Home » Verbatim » 2018 » Verbatim Wednesday 6th June, 2018

Verbatim Wednesday 6th June, 2018

NATIONAL ASSEMBLY OF SEYCHELLES

Wednesday 6th June, 2018

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab e bonzour tou manm piblik ki a lekout e pe swiv travay Lasanble Nasyonal.   Nou pou kontinyen nou travay bomaten e parey mon ti’n anonse yer nou annan en Mosyon ki irzan ki’n pran presedans lo Order Paper e Mosyon i an referans avek Bidze Siplemanter.  Mosyon i ganny move par Onorab Charles De Commarmond Leader of Government Business e mon ava demann Onorab pou move son Mosyon.   Onorab De Commarmond.

 

HON CHARLES DE COMMARMOND

Mersi Mr Speaker bonzour Mr Speaker. Bonzour tou Manm Onorab e tou dimoun ki a lekout.  Mr Speaker sir, that the Mosyon i lir koumsa; that the National Assembly resolves to approved the supplementary estimates of R218, 832, 694 Rupees, laid before the National Assembly in Accordance with Article 154, (6) of the Constitution to be read with Article 154, (7) of the Constitution of Seychelles.

Mr Speaker, ozordi Gouvernman pe propoz en Bidze Siplemanter – an total R218.8milyon avek nou Lasanble.

Dapre dernyen revi IMF Mr Speaker Minister Finans in demontre ki Gouvernman pou kolekte reveni adisyonnel pou 2018 e inisyalman Gouvernman, ti prozekte en balans bidzeter primer 2.5poursan GDP.

Me sepandan son revizyon in permet li prozekte en balans Bidzeter primer 3poursan GDP menm avek sa Bidze Siplemanter ki nou pe propoz devan nou Lasanble.                E alors Mr Speaker i montre nou si oule ki nou lekonomi isi Sesel, i pe fer pa mal e i dan bon semen.  Sa in ganny dir par misyon IMF ki ti la isi dan pei an Mars sa lannen pli boner.  E Mosyon pou en Bidze Siplemanter Mr Speaker pou en sonm R218, 832, 694milyonpou ganny distribye konm swivan.  Mr Speaker en sonm;

59.2milyon pe ganny rekomande pou ganny depanse pour serten Minister Departman ek bann Lazans ki lo Bidze.

60poursan sa sonm 59.2milyon la otreman dir 35.6 milyon pe ganny rekomande avek Lazans swen Lasante, Health Care Agency mon krwar yer nou’n ganny koze lo la dan Bill ki ti devan nou pou kouver bann aryeraz lannen 2017 pou bann depans pou bann byen e servis laboratwar, danter e medikal.

Mr Speaker Gouvernman in osi vwar koman priyorite pou donn plis resours pour 2 Lenstitisyon enportan.

4milyon pou Departman Lapolis pou li ranforsi son kapasite pou konbat avek blansisaz larzan, kriminalite e resours adisyonnel pou amelyor son servis ki bokou nou, nou konplent parfwa.

E R500mil pou al pou Komisyon Anti-Koripsyon pou li osi kapab ogmant son kapasite la osi i annan plizyer konplent, plizyer kritik ki nou dir ki i bezwen fer plis aksyon e pou aksyon nou bezwen donn li resours.

E la kot lannen in arive Gouvernman i panse ki sa sonm i ava ed li pou beef up son kapasite pou li desarz pli byen son responsabilite e anmenn en rezilta pou pep Seselwa. Lannen prosenn ava gete dan Bidze koman ankor lavantaz pou amelyor son Bidze.

Mr Speaker en sonm R4.1milyon pe ganny rekomande pou bann lezot byen e servis.

14poursan ouswa R13.5milyon pe ganny demande pou bann Proze Kapital ki Gouvernman pe antisipe, e dan lalis ki avek tou sa i ava ganny dir e si nou le lesplikasyon taler letan nou pou al dan Committee Stage nou ava kapab gannyen avek bann Lotorite Minister Finans.

En sonm R26.4milyon Mr Speaker pou peyman redundancy pou travayer Air Seychelles i osi dan sa Bidze.

E osi 5.2milyon pou komans enplimant Scheme of Service pou drayver SPTC apartir Zilyet 2018.

Nou a konnen pou dir sa 2 issue osi in pas devan nou Lasanble nou diskit lo la sirtou dan Komite FPAC e nou kontan ki omwen sa bann travayer Air Seychelles sa bann Bidze i ava kapab ed zot pou rezourd zot bann problenm.

E ankor enn fwa lesplikasyon detaye to a certain extent i ava ganny dir taler avek bann Zofisye Minister Finans.

Mr Speaker pli gro sonm Bidze Siplemanter savedir R85.6milyon ouswa 39.1 poursan sa Bidze Siplemanter pe ganny demande pou Lazans Proteksyon Sosyal, pou bann benefis ki ganny peye par sa Lazans.

Mr Speaker mon war lenportans pou sa Lazans kontinyen ganny resours adisyonnel spesyalman apre ki Minis Lafanmir ti fer son Statement Ageing Policy dan pei isi menm dan nou Lasanble, me an menm tan mon demande osi, mon demann Minister konsernen pou fer en analiz pou vwar soutenabilite sa Bidze. Akoz pli ale Bidze Lazans Proteksyon Sosyal i ogmante, ogmante, ogmante me nou bezwen vwar vreman koman vreman nou pou kapab soutenir sa an vi Polisi Laz – sa Ageing Policy ki nou’n diskite dan nou Lasanble, e nou pou bezwen vwar koman nou pou kapab kontinyen avek sa pansyon ensidswit, e sansan i pou ariv en letan kot nou bezwen abandonn tou.

Mr Speaker en sonm 5 milyon dan sa Bidze Siplemanter pou al pou IDC lo konstriksyon airstrip lo zil Providence ki pou ed devlopman dan lavenir dan le fitir si oule dan nou bann outer islands e osi pou konbat drug trafficking.

Mr Speaker nou ansanm nou lo Islands Committee dirize par Leader Lopozisyon nou’n vwar nesesite sa tel devlopman e ki zil Providence la en landrwa si oule stratezik ki enportan ki sa airstrip e nou konnen ki 5milyon i pa pou ase me sa i pou ganny, se i pou siplemant sa ki kontribisyon ki IDC osi i ava fer akoz nou krwar ki i krisyal ki sa airstrip lo zil Providence ki ti ganny detrir.

Ti annan enn avan me i ti ganny detrir par siklonn e i enportan ki sa i ganny fer pou nou kapab konbat bann keksoz ilegal ki pas dan nou lanmer sirtou dan sa zanmerant.

E sirtou lefe la ki nou vwar sa  devlopman ki ti pou arive lo Assomption pa pe ganny fer parey ti pe diskite avan e ki in ganny anonse par nou Prezidan e ki’n welcome tou dimoun in welcome sa ki Prezidan in anonse e alors sa i pou ede e mon ti a demande ki nou Lasanble i pran seryezman sa an konsiderasyon.

E nou, nou konnen parey mon’n lo Islands Committee ki sa i pou vreman bon benefis pep Seselwa e IDC ek nou Gouvernman.

Mr Speaker avek sa mon propoze ki nou al si oule ler nou’n avan segonn nou Mosyon, kekfwa i ava annan enn de ki ava koze apre mon a sizere ki nou ava al dan Committee stage nou ava apel bann Zofisye Finans pou nou kapab al an detay akoz pa tou dimoun, nou lo FPAC petet nou privy serten keksoz dan sa Bidze Siplemanter ki nou zis ganny diskite avan me lezot Manm petet pa tou ki konnen tou keksoz ki pase e la a ganny sans pou zot kapab fer sa dyalog pou nou kapab vwar rasyonnel en fason pli byen sa rasyonnel deryer sa Bidze Siplemanter.

Mon osi anvi fer resorti Mr Speaker ki sa Mosyon lo depans siplemanter pou lannen 2018 son Lalwa li i pou ganny prezante devan nou Lasanble an 2019 ; presizeman petet o komansman lannen 2019.

Alor Mr Speaker mon met sa Mosyon devan nou Lasanble pour son laprouvasyon e mersi bokou.

 

MR SPEAKER

Mersi Onorab De Commarmond.  Okenn Manm ki segonn Mosyon?  Onorab Simon Gill.

 

HON SIMON GILL

Bonzour Mr Speaker, bonzour tou koleg Onorab bonzour tou bann Manm piblik.  Mr Speaker Mosyon i ganny segonde, mersi bokou.

 

MR SPEAKER

Ok, ou oule entervenir?  Oubyen okenn lezot Manm ki oule entervenir Mosyon in ganny prezante i devan Lasanble.  Yes Onorab Ferrari.

 

HON JEAN-FRANCOIS FERRARI

Mersi Mr Speaker, bonzour Mr Speaker.  Mr Speaker lo nou kote i pou difisil pou nou pran en vot lo merits tan ki nou’n pa’n kapab ganny loportinite pou nou diskit bann detay.

Mon krwar sa i en keksoz ki akseptab e alors mon ti ava, mon pa konnen ki mannyer ou pou proceed me mon ti a dir ki nou bezwen antre dan Committee Stage la boner pou nou kapab vwar bann detay e apre pran en pozisyon.  Mersi.

 

MR SPEAKER

Mersi Onorab Ferrari. Onorab De Commarmond.

 

HON CHARLES DE COMMARMOND

Dan sa ka nou move ki Lasanble i al dan Committee Stage pou nou kapab apel bann Zofisye Finans pou nou diskit lo detay sa Mosyon, si ti kapab ganny segonde or whatever si ou ki move si ou ….

 

MR SPEAKER

Ok.  Yes Onorab Simon Gill

 

HON SIMON GILL

Mr Speaker LGB in move ki nou antre dan Committee stage e mon oule segonn sa Mosyon.  Mersi.

 

MR SPEAKER

Nou pran en vot lo sa Mosyon pou nou al dan Staz Committee.

Okenn Manm ki an faver nou al dan Staz Komite? Ok? Okenn Manm ki kont? Madanm Clerk?

 

MADAM CLERK

Mersi Mr Speaker bonzour Mr Speaker bonzour tou Manm. Mon’n rikord 19 Manm an faver e personn kont.  Mersi.

 

MR SPEAKER

Ok.  Mon ti a kontan osi petet fer resorti, mon avek Deputy Speaker e avek Onorab De Commarmond ki mon krwar ou’n deza ganny en koze avek Leader Lopozisyon ki nou ti koz enn ti pe lo la pou benefis bann Manm e piblik pou kapab ganny plis detay ki nou fer sa prosedir.

Me i byen nou’n fer li atraver en Mosyon.   Mon ti a kontan demann Madanm Clerk ok pou apel Minis, wi nou pe bouz dan Committee Stage, pou apel Minis avek bann teknisyen.

Petet mon kapab osi dir ek bann Manm si zot annan en pti deliberasyon entervansyon lo sak Head zot kapab profite fer e ladan zot kapab poz kestyon.

Minis pou avek nou enn pti moman la bomaten e probableman apre bann teknisyen SS Payet avek lezot pou reste, so si zot anvi bann detay zot anvi plis leklersisman lo sa bann depans zot a kapab fer li either atraver en pti entervansyon oubyen atraver kestyon direkteman.

Bon mon ti a kontan welcome Minis Loustau Lalanne, Minis pou Finans akonpannyen par SS Patrick Payet e Mr Damien Thésee e Ms Tamatave. Bonzour e welcome parmi nou.

Minis pou ou lenformasyon avek ou bann teknisyen Lasanble in move dan en Staz Komite kot bann Manm pou kapab pli byen enterak e ganny detay lo sa Bidze Siplemanter ki devan Lasanble la bomaten.

So mon ava al direkteman kot bann Manm oubyen mon pa konnen si oule, Minis ou ava koz enn pti pe brefman lo sa Bidze ki devan Lasanble apre mon ava demann bann Manm pou entervenir.  Minister.
MINISTER MAURICE LOUSTAU-LALANNE

Mersi Mr Chairman.  Bonzour Mr Chairman bonzour Manm Onorab.   Mr Chairman mon’n ti prepare enn pti lentrodiksyon mon pa konnen avek ou permisyon kekfwa zis met li an konteks apre otomatikman les bann Manm poz kestyon.  Mersi.

 

MR SPEAKER

Go ahead Minister.  Ou kapab fer ou lentrodiksyon apre nou ava ganny enteraksyon avek bann Manm.  Go ahead Minister.

 

MINISTER MAURICE LOUSTAU-LALANNE

Mersi Mr Chairman.  Mr Chairman lobzektif prensipal pou Bidze 2018 ti annan pou bi mentenir krwasans ekonomik, asir stabilite finansyel, mentenir en disiplin finansyer tre for, kree plis loportinite lanplwa, kontinyen envestir dan lenfrastriktir ek lozman, asir en zesyon det piblik pridan, amelyor fason ki servis i ganny delivre, e ofer loportinite pou ganny reveni siplemanter e redwir kou lavi.

E alors anliny avek sa bann lobzektif le 31 Oktob 2017 ler Gouvernman ti prezant Bidze 2018, nou ti prevwar pou fini lannen avek en sirplis primer fiskal 2.5poursan nou prodwir domestik brit.

Dan son ladres Leta la Nasyon an Mars 2018 Prezidan Faure in fer mansyon ki mannyer mon quote “koman en pep nou travay ansanm e ansanm nou pe akonplir bokou” unquote.  I a fer 10an sa lannen an Oktob ki nou anbark lo en progranm reform Makroekonomik avek bi met an plas en sistenm zesyon fiskal pli soutenab e atenn stabilite monneter.

Pandan sa peryod Lotorite in fer sa ki neseser pou enplimant bann Polisi Makroekonomik, lekonomik ki pridan e an retour nou’n reisir amelyor nou krwasans ekonomik e osi kapab akonplir nou bann target sirplis fiskal depi 2009.  Sa i fer ki nou det to GDP ratio in kontinyen redwir pou ariv 60poursan nou GDP lafen Mars 2018.

Mr Speaker lafen premye kar lannen 2018, nou’n revwar serten nou bann endikater ekonomik.  Par sa legzersis nou pe prezan prozekte ki nou lekonomi i pou agrandir par 3,6poursan pou sa lannen, anvi ki larive bann viziter e krwasans dan Sekter Lapes pou plizoumwen modere konpare avek lannen 2017 kot ti eksperyans en krwasans 5,3 poursan.

Sa i kantmenm pli favorab konpare avek prediksyon ki ti ganny fer pou Ladres Bidze 2018 ki ti 3, 34 poursan.

Par kont nou espekte ki nou to lenflasyon pou atenn 4.4poursan lo en baz anyel.  Sa i reflekte pri karbiran ki ogmante e osi an vi serten reazisteman tarif lo servis elektrisite ek delo.

Par kont nou external account ki plizoumwen stab menm si annan logmantasyon dan pri karbiran lo marse enternasyonal.

Mr Chairman pou 2017 nou ti annan en sirplis fiskal 3,06poursan vizavi prodwi domestik brit, ki annefe ti anliny avek target.  Nou Bidze 2018 ti prevwar en sirplis 2,5 poursan oubyen R553.5milyon.

An revwar nou performans sa lannen nou pe aprezan prozekte en sirplis fiskal 3,6poursan nou GDP.  Sa i anvi ki nou prozeksyon lo reveni in ogmante konsiderableman par R340,3milyon konpare avek prozeksyon pou Bidze 2018.

An vi sa pli bon performans ki nou pe prezan espekte pou 2018 nou pe alor propoz pou en Bidze siplemanter pou en sonm R218, 832, 693 e 90 sou.

Mr Chairman baze lo sa Bidze siplemanter nou pou alor ariv lo en sirplis 3 poursan.  Sa i fer ki alor nou pa anvizaze depans nou reveni siplemanter ki nou’n prozekte pou kolekte.   Me larestan sirplis pou ganny servi pou redwir nou det plizoumwen nou det domestik.  Vwala Mr Chairman sa lentrodiksyon ki mon’n fer e prezan mon ti a kontan sed ou laparol.  Mersi.

 

MR SPEAKER

Mersi Minister.  Bon okenn Manm ki oule entervenir oubyen demann klarifikasyon, Onorab Ferrari.

 

HON JEAN-FRANCOIS FERRARI

Mr Chairman wi, e bonzour, bonzour Minis e bonzour bann zofisye.  Mon pran sa lokazyon Mr Chairman pour mwan vi ki Minis i en nouvo Minis Finans pou mwan poz 2 kestyon zeneral lo merit sa Bidze Siplemanter ki’n ganny depoze lo latab Lasanble.

Mon anvi ankor enn fwa Minis avek son lekip i sey reasir nou ki nou’n ganny son rasyonnal byen.  Nou lo sa kote latab nou byen kontan ki reveni Gouvernman, reveni Nasyonal i pe perform byen.

E zis an pasan mon ava dir ki parey serten ti dir ki;

‘’Avyon pou aret anvole,’’

‘’Bato pou aret pase,’’

‘’Por pou fermen’’ apre dernyen eleksyon, me tousala pa’n arive.  O kontrer dimoun bann operater in annan bokou konfyans e mon satisfe ki nou lo sa kote latab nou osi nou’n zwe nou rol pou nou donn konfyans dan lekonomi, donn konfyans bann lenvestiser bann developer bann Seselwa ki keksoz pou deroul byen. Donk lo kote reveni mon santi i montre en konfyans ki ti enportan pou nou.

Pwen ki mon anvi met devan Minis ek son lekip ozordi se ki, ki rasyonnal deryer anmas plis reveni apre distribye sa bann reveni dan bann progranm Gouvernman, plito ki konmans konsider en revizyon bann taks ki zot enpoze ki fer ki zot pe anmas plis?  Konmsi, kan nou lo sa kote latab nou krwar ki Gouvernman i devret anmas zis sa ki i bezwen pou fer marse lekonomi, pa takse bann dimoun an plis e ler i annan bann sirplis otan ki bann depans Gouvernman i ogmante, i annan en nesesite pou revwar oter sa bann taks ki zot pe enpoze lo popilasyon oubyen lo biznes.

Yer lo televizyon mon ti pe swiv en reprezantan bann propriyeter lotel ki ti pe argimant dan sa direksyon pour dir ki, kekfwa i le moman pou revwar bann nivo taks.  Par egzanp VAT lo serten prodwi ki asosye avek tourism e tanzantan ler nou tann bann dimoun, bann businessmen Seselwa ki pe entervenir, zot osi zot pe sey pous dan sa direksyon ki Gouvernman i relans lekonomi atraver e revwar bann taks ki Gouvernman i enpoze.

Me ki nou pe vwar ozordi atraver sa Bidze Siplemanter?  Nou pe vwar ki Gouvernman byen kontan ki larzan in antre en pe plis dan kof, se zot ki pou depans sa larzan dan serten progranm sosyal plito ki konmans par lot bout pou sey ed Seselwa pou manage zot lavi en fason pli byen, avek en pe plis mwayen en pe plis larzan dan zot pos.

Konmsi nou ankor dan en sityasyon kot nou annan en Gouvernman Per Noel en pe. Konmsi ki Per Noel ki vin donn kado, nou pa antre dan nou pa ankor antre dan sa sityasyon kot i en sityasyon ki enabling ki ed bann dimoun pou okip zot lekor zot menm plito ki esper en kado.

Konmsi pou mwan konklir lo sa pwen mon ti a kontan ki Minis avek son lekip i dir avek nou eski i pa le moman pou revwar bann nivo ki bann dimoun i a pe ganny takse?  Akoz i annan serten areas ki, mwan mon dakor ki taks i ase eleve e i pe constrain en pe lavi bann dimoun e zot kapasite pou zot fer biznes.

Donk mon krwar ki nou devlopman nou lekonomi i lo en bon lapant ; i lo en bon trend e ki Gouvernman si i pa kapab fer li la mon konpran me sa i en propozisyon ki nou, nou pe met lo latab ki nou revwar.  O moman ki annan sa overperformance nou revwar si Gouvernman pa pe pez en pe tro lour lo serten sekter lekonomi.   Donk sa i mon premye pwen.

Mon dezyenm pwen lo remark zeneral, se ki Minis e sirtou mon mazinen SS akoz nou’n travay avek li i bezwen dir avek nou kwa ki nou’n al mal dan nou planning dan nou forecast? Eski nou’n al vreman mal ler nou pe get bann figures ki zot ti pe met devan nou o komansman lannen e finalman zot in underestimate reveni e osi underestimate bann depans.  I enn ti pe enkyetan akoz nou konman en Lasanble e mwan e mon bann koleg koman Manm FPAC, nou ti a kontan ankouraz Gouvernman pou al dan en en predikasyon en planifikasyon anyel nou lekonomi plis strik, pli realis e pli konform a la realite.

So kekfwa sa i a lokazyon pou zot dir nou kwa ki zot pa ti kapab prevwar pou zistifye ki zot pa ti kapab prevwar sa in ariv, si in annan bann windfall dan bann taks e bann keksoz ki zot pa ti kapab prevwar?  Akoz nou, nou ti a kontan antre dan en sityasyon  byento nou pe al ankor dan deba Bidze pou nou annan sa konfidans ki sa bann sif ki nou pe met devan i vreman realis an term bann prozeksyon e an term bann depans.

Sa i mon dezyenm pwen Mr Speaker.  E mon ti a kontan dir ki bann pwen spesifik i ava vin, bann kestyon i ava vin lo bann Heads ki devan nou en pe pli tar.  Me mon ti a kontan ganny rasyonnal Minister Finans e Minis lo sa 2 pwen.  Mersi.

 

MR SPEAKER

Mersi Onorab Ferrari.  Onorab Churchill Gill.

 

HON CHURCHILL GILL

Mersi Mr Chair.  Bonzour Minis ek ou delegasyon bonzour tou Manm, bonzour tou dimoun a lekout.  Mon annan 4 pwen.

Mon premye pwen i lo sa alokasyon pou Imigrasyon 799 mil, mon pe gete rezon ki annan sa supplement se increasing the enforcement unit capacity.

E mwan mon kestyon se eski Praslin in ganny pran kont ladan?  Akoz Praslin i anploy pa mal etranze menm dan konstriksyon e dan lotelri.  E biro Praslin pou le moman si mon pa tronpe i annan zis en staff e alors mon ti anvi konnen si Praslin osi in ganny pran kont ladan pour ki nou beef up sa enforcement lo zil Praslin.  Sa i enn.

Apre mon dezyenm i lo sa 5milyon ki’n ganny allocate pou Ministry of Home Affairs pour Baie Ste Anne Praslin Police Station.  Mon kestyon se eski sa sif i pou konplet sa Police Station apre an menm tan enkli tou son bann kou lekipman ki pou bezwen pou run sa Police Station?  

Mon trwazyenm pwen i anba Ministry of Environment Energy and Climate Change.    Mon war i annan 7milyon in mete, in allocate pou Providence Landfill  e dan sa Lasanble a plizyer fwa nou’n fer sorti sityasyon Landfill Praslin kot i annan serten  lekipman ki’n fini outdated i pa ni pe marse e landfill pa pe byen ganny zere zisteman akoz nou napa bon lekipman.

E mon pa war dan alokasyon ki Landfill Praslin in ganny pran kont alors mon oule leklersisman si sa i zis pou Providence oubyen i annan serten bout pou lekipman landfill Praslin.

E mon lot pwen se sa alokasyon pou staff SPTC mon anvi zis ganny klarifikasyon sa pou travayer SPTC Praslin si zot osi zot enkli dan sa alokasyon.

E mon dernyen sa zis en remark sa pour Air Seychelles mon kontan ki apre en long deba in ganny fer dan Lasanble e finalman en sonm in ganny allocate pou kapab adres sa bann peyman ki due pou sa bann staff.  Mersi.

 

MR SPEAKER

Mersi Onorab Churchill Gill. Mon pas la parol avek Onorab William.

 

HON WAVEN WILLIAM

Mersi Mr Speaker bonzour Minis avek ou lekip, bonzour tou dimoun ki pe ekoute.  Mr Speaker mon ti a kontan ki ou eklersi nou la eski nou pe debat lo sa komanter zeneral ki Minis in fer oubyen nou pou al direkteman lo bann Heads.

 

MR SPEAKER

Bon parey mon’n dir zot kapab fer zot bref lentervansyon me an menm tan zot poz zot konsern.  Me an mezir ki Minis pou reponn parey Onorab Ferrari in fer i osi annan serten Heading ki pou poz kestyon ankor lo la ok?  Nou dan en Staz Komite la so zot kapab fer zot komanter e apre demann kestyon osi tou Minis.

 

HON WAVEN WILLIAM

Mersi Mr Speaker pou sa leklersisman.  Minis mon annan enn de pti pwen lo serten bann Heads.  Premyerman mon ti a kontan komans avek Departman Ladefans vizavi sa 10.2milyon ki annan pou fer avek sa contract maintenance, eski sa i en ongoing Contract ouswa i en nouvo Kontra e avek sa lakonpannyen?

E mon dezyenm pwen se lo kote bann Graduate Housing Allowance Scheme.  Mon anvi en leklersisman akoz mon annan bann ka ki pe vin devan nou ki ou annan bann graduates ki zot ti pe travay dan serten Departman Gouvernman ; par egzanp mon annan en case zot ti pe travay avek SAA epi in al travay avek Port Authority me ler in al avek National Park Authority zot ekrir li en let pou dir li i pa kalifye pou li kapab ganny sa housing allowance ankor.  Konmsi mon pe dir sa dimoun i en Seselwa pe enport ki bor i pe travay, i due pou li ganny sa allowance so mon anvi konnen eski i annan bann diferans dan lafason ki zot servi bann kriter?

Sa mon ti a kontan en leklersisman lo la.  E an menm tan mon anvi konnen osi si en graduate malgre si i pa pe travay avek Gouvernman i pe travay avek en sekter prive, eski i ganny diskalifye pou li ganny sa housing allowance koman en graduate Seselwa ki pe reste Sesel?  Mon lot konsern Minis, se i konsern sa alokasyon pou recruitment of asset seizure and CID expert from overseas.

Minis dan lepase mon bezwen fer sorti sa pwen dan lepase kot nou’n annan bann expert ki’n vini, i sipoze annan bann understudy e eski sa expert akoz lo la pa dir konbyen letan?  Eski lo en Kontra konbyen letan i pou la eski i annan en understudy?  Konmsi i annan sa depans ki pe ganny fer me selman nou pa konnen pou konbyen letan.  I pa donnen detay lo la.

E mon kontan trouve pou dir i annan sa depans lo kote Departman Lanplwa sa R500mil pou bann Lazans Prive ki recruit bann travayer.

E Minis ti vin fer en lesplikasyon lannen pase e sa ti sipoze vin an Zanvye, me mon kontan ki sa i pe ganny mete e mon ti a kontan konnen konbyen Lazans akoz mon trouve i annan en 500mil, konbyen Lazans ki pou ganny asiste avek sa 500mil?

Mon lot pwen Minis se anba sa Creative Industry nou’n swivre deba, piblik in swivre deba ki’n pase lo kote sa music stadium nou anvi ganny sa garanti pour dir sa sonm la ki’n ganny mete, eski sa sonm i en sonm parsyel i annan ki pou vini ankor swa i final sa?

Sa sonm ki’n ganny mete pou konplet sa travay lo sa music stadium?  Epi mon lot pwen se i konsern Seychelles Public Transport Corporation la ankor mon kontan akoz bann drayver ti pe espere e mon trouve pour dir larzan in ganny mete la pou kapab compensate zot.

An relasyon avek Home Carers Minis i annan pa mal problenm vizavi bann rekritman bann home carers e nou ti a kontan konmsi konnen petet si ou annan sa lenformasyon ki fason ki sa Home Carers training eski i pou annan en Lazans ki pou fer sa.  Eski sa servis pou ganny tender out, konmsi i bon nou ganny serten  leksplikasyon lo la.

Mon dernyen pwen se lo kote IDC, mon trouve i annan en sonm 5milyon e la i dir Government contribution towards the project — eski i annan en lot parti ki pe kontribye pou fer sa Airport apard ki sa sonm ki Gouvernman pe kontribye e si ou kapab dir nou petet si ou annan sa lenformasyon konbyen ki i pou koute.  Mersi bokou?
MR SPEAKER

Mersi Onorab William.  Bon mon krwar pou pa tro ankonbre Minis ek son lekip i pe plizoumwen an term kestyon klarifikasyon lo sa bann alokasyon.  Nou ava donn Minis avek son lekip sans pou kapab reponn sa bann kestyon.  Ler nou ava resolve into Committee of the whole Assembly si i annan Manm ki’n prepare en lentervansyon e speech we will do that nou ava pas lo la.

Me annou fer sa sesyon petet zis pou ganny klarifikasyon avek Minis avek son lekip lo bann alokasyon so mon ava donn laparol Minis i ava reponn sa 3 entervenan ki’n poz bann kestyon ki pe demann bann klarifikasyon apre nou ava kontinyen one on one koumsa.  Minister.

 

MINISTER MAURICE LOUSTAU-LALANNE

Mersi Mr Chairman, mersi bann Manm zot bann kestyon mon ava komans lo reponn Onorab Ferrari.  Wi mon krwar lo son plan zeneral, Gouvernman i toultan annan bann Komite reform pou regarde kwa ki nou kapab pli byen fer.  An sa ki konsern lanvironnman fer biznes parey in anonse resaman nou pou fer en biznes Forum le 3 Zilyet.

Nou pe travay lo son progranm annefe la ozordi i annan en Cabinet paper ki mon pe soumet pou organiz sa konsiltasyon kot nou oule sekter prive i zwe en rol bokou pli enportan pandan sa Forum li menm dan son progranm.

E parey ou konnen nou annan en Business Tax Reform Committee ki pe travay lo reform business tax.  Parey ou konnen i annan serten sekter i pey 33poursan i annan serten sekter i pey i annan lezot i pey 15.  E toultan lentansyon Gouvernman se fer sa business tax threshold desann ofir anmezir i kapab.

So i annan sa ki nou pe travay lo la.  E nou’n osi anonse ki par egzanp i annan sa rental lo bann lakaz letan ou lwe lakaz ou bezwen pey Gouvernman 15poursan ozordi.

Desizyon in ganny pran ki depi lannen prosenn nou pou enplimant en lot nivo taks lo rental accommodation e sa pou 3poursan.  

So nou pe fer zefor pou fer sir nou fer desann kot nou kapab.  So la mon’n donn ou 2 legzanp kot mon krwar i enportan pou konpran ki toultan i lo nou lazanda pou nou fer sa bann reform kan i neseser.

Sa zafer Per Noel la, mwan mon krwar ki i enportan ki nou donn lasistans pou bann dimoun ki vreman bezwen, sa in ganny dir mainte et  mainte fois.  E i enportan alor ki nou fer sir ki tou le lannen tou le sis mwan mon pa konnen a ki lenterval nou fer me nou re vizit bann sityasyon bann dimoun.  Pou fer sir ki sa bann ki vreman bezwen i ganny asiste an premye, so la kekfwa nou kapab fer en pe lekonomi Mr Onorab.

So mon anvi reponn ou dan sa fason pour mon dir ou ki ansanm avek ou nou lo menm trazektwar pou nou fer sir ki nou redonn larises nou bann sitwayen kan nou kapab.

E avan nou anmenn sa Bidze Siplemanter nou’n fer bokou refleksyon e sa ki nou pe prezante se pa sa ki zot in demande, zot in demann bokou plis ki sa e nou’n bezwen fer en travay pou nou tir en pe ou konpran?  Alor in annan en serten priyorite ki nou’n bezwen servi pou nou ariv lo en chiffre 218milyon.

An sa ki konsern reveni mon krwar par lepase toultan Minister Finans in plito adopte en Polisi pli konservativ.  Mon a donn ou en legzanp;  dan Tourism letan nou, nou dir i pou mont par 18poursan lo arive nou pou fer 10poursan lo reset Minister Finans toultan in redwir sa.

E mon krwar zot in fer li korekteman e menm dan Bidze 2018, prediksyon Minister Tourizm, STB sa ki dan Bidze i pa parey akoz zot pli konservativ e tanzantan nou war ki annan bann deplasman Bidze akoz sa Polisi i plito konservativ ki zot pe adopte.

E mon krwar i en bon Polisi.  Nou osi annan en problenm kot bann Prozedlwa parler kot nou kapab aranz sityasyon kot nou kapab anmas plis taks oubyen sanz Lalwa ki konsern finans ki parler i ganny retarde.

Mon a donn ou en legzanp, par egzanp i annan sa propozisyon Property Tax ziska ozordi i ankor nou pe diskite nou ankor pe espere so par ler i pran en pe letan.

So nou rekonnet ki nou annan sa problenm e fodre nou fer li pli vit pou nou kapab capture sa bann landrwa kot nou kapab ganny en pe plis reveni.

Pour Mr Gill sa ki mon kapab mansyonnen se pou Imigrasyon en gran parti sa Bidze se pou li aste en veikil en van pou li nobou met son bann dimoun ladan apre sirkile lo teritwar.  So mon sipoze i fezab ki sa transpor osi i kapab mont en kou Praslin si i neseser or whatever it is me son gran mazorite se pou en veikil si mon memwar i bon.

An sa ki konsern Baie Ste Anne Police Station sa i pou en nouvo Kordgard.  E sa sif 5 milyon i en sif best estimate ozordi nou napa son spesifikasyon final me i pou en nouvo Kordgard Baie Ste Anne. Providence landfill sa lekipman konpakter pou 7milyon i en lekipman ki sorti Allemagne e li i pou baze Providence pou li senpleman ekraz bann dèchets ki vini pou redwir volim dèchets ki al ganny mete dan landfill.

Mon pa konnen si sa konpakter i mobil me kekfwa nou kapab enn fwa ki nou’n aste li in vini nou pe servi li leksperyans ki nou ava annan avek nou a regarde si nou kapab kekfwa rod en lot osi pou anvoy Praslin si i neseser.

Me i enportan osi ki bann lezot lekipman ki lo sa landfill i bann lekipman ki apropriye pour ekraz dèchets pou redwir volim kekfwa lo Praslin osi ou napa sa lekipman apropriye ozordi pou fer sa.

Pour SPTC wi akoz sa Scheme of Service i pou drayver SPTC.  I pa pou zis drayver SPTC ki lo Mahe i pou tou drayver SPTC.

An sa ki konsern bann kestyon Mr William, Onorab William pardon pou Ladefans sa sonm 10milyon apepre i en Kontra ki’n ganny sinyen avek en Konpannyen depi 2014.  Donk sa i la en pe letan i en Kontra ki ozordi dan Coast guard kot SPDF i annan 7 travayer etranze, ki donn sa servis antretyen maintenance dan diferan domenn ki konsern en bato e sa bann dimoun isi 24 lo 24 e i travay avek Coast guard.

Pour graduate allowance mon ava demann mon Secretary of State Mr Payet pou kekfwa entervenir akoz mon napa the full answer.

Pour Lapolis sa 4 milyon zot in demann annefe en sonm en pe pli siperyer ki sa me sa ki nou kapab afford la se donn li R4 milyon pou li nobou rekrit serten dimoun pou ranpli sa rol mon krwar ki lanmen Lasanble ti donn zot an Out lannen pase pou fer sa asset seizure.

Donk nou bezwen annan sa bann ekspertiz la i pou etranze pou vini pou nobou ranpli rol sa Departman e osi en pe plis Konstab pou nobou fer marse lapolis pli byen pou delivre en meyer servis.

E nou bezwen siport Lapolis mon krwar i enportan ki siport li akoz i annan bann plan ki nou remarke ki i enportan ki nou enplimante pou fer en diferans.

Pour Minister Lanplwa mon pa konnen si i pou donn tou sa bann recruiting private employment agencies oubyen si pou enn de me mon’n ganny konfirmasyon la avek Mr Payet ki i pou tou sa bann agencies.

Music stadium 10.8milyon sa ki mon kapab konfirmen se ki nou’n deza depans en sonm ase konsiderab.  Sa 10.8milyon i pou permet en nouvo scope of works ki’n ganny aprouve pou termin konstriksyon music stadium.

Setadir son lenfrastriktir i an fini.  Me i pa kouver sa sonm ki’n estimen apepre 18milyon pou met sa bann lekipman dan sa music stadium pou fer li vin fonksyonnel.   Mon krwar ki nou demars dan Minister Finans se sey rod fason ki sa 18 milyon i vin an deor Bidze.

Me la nou oule zis fini sa music stadium of course nou pou kapab servi li.  Akoz nou annan serten lekipman isi ki bann artis i kapab anmennen fer zot Show apre ale i pa ideal me omwen pour le moman nou kapab komans koumsa e nou a rod en lot formil pour rod sa 18 milyon.

Home carers training mon napa sa lenformasyon kekfwa mon avek …… ok mon ava demann Mr Thésee atraver Mr Chairman si i kapab reponn sa kestyon dan enn pti moman.  An sa ki konsern Providence airstrip lo Providence sa kontribisyon  Gouvernman i 5milyon me son airstrip li menm i kout 13.4 milyon ki IDC pe li menm pe kontribye pou fer sa airstrip.

Parey ou konnen ti annan en Siklonn Bondo kot in frap sa zil e malerezman nou pa ti kapab evakye sa bann travayer sa lepok ki ti laba.

Donk pou fer plizyer keksoz pou fer sir pou dir sekirite maritim dan sa zonn i ganny ranforse, nou kapab ariv lo sa zil pli vit pou tir nou bann dimoun ki an danze, bann danze siklonn par egzanp.  Me osi annan pli bon response pli rapid pou nou tir bann danze drog mon a mansyonnen. Bann danze lezot krim ki ganny lo delo sale lo sa airstrip e i ava osi donn posibilite met enn pti lotel pou nou kontinyen fer devlopman ekonomik lo Providence.

Apre Providence pou annan zis en lot zil ki pou bezwen airstrip e sa i Cosmoledo.  E mon krwar ki menm Komite Zil dan Lasanble in diskite sa me pour le moman i Providence e letan nou’n fer Providence i ava reste zis Cosmoledo, bann zil IDC pou annan airstrip.  Mersi Mr Chairman.  Mon ava avek ou permisyon demann Msye Payet e Mr Thésee  pou reponn sa de lezot kestyon.

 

MR SPEAKER

Mersi Minis nou a pas laparol avek SS Payet.

SECRETARY OF STATE MR PATRICK PAYET

Mersi Mr Chair bonzour tou Manm Onorab e tou dimoun ki a lekout, sa ki konsern Graduate Housing Allowance, an se moman i annan 383 graduates.  E tou sa bann graduate pe ganny zot housing allowance through Departman Public Administration.

E ki nou pe fer avek the Progressive Income Tax System se pou met zot lo zot payslip akoz ki arive ki zot pe ganny zot saler lo zot payslip me zot pe ganny sa housing allowance direk kot DPA dan zot kont.

E ki nou’n vwar avek the Progressive Income Tax se i pli bon ki ou annan en sel sistenm ki at least zot osi zot vwar zot allowance ankadre lo zot payslip.

E sa at the end of the day i pou annan e net off lo Bidze akoz i pou en tax revenue apre i pou en depans.  Me akoz ou pe met li lo zot payslip ou bezwen pey sa tax adisyonnel osi.     Me sepandan kekfwa si nou ti kapab ganny sa case spesifik ki nou kapab soumet avek Public Administration akoz nou konnen ki i annan sirkonstans ki par egzanp letan en dimoun i ganny transfer from en Departman avek en lot Departman son housing allowance i reste e sa mon dir dan konteks Gouvernman li menm; savedir from en Minister pou al en lot budget dependent entities.

Me sepandan par egzanp si zot al dan en parastatal zot, zot sistenm saler i diferan konpare avek Gouvernman so me ki package i en pe plis me zot basic i kapab increase konpare avek Gouvernman.

So sa i en pe kekfwa diferableman ki annan ant sistenm, me kekfwa nou ki a kontan kekfwa vwar sa case spesifik e apre diskit avek Departman Public Administration pou nou vwar dan ki konteks rasyonnal si i pa pe ganny son graduate housing allowance.

Apre osi zis pou azout lo employment agencies sa 500mil ki nou’n mete i dapre statistics ki nou annan an se moman ki kantite sa bann employment agencies ki kantite bann dimoun ki zot pe met dan lanplwa.

So sa i dapre bann statistics e prenan kont tou sa bann employment agencies ki egziste an se moman.  Mersi.

MR SPEAKER

Mersi SS Payet.  Mon a pas laparol avek Mr Thésee.

PS DAMIEN THESEE

Mersi Mr Chair bonzour tou Manm Onorab.   Sa ki nou aware pou training home carer son bi se plizoumwen profesyonnalizm sa profesyon e training pe ganny fer par staff ASP zot menm ek lasistans travayer lasante kot i bezwen pou plizoumwen donn zot lasistans ki mannyer pou idantifye bann diferan bezwen bann diferan dimoun ki zot pe donn sa servis avek.  Mersi.

MR SPEAKER

Mersi Mr Thésee mon ava zis re donn laparol Onorab Churchill Gill pou en klarifikasyon.  Onorab.

HON CHURCHILL GILL

Mersi Mr Chair.  Pou benefis dimoun Praslin, mon ti a kontan i annan 2 larepons ki Minis in donnen mon ti a kontan ki Minis i klarifye sa 2 larepons.  Dir nou ki mannyer i pratically possible si ou’n aste en Van pou Imigrasyon apre pou ou met li lo bato pou li al fer enforcement Praslin?  Apre pou sa lekipman lo landfill ki mannyer i pratically possible pou servi Mahe apre met li lo bato pou al Praslin pou rezourd nou problenm?  Mersi.

MR SPEAKER

Mersi Onorab Gill.  Minister.

MINISTER MAURICE LOUSTAU-LALANNE

Wi, mersi Mr Chairman mersi Onorab.  Mon pa en teknisyen dan sa zafer, dan sa gro konpakter 7milyon la, mon pa tro konnen ki groser i ete whatever it is me si i enportan inisyalman nou pou met li Providence, pou nou kraz salte pou redwir volim salte ki antre lo landfill.

Mon krwar letan nou’n fer sa nou a regarde si i efektiv si i fer byen met tou lendikasyon se sa lekipman i irzan i enportan si nou oule ki nou landfill lo Providence i reste en pe plis lannen.

So annou fer sa premye si nou war i byen nou kapab rod en lot nou anvoy Praslin sa napa problenm.  Me lo Praslin lo La Digue i enportan osi ki nou annan bann lekipman nou pa esper sa nou annan bann lekipman ki konpakte salte lo landfill li menm.  Akoz si ou servi bann pti lekipman ki vreman napa, ki’n pa’n design pou fer konpaksyon i pou kontinyen monte sa volim ou vwar so, nou bezwen regard en lot solisyon osi dan lenterim pou nou fer sir nou redwir volim lo Praslin ek lo La Digue lo landfill.

Bon pou Limigrasyon mannyer mon konpran pou fer byen sa enforcement zot annan sa van e zot pou met zot 3 a 4 zofisye ladan pour fer enforcement.  I ava up to them pou deside ki mannyer zot organiz zot pou zot al Praslin, akoz i enportan parey ou’n dir pou zot osi al Praslin al La Digue pou fer enforcement ki mannyer zot fer sa, sa zot ava deside.  Me mersi bokou Mr Chairman.

MR SPEAKER

Mersi Minis.  Onorab Aglae.

HON EGBERT AGLAE

Mersi Mr Chair, bonzour Minis ek ou delegasyon.  Minis mon premye kestyon i baze lo ou statement dan ou larepons ki ou’n donnen kot i konsern nou GDP, ou’n dir pou dir lekonomi prozeksyon ti 2.5 e nou’n ariv 3 poursan, eski ou kapab konfirm ek nou ouswa dir sa Lasanble eski nou lo nou target pou nou fer nou GDP ratio ariv 50poursan by 2021?

Dezyenm Minis ou’n koz en pe lo rezim takszasyon mon ti a kontan Minis vi ki ou pe, i annan serten mansyon ki ou’n nonmen par egzanp lo tax, lo lozman ou’n nonm en pe, eski bann mezir ouswa ki ti pe ganny pran sirtou par Minister Labita kot i konsern kou konstriksyon, eski ou Minister pe pran bann mezir pou fer desann serten tax osi dan domenn konstriksyon tel ki materyo a lavenir?

Trwazyenm i konsern Home Carer Scheme 25 milyon ki dan laliny Bidze nou’n koz lo soutenabilite ki an kestyon eski ou Minister – Minister Finans pe travay konzwentman avek Lazans Proteksyon Sosyal e Gouvernman an zeneral pou vwar en metod ouswa ki kapab pli sir ki pou soutenab pou ki demen anvi ki nou annan en ageing population ki in kontinyen ogmante, nou’n vwar sa dan dernyen ladres ki Minis Larue in koz lo la, eski nou pa pe war nou dan en problenm demen pou nou kapab anvi ki tou-le-z-an pou annan ogmantasyon dan sa sekter la?

E dernyerman Minis anvi ki nou annan 2 pli gro Minister sa i Minister Ledikasyon, Lasante ki mon’n vwar dan Bidze mon enn ti pe konsernen akoz mon’n pa’n war ledikasyon in feature dan en siplemanter anvi ki sa Minister i annan pa mal issues – an vi ki boner sa lannen nou’n war pour dir zot in bezwen recruit additional sekirite pour bann lekol, teachers osi ki’n ogmante.  Nou annan pa mal mankman serten materyo sirtou bann textbook bann keksoz petet, akoz ki mon pa pe vwar en alokasyon ki Minister Ledikasyon in demande?

E dernyerman Minis kot i konsern terminal dues pou President Village 1.8 milyon ki’n al anba National Children’s Council mon ti ava zis anvi konnen vi ki i annan sa sanzman si bann travayer vi ki sa Lenstitisyon i don mon distrik mon annan detrwa rezidan ki travay laba si zot bann dues and benefits, ler zot pou ganny transfer pou reste parey ouswa i pou annan serten sanzman dan zot bann dues and benefits?  Mersi.

MR SPEAKER

Mersi Onorab Aglae.  Minis.

MINISTER MAURICE LOUSTAU-LALANNE

Mersi Mr Chairman, mersi Onorab.  Mon kontan ou’n poz sa premye kestyon lo rediksyon det ziska 50 poursan parey ou konnen oparavan son target ti 2018 apre negosyasyon avek IMF e lezot partner nou’n pous li 2020.

Me la son target sete 2021 e mon’n osi remarke pour dir par-ler sa target 50 poursan i less than 50 percent, mon’n war li in ekrir dan serten rapor en pe partou.  So mon ti a kontan konfirmen ki son target i 2021 e i 50 poursan, so sa i son target ki nou pe travay lo la e nou bezwen achieve sa target by 2021.  E i pou 50 poursan.  So sa i pou premye larepons mon anvi donn ou.

An sa ki konsern mon dezyenm kestyon mon pou saye mon pou demann mon Sekreter D’Eta pou input lo la.  An sa ki konsern ou trwazyenm kestyon mon krwar parey Minis Larue in vin dan Lasanble in prezant sa rapor e ou annan parfetman rezon bann dimoun parey mwan ozordi ki dan en serten kategori laz i pou ogmante konsiderableman e i annan en lenpak.

Alor i annan en komite apre ki sa rapor ti ganny prezante avek Cabinet e aprouve i annan en komite sa bann akter kle ki pe rankontre konmela menm pou travay lo en policy pou fer sir nou capture sa bann keksoz.  E se pour kwa toultan mon’n dir e mon’n repete taler ki i enportan ki nou donn sa lasistans bann dimoun ki vreman bezwen.     So vwala mon larepons an sa ki konsern sa kestyon ki ou’n poze.

An sa ki konsern ledikasyon wi mon krwar ledikasyon ti soumet en request alafwa pour Bidze Kapital e osi serten demann pou recurrent me nou’n pa’n kapab entertain li ladan.

Mon krwar i annan toultan posibilite letan nou fer Mid Term Review pou nou regarde kot nou annan savings kekfwa nou kapab a sa moman la regarde kote nou kapab asiste.  Mersi Mr Chairman mon ava demann Mr Payet kekfwa pou koz lo sa kestyon ki ou’n poze lo bann kou.  Mersi.

 

MR SPEAKER

Mersi Minister.  SS Payet.

SECRETARY OF STATE MR PATRICK PAYET

Mersi Mr Chair, mersi Onorab.  Sa ki konsern cost of konstriksyon i en keksoz ki nou diskite avek Departman Lenfrastriktir osi e sa i dan nou policy meeting ki nou fer pandan tou le de semenn pou revwar en pe kwa ki nou kapab fer lo cost of living.

E parey plen dimoun i okouran ki tou dimoun en bout son saler i al dan swa dan rental ouswa i pe pey en loan lakaz e at the end of the day sa loan lakaz i dapre son cost ki’n konstrir son dwelling.

So en eleman par egzanp ki zot konnen napa VAT an se moman lo residential services sa i 0 – no VAT applicable.  Me selman lo bann materyo konstriksyon sa nou pe travay konzwentman avek tou bann partners pou vwar kwa ki nou kapab fer imedyatman ouswa kwa ki nou kapab fer in medium term.

Zis pou azoute osi lo ledikasyon par egzanp lo sa kote sekirite sa ti prenan kont last year letan nou ti pe forecast Bidze.  Akoz nou ti travay avek zot lo bann nouvo requirement e avek National Tender Board POU e sa i dapre nouvo tender ki’n fer e sa ti’n ganny mete lo Bidze.

Me tandis sa ki zot ti’n demande sa ki zot ti’n request se bann proze kapital e nou, nou ti anvi vwar li dan son totalite e sa dan Mid Year Review nou ava revwar bann lezot, an se moman nou vwar ki zot pe kapab meet dapre zot existing budget.  Mersi.

MR SPEAKER

Ok mersi Minister.

MINISTER MAURICE LOUSTAU-LALANNE

Mersi Mr Chairman.  Onorab ou ava eskiz mon ou dernyen kestyon mon’n pa’n reponn an sa ki konsern transfer travayer sorti President Village pou al kot NCC, larepons se ki vi ki i en Departman Gouvernman NCC donk i pou napa okenn sanzman dan zot bann benefis ek zot bann terms.  So i pou reste egzakteman parey dan Gouvernman.  Mersi Mr Chairman.

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman sorry nou de Onorab De Commarmond nou ti bezwen sorti pou sort out en sityasyon  en pe irzan me nou’n osi nobou kapab swiv, konmsi in en pe all over the place.

 Mon ti pe zis mazinen si i pa ti pou pli bon en pe parey letan nou pe regard Bidze annou fer Heading par Heading so that nou ti ava konnen ki pour dir ok (A) Ministries and Departments public bodies nou fini sa, e apre sa nou al lo lot so that then i ti ava fer plis sans, olye pou sorti lo A pou al lo D pou al partou kote, mon pe zis propoze petet ki nou ti ava fer li koumsa, so that then i ti ava annan en lord and then nou tou nou ti ava lo the same page at all times.  Mon pe zis propoz sa Mr Speaker.  Mersi.

MR SPEAKER

Yes Onorab De Commarmond.

HON CHARLES DE COMMARMOND

Mon dakor ek sa propozisyon.  Mon krwar i en fason pli disiplinen pou nou fer li e plis lord e nou ava al pli vit tou, tou dimoun i a konpran kwa ki nou pe fer.

MR SPEAKER

E pa neseserman bann Manm lo serten Heading ki napa kestyon i pa neseserman zot ava zis kit sa heading zot ava pran zis sa enn ki zot annan kestyon.   Ok annou fer li dan sa fason.

Ok mon’n, annou pran premye Heading – Ministries Departments Public bodies.  Ok bann Manm ki annan kestyon lo la, petet les mon a zis swiv enn ti pe mon lalis akoz an ka lezot Manm i a santi pou dir bann nouvo Manm pe sa…

Mon ava zis regarde si bann ki deza lo mon lalis i annan kestyon lo sa Heading.  Onorab Sebastien Pillay ou annan kestyon lo la?  Ok go ahead.

 

HON SEBASTIEN PILLAY

Mr Chair bonzour mersi bokou Minis bonzour tou Manm Onorab e bonzour tou dimoun a lekout e ki pe swiv nou.  Mr Chair mon ti oule zis an relasyon sa matter of procedure ki’n raise la ; Minis in osi prezant nou avek en summary of fiscal outcome for 2017 and 2018 in forecast, prezan en relasyon ek sa outcome nou annan en Supplementary Budget osi ki vin ansanm me dan sa Supplementary Budget i annan keksoz petet koman en Manm Lasanble, mon santi pou dir i en konsern piblik me ki pou pa neseserman antre ladan.

So vi ki nou pe go Heading by Heading e vi ki ler Onorab Ferrari in komanse in fer en komanter zeneral avan, eski ou pou dir ki nou pa pou fer komanter zeneral nou pou al direk lo Heading, oubyen apre nou pou ganny sans fer komanter zeneral?

 

MR SPEAKER

Wi se sa ki mon’n dir annou fer sa enteraksyon annou poz kestyon annou rod klarifikasyon lo sonm apre letan nou ava resolve into Committe of whole Assembly bann Manm i ava ganny sans fer zot entervansyon.  Ok?  Go ahead Onorab.

 

HON SEBASTIEN PILLAY

Mersi Mr Chair.  Mr Chair lo kote sa Heading Ministries Agency Departments and Public Bodies la mon ti annan kestyon an relasyon avek Bidze adisyonnel ki nou pe mete pour avek Anti-Corruption Commission.  Mr Chair ki mon ti oule demande sa i annan en Bidze R500mil ki’n ganny propoze pou sa lorganizasyon, mon ti a kontan ganny klarifikasyon si sa i Bidze ki sa lorganizasyon in ganny prezante as an additional ki i bezwen, ouswa sa i en prediksyon ki’n ganny fer par Minister Finans apre ki zot in analiz Bidze current ki sa Komisyon i annan?   Mersi.

 

MR SPEAKER

Mersi Onorab Pillay.  Minister.

 

MINISTER MAURICE LOUSTAU-LALANNE

Mersi Mr Chairman, mersi Onorab wi mannyer mon konpran se sa sonm ti a la demann CEO Anti-Corruption Commission ki’n fer direkteman avek Gouvernman pour sa sonm.

E sa i pou permet zot pou kontinyen zot travay entansifye zot bann lenvestigasyon e i annan mon krwar ki i annan serten depans lo enn ou de ka ki mon sipoze cross border kot zot bezwen pey serten bill pour serten envestigasyon ki zot pe fer.  Mersi Mr Chairman.

MR SPEAKER

Mersi Minister.  Onorab Pillay.

HON SEBASTIEN PILLAY

Mersi Mr Chair.  Mr Chair zis de dernyen pti pwen mon ti oule adrese avek Minis. Minis ler Onorab Churchill Gill in demande sa kestyon lo Praslin e larepons ki zot in donnen se ki nou pou pran en Van nou pou met dan bato, mon ti a kontan zis fer enn pti pwen ki silvouple rekonsider sa lozik deryer sa.  Mon krwar i pli worthwhile ki sa bann zofisye i ganny lekipman whatever nou recruit plis zofisye oubyen nou revwar zot package whatever bann keksoz koumsa me mon pa war li cost effective pou met en Van dan bato ki nou bezwen pey sa bato to transport sa Van retournen ki pou kout nou plis ki en car hire pou sa bann zofisye fer zot enforcement sa zour.  Sa i mon premye pwen.   Mon dezyenm pwen mon ti oule re-enforce avek Minis ki ti en commitment avek dimoun Praslin ki pou annan en compactor ki pou baze lo Praslin.    Mon krwar we have to go back to that committment e met sa compactor lo Praslin.

 

MR SPEAKER

Ou pe al lot seksyon la ou?

 

HON SEBASTIEN PILLAY

Ok, sorry, sorry Mr Chair mon pe get carried away.  Dernyen pwen Mr Chair bear with me mersi Manm Onorab, i konsern sa Asset Seizure e CID expert from overseas pou lapolis, ki mon vwar ki ler ou tir en sonm 127, 950mil sa 4 milyon the larger amount i vin pou sa, eski sa i an relasyon avek bann sanzman ki nou’n fer dan Lalwa proceeds of crime kot ou’n move Proceeds of Crime avek Lapolis?

E eski ou Minister i annan okenn lendikasyon as to effectiveness ozordi lenplimantasyon sa Lalwa kot Lapolis?  Mersi.

MR SPEAKER

Mersi Onorab.  Minis

MINISTER MAURICE LOUSTAU-LALANNE

Mersi Mr Chairman, mersi Onorab.   Wi mon santi ki ozordi i annan bokou ka ki pa pe avanse akoz i annan en mank sa bann ekspertiz dan Lapolis pou anmenn a term sa bann case.

Akoz ou war ozordi FIU i fer son lenvestigasyon apre i donn ek lapolis, biro Attorney General osi i involve e i sanble mwan ki la kot i annan en delay kot nou bezwen regle.

E se akoz de sa ki Komisyoner Lapolis in fer plizyer deplasman aletranze pou li al handpicked sa bann dimoun ki oule i travay dan sa departman pou nou nobou travay efektivman e korekteman an sa ki konsern sa Asset Seizure Unit e osi met plis konstab dan diferan Kordgard Sesel kot in idantifye i bezwen annan plis dimoun pou li nobou fer son louvraz pli byen.

Me parey mon’n dir nou bezwen donn tou sipor e mwan mon pou donn tou sipor Lapolis pou zot arive delivre lo sa task enportan mersi Mr Chairman.

 

MR SPEAKER

Mersi Minister.  Bon nou kontinyen lo Seksyon (a) Ministry Departments Public Bodies.  Onorab Henrie.

 

HON GERVAIS HENRIE

Mersi Mr Chair bonzour tou dimoun.  Mr Chair mon annan 2 pwen, Minis dan son prezantasyon in koz lo kestyon disiplin fiskal dan Gouvernman koman enn bann target Bidze letan mon pe get sa premye Heading kot Health Care Agency kot nou vwar sa arrears 2017 pou bann prodwir laboratwar avek supply medical mon anvi i dir nou fason ki zot pe travay akoz i pa normal sa.  Nou konnen ki Gouvernman letan ou dwa li en sou SRC i ekrir ou i donn ou bann mwan ki ou bezwen pey li me letan li Gouvernman letan i bezwen pey dimoun i bezwen annan sa disiplin.

So mon anvi ou koz ek nou enn pti pe lo la kwa ki zot pe fer e dezyenmman pou ranforsi pwen ki Onorab William in leve kestyon sa maintenance contract mon ti a kontan en pe detay lo la par egzanp lekel sa lakonpannyen, mon mazinen sa avangard i en lakonpannyen ti annan en tender me pli enportan letan nou pe get sa sonm 10 milyon ki Lafors Defans pou bezwen peye.  Lafors Defans Sesel i bezwen annan dezormen en Scheme Profesyonnel kot bann zenn ki antre serten travay i kapab ganny fer within nou larme nou war sa dan lezot pei, so pou kapab annan en saving konsiderab a lonterm.  Sa i 2 pwen ki mon ti oule fer mersi bokou.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Mersi Mr Chairman mersi Onorab pou sa 2 kestyon.   Wi an sa ki konsern Health Care Agency nou osi nou en pe sirprann ki i annan sa bann aryeraz.

E parey nou’n eksplike sa i pou 2017 me nou’n deside pou nou rankontre Minister Lasante Health Care Agency pou nou aprofondir en pe plis, akoz kekfwa sa i pa egzakteman tou aryeraz ki annan nou bezwen fer en travay pli aprofondi, pou nou parey ou dir korekteman koriz sa.  You know akoz dan sa reform makroekonomik toultan nou’n dir ki Gouvernman i bezwen pey son det. Nou pa kapab pa klersi son det.  I enn bann lobzektif mazer ki nou bezwen fer.

So ou pwen ki ou’n fer mon note e nou osi annan serten konsern so nou pou rankontre avek Minis Adam byento annefe semenn prosenn pour nou klarifye sa sityasyon  byen.

Akoz si par egzanp ou annan ou en pe saving dan ou Bidze 2017, i pa normal ki nou repran sa saving kan ou annan det apre ki vini ki dir ou, ou dwa serten supplier  aletranze pour serten keksoz, kan ou ti annan savings ki ou ti kapab klarifye. So nou bezwen regard en pe dan sa sityasyon parey mon’n eksplike.

An sa ki konsern Departman Ladefans ou annan parfetman rezon.  Mwan mon krwar ozordi i annan 7 etranze ki pe travay dan sa unit, dan sa workshop, parey mon dir dan diferan spesyalite elektrik idrolik, masin ensidswit e mon’n diskite avek Departman Defans pou regarde ki zot plan pou fer rantre Seselwa e ki peryod zot antisipe pou annan Seselwa ki kapab ranplas sa bann dimoun e zot in dir mwan ant 2 a 3an.

So la nou pe konfirmen ki nou bezwen idantifye e bann travayer Seselwa ki kapab antre kot militer pou zot ranplas sa bann dimoun dan 2 a 3an.  So i en committment ki nou pe fer e mon krwar di-si la nou ava war en lot sityasyon.  Mersi Mr Chairman.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Chair, mersi Minis pou ou larepons.  Me spesifikman lo sa avangard i en konpannyen sa?  I baze Sesel?  I en konpannyen menm sa?

 

MR SPEAKER

Minister.

MINISTER MAURICE LOUSTAU-LALANNE

Wi i en konpannyen Sri Lankan ki i annan sa Kontra.

MR SPEAKER

Mersi Minis.  Onorab Vidot.

HON AUDREY VIDOT

Mersi Mr Chair, bonzour Mr Chair.  Minis avek ou lekip tou Manm Onorab e manm piblik ki a lekout.  Mr Chair avan ki mon demann mon 2 kestyon mon ti a zis demande si ou kapab re kit mon non lo lalis komanter zeneral silvouple.

Mon 2 kestyon pou tous lo Regional Council Minis nou dan Lasanble nou’n koz en bon pti pe lo siport ki nou bezwen donnen anver nou Regional Council pou zot kapab improve enn ti pe travay dan bann distrik.  Petet mon vwar lo la ki zot ti’n Bidze 2.02 milyon me in annan en increase 2.7 petet si nou kapab ganny enn ti pe leklersisman kwa ki bann priyorite zot pe met anforsi an term pou sa sonm depans?

Apre Land Compensation Tribunal petet nou ti a kontan konnen konbyen bann case ki pou resevwar bann peyman?  E ki bann devlopman Gouvernman ki pe ganny antreprann anba sa bann case ki i en ti pe en highlight.  Mersi.

 

MR SPEAKER

Mersi Onorab.  Minis.

MINISTER MAURICE LOUSTAU-LALANNE

Mersi Mr Chairman, mersi Madanm Onorab pou ou kestyon, wi an sa ki konsern Regional Council parey nou okouran i pou pran lefe depi le mwan Zilyet, so nou pe provide en Bidze pour en peryod Zilyet ziska Desanm 2018.

E mazorite sa Bidze i pou allowance ki nou pou pey bann chairpersons ek bann councilors sa Regional Council.

E osi i annan 7 rezyon parey ou konnen e i annan saler pour bann senior office assistant ki pou siport sa biro pou en sonm parey ou’n endike R2.6, R2.7milyon.  Vwala.  Donk zot in ganny 2 milyon nou pe azout 600 ekek mil zis pou ariv sa sonm.  Mersi Mr Chairman.

MR SPEAKER

Mersi Minis.  Onorab Vidot.

 

HON AUDREY VIDOT

Mersi Minis lo menm laliny pou Regional apre ou a reponn mwan pou Land Compensation Tribunal ou pa ti ankor lo la.  Letan ou’n dir letan pou donn allowance petet pour lenformasyon piblik laba petet bann MNAs dan sa bann Regional Council zot pou osi lo la, petet ti a byen konnen si zot pou tonm anba sa allowance ki piblik i ganny sa lenformasyon kler oubyen sinon.  Mersi  parey sa.  Thank you.

 

MR SPEAKER

Mersi Onorab.

 

HON AUDREY VIDOT

Leklersisman lo la.

 

MR SPEAKER

Mersi.  Minis.

MINISTER MAURICE LOUSTAU-LALANNE

Mersi Mr Chairman mersi Madanm.  La, mannyer mon konpran se sa Chairperson avek son bann councilors ki pou ganny en monthly allowance.   Ok? 

So mon annan son sonm, me sa allowance i pirman pou son Chair ek son bann councilors.  Ok?

An sa ki konsern Land Compensation Tribunal eskiz mwan mon’n pa’n not sa, wi pou 2.4 milyon li ek son Komite in etabli i pe fer son travay me depi 2017 an 2017 ti komanse, me malerezman nou’n pa’n donn li finansman, akoz parey ou konnen sa bann dimoun ki  lo sa komite i bann dimoun profesyonnel, bann dimoun Lalwa bann avoka and so on.   E nou bezwen pey zot pou zot fer sa travay.

E la nou pe provide sa larzan pou pey zot en serten personal cost ki nou’n determinen, apre pou annan running cost sa bann biro kot zot pou travay.  I annan en serten kantite pou lekipman pour furniture e donk aryeraz 2017 i amount to R350mil e pou 2018 i R2.1milyon.

Donk se pou donn sa larzan neseser pour zot fer zot travay korekteman akoz sa i en keksoz enportan nou oule achieve.  Mersi Mr Chairman.

 

MR SPEAKER

Mersi Minister.  Onorab Vidot.

 

HON AUDREY VIDOT

Mersi Mr Chair.  Minis zis en last question lo sa enn progranm, eski apard sa ki ou’n mansyonnen bann cases ki zot ti komanse travay lo la, eski i osi enkli dan sa sonm oubyen non?  Si wi konbyen case si ou annan sa sif.  E petet ki bann kalite konpansasyon ki petet pou bann proze ki pe ganny depanse ladan.  Thank you.

 

MR SPEAKER

Mersi Onorab, petet mon a zis azoute Minis mon krwar akoz nou ganny bokou bann rapor kestyon ki vin kot Lasanble kote zot lofis i located?  Akoz bokou dimoun i vin kot Lasanble zot pa konnen vreman kote zot pou ale pou sa bann land cases.  Minister?

 

MINISTER MAURICE LOUSTAU-LALANNE

Mersi Mr Chairman nou a find out egzakteman en ti moman la e apre mon ava enform zot kote son biro pou ete.  Me sa i pirman pou abilit zot pou fer zot travay.  I pa enkli bann peyman konpansasyon dan bann ka kot zot in determinen.  Wi i pa enkli ladan.  Mersi Mr Chairman.

 

MR SPEAKER

Bon nou ava pran en dernyen avan nou pran Break.  Onorab Mondon.

 

HON TERENCE MONDON

Mersi Mr Chair.  Mon anvi premyerman demann Minis eski zot a sa moman ki zot pe demann nou 200 milyon, 218 milyon an plis eski zot annan en analiz bann lenplimantasyon zot rate implementation bann proze bann progranm bann Minister?  La fason zot pe enplimant bann proze bann progranm ki zot in dir dan dernyen Bidze zot pe al enplimante pou sa lannen.

Mon oule rapel ki sa Bidze sa lannen in ogmante par 18 poursan pou san lannen ki nou’n pase lannen pase an Desanm lannen pase e la ou pe demann nou 200 milyon mon anvi konnen si zot in fer en travay pou vwar ki mannyer zot pe enplimant bann proze progranm ki zot in dir nou ?

Bon mon kestyon spesifik lo sa latab alor Minis in donn nou enn ti pe lenformasyon lo sa Anti-Corruption Commission, be mon ti a kontan si ou ti kapab eklersi nou sa 500mil i al pou kwa?

Konbyen bann pozisyon adisyonnel?

Ki bann pozisyon ki pour annan kot Anti-Corruption ki pour al dan sa ki sa R500 mil pe fer provizyon?

E ki kantite ladan ki pe al pour bann vwayaz?

Akoz mon pe met lanfaz lo sa Mr Chair akoz i annan en gro travay devan sa Komisyon, en kantite larzan ki pep Seselwa i anvi konnen ki’n pase avek.  I annan 50milyon Dolar ki nou ankor pe espere. Nou anvi fer sir ki sa Komisyon pe ganny larzan, pe ganny sa sipor neseser pour fer sa travay.  Alor si ti kapab eklersi nou en pti plis, ki bann pozisyon zot pe fer provizyon anba sa sonm.

E dezyenmman mon anvi demann Minis sa 35,5milyon parey Onorab Henrie ti’n demande, eski i enkli sa sonm ki zot dwa Air Seychelles ki nou’n diskite yer.  Eski sa sonm i enkli ladan e konbyen ti arive ?

Akoz yer nou ti konfirmen pour dir ti annan, Minister ti dwa Air Seychelles pour bann vol Domestik pour pasyan. Dir nou si sa sonm i ladan e konbyen in arive?

E zis anpasan Mr Chair mon krwar ler Minis i dir nou ki zot in exercise disiplin fiskal, pridan mon pa tro konpran ki savedir disiplin fiskal ler i dir nou bann target, Minis Finans an 2016 i dir nou zot target 49 poursan nou det eksteryer GDP i pour ariv 49 poursan an 2018.  Parey ou’n konfirmen taler an 2017 ou dir nou in vin 2020.  La ou dir nou 2021. Ki kalite disiplin ki zot pe vreman exercise ki ou pe fer en komitman ki sa, selman bann target i kontinyen bouze.

Mon pa tro konpran ki mannyer ou fer en Statement ki ou dir ki nou pe exercise disiplin fiskal kot nou vwar klerman ki bann larzan pa pe ganny byen zere.  Mersi Mr Chair.

 

MR SPEAKER

Mersi Onorab.  Minis.

 

MINISTER MAURICE LAUSTAU-LALANNE

Mersi Mr Chairman.  Mersi Onorab pour ou bann kestyon. An se ki konsern sa premye kestyon.  Parey ou konnen nou bezwen pa reglemantasyon osi soumet avek Lasanble en serten peryod spesifik repetitive si oule performans Bidze per quarter.

E donk sa nou fek fini aprouve la, e nou pour transmet sa kot Lasanble e donk ou ava vwar egzakteman ki mannyer Bidze in perform pour first quarter 2018.  Donk sa nou bezwen fer, nou bezwen submit second quarter eksetera e nou pour fer li parey reglemantasyon i demann nou.

An sa ki konsern breakdown pour Anti- Corruption mon napa la avek mwan a mwen ki mon bann teknisyen i annan, me mon napa sa breakdown ki mannyer i ganny reparti, me mon konnen ki zot bezwen ankor en pe dimoun pour zot al pli vit avek zot bann investigation.  E zot annan serten kou parey mon dir ki require pey deor pour nobou fer investigation bouze. So nou’n siport li koumsa, me mon napa sa breakdown.  I can find out e mon ava donn ou amwen ki mon bann teknisyen i annan.

An sa ki konsern Air Seychelles.  Sa i zis en retard an peyman ki Minister Lasante pa’n fer kot Air Seychelles. Sonm ki zot ti dwa i R2milyon. So sa parey mon’n eksplik zot in ganny klersi.  E i nepli en problenm.  An sa ki konsern disiplin fiskal.  Ou konnen nou pa pe sanz nanryen.  Letan nou’n glis sa zafer sorti 2018 pour vin 2021 ki sa debt to GDP ratio i 50poursan, nou pa pe sanze sa nou.  Ou konpran?

E sa in ganny sanze en pe letan pase sorti 2018 pour li al 2021.  Donk nou pa pe sanz nanryen.  Nou’n angaze lo nou macroeconomic reform programme.

Nou serye lo nou disiplin fiskal e annefe nou pa’n anmenn en Bidze siplemanter ki parey en wish list.  Ou war?  Nou’n anmenn en Bidze fiskal Siplemanter ki nous anti nou kapab propoz avek Lasanble sa logmantasyon kontenir ki nou pe fer pli byen.

Lot nou lobzektif pour nou sorti 60poursan debt GDP ratio an Mars 2018 pour nou ariv 50 poursan, nou bezwen kontinyen repey nou det, e nou pour fer li avek sa sirplis ki nou annan, pour osi pran larzan pour klersi nou det!  Le pli vit nou klersi, the better it is.  

So nou pa pe sanz nanryen sa ki nou’n deside fer, nou pe mentenir nou ka.  Nou pa pe sanze pour le moman. Mersi Mr Chairman.  Mon ava kekfwa demann mon bann teknisyen si zot annan sa breakdown pour Anti-Corruption Unit me i sanble mwan nou napa. So nou ava rode, nou ava donn ou. Mersi Mr Chairman.

 

MR SPEAKER

Mersi Minis, Onorab Mondon.

 

HON TERENCE MONDON

Mersi Mr Chair. Mon oule zos fer Minis rapel ki dan Rapor Minister Finans 2017 i ti fer resorti ki an 2016 zot ti relax zot bann depans ki zot in al depans an plis ki in fer zot det retourn ankor, ki fer zot det kontinyen remonte, menm det domestik, menm eksteryer i monte.  Sa i pa disiplin fiskal.  Akoz lo ki baz zot fer sa ti an 2016.  Se sa.

Si ou pe egzers disiplin fiskal, ou bezwen kapab pe montre sa disiplin.  Lafason ki ou depanse.  Ou pa kapab zis akoz 2016 eleksyon ou kontinyen ogmant plis apre ou dir nou ou pe fer disiplin fiskal lannen prosenn nou sere.

I kler nou ti war bann depans pour 2016, kote ti ale, kote ti ogmante dan bann larzan dan bann welfare eksetera.  Savedir ler nou fer en statement disiplin fiskal nou bezwen fer sir, nou konnen ki nou pe dir.  Pa larealite i montre nou en lot keksoz.  Mersi.  Sa i en komanter Mr Chair.

 

MR SPEAKER

Mersi pour sa komanter.  Mwan a demann Minis si oule azout keksoz.  Minister?

 

MINISTER MAURICE LAUSTAU-LALANNE

Mersi Mr Chairman.  Mon a demann SS Payet pour reponn. Mersi.

 

MR SPEAKER

Ok.  SS.

SECRETARY OF STATE MR PATRICK PAYET

Mersi Mr Chair. Mersi Onorab. Zis pour fer Lasanble rapel ki letan … the poverty, the household budget survey ti sorti an 2015, nou ti’n fini prepar Bidze pour 2016. E dan son State of the Nation Address, 2016 Prezidan ti deside pour nou revwar dan konteks Household Budget Survey ki ti ganny vwar ki 40poursan Seselwa i dan poverty, pour nou revwar minimum wage, pansyon ek bann lezot eleman.

A sa moman nou ti vwar ki sa i pour kout larzan dan Bidze. E inisyalman nou ti’n fini forecast pour nou redwir nou det dan sa baz 50 poursan, nou forecast ti pour 2018. Me nou koman bann teknisyen nou ti advice ki si nou al fer sa, nou pa pour kapab redwir nou det sa target an 2018.

So Gouvernman ti bezwen pran sa desizyon pour prolonz sa target pour li ariv 2021.  E a sa moman akoz ki nou ti pe fer en pe, re azisteman lo nou bann depans apart ki letan sa rapor Household Budget Survey ti’n sorti an 2015, nou ti bezwen reaziste nou dan sa konteks.

Me sepandan nou’n vwar ki the framework ki nou annan ozordi dan medium term fiskal framework, nou angaze pour nou fer sa, pour nou redwir sa det sorti 60 poursan kot nou ete ozordi a 50 poursan an 2021.  E sa i dapre sa framework.

E Bidze siplemanter ki nou’n vin avek ozordi, nou’n vwar ki nou ti kapab kit nou balans fiskal primer 2.5 GDP. Me nou pa’n fer li, nou’n ogmant li pour fer li vin 3 poursan. Akoz nou anvi kontinyelman pran en bout larzan, redwir nou det, e pran en bout larzan pour nou vwar ki bann urgency ki nou annan dan depans. E sa desizyon ki Gouvernman in fer, in pran avek propozisyon pour sa Bidze Siplemanter.  Mersi.

 

MR SPEAKER

Mersi SS Payet.  Bon avan nou pran Break mon anvi zis atir latansyon bann Manm ki nou ankor lo premye seksyon, nou annan ankor 5 Manm pour entervenir lo sa premye seksyon.  E i reste nou ankor 5 seksyon.

Nou pour Break, nou pour pran, nou pour repran 11.15.  E annou esey pa fer gran statement, be annou al direkteman lo klarifikasyon e lo kestyon.  Apre parey mon dir nou pour resolve into the Committee of Whole Assembly e zot a kapab fer zot bref entervansyon avan nou pran en vot lo Mosyon. Ok, nou ava Break e nou retournen 11.15.

 

(BREAK)

 

MR SPEAKER

Bon parey mon’n dir avan nou pran Break. Annou sey speed up en pti pe. Mwan annan ankor 5 Manm pour sa premye seksyon.  Mon pa pour pran ankor pour premye seksyon, pour nou kapab move on lezot seksyon.  Onorab Lemiel.

 

HON SYLVANNE LEMIEL

Mersi Mr Speaker. Bonzour Minis avek ou delegasyon. Bonzour tou mon bann koleg Manm Onorab. Mr Speaker atraver ou mon ti a kontan Minis i met en pti pe plis leklersisman lo sa 2 sonm anba Small Claims Tribunal – en sonm R1.18 milyon. E anba Truth and Reconciliation Commission – en sonm (1.1 milyon) R1.18 milyon?  Mersi.

 

MR SPEAKER

Mersi Onorab.  Minis.

 

MINISTER MAURICE LAUSTAU-LALANNE

Mersi Mr Chairman, mersi Onorab. Mon ava demann Mr Payet pour reponn.  Mersi.

 

MR SPEAKER

Go ahead SS.

 

SECRETARY OF STATE MR PATRICK PAYET

Mersi Mr Chair. Mersi Onorab. Pour sa 2 head ki nou pe propoze se parey the State of the Nation Address ti pour annan sa 2 tribunal ki ti pour ganny set up apartir Zen of the year.  Ki nou’n pran, nou’n pran menm serten parey sa Land Compensation Tribunal, tou bann depans ki nou anvizaze fer anba sa tribunal, re get li dan konteks pour sa 2 nouvo tribunal, me pran li an kont, zot pour set up from June to July.

So ladan i pour annan zot personel cost, par egzanp ki kekfwa zot pour recruit en office assistant pour ganny bann case, apre pour pey Chairperson bann members. Apre vehicle, apre zot bann office running cost.   So i dan menm konteks ki nou’n pran dan sa Land Compensation vizavi sa 2 Tribunal.  Me sa i apartir ki nou’n dir dan State of the Nation Address. Mersi.

 

MR SPEAKER

Mersi SS.  Onorab Lemiel.

 

HON SYLVANNE LEMIEL

Eski – Mr Speaker eski Minis oubyen SS i kapab klarifye petet sa bann Chairperson ek son bann Manm lo sa bann Tribunal, konbyen zot pour gannyen koman zot allowance, or something like that?

 

MR SPEAKER

Ok.  SS.

 

SECRETARY OF STATE MR PATRICK PAYET

Mersi Mr Chair. Pour Compensation Land Tribunal demann ki nou’n gannyen se sa i ankor pe finaliz dan negosyasyon. Zot in demann nou R18mil par mwan pour Chairperson.  Apre members R15mil par mwan. E dan sa request ki zot in met devan Gouvernman, zot in advice ki mazorite sa bann Manm i bann dimoun ki dan legal e son kou per hour i plis konpare avek nou bann Board fees ki nou peye aktyelman.

 

MR SPEAKER

Ok mersi SS.  Onorab Stephen Pillay.

 

HON STEPHEN PILLAY

Mersi Mr Speaker.  Bonzour tou dimoun. Mr Speaker mon kestyon i lo 3 porsyon sa bout (A).  Eski Minis i kapab dir nou en pe plis detay lo sa avangard for the maintenance of SPDF vessels.  Akoz mon war 10 milyon pour sa 6 mwan ki vini. e ler ou pe gete 7 travayer Sri Lankan i pour tonm apepre R243mil par mwan pour sa 6 mwan.

E si ou kapab dir nou konbyen i ete son original maintenance contract?  E si nou kapab ganny en copy ou menm ou kapab donn ek FPAC ki nou a konnen egzakteman si napa keksoz drol ladan.  Ok?

Epi mon dezyenm kestyon i pour Regional Council, mon war ou’n dir councilors Chairman salary, senior office assistant, mon pe regarde si i annan dan Bidze pour lofis pour sa bann kote zot pour baze ? Zot rezyon?  E pour Departman Lanplwa ou’n dir i annan en increase in rates for private employment agencies, mon ti a konnen ki actual rate i ete konmela e konbyen agencies i annan.

Lo kote Lapolis, mon kontan demande si sa bann asset and CID experts from overseas konbyen pour annan? Akoz ler nou pe gete mon war pour sa 15 konstab i pour tonm R767,500mil pour sa 6 mwan.  Me pour sa, mon sipoze 2 ou 3 expert i pour tonm R3,230,500 milyon pour sa 6 mwan.  En pe klarifikasyon lo la Mr Speaker.  Mersi.

 

MR SPEAKER

Mersi Onorab.  Minister.

 

MINISTER MAURICE LAUSTAU-LALANNE

Mersi Mr Chairman. Mersi Onorab. An sa ki konsern avan gard. Mwan krwar, mwan ava soumet sa Kontra avek Komite Ladefans dan Lasanble si sa i akseptab pour zot war konteni sa Kontra. Me zis pour fer resorti sa 10. 2 i pour en peryod 12 mwan. I sorti Zanvye ziska Desanm.

An sa ki konsern Regional Council sa i zis pour bann Chairperson ek Councilors parey mon’n eksplike akoz pour zafer biro and so on i annan en Bidze R5 milyon ki deza dan Bidze 2018.

Pour Lapolis detay se ki zot request orizinal, annefe ti pour R7milyon e nou pa’n kapab donn zot tou sa larzan, nou’n redwir li a R4milyon.

So i ava en swa pour zot fer ki mannyer zot pour reparti sa larzan dan zot recruitment sa bann asset seizure officers… e bann Konstab ki zot pour anploye.  Sa i bann larepons ki mon kapab donnen pour le moman.  Mon a demann avek ou permisyon Mr Chairman pas laparol a Mr Payet.

 

MR SPEAKER

Go ahead SS.

 

SECRETARY OF STATE MR PATRICK PAYET

Mersi Mr Chair. Pour employment agencies i annan 9.  Me selman nou kapab donn ou plis detay lo sa increase akoz i annan bann ki registration, i annan increase. Apre letan zot met dan lanplwa osi, i annan diferan rate ki zot in increase.  Nou kapab donn ou sa detay osi lo la.

 

MR SPEAKER

Lo kestyon Regional Council offices kot zot pour meet and all that?  I ok?  I ok sa?   Ok Onorab Stephen Pillay.

 

HON STEPHEN PILLAY

Wi Mr Speaker. Konmsi ler Minis i dir ti demann 7milyon, ti demann 7 milyon, in ganny 4 milyon, be zot pa dir ek Finans pour dir nou pour bezwen tan dimoun, i ariv tan, zis zot demande pour dir epi … ?  Ou bezwen fer en request normal pour dir mon oule 4 zofisye, mon oule 2 seizure, 2 CID.  I bezwen dir non?  Mersi Mr Speaker.

 

MR SPEAKER

Mersi Onorab.  SS Payet.

 

SECRETARY OF STATE MR PATRICK PAYET

Mersi Mr Chair.  Onorab the request ki ti vin devan nou, zot tip e demann 1 special constable pour Praslin Unit, 15, ok? Apre recruitment of two foreign workers for the Asset Seizure Unit, e sa Special Constable zot ti lo sa ki zot ti request se sa bann dimoun ti pour ganny R8,550, ok?

The 2 foreign workers proposal sorti kot Lapolis, zot ti dir ki for the Asset Seizure Unit sa bann dimoun ti pour ganny 9,100 Dolar.  Akomodasyon R20mil, apre transportasyon 9, 100 per day. Sa proposal.  Recruitment of one foreign worker for the CID, sa osi 9, 100, apre akomodasyon avek transpor.  Apre ti pour annan recruitment of 10 foreign workers Morisyen, Serzan e zot ti pour ganny an average R20 mil.

Apre ti pour annan en sonm pour National Intelligent Unit, zot ti pe demann additional pour motor vehicle hire avek bann backload osi pour en lavaler apepre R700mil.  Sa totalite ki zot ti request, e nou’n donn zot sa 4milyon pour zot revwar en pe sa bann request.

E anvizaze ki la nou ant June zot pa ti ankor fer recruitment. Mersi.

 

MR SPEAKER

Mersi SS. Onorab De Commarmond.

 

HON CHARLES DE COMMARMOND

Mersi Mr Chair.  Zis dan menm laliny, pli boner SS ti reponn en kestyon, en leklersisman lo Anti-corruption Commission ki dir ki sa 500mil, i sa ki sa lazans in demande.  E mon’n aprann mwan taler dan Break la ki sa Lazans in demann 2 milyon. Akoz nou pa’n donn, parey Onorab Pillay in dir, akoz nou pa’n donn li sa ki in demande akoz i annan en travay enportan ki i pe fer sa Commission. Eski i kapab annan en leklersisman dan sa direksyon pour nou Lasanble. Mersi.

 

MR SPEAKER

Mersi Onorab.  SS ou ti oule reponn?

 

SECRETARY OF STATE MR PATRICK PAYET

Mersi Mr Chair, mersi Onorab. I annan e konteni ki nou’n diskit avek Anti-corruption.  Parey zot konnen Anti- Corruption pe revwar zot Lalwa e dan sa konteks letan nou’n diskite e mwan personally letan mon’n diskite avek CEO, i pour annan detrwa savings ki pour kapab maneuver en pe sa bann depans adisyonnel.

Sepandan i annan de konponan ki nou pa’n donn li dan Bidze me nou pe pran dan en lot vot.  I annan sa foreign local consultancy avek sa local recruitment.  E sa i en total, i apepre R900mil ki nou pe pran li anba vot professional consultancy vote ki en Vot Santralize kot Minister Finans.

Par egzanp lo kes 50 milyon Dolar tou legal cost sa pe ganny peye pa dan son Bidze me kot nou dan sa Vot Santralize  e sa nou’n deza koz ek li.  So pour nou, nou’n vwar ki dan sa konteks sa 2 milyon ki’n demande, sa 500mil i kapab servi pour son bann lezot, 900mil i kapab tonm kot nou dan sa bann Vot Santralize professional Consultancy.  E bann lezot ki nou’n vwar ki dan revizyon Lalwa ki pe vini i pour annan detrwa savings ki annan bann Vot ki pa pour bezwen dan sa revizyon Lalwa.  Mersi.

 

MR SPEAKER

Mersi.  Onorab De Commarmond.

 

HON CHARLES DE COMMARMOND

Be en keksoz ki beg itself.  Therefore konbyen an tou ki sa bann dan diferan landrwa kot ou dir ou pe donn zot la, an tou konbyen ki zot pe gannyen? Eski i arive sa 2 milyon, ouswa i vin plis, i vin mwens?

 

MR SPEAKER

Mersi Onorab.  SS.

 

SECRETARY OF STATE MR PATRICK PAYET

Mersi Mr Chair. Parey mon’n dir ki dan Bidze i annan 500mil. Dan Bidze santralize professional consultancy i annan apepre 900mil ki pour ganny peye. E son diferans dan letan nou pe fer sa, revwar Lalwa li menm dan sa savings entern ki pour annan.

So i pour kouver sa 2 milyon ki in demande an total. Wi, i kapab plis akoz i annan bann Vot ki anyway sa si Lasanble i aprouv sa nouvo proposal ki pe ganny diskite. I annan bann kontenan depans ki i pa pour bezwen dan Bidze. I annan bann kontenan. Be selman la nou pa kapab kekfwa koz lo la vi ki i ankor dan internal preparasyon.  Mersi.

 

MR SPEAKER

Mersi SS Payet.  Onorab Phillip Arissol.

 

HON PHILLIP ARISSOL

Mersi Mr Chairman. Bonzour tou dimoun. Minis eski ou kapab dir nou sa lakonpannyen Avangard, zot maintain konbyen bato SPDF?  E kote sa lakonpannyen i baze silvouple?

 

MR SPEAKER

Mersi Onorab. Minis.

 

MINISTER MAURICE LAUSTAU-LALANNE

Mersi Mr Chairman. Mersi Onorab pour ou kestyon. Avant Garde i en konpannyen ki baze Sri Lanka me i annan en workshop ki in etablir dan Coast Guard Centre kot i operate from.

Parey mon‘n eksplike, zot la 24 lo 24 pour provide sipor maintenance lo tou bato Coast Guard, me prensipalman bann gro bato ki zot annan.

Donk zot la e parey mon’n eksplike zot annan en workshop ki fully equipped avek bann lekipman neseser pour zot kapab fer zot travay.  E donk be sa konpannyen i en konpannyen Sri Lankan.  Mersi Mr Chairman.

 

MR SPEAKER

Mersi Minis.  Onorab Arissol.

HON PHILLIP ARISSOL

Mersi Mr Chair. Dapre lenformasyon plizyer enzenyer e travayer SEYPEC in apros SPDF pour ranplas sa Sri Lankan.  E zot in ganny dir ki SPDF pa pran sivilyen pour fer sa louvraz.

Alors eski Gouvernman pour aprouve ki depans R10 milyon i kontinyen ganny pran pour tou sa letan?

 

MR SPEAKER

Ok.  Mersi Onorab.  Minis.

MINISTER MAURICE LAUSTAU-LALANNE

Mersi Mr Chairman.  Mersi Onorab. Mon pa okouran ki i annan dimoun ki enterese pran louvraz me sa ki mon kapab konfirm avek ou se ki i lentansyon SPDF pour zot pran Seselwa, pour back up, pour shadow sa bann Sri Lankan e di-si 2 a 3an nou a kapab ranplas sa bann Sri Lankan.  So sa i son prensip ki nou pe fer. E sa ka spesifik nou pa okouran, mwan ava fer sir mon a aprofondi.  Mersi Mr Chairman.

 

MR SPEAKER

Mersi Minis.  Onorab Ferrari. Non?  I ok?  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman mon premye kestyon e ofet parski bann lezot in osi ganny kouver. Health Care Agency.  Mon kontan ki Minis in dir ki zot pour annan en meeting pour zot regarde, parski ki mannyer mon ganny en konpran i annan en kantite gaspiyaz ki pe arive laba kot i annan en kantite latizann ki pe ariv pre zot expiry date kot sa agency i aste e apre sa i ariv expiry date e nou trouv nou pe perdi 40milyon – 20milyon ensidswit.  Alor mon ti ava kontan ki sa osi tou i ganny pran an konsiderasyon.

E an menm tan osi, bon sa detay ki ou’n donnen la. Mon pa konnen si sa ki kestyon ki mon pour al demande ou pour dir ek mwan i tonm anba Minister Lasante e non pa anba Health Care Agency.

In annan tou sa bann koze lo bann Scheme. bann nurse ti desann dan lavil pli boner sa lannen. E apre sa ti annan promes, e mon pa pe war nanryen la.  Malgre zot in ganny ki dir pour ganny kouver, mon pa pe war nanryen.  Eski ou ti ava kapab dir nou akoz sa pa pe ganny enkli dan sa Bidze Siplemanter silvouple? Mersi bokou.

 

MR SPEAKER

Mersi Onorab.  Minis.

 

MINISTER MAURICE LAUSTAU-LALANNE

Mersi Mr Chairman, mersi Onorab pour ou kestyon. Wi annefe sa kestyon wastage i reste en problenm. E mon rapel letan ki mwan mon ti dan Lasante resaman, nou ti’n entrodwir en sistenm software, sistenm computer pour nobou track sa bann latizann, sa bann lezot supply medikal ki annan en expiry date.

Sa sistenm ti zis en porsyon dan sa sistenm, me i annan en Health Information System kot i annan en Bidze, 4 milyon dolar anba en line of credit avek Gouvernman Lenn pour antreprann sa proze.

Mannyer mon konpran ozordi zot in tender en premye fwa, zot in swazir en kontrakter e apre in ganny met on hold. Akoz mon pa konnen.  Mon pour bezwen find out. Me sa sistenm i en sistenm primordyal ki pour relye, Lopital Sesel li menm, tou Sant Lasante, 17 ou 18 ki annan lo Mahe, Lo Praslin, Lo La Digue, relye avek sa sistenm computer ki pour track son stock kot in ganny issue, dan ki pharmacy, dan ki Ward, son restocking level pour efektivman redwir sa wastage ki ou pe koz lo la.

E mwan mon krwar ki sa proze i tre irzan, e fodre nou enplimant sa proze de pli vit posib pour nobou enn fwa pour tou anpes sa gaspiyaz ki pe arive.

An sa ki konsern Scheme bann ners mwan ava ganny korize si mwan mal, me mwan krwar ti annan en allowance R2 mil, R3mil ki ti ganny agree pour bann ners, retention allowance.  E sa zot pe gannyen sa lannen.

E lannen prosenn dan Bidze, dan Bidze 2019, pour sa ki’n ganny agree i ava ganny aziste, selman kekfwa mwan a demann Mr Thésee pour klarifye sa pli pre akoz se li ki pe koz ek mwan la.  Silvouple Mr Thésee, avek ou permisyon Mr Chairman.

MR SPEAKER

Mersi Minis. PS Thésee.

PS DAMIEN THESEE

Mersi. Parey Minis in dir korekteman depi ler nou ti fer negosyasyon pour Bidze 2018 an 2017 ki nou ti’n tonm dakor avek Health depi 2017 back then se ki nou pour fer any revision dan zot Scheme an faz.

So 2018 ti’n tonm dakor pour donn sa retention allowance e osi in annan revizyon dan rate Gratwite ki pe peye pour bann travayer ners plizoumwen.

E larestan cadre savedir bann lezot travayer lasante e si in annan en nesesite pour reviz saler swa ners, swa dokter, sa Lasante ti pour travay lo la pandan 2018, pour met dan zot Bidze 2017 pour konsiderasyon.

So nou ankor, (19).  So nou pe fer bann prosedir Bidze 2019 la an se moman, so as soon ki sa bann keksoz i vini, nou kapab konsider li pour 2019.  Mersi.

 

MR SPEAKER

Ok. Mersi PS. Bon nou’n ariv. Nou’n fini avek premye Seksyon, Seksyon (a) nou ava bouz lo Seksyon (B) ki enkli ‘other goods and services’, i annan 2 major konponan; nou annan cleaning services, avek execution for elections.

Zis pour lenformasyon bann Manm Lasanble, mon fek resevwar rapor sa by-election avek Komisyon Elektoral. Mon’n fini fer anvoy kot lofis Clerk, i ava fer sir ki bann Manm i ava ganny en kopi. Nou ava met li koman Paper Laid  next week.       Ok?  Okenn Manm ki oule entervenir. Klarifikasyon lo Seksyon (b). Onorab Churchill Gill.

 

HON CHURCHILL GILL

Mersi Mr Chair.       Mon Klarifikasyon se dan sa Cleaning Services la.  Eski sa i involve sa bann Kontra ki dan process pour al donnen pour bann netway semen, oubyen sa en lot?  Mersi.

MR SPEAKER

Mersi Onorab.  Minis.

MINISTER MAURICE LAUSTAU-LALANNE

Mr Chairman avek ou permisyon mwan ava demann Mr Thésee pour reponn. Mersi.

PS DAMIEN THESEE

Mersi Mr Chair. Sa i plizoumwen pour sa bann cleaners ki dan Gouvernman. Rezondet se ki all along, nou pa ti donn li larzan pour pey Gratwite ek Konpansasyon.  I ti pe raise sa bann larzan lo li menm par servis ki i fer prive. Me selman i pe koz problenm lo li. E an realite Gouvernman i oblize cater sa bann dues pour sa bann travayer.  Se pour kwa prezan nou’n cater li baze lo bann forecast ek bann peyman ki’n ganny fer dan lepase. Mersi.

MR SPEAKER

Mersi PS. Onorab Stephen Pillay.

HON STEPHEN PILLAY

Mersi Mr Chair.  Minis, Mr Chair, permisyon pour demann Minis, sa Cleaning Services, eski i pe ganny fer sa ki nou apel sa Cleaning agency ki pran kontra Gouvernman pour fer parey bann Lopital, bann landrwa, i sa cleaning agency ki nou pe koz lo la?

Akoz si i pe donn ou savedir i pe donn ou Gratwite son zafer, shouldn’t the agency itself as employers dan bann lezot dimoun, pey zot bann Gratwite, bann zafer? Akoz zot pe pran larzan Gouvernman.  E mon ti a demande si cleaning agency, si nou ti kapab fer nou ganny en odit sa agency please, pour nou kapab regarde pour kekfwa lannen pase dernyen lannen.  Omwen 2 an at least.  Mersi.

 

MR SPEAKER

Mersi Onorab. Mon a pas laparol avek PS Thésee.  PS.

 

PS DAMIEN THESEE

Mersi Chair, petet mwan a presiz en pti pe plis sa cleaning services la i pour sa Cleaners Corperative.  Ek reform ti met tou sa bann travayer anba Cleaners Corperative. So an prensip zot travay plizoumwen 100 poursan ek Gouvernman.

Savedir Gouvernman ti pran en desizyon pour donn zot menm term ek benefis parey nenport travayer Gouvernman. Zis son lankadreman ki’n sanze.  Dan plas i ganny administre par sa Minister respektiv, i ganny administre by en ladministrasyon an deor ki oversee cleaners, ki fer recruitment pour tir presyon ek Minister pour li kapab konsantre lo son core mandate. Se sa rezon.

E i fer son kont tou le lannen dapre nou konpran. I fer son annual meeting ek son bann staff ek son bann manm e prezant son kont ek sa.  E nou kapab fer zot ganny en kopi as well.

 

MR SPEAKER

Mersi PS.  Yes Onorab Pillay.

 

HON STEPHEN PILLAY

Wi sorry taler mon’n dir agency – Corporative me akoz dan sa korperativ i annan bokou konplent ek sa bann travayer cleaners sirtou Lopital. Sanmenm mon pe demande ki en odit i ganny fer pour gete akoz sa Korperativ i annan larzan par Bidze tou le lannen i gannyen.  So si 6 mwan pase i pa’n prevwar sa. Me mon krwar en revi sa Korperativ i vreman neseser.  Mersi Mr Speaker.

MR SPEAKER

Mersi Onorab.  PS Thésee.

PS DAMIEN THESEE

Sa larzan parey mon’n i pour cater pour peyman konpansasyon e Gratwite.  Akoz avan sa nou ti pe donn zis larzan saler.  Savedir nou ti konnen whether kot sa bann cleaners i ete, Lasante, lezot Minister nou ti cater son saler. This was it.

E li i sipoz i osi deboury lo li menm si zot annan bann louvraz an deor zot al fer, zot ganny peye pour sa, which they do.  Be selman i pa san gran volim. E ler ti ariv 5an direkteman sa bann dimoun ti entitle to gratwite. E cleaners i kite, nou annan nouvo ki zwenn. So ou oblize pey zot.  So nou’n war presyon ki i pe mete lo zot pour pey sa bann konpansasyon e Gratwite.  So sa i plizoumwen pour sa de konponan ki pa ti dan Bidze avan.  Mersi.

 

MR SPEAKER

Ok mersi PS.  Onorab Ferrari.

 

HON JEAN-FRANCOIS FERRARI

Mersi. En pti kestyon Minis. Mon note ki pour eleksyon by-election Anse Boileau in kout 526 mil, 527 mil roupi pour en distrik ki de fwa pli gran ki Mont Fleuri e sa enn Mont Fleuri ti kout 1 milyon  apepre 10an pase.  Konmsi eski, eski en red flag in leve pour gete konmsi ki ti pe arive 10an pase? Akoz i, mon felisit sa enn ki ansarz pour fer li vreman dan en fason rezonnab, se sa ki rezonnab. Me ki bann rezon Minis ki finalman in desann par lanmwatye 10an apre.  Mersi.

 

MR SPEAKER

Mersi Onorab. Minis, oubyen PS, SS mon krwar non? Go ahead Minister.

 

MINISTER MAURICE LAUSTAU-LALANNE

Mersi Mr Chairman. Mersi Onorab.  Mon napa son detay final ki de group egzakteman sa sonm ki ariv 5,26mil. Me annefe se sa son depans. Ti annan en Bidze ki ti ganny prepare, me finalman son kou i menm pli ba ki sa Bidze ki ti ganny prepare.

So parey ou mon felisit tou sa bann dimoun ki’n travay pour nobou gard li within en pri rezonnab.  Mersi Mr Chairman.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker. Sa larepons Minis kot in napa sa Bidze final ankor i vin sa pwen kot nou ti pe fer yer, preparasyon pour bann sesyon parey akoz bann kestyon koumsa pour monte. E bann teknisyen i la.

Sa ki mwan mon anvi demande lo sa kestyon by-election se ki annou fer krwar tou distrik ti pe annan en eleksyon, konmsi ti en general election.  So si dan en distrik i 500mil annou kalkile total konbyen pour arive nationaly.

So mon konpran pour dir kekfwa letan i an gro i annan bann lekonomi ki ganny fer. Be selman eski sa figure i still rezonnab, prenan kont ki bokou bann depans i fer lokalman, par egzanp print papye.  E si dan 5 an dizon nou ti pour annan, dizon par egzanp en by-election tou-le-z-an ki pa pour zanmen arive mon eksepte, be selman, li Gouvernman i bezwen bann teknisyen finans konmsi i kapab dir avek Electoral Commission sa i ou kare ki ou zwe ladan.

I pa kapab sot par lao, akoz la i zis en kestyon in ganny aksepte e hopefully, zot akoz i larzan Leta konmsi pour zis ganny depanse.  Mersi.

 

MR SPEAKER

Mersi Onorab.  Minis.

 

MINISTER MAURICE LAUSTAU-LALANNE

Mersi Mr Chairman.  Mersi Onorab.  Mr Chairman mon pe regard sa propozisyon Bidze pour sa Lasanble, pour sa by-election. E sel komanter ki mon kapab kekfwa fer se ki in kapab par lepase ki Bidze kekfwa ti en pti pe pli for akoz ti annan en pe plis lekipman ki ti bezwen ganny aste pour fer eleksyon.  Me kekfwa sa bann lekipman i ankor la pour ozordi. So nou pa pe re aste li si ou war sa ki mon pe dir ou.

So fodre mon al fer en verifye avek lezot Bidze, propozisyon Bidze eleksyon pour mwan regarde si i annan sa eleman lekipman.  Akoz la ou pe koz ballot, ou pe koz papye, stationary, detrwa ballpen and so on.  Me kekfwa par lepase osi i annan lezot keksoz ki nou’n bezwen aste an term lekipman.

Me parey mon’n dir taler menm sa Bidze ki ti’n ganny prepare ti pour 1.1 milyon roupi pour Anse Boileau, me finalman nou’n nobou fer li pour 526 mil.  Mersi.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi, mersi Mr Speaker, mon ti’n tante pour fer en pti komanter ant Mont Fleuri ek Anse Boileau me mon pa pour fer li mon ti granmersi kekfwa Onorab Arissol ki’n debout Anse Boileau, si non Onorab Ferrari ti kapab 2 milyon.

Mr Chair zis pour klarifye pour Cleaners Corperative, nou remarke pour dir sa i en deficit in relation to kalkilasyon Gratwite – which mean ki ler Bidze ti pe ganny prezante pour Cleaners Corperative an vi ki bann cleaners ti pe ganny mete lo menm kondisyon ki bann travayer Gouvernman zot ti entitle en Gratwite.

So eski prezan la avek sa koreksyon sa anomaly la it means ki the next Budget zot pour fer sir ki zot Budget ki dan sa cost ki entitled to Cleaners Corperative, sa larzan ki due from Gouvernman zot pour enkli konponan Gratwite sa bann cleaners pour asire ki ou pa ganny menm repetisyon sa sityasyon.  Mersi Mr Chair.

 

MR SPEAKER

Mersi Onorab.  Minister.

MINISTER MAURICE LAUSTAU-LALANNE

Wi sa kontestasyon i korek.  Me mwan ti a osi fer en remark ki mon krwar de o depar lide ti osi servi sa bann cleaners pour fer en louvraz en pe pli efikas.  Ki mon pe dir par sa se ki kekfwa dan en lazournen zot kapab fer, zot kapab al netway 2 landrwa olye en sel.

E sa fodre nou monitor pour nou regarde akoz en keksoz ki nou war pe arive se ki tou le lannen nou annan deplizanpli cleaner dan Cleaners Corperative.  Me nou ti ava anvi kekfwa zot en pe pli efikas. Release zot, fer zot fer part time, release zot pour zot al fer lezot travay kot Corperative i kapab ganny en larzan osi. Sa osi i en diskisyon ki ou bezwen annan pour fer li more performing ki ozordi.  Mersi Mr Chairman.

 

MR SPEAKER

Mersi Minister. Onorab Pillay.

 

HON SEBASTIEN PILLAY

Mersi, mersi Mr Chair. Mr Chair mon konpran byen sa lozik me selman fodre Minister Finans osi i konpran pour dir pli gro kliyan Corperative i Gouvernman. So ou ekspekte pour dir the lineshare of travay ki sa bann cleaners pe fer zot fer li pour Departman Gouvernman as oppose ki si ou pe dir zot pour al netway bann building prive ki laplipar di-tan landlord sa bann building deza annan son prop sistenm an plas.

So petet ki zot pe mazin fer, zot devret pe mazin petet lo nivo, mon pa konnen mon training, oubyen lo nivo sa bann diferan Minister departman osi, kot i annan landrwa kot petet anba Bidze i permet sa bann cleaners kot pa neseser zot available la dan sa landrwa la petet ki zot kapab al ver outsourcing dan en lot landrwa.

Selman mon ti a kontan ki zot fer sa legzersis byen, akoz nou pe koz en group dimoun ki pour mwan zot devoue, zot fer zot travay as much ki zot kapab, me ankor enn fwa i enportan ki annan sa monitoring pour asire ki zot pe delivre a laoter. Mersi Mr Chair.

 

MR SPEAKER

Mersi, mon pran sa koman en propozisyon non? Minis. Bon Onorab Andre.

 

HON CLIFFORD ANDRE

Mersi Mr Speaker. Bonzour Minis avek ou tim, delegasyon. Minis dir nou letan Korperativ ti formen, konbyen travayer ti al avek sa Korperativ?  E ozordi parey ou’n dir in ogmante, konbyen in arive depi sa letan ziskan ozordi? E letan zot ti ganny transfer pour al dan Korperativ.

Annefe sete continuous service, so pa zot tou ki ganny Gratwite sa lannen, ki nou pe war sa azisteman, apepre 3.6 milyon.  So konbyen ki pe ganny Gratwite pour nou depans 3.6 milyon e konbyen zot pe ganny peye zot saler pour nou fer sir ki tou zafer i above board its not below board?

 

MR SPEAKER

Mersi Onorab.  Minis.

 

MINISTER MAURICE LAUSTAU-LALANNE

Mersi Mr Chairman. Mon ava demann Mr Thésee reponn kestyon Onorab.

 

MR SPEAKER

Mersi Minis.  PS Thésee.

 

PS DAMIEN THESEE

Mersi Mr Chair. An se moman la figure ki nou annan pour kantite cleaners i 580.  E ler i ti kree, mon napa sif egzakt, selman sa letan i ti anba 500. Akoz limit ki nou ti mete ti 500.

So over the years avek nouvo, bann nouvo lenfrastriktir ki ouver, natirelman in bezwen annan plis cleaners ki nou’n recruit sanmenm sa ki ariv 580 ki enkli Minister Lasante ladan ki li an total i annan li 235, Ministry of Health avek Health Care Agency. So plis ki lanmwatye i pour Minister Lasante.

Nou’n frer en provizyon apepre R500mil dan sa 3 milyon R500mil pour konpansasyon. Akoz parey mon’n dir tou le lannen nou pe ganny sa resignation.  The trend over the years i montre ki i annan sa sonm ki bezwen peye sirtou pour bann cleaners ki’n la plis letan.  Akoz bokou cleaners ki’n vin avek korperativ i bann over 50 years, bann ki ti ganny 55an, 60an sa letan let nou ti’n fer reform. So zot entitled pour zot konpansasyon.

E ler ou pey zot, zot konpansasyon zot entitled leave pay akoz bokou zot, zot akimil leave, ou pey zot, leave pay, e osi zot pran casual.  Ki nou pe war osi dernyerman, sak fwa en cleaner i al konze, zot ranplas avek casual staff en pe partou. Akoz zot pa kapab enteronp servis, sirtou Lasante si ou annan cleaners lo bann Ward ki pe al konze, zot need to find a way pour donn dimoun pour fill in the gap.

So sa enn keksoz ki nou’n bezwen fer avek cleaners Corperative konpare avek lezot field teknik kot ou annan dimoun ki come in pour fill in the gap ler dimoun i al lo konze. Se alors se pour sa ki ou war sa sonm.  Mersi.

 

MR SPEAKER

Mersi PS.  Onorab Andre.

 

HON CLIFFORD ANDRE

PS pa’n dir mwan konbyen zot gannyen, konbyen zot pour gannyen pour Gratwite e baze lo son repons kot i dir i annan dan 580, i annan 235 ki kot Health Care Agency ki fer ki sa balans si ou annan ou 50 antite Gouvernman, ou annan 7 cleaner dan sak departman toulezour.  Eski sa i byen?

Bi Gouvernman pour kree sa korperativ ki ti dir pe donn li en one-off pour li fer son biznes, pour li vin otosifizan, sete pour tir presyon ek depans lo Gouvernman, se sa lobzektif. Ozordi sa lobzektif pa pe ganny attend.  So pran sa bann cleaner tourn avek Gouvernman. Sakenn i a ganny de dan en lot Minister e si nou dir nou annan 50 Minister ki nou napa, i fer nou 100, tir de oubyen 3, i fer nou 300. Akoz nou bezwen 580 epi Korperativ avek Korperativ, i sipoze korpore antre zot, e letan nou war nou Gouvernman ki korpere ti donn zot en komansman.

Eski nou napa plis staff ki pe administre sa ki vreman nou annan cleaners pour fer sa bann cleaning job?  Mersi.

 

MR SPEAKER

Mersi Onorab.  SS Payet.

 

SECRETARY OF STATE MR PATRICK PAYET

Mersi Mr Chair. Mr Chair kekfwa, nou a fer Lasanble ganny an detay sak departman Gouvernman konbyen sa bann cleaners i annan par egzanp nou annan Community Development akoz Community  Development i pa zis santral i dan bann distrik osi. So i annan 28 cleaner.

Minister Ledikasyon nou annan 14.

Tec i annan 1, pour bann lekol nou annan 44.

Akoz parey zot konnen dan sak lekol i annan 1. Departman Lapolis i annan 20.

Ministry of Land Use and Habitat i annan 11.

So ou vwar ki i annan bann Minister ouswa departman, i annan 1 ouswa 2. Me dan bann gran lenstitisyon ki annan kekfwa ki annan bann ki dan sak distrik, sa ki pe fer li en kantite, Minister Lasante 235, Seychelles Revenue Commission akoz zot baze lo Por, Airport avek santral, i annan 13 zot.

Licensing Authority i annan 4.

Foreign Affairs i annan 5.

SFA i annan 6.

Larestan on average i annan apepre 1 ouswa 2.

So sepandan nou kapab fer Lasanble ganny total pour zot konnen dan sak Minister e Departman ki kantite cleaners i annan.  Me parey Minis in dir i annan exercise ki nou pe fer pour revwar dan konteks letan reform ti komanse, proposal ki nou ti met devan, si nou pe attend sa lobzektif ki nou ti mete.

So sa i en assessment ki nou pe fer. E hopefully dan Bidze 2019 nou ava vwar sa nouvo lankadreman.  Mersi.

 

MR SPEAKER

Mersi PS. Onorab Andre.

 

HON CLIFFORD ANDRE

SS 28 dimoun pour netway 28 District Administration pour 1 erdtan par zour, sorry, mon vwar ki nou pe gaspir larzan. Mwan ler mon pas dan Ladministrasyon Distrik, bannla pe relax, zot pa pe netwaye.  Annou fer keksoz pli efikas.  En Ladministrasyon Distrik, i annan Anse Aux Pins, i annan Au Cap; i annan Cascade ki obor kanmarad, Pointe Larue rather.  Akoz nou pa fer li pli efikas, ok, dir nou koumsa nou a kapab vwar – akoz ozordi, akoz nou larzan ki pe, nou larzan ki pe ganny depanse, annou fer li pli efikas, konm kwa nou a kapab redwir lo kantite depans ki nou fer an referans avek sa.  Mersi.

 

MR SPEAKER

Mersi. SS oule azout keksoz?

 

SECRETARY OF STATE MR PATRICK PAYET

Non mersi Mr Chair, mersi Onorab. E sa ki nou’n dir ek Lasanble sa exercise ki nou pe aktyelman fer la pour nou revwar en pe akoz si par egzanp zis nou deside at zis kekfwa met en cleaner dan sak rezyon, i annan ki pour bezwen exit.  So nou pe vwar li dan son lankadreman, kwa ki par egzanp nou kapab kite dan Gouvernman, e ki loportinite i annan ki zot kapab antre dan private sector osi.  Par egzanp lo kote netway lakaz, ouswa dan bann lotel, ouswa bann lezot private officers ki bezwen.  So sa i en keksoz ki aktyelman nou pe fer sa en general exercise lo sa. Mersi.

 

MR SPEAKER

Mersi, mersi SS.  Onorab Ramkalawan.

 

HON WAVEL RAMKALAWAN

Mersi Mr Chairman. Mr Chairman, mwan mon demann en kestyon. Eski sa mo Korperativ, i zis en non?  Oubyen eski i vreman en Korperativ?  So sa i mon premye.

E apartir sa mon pour demande eski, parski sa i en servis ki mwan mazinen i prive. I annan en lorganizasyon, eksplik nou en pe ki mannyer i ete, si i annan en tender process pour regarde lekel ki ganny sa tender? Kan eski sa tender i ganny lanse? Oubyen eski sa bann dimoun ki pe manage sa, zot, zot pe ganny en kado. E aprezan atraver sa kado, letan zot in bliye fer sa, sa nek zis zot vin isi, nou aprezan nou bezwen donnen. Ki kalite biznes, eski sa pe marse, e an plis ki sa dan sa lodit ki plizyer Manm in nonmen oparavan. Eski Gouvernman in sey workout pour regarde si i pli bonmarse letan sak Departman ti annan son cleaner, oubyen eski la avek sa Cleaners Corperative? Mersi bokou, mon ti a kontan byen sa bann leklersisman.  Mersi.

 

MR SPEAKER

Mersi Onorab. Mwan a donn laparol PS Thésee.

 

PS DAMIEN THESEE

Mersi Chair. Mon krwar en kestyon similer ti vini lannen pase dan Bidze 2018 ki nou ti donn zistifikasyon.  Nou napa detay ek nou la, me selman nou ti donnen the core minimum staff kot Headquarters, i annan son CEO, 2 HR, en Admin, plizoumwen apre 2 supervisors, enn ki baze Lasante, avek enn pour tou Minister.

So son ladministrasyon i minor.  The bulk parey nou’n montre i cleaners, e nou annan nou apepre 60 enn lorganizasyon ki dan, ki pe ganny servis ek Cleaners Corperative.  E ler nou ti fer reform back then, bi Gouvernman sete ki i sorti dan sa ki nou, nou apel  non-core services e cleaning ti enn sa bann servis ki nou konsider koman non- core, i ti pour tir presyon avek ladministrasyon Minister pour li zer sa bann servis koumsa. Parey sekirite e si ou get parey aircon menm, nou napa dimoun maintenance ki fer aircon dan Minister pour anploye.  Nou al dan en, nou pa’n fer korperativ pour aircon be selman nou al dan prive ek bann operater ki donn sa servis.

E se menm lankadreman ki nou ti pran pour cleaners.  So sa bann dimoun ki ti la pe donn servis netwayaz dan bann Minister ti ganny mete anba korperativ.  So zot manm, they are members of the Corperativs. E zot donn sa menm servis, ek Gouvernman pour donn sa kontinyite. Se pour kwa ti napa vreman sa tender.

Par kont si nou get bann lezot keksoz ankor ki nou’n outsource, si nou get parey maintenance nou’n tir maintenance dan Gouvernman, nou napa bann dimoun parey nou apel handyman lontan lo payroll e ki nou war sak fwa nou annan bann minor maintenance dan bann diferan lofis Gouvernman, nou al deor, swa kot en mason, swa kot en sarpantye, swa en dimoun ki pour aranz en lock laport e i sarz nou.  E ler i sarz nou i actually pli ser ki ler nou ti pour actually anploy en dimoun fix.

E probableman si nou demen deside pour outsource cleaning konpletman dan Gouvernman dan plas annan sa laranzman, i en tre gran probabilite ki pour actually pli ser ki sa rate.  Akoz la nou pe prescribe the rate of saler en cleaner dapre nou striktir Gouvernman.  Dapre nou wage grid, dapre en Scheme ki nou annan pour zot.

So nou annan kontrol lo la ki si i pour deor natirelman son saler prive nou pour napa kontrol lo la. I pour tender, i pour met son saler, i pour met son administrative cost, i pour met son transport cost, i pour met son profi lo la.

So parey SS in eksplike nou ava kapab fer sa legzersis, met li ater mon krwar akoz tou le lannen nou war kestyon lo la i vini, nou ava once and for all met li ater pour montre kwa ki nou pe peye la koman Korperativ, menm dimoun ki ti la pour donn sa servis vs (C) nou outsource li konpletman.  E probableman si nou pran sa bann menm dimoun ki la, retourn li lo payroll, akoz nou stratezi se ki nou pa anvi met sa bann dimoun lo payroll akoz zot beef up, i plizoumwen fer nou number of employees lo wages gro.

So nou stratezi parey nou’n eksplike i pour annan en payroll – nominal roll ki reprezant nou bann technical staff.  E the support should be out koman non-core or outsource.  Mersi.

MR SPEAKER

Mersi PS.  Onorab Ramkalawan.

HON WAVEL RAMKALAWAN

Mersi Mr Chairman. Mr Chairman Mr Thésee in dir sa bann dimoun i manm Korperativ. Letan ou manm Korperativ ou sipoze osi ganny dividends, mon ti ava kontan konnen eski zot ganny dividends?  Kote sa Korperativ, eski in vreman anrezistre koman en Korperativ, oubyen eski i zis tonm anba Gouvernman?

Parski lekel ki ti pe ansarz sa Korperativ?  Parski i pa kler, e mwan kontan sa dernyen bout kot ou’n dir, Mr Chairman kot in dir i ava met tousala akoz kestyon i kontinyen leve.

Kestyon i kontinyen leve akoz keksoz pa kler.  E i resanble pour dir i annan serten dimoun ki pe byen pase. E se sa lenpresyon ki ganny donnen deor prezan. Serten dimoun, zot, zot sa i la, zot in ganny tou zot bann zafer normal.  Parski la ankor enn fwa, letan ou pe koz Korperativ, wi, mon pe koz prensipalman landrwa, me nou’n osi koz lo bann landrwa prive kot zot osi netwaye.

E se pour sa rezon ki i enportan pour nou konnen anba ki parasol ki zot tonbe. Parski la i pa kler ditou, e mwan ti ava menm kontan konnen, mon ti ava menm kontan konnen si zot parski Gouvernman se nou ki pe met larzan la pour donnen. En Korperativ – kan eski dernyen fwa, sa bann travayer ti ganny en dividends baze lo profi ki sa lorganizasyon in fer?  Parski pour mwan sa mo Korperativ la i en problenm sa mo.  Mersi.

 

MR SPEAKER

Mersi Onorab.  PS Thésee.

 

PS DAMIEN THESEE

Mersi Mr Chair. Parey nou dir korperativ i donn servis Gouvernman wi, me selman at the same time pour li kapab pey dividend pa Gouvernman ki pour donn li larzan pour pey dividend.  Parey nou pe fer la, pour cater pour son bann konpansasyon avek Gratwite ki they are due.

Me selman laranzman ki nou ti fer ek li sete they are free to go out si i anvi rod business ek bann lakonpannyen prive. And they do.

Be selman mon pa krwar zot annan sa kantite konpannyen prive ki zot pe fer. E ler i fer sa servis ek konpannyen prive i sarz i en rate, i bezwen sarz li en rate ki pour pey sa cleaner ki pour fer sa louvraz, akoz i extra.  E dezyenmman i bezwen annan en profi lo la.  E sa profi se sanmenm sa ki al dan son kont ki sipoze at the end share avek son manm lafen lannen, si i annan louvraz prive ki i bezwen fer.

So natirelman si zot pa pe fer, i pou napa dividend pour peye.  So i depan, akoz ki nou’n war over the years, kekfwa ki nou’n en pe, prezan pe assess,  e ezit-e pour annan, bouze over the years, se ki bokou cleaners in konfortab avek son travay 7 er-3er. Nou annan  diskisyon ki nou bezwen fer avek pour war si ou bezwen vini 7er- 0er ou ale, ki rate ou peye.  So i annan tou sa bann lenpak ki nou bezwen deside.

Do we reduce the salary, oubyen si nou annan Minister ki son fonksyon li i pour bezwen en dimoun full time ? So lo kestyon dividends pour li gannyen, i pour bezwen go out, make money pour lafen lannen i share.

So si napa louvraz pour li fer natirelman lafen lannen oubyen i pa pe rode, lafen lannen i pour napa nanryen pour share avek zot.

E lo son administrative cost tou cleaners i lo payroll, i lo ek Trezor. Nou ankor pe donn zot fasilite ki nou run zot payroll e zot administrative cost, zot submit zot Bidze, i kler i plizoumwen rent ki ganny cater, nou annan lagreman ek zot bann lezot cost operasyonnel. Nou annan osi saler. Saler en CEO, 2 HR Officer, en Admin Officer, en staff accounts ek bann supervisor parey mon’n dir.  So an tou i annan li 9 staff administrative, plizoumwen.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Speaker, Mr Chairman, mon krwar i annan en problenm la. Either en Korperativ i en Korperativ ki Gouvernman lafen lannen i lans en tender pour dir i annan cleaning services ki mon pe, ki available e aprezan li koman en Korperativ i met son tender en lot agency i met son tender, e finalman Gouvernman i balanse pour regarde lekel ki pour gannyen.  Swa i koumsa me sa ki nou pe annan la set en nespes hybrid e dan sa hybrid ki nou annan la i fer ki i annan unfairness.

Akoz i annan unfairness?  Si Pierre Paul ti konnen pour dir Gouvernman i annan sepa 72 lorganizasyon dan Gouvernman ki pe, ki pour, i annan posibilite pour li ganny lanplwa. E konpar sa direkteman avek sekirite. Sekirite napa okenn biznes sekirite ki Gouvernman ki pey zot CEO.  Napa okenn landrwa ki Gouvernman ki zot lo payroll Gouvernman. Gouvernman i tender out i dir, mwan annan mwan 25 lekol, e mon bezwen sekirite pour sa 25 lekol e Pilgrims i mete, First Response i mete, lot i mete ensidswit, ok?

Nenport lorganizasyon sekirite, i vin devan e i met son bid e i gannyen.  Me tandis ki sa zafer Korperativ la i pa kler; i pa kler parski lo en kote son 9 administrative staff i lo payroll Gouvernman.  I lo payroll Gouvernman. Bann cleaners i lo payroll, well ou apel li lo payroll menm parski la nou pe rod larzan pour nou pey zot. Savedir si zot larzan pe sorti dan Bidze savedir zot lo payroll Gouvernman, me selman zot osi al rod deor biznes deor e petet mon kapab osi demande, letan zot al rod biznes deor, le fe ki Gouvernman ki a pe pey zot administrative staff, eski sa larzan i antre dan kof Gouvernman?  Kote i ale?

Mon sipoze, mon konnen pour dir Mr Thésee in fini konpran mwan, mon abitye avek ou prezan, ou’n fini konpran mwan.  E nou bezwen aksepte ki pour dir i annan en mess dan sa zafer Korperativ. E mon krwar ki i ti ava bon pour keksoz vin kler, keksoz vin kler pour ki enn fwa pour tou nou napa en hybrid system.

Parski letan i annan sa zafer hybrid system se larzan lepep Seselwa ki nou ki sipoze pe veye ki kapab al dan tou direksyon.  Mersi Onorab.

 

MR SPEAKER

Mersi Onorab. Mon pour donn laparol osi mon krwar lo menm laliny Onorab De Commarmond apre PS oubyen Minis i ava reponn.  Onorab.

 

HON CHARLES DE COMMARMOND

Mersi Mr Chair. Mr Chair.  Dan sa laliny i annan 2 pti keksoz ki ti a bon ganny eksplike an menm tan.

Sa i en Bidze Siplemanter sa sif ki nou pe koze la.  Me ki son Bidze aktyel li sa Korperativ konmsi pour nou kapab konpran ki groser i été?  E an menm tan son, sa ki in ganny dir la, i bon akoz rate, si konmsi i pe tender, ouswa i pe fer son lapel pour li, son lof pour li al travay dizon dan lekol, lot, lot landrwa i bezwen annan en rate ki i servi pour li pa perdi.

Sa nou oule konnen. Eski i bezwen help pour kalkil sa? Epi ti bon osi ou dir nou Lasanble e nou piblik i a tande, mon war poudir Onorab Deputy Speaker i reste trankil, i dan son letan ki i konn tre byen IMF, ti en requirement IMF pour formen sa si mon pa tronpe. Eski ou ankor mazin byen.  Akoz avan zot ti ganny anploye ek bann Minister, Departman bann dimoun la.  E nou, nou pa ti zis anvi al fer Korperativ. Petet ti bon osi nou konn son history en pti pe si Onorab i ava kapab ed nou, i kapab ede dan sa domenn osi, dan sa lespri. Mersi.

 

MR SPEAKER

Mersi Onorab De Commarmond. Minis oule reponn apre ou 2 teknisyen i ava ede.

 

MINISTER MAURICE LAUSTAU-LALANNE

Mersi Mr Chairman. Mersi bann Manm Onorab. Mon’n ekout sa diskisyon avek bokou lentere. Parey mon ti mansyonnen en 20 minit avan, nou anvi nou dan Minister Finans kontenir ki sa Cleaners Corperative i tonm anba responsabilite Minister Finans, fer sa revi si oule parey mon’n mansyonnen.

Akoz nou remarke ki lannen a lannen staff i ogmante e i neseser e zisteman apre ki mon’n ekout sa diskisyon ki nou kekfwa akseler sa konsiltasyon e nou vin prezant nou rezilta.  Mon krwar sa i ava en keksoz enportan ki nou kapab tire atraver sa diskisyon ozordi.

Pour reponn kestyon Onorab De Commarmond.  Son Bidze anyel 2018 i R48milyon, R48.5 milyon. Mersi Mr Chairman.

 

MR SPEAKER

Mersi Minis.  Mon a donn zis Onorab Afif en dernyen pti kestyon avan nou ava pran Break.  Onorab Afif.

 

HON AHMED AFIF

Mersi Mr Chair.  Bonzour Minis e ou delegasyon.  Petet zis pour pas en pti komanter lo listwar sa ki mwan mon apel byen sa reform ki ti ganny fer an 2008 ti ale ziska 2016 apepre, ti e lentansyon sa letan, sa ki mon ti konpran byen sete pour redwir groser payroll Gouvernman.  Sa sete enn. An retiran bann dimoun parey cleaners e met zot dan sekter prive.

Kestyon ti ganny demande. Eski sa pour redwir kou Gouvernman? Parski byensir si ou pour fer menm louvraz me selman ou’n tir sa bann dimoun, sa ki pour anploy zot pour pey zot probableman parey ou, an plis en profi.  Alor i pour vin pli ser.  E sa kestyon ti ganny leve. Me sa lepok anba progranm IMF, lide sete wi, si tou keksoz i reste parey i pour kout ou en pti pli ser, me parski sa bann dimoun pour fer en profi, ou pour ganny en larzan an retour koman tax.

An plis ki sa akoz ou pour annan sa bann dimoun pe ganny zere par sekter prive zot pour pli efikas e alor zot pour kapab donn ou en rediksyon. Finalman dan lekonomi.

Sa set en pti lide. Me lapratik parey nou’n vwar ozordi se ki zot pa’n zanmen prive.  I paret ler mon pe ekout sa diskisyon bomaten.  Zot pa’n zanmen prive, zot in ankor anba payroll Gouvernman.  Be selman zot pa lo payroll Gouvernman.  Ou pa war zot koman anplwaye Gouvernman.

Be selman lapratik zot ankor lo payroll. E mon pa konnen, mon pa kapab reponn sa bout si i annan lefikasite e mon pa kapab reponn sa bout si zot pe kolekte taks avek sa bann swadizan Korperativ, oubyen lakonpannyen.

Alors se vreman en louvraz ki mon krwar Minister Finans i bezwen fer pour zot etablir si wi, si non, lide ti byen fonde, e i pe marse.  Mersi Mr Speaker.

 

MR SPEAKER

Mersi Onorab Afif.  Onorab Ferrari vitman.

 

HON JEAN-FRANCOIS FERRARI

Vitman zis pour dir Mr Speaker akoz mwan. Be ok mon pa ava, akoz si sak fwa mon demann en sa, fodre Onorab Pillay i lev son lanmen, be i pa serye.

 

(interruption)

 

HON JEAN-FRANCOIS FERRARI

Nou pa dan en lekol la pe fer bann joke.

 

(interruption)

 

MR SPEAKER

Order!  Order! Order! Order!  Ale Onorab Ferrari.

 

HON JEAN-FRANCOIS FERRARI

Non mon ti pe zis dir Mr Chairman ki i dan en lazistis, i dan en mode lazistis ki nou pe rode. Bann Lazans ki pe soufer, bann Lazans employement agencies, Gouvernman pa peye zot administrative staff. Zot bezwen lager pour zot ganny zot keksoz.  So i zis, it’s only fair ki tou dimoun i ganny peye, i ganny menm kalite tretman.

Se sa ki nou pe esey dir ki dan sa revi nou ti a osi kontan ki Gouvernman i vin avek serten solisyon, serten propozisyon ki nou ava diskite pour nou gete ki mannyer tou dimoun i kapab ganny trete fair….

Akoz mwan mon rapel i vre ki Onorab Afif ti la, me selman ti annan lot msye avek li pe vann nou bann reform progranm, ti Mr Danny Faure non? Li ki ti la i ti pe vann nou sa. Akoz Onorab De Commarmond i bliye sa bann keksoz. So mon ti anvi zis fer li remarke Mr Speaker.  Mersi.

 

(interruption)

MR SPEAKER

Bon, wi, annou zis kit li lanmenm Onorab De Commarmond.  In fer en remark. Mon pour donn Onorab William dernyen parol lo zot kote, Onorab William.

 

(interruption)

 

MR SPEAKER

Order!  Order!  Order!  Order!  Non mon pe, mon’n donn enn …

(interruption)

MR SPEAKER

…annou, wi, Order!  Order!  Order!  Order!   Bon mon pa anvi ki mon al pli lwen ki mon egzers serten lord lo mon kote, ok?  Apre Onorab Afif, Onorab Ferrari in fer mwan siny i oule dir en pti keksoz. Mon’n vwar Onorab William lo lot kote. E mwan pe donn en balans.  Ale Onorab William laparol i pour ou.

 

HON WAVEN WILLIAM

Mersi Mr Speaker.  Mr Speaker vi ki sa size la petet pour nou ki la anndan, nou pa pe regarde so konsekans.  Mon konn plizyer dimoun ki dan sa progranm.  E zot pa pe ganny en gro saler.  Mon ti ava demande, e demann Minis e garanti ki letan zot fer sa revizyon ki zot fer sir ki sa progranm, sa revizyon i ganny fer byen, ki sa bann dimoun ki pa pe ganny en gro saler anba sa progranm, pa ganny afekte me selman mon tonm dakor avek Onorab Ferrari ki i annan en anomaly la, nou bezwen korize e ti a bon ki o pli vit posib sa Lasanble osi i kapab ganny met okouran kwa ki pe ganny fer dan sa laliny.  Mersi bokou.

 

(interruption)

 MR SPEAKER

Mersi, mersi Onorab. Mwan krwar bann komanter, bann sizesyon ki zot in fer, Minis avek son lekip in pran.  Nou ava aret la, nou’n fini avek Seksyon (b). E nou ava retournen 2er apre midi pour nou kontinyen.

Me mon annan en pti lanons pour mwan fer ki ABC ozordi nou pour move li 1.30, akoz Management Lasanble pe annan en pti meeting avek bann zofisye Finans, SS, PS tou ansanm.  Bon nou ava adjourn e nou ava repran 2 er apre midi.

 

(BREAK)

 MR SPEAKER

Bon apre midi tou Manm Onorab.  Bon apre midi Minis SS, PS avek Ms Tamatave.  E bon apre midi tou manm piblik ki a lekout e ki pe kontinyen swiv travay Lasanble Nasyonal.  Bon nou pour kontinyen avek nou travay kot nou ti pe egzamin sa Bidze Siplemanter ki devan nou.  Nou ti ariv lo 3enm Seksyon sa se Capital Projects ; okenn Manm ki le entervenir, demann kestyon, klarifikasyon.  Ok nou ava konmans avek Onorab Valmont.

 

HON JUDE VALMONT

Mersi Mr Chair.  Bon apre midi.  Bon apre midi Minis avek ou delegasyon.  Mon annan en kestyon lo sa Seychelles National Parks Authority.  Mon ti a voudre demann Minis mon vwar in met ‘preparation for infrastructure required for autonomy’.  Mon ti a voudre konnen ki en pe bann keksoz ki’n ganny propoze pour fer?  E si dan sa preparasyon pour lotonomi sa National Parks Authority in vin avek en propozisyon pour amelyor saler bann travayer ki mon krwar dan sa Lasanble nou tou lede kote ti koz lo la.  Mersi.

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Bon apre midi tou Manm Onorab.  Mersi pour kestyon.  Mr Chairman la nou pe koz pirman bann proze kapital.  So i napa nanryen ki’n ganny donnen pour zafer saler eksetera pour bann travayer.  Me sa proze SNPA i pour en total R7.6milyon e kontribisyon dan Bidze par Gouvernman pour 5milyon e li i pour finans balans.  Sa I pour plizyer proze renovasyon e nouvo proze I annan renovasyon sa de barbeque area Curieuse enn Belare lot Anse Jose.  Apre sa I annan lenplimantasyon en nouvo store e bann solar panels ki pour ganny mete lo en shed.

I annan en nouvo restoran avek en resepsyon Curieuse sa i en si oule i en nouvo proze pour improve fasilite ki apre SNPA i ava kapab sarz en pe plis larzan e donk rann son lotonomi finansyel.

Apre i annan osi en lakaz ki egziste pour bann rangers lo La Digue ki pour ganny renove, restore pour zot nobou kontinyen desarz zot responsabilite lo zil Coco.  Ki ganny fer apartir sa Rangers House lo La Digue.  Vwala detay sa proze.  Mersi Mr Chairman.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Bonn apre midi Minis.  Mr Speaker mersi.  Bonn apre midi Minis.  Mon annan enn de pti kestyon lo Capital Projects.  Premye sa R5milyon pour Baie Ste Anne Police Station ki grander i ete son square meter si I letaz oubyen I zis ater?  Plan.

Lo Minister Lanvironnman lo sa crusher eski I annan en eleman ladan dan plas zis compact li met li ankor lanmenm.  Si I annan en eleman parey lanvironnman pe dir reduce, reuse, recycle akoz mon vwar I annan en lespas la Providence kot I ti abitye fer resikle.  Parey bann dibwa mon vwar li en pe vid konmela mon pa konnen si zot pe servi la actually.

E mon pe demann lo sa R7.6milyon ki Gouvernman pe donn R5milyon pour sa bann lenfrastriktir, eski Minis pa vwar li en pe tro pour renovate en lakaz  fer krwar R1milyon?  En store R1milyon?  2 Barbeque R2milyon?  Pour sa kantite mon pa pe vwar li konmsi en pe eksesiv ou konpran?

Epi lo sa Creative Events Committee accomplishment of music stadium – CINEA.  Eski Minis I kapab donn nou en pe plis detay lo sa R10milyon – parey nou konnen nou’n deza koz lo la avan nou dir sa pour fini project, me pa pour lekipman.  Napa en lot alternative ki sa kontrakter I kapab ganny fine, akoz ti annan en kou ler pe monte ti kapab ganny fine ou fer li revann sa larzan ki’n soz, ki’n depanse ki’n vin pran larzan avek Gouvernman ankor.

En process i ganny mon pa pe dir pini me i ganny fine or whatever pour li rann sa larzan ki’n gaspiye mon pe gete.  Pran en lot kontrakter ou donn en sekter prive pour omwen manage or larestan louvraz I a raise son capital i a fer son stadium.  Mersi Mr Speaker.

MR SPEAKER

Mersi Onorab.  Minis.

MINISTER MAURICE LOUSTAU-LALANNE

Mersi Mr Chairman.  Mersi Onorab.  An sa ki konsern sa nouvo stasyon Lapolis Baie Ste Anne parey nou dir bomaten nou napa son detay BOQ avek nou, so mon pa pour kapab konfirm avek ou si ground floor si ground floor, first floor si I parey par egzanp Stasyon Lapolis Anse Aux Pins, par egzanp.

Me sa i en kou ki’n ganny estimen par departman lenfrastriktir Gouvernman dan Minister Land Use ki’n donn nou sa Bidze.  Parey ou konnen sa proze Anse Aux Pins in kout apepre R6milyon donk i pe donn nou en lord lide apepre kwa ki I kapab reprezante.

An sa ki konsern sa konpakter li I pour zis ekraz bann dechets avan ki I ariv lo land fill.  Pour le moman I arive sa bann konpakter bann konmisyon konpakter ki anmenn laba zis I zet ater apre I annan en gro masin ki pas lo la pour konpakte li.  Me avan I fer sa I pour pas dan sa masin la ki nou pe fer provizyon pour li pour li kraz li plis ankor pour redwir volim.

Me obviously pour operasyonnel akoz I mars avek elektrik pour li nobou kapab konpakte.  So sa I sa lenformasyon ki mon kapab donn ou an sa ki konsern konpakter.

Lot kestyon lo SNPA mon sipoze ou pe demande si I pa tro ser.  Par egzanp la mon pe vwar pour renovasyon Belare 558met kare barbeque area in estimen pour kout R1.4milyon, Anse Jose I 734met kare pour R1.9milyon, sa nouvo restoran avek resepsyon Curiuese I pour kout R2.2milyon.

Donk e i pour annan en finansman ki I pour gannyen atraver en Protected Area Finance Project ki li I pour met R1.5milyon donk son kou, ki nou, nou  pe regarde ki nou pour siplemante I R740mil.  Sa lakaz La Digue son renovasyon ek son ekstansyon I pour kout R660mil.   Sa bann detay ki mon annan lo sa proze pour lenstan.

An sa ki konsern music stadium Mr Chairman li son detay se ki pour le moman nou’n deza depans nou en sonm R11,647mil e sonm adisyonnel ki nou bezwen provide ki nou pe provide la dan sa Bidze se R10,568mil.  E sa I pour pey sa revised additional scope of work ki enkli replastering bann miray entern, adisyonnel twalet, twalet adisyonnel eskiz mon, en kabin teknik, en tower pour sekirite, serten modifikasyon lo bann baro, anmenn elektrisite avek delo pour supply bann food kiosk area, e apre anmenn elektrisite pour supply elektrik avek bann sistenm kamera sekirite pour en sonm R2.5milyon an plis.

Sa I sa additional scope ki in ganny mete pour konplet sa batiman parey mon eksplike pour R22.2milyon.  Nou’n depans 11.6 nou pe rod 10.5 pour nou konplet sa batiman konpletman.  Mersi Mr Chairman.

 

MR SPEAKER

Mersi Minis.  Onorab Pillay.

HON STEPHEN PILLAY

Mersi Mr Speaker.  En pti leklersisman avek en request.  Ki nou kapab ganny sa plan Baie Ste Anne Police Station plitar pour mon konnen si I en kare si ou bezwen konpar li ofet avek Anse Aux Pins si I 2 storey I R5.9 e 1 storey I R5million nou bezwen gete si I 2 storey si I parey son square area.

E Mr Speaker mon le demann Minis si I pa vwar 558met kare R1.4milyon sansan 634 – R1.2milyon pour en barbeque area ki zot be wi open space.  En lakaz Mahe en mil met kare R700mil – R150mil ki mannyer R1.4milyon pour 5.8met kare please?

MR SPEAKER

Yes Minis.

 

MINISTER MAURICE LOUSTAU-LALANNE

Wi mersi Mr Chairman.  Sertennman avek sa gidans ki ou pe donn nou bann equivalent rates nou ava fer sir ki nou tyek byen son bill of quantities avan ki nou release sa larzan pour sa proze.  Mersi Mr Chairman.

MR SPEAKER

Mersi Minis.  Onorab Sophola.

HON NOLINE SOPHOLA

Mersi Mr Chair.  Bonn apre midi Minis avek ou lekip e tou dimoun a lekout.  Minis mon kestyon I viz ankor en SNPA ankor.  Dan tou sa bann keksoz ki’n ganny dir I pe al fer mon pa konnen si I en omisyon ouswa ou pa pe antre ladan zot pa’n nonm trail lo La Digue.  I annan pa mal problenm avek e ki byen frekante e ki mon krwar I anmenn larzan ler kliyan I vin La Digue.  Mon pe regarde akoz ki I pa’n ganny antre ladan?  Mersi.

MR SPEAKER

Minis.

MINISTER MAURICE LOUSTAU-LALANNE

Mersi Mr Chairman mersi Onorab.  Bon definitivman si I ti pour lo en lalis nou ti a donn li konsiderasyon.  Me mon dakor avek ou ki I annan en problenm lo sa bann trail nou’n perdi plizyer dimoun I annan menm resaman sa lannen I annan en dimoun in disparet konpletman.  E I enportan ki nou donn sa en priyorite mon ava zis dir sa pour le moman e apre mon ava koz avek SNPA pour regarde.

Kekfwa zot deza annan en Bidze e zot annan en lalis priyorite mon sa ki mon rapel letan nou ti dan Tourism nou ti fer en gro sir lo 15 ran donnen ki nou ankouraz touris vizit lo la e I annan de lo La Digue ki feature lo sa dokiman.  E nou ti ava kontan ki SNPA I konsantre lo sa 15 pour le moman at least I ava lo en nivo respektab pour tou bann dimoun Seselwa ek etranze ki servi sa bann trailSo mon ava donn ou mon lasertitid ki mon ava regard dan sa sityasyon menm an deor sa Bidze Siplemanter.  Mersi Mr Chairman.

MR SPEAKER

Mersi Minis.  Onorab Sophola.

HON NOLINE SOPHOLA

Mersi Mr Chair.  Minis mon pe dir sa akoz depi ler mon vin kot sa Lasanble, mon krwar I en pwen ki mon pe met devan e mon pa vwar zot pe met lenportans lo la !  Akoz I pa zis pour nou al fer nou konnen I sal nou konnen I demann demarkasyon, me mon pa konnen ki rezon ki sa I pa zanmen antre dan Bidze ni dan Supplementary ni nanryen.  Esperons ki ou pe donn mon ou parol ki pour gard ou parol ki mon a tann li fer antre ladan.  Mersi.

 

MR SPEAKER

Mersi Onorab.  Minis oule dir en keksoz lo la?

 

MINISTER MAURICE LOUSTAU-LALANNE

Non mon pour siport sa demann.  Mersi Mr Speaker.

 

MR SPEAKER

Mersi pour sa sizesyon Onorab.  Onorab Henrie.

 

HON GERVAIS HENRIE

Mersi Mr Speaker.  Mon annan de pti pwen dabor letan mon pe get sonm pour Seychelles National Parks Authority sa R5milyon son zistifikasyon I dir ‘preparation for infrastructure required for autonomy’.  Mwan letan mon get sa, vitman mon pe mazin poudir nou aprann ki dezormen konmsi I pour vin en lotorite otononm.

So mon pe mazin kekfwa en headquarters I pour sorti Cap Ternay akoz nou tann zafer drog pe al laba konmsi I annan en nouvo fasilite pour li sa ki nou pe vwar la mon dan mon konpran pour mwan.  So mon pe tann landrwa barbeque bann keksoz koumsa.  Alor ki pour arive avek zot headquarters an term akoz kapital la nou pe koze.  Eski zot pour reste laba anler sa I premye?

Dezyenmman konsernan Home Affairs sa R5milyon pour Baie Ste Anne Praslin mon napa problenm avek bann dimoun Praslin, be selman Praslin I en zil avek de distrik de distrik.  Grand Anse Praslin I annan en Kordgard fantastik ki mon fek vwar ki rezon ki zis son neighbor I pour ganny en devlopman preski parey Anse Aux Pins par egzanp.  Ki Mahe nou pe mazin Port Glaud mon pe mazin Anse Boileau, Beau Vallon, Baie Lazare konmsi leta zot konmsi ki mannyer nou zistifye ek taxpayers ki de distrik pe al ganny Kordgard tre modern.  Me Mahe 22 distrik nou pe vwar bann pti trou ki lepok Angle nou ankor avek.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pour ou demann sa de kestyon.  An sa ki konsern premye kestyon sa lenvestisman ki nou pe sizere se pour permet SNPA anmas plis larzan pour li fer en pti pe plis profi lo L’ile Coco avek Curieuse kot I annan bokou dimoun ki a vizite donk sa se son lentansyon.  Se en devlopman en lenvestisman si oule komersyal.  An sa ki konsern son headquarters parey ou’n fer resorti sa osi I tre enportan e sa I anba en lot proze kapital Cap Ternay.  E i annan en lot Bidze ki pour peye pour fer li annan son headquarters Cap Ternay e sa in fini ganny bidzete separeman.

An sa ki konsern bann zafer kordgard wi mon krwar nou bezwen upgrade o fil an mezir letan nou pe ale e met tou lo menm standar menm nivo.  Lannen pase ti annan en leokri an sa ki konsern kriminalite spesifikman lo Praslin.  E Lapolis ti’n fer en letid e Lapolis ansanm avek bann ki mannyer bann operater tourizm lo Praslin zot ti pran en desizyon konm kwa nou merit ogmant prezans Lapolis e refer en headquarters lo kote Baie Ste Anne.  E se en pti pe koumsa ki’n vini sa me I annan lezot keksoz par egzanp sete pour met bann Mobile Police Unit parey Anse Lazio parey ou vini bomaten apre ou ale apre midi.  Ou vini Anse Cote D’Or apre ou ale me sa apre ti ganny rezete zot prefere met bann pti unit permanan rather than moving it around. 

So rezon det se apre sa refleksyon ki’n ganny fer lo Praslin avek tou bann loperater ekonomik kekfwa sa son priyorite depas lezot ki ou pe dir.  Me mon dakor avek ou dan lesans ki nou bezwen planifye e fil an mezir prouv dan lezot distrik osi.  Mersi Mr Chairman.

MR SPEAKER

Mersi Minis.  Onorab Aglae.

HON EGBERT AGLAE

Mersi Mr Chair.  Minis mon kestyon I vize ver SNPA egalman avek sa R7milyon ki zot pe gannyen pour kapital.  Minis mon ti a kontan fer resorti ki I byen I byen zot pe tap zot bann resources pour pei ganny en pe plis reveni.  Egalman nou bezwen fer sir ki SNPA I egal pa zis lenfrastriktir son resours imen, akoz dan Bidze lannen pase I annan bann landrwa ki I bezwen bann proteze ki ler enn bann konsern sete zot napa ase resours imen sa I baze lo lefe ki I napa ase larzan.  

So mon ti a kontan ki Minister Finans I vwar en pe menm si zot bezwen met plis resours pour ganny plis larzan ki SNPA ler I pour al dan son full lotonomi I pa negliz ban areas ki petet I pa pe neseserman anmas bann gran reveni.  Pour fer sir ki sa bann aki I ganny proteze mon pe koz par egzanp dan mon distrik kot I annan serten landrwa kot touris I frekante, I pa pe peye me selman I ganny neglize laba.  

So mon ti a kontan i annan sa balans i ganny fer ler zot fer zot Bidze.  Mersi.

 

MR SPEAKER

Mersi Onorab.  Minister.

MINISTER MAURICE LOUSTAU- LALANNE

Mersi Mr Chairman.  Mersi Onorab.  Mon konnen osi ki SNPA letan I pe travay pour son lotonomi i pe etidye ozordi I pe kontinyen diskite avek bann akter ekonomik touristik sirtou ki dan lo bordaz bann Park Maren.  Pour regarde ki mannyer zot kapab kolabore pour fer sir ki sa resours natirel dan Park Maren I ganny proteze davantaz.

Ki mon oule dir par sa se par egzanp lotel Ephelia akoz ou pe koz dan ou distrik laba I annan en Park Maren Port Launay e Ephelia I la obor la.  E ozordi zot pe regarde ki mannyer bann touris ki pe reste dan lotel Ephelia I kapab kontribye kekfwa en pti pe plis larzan pour ed zot protez sa Park Maren ki obor li lanmenm.  Kot I annan serten degradasyon so sa I en diskisyon ki zot pe fer e mon konnen zot in ariv ase I ase avanse sa proze.

E I pour replik sanmenm keksoz parey lo Praslin I annan lezot park maren avek bann lezot lotel ki dan Park Maren pour adopte sa menm formil.  Mersi Mr Chairman.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Chairman.  De kestyon.  Mr Chairman mon ti a kontan retourn ankor lo sa proze music stadium.  Pour mwan dir ki mon enn sa bann dimoun ki ti vreman dezapwente avek stetment ki Prezidan ti fer dan son Press Conference I ti vreman dezapwente vreman ankoler pour vwar ki mannyer Prezidan I kapab zis brush aside sa e dir in annan bann lerer bann sa.   Nanryen, nanryen pa’n ganny dir pour fer en dimoun accountable pour sa.  Sa ti vreman this is sa I the dereliction of duty.  I vreman serye e mon vreman, vreman upset akoz ler ou ansarz en lekip en keksoz I al mal ou bezwen pran desizyon.  E Prezidan pa’n pran nanryen kit sa lo nou e dimoun an deor I vreman ankoler.

Alors mon ti a kontan demann avek Minis si tou zefor in ganny fer pour gete ;

(1) ki negosyasyon nou kapab gannyen avek sa kontrakter pour li sey fini sa proze atraver avek son bann taks CSR at least nou a konnen poudir I pe met en keksoz ladan.  Ki mannyer nou kapab akfer nou bezwen met bann nou dir nou pa pe al met bann lekipman la Minis in dir nou pe al met kamera.  Minis en building koumsa ki ouver avek piblik pour bann keksoz koumsa mon pa vwar ki mannyer nou pour al depans mon krwar R2.5milyon sorry mon tann sa pour sekirite.

Vreman mwanmon santi ki poudir Gouvernman pe pran sa pep for granted – konmsi plito ki dir nou zot pe al koup en pe keksoz ankor.  La nou tande ki poudir sa bann bout bout ankor ki pe al ganny mete lo la.  So si I annan en rezon akoz mon pa pour vot pour sa Bidze Siplemanter se akoz sa se akoz zot pa pe pran zot responsabilite.  E mon ti a kontan tande from Minis ankor ki dir avek nou ki zefor anplis Minister Finans in fer pour hold sa bann dimoun accountable pour koz avek kontrakter pour sey vwar ki mannyer keksoz I ti’n kapab al en pe diferaman.  Gete ki mannyer nou kapab proceed lo sa proze ki kontrakter in ganny peye en bout davans ladan ki nou pa ni ti konnen.  So please donn nou enpe plis lenformasyon.

Mon 2enm kestyon lo sa laliny Bidze Siplemanter I konsern SNPA e I an relasyon avek en kestyon ki Minis en keksoz ki Minis in dir nou ki Curieuse pe upgrade son fasilite hopefully i ava ganny en pe plis reveni formidab.  Se sa ki nou anvi vwar selman bann dimoun La Digue pe rode si nenport dimoun I ganny dwa fer okenn peyman pour ariv lo zil parey Ile Soeur aparaman R500 per person ou bezwen peye pour anmenn en dimoun Ile Soeur.  R500 !  Pourtan I en zil prive eski I legal sa Minis?  Eski pa’n ler pour Gouvernman regulate en pe sa bann keksoz?  Pour fer sir ki bann pri ki pe ganny pratike?  R500 pour sa zil plis pour sa pti operater ki pe anmenn ki pe anmenn en dimoun laba I vreman I annan diferan pri.  Lo Coco I annan bann ki pey R250 I annan bann ki pey R500 konmsi I annan tou sa bann keksoz.

Eski I pa’n ler pour Gouvernman regle en pe fer en baz ki rezonnab ki nou pa touy sa touris, nou pa detri sa pti operater e ki bann prive I abide par en laliny ki’n lay down par Gouvernman.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Chairman.  Mersi Onorab.  Mannyer mon konpran se ki Minister Finans ziska ler nou pa ankor angaz avek sa kontrakter.

E mon krwar I enportan ki nou fer so mon donn ou mon garanti ki mon pour fer kriy sa kontrakter pour mon koz avek li mon menm avek mon tim pour nou regarde kwa ki nou kapab fer ansanm.

So sa I sa ki mon anvi fer deswit akoz I sanble mon ki zis li ki pour le moman ki pa ankor ganny anmennen dan sa diskisyon so sa I en keksoz.

2enm keksoz lekipman ki mon koz lo la bomaten sa R18milyon Gouvernman pe sey rod en lot fason pour nou finans sa lekipman si nou kapab fer li pli vit posib nou ava ganny nou en music stadium ki ava konpletman ekipe, akoz I osi pa fer sans pour annan en music stadium.  Me selman bann latis ki ou bezwen annan pour ou met ou bann prozekter ou bann lalimyer eksetera.  Si I pa la ou pour donn en Show, en spektak en morso teat ki pa alaoter.

So nou pour bezwen anmenn tou son zafer ansanm.  Me nou pa oule enplik sa lo Bidze Gouvernman pour le moman.  So nou angaze pour rod en lot fason fer li akoz nou krwar ki definitivman nou bann mizisyen nou bann artis nou bann poet e tou nou bann dimoun ki dan kiltir I merit annan en fasilite o nivo korek.

E apre peye letan zot vin fer zot bann spektak pour nobou fer sir ki sa lenfrastriktir I ganny byen zere.

Lo sa lot pwen ki ou’n soulve I annan de keksoz mon krwar premye keksoz lo bann zil prive e sirtou dan bann lle Ser mon krwar sa propriyeter sa larzan ki li I sarze pour debark ou lo sa zil I fer plizyer keksoz avek.  Setadir ou vini ou pran ou bato I pran son pti bato I vin zwenn ou li ki debark ou ater.  Apre I donn ou en langar kot ou kapab reste la I donn ou delo I donn ou twalet pour sa larzan ki ou peye.  

So I annan si oule en servis ki al avek.  Kot mon pa konnen mon bezwen al fer tyeke se si efektivman I rann kont sa zafer.  Akoz si I pa rann kont mon sipoze I normal, ki I rann kont me I pe donn en servis pour sa pri ki I pe sarze.  Ok?  So sa I sa ki mon kapab mansyonnen lo zil Ser an sa ki konsern entrance fees ki SNPA li menm li I sarze, mon krwar zot kapab fer pli byen lo koleksyon.  Zot bezwen rod en sistenm ki pli performan akoz mon asire ki pa tou reveni ki I sipoze anmase I anmase, pour divers rezon.

So la osi nou bezwen fer sir ki SNPA I vin pli performan sirtou akoz I lo delo sale.  Ou annan en ranger ki vin dan en bato I mont lo en katamaran I demann ou I kont dimoun abor I demann ou tan larzan I kapab donn ou cash mon pa konnen prezan ki mannyer ou follow up.  I annan problenm la e nou bezwen fer fason ki nou fer li pli efficiently.  E SNPA mon konnen I pe travay lo en sistenm pli performan osi.  Mersi Mr Chairman.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker zis avan mon demann mon kestyon mon le draw ou latansyon toward 32 1(d).  Nou 32 1(f) sorry nou Standing Orders ki dir poudir ‘a question shall not refer to proceedings in a Committee of the Assembly which has not been reported to the Assembly’.  Onorab devan mon in demann en kestyon ki Minis I bezwen reakte lo serten keksoz ki’n sorti an relasyon avek en investigation ki FPAC pe fer ki nou pa ankor report to the Assembly was it in the …. of the music stadium? 

In fact.  So petet mon ti ava mon ti ava ganny ou gidans lo la.  Si nou pour stick to sa Order then petet nou devret kapab entrodwir eleman dan kestyon ki relate avek sa item ki devan nou rather ki nou refer to a proceeding of a Committee ki pa ankor dealt with.  Sa I mon pwen mon ti le zis klarifye sa from the outset.  Mon kapab al lo mon kestyon prezan.

 

MR SPEAKER

Mon ava zis mon ava zis pran en Ruling lo la.  Music stadium I annan en Bidze ki dan sa Siplemanter e se sa ki pe fer ki kestyon pe leve anver sa.  Pa tou Manm ki lo FPAC wi Onorab Ferrari I lo FPAC me sa size I pa’n koz lo investigation ki FPAC pe fer, me in koz anliny avek sa Bidze ki devan nou.  E anliny avek komanter ki Prezidan ti fer.  So vwala dan sa konteks mon krwar ki in koz lo la.

 

HON SEBASTIEN PILLAY

Me petet sa…

 

MR SPEAKER

I pa pe afekte.  Mon krwar son entervansyon pa pe afekte sa investigation ki FPAC pe fer.

 

HON SEBASTIEN PILLAY

Petet, petet zis pour mon seek ou klarifikasyon Mr Chair lo sa size se ki.  Vi ki FPAC as a Committee nou pa ankor prezant en rapor avek Lasanble pour ki nou donn rekomandasyon as to what we think needs to happen.  Petet serten statement ki Onorab in fer as to ki lotorite ki merit reakte lo la i premature vizavi petet rekomandasyon ki FPAC pour vin fer ler i prezant son rapor.

So mon krwar nou bezwen agree ki I annan en prosedir etablir lafason ki Lasanble I bezwen fer son travay.  Mwan mon ti pe zis demann ou gidans lo sa size.  Si ou dir mon poudir nou pour stick lo sa ki lo la then mon kapab move e demann mon kestyon.

 

MR SPEAKER

Se sa Onorab mon konpran ou pozisyon me an menm tan petet dan sa Bidze sa sonm pa ti devret la.  Si FPAC i bezwen fini son investigation fer en rapor me sa sonm petet pa ti devret la dan Bidze.  Sa ki mannyer mon pe vwar li.  Ou vwar?  Si FPAC pa ankor pran en desizyon eski nou devret pe enkli sa sonm dan diskisyon?

 

HON SEBASTIEN PILLAY

Be zisteman, zisteman Mr Speaker.  Mr Speaker ki mon pe dir ou Onorab Ferrari I bezwen apresye lefe ki parey mon menm I form par sa Komite parey mon menm I en Manm Lasanble parey mon menm I ganny gide par bann prosedir etablir dan Lasanble. 

So si nou dir ki prosedir ki mannyer nou tackle en size dan Lasanble baze lo sa then li osi I bezwen swiv prosedir.  Si mon osi mon vini mon vin fer rekomandasyon sanmenm sa mon demann ou.  Mon pa pe demann ou pour son kestyon ki’n demande mwan!  Mon pe demann ou akoz mon le refer spesifikman lo sa pwen e vi ki mon vwar li in ouver sa laport mon pe gete si nou pour ouver sa laport pli gran, oubyen nou pour ferm li e nou pour esper Chair FPAC prezant son rapor avek Lasanble as to ki rekomandasyon ki nou pe prezante.  Si ou dir mon sa 2enm pwen I dan laliny  ki nou pour bouze then mon ava les sa size trankil e mon ava demann mon kestyon an relasyon avek sa Head ki mon anvi demande.

 

MR SPEAKER

Ok Onorab.  San…

 

(interruption)

MR SPEAKER

…non.  San ouver okenn deba mon la fason ki mon pe vwar li ‘the elephant is in the room’.  E sa sonm I lo papye I pa fer premye Manm ki’n demann kestyon.  Wi mon konpran ki ou pe dir kekfwa konfli konman en Manm FPAC ki zot deza pe fer investigation lo sa size I monte.

Me ou osi ou kapab demann en kestyon lo la me ou fer sir ki ou kestyon I pa met ou an konfli avek Komite ki ou lo la ki pe fer.  I annan Manm ki kapab demande akfer sa kestyon akoz zot pa lo FPAC zot pa okouran investigation ki FPAC pe fer, akoz FPAC pa ankor fer son rapor.  Ou vwar? So Bidze I lo sa Bidze Siplemanter eski nou pour zis les li pase san poz kestyon?

 

HON SEBASTIEN PILLAY

Me parey….

 

MR SPEAKER

Non, non.  Mon konpran ou pozisyon.  Me parey zot….

HON SEBASTIEN PILLAY

Non be relax zot, relax.

MR SPEAKER

Order!  Order!  Order!   Parey zot de Manm de Manm FPAC zis zot bezwen fer atansyon konman zot kestyonn sa sif ki pa met an-ze zot travay ki zot pe fer lo FPAC.  Ok?  Ale go on Onorab.

 

HON SEBASTIEN PILLAY

Mersi.  Mersi Mr Speaker.  So mon konpran ki ou Ruling se ki nou pa met an ze nou travay ki nou pe fer lo sa Komite nou respekte en bi ki nou tou nou lo Komite nou respekte nou bann prosedir.  So prenan sa an kont Mr Speaker mon ti a kontan demann Minis.  Si sa Bidze ki zot pe mete pour sa Creative Industry anba sa progranm ki zot pe mete la.  Ki bann ki bann diskisyon ki Minister Finans in gannyen an relasyon avek en completion en real time en realistic time frame pour ki sa proze I ganny konplete vizavi bann konsern ki’n ganny souleve?  Mon pa le al dan plis detay.  Mersi Mr Chair.

 

MR SPEAKER

Mersi Onorab.  Minis.

MINISTER MAURICE LOUSTAU-LALANNE

Mersi Mr Chairman.  Mon ava demann Mr Payet pour reponn kestyon.  Mersi.

 

MR SPEAKER

Mersi Minis.  SS Payet.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Pour le moman nou napa en spesifik time frame se akoz napa larzanSo diskisyon ki nou’n ki’n ganny fer lo Komite se par egzanp si zot Departman Lenfrastriktir CINEA I ganny larzan an Zilyet, Zen an Zilyet zot bezwen al re antre negosyasyon avek Tender Board to that process.

Akoz I annan bann eleman ki pa ti dan initial plan orizinal so zot bezwen go back to the Tender Board.  Tousala I bann negosyasyon ki bezwen ganny fer avan kekfwa zot fer en lot Kontra azisteman to existing Kontra.  I annan bann lezot bout osi ki par egzanp PS Lenfrastriktir ti pe dir ki I pa pour ganny kouver avek sa kontrakter I pour vin an deor.  Par egzanp lo kote elektrisite. So sa I bann prosedir ki nou pour bezwen selman nou pe estimate by early of 2019 pour konplet dan tou son totalite.

 

MR SPEAKER

Mersi SS.  Onorab Pillay.

 

HON SEBASTIEN PILLAY

Mersi.  Mersi Mr Chair.  Mon annan zis en pti adisyon lo la.  So eski ou pe dir mon poudir zot as en Minister ou departman teknik in zwenn avek sa kontrakter wi oubyen non?

Apre mon lot mon lot morso kestyon Mr Speaker i relate avek sa kestyon ki ti ganny demande bomaten lo sa crusher ki sipoze pe reste Mahe as oppose to a commitment ki ti ganny fer pour annan en crusher lo Praslin parey lot koleg ti demande oparavan?

Mon pa konnen si I pe retourn lo sa kestyon akoz i ti demande bomaten.  Me si I pa lo lalis mon kapab demann sa kestyon then eski then zot pour annan,  eski Minister Finans in rod en fason pour honor sa commitment pour ki i annan sa lekipman ki pour ganny mete lo Praslin pour deal avek sa problenm ki pour kontinyen anpire vi ki sa lekipman ki nou pe aste nou pe kit li lo Mahe?  I pour vreman difisil pour anmenn li lo Praslin pour al fer en travay apre fer li retourn lo Mahe.

So eski zot pe rod en fason pour zot deal avek sa commitment e rather ki sa lekipman I vin Mahe I al Praslin pour deal avek sa sityasyon ki I annan Praslin ki sipoze en sityasyon serye?  E mon lot kestyon i relation to Marine Parks Authority Mr Chair mon dernyen kestyon mersi for your indulgenceMarine Parks Authority I enn bann lotorite ki byen rar nou vwar li ganny en larzan dan Bidze Siplemanter very rarely.

E mon konpran I annan en nouvo lekip ki pe travay laba e zot pe fer en pe travay.  So eski sa larzan ki la i pran kont eski Marine Parks Authority in prezant en si oule en investment plan ki i annan pour le fitir pour li manage bann diferan site?  E eski sa larzan I pran kont sa investment plan, oubyen eski nou pour vwar ankor larzan pe ganny mete pour bann infrastructure development pour lotonomi Marine Parks Authority?  Mersi Mr Chair pour ou pasyans.

 

MR SPEAKER

Mersi Onorab Pillay.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab les mon konmans avek ou dernyen kestyon.  SNPA non akoz zot pe vin otononm konmansman lannen prosenn le 01 Zanvye 2019.  E zot pour bezwen regle zot zafer zot menm.  So sa I dernyen entervansyon ki nou pe fer pour donn li sa lelan.

Lo konpakter parey mon eksplike diskisyon ki nou annan avek Minister Lanvironnman sa konpakter i vreman irzan pour Mahe.  So I pli irzan lo landfill Mahe akoz sa landfill mon pa le konmans en deba me sa landfill limero 2 ki pe ganny ekplwate ozordi avek la kantite dechets ki pe antre lo li son lavi pa tro long.  Sa konpakter I sipoze kraz pour donn li en lavi pli long ziska kan nou fer en 3enm landfill i annan later lanmenm obor li pour nou kontinyen eksplwate.

So garanti ki mon kapab donn ou se ki parey mon dir avan nou ava rediskit avek Minister Lanvironnman pour nou ariv lo en desizyon an sa ki konsern en konpakter pour Praslin.

Akoz Praslin osi son problenm i  menm zafer menm ou konpran so nou a bezwen diskit avek Minister Lanvironnman e mon sipoze rezilta pour li menm mon sipoze evantyelman met enn lo Praslin.  E pour kwa pa osi enn lo La Digue akoz problenm osi I menm zafer.  So vwala Mr Chairman.

Me an sa ki konsern CINEA, wi I sanble mwan ki nou pa ankor at least a mon nivo nou pa ankor rankontre sa kontrakter.  

So mon pour fer li le pli vit posib menm ki zot annan zot prop investigation, mon krwar I enportan mon koz avek sa kontrakter pour mon osi konpran egzakteman kwa ki pe pase e kwa ki pa pe pase.  Mersi bokou Mr Chairman.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman I annan en bann parol ki pa ni abouti dan nanryen parske nou pe regard en nouvo Bidze e sa I fer premye fwa ki sa sonm I ganny mete pour Lasanble aprouve.  FPAC son rol se pa pour aprouv okenn Bidze e alor okenn diskisyon ki’n pase dan FPAC napa nanryen pour fer avek Bidze ki nou pe regarde la apre midi.

Mr Speaker Mr Chairman mon anvi zis regard serten aspe mon pa kontan personnelman letan mon vwar en sif I ganny mete e I ganny mete pour en proze, me selman letan nou demann kestyon nou pa konn detay sa proze.

R5milyon pour Kordgard Baie Ste Anne lide I fantastik me selman nou pa konn nanryen lo la.  Nou pa konnen si I pour 2 letaz si I pour 1 letaz ki mannyer I pour ete savedir nou pe zis met en sonm apre sa, sa sonm I kapab double I kapab al dan tou direksyon zisteman en pe parey music stadium.

 So konmsi mon annan en pe kestyon la eski nou pe ale menm dan sa proze?

Kan nou pe ale kan nou pour konmanse?

Kan I pour ganny tender out?  Parske R5milyon nou pe met li sipoze for the whole project.  Si par egzanp ti en sonm ki ti a pe dir en sonm bokou pli ba ki ti ava koz avek nou lo bann travay preliminer pour ki apre sa letan I vin Lasanble nou konnen ki poudir la I la konbyen I pour koute ensidswit.

Mwan mon ti pour santi mwan bokou pli alez e mon pran legzanp Kordgard Anse Aux Pins.  Kordgard Anse Aux Pins letan ti konmanse e apre sa pa ti konnen kot pour peye.

Zis ti’n dir GICC fer sa Kordgard e apre sa nou bezwen pran larzan sorti dan prizon Coetivy pour pey en bout e malgre sa kordgard in fini ouver se la ozordi ki pe regarde kot pour ganny lot bout larzan pour nobou peye.

Mon pa vwar sa I en fason profesyonnel pour nou travay alors petet lo sa size sa Kordgard mon konnen ki poudir pandan ki nou diskit lo Bidze nou parfwa tanzantan nou dir freeze sa bout la tir sa bout la ensidswit.

Me selman la nou dan sa sityasyon I annan en sonm R5milyon me nou pa konnen si finalman I pour ariv R10milyon?  Parske nou bezwen pran konsiderasyon ki poudir Kordgard Anse Aux Pins I lo Mahe zot in pran bann materyo sorti kot UCPS lanmenm la Pointe Larue pour anmenn laba.  E Kordgard Baie Ste Anne I en lot zafer ankor.

E transportation cost pour fer monte siman pour fer monte tou sa bann keksoz I kapab fer li bokou plis.  Alors mon personnelman mon annan en kestyon lo la.

Dezyenmman konmsi mon trouv I drol ki pour renovasyon en lakaz I pour kout R660mil e pour renovasyon pour en barbeque area mon konn byen sa landrwa ki napa ni miray I plito en landrwa ouver pour renovation en barbeque area nou pe koz R1.2milyon?  Konmsi mon pa trouv lozik ladan eski I vreman bann costing in byen fer?  E parske I zis pa fer sans ; I zis pa fer sans si Minis ti annan sa bann sa breakdown mon krwar ti ava ede lo pour nou regarde ki mannyer keksoz I ava si vreman I fer sans.  Mon ti ava kontan vwar detay Mr Chairman.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pour sa 2 kestyon ki ou’n poze.  Lo dernyen kestyon annefe mon annan la sa Bill of Quantities pour sa open shed fence pour Curieuse and generator room ki mon kapab fer available so mon annan sa avek mon la.

E osi pour sa resepsyon avek sa kafeterya, restoran li osi mon annan mon ava nobou partaz sa avek zot.  Annefe menm pour sa Rangers House lo La Digue mon annan son BOQ avek mon ava kapab donn zot annefe pour tou proze ki lo sa lalis SNPA mon ava donn zot.

Bon an sa ki konsern ou premye ou premye kestyon mon osi mon ava konpletman dakor avek ou nou pa kapab vwar nou dan en sityasyon ki nou konmans nou en proze apre pour fini li il a des sommes dérisoires. Nou pa kapab kontinyen koumsa.

So si me mon krwar dan sa R5milyon pour sa Kordgard annefe nou napa sa BOQ devan nou, mon napa en site plan, mon napa sa bann lenformasyon.  Me parey ou konnen Gouvernman in pour sey improve sa sityasyon, I annan en Development Committee ki rankontre tou le 2 semenn pour tou proze Gouvernman, tou Minister tou Lazans zot bezwen anmenn zot proze dabor kot sa Development Committee for consideration and approval. 

E li sa Development Committee tou le 3 mwan i soumet en rapor kot Cabinet lo sa bann proze.  Si I pa pas lo sa Development Committee Gouvernman pa pour konsidere sa proze.

Sa Development Committee I annan plizyer Manm lo la I annan Manm menm Manm sekter prive ki asiz lo sa Development Committee. 

So sa I en fason ki mon krwar nou anvi met en lanmen lo sa bann sityasyon san vouloir kontinyen komet sa bann fot ki nou vwar.  

So I annan serten keksoz ki nou pe fer pour rektifye sa me mon ava dakor avek ou ki nou pa kapab kontinyen dan sa fason.  Mersi Mr Chairman.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Be eski Minis I ava kapab dir avek nou si sa Stasyon Lapolis Baie Ste Anne si I ariv staz lo Development Committee oubyen non?

 

MR SPEAKER

Mersi Onorab.  Minis.

 

MINISTER  MAURICE LOUSTAU-LALANNE

Mersi Mr Chairman.  I pa ankor arive.

 

MR SPEAKER

Ok.  Yes Onorab.

 

SECRETARY OF STATE MR PATRICK PAYET

Mr Chair zis pour azoute osi ki I annan en lot bout ki parey zot konnen ki I annan obor Kordgard pour annan en re lokasyon ice plant and SFA office ki mon krwar I zis o bout.

E sa osi I bezwen arive avan ki mon krwar the construction I kapab konmanse.  So sa osi zot ankor dan negosyasyon pour al re lokasyon ice plant.  E tousala zot pa ankor soumet detay kot Minister Finans pour nou kapab soumet kot Development Committee.

 

MR SPEAKER

Please go ahead Onorab.

 

HON WAVEL RAMKALAWAN

Savedir sa sonm R5milyon ki nou pe mete la, zis nou pe mete.  I pa ankor konmsi I pa garanti ki vreman I pour servi sa lannen napa nanryen ki garanti eski se sa ki mon pe konpran par sa?  Me letan nou met en sonm dan Bidze mon lafreyer se ki nou met en sonm pour en Capital Project e apre sa Departman I konnen poudir I annan sa sonm son proze pa ankor konmanse.  Aprezan nek zis I vini I vin rod en virement poudir be I annan sa larzan e alors nou bezwen nou bezwen met ankor 2 kaso avek dizon en lot Kordgard alors donn nou en bout dan sa R5milyon.  E zis akoz nou annan ki alors nou sey  – konmsi  mon ti ava kontan ki parske la nou pe koz lo en disiplin e si napa disiplin then nou pa pour avans devan.  Mersi.

 

MR SPEAKER

Mersi Onorab.  SS Payet.

 

SECRETARY OF STATE MR PATRICK PAYET

Mr Chair mersi Onorab.  Kekfwa nou a donn sa langazman Lasanble osi ki sa larzan I reste selman sa bann prosedir I bezwen ganny follow.  Zot bezwen al soumet zot plan avek Development Committee e once ki nou’n fini ganny approval Cabinet of Ministers la ki nou kapab deblok sa R5milyon.  So sa Departman Minister Home Affairs pa kapab servi sa larzan ziska ler sa bann prosedir I ganny follow.

 

MR SPEAKER

Onorab.

 

HON WAVEL RAMKALAWAN

Mersi Mr Chairman.  Eski dan sa ka nou ti ava kapab ganny en langazman sorti kot Minister Finans ki, letan sa proze I pas dan sa bann staz ki konmsi zot ava enform nou swa zot ava enform FPAC?  E ki konmsi nou ava konnen ki la keksoz pe al demare e konmsi pour nou kapab keep track.  Me antretan nou konnen poudir sa R5milyon personn pa pe tous li.  Mersi bokou.

 

MR SPEAKER

Mersi Onorab.  Mon krwar I annan en komitman vizavi Minister Finans.  Bon nou ava move lo lot Seksyon sa Seksyon 2(d) ‘subvention to Public Enterprises’ I vin SPTC, Air Seychelles.  Mon mazinen nou pour pran Social Program osi ‘Central Government Terminal Dues for the President Village Employees’.  Okenn Manm ki ok mon ava konmans avek Onorab Stephen Pillay.

 

HON STEPHEN PILLAY

Mersi Mr Chair.  Bonn apre midi ankor a tous.  Mr Chair mon le en pe detay avek Minis pour sa R26,416,695milyon pour Air Seychelles redundancy.  Klarifikasyon ki mon le;

Konbyen anplwaye ki’n ganny aprouve par Gouvernman ki pe al tous sa larzan ?

Si sa larzan an total I pour al pour tou bann anplwaye napa bann miscellaneous ankor avek sa … redundancy bann travayer ki pour gannyen.  Konbyen zot pour gannyen apepre mon pe kalkile apepre 170 something?  E mon anvi demann Minis dan sa R26mil konbyen share Etihad I annan ladan pour peye li osi vi ki I annan 40poursan shares dan Air Seychelles e akoz Gouvernman pe pey sa?  Mersi Mr Speaker.

 

MR SPEAKER

Bon annou zis pa debord en pti pe mon konnen mon vwar en pti pe ou direksyon petet kwa ki Etihad ou dir konman son partner non?  Ou pe al en pti pe dan sa laliny?   Ok.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pour sa kestyon.  Sa sonm R26.4milyon I redundancy ki’n ganny peye apre desizyon Minister Lanplwa Minis Lanplwa e I kouver sa bann kategori travayer ki ti’n ganny idantifye e I annan 126 zot.

E parey nou konnen apre ki nou ti vin dan Lasanble nou ti vin diskite ti annan en demann pour pey ekstra ex-gratia enpe plis elve ki a sa lepok Gouvernman ti pare pour li peye.

E donk sa osi in ganny konsidere e mon krwar sa ki I ti pe ganny demande in ganny akorde.  So Gouvernman pe pey tou sa R26.4milyon ; Etihad pa pe kontribye ditou ladan me dan sa restructuring parey ou konnen Etihad in abzorb en loss si oule ki  in underwrite 35milyon Dolar pour lannen 2017 pour Air Seychelles.  Donk I en negosyasyon ki’n arive e donk si oule kontribisyon Etihad se 36milyon Dolar e Gouvernman ti pour pey sa redundancy ki ozordi sa sif R26.4milyon.

Mon a kapab rode pour mon donn ou bann detay.  Parey ou konnen I annan en group pilot etranze osi ki’n ganny fer redundant e zot nou’n pey zot end of contract setadir zot pa’n gannyen sa bann benefis redundancy ex-gratia pour nou minimiz kou.

So in annan en negosyasyon avek sa bann pilot etranze ki’n ale.  So nou’n nobou minimiz sa kou dan sa ka spesifik.  Mersi Mr Chairman.

 

MR SPEAKER

Mersi Minis.  Onorab Pillay.

 

HON STEPHEN PILLAY

Mersi Mr Chair.  Zis en konfirmasyon pour sa Lasanble.  Minis in konfirmen ki sa 126 anplwayer pour tous zot an pos R200mil akoz mon le garanti ki zot pe ganny zot larzan mwan.

Pros lo R200mil si zot lo 5mwan saler sa 126 travayer pour gannyen.  Me ankor mon le demande enn adisyonnel Etihad depi 33mil Dolar mannyer mon konpran me son share dan son lakonpannyen si zot pe mazin li lo sa R26mil I devret R44milyon ki li I pe kontribye.  Ou tir R44milyon parey nou ti abitye dir organic loss oubyen I pour zis lo sa 33mil?  Mersi Mr Speaker.

 

MR SPEAKER

Mersi Onorab Pillay.  Minis.

 

MINISTER MAURICE LOUSTAU-LALANNE

Mersi Mr Chairman.  Zis pour mon eksplik ankor.  I pa osi senp ki osi fer en kalkil konm kwa I annan 126 avek 26milyon apepre konbyen zot gannyen.

Akoz I annan diferan kategori e zot in ganny diferan average ou vwar.  E parey mon dir ou sa bann pilot etranze zot saler I bokou pli o zot e zot end of contract termination ki’n aplike par redundancy – ok?  So mon ava donn ou detay ki mannyer sa in ganny kalkile pour ariv 26 pwen whatever milyon.  Me mon pa’n sezi si ou kapab zis repete ankor sa 2enm parti ou kestyon.  Mersi Mr Chairman.

 

MR SPEAKER

Mersi Minis.  Onorab Pillay.

 

HON STEPHEN PILLAY

Wi Mr Chair.  Mon pes a 33mil ekek mon pa konnen si milyon dolar ouswa 33milyon Dolar ki Etihad in peye.  Ou’n dir 33milyon ouswa 33?

 

MR SPEAKER

Minis.

MINISTER MAURICE LOUSTAU-LALANNE

Wi Onorab I 35milyon Dolar.  Mersi.

 

MR SPEAKER

Ok.  Bon Onorab Afif.

HON AHMED AFIF

Mersi Mr Chair.  Mr Chair mon ti a kontan demann Minis lo menm laliny Air Seychelles.  Ler I pe dir poudir Etihad in underwrite e an relasyon avek sa se parske nou pe koz si Etihad pe met son kontribisyon.  Ler ou pe dir in underwrite eski I vedir in write- off loan ki Sesel ti dwa li ki ti dan liv 2015 ti desot 20milyon Dolar but preski 35milyon Dolar.  Eski ou pe dir ki Etihad in write-off in donn nou en kado 35milyon Dolar parske nou pa’n zanmen tann sa konman en lanons?  Oubyen ou pe dir ki sa loan pe kontinyen ki vedir nou pour pey li savedir I pa’n kontribye nanryen?  Mersi.

MR SPEAKER

Mersi Onorab.  Minis.

MINISTER MAURICE LOUSTAU-LALANNE

Wi mersi Mr Chairman.  Mersi pour ou kestyon Onorab.  Sa 35milyon Dolar annefe I bann invoices ki nou sipoze pey Etihad lease avyon, maintenance avyon tou sa bann kou ki zis nou’n gard li la nou pa’n peye in akimile in akimile.  E se sa ki Etihad in donn nou en credit note si oule lo against all that.  Nou pa’n peye sa larzan at all.

 

(Mic Off)

MINISTER MAURICE LOUSTAU-LALANNE

Non, non nou pa bezwen peye wi wi write-off pa bezwen peye ditou ou ganny mwan?  Mersi Mr Chairman.

 

MR SPEAKER

Mersi Minis.  Onorab Henrie.

HON GERVAIS HENRIE

Mersi Mr Chair.  Mon kestyon I konsern sa sonm R5.1milyon pour Scheme of Services for Drivers SPTC.  Mon anvi ki Minis i eksplik en pe sa Scheme parske ki mannyer in ki mannyer in come about?  Eski Management SPTC in vin kot zot in vin eksplik Gouvernman poudir wi sa bann travayer i deserve sa logmantasyon la?  Ouswa in vin in vini akoz presyon entern bann travayer zot menm?

E pour ki rezon ki Gouvernman in tonm dakor pour peye sa sonm la?

E dezyenmman eski sa Scheme i pe kouver tou bann drayver SPTC parske I aparet bann drayver ki drive bann pasaze toulezour I lo en lot Scheme konpare avek bann contract drivers ki al sers bann travayer lotel bann keksoz koumsa.

So eski sa I kouver tou sa bann drayver ouswa I annan en lot Scheme ki pour ganny negosye 2019 pour en lot kategori travayer dan sa lakonpannyen?  Mersi bokou.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Avek ou permisyon mon a demann SS Payet pour reponn kestyon Onorab.  Mersi.

 

MR SPEAKER

Mersi.  SS.

 

SECRETARY OF STATE MR PATRICK PAYET

Mr Chair mersi Onorab.  Minister Finans ti ganny en kopi sorti kot SPTC zot revizyon dan Scheme ki zot ti pe propoz through the Minister responsab pour Land Transport an Fevriye 2018.  E nou ti zwenn avek Departman Land Transport pour diskit provizyon sa Scheme.

E letan nou ti pe diskit sa Scheme nou ti vwar ki dan son totalite pour en lannen I pour kout nou apepre en R16.3milyon.  E sa I pour drivers bann senior management staff, other managerial staff apre bann admin, HR avek bann Finance.

So nou ti lankadreman pour tou zot staff e zot ti anvi enplimant li depi Zanvye.  E diskisyon letan nou fer avek zot ki nou vwar ki nou pa pe kapab I annan bout ki nou pa pe kapab fer li I annan bout ki nou pe propoz avek Gouvernman may take into account si Bidze I available.

Par egzanp zot ti pe demann en bout sa Scheme ki zot ti pe demande bann long servis bann dimoun ki’n la en pe lontan bann allowance per month.  E bann diskisyon ki nou ti ganny fer avek zot se, nou anvizaze dan Bidze 2019 menm concept etablir pour bann public sector employees.  Nou ti dir zot sa provizyon ki zot pe rekomande nou pa promet li la nou ava rediskit li ler nou fer finalizasyon pour sekter piblik.

So I annan bann konteni ki nou’n retire vi ki nou vwar I pe ransanble en pe bann keksoz ki nou ti pe diskite entern pour Central Government. 

So pour bann drayver letan nou regarde per annum I annan apepre 237 zot pour tou bann drayver sa ki nou annan lo lalis.  Me selman nou kapab ganny detay me selman lo la zot in met tou drayver 237 e I pour kout apepre R10.267milyon.

E letan nou vwar si nou enplimant li an Zilyet nou pour bezwen zis 5.15.  So I pour enkli tou bann drayver ki egziste.  Sa propozisyon ki nou met devan zot.  Mersi.

 

MR SPEAKER

Mersi SS Payet.  Onorab Henrie.

 

HON GERVAIS HENRIE

Wi zis en pti klarifikasyon vitman.  So la sa larzan in bezwen vin dan Bidze menm si nou konnen poudir SPTC I pa ganny en Bidze per se avek Gouvernman ki nou diskit lo la tou le lafen lannen.  So eski sa I en one-off ki Gouvernman pe donnen ouswa dezormen tou-le-z-an nou pour vwar en konponan ki pour vin dan Bidze pour kapab soutenir sa Scheme ki nou pe koz lo la ozordi?  Mersi.

 

MR SPEAKER

Mersi Onorab.  SS.

 

SECRETARY OF STATE MR PATRICK PAYET

Mr Chair mersi Onorab.  Nou’n vwar ki en diskisyon ki nou’n gannyen avek zot se autonomous ki nou ti donn zot apartir Zanvye.  E nou ti vwar avek zot akoz zot ti nearly lo breakeven avek increase of bus fare ki ti arive.

E si Gouvernman pa ti pe donn larzan dan Bidze zot e si zot ti anvi enplimant sa Scheme zot ti pour bezwen increase further zot bus fare.  So definitivman dan Bidze 2019 nou pour bezwen met additional provizyon pour the overall Scheme of Service.  Mersi.

 

MR SPEAKER

Mersi SS Payet.  Onorab Ramkalawan.

 

HON WAVEL RAMKALAWAN

Mr Chairman.  Mon ti enn bann dimoun ki ti lager pour bann travayer Air Seychelles.

 

(Mic Off)

 

HON WAVEL RAMKALAWAN

Me selman be mon pe koz pour mon ou a koz pour ou.  Mon fer kler mon fer kler poudir mon ti enn parmi.  Letan ou dir enn parmi savedir I annan plis ki enn.  (Petet Onorab Gill mon a donn ou en pti leson Kreol.  Wi.) Mr Chairman I byen ki bann travayer pe ganny sa package mon napa problenm.  Me selman mon problenm I vin avek Air Seychelles li menm.

Nou’n donn en package e la nou pe aprouve me Air Seychelles li menm li son Management pa pe fer en gran zefor.

Sa cost-cutting exercise ki zot ti dir zot pour antre ladan zot pa pe fer li.  It’s getting worse la zot in fek anploy en chief commercial officer etranze.  Ok?  I annan en Morisyen ki ti’n ale in retournen package pli gro.  Tousala pe reste Eden Island.  Alor nou anvi demann kestyon.  Eski Air Seychelles pa pe malgre nou pe ed sa group ki la eski pa pe al dan menm direksyon ankor?  E nou pour trouv nou ankor enn fwa dan sa Lasanble kot nou ava pe plenny nou ava pe plede pour bann lezot travayer ankor pour ganny met deor?

Mon pe ensiste ki poudir Air Seychelles I bezwen vin avek keksoz konkret.  E nou ti ava kontan si antan ki Minis Finans parske zisteman nou lo zafer Air Seychelles e semenn prosenn ou pe retournen pour donn nou en lendikasyon ki kantite nouvo etranze ki pe antre apre ki nou tonm dakor pour…  E an plis ki sa ki bann lezot cost-cutting exercises ki zot in fer akoz e menm I annan Seselwa ki ti ganny dir ki poudir zot pour la apre zot pour pran plas etranze.  E ozordi zot pe santi ki poudir se etranze ankor enn fwa ki pe kontinyen.

Nou pe zis 3 larout dan rezyon e annou sey finalman pran kontrol nou Airline e nou ava kapab koste en bout avek en lot bout.  E non pa etranze ki pour vin pran bann gro kopo plis ki R300mil ensidswit.  Mon ti ava kontan met sa devan konman en konsern parske sa ki nou pe regarde dan sa sif R26milyon personn ant nou pa ti pour kontan retrouv nou ankor pe annan sa menm deba detrwa lannen di-si.  Mersi bokou Mr Chairman.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Kan mon ti sorti isi yer mon krwar wi – yer.    Mon’n al lo Airport rankontre sa chief executive officer avek chief finance officer Air Seychelles.  E mon brief zot sa ki’n pase dan Lasanble e mon eksplik zot bann demann ki nou bezwen retourn avek Mardi prosen.  E I enkli sa cost-cutting exercise mon dir zot they need to bring me up to speed pour nou nobou vin isi pour reponn.  Me la ou’n donn mon ankor 2 legzanp ki mon ava note sertennman pour fer sir ki zot kapab vin donn nou son vre leksplikasyon.

Akoz I enportan ki nou kontinyen monitor Air Seychelles de tre pre akoz nou pa anvi parey ou dir ki nou ganny nou en lot sityasyon regretab devan nou.  Me pour le moman mannyer mon konpran sityasyon I korek.  Me Mardi letan nou a vini nou a reponn ou bann konsern Onorab.  Mersi Mr Chairman.

 

MR SPEAKER

Mersi Minister.  Onorab Larue.

 

HON FLORY LARUE

Bon apre midi Minis avek ou delegasyon.  Bon apre midi tou dimoun.  Mersi Mr Chair.  La mon kestyon ki mon pe demande I follow on avek sa kestyon ki Onorab Ramkalawan in demande.  Dapre mon konpran Air Seychelles in osi fer rebranding e zot in launch zot nouvo keksoz just in this week new colors new blankets, new pillows, new everythingIn line avek redundancy ki’n fek ganny fer in line ki letan dimoun ti konmans ganny zot redundancy package nou ti vwar deklarasyon de nouvo avyon.  Ki mannyer nou kapab kontinyen dir ki Air Seychelles is being responsible letan zot vin la zot dir zot they are being responsible and they did cost-cutting exercise.  Avek sa ki mannyer I anliny sa bann keksoz?

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Letan nou vini Mardi nou a reponn ou kestyon spesifikman.  Me mon sipoze mon pe sipoze la dan sa transformasyon nou ti dir nou pour rod 2 nouvo avyon I annan enn Air Seychelles I annan enn ti’n fini anonse e sa nouvo avyon pour vini an Juin 2019 e lot pour vini an Zanvye oubyen Fevriye 2020.

Sa 2 avyon konteni ki pour bann avyon nef Air Seychelles pe fer en louvraz la pour deside ki kalite seat, business class pour met ladan.  Ki kalite seat ekonomi zot pour met ladan ; ki kouler I pour ete ki kalite galley i pour annan ; ki kalite entertainment system  pour annan.

Donk tousala ou bezwen swazir avek bann manufacturers sa bann keksoz donn Airbus pour fer sir ki tousala I ganny livre avyon I ganny configure e ganny fer a ou spesifikasyon.  Akoz si ou sanze plitar i pour kout ou bokou pli ser.  So mon sipoze Air Seychelles se sa ki I pe fer an se moman.  Me parey mon dir ou nou ava konfirmen letan nou vini Mardi.  Mersi Mr Chairman.

 

MR SPEAKER

Mersi Minister.  Onorab Larue.

 

HON FLORY LARUE

Eskize Mr Speaker.  Zis pour mon klarifye.  This happened this week new colours, new blanket and everything.  In line avek sa 2 avyon, Air Seychelles ti aste li en 737 brand new.  Ti fer regional avek.  Zot ti bezwen rann sa avyon akoz I pa ti kapab pran cargo.

Nou pe repran 2 avyon ki ankor zot kapasite cargo I ptipti.  E nou annan en kantite cargo in the region.  So letan mon vwar en 1 en aircraft ki resanble en 737 letan ou get li lo son size.  Eski nou pour repet menm keksoz ankor?  Akoz nou annan en kantite cargo sorti Sid Lafrik – en kantite cargo sorti Moris.  Eski sa kote cargo in ganny pran an konsiderasyon?

 

MR SPEAKER

Bon mon pour zis entervenir la.  Pa ki mon le anpes Minis reponn sa kestyon.  Petet en pti pe dan direksyon kot ou pe ale Onorab Larue.  Nou pour regard avek Minis nou pe dyalog avek Madanm Clerk pour petet Minis vin fer en bref statement.  Sirtou lo sa ki pe monte la Mardi prosen and then sa bann kestyon sa bann konsern I kapab leve.

Si ou dakor akoz zis pour nou pa deviate lo matters ki devan nou.  Ok so nou ava sort sa out dan Break avek Minis.  Bon dernyen kestyon lo sa seksyon Onorab.  Ou kestyon I ankor lo la Onorab Mondon be ale mon ava donn Onorab Pillay apre mon ava fini avek mon ti krwar dernyen.  Onorab Pillay.

 

HON SEBASTIEN PILLAY

Mr Chair.  Mon kestyon I senp akoz nou kontinyelman vwar Air Seychelles pe monte dan tou Bidze somewhere sak fwa I annan en Siplemanter ou vwar Air Seychelles ladan aparet.  So eski nou kapab ganny en garanti ki poudir sa ki la, la, la ki nou pe peye la I fini la, napa ankor?   Pour en pe letan.

 

MR SPEAKER

Mersi Onorab kestyon tre pointu.  Minis.

 

MINISTER MAURICE LOUSTAU-LALANNE

Wi mersi Mr Chairman.  Mersi Onorab.  Parey ou konnen dan Bidze anyel I annan en laliny sibvansyon R16milyon ki ale ziska mon krwar 2021.  So ou pour vwar li ankor sa R16milyon.  I R16milyon tou le lannen pour Air Seychelles.  Mersi Mr Chair.

 

MR SPEAKER

Tre bref Onorab Pillay.

 

HON SEBASTIEN PILLAY

Wi wi.  Me selman zis dir avek Management Air Seychelles ler zot prepar zot legzersis fer tiket pour al Praslin mazinen poudir dimoun ki pey sa tax pour met sa pti laliny dan Bidze pour zot gannyen en.  Koumsa ler sa bann increments i vini zot ava vin en pe pli responsab.  Mersi.

 

MR SPEAKER

Bon.  Onorab Terence Mondon.

 

HON TERENCE MONDON

Mersi Mr Chair.  Bidze Siplemanter osi pa ti pour vin ankor, be nou kontinyen pe vwar li.  Me mon pti kestyon I lo SPTC.  Ti annan en issue konsernan konpansasyon en group travayer vi ki pe fer provizyon pour Scheme of Service mon zis anvi konnen si sa size konpansasyon sa group travayer SPTC in fini rezourd net?  Mersi Mr Chair.

 

MR SPEAKER

Mersi.  Minis.  SS Payet.

 

SECRETARY OF STATE MR PATRICK PAYET

Mersi Mr Chair.  Onorab kekfwa sa enn nou ava kapab klarifye akoz request ki zot in demande I spesifikman for Scheme.  Me selman Desanm mon konnen nou ti diskit avek zot pour donn zot en larzan pour konmans lannen 2018 ki nou ti vie avek zot Capital Proze ki zot ti annan.  Me selman nou kapab demann zot in regards to ki Konpansasyon.  Mersi.

 

MR SPEAKER

Mersi SS Payet.  Bon nou fini sa seksyon.  Nou ava koz lo sa lot sa se E (e) ‘Benefits and program of ASA, ASP’ zot le?

 

(Mic Off)

 

MR SPEAKER

Pardon?  Mon ti met ansanm mon ‘Terminal dues for the President’s Village’ mon ti dir mon pour met ansanm.  I tonm anba 2.  Lo la.  Ale Onorab.

 

HON WAVEL RAMKALAWAN

Me Mr Chairman.  Mon ti anvi petet ganny en leklersisman si sa I parske President’s Village I tonm anba Children’s Foundation li non?  I tonm anba Children’s Foundation.  Be gid mon Mr Chairman parske mon anvi ganny li kler parske si nou pe fer sa bann zafer Children’s Foundation I annan en issue loto.  Loto Children’s Foundation ki ti pe ganny vann.  E ki Licensing Authority ki ti bloke e kot ti pe ganny vann kot en sonm R60mil e mon ti ava kontan ganny en leklersisman lo la.  Lo – e PS I konn byen akoz li ki ti blok sa.  Donn nou en leklersisman konmsi lo la silvouple.  Mersi bokou.

 

MR SPEAKER

I tonm anba sa bann dues konmsi.

 

HON WAVEL RAMKALAWAN

Parske I tonm President’s Village.  Pour nou regarde sa bann koripsyon si I annan…

 

MR SPEAKER

Ok mersi.  SS Payet oule reponn.  Yes Minister.

 

MINISTER MAURICE LOUSTAU-LALANNE

Wi mersi Mr Chairman.  Mersi pour sa kestyon.  Wi dan sa dan sa laliny ki ou vwar la annefe Children’s Foundation pour nepli annan nanryen pour fer avek sa President’s Village.  I pour al kot NCC so sa I sa desizyon.  Me an sa ki konsern sa loto mon ava demann PS pour donn ou lenformasyon.  Mersi.

 

MR SPEAKER

Mersi Minis.  PS Thésee.

 

PS DAMIEN THESEE

Mersi Mr Chair.  Prosedir ki’n etablir dan Gouvernman ler I annan okenn sale of asset sirtou partikilyerman loto sa Minister ki sa asset I anba li I bezwen vini annan an authorize signatory pour authorize sa loto avek en endividi prive.

So Licensing ti enform nou ki I annan en request ki ti pe ganny fer pour transfer loto.  E zot ti aware ki I annan tranzisyon President’s Village e zot ti pe query avek nou si to proceed avek sa.  Ki prezan vi ki Minister Finans ki fer auction tou veikil dan Gouvernman si I annan to write-off vi ki nou pa ti ganny okenn demann pour write-off nou pa ti otoriz SLA pour fer sa transfer.  So ok.

 

MR SPEAKER

Ok mersi PSYes Onorab Ramkalawan.

 

HON WAVEL RAMKALAWAN

Mr Chair.  Mon anvi demann mon anvi demann kestyon parske mon annan tou bann detay avek mwan.  E ki le 16 5enm mwan 2018 ti annan en resi ki ti’n fini ganny ki ti’n fini ganny issued pour lavaler R60mil.  E I lir koumsa;

Received with thanks from Jules Hoareau the sum of sixty thousand only sale of vehicle S14723.’  Konmsi si eski vreman sa loto eski zot in fer en lenvestigasyon pour regarde tou sa bann detay si vre sa loto ti pe kout sa pri?  Oubyen ti annan en kas anba ki ti pe arive parske mon pa tro konn loto R60mil sa detrwa zour.  Mon krwar nou tou nou pa tro konnen sa bann zafer loto R60mil ti a bon nou ti a konnen nou osi tou.  Wi. wi.

 

MR SPEAKER

Mersi Onorab.  Bon nou ava donn laparol PS Thésee.

 

PS DAMIEN THESEE

Wi I annan sa resi.  Ki’n arive in pey internally kot Children’s Foundation sa sonm, so zot Accounts in prodwir en resi pour pran sa larzan.  Selman larzan pa ti ankor ganny bank dan Trezor.  So nou’n donn lenstriksyon to return the money e an parlan avek Minister Family Affairs ki zot osi zot en parent Minister.  Nou aware ki sa loto I ganny bezwen pour NCC oubyen President’s VillageSo sa asset I ankor still la larzan in ganny rann nou pa’n allow the sale to happen akoz nou pa’n allow the money to be banked.

 

MR SPEAKER

Ok mersi PS.  Savedir sa tranzaksyon in kennsel non?  Ok?  Dernyen non mon pa pour ouver deba lo la.  Onorab Sandy Arissol ou pe ok.  Go on Onorab Arissol.

 

HON SANDY ARISSOL

Mr Speaker.  I lo lanmenn sa size sa.  Mon ti anvi demann Minis avek bann teknisyen ki la sa ka ki Mr Ramkalawan Onorab Ramkalawan pe koz lo la an relasyon avek Children’s Foundation ki mon vwar la lo papye ki mon’n gannyen.

Mon ti a kontan konnen si sa ka koumsa si pa ti ariv kot Mr Thésee si pa ti ganny arête ki mannyer I ganny konsidere sa?  En ka vol, koripsyon?  Konmsi eksplik mon ki mannyer mon pa tro konpran sa bann zafer.  Mon ti a kontan zot donn mon en apersi lo la.  Ki mannyer I ganny konsidere si Mr Thésee par egzanp ti’n les ale e I ariv lo son latab e mon aprann la Mr Speaker in dir poudir in kennsel sa tranzaksyon.  Eksplik mwan ki mannyer I ete sa tranzaksyon si I en koripsyon oubyen I en ka vol pour lepep Seselwa deor ki pe ekoute ki kontan ekout News Extra zot kontan ekout tou progranm zot tande kwa ki mannyer I apele sa?  Mersi bokou.

 

MR SPEAKER

Mersi Onorab.  Mr Thésee.  PS.  Oubyen SS Payet.

 

SECRETARY OF STATE MR PATRICK PAYET

Mersi Mr Chair.  Pour nou si par egzanp sirkonstans si sa ti’n pase nou ti pour fer nou proper investigation dan Departman Odit.  E sa dimoun ki ti’n aste sa loto I ti pour bezwen refer transfer e sa dimoun ki’n kolekte sa larzan I ti pour bezwen rann.

E si I arive I pa ti rann sa akoz nou ti pour bezwen etablir the asset value si I ti pour al vann lo proper tender. 

So nou ti pour bezwen etablir li son asset value e I ti si sa dimoun in pa’n pey lavaler I ti pour bezwen rann lavaler.  E sa dimoun ki’n fer sa tranzaksyon I ti pour bezwen annan sanksyon ki ti pour ganny pran avek li.  Si sa ti’n arive.

 

MR SPEAKER

Mersi SS Payet.  SS petet atraver travay ki Lasanble pe fer e lefe ki ou departman osi I vin pli alert pour zot kapab detekte bann keksoz koumsa.  Pa I annan bann prosedir ki bann departman Gouvernman I bezwen swiv avan zot dispose of an asset ki pour sa Departman ki pour Gouvernman.

Eski tou bann departman Gouvernman oubyen menm bann bodies koumsa zot okouran bann prosedir?  Par egzanp nou dan Lasanble avan nou dispose of an asset nou bezwen ekrir kot Minis Finans pour nou kapab ganny sa go ahead – sa approval.  Menm en loto nou fer li nou fer li parey.  PS – SS.

 

SECRETARY OF STATE MR PATRICK PAYET

Mersi Mr Chair.  Mr Chair wi tou bann CEOs ouswa bann Direkter Zeneral ouswa bann Direkter dan bann Departman Gouvernman I bezwen aware sa bann prosedir ki egziste.  Akoz nou fer sir ki at least I annan bann nouvo CEOs letan zot vini ki at least zot ganny en kopi nou bann sirkiler osi the Public Finance Act avek regilasyon ki egziste.  So zot bezwen okouran sa bann prosedir.  Mersi.

 

MR SPEAKER

Mersi.  Yes Onorab Ramkalawan.

 

HON WAVEL RAMKALAWAN

Mr Speaker.  Nou anvi etablir akoz sa I enn nou rol konman Lasanble e FPAC I osi son rol.  Eski Minister Finans a kapab konfirm avek nou ki poudir sa ka ki nou pe koz lo la ki Mr Hoareau ki ti pe aste sa asset I pa ti’n fer okenn demann kot Finans?  E ki Mr Hoareau li menm li I ti Direkter sa Children’s Foundation e ki efektivman I ti a pe vann son lekor en asset sa lorganizasyon sa lorganizasyon ki I ansarz.

E eski vi ki nou annan sa sonm ki I ti pe vann son lekor sa asset R60mil eski Minister Finans ti ava kapab at some point donn Lasanble the asset value of sa loto?  Mersi bokou.

 

MR SPEAKER

Mersi Onorab.  PS Thésee.

 

PS DAMIEN THESEE

Mersi Mr Chair.  Pour le moman nou napa valer asset sa loto akoz ordinerman si I pe al vann si I pe al write-off nou pour bezwen al fer sa prosedir.  So nou pa konnen lo ki baz in ariv lo sa sonm.  Selman we can do the exercise nou ava rod son evalyasyon e nou ava prodwir.

 

MR SPEAKER

Mersi PS.  Bon mon krwar in ariv ler pour nou pran en pti break apre nou ava retournen.  Selman mon ti a kontan ler nou retournen nou tackle sa 2 lot seksyon apre nou kapab eskiz Minis avek son bann teknisyen nou ava retourn konman en Lasanble pour nou fini sa Mosyon e pour nou kapab pran en vot.

Mon konnen I annan Mosyon Onorab William ki nou bezwen kontinyen deba me mon oule ki 5er nou rann lantenn SBC.

Mon osi okouran ki I annan mouvman serten Manm so I posib nou pa pour kontinyen avek Mosyon Onorab William e nou ava defer li ankor pour en future Siting.

Zis avan nou pran Break bomaten nou ti demann en lenformasyon mon pa konnen si Minis in gannyen kote lofis sa Tribunal pour Land Compensation I baze si Minis in ganny sa lenformasyon I anvi partaz avek nou.  E mon asire Manm Piblik osi ti ava kontan konnen.  Minister.

MINISTER MAURICE LOUSTAU-LALANNE

Mersi Mr Chairman.  Wi mon annan sa lenformasyon sa Land Compensation Tribunal I baze Le Chantier Mall lo 6enm letaz.  Mersi Mr Chair.

 

MR SPEAKER

Mersi Minis.  Yes Onorab De Commarmond.

HON CHARLES DE COMMARMOND

Mr Speaker Mr Chair.  Mon sizere ki nou kontinyen epi nou adjourn.

MR SPEAKER

Ok.  Annou pran en pti Break 10 – 15 minit annou fer li 15 minit apre nou ava retournen ok ?  Bon nou a retournen annou dir 4.10 – 4.15 ok.  Ale.

(BREAK)

MR SPEAKER

Bon avan nou kontinyen I annan zis pour lenformasyon Piblik pour zot konn en pti pe lafason ki nou pe travay e rezon I depi bomaten Lasanble pe vwar li pe diskit sa Supplementary.  Dan le pase Gouvernman ti depans larzan ekstra sete apre ki zot ti vin anmenn dan Lasanble pour Lasanble aprouve.

Depi 6enm Lasanble in konmanse sa metod in sanze Lasanble antye ti dakor ki nou dir avek Gouvernman si ou anvi depanse ou bezwen vin prezant sa Bidze Siplemanter.  Kwa ki ou anvi al depanse ki ou departman e nou deliber lo la nou gete kot fodre amande, aprouve, koupe whatever.

E se la apre ki sa Bidze I ganny vote e Gouvernman I annan dwa depanse.  Mon pe zis fer sa kler pour manm piblik deor pour zot konsonmasyon pour zot konpran kwa ki nou pe fer ozordi dan Lasanble.

e sa ki pe pran en pe letan ki sa bann kestyon bann klarifkasyon ki pe ganny leve par Manm.  E dan en ka koumsa osi tou ler sa Bill I ava vini apre dan son lannen answit I pa ava annan gran deba lo la.  Mon swete ki deba I ganny fer la.

Bon nou ava kontinyen avek nou travay.  I reste nou 2 Seksyon pour nou pas lo la sa se ‘Benefits and Approved Programs of ASP’ sa se Agency for Social Protection.  Nou ava pran li premye apre nou ava pran Grants. 

Ok sa I en amount of R85.6million nou a konmanse.  Onorab Ferrari.

HON JEAN-FRANCOIS FERRARI

Mersi Mr Chairman.  Mr Chairman lo sa Heading mon ti a kontan ki Minis avek son lekip I kapab donn nou enn de reasirans.  Anba premye sub heading ‘retirement, invadility and disability benefits’ pour R59.6milyon ekstra.  Mon vwar li en pe difisil ki sa pa ti kapab ganny prevwar.

Akoz nou konnen lekel nou konnen fasilman lekel ki pe retire.  Nou kapab kalkile ase fasilman lekel bann nouvo dimoun ki pour antre dan retirement e bann dimoun ki envalid e ki annan dezabilite nou konnen on average konbyen I annan.

E konbyen ki ale tou le lannen apepre konbyen ki antre.  Donk mon pa vreman konpran ki mannyer nou kapab go off par R59.6milyon.

Eski Minis I kapab dir nou si Lazans pour Proteksyon Sosyal in fer sa targeted assistance ki zot ti promet nou zot pour fer?  E si zot in fer li akoz nou pe go over budget dan sa kalite proporsyon?  Even pour Home Carers Scheme R25milyon ekstra I en I en kantite larzan e si mon kalkil I bon I kapab kouver apepre 400 carer ekstra pour 1 lannen.  Ki ase ekstraordiner e ki mon pa mon konman en MNA I annan 2 keksoz ki mon ganny dir konmela.  I pli difisil pour ganny en carer e I pli difisil pour ganny welfare assistance.

Me selman mon vwar bann figures pe ogmante.  Donk pour Home Carer Training napa problenm me pour sa 2 lot la I enkyetan.  E mon ti a kontan konmsi ki zot sey dir nou ki pe arive.  Mersi.

 

MR SPEAKER

Mersi Onorab.  Minis.  Oubyen SS Payet.

 

SECRETARY OF STATE MR PATRICK PAYET

Mersi Mr Chair.  Mersi Onorab pour sa kestyon.  Letan nou forecast Bidze nou vwar en pe statistik espesyalman bann benefis bann disability benefits, envalidite avek home carer spesyalman.  Nou vwar en pe bann statistik ki mannyer ki kantite dimoun ki lo progranm.  E letan nou ti forecast Bidze par egzanp pour disability an Out nou ti annan nou apepre 709 dimoun ki ti pe ganny disability benefit.

Me as at May of this year I annan 1088 dimoun ok?  Lo kote envalidite benefit as at of August letan nou ti pe servi nou ti annan 1702 e la nou annan 1688.

Lo kote home carer full time avek part time nou ti annan nou 3301 e as at April nou pa’n ganny sans ganny the near figure I 3449.  So I montre ou they are on the increase tou le 3 benefis.

So nou’n vwar ki letan nou fer the first quarter assessment nou’n vwar ki nou pa pour kapab fini lannen si en Bidze adisyonnel pa ganny mete avek sa increase.

Me an se moman I annan en Komite ki’n ganny formen depi Fevriye ki nou pe travay Minister Finans Lazans Proteksyon Sosyal, Minister Lafanmir ki nou pe revwar en pe lo bann policies.  Akoz nou’n vwar ki soutenabilite of sa bann benefis si I kontinyen I pour met en ta presyon lo Bidze.  

So definitivman nou pe travay lo en Plan Konpreansiv ki I pour ganny prezante avek Bidze 2019.  Apre secondly Mr Chair nou annan retirement benefits nou ki nou ti vwar letan Gouvernman ti anons sa lanons ki ti retir sa R5,050mil an Oktob dan Bidze letan nou ti anons sa.  Nou ti vwar ki ti annan bokou dimoun ki ti pe al ki ti’n reach the age 60 mete zot ti annan 61 zot ti fer sir ki zot ti al anrezistre aret travay anrezistre before 31st of December pour zot ganny sa R5050mil an menm tan ganny zot pansyoner.  Zot pension through Seychelles Pension Fund.

So this is why nou’n vwar nou avek sa forecast ki nou ti fer baze lo statistik ki nou ti annan nou’n vwar nou ki nou bezwen vin devan Lasanble Nasyonal avek pour sa Bidze Siplemanter.

Retirement benefit son deficit I apepre R28milyon;

Invalidity R8milyon

Disability R23milyon e home carer apepre R25milyon ki fer sa total avek training ki fer sa total R85.6milyon.  Nou’n vwar en pe sa increase ki’n arive.  Mersi Mr Chair.

 

MR SPEAKER

Mersi SS.  Onorab Ferrari.

 

HON JEAN-FRANCOIS FERRARI

Tre vitman.  Mersi SS pour sa leksplikasyon.  Mon ti a kontan demann ou kan eski kan pandan sa lannen e preferableman avan Bidze 2019 I ariv devan nou pour fer diskisyon.  Kan eski ou kapab annan en in-depth assessment lo bann trends ankor, pour nou gete whether its really spinning out of control or not.  Donk nou konman en e mon konman en Manm FPAC I enportan ki ou gid nou dan sa travay.

Mon kestyon mon sel kestyon ki mon annan la se ki eski PS ou kapab dir nou oubyen SS ou kapab dir nou si napa en nonm abnormal dimoun ki pe vin bann profesyonnel welfare?

Akoz I vreman enportan sa I annan bokou dimoun ki bezwen en pti lasistans tanporer e zot pa pe gannyen.  Zot pa pe gannyen e zot vin kot mon zot pa pe gannyen zot dir ki I annan en sistenm ki an plas depi plizyer lannen kot si ou’n antre dan sa sistenm ou’n ganny en bon kontak laba anndan dan sa sistenm, ou kontinyen benefisye ou.  Ou ale ou ganny ou 3mwan ou renouvle ou renouvle ou renouvle kan ou vin en profesyonnel.  Tandis ki bann dimoun ki vreman I travay I bezwen sa led zot pa pe gannyen.  So ki ou kapab dir nou lo sa?  Mersi.

 

MR SPEAKER

Mersi Onorab.  SS.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Nou anvizaze konplet sa exercise by Septanm akoz nou anvi prenan kont Bidze 2019.  En bokou bann statistik ki nou pe demann avek Lazans Proteksyon Sosyal par egzanp pour disability get en pe bann lenformasyon par egzanp ki kantite dimoun dan Anse Boileau, Anse Royale, Takamaka ki nou ganny en pe detay.  Par egzanp ki kantite home carer ki annan dan sa bann distrik partou dan sa 25 distrik.

So nou’n demann zot en pe bann statistik en pe detaye pour nou kapab fer sa intensive exercise apre kapab anmenn en pe propozisyon in regards to Policy.  Mr Chair kekfwa nou a bezwen rod en pe statistik lo sa definisyon kekfwa lo kote welfare si I annan en pe sa bann dimoun akoz dan sa statistic ki nou pe asses pour nou vwar par egzanp si I annan dimoun ki pe kontinyelman lo welfare me si i pa pe travay osi.  

So sa I en pe dan sa reform ki nou pe demann Lazans Proteksyon Sosyal pour provide nou en pe avek sa bann statistics I pa zis lo kote welfare I tou bann benefis.  Pour nou vwar en pe bann disaggregate numbers lo la e nou kapab fer bann en pe bann pli bon Policy advice lo kote Gouvernman.  Mersi.

 

MR SPEAKER

Mersi SS Payet.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon ti a kontan demann Minis an relasyon avek sa retirement, invalidity and disability benefit.  Mon konnen poudir in vin en legal entitlement ozordi I legalman entitle en dimoun once in ganny konsidere par sa.  Eski prosedir an plas ki etablir poudir en dimoun I entitle sa benefis zot in fer en monitoring lo sa prosedir pour vwar si sa costing ki pe ganny mete la pour satisfer bezwen for the rest of the year?

Oubyen nou pour vwar en sityasyon kot i annan bann lapses dan sistenm kot I annan dimoun petet pa pour ganny asiste kot zot bezwen ganny asiste?  E pour asire ki bann dimoun ki sipoze pe ganny asiste e bann dimoun ki devret pe ganny asiste?  Eski en legzersis pe ganny fer en pti pe dan laliny ki pe koz lo la an relasyon avek welfare?  Mersi Mr Chair.

 

MR SPEAKER

Mersi Onorab.  Minis.  SS.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Lo kote monitoring exercise pour nou vwar the flow of lafason ki par egzanp sa bann benefis pe ganny donnen.  Sa pour le moman nou pa ti ankor fer sa exercise akoz nou ti pe etablir sa sirkonstans baze lo statistik.  Me letan nou regard disability, envadilite avek retirement nou vwar ki provizyon Bidze ki nou mete I kapab fini Desanm.

Me sepandan lo, lo kote sa lot home carer, home carer nou vwar si sa trend I kontinyen ki mannyer nou vwar sa trend konmansman the first quarter of this year si I kontinyen zot pour bezwen plis Bidze ankor konpare avek sa ki nou mete.  Me nou met li baze lo statistic ki kantite ki I annan me nou vwar ki detay statistik ki nou annan depi lannen pase in ogmante si sa trend I kontinyen dan sa laliny zot pour bezwen en pe plis.  Mersi.

 

MR SPEAKER

Mersi SS.  Onorab Pillay.

 

HON SEBASTIEN PILLAY

Mersi Mr Chair.  Mr Chair zis pour klarifye.  Eski ou pe dir nou poudir malgre nou pe aprouv sa, sa amount ki nou met la which is R25milyon nou pour still vwar nou avek en shortfall before the end of the year an relasyon avek sa specific line?

 

MR SPEAKER

Mersi Onorab.  SS.

 

SECRETARY OF STATE MR PATRICK PAYET

Sa si I annan plis demann.  So si nou vwar I annan plis demann akoz nou met provizyon baze lo apepre 3450 nou met provizyon pour nou finis a lannen.  Me nou vwar ki par egzanp letan nou ti dan Out lannen pase nou ti annan nou 1300 e la nou annan apepre 3449, so si sa trend I kontinyen so definitivman I pour en pe plis si napa reform ki arive.

Me nou pe diskit avek Lazans Proteksyon Sosyal prosedir ki osi ganny fer akoz nou konnen ki I annan en Board ki rekomande from Health e zot Lazans Proteksyon Sosyal zot asses zot Mean Test only.  So sa osi I en diskisyon ki nou mete lo Komite pour nou vwar enpe lafason osi ki prosedir ki nou fer.  Mersi.

 

MR SPEAKER

Yes Onorab Pillay.

 

HON SEBASTIEN PILLAY

Very last point Mr Chair.  So an relasyon avek sa disability benefits spesifikman par sa retirement benefit eski sa in pran kont okenn travay ki pe ganny fer par Poverty Alleviation Secretariat.

Ki kot ou pe vwar dan bann dan sa letid ki zot in fer I annan landrwa parey Corgat Estate ki zot in pile up I annan bann dimoun ki’n slip through the cracks the sistenm.  E zot pa pe ganny asiste eski sa pour pran kont sa travay ki zot in synchronise sa ki pe ganny fer sa legzersis avek travay ki sa Sekretarya pe fer pour met resours pour li kapab delivre petet lo serten lobzektif travay ki zot annan.  Mersi Mr Chair.

 

MR SPEAKER

Mersi Onorab.  SS Payet.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Wi dan diskisyon ki nou gannyen avek zot nou letan nou ti pe demann zot sa increase ki son rasyonnal, son rasyonnal kote in vini zot in eksplik nou en bout ki baze lo sa Poverty Alleviation Program Assessment, why rasyonnal ti annan son increase.  I annan en bout son konponan ki’n ganny enkli definitivman.

 

MR SPEAKER

Mersi SS.  Onorab Sandy Arissol.

 

HON SANDY ARISSOL

Mersi Mr Speaker.  Bon apre midi Minis avek ou delegasyon ankor enn fwa.  Mr Speaker mon kestyon I baze lo Scheme pour bann carer.  Mon ti a kontan demann Minis si dan provizyon ki zot fer pour finans si zot osi pran kont bann konze bann carer?

Parske plizyer fwa mon a eksplik mon lekor Mr Speaker souvandfwa ler ou koz avek dimoun ki fer sa louvraz zot ganny en pe difikilte letan I konsern zot konze.

Parske souvandfwa zot pa kapab kit sa dimoun tousel ki zot travay depandan son sirkonstans e letan I ariv pour zot due zot konze zot pa gannyen me zot ganny difikilte pour ganny en keksoz oubyen ganny peye zot konze pour sa louvraz ki zot pe fer.

Alor eski I annan provizyon pour sa?  Dezyenmman mon ti a kontan demann Minis anvi ki dernyen fwa Minis Larue ti vin dan Lasanble I ti pe koz en pe lo labi ki pase parmi sa pti group dimoun ki fer sa travay.  Eski Minister Finans pe met en presyon avek bann Minister konsernen anvi ki zot donn en kantite larzan?  Eski zot pe met en pe presyon ki I annan sipervizyon osi lo travay ki sa bann dimoun I fer?

Parske nou tou nou konnen I annan en kantite konplent I annan ki fer zot travay ekstrememan byen me I osi annan konplent zis parey Minis ti vin dir nou dan Lasanble Nasyonal dernyen fwa.  Mersi bokou Mr Speaker.

 

MR SPEAKER

Mersi Onorab.  SS Payet.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Nou bezwen rod en pe plis lenformasyon lo sa leave pay akoz kekfwa nou napa sa disaggregate data lo bann peyman.  Kekfwa nou annan li as a whole nou napa kekfwa detay.

Akoz nou konnen zot ganny Trwazyenm Mwan sa I enkli me tandis ki leave pay nou a kapab rod sa lenformasyon donn Lasanble.  E segondly lo abuse ki en konponan ki nou mete dan sa Bidze i training – apre osi nou vwar ki training definitivman pour ede en pe lo sa laspe ki at least sa bann dimoun ki pe provide sa servis, zot pour annan kapab en pe pli kalib pour zot kapab donn en pe pli bon servis sa bann dimoun aze.

E segondly ki nou vwar se nou bezwen annan en pe plis supervision bann supervisor dan bann distrik.  Sa osi nou pe travay avek Lazans Proteksyon Sosyal dan sa reform program ki nou pe vin avek.  Mersi.

 

MR SPEAKER

Mersi SS.  Onorab Aglae.

 

HON EGBERT AGLAE

Mersi Mr Chair.  Mon kestyon Minis anvi ki I annan sa kestyon Bidze 1milyon ki pa tro en gran Bidze pour training pour home carers.  Petet ki garanti ouswa ki mezir ki Minister pe pran avek ASP pour fer sir ki sa bann carer I kapab ganny kouver given ki i annan natir sa resipyan ki bezwen sa care 7 lo 7.  E ki sa carer li menm li, I pa vwar en lespas pour li sorti pour li attend sa bann training.  E osi mon ti a kontan konnen lekel ki pe conduct sa bann training si Minister Lasante konzwentman avek ASP?  Ouswa mon ti a kontan konnen.  Mersi.

 

MR SPEAKER

Mersi Onorab.  SS oule pran oubyen PS Thésee?

 

PS DAMIEN THESEE

Mersi Mr Chair.  Training in konmans actually depi lannen pase.   So lannen pase ti annan en sonm ki ti ganny mete dan Bidze pour fer training sa lannen I en kontinyasyon e nou presize ki I pour kontinyen next year.  E sa pe ganny kordinen

anba bann travayer kot ASP li menm.

E apre lo kote Lasante, an vi ki i annan bann specialised care kekfwa ki bezwen donn sa bann dimoun ki pe ganny lasistans carer en enn-ler, sirtou bann dimoun ki annan swa issue swa pour bouze, swa pour ed zot en pe lo laspe medikal, bann serten spesyalize, Lasante in involve dan training.  Zot Kordinater actually i Mrs Anderson, Bella Anderson.  Thank you.

 

MR SPEAKER

Ok.  Mersi PS Thesée.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonn apre midi Minis ek ou delegasyon, e tou dimoun a lekout.  Mr Speaker, mon kestyon i baze lo Retirement Invalidity and Disability Benefits.  Mon rapel resaman ler former Minister ki ti annan oversight lo ASP ansanm avek CEO ASP ler zot i vin devan Lasanble Nasyonal, zot ti dir ki zot pou reviz kriter ki zot servi pour determinen ouswa pour alokasyon e peyman bann dezabilite.

Akoz dan lepase, as it is nowadays, bann dezabilite i ganny peye dakor parey en konparezon ou pran bann amputees, bann, kekfwa bann ki koup par, ki fer loperasyon par anba zenou, bann ki fer loperasyon par lao zenou, bann, sa ki’n koup, sa ki kekfwa in perdi en pous.

So, eski sa bann kriter pe ganny factor-in?  Eski I annan bann nouvo kriter ki pe ganny servi pour determin peyman pour bann dezabilite dan sa, in this Supplementary Budget?

E permet mwan Mr Speaker pou demann sa kestyon, mon pa ti’n ganny sans pour demande taler.  SCF pour 2018, zot ti ganny en Bidze R8.931milyon pour a rough fondasyon zanfan ki ti enkli the bulk of the Budget was to use pour Vilaz Prezidan.

Par lefe ki tou bann staff Vilaz Prezidan is now moving under NCC, eski sa Bidze ki SCF ti ganny allocate avek, zot pou koup sa Bidze e reallocate li avek NCCOr zot pou maintain sa Bidze ki, they don’t need it, akoz the bulk of the Budget was to for President’s Village?  Mersi.

 

MR SPEAKER

Mersi Onorab.  SS Payet.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Letan ou’n regard the Disability avek Invalidity Benefit, pour le moman i dapre sa bann rates ki nou peye.  Me sepandan san sa Plan Konpreansif ki nou pe diskit avek tou bann partners, parey nou’n dir dan Lasanble previously, nou pe vwar ki par egzanp, eski en dimoun ki bezwen plis, son rate  i bezwen plis.

So, sa i bann diskisyon ki nou pe prenon kont dan reform.  Akoz tousala once ki i vini ou bezwen revwar Regilasyon osi.  So, sa i dapre reform e once ki sa plan konpreansif i vin devan e nou ekspekte pour lannen 2000, Bidze 2019 sa i a take in account.

Lo konteni the fondasyon, sa Bidze pou ganny transfer wi, for the Children’s … for the NCC once ki sa i, the transfer i arive.  Mersi.

 

MR SPEAKER

Right.  Mersi SS Payet.  Onorab Ghislain.

 

HON CHANTAL GHISLAIN

Yes.  Bonn apre midi Mr Speaker.  Mr Speaker, mon annan zis en pti leklersisman.  Eski i korek ki bann dimoun ki koup ledwa, in koup en pous, en sa, i ankor ganny peye?  Ouswa zot in arete sa?

MR SPEAKER

SS.

SECRETARY OF STATE MR PATRICK PAYET

Mersi Mr Chair.  Mersi Onorab.  Sa nou bezwen klarifye avek Lazans Proteksyon Sosyal.

MR SPEAKER

Ok.  Mersi SS.  Onorab Henrie.

HON GERVAIS HENRIE

Mersi Mr Speaker.  Nou pe tann en kantite larepons, nou bezwen klarifye sa Lazans.  Mwan mon kestyon i en kestyon transparans dan sa Lazans.  Akoz i annan en konsern ki son Bidze pe kontinyelman grosi e si i pou vin soutenab pour pei.

Kekfwa i pa dan Bidze direkteman, be solman i sizesyon.  Sa Lazans lontan ti annan en website, e sa website son lenformasyon ti telman presi.

Dan Mont Buxton si ti dir mwan i annan tan dimoun dezabilite ki gannyen, mon ti kapab prezan mwan koman MNA, al lo teren, rode si vre sa bann dimoun i egziste.  So, ki i ti ava vin en oversight pour nenport ki dimoun ki enterese avek larzan pei.  I bezwen retourn son website akoz i ti en landrwa kot ou ti ganny lenformasyon ki ti aksesib.  Zis parey sa zafer, sa larzan koudeta la ki ankor pe peye.

Kontrer Mr Speaker, i annan 2an nou’n demann SS Payet, Komite Lasirans ankor pe espere pour nou konnen lekel sa bann dimoun ki pe gannyen e akoz zot pe gannyen.  Mersi bokou.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Mon krwar sa ki konsern website, i kler ki Gouvernman i oule ki tou minister e tou lazans i annan en website ki functional, ki up to date.

So, mon lans en lapel ankor pour sa bann ki kekfwa zot pa annan, fodre zot ki zot annan e fodre ki i up to dateSo, nou ava take up sa ansanm avek sa pwen ki nou’n fer resorti.  Be Polisi, mon repete, se tou minister e tou Lazans fodre i annan en functioning website.  Mersi Mr Speaker.

Ou dezyenm kestyon, mon pa konnen, konteni in ganny poze kot SS Payet, si i pou reponn.  Mersi.

MR SPEAKER

SS.

SECRETARY OF STATE MR PATRICK PAYET

Mersi Mr Chair.  Mersi Onorab. Mr Chair, kekfwa i en oversight lo nou kote.  Be selman mon a fer sir avan Vandredi akoz sa lenformasyon i deza, akoz mon rapel once ki Bidze ti terminen, nou ti fer sir nou ti ganny sa lenformasyon at the Ministry of Finance.  Be by Friday nou a fer sir ki sa lenformasyon i ganny circulate to the Committee.  Mersi.

 

MR SPEAKER

Mersi SS Payet.  Onorab Vidot.

 

HON AUDREY VIDOT

Mersi Mr Chair.  Mr Chair mon ti oule zis en pti leklersisman lo size Invalidity Benefits.  Si bann dimoun ki par natir zot problenm Lasante, ki petet pa neseserman i, ou konpran poudir parfwa lo Board Medikal i donn 1an.  Si sa osi, bann ki pe konsidere ki pe fer sa Bidze pour le moman ogmant osi, ogmante?

Apre, dezyenmman lo kote Disability Benefits, pour, non, plito lo Homecare Scheme, eski bann paran ki annan zanfan avek dezabilite oubyen otizm, eski zot Scheme i tonm ladan, bann ki pe revwar bann issues ki ti ganny met devan?  Pour regard zot en pti pe akoz mon konpran i annan paran ki menm si son zanfan in ganny deklare i otizm, i pe carer sa zanfan.  Me tou-le-z-an i war li i bezwen pe go back pour lasistans pour li kapab soutenir pour ed son, pour ekip son zanfan.

Apre, dan prosesis reform ki ASP pe fer, eski bann distrik kot i annan bann kliyan konsistaman pe rod lasistans avek ASP, si i annan bann travay entans ki zot pe fer avek lazans kot SS Esparon i ete, pou vwar ki mannyer kapab ed zot?

Akoz toultan mon tann bann, Mont Fleuri, Mont Fleuri, me i annan 24 lezot distrik.  Mon swete ki tou sa bann lezot distrik osi ki annan issues ki Lazans i kapab anforsi pou ede osi war ki mannyer kapab ed sa bann dimoun, balans zot Bidze, ed zot kapab tenir for lo zot menm pou pa depan lo Lazans.  Mersi.

 

MR SPEAKER

Mersi Onorab.  SS Payet.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Lo konteks Invalidity Benefits, wi, i prenon kont bann dimoun ki’n deza, ki dan lanplwa me sepandan akoz si par egzanp, zot malad, par egzanp, for the 6 months continuous, zot, i ganny kouver anba la.  Be tandis ki dan Disability, sa i en lot group kontenan.  Sanmenm sa ki nou differentiate dan Bidze pou fer sir ki nou ganny the proper statisticsThe Autism, the proposal, nou ava met li dan sa plan konpreansif letan nou pe diskit avek ASP.

Apre thirdly, definitivman tou sa bann rapor ki Poverty Alleviation, kot SS Esparon in fer, i feed kot ASP pour zot regard li dan son totalite.  Definitivman i en keksoz ki nou, nou’n fer sir par egzanp, the Poverty Alleviation osi i asiz lo sa Komite ki nou pe travay lo la.

At least zot, zot in pas en pe dan distrik, zot in war en pe bann defayans ouswa bann keksoz ki egziste.  E pou fer sir ki letan nou prepar the proposal for the reform program, i pa zis baze lo statistics me i baze lo sa ki pe arive kot bann lakour ouswa dan kominote.  Mersi.

 

MR SPEAKER

Mersi SS Payet.  Onorab Loizeau.

 

HON NORBERT LOIZEAU

Mersi Mr Speaker.  Bonzour Minis.  Bonzour tou dimoun.  Mr Speaker, mon anvi demann Mini, ki vi i annan en pti konsern e sa konsern ti’n ariv devan Lasanble lately ler Minis pour Sosyal, ki ansarz bann zafer Home Carer Scheme, ti vin dan Lasanble, kot i annan bann carers ki pe okip 2 dimoun, me selman zot pe ganny menm lapey avek 1 ki pe okip zis en dimoun.  E sa konsern ti vin devan, ti ganny dir ki zot pou get ladan.  Mon pe zis gete ki si dan sa 25milyon la si i annan keksoz pour sa bann dimoun.  Mersi.

 

MR SPEAKER

Mersi Onorab.  SS Payet.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Pour le moman dan sa Supplementary, sa pa’n ganny enkli, me nou pou kapab kontinyen dan diskisyon avek Lazans, avek the Ministry akoz the Policy needs to change.  Nou bezwen amann the existing policy pour nou vwar par egzanp, si sa dimoun pe travay dan menm lakaz ouswa i pe travay avek en lot, en lot dimoun ki an deor son lakaz.

So, sa nou kapab diskit avek zot pour nou kapab diskit avek zot, pour nou kapab vwar the existing policy.  Me sepandan la dan Bidze i zis sa adisyonnel ki dapre statistics.  Mersi.

 

MR SPEAKER

Mersi SS Payet.  Onorab André.

 

HON CLIFFORD ANDRE

Mersi Mr Chair.  Mr Chair letan mon pe get Bidze ki nou ti allocate pour ASP i 31.9milyon.  E la Bidze Siplemanter, i pe demande ki nou donn 85milyon.

Dapre dokiman ki la, e sa ki nou ti ganny servi, sa ki ti ganny bidzete.  Sa i fer ki sa Siplemanter i preski 3 fwa sa ki ti ganny demande dan Bidze.  Sa letan mon pe gete anler i dir Me sa, en? Ziska Me.  Savedir Desanm pou annan ankor en 3 fwa ankor ki pou vini.  Ki fer ki mon pe sey konpran ki mannyer nou’n bidzet en keksoz ki sitan ba oubyen nou pa pe antre par dan backdoor pour nou vin avek bokou Siplemanter pour nou demann sa larzan.

Prezan, dezyenm kestyon se letan nou get Retirement, Invalidity ek Disability Benefit ki 59milyon, eski Minister pa ti a kapab donn nou konbyen ki pour retirement?   Ki kantite dimoun?  Konbyen ki pour invalidity?  Ki kantite dimoun?

Akoz pour nou kapab vwar si vre dan distrik Anse Aux Pins i annan sa kantite dimoun ki zot dir mwan i envalid, ki pe ganny sa larzan.  Pour mwan kapab fer sir ki i vre, enn.  E pour mwan kapab osi asiste dimoun pour li vin rod son benefis kan i neseser pour li kapab ganny sa lavantaz.  Mersi Mr Chair.

 

MR SPEAKER

Mersi Onorab.  SS Payet or Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Mon krwar zis pour klarifye.  Bidze ASP, an sa ki konsern bann benefis ki i peye, son Bidze 2018 i zis sote R1bilyon.  Me sa ki ou pe fer mansyon avek la se kekfwa sa Recurrent Budget pour ASP li menm ki 31ekek milyon pour 2018. Kekfwa i annan en pti mal konprenezon, en pti problenm la.  Sa i zis pour klarifye.

So, son benefis side i sot en milyon e son recurrent i 31milyon.  Mon ava demann SS Payet pou kekfwa reponn lot kestyon, me mon krwar ou annan en pwen tre valab.  Mersi Mr Chairman.

 

MR SPEAKER

Mersi Minis.  SS Payet.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Pour Retirement Benefit, son increase i 28milyon, Invalidity Benefits i 8milyon, Disability Benefits i 23.6milyon e Home Carer, 25milyon.  Apre i vin sa Home Carer Training, 1milyon.  So, ki nou’n baze lo, as at May, parey mon’n dir, Disability Benefit, i annan 1,088 dimoun ki pe ganny sa benefis.  As at May, Invalidity Benefit i 1,600 dimoun.  Retirement Benefit as at May i annan 10,175 e osi lo konteks home carer, i annan 3,449 home carer as at April.   I annan 2,663 ki full time e 786 part time.

 

MR SPEAKER

Mersi SS.  Onorab André.

 

HON CLIFFORD ANDRE

An referans avek repons pour dezyenm kestyon, mwan mon’n demande ki nou ganny en leksplikasyon lo what was the increase.  Ou’n dir mwan ki kantite i annan, i fair and square.  Me selman, kwa ki’n kree sa demann an term logmantasyon sorti 25 en legzanp, oubyen sorti 1,000 pou vin 1,500.  Konmsi nou kapab vwar sa dekalaz.  E akoz sa pe kontinyelman monte?  Mersi.

 

MR SPEAKER

Mersi Onorab.  SS Payet.

 

SECRETARY OF STATE MR PATRICK PAYET

Mersi Mr Chair.  Mr Chair kekfwa, zis mon a met li dan sa konteks.  Disability Benefit, letan nou ti pe prepar Bidze as at August 2017, ti annan li 709 dimoun dan sa Disability Benefit, ok?  So, an menm tan ti annan envalidite, ti annan 1,702.

E letan nou vwar ki nou annan nou 1,088 disability avek envalid 1,688, so nou annou nou 379 increase as at May konpare avek August of last year. 

Lo kote Home Carer, nou ti annan nou 3,301 Out 2017 e Avril 2018 nou annan nou 3,449, ki fer en total apepre 148 increase, ok?

 

MR SPEAKER

Mersi SS Payet.  Onorab Ramkalawan.

 

HON WAVEL RAMKALAWAN

Mr Chairman, mon ti ava kontan demann bann zofisye devan la, Minis ek son delegasyon, avek sa 85milyon adisyonnel ki ti en shortfall dan Bidze e avek sa sif ki zot in nonmen, si zot ti a kapab donn mwan konbyen i pou arive total e ki poursantaz Bidze sa i pou reprezante silvouple?  En pti kalkil vit ki mwan mon pa, mon parey ou Minis, mon pa tro konn konte.

 

(laughter)

 

MR SPEAKER

Mersi Onorab. SS.  Bon, nou ava les zot, mon pa konnen si PS ki pe reponn.

 

SECRETARY OF STATE MR PATRICK PAYET

Kekfwa Mr Chair, Onorab, savedir ou pe demann ki kantite increase sa 85.6milyon i reprezante konpare avek Bidze orizinal benefis ouswa Bidze an zeneral?

 

MR SPEAKER

Yes Onorab.

 

HON WAVEL RAMKALAWAN

Sa ki mon demande se, avek sa adisyonnel, ki pou son total e sa nouvo total ki pou tonm par lao 1bilyon, ki poursantaz Bidze ki sa pou reprezante?

 

MR SPEAKER

Ok.  Yes.

 

SECRETARY OF STATE MR PATRICK PAYET

Mr Chair, Onorab, Bidze revised i pou vin 1. 161,286bilyon.  E letan nou regard li konparab avek total Bidze ki depans ki ekskli interest, i pou vin 14poursan.

 

MR SPEAKER

Ok.  Mersi SS.  Onorab Ramkalawan.

 

HON WAVEL RAMKALAWAN

Mr Chairman, rezon ki mon’n demann sa kestyon se pa pou teste zot abilite dan fer kalkil, me se plito pou mwan fer en remark zeneral.  Ki ofet sa i pou montre ki i pli o ki Bidze Lasante, i pli o ki Bidze Ledikasyon, i pli o ki Bidze Lagrikiltir, ki tonm mwens ki 1poursan.  E mon pe fer sa remark pour ki nou koman en pei, nou realize ki poudir i annan tro bokou larzan ki pe al dan Sosyal.  E ki sa pa pou anmenn nou lwen koman en pei.

Kot par egzanp, target Lagrikiltir Maputo Declaration, African Union, ki demande ki nou Bidze Lagrikiltir i vin 10poursan pour nou kapab vin soutenab.  Sa direksyon ki nou pe pran la i pa pou fer nou soutenab.  E alor mon ti ava petet zis donn en warning ki petet letan nou pe vin avek nouvo Bidze, annou sey regarde kot nou kapab met Welfare anba kontrol, fer dimoun al dan travay e nou ava ganny en vizyon kot nou ava pe devlope olye zis dimoun pe travay, pe kontribye dan taks e apre zis nou pe donnen pour Welfare.  Mersi bokou.

 

MR SPEAKER

Mersi Onorab.  Mon pa konnen si Minis oubyen SS i oule fer komanter.  Minis, oule fer komanter?  SS.

 

SECRETARY OF STATE MR PATRICK PAYET

Mersi Mr Chair.  Definitivman nou’n vwar ki soustenabilite Bidze Benefits and Approved Program.  Sanmenm sa ki nou pe travay avek Ministry Family Affairs ek Lazans, e tou bann sekter konsernan pour at least, pour nou kapab vin avek en plan pour Bidze 2019.  Akoz si nou kontinyen dan sa menm laliny, nou bezwen redwir depans somewhere dan en lot sekter pour nou kapab donn sa sekter.  E pour nou, nou vwar i pa soutenab letan nou regard li dan Bidze.  Mersi.

 

MR SPEAKER

Mersi SS.  Onorab Ghislain, vitman.

 

HON CHANTAL GHISLAIN

Yes Mr Speaker.  Mr Speaker, i en, sa ki enteresan se ki mon ti a voudre konnen par egzanp, dan sa kantite dimoun ki’n monte, sa 300 keksoz ki’n monte, enn, eski se benefis ki bann dimoun i gannyen lo Welfare ki’n ogmante?  Ouswa benefis envalidite ki’n monte?  Apre, ouswa carers ki’n monte, nonm carers   E sa ki pli enteresan konnen se sa nonm dimoun ki pe ganny carers konmela ki’n ogmante, eski i bann dimoun vreman aze ki pe, ki annan en logmantasyon dan nonm carers?  Ouswa bann zenn dimoun ki envalid ki pe ganny lasistans carers ki’n ogmante?  Sa i mon kestyon.

 

MR SPEAKER

Mersi Onorab.  SS.

 

SECRETARY OF STATE MR PATRICK PAYET

Mersi Mr Chair.  Mersi Onorab.  Letan nou’n regard li dan statistics, i tou le 3.  Dimoun ki pe ganny dezabilite, envalid, avek home carer, tou le 3 in ogmante konpare avek August avek Me.  Avek Avril avek Me sa lannen, nou’n vwar sa ogmantasyon.  En legzersis ki nou’n demann Lazans Proteksyon Sosyal pou fer osi pour donn nou en pe disaggregate data.  Pour nou vwar par egzanp, letan nou get dan konteks Home Carer, ki kantite dimoun par egzanp, ki fanmir pe travay avek fanmir.  Ouswa osi, ki kantite dimoun ki bann dimoun aze ouswa bann dimoun ki envalid.

So, i sa statistics ki nou’n demann zot, ki nou pa ankor gannyen.  Me once ki zot share en pe sa lenformasyon avek nou, nou ava share avek Lasanble osi.  Mersi.

 

MR SPEAKER

Mersi SS Payet.  Dernyen kestyon lo sa Seksyon.  Onorab William.

 

HON WAVEN WILLIAM

Mersi Mr Speaker.  Mr Speaker, swivan kestyon Onorab André avek Onorab Ramkalawan, mon anvi demann Minis, lefe ki nou konnen poudir Sekreter D’Eta pour Lapovrete pe fer en legzersis, en survey, ki mon kapab dir pou donn nou byen detaye lo egzakteman ki fason bann sityasyon lafanmir dan  distrik i ete.  Ki ava ede en pti pe avek sa lide ki PS, Sekreter D’Eta Payet in koz lo la.  Eski Sekreter D’Eta pour Lapovrete ti, in fer en demann anba Supplementary Budget?

Akoz mon aprann poudir i annan serten difikilte, akoz sa survey i tre enportan pour vreman kapab sitye nou avek le vre sityasyon lapovrete dan Sesel.  Mersi

 

MR SPEAKER

Mersi Onorab.  SS.

 

SECRETARY OF STATE MR PATRICK PAYET

Mersi Mr Chair.  Pour Lapovrete Alleviation, nou bezwen regarde si in fer okenn demann.  Me selman data ki nou annan la, ti napa.  Akoz last time ki nou ti meet avek li, nou konnen ki ti annan en pe difikilte akoz son larzan avan ti anba kot Biro Prezidan, e vi ki la in ganny transfer kot Ministry of Family Affairs, son Bidze osi in move. 

Me nou ti zwenn avek li pou regarde ki mannyer nou kapab, son bann nouvo prosedir akoz avan i ti anba Accountant kot Biro Prezidan.  Me dan sa konteks i pa ti mansyonn any supplementary at that time.

Mon pa konnen si kekfwa in anvoy kot son bann Desk Officer.  Me nou kapab klarifye sa pour regarde si ti annan okenn demann.  Mersi.

 

MR SPEAKER

Mersi SS.  Bon, nou ava bouz lo dernyen seksyon.  Development Grants to Public Enterprise.  Sa se sa R5milyon ki Gouvernman pe kontribye pour konstriksyon airstrip lo zil Providence.  Okenn Manm ki annan kestyon?  Ok, Onorab Arissol.  Sandy Arissol.

 

HON SANDY ARISSOL

Mersi Mr Speaker.  Mr Speaker, mon ti a kontan demann Minis avek bann teknisyen ki la, an relasyon avek sa konstriksyon ki pou ganny fer lo zil, 5milyon.  Parski boner mon’n tann Onorab Ramkalawan pe demann kestyon an relasyon avek Stasyon Lapolis ki pou fer Baie Ste Anne, larzan ki’n ganny donnen.

So, mon ti a kontan demann Minis avek, eski i annan en plan ki’n ganny soumet avek zot minister?  Eski i annan en tender ki’n ganny fer?  Eski i annan en plan pour nou konnen ki vre sa ki pou fer la i tonm egzakteman 5milyon?  Mon’n aprann poudir IDC pou donn en bout 7milyon is mon pa tronpe, ki pou fer en total 12milyon.

Eski i annan en plan, i annan tender ki’n ganny fer, proper procedure in ganny pas atraver?  Lekel kontrakter?  Sa i a fer ki, parey taler in ganny dir, si zanmen sa proze i avek 5milyon, nou pa tande apre i ariv 12milyon, 15milyon.  Oubyen senpleman si sa proze i sipoze 7milyon, ki deza pou annan 7milyon, nou pe demann Gouvernman en lot 5milyon kot nou pa konnen apre pou ale.  So, mon ti a kontan en pti lesplikasyon lo sa proze.  Mersi bokou.

 

MR SPEAKER

Mersi Onorab Sandy Arissol.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pour ou kestyon.  Definitivman mon kapab kit avek Manm Lasanble sa proze.  Annefe i, parey nou dir, en konstriksyon sa airstrip lo Providence, tou son detay i la, menm son BOQ i la.  E mannyer mon konpran, in pas osi kot Development Committee.

So, in swiv bann prosedir, e zis pour rapel, son kou total i R13.9milyon, e Gouvernman pe kontribye R5mil, 5milyon, pardon, R5milyon dan sa proze.

Donk, son runway i 1,300 met longer, i 23 met larzer, an beton, e ou ava ganny tou son bann detay lo siman, lo dyezel, tou bann zafer, la mon war bann trip bato, 11 trip bato pour monte desann, eksetera.  In costed, 51mil bal siman, and so on, nou kapab share sa avek zot.

Me parey ou konnen, lo bann zil se IDC li menm ki antreprann konstriksyon.  I annan sa leksperyans, in fer airstrips lo tou bann lezot zil ki i manage.  So, dan sa ka spesifik se IDC li menm ki pou konstrir sa airstrip lo Providence.  Mersi Mr Chairman.

 

MR SPEAKER

Mersi Minis.  Onorab Sandy Arissol.

 

HON SANDY ARISSOL

Mr Speaker, mon ti a kontan dir Minis mersi pour bann larepons.  Mon krwar bann lenformasyon koumsa i enportan pour piblik ki pe ekout nou deor.  Me ti a byen si sa bann lenformasyon i ganny partaze avek nou konman Manm Lasanble.  Mersi Minis pour ou larepons.

 

MR SPEAKER

Mersi Onorab Arissol.  Onorab André.

 

HON CLIFFORD ANDRE

Mersi Mr Chair.  Mr Chair mon premye kestyon, eski Minis i kapab dir nou, an vi ki nou pe allocate sa dan Bidze Siplemanter la, kan ki sa proze i ekspekte komanse?  E kan i ekspekte konplete?  E par lefe ki ou’n dir nou sa proze i arive 13.9milyon, e Gouvernman pe fer en kontribisyon 5milyon, eski Gouvernman i pe osi garanti IDC si an ka i pe pran en loan ou non?  Mersi.

 

MR SPEAKER

Mersi Onorab André.  Minis.

 

MINISTER MAURICE LOUSTAU-LALANNE

Non, mon krwar pa, akoz zot pa’n demande.  So, mon krwar larepons pour sa kestyon i non.  Mersi Mr Chairman.

 

MR SPEAKER

Mersi Minis.  Mon a pran, wi.

 

MINISTER MAURICE LOUSTAU-LALANNE

Pardon, eskiz mwan.  Ti annan en lot konponan ou kestyon.  Mon krwar zot oule konmanse, le pli vit posib.  Annefe si nou ti’n kapab pas sa depi pli boner, avek letan kalm, ti ava pli fasil.  Me zot annan bato ki kapab ariv Providence kanmenm i dan vandswet.

So, zot kapab komans deswit pour zot kapab met sa beton lo sa airstripAirstrip i deza la li, me solman i an disab, i tro mou, i zis pour zot fer sa beton lo la.  So, mon sipoze si zot kapab komanse letan Lasanble i donn laprouvasyon, sa proze pou pran 4 mwan pour terminen.  So, i bezwen fini avan 2018.  Mersi Mr Chairman.

 

MR SPEAKER

Mersi Minis.  Onorab Larue.

 

HON FLORY LARUE

Mersi Mr Chair.  Minis eski ou kapab dir nou ki rezon det deryer sa proze R12milyon ki IDC in met devan pour nou fer lo Providence silvouple?  Akoz ki bann devlopman ki annan lo sa zil ki nou bezwen en airstrip?  Mersi.

 

MR SPEAKER

Ok.  Mon pou les Minis reponn.  I a reponn, petet i a repet en pti pe sa ki in dir bomaten ler i ti pe prezant, ler i ti fer son prezantasyon.  Go ahead Minis without mwan enterfer.  Go ahead Minis.

 

MINISTER MAURICE LOUSTAU-LALANNE

Wi, mersi Mr Chairman.  Mersi Onorab pour ou kestyon.  Parey mon’n dir, se pou fer en reaction time, en response an ka i annan bann problenm ki konsernen avek Maritime Safety.  Parey ou konnen dan sa rezyon laba anba i annan en kantite trafikaz drog ki pase.  I annan en kantite lezot vol dan nou resours maritim ki pase.  Donk, sa se son premye bit.

Dezyenm bit, enn fwa ki ou annan sa airstrip lo la, i sekiriz sa bann travayer IDC lo sa zil.  Akoz sa zil 2010 mon krwar, letan nou ti ganny sa Siklonn Bondo, nou ti abandonn 6 Seselwa travayer IDC lo sa zil akoz nou pa ti kapab tir zot.  Be zot in sok en rafal sa siklonn.  Erezman zot pa’n ganny perdi lavi, e sa i ava donn nou en reaction time pli vit pour nou kapab tir nou bann dimoun lo sa bann letan sa bann sistenm klimatik i arive.  Akoz Farquhar i pa lwen ek Providence e Farquhar nou ti’n nobou tir sa bann dimoun.  Donk, i en sekirite pour dimoun, pour Seselwa ki pou travay lo sa zil.

E en fwa ou met en airstrip, parey mon’n fer referans, i permet nou osi devlop plis lendistri touristik.  Donk, i kapab annan en pti lotel pour nobou fer sa zil vin pli vyab ekonomikman.  E mon konnen osi ki laba anba sa fly fishing i en keksoz ki enportan.  I annan bann bato ozordi ki desann laba e fer zot fly fishing.  Be zot napa nanryen ater pour nobou ed zot.  E la i ava ed zot, en lot servis ki nou pou kapab donn lendistri touris.  So, vwala Mr Chairman larepons kestyon Onorab.  Mersi.

 

MR SPEAKER

Mersi Minis.  Bon, nou’n termin sa sesyon enteraksyon avek Minis e son lekip.  Nou ava remersye Minis avek SS Payet, PS Thesée e Ms Tamatave.  E mon ava demann Sergeant pour retourn nou dan Committee of the Whole Assembly.  Minis nou ava remersi ou e eskiz ou parmi nou, pour nou kapab kontinyen lo Mosyon e avek bi ki nou kapab pran en desizyon lo sa Bidze ki devan nou.  Minis. Mersi bokou.

 

MINISTER MAURICE LOUSTAU-LALANNE

Mersi Mr Speaker.  Mersi Manm Onorab.

 

(MINISTER LOUSTAU-LALANNE AND HIS DELEGATION WAS EXCUSED FROM THE HOUSE)

 

MR SPEAKER

Bon, avek tou sa lenformasyon ki nou’n gannyen, ki’n ganny partaze depi bomaten, nou retourn lo Mosyon ki’n ganny prezante devan nou.  Eski i annan okenn Manm ki oule fer entervansyon?  E si zot pou fer entervansyon, mon krwar fer li ase bref akoz nou anvi dispose of this Motion avan nou adjourn, ok?  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker, in en legzersis enteresan e mon espere ki nou dan en pozisyon kot nou pli byen konpran kwa ki pe arive.

Me mon bezwen dir ki sa Bidze Siplemanter i montre nou ki pa toultan ki Gouvernman i fer son plan finansyel byen.  I annan en kantite kestyon ki nou ankor pe poze, e i ankor annan en kantite larepons ki nou pa ankor gannyen.

E mon vreman en pe etonnen ki poudir menm dan en Bidze Siplemanter, nou pe trouv nou koman en Lasanble, dan en pozisyon kot nou pe demande ki serten sonm i ganny freeze dan en serten sans, ziska ki zot kapab retourn devan nou avek bann detay egzakt.

Nou konpran ki poudir i annan serten keksoz ki pe vini, ki pa ti’n ganny prevwar me ki nou bezwen fer serten depans.

Par egzanp, letan nou pe koz lo Gouvernman Lokal, an relasyon avek Regional Council. Letan nou pe koz lo Small Claims Tribunal, e Truth and Reconciliation, National Reconciliation Commission.  Konmsi i annan enn de bann keksoz ki vin nouvo e nou’n ganny eksplike ki mannyer sa bann keksoz pou, kote bann larzan pou sorti pour ganny depans.

E letan nou pe koz lo Truth and National Reconciliation Commission par egzanp, nou konnen ki poudir sa i en rezilta travay ki Lasanble Nasyonal li menm li in fer.  Alors Lasanble li menm li, lefe ki nou pe propoz en Truth and National Reconciliation Commission, byensir, e nou anvi ki i komans o pli vit posib, byensir nou bezwen trouv larzan ki pou al ladan.

Letan nou pe koz lo Komisyon Anti-Koripsyon e san ki mon mansyonn, parske nou annan en Mosyon devan Lasanble, mon pa anvi preempt debate lo la.  Me selman ankor enn fwa nou war ki poudir pour zot kapab kapasite, pour zot kapab fer sa travay, sa bann keksoz nou bezwen.  Me selman ankor en fwa mon pou dir ki i annan serten keksoz ki kontinyen poz kestyon.

E par egzanp Mr Speaker, sa Kontra Ladefans, sa Kontra avek sa lakonpannyen ki apel Avant-Garde.  Mr Speaker, son vre non sa lakonpannyen se, The Avant Garde Maritime Security Services, AGMSS, ki ti ganny fonde dan lannen 2007.  E la mon anvi dir ki definitivman pou bezwen annan en bon lenvestigasyon, e nou’n ganny promet en kopi Kontra tou sa bann zafer.

E rezon ki mon pe met sa devan se parski letan nou’n al fer nou resers, Mr Speaker sa lakonpannyen ti ganny trouve dan en pozisyon kot i ti’n involve dan koripsyon.  E i ti’n menm ganny demande pour li aparet devan sa Komisyon an Sri Lanka ki apel PRESIFAC, ki vedir Presidential Commission of Enquiry to investigate and enquire into serious acts of fraud, corruption and abuse of power, state resources and privileges.

Alors, i montre nou ankor enn fwa ki nou annan travay pour nou fer.  E sa lakonpannyen la i pe ganny li en sonm 10.2milyon.  E mwan ankor enn fwa mon ti ava demande ki avan en sou i ganny depanse, ki parey nou’n ganny promet, ki nou war tou sa bann keksoz e nou kapab vreman balanse.  Parski sa bann kalite keksoz i donn nou okenn lankourazman.

Nou’n pas bokou letan pou koz lo bann Cleaning Services, e ankor enn fwa i annan keksoz ki pa kler.

Letan nou’n koz lo serten konstriksyon, Stasyon Lapolis Baie Ste Anne, kot nou pa ni konnen ki mannyer i pou ete.  I annan en kantite keksoz ki ankor pe ganny negosye, nou, i annan kestyon.  Completion of Music Stadium.  E san ki nou al lo kote sa ki FPAC pe fer, me selman nou tou nou konnen, piblik i deza konnen, akoz bann Hearings piblik ti o piblik.

Lo kote Air Seychelles, ankor enn fwa i annan kestyon.  E tousala bann kestyon ki nou pou ganny, nou espere nou pou ganny larepons.

Letan en Bidze i fer en shortfall R85milyon an term bann Progranm Sosyal, Mr Speaker tousala i bann keksoz ki personnelman e mon konnen ki poudir lo nou kote i fer poz bokou kestyon.

E mon mazinen ki avek tou sa bann kestyon ki nou pe poze, enn bann refleksyon ki nou ganny demande pou fer se, eski nou devret aprouv en tel Mosyon oubyen non?  Eski nou pou, nou ava pe azir dan en fason responsab pour nou zis aprouv en tel Mosyon?  Me se la kot Mr Speaker, mon krwar ki i pou bezwen annan en balans serye.

Mwan personnelman letan mon regard sa ki nou pe ganny demande pour aprouve pour bann diferan landrwa dan Gouvernman e apre sa zis yer nou’n koz lo sa ki Seselwa pou ganny tape ankor avek, pri tiket pour al Praslin ki pou ogmante, ki pou arive ziska R2,365, mon osi pos en lot kestyon.  Eski vreman Gouvernman, sa Gouvernman ki i dir i met Seselwa o sant devlopman, eski vreman se sa ki pe arive?

Oubyen, eski Seselwa li i pe ganny tape, Seselwa i trouv li pe met lanmen plis dan son pos, e apre sa napa gran keksoz ki pe arive?  Par egzanp, letan mon pe regard dan sa Bidze, e sa i vre, napa nanryen ki pour ede pou fer pri lavi desann.  Menm si Minis dan son bann deklarasyon in koze pou dir sa sirplis ki nou pe fer, ki pou tonm lo 3poursan prezan, 3poursan Bidze, i pou ale pour ede fer pri lavi desann.

Mon krwar ki nou bezwen aksepte, ki nou bezwen onnet ki poudir, ofet napa, nou pa war vreman kote sa pour ede pou fer pri lavi desann.  Me o kontrer nou trouv nou pe kontinyen peye.  E souvandfwa nou pe pey lepo kase; nou pe pey mismanagement.

Par egzanp letan nou regard sa sonm 26milyon ki’n ganny mete pour bann travayer Air Seychelles, nou pe met 26milyon senpleman akoz in annan labi.  E nou tou dan sa Lasanble nou’n rekonnet ki poudir in annan tro bokou labi.  Bann gro, gro sonm, dimoun ki ti pe ganny 50mil Dolar, Ero par mwan, ki pe reste dan lakaz Eden Island.  Serten moman ki zis bill lakaz Eden Island ti’n sot 50milyon dan en mwan.  Konmsi tousala se bann labi e mwan seryezman mon krwar ki i annan kestyon ki nou pe ganny demande pour nou poze apre midi la avan ki nou pran sa vot.

Si bann dimoun pa ti dan bezwen, par egzanp bann benefis, bann home carers, bann travayer Air Seychelles ki pe atann zot pti mwenza.  Si ti napa keksoz pour Health Care Agency, pour bann Komisyon ki pour ede pou fer sa pei avanse, Mr Speaker, seryezman mon ti pou vot kont sa Mosyon.  Seryezman mon ti pou vot kont sa Mosyon.

E mon krwar ki nou tou ki la dan sa Lasanble, e mon pa pe koz zis lo nou kote, mon krwar ki nou tou koman bann Manm responsab, nou pe poz nou lekor en kantite kestyon.  E apre sa sesyon, nou dan en dilemma.

Me sa dilemma aprezan nou balans li ant bann dimoun ki pe espere, bann dimoun ki dan bezwen, serten sa bann proze ki bezwen sa sipor bidzeter, e avek sa ki, e avek direksyon ki pei pe al ladan.  E pour mwan Mr Speaker, zanmen mon’n deza dan en dilemma parey, spesyalman ki mon konnen ki letan nou pe fer sa, letan pri lavi…E mwan mon krwar ki ozordi i enportan ki nou met en kondisyon.  E mon krwar ki nou kapab met en kondisyon.

Akoz ki nou tou dan sa Lasanble nou pa brav pour nou dir avek Gouvernman, koz avek Air Seychelles, gard sa pri tiket Mahé/Praslin, Praslin/Mahé menm pri?  Akoz nou pa brav, osi brav pour nou dir avek Gouvernman, wi, nou ava aprouv sa Mosyon e donn sa Bidze Siplemanter, me selman ki letan Minis i vin dan sa Lasanble semenn prosenn, i ava dir avek nou pri tiket Mahé/Praslin i pou reste parey?

E i pa pou arive sa R2,365 parey i pe dir.  Oubyen annou menm fer en lot pti konsesyon.  Akoz nou pa ase brav pour nou aksepte sa logmantasyon R38, pour li vin R550, me non pa pli o ki sa?

Mr Speaker, mwan mon pe met sa devan nou Lasanble.  Nou pa kapab zis koman en Lasanble, aprouv lepo kase.  Me nou bezwen fer sir ki nou Seselwa osi tou i ganny en keksoz, ok?  E alor Mr Speaker, letan mon pe terminen, mon ti a demann Mover sa Mosyon, pour li donn en serten langazman.  E depandan lo son langazman ki i donn nou, si i pare pour li al kot son  Gouvernman e dir, wi, sa pri tiket ki bann dimoun La Digue spesyalman, parey in ganny mansyonnen dan Lasanble, bann dimoun Praslin e bann dimoun Mahé osi tou ki pou monte desann, ki zot bezwen peye.  E la mon kapab dir Mr Speaker, ki deza letan nou pe regard lo internet, lakantite flights lannen prosenn ki bokou pli, ki pou ganny rezerve pour Seselwa, pour bann rezidan i bokou pli ba.

Alors mon fer lapel avek Onorab De Commarmond, Mr Speaker atraver ou, pour donn nou en parol konkret.  Nou’n pas en lazournen, nou’n fer sa deba ansanm, nou’n fer sa larout ansanm.  E mon krwar ki sa ki nou, sa ki mon pe eksprimen la, mon pa pe zis dir sa bann keksoz pour rezon politik, e mon pe dir li dan lentere Nasyonal.  Omwen ki nou pep i ava ganny en keksoz, espesyalman ki nou la dan mwan Zen, annou pa donn sa Progressive Income Tax, met deswit.  Zis koman ou fini donn Progressive Income Tax, deza Air Seychelles i komans tir en kopo dan ou pos e bann lezot landrwa osi tou, i zis komans tir bann kopo dan nou pos.

Avek sa Mr Speaker, mon ava ekout Onorab De Commarmond e baze lo son langazman ki i donn nou, nou ava pran en desizyon.  Mersi bokou Mr Speaker.

 

(APPLAUSE)

 

MR SPEAKER

Mersi Onorab Ramkalawan.  Bon, mon a pas laparol avek mover Mosyon pour son Right of Reply, Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker, lo sa Mosyon ki devan nou, mon’n swiv deba atantivman, mon’n ekout tre, tre byen pour en lazournen ki nou’n diskite e ki nou’n pran konsiderasyon, ki nou’n tande, lo tou lede kote latab byensir, e Minis, sa ki, sa bann larepons ki in donnen.  E i annan si pa mon pa tronpe, en promes pour Minis, menm Minis, vin devan nou Lasanble Mardi prosen, pour vin dir nou keksoz lo Air Seychelles. 

E i annan serten keksoz konkret ki i bezwen vin dir nou Lasanble, e baze lo bann rapor ki i ava vin fer, kot i pou tous byensir bann konsern ki’n ganny leve, ki enkli serten keksoz ki nou pe koze depi yer, lo kestyon airfares, lo kestyon bann etranze ki ankor anploye ek Air Seychelles, lo kestyon revi ki Air Seychelles pe swadizan in sey fer, ensidswit.  E se sa rezon ki ler mon’n koze, mon pa ti koz pour long letan me selman mon’n dir mwan.

Par egzanp, lo kestyon Welfare.  Mon’n dir ki Minister i bezwen fer en analiz pour vwar soustenabilite sa Bidze ki i pe met devan nou.  E sa ogmantasyon ki pe kontinyen annan lo kestyon Bidze welfare, Bidze Sosyal, Lasistans Sosyal dan tou son konteks, konpare avek Bidze Lasante, Ledikasyon, e Sekirite Alimanter.

Nou tou nou poz nou lekor plizyer kestyon.  E byensir nou pa vin la, nou Lasanble mon krwar pa si i vin la pour blok okenn nanryen e nou pa anvi pran sa kalite lapros.  E mwan dan sa konteks ki mon pe koze, mon pou demann ou permisyon la, pour nou delay vote lo sa Mosyon ki devan nou pour Mardi prosen apre ki nou’n ekout omwen Air Seychelles, bann rapor, bann pwen ki Minis i bezwen anmenn devan nou.

 

(APPLAUSE)

 

HON CHARLES DE COMMARMOND

E pour mwan sa, i ava en mesaz enportan pour Gouvernman, pour li vwar, konmsi i zis parey, konmsi mon pe demann ou mwan, mon Right of Reply, proper, mon ava delay li pour semenn prosenn.  Sa ki mon ti’n deza prepare, mon ti’n fini ek en paragraf pou dir ki koud lavi, pri lavi dan Sesel i bezwen ganny gete.  E nou pa kapab kontinyen ek serten fason keksoz pe ganny fer.

Onorab Jean-Francois Ferrari in fer sorti en pwen, e en pwen enportan.  In dir poudir, e si mon kapab quote li, “devlopman nou lekonomi i lo en bon trend”, in dir sa.  Savedir i annan keksoz pozitiv pe ganny fer dan pei.  Pei pe marse, i pe byen marse li, lo kote ekonomik.  Be i annan sa lot kote, ki prezan i pa pe ganny fer parey.  Savedir, si nou kapab balans sa byen, nou a kapab war en laklerte kot i konsern petet, pri lavi dan en serten konteks.  So, mon pou delay. Mon ti a demann ou alor pour nou delay vot lo sa Mosyon pour semenn prosenn.  Apre, ki nou’n omwen ekout Air Seychelles, vi ki i annan sa promet pour li vin devan nou Lasanble.  Mersi bokou Mr Speaker.

 

(APPLAUSE)

 

MR SPEAKER

Mersi Onorab De Commarmond.

 

HON NICHOLAS PREA

Bon, mon, san ki mon pou enfliyans zot desizyon Mardi prosen.  Ler mon ti anba dan Chamber mwan osi, mon ti en Manm ki ti vreman konsernen about Air Seychelles, e mon’n lev plizyer kestyon konsern; par egzanp, menm bann lofis ki zot ti pe peye, e zot ti pou peye ziska Desanm 2018.  Me sa bann lofis i vid, ki Minis apre i retournen in dir ek nou in kas sa Kontra, in termin sa bann peyman.  Dan bokou lezot keksoz.

Bann travayer Air Seychelles i kontinyen an kontak avek nou tou, ki enkli mwan tou.  Se sa rezonn ki mon lofis, mon pe kontinyen ganny bann rapor e mon pa pe zis asiz lo la.  Mon pe bouz sa bann rapor pli devan.  Mon annan plizyer ki mon’n anvoy kot Lanplwa, mon’n ganny enn oubyen de repons, mon bezwen fer swivi.  I annan ankor ki mon bezwen al anvoy kot Lanplwa, par egzanp, ler Seselwa pe ganny met ater, nou vwar etranze ki ti lo en GOP, ti’n ale, i retournen e nou ganny dir, ler mon kestyonnen, ki son GOP ankor valid.  Alor, nou’n fer li retournen pour li travay.  Me Seselwa ki kapab fer sa travay in ganny met ater.

Mon’n osi aprann tou dernyerman la ki i annan en lot etranze, mon krwar Onorab Ramkalawan bomaten in koz lo la, ki fek rantre.  I pe ganny li en saler apepre R300mil par mwan.  I pe ganny li en lakaz Eden Island.  In vin ek son fanmir antye, zanfan i dan lekol, lakonpannyen pe pey pour li.  Be kestyon ki nou pe demande, ki rezon sa Lasanble i fer en travay, i poz kestyon, i sorti avek serten rekomandasyon?  Se bann zofisye ki sorti la, i ale i anvoy sa Lasanble pronmnen.  Se sa rezon ki mon pe dir mon konpran pozisyon bann Manm ozordi ler zot in kestyonn sa Bidze, e mon konpran pozisyon le de Leaders ozordi dan sa Lasanble.

 

MR SPEAKER

Lo mon kote, mon pou, dan Lofis Speaker, mwan mon pou kontinyen, nou annan, mon annan serten keksoz mon pe fer ankor avek Minis Lanplwa with regards to Air Seychelles.  E mon swete ki bann Zofisye Lanplwa osi tou, i ava anmenn sa investigation pli devan pour regard en pti pe kwa ki pe arive.

Me mon pa pou al pli lwen.  Mon pa anvi, parey ki mon’n dir, ki mon enfliyans zot desizyon.  Mon annan serten keksoz plito mon rezerve.  Mon respekte zot desizyon ki nou’n ariv lo la ozordi.  E nou ava kontinyen avek sa.

Nou pou, wi… mon’n, pandan Break Madanm Clerk in koz avek Minis pour li retournen, pou vin fer en statement.  Me dapre mon konpran i posib kekfwa Minis responsab itself, Minis Dogley pou’n retournen.  Nou ava regarde si i pou vin li tousel oubyen si i pou vin ansanm avek Minis Finans, wi.  Be nou ava fer sir ki Mardi prosen nou kontinyen avek sa deba.  E nou a ganny sa bann leklersisman pour Lasanble kapab pran en desizyon.

Mon vwar Onorab William in lev lanmen, mon ava zis donn li laparol.  Onorab.

 

HON WAVEN WILLIAM

Mersi Mr Speaker.  Mr Speaker, baze lo demann ki Onorab Leader Zafer Gouvernman in met devan Lasanble, eski nou merit pran en vot ouswa non lo la?  Akoz mon pa konnen si i en Mosyon pour deferment.  Eski nou pe pran en vot lo la?  Ouswa zis i ganny aksepte konmkwa poudir i en fet akonpli?  Mersi.

 

MR SPEAKER

Non. I vin, mwan mon pran li ki i vin en continuation, e nou kapab zis differ the matter for next week.  I parey ler nou pe pran nenport Mosyon ki nou pa fini deba, nou differ for the next Sitting.  Mon krwar i ok sa ki i pe demande.  Nou pa bezwen pas li atraver en Mosyon.

Bon, avan nou adjourn, mon ti a zis kontan enform bann Manm, sirtou Komite FPAC ki FPAC pe rankontre demen 8er bomaten pour Hearing.  E osi tou pour manm piblik osi tou ki pe swiv sa bann travay ki FPAC pe fer.  So, demen bomaten i pour live lo radyo e televizyon.  FPAC pe meet.  Avek sa, nou ava adjourn e nou ava repran nou travay Mardi le 12, 9er bomaten.

 

(ADJOURNMENT)