::
Home » Verbatim » 2018 » Verbatim Wednesday 25th April, 2018

Verbatim Wednesday 25th April, 2018

NATIONAL ASSEMBLY OF SEYCHELLES

 Wednesday 25th April, 2018

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab e bonzour tou manm piblik ki a lekout e ki pe swiv travay Lasanble Nasyonal.  Zis avan nou komanse mon oule zis averti tou bann manm piblik ki ozordi i nou dernyen Sitting pou sa premye trimes.

Bon mon ti a kontan komans ek detrwa item ki pending ek Lasanble avan nou kontinyen avek deba lo Mosyon Flory Larue.   Bon, premyerman mon annan en Manm ki bezwen prezant en apology ek Lasanble lo sityasyon ki ti leve Merkredi le 11 Avril ler ti annan sa walkout, e mon ti a kontan call Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon, premyerman mon oule dir mon fer sa en statement of personal explanation avan anba Order 35, (3) nou Standing Orders and I crave for your indulgence Mr Speaker pour permet mwan fer sa.

Mr Speaker lensidan ki nou pe refer avek, se en lensidan kot ti annan en walkout par parti ki mon reprezante lo sa kote latab, e sa i fer referans avek serten aksyon ki mon’n pran ouswa ki pa mon pa kler kan ki mon’n letan sa walkout in arive.

Mr Speaker pour mwan avan ki mon repronons mon lekor lo sa, mon’n annan rekour pou get nou travay ki nou Lasanble in fer dan lepase e bann lensidan parey ki’n arive dan nou Lasanble pandan bann Lasanble oparavan.

 

(Interruption)

 

MR SPEAKER

Order!  Order! Order!  Onorab Pillay kontinyen.

 

HON SEBASTIEN PILLAY

Mersi Mr Speaker.  Mr Speaker mon vwar li drol ki Onorab Ferrari pe dir avek mwan koumsa koze kan mon oule fer referans Mr Speaker avek Onorab Ferrari le 24 Zilyet 2007 ki ou ti dir dan Lasanble?

 

(Interruption)

 

HON SEBASTIEN PILLAY

Mr Speaker mon pe come to mon point.  Mon bezwen annan drwa koze akoz si ou pa donn mwan drwa koze ki mannyer ou ti dir dan Lasanble ki en Manm, ou Onorab Ferrari ou ti dir ki en Manm i annan drwa boycott?  I annan fer serten keksoz.   Mon pe ariv lo en pwen Onorab Ferrari.

Me pou ki rezon ki sa letan ou ti krwar ki sa i ok ki ozordi ou pe deny mwan menm loportinite pou mwan koze?  E come to a conclusion as to Speaker i a pe demande.  Mr Speaker.  Mersi.

 

(Interruption)

 

MR SPEAKER

Order! Order!

 

HON SEBASTIEN PILLAY

Mr Speaker mon pa ganny en konpran!

 

MR SPEAKER

MR SPEAKER

Onorab Sebastien Pillay laparol i pou ou.  Kontinyen.

 

HON SEBASTIEN PILLAY

Mon pa ganny en konpran Mr Speaker, ki kan nou dir en keksoz dan lepase, nou bliye.

 

MR SPEAKER

Onorab Pillay, ou kontinyen oubyen ou zis prezant ou apology e ou aret lanmenm.

 

HON SEBASTIEN PILLAY

Mr Speaker se sa ki mon pe fer.

 

MR SPEAKER

Go ahead.

 

HON SEBASTIEN PILLAY

Mersi Mr Speaker.  Mr Speaker nou Lasanble from le 24 Zilyet 2007 in evolye.  En kantite keksoz in sanze dan nou Lasanble.  E malgre ki a sa moman bann Manm, en Manm ki mon annan en gran respe pou li ti eksprim en pwen tre for as to rol ki en Manm Lasanble e ki ou menm dayer Mr Speaker ti pran laparol pou koz si en Manm i at the mercy of the Speaker when it comes to Standing Orders and when it comes to role ki Speaker i annan pou zwe dan Lasanble.

Mr Speaker avek sa ki mon’n pran avek tou sa bann eleman ki mon’n pran avek konsiderasyon, mon eksprim regre profon pou tou sa sityasyon ki’n arive.  E mon krwar en sityasyon ki i pa pou repet son lekor.

E mon oule fer kler an konteks ek sa sityasyon Mr Speaker, zis parey Onorab Ferrari ti remind mwan Mr Speaker atraver sa ki mon’n lir se ki ler en Manm Lasanble pandan letan ki i santi ki travay son kote pe ganny bloke par en mazorite dan Lasanble, i annan drwa fer serten reaksyon.

Me sa reaksyon i bezwen proporsyonnen avek Lalwa ki nou annan dan nou Lasanble.  E se sa Mr Speaker ki ou pe met mwan on record ozordi pou fer.

So avek sa Mr speaker, mon prezant ou Mr Speaker mon senser regre avek sa sityasyon e mon konnen ki travay ki ou pe fer pou fer nou Lasanble avans pli devan i en travay ki formidab, e mon felisit ou dan sa travay dayer.  E mon promet ou mon pou donn ou mon sipor.

E mon remersye Lasanble pou donn mon latansyon bomaten.  Mersi Mr Speaker.

 

MR SPEAKER

Bon lo sa pwen e apology osi ki Onorab Vidot ti fer semenn pase, mwan osi to mon annan serten rezervasyon e dan ABC ki nou ti fer semenn pase, mon ti eksprim enn ti pe mon pozisyon.  Me nou konnen Standing Orders Committee pe fer en travay e bann keksoz ki nou pou vwar poudir pour regarde se how far drwa en Manm i ale.

E si sa drwa walkout osi tou i kapab ganny enkli ladan.  Me parey mon ti dir i annan en Lalwa e mon pa ti kapab al kont sa Lalwa.  Me sa ankor posibleman ki a kapab reviz sa Lalwa.

E sa drwa pou en Manm eksprim li atraver en workout i kapab petet vini an mezir nou pe revwar nou Standing Orders me ankor i pa ganny servi koman en labi.  So vwala enn pti pe mon pozisyon e Onorab Pillay mon aksepte ou apology.

Bon, dezyenmman mon anvi pou konsonmasyon piblik e petet menm pou sa dimoun ki’n ekrir pou demann en Right of Reply.  I annan en Right of Reply ki pending la ki konsern Onorab Andre ler i ti pe reponn mesaz Leta Lanasyon; wi Onorab Andre in prezant son leskiz i pa pou la bomaten – sa i enn bann rezon ki nou pa pe pran e osi i annan en lenvestigasyon ki sa Minister konsernen in lanse lo sa size e mon pa pe kapab adres sa Right of Reply e ziska ler sa lenvestigasyon i terminen.

So vwala sa sityasyon lo sa enn, an ka ki sa dimoun ki’n ekrir i a panse ki lofis Speaker pa pe entertain son drwa anba Lartik 102, (6) nou Konstitisyon.

Sa i fer mon tonm lo mon trwazyenm pwen la bomaten kot mon annan 2 lot Right of Replies ki devan mwan e sa enn i sorti kot Sef Ziz Ms Twomey e dezyenm i sorti kot Ms Sarah Zarqani-Rene.  Parey Lartik Konstitisyon 102, (6) i fer provizyon ki mon sirkil sa Rights of Reply pour sak Manm Lasanble e o komansman sa prosedir, sa prosen Sitting ki mon lir sa bann Repons.

Alor mon pou lir sa enn ki sorti kot Sef Ziz.  Yes Onorab Ferrari.

 

HON JEAN-FRANCOIS FERRARI

Mr Speaker mon konpran sa prosedir anba Lartik 102, (6) selman mon ti a zis kontan met a ou latansyon ki bann deba lo sa size pa ankor terminen.  E mon krwar i tre enportan ki sa 2 sitwayen i ganny sans reponn e i ganny sans fer zot pwen lo sa ki zot pa’n dakor dan bann deba sa ki’n ofans zot eksetera.  Sa i toutafe normal.

Me selman mon santi ki vi ki mwan koman Chief Whip… mon santi ki bann Manm isi lo sa kote latab pou al entervenir ankor lo sa Mosyon, mon anvi zis met devan ou ki kekfwa ki prosedir ki ou devret fer se lir Lartik 102, (6) koman the next Sitting after the debate is concluded on the matter. 

And at that point deba in konklir the third party i ganny sans pou li fer son right of, egzers son drwa pou li eksprim son lekor, e la i ava pli apropriye.

Se sa mon pwen ki mon ti a kontan fer akoz mon’n lir par egzanp Mr Speaker sorry mon pe dir ou sa, dan let par egzanp Madanm….

 

 

(Mic Off)

 

MR SPEAKER

En moman, en moman ki pe fer son lentervansyon.

 

HON JEAN-FRANCOIS FERRARI

Onorab Pillay ou pe vreman….

 

MR SPEAKER

Carry on Onorab Ferrari.

 

HON JEAN-FRANCOIS FERRARI

Non mon pe dir, ki dan let ki mon mon’n pran konesans par egzanp dan let Madanm Rene i annan bann statement kontradiktwar, bann factual errors, ki pou ganny leve ankor.  Konmsi ki mon sizere Mr Speaker se ki i pa vin en ping pong enn i koze lot i reponn en i koze, lot i reponn.  Nou fini sa deba lo la debate is closed bann sitwayen i ganny drwa egzers zot Right of Reply, ou pran sa bann Right of Reply e nou pa reponn ankor lo … Sa se mon propozisyon ki mon ti a kontan fer.  Mersi.

 

MR SPEAKER

Mersi Onorab Ferrari.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker ou whilst mon konpran largiman Onorab lot kote latab, me selman nou trouv nou dan en sityasyon complex akoz Konstitisyon pa kapab enterpret li dan en fason dan en lot fason.  I bezwen ganny enterprete ki mannyer in ganny ekrir, e ki mannyer in ganny ekrir i donn sa bann dimoun or ou, ou bezwen atraver Lartik 102 (6) reponn a sa bann Right of Reply ki ou’n gannyen.

Now mon pa pe al dan polemik okenn sa bann deba mon me selman lefe i reste si ozordi nou deside pou enterpret Konstitisyon dan en fason oubyen en lot then nou pe a risk a defo konstitisyon.

So mon krwar plito Mr Speaker nou enterpret Konstitisyon parey in ganny ekrir, e parey ou mon krwar ou’n deside pou fer sa bann dimoun i ganny Right of Reply, zot bezwen ganny zot sans pou fer sa Right of Reply.

Se sa ki mon oule fer Lasanble konpran.  Akoz nou pa kapab annan en lenterpretasyon ozordi e demen nou annan en lenterpretasyon.  I vreman serye.  Si son lekritir i vedir sa ki Onorab Ferrari ti pe dir then i ava enkli as to that, e si sa i en keksoz nou koman en Lasanble nou bezwen gete as to ler en deba in deza komans progrese lo en size en dimoun pe demann lo Right of Reply then nou ava gete.  Me ozordi ki mannyer Konstitisyon i ganny ekrir Mr Speaker i kler ki sa i ganny fer ozordi.  So mon pa vwar lot fason Mr Speaker.  Mersi.

 

MR SPEAKER

Mersi.  Bon annou pa antre dan en deba.  Ok Onorab Ramkalawan.

 

HON WAVEL RAMKALAWAN

Mr Speaker, mon krwar ki nou koman bann Manm Lasanble nou bezwen regard Konstitisyon dan en fason entelizan.  Konstitisyon in pann ganny ekrir an ros pou nou enterpret li literalman.  Nou bezwen servi lentelizans.  Se sa dan tou bann case Konstitisyonnel se sa ki ganny dir par Lakour Konstitisyonnel li menm.                                                 Mr Speaker dan sa let ki Madanm Rene in ekrir, li menm li i pe vwar atraver sa deba ki pou dir i annan en latasman avek ki date le 20 Avril kot sa deba in fer li vwar ki pou dir i annan en fot lo en plot number vedir keksoz i ankor pe bouze.

Dan sa let Madanm Sarah Rene ziska aprezan in al plis ki 4 fwa lo televizyon.

 

MR SPEAKER

Ok.  Non, annou pa debat konteni let…

 

HON WAVEL RAMKALAWAN

Non, non mon pa pe debat lo la mwan,  Mon  pe zis etablir sa grounds.  In al 4 fwa lo televizyon, sa ki in dir lo televizyon e dan sa let i annan en kantite diferans.   Sak fwa ki i koze i koz keksoz.  So se pou sa rezon ki mon siport ki Onorab Ferrari pe dir.

Sa deba i ankor on.  I annan serten pwen ki pou ganny klarifye dan bann lezot fason.  E annou les sa deba fini.  Akoz Mr Speaker sansan i pou vin en ping pong.  E an plis ki sa Madanm Sarah Rene i pa en Manm Lasanble li!  Silvouple les Lasanble fini avek son deba e i ava tonm lo en konklizyon e apre sa nou ava avans devan!  Mersi bokou!

 

MR SPEAKER

Mersi Onorab.  Bon mon’n ekout tou le 3 Manm ki’n entervenir, parey mon’n dir mon pou aplik Konstitisyon dapre sa ki mon pe vwar – ok?  Lartik 102 (6) i fini avek ‘’and at the commencement of the proceedings of the immediately following Sittings of the Assembly, the Speaker shall read the reply in the Assembly.’

Si le de ki’n ekrir pou demann zot Droit de Reponses i pa vreman azour avek travay Lasanble pou dir the Motion i ankor vivan, deba pe kontinyen sa mon pa antre ladan.  Mwan mon la pou fer sir ki travay Lasanble i fonksyonnen, i marse.

So mon pou lir sa 2 Right of Reply e deba apre i ava kontinyen.  E parey mon’n dir ozordi i dernyen zour; i dernyen Sitting pou nou premye trimes.  Me mon pou annan en pti not kosyon ki mon pou dir, avan ki nou pou repran deba.  Me si i annan okenn Droit de Responses apre, i pa pou ganny pran apre sa Sitting, i ava ganny pran dan dezyenm trimes.

So mersi pou zot entervansyon mon pou kontinyen avek travay.  E mon ava lir sa premye Drwa Repons sorti kot Sef Ziz.

Let i adrese lo Honourable Nicholas Prea, Speaker National Assembly, L’Ile du Port

Dear Mr Speaker we would be grateful if you read this letter into the record of the next sitting of the National Assembly as per Article 102 (6) of the Constitution.  It has been published in the National media and through this Honourable Assembly broadcast on their Website, National TV and radio that certain members of this honourable Assembly, has made statements, wherein they have specifically named a judicial officer with inferences of impropriety by that officer and which breaches Standing Orders of this Honourable Assembly.  In a specific instance during the session of 17th April 2018 the Chief Justice was referred to personally in breach of Order 4 (5) of the National Assembly of Seychelles Standing Orders, which was not prevented or struck off during the session.  Furthermore the statement which was permitted raised an improper inference with regard to her role in conducting our official duties as Assistant Official Notary in the Attorney General Chambers in 1991. 

The record of the proceedings infers that her involvement in the attestation raising questions regarding where the justice will be served.  We wish to clarify that in the course of notarizing official documents an Assistant Official Notary is required to attest the documentation brought before the official, and as such no impropriety maybe inferred. 

Further, the matter referred to in the statement has not brought to court and as per the internal policies of the judiciary, in the allocation of cases, the Chief Justice would not involved in any matter concerning this as a result of attestation on the document in question.  ‘’

We appreciate the clarification in this regard, yours sincerely is signed by Mrs Anne Coski, PR & Communication Officer in CJ’s Office. 

 

MR SPEAKER

Bon pou mwan i en Right of Reply ki in fer en klarifikasyon e ler mon’n regard verbatim mon’n deza ganny en rapor avek Onorab Flory Larue, sa bout kot Onorab Larue i pe fer sa bann – mon pa dir akizasyon me sa ki’n mansyonn travay kot CJ ti ete sa moman dan AG’s Office e ki ozordi in vin Sef Ziz.  Wi petet i poz an kestyon pozisyon Madanm Chief Justice . E Onorab Flory Larue mon kapab les ou fer komanter me lagreman se ou pou retir sa bout from the records of the proceedings of the Assembly.  Onorab Larue.  Mon donn ou laparol.

Onorab Larue.

 

HON FLORY LARUE

Bonzour Mr Speaker mersi.  Mr Speaker mon’n regard byen sa let, e parey ou’n dir wi nou’n ganny en rapor nou de, mon pare pou mon fer en apology Sef Zis pour son pozisyon ki i annan ozordi, me a okenn moman ki mon’n fer en sinyasyon pou dir ki Sef Ziz i enplike ozordi.  Me ti zis fer sir poudir ki i ti siny en dokiman sa bann letan.

Alor mon pare pou mon retract sa morso kot i dir ki mon i fer en sinyasyon lo li.  Me sa pa ti ditou mon lentansyon.

Alor pour son pozisyon ki i annan e avek respe pou Madanm Sef Ziz Mr Speaker mon a retract sa morso.  Mersi.

 

MR SPEAKER

Mersi Onorab Larue.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan bring to ou latansyon ki ou’n lir en let ki pa en Right of Reply ki pa en right, ki’n pa’n sinyen par an agreed person ki’n sinyen par en Public Relation Officer.  This is not a Right of Reply.  The person aggrieved should be making sa.  So we need some respect pou Lasanble osi and we need to follow certain rules in that respect.  Mersi.

 

MR SPEAKER

Mersi Onorab Ferrari pou anmenn sa a mon latansyon.  Le moman ki mon ti vwar sa let e mon’n kestyon sa, e sa let ti ganny otorize par Sef Zis pour son PR fer on her behalf.  E nou konnen pou dir en manm piblik i kapab fer son avoka ekrir Speaker.  Ok?

 

(Mic Off)

MR SPEAKER

102 (6) i pa dir si sa dimoun i personnelman i bezwen ekrir oubyen si son avoka.  Me mon’n ateste ki sa dimoun i travay dan lofis Sef Ziz e vwala koman let in vini.  Ok?  So vwala premye nou’n get it out of the way.

Dezyenm Right of Reply i sorti kot Madanm ZarquaniRene mon fer resorti avek Lasanble e osi tou bann piblik ki pe ekoute ki mon pou lir zis bann morso ki relevan ek sityasyon ki’n leve.  I en gran Right of Reply me pa tou ki relevan avek sityasyon ki’n leve dan Lasanble.  Bon let i sorti e son tit i Private Citizen Right of Reply from Sarah Zarquani-Rene, date le 23 Avril 2018;  On the Motion of Honorable Flory Larue, proportional elected member on the 17th April 2018.

‘’Mr Speaker Honourable Nicholas Prea, I am exercising my right as a private citizen to formally reply to motion and debate targeting me in your National Assembly and request that this letter be read out in full to the National Assembly, before continuation of the debate on the Motion in question. 

On Tuesday the17th April a motion was tabled by Honourable Flory Larue proportional elected member and it reads. 

Sa Lasanble i demande ki Gouvernman i repran tou later ki Madanm Sara Rene oubyen son lakonpannyen in gannyen ki pa ankor devlope e an menm tan ki en lenvestigasyon i ganny fer pou regarde, akoz ki sa Madanm oubyen son lakonpannyen in ganny sa kantite morso later leta.

It only needs a cursory read of the Motion Mr Speaker to immediately conclude that the quest of justice and truth was not high on the agenda, as I have been charged and convicted before an investigation as to how much Government land I or my company actually have.

As I have done so in the media I wish to formally tell this Assembly how much Government land I or my company has. 

On my personal name bought from the Government is a portion of land measure 385 square meters LD1112.  There are actually 3 not 2 other portion of land on La Digue LD1111 of 13 square meters and LD1510 of 87 square meters bought for R1 and LD1110 bought for R6,900.  All these 3 portions are naturally reclaimed land from the sea which falls in a different category.  Mon sot en paragraf.

My Government acquired land on La Digue altogether including the bits of reclaimed land amounts to 567 square meters.  Let me also take this opportunity to advise this Assembly that the mistake done by MLUH in which our breaker plot number V6926 was given to another plot in Grand Anse and their GIS has been rectified since. 

I am also supposed to have bought land at Takamaka T2224 from the Government which I cannot for the life of me remember and do not have in my possession any of the papers relating to this sale. 

I apologize for this oversight, that’s makes 2 pieces bought legitimately.

As to the purchase of Vacoas we purchased it from a German couple and it is a private purchase.  Also presently belonging to me  is Gouvernman lease land B2311 of 80,484 square metres, lease to Capricorn in 2002 and only in 2009 came into my possession, when shares in the company which own the lease where transferred to me.  I had nothing to do with the signing of this lease.  We have unsuccessfully try to develop it and there has been encroachment of cow sheds  on a flatter area as we have not been able to develop it we were well aware that the Government could reprocessed at any time and we had had no problem with that.

As to lands lease to Government by Emerald Holdings let me first point out that when these leases were acquired, I was only 1/3 shareholders in these companies.  Furthermore I did not signed thoses leases but rather one of the other shareholders. 

Emerald has 3 different areas which legitimately applied for business development.  It must be borne in mind Mr Speaker that back then there was plenty of land available with few interested investors. 

One plot V9032 of 7,576 square for higher residential development in 1996 (this was subsequently subdivided by Emerald Holdings in 2012 into 4 plots).  In 2002 it applied for 1 area 2 adjacent plots V8072, 8073, area 7,631 square meters for a tourism development. 

Emerald acquired leasehold  interest V6795, 6811 and 8948 total land area of 2,217 square metres for a development for a commercial complex.  These leasehold interest has been sold.  That makes a total of 16,944 square metres leased by Emerald Holdings altogether. 

As to V12348 on which sits on half finished international specialist centre (SISMC) project this was a project which started in 2007 and this land was still unleased all this time. Dr Ramados and Emerald were only promoters of the project and as such an initial 10,000 shares each with a nominal worth of 10 rupees per share making a total value of 100,000 rupees of monitory worth out of a total project value of USD 15 million. 

The lease Agreement was signed by the Directors of SISMC, Dr Ramados and myself and the site V12348 belong to the Seychelles international Specialist Medical Center Limited which has 62 odd share holders.  The said leasehold interest has been acquired by Nouvobanq. 

It is therefore unacceptable that Honorable Larue and other members of the National Assembly has been allowed to refer to a whole range of information, which was either irrelevant to the Motion or erroneous or misleading.’’ 

 

MR SPEAKER

Larestan mon pa pou lir akoz i pa relevan avek sityasyon ki devan nou.  Let i ganny sinyen’

‘Humbly submitted’ Sarah Zarquarni-Rene.’’ 

 

MR SPEAKER

So vwala sa dezyenm Right of Reply.  E avan nou kontinyen avek Mosyon ki’n ganny table par Onorab Larue mon anvi dir avek tou bann Manm ki pou entervenir lo sa Mosyon pou egzers kosyon e diriz zot deba lo Mosyon ek bann fe e evite fer latak personnel lo okenn dimoun.

So an menm tan ki zot pe egzers zot drwa, zot privilez, freedom of speech zis mazin enn ti pe annou pa al dan latak personnel.

Bon nou ava kontinyen avek nou travay me zis avan mon, nou komans pran bann Manm ki lo lalis pou deba, nou ti a kontan demande si i annan okenn lezot Manm, mon annan en lalis devan mwan ki pending, okenn lezot Manm ki pou entervenir akoz ozordi parey mon’n dir i pou dernyen Sitting mon anvi close mon speech list pou nou kapab regarde ki mannyer nou pou ale.

So lo kote LDS mon annan lalis tou bann Manm ki pou entervenir; mon ava demann lo kote Parti Lepep si i annan okenn Manm ki oule entervenir akoz mon pou close mon lalis e petet mon pou donn zot en pe letan ziska 10er e par 10er mon pou close the speech list – ok?

Mon ava kontinyen e nou ava pran prosenn Manm ki pou entervenir, sa se Onorab Francois Adelaide.  Onorab.

 

 

HON FRANCOIS ADELAIDE

Mersi Mr Speaker.  Bonzour Mr Speaker.  Bonzour tou Manm Onorab, e tou dimoun ki a lekout.

Mr Speaker mon pa ti’n eksprim mon lekor pou koze lo sa tel Mosyon.  Dapre ki mon’n ekout bann deliberasyon sa madanm lo diferan medya.  Mon’n deside pou raport mon kontribisyon lo sa Mosyon.  Akoz mon pa pou zabitan Baie Lazare lazistis lo sa size later Gouvernman.  Vi ki mon annan bokou aplikan ki lo lalis later i annan plis ki 20an e ki pa’n vwar zot benefisye li menm avek en kare apepre  500 met kare.

Bokou zabitan in menm dir mon ki malgre zot in al fer laplikasyon kot biro Ladministrasyon Distrik avan ki nouvo DA ti rantre dan lofis lannen pase bokou zot ler zot retournen pou sa nouvo       sistenm, napa rikord.

Parol in sorti se ki ler zot fini fer laplikasyon zot pa konnen kote zot papye i ale.  Bokou zabitan Baie Lazare in fer konpran ki sa demars pou zot ganny asiste avek en bout later Gouvernman in vin parey en  nespes  legzersis.  Monte desann antre sorti swa kot Biro Ladministrasyon Distrik swa kot Biro Later anvil, angiz ki ou sans i a monte.  Me ler ou pros pou ariv ou, ou trou lo lalis ou vwar ki lalis i vir bout e retourn deryer ankor.

Dan lepase ler bann dimoun konsernen in adres sa bann labi parey zot toultan ganny dir ki zot ban dimoun gro ker ki zot zalou boner e lakonplisman zot kanmarad.  Kan ofet zot ti zis santi zot konsern akoz byen Leta pa pe ganny distribye dan en fason ki i devret.

Mr Speaker en non ki monte ler mon pe koz lo sa size later se pa lot ki nou Anbasader bisiklet Christabelle Grele.   En lot non ankor byensir Mr Confiance plis ki 20an in fer laplikasyon.  Lannen pase dan letan Bidze, nou ti demann Minis Bastienne avek son lekip pou get en kou dan welfare sa msye.  16 mwan plitar zot in ganny dir ki zot ankor met taso.

Bann zenn dan mon distrik ki montre lentere pou aste en kare later ankor pe esper sa Sistenm Pwen legzanp Davis, Topher Monthy eski zot pou sanse. Si ou siny Libanotis pli move.  Pli mal ankor pou sa bann zabitan ki’n touzour vot e siport Parti Lepep avek tou zot kouraz e zot in ganny dir espere lannen ale lannen vini.  Ler zot pe tande ki  mannyer madanm sa madanm in abiz son pozisyon.  E se zot ki’n lager lebra kase pou protez li avek Msye Rene, akoz zot ti toultan ganny promet sakenn en bout gato.  E la zot pe trouve ki mannyer gato in partaze e zot bann zenn MNA Parti Lepep ki’n toultan dir ki avek Parti Lepep i parey ler ou pe anpandan avek en lakord Zapon personn pa pou zet ou !  Zot for!  Me ki larealite Parti Lepep i parey sa lakord bannann ki kapab kase nenport ki moman e fer ou ganny bokou dimal.

Lo lot kote ler mon’n fer mon resers Mr Speaker i sokan bann lenformasyon ki’n trouve vizavi sa Mosyon.  Mon’n tann sa madanm dir ki i mizer i ti pe enkyet pangar i ti pou al anmas PET pou li sonny son zanfan.  In eksplike ki mannyer i mizer.  Me in kapab ganny 2milyon pou li met deposit pou en tranzaksyon later.

Mr Speaker tipikman se sa fason bat latet Kreol.  Bann mannev Parti Lepep ki kontinyen fer Seselwa krwar ki zot pe fer keksoz bouze.  Zot anvi ki Seselwa i reste lenbesil lannen ale lannen vini.

Tou sa ki zot dir zot fer lekontrer ; tou sa ki zot prese e zot fer lekontrer.

Ler sa madanm i dir len bout later ler sa madanm i dir zis en bout later.  Me ler ou get dokiman i montre ki i annan plis ki en bout later Gouvernman ki lo son non.  Pa bliye ki Polisi Gouvernman se en bout later Seselwa.  Si ou annan en later lo ou non kantmenm en bout later prive ki ou paran in donn ou, ou pa kapab ganny okenn later Gouvernman.  Kote sa madanm i pase ki tou sa bann bout later Gouvernman i lo son non.  E lekel ki responsab ?

Si sa bann  keksoz in arive kot lenzistis in ganny les pase kot Kreol Seselwa in ganny prive pou ganny en bout later.  Later konblaz i reste en fardo lo ledo Kreol akoz i pa pe ganny zere byen.  Sa ki i annan kontak i vin milyonner lo sa bann morso later.  Nou Kreol nou bezwen kontinyen peye.

Pran sa legzanp Madanm Sarah Rene in ganny en lease lo sa later Providence a en pri bonmarse.  I release sa later avek Laxmi pou R11milyon ki i al direk dan son kont personnel.  Nou Seselwa ki pe kontinyen tou lemwan pou pey later konblaz, nanryen nou pa pe gannyen lo sa R11milyon.  Eski i byen?  Nou later, zis zot ki anmas larzan me nou, nou kontinyen peye?  En det ki nou zanfan pou kontinyen peye nou pti zanfan osi pou kontinyen peye.

Mr Speaker sa i en krim ki’n ganny komet kont nou Nasyon Seselwa.  Konbyen fanmir ki’n ganny sakrifye zis akoz sa madanm e son afilyasyon.  Nou’n osi tande ki zot zanfan menm anba laz in kapab ganny en bout later – par ptipti kare Mr Speaker me arpan later.  Mwan mon krwar ki pa zis sa madanm ki nou devre met tors lo li, me sa ki’n ede pou les sa bann tel keksoz pase.  Ki mannyer ou kapab tenir for?  Ki mannyer ou pou ganny kouraz pou tenir pa large?

Mr Speaker atraver ou bann Manm Parti Lepep ki zot a dir ler zot al lo teren?  Ki zot dir avek zot bann aktivis dir ler levidans konkret pe montre tou sa bann skandal larzan, later, lakaz ki zot bann Dirizan in enplike ladan.

Si ti zot ti pe vol sa ki annan sa petet nou ti a konpran.  Me ou pe vol sa prop Seselwa ki pe trimouse lannen ale lannen vini nou’n ariv 40poursan lapovrete dan nou pei.   Lekel ki’n tir sa bann tranzaksyon dan Biro Later ?

En bon lenvestigasyon i devret ganny fer pou met rikord drwat.  Nou’n tann sa madanm dir osi ki bann papye kot Rezistrar pa annord.  Me ki son bann dokiman ki korek.  Zis avek sa Mosyon alegasyon in ganny mete kont en lenstitisyon Gouvernman ki nou pei i kont bokou lo la pou kit bann rikord enportan me nou pe tann dir ki dokiman i manke swa ki Rezistrar i pa genuine.

Dapre dernyen lenformasyon bokou file pe menm ganny retire e ganny garde dan en lot landrwa.  Ki rezon ki sa bann manev pe ganny fer?  Eski Biro Rezistrar pou defann zot lofis kont sa bann alegasyon ki sa madanm in fer?

Seselwa i anvi sekirite pou protez son bann dokiman.  Eski Rezistrar i up-to-date avek zot bann rikord?  Ler mon pe refer lo tou sa bann dokiman, i montre klerman ki sa madanm in abiz son pozisyon koman First Lady.  Mon ti pe ekspekte li vin dan Tet-a-Tet pou li v in demann Seselwa en lekskiz e an menm tan aksepte  ki fot in arive e rod solisyon pou rann tou sa bann later ki pe ti merit ganny vann ouswa lease avek li.

Vi ki i ti deza annan later lo son non, me mon’n dezaflize pou tann plis mansonz ankor avek leksplikasyon ki met plis kalamite lo labi ki’n ganny komen par li ek ansyen Prezidan.  Pouvwar personnaz ki Seselwa ti pe byen estim zot; kot sa bann menm dimoun ki pe pres konpasyon pou lezot; lapartaz, sharing and caring, egalite, fraternite en leker pou tou Seselwa, Kosto, Konpetan e Kapab, pour mwan se desepsyon total.  E sa ki pli sagrinan se ki sa pep ki pe  kontinyen trimouse pou sey fer 2 bout zwenn.

Toulezour i pe leve byen granmaten, ganny fristrasyon dan traffic jam e la debourye pou zot ganny en meyer lavi me ki zot benefis i a ganny vole e vyole.

Bann MNA Parti Lepep mazin zot prop siporter SPUPSPPF – Parti Lepep ki’n met konfyans dan zot ki ti krwar zot ti pe vreman viv sa bon prensip e la avek sa bann devwalman ki pe arive zot ankor lo lalis e pe esper zot premye kare later.

Eski vreman zot sa parti responsab?  Eski vreman zot sa parti rezilyan ki zot abitye dir? Mon mazin parol mon gran frer Onorab Simon Gill dan sa Lasanble kot i ti dir i ti bezwen etidye avek lalanp petrol pou li ganny son ledikasyon.  Mwan osi mon pa en leksepsyon.  Eski koman bann dimoun edike ki’n persevere avek lalanp petrol pou nou vin malen, responsab e patriyotik, eski i akseptab pou nou pa servi nou lentelizans pou nou defann nou legzistans?

Eski i pa nou devwar pou nou defann sa ki pli feb ki nou?  Nou’n ganny elekte pou defann nou zabitan e nou pei.

Eski pa nou – eski pa nou annan en lobligasyon pou debout kont okenn o preser, bann keksoz mal – bann move fason fer, ki pe menas nou kominote?  Oli nou vre sans  solidarite?  Eski zot koman bann MNA Parti Lepep lo kot kote latab ki pe reprezant sa ptipti group koronpi, voler triker, abizer, visye!  An lot mo ‘’Good for nothing!  

Zot kapab a dan zot sez konfortab ozordi akoz ki zot reste labous fermen?  Akoz ki zot pa koze?  Zot napa kouraz po defann sa bann dimoun dan zot distrik ki ankor lo lalis later e ki la zot konnen konbyen bout later Gouvernman – bann Sef i annan?

Mr Speaker, avek ou permisyon mon pou demann sa Bann SBC pou filme sa bann MNA lo lot kote latab!  

 

 

MR SPEAKER

Onorab…

 

HON FRANCOIS ADELAIDE

Tir zot portre!

 

MR SPEAKER

Onorab, Onorab…

 

HON FRANCOIS ADELAIDE

Montre Seselwa!

 

MR SPEAKER

Onorab, Onorab, Onorab mon ‘n dir – mon’n donn ….

 

(Interruption)

 

MR SPEAKER

Oder! Order! Order! Order.   Chair i annan laparol annan en pti pe lord e respe.  Onorab nou ti dir annou egzers kosyon.  Annou pa lans bann lakizasyon menm atraver the House lo nou bann koleg Manm.  Annou evite.  Annou evite ki nou apel e montre ledwa lo serten ki nou apel li voler i koronpi and so on. Ok?  Unless – unless nou anmenn en Mosyon spesifik lo sa size.           Annou mazin Order 54(5).  Ok? 

 

(Interruption)

 

MR SPEAKER

Mon pe deal avek Onorab.  Mon pe deal avek.  Ok?

 

HON FRANCOIS ADELAIDE

Mr ….

 

(Mic Off)

 

MR SPEAKER

En moman mon pa ankor fini.  Mon pa ankor fini!  Order! Order! Mon pa ankor fini.  Mon pa ankor fini.  Mon pa ankor fini!  Onorab avan nou komans – avan nou’n repran Bidze mon ‘n fer en pti pwen.  Zis mon’n dir egzers en pti pe kosyon.  I en size ki delika.  I en size ki pe tous bokou dimoun.  I annan serten dimoun ki pe fer zot ankoler.   Me i annan ki pe zwe en pti pe lo lemosyon – lo lemosyon dimoun dan tou kous nou sosyete.  Alor annou egzers kosyon mon dir ankor.   E mon retourn lo sa bout kot ou’n fer kot ou’n fer lakizasyon lo bann Manm Parti Lepep e mon ti a kontan   ou ti ava retract sa bout Onorab Adelaide.    Retract sa bout lo bann Manm lot kote.

 

HON FRANCOIS ADELAIDE

Mr ….

 

MR SPEAKER

Si oule fer referans ek sistenm ou fer referans ek sistenm.

 

HON FRANCOIS ADELAIDE

Mr Speaker mon’n fer referans ek sistenm ki zot, zot pe siporte.

 

MR SPEAKER

Non. Non. Non. Non.  Mon annan – Onorab….

 

HON FRANCOIS ADELAIDE

Me sistenm….

 

(Interruption)

 

MR SPEAKER

Order!  Order!  Onorab sa bout avan ou’n fer referans direk avek bann Manm.  Mon ti a kontan ou retract sa bout apre ou a kontinyen.

 

HON FRANCOIS ADELAIDE

Ok Mr Speaker laverite i ofans son met!  Si zot pa dakor mon a  tire!

 

(laughter)

 

HON FRANCOIS ADELAIDE

Mon a retract.

 

(Interruption)

 

MR SPEAKER

Attends!  Attends!  Order!

 

(Interruption)

 

MR SPEAKER

Order!  Order! Order! Order! Order! Order!  Onorab. Onorab Adelaide ou annan ou zis en Statement pou ou fer.   Ok?  Ou pe retract sa bout apre ou ava…

 

HON FRANCOIS ADELAIDE

Mr Speaker mon a retract sa pti bout.

 

MR SPEAKER

Ok, kontinyen.

 

(Interruption)

 

MR SPEAKER

Order!  Order!  Order!  Ok.  Ki ou point of order Onorab Pillay?

 

HON SEBASTIEN PILLAY

Mr Speaker bomaten mon ‘n vin dan Lasanble – mon’n vin dan Lasanble e mon’n fer referans avek listwar Lasanble e avek nouvo sityasyon ki Lasanble i ladan. Mon’n fer referans osi tou ki  ou koman Speaker mon drwa ou respe.

E mon eksprim profon regre pour sa ki ti arive dan sa Lasanble.  Onorab i devret eksprim menm regre par lefe ki in manm respe pou OU e in deny sa ki in dir dan sa Lasanble!

Mon napa problem ek sa ki i pe dir mwan!  Me solman Onorab i bezwen annan respe for the Chair!  Which is a Speaker coming from your own party Onorab!  Shame on You!

 

(Interruption)

 

MR SPEAKER

Ok.  Ok.  Ok.  Bon.  Bon.

 

(Interruption)

 

MR SPEAKER

Order!  Order!  Pa…

 

(Interruption)

 

MR SPEAKER

Bon si mon pa ganny en lord dan Lasanble mon pou komans name Manm e ler mon pou name en Manm i pou bezwen sorti dan Lasanble!  Ok?

Respe i pa vin zis pour ‘mwan’ Chair!  Respe i vin pou sa lenstitisyon kot nou ganny elekte pou li vin reprezant nou bann dimoun pou nou kapab fer deliberasyon ki byen.  Ok?   Vwala respe.

E mwan mon pa pe rod respe ki konmkwa tou respe i bezwen ganny vize ver ‘mwan.’  Mon anvi respe i vin ver sa lenstitisyon – ver les uns les autres ki pe travay dan sa  lenstitisyon.   Sa ki mon anvi fer dan sa Lasanble.  Ok?

Onorab Adelaide mon anvi ou repran e ou dir ou retract sa bout e ou ava kapab kontinyen avek ou entervansyon.

 

HON FRANCOIS ADELAIDE

Ok Mr Speaker mon retract sa bout e mon kontinyen avek mon lentervansyon.

 

MR SPEAKER

Wi.

 

HON FRANCOIS ADELAIDE

Mr Speaker mon kontinyen; parey mon ti dir eski zot, zot vreman bann MNA responsab?  Konbyen fwa zot in tap zot lestoman lo lot kote latab e e prononse ‘’Si pa Parti Lepep lekel?’’ Akoz ki zot parti in permet sa kantite labi arive dan nou pei?  Zot leker pa fermal ler zot tann sa bann atrosite ki’n ganny fer avek nou prop frer e ser ki ankor pe esper en bout later.

Ou konnen avek sa bann laverite ki pe sorti zot pou santi zot pa alez.  Mon konpran ki zot le anvi kit lasal!  Me pa bliye si zot ale ankor R1000 pou ganny koupe lo zot lapey.

 

(APPLAUSE)

 

HON FRANCOIS ADELAIDE

Mon mesaz pou Seselwa ozordi ki pe ekout mwan.  Ler zot ganny en pti letan lib, ekout sa sanson Joseph Louise ek sa Tit – ‘’En Imen parey ou, ou annan leker Egois.’’ Pran letan pou asimil sa sanson, zot ava konpran ki nou Seselwa nou annan nou profet ki’n deza predir sa ki pe arive an se moman.

Nou pa’n pret latansyon me pa bliye ki Bob Marley ti fer revolisyon avek son sanson.  Zot ti vwar dan Bidze dan deba Bidze kot Vis-Prezidan – non i dan en Bill ki Vis-Prezidan ti anmennen lo en Prozedlwa pou ki Madanm Ansyen Prezidan i dwatet ganny en Pansyon plis ki R70mil par mwan.  La ki sa bann devwalman in arive si nou, dan Lopozisyon nou ti les pase, zis mazinen – Mr Speaker!

Pou konklir mon pou demann avek tou Lotorite ki enplike dan protez lentere Sesel ek Seselwa pou pran aksyon e fer sir ki lazistis i ganny fer.

Sa madanm in eksprimen ki i pare pou rann porsyon later – silvouple fer le neseser tou de swit.  Napa later ki zabitan Baie Lazare pa kapab devlop.  Zet sa bout later lo bann Seselwa Ordiner e zot a fer le neseser.

Mr Speaker, vwala akoz LDS i reste koman sa sel parti ki pe vin liber Sesel avek Seselwa.

 

(APPLAUSE)

 

HON FRANCOIS ADELAIDE

Sa parti ki annan bokou zonm e fanm brav pa per pou debout e  met lekleraz lo tou size ki pe met nou pei an aryer.  Nou pa per okenn lensilt, okenn kalonmni, okenn kritik!  Nou pa per ni okenn Tonton Makout – ni okenn nwizans Onorab Sebastien ki pe sey detourn nou.

 

 

MR SPEAKER

Onorab – Onorab, Onorab Adelaide.

 

HON FRANCOIS ADELAIDE

Mr Speaker i pe fatig mwan – i pe disturb mwan!

 

MR SPEAKER

Non, non, non. Non, non, non, non.  Onorab Adelaide ou address the Chair.

 

HON FRANCOIS ADELAIDE

Ok Mr Speaker  – the Chair.

 

(Interruption)

 

HON FRANCOIS ADELAIDE

Mr Speaker be dir li pa disturb mwan mon pe sey koze!

 

MR SPEAKER

Non, non, non ti napa disturbance la.  Kontinyen fer ou konklizyon Onorab.

 

HON FRANCOIS ADELAIDE

Fini sa Lepok!  E sa set akoz gras a LDS!  Fer sa ki zot oule, laverite zot pa pou kasyet!

Mersi Zabitan Baie Lazare pou swazir en MNA Lopozisyon.  Pou donn lanmen met laklerte lo ban labi ki’n arive Sesel.  Pa les personn ankor vin anbet zot!  E mon pou – demann – e menm demann zot kestyon tou sa bann aktivis Parti Lepep ki vin devan zot laport pou vin esey anbet zot ankor enn fwa ki ou vreman konsernen avek ou pei.

Mr Speaker, Mosyon Onorab Flory Larue i enn ki fer bokou sans e mon pou met li ki ou pou ganny mon sipor total!

Mersi.

 

(APPLAUSE)

 

MR SPEAKER

Mersi Onorab Adelaide.  Onorab Philip Arissol, ou pa pe entervenir lo la ou?  Ok, napa problenm.  Onorab John Hoareau.

 

HON JOHN HOAREAU

Mersi Mr Speaker.  Bonzour tou dimoun ki a lekout zabitan Beau Vallon enkli tou bann Manm Onorab.  Mr Speaker mon pou tre bref lo sa Mosyon akoz bokou in ganny dir avan mwan e mon pa pou repet bann statistik.

Mr Speaker par kont Madanm Sarah Rene in vin lo televizyon pou sey demanti bann fe ki’n nou’n met devan avek bann statement ki parfwa laplipar ti kontradiktwar.  In dir ki Msye Rene in aste en ‘pti bout later’ e sa se statement, se Capricorn Estate ki donn 80 mil met kare; avek en ‘pti bout later’ ankor ki i reste lo la ki donn 28 mil met kare.  Mr Speaker eski sa i enn ‘pti bout later’ parey in dir?

 

(laughter)

 

HON JOHN HOAREAU

Mr Speaker Seselwa i a zize pou li menm.  Mon avek gran respe ki mon annan avek lentelizans Msye Rene mon pa krwar ki Msye Rene pou aste en bout later avek bi pou li plant frir apre dekouver pou dir i pa kapab plant frir lo sa later!

En dimoun avan i aste en keksoz i fer son resers i rod potansyel sa teren. So sa bann kalite bat latet pa vin dir nou sa.

Mr Speaker me nou, nou pou fer nou bann piblik konpran en keksoz tre kler ki Madanm Sarah Rene pou ganny anmennen devan Komite Kont Piblik e i a defann son lekor si vreman i napa nanryen pou li kasyet.

Mr Speaker pou nou bann dimoun konpran pli byen, sirtou bann zenn, ki’n ne e grandi pandan Trwazyenm Repiblik e pa tro konn listwar resan nou pei setadir mon pou adres sirtou ozordi bann zenn ki annan mwens ki 25 an.

Msye Speaker rezon ki mon pou adres sirtou sa bann zenn akoz mon krwar ki Lasanble i osi i annan en rol civic education parey ansyen Speaker Pillay ti kontan dir e sa i a ed bann zenn fer bann pli bon desizyon a lavenir.

Mon pou sey met an konteks akoz dan nou pei in annan enn pti group dimoun ki’n pran later e lezot larises dan Sesel dan en fason malapropo e dezonnet e ki fason sistenm i ganny design pou permet sa kalite labi arive.

Ler nou pou kler plis tors nou pou vwar ki pa zis Madanm Sarah Rene ki’n fer sa kalite labi me plitar nou pou devwal lezot ka ankor.  Setadir nou pa pe fer witch-hunt nou!  Nou pe kler tors lo depans, lo bann labi ki’n arive lo kont piblik ensidswit.

Dan enn pti pe menm laliny mon koleg Onorab Henrie ti fer semenn pase ler i fer son lanaliz kot in tras enn ti pe kot bann ka bann Madanm Sef D’Eta dan lezot pei ki’n profite pou anrisir zot lekor avek byen leta, mon osi mon pou fer en ti tour d’horizon dan nou listwar resan pou nou konpran ki fason sa kalite labi in ganny permet pou arive.

Mr Speaker parey bokou bann pei Lafrik ek Lanmerik Latin, ki’n sanz Gouvernman atraver kou D’Eta dan bann lannen 1960 anmontan pou swadizan retir bann Gouvernman neokolonyal e kapitalizm parey zot ti kontan dekrir, pou ranplas par bann Gouvernman Sosyalis a en moman kot Larisi ek Lanmerik ti angaze dan bann La Guerre Froides;  lo pwennvi zeopolitik e ladiplomasi sa de blok ki ti partaz diferan ideolozi, ti pe sey fann zot lenfliyans partou pou retenir sipor e vin a lir avek serten pei sirtou ler pou vote e dan bann lorganizasyon enternasyonal parey United Nation.                        Lemonn Mr Speaker, in vwar ki laplipar sa bann dirizan ki tin pran kontrol zot pep par lafors larme zot in senm laterer e lafreyer parmi zot pep.  Tou dimoun ki ti sey koz kont sistenm ti ganny bate, viktimize, touye, fer egzile e zot ti ganny apele lennmi Larevolisyon.  Zot ti enpoz la diktatir.  An menm tan ki zot ti met en gran lafreyer dan zot pep, zot ti osi kree bann rezim nepotizm.

Vedir bann Gouvernman antre fanmir e zanmi, pou fer sir ki i annan siksesyon pouvwar politik ekonomik e sosyal antre zot.  E petet osi enn pti group oportinis pou sovgard zot lentere e sofgard zot lenfliyans.

Mr Speaker Msye Rene ti fer egzakteman sa Sesel.

Sa lafreyer ki ti met lo pep Seselwa ti permet li zwe avek santiman Seselwa e fer zot, fer lepep glorifye li koman en ero larevolisyon ki’n vin sov zot dan lesklavaz.

Mr Speaker alors sa Sistenm Absolutizm ki Sesel in pas atraver pandan sa dernyen 40an in fer zis sa pti group dimoun ki ti pe diriz sa pei in ganny sa panse ki se zot leta e leta se zot.  Alor zot in servi tou zot pouvwar e zot kontak pou anbelir zot lekor avek propriyete Leta.

Larzan tax sa pep ti parey zot kont personnel labank, dan zot lespri Seselwa pa ti pou zanmen vwar lalimyer ankor, zanmen zot ti pou ganny kestyonnen.  Me malerezman parey granmoun i dir sa ki pa ariv dan 100an i ariv dan en zour.  100an pou le voler en zour pou le met.

Mr Speaker i fer mwan tre tris parey mon bann koleg in dir pou vwar ki spender e imansite, legoisite e vorasite imen i kapab pran.

Se pourtan sanmenm sa bann dimoun ki ti fer gran diskour lo ki fason nou bezwen viv an fanmir e fer grandi nou bann ti trezor ki fason nou devret pratik sharing ek caring; ki fason nou devret partaz sa gro gato ki nou apel nou lekonomi egalman.

Ler ou get bann SPPF Orizinel parey zot apel zot lekor ki’n siport sistenm e zot, zot toultan zis lo en lalis kelkonk pou ganny Welfare oubyen lakaz me zot pa zanmen arive gannyen sa ki zot pe rode. Mr Speaker sa lalis i ganny kree senpleman pou manipil zot.

Mwan mon distrik pa’n ganny eparnye par vorasite Madanm Sarah Rene, in fer sir ki sa zoli morso teren ki lotel Vacoas Village ti lo la, e Gouvernman ti’n sezi, sa later ki donn plis ki 8 arpan Mare Anglaise Beau Vallon in tonm dan son pannyen atraver son lakonpannyen Emerald Holdings.

Mr Speaker dan Beau Vallon nou annan en ti pe plis ki 100 aplikasyon later, e omwen 60 parmi in ganny shortlisted lo Sistenm Pwen.

Lo lalis i annan bokou ki’n espere pou plizyer lannen parey Madanm Shirley Henriette ki son laplikasyon i date depi 2004; – a sa moman i ti annan li zis 1 zanfan me la i annan li 3.

Si nou diviz sa later Vacoas Village ki mezir 32 mil met kare par 600 met kare, Mr Speaker nou ti a kapab donn omwen 53 parmi 60 dimoun ki ti’n ganny shortlisted en morso, ki ti a permet zot konstrir en lakaz pou zot fanmir.

Ler bann fanmir Seselwa ki napa later e lakaz pe trimouse li Madanm Sarah Rene i pe fer sir ki son bann zanfan ki ti anba laz sa lepok 9an, 2an ti pe ganny gran morso later avek Leta.

I ti menm annan lodas konstrir lakaz ek tennis court lo zil Remire ki propriyete Leta en keksoz ki i ti kontan fer enn ti pe partou, partou kot i ale.  E nou ti vwar lo interview ki Msye Savy ti donnen Msye Savy ti dir i pa anpes person vin lo zil, e li sa Madanm i ti dir i ganny anpese vin lo zil.

E nou’n vwar ki Msye Savy ti dir ki sa i gran mansonz.  E sa i fer ou konpran ki kalite dimoun ki ou pe koz avek, ki kalite dimoun ou pe deal avek.

I resanble , i resanble, i resanble ki ler son msye ti pe dir lepep Seselwa ser sang li ti pe ouver sa ki pou li.

Ler i ti pe fer grandi son bann ‘pti trezor’ dan en lakour antoure avek plizyer propriyete Leta 40 poursan Seselwa ti pe fer grandi son ‘pti trezor’ dan lapovrete dan en Gento.

Dan sa sosyete sa ki mizer pe vin pli mizer, sa ki pli ris pe vin pli ris.  Eski lot kote latab i kapab dir ki si sa lazistis sosyal e imen o sant devlopman parey prensip SPUP, SPPF, Parti Lepep e la zot pe rebrand zot koman nouvo Parti Lepep in anmennen?  Zenes fodre zot mazin byen ki en lyon i reste en lyon menm si ou met en lapo mouton lo li!

Mr Speaker sa ki Madanm Rene in fer i annan bokou loder koripsyon.  Koripsyon i fer en pep antre dan lamizer, lapovrete.  Labi i anmenn labi drwa imen akoz larzan ki ti fodre antre dan kof Gouvernman pa pe antre e sa larises pa pe ganny distribye parey i devret.  Ou drwa lasante, ou drwa lozman, ou drwa ledikasyon i ganny abize akoz napa larzan pou fer lekol, Lopital e lakaz.                                 Mr Speaker mwan mon pou donn mon siport lenvestigasyon koripsyon e mon krwar ki sa ki koupab pa devret parmi nou.  Devan Bondye nou tou nou egal devan Lalwa nou tou nou devret egal, sa ki vol larzan e byen sa pep i bezwen ganny pini.

Son landrwa se Montagne Posee kot i ava al repoze.  Mwan mon krwar mon pou siport FPAC si i pran linisyativ pou kriy sa Madanm pou kestyon li.  Mwan mon pou siport zabitan Beau Vallon ki pe rod en morso later pou konstri en lakaz pou zot fanmir.  E pou fini les mon dir tre for Lazistis menm Drwa i rennyen dan sa pei beni.  Mersi.

 

(APPLAUSE)

 

MR SPEAKER

Mersi Onorab John Hoareau.  Bon mon pe ferm lalis e mon’n ganny Onorab Simon Gill ki’n eksprim lentansyon pou li entervenir.  Onorab Gill mon’n note nou ava kontinyen, Onorab Sandy Arissol.

 

HON SANDY ARISSOL

Mr Speaker bonzour; bonzour tou dimoun, bonzour tou Manm, bonzour tou dimoun ki pe a lekout.  Mr Speaker mon ti a kontan enn ti pe kalm dan mon lapros parey loter mosyon ti kalm dan son prezantasyon mon osi mon a sey kalm kot ou santi mwan en pe eksite mon en pe nerve mon ti a demande ki Onorab Pillay i a raise en point of order i a met ou azour pou dir mon out of track.  Alor mon pou kalm dan mon lapros.

Mon ti a kontan konmanse Mr Speaker par dir i annan 3 konversasyon deor lo semen.  Premye konversasyon ki annan se, dimoun i dir ek ou e pou annan Eleksyon boner sa lannen.  Sa i enn.

Dezyenmman i annan en lot konversasyon ki an dimoun i dir avek ou, kot i annan en voler ki pe pase Bel Air pe vizit tou lakaz dimoun.  Mon pa konnen ki pe pase Bel Air mwan mon distrik i St Louis me selman tou dimoun i pe dir ek ou sa.

Plaisance osi zot dir mwan i annan en voler ki pe pase mon pa konnen lekel.  Trwazyenmman Mr Speaker lot konversasyon pli gou ki dimoun pe koz lo la se sa pti morso later ki Madanm Rene i annan.  Tou dimoun i enterese avek.

E ozordi sa ptipti bout later ki Madanm Rene i annan sanmenm sa ki Mosyon i anmenn nou lo la.

Premyerman mon ti a kontan dir pou dir Mosyon pa pe target Madanm Rene.  Mosyon in ganny anmennen pars ki Onorab Roucou ti anmenn en Mosyon an relasyon avek sa sit laba Providence ki ti pou fer en Lopital Spesyalize.

Limero later ti ganny mansyonnen ti ganny dir kote in ale kote in ganny transfer later e Onorab Larue ki enterese ek sa bann zafer later in al fouye.  E ler Onorab Larue in al fouye non Madanm Sara Rene ki ozordi Mosyon i lo li son non in monte an relasyon ek sa later.

E letan ou fouye rasin i anmenn ou lezot landrwa i al partou. Letan nou tann koz lo Mosyon Mr Speaker mon ti a kontan remind bann dimoun kwa ki nou ti tande lo Mosyon ki Onorab Larue ti mansyonnen, an sa ki konsern bann lakonpannyen par egzanp.  Nou’n tann koz lo

Emerald Holdings, ONEARN. Holding, Capricorn Estate.  I annan Katiti Estate, mon tann koz lo Laxmi Trading, Island Motors son non in monte CCL dan Mosyon in monte, Vacoas Village in monte apre ti annan en St Sebastien Enterprise Limited, pa sa Sebastien ki la, Saint Sebastien Enterprise Limited ki’n monte. Mr Speaker sa i en pe bann Lakonpannyen ki’n monte dan Mosyon.

Bann landrwa ki nou’n tande kot i annan bann landrwa ki’n ganny aste swa par lakonpannyen ki Madanm Rene i lo la, lakonpannyen ki Madanm Rene i annan share ladan oubyen bann bout later endividi Sarah Rene, Sarah Zarquarni-Rene in aste.

Mon mansyonnen; i annan Remire lo zil kot nou’n tann Mr Savy in koz lo la.  Zot ti annan zot en lakour laba e pa bliye Remire napa personn ki ti annan drwa al laba letan Msye Rene avek son fanmir ti Remire.

Nou’n tann koz lo Barbarons; nou’n tann koz Bel Air; nou’n tann koz Providence, nou’n tann La Digue, mon tann Onorab John dir Beau Vallon, nou’n tann Takamaka; nou’n tann Coetivy menm en tennis court, tou sa bann zafer dan mosyon ki’n monte.  Prezan mon anvi Mr Speaker nou al en kou lo bann bout later ki mon’n tande mwan koman Onorab Arissol ek piblik an deor.

Nou’n tann 25mil met kare, 6,850 met kare; nou’n tann 72mil met kare; nou’n tann 18arpan;10arpan, 3, 445 mil met kar, 5, 105 met kare, 33, 764 met kare tousala nou’n tande.

Swa atraver Madanm ki annan lakonpannyen ki sa bann later i lo li ouswa lakonpannyen oubyen koman Madanm Rene koman en endividi Sesel, ki’n konsider son lekor koman en Madanm ki’n pa’n travay ki pa tro, tro enterese avek later ki pa tro, tro enterese avek biznes, selman tou sa ki’n mon’n mansyonnen la Madanm Rene ki annan sa ‘Pti Morso’ i enplike ladan li.

Prezan Mr Speaker mon retourn lo en lot zafer letan nou pe koz lo tou sa ‘pti morso’ ki Madanm Rene i dir nou i annan la, mwan mon anvi retourn en kou lo 1977 en date ki Onorab Dyer, ler ti dan Lasanble dan katriyenm Lasanble ti kontan mansyonnen e ozordi dan Sizyenm Lasanble Onorab Gill i kontan remind nou lo le 5 Zen 1977, akoz SPPF ti vwar li neseser pou zot pran pei pardfors pou zot kapab aranz keksoz.

Mr Speaker an 1977 ler sa pti group lanz ti pran pei pou sov nou dan lanmizer kot nou ti ete la, zot ti dir nou en keksoz; zot pou pran later avek bann gran blan zot pou distribye li byen egalman avek bann ti nwar parey mwan – avek tou Seselwa.

Sa lekspresyon ki ti ganny servi sa letan. Me ki nou’n vwar anba SPUP, SPPF ozordi zot in sanz zot non zot apel zot lekor Parti Lepep – pour Lepep e par Lepep.

Ki nou’n vwar?  Zis zot menm zot koman en parti zot annan zot 40 morso later ki 40 dimoun Saint Louis fanmir Seselwa ki’n siport Parti Lepep ti kapab ganny en morso pou zot konstrir zot lakaz.

Ki nou’n vwar anba SPPF zot in anmenm zot bann moto parey;

‘Leker Dan Leker,’

‘Lasirans,’

‘Nou pou pet Anfler,’

‘Be What You Want To Be!’’ En lenpok ti ‘’Kaptenn.’’

E tousala se avek bi pou fer sir pou montre lepep Seselwa pou dir keksoz pe ganny partaze egalman.

Me ki nou’n vwar?  Ozordi ler mon get dan mon distrik St Louis mon annan mwan en zenn garson ki apel Greg. Greg i reste anler St Louis basen Mr Speaker ler Prezidan ti pe fer vizit dan distrik Prezidan ti pas kot li.  Greg i en garson ki’n leve in debourye.  Lontan ler nou granmoun ti dir ek nou ‘’Leve Debourye’’ – nou ti leve debourye.  Konmela Gouvernman i konpoz en sanson pour son pep debourye.

Ou tann en santer i sante i dir ou Leve Debourye akoz sa i vin en tenm.

Greg li in leve in debourye ozordi i annan en pti biznes anler St Louis – Basen.  Ozordi tou dimoun pe pase pe dir avek li, ‘’fodre ou sorti la!’’

‘’Avanse la Greg’’

‘’I tro pti la Greg!’’

Kestyon nou demann Greg kote Greg i ale?  Kote Greg i ale?  Dan salon kot son manman anndan pou li fer son travay Greg i bezwen en bout landrwa. Me si later Sesel ti ganny partaze egalman e Greg ti’n kapab ganny en morso, ozordi Greg St Louis i pa ti en lannwi pou lotorite, me Greg ti ava annan en landrwa pou li kapab epanouir met divan anba son lezel parey SPPF i kontan dir pou li kapab debourye parey i pe fer.

Dezyenmman Mr Speaker letan nou get lo Por ki baliz enn ti pe avek Bel Air Mont Fleuri, ozordi Por fuel i lanmen, gas i lanmenm; bato manze i vin lanmenm, bato touris i antre lanmenm, Fire Brigade i lanmenm, hypermarket lanmen, stor manze STC i lanmenm.  Si zanmen i annan en leksplozyon dan Por ki pou arive ek nou pei?

Kote Fire Brigade pou pase?  Kote manze pou antre?  Me si bann endividi dan nou pei pa ti a vini ti a dir avek nou non mon’n konble sa pti bout deryer Lopital la akoz mon krwar pou dir Lopital i bezwen reste sa pti bout.  Zot, zot sipoze rann Gouvernman sa later dapre lenformasyon selman zot ki donn lord Gouvernman ki pou fer ek sa morso, si pou konble, si envestiser pou vin kot zot.

Mr Speaker si later ti’n ganny partaze egalman ki bann later konblaz ki annan pou fer avek endistriyel fasilite lo Por ti an kapab partaze.

Koumsa nou pa ti ava tou ansanm kot si zanmen i ariv en maler dan nou distrik dan nou por par egzanp nou pa ti kapab retourn an ron alor later pann byen ganny distribye dan nou pei.

Trwazyenm legzanp letan nou lo later mwan mon kontan letan Madanm Sarah Rene in mansyonnen poudir La Digue in aste enn pti bout kot zot in konble parey napa nanryen pou fer ek Gouvernman.

Mon kontan mwan, me letan zot koz lo La Digue mon mazin osi lafanmir Monnaie; lafanmir Monnaie ozordi ki pe monte desann ki pe bat isi bat laba pour zot ganny zot later ki zot paran in erite in kit ek zot.  Me ozordi lafanmir Monnaie zot zis limbo dan lendir ditan pa konnen.

Ler mon mazin Roselia Fanchette ki reste dan distrik Onorab Egbert Aglae, ki en Monnaie ki pe rod zot byen.

Ler mon mazin Rosania Bacco ki reste anler dan distrik Onorab Valmont mon osi mazin sa bann dimoun. Ler mon mazin Rodolfine Franchette ki reste anler Beau Vallon dan Nouvelle Vallee!

Mon mazin sa bann dimoun parske zot ozordi demen zot riske ferm zot lizye san zanmen ganny en bout zot later ki dan sa pei plizyer dimoun in gannyen.  E zot, zot tande zot annan later.  Me parkont zot fanmir La Digue in menm pey en bout lo son prop later pou fer son prop lakaz!

Mr Speaker tousala se bann lenzistis ki’n pase anba Gouvernman parti lepep ki laba lot kote akoz i dir pa montre zot ledwa bann ki lot kote laba Mr Speaker.

Dan Gouvernman parti lepep ki zot reprezant Parti Lepep ki’n pase anba zot sistenm. Letan nou pe koz lo Madanm Rene Mr Speaker, Madanm Rene in donn nou tou son leksplikasyon ki mannyer ou konnen son later i ptipti in pa’n tro kapab devlope.       Madanm Rene letan nou get son let ki in ekrir, in anvoy nou sakenn en let in aksepte pou dir wi li koman Madanm Rene i annan en morso later B232 80, 484 met kare ki anviron 20 arpan; 2311 of 80, 484 met kare ki preski 20 arpan. 20arpan zis pou Madanm Rene.

Lo televizyon SBC ti fer sa byen kler en arpan i egal en laplenn foutbol; savedir eski 20 arpan i vedir 20 laplenn foutbol?

Madanm Rene ti aksepte pou dir son Msye i annan anviron 6 a 7 arpan ki mon rapel byen 10 arpan ki ti aste pou lavaler R65mil sa letan kot tou dimoun ti koz lo la e in menm in aksepte tou dimoun ti koz lo la ek Lopozisyon ti ekrir lo la, ki vre e in avek Gouvernman.  E zot a rapel byen ti annan sa fame Mosyon ‘’Rann sa 10! ‘’

Madanm Rene i annan 20 arpan; Msye Rene i annan 10 arpan ki fer zot deza 30arpan. Eski Msye Rene ek Madanm Rene zot annan zot deza 30 laplenn foutbol?  Kestyon pou mon bann SPPF dan mon distrik ekoute.

Prezan annou al lo zot zanfan.  Parey Onorab Larue in dir letan mon’n get bann mil met kare ki’n ganny donnen pou zot 3 zanfan, ki parey Onorab De Letourdie ti dir zot pa ti ankor konn ekrir later, ni eple later, me zot tin fini ganny en bout later.

Zot later sakenn i plis ki en arpan.  Alor Msye i annan 10 arpan; Madanm Rene i annan 20 arpan ki fer zot trant arpan zot 3 zanfan sakenn zot annan zot en arpan i fer 31 arpan, i fer 32 arpan i fer 33 arpan zis pou en fanmir Sesel eski gato in ganny partaze egalman? Non Mr Speaker!  Alor ler lo la mon mazin Yaya anler.  Yaya en Madanm ki siport SPPF an mor li ozordi li son bann zanfan zot tou zot reste ek li parske zot ankor lo lalis ad venam  aeternam.

Ler mon mazin Dada, Dada en Madanm ki lager lebra kase pou son parti li Mr Speaker me malerezman li enn de son bann zanfan zot ankor pe vir, vir isi me selman zot siport sa parti zot akoz zot ti krwar dan Laliberte, Legalite Fraternite ki Msye Rene avek Parti SPPF parey Madanm Sarah Rene ti koz lo la ki ti annan en leker pou tou Seselwa ti fer.

Be letan nou get bann realite lavi i pa li, dan sa pei SPPF/ SPUP/ SPPF /Parti Lepep i annan enn ti group dimoun ki’n benefisye anba 40an ler zot donn ou avek lanmen drwat avek enn pti kouver zot, zot pe donn par ganmel lot kote, oubyen zot ti pe fer parey lera i fer.  Lera ki fer li Mr Speaker?  I soufle apre i morde.

Oubyen senpleman zot ti fer parey mang!  Ler nou pe esper mang mir la i annan zot pe manze ek disel touzour!  Sa pa apel Egalite, Fraternite Laliberte Mr Speaker.

Enn pti group zot enn ti group zot dan SPPF pe byen pase be larestan dimoun li i ankor lo lalis espere parey bann dimoun dan mon distrik ni en lapel ni en bouret nou napa, selman en sel fanmir i annan zot 33arpan.

Alors Mr Speaker mwan mon ti a kontan dir be alor nou pou bezwen rode investigate, anmenn devan pou nou kapab eklersi sa.  Sa i a fer letan nou investigate atraver FPAC par egzanp i a fer ki non Madanm Rene i ava ganny klersi, non Msye Rene i ava ganny klersi lo son bann zanfan, ozordi Mosyon i lo zot i ava ganny klersi; lepep Seselwa i ava vwar poudir be non sa ki’n nou’n dir la pa bon, sa ki nou deklare la i bon e bann dokiman ki Rezistrar in donnen i ava enportan pou nou gete.  Parske tou sa bann dokiman ki Onorab Larue in koz lo la se bann dokiman anrezistre sinyen stanpe kot Rezistrar.

I pa bann dokiman ki Onorab Larue in download lo internet ozordi pou li anmennen pou koz lo la.  E ozordi mwan mon pe dir mwan mon pou siport sa Mosyon.

Mon pou siport sa Mosyon parske i pou enportan.  I pou enportan.  pou nou tou kapab benefisye dan sa pei.  Nou pa kapab kontinyen mars lo en kote lo lot kote lot dimoun pa pe ganny nanryen Mr Speaker.

Alor mwan mon pou dir i pou enportan pou annan en lenvestigasyon; pou nou investigate pou nou rode ki’n pase.  E parey Onorab Adelaide in ganny dir, annou pa zis investigate nou bezwen rode lekel sa serk ki ti la, ki ti responsab.

Parske mon rapel later SIDEC bann later reclaimed land en lepok SIDEC apre 2an si ou pa develop son later i sipoze vini pran.    Ozordi pou dir ki annan later ki’n ganny donnen, ki’n ganny pase avek Laxmi Trading.

Si mon pa tronpe sete sa bann later dan sa bann letan Mr Speaker.  Alor i pou enportan premyerman pou nou investigate pou nou rode ki’n pase.

Dezyenmman i ava enportan pou nou dir avek Madanm Rene, Sarah Rene ki annan en klib ki apel CARE, klib CARE si CARE pou bann zanfan si i ‘care’ pou Seselwa omwen rann en pe sa bann later ki’n pran ki i pa pe servi, koumsa Sandy Arissol, Greg anler St Louis lezot dimoun i a kapab ganny en lapel omwen en bouret osi.

Trwazyenmman Mr Speaker mon ti a kontan dir ki Gouvernman SPPF in fail dan plizyer fason e gran mersi nou’n ganny 15 lo 10 e sa Lasanble ozordi pe kler tors lo lepep Seselwa pe montre zot!

Ler mon get sa fiy dan mon distrik dan dernyen Eleksyon ki ti ganny anbete pou li fer kanpanny, partaz papye atraver nou CC member akoz i ti ganny promet en morso later.  Ozordi i pa ankor gannyen son morso later li, me selman in ganny anbete.

Me letan nou get en sel fanmir ki annan 33 morso later mwan mon krwar nou pou bezwen balans tou keksoz byen. Fer sir ki dan nou pei ki tou keksoz i mars egzakteman korek parey nou devret fer Mr Speaker.

Me par kont mon ti a swete ki tou lezot Manm ki osi la ki nou donn sipor sa Mosyon ok?  Parske parey mwan ozordi parey mon’n dir ek plizyer lezot dimoun dan mon distrik, nou ti a kapab, nou ti a swete ganny en bout later.  E mon asire lot kote osi parey Onorab Pillay ki enn mon zanmi nou’n lekol ansanm en koleg travay, mon swete li osi Mr Speaker atraver sa Mosyon, atraver sa lenvestigasyon, i ti a kapab osi benefisye en morso later!  Koman en zenn Seselwa ki travay dir pou son pei e ki siport son parti lebra kase a toultan avek Standing Order Mr Speaker.

Alor mwan mon pou donn sipor sa Mosyon e mon pou demande ki lezot Manm lo mon kote – mon konpran i annan serten, i pa neseserman zot okouran bann keksoz ki’n pase e mon kapab vwar sa mon konpran sa i ok pou zot santi koumsa, me selman ansanm koman en Lasanble serye mon krwar i pou enportan pou nou kontinyen kler sa tors; pou nou rode kwa ki pe mars mal dan nou pei; pou nou ansanm vwar kwa ki nou kapab fer pou nou dimoun pou nou pei.

Parske mon a fini lo sa not Mr Speaker Mr Faure in remind nou pou dir, ‘SESEL i pli gran ki nou!’ Be letan mon pe get dokiman la i paret ki Madanm Sarah Zarquani-Rene i pli gran ki Sesel!  Parske zis li menm li ek son fanmir zot annan zot 33 morso.

Mon krwar sa i pa Lazistis, Laliberte, Legalite ki Msye Rene ti anmennen – 33 arpan an tou.  So mon ti a kontan alor fini lo sa not Mr Speaker – mwan mon pou donn sipor sa Mosyon, akoz mon ti a kontan ki later dan nou pei i anvi ki annan pti gin e Madanm Rene i annan enn ‘Pti Morso’ pour ki nou tou nou ganny sakenn enn pti morso enn ‘ptipti bout’ zis parey Madanm Rene ZarquaniRene in ganny son ‘pti bout.’ Mersi bokou Mr Speaker.

 

 

(APPLAUSE)

 

MR SPEAKER

Mersi Onorab Sandy Arissol.  bon nou ava pran en Break e nou ava retournen 11er.

 

(BREAK)

 

 

MR SPEAKER

Bon nou ava kontinyen nou travay.  Mwan ava donn laparol Onorab Simon Gill.  Onorab.

 

HON SIMON GILL

Bonzour Mr Speaker.  Bonzour tou koleg Onorab.  Bonzour tou Manm piblik ki pe ekout nou. Mr Speaker, mon pe ekout tre atantivman deba lo Mosyon ki devan nou Lasanble.

I en deba ki ler ou fer analiz profon ladan depi ler loter Mosyon in prezant son Mosyon e tou bann dimoun ki avek en lespri fre, kalm, seren analiz profon i anmenn nou pour konpran plizyer keksoz. Parmi bann keksoz ki i fer nou konpran, se ki deba pe dezenere.

E ler en deba i dezenere i sorti lo lesansyel i fer ki sa dezenerasyon pe provoke kantite tansyon.  E sa bann tansyon ki pe kree i kapab anmenn konsekans grav1 Konsekans grav pa zis pour nou isi dan sa Lasanble.  Konsekans grav an deor nou Lasanble. Sakenn de nou isi dan sa Lasanble pou bezwen pran sa responsabilite bann konsekans posib nou aksyon isi dan sa Lasanble.

Mon trakase Mr Speaker. Me malgre mon trakase, sa deba depi ler in konmanse pa fer mwan perdi sans direksyon. E pa ni fer Parti Lepep perdi sans direksyon.

 

(APPLAUSE)

 

HON SIMON GILL

E isi ozordi bomaten ler mon’n pran laparol, mon pe koz lo sa plis ki 30 mil siporter onnet, senser ki’n siport Parti Lepep tou dilon son lalit.

E nou reste firm, e mon dir san rezerv, mon reste Fearless in Dignity Mr Speaker!

 

(APPLAUSE)

 

HON SIMON GILL

Mon pa perdi sans direksyon zisteman akoz mon fyer e nou devret fyer lakonplisman ki nou’n fer arive dan sa pei depi ler Parti Lepep i o pouvwar!

 

(APPLAUSE)

 

HON SIMON GILL

Nou annan en listwar; nou annan en listwar kot nou’n tir sa pep dan en zistans, nou’n anmenn li lo en lot zistans.  E si ozordi, nou bann koleg lo lot kote latab i dir zot in retourn an aryer!  Sa deba Mr Speaker i pran en tandans ver lekstremis.

E tandans ekstremis i danzere pour fitir stabilite politik dan sa pei. E tou pep Seselwa i devret trakase!  E mon pe demann leaders, bann top leaders dan LDS ozordi pour redres sa tandans.  E retourn ver en tandans ki anmenn nou pour olye kontinyen kree divizyon, kree dispansyon, kree tansyon dan sa pei pour nou donn lanmen kree stabilite, larmoni e bon konprenezon parmi nou tou dan sa pei.

Mr Speaker, Prezidan Faure depi ler in pran labar State House, enn son bann misyon ki par en vizyon ki’n definir, se anmenn lanmour, linite, stabilite parmi tou kous nou sosyete.

E nou bezwen ed li dan sa parkour.  Nou pa kapab fer son travay pli difisil e si bann Mosyon, bann deba dan nou Lasanble i anmenn nou, olye ini nou pep, pour diviz nou pep. Nou pa pour kapab attend sa lobzektif. Sa lobzektif se en lobzektif ki kler.  Parti Lepep i annan en Mosyon ki kler.  E lo mon kote Mr Speaker, mon pe dir avek bann Leaders dan LDS se pour nou asire ki nou pa anmenn plis divizyon dan Sesel.

I pa en menas i en lapel senser.  Akoz la deor mon’n dir konsekans ki annan isi anndan i deor.  E la deor, fodre nou fer sir Mr Speaker, ki ler bann siporter LDS i vwar nou bann siporter, nou bann Leaders pase, ki zot arete dir, ‘’la bann voler i pase.’’

Akoz si sa tandans i kontinyen, Mr Speaker se sa ki mon pe dir nou annan en tandans, nou pe tread lo en laliny ki danzere.  Nou bann dimoun, nou bann siporter, nou bann Manm Parti Lepep i bezwen santi zot lib pour marse e lib pour fer zot tranzaksyon dan sa pei san bezwen ganny takinen, ganny ensilte par LDS!

 

(Mic Off)

MR SPEAKER

Ou a ganny sans reponn apre dan ou lentervansyon.  I pe vini lo Mosyon, i pe vini. Ale Onorab Gill adres Mosyon.

 

HON SIMON GILL

Mr Speaker …

 

MR SPEAKER

Ou’n deza pran 9 minit dan ou letan. Annou tous en pti pe Mosyon.

 

HON SIMON GILL

Mr Speaker mon lo size Mosyon. Mon lo lesansyel Mosyon.  E lo sansyel Mosyon se sa Mosyon li menm li ki’n kree sa premiz ki mon pe adrese ozordi.  E mon pe rapel nou bann Leaders dan LDS ankor enn fwa ki si nou pa fer atansyon avek probableman tou bann lentansyon ki zot annan, pa les sa bon lentansyon dezenere.  Pa les sa bon lentansyon ki zot krwar zot annan dan zot Mosyon, kree problenm stabilite dan sa pei!

Mr Speaker ozordi i nou dernyen zour dan sa Lasanble, nou pe al pran Recess.  E mon ti ava voudre ki nou kapab ler nou fini lazournen ozordi shake hand avek tou nou bann koleg dan LDS.

Akoz atraver nou legzanp deor nou ava pe anvoy en mesaz.  Sa ki kontinyen krwar pour dir Sesel i pli pti ki li, non. Sesel i pli gran ki nou tou. E mon believe dan sa filozofi ki Prezidan Faure pe prese anler State House.

I en filozofi kot Prezidan Faure pe sey fer tou pour ini nou pep. P e fer tou pour open up, reach out ver diferan kous nou sosyete.  E ankor enn fwa mon pe demann nou tou isi bann leaders ki piblik i ekout nou pour nou transmet bann mesaz ki kree premiz pour lape, pour stabilite.

Lot pwen ki mon ti ava voudre adrese Mr Speaker, se pozisyon Parti Lepep vizavi okenn bann size ki zot koz koripsyon; ki zot koz lo lezo keksoz.

Parti Lepep koman en parti ki annan en listwar ki nou’n travay. me nou’n travay byensir, toultan mwan mon’n dir. I annan bann moman nou rekonnet ki in annan serten fo pa.  E ozordi nou bezwen realize ki si en dimoun, or 2 dimoun i fer en fo pa dan en parti, nou pa kapab akiz 30 mil dimoun.  Nou pa kapab akiz 30mil dimoun.

Mr Speaker mon kapab dir avek tou senserite e lonnekte ki dan nou parti, nou’n deside pour nou pran en nouvo direksyon.

 

(APPLAUSE)

 

HON SIMON GILL

E sa nouvo direksyon, sa nouvo direksyon ki nou pe pran i reste en direksyon ki kler.  I en direksyon ki nou krwar ki nou kapab kree plis lespwar pe enport bann lerer ki’n annan. Nou konnen ki nou kapab kontinyen kree lespwar dan sa pep.  Pe enport ki lakizasyon zot oule anvoy lo nou. Pe enport ki bann tas ki zot oule met lo nou.

Me nou reste konvenki ki si en dimoun, 2 dimoun i fer fot, les lazistis take its course! Sa Lasanble pa Ziz, sa Lasanble pa Avoka!  Sa Lasanble i la pour fer son travay ki in ganny demande pour fer.  Par Konstitisyon, par nou Standing Order, annou fer nou travay ki in demann nou pour fer.

Ozordi enn bann latas fondamantal ki Prezidan Faure in sey fer, se met an aplikasyon, met an egzistans plizyer lenstitisyon.                               E sa bann lenstitisyon i neseser dan en pei ki’n pran semen ver lademokrasi.  Nou kapab dir in ariv tro tar serten sa bann lenstitisyon.  Me lenstitisyon pe ganny kree.  E se bann lenstitisyon ki Lopozisyon in demande en pe letan.  E bann lenstitisyon pour kontinyen ganny kree pour kapab fer fas avek legzizans sa nouvo realite politik Mr Speaker.

E byensir nou bezwen les  bann lenstitisyon fer son travay. Nou pa kapab met politik dan sa bann lenstitisyon.  Si nou dir pour dir lontan ti annan politik dan bann lenstitisyon ki mon konnen taler zot pour dir ti annan, me nou pe dir la les bann lenstitisyon endepandan fer zot louvraz.  E lo nivo Parti Lepep nou pour respekte lendepandans e travay sa bann lenstitisyon.  Nou’n kree li e nou krwar ladan.  Les zot fer zot travay.

Mr Speaker bann Manm dan nou Lasanble isi i konnen ki kote semen i ete ki diriz ver sa bann lenstitisyon ki’n ganny kree.  Annou ouver sa bann lenstitisyon.                     Annou pa servi Lasanble pour fer krwar ki Lasanble i laport ver sa bann lenstitisyon. Akoz Lasanble pa laport ver sa bann lenstitisyon.  Nou konnen ler nou annan bann size respektiv avek bann term referans sa bann lenstitisyon ki kote nou devret diriz nou.

Lot pwen ki mon ti ava voudre adrese Mr Speaker, apre ki mon’n koz lo bann lenstitisyon se zisteman sa size Mosyon.  Mr Speaker, i annan bokou nou isi dan sa Lasanble ki krwar nou bann dimoun ki napa bann leskelet.

Sakenn de nou, sakenn de nou, sakenn de nou, nou annan nou kote for, sakenn de nou, nou annan nou bann febles.  E ozordi si i annan ki krwar i parfe i pa egziste.  I pa egziste.

Nou bezwen donn respe tou dimoun.  Nou bezwen donn respe tou dimoun dan Sesel. nou bezwen donn respe tou dimoun ki’n deserve sa pei.  Nou bezwen donn respe tou dimoun ki malgre tou zot lenperfeksyon zot in travay, zot in travay dir pour anmenn Sesel kot in arive ozordi.  Akoz in napa mazik. In annan travay dir malgre tou lenperfeksyon ki’n annan.

Mr Speaker ler nou koz respe i anmenn mwan lo respe nou menm nou, nou lenstitisyon. Nou lenstitisyon Lasanble Nasyonal dan sa nouvo kozanktir politik, i en lenstitisyon ki dimoun pe koz bokou lo la. E si nou Lasanble i dezenere dan bann skandal, si nou Lasanble i dezenere ganny trouve koman bann bully, nou pa pour kapab ganny respe sa pep la deor.  Si nou Lasanble Mr Speaker i ganny trouve koman en Lasanble ki’n pran en direksyon kot nou pe target enn de lendividi zis akoz zot lapartenans politik, nou pa pour ganny respe piblik la deor.

Mr Speaker si nou Lasanble i ganny trouve pe target detrwa dimoun la deor zis pour nou ganny lavantaz politik, nou pa pour ganny respe sa pep la deor.

E la ki nou pe al pran Recess mon pe call upon nou tou Manm Lasanble pour nou revizit nou menm, dan tou nou lenperfeksyon ki nou annan pour nou remet direksyon dan nou prop Lasanble.

Mr Speaker mon lot pwen ki mon ti ava voudre adrese ozordi, se lo lesansyel sa Mosyon Mr Speaker.  Lesansyel Mosyon i anmenn nou pour konpran plizyer keksoz.  Plizyer keksoz i anmenn nou pour konpran.  Enn se ki plizyer nou, plizyer nou isi dan sa Lasanble in benefisye dan sa pei e zot i annan en drwa pour benefisye.

E si zot dir zot in benefisye pour pa abize, zot pe acknowledge ki zot in benefisye dan sa pei e i zot drwa pour benefisye. Zot in benefisye atraver legzistans sa menm Gouvernman anba leadership SPUP/ SPPF/ Lepep.

 

(APPLAUSE)

 

(Interruption)

 

MR SPEAKER

Order!  Order!  Order! Onorab Ferrari ou non i lo lalis, ou pour entervenir, ou pour entervenir, ou kapab defann.

 

(Interruption)

 

MR SPEAKER

Order!  Order!  Order!  Order!  Order!  Kontinyen Onorab Gill.

 

HON SIMON GILL

Mersi bokou Mr Speaker.

 

MR SPEAKER

Ou annan ou ankor 5 minit. Kontinyen.

 

HON SIMON GILL

Mr Speaker nou bann koleg dan Lopozisyon mon kontan ki mannyer zot pe reazir, i en plezir pour mwan.

Mr Speaker dan mon parkour politik depi laz 13an, si i annan en keksoz ki mon’n kapab devlope se devlop en pasyans ekstraordiner e atraver letan dan politik, mon’n devlop kapasite e abilite pour mwan kapab ekoute e annan en pasyans eksepsyonnel pour ekoute. E pour kapab Tenir, Pa Large!

 

(laughter)

 

HON SIMON GILL

E mon pe demann avek tou nou bann Manm e siporter Lepep pour Tenir, Pa Large!

 

(APPLAUSE)

 

HON SIMON GILL

Nou rekonnet ki nou pe travers e moman ekstraordiner, eksepsyonnel dan nou listwar. En moman kot ozordi i egziz nou lo kote Parti Lepep, pour reste ini, entak, ziska ler nou reisir travers sa nouvo frontyer.

Mr Speaker.  Mr Speaker si i annan en keksoz ki mon’n reisir akonpli egalman parey tou nou bann koleg dan lopozisyon in akonpli se pour nou akonpli e reste vivan ziska ozordi e pour kontinyen zouir tou sa ki en et imen i kapab rezouir anba sa sistenm ki parti SPUP/ SPPF  in etablir avek tou son lenperfeksyon!

Mr Speaker, mwan mon’n ganny enspire byensir wi par sa zonm ki ti komans anmenn sa lalit politik an ‘64. Msye France Albert Rene!

 

(APPLAUSE)

 

HON SIMON GILL

Avek tou son lenperfeksyon, koman en zonm, koman en imen in reisir anmenn en transformasyon profon dan sa pei.  E ki bann Onorab parey Onorab Wavel Woodcock ki pe koz avek en lavwa ekstrenm dan sa Lasanble; avek bann lezot Onorab ki pe pran bann pozisyon ekstrenm dan sa Lasanble ozordi, zot in viv grandi e edike, ganny ledikasyon, ganny lasante atraver sa sistenm ki Msye Rene in enkilke dan sa pei, avek tou son lenperfeksyon.

 

(Interruption)

 

MR SPEAKER

Nou sistenm Mr Speaker, nou’n dir i pa parfe.

E nou bann zonm fanm ki’n diriz sa pei i pa bann zonm parfe.  E egalman Mr Speaker si demen bomaten en mirak i arive, LDS i pran pouvwar dan sa pei pour napa bann zonm parfe ki pour anler State House!

Mr Speaker, nou pe rod pouvwar politik. E les mwan a dir zot mon dernyen pwen dan mon konklizyon Mr Speaker, les mwan a dir zot ki semen ver State House i riske bokou pli long ki nou kapab mazinen!

 

(APPLAUSE)

 

HON SIMON GILL

E mwan vive k lespwar Mr Speaker ki Sesel, ki sa Sesel i kontinyen bers tou son bann zanfan.  E ki Sesel les lazistis fer sa ki i annan pour fer. Annou pa vin bann Ziz, bann ziri.  Annou fer nou travay dan serenite.  Annou senm lape e larmoni e lanmour dan sa pei. Mr Speaker, mersi bokou.

 

(APPLAUSE)

 

MR SPEAKER

Mersi Onorab Simon Gill. Onorab Afif.

 

HON AHMED AFIF

Mersi Mr Speaker.  Bonzour tou bann Manm Onorab e tou dimoun a lekout. Mr Speaker ler mon’n asiz e mon’n ekout dernyen entervenan, mon’n preski bliye lekel Mosyon ki nou pe fer deba lo la.

 

(APPLAUSE)

 

HON AHMED AFIF

Mwan menm komans krwar pour dir  nou annan sa ki nou’n aprann akoz en dimoun in met en lanmwel dan nou latet. Parski si ti napa en sistenm nou pa ti pour konn nanryen.  E konmsi sis a sistenm pa ti la, soley pa ti pour leve.  Me soley ti pour leve tou fason.

Si Onorab Woodcock ozordi in grandi anba en sistenm i ti napa en swa li.  I ti napa en swa.  Ti annan en lepok ou pa ti annan drwa annan en lot parti politik. Pa ti annan drwa annan en lot parti politik, ou oblize reste la. Ou kapab annan en plan ou met dan later, i grandi, me i pour grandi tou fason li si i ganny en pti morso soley, ek en pti morso delo, i pour grandi li.  Me kekfwa si ou ti sonny li pli byen i ti pour grandi pli byen.

 

(APPLAUSE)

 

HON AHMED AFIF

E se sa le pwen esansyel ki mon krwar nou bezwen mazinen.  Me Mr Speaker, mon krwar i enportan pour nou retourn lo Mosyon.

Me zis petet osi mon ava azoute, bokou sa bann dimoun ki Onorab i koz lo la, in benefisye si zot in nobou sanz en sistenm, zot in sanz en sistenm pa akoz zot in ganny ledikasyon atraver sa sistenm. Zot in ganny avan sa.  E i annan bokou ki’n ganny ledikasyon avan sa.  Parey ou dir ti napa okenn sistenm, ti parfe.

Me mwan mon anvi retourn lo Mosyon Mr Speaker. Mosyon i demann de keksoz e dan mon krwar 35 minit ou entervansyon, dernyen entervenan mon pa’n tann li nonm ni madanm Rene, ni later e Mosyon i lo la!

Alor i enportan nou retourn lo la pour dir ki sa Mosyon pe demann 2 keksoz; enn i pe demann repran bann later ki sa madanm in gannyen ki pa ankor devlope – premye.

E dezyenm keksoz i pe dir annou fer en lenvestigasyon lo la fason ki in gannyen e lakantite later ki in gannyen. Se sa ki Mosyon pe demande.

Alor i dir repran, sey trouve akoz in ganny sa kantite. Mwan mon ti a kontan dir pour dir ler mon’n ekout entervansyon Onorab Larue, mon ti a kontan remersye li pour letan, pasyans, devosyon ki in mete pour li kapab trouv o tan lenformasyon ki bokou nou e menm mwan asire lot kote latab zot ti napa e zot pa ti konnen.

E dan sa 30mil ki ou deor, ki zot bann dimoun ki’n siport en prensip mwan asire zot osi en kantite zot pa ti konnen. Parski si zot ti konnen, zot ti a mazin lotreman.

Mr Speaker Mosyon i lo later. Later i en keksoz ki dan Sesel i rar sa nou konnen.  I rar akoz nou zeografi, nou en ros dan milye losean.  Ler ou en ros dan milye losean, tou keksoz otour in ganny lave i reste zis en pti plato e tou dimoun pe lager pour sa plato. Depi sa ki pe fer lagrikiltir, sa ki oule fer lakaz, sa ki oule fer biznes, tou dimoun i oule sa bout later.

Me sa ki fer li pli move se ki lanmwatye tou later dan Sesel, plis ki lanmwatye i dan en Rezerv ozordi.  Savedir ki ou ki propriyeter ki Gouvernman ki propriyeter, ou pa annan drwa devlope. Ki in fer ki dan nou listwar e dan nou listwar mon pe koz depi 1970, nou’n oblize koman en pei konble later parski ti napa later.

‘70 Angle in konble, in kree nou Airport, sanmenm sa airport ki ozordi in devlop en Lendistri Tourizm, in devlop preski tou sa ki’n vini apre sa ki ozordi i moter lekonomi Sesel.                 Depi son lapes, son Por Lapes, depi lenfrastriktir kot nou annan elektrisite, nou annan delo, nou annan tou sa bann keksoz, en gran parti i annan pour fer avek konblaz ki’n ganny fer.

An swit an ‘81 nou ti annan premye faz sa ki apel East Coast Phase 3 kot bokou landrwa dan Providence, dan Anvil li menm kot Por Lapes tousala ti ganny kree East Coast Phase 2 ‘86 ankor ekspansyon. E an ‘98 mon rapel byen la ti annan en pli gro proze ki zot ti apel li East Coast Phase 3, kot 330 ektar later ti ganny konble, preski 12 milyon met kib coralfill ki enkli 1.3 milyon met kib ki ozordi in fini.  Later i rar, i byen rar.

Me pour retourn lo Mosyon en kantite, en kantite sa bann later ki annefe nou ozordi nou pe asiz lo la, i enportan pour nou konnen konbyen in koute.  E si nou konnen konbyen in koute, i a donn nou en nide si koman Gouvernman akoz i konnen konbyen in koute, konbyen i pe vann sa later.  Oubyen konbyen i pe lwe sa later pour nou regarde si li Gouvernman, dan premye lwe in fer desizyon kid an benefis pep Seselwa, oubyen dan benefis devlopman ekonomik, oubyen dan benefis Gouvernman direkteman koman Bidze.  Akoz in peye pour ganny sa later. I bezwen ganny en rannman lo son later. Sa later konblaz par met kare si ou kalkil li enkli son rock armor ki zot in mete, zot in depans 70 milyon Dolar sa letan; 50 milyon Dolar pour kirmol; 5 milyon Dolar pour fuel, 15 milyon Dolar pour sa ki’n fourni ros avek son filter pour met akote.

Sa later in kout anviron R115 par met kare.  Savedir si ou ti pour vann li ozordi e i 115 akoz sa lepok Dolar ti ankor R6 en Dolar si ou ti pour fer li dan valer ozordi fasilman R300 par met kare ki ti kout, ki pour kout Gouvernman pour annan 1 met kare later. Si ou konnen in kout ou R113 par met kare e si ou lwe li petet ou ti a lwe si ou pa oule fer okenn profi, R25 1 met kare, oubyen ou ti a lwe li en pe plis.

Me annou regard larealite. I retourn ankor lo Mosyon. Ki nou’n vwar Gouvernman in fer avek later konblaz. Mon pour pran zis en legzanp kot 25mil met kare obor kot ti pout fer en Lopital Spesyalize; 25mil met kare.

Si mon’n ekout Onorab Larue byen zot ti pour lwe, zot pe lwe R308mil par lannen lo sa bout later.  Ki vedir sa dimoun pe pey R12 par met kare kan dan sa lepok ti’n kout plis 100 roupi e si ou ti pour lwe li korekteman ou ti bezwen lwe li swa 20, swa R25 zis pour ou kapab pey son fre.

Alor toudswit, toudswit, i lev kestyon akoz?  Akoz in ganny fer a sa bann pri?  E ki prensip Gouvernman in servi pour li desid lo la.

Mr Speaker mwan ler mon’n ekout bann deba ki’n pase depi ler Onorab Larue in prezant sa Mosyon byensir in lev bokou, en kote me kontantman, en kote pe defann, lot kote pe dir non, be vwala bann fe.

Bomaten ou’n lir en let ki ankor pe montre en pe kontrovers, selon sa madanm. Be mon krwar lesansyel sa mosyon, in tourn otour lefe ki nou bezwen aksepte. Nou bezwen aksepte ki in annan en sityasyon kot en dimoun ki san dout ti dan en pozisyon privilezye in ganny li – mon pa konnen si 22, si 30 morso later, parske mon napa bann fe partou, partou. Me i kler ki mon’n donn zis en legzanp kot sa later pa’n ganny devlope. Sa later i pe lwe par anba son pri, mon pa konnen parske nou napa lenformasyon ozordi si sa pri in peye.

Nou pa konnen sa nou, alor i poz nou bokou kestyon.  Se pour sa rezon ki mwan mon krwar i enportan Gouvernman i fer en analiz lo la e dir si, later pa ankor ganny devlope, si i annan tou sa bann kestyon ki pe ganny devlope be annou repran sa later.

Mon’n osi tann bann largiman ki sa bann later sa lepok ti napa en demann. E alor se pour sa rezon ki sa bann pri i ti’n tonm dakor lo la, be Mr Speaker avek respe mon pa kapab aksepte sa mwan. Mon pa kapab aksepte sa parske mwan mon rapel, mon pe dir ou 18an pase rafal ler sa bann later ti pe ganny konble. Demann ti enorm; enorm pour sa bann later.

Mon konn dimoun ki depi sa letan ti’n demann en morso later me i pa ankor ganny en morso later.  Depi sa letan in demande, later konblaz nou pe koze ziska ozordi i pe travay dan en landrwa ki i pe lwe lo konblaz avek en lot dimoun pou li fer sa biznes.

Alor ki i montre ou i annan serten dimoun ki’n ganny privilez pour gannyen me i pa servi sa later li.  I pran sa later, li in ganny privilez, i pas ek en lot e sa lot ki lwe.  E alor i en benefis ki zot pe fer kan lezot napa okenn mwayen, okenn later, e ki mon krwar i vreman mal.

Mr Speaker mon ti a kontan demann en lot kestyon e sa se kot i konsern lazistis ki nou pe koz lo la. largiman ki mon’n tande se ki, konmdi Onorab Arissol bomaten, sa madanm in ganny li bann ‘ptipti’ morso later.

Tou sa biznes ki dan son largiman sa madanm in vin avek, tou sa bann later ki in annan in pa’n reisi.  Si later ti pe al rode pour al fer en laferm lo la, laferm pou plant fri lo la i pa’n marse. Kot in rod later pour al fer en Lopital pa’n marse, kot in rod later dan Beau Vallon pou al fer en devlopman posibleman touristik, i pa’n marse.

Tou sa bann biznes pa’n marse alor sityasyon i paret en pe fer lapenn, me an menm tan nou bezwen demann sa kestyon. Eski napa personn ki’n benefisye?  Par egzanp sa later kot i ti pou al fer Lopital parske nou pe koz fon piblik, nou pe demann retourn en keksoz. Si nou pe demann retourn en keksoz, nou pe demann, parske nou’n perdi. Sel rezon ki nou pe dir retourn sa bann keksoz parske nou’n perdi. E mon a donn, sa ki mwan mon krwar i la realite kot sa lopital ti ete, vre i pa’n marse. Nou vwar zis beton ki pa ankor fini nou war bann debri, be larzan in ganny depanse, e gro larzan in ganny depanse. Si ou get dan liv Nouvobanq i ti annan sa ki zot apel bann det ki pa’n peye.  Plis ki 100 milyon roupi e en bout ladan i annan pou fer avek kot sa Medical Centre ti ete.

Be si en dimoun in resevwar 100 milyon roupi, eski nou war lavaler R100 milyon lo teren?  Nou pa vwar nou vwar zis en pti morso beton konbyen i vo 20milyon, 30milyon me larestan larzan kot in ale?  Li osi in fer larzan. Si nou vwar trwa pti morso later lo Industrial Estate Providence, ki pe lwe zis par lao 60mil roupi par an, pour detrwa lannen in peye. Me en sel kou ou tande, ki sa morso later ki sa dimoun pe lwe, sa lakonpannyen pe lwe, i ganny transfer, sa Bay i ganny transfer lo en lot lakonpannyen pour en valer plizyer milyon, plis ki 10milyon.

Eski pa in annan en benefis enorm ki’n ganny fer dan sa tranzaksyon? La mon’n nonm de Lopital enn, de dizenn de milyon roupi benefis kantmenm napa Lopital. Mon’n nonm Providence, omwen 10milyon benefis ki’n ganny fer dan en tranzaksyon; later Gouvernman menm. Alor mosyon pe dir be rann sa bann later ki pa’n devlope, i annan rezon pour demann sa, parske mon demann mon lekor akoz Gouvernman in permet li ariv dan en sityasyon kot ler mon ti konmanse mon ti dir later i rar. Be si en komodite i rar, ou bezwen fer sir dan lafason ou fer son alokasyon ki i ganny servi byen.

Ki mannyer ou kapab vwar dan tou sa bann proze ki nou pe koz lo la, napa devlopman? Tousala in fail, kot i annan ravine ki seval pa kapab monte, kot pa kapab plant zannannan, tou proze in fail, Lopital osi in fail. Tou keksoz pa marse me napa en kondisyon ki’n ganny mete dan sa bann lease, e la mon tourn ankor lo Providence ki dir ki si Gouvernman i lwe ou en bout later, ou bezwen annan ou en dele letan pou ou fer en devlopman lo la.

Si ou pa kapab fer en devlopman lo la ou bezwen donn en zistifikasyon akoz ou pa’n kapab fer, e si krwar i zistifye zot  a permet ou petet en extension.  Be si non i kler ki ou pe asiz lo sa bout later avek en sel bi, e sa bi se Spekilasyon; Spekilasyon si konnen mannyer pou fer li i annan gran larzan ladan.

Gran larzan ladan, e se sa ki la devan nou, parske mon war dan tou sa bann ka san al dan detay, se pirman spekilasyon.  E pour mwan sa i pa akseptab. Mwan osi pa tonm dan sa tandans pour mwan krwar pou dir sa dimoun i pov, sa dimoun i ti dan en pozisyon kot son Msye i ti ansyen Prezidan i bezwen annan en serten konfor. E akoz sa i normal ki in ganny sa ‘Pti’ bout later!

Mwan mon ti a konpran en dimoun i ganny en morso later, son madanm i a ganny en morso later son piti ti a ganny en morso later, anfen i ti annan en pozisyon privilezye, sakenn a gannyen.  Mon ti a konpran sa mwan. e petet pep Seselwa ti a konpran me pour ou ganny tou sa bann morso later ki an grann parti ti pou Gouvernman, a sa bann pri ki nou pa vwar zistifye avek devlopman ki nou pa’n vwar in ganny fer lo la be ki kler in annan benefis lo la, ki annan benefis lo la, eski pa montre ki in annan en labi?  E se pour sa rezon ki Onorab Larue dan mosyon i pe dir retourn sa later ki pa ankor ganny devlope e annou trouve akoz in ganny sitan kantite later.

Alor mwan Mr Speaker mon pou dir ki Mosyon i annan gran merit, mon krwar i annan bokou travay ki merit ganny fer parey entervenan avan in dir, nou, nou pa en Lakour nou. Me nou osi nou en lenstitisyon, nou en lenstitisyon ki probableman pli enportan dan sa sans ki bokou lezot.  Parski ler nou koze nou lo televizyon, nou live, nou lo radyo. E sa pozisyon ki nou ladan, i osi vin ek son responsabilite.  Nou pa la pour nou denigre personn.  Nou pa la pour nou abes personn.  Me kot nou santi – kot nou santi in ariv en labi pouvwar, oubyen in ariv en labi e i grav e i pe afekte dan en fason plizyer lezot dimoun.

Mon krwar i enportan pour nou dir sa tors i bezwen ganny klere e la wi bann lezot lenstitisyon i a antre ladan. E les mwan a dir pour dir si nou pour koz lo lenstitisyon, nou bezwen osi regard ki pe arive ek bann lezot lenstitisyon ki zot kapab pran aksyon kan aksyon i merite ganny pran.

Eski ozordi nou vwar bann lenstitisyon. I vre pour dir Lopozisyon in demande pour annan sa bann lenstitisyon. Eski zot in ganny kree dan en fason kot zot vreman efektiv? Sa osi nou bezwen demann kestyon. E petet sa i pour en size en lot Mosyon. Me pour konklir Mr Speaker mon pour dir poudir ler mon get an gro, en sel dimoun in ganny li plizyer morso later ek Gouvernman.  En sel dimoun pa’n devlope sa bann morso later e sa sel dimoun atraver son bann lakonpannyen dan serten lenstans in benefisye.

I kler pour dir in bezwen benefisye avek sa bann morso later. E si nou anvi bouz de lavan pour nou fer sir ki sa pei i ganny meyer, le meyer avek son bann byen i enportan ki nou met en fren avek keksoz ki pe al mal.  I enportan pour nou dir be la kot in arive, nou desin en laliny, si ou pa ankor devlope, rann. Rann, Gouvernman a koz ek ou.  Kot ou’n gannyen dan lepase e akoz in ariv koumsa i enportan ki nou regard ladan. Akoz nou anvi anpese ki i ariv ankor.  E si nou kapab fer sa de, sa de eleman ki dan sa Mosyon mwan mon krwar i pour en benefis pour tou Seselwa, parski ozordi bokou Seselwa, tou Seselwa aktyelman, tou Seselwa in peye pour sa bann later. Tou zot pa’n gannyen. Zot in peye en kantite larzan. Ozordi nou ankor pe pey det, nou ankor pe pey det lo sa bann later.

Nou pti zanfan pour pey det lo bokou sa bann later parske laplipar bann det ki nou’n pran i annan en dire omwen 14an, 15an.

So nou pour pey pour en kantite letan. Me zot riske pa benefisye si nou pa sanz en sistenm ki permet labi arive san okenn sanksyon e ki permet li reaparet ankor se pour sa rezon ki mon felisit Onorab Larue, sa Mosyon i en Mosyon ki montre en lenstans labi en resours ki rar dan sa pei. Sa Mosyon pe demande ki sa i ganny korize, mon pour donn li mon full sipor.

E mon espere ki lot kote latab, mon vreman espere ki zot osi zot apresye ki se pa en witch-hunt sa.  Se pa en zefor pour denigre en dimoun sa. Se en zefor pour montre ki nou resours i bezwen ganny respekte ki nou sistenm ki fer sir ki tou dimoun i benefisye dan sa pei pa ganny abize e ki lazistis i rennyen e ki nou larzan ki nou depanse toulezour nou apresye son valer. E nou pa vwar zis tou keksoz pe dekoul pour en pti group dimoun e tou larestan i reste dan lamizer.

Avek sa mon aport mon Mosyon pour sa Mosyon Mr Speaker.  E mon demande, mon vreman espere ki lot kote latab, ler nou pour vot lo la zot a lev zot lanmen pour montre ki zot vreman krwar dan lazistis. E zot vreman krwar dan anmenn en meyer Sesel.  Mersi Mr Speaker.

 

MR SPEAKER

Mersi Onorab Afif. Nou ava pran en Break e nou ava kontinyen 2er apre midi.

 

(BREAK)

 

MR SPEAKER

Bonn apre midi tou Manm Onorab.  Bonn apre midi tou manm piblik ki a lekout e pe kontinyen swiv deba Lasanble Nasyonal nou pour kontinyen avek nou travay deba lo Mosyon anmennen par Onorab Flory Larue.  Prosennman lo mon lalis mon annan Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker mon pran laparol ozordi lo en size ki tre enportan, size ki nou pe koz lo la se size koripsyon e pli spesifikman koripsyon dan alokasyon Later Leta.  Nou pe koz osi lo labi par serten Dirizan.  Nou pe koz labi Pouvwar.  Nou pe koz labi pozisyon.  Si nou oule ki nou pei i avanse e i sorti dan bann kosmar oubyen dan bann problenm istorik ki’n met nou retar, nou bezwen fer fas avek sa bann size.

Nou bezwen mon ava dir, fer en travay en pe parey en travay egzorsizm lo sa size later ek koripsyon.  Nou pa pour kapab avanse lo en nouvo semen si nou kasyet tou sa bann zafer e nou fer krwar ki sa pa’n zanmen egziste.

Nou lo sa kote latab i pa’n zanmen nou lentansyon pour target okenn dimoun an partikilye.  Ka Madanm Sarah Rene in monte ler nou ti pe fer resers lo sa gran kare later kot Lopital ti komans konstrir Providence e apre i ti ganny, sa proze ti ganny abandonnen.  Parey bokou dimoun, enkli bann Manm e menm bann MNA Parti Lepep dan sa Lasanble e osi bann ansyen Minis e ansyen MNA ler nou ti komans fer sa travay nou pa ti konnen ki nou pou trouve.

Nou ti pe get sa zafer later e in vin parey en serpan, en zourit ki al dan tou direksyon e nou osi nou’n soke.  Mwan personnelman mon’n soke.  E nou’n trouv li nou devwar alors pour nou pourswiv sa lanket pli lwen posib pour nou kapab tir sa kanser, oubyen tir sa lapse parey nou dir dan medikal e pour nou kapab anmenn nou pei lo en, lo bann nouvo pratik etik lo management later dan nou pei.

En MNA in menm dir mwan, MNA Parti Lepep in menm dir mwan nou ti’n tande sa bann zafer selman nou pa ti kapab dir nanryen, me zanmen nou ti krwar poudir i ti annan sa degre problenm.

Nou ti konnen i ti annan bann ptipti zafer, nou ti’n tande poudir la ti annan en pti bout, la ti annan sa, me selman menm nou, nou pa ti konnen.  E mon krwar, mon oule krwar poudir i vre dan en serten degre.  I annan en kantite dimoun ki pa ti konnen.  E i annan akoz sa bann keksoz ti ganny fer dan en fason en pe sekre.  E parey zot konnen, e menm parey Madanm Rene li menm li in dir dan en interview, ler sa bann keksoz in pase kekfwa i annan dimoun ki ti merit dir keksoz, pa’n dir nanryen.

E sa akoz dimoun ti per, pa bliye nou ti pe viv dan, ziska 15 lo 10, nou ti pe viv dan en Sistenm Laterer, taler mon ava re vin lo la.   Me par kont i ankor annan dimoun ki pa vwar sa en problenm.   E se pour sa rezon ki mwan mon anvi ki nou ensiste lo sa deba.  Ki nou tal sa bann kart e nou tal sa sityasyon, pa pour nou fer okenn problenm pour okenn revanz ou okenn problenm pour okenn dimoun, me pour nou aranz nou pei, pour nou aranz nou bato e fer sir ki nou kapab avans dan lavenir dan en fason pli byen.

I annan dimoun byensir parey mon’n dir, zot pa vwar sa problenm.  I annan dimoun ki’n deside par egzanp, pou fouy en trou dan disab e bour son latet ladan pangar i a vwar tro bokou keksoz ki i pa oule trouve.  Sa bann dimoun zot per trouve, zot per tande, zot per koze.  Sa bann dimoun, e Onorab Simon Gill i enn, en legzanp parfe, sa kalite dimoun.  Zot ankor dan en faz mental slavery mon apel li, zot dan mental slavery.

E la mon ava dir ki mental slavery savedir dimoun ki krwar ki zis en lot dimoun ki kapab tir li dan lesklavaz ki i ladan.  Lo li menm, parey Onorab Gill, i napa sa konfyans oubyen sa krwayans ki li i kapab lev son lekor, i kapab sorti e i kapab leve debout travay, rod en semen pase e fer e ‘’Be what you want to be’’, parey i ti dir lezot dimoun.  I ti mazinen ki sel keksoz, you will be what you want to be, sa ki Msye Rene i dir.  Si Mr Rene i dir ou, you will be en pilot, you will be en pilot.  Si i dir ou, you will be an MNA, you will be an MNA.  Lo li menm i annan en lesklavaz mantal ki mon krwar i enportan ki nou, ki dimoun ki’n ekout Onorab Gill bomaten i konpran sa lespri lesklavaz e sa lespri anmare ki Onorab Gill i ladan.  Se pour sa ki mon ti a kontan, be i pa la, la.  Selman mon ti a kontan, kekfwa taler si i antre mon ava repet avek li, pour mwan donn li, pour mon dir li en parol Malcom X.  Malcom X ki ti en gran Leader pour lakoz bann Ameriken nwanr.  I ti dir ki “to break free, you need to think clearly, and you need to go beyond the slavery of your mind.  You first have to realise how someone is controlling your speech, is controlling your outlook, is controlling your behavior’’. 

Ou konnen bomaten ler Onorab Gill in dir ki nou devret rekonesan pour sa ki Parti SPPF in fer pour nou.  Be mwan mon ti a kontan demande ki mannyer mon kapab rekonesan pour lefet ki Parti SPPF in met mwan dan prizon.

Akoz mon devret rekonesan pour sa?  Akoz mon devret rekonesan ler zot ti anvoy lapolis bat mwan?  Ler zot ti anvoy mwan Lopital nou 2 Msye Ramkalawan?  Nou pa devret rekonesan pour sa.

O kontrer nou devret dir avek nou bann dimoun ki pe oppress nou, nou devret dir zot me i mal sa ki zot pe fer.  E ozordi ler nou dir keksoz i mal, nou ganny labelled koman bann dimoun ki pa oule lape, bann dimoun ki oule kree konfizyon.  E la dernyerman, se menm parol ki Prezidan Faure in dir State House, ler nou pe met, ler nou pe demann nou drwa, ler nou demann ki bann keksoz i arive, ler nou pe demann nouvo eleksyon, Prezidan Faure i dir nou pe kree konfizyon, nou pe kre tansyon dan pei e li i pe rod lape.  Me nou osi nou pe rod lape, me selman nou pe rod lape dan lazistis avek laverite, akoz napa lape si napa lazistis ek laverite.

Alors, mon ti a kontan fer bann dimoun deor ekout byen, tann byen ki ler ou pe sey tir, montre en dimoun laliberte, en dimoun parey Onorab Gill, ou pe sey montre li laliberte, gran sans i vir lo ou.  I komans atak ou, parey in fer bomaten, akoz i pa oule laliberte li, i abitye dan son sistenm.  Ou pe disturb son lape, ou pe kree tansyon, in vir lo nou bomaten.  Me nou, nou annan en travay pour nou fer e nou pour fer sa travay Mr Speaker akoz i enportan ki nou anmenn sa lekleraz e nou pour kontinyen anmennen sa bann lekleraz, malgre bann dimoun ki pa oule vwar sa lalimyer.

Mon ti a kontan prezan Mr Speaker dir, pour nou pli spesifikman lo kestyon later, filozofi SPUP/SPPF/ Parti Lepep, ti en sel lakaz pour en fanmir.  Mon rapel mon ti ankor zenn ler mon papa ti vin dan lakour akoz i ti’n fer en pti lakaz pour mon ser dan bor son lakaz.  I ti vin dan lakour en zour, i ti dir ek mon manman nou pou bezwen vann sa lakaz akoz sak fanmir i bezwen annan zis en lakaz.  Mon manman ti demann li, be lekel ki’n dir sa?  I dir non, Msye Rene ki’n dir.  I dir, ‘’be dir Msye Rene vin dir mwan li menm.’’  That was the end of the story.  Zis pour dir la i la sa prensip, la i la sa prensip, en lakaz, en later.

Me selman, ki nou’n vwar?  Nou’n vwar ki dan Sistenm Kominis ki ti antre apre ’77, Gouvernman in pran laplipar later dan pei, In kontrol later dan pei, i’n acquire.  Apre ti annan later Leta ki li osi ti kontrole.

E dan Sistenm Kominis, mon bann frer ek ser, Gouvernman i kontrol later akoz later se la kot ou fer bann nouvo dimoun vin bann lesklav.  E Gouvernman in trouv li dan en pli bon pozisyon pour partaz sa bann later e zot ti dir nou ki se Gouvernman ki kapab fer lazistis, ki kapab partaze dan en fason zis e ekitab.

Gouvernman ti pran later avek bann ki ti annan tro bokou dapre li, bann ki ti annan later ki pa ti pe devlope osi.  Dan later Khashoggi e bann later lezot landrwa ki pa ti pe devlope, Gouvernman ti pran.  I ti dir li i pour partaze.  Apre Gouvernman ti fer Tenants’ Rights, pour fer sir ki en dimoun i kapab aste sa later ek sa lakaz ki i pe reste ladan.  Sa ti bann keksoz ki ti dan prensip.

Me an realite ki’n arive?  An realite e parey dan tou Sistenm Kominis i koumsa, nou tou nou egal me i annan lezot ki pli egal ki lezot, animal farm.  Zot, mon krwar zot tou zot in deza lir sa.  E se sa fason ki lapartaz ti ganny fer, ki size nou deba ozordi e ki neseser ki nou deal avek e nou avanse dan lavenir.

Mwan personnelman mon war 4 prensip ki ti diriz sa Sistenm Partaz Later.  Sa 4 prensip sete vorasite, inegalite, koripsyon ek lipokrizi.  Vorasite se ler 10 later personnel pour msye, pour madanm e pour zanfan, sa pa normal, ler i annan en kantite ki pa ankor gannyen.  Sa i apel vorasite, akoz dan en fanmir kot ou vini ou dir poudir ‘’Sesel i pli gran ki nou tou,’’ nou pe vin travay pour lepep, nou pe vin ed sa enn ki pli feb.

I parey dan en fanmir, en manman ek en papa i servi, i tir son manze apre ki bann zanfan in fini servi, in fini gannyen, mon krwar koumsa.  Kot mwan, kot mon bann koleg se koumsa ki’n marse.  I pa kapab manman ek papa i vini i tir son manze apre bann manrmay demerd zot si zot annan en bout zot pa’n gannyen.  Be Parti Lepep in fer levers, bann sef in servi zot lekor premye.  10 kare later personnel, 10 kare later komersyal oubyen endistriyel pour en menm konpannyen, sa osi i apel vorasite.

Se bann keksoz ki i pa etik e sirtou i pa etik ler ou en Dirizan dan en pei e ou sipoze donn legzanp.  Akoz ler sa i arive, lezot dimoun anba i dir, be nou osi nou pour fer parey, nou osi nou pour fer parey.

Parey i annan en dimoun in dir mwan, Jean-François si ou fer 10an koman en MNA, apre 10an ou napa en bon pe milyon Roupi, savedir ou’n fail.  Akoz dimoun apre sa, ler i vwar pe pran i mazinen poudir nou tou nou pour pran.

Mwan i annan en MNA, mon pa pour dir son non, akoz sa i en pe below of the belt akoz i ti dir mwan personnelman, ler mon ti dir li be i annan tro bokou bann vol, sa MNA ti dir mwan be nou tou nou pa i pe pran?  Mon pa konn li, mon pa konn zot me mon konn lo sa kote latab ki nou, nou pa la, nou pa’n vin pran nou, nou’n vin ede pour nou fer sa pei avanse!

 

(APPLAUSE)

 

HON JEAN-FRANÇOIS FERRARI

Se pour sa ki nou pe denons sa problenm ozordi.

Apre i annan prensip linegalite.  Mon pa pour nonm okenn non, me bann dimoun, mon annan en gran lalis bann dimoun ki dan bann sityasyon terib, ki pe esper en bout later pour zot kapab fer en pti deboury.

Mon ava mansyonn Mervin akoz Mervin i en dimoun i konnen, plizyer ka depi plis ki 1an mon pe lager pour son case.  I annan son larzan, i pe rod en pti bout pour li fer en keksoz.  An menm tan i ava ganny en pti landrwa pour li fer en store pour son bann biznes.  Monte desann, monte desann.  Koz lo la dan Leta Lanasyon ‘’Not’, pa pe gannyen.  Me i annan dimoun plis ankor, pli dan problenm ki Mervin.

I annan dimoun ki napa 2 fey tol lo zot latet, i annan ki pe dormi enn lo lot parey lapen dan en garenn.  Mon pe dir zot, ki dan mon distrik later i rar.  Toultan mon dir ek zot annou seye nou ava fer, fer lakaz nou ava fer organiz lakaz Corgate Estate, me later i rar.  Par kont i annan en sel bout later dan Mont Fleuri, ki tonm dan Mont Fleuri ki kapab ganny konstrir lo la, sa se Kan Tobrouk.  Kan Tobrouk i donn en pe dan Rezerv Morne Seychellois.

2an pase, 4 kare i ganny tire, 2 ladan pour bann Kandida Parti Lepep.  Gete, napa later, selman 2 dimoun, 1 ki’n Kandida, lot ki pe vin kandida, sakenn i ganny son kare.  Lezot dimoun ater, zot ankor pe espere zot.  E sa 2 dimoun zot annan zot lakaz, me selman zot ganny en lot.

E pourtan dimoun Kan Tobrouk zot la zot pe, fanmir pe grandi zot napa landrwa pour zot ale, zot pe esper keksoz.  Par egzanp, enn bann keksoz ki zot pe espere se sa semen ki pour link avek Forêt Noire, ziska kan?  Later i kapab tire dan rezerv.  Sa msye ki fer vin, ki vin fer arpant later dan milye lannwit avan Eleksyon, li osi i vwar, son leker i fermal.  Li i pa gannyen li, lezot dimoun i gannyen.  Semen mon pa konnen si nou pour ganny avan lot Eleksyon.  Alors mon demande oli sa lazistis ki zot ti promet nou Parti Lepep?  Oli sa lazistis?  Mon ava donn en dernyen legzanp.

Dan mon bann kanpanny, dan mon bann travay dan bann distrik, e mon pa pour dir kote akoz i pa zoli pour nou met problenm bann dimoun deor, mon ti zwenn en kaptenn dan coastguard pe dormi lo en balkon kot son manman, en Kaptenn!  Sa msye i annan plizyer lannen, mon krwar 8an training.  I pe espere, i ti a kontan li osi, koman i ankor zenn kapab aste en bout later.  I pa pe demann nanryen pour nanryen.

Mon’n seye, mon’n ekri, ziska State House mon ekrir, pa nanryen.  Msye i ankor anba son lavarang, anba son balkon.  Se sa bann keksoz koumsa ki fer nou, bann Manm LDS, nou bann MNA ki pe reprezant nou bann dimoun, ki fer nou leker fermal e ki fer nou ankoler, ki fer nou ankoler!

Apre i annan koripsyon.  Koripsyon se ler ou sanz en faver pour en lot faver e an retour ou ganny en benefis ki normalman ou pa ti pou gannyen.

Koripsyon se osi ler ou ganny benefis akoz ou annan kontak.  Koripsyon i fer ki ou pas devan lezot dimoun ki lontan pe espere e sa i mal.  Fer mwan mazin sa fiy ki dir mwan li toultan i pour vot pour Msye Rene li.

Mon dir li akoz?  I dir mwan,

’’ Akoz mon ti pe esper en bout later, mon ti’n, mon pa ti’n ganny lo lalis, mon lwen anba lo lalis in fer mwan mont 2enm lo lalis, pas 3 mwan mon ti ganny en bout later.’’

Mon dir,

‘’Be ou bann ser, ou bann frer ki ti lo sa lalis plizyer lannen pe espere?’’

‘’Be sa zot problenm, mwan mon’n gannyen mon’n pase!’’

Se sa Sistenm Parti Lepep, e se sa sistenm ki nou pa kontan, e se sa sistenm ki apel koripsyon.  Se ler i annan en kondisyon par egzanp ki Gouvernman i mete lo sa bann later ki lwe ek ou la, sa bann lease later ki ou pa kapab vann oubyen ou pa kapab transfer 5an oubyen avan 10an me still ou ale ou fer ou transfer.  E dan ka Madanm Sarah Rene in arive.  Ok?  Se sa bann keksoz koumsa ki nou pa dakor.

E finalman, katriyenm prensip ki’n gid sa travay ki Parti Lepep in fer se lipokrizi.  E se sa ki nou’n viv pandan sa dernyen 40an, lipokrizi.  Bann ipokrit ti pe dir nou ki nou tou nou egal.  Mwan mon ti en teacher Politeknik mwan, Human Services.  Mon ti ganny pouse akoz mon ti dir avek bann etidyan nou tou nou pa egal, nou pa egal dan sa pei.  I annan ki Prezidan, i annan ki en cleaner.  I annan lo bus-stop, i annan ki pase dan son loto, nou pa egal.

Me Parti Lepep in fer nou krwar, parey Onorab Gill, in fer krwar Onorab Gill, mon pa konnen si i krwar vre oubyen i krwar fo, me selman fer nou krwar poudir nou tou nou egal, nou pa egal.

E premye keksoz pour nou sanz sa sityasyon se pour nou rekonnet ki nou pa egal!  E alors dan sa linegalite, dan sa lipokrizi, i annan ki ti ganny later Gouvernman, i ti ganny dir si ou pa devlop li dan tan letan ou pour ganny arase.  I annan ki’n ganny arase, i annan ki li zis in asiz lo la li, li personn pa pour al rod li.  Se sa lipokrizi, se sa linegalite.

E lipokrizi, e lipokrizi se sa ki nou’n vwar lo televizyon sa dernyen detrwa zour.  Sa ki’n ganny tale lo televizyon i pa zoli, mwan mon ti ava dir.  Akoz nou sorti dan en sistenm ki ti napa demokrasi, ki ti napa Lalwa ki ti ganny, si en dimoun pa ti kontan ou ti kapab pran ou lakaz, ti kapab pran ou lakour, ti kapab bat ou met dan prizon.  E nou ki la isi, Msye Ramkalawan, Onorab Ramkalawan e mwan menm, nou bann dimoun ki’n ganny sans akoz nou ankor vivan!  I annan ki’n perdi zot lavi anba sa sistenm akoz zot in konplent oubyen zot in dir en keksoz ki pa ti anvi.

Donk si sa bann lipokrizi sa bann dernyen lannen ki fer mwan vreman ankoler e ki fer mon dir ki nou bezwen al pli lwen dan sa lanket.

Mwan Mr Speaker, mon’n osi pas lo tou sa bann dokiman ki Onorab Larue in prezante, enn par enn e mon kapab dir avek piblik ki tou i korek.  Apard sa bout lo sa plot later ki Madanm Rene ti aste, son premye bout later Bel Air, i ti dir i ti aste ek en later prive, be sa pa kestyon.

Kestyon se premye bout later an 1982, la i la, premye bout later an 1982.  Apre 1982 ou pa kalifye ou pa kalifye pour okenn later avek Gouvernman.  Later Leta, later Gouvernman se pour bann ki napa!  Se sa prensip ki ti ganny let down.  E Onorab Larue in fer en travay entans, in fer en travay ki vreman kler, ki’n baz li lo bann dokiman ki dan posesyon Gouvernman.

Napa nanryen ki’n ganny evante, e tou sa bann keksoz se laverite.  E si i annan problenm se pa lo kote Onorab Larue, se lo kote, parey Madanm Sarah Rene fek dir nou dan son let, ki i annan en lerer dan Lanrezistreman Later.

Be sa i en keksoz serye sa.  Fodre gete, akoz si i annan en lerer dan Lanrezistreman Later ou kapab pe pran en later ki pa pour ou, ou kapab pe vann en later ki pa pour ou!

Donk sa se pa problenm Onorab Larue.  Onorab Larue pa ti vin dan sa Lasanble pour li fer okenn witch-hunt Mr Speaker, pa ti pe target personn.  I ti pe zis rod laverite, i ti pe zis fer son louvraz, i ti pe zis met lekleraz.  Sa ki’n ofanse probableman i koupab, sa ki’n ofanse probableman i koupab.  Akoz personn pa devret pran nanryen personnel!

Alors mon ti a kontan dir mwan ki Mr Speaker, ki sa pour reasir bann dimoun dan piblik e pour reasir tou bann dimoun an deor ki sa i pa lafen nou travay, sa Mosyon!  Sa Mosyon i komansman nou travay.  Akoz nou devwar se ler nou’n met lekleraz se pour nou rod en fason pour apre met lazistis.  Akoz lekleraz sa lazistis i pa vo nanryen.

Parey St Paul in dir, “la foi sans les oeuvres” i pa vo nanryen.  Nou pa kapab annan lafwa si nou pa travay pour nou met an pratik nou lafwa.  E nou dan sa Lasanble nou pe dir ki sa i komansman nou travay, e nou travay i pour al dan sa direksyon.

E la mon pran sa lokazyon Mr Speaker, pour mon dir avek, fer piblik byen konpran.  Nou dan sa Lasanble nou’n met lekleraz, se sa nou rol.  Nou’n fer li dan bann Komite.  Nou’n fer li an plen sesyon isi dan sa Lasanble.  E pli lwen ki sa nou napa pouvwar nou.  Pouvwar i dan lanmen lezot lenstitisyon pour follow through.  Dan nenport pei ler nou ti pe fer sa bann Hearings dan FPAC, Bokbok ti pou’n park la deor la!  Ti annan dimoun ti pour sorti dan FPAC ti pour antre direk dan Bokbok.  Akoz dan lezot pei demokratik koumsanmenm i marse.

Me selman Sesel nou ankor pe aprann, akoz larzan piblik, propriyete Leta i bann keksoz serye, serye.  I annan dimoun ki’n al dan prizon pour bokou, bokou mwens ki sa.  Donk sa i en travay ki nou, nou pe komanse e mon asir zot ki nou pa pour kit dan semen.

E mwan mon santi Mr Speaker ki deza nou’n fer en sikse.  Madanm Sarah Rene in dir ki i pe rann en bout later, mersi.  Anfen mon pa devret pe dir mersi akoz later ti pour nou, ti pour Lepep Seselwa.  Ou ti pran, mon pa devret dir ou mersi pour rann.  Mon devret dir ok, mon note, enn in tournen, i reste ankor.

I reste ankor bann ki pa’n ganny devlope e se sa travay Onorab Larue atraver son Mosyon.  Bann ki pa’n devlope i bezwen retournen kot Leta akoz i annan kondisyon lo sa bann later.

Zot pa ti pran later Lutha, lot, lot, nou tou.  Pa mwan ki ti dir, pa mwan ki ti dir nou tou nou egal, Msye Rene ki ti dir nou tou nou egal.  Pa mwan ki ti pran sa 10! Kolonnel Ogilvie Berlouis, son nanm devan Dieu, ki ti dir “kan eski sa msye pour rann sa 10?” Li ki ti komanse zafer rann sa 10 – ok?  So, komansman se i deza, nou deza annan serten sikse e mon felisit Onorab Larue pour ki finalman atraver son travay deza i annan en bout later ki’n retourn pour Leta e pour annan lezot ankor.

E pour annan osi en travay ki pour ganny fer lo ler sa bann tranzaksyon ti ganny fer pour vann lease e pour vann later ki son vre valer ti ganny deklare e son vre tax ki ganny peye lo la!

Nou ava fer sir poudir tousala, tousala i ganny fer pour ki larzan piblik ki nou tou nou’n ganny peye nou ganny elekte pour nou okipe, i ava ganny byen okipe.  Donk sa i komansman sa travay.  E alors mon krwar poudir nou bezwen up the game la aprezan.

Nou bezwen up the game, e nou bezwen zot pour zot vin onboard.  Nou pa bezwen zot fer parey Onorab Gill e reste dan denial e dir avek nou ki nou tou nou pa parfe.  Konmsi nou tou nou kapab, mon pa pe dir in dir sa Onorab Speaker, me selman konmsi nou tou nou pa parfe, napa personn ki parfe.  Konmsi si nou’n pran en pti bout la nou’n, Onorab Sandy Arissol in pran en bout fromaz, i ok.  Onorab Loizeau in pran en biskwi, i ok.  Nou tou nou’n pran keksoz.  Be nou pa sipoze pran, nou pa sipoze pran.  Onorab Gill in fer nou konpran poudir nou pe akiz, e zot konnen mannyer parol i ete.

Si en manrmay i ganny akize konmkwa in pran en ponm dan fridge, selman i pa’n pran en ponm li, in pran en zoranz.  Son pti ser in vwar li pe pase ek en ponm, in ale in dir in pran en ponm.  Li ki’n pran sa zoranz i kriye i pa’n pran ponm li, i pa’n pran ponm.  I ater, i a ganny kriz i pa’n pran.

Pran ponm, pran zoranz, ou’n pran.  I pa sipoze pour ou, ou ti sipoze demande, ou sipoze aste, pran sa ki pa pour ou, i pa pour ou!  Ki ou’n pran zoranz, ki ou’n pran ponm, ki ou’n pran later, ki ou’n pran lease, leasehold, ki ou’n pran freehold,  si i pa ti pour ou, ou pa merit pran! E se sa prensip ki nou bezwen mars avek.

E se sa prensip ki nou pou marse avek, e sa pour sa ki mon dir ki nou bezwen up the game.   E la mon pour al fer propozisyon mwan, akoz mon lo sa kote latab e osi koman en Komite, en Manm Komite Finans dan Lasanble, mon fatige ganny dir, ganny konfronte avek piblik ki dir, be la zot in fer tousala, zot in met tousala deor apre kwa, ki pour arive?  Mon dir ankor, i pa nou travay.

Mwan mon pe demande, par egzanp lo sa ka Mr Speaker, e mon ava termin lo la, lo sa ka Madanm Rene, lo sa lanket, sa travay ki pe ganny fer, mwan mon ti a, mon krwar i ase normal ki mon demande, ki Lapolis ki pe pran konesans sa deba ki nou pe fer, i kontakte Madanm Sarah Rene, i dir avek li premyerman handover ou paspor, ok? 

En attendant ki sa lanket i ganny fer; handover ou paspor.  Akoz nou nou’n ganny akize nou’n les Irish kit pei e la Irish pa oule tournen.  Handover sa paspor.  Ou inosan tan ki Lakour in prouv ou koupab, pour le moman ou inosan.  Selman sa i en prosedir Lakour, ou handover ou paspor e ou reste a dispozisyon Lakour.  Sa i premye keksoz.

Dezyenm keksoz, mon demann Gouvernman poudir si nou’n vwar i annan en lanket ki pe ganny fer, i normal ki Gouvernman i met en restriksyon lo transfer e lavant tou sa bann later ki an kestyon en attendant ki nou ganny en solisyon.  Si nou napa problenm si i montre poudir napa, ti napa problenm parey Madanm Rene i dir, i ganny son keksoz.  Koumsa ki marse dan tou pei.  Zuma koumsa menm in arive avek li.

Mannyer i apele sa msye laba Brazil?  Ale dir mwan.  Msye Lula, li osi menm zafer.  Selman li in al en pe tro lwen e i dan jail ozordi.  So, sa se bann keksoz ki nou bezwen fer.  Nou bezwen up our game.  Nou bezwen fer konnen nou bann dimoun dan sa pei ki si ou pran en keksoz ki pa pour ou, oubyen si ou ganny li mal apropo i pa zis rann sa, i pa zis rann, i annan en pénalité!

E mwan mon pe ensiste lo la Mr Speaker, mon pe ensiste ki nou kontinyen sa travay me silvouple mon sirpli Lapolis, mon sirpli Lakour, mon sirpli Egzekitiv, ed nou dan nou travay.  Akoz nou tousel nou pa pour kapab arive nou tousel koman en Lasanble, ed nou pour nou fini fer sa travay e si zot pa oule ed nou, kile!

Les nou fer sa travay! Fer Eleksyon Prezidansyel nou, nou ava ansarz Egzekitif e nou a fer sir ki sa bann mezir i ganny pran pour nou fer sir ki i annan lazistis dan nou pei.

Alors Mr Speaker, mwan mon remersye Onorab Larue pour sa travay e mon dir avek Lasanble ki mwan mon pe donn tou mon sipor pour fer sir ki omwen sa bann keksoz ki’n arive i pa ariv ankor.

Mon ava dir zot ankor en dernyen pti parol, toultan en dimoun in deza dir mwan, si nou, si nou isi dan sa Lasanble nou pa met en sanksyon lo en keksoz ki mal gran risk ki nou osi nou pour vin parey, gran risk ki nou osi nou pour vin parey.

E nou pour ekspekte ki bann ki vin apre nou i dir, parey Onorab Gill, be nou pa ti parfe.  Pran en ‘pti bout’, nou’n pran en ‘pti bout’ nou pa ti parfe, konpran nou, nou pa ti parfe.  Be ler nou pou fini ek sa bann keksoz, pa pour reste nanryen pour sa pei, pour sa pep ki nou pe travay.  En pti bout, en gro bout, 10 gro bout, 10 pti bout, pa pour ou, pa pe pran, se tou, pwen final!  Mersi Mr Speaker.

 

(APPLAUSE)

 

MR SPEAKER

Mersi Onorab Ferrari.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon ti ava kontan komanse par felisit Onorab Larue pour en travay byen detaye, pour bann bon resers ki in fer e pour tou sa lenerzi ki in mete pour nobou donn nou Lasanble en bon prezantasyon.

E mon krwar ki san dout tou dimoun in apresye kalite sa resers e sa in fer ki menm Madanm Rene ki size sa Mosyon, li osi tou in vin devan e in rekonnet ki poudir i annan en kantite keksoz ki, ki’n ganny dir ki laverite e in menm pare pour li montre dan en serten sans sa lentansyon pour li rann serten morso.  E alor taler mon pour adres sa.

Mon krwar Mr Speaker ki sa Mosyon, parey enn de Mosyon ki nou’n anmennen i montre ki mannyer nou serye dan sa travay, i montre sa langazman ki nou annan koman en parti pour nou kapab regard lentere lepep Seselwa e regard lentere Sesel.

Mr Speaker dan mon lentrodiksyon mon ti ava kontan osi pour mwan ki en pe pli vye, ki’n en pe la letan sa lalit in komanse pour retourn Sistenm Miltiparti dan Sesel, pour mwan koriz en pe serten petet, mon pour dir serten konfizyon ki’n kapab arive.

E la mon anvi fer li spesyalman relasyon avek Madanm Mathilda Twomey, pa koman Sef Ziz, me koman en Seselwa, Mr Pesi Pardiwalla, e mon ava azour osi Monsieur Serge Rouillon.

Mr Speaker sa 3 dimoun ti annan 3 rol tre enportan dan sa moman.  Madanm Twomey i ti Asistan Rezistrar, Monsieur Pesi Pardiwalla ti Attorney Zeneral e Monsieur Serge Rouillon ti ansarz Biro Rezistrar, i ti Rezistrar Zeneral.  Tou bann dokiman ti pas devan zot.

E la mon anvi dir, Mr Speaker ki sa 3 dimoun zot ti zwe en rol konsyansye.  Zot ti 3 Seselwa ki letan sa dokiman pour kot Msye Rene ti deside pour transfer lo li sa 3 morso later, ki apre ti ganny dekrir koman rann sa 10, ki i ti asiste pour R65mil.

Pandan sa menm letan ki en lot Seselwa, en Seselwa, apel li pour mank en mo, pour leklersisman, en Seselwa ordiner, nou apel sa, ti ape pey 35mil a R40mil pour en kar arpan.  Msye Rene li i ti pran pres 8 arpan pour R65mil, e sa 3 dimoun ti kestyonnen, zot ti kestyonn valer sa transfer.

E pour sa Mr Speaker, petet i enportan pour dimoun konnen parske sa listwar ki nou pour ekrir, sa listwar Sesel, 3 mwan apre ki sa transfer ti’n ganny fer, apre ki Madanm Mathilda Twomey, Msye Pesi Pardiwalla e Msye Serge Rouillon ti’n kestyonn sa lavant, zot tou le 3 zot ti perdi zot plas travay.  Alor i enportan pour nou met sa lo rikord e pour an menm tan osi, felisit sa 3 dimoun pour sa lespri konsyansye ki zot ti annan menm dan sa peryod kot ti tre, kot keksoz ti tre difisil.

Mr Speaker dan sa deba ki nou’n annan e la mon met lo rikord ki Madanm Sarah Zarqani-Rene in aparet dan 3 diferan progranm.  In aparet dan nouvel SBC, in aparet lo Télé Sesel e in osi aparet dan Tête-à-Tête.

E dan tou le 3 sa progranm, a en serten moman in servi sa mo “witch-hunt” ki poudir sa Mosyon set en witch-hunt.  E mon ti ava kontan avek tou respe ki mon annan pour sa madanm, pour mwan dir avek li non, i pa en witch-hunt sa.  E mon ava dir avek li kisisa en witch-hunt.

        Dan Sesel Mr Speaker, in pas en witch-hunt e sa i kapab demann son msye.  Witch-hunt Mr Speaker, ti pase apre le 5 Zen 1977, kot Msye Rene koman Sef D’état, i ti donn lord pour regarde tou bann morso later ki apartenir pour bann dimoun ki i konsider koman lennmi Larevolisyon, sa bann dimoun zot later ti ganny pran.  Mr Speaker, se sa ki en witch-hunt.  Zot later ti ganny pran senpleman akoz zot pa ti annan menm lopinyon.  E sa Mr Speaker, i pa ti neseserman bann gran morso later.  I ti osi bann morso later kot en dimoun ti annan zis en lakaz lo la.  La par egzanp mon mazin Mr Gabriel Hoareau, son later La Louise, ti annan zis en kare later avek en lakaz lo la ki ti pour li, ti ganny pran akoz i ti napa menm pwennvi e nou kapab regard tou sa bann lalis.

Mr Speaker nou lo nou kote dan LDS nou pa enterese dan en witch-hunt.  E mwan koman Chairperson Komite lo Laverite ek Rekonsilyasyon Nasyonal, kot nou’n travay ansanm avek bann Manm lo kote Parti Lepep, zot konn tre byen avek ou menm ou osi tou Mr Speaker lo sa Komite, nou konn tre byen ki si i annan en keksoz ki mwan personnelman mon pa dakor avek set en witch-hunt.  Mon krwar dan en lazistis rédemptif, en lazistis kot nou kapab bouz devan.  Me sa pa vedir ki fodre nou pa met rikord drwat.  E i vre ki i fermal sa legzersis ki nou pour pas ladan.            Letan sa Komisyon Nasyonal pour ganny etablir dan ankor detrwa mwan e letan bann dimoun i komans vin devan pour koze, bann dimoun ki zot later in ganny pran, bann dimoun ki zot fanmir in disparet, tou sa bann diferan lenstans i pour fermal Mr Speaker.  Me selman nou bezwen fer li.            E la mon ava dir e mon ti ava kontan si Onorab Gill ti ava la, letan Onorab Gill in koz lo bann lenstitisyon.  Si bann diferan Lenstitisyon dan sa moman e menm depi ki nou’n retourn dan Sistenm Miltiparti ti ganny sa posibilite pour zot fer zot travay dapre zot manda, nou pa ti pour dan sa sityasyon.  Si par egzanp, Lasanble Nasyonal avek en mazorite Parti Lepep atraver bann Komite tel parey FPAC, zot in adres sa bann diferan size, ozordi nou ti ava’n kapab bouz pli devan.  FPAC ti ava’n fer son travay parey i ti devret fer e nou pa ti ava’n ganny bann rapor devan Lasanble Nasyonal prezante par Monsieur David Pierre, ki dir ‘’napa koripsyon dan sa pei e ki koripsyon i zis en persepsyon!’’  Li osi tou in vin dir sa, asiz dan sa menm plas pandan sa detrwa lannen e apre pour li ganny rekonpanse pour li vin anba Anbasader!            Sa sityasyon Mr Speaker mon kapab konpar li avek en dimoun ki’n malad, in al kot dokter li, in ale monte desann kot dokter, be dokter pa’n donn li en bon diagnose.  E apre sa letan i ariv kot en bon dokter, sa dokter i dir avek li, sorry mon frer me sa lipye nou bezwen koupe.  Nou bezwen koup li par lao zenou akoz si nou pa koup li ou pou mor.            Alor nou ozordi dan sa 6enm Lasanble, nou pe senpleman anvi ranforsi bann Lenstitisyon.  Nou pe anvi regard sa bann keksoz ki’n arive dan nou pei e atraver sa pour nou kapab avans devan.  E sa size later i enn bann gro size ki nou bezwen adrese.  E parey plizyer dimoun in dir an relasyon avek Madanm Sarah Rene ki ozordi, tit ki ozordi nou Mosyon i tous li, se pa ki nou anvi target li me nou vwar ki poudir i annan keksoz ki pa mars byen.            E si nou kapab – parske dan nenport lenstans ou bezwen komans en landrwa, si nou pe komans la, se pour nou kapab avans pli devan e pour nou regard ankor lezot keksoz parske i annan en kantite dan plantasyon Dite kot in annan plis ki 5 kare later ki donn anviron 2 arpan ki’n ganny pran Mr Speaker.            Mwan pour mon i vreman sokan e letan nou koz lo later konblaz mon ava dir avek Onorab Vidot, parske sa i tonm dan son distrik.  Depi roundabout Eden island ziska lo pon i annan plis ki 10 arpan later ki’n ganny donnen avek zis sa madanm avek son lakonpannyen.  Eski sa i normal?  10 arpan later pour zis 1 dimoun.            Mwan dan mon lopinyon mon krwar ki poudir sa i pa normal.  Akoz si nou pe koz konblaz pour Lepep Seselwa e parey serten in ganny dir ki letan ti pe fer konblaz, Lopozisyon ti met serten pwen devan pour kestyonnen, wi nou ti fer li e nou ti fer li akoz nou ti santi deza ki poudir distribisyon i pa pour en keksoz ki bon.            Aprezan Mr Speaker nou kapab al pli devan, nou kapab al lo Industrial Estate li menm.  E la nou ava rapel ki poudir mwan personnelman ti annan omwen 8 oubyen 10 morso later lo Industrial Estate ki ti’n ganny donnen avek zis en dimoun ki mon ti al kot Monsieur Danny Faure dan son kapasite koman Prezidan pour mon dir avek li sa i en lenzistis.  E akoz mon ti pe dir li i en lenzistis?            Mr Speaker pour mwan i ti en lenzistis akoz mon zanmi Hughes Hoareau, li i ti’n ganny zis en pti papye zis avan eleksyon pour li servi en landrwa lo konblaz koman en baz tanporer.  I’m sure nou tou ki la nou konn en dimoun dan nou distrik ki’n sey rod en bout later ki pa’n gannyen.            Mon lot zanmi Audrey Lautee, ki li i ape sey montre bann zenn ki i annan en garaz, ki pe sey fer en fason pour ed bann zenn, ki li osi tou i pa’n gannyen.            I annan dimoun ki zot later in ganny pran avek zot lo konblaz senpleman akoz zot pa ti’n devlope, sa mwan mon konsider li koman en lenzistis.            Me selman Mr Speaker, letan ou regard bann non, e sa nou ti fer dan en Mosyon letan ou regard non bann dimoun ki’n ganny bann gran kare, e parey nou’n dir sa 3 kare later ozordi ki nou pe koz lo la ki’n fek pass Bay, Mr Speaker sa dimoun i deza annan lezot gran kare later Providence Industrial Estate.  Alor si nou pe koz lo lazistis, nou bezwen aksepte ki poudir sa i en sityasyon kot i annan lenzistis.  E alor kot i annan lenzistis nou bezwen debout e pour nou adrese.            Mr Speaker i malere pour dir, Gouvernman i pa’n annan bann Polisi ki kler, bann Polisi ki fair e bann Polisi ki zis.  Alor pour en dimoun ti annan keksoz ki ti akseptab, me pour en lot pa ti akseptab.  Pour enn i ti ok pour li aste en bout later dan Gouvernman pour li donn son zanfan, pour en lot sa pa ti akseptab.            Pour enn i ti ok pour li kapab lease en premye bout later e apre ganny en dezyenm bout, pour en lot sa pa ti akseptab.  Alor sa i fer ki i annan en sitasyon lenzistis.            E la mon anvi dir avek Madanm Rene, Madanm Rene ou en dimoun ki ou dir nou dan ou bann progranm e letan mon sit serten bann parol ki ou’n dir ki,           ‘’we ought to walk the high road of life’’ – ‘’nou bezwen al lo en nivo pli o moralman’’.            Letan ou’n dir ki ou en dimoun ki’n travay koman en Misyonner, se sa keksoz pli enportan dan ou lavi.  Letan ou’n dir nou ki pa ti bezwen larzan, ‘’we do not have money enough, we do not have sa kantite larzan ki dimoun i krwar nou annan’’.            Letan ou’n dir tou sa bann diferan keksoz e letan pour mwan Mr Speaker, letan Madanm Rene in dir dan son interview lo Télé Sesel, i dir mwan dan mon lavi zanmen mon’n fer keksoz mal!  Mr Speaker mon krwar ki poudir sa i en statement ki vreman profon.  E ki al direkteman kont sa ki Onorab Gill in dir bomaten ki poudir nou tou pa parfe.  Akoz li Madanm Sarah Rene lo Télé Sesel, ki nou osi nou ankor kapab rewind nou ava vwar, in dir li zanmen in fer keksoz mal.            E alor Mr Speaker mwan mon krwar ki, dan tou sa bann interview sak fwa ki sa madanm in koze in dir en diferan keksoz.  E koman en Nasyon nou bezwen take her to task.            Annou komans avek La Digue Mr Speaker.  La Digue sa madanm in dir lo son premye interview in dir ki li in aste later avek prive.  Dan son interview lo Télé Sesel, ki ankor enn fwa nou kapab al regarde, in dir in aste zis 1 morso later avek Gouvernman.  Be Mr Speaker sa i fo.            Dan mon lanmen la mon annan 3 dokiman, e sa 3 dokiman letan mon’n fer resers, mon’n retourn an aryer mon ‘n koz ek plizyer dimoun mon’n dekouver ki poudir premyerman, sa pli gran bout later ki donn 385met kare, sa ti pour en dimoun prive.            E letan sa dimoun ti anvi sey konstrir lo la, i ti ganny dir ou pa pour kapab konstrir lo la akoz grander sa later.  Prezan Gouvernman, sa dimoun ti annan en tranzaksyon avek Gouvernman, later i vin pour Gouvernman.            Mr Speaker, sa menm later ki pa ti pour kapab konstrir lo la, apre sa Monsieur Nourrice pe azir koman Sekreter Prensipal, le 27 Zilyet lannen 2000, i transfer sa later lo Madanm Sarah Rene e son ladres ki i donnen La Digue.  Sa i premye, 385.

Apre sa Mr Speaker, Mr Speaker, en dezyenm transfer i ganny fer.  E en dezyenm transfer i ganny fer le 27 Oktob, e ankor enn fwa se Monsieur Nourrice ki sinyen.

En trwazyenm transfer pour 89met kare i ganny fer e sa enn lafwa si se Monsieur Patrick Lablache, koman Sekreter Prensipal ki fer sa transfer, ankor enn fwa se later Gouvernman, i fer sa le 15 Avril 2005.

E sa ki tris se ki sa dimoun pa ti ganny drwa fer lakaz lo la, me selman Madanm Sarah Rene i fer lakaz lo sa later, sa menm later i apre avek sa bann lezot bout e i fer en batiman ki donn 257met kare.

E i dir avek nou lo televizyon ki poudir sa letan i pa ti pour ganny drwa servi L’Union ensidswit, zot in fer sa koman en family home.  Mr Speaker sa ki nou apel family home ozordi i apel La Digue Emerald Lodge.

E mon’n sey fer en pti booking lo la pour mon konnen konbyen i pour koute.  Mon’n sey fer en booking pour wikenn ki pe vini la e pour 2 nwit i kout R20,090, R20mil sa pti family home.

E la mon anvi azoute osi ki sa tennis court ki i dir napa nanryen pour fer, sa tennis court ti reste take e se zis detrwa, petet detrwa mwan pase, menm kekfwa en lannen ki sa lakle ti sorti e i ankor dan en leta ki pa bon.  Alor Mr Speaker, i pa byen pour nou vin koz sa ki pa vre.

Mr Speaker, ok in konstrir son lakaz menm Polisi sete en later pour en dimoun.  Me Mr Speaker prezan nou al Providence.  Providence sa madanm i annan li 2 morso beachfront.  Beachfront property ki pa ankor devlope; e sa se V8072 e V8073.  8072 i donn 1,763met kare, 8073 i donn 5,858met kare.  An tou i fer 7,621met kare, pres 2 arpan, 2 arpan borlanmer ki pa ankor devlope.  Mr Speaker sa 2 bout later Gouvernman i devret repran.

 

(APPLAUSE)

 

HON WAVEL RAMKALAWAN

Sa i debout ki i devret repran.  Sa mon pa pe rod okenn polemic mon pa pe rod okenn witch-hunt, i annan 2 morso later ki i pa ankor devlope, in vann lease lo lot.  E alor si in vann lease lo lot.  sa 2 i devret retourn kot Gouvernman.

Mr Speaker pa bliye osi ki sa later letan ti pe konble ti osi fer en jetty, alors i annan en lentansyon.  Letan nou pe dir sa ti a vin ansanm avek lopital, bann pasyan ti pour al dan jetty ti pour al lo jetty pour al pli lwen?  Annou pa tro soz sa bann zafer.

Mr Speaker, letan aprezan nou regard sa bann morso later kot Airtel e la ankor enn fwa letan mon dir ki Gouvernman parfwa son Polisi i pa kler zis i sanze.  Sa i en legzanp kot sa bout, e sa madanm li menm li i dir, sa bout ti’n ganny rezerve pour fer residential property, konmsi bann devlopman rezidansyel o nivo.  E nou’n vwar, i annan 2 ki’n devlope koman high soz, konmsi kot i kout en pe ser.  Enn i annan en group, enkli Monsieur Lablache ensidswit, ki ti devlope, lot Monsieur Payet, Hughes Payet.  E Mr Speaker, be sa ki enteresan se ki sa batiman kot Airtel i ete li osi tou i ti’n devlope koman en residential.  Me apre sa letan sa zafer larzan in vini Airtel telecom en kou an gran, Gouvernman i sanz zistwar konpletman e Gouvernman i donn permisyon pour fer, pour li sorti dan residential me pour li vin industrial.

E apre sa i annan bann flats ki ganny konstrir devan e lo lot kote, lekel ki gannyen lot kote?  Intelvision.  E sa later Intelvision ki devan e osi en lot bout beachfront ki donn plis ki 1 arpan definitivman mon napa son soz egzakt, me sa nou kapab tyeke, ankor enn fwa Intelvision, se Msye Mukesh Valabhji.

Alor Mr Speaker, kestyon osi ki nou bezwen demande la, ki mannyer en devloper, en biznes, i kapab ganny li 4 morso later?  Li i dir li ki’n divize, be menm si li ki’n divize.  Be ki mannyer en biznes li i kapab ganny li 7,576met kare, ki donn ankor enn fwa preski 2 arpan?  I bezwen annan en keksoz ki pa normal.

Mr Speaker, e tousala se later Gouvernman, se later Gouvernman ki nou pe koz lo la.  Nou pa pe koz bann biznes, mwan mon pa enterese ek bann biznes prive, mon pe koz zis biznes Gouvernman.

Mr Speaker, letan nou regarde, e se sa ki ankor enn fwa i enteresan, parske letan nou al Providence, sa 3 morso later ki nou pe koz lo la, ki’n fek ganny transfer, e parey Onorab Larue in mete, sa bann later pa vreman konplet, tou bann dokimantasyon, pa konnen konbyen in transfer sa lease, konbyen tax alors i devret peye lo la, parske kot Biro Anrezistrasyon ti devret annan sa bann zafer pour konnen konbyen tax ki ou devret pe peye lo la, tousala napa.  E pour Gouvernman li menm, nou’n koze lo la, later i pour Gouvernman, subleasing, eski zis nou fer bann, nou aste en bout later apre sa nou regarde e apre zis nou sublease?  Kot lo later Gouvernman olye ki Gouvernman i alor Lepep Seselwa i kapab fer, ganny larzan, se bann dimoun prive ki gannyen?

Be sa ki enteresan Mr Speaker, se ki premyerman ti annan zis 2 bout later; ti annan zis 2 bout later avan, e V6795 avek V6811.  Me apre sa, en 3enm bout i ganny azoute, V8948.  E la ankor enn fwa nou bezwen poz kestyon lo son kote lazistis.  E ankor enn fwa eski Gouvernman zis pour aksepte sa, oubyen eski Gouvernman pa devret rantre ladan pour war ki poudir bann dimoun, bann Seselwa ki pe rod later pa pe gannyen?  E ki sa tranzaksyon sa msye i deza annan li plizyer gran, gran kare pour nou regarde ki mannyer i kapab fer sa distribisyon dan en fason ki normal.

Mr Speaker mon al en pe pli vit.  Letan nou al lo Vacoas Village, ou vwar, ankor enn fwa mon krwar ki petet i annan tro bokou later ki alor sa madanm parfwa i melanz keksoz.  Mr Speaker, mon enn bann keksoz ki triste se ki letan mon regard listwar nou pei.  Mare Anglaise, nou kapab demann nou, be akoz i apel Mare Anglaise?  E ozordi letan ou pas dan Mare Anglaise ou pa vwar okenn lanmar.  Prezan ou rode be akoz bann zanset ti apel sa Mare Anglaise, kan napa en lanmar?  Be Mr Speaker nou ti annan en lanmar, ti annan en lanmar.  Ti annan en lanmar ki ti donn en demi arpan later.  Be ki’n arive ek sa lanmar?  Mon ava donn zot zistwar sa lanmar.  E sa madanm in bliye ki poudir Vacoas Village, konmsi sa bout later la, kot sa propriyete i ete, pa tou ki’n ganny fer atraver bann tranzaksyon prive.  E menm sa tranzaksyon prive, mwan mon krwar ki poudir sa tranzaksyon prive i bezwen annan en lenvestigasyon ki ganny fer.

Mr Speaker, sa later par deryer, parske Vacoas Village letan i ti en lotel, i pa ti son bout devan li, i ti bout deryer, e sa bout later ti H3187.  Apre sa Madanm Rene avek son lakonpannyen in fer diviz sa later 5404 avek 5403.  Me sa ki enteresan e ki in bliye e mon ava remind li, se ki i annan en bout, sa bout devan sa lanmar H6012 ki donn 2,442met kare, ti ganny transfer lo sa Lakonpannyen ONEARN ONEARN, ONEARN, ki sa letan ti’n fini vin tou, sa bann lakonpannyen ti’n fin ganny aste, ti ganny transfer le 27 Novanm, lannen 2000.  

‘’I Joseph Nourrice,’’ i transfer sa later pour en sonm R250mil e sa premye keksoz ki apre i ti arive. sa lanmar ti ganny konble.

Mr Speaker mwan mon krwar ki poudir dan sa lespri pour nou refer nou landrwa e osi dan sa lespri protez nou lanvironnman, sa bout later i devret re ganny pran!  Sa bout later i devret retourn pour Leta e sa lanmar i devret retourn lanmar, pour nou kapab vreman apel sa landrwa Mare Anglaise.

E nou ava kapab retourn 1609 dan nou listwar, kot bann Angle ti fer sa lekspozisyon e bouze.  Me selman Mr Speaker, ou konnen en lot keksoz ki enteresan e sela kot letan nou pour regarde nou vwar bann manboulouk.

Mr Speaker Gouvernman i transfer sa kare 2,442 en lanmar pour R250mil, fine.  Sa bout later H5404, li ki donn, i donn 32,251met kare, papye transfer i pour en sonm R150mil.  Me sa ki enteresan, se ki i annan en bout later lanmenm la ki baliz avek H6012 avek H5403, ki donn 637met kare, e ou konnen pour konbyen i ti ganny transfer li Mr Speaker, konbyen i ti ganny vann avek en prive?  Pa ti pour Gouvernman, en prive, avek en prive?

I ti ganny vann pour R4.8milyon.  Eski sa pa i montre nou ki poudir i annan en keksoz ki pa pe mars byen la?

Eski sa pa i montre nou ki poudir finalman Leta Sesel pa’n kolekte larzan ki i ti devret kolekte?  E ki pour sa ozordi nou ti ava kapab annan plis larzan dan kof Leta.

Alor Mr Speaker, letan nou pe regard tou sa bann keksoz e mwan personnelman letan mon pe balans sa ki’n arive, mwan mon krwar ki poudir i annan en kantite later ki devret ganny retournen pour Leta.

E letan mon pe koz bann later ki devret ganny retournen pour Leta, mon pour osi dir ki mwan mon’n al fer mon resers, mon’n sey demann kestyon e sa ki kapab montre mon parey sa madanm in dir, ki poudir ti annan sa bann tender pour bann later ki donn plis ki 1 arpan, montre mon dokiman e mon ava vin krwayan.

Me Mr Speaker mon pa’n vwar okenn tender pour later Gouvernman ki donn plis ki 1 arpan later.  Alor lefe ki tou sa bann later ki lo non bann zanfan Msye Rene avek Madanm Sarah pa ankor ganny devlope, mwan mon demande osi ki sa bann later i retourn pour Leta.  E nou a kapab fer lapartaz, nou ava kapab met nouvo tender pour ki plis dimoun, plis Seselwa i ava ganny posibilite pour zot zwir en bout later.

Parske Mr Speaker, ankor enn fwa la mon pour dir, annou regard byen sa bann kare later.  E letan nou pour fer resers nou pour vwar ki poudir i lo non serten dimoun ki pre avek Monsieur Rene ek Madanm Sarah e apre sa later i ganny partaze.

Mr Speaker, in annan en lenzistis.  E en lenzistis i bezwen ganny korize.  Lenzistis pa kapab ganny permet pour li kontinyen rennyen.  E nou, nou pa pe demann, nou pa pe rod okenn witch-hunt; nou pa pe rod okenn keksoz mal, sa ki nou pe dir i annan keksoz ki mal.  Me letan mon pe terminen mon ava osi poz en kestyon.

Sa madanm i dir avek nou li son lavi antye ok, e sa li menm li ki’n dir, son lavi antye in travay.  In travay pandan 25an e zanmen in ganny en sou.  Kestyon ki nou bezwen osi demande, be si pandan tou sa bann lannen ou’n travay be kote ou ganny tou sa larzan madanm?  Kote ou’n ganny tou sa larzan?

E Mr Speaker mon krwar ki nou pour reste ebete sa file ki la ki mon annan.  Sa file i montre nou en kantite keksoz ki nou pou soke.  Mr Speaker dan sa file ki mon annan la, ki letan mon pe demande be kote ou ganny larzan pour fer tou sa bann keksoz?  Mon pa pour nonm tou bann detay me i annan bann Kont la, City Bank Singapore mon pour zis dir City Bank Singapore, kot i annan Kont, i annan Special Account pour fer rantre Dolar, pour fer antre Dollars, pour fer antre Australian Dollars, pour fer rantre Pounds Sterling, pour fer rantre Euros.  Dan sa file mon vwar kot msye i demande, i demann Msye Valabhji pour transfer 500,000 US Dollars dan serten kont.

Alor Mr Speaker, annou pa koz sa mo “witch-hunt”.  Nou bezwen nou koman en pep poz kestyon.  E letan nou ava poz kestyon nou ava vwar ki mannyer sa pep in ganny, mon pa pou servi sa mo ‘”vole”, me ki mannyer byen sa pep i pa’n vin pour benefis sa pep, me in transfer in al dan bann kont spesifik.

Mr Speaker, nou kapab osi demann nou, kestyon ki mannyer dan sa moman kot Seselwa ti a pe fer laliny devan tou bann Labank depi granmaten pour li ganny 400 Dolar pour li nobou vwayaze?  Ki mannyer dan sa menm moman, sa madanm avek son msye ti kapab aste en laferm Australie ki ti apel ALGAGRESU?  Apre AL– Albert, GA-Gaetan Barallon, GRE-Gregoire Payet, SU-Sonny Khan.  Ki mannyer sa in kapab arive?  Se pour sa rezon Mr Speaker mon dir, se pour sa rezon mon dir Mr Speaker, sa ki nou pe fer se pa en witch-hunt.  Mwan mon dir, retourn avek lepep sa ki pour lepep, se sa lazistis sosyal ki nou pe koz lo la….

(APPLAUSE)

 

HON WAVEL RAMKALAWAN

… retourn avek lepep sa ki pour lepep i enkli larzan lepep, i enkli later lepep e les sa pei kapab devlope.  Les nou bann zanfan ozordi kapab ganny sa ki meyer e les nou bann fitir zenerasyon kapab osi ganny sa ki meyer.  Avek sa detrwa parol Mr Speaker, mon anvi ankor enn fwa dir se pa en witch-hunt ki nou pe rode, se lazistis sosyal pour nou pep ek nou zanfan.  Mersi bokou.

 

(APPLAUSE)

 

MR SPEAKER

Mersi Onorab Ramkalawan.  Bon mon ava pas la parol avek Mover Mosyon pour fer son konklizyon. Onorab Flory Larue.

 

HON FLORY LARUE

Bonn apre midi ankor Mr Speaker.  Mersi bokou.  Bonn apre midi tou dimoun dan lakour ki ekoute.  Bonn apre midi tou bann Manm Onorab.  Mr Speaker, tou mon bann koleg ek pep Seselwa, sa Mosyon ki mon’n anmennen apropo later ki Leta in vann ouswa in lwe in anmenn bokou kontrovers.  Dimoun in soke pour tande ki mannyer zis en sel fanmir i kapab akimil en tel kantite later.  Menm bann Onorab lo kote latab, lo kote Parti Lepep pa’n partisipe pour donn zot pwennvi lo sa Mosyon.  Me solman mon enplor zot pour a lafen mon Mosyon, soutenir li ki nou a kapab ganny larepons pour tou Seselwa.

Mr Speaker mon oule fer byen kler ki napa en moman ki mon’n enterese pour fer latak personnel lo Madanm Sarah Rene.  Nou’n tann son Right of Reply pour donn son versyon keksoz e mon krwar i vreman byen si son let an antye i vin aksesib ek piblik.  Ki tou dimoun i lib pour fer zot prop desizyon apropo direksyon ki Mosyon in anmenn nou.  Me zis pour fer rapel piblik ki in servi Télé Sesel e SBC lo progranm Tête à Tête pour delivre bann interview vreman long e in servi zournal pour menm eksplik son lekor.

Mr Speaker sa Right of Reply, Madanm Rene i dir mon fer en witch-hunt.  Mon oule re klarifye e mon remersi Onorab Ramkalawan ki’n siport mwan, pour dir ki tou mon entervansyon i baze lo fe e bann fe ki mon’n trouve kot Biro Anrezistreman Later.

Dan tousala Mr Speaker fodre pa nou bliye ki Mosyon i baze lo en serten kantite later Leta ouswa Gouvernman ki’n ganny distribye pour benefisye Madanm Rene e dan sa menm resers nou’n vwar ki mannyer son fanmir in osi benefisye avek later Leta.

Avek sa loportinite ki Madanm Rene in gannyen pour eksprim son lekor, in servi bann legzanp problenm ki en madanm i kapab rankontre dan lavi tel ki defi finansyel pour soutenir en fanmir si an ka i ti perdi son msye.

Sa i defi tou bann madanm avek zanfan Sesel e nou tou nou pe viv isi dan menm lasosyete.  Sa i fer sa sityasyon pli pir akoz i vreman definir ki privilez ek pozisyon i osi ed ou pour ganny bann byen materyel.  Eski i annan népotisme Sesel?  En pwen ki Onorab Hoareau in touse letan i konpar nou sityasyon isi Sesel avek bann ka dan larezyon.  Sa Polisi ouswa prensip ki nou tou nou devret egal e fodre pa nou abiz nou pozisyon i fer li pli ironik, akoz se sef sa fanmir atraver sef parti politik SPUP/SPPF e Parti Lepep ki sours sa bann prensip pei, letan i ti vwar ki pei ti bezwen ganny pran par en Coup D’état 1977.

In anmenn nou dan en Sistenm Parti Inik e mon ti a ekspekte ki tou sa ki ti gid zot fason viv ti ava ganny vwar dan zot fason fer.  Fodre pa nou bliye ki koman Premye Fanmir, Madanm Rene in servi tou fasilite Leta koman son byen personnel letan ki Msye Rene ti Sef D’État.

Sa i en fe ki i dir li menm, letan i fer referans avek zwisans propriyete L’Union Estate.  Mon’n eksplike ki mannyer i servi zil Rémire koman en landrwa vakans e lot later Leta kot zot in mont en lakaz pour zot, ki in eksplike i telman ‘ptipti’ ki mon ti krwar ou bezwen vir par kote pou antre ladan.  Me en sitwayen konsernen in anvoy mon en portre pour montre plizyer lezot lakaz lo Rémire ki ti ganny servi letan Premye Fanmir ti al vakans.

In ganny mansyonnen ki dimoun pa ti kapab mont lo zil letan zot ti laba.  Mrs Rene i mansyonnen ki mon pa fer lenvestigasyon lo en serten Nasyonalite.  Me i paret letan Mr Rene ti O Pouvwar, zot ti servi menm latitid ki sa group dimoun i annan, personn pa aprose letan zot lo zil.

Enn bann lakaz lo Rémire i annan letaz e i ti ganny servi pour zot lantouraz travayer ek sekirite, sa en lakaz separe.  E ankor en lot lakaz dan vwazinaz obor ti ganny servi par bann zanmi pros ki ti pas zot sezour laba avek zot.

Tousala Mr Speaker lo later Leta, akoz zot pa ti propriyeter zil Rémire.  E i paret, serten dimoun in eksplik mwan, ki i paret ki Militer ti ganny servi pour mont sa bann propriyete lo sa zil.  Alor nou bezwen regard sa serk antye ki ti permet sa bann lenfrastriktir ganny konstrir.  Alor i vre sa letan ti annan en kontrol total ki ti enkilke lafreyer dan dimoun, ki personn pa ti kapab kestyonn sa bann aksyon.  Me nou pour bezwen demann kestyon pour etablir sa e fer sir ki i pa ariv ankor.

Ozordi Madanm Rene in dir ki i napa drwa zwir sa bann propriyete ouswa ni menm mont lo zil Rémire.  Mr Speaker mon ti kontakte Mr Savy, e nou tou nou’n vwar osi lo televizyon, kot Msye Savy in dir i klarifye ki li koman Sef IDC i pa ankor, i pa dakor avek sa deklarasyon ki ti ganny fer.  I dir ki tou dimoun i kapab annan akse avek zil Rémire e Madanm Rene i welcome parey tou Seselwa, me solman i pour bezwen servi fasilite IDC akoz IDC ki zer zil e sa bann propriyete pour ganny demolir.

Laba lo Rémire ti annan menm en tennis court e mon a fer pep Seselwa antye mazinen ki nou napa tennis court dan tou nou bann distrik.  Dan distrik Anse Royale nou annan tennis court, me li i dan labandon, i pa pe ganny mentenir.  Me li pour sa madanm ti ganny mentenir menm Coétivy, Félicité e menm lo L’Union Estate, La Digue e parey Msye Ramkalawan ti dir, ti menm annan en kadnan lo laport.

Mon apresye ki Madanm Rene i envit mwan pour pa aret mon resers, me regard byen pre bann ki’n ganny propriyete depi ’93, e mon remersi li pour sa sipor pour mon kapab kontinyen.  E mon krwar par kont ki sa resers i bezwen al pli avan ki 1993.

Nou bezwen get tou byen Leta e enn ki vin an tet se sirman bann propriyete COSPROH.  COSPROH  i osi enkli dan Vacoas Village, enn bann propriyete ki Madanm Rene ozordi i propriyeter.  Onorab Ramkalawan in eksplik sa propriyete an detay, mon pa pour retourn lo la.

Lo kote COSPROH Mr Speaker, mon mazin lotel Reef Hotel ki ti ganny vann par Indian Ocean Lodge pour 1.5, Indian Ocean Hotels pardon, pour 1.5milyon Dolar.  Ki mannyer sa entité ti ganny sa lotel?            E propriyete lotel Meridien ti ganny vann pour R1 e li son latras i anmenn nou DVI parey propriyete Petite Anse ki ti osi pour COSPROH pour zis en sel zour me apre i ti ganny transfer e li osi i al DVI.  La nou pe vreman koz milyon e de milyon de Roupi Mr Speaker, ki ti bann propriyete ki ti pour Leta.  Lekel ki’n benefisye?  Sa i en lenvestigasyon dan li menm ki nou drwa nou pei.  Sa i bann keksoz, Onorab Gill ki nou bezwen fer pour ini nou pep, pour fer sir ki byen nou Repiblik in ganny distribye dan latransparans e kler.            Sa si Onorab Gill ti la i ti a tande, i nou devwar dan sa Lasanble pour anmenn bann keksoz devan, napa nanryen pour per.  Solman mon krwar ki mon bezwen vreman klersi sa konfizyon ki Madanm Rene in anmennen dan lespri dimoun, alor mon bezwen repas lo bann fe Mr Speaker.

Nou Gouvernman in toultan annan en Polisi ki dir, en dimoun i kapab ganny akse avek later Gouvernman zis en sel fwa.  E si ou deza annan en later prive, ou pa kapab ganny en lot later.  Alor endividyel i ganny loportinite pour ganny en sel later e en lakonpannyen i devret osi ganny zis en morso later Gouvernman.  Sa bann Polisi bokou in ganny eksplike ki mannyer i marse e i annan bokou dimoun ki’n ganny retire dan sistenm ganny later akoz zot ti deza propriyeter later.

Kont Registrar Madanm Rene i annan li en total 10 morso later lo son kart mon repete e son lakonpannyen i annan en total 12 morso later.  Sa i en fe ki’n ganny etablir dan sa dernyen 2 semenn par dokiman kot Registrar, Mr Speaker.

Nou tou si nou ti annan larzan byensir, parey Madanm Rene i dir, nou ti a kontan annan en holiday home.  Me sirtou nou ti a kontan annan later pour fer devlopman, spesyalman si sa bann later i later Gouvernman e sirtou si i beachfront e i kout zis R40mil.

Madanm Rene i eksplik nou ki i aste later lo son non direkteman avek Gouvernman depi lannen 2000.  Sa, sa premye later La Digue.  Me i ti’n deza annan 2 bout later lo son non a se moman Mr Speaker.  E pandan sa lepok Gouvernman ti kler lo sa pwen, si ou’n deza annan later, ou pa sipoze ganny later Gouvernman.

Onorab Ferrari in eksplike ki wi, i ti annan later an ’82 e mwan mon’n vwar ankor ki Madanm Rene ti annan en lot morso later an 1989, ti fer li 2 morso deza avan lannen 2000.  Madanm Rene i dir nou lo Télé Sesel ki in aste zis en bout prensipal avek Gouvernman lo La Digue.  Mon a repas lo bann fe ki Onorab Ramkalawan osi i pas lo la.  LD1112 i mezir 385 met kare, sa i aste an Oktob lannen 2000.  Solman in ti’n deza aste en bout LD1110 depi Zilyet lannen 2000, konmsi li menm en ‘pti bout’ ki mezir zis 87 met kare later, sa wi ti en pti bout, li i vin avan sa enn ki pli gran, i aste avan an Zilyet 2000.

Dat i en pti pe drol me koumsa ki i ete lo dokiman sorti kot Rezistrar ki dir sa enn pli pti ti ganny aste premye.  E apre an 2005 i aste en lot bout, LD1510 ki mezir 89 met kare pour R1.

Alor fer li en total 3 morso La Digue pour R42,901 avek Gouvernman ki mezir 561 met kare.  Mon pa vwar okenn lezot later lo non sa Madanm La Digue mwan Mr Speaker, ki in aste prive parey i eksplike, akoz i eksplik non bann dimoun tou dan son bann interview.

Dan son let ki in ekri ou Mr Speaker dan son Right of Reply, in mansyonn en LD1111, me kart lo son non pa montre ki sa later i pour li.  Be oli sa later Mr Speaker?  Li osi in perdi kot Registrar parey sa bout later ki dan delo ki’n konble?  Sa in aste, si in aste sa later Mr Speaker, i bezwen lo non en lot dimoun ouswa en lot lakonpannyen ki mon pa konnen, me solman mon a rode.

Madanm Rene in konstrir en guesthouse lo sa later ki i annan 3 letaz, ki batiman pli o lo sa lakot La Digue avek en swimming pool ki zis preski lo lans.  En later ki son propriyeter orizinal ti ganny dir sa later i vreman pti pa pour kapab konstrir lo la, me Madanm Rene in kapab.  Eski sa i zistifye Mr Speaker?

Pandan mon resers mon’n sey mon mye pour mon pa mansyonn bann non dimoun ki Madanm Rene in aste later avek e mon’n sey mon mye pour gard, reste lo bann later ki sorti direkteman kot Gouvernman.

Mr Speaker mon garanti ki 2 morso later ti ganny aste Takamaka par Madanm Rene.  In mont lo televizyon in mansyonn non en Madanm ki i ti aste later avek, sa ti an 1997.

Se nek 5an apre, an 2002 ki Madanm Rene i aste en bout later R100mil avek Gouvernman, an black and white mon annan li, later Gouvernman.  Fodre ankor enn fot kot Registrar ki madanm napa later.  I aste sa later avek Gouvernman.

A sa pwen an 2002, Madanm Rene i annan li 6 morso later lo son non.  Sa later ti annan en restriksyon ki ti fer ki ti devret ganny ofer avek Gouvernman, si ti oule vann sa later.  Mon pa vwar dokiman kot i fer sa akoz Madanm Rene i ale i re-vann avan ki sa later i ganny 5an.  I join 2 bout later ansanm e i vann sa 2 bout later Takamaka avek en lakonpannyen apele Saint Sebastien an 2005.  Alor Mr Speaker, in aste later ek Gouvernman Takamaka, dokiman i la, en Lakonpannyen ki son shareholders i baze Dubai e tou son direkter i baze Dubai.

Kote Madanm Kolsch i tonbe ladan?  Mon pa konnen.  An 2012 mon vwar en dokiman ki montre ki Madanm Rene i aste B6926 pour R2,587 ki dan montanny Grand Anse.  Sa dokiman i sorti kot Registrar, sa enn parey dan let ki’n ekrir, i dir nou en fot kot Registrar e sa later i pour en breakwater, sa plot number pour en break water.

Sa later, sa dokiman ki mon annan i date 2012, si i annan en problenm ki’n arive kot Registrar Mr Speaker, i ti bezwen ariv an 2012.  Akoz Madanm Rene in siny li an 2012 ki zis 6an pase, me sa breakwater in ganny fer plis ki 20an pase.  Si i ti ganny lotorizasyon pour fer tou bann keksoz planning ti ganny fer, kantmenm ti annan en fot dan dokiman, dokiman ti a date 20an pase pa 6an pase?

Alor deza i annan en pti problenm.  Lo son let orizinal san sa attachment ki in anvoye, sa plot number ki li i mete i V6926 ki dan leo Mont Buxton kek par e li sa lot later li i 746 met kare.  Alor deza ankor dan son let i tronp plot number later.  Me nou vwar ki tou dimoun kot planning, Mr Alexander Dubel, Ravi Valmont, Gerald Hoareau, Raymond Chang-tave, Mr Charles Bastienne, Minis li menm, i acknowledge le 20 Avril ki tou in ganny rektifye e prezan nou kapab al lo GIS vwar B6926.  Sa ki drol solman Mr Speaker, letan ou al lo GIS, wi ou vwar li prezan sa break water peer, zafer dan delo la, i mezir egzakteman pri ki lo later lo sa papye ki sorti Registrar ki date 6an la, i menm grander ek pri ki papye ti ganny fer.  Savedir later i 2,587 met kare ki menm kantite Roupi ki ti ganny vann.  Konmsi en konfizyon total ek sa zafer breakwater, i demann en lenvestigasyon ki mannyer tousala in arive kot Biro Later?

Mon apresye ki Madanm Rene ti a kontan ki mon ti’n apros li, me mon ti pe fer en resers ofisyel Mr Speaker, e lefe ki mon resers i baze lo en lentere Nasyonal pei, mon vwar li i zis ki mon servi biro Gouvernman fer mon resers.  Mon bann dokiman in ganny stanpe par Rezistrar.  Mon pa ti al kot Biro Later an misouk, misouk mwan, Mr Speaker.

Mon ti al 8.30 bomaten letan i ti ouver.  Mon ti sorti midi letan i fermen.  Mon ti re-antre 1er ler i ti re-ouver e ti mon ti sorti 3er ler i ti fermen.  Mon pa ti pas ni par laport deryer, mon ni ti fer faver pour ganny file.  Mon ti fer prosedir an piblik e non pa an misouk, misouk, Mr Speaker.  Mon osi pran byen parol Mrs Rene letan i envit nou atraver ou, Mr Speaker, ou pa abes standar nou Lasanble, me toultan rod lazistis.

Alor mon oule fer en lapel avek Mr Simon Gill, Onorab Simon Gill pou asiste nou e devwal non sa dimoun ki i ti mansyonnen en pe letan pase isi dan sa Lasanble, ki li i konn en dimoun ki annan 110 morso later!

Sa Onorab Gill, i en ta later, bokou plis ki sa ‘ptipti bout’, pardon Mr Speaker atraver ou, bokou plis ki bann pti pti bout ki Mrs Rene i koz lo la.

Alor, Onorab Gill, atraver ou Mr Speaker, ou pa ankor devwal idantite sa dimoun, ni menm fer lenvestigasyon pour siport ou prononsman e mon krwar ki ou devret fer en case pou anmenn kot Anti-Corruption si ou annan sa levidans.  Akoz mwan, Mr Speaker, dan sa Lasanble mon ti fer en revelasyon, mon ti fer en lapel avek Gouvernman o pouvwar atraver Parti Lepep, atraver bann Manm lot kote, pour dir ki i annan 40 morso later ki zot parti i annan, in akimile dan 40an Mr Speaker.  Pa en bout, 40 bout e pa bann pti pti bout, bann gro gro bout!

E enn sa bann bout i spesifikman ganny trouve ant later Mrs Rene kot i dir sa bann pti pti bout ki son msye i annan, kot zot in fer lakaz lafanmir, avek sa lot bout kot ti pou fer zarden apre nanryen pa pouse, i annan en gran morso ki pour Parti Lepep ki annan enn zot Biro Brans lo la, Biro Brans Anse Polite, en manman lakaz, pa enn ptipti avek en gran swimming pool direkteman obor lanmer.  Me mwan Mr Speaker, letan mon ti fer sa bann revelasyon, mon’n donn sa Parti en loportinite, mon’n donn Msye Prezidan Faure en loportinite pour rann en pe sa bann later.  Apre enn an sote nanryen pa’n ganny fer Mr Speaker.  Mon’n pran mon detrwa pti bout papye, mon’n met ansanm, mon’n anmenn kot Anti-Corruption Commission akoz mon santi ki i vreman mal pour en Parti Politik annan 40 bout later letan nou, en kantite dimoun pe rod later.

Alor mon enplor Onorab Gill pou swivre mon legzanp, ouswa anmenn en Mosyon pou devwal idantite sa dimoun ki annan 110 morso later Sesel, e nou pou sipor li nou.  E apre si i vwar i pa kapab anmenn en Mosyon, mont en dosye Mr Speaker atraver ou, pardon, anmenn something kot Anti-Corruption Commission.  Sa Mr Speaker, i sa ki mwan mon’n vwar e sa ki mon konnen.

Me i kapab annan lezot lakonpannyen e lezot propriyete ki sa madanm i annan later anba akoz letan nou get sa konfizyon La Digue, apre nou get sa konfizyon ki’n arive kot Biro Rezistrar.  Alor i kapab ki i annan lezot propriyete.  Akse avek dokiman kot Rezistrar e mannyel, ki fer ou bezwen annan en bon memwar, perseverans, pasyans, en abilite pour regard bokou dokiman an menm tan e sirtou avek bokou letan pou fer bann lyen.

Depi sa deba in konmanse, mon’n travay bokou lo sa bann zafer later.  Nou’n osi tann nonm bann propriyete aletranze, tel ki Australie.  Laba dapre mon konpran i annan 5 lakonpannyen, enn i en laferm mang.  Si pa’n pouse isi lo ros, Australie i pouse, e osi Malaisie.

Mr Speaker, sa madanm in eksplik nou li menm ki i pa’n zanmen travay, bokou son servis ki in rann son pei ti benevole et gratuit.  Madanm Rene in dir nou in napa gran lentere dan biznes, tou sa lannen, tousala in anmenn zis plis kestyon.  Akoz koman Premye Madanm e Premye Fanmir zot premye responsabilite ti koman bann gardyen tou patrimwann nou pei.

Mr Speaker, Madanm Rene pa korek letan i dir ki ansyen Prezidan ki ti pe divorse ti bezwen trouv en lot propriyete akoz i ti pou homeless.  Alor i ti bezwen aste 3 morso later, 3 pti pti bout later avek Gouvernman Anse Polite an Out ‘91 ki mezir 33mil met kare later.  Sa 3 morso i menm 3 morso ki Opozisyon ti fer referans avek koman ‘Rann sa 10’.

A sa lepok Premye Fanmir ti dir sa bann, sa pa’n zanmen arive. Avek sa bann revelasyon ki mon’n fer dan mon Mosyon, nou vwar deza ki vre sa tranzaksyon ki pase.  E bann dimoun ki responsab in osi konfirm sa.

Mr Speaker, sa fe ki sa madanm i dir ki msye ti bezwen al rod en lot morso later pour li al reste lo la pa korek.  Akoz letan i ti aste sa later, i ti deza annan 2 morso later Mont Fleuri lo son non.  I ti pe lwe enn sa later avek Seywood Construction Limited e lot bout, mon pa konn li sa lakonpannyen, e lot bout avek Seychelles National Commodity Company.  Sa osi mon pa konnen.  Alors Msye Rene ti annan later avan ki i ti aste sa 3 morso avek Gouvernman.  I ti aste sa 3 morso, sa 3 ‘ptipti’ bout ki fer 33mil met kare later.  I ti aste lezot later dan prive, i ti azout ansanm e i ti fer en sel bout later ki kot lakaz Mrs Rene i dir, kot lakaz lafanmir, zot later i mezir plis ki 100mil met kare later Mr Speaker.  Napa zis sa 33mil met kare.  In ganny konverti parti konverti ziska prezan in vin en sel bout ki mezir plis ki 100mil met kare later kot son lakaz lafanmir i ete.

An plis ki sa Mr Speaker, mon ti devwal en lease, en lease avek Gouvernman, direkteman avek Gouvernman, B2311.  Li i ti’n maske, maske, maske, makse dan detrwa lakonpannyen.  Enn ti apel Capricorn, e li Capricorn son propriyeter ti Katiti, e li Katiti son propriyeter ti Msye Rene.  Akoz i ti bezwen 2 lakonpannyen, mon pa tro konpran, me solman i ti annan 2.  Li sa later ti mezir 80mil met kare later, nou mazinen mon ti dir i ti pe pey R2,000 par mwan pour sa later.  Sa ti ariv boner 2004, lannen ki presidency ti sanz lanmen, Msye Rene ti pas baton avek Msye James Michel.  La prezan ki mon’n anmenn sa revelasyon sa morso later ki Mrs Rene i kapab benefisye, zwir, la i anvi retourn sa later Mr Speaker.

In eksplik nou ki sa later i plen ek ros. Mon’n al get li pre menm Mr Speaker lo GIS.  Mon pa vwar gro gro gale; kontrer bout kot pye dibwa i vid, zis bann later vid.  E vreman in annan bann pti semen lo la, ou kapab vwar sa later, Mr Speaker.

Me la ozordi mon kontan, e parey Onorab Ferrari, mon remersye Madan Rene ki i pe fer demars pour rann sa later avek Gouvernman, alor nou apresye.  I annan 80mil met kare later Gouvernman ki pou rann avek Leta.  Alor sa Mosyon deza in fer en parti son travay.

Mr Speaker, mon byen regrete ki mon bezwen koz lo zanfan Madanm Rene, me solman nou vwar laz vreman tann ki sa bann zanfan ti ganny later.  E Onorab Ramkalawan in osi tous lo la, koz lo bann tender plis ki 5,000 met kare later.  Mr Speaker, i pa ptipti ditou, sa bann later, 5,000 met kare.  E i pa normal pou tender Gouvernman sa grander.  Si ti normal ki letan Gouvernman i tender later, sa i son bann grander, napa kestyon pour demande.  Me letan i sa grander, e apre ou vwar sa later i direkteman pour zanfan en ex- Prezidan, ou vwar ki nou bezwen demann kestyon.  E si ti en tender zeneral, ankor nou vwar ki tou sa bann later i lanmenm obor, i bord direkteman avek sa later tender la.  Sa later 80mil la ki Madanm Rene pe rann, i bord direkteman avek sa, ki li i bord direkteman avek Biro Brans Parti Lepep Anse Polite, ki li i bord direkteman avek lot later Msye Rene.

Savedir i vreman drol ki sa bann tender ti pase.  E apre Madanm Rene i fer relevans avek dat sa bann tender.  I dir an ‘98, i nonm bann lezot landrwa, Carana partou, ki i krwar ti annan tender.  Me solman son dernyen zanfan in annan en later an 2011.  E li sa later i 6,710 met kare, beachfront, direkteman obor lanmer.  E sa pa ti ariv an ‘98, i ti ariv an 2011.  So, si sa ti en tender, mon’n mank sa enn.  Ti zis en bout pour li ganny azoute en pe dan bout.  Me solman i lanmenm la obor tou sa bann lezot later lafanmir.

Alor Mr Speaker, mon remersi Onorab Ramkalawan pour sipor mwan pou demande ki nou rann later, bann later ki Madanm Rene i annan ki pa ankor ganny devlope. Me mon pouse osi pou demande ki later sa bann zanfan i ganny regarde ki mannyer zot ti gannyen.  E si i pa ankor devlope, pour nou repran sa bann later e nou kapab re-partaz li dan en fason ekitab.  E petet nou a menm nou a kapab menm ofer zot en bout normal, bann bout tender, nou a met, e zot a kapab osi demann en bout lanmenm la obor later lafanmir e kekfwa zot a win en morso tender Mr Speaker.

Sa Mosyon Mr Speaker i trouv son lorizin dan en ansyen Mosyon apropo en striktir ki trouve lo highway an alan Providence, lo later konble.  Alor i pa ti en witch-hunt Mr Speaker, i ti en, en pe en detournman natirel, in flow.  Later konble i later ki Gouvernman ti deside fer pou anmenn loportinite biznes.  E Onorab Afif in fer en prezantasyon manifik letan in eksplik nou en pe ki mannyer nou ki peye later konble, e bann desizyon ki Gouvernman i pran pou li fer sa arive pour Pep Seselwa.

Si ti annan later konble, Gouvernman ti bezwen vwar ki i annan en demann.  Alor mon pa krwar ki Madanm Rene i korek pour li dir ki ti napa demann.  E si in dir nou ti napa demann, lekel ki ti dir sa madanm sa?  Alor sa osi dan li menm i fer ki nou bezwen investigate letan later konble ti’n fini pare pour donnen, ki mannyer i annan sa gap ouswa sa nide ki en madanm parey Madanm Rene i santi ki ti napa demann pour sa later?  Alor sa mon osi mon krwar nou bezwen regarde.

Premye later ki Madanm Rene ti gannyen lo konblaz atraver en lease avek Gouvernman, i sa bout kot nou pe kos lo Airtel la, ki li i mezir, ti mezir a sa letan 7,576 met kare, ki sorti obor delo sale, ki al ziska kot highway.

Me Mr Speaker, sa i date an ‘96.  Se nek an 2014, 18an apre ki sa later i vin 4 morso later.  Alor i pa toudswit, akoz i dir ou konnen, later i vin 4, me non sa later ti ganny devlope, ti ganny koupe an 4, an 2014.  E sa later i ekivalan a 2 laplenn foutbol, Mr Speaker.  I eksplik nou dan son interview ki sa later ti ganny demarke pour fer high and luxury flats.  Me nou vwar ki, depi byen boner i ti pe lwe sa premye batiman koman biro avek Airtel pour R97mil par mwan, e sa i selman ziska an 2012.

Apre sa mon pa vwar okenn dokiman, akoz ti zis pour 15an ki i ti lwe sa bann flat.  Alor si rent in monte, mon pa konnen, me solman mon ekspekte in monte.  Akoz i dir resaman son accountant in eksplik li ki i pe donn flat pour nanryen.

E menm sa bann nouvo flat devan, zot pa egzakteman luxury flats Mr Speaker.  Eski sa i vedir ki sa later pa’n ganny servi pour sa ki ti’n ganny demarke?  Luxury accommodation?  Alor sa osi la en lot kestyon, i fer ki annan plis relevans pour mont en lenvestigasyon lo sa bann later.

Madanm Rene i ganny ankor later obor lanmer, plot V8072 e V8073 ki tou lede ansanm i mezir 7,621 met kare, ankor 2 laplenn foutbol Mr Speaker.  E sa 2 bout later, parey Onorab Ramkalawan i dir, i vid.  Li i devret ganny rann ek Seselwa, ek Gouvernman imedyatman, akoz Mrs Rene in ganny sa later depi 2002 anba son lakonpannyen.

Ou kapab mazinen ki sa later in reste vid pour 16an depi ler i ganny donnen.  Mrs Rene menm dan son Right of Reply i adrese i dir nou ki sa later klerman pa ti devret ganny donnen avek li, dan enn son bann interview i dir sa, pardon.

E i dir nou ki sa later ti ganny donnen pour en devlopman touristik, me solman the plot thickens.

Dan en interview ki in fer, i dir Gouvernman pa ti devret donn sa later akoz i ti deza annan plizyer morso.  Be la i ankor plis rezon pour regarde ki mannyer sa bann later ti ganny donnen.

E i devret pli vit posib fini fer neseser pou rann sa 2 lease avek Gouvernman ki a fer nou ankor en bout, ki a fer nou 80mil laba Barbarons apre i a fer nou ankor 8,000 met kare la Providence.

 

MR SPEAKER

Onorab mon donn ou 2 minit.

 

HON FLORY LARUE

Mersi Mr Speaker.  E nou retourn lo sa later ki ti deklans sa Mosyon Mr Speaker.

Dan file kot Registrar mon pa vwar 70 shareholders e alors mon pa, mon pa konpran ki Mrs Rene pe koz lo la.  Mwan mon vwar direkteman ki Emerald Holdings.  E Mr Speaker, Madanm Rene koman en sitwayen prive, i dir nou koumsa ki ozordi, i koz lo letan bann Onorab lo Parti Lepep ti walk out, i ti pe diskit avek bann lenvestiser pour promot sa later.

Mon pa konpran Mr Speaker ki mannyer Madanm Rene koman en sitwayen prive pe promot en later.  Swa i travay ek SIB, swa i travay ek Gouvernman lo kote Biro Later.  Me ki son rol dan promosyon sa later?  Mon vreman pa konpran.  E an plis ki sa, i anmar sa 2 later devan avek sa later ki i ti ganny 5an avan sa later Lopital.  I anmar tousala ansanm, i dir fodre vann sa 2 devan pour kapab vann sa enn deryer tou ansanm.  Alor vreman ankor la en lenvestigasyon i bezwen fer direk kot Biro Later avek Minis Later pour demande ki mannyer Madanm Rene i pour le moman met tou son pti finansman akote pou kapab ed promot sa later Mr Speaker.

Mr Speaker, mon pran sa loportinite pour dir ki Komite Finans Lasanble pour bezwen zwe en rol dan tou sa bann revelasyon ki’n ganny anmennen dan Mosyon.  Nou a vwar rekomandasyon ki bann lease Gouvernman fodre ganny rann, fodre ganny regarde avan ki i ganny vann.  Nou pa kapab zis pran en lease apre vann li.  Parey Onorab Afif in dir, i annan spekilasyon dan tousala, e nou pa kapab les en dimoun fer larzan lo later Leta.  I osi annan en later tribi.., en Tribinal Later ki ti ganny formen an Out 2017.  Me li i pa ankor kapab fer son travay akoz Gouvernman pa ankor met bann Lalwa an plas pour donn sa Tribinal ledan pour li kapab travay.

Nou annan The Declaration of Assets Act, ki ti vin an lefe an Zanvye 2017.  Nou pe demande ki en Komisyoner i sipoze ganny apwente.  Me Mr Speaker, ziska prezan personn pa ankor ganny nominen devan nou Lasanble pour nou konfirm li, pou li ganny apwente koman Komisyoner pour nou kapab met sa Act ki deza an fors an zwe.  Akoz avek sa Mosyon nou vwar ki tou assets bann Minis, bann ansyen Prezidan, bann madanm Prezidan, bann zanfan, tou sa bann dimoun i bezwen ganny investigate.

E nou, nou bezwen fer tousala pour nou kapab bouz devan.  I pa fasil me nou bezwen liber nou pei e retourn li koman en pei ki ekitab.  Kot tou byen i ganny partaze avek tou dimoun e non pa avek en ptipti group dimoun.  Pour anmenn sa linite Mr Speaker, nou bezwen fer fas avek nou bann defi e nou bann failures.  Letan nou’n regard sa bann later e nou’n fer retournen, nou pou annan en linite, Onorab Gill, atraver ou Mr Speaker, koumsa ki nou pou trouv linite.  Nou pou napa divizyon letan nou pou fas, nou pou get sa bann problenm an fas e fer sir ki sa bann later i ganny retournen kot Pep Seselwa.  Bann ki pe rod later pour lakaz ouswa pour fer biznes, zot pou kontan Mr Speaker, ki en pa pe ganny pran par sa Gouvernman, par sa pei, par nou tou pour nou kapab bouz devan.

Mr Speaker, nou’n travay for lo sa Mosyon e nou pou kontinyen travay isi lo sa kote latab pou anmenn lazistis pour nou pei Sesel.  Se LDS ki pou fer sa akoz lot kote pa’n koz ditou lo la.  Mersi Mr Speaker.

 

(APPLAUSE)

 

MR SPEAKER

Mersi Onorab Flory Larue.  Bon, in ariv ler pour Lasanble pran en desizyon lo Mosyon ki devan nou.  Mosyon i lir koumsa:

“Sa Lasanble i demande ki Gouvernman i repran tou later ki Madanm Sarah René oubyen son lakonpannyen in gannyen, ki pa ankor devlope e an menm tan ki en lenvestigasyon i ganny fer pour regarde akoz ki sa madanm oubyen son lakonpannyen, in ganny sa kantite morso later Leta.”

Mon ava demann tou Manm i an faver pou lev lanmen.  Okenn ki kont? Madam Clerk.

 

MADAM CLERK

Mersi Mr Speaker.  15 Manm an faver e personn kont.  Mersi.

 

MR SPEAKER

Bon savedir Mosyon in ganny aprouvasyon Lasanble Nasyonal.

 

(APPLAUSE)

 

MR SPEAKER

Bon, mon annan en de pti mo pour mwan dir avan nou pran, avan nou adjourn, avan nou pran Recess.

Mon ti a kontan dir ki malgre ki Lasanble Nasyonal ti konmans an retar, an vi bann levennman ki ti pran plas o komansman lannen.  Dan sa premye trimes, vwala en pti pe bann statistik:-

Nou asiz 17 fwa, savedir nou’n ganny 17 Sittings.  Nou’n deal avek 7 PNQ anmennen par Leader Lopozisyon.  5 kestyon irzan anmennen lo tou lede kote latab, e 3 kestyon normal.  Nou’n pas 2 Bill, e nou’n debat lo 9 Mosyon an kontan sa enn ozordi.

Mon kapab osi dir ki preski tou bann Komite in rankontre pour kontinyen zot travay e bokou bann Manm in kontinyen al bann misyon aletranze pour reprezant Lasanble Nasyonal.  Pandan sa Recess, bann travay Komite pou kontinyen e osi plizyer bann Manm pou kontinyen zot bann misyon aletranze.  E mon anvi zis port latansyon bann Manm bann Komite ki pe zwenn lafen lasemenn e semenn prosenn.  Lenformasyon ki mon annan, ki’n ariv kot mwan.

Mon annan Komite Zafer Etranzer, IAC, Vandredi 9er bomaten ki pe meet avek Mrs Monica Michel, MP.  Sa i annan pour fer avek sa group D’amitié France Seychelles e sa nouvo lasosyasyon lanmitye Seychelles France ki fek etabli.  I annan osi COGA, Komite Lasirans, ki pou al fer en vizit kot Wellness Centre Merkredi le 2 Me, 9.30 bomaten.

Nou annan Komite Standing Orders ki pou rankontre Merkredi le 2 Me, e sa pour ganny fer lazournen an antye.  E Komite Medya pe osi rankontre ek bann Manm Lapres pour en deba pou komemor lazournen Press Freedom.

Mon profite pour remersi tou staff Sekretarya pour sa travay ekselan e sa sipor ki zot in donn nou lofis e tou bann Manm Lasanble.  Mon osi extend remersiman ek bann Departman Gouvernman, Biro Prezidan, bann Minister e tou lezot departman ki’n kolabore ek nou pandan sa premye trimes.  Mon remersi SBC ek tou son staff ki’n travay pour fer sir ki deliberasyon Lasanble e travay bann Komite in kontinyen ganny transmet.

Mersi Mr Deputy Speaker pour tou ou sipor e pour Chair Sitting yer.  E mon ti a kontan osi extend en remersiman spesyal pour tou bann Manm Onorab, pour zot sipor e korperasyon.  E dan sa moman la mon swet zot en bon Recess.

Avek sa nou pou adjourn e nou pou repran nou travay Mardi le 22 Me, 9er bomaten.  Mersi.

 

(AJOURNMENT)