::
Home » Verbatim » 2018 » Verbatim Tuesday 24th April, 2018

Verbatim Tuesday 24th April, 2018

NATIONAL ASSEMBLY OF SEYCHELLES

 

Tuesday 24th April, 2018

The Assembly met at 9am

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bon bonzour tou bann Manm Onorab, Leader Lopozisyon. Leader of Government Business, tou bann Manm Lasanble, tou dimoun dan Gallery.  Mon pa vwar bokou.  Tou dimoun dan lakour, lo televizyon, lo radyo, menm lo rezo sosyal ki pe ekoute,  bonzour.  I en plezir pou mwan ozordi pou la premyer fwa pou être zot Speaker.  En responsabilite ki zot in konfye mwan dan sa Lasanble e pou sa mon dir zot mersi.  Mon promet zot ki mwan mon pou servi avek en sans lazistis, en sans responsabilite e avek  profesyonnalizm.

Parey zot in donn tou larestan Speaker dan le pase enkli Speaker Prea ki pa la avek nou ozordi, mon ekspekte ganny touzour zot bon kolaborasyon e ki nou gard sa bon lantant e ki Lasanble Nasyonal i reste sa Lenstitisyon, sel Lebra dan Gouvernman ki a sak fwa i travay  i pe pas Live lo televizyon lo radyo e sa atraver kalite travay ki nou’n fer i en keksoz ki’n fer nou tou dan sa Lasanble fyer e mon konnen ozordi i pa pou en leksepsyon. Avek sa mon pou al direk lo  nou Order Paper e zis pou – Onorab Ramkalawan.

 

HON WAVEL RAMKALAWAN

Bonzour Mr Speaker e bonzour tou dimoun e mersi bokou pou ou donn mwan  laparol.  Mr Speaker mon ti a voudre premyerman eksprim nou kontantman ki ou lo sa sez e mon  bezwen dir ki pou mwan osi i en loner  pou mon premye dimoun pou apel ou Mr Speaker dan sa Lasanble.

Me an menm tan lefe ki ou’n fer en pti remark konsernan bann Speakers, mon bezwen dir ki an mezir ki Lim Nasyonal ti pe zwe bomaten spesyalman sa premye bout letan i dir,

‘’Sesel ou menm ou nou sel pei kot nou viv dan lape ek larmoni’’ panse ki’n vin dan mon lespri se sa larmoni zisteman i ganny eksprimen dan nou Lasanble kot nou’n annan Speaker ki’n sorti dan Lafwa Katolik, dan Lafwa Anglikan e bomaten en Speaker ki sorti dan Lafwa Musilman.  Alors i montre ki poudir nou annan sa larmoni.  Alors mon set ou bonn sans.

Me Mr Speaker pwen ki mon ti ava kontan fer e zisteman dan labsans Onorab Prea, Speaker Prea ki sorti dan distrik  Belombre sa weekend Sanmdi in annan en noyade kot en zenn homme Mr Ronny Laurette in perdi son lavi letan i ti ape sey sov lavi lezot.  Son akt kouraze mon krwar i enn ki nou konman en Lasanble nou devret, nou devret pran konman en leson e an menm tan osi konman en pep pou nou rekonnet ki poudir sa ti en  zenn homme ki ti ape rod sov lavi lezot e an fezan sa parey mon’n dir in perdi son lavi.

Alors mon ti ava kontan lo lapar Speaker Prea Manm elekte pou distrik Bel Ombre e nou Lasanble Nasyonal e osi lo mon non personnel eksprim nou senser kondoleans avek lafanmir Mr Ronny Laurette, son –  lafanmir Nalletamby osi son girlfriend ek tou bann lezot dimoun dan sa distrik.  Ki son nanm  i repoz dan lape.  Mersi bokou Mr Speaker.

 

MR DEPUTY SPEAKER

Bon mersi Onorab Ramkalawan.  Onorab Hoareau ou ti le dir en keksoz?  Laparol.

 

HON JOHN HOAREAU

Mersi Mr Speaker.  Bonzour Mr Speaker.  Bonzour tou dimoun a lekout.  Bonzour koleg Onorab.  Mr Speaker mon le zwenn Leader Lopozisyon lo non mon distrik e li mon non personnel pou prezant mon felisitasyon avek mon sipor pou bann ners Beau Vallon sirtou ki ti la lo sa lans sa zour pandan sa lensidan e ki’n montre zot skill lo Premye Swen, e osi pou bann dimoun ki ti la pou zot bravoure mersi. E dokter Commettant as well.  Mersi.

 

MR DEPUTY SPEAKER

Ok, mersi Onorab Hoareau.  Nou pou kontinyen  avek Onorab De Commarmond.

 

HON CHARLES DE COMMARMOND

Bonzour Mr Speaker.  Bonzour tou Manm Onorab e tou dimoun ki a lekout.  Mr Speaker an menm tan ki mon felisit ou pou ou premye zour pou pran sa rol e responsabilite e mon konnen ou pou fer sa avek tou ou kapasite e avek fairness.

E mon profite pou osi pas nou senpati e kondoleans ek la fanmir sa garson ki’n noye pou son bravoure e mwan mon ti a sizere ki nou Lasanble dan lespri ki nou pe koze nou ti ava donn omwen en minit silans pou montre sa siny respe epou rekonnet sa rol sa akt dinamik ki sa zenn garson in fer. Mon ti ava demande ki nou alor nou tou nou donn en minit silans si ou donn sa permisyon.  Mersi.

 

MR DEPUTY SPEAKER

Mersi Onorab De Commarmond.  Nou ava obzerv en minit silans.

 

(One minute silence was observed)

 

MR DEPUTY SPEAKER

Bon mersi bokou nou pou kontiny avek travay lo nou Order Paper e petet zis pou benefis bann dimoun ki a lekout ozordi dan nou Order Paper nou pou annan kestyon ki pou ganny poze avek Minis Didier Dogley, Minis pou Lanvironnman Lenerzi ek Sanzman Klima.  Pou annan annefe 3 kestyon ki pou ganny poze avek li direkteman.

Answit i pou annan en Private Notice Question ki ganny parey zot konnen Private Notice Question i ganny poze par Leader Lopozisyon e ankor i pou menm Minis Didier Dogley.

Swivan sa nou pou annan en kestyon dirzans poze pou Minis Charles Bastienne, li Minis Lakaz, Lenfrastriktir ek Transpor lo Later.  E sa probableman pou anmenn nou ziska lafen bomaten.

E ésperons apre midi kan nou repran nou pou annan Second Reading.  Seychelles Enterprise Agency Bill e sa i pou ganny prezante par Minis Wallace Cosgrow ki Minis Lenvestisman Lendistri e Devlopman Lantreprenarya.

Vwala en pti pe ki nou pou annan pou ozordi e zis pou zot lenformasyon lo nou Order Paper ki normalman i pour 2 zour, demen nou pou annan kontinyasyon travay ki nou ti’n konmanse semenn pase setadir pou nou kontiny lo Mosyon ki ti’n ganny prezante par Onorab Flory Larue e sa probableman ler nou’n fini travay ozordi i ava kontinyen demen.

Avek sa nou kontiny lo nou Order Paper.  Nou annan en prezantasyon en papye ki rapor 138tyenm Inter Parliamentary Union Lasanble zeneral mon pou zis fer en pti remark ki mon’n pran sa desizyon ki bann rapor ki ganny prezante parey en  Papers Laid devan Lasanble nou pa pou lir sa papye.  I form parti rapor ki ganny prezante par diferan Misyon ki al a aletranze e sa bann Rapor i ganny akimile e answit Komite Nasyonal pou Zafer Enternasyonal li i ava enkorpor sa dan son  ban rapor ki i prezante evantyelman.  Mon panse sa i ava ed Lasanble Nasyonal pli byen servi son letan ki presye e ki nou kapab kontinyen ek travay ki nou annan lo Order Paper.  Mon pa pou pran okenn prezantasyon papye selman si ou ti annan en remark pou fer.  Onorab William.

 

HON WAVEN WILLIAM

Bonzour Mr Speaker.  Bonzour tou dimoun ki pe ekoute.  Mr Speaker mon annan en matter of privilege.  Mon ti a kontan lev en pwen with regards to bann pwen lo azanda.  Mon anvi met devan ou ki mon ti annan en Urgent Question lo kriminalite dan pei e si mon’n ekout deba dan Lasanble nou’n kloz lo bann size ki annan sibstans ki dan lentere Nasyonal e mon pe demande  lefe ki mon kestyon ti ganny submit le 4 Avril e ki mon ti santi ki poudir ti en keksoz ase enportan, mon pe demande ki bann kriter ki ganny swazir pou met bann size lo Azanda?  Mersi.

 

MR DEPUTY SPEAKER

Mersi Onorab William.  Normalman petet zis pou donn ou en direksyon dan la fason sa i ganny fer, normalman tou bann kestyon ki ganny mete devan Clerk, ki ganny prezante kot Lasanble par diferan Manm i ganny mete devan byensir Sekretarya  e sa ki nou apel nou ABC Committee kot la ansanm avek le de Dirizan Leaders of the House nou deside baze lo byensir priyorite tou le de kote, lekel ki, lekel size, lekel kestyon ki zot trouv li enportan e i devret ganny priyorite. I en pti pe dan sa laliny ki nou travay e lefe ki ou’n fer en remark lo la mon happy pou propoze ki sa i ganny diskite lo nivo ABC avek bann Leaders, pou fer sir ki nou konn egzakteman natir lirzans sa ki ou pe met devan e nou kapab sertennman regarde.  Ok?

Savedir nou move on avek nou Order Paper e mon ti a demann alor Madanm Clerk pou envit Minis pou Lanvironnman, Lenerzi ek Sanzman Klima pou vin reponn kestyon.  Mersi.

E zis pou – konman lenformasyon  pou bann Manm Minis pou ganny akonpannyen ozordi par Mr Philip Morin, CEO PUC, Mr Wills Agricole PS pou Lenerzi Sanzman Klima, Mr Alain De Commarmond PS pou Lanvironnman, Mr Flavien Joubert ki CEO pou LWMA, Mr Rahul Mangroo Deputy CEO LWMA e Mrs Nanette Laure ki li i Direkter Zeneral pour Waste and  Enforcement Division.

Bon byenveni Minis Dogley avek ou delegasyon.  Mon ti a kontan alor envit Onorab Audrey Vidot Manm pou Roche Caiman pou poz son kestyon.

 

HON AUDREY VIDOT

Mersi Mr Speaker.  Bonzour Mr Speaker Minis avek ou delegasyon, tou manm Onorab prezan e tou dimoun ki a lekout.  Mr Speaker mon kestyon pou Minis i lir konm swivan.

Swivan lanons Prezidan Faure dan son diskour lo Leta La Nasyon Mardi le  Mars 2018 dan zefor pou revwar tarif an sekter rezidansyel e sekter komersyal pou adres sa problenm pri litilite ki tre o,  eski Minis i kapab eksplik nou  Lasanble ki mannyer sa legzersis pou marse?  Eski sa legzersis pou ganny aplike zis pou elektrisite e kwa ki pe ganny fer pou revwar pri tarif pou sewage ki osi en gran konsern?  Mersi Mr Speaker.

 

MR DEPUTY SPEAKER

Mersi Onorab Vidot.  Minis ou annan laparol.

 

MINISTER DIDIER DOGLEY

Bonzour e mersi Mr Speaker.  Bonzour Mr Speaker, bonzour tou bann Onorab e tou bann dimoun ki pe ekout nou kot lakour e dan landrwa travay.  Mr Speaker mon ti a voudre demann ou si ou kapab re organiz kestyon mon annan en problenm la bomaten kot Mr Morin in bezwen al en louvertir, en Donors Conference pou li rod larzan pou finans bann sewer ki pou mete dan les Mahe pou kouver depi Pointe Au Sel ziska Brillant, apre in al louvertir me solman le moman ki louvertir i fini i pou vini pou vin isi pou nou kapab pran sa bann kestyon.

Si nou ti kapab pran kestyon Onorab Gill avek Onorab Adelaide premye sa i ava  ed nou pou nou kapab fer sir poudir Mr Morin i la ler sa bann kestyon ki i annan pou fer ek PUC direkteman i ganny pran.  Mersi Mr Speaker.

 

MR DEPUTY SPEAKER

Mersi Minis.  Mon napa okenn lobzeksyon avek sa.  Nou  pe zis servi nou letan byen ; vi ki ou annan larestan ou bann dimoun ki kapab asiste ou pou reponn kestyon mon napa problenm pou nou al lo dezyenm kestyon par Onorab Churchill Gill Manm pou Baie St Anne e mon ti ava donn ou laparol.

 

HON CHURCHILL GILL

Mersi Mr Speaker.  Bonzour Mr Speaker.  Bonzour tou Manm.  Bonzour Minis ek ou delegasyon e tou dimoun a lekout.  Mon kestyon i konm swivan.

Vi ki LWMA ti’n fini pronons son lekor pandan diskisyon Bidze ki Kontra netwayaz semen, lanmar ek lans dan tou distrik tender pou ganny fer an Zanvye 2018.  Eski Minis i kapab enform sa Lasanble kwa ki pe koz sa gran dele dan lansman sa bann tender?  kan eski sa bann dimoun ki pe esper tender i ekspekte vwar tender ganny lanse ?  Mersi.

 

MR DEPUTY SPEAKER

Minis.

 

MINISTER DIDIER DOGLEY

Mersi Mr Speaker.  Mr Speaker i annan de rezon prensipal akoz prosedir in tarde.  Premyerman se akoz Prosedir Rapel ki ti ganny fer ant Novanm ek Desanm 2017 sa in anmenn serten retar.

Si zot rapel byen dernyen fwa mon ti isi dan Lasanble pou reponn kestyon Onorab Paul Ernesta lo sa size, mon ti dir ki le 31 Oktob dokiman tender pou konmans ganny vann me akoz Lalwa Prokirman i demande ki tou prosedir tender i pas dan en faz rapel ki kapab dire ziska 50 zour maximum, nou ti bezwen donn letan bann dimoun ki ti’n deside pou zot fer rapel ki pa ti’n kalifye.

Parmi sa 56 dimoun ki pa ti’n kalifye pou netwayaz semen, lans ek larivyer ek lanmar zis 5 dimoun ki ti ofisyelman fer rapel avek Task Force lo peryod letan 6 semenn.

Parmi sa 1272 dimoun ki’n anrezistre pou tender Netwayaz ek Lanbelisman ek LWMA osi byen ki Departman Sanzman Klima, en total  1216 dimoun i in kalifye e sa i reprezant 95.6poursan. Parey mon fek dir 56 dimoun pa’n kalifye ki reprezant apepre 4.4poursan.  Apre legzersis Rapel nou ti rankontre en lot problenm avek Bidze an Zanvye sa lannen e sa i dezyenm rezon akoz ki nou bezwen ganny sa retar.  Sa se akoz la kantite larzan ki’n bidzete pou netwayaz semen pa ti ase pou la kantite semen ki bezwen ganny netwaye lo Mahe, Praslin e La Digue.  Alors en legzersis  entans in bezwen ganny fer pou revwar e prioriser  lalis  semen, bin site osi byen ki lans pou ki i aziste avek Bidze LWMA.

Pou 2017 en total R56milyon in ganny depanse pou netway 387 kilomet semen.  Me pou 2018, i annan en total 502 kilomet semen ki bann distrik administrater pe demande i  ganny  netwaye e malerezman zis R58.3milyon in ganny aprouve anba Bidze.  En pti kalkilasyon  i montre ki la kantite semen ki bezwen ganny netwaye in ogmante par 29poursan.

Par kont larzan disponib pou fer sa netwayaz in ogmant par selman 4poursan.  Alors LWMA in bezwen pran letan pou aziste son Bidze netwayaz semen avek sa ki’n aprouve par Minister Finans ek Lasanble e sa i pou en pe letan.

Toudmenm mon kontan pou enform  Lasanble ki sa legzersis in fini ganny fer an Mars e nou’n pare pou lans tender.  Lazans ansanm avek task force in fer sorti en seri lanons lo radyo ek Zournal Nasyon depi le 25 Mars pou edik e enform bann ki’n kalifye lo lot staz sa tender, ki pe al demare pandan mwan Avril.  Plis detay lo bann zour ki dokiman tender pou ganny vann e pou konbyen i pou ganny vann pou ganny anonse lo televizyon, radyo ek Zournal NASYON ek TODAY tre byento.  Mersi Mr Speaker.

 

MR DEPUTY SPEAKER

Mersi Minis.  Kestyon siplemanter Onorab Churchill Gill.

 

HON CHURCHILL GILL

Dapre repons Minis i dir nou poudir sa legzersis in fini an Mars e Avril tender pou konmans ale e bann dimoun pe konmans ganny enformen.

Mwan personnelman mon pe swiv sa mon pa’n tande so mon pa konnen si in ganny fer oubyen si petet i pou kontinyen ganny fer akoz Avril, la ozordi nou le 24 i reste nou zis 6 zour pou Avril, eski Minis pe donn nou garanti ki Avril i pou kapab termin sa legzersis oubyen  i pou overlap dan Me, en mannyer bann dimoun ki pe espere ava konpran ki sa legzersis pou kontinyen an Me ?  Mersi.

 

MINISTER DIDIER DOGLEY

Mersi Mr Speaker.  Mr Speaker ler ou pe koz Avril i vedir nou pe demare avek bann travay pou lans sa tender.  Bann lanons in deza ganny pe ganny met lo radyo dan bann zournal.  Lalis bann dimoun ki’n kalifye in fini pe anvoy kot bann DAs dan bann distrik respektif pou zot annan zot bann lenformasyon kot zot, savedir en dimoun ki pa konnen i bezwen al tyek kot son DA osi pou gete si i lo lalis.

E nou konmans mon konpran poudir bann tender document pe ganny print la konmela savedir semenn prosen definitivman bann dokiman pou’n pare e boner mon mazinen, plitar – boner premye semenn Me dimoun i ava kapab konmans aste sa bann dokiman.  E sa pou ale pandan mwan Me.  I pou konmans Avril be omwen i pou ale definitivman pandan mwan Me.

 

MR DEPUTY SPEAKER

Mersi Minis.  Lo mon lalis mon annan Leader of Government Business Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker eski Minis i kapab enform nou Lasanble eski bann Kontrakter ki ti’n partisip dan tender avan lannen pas e ki ti’n gannyen e ki zot ti’n fer serten depans ase eleve, apre keksoz in cancel ki pou arive ek zot sa bann Kontrakter ki’n fer sa bann depans vizavi sa bann nouvo tender la?  E kwa ek sa nouvo tender ki pe al fer ki pou diferan ek sa ki ti annan avan?  Mersi.

 

MR DEPUTY SPEAKER

Minis.

 

MINISTER DIDIER DOGLEY

Mr Speaker, bann tender ki’n ganny fer ti konmanse lannen pase, ti fer lanrezistreman e bann dimoun ki deza dan sa biznes zot la pou plizyer lannen.  Akoz nou pa’n fer tender resaman.  Se tender ki ti’n ganny fer en pe letan pase ki sa bann dimoun …Resaman nou ti’n fer en expression of interest pou bann dimoun ki enterese pou fer sa.

Alor pou bann dimoun ki deza dan sa biznes ki deza pe travay ki mon krwar ou pe koz lo la zot pou ganny loportinite, laplipar zot in fini kalifye pou al dan tender process.

Savedir zot in fini ganny fer pou soz pou zot kontinyen dan sa sistenm.

E nou ekspekte ki poudir zot ava partisipe e avek zot konesans, zot leksperyans ava ede pou zot kapab donn en pli bon bid pou zot kapab kalifye pou sa tender.

 

MR DEPUTY SPEAKER

En lot kestyon siplemanter.

 

HON CHARLES DE COMMARMOND

Non, non pa en lot kestyon Mr Speaker.  Minis pa’n konpran mon kestyon byen petet.  Mwan mon’n demande ti annan sa tender lannen pase ki apre bann dimoun ti gannyen.  I annan plizyer dimoun ki ti gannyen e ler zot in gannyen zot in fer serten depans zot in aste bann lekipman isi laba.

E prezan epi LWMA in cancel tou sa bann tender letan ti annan issue ki ti arive dan  Lasanble ensidswit.  E ki nou’n poz bann kestyon e prezan sa ban tender ti cancel, sa bann dimoun in fini fer depans e zot in fini gannyen tender.

E prezan letan zot in cancel prezan mon pe demande ki arive ek sa bann dimoun ki ti’n gannyen  e ti’n fer bann depans, eski i annan serten konpansasyon ki zot in gannyen, zot in ganny rann zot larzan and what not oubyen zis in les koumsa menm?

Eski sa bann dimoun i kapab pourswiv zot?  Mersi.

 

MR DEPUTY SPEAKER

Minis.

 

MINISTER DIDIER DOGLEY

Mersi Mr Speaker.  Mon konpran aprezan sa ki Onorab pe demande.  Annefe nou pe koz de diferan tender sanmenm sa ki mon pa’n tro konpran li.  Sa tender ki sa kestyon ki Onorab Churchill Gill in demande i annan pou fe avek netwayaz semen, netwayaz lans ek netwayaz larivyer.  Sa ki ou, ou pe koz lo la se koleksyon salte ki pou ranplas star ler star i aret kolekte salte ki de diferan, ki de diferan Kontra.

Now, koleksyon salte se pa Minister ki ti cancel.  Ler ti ganny fer appeal sa ti annan bann dimoun ki pa ti ganny Kontra ki ti al appeal avek Appeals Board.

Prezan Appeals Board li in deside poudir sa tender ki mannyer ti ganny fer i pa’n ganny fer dapre sa ki zot, zot krwar i devret swiv Procurement Act.  E alor Appeals Board in rezete rezilta sa tender e LWMA an se moman pe travay pou li re lans sa tender  ansanm avek – pa Tender Board avek Procurement Unit dan Minister Finans ki dan en fason ki nou kapab re lans sa bann zafer dan en fason ouver e tou dimoun i kapab ganny sans partisipe.

E mon krwar si sa bann dimoun in partisipe e zot konnen apepre ki bann kou e zot in kapab gannyen probabilite pou zot fer byen dan  sa dezyenm tender i ase o.

Me solman nou konman Minister nou napa okenn, nou pa kapab deside egzakteman ki mannyer sa bann zafer i ale, se Appeals Board ki pran desizyon laba kot Minister Finans pa nou.  Pa kot Minister Lanvironnman.

 

MR DEPUTY SPEAKER

Mersi Minis.  Nou pou kontiny avek prosen Manm Onorab, se Onorab Ernesta.

 

HON PAUL ERNESTA

Mersi Mr Speaker.  Mr Speaker bonzour, delegasyon, tou koleg Onorab, tou dimoun a lekout.  Mr Speaker mon’n aprann ki actually bann Kontrakter LWMA i annan bann holdups si ou le lo tou bann peyman impose ki pe ganny arive.  Eski Minis i kapab eksplik nou akoz sa sityasyon please?

 

MR DEPUTY SPEAKER

Minis avan ou reponn sa kestyon mon ti a kontan sizer avek tou Manm annou reste lo bann kestyon ki’n ganny poze isi, parske i annan de kestyon, kwa ki pe koz sa gran dele dan lansman bann tender?”  Premye.

Dezyenm, kan eski bann dimoun pe esper tender i ekspekte vwar tender?  Alor mon ekspekte kestyon i vize ver sa de pwen selman.  Annefe mon bezwen rule ki nou pa kapab aksepte sa kestyon parski i pa direkteman lye avek.  Mon pou demann Onorab Wavel Woodcock pou prezan ou kestyon.  I bezwen lye avek sa de silvouple.

 

HON WAVEL WOODCOCK

Bonzour Mr Speaker.  Bonzour Minis ek ou delegasyon e koleg Onorab e tou dimoun a lekout.  Mr Speaker mon annan zis en pti, pti kestyon.  An atandan ki zot pe esper prosedir tender fini eski zot in allocate enn de semen lanmar ek lans pou netwaye avan ki prosedir tender in fini?  E ki kriter ki zot in servi pou fer sa?  Mersi.

 

MR DEPUTY SPEAKER

Minis.

 

MINISTER DIDIER DOGLEY

Mr Speaker ki mannyer mon konpran dapre CEO napa okenn nouvo alokasyon.  Me si i annan  e landrwa ki sipoze pe netwaye i arive ki travay i arete pou en rezon ou en lot sistenm ki nou’n met an plas se ki sa  LWMA i bezwen rod 3 kotasyon parey Lalwa i demann li e apre la i deside lekel ki i donn pli bon valer pou larzan pou li kapab fer sa louvraz.  E la sa louvraz i ganny donnen pou ranplas sa enn ki’n arete.  Normalman koumsa ki marse Mr Speaker.

 

MR DEPUTY SPEAKER

Mersi Minis.  Prosennman mon annan Onorab Gill.  Poz ou kestyon .  Laparol i pou ou.

Simon Gill pardon.

 

HON SIMON GILL

Bonzour Mr Speaker.  Bonzour Minis ek ou delegasyon.  Bonzour Manm piblik e tou koleg Onorab.  Minis eski ou kapab donn nou en presizyon dat ki nou pou kapab vwar sa tender ganny pibliye ofisyelman?  Mersi.

 

MR DEPUTY SPEAKER

Minis.  Mon bezwen dir Onorab Gill mon apresye lafason ou kestyon i kourt e bref.  Pointu konmsi parey zot dir.  Minis.

 

MINISTER DIDIER DOGLEY

CEO i pa’n donn mwan en dat presi selman in dir mwan i kapab garanti premye semenn Me tender pou sorti pou dimoun aste.

 

MR DEPUTY SPEAKER

Mersi Minis.  Prosen kestyon Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker kestyon mon ti a kontan demande anvi i annan preski 5 mwan retar pou lans sa bann tender pou lannen 2018, eski alor sa i annan okenn reperkisyon lo Bidze ki Lasanble Nasyonal in allocate LWMA pou fer netwayaz semen, lanmar ek lans dan tou distrik?  Eski zot pou kapab travay avek sa Bidze ouswa zot pou menm fer en lekonomi?  Mersi.

 

MR SPEAKER

Minis.

 

MINISTER DIDIER DOGLEY

Ok.  Mersi Mr Speaker.  E parey mon’n dir dan larepons ki mon’n donnen mon ti donn bann figures ki lannen pase ti depans si mon vwar sa papye la mon a donn ou egzakteman.  Lannen pase ti depans 58milyon pou netwayaz semen li tousel.

E sa lannen i annan 58.3milyon ki’n ganny donnen.  Savedir i annan en logmantasyon apepre 4poursan lo kantite larzan ki ti annan  lannen pase so definitivman direkteman zis pou fer avek semen i annan en pti benefis definitivman ki LWMA pou fer.

Me sa i pa vedir LWMA zis pou gard sa larzan akoz i annan plizyer lezot travay ki LWMA ki ti napa larzan pou li fer ki i pou ed li pou li kapab fer lezot travay.

Akoz annan de ler nou ganny demande pou al netway bann semen dan bann distrik ki normalman pa ti’n planifye pou fer.  Alor sa larzan i ava ede pou kapab adres sa bann sityasyon parey dan  bann landrwa kot i pa ti’n planifye pou li netwaye.  Mersi Mr Speaker.

 

MR DEPUTY SPEAKER

Onorab Henrie zis en kestyon siplemanter.

 

HON GERVAIS HENRIE

Wi arising parski Minis in presi dan son larepons vizavi benefis ki pou annan dan netwayaz semen.  In kler semen  be i annan en konponan lanmar avek lans, eski sa osi pou annan en lekonomi ki pou ganny fer?  Mersi bokou.

 

MR DEPUTY SPEAKER

Minis.

 

MINISTER DIDIER DOGLEY

I menm prosedir akoz mon napa bann sif pou lanmar ek lans devan mwan.  Me si i annan en pe larzan an plis i menm kalite sityasyon akoz larzan ki nou annan vreman pou netway semen, lanmar, lans.  I pa zanmen ase.  I menm  kalite sityasyon.

E nou pe ganny en kantite demann sorti kot bann DA pou netway dan bann diferan landrwa dan distrik e definitivman si nou annan okenn larzan ki reste ki nou pa’n, ki nou’n ganny an plis si ou le e nou pa’n kapab depanse, otomatikman nou pou servi pou nou kapab adres bann lezot problenm dan  bann distrik lo Mahe, Praslin e la Digue Mr Speaker.

 

 

MR DEPUTY SPEAKER

Mersi Minis.  Nou pou bouz prezan lo nou kestyon nimero 3 e ki nou dezyenm kestyon pou ozordi e mon ti a kontan envit  Onorab Francois Adelaide Manm elekte pou Baie Lazare pou prezant son kestyon.

 

HON FRANCOIS ADELAIDE

Mersi Mr Speaker.  Bonzour Mr Speaker.  Bonzour Minis avek ou delegasyon,  Mr Speaker les mwan sezi sa loportinite pou felisit ou dan sa nouvo post konman Speaker ki ou pe Chair ozordi.  I fer nou en loner, i fer mwan en loner akoz mon konnen ou distrik i fyer.  Vi ki nou osi Baie Lazare nou’n deza annan en Depite Speaker avan e ler i ti mont lo sa sez nou ti fyer so mon swet ou bonn sans e ki ou a fer en bon travay.

Mr Speaker avek mon kestyon i annan zis en pti typing error ki ler mon pou lir zot pou tande.  Minis, eski Minis i kapab dir sa Lasanble ki son Minister pe fer pou rezourd problenm polisyon delo par en laferm endistriyel dan Dame Le Roi Baie lazare ?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mon larepons pou sa kestyon i kourt.  Mr Speaker mon byen kontan pou enform sa Lasanble ki pou le moman nou napa okenn lenformasyon ki demontre poudir ki i annan polisyon delo i Dame Le Roi Baie Lazare ki pe ganny koze par okenn laferm endistriyel.  Mersi Mr Speaker.

 

MR DEPUTY SPEAKER

Onorab Adelaide.

 

HON FRANCOIS ADELAIDE

Mr Speaker, Minis,  mon annan en laprev devan mwan la avek ou permisyon mon pou montre Minister sa de portre ki la.  I de portre ki bokou letan nou zabitan Baie Lazare nou pe eksprim nou konsern lo sa laspe polisyon e si Minis i dir zanmen in deza ganny en konplent Minis mon pe panse ki swa ou pe koz lalang, swa ou bann dimoun pa pe travay ; akoz sa problenm in egziste de plizyer lannen e ou, ou pa ankor kapab aksepte ki i annan sa problenm.  Mon le en pti … lo la silvouple.

 

MR DEPUTY SPEAKER

Mersi onorab.  Minis.

 

MINISTER DIDIER DOGLEY

Mr Speaker mon krwar byen koze i fer byen konpran.  Mon’n ganny en kestyon ki demann mwan ki Minister pe fer pou rezourd problenm polisyon, delo par bann laferm endistriyel dan Dame Le Roi Baie Lazare.

Alor ler mon ganny sa kestyon ki i pe demann mwan se ki nou pe fer la konmela pou adres polisyon Dame Le Roi Baie Lazare.  Alor nou nou’n ale nou’n al rod tou bann lenformasyon avek bann tes ki’n ganny fer mon osi mon annan mon bann papye ki la ki bann tes ki’n ganny fer lo delo kaptaz delo ki annan Dame Le Roi Baie Le Roi.

E dapre bann eksper e bann leksplikasyon ki nou’n gannyen dan delo dan –kot baraz i ete i montre poudir i anba sa minimum standar ki Lasante i mete pou delo.  Alor napa en gran diferans pou le moman ant kalite delo ki i annan danm Le Roi avek bann lezot larivyer.

Mon pa kapab dir ou i annan ler i napa.  I vre an 2016, an 2016 ti annan polisyon laba Dame Le Roi Baie Lazare e ler ti annan sa bann polisyon Lasante ti monte ti al fer bann tes i ti dir ek PUC i bezwen arete pran sa delo e  PUC ti aret itiliz sa delo e Gouvernman Minister Lagrikiltir ansanm avek Minister Lanvironnman, ansanm avek Minister Lasante nou ti pran bann mezir pou fer sir ki sa polisyon i arete.

Now, nou, nou pe kontinyen avek nou monitoring e bann tes i ganny fer tou le mwan lo larivyer.  Me …nou vwar ki annan okenn aktivite ki pe poz en danze pou polisyon delo definitivman nou pou pran aksyon.  Mersi Mr Speaker.

 

MR DEPUTY SPEAKER

Mersi Minis.  Mon ti a kontan demann Onorab Adelaide si zis i kapab vi ki ou’n prezant en portre avek nou ki nou pou garde.  Si ou kapab donn nou dat ki sa portre ti ganny tire.

 

HON FRANCOIS ADELAIDE

Mr Speaker sa portre ti ganny tire an 2015.

 

MR DEPUTY SPEAKER

An 2015?

 

HON FRANCOISE ADELAIDE

Wi.

 

MR DEPUTY SPEAKER

Mersi.  Prosennman mon annan Onorab Ferrari.  Laparol i pou ou.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan demann Minis lo – dan bann sityasyon kot i annan bann Laferm Endistriyel, semi endistriyel, ki frekans ki Minister Lanvironnman i mete pou kapab fer bann lenspeksyon ?

Eski sa bann frekans i regilye e eski sa bann lenspeksyon i konsern tou bann vwazen ki reste otour en laferm pou gete si zot pa pe ganny afekte?

Konmsi plis lo frekans konmsi ki kantite regular monitoring ki zot fer dan ban sityasyon koumsa?  Sirtou dan  bann – mon pe dir dan bann landrwa laferm parey Val D’En D’Or.  Mersi.

 

MR DEPUTY SPEAKER

Mersi Onorab.  Minis ou annan laparol.

 

MINISTER DIDIER DOGLEY

Mersi Mr Speaker.  Mersi Onorab pou ou kestyon.  Minister Lanvironnman i travay tre pros ek Minister Lagrikiltir, Minister Lasante apre avek PUC  pou kestyon delo kot zot pran delo  pou distribye pou donn dimoun.  Normalman i sipoze annan bann tes ki ganny fer regilyerman savedir en fwa par mwan e petet parfwa tou le de mwan pou vwar poudir napa bann problenm polisyon ki pe arive.

Ler nou pe koz polisyon nou pa zis pe koz bann desarz ki sorti kot bann laferm ki annan zannimo.  Nou pe regard osi bann kemikal ki kapab rezidi kemikal ki kapab a lafen  ganny trouve dan delo li menm akoz sa bann tes ki ganny fer i bann tes ki tre konpreansiv ki nou fer sir poudir nou tyek bann  diferan paramet.

Alor kot in annan bann ka kot in annan polisyon parey Onorab Adelaide in dir an 2015 an 2016 nou’n pran aksyon.  Nou’n pran aksyon nou pa’n reste trankil lo la e resaman ti annan osi pa polisyon ki sorti desarz me ti annan later rouz ki ti sorti kot enn sa laferm laba Dame Le Roi ki ti pe desann dan larivyer, ti pe polye larivyer e nou ti monte avek en team avek Lagrikiltir, Lanvironnman nou ti adres sa bann problenm.

E avan sa mon rapel osi pli boner an 2012 ver lot kote Val D’En D’Or ti annan en problenm desarz koson ki ti pe desann dan main larivyer ki ti pe la bor lanmer Anse Poule Bleue e nou ti pran bann mezir neseser e fer sir poudir sa fermye i adres sa problenm ki sa  problenm polisyon i arete.

E mon tre kontan poudir pou dir laplipar sa bann gran laferm zot in envestir en kantite larzan, pou fer sir poudir zot laferm i mars konman bann laferm model ki vreman bann lezot i kapab kopi.

E nou tou nou konnen ki poudir Lagrikiltir son landrwa Gouvernman in dir poudir Val D’En D’Or dan Sid i bann landrwa kot nou fer Lagrikiltir akoz nou pep i bezwen manze.  Pou manze nou bezwen prodwi …e solman nou bezwen fer li dan en fason ki byen.  E mwan personnelman bann laferm sirtou bann gran ki mwan mon’n vizite personnelman mon’n vwar en gran amelyorasyon dan lafason ki elevaz zannimo i ganny fer e menm prodiksyon lagrikiltir i ganny fer.  E mon krwar nou devret felisit sa bann dimoun pou sa bann travay ki i pe fer me selman i pa  vedir si i annan keksoz ki mal nou pou dir i byen.  Si i mal nou pou  bezwen pran aksyon e fer sir i ganny rektifye.  Mersi Mr Speaker.

 

MR DEPUTY SPEAKER

Mersi Minis. Siplemanter.  Onorab Ferrari zis enn.

 

HON JEAN-FRANCOIS FERRARI

Wi kekfwa Minis ti kapab dir nou.  Ti annan en lepok kot ler sa bann problenm ti arive zot ti anvoy larme ek AK47 La Misere zot in deza fer sa eski  sa lepok in fini?  Eski zot port latansyon partikilye avek bann sours delo sirtou parey en landrwa parey Val D’En D’Or kot delo i en komodite tre rar?  Akoz si mon ti ‘n demann avek Minis  si i kapab dir mwan konmsi ki monitoring konstan ki zot pe fer pou asire ki sa bann sours delo i ganny toultan garde prop e  i ganny – i kapab ganny servi par tou dimoun?  Se sa ki enportan pou bann dimoun baie Lazare se sa monitoring toultan.  Sa i mon kestyon.  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker Minister Lanvironnman napa kontrol lo larme e nou, nou pa kapab donn lord larme pou anvoy dimoun ek AK47 okenn par.  Sa ki nou, nou fer se ki nou fer sir poudir nou fer bann monitoring lo kalite delo. Nou napa en laboratwar i enportan ki nou louvraz ki nou fer nou fer li an drwat kolaborasyon avek Minister Lasante akoz zot anler laboratwar ki tre ekipe e i pa fer sans pou nou duplicate pou annan plizyer laboratwar dan pei.  E la i annan enn ki deza byen ekipe ki kapab fer sa bann tes.

Polisyon delo pou nou i en keksoz ki trakasan akoz nou konnen poudir sirtou dan letan lasesres i napa ase delo fre i sorti dan larivyer pou donn dimoun e sours polisyon i sorti kot  diferan landrwa.  I pa zis laferm, i bann  lakaz, bann septic tank, dimoun ki met bann tiyo ki sorti kot zot lakwizin, lasanmben ki koul partou e al a lafen dan larivyer.

Alor nou pa kapab zis Lagrikiltir ki responsab pou polisyon delo.  Polisyon i vin dan diferan fason par egzanp mon dir dimoun ki zet salte, bann zafer dan larivyer e sa i en keksoz ki tre enkyetan pou nou.

Lavantaz ki nou annan se ki en bon pe bann landrwa kot nou pran delo i par lao bann landrwa kot i annan lakaz.

Par egzanp dan National Parks si ou get kote Port Glaud laplipar bann sours kot PUC i pran delo i dan bann landrwa kot napa lakaz.  Napa okenn elevaz zannimo.  Lo kote Le Niole i menm parey e laplipar lezot landrwa i parey.

Me malerezman i annan serten landrwa kot PUC i pran delo kot par lao i annan serten aktivite imen.  E se la kot nou, nou pe sey fer nou mye pou fer sir poudir okenn devlopman ki arive i pa arive dan sa landrwa imedyat kot larivyer i koule, e si nou vwar okenn aktivite nou pran bann aksyon neseser pou fe sir ki sa bann problenm i ganny rektifye.  Mersi Mr Speaker.

 

MR DEPUTY SPEAKER

Mersi Minis.  Prosennman lo mon lalis mon annan Onorab Simon Gill.

 

HON SIMON GILL

Mersi Mr Speaker.  Mon ti le  demann Minis ki nou konpran nesesite Lagrikiltir dan nou pei, me eski son Minister i a tonm dakor pou fer en letid antretan ki bann sistenm mannyer i ete i reste parey.  Si nou kapab pran en lapros bokou pli entegre kot ou ava annan en landrwa dan sa lokalite kot prodiksyon lagrikiltir pe deroule pou kapab annan en fason pou anmas tou sa bann desarz ki sorti kot tou sa ban laferm, anmenn li dan en landrwa pou trete.

Or petet avek sak laferm, avek bann teknolozi ki egziste ozordi anmenn zot ver sa nivo pou zot kapab annan en sistenm  pou zot bann desarz.  Swa sorti kot poul, kot koson, petet bef tousala pour ki nou minimiz tou bann posibilite e polisyon bann sours delo pa zis Baie Lazare, me dan tou landrwa kot i annan  prodiksyon lagrikiltir or en laferm e ki dan proksimite en sours delo. Mersi bokou.

 

MR DEPUTY SPEAKER

Mersi Onorab Gill.  Minis.

 

MINISTER DIDIER DOGLEY

Mr Speaker mon dakor ek Onorab Simon Gill me ou kapab fer de keksoz.  Enn ou kapab compile sa bann tes ki ganny fer regilyerman tou le mwan e met dan en dokiman ki available.

Dezyenm depandan finansman nou kapab fer en letid konplet lo tou bann larivyer ki annan Sesel e vwar ki mannyer ki nou kapab adres sa bann problenm ouswa nou kapab priyoritiz bann ki pli enportan e fer en letid konplet lo polisyon an zeneral.  E sirtou bann landrwa kot i annan lagrikiltir.  Konsernan pou annan en centralized sewage system kot bann landrwa lagrikiltir i en keksoz ki nou’n regard ladan me parey mon’n deza dir a plizyer repriz en centralized sewage system i en keksoz ki kout en kantite larzan.

E solman ki nou nou’n pli vo mye fer akoz menm ti annan en letid k ti ganny fer pou gete si i kapab kolekte tou bann desarz sorti kot bann laferm ki prodwi koson avek bef e lezot zannimo pou fer sa ki nou apel bio gas avek.  E ti annan  en very detailed study ki’n ganny fer pou gete si i kapab anmas tou sa ban desarz, met zot dan en sel landrwa e prodwi bio gas avek, prodwi lenerzi avek epi sa ki reste fer fimyen avek.

E malerezman kou ki’n arive sa proze a lafen in  bezwen tonbe.  Me ki i annan la konmela se laplipar sa bann gran laferm zot annan  ban sistenm tretman desarz ki adekwa.  Zot in envestir dan bann desarz ki adekwa alor nou pa vwar nesesite pou fors zot envestir plis ler nou vwar ki zot kapab contain sa bann soz. Se bann ki nou vwar ki pa kapab then definitivman nou pou antre pou nou dir zot poudir nou krwar nou bezwen fer ABCD pou zot adres sa problenm pou fer sir napa  polisyon dan bann larivyer. Mersi Mr Speaker.

 

MR DEPUTY SPEAKER

Mon permet en siplemanter.

 

HON SIMON GILL

Mersi Mr Speaker.  Mr Speaker kestyon siplemanter i swivan.  Baze lo sa ki ou’n dir eski alor ou satisfe avek ou bann teknisyen dan ou Minister ki lanaliz bann sours delo ki ganny fer kot Lopital Victoria dan laboratwar ou satisfe avek standar sa bann analiz e ou satisfe  avek konpetans bann dimoun dan sa Minister, eski i annan en dyalog serye ki’n ganny fer lo sa nivo, pou nou satisfer nou lekor ki konpetans lekipman ki pe ganny servi i pe donn nou bann rezilta ki akseptab e ki sa ki nou pe  gannyen i li menm li ki reel e ki napa polisyon dan bann sours delo dan distrik Baie Lazare? Mersi bokou.

 

MR DEPUTY SPEAKER

Mersi Onorab.

 

MINISTER DIDIER DOGLEY

Mr Speaker mon napa rezon pou mwan pa satisfe avek bann rezilta akoz masin ki fer sa bann tes e ler i ganny anmennen i ganny met ladan definitivman i pou donn ou rezilta ki sa masin i pou fer e i pa zis lasante i PUC osi pe ganny menm kalite rezilta.

Alor mon napa okenn rezon pou mwan dout ban rezilta ki sa bann Lorganizasyon pe donn nou.  Mersi Mr Speaker.

 

MR SPEAKER

Mersi Minis.  Onorab Chantal Ghislain.

 

HON CHANTAL GHISLAIN

Mersi Mr Speaker.  Bonzour tou dimoun.  Bonzour Minis osi ek ou delegasyon.  Mr Speaker Onorab Adelaide in montre nou en portre e i dir in tir sa an 2015, eski Mr Speaker, eski Minis pe asir Onorab Adelaide ki si i mont Dame Le Roi la i pa pou vwar ankor enn sa zimaz la ?  Mon dezyenm kestyon Minis eski i pe dir nou osi ki sa bann polisyon osi i pa ti pe ariv direkteman  dan bann – mon konnen tou polisyon i polisyon selman i pa ti pe ariv direkteman dan bann catchment area, kot i desann kot i kapab al polye delo ki dimoun i servi pou bwar.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon pa tro sir mon’n konpran sa dezyenm bout kestyon.  Normalman nou mentenir en serten zistans ant landrwa kot sa catchment i été, kot sa larivyer i ete avek kot laferm i ete akoz i bezwen annan en minimum zistans.  Si i annan okenn problenm sa delo sal pa koul direkteman dan sa catchment kot pou polye delo.

Alor pandan letan 2015 i vre ti annan serten problenm lo en laferm kot delo sal ti pe koule ti pe desann e menm ti annan bef ki ti pe manze dan en landrwa ki tre pre avek larivyer preski tou le zour.

E se sa ki’n koz polisyon sa lepok depi Novanm 2015 si mon rapel byen e in ale ziska boner 2016 epi nou’n bezwen pran aksyon.

Nou pa’n kapab servi sa delo ziska le 20 Zen 2016.  Se le 20 2016 ki lasante ti donn PUC clearance pou li repran sa delo.  Avan sa i ti’n donn  li en peryod letan ki i ti bezwen kit sa delo koumsa menm pa itilize, netwaye ziska ler ki i zwenn sa minimum standar ki lasante i set ki PUC i kapab reservi sa delo.

lor mon pa kapab donn en garanti poudir tou keksoz pa pou arive me selman sa ki nou konnen  la konmela se ki i napa sa problenm.  Ler nou bann zofisye in monte ti napa problenm e resaman zot in pas ankor Val D’En D’Or zot in ale zot in regarde e zot pa’n vwar.  E nou’n ganny parler bann telefonn ki dimoun i dir nou poudir i annan bef dan semen sepa kot i ete vin regarde e mon bann zofisye i monte i ale al regarde.

Alor nou, nou reponn lo tou bann konplent ki nou gannyen e si nou ganny bann fer nou pran aksyon avek.  Mersi Mr Speaker.

 

MR DEPUTY SPEAKER

Mersi Minis.  Prosennman Onorab John Hoareau.

 

HON JOHN HOAREAU

Mersi Mr Speaker.  Mr Speaker mon ti ava kontan si Minis i dir nou si son Minister i annan en progranm ledikasyon, sirtou pou bann pti fermye ou konnen si parey sa bann gro fermye zot annan en sistenm ki zot deal avek polisyon me pou bann pti fermye pou ede ki i minimiz okenn potansyel pou polye delo Dame Le Roi.  Mersi.

 

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker mersi.  Nou’n konmans nou avek en proze ki apel EBA, Ecosystem Based Adaptation project e sirtou i annan en konponan sa proze ki pe ganny fer Val D’En D’Or li menm kot resanman nou’n fer en baraz ki nou kapab store apepre 25mil met kib delo ki kapab donn dimoun Val D’En D’Or e sa in ganny fer ansanm avek en lasosyasyon bann pti fermye Val D’En D’or kot pe partisip dan bann progranm e sa i ed zot pou mye konpran valer delo pou lagrikiltir me osi pou dimoun servi.

Alor nou annan en progranm spesifik ki pe ganny fer la konmela dan Val D’En D’Or li menm e mon byen kontan pou dir i annan partisipasyon bann fermye ki vreman –  ki pe ganny fer tre entansif e zot vreman montre sa lanvi pou partisipe e aprann.

E an plis ki sa atraver Minister Lagrikiltir mwan menm mon mon’n deza diskit avek Minis Lagrikiltir poudir nou bezwen fer plis pou fer bann fermye konpran poudir ki mannyer nou kapab servi delo pli byen e osi minimiz bann polisyon.

E an zeneral menm bann pti fermye ler zot ganny met an kontak avek bann teknolozi si zot kapab afford zot envestir akoz si ou kapab eksplik zot lavantaz ki i anmennen an zeneral nou vwar poudir i annan sa lanvi pou fer pli byen.

Alor wi i annan ban progranm ki deza egziste  e personnelman mon krwar nou bezwen fer plis dan le fitir pou fer sir poudir nou kontinyen prodwir manze pou lepep me an menm tan nou bezwen protez bann sours delo ki nou bezwen pou nou servi.  Mersi Mr Speaker.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker Minis in mansyonnen ki letan ti annan sa staz kot zot ti idantifye polisyon zot ti pran serten aksyon kont sa fermye.  Mon ti ava kontan demann Minis ki bann aksyon ki zot pran ordinerman dan sa bann sityasyon parey?

E dezyenmman letan Minis pe dir ki zot in rezourd sa sityasyon kot catchment area ensidswit, eski Minis petet ou ava kapab vwar sa konman en repetisyon Mr Speaker me selman mon pe zis ensiste lo la ;  eski Minis ozordi pe dir nou ki sa sours ki ti’n ganny polye ozordi i prop, in ganny restore dan son kondisyon kot i ti ete avan ki ti annan polisyon e ki si la ozordi la nou mont anler Baie Lazare Dame Le Roi dan sa pti sours ki mon konn li tre byen nou pa pou vwar okenn desarz sorti dan laferm?  Eski Minis i kapab konfirm sa avek nou?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker konsernan ki aksyon ki nou ti pran.  Premye keksoz ki normalman nou fer se ki nou bezwen fer mannyer sa polisyon i arete.  Sa i premye keksoz.  Alor si i  annan en serten keksoz ki en dimoun pe fer e laplipar letan i annan pou fer avek litilizasyon delo ki ganny servi  an gran kantite ki deverse, e ki desann ki napa en sistenm ki anmans sa delo ouswa sa delo sal, nou fer sir poudir premye keksoz ki ganny fer se ki sa i ganny rektifye.

Alor ki dan en fason ki sa polisyon li menm i arete.  Sa sours polisyon i arete.  Dezyenm keksoz ki nou fer se ki nou fer sir poudir sa dimoun i annan en sistenm tretman son delo sal ki sorti kot  son laferm.  Savedir i pou bezwen annan kek basen ouswa en septic tank en landrwa kot soakaway…kot son bann delo sal i ale ouswa si i posib i kapab fer en gran trou dan later rouz akoz later rouz i kle.  I tenir sa bann delo e ki sa bann, sa bann desarz i al dan sa bann landrwa e ki i pa kit laferm pou al dan bann lezot landrwa pou li al polye.  E nou’n travay ek plizyer fermye pou adres sa bann problenm dan sa fason.

Lezot fason se si zot pe servi serten kemikal ki par egzanp  i kapab koz en serten polisyon, then otomatikman nou pou bezwen travay ek lagrikiltir pou fer sir poudir kekfwa i servi en lot keksoz par egzanp sa ki nou appel bann bio kemikal ki ganny servi konman pestisid ouswa i ganny servi pou konman langre e ki zot shift towards bann ki pli bon pou lanvironnman e ki pa neseserman pou koz en problenm, en danze pou imen ek zannimo an zeneral.

Alor se sa bann aksyon ki normalman nou pran e nou fer sir poudir i annan bann prosedir ki ganny fer.  Lenformasyon ki mon annan Onorab, mwan personnelman mon pa ankor al laba pou mwan al vwar mon menm me lenformasyon ki mon annan la konmela devan mwan, i montre e menm bann rapor tes ki’n ganny fer i montre poudir delo  dan catchment kot PUC i pran i meet bann minimum standar.  Sa ki mwan mon annan.

E se sa ki mwan mon kapab raport back avek Lasanble poudir wi standar ki in mete delo i pe zwenn sa minimum standar.  E ki mon pa’n ganny okenn rapor sorti kot okenn nou bann zofisye e mon’n diskit sa avek bann zofisye PUC, mon diskit, pa mwan me mon bann staff mon’n tann zot pe diskit avek bann staff Lasante ki’n dir nou poudir wi delo i lo  nivo ki i devret ete.

E se sa ki mon kapab raport avek sa Lasanble.  Mersi Mr Speaker.

 

MR DEPUTY SPEAKER

En siplemanter.  Onorab Ramkalawan.

 

HON WAVEL RAMKALAWAN

Mr Speaker mon re zwenn kestyon ki Onorab Ghislain ti demande.  Minis sa ki mwan mon pe demande se pa sa gran sours delo ki al dan catchment area.  Ant sa laferm avek kot catchment area, i annan en sours, i annan en sours ki sorti kot sa laferm.  Se sa ki mon pe demann ou.

Eski ou annan  garanti ki poudir from sa laferm napa okenn desarz ki pe koul dan sa pti sours ki ti annan plizyer dimoun ki ti servi avan e ki ozordi i an danze.  E apre zis an pasan eski zot pa zanmen fine sa bann dimoun ki koz polisyon?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  I annan 3 laferm pou al Dame Le Roi.  Mon le konnen egzakteman lekel ant sa 3 laferm ki ou dir i annan, akoz la nou pe koz bann pti, pti sours.  Avan nou ti pe koz larivyer la nou’n sit lo bann pti sours e mwan personnelman mon napa lenformasyon lo bann pti pti sours.  Mon annan lenformasyon lo bann larivyer.  ..ou kapab vin pli presi sa i ava ed mwan pou nou kapab, i a ed nou konman Minister pou nou al fouye pou vwar kote sa bann pti sours i ete ki nou pe koz lo la akoz ler mon’n ganny kestyon, kestyon ti lo larivyer.  Mersi Mr Speaker.

 

MR DEPUTY SPEAKER

Onorab Ramkalawan zis eksplik en pti pe sa lokasyon ki ou pe koz lo la.

 

HON WAVEL RAMKALAWAN

Mr Speaker i tre senp.  Laferm Mr Guilmer Corgat.  Mersi bokou.

 

MR DEPUTY SPEAKER

Minis.

 

MINISTER DIDIER DOGLEY

Mr Speaker mon krwar laferm ki ganny swiv pli pre se laferm sa msye, me nou konnen  poudir i annan lezot dimoun ki osi prodwir zannimo Val D’en D’Or ki osi pe fer bann aktivite e mon konnen  poudir i annan serten dimoun ki enkyet ki i annan  bann lezot prodiksyon entansif ki pe servi kemikal e non pa neseserman pe prodwir zannimo me pe prodwi bann prodwi lagrikiltir agrikol plant, la baz plant, ki zot  krwar poudir dan le fitir i kapab annan  en serten polisyon avek bann kemikal ki ganny servi.

Alor nou, nou bezwen konman Minister Lanvironnman nou regard tou dimoun parey.  Nou pa regard Guilmer Corgat koumsa, ouswa madanm entel ouswa msye entel avek en lot lizye.  Nou regard tou dimoun.  Si i annan okenn polisyon parey Onorab in dir ki i annan en sours, nou ava le nou ava al regarde kote sa sours i été.

E si i annan bann fe ki la devan nou, nou ava travay ek  sa msye pou fer sir poudir i ganny rektifye.  Konsernan polisyon, konsernan fines wi nou fines bann Lorganizasyon ki nou krwar i fer bann polisyon par ekspre e nou pa konmdi Kreol nou pa met legan pou adres sa bann problenm me selman nou konpran osi poudir ler i annan serten aktivite ki en dimoun pe fer, annan de ler keksoz i al an …i sap li e alor pou nou premye letap se nou travay ek ou nou rektifye sa problenm e apre si nou vwar poudir kantmenm nou travay ek ou, ou pe kontinyen ou pa pe swiv sa ki nou pe dir ou se la ki nou kapab sanz nou lapros.

E la ki nou vin ek en lafors bokou pli ferm.  Me an komansman nou premye bi se ed sa dimoun pou li fer pli mye ki i pe fer la konmela.   Mersi Mr Speaker.

 

MR DEPUTY SPEAKER

Mersi Minis.  Onorab Terence Mondon.  Ou pa oule, ou pa oule demann ou kestyon.  Mon ava al – Onorab Francois Adelaide ou ti’n dir mwan ou annan, vi ki ou ki’n prezant sa kestyon ou ti annan de pti kestyon ankor.

 

HON FRANCOIS ADELAIDE

Mersi bokou Mr Speaker.  Avek ou permisyon Mr Speaker ler Minis in nonmen poudir ki i annan bef ki manz obor sa sours delo mon le met Minis okouran poudir ti annan menm bef ki ti mor dan sa sours delo e pare 5 zour ki bann dimoun ti trouve.

Minis mon kestyon se ki eski parey La Misere, eski nou pe vwar poudir Minister pe konsidere pey konpansasyon sa bann dimoun vi ki ou dir sa larivyer ti ganny polye e sa bann dimoun avan ki Minister ti dekouver poudir sa larivyer in ganny polye zot ti pe servi sa delo, eski zot Minister pe konsider en konpansasyon pou sa ban dimoun ?  Mersi.

 

MR DEPUTY SPEAKER

Minis.

 

MINISTER DIDIER DOGLEY

Mr Speaker Mr Adelaide pe lev en kestyon ki’n pase an 2015 kot nou pa’n ganny okenn konplent direkteman poudir i annan dimoun ki’n ganny supply avek delo ki polye.  Lemoman ki Lasante ti determinen ki sa delo ti polye, aksyon ti ganny pran pou PUC pa servi sa delo pou donn dimoun.

PUC i annan diferan sours ki supply dimoun delo Baie Lazare avek delo.  Ou konnen ou menm i annan lezot baraz ki egziste Baie Lazare li menm epi delo i kapab sorti Anse Boileau kot son stasyon Anse Boileau ki sorti Port Launay e i ponp sa delo sorti Port Launay i anvoy Baie Lazare.

Alor nou pa kapab al dir poudir aprezan 3an pli tar in ler pou nou al regarde lekel ki’n ganny donnen delo ki polye ler i pa ti le ka an 2015.  Mon krwar Onorab i bezwen  responsab dan la fason ki i  adres bann issues.  Si i ti krwar ti annan en problenm depi an 2015 i ti devret lev sa problenm depi an 2015.  Mersi Mr Speaker.

 

MR DEPUTY SPEAKER

Mersi Minis.  Nou prosen kestyon Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon ti a kontan demann Minis anvi ki in annan plizyer kestyon ki’n ganny souleve lo sa size, eski son Minister pe anvizaze fer okenn letid pli konpreansiv pou vwar si i annan son bann sours ki pas lo sirfas ouswa bann sours ki pas  anba sirfas ki  kapab pe ganny afekte avek swa polisyon ouswa okenn lezot aktivite?  E pou vreman determinen si sa landrwa i pa en landrwa ki vin, ki prodwi – sa delo ki sorti dan sa landrwa i pa en delo ki polye e ki bann zabitan pe ganny en delo ki lo standar ki ganny egzize?  Mersi Mr Speaker.

 

MR DEPUTY SPEAKER

Minis.

 

MINISTER DIDIER DOGLEY

Mr Speaker delo definitivman ki sorti dan baraz PUC i ganny teste regilyerman.  Sa nou konnen.  Me si ou dir nou poudir ti a bon nou fer en letid detaye pou al regard sa pti sours sa nou kapab anvoy bann teknisyen sorti kot Lanvironnman, Lasante, e sorti kot Lagrikiltir ek PUC pou ale pou fer sa bann tes neseser.  Sa i en keksoz ki nou kapab fer e mon krwar nou devret fer pou nou kapab vreman konnen ki pe arive dan sa landrwa.  Mersi Mr Speaker.

 

MR DEPUTY SPEAKER

Mersi Minis.  Ou le en siplemanter.  Onorab Pillay mon permet enn.

 

HON SEBASTIEN PILLAY

Wi, Mr Speaker.  Mon pa konnen si ou pou permet sa kestyon me mon krwar i dan scope sa kestyon,  eski pou demann Minis avek bi pou re asir piblik an zeneral e popilasyon eski ou kapab dan en pti, dan en pti fason tre bref dir nou ki ban mezir oubyen  bann fasilite ki zot annan an plas dan ou Minister, dan en fason tre bref si Mr Speaker ou les sa kestyon pase lo bann mezir ki zot annan internally dan Minister avek lezot partner pou asire ki sa bann polisyon oubyen sa bann keksoz koumsa i ganny adrese dan en fason konkret.  Mersi Mr Speaker.

 

MR DEPUTY SPEAKER

Mon permet sa.  Minis.

 

MINISTER DIDIER DOGLEY

Mr Speaker tou bann main baraz ki kolekte delo ki PUC i pran pou al trete pou donn dimoun i ganny monitor regilyerman.  I annan  travayer  PUC li menm ki fer tes.  I annan Lasante ki fer tes.  E Minister Lanvironnman nou osi nou pase nou anvoy bann lenspekter vwar si i annan bann sityasyon ki kapab kree sa bann soz.

Alor an zeneral nou kapab dir poudir wi delo ki PUC pe donn dimoun pou bwar i delo ki ganny sertifye poudir delo  i la kalite ki dimoun i devret pe bwar.  Alor si i annan okenn soz, okenn polisyon definitivman aksyon i ganny pran deswit pou aret pran delo dan sa bann landrwa.

E nou, nou pou kontinyen travay ansanm ek  Lasante, ek PUC ek Minister Lagrikiltir pou fer sir nou annan en sistenm monitoring ki robust e pou fer sir poudir delo ki dimoun i gannyen nou garanti poudir sa delo i prop e i healthy e pa pou al afekte zot lasante.  Mersi Mr Speaker.

 

MR DEPUTY SPEAKER

Mersi Minis.  Nou napa ankor kestyon.  In ariv nou 10. 21 e Minis mon prezimen ou teknisyen Mr Morin pa ankor arive pou pran sa premye kestyon.  Mon ti a propoze dan sa ka ki nou adjourn petet ziska 11er mwen zen kar.  10.45 e nou a retourn la nou a pran kestyon ki nou pa ti ankor pran e nou i a kontinyen avek travay lo nou Order Paper.  Alor nou ava adjourn pou le moman.

 

(BREAK)

 

MR DEPUTY SPEAKER

Bon nou pour kontinyen avek nou Order Paper pour ozordi e Minis nou pour retourn lo premye kestyon parmi sa 3 ki ti annan e sennla se kestyon ki’n deza ganny lir par Onorab Vidot me mon a demann ou vi ki Minis son CEO PUC i fek arive zis relir sa kestyon e Minis a donn larepons.  Mersi.

 

HON AUDREY VIDOT

Mersi Mr Speaker ; san tarde mon a zis relir kestyon, swivan lanons Prezidan Faure dan son diskour lo Leta la Nasyon mardi le 6 mars 2018 dan zefor pour revwar tarif ant sekter rezidansyel ek sekter komersyal pour adres sa problenm pri itilite ki tre o, eski Minis i kapab eksplik nou Lasanble ki mannyer sa legzersis pour marse eski sa legzersis pour ganny aplike zis pour elektrisite e kwa ki pe ganny fer pour revwar pri tarif pour sewage ki i osi en gran konsern ?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker, Gouvernman atraver son bann Policy pour gard kou lavi a en nivo ase ba in fer sir ki bann tarif pour bann konsonmater domestik pour elektrisite, delo e sewer i reste ba.  Sa in ganny fer atraver bann subsidy ki an plas pour sa group kliyan PUC, pour elektrisite son tarif ozordi pour konsonmater domestik pour premye 200 unit i bokou pli ba ki kot PUC pour prodwir sa elektrisite e delivre li avek konsonmater.

Par egzanp pour sa premye 200 unit i kout PUC R1.80 pour prodwir enn sa unit dan Power Station e an plis bann kou adisyonnel pour delivre sa elektrisite kot lakaz i kout anviron R1.3 me konsonmater domestik zot, zot pey zis R1.00 an se moman.  An dot mo ozordi PUC pe perdi li R1.83 lo sak inite elektrisite ki pe vann bann kliyan domestik pour sa premye 200 unit.

Pour prodwir 1 met kib delo i kout PUC R27.34 sou e PUC pe vann sa menm delo R23. 32sou ki vedir PUC pe perdi li R4.2 sou lo sak met kib delo ki i vann avek bann konsonmater domestik.

Dan ka sewer i menm sityasyon kot i kout PUC en kantite larzan pour tret delo sal ki vedir PUC a lafen i pe perdi osi apepre R9.58 lo sewer.

Alor Mr Speaker mon oule fer resorti ki premyerman PUC pa pe fer profi lo elektrisite ki vann avek bann konsonmater domestik ki par anba 200 unit, dezyenmman i pa pe osi fer okenn profi lo delo an zeneral, e trwazyenmman PUC pa pe fer larzan lo sewer zis pour donn en lot legzanp pour 2017 PUC in perdi li R10.5milyon lo delo an zeneral e pour sewer in perdi li R8.8 milyon lo sewer.

Mr Speaker PUC i bezwen enplimant sa progranm re balansman tarif akoz i annan depans konsiderab ki bezwen fer anver bann lenvestisman lenfrastriktir.

Lenvestisman zeneral dan lenfrastriktir i koute avek sa lelan devlopman ki pei in pran i kler ki PUC i bezwen bann gro sonm larzan pour fer sa bann depans.

E pour PUC kapab fer sa apard loan i neseser ki i anmas ase larzan pour fer son lenvestisman.  Par egzanp zis pour kapab achieve sa ki mon’n dir Mr Speaker zis pour sa prosen 10an PUC i bezwen envestir anviron R1.6bilyon dan sekter sewer apepre R510 milyon dan delo e dan sekter elektrisite ankor en sonm R610milyon pour sa prosen 3an.

An plis larzan ki Gouvernman ti pe donn PUC i pa ase pour li fer tou sa bann depans, pour lannen 2018 PUC ti ekspekte en sonm 200 milyon pour bann proze kapital me PUC in ganny selman anviron 130 milyon.

Konsekaman Mr Speaker PUC pour bezwen koup serten proze ki ti pe al fer, Gouvernman i santi ki PUC i kapab fer plis pour anmas reveni atraver  re balansman tarif pour fer ki i a depann plis lo Gouvernman pour li fer son bann Proze Kapital.

Mr Speaker i annan 2 fason ki PUC i aziste son tarif elektrisite premyerman i aziste son tarif tou le 3 mwan baze lo pri fuel ki pe vann enternasyonalman.

Si pri fuel i monte lo marse enternasyonal, alors elektrisite i osi monte e si pri fuel i desann tarif elektrisite osi i desann.  I annan osi en dezyenm fason ki tarif elektrisite i sanze ki nou apel re balansman tarif, Prezidan dan son Diskour lo Leta Lanasyon le 6 mars 2018 in fer referans avek sa progranm ki pour re balans tarif, sa progranm ti ganny inisye an novanm 2013 kot ti ganny prevwar ki tarif pour tou le 3 servis PUC savedir elektrisite, delo e sewer pour ganny revwar gradyelman pour ki tarif ki konsonmater domestik i peye avan kouver kou loperasyon PUC pour sa sekter par unit.

Bann konsonmater domestik pour vwar en logmantasyon dan zot bill elektrisite, delo, e sewage e limit ki nou’n prevwar ki pour monte an 2018 i anviron elektrisite 18 poursan, delo 5 poursan e sewage 13 poursan.

Sa logmantasyon dan tarif pour kontinyen dan lavenir dan la mezir tan ki lekonomi i permet nou ziska minimum tarif i reflekte kou loperasyon ki PUC pour delivre sa servis elektrisite delo ek sewer pour konsonmater domestik.

Lefe ki reveni elektrisite i cross subsidize delo avek sewage i ti neseser ki tarif pour delo e sewage i osi monte pour reflekte son vre kou pour delivre sa servis.

Dan sa progranm re balansman tarif i napa okenn sanzman pour bann konsonmater Endistriyel e komersyal akoz zot, zot pe pey deza plis ki i kout PUC pour prodwir sa servis.  Mersi Mr Speaker.

 

MR DEPUTY SPEAKER

Mersi Minis. Onorab Vidot ou annan kestyon non?

 

HON AUDREY VIDOT

Aktyelman mon siplemanter Minis in fini reponn.  I ok Mr Mersi.

 

MR DEPUTY SPEAKER

Mersi nou a kontinyen avek kestyon. Onorab Regina Esparon.

 

HON REGINA ESPARON

Mersi Mr Speaker bonzour Minis avek ou delegasyon, Mr Speaker mon ti a kontan demann Minis pour eksplik nou in dir poudir letan zot pe prodwir elektrisite PUC pe perdi R1.83 sou lo bann inite akoz konsonmater pe pey zis R1 bann premye inite.

Mr Speaker permet mwan mon annan avek mwan en bill la premye 75 inite mon pe koz elektrisite la R1, dezyenm 125 0.94 sou, trwazyenm letap lo sa tarif 37. 50 mon pa konnen akoz i vin pwen inite mwan ; zot pe sarz R1.26.  62.50 mon pa ganny en konpran sa.  R1.20sou.

Pli ba 37.50 – R3.8sou e pli ba ankor 62.50 – R3.2 sou nou desann menm la 52.50 R3.46sou.  Nou desann menm 87.50 – R3.40sou.  Mon ti a kontan ganny en leksplikasyon Mr Speaker ki mannyer sa tarif i ganny kalkile ki i annan pwen 50 tou par tarif e akoz konmsi ki nou letan nou pe regarde Minis i dir zot pe perdi par R1.83 sou e mon vwar poudir pli ou servi se zot pe gain parske zot pe sarz konsonmater R3.40sou par inite, sa i vin mon premye kestyon.

Dezyenm leksplikasyon mon annan mwan en bill delo la, ok pour premye 10 inite R7.80sou ;

Dezyenm 10 inite R19.40 pli ou servi senk dernyen 10 inite R29.58. Minis mon ti a kontan ki ou eksplik nou ki mannyer sa bann tarif i ganny kalkile ki i annan sa bann pri egzorbitan ki ganny sarze pour konsonmater.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker sa ki mon ti pe sey fer konpran se ki pour premye 200 inite PUC i perdi larzan lo la e dimoun i pey zis R1 me i pe kout PUC R3.03sou si mon rapel byen dapre ki mon’n gannyen la.  Me le moman ki ou sot sa 200inite ou al dan 201 ziska 300inite i kout R1.26 sou par inite ki ou servi i ankor par anba sa R3.29 sou ki kout PUC pour prodwir e transmet sa elektrisite.

Now si ou al ankor ou sote ou al lo sorry i R2.78sou mon annan en koreksyon pa R3.29 i R2 78sou ki kout PUC pour prodwir e transmet sa elektrisite.

Savedir si ou al lo 301 pour al 400inite i kout anviron R3.8sou savedir la aprezan ou pe pey son full valer elektrisite ki ou pe peye.

Savedir fodre ou pe servi par lao 301 a 400inite ki la pour rantre dan sa bracket kot ou pe pey an plis e si ou al pli o definitivman i mont pli o.  Si ou al dan 401 i reste 600 i annan en lot pri, i R3.46 sou.

E si ou al pli o ankor 600 inite i mont ankor pli o akoz sa i senpleman se ki PUC li i annan son bann zenerater ki on ki nou apel bann base load ki prodwir inite elektrisite dan lannwit, tou lazournen ki toultan on, sa i annan en pri ki kout PUC pour prodwir sa elektrisite.

Now si ou pe al servi elektrisite an plis ki fer ki PUC i bezwen met plis zenerater on ki kout li pli ser definitivman PUC i pa kapab gard sa kou ek li i bezwen pas sa kou avek bann ki pe servi elektrisite an plis.

E bann kalkil ki’n ganny servi se ki en fanmir ki pe servi elektrisite byen an normalman dan 300unit i devret ase konfortab, alors si ou pe sot par lao 300 ou pe al dan 400, 600 e par lao definitivman i annan bann kou punitifs ki ganny mete lo pri elektrik.

E menm keksoz i pour delo.  Delo i kout PUC bokou pli ser pour prodwir delo ki i vann pour premye 5 e 10 inite me selman ler ou sot par sa ki montre klerman poudir sa dimoun either i pe fer biznes ouswa i pe gaspiy delo, then otomatikman i annan bann lot rates ki komans apply e sa i pour ede osi pour konserv delo e pour dimoun pa gaspiy delo.  Mersi Mr Speaker.

 

MR DEPUTY SPEAKER

En kestyon siplemanter Onorab Esparon.

 

HON REGINA ESPARON

Wi Mr Speaker zis en kestyon, zis en klarifikasyon mon demann avek Minis akoz konmsi ki i annan sa variation ennler i R1.26sou, ennler i R1.20sou?  Konmsi ennler i mont R3.8sou ennler i desann konmsi akoz ki napa en rate ki en pe flat konmsi, epi son inite li menm 37.50 akoz i pa flat konmsi ou pe vwar ou pe, 62.50 konmsi akoz ki zot napa bann flat rate ou nek i pe fluctuate tanzantan?

 

MR DEPUTY SPEAKER

Mersi Onorab.  Minis, Minis si ou kapab gard ou larepons ase bref akoz nou annan lezot item lo Order Paper nou ti a kontan si nou kapab bouz ase vit ziska midi.  Mersi.

 

MINISTER DIDIER DOGLEY

Mr Speaker parey mon’n dir sa premye 200 unit in ganny mete ekspreseman pour protez bann dimoun domestik e se sa ki fer pli ba e i ganny subsidize.  E i annan bann range ki bann pri i ganny set e sa bann range ti’n ganny kalkile ki dan en fason ki le moman ki en dimoun i sot sa lakantite ki normalman en fanmir i devret pe servi, e i pe kout PUC pli ser pour prodwir elektrisite, PUC i napa lot swa e Gouvernman i dakor poudir PUC i bezwen recover sa larzan ki i pe depanse.  Mon pa – mon napa sa bill ki Onorab Esparon pe koz lo la, mon ti ava ankouraz li pour pran son bill pour anmenn kot PUC e ki zot ava donn li en full leksplikasyon lo son bill akoz i koumsa.  Mersi Mr Speaker.

 

MR DEPUTY SPEAKER

Mersi Minis prosennman Onorab Sandy Arissol.

 

HON SANDY ARISSOL

Mersi Mr Speaker, bonzour Mr Speaker, bonzour Minis avek Mr Morin.  Mr Speaker mon ti a kontan al dan menm laliny avek Onorab Esparon letan nou’n tann koz pri elektrisite avek delo mwan mon ti a kontan demann Minis premyerman eski i normal pour en lakour domestik pey, annan en bill R1,472.86 sou zis pour delo?

Mon ava eksplik mon lekor Mr Speaker avek ou permisyon par egzanp pour konsonmasyon delo premye 10 unit sa dimoun i ariv R78 dezyenm unit i 10 pour son dezyenm konsonmasyon i 10 unit ankor R19.40sou, 194 e son trwazyenm unit i tonm anviron R650.76sou savedir en dimoun domestik son bill delo, son konsonmasyon delo se R922 kot en lakour domestik, kot mazorite dimoun i al travay en zournen e zot retourn dan lakour apre 4er, prezan i annan bann distrik kot i annan sistenm sewage ki konekte direk par egzanp.  St Louis i en legzanp, Bel Ombre i en legzanp kot bann dimoun prezan ki pe pey sewage, zot pey menm kantite sewage avek sa sistenm delo avek konsonmasyon delo par egzanp premye 10 unit pour sewage i tonm anviron R5.61 sou ki tonm anviron R56, dezyenm i tonm anviron R122, trwazyenm konsonmasyon ki i 22 unit 1575 ki tonm R346 savedir pour sewage en lakour domestik en fanmir pe pey R524.

Letan i azout avek R922 en fanmir pe pey li R1,446 zis pour delo e sa i fer ki en fanmir R1,446 zis pour delo mon krwar i en pti pe tro bokou.  Alor mon ti a kontan demann Minis Mr Speaker eski Gouvernman oubyen PUC zot pe mazin lezot alternativ par egzanp ozordi gas i annan en pi fix li, tou dimoun i konnen ki si mon al ek en boutey nef konbyen pour peye, si mon al ek boutey 10 konbyen pour peye, si en boutey 12 konbyen pour peye, eski PUC pa pe mazin lezot alternatif kot bann dimoun i annan en rate fix par egzanp pour delo si en dimoun St Louis i abitye pey son delo R200 kot tou le mwan i pey son delo R200 son sewage R100 i a fer li R300 delo ek sewage e elektrisite R300 en legzanp. Par egzanp mon aprann i annan bann lezot pei pe fer, eski PUC dan lespri kot pri lavi pour desann zot pe mazin lezot alternatif pour tir en kou R1, 476 lo en lakour domestik kot 2 pansyoner i reste?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon pa konn sa ka spesifik ki sa msye pe koz lo la, ki Onorab sorry, Arissol pe koz lo la koreksyon.

Me normalman sa ki normal pour en dimoun en fanmir servi par mwan i apepre 20 met kib delo ki pour ariv apepre R300 par mwan, vedir en fanmir 4 dimoun dan en lakaz i pa pe devret desot 20 met kib, i devret dan sa range si oule.

Ler en fanmir pe servi li 900 met kib delo sa i en kantite delo sa, i sorry i R900 lavaler delo, i en kantite delo i 3 fwa lavaler delo ki en fanmir i devret pe servi either i annan en problenm ek sa meter ouswa i annan en leak parla.

Alor i normal ki si i annan en sityasyon parey ki nou kestyonnen, ki nou rode kote sa problenm i ete enn fwa pour tou si i meter, nou sanz meter nou met enn ki nef ki mezir korekteman, si i leak then nou rode kote sa leak i été, akoz i pa normal ki en dimoun ou dir mwan 2 pansyoner pe pey R900 pri delo sa i pa lozik, i pa fer sans, alor mwan mon ti ava ankouraz Onorab Arrisol pour pran sa bill e anmenn li kot PUC e ki nou a fer en lanket pour gete ki mannyer sa i koumsa.

Konsernan pour etablir en pri fix pour delo sa i pa en keksoz ki nou kapab ankouraze akoz delo i en komodite ki limite.

E i enportan ki i ganny servi dan en fason soutenab ki nou pa gaspiy li akoz menm kantmenm nou annan danm La Gogue ouswa nou annan Danm Rochon par egzanp danm Rochon lakantite delo ki i annan ladan 45, 000 met kib i ganny servi toulezour dan Sesel.

45, 000 met kib delo i ganny servi toulezour savedir ou Danm Rochon dan zis en zour sa kantite delo ladan i kapab fini i kapab ganny servi par popilasyon Mahe ozordi, alor i enportan ki nou fer sir poudir delo i ganny servi dan en fason soutenab e fason pli fasil pour fer li se ki ou fer sir poudir dimoun i pey dapre zot konsonmasyon.

Now si i annan problenm nou rezourd problenm nou fer sir poudir bann dimoun i pey ki zot ti devret pe peye e si zot pe, i annan delo ki pe perdi nou ed zot pour vwar kote delo pe perdi e nou fix sa problenm akoz nou pa kapab annan en sistenm kot delo ki’n ganny, ki’n koute pour trete, stoke apre i ganny gaspiye.  I pa en key sistenm ki nou kapab siporte.  Mersi Mr Speaker.

 

MR DEPUTY SPEAKER

Mersi Minis, zis en klarifikasyon me pa en nouvo kestyon, Onorab Vidot.

 

HON AUDREY VIDOT

Mersi Mr Speaker, avek ou permisyon mon ti oule zis demann en leklersisman Minis lo, ler ou’n koz lo leakage of i annan en problenm leak parla i annan bokou fwa kot kliyan, parey PUC i dir ek zot si in, delo in kas anndan zot meter se zot ki sa piblik ki bezwen fer provizyon pour aranze, si i tonm an deor PUC ki antre me eski i annan en fason kot PUC i kapab donn sipor sa dimoun, an term pour idantifye akoz menm si in regarde in fouye obor meter anndan dan lakaz napa leak, eski i annan en fason ki zot, zot donn sa servis parey Onorab Arissol in dir i annan de ka kot ou annan ou 2 pansyoner i pa konnen lekel li, i bezwen led petet atraver zot zofisye i kapab ede eski zot kapab fer sa servis?  Mersi.

 

MR DEPUTY SPEAKER

Mersi Onorab Vidot, Minis mon pour demann ou pour et tre bref lo la parske strikteman i pa devret ganny menm permet me selman vi ki in ganny demande mon asire ki piblik ti a kontan reponn li briyevman.  Mersi.

 

MINISTER DIDIER DOGLEY

Mr Speaker wi kot i posib PUC i ava donn en koudmen.

 

MR DEPUTY SPEAKER

Mersi prosennman nou annan Onorab Gervais Henrie.

 

HON GERVAIS HENRIE

Mersi Mr Speaker, mon kestyon i arise from larepons Minis, i enteresan ki Minis in mansyonn sa reform dan PUC an term son tarif ki ti anonse an novanm 2013, mon ti asiste sa Press Conference par o predeseser e menm swiv kestyon ki ti ganny demande dan Lasanble Nasyonal par ansyen Leader of Government Business Marie-Antoinette Rose lo sa size e sa letan Gouvernman ti eksplike ki apre en peryod gras 2an tou tarif delo, elektrisite e sewage pour bezwen monte pandan en peryod 10an.

Premye kestyon Minis in donn nou bann tarif ki pour ganny ogmante an 2018, mon premye kestyon i se ki sa logmantasyon ki Gouvernman ti anonse depi an 2013 ziska ki nivo i pour arive ki zot ava satisfe poudir konsonmater i ava kapab abzorb sa kou sa bann logmantasyon gradyel ki ti anonse pandan 10an, sa i premye.

Dezyenmman profeser Payet sa letan ti osi anons en progranm ledikasyon pour ki dimoun dan sa peryod 2an Gras zot konnen ki pe al arive, depi 2013 sa nou pe koze, Sesel in sipoze tande enkli sa Lasanble, 5enm Lasanble poudir sa pe al arive, so ki in ganny fer pour ki ozordi sa kestyon pa ti pour mont ankor dan Lasanble akoz it’s already public knowledge since 5 years ago poudir this is coming.  Mersi bokou.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker e mersi Onorab pour ou kestyon, Gouvernman i ti komanse son re balansman tarif ouswa PUC ti rekomanse ti komanse avek re balansman tarif an 2013 e in fer li osi an 2014 apre in arete ziska prezan akoz Gouvernman osi ki ti pe sey vwar se ki mannyer ki kapab pous lenerzi renouvlab avek energy efficiency pour fer sir poudir sa 2 zouti i ganny servi pour ed dimoun pour redwir lakantite elektrisite ki zot servi, i annan en progranm ki nou’n met an plas pour lenerzi renouvlab e osi pour lenerzi, pour efikasite lenerzi an zeneral, e pour le moman nou ankor pe kontinyen avek sa progranm, lannen pase ti sipoze annan sa re balansman novanm akoz i sipoze pran plas tou le novanm me nou pa’n fer li apre ti anvoye pour regarde si pour fer an mars, le 1 Mars me malerezman avek sa kou fuel ki i annan lo marse enternasyonal Gouvernman ti pran en desizyon pour pa fer li an mars esey e vwar si kou fuel lo marse i re desann ver Septanm pour nou kapab gete si nou kapab fer li le 1 septanm sa lannen.

Alor i pa zis en kestyon, i vre poudir nou met en progranm an plas e nou sey travay dapre sa progranm me ler nou vwar poudir i annan bann lezot fason pou ed dimoun pour zot kapab ed zot lekor Gouvernman i pous bann progranm pour ed zot, e ler nou vwar osi poudir kou fuel par egzanp lo lasenn enternasyonal i sitan o then Gouvernman i revwar osi son pozisyon ki kan ki pour apropriye pour li fer sa azisteman ouswa sa re balansman tarif.

Se sa an prensip ki pe ganny fer e parey mon’n dir dan mon larepons plan Gouvernman se pour fer plis ou mwen sa ki apel cost recovery ki PUC i kapab rekouver son cost lo prodiksyon elektrisite ki pa vwar li basically pe pey kouran pour dimoun ki pe servi, i pa neseserman ki PUC pour fer profi, me ki i neseserman ki dimoun i pey kouran ki zot servi e sa pour ganny aziste o frir a la mezir ki Lekonomi osi i grandi.  Mersi Mr Speaker.

 

MR DEPUTY SPEAKER

Mon ti a kontan bouze akoz mon krwar en eksplik sifizaman lo sa pwen, o mwen ou annan en pwen tre bref Onorab Henrie.

 

HON GERVAIS HENRIE

Mr Speaker kontrerman avek ou mon pa satisfe avek larepons Minis, mon dezyenm kestyon akoz mon krwar in beat around the bush konmsi letan dezyenm, premye i pa’n reponn ditou akoz mon’n demande Gouvernman in anons gradual logmantasyon dan bann tarif pour 2018 in donn nou bann logmantasyon 18poursan, 13poursan mon’n demande eski a ki nivo sa bann logmantasyon pour arive ki zot santi konsonmater a kapab abzorbe?

Sa i premye i pa’n reponn ditou, dezyenmman kwa ki’n ganny fer par egzanp en legzanp ki Gouvernman in fer zot in komans en loan scheme atraver Komisyon lenerzi ki dimoun i kapab pran loan pour aste bann energy efficient equipment sa i enn e i tre byen.

Dezyenm i ti kapab dir nou zot pe ankouraz dimoun met pano soler par egzanp pour ou sof ou delo avek soley olye servi elektrisite ouswa servi gas bann keksoz konkret ouswa lo en bill elektrisite ti kapab met bann detay poudir i annan sa bann sanzman ki pe vini.

E depi 2013 in anonse sa, dimoun i bezwen pran zot responsabilite poudir wi nou konnen lenformasyon in donnen nou ekspekte nou met nou pare.  Mersi.

 

MR DEPUTY SPEAKER

Mersi Onorab.  Minis i pe vreman in limit li lo 2 pwen enn se ki limit tarif pour monte e lot ki bann Scheme ki ou annan pour kapab ede redwir tarif?  Minis.

 

MINISTER DIDIER DOGLEY

Mr Speaker mon krwar mon’n reponn sa bann kestyon me selman i pa kekfwa dan detay ki Onorab ti oule akoz si nou pe koz limit, ler mon koz cost recovery mon pa kapab donn en figure akoz mon pa konnen konbyen elektrisite pour ete ankor dan 5an ouswa dan 2an alor ler mon pe dir cost recovery i vedir kou ki PUC i prodwir sa elektrisite sa ki konsonm sa elektrisite i pour bezwen pey sa kou loperasyon ki kout PUC pour prodwir sa elektrisite mon krwar sa i ase kler poudir sa i sa nivo i kou ki i prodwir elektrisite, ok mon pa’n donn en sif me selman mon’n donn son prensip ki mannyer i fonksyonnen.

Lot keksoz konsernan bann mezir ki Gouvernman pe met an plas mon byen kontan ki Onorab Henrie in al dan bann detay i vre mon pa’n al dan sa bann detay me selman mon’n nonmen poudir enn Gouvernman i pe pous lenerzi renouvlab atraver son bann diferan sistenm ouswa bann mekaniz finansyel ki’n met an plas par egzanp i annan sa rebate 25poursan ki an plas ki nenport dimoun ki enterese envestir dan renewables i kapab pran sa, i kapab envestir e Gouvernman si in depans li R100,000 i pour rann li R25,000 ki dan en fason ki kapab envestir dan sa bann kalite solar panels pour li met lo son lakaz pour redwir son kou ki i peye pour li konsonm elektrisite e sa i pa zis pour lakaz me osi pour biznes e lo lot kote nou annan en progranm ase for ki nou’n met an plas e nou annan en proze osi ki nou pe fer kot nou pe travay pour fer en dimoun konpran ki mannyer pour redwir elektrisite kot lakaz parey ti annan sa switch to LED ki nou’n promote pour antre dan tou distrik kot nou’n donn glob dimoun pour fer zot konpran poudir be sa bann glob ki zot ti pe servi avan i gaspiy en kantite lenerzi.

Alors servi LED ki donn ou menm kantite lalimyer me selman si fo i servi 60watt ouswa 40watt i servi 5 ouswa 10watt.  Alors nou’n fer en tout en progranm e nou pour kontinyen e menm nou pe al pas Lalwa pour fer sir poudir bann lekipman elektrik ki pa energy efficient, ouswa i pa efikas, nou pour anpes zot antre dan pei ki dan en fason nou protez bann konsonmater dan Sesel.

Alor i annan en travay ki pe ganny fer i vre mon pa’n al dan bann detay, me i annan tou sa bann travay e sa alor Gouvernman ler i vwar poudir i annan sa pe fer i dir be ok be pous sa bann progranm avan e an menm tan nou fer re balansman o fil a la mezir ki nou pe ale.  Mersi Mr Speaker.

 

MR DEPUTY SPEAKER

Mersi Minis, prosennman mon annan Onorab Stephen Pillay.

 

HON STEPHEN PILLAY

Mersi Mr Speaker.  Bonzour tou dimoun. Minis kestyon mon pe demande se ki lo sa bann unit ki PUC pe subsidize premye par 10 – 100 unit, ki poursantaz sa i ete konpare avek bann unit ki pli o, ki pe sipoze kouver li sa bann depans inite ki ou pe, ki ou’n dir lo la, epi ki poursantaz kou loperasyon direk par prodwir elektrisite – par egzanp zenerater, ki son poursantaz ki lezot kou ki fer bann PUC i rankontre parey si PUC pe anploy foreign labor ki pe kout li en kantite ki PUC pe fer pour redwir son kou apard ki director kou loperasyon en zenerater ki pe prodwir elektrisite bann lezot kou labor parey mon pe dir, si i annan en fasilite ki zot kapab fer en pe savings i pour transmet avek en konsonmater en unit ase rezonnab?  Mersi Mr Speaker.

 

MR DEPUTY SPEAKER

Minis.

 

MINISTER DIDIER DOGLEY

Mersi Mr Speaker.  Konsernan poursantaz konbyen sa bann domestik konpare avek endistriyel avek komersyal, mon panse ki ou pe demande ouswa ou pe koz lo bann diferan staz tarif, gro pye tarif, annefe tou dimoun ki i annan en lakaz ki i annan en koneksyon domestik sa premye 200 unit i PUC i perdi larzan lo la.  I akoz zot pe pey zis R1 olye R2.80 ekek sou.  Alor otomatikman PUC lo tou lakaz i perdi sa premye 200 unit.  E menm ler mon regard byen sa premye 300 unit li osi i ankor par anba sa R2 – son cost ki i kout PUC pour li prodwir sa elektrisite.  Sa, se sa ki mon krwar ou ti pe rode.

Dezyenm keksoz konsernan si PUC i kapab fer savings, tou Lakonpannyen mon krwar i kapab fer savings, e nou kapab rode kote ki nou kapab koupe e redwir, pour redwir gaspiyaz e fer sistenm vin pli efikas.  Sa i en travay ki definitivman management PUC i pour bezwen kontinyen fer pour vwar kote ki i kapab koupe.

Me selman ler ou regard elektrisite the bulk of son kou i se fuel.  I sorti dan fuel li menm zour fuel i desann parey an 2015 fuel ti’n desann mon krwar lo world market ti’n a riv 30Dolar par barik elektrisite Sesel ti tre bon marse.  Akoz tou sa bann benefis ti pas avek bann konsonmater, me la i apepre 70Dolar par barik ki fer ki pri i monte.

E dapre bann kalkilasyon ki CEO in donn mwan 65poursan kou loperasyon PUC pour elektrisite, i al dan fuel li menm.  E sa i en keksoz ki PUC i napa kontrol lo la.  Mersi Mr Speaker.

 

MR DEPUTY SPEAKER

Mersi Minis e avek sa nou’n ariv a lafen, pardon Onorab Simon Gill ti’n demann permisyon, mon a permet ou demann ou kestyon Onorab Gill.

 

HON SIMON GILL

Mersi Mr Speaker.  Mr Speaker Gouvernman napa kontrol lo pri ki i pey fuel lo marse enternasyonal, akoz pa nou ki prodwir.  Sa i kler, tou Seselwa i konpran sa.  Me sa ki nou konnen se ki Sesel i en pei tropikal.  Nou annan nou en kantite zour soley e nou kapab servi soley pour ki sak fanmir finalman son bill elektrisite tou le mwan i redwir.  Sa nou konnen sa.

Now lo sa prémiz Minister ki pe konstrir lakaz i annan en progranm 24 unit lakaz ki i pe fer dan tou distrik partou, eske ansanm avek ou Minister Minis nou pa kapab asire e garanti sa pep ki nou met bann pano soler lo tou sa bann nouvo proze lakaz dan tou sa bann distrik?  Eski i annan en garanti ki ler nou fer sa i ava sifizaman annan lenerzi pour sak sa bann unit konsonmen. E pour ki an retour probableman bann fitir fanmir ki i antre dan sa bann lakaz pa pey ditou elektrisite zot ava pey zis bill delo e prezan nou travay a aryer pour nou antre lo tou bann Housing Estate?  Annou pran Perseverance annou fer li koman en Polisi PUC organiz zot, striktir zot pour ki nou met pano soler lo tou sa bann santenn lakaz dan Perseverance, pour ki anfen kont dan sa prosen 2an or 3an tou fanmir Perseverance in annan pano soler lo son lakaz e zot pe kapab trouv en rediksyon sibstansyel lo zot bill elektrisite.

E byensir nou kontiny sa avek lo bann lezot unit partou dan bann distrik.  Mon krwar si nou fer sa i pour en keksoz fantastik Minis ou pa’n akonplir enn bann misyon ki ou toultan ou’n koz lo la me pour le moman mon pa ankor convince ki bokou keksoz in ganny fer lo la.  Annou komans avek Perseverance Minis annou pran sa defi nou tir the next 2 years nou fini avek Perseverance e nou bouz devan nou ale.  Mersi bokou.

 

MR DEPUTY SPEAKER

Mersi msye Onorab Gill.  Minis petet sa ki nou devret pran note dan sa parti en Statement en bout en kestyon se ki pe demande ki mannyer ki lenerzi renouvlab i kapab ganny servi dan rediksyon tarif pour konsonmater?

Alor si ou kapab relye sa 2 e donn nou en larepons ase bref ki zot pe fer dan sa direksyon.  Mersi.

 

MINISTER DIDIER DOGLEY

Mr Speaker Gouvernman i annan 2 fason ki i e tackle sa problenm.  Enn se Gouvernman li menm i ape envestir dan bann pano soler, i annan ki’n ganny mete lo bann lakaz, lo bann dimoun ki lo progranm sosyal laba kot Social Protection Agency i annan plizyer lakaz ki nou’n fini met pano soler lo la.

Anba sa proze democratization project. Lot kote Gouvernman i ape met pano soler lo Romainville at least en bout pour met 6 megawatt an tou ki pour prodwir lenerzi.  Detrwa semenn pase nou’n tender out Expression of Interest pour bann dimoun ki enterese envestir dan lagon Brilliant pour met ankor en 5 megawatt lo Mahe pour donn dimoun elektrisite.

E si tou sa bann sistenm i vin an plas nou pour annan deza en saving ase konsiderab lo pri fuel ki PUC i bezwen porte e servi pour prodwir elektrisite e an menm tan lot progranm ki Gouvernman i annan se ki i bann Rooftop Proze e avek Rooftop Gouvernman i pe ankouraz bann dimoun pour envestir pour met lo zot lakaz e fer sa saving.  

Akoz sa ki nou nou’n vwar, sa ki nou nou’n vwar, se ki dan 4an ek ouswa 5an en dimoun ki’n envestir dan pano soler apre sa in fini pey son pano e swa elektrisite i pour nanryen pour sa dimoun enjoy ziska apepre 10an ou 15an, an plis ankor.

Gouvernman i bezwen fer plis.  Mon dakor avek Onorab Simon Gill pour li envestir plis pour ed dimoun pour kapab servi zot bann twatir par egzanp Perseverance ek lezot landrwa, pour nou fer sir poudir i annan nou servi sa bann twatir ki i annan.

Annefe nou an diskisyon avek Minis Bastienne avek sa bann diferan batiman lakaz ki i pe fer, dan en fason ki i design sa bann twatir ki zot kapab pran pano soler akoz dan lepase i annan en kantite sa bann lakaz ki’n ganny fer sa twatir i sitan apik ki lakantite soler ki ou kapab gannyen avek, lenerzi soler ou kapab gannyen avek, i ba.

E la aprezan nou pe travay ek zot pour fer sir poudir tou bann batiman ki Gouvernman i fer i ganny design at least pour kapab prodwir pour kapab met pano soler lo la e an menm tan nou pe travay ek Planning ki dan en fason Planning i ava annan bann guidelines ki i ava donn bann dimoun ki design lakaz, ki design building, ki zot osi zot pour bezwen aplik menm kalite lapant ki dan en fason ki lezot dimoun ki pe build zot lakaz zot osi, zot a kapab apre met pano soler lo la.

Definitivman nou bezwen ranforsi e nou bezwen rod plis finansman pour nou met plis pano soler across the board be it business ouswa bann lakaz isi Sesel.  Mersi Mr Speaker.

 

MR DEPUTY SPEAKER

Mersi Minis.  Prosennman Onorab Ramkalawan.

 

HON WAVEL RAMKALAWAN

Mr Speaker mersi bokou.  Mon anvi zis avan mon demann mon kestyon zis pour mwan rafresir mon memwar, si Minis ti ava dir nou konbyen i koute pour prodwir delo please ? Prodiksyon delo sa i ava ed nou, i 27 (sorry)

 

MR DEPUTY SPEAKER

Minis zis met ou mic ou a redonn li sa sif.

 

MINISTER DIDIER DOGLEY

I R27.34sou pour tret 1 met kib delo e delivre, trete e delivre kot ou.  1 met kib.

 

MR DEPUTY SPEAKER

Mersi.

 

HON WAVEL RAMKALAWAN

So Mr Speaker Minis pe dir avek nou R27.30 pour en unit pour zot PUC letan zot prodwir li, ok yeah – ok?  Mr Speaker sa ki mwan anvi demann Minis akoz ki zot PUC zot konnen ki poudir letan en dimoun in servi 30 unit delo par egzanp.  Sa 30 unit delo i pa al tou dan sewage zot konnen zot ki poudir set en poursantaz sa kantite delo ki al dan sewage parske sa dimoun i aroze, i lav son loto, i fer bann lezot keksoz, sa napa nanryen pour fer avek zot Sistenm Sewage.

Akoz alor ki letan PUC i sarz en dimoun pour sewage kot nou konnekte, i sarz sa dimoun baze lo lakantite unit delo ki’n pas atraver son meter kan i konn byen ki se pa sa kantite unit ki rantre dan son sistenm sewage, eski zot pa vwar ki sa i totally unfair?  Parske pour sewage aprezan premye 10 unit R5.61 – dezyenm 10 unit R12.25 – trwazyenm 10 unit R15.75 e ki PUC i devret sanz sa sistenm pour ki i vin en pri reel.  Mersi bokou.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Sa ki kler ozordi Mr Speaker se ki pri ki kout PUC pour tret 1 met kib delo sal i ariv R24.42sou, now si PUC ti pour aplik sa pri avek bann dimoun dapre ki mannyer i ete laplipar dimoun ti pour vwar zot pe pey delo sewer bokou pli o ki i ete la konmela menm si zot pe pey li menm kantite dapre ki delo, i ankor pe ganny subsidize zot pa pe vreman pey sa vre kou ki kout PUC pour prodwir ouswa pour tret sa delo sal.

E si PUC i bezwen revwar si nou antre dan menm largiman poudir ok PUC i devret sarz sa ki i itilize i rod en meter i mezire ki kantite delo ki pas atraver son sistenm, annou dir rod en sistenm pour li mezir sa me a lafen PUC ki pour bezwen fer, i pour bezwen osi sarz sa delo dapre son kou ki i ete e sa i posib poudir i pour pli o ki i ete la konmela e alor parey mon’n eksplike pour le moman PUC pe perdi li preski R9 milyon lo sewer, PUC pa fer larzan lo sewer son depans i bokou pli o ki larzan ki i pe save, larzan ki i pe ranmase koman son reveni lo sewer e lo delo.

 

MR DEPUTY SPEAKER

Mersi Minis.  E avek sa nou’n arive a lafen bann kestyon, bann entervansyon lo sa kestyon par Onorab Vidot.  Nou pour bouz lo prosen kestyon ki en Private Notice Question e mon pour envit Onorab Leader Lopozisyon, Onorab Ramkalawan pour prezant son kestyon avek Minis Didier Dogley.

 

HON WAVEL RAMKALAWAN

Mersi bokou Mr Speaker. Mr Speaker swivan sa gran problenm avek kab elektrisite ant Praslin ek La Digue pandan wikenn kot ki’n in annan restriksyon vreman serye lo elektrisite La Digue e ki ankor pe kontinyen, eski Minis i kapab dir Lasanble premyerman ki vreman sa problenm e si zot pa ti’n kapab prevwar sa danze posib ?

Dezyenmman eski PUC pe fer provizyon pour rantre dan pert ki bann biznes e osi bann endividi in fer?

Trwazyenmman kan eski sa problenm i sipoze rezourd e kwa ki pe ganny fer aktyelman?

Katriyenmman, akoz ki PUC pa’n zanmen enstal sa 3enm kab ki ti dan zot plan depi plis ki 6an pase, e finalman ki staz plan pour fer La Digue vin en zil avek lenerzi soler in arive ?  Ki staz in arive?  Mersi bokou Mr Speaker.

 

MR DEPUTY SPEAKER

Mersi Onorab Ramkalawan, Minis ou annan laparol.

 

MINISTER DIDIER DOGLEY

Mersi Mr Speaker, parey servis Nasyonal meteo ti anonse vandredi pase nou’n vwar pandan sa wikenn ki’n in annan movetan ki’n kree bann gro laroul e rad mare ki’n afekte plizyer landrwa dan bann Zil Pros savedir Mahe, Praslin, La Digue me osi bann lezot pti zil obor Mahe.

Malerezman in osi andomaz enn parmi sa 2 kab 11 kilo volt ki donn kouran lo La Digue, kouran lo La Digue ti ganny enteronpe anviron 10er diswar Vandredi imedyatman apre PUC ti pas tou bann konsonmater lo sa lot kab 11 kilo volt ki i ankor pe marse.

Mr Speaker sa kab ki i ankor pe marse i en pti pe pli pti ki sa enn ki’n ganny andomaze e i annan en limit lakantite kouran ki kapab transfer pour anvoy lo La Digue.

Lefe ki ti aswar ler sa ti arive, demann lo La Digue pa ti tro o alor tou dimoun ti ganny met lo sa dezyenm kab e zot ti ganny kouran, me ler lizour ti pe fer demann pour elektrisite lo La Digue ti ogmante.

Alor PUC ti vwar li oblize redwir en pe demann lo kab pour anpes li osi andomaze par overload, alors se sa rezon ki PUC an se moman pe regle demann lo La Digue par en schedule load shedding ki in sirkile pour tou dimoun vin okouran ki pe arive.

Mr Speaker sa kalite rad mare ek movetan ki nou’n vwar pandan sa bann dernyen zour i pa bann ka normal, i bann kalamite lanatir ki ti pour difisil pour okenn Lorganizasyon kapab prevwar, i vre ki PUC i annan plan pour met en trwazyenm kab me ziska aprezan i pa’n kapab finans li.

E menm si PUC ti’n met en trwazyenm kab lo fon lanmer parey sa enn ki’n ganny andomaze ti pour napa okenn garanti ki li osi pa ti pou’n ganny afekte.

Sel fason pour en kab elektrik reziste en sityasyon parey se si nou ti’n met bann kab tre spesyal avek bann ranforsisman ekstra e anter li anba disab dan fon lanmer.

Le moman ki PUC in ganny sa problenm sanmdi menm in anvoy bann plonzer pour etablir ki’n arive ek sa kab pour li kapab fer reparasyon neseser, me koman lanmer ti ankor move pandan lazournen sanmdi ek dimans bann plonzer pa’n kapab ariv kot sa problenm i ete lo kab, zot ti enform PUC ki sityasyon i tro danzere e ki zot ti kapab perdi zot lavi si zot ti forse al dan sa landrwa, se lendi ki erezman kondisyon lanmer in amelyore e bann plonzer ti ariv kot sa problenm ti ete lo kab.

E pandan sa letan PUC in fer lezot travay par egzanp in fer monte kab sorti Mahe depi Dimans e in rod bann bato ek pontoon pour kapab fasilit sa louvraz apre zot in komans fer bann preparasyon pour repar kab.

Ankor Mr Speaker mon ti a voudre fer resorti, ki PUC in vwar li pe fer fas avek lafors lanatir e en sityasyon tre difisil kot i bezwen demann son bann anplwaye pour travay lizour ek aswar pour donn bann zabitan La Digue kouran.

Sa problenm pa’n ganny koze par PUC in totalman an deor kontrol PUC, i direkteman annan pour fer avek en lenpak en movetan ki’n koz en sityasyon dezas, mon konpran ki in annan bokou dimoun ki’n apros PUC pour met a dispozisyon zot servis pour donn en koudmen, pour ede rezourd sa problenm.

E pour sa lo non Gouvernman mon ti a voudre remersi zot e pour bann ki’n montre pasyans kantmenm zot in vwar ki sa problenm in koz zot serten lenkonvenyans zot osi nou dir zot mersi,

Onorab ou’n demann mwan en kestyon si PUC pe fer provizyon pour rantre dan pert ki bann biznes in fer, PUC pa kapab pran responsabilite pour en sityasyon ki i pa’n kree.

Sa dezas koze par movetan i kre eklerman an deor kontrol PUC si en biznes i oule ganny kouran a tou moman san okenn enteripsyon i bezwen fer le neseser pour li annan en back up zenerater e met bann lekipman pour protez son bann lekipman.

PUC pe fer tou sa ki i kapab in mobiliz tou son resours, e tou resours ki’n kapab gannyen dan pei pour li adres sa problenm me i annan serten fakter ki an deor son kontrol.

Par egzanp kondisyon lanmer ek kapasite sa bann plonzer pour desann dan sa landrwa pour kapab koup sa kab.  Alor pli boner ki nou prevwar sityasyon retourn normal lo La Digue se demen merkredi apre midi depandan lo kondisyon lanmer, wi Gouvernman i annan progranm pour met lenerzi renouvlab pa zis lo La Digue me lo Mahe, Praslin osi.

Nou pe ankouraz tou bann ki kapab pour pran lavantaz sa bann fasilite finansyel ki Gouvernman in donnen pour envestir dan en sistenm parey, an se moman nou’n met pano soler lo bann lekol La Digue, la nou pe al met lo bazar e plitar nou pour al met osi lo bann building Gouvernman laba, mon krwar ki lenerzi renouvlab ti kapab ede minimiz sa problenm, me i pa ti pour kapab fer li, li tousel solisyon bann problenm dezas se ki nou bezwen desantraliz prodiksyon elektrisite.

Nou bezwen met bann lenfrastriktir ki pli meyer e solid ki nou annan ozordi, PUC ek Gouvernman i bezwen fer son bout me fodre nou osi bann sitwayen kot nou lakaz ek biznes nou fer zefor pour nou vin pli rezilyan kot bann kalamite lanatir parey nou’n vwar in arive sa wikenn, i egziste.  Mersi Mr Speaker.

 

MR DEPUTY SPEAKER

Mersi Minis.  Mon annan Onorab Noline Sophola.  Hold on Onorab Sophola, Onorab Ramkalawan ti annan en klarifikasyon?

 

HON WAVEL RAMKALAWAN

Yeah, Mr Speaker Minis in mansyonnen ki i ankouraz biznes pour met bann zenerater back up, eski Minis i kapab dir avek nou ki mannyer sa i kontredir avek Polisi ki Gouvernman li menm li ti donnen, kan i ti dir ki tir otan zenerater akoz zenerater i annan en lenpak lo Zwazo Vev, ki la mon pe tann 2 diferan keksoz.

E dezyenmman eski Minis pe konfirmen ki poudir PUC pa pour rantre dan okenn pert ki dimoun in eksperyanse, eski Minis pa krwar ki zot devret kantmenm regard bann Digwa pour regarde menm en poursantaz pour zot rantre ladan pour peye.  Mersi bokou.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker konsernan retir bann zenerater, Mr Speaker ler nou pe koz bann backup generator nou pa pe koz zenerater ki on an plen tan.  Nou pe koz en zenerater ki la lo standby an ka si i annan en problenm kot kouran i koupe then i at least i kapab ed sa dimoun pour li kontinyen avek son biznes ziska ler the main supply i retourn back to normal e dan bann ka parey nou ekspekte la ok sa in pran en bon pe letan, in pran detrwa zour me dan laplipar di-tan par egzanp si lanmer ti kalm ti napa sa sityasyon kot i konplike kot bann plonzer pe ganny difikilte pour ariv kot kab eksetera petet dan 48 erdtan petet dan 48 erdtan ouswa 72 sa problenm ti pou’n fini rezourd.

Alor dan 2 zour problenm ti a’n kapab rezourd, me ler i annan en bann sitasyon ki tre konplike e avek en kondisyon lanmer ki fer li bokou pli konplike ankor pour kapab travay then definitivman i bon ki bann dimoun i annan en backup generator, mon pa pe koz tou dimoun, mon pe koz bann biznes ki pli gran akoz sa kab ki PUC i annan la konmela i annan ase kapasite pour li anmenn sa base load pour donn dimoun elektrisite me solman ler i annan bann gran biznes ki lo la ki pe servi kouran lo sistenm i fer ki sa kab li i pa kapab supply tou sa bann excess demann ki pe antre dan sistenm e sanmenm sa ki fer ki PUC i bezwen shed load parey nou dir an Angle.

Konsernan PUC antre dan bann domaz ki bann dimoun i annan mon krwar poudir sa i en keksoz ki Gouvernman i kapab etidye me pa non neseserman PUC koman en Lorganizasyon.  Mersi Mr Speaker.

 

MR DEPUTY SPEAKER

En pti klarifikasyon.  Onorab Ramkalawan.

 

HON WAVEL RAMKALAWAN

Mr Speaker mon anvi demann Minis in koz lo backup ankor enn fwa lo sa zafer backup generator, Minis be akoz ki PUC li menm i napa en backup generator kot laponp delo ki fer ki letan napa elektrisite napa delo?  E se sa ki dimoun La Digue pe eksperyanse, zot in ganny problenm delo parske letan zot fer zot load shedding i annan moman kot laponp li menm li pa pe marse, alors si PUC pe ankouraz dimoun biznes pour annan backup generator akoz ki PUC pa enstal en backup generator kot son laponp delo pour asire ki letan napa elektrisite omwen zot ava kapab bennyen.  Mersi bokou.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker laponp i pa en sel landrwa.  Pour PUC kapab met zenerater i pour bezwen met zenerater kot sak sa bann sistenm laponp kot i ete e kot desalinasyon osi eksetera.

E PUC pour le moman i pe fer sir poudir kot son bann sistenm delo i ete, kot tretman i ete avek desalinasyon i annan kouran akoz sa i bezwen fer sir poudir dimoun i annan delo.  Me petet dan bann landrwa spesifik kot load pe ganny shed pour en serten letan zot pa pour ganny delo, e sa ankor akoz ler nou pe koz rezilyan avek bann ka parey i enportan parey nou, i annan en progranm la konmela kot nou pe ankouraz dimoun pour pran en loan R15, 000 avek PUC pour zot met bann tenk kot lakaz.

Akoz si nou pe koz delo fason pour rezourd sa problenm pli fasil se ki ou annan en tenk ki dan en fason ki ler delo i ganny ponpe ou kapab stoke for the next 24 hours e ki ou kapab itiliz sa.

E sa i en keksoz ki nou vwar partou lo Mahe i le ka e mon krwar nou bezwen fer sir poudir dan nou bann progranm avek DRDM, nou bezwen fer sir poudir nou annan bann sistenm pour montre dimoun ki mannyer nou vin pli rezilyan dan fas bann dezas ki kapab arive dan pei.

Ankor PUC li i pour bezwen vwar mon dakor poudir PUC i bezwen vwar ki mannyer i kapab fer mye opred ki i pe fer la konmela e nou bezwen fer sir poudir nou bann sistenm i pli robust e nou kapab delivre.

Me selman sa ki mon krwar i pli enportan se ki lavites ki PUC i bezwen fer sa travay i bezwen fer akoz dan tou dezas sa ki enportan se ki, ki letan ki ou pran ki ou respond se sa ki montre ou rezilyans dan ou abilite pour deal ek problenm. Akoz bann dezas pour kontinyen arive e pei pour kontinyen ganny tape avek tou sort kalite dezas sirtou avek sanzman klima me nou koman en pei nou bezwen prepar nou, nou bezwen fer sir poudir nou annan pli bon resilience dan pei e a tou nivo.  Mersi Mr Speaker.

 

MR DEPUTY SPEAKER

Mersi Minis.  Mon ava al prosennman lo Onorab Noline Sophola.

 

HON NOLINE SOPHOLA

Mersi Mr Speaker.  Mr Speaker avek ou permisyon mon oule dir mersi bann travayer PUC ki pe travay lizour aswar pour ede repar sa kab elektrisite ki’n andomaze, kouraz dimoun Digwa i apresye zot zefor.

Mr Speaker mon pour met lanfaz ankor lo annan en backup system La Digue sirtou ler kouran i koupe, delo osi i koupe in ganny dir e mon pe repete, an 2012 Digwa ti sibir 3 zour san delo, san elektrisite e la osi i parey e la mon demande parey in ganny dir ki si kot stasyon delo Anse Reunion nou kapab annan en keksoz, pour tenir ki bann dimoun i a perdi elektrisite, me zot ava annan delo.

La nou pe dir kab, ler en senp brans dibwa i tonm lo bann laliny la osi Anse Reunion kot sa stasyon delo i koupe, e ler delo i regannyen sistenm i re aranze prezan pour tir ler ladan i pran apepre 3 a 4 a 5 erdtan, dimoun i soufer avek sa sistenm.

E Mr Speaker mon ti oule demann Minis eski PUC ti eksplik sa sityasyon lo medya dek ki zot ti okouran ki kab ti’n andomaze pour ki Digwa ti’n kapab prepar zot byen ?  Mersi.

 

MR DEPUTY SPEAKER

Mersi Onorab Sophola. Minis eski zot in prepar Digwa avek lenformasyon?

 

MINISTER DIDIER DOGLEY

Mr Speaker lenformasyon i annan diferan fason ki ou kapab fer, si nou pe demann mwan si PUC in al lo televizyon, radyo lo medya pour donn lenformasyon mon pour dir ou wi PUC depi, akoz mwan mon ti ganny call granmaten Sanmdi par CEO poudir sa problenm in arive e nou ti diskite ki lapros ki nou pour fer pour nou fer sir poudir Digwa i ganny enformen e tou dimoun annefe dan Sesel i ganny enformen ki pe arive avek sa zafer kab, e PUC mon konnen in al lo televizyon a plizyer repriz e zot in donn lenformasyon bann detay, pour dimoun konnen lo sak letap ki PUC pe fer.

Petet sa ki nou kapab dir se ki petet ti devret annan en prezans direkteman lo La Digue en desk ki donn lenformasyon dimoun petet kot DA’s office en landrwa santral ki dan en fason nou kapab kontinyen donn dimoun bann lenformasyon update zot direkteman avek lenformasyon, sa i en keksoz ki mon krwar nou pour bezwen prevwar ki nou al direkteman kot dimoun i ete e non pa zis televizyon, radyo e bann laform medya, pour nou kapab vin pli pre ek dimoun e donn zot e reponn zot bann kestyon ki zot annan anver sa sistenm.

Dezyenm kestyon konsernan delo, mon’n tande ou bezwen definitivman nou pour demann PUC pour vwar etidye vwar ki mannyer ki nou kapab adres sa problenm enn fwa pour tou.

E an menm tan parey mon’n dir osi an menm tan Gouvernman ek PUC i bezwen fer son bout e lo lot kote nou bezwen ankouraz bann Digwa osi, pour zot envestir dan koleksyon delo kot lakaz ki dan en fason nou annan en backup system kot lakaz, akoz napa zis en solisyon avek bann problenm parey ozordi kab, demen i kapab en lot problenm pli grav ankor.

Akoz nou pa konnen kan ki nou pour ganny tape avek movetan.  aAr nou bezwen fer sir poudir Gouvernman, PUC i met bann sistenm ki pli for e an menm tan dimoun osi i bezwen envestir pour zot fer zot vin pli rezilyan.  Mersi Mr Speaker.

 

MR DEPUTY SPEAKER

Mersi.  Vitman Onorab Sophola.

 

HON NOLINE SOPHOLA

Mersi Mr Speaker.  Mr Speaker mon pour osi ranforsi ki petet Minis sey regarde ki mannyer ou kapab ed sa bann Digwa ki zot keksoz in andomaze?  Akoz i annan bon pe dimoun ki petet i pa pour kout tro, en gro kantite larzan me selman petet pour zot i bokou – sey vwar ki mannyer nou kapab tir zot dan sa sityasyon pert ki zot in fer.  Mersi.

 

MR DEPUTY SPEAKER

Mersi Onorab Sophola, si mon kapab demann bann entervenan akoz i 11er 57 mon annan mwan 1, 2, 3, 4, 4 dimoun ankor ki’n demande pour koze mon ti a kontan si nou kapab fini li dizon by 12.15 nou a break e, me selman pour nou kapab fer sa si sa ki demann kestyon pa fer gran statement demann 30 segonn demann ou kestyon e Minis silvouple si ou kapab reponn sa bann kestyon dan 1 minit ou 2 minit maximum.  Alor prosen kestyon Onorab Chantal Ghislain bref – to the point.

 

HON CHANTAL GHISLAIN

Mersi Mr Speaker.  Mr Speaker pandan 6an i fer 3enm fwa sa lensidan koupir kouran i arive lo La Digue. Mr Speaker 3enm fwa, 1 fwa ti annan pour fer avek dan Baie Ste Anne en dimoun ki ti pe fouye ti kas kab apre 1 fwa ti ariv kot Ile Ronde mwan ti la dan Lasanble mon, mon konn byen mon apre la i fer 3enm fwa.

Mr Speaker sa enn lensidan ki ariv, ki ti ariv kot jetty kot ti pe fouye laba sa ti napa nanryen pour fer avek PUC – ti en dimoun ki ti pe fouye en lot Lakonpannyen ti pe fouye, me sa 2 lensidan ki’n ariv kot Ile Ronde e sa enn ozordi ek sa enn 2enm i fer menm landrwa ki arive sa lensidan kot kab i kase Ile Ronde menm landrwa, menm pozisyon.

Mon kestyon prezan.  Mr Speaker se lefet ki sa i ariv menm landrwa lo Ile Ronde e toultan letan nou’n ganny eksplike sa, se ki akoz kot sa kab i pase i pas lo brizan obor Ile Ronde i frot avek ros and all i kase, mon kestyon i se ki akoz PUC pa sanz landrwa pas sa kab antretan fer li pas anndan kot Anse Lafarin ki i annan bokou plis disab mont lo Ile Ronde fer en substation lo Ile Ronde apre i ava desann La Digue, pour evite ki sa kab pa kas ankor la anndan dan menm landrwa.  Mersi Mr Speaker.

 

MR DEPUTY SPEAKER

Mersi Onorab Ghislain. Minis kestyon i tre senp pozisyon kot sa kab i konekte sorti Ile Ronde eski i kapab sanze?  Vitman zis dir nou si teknikman wi ou non.

 

MINISTER DIDIER DOGLEY

Mr Speaker wi PUC pe sanze alignment kot i met son, kot i pe met sa kab i fer li pas lo Ile Ronde epi pet lot kote pour al La Digue.  I pa pe met li ankor kot i ti ete.  Mersi Mr Speaker.

 

MR DEPUTY SPEAKER

Mersi Minis.  Mon prosen dimoun ki’n demande Onorab Norbert Loizeau. Onorab la parol.

 

HON NORBERT LOIZEAU

Mersi Mr Speaker, bonzour tou dimoun,.  Mr Speaker Minis dan son dan en repons pli boner in dir petet si zot ti annan en kab tre spesyal sa sityasyon pa ti pour arive, alors mon kestyon eski Minis ou kapab dir nou si sa kab ki zot pe servi in ganny design pour pas anba delo pour kapab fer sa kalite travay, ouswa zot pe servi menm kab ki nou pe servi lo later pour fer sa travay?

E osi Minis eski ou kapab dir nou vi ki zot ti annan en pe problenm plonzer dapre konpran eski i annan bann checks ki ganny fer lo sa kab, bann routine check dilon lannen petet kekfwa enn fwa par an pour vwar si sa kab i ankor still entak pandan sa bann letan ki i anba lanmer?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker wi PUC i annan en monitoring system kot i tyek son kab, sa bann kab regilyerman pour fer sir zot an bonn eta e parey mon’n dir se en movetan ki’n koz sa problenm.

Akoz sa kab li menm li ti ganny peze avek bann pwa lour pour gard li an plas e sa tousala in kase e sanmenm sa ki sa kab aprezan in drive e in al frot lo koray.  Normalman i pa ti devret sa, i montre ou sa kalite lafors sa radmare ki ti annan avek li.

Ler mon ti pe koz lo lot kalite kab, sa la kab ki i annan la konmela tou lede sa bann kab i bann kab soumaren in ganny fer spesifikman pour sa, mwan ki mon pe dir se ki i annan en lot kalite kab ki bokou pli ser e i dan sa prensip ki mon pe dir avek sa kalite letan ki nou vwar nou, nou bezwen deal avek pli ale nou pour bezwen fer keksoz pli mye e pli for.

E dan sa ka i annan sa kab ki kout bokou pli ser e i bokou pli lour e ki zonm li menm pa pour kapab mete, nou pour bezwen fer bann bato spesyal vini pour pran pour mete e met li dan fon lanmer.

Savedir i pa zis pour asiz lo fon lanmer, nou pour bezwen servi sa bann lekipman pour fer dren dan fon lanmer e anter li anba disab ki dan en fason ki ler i annan sa bann sityasyon nou pa vwar nou avek en sityasyon avek en kab ki pe drive akoz i pour anba fon lanmer li menm.  Mersi Mr Speaker.

 

MR DEPUTY SPEAKER

Mersi Minis. Onorab Simon Gill, mon konnen ou pour fer li dan 30 segonn.  Kestyon.

 

HON SIMON GILL

Wi, wi mon kestyon in ganny poze me i enportan ki Minis i donn nou en presizyon kou sa kab spesyal soumaren ki son cost e ki bann laranzman ki kapab fer avek bann dimoun ki i annan biznes lo la Digue probableman en cost sharing discussion i ganny fer e pour ki finalman sa i ganny enstale, si i annan posibilite annou sey eksplor sa venue pour ki nou annan en stabilite dan prodiksyon e fournisman elektrisite lo La Digue – san ki i annan okenn bann gran difikilte a lavenir.  Mersi.

 

MR DEPUTY SPEAKER

Mersi Onorab.  En klarifikasyon lo kou sa kab e kontribisyon, Minis.

 

MINISTER DIDIER DOGLEY

Mersi Mr Speaker. Mr Speaker lenformasyon ki mon’n gannyen avek CEO se ki sa kalite kab pour aste e mete i pour kout ant 50 a R60 milyon pour fer li.

E PUC la konmela i ape rod kotasyon pour fer sir poudir nou fer li lo pli vit posib e si i annan nou ava regarde si i annan bann donors ki enterese menm enkli bann lokal ki enterese ki nou kapab travay lo en mechanism ki dan en fason o pli vit posib nou ava fer met sa kab spesyal ki enn fwa pour tou nou a kapab rezourd sa problenm.  Mersi Mr Speaker.

 

MR DEPUTY SPEAKER

Mersi Minis, en klarifikasyon me pa en kestyon adisyonnel, Onorab Ghislain.

 

HON CHANTAL GHISLAIN

Yes Mr Speaker, mon pwen klarifikasyon se ki dan mon kestyon zafer pour pas Ile Ronde Minis in dir wi la zot pe al sanze pour fer li pas lo Ile Ronde.

Apre lo dezyenm kestyon Onorab Loizeau i dir zot pe al fer pas sa kab ki pli ser ki pli gro pour fouy disab pour pas anba.  Nou kapab ganny klarifikasyon ki pour fer pour La Digue si i pour pas lo Ile Ronde si i pour al antere anba disab si kwa?  Mersi.

 

MR DEPUTY SPEAKER

Mersi Onorab Ghislain, Minis zis dir nou ki bor sa kab pour pase si i pour pas Ile Ronde eski i pour antere?

 

MINISTER DIDIER DOGLEY

Mr Speaker mon krwar mon bezwen pran letan pour eksplik sa akoz i paret i annan konfizyon dan Lasal.  Premye keksoz se ki i annan en kab la konmela, annefe nou pe koz 3 diferan kab nou pa pe koz 1, nou pe koz 3, i annan en kab la konmela ki pe ganny servi 11KV ki pe ganny servi la konmela ki pli pti, sa enn ki’n kase li i pli gro li nou pe sanz plas pas li e solman i pour kontinyen anler lo sirfas fon lanmer, akoz li i pa’n design pour al fouye ouswa nou kapab fouye me selman ou bezwen fer vini sa bato spesyal pour fer sa travay.

Now nou, nou, nou pe dir poudir be si vreman nou oule fer sa sistenm vin pli rezilyan posib nou pour bezwen al rod en 3enm kab, me sa enn nou pour bezwen fer sir poudir bokou pli mye ki sa enn in pli byen ranforsi armored e li i lour i pa pour posib pour zonm al mete ek lanmen, nou pour bezwen fer sir poudir sa bato spesyal i vini, i fouy fon lanmer i fer en dren e i anter sa kab ki enn fwa pour tou nou a kapab dir poudir nou annan en sistenm ki’n annan plis garanti, ki i pa pour kase.  Mersi Mr Speaker.

 

MR DEPUTY SPEAKER

Ok.  Ale Onorab Ghislain kourt.

 

HON CHANTAL GHISLAIN

So Mr Speaker eski Minis i kapab dir nou lekel kab ki zot pe al fer li pas lo Ile Ronde silvouple?

 

MR DEPUTY SPEAKER

Minis.

 

MINISTER DIDIER DOGLEY

Mr Speaker sanmenm sa enn ki’n kase nou pe retir li, nou pe re azoute sa bout ki’n kase nou pe tire i pe koupe, nou pe re azoute nou pe remet en lot bout kab ek li me selman nou pour fer li pas lo Ile Ronde pet lo kote pour li al La Digue.

 

MR DEPUTY SPEAKER

Ok mersi bokou Minis.  Dernyen kestyon Onorab Aglae.

 

HON EGBERT AGLAE

Mersi Mr Speaker, kestyon kourt eski Minis i kapab dir ek Lasanble konbyen apepre estimen pour kout PUC pour kapab antreprann tou sa bann reparasyon ki’n arive?

E dezyenmman petet i en sizesyon, eski PUC i kapab konsider a lavenir pour li annan en bon sistenm PR, kot i kapab servi bann lezot mezir ouswa lezot metod pour pas lenformasyon kan i annan bann koupir kouran ase sever ki dir bokou letan tel ki parey SMS alert ki bokou bann Lenstitisyon i servi.  Mersi.

 

MR DEPUTY SPEAKER

Mersi Onorab Aglae.  Minis.

 

MINISTER DIDIER DOGLEY

Mr Speaker definitivman okenn sizesyon ki dimoun i kapab anvoy kot nou, nou pour aksepte akoz parey mon’n deza dir avek Onorab Noline Sophola PUC in servi bann medya ki egziste zournal, radyo, NASYON, e bann lezot zournal ki egziste TODAY in pibliy son bann lenformasyon ladan, me petet nou krwar nou devret al pli direk kot lakaz dimoun lo La Digue li menm e anmenn sa bann lenformasyon koman i pe arive fer sir dimoun i kapab ganny reponn son bann kestyon.

Alor nou okenn sizesyon ki zot annan ki mannyer ki nou kapab fer nou sistenm lenformasyon vin pli direk nou ava ekout zot e nou a sey fer mannyer pour amelyor li e fer sir dimoun i ganny lenformasyon direk koman i pe arive.  Mersi Mr Speaker.

 

MR DEPUTY SPEAKER

Minis mon krwar ou ti annan en morso kestyon konsernan kou ki pa ti ankor ganny reponn.

 

MINISTER DIDIER DOGLEY

Mr Speaker fodre travay, mon’n koz ek CEO la in dir mwan fodre travay i fini pour zot kapab fer assessment konbyen in koute ,akoz zot in bezwen mobiliz en kantite lekipman.

E pour le moman zot sitan busy avek travay li menm lo teren ki zot napa vreman letan pour al asize pour al kalkil sa.

Fodre ler tou keksoz in retourn normal la apre zot kapab fer sa legzersis.  Mersi Mr Speaker.

 

MR DEPUTY SPEAKER

Ok mersi Minis, e avek sa nou’n ariv a lafen bann kestyon lo Private Notice Question Onorab Ramkalawan, nou osi nou’n fini avan 12.15e mon remersi tou bann manm pour et bref e Minis osi alor nou pour kontinyen prosennman 2er apre midi avek Kestyon Dirzans, alor nou ava adjourn pour le moman.

Zis avan nou ale zis pour dir en pti lanons pardon, nou pour annan ABC Komite pour zwenn 1.15.  Mersi bokou nou pour adjourn.

 

(BREAK)

 

MR DEPUTY SPEAKER

Bon apre midi tou Manm Onorab.  Bon apre midi tou dimoun a lekout.  Nou kontiny nou travay pour lazournen baze lo nou Order Paper.  E parey mon ti anonse bomaten sa ki reste nou lo anba Question Time se en Kestyon Irzans.  En kestyon ki ti ganny anmennen par Onorab Regina Esparon e kestyon I adrese pour Minis Charles Bastienne.  Minis Lakaz Lenfrastriktir ek Transpor lo Later.  Alor mon a demann avek Clerk pour silvouple demann Minis pour antre.

Bon apre midi Minis Bastienne ki ganny akonpannyen par Mr Yves Choppy Sekreter Prensipal pour Lenfrastriktir bon apre midi PS.  San tarde mon ti a demann Onorab Regina Esparon pour poz son kestyon.

 

HON REGINA ESPARON

Mersi Mr Deputy Speaker.  Bon apre midi Minis avek PS Choppy.  Mr Speaker kestyon I al koumsa;

‘’ Swivan sa dezas ki’n arive Vandredi swar kot Malaysian Flat La Gogue dan Distrik Glacis.  Eski Minis pour Lakaz Lenfrastriktir e Later I kapab dir sa Lasanble.  Ki aksyon imedyat pe ganny pran?  E ki plan a lonterm ki zot annan pour evite ki sityasyon aktyel I agrave fer ki sa blok flat antye i kapab grennen?  Mersi Mr Deputy Speaker.

 

MR DEPUTY SPEAKER

Mersi Onorab.  Minis ou annan laparol.

 

MINISTER CHARLES BASTIENNE

Mr Deputy Speaker tou Manm Onorab e tou ki a lekout bon apre midi.  Mr Deputy Speaker lenformasyon ki mon resevwar avek mon bann zofisye se ki an rezilta lapli ki nou pe eksperyanse sa bann dernyen zour ek miray kot blok flat Malaysian ti grennen Vandredi swar le 20 Avril.

Sa I en miray ki en rezidan li menm in konstrir en miray anviron 1.5met oter e 3met longer.  Par lao sa miray I annan en lavwar ki mon prezimen rezidan I servi pour fer bann lave neseser.

Apart sa miray grennen lesel siny problenm se ki I annan en extension ki pe fele me sa Blok Flat li menm pa dan okenn danze imedya.  Swivan sa lensidan zofisye mon Minister I al lo site e prepare n rapor ki’n ganny anmenn dan mon latansyon.

Mr Deputy Speaker mon le enform sa Lasanble ki mon Minister pe deza fer serten travay pour anpes okenn evantyalite a lavenir dan sa landrwa.

Enzenyer in fini travay lo plan konstriksyon en miray ki pour mezir 61met longer e ant 3 a 5met oter.  Pour anpes degradasyon ek lerozyon parey mon dir plan in fini fer.  Me mon Minister in ganny serten retar avek QS pour quantify sa proze avan ki I ganny met lo tender.

Si tou I al dapre plan nou ekspekte met sa proze lo tender dan prosen semenn ki pe vini.  Maximum 2semenn.  Sa proze I ekspekte kout anviron R1.2milyon.  Mersi Mr Deputy Speaker.

 

MR DEPUTY SPEAKER

Mersi Minis.  Onorab Esparon kestyon siplemanter.

 

HON REGINA ESPARON

Mersi Mr Deputy Speaker.  Mr Deputy Speaker eski Minis I kapab dir nou kwa ki’n anpes son Minister reakte pli vit lo sa proze?  Parske ler Prezidan ti vizit sa landrwa le 26 Me 2017 ki fer preski 1an, e la I annan I annan dan en Press Release sorti kot State House swivan sa vizit.  E mon quote ki zot ti dir: Apart from visiting member from the community with housing issue.  President Faure and his delegation also visited location requiring urgent work such as building a retaining walls and barriers.

An vi ki ti irzan mon anvi demann Minis kwa ki anpes zot fer sa proze en pe pli vit?

Mr Deputy Speaker e I ti pe ed mon konnen ki Prezidan ti pe fer referans avek Malaysian flat La Gogue.  Ki lo size diskisyon ozordi e duplex North East Point kot madanm Aurelina avek Queency I reste.  Ki ziska ozordi nanryen pa’n ganny fer.  Mon pe zis dir Minis Mr Deputy Speaker sa I pa akseptab.

Mr Deputy Speaker dezyenmman mon ti a kontan demann Minis.  An vi topogafi kot an vi topografi kot I osi annan en sours delo ki pas pli ba.  En pe ant Malaysian Flat anler avek flat Doway anba kwa ki ou Minister pe fer pour anvizaze kip li bon solisyon ki pa pour afekte ou ganny afekte avek sa sours delo ki pas pli ba?

Parske sa delo ler ou anler ou vwar li be ler ou desann anba ou pa tro vwar kote I fele.  Swa I pe pas anba net e sis a I leka Minis eski sa plan ki zot pe met devan pa pour ganny afekte pli tar avek delo?  Eski i annan EIA osi ki’n ganny fer dan sa landrwa?  Mersi Mr Speaker.

 

MR DEPUTY SPEAKER

Minis.

 

MINISTER CHARLES BASTIENNE

Mr Deputy Speaker konsernan premye kestyon se ki I vre ki Minister in ganny en pe tar pour kapab enplimant sa proze.  E mon kapab dir se ki Minister ti pe konsantre tou nou zefor lo pour nou kapab fer tou nou neseser pour enplimant nou bann proze mazer ki 24 lakaz dan 24 distrik, parmi lezot.

E osi ti annan bann lezot proze priyoriter ki ti osi irzan ki letan ti annan bann vizit ti ganny fer.  Ki osi nou ti bezwen adrese me parey mon dir boner se ki letan zofisye Minister ti fer teknisyen ti fer assessment kot Flat Malaysian laba.  Nou ti vwar poudir building li menm kot Malaysian Flat I ete pa ti neseserman annan okenn danze imedya.  So vwala kot nou priyotiz nou travay baze lo resours osi ki nou ti annan available.

Dezyenmman konsernan issue delo ki petet kot Flat Malaysian avek Doway.  Definitivman bann zofisye letan zot in fer zot desen ki parey mon dir ou in fini konplete, se ki pe pran konsiderasyon pour fer sir I annan bann drenaz neseser.  Ki letan I sorti kot flat pour annan bann desarz apropriye.

E dezyenmman mon ganny reasirans avek mon PS konmkwa ki sours delo ki Onorab pe koz lo la, sa in ganny pran an kont I pa pour neseserman en baryer pour nou kapab enplimant sa proze.  Mersi Mr Deputy Speaker.

 

MR DEPUTY SPEAKER

Mersi Minis.  Onorab Esparon ankor en kestyon siplemanter.

 

HON REGINA ESPARON

Mersi Mr Deputy Speaker.  Eski Minis I kapab donn lasirans bann zabitan dan Doway ki dele letan ou pe mete ki sa problenm pour ganny rektifye?

Epi Minis si ou kapab eklersi mon eski letan ou pe dir miray pe vin ganny fer I enkli zis anler kot sa blok flat kot madanm Tirant madanm Juliette e madanm Julie anler?  E pli ba anba kot Maryanne e lezot dimoun madanm Simara anba.  La osi I annan sa danze e letan Prezidan ti vizite I ti dir laba osi fodre fer miray bann zabitan.  Mon konnen zot in fini aste zot landrwa me selman sa I tonm anba lenfrastriktir.  Eski dan sa proze osi pour osi ankli sa Blok Flat anba kot madanm Louis madanm Simara pli ba oubyen i pour ant enkli anler kot madanm Julie ek madanm Juliette?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Deputy Speaker.  Konsernan travay kote pour ganny fer.  I spesifikman la pour le moman kot sa enn premye kot sa blok flat ki nou’n koz lo la kot I annan sa degradasyon la ok?

Lezot anvi ki ou pe mansyonn avek mon poudir I annan en nesesite pour fer lezot definitivman mon ava fer mon bann zofisye al fer en assessment.

E swivan sa then nou ava get avek solisyon neseser pour nou fer sir poudir nou napa okenn lezot problenm ki kapab devlope lo lezot Blok Flat.  Malgre wi sa bann dimoun in fini aste zot landrwa e nou santi petet I nou responsabilite konman Gouvernman pour nou fer sir ki nou protez sa ki nou built.  E parey ou konnen Onorab se ki sa bann flat I annan omwen preski 30an mon kapab dir 27an 28an par la depi ler in konstrir.  E mon krwar zot in tenir zot letan e si I neseser pour nou vini pour nou vin fer serten travay parey nou pe al fer la then Gouvernman I ava fer.  Mersi Mr Deputy Speaker.

 

MR DEPUTY SPEAKER

Mersi.  Onorab Esparon.

 

HON REGINA ESPARON

Mersi Mr Deputy Speaker.  Mr Deputy Speaker petet mon ti ava demann Minis letan zot in vizit site la mon pa konnen mon pour donn ou en lekspresyon.  Be lekspresyon i chocobar I annan lakok li parfwa letan ou pe manz sa chocobar ler ou fer levanter sa bout anndan I sorti lakok I reste dan ou lanmen.

Ler mon pe regard sa sityasyon kot Malaysain Flat la I koumsa li.  Parske letan ou pas par anba si ou anler parey ler ou pas kot madanm Tirant anler ou get anba.  Ou pa pour vwar son danze be letan ou anba ou pour vwar ki I pe manz anba.  Mon pa konnen si PS ti al laba yer Minis.  E ler Prezidan ti vin vizite Minis ou pa ti vini ou sete PS ki ti la ok ?  I ti vwar kot madanm Julie son basen in tonm lo kote.  E Onorab Pillay I kapab konfirm sa pour mon akoz i ti avek nou in apir avek en pye fiyapen.  E se selman sa pye fiyapen ki pe anpes sa basen madanm Julie tonm lot kote.  Ou konpran mwan?  Kot madanm Juliette dan son milye sa bout lakour deryer I ti defonse.  E la I ti met en tol nou ti bezwen sot tol pour al lot kote.

Konmsi son danze Minis I par anba I pe manz anba lakok anler I byen.  Me son anba ki pe ganny afekte eski sa osi pe ganny pran kont ki zot mon pa konnen ki kalite striktir zot pe vin fer.  Si I en proze en piling oubyen kwa parske son danze la I annan en lot ranze flat dan Doway par anba ki fer si I ariv en gran dezas anba osi dan Doway sa bann flat pour ganny afekte.  Mersi Mr Deputy Speaker.

 

MR DEPUTY SPEAKER

Mersi Onorab.  Minis i paret konmsi bann glasi dan Glacis pe glise.  Alors ki ou pe fer pour anpes sa bann glasi glise?

 

MINISTER CHARLES BASTIENNE

Mr Deputy Speaker.  Apre laba dan Glacis I annan bann chocobar ki nou bezwen deal avek.

 

(laughter)

 

MINISTER CHARLES BASTIENNE

Ki mon kapab dir ou Mr Deputy Speaker solisyon ki nou pe vin avek la se en solisyon ki pour konpreansiv.  Onorab pour ou lenformasyon parey mon dir ou se ki nou pe al fer en miray ki 61met longer apre I pour an mwayenn I pour 3.5met oter ok ?  Bon grander miray e dapre konsep ki in konsevwar I pour en miray ki pour fer totalman an beton.

So mon ekspekte ki letan proze in konplete mon kapab donn garanti ki poudir avek sipervizyon Minister I ava fer ki proze ler I sorti ler i fini.  Mon konnen nou pe fer en proze ki de kalite I ava adres tou sa bann problenm ki ou’n mansyonnen.

E pour ou lenformasyon letan vizit in ganny fer par mon zofisye zot in pas par anba.  Zot pa’n neseserman pas par anler mon annan tou bann dokimantasyon porter pour montre from Angle ki zot in tir portre.  Mersi Mr Deputy Speaker.

 

MR DEPUTY SPEAKER

Mersi Minis.  Eski I annan okenn lezot kestyon ?  Onorab Vidot.

 

HON AUDREY VIDOT

Mersi Mr Deputy Speaker.  Minis letan ou’n donn larepons Onorab Esparon lo son kestyon ou’n fer resorti ki ti annan en miray oparavan ki ti’n konstrir.  Mon ti le zis konnen si I annan permisyon planning e si ti annan eski Planning Authority zot in fer zot zofisye vizite?  Akoz bokou fwa I annan bann miray ki bann endividi zot in konstrir me pa neseserman in rod Planning Authority dan bann ka kot I annan lapli I annan bann konstrent ki arive.  Mersi.

 

MR DEPUTY SPEAKER

Minis.

 

MINISTER CHARLES BASTIENNE

Mr Deputy Speaker.  Mon pa neseserman annan sa lenformasyon avek mon si ti annan planning approval.  Me sa ki mon okouran se ki I annan enn oubyen de zabitan dan sa rezyon ki ti annan approval pour zot fer serten extension avek zot flat Malaysian flat.  Me spesifikman pour sa enn la si ti annan approval mon pa pour kapab komit mon lekor lo la Mr Deputy Speaker.  Mersi.

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Deputy Speaker.  Mr Deputy Speaker sa landrwa kot Minis pe koz lo la istorikman sa landrwa kot I ti annan en pti sours delo osi ki ti pase dan lepase lontan.

Prenan kont sa e prenan kont ki nou annan en pe konstriksyon en pe partou anler ki nou konnen in sanz direksyon delo ozordi.  Ki kalite monitoring ou Minister pe met an plas pour fer sir ki kot sa bout ki pe ganny afekte kot par anba I deza annan en blok flat dan Doway.

I pa pe kontinyelman ganny afekte pour fer sir ki ler ou pe move towards sa proze I en proze ki konmanse ki fini dan en dele letan kourt.  Akoz I pour annan en lenpak lo sa de lezot flat anba.  So I  annan annan en sistenm ki zot met an plas pour regularly monitor sa ki pe pase laba anler ?  Mersi Mr Deputy Speaker.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Deputy Speaker.  Definitivman anvi ki osi vi ki Onorab Esparon in mansyonn konsernan bann lezot flat ki potansyelman I panse ki I annan problenm avek.  E vwala kot teknisyen ava fer le neseser kot nou a regarde pour nou fer keksoz konpreansiv.

Me tou fwa vi ki nou pare avek sa enn nou a demare e parey mon dir boner.  Se ki nou le fer li pli vit posib so nou espekte a enn ou de semenn maximum nou ava tender.  E swivan sa then proze ava ganny enplimante.

Me selman definitivman Onorab Pillay nou ava pran kont anvi ki ou konn tre byen sa landrwa.  Bann teknisyen ava pran kont ou konsern pour nou fer sir ki I ganny adrese letan nou pe vin avek sa solisyon.  Mersi Mr Deputy Speaker.

 

MR DEPUTY SPEAKER

Mersi Minis.  Nou napa ankor kestyon e alor mon ti a kontan remersi Minis Bastienne e son Sekreter Prensipal pour Lenfrastriktir.  E remersi zot kapab kite nou kapab kontiny nou travay.

 

(MINISTER CHARLES BASTIENNE AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

Bon nou pour zis en pti pwen administratif I paret mon ki prosen Minis ki pe vini Minis Cosgrow I pe ganny en pti retar pour li ariv la.  I ti sipoze ariv la depi pli boner, me nou al en pti pe pli vit nou sizer avek li pour vin 2.30.  E vi ki nou annan 10minit mon sizere ki si tou lede kote I dakor nou adjourn pour 10minit.  E nou tournen dan 10minit.  Ok?  Mersi.

 

(BREAK)

 

MR DEPUTY SPEAKER

Bon apre midi tou bann Manm Onorab.  Tou dimoun a lekout ankor.  Mon demann en pti leskiz sa pti adjournment ki nou oblize fer.  Me nou pour kontiny nou travay apre midi avek sa Second Reading,  lo sa Bill ki apel Enterprise Seychelles Agency Bill 2018.  Bill pour ganny prezante par Minis Wallace Cosgrow.  Byenveni Minis parmi nou apre midi e byenveni a ou delegasyon ki avek nou ozordi.  Mon a zis rod mon a zis rod bann zofisye mersi.

Nou annan Mr Roger Toussaint PS Lendistri Lantreprenarya, Ms Angelique Antat ki Advisor avek Minister, Mr Barry Assary ki Direkter Polisi Stratezi avek Resers.  E se tou ki nou annan avek Minis.  Byenveni zot tou.  Alor mon pour demande ki sorti lo floor nou annan en Mosyon pour Second Reading – ok.

 

HON CHARLES DE COMMARMOND

Mersi Mr Deputy Speaker.  Sa Mr Deputy Speaker bon apre midi.  Bon apre midi Minis avek ou delegasyon e tou Manm Onorab e tou dimoun ki pe ekoute.  Mr Deputy Speaker anba Order 64 (2) nou Standing Order mon le move ki Enterprise Seychelles Agency Bill, 2018 I ganny lir en Dezyenm Fwa.  Mersi.

 

MR DEPUTY SPEAKER

Mersi.

 

HON SIMON GILL

Mr Deputy Speaker Mosyon segonde.  Mersi.

 

MR DEPUTY SPEAKER

Mersi Onorab Gill.  A sa pwen mon ava demann Minis pour prezant sa Bill.

 

MINISTER WALLACE COSGROW

Mersi Mr Deputy Speaker.  Bon apre midi Mr Deputy Speaker.  Bon apre midi tou Manm Onorab e tou dimoun ki a lekout bann dimoun ki pe get nou le televizyon ozordi.

Mr Deputy Speaker premyerman mersi pour permet mon prezant sa Prozedlwa devan Lasanble Nasyonal sa apre midi.  Mr Deputy Speaker Lalwa ki etabli e gid fonksyon Lazans pour promosyon bann pti biznes oubyen Lalwa SeNpa parey nou konn li.  ti vin an fors an 2004 sa Lalwa ti annan pour etablir en Lazans pour fasilit e promouvwar nou lendistri artizanal e bann pti biznes kot lakour.  Ki nou souvandfwa refer li konman bann Cottage Industries. 

Pour plis ki 13an SeNpa in ede devlop nou bann koudriyez artisan bann pti biznes lanbelisman e bokou bann lezot pti biznes ankor.  Par donn zot lantrennman e konsey neseser fer provizyon bann fasilite pour zot fer prodiksyon.  E organiz bann aktivite fasilite pour zot vann zot bann prodwir.  Ozordi nou annan an total 685 koudriyez 569 artizan 110 pti biznes lanbelisman parmi plis ki 300 biznes ki anrezistre avek SeNpa.

Mr Deputy Speaker de no zour nou pe viv dan en lemonn ki konstaman bouze e evolye.  Sesel in ganny li en la popilasyon biznes ki’n agrandi en lanvironnman biznes ki’n vin inovativ.  Sekter prive ozordi pour anter nou lekonomi e landrwa ki plis ki lanplwa e larises nou pei I ganny kree.

Alors Gouvernman in vwar li neseser pour revwar la fason ki bann biznes pe ganny trete e ganny asiste.  Nou pe revwar bokou bann Polisi e Lalwa avek lanvironnman fer biznes Sesel.  Sa nouvo Prozedlwa ki nou pe propoze ozordi I rezilta bokou travay par Minister konsernen.  An kolaborasyon avek SeNpa bann diferan partner bokou lorganizasyon etranze ki’n tou ansanm in donn en koudmen.  E nou arive ganny sa Prozedlwa devan Lasanble ozordi.  Nou annan bokou resers e Lalwa similer e dan bann lezot pei in ganny konsilte pour nou kapab ganny en model ki apropriye pour Sesel.

Dan sa Prozedlwa I annan de eleman fondamantal ki pour dan lavantaz lo bann sekter prive.  Premyerman I pour etablir Lazans pour Lantrepriz Sesel oubyen an angle Enterprise Seychelles Agency.  Sa Lazans ki pour ranplas SeNpa ki ava permet li elarzi son bann servis pour enkorpor plis biznes.  Sa pour fer ki nou bann mikro pti e mwayen antrepriz ava ganny plis lasistans e sipor spesyalize ki relye avek bann diferan kategori biznes.

Avek en nouvo striktir Enterprise Seychelles Agency pour konsantre prensipalman lo provizyon bann servis.

Devlopman ki antre pour fer en lanvironnman pli favorab pour nou bann mikro pti e mwayen antrepriz.  I pour osi annan en kapasite annan kapasite pour anrezistre tou sa bann biznes.  Ki an retour ava ed L’Egzekitiv e lezislatif annan lozistik konkret pandan ki nou pe pran desizyon.

Anba sa nouvo Prozedlwa pour osi annan en nouvo pozisyon lo nivo Board.  Kot nou pour annan bann reprezantan spesifik pour kapab ede pour kontribye zot lekspertiz e leksperyans dan zot diferan domenn respektiv.  E osi ede sirmont bann defi pertinan ki nou bann mikro pti e mwayen antrepriz pe eksperyanse.

Dezyenmman Mr Deputy Speaker pour etablir en definisyon Nasyonal pour mikro pti e mwayen antrepriz.  Mr Deputy Speaker globalman napa en definisyon presi pour sa bann kategori biznes.  Sak pei I annan son definisyon depandan lo son spesifisite me preski zot tou zot servi menm labaz.

Savedir sa ki nou apel turnover en biznes par lannen e la kantite anplwaye.  E sa I ganny reflekte dan sa Prozedlwa ozordi.  Me sa ki enportan note e ki resers global I montre kid an nou pei dan tou pei (pardon) sa bann kategori biznes zot ganny konsidere konman bann akter prensipal.  Ouswa moter lekonomi akoz zot kre bokou lanplwa zot kontribye plis an term valer azoute avek inovasyon.  E zot kapab aziste rapidman avek bann varyasyon finansyel e lezot sanzman dan en lekonomi.

Laplipar pei in adopte en definisyon ki an mwayen I kouver 90poursan zot la popilasyon biznes.  E 63poursan lanplwa par konsekan i enportan ki Sesel i adopte en definisyon ki nou konsider konman ideal pour kapab soutenir sa kategori sa bann lantrepriz.

Dapre sa ki nou pe propoze dapre sa Prozedlwa en lantrepriz ki ganny konsidere konman mikro enn ki anploy pa plis ki 5 travayer.  Ouswa I pour en lantrepriz ki pa fer plis ki R2milyon par lannen.

En pti antrepriz pour enn ki anploy pa plis ki 15 travayer ouswa fodre I fer ant 2 a 10milyon reveni par lannen.  En mwayen antrepriz pour anploy plis pour anploy pa plis ki 50travayer e ki pour fer en reveni anyel ant 10 a R25milyon par lannen.  Dapre Konmisyon Reveni Sesel Konmisyon i reprezant plis ki 80poursan biznes dan Sesel.  Mr Deputy Speaker avek sa nouvo Lazans nou annan loportinite pour nou annan pour fer bokou plis.  Pour devlop e promot Sekter Mikro Pti e Mwayen Antrepriz Sesel.  Mon ti ava kontan fer resorti osi ki nou travay avek Departman Ladministrasyon Piblik pour ranplas en striktir pour sa nouvo Lazans.  Ki si I ganny aprouve nou kapab met li operasyonel o pli vit posib.  I pour en nesesite adisyon travayer adisyonnel e teknik pour zwenn sa group travayer profesyonnel e tre eksperyanse ki deza form par SeNpa an se moman.

Mr Deputy Speaker avek sa bann propozisyon ki mon met devan mon ti ava demann sipor Lasanble pour aprouv sa nouvo Prozedlwa ki pour etablir Lazans Lantrepriz Sesel ouswa Enterprise Seychelles Agency an angle.  Mersi Mr Deputy Speaker.

 

MR DEPUTY SPEAKER

Mersi Minis.  Aprezan floor i ouver pour en deba an zeneral pour merit e prensip sa Bill.  Tou bann ki ti a kontan fer en entervansyon lev zot lanmen.   E nou kapab al donn zot sans koze pirman lo merit e prensip.

 

HON BASIL HOAREAU

Mersi Mr Speaker.  Mr Speaker parey Minis in dir Bill ki pe ganny anmennen I pe en nouvo devlopman an sa ki konsern nou Cottage Industry.  E nou vwar poudir Bill dan li menm e parey bann Bill ki nou pe anmennen resaman.  Kot I pe kree bann Agency I annan en pe plis sa prensip bonn gouvernans ki ganny enkli dan Bill an term ki ou annan en Board.  E ou annan son CEO ki e li ki nou fer ladan e annefe I annan bann proposal ki pour ganny fer pli tar.  Nou vwar poudir dan Bill in deza mete poudir se Deputy CEO li I pour ganny rekomande par Board.  E enn bann lamannman ki nou pour demande evantyelman se CEO osi olye ganny apwente direkteman par Prezidan.  Me I ganny rekomande osi par Board menm prensip e li sa Board li I pour la pour li oversee or supervise loperasyon vi ki I Agency.  Tandis ki sa CEO i pour la pour li discharge the day to day operation of the Agency.

E nou vwar poudir sa Bill letan nou pe get son bann annan son bann fonksyon Agency.  Nou vwar poudir pour annan en pe plis pouvwar ouswa I pour pli kapab I pour plis kapasite an term legal capacity pour li ede.  E pour li ed nou bann dimoun ki dan nou bann craftsman nou bann dimoun ki dan ki involve dan Cottage Industry.  Par egzanp I pour la pour pa zis pour donn sa bann craftsman ki posibilite pour fer zot trade.

Me i pour osi la pour ed zot par egzanp la pour ede pour plan zot biznes fer sir ki I financially viable.  Savedir an lot mo I vedir poudir I pa pe zis dir ou al fer biznes me I pe fer sir ki sa biznes ki ou pe fer I pour enn ki kapab soutenir ou.  E I pour enn ki kapab vin en successful business entreprise.

E I annan lezot keksoz ankor ki son fonksyon sa Agency pour fer la.  Menm ede ouswa asiste facilitate bann servi bann nouvo teknolozi bann nouvo innovation.

Savedir nou pour bezwen vwar sa Agency pe fer sir ki I pe up to date avek bann teknolozi ki pe ganny met a dispozisyon bann craftsman.  E fer sir ki sa teknolozi I ariv isi Sesel a dispozisyon nou bann nou bann nou bann dimoun.

E en keksoz osi enportan Mr Speaker ki’n ki fonksyon sa Agency se ki I pour la pour li promot awareness.  Ou sa ki nou apel intellectual property rights ; an lot mo se ki I pe fer sir poudir nou bann craftsman I bezwen ganny proteze an sa ki konsern zot bann zot trademark.  Ouswa sa ki an sa ki konsern zot bann zot bann innovation ki zot fer.  Me at the same time osi pour promouvwar pour fer sir nou pa pe zis kopi.  Nou pa pe zis kopi ouswa nou pe zis vwar sa ki en lot dimoun I fer nou fer parey ouswa dan enlot pei I fer nou fer parey.

Me annan sa inovasyon be innovative dan sa keksoz ki nou fer e fer keksoz ki en pe unique pour Sesel pour nou pei e sa mon krwar I ava ede pour devlop pour devlop nou Cottage Industry Mr Speaker.

Mr Speaker sa Agency osi I pour li pour li provide the training mon mazinen SeNpa ti deza pe fer sa.  E nou demande ki la sa i ganny fer a petet en fason pli larz e fer sir ki si I annan bann training pli spesyalize ki sa ki sa i ganny fer.

En keksoz ki enteresan Mr Speaker lo sa Bill se parey nou dir I annan en Board e son Board i pour comprise of bann members ki I reprezant diferan Minister.

Basically an lot mo I reprezant diferan stakeholders ; par egzanp nou vwar I pour I pour annan en Manm ki pour en representative ki pour Ministry of Industries itself.  From Centre of Guy Morel Institute ; Seychelles, Bureau of Standard.  Me en keksoz ki enportan se ki pour annan de reprezantan from the private sector. E ladan enn pour le moman in ganny dir ki I pour sorti inner islands.  Me nou pour propoz en lamannman parske inner islands teknikman I vedir La Digue avek bann lezot zil.  Pa Praslin.  Alors nou’n propoz en lamannman pour mete ki Praslin en representative of Praslin and Inner Islands.

Parske pour fer sir ki bann craftsman osi Praslin I ganny I ganny pran kont.  E alors e sa I enportan e nou pe vwar poudir se ki nou bann dimoun nou bann dimoun ki involve dan Cottage Industry Praslin e La Digue zot osi zot kapab annan en lavwa lo sa Board.

Parske zot kapab annan bann issue spesifik ki pa neseserman aplikab pour Mahe.  Me ki konsern zot e zot kapab annan en lavwa lo sa Board e ki zot bann konsern devan.  E apre nou sa ki enportan osi se ki pour annan en reprezantan lo sa Board pour okenn lasosyasyon ki reprezant bann artisan zot osi.

Zot osi zot pour annan en Manm lo sa Board savedir zot pour annan en lavwa direk.  En lavwa direk san ki zot bezwen lobby the Board me zot pour annan en dimoun en reprezantan lo Board ki pour kapab met zot bann konsern devan.

E sa I ava osi mon mazinen I ava met Board pli pre avek bann artisan.  E parey mon dir Mr Speaker mon krwar sa Bill pe al dan right direction.  E mon pour donn mon sipor.

 

MR DEPUTY SPEAKER

Mersi Onorab.  Laparol I pour Onorab Gervais Henrie.

 

HON GERVAIS HENRIE

Mersi Mr Speaker.  Bon apre midi tou dimoun.  Mon ava prezant mon prezantasyon zis kot entervenan avan mon in kite.  Ler I dir ki sa Bill konmsi I pe met sekter biznes dan Sesel dan bon direksyon.

E anfet se sa feedback ki sa bann dimoun kid an lendistri in fer resorti apropo sa Bill.  SeNpa ki sa nouvo Lazans pour ranplase I dir toultan konmsi ou ti tann SeNpa zis fer lafwar I fer enn de pti training pour bann pti artizan.

Donk mon krwar dan sa krwaze semen ki Sesel in arive aprezan I demande en keksoz ki annan enpe plis lanbisyon.  E kouver enpe plis biznes konmsi son parasol I en pe pli larz.

Selman sa ki mon ti ava kontan konnen dan summing- up Minis se ki konmela I annan osi sa ki nou apel social entrepreneurship.  Nou vwar poudir I annan bann lorganizasyon ouswa menm endividi ki pe ed lasosyete selman zot pa pe tro ganny reveni zot.  I pa vreman pure biznes so I plito ed lasosyete.  Donk mon anvi vwar ki mannyer zot sa bann dimoun zot ganny kouver dan sa nouvo Lazans ki pe ganny kree.  Zot bann dimoun ki par egzanp zot mentor bann starter businesses.  I annan bann endividi ki letan mon pe koze ki en pe dan sa laliny par egzanp madanm Rose Mary Elizabeth ki’n deza ganny.

Ou pour panse krwar ki zot pe travay NGO me selman pour mon zot pe ede sekter biznes bann dimoun parey Marie Noella Azemia.  E menm Peter Roselie zot fer en kantite sa

Son 2enm aspe I annan osi mon pe mazinen ki mannyer sekter biznes I kapab vin ansanm e lobby pour ki I annan sanzman ki afekte zot ki pran plas.  Akoz tro souvan wa krwar I bann dimoun ki bann birokrat bouz en pe lo sekter biznes.  E bann Polisi pa’n neseserman ed zot akoz souvandfwa bann dimoun ki dan bann biro zot pa met soulye bann pti biznes.  Donk avek kreasyon sa nouvo lazans ki mannyer keksoz pour sanze?

Apre mon en pwen ki mon en pe konsernen avek se son definisyon dan sa Lalwa.  Si letan nou vwar nou pe koz lo micro, small, medium enterprises,  eski napa en posibilite a lavenir ki nou vwar bann pti biznes I perdi dan sa nouvo Lazans?

Akoz mon pe dir sa se ki letan mon pe get par egzanp ler nou pe koz la kantite larzan ki pour defini bann kategori biznes.   E mon konpran Minis in dir nou poudir Sesel osi I bezwen trouv en definisyon ideal pour bann biznes.  Me selman sa bann sif eski vreman Gouvernman li ki ganny rapor finansyel tou bann lakonpannyen.  Gouvernman li menm Minister I satisfe avek sa definisyon ouswa in en presyon sorti kot serten group.  Par egzanp Lasanm Komers Sesel pour met sa definisyon?

Ler nou pe koz R25milyon eski vreman I annan biznes ki fer sa bann kalite returns dan Sesel ?  Minis I ava dir nou dan son summing up.  Me selman an gro mon krwar sa Bill I anmenn en nouvo mindset lantreprenarya dan Sesel.  E boner mon dir poudir ki lendistri pe welcome sa.

E lendistri i osi al lwen pour idantifye bann dimoun parey Mr Roger Toussaint ki asiz la obor ou.  Ki ti prezan nou kapab koze avek sa bann dimoun konmsi zot en pe konpran nou kot nou pe vini.  E I pe ede pour ki bann keksoz I bouze.

En lot pwen ki mon ti ava kontan ki nou sezi lo la se ki letan nou koz lo micro industry ki lanfaz nou pe mete?  Lo la kantite anplwayer eski I sifi la kantite larzan ki I fer.  Son la kantite kapital ki I konmans avek akoz ennler dan biznes en boug I kapab konmans en biznes avek en bouret.  Selman i end up fer R1milyon.  Selman en lot ki konmans avek en gro pick-up li i pa kapab fer sa menm kantite larzan.

Donk si nou pe dir alor nou pe ankouraz en nouvo mindset dan sekter entrepreneurship Sesel.  Sa i mon krwar i bann keksoz ki nou merit met latansyon lo la e vreman tyonbo lanmen sa bann biznes pour asire ki zot kontinyen soutenir sa devlopman Sesel.  E kree lanplwa sirtou pour bann Seselwa.

Pour kontinyen Mr Speaker, mon annan zis enn de pti pwen dan sa Bill li menm ki mon ti ava kontan prezan Minis I donn nou en leksplikasyon akoz i dan sa fason.  Dan son summing-up e mon pe dir sa akoz mon pe mazin consistency bann Bills ki vin devan sa Lasanble.

Mon vwar ennler I napa sa consistency akoz si nou pe koz lo en nouvo model gouvernans, mon ti ava mazinen poudir I annan bann keksoz ki nou fer.  E nou fer li parey across the board.  Par egzanp Lartik 7 (1) letan I koz lo konpozisyon Board.  E dan bann lezot Bill par egzanp ki nou vwar avan i determin byen kwa ki kapab kalifye en dimoun pour li vin en Chairperson, en Deputy e menm en Manm Board?  E mon pa vwar ki sa enn li I met aksan lo la.

Par egzanp enn bann Bills ki mon deza vwar avan.  Se ki I ava dir ou en dimoun fodre is a citizen of and reside permanently in Seychelles.  Be li sa Bill par egzanp mon vwar dan 8 (1),         Letan I dir ‘

a person shall not be appointed as a member of the Board if he or she is not ordinary resident in Seychelles.’ 

So sa ki mon anvi prezan konnen se ki sa Board eski fodre en dimoun I inikman en Seselwa pour li ganny apwente lo la?

Ouswa si I annan en etranze lontan in isi I pe travay dan biznes I kapab demen vwar li lo sa Board?  Sa I en kestyon pour ou I osi letan mon pe get bann reprezantan pour sorti dan 7 (2) e.

I dir a representative of the association of the artisan la mon ti ava kontan Minis I reasir sa Lasanble poudir parti sa lasosyasyon I kredib I annord.  Akoz dan sa menm Lasanble in deza souleve poudir sa lasosyasyon pa ti egziste.  Selman zot ti ganny en pti larzan dan Bidze mon krwar en zafer R50mil ki nou serten nou ti krwar poudir pa ti annord.

So mon ti ava kontan ganny en lasirans lo la.  Dan 7 (3) ‘the President may appoint the person having sector specific qualification and experience in the field of entrepreneurship and business to be the member of the Board under section 1 (d).’

Mon anvi konnen sis a Lartik la apard sa bann kot spesifikman pour ganny apwente sorti dan Minister Lendistri Guy Morel Institute?  Eski apard sa Prezidan i kapab coopt en lot Manm?  Mon anvi konnen akoz sa enn clause an partikilye.

Dan 9 (1) ankor en pwen ki toultan mon fer resorti.  La I dir poudir en Manm Board i ava ganny elekte pour 3an.  Si in mansyonnen par la mon pa’n vwar alors zot kapab asir mon lo la.  Kantite term en Manm I kapab servi lo sa Board?  Akoz mon krwar poudir I bezwen annan en dirans pa plis ki 3 term.  Prezan apre ou bezwen bouze donn sans en lot.  So eski Lalwa I merit presi lo la poudir kantite letan en dimoun I kapab fer?

Apre dan 11 (2) sa Clause la kot lo rekomandasyon Board Prezidan I kapab tir en Manm sa I en clause ki Bill ki nou ti koz lo la.  E sa I en size whether I en Clause ki reste ouswa si I pa en repetisyon.  Swa si nou kapab tire Onorab Hoareau ouswa Onorab Georges I kapab donn nou plis detay lo la dan Staz Komite si nou ale.

E finalman en Clause ki mon enterese avek se clause 25 dan miscellaneous 25.  Lo discloser of information e la mon krwar zot pe koz lo en Manm Board spesifikman si I disclose lenformasyon.  E I annan en fine ki enpoze lo li I kapab pey ziska en lanmann R20mil.  Mon enkonfortab avek sa akoz dan Bill ki pour vin devan nou lo kestyon Access to Information.  Enn bann difikilte ki mon annan e mon pe koz lo kestyon consistency avek bann Lalwa ki nou pase.  Se ki mon krwar en Manm Board parfwa si konmsi sa zafer discloser of information.  Sa mo mon pe rode whistleblower si I santi poudir I annan en keksoz ki mal.  I bezwen annan bann proteksyon dan en nou demokrasi kot nou pe koze konmela.  

So mon vwar sa I en pe a mon avi personnelman pour mwan santi – pour mwan I en pti pe pti pe rizid.  Me Minis I kapab zistifye akoz sa clause I la pour nou.  Alor se sa ki mon ti ava kontan prezant avek Lasanble Mr Deputy Speaker.  Mersi pour latansyon tou dimoun.

 

MR DEPUTY SPEAKER

Mersi Onorab Henrie.  Onorab Jean-Francois Ferrari.

 

HON JEAN-FRANCOIS FERRARI

Mersi Mr  Speaker.  Mr  Speaker mon pour pli kourt ki sertennman ki Onorab Henrie.  Me mon ti a kontan fer enn de pwen.  Premyerman lo bann objects and reasons zeneral.  Apre mon ava vin lo enn de bann pti pwen teknik.

Mr Speaker mon welcome en Bill ki pe perfeksyonn sa ki nou annan deza.  E en Bill ki baze lo leksperyans le pase ki kapab donn nou en Lazans pour promosyon bann pti biznes.  Ki pli efikas e pli performan.  Me selman tou Lazans I pa son lefikasite son performans pa neseserman ganny deside par sa ki annan dan son Bill.

Me pour ganny deside par dynamisme e komitman.  E travay dir son bann direkter e bann anplwaye.  Donk mon krwar ki pour nou ti a kontan vwar en ki sa Bill I anmenn en nouvo lenerzi dan promosyon bann pti biznes.  Akoz nou santi pour dir kekfwa SeNpa avek sa tan lannen ki in la in perdi en pe sa lenerzi.  Sa linovasyon.  E parey Onorab Henrie in dir nou’n fini dan kwafer dan bann pti aktivite ater san gran vizyon.  Enn bann vizyon ki mon krwar ki mon pa konnen kote I kapab ganny reflekte dan sa Bill.  Me Sesel bann mikro lantrepriz Sesel sirtou bann lantrepriz ki annan pour fer avek craft work.  I neseser mon santi ki nou ki Lazans I devlop en Brand pour Sesel.  I devlop I met en standar ki ankouraz en dimoun pour prodwir en keksoz ki tipikman e ki pour ganny branded pour Sesel.

Konmsi ki ler en dimoun I kapab en viziter I kapab enn antre nou menm bann rezidan ou aste en keksoz pour fer kado oubyen pour servi kot ou.  Ou vwar poudir I annan en rekonesans pour dir sa I vreman en keksoz ki reflekte Sesel.

Konmsi mon santi poudir an menm tan ki nou konnen poudir nou pa kapab fer tou keksoz Sesel.  E ki nou bezwen en bon pe raw materials oubyen semi raw materials bann keksoz ki’n deza ganny prepare an deor Sesel.  Me ki kapab ganny valer azoute nou bezwen mon ti ava demann Minis si I annan sa vizyon pour devlop sa Brand Sesel.  E en ‘Made in Seychelles’ par egzanp mon pa konnen ki mannyer ou kapab apel li.  Me si I annan sa vizyon e ki mannyer sa I kapab ganny enkorpore dan sa nouvo dan sa nouvo Lazans?

Lazans I dir dan son bann objects and reasons se sirtou bann dan part 2.  Ki I pour la pour li donn bann sipor neseser e fasilit travay bann artizan e bann pti entrepreneur.

Mon santi poudir dan le pase dan le pase nou Lazans ki nou annan I pa’n ase inovativ pour li al rod.  E pour li al fors bann loportinite bann outlets pour bann pour bann pti prodikter bann pti artizan.  E sa in toultan en konplent konmsi en konplent ant bann artizan avek bann lotel par egzanp.  Ki toultan nou pa ganny sans antre nou pa ganny sans nou pa ganny sans vin display nou prodwir nou lotel I reziste.  Lotel I annan zot bann laboutik pour zot ki ganny partaze antre zot.

Mwan mon santi poudir si dan sa pwen 4 part 2 pwen 4.  I annan si se sa provide the mircro, small, medium enterprises with services and support.  Se sa kalite sipor mon krwar ki bann artizan pe rode.  Ouver laport pour zot e les zot travay.  Byensir si an menm tan nou annan nou pe aim pour en kalite nou pour kapab antre dan bann lotel pli fasilman.  Akoz nou pe vin avek bann prodwir kalite.  Me selman I prodwir lokalman I ser si ou al prodwir.

Si en dimoun I al fer en koko ki’n kav si ou al fer li Indonesia oubyen Philippines oubyen Malaysia.  I kapab kout 10 fwa pli bon marse ki Sesel nou konnen I annan sa risk devan nou.  Me selman nou pe gete ki mannyer nou kapab akonpanny nou bann artizan par en Brand ki pour ganny rekonnet lokalman.  E ki pour permet laport ouver pour sa bann dimoun ki inovativ.  Me osi ler mon pe koz lo la mon ti a kontan raise pwen 5 (e  ) Roman (ix) ;  ki dir encourage transition from micro to small to medium to high technology based enterprises.

Mon krwar sa I en pwen ki bokou artizan I espekte ki nou koz en pe lo la.  Akoz dan lepase SeNpa e Gouvernman an zeneral Minister Kiltir an zeneral.  In akonpanny serten pti dimoun, serten pti antreprener serten pti antreprener pour devlope pour vin en pti pe pli gran.  E ler sa bann dimoun I vin en pe pli gran rol SeNpa I preski en pti pe fini.  Me selman sa dimoun ki’n vin en pe pli gran I le kal lanmenm li.  Par egzanp I annan bann outlets I annan Codevar oubyen lezot landrwa.  Ki en dimoun ki mon pa vwar mon par egzanp ki I annan serten dimoun ki bann biznes well established ki ankor la.

Kan zot ti devret kapab move on akoz in fini gannyen sa divan anba zot lezel.  Move on e les lezot deryer ki pe vini fer plas pour lezot ki pe vini par deryer.

Donk mon santi poudir sa tranzisyon la I bezwen vin en lareg pour nou kapab ed bann pti dimoun.  Akoz ler ou’n bouze ou kapab al pey en landrwa en pti pep li ser.

Akoz ou’n kre ou market e donk sa I mon pa pe target okenn dimoun spesifikman me selman mon krwar ki sa I devret en prensip pour sa pti antreprener.  I konnen poudir I osi en zour I pour ganny en semen pase.  Pour li osi kapab arive kot lezot son bann son bann koleg in arive.

E prezan Mr Speaker mon ti a kontan enn de pwen teknik sirtou lo konpozisyon Board.  Minis ou ava kekfwa ou’n tande poudir personnelman mon konman en Manm sa Lasanble.  Mon annan en problenm avek bann Board ki tro gran mon sif ideal mon sif ki mon kontan se 7.  Mon kontan sa limero 7 akoz I sifizan I pti an menm tan I anmenn lefikasite e I anmenn en group travay ki kapab fonksyonnen.

I fasil pour ganny en quorum 4 dimoun e sirtou, sirtou I pa pran larzan sa Lazans pour met dan management.  Nou larzan sa Lazans I al dan son rol prensipal se a dir ed bann pti artizan.  Alors mon vwar konpozisyon sa Board ki Minis Gouvernman pe propoze.

E mon santi poudir…

 

(Mic Off)

 

HON JEAN-FRANCOIS FERRARI

…non wi me apre ler ou met Chairman apre ou met.  Vwala be Onorab Hoareau savedir ler ou pas Prozedlwa ou mazin mon dan sa bann prensip lefikasite.  Me mon byen kontan mon byen kontan ki sa I leka e mon felisit bann dimoun ki’n travay lo sa Prozedlwa.

Mon dernyen pwen Mr Deputy Speaker se poudir mon kontan ki Auditor General I klerman mete la ki Auditor General i ava odit bann kont e ki sa osi I en lot demann ki nou fer.  Pour nou ganny best practice bon management e consistency atraver tou bann Lazans Gouvernman.  Donk sa osi I en keksoz ki mon dakor avek.

Mr Speaker mon a zis terminen an dizan ki bann pti lantreprener parey Minis I dir i backbone lekonomi.  E se zot ki konstrir e ki devlop sa lekonomi donk mon santi lo mon kote an tou ka.  Lo sa kote Lasanble nou pour anmenn nou sipor e o moman Bidze nou ava osi anmenn nou sipor.

E me nou sipor toultan conditional lo lefe ki bann larzan ki Larzan Piblik ki pe antre dan sa bann lorganizasyon I vreman ganny servi pour Piblik e dan benefis sa bann antreprener.

Parey nou kontan en lean Government nou kontan en lean management effective management e se sa ki nou pour promouvwar.  So mon dir ou mersi Mr Deputy Speaker.

 

MR DEPUTY SPEAKER

Mersi Onorab Ferrari.  Onorab Sebastien Pillay.

 

HON SEBASTIEN PILLAY

Mersi Mr Deputy Speaker.  Mr Deputy Speaker mon pa pour long lo sa Bill.  Me selman I annan detrwa pti pwen enportan ki nou bezwen fokaliz lo la.

Premye pwen ki mon ti a kontan met lanfaz lo la Mr Deputy Speaker.  I relye avek sa bann proze finansman pour bann antrepriz.

E enn bann konsern ki’n toultan annan se ki bann antrepriz I trouv li difisil pour ganny en akse finansman.  E malgre Gouvernman I fer son bout pour li met finansman atraver bann sa  ki apel bann incubation mechanism me i pti I pti git.  E tou dimoun i vini apre i annan i annan en bottleneck I pa ase pour donn tou dimoun sa bann finansman.

So eski dan le mezir ki zot in fer redefini sa bann diferan kategori antrepriz.  Zot in osi pran an konsiderasyon redefinisyon bann kalite sipor finansyel ki bann Lazans komersyal son labank.  Ouswa Lazan ski Gouvernman I annan ozordi pe provide.  Savedir eski nou pour etablir par egzanp ki ou tonm dan micro e alors ou al pour sa kalite loan.  Ou tonm dan medium ou tonm dan sa kalite loan.  E ou tonm dan enlot kategori ou tonm dan sa kalite loan.

Akoz ki pe arive nou riske ozordi mon krwar petet enn bann problenm ki nou annan.  Se ki menm sa ki dan medium level pe target bann menm credit facility ki micro pe target.

E sa I anpes sa enn ki le bouze oubyen ki le konmanse pour li konmanse akoz li petet I napa en pli bon progranm ki sa enn ki’n deza en pti pep li etabli.

E ler sa enn I al kot labank I vin avek en pli bon business plan akoz I annan en pe pli bon leksperyans pour li fer.  So eski zot in pran sa an konsiderasyon e ki mannyer zot pour travay avek bann lenstitisyon finansyel?  Akoz la an deor I annan en kantite sa bann microentreprise ki le bouze me pa pe kapab bouze akoz zisteman zot napa akse avek kredi.

En lot laspe enportan ki pe afekte bann micro enterprise e sa mon konnen bann artizan pe ganny afekte.  Mon konn en artizan an partikilye ki pe lwe en outlet dan Unity House.  Ki pe kout li bokou larzan pour li kapab fer li e kontrerman avek sa ki mon koleg in koze avan.  Mon krwar nou bezwen vreman regarde ki mannyer nou kapab provide en outlet pour sa bann dimoun ki sa nivo.

E osi regard bann ki grosi en pti pe plis ki mannyer nou kapab branch out en pti pe.  E enn bann problenm ki mon santi in arive dan lepase se malgre nou pour met kredi a dispozisyon sa bann enterprise,  nou pa’n zanmen annan sa swivi ki permet zot move sorti konman en Micro Enterprise into a medium oubyen pour zot grandir en pe plis.  E mon krwar se la kot petet SeNpa in en pe stuck dan le pase.  SeNpa in fer son travay mon krwar nou bezwen felisit bann dimoun ki travay avek SeNpa ki travay ki zot in sey fer I pa’n fasil.  Zot in fer serten travay me difikilte ki zot in gannyen se pour zot kapab bouz sa bann antrepriz pli devan.  I osi depan lo sa antreprener lo li menm pour li anvi bouze?  

So eski atraver bann preparasyon ki zot in fer lo bann Polisi ki pour swiv sa Lalwa zot pe met an plas osi serten ownership ki bann antreprener I bezwen annan anver zot biznes.  Mon krwar tou dimoun ki la anndan tou dimoun dan lendistri koze osi.  Zot konn en dimoun oubyen plizyer dimoun dan distrik ki le fer sa aktivite.  E I annan en demann osi lo nivo bann distrik pour annan bann fasilite lo nivo bann distrik.

So eski dan an relasyon avek sa Lalwa sa osi pour bann goal ki mannyer zot pour kapab fer sa so.  Mon krwar ki pour enportan pour nou met sa dan lankadreman ki mannyer nou le promot nou biznes pli devan.

I annan enn de pwen osi ki enportan dan sa Lalwa I anmennen ki mon krwar nou devret konmann en pti pe sa Minister ki’n vin avek sa Lalwa.  Se par egzanp sa laspe fer zot prepar zot lo nivo finansyel.  Ou konnen nou annan en tandans Sesel kot bokou bann dimoun I al pran loan e apre zot al dan biznes pour zot vann lenz.

Obor semen sa bann keksoz koumsa e ler ou napa vreman en plan pour fer sa apre 2mwan 3mwan ou konmans vwar lo rezo sosyal.  Sa enn in pran lenz avek mon I pa’n peye mon krwar nou tou nou vwar.  Sa lot I pran lot pa’n peye e sa I konmans I vin en problenm akoz sa dimoun I pran sa loan I annan en komitman avek sa.  So mon krwar nou bezwen osi regard e mon krwar Onorab in osi tous sap wen kot nou regard sa bann lantrepriz ki menm smaller than micro?

Ki mannyer ou tackle zot ki mannyer ou ed zot?  Ki lo sa nivo ki zot bezwen bouz pli devan.  En lot laspe enportan Mr Speaker ki enlot koleg Onorab in koz lo la.  Se sa branding pour Sesel dan tou pei kot ou ale ozordi I annan en brand ki asosye avek prodwir ki ou kapab apel li andemik avek sa pei.

Me Sesel ki ou pe vwar ou pe vwar avek sa bann cheap knockoffs ki pe vini e pe compete avek sa artizan,    ki lokalman pe asize dan son workshop pe fer sa bann prodwir.  E sa konpetisyon parfwa I defavoriz li.  Akoz li I pe kree sa craft e mon krwar nou riske vwar nou dan en sityasyon ki pe dying art li osi.  Kot serten artizan pe nepli prodwir e ou pa oule annan sa sityasyon kot demen nou vin en pei kot nou annan en kiltir tre ris, me nou kiltir I ganny fabrike an Indonésie oubyen Philippine.  

So mon krwar I enportan ki nou met sa an perspektiv e ki mannyer atraver sa Lalwa ek bann Polisi ki pour swiv.  Sa I ganny met an pratik.

I annan lezot pwen Mr Speaker taler nou pour tous lo la ler nou koz lo bann lamannman ki nou pour fer lo sa Lalwa.  Me an terminen mon le remind Lasanble nou bezwen toultan reste vizilan par lefe ki bann pti lantrepriz I osi en sours lanplwa pour bokou dimoun.

E sa I enportan ki nou osi ler nou pe regard bann lezot size dan Lasanble tel konman Bidze nou konsider rol ki sa Lazans pour zwe.  E ki kalite Bidze sa Lazans I bezwen annan pour promot sa marketing pour sa bann kalite aktivite.

E sa I vreman enportan.  E si nou pa fer sa byen nou riske fer en bon Lazans met bann bon dimoun ladan me apre nou napa en kad efektiv pour li travay anba la.  E nou vwar sa souvandfwa so I enportan ki nou met sa annord.

Mr Speaker pour mwan I en plezir pour remind Lasanble lo bann mezir konman en pei nou’n pran e Gouvernman ki la in pran pour li promot pti biznes.  Anmenn pti biznes a en nivo ozordi nou konnen poudir bokou biznes I bezwen bouz past incubation fees.  E pour mon se sa main problem ki nou annan isi Sesel ozordi.  Bokou biznes I reste dan sa incubation fees I pa sorti ladan e I retourn dan lekibasyon i retourn ankor dan menm sours pour li rod finansman.  E sa I kree en problenm pour nou so mon krwar lesansyel prezan avek tel Lazans avek re definisyon bann lankadreman biznes avek bann nivo biznes.

I ava permet zot met bann Polisi pli targete ki i a target sa dimoun ki li in ariv lo sa nivo lo sa nivo medium enterprise.  I a target sa dimoun ki pe start up I a met an plas bann support structure bann striktir pour donn sipor.  E pour fer li kapab devlope.  An terminen Mr Deputy Speaker mon ti a kontan sa msye ki reste anler Praslin ki fer craft I vwar en outlet pour li vann son bann.

Mon ti a kontan sa msye ki reste North East Point ozordi ki pe pey li.  Ki pe pey en rent egzorbitan ki petet dan en landrwa pour li outlet li osi i kapab annan en outlet ki pli pre avek bann landrwa touristik.

So sa I bann keksoz mon krwar tanzib ki nou bezwen konmans fer deswit pour ki nou kapab vreman vwar sa bann artizan benefisye.  Relman benefisye.

Apre nou ava regard bann lezot keksoz Polisi bann zafer en pe pli larz.  Me sa I bann keksoz pli senp ki nou kapab fer dan term imedya.  Avek sa Mr Deputy Speaker mon pour donn mon sipor sa Prozedlwa.

 

MR DEPUTY SPEAKER

Mersi Onorab Pillay.  Onorab Wavel Ramkalawan.

 

HON WAVEL RAMKALAWAN

Mersi bokou Mr  Speaker.  Mr Speaker mon annan zis en pwen.  Mon aport a latansyon Minis, e an menm tan osi petet Minis I ava ed mon pour regarde ki mannyer dan sa nouvo Bill I annan en artizan pour ganny ede.

Mr Speaker I annan en artizan ki ozordi toulezour I obor Lorloz.  I apel Mr Roy Finesse sa msye in travay konman en artizan pandan en kantite lannen.  In parmi bann artizan ki zisteman letan ti napa landrwa i ti vann obor lorloz lo miray.  Letan zot in donn kiosk ti sipoze ganny priyorite,  li sa msye I pa’n gannyen priyorite in annan tou sort kalite problenm.  Mon krwar ki poudir I annan serten lenzistis alors mon anvi Minis I kapab dir nou ki mannyer sa nouvo Lalwa pour kapab koriz sa bann kalite lenzistis?  Parske pour mon nou pa kapab pe koz lo en nouvo Lalwa me selman nou annan enn nou frer ki pe bezwen debout obor lorloz avek en banner pour fer en protestasyon pour fer son lavwa ganny tande.

Alor Mr Speaker mon anvi zis demann sa kestyon pour ki nou ganny en larepons pour ki sa msye osi tou petet I ava kapab regarde ki mannyer I ava sorti obor Lorloz.  Pour li kapab antre dan biznes e pour li kapab fer son biznes.  Alor Mr Deputy Speaker mon koz lo non en artizan Mr Roy Finesse.  Mersi bokou.

 

MR DEPUTY SPEAKER

Mersi Onorab Ramkalawan.  Onorab John Hoareau.

 

HON JOHN HOAREAU

Mersi Mr Speaker.  Mr Speaker mon osi mon pour tre bref annefe mon annan zis de pwen.  Actually mon ti le flag pour Minis pour en konsiderasyon lo la.  Me avan mon al lo la mon ti le zis dir poudir I tre enportan pour annan en Lalwa pour protez kreativite en dizenn.

Akoz sa ki en pep lenspirasyon en pep lenspirasyon en dimoun I pa devret ganny kopye par nenport ki lezot dimoun apre apel li zot louvraz.  So sa dan li menm I anmenn en eleman kiltirel I anmenn en eleman solid dan nou kiltir.  Ki fer ki nou ganny idantifye par keksoz ki nou kapab kree e nou kalite art, nou kalite artizan ki nou prodwir.  Dezyenmman Mr Deputy Speaker lo kote materyo brit pour bann artizan travay avek I touzour reste en konsern pour bokou artizan an se moman.  Bokou keksoz I ganny enporte as finished products e I ganny revann Sesel.  Rather ki bann raw materials I ganny met fer available pour bann artizan travay avek.  So mon espekte ki SeNpa I mean sa nouvo Agency ki pe ranplas Senpa I ava pran sa an konsiderasyon.  I a fer sir ki bann artizan I ganny bann materyo de baz pour zot travay avek pour zot ganny zot lavi.

Mr Speaker mon ti le osi fer en pti lanaliz lo sa trwa definisyon small, micro, avek medium enterprise.  Mon pe flag sa akoz I en … keksoz Polisi ler ou pe gete.  Si par egzanp en dimoun ki pe fer li R9milyon vedir I par anba R10milyon me senpleman I annan li 20enn travayer pour li dan son lorganizasyon.  Ki fason ou klasifye en dimoun koumsa akoz mon krwar I pa no tonm dan small ni dan micro ni dan medium akoz sak sa bann diferan kategori ;  I annan de keksoz ki fer zot kalifye I annan zot larzan ki zot fer zot annual turnover avek la kantite anplwaye.  

So si sa I en pti pe I pa tro parey ki fason klasifye sa bann keksoz kekfwa zot ti kapab fer nou en pti pe pli konpran lo sa size.  E dezyenmman ler nou pe get Clause 8 (1) (c) dan la pli par Bill ki mon vwar oparavan.  I defini kantite term imprisonment en dimoun in devret pa servi pour li ganny diskalifye zisteman konman en Manm lo Board.  Par egzanp I annan ki pour met 3mwan si ou pa’n fer en santans 3mwan prizon e sa enn mon pa vwar li mete.  I met zis imprisonment so mon ti le konnen akoz ki sa I annan en diferan standar avek bann lezot Bill ki nou vwar oparavan.  Mersi.

 

MR DEPUTY SPEAKER

Mersi Onorab Hoareau.  Onorab Wavel Woodcock.

 

HON WAVEL WOODCOCK

Mersi Mr Deputy Speaker.  Mon pour fer en pti lentervansyon lo sa Bill sa Bill ki in ganny prezant dan Lasanble, pe seek to repeal Small Enterprise Promotion Agency which SeNpa ki nou tou nou konnen.  E pour etablir well en nouvo Lazans Enterprise Seychelles Agency ESA.  Me ler ou pe get fonksyon ESA fonksyon sa Agency, ou vwar serten similarite avek SeNpa.  Par egzanp fonksyon sa Lazans dan part 2 (5) (a) avek (b).  A I dir koumsa to manage innovative property belonging to the Agency.  To manage sorry immovable property belonging to the Agency.  Part (b) I dir koumsa ‘to manage and lease out sales outlet on such terms and conditions as may be determine.’  Ler ou pe gete more or less SeNpa ti pe fer menm zafer to manage e osi lease enn de sa bann propriyete.  Sirtou pour manage bann immovable properties.  Me issue e konsern en pti pe parey ki Onorab Sebastien in fer sorti se ki ou vwar poudir I annan en konstrent.  I annan en konsern sa bann propriyete ki anba management SeNpa.  Ou vwar ki SeNpa napa ase propriyete ler ou pe konsider parey Praslin e menm Grand Anse a plizyer repriz SeNpa in vin devan Lasanble.  Kestyon in ganny demande regardan bann propriyete ki bann artizan ki bann small ouswa bann medium enterprise I kapab servi.  I annan en mankman fasilite I annan en mankman bann lenfrastriktir e si nou konsider Grand Anse Praslin.  A plizyer repriz in ganny dir obor erport kot STC I ete la e lezot landrwa dan sa zanmerant ti ganny idantifye dan le pase.  Pour etablir sa bann lenfrastriktir sa bann mon pa konnen bann pti kiosk ki bann artizan ki bann lezot dimoun I kapab servi.  Me SeNpa pa’n zwe en rol ase serye pour fer provizyon sa bann fasilite sirtou kot I konsern Praslin.  Mon mazinen osi La Digue.

Alor mon ti a kontan konnen ki plan sa nouvo Lazans pour fer sir ki sa bann fasilite neseser I vin available enn pti pe plis lo Praslin.

Akoz sa I vreman en konsern plizyer bann artizan sirtou sa bann small and medium enterprise.

Lo merit sa Bill mon pour siporte akoz mon santi poudir sa Lazans la fason ki in ganny detaye mon pour siporte.  Me selman mon ti a kontan ki kekfwa Minis I ava eksplik nou en pti pe ki plan sa nouvo Lazans, sa nouvo Agency.  Kot I konsern Praslin Grand Anse avek Baie Ste Anne.  Mersi bokou.

 

MR DEPUTY SPEAKER

Mersi Onorab Woodcock.  Vi ki in ariv 3.30 mon a propoze nou a adjourn ziska petet 4er mwen 10 – 20minit ok?  Nou kapab adjourn ziska 4er I reste mwan ankor 2 entervenan apre nou ava envit Minis pour fer son Repons.  Onorab Simon Gill.  Non be nou pour adjourn la apre nou ava repran 4er.  Bon mon a revwar zot 4er.

 

 

(BREAK)

 

MR DEPUTY SPEAKER

Bon apre midi ankor.  Nou kontinyen avek nou travay e lo mon lalis ti reste 2 entervenan.  Avan mon ti pour envit Minis pour fer son summing-up lo merit e prensip zeneral sa Bill.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker permet mon dir ou ki mannyer otan ki mon felisit ou pour ou lapwentman ou eleksyon konman Speaker.  Mon tris akoz pour mon vwazen kote drwat e ozordi sez obor mon I vid akoz ou’n mont lo en pli o grad.

Alor felisitasyon Mr Speaker.  Mr Speaker mon pran laparol apre midi e mon konmans par deklar en lentere.  Mon madanm avek mon belser zot annan en pti lantrepriz alor mon pa anvi koz lo zot apre midi.  Me mon pran laparol akoz mon ti koz lo sa Bill ki ti ki pe al ganny repeal la ozordi par sa enn nef.  Ler Small Enterprise Promotion Agency Act ti ganny pase Minis in fer nou rapel an 2004,  dan 4enm Lasanble ou menm 3enm Lasanble.

E a sa lepok mon rapel ti annan en gran deba dan Lasanble lo bann Manm ki ti la sa lepok zot ava rappel, lo si sa lantrepriz ti pour apel SeNpa oubyen si I ti pour apel SeNpa e ozordi sa nouvo kabiler konman en mo.  E I kler ki dan li menm SeNpa in fer en kantite travay me I annan ankor bann Manm in fer resorti apre midi.  Bokou pour fer e kekfwa anba sa nouvo Bill ki devan nou ozordi.  En fwa ki I pour pase akoz I paret mon ki tou dimoun pe koz an faver I ava ganny en nouvo lelan e en nouvo souf,  pour al pli devan.

Fodre pa ki nou tonm dan latrap mazin pti lantrepriz konman zis bann travay artizanal.  Minis in dir nou ki son lobzektif I pli gran I tou bann Cottage Industries e I kler ki bokou Cottage Industries I relye avek artizan avek nou lendistri prensipal ki tourizm.  Me I pa I pa neseserman leka.

Pwen ki mon anvi fer sorti apre midi.  E ki mon anvi ankouraz sa Lazans pour fer en fwa ki in ganny re konstitye.  Se pour donn en pe plis loportinite bann antreprener ki napa en landrwa pour zot ekspoz e vann zot lantrepriz.  Pour kapab fer li pour kapab fer li dan en fason dan en sistenm parey en market parey en bazar ki pour ganny tenir.  Pa parey zis Bazar Labrin oubyen Bazar Ovan oubyen bazar ki nou vwar en fwa letan.

Me ki parey I annan dan bokou pei mon mazin London par egzanp bann nou ki’n vizit Hyde Park Bayswater.  Nou konnen ki tou le Dimans bomaten bann artis ki napa en landrwa pour ekspoz zot lar I met li lo bann railings avek Hyde Park.  E touris konman rezidan London I kapab desann e vin aste en morso lar.  A en pri rezonnab dan sa landrwa.  E dan mon bann vwayaz prensipalman lo biznes Comesa dan bann pei Lafrik.  Menm sistenm nou vwar tou le Dimans dan en car park dan milye lavil I annan en bazar ki ganny fer kot bann artizan I vini e zot pa pey bokou e zot kapab ekspoz zot bann travay.  Mon krwar sa I mank nou isi nou koz nou koz en kantite e SeNpa give credit where credit is due.  I fer tou le nwel tou bann levennman de tanzantan nou vwar sa bann keksoz ganny fer.  Me I pa ganny fer lo en fason regilye e mon krwar nou kiltir I ti a kapab abzorb en sistenm ki nou konnen tou le Dimans bomaten.  Or tou le Sanmdi apre midi whatever, dan en serten landrwa bann dimoun I kapab vini e ekspoz an plen ler.  Oubyen an kiosk ki zot a mete zot menm zot bann keksoz ki sorti dan zot lantrepriz.

Mon konnen ki mon konen ki ansanm avek SeNpa Mer Lavil I sey fer sa de tanzantan e mon menm kapab dir ki mon al mon asiste enn de.  E se bann levennman ki anmenn en kantite latmosfer dan nou lavil.

En Sanmdi bomaten I annan en band anba lapos ki pe donn lanmizik lokal e non selman touris me Seselwa I kontan partisipe.  Mon ti kontan en fwa mon rapel mon sorti la avek nouga avek moukat avek en pti tablo ki mon ti’n aste avek en artis en pareo en konfitir eksetera.

Donk se bann landrwa kot nou menm nou antan ki Seselwa nou kapab fer viv nou bann prop artizan.  E mon konsyan ki mon pe koz lo en nivo ase ba e touzour en nivo craft, me mon krwar ki si nou konmans ba nou kapab grandi from sa pti konmansman.  Alor Mr Speaker mon ti anvi pran laparol apre midi pour anvoy sa enn lide avek Minis avek son lekip.  Mon remersye ou.

 

MR DEPUTY SPEAKER

Mersi Onorab Georges.  Dernyen pour koze avan nou fer summing-up lo la.  Onorab De Commarmond.  Mon pa ti’n vwar ou lev lanmen Onorab Gill.  Mon a permet ou ava Onorab De Commarmond oubyen ou le al apre.

 

HON CHARLES DE COMMARMOND

Mon a koze mon pa pour tro long.

 

MR DEPUTY SPEAKER

Ale Onorab De Commarmond.  Apre Onorab Gill.  Mon demann leskiz mon pa’n vwar ou lev lanmen sa enn la.

 

HON CHARLES DE COMMARMOND

Mersi Mr Deputy Speaker.  Ankor enn fwa bonzour Minis avek ou delegasyon.  Mr Deputy Speaker sa Prozedlwa  ki devan nou I en bon Prozedlwa.  E nou bezwen ankouraz li e nou bezwen siport li konnen I pe osi anmenn bann nouvote.  Sa bann nouvote ki pe anmennen sa Bill mon krwar I bon.  E nouvo Lazans si oule I bezwen kanmenm al lwen ki son predeseser.  Travay ki SeNpa ti pe fer nou apresye up to now.  Me selman la I bezwen pas lo en lot gear – nou bezwen al pli devan.  E mwan mon pour pran en legzanp dan mon distrik Cascade kot mon pour la konman the sa en new artis nou pti biznes Cascade.  Joana Didon avek son fanmir in fer e zot in anmenn sa nouvo Brand – en Brand ki Sesel I fyer – katiti.

 

(Interruption)

 

HON CHARLES DE COMMARMOND

Wi e sa Brand mon pa pe koz sa bann zafer ki zot pe koze sa mon pa enterese avek sa mwan.  Mon pe koz sa ki real mwan !

 

(Mic Off)

 

HON CHARLES DE COMMARMOND

(Onorab Ferrari sey konport ou en pti pe silvouple.  Les mon fer sa ki mon pe fer la byen les mon koz sa ki fodre koze korekteman pour bann dimoun Cascade.  Mersi)

E sa fiy in anmenn si oule ti fer sa Brand pour li wi me an menm tan Sesel I benefisye ladan e la I fek sorti Ghana pour reprezant.  Sesel in ganny reprezante laba through that Brand.  Pour mon sa I en legzanp kot nou pe vwar Cottage Industry monte I monte e lontan I dan sa roulman li madanm Didon avek son msye.  E sa I en legzanp e mon demande ki lezot dimoun I swiv dan sa semen pour kapab anmenn pti biznes lo en pli gran lo en lot nivo.  Lo en pli gran lesel.

Mr Deputy Speaker la I fer mon osi mazin ozordi ler ou get partou bann gro biznes ki annan dan lemonn antye.  E bokou ki swa bann lendistri lalkol manze fromaz or diven or sports or lar li menm.  Ou vwar poudir konmans dan en vilaz, dan en dan en home, dan en fanmir konmsi pti.  In konmans pti e in grandi e ozordi menm ki in grandi donk I annan en bout son listwar kot I eksplik ou kot in konmanse kot ki mannyer in konmanse.  Konman sa I liye avek sa ki nou pe prezante lo la dan en sans e mon pe demande ki Lazans I ankouraz sa bann keksoz koumsa.

Get osi sa laspe inovativ e lorizinalite dan devlopman pti lantrepriz pour vwar ki mannyer zot kapab ankouraze.  Anbelir, siporte e donn sa ki nou apel seeds capital.  Pour pous bann pti lantrepriz devan pour kapab grandi pour kapab reprezant nou pei byen pour zot kapab zot osi benefisye in the process.

E sa bann lide koumsa I bann lide ki nou devret pe promote ki nou devret pe apiye pour fer sir ki sa bann pti lantrepriz I en lespwar pour nou.

Onorab Georges in tous en pwen ki tre enportan taler ler I pe koz lo si oule bann lafwar bann ekspoze pour bann travay lar.  Pour mon sa en keksoz ki devret ganny fer pli souvan.

Nou pas dan plizyer landrwa dan bann lotel ensidswit tou sa bann travay lar mazorite 95poursan sorti deor !  Oli pour nou?  E pourtan nou artis pa mal travay e sa pour mon I ava ankouraz ankor plis artis pour travay.  I pa zis dan lotel me I dan bann biro osi menm zafer.  Dimoun in aste bann travay lar ki nou fer vini pli bon marse parfwa mon demann mon si pli bon marse menm.  Be nou lokalman nou astis I ranpli avek talan me I bezwen ganny ekspoze e nou bezwen desann ler I annan tou sa.  I kre en aktivite ki swa I fer dan lavil ki swa I fer kot Lenstiti Kreol kot lezot landrwa dan en lotel ensidswit.

Be I bezwen ganny fer e la Lazans la I bezwen pe ankouraze pe pouse e pe fer piblisite pour dimoun I desann I vini.  I pa zis gete me I aste e an menm tan zot ganny ankouraze bann artis pour prodwir en pe de mas osi.  Konmsi bann copies I kapab vin pli bon marse ki ou kapab servi akoz sa ki nou aste sorti deor I kopi sa I pa orizinal.  Alor I annan tou sa tou sa lespri la ki nou pe met devan ki mon krwar I devret ganny servi ganny fer e Lazans I bezwen zwe en rol de kle, en rol enportan pour promouvwar pour promote pour kapab fer avanse sa.

E la ler nou demann osi en lot keksoz ganny fer Lazans I bezwen travay an kolaborasyon etrwat avek bann medya.  Souvandfwa medya I dir ou I bezwen osi sarz ou en larzan pour tou keksoz piblisite ki ganny fer.  Me nou konman en pei Gouvernman I bezwen vwar akoz mon krwar si mon pa tronpe an sibvansyon ki ganny donnen pour medya.  Me si nou pe donn sibvansyon medya I annan serten keksoz ki medya I bezwen ganny fer.  Pour ed pe.

Pa kapab zis pei I pran larzan taxpayers I donn bann media houses.  I bezwen osi annan en retour la mon demande ki SeNpa si fodre Minister Minis met dan Cabinet sa bann keksoz koumsa.  I parey pour lasante I parey pour spor I parey pour lanvironnman.  Zot bezwen vin pli proactive bann Minis al devan met propozisyon dan Cabinet pour kapab ganny either at a very reduced price konmsi sa avertisman ki zot fer.  Sa piblisite sa ledikasyon oubyen I ganny fer pour naryen bezwen ganny gete bezwen annan bann mekanizm ki permet sa bann keksoz arive.

Nou koz lo lasante lot zour lanvironnman osi be ki mannyer nou pour edik nou dimoun si ou pour al met en advert pour lanvironnman.  En bout pour ledikasyon pour lanvironnman edikasyonnel e li medya I pour sarz ou sepa konbyen e Minister pa kapab peye?  

So nou pe bouze dan en fason selman nou pe retourn an aryer dan en lot fason.  Nou bezwen pe revwar nou fason fer nou fason bouz devan dan sa direksyon.

An menm tan pour fini I fer mon mazin bomaten was it yeah bomaten ler mon desann ti annan en progranm SBC kanmenm I fer serten progranm anr ti radyo sa –  lar kot en zenn zonm pe eksplike koman I pe fer bann nouvo teknik lar ensidswit.  Ki en pe letan nou pa’n tro tande I annan bann dimoun ki ti fer.  E alor tou sa I bann keksoz ki kapab ganny bouz devan pouse en fason ki dan nou bann pti kiosk la.  La nou pe koz en pti pe lo lar ki nou pa kapab vwar menm keksoz ki sorti deor.  Be nou osi pour nou mon konnen zot pour dir mon dimoun letan I pe fer sa bann biznes I rod en pe larzan vitman osi.  Me nou bezwen pe vwar en lot dinamik la I bezwen annan en lankourazman.

Nou pe koz lo raw materials ki mannyer ou pour vwar sa dimoun ki pe fer serten lenz oubyen en travay batik e en lot travay lar.  Ki sa raw materials I bezwen pey tax lo la I bezwen pey duty bezwen rod en fason ki si ou pour ankouraz nou bann pti lantrepriz pti biznes la.  Ki sa bann raw materials I bezwen ganny fer avek serten konsesyon.  I bezwen ganny tire konpletman pour nou kapab vwar en fason pour ki ler in fini the cost I pa egzorbitan ou pa fer en pri zis pour touris ki Seselwa pa kapab aste osi.  I bezwen annan en keksoz ki rezonnab e la I fer mon mazin lot zour letan I pe koz en koko tann sepa konbyen zot dir mon dan serten landrwa dimoun I van avek touris.  Pri egzorbitan ki does not make sense be nou bezwen pe vwar sa bann keksoz.

E la mon krwar lantrepriz Seychelles Enterprise Seychelles Agency ki nou pe koze la I bezwen pe zwe sa rol de kle dan tousala.  Mon ava aret la e mon pour siport sa Prozedlwa I annan bann amannman taler a kit in the Bills Committee zot ava met devan pour nou kapab osi fer ki Bills i pli clear lo la.  Me selman vwala ki mon krwar I enportan e mon krwar ki sa I ava kontribye dan zot travay ki zot pour fer pour met sa Bill an pratik.  Mersi.

 

MR DEPUTY SPEAKER

Mersi Onorab De Commarmond.  Onorab Simon Gill.

 

HON SIMON GILL

Bon apre midi Mr Speaker mersi bokou.  Bon apre midi Minis avek ou lekip Manm Piblik e Manm Onorab ki pe ekoute.  Mr Speaker Bill devan nou I donn nou loportinite pour nou koz e anmenn kontribisyon lo diferan size.  Ki an retour I ava ede mon swete pour anmenn en nouvo zenerasyon antreprener dan Sesel.  Dan bann lentervansyon ki mon deza fer isi dan sa Lasanble mon deza koz lo en size ki mon apel ekonomik empowerment Seselwa.

E sa Prozedlwa avek tou son bann provizyon ki’n fer sorti ladan pa pour abouti nou dan naryen.  Si napa bann dimoun konpetan bann dimoun ki anvi vwar Sesel avek Seselwa vreman pran pouvwar ekonomik dan son lanmen.  Nou bezwen bann dimoun ki krwar dan sa filozofi permet tou Seselwa ki annan lentere pour devlop en biznes.  Fer en biznes e pour nou pa anpay li.  Nou pa kapab kontinyen koz lo ease of doing business san kre lanvironnman pour permet ease of doing business vin en realite.  E ki Seselwa I ava kapab ler I pran en desizyon dan son lakaz avek son fanmir.

E ler I desann kot bann Minister kot bann Lazans zot aret vir li an ron.  E nou fer mannyer nou shortcut tou sa bann mil prosedir ki zot met an plas.  Ki par konsekans I dekouraz bann zenn antreprener or bann Seselwa ki anvi fer biznes.  Sa I premye eleman ki mon krwar I pri mondyal.  Si nou pa krwar ladan nou pa devret la dan sa lantrepriz.  Nou bezwen met bann dimoun ankor enn fwa mon repete ki krwar dan sa filozofi.  Pour empower Seselwa ekonomikman akoz mon believe ki dan Sesel nou bezwen nouvo zenerasyon businessmen Mr Speaker.  Nou bezwen nouvo zenerasyon businessmen nou pa kapab ler mon sorti Port Glaud ziska ler mon ariv dan zil Bel Ombre.  I annan Distrik Bel Ombre trouv en zenerasyon business dan Sesel.  Nou bezwen vwar en sanzman.

 

 

2enm pwen Mr Deputy Speaker se ki sa nouvo Prozedlwa pa pour anmenn nou lwen si nou pa krwar ki Sesel.  Konman en Manm dan sa bann diferan lorganizasyon rezyonal tel ki Comesa, SADC e lezot ankor.  Ki Sesel I devret sezi bann loportinite pour ki nou kapab eksplwat bann marse ki annan lo kontinan Lafrik.  Lo main land parey nou kontan dir mainland I annan en marse ki son pe pli menm li pa ankor kapab konble.  E si nou vreman oule ki sa Bill I anmenn en revolisyon dan la fason nou vwar biznes e fer biznes.  E devlop lantreprenarya dan Sesel fodre nou kapab idantifye Seselwa.  Avek kapasite ki doue.  E I bezwen annan bann dimoun dan sa lantrepriz ki ale al fer sa bann travay.

Sa bann travay resers pour donn Seselwa akse avek marse.  An deor teritwar Sesel byensir.  Lot eleman enportan apar marse nou konnen nou napa ase bann prodwir brit isi dan nou pei.  Sa ki Onorab De Commarmond in apel bann raw materials.  Nou pa kapab kontinyen vir an ron avek sa zafer loportinite pour Seselwa ganny raw materials.  En ler I annan en ler I napa I bezwen annan en fason ki nou striktir nou organiz nou atraver sa nouvo Prozedlwa ki nou pe met an plas.  Pour ki nou ale nou al sours bann pei kot I annan tro bokou raw materials.

E pour ki bann Seselwa avek bann kapasite e abilite I kapab ganny akse avek sa bann raw materials.  E vin isi dan nou pei e prodwir bann prodwir avek zot skill abilite teknik ki zot annan.  E met lo marse pour nou touris pour touris ki vin Sesel kapab ganny akse avek bann prodwir ki Seselwa I prodwir.   Non pa bann prodwir ki Seselwa I al aste Thailand epi vin ranpli nou market isi.

Sa I en fason pour devlop abilite kapasite skill selman.  E nou bezwen annan dan sa nouvo Lazans bann dimoun ki devlop sa bann kapasite dan nou Seselwa.  Nou pa kapab kontinyen fer keksoz menm parey.  Ee need to change.  E sanzman I bezwen arive avek bann dimoun ki krwar dan sa filozofi pour sanz la fason ki nou fer biznes.  Nou pa kapab kontinyen dan menm fason.  Lot keksoz ki mon krwar I enportan ki nou koz bokou lo la Mr Speaker se fasilite or akse avek finans pour nou bann lantreprener.

Mon pa ankor kapab satisfer mon lekor baze lo tou bann resers ki mon fer.  Tou bann lenformasyon ki mon rode ki nou annan en striktir ki la ki vreman permet nou bann Seselwa nou bann zenn antreprener ganny akse avek finans.  I annan en lenformasyon ki’n sorti in pibliye dan NASYON mon prezimen de semenn pase.  In dir Seeds Capital in konmans pare zot kapab ganny akse avek.  Me nou bezwen al pli lwen ki sa.  Mon krwar I pa ase ki mannyer labank li menm li striktir finans Sesel nou labank I antre e ede pour finans nou bann zenn antreprener.  Bann first starter, starter business?  Nou pa fini la Mr Speaker.  Pour nou kapab annan sa nouvo zenerasyon business man pour nou kapab empower Seselwa nou bezwen dan sa Lazans al dan lekol.  Al idantifye bann zenn ki pe fer accounting ki pe fer business management gete lekel ki annan dan sa lentere pour devlop nou biznes.

E dan sa Agency I bezwen annan dimoun ki annan en levanter tou bann business opportunities pour nou kapab ofer sa bann zenn.  Nou pa kapab reste la nou bezwen al pli lwen.  Pli lwen Mr Speaker kot nou ale nou bezwen dan sa bann lorganizasyon rezyonal ki mon koz lo la pli boner.  Gete dan sa bann pei ki mannyer bann zenn antreprener Seselwa I servi zot kapasite e abilite pour penetre fizikman dan marse sa bann pei.  Pour zot etabli zot biznes laba ozordi Mr Speaker ler mon koz mon sorti Port Glaud ziska mon ariv Bel Ombre.  Mon le trouv en sanzman akoz nou bezwen vwar sa sanzman.

Akoz I annan en lot kalite filozofi ki nou bezwen vwar.  Endyen I sorti l’Inde I vin fer biznes Sesel Morisyen I sorti Maurice I vin fer biznes Sesel.  E nou annan nou en gran nonm sa bann businessmen ki desann ki vin fer Sesel.  Fer zot biznes isi Sesel be Seselwa kan ki nou pour antre e ganny loportinite pour al fer biznes dan sa pei?  Ki nou bann striktir lokal pe fer pour Seselwa kapab penetre dan sa bann market?  Se sa ki mon dir al pli lwen e pa aret la.  E dan sa bann pei ler zot ale ki nou fer.  Nou bezwen servi nou bann Lanbasad nou bann Konsil dan sa bann pei.  Pour ki sa bann Anbasader nou bann Konsil I ouver sa loportinite pour Seselwa penetre dan sa bann market.

E nou kre en nouvo sanzman dan nou bann Lanbasad e lofis nou bann Konsil dan sa bann pei?  Se sa ki mon pe dir nou bezwen al pli lwen nou pa kapab aret la.  Nou annan en popilasyon ki pe grandi kip e devlope.  E nou ki responsab sa zenerasyon ki la ozordi ki pe lead sa pei ki pe lead Sesel.  Nou bezwen pa les bann zenn zenerasyon kip e vini kondonn nou poudir nou pa’n fer nanryen pour zot nou pa’n kree loportinite.  Me ki nou les bann dimoun sorti deor anvair nou isi!  Nou bezwen al pli lwen ; nou bezwen al pli lwen.

Mr Speaker ler mon dir nou bezwen al pli lwen mon pa pe dir sa bann Onorab zot annan dwa pour entervenir dan mon konversasyon ozordi.  Mr Speaker detrwa bann komanter ki mon fer se ki mon ti ava voudre pour mon konklir.  Ki dan ankor 1an dan ankor 1an Minister Minis la ou pa la e mon swete ki sa Lazans I la I ava kapab prezant Sesel Seselwa,  en kontrandi reel ki mannyer apartir ki sa Prozedlwa I ganny met an aplikasyon. E ziska 1an de la ki mannyer nou kapab prodwir sa nouvo sanzman sa revolisyon.  Pour ki Seselwa I vreman take ownership son lekonomi e ki Seselwa I osi kapab penetre dan marse lezot pei.  Pour ki an retour nou annan nou en striktir ekonomik ki bokou pli diversite kot pa letan mon antre.

Mon pe fer tel keksoz ou trouv mon pe fer sikse lot kote lakaz ou osi ou reve ou ale ou al fer menm zafer.  Nou bezwen pe kapab oriyant bann Seselwa oriyant nou bann zenn antreprener pour ki zot prodwir oubyen zot antre dan bann diferan areas, dan bann diferan sekter.  Ki montre sa diversifikasyon dan sa nouvo sekter ki mon krwar I ranpli avek potansyel.  Me I depan en kantite ki mannyer nou bann dimoun ki pe lead sa process.

I lead nou bann zenn e I lead bann dimoun ki deza dan sa sekter pour zot epanouir.  Pour zot fer pli byen pour zot fer sikse, e pour ki finalman se Sesel ki benefisye.  Se nou lekonomi ki nou benefisye nou anmenn plis deviz etranzer pour Sesel.  Nou bann dimoun I redwir depandans lo kou ki Gouvernman I donnen atraver nou Welfare Sistenm.  Mr Speaker avek sa detrwa mo mon ava dir avek Minis.  Mon pour donn sipor sa Prozedlwa ki in anmenn kot nou Lasanble.  Akoz son lesansyel I montre lentansyon kler pour anmenn en nouvo dinamik dan en sekter enportan dan nou striktir ekonomik Nasyonal.  Mr Speaker mersi bokou.

 

MR DEPUTY SPEAKER

Mersi bokou Onorab Gill.  Mon napa ankor entervenan mon pour envit Minis prezan pour fer son larepons lo deba zeneral e merit sa Bill.  Minis.

 

MINISTER WALLACE COSGROW

Mersi Mr Speaker.  Mr Speaker I annan bokou ki’n ganny dir dan sa pti moman letan ki nou la pe debat lo merit sa Bill.  Mon ti a kontan remersye tou bann Manm Onorab ki’n aport zot kontribisyon dan deba ozordi.  Mr Speaker mon pour sey go over en pti pe tou bann pwen ki’n ganny fer resorti.  E mon hope ki mon kapab anmas bokou mazorite bann pwen ki’n ganny fer resorti.  Bann pwen tre valab e bokou bann pwen ki’n ganny fer resorti ozordi bann pwen ki nou menm nou dan Minister nou asize nou mazin lo la.  I form par bokou bann travay ki nou pe fer ki nou konmans fer avek nouvo tim e ki nou pe kontinyen fer.

 

Pour ki nou amelyor lanvironnman fer biznes Sesel nou amelyor lanvironnman pour ki bann dimoun I kapab ganny bokou plis loportinite biznes Sesel.  So mon pour sey go over en pti pe sa bann pwen pour eklersi en pti pe.  E apre mon pour fer en pti konklizyon.  So nou koz en pti pe lo rekomandasyon Board.  Ki Board I ganny (sorry) ki Board I apwent CEO ki Prezidan I ava aprouve par baze lo rekomandasyon Board.  Pour mon I annan detrwa Lalwa ki pas koumsa avek mon pa vwar okenn problenm avek sa.  E si Komite Bills Komite I deside met sa dan Lalwa pour mon vwar li ok.  Fonksyon CEO avek Deputy CEO natirelman I bezwen CEO I bezwen lead e Deputy CEO I bezwen annan serten fonksyon pour li ed e sipor sa CEO.  E apard ki ler CEO pa la ki I deputies dan kapasite sa CEO ler sa CEO I pa la.  I annan bann lezot fonksyon ki CEO I kapab delegate avek Deputy CEO.  Pour li fer sir sa keksoz pe marse dan sa lorganizasyon.

Deputy CEO I vin konman en help pour sa CEO pour fer keksoz bouze.  E pour mon sa separasyon I la selman I konplemant zot konplemant louvraz kanmarad.  An term par egzanp pour enkli en Manm Praslin dan sa definisyon Inner Island pour li en Manm Praslin.  Mon krwar I fantastik deza dan nou bann dan nou konsiltasyon ki nou fer pa neseserman lo la.  Be selman konsiderasyon ki nou fer dan Minister kot diferan Polisi diferan Lalwa ki nou pe sey anmennen.  Nou enkli Manm dimoun ki sorti Praslin e spesifikman bann ki annan pour fer avek biznes.  E dan sa ka Praslin se Praslin Business Association nou involve zot bokou.  Dan bann konsiltasyon zot la e menm La Digue dernyen er la nou ti pe envit dimoun sorti La Digue pour konsilte dan serten Lalwa ki nou pe propoze.  Ki byento mon krwar nou a kapab met devan Cabinet e devan Lasanble Nasyonal.  Onorab Henrie in koz en pti pe lo social entrepreneurship.

Mon krwar otan ki sa bann dimoun I bann biznes zot kapab ganny kouver anba sa Lazans.  Menm malgre menm si zot pa bann biznes ki pe neseserman fer gran kantite profi zot bezwen pran zot profi e transfer li dan bann lasistans ki zot donn bann group dan lasosyete.  Mon krwar si zot konsidere konman en biznes zot tonm anba sa Lazans.  E mon krwar I enportan pour mon fer resorti ki a sa pwen la.  Ki parey Onorab Georges I dir, parey lezot Onorab in dir sa Lalwa I pa zis pour Cottage I pa zis pour artizan I en Lalwa ki get tou biznes ok.  Tou biznes eksepte bann gro biznes sa ki nou apel large businesses, so tou biznes I ganny kouver anba sa Lalwa.  Ki zot pour kapab vwar zot anba sa Lalwa e zot kapab vwar zot servis ki sa Lazans pour ofer.  So pour mon pa vwar li I en problenm ki mannyer keksoz pour sanze avek sa nouvo Lazans.  Definitivman nou enkorpor nou enkorpor bann fonksyon bann fonksyon dan sa nouvo Lazans ki pour le moman SeNpa pa pe fer.  I some sort of graduation from sa ki SeNpa ti pe fer.  Sa ki bon ki SeNpa ti pe fer e nou azout an plis ankor lezot keksoz pour ki definitivman nou kapab reponn demann bann lezot kategori biznes apar ki Cottage avek artizan.  So nenport biznes pour kapab vwar li anba sa anba sa Lazans.

In osi lev bann pwen eski nou satisfe avek definisyon parey mon dir definisyon napa enn standar.  Me tou I tourn otour plizoumwen menm term ki enkli turnover sa biznes la kantite travayer.  So nou adapte nou definisyon baze en pti pe lo sa lo sa de prensip e pour nou mon krwar ki I sifizan.  E ki mannyer nou aplike si par egzanp en biznes I vwar li petet I pa konnen kot I tonbe.  Akoz mon krwar sa ti en kestyon si propozisyon Onorab Hoareau kan mannyer nou aplike letan en biznes I pa tonm li dan an term reveni I pa tonm dan gro.  Par egzanp en pti biznes par egzanp or son kantite travayer osi I en pe plis ki kategori pti biznes pour konsidere.  La pratik ki bann lezot pei I fer se ki par egzanp Linyon Eropeen.

La pratik se ki zot pran sa ki pli pti.  Savedir si si son reveni I pli pti e son in terms of son kantite travayer, I sot la kantite ki Lalwa I dir.  So nou pour pran son reveni e vis versa so se sa la pratik.  Nou pour pran en pti pe the best practices OECD, Linyon Eropeen menm get Maurice nou’n get Malaisie.  So nou’n get en pe partou letan nou devlop sa Lalwa nou get en pe partou.  Ok nou I annan bann pwen ki’n ganny fer resorti an term par egzanp ki annan pour fer avek Lalwa li menm bann pwen teknik dan Lalwa li menm.  Ki mon krwar nou kapab les avek Bills Committee letan zot si I annan okenn propozisyon ki zot le fer.  Ki dabor nou’n deza diskite avan nou deza diskite lo propozisyon ki zot in fer.  Par egzanp removal of members si zot fer si zot fer en serten lofans or si zot pa attend miting.

Sa i en bann keksoz ki natirelman nou kapab i deza dan Bill me selman si I annan lezot keksoz ki nou anvi fer avek pour fer li en pti pe pli transparan mon napa problenm avek sa.  Discloser of information whisleblower ki’n ganny releve par Onorab Gervais Henrie.  Mon krwar I enportan ki en Board member I bezwen kapab gard serten lenformasyon personnel ki I anmase pandan ki I dan miting.  Or I pe attend tou son louvraz konman en Board member, me selman mon sipoze the arise to Information Act I kapab fer en provizyon si I annan en nesesite.  Pour fer serten pour en Manm fer serten deklarasyon si I krwar I enportan I neseser.  Mon krwar sa Lalwa I devret kapab permet li pour fer sa.  Par kont osi mon krwar ki en letan ou si ou ganny lenformasyon prive.  Par egzanp lo en endividi konman en Board member ou bezwen kapab annan serten secrecy ki ou kite an term lenformasyon endividyel.  Me selman pa lenformasyon an zeneral so i en pe sa mon pwennvi lo sa kote.  Nou koz en pti pe lo nouvo lenerzi lo promosyon pti biznes sertennman sa Lalwa I pe nou pe I anvizaze ki I anmenn nouvo lenerzi dan promosyon bann pti biznes.  Nou anvi ki I devlop bann pti biznes well ler mon dir pti mon pe enkli bann micro avek mwayen tou.  Lo kote devlop en Brand pour Sesel I enn I en keksoz ki ti deza egziste.

Mon krwar nou ti annan en Seychelles Brand mon krwar I en keksoz ki’n ton men pti pe.  Me avek sa Lazans I nou bi pour nou relev the Seychelles brand e servi li byen.  Avek lentrodiksyon intellectual property I en loportinite ki petet nou kapab servi the Seychelles Brand.  Brand nou bann prodwir e trademark li patent li ki mannyer I ava ganny proteze.  Provizyon pour bann outlets pour bann artizan sa I en keksoz ki konstaman nou ganny nou ganny demande dimoun pe demann nou landrwa pour zot fer zot bann.  Pour zot vann zot bann prodwir pour display vann zot bann prodwir.  An se moman SeNpa i annan de landrwa an se moman I annan Camion Hall avek bann Kiosk Lesplanad.  E nou anvi nou anvizaze annan plis nou anvizaze annan lo Praslin Onorab Woodcock Onorab Gill.

Nou anvizaze annan lo Praslin nou anvizaze annan lo La Digue me I tou depan lo Bidze.  Ki nou gannyen e nou ava demann bann Manm Lasanble pour siport nou pour donn Bidze letan nou met dan nou Capital Projects.  Nou ganny en pti larzan lannen pase nou renouvle sa bann landrwa Codevar in ganny renouvle en pti pe.  Bann kiosk in ganny renouvle pour fer nou bann antreprener en pti pep li konfortab.  Onorab Ferrari in lev en pwen konsernan ler ou nepli pti ou le bann landrwa fasilite kot I sipoze ganny servi pour bann pti biznes.  Ok dan retail incubators mon krwar ou annan toutafe rezon ki ler en dimoun I annan serten biznes in ariv en serten groser nou bezwen kapab ed li pour li bouze.  Nou bezwen kapab ed li pour li find en alternative osi final alternative pour li osi kapab bouze e les la plas pour bann dimoun ki pe konmanse.  Ler mon tous sa mon ti a kontan tous en pti pe pwen Onorab Ramkalawan.

Konsernan en pwen partikilye e in nonm non mon ava nonm non Mr Finesse.  Mr Finesse I en dimoun ki mon vwar li detrwa fwa mon koz avek li mon diskit avek li.  Mon konpran in eksplik mon son sityasyon, me spesifikman pour le moman la nou napa landrwa pour nou met li.  Me selman mon eksplik li mon deza dir li poudir mon pe konsider son demann ler nou annan en plas vid.  Me selman nou annan lezot keksoz ki nou ed li mon pa pour al an detay la dan Lasanble.  Me selman mon kapab donn Onorab Ramkalawan sa bann lenformasyon.  So nou’n koz en pti pe lo Board composition Onorab zisteman mon krwar nou’n mazin ou ler nou ti pe  met sa figure 7 dimoun.  Me mon krwar nou’n ganny li byen mon dakor ki anyway ok.

So ankor nou’n koz en pti pe lo finansman akse avek finansman bokou Manm in koz lo akse e finansman.  Pour nou I en batay toulezour Advisor, PS menm lezot dimoun I a kapab dir ou toulezour I en batay nou pe sey rod diferan fason ki mannyer nou kapab met bann Polisi.  Bann prosedir an plas pour improve sa zafer finansman bann pti biznes.  Avek sa definisyon sa threshold ki nou’n mete dan sa Lalwa la I pou provide nou loportinite pour nou kapab kategoriz finansman biznes par –  sorry donn finansman biznes par kategori par egzanp si nou dir en micro enterprise I pe konmanse ouswa en start up nou annan nou en targeted approach pour li.  Lot nou annan nou en lot kalite lapros so I pour pli fasil pour nou kapab kategoriz finansman pour bann biznes.  E mon a donn en legzanp par egzanp Seeds Capital nou annan loan ki SBFA nou annan osi SME Scheme.  Nou pe travay en pe lo Polisi ki mannyer nou kapab par egzanp garanti provide garanti dan Lalwa.  Pour bann dimoun ki pe access SME Scheme pour donn labank plis konfidans pour zot kapab donn sa bann loan.  Nou travay avek labank nou travay avek Lasosyasyon Banker.  Souvandfwa labank I dir nou poudir be sa bann proze sa bann pti biznes I pa bankable.  Nou bezwen travay avek zot sa Lazans I la pour travay avek zot pour fer sir ki zot bann proze I bankab.

Zot annan proze ki fer sans I pa bann proze konmdir Onorab Gill ki nou pa’n kopi lo en lot nou neighbor, me selman inovativ.  Nou vin avek bann proze ki labank i dir be ok sa I enn ki mon kapab mon kapab finanse.  So se sa bann keksoz bann batay ki nou gannyen toulezour an term finansman.  E Mr Toussaint coming from the banking sector i pe donn nou en koudmen lo la.  So nou pe travay mon kapab reasir sa Lasanble ki nou pe travay konstaman pour nou kapab solve sa problenm.  Akoz sa I en problenm ki leve toulezour preski toulezour ou zwenn en Manm Piblik dan ou biro.  I vini I dir ou Minis mon ganny difikilte pour akse credit avek labank.  Ok ?  So loportinite dan distrik I annan Manm Onorab ki’n call mon I dir Minis I annan tel landrwa dan distrik ki nou kapab donnen pour fer pour nou fer bann pti sant mikro antrepriz.  Ouswa bann pti landrwa kot dimoun I kapab fer outlet nou annan landrwa ki nou vizite par egzanp Anse Etoile La Retraite.  Nou annan diferan landrwa Praslin I annan posibilite so nou pe get tousala pour nou kapab.

Me selman nou bezwen finansman nou bezwen finansman pour nou kapab met bann diferan fasilite an plas pour dimoun servi.  Mon koz en pti pe lo IP rights mon koz mansyonn en pti pe ki ler nou pe devlop sa brand ki ‘Made in Seychelles’ IP rights I pour vreman enportan pour protez sa prodwir.  Problenm materyo brit sa I en issue ki bokou dimoun in releve.  Me selman nou bezwen realize ki provizyon materyo brit I enn ki enn ki kapab ganny fer dan en setup sekter prive.  Savedir sekter prive I enporte e zot vann be selman ki Lazans I kapab fer Lazans I kapab atraver nou bann kontak atraver nou bann Lanbasad.

Atraver bann trade fairs ki nou ale I annan bann raw material fairs ki nou attend.  Nou kapab ganny sa bann kontak e donn bann sekter prive sa kontak pour zot fer vini sa bann materyo e vann avek bann antreprener.  A en pri meyer marse dan sa ka nou kapab demande ki tax I ganny redwir lo la pour kapab pas sa benefis avek bann artizan bann pti biznes.  Ok?  So nou’n koz en pti pe osi lo similarite Lazans akoz similarite sa fonksyon ki sa Lazans pe fer e sa ki SeNpa ti pe fer.  Parey mon dir oparavan sa Lazans i pour kontinyen fer sa ki SeNpa pe fer me I pour fer plis sa ki SeNpa pe fer.  So se sa ki nesesite ki nou ranplas SeNpa avek sa nouvo Lazans.  Ok nou’n koz osi en pti pe lo bann loportinite display vann bann prodwir permanent markets.  Mon ti a kontan enform sa Lasanble ki nou ti annan en propozisyon (sorry) en papye ki’n al Cabinet de semenn pase.

Sa papye I zisteman adres sa sityasyon Cabinet in aprouve pour fer kat kalite aktivite ki target bann dimoun ki fer bann lavant dan bann pti stalls par egzanp.  E bokou sa ki nou apel bann street vendors I annan flea market car boot sales once a month.  I annan bazar labrin adisyonnel avek sa ki pe fer Merkredi ozordi.  Bazar Viktorya de fwa par mwan apre open sale sa ki Onorab Georges ti pe koz lo la.  E sa once a week savedir en pti pe dan menm laliny  ki ou ti pe dir open sales – meaning kot nou annan en landrwa dezinyen.  Tou le Dimans, tou le Sanmdi whatever zour ki nou deziny li ou vini avek sa ki ou annan pour vann e ou vann.  E pour le moman propozisyon ti nou fer li dan car park ki an fas avek taxi stand ki annan ki dimoun I kapab osi roul dan Freedom Square.  Si nou ganny permisyon avek NSC pour kapab servi osi laplenn kot sa pti laplenn anndan kot biro SeNpa pour nou fer sa.  So I annan bann aktivite e nou osi nou osi pe travay pour sey rod en fason pour ed bann dimoun ki nou pe dir parey sa ki nou apel street vendors.

Nou annan en propozisyon ki’n ganny aprouve lo bor kot Hypermarket Bois De Rose Complex.  I annan ankor teknikalite ki nou an prensip ki nou ganny aprouve Planning in aprouv detrwa pti teknikalite ki landlord landrwa in dir fodre nou amelyore.  So once sa i fini si nou annan finansman nou kapab bouze avek sa.  So nou pe get diferan outlet diferan fason ki mannyer nou kapab ed bann dimoun ki bann startup bann ki’n fek konmanse bann ki pe sey debourye pour nou kapab pour zot kapab bouze.

 

MR DEPUTY SPEAKER

Minis eskiz mon si mon kapab demann ou pour ekonomiz en pti pe letan si petet ou kapab sum-up dan 2 minit.

 

MINISTER WALLACE COSGROW

Ok mon preski fini sorry Mr Deputy Speaker.  Sorry mon preski fini mon ti a kontan zis fer en pti komanter par egzanp lo ki mannyer nou medyatiz nou bann nou bann aktivite.  I vre ki medya I pour fer advertisement ki vreman ser.  E I kout en kantite nou Bidze pour nou kapab fer sa bann lenvestisman.  Mon a sey pran en pti pe advice Onorab nou a sey diskit avek bann medya pour gete ki mannyer zot kapab asiste nou.  Pour nou kapab fer plis avertisman

Mr Speaker mon krwar dernyen pwen ki mon ava touse loportinite pour vann en pti pe an deor Sesel.  Ki’n ganny leve par Onorab Gill zisteman sa Lalwa enn pwen son bann fonksyon se ki nou ed antreprener pour grandi.  Pour nobou al osi dan bann marse etranze ok idantifye bann niche market pour nou kapab al dan marse etranze so sa I part of fonksyon sa Lazans.  Avek sa Mr Speaker mon ava remersye tou Manm ki donn zot sipor sa Bill sa Prozedlwa pardon.  E mon a dir zot rest assured ki nou pour travay dir e fer sir ki sa Lazans I fer bokou plis ki SeNpa ti fer.  E nou ava take the challenge of Onorab Gill ki ankor dan 1an nou ava kapab donn en kontrandi Lasanble ki zistans nou arive avek progre.  Mr Speaker tou Manm Onorab tou manm piblik mersi bokou.

 

MR DEPUTY SPEAKER

Mersi Minis.  Bon nou ariv ler pour nou pran en vot lo merit sa Bill.  Tou bann ki an faver lev zot lanmen silvouple? Tou bann ki kont?  Mersi Onorab.  Clerk ou a donn nou rezilta.

 

MADAM CLERK

Mersi Mr Deputy Speaker.  Inanim 30 Manm an faver.  Personn kont.  Mersi.

 

MR DEPUTY SPEAKER

Mersi.  Nou pour al prezan mon ti a kontan envit Clerk pour fer en Formal Second Reading sa Bill.

 

MADAM CLERK

Mersi Mr Speaker.  A Bill of an Act to provide for the establishment of the Enterprise of Seychelles Agency.  To provide of its composition functions and mandates.  And provision of development and the motion for enterprises and for matters connected therewith or incidental thereto.  Mersi Mr Speaker.

 

MR DEPUTY SPEAKER

Mersi Clerk.  Mon ti a kontan prezan nou al dan Staz Komite mon ti a kontan envit en Mosyon pour al dan Staz Komite.  Onorab Basil Hoareau.

 

HON BASIL HOAREAU

Mr Deputy Speaker.  Mon ti a kontan move mon krwar nou publish en report from Bills Committee.  E bann lamannman ki’n ganny propoze in ganny set out deza.  Nou’n koz avek Minis avek son delegasyon.  Mon krwar bann amannman in ganny aksepte.

Mon ti a kontan alors in terms of Order 91 ki nou sispann Order 65 to 67 – ki nou pa bezwen al dan Committee Stage e rather ki nou adopte sa bann lamannman ki’n ganny fer as per the report.

I annan bann pti sanzman ki nou pour fer zis lo kote bann typos ki’n arive lo dan nou report ki apre sa.  Me selman an gro in ganny aksepte so nou apre letan nou a pran vote for the Third Reading nou a pran li as amended by the report.

 

MR DEPUTY SPEAKER

Ok.  Eski Mosyon in ganny segonde?

 

HON SEBASTIEN PILLAY

Yes Mr Deputy Speaker.  Mon pour segonn sa Mosyon.

 

MR DEPUTY SPEAKER

Ok.  Mon pour nou pa pour al dan Committee Stage dan sa ka.  Se sa ki ou pe sizere ki nou pa al dan Committee Stage.  E alor si nou a pran en vot direkteman lo Mosyon.  Nou pour pran en vot zis pour nou sot Staz Komite.  Tou bann an faver?  Tou bann ki kont?  Clerk.

 

MADAM CLERK

Mr Speaker, 24 Manm an faver.  Personn kont.  Mersi.

 

MR DEPUTY SPEAKER

Ok.  Savedir prezan nou pour al pour nou pran en vot for the Bill as amended.  E nou ava al pour Third Reading.  Alor mon ti a kontan en Mosyon for Third Reading.

 

HON CHARLES DE COMMARMOND

Mr Speaker,  anba Order 71 (1) Standing Order mon le move ki the Enterprise Seychelles Agency Bill ,2018 as amended i ganny lir en Trwazyenm Fwa.  Mersi.

 

MR DEPUTY SPEAKER

Eski I ganny segonde?

 

HON SIMON GILL

Mosyon segonde.  Mersi.

 

MR DEPUTY SPEAKER

Ok.  Nou a pran en vot lo sa Mosyon.  Tou bann ki an faver?  Tou bann ki kont?  Clerk ou a donn rezilta.

 

MADAM CLERK

Mr Speaker.  28 Manm an faver.  E personn kont.  Mersi.

 

MR DEPUTY SPEAKER

Mersi Madanm Clerk.  Mon ti a kontan envit ou pour fer Third ReadingA Formal Third Reading.

 

MADAM CLERK

Mersi bokou Mr Speaker.  This Act may be cited  as the Enterprise of Seychelles Agency Act of 2018.  And shall come into operation on such date as the Minister may by notice publish in the Gazette appoint.  Mersi Mr Speaker.

 

MR DEPUTY SPEAKER

Mersi Madanm Clerk.  E avek sa Bill Seychelles Agency Bill 2018 in pase.  E alor sa I anmenn nou alafen nou travay pour ozordi.  Nou pour adjourn ziska demen bomaten 9er bomaten.  Me avan nou fer sa, mon ti a kontan remersye Minis e son delegasyon.  Mersi pour ou letan e pas en bon sware.

 

(MINISTER WALLACE COSGROW AND HIS DELEGATION WAS EXCUSED FROM THE HOUSE)

MR DEPUTY SPEAKER

Bon nou ava adjourn ziska demen bomaten 9er.

(ADJOURNMENT)