Home » Verbatim » 2018 » Wednesday 13th June, 2018

Wednesday 13th June, 2018

NATIONAL ASSEMBLY OF  SEYCHELLES

Wednesday 13th June, 2018

The Assembly met at 9am

 National Anthem

 Moment of Reflection

 Mr Speaker in the Chair

 

 MR SPEAKER

Bonzour tou Manm Onorab.  E bonzour tou dimoun ki a lekout ki pe swiv travay Lasanble Nasyonal.  Zis avan nou pran nou travay mon ti a kontan zis fer en rapel ki bann selebrasyon lo 25an Laniverser Konstitisyon I kontinyen.  E ozordi I annan bann entervansyon ki pour ganny fer par bann apwentman Konstitisyonnel parey CAA, Ombudsman, Electoral Commission eksetera.  E sa ankor I envite pour bann, bann Manm Lasanble I ganny envite e Manm Piblik osi I ganny envite Room 1 – ICCS.

Nou pour kontinyen nou travay kot nou arête yer, e bomaten la nou pour pran kontinyasyon deba lo sa Bill, Overseas Treatment Bill ki nou ti konmanse semenn pase e ki nou pa ankor fini.  Mon ava demann Parliamentary Reporter pour apel Minis avek son delegasyon pour nou kontiny nou travay.

Bon zis pour recap en pti pe nou ganny Minis ti’n fini fer son prezantasyon.  E bann Manm ki’n entervenir se Onorab Sebastien Pillay, Onorab Ramkalawan, Onorab Andre e par 5.20 Mardi pase, nou ti postpone deba pour ozordi.

Petet sa moman la mon ti ava demande ki i annan okenn Manm ki anvi entervenir lo sa Bill pour mon kapab met lo lalis.  Bon mon ti a kontan dir swet labyenveni Minis Jean- Paul Adam Minis bonzour e ou akonpannyen avek Attorney General Mr Frank Ally.  I ki I assosye par legal person Ms Gulmette Bootna.  

E Minis osi I akonpannyen par Dr Lauren Reginald Special Advisor to the Minister, Madanm Bella Henderson Senior Principal Analyst e Mr Marty Vidot Personal Assistant to the Minister.  Minis mon ti pe zis recap en pti pe kot nou arive ou ti’n fini prezant Bill e 3Manm ti’n deza entervenir sa se Onorab Sebastien Pillay, Onorab Wavel Ramkalawan e Onorab Clifford Andre.

Alor nou pour kontinyen deba bomaten nou ganny en seri amannman ki’n ganny sirkile mon swete ki tou Manm I ganny en kopi.  E sa taler nou ava deal avek nou ava regarde lekel bann Manm ki pour move sa bann amannman.  Okenn lezot Manm ki le entervenir lo sa lo sa Bill?  Ok, Onorab Noline Sophola.  Laparol I pour ou.

 

HON NOLINE SOPHOLA

Mersi Mr Speaker.  Bonzour Mr Speaker, tou Manm Onorab, Minis ek ou delegasyon e tou Piblik ki a lekout spesyalman bann zabitan La Digue.

Mr Speaker sa Bill ki’n ganny prezante i vreman enportan akoz si i ganny pase i pour anmenn en lekleraz lo sa problenm tretman aletranze ki pe vin de zour an zour pli konplike.

I konplike akoz aktyelman napa en Lalwa an plas ki pour defini lekel ki merite ou non.  Alor I normal ki tou dimoun I konsider son ka byen irzan ou petet osi pli irzan.

Me avek sa Lalwa ki pe vini Minister Lasante I bezwen fer fason pour ki sak pasyan ki bezwen tretman aletranze I annan akse avek lenformasyon azour.

E ki bann prosedir e regilasyon I ganny byen defini e enplimante dapre zot standar ki’n ganny mete.  Dan en lot mo sa Prozedlwa si i vin Lalwa sa Lalwa i bezwen a laporte tou dimoun.

Mr Speaker bokou progranm I bezwen ganny fer pour enform e edik popilasyon lo sa bann nouvo prosedir ki zot bezwen swiv.  Akoz apre tou se zot lasante ki nou pe koz lo la.

Apre ki sa Lalwa in vin an fors mon pour envit mon bann frer e ser Seselwa, pour zot fer keksoz byen e strikteman an swivan prosedir e regilasyon ki’n ganny met an plas, pour tretman aletranze.

Sa I pour ede evit konfizyon e risk kot Minister Lasante, pa pour dan en pozisyon pour ed zot oubyen fer monte desann avan ki problenm I ganny eklersi e rezourd.

Mr Speaker mon pe osi demande ki sa Lalwa I pa selman etablir kriter e mekanizm pour anvoy pasyan aletranze pour ganny trete.  Me I bezwen osi enkli mekanizm pour son swivi ziska ler ki sa pasyan I reganny son lasante.

Mon pour egalman sizere ki sa Lalwa, I annan en mekanizm pour detekte labi dan tou son laform an kontan tantasyon pour ogmant bann bill lo lapar sa klinik ouswa sa dokter ki pour donn swen sa pasyan.

Mr Speaker mon toutafe dakor ki pasyan I kapab ganny rekour avek en Appeal Committee.  Me mon osi annan konsern ki mon ti a kontan ki Minis I eklersi.  Eski sa bann Manm ki lo Board, I kapab parfwa vin Manm sa Appeal Committee?  Akoz?

Mr Speaker an sa ki konsern refund parey sa Bill pe mansyonnen mon ti a kontan ki Minis I elabor lo sa senaryo kan en dimoun in tonm malad pandan ki aletranze e I bezwen ganny tretman irzan.

Mon ti a swete ki Minis ankor enn fwa eksplike ki mannyer sa pour fonksyonnen.  Akoz mon ti oule ki tou dimoun I kler lo sa pwen pour la senp rezon se la ki plis problenm I arive.

Eski pour ganny rann tou son kou tretman?

Oubyen en poursantaz son depans?

Ki I bezwen anmennen konman laprev?  E dan ki dele letan ki I pour ganny ranbourse?

Mr Speaker I deza annan bann pasyan ki ankor pe esper zot refund medikal.  Eski zot case pour bezwen al devan sa Board ki pour ganny formen?  Ki prosedir ki zot pour bezwen fer?

Mersi Mr Speaker.  Mon ti a kontan ki Minis I eksplik e eklersi popilasyon.  Mersi.

 

MR SPEAKER

Mersi Onorab Sophola.  Okenn lezot Manm ki le entervenir?  Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker mon sa ki mon apresye avek sa Bill se ki I met keksoz an nwanr e blan e I fer keksoz pli kler pour piblik Seselwa.  E i en pa dan bon direksyon sa akoz par egzanp yer nou koz longman size later.  E letan nou tann sa zafer Polisi pour annan drwa ganny zis en bout later leta me selman I paret ki okenn par sa pa ekrir I en Polisi ki nou zis koze.  Egalman konmela nou tann koz lo sa zafer Pwen Lakaz – Pwen pour Later, dimoun ankor pe demande be oli sa Polisi an nwanr ek blan ki nou kapab ganny akse avek konman Seselwa?

E pour nou kapab konnen kwa ki nou kapab gannyen ankor I annan konfizyon.  So sa zafer tretman aletranze osi pour en pe letan in annan konfizyon lo la lekel ki kapab gannyen, lekel ki gannyen so sa I ava eklersi en pti pe bann keksoz alor I byen.

An menm tan nou konnen poudir Lartik 29 nou Konstitisyon I rekonnet ki Leta I asir proteksyon lasante pour bann sitwayen.  Me 29(1)(a) i koz prensipalman lo primary health care.  So letan nou pe koz sa overseas treatment mon vwar li plito i en it’s not primary i al pli lwen.

Donk pour bann Seselwa lefe ki tou lede kote latab pour agree lo prensip sa Bill, nou vwar poudir i annan en lapros bipartizan pour asire ki Seselwa ki pe pey tax dan sa pei, pour ganny meyer kalite lasante, donk nou, nou dakor lo la nou napa difikilte.

Me selman an menm tan sa I ava vin en loportinite pour nou pei reve kontinyen annan meyer sa ki isi menm.  E deza dan Lasanble pli boner sa lannen nou diskit en Bill nou diskit en Mosyon plito ki pe demann Gouvernman pour akseler demars pour ki i ava annan en bon sant lasante spesyalize.

E alor kekfwa sa Bill i ava ede ki sa I ava arive.  Akoz ler Minis dan son prezantasyon orizinal in koz lo la kantite Seselwa par egzanp an 2017 – 255 ki al aletranze pour en entervansyon medikal ki kout pei apepre R44.91milyon i konsiderab pour bann taxpayers.

E alor I enportan nou reve ki nou redwir sa sonm.  An menm tan loportinite pour bann zenn Seselwa pran bann profesyon bann spesyalizasyon bann field medikal pour ki bokou entervansyon i a kapab ganny fer isi menm.

E mon krwar en keksoz ki Minister Lasante I merit konsidere dan lespri sa Bill se ki dabor I bezwen annan bann mon mazinen I deza annan me selman pour met li dan public domain, bann MOU avek bann lopital kot Seselwa pe deza al trete.  Ki pei ki nou pour anvoy zot e donk Seselwa I ava konnen akoz sa Lalwa i pour dir ou li zafer akomodasyon, transportasyon sa Minister Lasante sa Unit isi pour fer me laba ki pour son kou?

MOU par egzanp i ava klarifye sa me osi sa MOU probableman petet I merit fer provizyon ki serten bann profesyonnel Lasante I a kapab sorti deor I vin isi pour bann ka par egzanp.  Akoz kondisyon lasante sa dimoun i pa kapab voyaze me en dimoun I ava pli fasil pour vini bann sirizyen pour fer bann loperasyon konpleks ouswa irzan.

Donk mon ti ava kontan si mon vwar sa.  E en keksoz ki mon sey fer pour rode lekel lezot pei ki annan en Bill parey mon pa telman vwar.  Me selman Maurice, Maurice i enteresan ki li osi I en I annan en Overseas Treatment Scheme.

E savedir sa i pa en keksoz ki nou pe envante Sesel i en trend e sa ki lezot anfen pei vwazen pe fer malgre bokou Seselwa I al Maurice pour fer bann lentervansyon medikal.  Me nou vwar ki Maurice li menm, I pa kapab fer tou I anvoy son bann dimoun dan Lenn e zot annan en Scheme e sa bann MOU ki nou pe koze avek plizyer bann lopital L’Inde.

E en keksoz ki mon kontan dan sa Bill mon vwar dan Lartik 4 from (h) (i)(j) (i) pe mete an nwanr ek blan bann keksoz follow-up.  Akoz sa nou tann bann diferan konplent a diferan moman par diferan dimoun me la anfet i an nwanr ek blan donk zot ava konnen poudir zot kapab ganny byen follow up isi Sesel.

E dan Lartik 6 (g) letan mon vwar ki sa Board pour fer rekomandasyon avek Minister Lasante pour entrodwir bann nouvo servis mon demann mon lekor be Health Care Agency mon ti krwar li I ti ava pe fer sa me selman anfet.  Si prezan nou pour ganny en Board ki pour annan en manda spesifik pour fer sa rekomandasyon donk I ava ankor ede pour ki Sesel konman en pei I ava avanse dan domenn Lasante.

Alor Mr Speaker mon an gro mon apresye bann Clause ki ladan en lot pti pwen ki mon ava leve lo 12(2)(a) letan I dir ‘a person has fallen ill overseas necessitating urgent treatment’ I vin dan ka bann refund sa.

E la ankor I zis nou konman Manm Lasanble nou bezwen ankouraz nou bann dimoun pour vin en pe pli responsab.  Bokou Seselwa I voyaze, bann statistik ki sorti I ase enpresyonan, be nou bezwen dir avek Seselwa ou pa zis kit Sesel ale, ou bezwen fer sir poudir ou ok ou annan lotel be lasirans osi I enportan en?

Pa zis ale apre ou tonm malad laba deor larestan taxpayers ki ou kit deryer I bezwen foot en bill pour ou.  Donk nou bezwen ankouraz nou bann dimoun pour pran zot responsabilite vizavi zot menm vizavi pei.  Parey Lartik 40 nou Konstitisyon in koz lo bann responsabilite personnel.

Donk mon avek sa de pti mo Mr Speaker mon ti ava dir poudir mon dakor avek sa Bill me mon pour osi repet largiman fer par Onorab Lider Lopozisyon e Onorab Andre ki I annan en konsiderasyon ki mannyer serten konponan ouswa sa Bill li menm I ti kapab vin en statutory instrument sa mon mazinen Minis ava donn son propozisyon lo la dan son summing-up.  Mersi bokou.

 

MR SPEAKER

Mersi Onorab Henrie.  Onorab Ferrari.

 

HON JEAN-FRANCOIS FERRARI

Mersi Mr Speaker.  E bonzour tou dimoun.  Mr Speaker sa Bill ki devan nou, i fatig mwan en pe.  Mon vwar serten keksoz ladan ki bann bon lide me selman mon vwar son fason ki in ganny met an pratik I en pe troublan.  E mon demande si I pe anvoy sa bon mesaz deor ki responsabiliz tou dimoun isi Sesel, avek sa nesesite pour okip byen zot lasante e pour prevwar e pour fer bann aksyon prevantif pou pre vwar pour en zour ler ou kapab malad.

Me selman mon santi I pa fer sa e i plito en Bill ki en propozisyon pour anmas en problenm ki devan nou ki pe get out of hand, me selman I pa pe adres lavenir.  Mon dir sa akoz parey Onorab Henrie fek dir, I neseser ki sa depans sa servis ki Gouvernman pe fer I ganny ankadre.

Sa nou tou nou dakor I bezwen ganny ankadre akoz pour le moman in en case by case basis e nou konnen poudir mon krwar lot kote latab zot pa pour zot pa pour ankoler si mon dir ki in annan en pe lapreferans.  I annan bann dimoun ki in al en pe pli vit I annan bann dimoun ki pa’n zanmen ale i annan bann dimoun ki in al Chennai oubyen Sri Lanka i annan bann lezot dimoun ki in al direkteman kot Mr Bedier Mont Fleuri.  Akoz bann prosedir pa’n ekitab.  

So ankadre atraver en Lalwa oubyen en (SI) mon dakor avek.  Selman mon krwar poudir nou riske pe overload sistenm ankor e nou riske pe anvoy move mesaz.  Les mwan dir zot.

Premyerman mon ti a kontan ki Minis ler I sum-up I dir avek nou vreman, vreman son rasyonnal deryer en nouvo Board.  Minis mon krwar ou atantif avek bann koze ki arive bann reaksyon bann dimoun dan piblik, ki mannyer dimoun pe swiv ki mannyer Gouvernman pe deroule Lasanble pe deroule.  E I annan dernyerman bokou konplent lo Board ankor en Board.  Akoz nou bezwen konmsi met en lot layer administratif sak fwa I annan en problenm nou met en lot layer administratif.

Mon pe poz sa kestyon akoz mon pe gete ki nou annan ozordi.  Ozordi nou annan sipoze annan en Unit dan Minister Lasante, ki regard sa sityasyon kot en dimoun pa kapab trete Sesel e ki mannyer nou pour anvoy li deor pour tretman.

I annan en Unit sa Unit i egziste.  Se son fonksyonnman ki dapre mon pa efikas e ki ouver pour serten mon pa anvi servi sa mo labi, me I servi pour en pe lapliferans, en pe case to case basis.  Akoz nou dir nou akoz ou santi poudir sa Unit anba Health Care Agency, pa ti kapab ganny beef up par en group spesyalis; enn ou de spesyalis, headed par dizon chief medical officer or the most senior medical officer dan Minister ki ava rankontre dan sa Unit e ki ava fer sa bann rekomandasyon.

Nou, nou anvi montre nou konfyans dan bann dokter e mon krwar poudir by enlarge zot in donn nou rezon pour donn zot konfyans.  Apart bann pti lensidan ki leve enn de fwa ki normal osi zot in donn nou rezon pour fer zot konfyans e nou anvi fer zot plis konfyans ankor.

Me la nou pe kre en striktir ki kre en Board apre en lot Appeals Board al dan sa sityasyon la vreman mon si mon ti en dokter, mon ti poz mon lekor en kantite kestyon.  Ki mannyer mon ki lo Board dokter (X) ki lo Board I fer en desizyon medikal, I pa pe fer en desizyon administrative la I pe fer en desizyon medikal I pour ganny reviewed par en lot son koleg ki napa okenn – ki napa okenn lotorite medikal plis ki li?

Ki mannyer nou pour nou pour deside lo sa premye Board met bann meyer dizon pour nou fer sir ki nou annan en bon desizyon dan premyer lenstans bann pli senior.  E apre nou riske trouv nou dan en sityasyon kot nou al dan en Appeals Board?

E en lot dokter kekfwa pli junior kekfwa pa en spesyalis dan tel field.  Akoz nou napa en spesyalis dan tou field ki pour vin review desizyon sa dokter?  Mon vwar poudir nou pe envit nou pe envit konplikasyon.  Mon santi poudir si sa Unit ti pe fonksyonn byen, dirize par the most senior medical officer ki annan ki a sak fwa ki annan en ka sa spesyalis i ganny anmennen e sa spesyalis i donn son lopinyon medikal lo la, i devret fini la.

Mwan mon pa anfen – mon pa en dokter, me selman mon pe koz pour enn de enn de profesyonnel lasante ki’n dir I kapab marse me selman an menm tan I kapab pe envit bann difikilte down the road. 

So mon met sa la pour ou refleksyon e pour ou dir avek nou si ou’n reflesi a sa sityasyon e si ou annan en larepons ki satisfezan.

Mon 2enm pwen byensir se eski nou pa ti kapab mon re vin lo sa ki mon ti pe dir an preliminer eski nou pa ti kapab dan sa ka do away avek en nouvo Board ankor?  Avek nouvo fees, nouvo larzan nouvo administrasyon konmsi mon vwar ki nou riske pe burden nou sistenm avek ankor en lot layer administratif.

Akoz mon pe dir sa osi akoz mon konnen ki lepep Seselwa laba deor pour sa ki mon pe dir pour rezon byen avek zot akoz zot in vwar poudir nou glis en pe depi Prezidan Danny Faure in pran prezidans pei.  Nou’n glis en pe pour nou met par anba bann striktir administratif en lot layer administratif ki bann Boards ki mon vwar li pa pe mars vreman tro byen.

Mr Speaker sa i sa 2 pwen pli enportan ki mon ti a kontan vwar e mon konklir an dizan kekfwa nou devret rod en fason pour nou tighten up sa keksoz sa pratik ki pe arive.

Pour nou fer en keksoz ki egziste mars pli byen pa pour nou re envant en lot striktir ankor.  Mwan mon ti ava reasire si Minis I kapab dir nou ki tou bann dokter ki pour enplike ladan pour onboard, Minis I ava dir sa I pa ankouraz I pa pe formaliz en sityasyon kot tou dimoun prezan pour appeal, tou dimoun pour appeal.  Akoz sak fwa en dimoun pa ganny I ganny dir non zot poudir Dokter Ferrari non mon pa dakor avek son desizyon mon pour al demann Dokter Telemaque, oubyen mon pour al demann Dokter Reginald ki la e nou pour kree enn de bann konfizyon.  Mwan mon santi akoz ler ou ouver enn sa kalite laport ou pe envit en pe sa bann difikilte koumsa.

So annou gete ki mannyer nou kapab tighten up sa e fer sir ki an menm tan ki nou pe ankadre overseas treatment nou fer sa ki Onorab Henrie in dir an menm tan.  Annou konmans annan en deba en dyalog lo lasirans dan Lasante annou konmans annan sa deba.  Pour fer an sort ki serten dimoun en serten segman dan nou popilasyon I ava kapab swazir pour li pran sarz pran responsabilite pour son lasante.  E sa en keksoz ki toultan Minister Lasante in dir ‘’Ou ki responsab pour ou lasante.’’ Me la nou pe Minister pe vin re responsab ankor.  Konmsi pe dir kit sa ek nou kit sa ek nou ava nou ki pour ansarz sa zafer.  Nou back from cradle to grave ok?  Instead of emansip bann dimoun donn zot sa responsabilite we might be sending the wrong message.  So mon ti a kontan Minis lo sa bann pwen ganny ou reaksyon silvouple.  Mersi.

 

MR SPEAKER

Mersi Onorab Ferrari.  Mon a donn laparol Onorab Aglae.

 

HON EGBERT AGLAE

Mersi Mr Speaker.  Bonzour Minis avek ou delegasyon tou Manm a lekout e Piblik.  Mr Speaker sa Bill ki devan nou I annan son lenportans.  Menm si I annan parti sa Bill I annan swa ki nou santi I kapab ganny mete konman en (SI) e I ava annan osi son merit pour al dan Lalwa.

Mr Speaker mon dir sa akoz nou pe koz lo lasante ler nou an bon sante ou santi alez ou ok.  Me ler ou malad ou bezwen rod rekour partou e ou ti a kontan ganny en gerizon.  Mr Speaker sa I en drwa ki fondamantal ki nou konman en imen nou bezwen egzerse.  Mr Speaker part 3 sa Bill kot I koz lo Board e Overseas Treatment diagnosis mon pour konsantre en pti pe mon lentervansyon lo sa bout.  Bokou diskisyon pe ganny fer eski nou merit annan nouvo Board.  Board apre Board me Mr Speaker si nou anvi keksoz I bouz dan en fason pli transparan tir en pe pouvwar I santre dan serten zis en group dimoun ouswa serten dimoun.

Par egzanp lontan bokou pouvwar sete Minis ki ti bezwen pran dernyen desizyon e ozordi nou bezwen do a way ek sa kalite pratik e donn plis en group dimoun.  Pour li kapab demen pran en desizyon e sa se rol en Board. I pa zis en dimoun I pour annan plizyer dimoun lo la.

Mr Speaker mon dir sa akoz I annan dimoun dan le pase ki in malad ki pa’n konnen ki I gannyen I pa’n ganny loportinite pour li al tretman aletranze.  I annan ki’n pas vitman I annan ki’n tarde e se sa ki sa Bill ozordi I pour anmennen se plis klarite lo lafason ki desizyon I bezwen ganny pran.  E lafason ki I bezwen ganny pran se par bann profesyonnel spesyalis presizeman ki pour bezwen lo sa Board e sa nou ensiste.  E osi lo son Appeal Board osi nou bezwen ensiste ki I bezwen annan bann spesyalis akoz dyagnosis en maladi se en lapros syantifik e si ou pa konnen ki ou pe fer ou riske pran move desizyon.

E petet Minis I ava eklersi nou dan son larepons lo sa de konpozisyon sa Board, eski pour annan okenn dimoun ki nou pour vwar li lo appeal oubyen ki pour lo Board inisyal?  Akoz si sa pour egziste definitivman pour annan konfli lentere.

Eski osi ou annan ase profesyonnel spesyalis kalifye pour kapab met lo sa de Board?  Mon ti a kontan konnen.  Mr Speaker sa Bill 6 (f) I fer referans pour determinen lekel ki pour ganny swazir pour al tretman e lekel ki pour ganny swazir osi pour dyagnosis.  I annan de bout enportan ladan I annan tretman e dyagnoz.  Si ou’n vin Lopital okenn dokter ki ou’n pas atraver ou pas anba son lanmen parey nou dir pa’n konnen ki ou gannyen definitivman ou pour bezwen al ganny dyagnoz overseas.

E sa bout I enportan Mr Speaker akoz nou vwar bann dimoun dan lepase in save menm pran loan ki li I pa satisfe akoz I pa’n ganny en bon larepons e in ale in al fer son tretman overseas.

Mr Speaker I annan en laspe enportan la ki sa Bill I bezwen pran kont li osi sa se trust nou bezwen redonn trust dan nou Minister Lasante.  E dan sa Bill I annan bann provizyon ki’n ganny mete sirtou pour redres en pe bann Polisi bann guidelines ki egziste ozordi.

Bann pratik bann protokol ki fer ki tou keksoz I ava vin pli kler.  E ki ler en spesyalis dan Lasante osi ki li I sipoze pli doue pli konnen dan diagnosis I kapab fer fot li I arive fer fot.  Me selman I ava annan rekour pour li osi apre ki sa bann keksoz in arive.

Mr Speaker 6(a) I fer referans avek bann referral forms ki en dimoun I kapab servi.  Mr Speaker e la mon al en pti pep li devan Sesel pa tro lwen pour demen annan li en lopital prive petet ki ava fully dan I ava dan diagnosis e sa I enportan.

Akoz si demen ozordi Gouvernman ki pe anvoy dimoun aletranze pour fer bann tretman spesyalize, i annan detrwa klinik prive ki annan serten korespondans ozordi ki pe link avek bann partner aletranze parey dan L’Inde, Sri Lanka ki fasilit me selman sa pasyan ki peye.  E sa I ava fer provizyon kler ki si demen mon deside pour mon pa vin kot lopital Gouvernman al dan sa lopital laba, I mon swa konman en sitwayen.  E la si demen kot mon ale I vwar poudir ou bezwen al overseas e si mon napa mwayen Gouvernman I a la li I ava annan provizyon dan Lalwa ki fer ki mon pa pour ganny refize.  Lopital pa pour kapab refiz mon sa Board pa pour kapab refiz mon akoz sa keksoz in ganny met la an nwanr ek blan pour asiste sa endividi.

Mr Speaker I annan bout osi ki enportan se revwar osi bann progre 6 (a) I fer revwar bann progre ki I annan dan tretman ki fer ki avek letan demann pour nou Seselwa pour nou sorti al aletranze i ava redwir.

E sa pour vini letan ki nou sistenm lasante in vin pli annord mon kapab dir e nou annan nou en sistenm dyagnosis ki efektiv e ki pe marse.  Sa I ava ede osi pour redwir en pe nou bann kou lo deviz etranzer.  Mr Speaker en keksoz enportan ki mon ti a kontan Minis I eklersi, vi ki Board li I pour zwenn en fwa par semenn, I pour annan bann ka emergencies bann aksidan ki kapab arive grav ki ouswa bann dekouvert sitan vitman 24er.  Ou konnen I annan malad ki kapab atak ou dizon 24er parey Ebola mon pe dir ki en maladi ki dan 24er si ou pa pe ganny latansyon ou kapab.

E I osi annan bann malad agresiv parey kanser bann keksoz parey.  Ouswa bann aksidan ki kapab arive en sel kou pour en dimoun kapab ganny pran lekel ki pour pran sa desizyon vi ki Board pour zwenn enn fwa par semenn?  Eski sa desizyon pour santre avek ou Minis ouswa lekel swa sa CEO?  Mon ti a kontan konnen.

E Mr Speaker en bout ki mon kontan dan sa Bill se ozordi I annan serten dimoun ki ankor pe rod petet son larzan ki li in al peye dan son pos pour li al aletranze pour li rod en lot lopinyon.  Menm si i pa’n bezwen al fer tretman in al rod en lot lopinyon I ava annan en bout ladan ki li I kapab vin devan pour li kapab ganny reimbursed son larzan.

Mr Speaker avek sa de pti mo mon pour donn mon sipor sa Bill e bann lezot bout ki nou santi I kapab al anba (SI) i ava ganny diskite.  Me selman Mr Speaker I annan bout ki merit al dan en Lalwa si demen nenport ki endividi ouswa Gouvernman i sanze nou konnen I annan bout ki garanti.  E mon pa kapab nou santi nou bezwen sanze akoz I pa dan nou faver me dan Lalwa I a bezwen annan en bout ki presizeman I ava protez sa ki nou sitwayen konman en endividi ler nou malad pour nou ganny akse avek overseas treatment.  Mersi.

 

MR SPEAKER

Mersi Onorab Aglae.  Onorab Esparon.

 

HON REGINA ESPARON

Mersi Mr Speaker.  Bonzour tou dimoun bonzour Minis avek ou delegasyon.  Mr Speaker sa Bill ki devan nou prezante par Minis Lasante I enn ki pe ki pour gid Minister Lasante dan bann demars pour anvoy pasyan fer tretman spesyalize an deor pei.

Sa Bill pe osi demande ki Minister I etablir en Unit anba Health Care Agency ki pour sa Unit ki pour oversee tou sa bann demars.  Mr Speaker ozordi ler nou pe koz lo tretman oubyen dyagnosis spesyalize aletranze, bokou dimoun poudir ou ki Minister pa pe swiv menm kriter pour tou dimoun.  E petet la avek sa avek Prozedlwa I ava ed Minister pour servi menm kriter pour tou dimoun.  I annan serten lapreferans e ler mon pe regarde sa ki pe ganny propoze dan sa Bill sirtou ler mon get Lartik 4(A) ki dir ou ‘plan organize and provide logistic support to person approved by the Board’ e sa fer I fer mon mazin case sa de zanfan ki Minister Lasante in anvoy trete La Reunion Luckious e sirtou Christelle Payet.  Ki pe kontinyelman anvoy mesaz ki Minister pa pe pey zot tretman e lezot difikilte ki zot pe rankontre laba.

Mr Speaker mon vwar ki avek kreasyon en tel Unit I a ede pour evite en pe sa bann problenm parey e ki sa dimoun ava pe lyez direkteman avek sa Unit olye ki  i pe … sa Unit ki pe okip sa bann zafer tretman spesyalize overseas, olye ki I pe tay en pe partou pour rod led e sekour.

Sa Lalwa pou menm propoze ki si sa dimoun in pey en keksoz I kapab rod en refund kot I Appeals Committee ki a pran desizyon si i pour gannyen.  Sa Prozedlwa i osi fer provizyon pour ki en dimoun si en dimoun i aggrieved i kapab fer en rapel.

E Mr Speaker lo kote refund I annan pasyan ozordi ki santi ki dokter in tro tarde avek zot case lo Board zot fanmir in pran desizyon pour anvoy zot aletranze e apre ler zot retournen zot vin rod en refund kot Minister.

I annan ki byen konekte I pas atraver bann prosedir fasilman.  Me I annan ki pas en ta matir pour zot ganny en refund.  Be la avek sa Lalwa sa Unit ki pour ganny kree pour ganny sa manda pour zot analiz bann ka e Lalwa i dir si sa enn ki’n kit kite pour en tel tretman aletranze i pour en maladi ki I pa ti pe kapab ganny trete isi, I pour annan grounds pour li demann en refund.

E sa Board ki pour pran desizyon si i zistifye oubyen non.  Mr Speaker sa I anmenn mon lo en pwen la ler mon pe regard sa Lalwa i annan bann ka kot en dimoun i al fer en tretman spesyalize an deor pei lo li menm li.  Me selman I annan serten difikilte ki dimoun I rankontre tel parey letan en dimoun I bezwen retourn dan sa landrwa pour li al fer en follow-up ki parfwa I kout en kantite.

Me selman si Minister Lasante ti annan en fasilite ki kapab ed sa dimoun ganny son latizann menm si sa dimoun I bezwen peye.  Petet sa osi ti pour redwir en kantite en kantite letan ki en dimoun I bezwen retourn dan sa pei pour li al pran son tretman ki en fasilite ki Minister Lasante I kapab ofer isi.

Menm sa dimoun I bezwen pey dan son pos me Minister Lasante ti ava sa facilitator ant sa dimoun avek sa landrwa kot I pe ganny sa latizann sa osi ti pour ed dimoun ki pe fer tretman aletranze en kantite.

Ler ou kalkil en tiket avyon pour li ale zis pour li ganny sa latizann, deplasman kekfwa en dimoun ki pe travay isi Sesel I pe kit sa travay I pe al spend li 2 semenn aletranze, zis pour li ganny sa tretman.

Si Minister Lasante ti kapab fasilit sa I ti pour e den kantite dimoun dan sa bann demars.  Nou annan osi Mr Speaker letan nou tann Minis koz lo 76 pasyan kanser ki’n ganny anvoye aletranze dan lepase.  Ler mon pe regarde I pe reprezant 41poursan sa sonm ki zot in depanse.

E la mon pour felisit Cancer Association pour sa konpanny ki zot pe fer aktyelman lo SBC e mon swete ki sa I ava anvoy en mesaz pour Piblik pour pran zot responsabilite parey Onorab Henrie in dir.  Ki ava fer ki sa bann kanser I kapab detekte boner I ava evite ki Minister I ava depans en kantite larzan pour anvoy sa bann dimoun trete aletranze.  E si I detekte boner I annan en kantite entervansyon ki kapab ganny fer isi menm Sesel pour ed zot avek zot lasante.  Avek sa de pti mo Mr Speaker mon remersye ou.  Mersi.

MR SPEAKER

Mersi Onorab Esparon.  Onorab Arissol.

HON SANDY ARISSOL

Mersi Mr Speaker.  Bonzour Minis bonzour tou dimoun ki a lekout.  Mr Speaker mon ti a kontan dir de parol an relasyon avek sa Prozedlwa ki devan nou.  Konnen selman an menm tan konman en Seselwa mon pour bezwen lo komansman dir mersi Minister Lasante dir mersi bann staff ki travay bann Seselwa ki travay dan Minister Lasante.

E mon enn osi bann en Seselwa ki’n vwar sa pti group dimoun ki nou pe koz lo la spesyalman Madanm Tambara avek son lekip akoz zot in fer zot in fer en travay ekselan.  Me selman parfwa letan ou dir mersi Minister Lasante, I annan lezot dimoun dan lot kote ki zwenn ou ki dir ou wi ou pe dir mersi akoz ou’n byen pase me malerezman mon lo mon kote mon pa ti pas koumsa.  Me sa ki nou bezwen pran kont se ki plizyer nou Seselwa nou antre Lopital avek sakenn nou diferans dan maladi nou diferans dan ka e sakenn I ganny trete dan son fason.  Me selman ler mon vizit Hermitte Ward sa detrwa zour la akoz mon ti annan en pasyan lezot dimoun ki Hermitte Ward ou ti vwar devosyon bann ners ki travay lo Hermitte Ward avek Dokter Gopal ki mon ti ganny sans enterakte avek li.  Lenerzi ki zot mete ki zot donn nou bann pasyan ki la alor mon ti a kontan dir mersi lo non zabitan St Louis e Minister Lasante ek tou bann staff ki devoue pour fer sir zot donn nou tou sa ki bezwen ler nou admit.

Avek menm pti gin resours menm napa bokou zot pour deservi tou sa pasyan ki annan lo en ward.

Dezyenmman Mr Speaker mon ti a kontan dir Minis letan nou pe koz lo Minister Lasante nou pe koz lo overseas treatment I enportan pour nou osi pran kont bann paran ki zot zanfan in ganny en aksidan par egzanp.  Par egzanp letan mon pe koz avek Madanm Jacques dan mon distrik Anne Jacques I annan en garson ki ti fer aksidan en pe letan pase me parfwa bann paran ki zot zanfan I ganny aksidan zot santi ki zot pa ganny en 2enm sans.  En 2enm lopinyon pour zot kapab anvoy zot zanfan trete aletranze zis parey I annan lezot Seselwa ki ganny sa sans letan I ganny en maladi pour li omwen ganny en 2enm lopinyon; omwen I ganny sans kapab santi poudir be zot in fer tou pour li pour son fanmir oubyen pour son zanfan.

Mon ti a kontan letan nou koz lo lasante annou osi pran kont bann dimoun bann zenn sirtou e nou annan en bonpe konmela ki Minis kekfwa dan ou lentervansyon ou kapab sey adres sa.  Konmsi annou prezant kouraz annou montre bann paran osi ki zot annan zanfan ki’n fer serten aksidan ki annan serten dezabilite; parske mon rapel tre byen letan mon ti ankor pe Lekol Belonie Segonder mon rapel ti annan 3 fiy ti sorti lekol ti Politeknik sa letan zot ti fer aksidan lo highway.  E i annan enn ki ti perdi son lavi e i annan enn ki ti fer aksidan dan en gro aksidan nou kapab dir letan dimoun ti koz lo li toultan nou ti dir si son paran pa ti anvoy li overseas pour al ganny en 2enm lopinyon ouswa pour al fer loperasyon kekfwa I pa ti ava marse oubyen I ti a menm perdi son lavi.

E sa fiy mon konn li tre byen ozordi I marse byen e I viv en lavi normal parey tou dimoun menm apre sa gro aksidan ki li I ti fer fas avek de lezot son dalon.

Alor mon ti a kontan dir Minis letan nou pe koz lo Seselwa an zeneral ti a bon nou osi nou pran kont sa pti group dimoun ki parfwa letan paran I vin kot dokter.

E sa madanm I dir avek ki dokter mon pa ava mansyonn non sa dokter ki sa dokter ti dir li sa zour ‘ou konn kondisyon mon zanfan al legliz al priye aste en wheelchair donn ou garson e I ava ed li pour li bouze’.

Mon krwar parfwa bann pti reaksyon koumsa I reste dan leker manman I reste dan leker en zanfan e sa manman in dir avek mon fer sir mansyonnen dir fer konnen ki I annan zot laba deor menm avek en zanfan dezabilite zot ti a kontan ganny en sipor avek Minister Lasante letan nou koz overseas treatment.

Mr Speaker mon pour donn mon sipor sa parske lasante I enportan pour nou tou ozordi nou byen nou pa konn demen ki arive.  Alor sa ti mon kontribisyon ozordi Mr Speaker.  Mersi bokou.

 

MR SPEAKER

Mersi Onorab Arissol.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker bonzour Minis avek ou delegasyon tou Manm Onorab e tou dimoun ki a lekout.  Mr Speaker lo sa Prozedlwa ki devan nou mon krwar I napa problenm lo son merit mon obzerve ki tou bann entervenan ki’n koze I dakor ki nou annan en tel Prozedlwa ki nou annan en keksoz dan sa direksyon.  E mon donn mon sipor pour sa Prozedlwa akoz mon krwar I en bon keksoz.

Plitar nou ava antre dan moman dan Bills Committee kot bann amannman, bann keksoz a kapab diskit dan bann pli gran deba pour nou kapab tonm dakor lo bann detay.  Me selman grosso modo vwala ki mon obzerve.

E ou vwar sa Prozedlwa i enportan en kantite li akoz mon krwar ki i pour anmenn nou sistenm lasante en lepa pli devan en step forward.  Ozordi dan Sesel nou Bidze Lasante pe kontinyelman grosi.  Lakantite larzan ki pe ganny depanse avek tretman aletranze I enorm e I kontinyen ogmante.

E I pour ariv en letan ki nou pa pour kapab sustain si nou pa fer atansyon e nou pour dan problenm.  Mon krwar I annan en pwen osi ki’n ganny avanse ki nou bezwen konmans reflesir lo medical insurance korek e I enportan e sa mon krwar sa Prozedlwa I pour obliz nou pans e konmans diskit dan sa direksyon.

E si nou pa fer sa nou pour dan en problenm pa tro lontan ki pe vini dan near future. 

So lot keksoz ki sa Lalwa I fer nou I pour fer nou oblize fer I pour fer nou fer Minister Lasante delivre pli byen.  I pour oblize delivre pli byen.  Mon ava eksplik detay en pti gin taler.  E annou pa bliye pli boner dan nou Lasanble nou’n diskit lo Lopital prive e sa Gouvernman Minister Lasante parey mon ti dir dan mon entervansyon a sa moman.

I bezwen bouz plis e mon ensiste ankor al pli vit pour kapab realiz en partnership en fason fer en be nou bezwen ganny lopital prive o nivo isi.  Eski nou kapab pour kapab ede redwir sa kou e I ava ed nou pep e an menm tan I ava kapab get medical tourism en dimoun ki ava vin Sesel I ava santi li konmsi li osi laba I ava olye nou toultan al deor I osi letan I vin isi I konnen poudir I safe.  E si I annan en problenm ki arive son lasirans pour li I ava kapab ganny kouver ganny extended kouvertir letan ou Sesel akoz nivo lasante ki nou pe donnen atraver lopital prive whatever ouswa Gouvernman I pour ariv lo sa standar kot nou pour kot I bon pour nou

So sa I li e prezan annou vwar nou dwa nou dwa a lasante pour mon I pour konmsi ganny ankre pli byen dan en Lalwa.  Ozordi nou pe ganny en bonpe problenm.  Mwan la letan mon pe koze mon pe mazin pa zis mon ki’n pas atraver e mon profite la poudir mersi ankor enn fwa sa madanm kot Minister Lasante, si mon pa mazin zot e mon pa dir mersi a Minister Lasante mon ti’n fini defen mon.  Mon ti’n fini mor definitivman e gran mersi ki Dokter Gedeon mon pour nonmen akoz sa I Dokter Gedeon ki li in kapab fer keksoz pour mwan.

E mon dir sa akoz mon anvi ki I pa ariv koumsa avek tou dimoun li I bezwen annan en fason pli korek, pli korean pli byen ki tou dimoun ki tou Seselwa ki pas atraver nou sistenm lasante I ganny sa servis pli korek pour permet deteksyon okenn maladi, okenn maladi serye ki pour arive ki ou bezwen al deor pli boner.  Pour ki ou minimiz risk lanmor oubyen landikapman ou whatever.

Alor I bezwen annan en sa Lalwa i pour vin met en presyon lo Minister Lasante pour li delivre pli byen ki swa dan klinik e la ou Headquarters laba lopital I pour bezwen met presyon avek klinik poudir ou bezwen travay pli byen pour deteksyon, pour anpese ki letan nou konmans vwar en tre en siny poudir keksoz pour vin grav boner.  Nou konmans fer bann tes neseser nou pa zis konmsi ou vini konmsi ou napa en lentere avek sa pasyan.  E ou bezwen annan en lentere ou bezwen get li pli profon pour kapab vwar keksoz boner.

Mwan mon dir sa la akoz dan mon lespri mon pe mazin detrwa ka mon mazin Aaron en garson Takamaka ki’n fer aksidan moter en pe lannen pase.  Be lopital Victoria pa le pey son tretman aletranze I dir koup son lipye.

Si pa determinasyon sa garson e bann sipor ki’n gannyen avek prive bann dimoun at one time mon krwar President’s Office in ede, be bann dimoun prive an deor ki mon konnen determinasyon sa garson in al Maurice apre mon zwenn li letan mon ti India mon osi MIOT e ozordi I pe marse.  I pa 100poursan zot lo son lipye akoz I annan serten pti landikapman me i pe marse sansan son lipye ti’n fini koupe net!

Mon doubt mon si in ganny en refund I don’t know me mon doubt.  Akoz zot pa ti le fer sa i kler mon mazin detrwa dimoun Cascade la mon pe koze mon annan serten dimoun Cascade kot neglizans pir neglizans Minister Lasante in fer ki zot dan en gro problenm; zot dan en gro problenm menm letan in ariv deor letan desizyon i pran pour al deor, i deza tar i deza tar.

Alor la sa Lalwa i pour bezwen pouse pour ki i pour bezwen anpese akoz ler ek sa Lalwa I annan bokou neglizans then en pasyan en Seselwa I pour kapab fer en claim, i pour kapab pourswiv Minister Lasante pour neglizans pli byen anba sa Lalwa.  Akoz i pour annan bann pwen kler anba kwa i pe fer son claim!

E ozordi I difisil pour li fer difisil alor sa pour mon I anmenn en step pli devan pour fer ki nou dimoun I a kapab osi santi li pli secure.

Ou pa kapab pran desizyon pour anvoy tretman aletranze zis koumsa.

Laba kot Madanm Tambara li I pa deside li, li I administre sa bout me nou pe koz lo desizyon Madanm Tambara si ou pa’n dir li si sa dimoun pe al deor I pa pour kapab kanmenm li I santi pa pour kapab anvoy ou li.

So se sa mekanizm pour sa desizyon ki nou pe koz pirman lo la e la I a pouse pour ki nou anpese annan plizyer problenm la.

I annan konn en dimoun I annan politik ki zwe politik I zwen tou lede kote sa I pa kestyon Parti Lepep konmsi ki pe pini.

Non I annan dimoun dan son mantalite, I annan problenm e la mon demann Minister Lasante rode dan son Minister sa bann dimoun ki pe met bar dan larou pour fer Minister e nou Polisi Lasante avans pli devan.

Tou kote, pa vin zwe politik la nou bezwen marse I bezwen fer marse en sistenm e okenn dimoun ki met bar ladan I pa I napa en plas dan sa prosesis dan sa zwe la.  Mon krwar seryezman si nou al lo la akoz nenport ki parti I kapab vin o pouvwar pa kapab tolere bann keksoz koumsa.  Mon krwar apartir la sa keksoz I bezwen ganny fer korekteman pour anvoy sa bann kalite problenm e se sa ki met blanm parfwa lo Gouvernman, lo Minister lo Minis, kan pa ti neseser, si sakenn nou ti’n fer nou louvraz pli byen e dan en fason pli koeran, e pli avek plis lazistis plis fairness, plis accountability.  Anfen kont sa Lalwa I pour anmenn plis latransparans, plis accountability pour Minister.

E I a fer li parey mon dir delivre pli byen I pli kler osi sa bann kriter ki mon nonmen e I ava minimiz alor sa bann ka move desizyon.

E Mr Speaker ou vwar I enportan nou annan Board e pour desid sa byensir akoz I bezwen pas atraver striktir.

I annan de ka straight forward ou pa bezwen al lo son Board I kler li konman sa pasyan in vini ou vwar poudir ou pa kapab fer nanryen isi.  E la mon krwar Dokter Reginald menm Telemaque lot, lot I dir deor direk, deswit avyon whatever, al pey pasaz pour anvoy deor akoz pa kapab fer isi.

Be I annan de ka ennler ou anvi anvoy deor be kondisyon sa pasyan ou pa kapab anvoye.  Sa osi sa I ede pour Minister Lasante I bezwen vwar alor kote ou annan mankman isi lokalman, pour fer sir ki ler ou annan sa bann ka koumsa ki pour al dan nou emergency, laba dan nou bout lopital ki kapab tret sa bann ka koumsa.  Ki I annan en improvement laba ou konpran?

I bezwen annan improvement akoz ki mannyer I ete mon konnen I annan travay ki pe ganny fer dan sa direksyon be travay I bezwen ganny fer en pe pli vitman.  E I bezwen alaoter – alaoter pour ki nou osi konmsi letan pasyan in ariv laba dimoun laba deor osi pa kritik nou be sa kot zot sorti zot sa Minister Lasante laba kot zot ki kalite sa?  Be pa ti kapab vwar sa pa ti kapab fer sa?

I annan serten keksoz de baz parfwa I pa ganny fer, I pa’n ganny tyeke I pa’n ganny se sa ki fer ki deor laba osi letan nou ale I bezwen fer ou refer tou sa bann tes akoz I pa kapab rely lo sa ki ou’n donnen pourtan isi parfwa dan serten sirkonstans nou annan bann bon masin, masin A1 masin ki dan la rezyon dan la rezyon Maurice, Madagascar partou zot napa.  E nou annan be nou problenm se ki ler ou tyeke sa dimoun prezan ki ou dir ki mannyer keksoz I ete, I pa kapab dir ou korekteman I annan keksoz la ki manke.

E nou demann Minister Lasante pour al beef up sa bann area, akoz si zot pa fer li zot pour ganny problenm avek sa Lalwa.  Ou pour vwar plis claim plitar I vini e la nou pour dan problenm.

Ou annan sa kestyon medical insurance pa zis pour pasyan pa zis pour dimoun me dokter osi.  Mon krwar nou bezwen al osi dan sa direksyon sansan Gouvernman zis I pour anmas en bann kantite case si keksoz pa bouze dan sa direksyon.

Pour fini mon krwar I enportan ki nou annan en Appeals Board.  E ki mannyer Sesel pe devlope li e sa lavites ki I pe devlope e dan medikal osi, prive deor pe al avek en lavites li osi.

Dokter Murthy, dokter lot laba zot osi at one point zot pour kapab ofer serten tretman oubyen serten servis spesyalize isi.  E ou bezwen met zot dan zwe sa osi ou pour bezwen met zot dan zwe kot ou pour annan mankman sa osi ou bezwen pran an konsiderasyon letan nou pe get tousala.

So parey mon dir I pour sa pour ede vreman pour beef up sa Sistenm Lasante.  Dan Appeal,  ou annan ou serten spesyalis ki deor en dimoun dan Seselwa in al deor li in al ler mon dir deor an deor Minister Lasante, e prezan laba son spesyalis in vwar ki poudir sa en ka ki pour bezwen anvoy deor.

La ou bezwen donn nou ou konfyans Minis taler ou a eksplike ki mannyer sa spesyalis laba deor sa dokter konpetan li kapab liaise byen avek ou Minister Lasante pour zot kapab pran desizyon korekteman and dan en fason pli vit.  Ou pa pour kapab prezan dir ‘’non, non, non’’ prezan ou bezwen al repas dan ou klinik pour ou, me ou bezwen annan serten trust.  I bezwen annan en mechanism ki marse e petet ti a bon ou dir nou ou lopinyon lo la, ki mannyer sa osi i kapab ganny pran an konsiderasyon.

Mon vwar bann amannman ki pe vini dan sa direksyon, me selman donn nou en serten konfyans kot sa bann keksoz koumsa osi ki kapab ganny pran an konsiderasyon pour nou parey nou dir beef up nou Sistenm Lasante.

Ou vwar sa la I pour obliz Lasante al get son sistenm lanbilans akoz souvandfwa nou vwar poudir dan sistenm lanbilans i pa marse.  En pasyan I ganny letan mor pe ganny letan tarde or letan I vini son ka in vin pli grav ki prezan ou bezwen anvoy li deor.  Konmsi si I ti’n ariv atan petet zot ti pour tret li lokalman.  

So I annan en kantite improvement ki around Minister Lasante la ki bezwen ganny aranze ganny amelyore e sa i pour donn nou en bon keksoz I pour fer en bon keksoz Mr Speaker.

Avek sa mon a espere ki letan I ariv dan Committee Stage la I ava annan en pe plis deba plis diskisyon pour nou tonm dakor lo serten detay dan sa Bill.  Me an grosso modo mon kontan ki mon pe obzerve ki mazorite ki tou nou bann Manm isi I vwar merit sa Prozedlwa ki devan e si I koumsa petet nou bouz en pe pli vit.  E nou ava pran plis letan dan Committee Stage pour nou kapab rafin li.  Mersi bokou.

 

MR SPEAKER

Mersi Onorab De Commarmond.  Onorab Simon Gill oule entervenir oubyen…? Yes ok.  Go ahead Onorab Gill.

 

HON SIMON GILL

Bonzour Mr Speaker.  Mersi bokou Mr Speaker.  Bonzour tou koleg Onorab bonzour Manm Piblik ki pe ekout nou.  Mr Speaker sa Prozedlwa devan nou ki koz lo tretman spesyalize an deor Sesel I en Bill ki donn nou en loportinite pour nou apresye.

Kantite transformasyon pa zis lo kote kalite me la kantite personnel ki la dan nou sistenm servis Lasante isi dan Sesel.

Konn sa ki mon konnen sa ki ti egziste dan nou servis lasante en pe letan pase avek staz kot nou Sistenm Servis Lasante in arive tou Seselwa onet senser I apresye ki in annan en transformasyon serye konpreansiv dan nou sistenm Servis Lasante isi dan Sesel.

Me alafwa ki nou acknowledge rekonnet transformasyon ki’n arive nou osi rekonnet ki in annan serten mankman nou pa kapab pa rekonnet sa.  Me sa ki enportan se ki an menm tan ki nou acknowledge ki nou annan bann mankman mon trouv toultan bann zonm fanm profesyonnel dan Minister Lasante Sesel in fer zot mye pour adres sa bann mankman.

E byensir avek bann dimoun dan leadership dan Minister Lasante zot in anbark lo en lalit san ses pour kontinyen amelyor ki mannyer nou delivre sa servis lasante ver pep Seselwa.

E mon mesaz ozordi Mr Speaker ler mon pe koz lo sa Bill se mon a dir tou bann profesyonnel Minister Lasante pour keep going – keep going sa pep I ekspekte de zot ki zot kontinyen fer tou sa ki zot kapab pour delivre en servis de kalite.  En servis de kalite ki reponn avek legzizans sa pep, ozordi dan sa 21enm Syek kot nou’n arive.  Napa lespas pour politik sel lespas ki annan se pour satisfer bezwen sak sitwayen ki ariv devan laport Minister Lasante dan tou bann klinik dan tou bann lopital dan teritwar Sesel napa lespas politik.

Lespas ki annan ankor enn fwa mon repete Mr Speaker se lespas pour nou donn sa pep e amelyor kalite servis ki nou delivre dan Minister Lasante.

Sa I devret en challenge pour sakenn de nou bann profesyonnel dan sa Minister de moman ki nou leve dan bomaten e nou raport travay ziska ler nou call off nou duty.

Mr Speaker lot pwen ki ekstrememan enportan ler nou koz lo sa Prozedlwa ki devan nou se rekonnet ozordi dan Sesel, i napa zis Minister Lasante servis Piblik ki mon kapab mete dan sa kategori ki pe ofer servis tretman nou pep.  E Onorab ki fek fini koze in dir ki I enportan e mon osi mon le met lanfaz lo la I enportan ki Minister Lasante I devlop en sinerzi relasyon avek tou bann lezot lenstitisyon prive ki pe donn Servis Lasante dan nenport ki kategori pep Seselwa.

Enn bann rezon fondamantal pour sa Mr Speaker, se pour nou konnen annan en levanter a zour sa levanter azour pour anmenn nou konnen ki servis ki tou bann akter dan sekter prive I annan pour ofer sa pep.

E de lot kote nou pep osi I bezwen konnen ki servis ki Minister Lasante I kapab ofer dan Sesel.  Probableman zot a dir be zot deza konnen.  Non!

I annan en kantite nou dimoun pa konnen ki bann tretman spesyalize ki Lopital Sesel or servis lasante dan sekter piblik I kapab ofer sa pep.  Akoz ki mon dir sa?

I annan en kantite dimoun I swazir pour li al fer e pourswiv bann tretman deor akoz pour li pa konnen poudir Minister Lasante Sesel I annan posibilite kapasite pour ofer sa servis.

E sa I annan relasyon direk avek sa konponan kid an sa Bill refund.  Si Minister Lasante I kapab refund ou or pran responsabilite pour refund en tretman ki ou’n pourswiv deor ki li menm li Minister Lasante I annan kapasite I annan profesyonnel pour donn sa servis me ou’n swazir pour ou al deor.  Ki mannyer ou ekspekte refund?

I kree en sityasyon en pe anbarasan, si mon kapab met li dan sa fason tre senp.  Sa dimoun in al deor in depans son larzan byensir I ekspekte si I en travayer, I en Seselwa. I en taxpayer, i ekspekte I ganny refund, si pa tou me en pe son larzan ki’n depanse deor.

So the bottom line se ledikasyon nou pep pour nou rasire ki nou pep i konnen ki servis spesyalize ki Minister Lasante or sistenm servis lasante Sesel I kapab ofer zot avan ler zot pran en desizyon pour al trete deor.

Lot pwen ki mon oule koz lo la Mr Speaker I annan pour fer avek sa size lasirans.  Lasirans lasante sa size lasirans lasante ki osi Onorab Ferrari in koz lo la I enportan vreman enteresan.  E nou’n met lasirans lasante dan en konteks tre fantastik ki ozordi I annan Seselwa bokou Seselwa ki kapab pey pour son servis lasante.  I enkrwayab ki be I en realite.

Me Mr Speaker I enportan ki mon fer en pwen ki fodre zanmen fodre zanmen dan sa pei Sesel en dimoun dan lavenir si 2an, 3an, 4an, 5an, 10an, 40an, 50an pa ganny tretman ki I bezwen ganny donnen swa Sesel ou deor zis akoz en problenm lasirans lasante.

Fodre zanmen I arive dan sa pei Sesel avek okenn sitwayen Seselwa fodre zanmen I arive!  E taler mon tann nonmen mon tan en quote from cradle to the grave.  Si fodre donn en dimoun servis lasante from cradle to the grave dan mon filozofi pour mon ki mon krwar ladan nou bezwen donnen!

 

(APPLAUSE)

 

HON SIMON GILL

Akoz I annan dimoun ki pa pour kapab peye servis lasante malgre tou sa ki nou pour fer.  Pa pour kapab peye!  E nou bezwen fer sir ki zanmen en Seselwa I ganny meprize servis lasante zis akoz I pa kapab peye.  Mon pe dir sa akoz mon konn listwar mon prop fanmir se sa ki pe fer mon met lanfaz lo sa pwen.

Mon konn listwar mon prop fanmir Mr Speaker e I pa fer mon byen I pa dizer byen dan mon lestoman.  E personn pa pour kapab konpran mon santiman malgre zot pour le sey fer politik lo la.  Akoz mon santiman pour mwan I serye, i serye lo la.

 

(interruption)

 

MR SPEAKER

Order!  Order!

 

HON SIMON GILL

E Mr Speaker…

 

(interruption)

 

MR SPEAKER

Onorab Gill kontinyen.

 

HON SIMON GILL

Lo sa size servis lasante, I enportan ki nou pran li serye.   I annan kritik lo kestyon Board.  E lo Board dan provizyon ki in mete dan sa Prozedlwa in dir klerman, ki I pour met bann spesyalis e nou bezwen rasire poudir I annan bann spesyalis – pa nenport ki spesyalis bann spesyalis ki’n kalifye dan bann field relevan.

E petet I annan en keksoz pli enportan probableman nou devret gete ki ler I annan en desizyon pour pran ki I ava annan en dimoun ki antre lo sa Board ki relevan avek sa kalite kondisyon maladi sa pasyan.

Pour a donn lo sa Board pour fer sir ki a nenport ki moman napa en novis ki pe pran desizyon ki en spesyalis I devret pe kontribye pour sa Board ariv lo la.

E sa I ava rasire ki bann desizyon ki ganny pran, I bann desizyon ki korek I bann desizyon ki ganny trouve konman fair decision.  Pa en desizyon ki baze lo kapris okenn sa bann dimoun lo sa Board akoz nou pa pe koz lo lasante en zannimo.

Nou pe koz lo lasante en zonm fanm ki malad ki bezwen en tretman se sa ki enportan Mr Speaker nou met an adisyon ki Minis I ava kapab fer komanter lo la ler I ariv moman pour li donn son Repons.

Mr Speaker pour mon konklir dan mon lentervansyon I enportan ki nou dir detrwa dan konklizyon.(laughter)

Mr Speaker dan konklizyon sa ki mon poudir se swivan sa lankadreman legal ki Minister Lasante pe met an plas an relasyon avek tretman spesyalize an deor teritwar Sesel, I byen ki pe ganny fer.  E sa dan li menm li I pour donn en nouvo dimansyon dan prosesis pran desizyon lo bann endividi ki bezwen sa tretman spesyalize, an deor teritwar Sesel.

I ava evit bann kritik ki dir ki I annan bann lapreferans ki dir ki napa fairness dan bann desizyon ki in ganny pran.  E mwan mon swete, mon swete ki tou sa bann Manm Board zot ava fer zot travay avek lentegrite e montre zot konpetan e ki zot donn sa konfyans e ki zot renouvle konfyans Seselwa dan servis ki Minister Lasante pe ofer lepep Seselwa.

E nenport ki ava vin lo sa Board mon ava swet zot tou de bon e sikse dan zot travay.  Mersi bokou Mr Speaker.

 

(APPLAUSE)

 

MR SPEAKER

Mersi Onorab Simon Gill.  Onorab Basil Hoareau ou annan apepre 8minit I sifi oubyen oule pran apre Break?

 

HON BASIL HOAREAU

Mon anvi pran apre Break.

 

MR SPEAKER

Bon mon ava…  Yes Onorab Ramkalawan.

 

HON WAVEL RAMKALAWAM

Non Mr Speaker.  Zis pour I annan en statement ki Onorab Gill in dir an relasyon avek lasirans lasante e ki mannyer Minister I bezwen pran sa o serye, ensidswit.  Be zis konman I fini dir sa I annan en pasyan ki konmsi mon ti ava kontan ki avek ou permisyon zis met sa devan Minis.  Kot en dimoun in anvoy mwan en mesaz i dir mwan ‘my cancer is back, but do you know that I am right now battling Ministry of Health to order my drugs which my insurance is paying and Dr Louange is refusing to accept my insurance!’’ 

This is serious e mon krwar ki sa ki nou pe koz lo la mon krwar Onorab De Commarmond tou ou’n fer serten komanter ki nou bezwen pran o serye.  Mersi.

 

MR SPEAKER

Bon mersi Onorab.  Mon krwar pandan Break osi ou a kapab take up the issue avek Minis avek Dr Reginald.

Me zis mon anvi osi partaz en pti gin leksperyans avek Lasanble.  Ankor parey mon dir mon komanter from the Chair I pa enfliyans la fason ki Manm I vote.

Minis I okouran sa sityasyon boner sa lannen ti annan en pti garson 8an Bel Ombre ki son case ti al lo Board I ti annan en problenm dan latet mon krwar en sis.

E menm I ti konmans ariv bann moman kot I ti pe konmans ganny bann fits savedir I ti pe pez lo serten part son laservel.  Board aparaman sa madanm sa manman ti ganny dir I kapab pran 6mwan avan I ale, esper ankor enpe letan.

Me sa madanm ti bezwen al pran en loan mon annan kontak avek li, mon’n sey tou atraver Minister Lasante atraver Children’s Fund mon menm al kot ziska President’s Office, nanryen pa ti kapab ganny fer.  Sa madanm ti pran en loan e ti rod en pe lasistans ler I ti bord avyon I ti pe pran bokou risk, akoz I ti en problenm latet.

Ler I ti ariv Dubai sa garson ti tonm plis malad me I ti bezwen zis ler I ti an transit I ti bezwen zis dir avek sa pti garson sey tenir en pti pe or else airline pa ti pour kapab pran li.  Ti en risk ki zot ti pran I ti menm konmans ganny fits Dubai an debarkan lo avyon.

I ti ariv dan India zis atan.  Son very next day I ti fer loperasyon its amazing akoz I dir li mon konnen ler in retournen mon koz avek Minis e in ganny refund me I due pour fer en review an Desanm, e mon pe ankouraz li pour li bouze boner al kot Minister Lasante.  E son bann portre ki li in gannyen ki lo son telefonn I vreman sokan!  Groser mon pa konnen si zot apel li en sis sa groser dan latet en pti garson 8an I enkrwayab.  I en tumour.  

Wi I enkrwayab e mon dir li petet I pour bon pour li fer met tou lo en CD donn Minister Lasante, akoz I ankor ki Minister Lasante I kapab pas lo la.  Ankor I ed zot bann leksperyans parey Onorab Simon Gill I dir petet bann mankman ki arive ki pour fer ki demen nou kapab diagnose pli byen e pran bann desizyon pli vitman.

Me pour lenformasyon I en keksoz vreman pozitiv loperasyon in successful sa pti garson in retournen in fek repran lekol la sa 2enm term e keksoz I pozitiv I pe focus lo son letid e in relieve paran bokou.  Me lenkyetid paran la se Desanm I due pour son review eski I pour ganny review e alor mon ki poudir I bezwen bouze apros Minister Lasante konmans met son case forward ki letan I ariv Desanm I pa vwar li pe tay isi, pe tay laba.

Zis en pti pe en leksperyans ki mon ti anvi partaz avek zot.  Me mon krwar sa lapel ki Onorab Ferrari in fer in ganny resiprok par Onorab De Commarmond ek Onorab Simon Gill – medical insurance mon krwar I enportan.  In ler pour nou konmans diskit sa.

Onorab Simon Gill in fer sorti sa pwen ki pa tou dimoun ki pour kapab afford, me sa nou konnen poudir nou annan ASP Lazans Servis Sosyal ki I kapab pran sa lot kous nou sosyete.

Me I annan bokou dimoun ki pare pour kontribye akoz parey Minister pe promote se ou ki bezwen pran swen ou lasante e ou osi tou kapab envestir dan ou lasante.  Vwala en pti pe mon kontribisyon ki mon anvi fer.  Mon a donn laparol Onorab De Commarmond.

 

HON CHARLES DE COMMARMOND

Zis mon anvi kontribye ki Onorab Ramkalawan in fek dir la.  Vwar se egzakteman sa bann kalite mantalite ki mon ti pe sey dir taler osi.  Cascade mon annan serten dimoun ki I bezwen latizann spesyalize pour son problenm ki I annan.

Si pa ti call en dokter lot zour poudir zot sey pouse pour li kapab rode pa ti pour gannyen manke ti a konplike.

Nou demann Minis lefe ki sa in ganny pase la Minis dan sa Break la regard sa issue ler nou vini avan nou repran nou deba lo la, donn nou en keksoz konkret ki in arive dan sa ka ki nou pe koze.  Mersi.

 

MR SPEAKER

Ok nou pour retournen 11er.  E lo mon lalis mon annan Onorab Basil Hoareau ki pour entervenir.

Parey mon’n dir nou annan en seri lamannman osi tou ki’n ganny sirkile petet osi bann Manm pas ladan pour zot kapab deal avek sa bann lamannman.  Nou ava Break e nou ava retournen 11er.

 

 

(BREAK)

 

MR SPEAKER

Bon nou ava repran nou travay, pour sa klarifikasyon ki nou ti pe demande avan nou pran Break, mon a sizere ki Minis i ava pran ler i pe fer son Right of Reply, tou fason akoz loter sa sityasyon, sa konsern pa la avek nou.

So nou ava pas direkteman lo prosen entervenan Onorab Basil Hoareau.  E Onorab Basil Hoareau dernyen entervenan lo mon lalis e nou close lalis. Onorab Basil Hoareau.

 

HON BASIL HOAREAU

Mersi Mr Speaker, bonzour Mr Speaker, bonzour Minis ek ou delegasyon, bonzour tou bann Manm e tou ban dimoun ki a lekout.

Mr Speaker Bill ki devan nou pe donn en lankadreman legal tretman pour bann pasyan aletranze.  In deza annan en Polisi Gouvernman ki an plas me la ki sa Bill pe fer pe donn en baz legal sa Polisi, pe transform en Polisi dan en Lalwa.

Mr Speaker Lartik 29 nou Konstitisyon i dir ek nou poudir ki Gouvernman i rekonnet ki sak sitwayen i bezwen son lasante i bezwen ganny proteze e ki Gouvernman i bezwen asire ki sak sitwayen i ganny en standar eleve an relasyon ek son lasante, be it mantal ouswa fizik.

E an relasyon ek sa drwa Gouvernman in fer serten obligasyon, serten undertaking ki’n in pran dan Konstitisyon li menm.  E se sa, e sa enn parmi enn sa bann lobligasyon se pour li provide lasante primer.  Sa i basically Mr Speaker i vedir i en obligasyon minimum ki Gouvernman i bezwen fer.  Me i pa anpes Gouvernman al o dela son obligasyon, savedir i donn lasante segonder ouswa tertiary health care.  E se sa ki Gouvernman in fer toultan in al o dela de son lobligasyon ki i ganny donnen anba Lartik 29.

E sa Bill i osi al plis ki sa primary health care, parske letan nou pe koz tretman aletranze, nou pe koz tretman spesyalize, savedir nou pe koz tertiary health care.  E i enportan Mr Speaker parske i vedir sa ki Gouvernman pe fer i Konstitisyonnel dan lefe poudir Konstitisyon pa anpes Gouvernman fer sa, Gouvernman pe fer keksoz ki Konstitisyonnel e, me selman i pe al ant o de la son lobligasyon Mr Speaker.

Letan nou koz lasante Mr Speaker, i osi enportan poudir ki nou pe fer isi letan nou pe donn lasante fasilite lasante, tretman aryer a nou bann sitwayen, nou pe osi mentenir son drwa a Lavi Mr Speaker, parske sa i link direkteman sa 2.  Lartik 15 i dir ek ou poudir tou dimoun i annan drwa a Lavi e otomatikman si ou pa donn en dimoun son drwa lasante tretman kot i bezwen letan i tonm malad, ou pe deny li son drwa a lavi osi, e se sa ki Gouvernman pe fer, i pe fer sir poudir i pe al to the maximum pour fer sir poudir tretman lasante ki pa available Sesel i kapab ganny donnen a nou bann sitwayen Seselwa Mr Speaker.

Parey mon’n dir Mr Speaker pli boner, nou pe sorti from a policy pour vin en Lalwa, i annan bokou pei ki reste dan policy, Maurice i enn sa bann pei; New Zealand, mon’n get detrwa pei ki’n vreman reste zisteman zis avek bann policy.  

E zot in vwar bann problenm policy, zot in vwar e annefe an relasyon ek Irlande parske pa zis Sesel, bann pti pei parey Sesel ki i annan, ki donn tretman son bann sitwayen an deor son Ziridiksyon, bann lezot pei New Zealand, Irlande zot osi zot annan bann provizyon dan zot bann Polisi ki mannyer zot kapab donn tretman zot bann sitwayen kan sa bann tretman pa available kot zot.

Me problenm ki ou’n vwar ek Polisi annefe an Irlande letan mon fer mon resers Ombudsman Irlande in fer sorti en rapor an Zanvye 2018 lo la, kot i annan en ta problenm, i dir ek ou napa transparans, dimoun pa konn zot drwa, dimoun pa konnen kan ki zot entitle pour en tretman aletranze e ki fason zot pour fer aplikasyon par ler, e bann aplikasyon in ganny delayed.  I annan en rapor ki’n ganny fer detaye Mr Speaker lo la, e sa i montre ou akoz rezon det, rezon det pa pour kit sa en issue sitan enportan dan Polisi, me rather donn li en baz legal met li dan Lalwa Mr Speaker.

Pei ki mon’n vwar ki’n fer sa dan Lalwa, nou’n vwar Kenya ki’n fer sa, Kenya in fer sa par en Regilasyon e nou, nou pe fer li par en Act Mr Speaker.  E i annan largiman ki’n ganny raise dan Lasanble lo sa size, akoz nou pa fer li par en Regilasyon Mr Speaker?

Mwan mon krwar rezon, i annan bokou rezon akoz nou devret fer li an term en Lalwa, premyerman en size sitan enportan mon krwar letan ou met li dan en Act ou donn li en sans pli for, en stronger footing than si ou fer li senpleman by Regilasyon, parske Regilasyon i vre ou kapab sanze, me sanze i vedir ki ou osi, ki ou Minis i kapab temper avek li.  I vre ki nou koman Lasanble nou kapab demen quash okenn SI ki ganny fer par Minis, me lefe i reste se ki si nou kit li en (SI), demen Minis i kapab ale sey temper ek sa (SI) e nou, nou pa ti a kontan sa i arive.

E en Act i osi annan en lavantaz Mr Speaker pour nou koman bann Manm, si demen nou, nou anvi amann sa Lalwa nou move en Private Members Bill nou amann sa Lalwa, be si i en Regilasyon nou pa pour kapab fer nanryen avek.  Lalwa i annan bokou lavantaz Mr Speaker e i donn en garanti, en garanti poudir sa bann drwa, sa bann prosedir ki ganny etablir i ganny respekte Mr Speaker.

E deplis, letan mon’n asize mon’n get sa Lalwa, nou ti pe dir poudir posibleman nou fer Regilasyon anba Public Health Care Agency Act, Mr Speaker si ou pe al anba Health Care Agency Act letan ou get sa Lalwa sa Health Care Agency plito an relasyon ek tretman servis lasante Sesel.

Si ou pour al anmenn li an relasyon ek servis deor ou pour bezwen fer li dan en nouvo Lalwa, parske i enportan, i enportan pour nou realize en keksoz koman Manm Lasanble.

Anba Lartik 85 nou Konstitisyon se nou isi Lasanble ki i annan pouvwar to Legislate i vre, i vre ki Lartik 89 i fer provizyon ki Lasanble dan serten sirkonstans i kapab donn pouvwar en Lotorite ouswa en dimoun pour li fer sa ki nou apel “statutory instrument” me sa i en leksepsyon.

Legislative Powers i remain avek nou, savedir se nou koman en Lasanble ki bezwen set bann Polisi bann guidelines, (SI) li i selman al donn bann detay, be Policy and guidelines must be set in the Law, in the Act e savedir se, otherwise nou pe les Minis legislate pour nou.

E mon pa krwar letan mon get sa Health Care Agency Act ki si nou les Minis al fer en (SI), al fer en (SI) pour overseas treatment mon krwar nou pe abdicate nou Legislative Powers, mon krwar se nou koman Lasanble ki devret set the policies e gidans pour en size tre enportan koumsa dan Lalwa.

E once ki nou’n set li dan Lalwa li Minis i ava add bann detay lo la Mr Speaker.  Sa pour mon i kler.  E Mr Speaker at the end of the day kestyon se ki, menm si largiman i kapab ganny anmennen i kapab dir be ok nou kapab fer li dan en (SI), be akoz pa dan en ActWhat harm will it do si nou fer li dan en Act Mr Speaker?

Mon pa vwar okenn harm, nou tou nou annan en bi, sel bi se fer sir ki nou bann sitwayen i ganny akse a lasante, a tretman aletranze kan i pa posib Sesel sa le bi, sa ki devret gid nou desizyon.  Se sa ki devret primordyal dan nou desizyon, e si nou pe fer sa, si sa Lalwa pe fer sa, pe achieve that, then nou devret pe vot dan faver sa Lalwa parske sa ki devret gid nou, sa ki devret dan nou konsiderasyon letan nou pe pran en desizyon whether or not pour vot pour an faver sa Bill or not Mr Speaker.

Mr Speaker alors mon pour demande e mon kontan pour tande ki i annan bann Manm ki’n koze lot kote, ki’n dir poudir zot pour donn zot sipor sa Bill parske sa Bill pe fer sir poudir i annan latransparans, bonn gouvernans, kot i konsern overseas treatment Mr Speaker.

Mr Speaker letan ou pour anmenn, mon pour al lo sa Bill li menm, son bann provizyon, nou vwar ki sa Bill i pe kalifye lekel bann dimoun ki pour ganny, ki kapab ganny tretman aletranze Mr Speaker.  Premye keksoz ki i enportan ki sa Bill i fer, sa Bill pe dir ek nou poudir se selman si ou en sitwayen Sesel ki ou pour ganny tretman.

Prezaman Bill pe dir ek nou poudir ou bezwen rezidans Sesel ouswa domicile Sesel.  Onorab Ramkalawan ti raise en issue lo la, e mon krwar i annan en serten grounds sa ki Onorab Ramkalawan ti koz lo la.

Mon krwar poudir i enportan pour dir wi nou bezwen fer sir poudir nou pa les tou dimoun tonm ladan, me an menm tan fer sir poudir nou pa tir dimoun ouswa serten nou sitwayen ki devret tonm dan sa Bill konpletman met zot an deor, e mwan mon krwar petet ki nou devret servi se ki olye rezidan nou met domicile.

Nou met domisil parske ki nou pour fer si nou annan, nou pe servi rezidan nou riske annan en pti pe problenm kot ou annan en etidyan Seselwa ki in al study L’Angleterre par egzanp 3, 4an e riske vwar li pa ganny kouver dan sa Act.

Me si nou pe poz domisil li i pour ganny kouver, me ki nou pa pour kouver, se en dimoun ki li in etablir son domicile L’Angleterre, in reste L’Angleterre tou sa letan, Australie, Canada ki efektivman i annan rezidans, i en sitwayen Sesel, me son landrwa ki i résider tou son bann keksoz i baze dan, an deor Sesel nou pa kapab ekspekte li ki Gouvernman Sesel pour annan sa lobligasyon an relasyon ek li, pour donn li tretman aletranze Mr Speaker.

Me bann dimoun ki sitwayen Sesel i domisil Sesel bann ki’n al tanporerman L’Angleterre pour letid ouswa an deor pei for that matter pour letid, pour travay zot, zot ava ganny kouver.

E Bill Mr Speaker, i osi set out bann lokazyon kan ki en dimoun i kalifye pour tretman, kan en dimoun pour tretman e i dir ek ou poudir pour ou kalifye pour tretman aletranze fodre ki tretman, tretman Sesel in ganny exhausted.

Savedir napa posibilite tretman Sesel.  E la Mr Speaker i enportan pour nou note en keksoz, i annan en, mon mazinen Onorab De Commarmond ti raise sa bomaten, i dir ou poudir i annan bokou bann private clinics ki pe monte Sesel e i annan ki pe donn bann serten servis.  Si i arive ki i annan en klinik lokal ki donn sa servis ki petet Minister Lasante pa pe kapab, then sa dimoun, Minister Lasante pour bezwen an premye lye anvoy sa dimoun kot sa klinik lokal.

Parske selman si sa tretman pa available locally.  E la kot a met en pe lanfaz Mr Speaker, mon rapel tre byen Onorab Roucou ti anmenn sa Mosyon ki ti pe demann Gouvernman pour get dan posibilite al an partnership avek prive pour etablir en private hospital Sesel.

E petet sa mon pe dir, mon ti a kontan demann Minis pour ki annou pa negliz sa, annou kontinyen eksplor sa posibilite, annou an pli vit posib pour nou annan en Lopital prive Sesel.

Parske sa i a vedir ki nou bann pasyan pa pour neseserman bezwen ganny anvoye aletranze, etranze i a vreman vin a very, very last resort si nou annan bann tretman spesyalize deza lokalman.

E alors mon ti a kontan demann Minis poudir prenon kont sa Lalwa, prenon kont son wording ki pe dir ou pour ganny anvoye overseas.  

Selman letan lokalman sa tretman pa available annou get dan posibilite anmenn o pli vit posib en lopital prive Sesel ki kapab donn serten tretman spesyalize ki petet pa ankor kapab ganny ofer dan, par Gouvernman Mr Speaker.

E pour ou ganny sa tretman Mr Speaker i pour bezwen ki Board osi pou’n bezwen sertifye ki ou devret, ou entitle to pour sa tretman.

E en keksoz enportan ankor ki nou’n koz lo la, ki’n deza ganny adrese Mr Speaker se prezaman en kondisyon ki pe ganny mete, se ki sa pasyan i pou’n bezwen al ganny trete anba tretman, en spesyalis ki travay ek Gouvernman.  Mon krwar sa nou bezwen regete, parske sa i kapab annan en lenpak li osi an relasyon whether sa Lalwa i Konstitisyonnel.  Parske Lartik 29 i fer provizyon poudir ou kapab annan private medical health services.

So si ou kapab al, ou annan en drwa al kot en dokter prive for that matter, ki mannyer ou kapab ganny penalize i dir ek ou poudir pour ou ganny tretman fodre ou al anba kot en spesyalis Gouvernman?

Mon krwar nou bezwen reget sa e probableman reword sa paragraf pour fer sir poudir ou pa neseserman al ganny trete par sa spesyalis me rather menm si ou’n ganny trete par en dokter prive ouswa en spesyalis dan prive ou pour still kapab ganny refer to the Board Mr Speaker.

E Mr Speaker sa Board, i annan sa Board ki pe ganny kree e sa Board i apel Overseas Diagnosis and Treatment Board e li Mr Speaker i pe dir nou poudir nou pour bezwen annan 7 Manm lo sa Board apwente par Minis e i annan 5 Manm ordiner ek Chairperson ek Deputy Chairperson.

I annan largiman ki’n ganny raise Mr Speaker, an relasyon avek lefe ki en layperson i pour ganny enkli parmi sa bann Board Members.  Ou vwar i annan 2 fason get sa.

I vre poudir en layperson petet li i pa pour add okenn keksoz clinical an relasyon ek desizyon whether pour anvoy en dimoun trete or not.  E petet ou pe dir be gete nou ti kapab annan en lot expert, so ou annan plis expert lo sa Board si tou dimoun i expert, tou dimoun i spesyalis rather than a layperson.

Me osi i annan en lot kote largiman, lo kote largiman i kapab ganny en pe difikilte, en layperson i pour anmenn petet en eleman en pe pli imen.  Get en kou petet an zeneral, pa pe get zis sa clinical aspect me the non-clinical aspect an relasyon ek sa laplikasyon.

Akoz, e mon dir sa Mr Speaker parske parey mon’n dir letan Ombudsman Irlande, i fer son rapor ti en keksoz osi ki i ti touse lo la, ti dir letan ou deal ek sa bann laplikasyon la, ou bezwen annan son clinical aspect and the non-clinical aspect avek sa.

E petet sa ki sa Manm sa layperson i anmennen, i anmenn sa bout imen i pa pe get li from a medical point of view, me i pe get sa laspe imen ki, e nou pe dir i annan zis enn.  

So nou bezwen balanse petet i annan en rezon det valab pour annan sa layperson lo sa Board. Board i fer ki si ou desizyon ou pa satisfe ek Board ou al devan Appeal Committee e nou kapab demande be akoz nou bezwen annan sa Appeal Committee?

Akoz ki nou bezwen, nou pa zis dir ok i annan en Board, si Board i pran en desizyon i fini. Otomatikman si Board i pran en desizyon sa dimoun ki pa satisfe ek desizyon Board i kapab annan rekour a Lakour li, pour annan rekour a Lakour li dan sa ki nou apel “Judicial Review” me solman petet mon santi akoz nou met en Appeal Committee, petet nou pe donn, olye ki, parske Lakour i vedir larzan, i vedir avoka, i vedir larzan.

Petet nou pour donn sa pasyan sa posibilite pour dir be gete al devan en lot body ki li i a review sa desizyon Board ki li i pa pour neseserman enplik larzan, son prosedir i pli fasil, e i pli direk Mr Speaker.

Mon krwar poudir petet rezon det sa Appeal Committee i fer sans, sirtou avek en size sitan sensitive, i byen ki sa dimoun i santi poudir pour annan en dezyenm body ki pour reget lo sa size si i devret ganny medical treatment overseas or not Mr Speaker.

En bout enportan ankor dan sa Lalwa Mr Speaker, se Emergency.  I annan sa bout, sa prosedir normal ki nou swiv ki bann dimoun pour bezwen swiv letan zot pe fer zot laplikasyon, me Lalwa osi i pran kont poudir i riske annan bann sityasyon emergency ki ou pa pour kapab petet espere pour al devan Board, alors ki i fer?  I dir poudir dan en ka emergency sa spesyalis i a refer sa matter avek Chairperson of the Board, e Chairperson of the Board avek en lot Manm, i kapab pran desizyon e anvoy sa pasyan pour trete Mr Speaker.

Mon krwar sa i en Clause tre enportan parske nou pe koz 2 sityasyon, en sityasyon normal kot ou pe go through the process apre enn ki emergency kot ou pa kapab espere.  Parske kot i konsern lasante par ler nou pa kapab espere Mr Speaker.

Bout ki vin enportan ankor pour mwan se sa bout ‘’refund’’ kot i dir poudir i annan bann sirkonstans ki Lalwa i rekonnet poudir ou’n al overseas e ou’n ganny tretman letan ou’n overseas.

E la Gouvernman pour bezwen refund ou si ou meet kriter Mr Speaker.  E enn bann kondisyon se par egzanp si ou annan en Seselwa ki trouv li aletranze e i tonm malad e la i bezwen urgent treatment.  Sa ki enportan, sa ki enportan sa kondisyon i dir ou urgent treatment.

An dot mo i pa vedir fodre nou fer sir e ki dimoun pa sey abiz sa provizyon kot dimoun i deliberately konnen ki i malad i al aletranze, fer son tretman i peye apre i retournen i dir ‘’refund mwan.’’

Lalwa i dir ek ou urgent treatment, savedir bann tretman ki ti bezwen ganny fer letan ou’n laba ti napa, pa ti kapab espere, emergency cases ankor ki ou trouv ou deor ou’n ganny en aksidan e ou’n ganny en tretman, so sa i enportan.

E mon mazinen osi la, i a kouver bann, nou bann etidyan, i a kouver nou bann dimoun ki pour ganny kouver koman, ki pe domicile Sesel me ki trouv zot aletranze pour zot ganny sa urgent treatment.  Ouswa bann dimoun ki petet Board in refize me zot, zot in al for second opinion e laba zot in vwar poudir zot devret ganny trete.  E savedir i fer, i annan en serten pa totally, me solman partially en serten remedy pour bann dimoun ki pa’n ganny en bon rezilta avek Board, i donn zot en partial remedy si zot nobou pey zot menm pour zot ganny refund Mr Speaker.

Mr Speaker letan mon get sa Bill, pour mwan sa Bill parey mon’n dir i annan transparans parske i annan bann kriter ki’n ganny set kan ki ou bezwen, kan ki ou pour ganny tretman, i fer ki dimoun bann pasyan Mr Speaker zot a konnen vreman si Board in pran en desizyon ki byen ou non; en desizyon ki zis.

Nou tou ki la mon krwar nou’n deza, nou’n bezwen tonm ek bann dimoun parfwa ki’n konplent ek nou, ki’n dir ek nou poudir i ti devret, santi ti devret son kondisyon i such ki ti devret ganny anvoye pour tretman aletranze ek ki pa’n gannyen.

E petet e bokou fwa, bokou sa bann konplent i probableman merite.  E i kapab arive osi Mr Speaker ki i annan dimoun ki pa ti merite ganny en tretman me faver in ganny fer, sa osi i kapab larealite.

Me ki sa Lalwa pe fer?  I pe retir tou sa posibilite pour annan labi e an menm tan sa Lalwa pe fer ki i annan Lazistis.

An dot mo bann dimoun ki merite ganny tretman aletranze pour nobou al fer li.  E si zot pa, e si zot santi zot case pa’n ganny satisfe zot pa’n ganny dealt with properly, zot pour kapab annan bann rekour legal.

Annefe Mr Speaker letan mon ti pe get sa Bill mon’n demann mon lekor, eski in deza annan en case Sesel kot en pasyan in anmenn Gouvernman Ankour, kot in dir poudir mon pa’n ganny tretman, Gouvernman pa’n approve mon tretman aletranze kan mon ti merite.

Mon pa okouran en case koumsa Mr Speaker.  E mon krwar poudir i annan bokou cases ki ti’n kapab ganny anmennen me rezon akoz i pa ti kapab ganny anmennen?  Akoz dimoun pa konn kriter e letan ou annan bann kriter ki pa kler, nou pa konnen ki kriter ki pe ganny servi; ki basis ki pe ganny servi.

E letan ou annan kriter ki ganny met dan Lalwa i permet ki sa bann kriter pa ganny sanze o zour a lannmen poudir ozordi kriter (A) demen pour pasyan (X) i kriter (B).  Nou annan latransparans e bonn gouvernans.

Se sa ki mon krwar poudir i enportan ki nou donn nou sipor sa Bill parske sa Bill pe fer sir poudir e pe tir bann posibilite viktimizasyon, bann posibilite maladministration Mr Speaker.

Mr Speaker avan ki mon konklir nou’n koz lo Lasirans, Private Medical Insurance; mwan osi mon siport sa e sa i en kiltir ki nou bezwen komans enkilke dan nou bann dimoun, i vre ki nou Seselwa ordinerman nou pour rod Lasirans pour lakaz, loto i en legal requirement me nou pa, kot i konsern lasante bokou fwa nou pa’n rode Medical Insurance.

Mon krwar sa i en keksoz ki nou bezwen demann nou bann dimoun bann ki kapab pour apply ouswa rod en Medical Insurance Mr Speaker.

Me bann ki pa kapab Gouvernman i bezwen fer sir ki nou pa les zot tonbe, nou bezwen fer sir ki nou anmas zot ki zot, zot kapab ganny tretman zot osi zot bann imen e ki nou bezwen fer sir poudir sa bann desizyon ki ganny pran lo en size sitan enportan lo lasante, ant lavi ek lanmor i ganny fer dan latransparans avek fairness e kot dimoun si i santi i bezwen en rekour pli lwen, i konnen ki mannyer i pour fer e pour annan bann grounds.

Akoz enn bann lamannman ki pour ganny propoze se ki letan sa bann desizyon i ganny pran be it by the Appeal Committee or by the Board zot pour bezwen donn en desizyon an ekrir.  Donn en desizyon an ekrir e dir akoz ou’n pran sa desizyon.

Savedir si demen ou dir ek sa pasyan poudir nou pa pe anvoy ou overseas, ou pa kapab dir li zis nou pa pe anvoy ou, ou bezwen dir ek li pour ki rezon ou pa pe anvoy li.  So li prezan si demen i santi i kapab, i devret al kot Lakour i kapab santi ou rezon pa valab i pour kapab challenge sa Mr Speaker.

Alors Mr Speaker mon pour demande ki nou vot an faver sa Bill parske i en Bill ki pe fer, ki pe al dan en bon direksyon, en Bill ki pozitiv.  Mersi.

 

MR SPEAKER

Mersi Onorab Basil Hoareau.  Bon mon ava envit Minis pour sum-up avek son Reply.  Minis Adam.

 

MINISTER JEAN-PAUL ADAM

Mersi bokou Mr Speaker, tou bann Manm Onorab e tou dimoun ki pe swiv nou deba bonzour.  I en plezir pour mwan vin ankor enn fwa pour nou fer kontinyasyon sa deba lo sa Lalwa ki mon krwar i telman enportan pour lavenir nou pei.

Mr Speaker e tou bann Manm Onorab, mon konnen ki i annan detrwa ka spesifik ki’n ganny site e petet i pli fasil mon pran sa lo komansman mon lentervansyon, avan ki mon reponn lo bann, avan ki mon reponn lo bann ka, lo bann pwen ki’n ganny fer lo sa Lalwa li menm li.

E avan ki mon pe koz lo sa bann ka spesifik, mon ti a kontan remersye tou bann Manm Lasanble ki’n eksprim sipor pour bann Travayer Lasante, akoz annefe sa Lezislasyon ki nou pe propoze se zisteman pour nou ankre sa rekonesans sa travay ki Travayer Lasante i fer e donn zot en pozisyon dan Lalwa kot zot valer zot konesans i reflekte vreman dan ka dan en Lalwa.

Me avan ki mon koz lo sa bann ka spesifik en keksoz ki nou bezwen gard antet pour bann Travayer Lasante, se osi parfwa akoz mon tann en pe bann ka ki’n ganny site, bann legzanp ki’n ganny site difikilte ki pour en travayer lasante, se ki konfidansyalite endividyel bann rikord medikal i vedir ki souvan sa bann travayer lasante pa kapab reponn sa bann ka spesifikman.

E sa i vedir ki parfwa en dimoun i pa kontan akoz ek petet en desizyon oubyen en diagnose petet i pa’n satisfe avek, me sa profesyonnel lasante parfwa pa kapab eksplike dan en landrwa piblik alor nou vwar dimoun pe koze lo Facebook par egzanp, oubyen lo en lot Forum e pa toultan ki sa Travayer Lasante i kapab eksplik sa ka lo en baz medikal.

Mon pour sey donn serten clarité lo serten bann ka endividyel ki’n ganny mete me an restan konsyan lo serten sa bann limitasyon.

Premyerman mon krwar Onorab Ramkalawan in fer sorti ka en dimoun ki i annan en tretman ki bezwen pran pour en kanser e ki sa in ganny refer avek CEO Health Care Agency i en kestyon pour fer peyman par son Konpannyen Lasirans.

Mon krwar i annan petet en pti dele lo kominikasyon, mon oule reasir sa pasyan poudir ki Minister Lasante ansanm avek, ansanm ek Lazans Lasante in agree ki nou pour aprouve sa tretman.

Mon krwar i annan en pti, mon’n ganny sans koz ek sa dimoun mon krwar i annan en pti me konprenezon e mon ava klarifye sa avek CEO ki nou ava kapab donn li sa klarifikasyon, me mon krwar CEO ti pe fer demars pour fer sir i ganny bann laprouvasyon, akoz bann dokiman ki li in resevwar i fer konpran ki i annan en peyman konplemanter ki bezwen ganny fer atraver Gouvernman, e Gouvernman in aprouv sa.

Me sa pasyan in dir avek mwan ki li i krwar ki Lasirans i kouver sa an antye, me an tou ka mon oule donn li Lasirans e mon oule donn Lasirans nenport ki Seselwa ki parfwa i annan bann ka parey sa enn ki en pti pe spesifik ki nesesit revwar serten prosedir.

Me prensip, mon krwar Onorab Simon Gill in fer sorti sa prensip kot nou pour toultan siport en dimoun ki dan bezwen, nou pa pour kit li deryer.

Mon oule reasir sa pasyan ki desizyon in fini ganny pran, ti’n fini ganny pran menm avan sa in ganny leve ki i pour ganny sa lasistans ki i merite.

Apre ti annan sa ka ki Mr Speaker ou’n site e efektivman parey ou’n eksplike sa dimoun ti annan en cyst, sa pti garson ti annan en cyst dan son latet me ti annan osi lezot konplikasyon ki ti annan lenpak lo son kondisyon ki petet mon pa ava annan detay akoz ankor i konsern sa ka endividyel en pasyan.

E se pour rezon sa bann lezot konplikasyon ki ti al ansanm avek sa cyst ki ti fer ki Board dan premye lenstans ti dir zot anvi verifye ki mannyer sa pasyan i progrese avan ki zot pran en desizyon final pour refer li overseas.  Sa pasyan ti deside pour al lo li menm e parey ou’n dir Mr Speaker nou’n fer le neseser pour nou kapab ranbours li akoz si tou fason pli tar i ti pour ganny anvoye, nou ti pour ranbours li.

Me sa pwen baze lo rapor sorti kot Lopital ki in vin zis o bon moman i pa petet absoliman korek, i ti pour bezwen fer sa lentervansyon a en serten moman, sa i kler, me kestyon lo timing i enn ki ouver pour lenterpretasyon.

Akoz dan rapor medikal sorti kot Lopital laba zot in dir ki wi sa ka ti merite ganny latansyon, me son bann difikilte pa zis lye avek sa cyst, i lye osi avek serten lezot kondisyon ki i pe fer fas avek.

Mon oule osi fer mansyon sa ka ki Onorab Esparon in site, kot i konsern nou bann pasyan La Reunion e sirtou sa 2 zanfan e mon oule dir ki koman en paran oubyen koman en menm koman Minis Lasante e nou kapab konpran ki parfwa bann paran dan zot pe anvi fer tou pour zot zanfan, parfwa zot pour dir nenport kwa, e parfwa osi zot pour santi ki zot pour atak bann profesyonnel medikal.

E bann profesyonnel medikal i annan en ledo ki larz e zot bezwen parfwa zis sey fer zot mye e sey eksplik keksoz avek sa pasyan, me zot pa kapab met tou keksoz dan domenn piblik.  Me lo en baz bann tretman ki nou’n ofer sa 2 pasyan, mon’n enform Lasanble ki par egzanp an 2017 nou’n pey R1.5milyon avek Lopital La Reunion e la gran mazorite ladan ti pour sa 2 pasyan.

Zis an 2018 plis ki preski 500mil in ganny peye avek 491mil in ganny peye avek Lopital La Reunion ankor an mazorite anver sa bann pasyan.

Alor Gouvernman in kontinyelman siport zot.  Mon konnen parey mon’n dir koman en paran parfwa ou pour sey tou le mye pour ou koz pour ou zanfan pour ou dir keksoz me en keksoz ki mon pour dir i pa vre ki Gouvernman pa’n siport zot, Gouvernman in siport zot e Gouvernman parey nou’n kapab vwar pe depans en kantite larzan.

E enn sa bann paran resaman annefe menm in dir mwan, in dir mwan i apresye en kantite sa ki Minister Lasante in fer e mon apresye ki in fer sa pa pour dir sa e pour rekonnet sa travay ki bann Profesyonnel Lasante in fer.

Apre i annan serten lezot ka mon krwar ti annan ka Madam Anne Jacques ki ti ganny site son zanfan, e sa mon ava sey revwar sa ka pour nou kapab donn en gidans apre lo sa bann size.

Me dan en fason zeneral Mr Speaker bokou bann difikilte parfwa i vini akoz sak ka i endividyel e sak ka i diferan.  E parfwa nou komans avek en persepsyon ki petet si sa tretman ti disponib, si i ti’n ganny anvoy deor, sityasyon si pour diferan.  E i difisil pour ou prouv en keksoz ki pa’n arive, alors i difisil pour ou kapab zize, me sa Lalwa zisteman letan ou pe met li dan en Lalwa i pour donn en kad ki pa pour forseman rezourd tou kestyon, me i pour donn en kad ki kler dan Lalwa ki sir kot napa kestyon akoz tou keksoz ki dan Lalwa i pour dan Lalwa e i pour tou dimoun kapab vwar sa.  E osi servi li ki mannyer zot santi i neseser.

An se ki konsern bann diferan lentervansyon par bann Manm Onorab Sebastien Pillay ti fer sorti ki sa i en, sa Lalwa i en lentansyon pour nou fer pli ker lentansyon Gouvernman e pour kalifye parey osi sa ki Onorab Hoareau in dir pour kalifye drwa ki dan nou Konstitisyon e pour fer li kler sa degre sipor ki Gouvernman i anvi fer sir ki donnen e ki fer sir ki sa i pa zis ganny sanze a nenport ki moman.

Akoz dan Konstitisyon i koz lo drwa Lasante me i pa koz lo son bann spesifisite bann eleman.  E parey Onorab De Commarmond e Onorab Gill in dir i enportan ki nou defini sa degre sipor ki nou pour donnen avek nou popilasyon si zot vreman dan bezwen ki zot ganny sa sipor kot i neseser, e sa Lalwa i anmenn clarité.

Sa Lalwa i osi donn Pouvwar bann profesyonnel akoz nou ava note ki i etablir en Board bann profesyonnel, lefet ki sa Board i ganny etablir anba en Lalwa, i donn sa bann profesyonnel pouvwar anba Lalwa.

Ozordi sa Komite sa Board ki egziste pour tretman aletranze i annan en pouvwar administrativ, me mon krwar nou tou nou konsyan sa lenportans sa size ki nou met li dan Lalwa, akoz letan nou met li dan Lalwa nou pe donn sa bann profesyonnel ankor plis sipor dan zot travay, dan zot metye.

E nou ava note osi ki bann sonm ki nou pe koz lo la i konsekan 44 milyon an 2017 e avek 255 pasyan ou pe deal ek en kantite pasyan e mon konpran pwen ki Onorab Ferrari in fer ki eskize ki nou pe miltiplir bann Board, mon krwar sa pwen ki’n ganny fer i valab, me si nou regard sa ka spesifik, si nou regard volim pasyan i preski en pasyan par zour, si nou regard volim depans plis ki 40milyon, mon krwar i enportan pour nou ankadre en Board avek sa lenportans dan Lalwa.

Akoz i annan Board ki mwen enportan ki i annan bidze mwen konsekan e ki antre dan en Lalwa e mon krwar lenportans sa sityasyon i vedir ki i meyer pour met sa dan Lalwa.

Mon’n pran note osi bann konsern ki’n ganny met devan par plizyer bann Manm Onorab enkli Leader Lopozisyon, kot petet sa ti pour meyer koman en Regilasyon anba en (SI) plito ki en Lalwa li menm.

Mon krwar Onorab Hoareau in koz en pti pe lo bann rezon akoz i enportan osi ki dan sa Lalwa, me pour azoute se ki mon’n en pe sirprann letan mon’n tann serten bann Manm Onorab dir sa, akoz zisteman lentansyon Gouvernman sete pour ranforsi Lalwa e zisteman fer kler rol ki Minis i annan vizavi sa Lalwa.

E donn serten pouvwar avek Lasanble akoz efektivman letan ou pe kree en Lalwa dan plas en Regilasyon, savedir okenn sanzman pli tar i bezwen ganny fer dan Lasanble e atraver en deba piblik isi dan Lasanble.

Savedir nou pe ankre sa drwa en sitwayen pour annan tretman spesyalize dan en Lalwa.  Si ou met li dan en Regilasyon savedir ki Minis i annan Pouvwar pour li sanz sa Regilasyon a diferan moman dan letan.

E mon rapel tre byen ki Onorab Leader Lopozisyon ti dir en keksoz dan nou deba letan nou ti koz lo Komisyon lo Drwa Imen i ti dir ki nou pa kapab fer en Lalwa pour zis letan keksoz i bon, oubyen zis letan keksoz pe mars byen, nou bezwen fer en Lalwa pour tou evantyalite.

E ou pa anvi demen en lot Minis i la, oubyen en lot Gouvernman i deside nou pa pour donn tretman avanse spesyalize.  Nou anvi fer sir ki nou kre sa sipor pour Seselwa ganny sa tretman spesyalize letan i merite.

E osi parey mon’n deza site pour nou kre sa Board dan sa Lalwa i donn sa Board en pouvwar spesifik ki liste son bann diferan responsabilite dan Lalwa enkli pour donn sa bann profesyonnel serten pouvwar an term bann rekomandasyon ki zot fer vizavi Gouvernman.  E mon krwar i enportan pour nou rekonnet nou bann profesyonnel vizavi sa sipor.

Mon pran note konsern ki’n ganny eksprimen par Onorab Ferrari ki eski en créant en Board Lapel en Appeals Board ki ou pour annan spesyalis pe koz lo, ou pe plis ou mwen fer bann zizman lo en desizyon pran par en lot spesyalis.

Efektivman sa i kapab en konsern ki leve, me mon krwar vi volim bann ka ki nou annan aktyelman e osi pour nou konpran bann ka konplike, bann ka spesyalize i enportan pour nou ganny plizyer pwennvi sorti dan diferan direksyon.

E mon krwar nou bann dimoun ki vreman avanse dan zot metye bann konsiltan par egzanp dan Lopital zot konsyan ki parfwa i annan keksoz ki’n ganny manke e ki en lot lizye i kapab vwar sa keksoz, i dan bann ka rar, me ou pa anvi annan en sityasyon kot sa bann ka i ganny met a kote akoz i annan, akoz sa pa’n ganny vwar.

E i en fason pour ou siport sitwayen, pour donn sa sitwayen sa sans pour li konnen poudir letan in fer en lapel.

Se pa zis menm desizyon ki pe ganny ranforsi, se en revi total ki ganny fer dan sa ka.  An menm tan kot pour reasir bann profesyonnel bann fe dan bann ka pa sanze, ok?  Mon krwar dan nenport ki ka bann fe pa sanze, parfwa bann keksoz ki sanze se lenterpretasyon o tour sa, alor i pa devret en sityasyon ki kre en konfli ant bann profesyonnel akoz i en kestyon pour enterpret bann lenformasyon oubyen petet i annan nouvo lenformasyon ki vin disponib ki permet en desizyon ganny fer ki siport sa pasyan.

Finalman fodre nou pa bliye ki i enportan ki nou met drwa sa pasyan devan.  E enn bann konsern osi ki’n ganny site, se ki sa i vedir ki pour annan bokou Appeals.

E mon ti a kontan dir ki tou fason deza ozordi dan preski tou ka kot en dimoun pa’n ganny aksepte pour ganny tretman aletranze oubyen son refund pa’n ganny aprouve, dan preski 100 poursan ka tou fason zot fer en Appel.

E annefe enn bann pwen ki leve se, ki zot dir be la ou pe anvoy sa ka kot menm dokter ki ti dir pa pour donnen dan premye ka.

Alor i enportan pour nou dan sa prensip rann kont, dan sa prensip transparans ki tou profesyonnel in pare pour soumet son lekor son desizyon pour en revi.  Mon annan bokou konfyans dan nou profesyonnel ki atraver sa striktir ki lo tou lede lo Board Appel e lo son Board, nou pour kapab annan en relasyon travay ki pour marse.

Mon ti a kontan dir ki sa Lalwa i limit lentervansyon ki Minis ti fer, i kapab fer zis lo baz lapwentman sa 2 Board.  Alors Minis son rol i sorti dan sa Lalwa koman, pour administre par egzanp sa sistenm, aktyelman deza koman Minis Lasante mon fer referans avek bann profesyonnel, mon krwar dan zot zizman e okenn desizyon ki ganny pran, i ganny fer atraver zot, sa i deza le ka aktyelman.

Me pour met sa provizyon dan en Board ankor enn fwa i ranforsi sa pouvwar ki nou merite donnen avek nou profesyonnel lasante, e pouvwar Minis i limite an se ki konsern Pouvwar lapwentman.

Sa mon krwar i kouver enn de bann ka, bann pwen ki’n ganny leve par Onorab Clifford Andre osi dan son lentervansyon, e Onorab ti’n osi fer, ti’n demande ki petet nou konsider dimoun dan sekter prive lo sa Board, me in annan osi plizyer Manm ki’n lev sa pwen lo, aktyelman i annan provizyon pour annan en layperson, savedir en dimoun ki pa en spesyalis ki pour lo sa Komite e i annan dimoun ki’n kestyonnen si sa i rezonnab oubyen non.

Rezondet pour nou met sa layperson lo sa Komite se pour zisteman anmenn en lapros ki pa zis médicalisé.  E si nou vwar bokou bann ka ozordi kot en dimoun in ganny refize par egzanp pour ganny en refund oubyen en dimoun pa’n ganny aksepte pour al fer tretman, souvandfwa i annan en mank konprenezon lo baz medikal sa desizyon.

E si nou annan en dimoun ki annefe i vin en avoka pour pasyan, i vin en advocate pour patient e sa dimoun nou pour, nou lentansyon se ganny en dimoun ki enplike dan bann kestyon, mon krwar dan i annan en kantite dimoun dan Lasosyete Sivil en kantite Lasosyasyon tel ki Cancer Concern e lezot, ki fer en kantite travay remarkab pour sansibiliz pasyan, e si ou ganny en dimoun ki vreman konn en pe dan sa milye me i pour osi permet sa bann dokter met zot desizyon dan en konteks ki fasil pour nenport ki enterpret sa desizyon byen.  Alors sa i bi pour nou annan sa layperson.

Apre Mr Speaker mon ava tous en pe ankor lo enn de bann lezot pwen ki’n ganny leve; Onorab Sophola li osi in met lanfaz par egzanp lo evit labi, akoz efektivman pour met sa Pouvwar tre fortman dan lanmen bann profesyonnel medikal i vreman lye okenn desizyon avek son merit lo baz medikal.

Kestyon ki’n ganny leve par plizyer Manm Onorab se bann Manm lo Board e lo Appeals e definitivman mon oule re konfirmen ki bann Manm ki lo Board pa pour bann Manm ki pour lo Appeals Board, savedir pour 2 diferan group dimoun.

Lo kestyon ki plizyer Onorab in fer monte, si i annan en ka emergency; sa i prevwar dan Lalwa, i annan en Seksyon ki koz lo la, kot si i annan en dimoun ki aletranze e ki i annan en ka irzan, i kapab ganny sa sipor pour ganny sa tretman depandan lo ki natir sa irzans akoz i annan bann irzans kot ou bezwen fer loperasyon en lentervansyon deswit e dan bann ka koumsa sa i prevwar dan sa Lezislasyon pour sa dimoun pour Minister, anfen pour Health Care Agency pa neseserman sa dimoun bezwen demann en refund, si i antre an kontak avek nou Unit pour swen aletranze i kapab, peyman i kapab ganny fer direkteman avek sa Lopital konsernen.

Fodre nou note ki nou ankouraz tou dimoun ki vwayaze pour zot annan en Lasirans Lasante, e sa i esansyel akoz dan diferan pei i annan diferan fason travay.

E si ou annan en Lasirans Lasante pour vwayaz, en Travel Insurance, dan la gran mazorite ka ou pour ganny en servis irzans ki kapab stabiliz ou apre si i neseser ou kapab ganny sipor Gouvernman pour annan sa tretman pli aprofondir kot i neseser.

Alor i enportan ki tou dimoun i annan sa, i fer sa, i pran li son responsabilite ki si i vwayaze pour li annan en Lasirans Vwayaz ki kouver osi bann irzans medikal.

Lamazorite Lasirans Vwayaz i kouver sa, me parey mon’n deza site Lalwa i fer provizyon ki si i annan en ka irzan ki Gouvernman i kapab entervenir.

An se ki konsern entervansyon par Onorab Gervais Henrie, in site ki parfwa i annan konfizyon dan lepase, mon krwar Onorab Ramkalawan osi in fer sorti sa pwen ki in annan konfizyon dan lepase, e mon krwar Onorab Ramkalawan osi in dir ki serten sa bann keksoz pa’n ganny ase dokimante, e sa i en zefor ki Minister in fer, pour fer sir ki sa i ganny byen dokimante.

Me zisteman pour nou met li dan Lalwa i fer sir ki i kler pour tou dimoun e parey lezot Onorab, mon krwar Onorab De Commarmond in site, Onorab Hoareau in site ki osi kot i annan en diferans lopinyon i donn zot en baz dan Lalwa osi si i neseser pour zot fer en ka Ankour kot zot santi ki i annan en diferansyel oubyen ki zot in soufer akoz en desizyon ki Minister Lasante in fer.

A ma konesans pa’n deza annan dan lepase, me letan ou pour annan sa Lalwa i pour fer li kler bann responsabilite ki lasante i annan e vizavi drwa sa sitwayen osi avek tretman spesyalize aletranze.

E osi mon krwar plizyer Onorab, Onorab Sophola, Onorab Henrie e lezot in koz lo lenportans swivi, follow-up pour bann pasyan e sa i en keksoz ki nou pran li tre o serye pour fer sir ki pasyan i ganny sa swivi neseser, me i enportan osi pour pasyan konsyan ki dan bokou ka e petet dan menm lamazorite, ka par egzanp kot ou’n fer en entervansyon sa swivi souvan i en tes ki swa en scan oubyen en tes disan.

E souvan sa tes i kapab ganny fer isi, se selman dan bann ka kot en tes ki pa kapab ganny fer isi i ganny preskrir ki pour sa swivi ki nou anvoy sa dimoun aletranze.

Mon konnen sa i kre bokou difikilte akoz dan laplipar bann Lopital kot nou anvoy dimoun, sa bann Lopital osi zot anvi fer larzan, e zot pour toultan dir sa dimoun vini dan 3 mwan, vini dan 6 mwan akoz zot in anvi fer sir zot ganny swivi lo sa pasyan.

Me i enportan e mon donn sa koman en konsey pour tou dimoun ki annan bann kondisyon kronik, i enportan pour annan en swivi avek en dokter dan sa pei kot ou pe viv toulezour.  Sa dokter i kapab dan Minister Lasante, i kapab dan Health Care Agency oubyen i kapab en dokter prive.

Me i enportan ki ou annan en dokter ki ou pe swiv avek dan sa pei kot ou pe viv e ki ou pa pe toultan zis kont lo bann referans aletranze, akoz kot ou pe viv ki konte.

E byensir nou anvi fasilit osi sa konversasyon osi avek sekter prive menm Sesel e mon krwar plizyer Manm Onorab in lev sa size, Onorab De Commarmond, Onorab Gill e lezot e Onorab Henrie osi lo ki mannyer nou annan sa lyen avek Sekter Prive aktyel, deza ki i egziste Sesel.

E mon ti a dir ki an zeneral sa i deza mars byen, nou annan plizyer dokter dan prive, nou annan dokter osi ki spesyalize dan prive e ki zot fer deza bann referans bann pasyan avek nou Sistenm Lasante.

Savedir si zot in idantifye en pasyan ki zot santi i bezwen en tretman avanse aletranze, zot refer li avek Health Care Agency e apre sa dimoun i ganny refer lo Board.

Mon krwar kestyon in ganny leve par Onorab Ramkalawan e osi Onorab Hoareau otour sa kestyon lafason ki in ganny dekrir ki en pasyan i bezwen pas atraver en spesyalis dan Lopital.

Pour klarifye lentansyon e petet i en keksoz dan Committee Stage nou kapab regarde an term son fason ki in ganny drafte, lentansyon se ki letan en ka i ariv lo Board pour konsiderasyon, ki sa ka i ganny swiv par en dimoun ki dan Health Care Agency.

I pa vedir ki sa pasyan i bezwen toultan in swiv avek sa spesyalis akoz nou dir ki en ka pour li ganny, akoz nou pe koz, si nou pe koz bann ka pour ganny tretman aletranze, se bann ka pour tretman spesyalize.  Savedir nou dir ki en spesyalis ki dan Lazans Lasante i refer sa case lo Board, savedir i annan en spesyalis ki vin sa pwen kontak pour met sa pwen lo Board.

Me deza ozordi nou annan bann spesyalis ki dan prive ki anvoy bann ka kot en spesyalis dan lopital, normalman sa kontak i ganny fer atraver Direkter Lopital epi sa Direkter Lopital i etablir lekel sa spesyalis kot sa i tonm, si sa i en problenm kardyovaskiler, si sa i en problenm kardyak par egzanp i tonm anba cardiologue epi sa dokter i fer sa referans lo Board Medikal.

Alor nou konnen ki petet dan Committee Stage nou pour revwar en pti pe wording pour fer sa kler, me pour nou fer kler osi se pa neseserman pour nou limit lentervansyon par prive, se zis pour nou fer sir ki i annan en pe lord akoz nou pa anvi ki tou dokter a nenport ki moman i vin lo Board, i bezwen annan en striktir pour met bann case lo Board e sa i atraver en spesyalis ki travay dan Lopital.

Apre i annan kestyon osi ki Onorab Ramkalawan in leve lo, e osi Onorab Hoareau an se ki konsern se si i en limitasyon pour met sa size pour bann rezidan Sesel?

Ankor enn fwa lentansyon sete pa neseserman zis pour limit ki bann dimoun ki zis Sesel kot nou konsyan; par egzanp etidyan dan lamazorite ka bann etidyan ki’n ganny anvoye lo Labours zot annan en Lasirans Lasante, me i vre ki serten prosedir pa touzour ganny kouver e aktyelman le ka, se ki zot ganny kouver anba nou Overseas Treatment Board Policy.  

E lentansyon dan Lalwa, se ki nou kapab kontinyen kouver par egzanp bann etidyan e sa prensip alor se pour regard bann dimoun ki bann sitwayen Sesel e ki ordinerman i rezidan isi Sesel oubyen parey in ganny dir domicilié isi Sesel.

I enportan pran menm pour definir sa eleman akoz si zis nou dir li se pour sitwayen Sesel, mon krwar nou tou nou konsyan poudir nou annan en kantite sitwayen ki petet i annan paspor Seselwa, me ki viv dan en lot pei e ki si ou pour pran sa an konsiderasyon e si ou pran en legzanp en pei kot nou annan en kantite sitwayen L’Angleterre, ou pa anvi kree en sirkonstans kot en, e laba i annan en servis lasante piblik anba NIHSS me ou pa anvi en dimoun par egzanp i lo en waiting list lo NIHSS e i pran en servis prive apre i demann en refund par egzanp avek Minister Lasante.

Akoz se sa pa lentansyon pour nou met resours dan bann sityasyon kot i deza annan en provizyon, nou anvi met resours la kot i enportan pour nou siport nou sitwayen ki dan bezwen.

Zis lye avek sa mon note osi ki Onorab Ramkalawan ti fer en sizesyon ki sa kestyon refund, akoz kestyon refund i ganny definir klerman ki mannyer refund i kapab ganny fer anba Clause 8 dan Lalwa, (non eskiz mwan) anba Clause 12 (mersi), sa bann kondisyon kot en refund i kapab ganny fer i ganny limite, i ganny eksplike plito anba Clause 12.

E pour ki tou Seselwa i konsyan, i konpran akoz nou’n met sa dan serten dokiman nou’n met sa deor me parfwa i annan konfizyon, dan en fason zeneral en refund, en ranboursman i kapab ganny konsidere swa dan en ka kot en dimoun in tonm malad deor kot i ti napa swa, i ti en keksoz irzan, i kapab ganny en refund me li osi si i kapab demann sa peyman, Gouvernman i kapab fer sa peyman an avans.

En dimoun ki’n ganny diagnostiquer avek en maladi ki pa ti ganny diagnostiquer isi, savedir en ka ki pa’n ganny diagnostiquer dan sistenm lasante Sesel; en dimoun ki in al fer en tretman lo li menm me pour en tretman ki tou fason Gouvernman ti pour anvoy en dimoun aletranze, alor par egzanp si en dimoun in fer en heart bypass en legzanp, en prosedir ki ozordi aktyelman nou ofer nou anvoy sa dimoun deor, sa i en keksoz ki kapab ganny konsidere pour en refund.

Me ankor i annan dan sak ka medikal toultan i annan serten limitasyon e nou pour bezwen respekte desizyon bann Profesyonnel Lasante akoz menm mon’n servi sa legzanp en heart bypass; ou annan diferan degre, ou annan bann heart bypass ki esansyel apre ou annan heart bypass ki i en kestyon elective.

E i enportan pour nou donn Pouvwar sa bann eleman avek bann Profesyonnel Lasante pour zot kapab vreman fer zot desizyon dan bann fason ki korek.

E alor bann kestyon ranboursman i kouver dan sa Seksyon e i fer kler pour nenport ki Seselwa ki bann kondisyon kot i kapab demann en ranboursman.

Lot sizesyon ki Onorab Ramkalawan in fer, se ki menm pour bann prosedir, lezot prosedir ki par egzanp nou pe fer isi ki si en dimoun i fer li deor ki parfwa i kapab demann en ranboursman, mon ti a dir ki petet sa sizesyon in ganny fer san realizasyon lakantite lentervansyon ki ganny fer dan nou sistenm lasante Sesel.

E ki osi enportan pour gard antet ki nou lentansyon, se ofer meyer lasante isi Sesel, akoz kantite dimoun par egzanp napa sa mwayen pour vwayaze lo zot menm.

E alor i enportan pour nou ofer sa servis isi o maximum posib e menm nou pe fer serten zefor pour nou ofer en serten servis ki aktyelman nou anvoy aletranze pour nou ofer isi, akoz i meyer pour sipor sa pasyan e menm pour sa pasyan kapab retablir.

Alor par egzanp an total an 2016 nou’n fer 4,800 lentervansyon dan theater, bann surgeries, e an 2017 nou fer 4,382.  E ladan apepre lanmwatye i sa ki nou apel bann major surgeries, e bann major surgeries ki letan nou anvoy zot, si ou pour konpar li avek bann kou aletranze, ou pe ganny en kou apepre 5mil Dolar an mwayenn pour en major surgeries; sa san kont tiket avyon, san kont bann lezot eleman ki al avek.

E alors si ou pe pran byensir dan en sirkonstans koumsa pa tou le 2mil ki pour ale, me si ou fer sa kalkil ou ganny ou 10milyon Dolar pour sa kou bann lentervansyon zis major surgeries.

E si mettons zis 20 poursan ladan i fer ou ankor pe koz 2milyon Dolar, ou pe koz plis ki R20 milyon adisyonnel par lannen.  Alor i bann kou ki vreman konsekan Mr Speaker, e menm, e sa mon pe koz zis bann lentervansyon ki mazer, si nou pe koz bann entervansyon ki miner e mon krwar legzanp ki Onorab Ramkalawan ti fer ti en appendectomy savedir en, pour tir lapandisit ki pa ganny konsidere koman en loperasyon mazer, sa i kapab kout apepre 2mil Dolar, me dan serten landrwa i kapab kout menm plis.

Alor nou lentansyon, mwan mon konpran sa lentansyon sa sizesyon, me letan pour nou regard son matematik par deryer ou pour regard son praticabilité, i pour poz bokou defi pour gard li dan en nivo soutenab dan nou sistenm, e nou lentansyon se plito pour ogmant bann servis ki nou fer isi pour nou redwir sa presyon lo tretman aletranze.

Serten bann lentervansyon ki nou pe fer pour nou redwir sa, se par egzanp dan tretman ek bann tretman pour lizye atraver bann spesyalis ophthalmology kot nou’n envestir dan nouvo lekipman ki nou annan a disponib isi e nou pe kontinyen envestir e nou annan bann spesyalis ki vin isi pour fer sa bann surgeries isi.

E nou ekspekte isi dan apepre en 2an nou kapab par egzanp tret bann retinal detachment isi Sesel ki aktyelman nou pe anvoy dimoun aletranze.  I enn bann ka mazer, i annan 40 pasyan par lannen ki ale par egzanp pour bann problenm lizye.  Alors sa i enn bann landrwa kot nou pe sey met lentervansyon.

2 lot landrwa kot nou ti a kontan envestir isi, e i mars en pti pe avek sa prensip sa lopital spesyalize ki plizyer Manm Onorab in koz lo la, Onorab De Commarmond, Onorab Hoareau, Onorab Henrie, Onorab Ramkalawan osi mon krwar in koz lo la, e lentansyon pour nou ganny sa Lopital spesyalize isi, wi si ou regard bi sa Lezislasyon, nou kapab menm fer referans avek sa bann lopital isi, si en lopital i disponib isi. priyorite bann servis pour ofer dan en tel Lopital pour en keksoz parey radyo terapi ki bann tretman ki ganny fer pour kanser, e radiotherapy annefe i kou pli eleve dan sa ki nou anvoy aletranze, me an menm tan nou bezwen fer sir ki i annan en letid dan fezabilite e sa i en keksoz ki Health Care Agency in demande pour ganny fer pour vwar klerman e i, i annan sa opsyon pour nou fer li dan nou sistenm lasante, dan nou Lopital me osi atraver en Lopital spesyalize prive.

E si ou regard konteks sa Lalwa malgre ki nou koz dan sa Lalwa pour tretman aletranze, sa Lalwa osi i prevwar son bi, se tretman spesyalize.  Alor i pa anpese ki nou kapab fer en referans avek menm en Lopital ki baze isi Sesel si en zour sa i arive.

E nou ava note ki an 2017 nou ti annan en ka kot nou’n refer en pasyan avek en spesyalis ki pa ti dan Sistenm Lasante Gouvernman ki ti pe travay dan prive, i ti fer lentervansyon dan Lopital Sesel me atraver en referans ki ti ganny fer.  Alor nou ouver pour sa partenarya avek prive dan en fason sistematik.

An se ki konsern enn de bann lezot pwen mon note ki Onorab Aglae in met lanfaz lo lenportans pour nou ranforsi clarité otour bann gidans ki ganny donnen e sa i en keksoz ki sa Lalwa i prevwar.

Mon’n deza koze lo bann ka ki irzan.  E plizyer Manm, mon krwar Onorab Aglae, osi Onorab Esparon in koz lo bann ka ki ariv lo Board Medikal e ki si sa i irzan ki mannyer sa i ganny adrese.

I prevwar dan Lalwa ki Board i zwenn omwen enn fwa par semenn me Lalwa i osi prevwar ki Board i kapab pran en desizyon par konsiltasyon par mwayen ki neseser, e an pratik sa ki pe ganny servi aktyelman se atraver email, savedir rapor sa pasyan i ganny sirkile atraver tou bann Manm Board e zot pran en desizyon imedyat, ok dan en pe erdtan.

Alors sa Lalwa i fer provizyon pour sa e ankor letan ou pour met li dan Lalwa i donn li sa baz legal pour fer sa desizyon kler.

Serten bann Manm in koz lo kestyon en dezyenm lopinyon, e an se ki konsern en dezyenm lopinyon, i en keksoz ki nou ankouraze e, me mon krwar nou bezwen konpran ki nou pa kapab servi larzan ki pour tretman aletranze oubyen tretman spesyalize pour finans sa dezyenm lopinyon.

Nou fasilit sa dezyenm lopinyon dan ka Lazans Lasante atraver en dokter ki deza dan lasante, en lot dokter nou kapab demann en lot dokter pour donn en lopinyon.

Dan serten ka nou kapab demann en lot lopinyon avek en dokter ki aletranze letan ou anvoy rapor kot li, e nou osi aksepte in annan plizyer ka kot nou’n ganny dezyenm lopinyon sorti kot bann dokter ki dan prive, e mon pour fer, donn en konsey avek tou Seselwa ki pe mazin al trete aletranze, eski avan sa zot in demann en lot lopinyon avek en lot dokter isi?

Menm si pa en dokter ki dan Minister Lasante ki dan Gouvernman en dokter petet ki dan prive akoz parfwa nou vwar dan bann ka ki ganny demande pour refund, nou vwar souvandfwa kot Seselwa i ganny sarze pour keksoz ki ti kapab fer fasilman isi, menm lo li menm dan prive oubyen menm dan serten ka en keksoz ki ti fasil pour fer.

Alor i enportan ki nou popilasyon i osi enform son lekor e lefet ki nou annan en Lalwa sa i pour ed nou pour nou fer sa.

Plizyer Manm Onorab in koz lo Lasirans Lasante e parey mwan ti dir dan mon lentervansyon au depart, sa Lalwa annefe i mars ansanm avek demars pour nou fasilit en konsiltasyon lo Lasirans Lasante.

E fodre osi nou note ki i annan plizyer fason pour finans lasante partou dan lemonn.  Sesel nou fer li dan fason pli senp posib, nou’n dir ki lasante i en drwa e Gouvernman i finans sa servis, byensir parey tou Gouvernman, Gouvernman i anmas larzan dan plizyer fason, i anmas larzan parey atraver tax e lezot eleman.

Me parey mon krwar Onorab Pillay in fer sorti, Sesel sirtou avek bann reform Lalwa lo reveni, lo income tax ki’n ganny fer resaman, preski 50 poursan nou popilasyon pa peye par egzanp dan income tax, byensir zot fer lezot kontribisyon dan diferan fason me Sesel nou’n pran en desizyon politik dan Gouvernman e i osi ankre dan nou Konstitisyon ki akse a lasante i en drwa Fondamantal, sa i dan nou Konstitisyon.  E sa pa pour zanmen sanze.

E nou’n konstrir en sistenm lasante ki Labank Mondyal resaman letan in fer en revi in montre ki nou annan en bon retour lo nou lenvestisman par rapor sa ki nou depanse.

Me i vre ki letan ou regard par rapor sa bann pei devlope par egzanp lakantite ki nou depanse dan Bidze lo lasante i pa lwen dan bokou pei devlope apepre en 15poursan Bidze i ganny met dan lasante. Sesel nou 13poursan se mon pa tronpe.  Me si ou regard lakantite larzan ki ganny mete dan lasante koman en poursantaz nou prodwir domestik brit GDP, nou mwens ki 4poursan, ki dan bokou bann pei pli devlope, bann pei pli avanse sa sif i plis ki 10 poursan.

E sa i vedir i annan lespas pour nou mobiliz resours davantaz atraver bann mekanizm atraver Lasirans.

E Onorab Gill mon krwar in fer sorti en pwen tre, tre for, en pwen ki fondamantal pour Gouvernman, se ki drwa a lasante i fondamantal e napa okenn baryer pour drwa lasante.

Personn pa kapab zanmen ganny dir ki i pa pour ganny akse avek lasante akoz i pa kapab peye oubyen i pa kapab ganny, oubyen i napa Lasirans.

Ki nou kapab fer Sesel letan nou pe entrodwir Lasirans?  Se pour nou anmenn plis resours par egzanp ki pour permet lenvestisman dan tretman spesyalize isi Sesel, e dan en sistenm Lasirans Medikal i diferan osi avek tax akoz i vedir ki resours ki ganny mobilize i spesifikman pour lasante e pa forseman pour plizyer diferan keksoz parey en Gouvernman i bezwen finans son diferan progranm e i en fason pour nou mobiliz resours plis spesifikman pour lasante.

E si ou regard bann diferan pei, diferan pei i annan diferan model, i annan pei ki parey nou ki zot met, zot fer akse avek lasante direk, e Sesel mon krwar nou devret mentenir sa, me nou kapab anmenn resours adisyonnel pour envestir dan tretman spesyalize atraver en bon sistenm, en bon sistenm Lasirans Medikal.

Mon’n osi note ki Onorab De Commarmond par egzanp in dir ki sa Lalwa pour met en serten lanfaz lo lefet ki Minister Lasante, i met presyon lo Minister Lasante e lo Lazans Lasante pour kapab delivre bon servis.  Sa i korek e sa i tou fason en keksoz ki anliny avek nou stratezi pour nou kontinyen, kontinyelman amelyor kalite dan Lasante.

Plizyer Manm in koz lo sa konsern ki zot annan, Onorab Ferrari, Onorab De Commarmond e lezot lo ki parfwa i annan en santiman ki i annan zwe oubyen ki napa merit baze lo desizyon ki ganny pran pour anvoy dimoun aletranze.  Sa ki mon kapab dir zot, se ki bann Profesyonnel Lasante zot pran zot louvraz vreman o serye e mon konnen ki tou bann ka ki pas devan zot, zot regard li vreman baze lo son merit medikal.

Sa Lalwa i ankre sa prensip ki se profesyonnel medikal ki bezwen desid lo ka en pasyan.  Mon krwar dan bokou ka ki parfwa i ganny site i annan bann ka parfwa move konprenezon, i annan bann ka petet fo lenformasyon osi parfwa, me nou pa kapab dir ki zanmen in deza arive kot move desizyon; par egzanp in ganny pran.

E sa Lalwa lefet ki ou pe donn pouvwar sa bann profesyonnel medikal e pa zis enn, ou pe donn pouvwar avek en Board bann spesyalis, mon krwar i en fason pour nou vreman ankre sa objectivité ki nou anvi vwar otour sa size, e mon remersye bann Manm ki’n fer bann lentervansyon atraver sa, mon oule zis selman klarifye ki i annan touzour bokou santiman parfwa ki si i aletranze i meyer, i en myth parfwa ki ganny propaze e nou konnen ki osi bann politisyen osi ganny aprose parfwa akoz zot ganny met anba presyon osi, zot ganny dir mon pa’n ganny sa refund lev sa ka pour mwan.  Nou konnen i arive tousala.

Sa Lalwa i permet nou tou dir klerman la, la prosedir, ou pa bezwen pas kot Onorab en tel, ou pa bezwen pas kot Minis la, la prosedir i kler kot i konsern ou ka i pas devan Board spesyalis i anmenn sa devan Board oubyen si i en refund osi i menm zafer i ganny mete devan spesyalis.

E mon krwar sa i en lavantaz ki ozordi, e si mon’n ekout bann entervansyon mon krwar nou annan en santiman ki dimoun i dakor lo sa prensip.

Mon demann dimoun osi pour konpran ki bann spesyalis zot fer bann desizyon baze lo lenformasyon ki vin devan zot e nou bezwen konpran desizyon ki sa bann spesyalis i fer, e parey Onorab Hoareau in fer, in dir, Lalwa i presize ki sa desizyon i bezwen ganny met an ekrir, ankor enn fwa i en fason pour asir drwa bann pasyan e donn sa pasyan rekour si i santi i neseser.

Mon krwar serten dimoun in koz dan en fason zeneral lo lefe ki parfwa i annan dimoun ki al deor akoz zot napa konfyans dan nou sistenm lasante isi.  E mon ti a kontan dir serten in dir par egzanp zot konsern avek risk lenfeksyon oubyen lezot keksoz, sa ki mon ti a kontan dir, se ki byensir nenport ki pasyan i normal parfwa pour annan serten konsern, me i enportan pour demann kestyon e souvandfwa sa ki mon vwar, se bokou kestyon i ganny demande letan lentervansyon pour fer Sesel, me letan nou’n al dan en lopital aletranze souvan nou frenm nou lizye.

E par egzanp nou vwar letan pasyan i tournen nivo lenfeksyon parfwa ki nou gannyen sorti pasyan aletranze i pa forseman bokou pli o ki, i pa forseman pli ba (pardon) ki sa ki nou gannyen dan nou lopital isi, akoz fodre nou konpran kisisa lenfeksyon, en lenfeksyon prensipal ki arive se atraver MRSA ki dan preski tou lemonn, Lopital dan lemonn nou annan MRSA me MRSA i komans pa dan Lopital.

MRSA i komans dan kominote i bann keksoz ki letan en pasyan i antre dan Lopital petet sa pasyan i annan sa mikrob par egzanp lo son lapo e sa pasyan i tous en laport par egzanp e sa mikrob i kapab ganny propaze koumsa.

E si ou regard Sesel atraver bann rapor ki nou fer lo rezistans kont bann mikrob e osi lo MRSA, ou pour vwar ki nou kontrol MRSA in ogmante e ki lakantite ka pe diminyen e nou dan en bon direksyon.  Me bokou fwa en dimoun i al aletranze i kapab ganny en lenfeksyon akoz i en realite dan tou lopital dan lemonn ki ou annan parfwa sa bann lenfeksyon ki i arive.

E osi en keksoz ki nou bezwen gard antet, se ki Sesel parfwa letan en kad difisil i arive oubyen ka kot parfwa en problenm i arive, nou tou nou konn sa dimoun akoz nou en pti popilasyon, nou konn non sa dimoun, nou konn son manman, nou al lanterman si i mal pase, nou tou nou konn sa ka.

E alor i tous nou o profon e i normal sa koman en pti sosyete.  Me nou bezwen konpran osi ki parfwa, bokou fwa dan bann Lopital aletranze.  I annan ka ki pa marse e nou annan plizyer ka par egzanp kot menm nou, nou anvoy dimoun aletranze pour fer en tretman avanse, me menm sa landrwa spesyalize pa kapab fer sa tretman ki neseser e parfwa nou perdi pasyan.

E i enportan pour nou konsyan ki nou lopital Sesel nou pibliye tou le lannen en rapor lo lentervansyon ki nou fer lo rezilta e si ou pour swiv bann rezilta ki nou’n gannyen dan Lopital ou pour vwar nou kontinyen amelyore tou le lannen e nou pe kontinyen azout bann tretman ki disponib dan nou Lopital e avek bon rezilta.

E mon demann pasyan Seselwa si nou al lo nou menm aletranze annou demann plis kestyon, bann kestyon lenfeksyon, demann kestyon lo sa bann prosedir eski in annan bann ka akoz nou gannyen sityasyon kot menm dimoun i al aletranze e zot ganny difikilte e apre zot bezwen revin Sesel pour fer tretman.

E letan mon pe dir sa, mon oule fer kler osi ki sa pa vedir ki tou keksoz i parfe dan lopital, me Polisi ki nou’n adopte e ki lapros ki nou pran atraver bann prosedir medikal, se ki si i annan en lerer ki’n ganny idantifye, nou aksepte sa lerer nou sey adres li a meyer kondisyon ki nou kapab.

An se ki konsern bann lezot eleman, mon krwar bokou Manm in koz lo latransparans e sa Lalwa efektivman i anliny avek sa prensip bonn Gouvernans demontre avek dimoun klerman zot drwa e ki mannyer zot ganny akse avek sa servis ki zot merite.

E en pwen enportan ki’n ganny fer resorti par Onorab Hoareau se ki Gouvernman atraver sa Lalwa pe al pli lwen ki sa ki’n presize dan Konstitisyon akoz nou pe met klerman devan pep Seselwa poudir ki nou santi a sa staz kot nou ete dan nou devlopman, i enportan ki nou ankre sa drwa tretman spesyalize dan en Lalwa ki pa kapab ganny zis sanze demen par en Minis oubyen nenport ki i en … akoz par egzanp si nou met li dan Regilasyon, si a lavenir par egzanp en Minis i fer en sanzman dan sa Regilasyon e si bann Manm Lasanble a sa moman pa deside pour lev sa size, sa sanzman i ganny fer e sa drwa i perdi san menm en deba piblik, i ganny gazete me san en deba piblik, si dan Lalwa okenn sanzman ki ganny fer, i bezwen ganny fer isi dan en deba ki ouver, i en keksoz ki enportan.

E mon krwar mon’n kouver lamazorite pwen Mr Speaker, si mon’n, i annan detrwa ki mon’n manke, mon eskiz mon lekor petet Attorney Zeneral osi pour donn serten presizyon lo serten eleman bann Lalwa.  Me osi mon’n note ki i annan serten sizesyon ki’n ganny fer ki pour osi ganny pran dan Committee Stage.

Me pour konklir Mr Speaker, mon krwar sa Lalwa i donn nou en bon baz pour nou montre pep Seselwa drwa ki nou anvi zot zwir e ki nou anvi defann vizavi nou Konstitisyon e osi pour asire ki nou donn Profesyonnel Lasante son valer ki nou rekonnet zot konpetans e ki nou donn zot vre pouvwar anba sa Lalwa.

E sa Lalwa osi i permet osi en kolaborasyon avek sekter prive ki se swa avek par egzanp Sekter Prive Sesel ki deza egziste oubyen bann nouvo Lopital ki kapab montre isi Lopital spesyalize osi byen ki avek bann partner ki nou annan relasyon avek aletranze.

Avek sa Mr Speaker mon remersye tou Manm pour zot kontribisyon e mon remersye zot osi pour sa sipor dan en fason zeneral ki zot in eksprimen pour lentansyon ki enkli dan sa Lalwa.  Mersi Mr Speaker e mersi tou Manm Onorab.

 

MR SPEAKER

Mersi Minis Adam, bon avan nou rann lantern SBC, nou ava pran en vot lo prensip e merit zeneral pour sa Bill, Overseas Treatment Bill 2018.  Mon ava demann tou Manm ki an faver pour lev lanmen? Okenn Manm ki kont?  Ok Madanm Clerk.

 

MADAM CLERK

Mersi bokou Mr Speaker 25 Manm an faver e personn kont.  Mersi.

 

MR SPEAKER

Mersi.  Mon ava demann en Formal Second Reading.

 

MADAM CLERK

Mersi bokou Mr Speaker.  A Bill of an Act to provide a framework for the highly specialized overseas diagnosis and treatment program, for the citizens of Seychelles and matters connected therewith or incidental thereto.  Mersi Mr Speaker.

 

MR SPEAKER

Mersi Madam Clerk.  Bon an vi ki nou annan en pe lamannman mon krwar i ase sibstansyel e nou bezwen rann lantern SBC, mon ava propoze ki nou, ler nou retournen 2er nou ava tackle sa bann lamannman, avan nou move on avek nou Order Paper.

Nou ava remersi Minis avek ou lekip e nou ava rezwenn 2er pour nou kapab fini avek sa Bill.  Ok?  Nou ava adjourn ziska 2er.

 

(BREAK)

 

MR SPEAKER

Bonn apre midi tou Manm Onorab.  Bonn apre midi Minis avek ou lekip.  Bonn apre midi tou dimoun ki a lekout mon ti a zis kontan avan ou komanse prezant leskiz pou sa pti retar anvi ki nou’n fini en pe tar taler e bann Komite e sirtou Assembly Business Committee ti ankor pe zwenn.  Alor mon prezant leskiz.

Bon nou ava kontinyen avek nou travay e Lasanble in fini vot pou merit avek prensip zeneral Bill prezant nou annan bann amannman ki devan nou regarde si nou pou al dan Staz Komite?   Yes?  

Ok mon kapab ganny en Mosyon pou nou move dan Staz Komite?  Mosyon se si nou pou skip Staz Komite?  Bon nou ava move nou pou ale dan Staz Komite nou ava move dan Staz Komite Sergeant kot nou a kapab bring in Dr Reginald avek AG also dan diskisyon.

Bon i annan en seri lamannman ki’n ganny sirkile bon, Minister AG zot in ganny en kopi bann lamannman mon kapab demande lekel Manm ki pou move bann lamannman?  Onorab Basil Hoareau?  Go ahead Onorab.

 

HON BASIL HOAREAU

Mersi Mr Chair.  Mr Chair i annan en seri lamannman ki ti’n ganny sirkile avek tou bann Manm.  I annan … Avek sa bann lamannman ki’n ganny sirkile i annan bann sanzman, mon pou propoze avek Lasanble bann sanzman apre Lasanble i a pran en desizyon si nou pou kit sa bann lamannman ki’n ganny sirkile ouswa nou pou adopte sa bann ki nou pou propoze.  Zis pou fer keksoz dan lord Mr Speaker, Mr Chair rather mon ti a sizere ki mon pran Clause bann Clause ki pe ganny amande alafwa so pou fer li dan en fason orderly ki tou Manm i kapab swiv.

Premyerman, Mr Chair i annan lamannman dan Clause 1 sa Bill e ki nou pe amande dan Clause 1 se Clause 1 (2).  E ki nou pe dir, premyerman tir sa bann mo it applies pou nou dir ‘this Act shall apply’ so i pou lir this ‘Act shall apply to the citizen of Seychelles’.

Apre nou pe dir tir ‘residence in Seychelles and mainly’ tir sa bann mo savedir sa Clause 1 (2) i pou lir; ‘this Act shall apply to citizens of Seychelles who are domiciled in Seychelles.’

E bomaten nou ti pe eksplike ki bi pou fer sir pou dir letan, nou pa kouver bann dimoun petet ki pa devret ganny kouver savedir bann dimoun ki permanently ki pe reste an deor Sesel, me an menm tan nou fer sir nou kapab kouver bann Seselwa ki trouv zot aletranze ki zot pa ti pou reside Sesel me zot trouv zot aletranze lo en temporary basis par egzanp bann etidyan ouswa bann Seselwa ki’n al travay tanporer aletranze e zot kapab ganny kouver parske zot pou still domiciled Sesel.  So nou’n fer sa balans pou nou fer sa.  Dan Clause 2.

 

MR SPEAKER

I pe tir domiciled.

 

HON BASIL HOAREAU

Non nou pe kit domicile kontrer, nou pe tir ‘residence in Seychelles,’ so ki mannyer i pou lir, i pou lir ‘this Act shall be applicable to citizens of Seychelles who are domiciled in Seychelles.’

 

MR SPEAKER

Ok.  Onorab Ramkalawan.

 

HON WAVEL RAMKALAWAN

Yes but if you saying ‘who are domiciled in Seychelles’ eski ou pa pe exclude zisteman bann etidyan non? Why, akoz?

 

(Mic Off)

 

MR SPEAKER

Bon.  En moman, en moman met mic on AG ou ava eksplik sa.  Onorab Ramkalawan ekout en kou.  Yes AG?

 

ATTORNEY GENERAL FRANK ALLY

Non, mon krwar sa Lalwa e sa ki bann Manm dan Lasanble Mr Chairman ti anvi fer sa distenksyon se ant rezidans ek domisil ki de keksoz konpletman diferan.  Ou kapab rezidan en lot pei, me selman ou domisil i Sesel; par egzanp bann etidyan ki zot domisil i Sesel pandan zot letid.

 

MR SPEAKER

Ok mersi AG.  Onorab Ramkalawan.

 

HON WAVEL RAMKALAWAN

Me selman fodre nou fer atansyon e mon toultan sa kote atansyon.  Dizon demen ou trouv ou dan en sityasyon kot i annan en Seselwa ki pa ordinerman domicile Sesel, me i dan en sityasyon grav an sa ki konsern son lasante.  Anba sa Act i pa pou ganny kouver.          I pa pou ganny kouver be mwan mon ti pou kontan si nou ti ava kapab be

 

(Mic Off)

 

HON WAVEL RAMKALAWAN

… non, non, non this is why the word mainly pou mwan i enportan sa mo ‘mainly’ parske sa mo ‘mainly domicile in Seychelles’ i ouver sa posibilite.  I ouver sa posibilite pou annan en eksepsyon.

E nou’n war, mon a donn en legzanp Mr Speaker nou’n war bann lenstans kot en Seselwa i mor deor, e bann fanmir i vini i dir regarde nou fanmir in mor alors ki mannyer nou kapab ede e Minister Lasante prensipalman Minister Lasante oubyen atraver lot zot in aktyelman asiste – which is good.  E zot in nobou permet sa bann dimoun sa fanmir anmenn lekor enn zot fanmir isi Sesel.

Mon pe servi sa koman en ekivalan pou nou regarde ki mannyer dan sa premye fraz menm la dan sa premye Clause en tel lenstans parey ki lo en nivo plis ki imaniteryen konmsi ensidswit kot i kapab ede parske an menm tan osi nou bezwen pran an konsiderasyon ki i posib ki nou annan enn nou Seselwa ki napa en health insurance laba deor kot i pe reste, dan sa pei kot i pe reste pa pe ede, annou sey regarde mwan mon pe rod sa langaz legal.  Sa langaz legal ki pou kapab permet entel keksoz se tou ki mon pe rode mwan.

Si Attorney General i kapab ed nou parske i kapab ariv avek nenport ant nou, en nenport fanmir Seselwa.  So pou regarde ki mannyer nou kapab ….

 

MR SPEAKER

Ok, petet ankor mon pa anvi sa.. me nou pe koz en Treatment Bill e sa ki Onorab Ramkalawan in leve i pa Treatment, i kapab tonm petet atraver lentermedyer Lasante me i tonm anba kekfwa welfare whatever.  Be anyway – Onorab; ok Onorab Ferrari.

 

HON JEAN-FRANCOIS FERRARI

Pou ilistre lo sa pwen nou annan par egzanp nou annan 3 Seselwa ki dan en prizon Lezip; zot Seselwa, zot i difisil zot domisil i Sesel.  Ok?  mon ti pe pran sa koman en legzanp pou war si par egzanp zot si zot ti a kapab ganny kouver?  Mersi.

 

MR SPEAKER

Me petet nou bezwen mazin lot kote kot en Seselwa ki’n pran rezidan permanan dan en lot pei oubyen ki pe annan dual citizenship dizon en Seselwa ki L’Angleterre in pran citizenship Angle, i ankor pe reste tenir Seselwa me pe permanently reside in the UK.  Ok?   Onorab Basil Hoareau.

 

HON BASIL HOAREAU

Mr Chair petet zis pou met sa dan perspektiv.  Rezidan ou pe dir en dimoun ki pe reside dan en landrwa ou rezidans i ede pou determinen kot ou domicile me i pa sel fakter, ou kapab parey AG in dir rezidan dan en pei me i domicile dan en lot parske ou domicile i sa landrwa kot ou ou’n swazir avek lentansyon ou pe reside dan sa landrwa ouswa i sa landrwa kot ou, ou anvi fer en koneksyon sosyal, personnel ouswa ekonomik.

Ou anvi pou dir sa landrwa i sa landrwa ou annan en latasman ekonomik, sosyal ou personnel, se sa ou domicile.   E se sa ki nou Lalwa, nou annan bann provizyon dan nou Lalwa bann lartik Civil Code ki deal avek domicile apre nou annan provizyon dan nou Lalwa nou annan en Act, Domicile Act me li ki dir ek nou, nou Lalwa domicile  subject to lartik Civil Code i Lalwa Angle.

E Lalwa Angle i dir ek ou i sa landrwa ki ou annan sa lentansyon vin fer ou the center of your personnel interest and economic, of your personnel economic and social interest. Se sa landrwa.

Savedir par egzanp sa 3 prizonnyen Seselwa zot domicile i reste Sesel, akoz zot in trouve forseman Lezip zot, i ti zot lentansyon.  En etidyan son domicile i reste Sesel; en travayer ki pe travay tanporer pran bann travayer ki pe travay Dubai par egzanp ki al travay avek ouswa bann travayer ki al travay avek Lanbasad zot domicile i reste Sesel.  Me en sityasyon la se ou pe koz lo bann Seselwa ki’n deside zot pe viv L’Angleterre i zot landrwa kot zot, zot in anvi reste.

Mwan mon krwar si nou pou ouver laport, en laport i pou en laport tro gran, nou bezwen mazin resours osi, nou bezwen bear in mind resours eski i pou fair lo en Seselwa ki reste Sesel ki pe kontribye dan sa lekonomi Sesel, pou li war li an konpetisyon demen ler mon dir konpetisyon, an term resours avek en Seselwa ki’n pas son letan an L’Angleterre ki reste ki travay ki pey tax L’Angleterre pou ki ozordi nou pou dir ek li pour dir ou konnen be la petet sa enn laba i pli malad ki ou sa enn L’Angleterre alors nou pou donn sa enn L’Angleterre.  Is it fair an relasyon avek en Seselwa ki pe kontribye dan lekonomi Sesel?

 

MR SPEAKER

Mersi Onorab.  Onorab Ramkalawan.

 

HON WAVEL RAMKALAWAN

Mr Speaker mon napa problenm avek largiman Onorab Hoareau.  Mwan mon pe koz lo bann eksepsyon e mon a donn ou en senp legzanp.

Mr Speaker demen nou annan nou en zenn fiy Seselwa ki marye dizon avek en Nizeryen i al reste Nizerya e letan i laba Nizerya i pe pas martir in fini domicile Nizerya li in marye i annan zanfan laba e son msye in mor e aprezan i trouv li dan en sityasyon kot i li tousel.

I en sityasyon kriz e sa dimonn i tonm malad, e aprezan i bezwen tretman e i fer demann byensir i still Seselwa son fanmir ki reste Anse Aux Pins, i vin kot Minis i dir Minis ou konnen mon annan mon ser laba ki dan sa sityasyon.  Alor ki mannyer ki nou kapab fer pou li nou bezwen sov son lavi i napa fasilite i napa.         Mwan Mr Speaker mon pe, mon pa, mon pa pe soz tro legalistik, mon konpran sa langaz legal ki’n mete mwan mon pe zis regarde dan en lenstans parey ki nou pou fer?

E mon ti ava kontan kapab ki annan enn pti lafnet, enn pti lafnet ki pa pou ganny abize me enn pti lafnet kot nou kapab vin led konmsi pou kapab ofer en led.

Si sa i posib atraver kekfwa ou ava dir be nou ava refer li to sekirite sosyal e laba welfare i ava take of li ensidswit me donn mwan enn pti keksoz pour bann sirkonstans parey konmsi ki ava montre ki nou pa pe ferm tou lafnet me ki en Seselwa kot i ete nou ava kapab reach out e donn li en led.  Se tou ki mon pe rode mwan.  Mersi.

 

 

MR SPEAKER

Mersi Onorab Ramkalawan.  Onorab Basil Hoareau.

 

HON BASIL HOAREAU

Chairman mwan mon krwar pou dir petet nou pe ouver sa laport, mon konpran ki Onorab Ramkalawan pe dir, i pe dir i annan bann leksepsyon touzour ou annan lareg e ou annan leksepsyon.

Me ki mannyer ou word sa leksepsyon e ki mannyer ou fer sir ki sa leksepsyon pa vin en labi ou pa ouver en laport ki lezot dimoun pou dir vre ou annan sa dimoun ki vreman in need ki antre ladan, me an menm tan letan ou’n ouver sa laport lezot dimoun i sey antre ladan?

Mon pe zwe avek en wording la mon pou sizer en wording mon konnen apre Minis i ava sa, mon pe al sizer en wording si pou  – be ankor son ….. a son diskresyon.  Si nou fer avek Sub-Clause (2) la  1, (2) nou dir; ‘provided the Board’ mon dir the Board akoz Board ki deal avek laplikasyon, ‘the Board shall in exceptional circumstances consider application for ‘sa definisyon ‘for overseas diagnosis and treatment for citizens of Seychelles not domicile in Seychelles.’ See…, and we leave it to the Board in exceptional circumstances.  Now the question is what are exceptional circumstances, but mon krwar Board ek zot diskresyon pour zot, zot a konsidere kwa ki exceptional circumstances.   Mon pa konnen si Minis pou sa….

 

MR SPEAKER

Ok.  Onorab De Commarmond.

 

HON CHARLES DE COMMARMOND

Mr Chair mon ti pe zis dir Minis vi ki in deza Minis Foreign Affairs petet i kapab zwe ek sa sityasyon parey e donn nou en gidans ki pei i kapab fer dan tel sirkonstans.  E petet sa i kapab anmenn en solisyon pou sa issue.

 

MR SPEAKER

Mersi Onorab De Commarmond.  Minis Adam.

 

MINISTER JEAN-PAUL ADAM

Mersi bokou Mr Chairman e tou bann Manm Onorab.  Mon krwar lo kote langaz legal Attorney Zeneral i a kapab donn en lopinyon pli presi, me zis pou eksplik lentansyon pa deryer Lalwa, se ki dan sa Clause ki sa pre-Clause preliminer ou bezwen annan serten imitasyon ki ganny mete.  Sansan akoz si ou pa dir pou ki i aplike otomatikman i aplik pou tou dimoun.

E sel keksoz ki nou pe sey anpese dan sa Clause se pou anpese ki en dimoun ki pa’n vreman ganny sible dan sa Lalwa en dimoun ki’n pa’n ganny sible se en dimoun ki deza ganny kouver konpletman i rezidan dan en lot pei i deza ganny kouver konpletman avek son Sistenm Lasante ki i pe kontribye ladan ki e i pa bezwen sa sipor adisyonnel nou pa anvi en dimoun parey nou pou dir fer en double repayment i ganny depandan kote i pli byen pase e i pou al, nou pa anvi sa akoz sa nou bezwen regard kestyon priyorite resours.

Sa se lentansyon sa Clause.  Me Lalwa letan ou regarde dan son totalite, e sirtou si ou fer referans avek Clause 8 i, Board i annan li bokou diskresyon dan li menm, akoz board i souvren letan en fwa ki Board i etabli bon i annan serten limitasyon byensir atraver bann diferan Clause ki’n ganny mete dan Lalwa me Board si en pasyan akoz bann responsabilite ki vini lo Board se sirtou pou vwar merit sa pasyan.

E si nou pou regard an pratik e Onorab Hoareau petet in sizer en wording petet pou fer li pli eksplisit petet si i neseser kot ou pou fer li pli direk me mwan lafason ki mon’n lir sa Act dan son totalite, sa restriksyon lo sa premye parti dan sa eleman preliminer se zis pou dir ou lentansyon sa Act i pou ki?

Apre letan pou regard dan son aksyon dan Clause 8 i pe dir ou Board ki mannyer i pou swazir son pasyan.

I annan plizyer eleman si nou servi sa legzanp pare si en dimoun ki’n marye en Seselwa ki’n marye avek en etranze ki ti pou kapab ganny kouver par egzanp an term irzans i annan en Clause kot i dir ou en Seselwa ki dan en ka emergency kot sa Board i kapab desid dan sa kote me i pou bezwen gard antet tou sa bann diferan eleman ki i kouver.

Si nou fer enn tro ouver si nou fer zis kot en dimoun i sitwayen Sesel nou pou napa ase resours e ou annan enn fwa ki dan Lalwa osi ou annan posibilite ki en dimoun i anmenn ou Ankour si ou pa donn li sa ki Lalwa in presize alor mon krwar ki fleksibilite i deza la an term responsabilite sa Board dan Clause 8 e dan serten lezot Clause me mwan mon ti pou napa okenn lobzeksyon osi si nou pran enn pti pe dan laliny sa ki Onorab Hoareau in site, si i annan en fason ki nou kapab fer li marse.  Mersi.

 

MR SPEAKER

Mersi Minis.  Onorab.  Yes Attorney Zeneral.

 

ATTORNEY GENERAL FRANK ALLY

Bon mon konpran sa propozisyon ki Onorab Hoareau in mete an relasyon avek exceptional circumstances me an menm tan nou annan enn pti pe bann move souvenir or oubyen exceptional circumstances.   Nou’n war letan nou ti mete dan Konstitisyon bann reapwentman bann Ziz pa dwatet ganny fer, eksepte dan bann exceptional circumstances me in ganny fer.  E a plizyer repriz.

Nou bezwen osi demann nou lekor si nou bezwen pli spesifye.  I pou exceptional to what? To the person?  To the illness?  Akoz sa dimoun i kapab vire dir ek ou koumsa pour dir me mon maladi i eksepsyonnel, mon reste Lonn e i pou kout mwan 200 mil Liv pou mwan fer sa loperasyon e therefore mon oule ki Sesel en pei ki in pa’n reste pandan 40 an e in pa’n pey okenn tax e la vre pei i la pou aport son soutyen.

So petet nou dwatet ase kler oubyen pli presi dan bann sirkonstans ki parey Onorab Hoareau in dir i pa vin en konpetisyon resours.  E i en keksoz ki nou’n toy with an relasyon avek lekel ki pou benefisye ki pou kapab kalifye pour overseas, pour sa servis.  Mersi.

 

MR SPEAKER

Mersi AG.  Onorab Ramkalawan.

 

HON WAVEL RAMKALAWAN

Mr Speaker mon anvi demann Minis en kestyon letan zot ti ekrir sa Clause 1 (2) la, ki zot ti vedir par the word’ mainly?’ What was the intention?  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Chairman e mersi Onorab.  Lentansyon ti pou kouver bann dimoun ki an mazorite pe reste Sesel.  Ok?  Savedir pa pou ekskli en dimoun ki petet pou en pe letan pe reste deor, me ki in son rezidans i isi sa son lentansyon.  E lafason in ganny ekrir mon krwar se sa son bi.

 

MR SPEAKER

Yes Onorab.

 

HON WAVEL RAMKALAWAN

E sa se egzakteman sa window ki mwan mon pe rode.  Alor mwan mon…. yes the Bill.  So mon pou… mon krwar ki sa mo ‘mainly ‘parey ti pe dir ou kapab tir sa mo residence… ‘residence in Seychelles’ me ou senpleman dir this parey ou pe komanse ‘shall apply to Citizens of Seychelles who are mainly domicile in Seychelles. ’ Annou sey mon pa konnen … mwan mon pa en drafter, me selman mon pe zis zwe ek langaz angle e zot a met li dan son jargon.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Mon krwar si nou kit ‘mainly’ i pa pou aport sa ki Onorab Ramkalawan i anvi.  Petet sa ki kapab capture sa ki Onorab Ramkalawan i anvi capture, se sa propozisyon ki Onorab Hoareau in mete.

Me nou kapab met exceptional circumstances, me evantyelman si i annan par egzanp en judicial review akoz en desizyon, let say en dimoun ki viv aletranze oubyen ki pa tonm dan sa sub-section (1) i aggrieved par sa desizyon Board  ki refize i pou kapab anmenn Board Ankour apre ki in fer en appeal i pou kapab anmenn Board Ankour pou fer en judicial review.

Me la Lakour i a enterpret what is exceptional circumstances.  So petet at the most nou kapab viv avek sa propozisyon ki Onorab Hoareau in anmennen lo kote dan sirkonstans eksepsyonnel la Board i kapab deal avek en laplikasyon e grant en laplikasyon.

 

MR SPEAKER

Ok.  Yes Onorab Ramkalawan.

 

HON WAVEL RAMKALAWAN

Be mwan mon pe sa pwen ki mon ti fer resorti dan diskour zeneral, mon osi krwar ki en dimoun ki reste L’Angleterre i kapab kestyonnen parski i a pe dir, ‘’be mwan mon en Seselwa mon annan mon paspor Sesel.  E al devan Lakour Konstitisyonnel met sa Lalwa devan Lakour Konstitisyonnel pou dir ki Sesel in pas en Lalwa ki montre diskriminasyon ki mwan koman en Seselwa anba Konstitisyon, mon annan en right to health e ki la zot pe fer en Lalwa ki retir mwan, ki retir mwan konpletman parske mon menm annan the right to vote mon non i lo rezis voter, so si mon annan the right to vote ki mannyer, me selman mon domicile laba ki mon… konmsi mon pe war ….

Me selman mon pa oule, senkyenm Lasanble ti pas enn de Lalwa ki lakour Konstitisyonnel ti zete – I don’t want to be part of that.

 

MR SPEAKER

Onorab Basil Hoareau.

 

HON BASIL HOAREAU

Mr Speaker mon adres sa dernyen issue ki Onorab Ramkalawan in raise ki mon krwar i pertinan, i pertinan parske nou bezwen fer sir letan koman en Lasanble, nou pa pas Lalwa ki demen nou war i al tap kalot ladan devan Lakour Konstitisyonnel.

 

 

Be selman mon rekonforte mon rekonforte pou dir sa lamannman ki nou pe fer i pou ok li.  I vre lartik 27 nou Konstitisyon i dir nou koumsa, tou dimoun i bezwen annan equal protection of the Law.

Me malgre i annan equal protection of the Law Lalwa i rekonnet e pour dir sa Lartik i prevwar pou dir ou kapab annan serten diskriminasyon provided ou annan legitimate reason pou classify for classification.

E la nou pou annan legitimate reason nou pe dir ek ou pou dir fodre ou domicile.  E i en legitimate reason pou dir si ou pa domicile ou pa pou ganny kouver.

Sa i en classification ki legitimate it’s base on your where you domiclile.  So mon satisfer pou dir lo la nou ganny proteze.   Petet si nou’n ti’n kit zis rezidan parey ou fodre rezidan Sesel la ti kapab potansyelman annan en issue but nou’n dir poudir ou kapab rezidan an deor me ou domicile Sesel ou ganny proteze.

Prezan ki mon ti pou sizere mon Mr Speaker, ki mon pe propoze sub-section (2) nou dir, ‘subject to sub-section (3) this Act shall be applicable to citizens of Seychelles who are domicile in Seychelles.’  Ok? Prezan nou fer en sub-section (3) olye nou fer en proviso nou fer en sub-section (3) nou fer li pli byen nou dir, ‘the Board may in exceptional circumstances consider applications from citizens of Seychelles who are not domicile in Seychelles.’ Ok?  Prezan exceptional circumstances nou pou fer prezan dan Clause 14 (2) ki annan bann regilasyon ki kapab ganny fer, nou kapab met en paragraf nou a fer li mon pa konnen si i pou vin paragraf (h) akoz (g) i dir ‘any matters which is required to be prescribed’ nou a met en (h) apre sa lot i a vin (i) may provide regilasyon, par Minis i kapab provide for the exceptional circumstances applicable to sub-section 2 (3).

So nou les Minis prescribe anba exceptional circumstances e nou, nou pou annan kontrol lo sa regilasyon letan i pou’n ganny fer – yes.  Si nou war pou dir sa.  Would that be an acceptable proposition?

 

MR SPEAKER

OK?  Ok.  Mersi.  AG.  Ou ok ek sa.  Ale oule fer komanter?

 

ATTORNEY GENERAL FRANK ALLY

Non Mr Chairman, mon krwar i akseptab.

 

MR SPEAKER

E in ganny note sa propozisyon en?  Ok?   Nou ava move.

 

HON BASIL HOAREAU

Nou al dan Clause 2, Clause 2 Mr Chair, i annan bann lamannman ki nou pe propoze, nou propoze pour define overseas diagnosis and treatment ki pa ganny define.

E mon krwar i enportan, nou’n dir pour dir Minis ‘medical diagnosis, treatment or follow- up outside of Seychelles.’ Met li kler akoz nou refer ek sa term, be selman nou pa define li.

Sa term i ganny trouve several times, dan in the Act, in the body, be selman mon krwar i enportan ki nou define li.  Apre lot term ki nou pe entrodwir se ki bokou fwa nou war dan sa Act refer to person, person; I mean dan (b) rather en?  Sel letan ki nou vwar Bill i refer avek patient prezaman, se dan Clause 12,(4) kot i dir ek ou si i annan en error of judgement la i refer to a patient.

E mwan mon pe sizere kot i annan bokou fwa kot letan ou pe lir the Bill se i kler pa egzanp Clause (4) i pe dir ou response to queries, non annou pran (d) or (a) for that matter.  4(a) i dir pou plan organize provide logistical support to person approved by the Board.  

Sa bann dimoun in fini vin pasyan sa letan, i bann pasyon la.  E ki mon pe sizere se ki nou fer en definisyon ‘patients means persons seeking or undergoing overseas diagnosis and treatment under this Act’; fer li kler pasyan.    E prezan otomatikman so nou’n define.  Apre ti annan en definisyon ki ti’n ganny propoze pour le moman an relasyon avek definisyon spesyalis; prezaman letan nou get dan sa Clause – dan Bill specialist i dir ek ou koumsa i pou en dimoun ki ganny anploye dan servis piblik, dan Lasante Piblik; dan servis Lasante Piblik ouswa en dokter ou dantis ki annan equivalent qualification ki annan menm kalifikasyon avek sa dimoun ki ganny trete koman en spesyalis dan Sistenm Lasante Piblik ki’n ganny envite par Manager of Overseas Diagnosis and Treatment Unit, pou donn en lopinyon lo en issue.  

So i pe fer, nou ki nou ti pe dir se ki i pe limit sa selman avek bann spesyalis dan Gouvernman ouswa enn ki’n ganny envite.   E ti annan en sizesyon ki nou ti’n dir tir sa bout invited by the Manager of the Overseas Diagnosis Treatment Unit, to give an opinion on a matter e add permanently practicing in the Seychelles.  

Savedir i kapab menm en spesyalis an deor Lopital Gouvernman ki pa neseserman ki li in ganny envite sa, me selman i en spesyalis.

Me ki nou nou’n, mon’n diskit avek AG lo la avek Minis, e i paret ki i annan en rezon akoz zot in anvi kit spesyalis e sirtou ti annan en rezon akoz nou ti pe propoz sa lamannman an relasyon ek spesyalis pour Clause (8) kot i pe dir ou lekel sa spesyalis ki pou kapab refer ou to the Board.

Me nou’n tonm lo en laranzman mon pa konnen si pou mon pe met devan Lasanble si Lasanble pou dakor avek e ki nou kit sa wording, sa wording spesyalis la me letan i pou ariv kot clause (8) ki deal avek spesyalis ki kapab refer ou to the Board pou annan en clause pou ganny amande spesifikman pou dir i kapab enkli okenn spesyalis ok?

Me selman ki nou pou amande zis for the purpose of consistency nou’n dir kot in dir konmela i dir denti… prezaman la i pe dir ou medical practitioners and dentist who works in the public health services, who works in the public health services – ki nou pe dir nou, i servi sa term la who works in the public health services me selman dan en Act a pli tar i koz ki ganny employ in the health service of the Government.

Prezan pou consistency nou dir ok nou pe propoze nou tir sa bann mo ‘works in the public health service’s e ranplas zot par who is employed in the health service of the Government.  

So i a lir pour dir ‘specialist means some medical practitioner or dentist appointed as a specialist according to the scheme of service for medical practitioners and dentist who is employed in the health service of the Government.’

Apre la i a kontinyen – ‘or a medical practitioner or dentist of equivalent qualifications.

 

MR SPEAKER

Yes Onorab Ramkalawan.

 

HON WAVEL RAMKALAWAN

I annan zis enn pti keksoz la, nou ti pe anvi ouver li pou par limit avek en dimoun ki travay dan Gouvernman, me ki ou kapab annan en spesyalis an deor.

So lafason ki dan sa definisyon ki ou ou’n mete la mon war ki ou’n ferm li o kontrer. Letan ou’n, mon konpran ki ou pe dir nou lir li an relasyon avek 8, me selman zis sa zafer fodre ki i Sesel.  Me selman zis mazinen lo nivo legal ok, kot i annan bann expertise parfwa i annan bann cases dan lakour Sesel kot i annan bann avoka etranze, ki vini ki ganny en license pou li practice.  Ok?

Me mon pe regarde ki son ekivalan olye ki nou pe limit li dan okenn fason, eski nou pa kapab annan en lekivalan kot en dimoun, en dimoun i malad ensidswit in al devan Board me ki letan pou li fer son appeal oubyen en keksoz koumsa i dir be mon annan mon spesyalis Maurice e letan i vin devan Appeals Board i mete e i eksplike i kapab montre konmsi pou al dan en keksoz en fason pli lwen.  Eski i pou kapab se sa ki mon pe kestyonnen?  Ok? Mersi.

 

MR SPEAKER

Mersi.  Minis.

 

MINISTER JEAN-PAUL ADAM

Mersi bokou Mr Chairman e mersi Onorab.  Mon ava eksplik lentansyon apre mon ava les AG ek Mr Hoareau petet eksplik an term langaz.

Akoz sa Clause definisyon spesyalis mon napa problem ek sa propozisyon ki Onorab Hoareau in propoze akoz sa, sa nide ki ou kapab envit, ki sa Manager i kapab envit en dimoun akoz sa premye parti sa Clause fodre ou get tou lede ansanm.  Premye parti sa Clause i dir ou i eksplik ou en spesyalis liye avek en Scheme of Service dan Gouvernman.  E i enportan sa akoz se dan Scheme of Service ki defini properly kisisa en spesyalis.

Apre dezyenmman i pe dir ou en dimoun ki ekivalan an term so kalifikasyon ki kapab ganny envite par Manager Overseas Diagnosis and Treatment Unit.  E sa i enkli dan sa ka i enkli bann dimoun an deor Sesel, i enkli napa limitasyon i zis kalifikasyon fodre i koresponn avek sa ki en spesyalis dan Lopital.

E pou nou lir li ansanm avek Clause (8) akoz ti annan en lot amannman avek 8 selman mon krwar Onorab Hoareau pa’n al lo la akoz i ti pe al lo la Clause par Clause letan i pou al lo la i pou fer sans.

Me an bref pour 8 mon a dir ou son lentansyon petet vre la fason ki’n ekrir la i pa tro kler me selman letan Onorab Hoareau pou pas lo la, mon krwar i pou klarifye sa se ki aktyelman letan en case i al lo Board toultan nou dezir en spesyalis dan Lopital pou swiv sa case.

Sa dimoun petet pa’n ganny swiv avek en spesyalis savedir sa spesyalis petet in war sa pasyan me si mon pran en legzanp sa dimoun in al kot en dokter prive isi Sesel e sa dokter prive in fini fer son analiz, son bann tes eksetera, in fini war dapre son konpetans koman en spesyalis dan prive sa dimoun i devret al deor en tretman spesyalize.

Alor dan sa ka koumsa i ganny anvoye sa ka i ganny anvoye kot Lopital tipikman kot Direkter Lopital e Direkter Lopital prezan i met sa dosye devan en spesyalis dan sa domenn e sa spesyalis i met li lo Board.

E se sa ki nou pe prevwar dan Lalwa nenport ki spesyalis si nou servi sa legzanp Maurice sa spesyalis i kapab fer son rapor me sel presizyon petet i enportan pou nou note, me se pou bann rezon swivi e pou asir lord se ki toultan letan i al lo Board i ganny akonpannyen par spesyalis dan Lopital Sesel.

Me sa zis pou fer sir ki i annan en follow-up dokimantasyon i annord avek serten kriter eksetera.  I pa anpese ki en spesyalis i met son dosye li menm li.  E annan ka aktyelman dan prive ki en dimoun in fer son dosye konpletman e in ganny donnen avek en spesyalis e sa i ganny prezante direkteman lo Board.

 

MR SPEAKER

Ok Onorab Basil Hoareau.

 

HON BASIL HOAREAU

Mr Chair parey Minis in eksplike mon konpran sa konsern Mr Ramkalawan me selman letan nou pou al lo Clause (8) ou pou vwar ki mannyer egzakteman – ok?

Dan Clause (3) ki nou’n dir lo Clause 3 (2) i annan en lamannman ki’n ganny fer, en senp lamannman pou add the word the after (b) apre nou’n dir delete sa bann words ‘for the performance functions of the Unit, surplusage to requirement.

Akoz i head of a Unit e the function of a Unit i set dan Clause 4. Yeah ‘head of the Unit’ fini full stop.

Apre dan Clause (4), dan Clause (4) dan paragraf aktyelman dan Sub-Clause (4) of Clause (3) i annan zis enn pti lamannman ki’n pa’n ganny mete la, me selman ki nou a fer se ki kot in met the function of the Unit ankor, mon krwar i a dir ‘as may  be necessary’ e nou tir ‘functions of the Unit’ akoz as may  be necessary i full stop apre ‘necessary.’

Apre nou ariv Clause (4), Clause (4) Mr Chair dan paragraf (a), (d),(h) and (i) nou pou tir persons kot wherever sa mo i appear nou tire e nou ranplas li par ‘patients’ ki pou pli konsistan avek sa definisyon ki nou’n fer pli boner.

Apre paragraph (c) pou le moman pou le moman i dir nou ‘queries made by the public’ nou pe azout apre ‘by’ nou pe azout ‘members of a public.’

I lir enn ti pe pli byen dan mon lopinyon.   Dan Clause (5) ti annan, sa proposal ti baze en pe lo largiman ki Onorab Ramkalawan ti anmennen dan son lentervansyon lo si nou bezwen annan en lay person lo Board.

E otomatikman si nou pou deside tir sa then Clause (5) kot nou pe dir delete number 4 avek working Government and one member shall be the person i pou fer, nou kapab servi li si nou deside tir sa lay person.

Me if not nou pa bezwen amann Clause 5 (3) me selman nou a fer zis en lamannman pour nou anmenn en new sub-Clause (5). 

So mon pa konnen ki nou pe deside lo sa enn si nou pou maintain lay person lo Board.   Bomaten nou’n diskit sa mon pa konnen Mr Chair si petet lezot Manm at this point ki oule entervenir lo sa issue.

 

MR SPEAKER

Okenn Manm ki oule entervenir lo sa propozisyon?  Onorab Ramkalawan.

 

HON WAVEL RAMKALAWAN

Mr Chair mwan mon konsern sete exactly ki sa layperson pou fer?  Because nivo la in fini ariv laba anler e menm sa jargon ki zot servi in fini depas nivo the layperson ki an prensip mon pa war – parske sa Board la i pa pe al koz lo laranzman transpor, lo laranzman – la i pe koz spesifikman lo maladi, kondisyon sa dimoun ki zot pou pran desizyon si zot pou anvoy li overseas oubyen non.

Si ti annan en lay person dan son premye parti sa Overseas Diagnosis and Treatment Unit sa mon konpran; kot pe regarde sa dimoun letan i pou ariv laba ki pou pli bon fasilite transpor tou sa bann zafer, me tandis ki la lo part 3 nou’n fini depas sa.

E mwan mon pou ensiste ki mon pa war rol en lay person la, lo sa nivo.  Parske konmsi i vin en pe parey lontan pa letan Minis Adam i la mon sir i pa fer sa kot parfwa dimoun i al kot Minis e Minis i dir anvoy li overseas.

E i bypass bann spesyalis e bann spesyalis i pe dir be sa nou kapab fer isi.  So kot Minis i oule regard file pasyan.

Konmsi ki mon krwar we should – mwan mon pou ensiste ki the layperson at that level i napa en rol pou li zwe.  Amwen zot kapab eksplike akoz ki zot ti anvi en lay person akoz sa lay person li ler zot pou dir en parol i pou bezwen google pou li konpran ki zot pe dir, me nou pa oule en Board ‘Google’ la.  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Chair e mersi Onorab e mon pa anvi fer deba kontinyen.  Mon ava eksplik lentansyon e apre byensir Lasanble i pou deside.

Ki nou war letan dokter i zwenn ansanm parey ou dir zot langaz ki zot servi i vreman teknik.

Me enn bann fonksyon sa Board se pou met an ekri par egzanp dan bann ka kot Board i agree napa problem me parfwa menm dan bann ka kot Board i agree i annan ka aktyelman ozordi kot sa pasyan li menm li pa konpran ki sa prosedir par egzanp ki i pe al fer.

E letan ou annan en lay person  lo Board sa dimoun i vin enn pti pe advocate sa pasyan, dan le sans ki e nou pe mazin en dimoun idealman se en dimoun ki en pe eksperyanse dan bann keksoz medikal, ki annan leksperyans par egzanp dan lasosyete sivil  i lye avek bann eleman medikal, avek bann maladi.  E ki ou kapab pli byen enterakte avek sa bann dokter pou fer sir la fason ki sa kondisyon i ganny dekrir i dan en fason ki nenport ki i kapab konpran.

E i enportan sa, akoz en kantite fwa konfizyon i arive akoz sa pasyan pa konnen ki i pe al fer koman tretman, oubyen i pa kler, oubyen en lot sirkonstans si i pa’n ganny aksepte lo ki baz in pa’n ganny aksepte.

Sa dokter in eksplike lo en baz teknik me sa dimoun ki lo Board li osi i pou demann bann kestyon, bann legzanp ki’n nou’n war parfwa en dokter i kapab annan en dyagnoz ki klinik savedir i pe get tou bann sentonm i avek sa konnen lo tou bann sentonm i annan sa.

Me tou pasyan konmela i al lo ‘Google’ pou servi sa legzanp tou pasyan i al lo ‘Google.’ E zot konnen bann keksoz ki anliny avek sa i kapab bann sentonm pour sa.  E i enportan ki ou annan en ki pe demann sa kestyon enn pti pe naif dan en fason ki permet sa bann dokter reponn sa kestyon parey sa dimoun ki pa pe mazin, parey en dimoun nenport ki dan piblik.                  Mon pa krwar sa i en sityasyon ki pou make or break the Act.  Alors si Lasanble i ensiste pou retir sa lo kote Minister nou pa pou ensiste.  Me baze lo pratik, baze lo lafason ki nou’n war keksoz pe ale mon krwar si nou ganny sa bon kandida i pou anrisi travay ki sa Board pou fer.  Mersi Mr Speaker.

 

MR SPEAKER

Mersi Minis.  Onorab De Commarmond.
HON CHARLES DE COMMARMOND

Wi, Mr Chair mon, mon pou siport Minis dan sa vizyon ki li i annan akoz souvandfwa ki nou’n vwar dan lepase, sa pasyan i perdi konfyans i krwar pou dir napa fairness dan desizyon parfwa ki Board i kapab pran sirtou kot en case pa’n approve ouswa in mal ganny approved.

Pa vedir ki neseserman ki sa Board i annan tor me selman li i santi sa e i pa ede sirtou letan ou malad letan ou malad i serye.   Be nou pe mazin osi sa kestyon lay person mon pa konnen si i annan en lot mo pou kalifye li, me i pa vedir ki en dimoun ki pa konn nanryen dan Lasante i pa dir i inyoran konpleman.

Deswit la par egzanp dan mon lespri mon pe mazin en lay person ki kapab fasilman vin lo sa Board mon mazin l’Archeveque Emérites Chang-Him ki konpran Lasante i konsyan i annan keksoz ki i konnen e an plis i annan en bout ki sa dokter i napa, ki sa bann spesyalis li i napa.

E la, li i annan en leker en lespri en lot fason ki li i sort advocate pou sa pasyan e i annan bout believe me, i annan bout ki nou bann spesyalis dan nenport ki part dan lemonn, i pa pe vwar ouswa pou li i pa son konsern i pa son bout sa, me i annan en lot dimoun la ki zwe sa lot bout non-medical parey nou pe dir ki kapab alor ed dan sa desizyon e fer en rasyonnel dan sa desizyon.

Well i annan en bout sa, me selman vwala ki mwan mon krwar i bon si sa i la me the choice of the candidate of course ou pa pou pran okenn Tom, Dick and Harry pour dir en lay person met dan sa domenn, dan sa direksyon.  Mersi.

 

MR SPEAKER

Mersi Onorab.  Onorab Ferrari.

 

HON JEAN-FRANCOIS FERRARI

Wi Mr Speaker mersi.  Mon pou al lo 2 pwen ki konpletman konsistan avek sa ki mon ti dir dan mon prezantasyon.  Mon a komans par sa enn la dezyenm par the layperson.

Mwan mon vreman believe ki vi ki sa bann desizyon ki sa Board pou pran, pou bann desizyon medikal, nou pa devret zanmen pran risk ki annan en dimoun lo Board ki pe donn en lopinyon ki pa medikal, akoz la nou pe koz lo lentegrite e lo nou … (mon ava kontinyen Onorab Pillay)

 

(Mic Off)

 

HON JEAN-FRANCOIS FERRARI

An ok sorry.  Ki nou pe koz lo repitasyon nou bann dokter.  E sa i bann desizyon vreman medikal annou pa insert ladan en keksoz ki kapab donn en lesplikasyon an deor Board dizon for argument’s sake sa lesplikasyon sa lay person i Monseigneur Chang-Him oubyen ki li in involve dan Cancer Concern, i pa pou kapab donnen en desizyon medikal i pou donn en desizyon efektiv.

E nou pa anvi ki annan conflicting – konmsi ki en dimoun i dir ‘’mon santi mon ker vre konmsi nou ti devret ale – ouswa kwa.’’ Non! I en desizyon medikal sete dan medsen, bann dokter ki devret pe pran sa.  Donk mwan mon siport totalman pozisyon Onorab Ramkalawan.

Mon dezyenm vi ki Minis pa’n santi li aksepte ki sa lide ki mon mwan krwar i annan tro bokou Board e vi ki sa bann spesyalis pou la dan Lopital, i pou pli fasil pou annan en quorum, en working group en pe pli pti.

Mwan mon ti ava demann Minis annou ranplas ‘5 other members’ by 3 other members. Annou fer li en pe pli leze en pe pli nimble, parey nou dir an angle.  Konmsi 3 dimoun mon krwar 3 spesyalis parey ler ou met 10 avoka dan en lasal ou retrouv ou san okenn desizyon.

Si ou pran zis 2 oubyen 3 ou met dan en lasal finalman zot pou tonm dakor.  Menm dokter osi parey.  Annou fer li pli workable – konmsi pli efikas e pli enteresan pou bann piblik ki ava pe regard nou.  I ava annan donk 5 spesyalis plis ankor bann ki lo Appeals Board ki nou a fer li pli efikas mwens difikilte, konmsi pou nou proceed.  Mersi.

 

MR SPEAKER

Mersi Onorab Ferrari.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mwan mon annan en konsern lo size sa layperson akoz zis parey en avoka ki li i annan en oath ki i pran en serten confidentiality, ki i bezwen ganny maintain par verti son profesyon.  Zisteman en dokter osi i annan sa menm prensip.

E ler ou pou pran en lay person malgre ki ou pou fer li take the Oath, eski i pou apresye lenportans sa Oath parey en dokter ti pou apresye li?

Se la kot mon pou diferan enn pti pe avek pozisyon ki’n ganny pran par minister.  Mon lesansyel i bezwen reste se sa i en desizyon medikal e sa bann dokter i sa bann dimoun ki pou pli apresye lenportans ki zot gard o nivo konfidansyalite an sa ki konsern sa pasyan ki pe vin devan zot.

E osi nou bezwen apresye lefe ki nou annan layperson ki kapab kominike dan sa bann Forum pli malen sa ki fite pou fite sa ki dokter Telemaque e dokter Reginald ler pou komans koz ek ou bann terminolozi medikal.  Sorry pa nou tou ki pou konpran.

So mon krwar petet nou devret konsantre li as a Medical Board. Me lo sa pwen ki’n ganny raise par mon koleg Onorab Ferrari, mon krwar Onorab Ferrari i bezwen apresye en keksoz.  I annan bann Board ki nou fer li i vin dan en kad administratif e la vre ou bezwen koz lo efikasite and the liner the Board is the more efficient perhaps the body i kapab ete.

Me i annan Board ki ofer zot pa zis administratif me zot annan en fonksyon spesifik.  E ler nou get bann spesyalizasyon mon’n bezwen         ‘google Mr Chair ou annan diferan spesyalizasyon. Ou annan dimoun ki spesyaliz dan nephology dan lot, dan lot, dan lot e mon krwar sa ki enportan ou bezwen annan en wider pool e ou annan en pli bon balans ekspertiz ki kapab donn ou en desizyon lo en size.

E i pli fasil pou annan en challenge.  Ou konnen parfwa i annan en spesyalis petet pa oule challenge me petet enn ki sorti dan en lot domenn i pou pare pou li challenge.  So mon krwar lo sa size layperson annou petet rethink sa stratezi.  Mersi Mr Chair.

 

MR SPEAKER

Mersi Onorab Pillay.  Onorab Ramkalawan.

 

HON WAVEL RAMKALAWAN

Mr Speaker mon re kontinyen avek sa largiman, mon konpran sa ki Minis in eksplike me mwan mon ti ava dir ki lo 3 lefe ki 3 ou pe koz zis spesyalis olye zis pou dir en layperson – mwan mon ti ava dir kekfwa rod en fason pou fer rantre ‘a person having medical expertise and experience’ – konmsi en keksoz koumsa ki sa dimoun i ava pa lo sa nivo spesyalis me selman i konpran.

Kekfwa ou annan ou en Matronn, ou annan ou en dimoun ki’n la ki’n war en pe sa bann keksoz e ki parske parfwa menm sa spesyalis in pa’n lo sa nivo – parski ou konnen parfwa sa bann zafer tradwir pou eksplike.

I mean mwan mon konn en zonm ki ti al lopital ki ti al klinik sa pti asistan ti pe tradwir i dir be dir dokter ki ‘’ler mon dormi vant anba mon ganny soulezon.’’ E sa pti madanm ti tradwir i dir, ‘’he says when he sleeps upside down.’’

Prezan sa boug i vire i dir ek sa fiy i dir,’’ ma fille mon pa en sov souri mwan!’’

 

(laughter)

 

HON WAVEL RAMKALAWAN

Konmsi ki fodre nou veye ek sa bann tradiksyon, sa bann zafer ki …

Mwan mon krwar ki si nou kapab ranplas layperson avek mon pa konnen ki mannyer zot pou met sa, ‘somebody with medical knowledge and experience’ konmsi ti ava pli apropriye.  Mersi bokou.

 

MR SPEAKER

Mersi Onorab.  En moman Minis Onorab Basil Hoareau ti oule entervenir la, oubyen oule esper Minis?  Minis?

 

MINISTER JEAN-PAUL ADAM

Mersi bokou Chairperson e mersi Onorab.  Annefe mon krwar koman en konpromi petet sa ki Onorab Ramkalawan in sizere i en bon lide.  E nou pa ti pou ensiste tou fason lo sa pwen.

Me pou note osi si ou regard dan seksyon 6 i annan lezot responsabilite ki al avek sa Board osi ki en dimoun petet avek en perspektiv larz i a kapab ede pou donn en lopinyon, me mon krwar sa formil ki’n propoze i en bon solisyon.

Lo sa ki Onorab Ferrari in mansyonnen an term lakantite dimoun, rezon ki i en pe plis 5 lakantite i 5 se nou pe gard antet, ki parfwa ou annan sa bann dimoun i bezwen pran konze, tou sa bann dimoun i bann dimoun ki permanant dan Lopital e ou ava war dan Clause (7) ki en quorum i zis 3, alors en quorum i ptipti, me nou anvi en pool ki enn pti pe gran, pou ou kapab toultan akoz i pe zwenn tre souvan.

I pe zwenn o mwen en fwa par semenn minimum.  Me tanzantan i bezwen fer bann meeting enn pti pe irzan oubyen par email avek 3.  Avek 3 i kapab fer en desizyon.

Savedir i kapab bouz vitman baze zis 3.  Me rezon ki nou bezwen en total 7, se akoz nenport ki moman ou kapab annan ki’n al konze an menm tan eksetera ki kree enn pti pe difikilte, pou nou kapab bouze.  Mersi.

 

MR SPEAKER

Mersi Minis.  Onorab Basil Hoareau.

 

HON BASIL HOAREAU

Mr Chair savedir sa ki nou pe agree la se an relasyon avek Sub-Clause (3) nou pe dir poudir dir i pou lir ‘the Chairperson, Deputy Chairperson and 4 members of the Board shall be specialist working in or employed’ mon krwar nou ava dir ‘employed in the health centre of the Government and one member who shall be a person with medical background’ –  one member who shall who shall be a person with medical background. ‘

So nou’n agree lo la.  E prezan nou a kontinyen avek lezot amannman nou pe fer.  I annan lezot Sub-Clause 5 ki nou pe dir introduce dan Clause 5 ki’n mete – nou pe – well nou’n met 5an la.  Nou pa konnen i depan lo range ki nou pou mete.  Zis pou annan sa time limit.

Akoz pou le moman letan nou pou gete napa en lifespan pou sa Board.  It seems i ti pou go indefinitely.  

So la nou pe met sa Clause 5 poudir i pou annan en time limit e in ganny sizere koman 5 an.  Mon pa konnen.  E sa i lamannman ki nou pe propoze.

MR SPEAKER

Mersi Onorab Hoareau.  Onorab Ramkalawan.

HON WAVEL RAMKALAWAN

Mr Chair mon konpran sa eleman 5an, me selman mon krwar la koriz mwan ki pou dir bann spesyalis ki vin travay isi zot travay pou mwens ki 5an.  So mon krwar 3an would be i pou fer plis… 3an …

 

MR SPEAKER

Yes Minister.

 

MINISTER JEAN-PAUL ADAM

Mersi Mr Chair e mersi Onorab, annefe bazan osi ki sa Board pou zwenn vreman souvan travay i en pe bokou i bon petet fer li enn pti pe pli kourt 2 a 3an, 3an petet

 

MR SPEAKER

Alright.

HON BASIL HOAREAU

Ok so nou replace ‘5’ by ‘3?’

MR SPEAKER

Ok continue Onorab Hoareau.

HON BASIL HOAREAU

Apre i annan se enn i pa dan sa dokiman ki’n ganny sirkile; nou pe sizere propoze pou nou enkli osi en new Clause – Sub-Clause (6) . E li i pou lir koumsa.  The Board may co-opt any expert as maybe considered necessary to determine request for overseas diagnosis and treatment.’ 

So basically nou annan Board me parey Onorab Pillay ti pe mansyonnen i annan diferan spesyalite dan medikal.  Si ou annan 5 menm si ou annan 6 spesyalis i annan lezot petet zot pa pou spesyalis dan tou domenn.  So dan en domenn zot pou bezwen en expert zot kapab co-opt en expert – ok?

Apre dan paragraf nou still dan Clause 6 nou al dan Clause 6 ki nou pe propoze dan paragraf (b)  …

 

MR SPEAKER

5 (6)…

HON WAVEL RAMKALAWAN

Sa ki Onorab …

HON BASIL HOAREAU

I pou vin 5 (6.

HON WAVEL RAMKALAWAN

I vin ‘5’…

HON BASIL HOAREAU

Nou pou annan 5 (5) apre la i pou 5 (6).  Apre dan Clause 6 paragraf (b) pour le moman i dir ou ‘evaluate and approved or otherwise the request for treatment abroad.’

Nou pe dir ranplas ‘approved otherwise’ par mo determine.  So i pour dir, ‘determine’ apre ‘replace treatment abroad with overseas diagnosis and treatment aboard’ ki nou’n fini define.  

So i a lir ‘evaluate and determine the request for overseas diagnosis and treatment.’

Apre paragraf …. Apre dan (e) (f) ankor parey nou’n fer dan (e)(f) ankor menm parey nou ti’n fer (e)(f)(h) dan Clause 6 nou ranplas ‘persons’ by ‘patients’ – ok?

E apre petet i annan en lot dan paragraf (i) Clause 6 paragraf (i) kot i dir, ‘in considering the applications for refund’ tir the word ‘the.’

I a lir, ‘in considering for applications for refund.’

Clause 7.  Clause 7 si nou pran Clause 7 (1) ki i pa dan sa papye ki’n ganny sirkile li, kot i dir ou konmela ‘the Board’ prezaman i pe dir ‘the Board shall meet at least once in a week to discuss cases and other issues.’

Nou pe sizere pou tir sa mo ‘at least once in a week’ with ‘not less than once a week.’

I lir enn pti pe pli byen en pti pe pli formel. ‘not less than once a week.’  So i a dir ‘the Board shall meet not less than once a week to discuss cases and other issues.’

 

MR SPEAKER

Yes Onorab Ramkalawan.

 

HON WAVEL RAMKALAWAN

Mr Chairman mon ti ava dir fer en pe parey avan ou pa bezwen mete ‘to discuss cases and other issues’ because this is what the Board is set up to do.  So ‘the Board shall meet not less than once a week’ – byen.  Full stop. Byen.

 

MR SPEAKER

Dakor? AG akseptab? Minister? Yes? Carry on Onorab Hoareau.

 

HON BASIL HOAREAU

Mersi Mr Chairman. Ok savedir nou pe dir ‘the Board shall meet not less than once a week.’  Full stop.  Yeah.   

Mr Chair apre nou al dan Sub-Clause (4) number 3 – number ranplas li avek the word ‘three’ zis pou fer pli formel rather than…

 

MR SPEAKER

Yes Onorab Ramkalawan?

 

HON WAVEL RAMKALAWAN

Si ou pe ranplas sa 3 pou ou met li  three -‘t.h.r.e.e.’ in that case pou ou consistent, then 5 (1) ti ava replace 5 with f.i.v.e.

 

HON BASIL HOAREAU

Yes.  Bon.

 

MR SPEAKER

Carry on Onorab Hoareau.

 

HON BASIL HOAREAU

Mr Chair apre i annan sub-clause (6) of Clause 7 ankor i annan bann mo ki surplusage to requirement i dir ou nou zis nou dir, i pe dir la pou le moman i dir ou, ‘the decision of the Board shall be on a case-by- case basis giving weightage to the expert opinion to the specialty or discipline to which a person belongs’ nou pe dir tir tou sa bann mo ‘giving weightage to the expert opinion of a specialty or discipline to which a person belongs.’

         Nou pe zis dir tir tou sa bann mo ‘giving weightage to the expert opinion of a specialty or discipline to which a person belongs, Nou pe zis dir, i a read ‘a decision of the Board shall be on a case to case basis.’ Full stop.  Mr Speaker apre nou pe sizere …

 

HON SEBASTIEN PILLAY

(Mic Off)

 

MR SPEAKER

Yes Onorab Pillay.

 

HON SEBASTIEN PILLAY

Yeah.  Mon pe zis get en propozisyon lamannman ki Onorab in fer la.  Be sa Board par egzanp ler bann specialist pou donn zot desizyon mon krwar i enportan, sa spesyalis ki sa i son domenn i son desizyon i ganny pran an konsiderasyon.  Mon krwar sete sa nide deryer sa Clause.

Whilst nou oule fer tou keksoz vin enn pti pe kler e neat, i annan landrwa kot nou bezwen apresye lenportans, ki rol ki sa bann dimoun lo sa Board i zwe.  Mon pa konnen si petet Onorab Hoareau i annan keksoz pou dir lo la.

 

MR SPEAKER

Zot deza spesyalis.

 

HON WAVEL RAMKALAWAN

Sa parey nou dir i sous entendue.  I mean en spesyalis en orthopedic i pour obviously vin donn lopinyon list orthopedic e lot Gynae pou al plis lo Gynae e ki sa Board li menm li obviously letan Minis pe nonm sa Board i pou swazir bann diferan spesyalite ki pou kouver en gran scope.

E ki sa sakenn avek son spesyalite.  So mwan mon krwar ki pou annan case-by-case basis i sous entendue ki sak dimoun pou donn son … pou al lo son ekspertiz.

 

MR SPEAKER

Mersi Onorab.  Onorab Basil Hoareau.

 

HON BASIL HOAREAU

Mr Chair mwan osi mon pou dir sa i dir tousel.  I dir tousel pou dir si Board in koronpi en expert pour dir i pou pran ankont.  O kontrer petet danze ki nou pe al ladan si nou met sa, it’s as if Board i bezwen donn en extra weight to sa ki sa expert in dir.

Mon krwar in dir tousel pou dir i pour pran kont tou bann facts and issues ki ganny lay before it.

Mr Chair apre nou pe propoze zis pour fer sir ki i annan sa latransparans i la parske bokou fwa ou kapab annan en sityasyon kot en pasyan i vini i dir ou koumsa pour dir be Board in turn down mon laplikasyon.  In dir pour dir mon pa pe kapab al overseas.

E ki nou pe dir Board pa kapab zis fer sa. Board i bezwen donn en rezon, rezon kler e valab. Alors ki nou pe sizere se ki nou insert en new Sub-Clause 7 ki pour lir, i annan son wording la me apre ki nou’n koz ek AG, avek Minis nou pour zis sanz son wording, me selman i pour reste parey. Pour le moman nou pe dir pour dir sa Clause 7 ti pour lir; ‘the Board shall provide a reason decision in writing. ‘

Apre ki nou’n diskit avek AG avek Minis, nou’n dir ok nou a dir ‘the Board shall provide the reasons for its decision in writing.’  Ok?  

So i fer pour dir lenportans se ki desizyon i bezwen ganny donnen.  E sa i a permet sa pasyan pour li take son sa desizyon further to be reviewed devan Appeal Committee. Be i kapab prezan dir be lala rezon e sa rezon pa korek.

 

MR SPEAKER

Yes Onorab Ferrari.

 

HON JEAN-FRANCOIS FERRARI

Excuse me, it is understood that the reasons given in writing shall remain the property of the Board.  It is not a decision that is then going to be handed over to the patient, because it is a medical diagnosis – finalman.

So it’s an, non nou konpran byen pour dir sa desizyon an ekrir pour piblik deor ki pe ekout nou, ki piblik i konpran ki sa i pa bann desizyon ki pour ganny ekrir apre pour donn sa pasyan. I pour entern.  I pour bann desizyon entern.

 

MR SPEAKER

En moman Onorab Ferrari.  Minis.

 

MINISTER JEAN-PAUL ADAM

Mersi.  Mersi Chairperson e Onorab.  Annefe petet i bon ki Onorab Ferrari, mon ti pe al donn ou tit dokter, ki Onorab Ferrari in eksplik sa eleman konfidansyalite ki enportan, sa eleman i enportan. Me fodre nou rapel osi ki tou desizyon konsern en pasyan, sa pasyan i annan dwa annan akse avek sa desizyon konsernan son lekor. Alor wi sa dokiman pa pour ganny pibliye me sa pasyan konsernan i pour annan akse avek sa dokiman e byensir bann manm lo bord pour annan akse avek sa bann dokiman. Me Se tou i fini lanmenm, napa, i pa kapab ganny distribye pli larzman ki sa.  I pa kapab ganny pibliye. Me sa pasyan li kantmenm i annan sa drwa akse annan akse avek sa.  Mersi.

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

Mon oule zis le met devan latansyon nou Lasanble ki nou fek pas the Access to Information Act e prezan li sa boug ler in ganny son larepons ki i fer avek sa?  Sa i son swa.

 

MR SPEAKER

Mersi Onorab De Commarmond.  Onorab Churchill Gill.

 

HON CHURCHILL GILL

Mr Speaker dan menm laliny, akoz sa pasyan i devret akoz sa desizyon in ganny pran akoz li. So li i devret natirelman annan akse avek sa lenformasyon.

Me selman zis en keksoz ki nou bezwen klersi akoz Onorab Hoareau in dir.  Si sa kliyan i annan en landrwa i anvi challenge sa desizyon.  Si i pour kapab al ek sa pour montre lala laprev sa desizyon ki zot ti dir mwan mon pa pour kapab ale. Mersi.

 

MR SPEAKER

Mersi Onorab Gill.  Yes Onorab Ramkalawan.

 

HON WAVEL RAMKALAWAN

Onorab Hoareau mon krwar in fini avek Clause 7.  Non?

 

MR SPEAKER

I annan sa dernyen pwen pour renumber? Nou ankor lo Clause 7.

 

HON WAVEL RAMKALAWAN

Ou pe al azout ankor en keksoz?  Ok.

 

MR SPEAKER

Yes Onorab Basil Hoareau. Onorab Ferrari.

 

HON WAVEL RAMKALAWAN

Non lo the present 7, mon konnen i pe ganny renumbered. Parski dan … ok letan ou pe dir dan Sub-Clause 7 Sub-Clause 8.

 

MR SPEAKER

Akoz in fer antre en nouvo Sub-Clause.

 

HON WAVEL RAMKALAWAN

 Wi, wi ok be the new Sub- Clause parey i ete la. Ok premyerman nou bezwen tir sa mo ‘person’ ranplas li avek ‘patient.’ ‘A patient.’

E apre sa deza la mon ava fer antre, mon konnen pli tar nou pour al lo part 8 sa ki dan Bill pe apel Appeal Committee. Sa i en soz Angle, it’s an Appeals Committee. Or fodre ou al lo ‘Appeal’, parski i annan en zwe la.

An Angle se swa en Appeals Committee, oubyen Appeal Committees.  I annan sa zwe, so let’s correct it and it’s called an Appeals Committee.  Mersi.

 

MR SPEAKER

Ok.  Onorab Basil Hoareau.

 

HON BASIL HOAREAU

Mr Chair mon krwar le pwen in ganny fer pour dir i pour enportan ki sa pasyan i ganny sa lenformasyon.  Akoz sel fason pour li nobou challenge e i konnen kwa ki’n ganny… lo kwa ki sa desizyon i baze.

E prezan ki pour arive Mr Chair, se otomatikman apre Clause 7 nou pour renumber Clause, akoz nou’n insert en new Clause 7, savedir sa Clause existing Clause 7 i pour vin now Clause 8.  Clause 8.

 

MR SPEAKER

Bon eski, mwan pe met devan zot, eski nou ava pran en Break la an vi ki i reste detrwa Clauses Oubyen nou kontinyen, nou ale nou fini? Bon i annan ankor sa 6 pour nou kontinyen. Onorab Basil Hoareau.  Ok?

 

HON BASIL HOAREAU

Mr Chair prezan nou’n ariv kot Clause, Clause 8.  Clause 8 la kot sa paragraph (a).

Paragraf (a) nou ti’n, papye ki’n sirkile pe propoze ki nou delete sa paragraph all together. Fer en complete deletion. Me apre ankor ki nou’n annan en enteraksyon avek Minis ek AG, e apre ki mon krwar Minis in eksplik en pe sa fason ki mannyer an pratik i marse sa bann aplikasyon, i vin through a specialist ki anmenn sa kot Board.

E pour nou kit sa nou pe dir prezan Clause (a) should read thus, ‘the patient has been referred to the Board through a specialist employed in the health service of the government.  Sa i pour vin (a).

I dir ki mannyer sa pasyan pou’n ganny refer to the Board.  Apre – savedir sa bann lamannman dan, dezyenm lamannman ki nou ti pe dir amann paragraph (b) koman (b)(c)(d), (a)(b), (b) and (c) i tonbe akoz nou pe kite paragraph (a).  So that will go.

 

MR SPEAKER

E petet zis referans ‘person’ ladan i a sanze i a vin ‘patient’ partou.

 

HON BASIL HOAREAU

Yes pour annan.  ‘The person has received, should be the patient has received, shall received all possible treatment.’ Yes sa i pour refer koman en patient.

Par egzanp (b). ‘The patient shall have received.’ Aktyelman nou pour ofer en lamannman osi dan sa Bill kot i dir ‘shall have received. ‘  

        ‘The patient has received’ – all possible rather ‘shall have.’ ‘The patient has received all possible treatment.’ Ok dan paragraph (b) dan paragraph.

Apre kot Clause 8 anler dan son chapeau kot i dir ‘on fulfilling the following’, nou a dir tir ‘on fulfilling the following’ nou a dir tir ‘on fulfilling the following’  e read ‘where.’

So ‘to have access to overseas treatment and diagnosis where’ apre la i sa bann paragraph i swiv.  I swiv.

E Mr Chair apre ki nou pe propoze e la kot pour annan ankor dan paragraph (g). Paragraf (g) ankor ‘person’ i ganny ranplase par with the word ‘patient.’ ‘The Board has taken a decision to send the patient overseas for diagnosis or treatment.’ So basically kot nou vwar ‘person’ li osi i a ganny sa mo ‘person’ e i a ganny ranplase par the word ‘patient.’

La prezan pour nou shed light lo sa issue specialist ki nou ti pe define, la prezan nou pe propoze pour annan en new Sub-Clause 2 avek Clause 8.

Pour annan en new Sub-Clause 2, e li i pour lir koumsa.

For the purpose of section 8, (c) specialist shall include a specialist not employed in the health service or the government.’

E si ou get 8 (c), 8 (c) i dir ek ou ‘a specialist who was taking care of the person has filled in’sa ‘other patient ‘ankor i pour vin ‘patient’ – ‘has filled in and forwarded  referral forms. ’

Savedir ki nou pe dir la se ki sa specialist la pa neseserman bezwen en dimoun ki employed sa.   I kapab pran sa ka parey ki Onorab Ramkalawan ti pe ofer pli boner, kot en dimoun in annan son specialist, i pe ganny tretman ek son specialist dan prive.  Son spesyalis dan prive i kapab refer sa kot the Board. Sel keksoz ki ganny fer se ki i anvoy kot en spesyalis kot Gouvernman e li i transmit sa to the Board for practical purpose.

 

MR SPEAKER

Ok. So i pour vin Clause 8, (2).  Yes Onorab Ramkalawan.

 

HON WAVEL RAMKALAWAN

Sanmenm sa ki mon pe al dir. Si i pe vin, dan sa ka nou bezwen annan 8, (1), ou’n miss 8 (1), so nou bezwen annan en (1) e apre 8, (2).

Me zis mon ti ava kontan si Onorab Hoareau ti ava lir ankor son 8, (1) (b) ki mannyer i lir.  8, (1), (b).  B.

 

HON BASIL HOAREAU

I pour dir ‘the person of a patient now,’ i pour read ‘the patient has received.’ Olye ‘shall have’.

 

MR SPEAKER

Yes Onorab Ramkalawan.

 

HON WAVEL RAMKALAWAN

Lo son Angle kekfwa fodre kekfwa fodre nou fer en pti, ‘shall have’, ‘shall have’ i mon krwar is the correct one. Akoz i pe montre ki pour dir sa dimoun in resevwar to – ‘shall have received’ is correct. Mon krwar Attorney General i spot- on, ‘shall have receive’ i montre ki poudir sa dimoun in resevwar tou tretman posib. Parski…

 

MR SPEAKER

Nou ava – Onorab Pillay.  Mon vwar ou pe…

 

HON BASIL HOAREAU

Mon pa war li lir well actually le ou dir li ‘shall have received.’ ‘Has received’ also i dir ou, ou’n fini resevwar. Ou’n fini gannyen.  ‘Has received.’

 

MR SPEAKER

Annou, mon krwar tou le de Manm pe esey fer menm meaning.

 

HON BASIL HOAREAU

Mon napa en issue si, me selman mon santi pour dir ‘has received ‘i en pti pli … pour mwan dan mon zorey mon tann li sound pli byen, rather than ‘shall have received.

 

HON WAVEL RAMKALAWAN

Mr Chairman, si ou pour dir ‘has’ ou pour bezwen annan en ‘that’ avan; ‘that the patient has received all possible.’  Si ou napa sa ‘has’ ou pour bezwen swiv from anler pare you konnen; ‘on fulfilling the following.’ Ok?  ‘On fulfilling the following.’  Si ou pe dir ‘the patient has received’ – I don’t see it….  Anyway…

 

MR SPEAKER

Bon. I annan en pti … ok?  I annan bann amannman osi ki Onorab Georges ti’n fer.

 

HON BASIL HOAREAU

Sa i egzakteman sa ki nou pe lir sa pti bout la i sorti kot Onorab Georges.  E mon dakor avek li mwan.  Mon dakor ek Onorab Georges lo sa enn mwan.

 

MR SPEAKER

Menm dan son labsans i ti’n dir ‘shall have,’ i ti’n ranplas ‘shall have’ avek ‘has.’  Ok? Yes Onorab Pillay.

 

HON SEBASTIEN PILLAY

Mr Chair zis en pti propozisyon ki Onorab Georges ti pe fer osi sete osi ki dan plas met ‘filled in’ nou met completed, ‘has completed.’

Dan 8, (c)has completed’ akoz mon krwar i sound pli byen akoz in terms of sa dokiman ki bezwen submit devan sa Board.

 

HON BASIL HOAREAU

So nou’n dakor lo Clause 8 mon krwar, i ok.  Savedir nou pour zis pour klarifye sa ki Onorab Ramkalawan in dir, nou pour annan en 8, (1) apre nou annan sa 8, (2). Nou pour move lo Clause 9.  Savedir la ‘there shall be an Appeals Committee.’

 

MR SPEAKER

Petet o menm moman nou regard marginal note.

 

HON BASIL HOAREAU

Ok. ‘Appeals Committee’, it’s ‘Appeals Committees’ it should be ‘Committee,’ it should be ‘Appeals Committee.’ Well spotted Mr Chair.

Clause 9 nou pe dir dan son Clause 3, Clause 2, i dir ou so basically zis pour nou pran ka wherever the word Appeals Committee appears, it should be replaced with ‘Appeals Committee,’ savedir zis pour rikord, olye ki nou pour go through sa mo.                            Dan Clause 2, right i pe dir li ‘Appeals Committee’ me ‘co-opt for an expert.’ Pour met li anliny avek sa ki nou’n mete pour Board, e nou krwar olye dir ‘foreign’, nou replace the word ‘foreign’ with ‘any expert.’

E Mr Chair Clause 9 osi, nou pour fer menm …

 

MR SPEAKER

En moman, en moman Onorab, yes Onorab Ramkalawan.

 

HON WAVEL RAMKALAWAN

Dan 9, (3); to evaluate issues under consideration in Appeal, appeal, should be small (a).

 

MR SPEAKER

Ok. kontinyen Onorab Hoareau.

 

HON BASIL HOAREAU

It should be ‘in the appeal,’ it should be ‘in the appeal.’ The’ in the appeal.’ Yeah.

 

MR SPEAKER

Yes Onorab Ferrari.

 

HON JEAN-FRANCOIS FERRARI

Further up Clause 2 you usually you decide on an appeal.  The Appeals Committee will decide on an appeal or should it write deciding an appeal or deciding on ‘an’ appeal?

 

HON BASIL HOAREAU

(Mic Off)

 

HON JEAN-FRANCOIS FERRARI

An appeal you are happy with that?  Ok.

 

MR SPEAKER

E sa appeal osi par en small (a).  Ok.

 

HON BASIL HOAREAU

Mr Chair apre ki nou pe propoze ankor 2, two new Sub-Clauses to Clause 9, so nou pour annan en Sub-Claws 7 ek en Sub-Clause 8. Sub-Clause 7 ki pour read.The Appeals Committee shall provide reasons for its decision in writing.  Same as Board.’ Exactly.

Apre la nu pour annan the duration of the Appeals Committee, the chairperson and members of the Appeals Committee shall hold office for a term. Nou’n met ‘5 years and shall eligible for reappointment ‘ki nou pe dir ‘three’ now?

 

MR SPEAKER

Ok AG? En moman Onorab Hoareau.  Mon a donn laparol Attorney Generale.  AG.

 

ATTORNEY GENERAL FRANK ALLY

En pti pwen an relasyon avek 9, (3).  I pe montre en pti pe zeneralman bann kalite ki ou bezwen ler ou pe deal avek en appeal. So mon pe zis fer en propozisyon petet pour en minor amendments to evaluate issues and the consideration.

Mon krwar Onorab Hoareau in the appeal, ouswa nou met ‘on appeal.’  Dernyen 2 mo, to evaluate the issues and consideration, ou pe propoz ‘in the appeal’, ouswa si nou dir zis senpleman ‘on appeal?’

 

MR SPEAKER

Yes Onorab Hoareau.

 

HON BASIL HOAREAU

I ok, ‘on appeal’, yes.

 

MR SPEAKER

Ok.  Yes Onorab Pillay.

 

HON SEBASTIEN PILLAY

Mersi Mr Chair. Mr Chair Onorab Georges i annan en propozisyon amannman ki i ti’n fer, wi, wi mon donn kredi where credit is due mon pa bliye Mr Chair.

At (4) nou tou nou’n met any member of an Appeals Committee.  Mon krwar nou pe refer, vi ki nou bezwen, nou pe refer to it as the Appeals Committee, nou bezwen, will be consistent.  Any member of the Appeals Committee – ok?

Prezan with a conflict of interest nou ranplas with ‘who has a conflict of interest.’ AG, i ok?  Ok?  Any member of the Appeals Committee, dan plas ‘an Appeals Committee’ at (4), any member of the Appeals Committee who ‘has’ rather than ‘with.’ Onorab Ferrari ou dakor avek en?

 

MR SPEAKER

Bon si, Onorab Pillay mon krwar ou pe swiv en pti bann amannman ki Onorab Georges ti’n propoze, i annan lezot dan 6 osi, si i annan en pti amannman, minor,submit appeals’ instead of ‘submit the appeals’ 3rd line, 9,(6).

Petet ti ava bon si ou ti ava swiv en pti pe bann amannman Onorab Georges, ‘submit appeals.’  Yeah.  Ok, kontinyen Onorab Hoareau.

 

HON BASIL HOAREAU

Wi, Mr Chair, apre nou pe koz lo Clause 11.  Mon pa konnen si, nou’n fini Clause 9. Mon pa konnen si Onorab Georges ti annan, mon krwar Onorab George i annan dan Clause 10, savedir mon  a les Onorab Pillay ale pour….

 

MR SPEAKER

Yes Onorab Pillay.

 

HON SEBASTIEN PILLAY

Mersi Mr Chair.  Mr Chair enn ki Onorab George pa’n war 10(1) nou pour dir ‘where a patient’ rather than ‘a person’ ‘needs to be transferred overseas urgently for diagnosis or treatment, the specialist concerned.’ Apre kot nou ariv chairperson of the Board for, kot i annan ‘the urgent,’ nou ranplas sa, nou tir sa ‘the,’ so i vin for ‘an urgent approval ‘kot i annan sa of nou tire ‘by the chairperson and at least one other member. ‘ I ok sa.  AG?

 

ATTORNEY GENERAL FRANK ALLY

Mon krwar sa staz –

 

MR SPEAKER

Ok. Yes Minister.

 

MINISTER JEAN-PAUL ADAM

Mersi Chair. Mersi Onorab. Mon eskiz, mon pour lev, i en lot pwen, me i annan relevans ek sa Clause, me mon ti’n devret lev li pli boner.  Me mon pa ti’n realize mwan menm, alor eskiz mwan, enn mon bann koleg dan Minister fek met sa dan mon latansyon.

Akoz Onorab Larue, Onorab Hoareau dan tou bann Clause dan sa Lalwa in ranplas ‘person’ avek ‘patient.’ Mon krwar sa i annord lo baz legal. Lo baz bann prensip Lasante. Annefe dan lespri modern nou tant pour refer avek sa personn, with the person. I pour bann rezon ki sa term pasyan, dan term medikal annefe, mon kapab dir in en pti pe depase.

Mon pe eksplik zot dan konteks nou milye lasante.  Zis mon pe met sa an latansyon la akoz par egzanp tou nou bann dokiman gidans, ki nou pe fer pour formasyon bann profesyonnel i koz lo person- centered care. Nou pa pe telman fer diferansasyon sa dimoun letan i vin dan sistenm lasante i touzour en dimoun. E i pa en moman kot i vin en pasyan. I touzour a person is always a person and therefore we refer to person-centered care.

Mon pe mansyonn sa akoz an term konsistans avek nou bann dokiman Polisi eksetera me mon konsyan osi si i pli pratik, e i pli kler pour gard sa mo ‘pasyan’, in ganny definir, nou pa pour obzekte. Me i enportan pour mwan fer resorti sa pwen lo baz Polisi a sa moman. E mon eskiz mwan ki mon pa’n lev li pli boner, me i ti enportan ki mon met sa pwen devan.  Mersi Mr Chairperson.

 

MR SPEAKER

Mersi Minis.  AG.

 

ATTORNEY GENERAL FRANK ALLY

Mon pe refer lo sa lamannman ki pe propoze par Onorab Pillay an relasyon avek sanz sa Mosyon ‘person’ to ‘patient.’ Mon ekspekte ki Onorab Hoareau i konfortab avek sa baze lo definisyon patient ki in donnen as a person seeking. Because at this point in time sa dimoun pa ankor to some extent ganny approval pour li ganny sa emergency transfer, because where a person needs to be transferred, but it is seeking, so therefore nou pour kouver li anba sa. Very well thank you.

 

MR SPEAKER

Yes Onorab Pillay.

 

HON SEBASTIEN PILLAY

Mr Chair. I annan en clear distinction between seeking and needs akoz la sa Clause i dir i bezwen.  So, ekoute non, needs to be transferred overseas urgently. Savedir avan en dimoun i arive ki i bezwen ganny transferred urgently overseas i bezwen in pas atraver sistenm medikal. So that’s why ki mon krwar sa mo ‘[patient’ i fer sans, i relevan la.

 

MR SPEAKER

E petet la pli ba i mete ‘the specialist concerned’, savedir in fini pas dan lanmen en spesyalis? Yes Onorab Ramkalawan.

 

HON WAVEL RAMKALAWAN

Mr Chairman, si Minis, parski la nou pe koz langaz teknik, if the term is ‘person’, mon krwar ki nou bezwen gard sa terminolozi ‘person.’ Parski si nou pe koz modernizasyon, nou pe koz sa bann keksoz koumsa parski parfwa zot menm refer to a person as the client. Tousala se bann langaz modern, so be nou bezwen, parski nou ti azout en definition.

Wi nou ti define patient.  Wi, parski la the word patient pa pour egziste dan sa Bill.  So nou bezwen tir menm sa definition.

 

MR SPEAKER

Ok Onorab Hoareau.

 

HON BASIL HOAREAU

Mr Chair i annan de fason, nou kit li parey i ete ouswa ki nou fer i senp, zis nou pour dir kot nou annan, kot nou ti pe al define patients, nou tir’ patients’ nou dir ‘person.’  Zis pour fer ki nou pe dir, it means person seeking and or undergoing overseas diagnosis and treatment under this Act.  

So i reste sa definisyon. Zis olye sa nou’n fer.  Be selman sel keksoz Mr Chair, dan Bill li menm la parey mon ti’n dir dan Claws 12, (4), sa mo ‘patient’ in ganny servi dan son original, dan Bill la si ou get Clause 12,(4) ou pour war pour dir of a patient’s condition of health.

So petet la osi nou pour bezwen zis amannman sa bout pour dir ‘a person’s condition of health.’

 

MR SPEAKER

AG?

 

ATTORNEY GENERAL FRANK ALLY

Mersi Mr Chairman. Mon krwar si swa nou pour bezwen pa definir ‘person’ me person i ava annan son ordinary meaning. Akoz si nou definir, nou attempt to nou definir ‘person’ then pour annan en clash avek sa mo ‘person’ dan Seksyon 12.

Mon konpran akoz Onorab Hoareau in fer sa distenksyon ant en ‘pasyan’ avek en ‘person.’ Dan lesans ki si par egzanp ou bezwen refund, then ou pa’n en ‘pasyan’ anba sa Lalwa ou. Me ou’n en dimoun ki’n senpleman pey ou prop medical entervansyon or tretman e apre la ou vin kot Minister Lasante ou demann en refund.

So nou bezwen en pti careful lo la, otherwise nou pour de-balans en pti git sa.  Swa nou pa definir ‘person’ at all. E i ganny son meaning ordiner, ouswa nou definir ‘pasyan’ e nou kit ‘person’ annan son definisyon ordiner.

 

MR SPEAKER

Onorab De Commarmond.

 

HON CHARLES DE COMMARMOND

Mersi Mr Chair. Mr Chair petet ti bon ki nou ganny en leklersisman ler sa Bill ti ganny fer originally se ki lentansyon. Eski sa ki lentansyon ki Minis ek AG pe dir?  Si i koumsa, then nou kit li son ‘patient’ ek son ‘person’ parey i ti ete dan originally dan Bill.  E nou pa fer sa bann amannman ki’n ganny propoze.  Nou les perdi sa bann lamannman, nou retourn parey ti ete avan.

 

MR SPEAKER

Mon krwar nou ti pe act koman bann lay persons, non?  Nou pa ti bann spesyalis.  Onorab Basil Hoareau.

 

HON BASIL HOAREAU

Mr Chair, mwan anyway, mwan mon krwar pour dir si nou kit ‘patients’ i se sa ki si ou ti vwar Mr Chair ki nou’n fer letan nou’n define patients apre kot nou’n fer bann lamannman, nou’n kit Clause 12 koman ‘person.’ Nou ti’n Clause 12 koman ‘person’ for various reason ki AG in mansyonnen se ki nou ti pe fer distenksyon pour dir letan ki ou al demann en refund ou pa en pasyan at this point in time. Ou ti senpleman en dimoun ki’n al lo ou prop volition deor ou’n ganny ou tretman apre la ou pe vin demann en refund.

E nou ti’n dir letan, nou pa ti’n sizere ki dan Clause 12 nou ti pour bezwen sanz ‘person’ with the word ‘patient.’  E nou pe disteng sa de sityasyon e kot en pasyan li sa dimoun ki’n vin kot ou i pe dir gete mon bezwen tretman medikal e fer sa distenksyon.

Mon krwar for the purpose mon pa konnen si mon pe mazin dan en fason legal pour fer sir pour dir be gete nou pe fer sa distenksyon ‘pasyan’ klerman kot en sityasyon kot en dimoun pa en’ pasyan.’

E se sa ki mon ti pour sizere ki malgre ki Minis in fer sorti sa pour dir nou kit sa mo pasyan, sa definisyon parey in ganny sizere, e sirtou e mon konpran par egzanp parey letan mon’n dir ou 12, (4) 12, (4) in deza servi sa mo pasyan li. E mon konpran petet letan dan drafting akoz in servi sa pasyan akoz sa dimoun in fini en pasyan dan son term mon pa konnen, pareyman medikal nepli annan pasyan.

 

MR SPEAKER

Mersi Onorab Hoareau. AG.

 

ATTORNEY GENERAL FRANK ALLY

Mersi Mr Chairman.  Mon pour tonm dakor avek Mr Hoareau dan sa sans, akoz mon krwar i pour anmenn en pe plis klarite. Otherwise nou pour annan 2 mo ki pe try aport 2 definisyon diferan.  En pti pe parey nou pe gannyen dan Bills Committee avek ‘spesyalis. ‘ So mon krwar si nou kit i pa mechant, i we can live with it. E i fer sa lenterpretasyon vin bokou pli kler – san anbigite.

 

MR SPEAKER

Ok.  Onorab Ramkalawan.

 

HON WAVEL RAMKALAWAN

Mwan mon sel konsern se ki demen Minis i al en konferans enternasyonal. I annan son bann koleg Minis. E prezan i tir son overseas treatment, son Lalwa.  Aprezan son bann koleg i dir li be konmsi ou en pe an retar. Mwan se lo sa nivo. Konmsi now that we at it, annou ganny li byen. Annou ganny li byen e mwan mon tandans se pour mwan al avek Minister Lasante, si sa i koumsa – I mean i vin parey ki si demen, konmsi sa mo ‘handicap’ in ganny depase.  I mean ou pour al en landrwa ou pour komans koz lo ‘handicap people.’ Zot pour vire zot pour dir avek ou be non la ankor an retar i annan bann diferan lekspresyon ki ganny servi nouvo pour pa ofanse parski langaz i evolye.

E si sa langaz in evolye e patient in nepli sa ki nou koz lo la, nou pe kontinyen koz lo a person receiving treatment en keksoz koumsa, then mwan pour mwan i sa ki mon pe, i lo sa pwen kot konmsi mon dir nou bezwen ganny sa bon direksyon and…

 

MR SPEAKER

Yes Onorab Hoareau.

 

HON BASIL HOAREAU

Mwan pour dir annou kit sa mo pasyan, mwan sizere akoz mon krwar legalman dan term medikal petet pasyan nepli ganny servi, e me selman term medikal, petet dan Lalwa nou pe servi pasyan, Lopital zot kapab kontinyen dan term medikal, dan konteks medikal pa servi li.

O kontrer mon ti pe mazinen ler Onorab Ramkalawan i dir sa, be si Minis i tir sa Lalwa overseas bann dimoun pour dir kwa Sesel i an avan. Napa bokou pei ki i annan overseas treatment Bill, ou war.  So mon krwar pour dir annou kit ‘pasyan. ‘

 

MR SPEAKER

Alright.  Yes Onorab.

 

HON WAVEL RAMKALAWAN

Ou pour an avan avek ou Overseas Treatment Bill me pour an aryer avek definisyon.  Konmsi annou ganny li byen ki nou ava an avan lo tou.

 

MR SPEAKER

Annou regarde ki Minis i dir.  Minis Adam.

 

MINISTER JEAN-PAUL ADAM

Mersi Mr Chairman, e mersi Onorab.  Mon apresye ki i annan en dezir pour nou esey met sa mo ‘person’ akoz i anliny avek nou lapros en pti pe pli modern.  E parey Onorab in dir deza ki lefet ki nou pe fer sa Lalwa i en keksoz ki pe montre pour dir nou an avan.  Se ki nou pe fer inovasyon e nou pe fer mon krwar, letan, nou, nou’n fer resers, i annan zis en pei ki nou’n war ki annan en lot Lalwa se Malta.  I annan lezot ki annan serten regilasyon.

Me pour annan en Lalwa napa bokou pei, alor nou deza annan inovasyon.  Mon ti plifere an term Polisi annan sa mo ‘person’ akoz i anliny avek nou bann Polisi.  Me mon osi tre konsyan ki ou bezwen fer en Lalwa marse osi avek bann lezot Lalwa ki nou annan.

E mon ti ava kontan gard sa mo ‘person.’ ‘Me mon konsyan ki Attorney Zeneral letan in koze in dir ki an term bann Lalwa petet sa mo ‘pasyan’ pour pli kler e mon pour tant pour nou ferm sa deba kot nou kapab koz lo la pour en kantite letan.

Mon pour tant donn mo final si zot dakor avek Attorney Zeneral, akoz nou bezwen annan en Lalwa ki pour marse e nou ava fer le meyer byensir pour nou eksplike ki sa i toutafe anliny avek nou bann prensip person-centred care.  Mersi Mr Chair.

 

MR SPEAKER

Mersi Minis.  AG?  Ok savedir nou retourn lo ‘person’, ‘patient’, ok?  Nou move on.  Yes, kontinyen Onorab Basil Hoareau.

 

HON BASIL HOAREAU

Mersi Mr Chair. Mr Chair mon krwar nou pe al prezan lo Clause 11, ankor nou’n replace ‘person’ with ‘patient’ kot ‘patient,’ kot ‘person’ i appeared dan sa Clause 11. Clause 12, 12, (1), nou’n, nou pe kot nou pe dir, ‘who opts to bypass the system to go abroad,’ nou pe dir tir sa bann mo ‘go abroad’ e ranplas zot par ‘undergo overseas diagnosis and treatment’ to be in line with, to be consistent with the terminology ki’n ganny servi dan the Act.

 

(Mic Off)

 

HON BASIL HOAREAU

Non, now it will remain ‘a person.’ ‘A person’ remains now. Akoz i pa, i pa ankor vin en pasyan, i pa ankor antre dan sistenm i pa ankor seek or undergo medical treatment under this Act. In fer li an deor.

Se sa ki nou pa pe tous, nou’n kit Clause koman ‘person.’ E apre Mr Speaker, vi ki Onorab Pillay pa la mwan a pran pour Onorab Georges mwan a gete ki Onorab Georges in dir.

 

MR SPEAKER

Onorab Georges dan 10, (2) osi ki nou’n sote.  I annan…

 

HON BASIL HOAREAU

Wi i dan Clause 12 li. Dan Clause 12.

 

MR SPEAKER

Nou’n sot enn osi la. 10, (2).

 

HON BASIL HOAREAU

Onorab George in dir, mwan a donn Onorab Pillay kekfwa i pli konpran lekritir.

 

MR SPEAKER

Onorab Pillay, petet nou pour bezwen go back, 10, (2) Onorab Georges in fer en propozisyon.

 

HON SEBASTIEN PILLAY

Mersi Mr Chair.  Mr Chair ti en propozisyon ki mon ti’n diskit avek Onorab Hoareau avan. Dan 10,(2) i annan sa referans ki sa Clause i fer avek sa Clause (1), 10(1).

E Onorab Georges ti pe propoze ki nou retir sa premye bout ki dir ‘where a decision under subsection 1 has been brought to the notice.’ E nou komans sa paragraph kot nou dir ‘the Manager,’ e mou retir ‘he or she,’ ‘the Manager shall make immediate management to transfer the person overseas for diagnosis or treatment.’ Rather than i annan tou sa bann buzz and whistles avek.  Mon pa konnen si AG’s office i ok avek sa.

 

MR SPEAKER

 AG ou ok ek sa?

 

ATTORNEY GENERAL FRANK ALLY

Mon krwar i ti pour pli meyer si nou kit ‘where decision has been brought to the notice of the Manager.’ Because anba seksyon 10, (1) se i pe koz lo kot i annan en urgent need for approval.  Ou war? Me approval pa ankor.

 

MR SPEAKER

Yes Onorab Pillay.

 

HON SEBASTIEN PILLAY

Mr Chair mon pour agree avek AG akoz si ou pour met sa 10, (2) parey, without sa premye bout la i pour donn li en lenplikasyon zeneral.  Dan plas ki i pe fer specific reference tou sa provizyon ki’n ganny enacted anba 10, (1). Savedir i annan en koneksyon ant le de.

 

MR SPEAKER

Savedir i reste parey.

 

HON SEBASTIEN PILLAY

Yes Mr Chair.

 

MR SPEAKER

Ok. 10(3).

 

HON SEBASTIEN PILLAY

Ok Mr Chair i annan sa kot dan 10,(3) 3rd line kot sa mo reasoning Onorab Georges in propoze kot nou dir senpleman ‘shall record their reasons’ apre kontinyen.  E kot i annan sa mo for filing nou tire, nou kontini sa fraz kot ‘to the Manager.’

 

MR SPEAKER

 Bon 11 i ok, nou ti’n ariv lo 12 avek Onorab.  Oule pran pour Onorab Georges avan apre Onorab Basil Hoareau i a antre?

 

HON SEBASTIEN PILLAY

Mr Chair si i – ale.

 

ATTORNEY GENERAL FRANK ALLY

Mr Chair petet rather nou ti kapab enkli ‘shall record the reasons for their decision.’ Non? ‘The chairperson and the member involved in the decision referred to in subsection 1 shall record the reasons for their decision within 48 hours of their decision and forward the same to the Manager.’ So for filing will not be. Thank you.

 

HON SEBASTIEN PILLAY

Mr Chair 12 Onorab Georges ti pe dir sa Clause ki Onorab Hoareau in refer to sa writing la. i ti pe dir lo sa dezyenm fraz tir ‘bypass the system and go’, pour zis dir ‘who opts to travel abroad.’ ‘Who opts to travel abroad’ olye ki nou dir ‘bypass the system and go.’

Apre the Clause i kontinyen kot nou ariv on the 3rd line, last word, the word the, nou tir sa e i zis kontinyen of expenses incurred.  Mon pa konnen ki Onorab Hoareau i annan pour dir lo al Mr Chair.

 

MR SPEAKER

Yes Onorab Basil Hoareau.

 

HON BASIL HOAREAU

Mr Speaker zis pour non combine sa 2 petet sa ki mwan mon ti’n sizere avek sa ki Onorab in sizere ki mon pe dir, nou a fer li koumsa. ‘Subject to subsection 2, 4 a person who opts to undergo overseas treatment overseas diagnosis or treatment on his or her own initiative’ akoz ou’n fini define pour dir ‘it’s outside of Seychelles.’ I pour li, olye dir ‘travel’, zis nou dir ‘a person, who opts to undergo overseas diagnosis or treatment on his or her own initiative prior approval.’ Prezan i kontinyen lir byen.  Ok?

 

MR SPEAKER

Yes Onorab Pillay.

 

HON SEBASTIEN PILLAY

Mersi Mr Chair mon napa problenm ek sa, 12, (2) Mr Chair, 12, (2) (a) Onorab Georges in fer en propozisyon lamannman kot i annan sa mo ‘fallen ill’ kot i annan sa mo ‘necessitating,’ kot in dir ‘a person has while overseas,’ dan plas met ‘fallen ill’, has, nou met sa mo ‘while.’ ‘Has while overseas required urgent treatment.  Has, (comma), Mr Chair, Has, (comma), while overseas required urgent treatment.’  Si i ok avek AG’s office?

 

MR SPEAKER

Annou kontinyen Onorab.

 

HON SEBASTIEN PILLAY

Mersi.  Mersi Mr Chair. Mr Chair, 12, (2)(b), a person had travelled overseas, had, dan plas met gone, nou delete ‘who’, ‘a person had travelled overseas for a second opinion and was diagnosed with a disease which was not diagnosed in Seychelles and which needed immediate treatment.’ Ok.

Mr Chair 12, (c) bear with me, a person, presizeman 12, (c) i en pti pe parey, 12 , (1), mon pa konnen si Onorab Hoareau i oule reget sa wording pour li fer sa wording en pti pe pli parey pour li. Ou a donn Onorab Hoareau 2 pti minit pour regard sa Mr Chair.

 

MR SPEAKER

A person opted.

 

HON SEBASTIEN PILLAY

Alright Mr Chair propozisyon lamannman i koumsa; ‘a person opted to travel overseas for routing medical checkup and was diagnose with a disease that needed urgent treatment.’ So ‘a person opted to travel overseas for routine medical checkup and was diagnose with a disease that needed urgent treatment’.  So la nou fer provizyon pour en dimoun ki’n al rod en diagnosis overseas e la in war sa sityasyon e i in need e i bezwen sa tretman.

 

MR SPEAKER

Yes Onorab Hoareau.

 

HON BASIL HOAREAU

Mon pe mazinen Mr Chair si pa ti pour lir en pti pe pli byen si nou dir ‘a person who opted to undergo a routine medical checkup overseas then got diagnose with a disease,’ yeah – ok ‘to undergo.’

 

MR SPEAKER

Ok? AG or Minis.  Ok?  Alright. Annou kontinyen.

 

MINISTER JEAN-PAUL ADAM

Mon krwar sa i ok Mr Chair.

 

MR SPEAKER

Ok.  AG.

 

ATTORNEY GENERAL FRANK ALLY

Mon pour retourn 12, (2) (b), dan tou sa bann sib-seksyon nou’n servi sa lekspresyon ‘urgent treatment’. Par kont isi nou’n servi ‘immediate treatment.’ Eski Lasanble, sa Komite i konfortab avek ‘immediate,’ or petet nou ti a prefere ‘needed urgent treatment.’ Par fwa menm Lasante si i annan en, parey dan (a) selman si i annan osi en acute condition.  So vi ki nou, for consistency purposes si nou servi sa lekspresyon ‘urgent treatment?’ Akoz i…

 

MR SPEAKER

Ok?  Aksepte?  Annou kontinyen.  Onorab Pillay.

 

HON SEBASTIEN PILLAY

Subsection 12, (4) Mr Chair. Mon pa konnen si Onorab Hoareau ti annan okenn lamannman. So 12,(4) for the purpose of subsection 3 i annan 1,2,3,4, the fourth line, ‘patient’s condition of health.’ Prezan Onorab Georges pe propoze ki nou delete sa mo ‘or performing ‘pour vin ‘a wrong procedure performed,’ konmsi lo sa menm laliny AG, i ok sa – non?

 

MR SPEAKER

Alright.  Annou kontinyen.

 

HON SEBASTIEN PILLAY

Subsection 13. Mon pa konnen si Onorab Hoareau ti annan okenn lamannman, okenn lezot dimoun.  So subsection 13, propozisyon lamannman ki nou annan se ‘accommodation and transport facilities to a person approved for overseas diagnosis and treatment shall be provided in such manner as may be prescribed.’ E la i koz lo sa bann preskripsyon posibleman par Regilasyon.  Thank you.

 

MR SPEAKER

Ok?  Yes Onorab Basil Hoareau.

 

HON BASIL HOAREAU

Mr Chair prezan nou al lo Clause 14, 14 ankor dan paragraf (e) of Clause 14, (2) paragraph (e) nou tir ‘person’ nou met ‘persons’, sa voyaz ‘persons,’ nou met ‘patients,’ plural.  E paragraf (f), nou tir person singular e nou ranplas li par’ patient ‘apre kot i dir pour le moman i dir ou ‘the manner in which escort facilities are to be provided for a person’. Nou pe dir for ranplas li with ‘to’ – ‘to a person’ e that’s it.

E apre Mr Chair si ou permet mwan zis konsistan avek sa subsection ki nou ti, nou’n propoze dan mon krwar section, Clause 1. Prezan kot nou pour azout en mon pe propoze nou azout li koman (f) koman the new (g), new (h) rather ki pour lir i ava lir pour dir ‘the exceptional circumstances applicable to section 1(3) kot nou pe pour Minis i kapab fer regilasyon pour preskrir bann special exceptional circumstances ki nou pe dir kot Board i kapab konsider pour en dimoun ki en sitwayen Sesel me pa domicile Sesel.

And then the new the existing (h) would become (i), be mon sipoze Onorab Georges i annan en sipozisyon pour li an retir sa (h) konpletman, sa existing (h), nou a vwar rezondet mon pa konnen.

 

MR SPEAKER

Onorab Pillay.

 

HON SEBASTIEN PILLAY

Mersi Mr Chair. Mr Chair wi i annan en propozisyon pour retir sa (h) ki dir ‘any other matter which is required to be prescribed.’ Mon krwar dan en Lalwa ler ou dir ou donn, ou met regilasyon i sous entendue ki ou pour prescribed zis bann keksoz.

Me selman 14, (2) ti’n fer sa bann derogasyon, me still mon krwar malgre ki 14, (2) i la, 14, (1) i stand.  Mon pa konnen ki AG i panse lo la.  Mersi Mr Chair.

 

MR SPEAKER

Onorab Basil Hoareau.

 

HON BASIL HOAREAU

Mr Speaker mon vwar akoz Onorab Georges in fer sa.  E i annan tou rezon parske dan (h) ou pe dir, dan existing (h) ou pe dir e nouvo ‘matters which is required to be prescribed,’ yet dan 14, (1) ou’n fini dir, ‘the Minister may make regulations for carrying out provision of this Act.’

So ou’n fini kouver sa, so you don’t need the existing (h). So (h)  i a ganny ranplase par sa nouvo (h).  Pour annan en (h) selman i pour worded differently.

 

MR SPEAKER

Alright.  AG, ou ok lo la?

 

ATTORNEY GENERAL FRANK ALLY

Yes.

 

MR SPEAKER

Bon eski i annan ankor okenn lezot amannman ki bann Manm i oule bouze? Mon krwar pa. Nou … Yes Onorab Ferrari.

 

HON JEAN-FRANCOIS FERRARI

Zis en keksoz we might kekfwa nou’n kapab manke, mwan mon’n manke an tou ka, eski okenn, dan okenn moman nou devret prevwar nivo reimbursement? Konmsi eski nou devret gard en nivo fleksibilite, whether it should be in part or in full? Akoz mon pa konn lapratik dan ki egziste konmela. Me kekfwa Minis i ava gid nou, e nou ava gete si nou devret fer en provizyon pour permet en part reimbursement or a full reimbursement.  Mersi.

 

MR SPEAKER

Yes Minister.

 

MINISTER JEAN-PAUL ADAM

Mersi Chair e mersi Onorab.  Lentansyon sete pour adres sa dan Regilasyon si i neseser.  Lapratik aktyel se ranboursman i selon bann landrwa kot nou anvoy dimoun.

Savedir aktyelman nou anvoy dimoun dan Lopital dan L’Inde, Sri Lanka, La Reunion e dan serten ka osi Maurice.

Me an zeneral se sa bann destinasyon.  E nou fer ranboursman pour lo labaz sa ki sa bann prosedir ti pour koute si ou anvoy dan sa bann landrwa.  Ok, se sa labaz dan Polisi avek nide ki nou ti pour met sa dan Regilasyon.

 

MR SPEAKER

Bon nou kapab, nou pran en vot lo bann amannman ok?  Bann amannman ki’n ganny propoze devan lo Overseas Treatment Bill dan Lasanble.  Nou kapab pran en vot?  Tou Manm ki an faver bann amannman?

Okenn Manm ki kont. Non annou refer ankor, tou Manm ki an faver amannman?  Show of hands.

Okenn Manm ki kont?  Onorab Ferrari ou kont? Non?  Tou Manm in vote Madanm Clerk?

 

MADAM CLERK

Mersi bokou Mr Chair inanim.  25 Manm an faver e personn kont. Mersi.

 

MR SPEAKER

Tou Manm prezan in vote.   Bon nou kapab retourn dan Komite of the Whole Assembly?  Nou kapab ganny en Mosyon pou Third Reading?

 

HON CHARLES DE COMMARMOND

Thank you Mr Speaker.  Mr Speaker anba Order 71, (1) nou Standing Order mon oule move ki Overseas Treatment Bill, 2018 as amended, i ganny lir en Trwazyenm Fwa.

 

MR SPEAKER

Mersi Onorab De Commarmond. Okenn Manm ki segonde?

 

HON SIMON GILL

Mr Speaker Mosyon i ganny segonde.  Mersi.

 

MR SPEAKER

Mersi.  Mon krwar nou pa pran en vot lo sa moman la. Zis mwan ava demann, i annan okenn lezot, yes Onorab De Commarmond. Non, non, nou pran en vot.  Sa i bann, anfen mon konnen akoz i bann keksoz ki nou pe diskite dan review of the Standing Orders.  Ok annou pran en vot, nou ankor pe servi the old Standing Orders.  Annou pran en vot lo sa Mosyon pour Third Reading.  Tou Manm ki an faver?  Okenn Manm ki kont?  Madam Clerk?

 

MADAM CLERK

Mersi bokou Mr Speaker 25 Manm an faver e personn kont.  Mersi.

 

MR SPEAKER

Mon kapab ganny en Formal Third Reading?

 

MADAM CLERK

Mersi bokou Mr Speaker.  This Act may be cited as the Overseas Treatment Act of 2018 and shall come into operation on such date as the Minister may by notice publish in the Gazette appoint.  Mersi Mr Speaker.

 

MR SPEAKER

Bon savedir sa Overseas Treatment Bill in fini ganny aprouvasyon Lasanble Nasyonal.

Avek sa mwan ava remersi Minis pour Lasante, Minis Jean-Paul Adam, Mr Frank Ally, Attorney Generale, Ms Gulmette Bootna… Assistant Legal person, Dr Reginald, Ms Henderson, e Mr Vidot ki’n akonpanny Minis pandan sa long Sesyon.  Minister mersi bokou e nou ti a eskiz zot parmi nou – en.  Mersi.

       

(MINISTER ADAM AND HIS DELEGATION WAS EXCUSED FROM THE HOUSE)

 

MR SPEAKER

Bon mwan krwar in en lazournen ase long, ase lour, mon pour demann Lasanble si nou pour, si zot anvi nou kontinyen Order Paper, nou pran the next item, oubyen nou adjourn e nou kontinyen Mardi prosen.

Sinon mon kapab fer en desizyon pour zot.  Ok?   Bon mwan ava pran en desizyon pour zot. Mon nou deside pour nou adjourn e nou ava repran nou travay Mardi prosen le 19, 9er bomaten.

 

(ADJOURNMENT)