Home » Verbatim » 2018 » Verbatim Tuesday 19th June, 2018

Verbatim Tuesday 19th June, 2018

NATIONAL ASSEMBLY OF SEYCHELLES

Tuesday 19th June, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab.  Bonzour tou manm piblik ki a lekout e pe swiv Lasanble Nasyonal.  E mon annan en bonzour spesyal pour nou bann envite ozordi.  Sa se bann zanfan lekol segonder Plaisance.  Zot ganny akonpannyen par Ms Marie-Antoine Bibi e Ms Veronica Laira.  Welcome bann zanfan bomaten parmi nou.  Zot ava swiv Sesyon Lasanble e apre zot annan en progranm ki zot pou swiv avek nou.

E dan Break ler zot pou pran en pti dite avek nou, mon ti a kontan osi tou bann Manm Lasanble pour vin zwenn zot pour kapab enterakt avek zot.

Bon, nou pou, bomaten nou pou konmans nou travay avek premyerman i annan bann Prezantasyon Papye e apre nou pou al direkteman lo nou travay.

Yes Onorab De Commarmond?  Ok, ok.   Annou al lo Prezantasyon bann Papye.  Madanm Clerk.

 

MADAM CLERK

Mersi bokou Mr Speaker.  Bonzour Mr Speaker.  Bonzour tou bann Manm e tou bann manrmay ki anler dan Galeri.  Koman Prezantasyon Papye ozordi nou annan;

S.I 33/2018, Value Added Tax (Amendment of First Schedule) Regulations, 2018,

S.I 34/2018, Excise Tax (Amendment of Schedule 1) Regulations, 2018,

S.I 35/2018, i Customs Management (Tariff and Classification of Goods) (Amendment) Regulations, 2018 and

S.I 36/2018, Employment (Stevedore Conditions of Employment) Regulations, 2018.  Mersi Mr Speaker.

 

MR SPEAKER

Mersi Madanm Clerk.  Yes Onorab De Commarmond?

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour tou Manm Onorab isi prezan e bonzour tou bann, sa en bonzour spesyal Mr Speaker, tou bann zanfan sorti Lekol Plaisance Segonder, e bonzour tou dimoun ki a lekout.

Mr Speaker, premyerman, les mwan felisit lekol Plaisance, akoz zot in fer byen dan atletik ki’n fek pase Dimans.  Me osi lekol Anse Royale avek La Digue e tou lezot lekol ki’n ganny en pri.  Be lekol Plaisance li i spesyal akoz Cascade nou bann zanfan letan i fini, i al segonder, i al Plaisance, en pe al Pointe Larue.  E zot in fer eksepsyonnelman byen, alor nou oule felisit zot.

E taler dan nou Lasanble nou pou koz lo, pou annan bann zafer drog la ki pou vini.  Be nou, nou oule dir ki Gouvernman i devret pran konsyans sa ki’n arive wikenn, dan le sans Sanmdi, zour Sports Nasyonal la, sa bann talan ki nou’n vwar, pour mwan in emerveye, ou ti ansanm avek mwan, obor kanmarad.  E sa bann talan nou dir tyonbo zot, e nou Lasanble i a pare pour donn en koudmen lo, dan le sans pour aprouv Bidze pour kapab tyonbo sa bann zenn, pour fer zot, pour sov zot dan sa bann lefe negativ, sirtou dan sa drog ensidswit.

Be nou annan en hope letan nou get sa bann rezilta, nou annan en hope.  Alor nou oule pas mesaz pour tou bann lekol, spesyalman Plaisance akoz zot la, anmenn sa mesaz kot lekol pour sa.

E an menm tan Mr Speaker, Sanmdi, apre midi kot Lenstiti Kreol ti annan prezantasyon nou Konstitisyon, son versyon Kreol.  E mon konnen ki ou pa ti kapab ale, ou ti dir mwan lefe ki mon laba e ki mon pe ale pour, ti annan en prezantasyon, en kopi pour Lasanble Nasyonal.  E mon ti annan loner dan ou plas pour pran, resevwar sa kopi e kopi i avek mwan la, e mon ti oule met avek ou sa versyon Kreol.

Me zis an pasan, i enportan dir ki nou Konstitisyon byensir, parey la nou’n fek pas dan semenn Konstitisyon e en kantite travay in ganny fer. Nou menm nou, Leader Lopozisyon, ou menm, mwan, Onorab Georges, in partisip dan tou sa bann deba osi ki lezot dimoun.  Pour mwan ti bann keksoz ris e demann ki sorti laba kot Lenstiti Kreol, se ki sa versyon Kreol nou Konstitisyon, i devret anmenn nou lo en lepa pli devan kot i konsern nou Konstitisyon.

Nou Konstitisyon i Lalwa siprenm dan nou pei.  E nou, nou Lasanble, nou nimero 1 pour defann li, pour protez li, pour promot li.  Dayer dan nou serman nou koz lo la.

E an menm tan, li nou Konstitisyon, nou Lasanble i dekol avek li.  Si napa li, nou Lasanble osi i tonbe e nou, nou devret annan en relasyon direk avek li.

E en mesaz ki’n ganny dir se ki, nou bezwen fer ki tou lakour i annan en kopi Konstitisyon.  Pa sa groser ki la me en versyon ki kapab ganny kite dan lakour.  E mon krwar la, nou ti ansanm, Mr Gilbin Sicobo ti’n promet pour li kapab fer en keksoz dan sa direksyon.  Bann dimoun pou pran kontak avek li pour ki nou anmenn sa lo sa nivo.

E prezan i dir dan Lasanble letan nou fer mansyon lo nou Konstitisyon, annou pa koz lo li an vag, be, annou al en pti pe spesifik.  En fason ki, par egzanp, si nou dir Sapit 3, Lartik 4, sepa kwa i koz lo Drwa, Lartik 15 ziska 39, i koz lo Drwa, par egzanp, Drwa Imen, Drwa bann dimoun.

So, ki dan lakour osi, bann dimoun ki pe ekout nou, akoz konmela nou Lasanble i on air, i ava ale, i ava al gete si i pa tro krwar, si i pa tro sir, i ava al rod son kopi son pti Labib, son Konstitisyon vedir, i ava tyeke e la i ava annan en ledikasyon.  E kopi Konstitisyon Kreol osi, i devret al dan tou lekol, dan tou bann landrwa, bann Lenstitisyon Gouvernmantal, bann biro, ensidswit.

Akoz tou dimoun i bezwen konnen ki pe pase, ki annan dan Konstitisyon.

Savedir nou Konstitisyon i devret annan, si oule, sa versyon Kreol, i a permet ki nou a kapab lir li plis, konn li plis pour nou kapab promot li plis e pour nou kapab servi li plis.  Akoz i annan 3 keksoz ki finalman, 3 keksoz enportan ki nou, nou bezwen, se ki nou bezwen ki, pour nou annan respe.  Me pour nou annan respe nou bezwen konnen ki pe dir pour nou kapab partisipe.  Be nou bezwen konnen ki pe dir sa Konstitisyon – enn, e vwala.

Avek tou sa Mr Speaker, i a permet ki nou a kapab viv plis valer nou Konstitisyon e la i ava anmenn nou, si oule dir, en pep pli dan lape, pli toleran e pli ini pour nou kapab afront nouvo challenge ki nou sosyete pe fer avek.

Byento nou Lasanble i ava koz osi, i ava desid osi lo amannman, nevyenm amannman Konstitisyon.  E sa i a donn nou loportinite pour nou revwar zeneralman ankor ki mannyer nou bezwen anmenn sa Konstitisyon lo nivo pou fer li pli, konmsi ariv en lepa pli devan pour li kapab vreman tous nou pep dan tou son profon.

Avek sa Mr Speaker, mon dir ou mersi ki ou’n donn mwan lokazyon pour dir sa 2 mo.  Mon ti ava donn ou, prezant ou, ou kopi nou Konstitisyon.  Mersi.

 

(A Kreol version of the Constitution was handed to Mr Speaker)

 

MR SPEAKER

Mersi Onorab De Commarmond pour, parey ou’n dir, pour reprezant Lasanble Nasyonal avek sa detrwa Manm ki ti prezan e osi tou pour pran en kopi sa Konstitisyon pour nou Lasanble.  Mersi Onorab.

 

HON CHARLES DE COMMARMOND

Mersi Mr Speaker. Onorab Gill pe demann mwan si napa versyon pour zot.  I annan versyon por tou bann parti politik e ki byento Lenstiti Kreol i ava met a laporte tou bann parti politik zisteman pour nou menm nou kapab, sa pozisyon ki a la nou laporte.  Mersi.

 

MR SPEAKER

Mersi Onorab De Commarmond.  Yes, Onorab Ramkalawan?

 

HON WAVEL RAMKALAWAN

Mr Speaker, bonzour e bonzour tou Manm Onorab.  Bonzour tou bann zanfan.  Mwan osi tou mon profite pour felisit bann, tou bann lekol.  Plaisance in fer byen, La Digue in fer byen.  Enn, de lezot in ganny lakoup, felisitasyon!

Mr Speaker, lo sa size Konstitisyon, mon kontan la fason ki Onorab De Commarmond in koze, respe pour Konstitisyon, ensidswit.

E mon enn bann dimoun ki’n toultan respekte Konstitisyon.  E alor, lo nou kote nou pou toultan respekte sa Konstitisyon e fer sir ki pa ariv nanryen pour zet li de kote apre pou nou bezwen al travay lo en nouvo Konstitisyon, sa i ok.

Mr Speaker, zis an relasyon avek sa, mon ti a kontan si ou lofis, parski nou pe koz linite, e i resanble aktivite isi lo Mahé ti enn ki ti, ok, ganny asiste par tou bann dignitaries e ti napa okenn preferans.  Me i resanble ki lo Praslin avek lo La Digue, in pran en lot dimansyon, kot ti’n vin en keksoz en pe pli politik.

E mon ti ava kontan Mr Speaker, si ou lofis ti ava kapab fer bann demars pour nou ganny bann lalis bann dimoun ki’n ganny envite sa 2 aktivite lo Praslin e lo La Digue.  Akoz i resanble ki sete plito en aktivite politik, kot bann dimoun involve dan en serten kote parti politik ki ti’n ganny lenvitasyon.

Mon ti ava kontan si nou ti kapab fer sa pour nou ankor enn fwa koriz okenn keksoz mal ki’n arive pour la prosenn fwa.  Mersi.

 

MR SPEAKER

Mersi Onorab Ramkalawan.  Bon mon ava, mon Lofis ava fer le neseser pour nou regard ladan e klarifye.  Me otan ki mon okouran se, lo mon kote, mon ti’n ganny envite sa 2 aktivite Praslin, me i zis ki mon pa’n kapab make it, mon’n prezant leskiz.  Me nou ava regard pour lezot Manm osi tou.  Me mon anvi zis fer en pti referans avek sa kopi Konstitisyon ki devan nou.

An vi ki detanzantan Lasanble, nou ganny manm piblik ki fer Drwa Repons anba Lartik 102(6), me i pa ladan, malerezman.  Mon pa vwar li ladan.  Mon mazinen zot in kopi sa lo son versyon orizinal, me bann amannman ki’n vini, e nou Lasanble nou konnen nou servi sa 2.  Sa enn dernyen ptipti nwanr i sa enn pli modern.  Be i napa 102(6) ladan, i aret 102(2).  I donn zis sa Drwa Liberte Lekspresyon pour bann Manm, me i pa met sa bout kot manm piblik i annan osi tou sa Drwa Repons.

Anfen mon mazinen i ava annan en prosen edisyon. Yes, Onorab De Commarmond?

 

HON CHARLES DE COMMARMOND

Mr Speaker, nou pa pou ouver deba lo la ditou.  Me mon, ou’n byen note sa bout ki ou pe dir.  Me solman lot fwa letan nou ti ansanm, mwan, ou, Onorab Ramkalawan, Onorab Georges, Onorab Ferrari, Onorab Afif ti la, nou ti tonm dakor dan sa miting la, dan sa symposium, ti annan en pwen ki ti sorti, ki mon krwar ti fer sans, e petet la i ava ede,  se ki nou Konstitisyon osi pou vin online, in annan sa zefor pou fer ki i vin online.  I annan sa zefor pou fer ki i vin online.  E bann amannman oubyen fot ki annan, i ava ganny korize vitman, i ava ganny amande vitman e keksoz i ava, sa versyon online i ava up to date version, version du jour.  Petet sa i ava rezourd sa keksoz.  I kapab annan serten lapsus ladan, bann imen ki’n travay lo la.

 

MR SPEAKER

Mersi Onorab De Commarmond.  Bon, avek sa nou ava envit Minis.  Mon ava demann Parliamentary Reporter.  Wi, ou kapab atir latansyon Minis touzour pour vini.  Leader Lopozisyon ti’n ekri mwan, ti annan en matter of privilege, ok.  Mon ava donn ou laparol Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker, ti annan 2 matter ki mon ti’n ekri ou pour mwan donn nou notis.  Premye matter i konsern Air Seychelles.

        Air Seychelles, semenn pase nou ti annan 2 Minis la dan Lasanble konsernan pri tiket.  E mon rapel mwan menm mwan mon ti demann Minis tre byen pour repete kwa egzakteman ki pou bann fares ki Seselwa pou peye.  Minis ti fer kler ki poudir Seselwa pou pey R550 i si zot fer booking davans.  E si zot pa fer booking davans, me i son lavey oubyen son menm zour, zot pou pey R650.  Petet Mr Speaker, mon a les Minis rantre epi mon ava….

 

MR SPEAKER

Wi.  Les mwan welcome Minis Maurice Loustau-Lalanne, ki Minis responsab pour Finans e Komers.  Minis i la devan nou bomaten dan kapasite koman Minis Finans pour li reponn en kestyon irzan.  Me i annan sa matter of privilege osi ki Onorab Leader Lopozisyon pe leve.  Petet Minis osi ava take note apre i ava donn nou klarifikasyon.  Onorab Ramkalawan.

 

HON WAVEL RAMKALAWAN

Yes Mr Speaker.  Letan, bonzour Minis.  Letan Minis Loustau-Lalanne avek Minis Dogley ti la, nou ti fer kler, zot, zot ti donn nou sa parol swivan, “si en Seselwa i fer son booking davans, i pou pey R550.  Si i fer son booking lavey oubyen menm zour, i pou pey R650”.

Mr Speaker, se pa sa ki pe arive.  Seselwa pe pey, pe ganny demande pour pey R1500 one way pour al Praslin.  E alor mon ti ava kontan ki Gouvernman ek bann Minister konsernen i take sa up akoz sa langazman ki zot in donnen dan Lasanble, i pa sa ki pe arive avek Air Seychelles.  Sa i premye.

Dezyenmman Mr Speaker, e petet si zot bezwen retournen pour vin eklersi sa, mon krwar i pou, i ti ava apropriye pour nou.  Parski nou pa kapab dir en parol dan Lasanble e, se commitment ki zot donnen dan Lasanble ki annan lenportans lo pei.

Semenn pase letan nou pe regard Supplementary Appropriation Motion, ti annan sa size konsernan en loto ki ti apartenir pour Seychelles Children’s Foundation.  E nou ti demann Minister Finans pour donn nou en evalyasyon e efektivman, e la mon ti ava kontan remersye Minister Finans ki’n anvoy en kopi, e atraver Lasanble i vin kot mwan koman Chairperson FPAC.

E dan son evalyasyon, ki mon sir tou bann Manm i ava kapab gannyen, mwan mon santi is mon bezwen raport sa avek Lasanble.  Kot sa evalyasyon ki’n ganny fer le 12 Zen, 2018, i montre ki sa loto, vehicle S14723, ki en i10, son pri orizinal letan i ti ganny aste, ti R213mil, son depresyasyon i R63mil e ki son valer azour apartir le 12 Zen i ti R150mil.  E ki Chairperson, CEO Seychelles Children’s Foundation ti pe sey aste sa loto pour R60mil.

E ki mon krwar ki poudir sa i ase serye e ki si sa bann keksoz i annan bann attempt pour nou kapab devaliz Leta, mon krwar ki nou ekspekte ki Gouvernman i pran aksyon neseser.  E parski sa i pa vreman, i pa bon, i pa en bon pratik.  E nou koman en Lasanble, espesyalman atraver FPAC, nou enterese pour nou met bann pli o standar, pli o pratik dan nou pei.  Mersi bokou Mr Speaker.

 

MR SPEAKER

Mersi Onorab Ramkalawan.  Parey mon’n dir, sirtou lo sa premye pwen, Minis apre a kapab fer nou ganny lenformasyon.  E mon krwar sa dezyenm konsern ou’n fer leve, FPAC i ava take it further avek Minister Finans.  Mersi Onorab.

Ankor enn fwa, Minister Loustau-Lalanne bonzour e welcome parmi nou.  Nou ava al lo Order Paper, Urgent Question.  E mon ava demann Onorab Ferrari pour li poz son kestyon.  Onorab

 

HON JEAN-FRANCOIS FERRARI

Mersi Mr Speaker.  Bonzour Mr Speaker.  Bonzour Minis.  Bonzour tou dimoun, tou bann zanfan lekol.  Mon kestyon i lir koumsa;

Anvi piblikasyon resan lo internet ki en lakonpannyen touris Sud Africain in ganny eksklizivite pou fer biznes touris lo plizyer Zil Elwanye, notaman Alphonse, Astove, Cosmoledo avek Poivre, eski Minis Responsab pour Zil i kapab eksplik sa Lasanble,

(1) Kan e akoz sa desizyon in ganny pran, e pour konbyen lannen sa eksklizivite in ganny donnen?

(2) Konbyen eski Sesel pe benefisye an term reveni pour IDC avek sa laranzman?

3) Eski in annan okenn tender pou permet lezot operater dan sa laliny biznes, espesyalman Seselwa, pour partisip dan sa aktivite?

E nimero (4) Vi ki sa lakonpannyen Blue Safari pe fer piblisite pou lans prive lo sa bann Zil Elwanye, eski IDC i kapab eksplike si Drwa bann peser e lezot dimoun ki anvi debark lo bann Zil Elwanye i ganny afekte?  Mersi.

 

MR SPEAKER

Mersi Onorab Ferrari.  Mon ava pas laparol avek Minis Loustau-Lalanne.  Minister.

 

MINISTER MAURICE LOUSTAU-LALANNE

Mersi Mr Speaker.  Mr Speaker, Leader Lopozisyon, Onorab Ramkalawan, Leader Government Business, Onorab De Commarmond, tou Manm Onorab, bonzour.

Mr Speaker, pour komanse permet mwan met keksoz o kler pour eklersi okenn dout lo sa size.

Napa okenn lakonpannyen Sud Africain ki’n ganny eksklizivite pou fer biznes touristik lo plizyer Zil Elwanye Sesel.  Notaman Alphonse, Astove, Cosmoledo ek Poivre, parey kestyon pe demande.

Sa website ki Onorab pe probableman fer referans avek se bluesafariseychelles.com.  Sa pa en website IDC.  I pa’n partisip dan konteni sa website e i pa ni ti okouran ki sa website i ti lo internet.

IDC in osi dan lepase fer fas avek lezot promoter dan sekter prive, ki vann zot servis lo bann Zil Elwanye, ki zot website osi ti pe donn fo lenformasyon.

E letan i ti aprann sa, IDC ti bezwen entervenir pour fer zot rektifye.  Par kont, sa ki nou okouran se ki Alphonse Fishing Company ek Blue Safari Seychelles se bann trading names ki Alphonse Island Lodge Limited i servi, sirtou pour fer son promosyon.

Alphonse Island Lodge i en lakonpannyen Seselwa e i propriyeter lotel Alphonse.  Sa lotel i annan License pour operate 30 bengalo lo zil Alphonse.

E parmi bann aktivite ki  ofer son bann kliyan i plonze, Snorkling, Big Game Fishing, Fly Fishing, bann eksperyans konservasyon, Bird Watching, eksetera.

ot osi pandan serten semenn pandan lannen ofer bann ekspedisyon Fly Fishing lo serten lezot zil IDC prensipalman Astove, Cosmoledo ek Poivre.

Mr Speaker, pour reponn premye parti kestyon Onorab lo size eksklizivite, sel desizyon eksklizivite ki mon okouran se en Polisi Gouvernman e Polisi IDC pou annan en sel lotel par Zil Elwanye.

a Polisi ti vin an fors pour kapab akonpli sa bann lobzektif swivan.  Pour minimiz lenpak lo lanvironnman, pour diferansye prodwi bann Zil Elwanye Sesel avek son bann konpetiter parey Maldive e sa i fer li inik e diferan.

Pour donn sa destinasyon serten eksklizivite ki neseser pour lotel kapab sarz plis pour son prodwi, lefe ki kou loperasyon lo zil i o akoz son distans; pour minimiz lakantite lasanm lotel me an menm tan pour rann sa letablisman touristik ekonomikman rantab.

Lease ki IDC i annan avek operater lotel lo zil i permet en sel lotel lo zil apard guesthouse ki IDC i manage e ki ganny met a dispozisyon zis Seselwa.

Normalman lease pour devlopman lotel lo bann zil elwanye i pour en peryod 60 a 70an.  I annan zis 2 zil kot IDC i rekomann avek Gouvernman pou permet plis ki en lotel akoz grander sa zil.  Sa i Silhouette, kot apard Hilton Seychelles Labriz Resort & Spa, i deza annan en lot letablisman touristik ki apel La Belle Tortue.

I osi annan posibilite devlopman touristik Grande Barbe.  Lot zil se Coetivy, kot i annan lespas pour fer 2 lotel.  Desizyon pa ankor pran lo si ti a meyer pou annan 2 diferan lotel oubyen en sel propriyeter avek 2 diferan brand.  Enn ki a target high end e lot touris an zeneral.  Gouvernman ti adopte sa Polisi tar dan bann lannen 80, e sa desizyon i vin lo latab pour ganny revize a plizyer repriz par Gouvernman.  Me in toultan ganny mentenir.

Mr Speaker, reveni ki IDC i gannyen atraver bann aktivite Alphonse Island Lodge pour lannen finansyel Avril 2017 ziska Mars 2018 i en sonm 2.1milyon Dolar .  Sa i kouver lease ki IDC i kolekte pour sa teren kot Alphonse Island Lodge i annan son lotel.

I kouver bann vol ki zot charter avek IDC pour anmenn zot kliyan lo zil, maintenance ki IDC i fer lo bann fasilite lotel e bann vwayaz bato ki IDC i fer pour anmenn marsandiz Alphonse.  An sa ki konsern Astove, sa lakonpannyen i servi fasilite guesthouse IDC lo zil ki zot lwe par semenn.

IDC i kolekte reveni lo bann servis ki i ofer.  Sa i enkli vol avyon, fourni delo, elektrisite, eksetera.  Par kont, Astove i reste ouver pour nenport ki dimoun ki anvi al lo sa zil.  Son guesthouse i fonksyonn dan menm fason ki guesthouse Farquhar.

Savedir, en dimoun oubyen en group ki kapab rezerv guesthouse par semenn pour bann ekskirsyon ki zot oule fer Astove.

Cosmoledo loperasyon i fer apartir sa ki apel en liveaboard yacht.  Kliyan i pran avyon sorti Mahé ziska Astove kot zot mont abor sa liveaboard, ki sa operater li menm in lwe.  Zot al Cosmoledo pou fer zot bann aktivite lapes epi aswar zot dormi lo sa lever board.

Poivre osi, parey Cosmoledo, napa kliyan ki reste lo zil pour le moman.  Kliyan ki al lapes Poivre i fer li apartir bann lever board e si zot oule vizit zil zot bezwen rod en landing permit kot IDC.

Fodre fer resorti ki i annan plizyer lezot liveaboards apard ki lwe par Alphonse Island Lodge, ki servi bann servis IDC pour zot al fer bann aktivite lo bann zil elwanye, ki enkli bann zil koman Alphonse, Assumption, Cosmoledo, Platte, Poivre ek Providence.

Lot parti kestyon Onorab i adres size tender.  Fly fishing oubyen lapes an zeneral pa en aktivite ki en operater i bezwen pas atraver prosedir tender pour li kapab fer.

Mr Speaker, katriyenmman, part kestyon i lo size piblisite pour lans prive lo bann Zil Elwanye.  Lo sa size mon oule re-afirm ki Polisi Gouvernman se ki tou lans i piblik.  E alor napa okenn operater lotel dan Sesel ki kapab dir ki i annan en lans prive.

Savedir okenn dimoun ki oule al lo en lans ki swa Mahé, Praslin, La Digue oubyen lo bann zil elwanye i kapab fer li.  A sa pwen, mon ti a kontan dir ki i annan serten defayans dan la fason ki Blue Safari in servi son bann zouti piblisite pou fer son marketing.  Akoz dan son brosir ki nou’n distribye avek bann Manm Lasanble, napa okenn mansyon eksklizivite.

Par kont sa mo eksklizivite i sorti detrwa fwa lo son website ki in lanse resaman.  Mon’n aprann ki zot ti’n donn kontra en marketing company pour design zot website, me fot ki zot in fer, se ki zot pa’n verifye avek ki, avan ki website i lanse.

Letan in ganny alerte lo sa size, IDC in pran kontak avek Alphonse Island Lodge pou fer zot rektifye sa e zot in fer li deswit.  Lo kote IDC Mr Speaker, nanryen pa sanze an sa ki konsern akse avek bann Zil Elwanye.

IDC i toultan ankouraz Seselwa pour vizit bann zil.  An plis i annan bann plizyer ka lot IDC i donn lasistans bann peser ek bann lezot bato, ki swa ti mank zot en pe delo, en pe manze oubyen fuel, oubyen IDC in ed zot pour repar serten pyes ki ti’n andomaze e sa pour kontinyen.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Minis.  Mersi Mr Speaker.  Mr Speaker, mon ti a kontan demann avek Minis akoz ki depi detrwa zour Minis in ganny notis sa kestyon, IDC i okouran sa kestyon, e la a sa moman la, mon pe get la lo internet, e napa okenn sanzman ki’n ganny fer e sa lakonpannyen i ankor pe advertise koman ‘exclusive access.’ 

Akoz eski si, mon pa pe impute bann improper motives, mon pa pe dir poudir Minis pa’n dir nou laverite, me si Minis i dir nou poudir zot in pran sa o serye, akoz zot pa kapab deal avek sa bann msye la?

Ki kantite letan i pran ou alors, eski pa en zwe ki pe ganny zwe ki IDC an realite i byen kontan sa bann keksoz pe ganny dir la? Pou fer per Seselwa e lezot dimoun pour zot pa koste obor zil akoz se sa larealite.

Donk, mon kestyon Minis se akoz, si i annan keksoz ki mal, ki pe donn en move piblisite, en piblisite ki pa korek, Minister Tourizm pa kapab pran en aksyon imedyat e rektifye sa sityasyon?  Sa i enn.

Mon dezyenm kestyon se, eski Minis, dayer Mr Speaker, mon pa tro, mon konnen poudir Minis i annan bokou leksperyans dan tourism, me selman mon ti ekspekte Minis Tourizm vini ozordi pour eksplik sa bann keksoz akoz i enportan pour Minis dir avek nou, sa bann Sud Africain, be mwan mon napa problenm avek okenn nasyonalite, okenn ras, okenn kouler – sa bann Sud Africain lo bann zil Minis, zot annan en serten mantalite!  Zot annan serten mantalite!  Ki zot annan lo zil, ki zot annan lo Eden Island, zot annan en mantalite ler zot an group.  E zot pe kontinyen.

E sa wikenn ankor zot in dir avek bann peser, en bato ki’n koste dan bor Desroches, pour mouy 400 met avek lakot!  ‘Pa koste dan bor son zil!

Alor mon anvi ki Minis i re-eksplik nou byen ki mannyer ki sa bann operater lo sa bann zil pour respekte drwa tou lezot dimoun dan Sesel?  E ki mannyer IDC pou enforce sa bann Lalwa?

Akoz Minis, IDC pa pe enforce sa bann Lalwa.  IDC pe permet sa bann operater fer sa ki zot anvi.  Sa i mon 2 kestyon. E kekfwa a lafen Mr Speaker, mon ava annan enn de klarifikasyon pour demande.  Mersi.

 

MR SPEAKER

Mersi Onorab Ferrari.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou 2 kestyon.  Lo premye kestyon, mon repete ki wi, ti annan sa mo ‘eksklizivite’ dan 2 landrwa lo sa website pour komanse.  E parey mon’n dir dan mon statement, enn fwa ki IDC ti war sa, in pran kontak avek Alphonse Island Lodge e in fer zot rektifye zot website.

E mwan, mon annan konfirmasyon atraver IDC ki sa website in ganny rektifye.  E menm bomaten mon’n fer zot re-tyek ankor, mon’n demann zot PR person pour re-tyeke avan mon vin dan Lasanble e i n re-konfirm avek mwan ki sa website in ganny rektifye.  Sa mo exclusivity pa paret dan sa 2 landrwa kot i ti paret in big block capital letters.  Sa i mon larepons Mr Speaker.

Lo sa ki konsern sa dezyenm kestyon, wi ou annan parfetman rezon.  Si en bato in ariv Desroches e i oule koste zil, en bato peser, en bato, en yacht, nenport ki bato, i annan en landrwa kot IDC i annan son prop Manager, son prop landrwa, kot bann bato i kapab koste.

Me parey mon’n dir, i demann en permisyon e sa i senp.  I call sa Manager, sa manager i fer demars.  Ou pa kapab kit en bato 400 met kan ou konnen sa bato i kapab vin la dan 50 met delo obor lans.  So, si sa in arive, mon krwar i en fot ki’n arive, i pa merit arive.

So, mon krwar IDC i konsyan sa e IDC pou toultan fer sir ki i kontinyen, parey mon’n dir dan mon statement lo final, se ki IDC i bezwen toultan, e i pou toultan korper e donn lasistans e donn led nou bann bato Seselwa, nou bann bato touris an deor sa bann bato ki kekfwa sa bann lakonpannyen pe servi lo sa bann zil.

Akoz eksklizivite ki zot annan, si oule, se lo Alphonse sa lakonpannyen in envestir en bon pe milyon Dolar, en eksklizivite si oule servi sa mo, pour li propoz sa bann aktivite plonze, snorkling, lapes, fly fishing an partikilye, dan sa landrwa.

Be tou dimoun i kapab desann, avek en permisyon, desann, al Desroches, al lo tou sa bann zil e kontinyen fer plonze, fer snorkling, fer big game fishing an deor lagon avek en request.  I pa restrikte, napa restriksyon.

Sel restriksyon ki annan se ki, lo Alphonse, par egzanp, i annan 14 rod fly fishing ki kapab ganny met dan delo par zour.  Setadir 12 laba Saint Francois, dan lagon, avek 2 otour Alphonse li menm.

Alor, sa lotel li i vann sa Fly Fishing.  I annan li 30 lasanm.  Par ler toulezour i annan li 14 peser ek 14 rod ki pe lapes.  Si prezan ou, ou oule vini, e sa 14 rod in fini ganny vann, ou pa pou kapab fer fly fishing.  Me ou kapab dive, ou kapab fer big game fishing, pa dan sa lagon me deor.  Donk, i annan lezot aktivite ki ou kapab fer.  Mersi Mr Speaker.

 

MR SPEAKER

Mersi Minis.  Yes, Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, zis pour benefis piblik e tou dimoun ki pe swiv nou, ti ava bon si nou get it right lekel website ki nou pe koz lo la akoz nou pe ganny dir diferan keksoz la.  Onorab pe demann kestyon, pe dir nanryen pa’n ganny tire, Minis pe dir in ganny tire.  So, eski nou pe koz lo website www.bluesafari.comSanmenm sa en?

HON JEAN-FRANCOIS FERRARI

Yes.

HON SEBASTIEN PILLAY

E sa bann mo i sipoze ankor lo la?  Sanmenm sa ki nou pe koz lo la?

 

HON JEAN-FRANCOIS FERRARI

Yes.

HON SEBASTIEN PILLAY

Ok.  Mersi Mr Speaker.

 

MR SPEAKER

Mersi Onorab Pillay.  Onorab Ferrari.

 

HON JEAN-FRANCOIS FERRARI

Zis en pti klarifikasyon, zis pour benefis Minis.  Mon lir, ‘’bluesafari.com, our lodges have use of the respective islands to ensure privacy and exclusivity.’’  At this point, this is what is on the website.  So, sa i, pour ou kapab al verifye apre.

Minis, mwan mon kestyon pli enportan se sa enn la.  I annan en lakonpannyen ki kekfwa i eksperyanse, kekfwa lontan i la, kekfwa i annan bann zanmi Sesel, kekfwa son bann direkter i bann zanmi Seselwa, zot in fer en biznes Alphonse, akoz eski, se menm konpannyen etranze ki devret ganny fasilite pour zot fer, pour zot expand zot biznes lo ankor 4 zil?

Nou Seselwa nou dir nou kontan nou Seselwa.  Nou pa pou zanmen en zour les nou Seselwa fer en pe biznes dan zil dan sid?  Nou pou toultan, IDC pou toultan fer Kontra avek zis etranze?

E la dan sa ka ki nou pe koze, avek zis Sud Africain?  Ki zot ki pou benefisye lo labote nou zil, lo fasilite?

Akoz Minis, i byen ou dir en dimoun i kapab al dive, i byen ou dir.  Apre kot i pou dormi?  I pou dormi lo lans?  Ou dir i kapab ale laba anler, i pou bezwen desann anba, fer en lazournen lapes apre vin dormi Mahé, akoz i pa gannyen sa bann fasilite Minis.  Parey sa 4 konpannyen i gannyen e se sa problenm ki nou pe fer fas avek!

Akoz eski Gouvernman pe permet IDC pou deal avek zis en lakonpannyen e donn li tou bann fasilite e an menm tan ki tou Seselwa ki annan gran leksperyans, ki annan zot determinasyon pour zot fer devlop sa biznes, zot, zot pa ganny konsidere?  Akoz Minis?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Ok, zis en dernyen leksplikasyon lo sa website.  Parey mon’n dir taler, orizinalman dan son 2 opening paragraph ti annan sa mo ‘exclusivity’ e sa in ganny retire.

E ou annan rezon lo sa website ki’n ganny sanze.  Sa mo exclusivity i aparet zis en fwa dan sa teks par anba.  Konmsi i dir ou an exclusivity letan ou lo sa zil, eksetera.  Me solman avan sa, sa lenplikasyon ti erroneous e sa in ganny rektifye. An sa ki konsern sa lot dezyenm kestyon, mon krwar i annan diferan laspe.

Premye laspe, parey mon’n eksplike, Alphonse Island Lodge i pa en konpannyen Sud Africain li, i en konpannyen Seselwa.  Sa i premye keksoz.  Dezyenm keksoz, Alphonse Island Lodge, IDC in lwe sa later kot sa lotel i ete e sa lotel i ganny manage par Alphonse Island Lodge.

Partou apard Alphonse, laspe lotel, la mon pa pe koz IDC guesthouse la mwan, bann laspe lotel.  Lo Farquhar, lo Astove, sa i ganny manage par IDC.

Setadir, letan Alphonse Island Lodge i oule en semenn lo Astove, i boukte son semenn e nanryen pa anpes en Seselwa, akoz ou’n fer sa distenksyon, en Seselwa ki annan en bato, en liveaboard, ki’n nobou ganny en group fly fishermen pour li desann Astove, pour li a lapes dan lagon avek en fly fishing rod, li osi i kapab fer son request, boukte son lasanm si i available e i ava ganny trete parey.

Akoz Alphonse Island Lodge li i napa lotel lo Astove, i napa lotel Farquhar, se IDC ki okip sa.  Alor si i annan plas, napa problenm.  So, sa mon bezwen fer resorti sa pwen.

E parey mon’n eksplike, ozordi lo Cosmoledo, ou ale ou lapes, apre ou bezwen dormi lo ou bato akoz napa fasilite lo Cosmoledo ziska prezan.

Plan IDC se kree bann guesthouse lo Menai, lo sa zil prensipal, ki apre pou ganny lwe, e pou parey Farquhar, i pou parey Astove.  Ladiferans isi, se Alphonse li, sa lotel i annan en by 70an avek Alphonse Island Lodge ki en konpannyen Seselwa.  Mersi Mr Speaker.

MR SPEAKER

Mersi Minis.  Onorab Henrie.

HON GERVAIS HENRIE

Mersi Mr Speaker.  Bonzour tou dimoun.  Mr Speaker, mon premye kestyon pour Minis, in mansyonn nou reveni ki Alphonse pe fer, presizeman in dir IDC pe ganny 2.1milyon Dolar avek li.  Me Minis pa’n dir nou sonm pour Astove, Cosmoledo avek Poivre.  Donk, mon ti ava kontan konn sa pour sa 3 zil.

E dan konteks Alphonse, spesifikman lo fly fishing, konbyen ki IDC pe fer?  Sa i mon premye kestyon.

Dezyenm kestyon, Minis in dir nou ki i annan 2 zil ki IDC in rekomande avek Gouvernman ki kapab annan plis ki 2 lotel akoz zot grander e in dir nou sa i Silhouette avek Coetivy.  Mon ti ava kontan demann Minis kote Desroches li i sitye dan sa sityasyon?  Akoz li osi i annan lodge.  Apre Four Seasons in komans en loperasyon laba.  E Desroches i osi enn sa bann zil kot SafariNow avek Villa Africa i advertise li en kantite lo internet.  Mersi bokou.

 

MR SPEAKER

Mersi Onorab.  Annou pa tro anmenn nou kestyon an deor kestyon aktyel, akoz kestyon aktyel i fer mansyon spesyalman Alphonse, Astove, Cosmoledo e Poivre.

Mon konnen ki Minis in mansyonn en pti  pe Polisi and all that, me annou pa tro sa.  Me mon ava permet Minis reponn.  Minister.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou 2 kestyon.  An sa ki konsern premye kestyon, parey mon’n eksplike, pour Avril 2017 ziska Mars 2018, an tou IDC in anmas 2.1milyon Dolar reveni sorti kot Alphonse Island Lodge.

Pour Alphonse li menm, i enkli avyon 783mil, lease 103mil Dolar; maintenance parey mon’n eksplike IDC i fer maintenance laba, 148mil e lezot servis ki enkli bato pour anmenn marsandiz, 145mil.  I fer donk, 1.2milyon pour Alphonse.

Lo Astove, sanmenm sa konpannyen akoz i annan en bato ki i deplase.  Pour Astove, avyon pandan sa peryod i 792mil Dolar e guesthouse ki zot in lwe bann lasanm, akoz parey mon’n dir, Astove i pa permanan li.  I pa tou lannen, i en serten peryod, an Oktob ziska dan Mars koumsa ki zot fer sa aktivite, 110mil Dolar.

Prezan pour Cosmoledo, avyon i al Astove, apre son kliyan i mont lo sa bato, bato i al Cosmoledo.  E Cosmoledo, si oule al Cosmoledo, ou bezwen pey IDC pour son avyon, e sa i 25mil Dolar.

So, vwala Mr Speaker, en pe larepons pli detaye ki mon kapab donn Onorab Henrie pour sa kestyon.

An sa ki konsern Desroches, i annan zis en lotel.  Desroches i ti annan plizyer propriyeter par lepase, e la ozordi Four Seasons, parey ou konnen, se li ki operater sa lotel.  E i annan zis en lotel lo zil Desroches.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker, 2 kestyon ki mon krwar i demann bon leklersisman.  Dan sa pi liv ki ou’n donn nou, me selman zis avan nou al lo sa pti liv Minis, mon ti anvi zis dir avek ou, e mon’n fer li ase gro, mon krwar ou war li kot i ete lo sa website.  Pa dan son bann pti lekritir me dan son bann gro lekritir, i ankor annan klerman ‘exclusive access to various atolls and islands.’  Sa i ankor la, byen gro.  Alors mon krwar ki sa i bezwen ganny rektifye deswit.

Konman Chairperson Islands Committee avek bann Manm ki la prezan, nou’n ganny sans vizit bann zil.  E ou konn tre byen parske nou krwaze, ti bat ek kanmarad Assumption.  Letan nou ti vizit Cosmoledo, i vre ki ou’n dir ki okenn devlopman, parski zot pe mazin fer menm runway lo zil Menai?

Me dan zot pti liv ki ou donn nou, lo, mon pa konnen, i napa paz malerezman, me selman lo sa paz ki met Cosmo Eco Lodge, ok?  Lo Cosmo Eco Lodge, ok, lo Cosmo Eco Lodge, zot pe koz lo son premye paragraf, zot fer referans avek “This magnificent ecosystem holds the nation’s largest colony of sooty terns over 1.2 million pairs.” 

E sa deswit pour nou ki’n al laba, e Minis avek ou konesans, nou konnen ki poudir sa pa Menai.  Sa se Wizard Island, ok?   E lo Wizard island, e letan ou regard pli ba, parski zot pe koz lo zis Wizard Island, letan ou al lo dezyenm paragraf, zot koz lo the distinctive lodge.  Savedir zot pe dir “The distinctive lodge has a sense of serenity”.  Savedir in fini ganny konstrir!

E lo dernyen paragraf i mete klerman, “The eight recrafted air-conditioned Beach Cabanas blend in with the natural wilderness of the rugged landscaped”.

E lo son kote portre, zot montre sa bann lodges, me Msye Minis mon ti ava kontan demande, kan eski sa bann lodges in ganny konstri?  Akoz ki zot lo Wizard Island e non pa lo Menai Island?  Akoz nou koman Manm, lo Komite Zil, o kontrer nou ti ganny dir ki Wizard Island avek lot pli dan fon kot i annan tou bann ‘sooty terns’ ‘red footed’ ensidswit, ti pou ganny garde dan son leta natirel, pa ti pou touse sa!  Ti ava annan fly fishing dan lagon, me selman pa ti pou touse.

E alor la eksplik nou si ankor enn fwa sa lakonpannyen, parey ou’n dir nou zot in fer lo zot website, zot pe fer fo propagann oubyen si sa bann konstriksyon in ganny fer, planning permission, parski la nou pe donn zot en lot zil la.  E alor eksplik nou ki sa sityasyon.

Mon dezyenm kestyon Minis, ou konnen letan mon regard bann portre;  par egzanp, o komansman menm, nou trouve ki poudir sa lakonpannyen i ganny sa posibilite pour li lo lans, dan delo, pour li met bann latant, pou fer touris, parske soley i bokou, alors bezwen met latant, touris i manze anba la, tousala.

Alor mon anvi Mr Speaker, avek ou permisyon la, ou ava gid mwan, ki mon war sa lo sa bann zil laba deor, me selman sa pti Diguois ki li i fer en pti shelter tanporer pour touris menm, li Minister Tourizm i donn lord Lapolis pour kraze e i ganny menase ki poudir….! Akoz nou annan sa 2 pwa, 2 mezir, Mr Speaker?  Mersi bokou.

MR SPEAKER

Mersi Onorab.

(Interruption)

MR SPEAKER

Nou a les Minis fini reponn.  Ou prosennman lo lalis, wi.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour sa 3 kestyon.  Alor lo sa zafer ‘exclusivity’, mon krwar annou termin li la.  Parey mon’n dir, wi i annan, sa mo i appear ankor.  Nou a fer tire enn fwa pour tou.  Pour koriz, akoz nou’n fer korize, nou a fer koriz partou.  Mersi bokou.

An sa ki konsern ou dezyenm lobzervasyon e ou kestyon ki tre pertinan, mon kapab konfirm avek ou ki sa brosir li osi an sa ki konsern Cosmoledo, i mansonzer!  Napa okenn sa bann striktir ki nou’n war lo sa brosir, sa Cosmo Eco Lodge.  Sa i pa egziste laba sa! Ditou!

Annefe sa ki mon kapab konfirmen Mr Speaker, se ki in annan en proze ki’n ganny soumet ek SIB pour annan en striktir tanporer ziska tan ki IDC li in fini konstrir son  airstrip avek son bann guesthouse, me sa pa ankor ganny Planning approval. 

Alor mon re-konfirmen, napa nanryen koumsa lo gran zil.  Akoz parey ou’n eksplike, sa i sipoze lo gran zil.  Napa nanryen lo gran zil ozordi koumsa.  E i pe swiv son laplikasyon normal.

Mwan si mon kapab fer en lobzervasyon avek mon leksperyans lo zil, mon’n travay en kantite letan avek Aldabra.  Sa striktir ki nou war dan sa brosir, pas en pti movetan i ale.  I pa apropriye tou le fason.  Kot pou mete, en kestyon.  Me sa i  pa apropriye lo sa zil e mwan mon pou met obzeksyon pour konstrir sa kalite striktir lo sa zil akoz i pa fer okenn sans, i pa soutenab e i pou met an danze lavi dimoun ki pou reste ladan.  So, sa i mon dezyenm repons a ou kestyon.

An se ki konsern lot kestyon Onorab, mon krwar ki nou bezwen fer en distenksyon ant sa ki nou apel bann soft structures avek bann hard permanent structures.  An sa ki konsern soft structures, nou bezwen en pe plis soup.  Nou kapab permet soft structure, ou vini ou mete apre ou tire ou ale.

Mon rapel lontan menm lo sa pti zil obor L’Ilette, ti annan en restoran la, e bokou dimoun ti kontan pran detrwa sez plastik, en latab plastik, met dan lans letan mare i monte, pran en drink, eksetera.  Sa i permitted, ou kapab fer li me ou pa kapab kol en beton, met en parasol full timeSo, mon krwar nou bezwen fer la part de chose.  I annan serten keksoz nou kapab permet e i annan dot ki pa permet.

So soft structures mon krwar ki nou kapab en pti pe pli fleksib, me sa se en desizyon pour Minister Lanvironnman, Tourism, pour statute lo la.  Donk, vwala.  Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, mon krwar i enportan ki letan nou pe get sa size la, nou pa perdi devi ki nou pa kont lenvestisman ki en dimoun i bezwen fer pour li fer en lotel.  E i enportan ki Seselwa i konpran poudir lenvestisman i ganny fer dan diferan fason.  Me ler sa lenvestisman i ganny fer, i bezwen ganny fer ki apre ler nou manage li, nou manage li dan en fason kler, ki tou dimoun i kapab konpran e war a kote i sitye ladan.

Sa ki mwan mon pa ganny en konpran i, eski ozordi Gouvernman i aware kwa ki pe pase an se ki konsern sa domenn charter, fly fishing,  ofer sa bann kalite ekskirsyon, sa bann package?  Eski zot vreman annan zot lanmen lo kontrol, lo Regilasyon ki asosye avek sa bann package? 

Akoz tousala i tie in avek sa kestyon ki nou pe demande la Mr Speaker akoz si nou annan en konpannyen ki al online, ki advertise diferan keksoz lo Sesel, e en kliyan par egzanp i vini i peye pour li al Cosmo Eco Lodge, ler ou vini ou napa Cosmo Eco-Lodge pou ofer li.  Eski sa pa afekte repitasyon Sesel?

Pa averti ki sa kliyan ki pe vin pey pour sa, i pa en nenport ki kliyan sa.  I pa en nenport ki dimoun ki pe vin, i bann dimoun ki pou debous en kantite larzan e ki annan en kantite kontak, ki annan en kantite lenfliyans.  E i posib ki sa dimoun demen i servi son lenfliyans pour li detrir repitasyon pa zis Alphonse, me Sesel an zeneral koman en pei ki pe advertise en keksoz ki i pa pe kapab ofer.

So, mon kestyon pour ou Minis se, ki kalite kontrol zot annan lo sa bann promosyon, aktivite, eksetera?  Ki kalite vetting process ki zot annan an plas pour asire ki avan sa bann promosyon i al deor out there, zot pe konnen kwa ki pe ganny dir, kwa ki laverite, kwa ki pa laverite?  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi, mersi Mr Speaker.  Mersi Onorab pour ou kestyon.  Mon krwar i annan 2 fason.  Letan nou pou koz lo fly fishing par egzanp, nou bezwen rekonnet ki ozordi Licensing Authority li i donn laysenns pour hire craft oubyen liveaboard, bann yacht, lever board, pour zot ganny en license.

Fly fishing i napa en laysenns separe inikman pour fly fishing.  So, letan ou annan ou en hire craft  license, ou annan ou en liveaboard license, ou kapab offer big game fishing, ou kapab, akoz li osi i napa en license, separe, e fly fishing.

Pour diving, li si ou pou servi en bato pour ou fer sa bann kalite diving  avek, ou bezwen annan en bato ki ganny sertifye koman en liveaboard dive boat, sirtou laba dan sa bann landrwa akoz i lwen.  Ou bezwen annan en konpreser abor pour nobou kapab anpli bann boutey, eksetera.

So i annan en license, spesifik.  Me nenport ki dimoun ki annan li en hire craft license oubyen lever board license, i kapab ofer big game fishing, i kapab ofer snorkling, i kapab ofer fly fishing, san en license, separe.  So, sa i premye kestyon, larepons ki mon anvi donn ou.

Apre dezyenmman, mon krwar ki IDC toultan in rod Planning approval pour son bann devlopman lo zil.  E sa i pa eksepsyon, me ou annan parfetman rezon.  Letan en boug i fer marketing an avans en prodwi, i vin, i kapab vin en gran konplikasyon.  E parey mon’n dir la, sa striktir ki dan brosir, definitivman i pa pou kapab ganny fer lo Menai.

Letan son, lo gran zil, letan son laplikasyon pou vini, ou pou bezwen sizer alternativ pour li.  So, Gouvernman i annan ankor en kontrol.  Akoz tou devlopman lo nenport ki zil i bezwen pas atraver sa bann Regilasyon ki an plas ozordi.  Mersi Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker, ler mwan mon fget sa striktir ki la e an vi ki mwan mon’n ganny san al ek Komite Zil pour vizit bann striktir ki IDC in fer, i annan en similarite enkrwayab.  Se pour sa rezon ki sa ki fer ki ou bezwen demann sa kestyon, kan ki sa in ganny fer dan sa landrwa?  Akoz nou ti’n ganny dir i pa’n ganny fer.

So, sa i mon premye pwen ki enportan ki ou met an perspektiv.  Me prezan an vi ki sa dokiman i erroneous, e sa konpannyen i en konpannyen ki Gouvernman i kapab tous li, i kapab war li, eski pou annan okenn sanksyon kont li ki i pe advertise keksoz ki pa la, ki pe donn fo lenformasyon?  Eski pou annan okenn konsekans sa bann aksyon ki in pran?

Mon lot pti pwen Mr Speaker, i konsern ki, eski Gouvernman pe realize poudir sa bann landrwa i pou reste bann landrwa ki pou vin nou fish stock pour demen?

Plato Mahé a longer ditan pour sa bann zanfan ki la ler zot, zot zenerasyon in grandi, se laba ki zot, zot pou ganny zot lavi.  Eski zot in realize sa?  Eski prezan zot pe fer fason pour zot edik nou popilasyon ki mannyer nou gard soustenabilite sa bann landrwa?  As oppose to fer nou, dimoun pe komans krwar poudir sa landrwa i vin en playground zis pour serten bann kalite dimoun e Seselwa pa pou zanmen ganny akse.  Me eski zot pe fer en travay kontinyel?

Akoz si ou get sa kestyon, pe koz Drwa bann peser e lezot dimoun ki pou debark lo sa bann zil.  Mon krwar once and for all nou bezwen deal ek sa sityasyon.  Gouvernman, nou bezwen sorti kler lo la.

Ou pa kapab annan en dimoun ki li i les dimoun pase, i donn akse pour al lo lans, me en lot li i dir ou i pa pe donn akse pour al lo lans.  Mon krwar i bezwen kler!  Si i pou donn akse, tou dimoun i bezwen ganny akse dan en fason.

Me osi edik dimoun pou dir, ler ou’n ganny sa akse, ou pa pran tou ou salte, tou ou keksoz, ou pran ou kit lanmenm.  E mon krwar ou konn tre byen poudir i annan bann zil ki dimoun i al fer piknik lo la, Mr Speaker mon konnen mon’n devir en pti git, me sa, mon pasyonnen par sa asize par lefe ki mon pa santi i annan ase ki pe ganny fer pour anpes, i annan enn de bann cowboy la deor ki pe fer charter whilst i annan bann zenn manrmay ki lans zot dan sa biznes, ki pe sey fer zot biznes marse, i annan menm etranze ki pe fer charter dan en fason parey pirat, ki pe pran kliyan dan en fason parey pirat e pe tir manze dan labous sa bann Seselwa ki zot, zot in envestir  pour zot fer sa biznes.

So, mon ti oule ki Minis i met sa dan perspektiv pour Seselwa.  (Mr Speaker, ler en dimoun i demann en kestyon, Onorab Henrie, ou pa kapab ekoute?)

(Interruption)

 

HON SEBASTIEN PILLAY

Mersi Mr Speaker.

 

MR SPEAKER

Kontinyen Onorab.

 

HON SEBASTIEN PILLAY

So, mon ti a kontan ki Minis i dir nou koumsa poudir, (Mr Speaker, eski ou ki Speaker oubyen Onorab Flory Larue ki Speaker dan Lasanble?)

 

(Interruption)

 

MR SPEAKER

Onorab!  Onorab!  Onorab laparol i pour ou, kontinyen!  Poz ou kestyon.

 

HON SEBASTIEN PILLAY

Mersi Mr Speaker, akoz i enportan pour li konnen pour li kapab ekout dimoun.  Pour li …. Ekoute!

 

(Interruption)

 

MR SPEAKER

Order! Order! Poz ou kestyon.  Fini Onorab?

 

HON SEBASTIEN PILLAY

Mersi Mr Speaker.  Annou donn respe sa bann zanfan ki la anler, Mr Speaker!  Mr Speaker, mon kestyon pour Minis lo sa kote i senp.  Eski nou pou war Regilasyon kler ki ganny met an plas? Ki defini ki lo zil, lala format akse e tou dimoun i a konnen poudir lala ki mannyer sityasyon i ganny manage.  Ki nou pa ganny sa persepsyon ki ganny kree poudir i annan eksklizivite, i annan privacy lo nou bann zil ki en byen pour tou Seselwa.  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Lo premye par, mon krwar ki plizyer lakonpannyen par le zot annan sa bann brochure ki zot fer sorti pou donn piblisite avan ki proze i konplete.

E letan nou pe koz dan konteks zil, i fer mwan mazin brosir ki Four Seasons ti fer sorti menm 1an avan zot lotel ti ouver.  Me ou annan rezon, ou pa kapab met en keksoz ki ou konnen, oubyen ou pa’n diskite pour ou fer li vin mansonzer.  So, mon krwar la i enportan ki nou koz ek sa konpannyen ankor, si nou pou sanksyonn li ou non, sa mon ava les pour pli tar.

Me sa i enportan ki par ler osi ou bezwen fer piblisite an avans, konmsi letan ou ouver, ou pe komans ganny ou kliyan, olye letan ki ou’n fini ouver, apre prezan la ou pe al rod ou kliyan, i kapab pran 1an, 1an edmi, 2an pour ou nobou annan en aktivite komersyal dan ou devlopman.

Ou dezyenm kestyon, sertennman parey ou konnen Gouvernman i annan sa lobzektif annan 30poursan son teritwar maren anba Marine Park Protection, ouswa MPA e i komans laba menm dan sa group zil Aldabra.

Akoz deza Aldabra li in proteze ziska 30mil notik otour li e sa MPA dan son premye 15poursan, i ogmant sa Marine Park area in the open sea pour protez sa bann stok ki ou pe dir, sa bann diferan lespes pour viv soutenablement pour nou kontinyen annan nou aktivite komersyal.

So, sa i en priyorite Gouvernman e i pe ganny met an plas parey ou konnen.  E Aldabra li i 100poursan proteze.

Astove avek Assumption, zot, zot annan en serten posibilite annan en loperasyon touristik, enkli Cosmoledo.  Me i pou tonm anba sa Marine Park Protection ki pe ganny an plas pour le moman.

Ou lot dernyen pwen, ou ava rapel ki letan mon ti Minis Tourizm, mon ti dir avek Lasanble ki i enportan dabor nou met ne lanmen, en kontrol lo tou bann laspe kot i annan unfair competition avek bann pti guesthouse.

Ti annan bann pti guesthouse ti ilegal, eksetera.  Enn fwa ki nou’n fini avek sa, apre nou pou pran bann zafer bato.  Akoz ou annan rezon lo kote bato, bato i annan en problenm.

Donk, mon ti donn sa langazman e mon asir ou ki Minis Dogley pou kontinyen fer sa travay akoz la sa bann zafer akomodasyon in regel e nou pou bezwen annan nou plis Regilasyon.

E parey ou konnen, pou annan en Bill ki pou vin isi devan Lasanble pour sa SMSA Bill pour kree SMSA koman en Lazans pour nobou met en pe lord avek backing Lalwa dan sa domenn.

Setadir konpetans bann dimoun lo sa bann bato, bann bato zot menm, bann Regilasyon ki pou gouvern bann loperasyon sa bann bato, eksetera.

So, sa i on the way e byento sa Bill ava pas devan Manm Lasanble.  Mon ti a kontan demann zot, zot sipor akoz i en Prozedlwa tre enportan pour nou nobou met lanmen lo sa problenm ki kontinyen malerezman pour le moman.  Mersi Mr Speaker.

 

MR SPEAKER

Mersi Minis.  Onorab Phillip Arissol.

 

HON PHILLIP ARISSOL

Mersi Mr Speaker.  Bonzour Minis.  Bonzour tou dimoun.  Baze lo kestyon Onorab Ferrari, eski Mini si kapab etablir lekel direkter sa Alphonse Island Lodge?  Lefe ki Minis in dir ki sa lakonpannyen i en lakonpannyen Seselwa.

E lekel lezot lakonpannyen ki annan permisyon pour fer e pe fer biznes tourizm lo nou bann zil elwanye apard ki Alphonse Island Lodge?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou kestyon.  Wi, parey mon’n eksplike, sa konpannyen i en konpannyen Seselwa.  I annan 2 Direkter e tou lede i Seselwa.  Mon ava kapab fer zot gannyen si zot oule.

Me kekfwa i pa normal pour mwan devwal li la ouvertman.  So, mon ava fer zot ganny sa 2 non sa 2 Direkter.

An sa ki konsern dezyenm kestyon, parey mon’n eksplike, apard Alphonse Island Lodge, nenport ki, ki oule fer en aktivite touristik dan bann zil IDC, lans dan sid, i kapab demann permisyon IDC pour zot koste, pour zot fer zot aktivite.

Sel problenm si oule ki egziste, se ki Alphonse si i annan 14 rod ki’n boukte sa zour, ou pa pou kapab fer fly fishing avek ou kliyan.  Si i annan plas, ou ava ganny permisyon e ou kapab fer li.  Mersi Mr Speaker.

 

MR SPEAKER

Mersi Minis.  Onorab Arissol.

 

HON PHILLIP ARISSOL

Eski i annan en lot lakonpannyen ki pe fer sa bann biznes dan Zil Elwanye?

 

MR SPEAKER

Mersi.  Minis.

 

MINISTER MAURICE LOUSTAU-LALANNE

Mr Speaker, mon pa’n sezi kestyon.  I kapab repete silvouple, Onorab?

 

MR SPEAKER

Onorab.

 

HON PHILLIP ARISSOL

Eski i annan en lot lakonpannyen ki pe fer sa biznes, si wi?

 

MR SPEAKER

Mersi.  Minis.

 

MINISTER MAURICE LOUSTAU-LALANNE

Mon pa pou okouran sa.  Parey mon dir, si ou demann permisyon, ou ganny permisyon, ou kapab ale, al fer.  Me mon konnen ki i annan plizyer bato, bann yacht ki baze isi Mahé ki zot osi zot deplase dan Sid pour ale.

Par egzanp, i annan s bato ki apartenir a Silhouette Cruises, depi en kantite letan zot in la.  zot osi zot ofer, dan peryod vandnor, letan i kalmi, zot desann ek zot bato, zot baz li Assumption e zot fer bann ekskirsyon, pas Aldabra, Astove, Cosmoledo, eksetera, pandan en peryod letan e zot fer diving, fly fishing, me solman Aldabra zot napa drwa fer fly fishing,  oubyen lapes.  Zot kapab fer snorkling, zot kapab fer diving.

So, sa i en konpannyen ki mon konnen e i annan lezot parey mon dir, i annan lezot konpannyen ki annan bato ekipe ki kapab fer sa bann gran traverse e zot osi zot demande, zot ganny permisyon.  Mersi Mr Speaker.

 

MR SPEAKER

Mersi Minis.  Onorab Simon Gill.

 

HON SIMON GILL

Bonzour Mr Speaker.  Mersi Mr Speaker pour donn mwan laparol.  Bonzour tou koleg Onorab, manm piblik, bonzour Minis.  Mr Speaker, i annan keksoz ki ankor pa kler lo sa kestyon ki devan nou Lasanble.  E ki ti ava byen ki Minis i eksplik pep Seselwa dan en fason kler.

Premye; eski i annan restriksyon bato pour pas kot sa zil or bann zil ki’n ganny mansyonnen dan kestyon prezante par Onorab Ferrari?  Premye kestyon sa, eski i an restriksyon?  E si i annan restriksyon, ki kalite restriksyon ki annan?  Premye.

Dezyenm kestyon, eski i annan en posibilite ki IDC i fer piblisite lo tou loportinite biznes ki annan lo bann zil, tou zil ki anba son ladministrasyon pour ki tou Seselwa ki enterese e annan lentere pou fer biznes lo nou bann zil i okouran ki kalite biznes ki annan or ki kalite loportinite ki annan pour ki zot kapab fer zot lof?

Minis, Mr Speaker, ler in reponn mwan sa 2 kestyon, mon annan ankor detrwa kestyon ki mon ti ava voudre poze dan lentere pour donn Seselwa leklersisman lo sa size.  Mersi bokou.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou 2 kestyon.  An sa ki konsern restriksyon, mon pou reponn ou koumsa, espere i kler.

Napa okenn restriksyon me solman ou bezwen demann en permisyon, me napa restriksyon.  Parey mon’n dir, nenport ki bato ki dan, swa i en bato peser, swa i en bato prive, swa i en visiting yacht, swa i en bato hire craft ou en katamaran, liveaboard baze Sesel, ki annan en license, si zot oule vizit bann zil IDC, bann Zil Elwanye, menm si zot oule al war Aldabra, zot bezwen demann en permisyon davans.

E letan zot ganny sa permisyon, zot kapab bouze.  Parey mon’n eksplike, lot restriksyon se pour fly fishing.  I pa aplik pour diving, i aplik pour snorkling, i pa aplik pour big game fishing an deor lakot.  Tou dimoun i kapab fer.  Me fly fishing i restrikte a 14 peser par zour lo Alphonse, 6 peser par zour lo Astove pour le moman.

Ou dezyenm kestyon, mon krwar ki kekfwa i annan en bon loportinite pour IDC fer parey en pti business forum, eksplik dimoun kwa ki available ankor lo son bann devlopman lo son bann zil.  Mon krwar i en bon linisyativ.

Me kekfwa sa ki nou kapab fer dan en premye enstan, an vi ki i annan en Komite Zil Lasanble, nou kapab demann IDC rankontre, dan en premye tan, avek Komite Zil Lasanble pou klersi bokou sa bann keksoz ki nou  pe diskite osi ozordi.

So, kekfwa nou kapab fer 2 keksoz.  En miting avek Komite Zil dan Lasanble e kekfwa si i annan detrwa Manm ki pli partikilyerman enterese avek sa devlopman, zot kapab zwenn.

Me sa se zot akt pour deside e mon krwar ki fer IDC fer en business forum pour eksplike, i osi en bon nide.  Mersi Mr Speaker.

 

MR SPEAKER

Mersi Minis.  Onorab Simon Gill.

 

HON SIMON GILL

Mr Speaker, mersi.  Minis in dir, wi e non lo kestyon restriksyon.  Now, si non e si wi, ki bann kondisyon – ki bann kondisyon ki en endividi or bann propriyeter bato ki anvi fer zot bann aktivite lwazir or biznes, ki bann kondisyon fodre zot akonplir pour kapab ganny akse vreman?  Pour zot kapab ganny sa permisyon ki ou pe dir e dan ka wi e non.

Now, lot keksoz ki swiv repons ou dezyenm kestyon, eski Minis i kapab donn nou en dele letan ki IDC i fer piblik konnen ki loportinite biznes ski annan lo tou bann zil ki anba son ladministrasyon?  Pour ki tou Seselwa i okouran e Seselwa i vin devan, i ava prezant son lof.  Dan ki dele letan?  Nou pe rod en letan silvouple.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Mon pran ou dezyenm kestyon.  Mon ava pran kontak avek son Chairman e son CEO IDC, me mon krwar nou kapab aranz sa business forum ase rapidman.  Mon konnen ki IDC i annan son Plan Devlopman pour li menm e i tre aktiv avek sa.  So, kekfwa dan, d’ici, dan en 3, 4 semenn apepre.  Me selman les mwan, mon a pran kontak avek son Chairman ek son CEO, pour nou ganny en larepons definitif.

An sa ki konsern ou premye kestyon; parey mon dir ou, an zeneral, si ou pou vin pour reste dan guesthouse IDC, sel restriksyon, se ki guesthouse i plen.  Parey nou’n deza fer mansyon e fer resorti, lo Silhouette par egzanp, ozordi i tre difisil pour ganny en wikenn oubyen al Silhouette pour al reste dan guesthouse IDC, akoz i plen pour plizyer mwan davans.

E IDC mon konnen i annan en plan pour zot konstrir le doub ki zot annan ozordi lo Silhouette pour satisfer demann Seselwa ki oule vizit sa zil.

Ou ava rapel ki menm Prezidan, dan son Leta Lanasyon, dan son Diskour Leta Lanasyon, i ti mansyonnen serten zil kot IDC pou ogmant son kantite akomodasyon ki pou mete anba IDC GuesthouseSo, i annan en plan pou fer li pli fasil pour Seselwa vizit sa bann landrwa.

Restriksyon, parey mon’n dir ou, i pou zis i napa plas.  E si oule ensiste oule fer fly fishing, e ou pa ganny anpese, i depan si i annan availability.

Akoz sa 14 rod ki mon’n koz lo la, sa 6 lo Astove, i pour rezon soustenabilite, sanmenm tou, pour prezerv lespes.  E tou sa kalite lapes letan ou tyonbo sa pwason, ou large.  Ou tir en portre, ou large.  Ou pa pran, ou pa met dan kannot sa.  Ou pa al manze, ou tyonbo, ou large.

Donk, vwala sel restriksyon ki annan se sa, napa ankor lezot restriksyon.  Amwen prezan i annan en pe dominer, bandisite, bann keksoz koumsa, me sa se IDC ki deside, parey zot konnen.  E zot kapab apros IDC e si i annan problenm, kontakte mwan.  Mersi Mr Speaker.

 

MR SPEAKER

Mersi Minis.  Onorab Flory Larue.

 

HON FLORY LARUE

Mersi Mr Speaker.  Bonzour tou dimoun.  Bonzour Minis.  Minis, eski ou kapab dir nou si SFA i prezan lo sa bann zil osi?  Pou fer sa bann Regilasyon ki ou’n koz lo la, letan ou’n koz lo 14 anglers in the water.  Eski ou kapab dir nou si SFA i prezan pour regulate sa bann zafer ouswa si i zis IDC ki fer?

E letan nou pe regard sa piblikasyon dan sa liv, lo website, sa Cosmo Eco Lodge is actually for sale.  I 885 Dolar par person e son deskripsyon i kler.

Letan nou pe koz marketing at sa nivo, vre nou pe target en serten group dimoun ki kapab tarnish repitasyon Sesel akoz i sansib.  Eski Gouvernman pou demann en leksplikasyon kler avek sa lakonpannyen akoz zot pe pibliye?

Akoz sa lakonpannyen osi dan son brochure i afilye avek bann group tel ki Alphonse Foundation e osi Island Conservation Society.  Alor sa piblikasyon i osi reprezant zot.

Eski en leksplikasyon kler pou ganny demande ek sa lakonpannyen, akoz zot pe market en keksoz a en pri fiks deza letan okenn permisyon pa ankor ganny donnen?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou kestyon.  Non, SFA ziska ozordi i napa okenn keksoz pour fer avek sa, pour le moman.

Parey ou konnen, IDC li i annan li, in kree ansanm avek operater lotel lo bokou zot bann zil, en fondasyon.  E sa Fondasyon se senpleman zot pran en larzan ki bann touris ki reste dan sa bann lotel par zour, zot stay e i kontribye dan sa fondasyon senpleman pou fer prezervasyon, konservasyon lespes lo sa bann zil.

Alor, letan ou’n mansyonn taler, mon pran dezyenm kestyon, letan ou’n mansyonn Alphonse Foundation, se sa, sa Fondasyon pour Alphonse.  I annan Desroches, setaki i annan lo sak zil i annan sa bann Fondasyon e se sa son bit.

Me i annan osi ICS, sa lot NGO ki li i lo tou bann zil IDC.  E parey Desroches, i annan en pti biro, i annan dimoun ki fer konservasyon e se zot ki gid bann touris dan sa bann zil pou fer zot konpran kwa ki zot pe fer, ki proze zot pe fer por donn zot en meyer leksperyans.

E sa osi i replike partou, enkli lo Astove, lo Cosmoledo, and so on. 

E par egzanp, mwan mon ava, mon a sizere e i menm enportan si pou annan en keksoz tanporer pour 1 ou 2 lannen lo Menai oubyen kot nou pou mete lo Cosmoledo, i bezwen osi annan biro, akomodasyon pour staff IDC an premye – pour gard sa koezyon, sa stratezi ki egziste e osi ICS akoz i bezwen la li osi.  Akoz sa bann i mars ansanm.  Mesi Mr Speaker.

 

MR SPEAKER

Mersi Minis.  Onorab Larue, vitman.

 

HON FLORY LARUE

Mon dezapwente ki Minis pa war ki Regulator osi, SFA koman Regulator i bezwen annan son biro lo sa bann zil.  E IDC mon krwar i bezwen fer sa imedyatman.  Avan okenn Fondasyon, Regilater Nasyonal Pei, li ki bezwen prezan.

E an plis ki sa, IDC i dir i pe devlop zil, nou’n koz lo envestisman pour dimoun lokal.  Akoz ki IDC pa fer parey SFA e disponib pour dimoun kapab lwe avek IDC pou fer zot biznes fly fishing or other on the outer islands?

Akoz pour le moman, sa bann fly fishing companies, Blue Safari, i pe lwe son enfrastriktir direkteman avek lotel li, i pe donn en servis lotel.  Alor napa sa loportinite pour sa Seselwa kapab be based lo zil si IDC pa fer li disponib pou fer en landrwa, en biro ki en dimoun i kapab lwe pour li run son biznes, parey SFA i fer kot bann pti outlets ki i lwe ek dimoun pour dimoun kapab fer biznes.  Alor outer islands osi i bezwen vin aksesib avek Seselwa.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Osi, letan mon ava pran kontak ek Chairman ek son CEO, mon ava fer sir ki mon sa lo zot azanda pour zot diskite prezan dan sa business forum.  Mersi Mr Speaker.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Minis.  Leres dimoun in ganny dir – bonzour.  Mr Speaker, premye keksoz mwan, lo sa kestyon transparans.   Taler Minis in dir i ava fer nou konnen lekel Direkter pli tar.  Mwan mon pe al demann ou, lekel owner ek shareholder ek Direkter sa bann konpannyen, Alphonse Island Lodge ensidswit.  Akoz Blue Safari ou dir i en trade name li.

Akoz mon oule ki sa lenformasyon i sorti?  Akoz si i p asorti lala, i pou paret Gouvernman pe kasyet e tou fason i pou sorti lo Facebook e i pou sorti ek tou son move lentansyon.

I pou fer, i posib i sorti avek egzazerasyon, i posib i sorti avek en lot konsepsyon, e ki tou i vin mal, pa byen, whatever, whatever.   Ou konnen ki mannyer sa bann zafer i ete.

So, si i sorti la dan en fason ofisyel, me napa problenm, tou dimoun i konnen.  E i ava annan transparans.  E nou, nou pe pres latransparans ozordi.  Alor, mon krwar premye keksoz i sa.  Si ou pou donn apre, korek?  Ler ou pou donnen, i pou sorti, i pou al ankor…  Ou konpran mwan Minis?  Mon krwar sa en premye keksoz.

Dezyenm zafer la, se kestyon reveni.  Ou’n dir 2.1milyon Dolar IDC i anmase avek tou sa bann roulman lo zil ki arive.  Nou, nou krwar sa i pti gin.

Prezan eksplik nou, sa i net profit konmsi letan ou’n tir tou bann depans sa?  Konmsi i zis ou profi? Ouswa i larzan ki ganny zenere atraver tou sa bann biznes lo zil.  Nou’n vizite, nou’n war pal mal.  E donn nou en pe plis leksplikasyon lo la.  Eski sanmenm tou reveni ki annan letan ou kalkil sa bann zil, sa bann proze ki annan?

E an menm tan, dir nou en keksoz.  Dan sa pti liv piblisite ki annan devan nou, zisteman lo sa paz kot i annan sa Cosmo Eco Lodge la, sa bann portre ki annan la i spesifikman sa enn ki nou pe koz lo la sa portre, konmsi i en fake sa?  Akoz konmela mon krwar zot fer photoshop, bann zafer.  Eski sa i form par en photoshop?  Parey zot in aranze, zot in met la dan portre?

Ouswa in egziste par la, i annan l’Australie, zot in tir en portre, zot in met ladan, oubyen i real?   E an menm tan, sa, konmsi pour ki sa?  Pour Blue Safari?  Oubyen pour en lot konpannyen.  Ki mannyer li i les sa bann keksoz si i annan lenformasyon, ki parey ou menm ou’n dir, ou servi ou term Français, konmsi i pa neseserman korek sa bann keksoz ki ladan.  Be alor ki mannyer, si pa ti lev sa issue la, i ti pou kontinyen ki ek son pa korek.  Konmsi ki mannyer sa bann keksoz i les ganny arive?  Lekel ki sipoze pe konkretman veye e gete sa bann keksoz?

E dernyerman Mr Speaker, lefe ki sa mo ‘exclusive,’ ki’n aparet 2 fwa dan sa piblisite, enn in ganny tire, lot ou dir ou a fer ganny tire.  Ler in ganny tire, premyerman ti a bon ou eksplik nou sa mo ‘exclusive’ dan sa bann konteks la, ki vreman i ti pe dir.

E ler in ganny tire la, eski lentansyon, lobzektif ki sa bann roulman tipe vin avek la, li osi i pe ganny tire li?  Ouswa li i pou ganny reste li.  Mo in ganny tire me lentansyon i pe kontinyen li?  Kestyon konmsi, nou oule en pe leksplikasyon lo la.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou bann kestyon.  Bon, ozordi mon annan lenformasyon zis pour sa 2 Direkter sa lakonpannyen.  Mon prefere donn lenformasyon ki korek.  Donk, les mwan al rod sa dezyenm bout lenformasyon e apre mon ava partaz avek Manm Lasanble.

An sa ki konsern dezyenm kestyon, sa 2.1milyon Dolar, se reveni ki IDC in anmase avek Alphonse Island Lodge pour lannen, son lannen finansyel Avril 2017 ziska Mars 2018.

Ladan, paret pour avyon, i pou definitivman annan bann depans ki i pou bezwen fer.  Pour lezot i kekfwa plito ase kler.  Me sa i en aktivite en operater ekonomik kot IDC.

Parey ou konnen, kot IDC osi i ganny odite, i ganny partaze, e se en konpannyen ki ozordi i fer profi.  Sa bann lakaz ki nou war la, mwan aparey mon’n eksplike, i pa egziste lo gran zil.  Mon krwar sa kalite chalet oubyen lakaz ki nou war i egziste li, kekfwa dan bann landrwa dan l’Afrique, bann Big Game Safari, bann keksoz koumsa, me i pa adapte pour sa landrwa.

o, mon pe fer en spekilasyon, mon krwar zot in tir en portre sa zafer apre zot in photoshop li, zot in met li la.  i pa egziste, mon repete!  Me tou le fason, zot in swiv prosedir, zot in soumet en proze kot SIB.  SIB i pe konsilte bann Lazans Gouvernman, bann le zot Lazans ki enplike pour donn aprobasyon e nou pou nobou met lanmen lo sa pour nou nobou gid sa promote olye al depans larzan initilman.  Parey mon’n dir ou sa zafer pa pou last very long laba sa.

E bi lonterm, se pour permet IDC li menm met son airstrip e konstrir sa bann chalets lo kont IDC.  E sa Island Lodge oubyen sa bann lezot operater ekonomik demen i kapab vin lwe sa avek IDC.  Sa se le bit evantyel.

Lo ‘exclusivity’, mon krwar ki wi, orizinalman i ti pe donn en fo lenpresyon, parey mon’n dir dan mon statement.  Personn pa’n konnen ziska tan nou’n war sa website.  Se sa IDC….  Menm IDC pa ti konnen, parey mon’n eksplike.

Alor nou’n fer zot korize.  Sa mo i aparet ankor en fwa pli ba e mannyer mwan mon enterpret li, se ki en fwa ou dan Astove, dan sa guesthouse IDC, ou pe al lapes dan lagon pandan detrwa zour, se sa, sa eksklizivite ki ou annan.  Ou konpran?  Mwan mon lir li koumsa.

Me oparavan, letan i ti dan son headline, bold, i ti pe donn lenpresyon ki sa zil ti eksklizif pour sa konpannyen, ki pa le ka.  E se a koz sa ki zot in bezwen rektifye e zot in rektifye enn fwa ki IDC in demann zot fer li.  Mersi Mr Speaker.

 

MR SPEAKER

Mersi Minis.  Bon, letan pa nou faver.  Mon ava donn loter dernyen kestyon. Oule, Onorab Ramkalawan, oule poz sa, en kestyon ou osi?  Vitman, apre mon ava donn loter kestyon dernyen.

 

HON WAVEL RAMKALAWAN

Mr Speaker, mersi bokou.  Mon it anvi zis met 2 pti pwen devan Minis.  Vi ki Minis ou menm ou, ou’n dir avek nou ki sa brochure i mensongère.  Alor, e ou, se Gouvernman ki’n distribye sa avek nou!  Akoz ki Gouvernman pa’n regard sa brochure mensongère avan ki i donn nou?

Parski mwan poz en kestyon e ki poudir, eski sa bann brochure i pa montre nou ki poudir finalman se pa nou Sesel ki annan kontrol, me ki sa bann etranze ki pe kontrol nou pei, pe kontrol nou zil, pe donn bann fo keksoz.

E finalman, eski nou kapab vreman annan konfyans dan zot lo nou later?  Parski la i fer mwan poz mon lekor kestyon.  Konbyen larzan, sa ki zot pe deklare, eski sa osi tou pa mensongère?

I fer mwan, Minis, poz milyon kestyon.  E i pa donn mwan en konfor ki poudir nou pe al dan bon direksyon.  Bannla pe sis disan Sesel, zot pe pran zot ta milyon e nou Sesel, nou pe ganny lakok pistas!  Mersi bokou.

 

MR SPEAKER

Mersi Onorab.  Mon ava petet permet Onorab Ferrari a poz son kestyon apre Minis a pran tou lede ansanm.  Onorab.

 

HON JEAN-FRANCOIS FERRARI

Mersi Mr Speaker.  Mer Speaker, dan menm laliny, e la mon poz on kestyon avek Minis Finans.  Minis, IDC i pour nou, IDC i pour lepep Seselwa, biznes ki IDC i fer i konsern Seselwa.  Akoz ler, par egzanp, nou bezwen fer repar airstrip lo zil, IDC i vin rod larzan dan Bidze Nasyonal.  Savedir nou annan par dan IDC.

Ki mannyer alors eski nou, ki bann Shareholders dan IDC, eski, ki mannyer nou pou kapab asire, avek sa bann laranzman ki IDC pe fer avek Blue Safari, ki nou pe ganny sa ki nou merit gannyen?  vi ki napa tender, ou’n eksplike, mon konpran.

I annan, i pa bann keksoz ki black or white.  Me ki mannyer nou, nou kapab satisfer nou lekor ki se Blue Safari ki devret pe fer sa?  Ou alor se Red Safari ki devret fer sa?  Oubyen Green Safari ki devret fer sa?  Si nou pa ni konnen par egzanp, lekel bann Direkter.  E se sa lenportans sa kestyon lo bann direkter.  Pour nou konnen si i pan menm direkter dan IDC, dan Alphonse Development, dan lezot.  Nou bezwen konnen tousala pour nou konpran ki nou pe ganny bon keksoz.  Alors koman Minis Finans, sey reasir nou ki sa bann laranzman, sa bann kontra i kapab mars dan nou faver, akoz nou pa war.  Nou pa pe war li mar dan nou faver!

E mon dernyen kestyon, se Minis, vi ki Public Order Act, in aprezan determinen ki ler ou bezwen fer en demonstrasyon dan lavil oubyen okenn landrwa, ou enform Komisyoner Lapolis pou dir ou annan lentansyon fer sa, notwithstanding Aldabra ki en highly protected area.

Eski ou pa krwar Minis ki’n ler pou, ler en dimoun, en operater, en Seselwa prive i pe desann pour li al dan Sid, i enform IDC, mon pou pas en kou, mon pou mouy mon kannot deryer Poivre akoz mon war letan pa bon.

Nou pa bezwen tonm azenou pour nou dir silvouple donn nou en pti sans, ki menm par ler nou pa gannyen, les nou mouy nou kannot.  Non!  I nou drwa pour nou mouy nou kannot.

Larezon se nou enform IDC, parey nou enform Komisyoner Lapolis, nou enform Komisyoner IDC, mon pa konnen si i en Komisyoner.  Me selman, pou dir nou pe vini, respekte nou, donn nou posibilite.

Mon dernyen kestyon Mr Speaker, se, mon dernyen kestyon se, Minis mon ti a kontan vreman si ou ti kapab, si ou ti konnen si i annan okenn Seselwa a okenn moman dan ou long leksperyans dan bann zil, dan lanvironnman, si i annan okenn Seselwa ki a okenn moman in eksprim lentere pour li kapab osi fer en pti devlopman, pour li met en pti chalet, dir 5 chalet, fer keksoz laba dan bann zil IDC?  Eski in deza arive sa?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab Ramkalawan pour ou kestyon.  Apre mon a pran kestyon Onorab Ferrari.  Letan mon’n parkour sa brochure bomaten, son laspe ki vreman mensongère ladan se sa bann Cosmo Eco Lodge ki ou menm ou, ou met lanmen lo la.  Mon krwar ki leres i ok li.  Me sa parti, sa pa korek, sa i premye.

Mon konnen osi ki sa brochure ti ganny fer pour sa konpannyen komans fer son piblisite pour sa salon touristik ki fer Sud Afrique ki apel Indaba, so, sa in sorti pour sa.

E parey mon’n eksplike osi, se normalman i en pe an avans pour sa zafer.  Me wi, nou bezwen en pe pli vizilan lo s bann keksoz akoz pou repran kestyon Onorab Ferrari, en parti son kestyon –  letan mon ti Minis Tourizm, toultan mon ti konvenki e mon ankor krwar ki devlopman touristik pour Sesel a lavenir, se son bann Zil Elwanye.  Konmdi, i annan en mo nou ti servi, this is the next frontier.  E nou bezwen fer sir ki letan nou fer li the next frontier, ki nou tou nou benefisye. So, mon krwar sa pwen i en pwen ki mon it a kontan mansyonnen.

Alor, enform IDC, demann permisyon IDC, mon krwar dan le konteks aktyel, i en pe menm zafer.  Mwan mon demande ki si i annan dimoun ki’n demande, kin ganny refize, e rezon kekfwa i en pe pa korek, les nou konnen, les IDC konnen.

Par ler nou pa konnen pour nou regarde akoz.  Akoz i enportan sa.  si en bato i kase, en peser i al an deriv, i annan bann lenstans ki nou pou bezwen donn li lasistans deswit, pa pou bezwen kestyon la.  Pa bezwen demann permisyon, ou bezwen reazir.

So, si zot annan bann ka kot in ganny refize, silvouple les nou konnen e les mwan konnen e mon ava take up pou fer sir sa bann keksoz pa arive akoz zil i ouver pour nou tou.

Mon konnen ki ti annan plizyer Seselwa par lepase ki ti annan devlopman touristik lo bann zil.  E ozordi i annan serten, zot ankor annan sa bann devlopman lo zot bann zil ki apartient a zot menm.  E ti annan en Seselwa ki li i ti enterese pou fer proze lo serten sa bann zil ki nou pe koz lo la, menm bann zil pli pre.

Me malerezman i pa’n abouti.  Mon kapab mansyonn Ile Platte par egzanp, ti en keksoz ki ti annan, ki Seselwa ti anvi devlope, me i pa’n abouti.  So, avek sa business forum e mon krwar ansanm avek Komite Zil, i ava en bon forum pour eklersi en pe sa bann keksoz.  E fer IDC anmenn son plan lenvestisman pour li menm a lonterm e pour nou nobou kapab diskite.  Me ou annan rezon, this is our next frontier, nou bezwen fer sir sa devlopman i fer byen.  Mersi Mr Speaker.

 

MR SPEAKER

Mersi Minis.  Minis avek sa, nou ava remersi ou pou vin reponn sa kestyon la bomaten nou ava eskiz ou parmi nou Minis.  Mersi.

 

MINISTER MAURICE LOUSTAU-LALANNE

Mersi Mr Speaker.  Mersi tou Manm.

 

(MINISTER LOUSTAU-LALANNE WAS EXCUSED FROM THE HOUSE)

 

MR SPEAKER

Bon, avan nou kontinyen nou travay, petet sa i zis en pti lenformasyon pour bann etidyan.  Mon konnen zot annan en progranm avek Sekretarya ozordi.  Prosennman lo nou Order Paper nou annan prezantasyon rezilta en survey ki’n ganny fer ki apel en Findings of the Integrated Biological Survey of Heroin Users.  Minis Dezinyen pou fer en prezantasyon selman 5 minit apre son bann teknisyen osi tou pou entervenir.

Petet apre Break mon ti ava envit zot pou retournen pour 5 minit pou ekout sa prezantasyon Minis akoz mon krwar i en size ki serye, ki pe okip bokou dimoun isi Sesel.  So, mon ava extend sa lenvitasyon avek zot.

Nou pou pran en Break.  Nou ava retournen 11.30.  Ok, so nou retourn avan, annou fer li 11.20.  Nou retournen 11.20, kot nou ava ganny Minis Dezinyen ki ava fer sa Statement.  Yes Onorab De Commarmond?  Ale.

 

HON CHARLES DE COMMARMOND

Non, mon ti pe dir mwan mon napa problem ek ler mwan.  Be selman nou annan bann zanfan la pour nou enterakte avek.

 

MR SPEAKER

Wi, se sa.

 

HON CHARLES DE COMMARMOND

So mon krwar 11.30 i fer plis sans.

 

MR SPEAKER

Wi.  Ok, annou fer li 11.30.  Me parey, mon ti’n dir o komansman bann zanfan pou dan Break la, pandan Break zot pou pran en tas dite e mon ava envit bann Manm osi tou pou kapab vini, vin enterakte avek zot.  Ok, nou ava Break e nou ava repran nou travay 11.30am.

 

(BREAK)

 

MR SPEAKER

Bon mon ava zis prezant leskiz pou sa pti retar ki nou’n gannyen.  Nou ava prezan envit Minis Dezinyen avek son delegasyon parmi nou.  Minis pou fer sa prezantasyon lo sa survey konsernan drog Eroin

        Bon mon ti a kontan welcome Minis Dezinyen Mrs Macsuzy Mondon parmi nou

E nou ti a kontan osi welcome Dr Patrick Herminie Sekreter Secretary of State Responsible for Prevention of Drug Abuse and Rehabilitation e osi Mr Benjamin Vel ki konsiltan.

Minis parey nou ti’n averti nou, ou ti anvi fer Statement lo rezilta sa survey, ‘Findings of the Integrated Biological Survey of Heroin Users’.  Minister laparol i pou ou

 

DESIGNATED MINISTER MRS MACSUZY MONDON

Mersi Mr Speaker.  Bonzour.  Bonzour Leader Lopozisyon.  Bonzour Leader Zafer Gouvernman, ansenyan e bann etidyan lekol Plaisance e tou dimoun ki a lekout.

Mr Speaker mersi pou donn mon sa loportinite pou vin devan Lasanble pou prezant avek zot en a persi lo rezilta resers, konportmantal e biolozik fer lo bann adikt eroin ki ti ganny fer an Oktob 2017 avek bann dimoun ki abiz sibstans.

Sa survey ki ti ganny inisye par lofis Sekreter D’Eta pou prevansyon labi drog ek reabilitasyon ti annan pou bi etablir magnitid sa problenm drog dan Sesel.   Sirtou eroin osi byen ki determin prévalence bann maladi ki asosye avek adiksyon eroin tel ki Epatit C     VIH – SIDA parmi lezot ankor.  400 adikt eroin lo Mahé, Praslin e La Digue ti partisip dan sa survey. 

        Bann adikt ki ti partisipe ti aze a 15an an montan.   Mr Speaker dernyen fwa ki en survey parey i ti ganny fer ti an 2011 e i ti enportan fer li anvi bann sanzman démographique e osi logmantasyon dan lakantite dimoun ki’n tonm dan sa fleo drog.

Rezilta ki’n sorti dan sa survey in monte ki i annan en gran nonm dimoun.  Sirtou zenn ki servi drog dan Sesel.  Rezilta i montre ki annan en estimasyon 4mil a 4, 800 adikt eroin e sa i reprezant 5poursan nou popilasyon e 10poursan nou lafors travayer.

Parmi zot 1700 a 1800 i pe enzekte e laplipar sa bann viktim i bann zonm ant 18an a 47an.  E sa i montre ki depi 2011 lakantite dimoun ki pe enzekte drog dan lavenn, in preski double.

In osi annan en gran logmantasyon dan bann maladi parey HIV ek Epatit C.  HIV ki ti 5.8poursan an 2011 in monte pou ariv 12.7poursan.  E lot kote prévalence Epatit C ki ti 46.5poursan, pou bann ki enzekte in monte pou ariv 76.1poursan.

Survey i montre ki plis zonm in pri dan sa adiksyon drog konpare avek bann fanm.  85.1poursan bann partisipan ti bann zonm spesyalman bann zenn zonm.  Nou’n osi vwar ki bokou zot 54.4poursan i bann zonm ouswa bann fanm ki pe viv tousel.  62.9poursan bann partisipan in fini zis ledikasyon segonder e bokou pandan lanplwa permanan.

Parey nou’n konnen zanfan ki pe afekte plis avek sa fleo drog, i an rezilta osi bann paran ki’n vin adikt.  Rezilta in osi montre ki 61poursan partisipan i annan zanfan.  Fodre dir Mr Speaker ki en gran nonm nou bann zenn i osi servi marijuana. 

Lazans pou Prevansyon Labi Drog ek Reabilitasyon in fer diferan rekomandasyon apre sa survey.  E osi pe met an plas en pPan D-Aksyon pou adres sa fleo.

I enportan ki Lazans i ganny sipor neseser pou kapab pli byen ganny organiz li an term striktirasyon resours e osi pou fer marse son bann progranm.

Sa demars i osi bezwen enkli rekritman staff kalifye e primordyal pou ganny en landrwa permanan pou loperasyon toulezour.

Se pou sa rezon, ki Cabinet ti pran en desizyon pou demann Lasanble pou unfreeze sa R5 milyon pou ed sa Lazans pou ogmant son kapasite pou fer fas avek sa fleo.

Tou dernyerman Lazans in osi anbark lo en travay enportan an kolaborasyon avek UNODC pou drafte met an viger en Plan Nasyonal pou drog e osi formil en plan stratezik pou gid son travay.

I evidan ki sa bann sif i alarman.  E bokou zefor i bezwen ganny mete, pa zis lo kote Lazans ek Gouvernman, me osi avek partisipasyon sekter prive ensi ki bann NGOs dan pei.

Partisipasyon dan kominote i osi neseser.  Akoz zisteman, sa problenm i konmans dan kominote e se dan kominote ki nou bezwen osi vwar son solisyon.

Lo kote Gouvernman nou’n reasir popilasyon Seselwa ki nou pe fer tou sa ki neseser pou nou konbat sa fleo drog.  Avek sa Statement e ou permisyon Mr Speaker mon ava prezan envit Lasanble pou permet Sekreter D’Eta Dr Patrick Herminie e Mr Benjamin Vel nou konsiltan ki ti fer sa survey pou fer en prezantasyon pli detaye lo bann rezilta.  Mersi Mr Speaker.

 

MR SPEAKER

Mersi Minis Mondon.  Bon i annan en demann ki Minis osi ti’n fer formelman avek Lasanble anvi pou nou kapab adres sa rezilta pli byen e pou bann Manm kapab entervenir pou nou al lo en Staz Komite.  Mon ti ava demann Manm ki le move lo ki nou move dan en Staz Komite.  Onorab De Commarmond.

 

HON CHARLES DE COMMARMOND

Mr Speaker mon move ki nou al dan Staz Komite pou nou kapab diskit lo detay sa propozisyon devan nou.

 

MR SPEAKER

Mersi Onorab De Commarmond.  Okenn Manm ki segonde?

 

HON SIMON GILL

Mosyon i ganny segonde Mr Speaker.  Mersi.

 

MR SPEAKER

Bon nou ava pran en vot lo Mosyon pou Lasanble move dan Staz Komite.  Tou Manm ki an faver?  Okenn Manm ki kont?  Ok Madanm Clerk.

 

MADAM CLERK

Mersi bokou Mr Speaker, mon’n rikord 12 Manm an faver, e personn kont.  Mersi.

 

MR SPEAKER

Mon ava demann Sergeant pou move Mace.  Zis mon ti a kontan prezant en leskiz ki mon krwar Mr Vel ti i anvi fer en PowerPoint Presentation.  I pa posib akoz nou’n teste nou  sistenm prozektwar, i pa pe fonksyonnen.  Nou’n ganny enn de pti problenm avek in on and off on and off, e ozordi in deside pou pa fonksyonnen.

Nou pe seye pou lavenir ki nou a kapab prozekte sa atraver laptop lo nou ki isi dan nou Lasanble.  E i pa pou kapab ganny fer ozordi me selman tre prosennman dan sa pozisyon pou nou kapab fer li.

So Mr Vel dezole ou pou bezwen fer ou prezantasyon koumsanmenm e apre mon sizere ankor ava pas bann rapor avek bann Manm.  Laparol i pou ou Mr Vel.

 

CONSULTANT MR BENJAMIN VEL

Mersi Mr Speaker.  Bonzour tou dimoun.  Bonzour tou bann Onorab e bonzour tou bann manrmay lekol e osi bonzour bann dimoun ki dan lakour.

Mon fer en prezantasyon ase bref lo rezilta ki nou’n gannyen avek sa survey.  E en keksoz osi ki enportan pou mansyonnen avan nou donn bann rezilta, se eksplik en ki mannyer survey in ganny fer.

E sa survey li menm sa ki nou apel IBBS i vedir Integrated Biological and Behavioral Surveillance Survey Study.  Tou senpleman i vedir ki i annan en parti konportmantal savedir i annan en parti kot ou demann kestyon atraver en kestyonner.  Epi i annan en parti biolozik kot ou tir disan e ki ou teste sa disan pou gete ki rezilta ou gannyen.

Sa survey mon krwar in fer li mon tousel.  Natirelman nou ti annan en group dimoun – Seselwa ki nou’n met ansanm pou nou travay lo la.  So mon  zis onor mon bann kolaborater so ti annan Ms Rosie Bistoquet, Mrs Sabrina Mousbe, Dr Louine Morel, Mr Joachim Didon, Ms Fadette Estico, Ms Georgette Furneau, Ronny Arnephy, Mr Nigel Freminot, e Mrs Patricia Baquero sa i bann dimoun ki’n ki ti pe kolabor ansanm.

Lo kote lobzektif Minis Dezinyen in koz en pe  ek zot lo la.  So premyerman nou ti pe sey determinen konbyen dimoun ki servi eroin i annan dan Sesel.

Dezyenmman nou ti pe sey rode ki zot bann karakteristik ki lo kote démographique laz, sex lekol, lanplwa ki mannyer zot ete.  Nou ti pe osi evalye zot konportman seksyel e zot konportman risk ki zot kapab annan.

Katriyenmman nou ti le konnen osi si zot rod led.  Nou ti pe rod sa ki apel health seeking behaviours.  Savedir nou pe gete si zot ak kot klinik.  Si zot sey rod led, si zot rantre dan Wellness. 

En lot keksoz osi nou ti le dekouver, sirtou atraver pran bann santiyon disan sete pou dekouver ki bann prévalence bann lenfeksyon ki annan e menm gete si i annan ko-lenfeksyon.  Savedir si par egzanp zot annan HIV me an menm tan osi zot annan Epatit C ouswa zot annan Epatit B, ouswa menm sifilis.  I sa 4 maladi an partikilye ki nou ti pe rode.  E tousala avek lentansyon pou donn lenformasyon bann dimoun ki fer Polisi bann dimoun ki devlop bann progranm pou zot kapab deside ki zot pou fer avek sityasyon Sesel.

So konbyen dimoun ki’n partisipe?  Nou ti pe letan nou’n fer nou kalkil lo kote lakantite ki devret partisipe nou ti’n ganny 388 nou nou’n round it of pou 400.  E dan sa 400 ki nou’n gannyen nou ti pe rod an partikilye tou dimoun zonm ouswa fanm ouswa transgenres ki Seselwa ouswa ki pa Seselwa me ki pe viv Sesel moman ki nou pe fer sa resers.  Savedir dan sa peryod Oktob ki nou pe fer sa resers.

Lo kote Mahé 16 Oktob ziska le 31  – lo kote Mahé ek Praslin.  Lo kote La Digue 16 Oktob ziska le 23.  E nou ti pe rod dimoun ki pe servi eroin kouraman nou ti pe met limit 6 mwan.  E nou ti pe rod dimoun ki aze ant  15 a  ti napa limit pli o.  So 15 an montan.

Ok, so metodolozi i en metodolozi ki nou apel respondent-driven sampling, savedir ki nou fer nou rod bann dimoun ki deza dan sa kominote dimoun ki pe servi drog e nou zwenn zot nou koz ek zot nou diskit avek zot, zot osi zot pou vin partisipan.  Me nou ankouraz zot pou rekrit 3 lezot dimoun.  E sa bann dimoun ki zot i n rekrite zot osi zot rekrit 3 ankor lezot dimoun pou nou kapab ariv sa ki nou apel nou sample size, lakantite dimoun ki nou ti pe rode.

So sa bann dimoun avek zot bann sit ti annan 10 antour ti annan 3 ki ti sorti santral  3 ki ti sorti sid avek was 2 Praslin e 2 La Digue.  E nou ti annan 4 site ki nou ti pe travay lo la.  Nou ti annan lo kote Mahé, Santral, Sid avek Was me anyway nou’n deza servi zis en sit apre epi nou ti annan Praslin ek La Digue.  Lo kote biolozik  nou ti pe tir 7ml disan pou teste HIV, Epatit-C, Epatit-B e sifilis.

So bann rezilta.  So lekel sa bann madanm ek fiy, lekel sa bann zonm ek garson ki’n partisip dan sa survey?  Premye keksoz ki nou kapab dir zot se ki zeneralman zonm zot ase zenn.  So nou annan nou;

83 dimoun ki ti aze ant 25 a 29an.

73 aze ant 20 24an.

Nou ti annan osi 13 zot ki ti aze ant 15 a 19an.

Me pa bliye nou ti osi annan dimoun ki en pti pe lo lot kote lo lot ekstrenm nou ti annan dimoun 13 zot 18 zot eskize.  I ti annan 50an an montan.

Laplipar zot, zot paran ok laplipar partisipan zot annan zanfan.

So 243 zot ti annan zanfan dan sa group dimoun.  Laplipar zot malgre zot annan zanfan zot single 216 zot, zot single.  Reste tousel e pa’n zanmen marye.

Pa’n fini zot ledikasyon segonder nou annan apepre 63 zot 63poursan ki pa’n fini zot ledikasyon segonder.

Zot en keksoz an partikilye ki nou, remarke se ki zot in konmans sex boner.  Par egzanp nou annan dimoun pli ba laz ki nou annan  se 8an.  E si par egzanp nou pran 8 a 14an nou annan nou apepre i fer apepre 25 petet poursan zot ki’n fer sex avan 15an e nou konsider li konman en labi.

E si nou get en pe profil dimoun ki servi eroin Sesel, e laplipar i zonm laplipar i aze ant 20 a 29an.  Laplipar i single 54poursan.  Laplipar i annan zanfan laplipar pa’n fini zot ledikasyon segonder.  E laplipar pa anploye.

Mon annan osi en lenformasyon la ki mon krwar i tre enportan se laz ki premye fwa sa bann dimoun ki ti donn sample in servi eroin.  E la i tre enteresan akoz labitid nou mazin pou dir be eroin zot a konmans pli tar.  Me selman dimoun aze nt 15 a 17an nou annan 28poursan ki pou premye fwa ki zot in servi eroin i ant 15 a 17an.

E laplipar i plito konmans apre 18an – 18 a 24an kot nou annan pli gran sif 163 zot.  Nou ti pe gete osi si zot enzekte eroin i nou annan 36poursan enzekte eroin.

E letan nou pe get ok me bann ki enzekte eroin ki mannyer i marse sa.  Nou annan 18poursan zot sa group ki enzekte eroin ki aze ant 15 a 19an – so ase zenn ki enzekte.   93poursan i enzekte toulezour.  E 31poursan i share i partaze ouswa i emprumte bann lekipman ki lezot dimoun i annan swa bann pikir, swa bann sereng, swa bann kopol, swa bann lezot lekipman ki zot servi.  So sa i enkyetan – anfet.

Epi nou’n gete osi eski zot fer travay sex?  Bann dimoun ki pe servi eroin?  E i annan 19poursan zot i  ki raporte pou dir wi zot fer travay sex e tre probableman pou zot aste eroin.

E nou osi ti pe get en pe bann konportman seksyel enn ki mon kapab raporte la, malgre i annan ki pe fer travay sex, malgre ki i annan ki pe enzekte, malgre i annan ki pe met zot lekor a risk.  I annan tre pe itilizasyon prezervatif.  So i annan 44poursan zot ki pa servi ki pa ti servi condom dernyen fwa ki zot ti fer sex. 

Ok lo kote konbyen zot i annan dapre nou kalkil i annan 4,800 dimoun ki servi eroin Sesel.  E mon krwar sa sif i konservater.  Anfet mon pa tro krwar i vreman son pli o nivo.

Konbyen zot ki enzekte.   I annan mil 728 a 2, 760 zot dapre bann kalkil ki nou’n fer ki enzekte drog.

Aprezan annou sey get en pe.  Be ki mannyer nou konpare avek lezot pei akoz i fasil dir i annan 5mil dimoun i annan 6 mil dimoun i annan 2mil, 3mil ki enzekte.  Me letan nou gete ki i pe dir i vreman an term proporsyon popilasyon si nou.  Lo kote dimoun ki servi eroin i annan apepre 6poursan nou popilasyon.

Menm avek sa konservater ki servi eroin.  Si nou get lo dimoun ki enzekte eroin i annan 3poursan.  Me letan nou get lezot pei nou vwar zot proporsyon i 0.3poursan Albanie.  Letan nou get Maldive i pa’n servi menm metod ki nou.  E Maldive li in ganny apepre 4, 342 dimoun ki servi drog tou kalite drog enkli eroin enkli kanabis zot lo zot 6.6poursan letan zot fer sa.

E mon asire nou par egzanp enkli bann dimoun ki servi kanabis nenport ki, ki servi nenport ki drog mon asire i ti pou mont pli o ki sa.

Si nou get Kenya, Kenya li son dimoun ki enzekte drog son dernyen estimasyon 2011 en pe vye son letid me i fer apepre 10 mil dimoun ki servi e konpar e zot popilasyon mon asire son proporsyon i ase ba.

Sud Afrique li letan nou get sa ki li in fer.  Li in fer en mapping 2015 e Sud Afrique li i annan  75mil dimoun ki servi drog. E pa bliy popilasyon Sud Afrique e sa i enkli tou.  I pa zis dimoun ki zis servi eroin.

E an dernyen nou get en kou Nigeria ; Nigeria li in servi bann estimasyon en pti pe endirek i pa  defini klerman ki son popilasyon.  Me solman lo kote dimoun ki servi drog i kalkile i annan apepre 18mil dimoun ki servi drog – ok?

        So an term proporsyon i tre probableman nou ant enn a 3 dan lemonn mon plito krwar nou No 1. Malerezman en rikord ki pa tro nice annan.  Me mon krwar nou No. 1 dan lemonn la pou servi eroin.

Ok.   Alors annou get en pe bann proporsyon lo kote bann maladi.  Annan get bann proporsyon lo kot bann maladi.  Parmi zonm ki annan relasyon seksyel avek zonm, mon pe get HIV la i annan 13poursan, sa i baze lo letid 2011.

Si nou get letid 2011 dimoun ki enzekte drog dan lavenn i annan 6poursan.

Si nou get dan popilasyon 15 a 64an i anba en poursan.

Si nou get dan popilasyon 15 a 19an i anba 1 poursan.  Si nou get bann madanm ki fer travay sex i fer apepre 5poursan ki annan HIV. 

Si nou get dimoun ki servi eroin son proporsyon i 8poursan.  Dimoun ki enzekte eroin i 13poursan.  Mon pe koz zis prévalence  VIH  – en ?

Si nou get pou Epatit C zonm ki i annan relasyon seksyel avek zonm 42poursan.

Dimoun ki enzekte drog dan lavenn 47poursan baze lo letid 2011.

Si nou get lo letid 2015 kot nou ti pe get bann fiy ki fer travay sex 35poursan Epatit C.  Dimoun ki servi eroin 36poursan Epatit C.  Dimoun ki enzekte drog dan lavenn i 76poursan ;  i pli o nivo ki nou annan.

I annan serten ko-lenfeksyon ki i annan 28 ko-lenfeksyon HIV avek Epatit C apepre 7poursan sa popilasyon ki nou nou’n ti tir dan en santiyon 7poursan i annan ko-lenfeksyon Epatit C  – HIV. 

        Epi nou ti annan en partisipan selman erezman ki ti annan en ko-lenfeksyon HIV, Epatit B, Epatit C. 

Donk anyway sa bout ki la petet nou a kit pou bann kestyon. Ti annan detrwa kestyon ki nou’n demann nou lekor serten rekomandasyon ki nou pe mazin lo la.

En keksoz ki nou bezwen tire dan sa letid se ki zot konmans boner.  Konmans tre boner.  I paret ki dimoun i annan bann lavi ase trouble bann lavi ase disturb dan lakour, dan lekol, keksoz pa pe mars ase byen.  I annan dan sa group dimoun ki nou’n teste laplipar i servi kanabis avek lalkol ki nou ti pe ekspekte.

Epi nou annan dimoun ki zot lavi i karotik.  I karotik zot lavi i lonely, so lavi i en pe konpletman dezord.  Things running away from them en pe.  Epi en lot zafer ki enportan osi se ki i annan en o prévalence HIV.  I annan en o prévalence Epatit C dan sa popilasyon.

So i annan keksoz nou pou bezwen fer nou pou bezwen bouze.  Mersi bokou pou zot latansyon.

 

MR SPEAKER

Mersi Mr Vel.  Bon mon pa konnen si SS Herminie i le azout keksoz.  Me selman zis mon ava diriz zot nou pou ale ziska 12.15 apre nou ava pran Break nou ava retournen apre midi pou plis enteraksyon SS ou le azout keksoz lo la?

 

SECRETARY OF STATE DR PATRICK HERMINIE

Mersi Mr Speaker tou Manm prezan.  Mon napa nanryen pou azoute.  Si i neseser mon ava entervenir.

 

MR SPEAKER

Ok mersi.  Nou a konmans avek Onorab Henrie.

 

HON GERVAIS HENRIE

Mers Mr Speaker.  en premye kestyon zis pou en pwen klarifikasyon.  Mr Vel i dir nou i dir dimoun ki servi eroin apre i dir dimoun ki enzekte eroin.  Sa i pa neseserman mon kestyon me mon anvi konn what the different between the 2?

        So mon kestyon prezan i se ki sa resers mon pou pran in fer an Oktob lannen pase.  An Oktob lannen pase petet i ti ava osi en moman pou zot kapab update bann rezilta sa resers a 2011.  Pou konmsi nou annan en picture en portre realite aktyel.

Donk kwa ki anpes zot fer osi sa lot update sa survey pou nou kapab ganny bann rezilta ki pli current.  Mersi.

 

MR SPEAKER

Mersi Onorab.  Mr Vel.

 

CONSULTANT MR BENJAMIN VEL

Mersi Mr Speaker.  Lo kote dimoun servi eroin i dimoun servi eroin i dimoun servi eroin nenport ki fason.  Ki fimen, ki i chase, ki i enzekte so – ki sneef whatever.  So sa i dimoun ki servi eroin, heroin users. 

Lot dimoun ki enzekte eroin i dimoun ki aktyelman servi eroin dan lavenn.  Savedir dan popilasyon dimoun ki servi eroin i annan ki pa enzekte ditou.  I annan ki zis servi swa i fimen swa i chase me i pa enzekte.  So sa i son distenksyon.

E i enportan fer sa distenksyon pou la senp rezon ki dimoun ki enzekte eroin dan zot lavenn zot pli a risk ganny maladi.  Anfet si ou ganny bann prévalence pou HIV ou get prévalence pou Epatit C pou vwar sa diferans.  Zis mon a repete rapidman dimoun ki servi eroin an zeneral lo kote HIV prévalence i 8poursan.  Me en dimoun ki servi eroin dan lavenn prévalence pou VIH i 13poursan.

Lo kote update 2011 ou pa kapab update actually akoz i baze lo en letid sa letid i en i parey konmsi ou’n pran en portre at one moment in time an  Oktob 2017 on that point in time la i la sityasyon ki mannyer ti ete.

Par egzanp sa enn 2011 i ti ganny fer an Zen ek Zilyet.  So ant Zen ek Zilyet 2011 on that point in time la i la mannyer sityasyon mannyer i ete.  E anfet sa letid ki la i pe update sa enn ki 2011.  Pou ou update sa enn 2018 fodre ou repet sa letid ki pa neseser la pou lemoman.  Petet ankor dan 5an ouswa ankor dan 3an.

 

MR SPEAKER

Mersi Mr Vel.  Onorab Henrie.

 

HON GERVAIS HENRIE

Mersi pou klarifikasyon.  Mersi Mr Chair.  Kekfwa mon kestyon vreman mon ti demande avan avek Minis.  Se ki zot le prezant avek Lasanble rezilta sa bann letid.  Setadir ki zot oule ki nou konpran sa sityasyon drog ki dan nou pei ozordi vwala comme tel realite i ete.

Me sa ki dimoun  pou demande se ki nou pa prodwir eroin isi Sesel.  Kekfwa bann dimoun dan bwa i plant marijuana.  So mon Konpran tandans sa letid se pou get sityasyon.  Me kestyon pli enportan pou piblik se drog ki pe rantre.  Kote li i rantre dan sa tou sa ki nou pe dir la se si i pa arive, then nou pou napa sa bann statistik ase sokan ki nou’n tande.

        So avek sa ki  nou’n vwar ki nou pe tande la bomaten ki mannyer nou pou atak son sours sa problenm.  Mersi bokou.

 

MR SPEAKER

Mersi Onorab.  Mr Vel oubyen Minis.

 

DESIGNATED MINISTER MRS MACSUZY MONDON

Mersi Mr Speaker.  I vre ki nou pa prodwir parey ou dir, me wi i rantre dan pei i annan diferan fason ki eroin i rantre dan pei; i rantre atraver bato par egzanp. I rantre lo lanmer.  I kapab antre osi – tanzantan nou tande pou dir dimoun in ganny atrape, i ganny atrape avek drog osi lo Airport.

Donk nou pei i en zil e i pa difisil.  Petet pou sa bann keksoz koumsa antre menm si nou ban travayer Customs oubyen nou bann gard lakot i veye nou lapolis osi i annan bann bato kot zot pe vey konstaman, me parfwa i arive ki sa bann keksoz i petet i sap nou.

E sa i fason ki nou vwar ki eroin i rantre dan pei.  E letan ou pe demande ki mannyer nou, nou pe deside pou nou atak sa problenm, e sa i pa strikteman ranforsi sa bann  sirveyans  ki nou pe fer.  E revwar en pe osi nou bann stratezi lo lafason ki nou pe sey kontrole, ki mannyer sa bann sibstans i rantre dan pei.

E an menm tan osi dan sa  Plan Nasyonal ki nou pe travay lo la ki byento i pou pare, i ava annan zisteman ladan bann stratezi lo ki mannyer nou pou deal avek sa bann problenm.  Mersi Mr Speaker.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Bonzour Minis avek ou delegasyon.  Mr Speaker letan Minis in fer son prezantasyon, in dir poudir i annan manrmay konmsi dan zot survey menm vwar manrmay anba bann manrmay 15an an montan.  E ler ou pe regard en manrmay 15an se en manrmay dan S3 i en pe tris konmsi.

Mon ti a kontan demande  ki kalite progranm rehabilitation i annan pou bann zanfan 15an?  Akoz ou pa pou kapab annan en progranm en menm progranm  pou en adilt avek pou en zanfan 15an.  I bezwen annan 2 diferan progranm.  Mon ti a kontan konnen ki progranm ki i annan.

Epi Minis ou’n dir nou i annan 4 mil a 4, 800 adikt isi Sesel.  Konbyen dan sa 4 mil a 4, 800 ki lo progranm detox?  Konbyen sa pe kout pei par zour, par mwan e par lannen ?  Eski sa bann adikt i lo progranm SPA Seychelles Protection Agency?  Si wi konbyen zot pe gannyen par zour ou par mwan?  Mersi Mr Speaker.

 

MR SPEAKER

Mersi Onorab Esparon.  Minis oule pran sa oubyen SS Herminie?

 

SECRETARY OF STATE DR PATRICK HERMINIE

Mersi Onorab pou ou kestyon.  Ou annan en pwen letan ou dir ki mannyer ou reabilite en manrmay en 15an.  Definitivman ou pa kapab met li avek en manrmay 18an an montan, akoz i annan en kantite labi.

Se pou sa rezon ki i enportan ki o pli vit posib nou konstri sa Sant Reabilitasyon, sa Vilaz ki fer provizyon pou en sant pou bann manrmay ki anba 18an.

Pou lemoman zot zis ganny sipor psikososyal avek bann counsellors.  E napa nanryen plis ki sa ki nou kapab fer.  E pou en manrmay sa laz i po neseser pou met li dan en sistenm rezidansyel pou kapab deal avek li pli apropriye ou bezwen kontinyen donn li son ledikasyon eksetera, eksetera.

Me pou sa arive nou invest dan Rehabilitation Centre pou bann manrmay anba 18an, ki malerezman nou napa.

An sa ki konsern detox, tou resaman nou’n lans en progranm ki nou apel low-threshold detox programme.  E an tou ansanm avek high-threshold nou annan apepre 1100 manrmay ki lo la.

E si pou reponn ou kestyon si zot pe ganny lasistans avek SPA – i konpletman fo.  Mon ava dir parey zot in dir bomaten i mensonges….  E mensongère e bann manrmay ki bann addicts in recovery ki pe ganny lasistans avek SPA se bann ki pe travay avek nou konman peer educators, depi 8er ziska 4er.

Se pou sa rezon ki dan sa 5 milyon nou’n demande pou unfreeze nou’n fer provizyon pou nou kapab donn zot en honorarium pou 60 zour an tou.  E lemoman ki sa i ganny unfreeze then nou pou tir zot tou lo SPA. 

Bann ki pe detox lo la Anse Royale, English River, eksetera i bann zenn ki vin zot menm volonterman e personn pa donn zot en sou!  Mersi bokou.

 

MR SPEAKER

Mersi SS Herminie.  Onorab Esparon.

 

HON REGINA ESPARON

Mersi Mr Speaker.  Mr Speaker eski SS i kapab dir nou sa bann manrmay anba 15an la – 15an an  montan la.  An se moman konbyen zot annan ki lo progranm detox?  Epi eski zot ankor dan lekol?  Oubyen konmsi dir nou en pti pe ki mannyer pe ganny antreprann an se moman.  Eski i zot bann zanfan ki dan lekol oubyen zot in fini bann drop out from school?  Mersi.

 

MR SPEAKER

Mersi Onorab.  SS.

 

SECRETARY OF STATE DR PATRICK HERMINIE

I enteresan sa kestyon pe vini akoz i en size ki nou pe diskit lo longman dan Management akoz i pe vin deplizanpli bokou sa group manrmay.  E i annan zot i ankor pe lekol.  Ou kapab mazinen se bann manrmay ki beyond control.  E malgre i annan sa sant ki’n ganny fer Perseverance ou pa kapab met zot avek bann manrmay ki i annan anti-sosyal.  Zot en kategori pou zot menm.

        So pou lemoman parey mon pe dir ou zot pe ganny swiv par counsellors.  Sif egzakt mon napa sif egzakt ek mwan, me mon kapab fer ou gannyen sa sif.  Mersi bokou Onorab.

 

MR SPEAKER

Mersi SS.  Bon parey mon’n dir nou pou pran en Break la.  Ankor mon ava demann Minis avek son delegasyon pou pasyante en pti pe avek nou.  Mon konnen bomaten zot in vin en pti pe boner pou zot retournen apre midi 2er pou nou kapab kontinyen sa Sesyon dyalog pou kapab ganny en pti pe klarifikasyon, e osi tou bann larepons ki bann MNA i anvi.

Mon annan zis en pti 2 pti lanons pou fer i annan Komite Reform e Modernizasyon ki pou rankontre en pti moman toudswit dan Committee Room 3.  E ABC Assembly Business Committee pou rankontre 1.15 Speaker’s Conference Room.  Avek sa nou ava pran en Break.  E nou ava retournen 2er.

 

(BREAK)

 

MR SPEAKER

Bon napa, napa quorum okOk la nou ganny quorum.  Bon.  Bon.  Bon apre midi tou bann Onorab.  Bon apre midi Minister, SS Mr Vel e bonn apre midi Ms Vangadasamy pou akonpanny Minis pou Sesyon.  Bon nou pou kontinyen nou travay la apre midi e mon ava swiv mon lalis.  Mon pou zis port zot latansyon ki nou anvi release Minis par 3. 20.  Bann Manm fer zot kestyon bref, annou pa fer bann Statement pou nou kapab fini nou travay.  Yes Onorab Esparon.

 

HON REGINA ESPARON

Mersi Mr Speaker.  Mon ti anvi zis fer en klarifikasyon.  Avan nou ti al Break mon ti demann avek SS donn mwan en amount in figures konbyen pei pe depanse pou sa progranm Methadone me i pa ti donn mwan.  Si petet i kapab donn mwan silvouple.  Mersi.

 

MR SPEAKER

Ok nou ava demar nou apre midi avek sa.  SS Herminie.

 

SECRETARY OF STATE DR PATRICK HERMINIE

Mersi Mr Chair. Mersi Onorab. Bon Methadone i en drug ki en opiate parey ou konn tre byen Onorab ki ekstrememan bon marse.  Anba INCB ki International Narcotic Control Board Sesel konman en pei i annan en quota 2 kilogranm baz Methadone.  Savedir par lannen i pa kapab enport plis ki sa.  Ok? E i annan kontrol strik, strik, strik lo la menm apre ki nou nou’n order sa, nou’n order avek Rosemont, Minister Lasante i fer li avek Rosemont L’Angleterre. Zot pou zot kapab anvoy kot nou zot bezwen annan en export permit avek Home Office.

Depi ler nou’n konmans nou threshold nou’n fer en request avek INCB e nou’n ganny sipor UNODC pou fer nou quota sorti de kilo pou vin 8 kilo apepre, akoz lakantite demann.

Bon aprezan konbyen de kilo Methadone baz i arive, i ariv R109mil ki zot menm zot dir zot napa e zot anvoy li kot nou dan laform 440 boutey 10 milligranm par mililit, bann boutey 500 miligranm.  Mon krwar konman en ners ou konpran ki mon pe koze.

Se sa i – aprezan si ou le en konparezon, nou pe al entrodwir nou’n fini fer tou bann training neseser.  Nou buprenorphine ki osi i en substitute me i en partial agonist e li se sa ki zot apel lo black market zot apel subitex.  Nou, nou pe fer vini son tip espranor zis kan ou met lo lalang i fonn.  Li pou 200 manrmay i ariv R1milyon  par lannen.  So si ou ti pou pran sa mil manrmay pou met zot lo brupremorphine e tir zot lo methadone ou pe koz lo R5milyon.  Methadone is the cheapest ki ganny servi partou dan lemonn.  Mersi bokou.  Me lezot kou parey transpor, staff eksetera ki pa antre ladan.

 

MR SPEAKER

Mersi SS Herminie.  Onorab Jude Valmont.

 

HON JUDE VALMONT

Mersi Mr Chair.  Bonn apre midi.  Bonn apre midi Minis, delegasyon, tou koleg Onorab e tou piblik ki pe swiv nou.  SS mwan mon kestyon i pou ou zis annan en kontinite kestyon Onorab Esparon.  Apard ki progranm methadone ki lezot progranm ki zot annan an plas, sirtou bann progranm, ki progranm zot annan osi pou bann zenn ki anba laz pou ede ki nou deal ek zot boner?

Apre i annan en kestyon ki bokou dimoun i pe koz i la dan lavi la aktyelman, SS ler ou’n konmanse mon konnen ou’n koz lo la.  Be la apre konsiltasyon avek bann pasyan, bann paran, avek lepep Seselwa li menm, eski ou ankor share sa pwennvi ki Marijuana pa merit ganny legalize?  Eski nou vwar konman, nou pa vwar li konman sa solisyon pou deal avek sa sityasyon ki pli grav eroin?  Mersi.

 

SECRETARY OF STATE DR PATRICK HERMINIE

Met progranm ki nou annan an plas, apard progranm methadone i annan en progranm ki nou apel naltrexone.  Diferans se ki enn i en opiate lot pa en opiate e naltrexone souvan annefe zot annan menm lefe.  Zot anti craving konpran zot anpes, ou konpran dimoun i bezwen konpran enn fwa pour tou akoz nou servi sa bann progranm la, naltrexone, methadone.  I pa pou geri sa boug, pa pou fer li aret servi eroin.

Sa i en gran proses ki pran ziska 18mwan, 2an i annan pou lavi ou pa pou arive tret zot.  Me ki i fer i anpes zot crave e an rezilta sa akoz ki son dirasyon i 24 erdtan, an rezilta sa i kapab al travay, an rezilta sa i pa rod eroin, an rezilta sa i pa al vole pou ganny larzan pou aste eroin, an rezilta sa i pa pike avek sereng sal ki fer li pa ganny Epatit C, ki fer li pa ganny Sida, ki fer li pa ganny HTLV ki ozordi i konmans vin en lot problenm parmi nou bann manrmay droger.

E bokou zot parey ou konnen zot mor avek lenfeksyon leker.  Sa methadone i fer – i anpes sa arive.  Ou vwar?   Se pou sa rezon nou apel li en harm reduction measure or you see.  Pa ankor egziste en latizann ki ou pik en boug i aret servi eroin demen bomaten.  Pa egziste!

Naltrexone osi i parey.  Naltrexone nou tir zot net lo methadone, nou met zot lo naltrexone e naltrexone osi i anpes zot crave.  Lekel ki al lo methadone, lekel ki al lo naltrexone, sa i ganny deside par psychiatrist avek son psychologist.

Aprezan nou annan trwazyenm ki reabilitasyon dan sant reabilitasyon.  Malerezman nou annan nou zis en sant reabilitasyon ki Praslin.  Pou le moman nou pe servi konman en Sant Detox akoz i annan tro bokou zenn ki pe espere pou ganny detox.

Si nou mon servi li nou kapab servi 25 manrmay par lannen e mon krwar i fer sans pour nou tou ki i pa vo lapenn. Evantyelman nou pou retournen pou fer li vin en sant reabilitasyon me en proper sant reabilitasyon ankor en fwa mon dir la fodre in fini ganny konstrir. Fodre nou met 50 a R60milyon ater e konstrir en sant reabilitasyon, en vilaz, otherwise ou a koze ziskan lannen 2050 bokou nou in fini mor e sa problenm pa pou ganny, pa pou ganny adrese.  Mon krwar sa pwen ki mon pe fer.

Lo kestyon marijuana.  Mon bezwen fer en distenksyon ant medical marijuana avek recreational marijuana.  Heroin osi in ganny servi dan bokou pei.  L’Amerique zot pa servi me L’Angleterre zot servi heroin pou tir douler dan latak leker, mon mazinen Onorab Esparon i konnen.

Mwan konman en zenn dokter mon’n preski morphine dan en latak leker, premye keksoz ki ou fer se preski morphine ok?  E kwa sa eroin?  Eroin is diamorphine ou konpran mwan?

So basically marijuana i annan son bann litilizasyon medikal ki nou kapab servi.  But recreational marijuana mwan personnelman mon kont li lo de grounds.

Enn; i pa neseser ki nou entrodwir en nouvo vis dan nou sosyete, akoz nou deza annan ase avek sigaret ek lalkol.

E dezyenmman it is en know fact ki marijuana i afekte kapasite pou memorize, bann zenn, sirtou bann manrmay ki pe fer zot O level, A level, e liniversite.

E bann manrmay ki lo marijuana zot perform pli move, pli mal ki bann manrmay ki pa pe servi marijuana. So mon pa vwar rezon akfer nou bezwen legaliz recreational marijuana.  Mon pozisyon pou le moman se ki non – mon en medical

Apre en dernyen keksoz nou bezwen fer kler ki en fo konsepsyon, i fo ki marijuana i en substitute pou heroin.  I de diferan kemikal. Enn i en opiate lot i PHC.  Ok napa landrwa egziste kot ki marijuana i ganny servi konman en substitute.

 I annan dimoun ki sorti lo eroin zot al lo marijuana for sirtou lo foil pou tenir sa high, right. E i annan en kantite manrmay ki sorti, laplipar manrmay pou eroin ou demann zot en kestyon ki ou ti pe servi avan?  I konmans par sigaret, i mont lo marijuana apre i al lo heroin.  Mersi.

 

MR SPEAKER

Mersi SS.  Onorab Roucou.

 

HON CLIVE ROUCOU

Mersi Mr Speaker.  Bonn apre midi Mr Speaker.  Bon apre midi Minis ek ou delegasyon. Mr Speaker mwan lo mon kote menm si mon rekonnet sa fleo drog isi Sesel, me mon en pe dezapwente avek sa progranm ki SS in koz lo la, an relasyon avek ler mon get statistik.

Alors mon anvi demann Minis sa progranm kot pou arete?  E SS in koze in dir ki i annan en kantite letan i annan dimoun pou ale ziska pou lavi, alors mon pe demande kan sa progranm pou arete oubyen si en keksoz ki zis nou pou kontinyen peye lannen ale lannen vini?

E mon kestyon se mon anvi demann SS osi si lo sa bann addict ki lo methadone si i annan okenn close monitoring ki ganny fer avek zot pou anpese ki menm i annan adiksyon avek sa methadone?

Epi mon dezyenm kestyon mon pa konnen si mon kapab demann li from sa menm laliny menm, akoz si mon memwar est bonne Dokter Herminie in deza koz en pe lo lentrodiksyon naloxone nasal spray.  Mon ti a kontan SS ti a donn en pe plis leksplikasyon lo sa enn pwen  osi.  Mersi.

 

MR SPEAKER

Mersi Onorab.  SS Herminie.

 

SECRETARY OF STATE DR PATRICK HERMINIE

Ou konnen mon’n vizit 2 pei ki zot apel, ki zot dir de sikse dan zot lager kont heroin.  I annan La Suisse avek Portugal.  Enn i annan 30an lot i annan 20an depi ler zot in komans sa lager e ziska ozordi sa lager i still on – ok?  So mwan mon pa pou kapab donn ou larepons me sa ki mon kapab garanti ou mwan mon pou’n ale nou pou ankor annan en problenm.  I pa en problenm ki ou rezourd demen. Ok?  Me nou bezwen konmans fer keksoz la, nou bezwen etabli nou. Nou bezwen batir nou e nou bezwen striktir nou pou nou kapab evantyelman deal avek sa problenm eroin.

En lot keksoz ki mon ava dir ou, dan tou pei sirtou L’Europe kot nou’n ale kot zot in kapab met eroin anba kontrol ki’n nou’n vwar sa ki ou apel ‘the balloon effect’ ok? Lot kalite drog i antre, methamphetamin, cocaine, cocaine dan nou high threshold nou konmans detekte cocaine sa lannen – ok?

So i montre ou konpleksite sa problenm drog e observatory drog l’Europe, Portugal nou ti ganny sans vizite zot dekouver 887 nouvo drog tou le lannen.  I en masiv biznes ki kontinyelman ale e nou nou bezwen toultan pe met nou pare pou fer sir ki i pa’n met nou pei lo son zenou.  Se sa ki enportan.

E nou progranm i pa zis en progranm methadone an izolasyon, nou progranm i annan en baz prevansyon ki pou nou i lakle akoz sansan vreman nou ava pe anmenn delo dan en pannyen si nou pa kapab devlop en kiltir dan nou bann zenn, en kiltir anti-  bi sibstans.

Fodre nou devlop sa dan nou lazenes. Ozordi sa pa le ka.  Nou bann zenn zot bwar, zot fimen, zot vwar bwar zot fimen lo lans, zot vwar zegwir in ganny pike, se sa kiltir ki zot pe grandi ladan.  E nou, nou annan en responsabilite pou fitir zenerasyon pou nou detri sa kiltir.

Ou koz lo adiksyon ek methadone enn bann problenm methadone se ki i adiktiv ok, me kontrerman avek eroin i pa donn ou en high.  Right?  So sa adiksyon methadone osi pou ariv en moman kot nou pou bezwen deal avek.  Se sa ki ou apel tapering off dan addictology.  Nou bezwen deal avek li.

Me la ankor si nou lo en sityasyon konpletman drug free fodre nou konpran ki nou bezwen Rehabilitation Centres.  Tou pei – Portugal i annan li 138 fasilite.  La Suisse i annan li 158 fasilite.  Sesel nou annan nou zero fasilite avek pli o poursantaz eroin dan lemonn.  Fodre nou konpran sa! Pat Herminie pa pou fer mirak, Minis Mondon pa pou fer mirak, ni ou, ou pa pou fer mirak, si nou donn ou sa responsabilite.  Ou bezwen ganny bann resours neseser.

Lamars, Colloq, lev bann banner, bann media campaign – sorry nou’n vwar son rezilta ozordi 20an pli tar.

Lo naloxone nasal spray mwan personnelman mon pou rekomande ki sa i ganny entrodwir isi pou la senp rezon ki nou annan nou bann manrmay pe mor.  Mwan mon dan biznes sov lavi! Mwan mon pa dan biznes gete ki mannyer drog pa pou antre dan Sesel eksetera.  Mon pa train pou sa mwan.  Mon dan biznes sov lavi bann zenn e donn zot en meyer lasante posib.

Bokou bann zenn pe mor avek overdose ki pa pe ganny anrezistre malerezman ozordi kot Minister Lasante.  E bokou zenn i mor avek lenfeksyon leker.  Bann zenn ki mor avek overdose si nou annan en distribisyon naloxone nasal spray efikas nou kapab sov en kantite lavi.  Akoz zis parey son overdose i tre dramatik me pou ranvers sa coma i osi tre dramatik zis avek en spray.  Mersi.

MR SPEAKER

Mersi SS Herminie.  Onorab Roucou.

HON CLIVE ROUCOU

Mersi Mr Speaker. Mersi SS.  Ankor Mr Speaker mon annan lenkyetid kot mon vwar nou kontinyen fouy plis pti trou obor sa enn gro trou.  Problenm eroin i la eski SS pe dir nou ki sak fwa ki nou pou idantifye en nouvo problenm, se nou pou bezwen rod en pansman pou nou met lo la?  so la nou vwar overdosage avek heroin, eski nou pou rod naloxone ?  Sanmenm sa son konmansman se kote sa progranm pou arete si sak fwa nou pou vwar en keksoz nou pou idantifye en lot problenm nou pou fer en patching lo la?  Mersi.

 

MR SPEAKER

Mersi Onorab Roucou.  SS Herminie.

 

SECRETARY OF STATE DR PATRICK HERMINIE

Mon dir ou nou progranm i en progranm ki konpreansiv i annan 4 konponan, 4 pilye.  I annan prevansyon ki nou pe travay a se moman as we speak ek Minister Ledikasyon.  En school based prevention program ki nou ekspekte espere i ava sanz kiltir nou bann manrmay vizavi drog, ok?  Apre ou annan ou tretman ek reabilitasyon. Apre ou annan ou after care ler zot sorti lo tretman ek reabilitasyon ou kapab stabiliz zot fizikman me la anler ok?

I kontinyen reste en problenm se pou sa rezon i – zot kontinyelman sa ki ou apel relapse.  Zot re tonm dan drog ankor.  So, zot bezwen psycho social support, psycho social support.  Vwala akoz nou bezwen counsellors, nou bezwen peer educators, nou bezwen psychiatrist, psychologist pou kontinyen travay avek sa bann dimoun – ok?

E bann lezot problenm ki vin avek enzeksyon eroin oubyen litilizasyon eroin nou bezwen deal avek.  Zis parey en boug ki servi sigaret letan i ganny latak leker nou dir li les li mor, akoz in fim sigaret?  Parfwa pa nou anvoy ziska Singapore pou al fer bypass ok.  Konbyen milyon nou depanse?  I parey lalkol, kantite dimoun ek problenm leker ki napa problenm pou nou sonnyen ler i servi lalkol.

So ou annan ou konman en nurse mwan konman en dokter nou’n dedye nou lavi pou kontinyen ziska ler nou mor; sonny dimoun.  E maladi pou toultan annan e maladi relye avek eroin pou toultan egziste e nou, nou bezwen lo forefront pe fer sa ki neseser pou ed enn nou frer.  E akoz nou bezwen ed li akoz i en imen parey mwan ek ou.  Mersi.

 

MR SPEAKER

Mersi SS.  Onorab Afif.

 

HON AHMED AFIF

Mersi Mr Chair.  Mon ti a kontan demann Mr Vel petet oubyen Petet SS Herminie si i kapab donn nou en sif pou dir kot nou ti ete, baze lo son resers 10an pase, 5an pase e ozordi an term kantite dimoun ki pe servi eroin?

E ki sa tandans ki nou pe vwar ki si i kapab fer en prozeksyon pou sa prosen 5an. Alor mon pe rod sa 4 sif, 10an pase, 5an pase ozordi dan prosen 5an e si i krwar ki nou pe reisir dan sa batay pou nou redwir la kantite dimoun ki pe servi eroin?

Rezon mon pe demann ou sa se parski i annan en kantite kritik deor, malgre tou sa zefor ki pe ganny fer pou dir tou sa ki pe fer nou pe zis pran larzan taxpayer e zot pase tou le zour obor sa sant, zot larzan ki zot vwar sa bann dimoun pe queue pe zis al, i malad parey ou pe dir.

E si zot larzan pe ale pe donn li sa napa laprev konmkwa ki ler in servi sa i pa pe al rod ankor pou al imen.

E an plis ki sa i pe menm ganny en pti larzan pou li kapab tenir li dan lazournen.  Savedir nou tou nou pe travay zis pou zot ale enjoy parski zot ganny en high zot ‘kick’. Apre zot kapab rod en pti manze tou.  Nou tou nou pe travay zis pou zot.

Si zot malad nou konpran.  Me sa maladi pa paret pe geri e i pe agrandi. Alor ki ou prozeksyon?  Ki ou kapab dir nou pou reasir nou sityasyon i anba kontrol avek ou bann plan ki ou annan?  E ki nou pe reisir dan sa batay pou redwir konsonmasyon eroin dan pei?  Mersi.

 

MR SPEAKER

Mersi Onorab Afif.

 

SECRETARY OF STATE DR PATRICK HERMINIE

Mr Chair premyerman …

 

MR SPEAKER

Yes SS.

 

SECRETARY OF STATE DR PATRICK HERMINIE

Ankor enn fwa mon oule dir ki nou, nou pa donn bann manrmay ki vin pran methadone okenn pti larzan ok? I fo.  I bann dimoun ki pe sey fann sa avek bi pou detri sa progranm.

I pa korek.  Nou annan de kalite progranm naltrexone e naltrexone petet nou pa pou al dan son teknikalite me bann manrmay ki lo naltrexone nenport li ler, nenport ki ler nou kapab fer tes eroin lo zot e bann ki ganny vwar pozitiv zot ganny tire lo progranm naltrexone.  Ok?

E nou annan ki’n ganny tire me bokou zot ki sirprann nou pe fer ase byen, ok? Ou’n demann mwan lo kestyon progre.  Ler nou ti konmanse nou ti annan nou 8 manrmay lo en progranm community 8.

E ozordi nou annan nou mil ekek.  Sa mon krwar i en progre.  Aprezan ou demann ek mwan eski sa i annan okenn lenpak lo eroin   Yes.  Pri eroin in desann lo ghetto sorti R150 en line pou vin R50. Akoz   Napa kliyan.  Ou konpran mwan?  E Escobar i enkyet.  Napa keksoz ki zot pli per ki sa progranm methadone.

E si nou, nou annan sa abilite pou scale up ki mon krwar avek enn de resource nou scale up sa progranm, mon konvenki nou kapab break the back bone of dealer user dan sa pei.  Nou kapab fer li.  Ok?  Aprezan ou’n dir 5an, 10an, 15an. Sa bann keksoz koumsa la ou pa fer prozeksyon ok?  Sa bann keksoz koumsa ou bezwen fer en survey pou etabli.  Ti fer enn 2011.   Ti dwatet fer enn tou le 3an. I koute.  I ser.  Me ou bezwen fer tou le 3an pou vwar ou progre.

Evidaman konpare avek 2011 ziska la 2017 in annan en deteryorasyon enorm an sa ki konsern itilizasyon eroin.

E mwan mon krwar rezon se ki an 2011 letan nou ti 2.3poursan e nou ti dezyenm apre Khazakstan deza nou ti’n dwatet pe konmans en progranm ki nou’n konmanse ozordi an 2018.  Me pou en rezon ou en lot ki ti nou reaksyon, nou ti pran en lapros punitive – right?  E nou ti Marie Louise, lot isi, dan prizon, pou lavi eksetera e nou’n vwar partou kot sa in ganny pratike i pa’n marse.

E ou dir mwan ki mannyer i pou ete dan 3an?  Fodre nou re fer en lot survey nou ava trouve mannyer pou ete dan 3an.  Me solman sa ki nou pe donn nou lespwar ozordi se ki en kantite bann zenn zot desann, zot menm zot, zot le sorti e nou’n etabli nou en sistenm.  Nou annan peer educators ki al lo ghettos partou ozordi.  Bann peers.  Ozordi sa progranm pe ganny anmennen par bann addicts in recovery.

Ler lapolis ti retir son sekirite avek nou ou konnen lekel ki ti gard sa bann laliny methadone?  Se addicts in recovery zot menm bann peer educators ki dir nou pa pou ferm nou progranm.  Nou pou defann nou progranm nou menm.  

So i annan en sanzman. Toultan dan en tel lalit ou annan little to show an term sikse, i pran letan.  Parey mon’n dir ou Portugal 20an lot 30an i pran letan.  E nou, nou pa pou fer li dan 6mwan ouswa 7mwan.  Mersi.

 

MR SPEAKER

Mersi SS. Onorab Afif.

 

HON AHMED AFIF

Zis en pti kestyon adisyonnel Mr Chair. Mon ti a kontan demann SS Herminie si vi ki i annan lenformasyon par egzanp en laliny sorti 150 in vin 50 eksetera, so ou annan en pe lenformasyon lekel ki pe vann?

Eski nou pa kapab servi en pe resours, menm sa bann resours ki nou pe al dan trete pou kapab idantifye sa bann escobar e larzan Seselwa olye zis al donn methadone i al pou nou tyonbo sa bann escobar.

E mon dezyenm kestyon se eski ou kapab donn nou en sif par an konbyen pou koute sa methadone?  Akoz mon’n ganny mwan apepre R100mil en kilo ti 8 kilo ki ou servi si ou kapab re donn nou sa sif anyel ki nou pe peye pou methadone?  Mersi.

 

MR SPEAKER

Mersi Onorab. SS.

 

SECRETARY OF STATE DR PATRICK HERMINIE

Premyerman mon oule reponn sa kestyon lo lenformasyon.   Nou e sa de nurse prezan i pou dakor avek mwan, nou, nou pa dan biznes donn lenformasyon lo nou pasyan ok?  Lenformasyon ki nou gannyen avek nou pasyan i ekstrememan konfidansyel, pou zot annan konfidans dan nou.

Me ou kestyon napa en lenformasyon ki en pasyan pou vin dir ek nou ki Lapolis pa konnen.  Lapolis pa konnen Corgat Estate kot i vann drog?  Onorab Ferrari i konnen!

 

(laughter)

 

SECRETARY OF STATE DR PATRICK HERMINIE

Mon asire konman Manm Parlman pou Corgat Estate ou konnen kote bann dealer kote pe deal?  Nou pa konnen nou dan nou distrik kote ki vann drog?  Nou konnen.   Be egzakteman be akoz ki Patrick Herminie ki bezwen al dir?  Nou konnen – en.

 

 

(Interruption)

 

SECRETARY OF STATE DR PATRICK HERMINIE

Be egzakteman!   Nou tou nou konnen! Onorab Ferrari i konfirmen ki li osi i konnen.

So lenformasyon tou dimoun i konnen.  Lapolis i bezwen reakte. Ou dir ek nou pran nou larzan donn lapolis be sa fot ki nou’n fer.  It should have been the other way round.  Invest in treatment and rehabilitation!  Sa bann zafer tay deryer manrmay avek fizi lot, tirman helicopter, bann hollywood stuff pa’n ed nou okenn par.

Nou sityasyon in deteryore.  Ti annan en liv mon ti fer kado Onorab Ramkalawan lo InsanityOk? In montre ki mannyer the American Policy i baze lo sa ki ou pe dir, kot ou pran larzan zis ou met dan supply reduction in konpletman fail.  E ozordi tou dimoun pe advocate in ganny mete the treatment and rehabilitation e nou, nou pou kontinyen – mwan mon pou kontinyen advocate sa vizavi Gouvernman Sesel.

 

MR SPEAKER

Ok.  Go ahead Mr Vel.

 

CONSULTANT MR BENJAMIN VEL

Zis pou reponn kestyon Onorab Afif.  Mon pe get en pe bann statistic la.  Lo kote Mont Royale 2006 pou premye fwa letan nou ti konmans annan plis eroin ki kliyan pou lalkol ti annan 140 kliyan pou eroin apepre 58poursan lo en total 241.

Epi par egzanp 2007 ti annan 125, 53poursan lo en total 235 epi in kontinyen desann, desann, desann. Me selman i pa en lendikasyon si i pe desann.

Letan Dokter Bibi Minister Lasante ti fer sa survey 2011 ti  dekouver poudir i annan apepre – ti fer en lo dimoun ki pike en, pa dimoun ki servi drog an zeneral.  Ti dekouver poudir sa mil 200 ekek dimoun ki pe pike ki ti 2.3 pou 3poursan popilasyon 2018 e i still 3.3poursan popilasyon ki pe pike, pik eroin.

E mon pa krwar nou’n ariv son plato.  Mon krwar nou pou kontinyen ogmante akoz i annan dimoun ki ankor pe tonm ladan.  Al travers en larivyer kot pon in kase. Kantmenm ou dir zot poudir sa pon in kase zot kontinyen al lo la tonm dan delo.

So nou pou annan sa pou en pe letan.  Mon pa konnen pou konbyen letan i pou kontinyen grenpe, grenpe me tou pei i ariv en plato. Mon pa konnen kan pou nou pou ete.  Si dimoun i ensiste par egzanp donn en ballpark figure mon kapab dir petet pou ankor 10an i pou kontinyen ogmante ziska ler nou kapab handle la kantite ki i annan la konmela, sa 5mil, 4mil ekek ki annan epi gradyelman annan en progranm reabilitasyon ki anpes zot tonbe, anpes tonbe, anpes tonbe e la i desann.  I desann akoz bann ki pe ganny trete i sorti lo la; i desann akoz bann ki pa ankor konmanse pa konmanse.  Me ekspekte ankor en pe lannen i kontinyen ogmante.

 

MR SPEAKER

Mersi Mr Vel.  Briyevman SS lo cost.

 

SECRETARY OF STATE DR PATRICK HERMINIE

I mars koumsa sa, ou ganny ou en quota.  Sak pei i annan en quota ki INCB i donn ou – ok?  Sesel son quota ti 2kilo base – ok?  2 kilo base methadone par lannen. Ou pa annan drwa enport plis ki sa.  INCB pa pou donn ou permisyon.  Bon sa i translate dan 440 boutey 10 miligranm par mililit.  Dan bann boutey 500 mililit, bann boutey 500 mililit ki nou servi dan Lopital.  Ok?  E sa i ariv R109mil.

Anvi ki nou’n konmans sa progranm lo threshold e la kantite zenn ki’n al lo methadone in ogmante Minister Lasante, nou’n request Minister Lasante pou met en case avek INCB pou ogmante e zot in dakor pou ogmant li pou fer li vin 8.5 si mon pa tronpe.

E sa baze lo rekomandasyon UNODC ki semenn pase e semenn avan ti isi Sesel pe fer nou National Master Plan lo Drug Control.  Ou vwar, sa sityasyon methadone.

 

MR SPEAKER

Mersi SS.  Onorab Afif.

 

HON AHMED AFIF

Sorry mon anvi zis en sif konbyen nou pe depanse?  Ou’n dir mwan R109mil pou 440 boutey.  Mwan mon anvi konnen dan en lannen konbyen nou pe depanse lo methadone?  Eski 2 kilo i ariv R109mil alor 8 kilo miltipliy par 4 alor mon anvi konn sa sif konbyen nou pe depanse lo methadone?

 

MR SPEAKER

Mersi Onorab.  SS.

 

SECRETARY OF STATE DR PATRICK HERMINIE

Avan sa ou bezwen konpran ki agency in ganny kree an Out e nou nou’n ganny en Bidze an Zanvye 2018.  Ou dakor ek mwan?  Avan Minister Lasante ki ti pe fer vini e Minister Lasante pa ti servi sa kantite.  Sa ti son maximum ki li ki ti annan drwa fer.  Ozordi anba nou progranm nou’n fini servi sa quota.  (Pardon)  Be mon’n dir ou i ariv R109mil.

Aprezan larestan si nou pou fer enporte ankor 2kilo ki nou pou bezwen fer ok, ki nou’n fini fer, ki nou pe esper antre dan pei, pou kout nou ankor 109mil.

Aprezan konbyen  kilo par lannen mon krwar sa ki ou anvi konnen.  Nou nou pa pou kapab dir ou ziska ler lannen i fini.  I tou depan si nou scale up, si nou scale up, i probableman nou pou menm bezwen retourn kot INBC pou nou demande ki zot increase nou quota.  Ou konpran?

An Out pou ou lenformasyon an Out UNODC pe vin Sesel pour run en course ki zot, zot apel ki mannyer pou itiliz e order methadone. Aparaman i annan en lasans deryer sa ki nou pa pe master li 100poursan me pou le moman nou pe vini par 2kilo e nou dezyenm e kilo i vini la nenport ki moman.

 

MR SPEAKER

Mersi SS.  Onorab Herminie.

HON WILBERT HERMINIE

Mersi Mr Speaker.  Bon apre midi Minis avek SS. Mon ti annan en kestyon in ganny raporte dan medya ki i annan en progranm lesanz sereng dan prizon, eski sa i vre?  Epi mon dezyenm kestyon dan lansman sa nouvo Master Plan pou drog ti annan en mansyon lo en progranm preskripsyon pou eroin.  Ti ava kontan konnen kwa sa?  Mersi Mr Speaker.  Mersi Onorab.  SS.

 

SECRETARY OF STATE DR PATRICK HERMINIE

Bon as we speak ok nou pe fer en survey dan prizon.  Right, pou nou etabli ki sityasyon drog dan prizon.  Nou, nou rekonnet lefe ki napa, nou’n fer en kantite literature review ti napa en prizon o monn right ki’n reisi anpes drog antre.  Napa problenm sa.  Dan prizon i annan en problenm drog ki nou, nou pa’n – Mr Vel i nou konsiltan ansanm avek konsiltan Minister Lasante Dokter Jastin Bibi pou nou etabli en fwa pou tou ki kantite eroin i annan dan prizon.  Ki prevalans bann maladi asosye avek prizon.  Baze lo rezilta sa letid, nou pou fer rekomandasyon avek Gouvernman lo ki kalite lentervansyon nou krwar i bezwen ganny fer dan prizon e sa bann lentervansyon pou baze lo bann lentervansyon ki evidence-based e according to the best international practices. Ok?

Heroin prescriptionHeroin prescription nou, nou pa’n zanmen dir, ni mwan ni Dokter Gedeon nou pa’n zanmen dir nou pe donn eroin dan prizon swa nou pou donn eroin dan prizon.  Sa zournalis SBC ki’n anvi dir sa. Ok?  Nou, nou pa’n dir sa.

Ki mwan dan mon launching mon’n dir, dan sa deba ki nou pe al fer annou être bold, annou pa per pou met ater bann sistenm e metod ki’n marse partou o monn.

Annou pa per pou koz lo sant reabilitasyon dan Sesel Cap Ternay ok?  Akoz i annan dimoun ki’n monte ki dir tro gro, tro isi, tro laba!  Tou dimoun in vin en expert ozordi dan Sesel, ok?

Annou pa per pou dir sa nou bezwen sa.  Mon dir ozordi L’Europe zot pe servi en heroin prescription program pou bann hardcore heroin.  Annou pa per pou nou diskit lo la.  Annou annan en deba Nasyonal lo la.

Pa vedir ki nou pou al fer li ouswa nou pa pou fer li me solman si  i evidence-based e i marse, en bo zour nou kapab retourn kot Gouvernman e dir ‘’mon krwar sa i en keksoz ki kapab ganny konsidere.’’

E Gouvernman definitivman i ava pran en desizyon si wi si non. Akoz finalman sa pou en desizyon politik.  Me ki mwan mon kapab dir ou. Mwan mon’n antre dan heroin clinic Switzerland.  Mon’n antre dan en heroin clinic Australia right?  E basically statistics i koumsa.

10poursan, 10 poursan bann heroin users, hardcore zot konsonm 50poursan heroin lo market.

Switzerland an rezilta zot heroin prescription program, ki pa zis ou vini nek ou pran en  pikir eroin.  Non, non en progranm organize, i annan clinik, i annan skill acquisition i annan psycho social support, tre, tre, organize.  Ozordi ler nou pe koze la ozordi an Switzerland nepli annan escobar.  Ok e zot napa ni menm NDEA pou soz – non.

I baze lo en progranm. Aprezan mwan mon’n dir let us discuss.  Annou get literatir ki i dir.  Annou get leksperyans, ou vwar.  Se tou!

E fodre pa ki nou per, akoz sa problenm eroin i en problenm konplike e son repons i pou bezwen en repons konpleks.  I pa en problenm ki pou ganny rezourd parey bann pti soz oubyen bann pti largiman emosyonnel, ouswa … Non!

Nou bezwen pran bold decision konman en Nasyon si nou, nou le sov nou pei!

Akoz nou pe koz ou 5mil.  Anbasader Franse ti vin ek mwan pou vin get methadone progranm Anse Royale, ki i ti dir ek mwan.  I dir mwan  ‘‘(mmm) Patrick 5mil mwan mon krwar minimum 10mil.’’  I ti soke avek turnout.  150 manrmay premye zour.  Ou konpran mwan?

Ou kapab annan ou 50 zenn dan en zour pe vin anrezistre pou ganny methadone.  Konbyen platoon solda sa i fer?  Nou’n mazinen konbyen platoon solda sa i fer.  konbyen sarpantye, konbyen mason?

Nou pei pou – mon kapab sorti ladan demen ale, me solman akoz nou bezwen mazin nou zanfan.  Nou tou nou annan  en responsabilite pou mazin lavenir Sesel.  Aprezan ou pa ni menm konnen en ler ou demann ou lekor eski sa i pa’n ganny orchestrate en move zero politik pou fer nou pa kapab egziste konman en Nasyon!

Swa eski nou vis menm ki koumsa?  Ou demann ou lekor en kantite kestyon en?  Me son end result si nou pa fer nanryen se ki nou, nou pa pou kapab kontinyen egziste konman en Nasyon.  E ozordi mon demann mon lekor si Endyen, Sinwa, Pakistani, Nepale i sorti leve tou i ale si nou, nou pou kapab debout lo nou de lipye?

 

MR SPEAKER

Mersi SS.  Onorab Aglae.

 

HON EGBERT AGLAE

Mersi Mr Speaker.  Bon apre midi Minis SS ek Mr Vel. Mon premye kestyon i al dan sa laliny.  Vi ki nou annan sitan sa kantite adikt ki pe vin devan, ki pe pare, ki montre volonte pou zot partisip dan sa bann progranm, e vi ki sif ki devan nou in nonmen taler sa 5mil, plis ki 5mil ki adikt, eski nou annan en target, mon konnen sa lalit i pa fasil pou kapab donn en dele letan spesifik me eski nou annan en target pei pou ki di si nou ti ankor dan 2an, 3an at least 1mil in kapab ganny sove ladan ouswa en 1500.

Mon dezyenm kestyon vi ki nou pe al ver en prosesis pou nou annan nou prop sant, eski SS petet ou kapab reponn mwan dan sa plan, eski zot annan sifizaman mendev akoz pou deal avek sa sityasyon ou bezwen bokou expert, parey i annan bann pei ki mon’n fer en pti resers mon’n gete bann successful stories, bann rehabilitation centres, zot annan bokou bann expert parey bann private therapist, i annan family therapist, bokou psychiatrist ki’n ganny formen ladan. Ou annan physician, in addiction specialist tou sa la. i annan dietician ki bezwen ganny involve.  Eski nou pe vwar nou pe al lo sa nivo ki demen nou kapab annan  ase expert pou deal avek sa bann addicts pou fer sir ki ler zot pe sorti napa re tonbe ladan i annan kontinyen dan zot lavi?

E mon dernyen i konser nou pe koz lo travayer, lafors travayer ki pe tonm dan drog in fini tonm ladan. Eski ou Lazans i annan serten travay ki pe ganny fer avek bann lezot Lazans konsernen pou ki at least sa ki kapab travay, i kapab antre dan lanplwa menm si zot parey ou pe dir ler zot al lo progranm bomaten landrwa travay pa pe aksepte zot.

Me eski i annan serten mannev pou plas serten sa bann travayer, sa bann addict dan travay pou fer ki zot osi zot ape kontribye anver tretman ki zot pe resevwar atraver taxpayers? Mersi.

 

MR SPEAKER

Mersi.  Mon pe zis lans en lapel ankor.  Nou pe release Minis par 3. 20.  Mon ankor annan plizyer lo mon lalis.  Annou sey fer nou – annou al direkteman lo nou kestyon e pa fer statement.  SS Herminie.

 

SECRETARY OF STATE DR PATRICK HERMINIE

Lo kestyon lanplwa nou an kontak avek employment pou sey rod lanplwa pou sa bann manrmay, i pa fasil bokou dimoun pa le pran zot.  Petet la mon ava fer en lapel ki silvouple annou donn zot en dezyenm sans zot bezwen travay. I annan zot ki travay, bokou zot i travay casual.  Sa osi en lot mantalite dan sa bann zanfan. Zot pa travay 8er – 4er pou ganny larzan lafen di-mwan.

Bokou zot i abitye avek en travay casual pou zot ganny en zournen.  Mon pa konnen kote sa in sorti be solman i annan sa en pe problenm parmi zot.

Sa anplwayer i bezwen donn zot en sans pou zot kapab – i annan zot ki’n retournen dan lanplwa. I annan zot ki’n repran zot bann zanfan.  I annan zot ki’n retourn dan fanmir.  Ou vwar?  So i annan progre si nou donn zot en loportinite.  Me met zot dan lanplwa i nou bi evantyel, fer zot travay.

Dezyenmman lo nou target nou pou fer target settings once nou’n fini avek nou plan stratezik.  Sertennman ou bezwen annan en plan stratezik apre mon ava fer target setting lo ki nou, nou krwar i kapab ganny akonplir e ki bann resours ki ou bezwen pou ou kapab achieve sa bann target.

Ou pa zis set target ou bezwen annan resours e enn bann resours enportan ki ou’n mansyonnen se resours imen.  E nou napa.  Nou napa isi pou train en counsellor, pou train psychologist bann keksoz ki pran 3an 4an e definitivman nou bezwen al overseas.

An menm tan nou pe sey fer bann crash courses dan addiction counselling pou enn de ki annan abilite.  Nou pe lager lebra kase left right and center mannyer nou kapab.  Me nou realize nou annan sa bann kontrent ki ou le fer sorti e sa bann sityasyon ideal pa pou ganny achieve overnight.  I pou pran en kantite letan malgre se sa ki evantyelman nou pou bezwen.

Mwan mon a fini par dir senpleman petet mon ti pe differ avek Mr Vel ki mon annan en santiman ki probableman sa lepidemi i pe konmans sa ki nou apel mature out.  Ou vwar?  Akoz sa respond lo threshold in sok ziska UNODC.  Ler nou ti vwar petet nou kapab ganny en 300 dan 3mwan akoz nou ti pou fer li pou 3mwan nou’n ganny nou 800 ekek dan lespas 4 semenn. Ok?  Ki aprezan nou nepli kapab.  Nou napa nurse nou napa counsellors, nou napa driver, nou napa bis nou pe run out … Minis i konn problenm nou’n pas ladan pou nou kapab fer vini methadone.  Nou nepli annan kits.  Ou konpran mwan, in sok nou. So i posib e annou swete annou priye ki parey tou lepidemi evantyelman i self-limited, then i pa self-imited ou bezwen serten lentervansyon me apre serten letan i arete e sa bann manrmay i sa ki nou apel zot mature out of  the addiction.  I posib se sa ki pe arive. Annou just hope for the best.

 

MR SPEAKER

Mersi SS.  Onorab Ernesta.

 

HON PAUL ERNESTA

Mersi Mr Speaker.  Mr Speaker bonn apre midi, Minis ek ou delegasyon bon apre midi, e tou nou bann koleg e tou dimoun a lekout.  Mr Speaker Minis dan son prezantasyon pli boner in koz kot i annan en plan stratezik ki Lazans pe travay lo la ki’n ganny gide avek UNODC.  Eski Minis i kapab dir nou ki timeframe sa plan pou met an viger?

E osi dezyenmman Mr Vel ou’n koz lo diferan karakteristik bann sample ki ou’n gannyen dan pou fer ou survey avek.  Eski ou kapab dir nou bann main rezon ki’n fer ki bann dimoun zot in tonm dan eroin e petet sa i kapab ede dan plan?  Mersi.

 

MR SPEAKER

Mersi Onorab.  SS.  Oubyen mon a donn – SS, Minis.

 

DESIGNATED MINISTER MRS MACSUZY MONDON

Mersi Mr Chair. Zis pou dir poudir plan in konplete preski e la i dan son process pe review, pe diskite.  Donk mon krwar tre byento nou pou kapab finaliz li.  Ok?  Petet mon a les SS prezan  pran sa dezyenm bout kestyon.

 

MR SPEAKER

Mersi Minis.  SS.

 

SECRETARY OF STATE DR PATRICK HERMINIE

Non lo ou konnen adiksyon i en konbinezon plizyer keksoz me i konsern sa endividi konman host.  Son lanvironnman e lefe ki sa drog li menm li i adiktiv.

E sa triyang ler nou met zot ansanm i kre en adiksyon.  Mon krwar ler mon’n lir sa study ki’n ganny fer par Mr Vel ou vwar i annan en kantite keksoz ki komen parmi sa bann zanfan – en?

Premyerman i annan nurturing, paran.  Labi seksyel pandan lanfans.  Ou vwar ou konnen en manrmay 8an i ganny abize par son boper ouswa son gran frer le moman i ariv 18an ou realize how wrong it was, zot konpran mwan?  Zot konmans devlop en kantite problenm post traumatic stress disorder e pou zot cope zot konmans servi drog.

Lot rezon se kiltir.  Nou annan en kiltir servi sibstans dan Sesel.  Sigaret, lalkol e ou ava soke ki kantite paran i entrodwir son zanfan avek eroin!  Ou vwar? I fer son prop zanfan anvi fimen.

Peer pressure.  Nou bann zenn zot zwenn ansanm ok, zot konmans lo marijuana redi en bos lot, lot, lot, apre i al lo eroin.  Peer pressure i en lot problenm.

Bann fiy bokou fwa bann fiy se zot boyfriend ki met presyon lo zot pou zot servi apre zot servi sa bann fiy pou fer prostitisyon pou rod larzan pou zot pou feed zot habit!  Ou vwar?

I annan en kantite vis ki pase dan sa zafer eroin ki enkrwayab, me ki zot pare pou fer senpleman pou zot kapab ganny en ‘fix.  E i konpleks. I annan plizyer rezon i pa zis en rezon me tou sa bann rezon ansanm.  Me solman laplipar di-tan se paran e apre se peer pressure ki fer zot tonm ladan.

 

MR SPEAKER

Mersi SS.  Mr Vel ou le dir keksoz.

 

CONSULTANT MR BENJAMIN VEL

Wi mon pe get zot bann larepons la pou sa kestyon, laplipar pe tonm dan;

‘’ en zanmi ki’n donn mwan.’’

‘’I annan kiryozite, mon ti anvi seye.’’

‘’Mon pe ganny mon boyfriend ki’n donn mwan.’’

‘’Mon boyfriend in demann mwan pou teste.’’

‘’Mon pe ganny depresyon, dalon ki’n donn mwan.’’ So i tonm dan sa  3 kategori.

‘’Mon pe gete,’’

Peer pressure,

‘’Dalon ki’n donn mwan.’’ Epi sa dimoun osi in anvi seye atraver son kiryozite.

 

MR SPEAKER

Mersi Mr Vel.  Onorab Letourdie.

 

HON JANY DE LETOURDIE

Mersi Mr Speaker.  Bonn apre midi tou dimoun.  Dokter mon aksepte, mon dakor ou dir ou, ou biznes se pou pran swen pou fer sir ou sov lavi sa bann zenn, sa bann dimoun, sa bann adikt.  Me ou ava osi dakor ki tou louvraz ki nou pe sey fer se osi pou sov lavi. Dan sa ka ler Minis i dir i pa difisil pou drog antre dan nou pei eski i vedir ki anfen Gouvernman – Sesel pe give up lo lalit pou anpes drog antre?

E mon lot pti pwen se kwa ki dan sa plan stratezik ki ou’n dir in preski fini konplete?

E mon lot pti kestyon dokter se bann – sa bann zenn dimoun, bann dimoun ki nou vwar tou le bomaten partou Pointe Larue Riviere Anglaise zot tou konnen kote ki i annan, eski  ki mannyer sak bann dimoun pe ganny monitor, zot progre pe ganny monitor endividyelman?  Mersi.

 

MR SPEAKER

Mersi Onorab.  Minis petet ou le reponn premye kestyon apre ou a pas avek SS Herminie.

 

DESIGNATED MINISTER MRS MACSUZY MONDON

Mersi Mr Chair.  Mr Chair bomaten mon ti dir poudir petet i pa difisil me i fasil pou drog antre.  Be sa ki mon ti dir osi apre se ki se pou sa rezon ki bann dimoun ki pe travay lapolis par egzanp Anti-Narcotics Bureau toultan nou bezwen fer en fason ki nou pe ranforsi bann stratezi ki nou pe met an plas pou nou kapab zisteman nou osi one step ahead avek lafason pou nou kapab deal avek lafason ki drog pe antre dan pei.

I pa zis lapolis i annan osi diferan lezot sekter, travayer ki ede pou kapab donn lanmen, donn lanmen kontrol sa fleo.

Me nou rekonnet, nou rekonnet poudir i pa en keksoz ki fasil, i pran osi en travay lentelizans ase serye pou nou kapab fer sir ki nou kontrol la kantite drog ki antre dan pei.  Mersi Mr Chair.

 

MR SPEAKER

Mersi Minis.  SS.

 

SECRETARY OF STATE DR PATRICK HERMINIE

An sa ki konsern plan stratezik.  Onorab de Letourdie nou pou – nou pe konplete la o fet in  konplete  pe fer bann peer review.

E nou pou definitivman anvoy kot Lasanble pou zot donn zot pwennvi.  I domaz ki ti annan en mank konprenezon Onorab Roucou ek son lekip pa ti vini pou deba li menm li malgre nou ti envit li.

Me sertennman le moman ki sa bann stratezi tou in fini ganny met ater an ekri Lasanble i enn bann premye lenstitisyon ki pou ganny akse avek.

Ou’n demann en tre bon kestyon follow up lo sa bann manrmay ki lo threshold.  Pour mwan reponn en pe vit sa bann manrmay nou annan en database ki nou fer antre tou nou bann keksoz.  I annan keksoz ki nou pa ankor fer avek zot par egzanp bann tes disan, eksetera ki fir e an mezir nou pou fer avek zot akoz zisteman i en thresholdI suppose to naldroxone ki zot bezwen fer tousala avan, avan ki zot konmans lo methadone – en?

Follow up ou’n lev pwen ki pli difisil pou nou.  Ki mannyer n ou fer follow up avek mil dimoun letan ou annan 6 counsellors?  Ou pe swiv mwan ou?

So nou sey fer bann group counselling, seye nou seye nou pe train plis peer educators, nou’n train 30 nou oule train ankor 30.  Petet la mon a dir zot unfreeze sa larzan en pe vit nou ava kapab anploy met zot donn zot honoraria pou kapab fer sa travay – i nou pli gro problenm sa en.  Sa follow up.  E mwan mon dakor avek ou i en defi pou nou.

 

MR SPEAKER

Mersi SSYes Onorab Ramkalawan.

 

HON WAVEL RAMKALAWAN

Mr Speaker, Mr Herminie, Dr Herminie in mansyonn unfreeze sa larzan.  Mon pe dir avek li tou larzan, zot larzan in unfreeze zot. I annan zis en sonm ki pa ankor unfreeze e sa se pou sa sant ki zot pa ankor anmenn okenn plan e zot pa ankor detaye.  Apard sa tou zot larzan dan dernyen rankont in unfreeze.

E alor mon krwar ki- parski Mr Speaker sa zafer Lasanble in freeze sa in zis vin en palto fann deryer ki mon krwar enn fwa pour tou fodre nou arete.

I annan zis en sonm ki dan dernyen fwa letan nou ti zwenn konman e tou bann Manm FPAC ki la i kapab konfirm sa se sant reabilitasyon ki pou fer laba Port Launay, se parski zot pa ankor met okenn plan konkret lo latab.  Mersi bokou.

MR SPEAKER

Mersi.

SECRETARY OF STATE DR PATRICK HERMINIE

Si mon a reazir premyerman i nouvel pou mwan akoz tou le zour nou pe rod sa lenformasyon.  An sa ki konsern sa, mon tre kontan pou aprann ki sa 5milyon in ganny unfreeze, en?  Wi be nou ti krwar i bezwen retourn Lasanble.  I do not knowI do not know what’s the procedure – en?  Ou konpran mwan solman si ou pe dir mwan, si ou pe dir mwan le moman ki in ganny unfreeze dan FPAC then i ok, there’s no problem.  Ou konpran mwan?

 

MR SPEAKER

Mersi, mersi.  Onorab.  Bon annou pa les sa escalate dan en lot deba.  Konman Chair FPAC

 

HON WAVEL RAMKALAWAN

Be Mr Speaker mon trouv i drol ki poudir Mr Herminie i ti Speaker.  E de semenn pase be pa nou’n fini pas Mosyon lo Supplementary Appropriation e Supplementary Appropriation in fini pase Mosyon.  Se Gouvernman ki bezwen bouz li prezan!

 

MR SPEAKER

Bon annou move.  Annou move.  Annou move.  Onorab Vidot.  Onorab Vidot ou kestyon.

 

HON AUDREY VIDOT

Mersi Mr Speaker.  Bonn apre midi a tous.  Mr Speaker mwan mon annan de pwen enportan konman en reprezantan mon kominote.  Minis dan son Statement in dir ki partisipasyon la kominote i neseser e i konmans dan kominote.  Kominote ki bezwen vwar solisyon.  Kominote i ankoler ozordi ler zot vwar bann zenn madanm ek zot zonm ki groupe zis apre pran zot latizann methadone pe retourn dan menm lanvironnman kot zot pe enform Lotorite konsernen kote drog i ganny vann but still nanryen pa pe ganny fer.  Drog i kontinyen ganny vann. So i enportan ki nou adres a pou nou kapab ede sa bann zenn pou zot kapab sorti dan drog.

Dezyenm – paran ki lebra i tonbe atraver bann Lazans ki travay avek SS, petet bann Departman kot nou annan bann manrmay zenn manrmay par anba 18an.  I enportan nou progranm prevansyon i ganny pli vin serye.  I annan adilt ki pe fer bann keksoz ilegal dan kominote e nou bann zanfan ki anba laz pe ganny fwaye dan sa bann landrwa san konsantman paran.

E sa paran i tap laport kot Sosyal, i tap kot Tribinal, partou kot zot ale zot still vwar zot pe ganny difikilte pou zot retir zot zanfan dan sa bann lakour.  So prevansyon i enportan.  Sa i mon de pwen for ki mon ti anvi fer sorti.  Mersi.

MR SPEAKER

Mersi Onorab.  SS ou le fer komanter?

SECRETARY OF STATE DR PATRICK HERMINIE

Non mon krwar premye keksoz kot pe vann parey mon pe dir nou nou pa dan Law Enforcement ouswa supply reduction sa i Lapolis.  Petet ti a bon anmenn en kou Komisyoner demann li sa bann kestyon akoz li ki responsab pou sa.

An sa ki konsern prevansyon mon dakor antyerman avek ou.  I nou sel lespwar dan en sans kot nou bezwen prevent or delay the onset of drug abuse.  I enn nou bann lobzektif.  E mon tre kontan pou aprann ki dan Supplementary Estimate ti annan sa 5milyon Onorab, Mersi.

 

MR SPEAKER

Mersi SS.  Onorab Ferrari.

HON JEAN-FRANCLOIS FERRARI

Mersi Mr Speaker.  Mr Speaker mwan mon ti a kontan ki Minis oubyen SS i klarifye en keksoz pou nou.  Bokou dimoun deor i mazinen poudir larzan piblik, larzan tax pe ganny servi atraver sa methadone program.

E dan lespri dimoun i plizyer milyon ki pe ganny servi dan sa methadone program ler ou vwar bann laliny partou.  Mr Afif in demann en kestyon me malerezman kekfwa Dr Herminie pa’n byen konpran sa kestyon.  Nou ou le konnen par egzanp depi Zanvye ziska la konbyen in koute sa methadone program?  Se sa ki nou le konnen.

E la nou ava vwar poudir 6mwan in kout nou tan, kekfwa all things being equal bann figures i reste parey, i ava kout nou doub ver lafen lannen.  Se sa akoz si son sonm i egzorbitan nou pou bezwen pran en desizyon lo la.  Si son sonm i rezonnab dan lizye piblik i pou en lot fason.  

So vreman mon ti a kontan ki Dr Herminie i kler lo sa pwen.  Mon dezyenm pwen se ki sa i en kestyon politik e i normal akoz nou la isi pou fer politik.  Eski zot pa krwar ki si dan nou pei lezot lebra Gouvernman par egzanp lapolis, Lazans Anti- Drog ti aret enn de escobar i pa ti ava fer  ou travay en pe pli fasil Dokter Herminie ?  Konmsi kantmenm ou, ou pe sey, ou dir nou ou pe sov lavi me sov lavi se osi aret detrwa escobar!

Konbyen letan nou pou fer bann tretman, bann tretman donn dimoun subitex, donn dimoun methadone me bann dimoun ki kontinyen anmenn drog dan Sesel nou pa konnen ki zot, nou pa vwar zot, nou pa tann nanryen e zot pa ganny arete!

Konmsi sa de lebra eski i travay endepandan, oubyen eski ou osi e Minis Dezinyen ki la, ou pa dir avek Gouvernman, be nou bezwen fer en pe travay lo aret detrwa escobar akoz tou sa de keksoz i mars ansanm!

Konmsi sa dyalog, sa konversasyon la eski zot in annan dan Gouvernman o nivo Cabinet?  Mersi.

 

MR SPEAKER

Onorab mersi.  SS Herminie.

 

SECRETARY OF STATE DR PATRICK HERMINIE

Mon a pran premye kestyon Minis a pran dezyenm.  Ok annou fer li kler.  Depi Zanvye ziska la nou’n servi de kilo granm methadone base ki translate dan 440 boutey 10 miligranm per mil  bann boutey 500mil ki’n kout nou R109.  Non pou sa peryod 6mwan.  Pou sa de kilo la pou sa peryod 6mwan. Nou’n order ankor 2kilo i pou kout nou ankor R109.

Aprezan nou pa konnen si sa pou anmenn nou ziska Desanm ouswa pou anmenn nou ziska Oktob.  Si i anmenn nou ziska Oktob, Oktob nou pou bezwen order ankor 2 kilo R109.

So ler ou gete i pa sa milyon ki zot koz lo la.  It is one of the cheapest drug ki egziste lo market.  E mon a zis sit ou en sif baze lo en letid fer L’Amerique.  Pou sak dolar ki ou depanse dan prevansyon dan methadone ou save 5 Dolar dan tretman bann dimoun ki admit ek lenfeksyon leker eksetera.  E ou save 7 Dolar dan kriminalite.

Lakaz kase, dimoun ganny touye eksetera, eksetera.  So it is worth investing!

 

MR SPEAKER

Mersi SS.   Yes Minis.

 

SECRETARY OF STATE DR PATRICK HERMINIE

Mon dezyenm parti lo escobar

 

MR SPEAKER

Yes Minis.

 

SECRETARY OF STATE DR PATRICK HERMINIE

Sorry…

 

DESIGNATED MINISTER MRS MACSUZY MONDON

Mersi Mr Chair.  Mr Chair travay Anti-Narcotic Bureau i kontinyen kot i konsern zisteman travay lo bann lenformasyon ki zot ganny donnen- ki zot ranmase ki swa avek bann endividi ouswa avek bann lezot dimoun ki donn lenformasyon.

E i annan plizyer dimoun ki’n ganny arete e sarze pou trafik drog.  E an menm tan osi lapolis pa zis travay avek bann sekter o nivo lokal me i osi  travay o nivo rezyonal avek serten Lorganizasyon e menm avek serten lorganizasyon enternasyonal.

Petet i nou santi poudir i pa pe akoz serten keksoz ki nou pa konnen oubyen nou santi i pa pe mars osi vit ki nou krwar me i annan en kantite travay ki pe ganny fer dan sa domenn e mon swete parey i swe Onorab osi ki nou ava konnen, nou ava konnen dan le fitir poudir baze lo travay ki lapolis in fer ki sa bann dimoun osi in ganny deal avek in ganny arete.  Mersi Mr Chair.

 

MR SPEAKER

Mersi Minis.  Onorab Ghislain.

 

HON CHANTAL GHISLAIN

Mersi Mr Speaker.  Bonn apre midi tou dimoun.  Minis in koz lo e menm SS in koz lo an sa ki konsern methadone i annan  15an bann zenn ki pe pran aktyelman and in menm koz lo sif ki kantite larzan ki pe envestir ladan. Nou pa’n tann lo progranm cold turkey. Mon kestyon i dizon demen bomaten nou aret net sa progranm methadone, nou pran tou sa 1500 manrmay, nou al lo cold turkey ki pa pou kout okenn larzan.  Ki diferans ki sa pou fer?  Mersi Mr Speaker.

 

MR SPEAKER

Mersi Onorab.  SS.

 

SECRETARY OF STATE DR PATRICK HERMINIE

Bon mersi pou ou kestyon.  Pa egziste ok, e mon krwar mon bezwen dir. I pa egziste en community based cold turkey program.  Pa egziste okenn par dan lemonn.

Kwa sa cold turkeyCold turkey i pa zis ek eroin.  Cold turkey i avek lalkol i avek sigaret ek nenport ki adiksyon. Ou leve en zour bomaten, ou endividi lo ou own free will avek willpower neseser ou dir mon pe aret servi drog.

E mon fer fas avek son withdrawal, son tantasyon, son craving e mon sorti lo la net.  Sa ou pa bezwen progranm sa.  Ou pa bezwen Dokter Herminie pou dir ou sa.   En desizyon ki ou pran konman en endividi ok?

Cold turkey relapse rate bann dimoun ki’n tir cold turkey literatir i montre nou i pa successful bokou. Dan mil dimoun ki sey fer cold turkey petet 2, 1, i ava reisi akoz tou ou bann adikt in recovery pou dir ou i ekstrememan difisil.

Ou kapab run en rehabilitation program drug free ok e ou a servi sa ki nou apel en symptomatic detox olye methadone detox be ou bezwen annan rehab centre.  Ou konpran mwan?

Si demen bomaten nou dir tou dimoun ki lo methadone pa pe donn methadone ok. 3 kar zot plis 90poursan pou retourn anler lo ghetto pe al rod eroin.

E si zot pa gannyen lo ghetto nou’n deza vwar ki’n arive en fwa isi ler ti napa eroin.  Ok?  Dezord partou dan lavil.  Son kou an kriminalite pou bokou, bokou plis.  OkSo mon krwar nou bezwen ganny sa tre, tre kler.  En community based cold turkey program pa e egziste.  Nou kapab fer li dan en rezidansyel ou swa en dimoun i kapab fer li konman en endividi. Ok?

E Mr Speaker si ou permet mwan ou’n deza dir nou ou prop zanfan ti servi cold turkey, i koumsa.  Sa zenn garson ti deside leve e dir ozordi mon pe arete bap e i aret larestan son lavi.  Mersi.

 

MR SPEAKER

Mersi Onorab Herminie.  Yes Onorab Ghislain.

 

HON CHANTAL GHISLAIN

Dizon demen progranm zot in fini avek pou sa progranm sant reabilitasyon e eski cold turkey i pou enn parmi bann metod prevansyon ki zot pe mazinen pou fer lo la, akoz kekfwa pou annan zanfan ki pou anvi al lo la ouswa zot pou esey fors en pti pe pou kapab redwir sa kantite zenn ki ganny methadone.  Akoz mon ti anvi konn diferans, anyway pou piblik konn diferans ant methadone avek cold turkey, sa progranm la si i parey or ki son diferans vreman.

 

MR SPEAKER

Mersi.  SS.

 

SECRETARY OF STATE DR PATRICK HERMINIE

Pou en sant reabilitasyon e tou son sekirite neseser pou kapab fer.  I annan bann sant reabilitasyon Australie par egzanp i zis cold turkey.

Ou antre ladan cold turkey napa en sant reabilitasyon. Ou pe swiv mwan ou.  Ou kapab fer li dan en sant reabilitasyon ouswa ou kapab fer sa ki nou apel bann symptomatic detox.  I ganny ladyare ou donn li tretman pou ladyare.  I pa dormi donn li tretman pou li dormi ziska ler i stabilize fizikman pou en pe letan, e la prezan pou al lo psychosocial support, skill acquisition bla, bla bla, bla, bla, bla.  Me i bezwen dan kad  en rezidansyel.

Me si i napa en rezidans ouswa en restriksyon i vin en problenm.  Bann manrmay ki ti al Coetivy premye kou zot ti al cold turkey Coetivy.   Napa landrwa zot in dan en kantite problenm avyon monte desann eksetera.  Me ti napa landrwa pou zot ale.  Me si sa bann manrmay ti Mahe tou ti pou’n retourn Corgat ouswa Les Mamelles or wherever.  Ou Vwar.

 

MR SPEAKER

Mersi SS.

 

(Mic Off)

 

SECRETARY OF STATE DR PATRICK HERMINIE

Non be cold turkey i pa ganny nanryen li.  I pa pran nanryen.  methadone assisted i ed li pou li pa crave.  Ou konpran mwan?  Pli gro problenm se sa craving.  En manrmay ki deside al lo cold turkey lo son own freewill la i pare pou li fer fas ek sa craving ek sa ladyare, avek sa pa dormi avek tou. Ou konpran mwan?  Sa i diferans ant le de.  Methadone i anpes li ganny sa bann keksoz.

 

MR SPEAKER

Mersi SS.  Cold turkey osi si ou pe fer li dan ou rezidans sa zanfan i bezwen gidans paran osi tou. Sipor paran.  Ok?  I vreman enportan i son prop will.  I bezwen annan en will ki very strong, me paran osi tou i bezwen donn li sipor. Onorab Ramkalawan dernyen kestyon.

 

HON WAVEL RAMKALAWAN

Yes, Mr Speaker baze lo tou bann leksplikasyon ki’n donnen pandan detrwa kestyon.

Premyerman Dokter Herminie in servi sa lekspresyon ki nouvo vis marijuana ti vin eroin.  Eski i aksepte ki poudir lefe ki pei li menm li in mal handle marijuana par pas bann Lalwa ki met ou  2an prizon si ou ganny atrape ek en sigaret ensidswit, in kapab fer ki nou problenm in vin, nou problenm in agrave?  Tandis ki si nou ti’n nobou tenir sa nivo marijuana, petet si nou ti’n handle li byen petet sityasyon pa ti pou’n, pa ti pou’n vin kot i ete ozordi.

Dezyenmman avek UNISEY mwan mon’n koz avek serten dimoun kot UNISEY e zot pe vwar li drol ki olye ki pei i servi UNISEY pou etabli bann progranm, ki pou pli adapte avek Sesel, vi ki zot dan sa kote akademik e zot kapab fer bann resers e tousala, ki konmsi nou pe plito tay deor pou nou al kot tou sa bann lezot sant.  Kan zot, zot kapab fer sa.

Akoz ki Gouvernman atraver ou lorganizasyon zot pa etabli en progranm avek en – annan en memorandum of understanding avek UNISEY ki ava osi partisipe e nou ava annan keksoz isi.

Apre Mr Speaker, sa i ava en ankor enn fwa mon pou zis avek ou permisyon retourn en pti git lo sa zafer budget freeze.

Mon anvi dir avek ou ki mon konpran ki ou pe dir me Finans in fini ganny direktiv be nou ava – e nou panse poudir lefe ki nou’n fini tonm dakor ki keksoz pe bouze, me i resanble ki Finans pe esper sa rezolisyon e avek ou permisyon Mr Speaker in fact pou tou sa bann Headings nou kapab letan nou next meet nek zis nou ava vini nou ava  prezant sa rapor e nou ava pran en vot.

Me selman, mon anvi remind Minis ki poudir dan sa PSIP ki ti 10.2milyon zot in demann en virement pou sa 5milyon ki pou al direkteman pou konpansasyon travayer ok,R5million for PSIP to be re allocated under compensation of employees to cater for new staff.’

So i annan keksoz la ki zot pe fer ki sa ki, sa ki nou’n ganny dir unfreeze pou nobou fer en serten keksoz, mon krwar ki i al ankor enn fwa dan diferan, dan diferan direksyon.   I pa … Mon ti  ava kontan ganny en leksplikasyon kler pou nou konnen egzakteman ki nou pe fer parski letan zot in vin rod pou regard sa Bidze, se sa ki zot in demande pou al pou ‘cater for new staff’ me pa direkteman pou sa progranm ki Dokter Herminie in dir.

Apre sa finalman Mr Speaker, mon byen kontan pou tann Dokter Herminie pou li dir ki sa bann move progranm; ‘Marie Louise’, ‘tay deryer dimoun’, fer  isi, fer laba, se sa ki fer ki sa problenm ozordi in agrave koumsa.

E alor mon pa ekspekte en larepons kot li parski li osi tou i en bon politisyen.  Me lefe ki en politisyen i fer en Statement koumsa i montre klerman ki poudir si nou pei i dan sa sityasyon ozordi se gras a sa parti politik ki Dokter Herminie in siporte pandan  tou sa bann letan e nou envit li pou li sanz son krwayans!

 

(APPLAUSE)

HON WAVEL RAMKALAWAN

Mersi bokou.

MR SPEAKER

Mersi Onorab Ramkalawan. SS Herminie.  SS go ahead.

SECRETARY OF STATE DR PATRICK HERMINIE

Anyway mon krwar Onorab i konnen ki mon en technocrat konmela.

(laughter)

SECRETARY OF STATE DR PATRICK HERMINIE

Bon sa 5milyon la Onorab mon ti donnen en papye an detay en.  Ti annan overseas recruitment, i annan peer educators; enn de bann keksoz mon ti donn ou en?.  Lo lot kestyon Cap Ternay petet en lot zour nou ava diskit lo la.

Sa rezolisyon mon pou welcome akoz i paret mwan i annan en konfizyon. Finans pe esper sa rezolisyon me personn pa ankor fer sa rezolisyon.  Yeah.

UNISEY nou’n fer serten travay avek UNISEY.  Nou’n avek Madanm Beryl Camille nou annan kontak.  Ek UNISEY petet mon a dakor avek ou petet nou bezwen re ranforsi plis ankor sa travay.  Me solman nou’n deza konmans fer en travay sirtou dan training counselling e nou ti le zot run en course sirtou dan addiction counselling, me mon ava fer en follow up lo la mon ava gete ki mannyer nou kapab re met sa an viger ankor.

Ou konnen regarding marijuana si nou’n tough, si nou pa’n tough, with hindsight nou tou nou entelizan dan en sans si ou konpran ki mon pe sey dir ou.

E marijuana a sa moman li was the drug, parey eroin i ete ozordi sa letan ti marijuana.  Mon rapel mon papa ti en zofisye Lapolis e premye fwa zot ti tyonbo sa ki zot ti sispe marijuana nou ti ankor reste lo Kangard, manke dan 1973, 1974 koumsa ankor en pti manrmay e ki mannyer zot ti teste sa personn pa ti kapab, ti napa tes pou marijuana.  Zis bann boug i sorti avek – egzakteman.

En gard ti bezwen fimen e larestan tou anmar li ek pey dibwa akoz zot ti krwar ki – e nou, nou ti gete – en?  Anmar li akoz zot ti krwar ki letan ou pran marijuana ou fou, ou whatever.

E son bann pinisyon ti sever.  Marijuana i annan dimoun in al dan prizon pou en joint marijuana 8an e ozordi with sa hindsight mwan mon krwar ti eksesiv.  I annan dimoun ki’n antre dan prizon ek marijuana e in sorti addict eroin.

But nou pa kapab kontinyen koz lo lepase.  Mon konpran the parti ki mon form parti e ou dir mwan mon ti form parti, the approach was a punity one and I subscribe it to you as well.  Then ok – pinisyon, pinisyon, pinisyon. Ozordi mon krwar ki solisyon se tretman ….

 

MR SPEAKER

Mersi SS.  Vitman mon ava donn Minis en dernyen parol si Minis i oule azout en dernyen parol. Minister.

 

DESIGNATED MINISTER MRS MACSUZY MONDON

Mersi Mr Chair.  Mr Chair mon ti a kontan remersye ou avek tou bann Manm Onorab pou donn nou sa sans zisteman pou vin koz lo sa size, prezant rezilta sa survey, ki mon panse i pa pou dernyen.

E mon ti anvi zis dir ki petet ti a bon ki nou rekonnet poudir problenm drog nou tou nou merit konsernen avek.

Si nou regard otour nou nou, pou realize poudir preski dan tou fanmir nou annan petet en dimoun ki’n ganny afekte par sa sibstans oubyen ki’n vin en viktim e i enportan ki nou tou nou travay ansanm nou met latet ansanm, nou met lanmen ansanm o nivo kominote o nivo pei pou nou kapab zisteman tackle sa fleo dan nou pei.  Mersi Mr Speaker pou donn nou sa letan e mersi tou bann Onorab.

 

MR SPEAKER

Mersi Minis.  Mon ava zis demann Sergeant pou move Mace nou retourn dan komite, the whole Assembly.  Bon Minis mersi, SS Herminie, Mr Vel e Ms Vangadasamy.  Nou ava alor eskiz zot parmi nou.  Thank you Minister.

 

(THE DESIGNATED MINISTER MRS MACSUZY MONDON AND HER DELEGATION WAS EXCUSED FROM THE HOUSE)

 

MR SPEAKER

Bon nou ava prezan pran en Break e nou ava retournen 4er pou nou kontinyen nou travay lo Order Paper e sa se Mosyon.  Nou a pran en Break ziska 4er.

 

(BREAK)

 

MR SPEAKER

Bon avan nou kontiny nou travay, i annan en Right of Reply ki mon Lofis in resevwar, e mon ti a kontan ki nou tackle li la apre midi.  Mon’n fer kopi.  Mon ti ava demann Parliamentary Reporter pour distribye kopi parey Order 102, Lartik 102 (6) nou Konstitisyon i dir.  Me zot pour vwar ladan mon’n highlight serten morso ki mon santi i zis bann komanter ki mon pour omit, me lesansyel se mon pour lir sa Right of Reply.

Sa bann bout ki’n ganny highlighted mon pa pe lir en.  Bon sa Right of Reply i sorti kot Mr Francis Savy, ladres Bel Air, Mahe, Sesel i date le 16 Zen 2018, i adrese pour Onorab Speaker, Mr Nicholas Prea, Speaker pour Lasanble Nasyonal Sesel, mon pour lir.

Speaker Prea,

Drwa a Repons;

Mon pe adres ou atraver sa let an repons serten fo alegasyon fer kont mwan dan sesyon Lasanble le 12 Zen 2018 par Onorab Jean-François Ferrari, Sandy Arrisol e François Adelaide.

Dan zot lentervansyon lo en kestyon poze par Leader Lopozisyon, Wavel Ramkalawan pour Minis e Later e Labita Madam Pamela Charlette, Onorab Ferrari an partikilye in nonm mon non an 2 fwa an referans avek Bay Lease St Anne tandis ki Onorab Arrisol e Adelaide i fer referans lo en endividi ki san okenn dout zot ti pe refer lo mwan dan konteks sa statement e bann kestyon poze an relasyon avek bay Lease St Anne.

Mon ti a kontan al lo rikord e deklare ki Francis Savy pa’n ganny donnen okenn bay pour zil Ste Anne.  Set en Lakonpannyen IOR dan ki mon annan 50poursan par ki ti demann e aksepte en bay lo Ste Anne pour en peyman anyel pour lavaler 250, 000 Dolar ki pour ogmante par 10 poursan tou le 3an an en maximum 500, 000 Dolar, sa i a par, bann lezot kondisyon ki ti ganny enpoze par Gouvernman.

N0.2; ni mwan koman Francis Savy, ni IOR pa’n zanmen kolekte en sou koman larzan lwe pour okenn later lo Ste Anne.

N0.3, mon pa’n zanmen e mon pa pour ni kolekte dan mon kont prive ouswa atraver kont Lakonpannyen IOR okenn sonm lavaler 120, 000 Dolar ni R1.6 milyon.

N0. 4, sonm kolekte par IOR atraver lwe en bay later lo Ste Anne avek lotel Ste Anne. Ste Anne Resort i ganny peye direkteman avek Gouvernman Sesel e pa ni menm pas par mwan e pa ni menm pas par mon kont, ni kont IOR.

Sa deklarasyon ki mon’n fer i kapab fasilman ganny verifye menm endepandaman akoz tou tranzaksyon fer relasyon avek bay pour later lo Ste Anne in ganny dokimante e sa ki ti bezwen ganny anrezistre in ganny fer e i disponib pour domenn piblik.

Komanter e kestyon fer par sa 3 MNA in donn en lenpresyon ki mwan koman sa dimoun ki ti azir koman entermedyer dan sa demars, pour demann Gouvernman pour aksepte pour ki IOR i aste bay lo later Ste Anne.  Mon’n fer li dan en fason ki bon marse e dan en fason ki pa etik e zot donn lenpresyon ki apre mon’n lwe sa later pour en kantite larzan avek lezot dimoun ouswa lakonpannyen.

Speaker Prea, mon pe alor demann mon Drwa a Repons e ki mon let i ganny lir pandan sesyon ki pas an direk lo televizyon e radyo apartir Lasanble Nasyonal.

Mersi Mr Speaker, senserman. (Let sinnyen)

Francis Savy

Bwat Postal 1,110 Victoria, Mahe, Sesel.

E i annan son email address e in CC Minis Pamela Charlette.

Vwala alor let Drwa Repons sorti kot Mr Francis Savy. Yes Onorab Ferrari?

 

HON JEAN-FRANÇOIS FERRARI

Mersi Mr Speaker. Mr Speaker koman enn bann Manm kin ganny site dan sa let, mon ti a kontan met lo rikord ki mon vreman apresye ki nou pe komans ganny en pe lenformasyon lo sa tranzaksyon ki’n arive Ste Anne apepre 20an pase.

I enportan ki nou kontinyen fouy en pe pli lwen, e nou realize ki dapre Mr Savy i pa’n zanmen ganny okenn larzan e depi sa 20an in pey tou-le-z-an 250,000 Dolar avek Gouvernman, savedir pandan 20an 250,000 Dolar in pey $5milyon Dolar Gouvernman, e li i pa’n ganny nanryen!

Donk i enteresan, e si sa i vre i en Bonnonm Nwel oubyen i en Lakrwa Rouz ki nou pa ti konnen i egziste, me selman in eksplik nou sa, nou, nou ava kontinyen fouy en pe pli lwen.

E mwan mon ti a kontan dir avek Mr Savy ki si vreman tou sa ki in dir nou i korek, e si vreman tou keksoz in ganny fer an bonn fwa, in ler pour li aprezan rann sa bay Gouvernman Sesel e Gouvernman Sesel i ava determinen ki i bezwen fer avek, akoz mannyer nou konpran e mon remersye Minis Charlette ki’n donn nou garanti ki okenn lavant lo sa bann bay pa pour ganny fer tan ki en lodit lo sa bann later pa ankor konplete.  Akoz nou aprann poudir i annan en gro tranzaksyon ki in the pipeline i pe al deroule.

Alors mwan si Mr Savy i vreman korek sa ki in dir e ki pare pour li rann sa bay avek Gouvernman Sesel lo la par Seselwa mon pour dir li mersi e mon pour menm felisit li.  Mersi Mr Speaker.

 

(APPLAUSE)

 

MR SPEAKER

Mersi Onorab Ferrari.  Bon nou pour kontinyen nou travay e nou ava pran dezyenm Mosyon lo Order Paper e Mover Mosyon se Onorab Sandy Arrisol.  Onorab Arrisol mon a donn ou la parol pour move ou Mosyon.

 

HON SANDY ARISSOL

Mersi Mr Speaker.  Bonn apre midi Mr Speaker, bonn apre midi tou Manm e tou dimoun ki a lekout.

Mr Speaker vi lakantite lenportans travay ki Komisyon Anti-Koripsyon i annan pour fer, sa Lasanble i demann Gouvernman pour met plis resours imedyatman afen ki i vin pli efektiv.

Mr Speaker lenterpretasyon ki dimoun ozordi i annan, i enportan ki bann Lazans konsernen i zwe zot rol byen ek lefikasite.  Dimoun i antann en kantite lenformasyon, me sa ki konsern zot plis ozordi, se aksyon.

Mosyon ki mon pe anmennen i konsern sa, sa Mosyon i pli enportan, nou vwar ki desizyon konkret i ganny pran e kot larzan ki’n disparet i kapab retourn dan Kof Leta a fen ki tou Seselwa i ava kapab benefisye ek bann servis ki pei i ofer.  I a kapab amelyore e dimoun i ava ganny en meyer lavi.

Ozordi letan ou vizit bann dimoun dan distrik Mr Speaker, swa Lopital, swa dan travay ek tou lezot landrwa kot ou zwenn zot topik konversasyon se pa lot;

‘’ki pe arive?  Nou pa tann nanryen.  Eski nou larzan pour retournen?  Eski sa bann bout later pour ganny rann?’’

E zot pli gro kestyon;

ki Lasanble Nasyonal pe fer?’’

Sa i detrwa parmi plizyer kestyon ki ganny demande par tou Seselwa ki pe swiv tou sa ki pe pase dan Lasanble ek dan medya Nasyonal pe demande Mr Speaker.

Me sa ki osi enportan ki nou bezwen note ozordi koman en Lasanble Mr Speaker, se ki Seselwa pe swiv tou sa ki pe pase dan son pei e osi Lasanble Nasyonal, konklizyon ek sa, se ki sa eleksyon in fer ki sa Lasanble in vin nou Lasanble, Lasanble tou Seselwa.  Sa sete nou motto dan dernyen kanpanny eleksyon pour Lasanble Nasyonal.

Letan mon lo sa topik, i enportan pour nou koman en Lasanble serye fer nou piblik konpran ki rol nou Lasanble Nasyonal e ki nou responsabilite koman Manm Lasanble.

Mr Speaker akoz souvandfwa dimoun ki pe swiv nou zot annan lenpresyon ki Lasanble Nasyonal parfwa i nou menm nou, nou Manm Lasanble nou osi bann polisye, parfwa nou menm ki Ziz, parfwa nou Sirentandan Prizon, nou menm nou Attorney Zeneral, sa set akoz bann demann ek lekspektasyon nou dimoun ozordi dan Sesel.

Se pour sa rezon Mr Speaker, ki sa Mosyon ki mon’n table dan Lasanble ozordi i sitan enportan pour ki tou sekter dan nou sosyete i vin pli efikas e desarz zot responsabilite byen.

Mr Speaker mon’n komans en pe dan sa fason, pour ki sa ki pe ekoute i konpran kote mon’n komanse; kote mon’ arive e ki zistans mon anvi ale avek mon Mosyon.

Proze Lalwa pour kree en Komisyon Anti Koripsyon ti ganny pase dan Lasanble Nasyonal Mardi le 22 Mars 2016 e ti vin Lalwa deswit apre ki tou Manm Lasanble sa letan ti vot inanim lo sa Proze Lalwa. Sa 5 premye Komisyoner ti ganny apwente an Out menm lannen; savedir 2016.

Letan nou lo la Mr Speaker i enportan pour piblik konnen poudir Maurice zot osi annan en Komisyon ki apel ICAC Independent Commission against Corruption.  E Lenn en pei kot mon’n vizite zot menm annan en mouvman kont koripsyon e i enportan pour note ki Vis-Prezidan sa letan ki ozordi i Prezidan ki ti prezant sa Lalwa dan Lasanble Nasyonal, sa se pa lot, se Mr Danny Faure.

Mosyon ozordi pe demande, pe demann li menm koman latet Gouvernman pour donn sipor sa Komisyon atraver sa Mosyon ki mon pe anmennen, me i enportan pour fer resorti ki Mr Michel sa letan ki ti Prezidan, li i pa ti krwar i annan koripsyon dan Sesel.

Dan son prop fason i ti anonse ki koripsyon i en persepsyon, i ti fer sa kler atraver progranm ki ti pase lo medya Nasyonal “En Moman Avek Prezidan” avek Manmzel Marceline Evenor an 2015.

I ti menm fer resorti ki alegasyon koripsyon i en persepsyon, e si okenn parti politik i anvi formen, zis dir i pour konbat koripsyon.

Me sa menm Mr Michel dan son diskour lo Leta la Nasyon ki ti fer dan sa menm Lasanble Nasyonal an 2016, i ti pronons son lekor lo koripsyon.  E menm koz lo kreasyon en Komisyon ki pour lager kont sa swadizan alegasyon koripsyon ki li menm i pa ti tro krwar ladan – en lepok, i ti egziste dan Sesel, me letan medya ti pe ekrir, santer ti pe sante e bann ekriven ti pe ekrir, me Gouvernman Parti Lepep ek Mr Michel pour zot ti en persepsyon, ouswa parey kontan dir “en alegasyon koripsyon”.

Me letan mon lo sa topik Mr Speaker, annou get en kou bann persepsyon oubyen bann swadizan alegasyon koripsyon ki’n egziste dan Sesel e ki Seselwa in koz lo la pour plizyer lannen.  Par egzanp mon a donn detrwa legzanp i annan Minis ki annan plis ki 52 morso later.

Parti Lepep ki i annan plis ki 40 morso later.

Bann zofisye Gouvernman ki i annan plis ki en later, ouswa plis ki en lakaz; kot endividi i annan plis ki 33 arpan; vann paspor avek etranze pour ganny faver finansyel.

GOP pour bann gran Lakonpannyen konstriksyon e osi bann cartel pour bann biznesmenn.

Parti politik pe fer biznes ek Gouvernman. Parti politik ki’n ganny kree zis pour vin dan Lasanble Nasyonal pour fer plezir Gouvernman.

50milyon ki’n sanz lanmen ki nou’n tande in al L’Angleterre, Baroda, apre nou’n tande in aste manze pour pep Seselwa.

Later lagrikiltir ki’n ganny donnen ek dalon, me prezan ki’n sanz lanmen.  Bann ki’n ganny pozisyon, logmantasyon saler akoz faver seksyel.’

Sa i detrwa legzanp persepsyon lo koripsyon ki’n egziste dan nou pei e lalis i long Mr Speaker, sa i detrwa legzanp ki dimoun in koz lo la dan nou pei.

Me letan Lalwa ti pase bann Manm Parti Lepep ti eksprim zot lekor fortman lo sa proze Lalwa.  E ti annan 7 manm ki ti koze lo sa Lalwa le 22 Mars 2016, e i enportan pour nou letan nou pe ekoute, annou fer konparezon ant sa bann swadizan alegasyon ki Seselwa ti koz lo la e ki mon’n lir oparavan ek bann komanter bann Manm lo sa Mosyon an 2016 – savedir bann Manm ki ti dan Lasanble Nasyonal sa letan.

Mr Speaker Msye Faure ti lir dan son lentrodiksyon sa zour dan son kapasite koman Vis-Prezidan ki sa langazman Gouvernman Parti Lepep, mon dir langazman akoz dan Manifesto Prezidan Michel e Parti Lepep i annan komitman en langazman anver bann elektora Sesel.

Sa Prozedlwa Mr Deputy ti annan pour vi kre en nouvo striktir, sa i parol Msye Faure, i ti annan pour bi kre en Komisyon ki endepandan e ki napa okenn lenfliyans ek lentervansyon par okenn Lotorite dan pei.

En lobzektif sa Komisyon se esansyelman fer 3 keksoz Msye Faure i dir.

Premyerman i la pour detekte bann pratik koripsyon.

Dezyenmman i la pour li fer bann lenvestigasyon dan bann pratik koripsyon e i osi pour li fer sa ki nou apel prevansyon pour evite ki i annan bann pratik koripsyon e prevansyon i vin avek lenformasyon, prevansyon i vin avek en lendikasyon, sa i parol Msye Faure kot i ti pe donn sipor sa Prozedlwa letan i ti pe prezant avek Lasanble Nasyonal Mr Speaker, premye Manm ki ti koze sete Onorab Bresson sa letan, Manm elekte pour distrik Bel Ombre.

A son tour i ti fer resorti ki i annan 3 eleman prensipal ki nou bezwen konsidere kote ki kapab ariv koripsyon dan nou sosyete.

Landrwa piblik ki nou apel Gouvernman, dan landrwa prive, lakonpannyen prive i kapab annan koripsyon, medya i kapab koripsyon, kapab annan koripsyon e dan sosyete sivil i kapab annan koripsyon – sa sete parol Onorab Bresson sa letan.

Onorab Barbe ki ti Manm elekte pour distrik Bel Air ti dir ki koripsyon set en lenvansyon zonm, tan ki ou annan vivan lo sa later ou pour annan bann lespri ek leker koronpi akoz Labib i montre nou, i montre nou zonm nou’n ariv ziska pour vann nou prop sover pour pyes, pour 30 pyes larzan.  Sa i parol Onorab Barbe.

Onorab Fideria sa letan Manm elekte pour distrik Mamelles ti dir Mr Speaker ki dan Manifesto ki Prezidan kandida Parti Lepep Mr Michel ti prezant avek lepep Seselwa lo paz 32, in ganny ekrir an blan ek nwanr.

E mon site, ‘’nou lalit kont koripsyon, promouvwar latransparans e bonn gouvernans dan tou domenn Gouvernman ek sosyete.’’

Mr Speaker Onorab Fideria in menm dir, li osi i fer resorti dan menm laliny, ‘’ki i enportan note sa napa nanryen pour fer avek enplimantasyon Manifesto Lopozisyon, mon mazinen ti pe koz lo PDM sa letan.’’

Onorab Vangadasamy, Sheryl Onorab, Manm elekte pour distrik Mont Buxton sa letan ti fer resorti ki i annan dimoun dan sekter piblik in ganny persevwar koman nou viv pour ganny en saler R8mil me selman i annan ki pe viv en lavi ki vo plis ki 30 swa R40mil.

`       E sa menm Onorab i fer resorti Mr Speaker si en zofisye piblik dan okenn pozisyon Lotorite i request pour en sexual favor, en faver seksyel an Kreol avek nenport ki dimoun an konsiderasyon pour en laplikasyon travay, later pour en konsiderasyon saler, sa Lalwa in fer sir ki’n met sa osi an konsiderasyon.  Sa i parol Onorab Sheryl Vangadasamy.

Onorab Pierre sa letan ti dir ki koripsyon i en bebet ki met touzour en danze stabilite e sekirite pei.  Koripsyon i afekte lasosyete, i afekte devlopman Ekonomik en pei e kondir tann Da ‘’ek li nou ava konnen.’’

Onorab De Commarmond ti fer resorti ki dikton ki egziste i dir “you need two to tango” mon pa konnen si sa letan zot ti bezwen PDM to tango;

‘Byen malaki pa prospere.’ Ler ou komans vol en dizef, apre ou vol en bef.’

‘Careful ek sa bebet ki apel koripsyon.’

Sa sete parol Onorab De Commarmond sa letan.

Konklizyon Mr Speaker se sa persepsyon ti bann realite lavi.  Me sa ki ti pli enportan se sipor ki bann Manm ti pe eksprimen pour sa Komisyon atraver sa Lalwa sa letan.

Sa i demontre lenportans ki nou tou nou rekonnet atraver travay ki sa Komisyon ki egziste ozordi.

E travay ki zot pe fer menm avek resours limite.  E i enportan pour nou, pour Komite Anti- Viktimizasyon i vin pli efikas dan sa travay ki zot pe fer.

Menm avek en resours limite donn piblik lenformasyon lo bann ka ki zot in komans travay lo la, eksplik lepep Seselwa ki’n arive?  Ki zistans zot in arive ek bann lenvestigasyon?

Sa i ava retir tou dout dan lespri bann dimoun ki pe swiv, spesyalman nou bann Seselwa.  Alor atraver sa Mosyon mon pe demann sipor.

Alor mon ava fer li atraver bann rekomandasyon Mr Speaker, e ACCS i bezwen annan en bon bidze, en pli bon Bidze, sa i ava fer ki zot ava ganny bann bon investigator pli profesyonnel e pli eksperyanse, ek plis Bidze i ava annan ase training pour tou bann staff e plis reminerasyon i ava fer ki bann ka koripsyon pa ava komans anndan menm kot zot, kot sa Komisyon parey nou’n tande tou resaman dan nou medya.

Mon senserman krwar ki bann pei zanmi i kapab ede avek bann forensic expert, sa i ava ogmant lekspertiz dan bann ka spesifik e an menm tan i ava dekouraz dimoun pour antre dan sa vilen semen ki apel koripsyon, se la ki mon krwar ki letan nou donn resours adisyonnel nou annan plis, i pour annan plizyer lefe, lo en kote nou ava apel li kont koripsyon me an menm tan ki nou anpes li arive.

I ava annan garanti ki koripsyon i ava ganny detekte e ganny deal avek e lo lot kote avek bon ledikasyon lo sa size nou lekonomi i ava reste for e sa i permet ki resours nou pei i ava byen ganny partaze parmi nou pep.

E ACCS i bezwen annan pli bon relasyon ek biro Attorney Zeneral, sa i ava fasilit zot travay avek en lespri pli ouver akoz sa travay i pour dan benefis pei e non pa zis sa 2 lofis.

Mr Speaker pli enportan se sipor ki sa Komisyon i bezwen sorti kot Gouvernman sa sipor.  Ki mon pe dir Mr Speaker?  Korperasyon, kominikasyon ek en relasyon travay ant sa 2 sekter pour ki bonn Gouvernans, latransparans ek rann kont, i renye dan nou pti pei.  I devret annan lamannman neseser lo Lalwa pour ki i ava fer ki tou sa ki’n abiz zot Pouvwar e ki nou angaz zot dan bann pratik koripsyon zot ava rann kont ek Lakour.

En Tribinal i devret ganny kre avek pouvwar Lakour ki i ava ganny gide par enn nou Ziz ki spesyalize dan sa domenn e menm train bann Ziz an relasyon ek sa domenn.  Avek en Komisyon ki i annan plis Pouvwar i ava annan Lotorite pour kestyonn bann endividi lo zot byen an relasyon ek sa ki zot annan.  E sa i ava osi rekomande ki nou annan en lafors lapolis pli efikas e profesyonnel pour li asiste Komisyon dan sa travay ki i pe fer.

En terminent mon bezwen poz kestyon Mr Speaker lo sa Komisyon 7 Manm avek en Chairman etranze, eski sa kantite larzan ki nou depanse i vreman vo lapenn?  Kestyon ki mon demande, oubyen eski pa in ler pour nou menm regard nesesite annan sa 7 Manm e menm demande si CEO Komisyon Anti-Koripsyon pa ti kapab li menm azir egzakteman koman Komisyoner Lapolis ki li i annan en lyen direk avek Biro Attorney Zeneral letan i santi ki en lofans in ganny komet, sa dan li menm ti a fer en gran rediksyon dan Bidze e ACCS par omwen 3 milyon.

Sa i en lot fason pour donn sipor e fer ACCS vin pli efektiv, nou pa bezwen esper detrwa mwan pour fer sa Mr Speaker, nou devret al dan en direksyon deswit.

Napa letan pour nou espere.  Sesel in ler pour annan en Lenstitisyon ki efektiv e pran aksyon apropriye.  Annou komans avek Komisyon Anti Koripsyon e fer ki larzan lepep Seselwa i byen ganny depanse e pa rantre dan pos bann endividi atraver koripsyon.

Alors Mr Speaker nou bezwen en Lenstitisyon ki for, ki morde pour li kapab deal avek bann ki’n komet bann ka koripsyon.

Avek en Komisyon pli for i ava ede retourn sa konfyans ki nou pep in perdi.  Avek en Komisyon pli for, pli kredib i ava annan lalimyer pour mwan koman en zofisye piblik ki pe servi piblik pour mwan servi mon manda byen dan latransparans e san konfli oubyen komet bann aksyon koripsyon.

Avek sa detrwa parol Mr Speaker mon ti a kontan prezant mon Mosyon avek Lasanble Nasyonal pour diskisyon e deba e pour osi laprouvasyon.  Mersi bokou.

 

MR SPEAKER

Mersi Onorab.  Zis avan mon demann en Manm pour segonde, petet mon’n manke eski ou’n lir ou Mosyon?  Ou’n fer en prezantasyon, eski ou’n lir ou Mosyon as on, non, non si ou’n fer i ok for the record akoz petet mon’n manke, ok mersi okenn Manm ki segonn Mosyon?  Yes Onorab Larue.

 

HON FLORY LARUE

Mr Speaker mon segonn sa Mosyon, me selman mon ti a kontan rezerv mon drwa pour mon mwan koz pli tar Mr Speaker.

 

MR SPEAKER

Ok, mersi.  Bon Mosyon ki devan Lasanble ki’n ganny segonde, Mover i Onorab Sandy Arrisol, Mosyon i lir koumsa: –

vi enormite e lenportans travay ki Komisyon Anti Koripsyon i annan pour fer, sa Lasanble i demann Gouvernman pour met plis resours e revwar son striktir imedyatman a fen ki i vin efektiv.  Mosyon i devan Lasanble Nasyonal, okenn Manm ki oule entervenir?  Onorab Ferrari.

 

HON JEAN-FRANÇOIS FERRARI

Dan en fason tre bref Mr Speaker.  Mr Speaker nou annan en Mosyon devan nou ozordi ki demann avek Gouvernman pour re anforsi, donn lafors en Lenstitisyon ki vreman tre enportan dan sa nouvo faz demokrasi ki nou pei in antre ladan.

Mon dir sa nouvo faz akoz dan bann lannen pase, malerezman pour nou pei nou bann Leader sirtou nou bann Prezidan ki nou’n gannyen oparavan ti pas en kantite letan pour zot dir ki koripsyon i zis en persepsyon.

I ase ekstraordiner ler ou re zwe bann interview sirtou “EN MOMAN AVEK PREZIDAN” ki ti komanse par, mon krwar Prezidan Fidel Castro ki ti komans sa premye apre Hugo Chávez Venezuela apre Prezidan Michel ti pran sa li osi koman en metod travay.

I ti devlop “EN MOMAN AVEK PREZIDAN” pour li eksplik son persepsyon e son bann lopinyon e son pozisyon politik dan nou pei.

E enn son bann term favori sete “koripsyon i en persepsyon!” Prezidan Michel ti kontan dir nenport dimoun ki anvi fer, komans en parti politik isi Sesel zot annan zis en keksoz pour fer, koz lo ‘koripsyon.’  Zot napa en lot nide ankor, sa i en lide ki zot krwar pour fer zot ganny en pe sipor.  Me listwar i montre nou ki apre plizyer lannen e listwar in montre nou ki apre 15 lo 10 nou’n finalman leve en zour e komans aksepte ki koripsyon i gro problenm dan nou pei.

Nou’n, lo tou lede politik nou’n anbark lo en travay ki fer ki nou lalit kont koripsyon, in vin enn nou bann lalit pli enportan ki nou pe anmennen dan nou pei dan devlopman nou demokrasi.

En kantite zefor in ganny mete pour fer, pour met lord dan sa ki’n arive dan lepase oubyen pour komans met bann metod an plas, bann sistenm an plas pour met lord kot in annan koripsyon, e byensir ler mon dir koripsyon mon pa pe dir zis koripsyon larzan me koripsyon pouvwar, labi pouvwar, labi fizik lo serten dimoun eksetera, in annan en kantite bann pratik ki sa, vi ki mon tre fyer ki mon en Manm in met bokou, bokou travay pour nou deal avek sa kestyon koripsyon e pour nou annan en Gouvernman ki ganny dirize par the Rule of Law e ki ganny dirize par en sistenm Lazistis, en sistenm prop kot i annan rann kont pour larzan piblik e sirtou i annan rann kont pour sa ki nou fer avek, oubyen kont nou frer e nou ser dan nou pei.

Se pour sa rezon ki nou ozordi nou retrouv nou pe demann ankor en pe plis pouvwar e en pe plis resours pour Lazans Anti-Koripsyon ki, ki’n ganny, ki ti ganny kree e ki ti ganny kree parey Onorab Sandy Arissol prezantater Mosyon in fer nou rapel anba ansyen Prezidan Michel apre ki in realize poudir sa kestyon koripsyon i pa zis en keksoz ki pour ale, i pour la ek ou, ou pour bezwen deal avek e alors i ti anvoy son Vis-Prezidan Msye Danny Faure pour defann sa Prozedlwa.

me nou konnen poudir malerezman i annan en kantite keksoz ki pa korek, i annan en kantite “flaws ”si mon kapab servi sa mo dan sa Lalwa ki fer ki i mank en pe ledan e i mank sa lafors pour li delivre lo sa gran promes ki lepep Seselwa i pe swete e pe espere depi tou sa bann lannen.

E enn bann difikilte avek sa lorganizasyon, sa lenstitisyon, se ki son finansman i feb e nou tande ki i annan plizyer lenvestigasyon ki’n ganny fer me pa’n kapab al tro lwen akoz zisteman napa mwayen.

E mwayen finansye i enn bann ki enportan akoz i annan sa bann lenvestigasyon ki pe anmenn bann lanketer, bann investigators menm an deor Sesel.  Parey sa lanket ki pe deroule lo sa $50 milyon Dolar ki Abu Dhabi, ki Gouvernman Abu Dhabi ti donn Sesel oubyen ti donn Sesel sa, nou pa ankor byen konnen, me selman in antre apre in sorti, in disparet e parey mon kontan dir in disparet parey Gideri ti kontan fer keksoz disparet.

Sa i bezwen resours.  E ozordi enn mon pledwari, enn mon bann demann ki mon pe fer avek Gouvernman, se pour regard osi resours.  E sa resours, sa pledwari ki mon pe fer se avek nou Manm isi dan Lasanble akoz ver lafen lannen dan ankor detrwa mwan nou pour re asiz ankor otour sa menm latab pour nou get bann alokasyon bidzeter, e mon ti a kontan ki bann Manm ler nou asiz pour fer sa legzersis bidzeter nou met an perspektiv lefet ki ler nou donn plis mwayen sa Lazans pour li fer bann lenvestigasyon, i annan gran sans ki bann benefis ki nou pour gannyen an retour i pour plis ki sa larzan ki no pe depanse.

Nou ekspekte ki Gouvernman kof Leta i ava kapab claim back serten sonm ki’n disparet dan en fason bizar e ki sa i ava prouv, i ava laprev ki nou lenvestisman dan ACCS i pour en lenvestisman ki enteresan e ki profitab.

Me selman nou pa bliye ki sa i pa nou premye bit, i pa nou premye lobzektif.

Nou premye lobzektif se pa larzan menm si larzan i tre enportan, menm si okenn Roupi ki’n ganny pran, okenn Roupi ki’n disparet, okenn Roupi ki personn pa kapab eksplike nou bezwen kontinyen rode e zanmen aret rode!

E sa ki pli enportan e mon’n dir pli boner se pour nou donn nou pei en nouvo limaz, en nouvo lenz, zet sa bann vye lenz ki ti lo li, zet sa bann kouvertir ki ti pa ti zoli e antre dan en nouvo faz.  E sa se byensir atraver sa bann mezir ki nou bann mwayen finansye e lezot mwayen ki nou bezwen.

Alors Mr Speaker mwan se avek bokou lapresyasyon an menm tan ki la pro lontan nou’n tande ki Prezidan Faure li osi in realize, ki bann mwayen ki pe donn annan ansanm ek sa Lorganizasyon pa sifizan.  Li osi parey nou nou’n tann CEO, mon krwar zot apel li CEO sa lorganizasyon dan plizyer interview pe eksplik bann difikilte ki i rankontre, eksplik nesesite pour envestir en pe plis dan son travay e i donn li sa bann mwayen pour li reisir.

Enn bann keksoz ki enportan ki nou dir, ki mon dir ozordi, se ki i annan en parol deor ki mwan espere i pa pe ganny fannen par nou bann oponan lo lot kote latab, me selman i la deor ki nou vwar keksoz, sa Lasanble i vwar keksoz, i kler keksoz i kriy ‘’bare voler’’, me selman ziska prezan nou pa ankor ganny okenn dimoun ki’n ganny rise, ki’n ganny, ki son paspor in ganny peze en attendant ki i ganny zize ki i reponn enn de kestyon.

Nou pa ankor ganny li sa dimoun, i enportan a sa moman ki nou fer kler avek piblik Seselwa.  Ler zot ti donn nou sa mazorite dan Lasanble, zot ti donn nou en tors, zot pa ti donn nou minot, zot ti donn nou en tors e se sa zouti ki nou annan pour nou travay avek, e avek sa tors nou klere e avek sa pouvwar ki i annan dan nou lanmen nou sey pas sa pouvwar avek bann Lorganizasyon enportan.

E ACCS i enn.  Me apardsa nou, nou pa gard nou, nou pa Ziz, nou pa Komisyoner Prizon nou, nou bann Lezislater ki’n ganny donnen tors.  E i vre ki nou tors parey Onorab Loizeau i kontan dir i annan apepre 18 batri ladan.  An realite i annan 19 Mr Speaker e nou servi li byen, e sa travay nou pour kontinyen fer li me selman ozordi mon pe sirpli avek Egzekitiv fer zot bout, fer zot bout akoz lepep Seselwa deor pe komans konpran lekel ki pe travay e lekel ki pa pe fer son bout.

Lekel ki pe koze me selman ler pour pran aksyon i pa pe fer son bout.  Pep Seselwa i vwar kote bann problenm i ete akoz Lasanble in montre zot sa bann problenm kote i ete.

E la lepep Seselwa pe ekspekte ki sa bann i pran son responsabilite e Egzekitiv i merit pran son responsabilite.

Alors si nou met tou sa bann lafors ansanm, si nou determinen e si nou vreman krwar dan sa lalit kont koripsyon, si nou vreman krwar ki nou kapab met an plas en Gouvernman ki drwat, ki onnet si nou krwar ki nou kapab anmenn nou pei lo en lot nivo kot i annan rann kont, tou larzan piblik, tou propriyete piblik, tou later piblik, tou building piblik, si nou krwar cost nou tou nou pour bezwen lev nou lanmen e vot an faver sa Mosyon e anvoy en mesaz tre for avek Gouvernman.

E an menm tan nou koman bann Lezislater, pran sa langazman e dir sa langazman piblikman la, dir avek lepep Seselwa ki nou pe angaz nou pour tre byento ler nou rekomans nou bann deba bidze pour donn sa Lazans sa bann mwayen ki zot bezwen, ki i bezwen.

Alors Mr Speaker mon remersye mon felisit Onorab Arrisol pour sa Mosyon.  E mwan mon enn ki pour donn li tou mon sipor.  Mersi.

 

MR SPEAKER

Mersi Onorab Ferrari.  Okenn Manm ki oule ankor entervenir?  Nou annan nou 15 minit devan nou, si napa mon ava demann … bon Onorab Henrie.

 

HON GERVAIS HENRIE

Mersi Mr Speaker, Mr Speaker mon kontan ki mon koleg Onorab Arissol in anmenn en tel Mosyon i, letan mon’n ekout li son prezantasyon i montre sa diversite dan lekip LDS, kot bann dimoun ki la, afen Onorab Arrisol in annan leksperyans, son dezyenm manda la i pe servi dan Lasanble, me i annan sa abilite pour anmenn bann topik serye devan nou Lasanble pour diskit bann size ki konsern la Nasyon an zeneral e in fer sa tre byen.  Felisitasyon Onorab Arrisol.

Mon krwar sa ki, size ki in anmennen i dan domenn piblik la, vre poudir be depi ler Anti-Corruption Commission ACCS in kree ki in fer?  Zis parey dimoun pe demann Lasanble ki in fer?  Lasanble in fer en ta keksoz, ACCS dimoun i anvi vwar en keksoz pa pour trenn en dimoun dan prizon, me i anvi en keksoz tanzib.  E mon pe swete mon ki pour annan en rapor byento sa Lorganizasyon ki i ava fer piblik lo bann travay ki in fer.

Mwan sa ki mon anvi anmennen mon kontribisyon dan sa deba ozordi, se kwa ki zot kapab fer apard bann lezot lide ki bann lezot Manm Onorab in met devan i ganny rekonnet atraver lemonn ki ler nou promouvwar en standar etik Mr Speaker parmi bann Dirizan dan nou pei e anmenn en sanzman latitid a lonterm i ede annan lalit kot koripsyon,

Setadir mwan mon krwar poudir ACCS i bezwen osi non selman al investigate bann case, be fer en kanpanny ledikasyon pour edik nou pep kisisa koripsyon ki mannyer ou detekte li.

Me pli enportan, bann dimoun ki ganny konfye responsabilite pour met an pratik en Leadership lo en standar ki dezormen ou pa komet en krim kont ou Lorganizasyon e piblik.

Alor olye envestir en kantite letan e lenerzi pour lalit kont koripsyon e souvandfwa ler in fini arive atraver sistenm legal, en lot fason pli efektiv, se pour fer bann reform institutionnel, adopte nouvo stratezi modern ki anliny avek bann meyer pratik enternasyonal, travay dir pour kre konesans e partaz lenformasyon parmi piblik e rod anmenn en sanzman latitid i pli efektiv, sa ki mon fek pe koz lo la, la, i dan kot bokou ka zot apel li ethical leadership an Angle.

Sa konsep dan son senplisite i fer 3 keksoz.  I demande ki bann dirizan i vin egzanpler, i demande dezyenmman ki zot sanpyon lenportans etik;

Trwazyenmman, ki zot kominik byen avek bann dimoun ki tonm anba zot responsabilite.

Mr Speaker dernyen dimoun ki’n koze avan mwan, in koz lo sa kestyon koripsyon i en persepsyon, mwan dan mon travay apard en Manm Lasanble mon enplike dan en zournal e mon travay, mon al anmenn mon bann zournal depoze dan bann laboutik e mon byen bokou avek bann Endyen, bann marsan, e i annan 2 zistwar ki zot rakont mwan ki fer mwan realize byen lontan avan mon vin Lasanble, 6enm Lasanble ki koripsyon i pa en persepsyon.

En premye legzanp, zot dir ek mwan poudir bann Procurement Officer i pas kot zot dan bann laboutik zot vin fer shopping pour zot bann landrwa travay.

E sa bann dimoun par egzanp si ou landrwa travay i bezwen zis en boutey delo, li i rod 2 akoz enn pa arive dan son travay, enn i disparet dan semen.

Si zot pa aste keksoz an gro koumsa, zot menm demande e donn mon legzanp, e i ti donn mwan non en endividi ki letan komisyon ti’n ariv apepre en R9, 000 mon krwar, i dir be ale round li up R10, 000 apre donn mwan sa cash.  Zot fer sa.  Sa i premye legzanp, bann marsan Endyen ki rakont mwan sa.

En dezyenm legzanp, en zanmi fir en pe letan ti rakont mwan en lensidan kot zot ti’n al fer en fashion show rafal le 25 Novanm, la i fer bann zafer SPDF e en zofisye Larme in montre en lentere dan li, dapre li in pa’n enterese.  Lendi bomaten letan i ariv kot son travay, en transpor SPDF i vini e i anmenn en bwat telefonn pour li.  Letan i ouver en mobile ladan ek son kart ki sa zofisye in anvoye pour li kapab ganny kontak ek sa fir.

Evidaman in servi sa telefonn pandan en lespas 2an, tou son bann zanmi zot in donn bal lo la, fer bann call enternasyonal e apre en bo zour konmsi son konsyans i koz ek li, i dir be annou find out en kou sa kote, e letan ti annan en zanmi Cable zot find out poudir sa nimero telefonn i anrezistre lo SPDF.

E i pa ti en solda li sa fir, 2an zot in servi sa telefonn parey mon pe dir call enternasyonal donn bal, be solman nou taxpayers ki ti pe peye.

E alor mwan toultan mon’n annan en persepsyon ki dan SPDF Bidze Larme kot toultan bann dimoun in koz sekre Leta, dekre ladefans pa kapab dir isi, i pa kapab dir laba, i en landrwa kot in kapab annan detournman fon piblik.

E dan letan komansman mon prezantasyon, ou’n koz lo sa zafer ethical leadership i en landrwa kot bann Lotorite konsernen en commencent par Brans Egzekitiv pei ti merit egzize ki i annan sa kalite disiplin ki parey larme zot menm zot demande ki i annan disiplin seve koupe byen, raze, en nivo disiplin, bogi byen poli, be solman zot bann rikord finansyel Mr Speaker ki mon anvi donn detrwa legzanp 5er mwen 3 e mon ti a kontan mon 2 koleg i ekoute sa ki mon pe al dir, malerezman zot bezwen kit nou pour rezon ki zot pli konnen ki mwan, annou commençons par 2010 e mon pour pran tou sa bann lenformasyon la ki mon pour donnen sorti dan rapor Oditer Zeneral ki dan domenn piblik.

En premye legzanp ki zot donnen se diferans dan rekonsilyasyon kont Labank an Roupi SPDF avek Labank Santral.  Zot vwar ki i annan en diferans 1.1 milyon ki pa’n ganny investigate pour vwar ant depans avek zot larzan ki zot ti merit annan kot in ale?

En lot legzanp ki zot donnen, zot vwar poudir Lafors Defans an 2010 i pey 3 dimoun ki’n mor anba progranm CADA e Milisya a en sonm R19, 500.

Pli enteresan en tyek R6 milyon ki ti’n idantifye koman depans Kapital SPDF, san bann dokiman neseser i ganny issue le 29 Desanm 2010.  Apre sa cheque i cancel an Mars 2011 e i ganny credited lo en Suspense Account kot Treasury.

Me le 11, le 10 Me, an 2011 sa Suspense Account i ganny clear pour en cash payment 6 milyon.

SPDF li letan oditer zeneral i demande, i dir i pa okouran sa sonm 6milyon e i dir ki ler sa cash ti ganny kolekte, ti ganny donnen avek en akronim ki zot donnen dan sa rapor, CDF san en resi e li SPDF i napa en rikord.  Alor sa an 2010.

Rapor 2011 oditer, overpayment, bann staff ki pa egziste lo son payroll, i vwar poudir SPDF pe fer bann peyman pour fourni manze san bann kontra valid, senp tranzaksyon par egzanp ki zot quote i arive plis ki R260, 000.

2012, 13 ka overpayment, rekonsilyasyon ant payroll le mwan, avek sa ki zot apel en general ledger i annan en diferans plis ki R3.7 milyon.  Ankor bann peyman an plis.

Ankor zot fer bann peyman pour aste bann prodwir plis ki R800, 000 san bann dokiman pour siporte, zot pey 3 kontrakter san tender neseser, pour en sonm plis ki R12.6 milyon.

Zot konsonm fuel plis ki 6, 343 lit fuel san okenn rikord ki menm sa bann veikil ti pour SPDF.

2014 zot depans zot Bidze par plis ki R6.6 milyon ouswa 8 poursan an plis.  Zot bann depans ti 768poursan par lao pour repar batiman;

303poursan par lao depans lofis;

242poursan par lao overseas subsistence allowance;

 175poursan par lao kou transpor;

168poursan par lao zournal, zot pa subscribe zournal Les Seychellois.

159poursan par lao lekipman print;

E 100poursan par lao print ek stationary, 103 poursan pour advert ek donasyon;

100poursan bann lezot Headings.

E zot osi kontinyen avek bann keksoz public procurement ki bann dokiman ki pa annord.

En lenstans zot pey en kontrakter plis apepre R500, 000 pour en lakonpannyen donn zot lekipman telekominikasyon san okenn prosedir tender.

Zot pey plis ki 1.2 milyon pour fer vini fedartifis e son airfreight 75mil Dolar Ameriken san ankor bann dokiman neseser.

Zot pey en lokater pros R900mil pour 6 apartman enkli utilities san laprouvasyon Tender Board.

 Zot osi aste 2 set sofa an Fevriye 2014 pour R13mil ki l i sa 2 set sofa i ganny anrezistre 4 fwa dan son rezis, bann levanter bann asset ki i annan.

Zot aste 2 double bed pour R16,600; 6 single beds pour R34, 800 e 9 lanrmwar pour R73, 800 e odit pa’n kapab etablir si vre sa bann meb ti ganny resevwar par SPDF.  Ki larme i fer avek lanrmwar?

An 2015 zot in depans zot plis ki R13milyon dan kou transportasyon par lao sa ki ti’n ganny planifye pour zot.  E zot fer osi en depans pros R160mil pour souskripsyon Intelvision.

E ankor bann kestyon supply manze, R6.7milyon ki enkli R2.8milyon pour karbiran bato san okenn dokimantasyon, napa logbook pour loperasyon bato, solman zot fer en depans an 2015 19.7milyon e 4.6 milyon pour repar (bash), pour reparasyon bato avek karbiran san dokimantasyon.

Zot osi fer depans 8.5 milyon lo karbiran pour transpor san okenn analiz pour vwar ki mannyer SPDF i kapab koup gaspiyaz e labi.

Finalman dan rapor oditer zeneral 2016 procurement goods and services avek travay, 2.2 milyon san levidans bidding maintenance bato avek avyon e garaz, plis ki R30milyon san levidans beading, re alokasyon warehouse 1.8milyon, reparasyon Radar 49, 000 Dolar Ameriken, take away manze 103, 000 san okenn Kontra.

Larme i annan li an 2016 13 bato diferan groser 114 veikil dan son fleet, zot fer depans karbiran R17.9 milyon e 7.5 milyon lo reparasyon, ankor en logbook pa ganny mentenir.

Mr Speaker mon’n pran en antite dan Gouvernman kot lannen apre lannen ant 2010 a 2016 Rapor Oditer Zeneral i sit bann defayans.

E mon kontan ki Lasanble Nasyonal, 6enm Lasanble Nasyonal in kree en Komite Sekirite e Ladefans ki zot kapab ale al gete, akoz baze lo lentervansyon bann Manm 5enm Lasanble Nasyonal ki Onorab Arissol in koz lo la, tan ki imen i imen bann landrwa kot larzan i la, napa bann proper check and balances, zonm pour tante pour li fer glise en keksoz isi, en keksoz laba.

E alor i enportan kot nou fer sir taxpayers money i pa ganny depanse e gaspiye an bonnavini.  E mon a repran pwen ki mon pe dir dan mon prezantasyon ki mon anvi dan sa reform ki nou pe demann ACCS pour fer, pour pouse ki dezormen dan Sesel nou komans aplik sa ki nou apel ethical leadership ki bann dimoun ki ganny konfye responsabilite non selman dan SPDF ek tou bann lezot antite Gouvernman zot fer sir tou bann regleman ki oditer zeneral i demann zot, ki Minister Finans i demann zot, ki Lasanble Nasyonal i demann zot, ki DPA i demann zot, zot met an pratik akoz si non zot pour bezwen rann kont.

Alors sa le pwen ki mon ti anvi fer, e mon swete ki sa Mosyon i ganny aprouve e ki nou koman en Lasanble nou donn tou sipor neseser ACCS ki Lasanble Nasyonal e Brans Egzekitif i anvi donn sa lenstitisyon.  Mersi.

 

MR SPEAKER

Mersi Onorab Henrie, bon nou pour aret la pour ozordi.  E mon annan en lanons pour mwan fer pour tou bann Manm Lasanble e tou dimoun osi ki a lekout.

An vi ki plizyer nou, nou annan komitman enportan demen, nou pour riske vwar nou san en quorum alor nou’n pran desizyon ki Lasanble pour reconvene Zedi bomaten le 21, 9er bomaten pour nou kapab kontinyen avek nou travay lo Order Paper.

Nou’n fini enform SBC, e SBC i ok avek sa, so nou pour kontinyen nou travay Zedi 21 savedir apredmen 9er bomaten. Avek sa nou ava adjourn.

 

(ADJOURNMENT)