasyon ankor en fwa bonzour e welcome parmi nou.  Nou ava al direkteman lo kestyon e mon ava pas laparol Onorab John Hoareau.

 

HON JOHN HOAREAU

Mersi Mr Speaker.  Bonzour Minis ek ou delegasyon.  Mr Speaker mon kestyon i konm swivan;

Eski Minis i kapab donn leksplikasyon lo ki pe arive avek bann later land bank Dan Gala e Nouvelle Vallee ki ti pou ganny distribye depi Desanm?  Mersi.

 

MR SPEAKER

Mersi Onorab.  Minis Charlette. Yes go ahead Minis.

 

MINISTER PAMELA CHARLETTE

Mersi Mr Speaker.  Bonzour tou dimoun ki a lekout ozordi.  Bonzour tou bann Onorab bomaten.  Mr Speaker premye kestyon proze Dan Gala i en land bank ki annan 14 kare later ki’n fini ganny arpante.

Proze met lenfrastriktir lo sa teren i an se moman an mars.  Sa proze ti ganny met lo tender an Novanm 2017 e nou ti resevwar tender le 12 Desanm 2107.  Minister ti ganny aprouvasyon Tender Board le 25 Zanvye 2018 e sa proze ti ganny award ek Kontrakter le 16 Fevriye 2018 menm.

Kontra ti ganny sinyen an Mars e Kontrakter ti konfirm dat konmanse le 01 Avril pou en dirasyon 2 mwan.  Kontrakter pa ti posib pou bouze le 01 Avril pou rezon ki i ti enform nou ki osi bid ki i ti’n soumet, pa ti enkli VAT.  E alor zofisye ti – ler nou zofisye ti’n fini konfirm sa, neseser ti bezwen ganny fer pou met sa annord.  La rezon akoz ki inisyalman VAT pa ti ladan, se akoz pandan letan tender sa Kontrakter pa ti en VAT registered contractor.

Me par kont le moman ki sa Kontra ti ganny aprouve se menm Kontrakter ti’n al anrezistre pou pey VAT.  Sa issue VAT ti ganny rezourd le 16 Me e nou ti tonm dakor ek Kontrakter pou li bouz lo site le 11 Zen 2018.

Louvraz i an se moman an mars, me nou konstate ki Kontrakter pe ganny serten retar lo site.  In notifye nou ki i anvizaze demann ekstansyon letan lo Kontra, me ziska prezan i pa ankor fer sa.

Nou pe antisipe ki proze lenfrastriktir lo sa teren i a kapab konplete ver milye Oktob 2018.  Lo kote proze Nouvelle Vallee sa proze ti ganny antreprann par Benoiton Construction a en kou 3.8milyon.  Proze i ti konmanse an Out 2015 me avek retar kontrakter e serten laliny delo ki ti bezwen ganny relocate proze ti konplete an Desanm 2017.  Dan sa proze semen ki’n konstri, i annan 10 kare later.  Nouvelle Vallee vi ki i la in konplete, son alokasyon pou ganny fer anba LPS pou rezyon Nor.  Mersi Mr Speaker.

 

MR SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker.  Mr Speaker mon ti a kontan ki Minis i kapab donn nou en konfirmasyon, ki sa bann later ki lo land bank Beau Vallon i pou ganny donnen an priyorite avek dimoun ki deza annan zot non lo lalis beau Vallon.

E dezyenmman mon ti ava kontan konnen si i annan lezot landrwa dan Beau Vallon ki zot in demarke pou fer devlopman land bank?  E si Minis i kapab donn nou en timeline lo kan sa pou ganny fer e si i annan konbyen morso ki pou kapab met a dispozisyon bann dimoun ki’n fer laplikasyon?  Mersi.

 

MR SPEAKER

Mersi Onorab.  Sa proze Gala i tonm dan distrik Belombre alor nou ava partaz Belombre avek Beau Vallon.  Minis la parol i pou ou.

 

MINISTER PAMELA CHARLETTE

Mersi Mr Speaker.  Pou premye kestyon Mr Speaker parey mon’n dir nou pe konsider li lo baz rezyonal alors i pou tou bann land bank dan rezyon nor pou ganny partaze avek bann dimoun ki dan sa rezyon li menm.  Lezot land bank ki nou annan lo kote Beau Vallon i annan proze lo lanmar 7 kare ki nou’n met li pou 2019.

 

MR SPEAKER

Ok Minis?  Ok? Mersi Minis.  Bon parey mon’n dir mon pou regle en pti pe kestyon siplemanter an vi ki napa lot kestyon, mon vwar zis Onorab Herminie.  Ok.  Bon ale Onorab Hoareau dernyen kestyon vitman.

 

HON JOHN HOAREAU

Mon ti le Minis i konfirmen Mr Speaker si akoz Statement ki ti ganny fer par Minis son predeseser, ti dir sa bann kare later ti pou ganny met a dispozisyon dimoun e donnen Desanm lannen pase, eski sa i montre linefikasite dan son travay, dan travay Minister Labita ek Land Use?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker nou osi nou annan internally, nou annan bann konstrent resours ki nou pe fer fas avek.  Nou annan en tim lenfrastriktir ki osi i travay pa zis lo land bank me osi lo lakaz sirtou.  Par egzanp pou lenfrastriktir semen kot nou ganny pli gran retar laplipar letan i retar lo kote kontrakter.  I vre ki nou bezwen fer en pti pe plis monitoring lo sa kote me par-ler dan plizyer fwa ban keksoz i a deor en pe nou kontrol dan Minister.  Mersi.

 

MR SPEAKER

Mersi Minis.  Bon mon anvi averti le de Manm ki’n lev lanmen ki kestyon i spesifik lo de proze land bank, Gala, Le Niole avek Nouvelle Vallee.  Onorab Herminie.

 

HON WILBERT HERMINIE

Mersi Mr Speaker.  Bonzour Minis ek ou delegasyon.  Bonzour bann Manm Lasanble e tou dimoun a lekout.  Kestyon i spesifik menm.  Minis i dir koumsa pou ganny allocate avek rezyon Nor, mon zis kapab mon ti anvi konnen ki sa bann distrik ki pou tonm dan sa bann rezyon Nor?  Epi ler ou pe dir sa LPS …system mon prezimen eski zot in  fini met sa an mars e in fini pare pou sa bann distrik, sa bann dimoun ki lo lalis ganny allocate avek sa de landrwa Dan Gala e Nouvelle Vallee?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Dan distrik rezyon Nor, nou annan Anse Etoile, Glacis, Belombre avek Beau Vallon.  E pou ou 2enm kestyon sa Sistenm Pwen in fini ganny in fini ganny met an plas e nou pou bouz par rezyon akoz nou’n vwar poudir i annan bann distrik ki napa ase later so nou pe group bann distrik ansanm, pou nou kapab asiste maximum dimoun ki nou kapab dan maximum distrik.  Mersi.

 

MR SPEAKER

Mersi Minis.  I osi annan en kestyon- en lot kestyon ki pou adres sa sityasyon Sistenm Pwen.  Onorab Esparon.

 

HON REGINA ESPARON

Mersi Mr Speaker.  Bonzour Minis.  Bonzour tou dimoun a lekout.  Mr Speaker mon ti anvi zis klarifye avek Minis.  in dir i annan 7 kare later ou lanmar Beau Vallon, pou mwan demann li sa bann later ki tonm la kot sa msye Arab ti rann ki sa osi pou tonm an land bank ki pou al pou distrik Beau Vallon?  I lo border Beau Vallon/Glacis.  Zis en klarifikasyon silvouple.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Sa bann bout later ki ou pe dir i Sorento e osi deza i mark li konman en land bank.  I lo borderline Beau Vallon Glacis, right.

 

MR SPEAKER

Mersi Minis.

 

HON NICHOLAS PREA

Minis avan nou sorti lo sa kestyon vitman – an vi ki ti annan problenm avek sa kontrakter ler i ti antre lo site pou fer sa semen Gala pou devlopman sa land bank e ti annan en febles dan monitoring, mon osi mon ti antre an kontak avek ou Minister, me selman ti Minis Bastienne ki ti la sa lepok; eski Minis pe garanti nou ki sa travay ki pe ganny fer a sa moman kot sa kontrakter in retourn lo site, i pe ganny monitor pou nou kapab ganny en travay a en nivo ki akseptab?  Minis.

 

MINISTER PAMELA CHARLETTE

Mersi Mr Speaker.  Akoz ti annan sa bann defayans oparavan Mr Speaker Departman Lenfrastriktir pe monitor sa proze pli pre.  Mersi.

 

MR SPEAKER

Mersi.  Akoz pli sa kontrakter i tarde, pli ki alokasyon i pou ganny pouse, pouse dat apre dat.  Mersi Minis.  Dezyenm kestyon Onorab Woodcock.

 

HON WAVEL WOODCOCK

Mersi Mr Speaker.  Bonzour Minis, ou delegasyon, tou Manm e tou dimoun a lekout.  Eski Minis i kapab dir sa Lasanble ki son Minister pe fer pou garanti zabitan Praslin e tou bann viziter sorti aletranze akse avek Anse Georgette? Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker nou’n toultan annan sa issue avek Georgette kot Lemuria.  Parey ou konnen – maybe zot pa konnen i annan3 fason pou nou kapab ariv kot Anse Georgette.  Sa i en pti santye Mont Plaisir kot bis i vire. I annan en pti santye osi Cherimont apre i annan kot lotel Lemuria.

Dan sa 2 premye ki mon’n nonmen leta trail i en pti pe difisil, so pli bon fason pou nou ariv laba se through Lemuria.  Mr Speaker Prezidan Faure dan son Diskour Leta Lanasyon 14 Zilyet 2017 i ti pronons li ki akse pou al lo lans dan Sesel i devret lib.

I ti donn en lenstriksyon Minister ansanm avek Lofis Attorney Zeneral pou drafte en Lalwa pou fer li mandatwar pour ki akse piblik avek lans, sorti lo semen prensipal i devret vin mandatwar.

Sa i enkli akse lo propriyete prive oubyen propriyete Leta.  Swivan sa Lofis Attorney Zeneral ansanm ek Minister in drafte en Lalwa.  Sa Lalwa i pa pou en Lalwa tousel, me plito en Seksyon Lalwa Planning ki pou vin devan sa Lasanble tre byento pou aprouvasyon.  E la davans mon pe demann sipor tou Manm Onorab pou donn sipor sa Lalwa pou Minister, i a kapab met sa provizyon akse piblik pou al lo lans an aplikasyon.

An atandan Minister in fer legzersis lo tou bann lans prensipal lo Mahe, Praslin e La Digue, pou vwar kondisyon akse.  Sa i osi Anse Georgette e bann zofisye Minister in zwenn avek Management Lemuria a plizyer repriz pou diskit sa konsern akse avek lans Anse Georgette.  Minister i met devan Management Lemuria ki akse avek lans Georgette i devret ganny adrese pour ki akse i bezwen lib san okenn sistenm quota ni sistenm booking.

Ti annan Lagreman ki Lemuria pou fer en santye trail bokou pli konvenab ki pou ariv Anse Georgette an pasan a kote Golf Course lo kote montanny.  Larantre sa trail pou zis an deor baro Lemuria.  E sa trail pou reste ouver 24 lo 24 e pou napa restriksyon lo akse.  CEO Planning ti organiz en meeting le 2 Out sa lannen avek Management Lemuria, Lotorite Distrik ki enkli DA e osi MNA ki dan Lasanble ozordi kot Lemuria lo sa size.  CEO i raporte ki dan sa meeting zeneral, general manager Lemuria i konfirmen ki sa nouvo trail in pare e pou ganny ouver pandan sa detrwa semenn ki pe vini.

Sa trail pou en standar parey lezot trail ki Gouvernman i rekomande pou seselwa avek viziter e Departman Tourizm pou verifye byen son standar e pou klas li.  Tou bann lansenny e demarkasyon in pare pou sa trail e ti ganny montre dan sa meeting.  Ti ganny agree osi dan sa meeting ki louvertir sa trail i ganny anonse dan medya e osi avek bann otelye pou bann viziter konnen.

I pou responsabilite Lemuria, pou maintain sa trail.  Ti annan osi laranzman pou Lemuria fer nouvo fasilite parking.  Tou dimoun prezan dan sa meeting ti agree lo sa laranzman e alors Minister pou sivre lenplimantasyon de pre.

Osi dan sa meeting Management Lemuria in ganny demande pou devlop en protocol kot piblik e touris i a konnen ki bann fasilite akse avek bann lans ki ou bezwen pas ladan dan compound Lemuria; tel ki ler akse, fasilite pou dimoun aze e dezabilite, sistenm sekirite e responsabilite piblik anver propriyete touristik Lemuria.

Tou akse i bezwen gannyen byen demarke pou piblik kapab swiv.  En kopi sa protokol, pou bezwen ganny soumet avek Minister, Departman Tourizm, departman Lanvironnman e osi met lo website STB pou sansibiliz popilasyon avek touris.

Lemuria i bezwen pibliy sa protokol an menm ta ek louvertir sa trail pou benefis piblik.  Tou dimoun prezan dan sa meeting ti agree lo sa laranzman e alors Minister pe sivre lenplimantasyon de pre.

Mr Speaker vwala aksyon ki Minister e bann lezot Lotorite pe pran pou adres sa size lo Anse Georgette.  Mersi.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mersi Minis.  Minis sa Prozedlwa dan Planning Acts ki pou fer provizyon akse mandatwar pour Manm piblik ganny akse ek tou bann lans enkli Anse Georgette i pa enkli parmi sa 40 ekek Prozedlwa, ki sipoze vin dan Lasanble sa lannen.

E mon kestyon i ki timeframe?  Ki dele letan ki nou pe ekspekte sa Lasanble vwar sa Prozedlwa vi devan nou?  E mon 2enm kestyon ki mon anvi demann ou Minis, eski Minis i kapab konfirm avek sa Lasanble ki ti annan en kondisyon, en Lagreman ant propriyeter Lemuria avek Gouvernman, avan ki Lemuria ti ganny konstri, ki piblik pou ganny akse avek Anse Georgette e osi avek Petite Anse.  E akoz ki Lemuria pa’n onor zot langazman e ou Minister tou sa lannen pa’n fer nanryen pou obliz Lemuria pou onor zot langazman e donn akse san restriksyon avek piblik?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Lalwa i deza ek AG’s Office.  Nou nou’n fini fer nou bann amannman lo la akoz ti annan enn de korespondan ant Planning Authority avek AG’s Office me sa in fini ganny eklersi.

So mon pe mete kekfwa lafen 2018 oubyen konmansman 2019 ki sa Lalwa i a vin kot National Assembly.  Me selman lo nou kote nou Minister nou’n fini fer nou neseser avek AG’s Office.  Lo kote laranzman avek Lemuria regarding Petite Anse, dan Lalwa li menm napa nanryen ki anpes en dimoun kontrol akse avek en lans.  Me selman si ou pou pas en propriyeter then i bezwen annan en protokol ki bezwen ganny mete akoz ou pe antre osi lo en landrwa touristik.

So lo nou kote nou a fer sir.  Mon krwar dan nou legzersis ki nou’n fer par Planning Authority pou Petite Anse i enkli osi ladan.  So mon krwar kekfwa sa Lawal ki nou pou anmenn devan i pou enkli osi pou tou.  Mersi.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Bonzour Minis ek ou delegasyon, tou Manm prezan e tou dimoun a lekout.  Minis ou’n mansyonn 2 trail.  Avan sa enn Lemuria ou’n mansyonn sa enn Cherimont apre kot bis i vire.  Eski anba ou Minister zot konsider sa konman trail ofisyel?  E si wi petet sa trail osi i devret ganny byen demarke annan byen bann sign akoz nou’n eksperyans kot touris in perdi dan lepase kot sa 2 trail?  Mersi.

 

MR SPEAKER

Mersi Onorab Gill.  Minis.

 

MINISTER PAMELA CHARLETTE

Mersi Mr Speaker.  Zis pou eksplike sa 2 trail, trail pa neseserman mon Minister ki demark li konman en trail, me selman sa i 2 landrwa kot mon Minister i dir poudir i annan Planning Authority i dir i annan landrwa pou pase pou al lo sa lans.  Me selman kondisyon sa 2 landrwa, sa 2 santye li menm kekfwa mon’n mal servi sa mo trail, i 2 santye.

Kekfwa sa 2 santye pou le moman i pa konvenab pou dimoun ale sirtou si ou pa en dimoun fizik.  Fodre ou byen fit pou ou kapab ale akoz i annan en pe degradasyon ki’n arive e alors pa tou dimoun ki pou kapab vreman servi sa de fason pou ariv laba.  Mersi.

 

MR SPEAKER

Mersi Minis.  Nou a pran 3enm kestyon. Onorab – en moman, en moman.  Onorab Georges ou ti annan en kestyon?  Yes.

 

HON BERNARD GEORGES

Mr Speaker mon ti annan en kestyon pour Minis.

 

MR SPEAKER

Wi, go ahead.

 

HON BERNARD GEORGES

En Kestyon Siplemanter.  Mersi.  Mon ti anvi fer Minis rapel ki annefe i annan 4 fason pou ariv lo lans.  Katriyenm fason se par bato ki i pa’n dir.  E mon ti ava osi kontan demann Minis si Minis i okouran ki dan bann Lalwa Civil Code ki pe ganny sanze, i annan en provizyon ki obliz Gouvernman pou li donn akse avek en lans, si se later Gouvernman ki se later Gouvernman ki deryer sa lans e la kekfwa sa de santye Cherimont avek bis vire Mont Plaisir, i ava vi nan aplikasyon.

E ki Gouvernman i pran responsabilite pou obliz propriyeter prive anfen i pran responsabilite pou i ankouraz e obliz kot i neseser propriyeter prive pou donn akse bann lans osi.  Mersi.

 

MR SPEAKER

Mersi Onorab Georges.  Minis ou le fer komanter?

 

MINISTER PAMELA CHARLETTE

Mr Speaker mersi bokou.  Wi katriyenm fason se par, se par bato me selman mon ti koz zis bann apye bann dimoun ki servi bann santye apye.  I ti a bon dan Civil Code wi si ti annan sa provizyon koumsa nou ti a met en pti pe plis lanfaz lo bann dimoun ek bann – lo later prive oubyen Leta pou nou kapab ganny akse avek lans pli byen.  Mersi.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker dan larepons ki Minis in donn Onorab Woodcock lo en kestyon tre spesifik.  In dir poudir sa 2 santye ki pe ganny servi ozordi pa konvenab.  So an relasyon ek kestyon eski nou kapab ganny en lasirans ki Gouvernman i fer tou le neseser posib pou ki sa 2 santye i vin konvenab avan lannen fini, akoz mon krwar i 2 santye ki nou kapab fer vin konvenab pou ki touris, e bann dimoun Praslin i kapab ganny akse ek sa bann lans desito as soon as possible.

E eski sa Lalwa ki Minister pe anmennen pou konpreansiv dan le sans, ki i pou osi pran kont bann lezot landrwa pa neseserman lo zis Praslin me an zeneral, kot i annan bann akse ki ozordi dimoun pa pe ganny sans zwir pou al lo lans omwen avek lipye?   Nou kapab konpran loto me omwen avek lipye dimoun i devret ganny akse pou al lo lans.  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker mersi.  Wi nou a get sa 2 santye ansanm avek Tourism oubyen avek lezot stakeholders pou nou gete ki mannyer nou kapab amelyor li en pe.  Osi wi sa legzersis ki Planning Authority ti fer ti konpreansiv lo Mahe, Praslin e La Digue osi.  So sa Lalwa osi pou e pti pe pli konpreansiv pou enkli tou bann laspe ki annan partou.  Mersi.

 

MR SPEAKER

Mersi Minis.  Dernyen kestyon Onorab Basil Hoareau.

 

HON BASIL HOAREAU

Bonzour Minis ek ou delegasyon.  Bonzour tou bann Manm.  Bonzour Mr Speaker.  Minis pou annan sa Lalwa mon krwar i en bon – i en keksoz ki enportan.  Me beside sa Lalwa mon krwar i enportan osi pou nou get nou Konstitisyon.

E mwan mon ti a kontan propoze Minis e demann ou si ou pa krwar i en bon nide vi ki zot pe re get sa lalwa ansanm avek Attorney Zeneral e byento pou annan lamannman Konstitisyon pou ki nou anmann nou Konstitisyon osi, pou dir poudir en derogasyon to the right to property se, kot en dimoun i kapab – i ganny forse pou donn en drwa akse avek lans.  Parski nou pa anvi en sityasyon devlope kot demen en dimoun i sey konmans challenge sa Lalwa anba Konstitisyon.  Alor nou met li spesifikman. Mon krwar sa i enportan pou nou fer sir Seselwa i ganny akse avek son lans.

 

MR SPEAKER

Mersi Onorab Hoareau.  Minis komanter?

 

MINISTER PAMELA CHARLETTE

Mersi Mr Speaker.  Mersi Onorab Hoareau pou ou lentervansyon.  Nou ava diskit avek AG’s Office.  Nou ava diskit avek AG’s Office nou a gete si nou kapab met li an pratik.

 

MR SPEAKER

Mersi.  Mersi Minis.  3enm kestyon Onorab Esparon.

 

HON REGINA ESPARON

Mersi Mr Speaker.  Mr speaker eski Minis i kapab dir sa Lasanble si son Minister i annan okenn plan fer en letid lo kondisyon sa bann flat lo  vilaz North East Point, pou konn pli byen difikilte ki sa bann zabitan pe fer fas avek e ofer solisyon posib?  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker Minister i resaman ganny demande par PEMC pou fer e analiz striktirel lo enn bann lakaz kot Seaview Estate North East Point.  E enzenyer kot Departman Lenfrastriktir in deza soumet en rapor lo lobzervasyon ki in fer.  I kler ki napa okenn risk imedya pou bann zabitan e sa batiman i striktirelman bon.

Minister in osi ganny enformen ki sa bann issues i aparaman repete dan tou bann lezot lakaz, e direktiv in ganny donnen pou enzenyer retourn kot sa Estate e fer en comprehensive lenspeksyon lo tou sa bann lakaz.

Nou an se moman an partenarya ek PMC pe kordin pou nou ganny akse ek tou bann lakaz pou sa legzersis kapab ganny fer.  Swivan Minister ava etablir tou bann problenm e determin kou pou re medye zot.

Fodre note ki sa bann lakaz i bann pti terrace houses ki date plis ki 30an e laplipar bann unit in fini ganny aste par ban okipan.  Bokou bann problenm ki pe leve i osi annan pou fer avek laz sa bann batiman e evidaman nou ekspekte ki i pou annan bann bezwen pou fer serten maintenance pou fer sir ki zot reste an bonn eta.

PMC in konfirmen ki o pa ti pe fer okenn maintenance lo sa bann lakaz an se moman pou rezon ki sa bann unit in fini ganny vann.  Bann issues ki nou’n konfirmen pou le moman i annan pou fer avek problenm spalling, sa i kot i annan serten deteryorasyon dan konkret e bann reinforcement i ganny ekspoze.  Sa i espesyalman aparaman dan bann landrwa kot i annan delo parey bann lasanmben.

2enm lobzervasyon, se deteryorasyon bann pti pilye lavarang ki ek letan in avarye e demann ranplase.  Apre sa legzersis ki mon’n mansyonnen, Minister ava etablir si i annan lezot problenm.

Proze lakaz vilaz North East Point ti konplete an 1990.  Sa proze i konpri 30 lakaz.  Mazorite 3 lasanm ki ti inisyalman ganny vann pou en sonm mwayen R217mil.

An 2006 apre ki Gouvernman ti entrodwir Home Ownership Scheme bann ki ti deside pran sa benefis ti resevwar en rediksyon maksimonm 30 poursan lo zot kou lakaz.

Aktyelman 26 dan sa 13 rezidan ki reprezant 87poursan in fini pey zot lakaz, apre ki zot in resevwar sa rediksyon.  So Mr Speaker nou lot step ki nou bezwen fer se etablir en kou ki asosye avek sa bann maintenance ki nou bezwen fer.  E Minister ansanm avek PMC pou bezwen get en mekanizm ki mannyer nou pou kapab maintain sa bann lakaz e osi ki mannyer bann rezidan vi ki zot lakaz in fini ganny van avek zot ki mannyer sa bann kou pou ganny pase lo zot.  Mersi.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr speaker mon a pran dernyen pwen ki Minis in eksplike sa kou pou ganny pase lo sa bann zabitan. M on anvi fer resorti ki le 27 Me letan ki Prezidan Faure ti vizit sa bann dimoun i ti garanti zot ki anvi ki problenm i avek lenfrastriktir se Gouvernman ki pou responsab pou fer sa reparasyon.  E mon anvi demann avek Minis akoz serten zabitan pe ganny demande pou peye, i annan serten zabitan ki pe ganny demande pou zot pey sa kou reparasyon.  E sa garanti ki Prezidan ti donnen ki’n arive avek  pou sa bann dimoun?

Dezyenmman Mr Speaker mon ti a osi kontan demann Minis,. ti a bon osi Minis i eksplik sa Lasanble, ki plan zot annan an sa ki konsern plasman basen delo kot bann nou vo konstriksyon ki son Minister pe antreprann?

Akoz sa pratik met basen delo dan plafon i enn ki koz bokou lenkonvenyans e danze sirtou kan i annan en malfonksyonnman kot delo i koule dan plafon ki andomaz plafon e risk ki delo i vin an kontak avek risk elektrisite, ki osi dan plafon parey dan ka bann flat lo vilaz North East Point.  Mersi Mr Speaker.

 

MR SPEAKER

Mersi Onorab.  Ou dernyen kestyon i lo menm landrwa?  Menm Housing Estate? Ok. Minis.

 

MINISTER PAMELA CHARLETTE

Mersi Mr Speaker.  Mersi Onorab pou ou kestyon.  Dapre sa ki mwan mon konpran wi Prezidan ti pase ti vwar s bann lakaz e ti demande pou fer en letid, en study pou gete kwa ki pe arive avek sa lakaz.  E nou dan nou rapor preliminer ki nou vwar i pa vreman defect avek son striktir li menm, me selman nou vwar poudir i annan bann spalling ki pe arive kot bann konkret pe dekoke.

So i annan bann maintenance ki pou fer avek.  Parey mon’n dir nou pou bezwen fer en scope of work ansanm avek PMC avek lenfrastriktir e kekfwa nou ava re diskite nou a gete ki mannyer nou pou met en mechanism pou nou kapab fer sa bann reparasyon, akoz PMC i annan en Bidze limite, pou li kapab fer maintenance lo bann lakaz.  Mersi.

 

MR SPEAKER

Mersi Minis.  Wi dernyen bout kestyon.

 

MINISTER PAMELA CHARLETTE

Regarding bann basen delo i annan en pe letan ki nou’n tir bann basen delo dan plafon.  Pou le moman i pe mete lo bann slab, kot si i annan okenn overflow i pa koul direkteman dan lakaz oubyen dan plafon dimoun.

 

MR SPEAKER

Mersi.  Yes Onorab Esparon.

 

HON REGINA ESPARON

Non Mr Speaker zis pou mwan enform Minis ki lo sa bann lakaz North East Point tou zot bann basen delo i ankor dan plafon.

 

MR SPEAKER

Ok Onorab.  Minis.

 

MINISTER PAMELA CHARLETTE

Mersi Mr Speaker.  Wi sa i bann parey mon’n dir i bann vye lakaz.  So i deza dan plafon sa bann, me selman ler nou fer scope of work nou a gete ki bann lezot amelyorasyon ki nou bezwen fer e pran konsiderasyon sa bann tenk delo osi.  Mersi.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon ti a kontan demann Minis, vi ki zot in dir ki zot in remarke ki sa spalling i ariv sirtou prensipalman anba sa lavarang kot zis par lao i annan sa shower tray annan sa shower anler, why not ki Minister i konsidere zisteman fer en proze spesifik pou repar oubyen reinforce sa bann shower tray pou fer ki prezan sa delo pa ava kontinyen.  Si apre petet la sa bann lezot kou i ava tonm lo sa bann lokater rather ki lokater prezan i bezwen rode partou e i riske end up ek en sityasyon kot i pa neseserman repar the fault kot i ete, e plitar vwar li pe pey ankor.

So eski son Minister in konsidere pou fer sort of en proze koumsa?  E dezyenmman an sa ki konsern bann flat vilaz North East Point, nou osi konnen Minis baze si ou lekip in fer letid, ki pou annan dimoun dan sa landrwa ki pa pou kapab afford pou fer sa bann reparasyon  an kestyon.

E la mon konpran poudir pou annan en difikilte between swazir lekel ki pou kapab afford lekel ki pa pou kapab afford, me eski zot in deside pou zot vwar en mechanism pou ed sa bann dimoun an partikilye osi pou ki ot kapab repar sa bann flat dan en fason ki ava fer li vin konvenab?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Ok. Mr Speaker parey mon’n dir ler nou pou fer sa scope of work nou ava gete tou bann amelyorasyon ki nou bezwen fer e ki kalite bann mechanism ki nou pou met an plas pou nou kapab ed sa bann dimoun ansanm avek PMC akoz parey mon’n dir PMC son Bidze maintenance i vreman limite e nou bezwen priyoritiz lezot travay ki’n osi ganny plan; par egzanp bann trail ki nou pe osi ki Lasanble in demann nou pou rekonsidere, ki mannyer ki nou pou kapab ed sa bann dimoun.

I annan bokou bann louvraz koumsa ki PMC pe travay lo la pou nou kapab met en keksoz devan Gouvernman, akoz nou vwar poudir sa bann challenge i pe vin pli an plis e nou bezwen fer en letid konpreansiv lo tou bann Estate. 

PMC in konmanse e nou anvizaze ki avan lafen lannen nou kapab prezant avek Gouvernman en keksoz ki en pti pe pli konpreansiv pa zis get lo sa bann defect ki nou’n mete la me lo tou Estate ki deza annan e ki en pe vye osi.  Mersi.

 

MR SPEAKER

Mersi Minis.  Bon avek sa nou ava pran en Break e nou ava retournen 11er pou nou kontinyen kestyon nou Minis Charlette.

 

(BREAK)

 

 

MR SPEAKER

Bon nou ava kontinyen nou travay, kestyon pou Minis Pamela Charlette.  Nou ava al lo katriyenm kestyon e mon ava pas laparol avek Onorab Noline Sophola.

 

HON NOLINE SOPHIOLA

Mersi Mr Speaker.  Bonzour Minis ek ou delegasyon, tou Manm Onorab, tou dimoun ki a lekout bonzour.  Mr Speaker mon kestyon pou Minis i lir koumsa;  vi ki kantite transpor in ogmante pickup, club car, bisiklet elektrik lo La Digue, eski Minis i kapab dir sa Lasanble ki plan son Departman pou asire ki tou bann ki servi semen piblik an kontan pyeton i an sekirite?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker Minister an pli partikilye Departman Transpor lo Later e komisyon transpor lo Later e komisyon Transpor lo Later i konsyan ki avek logmantasyon veikil ki lo La Digue i osi poz serten risk pou dimoun ki servi semen lo La Digue.

Apre plizyer konsiltasyon avek Manm piblik La Digue sa lannen nou’n fer 3 meeting piblik, nou’n reisi ganny at least en review e Land Transport Policy pou la Digue.

Alors e avek sa antet ki nou’n travay lo sa revizyon, e sa policy i govern Transpor lo Later pou La Digue parey mon’n dir.  Dan sa policy provizyon in ganny fer pou adres sekirite lo semen konm swivan; par egzanp met en limit lo lakantite transpor ki La Digue pou kapab soutenir.

Kontrol vites ki veikil i devret pe fer lo La Digue.

Kontrol ki kalite bisiklet ki kapab ganny servi lo La Digue.

Asire ki bann biznes ki lwe bisiklet i annan proteksyon; par egzanp helmet pou zot kliyan.  Asire ki bann veikil i dan bon kondisyon toultan.

Asire ki bann bisiklet i ganny teste pou fer sir ki zot dan bon kondisyon, spesyalman bann bisiklet lwe.  Osi bann bisiklet i annan lasirans.

Met plis lalimyer lo semen pou donn plis lekleraz.

Fer agrandisman semen kot i fodre e posib enkli konstrir trotwar ek drenaz.  Fer bann kour lo sekirite lo semen e osi Lalwa Semen espesyalman avek zanfan lekol.

Nou pou osi enstal bann siny trafik ki devret lo norm enternasyonal pou ki tou dimoun ki servi semen espesyalman touris ki vizit La Digue.

Enstal bann baraz oubyen bann railings dan bann landrwa riske e kot veikil enkli bisiklet in deza kit semen.  In deza fer aksidan e kit semen.

Osi nou pe konsider kot i posib pou konstrir trotwar sirtou dan sant lapas kot bokou dimoun i sirkile.

Met en sistenm enforcement efikas an plas an kolaborasyon avek lapolis.  Osi fer bann legzersis par bann Highway Patrol Officers e bann lenspekter sorti Mahe.  Nou krwar ki apre ki nou’n met tou sa bann mezir an plas e avek en sistenm monitoring e anforsman Lalwa dan en fason efikas nou pou kapab amelyor sekirite lo semen La Digue.  Mersi Mr Speaker.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Speaker.  Mersi Minis pou sa bann lenformasyon e mon krwar ki Digwa e tou dimoun ki servi La Digue i kontan pou aprann ki i annan sa bann keksoz.

Me selman Minis i annan Planning permission pou konstriksyon ki pe ganny donnen e ki’n fini ganny donnen La Digue e sa bann biznes i tou dilon semen.  E dan sa bann planning sa ban permisyon ki’n ganny donnen napa rezerv napa en re bay e sa i koz bokou konzesyon e i pe vin pli danzere.

I annan serten landrwa ki vreman ou pa kapab ni menm apye pase kan dimoun in park dan tou le de kote semen.

Minis mon pe demande vreman ki ou Minister pe anvizaze fer sirtou sa i tonm dan zone La Passe ek Anse Reunion.  Ki ou pe anvizaze fer e ki dele letan tou sa bann keksoz ki ou’n dir avan e an kontan sa enn ki mon pe dir ou ki zot pou egzekite   Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Lo kote Planning Mr Speaker mon krwar nou a bezwen met e pti pe plis latansyon ler nou don laprouvasyon lo kote Planning, pou bann konstriksyon ki pe ganny fer.  Parey ou konnen Planning desizyon i ganny pran par en Board, me konman Minis pou Lenfrastriktir Ladministrasyon Later e Labita, mon krwar i mon rol pou mon donn en lenstriksyon pou nou met en pti pe plis latansyon ki sa bann keksoz pa arive.

E nou met e pti pe plis latansyon La Digue, akoz kondisyon ki semen i ete e osi bann aplikasyon pou konstriksyon ki pe antre kot Planning.

Lo kote lezot bann linisyativ ki nou’ mete lo bann policy mon krwar dernyen meeting piblik ti ganny fer an Out, an Out ansanm avek Minister Tourism ek Lanvironnman.  So nou’n gannyen bann feedback from sa public meeting.

E la mon krwar nou pare pou nou kapab enplimante.  So avan lafen lannen 2018 nou bezwen konmans enplimant en pe sa bann linisyativ ki nou’n dir.  I annan ki deza in fini ganny fer; par egzanp lalimyer lo kote La Digue, nou’n met apepre 50 lalimyer La Digue.

E i annan zis bann lalimyer solar ki sa nou annan en pti defayans akoz nou bezwen enport sa bann pyes ki manke.  SLTA osi i annan en progranm ki in fini konmanse lo kote bann semen La Digue pou 2018.  I annan en lalis proze ki’n konplete e bann ki nou pe extend pou next year.  E 2018 osi nou annan bann resurfacing oubyen bann crash barriers pou nou mete.  Nou annan road surface pou nou fer.  Osi bann agrandisman lo kote pavement pou nou fer lo La Digue.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker dan son larepons Minis in mansyonn nouvo Polisi an relasyon avek sekirite.  Eski Minis i kapab dir avek Lasanble ki son Polisi an relasyon avek bann transpor spesyalman bann pickup ki rantre lo La Digue?  Parski pickup i pli gro i kapab koz plis danze, eski zot Polisi  se pou fer antre pickup normal oubyen pou fer rantre zis pickup elektrik ek hybrid?  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker pou kestyon Onorab dan nou Land Transport Policy i pa nouvo Polisi sa.  Sa i en review Polisi ki ti la avan e i annan keksoz osi ki nou’n amande ki nou’n amelyore e met en pti pe an plis lo semen.

Lo kote motor vehicle, lo kote motor vehicle nou ankor pe aksepte bann vehicle konvansyonnel, me i annan osi en demann pou akoz nou pe konsider La Digue konman en tourism destination, nou’n enkli osi provizyon pou nou aksepte bann vehicle hybrid parey nou dir – koumsa o kour letan nou annan plis en pe sa bann kalite transpor ki pou kapab fer La Digue e pti pe pli echo friendly parey nou’n dir.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker, eski Minis i kapab dir avek nou akoz ki la a ler aktyel serten dimoun ki’n fer laplikasyon pou en pickup zot, zot ganny pickup normal konvansyonnel parey ou apel li e serten dimoun zot, zot pe ganny demande pou fer antre swa en pickup elektrik oubyen hybrid?  Akoz ki zot annan sa diskriminasyon?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Dapre mon konpran bann dimoun ki’n ganny demande pou fer vini bann transpor hybrid i zis bann taxi.  Akoz napa bann devlopman konvansyonnel pou bann – lo kote hybrid lo kote bann lezot parey truck.   So pou le moman bann dimoun ki’n demann request pou taxi se zot ki demande pou annan en taxi hybrid.

 

MR SPEAKER

Mersi Minis.  Vitman Onorab.

 

HON WAVEL RAMKALAWAN

Mr Speaker mon anvi dir avek Minis petet regard en pe dan son Minister.  Request to operate a 3 ton pick up electric or hybrid on La Digue.  We would like to inform you that approval has been granted for you to operate a 3 ton pickup electric or hybrid on La Digue. ‘’ Mon krwar pa si en pickup i en taxi.  Mon krwar i annan konfizyon da Minister e ti ava bon pou zot ganny zot act together parski i annan en diskriminasyon ki pe arive.  Silvouple donn nou en leklersisman?

 

MR SPEAKER

Mersi onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab pou sa lenformasyon.  Nou ava investigate mon ava gete mwan menm.  Mersi.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker kestyon pe koz lo bann mezir ki Minister pou pran pou amelyor sekirite lo semen lo La Digue e Minis in donn nou en seri linisyativ ki son Minister pou pran.  Kestyon ki mon anvi demann li se ki sa bann propozisyon ki pe ganny fer ki input bann Lotorite Digwa i annan ladan?  Nou annan biro Ladministrasyon Distrik, nou annan biro MNA, la konmela nou annan Regional Council.  Nou annan osi La Digue Trust Fund ki ti deza egziste mon pa konnen si i ankor ouswa La Digue Development Board.  Mon anvi konnen ki poursantaz kontribisyon zot fer dan sa bann devlopman, akoz ouswa i zis en kestyon nou Minister ki enpoze ouswa i en homegrown solution pou sa problenm sekirite ki annan lo La Digue?  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker parey mon’n dir dan mon lentervansyon ti annan trwa public meetings sa lannen menm e ki tou dimoun La Digue ti ganny envite pou partisip ladan.  I bann dokiman ki nou’n sirkile osi.

So mon pa vwar akoz ki dimoun pa konnen ki i annan ladan, akoz se bann sizesyon, komanter ki nou’n anmase avek bann dimoun La Digue menm ki’n donn nou, e sa in konmans pa zis sa lannen depi 2017 ti annan previous public meeting.  Mersi.

 

MR SPEAKER

Mersi Minis.  Nou ava pran prosen kestyon.  Onorab Egbert Aglae.

 

HON EGBERT AGLAE

Mersi Mr Speaker.  Bonzour Minis ek ou delegasyon e tou Manm e piblik an zeneral.  Minis mon kestyon i lir konm swivan; eski Minis i kapab dir ek sa Lasanble kan eski nouvo sirfas pou ganny antreprann lo semen primer depi Barbarons, Beolière ziska Port Glaud?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker tou-le-z-an SLTA i annan en progranm travay reparasyon sistematik pou tou semen primer ek segonder lo Mahe Praslin ek La Digue.  Bann travay i enkli re sirfas bann semen, re sirfas bann semen beton avek nouvo kours e menm bann semen primer e segonder.  Fer bann travay port polling, repar bann ekskavasyon ki’n ganny antreprann par bann lezot lakonpannyen tel ki PUC letan zot in fer reparasyon lo zot bann lenfrastriktir.

Teknisyen SLTA i travay lo en progranm pou re sirfas semen apre ki bann vizit in ganny fer, pou evalye kondisyon sa bann semen.  Sa progranm i pran konsiderasyon sa bann kriter swivan;

Leta sirfas, volim trafik ki servi sa bann semen, kalite travay reparasyon, kalite litilite ki pas anba bann semen.

Par egzanp i pa pou vo lapenn e osi en gaspiyaz resours pou re sirfas serten semen kot i annan bann vye tiyo e ki tanzantan pe kase e i pli pratik ki SLTA, i al re sirfas sa bann semen apre ki PUC in fer travay neseser.

E pou reponn kestyon direkteman Mr Speaker, i bon note ki travay pou sirfas semen Barbarons Beolière ziska Port Glaud in deza konmanse.  Nou’n deza fer en bout lo semen Barbarons e Gran Anse Mahe e sa proze pou kontinyen e nou anvizaze ki tou travay pou konplete pandan kar lannen prosenn.  Mersi.

 

MR SPEAKER

Mersi Minis.  Onorab Aglae.

 

HON EGBERT AGLAE

Mr Speaker mon annan 2 Kestyon Siplemanter.  Minis etandonnen dan ou larepons ou’n fer sorti ki i annan bann travay ki PUC e lo sa bann semen i deza egziste travay ki PUC pe fer an se moman la, eski ou kapab dir nou si ou bann zofisye enzenyer zot pe swiv de pre lafason ki PUC ler in fini kas sa bann semen pe antreprann sirtou akoz zot pe servi beton ki letan lapli sa bann beton i zis sorti?

E dezyenmman Minis eski ou santi ki SLTA li menm li i annan kapasite pou kapab antreprann tou sa bann maintenance dan pei, eski si zot pe konsider osi petet en lot lakonpannyen ki kapab outsource pou donn lanmen pou kapab fer sa bann maintenance?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Lo kote enforcement kot SLTA nou annan dimoun ki ale ki mon monitor, bann monitoring officers.  E nou osi annan en RTC Road Transport Commissioner e Utilities Committee ki dan Planning ki sirvey bann travay ki ganny fer.

Pou dir si nou annan ase resours internally pou nou kapab fer tou sa bann travay, i en challenge pou nou an se moman.  E wi i annan diskisyon pou nou gete si nou kapab ouver en pti pe sa travay avek bann lezot partners. Me sa i ankor an konsiderasyon i ankor an diskisyon internally avan ki nou al kot Gouvernman pou nou met en propozisyon devan akoz nou osi nou vwar ki SLTA i anba bokou presyon sirtou ler ou annan en tim selman ki fer par egzanp bann asphalt work isi Mahe so i challenge, akoz toultan i annan ler nou pe fer en travay lo bout semen, apre i annan en priyorite emergency ki vini ki zot bezwen sorti al lo en lot semen so i en challenge … menm si ou pou donn nou bokou larzan, me si ou napa sa resours imen internally, i pou still en problenm pou nou.  So sa i ankor an diskisyon. Nou ava diskite internally ki mannyer i pou posib e apre nou ava met en propozisyon avek Gouvernman ki i a donn nou en gidans en direksyon.  Mersi.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker.  Minis ou delegasyon, bonzour tou bann koleg Onorab e tou bann dimoun a lekout.  Mr Speaker an vi ki Minis dan son repons with regards to bann travay ki PUC, dan pei an zeneral sa travay pe ganny fer e enkli Beolière, Takamaka e tou lezot distrik.  Eski dan bann landrwa dan bann semen primer ki si ou le nou kapab dir i ase sere eski Minis zot kapab pran konsiderasyon pou bann travay dan reparasyon limedya sa bann semen kapab ganny fer pou ki sirkilasyon i kapab flow fasilman pou nou bann trafik? Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.   Nou annan en progranm ki nou swiv me selman par-ler menm si par egzanp PUC in fini met son …. dan later e i pran li en pe letan pou met kab oubyen met tiyo e apre osi nou bezwen les en pe sa later settle en pe avan ki SLTA i antre.  Annan de ler i bezwen met en primer avan pou li kapab stabiliz sa – kot in fer sa devlopman apre fini fer son re surfacing. So i annan en pti pe staz prosedir ki i bezwen pas ladan avan ler semen i fini devlope.  Mersi.

 

MR SPEAKER

Mersi Minis.  Mon krwar konsern i e konsern zeneral.  Mon ti lev sa lo sityasyon semen St Louis e mon vreman apresye response ki mon’n gannyen ek Lotorite.  Sa in ganny remedye akoz ti’n kree …holes e ti kapab koz aksidan.  Me dan Sid Mahe sityasyon i ankor parey.  Petet Kontrakter i devret ganny donn serten lord pou kapab ranpli sa bann trou.  Onorab Valmont.

 

HON JUDE VALMONT

Mersi Mr Speaker.  Bonzour Minis e ou delegasyon.  An  tan ki nou pe koz re sirfas semen mwan mon ti a voudre demande  si SLTA pou le moman zot pe rankontre  okenn  challenge avek prodiksyon koltar oubyen met sirfas koltar e ki kantite retar ki i pe donn zot pou fer sa bann louvraz lo semen aktyelman?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Onorab wi i annan en retar lo kote aggregates.  En pe letan CCCL ti annan bann problenm teknik ki pa ti kapab donn nou en pe – the full amount e sa de osi supplier ki nou annan UCPS avek CCCL osi zot annan zot bann proze ki zot fer oubyen zot annan zot dimoun ki zot donnen alors kekfwa nou pa pe vin priyorite me nou pou diskit avek zot akoz sa i fer nou en pti pe annan retar.  E osi lo kalite osi aggregates ki nou gannyen i osi i ki konparab avek sa de, annan de ler nou tant pou nou al ver zis en supplier me osi nou konnen nou bezwen servi tou le de akoz tou le de i annan en kantite demann pou aggregate so ler nou pa ganny ek enn nou bezwen al servi en lot supplier pou nou ganny sa bann materyo.  Mersi.

 

MR SPEAKER

Mersi Minis.  Onorab Herminie.

 

HON WILBERT HRMINIE

Mersi Mr Speaker.  Minis eski ou kapab dir nou sa bann Lazans ki pe fer sa bann travay tel ki PUC eski zot ki peye pou sa re sirfas ouswa sa larzan i sorti direk dan Bidze SLTA akoz sa i kapab afekte bann lezot proze ki ganny fer dan lezot distrik.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Pou le moman se par egzanp PUC, PUC ki pe peye pou sa bann louvraz ganny fer.  PUC ki pe andomaz semen, ki pe fer sa travay.

 

MR SPEAKER

Mersi Minis.  Avan nou move on mon ti a parey toultan nou dir si en keksoz i bon nou bezwen dir i bon.  Mon ti a kontan profite pou remersi Lotorite SLTA pou bann travay ki’n ganny fer re sirfas semen Belombre ek enn de semen segonder ki ti vreman dan bann move kondisyon.  Lotorite in ekout demann ki MNA avek DA distrik Belombre in fer e mon anvi remersi CEO avek PS avek Road Commissioner.  Tou bann dimoun ki’n enplike.  Nou konnen louvraz pa ankor fini me nou kapab dir zot mersi pou le moman.   Nou ava pran lot kestyon Onorab Egbert Aglae.  Kestyon No. 6.

 

HON EGBERT AGLAE

Mersi Mr Speaker.  Minis kestyon i konm swivan.  An vi lentrodiksyon Sistenm Pwen kot i konsern alokasyon later eski Minis i kapab dir ek sa Lasanble si son Minister pe pran kont bann komitman ki distrik e son Minister in fer avek bann aplikan pou ki zot pa ganny defavorize ek sa nouvo Sistenm Pwen apre tou sa letan ki zot in espere?  Mersi.

 

MR SPEAKER

Mersi Onorab.  Mon ava zis demann Onorab Mondon an vi ki son kestyon osi i lo Sistenm Pwen si i le demann son kestyon ansanm la i posib kekfwa repons Minis pou ….

 

HON TERENCE MONDON

Non Mr Speaker.

 

MR SPEAKER

Pran li separe?

 

HON TERENCE MONDON

Mon le pran separe.

 

MR SPEAKER

Ok napa problenm.  Minis.  Kestyon pou Onorab Aglae.

 

MINISTER PAMELA CHARLETTE

Mersi Mr Speaker.  Mr Speaker kekfwa mon a pran sa kestyon Onorab Aglae ansanm avek kestyon 7 (d) pou Onorab William akoz i preski menm keksoz.  Si ou permet mwan.

 

MR SPEAKER

7 i kestyon Onorab Mondon.  Ou pe dir kestyon…

 

MINISTER PAMELA CHARLETTE

7 (d).  8 (d) sorry Mr Speaker, 8.

 

MR SPEAKER

8 (d) bon mon ava demann Onorab William pou prezant son kestyon.  Petet Onorab prezant ou kestyon an antye, nou ava sot No. 7 e nou ava pran No. 7 dernyen.  Prezant ou kestyon an antye Minis i ava reponn pou Onorab Aglae avek ou bout apre i ava donn latansyon larestan bann lezot part ou kestyon.  Onorab.

 

HON WAVEN WILLIAM

Mersi Mr Speaker.  Bonzour Minis ek ou lekip avek tou dimoun ki pe ekoute.  Mr Speaker si mon konpran ou bye ou le mon pran kestyon limero 8 an antye?

 

MR SPEAKER

Pran li an antye wi.

 

HON WAVEN WILLIAM

Eski Minis pou Labita ek Transpor i kapab eksplik sa Lasanble konbyen pou koute sa proze lakaz transit Barbarons e konbyen kare later anba sa nouvo Sistenm Pwen ki’n ganny afekte dan distrik Grand Anse Mahe avek sa proze emergency house.

  1. Eski kriter ki pou ganny servi pou Sistenm Pwen alokasyon sa bann lakaz e ki dele letan bann rezidan pou reste dan sa bann lakaz?
  2. Eski pou annan en sistenm task force pou sirvey lanvironnman sa vilaz pou evit bann tandans parey oparavan kot lord ek lape mentenans ti ganny neglize ?
  3. Konbyen i pou koute par mwan pou lwe sa bann lakaz en lasanm, de lasanm ouswa trwa lasanm ?
  4. E dernyerman eski Minis i kapab eksplik sa Lasanble ki pou arive ek sa bann dimoun ki ti lo lalis priyorite pou ganny en bout later dan land bank avan ki Sistenm Pwen ti vin an aplikasyon ?  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker kestyon 6.  Minister in entrodwir Sistenm Pwen pou alokasyon later rezidansyel avek bi prensipal pou annan en sistenm pli transparan e efikas, pou priyoritiz sa ki son bezwen i pli merite e pou an menm tan asire ki sa bann dimoun ki Gouvernman i asiste avek later i annan mwayen pou devlop li avek en lakaz pou rezourd zot bezwen pou en lozman o pli vit posib.

Dan sa loptik ti annan merit pou re egzamin lalis priyorite ki ti’n ganny etabli anba vye sistenm konfirm zot alokasyon.  Anvi ki Minister ti finaliz Sistenm Pwen e pou anons rezilta avek aplikan, Minister ansanm avek biro Attorney Zeneral ti kategoriz e defini bann diferan aprouvasyon oubyen let ki Minister in fer sorti avan Sistenm Pwen in vin an plas.

Avek gidans ki nou’n gannyen ti kler ki en komikman se aplikan ki’n ganny en let pou fer setadir en let ki ofer kliyan en morso later spesifik avek en plot number avek pri pou li peye sorti kot Minister, e ki sa bann aplikan in aksepte dan sa dele letan, ki nou’n donn li.

Bann let parey Minister pou onor son komitman avek kondisyon zot lof.  Bann lezot let sirtou aprouvasyon an prensip, i pa en komitman dapre konsiltasyon avek Attorney Zeneral, e aplikan i bezwen satisfer bann lezot kriter Minister avan ki zot ganny en lof.  Savedir aplikan i bezwen satisfer sa bann kriter ki an fors o moman ki desizyon lo morso later e pri pe ganny pran.

Mr Speaker nou’n fer plizyer konsiltasyon ki ti enkli konsiltasyon avek Manm Lasanble e bann lezot stake holders, HFC, PMC, Minister Local Government, Minister Finans eksetera.

E le 14 Out nou ti lans nou nouvo Polisi e bann kriter pou alokasyon later ti vin an plas.  Alor si aplikan pa pe zwenn sa 10 kriter pou preset criteria pou kalifye pou later i pou difisil pou Minister onor okenn let aprouvasyon an prensip.

Sa bann tel aplikan pou annan en swa pou al pou prodwi lakaz ki enkli osi self- finance.  Ouswa espere ziska ler zot kapab zwenn sa bann kriter; par egzanp si zot aplikasyon i mwens ki 3an oubyen i pa meet kriter saler ki pe ganny konsidere.

Dan ka kot aplikan i annan en let aprouvasyon an prensip e Minister pe survey en morso later pou sa aplikan, ler survey in fini finalize i ava ganny ofer sa morso later me avek nouvo kondisyon lo en baz lease.  Me selman nou pou refer bann tyek tel ki fer sir ki sa dimoun pa’n ganny deza asiste.

Prezan Mr Speaker pou pran kestyon Msye Onorab William lo kote lalis priyorite;  pou bann dimoun ki ti’n ganny en let aprouvasyon pou en kare later dan land bank partikilye parey mon’n dir oparavan si zot satisfer sa 10 kriter inisyal zot osi zot ava ganny ofer en lof sa morso later anba nouvo prosedir vann later land bank.

Savedir zot pou ganny ofer lo en lease avek kondisyon ki i pou devlop sa later dan en peryod 5an.  Mersi Mr Speaker.

 

MR SPEAKER

Mersi Minis.  Nou ava fini tackle sa bout lo Sistenm Pwen apre nou ava pran lot- Minis ava donn nou lot bout repons pou Onorab William. Onorab Aglae.

 

HON EGBERT AGLAE

Mersi Mr Speaker.  Minis mon annan de pti siplemanter.  Minis etandonnen larepons ki ou’n donnen swivan bann komitman ki ou’n dir, ki si i pa’n ganny en let formel zot pa pou onore.  E an vi ki ou Minister sa letan petet ou pa ti la vi ki ti annan bann problenm lenfrastriktir parey semen ki pa ti ankor pare e kot zot ti dir bann aplikan espere, ki zot pa pou fer en langazman formel avek zot, me zot ti pe konsidere en priyorite eski la ou pe dir nou poudir zot pa pou ganny konsidere?

Dezyenmman Minis eski pa ti a meyer ki dan plas zis sa bann aplikan ki nou ti’n ganny konsidere konman priyorite ganny zis en let pou dir zot pa’n kalifye, fer e interview avek zot pou petet osi vwar si i annan serten sanzman depi tou sa letan ki zot pe espere, zot kapasite parey ou’n dir pou zot viv akoz i annan fanmir ki’n pare pou al ed en lot koleg fanmir, pou zot devlope osi.

E dernyerman Minis ou’n nonm serten opsyon.  Eski sa bann opsyon i kapab vin en pe pli kler si ler zot pa pe kalifye parey ou nonm self financing fer sa bann opsyon klere call in sa bann dimoun atraver ou Minister donn zot sa bann opsyon ki ou pe mansyonnen la ozordi.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker zis pou mwan eksplike ankor,  bann lalis priyorite ki nou ti gannyen dan distrik nou pa pe onor li, pa zis akoz nou pa anvi onor li.  I annan lo lalis priyorite ki fodre aktyelman nou pas zot dan – en land point system.  Akoz mon pe dir sa?

Mon a donn ou en legzanp.  Par egzanp nou annan en dimoun lo lalis priyorite distrik i aze 50an, i annan en aplikasyon pou later 2015.  I annan 2 zanfan e sa 2 zanfan li i fini gran.  Lo son form aplikasyon i dir i annan e partner me i pa anvi deklare.  Son saler apre ki in pey son tax ek en lasirans lavi i R5226 par mwan.  E i annan lezot depans par egzanp pou manze, elektrisite ki nou pa ankor vreman tire ladan dan sa 5mil.  So baze lo kalkilasyon ki nou annan nou i konfirmen ki sa kliyan i reste li dan son lanmen R326 par egzanp.  La pou nou i en konsern.

I en konsern akoz sa dimoun ou pou donn li en bout later i pa pou kapab devlope.  E ler i pou al kot labank pou li devlop sa later, i pa pou gannyen en loan baze lo sa bann lenformasyon ki in donn nou.  Nou ti dan nou let ki nou ti fer sorti nou’n donn – i annan loportinite pou dimoun query pou vin kot nou.

E bann query ki nou’n gannyen deza, bann feedback ki nou’n gannyen deza i plito lo bann sanzman akoz ler sa legzersis ti fer i kapab i annan dimoun ki’n sanze.

E wi sa nou pe konsider sa bann sanzman ki’n ganny arive.  I annan osi bann dimoun ki asize avek sa kliyan, bann ki pa satisfe i toultan kapab vin kot nou.  Nou asize avek sa kliyan e nou eksplik li akoz ki i pa’n ganny konsidere safwasi.

E osi nou met dan son bann laporte bann lezot prodwi ki annan e nou annan bann lezot prodwi ki nou pe dir parey self financing oubyen social housing dapre zot lenformasyon ki zot in donn nou, me toultan i annan en loportinite pou sa dimoun vin kot nou pou update ankor son lenformasyon.

Me nou pran li konman nou responsabilite sa kliyan kominik avek nou pou dir nou ler en keksoz in sanze dan son sityasyon.

So pou reponn ou kestyon Onorab, nou konnen poudir distrik ti annan zot lalis priyorite, me selman nou bezwen osi konsider bann lenpak akoz menm par egzanp dan sa legzanp ki mon’n donn ou mon pou donn en dimoun en later i pa pou rezourd son problenm lozman.

So nou – bezwen mazin nou lobzektif avek ki nou’n fer sa point system se pou nou kapab ed dimoun ki kapab ki afford, ki’n parey ou’n dir ki kekfwa in la pou bokou letan me i pa’n kapab.

Akoz toultan ki nou pe vwar se bann dimoun en pti pe pli mwayen fortinen ki lo sa priyorite.  Me selman nou kapab ed zot avek en lot kalite prodwi parey lakaz pa neseserman donn li en bout later.  Mersi.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mon ti a kontan eksprim mon dezapwentman avek larepons ki Minis in donn nou la.  Mon ti a kontan fer Minis mazinen ki, lefe ki kontinyelman Minister avek Lotorite Distrik in annan en dyalog kontinyel, e se Minister menm ki’n tarde pou donn bann dimoun ki ti lo lalis priyorite distrik en let i pa lafot sa bann dimoun.

E Minis mon anvi fer ou okouran ki sa bann dimoun zot annan zot larzan pou kapab fer zot devlopman.

E dezyenmman mon santi ki poudir sa sistenm pa transparan akoz letan Minis i dir ki son Minister in al fer en diskisyon avek Attorney Zeneral Lotorite Distrik pa’n ganny enkli pou li kapab defann son case.  

E mwan mon anvi dir avek Minis lefe ki (1) – sa dyalog e komitman ki’n ganny fer mon kapab dir dan en sityasyon partnership travay ant Minister avek Lotorite Distrik e nou santi poudir Minister li tousel in pran desizyon lo li menm, san  vreman meet Lotorite Distrik half way, pou nou kapab pran an konsiderasyon serten nou bann ka.  E mwan mon pe demann Minis me eski son predeseser in al avek tou sa bann file kot meeting in ganny fer avek rikord in ganny garde?  Mersi.

 

MR SPEAKER

Mersi Onorab.  Mon ti krwar ou pou al en pti pe pli lwen pou demann Minis pou demisyonnen.  Bon pa’n arive sa Minis ou ava reponn konsern Onorab William.

 

MINISTER PAMELA CHARLETTE

Mersi Mr Speaker.  Dan lepase ler nou’n donn laprouvasyon apre lenfrastriktir pa’n ganny enplimante, nou’n toultan ganny sa problenm kot dimoun i vin kot nou i dir i pe espere.  

So Minister ti pran en desizyon pou donn en firm commitment once ki tou lenfrastriktir i ganny mete lo sa bann later pou land bank.

Lo kote Grand Anse Mr Speaker parey mon’n dir nou bezwen – nou le donn dimoun avek merit nou’n bezwen fer li fair.  Nou konnen wi i annan dezapwentman ki i annan dimoun ki lo lalis pou en kantite letan, me ler zot ganny zot let zot dezapwente akoz zot pa meet serten kriter.

Mon krwar sa land point system ti mete presizeman pou nou kapab avek limit resours ki nou annan lo kote later pou nou fer sir ki nou allocate later pou bann dimoun ki kapab devlope e bann dimoun ki annan mwayen pou devlope.

Par egzanp mon pe get Grand Anse Mahe lo en lalis 10 dimoun 5 i annan abilite pou zot kapab ganny en bout later e devlope.

So tou distrik pou ganny afekte menm fason.  E nou, nou le fer keksoz en pti pe pli sistematik.  En keksoz ki ler nou donn en bout later i pa avek en desizyon ki nou’n pran nou menm, me laprev i la, son pwen i la.

Mr Speaker lo nou website i annan tou bann lenformasyon lo Polisi, lo kriter.  Nou annan en leaflet ki nou’n fer ki nou kapab – ki nou pou met a laporte piblik, pou zot konnen, parey zot pe dir i pa transparan pou zot konnen kwa ki ganny enplike dan sa land point system.  Mersi.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mr Speaker Minis in koz lo en lalis 10 e in dir sa ki kalifye sa ki pa kalifye.  Me zisteman Minis la ankor parey mon dir sa kantite dimoun ki ou pe dir mon lo sa lalis o nivo distrik nou konnen poudir i annan plis me solman ki Minis i manke, se ki enn parey mon pe dir se ki letan ou Minister i vwar sa bann aplikan, Lotorite Distrik li i pa’n ganny enkli pou nou vwar en pti pe ankor vreman ki bann alternativ.

Malgre zot pe koz lo la akoz mon annan bann case par egzanp i annan en aplikan ki son paran ti kapab donn li en bout later, me i annan en high KVA, laliny pe pase lo son later ki son paran pa kapab donn li en bout later.

Par egzanp i annan en zenn garson malgre i pe travay deor, Minister, zofisye i demann li si in kontribye dan lekonomi Sesel?  Me selman i annan son larzan pou li kapab pey sa bout later e fer son lakaz.

I annan par egzanp ki’n fail par 2 pwen, me selman ler ou regarde i annan son larzan. Mannyer mon pe dir Minis, se ki mon krwar i manke sa dyalog ant ou Minister avek Lotorite Distrik pou nou annan en serten konpromi, akoz parey mon dir i annan en bon pe sa bann dimoun en bon  pe letan zot lo sa lalis priyorite, e mon santi poudir dyalog in manke.  Mersi Mr Speaker.

 

MR SPEAKER

Mersi Onorab.  Minis komanter.

 

MINISTER PAMELA CHARLETTE

Mersi Mr Speaker.  Mr Speaker mon konpran pwen Onorab.  Pou sa rezon ki i annan e peryod letan ki nou’n les ouver pou dimoun come back ek nou pou vreman donn nou bann lenformasyon.  Si vreman nou’n mank keksoz so zot kapab come back ek nou.

I annan osi en appeal committee ki nou’n met an plas pou nou endepandan.  Nou pe fer li endepandan ki pou konsider sa bann ka ki vin kot nou konmkwa ki kekfwa nou pa’n fer anyway nou pa’n  get zot pwen, nou pa’n get byen zot lenformasyon e sa Appeal Committee ava pran desizyon lo bann ka koumsa.  Mersi.

 

MR SPEAKER

Mersi Minis.  Onorab Audrey Vidot.

 

HON AUDREY VIDOT

Mersi Mr Speaker.  Bonzour Mr Speaker, tou Manm Onorab, Minis ek ou delegasyon e tou manm piblik ki a lekout.  Mr Speaker mon kestyon pour Minis i konm swivan, eski Minis i kapab dir nou Lasanble, kote retar i ete pour bann aplikan, ki lo proze bann aplikan later ki lo proze later self-financing?  Espesyalman bann ki’n fini fer zot prosedir atraver labank.

E petet Minis osi si ou ti kapab dir ek nou Lasanble eski Minister pe konsider anvoy zofisye dan bann distrik pour eksplik byen bann aplikan baze lo bann sanzman ki pe pase lo Sistenm Pwen, ki pe montre ki i annan sa latransparans parey ou’n dir lo tenm Sistenm Pwen ki pli sistematik e ki distrik, Lotorite Distrik, MNA ek DA napa, pa zot ki donn lakaz ek later, so si zot pe konsider pour al eksplik byen piblik sa bann sityasyon.  Mersi.

 

MR SPEAKER

Mersi Onorab.  Minis.

 

 

MINISTER PAMELA CHARLETTE

Mersi Mr Speaker, lo kote self-finance plot sa ki nou’n idantifye, se Perseverance pour le moman e sa nou’n anvizaze ki end of September sa lannen nou pou, dimoun pour kapab ganny zot let.

E i annan osi bann self-finance ki’n potential size dan bann lezot distrik ki nou’n idantifye e ki sa, se nou pour re target li pour lannen prosen.  Mersi.

 

MR SPEAKER

Mersi Minis.  Onorab Jany Letourdie.

 

HON JANY DE LETOURDIE

 

(Off-Mic)

 

MR SPEAKER

Ok en moman, en moman Onorab.  Yes Onorab Vidot.

 

MINISTER PAMELA CHARLETTE

Sorry Mr Speaker mon’n bliy en kestyon.  Lo kote edik bann dimoun nou’n deza komans, nou ti annan en meeting avek SBC premyerman pour nou get bann diferan metod oubyen platform kot nou, nou kapab ale e edik dimoun ki pour en pti pe enteraktif osi kot dimoun i kapab telefonnen demann kestyon, pour le moman nou’n ganny zis News Extra ki nou’n al lo la.

E mwan mon ti fer en Press Release ki nou ti eksplike.  Me osi i annan bann lezot – SBC in pare pour travay ek nou pour kontinyen sa ledikasyon avek bann piblik.  Parey mon’n dir i annan nou leaflet osi ki nou pour partaze avek distrik, avek dan nou Minister osi ler dimoun i vini i apply i gannyen.

Lo kote DA wi mon krwar kekfwa i ava annan plis lenformasyon.  Nou ti komanse par egzanp dan Sid ek Was ler nou ti pe lanse pour nou, nou’n fer en meeting ek bann DA avek bann MNAs e anmezir ki bann land bank, i pare nou pour kriy osi bann lezot bann MNAs elekte dan bann distrik pour annan sa diskisyon avan ler ki nou lanse.  Mersi.

 

MR SPEAKER

Mersi Minis.  Onorab Letourdie.

 

HON JANY LETOURDIE

Mersi Mr Speaker, bonzour tou dimoun. Minis en dimoun ki son lakaz in ganny detri par dife, anfen oubyen i kapab lezot, dezas natirel osi, eski li osi i pour bezwen pas atraver sa menm Sistenm Pwen, anfen pour li kapab ganny later ek lakaz oubyen i ganny en tretman préférentiel?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Sa kekfwa i anmenn mwan lo sa, i anmenn nou lo sa kestyon pour Onorab ankor lo kote emergency house kekfwa tanporer ki mannyer nou kapab asiste en dimoun.  Si ou permet mwan Mr Speaker mon ti kapab…

 

MR SPEAKER

Go ahead Minis.

 

MINISTER PAMELA CHARLETTE

So, Mr Speaker parey Onorab in demann kestyon lo emergency house, oubyen lakaz tanporer, Minister ti, sorry, ok pour proze emergency Grand Anse Mahe sa i pe ganny enplimante an 2 ler nou ti vwar ler nou ti al fer vizit, en total R18milyon pour 42 unit.  Premye lot i ti ganny antreprann, in ganny antreprann par Reliance Engineering Services e lot i par Ascent Project.

Nou ti anvizaze ki sa proze i fini septanm, me i annan en pti pe retar akoz sit sa proze, difikilte lo site li menm, so nou pe met li an oktob 2018.

Mr Speaker sa later ki nou’n konstrir sa bann lakaz lo la ti’n al, i ti’n deza allocate avek SPTC.  Alor sa proze pa’n afekte okenn proze land bank ouswa kare later ki ti dan land bank Grand Anse.

Mr Speaker mon pour reponn A, B, and C dan en sel lentervansyon, sa bann lakaz tanporer pour ganny servi pour soulaz nou bann dimoun ki vwar ki pe fer fas avek en sityasyon difisil tel ki dezas dife, e bann lezot emergency ki pour ganny byen definir.

Dan lepase sa bann sityasyon koumsa ti’n afekte nou stok lakaz e nou bann aplikan ki ti pe esper en lakaz avek Gouvernman pa ti kapab gannyen akoz nou bezwen get bann emergency.

        An se moman Minister in fini drafte premye draf, draft en policy pour alokasyon pour sa bann lakaz emergency.  Pwen for sa policy alokasyon se pour gid tou sekter e manm piblik lo kriter alokasyon sa bann lakaz,

Policy pe osi pran kont dele letan ki bann diferan kategori lasistans tanporer pour fer dan sa bann lakaz e i pour osi kouver rent ek lezot fre ki lokater pour peye par mwan.  Sa policy pe osi met an plas striktir amenazman e lareg sa pti Estate, sa Estate, sa pti Estate ki pour tonm anba responsabilite PMC.

Alor Mr Speaker sa bann dimoun i pour annan en gidans oubyen en Regilasyon ki PMC pour met an plas, pour gid bann tenants sirtou zot responsabilite.  Pour annan en caretaker ki nou’n anvizaze mete pour pran ka avek sa Estate, pour monitor e gete lekel ki vini, lekel ki sorti.

Akoz parey mon’n dir sa pour en landrwa tanporer kot nou pour house bann dimoun ki annan difikilte par egzanp dezas, bann ka emergency, me nou pe emphasize, nou pe met lanfaz ki bann emergency i bann emergency ki par egzanp en eviction ki pa en eviction ki’n ganny mete lo li menm, i bann eviction ki an deor kontrol sa dimoun.

Pour reponn ou kestyon Onorab, bann dimoun ki dan, ki ganny afekte parey dezas, i annan en keksoz tanporer ki nou anvi – ki nou pour met an plas pour li regarding emergency house.  So i pour ganny asiste dan sa proze emergency house.

Me lo kote later then i pour bezwen akoz nou pe anvizaze ki at least 1an maximum ki zot pour kapab reste dan, depandan lo bann kondisyon son larantre dan sa Estate.  

So prezan si sa dimoun prezan nou pour bezwen met lo en lalis lasistans lakaz, oubyen lasistans later, nou pour bezwen fer li, me selman i pour bezwen met li lo sa Sistenm Pwen pour nou get son abordabilité e son sityasyon ki ladan.

Me selman sa nou bezwen fer li lo en case to case basis; par egzanp si sa dimoun ti annan en lakaz pour li menm son lakaz in brile, then en lot keksoz i kapab ganny fer, i pa neseserman donn li en lot later nou, nou al get bann fason e deza nou annan bann mekaniz ki nou pran kont dan sa bann ka koumsa e nou kapab ed sa dimoun.  Mersi.

 

MR SPEAKER

Mersi Minis.  Onorab Letourdie.

 

HON JANY DE LETOURDIE

Minis sa dimoun li sa lakaz petet pa ti pour li, me selman i ti deza pe peye pour li ganny enn pour li sa, sa sityasyon ki mwan met la devan ou, prezan sa lakaz in brile, me an menm tan mon mazinen i ankor pe fer son kontribisyon. Vwala.

 

MR SPEAKER

Mersi.  Minis.

 

MINISTER PAMELA CHARLETTE

Mersi, be dan sa ka i pour ganny konsidere dan prodwir lakaz plito ki dan later, nou a konsidere pour met li lo lalis pour later.  Mersi.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker. Mr Speaker permet mwan zis pour mwan met en senaryo avek Minister, nou annan bann dimoun ki pare pour zot ed zot lekor dan demars avek lakaz, later e ou annan osi bann dimoun ki lo zot kont i annan plis ki R100, 000, sa baze lo kantite letan ki zot pe espere pour zot kapab ganny zot later pour zot peye e osi ou annan bann dimoun ki zot kondisyon letan baze dan refer sa bann Sistenm Pwen ki zot kondisyon petet enn ki’n met parey taler ou’n dir in met li tousel, me selman si in met son partner i kapab ganny konsidere son larzan, mon krwar zot pe demann R15, 000 minimum, son larzan zot tou lede ansanm i par lao e nou vwar sa bann dimoun pa ganny konsidere.

E petet i annan bann lezot fakter, petet Minis eski ou kapab revwar ki sa bann dimoun osi zot kapab ganny konsidere par lefe ki sa bann dimoun montre sa abilite pour zot kapab purchase later e menm devlop fer zot konstriksyon.

E apre osi letan ou get nivo sa Sistenm Pwen, mon konsernen letan mon get rezyon Sid pe dir 75 pwen ki sak dimoun i bezwen annan e bokou dimoun ozordi ki pe ganny zot let, zot pe ganny zot, zot 45 pwen ki way, way below sa kantite.  E posibilite annan later dan nou rezyon parey nou konnen Takamaka i annan bokou bann potansyel bann landrwa ki menm ki zot pe al devlope pour later, bann semen, lenfrastriktir pe al ganny fer e mon annan en konsern la ki mazorite nou bann dimoun dan nou distrik pa i riske pa ganny konsidere avek sa Sistenm Pwen ki zot in met an plas, so kot nou pour vwar bann lezot dimoun dan lezot distrik i benefisye, eski Minis i kapab vwar serten fason pour kapab accommodate e satisfer dimoun dan nou rezyon avek sa prosesis.

E apre letan zot reponn bann let sirtou letan bann dimoun i fer appeal, i annan case kot mon’n vwar let kot bann dimoun in fini dir lo ki bann baz i pa ganny konsidere….

 

MR SPEAKER

Annou fer li vit Onorab.  Onorab ou Minister annou fer li vit letan pa dan nou faver.

 

HON PAUL ERNESTA

 … yes Mr Speaker.  E prezan zot in zis dir sa dimoun parey ou’n donn diferan opsyon zot in zis dir sa dimoun son case i close, eski zot pa kapab revwar sa mechanism pour donn sa bann dimoun lezot opsyon akoz la, sa i fer dimoun fristre.  Mersi Mr Speaker.

 

MR SPEAKER

Bon avan Minis i reponn, mon ti a kontan demann leskiz avek SBC akoz nou anvi fini avek Minis, i annan sa bann siplemanter lo sa 2 kestyon, apre nou annan en dernyen kestyon, so nou pour al en pti pe par lao midi pour nou fini, e mon demann bann Manm pour al en pe presi lo zot kestyon, nou pa oule bann detay and all that e Minis osi tou pout et osi bref dan ou repons.  Go ahead Minis.

 

MINISTER PAMELA CHARLETTE

Mersi Mr Speaker.  Pour premye kestyon, ler nou ti fer interview avek bann aplikan nou ti demann zot pour si zot annan savings oubyen non, e zot ti bezwen anmenn proof ek nou, so si sa bann lenformasyon in ganny donnen avek nou i pour ganny konsidere, me si zot pa’n donn nou sa lenformasyon then kekfwa i pa’n ganny konsidere.  So nou ti demande ler nou ti fer interview si zot annan savings pour donn nou proof of the savings ok? Akoz i osi sa en konsiderasyon ki nou pe pran ki sa dimoun i annan son savings.

Sa bann pwen par egzanp ou pe dir bann dimoun ki’n ganny 45 pwen, sa bann dimoun i eligible pour li ganny en later li, me selman son priorisation sa ki donn li sa bann pwen.  Savedir en dimoun ki ganny 90 pwen avek en dimoun ki ganny 45 pwen i annan son priorisation ok?

So sanmenm sa ki nou’n dir, nou’n dir vi ki ou annan 45 pwen ou annan swa pour ou reste lo lalis later ziska ler nou kapab asiste ou oubyen i annan bann lezot prodwir ki a ou dispozisyon ki ou kapab pran, se sa ki sa let ki i pe sey dir – ok.

Bann ki’n case close se sa bann ka ki pa’n meet premye eligible pwen later.  Savedir kekfwa son laplikasyon i mwens ki 3 an par egzanp si i pa pe reste ditou Sesel nou annan en lalis preset criteria ki nou’n mete ki nou servi zis pour dir ou, ou case in close la akoz ou pa’n meet sa preliminary kriter ki’n ganny donnen.  

So si prezan son aplikasyon apre 3 an i kapab vin kot nou pour dir nou be la nou 3an, son laplikasyon i kapab ganny konsidere.  I annan osi ki nou’n fer ki nou desanm ki nou pour ouver ankor lalis akoz premye legzersis nou ti fer 2017 ler Minister ti al, ti anonse dan piblik vini pour apply pour en bout, pour apply sa bann ki i annan aplikasyon vin update zot lenformasyon.  

So apre sa nou ti close pour nou travay ek sa bann dimoun ki ti lo lalis ki ti vini, me nou pour fer li ankor an desanm once ki nou’n fini avek sa batch ki nou annan, nou pour fer li an Desanm kot dimoun i kapab vini update son lenformasyon ankor pour li kapab ganny konsidere.  Mersi.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Ankor enn fwa bonn apre midi tou dimoun.  Mr Speaker mwan pour retourn en pti kou lo kestyon 6, kestyon Onorab Aglae, ladan i koz lo komitman ki anfet nou merit dir langazman ki distrik e Minister in fer.  Akoz sa i en kestyon ki mon’n deza demann Minis dernyen fwa letan i ti vin dan Lasanble, parske dimoun dan mon distrik in dir mwan sa.  Zot in ganny promet, nou bezwen ozordi etablir lekel ki fer sa bann promes, eski Lotorite Distrik? Eski MNA? Eski CC Member Parti Lepep? Eski Chairman Brans Parti Lepep?

Parski nou, nou pa’n fer sa bann commitment nou, solman nou tande poudir i annan en, e ozordi ler in etablir en Sistenm Pwen, ki i etablir en sistenm tre transparan e ki byen lot kote latab i le fer en roll back sa Polisi pour zot kapab onor bann promes eleksyon ki zot in fer? E sa i mal!  Nou pa kapab tolere sa …

 

(APPLAUSE)

 

HON GERVAIS HENRIE

So nou bezwen kalifye ozordi lekel ki’n fer sa bann promes.  Mon premye kestyon.  Dezyenm kestyon Minis ….

 

HON SEBASTIEN PILLAY

(Off-Mic)

 

MR SPEAKER

… Onorab Pillay. Onorab Pillay…

 

HON GERVAIS HENRIE

…. lo kestyon Onorab William lo bann lakaz laba anler Grand Anse ki i pe fer?  Letan Prezidan ti vizit Mont Buxton nou ti koz lo lakaz emergency e i ti donn en langazman ki bann dimoun ki dan sa lakaz, i annan zis 2 Mont Buxton zot pour bouz Grand Anse akoz apre i pour kraze.  So mon anvi ki ou eksplike si dan bann landrwa kot i annan bann lakaz emergency ozordi dan bann distrik, si pour annan sa bann mouvman sa bann dimoun pour ki sa bann landrwa i ganny rekonstrir?  Mersi.

 

MR SPEAKER

Petet dan menm laliny Minis a konsider sa Madanm Bel Ombre ki i annan 22an dan lakaz emergency.  Minis laparol i pour ou.  Minis.

 

MINISTER PAMELA CHARLETTE

Mersi Mr Speaker.  I annan bann letan ki Minister li menm in anvoy, in demann distrik pour anvoy lalis priyorite kot nou me mwan mon pa konnen lo ki priyorite i baze, selman Minister vre i annan de ka kot in demann distrik anvoy zot lalis priyorite pour distrik.

Lo kote sa bann lakaz emergency, i annan wi ki nou pour bezwen par egzanp ler nou annan bann re lokasyon bann nouvo devlopman ki nou pour fer nou bezwen met dimoun en pe laba.  E i annan plan pour devlop bann lezot emergency housing.  Nou annan en Plan Konpreansiv ki nou pe travay lo la, me selman i pa pour vini sa lannen, me kekfwa nou ava lans avek en keksoz lannen prosen pour nou kapab devlop sa bann landrwa parey nou’n fer kot Grand Anse.  Mersi.

 

MR SPEAKER

Mersi Minis.  Briyevman Onorab Henrie.

 

HON GERVAIS HENRIE

Mersi Mr Speaker.  Arising.  Minis in mansyonn in dir wi i annan bann ka kot distrik in anvoy en lalis priyorite.  Mwan Mont Buxton mon’n ekrir ou predeseser mon’n demann li eski Mont Buxton i annan en lalis priyorite mwan anvi vwar, zanmen mon’n ganny en larepons parske ou tann, dimoun i dir ou plis ki enn i premye, 2enm ou 5enm lo lalis priyorite.  Eski i annan sa lalis priyorite e eski parey la ozordi nou’n ganny en lanvlop bann MNA elekte in ganny en lanvlop ki i annan lalis bann dimoun par zot distrik ki’n fer laplikasyon, eski i posib pour nou ganny en lalis priyorite nou distrik pour nou vwar e konnen si vre i egziste?  Mersi bokou.

 

MR SPEAKER

Mersi Onorab. Minis.

 

MINISTER PAMELA CHARLETTE

Sa lalis mon krwar ki ou’n gannyen pour lakaz pa land bank.

 

HON GERVAIS HENRIE

(Off-Mic)

Selman lakaz i priyorite ki ou pe dir…

 

MINISTER PAMELA CHARLETTE

Sa i plito pour bann distrik kot i annan land bank, bann proze land bank oparavan.  (Nou annan nou?)  Avan mannyer mon konpran, avan ki mannyer ti ganny fer se ki si i annan en proze dan ou distrik i demann distrik pour anvoy en lalis bann priyorite pour sa distrik pour land bank.  Mersi.

 

MR SPEAKER

Ok mersi Minis. Onorab William.

 

HON WAVEN WILLIAM

Mersi Mr Speaker.  Mr Speaker mon ti a kontan demann Minis mon konnen poudir Minis i nouvo dan sa Minister me son bann zofisye laplipar i la en bon pe letan, mon anvi demann Minis si dapre rikord ki zot annan in annan konsiltasyon avek Lotorite Distrik pour zot swazir sa sit pour zot fer bann emergency house lefe ki distrik, Lotorite Distrik ti’n deza fini deside pour servi sa sit pour Lakaz Vye Dimoun avek Daycare.  

E mon anvi montre Minis poudir napa en dyalog ant Lotorite Distrik avek Minister e Minister i antre dan distrik ou a krwar i vin fer nenport kwa, e Minis mon anvi atir ou latansyon poudir ou pa’n reponn kestyon C ki i annan pour fer avek pri sa bann lakaz, en lasanm, 2 lasanm avek 3 lasanm.

E finalman Minis mon anvi port a ou latansyon poudir zabitan land bank Barbarons zot vreman konsernen avek sa vilaz e nou swete e mon pe demande ki DA osi i ganny mete lo sa task force ki i a fer ki enn i akoz PMC li pa dan distrik li, PMC i an deor distrik.

Alor nou ti a kontan ki sa task force letan i ganny fer la ki serten bann dimoun kle dan distrik i ganny mete lo la.  Mersi.

 

MR SPEAKER

Mersi Onorab. Minis.

 

MINISTER PAMELA CHARLETTE

Mersi Mr Speaker, pour kestyon C lo pri mon’n deza dir poudir nou pe travay lo bann mekaniz ki mannyer bann tenants pour peye.  I annan en pri tantativ ki nou annan ki dan nou draft policy me sa nou bezwen diskite avek Gouvernman avan ler ki nou dir ki pronons nou lekor lo sa bann pri.

Pour enkli DA lo sa Komite, nou a konsidere pour nou enkli DA, me mon bezwen fer resorti Mr Speaker ki nou pe ganny bokou rezistans avek bann Lotorite Distrik konmkwa nou pe met bann Housing Estate lo zot dan zot distrik.  Mwan mon pe sey fer sorti ki i bann desizyon ki nou bezwen pran pour nou kapab ed maximum dir nou dimoun ki nou kapab ed dimoun ki nou kapab.

So byensir mon konpran ou konsern akoz napa sa konsiltasyon, me selman dapre mon konpran sa later ti deza pour SPTC, SPTC ki ti pour vin lo la.  So in fezab pour nou zis fer en koze avek SPTC pou dir li poudir nou pe pran sa later pour nou fer sa devlopman.  Me selman mon pran ou pwen ki kekfwa nou ava annan en pti pe plis kordinasyon oubyen konsiltasyon avek bann dimoun dan distrik.  Mersi.

 

MR SPEAKER

Mersi Minis. Onorab William.

 

HON WAVEN WILLIAM

Mr Speaker mon ti a kontan demann Minis, parey mon’n dir taler mon pa konnen si rikord i perdi, me mwan mon okouran poudir distrik in anvoy en let ofisyelman pour demande ki part of sa later, i ganny transfer avek distrik.  E Minis i annan en semen par deryer sa vilaz.  Sa proze semen i resanble la in arete e mwan mon anvi konnen si sa semen ki pe ganny fer par deryer sa vilaz pour deservi sa vilaz?

E lot konsern se ki drenaz obor semen avek sa kantite delo ki pour desann mon anvi konnen si zot pe travay avek Land Transport pour amelyor sa drenaz akoz i pour annan en bottleneck e riske flood sa pti vilaz par anba.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Lo kote sa semen, sa semen ti’n deza pe komans ganny devlope, ganny konstrir e drenaz osi drenaz i deza lo tender pour le moman pour nou amelyor sa drenaz kot i ete.  Mersi.

 

MR SPEAKER

Mersi Minis, Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker de pti kestyon pour Minis, premyerman letan pe koz konsiltasyon avek Lotorite Distrik, avek ki zot pe konsilte la?  Eski zot pe konsilte avek DA, avek MNA oubyen avek Konsey Rezyonal?  Akoz la mon vwar par egzanp e la mon dakor avek Onorab William ki konmsi konsiltasyon pa ganny fer, akoz bomaten mon pe koz avek serten MNA ki’n dir ki yer swar ki zot in vwar lo televizyon ki poudir pour annan en konsiltasyon Roche Caiman pour bann serten distrik e ki personn pa konnen.

Alors mon oule dakor avek Onorab William ki poudir napa okenn konsiltasyon alors dir nou avek ki zot pe konsilte la lo sa nivo distrik.

E dezyenmman mon a met en senaryo devan ou Minis, 2 dimoun in marye zot in aste en bout later Gouvernman avek prive aprezan zot divorse, aprezan zot vann sa bout later pour partaz bann byen, apre sa enn ant sa 2 partner i fer en laplikasyon e i pe kontribye li, i anvi al lo pwen, me selman zot pe kontinyen dir avek li ki poudir i pa kalifye akoz in deza annan en bout later ki i ti vann, konmsi e ki i kapab eksplik nou dan ki eski sa dimoun la konmsi i tonm dan defonse li?  I pa pour zanmen kalifye?  Oubyen ki mannyer i pour ete?

Parske la pour le moman ki in aste en bout later ek prive in vann pour li rezourd son problenm divors, me letan pe vini i ape kontribye zot pe dir avek li non, e pourtan i annan sa larzan la pour i aste en bout later avek Gouvernman me selman zot pe dir avek li non, i pa kalifye akoz in deza annan en bout later ki in vann me selman parey ou konnen lo lot kote ou trouv bann ansyen Minis ki i annan 72 kare, later Gouvernman, eksplik mwan sa silvouple Minis.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, dan sa ka Mr Speaker ler ou’n divorse e ou bezwen, ou’n re marye ankor ou bezwen anmenn laprev divors e nou pran li lo en case to case basis.  I pour kapab ganny en bout later, me selman nou pour bezwen pas li dan point system pour get son priorisation lo sa point systemOk?  So i pour eligible pour en bout later li, me selman i pour bezwen still go through the point system pour nou get son pwen lo priorisation.

 

MR SPEAKER

Lo sa premye bout, lo premye kestyon konsiltasyon.

 

MINISTER PAMELA CHARLETTE

Lo kote, lo kote konsiltasyon, konsiltasyon i sirtou avek Local Government oubyen DA ki nou main stakeholder lo kote MLUH.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mr Speaker mon demann en kestyon e mon sorti dan plis konfizyon, Regional Council i tonm anba Local Government, DA i form parti Regional Council.  Akoz ki zot pa koz direkteman avek sa Regional Council ki sipoze pe regard tou sa bann distrik?

Apre dezyenmman, Mr Speaker mwan sorry, me selman i kler ki poudir parski mon’n demann 2 kestyon depi bomaten, i kler ki poudir i annan konfizyon dan sa Minister. Mr Speaker sa ki Minis in dir avek mwan mon kontan sa ki in dir avek mwan, me pa sa ki sa dimoun pe ganny dir.

Sa dimoun pe ganny dir i pa pour gannyen, i pa pour kalifye akoz in deza annan en bout later ki in vann.  Konmsi eski i annan linefikasite lanmen drwat pa konnen ki lanmen gos pe fer, eski ou bann zofisye pe dir avek dimoun en lot keksoz ki sipoze prensip?

Silvouple eksplik nou parski mwan mon dan konfizyon e mon krwar ki sanmenm sa ki this lack of leadership ki pe annan dan sa pei e ki nou bezwen dousman, dousman regarde sa, oubyen imedyatman.  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker nou, nou konsilte avek DA ek Local Government e mon krwar i responsabilite DA pour anmenn sa kot son Regional Council, mon krwar koumsa ki sipoze marse.

Osi lo kote sa ka divors ki ou’n donnen, i posib i annan en malantandi me selman nou, nou dan Minister nou’n koze nou’n edik nou bann dimoun dan devan Customer Service e i depan osi ki kalite lenformasyon ki sa dimoun in vin avek pour li ganny sa larepons.  Akoz mwan pour mon pa’n dan sa lentrodiksyon, mon pa’n dan sa land point system, me selman ler mon’n antre mon’n aprann li, e pour mwan mon vwar li i kler dan sa ka ki devret fer.  Mersi.

 

MR SPEAKER

Ok mersi Minis. Onorab Valmont.

 

HON JUDE VALMONT

Mersi Mr Speaker, Minis mon rapel detrwa lannen pase ti annan pandan World Habitat Week bann, ti annan ler zot ti pe lans sa Sistenm Pwen la, zot ti aktyelman partaz pwen bann dimoun, bann dimoun ti kapab vini ti donn zot, zot pwen mon pe, apre in arete, alor mwan mon pe demande eski sa bann dimoun zot annan posibilite ganny zot pwen aktyelman? Si non ki bann, akoz ki sa i koumsa?

E dezyenm kestyon se ki, eski Sistenm Pwen eski i aplikab pour bann dimoun ki’n fer request pour transfer lakaz parey sorti 2 lasanm pour al 3 oubyen 1 pour al 2, eski i aplikab?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, sa ki ou’n mansyonnen premye partaz pwen mon krwar ti pour lakaz, pa neseserman later.

Wi byensir Onorab bann dimoun i kapab konn zot pwen, ler zot pe vin kot nou osi nou eksplik zot konbyen pwen sa let osi i fer resorti bann ki’n successful konbyen pwen in gannyen.  So i annan posibilite pour nou donnen konbyen pwen zot gannyen, me selman la nou pe fer li parey mon pe dir, par proze apre par distrik osi.

 

MR SPEAKER

Bann ki transfer Minis?

 

MINISTER PAMELA CHARLETTE

Solman wi nou kapab.  Sa dimoun i pour kapab konnen konbyen pwen in gannyen.  Lo transfer i pa enkli, i pa enkli non.

 

MR SPEAKER

Mersi nou ava pran dernyen kestyon.  Onorab Terence Mondon.

 

HON TERENCE MONDON

Mersi Mr Speaker, mon pour repran ankor kestyon No. 7.

 

MR SPEAKER

Yes Onorab.

 

HON TERENCE MONDON

Swivan lentrodiksyon sistenm pwen e legzersis ki Minister in fer dan Sid e dan Was Mahe lo laplikasyon later dan land bank, eski Minis i kapab dir sa Lasanble 1, konbyen dimoun ki’n fer laplikasyon dan sak distrik,

(1) Konbyen ki’n kalifye dan sa 2 rezyon.

(2) Akoz ki bann dimoun ki sipoze kalifye oubyen ki’n ganny dir i kalifye anba sa sistenm i trouve ki finalman zot pa pe kalifye?

(3) Eski i annan okenn konsiltasyon avek bann aplikan pour zot konnen lo ki baz sa bann pwen in ganny donnen?

(4) Akoz Gouvernman pe ensiste lo kalite konstriksyon lakaz san pran konsiderasyon kondisyon finansman sa aplikan?  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Pour kestyon A konbyen dimoun ki’n fer aplikasyon dan sak distrik, sa mon prezimen ou pe koz lo Sid ek Was.  So Anse Royale par egzanp i annan 85 aplikan 19 ki’n kalifye.

Ler mon pe dir kalifye se bann ki’n kalifye e ki’n ganny en let successful e ki pour bezwen al Labank pour get son bann kondisyon si i pour kapab afford en?

Anse Boileau 80 aplikan 14 kalifye.

Baie Lazare 72 aplikan 9 kalifye.

Port Glaud 53 aplikan 4 kalifye.

Takamaka 46 aplikan 4 kalifye.

Grand Anse Mahe 53 aplikan 14 kalifye.  Mr Speaker sa ou larepons pour ou premye kestyon.

Pour 2enm kestyon akoz ki bann dimoun i, ki sipoze kalifye oubyen in ganny dir i kalifye anba sa Sistenm Pwen i trouve ki finalman zot pa kalifye.

Sa mon pa tro, mon pa’n tro ganny ou kestyon byen, me selman parey mon’n fer sorti lo larepons Onorab Port Glaud, tou bann aplikan ki pas sa 10 kriter inisyal pour enroll lo Sistenm Pwen pour later, apre sa zot ganny mete dan Sistenm Pwen ki ganny gide par 7 kriter e la zot ganny priyoritize baze lo kantite pwen ki zot annan, vwala akoz en aplikan i pas 10 kriter, son preset criteria si in pase e pour al lo Sistenm Pwen me i pa neseserman ganny priyoritize pour li ganny later dan sa batch pour sa lannen 2018.  Me sa bann aplikan i kapab ganny konsidere parey mon’n dir the next cycle ouswa i ganny son swa pour li reste lo lalis oubyen prodwir en lot lakaz.

Ou 3enm kestyon se, eski i annan okenn konsiltasyon? Minister pa’n fer konsiltasyon direk avek tou aplikan pour eksplik zot bann Sistenm Pwen, parkont depi lannen 2017 Minister in a plizyer repriz al lo medya pour edik popilasyon lo bann sanzman dan Polisi e Sistenm Pwen, sa Sistenm Pwen li menm i baze lo sa lenformasyon ki nou’n anmase ler nou’n fer legzersis interview avek bann aplikan ki ti vini.

Ler nou ti anonse parey mon’n dir oparavan nou ti fer en Press Release, nou’n osi rankontre SBC parey mon’n dir pour nou fer en pti pe plis ledikasyon.  An se moman pour tou bann aplikan ki pe resevwar let e zot pe rod leklersisman lo zot let ouswa pwen, nou bann zofisye i a dispozisyon sa bann aplikan pour fer plis pour donn zot plis leksplikasyon.

Nou osi annan bann leaflet ki nou’n fer sorti e ki nou anvizaze fer plis bann materyo edikasyonnel pour piblik, nou pe osi kontinyen avek nou meeting sansibilizasyon parey mon’n dir oparavan avek MNA, avek DA ler bann proze i ganny konplete.

Pour ou kestyon 2, akoz ki Gouvernman pe ensiste lo kalite konstriksyon lakaz, Mr Speaker lobzektif nou Polisi se pou aret labi kot later i ganny aste me pa zanmen ganny devlope ouswa i ganny vann a en pti egzorbitan.  Konsiderasyon finansman i ganny pran a 2 repriz dan nouvo Polisi alokasyon later.

An premye lye i 2 parmi sa 10 kriter inisyal ki tou aplikan later i bezwen pase. E an 2enm lye i ganny osi enkli nou kriter pou pwen ki priyoritiz bann kliyan.  E pou ki Minister i kapab zis tou aplikan an servi menm mezir.  I enportan pou etabli bann finansyel minim pou tou aplikan.

En fwa ki bann aplikan i satisfer bann barenm Minister pa met okenn kriter oubyen ensiste ki kalite konstriksyon ki aplikan pou fer.   Lalwa Planning i sel Regilasyon Nasyonal ki determinen kwa ki aprouve koman en lakaz abitab e dan ki kondisyon i akseptab pou sa lakaz ganny occupancy.

Alor sa i sel mezir lo ki kalite lakaz ki en dimoun i kapab fer.  Dan nou legzersis Mr Speaker nou ti pran kont pa zis saler bann aplikan me osi savings ki bann aplikan in fer.        Nou’n rekonnet ki i annan bann aplikan avek savings sibstansyel a longer di-tan sanmenm sa ki nou’n pran sa an konsiderasyon.  E menm land bank i pou pran konsiderasyon zot savings ler zot al rod konfirmasyon an ekri avek labank osi.    Mersi Mr Speaker.

 

MR SPEAKER

Mersi Minis.  Onorab Mondon.

 

HON TERENCE MONDON

Mersi Mr Speaker, mon annan 3 Kestyon Siplemanter.  Premye Minis in dir nou ki enn son kriter se sa barenm finansyel e si mon pa tronpe sa i en loan – i kapab raise en loan R800mil.  E an menm tan Minis in dir nou ki apre in allocate en later en dimoun i kapab fer nenport lakaz ki i anvi se Planning Authority ki pou deside si i meet bann kriter.

Savedir akoz nou bezwen met en barennman R800mil, kan en dimoun apre ki in ganny en morso later napa nanryen ki anpes li fer en lakaz ki kout R400mil?   Si – eklersi mwan lo sa akoz sa i en kontradiksyon dan li menm dan ou kriter.

Dezyenmman  lo counseling plizyer dimoun  – plizyer aplikan in apros mwan apre ki zot in resevwar zot let e zot tou zot in dir mwan ki lesplikasyon ki zot in vwar avek Minister lo zot bann pwen i pa fer sans e sa, sa mo ki zot in servi.  E zot pa konnen akoz zot in ganny sa kantite pwen.  Petet Minis eski ou pou met lanfaz kot sa ou ofer en pli bon counselling pou sa bann dimoun pou zot konnen kwa ki zot bezwen fer an plis pou zot kapab kalifye o pli vit posib pou zot morso later.

E 3enm kestyon Mr Speaker si ou permet i annan land bank Takamaka Intendance 6 morso later, i annan plis ki 3an -4an depi ki sa land bank in konplete e mon anvi konnen akoz ki i pran Minis tou sa letan – son Minis –sorry Minis mon konnen ou pa ti la akoz ou Minister i pran tou sa letan pou allocate sa bann morso later.  Eski sa i pa en siny linefikasite dan rann en servis piblik?

Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Sa barenm parey nou’n dir ki nou’n mete i pou en minimonm kriter sa.  In ganny mete Mr Speaker akoz nou konnen poudir ki pou aste en later pou fer en lak zi koute e nou’n baz li lo konstriksyon osi ki pou arive dan pei.  Par egzanp ler nou’n met R800mil pou ou al rod en loan labank – R800mil i enkli larzan pou aste sa later, i enkli larzan pou fer preparasyon sa later e osi en larzan pou ou konstrir en lakaz.

O kontrer nou’n en pe konservativ nou’n al lo the minimum side ki ant R550mil a 600mil pou konstrir en lakaz.  E menm ler nou’n koz ek bann labank bann labank i en pti pe – pa konsernen me zot dir ki pou konstriksyon ki mannyer i ete, sa R550mil i vreman ase pou fer en later konmela.

So i zis en barenm ki nou’n mete pou ziz tou dimoun parey, me parey nou’n dir i annan konsiderasyon ki nou pe fer pou bann dimoun ki annan alternatif pou zot kapab konstri zot lakaz.  Par egzanp zot annan zot savings savedir zot savings si zot pe aste later avek zot savings i pou sorti ladan.  Si i pou en plus pou zot akoz zot pou annan zot savings ki zot pou kapab servi dan sa formula.

        Me nou pa pe met parey mon’n dir nou pa pe met okenn restriksyon ki kalite lakaz zot pou fer me solman nou, nou ‘n baz li lo en vreman minimum – en low – par egzanp en lakaz 80 Square Meter at a rate of 6800 a 7,500 80 Square Meter.  Sa ki nou’n servi as a mezir pou nou konnen ki kalite loan ki dimoun i kapab rode labank e konbyen i pou gannyen.

Regarding counseling mon krwar nou bezwen wi annan en pe plis counseling nou bann kliyan ler i vini.  Mon krwar nou bezwen nou’n deza fer bann training avek nou bann customer service officer.  Mon krwar nou bezwen fer en pti pe plis kordinen e sa leaflet osi pou ed bokou bann kliyan ler zot vini pou zot vwar vreman si sa bann counselor pe donn zot sa ki neseser.

Regarding land bank Takamaka nou okouran i annan en land bank Anse Corail e sa nou pe fer lenfrastriktir ki’n fini ganny tender pour nou kapab fer lenfrastriktir avan ler ki nou donn later.

Later ti’n fini survey zis pou tender pou lenfrastriktir me solman nou pa konn ankor lezot sa senn land bank nou konn zis sa enn Anse Corail.

Mersi Mr Speaker.

 

MR SPEAKER

Mersi Minis.  Onorab Adelaide.

 

HON FRANCOIS ADELAIDE

Mersi Mr Speaker.  Mr Speaker si ou permet mwan Minis le 8 Me nou ti annan en pti korespondans konsernan sa later C2513 ki zot sipoze vin vizite, pou donn nou bann dimoun aze en pe plis loportinite fer biznes pou zot kapab ganny en pe plis larzan pou zot kapab ganny en pe plis pwen, pou zot kapab pey zot pwen pou zot kapab ganny zot lakaz.

Mon kestyon se ki mon pe demann ou akoz prezan nou pa ankor kapab fer sa pti vizit Anse La Mouche akoz mon krwar i pou enportan pou bann dimoun.

        Mr Speaker, sa i zis en pti komanter, mon kestyon pou Minis lo kote land point system se vreman mon’n santi mwan dezapwente akoz apre tou sa letan ki mon’n pouse pou ki nou bann zabitan Baie Lazare i a ganny plis asiste, mon‘n vwar nou’n annan plis dezapwentman.

So Minis eski ou kaba dir mwan eski ou Minister i annan en plan a lonterm pou zer sa zafer ki nou apel later?  Akoz pli demann pe vini e nou vwar poudir later pe vini e komodite ki bokou nou pa pou ganny akse avek.

E mon lot pti pwen se ki ler nou bann kliyan i vin kot ou Minister nou santi poudir lo kote customer care petet zot pa’n port bokou latansyon avek sa, akoz par egzanp mon annan en msye Cristabelle Gresle in vini depi 2017 in fer laplikasyon me zot pa’n dir li poudir ti annan en bout later ki zot pa’n konsey li.  Zot plito fer li espere e la prezan zot in dir li poudir i pa pou ganny later; konmsi i santi poudir in esper bokou letan ki sa ti merit ganny dir li en pe pli boner.

Eski zot pe konsey sa bann dimoun ki pe vini la si i pou ganny pwen?  Si i pou meet kriter?  Eski zot pe advise li pou dir li wi i pou meet kriter ouswa non i pa pou meet kriter olye i pa komanse pou ou kaba fer ou laplikasyon akoz ou pa pou ganny later?  Mersi. 

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Wi sanmenm ki Minis avan mwan in vin avek en plan konpreansif apre ki nou’n fer nou bann resers – nou bann letid lo demann pour later.

Apre nou konnen osi later i en resours ki vreman limite sanmenm sa ki nou pe met en pti pe plis lanfaz lo kekfwa afordabilite – bann dimoun ki ganny later i devlope e osi dan sa Polisi nou met en pti pe plis lanfaz lo bann kondisyon avek ki nou pe vann sa bann later.

        Pou kestyon spesifik pou sa dimoun ki ou pe dir ou pe dir ki son laplikasyon i 2017 savedir lannen pase, pou li legible.  Savedir fodre at least i annan laplikasyon at least 3an e dan nou Sistenm Pwen letan ou lo waiting list i en fakter nou pe vreman konsidere e i en fakter ki pe ganny plis pwen; akoz ki nou oule ki sa dimoun ki’n lo waiting list pou en bon pe letan i ganny priyoritize.

 

 

MR SPEAKER

Mersi Minis.  Wi Onorab Adelaide.

 

HON FRANCOIS ADELAIDE

Well Minis.  Petet mwan petet mon’n mal eksplik ou, ouswa petet – sa laplikasyon in ganny depi bokou letan avan me vi ki sa point system ti komanse an 2017 se la ki i ti vini komans fer son prosedir lo kote point system e sa ki tris, zot pa’n advice li poudir in deza annan en bout later i pa pou gannyen, zot in plito dir li espere ziska la deryenrer, zot in dir li ki i pa pou gannyen akoz in deza annan en bout later.

So mon ti a swete poudir zot advice sa bann dimoun once zot vini kote customer care dir li ok ou pa pou meet kriter ou pa pou gannyen so pa espere.  Pa fer li espere apre pou dir li i pa pou gannyen.

 

MR SPEAKER

Mersi Onorab.  Onorab Arissol.

 

HON SANDY ARISSOL

Mersi Mr Speaker.  Bonn apre midi Minis avek ou delegasyon.  Mr Speaker 2 pti kestyon.  Mon ti a kontan demann Minis si ou Minister pe mazin revwar sa threshold ki nou annan ozordi ki 75poursan pass mark pou kapab ganny aske avek en morso later, anvi lakantite demann e limit later ki nou annan isi?

Mon 2enm kestyon mon ti a kontan demann Minis lo menm laliny, eski ou Minter pe mazin revwar oubyen re-eksplik bann aplikan an relasyon avek sa R800mil pou zot raise – zis parey mon’n tann ou pe eksplike, i pa neseserman pou konstriksyon i annan pou fer avek netwayaz later pou raise en loan.  Parske sa i fer en kantite konfizyon.

Parski ozordi mazorite dimoun ki’n fer laplikasyon pou later in devan fer son savings pou li fer son later.  Zis senpleman ki i bezwen fer i ava raise en loan avek son labank kot son saler i pase, zis pou li kapab fer son lakaz; i pa neseserman R800mil.  I kapab annan lakaz ozordi ki ganny fer avek fibre cement – cement board.  Dimoun i kontan anvi lakaz tol.  I annan bann nouvo modern lakaz dibwa ki dimoun pe look forward, ki pa ni arive menm R800mil.  Mersi bokou Minis avek Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Sa threshold dan 75poursan ki nou’n mete, i pou sa lannen akoz limitasyon lo lakantite later ki nou annan.  Me parey mon’n dir tou dimoun i ganny zot pwen.  Once ki ou’n successful tou dimoun i ganny zot pwen e sa bann ki 75poursan zot ganny priyoritize.

I pa vedir ki bann ki par anba 75poursan i pa pou zanmen ganny en bout later, me solman sa i nou premye lannen ki nou’n komans li, sa i nou fason ki nou’n aranze pou nou kapab fer lezot konsiderasyon.  An menm tan ki nou ale nou ava fer li.  Si par egzanp nou vwar supply later nou ale nou rod plis later pou nou met dan land bank kekfwa i annan fason pou nou fer desann sa threshold dan 75poursan.

Mersi pou ou sizesyon.  Mon krwar wi i ava annan en pti konfizyon lo kote ki nou pe konsidere dan sa R800mil, me solman ankor ler bann dimoun i vin kot nou la nou  ava eksplik zot byen avek nou bann progranm osi ki nou pou fer avek piblik, nou ava met sa an konsiderasyon.  Mersi.

 

MR SPEAKER

Minis.  Dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker an relasyon ek tou sa bann zafer pwen ensidswit e sa pwen ki mon’n leve pli boner konmsi zis pou dir Minis, ki letan mwan mon lev en pwen, mon pa’n lev li zis akoz mon pluck something out of thin air.  Mon ava li 2 paragraf avek ou Minis zis pou montre poudir i annan konfizyon;

’Please be informed that your request for the purchase of land from the gouvernman has been given due consideration.  However given that you already own the property parcel … … which you purchased privately we cannot consider your request. 

        In an endeavor to avail land to as many applicants as possible who are first time land owners we regret that with the high demand for land that the ministry is facing, priority wise we will not be able to consider your application for land any further.’’

        Minis sa ki ou’n dir nou avek sa ki kliyan pe ganny dir i totalman diferan.  I annan en problenm e fodre ki sa i ganny rezourd.  E Minis mon ava dir avek ou,  ou ti vin Minis Later an Zilyet 2017 sa let i date le 30 Novanm 2017 e sinyen par N. Carobert – Lands Officer.

        I annan konfizyon dan sa Minister e sa zafer pwen – e sa zafer lekel ki pe ganny later i en gro problenm ki an kor dan konfizyon total.

Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker, mersi pou sa kestyon Onorab.  Parey nou dir i annan en Appeal Committee ki nou’n met an plas. Si sa parey mon pe dir si i annan dimoun ki krwar ki sa lenformasyon ki nou’n donn li i pa korek petet sa dimoun osi ki sa lenformasyon ki in donn nou, in fer nou donn li en let koumsa, me solman i annan son loportinite pou li come back ek nou pou dir nou e nou sa Appeal Committee get son ka case to case.

 

MR SPEAKER

Yes Onorab Ramkalawan.

 

HON WAVEL RAMKALAWAN

Be i kler poudir sa dimoun in donn zot tou lenformasyon.  Zot konn son plot No. ki i ti aste ki i ti vann.  Zot konnen ki poudir in aste sa privately e zot konn tou detay.  E baze lo tou sa bann detay e zot pe dir avek li i pa pou ganny later e pourtan son sityasyon in divorse e i bezwen rezourd sa sityasyon divorse.

Eski akoz ou’n divorse e ou’n aste later ou pa pou zanmen ganny en bout later dan sa sistenm?

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker zis mon ti a voudre konn lo sa let ki dat silvouple?

 

HON WAVEL RAMKALAWAN

Novanm 2017.

 

MINISTER PAMELA CHARLETTE

Novanm 2017 mon pa ti ankor anvoy let anba nou point system.

 

HON WAVEL RAMKALAWAN

(Off-Mic)

 

MINISTER PAMELA CHARLETTE

Nou pa’n anvoy let selman. Kekfwa sa let ki in gannyen i ti dan vye sistenm – pa dan sistenm land point system. 

 

MR SPEAKER

Mersi.  Minis petet …

 

MINISTER PAMELA CHARLETTE

…bann let land point system in sorti la.

 

MR SPEAKER

Wi petet Onorab i ava fer ou konn sa ka e ou Minister i ava take it from there.

Bon avek sa nou’n ariv alafen nou Kestyon pou Minis Pamela Charlette.  E Minis nou ava remersi ou pou spend bomaten avek nou avek ou lekip ou delegasyon.  Nou ava adjourn pou lunch.   Wi avan  mon anonse ke ler nou retournen, mon ti a kontan zis enformen ki Komite Zil pe rankontre toudswit 1.30 dan Committee Rm 3.

        Prezan mon ti ava kontan demann bann Manm eski nou komans 2er sharp oubyen nou oule komans 2.30?  Ok?  Ankor enn fwa Minis ek ou delegasyon mersi bokou.  Nou ava adjourn e nou ava repran 2.30.

 

(BREAK)

 

MR SPEAKER

Bonn apre midi tou manm Onorab.  Bonn apre midi Minis Cosgrow avek ou delegasyon.  Mon zis pas lo mon lalis – mon annan PS pour Departman Lenerzi ek Sanzman Klima – Mr Wills Agricole, CEO PUC – Mr Philip Morin e Depite CEO – Mr Joel Valmont.  Bonn apre midi ankor enn fwa.  E bonn apre midi tou manm piblik ki a lekout e ki pe kontinyen swiv travay Lasanble Nasyonal.

Mon annan en pti statement mon pou fer lo sityasyon ki devan nou.  I pa toultan ki en sityasyon parey i arive, me alor mon zis anvi fer serten leklersisman from the Chair lo kestyon ki lo Order Paper.  Kestyon ki sorti kot Leader Government Business e kestyon ki sorti kot Leader Lopozisyon.

An vi sa sityasyon, kestyon ki’n arise pour sa premye Order Paper pour sa trwazyenm term – anba Standing Order 95(1) ek diskresyon e pour evit en polemic, mon’n pran sa desizyon swivan:-

Mon’n ordonn Lofis Clerk fer en 2enm Revised Order Paper pou enkli kestyon Onorab De Commarmond lo PUC koman en kestyon ordiner ki’n anvoye ek notis.  Sa i akoz sa kestyon ti ariv kot Lofis Deputy Clerk le 20 Out e apre tou sa letan in respekte Standing Order 31(1) – savedir in vin en kestyon ki’n pas sa letan 10 zour notis.  E sa kestyon ti lo premye Order Paper ki ti ganny release ek bann Manm Lendi le 3 Septanm.  E pli tar dan lasemenn in ganny release avek bann media houses.

Yer bomaten Lofis Clerk ti osi ganny notis en PNQ sorti kot Onorab Ramkalawan- – Dirizan Lopozisyon lo menm size me ki annan serten diferans kler.  Standing Order 31(3) i donn sa privilez Leader Lopozisyon pou anmenn en tel kestyon dan en minimonm dele letan 6 erdtan.  Le moman ki mon ti ganny alerte, mon ti ordonn en revizyon Order Paper pou met sa PNQ e retir kestyon Onorab De Commarmond.

Me apre ki mon’n re-vizit Standing Orders a plizyer fwa e osi pran konsey legal enn nou Manm avoka e ki osi Chair Komite Standing Orders – Onorab Georges, mon’n pran desizyon final pou retourn kestyon Leader Zafer Gouvernman lo Order Paper koman en kestyon normal ki’n pas tes 10 zour notis.  E osi enkli PNQ Leader Lopozisyon.

An vi similarite, le 2 Leaders pou demann Minis zot kestyon, enn apre lot.  E zot ava swiv avek kestyon siplemanter apre repons Minis.  Alor vwala, sa i mon desizyon ki Order Paper in ganny amande ankor bomaten.

So, nou ava proceed e mon ava demann Onorab De Commarmond pou poz son kestyon.  E i ava swiv par Onorab Ramkalawan.  Yes Onorab Ramkalawan.

 

HON WAVEL RAMKALAWAN

Mr Speaker, mersi bokou pour ou lesplikasyon.  Mon pa pou demann kestyon apre Onorab De Commarmond.  Onorab De Commarmond – son kestyon i son kestyon e mon kestyon i mon kestyon.  Onorab De Commarmond mon mazinen i ava demann son kestyon, Minis ava reponn.  Epi mwan mon ava demann mon kestyon.  Mersi bokou.

 

MR SPEAKER

Mersi.  Napa problenm.  Onorab De Commarmond son kestyon i tonm dan Kestyon ek Notis – ou ava demann Minis, apre nou ava pran PNQGo ahead Onorab.

 

HON CHARLES DE COMMARMOND

Mersi Mr Speaker.  Bonzour – bonn apre midi Mr Speaker.  Bonn apre midi Minis ek ou delegasyon.  E bonn apre midi tou Manm Onorab e tou piblik ki a lekout.

Mr Speaker, mon kestyon i lir swivan; eski Minis i kapab eksplik nou Lasanble lo ki baz PUC pe fer logmantasyon dan bann tarif elektrisite, delo e sewage?

E eski PUC in fer tou pou analiz lenpak ki sa pou annan lo son konsonmater?  E dezyenmman, prenon kont sa revizyon ki pe arive an se moman, apre konbyen letan ankor PUC i ekspekte fer en revizyon tarif?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Bonn apre midi Mr Speaker.  Bonn apre midi Onorab.  Bonn apre midi tou dimoun ki pe ekout nou dan lakour ou dan transpor kot zot ete partou.

Mr Speaker, an repons kestyon ki Onorab De Commarmond in demann mwan – tarif pe ganny revize pour tou le 3 servis ki PUC i ofer.  Sa i elektrisite, delo avek desarz, pou kapab asir soustenabilite sa korperasyon e asir sekirite sa 3 servis dan bann lannen ki pe vini.  Lasanble ava dakor avek mwan ki en servis litilite efikas e ki reponn bezwen sitwayen, i enn enportan pour devlopman sosyete.  E pour nou nobou annan ne sosyete modern.

Mr Speaker, striktir tarif ki mannyer i ete ozordi, i fer ki i annan en eleman sa ki an Anglais nou apel cross-subsidisation.  Pou met li pli senp, serten sekter pe bezwen sibvansyonn tarif lekel sekter.  Prensipalman sekter elektrisite komersyal ki pe pey plis pou nobou soutenir lezot tarif dan sekter domestik.

Tarif domestik i enn ki pa neseserman reflekte vre kou prodiksyon pour servis ki PUC i ofer e sa i en fe, Mr Speaker.  Mon a donn ou en legzanp – i kout PUC R2.07sou par kilo water pou prodwi baze lo kou karbiran an mwayenn.  Ler ou azout bann lezot kout PUC, sa i ariv R3. 09sou par kilo water.

Ziska Out 2018, konsonmater ki konsonm ziska 300 kilo water, ti pe pey selman R1.21sou par kilo water.  E enkli menm bann konsonmater ki nou konsider kapab afford pou pey kou reel elektrisite – prodiksyon elektrisite.

Legzersis re-balansman tarif Mr Speaker, i enn ki ti komanse an 2012.  E i ti annan pour bi re-aranz nou striktir tarif.  Sa ki nou’n enplimante le 1 Septanm i senpleman en kontinyasyon sa progranm.

Mr Speaker, re-balansman tarif i osi annan pour bi zener plis larzan pour ki PUC i kapab re-envestir dan son loperasyon e son bann progranm lenvestisman, dan bann diferan lenfrastriktir.  PUC i bezwen enplimant komitman nou pei pou attend SDGC 6 e 7.  Savedir akse avek delo prop e osi sistenm sanitasyon.  E osi bann form lenerzi prop e renouvlab.  Tousala Mr Speaker, i demann larzan pou lenvestisman.

PUC Mr Speaker, in envestir konsiderableman e pei ozordi pe zwir sa benefis.  I annan mwens koupir kouran ki pa rezilta fot lo laliny ouswa maintenance.  E osi mwens restriksyon lo distribisyon delo.  Mr Speaker, si nou pa kontinyen lo zefor pou amelyor nou lenfrastriktir an fas demann ki pe ogmante, nou pou riske war li difisil pou mentenir sa bann progre ki nou’n fer.

Lot parti kestyon Onorab Mr Speaker, PUC in analiz e rekonnet lenpak ki sa pou annan lo konsonmater – son bann servis.  E sa, e se pour sela rezon ki sa re-balansman i en progranm lonterm pour ki lenpak i ganny minimize.

Wi Mr Speaker, avek sa re-balansman i annan logmantasyon dan tarif mazorite bann servis, eksepte elektrisite pour sekter komersyal.

Par kont, sa ogmantasyon i minimal kot konsonmasyon i reste ba.  Savedir si konsonmasyon pa sitan o, sa logmantasyon pou ganny minimize.

Mr Speaker, PUC e Gouvernman i osi krwar ki si nou pa enplimant sa re-balansman tarif, son konsekans lefitir pou pli move.  Par egzanp, i pou difisil pou revwar bann tarif komersyal pour vreman kapab tackle sa size kou lavi.  I pou difisil pou mentenir sa nivo servis e menm amelyor servis atraver amelyor lenfrastriktir.

Mon ti ava kontan a sa pwen, fer resorti ki PUC atraver progranm demokratizasyon fotovoltaik, pou tre bento enstal bann pano soler ki pou ed bann lakour pli vilnerab pou kapab redwir zot kou elektrisite.  Sa i avek bi pou redwir lenpak ki sa rebalansman i annan lo sa bann lakour.

I annan an se moman Mr Speaker, 2 progranm azisteman tarif.  Enn i baze pirman lo lazisteman baze lo pri karbiran e li i ganny fer tou le 3 mwan.  Lot i baze lo en progranm re-balansman tarif.  Sa i ganny fer tou le lannen.

E se sa ki nou pe fer la.  Prosen lazisteman baze lo pri karbiran pou ganny fer an Oktob 2018.  E an sa ki konsern re-balansman tarif, sa pour ankor – sa pou ganny fer ankor dan enn an.  Mersi Mr Speaker.  Mon espere mon’n reponn kestyon Onorab dan son totalite.  Mersi Minis.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker, dan – baze lo ki Minis in reponn, eski Mini si kapab dir nou, nou Lasanble, si PUC – ki PUC pe fer alor pou fer sir ki pri lenerzi dan pei i vin pli bonmarse?

E lefe ki Prezidan in mansyonn sa kestyon LNG, ki kantite letan ki PUC i krwar son progranm pou fer ki LNG alor son benefis i vin a laporte son konsonmater?  Konbyen letan pou pran pour sa arive?  Ensi ki letablisman bann pano soler, ki konmsi dimoun i kapab ganny son benefis direk pou vwar en amelyorasyon e en besman dan pri lenerzi dan pei.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Mr Speaker, sorry – Onorab, PUC in ganny mandate pour li enplimant sa ki Prezidan in anonse – prodiksyon lenerzi atraver LNG. 

An se moman nou an diskisyon avek bann pei.  Annefe nou’n envit bann pei larezyon pour nou kapab get en pti pe lo demann LNG dan larezyon pour nou kapab etablir ki demann ki annan dan larezyon.  Nou konnen i deza annan bann prodikter dan larezyon.  Bann pei ki pe prodwir LNG epi ki pe vann LNG.

Me nou anvi konn en pti pe ki demann ki annan dan larezyon pour ki nou kapab koman en pei, vwar posibilite par egzanp, lozistik LNG dan larezyon, pou kapab ganny en kou pli meyer marse pour LNG pour nou kapab procure LNG. 

Pour nou kapab ganny bann kou pli meyer marse pour stokaz LNG.  E pour PUC kapab finalman – si PUC ki prodwir elektrisite atraver LNG, PUC i kapab ganny LNG a en nivo pli bon marse pou kapab pas sa benefis lo konsonmater.

Now, i annan diferan metod ki nou pe analize, ki nou kapab prodwir lenerzi atraver LNG isi.  Metod ki petet nou pe gete se ki, either PUC i fer li atraver son zenerasyon or nou entrodwir metod, par egzanp, bann independent power producers.  Kot lakonpannyen i vini i entrodwir, i set up shop, i prodwir e i vann PUC sa lenerzi.  E PUC i distribye sa lenerzi.  So, i annan diferan metod ki nou pe analize pour nou kapab finalman vin an konklizyon.

Me solman le pwen i reste Mr Speaker – Onorab, ki lenerzi atraver LNG i enn ki pou anmenn bokou benefis pour pep.  I enn ki pou – ki nou pou war rediksyon an term kou prodiksyon.  E i pou en benefis par egzanp, pour nou pep.  E zis lot semenn Mr Speaker – mon’n ganny fer resorti ki lot semenn International Finance Corporation pe vin Sesel pou osi etidye e ed nou pour nou kapab komans nou bann process.

Mon napa en dele letan egzakt.  M solman parey mon’n dir ou, nou bann prosedir in komanse.  E in deza annan – mon’n deza zwenn avek at least 2 lakonpannyen or groupman, groupman lakonpannyen ki enterese.  E enkli ladan Seselwa osi ki enterese pou from lakonpannyen pour zot prodwir lenerzi atraver LNG.  So, LNG i prezant en loportinite reel pour nou, pour ou kapab fer desann pri elektrisite Sesel.

E mon pou azoute osi tou ki nou pe plan en Konferans lokal le 11 a le 12 Oktob pou diskit lo sa size LNG avek bann pei larezyon pour nou kapab ganny en way forward.

Akoz Sesel i en pti pei – i pti e nou bezwen rod bann economies of skill pour nou kapab met keksoz ansanm pour nou kapab fer li vin pli vyab pour nou.  Ok?  So, nou dan process e nou pe bouze avek sa Mr Speaker.

 

MR SPEAKER

Mersi Minis.  Onorab Vidot.

 

HON AUDREY VIDOT

Mersi Mr Speaker.  Mr Speaker, mon kestyon pour Minis – Minis eski PUC in revwar en pti pe petet bann depans ki zot annan petet ki zot kapab revwar an term zeneralman zot Lazans?  Ki petet dan pals pas sa kou logmantasyon tarif, petet ti kapab fer en pe cost-cutting.

Parey nou dir, i annan fanmir si i war i bezwen fer serten sakrifis kot lakour, i bezwen redwir en pe, balans en pe zot bidze.  Petet lo kote kot zot si zot pa’n vwar sa i annan sans zot ti kapab fer dan plas zis pou konsider pou fer ogmantasyon a sa baz?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok.  Mersi Mr Speaker.  Dabor avan mon pran kestyon Onorab, mon ti a zis – mon ti’n mank en pti zafer lo kestyon Onorab De Commarmond, konsernan PV.  I annan detrwa proze PV ki pe vin online.

I annan proze demokratizasyon ki nou pe ganny ede avek Gouvernman Indien – bann Grant.  Ki pou plas en megawat lo zil Romainville, ki pour ede avek bann lakour ki pli vilnerab.  Nou osi annan en mega … Wi, so, nou annan 1.6 megawat an tou ki pou ganny enstale.  En parti lo zil Romainville.  E en parti lo bann diferan lakaz atraver Mahé, pour bann dimoun ki nou konsider koman bann household en pe vilnerab.  Pour kapab ed zot cope avek re-balansman e bann logmantasyon dan tarif.

E nou osi annan en lot proze 5 megawat.  E sa i baze lo zil Romainville.  Ki pour ede met plis lenerzi renouvlab dan nou sistenm.  So, sa i bann proze PV.

E nou osi annan en proze IPP ki nou’n lans expression of interest dan lagon Providence – sa i bann proze PV.  E of course i annan bann PV pour bann lakaz endividyel ki bann dimoun i mete a zot prop kou.  Si mon’n reponn Onorab sa kestyon, mon kapab al switch lo kestyon Onorab …

 

MR SPEAKER

Ok.  Mon annan en lot Manm.  Onorab Sophola.

 

MINISTER WALLACE COSGROW

Ok.  non, mon pa ti ankor…

 

MR SPEAKER

Non?

 

MINISTER WALLACE COSGROW

Mr Speaker, en pti moman.  Mon pa ti ankor reponn kestyon Onorab Roche Caiman konsernan depans PUC.

 

MR SPEAKER

Wi.  Go ahead Minis.

 

MINISTER WALLACE COSGROW

Ok.  Wi.  Onorab an term depans PUC – wi, PUC i kontinyen gete kote ki kapab amelyor son servis internally, koup bann – si i annan gaspiyaz, si annan serten labi, PUC i kontinyelman pe fer sir ki son loperasyon ki enn ki efektiv.  Par egzanp, PUC dan son loperasyon kot power station, son consumption li menm li kot power station ki i servi, in redwir konsiderableman.

PUC, an term par egzanp, son network delo, son non-revenue water parey nou dir, delo ki pa ganny account for, in redwir konsiderableman sorti 55poursan pou vin 23poursan.  E osi network loss, savedir sa bann pet ki nou gannyen dan bann laliny partou, in sorti 12poursan pou vin 7.5poursan.  So, PUC pe seye pou fer sir ki i vin en Lorganizasyon ki pli efektiv, pli efikas, pou fer sir ki i pa incur en kantite kou pou kapab lo – pou kapab pas sa benefis lo konsonmater.

So, en pti pe dan da laliny Mr Speaker, kestyon Onorab Vidot.

 

MR SPEAKER

Mersi.

 

MINISTER WALLACE COSGROW

Sorry, mersi.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Speaker.  Bonn apre midi Minis ek ou delegasyon.  Minis, ogmantasyon dan tarif elektrisite e delo i tous tou kours popilasyon.  Minis, eski ou Minster ti fer progranm sansibilizasyon pou enform konsonmater lo sa logmantasyon dan pri pour ki zot okouran akoz ou Minister i bezwen fer sa logmantasyon?  E osi zot kapab komans prepar zot pou sa sanzman?  Mersi.

 

MR SPEAKER

Mersi Onorab Sophola.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab, sa progranm re-balansman tarif i en progranm depi 2013.  E nou pe konstaman – in konstaman ganny dir ki sa progranm pe ganny fer e pe kontinyen.

Me dernyerman ler ki nou ti retourn dan sa progranm re-azisteman tarif, PUC in fer en seri progranm sansibilizasyon pou eksplik piblik akoz ki nou bezwen fer li.  E ki mannyer nou kapab minimiz lenpak ki s are-balansman tarif i annan lo bann lakour, lo bann dimoun.  So, nou’n fer nou mye pou met a laporte piblik lenformasyon enportan.

E PUC pe kontinyen met bann lenformasyon enportan a dispozisyon piblik.  Zis pour note ki sa re-balansman tarif i en progranm Gouvernman an zeneral, non pa zis Minister Lenerzi.  Me en progranm Gouvernman an zeneral pour kapab re –aliny tarif PUC.  E pou fer sir ki PUC i reste en Lorganizasyon ki soutenab.  E ki kapab reponn bezwen piblik dan lefitir.  Mersi bokou Mr Speaker.

 

MR SPEAKER

Mersi Minis.  Onorab Aglaé.

 

HON EGBERT AGLAE

Mersi Mr Speaker.  Minis an vi bann larepons ki ou’n donnen, e bann depans ki PUC i bezwen antreprann atraver sa bann proze.  Eski PUC li menm li i pe konsider internally fer en evalyasyon dan son kou loperasyon, administratif ek bann lezot ankor? Sirtou atraver zot bann travayer li menm pou fer sir ki zot osi, menm si zot pe fer logmantasyon ki pep Seselwa pe bezwen peye.  Ki zot osi zot azir dan en fason responsab pour zot cut cost kot zot kapab.  Pou fer ki amwen sa gran dekalaz larzan li menm li ki zot bezwen depanse i ava redwir.  E petet i ava annan en pti amelyorasyon dan zot kou osi a lavenir.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab, PUC in deza fer 2 management audit – enn an 2009, enn an 2012.  E PUC napa okenn problenm pou fer okenn management audit.  Si i annan en nesesite pou fer ankor en management audit, nou ava fer management audit.  E nou hope ki from sa management audit i ava annan bann rekomandasyon kler lo ki mannyer PUC i bouz devan, si i annan nesesite pou fer okenn major sanzman.

Zis mon ti a kontan ou note Onorab or Lasanble i note ki kou PUC – 68poursan kou PUC i elektrisite.  Sorry, i karbiran.  So, deza 68poursan son kou i napa kontrol lo la.  Ok?  Mersi bokou Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, eski Minis i kapab dir nou atraver PUC, konbyen i koute egzakteman pert ki nou pe fer atraver par egzanp non-revenue water?  Si zot kapab quantifier konbyen i arive, konbyen i kout PUC sa pert ki zot pe fer atraver non-revenue water.  E osi sa pert ki zot fer atraver – pou provide elektrisite along bann rezo ki nou annan?  Eski zot annan en figure konbyen i koute?

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab, nou napa en kalkilasyon pou quantify sa pert.  Me solman parey mon’n dir, nou konnen konbyen.  Par egzanp, non-revenue water nou konnen in sorti 55poursan pou vin 23poursan, parey mon’n dir.  Me solman mon’n demann PUC pour zot quantify benefis ki nou pe anmase avek rediksyon dan sa poursantaz.

E osi, an term, par egzanp – sa pour non-revenue water.  E pour, par egzanp pour pert lo laliny parey mon’n dir.  Lo laliny network loss in sorti 12poursan pou vin 7.5poursan.  E sa osi nou kapab quantify konbyen apepre benefis nou pe anmase baze lo sa improvement ki nou’n fer.

E osi power station li menm li, son konsonmasyon ki i servi in desann konsiderableman.  So, tousala nou kapab fer en package ek costly dir konbyen benefis ki PUC pe anmase atraver sa bann improvement ki nou’n fer.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Mr Speaker, vi ki baze lo sa statistics ki zot in donn nou, zot pe perdi 23poursan, par egzanp non-revenue water.  Mon prezimen ki by now PUC ti’n devret annan en baz lenformasyon ki i dir li konbyen i koute sa kantite ki pe perdi.

Akoz mon lot kestyon ki mon pou demann PUC se – eski s re-balansman tarif i vize ver kouver kou operasyonnel PUC?  Oubyen i vize baze lo bann lezot fakter ki PUC in pran kont e ki Gouvernman in pran kont an zeneral pou fer ki i bezwen annan en re-balansman tarif.

 

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab, non, nou pa ankor quantify.  Me solman nou kapab quantifier sa e nou kapab donn Lasanble en figure pli tar.  Zis pour note ki poudir napa en network delo ouswa elektrisite kot ou napa serten pert letan ou pe distribye – i annan en serten pert.  E se sa ki target PUC se redwir lakantite pert.

Parey mon’n nonmen, mon pou repet ankor pour non-revenue water, nou sorti 55poursan nou’n ariv 23.  Mon kapab quantify sa 23 konbyen i mean.  E PUC i krwar ki nou kapab kontinyen desann e vin pli ba.  Network loss dan laliny PUC – 7.5poursan i konparab avek bann pei devlope.  So PUC son efficiency i ase o letan nou pe get bann figures ki nou annan.  E sa bann figures pa PUC li menm li ki donnen sa.  Se bann Lorganizasyon ki evalye PUC ki donnen.

E nou annan parey CEO in deza dir, nou annan bann prezantasyon ki nou pare pou prezant avek Lasanble Nasyonal, ki swa lo en Committee Stage ouswa dan Lasanble Nasyonal lo medya, pou montre bann diferan lezot lenformasyon ankor ki PUC ti ava voudre montre piblik.

Nou pe share en pe sa bann lenformasyon deza lo bann spots ki nou fer lo televizyon.  Me i annan – nou kapab al en pe pli profon ladan si i neseser Mr Speaker.  Mersi bokou Mr Speaker.  Mersi bokou.

 

MR SPEAKER

Mersi Minis.  Onorab Lemiel.  Onorab Lemiel!

 

HON SYLVANNE LEMIEL

Mersi Mr Speaker.  Bonn apre midi Mr Speaker.  Bonn apre midi Minis, mon bann koleg Manm Onorab e tou bann dimoun ki a lekout.  Bonn apre midi Minis osi ek ou delegasyon.

Mr Speaker, mon ti a kontan demann Minis – mon’n tann li in nonm bann dimoun vilnerab ki pou benefisye avek pano soler lo zot lakaz, mon panse.  Eski zot in annan ne kont konbyen sa bann dimoun ki zot pe konsider koman vilnerab?  Sa i enn.  E petet now ou napa sa lenformasyon, me selman si ou ti kapab fer nou gannyen par distrik, konbyen ou annan sa bann dimoun vilnerab ki zot pe dir pou benefisye.

E an menm tan, eski nou pe mazin bann pansyoner osi?  Petet si nou pa – mon pe panse vilnerab zot pe mazin ban dimoun Welfare, bann keksoz koumsa.  Be eski nou mazin bann pansyoner?  Bann dimoun aze ki la zot pe ganny en kantite afekte avek sa logmantasyon pri.  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab, PUC i fasilit sa li, en – PUC i fasilit sa.  Me solman nou partner dan sa process la, se Lazans Proteksyon Sosyal.  Lazans Proteksyon Sosyal li i pou donn nou bann lakour ki zot santi i bann lakour ki merit sa lasistans.  I pa neseserman zis lakour ki lo Welfare.  I posib i annan bann lakour kot i annan bann dimoun aze.  I posib bann lakour osi kot i annan bann single parent.

Me selman profil sa i ganny deside par Lazans Proteksyon Sosyal.  E PUC li i move in, i enstal sa bann pano soler swa lo lakaz ouswa zot ganny benefis from sa ki pou enstale lo zil Romainville.  E i deduct sa from zot bill.

So, i tre probab ki pou annan dimoun ki aze – bann pansyoner, sorry.  E i tre probab osi ki pou annan bann diferan profil dimoun.  Me zot bezwen fit sa kategori ki zot dan en lakour vilnerab.  Mersi bokou Mr Speaker.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi M Speaker.  Bonn apre midi Minis.  Minis dan sa poursantaz non-revenue pour elektrisite ek delo, eski dan azisteman sa tarif, serten poursantaz i osi ganny mete dan sa tarif?  Pour ki – pour kapab rekiper en pe larzan ki ganny perdi, ki ou pa kapab anmas reveni lo la.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab, non.  Sa re-balansman tarif i baze lo 2 keksoz parey mon’n dir.  I baze lo aranz nou striktir tarif e fer li ki en striktir ki pli reflekte consumption.  E osi pou kapab annan sa reveni pou kapab envestir dan bann lenfrastriktir pli tar.  Pou fer sir ki nou kapab maintain sa nivo servis ki nou donnen.

So, i pa pou ranplas pert ki nou fer.  Par egzanp, non-revenue water or pert ki nou fer dan network – elektrisite.  Mersi.

 

MR SPEAKER

Mersi Minis.  Onorab Gill.

 

HON CHURCHILL GILL

Ok.  Si sa i le ka Minis dapre ou larepons – dan kont PUC ki mannyer zot tret sa?  Sa pert reveni la, ki fason ki zot tret li dan zot kont?  Si ou pe dir mwan dan ou tarif, sa pa form par ladan.  Alors Lasanble ti a kontan konnen ki mannyer ou tret sa pert dan ou kont.

 

MR SPEAKER

Mersi, mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab, i senp – sa i non-revenue.  I pa pe antre sa reveni.  So i pa ganny trete koman reveni ki antre dan kont PUC.

 

(Off-Mic)

 

MR SPEAKER

Yes Onorab?

 

HON CHURCHILL GILL

Yes, i depans.  Akoz kot ou stasyon i ete, pour ou kapab generate sa bann elektrisite i konsonm ou bann karbiran.  Alors i en depans.  Prezan si ou dir mwan sa enn depans zot pa konsidere pour zot sarz konsonmater, i bezwen annan en fason ki zot tret sa dan zot kont.  Se sa ki mon pe demande ki fason zot trete?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Wi.  Mr Speaker, si mon konpran byen pou dir sa i pa pe vin en reveni, i bann leak dan sistenm.  E i pa pe ganny pran kont dan accounts PUC.  Si mon konpran byen mannyer CEO pe eksplik mwan.  i ganny rikorde koman en loss.

 

(Off-Mic)

 

MINISTER WALLACE COSGROW

Ok. Wi.  So, si mon’n kapab – si ou’n konpran mon larepons…

 

(Off-Mic)

 

MINISTER WALLACE COSGROW

Ok.

 

MR SPEAKER

Ok.  Minis.

 

MINISTER WALLACE COSGROW

Mersi.

 

MR SPEAKER

Ok.  Mersi Minis.  Dernyen kestyon Onorab De Commarmond.

 

HON CHARLES DE COMMARMOND

Mersi Mr Speaker.  Mer Speaker, olye met en sistenm PV dan lagon Providence ki nou dan Cascade nou kont e nou vreman, vreman kont.  E akoz ki Gouvernman pa met an pratik en Polisi pou met sistenm soler lo tou bann proze lakaz e bann batiman?  Sirtou nouvo batiman ouswa bann ki egziste.  E i servi sa menm larzan, sa menm proze – konmsi sa larzan i subsidise sa.  Konmsi ki lefe sa pou annan pou anmenn sa benefis pour bann konsonmater direkteman?  E PUC son bout an plis i kapab gannyen pou fer desann pri lenerzi.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker – mersi Onorab.  Sa proze dan lagon Providence i pa en proze ki Gouvernman pe met larzan ladan, ouswa ki Gouvernman pe ganny en don, ouswa  ki pe pran en loan pou fer sa proze.  Sa proze nou pe envit bann dimoun – annefe i pou enn premye proze a sa nivo ki ganny fer, si mon tronpe, dan lemonn antye.  E se sa ki annan lentere deor pou dimoun vin fer sa – pou devlop e pou fer sa proze fotovoltaik dan lagon.  Ok.  i annan bann ptipti dan bann lake partou.  Me selman a sa nivo, a groser, pour le moman napa personn.  E se sa ki pe zener lentere, ki pe anmenn larzan pou kapab fer sa.

Now, sa lentere i baze lo sa stil proze.  E si nou pou dir nou pa oule sa stil proze, met li lo bann lakaz.  Nou riske napa sa lentere e nou riske napa sa lenvestisman, e nou riske napa sa prodiksyon elektrisite ki nou ti pe antisipe sa pou anmennen.  So, pou dir met li lo bann lakaz, sa proze pa pou materyalize – si mwan mon kapab eksplik li koumsa.  Mersi.  E i pou kout bokou pli ser Mr Speaker.

 

HON CHARLES DE COMMARMOND

Me selman Polisi Gouvernman – eski Gouvernman….

 

MR SPEAKER

Onorab.

 

HON CHARLES DE COMMARMOND

… pa kapab vin ek en Polisi pou ankouraz sa e pou fer ki in future larzan i ganny servi dan sa direksyon.

 

MR SPEAKER

Minis.

 

MINISTER WALLACE COSGROW

Wi.  Definitivman Onorab.  Polisi Gouvernman se ki si nou kapab lo tou lakaz met en pano soler e fer sir ki dimoun i profit sa benefis ki pano soler i anmennen.  Nou kapab fer li atraver Lalwa Planning.  Nou kapab fer li dan diferan fason.  Me solman nou, nou Minister, bann komitman ki nou’n fer – par egzanp, an term sanzman klimatik, enternasyonalman nou pe ankouraze pou dimoun met bann pano soler.

E si i annan bann benefis demen ki Gouvernman i gannyen avek bann Gouvernman enternasyonal, si nou kapab pas sa avek bann konsonmater, met lo zot lakaz, definitivman nou a kapab fer li.  Me si i neseser osi pou fer li antre dan par egzanp, dan bann building codes, sa osi nou kapab fer li Onorab.  Mersi bokou.

 

MR SPEAKER

Mersi Minis.  Bon, nou’n fini pour sa kestyon.  Mon ava pas laparol avek Onorab Ramkalawan pour son Private Notice Question.

 

HON WAVEL RAMKALAWAN

Mersi bokou Mr Speaker.  Mr Speaker, eski Minis responsab pour PUC i kapab dir sa Lasanble,

(1) Anba ki Regilasyon oubyen baz legal ki PUC in ogmant tarif apartir le 01 Septanm, 2018?

(2) Eski PUC in pran an konsiderasyon sa pri lavi ser ki Seselwa pe fer fas avek, letan in deside ogmant tarif? E konbyen an plis ki zot ekspekte kolekte par mwan avek sa logmantasyon?

(3) Par ki poursantaz ki tarif elektrisite in ogmante pandan sa dernyen 2an?  Savedir depi Septanm 2016 ziska Septanm 2018?  Ki profi ki PUC in rikorde an 2016, 2017 e ki zot prediksyon pour 2018?

E finalman – Ki rol ki PUC i war li pe zwe dan lavenir pou vin en partner dan fer desann pri lavi pour Seselwa, spesyalman ki 40poursan nou popilasyon pe viv dan lapovrete?  Mersi bokou.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab Leader Lopozisyon.  Mr Speaker, mon pou pran tou kestyon en sel apre nou ava pran – konmsi mon pou pran tou, mon pou reponn tou kestyon en sel apre nou ava pran kestyon si i annan?

 

MR SPEAKER

Go ahead Minis.

 

MINISTER WALLACE COSGROW

Ok.  Mr Speaker, anba PUC Act 1986, Seksyon 17(2)(a), i donn PUC sa pouvwar pou revwar tarif ek bann lezot sarz an relasyon avek servis ki sa Korperasyon i ofer.  Sa menm Lalwa i donn pouvwar Minis responsab pour PUC pou fer Regilasyon pour ki sa bann sanzman dan tarif ouswa sarz i vin legal.

Tou revizyon tarif anba sa progranm re-balansman in ganny fer anba sa menm provizyon Lalwa.  Sa revizyon ki nou pe diskit lo la ozordi in vin efektiv par Regilasyon S.I. 55 of 2018 e in ganny pibliye dan Gazette Ofisyel le 30 Out, 2018.

En not adisyonnel Mr Speaker, se ki nou osi rekonnet ki anba Lalwa pour Lenerzi i annan, (sorry)  nou osi rekonnet ki anba Lalwa pour Lenerzi an 2012, ki zere par Komisyon pour Lenerzi anba Seksyon 69, sa Komisyon i responsab pou revwar tarif osi.  An prenon kont ki avek sa legzersis re-balansman tarif, nou’n osi bezwen revwar tarif delo ek servis desarz, ki pa tonm dan manda Komisyon Lenerzi.

Alors an konsiltasyon avek tou partner, mon Minister, Minister Finans, Komisyon Lenerzi, nou’n prepar en draf Regilasyon anba provizyon Lalwa PUC pou anvoy kot Biro Prokirer Zeneral.

Dezyenm kestyon Mr Speaker – PUC in pran konsiderasyon lenpak ki sa re-balansman tarif pou annan lo konsonmater son bann servis.  En lenpak ki sa pou annan lo pri lavi.

Se pour sa rezon ki re-balansman i en progranm lonterm e ganny enplimante tou le lannen.  Mr Speaker, mazorite, savedir en pe plis ki 50poursan konsonmater sa 3 servis i konsonm pa plis ki 300 inite elektrisite par mwan, pa plis ki 15met kib delo par mwan, e pa met plis ki 15met kib delo desarz par mwan dan sistenm PUC.

An dizan sa, en konsonmater domestik ki konsonm li pa plis ki 300 inite elektrisite par mwan, son logmantasyon pa pou plis ki R63.  En konsonmater ki konsonm pa plis ki 15 met kib delo par mwan, son logmantasyon pa pou plis ki R13.75sou.

E en konsonmater ki pa met plis ki 15 met kib desarz delo dan sistenm PUC, son logmantasyon pa pou plis ki R12.70.  An total Mr Speaker, mazorite konsonmater PUC pou war en logmantasyon pa plis ki R89.45sou dan zot bills ki zot konsonm dapre sa ki mon’n nonmen.

Wi Mr Speaker, R89.45sou i kanmenm en logmantasyon.  Me fodre pa ki nou get li an izolasyon ek lezot mezir.  Par egzanp, PUC pa’n ogmant tarif elektrisite pour konsonmater endistriyel, komersyal.  Zot ava dakor ek mwan ki si sa ti’n ogmante, ti pou annan en lenpak direk lo bann biznes e osi bann – en lenpak direk ki ti pou tre probableman ganny pase lo konsonmater e fer ki i annan en logmantasyon dan kou lavi.  Sa konsonmater ti pou napa kontrol lo la.

Par kont, konsonmasyon kot lakour, konsonmater i kapab annan kontrol lo la.  E i kapab redwir lenpak ki sa i annan lo li par redwir konsonmasyon domestik.  Nou bezwen osi pran kont ki avek revizyon dan rezim Income Tax, sa i fer ki sa logmantasyon i annan mwens lenpak lo konsonmater ki si ti napa sa revizyon.

Adisyonnelman, bann demars ki Gouvernman ek PUC pe fer pou demokratizasyon fotovoltaik e osi bann loan ki napa lentere, pou asiste konsonmater pou zer zot bill delo par met an plas bann mezir kot lakour pou anmas delo lapli.  Mr Speaker, reveni ekstra ki sipoze anmase avek sa re-balansman i R24milyon par lannen.

Kestyon No.3 Mr Speaker – dan peryod 2016 a 2018, logmantasyon total an term poursantaz i 17poursan.  E ladan 14poursan i relye avek pri karbiran.

Kestyon No.4 Mr Speaker – an 2016 profi ki PUC ti fer ti R311milyon.

An 2017, i R227milyon e an 2018 profi i ekspekte, sorry, i ekspekte R240milyon.

Final Mr Speaker, kestyon No.5 – PUC koman en lorganizasyon enportan e stratezik pour nou pei, i kontinyen pouse pou donn en bon servis nou popilasyon.  E I kontinyen rod bann fason pou fer desann son kou prodiksyon pou amelyor son lenfrastriktir e pou redwir nivo tarif.

PUC pe fer sa Mr Speaker, par kontinyelman amelyor lo prodiktivite e lefikasite son bann anplwaye e son bann processes.  PUC pe osi fer tou zefor pou amelyor lo lefikasite son loperasyon par redwir gaspiyaz e okenn labi ki i kapab annan.  PUC i osi travay tre pre avek Minister, mon Minister ek Komisyon Lenerzi pou promot lenerzi pli efikas e lenerzi renouvlab.

Par kont, konservasyon delo e ed konsonmater par konservasyon delo e ed konsonmater pou zer zot konsonmasyon ek zot bill.  Enn bann devlopman enteresan Mr Speaker, se ki PUC pe ranforsi son kapasite pou resevwar e promot plis independent power producers e pou rantre dan bann Power Purchase Agreements e pou kapitaliz lo bann loportinite ki sa i kapab anmennen pour sekter lenerzi Sesel.

Nou deza pe kapitaliz lo prodiksyon lenerzi par servi pouvwar soley.  E nou p eksplor posibilite waste to energy.  E parey Prezidan in osi anonse, parey mon’n dir taler baze lo kestyon Onorab De Commarmond, nou osi pe konsider prodiksyon elektrisite atraver LNG.

Tousala Mr Speaker, i prezant bann loportinite pou fer desann kou prodiksyon elektrisite.  E an rezilta pri konsonmater i peye i a finalman desann e kou lavi i a osi kapab ganny redwir.

        PUC i en partner kle dan demars Gouvernman pou fer desann kou lavi.  Me i bezwen fer li dan en fason ki efikas e ki pou soutenab pour sa lakonpannyen dan long term.  Progranm re-balansman tarif i pou fer ki evantyelman tarif komersyal pa pou bezwen ganny sibvansyon – pa pou bezwen sibvansyonn tarif rezidansyel e fer ki loperasyon biznes petet i ava redwir.  Mersi Mr Speaker.  Sa i kestyon – larepons kestyon Onorab Leader Lopozisyon.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker, si ou permet mwan avan nou al pli lwen, mon ti ava kontan sa S.I. 55, parski nou’n ganny tou kalite Official Gazette.  E se pour sa rezon ki mon’n demann sa kestyon, parski S.I. 55 pa aparet okenn par dan bann dokiman ki nou’n gannyen.  Si ti kapab dir nou dan ki Official Gazette osi tou ki i sorti.

 

MR SPEAKER

Mersi Onorab Ramkalawan.  E pour lenformasyon Minis ek Lasanble, dernyen ki nou’n resevwar se sa ki lo Order Paper.  Sa se S.I. 47, 2018.  Mon pa okouran ki Lasanble in resevwar de nouvo.  Amwen ki i on the way to the Assembly.  Yes Onorab Georges?  Nou a zis klarifye sa sityasyon.  Onorab Georges.

 

HON BERNARD GEORGES

Mersi.  Mr Speaker mersi pour donn mwan donn mwan laparol.  Annefe mon pa pe vin klarifye, mon pe vin raise en matter of privilege.

Lasanble Nasyonal – Order Paper ozordi, nou annan ziska S.I. 47.  Savedir i annan en defayans e mon konnen kote defayans i ete – i pa kot Lasanble, i kot sa Lenstitisyon ki pibliy Gazette, ki fer li e ki pa dispatch li dan en fason ki i nou privilez koman Manm ki pe debat lo en Proze Lalwa, nou menm nou, nou pa ankor ganny sa Lalwa ki’n sorti, ki’n ganny pibliye, ki in the public domain, me i pa ankor ariv la kot i sipoze arive, kot Lezislater.

Donk, mon krwar ki nou privilez koman en Lasanble pe ganny afekte.  Mon privilez koman en Manm sa Lasanble e nou privilez koman Manm sa Lasanble pe ganny afekte par sa defayans.  E mon ti ava demann atraver ou Lofis Mr Speaker, pou anvoy en mesaz ase ‘for’ kot Biro Attorney Zeneral pou fer sir ki nou resevwar bann Gazette ek bann S.I. an premye – kekfwa apre Prezidan, i sipoze, i devret vin nou.  Mersi Mr Speaker.

 

MR SPEAKER

Mersi Onorab Georges.  E dat ki Minis in dir ek nou poudir sa in ganny pibliye, le 30 Out – ozordi se le 11 Septanm.  Mon pa krwar sa i akseptab, ki Lezislatif pa’n resevwar en tel S.I.  Mon pa konnen Minis sa ki ou annan si i son S.I. menm oubyen si i en White Copy, i en White Paper?  Mon pa konnen.

Ki nimero Gazette Ofisyel in ganny pibliye ladan?  Eski ou annan son Gazette Ofisyel Minis?  Ok.  Supplementary to Official Gazette – S.I.56 – S.I.55/56.  Ok.

Mon kapab – mon’n vwar kopi, mon kapab dir poudir i genuine, i 2 S.I. ki genuine.  Me zis i malere ki Lasanble nou pa’n resevwar.  Ok?

Bon, mon ava re-donn – en moman, en moman.  Yes Onorab Pillay?

 

HON SEBASTIEN PILLAY

What was the Gazette number?

 

MR SPEAKER

Nou pa war son Gazette.  Mon mazinen kekfwa Minis i pa’n pran son Gazette.

 

MINISTER WALLACE COSGROW

Mr Speaker, si mon kapab donn serten klarite.

 

MR SPEAKER

Yes.

 

MINISTER WALLACE COSGROW

Nou napa kouvertir, me selman solman se sa ki mon annan avek msye, CEO – i date le 30 Out 2018.  Supplementary to – Supplement to Official Gazette.  Mon war i mark 13/79 e lot i osi menm parey, 13/89.  So, la i la, mon kapab petet tir en…

 

MR SPEAKER

Ordinerman i vin dan en, sa ki nou apel en slid – dan en Official Gazette.  Petet zis – Deputy Clerk oubyen Madam Clerk, ou annan sa dernyen Official Gazette from bomaten?  Ki nou ti annan S.I. 47 ladan pou zis get son nimero?  Okenn Manm ki annan sa – deryer Gazette?  I annan?  Ok. 

Bon, dernyen Official Gazette ki nou annan i number 7171, ki konpri S.I. 46 of 2018 and S.I. 47 of 2018.  Ok?  Bon, annou kontinyen, annou proceed avek …

 

HON WAVEL RAMKALAWAN

Non.  Mr Speaker, sa ki – sa sityasyon ki nou ladan la i vreman serye.  Parski nou koman Lezislater, nou annan nou en serten peryod letan, si nou anvi quash en S.I.  E fodre ki sa S.I…

 

MR SPEAKER

The clock is ticking …

 

HON WAVEL RAMKALAWAN

… i annan, I mean, i annan en … prosedir.  E ki si sa papye pa ankor ganny Laid – parski ofet letan i ganny published e apre sa letan i ganny Laid devan nou Lasanble, i annan sa eleman legal ensidswit ki vin avek.  Alor, sa dan li menm li i monte nou en gran mankman.  E anyway, Onorab Georges in koz lo la.  Me Mr Speaker, annou kontinyen.

Mr Speaker, mon anvi premyerman demann PUC – an 2016 zot in fer en profi 311milyon, an 2017 – 227milyon e an 2018 zot pe mazin fer en profi 240milyon.  Profi i vedir letan ou’n fini kouver tou ou bann depans, sa, sa ki ou’n gannyen koman reveni total.  Ou’n kouver karbiran, ou’n kouver tou sa bann keksoz.

E la, sa azisteman ki Minis in koz lo la, e mon trouv li en pe tris ki Minis in aktyelman mansyonnen ki poudir bann travayer, atraver sa re-azisteman dan zot lapey, personal progressive income tax, konmsi sa pou kapab permet zot konmsi abzorb en pe sa kou.  Sa mon pa dakor avek ditou premyerman.

E Mr Speaker, lefe ki sa profi ki zot pe – sa sonm an plis ki zot pe mazin kolekte, ki en fardo lo lepep Seselwa, i ekivalan R24milyon.  Eski PUC pa ti ava konsidere premyerman, pou retourn lo bann tarif ki zot annan aktyelman?  Ki ava fer ki olye lafen 2018 ranmas en profi 240milyon, zot ava pe ranmas en profi – zot ava re-tonm lo 216milyon, ok?  Ya.  I a tonm en profi 216milyon.

Parske si ou tir 24milyon avek 240 – wi, wi pou en lannen!  Eski pe dir avek nou ki sa 24milyon i pou ranmas par mwan?  Pour en lannen! Be egzakteman Mr Speaker!  Si i pe anmas 24milyon pour lannen 2018 – non, non, 240milyon ki zot pe predir ki zot pou kolekte an 2018.  E ki sa logmantasyon dan tarif la, i pou tonm 24milyon.

Eski dan sa moman kot pri lavi i ser, kot lepep Seselwa pe soufer, PUC pa kapab tenir lo sa tarif ki zot annan ozordi?  E olye fer en profi 240milyon, fer en profi 216milyon.  Konbyen?  Ou ava reponn?  Mr Speaker, sa i mon premye kestyon.

Mon 2enm kestyon – letan zot pe koz sa bann logmantasyon tarif, eski sa pe vin osi – akoz i annan bann lotel ki pe konstri, i annan bann demann an plis pour elektrisite.  Eski sa osi tou ki pe fere zot fer sa bann logmantasyon?  E dan sa ka, akoz ki PUC olye penaliz bann dimoun ki pe resevwar plis – parey ou menm ou, ou’n dir, lo zot pti PIT ki zot in ganny en pti R2mil an plis pour zot al pey R96 an plis tou le mwan.

Akoz ki PUC pa mazin ogmant demand charge bann landrwa tel ki Eden Island?   Tel ki sa bann landrwa ki zot deza zot, zot pe servi plis elektrisite, selman se sa malere ki bezwen peye pour zot.  Mr Speaker, mon krwar ki letan nou pe koz lo zistis sosyal, nou bezwen osi pran sa an konsiderasyon.

E trwazyenmman, kwa ki PUC pe fer pou li fer sir ki dan son bann depans, son kou prodiksyon i vreman en kou prodiksyon kot i a pe servi o maksimonm sa fuel?   Par egzanp, eski zot kapab dir avek nou lo zot stasyon la anvil, kot nou pase nou war en ta karbonn ki pe sorti, e nou tou konnen ki poudir sa kantite karbonn i reprezant en sistenm kot zot bann zenerater pa pe bril tou sa delwil.  Dir nou lo ki poursantaz ki zot masin la anvil i marse.  E nou ava regarde si PUC vreman pe donn nou – pe donn nou valer pour sa karbiran ki zot sipoze pe brile oubyen eski i annan en problenm la?  Mersi bokou Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab pour ou kestyon.  Onorab premye kestyon i konsern lakantite profi ki PUC pe fer e si PUC pa kapab forgo 24milyon dan en lannen pour ki i pas sa benefis ek konsonmater?  Onorab, mon krwar PUC e Gouvernman an zeneral si i ti kapab afford pa met sa 24milyon, nou ti ava fer li.

Me par kont Onorab, parey mon ti pe dir ou, mon ti pe sey korize, between la Septanm avek Desanm, i pa pou 24milyon, i pou bokou mwens ki 24milyon.  Akoz 24milyon i en peryod en lannen.  Si nou minus 240milyon, nou minus sa peryod from Septanm ziska Desanm, i pa pou 24milyon.  But in any case – Septanm, Oktob, Novanm, Desanm, so 4 mwan, 2milyon par mwan; savedir i pou R8milyon.  Savedir from 240 tir 8 i fer 232.

 

 

HON WAVEL RAMKALAWAN

(Off-Mic)

 

MINISTER WALLACE COSGROW

Wi, wi.  Prezan Onorab, sa profi 232milyon i pa – ou’n byen dir, ou korek, PUC in fini rekouver tou son kou prodiksyon, son kou fuel, son kou travayer e out.  Me dan sa 232milyoni pran kont tou sa bann lenvestisman ki PUC i bezwen antre ladan between la avek 2022.

PUC i annan li en lalis.  Mon kapab asize lir sa lalis antye.  Bann proze ki kout 14milyon Dolar, 5milyon Dolar, 7milyon Dolar.  I annan ki nou pou bezwen pran loan pour nou kapab fer sa bann proze.  Me i annan osi ki nou bezwen kapab servi, akoz profi ou kapab met asiz dan labank ouswa ou kapab pran profi re-envestir li, re-envestir dan ou lakonpannyen e re-envestir dan bann proze ki ou annan pou fer.

E se sa ki PUC pe sey fer – reenvestir dan sistenm, re-envestir dan network, re-envestir dan lenfrastriktir pou nou kapab amelyor lenfrastriktir elektrisite, delo ek sewage ki nou donn piblik.

Bokou bann distrik ozordi pe rod lenfrastriktir sewage pou ariv devan zot laport pour kapab annan plis devlopman, be sa i bezwen larzan.  Bokou bann distrik pe rod lefikasite delo, elektrisite devan laport, sa i bezwen larzan.  Tou sa bann proze – pou nou kapab amelyor nou bann proze lenerzi renouvlab, nou bezwen kapab improve nou sistenm elektrisite, nou bann kab, nou bann lenfrastriktir elektrisite pour nou kapab abzorb lenerzi ki prodwir par lenerzi renouvlab.

So, tousala i reprezant bann lenvestisman ki PUC i bezwen fer between la, 2022 and beyond pou kapab meet sa bann devlopman lenfrastriktir.  Alors wi Onorab, mon konpran, me solman nou bezwen osi – piblik i osi i bezwen konpran poudir nou bezwen envestir, nou bezwen kapab mentenir sa nivo servis ki nou pe donnen e nou bezwen kapab donn plis ankor.

Ok, ozordi sesel i apepre 98.5poursan elektrifye.  Savedir 98.5poursan nou popilasyon i ganny akse avek elektrisite.  E sa i pa par aksidan sa, i lenvestisman ki nou’n met dan sistenm elektrisite.  E nou bezwen kapab kontinyen mentenir e sustain sa lenvestisman.  So, mon konpran en pti pe ou pe dir PUC forgo.  Me solman kote nou pou ganny larzan pou met dan tou sa bann lenfrastriktir?

Dezyenm Mr Speaker, msye Onorab, ou’n propoze ki nou increase demand charge par egzanp pour bann biznes Eden Island.  Mon lenformasyon i montre ki deza zot pe pey masivman – R4.43 par kilo water demand charge pour sa bann landrwa.  Konpare avek lakour ki pe R1.32 par kilo water.  Mr Speaker, eski sa pa pou ogmant kou lavi demen bomaten si nou pe ogmant lo bann gro konsonmater ki pe prodwir, ki pe fer biznes Sesel?

So, nou bezwen balanse.  Nou bezwen balanse e nou bezwen gete kote ki’n ogmante, ok?  En konparezon R1.32 par kilo water pour demand charge pou lakour avek R4.43 par kilo water pour sa bann biznes.  So, i – rezidansyel?  Ok, ok.  Rezidansyel ki pe pey sa kantite?  Ok.  Ok.  Zot pe pey komersyal – R4.43, deza bokou.  Wi, Eden Island sa.

E 3enm kestyon Onorab, en?  Poursantaz efficiency – ozordi PUC i dir mwan ki so poursantaz efficiency i 41poursan dan son power station.  E 41poursan i konparab avek Japon, Corée – ekoute, mon pe get sa bann pei.  E i konparab avek Japon, Corée, l’Amérique e sa pa nou ki dir sa.  Sa se Lorganizasyon IAA ki enternasyonal ki’n evalye lefikasite stasyon zenerasyon PUC.  Ou konpran?

Si i annan en better benchmarking, mon ti a kontan Onorab Lasanble i propoz avek nou.  Mon s aki mon ganny en konpran se ki 40/41poursan i deza en nivo efikasite ki o e ki konparab avek bann pei devlope Mr Speaker.  So, sa i mon larepons pour sa 3 kestyon Onorab – si i annan okenn lezot kestyon.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker, mon anvi premyerman, parski nou pas bidze nou.  Mon anvi premyerman demann Minis, be dan Bidze Capital Projects, be pa Lasanble ki aprouve pou PUC?  Be si i sorti dan bidze Gouvernman, eski sa i pa deza pe kouver bokou sa bann depans ki ou pe mansyonnen?

E mon ti ava kontan ki ou dir avek nou, ant Bidze Gouvernman avek sa ki ou pe dir ki PUC li menm li i bezwen fer, dir nou en pe kote ki i divize?  Parski dan Bidze se larzan Lepep Seselwa.  Se zot tax payers’ money ki rantre dan Bidze.  E taler nou ava kapab regard en pe sa bann keksoz an detay.  So, si pep Seselwa pe deza fer kontribisyon atraver Bidze pour bann Proze Kapital, ki bann lezot depans ki PUC pe vreman fer?

Apre sa Mr Speaker, Minis li menm li in dir ki lakantite ki zot pou – lakantite profi pe still koz 232milyon profi.  E la mon ti ava kontan demann li, dan sa 232milyon oubyen dan sa poursantaz profi ki zot fer, ki poursantaz bann lezot lenvestisman ki zot pe fer la?

Par egzanp, zot pou ranmas 232milyon oubyen annou pran 2017, zot in anmas R227milyonprofi.  Dan sa 227milyon profi, konpare avek sa ki vin dan Bidze through Capital Projects.

Dir nou ki poursantaz ladan ki PUC i re – ou pe dir ou menm ou, zot envestir, pour nou kapab konnen finalman ki kantite ki reste?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker mersi.  Mersi Onorab.  Onorab sa ki Gouvernman i donnen dan Bidze atraver Proze Kapital i pa ase pou fer   sa bann proze ki PUC i annan pou fer.  E mon a donn ou en legzanp.  Lannen pase, 2016.

Ok, annou pran 2015, larzan ki’n ganny donnen dan Bidze ti 82milyon.

An 2016 – 118milyon;

An 2017 – 120milyon.

E letan ou konpar sa lalis Proze Kapital ki PUC i annan pou amelyor servis, amelyor network, amelyor lenfrastriktir pou anmenn kot nou bann konsonmater, sa larzan i en poursantaz.  I kontribye me i pa ase Mr Speaker – i pa ase.  Epi psi i bezwen vwar larzan pour li kapab envestir dan tousala.

E PUC i bezwen dan serten ka osi, rod loan pou kapab envestir dan sa bann proze.  E nou hope ki sa lannen Proze Kapital – kantite larzan ki nou gannyen dan Proze Kapital pa redwir.  Akoz si i redwir i pou vin plis difikilte ankor pou PUC kapab enplimant son bann proze Mr Speaker.  Mersi Onorab.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker.  Bonn apre midi Minis.  Bonn apre midi tou dimoun a lekout.  Minis mon ti a kontan, an relasyon avek sa profi ki ou dir PUC i fer tou le lannen ki i bezwen pou re-envestir.  Mon oule zis port a ou latansyon ki dan Bidze 2018 ki ti ganny prezante, dan liv det Gouvernman, bokou bann kou kapital.  E mon a donn ou bann legzanp;

La Gogue Dam – 6.6milyon Dolar, i en det Gouvernman.

Bann lezot proze PUC

10milyon Dolar, det Gouvernman.

33KV, pas laliny distribisyon – 17milyon Dolar, det Gouvernman.

Sewage south-east coast – 5milyon Dolar, det Gouvernman.

Total 39milyon Dolar – nou pe koz desote 500ekek milyon Roupi.  Tousala det Gouvernman sa.  Se Gouvernman ki pe enplimante.

PUC dan son liv 2017 ki zot in pibliye, zot det i R234milyon.  Sa ki zot, zot in envestir.  Konmsi loan ki zot annan, pa sa ki zot in envestir, me loan ki zot annan, R234milyon.

Be ler mon pe regard sa profi ki zot pe fer, desote 200, dan ki son lentere i probableman 5 a R6milyon, probableman par an, sa loan pa pe met en fardo lo zot.  Bann kou Kapital pa pe met en fardo lo zot.  Sa bann kou Kapital i en fardo lo Gouvernman.  Ki Gouvernman i sarz konsonmater atraver Capital Budget.

Alor mon pe sey konpran kwa ki pou afekte PUC si i tenir sa tarif kot i ete?  Parske sa bann det pe ganny peye par Gouvernman.  E mon pa vwar zistifikasyon ki zot pe dir avek sa nivo profi ki zot bezwen ogmant tarif.  Parske 200ekek milyon profi i R1milyon par zour travay ki PUC pe fer.  I en gro profi, menm plis ki bann labank i fer.  Alor mon pa vreman konpran sa rasyonnal ki zot pe met devan.  Ki zot bezwen ogmant sa tarif sa kantite.

Mon 2enm kestyon Mr Speaker se an relasyon avek proze ki zot pe koz lo la lo LNG.  Ki dapre Leta Lanasyon ki ti ganny prezant an Avril sa lannen ti koz lo en kou kapital 216milyon Dolar.  Be sa i preski lanmwatye nou det ekstern Sesel.  Ler nou ti fer debt write-off pour Sesel an 2008 ek progranm IMF, nou ti write-off 300milyon Dolar.  La ozordi zis en proze pou al fer elektrisite – 200milyon Dolar.  Be zanmen nou pou redwir det Sesel.

E ki mannyer nou pou pey sa det?  Ler nou deza annan masin ki kapab prodwir elektrisite e i pe prodwir li byen.  Ou menm ou dir i efikas – 41poursan.  Be ki nou pe al rode ek LNG ek 200ekek milyon Dolar?  Eski okenn Seselwa pou war en rediksyon dan son pri elektrisite?  Mon pa krwar mwan.  Akoz en dimoun pou bezwen pey 210milyon Dolar.  Ki ou a dir mwan private sector pou envestir, pou prodwir, li osi i pou rod i pou son larzan – fodre en dimoun i peye.  Sa ki servi sa elektrisite pou bezwen peye.

Mon pa konpran akoz nou pe fer sa bann kalite lenvestisman a sa bann kou fou, kan nou’n envestir en kantite larzan dan elektrisite!

Mon pe zis poz sa 2 kestyon parske mon vwar li an relasyon avek sa logmantasyon.  Gouvernman pe pey tou kou Kapital.  Zot pe fer monte malgre ki zot pe fer 200ekek milyon Roupi profi.  Zot pe rod ekstra larzan pour en proze.  E sel zistifikasyon ki mon war.  Konfirmen Minis si wi ou non, sa i korek.  Mersi.

 

MR SPEAKER

Mersi Onorab Afif.  Minis.

 

MINISTER WALLACE COSGROW

Mersi Mr Speaker.  Mersi Onorab pour ou 2 kestyon.  Onorab mon ganny en konpran – PUC i fer mwan konpran ki sa bann komitman dan Proze Kapital ki ou’n nonmen, Gouvernman i selman garanti sa bann Proze Kapital e evantyelman PUC ki pou peye.  E PUC i pare pou provide lenformasyon avek Lasanble, avek ou Onorab, ki se zot ki pou pey sa bann loan, ok?

Onorab, PUC i en gro lakonpannyen e i anploy en kantite dimoun.  E Sesel, pei i depan lo PUC en kantite pour kapab zener lenerzi, provide delo pour pep.  E i tre probab ki PUC i fer R1milyon par zour e PUC i annan en kantite loperasyon.  So i normal pou PUC zener sa kantite.  Egzakteman – konbyen ki PUC i depanse par zour?  I fer en kantite larzan me an term son loperasyon, ki kantite i depanse par zour?

Pou anmenn sa kouran ki demen bomaten letan nou leve, nou pez en bouton lalimyer i alimen, nou pez en bouton heater i alimen dan lakour, nou pez en lot bouton boulwar i alimen.  Konmsi i annan kou ki vin avek sa.  Ou konpran?  I annan kou e pa zis sa – nou ouver delo dan lasanmben, delo i koule.  E i annan kou ki vin avek sa servis ki anmenn direkteman devan nou laport Mr Speaker.

So, mon a sot direkteman lo kestyon Onorab konsernan LNG.  Wi, kou ki ganny mansyonnen – 216milyon Dolar ki’n ganny flote.  E vre i apepre lanmwatye det Sesel.  Me i pa neseserman en kou ki Gouvernman ki bezwen bear.  Nou pe koz – non, non, konmsi direkteman Gouvernman ki bezwen bear sa kou pou antre dan prodiksyon lenerzi atraver LNG.

I annan par egzanp TDB Labank ki’n vin apros nou e pe propoz serten innovative financing pour bann proze koumsa.  E TDB i sa labank ki pe travay avek nou osi pour nou fer sa Konferans an Oktob, pour get bann diferan innovative financing pour sa.  E i annan lakonpannyen lokal – i annan lakonpannyen ki annan Seselwa ladan ki’n pare, ki’n fer the mathematics par deryer tousala.  E ki’n pare e ki zot poudir i vyab e ki pou anmenn kou elektrisite bokou pli ba – kou prodiksyon elektrisite pardon, bokou pli, ki i ete ozordi.

E parey mon’n dir, i pa neseserman Gouvernman ki bezwen bear the full cost of fer sa proze.  En lakonpannyen prive i kapab zenere e PUC i pran, i aste avek li koman en independent power producer, i aste avek li.  E li i transmet – PUC i transmet.

E 216milyon Dolar over en peryod 20an, 25an Onorab, i fezab.  So, se sa e se sa mon krwar rasyonnal par deryer LNG.  E se sa ki bokou sa bann dimoun deor pe war posibilite pou antre dan zenerasyon elektrisite lenerzi atraver LNG.  Sa repons ki mon annan pour Onorab pour sa 2 kestyon.  Mersi.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker.  Mr Speaker, mon – premyerman mon pa konpran sa largiman ki pe ganny fer par Minis, ki malgre ki Gouvernman pe pey bann kou Proze Kapital – ou pe dir in garanti e li PUC se li ki pe re-peye.  Be i pa le ka, si ou get dan zot liv 2017 – zot live 2017 i montre det PUC.  E det PUC, R234milyon – long-term debt.  Savedir apepre 15milyon Dolar.

Sa ki mon’n sit ou la, se 40milyon Dolar.  Ou, ou annan 15 lo ou liv ou.  Be tou larestan Gouvernman ki pe peye.  Ou pa’n pran bokou det.  Gouvernman – parski si ou’n pran en det i bezwen dan ou liv 2017 Desanm.  Si i pa ladan, i pa ou det.  Parske in odite – wi, dan liv PUC.   Be i pa dan liv PUC!  Savedir i pa en det PUC.  Set en det Gouvernman, i pa zis garanti – i en det Gouvernman!

Dezyenmman ki mon ti a kontan demann Minis – ki ou servi sekter prive pou fer en proze LNG, 200milyon Dolar ki ou pou al pran koman en loan.  Sa dimoun ki pe fer sa, pou bezwen rekiper larzan.  E pou rekiper larzan ek nou menm.  Ki tarif i pou vann elektrisite pou li rekiper 200milyon Dolar?  Zot zenerater ki kot PUC ki la ozordi, zot ti depans 50milyon Dolar.  Answit zot in envestir ankor 25.  Probableman i vo 100milyon Dolar lenvestisman.  Get konbyen nou pe peye?  Get konbyen nou pe pey zenera …. pour elektrisite avek power ki zot in enstale – 100milyon Dolar – zenerater.  Get konbyen nou peye!  Zot fek fer monte.

La en boug nouvo pe al antre – i pa pe al met 100milyon Dolar li, i pe al met 216milyon Dolar lenvestisman.  Be nou pou al pey 2 fwa pri elektrik.  I kler!  Mon pa vwar oli sa plan pou fer desann pri lavi, pou fer desann kou elektrik – mon pa vwar!  E si Minis ti kapab eksplik mwan dan ki lozik sa i vini, mon ti ava kontan.  Mersi Mr Speaker.

 

MR SPEAKER

Mersi Onorab Afif.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab, plan LNG e ki mannyer nou war ki LNG pou anmenn en pri elektrisite bokou pli bonmarse pour ki finalman nou pas sa kou avek konsonmater, se ki LNG nou pou procure son fuel bokou pli bonmarse ki ozordi nou pe procure fuel pour nou zener lenerzi.  E sa couple li avek the length of time ki sa dimoun, sa zenerater i annan pour li re-pey son loan, i pou fer ki sa tarif ki PUC pou kapab aste avek li, i pou bokou pli bonmarse.

E in annan bann legzanp ki mon’n ganny donnen.  Mon napa avek mwan ozordi e nou kapab provide sa avek Lasanble, avek ou ki i pou fezab e pou bokou pli bonmarse ki ozordi kou prodiksyon PUC dan, kot zenerater laba Roche Caiman.  So, i pou bokou pli bonmarse.  E se sa bann figures ki nou, nou pe war Onorab.

 

MR SPEAKER

Ok Minis?

 

MINISTER WALLACE COSGROW

Ok.  So, mon annan zis en pti leklersisman lo serten, lo en kestyon ki Onorab ti’n demann mwan avan.  So, an term loan ki Onorab pe dir PUC, si Gouvernman ki pou bezwen peye?  Sa ki mon konpran se ki PUC i dir loan pa ankor fini disburse, ok?  By end of 2017, loan pa ankor fini disburse.  e – ok, sa ki ou pe war dan PUC account se sa ki ki’n ganny disburse avek PUCSo, i annan ankor lezot bout konponan loan ki pou ganny disburse ek PUC apre.  So, se pour se la rezon ki sa det pa reflekte.  Mersi.

 

MR SPEAKER

Onorab Afif.

 

HON AHMED AFIF

Wi, zis pou azoute ki si dan liv Gouvernman in mark en det, savedir se sa det.  Si dan ou liv ou’n mark en serten kantite det, e li Gouvernman i dir in fini garanti tel kantite.  Be sa kantite i bezwen fini ganny verse.  Alor i pa kapab ganny verse, Gouvernman in garanti sa kantite e ou, ou’n ganny zis en morso.

Me zis pou retourn lo size LNG.  Lo LNG – Minis mon vreman pa konpran sa largiman ki ou dir poudir son kou LNG li menm i pou pli bonmarse, bliy son kou lenvestisman.  Sa kou fuel ki ou pou anmenn atraver LNG pou pli bonmarse, alor i pou redwir kou pour nou.  Mon pa tro krwar ladan parske sa kou lenvestisman – parske nou, nou pe koz lo pri elektrisite nou.  Nou pe koz lo pri elektrisite nou!

 

 

(Interruption)

 

MR SPEAKER

Non!  Non!  Onorab!  Onorab!  Son kestyon i relevan.  I pe koz lo, i pe kestyonn…

 

(Interruption)

 

MR SPEAKER

…. en moman!  En moman!  Order!   I pe … Order!  Mon annan laparol Onorab!  Mon annan laparol Onorab!

Son kestyon i baze lo repons ki PUC in donnen lo envestisman dan prose LNG.  E i pe demande an vi ki sa nivo envestisman, eski vreman Seselwa pou vwar benefis?  Pou vwar kou lavi desann?

Mon war relevans avek kestyon!

 

(Interruption)

 

MR SPEAKER

Mon’n pran ou non. ou pou ganny ou tour apre pou ou demann ou 2 kestyon.  Ale Onorab.

 

HON SEBASTIEN PILLAY

Mersi Mr Speaker.  Mr Speaker, nou tou nou respekte konesans e abilite Onorab Afif pou analiz sa bann figures akoz in.  E i ti la osi ler ti pe komans progranm pou fer re-balancing of tariff ki komans around the time ki li i ti PS Finans.  Me le pwen…

 

(Interruption)

 

MR SPEAKER

Mon pa vwar Onorab…

 

HON SEBASTIEN PILLAY

… me le pwen Mr Speaker, le pwen Mr Speaker ki mon oule fer …

 

MR SPEAKER

Onorab!  Onorab!  En moman …

 

HON SEBASTIEN PILLAY

toute a l’heure mon ti demann 2 kestyon…

 

MR SPEAKER

Onorab!   Order!  Order!  Onorab!  Mon pa vwar komanter ki ou’n fer …

 

HON SEBASTIEN PILLAY

Mon a retract mon komanter Mr Speaker.

 

MR SPEAKER

Silvouple!

 

HON SEBASTIEN PILLAY

Mon a retract mon komanter e mon apologise.  Me Mr Speaker, ki mon pe sey dir?  Onorab Afif in demann en serten kantite kestyon Minis.  Minis in reponn at every term bann kestyon ki Onorab Afif in demande.  E menm i annan kestyon ki Onorab Afif i demande ki i pa dakor avek larepons e i pe demann ankor klarifikasyon.

Mon ti a kontan konnen from ou, The Chair, konbyen kestyon siplemanter alors as Manm, baze lo kestyon Onorab Ramkalawan, konbyen nou annan drwa annan?

Akoz lo kestyon Onorab De Commarmond toute a l’heure, mon ti demann 2 kestyon.  E mon lot kestyon pa ti ankor ganny reponn malgre mon ti alert ou.  Mon pa’n ganny sa loportinite pou demann sa kestyon.

So, mon konpran en difikilte ki ou ladan Mr Speaker.  E mon apresye travay ki ou pe fer.  Me mon ti a kontan ganny en gidans lo sa kote.  Mersi Mr Speaker.

 

MR SPEAKER

Mersi Onorab Pillay.  Bon, bomaten avan nou’n komanse bomaten, mon’n fer pozisyon kler lo ki mannyer nou pou tackle kestyon e ki kantite siplemanter nou pe pran.  An vi lazournen ozordi, ki nou konnen toultan tou le Mardi nou dedye a kestyon e probableman avek komansman Bills – e  an vi ler ki’n arive, mon pe pran desizyon – se sa rezon ki ler ou’n fer mwan siny, mon’n dir ou nou pou ale.  Nou pou run en sel tre san break ziska 5er.  E mon pa anvi, mon pa santi pour ki i konfortab pou mwan, dizon 4.30 oubyen 5er mwen kar demann Onorab Churchill pou komans son Mosyon.

So, Mosyon nou pou komans pran li demen bomaten.  Nou pou ariv ziska Bills pour Second Reading, si nou kapab par 5er nou fini.  Alor i donn nou en pti pe plis letan pour annan kestyon siplemanter.

Lo kestyon Onorab De Commarmond, ti napa bokou Manm.  Me ler mon dir ti napa bokou Manm, ti annan 6 Manm lo ou kote.  Onorab Vidot, Onorab Aglaé, Onorab Sophola, Onorab Churchill Gill, Onorab Lemiel, avek ou menm ou ki’n demann kestyon.  E apre mon’n retourn ankor anver Onorab De Commarmond akoz se sa privilez ki mon ofer sa 2 Leaders – se zot ganny sa sans apre ankor pou demann en kestyon.

So, mon pa vwar koman mon’n kapab redwir kestyon oubyen koup kestyon.  Ler mon’n ariv lo loter kestyon, mon donn li dernyen kestyon.  Savedir lakantite Manm ki ti’n lev lanmen, mon ti’n fini deal avek e nou ti’n fini.

Trwazyenm kestyon Onorab Afif in vin klarifikasyon.  I annan en zafer sif ki pe ganny met devan, i pe demann en klarifikasyon.  E mon’n permet li akoz mwan osi out mon’n pri en pti pe dan sif.  Mon anvi konpran en pti pe sa kalkilasyon.  Vwala desizyon ki mon’n fer.  Ok?

Annou kontinyen Onorab Afif.

 

HON AHMED AFIF

Mersi Mr Speaker.  Mr Speaker, mon sel pwen avek Minis sete ki avek sa lenvestisman 216milyon Dolar ki sekter prive ou sa dimoun ki fer sa i pou envestir, i pou bezwen li, si i pe pey en loan 7poursan pandan 20an – i pou bezwen li kolekte R355milyon tou le lannen, avek nou.  I pa ni ankor pey fuel li, sa zis pour son sistenm sa.  Sa sif i reprezant plis ki lanmwatye kou fuel ki ou pe peye ozordi.

Be si nou pou pey lanmwatye pri fuel zis pou re-pey kapital en boug, kot nou pou war en rediksyon dan pri fuel?   I enposib!  Alor mon pa konpran lozik ki zot pe vin avek.  Sel rezon ki mon pe war – zot fer ogmante tarif pour zot anmas larzan pou al pey pou en kou kapital evantyelman, ki PUC pou bezwen peye akoz i pou probableman sarz PUC, PUC pou sarz konsonmater.  Koumsa i pou marse.

E sa pri ki zot pou bezwen al sarze i pou ekstrememan ser e zot pou bezwen al komans li la.  Mon pa vwar okenn sans dan sa sistenm ki zot pe mete, parske sa profi ki zot pe deza fer, Gouvernman pe bear capital cost, zot deza kapab gard en tarif ki rezonnab.  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker, mon kapab konfirmen ki nou pa pe ogmant tarif pou okenn Proze Kapital LNG nou.  Tarif nou pe ogmante pour nou kapab cater pour loan ki nou’n pran.  E osi bann lenvestisman ki dan pipeline pour nou kapab envestir.

Proze LNG nou believe ki atraver en IPPIndependent Power Producer, proze LNG i kapab materyalize.  E nou annan bann prezantasyon ki nou kapab prezant avek Lasanble – i vreman teknikal.  PUC i kapab prezant avek Lasanble bann prezantasyon e montre ki mannye proze LNG Sesel i kapab vin profitab.  I kapab vin operasyonnel e profitab.  I pa en gran zafer, me solman PUC i kapab montre atraver son prezantasyon.

E nou’n demande pour nou fer en prezantasyon, parey mon’n dir taler – ki swa Committee Stage devan televizyon or devan Lasanble pou met bann pwen teknik devan Lasanble.  E Montre ki mannyer sa i fezab e kapab ganny realize Mr Speaker.  So, se sa repons ki mon annan pour Mr Afif.  Mersi.

 

MR SPEAKER

Mersi Minis.  Onorab Arissol – Sandy Arissol.

 

HON SANDY ARISSOL

Mersi Mr Speaker.  Bonn apre midi Minis avek ou delegasyon.  Mr Speaker, mon ti anvi zis dir poudir lontan Saint Louis, zis Msye Yacinth Payet ki ti fer limonnad.  Akoz ozordi zabitan Saint Louis, nou tou nou bill delo i egzorbitan.  Ou a krwar nou tou nou annan en lizin limonnad dan lakour.

Ou konnen letan zot ti anmenn lelis – letan PUC ti anmenn lelis, zot ti dir ek nou poudir lelis zot pe mete laba pour ede redwir pri elektrisite.  Lelis ozordi in vin en moniman.  Mon pa konnen si nou ki pe pey lelis oubyen lelis pe vreman ed nou pou redwir nou kou dan konsonmasyon elektrisite.

Alor mon ti a kontan demann Minis, ki investment plan PUC i annan pour ki letan i pe ogmant tarif i pa pe trangle zabitan Saint Louis, spesifikman ki reste la ater avek lelis?  Dan zot investment plan, eski zot annan lentansyon – parey mon’n tann Onorab Vidot dir avek Onorab Aglaé, pou zot revwar zot depans?

Par egzanp Minis, pou zot revwar bann travayer etranze ki travay dan PUC.  Bann travayer etranze ki pe fer menm louvraz ki sa Seselwa pe fer.  E letan bann travayer etranze dan PUC  – PUC pe fer en kantite depans avek bann travayer etranze.  Letan nou pe konsern saler Mr Speaker, mon ti a kontan dir, e tou dimoun in vwar Le Seychellois ti ekrir sa semenn pase, pou dir saler ki PUC pe envestir, pe depanse…

 

(Interruption)

 

MR SPEAKER

Kontinyen Onorab.  Kontinyen Onorab.

 

HON SANDY ARISSOL

Wi Mr Speaker, be selman Sebastien Pillay i kontinyen disturb sa Lasanble Nasyonal!

 

MR SPEAKER

Kontinyen.  Kontinyen Onorab.

 

HON SANDY ARISSOL

Mon kapab kontinyen?

 

MR SPEAKER

Yes.

 

HON SANDY ARISSOL

Mersi Mr Speaker.  Mon pe dir poudir olye PUC trangle zabitan Saint Louis, akoz i pa revwar en pe son striktir?  Son striktir i konpri kwa? Bann travayer etranze ki ganny anploye dan PUC.  Kot zot saler i varye, depi R15mil, 25mil, 28mil, ziska mon aprann i annan pe ganny 90mil – menm plis ki nou CEO ki asiz la.

Bann depans ki PUC pe fer avek lakaz pour sa bann dimoun!  Mon aprann poudir lakaz i varye depi 17mil, 28/30mil, R50mil.  Ozordi PUC pe fer depans avek sa bann dimoun.

Sa bann etranze Mr Speaker, ki travay dan PUC ki pe fer menm travay ki nou Seselwa pe fer, ozordi PUC pe depans – pe donn zot loto, pe pey fuel pour zot transpor, pe pey lekol pour zot zanfan lekol prive Mr Speaker.

Si PUC ti kapab vwar son lenvestisman li menm li entern, sa i ti a fer ki i pa ti a trangle mon zabitan dan mon distrik pour ki zot ganny larzan atraver tarif.  E lot keksoz ki mon ti a kontan demande – akoz ki osi dan son investment plan Mr Speaker, i ankor pe lwe en bout dan en batiman anvil kot nou al pey nou bill delo ek nou bill elektrik?

Depi PWD, konbyen building PUC i annan ki kapab apel building PUC?  Eksepte Malavois laba anler?  Tousala i form parti investment plan ki PUC i kapab travay lo la pour ki zot ganny en pti larzan an plis lo en lot landrwa olye ogmant tarif lo ledo zabitan distrik Saint Louis.  Sa i mon kontribisyon Mr Speaker.  Mersi bokou.

 

MR SPEAKER

Mersi Onorab Arissol.  Minis.

 

MINISTER WALLACE COSGROW

Mr Speaker mersi bokou.  Mr Speaker, zis mon ti a kontan enform Onorab ki lelis ki i pe koz lo la, i prodwir 7milyon kilo water elektrisite par an.  E i pa en moniman, i pe kontinyen vire e i pe prodwir elektrisite – 7milyon kilo water par an.  From Saint Louis ou kapab remark li tre byen, Mr Speaker.

Mr Speaker, sa lit delo k lo nou latab devan nou i kout 10 fwa plis si mon pa tronpe, ki en lit delo ki PUC i anmenn devan laport.  So – e mon krwar i kout bokou plis ki en lit limonnad Yacinth.  So Mr Speaker, an gro PUC sa servis ki i fer, sa kantite ki i fer, mon krwar sa pri ki i pe sarze, sirtou pour delo, i enn ki rezonnab.  Mr Speaker, i pa ni menm en sou, en lit delo ki PUC i anmenn deva laport.  Malgre Onorab pe dir pe trangle zabitan son distrik.

Mon dakor avek li, PUC i bezwen revwar depans.  E PUC toulezour i revwar depans.  Ki mannyer i kapab vin en Lorganizasyon bokou pli efikas?  Travayer etranze?  Travayer etranze, PUC i bezwen.  I bezwen serten travayer etranze, serten travayer teknik pou kapab ed PUC dan sa bann domenn kot nou napa sa bann travayer pou kapab fer serten loperasyon.

Par kont, i annan travayer etranze ki vini, ki vin lo proze.  Zot pa la pou reste dan PUC forever.  Zot vin lo proze, zot ede ek proze, zot bann spesyalis e zot fini zot proze, zot ale.  Par egzanp, sa proze non-revenue water ki mon’n koz lo la boner.  Sa proze – sa dimoun ki’n vin, ki’n ganny met an sarz sa proze, in tir sa non-revenue water ansanm avek son bann travayer Seselwa from 55poursan pour 23poursan.  So, i en proze, i en benefis.

E fot ki nou pa ankor fer se ki, nou pa ankor quantify sa benefis pou nou mete devan piblik pou dir.  E se sa ki nou bezwen fer – se sa ki mon’n demann PUC pou fer.  Quantify sa benefis ki nou gannyen avek sa bann etranze ki pe ed nou.  Etranze pa bezwen reste Sesel pour lavi. Etranze i ava ed nou, i ava akonplir en misyon ki i vin fer apre i ava ale.  So, PUC pe get toulezour ki mannyer i kapab redwir lakantite depans ki i fer koman en organizasyon.  Ok?

Nou menm nou koman Seselwa, nou annan fanmir ki kite, ki al deor, ki al travay.  Zot ganny serten benefis dan zot travay.  Eski i vedir ki sa bann etranze ler i vin isi avek son lekspertiz, son spesyaliz, i pa kapab ganny serten benefis?

So, tousala i bann keksoz Mr Speaker, ki nou bezwen analize.  Konmsi nou pa kapab zis dir mon’n war en bann kalite figures dan serten zournal ki dir i annan 200 etranze dan PUC.  I annan zis 35 etranze dan PUC.  Nou bezwen eklersi sa kler – nou bezwen met devan piblik Seselwa.  I annan zis 35 etranze.

E mazorite lo la i vin lo bann proze.  Zot fer proze, zot ede, apre zot ale.  So, Mr Speaker mwan osi mon pey bill elektrisite.  Nou tou nou pey bill elektrisite/delo la.  Nou anvi war en amelyorasyon dan servis.  Nou anvi war amelyorasyon dan sa Lakonpannyen PUC.  I pour nou – i en lakonpannyen piblik, i pour nou, nou anvi war nou osi.  Me solman nou bezwen konpran osi i annan serten depans ki PUC i bezwen fer.  mon pa pe defann dan sans kot mon defann pour nanryen.  Me solman nou bezwen donn kredi kot kredi i due.

Si sa bann dimoun pe travay, pe debourye – si i annan nesesite pour nou revwar sa ki nou Seselwa pe fer, nou a bezwen vwar.  Mon’n komet avek PUC, avek CEO ki mon pou vin war bann travayer PUC, pou vin ekout en pti pe kwa ki zot swe.  So, nou pou fer li diran mwan ki vini.

 

MR SPEAKER

Mersi.

 

MINISTER WALLACE COSGROW

Me solman nou bezwen kapab analiz keksoz byen Mr Speaker.  Mersi.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, pou pran from kestyon ki Onorab avan mwan in demande, i pa ti mon lentansyon pou disturb li – non, non.  Me mon ti oule zis i fer sir i kapab demann son kestyon akoz mon annan konnen son kestyon ti byen, ti en bon kestyon.  Mersi Mr Speaker.

Mr Speaker mon ti a kontan demann Minis – Minis be vi ki PUC pe fer sa depans lo sa bann etranze nou’n train plizyer Seselwa dan domenn enzenyer lannen ale, lannen vini, pour ki rezon ki nou pa ankor kapab annan Seselwa kalifye dan sa bann fonksyon, ki ava fer ki nou reponn zisteman sizesyon ki Onorab in met devan nou?  Kot nou pa ava bezwen pe rely lo travayer etranze pou donn sa bann adisyonnel ki fer kou operasyonnel PUC monte.  Oubyen i afekte kou operasyonnel PUC ki apre prezan – apre nou bezwen mitigate sa avek serten re-balansman tarif.  Sa i enn pwen.

Dezyenm pwen mon ti a kontan demann Minis – Minis eski ozordi elektrisite ek delo dan Sesel i ganny subsidise, wi oubyen non?  Si non, eski Minis i krwar nou devret al dan en lapros kot nou subsidise elektrisite avek delo pou fer ki kou elektrisite ek delo pa vin en ba fardo finansyer pour bann fanmir ki pli vilnerab?

E mon 3enm pwen, mon ti a kontan Minis i klarifye si eski PUC in fer en letid, oubyen in sey fer en letid avek Welfare Agency pou vwar lekel bann fanmir ki – lekel bann household ki petet i kapab ganny afekte avek sa re-balansman tarif?  E fer ki nou kapab mitigate sa lenpak ki sa i kapab annan lo sa bann dimoun.  Mersi Mr Speaker.

 

MR SPEAKER

Mersi Onorab Pillay.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab profesyonnel, Gouvernman in train en kantite.  Bokou profesyonnel i vini kot PUC apre i ganny ofer bokou plis larzan dan sekter prive, i ale.  Wi, sekter prive – PUC i an konpetisyon ek bann gro konpannyen sekter prive Sesel, gro konpannyen, bann gro miltinasyonal.

E PUC si i ofer plis – well i kapab ofer plis.  I kapab ofer plis me solman i difisil pou compete ek nivo saler.  Mon pa oule nonm okenn lakonpannyen miltinasyonal Sesel.  Mon pa oule nonm bann gro lakonpannyen ki PUC i an konpetisyon avek.  Me solman PUC i fer fas avek konpetisyon pour son bann – pour bann dimoun teknik ki’n train or ki Gouvernman in train, ki vini apre zot ale.

Pa bliye ki PUC an zeneral par lannen, saler i mont par apepre 8poursan, en.  So, i annan logmantasyon dan saler, i annan incentive pour dimoun.  me solman konpetisyon lo labour market  sirtou pour bann travayer profesyonnel, par egzanp enzenyer i vreman o e bann dimoun i ganny poach.

2enm kestyon Onorab konsernan subsidy.  Onorab ozordi wi, kou elektrisite pe ganny subsidise.  Onorab in nonmen taler poudir 120milyon Roupi i ganny donnen dan bidze Gouvernman pou al da Capital Projects.  Me par kont, i osi annan en cross-subsidy parey mon’n eksplike boner, kot sekter prive – sekter komersyal pe bezwen cater pour bann sekter domestik, sirtou dan bann lower tariff, ant zero a 300 kilo water.

E i annan en cross-subsidy ki pe arive.  Se sa ki nou pe sey regle avek sa tarif.  I enn bann rezon akoz nou pe fer sa re-balansman tarif.  Nou pe sey regle sa lenbalans ki annan ant sekter komersyal avek sekter prive – avek sekter domestik, pardon.  So, eski nou kontinyen kit sa subsidy sorti sekter komersyal?  Eski nou pa krwar ki poudir si sekter komersyal i kontinyen bear sa fardo, nou pa pou zanmen kapab war en bes dan pri lavi – dan kou lavi?

Tousala i bann kestyon petet nou devret pe demande – pep i devret pe demande.  Si nou anvi war en rediksyon dan kou lavi, ki mannyer nou achieve sa rediksyon lo kou lavi?  Nou konnen poudir utilities i en eleman kle pou annan rediksyon dan kou lavi.

Be nou bezwen balans sa bann tarif.  Nou bezwen fer sir ki tarif i reflekte konsonmasyon, i kou ki ganny fer pou prodwi.  So, se sa rezon ki ou war nou pe fer sa re-balansman.  I pa akoz nou zis anvi increase tarif e met en burden lo Pep Seselwa.  So, sa mon krwar i pou anmenn en benefis lonterm parey mon’n dir boner.  I pou annan en benefis lonterm pour pei e pou pep Seselwa.

An term study – ou trwazyenm kestyon Onorab, study ek Welfare.  CEO in endike ki i annan serten konsiltasyon ki’n fer ek WelfareAgency, pardon, zot an kontak.  E mwan mon kapab dir ki Welfare Agency, dek koman rates, tarif elektrisite in sanze, Welfare Agency otomatikman i aziste son rate.  E kalkilasyon i ganny reflekte – sa bann rate in ganny reflekte dan kalkilasyon ler en dimoun i fer en laplikasyon pour lasistans Welfare. 

So, i pou annan definitivman en sanzman dan rate Lazans Proteksyon Sosyal.  E dimoun ki war li p kapab or i war li difisil pour li cater pour sa logmantasyon dan tarif, i kapab touzour benefisye avek lasistans Lazans Proteksyon Sosyal.  Vi ki mon konnen poudir sa rate i pou ogmante – sa tarif, sa rate pour elektrisite dan kalkilasyon i pou ogmante.  So, i annan bann diferan fason ki mannyer nou kapab counter sa logmantasyon Onorab.  Mersi Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker, Minis in dir nou en keksoz, mon ti a kontan ganny en konpran la, en.  Eski ou pe dir nou poudir si zot pa ti fer sa re-balansman tarif, zot ti pou – eski PUC ti pou oblize fer logmantasyon lo tarif komersyal?  Ki lenpak ti pou annan si in fer en logmantasyon dan tarif komersyal, par egzanp?  Pran par egzanp, lo bann zafer take-away, lo bann keksoz koumsa ki nou tou nou bezwen servi.  Eski Minis ou kapab vreman eksplik nou ki lenpak sa ti pou annan?  Mersi.

 

MR SPEAKER

Mersi Onorab.  Minis – brefman Minis, nou pe run out of time.

 

MINISTER WALLACE COSGROW

Mersi Mr Speaker.  Mr Speaker, definitivman demen bomaten si nou kontinyen dan sa path kot nou pe ale, nou pou bezwen ogmant tarif somewhere, quelque part pour nou kapab ganny sa larzan ki nou bezwen pour re-envestisman e pour mentenir sa network elektrisite, delo e sewage ki nou annan.

E si nou pa ogmant kot konsonmater rezidansyel, nou bezwen ogmant konsonmater komersyal e endistriyel.  E ogmant konsonmater komersyal ek endistriyel, i vedir ou pe ogmant kou prodiksyon Sesel.  Ogmant kou prodiksyon, mon a pran legzanp take away – kouran i monte, delo i monte, i kout pli ser, bwat take away i vin pli ser.

Mon a pran legzanp, par egzanp bann biznes dan lapes ki servi bokou refrizerasyon, kou kouran i monte, ou bezwen bokou plis lenerzi.  Bezwen pey plis kouran pou kapab annan servis refrizerasyon.  Kou pwason, kou lavyann, kou tou keksoz i monte.

So, si nou kontinyen met sa fardo lo sekter komersyal e, nou war nou kapab war nou dan en sityasyon kot olye war en logmantasyon parey nou war dan house, dan tarif rezidansyel, nou kapab war nou en reperkisyon ki reflekte lo kou lavi.

Pour mwan sa mon krwar i pou pli move pour nou, pour nou pep si sa i arive.  Mon krwar plito nou balans sa tarif.  Nou fer ki over the, bann letan ki pe vini la, nou kapab re-aziste sa tarif, re-envestir dan nou bann lenfrastriktir e fer ki nou tou nou benefisye Mr Speaker. Nou tou nou benefisye, lakour i benefisye e dan komersyal osi i benefisye.  Mersi Mr Speaker.

 

MR SPEAKER

Mersi Minis.  Bon, Minis, mon ti a kontan ki ou repons ti ava en pti pe pli presi, pli kourt.  E bann Manm osi tou, zot kestyon direk.  Mon annan ankor 6 Manm lo lalis.  Onorab John Hoareau.

 

HON JOHN HOAREAU

Mr Speaker mersi.  Mr Speaker, an se ki konsern lenstalasyon PV ki ganny ankouraze par Gouvernman, i annan bokou konplent ki sorti kot bann installers ki dir ki i annan bokou restriksyon lo groser e kalite lenstalasyon PV ki servi batri pou store lenerzi.

Eski Minis i kapab eksplik nou en pti pe si i annan sa bann restriksyon ki kapab annan en kou, dizon lo pri elektrisite e demann elektrisite li menm dan pei?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi bokou Mr Speaker.  Tre bref Mr Speaker – wi i annan serten restriksyon.  Par egzanp lo lenstalasyon pano soler lo serten landrwa.  E sa i pirman baze lo limit ki rezo i kapab pran.  E pour se sa rezon ki ozordi nou pe sey zistifye improvement dan rezo PUC elektrisite, ok?

Si nou kapab improve sa rezo, rezo i kapab pran bokou plis load sorti kot lenerzi renouvlab e fer pli fasil pour nou tou kapab enstal lenerzi renouvlab lo nou lakaz.  So, se sa limitasyon ki pe anpes PUC kapab konekte bokou lenerzi renouvlab, se rezo.  Ok.  Mersi bokou.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker mon ti a kontan demann Minis – mon anvi retourn ankor lo sa kestyon travayer etranze pou mwan demann avek Minis, nou konnen letan nou fer avertisman nou dir ‘sak gout delo i koute’.  E mwan mon ti ava anvi zis dir Minis, sak sou ki nou pe met dan en pos en travayer etranze ti pou ed en Seselwa dan son Bidze.

Ki plan training ki ou Departman i annan pou fer sir ki sa 35 travayer etranze ki ou’n dir i annan, i annan en Seselwa ki pe understudy zot ki gradyelman ou ava pe phase out from annan bokou etranze?

Kekfwa ou ava pe dir par 2019, ou ava’n redwir sa par lanmwatye.  Ki kalite plan training ki ou annan, pour bann zenn sirtou, an sa ki konsern ranplas sa bann etranze?  Mersi Mr Speaker.

 

MR SPEAKER

Mersi Onorab Esparon.  Minis.

 

MINISTER WALLACE COSGROW

Ok.  Mersi Mr Speaker.  Mersi Onorab.  Onorab, mon dakor ek ou ki sak sou ki etranze i pran i vedir en sou – larzan ki nou Seselwa ti kapab gannyen.  Mon dakor avek ou totalman.  Me solman nou bezwen realize osi i annan serten lekspertiz ki nou napa lokalman.  E zisteman ou kestyon an term ki mannyer nou train bann dimoun pou kapab annan sa lekspertiz?

Mr Speaker, an 2017 PUC so progranm training in train, lokal, en – in train li 347 travayer.  An 2017, overseas training, PUC in train li 32 dimoun dan diferan domenn sa, en – dan diferan domenn.  E an 2018, so far lokal, 306 dimoun pe ganny train, in ganny train or in arive train.  E overseas 34, e sa osi i dan bann diferan domenn.

E zisteman pou kapab deal avek demann labour ki PUC i annan, e pou seye osi ranplas sa bann etranze ki pe travay dan PUC.  I annan ki nou bezwen dimoun tre kalifye pour ranplase, sirtou bann nivo enzenyer.  Me i annan bann lezot ki bann pti training en pti pe pli soft nou kapab enplimante.

Me solman plan training i la – plan pou ranplase i la.  Nou ti a kontan ki PUC i vin en lakonpannyen ki servi less etranze.  I nou swe osi sa.  Mersi.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker.  Minis eski ou kapab dir nou, kan ki planifikasyon ouswa diskisyon pou re-balansman tarif ti komanse?

E dezyenmman, dan prosesis avek lespri pou sey mentenir sa nivo tarif ki nou annan ozordi, akoz zot pa sey revwar posibilite prolonz zot bann proze pli lontan?  Konsantre lo bann ki pli priyorite, ki a permet Seselwa kapab annan en stabilite dan zot to tarif.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok.  Mersi Onorab.  Mersi Mr Speaker.  Onorab, re-balansman tarif ti komans an 2013, ok?  Son progranm re-balansman tarif ti komans an 2013.  E wi, nou pe enplimant bann proze ki pli pressing, ki pli irzan zisteman pou kapab cater pour bann demann ki PUC i annan.  E sa bann ki less irzan, nou pou pous li en pti pe pli dan lonterm.

Me solman se sa stratezi PUC – enplimant bann ki pli irzan.  Par egzanp, dan nou bann rezo elektrik pou kapab cater pour lenerzi renouvlab ki pe – demann pe ogmante, en!  Demann en kantite pe ogmante.

Dimoun pe vin pli konsyan, dimoun pe anvi met pano soler lo zot lakaz e servi bann diferan mod lenerzi renouvlab.  So parey mon’n dir, nou pe enplimant sa ki priyorite avan.  Mersi.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mersi Mr Speaker.  Mon kestyon i swiv en pti pe laliny ki Onorab Sandy Arissol.  E mon krwar Sebastien osi in demann lo sa laliny.  Mr Speaker, sa ki Minis in dir konsernan bann travayer Seselwa, menm si zot pe envestir, zot pe train bann travayer Seselwa, at the end of the day, turnover i vreman o.  i annan poaching par bann lezot konpannyen.

Mwan mon krwar, mon kestyon pou al en pti pe dan laliny ki ozordi bann etranze ki PUC pe anploye Mr Speaker – par egzanp, bann etranze ki sorti Madagascar, Sri Lanka ek Maurice, pe ganny peye 2 fwa ki Seselwa.  Menm si bann Seselwa i annan zot menm kalifikasyon avek sa bann travayer etranze.

Ozordi en legzanp ki i sorti kot zot menm – bann staff, sa bann lenformasyon ki zot pe gannyen i sorti kot bann staff ki travay kot PUC.  Bann pipefitters ki sorti Sri Lanka pe ganny peye ant 1200 a 1300 Dolar.  Kontrerman avek bann Seselwa, ki pe ganny ant 7mil Roupi.

En supervisor pe ganny li R10mil.  Bann asistan enzenyer pe ganny zot ozordi ant 28mil a R35mil.  Zot akomodasyon 17mil ekek Roupi.  I annan ki zot zanfan i al lekol prive.  En network manager ki travay pour Water ek Sewage pe ganny li plis saler ki son bos ki par lao 100mil ekek Roupi.

Mr Speaker mon kestyon alor i – akoz ki PUC pa improve kondisyon, bann incentive ki zot pe donn bann travayer Seselwa as oppose ki zot pe donn bann saler ki zot pe donn bann travayer etranze?

Olye ki PUC pe gaspiy tou sa bann larzan lo sa bann etranze, ki apre zot pe sey pas lo konsonmater.  Akoz zot pa koup sa bann kou? Par anploy plis, envestir plis e devlop plis.  E build kapasite plis nou bann travayer Seselwa.  Mr Speaker, e mwan mon en pe konsernen akoz sa gran disparite ant saler Seselwa ek saler etranze.

So Mr Speaker pou fini, mon ti a kontan demande ki fason ki by pey sa bann etranze bokou plis larzan i pee de met plis larzan dan pos sa bann travayer Seselwa ki pe travay PUC?  Sirtou sa bann ki pe ganny selman R7mil Roupi pou anmenn lakaz tou le lafen di-mwan.  Mersi Mr Speaker.

 

MR SPEAKER

Mersi Onorab.  Mon krwar finalman ou’n fer ou kestyon kler pour Minis.  Minis repons.

 

MINISTER WALLACE COSGROW

Mersi Mr Speaker.  Mersi Onorab pour ou kestyon.  Mon krwar ou kestyon it re valab.  Mr Speaker, bann travayer etranze, sirtou sa bann ki ou’n nonmen – pipe fitters, zot pa vin PUC pour leternite zot.  Zot vin PUC lo en Kontra spesifik – fixed term.  Fini ou Kontra ou ale! Ok.

So, bann dimoun ki konpran en pti pe Kontra fixed term – normalman akoz napa serten sekirite anba la.  Kontra fixed term i toultan en pti pe an plis.  Ok.  Mon pa pe defann, me solman kontra fixed term i toultan en pti pe an plis.  E ler kontra i fini, zot ale.  Parey mon’n fer resorti boner, saler dan PUC i ogmant par apepre 8poursan tou le lannen.

Scheme of Service pour bann travayer PUC pe vini tre byen to – CEO in fer mwan konpran.  Sa osi pou montre en serten logmantasyon dan serten ka pour serten travayer.

So PUC i kontinyelman get son bann travayer.  I annan 1100 travayer dan PUCPUC pa en pti lorganizasyon li.  Apre – well i probableman Lorganizasyon Gouvernmantal or Lakonpannyen Gouvernman ki annan plis travayer ladan.

Petet dan pei, i 2enm pli gro lorganizasyon – masiv lorganizasyon.  Pa fasil pou zer Lorganizasyon koumsa.  I difisil – 3 loperasyon – elektrisite, delo avek sewage.  E PUC i sey son mye.  PUC son Management i sey son mye.  Son Board zot sey zot mye pour kapab donn maksimonm benefis ki zot kapab donnen, bann travayer.  Ok?

Mon annan detrwa statistics la.  Par egzanp promosyon an 2016 – 28 promosyon, 2017 – 40 promosyon, an 2018 – 94 promosyon.  Pa ankor fini 2018, nou pa konnen, i kapab annan ki ganny ankor.  Bann enhancementsalary enhancement.  An 2016 – 199 salary enhancement, 2017 – 287 salary enhancement, an 2018 so far – 261 salary enhancement. 

Allowances – 47 dimoun benefisye an 2016, 2017 – 17 dimoun, an 2018 – 127 dimoun.

So, nou kontinyen pe review.  E nou pe kontinyen vwar ki mannyer nou kapab improve kondisyon e saler en travayer Seselwa dan PUC – i pa fasil.  Travayer i travay anba bann kondisyon vreman, vreman difisil.  E se pour sela rezon i annan travayer ki dir ou i fatige, li osi i bezwen pouse.  I annan breakdown, i annan nouvo proze, i annan nouvo laliny, PUC i bezwen pouse.

Alor PUC i bezwen rod led dimoun an deor pou kapab vin donn en koudmen, ok?  So, se sa rezon ki ou war petet i annan.  Be solman sa bann etranze zot vin lo en Kontra, fini zot ale, ok?  So, en pti pe – mon donn zot en overview en pti pe lo ki mannyer sityasyon lapey ek travayer PUC i ete.  Mersi Mr Speaker.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker.  Bonn apre midi Minis e tou dimoun.  Mr Speaker, mon annan en pti kestyon pour Minis.  Sa bann investments ki pou vin atraver sa ogmantasyon dan tarif – nou pe dir pou invest dan infrastructure LNG pou in the future tarif a re-desann.

I annan lenfrastriktir zenerater LNG ki Prezidan ti koz lo la, non?  Zis in azout lenfrastriktir. Be si ou pe met en kou apepre 200milyon Dolar dan investment lenfrastriktir or pou zot fer desann sa tarif, zot profi i ase pour en R3bilyon dan 20an pou fer zot bann proze.  Akoz ki zot pa pe pran sa prof?  Dan plas fer desann tarif –fer monte tarif, pou ganny larzan pour lenfrastriktir pour lefitir.

Lenfrastriktir pou bezwen fer desann tarif li.  Akoz si ou pe fer tousala pou tarif monte, pou ogmant tariff pour kapab fer lenfrastriktir pli efikas, fer tarif re-desann.  Mon ti a kontan konnen kote i pou re-desann parey i ete la ou pli ba?

 

MR SPEAKER

Kestyon.

 

HON STEPHEN PILLAY

Si i pou desann – la i pe al monte, pou fer li pli efikas pou tarif desann, mon pa pe konpran kote nou pe ale mwan.  Mersi Mr Speaker.

 

MR SPEAKER

Ok.  Mersi Onorab.  Minis, leklersisman.

 

MINISTER WALLACE COSGROW

Mersi Mr Speaker.  Mr Speaker, tarif ok, i resanble – well i pe monte.  Me tarif pe ganny re-balanse.  Savedir nou pe fer li pli ekitab.  Ozordi sekter komersyal pe pey en tarif ki bokou pli ki zot sipoze ete, ok?  E sa i pe ganny servi pou kapab cross-subsidise prodwi delo, elektrisite, e dan serten sans sewage.  Se sa ki nou pe fer – re-balans sa tarif.

Bi primordyal se re-balans tarif.  Dan re-balansman tarif, nou pou annan serten larzan ki pou antre pour ed nou avek nou bann Proze Kapital.  Ok, parey mon’n dir taler, diferans ant komersyal avek domestik.  Domestik – R1.32 par kilo water.  Komersyal – R4.32 par kilo water.  I sibstansyel sa.  Pour le moman nou pe tenir komersyal akoz si nou tire komersyal, nou pa pou kapab kontinyen subsi… – tenir sa kou domestik. Ok.

But evantyelman ler nou sa, nou kapab fer desann.  E nou kapab revwar osi bann lezot sekter.  Nou kapab annan tarif – sa ki nou apel tarif sektoral.  Nou kapab revwar bann tarif e se sa le bi – se sa le bi Mr Speaker.  E i pa korek ki nou pe al envestir 200milyon Dolar.  200milyon Dolar i pou proze LNG e i pa Gouvernman ki pou envestir.  Mersi.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Minis. Mersi Mr Speaker, pardon.  Mersi Minis.  Minis mon kestyon i tre senp, pour letan nou pe koz lo sa tarif.  Parey ou’n dir, ankor dan enn an nou pou war nou pe fer fas ek sa tarif ankor.  Alors pour konsonmasyon piblik deor, la voyaz tarif ler in aziste nou’n fer li lo – nou pa’n tous komersyal, nou’n fer zis domestik.

Eski ou kapab donn nou en lendikasyon ozordi, zour ki nou pou deside tous sa tariffs, ki bann sekter ki nou pou touse?  Pour nou ganny en nide kwa ki pe vini byen boner, avan ler ki nou ganny sok avek bann diferan lazisteman.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok.  Mersi Mr Speaker.  Mersi Onorab.  Onorab, dapre plan, progranm i kontiny parey lot lannen.  Progranm i kontiny parey, savedir sanzman i parey.  Pou napa okenn pli gran ogmantasyon, pou napa okenn pli ba – well ogmantasyon pa pou pli ba.  Si ou konpran ki mon pe dir – i pou parey, wi.  So, lot lannen nou ekspekte li parey.  Lot lannen apre lot lannen, ziska 2022.

 

HON CHURCHILL GILL

(Off mic)

 

MINISTER WALLACE COSGROW

Wi, domestik pou kontinyen wi.  Ziska ler nou kapab ariv sa balans, ki apre nou a kapab revwar tarif komersyal.  Mersi.

 

MR SPEAKER

Ok.  Mersi Minis.  Bon mon ava donn dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker, premyerman mon bezwen dir ki – ou konnen i pa fer premye fwa ki zafer balans tarif i ganny mansyonnen dan sa Lasanble.  E sa ki mon ti ava kontan dir avek Minis ki’n reponn apre midi, ki i annan en kantite keksoz ki in dir i totalman diferan avek sa ki Minis Rolph Payet, ki ti ansarz PUC, ti vin dir dan sa menm sez kot ou pe asize ozordi, letan Onorab sa letan, Onorab Marie-Antoinette Rose, ki ti Leader Government Business ti demann li.  I ti fer en kantite gran, gran keksoz Labank Mondyal.  E eski Labank Mondyal i dan zot plan osi tou la?  Ler aktyel kot zot ete la?

Parski dapre li, Labank Mondyal ti pou ladan, lot ti pou ladan, napa kalite keksoz.  Alor premyerman, i kler ki poudir sa long-term plan ou krwar konmsi napa tro bokou lavi.  Ou a krwar konmsi i toultan pe, i en pe bann plan en pe la pour la – sa i kler!  Parski menm sa re-balans tarif, zot ti pou fer li depi Mars.  La aprezan zot in sipoze fer li depi le 01 Novanm.

Be alor mon premye kestyon – ki diferans pou fer si la zot anvway sa re-balans tarif olye Mars, anvway li en pe pli devan pou pran konsiderasyon s aki Seselwa pe pas ladan?  sa i mon premye.  Eski vreman i pou annan en lenpak ekstraordiner lo sa ki Seselwa pe pas ladan?

Mr Speaker, eski Minis i kapab dir avek nou isi ozordi, e Mr Morin pou konn byen sa ki mon pe koz lo la – eski ozordi PUC pe anmas en pe lepokase sa peryod letan kot Mr Valabhji, ki ti ansarz PUC, sa bann letan kot ti aste zenerater 51milyon, kan i ti sipoze kout – pa ti sa son pri, kot Bywater ti vin fer desalinasyon, kot apre 2an ti bezwen sanz tou tiyo e nou depans tousala.  Ou konnen sa peryod letan la, kot letan ti annan bann gro proze, kot ti annan en kantite larzan, toultan ou ti war Mr Mukesh Valabhji.  Alors, eski PUC pe anmas en pe sa lepokase ki ozordi Lepep Seselwa ki pe bezwen pey pour sa bann larzan ki’n disparet en pe partou, partou?

Eski Minis i kapab dir avek nou, dan sa Management PUC, konbyen eski PUC i dwa SRC pour bann VAT ki zot pa’n peye?  Pour bann withholding tax ki zot ti’n devret peye avek bann kontrakter etranze ki’n vini, ki’n fer travay pour zot e ki zot pa’n peye?  Zis klarifye sa pour mwan.

E apre Mr Speaker – finalman, pli boner Minis in dir avek nou ki i perdi bann Seselwa avek bann lakonpannyen lokal, ensidswit.  Me ankor enn fwa, koriz mwan si mon mal.  Me si PUC – zis en pti kalkil – si PUC i pey en etranze en lapey R92mil.  I pey en lakaz Cascade pour li R28mil.  I donn li en loto ki kout R11mil.  Lafenn lannen i donn li en bonous 200poursan.

E zis lo kestyon lapey, i ganny li R131mil par mwan, apard bonous, apard sa bann zafer.  Eski letan ou pe perdi en Seselwa, eski ou kapab dir avek nou, konmsi konpare avek sa etranze ki li son package in ariv R131mil,  sa Seselwa enzenyer ki ou pe perdi la, konbyen anviron son lapey i arive li? Ok.  Konbyen anviron son lapey i arive?

E eski ou pa krwar ki poudir si ou ti a pe donn sa Seselwa – mon pa pe dir ek ou donn li R131mil par mwan, mwan!  si konmsi ou ti pe donn li lanmwatye, ou pa krwar ki poudir ti ava annan ne gran posibilite, ki ou ti ava kapab tenir sa travayer e i ti ava kapab reste olye ale?  Konmsi zis donn nou en pti git sa silvouple.  Mersi bokou.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi bokou Mr Speaker.  Mersi bokou Onorab.  Zis pou klarifye kestyon nimero enn konsernan World BankWorld Bank ti inisye sa study pou kapab fer sa re-balans – pou nou kapab antre dan sa progranm re-balansman.  E World Bank i ed nou pou fer sa letid.  World Bank pa dan progranm re-balansman avek nou.  I ti ed nou fer sa letid pou nou konpran byen ki mannyer marse i ete, ki mannyer loperasyon PUC i ete pour nou kapab antre dan sa re-balancing.  Sa i enn.

2enm, konsernan si i pou fer en diferans si nou postpone.  Mr Speaker, i pou fer en diferans dan sans ki plis ki nou postpone s are-balansman, plis ki – mwens ki PUC i ranmase pou re-envestir dan son network, dan son bann lenvestisman kapital ki i annan.  e desizyon i kapab ganny pran si nou dir nou postpone.  But nou bezwen realize ki poudir i larzan ki nou pou perdi pou nou kapab envestir pour benefis Seselwa.

3enm – si PUC pe anmas lepokase.  CEO i dir mwan i pa krwar.  So, sa ki nou pe fer la ozordi se ki pou nou envestir dan lefitir e petet nou pa’n envestir ase dan lepase.  Ozordi pe catch up en pti pe avek nou pour nou kapab envestir dan lefitir.

Katriyenm Mr Speaker – mon sey kit mon bann larepons kourt parey ou’n dir mwan.  PUC pa dwa okenn withholding tax e osi VAT, en.  (Sorry, eskiz mwan, en pti moman mon a klarifye.)

So, normalman sa ki mon ganny en konpran, nou pa pey SRC VAT lo bann travay.  Nou pey kontrakter e kontrakter ki sipoze pey VAT.  E PUC pa drwa okenn withholding tax.  Mr Speaker, dernyen kestyon Onorab – byen enteresan.

Onorab, wi, si i annan petet Seselwa ki nou pe dir pou vin pran plas menm nivo, menm louvraz avek sa ki etranze – sa etranze pe fer.  I devret petet pe ganny en menm benefis ki sa etranze pe gannyen.

Parey mon’n dir boner, sa etranze spesifik ki nou pe koz lo la i lo en proze spesifik e i lo en Kontra spesifik.  Sa etranze ki nou pe koz lo la, in tir sa ki nou apel non-revenue water, ansanm avek son bann staff, from 55poursan pou 23 poursan.  PUC pou quantify sa.

Sa benefis ki nou’n gannyen avek sa louvraz ki sa etranze in fer.  Ler mon ganny lenformasyon ki benefis nou’n gannyen avek sa, then mon pou share avek asanble pou vwar ki poudir sa etranze, malgre nou pe pey li en kantite, malgre nou pe sa, i annan en benefis ki’n anmennen pour PUC e pour pei.

Onorab ler sa etranze i fini son target, i fini son louvraz ki i annan pou fer, si i neseser, etranze ava retournen e nou ava fer sir ki i annan en Seselwa ki antre dan sa pozisyon.  Son target pa ankor konplete.  Ler i konplet son target, nou ava fer sir, Mr Speaker.  Mon krwar mon’n answer tou le 5 kestyon Onorab.  Mersi.

 

MR SPEAKER

Mersi Minis.  Bon, avek sa la nou’n fini sa Sesyon Kestyon pour Minis Cosgrow – Minis responsab pour PUC.  Mon ti a kontan remersye Minis parmi nou e eskiz li parmi nou, enkli PS Agricole, CEO Morin e Deputy CEO Valmont.  Minis avek ou delegasyon, ankor enn fwa mersi bokou.

 

MINISTER WALLACE COSGROW

Mersi Mr Speaker.  Mersi tou bann Manm Onorab.

 

(MINISTER COSGROW AND HIS DELEGATION WAS EXCUSED FROM THE HOUSE)

 

MR SPEAKER

Bon, nou ava al lo Item No. 7 lo nou Order Paper – Public Bills.  Nou annan 2 Bills ki nou ti’n mete pour Second Reading.  Mon Lofis in ganny alerte ki sa 2 Bill pe ganny withdrawn.  Mon ava pas laparol avek Leader Government Business, Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker, anba Order 72 lo Standing Order, mon oule move ki Elections (Amendment) Bill, 2018 i ganny withdraw.   E simultaneously, mon oule osi move anba menm Order 72, ki National Assembly Members Emolument (Amendment) Bill, 2018 osi i ganny withdraw.  Mersi.

 

MR SPEAKER

Mersi Onorab.  Bon, zis pour lenformasyon Lasanble pou sa premye – Elections (Amendment) Act, i annan en posibilite ki pou annan en nouvo amannman ki pou vin dan Lasanble.  Se sa ki nou’n ganny enformen, non?  Wi, en revised, wi.  Ok?

Bon, sa 2 Bill ganny withdrawn.  I ava reste nou Mosyon pou demen.  E nou pou aret la pour ozordi.  Ankor mon i kontan prezant en leskiz avek SBC ki nou’n overlap en pti pe taler dan lunch time e mon’n bliye prezant sa leskiz.

Mon ti a kontan remersi SBC pour ozordi, pou permet nou travay sa pti bout dan lunch time.  E mon krwar la nou pe rann li lantern a ler.  Bon, nou ava adjourn e Lasanble i ava repran son travay demen 9er bomaten.

 

(ADJOURNMENT)