Home » Verbatim » 2018 » Verbatim Wednesday 25th July, 2018

Verbatim Wednesday 25th July, 2018

NATIONAL ASSEMBLY OF SEYCHELLES

Wednesday 25th July, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab e bonzour tou dimoun ki a lekout e pe swiv travay Lasanble Nasyonal.  Bomaten nou pour kontiny travay kot nou ti kite yer kot nou ava fini lo sa Prozedlwa lo amannman Seychelles Pension Fund.

E apre sa nou pour kontinyen nou travay pandan lazournen avek Second Reading lo amannman lo International Trade Zone.  Sa pour swiv par Ninth Amendment – lamannman lo Konstitisyon Larepiblik.

Apre sa pour annan en lamannman osi tou lo Constitutional Appointees Emoluments e apre pour annan en lamannman lo Elections Act.

So vwala en pti pe nou travay pour ozordi.  E mon ava demann Parliamentary Reporter pour apel Minis avek son delegasyon.

Mon osi fer rapel bann Manm Assembly Business Committee ki nou pour meet 1er dan Speakers Conference Room; Assembly’s Business Committee 1er.

Bon mon ti a kontan welcome Minis pour Finans Minis Loustau-Lalanne avek son lekip ki konpri Sekreter D’Eta Mr Patrick Payet, PS Finans Mr Damien These, Madanm Lekha Nair CEO pour Seychelles Pension Fund, Mr Victor Pool ki pe reprezant Biro Attorney General asiste par Mrs Gulmette Bootna dan biro Attorney General.

Nou osi annan Mr Leo Alexander e Ms Tharine Auguste ki pli tar pour asiste Minis lo sa amannman lo International Trade Zone.

Bon parey mon dir nou pour kontinyen kot nou kite yer e bomaten nou pour ekout repons Minis e bann klarifikasyon ki bann Manm in demande yer.

Swivan sa nou pour kontiny avek nou travay apre nou ava pour nou al dan Staz Komite pour nou pran bann amannman.  Minister mon ava donn ou laparol bomaten pour ou fer ou konklizyon.

 

MINISTER MAURICE LOUSTAU-LALANNE

Mersi Mr Speaker.  Mr Speaker Onorab Leader Lopozisyon Onorab Leader Zafer Gouvernman tou Manm Onorab tou dimoun a lekout bonzour.  Mr Speaker yer mon apresye deba ki nou gannyen lo sa Prozedlwa amannman e mon ti a kontan dir dabor ki Fon Pansyon, i en lorganizasyon ki anploy apepre 130 dimoun.  I pe swiv tou prosedir ki I merit swiv pour li akonpli son travay korekteman.

Parkont in annan serten kritik ki’n ganny fer par bann entervenan lo lafason ki management Pension Fund i fer son travay.  Serten aspe gouvernans e I enportan ki mon reponn a sakenn sa bann kestyon ki’n ganny poze.

Tou dabor Mr Speaker Board Fon Pansyon i ganny konstitye anba Lartik 6(1) son Act e I fer provizyon pour diferan dimoun ganny nonmen enkli en reprezantan Minister Finans lo son Board – 3 Manm sorti dan sekter piblik 3 Manm sorti dan sekter prive e osi lezot Manm parey en reprezantan pour bann anplwaye, en reprezantan pour bann anplwayer ensidswit.  

Board I osi annan bann Komite Board e sa bann Komite Board in ganny konstitye konm swivan; i annan Komite Lenvestisman, Komite Lodit ek Risk e Komite Reminerasyon.  E an plis ki sa I annan bann Komite teknik ki’n ganny osi etabli.

E sa i prensipalman bann dimoun sekter prive ki lo en Tender Evaluation Komite e osi en Tender Appeal Komite.  Fon Pansyon i bezwen fer en plan anyel ki soumet dan letan se a dir dan lafen Mars sak lannen e parey Lalwa i demande i bezwen soumet sa kot Minister Finans e osi kot Lasanble Nasyonal.

Sa dokiman pour 2017 ti ganny soumet an Mars lafen Mars 2018 a Minis Finans se sa dokiman.  E ladan i annan bokou detay lo tou aspe travay Pension Fund.  Zot ava vwar par egzanp konpozisyon Board lekel bann Manm, kan ki ti zot apwente, konbyen meeting zot in attend.  Eksetera.

E ozordi Manm Board pour 2018 I konm swivan I annan Mr Edwin Palmer ki son Chairman, Mr Patrick Payet ki reprezant Minister Finans ki a mon drwat, Mr Peter Sinon, Madanm Cillia Mangroo, madmwazel Cindy Vidot, Mr Ravi Valmont, Mr Antione Robinson, Mr Bernard Adonis, Manmzel Malika Jivan, Manmzel Brenda Morin, Manmzel Elsie Morel e Madanm Marie Claire Marie.  Sa se konpozisyon Board aktyelman.

Chairman Komite Lodit e Evalyasyon pardon Lenvestisman se Mr Patrick Payet, Chairman Komite Reminerasyon se Mr Antoine Robinson e Chairman or Chairperson Lodit Komite Lodit se Mademwazel Brenda Morin.

E pour sa Tender Evaluation Committee Mr Jean Weeling li ki Chairman.  I annan osi lo sa Komite Mr Steven Rousseau, Mr Jean Rasool e Madanm Fadette Albert.  Pour son Tender Appeal Committee, i annan Mr Jean Claude D’Offay, Mr Patrick Stravens, Madanm Amanda Faure.

E tou sa lenformasyon ou vwar li dan sa annual report 2017 osi dan son detay e zot a ganny letan pour pas ladan zot menm.

Mr Speaker in toultan plan Pension Fund pour li fer en annual general meeting pour tou son Manm tou le lannen.  Me I pa ankor fer li akoz lentansyon ti pour pas sa amannman isi e zis apre sa fer li e I ti le fer sa annefe an Zen sa lannen.

E mon repete ki se lentansyon Pension Fund pour li fer tou le lannen en annual general meeting.  An sa ki konsern seksyon 23(2) sa pwen ki Mr Onorab Afif ti fer lo sir-sarz ozordi sir-sarz i R10 oubyen 5poursan tou le mwan lo aryeraz.  Me sa I ganny sarze zis anplwayer, me letan sa larzan I ganny peye lentere lo larzan sa travayer, I ganny donnen e I ganny backdated. 

So sa travayer li I pa perdi.  Pour seksyon 47(2)c ek seksyon 53 kot in annan bokou deba e divers lopinyon in ganny met devan, nou, nou santi ki ti a preferab ki nou retir tou lede sa seksyon.

In annan osi diskisyon lo performans finansyel Fon Pansyon, e wi I vre ki son performans 2017 i mwens ki 2016 e i pour 3 rezon prensipal.  Premye rezon son fair evaluation son bann propriyete oubyen son bann asset an 2017 in bese a 16.5milyon.  Me parkont letan sa fair evaluation ki ganny fer tou le 2an ti fer an 2016, ou a vwar dan rapor I ti valye a 135milyon.  E la an 2018 pour annan en lot fair evaluation ki pour ganny fer.

Dezyenmman in annan en bes lo lentere lo treasury bills an 2017.  Sa I kote reveni.  Lo kote depans in annan plis Manm ki’n deside pran zot pansyon a laz 60an e sa osi I reflekte dan kont ki’n ganny odite pour 2017.  Mr Speaker an sa ki konsern konsidere si nou kapab kontinyen fer en retirety peye dan Fon Pansyon, mon krwar ki nou kapab konsidere e regarde kekfwa si nou ti a limit li pour konmanse inikman a kontribisyon volonter sa retirety.

Lo loan pour travayer in annan en kestyon spesifik sa ki mon kapab enform Lasanble se ki I annan ozordi loan outstanding pour R8milyon.

I annan 5 kategori loan.  I annan car loan, general purpose loan, emergency loan, housing loan, house improvement loan.  Dan sak sa kategori I annan 33 anplwaye pour car loan,

63 pour general purpose loan,

20 emergency loan. Personn pa’n pran housing loan e house improvement loan I annan 5.

Car loan li son lentere I 3.75poursan e tou leres son to lentere i 5poursan e parey mon dir I annan 130 travayer ozordi e poursantaz I varye ant 20poursan a 4poursan anplwaye ki pe servi sa fasilite.

Mr Speaker an sa ki konsern loan pour bann Manm sa ki mon ti a kontan dir se ki dan sa lamannman, pe propoze ki en dimoun ki’n kontribye en Manm ki’n kontribye a laz 55an I kapab retir tou ou retir parsyelman son kontribisyon volonter.

E  mwan mon regard li koumsa, sa I en premye pa ki permet en Manm tir son kontribisyon a laz 55an pour li kekfwa e mon ti a swete pour kekfwa pey en loan konpletman ki I annan, aste en bout later fer en biznes envestir son larzan dan bann keksoz koumsa.  

So I en premye pa e mon krwar ki fodre nou kontinyen regarde ki mannyer nou kapab a lonterm ankouraz sa aktivite.

Mr Speaker an sa ki konsern Minis ki desid saler CEO wi I koumsa dan Lalwa e I kapab ganny enterprete diferan fason.  Me sa ki mon anvi konfirmen se ki Fon Pansyon li I annan en Human Resource Policy ki’n ganny aprouve par son Board e ki I an aplikasyon ozordi e I pour an aplikasyon totalman an Zanvye 2019.

Alor konman Minis mon pa pour desid saler CEO dan mon tousel dan mon biro, mon pour bezwen servi sa bann striktir ki an plas.  Setadir mon kapab demann Chairman Remuneration Komite e ozordi se Mr Robinson pour li fer en rekomandasyon, me li I bezwen konsilte son Manm son Komite ariv lo en rekomandasyon e anvoy li kot Board akoz se Board ki’n kree li.

E apre an konsiltasyon avek Chairman Board mon kapab prezan pran en desizyon lo saler CEO pour mon se sa mon lenterpretasyon ki mannyer nou desid saler CEO.

Letan nou lo saler CEO mon ti a kontan dir avek bann Manm Lasanble ki CEO aktyel son saler I dan band parey Lalwa I demande SB45 ziska 80.  E I tous en allowance tou le mwan R6mil an plis lo sa saler.

Mr Chairman Mr Speaker eskiz mon in annan plizyer lezot pwen ki’n ganny souleve ki’n ganny klarifikasyon e mon ti a kontan tous lo Pirates Arms.  Pirates Arms ou ex-Pirates Arms letan I ti konmanse an 2012, i ti en proze kot ti pour annan de batiman ti pour annan en batiman pour bann biro eksetera, e ti annan en lot batiman ki ti pour annan parking ti pour lo plizyer letaz zis pour parking.

Ozordi proze I diferan. Proze se pour annan en batiman ti pour annan en soubasman kot ti pour annan parking pour annan en ground floor apre pour annan 5 letaz.

In annan retar parey nou konnen e leta lavansman travay se ki di-si Zanvye 2019 pour annan en tender pour konstriksyon sa batiman sa batiman pour ganny konplete ozordi nou anvizaze konplet sa batiman an Zen 2021.  E pour le moman sa batiman I annan en retar 6mwan.  An sa ki konsern propriyete Mancham Fon Pansyon apre 5 evalyasyon ki ti ganny soumet, zot in pran en desizyon pour pran en average sa 5 e zot in aste sa propriyete pour R22milyon.

Maison Simone sa batiman in ganny konplete sa batiman in ganny lwe depi Septanm 2017 e donk dan sa sityasyon Fon Pansyon li I napa okenn problenm akoz I pe tous tou le mwan en rent pour sa batiman.

Huteau Lane li I annan 3 evalyasyon e ti annan en negosyasyon, akoz pri ki Fon Pansyon ti oule ti 17milyon, me apre ti ganny negosye e apre I ti ganny aste pour 18milyon.  Sa propriyeter, sa ansyen propriyeter ti annan en lot offre a en pri en pe pli ser e donk vwala ki’n permet sa negosyasyon.

An sa ki konsern CEO ek son bann voyaz, ek son bann depans, sa ki mon kapab konfirmen Mr Speaker se ki Madanm Nair I pa’n travel First Class lo kont Fon Pansyon.  In al Lanmerik 2an pase lo en training World Bank pour pansyon pandan en peryod 3 semenn.  E normalman Polisi Gouvernman se bann CEO pa travel first class zot kapab travel business class si I plis ki 5erdtan.

Mr Speaker an sa ki konsern misconduct.  Wi mon lenterpretasyon I se ki misconduct I ganny deside par Board Pension Fund li menm.  Pour benefis mon ti a kontan zis klarifye ki en surviving spouse li I ganny 80poursan e letan I annan en spouse ek en zanfan sa spouse li I ganny 50poursan e sa zanfan li I ganny 40poursan.

Alors si I annan 2 zanfan sakenn I ganny lanmwatye.  Me sa pansyoner si in nominate ki I le donn en pe plis larzan son zanfan, I kapab fer li e Lalwa I permet li demann ziska 25poursan an plis.  Donk en zanfan I kapab ganny ziska 65poursan akoz I anvi donn son madanm dan ka en zonm en pe mwens.

Wi Mr Speaker elektronikman Fon Pansyon I back up tou son bann dokiman e sa I egziste ozordi. Lo kote actuarial rezon akoz I tou le 3an I senpleman akoz se sa norm standar enternasyonal, me osi akoz se en legzersis ki kout bokou larzan.  I pa bon marse I ser.  Me akoz I bann dimoun ki spesyalize dan lasirans e osi spesyalize dan premium market so Fon Pansyon pour fer sa tou le 3an.

Bann lezot anmannman par egzanp lo definisyon 60an attaining the age of 60 mon krwar nou dakor avek.

An sa ki konsern bann lezot pwen ki Onorab Hoareau ti souleve, lo sa zafer spouse mwan mon ti’n not divors isi, rezon det akoz si ti annan en diskisyon – ki son rezon det?

Rezon det se ki ozordi Lalwa I permet ou donn en dimoun apre 3an.  Lentansyon la ti annan de lentansyon oubyen nou ti pe pran konsiderasyon de keksoz.

Premye keksoz letan ti fer konsiltasyon avek bann Manm ti annan bokou madanm ki ti rekomande ki zot prefere donn zot zanfan e nou sey accommodate li dan sa fason, akoz zot dan en relasyon pandan plizyer lannen in kontribye e ti en pti pe sa son purpose.

Me an menm tan nou ti okouran ki ti annan sa revision pour civil code e nou’n sey aliny li avek Civil Code.  So I sanble mwan i en pe pre matir ozordi pour nou pran en pozisyon lo la.  So mon ti a prefere nou esper definisyon, desizyon amannman par Lasanble Nasyonal lo sa Civil Code apre nou ava aliny li.  Mon ti a propoze nou fer sad an sa fason.

Lo definisyon en Manm servi sa ki dan Act ozordi mon ok sa mon napa okenn difikilte.  Backpay lentere parey mon eksplike taler lo sir sarz zot gannyen, so sa in ganny kouver.  Transfer Seksyon 40(3) dan Seksyon 35, sa I ok.

In annan diskisyon pour investment offshore pour kapab risky e mon konstat lentansyon Manm Lasanble lo sa pwen.  Zis mon ti a kontan fer remarke ki Fon Pansyon I deza pe osi envestir dan forex dan offshore Sesel, so I pe menm diversifye son portfolio lenvestisman dan nou offshore menm isi an deviz.  Sa se aktyalite.

Mr Speaker an sa ki konsern bann zanfan mon eksplike taler bann poursantaz ki zot gannyen e I annan osi en (SI) 2005 – 2(1) enn ki fer referans avek zanfan spesifikman.

Lo lezot pwen Onorab Ramkalawan in sizere ki nou annan en Appeals Board to the Medical Board Pension Fund, sa mon krwar i toutafe korek.  Lo seksyon 43(3) I dir ki anlev ‘or’ and replace li by ‘and’ sa I ok.

Lo 53(4) in mansyonn PEMC.  Wi ozordi Pension Fund I subject to PEMC, me parey nou pour anmenn en lot lamannman nou pe sizere ki kan FSA I pran sa responsabilite, I ava aport avek FSA.

Lo 53(5) pour ‘shall make available rapor’ nou napa difikilte mon krwar sa I ok.  Nou’n eksplike taler akoz I annan sa drop in surplus so sa pwen in ganny taken care of.

An sa ki konsern lakok pistas, nou ti’n deza fer I annan enpe letan en legzersis pour konnen konbyen I kapab koute si nou ti pour donn en pansyon sa bann dimoun, parey in mansyonn plizyer personnalite.  E mon kapab konfirm avek Lasanble sa letan ler legzersis ti ganny fer I ti pour kout R8milyon.

So mon ava demann Fon Pansyon aktyaliz sa legzersis ki zot in fer, met li azour e mon a kontinyen regarde ki mannyer nou kapab al reponn sa sityasyon.

Mr Speaker finalman Onorab Ramkalawan in demann formil ki nou servi pour peyman, akoz in donn en legzanp e mon ti ava kontan dir ki apartir Zanvye 2015, formil ki Fon Pansyon pe servi I annan 4 eleman ki ganny itilize premyerman se saler mwayen sa dernyen 8an.  Sa I enn.

E tou-le-z-an zot azout en lannen ki ve dir an 2018 par egzanp, I pour sorti 8an i pour vin 9an.

E i osi pran kont tann servis sa manm, me selman son pwen depar se 1979.  I pa al pli lwen ki sa.  So I konmans 1979 son tann servis osi I konte.  Apre I annan en wage growth ki ganny konsidere e en actuarial rate.  Sa I sa 4 eleman Mr Speaker ki ganny servi dan formil pour kalkil peyman pansyon.

E pour fini mon ti a kontan zis osi klarifye ki la nou pe koz Pansyon nou pa pe koz Social Security parey in ganny fer resorti.  E wi Prezidan Larepiblik in dir ki laz Social Security pour 65an apartir le 01 Zanvye 2023.  Mersi Mr Speaker.

 

MR SPEAKER

Mersi Minis.  Bon nou ava in ariv ler pour nou pran en vot lo prensip e merit zeneral sa lamannman – sa Bill limero 34 lo 2017 lo Seychelles Pension Fund.  Mon ava demann tou Manm ki an faver?  Nou pe pran e vot lo prensip e merit zeneral sa Bill en.  Alor tou Manm ki an faver?  Okenn Manm ki kont.  Ok Madanm Clerk.

 

MADAM CLERK

Mersi Mr Speaker.  24 Manm ki an faver.  E personn kont.  Mersi.

 

MR SPEAKER

Mersi savedir sa amannman in ganny aprouvasyon – mazorite.  Mon ava ganny en Formal Second Reading.  Madanm Clerk.

 

MADAM CLERK

A Bill of an Act to amend the Seychelles Pension Fund Act Cap 2(20).  Mersi Mr Speaker.

 

MR SPEAKER

Mersi Madanm Clerk.  Eski nou pour al dan Staz Komite?  Ok?  Nou ava al nou ava move pour nou al dan Staz Komite.  Mon ava demann Sergeant pour move Mace pour nou kapab pran bann lamannman ki devan nou.

Mon ava donn laparol Chairman Bills Committee Onorab Bernard Georges pour prezant e move bann lamannman.  Onorab Georges.

 

HON BERNARD GEORGES

Mr Chair.  Mr Chair annefe nou annan 2 seri lamannman ki’n ganny propoze enn par Bills Committee e enn ki nou fek resevwar de lapar Onorab Basil Hoareau, ki pe met en seri lamannman.

Nou’n osi yer tonm dakor apre lentervansyon Onorab Leader of Government Business pour ki I annan en letid en pe pli aprofondi lo sa Bill swivan serten propozisyon, serten kestyon ki’n ganny demande yer in ganny en pe reponn ozordi par Minis.

E ki ti ava tradwir dan en seri lezot amannman posib ki pa devan nou ozordi akoz se bann keksoz ki fodre ganny diskite.  E propozisyon sete ki Bills Committee, I ava pran linisyativ pour rankontre avek Minis avek Pension Fund e avek Biro Attorney General pour revwar sa bann lamannman nouvo ki pa devan nou ozordi, e pour retourn devan sa Lasanble avan ki nou konklir deba lo sa Bill menm dan Staz Komite.

Sa mon krwar se en desizyon ki’n ganny pran e ki tou dimoun ti ava kontan ki I ganny fer.  Alor mon kestyon Mr Chair se eski bomaten nou devret pran bann lamannman ki devan nou dan sa 2 seri lamannman enn par Bills Committee e enn par Onorab Hoareau?  Oubyen eski nou ava adjourn deba lo sa Bill e pran tou bann amannman a e staz plitar, en fwa ki nou annan sa konsiltasyon avek Minister avek Fon Pansyon?

Nou annan 2 opsyon.  Nou kapab fer en pe ozordi nou kapab fer en pe ler nou retournen oubyen nou kapab adjourn e fer tou laprosenn fwa.

E kekfwa pour ed nou dan pran en desizyon, mon krwar ki enn dan lamannman ki Onorab Basil Hoareau pe anmennen sa enn ki konsern disabled children I son lamannman I focus lo disabled dependence.  Tandis I annan en propozisyon ki’n leve yer ki all children I devret ganny konsidere.

Alor mon poz sa mon demann sa kestyon Mr Chair?  I annan 2 fason pour nou ale e Komite I ava deside lekel ant sa de opsyon ki nou devret pran.  Mersi.

 

MR SPEAKER

Mersi Onorab Georges.  Mon a pas laparol avek Onorab Basil Hoareau.

 

HON BASIL HOAREAU

Mersi Mr Chair.  Mr Chair mon toutafe dakor avek sa ki Onorab Georges in propoze.  Mon krwar olye fer li peacemeal nou asize nou get akoz I annan bokou propozisyon ki’n ganny met devan nou asize nou re get sa bann propozisyon antye.

E nou kapab fer en pli bon travay.  Akoz nou kapab fer en keksoz la apre nou amande la dan ankor 1mwan ouswa lot term letan nou vini nou pour al re amann menm keksoz ki nou amande.

So mon krwar petet sa propozisyon se ki nou adjourn debate lo sa Bill la e once ki nou meet avek Fon Pansyon avek Minis ek son dimoun avek li nou kapab then fer en thorough amendment to the Bill.

Regardan zanfan, annefe sa ti en lot lamannman ki mon ti pe al propoze lo la, parske ki arive se ki zanfan letan mon pe get bann Regilasyon la, mon pe get – zanfan I sipoze kot nou pe koz post retirement death zanfan I sipoze ganny li zeneralman – spouse I sipoze ganny li 50poursan zanfan I sipoze ganny li 40poursan.

E zanfan I ganny define dan Regilasyon konman en zanfan enn ki anba 18an ouswa si i dan ledikasyon formel ziska laz 25an.  E apre lo lot kote se ki Manm Minis in dir poudir I annan provizyon anba Regilasyon 28 kot en dimoun li I kapab dir mon le redwir ki kantite sa 50 poursan ki spouse I le gannyen mon le redwir e pran sa bout donn mon zanfan.

E annefe se sa ki letan mon nou klarifye sa se ki, nou ti pour bezwen annan en lot lamannman lo sa Seksyon, akoz I pa devret vin other than the spouse I devret fer li kler poudir sa I devret endepandan ki pa en zanfan ki annan dezabilite, akoz sansan si ou dir sa depandan I enkli en zanfan avek dezabilite then is as if ou pe redwir son poursantaz pour 40poursan kan I sipoze ganny 50poursan.  Ou war?

So I ti devret klerman vin endepandan avek dezabilite ki pa en zanfan.  Pou fer pour dir li I ganny 40poursan.  So tousala I rezon pour nou reget sa antye avan ki nou pran en lamannman.

 

MR SPEAKER

Mersi Onorab Hoareau.  Onorab Ferrari.

 

HON JEAN-FRANCOIS FERRARI

Mr Speaker.  Mon santi poudir bann repons ki Minis in donn nou in kekfwa par-ler in posib ki in raise serten konfizyon dan piblik, akoz serten repons I mon krwar I annan pour fer avek in ganny eksplike dan Regilasyon.  I annan Regilasyon akote Lalwa tandis ki nou focus lo Lalwa ki devan nou.

Alors pour fasilit nou travay mon ti a demande ki Lasanble I fer available pour tou bann Manm bann Regilasyon anba lekel ki sa Lalwa I ganny aplike pour nou kapab fer sir ki nou refleksyon I konpreansiv.  So avek ou permisyon mon ti a kontan sizere ki sa bann Regilasyon I ganny sirkile silvouple.  Mersi.

 

MR SPEAKER

Ok.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon pran byen kont propozisyon Onorab Georges siporte par Onorab Hoareau but at the same time, mon ti a kontan ki konman Lasanble nou mindful of en keksoz.  I annan serten provizyon dan sa Lalwa ki al anliny avek bann sanzman avek bann Polisi Gouvernman.

So eski nou kapab ganny kler par pran sa lapros ki nou pe pran ozordi eski I annan bann lamannman dan Lalwa ki neseser ganny fer la a sa moman, pour ki I anmenn keksoz ki sanze par egzanp re definisyon retirement bann keksoz koumsa ki al anliny avek bann nouvo Polisi ki Gouvernman in met an plas.

Si napa then nou proceed dan sa laliny.  E si I annan nou bezwen pran kont sa bann propozisyon.  E prezan mindful of nou workload e timeframe within which sa Lalwa I bezwen pase, nou bezwen prezan travay lo en timeframe ki permet Gouvernman ki permet nou donn en Lalwa Fon Pansyon ki a benefisye bann kontribiter e bann members.  Zis sa ki mon ti le klarifye avek Minis.  Mersi Mr Speaker.

 

MR SPEAKER

Wi petet osi nou fer rapel bann Manm ki sa bann pwen I la depi Desanm 2017.  So si ti annan en bezwen pour nou bouz pli vitman avek, I ti a’n vin pli vitman.  Me pa la an Zilyet.  So probableman parey ….  Ou annan en konsern, ou konsern I reel me probableman bann amannman konsidere I pa pour vreman enpakte.  Oubyen bann Lalwa bann mezir ki Gouvernman pe fer pa pour enpakte.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker, bonzour Minis avek ou delegasyon e bonzour tou dimoun e tou dimoun ki a lekout.  Mr Speaker mwan mon krwar ki napa Kestyon Lirzans si ti urgent I ti a’n ganny fer depi yer.  E nou Lasanble I bezwen anvoy en mesaz osi kler avek L’Egzekitiv.  Ou pa kapab pe drag lo en keksoz, apre dernyen kou ou pour vin anmenn kot Lasanble ou vin dir pour dir urgent!

Fodre nou pe regard sa byen.  E an menm tan mon krwar propozisyon ki in ganny avanse I en propozisyon pour fer en sel revi sa Lalwa pour enkorpor tou sa ki nou pe dir, ki parol ki mon ti dir yer, I devret ganny pran an konsiderasyon e petet nou donn en time limit 1mwan; di-si 1mwan la nou pe al dan recess zisteman dan recess si nou ti kapab ganny en pe letan pour konsantre lo la, pour focus lo la.

E ler nou pran Lasanble apre recess sa I ava’n pare, akoz nou pa pe dir … ou konnen dan zes ki nou fer en bout sanzman la, en bout amannman la, nou pas sa Lalwa avek son pti bout amannman, apre ou pour dir Gouvernman vin avek sa plitar letan ou’n fer en gran revi pour al pran ankor 5an oubyen plis.

So nou, nou pe dir annou fer li tou ansanm en sel revi, lefe ki Bill i ankor devan nou, I ankor alive sa Bill la nou pa’n touy li, nou pa’n soz li, nou pa’n fini vot li, apre pour re-anmenn en lot.  I deza la zis son bout amannman.  Nou dakor an prensip.  Tou dimoun in vote bann amannman pe vini, lide Gouvernman fantastik.

E nou pe dir fer sa extensive amendment to the Bill and then the Assembly will consider.  

E lepep la I ava consider tou dimoun e ava benefisye tou dimoun. I ava annan plis transparans.

Par egzanp I annan serten lezot pti pwen kekfwa nou pa’n touse yer, kekfwa nou bezwen pran an konsiderasyon kekfwa.  Par egzanp ler Chairperson pa la, ou annan en meeting Board Chair pa la e CEO I vin Chair otomatikman.  Dapre Lalwa CEO I vin Chair.  Sa osi petet I bezwen regete.

Eski ou bezwen rod en lot mechanism ki CEO I pa soz son lekor li menm, akoz li ki pour la pour petet pour la transparans.  I bann keksoz ki nou pe met devan.  Vwala sa mon pwennvi lo la e mon krwar nou devret bouz dan sa direksyon mwan.

 

MR SPEAKER

Mersi Onorab De Commarmond.  Onorab Ramkalawan.

 

HON WAVEL RAMKALAWAN

Mr Chairman.  Tou sa ki devret ganny dir in ganny dir Mosyon in ganny prezante pour adjournment in ganny segonde annou pran en vot e nou ava bouze.  Mersi bokou.

 

MR SPEAKER

Wi zis anfen mon kontan I annan sa konsansis lo tou lede kote me parey Onorab De Commarmond in leve, nou bear in mind ki Lasanble pe al dan recess, nou pour repran travay 2enm semenn Septanm so petet nou regarde pandan sa recess kot nou kapab Bills Committee kot nou rankontre avek Minis avek son lekip, pour nou kapab pas dan tou.

E ankor la piblikman mon lans en lapel avek Onorab Basil Hoareau, pour fer son retour e ed nou en pti pe dan Bills Committee.  Ou annan bann kontribisyon ki vreman valab e nou Lasanble I bezwen sa bann kontribisyon.

So nou ava pran I annan en Mosyon la pour nou differ Staz Komite me ankor pour konsonmasyon piblik deor I enportan ki travay ki Komite pour fer avek Minis avek son lekip son rapor pour retourn dan Lasanble ler nou pour repran li sa Staz Komite e tou bann amannman pour ganny pas lo la dan Lasanble, pour ki Manm Piblik ava konnen ki bann amannman ki’n ganny take onboard e kwa ki pa’n ganny pran.  Ok?  

So zis pour fer manm piblik konnen poudir napa nanryen pour trakase, nou pour kontinyen fer tou nou travay dan tout latransparans.

Bon nou ava pran en vot dabor lo sa Mosyon pour differ Staz Komite pour en lot dat ki nou ava anonse.

Tou Manm ki an faver?  Okenn Manm ki kont?  Annou repran en vot ankor.  Tou Manm ki an faver?  Ok.  Okenn Manm ki kont?  Ok Madanm Clerk.

 

MADAM CLERK

Mersi bokou Mr Speaker.  Pour Mosyon pour postpone deba lo Seychelles Pension Bill mon rikord 27 Manm an faver.  E personn kont.  Mersi.

 

MR SPEAKER

Wi.  Mersi.  Bon savedir Mosyon in pase deba pour lo Bill lo sa amannman Pension Fund in ganny anvoye a en prosen dat.

Savedir deba lo Komite pour pran bann amannman.  Bon avek sa nou ava retourn Komite the whole Assembly – Sergeant.

E nou ava eskiz CEO  -mon krwar zis CEO ki pour ale.  Nou ava eskiz CEO Pension Fund parmi nou Madanm Nair mersi bokou pour ou prezans pour sa de zour.

 

(CEO PENSION FUND MRS NAIR WAS EXCUSED FROM THE HOUSE)

 

MR SPEAKER

Bon nou ava ganny le de Manm Mr Alexander e Mr Auguste ou ok Mr Alexander I ava move akote Minis pour nou fer Second Reading sa 2enm amannman ki devan nou pour International Trade Zone.  Ok mon kapab ganny en Mosyon pour Second Reading.

 

HON CHARLES DE COMMARMOND

Mersi Mr Speaker.  Bonzour ankor enn fwa tou dimoun.  Mr Speaker anba Order 64(2) nou Standing Order mon le move ki The International Trade Zone (Amendment) Bill 2018 I ganny lir en Dezyenm Fwa.

 

MR SPEAKER

Mersi Onorab De Commarmond.  Okenn Manm ki segonde?

 

HON SEBASTIEN PILLAY

Thank you Mr Speaker.  Mon le segonn sa Mosyon.

 

MR SPEAKER

Mersi Onorab Sebastien Pillay.  Mosyon I segonde.  Mon ava pas laparol avek Minis pour li entrodwir sa amannman.  Minister.

 

MINISTER MAURICE LOUSTAU-LALANNE

 

Mersi Mr Speaker.  Ozordi mon pe vin devan zot pour prezant avek Lasanble Nasyonal pour lamannman Prozedlwa pour Zone Komers Enternasyonal parey I ti anonse dan Bidze 2018.

Mr Speaker dan L’Acte Zone Komers Enternasyonal ti ganny inogire an 1995.

Apre 23an Gouvernman I santi ki ler pour revwar sa Act pour met anliny avek meyer pratik enternasyonal.

Konmela anba Seksyon 14 Minis pa kapab met an plas okenn Regilasyon ki kapab dan dezavantaz en operater, ki dan Komers Enternasyonal.

Par egzanp tou bann biznes ki pa dan sa rezim I mandatwar pour zot pey 13enm Mwan Lapey.  Sepandan bann biznes ki dan sa sekter komers pour le moman I pa mandatwar pour zot pey 13enm Mwan Lapey.

Alors Mr Speaker nou pe vin avek sa lamannman pour nou retir sou-seksyon 2 anba Seksyon 14, pour permet ki Minis I kapab vin fer okenn Regilasyon me sa I pour fer avek konsiltasyon bann operater ki dan sa sekter.

Mr Speaker apre ki nou’n ganny aprouvasyon Lasanble pour sa lamannman nou pour anmenn bann lezot amannman sa Lalwa.  Sa bann lamannman ki nou espekte vin avek, I enkli duty. Bann biznes dan sa sekter pour kontinyen benefisye avek bann konsesyon duty, sepandan se pa pour aplik pour bann veikil ki’n aste e pour servi an deor sa zone.

Aktyelman bann biznes ki’n anrezistre anba sa Act pa bezwen pey Fon Pansyon e 3enm Mwan Saler pour bann anplwaye Seselwa.

I annan 744 dimoun anplwaye par sa bann lakonpannyen.  Donk apartir 2019 I pour vin mandatwar pour sa biznes pey Fon Pansyon e 13enm Mwan Saler pour zot anplwaye.

Mr Speaker pour ki sa bann sanzman Polisi I vin legal bann lamannman legal pour bezwen ganny pibliye avek laprouvasyon Lasanble Nasyonal.  Alor mon pe prezant dan sa Lasanble bann lamannman dan Lalwa Zone Enternasyonal 1995 pour zot konsiderasyon e laprouvasyon.  Mersi Mr Speaker.

 

MR SPEAKER

Mersi Minis.  Bon deba I ouver mon ti a kontan ganny bann Manm ki pour entervenir.  Ok Onorab Afif.

 

(Mic Off)

 

MR SPEAKER

Nenport.  Fir a mezir.  Mon napa speech list avek mon – fir a mezir.  OkGo ahead Onorab Afif.

 

HON AHMED AFIF

Mersi Mr Speaker.  Bonzour Minis bonzour tou bann Manm Lasanble e tou dimoun a lekout.  Mr Speaker sa lamannman devan nou I en lamannman tre senp I zis en laliny.  En laliny ki dir,

‘’The International Trade Act i hereby amended by repealing in section 14 sub section 2.’’

Prezan si nou al dan sub section 2 ki nou pe al repeal – sub section 2 I en Clause ki efektivman donn proteksyon avek tou bann dimoun ki’n annan en license anba sa Lalwa anba International Trade Zone.

I dir si zanmen Lalwa I sanze dan en fason, lo sa bann operater, sa lamannman ki ou fer pou napa lenpak lo zot.   I pa pou aplike pour zot.   Mr Speaker sa proteksyon ti ganny mete dan Lalwa an 1995 kan Lalwa ti entrodwir.  Depi ler Lalwa i entrodwir sa Lalwa ti vini.  E son listwar sete sa lepok ti annan en bezwen pou atir serten lenvestisman dan Sesel.

Par egzanp ler Gouvernman ti dan Biznes e i ti annan Conserverie De L’Océan Indien, e i pa ti kapab fer profi zot ti ankouraz HEINZ letan pou vin Sesel.  E se zisteman dan sa letan akoz zot ti pou rod bann nouvo lenvestiser ki konn zer bann gro biznes ki annan teknolozi – sa lepok forex osi ti en eleman enportan ti pou atir zot ou vin Sesel pou envestir.

Me pour fer zot kapab vini lankourazman sete ou ganny trete en pe diferan avek tou larestan lakonpannyen dan Sesel, pou la senp rezon ki ou, ou pou en dimoun ki pou fer en keksoz diferan.  Ou pou eksporte e nou pa ti eksporte bokou sa letan. Alors sanmenm sa in apel li the International.  Ou pou dan komers enternasyonal, ou pa pou tro domestik

E anba sa Lalwa ti dir par egzanp ou pa pou pey business tax.  Ou pa pou pey Trades Tax ki Customs. E answit zot ti tri bann lezot obligasyon parey sa lepok ti napa income tax ti annan social security.  Sa osi pa ti bezwen peye.  Alors zot ti dir ek li esansyelman vin isi anmenn ou forex etabli anploy Seselwa, eksporte, anmenn deviz Sesel, fer nou Por marse, fer tou bann keksoz marse ki annan pou fer ek eksportasyon marse e an retourn nou donn ou sa konfor ki sa rezim tax ki ti enportan pou ou antre Sesel, pa pou aplik dan okenn fason diferan pou ou.

E mon rapel dan lepok ler sa Lalwa ti pe pase enn bann premye lakonpannyen ki ti vin apply pou sa license sete IOT.  Gouvernman ti vann 40pourswan par ladan – non 60pooursan par ladan i ti vann sa avek HEINZ.  Sa lepok la i ti fer baked beans Petersburg e zot ti vini zot ti envestir e zot ti met faktori e en sel kou zot ti komans prodwi.

Me Hinns an plis ki tou sa bann proteksyon, ki Lalwa ti donn li   ti dir avek li i anvi en License pou 25an.  I ti demann sa an plis ki sa.  E apre dan Lalwa i war osi Clause 14 (2) ki ozordi nou pe al repeal.   In ganny propose pou repeal e sa i dir ek li napa nanryen ki Gouvernman pou kapab fer a lavenir ki pou afekte ou dan en fason advers ki ou, ou pou oblize aksepte.  Parski i pa pou aplike pou ou.

Alor avek sa bann kondisyon zot ti envestir.  Apard HEINZ in vin Chelle Medical ki li i obor Seybrew.  Mon krw3aqr ki ozordi i anploy 60 dimoun.  I fer zoli eksportasyon e li osi in vin Sesel dan menm lepok.

Swivan sa nou’n ganny bann ki’n fer fish oil.  Zot pran pwason zot tri sa delwil.   Sa osi zot eksplwate, zot eksporte.  E swivan sa i annan lezot ankor ki’n antre dan ITZ.  E ozordi nou annan Ile Du port Holdings ki mon krwar li oi si annan en ITZ License parski i dan en biznes ki zot konsider li en service center i dan leksportasyon.  E sa bann dimoun zot envestir lo en baz.          Zot pe envestir souvandfwa pa zis 1milyon Dolar me plizyer milyon Dolar. Zot bezwen konfor pou zot vini.  E i kapab ganny argimante ki petet nou’n donn tro bokou.  Nou’n donn tro bokou ozordi nou nepli annan problenm forex eksetera nou kapab atir lezot lenvestisman, alor annou komans tire sa bann proteksyon.  I en largiman ki nou kapab fer.

Me mon krwar nou osi bezwen mazinen ki koman en pei ki respe lenvestiser e ki anvi donn konfyans lenvestiser.  Nou pa kapab dizour a lannmen sanz kondisyon anba ki zot in envestir.  Plizyer milyon Dolar anba ki zot anploy Seselwa.  Mon krwar si nou fer sa dizour a lannmen, nou pou detri sa konfyans ki envestiser i envesti dan Sesel.

Mr Speaker mwan si ou demann mwan, par egzanp ozordi nou pe kot 13enm Mwan. – 13enm Mwan lamannman ki nou’n fer sete anba Employment Act kot nou’n fer li obligatwar pou tou dimoun ki tonm anba Employment Act pou zot pey en 13enm Mwan

Bann lakonpannyen ITZ zot pa tonm anba Employment Act parski sa i ganny egzonere.   Zot ganny exempted ek sa zot.  Zot, zot tonm anba ITZ Employment Regulations ki Gouvernman ozordi i kapab kase ler Regilasyon ti pey 13enm Mwan.

Me Anba14 (2) zot kapab vin kot ou e dir la ou’n as en Regilasyon wi i aplikab dan ITZ me nou pa ti aplikab pou nou sa letan, alor nou pa pou aksepte li.   Sa i largiman ki valid zot kapab fer.  Me ozordi i annan konpannyen ITZ ki pe pey 13enm Mwan.  E bann gro pe pey 13enm Mwan.  Zot pa oblize zot.   Zot pe fer.

IOT par egzanp i pa pe peye.  I annan lezot pe peye.  I annan lezot Lalwa ki nou’n pase par egzanp Income Tax Act, ti ganny pase an 2009/2010 zot pa ti oblize aksepte sa zot.  Pa ti oblize parski zot ti pou’n entrodwir en nouvo Lalwa ki pou vin advers pou zot parski la zot bezwen pey zot travayer plis pou zot tir tax e donn li Gouvernman.  E zot in fer li.  Zot in fer li akoz Gouvernman in gard son promes me in negosye.

Akoz tou keksoz dan lavi i sanze – tou keksoz i sanze dan lavi.  Ou annan kondisyon ki sanze.  E  Gouvernman   i kapab dir me sa lepok kondisyon ti koumsa, me selman Lalwa kondisyon ki nou pe ofer ou i reste me konpran nou – konpran nou annou travay ansanm negosye e nou ava ganny en keksoz ki bon. I bon pou ou i bon pour mwan.  Akoz Gouvernman osi i kapab dir avek en ITZ operator ou pa dakor avek sa ki mon pe dir, mon kapab menm repeal Lalwa antye. Mon kapab repeal Lalwa antye e prezan ou al kot Licensing Authority ou rod en License pou ou fer fish processing. Ou kapab fer sa.

Apre ou a pey business tax ou a pey tou.  Sa osi i posib.  Be akoz i pa fer? I pa fer akoz i dir ek li mon’n donn ou en serten proteksyon.  E si mon pou sanz okenn proteksyon ki mon pe donn ou, mon a koz ek ou mon a negosye.  E sa bann lakonpannyen mon konnen   zot dominer e zot for tou me selman koman nou koman en Gouvernman nou osi met lipye ater.  Nou osi nou dir ek li ou dan Sesel ou pe servi nou resours, ou pe servi en benefis ou prezans dan Sesel i stratezik; par egzanp si ou pe koz lo pwason, ou pe process ou pwason.  Kot ou lapes pwason i pli bon fer sa ki ou al fer dan en landrwa dan milye Lafrik.

Kekfwa Ghana ou kapab fer obor lanmer.  Me alor ou annan en lot lavantaz pou et dan Sesel.  Alor servi sa koman en negosyasyon.  Ou dir ek li be nou osi nou kapab tir tou sa bann Lalwa fer ou vin parey nenport ki lakonpannyen.  Parey Seybrew; parey Cable & Wireless parey nenport dimoun ki anploy bokou dimoun me ki pe prodwir.  Prezan li i a kalkile si i pou kontinyen koumsa oubyen al dan en lager.

Me souvandfwa sa bann dimoun se businessmen.  Sa bann dimoun zot pe mazin pou zot aksyonner zot pe osi mazin pou nou tou zot pe dir ou zot pe mazin pou ou zot anvi kree lanplwa pou  ou, me nou ki bezwen pey sa.  Nou ki bezwen fer sir nou pa sanz kondisyon ki demen bomaten nou war plizyer bann ki gro, i seryezman konsider re-deplwaye.  Zot kapab fer.

Mon get en konpannyen pare Chelle Medical ki anploy 60 dimoun dan lanplwa, I kapab redeplwaye akoz I annan faktori Singapour I annan faktori Lanmerik I annan lezot landrwa kot I pe operate li I kapab fasilman bouze akfer I bezwen stasyonn li Sesel?

Petet I annan kondisyon ki bon me si dan en sityasyon ozordi nou anvi atir envestiser, be selman an menm tan nou pe montre zot poudir nou kapab azir lebra for san negosye.  Nou azir dan en fason brit akoz si ozordi nou pas sa nou tir 14(2) demen bomaten, demen bomaten Gouvernman I kapab pas nenport ki regilasyon I kapab al dan ITZ Regulations par egzanp repeal en (SI) ki Schedule ki donn business tax exemption tire, demen bomaten I oblize pey business tax.  E zot pe mazin sa zot.

Zot pe mazinen zot pour dir wi ou pe ou pe dir nou be ou pa pe al atak nou selman ou’n fini met ou boxing glove, ou’n fini met pare pour ou tap nou ou.  E ou kapab tap nou.  Selman ou dir nou, ou byen avek nou.  Pa pour donn konfyans lenvestiser.  E mwan mon per, fransman mon per ki si nou pran en latitid koumsa sa bann dimoun pour perdi konfyans dan Sesel.

E se si ou ti dir mon nou annan zis detrwa pti lakonpannyen ki anploy zis detrwa dimoun e pa ti pour fer en diferans.  Mon ti a mazin 2 fwa.

Be ler mon get groser lenvestisman ki annan Sesel par egzanp Chelle Medical par egzanp IOT ki fer fish oil Ile Du Port Holding I annan plizyer lezot.   Mwan mon konnen zot pe fer byen Sesel.  Mon napa problenm ki zot fer byen dan Sesel, me a kondisyon ki lezot dimoun a fer byen Sesel.

Nou kree lanplwa nou kre aktivite dan por nou kree lezot aktivite ki servi zot, par egzanp zot lwe lakaz, zot zanfan I al lekol isi I annan en kantite benefis ki arive.

Alor mwan mon krwar parey lamannman in ganny mete I danzere. I danzere parske nou pour donn en posibilite pour dimoun fer desizyon vit ki kapab afekte Sesel.

Mon ti a konpran si ti annan en lamannman ki dir nou sa I kapab vin an lefe dan 10an ou donn zot sa timeframe envestiser I bezwen sekirite li ou donn en timeframe.  Prezan dan sa letan ou kapab vini negosye ou kapab vini dir be get sa 13enm Mwan I en keksoz ki pei in aksepte.  Ou konnen I pa tro bon lo anplwayer me pei in aksepte. Me zot laplipar di-tan zot pour aksepte, parske ou kapab trade avek zot I annan plizyer keksoz konman en Gouvernman ou kapab trade ek zot.  E zot pour aksepte.

So mwan mon ti a fortman sipor en propozisyon kot nou, nou pe al montre poudir nou azir dan en fason sivil.  Nou pa azir dan en fason radikal pour retir karpet anba zot lipye sitan vit koumsa.  E zot trouv zot dan en sityasyon kot zot per, e zot krwar I annan plis pe vini perdi konfyans zot ferm serten biznes nou perdi lanplwa pour Seselwa – I danzere.

Si nou krwar poudir nou annan en lobzektif e nou anvi zot pey 13enm Mwan annou met zefor negosye.  Zot pour peye.  Zot pour peye.  Zot pour peye.  Sa bann dimoun pour peye parske I annan lezot kart Gouvernman I kapab zwe ek zot.  Toultan I annan.

 IOT par egzanp I pey income tax ozordi pa ti abitye pey pansyon pey pansyon tou ozordi zot pa ti abitye pey landing fee, zot peye landing fees ozordi.  Tou sa bann keksoz pa ti egziste.  Tou sa bann keksoz I vin advers lo zot be pa zot in aksepte?  Zot in aksepte.

E mon asire si Gouvernman demen I vin ankor avek lezot kondisyon zot pour aksepte zot I depan ki mannyer ou negosye ek zot.  E mwan mon krwar dan lavi ler ou’n fer en promes lo sa lanpler I pa normal konman en pei ki ou ale redi karpet en sel kou.  Sa I en sel kou sa.  Si ou pe donn notis I en lot keksoz. Nou donn notis dan 5an dan 10an parske sa bann dimoun I fer en plan lon term zot fer en plan 25an – 15an e ler ou vini en sel kou overnight ou redir sa, I pour annan plis dezavantaz pour ou ki okenn avantaz.

Mwan mon konpran lavantaz mon konpran pozisyon ki ou pe sey gannyen.  Ou pe rod en lavantaz ou pe dir demen en keksoz I aplike I vin deswit lo li.  Be pour li I vin en dezavantaz ki I pa’n zanmen mazinen I pa ti pe espekte ki ou pour fer sa e sa I detri konfyans.

Alor mwan pour mwan Mr Speaker mon pa kapab siport en lamannman – sa lamannman ki pe propoze.  Mon krwar I danzere pour nou.  E I pour detri lenvestisman Sesel – dan ITZ sirtou.  Mersi Mr Speaker.

 

MR SPEAKER

Mersi Onorab Afif.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker an 1995 ler Sesel ti pas sa Lalwa pei ti dan en lot konteks e nou ti annan en diferan diskisyon otour fer grandi nou pei.

Be ozordi nou 2018 e nou bezwen annan en diskisyon ki suite 2018.  Nou pa kapab annan en diskisyon ki suit 1995.  Mon dezapwente, mon sagrinen e mon konsernen par lentervansyon lentervenan avan mwan, akoz mon krwar poudir I annan en konfizyon an sa ki konsern latransparans lo lot kote latab.

Mon pour sit detrwa legzanp avan mon vin lo sa lamannman Lalwa.  Pa bokou letan pase dan sa Lasanble Onorab Ferrari ti demande ti vin kontiny en (SI) akoz I santi poudir en konpannyen Seselwa pe benefisye dan en fason tro bokou atraver bann konsesyon fuel dan sa (SI).  Sa ti en konpannyen Seselwa.

E I ti dir poudir in koz ek Minister Finans akoz sa 10 lakonpannyen pe benefisye tro bokou.  Me si ou pour demann nenport ki dimoun ki regard sa Lalwa SITZ e ou regard sa lakonpannyen ki ladan, me bokou dimoun pour dir ou sa lakonpannyen ozordi avek sa bann konsesyon zot pe benefisye, zot benefisye, tro bokou.

Alors mon pa konnen akoz ki LDS mon pa kapab dir LDS akoz zot tou zot pa ankor koze mon pa konnen si I annan freedom of expression taler pour eksprim son lekor dan latransparans, mon pa konnen si zot pour fer taler Mr Speaker.

Me mon dezapwente akoz ozordi zot pe montre nou klerman, ki dan LDS ler in ariv ler pour koz latransparans an sa ki konsern sekter biznes, zot pare pour zot kritik nenport ki konpannyen lokal.  Me an sa ki konsern offshore, sa ki konsern sa SITZ nou pa dir nanryen, nou pa koz lo la!

Me zot pe bliy en keksoz enportan.  Sa ki pe retire dan sa Lalwa se pe met provizyon ki Minis I kapab fer Regilasyon e zisteman si Regilasyon I santi zot demen regilasyon I al an deor sa ki apel en logical practice, dan sa domenn  Nou a quash, zot a quash Regilasyon zot annan en mazorite.

Be kwa ki zot per?  Kwa ki zot per pour ki nou annan sistenm an plas pour ki nou regard sa bann konpannyen?  E annou get byen zot in mansyonn de konpannyen An partikilye.  Pour ki rezon nou pe mansyonn zis sa de konpannyen an partikilye akoz ki nou bezwen pe koz lo bann konpannyen?  Wi lo COSPROH ou pare pour fer investigation selman lo sa board ou pa le met transparans?

 

(Interruption)

 

MR SPEAKER

Ok Onorab.  Order! Order! Order! Onorab en moman.  Deba I lo sa amannman ITZ.

 

HON SEBASTIEN PILLAY

Be Mr Speaker,  yer deba ti lo Lalwa Fon Pansyon ou ti allow deba pour ariv lo credit card ki kapab servi pour Fon Pansyon e ou pa ti dir nanryen!  La ozordi ler mon pe fer mon pwen….

 

(Interruption)

 

MR SPEAKER

Order! Order! Order! Order! Order!

 

HON SEBASTIEN PILLAY

…vizavi komanter ki LDS in fer….

 

MR SPEAKER

Order! Order! Mon a pe koze Onorab.  Parol I pour mwan – ok?  Ou komanter ki yer mon ti allow deba; deba ti konsantre lo Fon Pansyon.  E ti annan plizyer amannman – ti annan plizyer pwen lo son main Act I ti ganny touse.

 

HON SEBASTIEN PILLAY

…be i pa ti lo Bill Mr Speaker!

 

MR SPEAKER

Attends.  Attends.  Attends, mon ava fer mon pozisyon kler.  Ler en Manm pe interject ou annan laparol, ou konsantre lo ou lentervansyon lo ou ITZ.  En Manm I annan drwa fer en pti komanter in fer en pti komanter laba lo COSPROH.  Ou, ou konsantre lo ou lentervansyon ki ou pe fer.

Ler mon santi…

 

(Interruption)

 

MR SPEAKER

Order! Order!  Ler mon santi ki sa interjection I pe afekte ou entervansyon, mon antre.  Pa les sa bann interjection sirtou sorti kot Onorab Sandy Arissol I afekte ou, me ou kontinyen dan ou lentervansyon.  Laparol I pour ou Onorab.  ale annou kontinyen.

 

HON SEBASTIEN PILLAY

Mersi.  Mersi Mr Speaker.  Mr Speaker mon krwar ki nou bezwen regard sa sekter dan en fason diferan ozordi.  Akoz nou bezwen regard li dan en fason diferan, e la mon pour appeal to your to tou Manm your better sense of judgement e tou sa ki nou dir dan sa Lasanble.

Tou sa ki nou’n koz lo principle of fairness, the principle of transparency. Mr Speaker person pa le fer per okenn lenvestiser dan nou pei.  Personn pa le met sityasyon kot lenvestiser I ale dan nou pei.  Me mon kapab dir poudir I posib ki bann aksyon ki lot kote in pran I kapab osi fer per lenvestiser pour vin dan nou pei!

Eski sa zot pa pe mazin lo la?  Eski sa I pa’n kree pour annan en sekter biznes ozordi ki less stable and less secure vizavi lenvestisman?  Sa osi I bann kestyon ozordi ki nou kapab demande.

Me ozordi Mr Speaker mon pe appeal to your better sense of judgement mon bann koleg Onorab, pour nou vreman regard sa sekter and what has been happening dan sa sekter SITZ.

Pour le moman ozordi ler nou regard Lalwa Mr Speaker I annan tro bokou konsesyon ki pe ganny donnen avek sa bann sekter.  E nou koz lo sa lespri donn konsesyon an tro.  Yer menm nou ti pe koz lo business tax e nou’n koz lo lesansyel ki en dimoun ler I dwa tax I bezwen peye.  Alors pour ki rezon ki ler nou pe dir Gouvernman a negosye, e negosye for, fason pli for ki en Gouvernman I kapab negosye, se atraver en Lalwa e Lezislasyon ki I met an plas.

Me ozordi nou annan loportinite Mr Speaker pour ki Gouvernman I kapab met an plas en provizyon Regilasyon ki ava lans en mesaz avek sa bann konpannyen dan SITZ ki ava lans ek zot ok nou annan en prensip travay, nou pa pe dir sanz nou prensip travay me nou pe dir dan context 2018 se ki, ou konpannyen in grosi in ariv sa nivo ki in arive and now it’s time to dance with the tune of the piper e the piper se Gouvernman Sesel e non pa sa bann lakonpannyen ki pour deside lekel I ete.

Se sa lesansyel sa lamannman Mr Speaker.  Nou pa kapab dir dan en Lalwa ozordi e mon fermeman kont sa sistenm kot nou annan nou de pwa de mezir, an se ki konsern bann dimoun ki fer biznes Sesel.

Nou pa kapab pare pour nou kritik en tax payer ki pa’n pey son tax, akoz mwan osi e mon kestyon ki mon ti demann Minis yer sete, si en dimoun I dwa tax I bezwen peye, me lo lot kote nou pa kapab annan bann konpannyen ki tonm totalman an deor tou bann Regilasyon neseser ki fer li lozik e fair, transparan an sa ki konsern travayer.

Nou pa kapab dir nou leave it up to you pou deside nou ava negosye ek ou si ou devret pey 13enm Mwan, kan en Lalwa dan lot kote in fer sir ki tou lezot konpannyen I bezwen pey sa 13enm Mwan!

Nou pa kapab adres en sityasyon kot enn nou frer ou enn nou ser Seselwa, akoz I anploye dan SITZ, I pa pour benefisye dan sa Lalwa lanplwa akoz sa bann konpannyen I ganny exempt from sa kalite from sa bann Lalwa.  Nou pa kapab fer sa Mr Speaker.

E sa bann konpannyen nou tou nou bezwen admet zot in fer biznes, zot in grosi en kantite dan Sesel.  Akoz letan lezot biznes in grosi  dan Sesel lo lot kote latab, zot kontinyelman dir ki nou bezwen met an plas kontrol, nou bezwen kontinyen met an plas Regilasyon; nou bezwen met an plas transparans, me ler nou pe koz latransparans an sa ki konsern offshore, an se ki  konsernan SITZ nou pa oule koz lo la dan sa Lasanble.

Nou pa oule aksepte poudir nou pe fer bann sanzman ki pa neseser, an sa ki konsern bann Lalwa Offshore.

E la ozordi la I vin en sanzman ki anmenn plis transparans dan en sekter, nou pa oule fer li.  Nou koz kont li, nou kosyonn Gouvernman ler I fer li.

Mr Speaker Gouvernman wi I bezwen negosye ek bann konpannyen.  I enportan pour li negosye avek bann konpannyen, but we’ve reached the point konman en Gouvernman, konman en sistenm e koman en pei.

Konbyen fwa lo lot kote latab nou koz lo Eden Island?

Konbyen fwa nou koz lo bann lenvestisman ki in arive lo Eden Island?  Nou blanm Gouvernman ki la nou dir Gouvernman ki la in les sa bann dimoun fer isi, fer laba.

Gouvernman I reakte baz lo bann konsern ki zot in eksprimen, ler I reakte lezitimman I vin avek en provizyon devan nou, nou pa pare pour nou regard li dan sa fason, e nou al rod tou lezot leskiz pour nou dir akoz Gouvernman pe vini la I pe sanz kondisyon; nou antre dan ring ti annan bann Lalwa Bokse nou sanz Lalwa, la nou pe fer karate dan ring.

That is not the case Mr Speaker!  The case is very simple.  Nou pa kapab annan nou en travayer ki ganny anploye par en takeaway Beau Vallon en take away anvil ki sa takeaway pe pey li 13enm Mwan Saler.  Sa take away pe pey son tax. I pe pey tou son dues ki I bezwen peye, me lo lot kote ou ganny ou en konpannyen ki pe fer millions of rupees, mes amies pa R1! Millions of rupees ki ou menm ou pa ni konnen ozordi konbyen sa bann konpannyen pe vreman fer!

Ou pa ni konnen konbyen sa bann konpannyen pe fer, e prezan ou pe allow sa bann konpannyen to get away – to get away with murder, par lefe ki nou pa le enpoz bann Regilasyon.

E mon pa pe dir sa bann konpannyen pa pe fer okenn keksoz ki mal.  Be mon pe dir ki there’s no clarity as to what is happeningAnd now Mr Speaker annou etre fran e mon krwar loportinite ki nou annan konman Lasanble ozordi se pour dir ok, nou’n annan lenstans kot ler en (SI) I vini, e Lasanble in santi poudir sa (SI) I pa dan laliny latransparans.  I pa al dan laliny fairness, Lasanble I dir quash sa (SI).

Nou annan de legzanp.  Nou annan (SI) lo Lanvironnman.  Nou annan (SI) prezaman – en (SI) Finans an se ki konsern konsesyon fuel lo konpannyen.  Ok?  Alright.  Mr Speaker…

 

(Interruption)

 

MR SPEAKER

Order! Order!  Onorab Pillay I annan laparol, zot non I lo Order Paper.  Zot non I lo mon lalis zot ava entervenir apre.  Onorab Pillay kontinyen.

 

HON SEBASTIEN PILLAY

Mersi Mr Speaker.  Mr Speaker mon kontinyen.  In the first case Mr Speaker, nou ti dir debat lo (SI) e after sa (SI) ki ti annan nou ti pran serten mezir konman en Lasanble pour nou tackle en sityasyon – okNow I annan zis en (SI) ki nou ti ladan la mon pa dir nou al dan 2 (SI) zis enn.

Me lo 2enm (SI) nou ti koz lo la emulation to en konpannyen ki pe ganny konsesyon, ki nou santi poudir I pa devret pe gannyen.

But the point Mr Speaker, the point ki mon le fer se ki si nou pare konman en Lasanble ler (SI) I vin devan nou e se sa ki pour arive anba sa Lalwa prezan, (SI) ki pour vini devan nou pour dictate kwa ki pour sanze dan sa Lalwa.  Se sa ki nou pe donn Gouvernman.

Nou pe basically dir avek Gouvernman ok ou dir ou ti napa zouti pour ou kapab asize dir avek IOT la la 1,2,3,4,5, ki mon le ou fer regarding bann kondisyon an sa ki konsern fairness e egalite pour nou bann travayer, la la ki mon le ou fer e mon le ou fer x, y, z e IOT I konnen poudir ler I sorti dan lasanm, be tyonbo en kou be Gouvernman Sesel I annan drwa anba sa Lalwa fer serten keksoz.  Alor mwan osi mon bezwen montre, and play ball dir lala be I en win-win situation.

Nou pa pe sanz the major condition ki relye avek Lalwa SITZ nou.  What we are saying annefe there is no repeal of sa bann exemptions ki zot pe gannyen par SITZ.  Annou pa confuse lepep Seselwa out there poudir 2 zour a lannmen sa bann kondisyon pe sorti e sa bann envestiser pour ale.

Annefe napa okenn sa bann kondisyon ki sa bann konpannyen in set up lo la, ki I pe sanze.  Le sel keksoz ki pe sanze, se ki Gouvernman pe now take up the ownership of making changes to the law ki avan sa, i pa ti kapab fer.

Se sa ki devret sink in pour nou pep ki pe ekout nou out there.  Gouvernman pe ganny loportinite ozordi pour antre dan sa ring avek a better pair of boxing gloves, avek en better pair of boots e avek better training pour li kapab deal avek en sityasyon ki I dan lepase I pa ti kapab deal avek.

E ou pa kapab dir mwan ozordi poudir en parti ki stand pour latransparans, en parti ki stand pour fairness, ki’n koz en ta koze dan Lasanble pour ozordi gard en sityasyon ki pa dan kler ki parey I ete, akoz zis mon krwar poudir I annan proteksyon lo serten lentere around sa.  Mon pa dakor Mr Speaker.

Mon pa dakor ditou.  Mon krwar poudir nou have to own up to the responsibility ki nou annan konman bann MNAs.  

E la mon challenge bann Manm LDS lo lot kote latab ki’n koz lo latransparans dan lepase; ki’n koz lo fairness; ki’n koz lo fer sir ki I en playing field ouver – en playing field ki fair.  Zot in koz lo la let us see if you can put your money where your mouth is, pour nou gete konbyen zot lo lot kote latab ki entervenir avek diferan avek sa ki Mr Afif in dir.

Mr Speaker Onorab Afif in fer en very important argument.  In fer en very important argument Mr Speaker.  Onorab Afif in dir poudir nou pa devret fer per lenvestiser e lo la Mr Speaker I agree with him entirely.

Nou pa devret kree kondisyon pour ki lenvestiser I ale dan nou pei and if that is the intention Minis then law is coming with the wrong frame of mind, ok?   

But, but, but the intent Mr Speaker legalman – the intent Mr Speaker legalman se ki nou donn Gouvernman sa abilite pour li kapab negosye.  E  pour servi parol Onorab Ferrari, mon pour tre sagrinen si mon vwar Onorab Ferrari ki li I prezant son lekor konman paragon of virtue la anndan, i pa’n fer nanryen mal, e I pour li vin dir poudir ki dan sa Lasanble …

 

(Interruption)

 

HON SEBASTIEN PILLAY

Mon a retract Mr Speaker. Mon a retract sa stetment.   Mon retract.  Ok?

 

(Interruption)

 

HON SEBASTIEN PILLAY

Non, be ou bezwen cool down Onorab Ramkalawan! Mon annan drwa koze dan Lasanble Mr Speaker.

 

(Interruption)

 

 

MR SPEAKER

Order!

 

HON SEBASTIEN PILLAY

…. Bill!  Zot annan en problenm lo sa ki mon pe dir?

 

(Interruption)

 

MR SPEAKER

Order!  Order!  Onorab Ferrari ou non I lo lalis ou pour koze. Onorab Ramkalawan, annou permet Onorab Pillay fini.  Nou ava pran en break apre nou ava retournen.  Onorab wrap-up ou annan ou de minit wrap-up.

 

HON SEBASTIEN PILLAY

Mon toultan byen apresye Mr Speaker, mon toultan byen apresye ler mon bann koleg lo lot kote latab in anmenn bann mezir ki nou annan plis latransparans.  Mon toultan apresye. E ozordi mon pe ekspekte ki ozordi ki zot fer parey ankor poudir ki zot fer parey ankor.  E pour mon siport zot parey mon fer ler nou fer keksoz ki byen pour nou pei.

Mr Speaker mon krwar dan mon bann koleg lo lot kote latab. I believe in them.  Mon krwar poudir zot pour fer the right decision ozordi.  Mon krwar ki zot poudir zot get dan zot leker zot pour regard sa ki zot in dir dan Lasanble zot pour regard lo sa ki zot in koz lo la Onorab Henrie pour regard bann commitment ki ti fer lo latab Freedom Square, kot I ti dir poudir ‘’nou pour anmenn plis latransparans!’’ I believe in that fervor.  E mon konnen I pour fer li e mon konnen ler I pour ariv pour sa Lalwa I pour vot an faver.  Mr Speaker,

 

(Interruption)

 

HON SEBASTIEN PILLAY

Mr Speaker, be I enposib pour koze dan Lasanble ozordi?

 

MR SPEAKER

Order! Order!  Fini Onorab.

 

HON SEBASTIEN PILLAY

Mr Speaker, mon hope ki dan mon lentervansyon kot mon vin tre pasyonnen, mon pa’n ofans personn.  I pa’n mon lentansyon.  E mon pa’n mansyonn non personn apart ki Onorab Ferrari e mon retract mon stetment Mr Speaker.  E mon remersi ou Mr Speaker for your indulgence.  

Mon krwar I pa’n en lentervansyon fasil pour ou manage avek haggling ki’n arive lo lot kote latab.  Be I call once again Mr Speaker on the better judgement of mon bann koleg lo lot kote latab, ki mon konnen zot annan Onorab Adelaide, Onorab Hoareau, Onorab Woodcock, Onorab Ferrari the paragon of transparency dan sa Lasanble vot an faver sa lamannman; donn Gouvernman sa zouti e nou a kapab negosye avek Gouvernman pli for dan SITZ.  Mersi Mr Speaker.

 

(Interruption)

 

MR SPEAKER

Mersi Onorab Pillay.  Bon avek sa nou ava pran en break e nou ava retournen 11er.

 

 

(BREAK)

 

MR SPEAKER

Bon nou ava kontiny deba lo sa amannman ki devan nou.  Mon ava pas laparol avek Onorab Andre.

 

HON CLIFFORD ANDRE

Mersi Mr Speaker.  Bonzour Mr Speaker.   Bonzour Minis avek ou delegasyon bonzour tou dimoun ki a lekout.  Mr Speaker Sesel I en pei parey nou kontan dir en Pei Souvren.  I determin bann Lalwa ki dan son lavantaz a diferan letap nou devlopman e a sak repriz nou bezwen vwar nou lekonomi ki mannyer i pe fer e pour nou osi get bann eleman, ki pour fer li perform pli byen e kot pep Seselwa I zouir benefis ki sa lekonomi pe fer.

Parkont nou’n vwar ki dan lavi sa Lasanble, nou’n vwar bokou labi dan diferan sekter nou pei kot sa larzan si ti reste dan nou lekonomi, ti pour vin en performans ekselan.

Nou ava sey rod fason pour nou reganny sa bann resours yer nou tous lo en pe Minis in koz ek nou lo sityasyon SRC tax e sa bann keksoz I toultan byen ler nou pe vwar ki mannyer nou pour devlope.  

SITZ ti en Lalwa ki ti ganny met an plas pour ankouraz en serten kategori envestiser pour li vin dan paradi e pour li fer serten lenvestisman.

E a sa letan Gouvernman sa lepok ti vwar li neseser pour donn sa bann lakonpannyen ki deside vin Sesel pour fer lenvestisman serten lavantaz oubyen serten konsesyon parey nou dir, pour ki zot a kapab fer zot biznes e an retour donn Gouvernman sa ki pour li e zot pran sa ki pour zot.

E sa bann lakonpannyen ki’n vini in vin etabli zot oubyen ouver en brans zot lakonpannyen isi, akoz ti annan en Lalwa ki ti ankouraz zot pour fer sa.  Si non sa zot pa ti pour vin Sesel.  E Gouvernman parey mon pe dir ti pe rod lenvestiser pour vini.

Alors sa bann konpannyen in vin isi an krwayan ki zot pour ganny sa bann benefis ki zot in gannyen me ozordi avek sa Lalwa sa lamannman ozordi Gouvernman pe dir dezarme ou pa pour enjoy sa bann benefis.

Mwan personnelman mon krwar sa I mal.  Mon ava dir akoz.  An Juillet ki lanmwatye en lannen kot en lakonpannyen parey sa bann lakonpannyen ki zouir sa bann benefis in fini fer en Bidze, pour li vwar li ozordi en sel kou – en sel kou Gouvernman I vini I dir li ou pa pour enjoy sa bann benefis, I pour annan en problenm avek son sistenm bidzeter.

Me sa I en lespri ki Gouvernman in toultan advocate ki poudir nou bezwen donn letan pour kapab fer adaptasyon.   Annandler dan bann Lalwa ki nou’n fer nou vwar ennler transitional Clause ki dir I annan en peryod letan ki Gouvernman I annan fleksibilite ki Gouvernman I donnen pour en konpannyen oubyen group dimoun, sorti lo en bout pour al lo en bout.

Ti arive letan Konstitisyon ti amande pour konpansasyon later kot ti donn en lespas 1an.  Ou kapab annan sa adaptasyon e dimoun vini fer zot bann konsern.

Mwan mon dir I mal dan lafason in ganny fer.  Me lespri, lespri sa lamannman I bon.  Alors mon krwar ki Gouvernman I bezwen repran e met en saving Clause dan sa lamannman kot I ava permet sa bann lakonpannyen pour li re-aziste son lekor avek son Bidze avek son biznes; akoz si ozordi li I pe sarz en kliyan lo labaz ki I pa pe pey serten keksoz aprezan tout d’un coup ou vin dir li – be li in fini antre dan en Kontra avek sa kliyan konmkwa I pour provide sa servis, oubyen sa prodwir a en serten pri, akoz I ti kalkile li.

Ozordi ki mannyer I pour al kot sa kliyan ki poudir Onorab Hoareau, mwan Onorab Georges nou dan sa sekter kot letan ou’n breach en contract, I annan serten benefis ki en kliyan I pour bezwen gannyen.  

So eski nou pa pe kree dezord?  Dan plas kree en lord sistematik kot Gouvernman – mon konpran sa lide se fer Gouvernman ganny en pe plis reveni pour ki nou a kapab byen planifye devlopman, e ki sak sekter e ki sak Seselwa I ava santi li I pe benefisye avek performans ki nou lekonomi pe fer.  

So mwan mon poudir outright mon pa pour vot an faver lafason I ete – lafason i ete.  Menm si parey mon dir mon konnen konteni I bon.  Nou’n tande entervenan avan, I koz lo bokou keksoz pour mon I tris pour nou vwar en sityasyon koumsa lo bann keksoz ki nou koz lo la.

I tris akoz  se pa sa, se pa sa ki nou konman LDS.  E se pa sa osi ki Onorab Afif son lentansyon sete.  Son lentansyon se pour nou ankouraz Gouvernman, letan I pe anmenn lamannman ki pour afekte finans e nou konnen poudir dan nou Konstitisyon I mete letan ou pour annan en keksoz ki pour afekte en dimoun adversely, financialy I sirtou lo son saler I ganny I en keksoz ki nou Konstitisyon I dir pa devret ganny tolere.

Alors sa biznes I pe pey dimoun li – Seselwa ki pe travay laba.  Ozordi nou pour al deswit ozordi Juillet – annefe sa Lalwa pa dir kan I pour konmanse mon prezimen once ki Prezidan I assent to it, si I pase dan Lasanble.  Ok zot dir mon I le O1 Out me mon pe sey gete.  Ok si I pran lefe le O1 Out. So si nou pe dir ki deza sa bann dimoun I annan zis 2 semenn in fer en Bidze probableman pour en peryod 5an li, sa bann lakonpannyen koumsa minimum se 3an.  Yer nou ti pe gete ti annan sa odit ki ganny fer I annan en peryod 3an akoz I annan serten rekomandasyon enternasyonalman ki dir sa.  Alors eski nou konman en pti pei, nou bezwen lenvestisman.  Nou bezwen lenvestisman.  Nou pa pour kapab soutenir nou lekor lo la.

Annefe si nou ganny sa 400milyon ki’n ganny pran sa detrwa 200milyon ankor ki’n ganny pran, kekfwa nou a kapab tenir pour en pe letan.   Me selman nou pour bezwen inevitableman nou pour bezwen bann lakonpannyen ki vin etabli zot isi e fer biznes isi e zot kontribye dan nou sistenm tax.

Alors mwan mon ti avek lasazes pour revwar sa ki mon met devan pour ki Sesel I a kontinyen benefisye.  Akoz nou bezwen kontinyen gete, eski si sa bann konpannyen I ale nou perdi plis ki nou ti pe gannyen?

Nou bezwen vwar sa.  So I enportan ki nou kontinyen gannyen e dan sa klima ki nou ladan mon krwar, koze, fer konpran, negosye agree pour nou dezagree, I en eleman enportan.  Me non pa vin dispit ek nou.  Pa vin fre dominer – gro lebra.  Napa agro lebra konmela, tou dimoun lebra I parey.  Nou bezwen koz ek kanmarad pour nou konpran kote nou pour ale, ki benefis ki nou pour gannyen.

Avek sa Mr Speaker mon ti a kontan dir avek Minis, mon pa pour lev mon lanmen lo sa lamannman parey I ete, e mon ti a demann li pour pran konsiderasyon sa bann pwen ki mon met devan.  E mon ti a kontan remersye ou Mr Speaker.

 

MR SPEAKER

Mersi Onorab Andre.  Yes Onorab De Commarmond.

 

HON CHARLES DE COMMARMOND

Zis pour mon ekout byen Onorab Andre.  Eski I kapab propoz sa amannman ki I pe dir petet pour nou Lasanble.

 

MR SPEAKER

Ok.  Thank you.

 

HON CHARLES DE COMMARMOND

Non, non….

 

MR SPEAKER

Oule ganny en leklersisman lo kwa ki I pe propoze?

 

HON CHARLES DE COMMARMOND

Wi, wi.  Propoz sa ki I pe propoze konmsi pour nou ekoute.

 

MR SPEAKER

Ok.  Ale I pa pe – I pe rod zis en leklersisman lo sa ki Onorab.  Go ahead Onorab.

 

HON CLIFFORD ANDRE

Mersi Mr Speaker.  Par egzanp sa lamannman mon dir mon proposal se met en saving Clause so Minis I pli byen plase pour konnen ki mannyer nou lekonomi pe performen, pour li kapab petet si 6mwan si 1an sa saving Clause.

Me selman si I annan en saving Clause definitivman I permet en biznes pour li kapab aziste baze lo kan ki li I fer son Bidze mon krwar sa sekter FSA I pli kapab advise Minis lo la, akoz zot ki konn tre byen ki mannyer sa bann zafer I marse.  Mersi.

 

MR SPEAKER

Mersi Onorab.  Mon a pas laparol avek Onorab Ramkalawan.

 

HON WAVEL RAMKALAWAN

Mersi bokou Mr Speaker.  E Mr Speaker mon remersi ou pour pran konsiderasyon ki apre midi mon pa pour la, me mon ti anvi definitivman dir de parol lo sa Bill.  Mr Speaker mon krwar ki lakle ki nou pe koz lo la se, negosyasyon.

Regarde nou tou nou anvi nou pei I ganny maximum nou tou nou anvi nou pei son bann travayer I ganny en bon deal lekonomi I grandi, e ki an zeneral sa standar ki nou ete nou mentenir li e nou menm fer pli byen.

E zisteman yer ler nou koz lo SRC, enn bann pwen ki mwan mon’n fer resorti se ki mannyer bann dimoun ki pe kontinyelman pe fer biznes, ki sipoze pey tax zot, zot deside pa peye, tandis bann dimoun ki fer en Seselwa ki fer vini en keksoz, parfwa I ganny presyon I pa pour ganny son byen, son goods, ensidswit.

Alor okenn lenzistis I bezwen ganny kase.  E at the end of the day se pei ki bezwen benefisye.  Mr Speaker mon krwar ki malerezman mon bezwen dir Onorab Pillay son entervansyon pa’n ede bomaten. Son entervansyon pa’n permet pour nou konman en Lasanble kip e met byennet pei devan, pour nou kapab koze pour nou kapab konsey Minis; pour nou dir avek Minis be Minis met tel pwen dan sa Lalwa, annou sey regarde.

En pe parey Onorab Andre in dir annou regarde si sa keksoz ki nou anvi fer vini nou konpran rezon det deryer sa Lalwa, me pour nou regarde eski nou fer li deswit la en sel kou oubyen eski nou pran en pti gin letan pour nou regarde.

Parske la I annan en kantite fakter ki rantre dan zwe e petet Minis pour konpran mon byen, parske ou ti dan lendistri touris e ou konn byen ki mannyer bann operater touris pe marse.

Brochure I ganny fer pour lannen prosenn in fini ganny fer sa lannen. I toultan annan sa long term planning e alor malerezman ou ava rapel family green card green card, oubyen bed tax kot letan bann operater tourizm, bann agencies ki Sesel I deal avek, letan zot, zot in fini zot progranm, Gouvernman Sesel zis i vini i dir la I la, nou pe al entrodwir en landing fee – mon krwar ti $100 ensidswit, ki tousala ti ganny pran dan en fason negativ par bann tour operater.

Parske zisteman zot ti’n planifye lo ki mannyer keksoz pour ete konbyen zot pour vann lasanm, lili, ensidswit e Gouvernman ti … Sa ki nou, nou pe sey dir lo nou kote Minis e konpran nou byen.  Gouvernman I bezwen pran konsiderasyon ki mannyer biznes I fonksyonnen.  Biznes toultan I regard pli long term ki petet li en Gouvernman I fer.

E la mon ava dir sa Gouvernman li I malerezman li I annan sa defo, kot li I fer keksoz la pour la.  Ozordi en dimoun li I annan en konsesyon, demen I dir avek li sorry sa konsesyon nou’n fini met de kote.  E sa I fer ki aprezan konmsi I menm parey ki en dimoun I lo en lesel, nek zis ou vini en lesel dibwa, ou aprezan zis ou vini avek en chainsaw ou koup sa lesel lanmwatye, be sa dimoun pour tonbe.

Sa dimoun pour tonbe e sis a dimoun pa ariv en keksoz avek li, I pa pour fye ou ankor.  I pa pour fye ou.  E alor pwen se ki kalite negosyasyon ki Gouvernman in annan avek bann lakonpannyen dan sa sekter, e la nou pa pe rod protez okenn keksoz la nou.  Nou pa pe rod parey Onorab Pillay in sey fer krwar sepa lo nou kote nou, nou pe soutir gro biznes nou pa pe regard pti biznes – sa bann zafer.  Napa sa bann zafer Minis.

Letan Gouvernman ti ouver laport pour ouver SITZ, I ti konnen kwa ki I ti pe antre ladan.  I ti konnen ki poudir ti pou annan bann konsesyon, parske ou pa fer en SITZ san konsesyon; ki ti poudir ti pou  annan sa eleman offshore; ki poudir ti pour bezwen annan serten eleman; par egzanp trade tax, Employment Act ensidswit.  Tousala ou ti bezwen fer.  E Gouvernman ti okouran li tou sa bann keksoz.

Letan Gouvernman ti a pe met IPA, ankor en fwa I ti konnen akoz I pe fer sa.  Parske dan sa moman lekonomi ti dan en tel fason, alors ou ti bezwen atir bann envestiser.

Me aprezan letan ou’n reisir atir sa bann envestiser, aprezan si ou anvi sanz kondisyon, ou bezwen koz avek zot, poudir be regard sa lannen prosen mon annan lentansyon fer sa be ki mannyer ou menm ou kapab donn mon en konsey.

E souvandfwa letan nou pe negosye – menm si nou annan nou pwennvi – nou tou nou konnen ki mannyer negosyasyon I pase, ou fer konmsi ou pe vin rod en konsey avek en dimoun, be pa ou konnen dan ou pos deryer ki kart ki ou annan?

Me selman ou a pe negosye.  Alor pour nou lo nou kote, nou a pe dir ki kalite negosyasyon ki in annan?  Eski parey ou’n mansyonnen 13enm Mwan ki issue?  Be si 13enm Mwan ki sa issue, annou sey regarde ki mannyer nou pour negosye sa zafer 13enm Mwan.  Si en lot keksoz ki issue ki income tax, negosye lo income tax pour regarde ki mannyer keksoz I ete.  Sey regarde ki mannyer nou kapab sa pwen ki annan kontansyon, nou met li lo latab e negosyasyon I ganny fer.

E nou konman en Lasanble, lo kote LDS bann Lalwa ki Gouvernman in anmennen, nou’n azir dan en fason rezonnab e si bomaten la si bomaten nou dir avek Lalwa Pension Fund, annou pran en pe plis letan pour nou regarde ki mannyer nou ava met plis eleman pozitiv pour fer li vin en bon Lalwa, se parske nou pe azir dan en fason rezonnab.

E sa ki sa mo lakle se sa mo kle dan lafason ki nou lo sa kote latab nou azir, en fason rezonnab pour nou regarde at the end of the day ki mannyer Lalwa ki pase I bon me non selman ki Lalwa ki pase I bon, me bann lobzektif I ganny atenn.

E nou tou nou konnen poudir ozordi Sesel kot I ete, nou bann vwazen dan rezyon zot pe zot pa dormi zot pe sey regarde lo kote tourizm, Sesel I an konpetisyon direk avek Maurice Sesel I an konpetisyon direk avek La Reunion, Madagascar li osi malgre I annan son bann problenm I osi tou I pe sey fer fason pour li atir touris Tanzania, Kenya, Sid Lafrik tousala.

Be aprezan nou bezwen regarde be pour nou lendistri tourizm ki mannyer nou pour avanse pour nou kontinyelman increase lakantite pour nou vreman vin sa bedrock nou lekonomi.

Be I vin menm parey avek SITZ.  Ozordi nou konnen ki poudir malgre ki nou Sesel ki ti’n vin sanpyon dan bann zafer ton, ozordi Maurice pe process plis ton ki nou Sesel.  Sesel pe eksport ton ver Maurice e la kantite ki nou pe process isi dan Sesel I mwens.  E non selman sa Maurice pe al dan loins; Maurice pe al dan value added ki tandis ki Sesel nou ankor basically lo pwen met dan bwat.

Maurice I mete dan bwat me selman I annan bann lezot keksoz alor lo sa kote SITZ I enportan pour nou dan sa negosyasyon, dan sa analiz, pour nou regarde ki mannyer Sesel I reste konpetitiv.

Parske ozordi ankor enn fwa annou reste lo IOT.  Ozordi IOT Sesel I ankor pe kapab mentenir IOT e sa lakonpannyen I ankor enterese senpleman akoz Sesel I annan li en lavantaz vizavi marse Eropeen.  Nou ton ki nou prodwir isi letan I antre dan marse Lerop nou ganny en pri preferansyel.

Tandis ki ton dan bwat ki antre sorti dan Far East zot napa sa menm to preferansyel ki nou annan.  E sa I 25poursan – 25poursan.  Alor sa zafer I reste la be si demen Linyon Eropeen par egzanp I a dir be regarde tou bann pei ki prodwir ton, ton dan bwat whatever letan pe antre Lerop nou pe donn zot tou menm to.

Sesel I mor li, Sesel I mor akoz I pour kout bokou pli bon marse pour HEINZ oubyen bann lezot lakonpannyen Thailand olye pran bann travayer laba pour vin Sesel, ki kout zot plis zot pour zis reste laba.  Alor nou Sesel pti ki nou ete, nou bezwen a tou moman regarde ki bann negosyasyon.  E I enportan; I enportan Minis ki ou ava fer kler ki poudir dan sa bann negosyasyon, se la kot nou donn konsesyon.

Nou pa pe donn konsesyon zis akoz nou en bann bon dimoun.  nou a pe donn konsesyon pour ki envestiser I ganny atire e ki sa I permet nou lendistri pour li grandi.

Menm parey avek sa nouvo Cold store in ganny bann konsesyon akoz I enportan.  I enportan pour Sesel annan en Cold store, si I enterese dan son lendistri ton pour kontinyen grandi.  Alor ou pour donn li bann konsesyon.  E alors aprezan, si zis ou vini ou tir sa karpet anba son lipye vitman be nou pa konnen ki pour son konsekans.  Nou kapab trouv nou avek en white elephant.  Nou kapab trouv nou dan en sityasyon difisil.

Alor Mr Speaker mon pe senpleman dir avek Minis I pa nou lentere, oubyen I pa nou bi pour nou zis zet en Lalwa, pour nou dir nou pa dakor avek sa Lalwa.  E se la kot mon ti ava kontan ki lo kote Gouvernman re-balans ankor.  Eski sa ki zot pe fer la I pour vreman dan lentere Sesel?  Eski I pour vreman tenir sa bann biznes isi?  Oubyen eski I kapab vin en dekourazman?  E apre sa nou vwar nou perdi?  Mon pa anvi ki Sesel I perdi.  Nou pa anvi ki Sesel I perdi.  Nou anvi ki Sesel I gannyen.

E 13enm Mwan mon Mr Speaker mon koz avek manager Mr Elizabeth lannen pase letan ti pe koz lo la pour regarde ki mannyer I ete e ki Heinz I dir non Sesel peye ensidswit.  Mon’n koz ek li lo la mon e konversasyon ki mon ti gannyen avek li se en konversasyon pozitiv.  Parske sa profi ki Heinz I fer I pour fasil pour zot dan sa profi zis tir mon krwar 6milyon – 5milyon ensidswit ki arive poudir be ok nou pe Sesel I fer nou ganny 200milyon par an, be alor dan sa 200milyon nou ava met sa 6milyon laba e nou rezourd sa; nou rezourd sa. Negosyasyon.

E se sa ki nou sey fer lo nou kote.  In annan en kantite negosyasyon ki nou sey fer nou lo dan lavi an zeneral dan nou lavi politik kot toultan pe sey negosye pe regarde be tel keksoz annou sey regarde ki mannyer nou kapab fer li tel fason.

E ozordi dan sa leta politik kot nou ete ki en letap ki zanmen petet en letap ekstraordiner ki nou pe pas ladan, nou annan en kantite negosyasyon ki nou bezwen fer.  E parfwa ou pour ganny kritike pour bann negosyasyon ki ou fer ki I lo size Regional Councils ki I lo bann lezot size, I annan negosyasyon pour nou regarde be ok District Council sepa konbyen counsellors ensidswit.

En leksperyans ki zanmen nou fer be annou regarde ki mannyer nou kapab fer li vin pli fasil e ki mannyer atraver sa olye ki pei I depans sepa konbyen milyon lo District Council, nou kapab depans mwens lo Regional Council e atraver sa vin pli efikas delivre e letan keksoz I delivre, keksoz I marse se nou pei ki marse.

Alor Mr Speaker, mon krwar ki poudir dan sa deba ki nou annan la bomaten, napa plas pour politik; napa plas ditou pour politik.  La bomaten I annan plas pour nou koz serye.  Politik sa nou kapab fer toulezour mon annan en sak la zis ranpli avek politik si mon dir si mon ouver sa sak la Onorab Pillay pour taye.

 

(laughter)

 

HON WAVEL RAMKALAWAN

Me selman parey mon dir Mr Speaker, la bomaten I pa plas pour politik.

La bomaten I plas pour nou met nou pei premye; met nou pei premye.  Bliye ki kouler politik nou ete.  E letan nou’n bliye ki kouler politik nou ete nou met nou pei premye, annou regarde dan sa Lasanble sa negosyasyon, dan sa plan ki Gouvernman I annan, ki mannyer nou kapab avans devan.

Parske Mr Speaker, ozordi nou politik ki mannyer I ete, e se pour sa rezon ki nou devret met nou pei premye nou pa konnen ki pour lekel demen ki pour dan Gouvernman.  Lepep Seselwa ki pour deside.  Napa personn la dan sa Lasanble ki kapab dir li ki pour dan Gouvernman.  Seselwa ki pour deside Onorab Ghislain – ok?

Seselwa ki pour deside.  E letan Seselwa I deside SITZ, SITZ nenport dimoun ki vin o pouvwar demen I pour bezwen deal avek SITZ – ok?

Alor annou rod sa ki meyer e an menm tan osi Mr Speaker parske mon ganny en komanter ki sorti kot en dimoun ki dir ki petet parfwa sa bann lakonpannyen SITZ zot pa pe pey Seselwa, parey zot devret peye.  Be la osi tou mon krwar I en keksoz negosyasyon.  Baze lo pri lavi baze lo bann depans ki en fanmir I annan ensidswit pour regarde ki bann kondisyon I normal e I mars byen.

Alor Mr Speaker mwan mon dir avek Gouvernman negosye.  Pa zis ris karpet anba sa bann konpannyen SITZ.  E si Gouvernman zis I tenir pour li ris karpet nou pour dir non nou pa dakor ris karpet, dir nou ki mannyer nou kapab fer keksoz pli byen la ki ou pe tann nou ki mannyer nou pe dir e nou ava kapab avans devan.

E mwan mon krwar  i annan en fason pour nou avans devan e ki malerezman sa Bill ki mannyer I ete kot nek zis I repeal sa section 14(2) it is not the way forward.  Alor Minis atraver ou Mr Speaker, mon espere ki ou’n konpran mon byen e ki ou pe osi konpran rezon det rezonnman nou kote lo LDS.  Avek sa de parol, mon ava dir ou mersi bokou Mr Speaker.  Mersi.

 

MR SPEAKER

Mersi Onorab Ramkalawan.  Non Onorab Sebastien Pillay mon pa pe kapab donn ou 2enm fwa laparol.  Onorab William.

 

HON WAVEN WILLIAM

Mersi Mr Speaker.  Bonzour tou dimoun ki a lekout bonzour Minis avek ou lekip.  Mr Speaker lo sa lamannman lo sa Prozedlwa International Trade Zone mon annan konm swivan poudir premyerman se ki nou pe fer sa deba isi dan sa Lasanble, selman nou annan en pep deor la piblik ki pe ekoute.

E mon krwar poudir pour enportan ki Minis (enn) I kapab dan son summing-up eksplik nou en pti pe kantite biznes ki nou pe koz lo la?  E an term lenvestisman ki ganny fer ki son si I annan sa bann sif avek li, e ki bann benefis ki nou pe gannyen?  E ki bann konsesyon ki sa bann lakonpannyen in gannyen?

E an menm tan lefe ki nou konnen ki nou pe viv dan en monn konpetitiv, e tou bann pei pe rod lavantaz zot pe rod competitive edge, zot pe rod leverage, eski sa lamannman deba in ase enteresan bomaten lo sa size, eski sa lamannman pe anmenn Sesel – Seselwa plis lavantaz?

Eski sa lamannman pa pe donn serten lensertitid vizavi ankouraz (enn) mon pa konnen si Sesel ozordi kondisyon fer biznes kou fer biznes e difikilte ki laplipar pei pe gannyen vizavi trade e nou konnen I annan en cold war la vizavi trade, pe pase an deor; nou konnen ki poudir kou fer biznes osi in monte?  Eski sa lamannman lafason ki I pe ganny fer, eski nou pe anvoy en bon mesaz?  E eski nou sa lamannman pe send lafreyer dan sa sekter biznes?

E mon ti a kontan ki nou ganny osi serten lenformasyon ki pe pase en pti pe dan la rezyon?  Akoz sa I enportan akoz nou pe koz en devlopman ekonomik soutenab ozordi.  Nou pe koz ranforsi kapasite pour rezilyans vizavi lefe ki nou en pti pei, nou an konpetisyon avek bann gro pei.

E sa Minis si ou ti kapab osi dir avek nou, eski dan Lalwa ki egziste, ti annan en letan moratorium kot bann sanzman I kapab ganny fer nou pe koz la I annan en term ki zot servi I annan; grandfathering provision ki donn ou en serten norm letan pour kapab fer serten bann sanzman avek bann promes ki ou’n fer.

Epi dezyenmman mon ti a kontan demann en kestyon ki, akoz ki Sesel ozordi pa ankor anvi re konsider eksport services; kot bokou pei par egzanp enn se Maurice, Thailand pe fer li, kot negosyasyon in ganny fer lo substance, kot la kot sa bann biznes, ouswa lakonpannyen I deklar la kantite lenvestisman ki zot pe vin fer dan ou pei, e osi la kantite travayer.  E Sesel ozordi I pa dan sa domenn.  In ban sa.  E mon ti a kontan si pour ganny en pti pe lesplikasyon, akoz sa I tonm parti dan sa diskisyon ki nou pe fer.

Alors Minis lo sa de pti mo la mon ti a kontan ou donn nou en pti pe sa garanti poudir, sa ki nou pe fer ozordi I pa pour dekouraz lenvestisman plis lenvestisman dan sa sekter.

E petet I annan en kestyon eski nou annan ankor bann lakonpannyen ki anvi vin envestir dan sa sekter?

E si nou pe pas sa lamannman la prenan kont realite parey mon dir egziste mondyal e osi dan larezyon, eski nou pa pe anvoy the wrong message?  Mersi Mr Speaker.

 

MR SPEAKER

Mersi Onorab William.  Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker I annan en lamannman ki pe ganny propoze dan International Trade Zone (Amendment) Bill e sa lamannman I spesifikman pe fer referans avek seksyon 14 pour zot Gouvernman I le repeal en seksyon 2 bor ki dir prezan Minis I ava kapab fer serten lamannman.

E avan ti annan si Minis I fer sa lamannman. Benefis sa bann dimoun ki pe swiv, se ki I ti kapab afekte serten privilez ki bann lakonpannyen ti pour gannyen.  E ki alor sa ti anmar zot lanmen zot pa ti kapab fer sa lamannman.  E la prezan zot le sanz sa e ki alor bann lakonpannyen ki’n fini ganny license oparavan, sa bann privilez I kapab ale.

E Gouvernman li ler I fer I propoz okenn lamannman dan en Lalwa, in mazin byen li.  I annan son rezon akoz I le fer.  Son rezon I kapab bokou dimoun I kapab tonm dakor avek, me egalman I kapab annan dimoun ki pa tonm dakor avek.

E sa ki enportan se ki ler I vin dan Lasanble Nasyonal nou bezwen konn son rezon det byen the whole truth nothing but the truth.  Parske mon pa’n zanmen dan Gouvernman, me selman mon krwar koumsa zot fer.

Se ki I annan en dimoun kek par ki pour mazinen be dir be tel Lalwa mannyer I ete ozordi, I dan dezavantaz Sesel.  Alor nou bezwen dezarme sanze e zot ekri en papye ki ganny sirkile I mont ziska kot CabinetCabinet I zot fer bann prezantasyon, aprezan zot dir wi nou dakor ouswa nou pa dakor bezwen annan en legzersis parey ki’n ganny fer apropro sa Bill; ki alor Gouvernman I le sanze pour ki I benefisye en pe plis ki I pe benefisye ozordi.

Koumsa mon konvenki mon ki I marse.  Letan mon ekout Minis bomaten mon santi poudir nou pa’n ganny sa portre konplet lo sa sityasyon, ozordi alor letan mon ekoute mon pe ekout bann lezot entervansyon dan mon lespri, mon ankor annan en pe bann kestyon ki mon krwar pa ankor ganny reponn, ki ti ava kapab alor met nou dan en pozisyon pour nou konpran rezon det akoz sa lamannman in vin devan nou.

Par egzanp mon ti ava kontan konnen egzakteman konbyen sa bann lakonpannyen ki tonm dan sa kategori ki tonm anba sa SITZ?  Konbyen zot?  Lekel zot sa bann lakonpannyen ki aktivite ki zot pe fer?

Letan ki sa Lalwa I sanze si I sanze ki lefe I annan lo zot?  E ki benefis ki I pour anmennen pour Sesel?  Si par egzanp sa Bill letan I ti ganny entrodwir depi son lepok, ki in entrodwir nou pe koz the mother act se ki bann privilez ti pe gannyen e pour konbyen letan sa bann privilez I ale 10an – 20an – 25an konbyen?

Kwa sa bann egzanpsyon e alor se sa si nou ganny larepons sa bann kestyon nou ava kapab balanse poudir be ok vwala ki pei ti pe perdi e ki alor nou bezwen re-balanse.

Akoz par egzanp enn mon constituent ki’n kontakte mwan,  la I dir mwan I annan en lakonpannyen Eden Island e Minis ava kapab koriz mon si mon mal ouswa si sa lenformasyon ki sa constituent in donn mon I mal.  In dir mon I annan en lakonpannyen ki apel mon ava rod son non en pti kou me selman ki sa lakonpannyen I fer li I ranmas tax pour bann – pour son bann travayer etranze lo bann travayer Seselwa Village Management Association on Eden Island.

Mazorite se bann Sidafriken, Franse, Italyen, Angle, Arab e Seselwa.  Management are Seychellois taxes are collected from our salary but the company pays no SRC taxes because of their set up as a non-profit since they make millions.  

So alor I annan son benefis li ki pour si I sanze, pei e travayer an zeneral pe gannyen me selman nou bezwen konn sa laverite antye, sa rezon det akoz Gouvernman pe fer sa ki I pe fer.

E eski nou annan en time frame ki sa bann lakonpannyen in gannyen in ganny en warning davans poudir, sa pe vini pour zot kapab re-balans zot parey Onorab Leader Lopozisyon in dir menm Onorab Andre poudir zot in met serten safeguard?

Akoz bann sanzman ler I ariv en pe abrupt I kapab kre en move klima ekonomik, en pe move santiman parmi sa bann lakonpannyen sirtou si zot in etranze e anmenn en move repitasyon pour Sesel.

Alor Mr Speaker mon krwar sa bann kestyon Minis I enportan ki zot donn nou sa larepons pour ki prezan nou ava dan pozisyon pour nou konpran byen ki lentansyon Gouvernman.

Akoz, baze lo lentervansyon Onorab Pillay bomaten ti annan en lepok Parti Lepep ti an mazorite e I ti fasil pour zot sanz sa bann keksoz.  Sa Bill in fer First Reading semenn pase nou ganny dir I pour pran lefe le 01 Out so First Reading semenn pase ozordi Second Reading le 01 Out, I semenn prosen.  Be la nou dan koabitasyon. Mazorite I isi nou kapab anmare, nou kapab large.  I enportan alor ki zot Gouvernman I konsyan sa.

E I negosye. I met nou dan sa zwe, dan sa equation, pour ki nou tou lede nou gannyen.  E apre tou nou pe koz lekonomi pei la.  Nou osi nou form parti sa bato la, nou ladan nou osi nou pa pour telman rock the boat, so nou le ki nou konpran akoz nou pe pas isi, me nou pa pe pas laba.

Alor se sa mon sa ki mon ti anvi dir Mr Speaker.  Mon krwar I annan bann kestyon kle.  Lekel sa bann lakonpannyen,?  Konbyen zot I annan?  Ki benefis ki zot pe gannyen?  Ki mannyer sa Lalwa I annan en lenpak lo zot? Kwa ki pei pour gannyen an plis ki I pa ti pe gannyen yer, si sa Lalwa I pase?  Si mon ganny sa bann larepons mwan e lezot dimoun a pli byen konpran akoz Gouvernman pe fer sa ki I pe fer ozordi.  Mersi bokou.

 

MR SPEAKER

Mersi Onorab Henrie.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker dan lentere latransparans, mon bezwen deklar ki mon en dimoun enterese avek sa lamannman ki devan nou ozordi, pour enn de rezon.

Enn se ki at least en kliyan dan ITZ I at least en dimoun dan ITZ en konpannyen, I potansyelman enn mon kliyan, I pa ankor me potansyelman enn mon kliyan.  E dezyenmman enn bann konpannyen ki pli kontan etabli dan ITZ isi Sesel, I sitye dan mon distrik Les Mamelles.

E mon pour koz lo la bokou dimoun I annan en move konsepsyon Les Mamelles e zot krwar ki Les Mamelles I annan zis en lendistri laba.

Annefe, annefe e mon profit sa lokazyon poudir ki Les Mamelles I sit Allied Builders, Seychelles Breweries, Chelle Medical, Penlac, Mahe Design and Build, Sodepak. Donk parmi sa 25 distrik isi Sesel mon kapab dir ki Les Mamelles I sa industrial heartland Sesel.

 

(laughter)

 

HON BERNARD GEORGES

Ale zot.  Mr Speaker mon krwar nou tou nou konpran kote egzakteman kote Gouvernman I ete avek sa lamannman ki ete ozordi.  E mon ti a kontan adopte menm ton ki sa detrwa dernyen entervenan in pran, e regard sa deba lo en nivo kot nou pe regard sa ki bon e non pa lo en score pwen politik.

I en deba – I en kestyon ki devan nou ozordi ki anmenn bokou refleksyon en pti pe parey Leader Lopozisyon in fer nou rapel.  Gouvernman I trouv li dan en sityasyon kot si I sot kote isi I dan mal, si I sot kote laba I still I dan mal.

Alor I bezwen trouv en fason pour li negosye en larivyer ki annan bokou kouran, oubyen losean ki annan bokou reken.

E mon krwar nou bezwen konman en Lasanble pran en respirasyon e regarde, akoz nou’n ariv la e ki mannyer nou pour sorti dan sa sityasyon kot nou trouv nou lekor.

Mr Speaker sa lakonpannyen ki probableman en zour mon mazinen – si I ganny si I arive expand isi Sesel, ki mon koz lo la taler, I enn ki fer en keksoz ekstraordiner e bokou dimoun pa konnen.  I pran tou bann bout ton ki IOT pa servi se a dir tou bann bout ki pa al dan bwat, e I transform sa bann bout ton.  Avek latet I tir delwil Omega 3 ki I vann avek Nestle La Suisse, e avek tou sa bann sa ki reste I fer bann pellets pour al dan pour al dan alimantasyon sirtou bann zannimo.  Dan en fason ki sak ton ki sorti dan delo sale ki ganny process isi Sesel, apar son delo ki sorti avek, tou larestan I ganny servi sa ki al dan bwat IOT I al dan bwat IOT e larestan I al dan sa de prodwir.

Se pa Seselwa ki pe fer sa, se en kapital etranze including, including Morisyen.  E taler Onorab Leader Lopozisyon in fer nou rapel ki Maurice I annan son konpetiter e Maurice I nou konpetiter asarnen.

E si nou fwas sa lendistri ki pe travay avek IOT ozordi, pe fer sa keksoz ki nou pe koz lo la, I senp.  Kot I pour ale, I pour al Maurice I pour ganny menm I fer menm keksoz laba, I annan menm volim e I pour fer li kot li; menm plis e pour fer li kot li.

Si in vin isi Sesel, I annan en rezon.  Si Chelle Medical in vin isi Sesel I annan en rezon.  E Mr Speaker sa proze ki devan nou la ozordi, en pe letan I deor li.  Apepre 6mwan pase, ti annan rimer ki sa ti pe vini.  E mon ti fer li mon devwar pour mwan al vizit Chelle Medical ki trouv parey mon dir dan mon distrik, me ki osi e se sa kot mon lentere I vini, ki anploy bokou dimoun ki sorti dan mon distrik.

E I anploy Seselwa.  E donk si I ariv en keksoz demen avek Chelle Medical, bliy sa lot dimoun, I pour annan en retonbe direk lo bann dimoun ki mon reprezante.

Alor mon bezwen mon annan en lobligasyon e en devwar pour fer sir ki sa pa arive e ki toultan esey manage kot landrwa kot Gouvernman I ete, bezwen osi pran konsyans ki I annan risk direk ki kapab arive, si nou pa manage sa keksoz dan en tre bon fason.

E Chelle Medical I Sesel pour en senp rezon akoz son owner in marye avek en Seselwaz.  Se pour sa rezon e si I pa ti leka Chelles Medical ti pour dan en lot pei.  E annou pa bliye ki dan ITZ tel parey dan offshore, tel parey dan servis finansye, tel parey dan tourizm, tou bann lendistri ki nou depan lo la isi Sesel I annan konpetisyon feros deor e konpetisyon I feros!  Nou pa sel zil touristik dan lemonn.  Nou pa sel landrwa ki ofer servis finansye e donk nou bezwen reste ahead of the curve parey angle I dir a tou moman.

E se la kot mon enkyet.  Akoz mon konnen ki otour nou, napa zis Maurice me I annan Mozambique, I annan La Tanzanie I annan Kenya, I annan Madagascar, tousala I anvi a piece of the action.  

Tousala se nou bann konpetiter direk dan tou keksoz ki nou fer.  E zot pe ofer tou sort kalite incentive pour dimoun vin kot zot.  Alor nou bezwen protez sa pti git lendistri ki nou annan, e pa fer en fason pour nou perdi zot.  Chelle Medical I parey en parey mon dir mon vizit sa faktori e I en faktori ekstraordiner.  E mon envit tou dimoun al vizite akoz vreman mon pa ti konnen isi Sesel, nou ti annan dimoun ki ti kapab travay a en nivo perfeksyon parey sa bann Seselwa ki travay dan Chelle Medical, I travay.  Dan bann latmosfer ki NASA in provide.  Dan bann work place ki telman prop, ki osi prop kot sa bann ki nou fer space shuttle.

E ki nou prodwir en prodwir isi en laryngeal mask e I ganny prodwir dan plizyer lezot landrwa, par sa menm lakonpanni.  Pa zis isi Sesel.  Donk I pour fasil pour li ale, si nou pa vey li en laryngeal mask ki ganny prodwir dan plizyer pei me bann sirizyen bann surgeon Ameriken, I ensiste ki sa ki zot, zot gannyen, I sa enn ki’n ganny fabrike Sesel e non pa dan bann lezot pei.  That is how good we are!

E Mr Speaker nou pa annou donn kredi kot kredi I merite.  E la se en landrwa kot mon krwar nou bezwen donn full kredi.  E trwa kar bann dimoun se bann rezidan Les Mamelles.  Mon proud.  E ozordi la, mon bezwen dir felisitasyon pour sa bann dimoun ki pe travay laba.  Alor se pa zis IOT, akoz IOT I en gro lakonpannyen, me se sirtou IOT.  Me se pa zis IOT ki nou bezwen vize.

Nou bezwen viz tou sa bann lezot konpannyen ki enplant zot lekor isi, e ki fodre nou gard zot.  Mon pa pour repet – mon pa pour repet bann largiman ki’n ganny fer; ki premyerman nou an konpetisyon avek lezot dimoun e fodre nou vey nou lekor.

Ki dezyenmman nou pa kapab perdi trust, akoz le moman ki dimoun poudir zot pa kapab fye lo Sesel pour gard son promes, I pour pran nou parey nou konnen des annes, et des annes pour nou reganny sa trust.

Nou pa kapab perdi kantmenm nou pa ganny bokou oubyen tou sa ki nou ti pour espekte gannyen avek sa bann lakonpannyen, me nou ganny lanplwa.  Zot aste servis avek nou.  Zot aste public utilities avek nou dan bokou ka.  Alor I annan en retonbe – en retonbe direk.  Me nou pa kapab perdi osi kredibilite konman en destinasyon, kot biznes I kapab ganny fer an tou latransparans.

Nou en sant finansye nou pa kapab perdi sa trust ki nou’n build-up e sa pozisyon ki nou pran lo bokou lannen.  Akoz si nou fer sa, se nou konpetiter otour nou ki pour benefisye.

Mr Speaker mon annan en lot problenm e sa se en problenm ziridik.  Mon pa konnen – mon pa konnen si annefe legalman, me mon konnen Onorab Hoareau ek mwan nou’n ganny en diskisyon lo la yer e nou pa lo menm lopinyon.

Me mon demann mon lekor, si ou kapab legalman enterfer avek en acquired right, ki en dimoun I annan.  En drwa ki ou’n fini donn li.  Mon poz sa kestyon la it’s open for argument me se en kestyon ki la.

Ozordi nou koz bokou dan domenn legal lo espektasyon lezitim; legitimate expectation ki   ler ou ganny entrwi dan en serten laliny, ou pa kapab bouz poto gold an milye match akoz sa I vin mal.  Sa ki nou pa anvi, nou pa anvi annan akoz en keksoz ki nou fer annan demen en seri court case – en seri arbitrasyon eksetera.

Se pa sa ki Sesel I anvi.  E se pour sa rezon ki mon krwar bokou nou lo sa kote latab nou pe demann avek Minis ek Minister, revwar en pti pe a ki zot lobzektif e ki mannyer nou pour ariv a sa lobzektif.  Mon per ki menm an pibliyan sa Bill ki devan nou la, nou’n fini anvoy en mesaz laba ki we are not to be trusted.

Akoz dimoun in vwar e zot poudir be ok fine, zot in pull it back.  Me ki sa pour fer nou krwar ki zot pa pour fer li ankor?  Sa se bann keksoz ki fodre pa ki nou efrey pa selman envestiser, well pa efrey nou lekor, me selman sa bann keksoz ki nou bezwen ant zanmi, ant Manm isi dan sa Lasanble Nasyonal, pa pous anba karpet.  Regard li dan son lizye.

E nou vin Mr Speaker finalman lo sa pwen ki’n ganny resorti ankor e ki mon pa anvi repete, me mon pa pour fer mon devwar si mon pa repete, e sa se negosye.

Mon krwar nou way forward se negosye.  Me la mon pour bezwen fer en pti pe politik.  Ou vwar fodre pa ki nou tonm dan en pyez Minis, kot nou pas en Lalwa akoz I pli fasil ki antre dan en negosyasyon.  Negosyasyon I difisil.  Negosyasyon I difisil.  Outcome zanmen I kler.   Negosye pandan de lannen nou ki bann avoka nou konn sa tre byen se pour sa rezon ki bokou dimoun I prefere ki olye negosye en case zis file, e al Ankour les Ziz deside I pli fasil at the end of the day, I pli vit.

Me mon krwar dan nou sityasyon, dan nou konteks nou pa kapab – nou napa en lot swa.  E mon’n dir mon pour fer en pe politik e mon bezwen fer en pe politik.  Akoz mon krwar Mr Speaker ki nou en – nou’n prouve – nou’n ki nou en bann move negosyater.

E fodre pa ki nou avoid sa.  Nou pa’n konn negosye avek Sheikh Khalifa e in arive fer en pale lo nou montanny.  Nou pa’n konn negosye avek Ascon e in arive Ascon in pey dimoun sa ki zot ti anvi e la ozordi Gouvernman I bezwen anmas lepo kase.

Nou pa’n konn negosye avek Air Seychelles, nou vwar dan sa Lasanble mwan pase, ki problenm ki Air Seychelles pe pas ladan, akoz nou pa’n konn negosye en bon agreement.  Nou pa’n konn negosye avek IOT pour 13enm Mwan Saler e Secretary of State Payet I konn sa tre byen nou ti annan en diskisyon dan en case Ankour lo egzakteman sa pozisyon e Gouvernman in bezwen anmas lepo kase ankor.

E finalman annou pa bliye negosyasyon avek Assomption I pa’n en model ki pour al antre dan bann liv lo ki mannyer ou pour negosye avek en lot pei dan le fitir.  Fodre pa nou fall back – fodre pa nou fall back Mr Speaker lo annou pas en pti Lalwa akoz I pli fasil ki negosyasyon non.

Annou fer sa ki difisil.  Akoz an fezan sa ki difisil, nou pour ariv a en solisyon ki pour akseptab avek tou dimoun.  E en keksoz ki pour last lonterm e pa pour vin zis en rezilta la pour la.

Donk Mr Speaker, mon konnen nou kapab fer li akoz annan de fwa nou kapab negosye e nou negosye byen nou ti fer li avek TIA e sak lotel ti ganny kriye enn par enn.

E tou bann konsesyon ki zot ti’n gannyen, zot ti ganny en peryod letan pour zot phase out e zot ti phase out e nou kapab fer menm zafer la.  E se pour sa rezon ki mon ava siport sa lide e sa lespri, ki olye zis pas sa Bill ozordi, oubyen olye zis zet li akoz tou lede, I pa pour anvoy en bon mesaz deor ki nou trouv en solisyon ki pa pour efrey bann envestiser, me at the same time ki nou pran an konsiderasyon bann lobligasyon ek nesesite ki Gouvernman I vwar li ladan ozordi.  Mersi Mr Speaker.

 

MR SPEAKER

Mersi Onorab Georges.  Seybrew I annan en bout dan Les Mamelles I annan en bout dan Roche Caiman non?

 

HON BERNARD GEORGES

Wi Mr Speaker.  Mon ti konnen sa pour ganny dir me selman sa ki Roche Caiman I zis biro avek stor, kot labyer I fer I Les Mamelles.

 

(laughter)

 

MR SPEAKER

Ok mersi Onorab Georges.  Bon nou annan ankor 5 Manm ki lo lalis savedir nou pour kontiny deba apre midi.  Mon ti ava zis rapel bann Manm ABC Assembly Business Committee ki nou pour meet 1er dan Speaker’s Conference Room.

E avek sa nou ava Minis ou pour bezwen retourn ankor apre midi avek ou lekip.  Nou remersi ou e nou apresye ou prezans deba ki nou pe gannyen avek ou depi yer.  Nou ava break e nou ava retournen 2er apre midi.

 

 

(BREAK)

 

MR SPEAKER

Bonn apre midi tou Manm Onorab.  Bonn apre midi Minis avek ou lekip.  E donn apre midi tou dimoun ki a lekout e ki pe kontinyen swiv travay Lasanble Nasyonal.  Bon, ti a kontan zis avan nou komanse prezant en leskiz pour retar ki nou’n gannyen an vi ki ABC nou ti pe meet e nou’n overlap en pti pe.

Nou pou kontinyen travay ki nou ti pe fer bomaten.  Avan nou break, mon konnen ti annan en pwen, ti paret pou annan serten konsansis lo kote Amannman and all that.  Petet nou komans en pti pe dan sa laliny.  Ki pozisyon ki zot in rankontre?  Ale Onorab Ferrari.

 

HON JEAN-FRANCOIS FERRARI

Mersi Mr Speaker.  Avan mon pas laparol, mon ti a kontan dir avek Lasanble ki in annan serten lesanz ki’n ganny fer ant nou 2 kote, e avek Minis ek son lekip.  E i paret ki nou kapab ganny en, nou kapab konpran kanmarad lo 2 size ki’n ganny leve.  Enn par Onorab André e enn par Onorab Leader Lopozisyon.

E i paret ki sa 2 pwen i kapab ganny met ansanm dan en Lamannman.  Me mon ava pas laparol avek Onorab – atraver ou, avek Onorab Basil Hoareau, ki’n met sa bann pwen lo papye.  E nou ava gete si nou bezwen annan deba lo la.  Mersi.

 

MR SPEAKER

Mersi Onorab.  Mon a donn laparol Onorab Basil Hoareau.

 

HON BASIL HOAREAU

Mersi Mr Speaker.  Mr Speaker, basically lamannman ki nou pe propoze se, ki pour nobou at least ganny konsansis tou dimoun.  Nou pe dir ok, Regilasyon i kapab ganny fer par Minis.

E an relasyon avek sa Seksyon 14(2), nou pe dir nou azout bann kondisyon.  Savedir an dot mo, sa bann amannman ki Minis i kapab ganny, i kapab fer par Regilasyon pour li amann bann schedule ouswa any existing regulations, kot i kapab petet annan lefe dezavantaz ouswa dan en fason advers, lo bann konsesyon ki bann existing licenses dan International Trade Zone pe deza gannyen.  I pou kapab ganny fer selman da 2 sirkonstans.

Enn – ki premyerman Minis in antre dan negosyasyon, bonafide negotiations se nou pe dir savedir negosyasyon reel e avek bon lentansyon, avek sa bann existing regulations, an relasyon avek sa bann sanzman ki pe ganny propoze.

E selman si sa bann negosyasyon pa fruitful.  Savedir negosyasyon i fail, then sa i en kondisyon pour ki sa bann Regilasyon, sa bann Lamannman dan Regilasyon i kapab pran lefe.

Lot kondisyon – dezyenm kondisyon ki bezwen ganny satisfer se ki, savedir la kot negosyasyon pa’n successful, se ki sa bann lamannman letan Minis i fer dan Regilasyon, an relasyon avek bann existing licenses, i pa pou kapab afekte zot adversely,  selman 6 mwan.  I pou bezwen annan en lespas 6 mwan apre ki sa Regilasyon i fer.

Savedir par egzanp, annou pran en legzanp konkret, kot demen en Regilasyon pe ganny fer pou amann schedule pou tir Business Tax Act koman en bann Lalwa ki pa ganny aplikab pour ITZ.

La avan i fer sa, Minis i bezwen al kot sa bann existing licenses, i bezwen dir ek zot koumsa – be gete, mon fer, sa i propoz, proposal ki Gouvernman pe fer.  E annou negosye, annou vwar si nou pa kapab tonm lo en lagreman – en lagreman.

Petet olye ki ou ti pou al pey 15poursan ouswa wherever, 25poursan ki as per the Business Tax Act, nou pa kapab negosye pou dir nou – olye ki i pa, business tax i pa aplikab pour ou, me nou, nou a fer li aplik, petet ou pey 5poursan par egzanp, negosye.

Si negosyasyon bann parti, sa 2 parti, Minis ek sa licensee pa tonm dakor lo en lagreman, then Minis i fer son Regilasyon.  Be sa Regilasyon pou pran lefe, an relasyon ek existing licenses selman 6 mwan apre ki in ganny pibliye.

Akoz ki nou’n servi 6 mwan?  petet i annan serten dimoun i kapab dir nou, annou fer pli long, annou fer li en 1an, annou fer li 2an, pour donn sa bann existing licenses sa lespas pour li aziste son lekor, pour li prepar son biznes akoz li osi in fer plan.

E son plan pour le moman i pa pe pran kont business tax par egzanp, dan nou legzanp.  Me alors, letan nou pe al dir pey business tax, alors i a prepar li, i a re-aranz son business, ki en fason ki i pou kapab cushion sa blow, sa lenpak ki pe vini lo, an relasyon avek business tax. Me nou, nou dir 6 mwan pour en rezon prensipal.  6 mwan parske i pa pou pran lefe avan 6 mwan.

In the meantime, e sa i enn nou devwar, nou responsabilite koman en Lasanble.  Nou pa zis pas Lalwa, me nou osi annan pouvwar anba Seksyon 64(2) of Interpretation and General Provisions Act, pour nou annul okenn (SI) ki nou krwar i devret ganny annul.

E nou, savedir nou osi nou la koman, pour supervise lo Regilasyon ki Minis i fer.  Si nou, nou santi poudir sa Regilasyon ki Minis in fer is unfair, pour ki sa i kapab annan en adverse effect lo sa bann licenses dan sa ITZ, e ki kapab annan en lenpak lo nou lekonomi, i pou nou devwar pour nou annul sa Regilasyon.  E Lalwa i permet nou 3 mwan pou fer sa.

Savedir an dot mo, si nou, nou reakte lo la dan 3 mwan, e nou pe dir poudir selman 6 mwan apre, savedir sa Regilasyon pa pou zanmen pran lefe, ou war?  E se sa ki nou pe dir.

Mon konnen, mon’n koz ek serten Manm lo lot kote ki annan krwar poudir 6 mwan ankor tro, i tro shorttoo short period of time pou dir ek sa bann dimoun sa Lalwa pe al pran lefe.

Be mwan mon krwar, sa mechanism ki dan nou lanmen koman en Lasanble, i fer ki 6 mwan i rezonnab.  Akoz nou osi nou bezwen on our guard si nou war Regilasyon letan i published, i pou ganny table before us.  E si letan i ganny table before us, parey nou’n deza fer kot nou’n annul; ouswa kot kestyon i ganny demande lo serten Regilasyon ki mon konnen Onorab Ferrari ti demande lot fwa.  E i normal pour nou demann kestyon,  nou, nou annan sa pouvwar pour nou dir – be gete sa Regilasyon nou pe al annul.

So, mwan mon krwar 6 mwan i rezonnab akoz ou pe mazin zis en kote la.  Nou pe mazin enn kot sa Regilasyon i kapab annan, i en pti pe, tro harsh.

Be i posib osi i annan bann Regilasyon ki letan nou pou gete, nou dir i rezonnab – 6 mwan i rezonnab, ou war?  Be tandis ki si ou dir 1an, 1an/2an, then bann Regilasyon ki ti kapab rezonnab, pa pou pran lefe ziska 2an.  Me tandis ki, nou annan en mechanism pour nou deal ek bann ki nou war poudir son peryod 6mwan, i too shortSo, sa ki nou, nou pe dir.

 

MR SPEAKER

Mersi Onorab Basil Hoareau.  Bon, mon pou donn laparol selman bann Manm ki pa ankor entervenir lo Bill.  Wi, Onorab Ferrari ou pa ankor entervenir – Onorab Afif ou’n entervenir.

 

(laughter)

 

MR SPEAKER

Ou’n koz lo sa propozisyon.  Ok, savedir oule fer komanter lo sa propozisyon? Wi, ok.

 

HON AHMED AFIF

Mersi Mr Speaker.  Zis pou port a ou latansyon ki mon konprenezon se, ler i annan en lamannman, okenn Manm ki’n deza koze avan, i kapab koz lo sa lamannman.  Parske this is something new, alor nou kapab koze.

 

MR SPEAKER

Wi.  Be, amannman in ganny propoze.  Non, pa ankor ganny propoze Amannman la, en?  Ok?  Eski nou move Motion for the amendment to be amended e nou debat lo sa amannman?  Oubyen zot anvi kontinyen debat lo…?  Bon, petet zis pour gidans, mon krwar lesansyel in ganny dir depi bomaten.  I pou annan bokou repetisyon – i pe vin lo menm sa.

Now, i annan sizesyon pour en lamannman, be sa Lamannman pa ankor ganny formalize.  Eski nou propoz sa lamannman and then debate is on the amendment?  Si non, nou ava donn Minis drwa-d-repons then nou ava al dan Staz Komite e nou fer deba.  Yes Onorab Basil Hoareau?

 

HON BASIL HOAREAU

Mr Speaker si mon kapab propoz en keksoz.  Mon propoze ki poudir, ok dan – par egzanp si mwan mon pou adrese la, mon pou koz lo sa Bill, apre lo son merit.  Apre mon pou move en lamannman.  Apre sa lamannman in ganny segonde, then lezot Manm i kapab adres as part of their address…

 

MR SPEAKER

On the amendment – the Bill as amended.

 

HON BASIL HOAREAU

Egzakteman.  Zot kapab adres lo Bill ek lo amannman.

 

MR SPEAKER

Wi.  Ok?  So, oule pran laparol Onorab Basil Hoareau pour ou koz lo Bill, apre ou ava fer antre ou amannman.  Go ahead Onorab.

 

HON BASIL HOAREAU

Mersi Mr Speaker.  Mr Speaker…

 

(Interruption)

 

MR SPEAKER

Bon, mon’n dir i annan en propozisyon ki’n ganny fer – napa nanryen ki konkret.  Onorab Basil Hoareau i pe koz lo sa Bill as is, ok?  Apre petet dan son entervansyon, i pou anmenn Amannman.  Si sa Amannman then i aksepte, then nou pou koz lo Bill as amended.  nou pou debat lo Bill as amended.

Me selman – bon, petet mon ava partaz avek lezot Manm.  Nou’n osi diskite dan ABC.  Nou pou bezwen annan en dele letan.

Eski ler amannman i ganny propoze – si i annan en konsansis, eski nou pou re-ouver deba?  Kot i pou annan bokou repetisyon ankor, ok?  Me annou regarde koman i ale.  Mon ava donn parol Onorab Basil Hoareau.

 

HON BASIL HOAREAU

Mersi Mr Speaker.  Mr Speaker, nou Lalwa lo International Trade Zone Act ti ganny entrodwir an 1955.  E pandan sa letan mon mazinen, letan Lalwa in vin anfors, ti annan en rezondet pour nou anmenn sa Lalwa isi Sesel.  I ti en letan ki bokou pei ti’n komans entrodwir sa ki nou, nou apel en International Trade Zone, e bokou pei zot, zot apel sa koman en Free Trade Zone.  E i annan bokou lavantaz ki ou gannyen koman en pei, letan ou annan sa bann Zone.

Enn bann lavantaz ki’n ganny nonmen bomaten se ki, i anmenn lanplwa dan ou pei.  En lot lavantaz se ki, i anmenn foreign exchange earnings dan pei.  Sa i bann lavantaz ekonomik ki sa bann aktivite dan sa bann Zone i anmennen pour pei.

Me osi Mr Speaker, nou bezwen realize ki i kapab annan serten dezavantaz ki vin avek sa bann aktivite.  Par egzanp, i kapab ki – parske bokou pei, in order pour attract sa bann investors dan zot ziridiksyon, e nou, nou enn sa bann pei.  Nou donn zot bokou bann lavantaz, bann serten exemption.

E bokou sa bann exemptions i sipoze plito an relasyon avek bann fiscal incentive;– par egzanp, nou pa pe pey taks.  Me selman i annan lezot osi ki nou donn zot – par egzanp, lo kote employment.  Nou fer ki par egzanp, zot bann kondisyon employment ki bann travayer i antre, ki travay dan sa Zone i gannyen.  An relasyon ek sa bann anplwayer, sa bann investors, sa bann investors i dan en pli bon pozisyon ki en investor an deor sa Zone.

Par egzanp, nou Employment Act pa aplikab avek, an relasyon ek bann, ek sa bann ZoneWhereas nou Employment Act i aplikab avek tou bann lezot Kontra Lanplwa an deor sa Zone.

E savedir, i annan en lavantaz ek en dezavantaz ki vin avek.  Parske nou bann travayer Seselwa ki al travay dan sa bann Zone, pa pe ganny menm proteksyon ki en travayer Seselwa ki pe travay an deor Zone.

Nou bezwen met sa an kont Mr Speaker.  E se sa ki nou bezwen bear in mind letan nou pe deal avek sa Lamannman ki pe ganny propoze.

E savedir an dot mo, ou kapab annan bann lavantaz ki vin avek, lavantaz ekonomik.  Me nou bezwen osi get son lenpak sosyal ki sa bann, ki sa Lalwa i anmennen.

Akoz letan nou get benefis pour pei, nou pa kapab zis konsantre lo son lefe ekonomik, me nou osi bezwen pran kont son lenpak sosyal ki sa lamannman, ki sa Lalwa ki sa bann aktivite i anmennen lo nou pei Mr Speaker.

Mr Speaker, annou get lamannman; lamannman; ki pe ganny propoze.  Lamannman ki pe ganny propoze, i pe demande ki nou retir seksyon, subsection  2 dan Seksyon 14.  E ki, Onorab Henrie in sey fer sa bomaten, e in eksplik en pe.

Be annou get byen, annou gete ki Seksyon 14(2) i provide prezaman.  Ki i pe fer?  I pe dir ek ou senpleman poudir, gete letan Minis i fer Regilasyon, kot i deside pour amann en existing regulation ouswa sa schedule – e sa schedule i basically plito pou fer ek bann Lalwa ki pa aplikab avek, dan bann ITZ, sa lamannman ki Minis i fer an relasyon ek Regilasyon ouswa ek schedule, pou napa lefe adverse, okenn lefe advers kont en existing licensee.

Savedir en dimoun ki’n deza ganny license e i pe operate dan sa bann Zone.  Pou napa okenn lefe adverse an relasyon ek okenn konsesyon ki sa dimoun in deza pe gannyen.  Sa ki i pe dir.  Regilasyon 2, subsection 2, subsection 4, sa ki i pe dir.

Okenn Regilasyon ki ganny pase, pa pou adverse li, afekte en existing licensee an relasyon ek bann konsesyon ki in deza pe gannyen.  Par egzanp, si i pe ganny en konsesyon kot i pa pe pey business tax, ou pa kapab – sa Regilasyon pa pou kapab fer li pey business tax, sa ki i pe dir.  E sel keksoz ki i fer, se i anpes Minis annan, pas Regilasyon ki pou annan sa lefe lo sa bann dimoun, Mr Speaker.

E nou’n ganny dir poudir enn bann risk ki nou kapab annan si nou tir sa Regilasyon, nou tir sa subsection 2 se ki, bann biznes i kapab fermen, bann biznes dan ITZ i kapab pack up and go elsewhere. 

Savedir bann dimoun ki pe ganny anploye avek zot, nou bann Seselwa i kapab ganny afekte.  Bann earnings ki pei ti pe gannyen, sa osi i kapab afekte.

Me nou bezwen get sa osi parey mon’n dir, eski sa Lalwa pe dir poudir demen Gouvernman par sa lamannman … tou bann konsesyon ki sa bann dimoun in gannyen i nepli egziste.  Sa lamannman pa pe fer sa li.  Sa lamannman pa pe dir poudir ozordi letan nou pas sa lamannman, tou konsesyon ki sa bann dimoun dan ITZ i gannyen i fini.  Sa pa korek ditou.

Sa lamannman pe selman dir poudir from now on Minis i kapab fer Regilasyon e pouvwar pou Minister fer Regilasyon i deza la anba Lalwa li.  Zis i annan sa kondisyon poudir i pa pou afekte sa bann dimoun.  Nou pe dir poudir Minis i kapab fer Regilasyon e sa Regilasyon letan Minis i fer, i pou annan lefe an relasyon tou dimoun.  Swa bann dimoun dan lefitir ki pou al fer aktivite dan sa bann Zone, ouswa bann existing licensee – sa ki i pe dir.  I pe dir poudir Minis i kapab fer Regilasyon ki i pou kapab annan lefe an relasyon ek tou dimoun.

E, savedir sa bann dimoun pa pe ganny proteze anymore kot i pa pou kapab afekte zot.  Me i pa vedir ki, zis akoz nou pas sa ozordi, zot perdi tou zot konsesyon.  Prezan i pou en desizyon Polisi, en desizyon ki Minis i bezwen fer dan en fason rezonnab e judiciously.

Akoz i pe pas en Regilasyon at the end of the day, kot i pou fer sir poudir letan i pe pas sa bann Regilasyon, i bezwen fer sir e i konsider son lenpak, son socio-economic impact ki i pou annan.  Eski i pou vedir si i pas sa Regilasyon, vreman sa bann dimoun pou ale demen?  Eski i vedir poudir si i pas tel Regilasyon, Seselwa pou perdi travay?  I pou bezwen pran tousala an konsiderasyon avan ki i pran sa desizyon, Mr Speaker.

Mr Speaker, apre tou se nou ki annan kontrol lo nou lekonomi.  Se nou ki annan kontrol lo nou pei.  E nou, nou bezwen pran bann keksoz ki dan benefis – fer bann keksoz, pran bann desizyon ki dan benefis sa pep.  E se sa ki mon krwar en Minis letan, Minis Finans letan ki i pou deside pour pas Regilasyon, i pou bezwen pran tousala an kont – bann lavantaz ek bann dezavantaz.

Parske Mr Speaker, Onorab Afif in servi nou pe – konmsi Minis pe met son boxing gloves.  Mwan mon dir non.  I pa pe met en boxing gloves on pour li al lager ek sa bann dimoun.  Me o kontrer ki nou pe fer?  Nou pe zis delarg lanmen Minis.  Parske la lanmen Minis i en pe anmare la li.  Akoz menm si i vwar poudir i annan en Regilasyon ki devret ganny pase e ki kapab ganny pase pour benefis pei, me i pa kapab pas sa Regilasyon akoz, ki pou afekte existing licensees.

Savedir kot i santi poudir i annan en benefis, akoz i riske annan bann sityasyon kot nou dir, be ou konnen kwa?  Sa exemption nepli fer sans.  Ouswa, pei pe perdi plis par sa egzanpsyon ki olye ki i gannyen, ok?

Par egzanp, nou’n koz lo pansyon.  Eski nou war li fair pou dir, bann travayer ki dan sa bann Zone pa pe ganny menm benefis pansyon ki bann travayer ki an deor Zone.  Eski nou war li fair?  E eski nou war li fair ki travayer ki dan Zone,  pa gannyen, pa garanti en konpansasyon at the end of zot lanplwa?  Me travayer an deor Zone i garanti.

E si Minis letan i get sa demen i dir – gete, mon krwar nou devret fer tou dimoun egal.  E i deside pas en Regilasyon ki dir pou pran lefe ozordi.  Mon pa war li, mon pa ti pou war li mal dan bann sityasyon koumsa, dan en sirkonstans ki mon’n koz lo la.  Me mon dakor si Minis i dir, prezan business tax pou ganny peye.  Then – pou dir ek sa dimoun ozordi pou lannmen, sa i en pe unfair.  Me ki mon pe dir?  Mon pwen se ki, pou annan Regilasyon ki kapab ganny, ki kapab, i annan plis lavantaz, pa fer li pran lefe la, ki dir anvoy li pli tar.

E Minis li, i a deside par egzanp, si Minis i fer en Regilasyon ek business tax.  Si nou pa pe pran kont lo amannman ki nou pe al ganny propoze.  Minis dan son Regilasyon i kapab dir poudir sa Regilasyon pou pran lefe 6 months or any, whatever time ki i dir after its publication.  Savedir i donn zot letan.  I tout en Polisi desizyon – ki i pe fer?  i pe zis allow Minis en pe plis diskresyon.  Akoz la napa diskresyon, i pa kapab afekte okenn par Regilasyon, okenn existing licensees, Mr Speaker.

E se sa ki nou pe dir – sa lamannman i pa pe dir poudir otomatikman sa bann dimoun i perdi zot konsesyon.  Me rather i allow Minis sa room to manoeuvre, si i deside ki i annan rezon, i annan rezon valab, pou fer ki sa bann dimoun i perdi zot konsesyon.

E li Minis, i ava deside ki mannyer i pou fer sa e krwar.  Prenon kont out bann fakter, kwa ki dan lavantaz sa pei, kw aki pa dan lavantaz.  E nou, nou parey mon’n dir Mr Speaker pli boner, nou dan sa Lasanble, nou reste ek en pouvwar nou, ki Onorab Pillay ti koz lo la pli boner.  Nou reste ek en pouvwar e nou pouvwar se ki, si nou vwar poudir Regilasyon fer par Minis, i enn kot i pe abiz son pouvwar, i enn ki pa dan benefis lepep, i enn ki pa benefis Lepep Seselwa, nou, nou kapab annul sa Regilasyon.  Sa ki nou annan.

E sa en pouvwar ki Lalwa in donn nou.  E in donn nou akoz nou, nou ki’n donn Minis pouvwar pou fer Regilasyon.  E nou bezwen kit sa supervisory control lo Minis pou fer sir i pe servi son pouvwar byen – pa dan en fason abusive, ouswa dan en fason arbitraire.  E se sa ki nou bezwen mazinen, se ki si nou vwar poudir i annan en keksoz parey nou dir, pou afekte pei, then nou kapab annul li.

Mr Speaker, nou’n deza koze dan Lasanble.  Sa dan lo tou le 2 kote latab ti koz menm langaz, mon rapel.  Mon krwar dan Bidze, lo Tourism Incentive Act.  Nou ti enplor Gouvernman pour ki sa bann lotel ki pe enjoy bann incentive anba Tourism Incentive Act, ki i devret ganny retire.

Nou’n deza koz lo la, nou ti dir tire.  Nou tou – tou le 2 kote latab ti pe dir sa.  Nou ti dir, o pli vit posib, tir sa bann incentive, parske nou pa krwar pei pe benefisye avek sa bann incentive.  I ti plito sa bann hotel operators ki benefisye avek sa.

Be si nou ti dir ek Minis tire, akoz ki nou pa kapab donn Minis osi sa pouvwar, pour li kot i santi i annan en nesesite pou li fer bann Regilasyon ki pour, menm si i pou afekte bann existing licensees an relasyon avek zot bann incentive ki zot pe enjoy?  As long ki sa pou anmenn plis benefis pour pei.

Mr Speaker, mon’n fer en pti resers, mon get detrwa bann pei, detrwa bann pei pour gete si zot annan ki annan – bokou pei parey mon dir, i annan sa ki zot apel Free Trade Zone ouswa International Trade Zone; napa en pei ki son Lalwa i annan sa provizyon ki nou, nou annan.  Tou pei savedir ozordi, mon pe koz ou Singapour par egzanp, i annan en Free Trade Zone Act.  E son Seksyon 24 i permet Minis pou fer Regilasyon.  E permet ou – i napa en Clause ki anmar okenn lanmen Minis, ki dir ek li, ou pa kapab fer Regilasyon ouswa ou pa kapab fer Lalwa.  Ki afekte existing, adversely afekte existing licensee.

Mon’n get Kenya, li i annan en Special Economic Zone Act.  Li osi i napa sa provizyon.  Mon’n get MauriceMaurice osi napa sa provizyon parey nou.  Malaysie napa.  Tanzania napa – zot napa!  Sel ziridiksyon ki mon’n war nou’n met sa, se nou Sesel.

Mon pa konnen si petet an ‘95 nou ti vreman anvi attract sa bann investors, e alors nou ti pe donn zot en pti pe tro bokou.  E petet vre nou’n al en pti pe tro lwen, nou’n donn zot.

Ozordi nou pe realize – be gete, eski nou pa devret re-met sa balans byen?  Fer keksoz zis prezan.  E parey mon’n sir, be si sa bann dimoun i deside al Kenya/Maurice.  Be zot pa pou enjoy sa provizyon zot osi.  Akoz laba zot bann keksoz, zot bann konsesyon i kapab ganny afekte par nenport ki ler, an aport ki ler.

Mr Speaker, en lot keksoz nou bezwen bear in mind, sa Regilasyon la, sa Seksyon 2, 14(2), i selman anpes Minis fer Regilasyon.  Be si Lasanble li demen, si sa bann dimoun i pe dir koumsa poudir akoz sa, i vedir ki Minis i kapab pas Regilasyon at any time.  Be eski sa bann dimoun osi, sa bann envestiser, mon krwar zot bezwen realize poudir sa bann Lalwa, sa bann egzanpsyon ti kapab ganny sanze par en Lalwa par Lasanble.

Akoz sa pa anmar Lasanble sa!  Ti kapab ki Gouvernman demen, Minis i dir, be ok, mon pa anvi pas mon Regilasyon – ou anmar mon lanmen, mon pa kapab pas mon Regilasyon?  Gouvernman i prezant en Bill.

E si sa Bill i ganny pass?  I kapab amann sa International Trade Zone Act konpletman ouswa partially.

Tou kot i adversely affect sa bann existing licensee.  Sa i kapab ganny fer kont nou.  Zis nou pas en Lalwa, nou dir, nou oule ki schedule, sa schedule i ganny amande, business tax i ganny tire ladan.  Sa i kapab ganny fer.  Me ki nou pe dir?   Nou’n dir be ok, Minis ou fer Regilasyon, ou deal avek sa.  Me prezan nou pe dir, be larg son lanmen.  Li letan i deside, si i rezonnab, e nou koman Lasanble, anba Seksyon 64(2) of the IGPA, nou retain the power, the residual power pour nou annul sa Regilasyon si nou santi i neseser.

Me Mr Speaker, malgre tou sa bann keksoz ki mon’n dir, mwan mon krwar poudir in order pour nou sey at least ganny en konsansis, parske nou konnen poudir lot kote latab zot en pe retisan an relasyon avek sa lamannman ki mannyer pe ganny propoze.

Nou, nou pe propoze, e mon pa pou al an detay akoz mon’n deza koz lo la.  Nou pe propose pou dir – be gete, annou fe ne Lamannman kot nou a dir poudir dan 2 kondisyon Minis i kapab sanz, i kapab fer en Regilasyon ki adversely affect en existing licensee.

E se sa si Minis in antre dan en bona fide negotiation avek sa licensee, e negosyasyon pa’n vin successful e apre sa lamannman i pran selman 6 mwan.  Mon’n deza eksplike akoz 6 mwan.  E mwan mon krwar poudir, avek sa lamannman nou tou le 2 kote nou kapab zwenn ansanm, kot nou nobou meet half way.

E kot Minis i kapab, son lanmen in ganny delarge preski antye, i kapab fer son Regilasyon.  Me solman i bezwen montre bonne foi, al kot sa dimoun avan, fer zot konnen ki pe arive, negosye ek zot.  E dezyenmman i apre 6 mwan.

E Mr Speaker, avek sa mon ti a kontan move sa Lamannman swivan – e ki mon pe move la Mr Speaker, the wording of Seksyon 14(2).  Si nou pou propose wording Mr Speaker, e mon a lir swivan –

‘’where the Minister, by regulations amends the schedule or any regulations, the amendment shall not operate to the disadvantage of a person who is the holder of a license at the time of the coming into effect of the regulations, in connection with any concession, enjoy by the holder of the license at the time except in the following circumstances:-

  • The Minister has entered into bona fide negotiations with the person regarding the proposed changes and negotiations have failed, and;
  • The amendments shall only take effect in relation to the person 6 months after the coming into force of the regulations

So, se sa ki nou pe propoze.  At least nou kapab zwenn ansanm, meet each other half way e fer sir poudir nou pa zis – parey nou’n dir lentansyon se ki, pa annou zet sa proposal.  Akoz i annan en bon nide deryer sa proposal.  E an menm tan pour nou nobou bouze e fer sir ki sa Lalwa ki nou pe pase i dan benefis pei.  Mersi Mr Speaker.

 

MR SPEAKER

Mersi Onorab Basil Hoareau.  Yes Onorab De Commarmond.

 

HON CHARLES DE COMMARMOND

Mr Speaker, mon oule segonn sa lamannman.

 

MR SPEAKER

Ok.  I annan en amannman ki’n ganny propoze.  In ganny segonde.  Eski – wi.  Onorab John Hoareau ou ti oule debat lo la?  Ok.

 

HON JOHN HOAREAU

Mersi Mr Speaker.  Bonn apre midi….

 

MR SPEAKER

Lo..

 

HON JOHN HOAREAU

Pardon?

 

MR SPEAKER

…amannman, en?

 

HON JOHN HOAREAU

Wi, wi.  Bonn apre midi Mr Speaker.  Bonn apre midi a tous ki pe ekoute.  Mon krwar sa lamannman i fer bokou sans…

 

(Interruption)

 

MR SPEAKER

En moman, en moman, en moman, en moman.  Annou ganny…

 

(laughter)

 

MR SPEAKER

Annou ganny nou prosedir.  I annan en amannman in ganny segonde tou.  Let’s take a vote first.  Non?

We debate to Bill as amended.  Ok me selman deba i restrikte lo sa amannman, en?  Ki devan nou la, in fini ganny segonde.  Alo go ahead Onorab.

 

HON JOHN HOAREAU

Mersi Mr Speaker.  Mon satisfe ek sa amannman.  Mon krwar poudir i en amannman ki al dan en bon direksyon akoz pour plizyer rezon.  Bomaten parey mon ti’n vwar sa repeal sa bout Act, mon ti pou annan problenm pou vot pour sa repeal.  Me avek sa lamannman, mon krwar poudir sa lamannman pe al dan bon direksyon.

Premyerman Mr Speaker, mon krwar poudir i normal ki nou pa etab…, nou pa fer en kondisyon par egzanp, ler zwer pe al foutbol, in ariv lo laplenn.  E apre ler in ariv lo laplenn, nou dir li koumsa – be ok, ou bezwen pran en boul rugby e zwe rugby.  Sa pour mwan i totalman mal.

Me par kont, nou pa kapab osi anmar lanmen Gouvernman dan en serten fason ki, avek letan pei i evolye, tou keksoz i sanze.  Me a lavenir ou war ou avek en sityasyon kot ou annan en serten bout Lalwa ki ou pa pe kapab touse, ou pa pe kapab sanze pour benefis pei.

Alor Mr Speaker, sa Lalwa parey in ganny propoze, i pou donn sa fleksibilite Minis pour anmenn serten Regilasyon.  E nou aprezan si nou vwar sa Regilasyon i pa dan faver pei, nou ava pran en desizyon kont sa.

Mr Speaker, mon krwar i annan en pwen tre enportan osi ki mon pa’n tann personn touse bomaten lo sa size, se nou bann langazman ki nou annan anver, dizon bann konvansyon ki nou’n sinyen, sirtou bann Konvansyon ki annan pou fer avek lanplwa.

Nou annan Konvansyon ki nou’n sinyen avek ILO, avek – an se ki konsern Slave Labour osi, ensidswit.  I annan ki’n ganny menm ratifye dan Lasanble.

Alor, nou pa oule vwar nou dan en sityasyon demen kot en, lo nou teritwar pei, nou vwar poudir en lakonpannyen anba en Trade, anba en ITZ, en licensee anba ITZ, i anmenn serten travayer e i maltret sa bann travayer.  E nou, nou santi nou, nou lanmen anmare.  E nou pa kapab fer nanryen kont sa.  Akoz nou annan en lobligasyon avek sa bann Konvansyon Enternasyonal ki nou’n sinyen.

So, ankor i annan sityasyon ki Minis pou bezwen entervenir e pou kapab fer serten keksoz.  E sa i ava donn li sa leeway pour li fer sa serten sanzman.

Dezyenmman Mr Speaker, nou tou nou konnen poudir sa bann konpannyen, zot in vin etablir zot Sesel probableman, by this time zot in fini recoup zot, tou zot bann depans ki zot in fer pour zot etablir zot Sesel pour zot fe zot lendistri, ensidswit,  me nou still war nou avek en lakonpannyen ki nou pa pe benefisye vreman avek bokou avek an term taxation.

Nou pe dir nou oule en fairer society kot tou dimoun i pey son taks.  E Gouvernman i operate par sistenm ki anmas reveni avek, atraver taks e fer marse pei.

Me si nou pe annan nou en sityasyon kot nou lanmen i anmare, nou pa kapab anmenn sa kalite deba ek sa bann lakonpannyen pour nou fer ki zot kapab osi ede kontribye dan sa sosyete, ki zot in benefisye, zot in fer zot lakonpannyen, zot in agrandi zot lakonpannyen isi, alor mon krwar poudir nou pe senpleman, pe anmas plis lakok pistas.

Alor Mr Speaker, i tre byen, i tre enportan ki dizon dan lefitir nou kapab vwar bann, serten lamannman ki, serten Regilasyon ki vini.  Sirtou an faver, pou fer laplenn en pti pe pli nivo pour tou dimoun ki pe operate dan Sesel.

Mon konnen poudir zot annan serten sa bann drwa aki ki zot in gannyen par zot bann, par le fe ki zot in antre anba serten Lagreman Komersyal.  E selman mon krwar o sant sa deba se, konbyen letan ki nou pou kapab anmar lanmen Gouvernman avek en bann Lagreman ki, sirtou bann Business Agreement, bann Commercial Agreement?

Anba ki kantite letan ki nou pou donn Gouvernman pour li kapab sanz serten keksoz?  E parey Msye, parey Onorab Hoareau in fer resorti oparavan, sa 6 mwan dele letan, mwan osi mon krwar i rezonnab.  Mon krwar i rezonnab dan le sans ki, touzour nou mazinen poudir en biznes i planifye son fiscal year, i planifye son cash flow.

Me dan lespas 6 mwan i kapab fer serten lazistasyon pour li kapab, si i annan okenn depans an plis pou li fer pour li kapab zwenn sa bann depans.

Mr Speaker, an menm tan mon krwar poudir i osi byen ki nou’n kapab fer sa Lamannman.  Akoz mon ti ava kontan demen vwar ki serten biznes ki pe operate Sesel i dir – be ok, i nepli fer sans pour li operate Sesel, alor i pran son semen i ale.  So, sa lide pou anmenn en dyalog bona fide pou fer sir ki keksoz i kapab ganny aranze atraver dyalog, i senpleman fason ki mon krwar nou devret al pli devan.

Avek sa Mr Speaker, mon kontribisyon ti en pti pe lo sa lanplwa, en pti pe lo sa size bann Konvansyon ki nou’n sinyen aletranze e ki nou bezwen respekte.  E pou donn en pti pe plis sa leeway Minis pou li kapab fer serten travay dan sa direksyon.  Mersi.

 

MR SPEAKER

Mersi Onorab John Hoareau.  Onorab Ferrari.

 

HON JEAN-FRANCOIS FERRARI

Yes Mr Speaker, mersi bokou.  Mr Speaker, mon tann plizyer Manm dir ki fodre pa ki nou annan bann lendistri, oubyen bann biznes ki anmar lanmen Gouvernman.  E Gouvernman i bezwen annan sa posibilite pou li fer bann Regilasyon.

Gouvernman Sesel an 1995, in fer en keksoz ki vreman difisil – vreman konplike.  E mon pa konnen si i annan okenn lot Gouvernman ki’n kapab fer sa.  Se ki Gouvernman, personn pa anmar son lanmen.  In anmar son lanmen li menm.  E sa i difisil sa!  Pou pran en lakord pou anmar ou lanmen li menm, fodre vreman ou en contorsionniste.  Zot in anmar…

 

(Interruption)

 

HON JEAN-FRANCOIS FERRARI

Mon pwen Onorab Pillay se ki, Gouvernman in anmar son lanmen e la ozordi se sa sityasyon ki nou ladan – lanmen in anmare!  Ok?  E mwan dan tou sa bann deba ki mon’n fer dan sa Lasanble, e dan tou sa travay ki bann, dan tou sa bann vot ki mon’n vote pour IOT ganny zot 13enm Mwan Saler, zanmen mon’n deza blanm IOT.  Mon’n toultan blanm Gouvernman, ki’n anmar son lanmen!

Mon krwar sa i en pwen ki nou bezwen fer li kler.  Nou pa bezwen, nou pa kapab antre dan sa deba an mazinen poudir sa bann dimoun, sa bann konpannyen ki IOT, ki Chelle Medical in vin isi Sesel, in anmar lanmen Gouvernman.  Nou’n anmar nou lanmen – zot in anmar nou lanmen zot menm!

E sa i enportan, en pwen depar – akoz?  Mon santi ki ler Onorab Hoareau i dir ki nou’n in zwenn nou half way, i pa’n zwenn n ou half way.  Onorab Hoareau i ankor dan en mind-set, dan sa kalite panse ki Gouvernman i supreme.   E ki i devret annan sa posibilite pou li fer sa ki i anvi.  E ki li ki annan rezon dan bokou bann ka e dan sa ka an partikilye.

Sa ki enportan se ki, dimoun deor i konpran byen.  Nou dan en sityasyon kot, nou dan en sityasyon ozordi kot – e la mon pe lir; Non-Applicability Provisions ki avek Lalwa, avek Lalwa SITZ 1995. Schedule – ki dan Schedule.  Ok.

I pa – Immovable Property Act pa aplike, ok?  Business Act pa aplike.  Trade Tax Act pa aplike.  Social Security Act pa aplike.  Licenses Act pa aplike.  Employment Act pa aplike.  Gouvernman in siny, in fer en Lalwa kot finalman in surrender tou son ziridiksyon, son souverennte lo sa bout nou teritwar.

Now – prezan ki nou fer ozordi?  Annou – la nou’n get en kou dan lepase ki zot in fer.  E zot in bezwen fer li akoz sa lepok ler zot in – be se sa ki nou bezwen konpran.

Ler zot in fer li, zot in met an plas en sistenm Kominis, kot personn pa ti oule vin Sesel.  Akoz ou pa pou zanmen met en sou Sesel.  Akoz sa lepok i donn Khashoggi en bout later, landmen i re-pran.  I donn en lot, landmen i re-pran.  I donn en laysenns, landmen i repran.  Pa rode si mon ti ladan, si mon pa ti ladan.  Mon pe dir ou ki mannyer ti ete.  E la nou’n bezwen donn zot tou sa bann fasilite.  Nou’n bezwen donn zot en bout nou teritwar pour nanryen, akoz zot pa ti pou vini.

Prezan, ki nou bezwen fer?  Nou pa kapab bat zot sa bann dimoun.  Nou bezwen negosye avek zot.  Nou bezwen negosye, ok?  E negosye, se touzour – nou pa kapab al negosye avek gro lebra, avek Lotorite akoz nou ki Gouvernman.  E si zot pa kontan, zot ava ale!

Pa koumsa ki marse.  Mwan mon santi Mr Speaker, ki sa ki nou pe diskite ozordi, i en keksoz vreman enportan.  Akoz i annan bann investors, i annan bann konpannyen ki deza Sesel, i annan en bann ki pe invest e i annan en bann ki pe re-invest, e i annan en bann nouvo ankor ki pe vini.

Mwan par egzanp, sa konpannyen OPS ki fe delwil ki Onorab Georges in koz lo la, in koz lo la pli boner – ki fer delwil ton avek collagen.   E si nou tir sa, e nou donn li 6 mwan delay.  Ou krwar sa konpannyen pou vin invest Sesel?  Ou krwar i pou expand son loperasyon Sesel?  Mon pa tro asire mwan!  Mwan sa ki mon krwar, se ki nou pe anvoy the wrong message.  Sa ki nou bezwen fer se, negosye.  Parey nou ti fer – Minis i konnen.  Ou kapab negosye.

E, me selman nou pa negosye en mettant – nou pa fer parey i annan en Minis dan lepase, ok mon ava dir, parey Mrs Sylvette Pool letan i ti Minis.  I ti dir ek bann dimoun Roche Caiman, sa i zot lakaz, selman nou kapab aras zot!  Mon pa pou kondann ou prizon, selman mon kapab kondann ou prizon, en?  Ok?

Konmsi mon pe travay anba menas.  Se pa sa ki nou oule.  Se sanmenm sa, Onorab Pillay, ki zot in fer avek bann fermye.  E ozordi bann fermye partou dan Sesel i fait!  Akoz zot kas bann kondisyon.  E fodre zot antre dan sa mood negosyasyon in good faith.

E mwan mon santi Onorab Hoareau, ki – mwan mon santi ki 6, sa bout ki ou’n mete, e lezot Manm osi i santi parey, 6 mwan ki ou dir ek en dimoun – si pa negosye, si nou pa tonm dakor, mayos i dan mon lanmen.  Dan 6 mwan mon pou donn ou ek mon mayos.  Nou pa fer koumsa.  Nou pa fer koumsa Onorab Hoareau.

Nou bezwen fer li in good faith.  E mwan, e parey Onorab Georges in dir, i annan plizyer konpannyen ki pe peye 13enm Mwan Saler.  Ler nou negosye in good faith, parey Minis in dir nou, i annan 2 laspe – i annan 2 Regilasyon ki pou vini.  Minis pou vin avek en Regilasyon lo 13enm Mwan Saler.  Apre Minis pou vin avek en negosyasyon lo, is ou kapab ganny en pe duty free pour ou servi an deor ou compound.

Mwan Minis, ou konnen ki mon ti ava dir?  Donn zot 3, 4 loto si zot oule, duty free.  Selman, annou negosye, annou trade-off.  Mon – sa ki pli enportan se ki IOT i pey, e out bann konpannyen dan International Trade Zone i pey zot travayer zot 13enm Mwan Saler– se sa ki enportan.  Dan negosyasyon i pou annan bann trade-off.

E se sa ki nou anvi fer.  Me selman, nou pa anvi negosye.  E Onorab Hoareau i konn mon pozisyon akoz mon’n dir li pli boner.  Nou pa anvi, personn pa anvi negosye anba en mayos, anba en gran kouto.  So –.

 

(Mic Off)

 

HON JEAN-FRANCOIS FERRARI

Egzakteman. Msye, Onorab Pillay i dir nou Mr Speaker, i demann mwan si nou pou negosye ziska leternite.  En pwen ki nou bezwen fer se, negosye avek sa bann konpannyen ki la.

Dezyenm keksoz ki nou bezwen fer se, komans negosye la kan pou terminen sa bann benefis.  Akoz?  Akoz?  Mr Speaker dir Onorab Pillay les mwan koze.  Akoz napa en pei, e Onorab Hoareau in dir, napa en pei ki pou donn zot menm konsesyon.  Be vre napa en pei.  Akoz napa en pei ki pou donn zot menm konsesyon ki nou’n donn zot – akoz?  Akoz si nou pa ti’n donn zot en open-ended, IOT napa en limit – ni 20an, ni 30an.  I kapab reste isi 500an anba sa Lalwa, i still pa pou pey nanryen.

So, sa i pa byen.  Nou ti fer sa akoz nou ti dezespere.  Nou ti bezwen al rod en dimoun deor.  Dan dezespwar, nou’n sinyen.  So, ki nou bezwen fer dezyenm keksoz?  Se komans negosye la, ozordi pour lafen sa bann konsesyon ki napa limit avek – la!  Parey nou’n fer avek bann lenvestisman dan tourism.  I annan en pe ki ariv a lafen, i annan en pe ki nou’n negosye e ki nou’n ganny en pozisyon konpromi kan i pou terminen.

E zis pou dir avek Onorab Pillay ki, ler mon ti pe fer referans avek sa konpannyen ki ganny fuel, zis pou dir ou ki mannyer negosyasyon i marse Onorab Pillay.  S akonpannyen elikopter ki ganny fuel ki ou, ou pe sey defann.  Ou pe sey defann Zil Air akoz mwan mon ti pe sey get, rode akoz Zil Air i ganny konsesyon fuel.

 

(Interruption)

 

HON JEAN-FRANCOIS FERRARI

Wi, wi, ou ti pe sey defann taler.  Ou ti dir mwan mon ti quash sa (SI).

 

MR SPEAKER

Onorab!  Onorab!  Onorab!

 

HON JEAN-FRANCOIS FERRARI

…les mon a dir ou Onorab Pillay,

 

MR SPEAKER

Onorab!  Onorab!

 

HON JEAN-FRANCOIS FERRARI

….negosyasyon koumsa i marse

 

MR SPEAKER

En moman.  Onorab Ferrari, annou retourn lo Bill as amended.  Annou retourn lo Bill as amended.

 

HON JEAN-FRANCOIS FERRARI

Negosyasyon Mr Speaker, i mars, mon ganny en korespondans avek SS Finans, SS kot Finans – SS kot Finans i dir mwan, sa konsesyon pe ariv a son lafen an Desanm.  Alors nou pa bezwen quash sa (SI), les li ariv an Desanm, son konsesyon i ava fini – se koumsa.  Se koumsa.  Se koumsa ki dimoun rezonnab i fer.  Se koumsa ki dimoun rezonnab i fer.

 

(Interruption)

 

HON JEAN-FRANCOIS FERRARI

Pardon?  Non, non.

 

(Interruption)

 

MR SPEAKER

Onorab Pillay.

 

HON JEAN-FRANCOIS FERRARI

 Non, non.  Anyway, mon pa pe l antre dan en deba avek ou Onorab Pillay!  Selman mon anvi dir ou, sa ki enportan ozordi se ki, sa 2 pwen ki nou lo nou kote latab nou’n fer, e ki Onorab Pillay ti konpletman kont, i ti dan en fason isterik bomaten.  In kriye dan sa Lasanble ki i pa dakor, finalman la in dakor.  2 pwen – enn, nou bezwen negosye.

La prezan nou still bezwen get sa time delay ki nou pe donn zot.  Nou bezwen donn zot – nou bezwen negosye sa time delay akoz nou bezwen konpran.

E mwan, mon ava met mon konfyans dan Minis avek son bann teknisyen pour zot zize a sa moman la, si zot santi ki i pridan pour nou ale pran en vot e deside ki nou met nou mayos obor nou ler nou negosye, oubyen eski zot negosye in good faith e ki nou vwar sa bann konpannyen si zot annan zot good faith?

Apre nou ava gete si nou pou bezwen tir en mayos oubyen ou pa bezwen tir en mayos.

So, sa se mon pwen akoz mon santi ki nou pe pran en keksoz ki tre riske la – tre, tre riske.  An menm tan ki nou anvi met lavi bann travayer IOT egal avek tou lezot travayer Seselwa.  Nou pe ouver en laport demen pour nou kas bann kondisyon ki zot Gouvernman, ki ti dan dezespwar, in negosye e ki sa bann dimoun i annan zot drwa ozordi.

Nou pe ouver en laport e ki nou – e deza dan sa deba la ki nou pe ozordi, i annan Mr Speaker, dimoun ki pe ekout nou e ki pou komans mazinen poudir, be sa en Gouvernman serye oubyen pa en Gouvernman serye.  E ler mon tann Onorab Hoareau dir poudir, be Lasanble i la li osi pou li met en kontrol, pou li mayose si Gouvernman pa kapab fer.

Me non, nou, nou en Lasanble serye nou.  Nou bezwen bear in mind sa bann Kontra ki zot, zot in sinyen!  Nou pa pou zet sa bann Kontra akoz ki’n sinyen.  Sesel – repitasyon Sesel ki on the block la ozordi.

Se pour sa ki mwan mon demann en refleksyon profon.  Sa amannman ki nou’n diskite pli boner lo negosyasyon, mon fully dakor.  Mon santi ki m on bann koleg isi i annan bann pwen pou fer lo sa time delay ki nou bezwen, ki swetab, pou fer ki bann dimoun i ganny konfyans.

Akoz nou’n anmenn en tranzisyon politik Mr Speaker, avek lide pou donn konfyans bann dimoun.  E se sa ki nou’n fer, nou’n donn konfyans.  E la ozordi, zot riske pe fer en desizyon ki pou kas sa konfyans sa bann envestiser, e nou pa anvi sa i arive.

So, mon pa anvi ki zis akoz Gouvernman in met en Bill lo latab, zot santi zot oblize pour zot siport sa Bill.  Annou kontinyen reflesir.  Annou ekout lezot Manm ki zot annan pou dir.  e nou ava gete kote nou pe ale.  Sa se mon pwen, Mr Speaker.  Mersi.

 

MR SPEAKER

Mersi Onorab.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker, sa propozisyon ki annan devan n ou la, i en propozisyon enportan.  Mwan mon pou al lo good faith.  Sa mon good faith in sorti.  Tou sa ki nou pe fer ozordi dan nou Lasanble, i baze lo good faith.  E sa ki’n ganny fer avan, in osi baze lo good faith.

Ler sityasyon, parey plizyer pei i rod fason pou ganny envestiser.  Ler sa ti ganny fer, bann dimoun ki ti al negosye lo par Gouvernman, in good faith, pa tou ki dan Gouvernman ozordi.

Serten i dan Lopozisyon ozordi.  Be mon pa pou al lo la.  Mon mansyonnen pour nou kapab konpran poudir at that moment ki ti ganny fer, ti fer in good faith pour nou anmenn, atrakte lenvestiser.

Be selman, i vre.  Be nou pa pou al blanm personn akoz i ti pe ganny fer in good faith.  Be nou vwar poudir i annan keksoz ozordi ki nou bezwen rektifye.  E akoz nou bezwen rektifye?  Se nou menm nou dan Lasanble isi, mon mazin byen dan – letan nou ti pe diskit dan en Bidze, plizyer issues nou bann Manm Lasanble dan tou le 2 kote, nou’n met devan, lo travayer, tretman ki mannyer i ete, kondisyon ki mannyer i ete dan bann konpannyen, zisteman ki dan sa bann Zone ki nou pe koze la – Free Trade Zone la ki nou e kose.

Now, Prezidan Larepiblik in ekout nou.  Egzekitiv in ekout nou.  Nou bann pwen ki nou fer avanse, zot in tande.  E zot in fer bann propozisyon pou anmenn devan.  E sa ki la devan se egzakteman sa.

Me nou letan in anmenn sa propozisyon devan, nou vwar poudir nou osi nou kapab kontribye an plis akoz i nou lentansyon lo Lasanble, at least lo kote latab, i kler pour nou.  Pour nou kapab get e re-get sa ki egziste.

Me pandan sa letan, Lotorite i osi fer en keksoz.  Zot in ale, negosye ek plizyer sa bann konpannyen la, IOTyou name itLeader Lopozisyon bomaten in fek dir nou.  IOT par egzanp, i dakor, me problenm ki arive la, se nou bezwen en lankadreman legal.  Akoz letan i tonm dakor, e prezan i bezwen met kot son Headquarters, e son Headquarters, laba i dir – tyonbo en kou, ou’n koze, be kote ki marke sa zafer la?

Be nou bezwen donn zot en keksoz pour li kapab re-fer lo la.  E se sa keksoz ki nou pe fer la, sa amannman.  Laba i a montre son Headquarters poudir nou pa pe zis kas sa dan nou latet.  I pa zis en koze ki nou ti koze dan cocktail.  Me se baze lo vre negosyasyon in good faith, baze lo bann Regilasyon ki annan devan nou, ki Gouvernman in mete – mayos ti napa.

Me selman nou konnen mayos ti napa, si an ka pa pe tande.  Me selman zot in tande.  Zot tande, zot pare pou konpran, ok?  Pa fodre ni servi fizi, ni nanryen.  Sa ti something in the pastSo, in dakor, in konpran.  Be zis zot bezwen zot pour zot lankadreman legal.  Pour li kapab annan en baz, pour zot – akoz sa bann konpannyen zot osi zot annan bann shareholders – zot poz kestyon.  So, i bezwen annan en keksoz debaz ki sa bann sanzman ki nou pe rode i aplike.

E mon dakor, Onorab John Hoareau ki mannyer in koze.  Se egzakteman sa.  Se egzakteman sa e ki konsern nou tou isi.  Nou, nou pe dir, vwala, si nou pe al in good faith, nou ale ansanm.  Be in good faith osi, nou’n dir Gouvernman letan ou vini avek Regilasyon, nou, nou pe vey ou.  Ou (SI) letan i vini, si good faith pa ladan, nou, nou pou vey, nou pou quash.

So, i annan tou sa bann mezir oversight ki nou kapab fer lo sa ki nou pe propoze ozordi.  Selman si mon servi parol Onorab John Hoareau, pa anmar lanmen Gouvernman.

Les fer sa bann keksoz dan benefis nou pep, dan benefis nou travayer Seselwa – spesifikman sa, dan benefis nou travayer Seselwa.

E mwan mon krwar dan sa lespri, Mr Speaker, pou met annord serten keksoz e 13enm Mwan Saler, pansyon, ki nou pe koze.  Bomaten nou fek pe koz lo pansyon.  Nou’n fer tenir sa gro Bill Pansyon la.  Nou’n dir tyonbo en kou, nou bezwen re-get li konpletman.  Be la osi nou bezwen gete.

Mwan mon sagren Mr Speaker, letan mon war Seselwa ki travay IOT, ki ganny aksidan, ki pa ankor mor erezman, e ki pa pe travay, pa kapab travay ankor, i pa pe gannyen pansyon.  Pa pe gannyen akoz zisteman, sa ki nou pe koze pa egziste.

La letan nou a fer sa, i a kapab fer ki Seselwa ki a ganny en aksidan, i a kapab ganny en pansyon.  Nou frer, ser Seselwa sa ki nou pe koze.  Nou travayer Seselwa ki nou pe koze.  Silvouple, lo lot kote latab, mon beg zot pou konpran dan direksyon ki nou pe koze.

And in good faith siport sa Prozedlwa e annou fer ki travayer Seselwa i a war li – ki travay dan sa bann landrwa, Trade Zone la, i a kapab osi benefisye parey lezot travayer dan nou pei i benefisye.

E mon krwar zot ava apresye ki Lasanble i pe mazin zot, i pe fe keksoz de byen pour zot.  Zot a kontan ki Gouvernman, Egzekitiv in vin avek Prozedlwa ki nou siporte dan zot faver.  Se sa ki ou bezwen fer dan nou pei, Mr Speaker.

E mwan mon met sa la devan nou Lasanble.  Mon siport sa amannman ki’n ganny fe.  E mon asire Minis pou siporte e pou al dan sa direksyon ki nou pe koze la.  E sa i nou lepok.  Annou gete ki mannyer nou kapab fer the future brighter pour nou travayer Seselwa.

Avek sa, mon demann tou Manm pou re-konsidere e siport sa Lamannman in good faith.  Mersi bokou Mr Speaker.

 

MR SPEAKER

Mersi Onorab De Commarmond.  Onorab Afif.

 

HON AHMED AFIF

Mersi Mr Speaker.  Mr Speaker, mon ekout sa deba e mon pe swiv direksyon ki tou le 2 kote pe propoze.  Tou dabor, les mon a dir ki mwan mon konpran antyerman sa dilenm ki Minis i trouve ladan.

Mon konpran sa antyerman mwan.  Minis i konpar son lekor avek plizyer lezot Minis dan larezyon.  E i regard en pe dan konteks Sesel li menm.  Kan li i pas en Regilasyon, i aplikab pour out dimoun.  so, set en keksoz ki ou koman Gouvernman ou bezwen annan sa fleksibilite.  Ki ler ou enpoz en direksyon, i bezwen marse.  Sa mon konpran antyerman.

Me nou bezwen osi an menm tan, realize poudir nou dan en sityasyon ki en pe diferan ek bokou pei.  Dan le sans ki, zour nou ti annan en problenm, nou’n met en lankadreman pou atir dimoun.

E dimoun in vin anba sa baz.  E dimoun in ganny konfyans pandan, mon pa konnen, depi ‘95, i fer 23an ki zot in ganny konfyans ki poudir anba sa rezim ki zot ladan, in annan stabilite.

E zot in aksepte sa stabilite, zot in kontinyen envestir eksetera.

Mwan mon konpran, parey mon ti komanse le mon dir mwan.  Mon konpran akoz Minis i dir, be oke, ou pa’n en serten peryod letan, ou’n kapab fer ou profi, ou’n kapab tir ou benefis.  Be ozordi mwan mon anvi, sityasyon i sanze, mon anvi sanz sa lanvironnman e sa lankadreman.

Sa i byen sa, mon napa problenm ek sa mwan.  E mon krwar nou devret fer li dan en fason kot an menm tan nou kapab sanze.  Me nou pa fer Sesel, oubyen sa bann envestiser – nou pa fer Sesel perdi figir.  Nou pa fer sa bann envestiser mefye nou.  Akoz nou pe fer keksoz tro vit, tro vit!

Pour mwan, mon krwar negosyasyon – e bomaten Leader Lopozisyon in mansyonn sa, in mansyonn sa byen pou dir lakle ladan se negosyasyon.  Negosyasyon akoz nou ki’n met nou lekor dan sa pozisyon.

Sesel ki’n met son lekor dan sa pozisyon kot i ete ozordi.  E Sesel ki bezwen tir son lekor dan e fason rezonnab avek tou sa bann envestiser.  E ler nou pe koz envestiser ozordi – ou’n mansyonn bomaten Minis, mon krwar 700 ekek travayer ki dan ITZ.  Mon prezimen laplipar i dan ITO e i annan detrwa lezot dan – kekfwa 2 oubyen 3 lezot lakonpannyen.  Se sa vreman ki pe anploy dimoun isi Sesel.  Mwan mon santi mwan ozordi dan en pozisyon, e mon asire tou bann Manm lo sa kote latab, nou santi nou dan en pozisyon tre, tre responsab.  Responsab – akoz?

Si dizon nou ale, nou aksepte sa Amannman, nou dir 6 mwan.  Nou tou nou lev nou lanmen, nou vote.  Me selman, laba deor, ou annan enn parmi sa 3, 4 CEO oubyen zot aksyonner deor, i dir en, en, sa kalite, sa ki nou’n war la, sorry, sa zot pe vin tap nou ek en taks.  Zot pe vin anmenn isi, zot pe vin – akoz zot pa konn ou lide zot.  Ou, ou’n eksplik nou, me zot pa konnen zot.

E ler zot vwar sa, sa lenpresyon ki ou pe donn 3, 4 envestiser mazer, ki kontrol lavi 700 ekek fanmir, i kapab.  Akoz nou desizyon ki nou pran la apre midi, dan 2 erdtan, avan 5er – sa desizyon i kapab afekte 700 fanmir.

Kestyon mon pe demande Mr Speaker – eski nou bezwen pran sa desizyon la konmela?  Oubyen, eski – parske nou, nou fek ganny sa Bill 2 zour pase nou, fek ganny sa nou.

ITZ Amendment fek ariv kot nou la.  Nou fek gannyen.  Nou pa konnen e mwan sertennman lo mon kote mon pa’n koz avek lendistri.  Mon pa ankor ganny sans fer li.  Mon pa konnen ki zot pou panse.  Si ou koz ek zot e zot dir ek ou, be look, mwan mon IOT par egzanp.  I dir, be mwan mon IOT, mon, mon pe pey Income Tax, ki Gouvernman ti pe mazin anmennen?  Mon konnen zafer 13enm Mwan, wi – be 13enm Mwan i pou oke li.  Selman donn nou en lankadreman.  Fer krwar li i dir sa – li i oke li.  Nou fini konpran omwen 500, 600 travayer pa pe en gran problenm la.  Nou’n fini konpran sa.

Be lo lot kote ou annan en lot ki – Onorab De Commarmond i dir, i annan en bann ki pa pe ganny pansyon.  E li i dir, non, non, non, si ou pou vin avek en lamannman pou fer entrodwir pansyon, mon pa pou tonm dakor.  E si apre 6 mwan negosyasyon i fail, mon pou fermen, mon pou ale.  I posib, sa i en posibilite.  Nou pa konnen ki mannyer zot pe panse.

Eski i annan okenn danze ki Gouvernman i fer en travay, kot i donn nou en pe, en pe parey zot ti fer le zot entrodwir nouvo Lalwa lo Tourism.  Zot konsilte partou, zot fer bann konsiltasyon.  E la nou napa bokou pou konsilte avek.  i forse – mon krwar laplipar, ou’n nonm 20 ekek sa bann operater.  Me selman bann ki vreman mazer, dan en 5.

Si nou kapab konsilte, konpran en pe pozisyon sa bann dimoun.  I pa pou pran lontan pou fer sa.  I a pran en mwan, 2 mwan, nou a gete.  Ler nou’n ganny sa feedback, nou osi nou a ganny letan koz ek zot.  Akoz nou osi nou pe zwe en rol enportan.

Nou Lezislater nou.  Nou ki pou met sa annefe menm si Gouvernman i propoze.  Nou santi nou responsab.  Nou santi nou bezwen pran en desizyon ki pou donn konfyans envestiser dan Sesel.

An menm tan, i pou gard lanplwa pour tou sa bann dimoun.  e nou – mon krwar i pa normal pou enpoz lo nou dan 2erdtan, ozordi.  Apre detrwa zour ki Bill in pibliye, in vin devan nou, ki nou bezwen vot – mon konnen i zis en laliny.  Me sa laliny sitan enportan, ki kapab afekte 700 fanmir.

E mon pa vwar akoz nou pa kapab pran nou ankor detrwa semenn, en mwan, e mwan pour nou ganny en feedback.

Pour nou konpran ek sa bann dimoun – mwan lo mon kote, mon kapab fer enn, de kontak ek sa bann lakonpannyen. Pour mwan ganny zot feeling.  Mon pa dir nou bezwen al aksepte sa ki zot dir, mon pa pe dir sa mwan – sertennman.

Me nou bezwen konnen ki persepsyon i annan laba deor.  E ki pou kapab arive si nou enpoze.  Pa vedir nou pa pou aksepte nou.  Me selman nou bezwen konn konsekans ki nou pe vot lo la.  Nou bezwen konnen.  E i posib nou a dir, be oke, zot pa pe dakor, be selman zot osi zot pa rezonnab.

Be nou pou go ahead with it still.  Nou bezwen konnen sa – be la nou pa konnen.  Akoz nou pa ankor annan sa enteraksyon ek sa bann dimoun – nou pa konnen.

Mwan mon krwar nou devret fer en keksoz ki al an faver Sesel dabor – travayer Seselwa dabor.  Si fodre annan en pansyon pour donn dimoun, si fodre annan 13enm Mwan pou donn zot, be i normal sa.  Sa napa nanryen, nou pa kont sa nou.  Nou siporte tou sa bann keksoz nou.  Me selman, nou bezwen fer li dan en fason kot pa vo lapenn ou pou al ganny 13enm Mwan oubyen en pansyon, apre ou napa en dyob – sa osi i move.  Ou napa en dyob ou, ki 13enm Mwan ou pou al gannyen?  So, sa osi i enportan.

So, sanmenm sa mwan mon krwar i enportan ki nou, nou pran nou letan.  Nou pa bezwen pran 1an, nou pa nou bezwen pran 6 mwan.  Nou kapab pran nou letan pour nou etidye.  Onorab De Commarmond i remind mwan ki IOT i dir i pa pou zanmen ale.  Nou – set egzakteman pour sanmenm sa bann rezon ki mwan mon sir, ou bezwen annan enteraksyon pour ou kapab zize ki lenplikasyon pou annan le ou koz ek li.  I annan de fwa ou kapab servi lanmen for ek li e ou kapab dir li ale.  E ou get son reaksyon nou konnen i pa pou ale.  Me selman fodre ou fer sa legzersis.  Fodre ou fer sa legzersis!  Si ou pa fer sa legzersis, ou pran en desizyon san fer sa legzersis, ou pa responsab.  Akoz si vre i ale, pa ou’n afekte lavi 500 dimoun?

So, mwan mon krwar koman en Gouvernman responsab – e mon krwar zot pou pran en pozisyon responsab, lo nou kote nou anvi adopte en pozisyon responsab.  Savedir, annan en peryod letan kot nou kapab – bomaten nou’n fer lo Fon Pansyon.

Nou’n krwar poudir i annan enn, de amannman ki nou devret seryezman mazin lo la.  E nou a pran nou en mwan, detrwa semenn, boner lot term nou vini, anmenn sa.  I zis en laliny sa – i zis en Clause, pa en gran travay!  Negosye avek 5, 6 gro lakonpannyen i pa en gro travay sa, pou nou ganny feedback.

Enn fwa nou konnen ki lenplikasyon, then nou kapab retournen, diskite.  E mon krwar mon pou santi mwan bokou pli konfortab.  Mon pa dir ou 6 mwan i pa rezonnab.  Be selman mon pa konnen ki son lenplikasyon.  Mon anvi annan en sans direksyon.

E annou fer li koumsa, ki nou kapab – par egzanp, Chelle i kapab dir ou, be gete, ki pansyon ki pe trakase, travayer napa?  Travayer i deza annan en pansyon – en Private Pension.  Si i dir nou sa, nou deza konnen sa pa en issue, ok?

So, tou sa bann keksoz se bann lenformasyon ki nou bezwen gannyen, ki nou bezwen annan atraver negosyasyon e atraver zot negosyasyon e bann operater, avek en feedback ki zot donn nou.  Ki nou prezan avan nou lev nou lanmen, nou santi nou satisfe ki nou annan bon lenformasyon.  Se sa ki mon ti a propoze Mr Speaker – ki nou differ diskisyon lo la ziska ler nou ganny bokou plis lenformasyon ki pou donn nou sa lasirans ki nou pe fer en bon desizyon.  Mersi Mr Speaker.

 

MR SPEAKER

Bon, mon krwar mon ava rantre pour entervenir la prezan.  Mon ava donn ou laparol Minis.  Minis i ava fer son konklizyon e – en moman.  Onorab Pillay ou pe al fer entervansyon ou?  Oule fer entervansyon?

Bon, zis mon ava – nou ti ganny en Lagreman dan ABC, mon annan lezot zofisye ki’n vini, ki pe atann depi 2.30, avek en bi ki nou ti pou fini sa travay ki nou’n komanse bomaten.  E pour nou pran lezot travay lo Order Paper.  Lafason ki keksoz pe ale, mon pa vwar ki nou pou pran sa 3 lezot Bill lo Order Paper ozordi.

E mon lentansyon i kler – 5er nou pe rann lantenn avek SBC.  So, san mon rantre lo zot drwa pour zot koze, mon ava pas zot laparol, nou ava fini sa Bill.  Ale, Onorab Pillay, swivi par Onorab Ghislain.

En moman nou tenir nou break 3.30 nou retournen 4er si nou pa fini travay lo Order Paper, 5er nou pe adjourn.  Laparol i pou ou Onorab. 

 

HON SEBASTIEN PILLAY

Mersi Mr Speaker, mon pour very brief, mon pour zis remind Onorab Afif ki i ti fer serten statement pandan letan ki nou ti pe diskit Bidze lannen pase ki i annan lenportans pour sa lamannman.  Ki Onorab Afif ti dir nou?  I ti dir nou senpleman ki IOT ler nou ti pe diskit 13enm Mwan Saler ki ti’n enkli dan Bidze,  mon rapel Onorab Henrie i ti dir mon, mwan mon toultan anmenn en largiman annou mete in case IOT pa peye, e IOT pa ti peye, ti annan bann zafer ki’n arive.

Me sa ki Onorab Afif i dir e mon rapel byen e mon ti pran sa mon ti al fer resers lo la se ki, i ti dir mwan IOT pa pour ale li, akoz i bezwen la kot nou.  I bezwen nou ton, i bezwen nou bann keksoz.  Ou pa kapab bully li eksetera, nou kapab bully li, nou kapab dir li fer serten keksoz i pour bezwen fer, me sa ki enportan se ki mwan mon’n pran sa koman en keksoz ki petet sa i en lapros ki nou bezwen pran ek sa bann Lakonpannyen ki’n vin isi kot nou’n donn zot en kantite loportinite, e prezan nou bezwen vwar ki mannyer atraver bann loportinite zot in gannyen, kwa ki zot ki zot kapab give back to the country.  

E mon krwar Onorab Afif in bezwen re organiz sa ki in dir vizavi sa ki ozordi i dir i pe dir.  Akoz mon pe dir sa Mr Speaker?  Akoz nou’n mete ladan, malgre mon pa antyerman dakor, me in mete ladan poudir i annan provizyon pour negosyasyon.  Sa ki mwan mon oule fondamantalman Mr Speaker ki mon oule impress nou bann Manm lo lot kote, e mon konnen poudir i annan zot ki feel that way, se ki ok.  23an pase lanmen Gouvernman in ganny anmare, me nou, annou la sa Lasanble, 6enm Lasanble let’s stand up and be counted, let’s stand up and be counted e dir ok ozordi nou, eski nou pou kit lanmen Gouvernman anmare oubyen eski nou pour delarg son lanmen avek bann kondisyon ki nou’n met an plas?

Mon pa krwar Mr Speaker spesifikman lo Lamannman mon pa krwar i fer sans pour nou dir ki nou bezwen al negosye aeternum avek en bann Lakonpannyen ki zot ki pour deside ki mannyer zot pour aplik nou bann Lalwa isi, Fon Pansyon in vin en Drwa Statitwar; Sekirite Sosyal i vin en Drwa Statitwar.  So bann keksoz ki’n vin bann Drwa Statitwar ki mandatory ki en Seselwa i gannyen nou bezwen kapab asire ki tou Seselwa i gannyen.

Ton i dan nou lanmer, resours i dan nou later.  Resours i dan nou pei, sa bann Konpannyen in etablir zot e zot in servi nou resours.  So a en moman donnen nou bezwen dir nou pa pe dir zot ale nou, nou pa pe fors zot pour ale.

E mon pour konklir Mr Speaker an dizan sa, ok zot pour al Maurice me Lopozisyon, I mean mon pa devret dir li koumsa, me plizyer fwa zot in servi legzanp Maurice pour dir nou poudir la, la mannyer Maurice i fer ler nou ti amann Lalwa Offshore, be akoz ozordi legzanp Maurice pa aplikab?

Legzanp Maurice napa provizyon pour anmar lanmen Minis, akoz ki ozordi i pa aplikab Maurice?  Akoz legzanp Singapore ki zot in servi pour Lalwa Offshore i pa aplikab ozordi?  

So sa bann, zot pour al Singapore, be zot pour perdi ki, kote zot pour ale?  So mon krwar nou bezwen aksepte poudir pa dizour o lanmen nou pa pour al atak sa bann Lakonpannyen, sa bann letan atak en Konpannyen in fini sa.  I pa sa, nou ki nou pe dir koman 6enm Lasanble, se nou bezwen al rode ki mannyer nou kapab fer dimoun benefisye, si sa bann Konpannyen i devret submit zot return, zot a submit zot return.

Akoz tou bann biznesmenn menm bann ki biznesmenn la anndan zot submit en return, zot bezwen peye tax.  Nou pa pe dir al fer dizour o lanmen al fer sa bann dimoun pey tax, me nou bezwen rezonnab dan sa ki nou pe demande.  E mwan mon enplor mon bann koleg lo lot kote latab, annou fini lo en vot ek sa e donn Gouvernman posibilite.  E si en (SI) i vini nou pa dakor avek, we annul the SI, we have the power.  Mersi Mr Speaker.

 

MR SPEAKER

Mersi Onorab Pillay.  Onorab Ghislain.

 

HON CHANTAL GHISLAIN

Yes Mr Speaker mon annan zis en pti pwen leklersisman, Onorab Afif in dir ki as en, i kapab al fer negosyasyon ek sa bann Konpannyen mon’n tann li in dir sa, eski i pe dir nou poudir as politisyen prezan zot ki pour al negosye?

And lefet ki i osi ti, letan i ti PS sa letan i ti form parti enn bann negosyasyon inisyal avek enn sa bann Konpannyen, eski i pe dir nou, eklersi nou si i annan keksoz ki ti annan oparavan ki la prezan i bezwen al re negosye ki li i kapab dan sa kapasite koman en politisyen pour li al re negosye?

Mersi Mr Speaker, sa leklersisman ki mon ti oule.

 

MR SPEAKER

Malerezman mon pa pour pas li la parol akoz nou pa dan Staz Komite pour li eklersi son pozisyon.  Bon mon ava donn la parol Minis.  Non apre Minis.  nou pe al vot lo Bill as amended.

 

(Mic Off)

 

MR SPEAKER

Nou pour…

 

(Mic Off)

 

MR SPEAKER

Ou’n fini koz lo Bill as amended?

 

 

(Mic Off)

 

MR SPEAKER

Ou’n fini koz lo amannman.  I annan en lamannman. Oou’n koze ou.  Si nou lo Staz Komite nou annan sa enteraksyon avek Minis.  Me ler mon donn Minis the Right of Reply, then nou al lo en vot.  Me selman nou annan en lamannman ki nou debat lo la nou bezwen pran en vot lo sa amannman.

 

(Interruption)

 

HON JEAN-FRANÇOIS FERRARI

Sa ki mon pe dir…

 

MR SPEAKER

Non, en moman, en moman…

 

HON JEAN-FRANÇOIS FERRARI

Sa ki mon pe dir, sa ki mon pe dir i ok pour ki Minis i fer en summing-up.  Selman nou vot pour depan lo sa ki Minis i dir so mon ti a zis kontan enform Minis ki direksyon nou pe ale apre.

 

MR SPEAKER

Wi, wi i annan … Order!  Order! I annan en amannman, nou debat lo sa amannman, nou pran en vot lo sa amannman ok?  Yes Onorab Georges.

 

HON BERNARD GEORGES

Mr Chair mersi bokou.  Lo sa amannman, mon ti annan en propozisyon lo bann amannman ki mon ti anvi fer. Me mon konsyan apre diskisyon lo sa kote latab ki, e mon pa krwar ki mon pe devwal okenn sekre, ki pozisyon ki nou vwar nou ladan se swa nou vot en keksoz ki nou pa pour konn son konsekans, Bill as amended, swa nou demann en adjournment pour vote plitar.

Akoz si nou pour vot lo en keksoz ki nou pa konn son konsekans parey Onorab Afif in eksplike i pour, nou pour annan konstrent vot kont.

Akoz si nou vot an faver nou pe vot en keksoz ki nou pa konn son konsekans, si nou vot kont i ava donn Minis loportinite pour re negosye e retournen.

Alor eski mon kapab fer en propozisyon etandonnen ki in any events se Minis menm ki pour la ki nou adjourn la pour dite avan ki Minis i reponn, akoz mannyer mon vwar nou pour al dan en sityasyon yes, no.  

Alor kekfwa sa i ava donn nou en loportinite pour ariv lo en konsansis.  E si i pa ariv en konsansis nou pa’n perdi nanryen, nou pour ariv a en desizyon ki bezwen pran.  Mersi.

 

MR SPEAKER

Ok, bon mon krwar in en propozisyon e nou’n ariv ler pour nou pran en break, mon ti dir nou pour pran en break 3.30.  Nou ava pran en break e ler nou rantre nou ava kontinyen avek repons Minis e apre nou ava pran en vot, ok?  Nou ava break e nou ava retournen 4er.

 

(BREAK)

 

MR SPEAKER

Bon nou ava kontinyen nou travay, mon ti a zis kontan ganny zot pwennvi, mon konnen i annan en negosyasyon ki’n ganny fer pandan break, ki desizyon ki zot in pran?  Yes Onorab Ferrari.

 

HON JEAN-FRANÇOIS FERRARI

Mersi Mr Speaker, Mr Speaker se vreman senserman ki mwan dir ki mon apresye korperasyon Minis avek son lekip lo sa, a sa moman la ki nou ete akoz i pa’n fasil e nou’n pas en kantite letan pe negosye, pe diskite e mon krwar ki Minis i, mon remersye li pour konpran sa dilenm ki nou ladan, e vreman nou pa, nou vreman konpran merit sa Prozedlwa, me selman ti tre, tre enportan ki nou antanm, nou komans en negosyasyon avek bann partner dan SITZ e nou ti anvi komans sa lo en baz onnet ok?

E alors nou’n fer en propozisyon ki sa Prozedlwa i ganny differ pour 1 semenn oubyen 2 semenn, sa se ou lofis ki i ava deside Mr Speaker, se next, at the next time ki Minis i vin dan Lasanble mon mazinen kekfwa i pa pour semenn prosenn, me pour semenn apre, nou ava’n fini fer tou nou bann konsiltasyon, tou bann deba in fini ganny fer e nou a kapab pran en vot lo la.  So sa i mon propozisyon e mon swete ki mon ganny sipor lot kote kot Leader of Government Business.  Mersi.

 

MR SPEAKER

Mersi Onorab Ferrari. Onorab De Commarmond.

 

HON CHARLES DE COMMARMOND

Mr Speaker i annan serten osi lezot Lalwa an relasyon ek sa amannman ki nou pour fer la e mon sizere ki sa propozisyon ki’n ganny met devan nou la, e i ganny konsidere, e mon segonde.  E ki kantmenm pa 1 semenn, kantmenm pa 2 semenn whenever sa bann lezot Lalwa i vini i a, sa ki nou pe sispann la i ava ganny taken up avan apre sa bann lezot Lalwa i vini, konmsi a menm moman, menm zour, menm moman i ava ganny taken up si zanmen, si i Septanm, si kwa mon segonn sa propozisyon.

 

MR SPEAKER

Minister, mon pa konnen si sa i en bad day pour ou, ou premye Bill bomaten nou pa’n fer Third Reading in differ, ou dezyenm Bill pe differ me, bon si i annan en konsansis i annan, yes Onorab De Commarmond.

 

HON CHARLES DE COMMARMOND

Mr Speaker sa in ganny fer osi dan lespri ki ou propozisyon ki nou annan devan nou sa 3 Prozedlwa ki nou merit take up la, konmsi i a donn nou letan pour nou kapab osi fer sa.

 

MR SPEAKER

Ok, pour nou pa dwell, kontinyen dwell lo la.

 

HON CHARLES DE COMMARMOND

Wi, wi, wi…

 

MR SPEAKER

Ki nou pa ankor, ok nou pa ankor kapab pran en desizyon, bon i annan en Mosyon ki nou differ, in ganny segonde.  Annou pran en vot lo sa Mosyon pour nou differ deba ki pour enkli, parey Onorab Ferrari in dir, i annan bann konsiltasyon ki pour ganny fer pandan 1 semenn, 2 semenn e ler nou pour retournen nou ava regard pwennvi lede kote apre nou ava donn Minis Right of Reply pour nou kapab pran en desizyon, so i annan en Mosyon to differ debate pour 2 semenn, akoz semenn prosenn nou pa pour kapab met li, nou deza annan serten preparasyon nou’n fer pour semenn prosenn.  So mon mazinen i ava vin semenn, le 7, le 8 Out, ok nou ava pran en desizyon.  Tou Manm ki an faver?  Okenn ki kont?  Ok Madam Clerk.

 

MADAM CLERK

Mersi Mr Speaker, mon’n rikord 19 Manm an faver e personn kont.  Mersi.

 

MR SPEAKER

Ok Mosyon i ganny aprouve, savedir sa Prozedlwa lo ITZ i ganny, lo amannman ITZ i ganny differed until a further date.  Bon nou ava bouze nou annan prosennman lo Order Paper, zis mon ava eskiz bann zofisye ki i annan pour fer avek ITZ Mr Alexander ek Ms Auguste, ok wi, ok State SS Payet osi avek PS Thesée.  Mersi.

 

(MR ALEXANDER AND MS AUGUSTE WAS EXCUSED FROM THE HOUSE)

 

MR SPEAKER

Mon ava demann ki nou, Parliamentary Reporter pour apel bann lezot zofisye, bon prosennman lo nou Order Paper nou annan Bill, Constitution of The Republic of Seychelles Ninth (Amendment) Bill, 2018.  Se sa ki nou pe al pran.

Bon mon ti a kontan welcome Secrétaire D’État pour zafer Cabinet Mr Mohammed Afif e Depite Secrétaire D’État pour Cabinet Mr Johnny Bastienne parmi nou e Minis Loustau-Lalanne i touzour prezan e osi pe ganny lasistans Mr Victor Pool e Ms Bootna from AG’s Office.

Bon mon kapab ganny en reading, en Mosyon pour Second Reading please.  Yes Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker anba Standing Order, anba 91 (1) mon oule move ki nou sispann Order 64 (1) nou Standing Order pour permet Constitution of the Republic of Seychelles Ninth (Amendment) Bill 2018 pour ganny lir en Dezyenm Fwa.

Mon oule move sa ki nou sispann Order 64 (1) pour nou sispann si oule sa 7 zour Notice akoz nou napa 7 zour Notice pour permet sa Bill ki mon fek nonmen ganny lir en Dezyenm Fwa.

 

MR SPEAKER

Wi mersi, Onorab De Commarmond.  Bon nou bezwen fer sa prosedir premye, okenn Manm ki segonde?  Onorab Sebastien Pillay.

 

HON SEBASTIEN PILLAY

Thank you Mr Speaker, Mr Speaker mon pour segonn sa propozisyon.

 

MR SPEAKER

Bon i annan en Mosyon ki’n ganny segonde pour sispann Standing Orders, ki pour permet Bill lir en Dezyenm Fwa dan lespas 2 zour.  Nou’n fer First Reading yer.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Speaker mersi, 18 Manm an faver e personn kont.  Mersi.

 

MR SPEAKER

Bon ok, sa Mosyon in pase, mon ava aprezan demann Mosyon pour Second Reading.

 

HON CHARLES DE COMMARMOND

Mersi Mr Speaker, mon oule move ki the Constitution of The Republic of Seychelles Ninth (Amendment) Bill, 2018 i ganny lir en Dezyenm Fwa.

 

MR SPEAKER

Mersi Onorab De Commarmond, okenn Manm ki segonde?  Okenn Manm ki segonn sa Mosyon pour lir Ninth Amendment? Onorab Sebastien Pillay.

 

HON SEBASTIEN PILLAY

Thank you Mr Speaker. Mr Speaker mon segonde ki the Ninth Amendment i ganny lir en Dezyenm Fwa.

 

MR SPEAKER

Mersi Onorab Pillay.  Bon mon ava pas laparol avek Minis pour li prezant son Bill. Minister.

 

MINISTER LOUSTAU-LALANNE

Mersi Mr Speaker. Mr Speaker vi ki Chairman Komisyon pour nepli en Chairman Egzekitif, nou propoz ki parey tou post Chairman Board oubyen Komisyon sa post pa pour annan en Pansyon Konstitisyonnel atase avek li.

Pour nou fer sa i neseser amann Konstitisyon pour retir Seksyon 4 (a) anba Lartik 115 (c) Konstitisyon ki ti fer provizyon pour sa Pansyon Konstitisyonnel pour Chairman Komisyon Elektoral.

Sa Seksyon i lir konm swivan;

the pension payable to the Chairman of the Commission shall be prescribed by or under an Act and the pension shall be charged on the Consolidated Fund”

Alor Nevyenm Amannman Konstitisyon se senpleman pour retir sa Seksyon.  Mersi Mr Speaker.

 

MR SPEAKER

Mersi Minis.  Bon deba i ouver lo Ninth Amendment to the Constitution.  Okenn Manm ki oule entervenir?  Bon si napa okenn Manm ki oule entervenir nou ava zis….  Yes Onorab De Commarmond?

 

HON CHARLES DE COMMARMOND

Non…

 

MR SPEAKER

Onorab Henrie ou oule entervenir oubyen non?  Ou oule entervenir?  Ale go ahead.

 

HON GERVAIS HENRIE

Ok, mersi Mr Speaker.  Nou pe fer en lamannman, nevyenm lamannman Konstitisyonnel e mon ava, mon panse krwar ki pour bokou nou bann Manm Lasanble, i en moman ase privilezye, ki pour pran en vot lo en tel lamannman, parski malgre okenn dimoun la anndan mon krwar pa ti form parti Komisyon ki ti ekri Konstitisyon, konmsi parmi bann Per Fondater nou Konstitisyon, be selman plizyer nou, a plizyer moman ki’n dan Lasanble, nou’n ganny sans partisip dan en moman kot Konstitisyon in ganny amande.

E alor la ozordi 6enm Lasanble pe fer en Nevyenm Lamannman.

Mr Speaker parey Minis son prezantasyon in vreman kourt, wi i en lamannman ki ase straight forward.  Solman mon pa kapab mank sa lokazyon pour mwan dir en keksoz ki lo mon leker ki mon senserman santi.  Sa lannen nou pe selebre 25an nou Konstitisyon,

I ti en lannen ki enportan e Konstitisyon letan ti ganny ekri ti annan en propozisyon ki i annan en moman dan lavenir ki ganny regarde e ganny sanze pour fer asire ki i reflekte realite son moman.

E mon krwar sa lannen i ti pour en bon moman pour fer sa.  E sa ki mwan anvi dir se ki mon krwar in en moman ki nou’n rate, akoz mon ti a plifere vwar ki nou pe fer en reform konplet.  En pe parey mazin semenn pase ler nou’n asize 1 semenn pour nou dan en Staz Komite get Code Civil e mon ti ava swete ki sa lannen i ava annan en moman ki nou ti pour fer sa avek Konstitisyon.

Dan mon lanmen la par egzanp i annan en Constitutional Review Committee Report ki’n propoz plizyer sanzman ki lo sa kote latab e piblik Seselwa, lot kote latab osi mon prezimen zot ti partisipe zot ti annan reprezantan dan sa Komite, me nou vwar poudir sa bann lamannman la i vin en pti pe piecemeal.

Anfen mon konpran  bezwen annan en sityasyon kot nou pe annan byento en nouvo Komisyon Eleksyon ki pour ganny apwente e Gouvernman i oule ki bann, sa Komisyon son lanmen pa anmare, son bann striktir i an plas e i kapab fonksyonnen normalman, me solman sa ki mon anvi met lo rikord ki mwan Gervais Henrie Manm Elekte, mon santi se ki mon krwar i en moman rate kot nou ti’n merit regard nou Konstitisyon 2018 dan son totalite ki mannyer nou kapab amann li e fer li reflekte sa letan modern ki nou pe viv ladan.

Annou pa get li konmsi nou annan en boufe devan nou, la, nou pase nou pran en rezen nou ale nou fer 2 letour, nou koz en konversasyon laba nou pik en olive – non! Vini annou pran en lasyet annou swazir met en pe salad, en bout pwason lo la, asize manze byen konplet, vant byen plen.

Donk se sa ki mon ti anvi dir Mr Speaker, akoz mon santi poudir i pa fer pei zistis letan nou zis nou detanzantan pou zwe avek nou Konstitisyon. Konmsi en masin ki nou ouver tanzantan get ladan me pou kase en zour avek nou.

Si nou pou fer en servis zeneral annou fer li byen olye ki piecemeal amendments.

Mersi bokou.

 

MR SPEAKER

Mersi Onorab Henrie.  Onorab De Commarmond.

 

HON CHARLES DE COMMARMOND

Mersi Mr Speaker.   Mr Speaker sa propozisyon – kot sa Prozedlwa ki devan nou set en Prozedlwa senp.  Mon’n ekout entervenan avan mwan e dan legzersis pou nou fer bann sanzman mazer dan nou Konstitisyon, i pou pran plis letan e la nou, nou dan en dilenm akoz by Vandredi, nou pou napa en Electoral Commissioner ni sa bann sanzman ki nou’n fer dan Lalwa pou annan en Chairperson Electoral Commission ni en CEO nanryen pou napa.

E avan Electoral Commissioner ti ganny en pansyon, me letan nou pou aboli sa bann pos therefore sa pansyon pa pou egziste – nou oule tir li dan Konstitisyon akoz ti ladan.

So senpleman sa ki nou oule fer pou nou bouz vitman pou nou prepar nou dan lot letan.  Nou annan nou en lot letap enportan kot i konsern Eleksyon dan Sesel.   Nou Electoral Reform i la devan nou e i bezwen ganny fer dan en fason konplet e nou bezwen dimoun la kot Biro Eleksyon, CEO, Electoral Commissioner ensidswit pou zot kapab fer sa travay.  Alor sa i form par tou le 3 Lalwa e sa i form par en zafer ansanm sa.  Alor sa i premye apre ki pansyon apre Electoral Commissioner pa pou egziste akoz sa pos pou nepli egziste so i osi senp ki sa.  So mon ava demande ki nou bouz vitman dan sa direksyon pou nou kapab fer lezot keksoz ki annan pou fer apre sa.

 Me sa issue amann Konstitisyon dan en fason pli konpreansif, i en pwen enportan, wi mon dakor avek me selman i pou pran nou bokou plis letan pou nou fer konsiltasyon ankor, pou nou kapab nou menm nou, digest sa bann lamannman ki pou sibstansyel e pou permet ki nou fer keksoz konkret. 

Mon krwar dan sa peryod letan ki nou’n pase la detrwa semenn pase kot nou ti pe reflesir lo nou Konstitisyon lo bann amannman posib – tou sa i dan sa lespri.

Me li i pou keksoz pli gran, pli konpreansif ki nou pou bezwen fer en pti pe pli tar.  Mersi.

 

MR SPEAKER

Mersi Onorab De Commarmond.  Onorab Bernard Georges.

 

HON BERNARD GEORGES

Mersi bokou Mr Speaker.  Mr Speaker mwan osi mon ti anvi pran laparol briyevman apre midi pou rezwenn en pti pe sa ki’n ganny dir deza.  Nou tou nou konpran – ou plito nou konnen dan ki direksyon sa lamannman pe ale.

Me mwan personnelman mon pa enn sa bann dimoun ki krwar ki sa lamannman i neseser pou achieve sa ki nou anvi achieve.  Sel keksoz ki Konstitisyon i dir anba 4(a) Clause 4(a) Lartik 115 (c) se ki se ki nou apel en enabling provision.  I dir ki si i annan en pansyon en pou ganny preskrir anba en Lalwa i pou en charge lo Consolidated Fund.   I pa li menm li kree sa pansyon.  Son pansyon i ganny kree dan en lot Lalwa ki pe vin devan nou en pti pe pli tar.

E mon krwar ki sa ki Gouvernman pe fer ler zot pe anmenn sa se sa ki Onorab Pillay i fer nou rapel tanzantan, e ki i dekrir koman ‘out of the abundance of caution.’

Nou pe fer sa pou met li an deor tou dout ki sa Chairperson sa Electoral Commission pa pou annan en pansyon e sa mon sipoze vin en pti pe apre sa zizman Lakour Konstitisyonnel resaman ki ti poz en kestyon lo eski bann pansyon ki ganny peye a serten Constitutional Appointees ti konstitisyonnel akoz i pa ti reflekte dan Konstitisyon.  Mon krwar personnelman largiman Lakour Konstitisyonnel i mars byen dan en direksyon, me i pa vedir ki son opposite i neseserman neseser.  Me i devan nou e nou pa vwar okenn gran merit pou pa aksepte li.

Mon bezwen rezwenn sa ki Onorab Gervais Henrie in dir apre midi apre osi mon konsern.  En Konstitisyon i en dokiman enportan – nou tou nou konnen.  Dan sa lannen la nou’n koz lo li plizyer fwa nou apel li tou sord keksoz; nou apel li menm en Dokiman Sakre.

E while en Konstitisyon i fodre toultan pe viv – e i fodre toultan azour e i pa fikse dan en letan, i bezwen ganny amande pou li kapab pe toultan koz avek son dimoun dan en fason kotidyen, i osi en dokiman pou pa amande dizour a lannmen ou pa amann li fasilman.

Son striktir li menm li i dir ou, ki mannyer i pou difisil pou amann li.  Annefe ler nou pou vot lo la ozordi fodre nou annan plis ki 2 tyer Manm Lasanble – pa zis sa ki la ozordi me fodre nou achieve 2 tyer of 34.  Fodre nou annan 18 dimoun ki vot an faver sansan i pa pou pase.

Alor i en provizyon i en keksoz ase enportan ki nou pe fer e nou pa devret pe fer li souvandfwa, ki en zour nou pou annan parey Lanmerik the 27th amendment oubyen the 35th amendment oubyen whatever, ki nou ava gard nou bann amannman en pti pli dan en fason ki restrikte.

E ou menm ou Mr Speaker ti dir nou lotrozour dan lokasyon 25enm lanniverser nou Konstitisyon dan en lot Foronm ki ou ti pe look forward pou Nevyenm enm lamannman Konstitisyon, akoz i ti pou annan en kantite lamannman, ki nou ti pou met Konstitisyon azour en sel fwa.

Gouvernman pa’n ekout ou akoz zot in anmenn 2 laliny pou amann the Ninth  – dan sa 2enm amannman nou Konstitisyon.   Me nou’n ganny dir ki i neseser mon pa neseserman partaz sa lopinyon, me parey mon’n dir from an abundance of caution fotespere ki pou napa okenn polemik plitar.

Nou pe tir sa pansyon akoz e nou pou ganny dir sa dan enn bann Lalwa ki pe vini, zis apre sa enn ki lespri se ki Chairman Electoral Commissioner dezormen pa pou en job a plen tan i pou en job part time e i pou lo menm nivo ki Chair CAA e Chair PSAB, alor i bezwen annan en serten legalite.

E mon krwar an prensip bann Constitutional Appointees, se ki bann dimoun ki Constitutional Appointees ki a plen tan parey nou parey bann Minis, eksetera, i annan en pansyon e bann ki part time napa en pansyon ki vin avek.  E sa set en lespri ki nou kapab konpran.

Alor Mr Speaker avek swe ki si pa pou Nevyenm lamannman me Dizyenm lamannman nou Konstitisyon ki ava vini fotespere en pe plitar sa lannen i ava sa lamannman konpreansif, ki nou tou nou pe espere depi 2008, ler Constitution Review Committee ti asize e fer serten propozisyon. 

Avek sa detrwa mo Mr Speaker mon krwar ki mon ava aret la e nou ava anmenn nou sipor pour bann rezon ki’n ganny evoke a sa pti lamannman.  Mersi.

 

MR SPEAKER

Mersi Onorab Georges.  Onorab Basil Hoareau.

 

HON BASIL HOAREAU

Mersi Mr Speaker.  Mr Speaker mon pou vreman kourt.  Mon krwar sa lamannman i neseser.  Mon konpran kote Onorab Georges in dir letan i dir pa neseser dan lesans ki sa Lartik – sa sub article ki nou pe amande dan li menm i pa donn ou en drwa pansyon as such, me parey in dir ti annan en enabling provision kot i allow en provizyon ganny fer.

Me letan Konstitisyon i koz lo equality before the law i enportan ki li menm li nou Konstitisyon i montre sa egalite dan lesans poudir, parey in ganny eksplike par Onorab Georges poudir Chairperson of the Electoral Commission, prezan i annan menm kalite rol ouswa menm lenportans ki Chairperson of SCAA or Chairperson of Public Service Appeal Board.

E i pou nepli en fulltime job as such akoz lamannman ki i pou anmennen evantyelman avek Elections (Amendment) Bill ki pou vini nou pou kree en CEO ki pou manage the day to day affairs of the Electoral Commission. 

So vi ki dan nou Lalwa prezaman Chairperson of CAA or Public Service Appeal Board –(PSAB) zot, zot pa entitled pou en pansyon,  Konstitisyon pa fer referans poudir zot entitled – en Lalwa i kapab donn zot en pansyon  i alors  i fer ki nou pa osi donn provizyon ki Chairperson of the Electoral Commission i kapab ganny en pansyon.

Savedir sa mon pe fer sir poudir Konstitisyon pe kree en legalite, dan sa bann lofis.  E mon krwar i enportan ki nou retire – nou retire sa provizyon parske demen i kapab annan en posibilite ki en Lasanble i deside pou li pas en Lalwa pou li donn en pansyon sa Chairperson si sa enabling provision i reste dan nou Konstitisyon.

I fer kler poudir i entitled pou en pansyon i annan son gratwite ki i ava gannyen e alor  mon krwar sa Bill i en senp lamannman me i en lamannman ki neseser kanmenm.

E mon dakor ek tou lede entervenan ki’n koz avan mwan poudir nou bezwen annan sa lamannman sibstansyel nou Konstitisyon.  Nou bezwen gete e la Mr Chair, mon ti ava kontan refer en lapel.  Mon ti deza dir ki lofis Prezidan i devret fer nou ganny en kopi sa rapor ki in ganny fer.  Mon konnen Onorab Henrie in ganny sa probableman avek e Onorab Georges mon mazinen vi ki i ti en Manm lo sa Komite me nou nou’n demande sa rapor nou, nou pa ankor gannyen.  Mon ti a kontan petet Mr Speaker at least ou lofis i ….

 

(Mic Off)

 

HON BASIL HOAREAU

Ok do the necessary pou fer nou gannyen – pou fer nou ganny en kopi sa rapor ki tou Manm i a ganny en kopi sa rapor parske letan i ariv dan Lasanble, avek bann amannman ki pe vini nou a vreman konnen si i pe kouver tou lamannman ki ti ganny sizere, e nou, nou osi nou ava kapab pran bann mezir neseser si nou krwar i annan lamannman ki devret ganny enkli.

Mon krwar i enportan nou pe al selebre byento 25enm- lanniverser, nou Konstitisyon e mon krwar i enportan pou nou reget nou Konstitisyon an gro e fer bann lamannman kot neseser.  Alor nou ava nobou fer nou Konstitisyon vin pli modern e azour.  Mersi Mr Speaker.

 

MR SPEAKER

Mersi Onorab Basil Hoareau.   Mon krwar nou fini selebre 25an.  No0u’n fini selebre 25an.  Nou ankor – nou ankor dan 25an – wi.   Depi le 18 Zen – wi.   Mersi Onorab.  Onorab Afif.

 

HON AHMED AFIF

Mersi Mr Speaker.  Mr Speaker sa lamannman ki devan nou ankor enn fwa parye bomaten sa laliny, lo en kote mon napa problem avek lamannman ki pe ganny propoze me dan menm laliny ki Onorab Georges in dir ki nou pe fer en keksoz konpreansiv, olye en travay piecemeal solman mon  konpran lide par deryer sa lamannman se senpleman pou ferm laport klerman ki napa fason, anba okenn Lalwa ki sa pozisyon  letan ki i pa en chief executive position sa pozisyon i kapab atir larzan Gouvernman dan Consolidated Fund pou pey en pansyon.

Personnelman mon krwar i en fason prop pou fer li, neseser pou fer li e mwan personnelman mon pou vot en faver sa lamannman.  Mersi Mr Speaker.

 

MR SPEAKER

Mersi, bon napa okenn lezot Manm ki oule entervenir, mon ava pas laparol avek Minis pour Right Of Reply.  Minister.

 

MINISTER MAURICE LOUSTAU-LALANNE

Mersi Mr Speaker.  Mr Speaker zis mon ti a kontan remersye bann Manm pour zot lentervansyon, e repran kot Onorab Hoareau in koz lo sa 2 Constitutional Appointments osi, an sa ki konsern Chairman PSAB avek Chairman CAA ki zot, zot pa ganny sa pansyon.

So se pour sa ki nou pe clean up sa, nou pe fer sa lamannman pour nou retir sa anomali si oule.  So avek sa mon ava remersye ou.  Mersi.

 

MR SPEAKER

Mersi Minis.  Bon nou ava pran en vot lo Nevyenm Lamannman Konstitisyon ki devan nou lo merit, lo prensip e merit zeneral sa amannman.  Mon ti kapab ganny en show of hands, tou Manm ki an faver?  Okenn ki Manm ki kont?  Madanm Clerk.

 

MADAM CLERK

Mersi bokou Mr Speaker.  Inanim 25 Manm an faver e personn kont.  Mersi.

 

MR SPEAKER

Mersi. Onorab Georges ou oule entervenir oubyen oule…?

 

HON BERNARD GEORGES

Wi Mr Speaker mersi.  Mon ti anvi zis koriz en keksoz mon ti dir taler, mon ti dir nou bezwen 18, annefe nou ti bezwen 23 akoz i two thirds of 34.  Mersi.

 

MR SPEAKER

Yes, ok.  Bon savedir sa amannman in pase.  Mon ti a kontan ganny en, Madanm Clerk en Formal Second Reading.

 

MADAM CLERK

Mersi bokou Mr Speaker.  A Bill of an Act to alter the Constitution.  Mersi Mr Speaker.

 

MR SPEAKER

Mersi Madam Clerk.  Eski nou pour al dan Staz Komite?  I annan okenn amannman … Okenn?  Non.  Yes Onorab.

 

HON CHARLES DE COMMARMOND

Mr Speaker lefe, lefet ki nou napa lamannman pour sa Bill anba Order 91 (1) mon oule move ki nou sispann Lartik 65 to 70 nou Standing Order, pour nou sot Staz Komite sa Prozedlwa.

 

MR SPEAKER

Okenn Manm ki segonde?

 

HON SEBASTIEN PILLAY

Mr Speaker, Motion seconded.

 

MR SPEAKER

Mersi Onorab Sebastien Pillay.  Nou pran en vot pour nou sot Staz Komite.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Speaker 21 Manm an faver e personn kont.  Mersi.

 

MR SPEAKER

Bon Motion approved.  Nou napa okenn lamannman ki’n ganny, ki pour ganny fer, ki pour ganny pran.  Mon ti a kontan ganny en Mosyon for Third Reading.

 

HON CHARLES DE COMMARMOND

Mersi Mr Speaker.  Anba Order 71 (1) nou Standing Order mon oule move ki The Constitution of the Republic of Seychelles Ninth (Amendment) Bill, 2018 i ganny lir en Trwazyenm Fwa.

 

MR SPEAKER

Mersi Onorab De Commarmond.  Okenn Manm ki segonde?

 

HON SEBASTIEN PILLAY

Mr Speaker, Mosyon in segonde.

 

MR SPEAKER

Mersi Onorab Sebastien Pillay.  Nou kapab pran en vot lo Third Reading.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Speaker 25 Manm an faver, e personn kont.  Mersi.

 

MR SPEAKER

Bon mon kapab ganny en Formal Third Reading Madanm Clerk.

 

MADAM CLERK

Mersi Mr Speaker.  This Act maybe cited as the Constitution of the Republic of Seychelles Ninth ( Amendment) Act of 2018.  Mersi.

 

MR SPEAKER

Mersi Madam Clerk.  Savedir Bill in pase, in ganny aprouvasyon Lasanble Nasyonal.  Bon nou ava al lo 2enm Bill ki dan sa menm seri ki devan nou.

 

HON CHARLES DE COMMARMOND

Mersi Mr Speaker…

 

MR SPEAKER

Yes Onorab De Commarmond.

 

HON CHARLES DE COMMARMOND

Menm prosedir Mr Speaker.  Anba Order 91 (1) nou Standing Order mon oule move ki nou sispann Order 64 (1) pour permet Second Reading of the Bill be done prior to the 7 days’ NoticeThank you.

 

MR SPEAKER

Ok.  Yes Onorab Ferrari, ou pe segonde – non?

 

HON JEAN-FRANÇOIS FERRARI

Non Mr Speaker.  Mon ti a kontan propoz avek Leader of Government Business, ki a sa pwen nou pa pran sa lot Bill, akoz lo nou kote i annan en kantite lentervansyon ki nou pour fer lo la, e mon krwar Mr Speaker in dir ki si nou pe rann lantenn 5er.  So mon krwar i ava counterproductive si nou komans la pour nou kit apre 15 minit.  So mon les sa desizyon dan ou lanmen Mr Speaker.

 

MR SPEAKER

Mersi Onorab Ferrari.  Yes Onorab Pillay.

 

HON SEBASTIEN PILLAY

Yes Mr Speaker. Mr Speaker nou deza annan en Mosyon for Second Reading in fini ganny moved e i pa ankor ganny segonde.

 

MR SPEAKER

Wi.

 

HON SEBASTIEN PILLAY

So mon ava les mwan ganny gide par sa ki nou Standing Orders i dir, akoz sa ki nou pour fer prezan, se ki nou pa pour segonn sa Mosyon…

 

MR SPEAKER

I mor lanmenm, wi…

 

HON SEBASTIEN PILLAY

Ki i mor lanmenm pour ki then sa Bill i reste at First Reading phase or nou kapab demann Onorab De Commarmond si baze lo propozisyon ki’n ganny fer pour li withdraw son Mosyon, and then nou ava annan en Formal motion for adjournment.  Mersi.

 

MR SPEAKER

Yes, yes ok.  So Onorab De Commarmond ou’n move Mosyon desizyon pour si ou pour withdraw Mosyon oubyen si i pa ganny segonde i tonbe, me i annan en propozisyon pour differ sa 2 lezot Bill.  Onorab.

 

HON CHARLES DE COMMARMOND

Mr Speaker, si sa i wish Lasanble, mon move to differ the Motion, be selman an menm tan i enportan nou take note ki sa ki nou pe fer; ki savedir wish Komisyon Eleksyon, Electoral Commission – Independent Electoral Commission pour annan sa separasyon Chairperson ek CEO i pa pour ganny fer e by Vandredi la nou pour napa en CEO, en Chairperson Electoral Commission.  So mon pa konnen si sa pour annan en lefe, en bearing lo Komisyon Eleksyon.  E mon ava gete si selman sa i wish Lasanble then mon napa swa.  Mersi.

 

MR SPEAKER

Ok mersi Onorab De Commarmond.  Mon krwar koman i ete la, i pa anpes annan en nouvo Komisyon Eleksyon, me petet zis sa plas pour CEO i reste pending apre ler mon pe regard lot Bill lo kote Emoluments zot saler osi tou, sa lamannman dan sa saler dan allowance i reste pending.  Sa, sa ki mon pe vwar.  Onorab Pillay.

 

HON SEBASTIEN PILLAY

Wi Mr Speaker. Mr Speaker avek ou permisyon mon ti oule demande ki Lasanble i petet allow Minis pour petet, mon konnen la nou pe encroach lo en prezantasyon en Bill, me pour allow Gouvernman the opportunity malgre this is The Member’s House pour ki Minis i kapab donn nou en lendikasyon lenpak that this decision may have – prenon kont konsern ki’n ganny eksprimen par Onorab De Commarmond.

E osi bearing in mind ki nou pa ankor arive lo en Second Reading, so i pa afekte okenn nanryen ki nou pe fer la.  So napa nanryen pour nou per or enkyet akoz nou pa ankor fer okenn prosedir formel pour anmenn sa Bill devan House right now. S

Sa Bill i ankor as en First Reading i kapab tonbe kot i ete, oubyen Gouvernman i kapab retir son Bill e retournen avek.  So petet zis allow Minis pour donn nou son kontrandi, mon napa problenm ek propozisyon ki Onorab Ferrari in fer, it’s a fair proposal.  So avek ou permisyon Mr Speaker, mon ti a kontan konnen si sa i posib.  Mersi Mr Speaker.

 

MR SPEAKER

Mersi Onorab Pillay.  Mon krwar you are right, Bill pa ankor, pour napa en Mosyon pour Second Reading.  So nou ava al pran komanter lo Onorab Ferrari, apre mon ava donn laparol Minis.  Wi Onorab.

 

HON JEAN-FRANÇOIS FERRARI

Mersi Mr Speaker.  Nou vreman dan en fason tre kourt, nou pa santi lo sa kote latab ki pour afekte okenn keksoz, a mwens ki i annan eleksyon ant la avek semenn prosenn e, me an vi ki i pour pran detrwa zour to get Gazetted accented e bann keksoz koumsa e nou pour annan en peryod kot napa en Chairperson, so i pour flot en pti pe, me selman mon mazinen nou annan detrwa semenn nou pou’n kapab rezourd sa e nou kapab move on.  So...  Mersi.

 

MR SPEAKER

Bon, zis mon ava ankor fer referans avek desizyon ki nou’n pran lo ABC, nou konnen demen FPAC osi tou, FPAC in schedule en meeting e i pa pour fer nou dibyen si nou komans, si nou konnen i pour annan bokou deba lo sa 2 Bill, si nou pour komans la pour nou fini 5er, no way menm nou pa pour arive pour parey petet nou ti’n progranmen ki nou fini sa 2 Bill ki nou kapab anvoye pour assent to.  So propozisyon i la.  Mon ava donn la parol Minis e ankor lo zot, lo tou lede kote, nou ava regarde kan Minis pour retournen pour prezant sa 2 Bill. Minister.

 

MINISTER MAURICE LOUSTAU-LALANNE

Mersi Mr Speaker. Mr Speaker parey nou konnen Komisyon Elektoral i konpri en Chairman ek 6 Manm.  E pozisyon Chairman Komisyon Elektoral i vid ozordi swivan depar Mr Gappy an zanvye 2018.  La i annan 4 parmi sa 6 Manm sa Komisyon zot ti ganny apwente an 2011, e zot term 7an pour fini sa Vandredi le 27 zilyet 2018.

Alor mwan mon krwar ki i enportan ki nou apwent en nouvo Chairman e 4 nouvo Manm Komisyon osi to ki posib, pour ki nouvo Komisyon Elektoral i ava komans son travay anba nouvo kondisyon.  Mersi Mr Speaker.

 

MR SPEAKER

Mersi Minis.  Mon krwar ler ou’n dir osi to i kapab semenn prosenn, i kapab dan 2 semenn.  Pour 6 mwan Komisyon in run san en Chairman e si 1 semenn oubyen 2 semenn Komisyon, nouvo Komisyon i run san en Chairman, mon pa krwar i pour fer en gran diferans.  Onorab Georges.

 

HON BERNARD GEORGES

Mersi Mr Speaker.  Mon pa anvi ouver deba, me sa Bill ki nou ti pour al regarde la napa nanryen pour fer avek lapwentman sa Chairman avek sa bann Manm.  Zot pour ganny apwente zot par Prezidan, sa Bill ki devan nou se pour fikse saler sa Chairperson avek bann Manm, so tan ki nou pran sa amannman avan lafen dimwan, oubyen avan ki zot ganny peye next time i pour ok zot, oubyen zot a ganny peye lo vye saler apre zot ava ganny adjust en fwa ki nou pas sa Bill, si nou pas li.

Apwentman i ganny fer anba Lalwa mannyer i ete konmela, sel keksoz ki sa pour fer, se pour re aziste zot salary scale efektivman.  Donk mon pa vwar ki en dele pour annan en lenpak negatif.  Mersi.

 

MR SPEAKER

Mersi Onorab.  Yes Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker mon pa anvi polemic sityasyon, be mon krwar ki desid e aksepte saler i en pa esansyel avan ki ou apwent sa Chairman, akoz ou bezwen dir li konbyen i pour gannyen, la nou pour dir li osi pa pe ganny en pansyon, tousala ou bezwen eksplike avan ou konfirmen.  So mon krwar se en pe dan sa laliny ki mon pe vin lo la.  Mersi Mr Speaker.

 

MR SPEAKER

Mersi Minis.  Bon annou … Lasanble annou pran en desizyon.  Onorab De Commarmond.

 

HON CHARLES DE COMMARMOND.

Mr Speaker mwan mon’n vin isi pour travay pour anmenn sa Prozedlwa, akoz mon krwar poudir i enportan pour nou deside as per nou Independent Electoral Commission.  E si Lasanble i santi li i pa oule, e nou lo nou kote si nou ti annan mazorite nou ti pour pouse pour sa ganny fer, me nou an minorite nou pa kapab fer gran soz to be honest avek ou.  E mon’n vini mon’n propoz mon Mosyon pour nou kapab pran sa avan son 7 zour.  Me i pa ganny aksepte e then mon pa kapab fer much.

 

MR SPEAKER

Bon, mon pour refer ankor statement ki mon’n fer mwan, mon pour fer en komanter lo la ankor.  Electoral Commission in sirviv pandan 7 mwan san en Chairman, Electoral Commission in vwar li al dan en By-Election san en Chairman, zot in elekte antre zot en Acting Chairman zot in siperviz en By-Election e mon krwar in enn bann eleksyon ki’n mars tre byen.

Ler mon pe regard sa 2 bout Lalwa ki devan nou enn i fer kreasyon en CEO, lot i koz lo salary ki Chairman ek Members i gannyen, mon pa vwar, mwan osi lo mon kote mon pa vwar nesesite e parey mon pe dir nou pa pe fer nou lekor okenn dibyen pour nou komans en deba ozordi ki i pa ni pour menm pran kontinyel semenn prosenn, akoz nou’n fini desid travay pour semenn prosenn.

I pour selman kontinyen petet le 7 oubyen le 8.  So mon pe propoze parey propozisyon pe sorti, se ki nou differ le 2 e nou pran zot le 7 a le 8.  E parey Onorab Georges in fer sorti sa saler i deza dan sa Bill, si fodre sa saler parey nou’n tann bann apwentman i ganny fer i pran lefe depi le 01 out then se Prezidan ki apwente e se Prezidan ki fer.  So i kapab pran koumsa. Onorab Ferrari.

 

HON JEAN-FRANÇOIS FERRARI

Mersi Mr Speaker de pti pwen, premye pwen lo pozisyon Msye De Commarmond ki’n vin travay.  Onorab De Commarmond mon kapab dir, ya in vin travay be selman avan sa i ti travay Mardi bomaten depi 9er, 11er zot ti ale, ozordi nou’n, sa semenn nou’n travay 2 zour plen.

Sa i premye keksoz.

 

(APPLAUSE)

 

HON JEAN-FRANÇOIS FERRARI

So i pa konmsi nou pa pe travay.  Dezyenm pwen Mr Speaker se ki Komisyon in marse e in mars pli byen san en Chairman dan sa dernyen 6 mwan! So napa nanryen ki pour fer okenn gran diferans.  Mersi.

 

MR SPEAKER

Mersi.

 

HON CHARLES DE COMMARMOND

Si i koumsa i ok, i a kontinyen koumsa, me selman sa Lasanble ki Onorab Ferrari pe dir ti travay zis Mardi bomaten, i ti en Manm Lasanble sa letan li osi.

 

(Interruption)

 

MR SPEAKER

Ok bon, mon a donn dernyen parol Onorab Sebastien Pillay. Onorab Pillay.

 

HON SEBASTIEN PILLAY

Mersi Mr Speaker.  Eskiz mwan Onorab Arissol, mersi Onorab Arissol, mersi Mr Speaker.  Mr Speaker mon ti oule zis remind Lasanble ki i pour fer la katriyenm Lalwa ki nou differ e mon oule kosyonn Lasanble osi e sirtou SBC osi, lo lafason ki zot raport lo swa deferment, lo swa si en Lalwa pa ankor pas Third Reading.  Mon pe dir sa akoz bomaten ler i annan deferment lo Lalwa Fon Pansyon at Second Reading e i pa’n ariv Third Reading, raportaz ki’n ganny pase in dir poudir Lasanble in aprouv merit e prensip zeneral sa Lalwa e apre in prezant prezantasyon Minis ki pour donn okenn oditer en lenpresyon poudir sa Lalwa in fini pase.

E sa i kapab kre en lekspektasyon an deor.  So mon krwar petet ti ava bon lo website Lasanble nou enkli bann Lalwa ki’n ganny differed ouswa bann Lalwa ki’n ganny son, dan tou Lasanble an aletranze tou Parlman i fer sa, i dir ou sa Lalwa i at Third Readings, sa Lalwa i at Second Reading zis pour konsonmasyon piblik pour ki tou dimoun i kler where we are.

Me mon oule osi Mr Speaker fer en pledwari avek Sekretarya an vi nou kalandriye Lezislatif ki nou annan, pour nou kapab etablir byen boner an vi ki nou bann Komite deza bann travay pe komans akseler-e pour nou ganny en kalandriye kler lo kan ki nou pour refer sa bann Bill retournen, akoz i annan ki i annan lenportans mazer sa enn lo SITZ, sa enn lo Komisyon Elektoral e lezot, e bann lot ki nou’n differ pour ki nou tou nou kler lo kote ki nou pour ale avek sa sityasyon.  Mon remersi ou Mr Speaker.

 

MR SPEAKER

Bon mersi Onorab Pillay.  Bon petet ankor pour konsonmasyon manm piblik.  Lasanble apre Second Reading i pran en vot lo prensip e merit zeneral.  Se selman apre Third Reading en vot lo Third Reading e ki Clerk i fer Formal Third Reading ki sa Bill, sa Lalwa i pase.  So nou annan diferan staz e petet SBC osi tou i bezwen i kapab swiv sa bann staz ki Lasanble i pas atraver dan en fason pli byen.

Lo sa ki konsern Sekretarya, bokou fwa Sekretarya i pa kapab fer en progranm, akoz progranm ki Sekretarya i fer i kapab ganny amande par lo kote Egzekitiv lo kan Minis i available or en Bill i ganny mete lo Order Paper e apre nou aprann ki sa Minis ki pou’n, pour prezant sa Bill i pa pour dan pei, oubyen i pa pour kapab, so nou bezwen fleksib.

E Sekretarya, progranm Sekretarya i osi ganny afekte par Manm Lasanble; par egzanp progranm ozordi i ganny afekte, rezon se ki si nou ti’n met en letan pour sak Bill pour travay ki nou sipoze pe fer ozordi, petet nou ti a’n kapab fini Order Paper.  Me si mwan mon ti’n rantre koman Chair mon ti’n dir bon nou’n pran tel Bill ant tel ler, tel ler deba fini, deba pa fini mon pran en desizyon ki deba i exhausted e nou pran bann desizyon?

Nou pour dir nou pa pe fer nou lekor dibyen e nou pa pour fer sa pei dibyen, se pour sa rezon ki ler mon’n vwar bann pwen contentieux osi tou, mon les deba kontinyen e mon’n ekout le de kote pour menm ale, al koze al negosye pour regarde kote nou kapab ganny en konsansis.

So Lasanble Nasyonal son progranm i baze lo en pe fleksibilite avek Egzekitif e osi tou avek nou menm nou Manm.  Nou sey fer mannyer pour nou kapab zwenn tou lede dan milye, ok pour nou kapab fer nou travay marse.

Bon so, desizyon ki nou’n pran se ki sa 2 Bill ki reste avek nou la, sa enn ki konsern Emoluments pour Electoral Commission avek apwentman en CEO, i ganny differed e nou ava an kontak avek Minis, me pour le moman mon krwar i pour vin swa le 7 oubyen le 8 avan nou pran recess.

Me mon’n dir Vandredi pase ler nou ti pe diskit Code Civil tou bann Manm prepar zot, i posib nou pour sit Zedi le 9 Out osi tou, ok? Bon Minis avek sa mon ti a dir ou mersi avek ou delegasyon parmi nou, e nou ava adjourn e nou repran nou travay mardi le 30 Zilyet 9er bomaten.

 

(ADJOURNMENT)