::
Home » Verbatim » 2018 » Verbatim Tuesday 3rd July,2018

Verbatim Tuesday 3rd July,2018

NATIONAL ASSEMBLY OF SEYCHELLES

 Tuesday 3rd July 2018

The Assembly met at 9am

National Anthem

Moment of Reflection

Mr Speaker in the Chair

 MR SPEAKER

Bonzour tou Manm Onorab e bonzour tou manm piblik ki a lekout e ki pe swiv travay Lasanble Nasyonal bomaten.  Avan nou pas lo Order Paper mon annan en kominike ki mon oule fer from the Chair.  Apre bann lakizasyon e kestyon ki Lasanble Nasyonal in anploy en Konseye Legal.

Mon anvi koman Speaker Lasanble Nasyonal fer serten klarifikasyon, Lofis Speaker e Lasanble Nasyonal pa’n anploy okenn Avoka koman Konseye Legal, Lasanble Nasyonal pa’n anploy Mr Anthony Derjaques koman son Konseye Legal e Mr Derjaques pa’n zanmen ganny aprose oubyen fer aplikasyon pour sa pos, apre ki sa pos ti ganny mete dan zournal, legzersis interview ti ganny fer avek 3 aplikan e Lasanble Nasyonal ti’n komans swiv bann prosedir pour anploy en Konseye lo en baz part time parey ti ganny dir dan interview.

Apre ki demars pa’n en sikse, Lasanble Nasyonal in deside pour sispann sa prosesis, Lasanble Nasyonal pour kontinyen son travay avek led ek Konsey Legal sa 3 Avoka dan Lasanble, e la mon anvi fer sorti ki depi ki Lasanble in repran son travay an 2018, sa 3 Avoka in rann zot servis lo baz pro bono savedir pou nanryen.

Ozordi mon ti a kontan piblikman remersye le 3 Onorab, Onorab Bernard Georges, Onorab Basil Hoareau e Onorab Clifford Andre pour zot servis.  Lasanble Nasyonal pe fer son travay dan en fason ouver e transparan.

E la mon ti a kontan demann okenn manm piblik oubyen zournalis ki i annan okenn kestyon oubyen bezwen okenn leklersisman lo travay ki Lasanble pe fer pour pran kontak ek lofis PR nou Public Relations Officer e zot a ganny lenformasyon ki korek.  Mersi.

Bon ozordi bomaten lo Order Paper nou annan prezantasyon Papye, e mon ava demann Madanm – yes Onorab Ramkalawan.

 

HON WAVEL RAMKALAWAN

Mr Speaker bonzour e bonzour tou dimoun, mersi bokou pour donn mwan la parol.

Mr Speaker mon ti anvi zis avek ou permisyon ou konnen in ariv en lensidan tris bomaten e semenn pase Lasanble in koz lo, nou’n koz lo travayer Seselwa ki mannyer nou anvi donn zot lankourazman e bomaten en zenn onm Mr Marcel Cadeau, en travayer byen granmaten in leve dan 6er bomaten, 6. 30 ti lo bus stop pour li pran bis pour li al travay Fisherman’s Cove e in trouv son lanmor.  In malad e in mor.

Konmsi mwan, nou Lasanble i enportan osi pour nou rekonnet bann Seselwa ki leve ki debourye e mon, konmsi mwan mon anvi dir ki annou rann omaz sa Seselwa ki ti ape leve pour li al debourye me ki’n perdi son lavi e konmsi nou’n take note ki poudir i annan Seselwa ki pe fer sa e alors nou onor zot e nou dan sa moman tris nou mazin lafanmir kado e byensir repo lam Marcel Cadeau.

Mersi bokou Mr Speaker.

 

MR SPEAKER

Mersi Onorab Ramkalawan, e petet osi dan menm direksyon ozordi Mrs Hoareau ki reste dan distrik St Louis, mon krwar i annan 107an ozordi son servis in kit nou depi semenn pase, ozordi i pe fer son servis, i enn bann dimoun ki pli aze isi Sesel.  Mon a donn laparol Onorab De Commarmond.

 

HON CHARLES DE COMMARMOND

Mr Speaker mersi, bonzour welcome back zot tou lede zot delegasyon ki ti’n ale, bonzour tou Manm Onorab e tou dimoun ki lekout, de pti keksoz Mr Speaker petet enn pour siport sa desizyon ki ou’n pran ki Lasanble in pran vizavi Legal Counsel, Legal Advisor oubyen Legal Support pour Lasanble Nasyonal.  Mon krwar sa desizyon ki ou’n pran ou bann Manm isi i pro bono zot pare pour fer sa, pour mwan i en desizyon fantastik e mon demande ki ou kontinyen dan sa direksyon e ki Lasanble, nenport Lasanble ki vini apre i swiv sa kalite legzanp e gidans.  Napa dimoun ki pour kapab konsey ou pli byen e konsey nou Lasanble pli byen ki son bann Manm li menm ki kapab, ki dan sa direksyon.

Dezyenmman mon fason osi, mon senpati avek lafanmir Mr Cadeau e Polin, akoz ti garson la Marcel i en dimoun Cascade, en zabitan Cascade Anse Dejeuner to be specific e en senp garson en garson tre gentille, trankil la e debouryer en travayer nou tou nou konn li e mwan osi mon’n ganny sa lenformasyon bomaten poudir in kit nou letan i ti lo bus stop. 

Anyway ankor enn fwa nou pas nou senpati avek lafanmir Cadeau e Polin e mon tonm dakor avek sa ki pe ganny dir ki i annan travayer malgre tou dan nou pei ki debourye, ki pe travay dir e pe travay for.

E nou lans en lapel byento petet dan nou Lasanble nou ava diskit lo lezot keksoz konsernan travayer, akoz dan sa latmosfer ki nou ladan la, mon krwar travayer nou bezwen reget ankor en kou lo son responsabilite son saler ki i gannyen.

E an menm tan vizavi mwan, napa nanryen mal ek travayer etranze, me selman vizavi sa, akoz mon’n osi ganny en serten konplent semenn pase kot serten travayer, serten landrwa travay ki pe rod travayer zot met, zot advertise sa post, e apre letan travayer Seselwa i apply i dir en prosedir pour bann travayer etranze akoz sa biznes i deza annan quota, be konmsi i annan ase pour nou koz lo la, me nou anmas sa pour en lot moman, me ankor enn fwa nou pas nou senpati avek bann tris sitasyon ki i arive.  Mersi.

 

MR SPEAKER

Mersi Onorab De Commarmond.  Onorab William.

 

HON WAVEN WILLIAM

Bonzour Mr Speaker, welcome back.  Bonzour tou dimoun ki a lekout.  Mr Speaker anliny avek e en supportant sa ki ou’n dir mon ti a kontan raise en konsern, en konsern lo lefe ki lafason ki Lasanble pe travay ozordi, nou pe fer, mon kapab dir en bon travay.

E mon santi poudir i annan en keksoz ki’n pase semenn pase baze lo Mosyon Sekirite, nou ti fer en konklizyon nou’n travay pour en demi erdtan, me i annan bann Manm ki’n fer bann bon prezantasyon e a lafen Speaker ti partisipe, an dizan ki fason ki nou al de lavan swivan komanter ki mon ti fer lo lefe ki Chairperson pour COGA ler ti ganny interview ti pas en lenformasyon, me mon santi poudir piblik deor i en pti pe konfiz.

Me dan larepons ki Speaker ti donnen swivan deba lo sa Mosyon, mon santi poudir SBC pa’n fer nou zistis par lefe ki zis in pas raporter pe koze, me i pa’n pas bann Manm, akoz mon santi poudir plizyer Manm ti fer bann bon deliberasyon pour konklizyon sa Mosyon lo Sekirite, ki ti tre enportan.

Mon rapel Onorab Arrisol dan lavi nou’n fer sorti en bon pe bann problenm, Onorab Clifford Andre, Onorab Jany avek lezot, be mon santi poudir sa konklizyon ki ti tre enportan, vizavi mesaz ki nou anvi pase, akoz parfwa i annan bokou dimoun ki krwar poudir malgre Mosyon i pase nou dir pa binding, be zot krwar poudir i fini la.

Napa sa swivi.  Alors mon ti ava demande si nou ti kapab ganny dir kan ki let ki pour ale, pour al kot Gouvernman vizavi bann rekomandasyon ki nou’n fer, e an menm tan kalkil bann dirizan, sa 2 dirizan pour ganny zot kopi osi tou.  Mersi bokou.

 

MR SPEAKER

Mersi Onorab William.  Bon pwen ki’n ganny fer sorti mon krwar nou pran note Sekretarya e Komite COGA osi tou.  Nou ava regarde mon krwar sa ki enportan lesansyel se ki bann Mosyon ki ganny aprouve dan Lasanble, bann rekomandasyon ki sorti i ganny note e i ganny anvoye kot Gouvernman, ok?  Nou ava fer sa swivi.  Bon nou ava al lo nou Order Paper e mon ava demann Madanm Clerk pour lir sa 2 papye ki prezante lo latab devan zot bomaten.  Madanm Clerk.

 

MADAM CLERK

Bonzour Mr Speaker, mersi, bonzour tou Manm e tou dimoun ki a lekout.  Pour prezantasyon Papye nou annan:-

(SI) 39 – 2018 ki Public Debt Management (Delegation of Authority) No. 2, Order, 2018.  E (SI) 40 – 2018 ki International Trade Zone (Declaration of Zone) Notice of 2018.  Mersi Mr Speaker.

 

MR SPEAKER

Mersi Madanm nou ava al lo item No. 5 ki Public Bills, nou annan 2 First Reading, mon ava demann Madanm Clerk ankor pour fer sa 2 First Reading.

 

MADAM CLERK

Mersi bokou Mr Speaker, premye First Reading i the Civil Status (Amendment) Bill, 2018.

This Act may be cited as The Civil Status (Amendment) Act of 2018.

E dezyenm i Seychelles Intelligence Service Bill of 2018. 

This Act may be cited as the Seychelles Intelligence Service Act of 2018 and shall come into operation on such date as the President may by notice publish in the Gazette appoint. 

Mersi Mr Speaker.

 MR SPEAKER

Mersi Madanm Clerk.  Bon nou travay ozordi nou annan kestyon pour 3 Minis, nou annan en seri kestyon pour Minis pour Labita, Lenfrastriktir avek Transpor Madanm Pamela Charlette.

Sa pour ganny swiv par en Private Notice Question ki pour Minis pour Tourizm, Mr Didier Dogley e pour ganny swiv par en Kestyon Irzan anmennen par Onorab Churchill Gill pour Minis pour Lanvironnman, Lenerzi e Sanzman Klima Mr Cosgrow.

Toudswit nou ava apel Minis Pamela Charlette, pour nou kapab pran son bann kestyon.  Zis pour lenformasyon bann Manm Minis in demande ki kestyon limero 3, 4, 5 ki annan pour fer avek Land Transport nou pran zot dernyen, nou fini tou bann kestyon ki i annan pour fer avek lakaz avan, zis pour nou pa enteronp the flow e apre nou a termin avek sa 3 kestyon ki i annan pour fer avek Land Transport.

Bon mon a dir bonzour e welcome Minis Pamela Charlette ki ganny akonpannyen par PS Denis Barbe pour PS pour lakaz, e PS Yves Choppy i PS pour Lenfrastriktir e osi Ms Evelina Antat ki CEO pour PMCProperty Management Corperation.  Minis avek ou delegasyon welcome.  Mon’n anonse ki parey nou’n koze, ou pour pran tou bann kestyon ki i annan pour fer avek lakaz, lenfrastriktir apre kestyon 3, 4, 5 ki i annan pour fer avek Land Transport nou ava pran dernyen.

Mon ava apel premye Manm pour kestyon No. 1 pour poz son kestyon.  Onorab Egbert Aglae.

 

HON EGBERT AGLAE

Mersi Mr Speaker, bonzour Minis avek ou delegasyon.  Minis premye kestyon i lir koumsa;

Eski Minis i kapab dir ek sa Lasanble, ki plan son Minister atraver PMC pour rezourd sa problenm lakaz koule Dan Limon Housing Estate Beolière koze par degradasyon bann tiles ki lo sa bann twatir?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, bonzour tou Onorab tou dimoun ki a lekout, Msye Onorab pour Port Glaud lakaz Dan Limon Housing Estate Beolière ti ganny allocate pandan lannen 2000, ki fer ki i annan 18an depi ler ki sa bann lakaz in ganny konstrir.  Bann proze sa letan i konpri 22 lakaz semi-detached.  Mazorite sa bann lakaz in fini ganny vann a leksepsyon pour enn ki ankor pe peye par son rezidan.

Ler ti vann sa bann lakaz zot ti, bann kliyan ti ganny benefisye avek en gran rediksyon atraver Home Ownership Scheme ki Gouvernman ti entrodwir an 2006.

An mwayenn en kliyan in aste sa propriyete Dan Limon Estate a en pri pa plis ki – R50, 000.  Savedir Mr Speaker sa bann lakaz in ganny vann a en pri tre abordab e nou ekspekte ki bann rezidan i pran responsabilite pour mentenir zot lakaz.  Mazorite kliyan in fini ganny zot lavant e i annan in menm fer bann renovasyon oubyen bann azoutman avek zot lakaz.

Polisi PMC pour bann lakaz semi-detached ki pe ganny aste, se ki bann kliyan i pran responsabilite pour zot bann maintenance e renovasyon.  Annefe letan bann kliyan ti siny zot Lagreman Home Ownership Scheme zot ti aksepte pour pran responsabilite pour okenn renovasyon lo zot lakaz.  Alor nou pe ankouraz sa bann kliyan pour pran en Home Improvement Loan pour refer zot twatir.

PMC pe konsantre resours pour refer twatir maintenance lo bann blok flat plito ki annan bann eleman komen ki ganny partaze pa plizyer kliyan.  Par egzanp twatir, staircase, safety tank, eksetera.  Alor PMC i touzour ankouraz bann kliyan pour annan korperasyon avek zot bann vwazen letan zot pe fer lakaz.

Dan ka ki zot ganny okenn difikilte teknik zot touzour kapab apros PMC pour gidans, me selman i byen pour note ki i annan sirkonstans kot Minister in tonm lo Lagreman pour asiste bann kliyan, (pa Minister, PMC plito) pour asiste bann kliyan pour refer zot twatir.  Dan sa bann ka lakaz in annan defo striktirel e kliyan i fer kontribisyon pour fer sa bann renovasyon.

So Mr Speaker an gro ki nou pe sey dir, se ki sa bann lakaz i la en pe letan e ler kliyan ti siny son Lagreman pour Home Ownership ti annan sa Clause ki tou bann renovasyon avek maintenance, ki ti pour fer ti pour zot responsabilite.  Mersi.

 

MR SPEAKER

Mersi Minis.  Onorab Aglae.

 

HON EGBERT AGLAE

Mersi Minis pour ou larepons, Minis mon annan 2 kestyon pour follow-up lo la, etandonnen ki sa bann letan ou pa ti Minis pour Labita ek Lenfrastriktir, ti annan diskisyon dan Bidze ki ti ganny fer 2017, se ki ti pour annan serten laranzman ki ti pour ganny fer avek sa bann dimoun, pa atraver PMC, me atraver MLUH.  Petet ou kapab konsilte ou PS Choppy obor ou parey zot in fer dan serten lokasyon kot zot in antre an negosyasyon avek bann rezidan, menm si zot in fini peye pour zot kapab antre petet lo en Scheme ki ti pour 50-50, akoz sa pa pe ganny fer?

Etandonnen osi Minis ki sa bann tiles ki UCPS ki ti fer sa bann letan in aret ganny fer konpletman?

Si sa bann twatir ti tol, bann zabitan zot pare pour zot antre lo zot menm pour zot sanz si i ti tol pour zot sanze, me etandonnen ki zot bezwen fer sa legzersis renovasyon konpleman, zot vwar ki i annan en kou en pti pe enorm pour zot kapab antreprann, akoz ki sa bann zabitan Beolière zot, zot pa’n benefisye parey lezot Housing Estate menm si i annan ki’n fini peye pour zot antre lo sa Scheme petet 50-50 kot zot ganny asiste ek Gouvernman, akoz zot pa’n antre lo la?  Mon ti a kontan ganny en larepons Minis.

 

MR SPEAKER

Mersi Onorab.  Minis.

 

MINISTER PAMELA CHARLETTE

Onorab dapre mon konpran napa larzan ki’n mete dan Bidze pour en tel proze, me si pour annan, si nou pour konsidere nou pour bezwen fer en evalyasyon apre ki nou kapab ganny met dan Bidze.

 

MR SPEAKER

Mersi Minis.  Onorab Herminie.

 

HON WILBERT HERMINIE

Bonzour Mr Speaker, bonzour Minis avek ou delegasyon, vi ki sa problenm twatir an tiles i en problenm komen pour tou bann Housing Estate, mazorite distrik pe pas atraver sa problenm, eski i pa dan plan ou Minister pour fer en Scheme ki Minister i antre en…

 

MR SPEAKER

… Onorab, Onorab en moman, en moman en, kestyon i spesifik dan Estate Dan Limon Beolière.  Mon konnen zot pe al lo repons Minis pour zot ouver en pti pe, be annou et spesifik.

 

HON WILBERT HERMINIE

Mon pa pe antre dan spesifik, mon pe reponn lo kote tiles ki Minis in tous en pe….

 

MR SPEAKER

Wi, ale, ok.

 

HON WILBERT HERMINIE

… vi ki sa problenm tiles i pa zis en, ‘Dan Limon,’ i global dapre larepons Minis, eski Minis i pa vwar ki i devret annan en Scheme ki Gouvernman atraver MLUH i antre, i fer reparasyon tou sa bann Housing Estate dan en kourt dele letan, epi sa bann lokater i ava peye?  E met dan sa Scheme en kou pour repar bann pa zis sa twatir, me son ceiling avek bann lezot keksoz ki’n ganny afekte atraver sa kantite letan ki sa bann tiles i ti defect e koule – eksetera.  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker PMC pour le moman pe konsantre plito lo bann flat, lo bann flat ki i annan sa bann problenm twatir e i annan en proze 2018, i ti’n fini komanse 2017 e i annan bann proze ki pour kontinyen 2018.

Lo kote pour bann kekfwa semi-detached, sa en keksoz ki kapab ganny konsidere parey ou pe dir, me selman toudmenm i pour vin akoz en, i pour depan lo finansyerman si Gouvernman i met sa larzan pour bann proze koumsa.  Mersi.

 

MR SPEAKER

Mersi.  Mon vwar enn de bann lanmen, mon’n vwar Onorab Audrey Vidot, mon konnen i annan menm konsern Roche Caiman.  Zis pour nou pa ouver sa kestyon ….

 

(Interruption)

 

MR SPEAKER

Wi annou pa, wi annou pa ouver, mon konnen sa zafer twil i pa zis Dan Limon, i en pti pe partou – ok?  Ale Onorab Vidot, go ahead.

 

HON AUDREY VIDOT

Mersi Mr Speaker, bonzour Mr Speaker, bonzour Minis ek ou delegasyon, tou Manm Onorab e tou dimoun ki a lekout.  Mr Speaker mwan mon kestyon anliny avek sa ki Onorab Aglae in anmennen, Minis ou’n koz lo Scheme, sa bann lakaz ki Onorab Aglae pe koz lo la, ozordi HFC Scheme ki ofer pour  maintaining Home Improvement parey ou pe dir i R50, 000, i R100, 000 i aplikab pour bann aplikasyon pour bann pansyoner pour sanz zot twatir.

Ozordi sa bann unit ki annan tiles pour sanze, petet PS Choppy i kapab klarifye mwan, i annan serten legzanp lo serten distrik kot in sote plis ki R50, 000 ki sa bann dimoun in bezwen kontribye pour zot repar zot twatir lakaz sa bann tiles.  Petet mon pour ranforsi mon pour siport mon bann koleg letan nou demann avek Minister pour konsider Scheme, pour donn sipor sa bann dimoun akoz lo zot menm zot pa kapab.

(1) Premyerman si en dimoun in deza pran en loan avek HFC en Home Improvement i pa fasil pour en lot dimoun dan menm lakaz osi pour kapab pran pour repar sa bann twatir tiles.  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker. Onorab dapre lenformasyon ki nou annan nou, HFC i annan en Home Improvement Loan up to 100, 000 si ou pe fer en reroofing.

Apre osi bann proze ki nou nou’n antreprann lo kote lenfrastriktir in kout nou under 50, 000 apepre pour nou refer zis twatir li menm.  

So mwan ki mon pe, nou, ki nou pe dir kot Minister?  Nou annan bokou bann proze pour nou fer, nou annan bann target ki nou fer, nou anvi konsantre en pti pe nou resours lo bann keksoz ki vreman irzan.

Me selman parey mon pe, parey mon’n dir si nou pour ganny konsidere nou pour bezwen konsider li e evalye sak sa ka endividi petet, e osi according to Bidze ki nou annan fer en propozisyon.

Me pour mwan donn en komitman ozordi la pour mwan dir nou pour fer lannen prosenn, sa i pour vin avek diskisyon ki nou gannyen dan Minister e Gouvernman, ki mannyer nou pour kapab apros sa bann ka koumsa.

Akoz parey zot konnen i annan bokou Estate ki pe ganny sa bann problenm, bann Estate ki’n la depi en bon pe letan, me osi nou okouran ki PMC e Minister i annan en Bidze pour travay lo la e nou, nou bezwen konnen kote nou pour focus nou Bidze ki nou annan, nou bann resours ki nou annan.  Mersi.

 

MR SPEAKER

Mersi Minis.  Onorab Loizeau Dan Limon Beolière.

 

HON NORBERT LOIZEAU

Mr Speaker, mersi mon pour antre Dan Limon menm la, akoz kestyon i Dan Limon.  Mr Speaker mon anvi demann Minis, vi ki sa problenm tiles koule lo sa bann lakaz, i relye 18an pase, akoz sa bann tiles dapre konpran ler i ti fer i ti annan en defect avek, e se zot ki ti met sa bann tiles lo sa bann lakaz lo sa bann twa; menm si sa bann dimoun in aste, eski ou pa panse vi ki sa defect lontan i la depi o komansman, se zot responsabilite pour refer sa bann twa pour sa bann dimoun parey ti arive Moulinien Estate Praslin, kot ti annan sa problenm tiles koule kot zot MLUH dapre konpran, zot ti ale zot ti rezourd sa problenm sa bann dimoun kot sa problenm se zot ki ti mete, akoz sa tiles defect?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, wi sa letan ler ti fer sa bann Estates, sel keksoz ki ti annan pour mete se sa bann tiles vi ki ti napa sa bann, ti annan bann problenm forex dan pei.  Be selman parey mon’n dir Onorab nou bezwen evalye, nou ava evalye, nou ava konsidere me selman i pour annan en eleman kontribisyon ki bann dimoun i bezwen fer parey ou pe nonmen Moulinien Estate.

 

MR SPEAKER

Mersi Minis.  Onorab Valmont.

 

HON JUDE VALMONT

Mersi Mr Speaker e bonzour, bonzour Minis e delegasyon, bonzour tou koleg Onorab e tou ki pe swiv nou.  Minis petet si mon kapab demann ou, eski zot kapab konsider sa konsernan bann zabitan dan lespri ed bann zabitan Limon Housing Estate, eski zot kapab konsider petet antre an diskisyon avek HFC ler ou’n nonm sa bann HIL R100, 000 an diskisyon avek HFC pour gete?  Akoz petet sa bann dimoun si nou dir sa lakaz i annan en pe letan, petet zot in deza annan bann existing HIL.

Alor petet konsidere pour demande ki zot sa bann dimoun petet i ganny en pti additional ki nou konnen pa pe fer pour le moman.  Sa se dan lespri pour ed sa bann dimoun e petet dan le fitir or near future ed lezot Housing Estate as well.   Mersi.

 

MR SPEAKER

Mersi Onorab.  Minis,

 

MINISTER PAMELA CHARLETTE

Mersi Onorab.  Nou ava konsidere nou ava koz avek HFC.

 

MR SPEAKER

Mersi Minis.  Onorab William.

 

HON WAVEL WILLIAM

Mersi Mr Speaker.  Mr Speaker mon ti anvi zis aport sipor e pour demann Minis lefe ki mon konpran konstrent finansyel, e mon konpran ki kantite volim travay Minister i annan, mon ti ava sizere ki Minister i konsidere pour

(1) regard avek Pension Fund.  Akoz ki i arive?  Se ki nou pour, i konsern larzan e mon konn mazorite sa bann dimoun i reste anler laba, e bann dimoun mon kapab dir ki nou’n met dan kad Social Housing e zot annan difikilte.

E mon demann Minis pour vreman regarde, rantre an konsiltasyon avek Lotorite distrik pour kapab trouv en solisyon.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Onorab nou a konsider ou request, nou ava koz avek MNA ek DA pour Grand Anse e nou a gete ki mannyer nou kapab fer sa avek Pension Fund osi, Port Glaud sorry Port Glaud.

 

MR SPEAKER

Mersi Minis, Onorab Ramkalawan.

 

HON WAVEL RAMKALAWAN

Mersi bokou Mr Speaker.  Bonzour Minis. Mr Speaker mon anvi demann Minis ki letan bann dimoun Limon Housing Estate ti aste zot lakaz, oubyen letan zot ti rantre ladan, pour konbyen lannen sa tiles konmsi konbyen lannen ti son garanti ki poudir i pour bon?

Eski sa garanti ki sa tiles ti donnen, prodikter sa tiles eski in zwenn sa, parski si problenm in komans avan, si sa dimoun ki’n prodwir sa tiles in dir i pe donn en garanti 20an e problenm in komanse apre 5an, li osi tou i annan en liability, alors si nou ti kapab fouy dan sa liability dan sa garanti ki ti donnen pour regarde ki mannyer sa kontrakter osi tou, sa prodikter sa tiles li osi tou i kapab rantre ladan.

Akoz Mr Speaker mwan mon kestyon se, dimoun menm si Minis i dir zot in aste zot lakaz bon marse, sa pa problenm sa bann dimoun, sa sete en desizyon politik, politik pour ki zot kapab ganny en eleksyon.

Alors ti fer tou dimoun ganny lakaz bon marse.  Me si zot in vann en prodwir ki pa bon, sa bann dimoun zot, zot pa antre ladan zot, zot in peye pour en lakaz ki sipoze bon.  E nou tou nou konnen ki poudir letan ou pey en loan, letan ou pey en loan lakaz, letan ou fini pey li, ou’n pey pour 3 lakaz, alors Mr Speaker mwan mon pe met devan Minis, eski Minis i krwar ki poudir i fair, i normal pour en dimoun ki pe pey son loan pour li lefet ki Gouvernman in vann li en move prodwir, pour li rantre ladan pour li peye avek sa lavi ki deza ser?

E mon pe, mon zwenn Onorab Aglae pour siport sa bann dimoun Dan Limon pour ki zot ganny the best deal possible e ki bann ki responsab pour vann zot en move prodwir zot osi tou, zot met en keksoz lo latab.  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab. PMC ti ganny en diskisyon avek UCPS ki ti vann nou sa bann tiles e diskisyon ki zot in gannyen, se ki UCPS i pare pour donn zot konsey teknik selman, me akoz sa bann tiles in pas bokou letan apre ki zot in vann sa prodwir, zot pa’n oule pran responsabilite pour donn lanmen – si oule – dan sa cost ki pour ofer pour ranplas sa bann tiles.  Ok.

 

MR SPEAKER

Mersi Minis.  Onorab.

 

HON WAVEL RAMKALAWAN

Mr Speaker, letan nou a, letan nou aste tol nenport kalite tol nou ganny en lide sa tol si i zis corrugated iron sheet i, mon konnen ki poudir pour la 5an.  Si mon met aluminum mon konnen ki poudir son lavi i pli long, eski UCPS dan sa ka, ti donn zot okenn lendikasyon lo sa tiles ki zot pe aste, ki kantite lannen ki i pour ankor bon?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Nou napa sa lenformasyon ek nou la Msye Onorab, me selman nou a kapab verifye ki liability sa bann tiles i ete.

 

MR SPEAKER

Ok mersi Minis. Onorab Churchill Gill

 

HON CHURHCILL GILL

Mersi Mr Speaker.  Bonzour Mr Speaker.  Bonzour Minis avek ou delegasyon, bonzour tou Manm, dimoun ki pe ekoute.  Minis mon kestyon i koumsa; eski Minis i kapab enform sa Lasanble akoz ki son Minister pa’n fer li obligatwar ki tou Housing Estate dan pei…

 

MR SPEAKER

… non.  Onorab, Onorab ou ti’n lev lanmen pour en kestyon Siplemanter lo sa premye kestyon non?

 

HON CHURCHILL GILL

Non.

 

MR SPEAKER

Ok, ok sorry akoz nou pa ankor ariv lo kestyon nimero 2, sorry mon annan ankor 2 Manm.  Onorab Andre.

 

HON CLIFFORD ANDRE

Mersi Mr Speaker.  Mr Speaker an vi ki Dan Limon i annan sa problenm twatir, e eski Minis i pe fer en legzersis, oubyen mon a demann Minis avek son Minister pour fer en legzersis, pour vwar globalman bann dimoun ki pe eksperyans sa problenm, pour ki nou kapab met larzan 2 kote pour rezourd sa problenm?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, Mersi Onorab pour blok flat PMC ti’n fini fer en legzersis, me selman pour bann lezot lakaz parey semidetached sa nou pa ankor fer.  Nou a pran sa an konsiderasyon.  Mersi.

 

MR SPEAKER

Mersi Minis.  Onorab Simon Gill.

 

HON SIMON GILL

Bonzour Mr Speaker e mersi Mr Speaker.  Bonzour Minis avek ou delegasyon, tou koleg Onorab e manm piblik.  Mr Speaker mon ti ava voudre demann Minis dan ki dele letan i kapab retourn kot nou Lasanble, pour donn nou en progranm konpreansiv lo kou e dire letan ki son Minister pour pran, pour met annord tou sa bann lakaz ki kouver avek tiles konkret dan Sesel?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker. Onorab mon’n konsilte ek PMC la, zot dir poudir zot kapab dan 3 mwan vin avek en evalyasyon pour nou gete what is the way forward avek sa bann lakaz e propoz osi bann remedyasyon.

 

MR SPEAKER

Mersi Minis.  Onorab Simon Gill.

 

HON SIMON GILL

Mr Speaker 3 mwan i tro bokou letan.

 

MR SPEAKER

Ok mersi pour ou komanter Onorab.  Mon ava donn loter kestyon en dernyen kestyon siplemanter.

 

HON SIMON GILL

Mr Speaker.  Mr Speaker…

 

MR SPEAKER

Non, non Onorab.  Onorab Aglae.

 

HON EGBERT AGLAE

Mersi Minis.  Mersi Mr Speaker.  Minis en dernyen kestyon i pour swiv en pe dan menm laliny, vi ki ou pe dir poudir ou annan serten konstrent bidzeter, eski ler ou’n fini fer sa legzersis ki mon ti a swete i ganny fer petet dan 1 mwan, eski ou kapab antre an negosyasyon avek Minister Finans, pour vwar ki mannyer i kapab met serten sours finansyel a kote, pour ki nou kapab rezourd sa bann problenm tiles pa zis Dan Limon me partou enn fwa pour tou?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker nou deza annan en nide bann costing deza ki’n ganny fer dan lepase par egzanp 2017, e bann travay ki pe ganny fer sa lannen, nou annan en nide me selman nou bezwen al kot tou sa bann Estate pour nou vreman evalye e validite, validate ki sa bann lakaz i bezwen, lekel lakaz ki bezwen e konbyen an total nou pour bezwen.  Koumsa nou a byen fer kapab fer en bon legzersis lo kote costing e apre sa koz avek Finans.

 

MR SPEAKER

Mersi Minis.  Kestyon No. 2, Onorab Churchill Gill.

 

HON CHURCHILL GILL

Mersi Mr Speaker. Minis mon kestyon i koumsa, eski Minis i kapab enform sa Lasanble akoz ki son Minister pa’n fer li obligatwar ki tou Housing Estate dan pei i met fire hydrant e osi annan en assembly point an ka lensidan dife lo Housing Estate?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab. Mr Speaker i annan plizyer mezir ki ganny adopte dan bann proze lakaz pour bann fasilite sekirite kont dife.  Ler aplikasyon i al kot Lotorite Plan nenport rekomandasyon ki ganny fer, i ganny enkorpore dan devlopman sa proze.

Sa bann rekomandasyon i ganny fer par Seychelles Fire and Rescue Service Agency.  Aktyelman dan plan pour nou, bann nouvo blok flat i annan provizyon pour enstal fire hose reel pipe dan bann staircase.

Mazorite bann proze i annan sa bann fasilite.  Me i annan serten ka ki dan plas fire hose reel an konsiltasyon avek sa Lazans, Lazans Dife ek Sovtaz Minister in met bann fire extinguishers. 

Par egzanp dan ka kot i napa sifizaman presyon delo ouswa laliny sa supply delo ki pa konpatib avek hose reelSo pour bann semidetached osi dan bann gran Estate fire extinguisher i ganny servi.

An sa ki konsern fire hydrant ki bann enstalasyon dan semen anba later, ki fire brigade i konekte zot laponp avek, si ler sa Lazans i fer komanter lo laplikasyon Planning zot demande pour enstal bann fire hydrant, nou enkorpor sa dan bann proze.

Parey Perseverance i en legzanp e kot i annan plizyer ki’n ganny enstale, alor nou, pour reponn sa kestyon lenstalasyon bann mezir sekirite i depan lo rekomandasyon ki ganny fer ler proze i ganny aprouve par Lotorite Planning.

Mr Speaker PMC i osi okouran ki i annan serten bann Estate ki’n konstrir en pe letan pase ki i annan mankman dan sa bann lenstalasyon.  I annan osi serten ki bezwen ganny mentenir ouswa ranplase akoz vandalizm lo bann EstatePMC i konmela annan en Designated Safety Officer e ansanm avek sa Lazans Fire and Rescue, i annan legzersis ki pe ganny fer pour survey tou son bann Estate pour idantifye bann mankman e remedye zot.

Sa survey in fini komanse dan Was Mahe e pe kontinyen pour kouver tou bann Estate Gouvernman.  Pandan sa legzersis ki nou ekspekte i ava konplete ver lafen lannen, nesesite ek lokasyon assembly point pour bann Estate osi ava ganny diskite avek bann eksper Fire avek Rescue Agency e aksyon neseser ava ganny pran.  Mersi.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Minis pour ou larepons, me selman mon anvi fer Minis realize ki, si ou get sa kantite Housing Estate ki i annan dan pei ozordi, in kout nou bilyon pour nou kapab fer sa bann Housing Estate.  E sa kestyon kot Lotorite Planning i deside si i bezwen annan sa oubyen si i napa, mon pa krwar sa i korek, Housing li i devret mete an premye lye, pour fer sir akoz en dife, Housing Estate par mon pran legzanp Baie Ste Anne nou annan Moulinien Estate tou lakaz i koste ek kanmarad, ou pran en dife, en dife i pran i pour tre difisil pour en fire hose reel adres sa problenm oubyen fire extinguishers.

Akoz Housing Estate nou pe koz en kantite lakaz, so alors mon pe demann Minis ki henceforth ler nou fer plan pour, avan ler nou submit kot Planning, se Minister ki devret enkli son fire hydrant ladan, akoz sa menm legzanp Moulinien si en dife i pran fire brigade i vini ler in servi sa delo dan son tenk, dife i ankor pe pran, napa fason pour nou deal avek.

E i pa difisil pour met en fire hydrant akoz sa i pran ek PUC pour ou ganny sa presyon 6 bar.  Alors mon ti a sizer ek Minis de lavan annou pa esper Planning dir nou si pour mete, si pa pour mete, zisteman akoz sa kantite bilyon ki nou depanse pour nou fer sa bann travay.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, nou, Minister wi i rekomande ki i annan me selman akoz i go through Planning akoz Planning i annan sa konsiltasyon avek bann lezot stakeholders.  E once ki li Planning li i konsilte avek Fire and Security Agency, pour li gannyen ki metod ki i kapab servi dan sa bann Estate according zot bann teknisyen, bann dimoun ki expert.

Me selman wi Minister i rekomande ki partou dan bann Estate i annan, me selman ki metod sa se bann expert parey Fire and Rescue ki aprezan ki antre ki dir nou, ki ti fer nou konnen ki kalite metod sekirite oubyen fire hose whatnot pour servi pour Estate spesifik.

 

MR SPEAKER

Mersi Minis.  Onorab Gill.

 

HON CHURCHILL GILL

Zis pour lenformasyon, Minis i annan bann Letablisman Praslin ki i annan 40 lasanm ou an montan e Fire Department zot, zot dir compulsory i devret annan fire hydrant.  Alors Housing Estate i annan bokou plis lakaz, i pa posib pour zot krwar poudir i pa neseser en fire hydrant.

E deplis ler in ariv dife lakaz in detri Planning pour napa nanryen pour fer avek, alors Minister i bezwen pran sa son responsabilite pour fer sir sa bann keksoz prevantif i an plas.  Mersi.

 

MR SPEAKER

Mersi Onorab.  Minis ou oule fer komanter?

 

MINISTER PAMELA CHARLETTE

Mr Speaker mon krwar mon kler nou rekomande ki i annan sa bann mezir pour bann dimoun dan bann Estate.  Me parey mon’n dir dan mon lentervansyon i annan ki nou pa ankor, ki PMC in vwar poudir i pa ankor mete, e i annan en survey ki pe ganny fer gradyelman pour nou konn tou bann Estate ki bezwen ganny, par egzanp ganny ranplase oubyen bann nouvo, oubyen bann ki bezwen maintenance, e ki kalite ki nou pour bezwen mete dan Estate spesifik.  Mersi.

 

MR SPEAKER

Mersi Minis.  Onorab Herminie.

 

HON WILBERT HERMINIE

Bonzour.  Mersi Mr Speaker. Minis en konponan enportan dan pour deal konbat kont dife, se annan bann exit or bann sorti alternativ pandan ler dife i pran, eski i dan plan Minister dan zot design pour enkorpor bann, sirtou dan bann blok flat pour enkorpor bann fire exit pour dan bann ka difer bann dimoun i annan en landrwa alternativ pour zot kapab servi an ka dife i pran?  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

I annan en … Mr Speaker i annan bann norm dan konstriksyon ki ou bezwen annan bann fire exit e nou kot Minister nou swiv menm norm, sa i depan lo zistans, lo kantite lakaz ki i annan whatnot. 

So wi i annan bann – fire exit i en keksoz ki ganny konsidere according to the norm of the oubyen standar ki’n ganny mete dan Lalwa.  Mersi.

 

MR SPEAKER

Mersi Minis.  Onorab Sandy Arissol.

 

HON SANDY ARISSOL

Mersi Mr Speaker.  Bonzour Minis avek ou delegasyon. Mr Speaker mon ti a kontan lo larepons ki Minis in donn Onorab Gill an relasyon avek bann Housing Estate ki napa fire hydrant mon ti a kontan zis met dan latansyon Minis, kot Planning savedir anba ou Minister zot annan 2 fason fer.  I annan en fason fer pour prive kot prive li i ganny forse pour met sa bann fire hydrant, oubyen bann cylinder an ka dife, me selman pour Gouvernman kot i annan bann flat napa, zot pa vwar li en priyorite.

Mon pe dir sa Mr Speaker parske ozordi tou bann pti biznes ki i ouver Sesel pour zot ganny zot License, ou bezwen annan bann sistenm fasilite pour dife, me selman lo bann Housing Estate kot nou bann sitwayen i reste zot pa vwar li en priyorite pour fer sa.

E letan mon pe koze mon ti a kontan remind nou poudir Bel Air obor St Louis ti ariv en ka dife kot blok ti brile anler, flat ti brile parske ti napa okenn fasilite.

Sa ki mon pe dir ek Minis Mr Speaker se ki i annan 2 keksoz pa pe mars byen dan nou pei, Planning i fer en lord pour en kategori dimoun, apre Planning i kas son prop lord i fer lord pour en lot pour Gouvernman i pa fer nanryen, pour li pa en priyorite.

Mon krwar nou annan en problenm kot Planning.  Mersi bokou Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Parey mon’n dir Mr Speaker Planning i osi annan son regilasyon ki i swiv e i annan bann stakeholders ki i konsilte, so, e zot ki advise Planning lo en Planning Board, bann mezir ki devret pran pour bann devlopman, i pa zis Planning tousel, i annan en Board ki Planning i annan ki asiz lo la ki form parti ek diferan dimoun prive, Gouvernman.  E zot ki pran desizyon lo bann laplikasyon ki i antre.  Mersi.

 

MR SPEAKER

Mersi Minis.  Onorab Simon Gill.

 

HON SIMON GILL

Mersi bokou Mr Speaker. Mr Speaker mon ti oule demann Minis dan ki dele letan sa study ki i pe fer pour evalye tou bann opsyon konsernan sekirite pour dife or kont dife dan bann Housing Estate pour terminen?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker mon krwar mon’n dir ki nou ekspekte avek, i ava konplete ver lafen lannen, akoz nou’n fini komanse dan Was e nou annan 110 Housing Estate pour nou fer sa legzersis ladan.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker. Mr Speaker vizavi sa survey ki Minis in tous lo la, mwan anvi demann Minis eski letan sa survey in komanse, letan zot antre dan bann distrik eski zot enform Lotorite distrik?  E dezyenmman letan sa survey pour fini vizavi bann mankman, vizavi en plan travay ki pour ganny fer pour rezourd bann mankman, eski zot pour donn en rapor Lotorite Distrik?

Mon dezyenm kestyon se ki, Minis apard ki fire hydrant avek assembly point, eski sa survey osi pe vwar si bann high pressure water source i egziste par zistans dan bann Housing Estate? 

Akoz i annan bann Housing Estate ozordi ki gran e ki nesesit annan sa bann high pressure water source?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Onorab sa survey ki’n ganny fer non i pa’n dir avek, dir en lot distrik, PMC pe fer li ansanm avek Fire avek Rescue Agency, osi ler rapor i fini then distrik i a kapab ganny en kopi rapor e PMC i dir ki zot kapab konsidere pour sa high pressure water source vi ki survey i fek komanse.  Mersi.

 

MR SPEAKER

Mersi Minis.  Onorab William.

 

HON WAVEN WILLIAM

Mr Speaker mon ti a kontan ensiste avek Minis menm fer en propozisyon, Minis lefet ki nou pe ganny serten leksperyans o nivo distrik avek lafason travay Minister avek tou son bann seksyon, lefet ki ou annan Lotorite Distrik zot antre zot fer serten travay san konsilte avek Lotorite Distrik, me zis letan i annan problenm ki devlope ki nou ganny konsilte, mon ti ava enplor avek ou Minis, silvouple pour travay tre pros avek Lotorite Distrik.  Akoz i annan bokou keksoz pa pe mars byen antre sa relasyon travay, alors mon demann ou Minis silvouple, si ou Minister i a konsider, mon konnen ou nouvo Minis, me i annan serten keksoz ki mon santi ki si zot pa involve Lotorite Distrik o komansman i parfwa, i fer keksoz vin vreman difisil pour nou bann rezidan ki dan sa bann Housing Estate.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker. Onorab nou ava konsidere bann dimoun PMC avan zot monte zot ava fer konnen Lotorite Distrik.  Mersi.

 

MR SPEAKER

Mersi Minis. Onorab Sophola.

 

HON NOLINE SOPHOLA

Mersi Mr Speaker.  Bonzour Minis ek ou delegasyon, Minis anliny avek sa survey mon ti anvi konnen lekel ki pe conduct sa servis, zis dimoun dan ou Minister oubyen dimoun ansanm avek bann firemen?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Onorab i, parey mon’n dir taler PMC avek Fire and Rescue Agency.

 

MR SPEAKER

Mersi Minis, Onorab Ramkalawan.

 

HON WAVEL RAMKALAWAN

Mersi Mr Speaker.  Si Minis i santi in reponn, me Mr Speaker eski i pa mandatwar somewhere dan bann Regilasyon Planning pour ki kot ou annan en Housing Estate ki ou devret annan en fire hydrant.  Wi oubyen non?

 

HON NICHOLAS PREA

E petet zis pour azoute Minis, en assembly point osi akoz dernyen Housing Estate Bel Ombre Ex-Khashoggi i annan detrwa, i annan 2 car park, me napa enn ki’n ganny idantifye oubyen marke koman en assembly point, Minis, mwan osi mon pe sey demann en kestyon pour mon distrik.  Mersi Minis.

 

MINISTER PAMELA CHARLETTE

Mr Speaker, mandatwar wi dan en sans akoz i depan lo fason ki par egzanp sa bann Estate in ganny konstrir, si i annan par egzanp 2 Estate ki obor kanmarad zot kapab servi menm fire hydrant.

Me i bezwen annan sanmenm sa ki Planning i konsilte avek Fire and Rescue pour donn nou sa metod ki nou kapab servi dan en state spesifik, akoz i pour ou, i vreman spesifik, me vreman wi i bezwen mandatwar dan lesanz kot tou bann Estate ki pe fer i bezwen annan en fason ki mannyer i annan pour konbat dife si i annan okenn ka.

Me selman parey mon pe dir i pour go through planning e an konsiltasyon avek Fire avek Rescue Agency ki pour dir nou ki kalite oubyen si sa Estate i bezwen oubyen si i kapab share avek en lot Estate si i annan fire hydrant ki pre avek.  Mersi.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mr Speaker, sa size fire hydrant e vi ki Minis, i osi responsab pour transpor i serye, parski i resanble ki parfwa i annan fire hydrant me the maintenance pa pe arive.

E la Mr Speaker mon anvi dir ek Minis ki letan dife ti pran kot Maison Quéau de Quincy nou anler Arpent Vert nou ti pe regarde, sete apre 30 minit ki zot in nobou pran en pik fouye kote fire hydrant ti ete pour zot tenny dife.

E mon pa pour etonnen si napa maintenance, proper maintenance e ki menm si i mandatwar, napa nanryen ki pe ganny fer.  Eski sa Minister i kapab fer sir ki i annan sa bann maintenance ki ganny fer e ki letan i annan dife keksoz i kapab arive.  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Non, mersi Mr Speaker, mersi Onorab mon krwar ou, mon pour dakor ek ou ki nou bezwen tout maintain sa bann fire hydrant ansanm menm si pa zis Land Transport, me selman ansanm avek Fire and Rescue osi ki kekfwa nou bezwen pase gete tanzantan ki mannyer sa bann fire hydrant pe perform e ki bann kalite maintenance ki nou kapab fer lo la, wi.

 

MR SPEAKER

Mersi Minis, bon parey mon’n anonse nou pour sot kestyon 3, 4, 5 e nou pour al lo kestyon nimero 6, Onorab Clive Roucou.

 

HON CLIVE ROUCOU

Mersi Mr Speaker, bonzour Mr Speaker, bonzour Minis e bonzour tou Manm Koleg Onorab.  Mr Speaker mon kestyon i lir koumsa, eski Minis i kapab dir sa Lasanble ki plan son Minister pour rezourd sa problenm karya ki anvai blok flat Ex-Esterilia anler Belvedere?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, mersi Onorab.  Mr Speaker sa blok flat Ex-Esterilia konstriksyon ti konplete an 2011, komansman 2017 PMC ti alert Minister ki i annan problenm enfestasyon karya dan sa blok flat ki afekte plafon, bann fix furniture sirtou wardrobe ek serten cabinet lakwizin.

Ti osi annan serten meb bann lokater ki ti’n ganny enfekte. PMC ansanm avek Gill’s Pest Control ti fer survey ant zanvye ek fevriye 2017, konklizyon se ki lenfestasyon i par subterranean ek white termite.  Bann karya ki sorti dan later ti pe antre par bann service ducts dan batiman kot zot in monte ziska dan twatir ek lezot nivo batiman.

Koman mezir imedyat pour remedye sa problenm an mars 2017 ti annan fumigation dan bann unit ki ti ganny fer, PMC ti ranplas serten bann plafon, me ver lafen avril ti annan rapor nouvo lenfestasyon.

An zen 2017 tretman toultour batiman ek dril dan fondasyon e enzeksyon tretman ti ganny fer.  Sa ti enkli koup serten pye dibwa e tretman bann zarbis ki ti soupsonnen i kapab en sours lenfestasyon.

I prezan reste en dezyenm faz louvraz pour fer ankor en round tretman dan bann unit ler bann plywood enfekte pour ganny retire sirtou dan bann fixed furniture, plafon ek kouvertir, ek kouvertir ducts e ranplas zot avek bann cement board. 

Sa louvraz ti inisyalman progranmen pour komanse an Zen 2018, me akoz retar pour kordinen e aste tou materyo i pour aprezan ganny antreprann ver Zilyet 2018.

Bann eksper in osi rekomande ki apre sa bann ranplasman bann lezot meb enfekte, i pour bezwen ganny ranplase.  PMC pour asiste bann zabitan avek en sonm larzan, pour fasilit zot retir bann meb enfekte pour kapab asire ki sa problenm i ganny eliminen.

Ziska avril 2017 Mr Speaker PMC ti’n depans anviron R48, 000 pour fumigation ranplasman plywood, akomodasyon alternativ, akomodasyon alternativ pour sa bann rezidan ler i annan bann tretman ki’n ganny fer.

E tretman toultour batiman ek dan fondasyon in ariv R30, 000.  Kou pour cement board pour ranplas bann plafon par egzanp ti ariv R24, 400, so en total i annan apepre R102, 000 ki PMC in deza depanse pour premye faz sa bann tretman oubyen bann remedyasyon ki bezwen fer lo sa bann lakaz.  Mersi Mr Speaker.

 

MR SPEAKER

Mersi Minis.  Onorab Roucou.

 

HON CLIVE ROUCOU

Mersi Mr Speaker.  2 kestyon pour Minis Mr Speaker. Mr Speaker mon anvi ki Minis i konfirm avek sa Lasanble ki pandan konstriksyon sa batiman, si fondasyon sa batiman ti ganny flite parey Polisi Planning i demande kont karya e si Gouvernman i monitor tou bann konstriksyon ki Gouvernman pe fer?

E mon dezyenm kestyon, Minis in koz lo akomodasyon alternativ, mon anvi ki Minis i donn garanti ki tou bann zabitan Plaisance ki ler sa prosedir flite pe ganny fer, ki wi tou dimoun pour ganny sa akomodasyon alternativ, pa zis serten.  Mersi.

 

MR SPEAKER

Mersi Onorab. Minis.

 

MINISTER PAMELA CHARLETTE

Mr Speaker mersi. Msye Onorab wi bann fondasyon ti ganny flite pandan konstriksyon e wi nou annan en team ki dan Minister ki sirvey bann konstriksyon ki ganny fer par bann kontrakter.  Mersi.

Apre dernyen, apre wi nou kapab konsidere akomodasyon alternativ pour ler i annan sa bann flite ki nou kapab relocate en pe bann zabitan ziskan ler zot lakaz i …. Me selman dapre ki nou, mon konpran mwan i pa vreman en, i lonterm, i vreman kourt.

 

MR SPEAKER

Mersi Minis.  Onorab Valmont.

 

HON JUDE VALMONT

Mersi Mr Speaker, antan ki Onorab Roucou pe koz lo sa  sistenm pour pran mezir neseser pour flit tou karya, Minis mon pe zis demann, zis dan lespri pour ed lezot zabitan osi si PMC zot annan bann plan parey regilye ki parey bann Pest Controls zot monte zot flite, pa zis karya, me selman parey mous dimyel, akoz nou konnen i annan lezot landrwa i ganny sa bann problenm, eski i annan sa bann mezir neseser pour flit sa bann Housing Estate tou le, petet tou le mwan oubyen tou le 3 mwan?  Mersi bokou Minis.

 

MR SPEAKER

Mersi Onorab.  Minis, go ahead Minis.

 

MINISTER PAMELA CHARLETTE

Mersi bokou Mr Speaker, i annan en progranm ki PMC in travay lo la pour 2 fwa par lannen fer en legzersis koumsa, e semenn prosen zot pour komanse dan Nor.

 

MR SPEAKER

Mersi Minis. Onorab Stephen Pillay.

 

HON WAVEL RAMKALAWAN

En point of order.  A point of order Mr Speaker.

 

MR SPEAKER

Yes Onorab.

 

HON WAVEL RAMKALAWAN

Sa ki Onorab in dir flit mous dimyel, annou fer atansyon nou pa devret flit mous dimyel pour nou touy mous dimyel, sa mon krwar i en fot grav ki in dir la bomaten.

 

MR SPEAKER

Ok?  Onorab Stephen Pillay.

 

HON STEPHEN PILLAY

Mersi Mr Speaker. Bonzour Minis ek ou delegasyon ek tou dimoun.  Mr Speaker mon oule demann Minis lo sa karya ki pe fer Belvedere, ki dele letan ki pe mete pour, i pe dir i pour fer?

Mwan mon vwar li en pe difisil pour krwar akoz son predeseser avek son team avan, PMC avek sa in deza ganny dir le 23.11.2017 i annan karya dan en serten distrik Au Cap.

Me ziska aprezan zot pa ankor al vizite pour fer le neseser pour sa.  E sanmenm sa ki mon doute ki zot pe dir zot pe al komanse dan nor tou le 6 mwan, me i pa larealite lo teren ki pe arive.  Mon pa konnen si sa team avan, si sa team konmela or whatever ki ou pour fer pour ou delivre?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, mon krwar i annan en nouvo team PMC e zot langazman se pour delivre, si zot annan en progranm then zot pour bezwen kapab delivre zot progranm.

 

MR SPEAKER

Mersi Minis.  Kestyon limero 7, Onorab Aglae.

 

HON EGBERT AGLAE

Mersi Mr Speaker.  Mr Speaker avan mon poz sa kestyon akoz i resanble dan sa kestyon limero 7 i annan en lot kestyon ki dan menm kestyon, mon ti a kontan ganny ou gidans akoz mon pa konnen si en lerer ler in tipe ouswa, akoz i sipoze 2 kestyon sa.

 

MR SPEAKER

In ganny mete ansanm?  Ou kapab anmenn … wi in ganny aksepte, lafason ki in ganny aksepte ou kapab lir li koman ou kestyon menm si i konpri 2 par.  Go ahead Onorab.

 

HON EGBERT AGLAE

Wi ok, mersi Mr Speaker.  Minis mon kestyon i lir konm swivan, eski Minis i kapab dir ek sa Lasanble kwa ki pe koz sa gran retar pour komans devlopman 24/24 dan distrik Port Glaud?

E mon dezyenm kestyon, eski ou Minister pe kontinyen son plan avek pour, sa plan pour devlopman Ex-Teachers Housing Estate ouswa ou konsider redevlopman en lot sit etandonnen difikilte re lokasyon sa bann zabitan?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker Mersi Onorab, pour, Mr Speaker pour proze anba 24/24 pour distrik Port Glaud Minister pe antreprann proze redevlopman Forêt Noire kot i annan 12 unit konmela, dan sa proze nou pour konstrir 25 unit lakaz ki pour konpri 14 unit 3 lasanm avek 11 unit 2 lasanm.

Pour antreprann sa proze pour bezwen relocate 4 unit, e dan lespas, e dan lespas nou pour kapab konstrir 19 unit dan premye faz proze e balans 6 unit ler sa premye 19 unit in fini konplete.  Proze redevlopman Forêt Noire ti al lo tender depi Fevriye 2018.

E nou ti ganny aprouvasyon Tender Board le 24 avril 2018 e letter of intent in fini donn avek kontrakter Allied Builders ti donn enn an Avril 2018.

Me ziska aprezan kontrakter pa ankor kapab komans travay akoz Minister pe ganny retar pour relocate sa 4 fanmir ki lo site.

Inisyalman plan ti pour met sa bann fanmir kot proze Ex-ION ki konmela nou pa apel li Vilaz Orchid ki’n fini konplete. 2 fanmir i bezwen en bedroom en one bedroom lakaz pour bouz Grand Anse apre, kot nou’n fini sa 2 fanmir i ava al Vilaz Orchid.  I annan en fanmir ki pe al dan 1 unit 2 lasanm Ex-Desaubin, me sa proze in ganny retar akoz sanzman plan dan sewage system. 1 fanmir ti pe move dan en lakaz staff Ex-ION en lakaz 2 lasanm, me malerezman i annan dimoun ki’n antre dan sa lakaz dernyerman e nou pe fer demars pour nou kapab remet, fer demars pour met sa fanmir ladan.

So pour devlopman Forêt Noire li menm se problenm ki nou pe gannyen plito, se pour relocate sa bann dimoun ki deza la lo sit pour nou kapab komans proze, ou ti oule mon kontinyen avek?

 

MR SPEAKER

Mersi Minis.  Onorab Aglae.

 

HON EGBERT AGLAE

Minis mersi pour ou larepons, Minis parey mon’n dir boner ou pa ti la sa letan koman sa Minis ki responsab lakaz e lenfrastriktir, me mon pa tro satisfe avek sa larepons etandonnen ki ti annan komitman ki ti ganny fer avek ou Minis predeseser ki ION ti pour annan 4 lakaz, ti’n fini fer komitman rezerve pour met sa 4 fanmir pour zot kapab bouze.

Mon ti a kontan konnen petet avek ou 2 PS ki la kwa ki’n sanz zot nide ou Minister pour ki sa 4 fanmir pa’n ganny sa 4 lakaz e la prezan pe rod bann lezot alternativ pour kapab plas sa 4 fanmir akoz pour mwan sa i pa akseptab, komitman ti ganny fer zot in kas komitman.  Mersi.

 

MR SPEAKER

Mersi Onorab.  Minis.  Go ahead Minis

 

MINISTER PAMELA CHARLETTE

Mersi Mr Speaker.  Onorab kekfwa nou pa’n kontinyen poudir ki sa bann lakaz Ex-ION i la pour sa bann, pour mon krwar 2 ou 3 dimoun, me selman i annan ki nou pour bezwen akoz nou annan 2 bedroom, i annan 2 bedroom avek 3 bedroom.  Me selman i annan dimoun ki bezwen zis 1 bedroom, so nou pe fer juggle en pti pe ki end of July sa bann dimoun i ava antre dan sa bann lakaz pour nou kapab komans sa redevlopman.

 

MR SPEAKER

Mersi Minis e ou ok?  Alright, mersi nou ava bouz lo kestyon 8.  Non?  Yes Onorab Aglae, dezyenm wi, Minis dezyenm morso kestyon lo Ex-Teachers.

 

MINISTER PAMELA CHARLETTE

An sa ki konsern redevlopman Ex-Teachers Onorab i ankor reste enn bann proze lakaz lo plan Minister. Minister in komans avek proze Forêt Noire akoz i annan mwens dimoun pour relocate. Minister i konfidan ki avek lezot proze lakaz ki pe pare lannen prosen i pour annan opsyon pour relocate bann zabitan pour permet redevlopman sa proze pour komanse.

Pour nou i difisil pour antreprann sa proze par faz akoz i osi nesesit konstriksyon en stasyon tretman desarz ki pour osi konnekte bann lakaz Riverside.

Lo kote Ex-Teachers Port Launay, redevlopman pour konpri 24 unit.  I konmela i annan 14 unit lo sa site e pour nou kapab relocate sa bann dimoun.  Minister i osi annan en bout later ki pe negosye pour aste avek SACOS kot nou kapab ganny anviron 70 unit dan distrik Port Glaud nou’n resevwar en counter offer avek SACOS ki nou pe konsidere negosye pour nou kapab ganny sa bout later pour osi fer en devlopman dan distrik Port Glaud.  Mersi.

 

MR SPEAKER

Mersi Minis. Onorab Aglae.

 

HON EGBERT AGLAE

Mersi Mr Speaker.  Minis en pti follow-up, etandonnen ki i annan sa problenm re lokasyon sirtou pour sa 14 fanmir, distrik avek ou Minister ti’n tonm dakor lo en sit trouve Beolière, ou’n nonm kot Ex- SACOS, i pa kot Ex-SACOS, kot later SACOS i annan en lokasyon ki ti pending for visit, mon ti a demande ki ou ti ava kapab fer li koman ou priyorite, pour nou avek ou 2 PS nou al vizit sa teren, ki vreman fasil pour fer rekonstriksyon e ki zot a konsidere dan plas pour, pe mazin relocate sa bann dimoun dan en lot lokasyon.  

So ki proze laba i a demare san annan okenn bann mouvman pour relocate bann dimoun.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Nou ava fer en vizit ansanm avek team pour nou get kondisyon later.  Mersi.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker mon ti a kontan demann Minis, in nonm Allied Builders koman kontrakter, mon ti ava kontan demann li egzakteman si zot in fer tou zot travay?  Konbyen sa proze pour koute?  Pandan ki peryod letan ki i pour fini sa konstriksyon?  E eski Minis i pare pour li letan proze in fini, pour li retourn devan Lasanble oubyen i kapab fer li atraver COGA, pour dir konbyen ti ganny tender e konbyen proze in arive?  Akoz nou’n vwar proze ki ti komans 11 milyon in ariv plis ki 25 milyon.  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, sa Kontra i R26.9 milyon anviron e Kontra i pour 10 mwan pour premye 19 unit apre 7 mwan pour balans unit.  Mersi mon’n reponn ou kestyon?

 

HON WAVEL RAMKALAWAN

(Mic Off)

 

MR SPEAKER

Wi mon kapab donn ou.

 

MR SPEAKER

Mersi.  Mersi Minis, nou a pran kestyon limero 8 Onorab Roucou.

 

HON CLIVE ROUCOU

Mersi Mr Speaker.  Mr Speaker mon kestyon i lir koumsa, an vi ki ti annan en komitman par Prezidan Larepiblik e Minis Bastienne lo devlopman pour proze lakaz Kangard Plaisance, eski Minis i kapab dir sa Lasanble, kan eski sa proze pour materyalize pour benefis zabitan Plaisance?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, mersi Onorab.  Minister in fini fer plan pour redevlopman sa Estate e nou ti ganny laprouvasyon Lotorite Planning an mars sa lannen, redevlopman konplet pour donn ankor 50 unit lakaz, Minister in fini tender sa, en faz sa proze pour 22 unit dan Kangard, dan proze 24/24 pour distrik Plaisance.

Minister ti ganny laprouvasyon tender, Tender Board pour sa proze an Fevriye sa lannen e letter of intent in fini donn kontrakter depi Mars.  Lo sa site i annan 13 vye unit lakaz ankor en lot issue re lokasyon pour permet sa faz 22 konmanse.

Minister i bezwen relocate 4 fanmir.  La ki premye faz rekonstriksyon Nageon Estate in konplete koman bann zabitan ki ti pe ganny abrite Perseverance tanporerman i bouze sa mwan, sa 4 fanmir ava al Perseverance pour proze Plaisance kapab komanse pandan mwan Zilyet sa lannen la.  Bann zabitan Nageon Estate in fini ganny lakle zot nouvo lakaz e zot in ganny 14 zour pour rantre e rann lakle Perseverance.  Zot 14 zour i fini sa Merkredi.  Mersi.

 

MR SPEAKER

Mersi Minis. Onorab Roucou.

 

HON CLIVE ROUCOU

Mersi Mr Speaker.  Mon dakor avek larepons Minis, me selman an vi ki nou annan en kantite komitman avan par Prezidan, par ex-Minis, mon anvi Minis i dir nou Zilyet, Zilyet kan Minis konmsi sa bann dimoun pe tro espere, mwan anvi ou donn mon en time frame byen spesifik ki mon kapab al kot mon bann zabitan, oubyen mon bann zabitan a tande kan zot pour komans antre, kan sa proze pour komanse?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Nou pour met li lafen Zilyet Onorab pour nou kapab komans sa travay.

 

MR SPEAKER

Mersi Minis. Onorab Valmont.

 

HON JUDE VALMONT

Mersi Mr Speaker, mon pe zis dan lespri pour ed bann zabitan Plaisance, mon zis anvi dir Minis akoz in mansyonn Nageon Estate, mon konnen i konnekte avek sa, alor i annan serten komitman ki Minister in fer avek sa bann rezidan Perseverance, ki ganny langazman ki zot in fer, ki i annan serten keksoz pa ankor ganny take up.

E mon konnen la aktyelman malgre zot dir premye faz in konplete, i annan mon bann zabitan i dan lakaz pe dormi dan lakaz san kouran.  Alor mon demande ki mannyer lakle i kapab ganny donnen, zabitan i ganny pour sorti le 14 selman kouran ek bann fasilite pa ankor ganny fer.

E i annan serten komitman akoz mon ti la ler rezidan ti zwenn ek PS Choppy i annan serten komitman ki pa ankor ganny fer.  Alor mwan mon osi mon pa an faver ki zot sorti le 14 si komitman pa ankor ganny rekonnet.  Mersi.

 

MR SPEAKER

Mersi Onorab. Minis.

 

MINISTER PAMELA CHARLETTE

Mersi Mr Speaker. Mr Speaker nou ava verifye akoz nou dapre nou konpran en bon pe louvraz in fini fer non?  Me selman nou ava tyeke nou a dir ou.  Mersi.

 

MR SPEAKER

Mersi.  Yes Minis ou annan keksoz pour azoute?

 

MINISTER PAMELA CHARLETTE

Mr Speaker se tou.

 

MR SPEAKER

Ok, mersi.  Bon mon krwar petet zis pour lenformasyon Lasanble, manm piblik, sa problenm ki Onorab Valmont in leve mon krwar i annan plizyer nou MNA menm dan katriyenm Lasanble nou’n fer fas avek, kot lakle in donnen, bann services pa pe marse, napa kouran, napa delo.

E nou swete ki an 2018 sa bann keksoz pa repete.  Bon i reste nou 2 kestyon lo lakaz, apre nou annan sa 3 kestyon lo ki i annan pour fer avek semen, mon sizere nou pran en break e nou ava retournen 11er pour nou fini sa bann kestyon e nou ava release Minis midi.  Nou a pran en break e nou ava retournen 11er.

 

(BREAK)

 

MR SPEAKER

Bon, nou a kontinyen nou travay.  Nou ava al lo kestyon nimero 9 – kestyon Onorab Phillip Arissol.

 

HON PHILLIP ARISSOL

Mersi Mr Speaker.  Bonzour Mr Speaker.  Bonzour Minis avek ou delegasyon.  Tou bann MNA ek bann dimoun dan lakour.  Minis eski ou kapab dir sa Lasanble kan ki ou Minister pou fer bann Lotorite Distrik, enkli MNA, DA enkli Konsey Distrik ganny akse avek lalis dimoun ki’n fer laplikasyon pou lakaz ouswa later dan nou bann distrik respektif?  Mersi.

 

MR SPEAKER

Mersi Onorab.  Minis

 

MINISTER PAMELA CHARLETTE

Mersi Mr Speaker.  Mersi Onorab.  Minister i dan prosedir fer serten travay konpreansif lo lalis aplikan pour later ek lakaz.  Menm si sa travay pa an ankor fini, nou’n fini komans sirkil lalis avek Local Government ki pou apre sirkil avek bann DA dan distrik.

Alor mon servi sa lokazyon pour enform bann MNA ki lalis i pou available avek DA dan distrik.  E, me selman, prenon kont ki sa i lalis laplikasyon tou bann aplikan dan zot distrik ki, ki’n apply either pour later oubyen lakaz.  Mersi.

 

MR SPEAKER

Mersi Minis.  Onorab Arissol.

 

HON PHILLIP ARISSOL

Mr Speaker, savedir Minis pe dir nou, nou pou bezwen esper DA pour nou ganny sa lalis?

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker nou, nou lalis nou anvoy kot Lotorite Distrik through PS Local Government e la, li prezan i pou share avek DA dan distrik.  E DA dan distrik, mon krwar i bezwen koz ansanm avek MNA pou fer zot ganny sa lalis.

 

MR SPEAKER

Mersi Minis.  Onorab Arissol.

 

HON PHILLIP ARISSOL

Mr Speaker, si Minis i kapab dir nou egzakteman ouswa apepre, kan ki, donn nou en dele letan ki nou kapab ganny sa lalis?

 

MR SPEAKER

Mersi Onorab.  Minis.

 

MINISTER PAMELA CHARLETTE

Pour later, nou ti’n fini anvoye.  E pour ou, pour lakaz, kekfwa by next week, e ki nou kapab fini – nou’n komanse selman nou pou petet konplete by next pour nou anvoye.

 

MR SPEAKER

Mersi Minis.  Onorab André.

 

HON CLIFFORD ANDRE

Mersi Mr Speaker.  Mr Speaker, an vi ki nou bann MNA, nou bann dimoun ki’n ganny elekte par nou bann, par nou pep dan distrik – mon ti a demann Minis atraver son 2 PS, pour anvoy ‘nou’ en kopi lalis dimoun ki’n fer laplikasyon pour lakaz e pour later.

Akoz sa bann dimoun letan zot rankontre difikilte e zot pa konnen ki pozisyon zot ete lo lalis, si zot vin kot nou – si nou napa sa lalis, nou, nou bezwen al mandyan sa lalis avek DA, i fer en problenm pour nou.

Anvoy nou en kopi nou lalis – nou a konnen nou annan menm lalis.  I pa en problenm pour email nou.  Zot kapab email nou atraver Mr Speaker, Lofis Madam Clerk – laba zot fer atraver PS.  Nou ava ganny en kopi sa lalis.  Tou Manm – lot kote, kote gos, kote drwat, nou ava ganny en kopi sa lalis.

I enportan pour nou ganny sa akoz se sa ki fer nou met presyon lo Lotorite pour ki nou bann zabitan i kapab ganny en lakaz oubyen en later ki zot in demande.  Mersi.

 

MR SPEAKER

Mersi Onorab.  Minis

 

MINISTER PAMELA CHARLETTE

Mersi Mr Speaker.  Si nou pou fer, nou a bezwen fer li par ou Lofis Mr Speaker akoz ofisyelman nou pa’n zanmen donn MNA bann lalis Housing – ofisyelman mon pe dir.

 

MR SPEAKER

Wi, mersi Minis.  Onorab Adelaide.

 

HON FRANCOIS ADELAIDE

Mersi Mr Speaker.  Bonzour a tous.  Mr Speaker, avek ou permisyon, 2 segonn.  Bomaten Onorab Ramkalawan avek Onorab Leader Zafer Gouvernman, zot in eksprim sagrinasyon – be nou, nou osi nou annan lazwa.  Les mon profit dan sa Lasanble pour felisit Mr Wyn Larue, ki Sanmdi ti vin en milyonner e i sorti dan nou distrik.  Se…

 

(Interruption)

 

MR SPEAKER

Kontinyen. Kontinyen Onorab.

 

HON FRANCOIS ADELAIDE

… i montre nou poudir i annan bann fason, bann bon fason ki bann dimoun i kapab vin milyonner dan sa pei e li i en legzanp.  Nou felisit li.

Mr Speaker, mon kestyon pour Minis i, vi ki i ti donn komitman sa Lasanble, son dernyen fwa ki i ti vin dan Lasanble – ler mon ti demann li en kestyon spesifikman lo bann zabitan Baie Lazare, konsernan Land Point System.  I ti dir nou poudir by lafen Zen legzersis pour komanse e bann dimoun pou komans ganny kominike sorti kot son Minister;– bann aplikan pou komans ganny kriye.

Eski Minis i kapab konfirmen avek sa Lasanble si zabitan Baie Lazare, vi ki proze pilot ti pou komans Baie Lazare – eski i annan aplikan ki’n ganny kriye?

E si wi, konbyen zot?  E ki dele letan nou pe ekspekte ki tou sa bann dimoun ki lo lalis later Baie Lazare, zot pou konn zot status?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Ler nou pe koz – ou pe dir mwan Land Point …?  Land, en?  Ok.

Lo kote land, tou annan dimoun dan South West in fini ganny mete lo nou Point System.  Me selman nou pou bezwen meet avek MNA, DA pour stratezi alokasyon, pour zot go through avek nou lo sa lalis.  So, zot a war zot bann dimoun ki lo sa lalis e nou prezan nou ava get bann deliverables ansanm avek DA, avek MNA, ki mannyer nou pou move forward.

Nou ti sipoze pou fer en miting next week, ki zot – me selman zot pa ankor ganny enformen.  Me selman next week nou sipoze meet avek DA avek MNA pour nou go through.  Ok.

 

MR SPEAKER

Mersi Minis.  Onorab Adelaide.

 

HON FRANCOIS ADELAIDE

Minis eski ou pe konfirm avek mwan pou dir by semenn prosenn bann dimoun Baie Lazare, nou pou, nou pou annan en miting avek ou Minister pour ki nou konn nou pozisyon a lafen, konmsi prosenn i ou sa deadline, ou pe garanti avek nou?

 

MR SPEAKER

Mersi Onorab.  Minis

 

MINISTER PAMELA CHARLETTE

Semenn prosenn i pou sa miting ki nou pou fer avek DA, avek MNA.  Apre then from sa miting la nou pou deside what is the next, next step, avek zot korperasyon byensir.  Mersi.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi RM Speaker.  Bonzour Minis.  Mr Speaker mon ti a kontan ki Minis i klarifye avek nou – sa larepons ki i fek donn Onorab Adelaide se pour Land Point.

Be lo kestyon lakaz li menm li, son alokasyon – sa ki priyoritiz bann dimoun lo lalis – eski sa i ganny fer par MLUH, par DA, par MNA?  Mon ti a kontan en klarifikasyon – akoz dan bokou ka, ler en dimoun i vin kot nou, i dir pa nou ki sipoze pe lyez avek MLUH pour priyorite.

DA i dir pa li ki fer. – parfwa Zofisye Housing i zot ki fer.  Klarifye avek nou enn fwa pour tou lekel ki sipoze priyoritiz bann dimoun lo lalis lakaz e later osi silvouple.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Onorab, Housing Point System, li menm li sa sistenm ki pou priyoritiz ou bann aplikan.  Me selman i annan sa konversasyon avek DA, avek MNA ki nou bezwen fer.  Akoz once ki nou share sa lalis, then nou pou bezwen diskite si sa bann dimoun ki lo la i, par egzanp, nou bezwen gete si i sorti dan ou distrik akoz i annan bann ka kot dimoun pe sanz distrik.

So en fason pour zot osi verifye bann dimoun ki lo zot lalis.  Me selman nou lo nou sistenm, sa Point System in fini ganny dan en sistenm, so i zis – nou’n fini met non dan sa sistenm.  E sa sistenm li ki dir ou ki dimoun, konbyen pwen ki sa bann dimoun in gannyen pour kapab priyoritiz zot.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker.  Mr Speaker mon ti a kontan demann Minis si in resevwar okenn lalis sorti kot okenn distrik pour sa rekomandasyon lalis dimoun dan distrik fezan, par egzanp, Au Cap – si in resevwar okenn lalis ki dir ok, MNA ek DA in agree, Local Government in agree pour allocate tel lakaz, sirtou sa 24, si zot in gannyen okenn lalis formelman sorti dan bann distrik ki pe, ki pe dir poudir tel dimoun, nou’n ganny, i la premye, dezyenm, trwazyenm, katriyenm?  Si zot in ganny okenn lalis formelman?  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Ziska prezan nou pa ankor ganny lalis ofisyelman sorti kot distrik pou dir nou.  Me selman nou ganny bann ad hoc request, si i annan bann irzans oubyen i annan bann ka spesifik kot bann DAs i dir nou koumsa kekfwa pour konsidere.  Sa nou gannyen.

 

MR SPEAKER

Mersi Minis.  Onorab Pillay.

 

HON STEPHEN PILLAY

Mersi Mr Speaker.  Minis be mon ti a kontan enform ou ki Au Cap in fini submit avek en Manmzel Emma en lalis – mon pa konnen.

I resanble i annan en problenm ki zot pa pe kordin ek kanmarad.  Akoz lalis in fini desann pour Au Cap – PS mon email li, i pa ankor rann mwan larepons.   Me i resanble ki fodre zot aranze, gete ki mannyer i ete.  Akoz lalis in fini submit, mon konnen pour Au Cap.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Onorab.  Nou ava, mon ava verifye internallyYes.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker, avan mon demann mon kestyon lo size, Lasanble in pas Bill – Access to Information.  Nou osi annan en rol oversight, apre sa, Minister i konsilte.  So, baze lo sa 3 rezon, mon krwar poudir Minister i merit zis willingly fer MNA, parey DA, ganny en kopi sa lalis ki nou pe demande la bomaten.

2 kestyon mon annan;– premyerman, mon ti ava kontan Minis, letan nou pe koz lalis lakaz, ki lalis sa nou pe koz lo la?  Akoz mwan depi ler mon’n vin MNA, mon’n deza vwar en lalis lakaz distrik Mont Buxton e i ti annan 2.  I ti annan en kote ki dir ‘qualified’, apre en lot ti dir zot pa kalifye.  Par egzanp, si zot in mank zot peyman.

Solman mon’n war dimoun ki ti lo lalis pa kalifye, dimoun Mont Buxton li in ganny lakaz Perseverance!

So, letan nou pe koz lalis lakaz, ki lalis lakaz nou pe koz lo la?  Akoz mon’n war 2 mwan.  Sa i premye.

E dezyenmman, mon anvi ki Minis i dir ek nou, re-dir nou, baze lo kestyon Onorab Regina Esparon, kordinasyon lo sa zafer lakaz dan distrik.  Akoz mwan, mon pe pase ziska ozordi, mon pe tann dimoun pe dir ek mwan, tel dimoun in promet mwan lakaz St Louis akoz i annan en konstriksyon ki pe arive vizavi nou distrik.

E zot pe dir mwan – be lekel ki pe fer sa promes?  Lekel ki, lekel ki donnen, lekel ki pou determinen finalman lekel ki gannyen lakaz ouswa later?

Akoz ozordi nou tande poudir sa dimoun ki Chairman Brans Parti Lepep dan distrik, sa dimoun ki CC Member pe promet.  Lekel ki donnen?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Nou lalis ki nou annan, nou pou donn distrik zot lalis bann dimoun ki aktiv.  Par egzanp, ler mon dir aktiv, bann ki – anyway, bann, tou dimoun ki annan en laplikasyon dan nou sistenm, apre osi bann ki aktiv lo kote si i pe pey son HSS e osi avek bann ki pa aktiv.

Savedir bann ki menm si in apply, me selman i pa’n vini pour update son bann lenformasyon, bann keksoz koumsa.  Oubyen ki pa pey son HSS li, zis, i zis la lo lalis.  So, nou pou donn ou en lalis antye, me selman nou pou group li ant sa 2 group.

Apre lo kote alokasyon, zis pou fer konnen Onorab, nou annan en Allocation Committee ki ler i annan sa Allocation Committee, DA osi i form parti sa Allocation Committee akoz li ki Lotorite dan distrik.

E sa Point System li menm ki pou determinen.  So, nou’n tir tou bann eleman ki dimoun i pou zis vini dir sa dimoun i merite.

So, sa i pou en sistenm dapre bann lenformasyon ki annan dan fayl sa dimoun.  Sanmenm ki toultan nou demann bann dimoun, si zot sityasyon i sanze, ki zot vin kot nou, nou update zot bann sityasyon, koumsa ler i antre dan sistenm i capture li byen.

 

MR SPEAKER

Mersi Minis.  Onorab Henrie.

 

HON GERVAIS HENRIE

Vitman Mr Speaker, mersi.  Mon repet ankor sa oversight role ki nou MNA nou annan, non-selman dan nou distrik me lo bann antite Gouvernman.  Eski Minis ava konsidere ki MNA elekte i ganny konsidere lo sa komite, Allocation Committee?  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Sel keksoz mon kapab dir ou Onorab, nou ava konsidere apre nou ava get back ek ou.  Akoz nou pa anvi Housing i vin en keksoz politik anymorehousing ek landSo, be sa nou pe fer sir ki sa i arete e dimoun ki merite ki gannyen.  Sa se ki nou langazman koman Minister pour le moman.

 

 

MR SPEAKER

Mersi.  Petet zis mon ava dir en pti keksoz, fer en pti komanter.  Mon kontan ki Minis in fer en Statement ase bold la – ki pou tir politisyen ladan.  Akoz mon osi tou, parey Onorab Henrie, mwan osi mon pe fer fas avek sa – ki annan serten dimoun ki pe pase ki pe promet dimoun lakaz.

Mwan koman MNA Bel Ombre, ler i dimoun i vin kot mwan pour later, lakaz, mon diriz zot kot Biro Administrasyon Distrik.  E se sa biro ki premye laport pour sa dimoun ale rantre pou fer son bann demars.  Koman MNA, mon pa kapab promet dimoun ni later, ni lakaz.

Minis mersi pour sa Statement.  Onorab Ramkalawan.

 

HON WAVEL RAMKALAWAN

Mr Speaker, mersi bokou.  Mon kontan sa bann Statement ki pe ganny fer.  Me selman mon anvi dir avek Minis ki konmsi i dekourazan, i dekourazan letan nou regarde ki mannyer sa Minister i fonksyonnen.

E parfwa ou ganny lenformasyon akoz dimoun i fer fot – zot pa forward zis sa ki zot devret forward.  Zot forward the whole thread.

E Minis mon ava, avek ou permisyon Mr Speaker, mon ava lir avek ou en thread ki pou enteres ou;

Yer, le 2 Zilyet, Lendi, 2.57 apre midi, Mr Ravi Valmont i anvoy en mail kot PS Local Government – ekout sa ki i dir li Mr Speaker.

Dear PS, kindly find attached list of applicants.  Kindly forward to respective District Administrators.  They should forward the same to the MNAs of their districts. 

I anticipate your urgent action as the Minister will be announcing the same during tomorrow’s sitting at the Assembly.’’

        Ok?  Sa i ariv yer e i annan serten bann DAs ki zot, zot in pran li pli vit.

E PS laba, Local Government, li i reponn e i forward bann soz kot bann District Administrators, pe dir avek zot pran urgent action, urgent action! 

E parey mon pe dir, i annan serten DAs ki’n pran urgent action e se pour sa rezon mon kapab lir sa mail.  Me i annan lezot DAs ki pa’n pran sa urgent action.

Alors, eski se sa lafason ki sa Gouvernman i fonksyonnen?

Eski se sa lafason ki zis akoz en kestyon i vin dan Lasanble, nou taye fer en lalis, dir anvoy isi, anvoy laba, e aprezan zis pou dir ki nou’n fer?

Mr Speaker, se sa ki mon apel bann soz politik e la i annan en DA:-

‘’Morning MNA.  Please find attached for your reference – sa lalis…

Thanking you’’

 In forward the whole thread.

 

MR SPEAKER

Mersi.

 

HON WAVEL RAMKALAWAN

Mr Speaker, akoz, eski Minis i kapab dir avek nou, akoz ki sa zafer lakaz ek later, i reste en mister ki pli mister lo Bondye li menm?  Ki i pli konplike ki mister Lenkarnasyon.  Ki toultan nou pe sey vin rod en pti bout, nou pa gannyen, nou rod en lot bout, isi laba.

Eski i pa ler enn fwa pour tou pour ki keksoz i vin kler, ou Point System i vin kler, tou sa bann MNAs dan distrik ki pa pe fer politik – annou pa, annou pa fer sa fot osi koman bann MNAs, dimoun pe kont lo nou pour ed zot.  E letan nou telefonnen pour nou ganny en lenformasyon, i pa zis politik sa.

E Mr Speaker, la mon ava, ou a permet mwan, mon ava dir – i annan bann dimoun, zot sitan dezespere, zot pa vin zis kot en MNA, mon pa konnen ki mannyer zot apele laba, me selman lo lot kote latab, zot vin osi kot LDS pour zot senpleman rod en led, rod en solisyon – pour zot konnen kote zot debout, ki mannyer keksoz pou bouze.

Kan eski sa Minister pou fer – i en nouvo lekip parey minis in dir, kan eski sa nouvo sa nouvo lekip pou met keksoz kler lo latab enn fwa pour tou pour ki tou dimoun i ava konnen?  E nou pa ava ganny sa bann mail koumsa, ou pa ava ganny soz, kot nek zis nou a pe, konmsi sa Minister i apel Fire Brigade – tenny sa dife!  Mersi bokou Mr Speaker.

 

HON NICHOLAS PREA

Mersi Onorab.  Mon it a kontan zis azout lo s aki ou’n dir, pou dir mon DA in act urgently bomaten.  In anvoy mwan sa summary.

Me parey ou’n fer resorti, dan lepase mon’n demande e li menm li DA in dir ek mwan i pa kapab pas sa avek MNA.  Me la atraver sa bann mails ki ou’n lir, nou’n vwar direktiv kot in sorti e DA i ganny lord.  E mwan osi tou bomaten, pour premye fwa mon’n ganny lalis Land Point System. 

Wi, me i posib pa tou DA ki lo menm, ki lo menm vites.  E mon DA in fer son travay bomaten e mwan ler en dimoun in fer son travay, mon felisit li.

 

MR SPEAKER

Bon, Minis laparol i pour ou.

 

MINISTER PAMELA CHARLETTE

Mersi Mr Speaker.  Mr Speaker – mersi Onorab pour ou lentervansyon.  Mon lentansyon ler mon ti pe dir sa se pou dir poudir nou’n ariv en staz dan sa pei, kot nou bezwen met politik en pti pe de kote sirtou le i konsern later avek lakaz.

Mon konpran ki sa 2 keksoz i vreman sansib.  E nou’n vwar toulezour Seselwa ki soufer lo kote lakaz.

Me selman i annan bokou labi ki nou pe vwar – bokou labi e ki nou as en Minister nou, nou’n dekontrole nou menm.  So, i annan en kantite travay ki nou bezwen fer internally, sa mon rekonnet.

En kantite travay lo kote striktir, lo kote personnel, resours li menm, pour nou kapab met en pti pe annord apre komans lo en semen ki, ki kler kote nou pe ale.

Lo kote Point System par egzanp, Point System i fek vin an operasyon e nou konstate ki i pa pou en prosedir ki parfwa.  Sanmenm sa ki nou pe met par egzanp sa Allocation Committee, ki pou annan dimoun ki pou – pa zis en Minis ki pou bezwen pran desizyon, oubyen PS ki pran desizyon.

I ava annan en group dimoun ki pou pran desizyon e osi DA as Lotorite Distrik i ava la pour li donn sipor son bann dimoun.  E li ki ava annan sa fason pour li zistifye –mon kapab dir, zistifye son bann ka ki vin devan nou e travay lo sa bann lalis alokasyon.

So, sa ki en pti pe ki nou anvi fer dan sa Minister me selman nou konnen ki i pa fasil akoz nou’n fini, i annan dimoun ki’n fini annan sa labitid e nou bezwen sanz sa kiltir dan nou Minister li menm pour nou kapab avans  devan.

Otherwise nou pou kontinyen tourn an ron, me selman mwan koman Minis, mon pa anvi sa Minister i tourn an ron, mon anvi ki sa Minister i mars devan e ki dimoun a lafen dizour i dir poudir at least nou’n delivre bann target , bann keksoz ki  nou ti dir nou pou fer.

So, mon langazman pour sa Minister se travay ansanm avek bann PS pou fer sir ki nou fer bann keksoz ki transparan e ki tou dimoun i ganny, i merit sa ki i pa merite.

Akoz vreman i annan dimoun ki pa merite, ki nou war i vin devan nou e ler ou pe eksplik li akoz, ki mannyer mon kapab dir?  I en sanzman kiltir osi, edik nou Nasyon pou dir mon konnen – akoz tou dimoun i vini i dir ou zot priyorite, me nou, nou annan sa sistenm ki pour, avek bann lenformasyon ki nou, nou anmase ki nou al validate.  Nou ki pou dir, sa sistenm i pou dir e nou avek sa alokasyon nou pou konnen lekel dimoun vreman ki priyorite.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker, mon welcome – mon krwar nou tou nou welcome sa Statement ki Minis in fer.  Eski Minis pe konfirmen ki poudir dezormen, Manm Komite Santral, Tyermenn Brans sa parti lot kote, mon pa konn son non – mon pa konn son non, e ki tou lezot politisyen ki dan lepase parey ou’n dir, ki’n enterfer, ki’n donn dimoun ki pa priyorite, ki’n donn dimoun pour rezon politik – eski Minis pe konfirmen ki poudir enn fwa pour tou, dan detrwa mwan letan i ava fer sa Allocation Committee, sa zafer politik avek lakaz i ava’n terminen enn fwa pour tou?  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mer Speaker, nou Allocation Committee i deza an plas e nou’n deza pe komans travay lo kote ex-Desaubin par egzanp, e DA i deza lo sa Komite, in deza lo sa Komite.  E sak fwa nou bann proze lakaz i fini, nou pou call in bann DA lo sa Allocation Committee pour nou kapab fer, pour nou kapab zisteman elimin sa bann issues.

 

MR SPEAKER

Mersi.  Yes Onorab.

 

HON WAVEL RAMKALAWAN

Mr Speaker, mon anvi dir Minis an menm osi, atansyon ek DA! Parski DA osi tou i en politisyen li, la pour le moman.  Letan pe fer kanpanny dan distrik, nou war DA pe mars avek kandida, nou war DA zisteman, Mr Speaker – nou war DA pe donn lalis sa bann Chairman Brans, sa bann MNA ki dan parti lot kote.

Alor, se pour sa rezon ki nou pe sey rod sa balans pour ki sa DA ki ozordi pe azir koman en politisyen, li i pa vin involve parski li osi i a pe fer politik.  Mon ti a kontan ou pran sa an konsiderasyon osi tou.  Mersi bokou.

E petet avek bann Regional Councils ki pe vini la, annou sey regarde ki mannyer i kapab annan en balans pli serye, pou nou kapab tir sa bann zafer politik.  Mersi bokou.

 

MR SPEAKER

Mersi Onorab.  Minis, komanter?

 

MINISTER PAMELA CHARLETTE

Mersi Mr Speaker.  Onorab, mon’n ganny ou pwen, me selman DA i zis en dimoun lo sa komite.  Ki mon anvi sey dir ou?  Se sa – sa Point System li menm li i kler li.  DA pa pou kapab dir nou, i pou annan son lalis ek nou, i pou bezwen agree sa dimoun ki lo Point System.

Me selman en kantite travay ki nou Minister i fer pour validate bann lenformasyon osi ki nou gannyen – en kantite travay ki ganny fer lo teren.  Ok?  Mersi.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker.  Mr Speaker, mon ti anvi zis dir avek Minis, mwan mon enn sa bann MNA ki’n resevwar en lalis bomaten atraver imel.  In mete Anse-Etoile i annan 119, i annan 119 lakaz, me mon ti a kontan dir avek Minis poudir lenformasyon ki zot in anvoy kot mwan, i zis donn ou non, NIN, partner sa bann dimoun.  Me lenformasyon esansyel ki nou pe rode se, ki zot priyorite?  Ki zot nimero?

Akoz, pa i en Point System sa?  Akoz i pa devret donn nou kan son dat laplikasyon?  Annefe mon let ki mon ti ekri, Minis i ava enteresan pour ou konn sa – le 15 Novanm 2016, ‘16, mon ti ekri Charles Bastienne e mon dir li; –

In this respect, I formally request to be given  access to the current list of housing applications held by the Ministry, which includes the details of applications from Anse Etoile constituents.’’ 

As I indicated, the list should include essential details such as the identity of the person, the date applied, the amount of personal contribution, social and employment status and any other relevant details that are held in that respect”.

Ozordi, ozordi, le 3 Zilyet 2018 ki mon ganny larepons, zanmen mon’n ganny larepons sa let mwan, zanmen.

Ni acknowledgement mon pa’n gannyen.  Ozordi mon ganny en lalis ki vin kot mwan, i dir mwan i annan 119 Anse Etoile, la zot non, la zot NIN – napa okenn lezot detay.

Mon ti a kontan demann Minis, dan sa lespri ki ou’n fek eksplik nou, ki ou anvi ki i mars dan en fason transparan – kan eski zot kapab fer nou ganny en lalis sa 119, par egzanp dan mon distrik, ki met akote ki priyorite, ki son Point System ki i annan?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mon krwar ou’n ganny en lalis pour later si mon pa tronpe, later sa – 119.  So, nou, nou’n anvoy lalis laplikasyon, bann applicants pour later, wi – lalis applicants pour later.  Akoz ki Land Point System – apre ki nou pou met dan Land Point System, apre zot ava ganny en lalis…. Land Point, land.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Mwan mon kestyon i pour lo lalis lakaz.  Menm si Point System i determinen lekel ki kalifye, me selman baze lo lakantite lakaz ki’n pare pour allocate, Point System i kapab dir ou poudir ou annan ou 15 dimoun ki’n kalifye, tou keksoz i parey, me selman ou annan 10 lakaz, mmm?

So, dan sa lenstans koumsa, eski sa komite ki pran sa dernyen desizyon?  E ler sa komite i fini pran sa desizyon, eski pare finalman i vin kot Minis?

Konmsi pou piblik konnen poudir ler sa komite in pran desizyon, si kekfwa i annan okenn keksoz ki sa komite pa’n pran kont ler i al kot Minis, then Minis i kapab re-pas lo la, vwar – sanmenm kestyon.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Onorab ki mannyer Allocation Committee i pou marse – si nou annan 24 lakaz, nou pou fer rekomandasyon pour 24, pour 24 dimoun.  So, 24 premye dimoun i pou ganny allocate avek lakaz.  E Minis i form parti osi alokasyon, yes, Committee.  Mersi.

 

MR SPEAKER

Mersi Minis.  Bon, annou bouz en pti pe vit.  Nou al direkteman lo nou kestyon.  Onorab Audrey Vidot.

 

HON AUDREY VIDOT

Mr Chair, sa deba ozordi i vreman enteresan lo sa kestyon – Mr Speaker, sorry.  Mon dir sa akoz nou’n dir lo politik, konmsi ou a krwar i napa en 2-balansman lo sa size.  Akoz menm si Lopozisyon in ganny zot email, mwan Roche Caiman, mon pa ankor gannyen.  Mon dir sa, savedir mon pa war nanryen politik ladan.

Dezyenmman, mwan mon anvi – letan Minis in fer sa Statement ki dir once and for all napa politik lo sa size later ek lakaz, nou bezwen komans depi son service delivery from top to bottom.

Nou pa kapab ozordi, wi nou anvoy email ki serten i gannyen e nou pa ganny nou tou ansanm.  Ler lenformasyon i pase, anba kot Housing, nou ankor annan serten zofisye ki ankor pe anvoy dimoun kot MNA ek DA pou dir li kan ki i pou ganny lakaz e kote i pou ganny lakaz.

Nou bezwen aranz nou from top to bottom.  Akoz i pa sorti byen lo nou Minister.  So, si Minis pe vini pe dir nou en parol, nou bann zofisye i bezwen swiv parey.  Sa pwen mon oule fer sorti for lo sa size.  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Mon kontan ou pwen akoz se sa ki bann, bann legzersis ki nou pe fer pour nou re-aranz lo kote service delivery, lo kote customer service anba kot nou annan nou bann dimoun ki deal avek kliyan osi.

Sa i tout en legzersis ki nou pe fer, i kontinyel.  I ti’n komanse avan me selman nou pe kontinyelman fer sir ki i annan sa delivery, sa good service delivery dan Minister.  Mersi.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, zisteman lo, lo sa size Point System, mon krwar ki pou anpese dan le fitir okenn parti politik ki ler i ganny mazorite i vin fer politik avek sa size lakaz…

 

(Interruption)

 

MR SPEAKER

Demann, demann kestyon!  Demann kestyon!

 

(Interruption)

 

HON SEBASTIEN PILLAY

Akoz nou, nou en parti ki krwar ki….Koman en parti, koman en parti nou krwar ki nou pa devret zanmen politiz lakaz.  Eski…

 

(Interruption)

 

MR SPEAKER

Order!  Order!  Kestyon!  Onorab kestyon!

 

HON SEBASTIEN PILLAY

Eski, eski Mr Speaker – eski Mr Speaker, Minis ek son Minister i satisfe, ki ozordi tou Seselwa i konpran byen menm sa Point System e zot in pare pou angaz zot avek?  Eski ou konvenki ki tou dimoun i konpran byen sa Point System?

Zisteman, pou fer sir ki dimoun i kler lo lekel ki kapab kalifye, ki mannyer i kapab kalifye – eski tou dimoun i kle lo la ozordi?  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Pour le moman la, mon pa kapab dir poudir dimoun i byen konpran akoz mwan osi, nou war dimoun toultan ki vini ki nou bezwen eksplike ki mannyer sa Point System i marse.

Parey mon ti pe dir oparavan, i annan en kantite ledikasyon ki nou bezwen fer e osi dan nou plan se pou al dan bann distrik osi pour eksplik en pti pe once ki ou’n ganny bann miting avek MNA ek bann DAs – al dan bann distrik pour eksplik en pti pe lo teren ki mannyer sa bann Point System i marse.  Mersi.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Zisteman Mr Speaker, la nou vwar ki mannyer ler nou demann en kestyon kot nou konnen kote problenm i ete.

Mr Speaker, vi ki sa nou bezwen montre dimoun ki sa sistenm i transparan e ki mannyer i marse, e pour avoid bann kestyon ki nou pe gannyen – eski ou Minister, kan ki ou Minister pou komans sa legzersis?

Nou’n komans ek sa sistenm, nou’n dir bann dimoun vin apply, zot pe ganny re-eksplike.  So, kan ki zot pou komans sa legzersis?

 

(Interruption)

 

HON SEBASTIEN PILLAY

Be Mr Speaker …. Ou Minis ou?

 

MR SPEAKER

Order!  Order!  Order!

 

HON SEBASTIEN PILLAY

Be esper Minis…

 

MR SPEAKER

Fini ou kestyon Onorab!

 

HON SEBASTIEN PILLAY

Mersi Mr Speaker.  Kan eski zot pou komans sa legzersis?  Si eski ler zot pou fer sa legzersis, zot pou pran konsiderasyon bann konsern ki bann dimoun in leve ler zot in vin fer sa bann interview ki zot in fer depi la ziska ler zot entrodwir sistenm?  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Pour – Mr Speaker, Msye Onorab, pour  par egzanp Land Point System, nou, pour land sirtou, nou annan en bann alokasyon ki nou pou fer la pour Sid-Was Mahé.  Kot nou pou zwenn DA avek MNA pour nou koz en pe lo stratezi alokasyon.

E apre i annan bann ledikasyon ki nou pou fer an menm tan pour nou kapab edik bann dimoun en pti pe, menm dan sa distrik oubyen overall, lo televizyon oubyen servi lezot metod, dan distrik, miting pour nou kapab koz en kou lo sa bann Point System.  Mersi.

 

MR SPEAKER

Mersi Minis.  Nou ava bouz lo kestyon nimero 10 – Onorab Wavel Woodcock.

 

HON WAVEL WOODCOCK

Mersi Mr Speaker.  Bonzour Minis ek ou delegasyon, tou Manm Onorab e tou dimoun a lekout.

Mr Speaker, mon kestyon i konm swivan – eski Minis i kapab dir sa Lasanble kan ki bann zabitan ki reste obor Airport Amitié, Praslin pou ganny bouze, relocate parey zot ti’n ganny promet?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker mersi. Msye Onorab – nesesite pour relocate bann zabitan otour Airport ti swiv en demann par SCAA pour, e zot ti enform Minister ki zot pou bezwen fer serten travay lo, pour amelyor laspe sekirite ek safety lo, otour Airport Amitié.

Sa bann travay  i osi enkli, i enkli 2 konponan, savedir siperfisi Tarmac e osi annan en buffer 30 met in addition pour zot kapab fer zot fence apre fer dimoun, met dimoun an sekirite.

Travay ti ganny, ti pou ganny enplimante par faz e agrandisman Tarmac ti pou ganny fer premye faz.

Ziska prezan napa en time frame ofisyel ki’n ganny kominike avek Minister pour sa travay.  Toudmenm Minister avek bann partner – sa SAA avek SCAA in deza fer serten travay byen detaye pour idantifye tou sa bann propriyete ki pou ganny afekte.

E serten louvraz in osi ganny fer lo teren pou demark sa laliny 120 met.

Dan bann dernyen legzersis ki ti ganny fer SCCA ti enform Minister ki bann propriyeter Nor avek runway pa pou ganny afekte akoz proze pa pou tous sa rezyon Airport.

Alors sa bann propriyeter pa pou neseserman ganny bouze, bann ki lo Nor runway.  Sa ki fer ki an total, baze lo letid e lenformasyon, Minister in kapab klasifye bann propriyete prive an 3 group.  Premye group i bann ki tonm dan zone 120 met.  I annan 4 propriyete prive ki tonm dan sa zone e ki pou bezwen ganny bouze.  Minister pour sa group in komans prosedir pou bouz enn ant sa 4, baze lo sityasyon irzan sa propriyete ki zot – akoz lakaz in ganny anvair.

Dezyenm group i sa group ki tonm dan buffer zone – 30 met.  I annan 4 propriyete ki tonm dan sa zone.  Trwazyenm group i bann ki tonm dan tou le 2, ki tonm dan tou le 2 zone.  Setadir en parti dan buffer e en parti dan sa 120 met agrandisman.  E i annan 5 propriyete ki donn sa, dan sa mixed zone.

Alors Onorab, nou bezwen kontinyen diskisyon avek SAA, pour nou kapab – SCAA, sorry, pour nou kapab gete bann aktivite par egzanp ki kapab ganny fer still dan sa buffer zone.  Mon konnen ki lagrikiltir dan son kote i ti’n fini idantifye sit alternativ pour sirtou bann fermye ki pou tonm, ki pou bezwen bouze.

So, nou Plan-D’Aksyon prosen letap se ki pour nou annan diskisyon final avek SAA pour sa bann group dimoun rezidansyel ki tonm dan buffer ek mixed zone.  Verifikasyon final lo teren osi i bezwen ganny fer.  Formil re-lokasyon – setadir modalité e priyorite lenplimantasyon avek time frame.

Laprouvasyon Gouvernman lo formil pour tou sa bann group.  E osi miting piblik ki nou pou bezwen fer avek sa bann dimoun.

So, once ki nou ganny en timeframe avek SCAA Msye Onorab, nou pou pli kapab donn en langazman – ki bann prosen letap.

Akoz napa nanryen konfirmasyon ki nou’n gannyen deza regarding devlopman ki pou ganny fer.  Me nou konnen ki i annan dimoun deza ki nou’n, pe travay avek lo sa bann propriyete – ki par egzanp i annan enn ki deza ki nou pe anvoy li, ki nou’n fini anvoy li en offer re-lokasyon e osi konpansasyon.

So, once ki nou’n kapab travay avek SAA pour nou ganny bann timeline ki pli defini, nou pou dan en pli bon pozisyon pour nou kapab travay avek sa bann dimoun.  Me selman nou lo nou kote, nou travay i kontinyen avek bann endividi e bann propriyeter, sirtou lo bann ki nou pe, ki nou pou’n deside pour relocate.  Mersi.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Minis sa sityasyon i en sityasyon ki’n drag pour plizyer lannen.  Annefe i annan dimoun ki depi an 2012, zot ti ganny dir par MLUH ki zot pou ganny relocate.  E akoz sa bokou sa bann dimoun zot pa’n kapab renovate zot lakaz, e zot pa ni, e i annan ki pa’n ganny permisyon osi pour konstrir lo later ki form parti zot propriyete.

E mwan mon kestyon Minis i – vi ki sa sityasyon in ariv plis ki 6an, mon ti a kontan konnen ki, kan ki Minis pe ekspekte rezourd sa sityasyon?

Akoz i annan bann dimoun la, aktyelman la – Minis mon’n fer vizit plizyer sa bann lakaz, zot kondisyon ki zot pe reste ladan i pa neseserman bann kondisyon ki izyenik ouswa ki pa, i en bann kondisyon ki en pe deplorab.

Akoz zot pa pe kapab renovate zot lakaz – napa en sans zot pou renovate en lakaz kan zot pa konn zot pozisyon, kan zot in ganny dir zot pou ganny relocate. 

Solman mon ti a kontan Minis i kapab pran sa sityasyon ne pti pe pli serye.  E i annan osi bann lakour ki ti ganny promet ki zot pou ganny compensate pour sa bann letan ki zot pe espere pour ganny relocate.  Eski sa i en keksoz ki zot pe factor-in dan zot bann desizyon e pour, dan re-lokasyon sa bann dimoun?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Onorab, wi i annan bann ki nou pe konsider konpansasyon.  Parey mon’n dir, i annan enn ki nou pe deza travay lo la.  Me fir amezir nou pou kapab, avek bann ka spesifik, nou a kapab donn zot en offer re-lokasyon e si i pou enkli en konpansasyon osi pour al ladan.

 

MR SPEAKER

Mersi.  Onorab, vitman.

 

HON WAVEL WOODCOCK

Zis en pti propozisyon final Minis.  Mon pe sizere ki ti a bon ki ou rankontre avek sa bann zabitan dan sa rezyon Amitié, along sa Airport pour en miting avek zot.  Akoz zot vreman konsernen avek sityasyon ki, lafason ki keksoz i ete.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker nou a fer fason nou ava meet avek zot.  Mersi.

 

MR SPEAKER

Mersi.  Onorab Henrie.

 

HON GERVAIS HENRIE

Vitman Mr Speaker, mersi.  Minis in dir dan son larepons la, i dir “nou pe konsider konpansasyon”.  Ler Minis i dir nou – lekel nou?  Son Minister ouswa SCAA ki pou compensate sa bann propriyeter?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Wi, se Minister.

 

MR SPEAKER

Ok, mersi Minis.  Onorab Henrie, vitman.

 

HON GERVAIS HENRIE

Mr Speaker, be lefe ki – mannyer mwan mon pe get li, se SCAA ki pli bezwen sa landrwa.  E SCAA i en antite ki pe fer sifizaman larzan ki li i kapab peye – i pa depan lo Bidze Nasyonal. Tandis ki si son Minister, se taxpayers ki reste Mont Buxton ki pou bezwen compensate landrwa Praslin.  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Akoz i konpri later plito, se Minister.  Me selman nou Minister nou apre nou a diskit ek Gouvernman ki mannyer, bann modalité, ki mannyer pou ganny fer.

 

MR SPEAKER

Mersi Minis.  Bon, avek sa nou ava eskiz PS Barbé, PS Choppy avek Ms Antat.  E nou ava demann lekip ki annan pou fer avek Land Transport pour akonpanny Minis devan lo panel.  Le 2 PS ek Ms Antat, mersi bokou.

 

(PS BARBÉ, PS CHOPPY AND MS ANTAT WAS EXCUSED FROM THE HOUSE)

 

MR SPEAKER

Bon, mon ti a kontan dir en bonzour ofisyel e welcome le 3 teknisyen devan nou.  Sa se Mr Patrick André – PS pour Land Transport, Mr Parinda Herath – CEO pour Land Transport Agency e Mr Gerard Hoareau – Special Adviser to the Minister.  Nou ava al prezan lo kestyon nimero 3, e kestyon i pour Onorab Churchill Gill.

 

HON CHURCHILL GILL

Mersi Mr Speaker.  Kestyon i lir koumsa – eski Minis i kapab eksplik sa Lasanble ki prosedir ki Lazans Transpor Lo Later Praslin pe swiv pour bann travay ki i bezwen angaz bann kontrakter?  Ki bann diferan pri ki pe ganny peye pour sa bann diferan servis ki ganny donnen ek bann kontrakter?  Eski sa bann pri ki pe ganny peye pour bann kontrakter i menm pri, i menm parey lo Mahé?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Onorab, i annan diferan metod ki, ki ganny servi pour donn kontrakter prive – ki depan, e sa i depan lo natir ek kou sa bann proze spesifik e osi Public Procurement Act i ganny servi pou gid nou lo prosedir tender dapre kou sa bann proze.

Par egzanp, louvraz anba 150mil i nesesit minimonm 3 kotasyon, louvraz par lao 150mil i nesesit ki nou lans en open tender.  Sepandan, dan bann ka emergency, i neseser ki nou servi metod direct bidding.  Ler mon pe dir emergency se bann louvraz ki par egzanp, slab kase, lateras in grennen ki vreman irzan.

Pour travay met koltar, SLTA i bezwen lwe serten lekipman avek kontrakter prive. – par egzanp, pick-up, loaders ek rollers.  Bann kontrakter ki lwe sa bann lekipman e ki’n anrezistre avek SLTA, i ganny met lo kotasyon pou fer sa bann travay lo bann rate ki’n ganny etabli.

Nou pou pran sa loportinite Mr Speaker, pou dir bann dimoun ki lo Praslin ki pa anrezistre, ki nou laport, ki laport i ouver, ki zot toultan kapab vin anrezistre avek SLTA.

Dezyenm kestyon – ki diferans pri ki ganny peye pour sa bann diferan servis?  Mr Speaker, i annan en diferans pri ki ganny peye ant Mahé avek Praslin.  Diferans si oule mon ti kapab – oule ki nou donn ou en, en idea konbyen zot pe peye par egzanp?  Ok. 

Par egzanp Mr Speaker, lo Mahé nou ganny sarze par erdtan – par egzanp en 15, 20 tonn i 1275 per hour. Ler ou pou konpar li avek pick-up lo Praslin par egzanp, nou annan pick-up 8 tonn par egzanp, ki nou pe sarz li par tonn.

So, modalité pri i, Mahé, i par hour e Praslin i par tonn. Par egzanp en 4 tonn, i pou pey li apepre 660 par erdtan, me lo Praslin, 4 tonn i pou varye 200, from R200 to 3,450 – akoz sa i fer li par trip.  E so par trip i depan lo zistans kot sa dimoun pe ale.  Ok?

Lo kote bann lezot, parey excavators, bann lezot lekipman – mon pran par egzanp loaders i R600 par erdtan e Praslin i R800 par erdtan.  Ok.  Mon pa konnen si oule mon al plis…

 

MR SPEAKER

Yes, ok.  Minis.  Mon krwar ou’n konplet sa 2 kestyon ansanm, non?  Son bann pri – sa 2 part kestyon.  Onorab Churchill Gill ou annan siplemanter?

 

HON CHURCHILL GILL

Ok.  I annan zis en konsern lo sa pri pick-up – akoz dan sa sans, Praslin i tre dezavantaze.  E prenon kont ki zot aste menm pri fuel, zot depans i parey Mahé, eksepte son tonaz ou’n dir tonaz Mahé i pli o.  Me selman ti a bon zot revize akoz zot annan zot depans, i preski similar.

Apre, mon dezyenm siplemanter se ler JCB i al, bann JCB in ganny angaze avek land Transport – ler zot al dan semen pou al fer serten travay, mon ti a sizere ki zofisye Land Transport osi i prezan.

Akoz nou’n annan bann ka kot JCB in al fer serten travay e sa bann travay mannyer in ganny deroule, i pa parey ki ti’n ganny diskite.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Par egzanp pri Mahé, sa i ti’n fini ganny, nou ti’n met li, ti’n fini en negosyasyon ki ti fer avek bann Lasosyasyon Pick-up Hirers, apre bann lezot dimoun ankor ki pa dan lasosyasyon me zot, zot ti ganny involve – e sa ti 2an pase.

Praslin mon krwar in pa’n annan vreman sa, kekfwa sa negosyasyon, demann pour re-negosyasyon pri ankor.  Me selman sa i en keksoz ki kekfwa dimoun pou tande pou oule fer ki nou kapab konsidere.

Me selman i annan ler nou pe gete ki Praslin i pli benefisye ki Mahé osi, ler ou servi tonaz, en?

Lo kote bann monitor – nou annan en tim deza Praslin ki anba SLTA in, nou a fer rekomandasyon ki zot vreman al, konmsi zot swiv de pre bann travay ki ganny fer.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Bonzour Minis.  Minis dan lentere ki larzan piblik i ganny byen depanse, mon ti a kontan si ou kapab elabor lo sa fraz ki ou’n servi konsernan – sa fraz ki dir bann rates ki’n ganny etabli.

Sa ki mon ti a kontan konnen se ki, vi ki, si bann rates in ganny etabli, ki sistenm ki zot servi pou fer sir ki tou dimoun ki anvi partisipe i ganny en sans en zour ganny en Kontra?  Akoz nou kapab re-trouv nou dan en sityasyon vi ki bann rates i in ganny etabli e kontrakter x i menm parey kontrakter y akoz rates in ganny etabli – me selman tou Kontra i al pour kontrakter x akoz li i annan son sans oubyen whatever.

Ki mannyer, eski ou kapab asir nou ki tou bann kontrakter ki pe travay avek Land Transport i ganny zot sans partisipe byen parey devret ete?

Mon dezyenm kestyon lo konsernen kou konstriksyon e reparasyon semen lo Praslin, eski ou kapab dir nou si, par egzanp par kilomet ou par met koltar, ou par met, par linear metre trotwar – eski i kout pli ser zeneralman Praslin pou fer en travay civil work ki nou pe koz lo la, plito ki konpare avek pour Mahé?  Konmsi donn nou en nide ki ou bann cost silvouple.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mon a pran premye kestyon apre mon a kominik, mon a konsilte mon CEO.  Premye kestyon – ki mannyer nou kapab asire ki bann dimoun i ganny en sans, tou dimoun i ganny en sans?  Parey mon’n dir, premye i annan tender, sa tender process.  E dezyenmman, ki SLTA osi i fer?

I annan bann kontrakter ki nou met li lo en rotasyon.  So, bann travay ki ganny fer, si en kontrakter, sirtou lo Praslin – si en kontrakter in ganny sa travay la, so en lot i ganny en lot, i ganny sans ganny en travay en lot fwa ki annan.  So, i annan osi sa bann, sa rotasyon osi ki nou servi.  So, sa i 2 fason.

According to mon CEO ki obor mwan, i dir mwan i annan en, napa en letid vreman ki ganny fer lo kote cost Praslin, me selman zot war poudir i annan en ogmantasyon a 5 a 10poursan lo kote cost ki zot pe peye Praslin.  Sorry?  Pli o Praslin.  Mersi.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Minis mon ti a zis kontan si ou kapab konfirm avek nou, si vreman Praslin bann Lalwa Prokirman pe swiv?  Si vreman bann Kontra ki SLTA pe donnen, pe ganny tender out? 

Akoz ki nou war?  Nou war toultan bann menm kontrakter ki pe ganny tou bann Kontra bann travay semen ouswa bann pti proze.  Alors mon ti a kontan Minis i konfirm avek nou, si vre bann prosedir tender pe ganny swiv dan son totalite Praslin.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Wi, nou swiv en, parey mon’n dir oparavan, en open tender.  Me selman ki nou osi nou pe remarke?  Parey nou ti fer miting Praslin, nou ti fer resorti sa – se toultan menm dimoun ki vin rod, ki vin tender.  Oubyen si zot vini, zot pa anvoy zot bann dokiman.  Zot vin sers dokiman tender selman zot pa submit avek nou.  Me, so, si tender in ganny fer, nou bezwen pran bann dimoun ki’n pas dan sa legzersis.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr speaker mon ti a kontan demann Minis konbyen dimoun ki annan pick-up la pour le moman, ki pe involve avek Land Transport laba lo Praslin pour zot travay avek Land Transport?  E konbyen pick-up ki kapab fer sa travay ki annan lo Praslin?  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  I annan kouraman 7 pick-up ki pe travay avek SLTA, 7 – 7 to 10, in donn mwan en range.  Apre osi, nou napa, nou pa’n fer legzersis pour nou konnen konbyen an tou pick-up i annan.

Me selman en, osi en challenge ki nou’n gannyen ki mon krwar nou’n met devan se ki, pa tou dimoun ki annan pick-up ki anvi fer sa bann louvraz.  I depan, i annan en bann i dir ou zot, par egzanp, pa oule transport koltar dan soz, dan zot pick-up, so, pa tou ki anvi ki fer sa louvraz.

 

MR SPEAKER

Yes Onorab Ramkalawan?

 

HON WAVEL RAMKALAWAN

Selman Mr Speaker, Minis pe dir avek nou, nenport dimoun ki annan pick-up lo Praslin, ki anvi e Kontra, i kapab gannyen – laplenn i nivo lo sa kote?

 

MR SPEAKER

Mersi Onorab.  Minis.

 

MINISTER PAMELA CHARLETTE

Bann pick-up ki apropriye pour sa louvraz, zot kapab vini anrezistre avek SLTA.  E ler i annan tender osi, zot vini zot tender, zot met, zot submit zot bann dokiman.  Mersi Minis.

 

MR SPEAKER

Kestyon nimero 4 – Onorab Adelaide.

 

HON FRANCOIS ADELAIDE

Mersi Mr Speaker.  Bonzour ankor a tous – bonn apre midi.  Minis avek sa problenm anbouteyaz lo semen Sid e Les Mahé dan lasemenn, kot bokou travayer pe war li en gro problenm pour ariv dan zot louvraz a ler – eski Minis i kapab dir avek sa Lasanble, ki bann mezir imedyat ki son Minister pe anvizaze pran pou redwir konzesyon trafik, konzesyon lo sa morso semen, sorti Au Cap ziska Airport Enternasyonal?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Mr speaker, mon oule fer resorti ki sa konzesyon ki piblik i eksperyanse i en keksoz ki’n la en pe letan.  So, si nou, nou pa pou kapab koz lo keksoz imedya – akoz letan in fini pase.

Me selman dapre nou letid ki’n ganny fer, nou’n vwar ki i annan plizyer fakter ki pe koz sa bann konzesyon.

Enn, se bann lekol lo sa seksyon semen, bann bus stop ki lo semen, ki napa, bann landrwa ki napa laybys, e ki bann dimoun par-ler i aret dan semen, kantite veikil osi ki servi sa semen, kot UCPS nou konnen poudir, sirtou dan bomaten kot i annan bann transpor ki pe vin rod materyo konstriksyon, e osi i annan bokou aktivite lo kote Airport ki arive, bann akse prive osi ki tou dilon semen, bann biznes komersyal ki lo sa seksyon semen osi – sa osi i ede pou fer en pe konzesyon.

Departman Transpor ansanm avek Lazans Transpor Lo Later in konsevwar en plan kour-term, en plan mwayen-term e en plan lonterm pour kapab minimiz sa konzesyon e sa bann plan i swivan – idealman pour nou agrandi semen egziste, pou double son kapasite, me sa i pa posib akoz i annan en limitasyon lespas pou fer sa.

Alors nou bezwen esey amelyor semen egziste kot i kapab.  Dan nou plan kour-term, i pou konstri en trwazyenm lane depi kot Airport ziska kot IDC Pointe Larue.

Sa proze pou fer an 3 faz.  Sa 2 premye faz pou dan plan kour-term, tandis ki trwazyenm faz i ekspekte ganny fer dan plan ki mi-term.

Premye faz i komans depi kot Airport ziska kot UCPS.  Dezyenm faz pou komans depi kot UCPS ziska kot krwaze Nageon Estate.

Osi koman mezir dan bann plan kour-term, Gouvernman i kapab konsider bann Polisi pour met an plas bann mezir pou kapab minimiz sa bann konzesyon – tel ki desantraliz bann servi Gouvernman, adopte bann flexible working hours, e sa i pour ganny, se Minister Lanplwa ki bezwen lead sa Polisi.

Nou pou bezwen osi fer en survey detaye pou vreman determinen ki benefis sanzman ler travay pour anmennen – e eski i fezab e pratik?

Dan plan mi-term, sa i 3an an montan.  Se pour konekte semen Cayole avek semen Anse Déjeuner, kot Airport.

Sa propozisyon i pou annan konm lobzektif pou redwir kantite transpor ki vin lo semen prensipal e minimiz konzesyon.

Bann dimoun ki reste dan sa zanmirant, pou annan en fasilite pli vit pour ariv lo highway oubyen lo semen Cascade.  Sa proze pou nesesit amelyor semen ki egziste konmela.

En feasibility study pe ganny antreprann ki enkli en topo survey pou determin ki pli konvenab e safe pour nouvo semen pase.  E osi pou vwar ki bann travay ki pou ganny, ki pou bezwen ganny fer pour amelyor semen egziste, pou fer li vin lo standar apropriye e safe pou pran sa volim trafik.

Osi pou kontinyen avek trwazyenm faz proze Pointe Larue, sa i seksyon pli challenging ki nou pe fer fas.  I sipoze komans at Nageon Estate ziska kot Ile Soleil.

Pour sa nou pou kontinyen nou konsiltasyon avek propriyeter e osi avek SCAA.  Pour nou kapab realiz sa, nou pou bezwen rod way leave avek bann propriyeter.  Enn fwa ki en solisyon akseptab in ganny trouve, nou ava enform piblik lo nou plan final.

Lezot opsyon Mr Speaker, pour nou kapab agrandi semen, nou pou bezwen fer akizisyon propriyete.  Me sa i pou annan bann konsekans finansyel e bann re-lokasyon ki en pti pe en challenge, pou en challenge pour nou.

Alor, an vi sa problenm ki nou pe rankontre, i fer li tre difisil pou war bann solisyon ki pa kout sitan ser.  Nou, osi nou annan plan pou kontinyen fer amelyorasyon lo semen egziste, parey tir bann bus stop lo semen e konstri bann layby pou transpor aret ladan dan plas ki zot aret lo semen.

I annan bann lezot proze ki SLTA in angaz li pou fer dan Sid Mahé ki pou ede avek sirkilasyon trafik.  E osi lo proze semen Was Mahé, depi dan krwaze Anse à la Mouche ziska kot legliz Baie Lazare – sa proze in fini ganny travay lo la e aprouve par Lotorite Plan.  Nou pou tre byento, la an Zilyet, met proze lo tender.  Proze pou konplete dan en lespas 10 mwan enn fwa ki nou’n, ki in komanse.  I pou kout anviron R20milyon.  E bann dimoun pou ganny enformen kan bann, sa bann proze pou komanse.  Mersi Mr Speaker.

 

MR SPEAKER

Mersi Minis.  Onorab Adelaide.

 

HON FRANCOIS ADELAIDE

Mersi Minis pour ou larepons.  Mme mon pe konsantre lo sa pti bout imedyat.  Mwan mon’n konstate ki i annan 2 keksoz nou kapab fer.  Premyerman, prezans Lapolis dan bomaten, i pou amelyore – akoz si i arive i annan en pti aksidan, i kapab bumper to bumper, Lapolis i pran en ta letan pour vini e anbouteyaz i pri.

Dezyenmman, mon pe sizere petet kot Airport – nou annan bann dimoun ki zis koupe enn par enn.  Me si petet nou ti konsidere met, SCAA, met en Traffic Light, kot i ava kordin kantite dimoun ki pe koupe – swa petet en overhead crossing ki i ti pou ed bokou pour, dan limedya pou fer transpor flowSo, mon ti a kontan ki ou Minister i konsider sa 2 opsyon o pli vit posib pour ki, nou petet war en pti amelyorasyon lo kote semen.

E mon’n tann ou nonm sa proze Baie Lazare – eski ou pe koz lo sa West Coast Development Project, ok?  Savedir ou pe konfirmen avek sa Lasanble poudir tou bann negosyasyon lo kote later, nou’n fini e la by Zilyet – Zilyet i sa mwan savedir?  Nou Zilyet la – mon’n tann ou nonm Zilyet.  Savedir nou pou al komans war sa proze komans demare any time la?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Ou premye kestyon – pour Lapolis, wi kekfwa i kapab en keksoz ki nou kapab konsidere.

Ti annan ti en diskisyon regarding en overhead lo kote avek SCAA.  Me selman nou osi met an tet ki bann, sa fasilite kot SCAA kot Airport pa ankor fini.  So, annou les bann keksoz fini ape nou a diskite, nou a vwar si i annan en improvement.

 

MR SPEAKER

Sa bout West Coast Baie Lazare, Minis – improvement semen?

 

MINISTER PAMELA CHARLETTE

Traffic Light, nou pou bezwen evalye pour nou gete si i pou fezab pour met enn laba.

 

MR SPEAKER

Minis, sa dernyen bout – wi.

 

MINISTER PAMELA CHARLETTE

Lo kote sa semen Was, wi – i pou al tender Zilyet.

 

MR SPEAKER

Mersi Minis.  Onorab Clifford André.

 

HON CLIFFORD ANDRE

Mersi Mr Speaker.  Mr Speaker, eski Minis i kapab dir nou si  son Minister in konsider, an vi ki sityasyon teren – si in konsider fer en semen pas par lao sa semen ki la pour kapab gete ki mannyer sa i kapab ede pour dekonzeste en pe sa bann semen ki nou annan?  Akoz en erdtan, en erdtan edmi sorti Anse Aux Pins pou ariv anvil i en inakseptab – e letan ou bezwen anmenn zanfan lekol ankor.

Lot kestyon mon ti a kontan demann Minis ankor, an vi ki nou pe koz Airport ek dan Sid, mon pa tro konpran sa roundabout ki nou’n fer, larantre ki nou’n fer apre nou bloke – eski nou pa pe olye avans devan, nou pe depans larzan apre nou pe retourn 2 lepa an aryer?

Kot i kree plis konzesyon prezan akoz annandler transpor – ou konnen Minis, annandler i mont Anse Aux Pins, akoz i dimoun Anse Aux Pins, nou pase nou ti fer anndan, letan ti posib pour dekonzeste sa semen ki la.

Eski Minis i kapab dir nou ki son Minister per fer konkretman, par lefe ki in dir nou sa i en vye problenm – i pa en problenm nouvo.  E nou annan bann teknisyen ki la depi lontan – sey fer en keksoz silvouple.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Pour premye kestyon, regarding semen lo semen – en keksoz, en konsiderasyon…

 

(laughter)

 

MR SPEAKER

Mwan osi mon en pti pe konfize Minis.

 

MINISTER PAMELA CHARLETTE

Ti annan en konsiderasyon.  Nou ti’n – ti annan en konsiderasyon, me nou’n war ki petet i pa ti pou fezab.  Apre regarding round-about SCAA in bloke akoz i annan bann devlopman osi ki SCAA ki pa ankor komanse regarding kot parking.  I annan en bann devlopman ki zot pe sipoze fer laba.

 

MR SPEAKER

Minis Mersi.  Onorab Mondon.

 

HON TERENCE MONDON

Mersi Mr Speaker.  Mon annan en pti kestyon pour Minis.  Eski sa letid ki zot in fer, zot in osi pran kont bann bus stop – ki lespas ki zot donnen avek bann bus stop?  Par egzanp Anse Aux Pins, nou vwar en bus stop kot Katiolo, en lot bus stop kot Carefree, en lot bus stop lanmenm pli devan kot bann flat – eski, e sa deza mon santi i pe kontribye pour sa blokaz trafik.

E dan zot letid osi, eski zot in travay ek bann sif, an term bann norm transpor ki pe sirkile lo sa larout e zot bann mouvman?  Eski ou annan sif pour partaze avek nou?  E trwazyenm bout mon kestyon se, eski dan zot plan zot annan – zot pe mazin fer bann overpass?  Parey kot Airport, ouswa kot Providence ki mon krwar ti ava soulaz en kantite trafik lo sa morso semen.  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Onorab, parey mon ti dir dan mon lentervansyon – wi, nou’n, dan nou survey in dir, i endike ki bann bus stop osi i fer en lefe lo kote sirkilasyon.

E i annan bann proze ki pou prezan fer laybys byen oubyen relocate bann bus stop pour kapab fer sirkilasyon trafik en pti pe li byen.

Me pour, i annan en spesifikasyon pour bus stop – bann zistans ki nou met bus stop par egzanp.  E sometimes i ganny redwir akoz kekfwa i annan en Estate ki ganny fer e nou bezwen donn bus stop pour sa Estate.

Lo kote statistik egzakt la pour le moman, lo kote amount of transpor ki pase lo sa semen, nou annan me selman i pa la available.  Me nou fer bann traffic survey avek origin destination survey ki nou kapab provide ou pli tar.  Ler ou pe dir overpass, mon pe sey klasifye si i bann footbridge oubyen bann bypass?

 

MR SPEAKER

Onorab.

 

HON TERENCE MONDON

Mon mazinen Mr Speaker, tou le 2 i pou ede pour amelyor trafik.  Mon krwar si i pou ganny fer, ti a bon i fer ki i enkorpor pedestrian an menm tan avek transpor osi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Lo kote overhead footbridge, wi ti annan konsiderasyon pou fer enn kot Airport menm, me solman negosyasyon i ankor on avek SCAA.  E osi, sa i pou sirtou pour bann pyeton.  E osi i annan bann konsiderasyon ki nou pe fer lo kote lavil pour annan en, bann overpasswell over, footbridge.

 

MR SPEAKER

Ok.  Mersi Minis.  Onorab Ferrari.

 

HON JEAN-FRANCOIS FERRARI

Tre vitman – mersi Mr Speaker.  Mr Speaker, mon ti a kontan demann avek Minis si i ti ava pare pour li diskit avek son bann lezot koleg e son bann teknisyen, lo sa proze pour nou fer en pe plis bann devlopman lenfrastriktir Anse Royale pour ki dimoun i ava al dan tou le 2 direksyon.

Sa i en proze ki tou bann ansyen Prezidan – 2 ansyen Prezidan ti pou fer sa vin en lavil me in kit koumsanmenm.  La nou tande poudir ti pou fer tinel, la prezan nou nepli tann tinel.  Konmsi, kan ki nou kapab ekspekte zot konkretiz sa proze?  Ki la nou tande pe al fer Government Hall, Government Offices.  Nou pa kapab fer enn, de Minister Anse Royale?

Pour nou kapab tir sa konzesyon, fer trafik mars dan 2 kote?  So, e devlop Anse Royale, fer li vin en vre lavil?  Sa i mon kestyon, Minis.  E mon ti a kontan ganny ou lopinyon lo la.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Dan mon lentervansyon mon ti – en opsyon se desantralizasyon osi.  Mon krwar ki i enportan nou anmenn en pti pe bann lezot servis Gouvernman an deor Victoria akoz nou tou nou pe servi menm semen pour desann anvil tou le bomaten.

So, i en keksoz ki Gouvernman i bezwen deside ki mannyer nou pou fer li e osi travay avek bann lezot Departman.  Akoz i pa zis lenfrastriktir me lezot Departman Gouvernman si nou anvi fer li arive.  Mersi.

 

MR SPEAKER

Mersi Minis.  Onorab Flory Larue.

 

HON FLORY LARUE

Bonn apre midi Minis.  Mersi Mr Speaker.  Onorab Ferrari in tous en pe lo sa pwen ki pou desantraliz en pe pour met keksoz en pe Anse Royale – e nou vwar ki Anse Royale in fini ganny en nouvo Fire Station, ki li son plan in ganny fer, in ganny aprouve.

Me lefe ki kot Ladministrasyon Distrik Anse Royale i ete, i annan 14mil met kare later – 14mil met kare later i annan.  E sa Ladministrasyon Distrik, son batiman i vye e nou’n fini dir ki i pa pratik.  Mon pa konpran akoz letan, prezan ki Minis i dir prezan ki nou pou deside ki plan pour nou desantralize.

Depi ler Mr Barry Faure ti MNA Anse Royale, i ti dir ki Anse Royale pou vin dezyenm lavil.  Kan ki Gouvernman pou deside?  Akoz si la zot in otoriz sa plan sa Fire Station, akoz zot pa ti fer en sel striktir lo 14mil met kare later – fer tou sa bann biro lo en sel landrwa – ti a montre ki en sel kou tou bann servis ti ava available dan Anse Royale?

Apre mon ti a kontan ki Minis i eksplik nou sa round-about Pointe Larue – akoz i sa groser?  I annan plis ‘round’ ki ‘about’.  I vreman narrow.  Pour ou fer letour sa round-about, i enkrwayab.

Mon ti a kontan i eksplik nou akoz ki sa enn round-about in ganny fer koumsa?  Apre letan nou’n fer ki nou war i annan nouvo Ile Soleil, avek bann nouvo lenfrastriktir, nou annan fasilite delo, nou antoure par delo – eski sa osi pa ti ava en opsyon?  Akoz mon konnen dan lepase Cat Cocos ti’n demande pour li fer en servis obor Airport – zot pa’n ganny lotorizasyon akoz later SCAA.  Me solman ozordi later pa ankor ganny donnen pour SCAA.

La i annan Ile Soleil, i pa ankor en fason pour met en sistenm por, pou fer re-service si nou met en parking system? Sa osi mon krwar i modern.

E apre mon konnen ki dan lepase, Mr Barry Laine ansanm avek Gouvernman ti’n fer en proze tren, e mon ti a kontan si Minis avek son bann zofisye i kapab eksplik nou kote sa plan e ete e kan ki i pou materyalize silvouple?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Onorab, mon krwar ou annan 4 kestyon – lo kote desantralizasyon, lo kote Minister, nou…

 

(Interruption)

 

MR SPEAKER

Go ahead Minis.

 

MINISTER PAMELA CHARLETTE

I deza annan en Land Use Plan pour Anse Royale, so, i fasil pour nou swiv e fer devlopman.  Regarding Ile Soleil, sa i bezwen annan en feasibility study ki pou ganny fer pour gete si i fezab, konbyen kou ki pou gannyen.  E osi pran bann konsiderasyon klima, konsiderasyon letan, bann sezon ki nou annan.

Regarding dernyen lo kote monorail – monorail, sa proze la, ou pa’n zanmen ganny en viabilité.  Mon krwar Lotorite in demande pour annan sa letid viabilité sa prose – me, pour zistifye, me selman ziska ozordi pa’n gannyen.

 

MR SPEAKER

Mersi.  Mersi Minis.  Onorab Larue, vitman.

 

HON FLORY LARUE

Mersi Mr Speaker.  Minis mon aksepte ki ou’n dir i annan en Development Plan pour Anse Royale.  Me parey sa Fire Station in bouz isi, in bouz laba, over time – tou le couple of years zot sanz li, napa enn stab.  E zot pe kontinyen servi lespas vid ki limite dan Anse Royale.  Letan zot annan 14mil met kare later ki disponib, ki zot kapab met tou sa lenfrastriktir lo la – akoz dan le fitir lespas i limite.

 

(Interruption)

 

HON FLORY LARUE

Mon kapab demann mon kestyon?  Speaker pour mwan!

 

MR SPEAKER

Order!  Order!  Order!  Onorab!  Order!  Order! Order!  Onorab

 

HON FLORY LARUE

Aret disturb!  Ou pa konn standing Order?

 

(Interruption)

 

MR SPEAKER

Annou annan en pti pe lord, silvouple!  Onorab mon krwar sa kestyon ou kapab anmenn li koman en kestyon separe pour prosennman, akoz i deal spesifikman avek Land Use Plan pour Anse Royale, ok?  Mersi.

Nou ava pran dernyen kestyon – kestyon nimero 5, Onorab Egbert Aglaé.

 

HON EGBERT AGLAE

Mersi Mr Speaker.  Minis kestyon i lir konm swivan – eski Minis i kapab dir ek sa Lasanble ki leta proze elarzisman semen Port Launay ziska Cap Ternay.

 

(Interruption)

 

HON EGBERT AGLAE

… en?  Akoz…

 

(Interruption)

 

MR SPEAKER

Order! Order!  Onorab en moman, en moman.  Annou annan en pti pe lord silvouple!  Nou annan dernyen kestyon nou pe pran.  Go ahead Onorab Aglaé.

 

HON EGBERT AGLAE

Mersi Mr Speaker.  Eski Minis i kapab dir ek sa Lasanble ki leta proze elarzisman semen Port Launay ziska Cap Ternay?

Akoz pe annan sitan retar avek sa proze?

Konbyen larzan Gouvernman in depanse ziska prezan pour sa proze?

Kan eski zabitan Port Glaud i ekspekte war premye faz sa semen konplete?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Onorab, pour Port Glaud, a ler aktyel semen Cap Tenay i en semen segonder ki mezir anviron 2.2 kilomet longer e 3 met larzer an mwayenn.  Proze pour amelyor semen Cap Tenay, i pou enkli bann travay koman netwayaz teren, koup lateras, koup pye dibwa, konstriksyon plizyer kalite miray – par egzanp, retaining wall, edge walls, konstriksyon drenaz e layby kot i neseser.

E kot i neseser nou pou osi re-fer bann miray lo kote bor lanmer pour protez semen kont lerozyon.  En tel proze pou kout anviron R9 a 10milyon pour enplimante an antye.

SLTA in komans enplimant sa proze par faz depi lannen pase.  Premye faz pou sorti kot Terminal Bis ziska Housing Estate Port Launay.  SLTA pe travay lo desen pour dezyenm faz sa proze an se moman.

Premye faz sa proze ti komans an Novanm 2017.  E nou ti anvizaze termin sa proze an Fevriye 2018.  Kontra sa proze i kout anviron R2.8milyon.  Malerezman an se moman, proze i on hold akoz i annan en dezagreman ant SLTA avek sa kontrakter ki pe fer sa proze.

Lazans Transpor Lo Later pe negosye avek sa kontrakter avek bi pour komans travay lo site o pli vit posib.

Me si negosyasyon i fel, SLTA pou bezwen retender larestan travay sa proze e avek bann lezot kontrakter ki kalifye.  Pour le moman sa kontrakter ki ganny, in ganny peye en sonm R1.3milyon e 47poursan travay in ganny konplete.

Pour kestyon (c) Mr Speaker, letan louvraz i re-konmanse lo site, nou ekspekte ki dan 3 mwan premye faz sa proze i an, i a konplete.

 

MR SPEAKER

Mersi Minis.  Onorab Aglaé.

 

HON EGBERT AGLAE

Mersi Minis.  Minis, an vi ki timeframe sa proze in fini pase e dapre Procurement Act – savedir sa Kontra li menm li ki sa kontrakter in sinyen i sipoze pa valid.  Eski ou pe dir nou ki zot pe konsider menm al negosye avek sa kontrakter menm si son kontra in fini sot son letan?

Akoz eski, vi ki sa semen i dan ne lentere Nasyonal, i pa zis zabitan Port Glaud, tou dimoun ki vin dan sa rezyon i servi – zot pa kapab pran anba prosedir Procurement Act pour zot kapab met en lot kontrakter ase vitman lo sa proze?

E dezyenmman, eski ou Minister in resevwar okenn demann par zabitan pour annan en diversion avek sa semen menm li menm?  Mersi.

 

MR SPEAKER

Mersi Onorab Aglaé.  Minis.

 

MINISTER PAMELA CHARLETTE

Mr Speaker, mersi.  Mr Speaker, nou annan, SLTA ti anvi fer keksoz en pti pe pli diplomatik.  Me selman nou opsyon, i reste nou opsyon pour nou termin sa Kontra.  Nou ti’n deza donn let, nou ti’n deza fini anvoy let pour kontrakter pou resume work depi le 28 Me, 2018.

Onorab, regarding ou dezyenm kestyon lo diversion – dapre mon konpran, ti annan en demann pour diversion ler previous lotel Cap Ternay ti pou ganny fer, me apre sa nou pa’n ganny okenn request pour divert semen.  Mersi.

 

MR SPEAKER

Mersi Minis.  Onorab Pillay, Sebastien Pillay.

 

HON SEBASTIEN PILLAY

Mersi Mr Speaker.  Zis an pasan, i enportan pour note ki apre 40an, nou annan tro bokou loto, napa ase semen Sesel, en!  Selman napa devlopman ki’n arive dan sa pei, en!  I enportan pour note sa, en!  Bokou Seselwa i annan loto ozordi, nanryen pa’n ganny fer selman.

Mr Speaker, lo sa kestyon spesifikman, mon pa’n tann Minis kler lo konbyen egzakteman in depanse lo sa proze up to now.  E dezyenmman, ler Onorab pe koz lo premye faz sa proze – i annan bann remedial works ki bezwen fer lo semen aktyel konmela.  Eski sa osi pou ganny fer o menm letan?

Akoz si par egzanp, nou pe pran sa semen Port Glaud antye ziska Port Launay menm, li osi dan pa mal leta.  So eski i annan travay ki pou ganny fer along sa bout, sa bout semen as well?  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Parey non dir, sa Kontra, i kout nou la pour le moman 1.3milyon, R1.33milyon – peyman ki’n ganny fer avek kontrakter ziska konmela.

Apre bann premye, travay ki nou pe fer i an faz, nou pe fer li an faz.  E premye faz se pour travay lo sa semen egziste pour le moman.  E sa parey mon’n dir i konteni fer bann laybys, bann miray.  E premye faz semen ki nou pe travay lo la, dan premye faz i sorti kot from Bus Terminal, i pe ale ziska kot Housing Estate kot La Grotte – sa premye faz ki nou fer.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mr Speaker, mon anvi demann Minis, prenon kont sityasyon e konteks sa landrwa, lefe ki nou’n antann ki i pou annan bann lezot devlopman, bann gro proze Cap Ternay.  Mon anvi demann Minis lefe ki ou’n di ri pou kout apepre 10milyon Roupi pou konplet sa proze an antye – eski Gouvernman atraver son bann larzan, zot pe kominik avek kanmarad?  Enn – – pou fer sir ki napa retar ki arive pour pli tar nou bezwen vin ankor dan Lasanble pour demann plis larzan?

Akoz si sa bann proze i komanse avan ki sa semen i fini, mon pe vwar Minis ki enn – i pou met retar kontrakter e i riske kout plis larzan.  Mon ti a kontan ou response Minis lo la.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Onorab, dapre CEO i annan en konversasyon, in annan bann diskisyon ki’n ganny fer avek, sirtou lo Development Committee, kot en pe sa bann larzan semen i ganny mete osi, bidzete dan sa bann proze ki pe ganny fer.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  2 pti kestyon – premyerman Mr Speaker, mon ti a kontan demann Minis si i annan okenn problenm way leave pour ler pe fer sa travay lo sa semen?

E si wi- eski zot annan en nouvo sistenm negosye way leave?  Akoz dan lepase zot in, Gouvernman in fer en ta promes dimoun – promes miray, promes larzan, e ki zot pa’n fer li parey semen Rochon ki ozordi mon pe ganny en gro problenm avek.  So, eski i annan en nouvo sistenm pour negosye avek bann dimoun ki reste dan sa landrwa?

Mon dezyenm kestyon – mon ti a kontan demann Minis si i dakor ki good planning savedir ou fer semen apre ou gete konbyen loto sa semen i deservi?  Pa akoz zis rod loto parey Onorab Pillay in dir taler – nou napa semen selman nou annan en ta loto!  Sa i ekivalan bad planning, so Minis i kapab dir mwan si zot in deside pou annan en nouvo metod planning avan nou fer sa bann devlopman.  Mersi.

 

MR SPEAKER

Mersi Onorab.  Minis – go ahead Minis.

 

MINISTER PAMELA CHARLETTE

Mersi Mr Speaker.  Lo kote way leave Onorab – lo premye faz tou keksoz in ok.  Me selman parey mon ti pe dir dan mon lentervansyon, dezyenm faz ti pe ganny travay lo la, so nou pou al anver DA avek MNA pour  ed nou avek bann way leave dan distrik.  E nou pou fer li an faz ler nou move.

Lo kote planning, mon konpran ki sa bann semen en bon letan in la, tou sa letan, e ki bezwen – mon ti a, mon krwar poudir i annan en prozeksyon ki zot in bezwen fer, me apre dan le fitir, avek devlopman e lezot fasilite ki dimoun konmela i annan, standar lavi in monte, so, dimoun prezan i annan plis transpor lo semen.

So, wi ler nou ler plan nou fer, nou bezwen fer en prozeksyon pour nou kapab konnen ki kalite semen ki nou pou kapab fer.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker.  Minis bonn apre midi.  Mr Speaker, zis mon pou vitman.  Minis pli boner in mansyonn bann en pti pe konfizyon ki pe annan avek kontrakter e en keksoz ki nou konstate ki pe pa mal gannyen avek bann poze pare, ki met retar.

Eski in annan bann due diligence ki’n ganny fer lo bann kontrakter?  Ki avan ler zot ganny bann proze avek bann tel magnitid ki, pour anpes retar arive?  Mersi.

 

MR SPEAKER

Mersi Onorab.  Minis.  Go ahead Minis.

 

MINISTER PAMELA CHARLETTE

Mersi Mr Speaker.  Mersi Onorab.  Due Diligence – wi, i annan en proze, en prosedir Due Diligence ki fer avan ki, ler bann dimoun in, ler bann kontrakter in submit son bann tender documents e avan ki i al kot Tender Board, i annan sa evalyasyon ki fer e bann lenformasyon i ganny verifye.

E par egzanp, zot in war Bois de Rose, ler in ariv bann sityasyon koumsa, nou’n kapab pran back nou proze.

E nou pou kontinyen fer parey, e si nou war poudir i annan bann kontrakter ki pa pe performen, nou pou pran bann proze e eventually retender pour nou kapab fer proze marse.  Mersi.

 

MR SPEAKER

Mersi.  Bon, avek sa nou termin sesyon kestyon pour Minis Pamela Charlette.  Minis nou ava dir ou mersi e nou ava eskiz ou avek PS André, PS Herath e ou Special Advisor, Mr Hoareau.

 

(MINISTER CHARLETTE AND HER DELEGATION WAS EXCUSED FROM THE HOUSE)

 

MR SPEAKER

Bon, mon ti a kontan prezant nou leskiz avek bann oditer SBC.  Mon konnen nou’n overrun nou letan par preski 1erdtan, kestyon – ti annan bokou kestyon lo Order Paper e ti annan bokou kestyon osi siplemanter ki’n monte.

An vi ki nou’n overrun par 1erdtan, mon pe sizere ki nou, ki nou komans 3er.  Nou komans 3er e apre midi Deputy Speaker ava chair, akoz mon annan en servis lanterman Mr Hoareau – sa madanm 107an ki mon pe al asiste.

Mon oule ki tout swit la ler nou pran break, mon rankontre avek full Komite Anti-Viktimizasyon dan Speaker’s Conference Room.  E i annan 2 Komite osi tou ki pe zwenn jointly.

Si i annan Manm ki lo sa 2 Komite ki mon pe al nonmen, petet donn 15 minit avan sa 2 komite i zwenn – ki mon krwar i koumsa.  Anti-Viktimizasyon ava zwenn pour 15 minit la dan Speaker’s Conference Room.  Apre sa i annan Komite Madanm avek Komite HIV/Aids ki pou rankontre dan Committee Room 3.

Bon, nou ava break e nou ava re-pran avek Deputy Speaker in the Chair 3er apre midi.

 

(BREAK)

 

MR DEPUTY SPEAKER

Bonn apre midi tou bann Manm Onorab.  Tou bann oditer dan lakour.  Tou dimoun a lekout.  Byenveni pou nou kontinyasyon travay Lasanble Nasyonal ozordi le 3 Zilyet 2018.

Nou’n ariv lo item limero 7 lo nou Order Paper, ki bann Kestyon Irzan.  Alor nou pou konmans lo Kestyon Irzan avek nou Private Notice Question ki li i ganny adrese avek Minis pou Tourizm Lavyasyon Sivil Por e Lamarin Minis Didier Dogley.

Alors mon ti a demann Clerk pou fer vin Minis silvouple.  E Minis Dogley pou ganny akonpannyen par en fason Sekreter Prensipal pou Lavyasyon Sivil Por Lamarin Mr Garry Albert.

Bonn apre midi Minis Dogley.  Bonn apre midi Mr Albert.  Mon ti a kontan donn laparol Onorab Leader Lopozisyon Onorab Ramkalawan pou poz son kestyon.

 

HON WAVEL RAMKALAWAN

Mersi bokou Mr Speaker.  Bonn apre midi Minis e PS Albert.  Mr Speaker, swivan Deklarasyon Minis Tourizm ek Minis Finans ki pri tiket ant Mahé ek Praslin lo Air Seychelles pou kout R550 ek R650.  Eski Minis ki annan responsabilite portfolyo Air Seychelles i kapab dir sa Lasanble akoz ki Seselwa pe ganny demande, pou pey bann sonm egzorbitan ki ariv ziska R4 mil pour en one-way e akoz ki Seselwa pe ganny difikilte pou ganny plas lo Air Seychelles ant Mahé ek Praslin?  Mersi bokou.

 

MR DEPUTY SPEAKER

Minis.

 

MINISTER DIDIER DOGLEY

Mersi Mr Deputy Speaker.  Mr Deputy Speaker, Leader Zafer Gouvernman Lasanble Nasyonal, Leader Lopozisyon dan Lasanble Nasyonal, Manm Onorab, tou dimoun ki pe ekoute dan lakour bonn apre midi.

Mr Deputy Speaker mon’n fer li mon devwar pou anmenn pou anmenn devan management Air Seychelles sa lakizasyon konmkwa zot pe demann Seselwa bann sonm egzorbitan ki ariv ziska R4 mil pou en one-way ticket lo bann vol Mahé, Praslin.  Pou mwan sa i en lakizasyon serye.  I pa kapab apre tou sa bann deba e diskisyon ki nou’n gannyen,  sa kestyon lo sa kestyon pri tiket avyon, nou vwar ki aprezan i ankor annan dimoun ki pe dir konmkwa Air Seychelles pa pe onor desizyon ki Gouvernman  ti pran lo sa size.  E ki i ganny e ki ti ganny sipor Lasanble Nasyonal.

Ler mon ti met sa lenformasyon a laporte management Air Seychelles zot in sirprann ki en tel lakizasyon i egziste.  Dapre zot depi le premye Zen Air Seychelles in met an plas nouvo pri tiket pou vwayazer rezidan lo larout Mahé/Praslin.  E sa i kout R550 ou R650 depandan kan ki sa dimoun i aste son tiket e pe vwayaze.  Pou zot napa lezot pri pou rezidan i senpleman 550 ouswa  650  en tiket ale retour.  E non pa one way. 

Alors nou osi Onorab nou tre konsernen avek sa tiket R4 mil.   Nou ti a voudre konnen lekel sa dimoun, ou bann dimoun ki’n ganny demande pou pey en pri parey par lekel?  Kote   E kan?  Mon krwar pou ti a dakor avek mwan ki nou bezwen rezourd sa problenm enn fwa pou tou.

Nou bezwen travay lo fe.  E pou sa nou bezwen laprev ek len formasyon konkret.  Alor nou ti a byen kontan si Onorab ti a kapab donn nou en koudmen e donn nou sa bann lenformasyon neseser.

Mon ti a kontan fer en lapel avek bann dimoun konsernen dan lefitir, ler i annan bann keksoz parey silvouple fer zot konplent avek management Air Seychelles o pli vit posib akoz s ai pa dan Policy Management dapre ki management in dir mwan.

Si nou pa ganny bann detay pli konkret nou pou bezwen tret sa bann lakizasyon konman bann lakizasyon malisye.

Konsernan bann rezidan pa pe ganny seat lo avyon, mon ti a voudre donn sa Lasanble bann sif ki montre le kontrer.  Dapre Air Seychelles zis ant le premye Zen ziska le 27 Zen 6, 269 rezidan in voyaz lo bann vol Air Seychelles Mahé/Praslin.  Konpare avek 8,431  etranze.  Sa i apepre 42poursan total vwayazer, ki parey pou total 2 mil 17 e i ti menm poursantaz.  Savedir ki an mwayen 232 rezidan par zour, in voyaz lo bann vol Mahé/Praslin.

Alor i kler ki ban rezidan pe ganny akse avek sa servis.  Sa ki mon konpran se ki bann rezidan pa pe neseserman ganny bann plas lo bann vol ki zot ti prefere sirtou ant 7er a 9er bomaten pou sorti Mahé pou al Praslin.  Sa i ler prensipal ouswa sa peak kot i annan bokou touris ki pe arive lo bann vol enternasyonal e ki osi pe vwayaz Praslin pou al pas vakans.

I osi annan pou fer avek bann avek bann ki kan ki sa dimoun i aste tiket.  Ozordi tiket pou bann vol Mahé/Praslin i ganny vann online.  E bokou dimoun enkli rezidan zot aste zot tiket online.  Savedir ki bokou tiket i ganny aste bokou davans.  E si ou deside al aste tiket lo dernyen moman i tre probab ki ou pa neseserman ganny sa vol ki ou prefere.

Me pasaz lo vol Mahé/ Praslin pou 550 a 650 i annan pandan lazournen.  Mersi Mr Deputy Speaker.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mersi bokou Mr Speaker e Minis mersi bokou ou larepons mon pou ed ou avek sa ki ou’n demann mwan.  Me avan mon ed, ou mon ti a kontan demann konbyen si ou’n fer sa regarde konbyen seats ki available pou Seselwa pandan lazournen lo sa 550 – 650, wi ou’n donn nou en sif.  Me konbyen ki ganny dedye pou Seselwa?  Sa i mon premye kestyon.

Mon lasistans ki mon pou donn ou se Onorab Wavel Woodcock ki ava donn ou tou bann detay lo sa tiket R4mil e lo son tiket R1500 osi tou.  Mersi.

 

MR DEPUTY SPEAKER

Onorab Woodcock oule …

 

HON WAVEL WOODCOCK

Minis i annan plizyer rapor sorti kot plizyer zabitan lo Praslin lo Mahé bann ki’n met booking ki pe rod tiket pou al pou fer voyaz Inner Island Mahé/Praslin ouswa Praslin/Mahé.  Kot ler zot in al fer zot booking ouswa aste zot tiket menm en semenn avan zot ganny dir ki napa tiket.  E sel opsyon ki available i bann tiket ant R1500 an montan.  Akoz sa bann seat 5, 600, (5,500) e R550 avek R650 i pa available;  i annan zis selman seat ki available akoz sa bann seat pa available zot in demann bann rezidan in ganny dir fodre zot pey tiket ant 1500 an montan pou zot kapab ganny flight pou al Mahé.

Sa i en fe reel ki en bon pe Pralinwa in pas ladan.  E menm mon bann fanmir osi in deza sey fer booking atraver nou larzan nou pe ganny dir napa sa bann tiket 550 available or 650 in ganny demande pou pey tiket.

E menm mon mon’n pas dan en ka kot zot dir mon napa tiket available lo R550 mon bezwen pey swa R1500 ou menm up to R4mil bann pri tiket ki available.  E sa i lefe i bokou Pralinwa.   

In fact Minis si oule mon ed ou.  mon a fer en lapel avek tou Pralinwa ek tou zabitan Mahé ki zot in ganny demande pou pey tiket sa ki’n pey en tiket pou R1500 an montan zot resi ouswa zot tiket kontakte mwan e fer mwan ganny zot bann tiket, zot bann resi konmkwa zot in pey R1500 ou plis ki R1500 Minis nou ava fer ou ganny sa bann resi ek sa bann tiket sa pri ki zot in peye.  Mersi Mr Speaker.

 

MR DEPUTY SPEAKER

Mersi Onorab Woodcock.  Petet mon a donn Onorab De Commarmond en kestyon apre Minis i ava reponn.

 

HON CHARLES DE COMMARMOND

Mr Speaker mersi.  Dan sa laliny konmsi nou ki nou pe dir nou pou nou kapab kontinyen sa bann kestyon la sa tiket R4 mil la i enportan mon krwar ki i ganny donnen dan nou Lasanble si ti kapab fer nou ganny en kopi.  Pou mwan i serye en kantite.

E sa rezon sa kestyon i la.  si whoever ki annan la si Onorab Woodcock si nenport dimoun si i kapab en pti moman la donn Clerk fer kopi donn nou pou nou kapab e  Minis.  Minis i bezwen en kopi pou substantiate sa e pou nou kapab prezan from there poz kestyon pou nou kapab met Air Seychelles to task.  Mersi.

 

MR DEPUTY SPEAKER

Mersi Onorab De Commarmond.  Eski Onorab Woodcock, eski ou annan okenn dokimantasyon avek ou pou ki i montre bann pri tiket dan R4mil ki ou kapab fer nou gannyen la deswit ?

 

HON WAVEL WOODCOCK

Mr Speaker mon ava rode bann dimoun ki’n pey ant R1500 a R4 mil mon a rod sa bann sa.

 

MR DEPUTY SPEAKER

Ok savedir pou lemoman nou napa la dan sa Sesyon la.  Me solman nou ava rode nou ava donn Minis.  Onorab Churchill Gill.

 

HON CHURCHILL GILL

Mersi Mr Speaker.  Bonn apre midi         Minis avek ou PS.  Minis i annan kestyon konsernan seat ki’n met available mon pa’n vwar mon pa ankor tann ou reponn.

Me selman mon annan en legzanp kot mwan mon ti vin Mahé Sanmdi bomaten 7:30.  E ti annan bann dimoun pe asize pe esper pasaz.  E ler mon’n rantre dan avyon pou nou desann ti annan 7 plas vid.  Ler nou’n desann Mahé.  So ler ou a reponn sa kestyon konbyen seat ki allocate pou Seselwa akoz dernyen fwa ler zot ti la nou ti ganny dir pou dir i an ratio 8:4.

Prezan mon ti dir Minis sa dan li menm deza i deprive  bann Seselwa pou kapab travel.  Akoz 4 seat sa kantite dimoun ki monte avek frekans, i pa ase.

So mon a esper ou reponn ou kestyon si la prezan i annan en sanzman dan sa lokasyon seat oubyen si ankor parey.  Mersi.

 

MR DEPUTY SPEAKER

Minis.

 

MINISTER DIDIER DOGLEY

Mersi Mr Deputy Speaker.  Konsernan lakantite seat ki available lo avyon.  Mon’n demann management Air Seychelles zot in dir mon pou dir i  varye.

E annefe zot in eksplik mon pou dir si ou anler lo zot web page ou pou vwar lo sak flight ki kantite tiket si i annan availability ouswa si ki kantite seat ki available konsernan zot bann flight ki annan pou fer direk.

Savedir si en dimoun la mon konnen laplipar zot annan akse avek internet, zot le konnen konbyen seat par egzanp ki available pou 10er bomaten Dimans.  I posib pou ou al lo internet, ou pou vwar ki kantite seat ki available.

        Me selman sa ki  mon’n konpran par management, se ki lakantite seat i varye depandan ke ler ki sa bann dimoun depandan keler ki i annan bann etranze ki pe vwayaze.

Mon krwar zot main problenm ki mannyer mon konpran li, se ki ant 7er a 9er bomaten se ler nou ganny sa meyer main vol bann main vol enternasyonal pe antre apre 6:30 onwards, zot annan i annan en kantite presyon.

I annan si oule i vin parey peak period kot i annan en gran demann pou anmenn dimoun Praslin.  An menm tan i annan Seselwa osi pe al Praslin.  E i annan etranze osi ki pe al Praslin.

E lo lot kote i annan bann ki pe retournen sorti konze Praslin/La Digue ki pe desann pou pran sa bann vol bomaten pou zot retourn kot zot.

Me apre ki sa presyon 9:30 onwards in fini, la i annan bokou plis seat ki available avek Seselwa.  E mon krwar ki Air Seychelles i bezwen fer se ki i bezwen annan fleksibilite pandan sa bann   peryod kot i annan sa bann peak peryod ki dimoun pe vwayaze either sorti Praslin pe vin Mahé.  Ouswa sorti Mahé pe al Praslin.  Sa konsernan lakantite seat ki available.

        Konsernan Onorab Woodcock, mon ti a apresye si i ti kapab fer mon ganny sa bann dokiman, pou nou kapab anmenn kot Air Seychelles pou montre laprev.

Akoz ler mon demann sa bann kestyon, mon ganny dir pou dir Polisi Air Seychelles se ki tou Seselwa i devret pe pey R550 a R650 parey nou ti agree.  E sa i zot Policy.  zZt pa devret pe vann Seselwa tiket par lao sa pri.

        Now lo lot kote en dimoun i kapab online.  Si ou al online Air Seychelles napa kontrol lo la.  Ou kapab click pou dir ou en rezidan sorti ouswa ou kapab click pou dimoun non-resident.  E konman en non-resident ou kapab aste tiket online avek ou kart anytime.  E Air Seychelles pa pou kapab anpes ou aste en tiket ki non-resident.  Me solman si ou al lo enn zot counter zot pa devret pe vann ou tiket a sa bann pri ki zot vann bann etranze.  Mersi Deputy Speaker.

 

MR DEPUTY SPEAKER

Mersi.  En klarifikasyon lo la Onorab Ramkalawan.

 

HON WAVEL RAMKALAWAN

Mr Speaker mersi bokou.  E petet la mon kapab dir avek Minis la i annan en dimoun in anvoy mwan en kopi son tiket.  Ok date le 24 Zen Air Seychelles in kit Mahé le 26 Zen 9:10 bomaten  pou li al Praslin – fare – i annan en breakdown R1293, taxes R72, embarcation tax R34, apre i annan en lot 194 i fer ki son total fare R1593.

        Alors sa i en legzanp kler ki pou dir nou pe sot 650 sa maksimonm.  E ki e pa bliye Mr Speaker sa dimoun ti fer son issue date i le 24 Zen, ek son travel date i le 26 Zen.  Ki vedir an prensip i ti devret kout R550.

Mon pare pou mon fer sa ganny printed out, mon ava zis blok non sa dimoun pou donn Minis konman en levidans konkret ki pou dir keksoz pa pe mars parey i ti dir klerman dan Lasanble.  Mersi.

 

MR DEPUTY SPEAKER

Mersi Onorab Leader Lopozisyon.   Minis zis pou ou lenformasyon, zis pou nou remind ou ki ler Minis ki ti pe azir konman Minis ki ti pe reponn kestyon pou lo sa size Air Seychelles,  i ti dir nou pou dir pou annan 2 tarif.  Enn se 550 e lot se 650 ki pou dan sistenm rezo rezervasyon Air Seychelles. 

        Eski ou kapab konfirm avek nou parske kestyon ki pe ganny demande lo tou lede kote se, bokou lensidan kot in ganny la pran la diferan.

Eski ou kapab konfirm avek nou pou dir i annan zis sa 2 tarif 550 ek  650 dan rezo Air Seychelles ozordi – pou rezidan?

 

MINISTER DIDIER DOGLEY

Mersi Mr Deputy Speaker.  Mr Deputy Speaker ler mwan mon’n al anler lo website Air Seychelles i klerman annan 2 opsyon ki en dimoun i kapab aste tiket.  Ouswa fer rezervasyon.  Enn se ki ou fer rezervasyon konman en, rezidan otomatikman son pri i 550 ouswa i vin 650 depandan kan ou fer ou rezervasyon online. 

Sa mon kapab garanti ou akoz mon’n vwar avek mon de lizye pou dir sa i egziste.

Si ou al lo non-resident la zot annan diferan klas tiket depandan ki mannyer ki zot pe sarz bann kliyan ki non-resident pou travel Praslin.

E sa i annan diferan klas.  I napa en sel klas i annan diferan mon krwar son average i apepre R2,200.  Fodre nou pa bliye pou dir ler nou ti vin isi dan Lasanble i en keksoz ki nou ti dir i enportan, se ki nou maintain pri ki abordab pou Seselwa.

E ki bann etranze zot pou bezwen ouswa air Seychelles i pou bezwen al fer deboury ki mannyer pou fer, prensipalman se sarz bann etranze bokou pli o dan en fason pou subsidize pri ki Seselwa i peye.  Akoz nou tou nou konpran ki sa 550 ouswa 650 ki Seselwa pe peye i pa ase pou pey fre sa flight pou al Praslin ouswa pou sorti Praslin pou vin isi.

Alor i enportan pu dir ki Air Seychelles i annan ase pasaze etranze ki pe peye pou subsidize pri ki Seselwa i peye.

Alor pou Seselwa wi ouswa pou rezidan akoz i met rezidan wi pri i 550 a 650.  Me pou rezidan i annan diferan kategori ouswa diferan klas tiket non-resident – yeah.  Mersi.

 

MR DEPUTY SPEAKER

Mersi Minis. En kestyon klarifikasyon Onorab Hoareau.

 

HON BASIL HOAREAU

Mersi Mr Chair.  Mr Chair annefe Minis in more less ki mon ti pe al poze.  Selman mon le konfirmen avek li.  Eski Minis pe dir ek nou poudir lo sak flight i annan –  sa tiket 550 ouswa 650 i annan en quota ki available lo sak flight?  Pou dir i  limite pou dir par egzanp pou dir pou ziska pou sa 5 seat ki annan sa tiket 550 a 650.  Si sa i annan sa limitasyon – konbyen?  Konbyen seat ki available pou sa pri pou sak flight? 

 

MR DEPUTY SPEAKER

Minis.

 

MINISTER DIDIER DOGLEY

Mersi.  Onorab mon’n sey reponn sa kestyon kekfwa mon pa’n ase kler.  I depan keler ki i annan plis plas pou Seselwa, e keler ki i annan mwens plas pou Seselwa.

Air Seychelles li  nou’n sey demande nou’n demann Air Seychelles sa kestyon.  E zot, zot dir nou pou dir be get sa ;  ou ou’n demann nou pou fer desann tiket pou Seselwa en pri.  E an menm tan rod larzan pou nou finans Asir Seychelles pou li kontinyen vyab e fonksyonnen.

Alor i annan serten ler sirtou pandan sa bann peak period ler bann etranze pe al soz laba.  Se pandan sa peryod kot napa ase seat pou Seselwa.  Selman zot pa’n donn mon en figure.

        Me solman apre 9:30 onwards i annan plis pou Seselwa ozordi.  Me selman ziska aprezan nou Air Seychelles pa’n kapab donn nou en figure définitive pou sak flight konbyen ki pou rezidan e konbyen ki pa pou rezidan.

Akoz i varye pandan lazournen.  Mersi Mr Deputy Speaker.

 

MR DEPUTY SPEAKER

Mon a permet Onorab De Commarmond.  Parske i ti’n demann sa kestyon.

 

HON CHARLES DE COMMARMOND

Mersi.  Mr Speaker i annan keksoz pa korek la.  Swa Air Seychelles sa ki pe dir i pa korek.  Ouswa sa ki Minis pe dir ek nou i pa korek.  Me i annan keksoz ki pa marse.

Mon a dir ou en keksoz.  Mwan i annan Minis dan nou Gouvernman isi Sesel ki’n konfirm ek mwan.  Ler avyon Air Seychelles pe al Praslin Seselwa ki’n demann tiket pe rod tiket 550 la resident cost la pri rezidan i dir napa, in fini plen.  In fini.  Napa tiket.

Selman li sa Minis i lo sa avyon e avyon lanmwatye vid.  Si sa 7 plas vid.  Menm zafer pou retournen sorti Praslin pou vin Mahé, menm zafer.

E erezman Praslin ou a krwar zot en pe konpran ki bann dimoun ki isi Mahé.  Praslin li ler ou lo Airport i ed ou i dir be ok lefe ki sa vol la i annan plas abor i preski vid.  Si ou ti pe al pli tar ou kapab vin boner la vi ki ou’n checking ou la lo Airport i ed ou pou ou al boner.  I annan sa kalite keksoz ki pe marse.

Savedir pou mwan i vedir eski Minis i kapab konfirm ek nou Lasanble alor, pou dir pou Seselwa i annan plis i napa ase seat pou lademander.  Konmsi ki dimoun Seselwa ki bezwen servi vol avyon Mahé/ Praslin vis versa napa ase seat.  Selman i annan seat vid lo menm avyon.

Alor sa issue i bezwen ganny korize.  E Minis i bezwen donn nou en konfirmasyon dan nou Lasanble la, e nou pou verifye, nou pou swiv, pour ki li ganny fer sa.  Gouvernman in fer en desizyon Cabinet ki Minis i ladan fer desizyon.  E Minis i krwar dan sa desizyon sa desizyon dan sa pei i bezwen ganny egzekite.

E lo nou kote nou parti, Parti Lepep pou lemoman nouvo Parti Lepep pou vini.

 

(laughter)

 

HON CHARLES DE COMMARMOND

Konmsi la ou’n konpran non.  E mon eklersi sa byen nou ensiste – ensiste ki Air Seychelles i arete zwe ek nou.  I arete zwe ek nou mon pe dir seryezman la, si non nou Lasanble ansanm nou ava pran serten desizyon ki mon krwar serten dimoun pou regrete.  Meri bokou.

 

MR DEPUTY SPEAKER

Mersi Onorab De Commarmond.  Minis propozisyon ki pe ganny mete se nou konpran sa zafer rezerv serten kantite seat pou Seselwa.  Me problenm se ki, dimoun i realize pou dir ler ou mont lo sa avyon sa bann seat ki ou ganny dir pa la i reste vid.  Eski ou kapab konfirmen si sa i leka e ki zot Polisi vizavi sa?

 

MINISTER DIDIER DOGLEY

Mr Deputy Speaker, mersi.  Mon krwar i annan 2 keksoz ki Onorab De Commarmond in koz lo la.  Enn i annan pou fer avek fleksibilite ki si Air Seychelles li i konnen pou dir i annan en serten kantite seat ouswa plas lo avyon ki’n dedye bann non-resident ki arive en serten moman i vwar pou dir sa bann plas pa’n ganny vann ouswa pa’n ganny sa bann dimoun ki ti sipoze pran sa bann seat pa’n ganny pran.  Ki zot release sa bann flight ase boner ki dimoun ki ti a voudre travel i ganny loportinite Seselwa a R550 a sa pri, i ganny sans pou li diriz sa flight olye ki avyon i kit son kot i ete pou li al so destinasyon avek seat vid.

        Sa mon krwar pou dir en keksoz ki korek.  E mon krwar pou dir nou devret pous Air Seychelles pou fer li korekteman.  Pou fer sir pou dir i annan ase seat.

 Menm bann seat ki’n ganny mete pou non-resident si a lafen zot pa’n kapab vann zot devre met dimoun lo la olye ki flight avek en avyon ki napa ase dimoun lo la.  Sa i enn premye. Definitivman ou fer sir Air Seychelles i sanze sa bann sistenm.

2enm keksoz mon pou krwar ki pou bezwen akoz i deza annan en serten transparency ouswa latransparans lo lakantite seat ki mete lo sa k avyon.

Parey mon’n dir si ou al lo online ou regarde ou pou vwar lekel bann flight ki annan konbyen seat pou Seselwa lo la.

Mon krwar ki 2enm keksoz ki nou bezwen fer parey ok zot in dir mon i difisil, zot annan difikilte pou kapab annan en fix amount of seats ki ganny donnen avek bann rezidan mwan mon krwar i bezwen annan serten transparans pou tou dimoun konnen egzakteman tel ler konbyen seat i annan pou rezidan.  E konbyen seat ki annan pou non-rezidan.

E se sa mon krwar kestyon ki pe ganny raise e ki nou pou bezwen vwar ek Air Seychelles ki annan (1) latransparans lo konbyen seat ki annan e kan?  Akoz sa i kapab varye.  Mon konpran pou dir pa pou kapab parey tou lazournen.  I annan ler ki pou annan plis rezidan i annan ler ki pou annan mwens.

Me solman zot bezwen fer nou konnen kan ki annan konbyen ki annan e keler ki annan sa bann zafer.

E 2enm si i annan bann seat ki pa’n ganny servi par bann non-resident e avyon i pe ale dan 1erdtan ou soz ki nou ofer sa bann dimoun a R550 olye ki avyon i fly empty.  Alor i pou bezwen annan sa fleksibilite pou ofer en pli bon servis avek sa R550 ouswa R650 Mr Deputy Speaker.  Mersi.

 

MR DEPUTY SPEAKER

Mersi.  Onorab Andre.

 

HON CLIFFORD ANDRE

Mersi Mr Speaker.  Mr Speaker nou annan en Seselwa talante Mr Garry Albert ki obor ou, ki annan kapasite ki’n deza deservi dan sa pozisyon.  Mon krwar in ler pou met li pou kontrol Air Seychelles, pou nou kapab fer sir ki Sesel i marse.

 

(APPLAUSE)

 

HON CLIFFORD ANDRE

E mon kestyon ki mon pou demann Minis, se akoz nou pe fer sa distenksyon ant tiket  R550 Seselwa.  Si mon first come mon en Seselwa, mon devret first serve.  Sa etranze reste mon pa konnen L’Angleterre, La France si in fer son booking an retar too bad.  I ava esper Cat Cocos oubyen i a esper avyon midi.

Akoz nou bezwen fer sa distenksyon?  Mon krwar in ler pou nou pran Mr Albert fer li vin aranz en kou Air Seychelles pou nou kapab annan en Air Seychelles ki pe marse.  En lendikasyon i montre konmsi ki ou a dir zot anvi Air Seychelles i tonm dan trou.

I ganny kontrole Sesel oubyen i ganny kontrole dan lezot pei?  Zot anvi Air Seychelles tonbe?  Nou proud Seychelles.  Creole Spirit sa.  Annou gard ou Creole Spirit.  Pa met en lot kalite spirit  ki nou menm nou, nou pa ni konnen ki kalite.  Mersi.

 

MR DEPUTY SPEAKER

Mersi Onorab Andre.  Onorab Regina Esparon.

 

HON REGINA ESPARON

Mersi Mr Speaker.  Mr Speaker mon ti a kontan demann Minis mon pou dir lantman pou Minis byen konpran ki mon pe dir li.

Minis mon ti a kontan konnen swivan sa deklarasyon ki Minis Touris ek Minis Finans ti fer baze lo pri tiket.  Nou ti ganny en konfirmasyon dan sa Lasanble konmkwa  bann pasyan ki an medikal, zot pe konmans re aksepte pu pran papye medikal  pou bann dimoun ki sorti Praslin.

Parske Minis ti fer nou konpran ti annan en problenm kot Minister Lasante ti dwa zot.  Alors ti annan sa problenm kot bann dimoun bann pasyan medikal pa ti ganny aksepte.

Akoz ki ozordi en pasyan ki ganny donnen papye medikal i ankor pe ganny refiz-e pou ganny sa pasaz gratwit.  Pa dir gratwit akoz apre medikal i peye.  I ankor pe ganny refiz-e sa papye lo Airport.  E zot pe ganny demande pou pey sa tiket.

E mon pou met en lensidan devan ou Minis.  En pasyan i ganny donnen en papye medikal le 15 Zen.  I vin kot counter napa pasaz in ganny dir in bezwen peye.  E i bezwen pey sa pasaz pli o.  i pa kapab travel li akoz zot pe refiz-e pran sa papye.  I kapab zis afford pou pey en tiket.  Son Dimans le 17 pou li travel pou medikal.

Akoz sa i ankor pe arive?  Eksplik nou silvouple.

 

MR DEPUTY SPEAKER

Minis.

 

MINISTER DIDIER DOGLEY

Mersi Mr Deputy Speaker.  Si en dimoun i annan son papye medikal i bezwen travel e dapre li ler in ariv lo Airport  i pe ganny difikilte.  Mon krwar i annan 2 landrwa i kapab soz anmenn son problem either avek Air Seychelles ouswa avek Minister Lasante.

Akoz dapre Minister Lasante napa okenn problenm ant Minister Lasante avek Air Seychelles.  Zot travay tre pros ansanm e okenn dimoun ki annan nesesite pou li travel pou vin Mahé pou ganny lasistans medikal.  I pa devret en problenm pou sa dimoun  kapab desann.

Alor si i annan en problenm i devret met a latansyon Minister Lasante ouswa  Air Seychelles. 

E mon asire ouswa son MNA ki devret kapab ed li pou li  desann, pou li vin fer son tretman isi Mahé.  Mersi Mr Deputy Speaker.

Eski sa kestyon firt come first serve Onorab Andre.  Sa i deza dan plas, akoz si ou ale ou aste ou tiket definitivman ou vin otomatik pou soz.

Me solman sanmenm sa keksoz ki mon toultan pou fer lo mon mazinen pou dir nou, nou dir ek Air Seychelles get sa ou bezwen vann tiket R550 oubyen R650 a Seselwa.  E nou’n dir li nou konnen ou pe perdi larzan lo s bann tiket. E ou, ou bezwen fer mannyer pou ou pa faid al rod ladiferans larzan avek etranze.

E se sa ki Air Seychelles pe fer.  Wi me sa nou’n dakor nou’n koze lo la.  Nou’n dir pou dir fleksibilite i bezwen annan, e ki sa, sa lot kestyon transparans i bezwen annan lo lakantite plas ki annan.

Alor pou mon sa i kler.  Nou ki’n dir ek Air Seychelles ki pou al fer.  E li i pe swiv lenstriksyon ki nou’n donn li.  Mersi Mr Deputy Speaker.

 

MR DEPUTY SPEAKER

Mersi.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Minis mon krwar ki sa legzersis ki nou pe fer dan sa diskisyon i enn bann ki bon e ki hopefully i ava eklersi sa bann sityasyon ki pe en pe fristran.

Mon ti a kontan demann ou premyerman, eski Gouvernman i  krwar dan ki Air Seychelles i annan osi dan en serten dimansyon en rol servis piblik e ki i enportan ki tou bann teritwar dan Sesel i ganny konekte en fason?

Mon pe demann sa kestyon akoz mon krwar si kekfwa sa se en keksoz ‘ki Air Seychelles i devret build in dan son DNA e dan son en fason zot dir sa son misyon.  Ok i annan en misyon Nasyonal.  So mon ti a kontan ganny ou pwennvi ou reaksyon lo la.

Mon 2enm kestyon Minis se sa enn.  Ou’n koz lo fleksibilite pandan peak  hours ki mon krwar nou’n koz lo la, e sa i vedir ler i annan bann tiket ki pa’n vann si i available en Seselwa i vini i aste li lo 550 oubyen 650.

Selman mon krwar sa ki ti a pli enportan pou eklersi sa sityasyon net.  Se ki, kekfwa ou pa pou kapab dir nou.  Kekfwa fodre Air Seychelles i dir avek nou par egzanp eski i annan flight dan 7er bomaten kot napa okenn seat available pou vann lo sa bann pri, akoz zot annan en congestion lo Airport? 

        Si Air Seychelles i dir nou sa and the reason is compelling at least nou ava konpran.  Ki i annan en flight dan lazournen e en flight aswar ki normalman akoz congestion lo Airport i enportan pou kit li ouver pou viziter.

Me selman an zeneral tou flights an zeneral tou flights i annan  seat ki available pou Seselwa.  E i annan seat ki come  available ler napa – i pa’n ganny pran par etranze.

Konmsi mon krwar kekfwa Air Seychelles i devret en pti pe pli responsive avek piblik Seselwa ki pe rod bann detay senp e kler.  E sa i ava anpese ki i annan sa konfizyon sa bann diferan sityasyon ki nou pe sey deal avek ozordi.  Mersi Minis.

 

MR DEPUTY SPEAKER

Mersi.  Mon pa konnen si Minis i le reponn sa oubyen mon a pran detrwa lezot kestyon mon as pran enn sorti kot petet nou a demann tou ansanm.  Onorab Regina Esparon, Onorab George, Onorab William apre Onorab Pillay.  Onorab Esparon.

 

HON REGINA ESPARON

Mersi Mr Speaker.  Mr Speaker mon ti anvi zis follow-up sa kestyon ki mon ti’n demande.  Mon pa satisfe avek larepons Minis.  Pou dir si sa dimoun pa pe ganny en pasaz lo avyon i bezwen al kot son MNA.

        Sa MNA pa pou kapab al bat Air Seychelles li.  Minis fodre Air Seychelles ki sekwe li.  Zot ki fodre aranz zot.  Pou aret fer lavi dimoun Praslin matir.

Sa ki mon pe met devan ou Minis si ou le laprev mon annan avek mwan, mon kapab donn ou.  Mersi.

 

MR DEPUTY SPEAKER

Mersi. Minis mon krwar mon a les sa 2 kestyon ganny reponn, apre nou ava al lo larestan Onorab Ferrari avek Onorab Esparon.   Minis.

 

MINISTER DIDIER DOGLEY

Pou pran bann kestyon Onorab Ferrari.  Mon krwar i annan sa misyon pou li deservi piblik.  Akoz nou konnen pou dimoun kapab bouze pou sorti dan bann diferan landrwa, pou zot kapab kominike.  E menm pou zot kapab annan sa mobilite.  Pou zot kapab sirtou Dimoun ki sorti Praslin ek La Digue ki bezwen vin Mahé pou serten servis.  E menm serten dimoun ki annan biznes lo Praslin ek La Digue ki sorti Mahé.  I sa servis ki Air Seychelles i donnen i bezwen se sa rol pou fer sir i annan sa mobilite dan Sesel.

E sanmenm sa ki a desizyon pou maintain sa pri a en pri abordab, ti ganny pran.  Akoz nou krwar pou dir nou bezwen get si oule an Anglais, ki nou apel the greater good.  Akoz a lafen ler dimoun i mobil pe fer biznes, servis pe ganny donnen e keksoz pe bouze, se pei ki benefisye an zeneral.

Alor apart ki regard sa profi ki Air Seychelles pe fer, nou bezwen regard son ekonomik lenpak ki annan lo lekonomi Sesel.  Alor wi pou reponn sa kestyon en wi Air Seychelles i annan sa misyon e ki i sa i ganny reflekte dan bann desizyon ki’n ganny pran, ki fodre nou gard pri tiket a en pri abordab.

2enm kestyon i annan pou fer avek Air Seychelles ki bezwen vin ki bezwen reponn sa bann bezwen dimoun.  Mon krwar pou dir i annan en problenm kominikasyon.  Mon 100poursan dakor avek ou.  Pou dir zot bezwen kominik bokou plis e non pa zis met sa bann pri anler lo website.  I vre ki ou pa en dimoun parey bann zenn ki kontan al lo website, Facebook sepa bann social media.  Ou pa pou konnen pou dir i annan bann lenformasyon.

Sirtou bann ki pli aze ki pa neseserman servi sa bann sa kalite medya pou li ganny lenformasyon.  Mon krwar zot devret annan en dimoun ki sorti ki la ki donn dimoun lenformasyon pou dir ki mannyer keksoz pe bouze.

E osi pran bann kritik ki sorti lo lot kote kot piblik bann kliyan ki servi zot servis.  Par egzanp Cable i annan en servis ki la ki customer service ki i ganny bann repons sorti kot dimoun ki zot vann servis avek.

Kekfwa Air Seychelles i devret build up en sistenm kot i kot i donn plis sa customer service e i konnen ki pe arive soz.  E zot a konnen ki i annan sa bann Polisi ki zot in ganny mete pa neseserman i pe ganny swiv.

Alor wi Mr Deputy Speaker, mon krwar i bann keksoz ki nou pou bezwen raise avek Board e avek management Air Seychelles pou fer sir pou dir zot pran zot vin pli pre avek bann dimoun ki zot deservi isi Sesel.  Mersi Mr Deputy.

 

MR DEPUTY SPEAKER

Mersi. Mon pou pas en kestyon avek Onorab Georges.

 

HON BERNARD GEORGES

Mersi Mr Speaker.  Mr Speaker mon en pti pe tris ler mon pe ekout Minis pe dir ki Air Seychelles pou ganny fer sa parey Air Seychelles ti devret fer sa, Air Seychelles i bezwen angaz li en pe plis.

Air Seychelles i annan en bann lannen i la.  I annan en kantite lannen pe monte desann Praslin.  E in bliye kekfwa ki son 2enm mo dan son non se Seychelles.  E mon krwar se la problenm ki nou pe fer fas avek.

I paret-man ki Minis pe koz about en lakonpannyen ki nou napa okenn kontrol lo la.  Antan ki en pei, e ki son Gouvernman napa okenn kontrol apart al sipliy avek Air Seychelles pou li vin en pti pe pli proactive, en pti pe pli ouver en pti pe pli angaz son lekor.

E Mr Speaker mon konfizyon i vin e se la mon pou demann Minis tir sa konfizyon.  Mon konfizyon i vin akoz i annan telman en eleman ki’n ganny met devan nou ozordi ki kapab fer sa bann problenm pa ganny tiket apre 550 a 650 arive.

Nou’n ganny dir ki i annan de kategori pri pou rezidan pou non-rezidan.

I annan peak hours i annan off-peak.  I annan early booking i annan late booking. 

I annan online booking i annan counter booking.  I annan rezidan e i annan non-rezidan.

Mon mannyer mon konpran Minis e Minis ou ava dir mon si mon annan rezon se sa.

Seselwa i ava ganny priyorite pou tiket 550 a  R650 tan ki napa enn sa bann lezot fakter ki vin anmars.  Setadir ki menm rezidan pa pou ganny 550/ 650 si i tonm dan peak hours. 

Oubyen si i dan peak hours me i tonm an deor en ratio ki nou’n ganny dir i 84 oubyen 42poursan, 58poursan.  Me personn pa konnen. Oubyen si i pa’n boukte a ler.  Oubyen si kekfwa in al online in pez non-rezidan akoz napa enn pou rezidan.

At the end of the day s aki mon anvi Minis i konfirm avek nou se ki wi.  Wi i annan sirkonstans kot menm rezidan pa pou gannyen tiket 550 a R650.  Sa ki nou anvi konnen.  Eski i annan bann moman kot sa i leka?  Oubyen eski tou rezidan a nenport ki moman ler zot booking zot pou ganny tiket 550 a R650?

E si kestyon i non.  Sa pa leka.  Mon ava swiv dan laliny Onorab Ferrari.  Eski pa ler pou Gouvernman dir premye misyon Air Seychelles akoz sa mo Air Seychelles i lo son lake.  Se pou fer Seselwa vwayaze.  Son 2enm misyon se pou li fer larzan.

Alor rod en fason kot Seselwa a nenport i moman ava ganny en tiket a R550 – R650.  Mersi Mr Speaker.

 

MR DEPUTY SPEAKER

Mersi Onorab Georges.  Minis.

 

MINISTER DIDIER DOGLEY

Mersi Mr Deputy Speaker.  Mr Deputy Speaker ankor mon bezwen baz mon leksperyans lo lenformasyon ki mon’n vwar ler mon’n lo web page Air Seychelles akoz mon napa bann teknisyen la avek mon, mon pou kapab siport mon pou reponn bann kestyon.

Sa ki mwan mon’n vwar an se ki si ou al par egzanp lo semenn prosen ou pou vwar pou dir i annan en bon pe bann flight ki egziste.

E pou vwar pou dir konbyen pasaz ouswa plas ki ankor egziste pou Seselwa pou zot kapab al anler lo sa bann flight.  Savedir depandan lo kwa ki ou boukte ou tiket ouswa ou fer ou rezervasyon.   I posib menm pandan bann letan peak hours k ou pou ganny tiket.  Me solman mon pa kapab garanti ou pou dir i pou toultan annan tiket akoz i depan konbyen nou pe koz en flight ki pran 16 dimoun.  Mon krwar i bezwen kler dan nou latet.  Nou pe koz en avyon i annan 19 plas me Air Seychelles i pa zanmen servi sa 19 plas akoz i dir ou pou dir i bezwen pran konsiderasyon fuel.  I bezwen pran konsiderasyon bann luggage.  Alor normalman i operate avek Etihad 85% seat ki annan dan avyon.  Savedir i vin apepre 16 seat ki bezwen ki kapab servi.

Now dan 16 seat i bezwen sey fer mannyer avek lakantite touris ki pe ogmante lakantite Seselwa ki pe vwayaze i bezwen sey fer mannyer lo sak flight i balans lakantite Seselwa ouswa rezidan avek non-rezidan ki come up.

        E ankor mon pou reponn lo sa kestyon poudir Air Seychelles sa ki mon nou pe demande se ki i bezwen fer sa keksoz vin pli transparan.

Akoz ozordi mon personnelman mon pa pou kapab dir ou konbyen plas ki pou annan demen bomaten 9er ki pou rezidan e konbyen ki pou etranze.  E i kler pou dir i annan en under capacity dan serten ler sirtou pandan letan ki i annan bann peak period.  Ler nou ganny Emirates, Etihad avek Air Seychelles avek bann lezot avyon arive.

Alors si nou oule pou dir Seselwa, a tou moman ouswa rezidan tou moman i annan plas lo avyon.  Pour mon i annan zis 2 solisyon.  I either ki pandan peak hours, ki i fer le posib ki nenport dimoun be it rezidan ouswa non-rezidan i ganny sa flight i ganny sa plas.  Ouswa Gouvernman i bezwen subsidize Air Seychelles lo sa bann peak hours flights, pou fer sir pou dir Seselwa i annan menm sans avek en etranze pou ganny plas lo sa bann avyon pandan sa bann peryod letan.  Se sa solisyon pou mon Mr Deputy Speaker.

 

MR DEPUTY SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Bonn apre midi Minis avek ou lekip.  Minis mon’n ekout ou atantivman.  Me mon ti a kontan demann ou 2 pti kestyon.

Premyerman Minis ou a tonm dakor avek mwan e avek nou isi dan Lasanble ki avek sa kalite Lagreman ki nou’n sinyen ;  kot menm si Sesel i annan 60poursan e Etihad 40poursan nou napa kontrol, lo plizyer keksoz. Akoz Minis ou’n koz lo fleksibilite.  Ou pa’n koz lo direktiv.

Dezyenmman Minis.  Eski pa in ou osi ler pou fer konnen fer nou konnen avek pep Seselwa, ki in annan en tranzisyon letan ki sa Lagreman in ganny sinyen.  E anba sa nouvo Lagreman Air Seychelles in konmans operate e ki domestic airline i nepli pe operate parey sa vye domestic airline Air Seychelles ki Seselwa ti abitye konnen.

E si i koumsa Minis mon ti a kontan ki ou fer kler.  Akoz Minis ti a bon ki nou dir laverite.  Mersi.

 

MR DEPUTY SPEAKER

Mersi Onorab William.  Minis eski nou ankor annan menm domestic Air Seychelles?  Eski ou kapab donn en direktiv?

 

MINISTER DIDIER DOGLEY

Mersi Mr Speaker.  Mr Speaker mon napa tou detay ki mannyer Air Seychelles ti fonksyonnen avan.  Sa ki mwan mon konpran sirtou bann domestic nou pe koz lo domestic flight la.  Mon konpran pou dir laplipar bann desizyon ti ganny pran lanmenm kot Air Seychelles ti ete.  Zot ti annan en unit ki ti kontrol bann flight toulezour keler i ale, keler i vini, eksetera.  Sa mon konnen me solman mon napa bann detay.  Sa ki mwan mon konnen pou dir ozordi en kantite bann keksoz in sanze.

Par egzanp lontan ou ti napa sa sistenm kot en dimoun pe aste tiket online.  Ouswa i pe fer son rezervasyon online i pey deswit la konmela.  E bann seat i ale i fini.  Sirtou pandan dan bann letan peak hours i disparet konman gato.

Lontan bann dimoun ti kapab manage bann flights pli byen, akoz laplipar keksoz ti ganny kontrole dan en sel landrwa.  La aprezan laplipar keksoz parey nou pe dir si ou pe vann tiket online i kapab minwi diswar en dimoun L’Angleterre in deside pou vin vakans Sesel i sipoze al Praslin i kapab aste son tiket pou al Praslin online. 

Alor i annan en kantite keksoz sa zafer pou fer avek lavyasyon i en keksoz ki tre konplike.  E avek bann sanzman ki’n arive dan  digitalization; savedir itilizasyon computer ek bann lezot fasilite, keksoz in sanze.  E i vre avek sa partnership ki’n sinyen avek Etihad, la osi i annan bann sanzman ki’n arive.

Alor i vre pou dir nou bezwen sey fer mannyer pou vwar, pou regarde ki mannyer ki nou kapab fer sa sistenm vin meyer, vin mye ki ete la konmela.  E fer sir pou dir i annan en pli bon sistenm fleksibilite ki pou kapab ganny anmennen dan sa landrwa.

E sel fason pou kapab fer li se ki bann dimoun ki la kot domestic Airport zot bezwen annan plis kontrol lo ki pe arive kot Airport pandan sa peryod ki bann keksoz ki pe arive la konmela.

Akoz si oule vann dimoun tiket par egzanp ki pa’n vann in the last 2 hours sa bann desizyon i bezwen ganny pran lanmenm la.  I pa kapab en desizyon ki ganny pran en lot landrwa.

E menm si i annan dimoun ki lo standby ki le al lo Air Seychelles en pe pli boner kekfwa in ganny en tiket en pe pli tar, i pou bezwen ganny pran lanmenm la.

Akoz sa bann dimoun ki la ki konnen ki pe vwar ki pe arive.  Mon krwar se sa ki nou pe  koz lo la.  E se sa dan sa direksyon ki Air Seychelles i pou bezwen ale.  Mersi Mr Deputy Speaker.

 

MR DEPUTY SPEAKER

Mersi Minis.  Zis en klarifikasyon Onorab William.

 

HON WAVEN WILLIAM

Mersi Mr Speaker.  Mr Speaker mon ti a kontan Minis i donn nou en dele letan en dele letan akoz ki arive se ki sa pri ki nou pe rode pou pep Seselwa.  Minis in mansyonn plizyer keksoz in kapab arive.

E prenon kont tou bann lenformasyon ki nou annan, mon ti a kontan si Minis i donn nou en dele letan ki sa problenm i kapab ganny rezoud, mon pa  konnen si fodre vin kot sa Lasanble ouswa anvoy serten lenformasyon pou dir ki (1) sa problenm pe ganny rezoud, akoz sa pe afekte nou bann dimoun ki servi sa servis.  Mersi.

 

MR DEPUTY SPEAKER

Mersi Onorab William.  Minis petet 2 keksoz (1) si ou kapab donn nou sa dele letan.  E 2enm parey ou ti dir o konmansman ou pou donn nou en kontrandi ki mannyer sa sistenm i egziste ozordi, ki mannyer son sistenm quota i marse ki kantite seat ki zot rezerve dan diferan ler?  Laparol i pou ou Minis.

 

MINISTER DIDIER DOGLEY

Mersi Mr Deputy Speaker.  Wi i kler sa.  Akoz pou mon sanmenm sa mon sanmenm sa mon ti pe rod bann sipor avek zot ki i annan bann levidans ki mwan mon napa ki dan en fason ki ler mon pou zwenn Air Seychelles laplipar management i pa dan pei la konmela.

Savedir lemoman ki zot retournen definitivman mon pou pran sa bann lenformasyon pou met devan zot.  Akoz zot, zot in dir mwan poudir dapre zot Polisi sa bann zafer pa egziste.

Alor si mon ganny bann fe mon pou met devan zot.  E mon pou demann zot pou dir sa bann keksoz i ganny rezoud.

E lo lot kote osi fodre nou pa bliye pou dir i annan 4 manm Seselwa ki asiz lo Board Air Seychelles.  E se zot ki gouvern bann desizyon dan Air Seychelles se son Board.  Pa neseserman Minis, Minis pa kontrol Air Seychelles, son bann desizyon ki’n ganny pran.  Se son Board ki pran bann desizyon.

Mwan mon pas bann Policy Gouvernman atraver Board, pou fer sir Air Seychelles i enplimant desizyon Gouvernman.  Me son Board li i bezwen fer sir pou dir sa bann desizyon Policy ki Gouvernman i pran pou dir sa i ganny enplimante.

Alors mwan semenn prosen definitivman ler zot retournen, mon pou al travay lo sa bann keksoz avek zot.  Mersi Mr Deputy Speaker.

 

MR DEPUTY SPEAKER

Mersi Minis.  Bon mon pou ferm lalis kestyon.  Mon annan 2 Manm Onorab ki’n demann pou koze.  Apre mon pou donn en dernyen kestyon pou Leader Lopozisyon ki’n poz sa kestyon.  Prosennman Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon krwar Minis i bezwen apresye sityasyon ki nou ladan.  Akoz mon krwar ki le premye fwa ki sa desizyon ti ganny pran dan Lasanble i pa’n ganny byen kominike e i pa’n byen eksplike, ni par Air Seychelles as well.

Akoz nou vwar nou dan en kalite sityasyon akoz nou pe demann en konpannyen ki pe rent son lekor komersyal-man pou provide lo fares.  E prezan i fer serten commitment ki pa kler avek nou ki dan labsans sa se Gouvernman pou bezwen antre subsidize.

So premye pri morso mon kestyon Mr Speaker se prenon kont sityasyon ki Air Seychelles i ladan.  Eski ki sa i en opsyon ki Gouvernman i konsidere vizavi akse vizavi travel pou rezidan pou Seselwa al Praslin?  Eski sa i en keksoz ki zot in konsidere?

 

MR DEPUTY SPEAKER

Minis.

 

MINISTER DIDIER DOGLEY

Mr Deputy Speaker si en demann ti’n ganny fer par Air Seychelles konmkwa.  Les mon repran.  Air Seychelles ler i ti vini premye fwa kot Gouvernman i ti vin avek en sistenm diferan klas pri pou tiket pou bann rezidan pou vwayaz lo Mahé Praslin vol.

E ler nou ti regard sa bann pri, i ti bann pri ki ti egzorbitan.  E ki ti tro ser.  E Cabinet ti pran en desizyon revwar sa bann pri e vin avek nouvo propozisyon konman en lakonpannyen.

E ler zot ti vin avek nouvo propozisyon zot ti vin avek zis sa R550 ki zot ti demande ki bann rezidan i peye.  E Cabinet ti pran en desizyon pou dir be sa i ok.  Nou napa problenm ale al enplimante.

Now si i ti Air Seychelles ti’n fer en demann pou dir be regard sa ‘ok mon ti’n mazinen pou dir apre ki zot in fer zot premye soumisyon zot t’in dir be nou napa lot fason.  Gouvernman akoz zot, zot ti’n eksplik mon ki en tiket i kout apepre R1400 pou zot kapab breakeven e fer profi.  Akoz en flight i apepre dan en R16mil ekek par vol.

E pou zot kapab fer sa lazan i annan en minimum ki zot bezwen sanze.  Si zot ti retourn kot Gouvernman dir be regard sa si ou oule, pou dir i annan mobilite pou dir dimoun i kapab move e ki Seselwa ek bann rezidan i kapab servi Air Seychelles pou zot al Praslin, Mahé, parey en  pri 550 nou pou bezwen en led sorti kot Gouvernman.  Pou kapab bridge sa diferans ant sa 550 e sa R1400 ki zot bezwen pou pey pou zot kapab breakeven.

Me zot pa’n zanmen vreman fer sa demann ek Gouvernman.  Alor Gouvernman in dir zot be ok ale al enplimant sa ki zot, zot ti’n demande. E se sa ki zot ti demande.  E se sa desizyon ki’n ganny pran.

E ozordi nou vwar pou dir i paret i annan serten difikilte ek sa sistenm, akoz zot, zot bezwen fer sir pou dir i annan en ratio ki annan ase etranze pou kapab kouver bann kou ki bann rezidan pa pe peye.  Mersi Mr Deputy Speaker.

 

MR DEPUTY SPEAKER

Zis en klarifikasyon Onorab Pillay.

 

HON SEBASTIEN PILLAY

Mersi Mr Speaker.  Be then i – mon pa ganny en konpran. So si pa en problenm pou zot donn sa tiket R550, si i pa en problenm, alors konbyen tiket R550 ki en rezidan i annan lo sak avyon?  K mannyer zot pa kapab dir avek Gouvernman poudir lo flight tel ler i annan 5 tiket.  Lo flight sa lot ler i annan 5 tiket.  Akoz obviously then i en problenm.

So eski Gouvernman i zis aksepte en assessment ki obviously i annan en problenm ladan?  Eski zot pa demann en lot analysis ganny fer lo sa breakdown sa bann kou pou vreman vwar si vreman Air Seychelles pe donn the right figure oubyen non?

Akoz si pa ti en problenm nou pa devret dan sa sityasyon kot nou vwar rezidan pe pey sa pri ki i pe peye la, e non pa sa pri ki ti’n agree pou peye.

So eski Gouvernman pa’n fer sa travay kot lo son re tonbe.  Mr Speaker son re tonbe se ki nou pou vwar en Bidze siplemanter pe vini pou nou kouver cost Air Seychelles somewhere else.  Be nou reprezant dimoun nou, nou reprezant lepep Seselwa e Seselwa pe demann en kestyon.

Oubyen eski i annan en problenm dan cost analysis ki Air Seychelles in provide ek Gouvernman?  Mersi.

 

MR DEPUTY SPEAKER

Minis.

 

MINISTER DIDIER DOGLEY

Mr Deputy Speaker Air Seychelles in fini dir ek Gouvernman poudir son pri en flight i apepre R16mil ekek, R16mil ekek en flight e alor en  seat lo sak sa bann flight e sak flight i pran  16 dimoun average 85% i pa mars lo 100poursan.  E enn sa bann seat i kout apepre R1486 sa son vre pri.  E nou nou’n dir ek Air Seychelles poudir R1486 i tro ser pou Seselwa peye.  E parey Onorab Ferrari in dir Air Seychelles osi i annan nou, nou vwar li koumsa ki Air Seychelles i annan en responsabilite pou ensure poudir i annan mobilite.   E sa i pozisyon Gouvernman.

Alor nou’n dir poudir i pa kapab vann li a en pri ki tro o ki Seselwa pa kapab peye. E se la kot Air Seychelles i retournen ek sa pri R550.  Se zot ki’n vin avek sa pri, pa Gouvernman ki’n dir zot fodre zot vin ek sa pri.

 

MR DEPUTY SPEAKER

Ok mon a permet dernyen kestyon Onorab Henrie.

 

HON GERVAIS HENRIE

Mersi Mr Speaker.  Bonn apre midi tou dimoun.  Zis en pti pwen klarifikasyon an ka Minis in mansyonnen mon pa’n sezi.  Me nou vwar ki napa okenn reprezantan Air Seychelles ki la ki swa ki sorti dan management ouswa Board, par egzanp bann lezot antite ki’n vin la avan par egzanp STC dan lepase ler in vin reponn kestyon, menm si zot pa koze me  Chairman Board avek CEO in la.  Dan ka Air Seychelles akoz sa i pa le ka ozordi?  Mersi.

 

MR DEPUTY SPEAKER

Minis.

 

MINISTER DIDIER DOGLEY

Deputy Speaker napa enn ki la. Zot tou zot aletranze zot pa isi.  Mon ti a byen kontan anmenn zot pou vin ed mwan.  Mersi.  Non zot pa Abu-Dhabi, laplipar i La France zot pe – Toulouse konsernan sa de nouvo avyon ki zot pe fer vini lannen prosenn parey ou konnen zot pe al pran sa A320 Neo alor zot pe fer bann final negosyasyon.  Zot pa la e Chairman malerezman i dan konze.  In al konze avek son fanmir.  Mersi Mr Deputy Speaker.

 

MR DEPUTY SPEAKER

Mersi Minis. Mon a donn privilez Leader Lopozisyon pou …

 

HON WAVEL RAMKALAWAN

Mersi bokou Mr Speaker.  Mr Speaker premyerman mon anvi dezagree ek Minis letan ki in koz lo protez, protez rezidan sa pri ki Air Seychelles ti’n mete ki parski rezon ki mon dezagree avek ou la se parski o fet Air Seychelles li i ti’n propoz R2,365 e Cabinet ti’n fini aprouve sa.  Se nou isi dan Lasanble ki’n lev sa size e parski ti’n deza lo son website Minis.

Ti deza lo son website ki poudir ti pou kout R2,365mil.  E sa apre ki dezyenm fwa ki letan nou nou’n vin isi dan sa Lasanble se la kot ansanm avek Onorab De Commarmond letan nou’n koz lo Supplementary Appropriation, kot nou’n dir nou pa dakor avek sa e retourn avek en, retourn avek en lot solisyon.

Petet Minis mon ava- mon konpran letan ou pe balans latet, me selman mon anvi dir avek ou, ou koleg Minis, ou koleg Minis ki ti vin la li tousel e ou, ou ti zwenn li dan dezyenm rankont, letan  nou ti la dan premye rankont avek ou koleg Minis sete 2,365 alor i annan  en keksoz la ki pa pe balanse.

Be alor avek sa Mr Speaker mon anvi dir ek Minis, eski vreman ozordi i annan en lentere pou prezerv Air Seychelles ? Parski mon konmans poz mon letan kestyon. Eski vreman i annan en lentere pou prezerv Air Seychelles oubyen pou touy Air Seychelles?  Akoz mon dir sa? Ok nou’n lager pri in vin 650.  Me annou regard bann increase dan bann fares.  Pou al Sid Afrique in ogmante.  Pou al Maurice in ogmante.  An plis ki sa baggage allowance, avan sa Air Seychelles ti donn 2 fwa 23 kilo dan Economy, ti donn 2 fwa 30 kilo dan Business.  La avek sa bann sanzman ki zot pe fer, dan Economy ou ganny 30 kilo, dan Business ou ganny 40 kilo.

Dan sa menm peryod Kenya Airways ki an konpetisyon avek Air Seychelles li in ogmant so baggage allowance.  Biznes in mont li 2 fwa 40 kilo.

E letan o pe regard tousala, e lo en lot kote realite ki ozordi nou pe fer fas avek, Etihad Airways pe downsize.  Etihad Airways fek demann Emirates pou pran 300 son pilot.

Air Serbia i pou vin dernyen airline ki ankor annan en management contract avek Etihad e li in al termin sa Kontra an 2019.  I reste zis Air Seychelles.  Eski vreman napa en stratezi parla pou touy Air Seychelles?

E la mon ava osi dir avek ou Minis Dimans mon’n travel mwan lo Air Seychelles, kontan; bann crew normal, pilot Seselwa, letan bann lezot avyon pe apoze sa pilot li i met sa avyon ater.  Avek en pe sekous me selman in met li ater.  Letan nou pe regard tousala, e letan mon’n travel mon ti pe asiz obor en dimoun ki’n deza lo top management South African Airline.

Ou konnen ki sa dimoun i dir avek mwan. I dir mwan avek sa ki Air Seychelles pe fer, in annan koneksyon avek Air Seychelles sa airline pou mor.  I pou mor.  E alor Minis eski vreman napa en stratezi kekpar pou touy Air Seychelles?  E nou’n koze nou’n dir nou pa anvi Air Seychelles i mor e apre sa Mr Speaker mon anvi dir ek Minis i vre sa ki in dir.

Si Air Seychelles in aranz, si Air Seychelles in aranz tou son keksoz e ki la ozordi e an mezir ki nou ti pe koze, i vre ki mwan osi mon’n sey plizyer rezervasyon e Minis sa ki ou dir nou i vre.  Si Air Seychelles ti’n dir be nou pa ti ankor – Abu-Dhabi pa ti ankor aranz nou sega me la zot in aranze tou keksoz i ok, end of conversation ok?  Sa i enn bann size ki mon anvi dir ou.

E apre sa Minis pli boner letan i pe koz lo diferans letan Onorab William in koz lo diferans ant domestik avan ek domestik la, son gran diferans se ki avan tou ti fer Sesel.  Tou ti fer Sesel.  Tou ti fer Sesel!  Nou pri ti ganny organize Sesel.  Me la ozordi se pa Sesel ki organiz pri.  Se Abu Dhabi ki organize e sa i vin pli gran diferans.

E letan en airline li menm li downsize, li menm li pe pas dan problenm ekonomik.  E nou tou nou konnen poudir Etihad i dan problenm ekonomik me selman son pouvwar Dolar i solid, alors i kapab menm si i fer en loss i kontinyen.

Me selman i pou kontinyen pou li be pou nou, ziska ki kantite letan nou pou …?  Alors Mr speaker i pa’n vreman en kestyon me serten pwen ki mon’n anvi met devan Minis, parski mon krwar ki i annan konsern e bann konsern i ankor reel me si zot i nobou aranz sa Praslin/Mahe – Mahe/Praslin parey nou kestyon in demande mon krwar ki nou satisfe e Mr Speaker atraver ou mon ava donn ou en kopi sa tiket pou Minis parey mon ti promet.  Mersi bokou.

 

MR DEPUTY SPEAKER

Mersi Onorab Leader Lopozisyon.  Mon a permet zis en komanter sorti kot LGB, apre Minis ou a – nou pou terminen lo sa kestyon.

 

HON CHARLES DE COMMARMOND

Mr Speaker zis pou mon azout lo sa ki Onorab in mansyonnen pou montre sa ki in dir i ok, i byen. I annan ground handling services isi lokalman ki’n ganny servi konman garanti pou sa loan ek Etihad la.  E si ou al dan problenm avek Air Seychelles kot i fermen ki pou arive i annan gran posibilite kot ground handling services i ava vin pou Etihad konmkwa pou pey sa loan.

Konmsi i annan serten zwe ki mon aprann osi ladan e an menm tan Air Mauritius in azout pou li an plis ki ou pe dir Kenya Airways ensidswit Air Mauritius in azout pou li konmsi ki kler tou sa bann keksoz pe fer ou a krwar par ekspre, ou a krwar avek bi pou noy Air Seychelles, pou fer li soz. E nou, nou demande si posib letan Bidze pou vini la, nou pou osi re vwar zafer Air Seychelles akoz pou annan ankor larzan dan Bidze pou Air Seychelles, me nou pe demande ki Gouvernman, Minis la ou la ek nou irzaman se sey revwar sa Kontra, akoz nou krwar i annan still problenm dan sa Kontra avek Etihad.  E re evalye sa Kontra si posib pou sov Air Seychelles.  Tou fason tou-le-z-an nou pe tir larzan.  Annou gete ki mannyer nou kapab esey sov li.  Mersi.

 

MR DEPUTY SPEAKER

Mersi Onorab Leader Government Business.  Minis i paret i annan 3 konsern – Quota, kan pe vann tiket, ke ler, konbyen en Seselwa i kapab gannyen, ki pri.  Eski ou annan kontrol lo Air Seychelles e eski pa’n ler pou re vwar sa Kontra?  Se sa bann pwen ki’n ganny mete.  Mon permet ou pou larepons.

 

MINISTER DIDIER DOGLEY

Mersi Mr Deputy Speaker.  Konsernan quota mon krwar e mon’n koz lo la en bon pe e mon donn mon garanti pou dir mon komitman poudir mon pou al travay avek sa lo Air Seychelles avek Air Seychelles Board e son management pou fer sir poudir i kler kantite quota ki i annan lo bann avyon e ki mannyer bann sistenm rezidan avek non rezidan i fonksyonnen; dan en fason ki i annan transparans dan sistenm ki mannyer i fonksyonnen, ki tou dimoun i ava kler, i ava konpran ki mannyer i marse.

E menm konsernan la kantite etranze sirtou pandan bann peak hours akoz sa i letan ki mon okouran i annan pli gro problenm pou non rezidan ganny akse avek bann syez lo avyon.

Konsernan kontrol i annan en Board ki annan 4 Seselwa ki reprezant Gouvernman Sesel lo sa Board.

E Board tre prosennman nou pou re vwar li pou nou apwent nouvo dimoun lo la, dan e fason ki nou ava donn zot bann lenstriksyon kler egzakteman ki bann lekspektasyon ki Gouvernman i annan e kwa ki zot sipoze fer.

E enn parmi bann keksoz ki zot pou bezwen regarde e fer sir poudir i ganny fer, si sa zafer domestic flight pou fer sir pou ki Seselwa i ganny akse ki mobilite pou sorti Praslin pou vin Mahe, Mahe/Praslin i nepli en issue.  

Konsernan Kontra nou’n aprann i annan plizyer diskisyon ki’n arive avan ki mwan mon’n antre dan Minister e ankor mon pe esper sa nouvo Board antre, nou ava diskit avek sa nouvo tim pou gete ki mannyer si i posib pou nou re vwar Kontra.  E si wi ki mannyer ki nou pou fer li, ki prosesis e ki dele letan ki pou nou fer sir sa zafer i ganny adrese enn fwa pour tou si i posib pou le moman.

Konsernan desizyon Cabinet mwan mon ti a voudre avoue poudir Cabinet pa’n zanmen aprouve sa zafer sa bann diferan class tiket ki Air Seychelles ti’n met lo son web page.  Annefe mon’n ekrir en let tre for sa CEO mon’n dir li poudir mon tre de satisfe ki i pa’n pran ouswa in ignore desizyon ki Gouvernman ti’n pran e ki’n in ale in al met en zafer ki pa pe in line avek bann shareholders desizyon ki’n pran.

Annefe mon ti’n ekrir Chairman akoz mwan mon link direk avek Air Seychelles e son Chair e annefe yer dan prezans PS isi in apologise pou lefe ki i pa’n swiv lenstriksyon ki i ti’n gannyen.  E mon’n dir li ankor mon’n fer li rapel poudir i bezwen swiv bann desizyon ki Gouvernman i pran.

Konsernan lopinyon en dimoun whether Air Seychelles pe desann ouswa non mon krwar i annan en kantite airline ki ozordi i dan problenm.  Air Kenya li menm i dan problenm.  I annan en kantite airline ki mon konnen i dan difikilte e nou ava vwar.

Mon krwar i annan en kantite lenkyetid e i normal poudir i annan serten lenkyetid lo kondisyon finansyel Air Seychelles e ki nou  tou konman Seselwa ki fyer, nou annan nou airline, nou devret santi nou konsernen avek sa sityasyon ki i ladan e Air Seychelles i annan en plan pou li, i annan en plan 5an ki’n fini ganny devlope, in ganny met an plas e mon’n demann zot poudir tou le 6mwan zot pou bezwen donn en kont randi avek Cabinet me osi ler mon ti vin isi nou ti diskite ki zot  vin isi dan Lasanble e si posib nou ti ava fer  sa parey nou dir an Angle behind closed doors akoz i annan en pe bann figures ki nou pa ti a voudre i dan la porte tou dimoun.

Alor i pou bezwen annan en kont randi ki pou bezwen marse avek Air Seychelles pandan bann peryod ki pe vini ki dan en fason nou tou nou kapab satisfe nou pou dir keksoz i pe bouz dan bon semen.

Avek sa mon a remersi tou bann Onorab pou zot kestyon e osi Deputy Speaker.  Mersi.

 

MR DEPUTY SPEAKER

Mersi Minis.  Zis mon ti a kontan remind ou ki konsern ki’n ganny leve apre midi, i bann konsern ki tre serye e ou’n donn sa lasirans avek sa Lasanble ki ou pou rod sa bann lenformasyon e ou’n osi mansyonnen ki ou pou esper management team, retournen pou ou kapab koz ek zot pou kapab konpran en pe plis lo sa Kontra.   Zis pour mwan remind ou ki Kontra e desizyon lo Kontra se pa management team ki deside, se aksyonner lakonpannyen savedir se sa 40poursan e sa 60poursan ki Gouvernman Sesel; savedir se Konsey de Minis ki bezwen pran responsabilite pou en gran parti pou sa ki arive.  Parske se zot ki siny sa Shareholders Agreement i pa en Board decision sa.

Se Shareholders Agreement alor avek sa Minis mon kit sa dan ou lanmen.  Sa Lasanble i kit sa dan ou lanmen pou ou kapab deside ki direksyon nou pou ale, pou ki sa bann konsern ki’n ganny leve ozordi apre midi, i ganny adrese, ki Seselwa i ganny en tarif akseptab e a bann frekans ki neseser.

Avek sa mon remersye ou Minis e PS Albert e nou ava eskiz zot.

 

(MINISTER DOGLEY AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon nou pou kontinyen avek nou travay lo No.7 Kestyon Irzan,  nou dernyen Minis ki pou vin dan Lasanble se Minis Wallace Cosgrow pou li reponn en Kestyon Dirzans ki’n ganny poze par Onorab Churchill Gill. Alor mon ti a demann Clerk pou silvouple apel Minis Cosgrow.  Minis Cosgrow pou ganny akonpannyen par son Sekreter Prensipal pou Lenerzi, Sanzman Klima Mr Wills Agricole, Deputy Chief Executive Officer pou LWMA – Landscape and Waste Management Agency Mr Raoul Mangroo.  E en Project Officer Mr Jean Claude Labrosse.  Nou osi annan Mr Flavien Joubert ki CEO LWMA.

Bonn apre midi Minis e ou delegasyon. Mon ti a kontan demann Manm pou Baie Ste Anne Praslin Onorab Gill pou prezant son Kestyon Dirzans.

 

HON CHURCHILL GILL

Mersi Mr Speaker.  Bonn apre midi Minis ek ou delegasyon.  Kestyon i konm swivan.

Eski Minis pou Lanvironnman Lenerzi e Sanzman Klima i kapab eksplik sa Lasanble, akoz ki sa formil pou donn bann Kontra Semen, Lans ek Lanmar pa pe ganny swiv parey inisyalman ti’n ganny agree; kot mazorite dimoun ava benefisye apre ki prosedir neseser in ganny fer ?

(b) dan ki dele letan son Minister pou kapab reviz formil avek bi asire ki lobzektif inisyal i ganny akonpli?

(c) ki sistenm evalyasyon ki’n ganny aplike pou asire ki bann dimoun ki ganny Kontra i annan kapasite finansyel e abilite pou anploy plizyer travayer, avek bi asire lefikasite egzekisyon tou bann Kontra.  Mersi.

 

MR DEPUTY SPEAKER

Mersi Onorab Gill.  Minis ou annan laparol.

 

MINISTER WALLACE COSGROW

Mersi Mr Speaker.  Mr Speaker Leader Zafer Gouvernman dan Lasanble, Leader Lopozisyon, Manm Onorab, tou dimoun ki pe ekoute bonn apre midi.

Mr Speaker larepons Onorab Gill i konm swivan.  Apre ki nou’n analiz kestyon Onorab Gill, nou’n konpran ki i pe fer referans avek lakantite Kontra ki pou disponib pou bann dimoun ki pe pran par dan sa Tender Netwayaz.

Mr Speaker mon le reasir sa Lasanble ki sa la kantite Kontra in ogmante konpare avek la konmela.

Dan kategori 1 ki konpri netwayaz semen, bin, bin site, bus shelter – lakantite Kontra in ogmante sorti 141 pou vin 202.

Dan kategori 3 ki konpri Netwayaz Larivyer ek Lanmar lakantite Kontra in ogmante sorti 14 pou ariv 30.

E pou Netwayaz Lans lakantite Kontra in ogmante sorti 44 pou vin 58.  An total 395 Kontra pou lo tender ki enkli kategori 2 e kategori 4 ki mon pa’n mansyonnen konpare avek 290 a ler aktyel.  Sa kategori 2 ek 4 mon pa’n mansyonnen akoz i konsern Netwayaz Lopital ek Lekol avek Lanbelisman ki part of it pa tonm anba neseserman anba Lazans LWMA.

Sa in ganny fer pou ki i annan loportinite pou plis dimoun annan en Kontra parey Onorab in fer resorti dan son kestyon.

Mr Speaker i annan plizyer rezon pou sa logmantasyon dan lakantite Kontra.  Premyerman i annan bann nouvo larivyer, lans e semen ki’n ganny enkli.

Dezyenmman nou’n kas bann landrwa ki ti tro gran anba en pti morso e sa i ava permet en travay de kalite e osi pri kontrakter i kapab delivre dapre son Kontra.

Parey mon’n fek fer resorti …atraver sa tender pe ganny swiv dapre sa ki ti’n ganny agree oparavan, kot bokou plis dimoun ava benefisye avek sa nouvo metod.

Dezyenm kestyon Mr Speaker si i permet pou mwan al lo dezyenm kestyon.

Mr Speaker nou pa krwar i neseser e nou pa pe anvizaze sanz sa formil pou semen, bin site, bus shelter ek lans, akoz sa lobzektif inisyal ki Onorab pe mansyonnen in ganny akonpli par sa ogmantasyon dan lakantite Kontra an zeneral.

Par kont apre konsiltasyon adisyonnel ek Lotorite Distrik, Departman Lenerzi ek Sanzman Klima in vwar li neseser pou reviz lakantite Kontra pou netwayaz larivyer ek lanmar avek bi pou adres konsern e bann bezwen bann distrik.

Sa Departman in propoz ankor 29 Kontra adisyonnel par lao sa 30 ki mon’n mansyonnen dan repons premye kestyon. Sa propozisyon i deza an diskisyon avek Minister Finans akoz i bezwen ganny finanse e si i ganny aprouve i pou annan en total 59 Kontra pou netwayaz larivyer ek lanmar.

Si i neseser provizyon pou ganny fer pou bouz dat soumisyon, dokiman, tender pou ki i annan ase letan pou fer bann sanzman mazer.

E repons Mr Speaker pou ou trwazyenm kestyon, evalyasyon sa tender pou ganny fer par en lot Komite ki pou  ganny apwente par Procurement Oversight Unit e ki pou endepandan e Komite taskforce .Evalyasyon pou ganny fer dapre kriter ki’n ganny mete dan dokiman Tender ki kontrakter in aste.

Kriter i swiv sa ki Procurement Act i preskrir ensi ki kriter adisyonnel ki spesifik par kategori.  Dan meeting tou kontrakter, prezan ti ganny eksplike kwa ki zot bezwen annan pou zer sa Kontra e sa i pou diferan pou sak kategori.  Taskforce i rekonnet ki kapasite kontrakter i bezwen ganny ranforsi sirtou lo kote zesyon en biznes lo laspe finansyel, resours ek mendev.

Pou sa rezon i annan en seri lantrennman, ki pe ganny organize menm avan ki dokiman Tender i ganny soumet e osi apre Kontra in ganny sinyen pou asir lefikasite egzekisyon tou bann Kontra, prop sistenm sipervizyon ek evalyasyon performans pandan dirasyon Kontra.  Par lao sa, POU in etabli en Contract Monitoring Policy ki pou ganny administre par Minister Finans pou asir liniformite dan sipervizyon performans kontrakter.  Mersi Mr Speaker.  Sa i mon larepons pou sa trwa kestyon Onorab in poz mwan.  Mersi.

 

MR DEPUTY SPEAKER

Mersi Minis. Onorab Gill.

 

HON CHURCHILL GILL

Minis mon rekonnet ki lakantite Kontra in ganny ogmante, me selman mannyer in ganny tender i pa’n tender pa lakantite endividyelman, in ganny tender in group par zone apre in tender.

Ler ou tender par zone savedir en dimoun i bezwen fer son tender any landrwa par sa zone, me selman ler ou al par sa zone ou al par pran en group semen ou pa al pa dan endividyel parey la ou pe dir lakantite ki’n ogmante.

Savedir i fer ki menm si nou dir bokou dimoun pou benefisye a lafen di zour i pa pou le ka. Alors nou ti a kontan ganny en leksplikasyon lo la akoz ki i ganny tender par zone menm si ou annan lakantite Kontra in ogmante?  Pardon, lakantite semen, lans in ogmante.

 

MR DEPUTY SPEAKER

Mersi onorab Gill.  Minis.

 

MINISTER WALLACE COSGROW

Ok, Mr Speaker, Onorab.  Sa ki mon konpran poudir dan tou bann lots tenders ki annan, ki kouver tou sa bann areas ki an mazorite ki bezwen ganny netwaye.  Me par kont ler ou pe get serten bann pti zone si ou kapab met li koumsa, i annan ki ti petet tro pti pou kapab annan en Kontra ki vyab e ki pou permet ki sa kontrakter i ganny en Kontra ki fer sans.

Alors letan nou’n batch up bann lot Lazans in vwar li neseser ki nou fer bann lots ki realistik e ki kapab kouver en zistans par egzanp si ou pe fer semen, en zistans ki realistik e ki demen sa kontrakter i pou annan ase louvraz pou fer, diran le mwan.

Akoz otherwise ou pou annan kontrakter ki annan li en pti bout semen e i pou napa gran zafer pou fer.  On average aktyel nou annan nou – (en moman en) – On average la par egzanp Mahe nou annan par kontrakter 8 par 10 kilomet en Kontra.

Nou pe propoze ki i kout 4 a 5.  So i deza – nou’n kas bann lot en pe pli pti, me selman nou pa kapab al lo bann lot ki bokou pli pti ki sa akoz ekonomikman i pa fer sans pou sa kontrakter, pou sa Lazans ki pe zer sa bann  Kontra akoz i vin en ta pti Kontra partou, e i difisil pou Lazans zere.

So nou bezwen annan en mekanizm ki pratik e ki asire ki i osi maximum dimoun i partisip dan Kontra i ganny sans ganny awarded en Kontra.  So dan sa laliny Onorab ki ou vwar li i koumsa. Mersi.

 

MR DEPUTY SPEAKER

Mersi.  Onorab Adelaide.

 

HON FRANCOIS ADELAIDE

Mersi Mr Speaker.  Bonn apre midi a tous.  Minis i annan en konsern ki bokou dimoun pe telefonn mwan e zot ti anvi en leklersisman lo la.  Se ki i annan kontrakter ki dir in annan en problenm konsernan ler vizit e venue vizit.  Aparaman in annan en tronpri ki’n arive e bann Kontrakter zot in santi poudir zot pa’n ganny en fair deal lo kote zot Kontra, akoz zot pa’n ganny sans partisipe pou zot kapab ganny zot sans zot osi.  Petet mon ti a kontan ou klarifye en pti gin lo kote sa petet sa konfizyon ki pe arive.  Mersi.

 

MR DEPUTY SPEAKER

Mersi Onorab Adelaide.  Minis.

 

MINISTER WALLACE COSGROW

Ok.  Mersi Mr Speaker.  Mersi Onorab.  Onorab sa ki mon ganny en konpran i poudir tou kontrakter or tou dimoun ki ti a swete antre dan sa prosedir tender zot in ganny zot en dokiman e dokiman ladan i detaye tou bann ler vizit, ke ler kan, ki zour, ki dat i ganny detaye ladan.

So si sa dimoun ki pe vin rod sa tender i anvi partisipe i lir byen son dokiman i pou vwar ke ler ki i sipoze pe vin sa bann vizit.

E mazorite dimoun an mazorite dimoun in satisfe ki zot in ale zot in vizite petet kekfwa i annan enn de, me selman tou ler, tou dat ti dan sa dokiman ki ti ganny donnen avek tou dimoun, sa dokiman pou ou vin aste pou ou tender.

Mon konpran ki ti annan serten konfizyon avek larivyer me selman sa pe ganny revwar pou refer.

So sa nou ava pran responsabilite revwar refer vizit.  Solman i ti dan dokiman e i enportan ki dimoun i lir zot dokiman ler zot pran.  Mersi.

 

MR DEPUTY SPEAKER

Mersi Minis. Onorab Jany De Letourdie.

 

 HON JANY DE LETOURDIE

Mersi Mr Speaker.  Bon apre midi tou dimoun.  Minis mon pou eksplik ou mon kestyon parey mon pou al eksplik ou la pou fer mwan konpran mon’n tann ou nonm 8 a 10 kilomet.  Par egzanp eksplik mwan depi kot Lekol Francaise ziska kot Airport ki mannyer ou pe klasifye li, i vin en zone en sit e konbyen dimoun i kapab gannyen pou travay la  dan sa span ki mon’n nonm ou.  Lekol Francaise ziska kot Airport.

 

MR DEPUTY SPEAKER

Mersi.  Minis.

 

MINISTER WALLACE COSGROW

Ok. Mersi Mr Speaker.  Mersi Onorab.  Onorab par egzanp sa area kot ou’n nonm mwan la en i tonm dan Kontra beautification si mon konpran byen so i en diferan modalite.

Me solman pou le moman bann longer semen ti ganny kase prensipalman par zot spesifisite.  Par egzanp kantite difikilte i annan kantite zistans i annan ek semen avek sa lot bout ki par kote semen e ki kantite travay i annan pou fer lo sa bann mors semen.

So baze lo sa bann diferan difikilte ki annan lo semen Kontra ti ganny baze koumsa.  I annan landrwa kot semen i en pti pe pli gran. I annan landrwa kot semen i en pti pe pli pti me baze lo spesifisite sa semen, ok.  E se sa ki Kontra ti ganny kase.  Koumsa ki Kontra ti ganny organize.

 

MR DEPUTY SPEAKER

Klarifikasyon. Onorab De Letourdie.

 

HON JANY DE LETOURDIE

Minis ou kapab donn mwan en nide apepre sa ki ou’n eksplik mwan la konbyen kontrakter i kapab – konbyen dimoun i kapab gannyen pou travay la.  Zis enn oubyen de kontrakter oubyen 3 kontrakter?

 

MR DEPUTY SPEAKER

Minis.

 

MINISTER WALLACE COSGROW

Konmsi ou pe dir mwan lo sa stretch, sa stretch semen la en?  An partikilye sa stretch semen.  Ok.  So mon’n ganny en konpran akoz i annan en kontrakter from Maison du Peuple roundabout la ziska kot round about Roche Caiman.  En kontrakter la okOk from roundabout to premye pon apre from pon to lot pon.  The main  bridge ki lo semen Roche Caiman an montan ziska Providence.  I fer 1, 2, 3.  Non i fer 3 kontrakter from L’Alliance Francaise ziska Roche Caiman, Roche Caiman ziska kot pon, from pon ziska lot pon i fer 3, apre nou annan – ok from Maison Du Peuple ziska Airport pou annan 7.  7 an tou.  Ok?

 

MR DEPUTY SPEAKER

Mersi.  Onorab Jude Valmont.

 

HON JUDE VALMONT

Mersi Mr Speaker.  Bonn apre midi.  Bonn apre midi Minis e ou delegasyon, tou koleg Onorab e tou ki pe swiv nou.  Minis following ou larepons mon’n tann ou mansyonn lantrennman pou staff lo kote supervisory.  Me mwan mon’n ganny sans enterakte avek en pe nou bann pti kontrakter depi ler tender in ganny fer.

Zot in met a mon latansyon ki zot in ganny manual apepre lala groser zot pe dir en Labib.  Ou konnen i annan detrwa ki petet i en pti pe difisil pou zot swiv alors mon’n demande si i annan okenn oriyantasyon ki’n ganny fer pou bann ki’n kalifye pou tender bann nouvo e bann ansyen ki’n deza la pou zot nobou lir sa dokiman pou zot vin on time avek zot – pou submit zot tender, mon krwar ti pou by le 3 Out or le 15.

Sa enn.  E Minis mwan mon ti a kontan ganny en rate lo Kontra, parey si lo pri, parey si ou dir en semen kilomet konbyen zot pe peye si an ka i annan sa.  Ou a klersi sa pou mwan apre mon ti a voudre en pti pe klarifikasyon lo prosedir appeal.  Konbyen ki’n fer appeal?  Konbyen dimoun ki’n fer appeal ki’n kalifye e konbyen zot in gannyen pou fer sa appeal?  Mersi.

 

MR DEPUTY SPEAKER

Mersi Onorab Valmont.   Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab an term tender documents son groser son konpleksite, nou pou annan serten training ki pou ganny donnen apre.

SCCI i deza pe fer serten training.  SCCI in partner Gouvernman dan en sans kot zot pe ofer en serten training pou bann dimoun ki vwar li difisil pou zot kapab ranpli zot dokiman tender.  Me solman nou, nou pou fer serten training apre ankor dan 2 semenn.   Ok?

So pou annan serten led ki pou ganny donnen pou anpli sa bann dokiman.  Onorab kot i konsern rate ou a dakor avek mwan ki poudir nou dan en tender process la nou pa kapab devwal okenn rate, akoz nou pa anvi jeopardize the whole system tender.

Dernyen kestyon ti about appealAppeal pou antre pou kick-in ler dimoun i fini submit in ganny donnen la ki appeal i antre.  La ki the appeal mechanism i antre.

An se moman la zot dokiman zot obzerve, zot pe gete e the tendering process i komans le 18 Zilyet ziska le 10 Out.  So this is the peryod, submission; submission of documents savedir.  Sorry.

 

MR DEPUTY SPEAKER

En klarifikasyon, Onorab Valmont.

 

HON JUDE VALMONT

Mersi Mr Speaker petet mon aksepte mon pa’n kler lo sa trwazyenm kestyon.  I pa appeal pou sa tender me selman bann ki ti’n ou rapel ti annan sa prosedir sa prosedir kalifikasyon la pou bann ki pa ti’n kalifye.  Konbyen bann ki ti’n fer appeal e konbyen letan zot ti’n gannyen?  Mersi.

 

MR DEPUTY SPEAKER

Minis.

 

MINISTER WALLACE COSGROW

Ok.  Onorab si mon’n ganny ou kestyon byen ou pe koz lo bann prosedir depi avan ou? Ouswa bann dimoun ki’n ganny diskalifye pou partisip dan sa prosesis la? Bann ki’n ganny diskalifye la en? Bann ki ganny diskalifye an tou, an tou nou annan 65 dimoun lakonpannyen ki reprezant apepre 4.3poursan of total dimoun ki’n vini pou bin.  Ok, so zis 5 ladan ki’n appeal.  Zis 5 ki’n appeal ladan.  Mazorite sorry Mr Speaker mazorite 95.7poursan dimoun in al dan next round.  Mersi Mr Speaker.  Sorry.

 

MR DEPUTY SPEAKER

Mersi Minis. Onorab Gervais Henrie.

 

HON GERVAIS HENRIE

Mersi Mr Speaker.  Bon apre midi tou dimoun.  Mon ti anvi Minis i donn mon detrwa sif pou larepons mon kestyon.  Premyerman in mansyonnen pou annan 395 Kontra total, donk sa i pou kout konbyen an term Bidze pou pey sa bann Kontra?

Konbyen job ou Minister pe anvizaze ek sa bann Kontra i generate parmi popilasyon travayer Seselwa?  E apre si sa bann peyman Kontra pou pran kont Trezyenm Mwan Saler pou sa bann dimoun ki pou travay?  So sa i mon premye kestyon.

Dezyenm kestyon pou benefis bann dimoun dan distrik, pou benefis bann dimoun dan distrik, eski zot pou kapab ganny lenformasyon poudir dan Mont Buxton lala bann dimoun ki’n ganny Kontra?  ki en mannyer si dan zot zone i sal, i annan problenm, zot pa tay deryer mwan konman MNA, zot pa tay deryer DA zot kapab take up sa problenm avek sa kontrakter pou dir ou pa pe fer ou travay ou sipoze netway la dan mon zone. Mersi bokou.

 

MR DEPUTY SPEAKER

Mersi Onorab.  Minis.

 

MINISTER WALLACE COSGROW

Ok.  Mersi Mr Speaker.  Mersi Onorab.  Wi mon’n konfirmen poudir  i annan 395 Kontra ki pou ganny allocate ki en ogmantasyon.  Kontra pou pran kont definitivman akoz dan tender document, dan bann dokiman ki zot in anmase i dir zot tou keksoz ki mannyer zot pou formil zot bid.

I enkli Trezyenm Mwan Saler ladan. Anybody ki vin anvoy en bid devan i pou bezwen factor-in serten keksoz enkli Trezyenm Mwan Saler.  So son bid pou take care of sa.  Konbyen i pou kout Gouvernman Bidze zis pou Mahe nou pe koz lo – sa bin sites sa zis bin site.  Zis lo Mahe bin sites par egzanp nou pe estimen apepre R11milyon R11.2 ekek milyon.  

Ok mon ava donn ou an zeneral sorry mon ti’n ganny papye bin site.  Non bin site R11.2milyon.   District road cleaning R66.1milyon, pou beach cleaning R13.9milyon ki tonm – marsh and rivers ki tonm apepre R13.5 milyon.

So zot ava kapab azout tousala en pti pe ou a gete ki kantite signifikan ki i pou ete the whole cleaning Contract an zeneral.

Nou pe anvizaze ki i riske ogmant en pti pe plis; par egzanp ler nou pe get lo marshes and rivers kot nou pe dir nou pe ogmant ankor from pou ariv 59 lots altogether.  

So nou pe anvizaze ki sa i pou ogmante.  E sa ogmantasyon i senpleman en pti pe sanzman dan cost of living, pri elektrisite, dimoun i bezwen transportasyon – (pa elektrisite sorry) pri fuel transportasyon e sa dimoun osi saler, Trezyenm Mwan Saler.  

So i pou annan serten definitivman serten ogmantasyon konpare avek avan.  So se sa ki nou pe anvizaze e nou pe hope ki sa sonm ki nou vin avek dan Bidze Lasanble i ava donn nou en sipor lo la.  Mersi Mr Speaker.  Mon krwar mon’n reponn tou non? Ok.

Nou pa’n estimate konbyen apepre kantite job pou kree me nou pe hope ki bann kontrakter ki ganny Kontra – e se pou sa rezon ki nou pa krwar i devret annan bann ti pti lots kot petet napa loportinite pou kree job pou bann lezot dimoun dan distrik, dan kominote. I enportan ki son lots i significant ki sa dimoun ava anploy enn de dimoun i a kapab met dan sa Kontra pou fer sa louvraz.

Me selman an se moman nou pa’n fer kalkilasyon lo ki kantite job pou kree, nou’n ekspekte ki i annan serten job creation dan sa legzersis. Otomatikman si Kontra i ogmante i bezwen annan serten job creation dan sa legzersis.

 

(Mic Off)

 

MINISTER WALLACE COSGROW

Ar ok.  (Sorry mon’n mank sa pti bout) Sa pou ganny pibliye e dimoun pou konnen dan distrik lekel ki pe operate ki Kontra.  So sa it will become public akoz it’s a public exercise.

 

MR DEPUTY SPEAKER

Mersi Minis.  Onorab Leader Lopozisyon Ramkalawan.

 

HON WAVEL RAMKALAWAN

Yes. Mersi bokou Mr Speaker.  Bonn apre midi Minis ek ou delegasyon.  Mr Speaker mon annan de kestyon ki sipoze ase senp.  Premye kestyon letan ou pe dir nou ki anviron 4poursan bann dimoun in ganny diskalifye, si ou ti kapab donn nou bann rezon akoz zot in ganny diskalifye?

E dezyenmman lafason ki zot pe fer sa travay la, eski zot santi ki i pou vreman benefisye bann pti biznes oubyen, eski lafason ki zot in kas sa bann zone, parski ki mannyer mon ganny en konpran i annan sanzman i pou plito benefisye bann mwayen biznes e ki bann ki vreman ti pti ki ti sipoze pe tonm dan a kategori biznes ki vreman benefisye ,zot pou trouv zot dan en dezavantaz e ki finalman zot pa pou kapab ganny sa bann Kontra, akoz si ou pe fer konman en pti bines kekfwa sa dimoun i li tousel i koup son, i netway son morso ki i annan.

Me tandis ki la sa mon anvi leklersisman, ki i pou bezwen trouv li pe al anploy lezot dimoun pou ed li pou kouver sa zone e ki sa dan li menm li i pou vin en dezavantaz pou li.  Mersi bokou.

 

MR DEPUTY SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab. Onorab enn bann kriter ki Gouvernman ti fer kler initially ler ti pe lans sa bann tender ti dir okenn dimoun ki lo payroll Gouvernman savedir si ou dan en Minister, Departman ouswa en Lazans ou pa ganny drwa partisip dan sa bann tender.  

So se sa mazorite diskalifikasyon bann dimoun ki ti apply so apard sa bann dimoun ki ti deor ti kapab freely partisipe. I annan 95.5% i bann dimoun an deor ki’n partisipe was dan prive swa dimoun ki santi i anvi resign dan en lanplwa i anvi antre dan en pti biznes prive so this is the category.

Lo kote dezavantaze mon pa vwar bann pti kontrakter ganny dezavantaze akoz zisteman an adisyon avek bann main kriter ki Procurement Unit i mete pou bann Kontra dan sa bann nou’n azout detrwa kriter ankor ki pou sey met plis bann pti kontrakter ladan.

Par egzanp mon a dir ou sa dimoun pou nou sey limit li dan lokalite, sa dimoun i bezwen reside in the same region ki i pe tender.  Ok savedir nou sey limit en pti pe dimoun pou en dimoun pa sorti en landrwa vin tender dan ou distrik.

Sa dimoun pa kapab en dimoun ki possess en License 1, 2, 3.  Annan Construction License 1, 2, 3 savedir bann kontrakter ki en pti pe eleve.  Ok.  Sa dimoun pa kapab anploye dan public service.

Ok savedir i pa kapab en dimoun ki deza involve dan en cleaning service; example solid waste, liquid collection, recycling.

Savedir ankor la nou tir bann nouvo kontrakter ki deza en pti pe dan sa domenn. Apre i bezwen 100% Seychellois owned business i pa kapab en etranze i bezwen Seselwa.

So nou sey limit en pti pe involvement bann gro lakonpannyen ladan.  Me solman Onorab mon pa krwar i – mwan mon krwar sa ki nou, nou pe rode at the end of the day e ki mon krwar Lasanble pou dakor avek mwan, se ki nou pe rod valer pou larzan.

Ou annan en Kontra nou pa kapab ganny medyokrite. Nou bezwen annan bann Kontra kot dimoun i delivre e pou sa nou bezwen annan nou bann lots ki akseptab ki vyab e ki dimoun i pran li konman en biznes.

Konmsi sa i pa zis en zafer aside sa i en biznes.  E si ou pe antre dan biznes ou bezwen serye e nou tou nou konplent nou vwar serten landrwa i sal, nou anvi ki landrwa i ganny netwaye i ganny maintain so nou bezwen dimoun ki antre ladan e ki kree enn ou de job parey Onorab Henrie in dir, e fer sa zafer bouze dan distrik.   E nou anvi vwar nou distrik, lo bor semen partou, nou bin sites mon krwar nou annan en lekip la kot LWMA ki solid e ki anvi vwar keksoz bouze so nou pou – se sa ki nou anvi vwar.

Ok, wi parey nou konnen this is being funded anba Fon Taxpayers Gouvernman e nou bezwen vwar sa bon travay ki Gouvernman i demande e menm Lasanble osi i scrutinize i demande. 

So se sa ki mwan mon krwar ki poudir i enportan nou annan sa bann grander lots i enportan ki i ganny taken care parey en biznes e i enportan ki dimoun i delivre sansan, nou pou dan problenm.  Mersi.

 

MR DEPUTY SPEAKER

Mersi Minis.  Onorab Ramkalawan, klarifikasyon.

 

HON WAVEL RAMKALAWAN

Mr Speaker eski Minis i kapab, zis pou mon ganny li kler dan mon lespri.  Par egzanp la ou’n mansyonnen ki from roundabout Le Chantier ziska lo Airport i pou annan 7. Eski ou kapab dir avek nou dan zot bann laranzman avan konbyen ki mannyer zot in diviz li parske sa konmsi i pou ed mwan pou mon kapab ed en lot dimoun pou li kapab re balans son timing – konmdi koze.

 

MINISTER WALLACE COSGROW

Mersi Mr Speaker.  Mersi Onorab.  Onorab mon krwar is not the best example akoz lo sa strip semen i en melanz landscaping avek en pti pe netwayaz

So sanmenm sa ki ou vwar lo sa strip semen i annan 7 dimoun.  Akoz i annan additional louvraz pou fer lo sa strip semen.  So me solman pou le moman i annan 7 e nou pe anvizaze dan le fitir i reste parey.  I annan 7 dimoun menm.  Ou konpran?  So sa semen i en pti pe difisil pou eksplike akoz i pa zis en louvraz netwaye i en louvraz landscaping as well.

 

MR DEPUTY SPEAKER

Mersi Minis.  Onorab Paul Ernesta.

 

HON PAUL ERNESTA

Mersi Mr Speaker.  Minis bonn apre midi e tou koleg Onorab bonn apre midi.  Minis mon rekonnet e apresye si oule logmantasyon ki nou’n vwar dan lakantite Kontra ki nou annan pou netwayaz.  An menm tan i annan serten konsern ki i annan bann serten landrwa si oule ase frekante par egzanp lo bann lans ki pa’n ganny konsidere pou netwayaz, eski Minis i kapab eksplike akoz sa bann tel sityasyon?

 

MR DEPUTY SPEAKER

Mersi Onorab.  Minis.  Onorab Ernesta eski ou’n spesifye dan ou distrik oubyen ….

 

HON PAUL ERNESTA

Ok Mr Speaker mon kapab spesifye dan mon distrik an partikilye, par egzanp L’Intendance, Anse Marie Louise bann landrwa ki ase frekante me napa dimoun lo la.  Mersi.

 

MR DEPUTY SPEAKER

Mersi.  Minis.

 

MINISTER WALLACE COSGROW

Mersi Mr Speaker.  Onorab mersi.  Onorab sa ki mon konpran se ki mazorite bann lans frekante in ganny kouver me solman i annan posibilite apre pou nou kapab re aziste baze lo letan tender in fini ganny allocate.

Re aziste, re anvoy en lot round interest pou gete pou nou kapab kouver sa bann landrwa akoz ou bezwen realize poudir mon’n fek dir la kantite larzan ki koute pou kapab rann sa servis.

So enn bann kontrent ki nou annan se larzan.  So nou bezwen zwe avek en Bidze ki signifikan, me solman ki osi tight pou nou kapab kouver lamazorite landrwa.

Me solman si i annan ka spesifik parey nou’n fer avek larivyer lanmar nou kapab vizite, avek lans partou nou kapab vizite gete e ansanm ek distrik nou ava tonm lo en Lagreman dan lefitir ki mannyer nou pou travay lo la. Mersi.

 

MR DEPUTY SPEAKER

Mersi Minis.  Mon ava permet Onorab Gill dernyen kestyon.

 

HON CHURCHILL GILL

Mersi Mr Speaker.  Finalman dan bann lezot entervansyon Minis in konfirmen sa ki mon ti pe dir li akoz, mon a donn en senp legzanp, si ou dir dan en distrik i annan 9 slots savedir i annan 9 kontrakter ki pou gannyen.  I korek sa?  Prezan sa bann kontrakter – i korek sa?  Selman nou, nou dir nou’n ogmante pou plis dimoun benefisye.

Prezan sa bann kontrakter ki pou ganny sa ou kapab mazinen poudir sa bann dimoun ki deza pe travay la ki deza la i annan sa bann dimoun napa kapasite sanmenm sa dan mon kestyon mon’n mansyonnen.

I annan bann dimoun ki napa kapasite pou zot manage en tim me solman zot kapab netwaye.  So akoz dan plas ou fer koumsa petet nou ti a pran bann slot ki nou santi sa nou ti a partaz en pe sa 8,9 slots, ou a pran ou 4 slots apre lezot ou partaz ek lezot bann dimoun ki pa kapab manage bann dimoun.

Akoz sa bann dimoun zot lekspektasyon in monte ler tousala in vini.  Zot in ekspekte zot pe ganny keksoz be la zot pa pe gannyen.  E prezan en lot keksoz, nou pe kree sityasyon kot si bann dimoun pa kapab napa kapasite pou fer sa, natirelman bann dimoun ki ou pe dir nou pe sey eksklir zot bann kontrakter ki annan kapasite e zot pou antre. So alors se sa rezon det mon kestyon pou nou kapab fer mannyer ki pa zis 9 dimoun ki ganny Kontra, me selman oubyen si ou anvi fer slot ou fer en pe slot apre en pe ou large lezot dimoun a benefisye.  Mersi.

 

MR DEPUTY SPEAKER

Mersi Onorab.  Minis.

 

MINISTER WALLACE COSGROW

Ok, mersi Mr Speaker.  Mersi Onorab.  Onorab mon konpran en pti pe kwa ki ou ti pe dir nou orizinalman, me solman mon ti a kontan ki zot osi zot konpran ki poudir nou pa kapab kas bann lot dan bann lot ki pa soutenab.

Nou pa kapab donn en dimoun en longer semen ki i konmans 8er bomaten i fini 9er bomaten, napa gran keksoz pou fer lo la ekonomikman i pa vyab e konman Gouvernman nou pe rod the best value return pou sa larzan ki nou envestir ladan.

So nou bezwen annan en keksoz ki signifikan pou en dimoun kapab partisip ladan.  I pou difisil pou ou annan en lot pou diviz li an detrwa dimoun pou zot kapab, i vin en logistical nightmare pou ou kapab manage tou.  Dizon nou fer sa dan en distrik nou al – nou deza annan 385 mon krwar mon’n dir pou al kas sa bann lots ankor i pou vin en logistical nightmare pou kapab manage tousala.

E i riske pa vin vyab osi pou sa bann dimoun osi.  Operational osi i riske pa vin vyab osi pou sa bann dimoun.  I pou annan li en pti Kontra less than R10mil petet ki plito i al anploye ek en dimoun.

Ou konpran so i bezwen vyab sa Kontra i bezwen en Kontra ki vyab.  Mon hope ou konpran ki mannyer mon pe sey – we are all for bann pti biznes ganny en lot me solman i bezwen en lot ki vyab.  Mersi.

 

MR DEPUTY SPEAKER

Mersi Minis ki mon ti a sizere se petet dan bann ka kot Onorab Gill i konnen kot zot pa pe donn ase Kontra i kapab anmenn sa a latansyon Minis.  E zot kapab diskite sey trouve si dan sa Bidze ki deza la i pa posib pou aranz sa travay en pe.  Mon pa konnen si sa i posib baze lo lareg Tender Board.  Avek sa nou’n ariv – Minis ou ti fer en komanter wi.

 

MINISTER WALLACE COSGROW

Mr Speaker si ou permet mwan en pti kou.  Si par egzanp MNA zot santi i annan serten landrwa apre ki’n ganny tender petet ki nou kapab repase parey nou pe dir pou lans nou kapab repase revwar, si i annan nesesite and then nou kapab annan en lot round konmsi si nou vwar i annan en vre nesesite.

Me solman tousala parey mon’n dir i vin avek en kou finansyel e Gouvernman i bezwen kapab afford sa finansman ki vin avek.  Mersi Mr Speaker.  Mersi.

 

MR DEPUTY SPEAKER

Mon permet last one …loter kestyon.

 

HON CHURCHILL GILL

Zis ma fer Minis konpran poudir i pa pou ogmant kou finansyel li akoz nou pe koz menm kantite Kontra.  Ou konpran mwan.  So savedir i kapab ganny fer.  Prezan zis pou ou larepons ki ou donnen ou dir ou pa kapab donn en dimoun R10mil.  Ozordi i deza annan dimoun pe travay zot pa pe gannyen R10mil.  Mwan mon pe dir ou parey ou pe fer ozordi donn serten dimoun parey.  Se tou ki mon pe demande.  Mersi.

 

MR DEPUTY SPEAKER

Mersi Onorab Gill.  Mon krwar Minis in konpran ou in pare pou regard en pti pe sa sityasyon.  Avek sa nou’n ariv a lafen bann kestyon lo e deba lo sa Kestyon Dirzans.  Mon ti a kontan remersye Minis Cosgrow e son delegasyon, Mr Agricole, Mr Joubert Mr Mangroo, Mr Labrosse e nou ava eskiz zot.

 

(MINISTER COSGROW AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

Bon in ariv 5.06 nou pou adjourn malgre ki nou ankor annan travay lo nou Order Paper, me nou pou kontiny sa demen Merkredi le 4 Zilyet 9er bomaten.

 

(ADJOURNMENT)