Home » Verbatim » 2018 » Verbatim Wednesday 4th April, 2018

Verbatim Wednesday 4th April, 2018

NATIONAL ASSEMBLY OF SEYCHELLES

Wednesday 4th April, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab, bonzour tou manm piblik ki a lekout e ki pe swiv deba Lasanble pour ozordi.  E mon ti a dir en bonzour spesyal pour detrwa travayer Air Seychelles ki prezan avek nou ozordi dan Galeri.  Welcome dan Lasanble Nasyonal.

Bon, parey mon ti anonse yer, bomaten la nou pou konmans avek Air Seychelles e bann Manm, mon a zis donn zot en pti pe gidans ki mannyer nou pou, nou pou ale ozordi. Nou pou as much as possible ganny sans pour nou demann kestyon vizavi Air Seychelles akoz i, i sitan enportan sa sityasyon ki devan nou ozordi. Manm ki annan en bon pe kestyon i kapab demann komansman en 3 kestyon ansanm.  Apre mon kapab donn zot sans ankor pou demann kestyon pli tar ler lezot Manm osi tou in ganny sans entervenir.  E nou bi se nou kapab anmenn sa Sesyon ziska, ziska midi apepre.  Bon, san perd letan mon ava demann Madanm Clerk pou apel Minis avek son delegasyon pour nou kapab konmanse.  Yes Onorab Ramkalawan.

 

HON WAVEL RAMKALAWAN

Ya.  Bonzour Mr Speaker. Mersi. Bonzour tou dimoun e bann travayer Air Seychelles. Mr Speaker mon pe zis mazinen vi lenportans sa size parey ou’n mansyonnen ou osi. Mon mazinen ki Minis pou osi vin avek serten teknisyen.  E parey ou pe dir sa posibilite pour manm demann plis kestyon e kekfwa osi tou mon pe santi avek en size parey, petet an tant letan pe demann kestyon i pou osi annan serten statement ki, ki kapab preface en kestyon.

Mon pe mazinen akoz nou pa konverti Lasanble dan en Komite pour ki nou ava kapab pli byen tackle, tackle sa size ki devan nou vi son lenportans e poz, lo kote teknik ki petet Minis olye ki pou li pe demande apre pe, pe donn en larepons me si i annan son teknisyen avek li, zot ava kapab reponn parske i annan serten bann eleman ki, ki pirman teknik.  Sa i enn.

Dezyenmman Mr Speaker, parmi bann dokiman mon pa’n vwar Lagreman pou lease sa 4 avyon, ki a la baz osi tou bann maler ki Air Seychelles in pas ladan.  Mon konnen ki pou dir nou ti fer sa request pour Clerk kontakte zot e demann sa lease sa 4 avyon.  E Madanm Clerk in fer. Me selman nou pa’n gannyen, parske sa i enportan parski, san antre dan deba, me zis lo sa bann lease avyon, nou konnen ki pou dir nou ti pe pey bokou plis ki nou devret pe peye. Alor mon pa konnen ki mannyer ou a tackle sa. Mersi bokou Mr Speaker.

 

MR SPEAKER

Mersi Onorab Ramkalawan. Bon i annan en, en Mosyon pour donn… mon zis donn Minis ek son delegasyon avan, le 2 Minis.

Bon mon a zis welcome Minis Loustau-Lalanne ki Minis pour Tourism, Lavyasyon Sivil, Por e Lamarin.  Mon a osi welcome Minis Télémaque ki Minis pour Lanplwa e Imigrasyon. Minis Loustau-Lalanne i akonpannyen par son PS pour Lavyasyon Sivil, Por e La Lamarin, Mr Gary Albert; son Human Resources General Manager, Air Seychelles, Mr Japha Ally, Financial Controller, Monsieur Michael Berlouis. E Minis Télémaque i akonpannyen par son PS pour Lanplwa, Mr Jules Baker, e son Special Advisor, Ms Veronique Bresson. Minis avek ou…. le 2 Minis avek zot delegasyon welcome dan Lasanble Nasyonal.

Bon i annan en Mosyon ki Leader Lopozisyon in move pour ki Lasanble in turn into a Committee; ki donn sans ki Minis osi ek son bann teknisyen zot kapab rantre pour donn klarifikasyon lo bann kestyon. Yes Onorab Andre.

 

HON CLIFFORD ANDRE

Mon segonn sa Mosyon e an pasan osi parey Leader in dir mon krwar nou ti osi koz lo Kontra IBM ki nou pa konnen ki prosedir in ganny fer be selman nou, nou pa’n resevwar sa Kontra dan dokiman ki’n disclose.

 

MR SPEAKER

Mon ava klarifye sa.  Bon, i annan en Mosyon ki’n ganny segonde pour Lasanble turn into a Whole Committee, mon a kapab pran en vot lo la.  Tou Manm ki an faver? Okenn Manm ki kont?  Ok. Madanm Clerk.

 

MADAM CLERK

Mersi Mr Speaker. Bonzour tou Manm. Mon rikord 28 Manm an faver. Mersi.

 

MR SPEAKER

Ok. Sergeant ou ava fer le neseser pour Mace. Bon Lasanble i move dan Staz Committee.

Bon, Minis ti fer son statement semenn pase e dan sa statement nou’n vwar nesesite ki nou apel Minis Télémaque osi, Minis pour Lanplwa.  Eski Lasanble i anvi ki Minis i azout keksoz oubyen nou ava al direkteman dan kestyon?

Bon, i annan sa issue Kontra. Petet mon a zis demann Minis pour Tourizm avek son PS. Mon konnen i annan request pour Kontra IBM avek Kontra Lease of Aircrafts, si sa 2 Kontra in ganny prezante avek Lasanble.  Minister.

 

MINISTER MAURICE LOUSTAU-LALANNE

Mersi Mr Speaker. Bonzour Mr Speaker, bonzour tou Manm Onorab. Mr Speaker an sa ki konsern Kontra IBM, son head contract i ant IBM ek Etihad, me sa ki nou’n sirkile se en Kontra ki lye avek kont IBM avek Air SeychellesSo sa in ganny sirkile depi Merkredi swar si mon memwar in bon.  An sa ki konsern bann Kontra lease agreement pour sa 4 avyon, nou’n ganny sa tre tar yer e pour le moman nou pa ankor sirkil sa bann Kontra.  Mersi Mr Speaker.

 

MR SPEAKER

Mersi Minis. Okenn sans ki pandan Sesyon Minis, si ou kapab ganny sa Kontra pour leaseAs we go along pandan Sesyon, petet si Lasanble i kapab ganny access? Minister.

 

MINISTER MAURICE LOUSTAU-LALANNE

Wi. Mersi Mr Speaker. Mr Speaker ankor mon pa oule ouver en lot deba. Me parey zot konnen sa bann Kontra i vreman avek bokou lenportans komersyal.  Mon pa konnen egzakteman kwa ki bann Manm i oule konnen dan sa bann kontra.  Kekfwa si mon ekout kestyon apre mon ava kapab pran en desizyon pour regarde si nou pou sirkil avek tou Manm Komite oubyen si nou fer li parey nou ti’n sizere avek Komite FPAC pou diskit dan son detay akoz i vreman annan lenformasyon tre sansib dan sa bann Kontra. Mersi Mr Speaker.

 

MR SPEAKER

Ok. Mersi Minis. Nou ava regarde an mezir nou kontinyen. Pour lenformasyon Lasanble, a lenformasyon Minis avek ou delegasyon, yer mon ti dir ki tou bann dokiman kin ganny sirkile, an vi ki tou bann Manm ki’n ganny akse avek sa bann dokiman e FPAC ti desid dan sa direksyon, tou bann dokiman in reste konfidansyel.

Malgre tou Manm i ganny en kopi, mon pa oule ki sa bann dokiman i ganny vwar lo social media oubyen i ganny leak to the Press.

Sa ki ava al ganny donnen avek Lapres, i ava ganny donnen avek Lapres.  Me bann dokiman ki’n ganny donnen an konfidansyalite i reste en toute konfidansyalite.  Bon, mon ava pran lalis pour bann ki oule demann kestyon.  Mon kapab ganny en show of hands.

Onorab Valmont in lev lanmen?  Ok.  Onorab Sophola in lev lanmen li?  Non.  Aglae.  Onorab Aglae?  Ok.  Nou ava konmanse. Yes Onorab De Commarmond.  Ale.

 

HON CHARLES DE COMMARMOND

Non, zis pou dir Onorab Pillay pe ganny en pti retar.  Son transport….

 

MR SPEAKER

Pa problenm.  Mon ava pran ankor apre.  Pa problenm Onorab De Commarmond.   Bon nou ava…

 

HON CHARLES DE COMMARMOND

Non pa son gear box.

 

(laughter)

 

MR SPEAKER

Annou serye.  Annou serye.

 

HON CHARLES DE COMMARMOND

Son larou loto.

 

MR SPEAKER

Yes Onorab William.

 

HON WAVEN WILLIAM

Mersi Mr Speaker. Mr Speaker si ou pa anvi lev ou lanmen pour en main question me ou anvi, anba tou matters arising, i annan kestyon ki monte, eski ou kapab entervenir?

 

MR SPEAKER

Wi.  Me selman annou pa abiz lo matters arising akoz i pou fer sesyon long.  Si nou kapab, en keksoz ki arise, nou kapab konbin li avek ler nou pre ganny demande pou nou demann kestyon, nou kapab konbin li menm si Minis i bezwen retourn en pti pe lo son repons.

Bon, mon’n pran en lalis zis pou mon kapab demar avek, fir an mezir nou ale.  Akoz parey mon’n dir, i annan Manm i kapab demann kestyon apre nou ava regard letan, nou ava kapab re-ouver ankor pour kestyon.  Bon, mon ava konmans avek Onorab John Hoareau.

 

HON JOHN HOAREAU

Mersi Mr Speaker.  Mersi.  Mon pou swet tou bann Minis ki’n vini avek zot delegasyon. Bonzour, bonne journée e bonzour tou dimoun ki pe ekoute.

Mr Speaker mon premye kestyon mon ti oule demann Minis, anvi ki ou menm ler ou ti lo sa kote anba isi, ou ti demann Minis pou koup sa lemorazi depans ki Air Seychelles ti pe pas atraver.  Sa ti enkli R40mil par mwan pour depans pou lwe Surya office ki pa pe ganny servi.  Par lao R910mil pou lwe bann 19 apartman Eden Island.  Anviron 55mil Dolar pou pey en konsiltan madanm, parmi bann lezot depans ankor.

Akoz ki nanryen pan ganny fer ziska aprezan pour aret sa bann depans? Mon dezyenm kestyon se, nou’n vwar Minis ki’n vin lo televizyon, in akey British Airways avek bokou leksitasyon ki pe fer bann voyaz direk ant Sesel ek L’Angleterre.  E par kont, Air pe komans sa bann larout Européen me apre in arete e an dizan ki zot pa vwar li rantab.

Me la nou war Air France, Lufthansa, British Airways ki pe rantre lo sa bann larout. Ti donn nou lesplikasyon pour dir ki ler I ti pe rantre an partnership avek Etihad ti pou ganny pour li ganny economies of scale benefits, pour ki zot kapab zisteman, kapab al lans lo sa bann larout.

Eski Management Air Seychelles in konplote pou fer ki zot sorti dan sa konpetisyon e donn plas pour bann avyon aletranze parey British Airways?   

Mr Speaker mon trwazyenm kestyon i lir koumsa, mon ti a kontan konnen akoz napa redundancy lo kote management, top management, ki enkli Minis menm pour move desizyon ki biznes ki zot in pran pour fer Air Seychelles downsize e pou fer plis ki 200 fanmir, 200 dimoun, ki annan 200 fanmir byensir, pour fer zot redundant?

Eski sa failure dan management ki pe tous labous 200 fanmir, i zistifyab?  Mersi.

 

MR SPEAKER

Mersi Onorab. Minis ou annan 3 kestyon devan ou.  Mon ava donn ou laparol.

 

MINISTER MAURICE LOUSTAU-LALANNE

Mersi Mr Speaker. Mon ti a kapab demann Onorab Hoareau repet son trwazyenm kestyon silvouple?  Mersi.

 

HON JOHN HOAREAU

Wi Mr Speaker.  Mon ava repet sa trwazyenm kestyon. Wi Minis, mon ti oule konnen akoz napa redundancy lo kote top management ki enkli ou menm, pour move desizyon biznes ki zot in pran dan Air Seychelles pou fer ki zot bezwen downsize aprezan pour plis ki 200 dimoun, nou vwar ki pe al ganny met redundant.  Mersi.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Wi, mersi Mr Speaker. Mersi pour ou kestyon Onorab. Tou dabor, lo ou premye kestyon. Ansuya, letan mon ti vin dan Lasanble, mon ti dir ki si Air Seychelles pe pey biro e i pa pe okip biro, mon pe al kennsel sa Kontra.  Mon ti eksplike osi akoz ti annan en delay ladan, akoz sa Kontra mannyer ti’n ganny striktire, Air Seychelles ti bezwen reste dan sa biro pandan 2 an avan menm i kapab trigger sa termination Clause.  Me mon kapab raport ek sa Lasanble ki sa zafer Ansuya in fini terminen. Depi Fevriye sa lannen tou zafer in terminen.  Air Seychelles in rann lakle e nepli annan okenn biro ki pe ganny lwe kot Ansuya premises.

Lo Eden Island Mr Speaker, letan nou ti diskit sa zafer Eden Island, o komansman ti annan plis ki en karantenn apartman ki ti pe ganny lwe par Air Seychelles, Eden Island. In sorti sa in desann 29 e ozordi i annan ankor apepre dan en 20. Me sa ki mon kapab konfirmen I annan ankor ki pe al arete. E apartir Zilyet, nou pou’n arive 11.  E by lafen sa lannen, mon krwar nou pou war en gran rediksyon dan lwe apartment lo Eden Island. Donk, in annan progre e nou bezwen fer li o fir an mezir nou ranplas bann etranze par bann Seselwa osi.  E nou bezwen onor serten Kontra, me i’n annan progre. An sa ki konsern sa madanm, sa madanm min fini son Consultancy ki i ti pe fer ek Air Seychelles e sa madanm in fini ale. Donk, nou pa pey 50mil okenn madanm dan Air Seychelles ozordi.

Pour dezyenm kestyon, mon pa konnen si i annan konplo, mon pa krwar i annan konplo. Sa ki enportan se ki letan nou koman Air Seychelles nou annan dwa al dan en pei, sa pei osi i annan drwa vin Sesel.  Sa ki’n arive se, si oule, en reversal dan le sans ki British Airways i santi li ozordi, i annan avyon apropriye, i santi ki marse touris lo son marse an L’Angleterre in ogmante, alor i war li kapab pou li met en vol sorti Heathrow pou vin Sesel.

Son pasaze i pa zis osi pasaze Angle. I pasaze lezot pei ki vin atraver Heathrow akoz Heathrow i osi enn bann, kekfwa senkyenm pli gran hub dan L’Europe, dan lemonn ki pou fer anmenn plis kliyan pou mont lo British Airways pou vin Sesel.

Dan sa bann zafer i pirman annan bann desizyon komersyal, bann desizyon ekonomik.  An sa ki konsern redundancy, mwan mon pa konnen kan mon pou ganny fer redundant.  Sa desizyon pa mwan ki pran. Mon pa travay pour Air Seychelles non plus me nou pe sey ede, parey mon’n deza dir dan mon statement, nou pe sey ede sov Air Seychelles.

Sa se premye bit ki nou annan. In annan dan par lepase, letan ti annan sa premye redundancy dan Air Seychelles, letan Air Seychelles ti preski bankrupt.

Ti annan en desizyon ki bokou dimoun ti oule ki Air Seychelles i fermen enn fwa pour tou.  Nou pa’n permet sa arive, o kontrer nou’n travay zour e nwit pour nou rod en solisyon.

E solisyon ki’n nou’n gannyen sete sa solisyon avek Etihad.  E nou’n anmenn Etihad, nou’n fer en lagreman, zot annan kopi sa lagreman.  E o fir anmezir nou’n remet Air Seychelles lo son lipye.  Air Seychelles in fer en lekspansyon.  Air Seychelles in anploy plis Seselwa pandan sa peryod.  Me malerezman pou bann rezon ankor ekonomik, komersyal ki mon’n deza eksplike, nou vwar nou lekor dan en sityasyon kot nou bezwen fer sa redundancy.

Akoz Air Seychelles pa kapab kontinyen perdi en kantite larzan. De milyon Dolar, santenn de milyon Roupi ki pe perdi lo son loperasyon enternasyonal.

E se pour sa rezon ki nou’n deside fer sa redundancy. Mersi Mr Speaker.

 

MR SPEAKER

Mersi Minis. Onorab John.

 

HON JOHN HOAREAU

Mersi Mr Speaker. Mr Speaker, pour mwan, mon pa kapab vwar lozik deryer ki Air Seychelles in retir son lekor lo larout enternasyonal. Tandis ki sa bann lezot Airline pe dir nou pou dir ki sa bann larout i profitab. E zot pronostik se ki zot kapab fer gran profi lo la even though ki i a pe dir nou ki pour dir ki British Airways L’Angleterre i en hub kot i annan lesanz pasaze ki kapab link avek Sesel.

Me mwan, mon krwar toultan pour dir dan lepase ler Air Seychelles, bokou letan avan sa, depi avan 2009 ler Air Seychelles ti pe operate lo sa bann larout ti fer profi.

Dezyenmman Mr Speaker, i annan sa madanm ki’n kite an Fevriye parey i’n dir nou.  Mon ti oule konnen konbyen letan sa madanm in travay avek Air Seychelles.  E pandan sa bann letan, ki kantite, an term larzan, ki kantite zot in pey sa madanm?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker. Mersi Onorab. Mon ti ava kontan zis fer rapel ki Air Seychelles lo preski tou son bann vol enternasyonal, sirtou ver L’Europe, i pa’n fer profi.  Air Seychelles napa en hub L’Europe li.   British Airways son hub i Heathrow, Air France son hub i Charles de Gaulle.  Donk li, sa 2 lakonpannyen, zot annan bokou plis posibilite pour zot anmenn trafik sorti partou lo L’Europe lo zot prop avyon. Anmenn Heathrow, anmenn Charles de Gaulle e fer li desann isi. Lontan ler Air Seychelles ti al Paris, nou ti annan en laranzman spesyal avek Air France kot Air France ti pran serten kantite seat ki i ti pey Air Seychelles, menm si i pa ti pe ranpli sa bann seat.

Sa lepok, sa loperasyon Air Seychelles ti marse akoz Air France pa ti pe fer konpetisyon avek Air Seychelles. Kan pri fuel malerezman ti monte, Air Seychelles ti konmans perdi larzan.  E se sa ki ti fer nou re-ale, al re-negosye avek Air France, en logmantasyon son pri ki ti pe peye lo sa laranzman.  Nou’n gannyen en pti logmantasyon. Nou pa’n gannyen sa logmantasyon ki nou pe rode. E se sa ki’n fer Air Seychelles kontinyen perdi larzan lo Paris ziska tan ki Air Seychelles in aret tou son vol lo Paris.  E mon kapab re-konfirmen ki vol Air Seychelles lo Paris depi i ti rekonmanse tou resaman in toultan perdi larzan.  Mr Speaker an sa ki konsern sa madanm, mon napa sa lenformasyon, mon ava rod sa lenformasyon e mon ava fer sir mon ava donn avek Lasanble.

 

MR SPEAKER

Mersi Minis. Mon annan 2 Manm ki’n lev lanmen pour question arisingYes Onorab Ramkalawan.

 

HON WAVEL RAMKALAWAN

Sa lenformasyon ki Minis ti dir i ava rode, be financial controller i la. Alor si i ti ava kapab fer nou ganny sa lenformasyon deswit.

 

MR SPEAKER

Wi. Mon mazinen ki anmezir nou ale, nou ava ganny sa lenformasyon. Onorab Ferrari apre Onorab De Commarmond.

 

HON JEAN-FRANCOIS FERRARI

Mersi Mr Speaker.  Bonzour tou dimoun. Mr Speaker mon kestyon i arise koman en repons ki Minis in donnen lo bann size lakaz Eden Island. Mon profite pour mwan demann Minis pou eklersi sa Lasanble si lo kote Eden Island i annan serten labi, serten move pratik dan sa bann relasyon ki nou’n annan avek Eden Island.

Notaman, mon vwar atraver bann Kontra ki zot in donn Lasanble, enn kot Cramer Ball i owner en lakaz ki i lwe avek Air Seychelles. Now, Cramer Ball parey zot konnen i ti deza en CEO Air Seychelles.

Now, mon ti ava kontan demann Minis oubyen sa bann teknisyen ki avek li, si i annan ankor ka kot i annan bann dimoun ki klerman dan konfli lentere, vi ki Air Seychelles ti pe fer biznes avek Eden Island, bann travayer, bann direkter, bann CEOs, zot in aste lakaz pour zot kapab lwe avek Air Seychelles.  E eski apard CB ki nou annan laprev, eski Minis i kapab dir nou, si i annan okenn lenformasyon ki okenn lot o zofisye dan Minister Tourizm, okenn o zofisye dan bann board members Air Seychelles zot osi zot annan lentere dan bann lakaz, dan bann lakaz, dan bann propriyete lo Eden Island ki zot in lwe avek Air Seyhelles sa bann lannenMersi.

 

MR SPEAKER

Mersi Onorab Ferrari.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou kestyon.

An deor Cramer Ball ki efektivman ti premye CEO letan sa loperasyon ti konmanse an Fevriye 2012.  Mon annan en lalis ozordi isi avek mwan ki annan tou bann propriyete, bann nimero lakaz ki’n ganny lwe.  Lekel travayer Air Seychelles ki pe reste dan sa bann lakaz.

E mon napa la bann non sa bann propriyeter sa bann nimero lakaz ki’n ganny mete la.  So, fodre mon ava fer en letid pli detaye pour mwan konnen lekel.

Me sa ki mon ti a kontan fer resorti se ki Air Seychelles li i lwe sa bann lakaz direkteman avek propriyeter, sa bann lakaz.  I pa pas atraver Eden Island.  Ok.  So, i annan en negosyasyon direk, en negosyasyon direk ki ganny fer ant propriyeter sa bann lakaz e Air Seychelles.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Minis. Mersi pour ou repons.  E an realite, parey en Manm i dir, i probableman even worse.  Akoz plito ki Air Seychelles fer biznes avek en lakonpannyen, i pe fer sa avek bann endividi.  Donk, mon welcome sa propozisyon ki ou’n fer pour ou donn nou egzakteman lekel bann propriyeter sa bann lakaz.  Akoz nou vwar par egzanp en lot, en lot lakonpannyen ki monte se Veritas.  E Veritas i annan en koneksyon lafanmir Savy.  Nou konnen.  Depi lontan zot annan sa koneksyon.

So, eski dan tousala i enportan pour nou, pour lepep Seselwa, vwar si napa okenn deal anba, anba, ok?  Kot i annan bann dimoun in profit zot relasyon pou zot kapab fer sa bann, sa bann business deal.

So, welcome, o pli vit posib si ou kapab fer nou ganny lalis bann, sa 40, mon dir byen Minis avek, avek respe, sa 40 ki nou’n lwe depi 2012.  Mon krwar i ava enteresan pas lo la. Mersi.

 

MR SPEAKER

Mersi Onorab.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour tou bann Minis avek zot bann delegasyon e tou Manm Onorab.  E tou dimoun ki a l’écoute, espesyalman osi bann travayer Air Seychelles ki la avek nou ozordi.

Mr Speaker, swivan larepons ki Minis in donnen taler, i annan 2 keksoz ki mon ti ava voudre en pe plis leksplikasyon. I annan enn in … (ekoute Onorab Larue)

Enkrwayab! Enkrwayab!  Non be mon pe koze. Mwan mon pa ganny en konpran.

 

 

MR SPEAKER

Onorab. En moman, en moman, en moman Onorab. Silvouple, i en Sesyon ki serye.  Nou tou nou pou ganny sans demann kestyon.  Laparol i pour Onorab De Commarmond, annou montre en pti pe respe. Onorab.

 

HON CHARLES DE COMMARMOND

Mersi Mr Speaker.  Mr Speaker mon oule Minis i eklersi en keksoz.  I’n dir ki dan lepase Airs Seychelles ti pe al fermen. E ki en bann dimoun in fer li pa fermen, en keksoz koumsa.  Mon oule ou eklersi nou sa sityasyon byen kler.  Si ti pe al fermen, kwa ki ti pe fer li al fermen e lekel bann dimoun ki ti pe fer li al fermen.  E akoz i pa’n fermen – lekel ki fer li pa fermen konmsi.  Pour gete si ozordi nou pa kapab al dan menm kalite senaryo, si i annan.  I bon en leklersisman.  E prezan i vedir osi ki Eden Island, savedir bann dimoun laba, bann owner bann lakaz i pe lwe sa bann lakaz.  Savedir zot devret pe pey tax.  E sa i pa ou ki pou reponn sa kestyon, be selman nou note la e ki nou swete ki tax office deor laba, SRC i pe anmas larzan kot Eden Island.  Byento mon pou anmenn en kestyon pour tax, SRC laba, nouvo Minis Finans, i a vin eksplik nou en pe keksoz dan sa direksyon!  Mersi.

 

MR SPEAKER

Mersi Onorab De Commarmond.  Minis.  Yes Minister.

 

MINISTER MAURICE LOUSTAU-LALANNE

Wi.  Mersi Mr Speaker.  Mersi Onorab. Wi. Letan mon’n kloz lo sa premye redundancy Air Seychelles, sa lepok Air Seychelles ti pe perdi en kantite larzan.  En effet, an 2011 Seychelles in perdi li 48.5milyon Dolar, an sa lepok.  E letan it pe regarde ki mannyer nou pou restriktir Air Seychelles, ti annan propozisyon pou fer li arete konpletman.  Akoz ti annan bann diskisyon pou vwar be akoz nou pe kontinyen avek sa. Vaut mieux nou regarde ki lezot avyon i vin Sesel akoz sa lepok ti annan bokou avyon ki pe vini olye ki nou kontinyen avek Air Seychelles.  So ti annan si oule bann propozisyon ki ti dir annou fer arete konpletman Air Seychelles.

Me apre bokou diskisyon, nou’n nobou ganny sa laranzman avek Etihad parey mon’n dir.  E par la suite tou dimoun i konnen ki’n arive.  So la nou war nou si oule dan en sityasyon en pe similaire.  Me diferans se ki ozordi Etihad i dan Kapital Air Seychelles a 40 poursan.  E li osi in sanksyonn atraver son Board sa progranm restriktirasyon Air Seychelles ki nou’n eksplike, ki mon’n eksplike à mainte reprise isi.  Zot osi zot in dakor pour dir ki sa plan ki nou pe met devan, se en sel opsyon ki reste pour fer Air Seychelles apartir 2021, 2022 en allant, nobou reorganiz li e komans fer profi pour li kontinyen avek son loperasyon enternasyonal, apard lezot Departman parey nou’n eksplike avan, bann Departman ki pe marse.  So, sa voyaz, nou pa koz pou fer Air Seychelles ditou.  Nou pe rod en fason pour nou sofgard Air Seychelles e fer sir ki kontinyen pour en pe letan, pour li apre repran son lelan.

Me nou’n bezwen rod en lot fason stratezik avek nou partner Etihad pou nou rod sa bon solisyon.  An sa ki konsern pey tax, wi mon kapab konfirmen ki tou sa bann dimoun i pey tax.  Me tou le fason, mon a fer regarde pour fer sir ki napa ki pa’n, pa pey zot tax.  Me lenformasyon ki mon annan, wi zot tax pe ganny peye.  Mersi Mr Speaker.

 

MR SPEAKER

Mersi Minis.  Onorab André.

 

HON CLIFFORD ANDRE

Mersi Mr Speaker.  Bonzour tou dimoun. Bonzour tou dimoun a lekout.

Mr Speaker mon premye kestyon se, lo sa ki Minis in reponn.  An referans avek sa consultancy kot sa dimoun ti pe gannyen 55mil, ki rezilta ki Air Seychelles in gannyen letan in depans… zot pa tande?  Ki rezilta ki Air Seychelles in gannyen an rezilta ki’n depans sa ta larzan pour sa konsiltan?  Dezyenm kestyon, Minis in dir nou, nou ti pe fer en perte, lo Paris.  Akoz nou ti pe fer en perte lo Paris?  Nou ti pe ganny vole?  Mismanagement?  Konmsi kwa ki’n fer nou annan sa perte lo Paris?  E akoz letan nou ti vwar nou pe fer perte lo Paris, nou pa ti arete?  Akoz Minis in dir depi ler nou’n konmanse nou’n fer perte.  So, akoz nou pa ti arete pour nou kapab sov sa bann travayer?

Mon trwazyenm kestyon se, Minis letan in reponn lo, lo bann zafer lease, in dir, lease avyon, in dir ki i commercially sensitive.  Minis ou pa krwar sa 204, 202 dimoun osi ki pe ganny fer redundant, zot fanmir i commercially sensitive akoz zot annan loan, zot annan lezot keksoz ki zot in pran?  Alor zot bezwen konnen, i dwa ki nou, nou dwa zot koman bann Manm Lasanble pour zot konnen realite akoz zot pe ganny fer redundant?  Mersi.

 

MR SPEAKER

Mersi Onorab André.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou 3 kestyon.

Bon, an sa ki konsern sa konsiltan, mon ava demann Mr Berlouis si i kapab adisyonn sa ki mon pou dir, an vi nou dan sa Staz Komite.  Me sa madanm avek son lakonpannyen ti ganny demande pour vin fer en travay spesifik.  E son travay ti pou regarde ki meyer opsyon pour Air Seychelles compte tenu son sitasyon letan nou ti aprofondi dan Air Seychelles an Zen 2017.

Alor sa madanm son louvraz ti regard plizyer opsyon.  Ki i’n fer e in prezant avek Board Air Seychelles e Board Air Seychelles in swazir sa opsyon ki nou pe koz lo la, la.  Se sa opsyon re-transformen, fer ale 2 gro avyon, gard 2 pti avyon. konsantre lo rezyonal e redwir son aktivite, redwir son kou a 40 akoz i pe perdi apepre 30poursan reveni pou en plis avek sa reduction.  E pou li nobou reste viable se sa opsyon ki nou bezwen regarde.  E sa i donn nou en lendikasyon ki nou bezwen perdi, malerezman ziska 30poursan travayer.  Me dan lanaliz finale nou pe perdi nou en pe mwens ki 28poursan travayer dan sa ka spesifik nou pe koze.  Donk, louvraz sa madanm pandan sa peryod letan in pou donn nou sa plan re-transformasyon Air Seychelles. 

Lo Paris, Gouvernman ti demann Air Seychelles pour li al Paris.  E kan Air Seychelles in al Paris, Air Seychelles pa’n nobou malerezman fer profi.  Gouvernman in sibvansyonn Air Seychelles o komansman lo larout Paris.  Kontra ki Air Seychelles ti annan avek Air France, ti’n fini arete.  Zot ti bezwen re-negosye Kontra avek Air France, e ti en lot tip Kontra.

Air France pa ti pe donn Air Seychelles bokou biznes sorti lo L’Europe pou vin lo son hub Charles de Gaulle pour desann en descendant.  I annan menm parmi zot, zot i’n dir kekfwa Air Seychelles i met tro bokou pasaze Mauricien lo son avyon P pou anmenn Maurice, pas par Sesel.  Be tousala i bann desizyon komersyal ki Air Seychelles in sey pran pou li reste viable lo sa larout.  Malerezman Air Seychelles in kontinyen fer perte lo Paris.

E kan Air France in deside vini, nou nou’n sey tou posib, e mon ti enform Lasanble isi ki nou pe seye negosye avek AF pour nou sey annan en korperasyon komersyal, pli entans pour nou gard sa bann vol.  E annan parey en laranzman pli enportan me Air France pa’n enterese, Air France in mentenir menm zour pour vi Sesel ki Air Seychelles.  E donk finalman Air Seychelles i forse sorti lo sa marse, e se sa kin arive lo Paris.

An sa ki konsern sansibilite ou sensitivity sa bann Lagreman, wi tou keksoz i sansib Mr Speaker.  Letan mon koz lo sa bann lease agreement, dan mon lespri, sa ki sansib ladan se sa lessor.  Sa dimoun ki pe lwe nou sa avyon.  I lwe sa avyon a en kou.  E li i annan li plizyer lezot kliyan osi.  E plizyer sa lot kliyan, i pou konmans konpare, i pou dir, be ek mwan i donn mwan en pri ek lot i donn en lot pri.  Akoz sa i bann desizyon komersyal ki reste konfidansyel.  Se sa ki mon en pti pe, si oule mon, mon kontinyen dir fodre i en lenformasyon ki sansib.  Nou pa kapab zis met li  a laporte piblik.  Donc, se sa ki mwan mon pe sey eksplike Mr Speaker.  Mersi bokou.

 

MR SPEAKER

Mersi Minis.  Bon i annan bokou lanmen pe leve, question arising, mon pour zis ferm en pe lo la.  Mon annan Onorab André, Onorab Mondon, Onorab Afif, Onorab Ramkalawan ek Onorab William.  Wi, Onorab Roucou.  Ok?  Annou question arising, annou fer nou kestyon bref posib pour nou kapab nou kapab ganny sans ankor demann kestyon.  Onorab André.

 

HON CLIFFORD ANDRE

Mersi Mr Speaker.  Mr Speaker mon ti a zis kontan demann Minis si sa louvraz ki sa madanm ti fer 55mil, ki in dir nou, nou bezwen downsize.   Ti napa ne Seselwa ki ti kapab fer li e a en kou pli redwir?  E lo larout La France parey ou’n dir nou, eski Air Seychelles i pa bann bad negotiator pou li kapab pa negosye profit abilite? E Eden Island, eski zot in ganny Notice pour zot arete lwe lakaz oubyen Air Seychelles pou ankor pe pey li ziska Zen 2018?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Wi. Pour lo sa konsiltan, mon a demann Mr Berlouis kekfwa zis apre mon fini pour donn en pe lenformasyon, si i kapab.  An sa ki konsern pouvwar Management Air Seychelles pou negosye, mon pa kapab fer komanter lo la.  Akoz mon sipoze letan ou negosye, i annan serten keksoz a serten moman ki dan ou faver.  I annan serten keksoz pli tar ki kekfwa i pa dan ou faver.

So, en ler ou gannyen, en ler ou perdi.  So, se sa pouvwar negosyasyon.  Me an sa ki mon kapab konfirm avek ou, se ki Air France sa voyaz pa’n anvi fer okenn negosyasyon pour ede dan sa sityasyon Air Seychelles.

Si larezon se akoz letan nou ti sorti avek Air France an 2011, letan nou annan sa premye problenm, si se fason ki nou’n sorti se sa ki’n fer zot adopte en latitid, mon pa konnen.  Me nou’n seye e in pa’n marse.  Alor mon pa pou kapab dir ou wi, bann negosyater i bon, ou i pa bon.  An sa ki konsern, pardon ekskiz mwan, ou kapab repet trwazyenm kestyon?

 

HON CLIFFORD ANDRE

Notis ki Air Seychelles pa ankor donnen avek Eden Island e alors i pou ankor a pe pey Eden Island ziska Zen 2018.

 

MINISTER MAURICE LOUSTAU-LALANNE

Wi. Lo mon lalis la Mr Speaker, i annan bann lakaz ki pe fini an Me, i annan kin fini an Zanvye, i annan pe al fini an Zilyet.  E parey mon’n eksplike, a lafen Zilyet, pour annan zis 11 apartman ki pou ganny louer par Air Seychelles lo Eden Island direkteman avek sa bann propriyeter.  So, pou annan, nou go back to 11.

Me mon’n aksepte pou mwan al rod lenformasyon, pou mwan donn zot, zot ava vwar li pli kler zot menm lo en tablo parey sa.  Mersi Mr Speaker.

 

MR SPEAKER

Mersi Minis. Onorab Roucou.

 

HON CLIVE ROUCOU

Mersi Mr Speaker.  Bonzour Minis avek ou delegasyon. Mr Speaker, Minis in koz, dan son larepons in koz lo sa madanm ki pe ganny en pti git larzan.  Mwan mon anvi demann Minis, si dan Air Seychelles aktyelman la, konbyen etranze ki ankor pe travay?  E ki zot bann saler de baz?  E si i annan okenn etranze la ki pe form parti sa 202 travayer ki pe ganny redundant.  Mersi.

 

MR SPEAKER

Non. Onorab mon ti deza pran ou non. Ou ti fer mwan siny question arising.  Sa i pa question arising sa. I en kestyon totalman diferan.  Ok.  Ou pe koz lo sa 202 travayer.  Question arising savedir en kestyon ki arise lo repons ki Minis pe donnen. Mon a, ou a rezerv ou kestyon pour pli tar, ler mon a vin kot ou.  Onorab Flory Larue

 

HON FLORY LARUE

Mersi Mr Speaker.  Bonzour Minis. Mr Speaker zis donn mwan en moman silvouple. Mon ti a kontan donn mon senpati en senior cabin crew ki ti perdi son lavi yer, ki’n kit nou.  Madanm Florence Mémé.  Alor mon pas mon kondoleans avek lafanmir Madanm Mémé ki ti en senior cabin crew letan mwan mon ti en crew.  E ti fer redundant li an 2012 avek Air Seychelles. Alor mon kondoleans son fanmir, son zanmi ek lafanmir cabin crew.  Mersi.

Mon kestyon i osi relye avek sa madanm kin ganny consultancy.  Dapre mon pe konpran, son saler ti 55mil Dolar par mwan ki fer R760mil par mwan.  E si mon’n konpran sa ki Minis in dir, depi Juin lannen pase son lakonpannyen i la pe sey determinen ki pou fer.

E si depi Juin ziska Fevriye i fer li R5milyon 320mil ki i’n gannyen pour li fer finalman en desizyon ki enkli 200 redundancy e pour nou fer ale 2 avyon.  E pour nou get size nou lakonpannyen, Mr Speaker, nou nepli pe fly enternasyonal, nou pe al lanmenm la dan rezyon, 4 avyon.  Actually at one point, Air Seychelles ti the smallest airline in the world, registered airline in the world, international.  Ki mannyer in bezwen kout nou tou sa larzan pou fer sa kalite desizyon?

Akoz Minis, i ti osi CEO an 2011 li.  Depi Mars ziska Septanm i ti CEO, Minis Lalanne.  Mr Albert in la tou sa letan.  Msye -.  I annan dimoun ki’n, ki la depi letan pe fer financial decisions pour Air Seychelles.  Ki mannyer prezan ki Minis i vin dir nou ki prezan ki zot konnen pe fer loss.  Prezan ki zot pe pran tou sa bann desizyon.  I ti vini lannen pase, nou ti dir aret sa bann Kontra lakaz Eden Island.  Prezan ki tou sa bann desizyon pe ganny pran?  Akoz zot tarde pou fer sa bann desizyon?  E ozordi nou war 200 fanmir, i fer dezyenm redundancy ki zot pe fer avek Air Seychelles, 200 fanmir, zot bann dimoun ki nou dir lower staff, zot pe perdi zot louvraz me selman en fanm i ganny R760mil par mwan.  Ki mannyer nou kapab dir sa i ok Minis?  Ki mannyer nou justify sa bann kalite desizyon?

 

MR SPEAKER

Mersi.  Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou kestyon.

Mr Speaker, mwan mon pa kontan kree plis konfizyon kan nou pa merit kree konfizyon.

Alor, sa ki mon sizere, an vi ki mon pou la ziska pros midi, avek ou permisyon nou pou Break.  Dan Break mon ava rod lenformasyon spesifik a kan sa madanm ti ganny anploye.  Letan mon dir Zen, mon’n dir Zen akoz se sa, sa moman kot mwan personnelman mon’n konmans regard dan sityasyon Air Seychelles. 

Mon pa kontan nou pe lye sa lenformasyon ki mon’n donnen koman Juin, avek larive sa madanm direk.  So, les mon a tyeke kan sa madanm ti ganny demande pour li vin fer sa travay kot Air Seychelles.  Konbyen in gannyen.  E re-konfirmen egzakteman sa louvraz ki i’n fer ki i’n donn nou.  E parey mon’n dir ou, i’n donn nou plusieurs options.  E donk, i’n fer en travay ase long.  Me mon a rod sa bann detay e mon ava donn Lasanble pour li kler ki pou nepli annan serten konfizyon lo sa size.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Bonzour Minis avek ou lekip.

Mon ti a kontan demann Minis, baze lo larepons ki i’n donnen, ki garanti Minis, l’effet ki letan nou pe get bann lafason negosyasyon in ale e sa kantite larzan ki pei in perdi, ki garanti ki nou annan ozordi avek sa nouvo stratezi rezyonal ki sa i pou vreman remet nou lo sa direksyon kot nou sipoze ale?

E mon dezyenm kestyon baze lo sa ki ou’n reponn, Minis mon rapel ki dan en kestyon ki mon ti demande lo la par bann travayer.  Nou ti ganny dir ki napa redundancy ki pou arive.  Konmsi, kwa vreman ki’n arive konmsi ki nou piblik e menm sa bann travayer zot kapab konpran egzakteman kwa ki’n arive?  Mersi.

 

MR SPEAKER

Ok. Onorab i pa, mon’n donn ou, ou’n lev lanmen mon’n donn laparol pou question arising, save sa 2 kestyon.  Mon a retourn kot ou apre. Mon oule question arising lo sa repons ki Minis in donnen.  Mon annan ankor 3/4 dimoun. Onorab Afif.  Question arising lo repons ki Minis in donnen swivan kestyon Onorab John Hoareau.

 

HON AHMED AFIF

Mersi Mr Speaker.  Bonzour Minis e ou delegasyon.

Minis mon ti a kontan si ou klarifye lo sa pwen ki ou’n fer pli boner konsernan pozisyon finansyel Air Seychelles.  Ou ti dir an 2011, zot in perdi 45milyon Dolar.  Me mwan mon pe lir statement finansyel Air Seychelles, paz 34 pour 2011.  I dir poudir 2011 zot ti perdi 10.7milyon Ero.

E 2010, zot in fer en pti profi 605mil Ero.

2011 zot in perdi 8.5, 8.6milyon Ero.  Sa i baze lo zot statement finansyel.

2012 zot in perdi, malgre ki zot ti dir zot in fer milyon Dolar profi, zot ti ganny sibvansyon 7milyon Ero avek gouvernman, ki fer ki zot in perdi 6milyon Ero.

2013 zot in perdi 4.5milyon Ero malgre ki zot ti dir zot in fer en profi 3milyon Dolar.

Me selman zot ti ganny en sibvansyon 7milyon Ero ek Gouvernman ki zot in perdi 4.5milyon Ero.  2

2014 ler zot dir zot ti fer 3.4milyon Dolar.  E tousala i annan bann lartik ki dan Nasyon ek Today ki zot ti dir zot in fer profi.

3.4milyon Ero an 2014, pardon 3.4milyon Dolar an 2014, zot ti ganny en sibvansyon 15.5milyon Dolar ek Gouvernman; ki fer ki 2014 osi zot in perdi 10milyon Ero.  2015 ler zot dir zot in fer en profi 2milyon Dolar, zot in ganny en sibvansyon 3.7milyon Ero ek Gouvernman ki vedir ki zot in perdi 2milyon Ero.

Alor mon kestyon, eski ou kapab konfirmen poudir depi 2009 ziska 2015, ki 2012 zot ti fer partnership ek Etihad, zanmen, zanmen Air Seychelles in fer en profi?  Depi tou sa letan ki Etihad i vin ladan, zanmen zot in fer en profi.  Zot in kontinyen perdi larzan parey ler zot ti konmans perdi larzan depi an 2009 e zot ti vin demann Gouvernman sibvansyon.

Savedir efektivman, zanmen Etihad in nobou ranvers okenn sityasyon negativ ki Air Seychelles ti annan.  Mon ti a kontan si ou kapab konfirm sa.  E dir nou dezyenmman, ki Etihad in mete dan Air Seychelles?  Ki in mete ladan?  Parske in ganny 40% par dan Air Seychelles e anba sa lakor, i ti sipoze, sipoze peye.  E dir nou ki i’n mete e akoz Air Seychelles in kontinyen perdi larzan?

 

MR SPEAKER

Mersi Onorab Afif.  Minis.

 

MINISTER MAURICE LOUSTAU-LALANNE

Mersi Mr Speaker. Mersi Onorab Afif pour sa 2 kestyon.

Bon. Premye larepons mon kapab fer li kourt.  Mon kapab fer li ase kourt oubyen mon kapab fer li pli long.  Mon pou fer li kourt oubyen ase kourt.  Larepons se wi par ou kestyon.  Me ou konnen, letan ou konmans kont bann sif la, par ler i annan toute sorte kalite sif ki ganny quote.  Mwan lenformasyon ki mon annan, i monte ki an 2011 Air Seychelles in fer en pert 21milyon Dolar. Ok? 

Me son organic loss i 48.5milyon Dolar.

An 2012, i ti fer en pti profi 1.1. Me son organic loss i 7.6milyon Dolar.

An 2013, i’n fer en pti profi 3milyon Dolar ki’n ganny deklare, parey ou dir dan Nasyon in mete whatever it is. Son organic loss is 16.3milyon Dolar.

An 2014, in fer en pti profi 3.2, in fer en organic loss 25.7milyon Dolar.

An 2015, in fer en pti profi 2.1milyon Dolar. In fer en organic loss 27.7milyon Dolar.

E an 2016, kot mon sif I arete, in fer en pti profi 400mil Dolar. Me in fer en organic loss 18.9milyon Dolar.

SO vwala larepons. Larepons se wi in fer en loss through all along.

Prezan an sa ki konsern kwa ki Etihad in anmennen.  Parey nou’n dir par lepase, Etihad in met 20milyon Dolar pour son 260mil shares ki in aste. Apre in donn en loan 25milyon Dolar Air Seychelles koman working capital pour sa peryod, premye peryod 5an; en loan 25milyon Dolar.

Air Seychelles in depans 12milyon Dolar sa 25milyon Dolar. In pa’n pran tou in pran zis 12milyon Dolar ki i pe al komans re-peye lannen prosenn. Lo sa12milyon Dolar ki Etihad in provide letan in rantre.

Gouvernman li i ti bezwen met 20milyon Dolar li osi letan ti komanse, ok?  Me o fir anmezir Etihad in donn Credit Note Air Seychelles pour en lavaler 43.2milyon Dolar ziska lafen 2016.

An 2017 prezan, sa i en lot zafer, akoz mon napa ankor kont odite Air Seychelles me management accounts i montre ki Air Seychelles in fer ankor en pert pli enportan ki sa pert en 2016 ki 18.9milyon Dolar.

E la ankor nou annan negosyasyon avek Etihad pour regarde kwa ki kapab fer pou ed nou rantre dan sa transformasyon avek en souf si oule.

Donk, pour mwan vwala sa ki Etihad in mete an cash me i’n annan parey nou’n dir, serten landrwa kot Etihad in ed nou, kot nou’n gannyen en pe economies of scale parey, fuel.  Letan nou pran karbiran nou pe pey karbiran sa pri ki Etihad in negosye kot nou, nou pe ale.

Par egzanp, letan nou al en France, Etihad osi i al an France, nou pe pey pri fuel pri ki Etihad in negosye akoz i en pli gro lakonpannyen, in nobou negosye en pri fuel pli bon marse.

So la nou’n gannyen sa bann economies of scale avek Etihad.  I vre osi ki Etihad i en lakonpannyen ki pa bon marse.  Alor i annan serten landrwa kot kekfwa nou pe pey en pti premium.  Akoz sa i normal, akoz se en lakonpannyen ki pa parey tou lezot lakonpannyen non plus.  Be mwan mon krwar ki Etihad i’n montre tre bonn volonte e i’n ed nou dan sa demars.  E from an accounting principle, e mwan mon pa en accountant, ni en oditer, i sanble ki tou sa bann reveni ki nou’n gannyen koman Grant sorti kot Gouvernman ou aryer, Air Seychelles in tret li koman en reveni.  E se akoz sa ki annan en kantite borrowing e war Air Seychelles fer sa bann pti profi.  So vwala Mr Speaker mon larepons a sa 2 kestyon.  Mersi.

 

MR SPEAKER

Mersi Minis. Onorab Georges.

 

HON BERNARD GEORGES

Mersi Mr Speaker pou donn mwan laparol.  Bon, mon pe demann en pwen klarifikasyon avek Minis. E sa mon pe demann li lo non bann dimoun parey mwan ki lespri i en pe feb.

Nou’n ganny 3 keksoz la bomaten.  Nou ganny dir lala sa ki kont odite Air Seychelles i dir nou.  Nou’n ganny dir par Minis ki pa sa ki enportan me Air Seychelles i fer en profi.  Me apre i dir nou, kanmenm i fer en profi, i fer en organic loss.  E mwan, eskiz mwan pou dir, mon konpletman perdi dan tousala.

Eski Air Seychelles i fer en profi?

Eski Air Seychelles i fer en loss?

Si Air Seychelles i fer en profi, ki sa, sa profi? Eski se sa enn ki Minis in dir, oubyen se sa enn ki lo kont Oditer Air Seychelles?

E ki si sa, sa konsep organic loss?  Ki mannyer en lakonpannyen i kapab fer en profi me an menm tan i pe fer en profi, i pe fer en organic loss?

Alor silvouple Mr Speaker, si Minis ti ava kapab eskiz mwan pour mon betiz, e sey eksplik nou en pti pe sa lenformasyon.  Mersi.

 

MR SPEAKER

Mersi Onorab Georges.  Minis, direkteman senplifye pour klarifikasyon Lasanble Nasyonal e manm piblik deor.

 

MINISTER MAURICE LOUSTAU-LALANNE

Wi. Mersi Mr Speaker.  Mersi Onorab pour ou kestyon.  Parey monn dir , mwan mon pa en accountant mwan osi, en?  So, kekfwa mon lespri i ankor plis limite ki pour ou.  Alor nou annan Mr Berlouis, e sa voyaz mon a demann li, i a eksplike.  Me parey mon’n eksplik ou, parey mon’n eksplik ou, dan tretman kont, i sanble ki Air Seychelles in pran sa bann larzan ki in gannyen ek Gouvernman, konman reveni pour al kont son depans.  Alors i montre, i’n fer en pti profi. I tretman sa larzan ki i’n gannyen e se sa ki’n kree si oule sa, sa prezantasyon.

Mwan mon konpran li koumsa. Me mon a demann Mr Berlouis pour eksplike. Li i pli profesyonnel dan sa matyer. Mersi Mr Speaker.

 

MR SPEAKER

Petet si PS Baker pa mind, ziska ler nou a bezwen ou, ou kapab pran plas Mr Berlouis. Minis ou ava zis move dan plas PS Baker.  Nou ava met financial controller akote Minis Tourizm pour fasilit en pti pe nou travay. Mersi Mr Baker. Mersi Minis Télémaque.

Bon, antretan ki Mr Berlouis pe enstal li, Onorab Ramkalawan.

 

HON WAVEL RAMKALAWAN

Mersi bokou Mr Speaker.  Bonzour Minis. Mr Speaker dan mon question arising i vin dan deklarasyon ki Minis in fer konsernan travay ki sa madanm 55mil Dolar ti fer par mwan.  Minis in dir avek nou ki rol sa madanm sete pou travay lo en strategic plan lo ki mannyer pou refer Air Seychelles.

Pli boner i annan dimoun in demande si ti napa travayer Seselwa.  Eski Minis i kapab premyerman konfirmen ki pou dir dan Air Seychelles li menm ti annan en group Seselwa kalifye ki ti’n deza travay lo en tel proze.  Me dezyenmman Mr Speaker, en ligne avek sa, si sa madanm ti pe ganny li 55mil Dolar par mwan pou li fer sa travay – 700ekek mil Roupi, mmm? 770mil Roupi par mwan, akoz ki Air Seychelles an Novanm 2017, pandan ki sa madanm ti isi, ti siny en Kontra, en letter of engagement  avek en lakonpannyen enternasyonal, Nyras, pour lasistans dan son strategic turnaround.  E sa Kontra, the mandate, mon quote “to provide consultancy and project management assistance to Air Seychelles”. Ou deza annan ou enn pe ganny 770mil Roupi, ou anploy par mwan, ou fer en Kontra avek Nyras at a fixed fee of 160,600 Pounds Sterling, ki depas R3milyon.  Sa i premye Kontra.

An Desanm 2017, pandan ki sa madanm 770mil Roupi par mwan i ankor la, Air Seychelles i siny en dezyenm lagreman avek Price Waterhouse Coopers e son definisyon – support with the strategic turnaround of Air Seychelles e fees 218,590mil Dolar ki tonm anviron R2.9milyon!

Eksplik nou Minis, ankoz nou annan Etihad konman nou partner me Air Seychelles pe pey en madanm R770mil par? I siny en Kontra 3milyon ek en dezyenm Kontra en lot 3milyon. Sa i sa Mr Speaker. Mon dezyenm matter arising, Minis in koz avek nou lo, mwan osi mon pa konnen sa bann zafer, zafer organic loss sa bann zafer la. Mon pa konnen ki…. taler mon lalang i al sape, mon a dir en lot mo dan sa bann zafer organic.

Mr Speaker, tou sa bann lannen, ou’n fer loss.  Me akoz, e la mon vin lo en mansonz ki Mr James Hogan, e petet sanmenm sa rezon ki Etihad ti pous li koman CEO Etihad, kot dan en let date le 9 Oktob 2016, adrese a Minis sa letan, Mr Joel Morgan, Minis Morgan, kot Mr Hogan i dir avek Minis Morgan, e sa i le 9 Oktob 2016 sa… “in addition to the wider economic benefits, Air Seychelles has returned to profitability in 2012 and had remained profitable under the current management arrangement.  In light of this success story, – ‘’success story,’’ under the stewardship of the board of directors”  ta ta ta…. 

La aprezan pe rod renouvle.  Mr Speaker, lekel ki’n anbet kanmarad?  Eski i annan en diferan set of figures ki Etihad i garde, ki en success story e ki i annan en lot set of figures ki Air Seychelles i gannyen kot li i annan en unsuccessful story e i annan organic loss?

Eksplik nou Minis parski mon pa konnen si mwan mon dan en state of organic loss mwan osi.  Me selman I’m lost! Thank you very much Minister.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Mersi Mr Speaker. Mersi Onorab pour ou sa bann kestyon.  Mon krwar kekfwa i ler pou mwan demann Mr Berlouis pou klarifye serten keksoz.  Me kekfwa mon ti a kontan zis fer enn de komanter.

Premyerman sa 55mil Dolar, mon pa krwar ki i ti en saler ki nou ti pe pey sa madanm. Mon krwar i plito en consultancy fee ki nou ti pe pey son lakonpannyen. Me i ava klarifye si mon korek, mon pa korek.

Dezyenmman, i vre akoz nou’n partaz bann dokiman avek zot, ki Air Seychelles in osi siny en Kontra avek Nyras pour 160,600 Pounds Sterling.  I ava eksplike akoz. Me sa consultancy fee pour Nyras pour sa louvraz ki i bezwen fer. A mon avis, dan sa 4 figir, Air Seychelles in byen negosye, akoz i en pri ki konpetitiv, a mon avis; pour sa bann eksper dan aviation, bann eksper dan aviation ki pe fer sa travay pour enplimant sa turnaround successfully.

PWC li osi in ganny en Kontra, parey ou’n konfirmen. E li son travay i annan ongoing akoz sa ki i pe sey fer li se kot Air Seychelles i kapab ganny plis prodiktivite atraver fason i pe delivre son servis.

Par egzanp, zot santi ki turnaround bann avyon lo erport ozordi i ganny fer dan en fason ki pa ase, i pa ganny fer a en nivo pli enportan ki parey dan lezot erport i ganny fer.

Par egzanp, travayer Air Seychelles, mon krwar i annan ki’n ale pou al vizite loperasyon Ryanair lo Erport L’Angleterre pour regarde ki mannyer zot turn it around more efficiently, more effectively.

E sa i en pe sa travay ki Price Waterhouse pe anmennen.  Donk, i annan ankor detrwa semenn pour zot kontinyen sa travay, pour fer sir ki bann travayer Air Seychelles apre sa re-transformasyon e sa restriktirasyon, i kapab delivre en nivo pli o.  Mon pa kapab koz pour Mr Hogan, Mr Speaker, me sa ki Onorab Ramkalawan in mansyonnen i vre. E in met sa dan son let, in sinyen.  Me parey mon re-konfirmen, ki sa bann organic profit i en keksoz ki en treatment kont ki’n fer li koumsa.

E mon repete ki mwan letan Air Seychelles in konmans pas dan son difikilte Dusseldorf dan son difikilte Durban nou ti deside por nou regard pli pre loperasyon Air Seychelles.  E se a sa moman la ki nou’n vwar sa bann keksoz.  Mon a pas laparol a Mr Berlouis avek ou permisyon Mr Speaker.

 

MR SPEAKER

Onorab Georges, ou pe al ganny klarifikasyon organic loss. Mr Berlouis petet ou a konmans avek klarifikasyon organic loss apre i annan enn, de kestyon ankor ki ou bezwen donn repons ek klarifikasyon. Laparol i pour ou Mr Berlouis.

 

FINANACIAL CONTROLLER MICHAEL BERLOUIS

Bonzour tou bann Manm. Ok. Mr Speaker, pour sa dernyen 5an Air Seychelles in deklar en profi.  Ok?   Nou bann kont i lo en standar enternasyonal.  Nou adhérer ek tou bann lareg IFRS.   Ok?  Tou tranzaksyon finansyel ki pas dan Air Seychelles, i bezwen ganny reflekte lo sa bann statement e i ganny odite.  Ok? 

Nou bann kont ki tou dimoun i annan akse avek, i annan tou sa bann tranzaksyon, ki bann tranzaksyon Gouvernman, bann tranzaksyon ek shareholder, par egzanp Etihad.  Letan tou bann tranzaksyon in ganny accounted for, i annan en profi.

Selman i annan dan bann accounts, dan bann notes ki tou dimoun i kapab, i kapab lir, i annan serten led ki Etihad i donn Air Seychelles, ok?. I annan bann grounds ki Gouvernman i donn Air Seychelles.  Going forward, nou’n ganny en manda ki’n dir Air Seychelles i bezwen debout lo zot, lo son prop 2 lipye.

Premye task ki nou’n fer pour nou gete kote nou ete, i nou’n ale pour sa dernyen 5an, nou’n tir tou bann led ki bann shareholder in donn nou.  Pour nou gete si vre Air Seychelles i debout lo son 2 lipye.  Kote i pou ete ozordi.  E ki keksoz ki nou bezwen sanze pour nou kapab debout lo nou prop 2 lipye san okenn sipor tou lede shareholderOk?   Sa i bann sif ki Minis in diskite koman organic resultOk?

E rezilta Air Seychelles si i ti napa okenn sa 2 shareholder pe siport li, pandan sa dernyen 5an.  Bann sif account ki nou’n published, i account pour tou tranzaksyon.  E nou bezwen account pour tou tranzaksyon.  Etihad pa kapab donn nou en led apre zis disparet.  Nou bezwen rikord li.  Ok?  Selman bann sif organic losses pour sa dernyen 5an, e kote nou ti pou ete san siport Gouvernman e san siport Etihad.  E sa i ki nou bezwen as en baz pour nou get nou fitir.  Right.

 

MR SPEAKER

Mersi Mr Berlouis.  Mon pa konnen si ou pou pare pou donn lenformasyon. Ti annan lenformasyon vizavi sa madanm Konsiltan oubyen si ou’n pare, oule donn lenformasyon, oubyen isi oule fer li pli tar?   Me mon krwar ou’n donn en leksplikasyon organic lossOk.  Onorab Afif oule poz en kestyon.

 

HON AHMED AFIF

Wi.  Mon kestyon i lo sa organic loss menm.  Ou dir pour eksplik li dan en fason senp.  Pran profi ki zot deklare dapre oditer, apre tir okenn, okenn sibvansyon ki gouvernman in donn ou oubyen sibvansyon ki Etihad i donn ou. Sibvansyon.  Mon kestyon, konbyen sibvansyon Etihad in donn nou?  Enn.  Parske nou kapab etablir konbyen kantite sibvansyon gouvernman in donnen atraver sa.  Me ler monn lir kont, mon pa war sibvansyon Etihad mwan.

Alor mon kestyon pour ou, ler ou dir pou dir i pe azoute, ki bann aksyonner i mete ladan.  Dir nou konbyen sa 2 aksyonner Air Seychelles apre Etihad in mete?  Mersi.

 

MR SPEAKER

Mersi Onorab Afif. Mon pou pran ansanm Onorab Pillay, apre mon a vin lo Onorab Simon Gill.

 

HON SEBASTIEN PILLAY

Mersi Mr Speaker.  E si posib, sirtou parey ler i pe koz sibvansyon, mon ti a kontan konnen si zot ou ti’n, zot in get zot sif total okenn sa bann premium ki zot in dir nou’n gannyen atraver peyman fuel pli ba, eksetera.  Pour ki nou kapab ganny en clear picture egzakteman kwa ki Etihad in relman met dan Air Seychelles, as oppose to picture tre kler ki nou annan kwa ki gouvernman in mete, akoz sa i pas atraver bidze, i pas atraver Lasanble, i pas atraver sibvansyon ki ganny aprouve par Lasanble Nasyonal.  Mersi Mr Speaker.

 

MR SPEAKER

Mersi.  Minis oubyen FCMinister.

 

MINISTER MAURICE LOUSTAU-LALANNE

Wi.  Mersi Mr Speaker.  Mon ti avek ou permisyon, demann Mr Berlouis i reponn.  Mersi.

 

MR SPEAKER

Yes. Go ahead Mr Berlouis.

 

FINANCIAL CONTROLLER MICHAEL BERLOUIS

Pour sibvansyon gouvernman i fasil akoz i annan en standar, en standar ki tou bann sibvansyon gouvernman i bezwen pas ladan.  Akoz i vin parey en grounds.  Sibvansyon, ouswa plito led Etihad i pli difisil, ok?  Akoz i annan en ta Kontra ki involved, e en ta discount zot pou donn nou.  For example lo bann lease ouswa maintenance reserve avyon, ok? Zot kapab, zot pou right off bann management feesOk.

So i pa, mon pa pou kapab donn en accurate nimero parey nou kapab donnen pour gouvernman san go back into the accounts e sey tir sak tranzaksyon ek Etihad e gete, benchmark li ki nou ti pou gannyen lo marse. E ki Etihad in sarz nou.

However, between 2012 ek 2017, i fasilman plis 50milyon Dolar.  Ok?  Selman si nou anvi en figure accurate, nou pou bezwen go back into the accounts, apre fer sa legzersis, ki i pa en legzersis ki pou fer dan detrwa heures temps. Senpleman akoz Etihad i annan en bon pe Kontra avek Air Seychelles, right. 

E tou sa bann Kontra i kapab pe donn nou kredi lo la.

 

MR SPEAKER

Ok. Mersi Mr Berlouis. Bon, pour nou kapab bouz en pti pe, mon krwar akoz nou pe question arising, nou pe al tro deep dan bann figures, nou pe al tro o profon dan bann sif.  E nou, nou osi annan Minis Télémaque parmi nou ki pou koz lo sa size redundancy.  Mon pou pran dernyen question arising dan bann repons Minis, Onorab Gill, apre nou pou move on.  Onorab Simon Gill.

 

HON SIMON GILL

Mersi bokou Mr Speaker, bonzour. Bonzour Minis avek ou delegasyon.  Bonzour tou koleg Onorab e manm piblik. Mr Speaker mon pa oule donn ou lord dan Lasanble, dernyen keksoz mon ti ava swete fer. Mon trouv i 10.28 lo nou ler. E dan tou sa bann leksplikasyon ki’n ganny donnen depi ler mon’n ekoute, mon krwar zafer pa tro, tro, tro bon.  Now, e letan zafer pa tro bon, dan mon plato la mon trouv apepre 25 kestyon.

 

(laughter)

 

HON SIMON GILL

So, mon trouv en keksoz tre serye …

 

MR SPEAKER

Onorab, ou’n, ou’n alert mwan lo letan.  Demann enn, anmas 24 pour apre Break. Demann enn ki pli enportan. Triye dan sa 25.

 

HON SIMON GILL

Ok.  Lo premye kestyon, mon ti ava voudre Minis i eklersi lo bann lakaz ki ti pe ganny lwe kot Eden Island par bann travayer Air Seychelles or travayer Etihad, si ti part of their contractual engagement avek Air Seychelles or Etihad?

E si Air Seychelles malgre ki, sa bann travayer pe travay avek ‘’Etihad’’ an parantez, si se Air Seychelles ki pe foot the bill?

Sa i enn.

Dezyenm eleman ladan menm Mr Speaker, pour li kapab sa, si ankor enn fwa i part of their contract bann travayer, pour ki Air Seychelles i pey delo, i pey elektrisite?

Lot konponan i tied-in ladan, se nou konpran i annan travayer ki pe, ki lo payroll or lo Kontra Etihad me se Air Seychelles ki pey zot saler tou le mwan.  So, si ou eklersi sa, mon krwar laba deor keksoz pou en pe kler pou le moman e mon a rezerv sa 24 kestyon Mr Speaker pour ler nou rantre, pou mwan kapab transmet apre.  Akoz i enportan Seselwa deor la i ganny leklersisman lo sa l’état de chose dan Air Seychelles ozordi.  Mersi bokou.

 

MR SPEAKER

Mersi Onorab Gill. Minister.

 

MINISTER MAURICE LOUSTAU-LALANNE

Mersi Mr Speaker.  Mersi Onorab Gill pour sa premye kestyon.

Wi. Mon kontan ou’n poz sa kestyon.  Akoz i pou permet mwan eksplik 2 keksoz.  Letan nou it konmanse avek Etihad, ou ava rapel ki nou bann pilot ek nou bann cabin crew ti bezwen fer en conversion.  Ti bezwen sorti lo Boeing pour al lo Airbus.

Alor, letan nou ti komanse, ti annan bokou plis anplwaye Etihad ki ti pe travay avek Air Seychelles lo kote loperasyon.  Mon pe koz ou pilot, eksetera, eksetera.  E se a sa moman la ki nou ti annan sa maksimonm en karantenn ekek apartman avek Eden Island.  E dan Kontra, par egzanp pour bann pilot ki ti bann anplwaye Etihad, ti dan zot Kontra ki nou Air Seychelles ti bezwen peye.  Me sa ki’n arive, pandan tou sa letan ziska 2016, sa bann kou Air Seychelles in recharge pli back kot Etihad.  E Etihad in donn, i pa’n donn larzan Air Seychelles, in donn li en parey en Credit Note against lezot invoice ki Air Seychelles i bezwen pey Etihad, parey lease avyon e lezot servis ki i donn Air Seychelles.  In fer en offset.

So depi, parey mon repete, depi 2012 ziska 2016 sa bann kou, Air Seychelles in nobou recharge e ganny son applicable Credit Note kont sa recharge.  Mersi Mr Speaker

 

MR SPEAKER

Bon. I annan en lot bout kestyon ankor me mon pa si FC ki pou reponn.  Minis i annan en lot bout kestyon ki Onorab Gill in demande.  Wi.

 

MINISTER MAURICE LOUSTAU-LALANNE

A wi.  Sa i konfirmen Mr Speaker parey mon’n dir.  Avek serten Kontra bann pilot i enkli ki nou bezwen pey zot delo, elektrisite, eksetera.  Yes. Mersi.

 

MR SPEAKER

Bon.  Nou ava pran en Break e nou ava retournen 11er.  Me ankor en pti pe gidans, nou fer nou kestyon ase bref e Minis osi donn nou repons direk pour nou kapab manage en pti pe letan.  Nou ava pran en Break e nou ava retournen 11er.

 

(BREAK)

 

MR SPEAKER 

Bon nou pou zis sanz enn ti pe nou direksyon, mon ava demann FC pou repran son plas, a kote mon a demann PS Baker pou vin akote Minis Telemaque. Mon pour pran, nou pou pran detrwa kestyon ki annan pou fer avek Minis Lanplwa, apre nou ava kapab release Minis e apre nou ava konsantre lo bann kestyon teknik lo Air Seychelles.  So mon ava eskiz enn ti moman FC Mr Berlouis.  Mon a demann PS Baker pou vin akote Minis Telemaque.

Bon bann Manm ki annan kestyon lo redundancy ki konsern Minis Lanplwa.  En moman, Onorab Ramkalawan.

 

HON WAVEL RAMKALAWAN

Non, Mr Speaker sorry, zis i annan en kestyon ki pa ankor ganny reponn ki Minis ti dir nou i pou ganny reponn, si sa R55mil sa R770mil par mwan la si ti son lapey oubyen ti pour son lakonpannyen?  Sa nou pa’n ankor ganny larepons.  Mersi.

 

MR SPEAKER

Minis si ou annan sa repons vitman ou kapab donnen avan ki nou anmenn Minis Telemaque onboardOk go ahead Minister.

 

MINISTER MAURICE LOUSTAU-LALANNE

Mersi Mr Speaker, mersi Onorab, ou annan parfetman rezon me toute ã l‘heure  Mr Berlouis i ava donn detay.  Mersi.
MR SPEAKER

Ok.  Mersi.  Bon nou pou pran kestyon ki pou annan pou fer avek redundancy, ki annan pou fer avek Minis Lanplwa.  Bon Onorab Esparon.

 

HON REGINA ESPARON

Mersi Mr Speaker.  Bonzour Minis ek ou delegasyon.  Mr Speaker eski Minister Lanplwa, in fini konplet prosedir pou sa 202 travayer ki pe al ganny fer redundant e zot satisfe avek rezon ki Air Seychelles in donnen?  E dan sa 202 travayer eski i annan okenn travayer etranze parmi ki pe ganny fer redundant?  Mersi Mr Speaker.

 

MR SPEAKER

Ok, mon krwar i enplik Minis pou, ki responsab pou Air Seychelles tou.  I pa direkteman ek Minis Lanplwa, be si i annan en bout ki Minis i ava oule reponn.  Mon ava pas laparol avek Minis Lalanne avan. Minis Loustau-Lalanne.  Minister.

 

MINISTER MAURICE LOUSTAU-LALANNE

Mersi Mr Speaker, mersi Onorab pou ou kestyon.  Parey mon ti fer resorti semenn pase letan mon ti fer mon statement, Air Seychelles a sa moman la pa ti ankor  annan en dyalog avek Minister Lanplwa, me sa zot in fer li Zedi pase.  Zot in al vwar Minister Lanplwa pou koz avek zot me parey mon ti dir dan mon statement, Air Seychelles pa ankor fer son let notifikasyon ou son let aplikasyon pou redundancy kot Air Seychelles.

Akoz parey mon ti eksplike i annan en prosedir kot Air Seychelles in swazir pou fer sir ki i dyalog avek tou son bann travayer on a one-to-one premyerman, pou dir zot kwa ki pou arive avek zot.

Ofer zot nouvo lanplwa si zot pou ganny fer redundant oubyen donn zot en lot louvraz dan Air Seychelles.  Koman en priyorite.

Ofer zot en lot louvraz dan lezot sekter ki available, e fini sa bann diskisyon avek sa 174 travayer. Pa bliye i annan 202 post, 174 travayer e apre sa fer son let kot Minister Lanplwa.

Sa pa ankor ganny fer me dan kalandriye Air Seychelles i ti le fer li dan le 14 Avril koumsa.  Pou  donn li letan pou li konplet sa one-to-one avek tou son bann travayer.  Sa i premye parti repons ki mon kapab donnen pou lo sa kestyon Mr Speaker.

E lot wi i annan 20 pilot etranze ki pe fer ganny aret travay.  Okenn pilot Seselwa pa pe perdi zot travay, zot pa pe ganny fer redundant, me 20 pilot ladan i annan 16 Kapitonn avek 2 pilot Twin Otter ki etranze, zot, zot pe arete.

E apre ankor i annan de etranze ki dan sa ki nou apel Operations Department ki zot osi zot pe ganny fer arete.  Donk i annan 20 etranze pou reponn ou kestyon spesifikman e sa i plito pilot avek dimoun dan loperasyon.  Mersi Mr Speaker.

 

MR SPEAKER

Mersi Minis.   Onorab Esparon.

 

HON REGINA ESPARON

Mersi Mr Speaker.  Mr Speaker, eski Minis i kapab zis eklersi nou enn ti pe.   Eski sa prosesis kot one-to-one kot zot pe fer interview in komanse?

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab.  Non i pa ankor komanse akoz nou’n met li on hold swivan diskisyon ki nou ti annan isi dan lasanble Merkredi pase, Mardi pase ou Merkredi pase.  Tou in ganny met on hold.  Menm sa let ki zot ti pou anvoye par email kot bann cabin crew ki nou ti oule fer imedyatman apre e nou’n met sa osi on hold.  Nou pe esper sa diskisyon ozordi.  Mersi Mr Speaker.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mr Speaker swivan sa kestyon eski Minis i kapab konfirmen ki pour dir letan zot fini avek sa prosesis ki zot ladan, pou napa okenn etranze ki pe travay dan Air Seychelles?  Oubyen eski pou ankor annan etranze pe fer travay ki Seselwa i kalifye pou li fer la aktyelman?  Donn nou en keksoz kler lo la.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab.   I pou reste detrwa etranze pou ankor en serten peryod.

Ki mon vedir dir par sa, par egzanp i annan GOP 5 ou 6 pilot kaptenn ki’n ganny extend par 6 mwan pour permet training bann First Officer Seselwa pou vin kaptenn i ganny konplete korekteman.

E ofir an mezir ki bann kaptenn Seselwa i take over sa bann pilot etranze, sa bann kaptenn etranze pou ganny fer arete zot travay.  Donk sa i serten pos kot in annan bann dimoun ki pou kontinyen menm apre sa redundancy.  Me pou bann peryod limite, e bann Seselwa pe fer sa training.          I annan serten ki Kontra pe fini e ki Kontra pa pe ganny renouvle e advertisement pou ganny fer lokalman pou Seselwa pran sa bann louvraz.

Parey ou konnen osi depi i mon’n vin dan sa Lasanble omwen 2 pos ki’n ganny lokalize par Seselwa ki etranze ti pe okipe.   Parey i annan sa post General Manager flight operations ki prezan en Seselwa i okipe.  So sa i enn.  E apre nou’n annan osi sa Human Resource General Manager sa etranze in ale e Mr Japha Ally in pran son plas.      So sa localisation in angaze e mon pe swiv li mon menm de tre pre.  Mon annan en lalis parey zot ti’n demande osi lekel sa bann dimoun ki etranze i dan pos.  Lekel sa Seselwa ki i pe understudy li e kan i pou ranplas li?  E sa mon kapab sirkile e fer zot gannyen parey mon ti dir mon pou fer.  So sa lalis i avek mwan e mon pare pou mon fer sirkile sa lalis.

 

MR SPEAKER

Mersi Minis.  Onorab Ghislain.

 

HON CHANTAL GHISLAIN

Mersi Mr Speaker.  Mr Speaker mon annan 2 kestyon enn i direkteman avek Minis Lanplwa e lot avek Minis pou Tourism.

An ki konsern Lanplwa eski Minis i kapab dir ek sa Lasanble an se ki konsern policy Lanplwa letan koman en entity Gouvernman ouswa nenport ki landrwa, i komans mazin redundancy eski ki bann prosedir, eski i vin direkteman avek zot pou kapab zot ganny involve depi day one, depi ler zot pe komans mazin lo la?

E akoz ki li Air Seychelles i pe fer pou li en lot fason, eski sa i normal?  Apre mon lot kestyon pou Minis nou pe koz lo travayer etranze; par egzanp mon pe regard bann post par egzanp dan GM Sales Distribution and Corporate Affairs ki i en etranze ki pe travay ki dan sa pozisyon e nou annan Seselwa kalifye ki kapab fer sa pos e laplipar in fini kite, eski sa dimoun i ankor pe reste e son saler i ape ganny peye par Etihad e Air Seychelles i donn li en loto konpannyen ki mon aprann pa ni li osi ki pe servi.

Apre osi i annan sa pozisyon Head of Marketing ki osi mon aprann ki sa madanm in pa’n kapab delivre dan sa post e instead of fer li ale zot in kree en lot pos pou met li ladan e son post kot zot in kree zafer pou fer nouvo proze e mon aprann ki sel proze ki’n fer se aste bann bis.

I osi i ganny company car avek fuel allowance.  I annan Catering Operations Manager ki osi annan Seselwa kalifye ki understudy e si sa dimoun i ankor pe reste akoz nou pa ranplas li avek sa Seselwa, li osi i pe ganny company car avek fuel allowance.

Apre i annan lot dan management menm i annan kot Air Seychelles as Facilities Engineering Manager and i osi en rol ki pe ganny fer par bann local – mon pe dir bann Seselwa, and mon aprann i pa ni menm en pozisyon ki ase complex lefe ki tou bann maintenance i ganny fer par bann kontrakter external ki pa travay avek Air Seychelles vreman.

E i osi i pe ganny assign avek en company car avek fuel allowance, konmsi si vreman, e li mon aprann ki osi son zanfan i ganny peye kot son bann zanfan i al lekol?

Konmsi letan mon pe regard sa 5 pozisyon ki nou annan Seselwa ki kapab fer li e letan nou pe pey sa bann gro saler avek sa bann etranze, eski sa bann dimoun pe reste e ki lezot travayer Seselwa pa pe kapab ganny plas pou zot ranplas sa bann etranze, pou kapab touzour redwir cost? Mersi Mr Speaker.

 

MR SPEAKER

Mersi Onorab, mon ava pas laparol ava Minis Telemaque avan apre Minis Loustau- Lalanne, Madanm Telemaque.

 

MINISTER MYRIAM TELEMAQUE

Mersi Mr Speaker, mersi Onorab pou ou kestyon.  Onorab ki pe arive la egzakteman kot Air Seychelles zot ankor pe fer bann meeting konsiltativ entern avek bann travayer.  E li Lanplwa dapre Lalwa i pa kapab enterfer la pou le moman.  Nou pa kapab al dir ek Air Seychelles fer striktir koumsa met sa enn, pa met sa enn.  Ki Air Seychelles i fer, i pe fer sa bann striktirasyon ansanm ek son bann travayer.

Selman son dernyen letap se i pou bezwen vin kot Lanplwa pou li fer lanrezistreman ofisyel notifikasyon konmkwa i annan lentansyon fer redundancy.

E sa i annan serten dokiman ki i pou bezwen, i rezon akoz i pe fer sa terminasyon, lakantite travayer ki i pe al fer redundant, non, laz, lokipasyon date komansman travayer e zot bann saler ki pou al ganny fer redundant.  E apre kriter ki’n servi.

Dan evantyalite ki arive ki redundancy i ganny aprouve la Minister Lanplwa li i ava antre ladan.  La pou le moman nou bezwen reste a lekar.  Nou annan kontak avek Air Seychelles.  Nou’n demann zot ki pe pase detrwa fwa zot in vin dir nou zot pa ankor pare pou vin fer lanrezistreman ofisyel kot Minister Lanplwa se sa ki pe arive la pou le moman.  Mersi Mr Speaker.

 

MR SPEAKER

Mersi Minis.  Minis Loustau- Lalanne.

 

MINISTER MAURICE LOUSTAU-LALANNE

Mersi Mr Speaker, mersi Onorab pou ou kestyon.   Bon mon mon’n sezi 4 sa bann pos ki ou’n mansyonnen, 1 mon’n manke me mon a donn ou larepons lo sa 4.

Lo sa latab ki mon annan ki mon pou sirkile i annan 14 pozisyon ki ganny tenir par etranze, 7 pou ganny ranplase an 2018.

Tou le 4 ki ou’n mansyonnen zot in fini ganny dir zot pe ale, an 2018.  Dan ka sa Facilities Engineering Manager ti deza annan en Seselwa ki ti annan sa travay me sa Seselwa in kite Air Seychelles.  Donk i annan en lot travayer ki i ganny idantifye e i pe ganny en pe training avan i ranplas sa dimoun.

Dan ka sa Head of Project Management i menm leka i annan en madanm ki’n ganny identify koman son understudy.  Dan ka General Manager Sales Distribution and Corporate Affairs li i pe ganny terminen an Zilyet 2018.

So li osi i pe ale, e parey mon’n eksplike taler Onorab son post pou ganny advertise lokalman, e Air Seychelles in deza swazir en Seselwaz pou ranplas li me sa Seselwaz osi malerezman in kite travay Air Seychelles in ganny transfer dan en lot Departman pou fer en lot louvraz.  Sa Catering Operations Manager se egzakteman parey e li i pou ganny terminen an 2018 e i annan en manager en madanm ki’n ganny idantifye pou ranplas li.  Mersi Mr Speaker.

 

MR SPEAKER

Mersi Minis.  Onorab Ghislain.

 

HON CHANTAL GHISLAIN

Mr Speaker mon kestyon an sa ki konsern sa Head of Marketing li in fini ganny ranplase avek en Seselwa, me akoz in fail dan son pozisyon zot in’n kree en lot pos pou met li ladan eski li osi i pe reste.  Sanmenm sa ki fer mon senkyenm kestyon.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Mersi Mr Speaker, lenformasyon ki mon pe gannyen, se ki in ranplas sa pozisyon tanporerman sa madanm.  So sa dimoun ki ti dan sa pos in ale e in’n ganny demande pou li act dan pos hold; the fort.  Mersi Mr Speaker.

 

MR SPEAKER

Mersi, dernyen kestyon Onorab Ghislain.

 

HON CHANTAL GHISLAIN

Mr Speaker eski Minis pe dir nou sa pozisyon pou li al lead sa bout bann new project se sa ki ti annan en Seselwa ladan i pe ranplas la?  Savedir i pa en nouvo pos sa?

 

MR SPEAKER

Minister.

 

MINISTER MAURICE LOUSTAU-LALANNE

Non e mannyer mon konpran dan sa lalis redundancy i en post ki pe tonbe.  Mersi Mr Speaker.

 

MR SPEAKER

Mersi Minis.  Onorab Georges.

 

HON BERNARD GEORGES

Mersi Mr Speaker.  Mr Speaker mon kestyon i arise from en repons Minis Lanplwa.  E mon kestyon i dirize a Minis Lanplwa.  Minis in dir nou, enn fwa ki Air Seychelles in fini fer son internal, son diskisyon entern ek son bann staff, la prezan i ava fer en laplikasyon ofisyel, formel pour redundancy.

Minis in dir nou dan leka kot sa i ganny aksepte la prezan bann prosedir legal i ava antre an plas. Me mon kestyon se si i pa ganny aksepte? Si ler sa i vin devan zot, zot pa aksepte ki pou arive?  Ki pou’n arive avek tou sa bann staff ki pou ganny koze pou dir zot pe ganny redundant me zot prezan Minister zot pa aksepte?       Rezon pou mon kestyon se mon pa anvi, akoz mon konnen ki depi lotrozour sa pe fatig nou, ki annefe sa ki pe arive la i zis en rubber stamp.

Se ki ler Air Seychelles pou’n fini fer son bann demars i pou ariv devan zot, zot pou dir ok dakor no worries.

Eski sa i pou leka?  Oubyen eski i pou annan en reel konsiderasyon lo sakenn sa bann staff bann rezon pou zot perdi zot plas travay eksetera.  Mersi.

 

MR SPEAKER

Mersi Onorab.  Minis Telemaque.

 

MINISTER MYRIAM TELEMAQUE

Mersi Mr Speaker, mersi Onorab.  Onorab, Minister pa pou rubber stamp okenn laplikasyon li, i pou evalye merit.  E sa i annan en lot staz ki nou bezwen pas ladan van determinasyon i donnen.  Pa pli tar ki 7 zour ler Air Seychelles in donn nou notifikasyon formel konmkwa zot anvi fer redundancy e zot case in ganny anrezistre.  Zofisye Minister i envit travayer ki pou ganny konsidere pou redundant.

Ansanm avek ek Linyon si zot annan en reprezantan avek anplwayer e dan sa ki Air Seychelles, pou zot vwar pou eksplor e agree la fason pour evit sa terminasyon e pou diminyen lefe ki i kapab annan.   I annan en lot staz ki i pas ladan.  Savedir i pou kapab zis vini rubber stamp.

 

MR SPEAKER

Mersi Minis.  Onorab Georges.

 

HON BERNARD GEORGES

Mersi Mr Speaker.  In real term Minis ki savedir sa?  An term reel ki savedir ki zot pou esey minimiz lenpak ki zot pou sey avoid sa restriktirasyon?  I pe arive li, nou konnen i pe arive, i inevitab ki i pe arive.  Se pou sa rezon ki nou isi dan Lasanble.  ki rol vreman i zot pou annan dan envit bann konsekans?

 

MINISTER MYRIAM TELEMAQUE

Rol ki Minister pou annan dan sa ka spesifik, se pou evalye merit sa redundancy.  Nou zofisye pou bezwen ale fer bann konsiltasyon avek bann travayer ki pou ganny konsider, zot pos pou ganny aboli e sa bann travayer an konsekans i pou ganny er redundant.

Mon ti a kontan fer resorti Mr Speaker, ler, dan sa ka la i Air Seychelles i anrezistre, i fer notis formel i annan 21 zour pou Minis donn son determinasyon.

E dan 21 zour nou evalye nou demann kestyon, nou diskit ek anplwayer la apre ki nou donn determinasyon, si pou donn determinasyon.  Se pou larezon konmsa.

 

HON BERNARD GEORGES

E finalman Mr Speaker avek ou permisyon, nou kapab espere donk ki i annan serten ka ki zot pou dir non, e Air Seychelles i bezwen aksepte.

 

MR SPEAKER

Minis.

 

MINISTER MYRIAM TELEMAQUE

Mr Speaker, mersi Onorab. Onorab dokiman ki Air Seychelles pou bezwen anmennen ler i vin fer son lanrezistreman se sa kriter ki in servi ki’n servi pou le selekte sa bann pos.  E nou, nou pou baz bokou nou lenformasyon, nou pou rod plis lenformasyon lo sa seleksyon.  Nou pou bezwen demande, eklersi nou akoz ou’n servi sa enn pos, akoz ou’n pa’n servi sa enn post si ou ti kapab fer li koumsa, la ki nou kapab demann kestyon.  Avan toultan i pa ankor vin kot nou, nou kapab fer nanryen.  Mersi.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Minis mwan ti a kontan demann ou koman nou lo sa size, i annan dan sak redundancy package sirtou ler involve bokou travayer i annan leka kot Gouvernman i entervenir pou ed sa lorganizasyon pou fer bann plan sosyal; bann plan re konversyon, bann plan reskilling.

Pour le moman Air Seychelles pa’n koz avek nou lo la me, eski zot in deza komans en dyalog?  Par egzanp, i annan travayer ki nou konnen ler nou koz redundancy ou pe koz konpannyen i dan problenm i pe perdi larzan, i annan travayer ki oule ale – ok?                    Air Seychelles ti’n dir ek bann travayer ki oule ale, ‘’si ou le ale, ale!’’ (sorry) pa egzakteman koumsa me si ou swa pou ou ale i ou swa.  Me selman ou pa pou kalifye anba okenn redundancy package.  Sa se en keksoz ki kekfwa ki Air Seychelles ti kapab revwar pou dir ou pa pou ganny tou bann benefis redundancy me selman plito en dimoun i ale trankil ki ou pous en dimoun!  Donk sa bann dyalog koumsa la, pou fer sir ki lentere tou bann travayer i ganny pran an konsiderasyon e zot esey accommodate otan ki posib bann swe bann travayer eski sa dyalog pe ganny deroule a sa moman kot Air Seychelles pe fer sa legzersis?  Mersi.

 

MR SPEAKER

Mersi Onorab petet eski ou oule dir ‘depar volonter?

 

HON JEAN-FRANCOIS FERRARI

Wi, en nespes Mr Speaker, konmsi ki nou bezwen, nou pa kapab zwe gro lebra.   Mon ti a kontan konnen eski ki kantite ouver ki Air Seychelles ti ouver i annan en dyalog vreman fran e compassionate avek bann travayer ki’n donn sitan lannen loyalty avek sa lakonpannyen ki zot menm zot ki zot dir be ok be sa en lokazyon pou mon ale ki ou pa kapab ofer mwan enn ti keksoz ki plito ki pous Marie-France.

Pa bezwen pous Marie-France mon, mon oule ale, mon Gertrude mon oule ale be napa enn ti keksoz pou donn mwan mon’n travay tou sa letan?  Sa bann dyalog koumsa ki nou pe sey konpran.  Parey Mr Georges in dir redundancy i paret pou arive me ki mannyer nou kapab fer li dan en fason imen, compassionate e dan en fason lazistis pou ki tou dimoun i sorti ladan santi ki ‘’ok mon’n ganny en pe respe pou tou sa letan ki’n mon’n travay.’’ Mersi Mr Speaker.

 

MR SPEAKER

Mersi Onorab avan ki mon pas laparol Minis. Onorab De Commarmond ou annan en keksoz similar pou ou azoute.

 

HON CHARLES DE COMMARMOND

Ek sa zis pou azout ek sa kestyon.  Mr Speaker avek sa ki Onorab Ferrari in dir nou konnen pou dir i annan travayer Air Seychelles ki pou kite, ki pa pou ganny fer redundant ek sa legzersis, me ki pou ale evantyelman, zot pe al kite.  Se sa mon pe siport sa kestyon, konmsi ki tou sa ti ava antre ladan e ki i ti ava fer en lalis vin pli kourt.  I annan ki pe ale, tou fason.

 

MR SPEAKER

Mersi Onorab.   Wi wi, mersi.  Mon a pas laparol avek Minis, mon pa konnen petet Minis Loustau-Lalanne non? Minis Telemaque.

 

MINISTER MYRIAM TELEMAQUE

Mon a pran premye bout Mr Speaker.  Mersi Mr Speaker.  Mr Speaker sa ki’n ganny propoze par Onorab Ferrari, si nou al fer la i pou donn lenpresyon ki nou pe rubber stamp menm!  Nou bezwen esper Air Seychelles vini, vin anrezistre formelman apre nou a kapab antre dan sa dyalog ki ou pe propoze.

Selman mon ti a kontan fer resorti dan tou ka redundancy Minister i annan en mekanizm an plas pou li asiste bann travayer ki pou tonm dan sa sirkonstans.  Nou pou travay avek sa bann travayer.  Nou pa pou kit okenn travayer deryer nou.  Nou pou anmas zot.  Mersi Mr Speaker.

 

MR SPEAKER

Mersi Minis, petet pou bann manm bare in mind, Minis in dir i pa ankor ganny sa Notis Ofisyel pour redundancy.  Kestyon ki ava vize ver pou Minis Lanplwa, i ava annan pou, bear sa in mind ki Minister pa ankor ganny sa notis in dir, in repete de fwa.

Sa kestyon Onorab Ferrari ansanm avek Onorab De Commarmond, mon ava pas laparol avek Minis Tourizm, Minis Loustau-Lalanne. Minister.

 

MINISTER MAURICE LOUSTAU-LALANNE

Mersi Mr Speaker, mersi Onorab.  Pou azoute, Air Seychelles li in swazir en redundancy ki pa en redundancy volonter.  Alor son lapros parey mon’n eksplike zot anvi annan en apros imen vizavi zot bann  travayer ki pe ganny fer redundant.  Zot osi annan en lobligasyon legal ki Minis in koz lo la.

E parey mon ti fer resorti dan mon statement e bann diskisyon ki nou’n gannyen, lentansyon Air Seychelles se kontinyen depi in komanse la dan sa peryod ziska kan i ganny sa let kot i dir li wi oubyen non oubyen kekfwa mon pa konnen.      Kontinyen annan dyalog avek tou sa bann travayer.  Akoz i pou fer sa one-to-one.  E dan sa one-to-one, i annan plizyer keksoz ki i pe dir zot.  Enn, si zot anvi al pli boner akoz zot in degoute zot kapab fer li.  Air Seychelles i pare pou les li al boner.  Si i anvi ganny re-training pou li al fer en job reception lo Four Season oubyen marketing assistant oubyen public relation officer dan H-Hotel mon pa konnen ki bor, Air Seychelles i pare pou les sa travayer pran time-off apply al son interview.  I pou ed li pandan sa peryod ziska kan i pe espere sa larepons final.        So sa osi Air Seychelles i pare pou dyalog ek son travayer e donn li sa bann posibilite pou reste dan sa kad imen.  Akoz nou konnen i fermal.  Nou konnen person pa anvi fer sa.  Me sirkonstans i montre e nou bezwen fer sa.

Alor i enportan osi ki an menm tan i manage son bann anploye ki ankor la pe travay.

Akoz zot osi zot bezwen annan moral pou fer sa louvraz.

So i en keksoz tre delika e mon konnen ki Air Seychelles bann diskisyon ki mon’n gannyen avek li nou oule toultan gard sa kote imen, letan nou pe koz avek sa bann travayer ki pou al ganny fer redundant evantyelman.  Mersi Mr Speaker.

 

MR SPEAKER

Mersi Minis.  Onorab Andre.

 

HON CLIFFORD ANDRE

Mersi Mr Speaker. Mr Speaker mon ti a kontan demann avek Minis Lanplwa si en Employment dapre Lalwa i annan dwa refiz tou sa redundancy request competent officer parey Lalwa i dir.  I annan dwa refiz tou sa bann request ki ganny anmennen kot Lanplwa par Air Seychelles.

Dezyenm kestyon kekfwa i vize pou tou lede Minis, eski Minis avek sa negosyasyon ki zot pe fer eski the employee, travayer i annan menm bargaining power avek Air Seychelles pou li dir avek Air Seychelles dan sa negosyasyon mon pe refize kategorikman sa ki ou pe dir mwan e mwan, mon oule A,B,C,D  Sa i enn.                    Lot keksoz ki mon oule demann tou lede Minis eski Air Seychelles avan i fer en recruitment en etranze, eski i advertise 3 fwa dan NASYON, i donn loportinite en Seselwa ki annan kalifikasyon pou li progrese ladan?

Akoz mon annan lenformasyon ki nou annan bann Seselwa kalifye tel ki Cindy Vidot, Lisa Cosgrow ki’n kite zot kalifye pou zot travay me akoz lanmertim ki mannyer lakonpannyen pe ganny run e zot, zot koze i pa ganny respekte akoz desizyon i ganny pran Abu Dhabi par Etihad Management, pa par Sesel.

Par Etihad Management, e i annan 15 senior staff Minis ki’n kite depi Novanm 2017 ziskan ozordi.  Akoz Employment oubyen Air Seychelles pa ti idantifye sa problenm letan i ti komanse?  Mersi.

 

MR SPEAKER

Mersi Onorab Andre mon pas laparol avek Minis Telemaque avan, apre Minis Loustau- Lalanne.

 

MINISTER MYRIAM TELEMAQUE

Mersi Mr Speaker, mersi Onorab Andre.  Onorab dapre Lalwa Lanplwa wi Minister i kapab pa aprouv sa redundancy parsyel oubyen non.  Me sa i pou bezwen baze lo kriter ki’n ganny servi e nou pou bezwen annan rezon vreman valab.                                       Nou pa pou kapab zis vini dir non, non nou pa pe donnen. Nou pou bezwen evalye merit.  Nou pa kapab zis vini dir nou pa pe aprouve.

Si tou keksoz in mars dapre Lalwa e levidans i la pou dir i bezwen ganny fer. Minister i pou bezwen vwar li dan en fason ki i bezwen aprouve.  Be selman nou annan, Minister dapre Lalwa i annan drwa pa aprouve oubyen kantmenm parsyelman.  Mersi Mr Speaker.

 

MR SPEAKER

Minis Loustau-Lalanne.

 

HON CLIFFFORD ANDRE

Minis lavertisman. Minis Lanplwa bann avertisman….

 

MR SPEAKER

Bann post ki ganny advertise par Air Seychelles.  Yes Minis.

 

MINISTER MYRIAM TELEMAQUE

Mr Speaker, prosedir lanplwa pou bann foreign workers ki travay dan lakonpannyen Air Seychelles, prosedir se zot fer lavertisman mon mazinen Air Seychelles in swiv bann prosedir parey tou lezot lakonpannyen i fer.  E si personn pa’n apply zot rod en etranze oubyen si i annan en Seselwa ki la dan sa post konsiderasyon i devret ganny pran.  Mersi Mr Speaker.

 

MR SPEAKER

Mersi Minis.  Minis Loustau- Lalanne.

 

MINISTER MAURICE LOUSTAU-LALANNE

Mersi Mr Speaker, mersi Onorab wi mon konfirmen ki Air Seychelles i bezwen swiv Lalwa Sesel.  Si fodre advertise i pou bezwen advertise parey Lalwa i demande sa i premye keksoz mon bezwen mansyonnen.

Dezyenmman ou’n mansyonn 2 dimoun.  Enn parmi ki ou’n mansyonnen i ti ganny ofer en lot job an deor Air Seychelles so in aksepte sa job se en dimoun ki in deside ale akoz in ganny propoze en lot travay.

Sa dezyenm dimoun wi mannyer mon konpran in met son demisyon parey plizyer.  E mwan, mon konnen enn de cabin crew osi ki’n deside ale parey mon ti dir dan Lasanble isi, akoz zot pa oule atann pou zot ganny sa let zot in deside sorti pli boner zot in ale, e zot pe travay Sesel dan diferan landrwa.  E mon’n enterakte avek enn omwen e mon kapab osi konfirmen sa.

Me pou leres mon ti a kontan demann Mr Ally atraver ou permisyon Mr Speaker pou li konplet larepons kestyon ki ou’n poze.  Mersi.

 

MR SPEAKER

Mersi Minis.  Mr Ally.

 

MR JAPHA ALLY

Mersi Mr Speaker, mersi Onorab mon byen kontan pou mon pran sa loportinite pou mon sey tir en pe sa bann lanmertim dan ler eksplik enn ti pe ki pe arive.  Konsernan vacancies ki pou advertise; Air Seychelles pa ganny ekzanpte pou anvoy en aplikasyon GOP si i pa atas avek son lavertisman ki prove ki’n advertise sa lokalman.  E nou toultan, Lalwa i dir ou 3 fwa, plis ki 3 fwa ki nou advertise, 14 zour ki nou advertise e sa.

Recently i annan en aplikasyon, en lavertisman pou en role chief commercial officer mon krwar zot in vwar ti dan NASYON, dan tou bann Gazet e ki montre legzanp ki nou bezwen advertise pos lokalman avan ki nou pran en etranze akoz otherwise i pa legal.        Konsernan resignation of bann Heads wi sa in tap nou akoz Air Seychelles ti annan bon plan pou sa bann dimoun. Mwan personnelman dan mon succession plan sa bann dimoun mon ti pe earmark zot pou bann key roles dan future.

Nou’n fer exit interview avek zot mon menm mon’n involve enn par enn e zot in eksprim zot rezon akoz ti napa stopping them pou zot pa ale.  Alor ki ou a fer lavi i koumsa.  Prezan nou bezwen vwar ki mannyer nou bezwen backfill bann pozisyon – ok, bann ki nou merit backfill, bann ki pa pe ale dan redundancy bann rol pa pe ale,  me bann ki pe reste definitivman nou bezwen backfill.

 

MR SPEAKER

Mersi Mr Ally.  Onorab Andre.

 

HON CLIFFORD ANDRE

Mersi.  Minis ou’n dir nou pou ki i annan dimoun ki’n ganny ofer travay Sesel, me lefe i reste ki zot ganny ofer en lot travay akoz zot in rod en lot travay akoz ler zot met zot konsern kot zot pe travay dan Air Seychelles i pa ganny ekoute akoz desizyon pe ganny fer Abu Dhabi!

So annou pa bezwen zis fer krwar, mon bezwen dir li koumsa menm parey i ete ki ler ou ganny offer ou ale ou pa oule ale, me selman akoz ou bezwen travay ou bezwen sonny ou zanfan ou fanmir akoz ou pa konnen kan redundancy i ganny fer parey ou pe dir akoz nou osi nou pa konnen kan nou ganny make redundant!

So ou bezwen travay e alor se akoz lakonpannyen pa pe permet ou partisip dan ou lakonpannyen aktivman parey ou kalifikasyon i permet parey Cindy avek Lisa Cosgrow ki annan 12 an leksperyans by the way.  So ki mannyer Air Seychelles i kapab les ale dimoun ki annan leksperyans sa i 2 parmi sa kantite ki i annan kapab les sa bann leksperyans ale?  Apre Mr Ally i dir nou pou ki nou comply avek prosedir pou nou anploy en etranze!  Minis silvouple!  Mersi.

 

MR SPEAKER

Mersi Onorab. Minis ou oule fer komanter, Minis Loustau- Lalanne ou oule fer komanter lo la?

 

MINISTER MAURICE LOUSTAU-LALANNE

Mersi Mr Speaker.   Mr Speaker mwan mon pa konnen si desizyon i ganny pran Abu Dhabi.  Fodre nou pli presi lo la pou nou kapab pran ka par ka pou mon idantifye egzakteman kote problenm i ete.  So si Onorab i pare pou donn mwan bann ka, mon ava investigate sa bann ka akoz i annan en CEO isi i annan en Board of Directors isi desizyon i ganny pran isi – par Air Seychelles isi!  Ou konpran.  So fodre ou donn mwan bann ka spesifik e mon repete ki Air Seychelles is not above the Law.  I bezwen swiv lareg lokalman etabli.  Mersi.

 

MR SPEAKER

Mersi Minis.   Minis si mon pa tronpe sa ki ti sorti semenn pase se ki bokou bann desizyon se Etihad ki annan 40 pour san shares ki pran?  Sa ti sorti kler dan Lasanble me anyway i lo rikord.  En moman Onorab.  Onorab Sebastien Pillay apre Onorab Ramkalawan.

 

HON SEBASTIEN PILLAY

Mersi Mr Speaker.  Mr Speaker i annan en keksoz mon pa pe ganny en konpran, i annan, sa ki nou’n ganny dir se ki i annan bann post ki ti ganny advertise.  Par egzanp ou annan sa post ki pe okipe par en Maria, en lot par en Katty avek en lot par en Johny Shore ti ganny advertised dan NASYON parey zot pe dir?

Apre dezyenmman ler ou’n mansyonn sa post kin bezwen re klasifye be akoz nou pa ti gard sa dimoun ki ti per fer sa post nou ti ava dir li nou pe re klasifye ou post nou pe donn ou mwens larzan e nou pe re klasifye ou post ki nou pran en dimoun ki nou dir nou pa pou bezwen li ankor dan enn an anyway nou met li dan sa post e nou dir li hold the fort.          Pour ki rezon ki nou ti bezwen fer en Seselwa ale e gard en etranze pou li pran sa post pou fer li reste?

 

MR SPEAKER

Mersi Onorab.  Mr Ally.
MR JAPHA ALLY

Mersi Mr Speaker.  Mon pa tro konpran lekel sa post ki’n ganny re klasifye.  Ki mon’n dir ki i annan en advert ki nou ti fer pou en chief commercial officer i en much higher role ki pou ansarz tou komersyal dan sa, sa I baze lo nou restriktirasyon. I pa en pos re klasifye.

Sa pozisyon ki’n ganny mansyonnen la sa 2 pozisyon sa nou pa’n fill akoz nou ti dan restriktirasyon pou vwar nou bezwen ranplas li internally.  Ki mannyer nou mannevre li.  Ok? E mon’n koz lo bann lavertisman wi, bann lavertisman ki mon pe dir se normalman anything ki nou pou bezwen foreign expart workers, nou bezwen servi prosedir advertise pozisyon.  Sa ka ki ou’n mansyonnen sales whatever, mon pa okouran akoz sa ti way, way beyond my time mon dimoun ti la depi bon pe letan li; depi 2015 sa dimoun i la.  So I wouldn’t know.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Mr Speaker par egzanp ti annan en post ki ti pe okipe par, mon pa pe dir mon pe fight pou en sel dimoun be selman ti annan en pos ki ti pe okipe par manmzel Josie Michaud par egzanp ki, nou’n fer son post redundant apre nou’n fer en dimoun vin dan son port apre nou hold the fort.  So mon kestyon pou zot  i ki mannyer, ou pa’n negosye avek sa dimoun avan oubyen negosye parey nenport tou sa bann post pou ki rezon ki zot pran, akoz mon apel li en re klasifikasyon en post Mr Speaker, ki ou re klasifye en ou met en dimoun ladan pou li fill the post hold the for kan ou ti annan en dimoun ladan ou ti a senpleman dir ek sa dimoun me nou pe restructure, nou vwar poudir sityasyon mannyer in arive, nou a donn ou less responsibility be ou a pran sa post or   nou a  bezwen annan bann restructuring.    Bon diskit ek mwan sa anplwaye ki’n donn mon letan for many years, pou at least montre pou dir mon lwayote kin mon annan anver sa lorganizasyon in ganny konte.

Me malerezman sa ki mon vwar ou’n pran en dimoun ou’n met dan sa post ki dapre ou, ou’n dir ki i pa kalifye pou sa post, mon’n donn li sa post pou li hold the fort apre i pe ale.

So sanmenm sa ki mon pa pe ganny en konpran lo sa size restructuring.  Apre lo size sa bann advert, eski i posib, eski i posib ki lenformasyon ki ou annan lo ki tou post ki’n ganny advertise, i pa neseserman le ka e ki annan dan Air Seychelles ki’n ganny filled- n kot dimoun in ganny zis parachute dan Air Seychelles pou zot antre dan sa bann post?

Eski i posib ozordi letan nou pe diskite ki sa in arive?  E alors si sa in arive se eski sa legzersis redundancy ki’n ganny fer baze lo lenformasyon ki sa bann expert whoever in vini in fer, eski sa i en legzersis ki’n open transparan, oubyen en legzersis kin ganny dirize par menm dimoun oubyen menm group dimoun kin ede pou parachute bann dimoun dan bann post dan Air Seychelles e la mon vwar ou dan en sityasyon kot i annan Seselwa ki pe perdi zot louvraz e ki nou vwar ki i pa kler, akoz zot pe perdi zot louvraz?  Mersi Mr Speaker.

 

MR SPEAKER

Mersi Onorab Pillay.  Minis oubyen Mr Ally.

 

MR JAPHA ALLY

Mersi Mr Speaker.  Konsernan sa pozisyon sa endividi ki ou’n mansyonnen la, mon pa anvi diskit okenn ka endividi dan sa Lasanble, me selman mon kapab dir ou poudir sa pozisyon I en pozisyon ki’n ganny fer redundant ok?  In, in – I out.  Ok? It’s not a matter of restriktirasyon

 

(Mic off)

 

MR JAPHA ALLY

Pardon?  Non, non, non..   I pli …. Ler ou fer restructuring i annan pozisyon ki ou merge, i annan pozisyon ki ou – whatever.  Me li sa enn in ale.  E ler i ale of course sa dimoun ki ladan i bezwen ale!  Koumsa.

Prezan lot kote prezan i ganny ofer lezot landrwa, sanmenm sa ki nou fer one-to-one, se ou annan alternative employment eski ou enterese si ou dir mwan wi then ou apply e parey tou lezot dimoun.

Ok, konsernan sa restructuring process ki ou pe dir la, sa Departman li ki vwar ki i bezwen.  I pa Japha oubyen nenport dimoun ki fer sa. I sak dimoun, sa Departman i vwar pou dir right, akoz letan ou fer transformasyon se sa ki ou bezwen fer; vwar ki bann dual roles – ki bann double roles ki ou annan ki ou bezwen fer li vin enn.  Akoz i pa enfisyan – ok?

Vwar ki rol ki ou pa bezwen oubyen role ki ou annan tro bokou ki ou bezwen minimize.  E se sa.   So sa Departman li personnelman sa Departmantal Head se sa ki ou tann nonm sa PWC, zot ti travay avek PWC pou ed zot dan revwar zot Departman pou bring in efficiency.  Akoz sa ki Air Seychelles ti oule at the end of the day, se ki i debout lo son lipye.  E par debout lo son lipye i bezwen vin pli efficient, e par being efficient ou bezwen elimin tou cost.  E ler nou dir elimin tou cost, nou pa koz zis lo human cost, me osi lo lezot cost parey zot pe mansyonnen.  So it’s part of the whole process – ok?

 

MR SPEAKER

Mersi Mr Ally.  Mon a donn laparol Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab pou sa dezyenm par ou kestyon.  Mwan sa ki mon konnen se an 2012 letan Kontra ek Etihad ti konmanse, dan sa Kontra ti pe anvizaze pou annan zis 2 anplwaye Etihad ki ti pou vin travay dan Air Seychelles.  Son CEO ek son chief financial officer, e zot, zot ti’n ganny mansyonnen par non dan sa Kontra.

So a sa moman la zot in swazir 2 dimoun selman.  Me ofir an mezir zot in komans travay zot in si oule parasit plizyer lezot dimoun akoz a sa lepok zot in vwar zot bezwen met sa Human Resource General Manager, zot in  met Flight Operations.  In annan plizyer Departman kot zot pa ti espekte zot ti pou anmenn dimoun etranze dimoun Etihad o komansman, so finalman ti annan en total 9 dimoun ki ti pe travay an 2012.

So pou reponn ou kestyon wi at the start of sa Kontra in annan en pe parasit ki’n antre.  Mersi.

 

MR SPEAKER

Bon.  Onorab Pillay vitman.

 

HON SEBASTIEN PILLAY

Mersi.  Mr Speaker mwan mon oule zis fer en ti pwen klarifikasyon.  Mr Ally mon napa okenn dout lo ou senserite.  Sa ki mon pe met devan ou, se eski ou koman en Board member ou’n ganny tou sa lenformasyon konkret e neseser, lo ki ou’n baz ou desizyon ou eski petet sa lenformasyon ki’n ariv kot ou koman en Board member, in en lenformasyon ki posibleman i pa reprezant lefe koman i ti ete dan lakonpannyen e ki sa petet…

Mon pa dout ou senserite mon konnen ou anvi konpannyen marse.  So mon krwar petet ou pa pe tro konpran mwan lo sa baz.

Mon lot pwen prezan Mr Speaker ek en klarifikasyon me sa Kontra ki mwan mon’n lir i montre pou dir i annan en liability lo sa management services ki ganny provided, malgre i annan en indemnity dan sa Kontra.

So par lefe ki sa lakonpannyen in parasit serten dimoun dan Air Seychelles i vedir se ki i osi i bezwen bear some of the responsibility pou serten desizyon ki sa konpannyen in pran.   So eski prezan Etihad in antre pou li vwar lo kote son responsabilite ki li i annan pour Management decisions ki in pran, par lefe ki in parachute dimoun dan lakonpannyen pou li ede sirtou an sa ki konsern  sa bann restructuring.

Par egzanp nou konnen i annan bokou partner airlines i annan lezot landrwa dan Lavyasyon, eski li in montre parti prenan pou li ede pou ki nou kapab ek nou bann dimoun ki’n train par li – tre konpetan pou al prezan al travay dan lezot Airline, redeploy zot across son fleet, rather ki nou Air Seychelles, mon apel nou Air Seychelles akoz i pou nou I bezwen bear the brunt of tou bann keksoz?

Eski in annan sa volonte lo son par pou montre pou dir ki as part of management liability ki li i annan pou r bann desizyon ki in pran, pou  li antre pou vin donn sa koudmen?  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Speaker mersi Onorab.  Ankor mon vin o komansman sa Kontra.  O komansman sa Kontra ti osi annan en redundancy parey ou konnen.  E bokou sa bann travayer a sa lepok Etihad ti fer en zefor pou abzorb zot.  Zot in al travay kot Etihad en bon pe zot in fer training kot Etihad apre zot in ganny anploye avek Etihad.  So komansman premye redundancy.

Dezyenm redundancy mon pa konnen si Etihad pe anvizaze pran en pe travayer Air Seychelles pou met avek li.  Akoz li osi mon konnen ki in pas atraver en redundancy e in met bokou son travayer swa lo Sabatical akoz i pe ekspekte kekfwa plitar biznes i a repran e i ava annan access avek sa bann staff be i annan osi ki ganny fer voluntary redundancy kot Etihad.

So sa i en lenformasyon ki mon pe donn ou, me pou reponn ou kestyon direkteman si dan sa group ki pe fer redundant sa voyaz Etihad pe zwe en rol pou sey pran en pe.  Sa fodre mon al verifye – mon pa konnen.  Mersi.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker mon retourn lo sa size GOP avek advertising kot letan zot pe dir ki Air Seychelles ensidswit sa bann zafer zot pa lao Lalwa.  Eski zot kapab dir avek nou kan eski nou’n deza trouv en advertisement pou sa pozisyon CEO”?  Ziska aprezan Air Seychelles tou son bann CEO in bann etranze, zanmen mon’n deza vwar en advertisement dan NASYON epi atase 3 fwa?

Sel keksoz ki nou’n tande se ki Etihad zot pe esper Board Etihad determinen lekel ki pou vin CEO apre zis nou ganny en lanons pou dir Msye Manoj, Msye Ball, Msye Papa tousala zis zot in vini.

E la nou’n osi aprann ki pou dir sa enn la ki par enterim zis nou ganny en lanons Minis ti fer en lanons la ki pou dir ti napa son lavey e apre sa zis pou dir ti fer en lanons ki pou dir i annan en nouvo CEO.

E pourtan dan sa Kontra i mete klerman; after an initial period of 3 years Etihad will seek to identify Seychellois Nationals for the position of Chief Executive Officer, Chief Financial Officer.   Alor i kler pou dir ki zot par lao Lalwa!  Parski napa okenn prosedir kin ganny swiv.

Mon ti a kontan ganny en leklersisman lo la.  Me apre sa letan nou pe koz swivan kestyon Onorab Pillay in demande ki i en bon kestyon. Mr Speaker mon anvi dir avek Minis ki pou dir i kler, i kler dan sa Management Services Contract Etihad – Etihad pa pran okenn responsabilite pou okenn keksoz ki pase avek Air Seychelles.  Selman selman, li i reste laba deor e li ki determinen ki pou arive?  Ki delo ki nou pou pran dan nou avyon!  Ki manze pou manze, konbyen pri tiket pou vann e sa ki Minis in dir pli boner se pou sa rezon nou’n fer loss lo Paris. Pourtan Paris avyon ti desann plen, me nou’n fer loss akoz, la mon retourn ankor lo mon pwen konsernan diferan liv.           Mwan mon senserman krwar ki i annan diferan liv ki’n deroule, letan nou pe vann en tiket Paris, absoliman parey Air Seychelles ti pase avek Air France.  Li Air France dizon i anmas 700 Ero pou en tiket li Air Seychelles li i pe anmas 400. Me byensir ou pou fer en pert e li ki pou fer profi.

E mwan mon krwar ki lo sa bill ki nou pe koz lo la ozordi, Air Seychelles ki pe anmas lepokase li Etihad in pa’n perdi en sou!  En sou in pa’n perdi e i kontinyen dray nou avek sa bann lapey R770mil pou soz, nou Air Seychelles Sesel zis nou peye!  Zis nou peye nou!  E sa Kontra Mr Speaker i montre nou, sa Kontra I rakont nou sa zistwar fil an egwir.  Ti kapab fer en dokimanter lo la.  Mersi bokou.

 

MR SPEAKER

Mersi Onorab. Minis i ava reponn ou premye bout lo apwentman CEO advert, pou sa pozisyon CEO.   E petet apre nou pou al en ti avan midi bann Manm ki annan kestyon direk pour Minis Lanplwa  madanm Telemaque mon ava permet zot demande, akoz nou pe sanz nou progranm pou apre midi.

Minis Loustau-Lalanne avek ou lekip Air Seychelles pou bezwen retournen apre midi e nou pou postpone kestyon lo proze danm pou en lot zour.

Mon krwar sa sityasyon Air Seychelles i enportan. Mon’n fini donn lord, ek direktiv kot Minis Larose ek Minis Dogley, menm si zot pa pou kapab vini semenn prosenn akoz Minis Dogley pa pou dan pei i pou lo overseas mission i ava vin en lot zour.                                Me lenportans sityasyon Air Seychelles mon a demann Minis ki apre midi ozordi 2 er i ava retournen.  Minis i annan sa premye part kestyon lo lapwentman CEO Air Seychelles apre bann Manm i ava demann kestyon direkteman avek Minis Lanplwa. Minis Loustau- Lalanne laparol i pou ou.

 

MINISTER MAURICE LOUSTAU-LALANNE

Mersi Mr Speaker, mersi Onorab pou sa kestyon ek sa komanter. An sa ki konsern apwentman CEO ek CFO parey mon’n dir dan premye Kontra zot ti mansyonn sa de dimoun so nou ti napa swa e zot in swazir sa de dimoun e zot in anvoy kot nou.  I vre osi ki a sak fwa en CEO in ganny ranplase, in annan en diskisyon avek Air Seychelles lo choix lo sa dimoun ki zot pe anvoye.                 Me mon krwar ki mon kler letan mon dir ki in pa’n ganny advertise parey i sipoze ganny advertise.

Me selman parey nou’n osi diskite tou sa bann desizyon lo sa bann pozisyon kle koumsa i bezwen al lo Board Air Seychelles pou pran en desizyon.  Kekfwa par lepase nou’n pa’n ase efektif dan nou travay.

E fodre osi mazinen sirkonstans ki Air Seychelles ti ladan letan sa Kontra ti ganny drafte, ganny diskite ganny sinyen.                                        Akoz Air Seychelles sa lepok ti dan en sityasyon tre, tre precare.  Me ou annan parfetman rezon letan ou dir ki Etihad i annan sa indemnity e nou pa kapab fer nanryen kont li. Alor Kontra i la nou kapab sey fer fason re negosye Kontra regarde ki mannyer nou kapab sey fer avanse avek nou partner privilezye.

Sertennman dan ka CEO mon’n dir dan sa Lasanble nou bezwen pran en pe plis letan sa voyaz en bon CEO.  En CEO ki kekfwa i dan lanplwa avek en lot Airline.

Nou bezwen pas atraver en advertisement pou get lekel ki pou enterese pou vin run nouvo Air Seychelles.  E sa se en pozisyon ki mon mentenir pou sa nouvo CEO.  Mr Remco i enterimer i pou en peryod enterim. So sa pou bezwen ganny fer.

An sa ki konsern CFO parey ou konnen ozordi sa CFO i en Seselwa menm ki i en anplwaye Etihad in ganny seconded from Etihad pou vi me i en Seselwa.  Vwala donk mon krwar i enportan mon fer sa 2 klarifikasyon. Mersi Mr Speaker.

 

MR SPEAKER

Vitman Onorab Ramkalawan.

 

HON WAVEL RAMKALAWAN

Mr Speaker sa larepons ki Minis in dir nou e sa larepons ki Minis Lanplwa in donn nou pou mwan, i montre mon en keksoz!   Pou napa okenn vre negosyasyon pou redundancy.  Desizyon in ganny pran Minister Lanplwa pou rubber stamp sa zafer!

Pou mwan parski nou komans koz pozisyon precare nou pe koz isi nou pe koz laba bann desizyon stratezik e tou.  Desizyon in fini ganny pran, one-to-one in fini fer bann travayer ki pou ganny fer redundant pou ganny fer redundant e alor mon krwar sa ki nou bezwen komans plede la tonm lo nou zenou, nou koman en Lasanble, se plennyen lo ki mannyer sa bann travayer bann Seselwa i kapab ganny en bon deal dan sa prosesis redundancy!

Mon krwar ki nou bezwen al lo sa pozisyon.  E mwan Mr Speaker mon ti avan kontan apre midi nou pas en pe letan lo la. Pour ki sa bann manrmay parey in ganny dir avan, ki’n siny en Kontra si zot ki ti pe kas Kontra zot ti pou ganny penalize. Sa bann manrmay ki zot lapey bann cabin crew ki zot lapey i minimum salary ki annan loan, ki Air Seychelles ti bezwen plede pour zot kapab met sa pti allowance ki zot gannyen.  Sa bann manrmay ki’n depan lo en pti flight letan Paris ti annan en pti larzan an plis pour zot monte e apre letan sa in koupe zot in.  Sa bann manrmay ki sorti Sesel 5er tan pour al Sid Lafrik turn around retournen lo zot lipye.  Nou bezwen regarde ki mannyer sa bann manrmay pour ganny en bon deal dan tou sa bann zafer ki nou pe koz.

E Mr Speaker apre sa be mwan mon vreman dezapwente letan mon vwar ki poudir Seselwa kalifye i ganny met de-kote.  Mr Albert in deza Depite CEO Air Seychelles li be akoz Mr Albert zanmen in ganny posibilite pour li monte vin CEO?

Akoz toultan nou bezwen Ball, nou bezwen Papa nou bezwen sepa ki lot zafer ankor? Be Mr Albert li i pa en Seselwa kalifye ki ti kapab ganny taken care of pour li run sa lorganizasyon?

I vre mon kontan pour Mr Berlouis; wi Mr Berlouis en Seselwa mon kontan Ki Mr Berlouis i CFO, be nou pa ti a kapab ganny Seselwa ki ti ava ede pour nou soz. Parske finalman at the end of the day si nou pou manz margoz anmer be annou manz nou margoz nou!  Akoz ki nou bezwen lot dimoun pe profite?

Mr Speaker mon krwar ki nou vreman serye letan nou pe koz… i annan en etranze la, nou pe ganny mesaz anmezir, dan marketing catering sa post zanmen in ganny advertise.  I annan en Kenyan ki ladan, tou bann travayer Air Seychelles pe dir be nou, nou’n la ti komanse, ti konmans ed nou pour nou fer invoicing apre sa zis en bo zour sorti, madanm Carolyn ki ansarz tou keksoz, met laba pous isi pous laba.

Be mwan mon krwar ki ozordi e la mwan personnelman Mr Speaker ki mannyer nou pe ale la, mwan mon ankoler avek sa Board, Board Air Seychelles. Mon ankoler avek Board Air Seychelles akoz Board Air Seychelles pa’n transpire, they did not worry about this organization.

E nou ti ava kontan osi ki sa Board en moman i vin la devan nou pour zot regarde ki mannyer, ki lenportans ki zot in mete lo sa travay.  Eski zot in zis, pour nou ganny Minutes sa Board pour nou regarde, ki bann desizyon ki zot pran pour nou kapab ganny en pli bon desizyon.  Parske finalman sef i byen pase sa bann travayer ki fer sa Airline, sa bann Anbasader, i gou pour apel zot Anbasader me salanm ki zot pe gannyen la?  Zot pe ganny en koudpye.

E nou, nou la dan sa Lasanble pour nou fer sir ki menm si fodre met larzan ankor dan Bidze – en supplementary ki sa bann manrmay i ganny en bon deal avan zot ale.  Mersi bokou Mr Speaker.

 

(APPLAUSE)

 

MR SPEAKER

Mersi Onorab Ramkalawan, bon mon ava donn laparol Onorab Simon Gill apre Minis i ava fer komanter.  Onorab Simon Gill.

HON SIMON GILL

Mersi Mr Speaker. Mr Speaker mon krwar Onorab Ramkalawan in lir en pe bann pti keksoz ki mon ti pe al pran e mon krwar le mon osi mon analiz sityasyon.  E depi ler Minis ti la dernyen fwa mon ti demann li ki alternative ti annan vizavi sa Progranm Redundancy.  Eski nou kapab afford donnen sityasyon aktyel dan Air Seychelles pour nou napa redundancy?  E repons ki mon ti gannyen pa ti neseserman dan en fason kategorik, nou ti ganny dir nou pe fer bann internal procedures.        Me lefe i reste, nou pe koz avek bann dimoun adilt la, e tou sa bann travayer dan Air Seychelles zot bann adilt, serten i annan zanfan, zot annan fanmir parey in ganny dir zot annan bann lezot commitments lo zot.

Mwan dan mon refleksyon pour mwan,  Mr Speaker, mon pe convince mon lekor amwen ki Minis i kapab convince mwan otherwise, ki si nou pa ferm Air Seychelles tou travayer i ale, nou privatiz Air Seychelles nou pou napa en swa pour nou fer redundancy.

Now, now mwan mon krwar nou napa swa eski Minis prezan i kapab dir nou baze lo tou bann konsiderasyon ki Board in pran, si a ler aktyel Air Seychelles i kapab sirviv par move pou kas sa Kontra ki i annan avek Etihad.

 

(APPLAUSE)

 

HON SIMON GILL

Move mon pe demann sa kestyon i serye sa; Eski Air Seychelles i kapab sirviv par fer en move pour kas sa Kontra avek Etihad?

Now, i kas sa Kontra avek Etihad eski dan son lot nivo ki i ale nou kapab lans en lapel avek bann businessman lokal bann envestiser Seselwa pour antre dan partnership avek Air Seychelles, pour nou re-ganny sa pride to be Seychelles Airlines or to own Seychelles Airlines.  Air Seychelles. 

 

(APPLAUSE)

 

HON SIMON GILL

Now, lo lot level nou pare mon’n tann en statement in ganny fer, nou pare donnen tou bann sirkonstans annord, si nou kapab anmenn en pe plis larzan; anvoy en pe plis larzan pour nou kapab retenir sa Air Seychelles atraver provizyon bidzeter, byensir.  Donnen tou bann eleman i ganny analize tou bann fakter met lo latab, ki la ozordi nou pa pe domin tou sa bann fakter – les tou keksoz annord – nou re-anvoy larzan dan Air Seychelles.

E sa i ava re-donn en lo posibilite reel Management Air Seychelles pour zot konsider, lenpak or lentansite sa redundancy; meaning redwir lakantite dan sa 200 plus travayer ki zot le al fer redundant.

Mon met sa la pour le moman, mon annan ankor lezot komanter mon le fer lo sa size Air Seychelles, me mon ava donn loportinite atraver ou Mr Speaker pour Minis eklersi sa bann detrwa pwen ki monn met ater ki i ase critical ki nou ganny en repons serye lo la.  Mersi bokou.

 

MR SPEAKER

Mersi Onorab Gill.  Minis laparol i pou ou.

 

MINISTER MAURICE LOUSTAU-LALANNE

Mersi Mr Speaker, mersi Onorab pour ou bann kestyon.  Lo rubber a stamp mon krwar nou koz lo la, mon krwar nou’n klarifye pozisyon, nou note ki ou, ou krwar i pou ganny rubber stamp.

An sa ki konsern a better deal or a good deal, mon krwar ki tou i posib, me selman nou bezwen regard li dan sa konteks sityasyon Air Seychelles ozordi e kwa ki Gouvernman i kapab kontribye.

Sertennman Bidze bezwen vin dan Lasanble e se zot ki pou deside finalman, dan bann diskisyon ki mwan mon’n gannyen, akoz mwan osi mon’n diskit avek plizyer lorganizasyon, Lasosyasyon Cabin Crew avek son Union ki reprezant li and so on and so forth zot lekspektasyon se zot le en pe plis ki Air Seychelles pe propoze ozordi, parey mon’n fer dan mon Statement.

Lo sa Gratwite 3mwan lo saler basic zot propozisyon zot pe demann de fwa sa, zot ou le 6 mwan. E nou ankor an diskisyon me pour le moman si oule desizyon Air Seychelles tou sa ki Lalwa i demande fodre peye me an plis ozordi nou pe koz 3 mwan saler basic, me zot lekspektasyon se en pe plis.  So, i annan sa ki lo diskisyon.

An sa ki konsern Mr Albert i akote mwan si i le fer komanter i ava fer e mon osi mon rapel letan mon ti ganny demande pour al laba enterim, letan konpannyen ti’n vin bankrupt,  mon ti zwenn li laba koman en zenn zonm i ti CEO.

Annefe se mwan ki’n demot li – mon’n fer li vin Deputy CEO ,akoz i ti ankor en zenn garson avek potansyel e mon ti anvi  konmsi nou burn li en sel kou.  Me i la parmi nou e i travay akote mwan ozordi e mon vwar kekfwa ti en bon desizyon akoz nou’n sov en serviter Seselwa, ki kapab annan bokou pour donnen dan le fitir.  Me sa se a li ki a deside i ava fer son komanter si Speaker i permet.

Board Air Seychelles parey mon’n eksplike Chairman ek Board zot lakle konpannyen. Companies Act i donn zot lakle pour zot travay avek.  Si nou, nou santi ki board pa bon; Direkter lo Board pa bon i annan en prosedir pour ranplas zot.

E nou kapab antann sa prosedir si i neseser, me mon krwar par ler nou napa tou lenformasyon pou nou nobou pran bann desizyon ki byen.

Me i enportan e mon dakor avek ou ki Board fodre zot enplik zot lekor en pe plis.  I pa louvraz Minis mon pa pe say mon responsabilite.  Me i pa mon louvraz pou al manage Air Seychelles oubyen manage okenn sa bann konpannyen ki tonm anba mon responsabilite.

Pour reponn Onorab Gill mon’n krwar wi, redundancy ozordi avek sa plan ki nou annan pou retir Air Seychelles dan son sityasyon aktyel, mon pe koz prezan lo son operasyon enternasyonal.  Mon santi ki nou bezwen aksepte desizyon Board e mentenir sa redundancy mon krwar nou napa bokou dan sa zafer.

Akoz si non Air Seychelles pa pou survive. Eski nou kapab cancel sa Kontra?  Si mon lenformasyon i korek, mon lenterpretasyon sa Kontra i korek nou pa kapab.  Me nou kapab entame en diskisyon pour regarde son merit konteni son sityasyon aktyel.

Me mon anvi fer resorti ki nou, nou an diskisyon avek Etihad lo kwa ki i pou fer pou ed nou pas sa tranzisyon.  E pour le moman sa bann diskisyon i ankor ongoing e mon pa pou kapab devwal li la.  Mersi Mr Speaker.

 

MR SPEAKER

Mersi Minis.  Bon parey mon’n dir nou pou retournen avek Air Seychelles apre midi, me mon krwar ti annan en kestyon direk pour Minis Telemaque.  Onorab Henry ou ti’n endike ki ou annan en kestyon direk pour Minis lanplwa, demann ou kestyon.

 

HON GERVAIS HENRIE

Mersi Mr Speaker.  Bon apre midi tou dimoun. Mr Speaker mon kestyon i se ki akoz mon’n ekout kantite depi bomaten, i kler ki sa redundancy i akoz lenkonpetans Management e non pa akoz travayer Air Seychelles in mal travay.

Prezan mwan mon vwar li en pe drol ki Minis in eksplik nou son kontrent vizavi Lalwa alor Lanplwa pour bezwen Air Seychelles fer sa redundancy formel devan li.  Be mwan mon anvi lev sa size responsabilite kolektiv vizavi Minis.

Psaki mwan mon reste konvenki pour dir ler sa de lakonpannyen ki Onorab Ramkalawan in mansyonnen bomaten, ti vini pou fer sa Rapor an Novanm e Desanm 2016.  Direksyon Management e Board Air Seychelles zot ti annan en nide zot ki zot ti pe al fer evantyelman pour fer redundancy 202 pozisyon e par konsekan apepre 174 travayer Seselwa.

Donk, mon anvi demann Minis dir nou laverite si depi Novanm, desanm 2016 ziske 2017 ziske la, sa kestyon pa’n zanmen ganny leve dan Cabinet Minis par egzanp.  E laba kot ou konman en Minis ou annan sa responsabilite pour diskit avek ou koleg Minis Tourism e pour zot konman en Gouvernman, parske sa se dezyenm redundancy kot apepre 600 travayer Seselwa pour al perdi zot lanplwa anba sa Gouvernman dan 6an – dezyenm fwa dan 6 an.

E bokou fanmir Seselwa nou pe koze e mon pe mazin bann zenn Seselwa depi Mars lannen pase ziska Mars sa lannen egzakteman 1an. Permet mwan Mr Speaker an Mars 2017 13 nouvo cabin crew remarkable trainee Leonel Bick.

Le 18 Mars 2017 ankor 15 nouvo cabin crew remarkable trainee Ryan Marguerite.

E finalman le 24 Mars 2017, 19 nouvo cabin crew remarkable trainee Brian Mervin Estico.

I bann zenn Seselwa ki’n fer konfyans dan Air Seychelles pour annan en karyer 1an pli tou keksoz rev brize.

Responsabilite kolektif kestyon mon pe demann Minis Lanplwa ki koman en Gouvernman, Cabinet zot in diskite depi Novanm 2017 ziske la ki zot in partaze ansanm avek ou koleg ki la obor nou en kestyon nou anvi konnen.  Mersi.

 

MR SPEAKER

Mersi Onorab Henrie.  Minis Telemaque.

 

MINISTER MYRIAM TELEMAQUE

Mersi Mr Speaker, mersi Onorab Henrie pour ou kestyon.  Onorab lannen pase nou ti fer vizit Ministeryel Air Seychelles nou ti fer lo en peryod 2 zour.  Travayer ti fer resorti en bon pe pwen. Ler nou ti ganny fer debriefing ek Management sa kestyon redundancy ti ganny met lo latab. Management ti dir nou napa redundancy e mon ti dir dan interview ki mon ti fer lo SBC.  Ou dir ti dir mwan ‘’napa,’’ Mon ti dir laverite ti dir mwan ‘’napa.’’

Recently travayer Air Seychelles in fer kontak avek Minister in dir ki pe pase kot Air Seychelles. Travayer kot Minister in ganny kontak avek Air Seychelles, ek HR in demande ki pe arive? Zot in eksplik nou ki lentansyon fer.  E zot in Minister konnen poudir zot pe fer formalite e ler zot a pare pou vin fer nou konnen ofisyelman notifye nou pour sa redundancy zot a vini zot a vin fer.

Sa ki mwan mon konnen. dan Cabinet mon pa’n tande akoz mon la depi Zilyet mon pa’n tande pour dir i annan diskit redundancy pour Air Seychelles.  Sa ki mwan mon kapab dir ou.

 

MR SPEAKER

Mersi Minis.  Onorab Ramkalawan, vitman.

 

HON WAVEL RAMKALAWAN

Mr Speaker be sa ki Minis in dir la i serye.  E mon apresye Minis pour son fransizm.  E i fer mwan mazin en lot Minis ki’n vin fran avek nou e ozordi i lo, i pe anpandan lo en difil e 25 i pe al sa… Mr Speaker 200 travayer, 200 pozisyon pe al ganny perdi byento, ou annan ou en Gouvernman ki pa diskit sa?

En National Airline, menm si i ti en lakonpannyen prive se en lakonpannyen prive ti pe al perdi 200 dimoun be Cabinet ou ti ava ekspekte ki pou dir i pe take sa up konman en keksoz serye!

Minis mon rapel letan i ti fer son interview e Minis i annan en zoli dyalog avek bann travayer Air Seychelles e mon annan ou full kontrandi kot ou ti demande sa kestyon. E Minis ti dir avek Mr Roy Kinnear parski i ti fer meeting avek li tou, si i pou annan okenn redundancy konmans koz ek travayer depi boner.

Sa Minis ti dir.  Prezidan, e Minis li i ti dir sa ouvertman tou keksoz i ok, Prezidan dan en Konferans De Pres ti dir ‘’pour napa redundancy Air Seychelles.’’

Mr Speaker, be la all over a sudden 200 travayer?  Mwan mon krwar sa ki nou pe war la malerezman Minis mon bezwen dir sa, sa i form parti en kiltir koz ‘’manti’’ avek lepep Seselwa!

Toultan zot dir avek nou keksoz i bon me apre sa i en lot zafer.  Travayer pa trakase la Dusseldorf manmman nou pe al fer, nou pe al kas lakle avek sa nouvo soz.  Strategic planning. Durban nou pe al kas lakle la nou pe al anmas tou Sid Afriken ki desann Losean Endyen nou pe anmenn zot L’Inde.

Me apre sa bite, Tanzania letan in ouver Tanzania manmman, manman ziska lelefan pou vini!   China la pli gran market ki annan dan lemonn tou sinwan pour ranpli nou lotel zot pou – menm si zot vin bwi krab dan boulwar, dan bann soz tousala, nou pou ganny zot tou.

Be Paris, ankor enn fwa Paris nou konnen Paris sete zisteman tay Paris akoz, akoz ti annan en lakonpannyen ki ti apel Seychelles Airlines ki ti anvi al lerop, annou taye nou ava komanse pour nou touy zot. Donn zot lenfirmite lo zot non tousala.  Be Mr Speaker mon anvi zis parski mon realize ki ler pe kit nou.

SCAA ki son rol dan tousala?  SCAA i filthy rich. Minis ou konn sa byen.  SCAA i probableman Lorganizasyon Gouvernmantal ki anmas plis larzan.  Zot pa kapab vini, vin donn en koudmen zot osi?  Letan en frer i dan problenm, en ser oubyen en lot i vini i vin donn koudmen.  Napa en fason pour nou bring in SCAA?

E pourtan an menm tan letan mon pe regard bann shift bann soz, SCAA olye vin ed Air Seychelles SCAA li i double son rent li.  En lannen i 80mil son lannen answit son dezyenm lannen i 200 ekek, 179 ekek.

Ki mannyer nou pou koste ansanm pour nou balans tousala?  Mwan se sa ki mon soz me selman i vreman sad ki poudir at the end of the day se zerb, mon pou servi sa lekspresyon, se zerb ki pe ganny kraze dan tousala.

E mon ava zis termin lo sa pwen Mr Speaker, ki poudir mwan letan Minis in nonm Union, mon napa nanryen ek bann travayer ki’n sey al kot Union.  Me selman an menm tan mon pou dir letan sa bann dimoun ti Minis la, letan zot ti Minis dan ou plas Minis tou keksoz ti ok!

Letan nou ti a pe sey lager pour bann travayer ganny en pe plis larzan; letan zot ti a pe koz lo better deal, letan ti a pe siny deal ek Etihad zot ti vini sa bann menm boug ki ti Minis la ki ozordi zot ansarz Union zot ti vini zot ti dir ki mannyer Kontra i bon, ki mannyer isi i bon letan ti pe monte desann laba zot ti pe monte desann.  La ozordi zot sey vin anbet sa bann manrmay!

Mwan sa ki fer mwan ankoler zot vin anbet sa bann manrmay!  Zot ekrir lo se pa ki eTurbo ki Kontra pa ti bon.  Letan ou ti Minis Kontra ti bon? La ozordi Kontra pa bon?  La ozordi ou ki pou vin defann, ou pou vin lager pour sa bann manrmay. E apre sa ou ki pou pas pour bon boug?  Parey bann zafer tax ensidswit ki nou’n koz lo la?

Mr Speaker mon termin la pour mwan dir dan sa pei Sesel la in ler pour nou aret bat latet dimoun e pour nou koz laverite! Mersi bokou.

 

(APPLAUSE)

 

MR SPEAKER

Mersi Onorab Ramkalawan.  Mon a pas laparol avek Onorab Henrie pour ou kestyon.

 

HON GERVAIS HENRIE

Wi mersi Mr Speaker, parski nou pe al terminen la mon le zis repran en pwen Onorab Leader Lopozisyon ti’n dir taler sa zafer better deal!  Dan bann larepons nou’n tande la pou dir bann travayer Air Seychelles pe demande ki zot ganny zot 6 mwan saler olye 3 mwan.  Zot pe osi ki ler Air Seychelles i fer son redundancy, zot pa konsider sa bann fakter parey performance, rating, attendance, disciplinary records, behavior avek technical competence pa bezwen servi sa pour pini zot.  Me pli enportan annou mazinen poudir Air Seychelles i pou Gouvernman Sesel mazorite share; 60 poursan nou pe koze la.

Annou pa bliye ki Gouvernman in fer konsernan IOT lannen pase.  Ler nou Lasanble Nasyonal nou ti freeze 13 mwan IOT dan Bidze ki Gouvernman ti fer?  I ti taye i ti donnen!  I kapab fer li pou travayer Air Seychelles i kapab fer li nou ava rod sa larzan pou donn zot the better deal!  Sa kestyon ki nou anvi enplor le de Minis la sorti avek sa not pour remet aksan lo pledwari ki Leader Lopozisyon in fer.  Mersi bokou.

 

MR SPEAKER

Mersi.  Minis note. Mon pour pran ankor de vitman apre nou ava fini. Onorab Arissol apre Onorab Sebastien Pillay.

 

HON SANDY ARISSOL

Mersi Mr Speaker, mon ti a kontan letan nou pe koz lo bann travayer zis met lo latansyon Minis Lanplwa e Minis pour Tourizm, pour dir i annan en paran poudir i annan en pti group zenn in vini bann pilot ki sorti training ki depi lannen pase zot pa ankor ganny en plas travay.

I annan en bann pe vini an Avril, i annan en bann ki kot lakademi militer pe al training byento, dan zot diskisyon avek dan tou sa ki pe arive mazin zot, e bann ki’n fini zot training ki pou arive avek zot sa i mon premye.

Dezyenmman mon ti a kontan demann Minis Lanplwa Mrs Telemaque letan en landrwa travay pe fer restriktirasyon sa dimoun i ganny fer redundant, ki arive avek sa plas ki nou koz lo la. Par egzanp cabin crew i annan restriktirasyon?  Zot pe koup travayer parske napa larzan, parske pa pe fer byen, pa pe profitab sa bann cabin crew i ganny mete a laport.

Eski ki arive avek zot plas?  Akoz mon pe demann sa kestyon parske plizyer wa bann cabin crew zot ganny met ater 200, 150, 5 zot, be apre dan NASYON oubyen dan bann advert nou vwar pe rode fodre ou vin pour zot al ganny train ankor.

Konmsi mon pa ankor ganny en konpran akoz apre sak lannen oubyen en 2an nou tir en pe nou met ater apre sa menm lakonpannyen i vini i re anmas en lo pe zis pour ranpli bann plas ki ti deza la.  Eski dan sa negosyasyon Minister Lanplwa pa kriy Sandy Arissol ki deza pe fer sa travay pour dir li be get sa nou annan bann plas la ki pe devlope ou, ou ti deza ladan ou deza annan training, ou deza kalifye, ou deza en profesyonnel, olye repran nou manrmay, e sa bann ki ti la pou plizyer lannen parey nou’n tann koz lo la, zot ganny met ater.

Sa i mon de kestyon pour Minister Lanplwa Mr Speaker taler mon ava al lo tourizm. Mersi bokou.

 

MR SPEAKER

Mersi Onorab Arissol.  Dernyen Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker avek en bi pour nou rod en solisyon pour sa sityasyon ki nou ladan la.  Mon ti le demande ki ler Minis i retournen si i annan en travay ki Air Seychelles i kapab fer internally.  Nou konnen pou dir redundancy pa ankor fer, akoz demann pa ankor vin kot Lanplwa pour li swa aprouve ouswa i pou ganny reject. Akoz anba Employment Act i annan en grievance procedure ki egziste pour bann dimoun ki santi zot redundancy zot pa dakor avek ok? 

Now, ki nou pa konnen pour le moman nou pa konnen konbyen i pou kout Air Seychelles pou gard tou sa bann dimoun an plas, pour li kapab kontinyen fonksyonnen.

Mon ti ava anvi demann avek Air Seychelles eski zot kapab provide nou avek en costing ki pou arive si zot gard tou sa bann dimoun la. Zot pa fer redundancy, zot pran en lapros donn sa bann dimoun en Sabbatical pour en serten peryod letan.

En peryod letan ki zot kapab donnen ki zot kapab retourn profitab, e baze lo bann propozisyon ki’n ganny fer dan Lasanble kot si prezan i annan en bailout injection.  Mon pe koz zis lo sa ka spesifik, nou pa ankor fini deal avek lezot size, nou pe deal avek sa size Redundancy annou pa pran tou size melanze.

Si nou kapab prezan regarde si i annan posibilite dan bidze pour fer sa, akoz mon pa krwar nou devret osi kree en presedans kot ler en konpannyen Gouvernman i fail en lot konpannyen i fail     oubyen en  lot konpannyen i fail, se  Gouvernman  i bezwen step in pou less appeal donn en bailout  eksetera.

Be dan sa ka spesifik pou pran le pwen ki sa bann dimoun zot pa lafot.  Sa sityasyon i ankor pe determin lakoz, kot nou’n arive la eski i posib pour nou kapab ganny en costing oubyen en Bidze defini lo konbyen pour koute lo konbyen pour arive lo en prozeksyon lo petet 1an ouswa 1an edmi ouswa 2an.  Pour nou vwar prezan within sa peryod letan, kwa ki kapab ganny fer?  Kwa ki nou kapab fer finansyerman pou tenir sa sityasyon, oubyen si sa bann dimoun i al en Sabbatical?

E dezyenmman Mr Speaker mon pa le prolonz tenir sa bann dimoun dan ler akoz i annan zot petet ki kapab al rod alternative employment e nou pe anpes zot ale akoz zot ankor pe esper desizyon ganny pran e zot pou riske perdi bann loportinite ki kapab come their way akoz zot pa pe ale pour zot sezi sa bann loportinite.

E prezan dan sa kestyon nou a reponn bann kestyon bann dimoun ki’n deza sorti pou vwar ki mannyer nou kapab deal ek sa bann sityasyon i posib pour nou kapab ganny en detrwa sif lo sa size Mr Speaker.  Mersi.

 

MR SPEAKER

Mersi, Onorab petet senpleman sa 202 post konbyen i pe kout Air Seychelles?  Si nou ganny en sif sa 202 post ki zot pe mazin pou fer redundant konbyen i pe kout Air Seychelles ozordi?  Nou a ganny en sif par mwan then i a fasil pour nou kalkil larestan.

Bon mon a pas laparol avek Minis Telemaque, mon krwar i annan 2 bout kestyon ki konsern direkteman Minis Lanplwa, apre nou ava donn laparol final Minis pour Tourizm.

 

(Mic Off)

 

MR SPEAKER

Onorab Valmont… apre midi pour Air Seychelles … ale vitman, en moman Minis, vitman Onorab Valmont.

 

HON JUDE VALMONT

Mersi Mr Speaker bonzour, mon zis anvi konnen si mon non lo lalis kestyon akoz i annan detrwa nou la pa ankor met nou non.  Mersi.

 

MR SPEAKER

Wi.  Onorab mon annan plizyer non, me selman parey mon’n dir nou ti pe donn sans, lefe ki depi bomaten Minis Lanplwa pe zis asize, nou ti pe fer ki bann kestyon ki vize ver lanplwa, Minis Lanplwa i ganny demande pour nou kapab release Minis.

Me, mon pe demande ki Minis pour Touris avek delegasyon Air Seychelles i retournen apre midi.  Alright? So Minis Telemaque laparol i pou ou.

 

MINISTER MYRIAM TELEMAQUE

Mersi Mr Speaker.  Mr Speaker ler i ariv prosedir redundancy sa bann pos la i ganny aboli an konsekans ki sa dimoun prezan ki ti dan sa pos i ganny fer redundant.  So, sa post i devret pa la ankor akoz in ganny aboli.

Dan ka si i annan okenn nesesite ki pli tar zot bezwen ankor serten dimoun pour sa bann pour sa bann post. Priyorite i devret pour sa bann dimoun ki ti deza la sa ki nou kot Minister Lanplwa nou stance nou pran.  Mersi Mr Speaker.

 

MR SPEAKER

Mersi Minis.  Minis Loustau-Lalanne.

 

MINISTER MAURICE LOUSTAU-LALANNE

Mersi Mr Speaker e mersi Onorab pour ou kestyon.  Ki pe arive avek sa bann Seselwa ki’n fek konplet zot bann training pilot Sid Lafrik e bann an 2018 ki pour kontinyen al fer zot training menm ki ou pou kout pli ser akoz sa lekol Sid Lafrik in met en VAT lo scholarship.

Me selman sa ki’n ganny swazir pour 2018 i pou ale.  Nou  an diskisyon pour regarde letan zot tournen sertennman avek sa redundancy Air Seychelles pa kapab konfirmen ki ou pou donn zot en lanplwa letan zot vini.

Mon bezwen fer resorti ki Air Seychelles lo son domestic operation i deza annan li plis ki 30 pilot ki pe anploye ki Seselwa pour fer sa servis domestik.  Alor lezot landrwa ki nou kapab konsidere se kot Seychelles Air force, kot IDC sa i sa de landrwa kot nou kapab regarde.

IDC in deza pran enn de sa bann pilot lo en nespes part time pour fer sir ki zot pa perdi zot kalifikasyon ek zot rating.  Me mon krwar ki sa nonm Seselwa nou kapab get konman en proze spesyal pour fer zot fly avek Seychelles Air Force.  Akoz Seychelles Air force li i pe ganny en lot Dornier osi, mon krwar si pa sa mwan se mwan prosen i pe arive donk, i en posibilite i pou ankadre zot kot Seychelles Air Force.  Me sa i proze ki Ankour pour le moman.

Pour reponn kestyon Onorab Pillay, sertennman nou a fer le maximum pour nou fer en kalkil pour regarde konbyen i pou koute pour gard sa 202 pos e nou ava sey fer sa dan sa Break pour anmenn sa shift le pli vit posib.

Le sel pwen ki mon ti a kontan fer resorti oubyen fer sir ki nou tou nou sezi.  Letan ou fer sa restriktirasyon Air Seychelles li prezan parey mon’n deza donn sa chiffre i pou trouv li avek 691 travayer sorti 893 – sometthing like that.

Me pli spesifikman letan ou koz cabin crew ki pli gro kantite travayer ki pou ganny fer redundant – 113. Air Seychelles pour annan li mon napa son sif absoliman egzakt me i ant 50 a 60 cabin crew ki pou tenir pour li travay avek sa de Airbus 320.

Alor avek larout ki nou annan eksetera nou pa le vwar nou dan en sityasyon kot ou pou sey fer tou sa bann Cabin Crew sa 113 plis sa 60 ki nou garde fly akoz sa allowance ki nou koz lo la nou bezwen spread li lo plis manrmay.

Olye ki nou konsantre li lo sa 60 manrmay ki bann minimum ki nou bezwen travay avek pour zot ganny en saler basic, annan en allowance e avek annan sa Dollar allowance letan zot pe fly.

So i annan en kestyon nou bezwen aborde once ki nou’n donn ou sa kou pour nou regarde ki mannyer nou pou tackle sa issue.  Akoz i pa fair pour sa bann ki reste versus sa bann lezot.

Me i en keksoz ki nou kapab diskite.  Mon ti a kontan zis refer sa pwen.  Mersi bokou Mr Speaker.

 

MR SPEAKER

Mersi.

 

HON WAVEL RAMKALAWAN

(Mic Off)

 

MR SPEAKER

Non, Minis pe retournen.

 

HON WAVEL RAMKALAWAN

Non, non zis en pti pwen, zisteman en pti lenformasyon pour li letan ler i retournen – sa zafer sa madanm la sa lapey, si son lapey, si lapey son lakonpannyen, si lapey son lakonpannyen ou ava dir nou konbyen withholding tax ki in peye tou, pour nou konmsi kapab ganny son total pour nou kapab tyeke si vre keksoz i drwat. Mersi.

 

MR SPEAKER

Mersi.  Petet osi non sa lakonpannyen lekel sa lakonpannyen ki i pe travay avek, si i en lakonpannyen. Vitman Onorab Andre. klarifikasyon.

 

HON CLIFFORD ANDRE

Mersi zis pour Minis Lanplwa akoz mon pa konnen si i pe retournen apre midi.  An vi ki Air Seychelles in advertise bann post e in fer request pour bann GOP ki pas kot Imigrasyon kot son Minister i ete, mon ti a kontan ganny sa bann pozisyon ki’n ganny advertise akoz letan zot pe demann GOP zot bezwen atas sa bann pozisyon. Pour nou kapab konnen si vre e ki mannyer in ganny fer konbyen sa bann pozisyon in ganny advertise kot Seselwa pa’n kapab anpli ki’n bezwen kapab anpli par etranze.  Mersi.

 

MR SPEAKER

Ou pe demande ki Minis i fer Minis i fer provizyon sa bann lenformasyon.  Ok, Minis Telemaque.

 

MINISTER MYRIAM TELEMAQUE

Mersi Mr Speaker, nou ava fer available sa bann lenformasyon.  Pour le moman la nou napa avek nou.

 

MR SPEAKER

Mersi Minis.  Bon Minis Telemaque avek ou PS, PS Baker nou pou remersi zot parmi nou.  Zot pa pou bezwen retournen apre midi, Minis Loustau-Lalanne, PS Albert, Mr Ally, Mr Berlouis si zot pa mind zot pour retournen nou pou kontir dan nou Sesyon apre midi.

Me nou pour retournen 2.30, nou ava donn zot en pti pe letan pour zot kapab re-energize e bann Manm osi tou.  Mon a zis remind bann Manm ki nou annan de Komite ki pe meet, Bills Committee dan Room 3 deswit apre la e Truth and Reconciliation 1.30 Room 3.  Bon avek sa nou ava adjourn e nou ava repran travay 2.30 apre midi.

 

(BREAK)

 

MR SPEAKER

Bon nou a kontinyen nou travay.  Mwan anvi zis dir en bonn apre midi Minis Loustau-Lalanne avek son delegasyon.  E bonn apre midi tou bann Manm e manm piblik ki kontinyen swiv nou travay.

Apre midi nou pour sanz en pti pe direksyon travay. Mon pe koup sa bann question arising.  Mon pou al direkteman lo tou Manm ki annan kestyon.  Zot ava demann zot kestyon. E zot ava ganny sans pour demann enn oubyen 2 siplemanter apre ki ava swiv repons ki Minis oubyen enn bann zofisye ek Minis ki pour donn repons.  So vwala direksyon.

Mon pour al lo tou Manm en, mon pour al lo tou Manm zot ava demann zot kestyon.  E apre zot ava annan sans pour demann enn oubyen 2 siplemanter.  Alright?  Nou ava komanse e nou a komans avek Onorab Terence Mondon.

 

HON TERENCE MONDON

Mersi Mr Speaker.  Bonn apre midi Minis avek ou lekip. E bonn apre midi tou bann dimoun ki pe ekout nou.  Mon premye kestyon mon oule demann Minis, i relye avek sa Management Contract avek Etihad.

Eski Minis i kapab dir nou si i satisfe avek sa Kontra parey i ete ozordi?  E si non kwa ki pour fer ki pour sanz sa bann, sa Kontra li menm?

Dezyenmman eski i pa krwar ki Gouvernman in kontribye pour met Air Seychelles kot i ete ozordi sirtou ler ou’n dir pli boner ki Gouvernman ti demann Air Seychelles pour fly Paris kot zot in perdi bokou larzan. Be selman an menm tan Gouvernman pa’n fer nanryen pour fasilit sa nouvo lakonpannyen lokal, Seychelles Airline ki ti anvi deservi sa larout non-stop Sesel-Lerop.

E in plito monte desann ankour. E eski i pa krwar pour dir Gouvernman pa’n zwe son rol pour sezi loportinite. Me in plito fer Air Seychelles al fly Paris.  Alor mon kestyon eski ou pa krwar pour dir Gouvernman in kontribye pour met Air Seychelles kot i ete ozordi? Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker. Mersi tou Manm Onorab.  Bonn apre midi. Mersi Mr Onorab pour ou kestyon.  An sa ki konsern premye kestyon.  Parey mon’n eksplike mon krwar par ler peryod zis avan nou ti siny sa Kontra ti en moman difisil pour Air Seychelles.  E ozordi letan ou regard sa Kontra i kapab ki nou ti’n kapab re-negosye dan en fason en pe pli fair. En pe balanse.

Me a lepok mannyer sityasyon ti ete se sa Kontra ki nou’n erite.  Alor avek bonn volonte Etihad mon’n note ki i sanble ki wish Lasanble se ki nou inisye en dyalog avek Etihad pour nou regarde si nou kapab modifye sa Management Service Agreement.

Lo Paris Gouvernman ti demann Air Seychelles pour al Paris.  E menm ki Air Seychelles in perdi larzan, Gouvernman pa’n abandonn Air Seychelles. Kontrer Gouvernman in kontinyen li menm sibvansyonn perd Air Seychelles pandan tou son letan ki in lo Paris. Difikilte parey mon’n dir in arive letan Air France an Septanm in anonse ki i pe retourn Sesel lo preski menm zour in cancel sa code share ki nou ti annan kot ti permet nou met pasaze lo bann vol Air France, Lerop anmenn Paris pour desann. Me letan in cancel sa i pa’n donn Air Seychelles gran posibilite me anil son bann vol.  E Air Seychelles in fer sa deklarasyon, in anonse ki 24 Avril i son dernyen flight lo Paris.

Pour Seychelles Airline. Sel keksoz ki mon kapab dir ou letan mwan mon’n vin Minis mon’n regard sa dosye e mon’n fer en deklarasyon dan sa Lasanble ki o kontrer mwan mon ankouraz Seychelles Airline. E mon’n fer sa statement isi pour li letan i permet li letan i ganny son bann aplikasyon aprouve son airline operating certificate eksetera nou pour donn li son license pour li komans operate. Mwan mon napa rezervasyon lo la me i bezwen meet bann kriter legal, operasyonnel pour li komanse.

Sa ki’n pase par lepase i difisil pour mwan donn ou leksplikasyon, akoz mon pa konnen kwa egzakteman ki’n bloke.  Me pour le moman sa se pa pozisyon.  Mersi Mr Speaker.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker lo paz 7, Lartik 10.3 anba Management Service Agreement i klerman edike ki Etihad pa pour responsab pour okenn problenm ki arive ek lakonpannyen.  Mon quote, “in no event will Etihad be liable to Government of Seychelles or the company for spacial, indirect, punitive or consequential damages including, without limitation loss of profit or loss of business, loss of anticipated savings, loss of opportunity even if Etihad has been adviced of the possibility of such damages. Government of Seychelles and the company agrees and acknowledge that Etihad shall not be liable under any circumstances.”         Minis savedir i kler ki byen boner ler zot ti siny sa Kontra ek Etihad. Etihad in lav son lanmen parey Pilat li. Minis savedir i kler ki sa ki pe arive ozordi ek sa 202 travayer i responsabilite Air Seychelles e Gouvernman Parti Lepep e  non pa en desizyon ki Etihad ki responsab.

Mr Speaker sa Kontra ti ganny sinyen par Minis Morgan, Mr Jean Weeling, ou menm ou Minis sa lepok koman direkter e Mr James Morgan ki ti sa ex-CEO.  Savedir zot byen okouran ki kantite manboulouk ki Etihad ti pe met Air Seychelles ladan.

E Mr Speaker nou war li drol en lakonpannyen Air Berlin, Alitalia pe larg Etihad me Air Seychelles li i ankor pe piggy back lo Etihad e Minis i dir i pa kapab kas sa Kontra.  E la i fer dir nou ki i pour kapab al re-negosye. Eski dan sa re-negosyasyon i savedir ki pour napa redundancy. E nou ava kapab sov sa 202 travayer pour zot pa perdi zot louvraz?  Mersi Mr Speaker.

 

MR SPEAKER

Mersi Onorab Esparon.  Minis.

 

MINISTER MAURICE LOUSTAU-LALANNE

Mersi Mr Speaker. Mr Speaker, mon krwar ki mon pour bezwen repet mon lekor. Letan sa Kontra ti sinyen sirkonstans ti en lot fason.  E mon krwar depi bomaten osi nou’n eksplike ki menm ki sa Kontra sa langaz i koumsa i egzonor Etihad. Etihad in pran son responsabilite akoz Etihad in siport Air Seychelles avek bokou larzan dan sa tranzisyon koman en partner. Plis menm ki son 40 poursan.

Sa ki mon’n dir akoz i sanble mwan i swe sa Lasanble, mon pare pour mwan inisye en premye negosyasyon avek Etihad pour war si nou kapab amann sa Kontra. Se sa ki mon’n dir Mr Speaker.

E sa ki enportan parey mon’n eksplike sa redundancy la ki nou pe koz lo la, sa 202, i baze lo en sityasyon ki Air Seychelles i vwar li ladan ozordi.

Parey nou’n eksplike in nepli annan travay larout pour Air Seychelles met sa 2 A330 lo la.  Donk nou bezwen fer sa 2 avyon sorti dan flot.

E an konsekans sa nou bezwen tir lekipaz teknik ek lekipaz komersyal, akoz i annan en serten kantite lekipaz ki al ek sak avyon.  Nou’n osi bezwen tir detrwa vol rezyonal ki ti lye avek sa vol Paris, akoz i ti pe feed en pe trafik pour al Madagascar par egzanp. E nou bezwen cancel Madagascar. Sa osi i annan en konsekans.

E tou sa bann opsyon ki sa madanm 50mil Dolar in travay lo la e in submit son business plan ,i endike ki nou bezwen kontinyen akoz nou pe perdi letan nou fer sa 40 poursan reveni nou bezwen fer desann kou par 30poursan.  E nou bezwen tir 30 poursan post dan Air Seychelles.

Menm ki nou pe retir en pe mwens. Me sa direksyon ki nou’n pran.  E parey mon’n eksplike ki sa senaryo, sa opsyon i meyer opsyon ki donn Air Seychelles en sans di si lannen 2021 ou 2022 ou plitar pour li retourn an profitabilite.

E nou pe sanz osi sa de avyon 320 ki egziste ozordi akoz zot pa performan, nou pe remet 2 nouvo avyon an 2019 ki pour donn nou bokou plis loportinite pour nou vann plis sit, pour nou napa reload restriction pour nou nobou deservi sa bann larout ki pe koz lo la.  Donk se sa Mr Speaker sityasyon ki nou vwar nou ladan ozordi.

 

MR SPEAKER

Mersi Mr Speaker.  Onorab Esparon.

 

HON REGINA ESPARON

Mersi Mr Speaker.  Mr Speaker mon ti a zis kontan demann Minis dan sa re-negosyasyon Air Seychelles ki pe koup sa bann avyon lo sa bann larout. Me Etihad li menm li koman sa gro lakonpannyen li i pa kapab abzorb en pe sa bann travayer? Parski Etihad li, i a pe kontinyen gro si li. Air Seychelles ki pe raptisi zot ki pe vin regional airline.        E Etihad pe kontinyen anvole li.  Sa bann travayer ki’n ganny train Abu Dhabi, bann Seselwa, 202 Seselwa ki pe perdi zot plas travay.  Eski Etihad li menm li koman sa partner avek zot i pa kapab abzorb en pe sa bann travayer dan sa bann lezot larout, dan son bann lezot vol ki i annan? Dan bann lezot fleet?  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi Mersi Mr Speaker. Mon krwar bomaten nou’n tous en pe lo la.  Parey mon’n eksplike sa 202 travayer ki nou pe fer arete pos i en parti sa restriktirasyon ki neseser.

Alor nou pe fer tou; Air Seychelles pe fer tou dan son power pour li nobou plas tou sa bann dimoun ki pe ganny fer redundant.  I annan prosedir ki nou bezwen swiv.  E kekfwa si nou nobou ganny en konsansis pli tar ki mannyer nou pour proceed ek sa, nou kapab komans enform sa bann travayer koman sa konsiltasyon.  Ofer zot bann lanplwa ki nou kapab ofer zot dan Air Seychelles li menm. Ofer zot lanplwa dan lezot Departman an deor. Fer sa Job Fair ki Minister Lanplwa pe organize le 12 Avril kot ICCS kot i annan vacancy pour plas zot. I annan osi an Me Praslin pour fer menm keksoz.

So Air Seychelles pe fer tou sa ki dan son kapabilite pour li plas tou sa bann dimoun. Minister Lanplwa li par egzanp in dir ki letan travayer ti fer redundant Ste Anne, Beachcomber St Anne, plis ki 93 poursan bann travayer ki’n aret travay ozordi zot dan lanplwa.  Akoz i annan travay deor.  E nou bezwen propoz sa bann louvraz avek sa bann staff ki nou pe fer redundant pour regarde si nou kapab plas zot.

E Air Seychelles pour zwe son rol pour fer sir ki i donn time of sa bann staff pour al interview parey mon’n eksplike eksetera.

Etihad mon pa kapab koz pour li. Me Etihad li osi parey mon’n dir bomaten in pas atraver en restriktirasyon. Li osi in met travayer, refer travayer redundant.  I osi in met travayer lo Sabbatical.  Akoz li osi in perdi en kantite larzan.

Annefe parey zot konnen in perdi li 1.7 bilyon Dolar; in swivi par en lot 1.2 bilyon Dolar.  So li osi i annan difikilte finansyel.  So son sityasyon osi i pa en sityasyon rosy konmdir Angle.

Me i pa anpes nou dan sa negosyasyon nou pe fer war avek Etihad si zot kapab abzorb serten travayer parey zot ti fer premye redundancy.  Mersi Mr Speaker.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Mon annan 3 pti kestyon.  Premye kestyon Minis. Mon anvi demann ou akoz bomaten Onorab Gill in fer sorti serten sizesyon. Mwan mon anvi demann ou si sa Kontra ki mannyer i ete, si dizon Gouvernman i konsider pour anil sa Kontra, ki konsekans ki Gouvernman Sesel pour fer fas avek? Eski i annan en konsekans politik? Mon konnen i annan en konsekans ekonomik, konmsi eksplik nou en pti pe lo la.

Dezyenmman Minis. Lefe ki depi bomaten mon pe ganny en bon pe text bann travayer i santi poudir sa meeting ki zot pour fer. Le fe ki bann keksoz ki mannyer in deroule, i annan en pti lensertitid e mank konfyans. Eski ou Minister a konsider annan en 3enm parti dan sa meeting ki zot pe mazin fer avek travayer pour asire ki bann keksoz i ganny diskite e ki’n ganny agree, i ganny mentenir?

Akoz par egzanp, i annan bann travayer ki pe dir pour dir zot in, bann ki ti lo maternity leave ti’n ganny dir pour dir zot pour ganny retenir.  Zot anvi konnen si sa lagreman pour ganny mentenir par Air Seychelles?

E mon lot pwen se ki Minis le fe ki in annan en lapse mon kapab dir dan la fason ki negosyasyon in ganny fer. E la nou vwar ki se bann senp travayer ki pe ganny mon kapab dir afekte. Lefe ki i annan akoz i, Air Seychelles selman i enplik en ta dimoun. Me bann dimoun ki’n pran desizyon se pa sa bann pti travayer.  Konmsi eski i pour annan en lenplikasyon lo lezot bann dimoun ki enplike lo Top Management dan sa negosyasyon? Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi, mersi Mr Speaker.  Mersi Onorab.  An sa ki konsern sa Kontra mwan a sa ler aktyel mon pa krwar i en bon keksoz pour al cancel sa Kontra akoz i pour met Air Seychelles dan bokou plis difikilte.  Bomaten in annan en kestyon fondamantal kekfwa nou ti merit privatiz Air Seychelles .

I difisil pour privatiz en konpannyen ki pe fer en kantite pert.  So nou bezwen konsyan sa realite.  Mon osi le re konfirmen ki Etihad li osi in etidye sa transformasyon, sa restriktirasyon.  E koman en shareholder i pare pour akonpanny Air Seychelles e met larzan koman en working capital pour donn Air Seychelles sa sans depi 2019, 2018 la, 2019 letan nouvo avyon i vini, 2020, 2021 eska 2022 pour lakonpannyen turn back pour vin en profitable company.  

Akoz li osi i believe dan sa restriktirasyon. So i pour vreman tre danzere a mon avi pour nou al cancel sa Kontra la. An vi bann negosyasyon osi ki ankor pe kontinyen.

Si Air Seychelles pa pe donn ou gard son parol avek son staff sa i pa profesyonnel ditou.  E mon pa apresye si zot pe fer sa.  Donk mon ti ava demann zot letan ou fer commitment ek en dimoun ou bezwen fer sir ki ou kapab delivre.

So in arive, mon ti a kontan ou les mwan konnen pour mwan take up avek Management Air Seychelles direkteman. Dan sa redundancy parey nou’n dir, i annan diferan post ki pe ganny afekte dan preski tou Departman.  Parey dan mon statement mon ti mete enkli dan biro CEO li menm. I annan dimoun dan Top Management osi ki pe ale….

 

(Technical Problenm)

 

MR SPEAKER

Mersi Minis.  Onorab Churchill.

 

HON CHURCHILL GILL

Mersi Mr Speaker.  Minis ou pa santi oubyen realize pour dir i bezwen annan en problenm somewhere.  I pa kapab tou sa letan nou annan en Kontra avek Etihad me selman Air Seychelles pe kontinyen fer loss. I bezwen annan en problenm fondamantal ki kekfwa pa pe ganny gete. Sanmenm sa ki Desanm mon ti demann ou si apre sa sityasyon kot ou war Air Seychelles pe al fer redundancy ti annan en assessment pour vwar ki bor ki kekfwa sa bann desizyon biznes ki pe ganny pran, i pe pli afekte Air Seychelles dan plas benefisye Air Seychelles.

Alors mon ti a sizere ki sa voyaz nou annan en monitoring system.  Nou ava annan en group dimoun ki ava monitor sa bann desizyon biznes ki ganny fer anba sa Kontra pour fer sir nou pa apre 5 an nou pa war nou pe re antre dan en lot, menm problenm ki nou vwar nou ladan.  Mersi.

 

MR SPEAKER

Mersi Onorab Gill.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou kestyon.  Lo ou premye kestyon i al en pe dan menm laliny ki mon’n reponn taler.  Mon osi mon santi i pa normal, i pa neseser pour ferm sa biro kot bann tranzaksyon tiket ti pe ganny fer.

So mon krwar i al avek sis a biro reinstate, sa zafer, sa staff osi i ava ganny korize dan sa menm laliny.  An sa ki konsern rate bagaz.  Se pour kwa mon’n dir osi taler letan ki nou pe regard sa prose tiket pour ogmante pa pour ogmante, nou bezwen osi get bagaz.

Akoz nou pa kapab annan en sityasyon letan en Twin Otter ki annan 18 pasaze, 19 seats abor letan ou al Praslin ou retournen zot bezwen konnen konbyen minimonm fodre nou mete pour omwen sa loperasyon i breakeven.  Nou pa kapab par egzanp met zis dimoun ki pey R500, 19 dimoun ki pey R500 dan sa avyon ale tournen, apre dir ou in perdi larzan.  Nou bezwen fer sir ki nou annan en mix.

E tousala nou bezwen regarde, bagaz osi i antre ladan. Mannyer mon konpran bagaz si ou’n aste oubyen ou pe fer en voyaz sorti Lerop lo Air Seychelles ou pe vin Mahe apre ou pe al Praslin e ou’n check ou bag through, ou pa peye sa bargo.

Me si ou pran ou bag apre ou re check in konmdir ou menm la prezan ou annan apepre 15 kilo.  Ou annan en penalty ou bezwen peye. Ou bezwen pey pour sa bagaz.  So nou bezwen met sa osi dan sa rantabilite pour nou konnen egzakteman konbyen fodre nou sarze.

Me pwen ki ou’n fer sorti i pwen ki mon apresye dan lesans ki nou bezwen kalkil kou ki fer li break even lo en normal level apre nou fer profi above that. I en keksoz ki bezwen mete apre nou a kalkile konbyen nou bezwen sarze.  I en pe plis ekitab avek tou sa bann keksoz. So mon krwar sa pwen i enportan.  E nou bezwen kontinyen regard li dan sa proze, revwar sa tarifikasyon.

Bon an sa ki konsern annou pa fer menm fot en trwazyenm fwa akoz nou’n konfirmen, mon’n dir isi dan sa Lasanble i fer de fwa Air Seychelles i fer menm fot.  I annan leksplikasyon.  Me fodre nou en pti pli avangard pour nou konn serten keksoz.  E nou’n diskite isi ansanm.  So nou bezwen fer sir.

Bomaten nou’n koz lo Board. Mon dir ankor sa Board Air Seychelles i bezwen bokou pli dinamik.  Air Seychelles i bezwen fer son Board meeting li osi.  Air Seychelles i bezwen raport parey Lalwa i demande avek sa Public Enterprise Monitoring Committee.  I pa an deor sa.  I bezwen li osi submit so bann rapor finansyel, son bann Minutes Board Meeting. Tousala akoz se sa Lazans Gouvernman ki la pour alert Minister Finans. Alert mwan menm koman Minis Lavyasyon Sivil.  Alert Gouvernman an zeneral kot keksoz pe komans al mal oubyen i pe al byen. Donk sa fodre nou fer sir ki sa bann keksoz ki sa framework i ganny respekte.  Mersi Mr Speaker.

 

MR SPEAKER

Mersi Minis.  Onorab Phillip Arissol.

 

HON PHILLIP ARISSOL

Mersi Mr Speaker. Bonn apre midi tou dimoun.  Eski Minis i kapab dir nou konbyen zenn pe etidye pour vin pilot e konbyen Gouvernman Sesel in depanse lo zot letid?  Mersi.

 

MR SPEAKER

Mersi Onorab.  Kestyon pointu. Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Ou ava eskiz mwan mon pe ganny bonbarde from the left right, mon pa’n byen size me zot in whisper ek mwan la ki oule konbyen pilot e konbyen koute?

 

 

MR SPEAKER

Yes, se sa Minis.

 

MINISTER MAURICE LOUSTAU-LALANNE

Ar wi.  Mon krwar i annan 43 Air School, 11 e i annan 8 ki pour ale an 2018.  I annan 6 ki’n retournen.  Mon krwar sa se sa sif.  Selman mon pe recollect li la of the top of my head en.  Mon a bezwen presize. Mwan a rod the right figure mwan a donn ou. Me i apepre dan sa lord.  Konbyen nou depanse, ANHRD i depans li an mwayenn R1milyon pour sa training pilot. 43 Air School. Me la avek sa VAT ki zot oule met lo la i pour ogmant li par 25 poursan, sa VAT i 25 poursan ki sa lekol i oule sarze.  So sa bann ki pour ale an 2018 la, i pour kout ANHRD pli ser par 25 poursan.  Mersi Mr Speaker.

 

MR SPEAKER

Mersi Minis.  Onorab Audrey Vidot.

 

HON AUDREY VIDOT

Mersi Mr Speaker. Bonn apre midi a tous. Minis mon premye kestyon i si i pa fezab pour Air Seychelles kas sa Kontra avek Etihad eski i pa fezab pour bann, pour Air Seychelles pey Kontra sa bann staff ki zot Kontra pe ganny kase atraver sa prosesis redundancy?

2enm si zot ankor dan faz konsiltasyon akoz ki i annan cabin crew ki pe ganny penalize pour pa al lo okenn flight e zis en serten ki pe ale? Mon konpran ki staff in ganny dir ki Air Seychelles dan milye Zen pou’n fini ek prosesis redundancy.

E mon dernyen kestyon mon konpran nide pour ed bann pilot pour ganny sa sans pour travay part time avek IDC oubyen SPDF, konsern ki annan se oli loportinite pour kontiny practice ki sa bann pilot ki’n fer resaman fini zot training?  E mon konpran osi ki la an Avril osi pour deza annan ki pou’n fini zot training.  Sa i mon 3 kestyon.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker. Mr Speaker mon ti a kapab demann Onorab si i kapab repet premye 2enm kestyon silvouple?  Mersi.

 

MR SPEAKER

Go ahead Onorab.

 

HON AUDREY VIDOT

Napa problenm Minis. Si i pa fezab pour Air Seychelles kas sa Kontra avek Etihad eski osi i pa fezab pour Air Seychelles son konpansasyon son bann staff ki zot osi zot Kontra pe ganny kase atraver prosesis redundancy?

2enm si zot ankor dan faz konsiltasyon, akoz ki i annan cabin crew ki la pe ganny penalize pour al okenn flight, me i annan en serten group ki pe ganny sa sans pour flight.  E mon konpran poudir dan zot seri konsiltasyon ki ti fer depi le 20 a le 23 Mars avek bann diferan Departman ki Air Seychelles dan milye Zen pou’n fini avek prosesis redundancy. Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker. Mersi Onorab pour ou kestyon. Annou pran sa kestyon lo pilot ki ou’n poz an 3enm.

Wi parey mon’n eksplike, nou annan sa problenm. Annefe en solisyon ti a dir be ok annou pa train ankor ditou akoz Air Seychelles pa pour kapab anploy zot at least for the short term.  Me Gouvernman in pran en desizyon pour 2018 sa bann dimoun ki’n ganny selekte zot pour ale. E prezan nou annan sa proze pour nou sey anploy zot tou avek Seychelles Air force.

IDC li mannyer son loperasyon i ete ozordi avek bann pilot ki zot annan zot kapab ede part time.  Zot pa kapab fer plis ki sa pour le moman.  E nou pe  sey fer en sistenm kot tou sa larzan ki nou’n depanse sa milyon ki nou’n depanse lo  sa bann pilto at least zot pa perdi zot license akoz zot bezwen pandan en serten peryod letan pe anvol sa avyon pour detrwa erdtan, pour gard zot bann rating ki nou apele.

So sa ki nou pe sey fer imedyatman pour nou deal avek sa sityasyon. Me mon krwar kekfwa pour 2019 nou riske dekouraz bann zenn manrmay ki le al pour training pilot at least pour le moman.

Me si zot oule ale, nou bezwen eksplik zot ki klerman letan zot pour retournen, i pour difisil pour met zot dan lanplwa.

 

HON AUDREY VIDOT

Permet mwan Minis, avan ou al lo sa premye ek dezyenm, ler ou lo sa size training, mon konpran pour dir IDC avek SPDF zot annan bann pti aircraft konpare avek Air Seychelles ki zot in train pour anmenn bann pli gro avyon.  Konmsi zot practice lo sa bann gro avyon.  Eski zot pou annan lefitir pour mazinen konsider part time avek osi pour donn zot sa sans.  Pour zot pa perdi sa practice pour anmenn sa bann airbus?

 

MINISTER MAURICE LOUSTAU-LALANNE

Wi, mersi Onorab. Onorab annefe letan sa bann Seselwa i retournen avek en commercial pilot license i sa grad minimonm.  Sa moman zot pa kapab pran kontrol en avyon. Menm en avyon piston, ou en avyon parey TwinOotter, parey sa bann beach craft ki IDC i annan, menm Air Force, Dornier eksetera.  Zot bezwen build up zot hours.

So i pour pran en pilot letan i fini tournen ant 8 a 10 an avan i kapab antre dan enn sa bann gro Boeing pour li komans pran kontrol sa Boeing. E se pour kwa parey mon’n eksplike Air Seychelles li in ogmant son kantite pilot Twin Otter pour fer zot fly e menm ki i kour zistans i 15 minit. I annan menm sa bann pilot Air Seychelles sa 30 ekek ki i annan zot annan serten konsern ki zot pa pe fly ase pour zot build up zot hours pour zot convert pour al lo sa gro avyon.

So i en problenm tro bokou. Napa ase flight ki prezan i vin kondans tou problenm ansanm.  So nou konsyan sa. An sa ki konsern cabin crew sel keksoz mon kapab dir ou ki mwan mon okouran, se ki letan nou ti vin isi Mardi pase, Lasanble ti demande ki nou pa kominik avek personn.  Alor nou pa’n kominik ditou avek bann cabin crew.  Me parey ou konnen cabin crew i annan sa Roster ki zot fer e parey Onorab Ramkalawan ti osi point out sa zistwar Timetable, Roster e donk tou dimoun si oule i lo standby.  Akoz Air Seychelles ti annan li en kalandriye pour li komans koz avek zot. Prezan kekfwa la in ariv sa problenm kot ou vwar en bann in ganny kriye en bann pa’n ganny kriye or whatever it is.

Ou war nou bezwen get ka par ka pour nou konnen si in annan preferans ou pa.  Mon pa pour kapab antre ladan me mon krwar kekfwa sa osi in zwe en rol kot in annan en bann ki’n ganny kriye en bann pa’n ganny kriye.

Lo kote staff mon pa’n, kantmenm mon’n demann ou repete mon pa’n tro sezi ou. Mon krwar si i neseser – parey dan redundancy nou’n get post avan, nou pa’n get dimoun.  Ou war, e parey mon’n dir i annan osi bann dimoun Etihad ki zot osi zot pe ganny fer redundant. E nou’n pas lo enn de san mansyonn non.  Zot osi zot Kontra pe ganny terminen zot pe ale.  Si nou pran pilot, en nou’n koz lo 18 pilot. 16 kaptenn gro avyon ek 2 Twin Otter.  Zot, nou’n donn zot notis parey zon Kontra in demande pour nou tir zot, akoz nou konnen nou pe al rann sa bann avyon tel dat pour nou minimize sa kou ki Gouvernman Air Seychelles pour pey li.  ou pe envit pey li sa redundancy. So in annan osi sa travay ki’n ganny fer avek bann etranze.  Mersi Mr Speaker.

 

MR SPEAKER

Mersi Minis.  Vitman Onorab Vidot.

 

HON AUDREY VIDOT

Mr Speaker mon pa’n tann Minis komanter lo sa bout ki mon’n dir, mon konpran i annan staff ki’n ganny dir ki by Zen vi ki’n dir i ankor dan prosesis konsiltasyon by Zen pou’n redundancy.  E ler ou’n koz lo Kontra.  Eski ou pe koz i annan Seselwa ki zot Kontra ki dan sa bann batch ki annan Kontra.  Pa bezwen zis bann etranze.  Zis sertifye please.  Mersi.

 

MR SPEAKER

Mersi.  Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Speaker, mersi Onorab. Eskiz mwan mon en pti pe fatige i sanble mwan la.  An sa ki konsern le 4 Zen.  Le 4 Zen efektivman i dan timetable Air Seychelles orizinalman.

 

.Nou ti dir ki pour annan konsiltasyon avek bann staff one-to-one e le 14 Avril Air Seychelles i ava ekrir son let ofisyel fer son aplikasyon for redundancy ek Minister Lanplwa.

Parey in eksplike bomaten, Minis Telemaque in eksplike, Lalwa i donn ou 21 zour me Air Seychelles li in prefere donn 30 zour.  Kekfwa si annan pour annan negosyasyon. Pour annan diferan lezot keksoz. In donn ankor 30 zour pour li ganny sa larepons.  So apre sa setadir nou pe deza ariv nou dan milye Me koumsa Air Seychelles in donn li ziska le 4 Zen pour termin tou keksoz.  Annefe redundancy li i pour komanse an Me, lafen Me ki i pour komanse.  Letan nou’n esper approval, oubyen modifikasyon sa ki Air Seychelles i soumet. So i pour pran en pti pe letan.  So kalandriye Air Seychelles, wi e mon ti dir dan mon statement ki pour le 4 Zen ki sa prosesis transformasyon pou’n ganny konplete.  Mersi Mr Speaker.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker. Bonn apre midi Minis ek ou delegasyon e tou lezot Manm.

Mr Speaker mwan ti a kontan demann Minis anba sa management services ki poursantaz the cost of Air Seychelles ki zot al pey Etihad pour sa servis ki i donnen?

E akoz nou pe regarde Etihad i pret en loan agreement 25milyon. I enzekte ek Air Seychelles.  Air Seychelles i pey back to Etihad pour management services.  Konbyen larzan i ale ladan. Ki lentere sa loan agreement ki nou pe peye?

E lo kote sa staff redundancy. Ki poursantaz zot cost, staff cost i pour ete ki sa bann dimoun ki pe al ganny remet redundant. Konmsi konbyen poursantaz i pour kote lo zot kou an roupi?

Fer krwar 14milyon, konmsi from the total staff cost ki zot benefisye.  Ki profi ki ou pour gannyen. Epi si nou ti kapab ganny en kopi sa loan agreement ki zot pe koz lo la osi ki.  Management services avek Etihad i annan. Mersi Mr Speaker.

 

MR SPEAKER

Mersi Onorab Pillay. Minis mon krwar part lo poursantaz sa cost ler ou pour fer redundancy sa 202 i ti en kestyon ki ti ganny demande bomaten. I dir bann lenformasyon ki ti pour fer nou gannyen apre midi.  Go ahead Minister.

 

MINISTER MAURICE LOUSTAU-LALANNE

Wi. Mersi Mr Speaker. Mr Speaker mon pour fer en lentervansyon apre mwan a demann Mr Berlouis pour konplet repons kestyon avek ou permisyon.

 

MR SPEAKER

Go ahead Minister.

 

MINISTER MAURICE LOUSTAU-LALANNE

Wi alor parey mon’n eksplike sa loan ki Etihad in met a dispozisyon Air Seychelles dan premye Kontra 5an son amount i 25 milyon. Me Air Seychelles in draw down 12 milyon dolar inikman. E sa mwan a les laparol a Mr Berlouis i ava dir ou egzakteman ki son poursantaz interest lo sa loan.

An sa ki konsern recharge, kou ki Etihad i sarz nou, Lagreman i fer kler ki Etihad i bezwen sarz nous a at cost. So bann invoice ki nou gannyen sorti kot Etihad i at cost.  E nou, nou pe pey back at cost.  Mersi Mr Speaker mon ava prezan avek ou permisyon donn laparol a Mr Berlouis.

 

MR SPEAKER

Mersi Minis. FC, Mr Berlouis.

 

FINANCIAL CONTROLLER MICHAEL BERLOUIS

Mr Speaker loan agreement ek Etihad i carry en interest rate 5 poursan payable direkteman ek Etihad. Lo size management services par egzanp parey Minis in dir, Etihad i kapab recharge Air Seychelles tou son bann cost ki ganny asosye ek tou sa bann servis ki provide Air Seychelles. Tou le-z-an Etihad i raise sa bann invoice.

Pour la dernyen … depi inception of sa Kontra toultan Air Seychelles in go back in challenge sa invoice lo bann term finansyel e Air Seychelles pa’n pey nanryen.  Ok? Pour valer tou management services ki Etihad in donnen Air Seychelles, Air Seychelles pa ankor pey en sou.   Tousala i pa en det, i pa en keksoz ki nou dwa Etihad in agree at the end of each year pour write-off sa bann dues anba sa Kontra. Mersi.

 

MR SPEAKER

Lo kou ki sa redundancy pour anmennen.  Wi ki sa cost sa 200, ki diferans sa 202 redundancy.

 

HON STEPHEN PILLAY

Ki poursantaz savings i pour fer lo…

 

MR SPEAKER

Wi, Minis oubyen FC.

 

MINISTER MAURICE LOUSTAU-LALANNE

Wi Mr Speaker mon pe rod en dokiman la, ou ava donn mwan en segonn.  Alor pour reponn Onorab, si mon’n sezi son kestyon. I annan 14 post etranze Etihad dan lakonpannyen ozordi; 14 total.  I annan 7 ki pe ganny fer arete an 2018 akoz sa redundancy.  I annan 2 pozisyon ki’n ganny merge.  E i annan 4 pozisyon ki li i pour ganny terminated an 2019.

E parey mon’n dir bomaten mon pour partaz sa dokiman avek zot pour zot war egzakteman ki i ete.  So vwala Mr Speaker lo sa larepons.

An sa ki konsern sa redundancy, kou ki nou’n estimen akoz parey nou’n dir sa bann one-to-one pa ankor ganny fer e son estimasyon bann post ki enkli sa ki Air Seychelles i bezwen peye legalman avek sa bann pos ki pe ganny fer redundant, bann benefis adisyonnel ki Air Seychelles pe donnen me ki baze lo 3 mwan saler debaz i ariv R36milyon an mwayenn.   Sa sif i kapab sanze en fwa ki tou sa bann travayer in ganny en one-to-one avek Air Seychelles. Kestyon ki ti ganny poze bomaten ti dir annou regarde konbyen i kapab koute apepre pour ganny en nide si nou pour gard sa bann travayer se zot pour en peryod 1an.  Setadir konbyen i pour koute si nou bezwen gard sa bann travayer se zot pour en peryod  1an.  E sif aproksimatif ki mon’n gannyen e mon pe rod li la i R50milyon.  So i R36milyon pour redundancy 202.  I pa definitiv me pour gard sa bann travayer se zot pandan 1an kou i R50milyon.  Mersi Mr Speaker.

 

MR SPEAKER

Mersi Minis.  Onorab Pillay.

 

HON STEPHEN PILLAY

Wi mersi Mr Speaker. Minis mon pe demann ou mwan avek sa restructuring redundancy ki poursantaz savings profit ou pour fer lo ou staff cost ki pou  total cost … i annan avyon ki pour ale.  Ki poursantaz savings ou pour al fer pou….

Ok fer krwar nou pe koz en staff cost lannen pase R210 milyon, ou pe save 14 milyon.  6.8 konmsi dan ou kou avek sa restriktirasyon, konbyen poursantaz savings ki ou pe gannyen pour Air Seychelles apre sa restriktirasyon? Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mr Speaker mersi. Mersi Onorab annefe i en sif ki mon ti partaze osi bomaten akoz i en sif global ki mon’n gannyen, ki bann paramet pour donn sa transformasyon the best chance to succeed.

Zot pe perdi zot 40 poursan reveni.  Zot bezwen koup kou par 30 poursan. Donk sa se son target si oule.  So nou kou i bezwen bese par 30 poursan.  Me sa i pa kou zis saler. Mon pa pour konnen la e mon pa pour kapab donn ou en aggregate sum pou kou saler. Akoz mon krwar ankor i neseser ki nou fini ek sa redundancy pour nou konnen egzakteman what will be the final cost.

Me i annan lezot kou ki Air Seychelles osi pe fer bese.  Parey zot konpran Air Seychelles pe re-negosye par egzanp son pri manze avek Sky Chef.  I pe pas partou i pe re-negosye sa bann Kontra kot i annan bann kou ki involve. Mersi Mr Speaker.

 

MR SPEAKER

Mersi Minis,  Onorab Adelaide.

 

HON FRANCOIS ADELAIDE

Mersi Mr Speaker. Bonn apre midi a tous. Minis bomaten Minis Telemaque i pa’n tann nanryen sa zafer lo Cabinet.  Eski ou koman Minis akoz ki ou pa’n war li enportan pour al diskit sa redundancy lo Cabinet Minister vi ki sa i platform ki kot bann desizyon pour pei e sirtou dan lanpler ti a kapab ganny pran?  E petet ti a kapab annan en lot outcome?

Mon dezyenm kestyon se ki koriz mwan si mon mal. Nou’n aprann pour dir in annan avyon ki Air Seychelles i lwe. E i pe re lwe avek en lot pei pour en pri pli ba, eksplik nou son lozik akoz ki nou.  Nou bezwen lwe en avyon pli ser apre lwe li pli bonmarse?  Apre mon 3enm kestyon se mon’n tann ou koz lo bann negosyater.  Minis ler mon pe gete sa bann negosyater ki zot pe dir in negosye en bad deal pour Sesel.  Nou’n vwar nou, nou’n perdi.  Eski pour annan aksyon ki pour ganny pran kont sa bann negosyater.  E petet lekel zot sa bann negosyater?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou kestyon. Lo ou premye kestyon Onorab mwan mon anvi zis dir en keksoz. Koman Minis Lavyasyon Sivil sa problenm i mon problenm.  Me mwan osi mon annan mon limit ki mon kapab anmenn keksoz. Gouvernman i annan li en striktir.  Tou sa ki nou fer nou bezwen swiv sa striktir, sa framework.     Nou pa kapab pas an deor. Nou bezwen fer li legalman.  Alor nou bezwen les Air Seychelles fer son travay.  I ava anmenn kot Lanplwa. La ozordi nou pe fer en lot travay.  I mon responsabilite letan nou’n ariv lo en konklizyon isi, pour mwan pran sa rekomandasyon ki Lasanble pour fer pour mwan koman Minis Lavyasyon Sivil si i tous larzan mon bezwen pran anmenn li kot Minister Finans premye – pour mwan al regarde si laba i annan Bidze pour nobou pey sa propozisyon ki nou pour annan pour mwan anmenn kot Gouvernman pour son apresyasyon.

Letan nou’n fini fer sa, nou pour bezwen apre anmenn li formelman koman en joint paper Minister Finans, Minister Lavyasyon Sivil dan Cabinet.

Prezan Prezidan Larepiblik i pour egzers son devwar e i ava pran en desizyon. Nou bezwen pas sa bann letap. Nou pa kapab sorti an deor sa kad.

In annan diskisyon lo Air Seychelles letan mon ti isi Mardi pase ti annan en Cabinet Merkredi. Nou’n koze napa nanryen formel ki nou’n anmennen.  Nou bezwen espere pour nou anmenn keksoz formelman.  E business cabinet. Parey zot konnen se business egzekitiv.  So mwan mon pe donn zot, zot parol ki mwan letan mon pour annan zot propozisyon mwan ava anmenn li parey framework i demande pour mwan diskit avek Minister Finans si nou vwar nou annan larzan nou kapab fer li napa problenm. Si desizyon cabinet e desizyon Prezidan Larepiblik finalman i nesesit pour vin kot Lasanble pour rod en supplementary, nou ava fer li.

E parey mon’n tande bomaten, se en pe sa zot panse. Akoz zot pare pour konsider en better deal pour sa bann 174 staff Air Seychelles ki pour ganny fer redundantSo i koumsa ki nou bezwen prosede Onorab.

An sa konsern sa lease rate, mwan ava les Air Seychelles eksplik ou. Me parey nou konnen, e nou’n deza mansyonnen isi.  Lease rate i annan nou 2 avyon 330 ki mon krwar ou pe koz lo la.  Sa 2 avyon tou le de son lease rate i egzakteman parey.

I 575mil Dolar par mwan. Son lease rate ki’n ganny negosye e finalize avek Fiji Airlines, mon pa an mezir pour mwan dir ou la. Mon pare pour mwan dir sa lo FPAC, akoz i konfidansyel sa lenformasyon. Mon napa problenm share sa lenformasyon.  Si Air Seychelles i le share sa lenformasyon, nou dan en Committee Stage, its up to them, mon pa oule prezidis lezot diskisyon ki nou pe annan.

Sa de 320, enn i 180 mil dolar par mwan, pour enn sa pti avyon.  Akoz li son pri i avek en lessor.   Sa lot i 220 Dolar.  Wi, wi 220 mil Dolar par mwan pour sa 2enm A320. Diferans i akoz i ek en lot lessor. E la ou a konpran akoz mon pa kapab donn plis lenformasyon. Akoz sa lenformasyon i al piblik i pour kree bokou lanbara.

So lala 575mil sa 2 – 330, i egzakteman parey e tou le de pe al kot Fiji Airlines e sa 320 i annan de diferan lease rate ki mon’n deza donnen.

An sa ki konsern negosyater mon pour bezwen al find out lekel ki’n negosye e si mon kapab trouv li, mwan ava demann li eksplik mwan byen dan ki sirkonstans in trouv li pour li negosye en keksoz koumsa.  Mersi Mr Speaker.

 

MR SPEAKER

Mersi Minis.  Onorab Adelaide.

 

HON FRANCOIS ADELAIDE

Minis zis en pti leklersisman. Bomaten Minis Telemaque i dir i pa’n tann sa ditou lo Cabinet, ou, ou dir ou’n anmennen, eski, konmsi mon pa pe konnen lekel ki laverite?  Mon pour krwar ou akoz la mon pe koz ek ou.  Me selman mon pour unfair lo Minis Telemaque.  Eski ou pe konfirmen avek nou pour dir wi ou koman Minis Tourizm ou’n amenn sa lo Cabinet Meeting? Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mr Speaker. Mersi Mr Speaker, mersi Onorab. Mwan mon pa vin la pour mwan demanti okenn Minis mwan.  I kapab osi ki Minis Telemaque i pa’n prezan dan serten Cabinet. E kekfwa i pa rapel. Mon pa konnen. Mwan selman mon pe dir ou ki nou’n diskit sa.  Me ti napa okenn dokiman formel. Akoz la ankor dan Cabinet i annan en formalite ki ou bezwen swiv.

E i napa en Cabinet Memorandum ki’n ganny prepare par mwan menm ek Minis Finans konzwentman pour nou alert Gouvernman, Cabinet of Ministers e Prezidan Larepiblik lo sa size pour le moman.  Mersi Mr Speaker.

 

MR SPEAKER

Mersi Minis.  Onorab Valmont.

 

HON JUDE VALMONT

Mersi Mr Speaker. Bonn apre midi a tous.  Minis premye kestyon i eski Air Seychelles in antre dan okenn diskisyon avek lezot bann partner airline parey dan kad nou’n vwar lepase ki bann lakonpannyen parey Emirates, Qatar zot in fer parey bann job fares isi. Zot in vini zot in fer interview.  Sirtou la mon pe koz an term sa 113 cabin crew.  Eski in annan okenn diskisyon pour sey koz ek sa bann airlines, Emirates, Qatar, Turkish Airline pour gete si zot kapab absorb nou bann crew Seselwa?  Sa enn.

Dezyenm se en issue ki’n ganny met a mon latansyon. Mon pe sey konfirmen e gete si i le ka. E si ou kapab fer en keksoz about it, bann crews deza la zot pe ganny forse pran konze aparaman.  Mon ti a kontan konfirmen si sa i vre akoz mwan mon pa vwar sa i normal. Mon ti a kontan ki zot osi si i ariv okenn issues e ki dan zot benefis e ki zot ganny peye pour zot bann dues?

E 3enm Minis sa en kestyon ki mon’n ganny koze ek serten dimoun.  Mon zis anvi konnen ki’n arive avek sa proposal pour Sesel anvol Lasin?  Akoz mwan dapre konversasyon ki mwan mon’n gannyen sa laliny, Sinwan mon pe koze Onorab tenir, i ti pour ede absorb laplipar nou bann travayer ki pe ganny fer redundant.  Alor ki vreman in arive avek e kwa ki pa’n fer li go through?  Mersi.

 

MR SPEAKER

Mersi Onorab Valmont.  Mon swete ki ou pa ti enplike dan sa negosyasyon – non?  Napa konfli lentere?

 

(laughter)

 

HON JUDE VALMONT

Non Mr Speaker, non, non, non, non, non, non, non, non. Mon pa’n involve ladan.

 

(laughter)

 

MR SPEAKER

Mersi Onorab. Minis laparol i pour ou.

 

MINISTER MAURICE LOUSTAU-LALANNE

Mersi Mr Speaker. Mersi Onorab. An sa ki konsern ou premye kestyon.  Mon’n deza enform Lasanble ki nou’n an dyalog avek Air Mauritius pour regarde si zot kapab pran en pe nou bann lekipaz e in annan bann meeting ki’n ganny fer. Donk sa i enn, avek Air France osi, nou’n get avek Air France sirtou sa konpannyen ki apel June pour regarde si zot kapab fer. Me nou’n ganny larepons negativ avek June.

Mon pa okouran ki Emirates ek Qatar pe fer bann job fares me zot okouran toultan ki nou pe fer sa redundancy. Letan nou fer sa job fares le 12 Avril mwan ava pran kontak avek zot pour fer sir akoz le bi sa Job Fairs se efektivman fasilit pour met tou sa 174 travayer Air Seychelles dan lanplwa de pli vit posib.

Sa pran konze mon pa konnen mon ava demann kekfwa Mr Ally pour li pran sa kestyon dan en pti moman.  An sa ki konsern Lasin, mon krwar mon pour fer en komanter, me mwan a demann Mr Berlouis pour koz lo son vyabilite finansyel.  Mwan mon anvi fer zis de komanter.

Premye komanter ki mon pour fer, se ki sa konpannyen ki ti oule lwe sa bann avyon Air Seychelles in deza fer en loperasyon avek Air Seychelles. In lwe sa avyon pour apepre 12 round trip flights.  Kekfwa en pe plis pour sa peryod la Chinese New Year zis avan avek sa peryod zis apre Chinese New Year; annefe in fini la lafen Mars.

Sanmenm konpannyen pandan sa 12 vol in apenn kapab anpli sa avyon ek pasaze. Vre Lasin i en marse potansyel, me nou bezwen osi fer sir ki letan nou fer sa bann loperasyon i rantab pour tou le de parti.  Sa pri ki Air Seychelles in donn sa konpannyen pour sa bann vol resaman, i en pri a en kou ki zot in kalkile lo serten baz i ava eksplik li menm. Sa prop proze pour bann Sinwan zot ti le ki sa bann avyon i pa zis al an Sin e vin Sesel me i ti oule ki sa bann avyon i al L’Angleterre apre retourn an Sin apre i vin isi.  Sa i en gro loperasyon lo li menm.  Enn.

(2), Air Seychelles i pa santi li dan en posibilite pour li nobou manage sa loperasyon. Akoz tou loperasyon i lo Air Seychelles la.  I dan en restriktirasyon.  E an menm tan i bezwen organiz zis pou al Gatwick pour al Hangzhou pour al Chengdu, apre pour vin Sesel.  Letan Air Seychelles in donn li son pri koutan – son full price zot in pa’n dakor.  Zot in le sa vye pri pli bonmarse ki Air Seychelles ti donn li kot i ti ganny deza difikilte.

Dezyenm problenm ki sa proze in anmennen pour zot fer larzan, zot ti pour anmenn 60 mil viziter Sinwan Sesel dan en lannen.               Me zot ti oule annan zot prop bis pour pran tou Sinwan lo Airport anmenn partou lo larepiblik. Pran zot partou lo Larepiblik, fer zot vizit bann landrwa.  E apre retourn avek zot lo Airport pour zot re ale. So nou’n annan bann diskisyon lo sa size.   E an negosyasyon avek zot, zot in realize ki efektivman i tro bokou en sel kou.  E nou’n deside pour nou redwir pour komanse.  E apre step  up pli tar.

Sa ki mon kapab konfirmen se ki Air Seychelles i ankor an diskisyon avek sa konpannyen ozordi.  E zot pe esper en larepons pour regarde si i pour aksepte sa pri ki Air Seychelles in sizer avek li.  So nou ankor an diskisyon.  Me nou’n annan serten sa bann eleman ki nou ti bezwen klarifye avek zot.  Me zot pa pare pour pey sa pri koutan pour le moman.  Mersi Mr Speaker. Mwan a donn laparol Mr Ally atraver ou aprobasyon Mr Speaker. Mwan a demann Mr Berlouis pour fini sa zafer la Lasin.  Mersi.

 

MR SPEAKER

Mersi Minis.  Mr Ally.

 

MR JAPHA ALLY

Mersi Mr Speaker. Mersi Onorab. Mwan a profit sa lokazyon ankor pour klarifye sa. E ti a bon i byen kler e osi pour staf petet ki pe tande konpran byen sityasyon.  I tyek eksplike dan nou round of talks avek tou bann dimoun konmkwa ki nanryen –  Air Seychelles, pa pe fer nanryen ki pour afekte zot leaving service pay package letan zot pe ale.

E nou’n dir zot an menm tan pour dir i posib ki annan pandan sa prosesis.  Once ki ou dir oubyen ou’n konnen pour dir ou pe ale ou pa santi ou dan en pozisyon pour a kapab kontinyen delivre sa servis parey you abitye delivre sirtou bann customer facing staff  -konpran? E par fwa ki travayer i fer pour pas sa lanmertim avek customer, ki pa deserve; customer pa deserve.  E a alor ki nou’n dir si ou santi ou pa kapab fer li business as usual then ou feel free pour vin koz avek swa HR or ou HR business partner, oubyen Crew Line Manager poudir gete mon pa pe kapab.

Mon pa santi mwan dan sa leta lespri pour mwan kapab kontinyen, alor ziske ler ki prosesis, mwan ganny mon dernyen let alor mon oule pran konze. E ler ou pran konze la.         Nou pa pe dir tir lo ou konze, nou pe donn ou, sa ki nou apel Garden leave.  Ale, e pandan sa garden leave, sanmenm sa ki donn ou loportinite osi pour ou si oule al rod fer job interviews, si oule al seek alternative employment elsewhere.  Ou ganny sa loportinite pour fer sa.  Petet apard ki gardening mon pa konnen.  Ok?  So vwala  bann keksoz napa… menm zot pran sa konze napa nanryen ki pour retire lo zot.  Akoz sa se lakonpannyen ki’n met ou dan sa sityasyon.  So nou pa merit ganny afekte.  Ok?  Mersi.

 

MR SPEAKER

Mersi Mr Ally.  Mr Berlouis oule azout keksoz lo sa sityasyon avek Lasin.

 

FINANCIAL CONTROLLER MICHAEL BERLOUIS

Mr Speaker Air Seychelles pour Zanvye, Fevriye, avek Mars nou’n fer bann charters pour sa lakonpannyen al Chengdu. Akoz nou avyon 330 ti ek nou e ti nou ti annan downtime dan Mardi, nou donn zot akse ek nou avyon at a reduce cost. Savedir pri ki nou donn sa lakonpannyen i kouver tou nou bann kou variable.  Savedir fuel, navigation, tou bann allowance crew, lotel manze, tou sa la i ganny kouver apre nou fer en kontribisyon ek nou bann kou fix.  Savedir saler cabin crew, saler plito ki fix. And pli enportan sa kou sa avyon li menm.  Sa lease ok?

Akoz si nou anvoy Lasin nou kit li part nou still bezwen pey sa leaseSo nou pa anvoy sa full kou sa lease lo sa Kontra.  Ok?  Si sa menm lakonpannyen i anvi en Kontra 4 an ouswa 3 an pour de avyon ouswa 3 avyon i pa posib pour Air Seychelles abzorb tou sa bann kou li menm.  Ok?  Nou bezwen rod en avyon spesifikman pour perform sa kontra park servi en avyon ki’n fini park.  Savedir dezyenm pri ki nou’n quote sa lakonpannyen i tou nou kou. Enkli fix saler pilot, fix saler cabin crew ek fix lease sa bann avyon.  I sa kont sa lakonpannyen pa’n zanmen kapab agree pour pey sa pri.  Sa full cost of sa loperasyon.

Si ozordi nou still annan 330 e still nou annan spare time nou kapab donn zot, nou kapab ed zot.  Ok?     Akoz i ed zot, i ed nou crew fly, i osi ed lekonomi.  Ok?  Nou pare pour fer sa. Selman annan en kontra 3an ki nou, nou bezwen al rod source avyon. Met lo nou books, pran sa risk i vreman diferan.  Nou bezwen kapab kouver tou nou kou pou nou kapab siny sa bann Kontra. E sa kot lakonpannyen pa’n zanmen kapab agree ek nou.

 

MR SPEAKER

Mersi Mr Berlouis.  Bon zis lo sa enn kestyon mon pour les le de leaders anmenn en question arising.  Onorab Ramkalawan.

 

HON WAVEL RAMKALAWAN

Non, Mr Speaker mersi bokou.  Mon’n tann Minis dir ki zot ankor pe diskit avek bann Sinwan. I vre sa?  I pa vre sa Minis. I pa vre sa.  Be Mr Albert in dir nou pa vre Vandredi.  Mr Albert dan nou meeting in koz lo Lasin e lenformasyon konkret ki mon annan se ki Air Seychelles in fini dir avek bann Sinwan, ‘’non!’’ Sey eksplik mwan.  Mon konfize.

 

MR SPEAKER

Mersi Onorab Ramkalawan. Onorab De Commarmond.

 

HON CHARLES DE COMMARMOND

Mersi Mr Speaker.  Dan menm laliny mon dakor ek sa ki ou pe dir i koumsa.  Me e an plis mwan mon’n koz ek sa bann envestiser Sinwan.  Zot in vin vwar mwan e zot in dir mwan,

 

(Mic Off)

 

HON CHARLES DE COMMARMOND

napa nanryen ki danzere.  Zot in dir mwan pour dir zot pare pour lease sa de avyon from Air Seychelles pour fer Kontra ek Air Seychelles dir menm pri par egzanp zot pran sa de avyon pe lease avek Fiji.         I dir la Fiji pour al pran sa market laba.  I dir mwan, zot konmsi zot dir ek Air Seychelles, menm kondisyon ki oule ou pe fer ek Fiji la fer ek nou. I dir Air Seychelles pa oule. An plis, an plis sa zafer zot prop bis ensidswit, pa koumsa ki zot in dir mwan.  Zot in dir mwan poudir zot in vin kot Air Seychelles e Air Seychelles zot in promet pour anmenn 48 mil non pa 60 mil touris Sinwan par an.  E Air Seychelles in dir zot napa kapasite e napa plas dan lotel, napa kapasite pour anmenn sa bann touris ensidswit.                          E ler la Air Seychelles i dir ek zot, i dir a mwen zot menm zot, zot anmenn zot prop transpor pour anmenn sa bann dimoun.  Se la mon krwar la i annan en keksoz ki pa pe marse.  Mon pa konnen lekel ki pe dir sa ki kwa be i annan keksoz ki pa aziste la Mr Speaker. Mon oule osi leklersisman dan sa direksyon. Mersi.

 

MR SPEAKER

Mersi, mersi Onorab De Commarmond. Onorab Ramkalawan mersi.  Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker i vre ki negosyasyon avek Sinwan kot i konsern servis sa de avyon ki Air Seychelles in fini lwe avek Fiji Airline in fini. Sa in terminen. Propozisyon ki lo latab avek Sinwan se al rod de avyon anmennen, donn Air Seychelles, Air Seychelles a gear up. Air Seychelles a ofer ou en propozisyon.  E sa propozisyon ki Air Seychelles pour fer ou sa kou pa pour parey. Sa kou ki ti annan sa negosyasyon ek Fiji. I vre Sinwan ti pe met bokou presyon lo Air Seychelles, Air Seychelles i ti war li dan son lavantaz pour li lwe sa de avyon avek Fiji.  I ti mwens risk pour li. E sa in ganny kominike avek sa konpannyen Sinwan.  So lala kot nou ete la.

Sa group Sinwan pe al rod avyon pour vin donn Air Seychelles koman en propozisyon pour Air Seychelles prezan donn li en desizyon final.  E sa i ankor an negosyasyon pour le moman. Mersi Mr Speaker.

 

MR SPEAKER

Mersi.

 

HON CHARLES DE COMMARMOND

Mr Speaker ou’n ganny li la?  Sinwan pe al rod sa de avyon, ankor de avyon pour met ek Air Seychelles kan 2 avyon ti la li. E si zot ti’n pran sa de avyon then ti annan en garanti ki personn pa pour ganny pouse, ti pour pran ek son travayer tou.  Pa ti pour ganny met okenn deor.  Sa le pwen enportan dan sa zafer la.  Mon krwar i annan food for thought tou sa bann keksoz.  Mersi.

 

MR SPEAKER

Bon nou ava pran en Break. Nou ava pran en Break nou ava retournen 4.30.  Ok?

 

(BREAK)

 

MR SPEAKER

Bon nou a kontinyen nou travay.  Onorab Henrie.

 

HON GERVAIS HENRIE

Mersi Mr Speaker, bonn apre midi tou dimoun.  Kestyon ki mon oule poze dabor pour Minis Loustau-Lalanne. Dabor mon anvi konnen kan ki ou personnelman ou ti ganny met okouran pour premye fwa ki sa redundancy pe vini.  Kan ou ti konnen?                     Dezyenmman nou’n tande pour dir Air Seychelles ti pour bezwen prezant en case vizavi sa redundancy avek Minister Lanplwa.  So si ou ti kapab donn nou en rezime sa largiman ki Air Seychelles ouswa ou menm pour bezwen al met devan ou koleg Minis Telemaque pour dir lala akoz sa redundancy i bezwen arive.

E trwazyenmman Mr Speaker. Prezidan li menm in dir ki i ekspekte ki Chairman Board, manm Board e CEO i rann kont pour performans zot lorganizasyon.

E depi ki mon’n tann bann deba depi bomaten i aparet ki i napa kestyon ki’n ganny poze avek sa bann dimoun lo realite Air Seychelles.  E ziska la mon vwar ki in napa en sans responsabilite e rann kont vizavi sa sityasyon ki pe arive par sa Board.

Semenn pase nou ti diskit lo STC par egzanp Minis. Ler ou koleg Minis Larose ti vin la akote li sete Mr Guy Morel ki ti Chairman Board STC. E egalman madanm Christine Joubert ti la.  Akoz zot ti la akoz zot annan sa lapartenans vizavi sa lorganizasyon.  Me ozordi nou pa vwar, zot in anvoy Mr Berlouis. Alor mon anvi demann ou dan tousala oli zot sa Board?  E serten kestyon ki nou bezwen konn larepons par egzanp konbyen fwa sa Board in zwenn depi lannen 2017? Eski size redundancy in ganny diskite e aprouve par sa Board? Mersi Mr Speaker.

 

MR SPEAKER

Mersi Onorab Henrie. Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab pour ou kestyon. Parey mon ti mansyonnen pli boner mwan mon travay plito direkteman avek Chairman Board.  An premye line.  E an Zen 2017, se a sa moman la ki nou ti demande pour nou konn byen ki mannyer sa bann Grant ki Gouvernman ti pe donnen e ki Etihad ti pe donnen. Ki mannyer i ti pe accounted for.

In annan en travay ki’n ganny fer e zis apre sa. Ver Out koumsa nou’n ganny sa rezilta organic ki mon’n koz lo la pli boner.  Donk se a sa moman la ki si oule en red flag in komans vini lo kondisyon Air Seychelles.

Ou ava osi rapel letan mon ti dan Lasanble, mon ti konfirmen ki dan Bidze 2017, ti napa en sou sibvansyon pour Air Seychelles eksepte sa 16 milyon dolar, sa 16milyon roupi pardon. Tou-le-z-an ki ganny mete dan Bidze pour en lekivalan 7.7milyon Dolar, ouver plizyer lannen e i run out. Mon pa konnen egzakteman kan me dan 2 mil ekek, 2022, ou ‘23 mon pa tro sir.

Akoz a sa moman la Air Seychelles ti pe demande ki nou vin rod en sibvansyon dan Lasanble e mon pa ti pare pour mwan fer sa.  Alors sa travay in ganny fer e sela ki nou’n war sa bann problenm.  Sa madanm 55 mil Dolar in antre en pti pe an menm tan dan sa bann zafer pour komans fer sa travay preliminer e ti annan sa opsyon transformasyon ki ti ganny prepare e prezante avek mwan.

E mon ti fer meeting avek kot Chairman ti prezan sa madanm li menm avek Prezidan Larepiblik kot nou’n regard sa propozisyon Air Seychelles.  Son dat egzakt mon napa li an tet. Me mwan ava rode mon ava donn ou.

E dan sa diskisyon Air Seychelles in prezant sa propozisyon. A sa moman la se la ki nou ti realize ki sa opsyon ki zot pe prezante, sa airline i bezwen downsize e sa zafer redundancy pou bezwen ganny konsidere.  Donk se a sa moman la ki sa in ganny trigger. Son dat egzakt mon bezwen go back dan mon rikord pour mwan tyeke pour mwan donn ou.  Mon pa oule fer sa lerer apre i dir lala mon’n vin lalang ankor.

Rezon akoz mon pa’n anmenn Chairman ozordi i en for de ma par kekfwa mon ti a bezwen anmenn li.  Mon konnen i apre pour li vini.  Se letan mon ti diskit avek li.   ti dir mwan ki li in rankontre manm FPAC.  E zot in diskit lo sa, sa sityasyon kot Air Seychelles.  E li i ti panse ki i ti kler sa sityasyon e kontenir bann kestyon ki zot in poze, bann Kontra ki zot ti’n oule annan eksetera, mon’n vwar li kekfwa pli apropriye pour mwan chief financial officer pour li nobou antre dan sa bann detay finansyel ki nou’n koz lo la.

So mon apologize ki mon pa’n anmenn Chairman. La prosenn fwa mon kapab anmenn li e mon krwar i pare li osi pour vini.

Mon sizere ki par la swit bann semenn ki pe vini nou rod en randevou avek FPAC pour nou vin eksplik ankor demars ki nou ankor pe fer avek Etihad ki pa ankor konkretize pour gard fully okouran ki pe fer, ki pe arive.  So mon ti anvi dir sa en pe pli tar me mon pe fer li la pour le moman. So vwala Mr Speaker larepons ki mon annan pour Onorab Henrie a sa moman. Mersi.

 

MR SPEAKER

Mersi Minis. Onorab Henrie.  En moman Onorab Henrie. Yes Onorab Ramkalawan.

 

HON WAVEL RAMKALAWAN

Mr Speaker sa part of Statement ki Minis in fek dir pa vre.  Mon pa konnen kote Chairman, lekel ki in zwenn. Chairman Air Seychelles Mr Jean Weeling in zwenn FPAC en fwa.  Pa pour koz lo Air Seychelles, pa dan son kapasite koman Chairman Air Seychelles me dan son kapasite koman Chairman Barclays Bank dan lenvestigasyon FIU/NDEA. Zanmen in zwenn FPAC pour diskit lo Air Seychelles.  Mon ti ava kontan met lo rikord e bann lezot manm FPAC i la e nou kapab konfirm sa.  Mersi.

 

MR SPEAKER

Mersi Onorab Ramkalawan. Yes Minis.

 

MINISTER MAURICE LOUSTAU-LALANNE

Mersi Mr Speaker. Mersi Onorab Ramkalawan. Mwan de mon  kote  zis mon ti a kontan dir ki pa pli tar ki yer, wi pa pli tar ki yer nou ti fer en meeting avek Mr Weeling, Mr Remco, Mr Berlouis dan mon biro e nou’n diskit sa sityasyon e sete dan sa meeting ki Mr Weeling ti mansyonn sa.   Kekfwa mon’n mal tande ki in dir mwan, me kekfwa in rankontre zot enformelman mon pa konnen me se sa ki li in dir mwan.  E mon pe repet sa ki Mr Weeling in dir mwan dan en meeting yer.  Mon pa oule fer plis polemik lo sa zafer Mr Speaker me vwala lenformasyon.  Mersi.

 

MR SPEAKER

Ok mersi Minis.  Onorab Henrie.

 

HON GERVAIS HENRIE

Mersi Mr Speaker.  Mon pour esey reste kalm dan sa sityasyon.  Selman mon panse krwar ki Air Seychelles bomaten mon dir.  Sa redundancy ki pe arive i senpleman dan mon lopinyon akoz lenkonpetans Management e pa akoz fason ki bann travayer in perform.  E mon demande taler mon krwar sekreter board I la dan Lasanble Mr Speaker.  Konbyen fwa zot in zwenn sa Board par egzanp an 2017 konbyen fwa zot in zwenn?  E eski Board in diskit e aprouv e sa size redundancy in ganny diskite konman en size e aprouve par sa Board?  Sa I en keksoz ki mon ti a kontan nou ganny en larepons Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Sa ki mwan mon okouran se ki sa restriktirasyon, sa transformasyon, sa senaryo ki nou’n swazir olye swazir lezot senaryo in ganny diskite dan Board Air Seychelles.  Mon ava regarde e mon ava donn ou dat e kote sa meeting ti ganny fer.  E mon konfirmen wi ki Board in aprouv sa senaryo e sa Board I annan alafwa bann Direkter Seselwa e bann Direkter Etihad ki’n aprouv sa redundancy or sa senaryo ki enkli sa redundancy.

Mon ava kominik avek ou dat egzakt kan sa meeting ti ganny fer.  Prezan lot kestyon se donn ou bann dat in rankontre an 2017 – 2016 sa i ava tre senp mon asire sekreter i kapab donn ou sa lenformasyon ki nou ava donn ou.  Mersi Mr Speaker.

 

MR SPEAKER

Yes Onorab Henrie.

 

HON GERVAIS HENRIE

Mr Speaker.  Petet pandan ki zot pe rod sa lenformasyon mon krwar lefe ki Air Seychelles in deza donn nou en kantite bann dokiman.  Minutes Meeting mon krwar konman en Lasanble ti pour enteresan pour nou konnen – pour nou gannyen akoz zisteman nou le vwar ki mannyer ki pozisyon bann board members in pran lo sa size redundancy.  E lekel ki’n dir kwa akoz ler zot lo sa board mon pe mazinen lentere lekel ki zot defann.  E sa nou konman Manm Lasanble ki pe reprezant sa 174 Seselwa ki pe al perdi travay.  Nou anvi konnen ki mannyer zot lentere in ganny defann par sa Board.

E akoz pour mon sa I vreman I vreman enportan Mr Speaker dan tou bann pei sivilize letan en sityasyon koumsa I arive nou National Airline nou pe koze.  Parey mon dir bomaten a de repriz dan 6an en total apepre 600 Seselwa pour perdi travay akoz bann move desizyon biznes, parey mon koleg Manm elekte Baie Ste Anne Praslin in dir.

E en latet fodre i roule somebody somewhere has to take responsibility pour sa bann move desizyon ki’n arive ziska ozordi.  Ki swa dan deal avek avyon China ki swa dan deal avek avyon Fiji ki sa bann saler somebody somewhere in fer en lenzistis Sesel nou National Airline e bann Seselwa ki pe perdi travay.  Mersi bokou.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker mersi Onorab.  Mon koz avek Mr Berlouis malerezman, i pa pour kapab donn nou la Minutes Board I ava kolekte e apre mon ava anvoy kot ou.  Sirtou kekfwa sa Board meeting ki’n fer spesifikman lo sa size ki nou pe diskite.  Mersi.

 

MR SPEAKER

Mersi Minis.  Vitman Onorab Ramkalawan.

 

HON WAVEL RAMKALAWAN

Mr Speaker.  Mon anvi met li kareman devan Minis.  Mr Berlouis i sekreter Board I konnen li son laptop i devan li.  E nou konn byen poudir bann profesyonnel parey Mr Berlouis parey Mr Afif letan I pran son laptop la I dan iCloud tou li.  Tou son lenformasyon I available avek li.

Mr Speaker mon pe met devan Minis ki poudir sa Board Air Seychelles pa pe zwenn.  Zot pa’n zwenn e laplipar di-tan zot call Board Meeting kekfwa Chairman i vini, se tou.  Mon anvi ki Sekreter Board i dir avek nou ki dernyen fwa sa Board Air Seychelles ti zwenn?  E ki Mr Speaker si Board Air Seychelles pa pe fer son travay mon dakor avek Onorab Henrie zot bezwen step down!

 

(APPLAUSE)

 

HON WAVEL RAMKALAWAN

Parske se zot en gran lobstak zot en lobstak pour sa lorganizasyon they are not caring for the organization.  Zot pa pe worry pour sa lorganizasyon e apre ki arive se bann manrmay ki soufer!  Ki zot dan biro ki zot dan avyon se bann pilot bann manrmay I la pe al study zot pa ni konnen si zot pour ganny en plas travay.  E pourtan ou annan ou en Board ki sipoze pran lentere Air Seychelles.  E ou Minis mon konpran ou me selman buck stops at you.  E dan bann lezot pei letan tren I kraze Cornwall Minis Transpor Westminster li ki ale.  E san menm sa ki tou I vin lo ou finalman be se sa ki nou pe dir.  Be pa les ou latet ale koup latet Board konpran mwan?

 

(laughter)

 

MR SPEAKER

Mersi Onorab Ramkalawan.  Minis oule fer komanter oubyen….? Minis oule fer komanter?

 

MINISTER MAURICE LOUSTAU-LALANNE

Wi mersi Mr Speaker.  Mr Speaker mon pa anvi ki mon likou I ganny koupe mwan.

 

(laughter)

 

MINISTER MAURICE LOUSTAU-LALANNE

Ni par ISIS ni par teoris ki par okenn Manm Parlman.  Mwan mon en boug onet mon koz laverite e mon fer mon travay to the best of my ability!  I vre mon konmans Air Seychelles an 1983 avek 2 oubyen 3 lezot dimoun.  Enn in kit nou I annan ankor de ki reste avek mon i fer 3.  Mon pa pour les Air Seychelles disparet mon pour fer tou parey zot osi pe fer ki mon kapab pour fer sir ki nou National Airline I reste parey mon ti dir dan mon Statement the pride of the Creole Spirit.

Alor i annan en prosedir parey ou pe fer referans pour nou tir Board pour nou tir Chairman I annan en prosedir.  Si nou’N ariv pour fer li, sa mon pa konnen letan mon koz avek Mr Berlouis taler, in dir mwan ki I napa sa lenformasyon ki nou pe rode la avek li lo son laptop.   Donk mon repet sa ki in dir mwan.  So mon ava pas li laparol e mon ava les li kontinyen dan sa laliny.  Mersi.

 

MR SPEAKER

Mersi annou pa prolonze mon krwar kestyon ki devan la se ki, ki dernyen fwa ki Board Air Seychelles in rankontre?  Mr Berlouis?

 

FINANCIAL CONTROLLER MICHAEL BERLOUIS

Avek Board Air Seychelles in rankontre le 18 Zanvye 2018 avek le 6 Mars 2018.  Dan 2017 zot in rankontre at least 3 fwa mon bezwen konfirm sa premye meeting akoz i premye fwa ki mon ti pran as sekreter.

I annan originally Board i sipoze meet an Out 2017, selman akoz nou ti pe put together sa business plan.  E nou ti pe koz avek bann shareholder pour gete ki mannyer nou pour ganny sa funding.  E fer sa bann analiz pour get bann marse ki nou potentially ava ale pour gete ki lot opsyon ti annan apart ki Paris.

Sa meeting ti ganny differ ok?  E sa ti en defayans e mon defayans.  Akoz mon ki ti sekreter mon ki ti request tou bann Board members si nou kapab ganny en pe plis letan.  Akoz nou ti anvi prezant zot avek bann opsyon pour zot kapab fer desizyon ok?  Avan sa zot pa ti pour kapab as Management montre zot okenn plan okenn desizyon ki zot ti kapab fer.  Nou ti bezwen donn zot sa bann opsyon. E sa i ti pran plis letan ki nou anvizaze nou ti’n swa we would have used hope to take okSo Board Air Seychelles mon kapab konfirmen poudir in meet at least 3fwa.  Mon a konfirm 4enm meeting dan 2017 dan 2018 in fini meet 2 fwa enn an Zanvye enn an Mars.  E mon kapab produce Minutes me selman pa la konmela.

 

MR SPEAKER

Mersi Mr Berlouis.  Yes Onorab Ramkalawan.

 

HON WAVEL RAMKALAWAN

Mr Speaker.  Mon kontan fransizm Mr Berlouis.  Me nou tou nou kapab dan bann pozisyon responsab e letan nou annan en crisis at hand.  Nou pa nou pa zwenn detrwa mwan diferans.  Letan i annan en crisis at hand kot 200 pozisyon dan en lorganizasyon i dan balans.  Mon krwar ki poudir I annan responsabilite pour ki zwenn pli souvan pour regarde, ki mannyer isi ki mannyer laba ki mannyer keksoz pe deroule.  E mon krwar ki poudir sa ki nou pe antann la i montre en gro mank en gro mank responsabilite.  E sa i fer mon deswit avek sa mank responsabilite poz en lot kestyon.  An relasyon avek sa board pour demande ki bann benefis ki bann Manm Board I gannyen?  Ki bann lavantaz ki bann Manm Board I gannyen e an relasyon avek sa responsabilite ki zot annan e ki mannyer zot pe balans sa responsabilite?

Mon ti ava kontan ki zot ki Minis I donn nou sa I donn nou sa larepons.  Parske la ankor enn fwa nou a pe koz lo bann dimoun ki’n ganny responsabilite pour okip nou National Airline.

E parey Minis in dir ki mon dakor avek li antyerman nou tou ki la si nou pas en lazournen ozordi e semenn pase se parske nou kontan nou National Airline.  Nou pa anvi trouv li nou pa anvi trouv li disparet fermen e nou pe osi an menm tan siport nou bann travayer Seselwa.  Parske zot vreman vin en pride pour nou – I en pride letan letan ou ganny welcome lo avyon ou pilot ou kaptenn i en Seselwa.

E zot osi en lasirans pour nou lendistri touris e mon rapel defen Mr Guy Morel ki toultan I ti dir I pa mind si Air Seychelles I fer en pert.  As long as I kontinyen anvole pour li anmenn pasaze.  E dan bann moman kot British Airways ti’n ale 14an pase Air France ti’n ale lot ti’n ale sete Air Seychelles ki ti tenir nou lendistri.

Alor Minis ou la pour donn li nesans mon vin zwenn li me nou siporte.  Se sa rezon ki nou pe koz koumsa e alor son gardyen, son bann berze I bezwen bann dimoun responsab.

Ki bann benefis ki zot gannyen?  Pour nou balans en pe sa responsabilite pour nou regarde ki mannyer nou bouz devan.  Mersi bokou.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Pour mon par letan mon ti Direkter lo Board eksepte letan mon ti son Chairman egzekitif a en moman donnen ki mon ti ganny en lapey.  Me konman direkter lo Board mon pa’n tous okenn Board fees.  Mon konnen ki Air Seychelles ti ofer Rebate Travel me mon pa’n pran Rebate Travel.

Annefe dan mon ka personnel mon pa’n benefisye dan nanryen pour bokou lannen.  Letan mon sorti mannyer mon konpran e Mr Berlouis i a eksplik nou taler.  Ki ozordi bann Direkter lo Board Air Seychelles osi pa tous en Board fee.  Me mon krwar zot ganny sa privilez Rebate Travel me I ava eksplike.  En lot keksoz mon pour dir zot se ki I annan osi en desizyon Board Air Seychelles pour sa bann Direkter ki’n konmans sa airline an 1983.  Ki zot ganny i tiket pour zot avek zot spouse par lannen pour fly kot Air Seychelles I fly free of charge.  Me konfirmen se a dir sa seat i konfirmen.  Mon pa ankor servi sa privilez ziska ozordi me i annan en lot Direkter ki mon konnen de tanzantan I servi parey son quota i demande.  I servi sa privilez mon ava demann Mr Berlouis kontinyen Mr Speaker avek ou permisyon.

 

MR SPEAKER

Mersi Minis.  Mr Berlouis.

 

FINANCIAL CONTROLLER MICHAEL BERLOUIS

Mr Speaker parey Minis in dir.  Tou Board members Air Seychelles pa ganny okenn board fees savedir zot pa ganny okenn remuneration.  Selman zot ganny access avek tiket Air Seychelles menm parey tou bann staff.  Savedir zot pour kapab aste en tiket konfirmen ouswa en tiket 99 sub-load menm parey ek tou staff zot pa pour ganny okenn discount ok? Zot pey menm parey en staff Air Seychelles.  Mersi.

 

MR SPEAKER

Mersi Mr Berlouis.  Onorab Ghislain.

 

HON CHANTAL GHISLAIN

Mersi Mr Speaker.  Mr Speaker mon kestyon i annan pour fer avek pour esey koup en pe cost Air Seychelles.  E pour sey regarde si nou bann travayer osi pa kapab reste dan Air Seychelles.  Premyerman bomaten mon ti’n donn ou 4 pos travay e mon ti annan en kestyon siplemanter apre in vini.  Mon kapab demann li la apre mon bann lezot kestyon.  Premyerman i annan Minis ou ti’n dir i annan sa 4 travayer i fini sa 4 pozisyon zot Kontra i fini 2019.

Mon kestyon se ki akoz ki nou bezwen esper 2019 pour sa bann dimoun termin zot Kontra lefe ki zot nou annan Seselwa ki kapab ranpli sa pos imedyatman.  And lefe ki Air Seychelles pe deza depans larzan pour pey zot landrwa la reste Eden Island transpor and everything.

Pour  mwan mon vwar en lenzistis ladan kot 200 travayer pe al asize se li kan lezot zis 4 travayer ki pe marse dan loto ki ganny lwe ki pe ganny peye par Air Seychelles.  

And lefe osi ki I annan 2 ladan ki enn ou’n dir mon son pos in fini fermen.  Eski Minis I kapab asir nou poudir sa madanm I pe ale e kan I ale akoz lefe in sorti dan enn in fail zot in met li dan lot e la zot in dir mon I pe fini.  Kan I ale?  And en lot osi ki li osi lefe ki I ti influential dan sa demars Dusseldorf avek Durban routes ki in fail e I ankor la dan Air Seychelles akoz i pour reste ziska tou sa letan?

Minis i osi annan tou sa ki annan pour fer avek pour cut cost.  I annan bann IT equipments ki Air Seychelles I procure or zot IT section ki I ganny outsource avek IBM.  Konbyen ki Air Seychelles pe pey IBM pour sa?  E eski I pa ti pour pli bon marse ki Air Seychelles I fer son prop IT section in house?

Apre osi mon anvi konnen Minis lefe ki Air Seychelles ti aste en bon pe transpor hybrid nouvo lannen pase pour bann Top Management.  Eski nou kapab konnen konbyen sa bann transpor I arive si nou pa kapab Air Seychelles pa kapab vann sa bann transpor?  E donn bann soft loan dizon sa bann Top Managers akoz zot ganny sifizaman larzan pour zot aste zot prop transpor.  Pour kapab rekiper sa larzan e finalman Minis, eski Minis I kapab konfirmen ki I annan en travayer ki lo nivo Management ki Air Seychelles pe pey son landrwa reste Eden Island e sa menm travayer I annan son prop lakaz Beau Vallon.  Ki pe lwe avek Air Seychelles pour en pri R65mil, eski Minis i kapab konfirm sa silvouple?

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker lo sa bann pos sa ki mon vwar la devan se ki 4 ladan zot pe ale an 2018 pa 2019.  An 2018 a diferan staz Zilyet, Desanm ensidswit.  Enn ki pour al an 2019 oubyen pli boner, i depan ki mannyer sa understudy I perform akoz in fini ganny idantifye pour understudy.  Parey mon ti dir ou ti deza annan en Seselwa ladan avan apre in ale donk I annan en lot ranplasan.  I annan enn ladan pour le moman I Zen 2019 dat ki son Kontra sa etranze I pour fini.  Me parey mon pe dir ou sa local successor in fini ganny idantifye e i depan ki mannyer i progrese si I kapab pran sa louvraz pli boner.  Mon ava pran en not pour mon swiv sennla an partikilye.  An sa ki konsern IBM mon ava permet Mr Berlouis osi fer en komanter.  Me mannyer mon konpran Air Seychelles ti annan son sistenm.  Son sistenm ti fer plizyer keksoz me I ti annan serten vilnerabilite dan sa sistenm.  E Air Seychelles an 2015 ti vwar li neseser pour li rapidman regle sa bann vulnerabilities.

Alor in regarde kwa ki I kapab fer pour li fikse sa problenm ase vitman.  Keksoz ki mon annan se ki IBM son propozisyon pour plizyer bann travay ki I bezwen fer dan IT.  An plis ki Air Seychelles ti pe fer li menm in house I annan trwa konponan kou.  Premye lannen 2enm lannen apre 3enm lannen ziska 8enm lannen.  Son kou total lo sa peryod 8an I 6milyon Dolar.

E letan Air Seychelles ti fer son konparezon si i ti fer son prop sistenm ki ti pour delivre lo menm paramet ki IBM.  Se a dir en sistenm 24 lo 24 zot estimen ki ti pour kout 5.8milyon Dolar.  Alor ariv kontra IBM I en pti pe pli ser ki si Air Seychelles ti pour li menm.  Me ti pour pran Air Seychelles en pe plis letan pour li al aste sa bann lekipman pour li improve e an menm tan regle sa bann problenm ki ti plito imedyat.  Alor zot in pas sa Kontra avek IBM pour en peryod 8an pour 6milyon Dolar sa peryod.  Premye lannen ti annan en fee 2enm lannen en lot fee e apre sa 3enm lannen mon krwar zot pa ankor arive 3enm lannen.

Zot ankor lo 2enm lannen 3enm lannen sa fee i apepre 650mil Dolar ou 630mil Dolar par lannen.  Ki Air Seychelles ti bezwen peye pour servi sa sistenm IBM.

Alor ozordi si zot bezwen en computer en server IBM I donn zot.  So sa lenformasyon ki mon annan lo IBM ki mon kapab share avek zot, e parey mon pe dir ou Mr Berlouis taler I ava kapab donn en pe plis lenformasyon lo sa sistenm.

n sa ki konsern sa bann loto hybrid mon napa lenformasyon.  Si zot annan avek mon bann koleg mon ava demann zot adres sa kestyon akoz mon napa larepons mon pa konnen.  Konbyen – konbyen in koute mon napa sa lenformasyon.  Mersi Mr Speaker.

 

MR SPEAKER

Mersi Minis.  Onorab Ghislain.

 

HON CHANTAL GHISLAIN

I annan en kestyon I pa’n reponn mon dernyen kestyon an se ki konsern lakaz.

 

MR SPEAKER

Wi Minis.

 

MINISTER MAURICE LOUSTAU-LALANNE

Wi mersi Mr Speaker mersi Onorab.  Ou bezwen permet mwan rod mon papye la pour mon regarde si mon vwar li lo la.

Mr Speaker en pti moman mon pour tenny mon microphone en segonn.  Mersi Mr Speaker ou ava eskiz mon pour sa retar.  Lo sa dokiman ki mon annan i tous sa bann apartman lo Eden Island.  So I pa feature sa lakaz ki ou pe koze Beau Vallon.  Me mannyer mon konpran wi I annan en lakaz ki pe ganny lwe Beau Vallon pour en anplwaye Air Seychelles.  E son propriyeter I en dimoun ki mannyer mon konpran I pa travay Air Seychelles.  Mersi Mr Speaker.

 

MR SPEAKER

Mersi Minis.  Onorab Ghislain.

 

HON CHANTAL GHISLAIN

Minis Mr Speaker Minis in koz en pti pe lo bann tou sa bann travayer etranze ki’n dir I pe ale pour en serten son bann letan.  In menm annan ki pe ale Desanm e i annan ziska 2019.  Sa i zis 4 travayer etranze ki nou annan Seselwa ki kapab ranplas zot e nou pe depans larzan pour pey zot lakaz Eden Island.  Nou pe depans larzan pa nou me Air Seychelles pe depans larzan pour sa bann dimoun marse dan transpor.

E i annan menm ki pa pe servi sa transpor zot manman ki servi.  Zot nou pe pey Air Seychelles pe pey lekol pour sa bann pour zot zanfan sa bann etranze.

Kan nou annan nou 200 travayer ki pe al ganny met deor ki zot pe al asize se zot.  Zot pour asize se zot pour get sa bann dimoun pe marse depi Zilyet, Desanm ziska 2019.  Pe marse dan zot lakonpannyen sa menm konpannyen ki zot ti pe travay.  E zot sa bann travayer trwa kar pe tous R8mil R10mil.  Kwa ki pe anpes Management Air Seychelles termin kontra sa bann travayer etranze e ranplas zot enn fwa pour tou avek bann travayer Seselwa ki kalib?

E mon asire ki nou annan Seselwa ki kalib akoz nou vwar I annan Seselwa ki’n la ki’n understudy pour en bon pe letan.  Par egzanp I annan dan kot marketing ti annan dimoun ki ti la zot in met enn sa etranze I la in fail.  En Seselwa ki’n bezwen ranplas li direkteman zot in met sorry zot in met li dan en lot pozisyon.  E la ou pe dir mon pozisyon in fermen e still I ankor Sesel e still nou ankor pe lwe lakaz pour li.  Still nou ankor pe donn li transpor ki Air Seychelles i peye?  Apre en kestyon osi ki annan pour fer avek IBM ler mon pe regard sa kantite larzan I annan en rezon akoz mon pa’n al fer accounting.  Mon fer zournalis akoz mon pa tro sa dan zafer konte sa bann gro sif me selman letan nou pe regard tousala.

Sa kantite larzan menm si I pe etale over en peryod 20an ou 6an ki pe dir e tou-le-z-an I pe monte.  Savedir ou pe vwar sa kantite larzan ki Air Seychelles pe depanse pour met sa sistenm IT an plas.  Kan nou menm nou Seselwa I annan en kantite dimoun ki doue dan IT e nou tou nou konnen poudir menm en manrmay fek ne zot konmans manipil sa bann zafer elektronik.  Seselwa I annan en kantite zot ki doue dan IT akoz ki nou pa’n pran travayer Seselwa pour kapab met zot sistenm IT entern Sesel pour kapab redwir cost pour sof sa 200 travayer Air Seychelles?  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker parey mon dir mon pour donn laparol osi a Mr Berlouis en pti moman.  Me mon ti a kontan fer de komanter lo IBM parey mon eksplike o depar mon krwar ki sistenm Air Seychelles an 2015 ti vreman vilnerab.  Mon pa pe dir ki sa bann travayer pa ti fer en bon travay me son sistenm ki zot ti pe okipe ti annan bokou vilnerabilite.

Letan nou fer sa tranzisyon kot IBM in permet donn en solisyon deswit.  I annan trwa travayer Air Seychelles ki zot in deside al travay pour IBM.  En travayer in deside I ti anvi reste avek Air Seychelles e Air Seychelles in fer en fason in kree enlot pos in gard li dan Air Seychelles.

Dan Departman IT 3 lezot travayer ki ti reste zot ti deside akoz sa sanzman kit Air Seychelles.  E enn sakenn zot in al travay dan lezot lakonpannyen lokal.  Creole Travel Services, Cable & Wireless avek PUC si mon memwar I bon.

Alor premye lannen son kou ti ase minim akoz IBM ti kapab imedyatman koriz sa bann vilnerabilite.  Akoz li I annan sa sistenm li son 2enm lannen ti en pti pe pli ser akoz ti bezwen aste osi en pe lekipman.  Pour fer li pli byen e son 3enm lannen parey mon dir I 600ekek mil Dolar apartir 3an an montan.

Mon krwar i normal ki Air Seychelles i kontinyen anvi sa restriktirasyon pour li regarde si sa kontra i tonm dan sa bann kontra ki fodre revwar pour bes kou.  Oubyen sanz direksyon me mon ava demande ki enn fwa nou espere ki sa sistenm IBM i fully in place.  Apre nou ava regarde si nou kapab termin sa Kontra sanz sa kontra re-negosye sa Kontra whatever it is ki nou bezwen fer pour reste dan sa legzersis.  Redwir kou e fer Seychelles pli profitab.  An sa ki konsern ki ou 2enm pwen madanm mon mank ankor en kou la.

 

HON CHANTAL GHISLAIN

Mon 2enm pwen ti annan pour fer avek sa banns a 4 pos travayer etranze ki zot pe ale diferan staz kan I annan nou Seselwa ki pe ale direkteman zot?

 

MR SPEAKER

Minis.

 

MINISTER MAURICE LOUSTAU-LALANNE

Wi mersi madanm, eskize mon en pe fatige la.  Sa ki mon pe dir mon pe repete si nou kapab fer al pli boner nou pour fer al pli boner.  Mon pa le endividyalis pozisyon dimoun me mon krwar mon konnen kwa ki ou pe fer referans avek.  Si nou kapab fer al pli boner mon donn ou mon donn ou mon garanti ki nou pour fer li pli boner.  Wi nou pe pey en lakaz oubyen Eden Island pour sa dimoun ziska kan I ale.  E wi lo son nivo I annan en loto ki i mars ladan.  Mersi Mr Speaker.

 

MR SPEAKER

Mersi.  Mersi Minis.  Mr Berlouis i le azout keksoz.  Non, bon mon annan detrwa Manm ki pa ankor poz kestyon ditou mon pour donn zot sans.  Zot ava poz kestyon mon krwar lo kote LDS mon annan Onorab De Letourdie, lo kote Parti Lepep mon annan Onorab Sophola, Onorab Ernesta, Onorab Herminie mon pour donn zot sans pour zot kapab demann en kestyon.

En moman lo kote LDS I annan Onorab Loizeau osi tou Onorab Arrisol I annan en question arising.  Wi lanplwa bon ale nou ava deal avek sa Onorab Jany De Letourdie.  En moman ou pa pe demann kestyon non ok.  Onorab Ramkalawan IBM vit.

 

HON WAVEL RAMKALAWAN

Mr Speaker, lo sa size IBM be Air Seychelles ti annan son sistenm avan.  E son sistenm I ti pe fonksyonnen eski pa I vre ki Air Seychelles I pa’n envestir pour li upgrade son sistenm pour li donn en rezon pour en lot lakonpannyen antre?

E ki an 2016 menm apre ki zot in siny sa kontra 2016.  Air Seychelles ti pe ankor pe son sistenm avan sa kontra IBM.

E ki sa i zis ganny servi pour konman en leskiz.  E Mr Speaker lo kote lakaz pour le moman la letan nou pe kalkil bann etranze ki pe reste Eden Island.  Tou le mwan Air Seychelles pe pey 51mil Dolar.  Ki tonm R765,405mil – R765mil par mwan.  E an deposit zot annan R1.274milyon.  E avek tou sa bann lezot fasilite, i vre ki finalman e la nou retourn ankor lo sa board.  Be si bBard pa zwenn pour pran desizyon pour regarde letan pe dir ser sang serten pe mars an foupanmal.

Be Mr Speaker be byensir at the end of the day – at the end of the day se nou bann travayer ki pour ganny ki pour dan problenm.  Mon Mr Speaker mwan osi mon dakor avek Onorab Ghislain.  Pour nou vin en nou pe vin en avyon rezyonal nou pa bezwen bann super big brains.  Annou fer tou sa bann etranze ale deswit.  Ou sov R765mil tou le mwan ou rann tou sa bann lakaz laba Eden Island.  Akoz napa okenn Seselwa ki pe reste Eden Island napa Seselwa ki pe reste Eden Island.

Napa Seselwa ki pe reste Eden Island nou annan lalis I annan lalis tou bann Kontra la.  Napa okenn Seselwa ki pe reste Eden Island.  Mr Speaker deswit i kapab rann tou sa bann apartman.  Madanm 55mil ki nou pa ankor ganny tro en konpran Minis si son lakonpannyen si son li menm li.  Madanm 55mil i fer nou en lot lekonomi R770mil.  Ki deza la nou pe deza al dan 1.5milyon avek sa 1.2milyon nou pe deza al dan 1.3milyon azout avek sa soz nou’n fini desot nou pres pour ariv 3milyon.

E 3milyon letan ou balans li an relasyon avek sa package annou pran zis cabin crew ki mazorite zot I lo zot lo minimum salary R5200.  Sa minimum salary e apre nou kapab balans li lo zot average salary konbyen nou ti pour konbyen travayer konbyen lapey nou ti a gannyen?  Sa minimum salary?  Be nou pe avanse nou pe avanse e nou pa ti ava pe squeeze isi pe squeeze laba nou ti ava konmsi en pti git, en pti git pli konfortab.  Alor Mr Speaker se sa ki mon pe met devan mon osi tou ki poudir I annan desizyon konkret ki bezwen ganny pran.  Mersi bokou.

 

MR SPEAKER

Mersi Onorab Ramkalawan.  Onorab Ghislain vitman.

 

HON CHANTAL GHISLAIN

Yes Mr Speaker.  Mon oule ki Minister I konfirmen si i annan Seselwa menm si pa Air Seychelles ki pe pey son saler ki pe reste Eden Island me se Air Seychelles ki pe pey son landrwa Eden Island?  Mersi Mr Speaker.

 

MR SPEAKER

Mersi.  Minis.

 

MINISTER MAURICE LOUSTAU-LALANNE

Mersi Mr Speaker mersi Onorab Ghislain pour sa kestyon.  Lo mon lalis la ki sa bann ki mon dir pe reste Eden Island,  ki mon pour donn zot bann propriyeter ki lo sa lalis akoz sa i manke.  Letan mon get lo dimoun ki pe okip sa bann apartman mon pa vwar Seselwa ki pe reste ladan pour le moman.

Sa madanm 55mil mon vwar la i annan en non ki parey li.  Me mon pa konnen si nou ankor pe pey sa lakaz akoz li sa madanm i pa la li, i pa isi.  E si nou peye e napa personn ladan nou pour fer menm zafer parey nou’n fer gran Ansuya nou pour bezwen cancel sa deswit.

E mon donn ou mon garanti ki sa bann dimoun sa 4 sepa 5 dimoun si nou kapab termin zot pli boner ki sa bann peryod an 2018 ki mon vwar lo sa lalis, nou ava fer li parey nou’n deside.

Mr Speaker IBM mannyer mon konpran i annan ankor work in progress.  E mon krwar ki Air Seychelles i ankor pe diskit avek IBM akoz IBM i si oule santralize an deor Sesel.

Me nou oule ki zot baze isi pour kapab donn nou en sipor pli enportan akoz ozordi I sanble mwan i annan enpe problenm sipor at the end of a phone.  Letan problenm I annan problenm avek computer I annan problenm avek server eksetera be sa nou pe antre dan bann detay

So I annan work in progress ou annan rezon ki sa travay pa ankor terminen konpletman.  Vwala Mr Speaker mon ti a kontan demann Mr Berlouis prezan pour koz en pe lo sa madanm 55mil Dolar.  Thank you.

 

MR SPEAKER

Mr Berlouis.

 

FINANCIAL CONTROLLER MICHAEL BERLOUIS

Mr Speaker avek ou permisyon mon krwar plito nou reste lo Eden Island pour en moman.  Air Seychelles i vreman konsyan sa bann kou sa bann propriyete lo Eden Island.  Ozordi by lafen lasemenn nou pou’n fini serve notice right  lo 13 apartman ki vo monthly 42mil Dolar – ok?  Larestan apartman ki reste e larestan staff ki reste i form par en tim ki bezwen pour loperasyon ok.  Nou kapab ozordi terminate tou kontra expatriate – ok.

Rann tou lakaz lo Eden Island selman nou pour bezwen cancel flight.  Akoz nou napa ase kaptenn Seselwa pour fer tou nou flight – ok?  Nou napa ase kaptenn training pour run nou progranm.  Savedir I annan en core group ki menm zot nou annan en plan pour phase zot out.  Selman nou pa kapab fer li demen tanto – Ok?  Nou annan 3 kaptenn i pour ale 2 pour ale kekfwa dan 1an.

Apre dernyen kaptenn nou bezwen li pour at least 2an whilst nou train nou prop dimoun pour fer sa fonksyon ok.?

Dan bann apartman ki nou’n fini serve notice i include apartman ki tanporerman ti ganny servi pour CP Consulting ok?  Lo sa size (en moman si zot permet mwan) Ok Air Seychelles premye kestyon ki ti ganny poze bomaten ti kan sa madanm ti ariv Sesel e kan son langazman ti konmanse.

So son langazman avek Air Seychelles ti konmans an Zen ok?  E by now in fini terminen okEtihad pour son par pour son kontribisyon dan sa prose restructuring pour ed nou fer sa plan.

Zot in agree pour pey sa resours pour nou ziska Desanm.  Pour bann rezon gouvernans nou ti anvi siny en kontra direk savedir ki sa madanm I raport ek nou.  Sa madanm napa en boss Etihad I pa bezwen pran lenstriksyon Etihad ditou.  Menm si zot pour kouver son kou.  Savedir Air Seychelles in sign Kontra avek sa madanm direk ok?  Sa madanm in anvoy son invoice kot Air Seychelles.  Air Seychelles in pey sa en invoice ok and dan 1 semenn oubyen 2 semenn nou’n raise en invoice pour Etihad ok?  Pour Etihad ranbours nou sa larzan ok? Savedir between June avek Desanm Etihad in donn nou sa resours pour nou pour ed nou fer sa plan.  Ki nou’n prezant nou board e nou Board in aprouve.  Sa plan i annan en a proze ladan i pa zis redundancy i pa zis pti aircraft ok?  I annan keksoz parey nou pour insource HX and maintenance ok?  Nou pour reget ki mannyer nou fer commission both Sesel avek overseas.  So I think that’s about it.  Mersi.

 

MR SPEAKER

Bon.  In Mr Berlouis in mansyonn keksoz lo la.  Wi eski sa lapey ti personnel oubyen ti al avek en konpannyen?  Sa kestyon ki ti leve bomaten.  Mr Berlouis.

 

FINANCIAL CONTROLLER MICHAEL BERLOUIS

Mr Speaker nou Kontra I avek CP Consulting.  I en konpannyen consultancy e nou pe invoice consultancy par lapey so nou pa pey okenn things for that.

 

MR SPEAKER

Yes Onorab Ramkalawan.

 

HON WAVEL RAMKALAWAN

Mr Speaker.  Be se sa ki enteresan!  CP i son non nou tou nou konnen son sinyatir Prowse son non Carolyn.  Carolyn Prowse sa madanm in fer en trik.  Li I annan en consultancy firm ki anrezistre L’Angleterre I dir I annan.  I vin isi Air Seychelles i pey li kan ofet se li menm li.  Apre sa se li ki al rod Price Cooper pour vin fer travay.  Se li ki’n rod lot lakonpannyen Nyras sa Mr Speaker I en sel trik mardaz.  Eski in pey withholding tax eski in pey withholding tax lo sa lo sa lo sa Kontra.

Mr Speaker sa I menm zafer Mr Cramer Ball.  Tousala bann trik sa Mr Cramer Ball pa I ti CEO Air Seychelles?  Be enn bann lakaz Eden Island se pour Cramer and Liana Ball.  I a pe lwe sa avek Air Seychelles pour 4137.50mil Dolar tou le mwan.

E avek li I annan en deposit 6206mil Dolar be zot pe pran la met la.  Soz ensidswit.

Sa Mr Speaker I apel konfli lentere e sa bann keksoz koumsa Board ti devret pe vwar.  Board ti devret pe pick up pour nou pa tonm dan sa bann zafer.  Be en lot zafer Mr Speaker sa madanm la ki Minis la in dir avek nou konmsi I vwar en madanm 55mil.  Lekel ki ti pe pey son lakaz Eden IslandAir Seychelles be si ou’n donn en dimoun consultancy ki mannyer ou kapab pey son akomodasyon.  Li ki bezwen pey son zafer.

Mr Speaker be la I annan zafer la mon krwar FPAC I bezwen selman in fini sove.  Be eski, eski in pey withholding tax?  Si I pa’n pey withholding tax nou bezwen kontakte Gouvernman Angle parske in vol Gouvernman Sesel – in vol Air Seychelles. 

 

MR SPEAKER

Mersi Onorab.  Minis.

 

FINANCIAL CONTROLLER MICHAEL BERLOUIS

Mr Speaker, letan Air Seychelles in engage CP Consulting pour fer sa travay pour nou e ganny sa Lagreman avek Etihad ki zot pe ed nou.  Ti napa okenn dout dan mind okenn dimoun poudir CP Consulting i reprezant Carolyn Prowse ok?  Onorab i korek son initials I dan non sa lakonpannyen.  I kler konmsi pour tou dimoun involve sa lakonpannyen I reprezant li ok?

Pour rezon finansyel tou bann konsiltan ki nou engage lo en individual basis zot fer zot biznes through en lakonpannyen.  Zot pa fer li lo sa basic individual okSo zot fer zot prop lakonpannyen nou engage sa lakonpannyen.  Sa lakonpannyen I pey zot saler I pey zot expenses I fer tou, ok?

Letan nou ti siny Kontra i ti byen kler ki Air Seychelles pour provide housing.  Si nou pa ti provide housing nou ti pour zis ganny en bill through the consultancy agreement pour sa housingSo pour mon I ti fer plis sans pour mon pey housing direkteman akoz nou ti pour bezwen bare sa kou ok?

 

MR SPEAKER

Mersi.  En moman en moman.  Mersi Mr Berlouis.  Mon pa oze enterfer dan deba, me mon pe regard enn de Manm la.  Mon krwar bann Irish in kit en latras deryer e Air Seychelles osi I posib in pas ladan.  Kot parey FPAC in dekouver sa bann Irish ti lev zot invoice zot menm raise zot invoice zot menm Gouvernman Sesel in pey zot atraver zot invoice ki zot in leve.  In pey zot direkteman zot in raise invoice zot menm zot in pey zot lekor zot menm.  E I paret ki Air Seychelles osi in pas dan menm ben.  Bon les mon ava demann mon ava donn sans I annan detrwa Manm ki pa’n demann kestyon ditou.  Apre mon pour retourn lo le de Leaders.

 

HON WAVEL RAMKALAWAN

Sa Mr Speaker.  Be Air Seychelles sa consultancy ensidswit.  Procurement process eski Air Seychelles in pas atraver procurement?  Eski zot annan en sistenm tender pour regarde ki mannyer I ete?  Oubyen eski zis Air Seychelles in e Mr Speaker mon kapab osi azoute ki poudir sa menm CP I pa ti ganny pouse li osi tou avek Etihad?  In ganny sacked avek Etihad li apre sa in enpoz lo nou.

 

MR SPEAKER

Bon, ok Onorab Ramkalawan,  mon krwar sa ki pe sorti la se ki FPAC pour bezwen take up the matter further.  Les mon ava donn laparol bann Manm ki pa ankor demann kestyon lo Air Seychelles.  Mon ava retourn lo ou Onorab Ghislain.  Ou annan en lenformasyon pour donn li.  ale Onorab Ghislain.

 

HON CHANTAL GHISLAIN

Yes Mr Speaker.

 

MR SPEAKER

Met ou mick.

 

HON CHANTAL GHISLAIN

Konsernan sa bann transpor hybrid ki ti aste lannen pase.  Eski FC I kapab konfirmen ki Air Seychelles ti aste 8 transpor hybrid lannen pase?  I annan bann nouvo transpor la si I kapab konfirmen si I pa si I dir mon non mon ava dir li sa bann limero transpor.  E eski financial controller i kapab konfirmen ki vre ki Air Seychelles pa pe pey okenn lakaz Eden Island pour okenn Seselwa?

 

MR SPEAKER

Ok mersi Onorab.  FC oubyen Minis.  Financial Controller Mr Berlouis.

 

FINANCIAL CONTROLLER MICHAEL BERLOUIS

Wi Air Seychelles in aste wi 8 transpor hybrid mon pa kapab konfirm what was the purchase price san al get Kontra.  Ok?  And to my knowledge nou napa okenn Seselwa ki nou pe pey housing Eden IslandAs far mon pa konnen lekel egzakteman dan ki lakaz Eden Island.  So mon pa pe kapab dir ou ki napa okenn Seselwa ki annan en lakaz Eden Island.  Selman as far as I am aware nou napa Seselwa ki pe house Eden Island.

 

MR SPEAKER

Mersi Mr Berlouis.  Onorab Paul Ernesta.  Wi ok Onorab Ghislain Onorab Ernesta.  Onorab Ernesta.

 

HON PAUL ERNESTA

Mersi Mr Speaker.  Bonswar tou mon bann koleg tou dimoun.  Minis pli boner nou’n koz lo sa madanm e mon rapel a en serten moman ti osi annan White Oak ki ti donn serten servis consultancy Air Seychelles.  Petet Minis ou kapab eksplik nou detay lo sa servis e akoz ki zot in sorti from White Oak pour zot al lo sa madanm?  Mon premye kestyon lo sa CP.

E dezyenmman mon lot kestyon Minis ou’n nonm ki pour annan avyon ki zot pe pran lannen prosenn 2019.

E eski Minis I kapab donn nou en pe detay si oule lo son sans son bann staffing.  Si zot pour annan nouvo recruitment ki zot pour fer donn nou en pe detay lo la.  E trwazyenmman lo sa laliny restriktirasyon nou annan osi nou bann ground staff.  Eski zot osi dan a la mezir ouswa dan next phase zot pour ganny touse ouswa petet amelyor zot kondisyon?  Akoz mon osi konnen ki zot zwe en rol ase enportan dan lorganizasyon?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker mersi Onorab pour ou kestyon.  Mon pour reponn de ladan Mr Berlouis I a reponn enn.  An sa ki konsern White Oak….

 

(laughter)

 

MINISTER MAURICE LOUSTAU-LALANNE

….si White Oak.  Be la mon pa konpran la.  La zot pe kree plis konfizyon ankor.  Ki mannyer I apele sa lakonpannyen?

 

MR SPEAKER

Ale Onorab Ernesta.

 

HON PAUL ERNESTA

White Oak Mr Speaker.

 

(laughter)

 

MR SPEAKER

Go ahead Minis.

 

MINISTER MAURICE LOUSTAU-LALANNE

Wi mon lo White Oak sa ki mon rapel sa konpannyen White Oak ti annan en Kontra avek Minister Finans.  E I ti pe travay pour gid Sesel pandan reform Makroekonomik.  E an menm tan Air Seychelles ti pe pas dan serten difikilte.

E ti annan de dimoun ki osi in donn koudmen Air Seychelles dan sa restriktirasyon lo premye redundancy.

E zot ti konsantre prensipalman lo bann zafer avyon, leasing eksetera.  E zot ti donn nou serten rekomandasyon me apre mon pa konnen ki’n arive.  E mon krwar pa ki nou’n ranplas ki Air Seychelles in ranplas White Oak avek sa madanm.

An sa ki konsern nouvo avyon parey ou konnen Onorab nou pe pran sa de 320 ki egziste ozordi nou pe ranplas li par de nef.  Enn I ale sa enn nef I antre an Zen 2019 sa lot I ale e nou pe ekspekte en lot antre an ver Desanm 2019.  I pa pour sanz sa striktir akoz nou pe swap avyon pour avyon.

E enn bann rezon ki Air Seychelles in swazir sa avyon se son lentrodiksyon dan laflot.  Pour kout apepre zis 100mil Dolar pour fer en konversyon pilot pour apepre 4erdtan pour li konn fly sa avyon servi en laptop. 

So I pour napa en gran lenpak lo travayer.  Parkont o fil an mezir sa bann nouvo avyon I fly plis frekans ou nouvo destinasyon rezyonal.  Definitivman Air Seychelles pour bezwen step up avek son kantite dimoun ki pour travay pour li lo sa larout rezyonal.

Mon a prezan avek ou permisyon demann Mr Berlouis pour koz lo ground handling.

 

MR SPEAKER

Mersi Minis.  Mr Berlouis.

 

FINANCIAL CONTROLLER MICHAEL BERLOUIS

Mr Speaker.  As part of nouvo business plan Air Seychelles e pour nou re konsantre nou bann zefor lo bann business unit ki profitab e rantab.  Sa I enkli cargo handling, ground handling avek lounges ok?  Sa bann seksyon nou pe met plis zefor ladan nou pe met plis envestisman ladan e zot pa pe ganny touse par redundancy.

Selman par egzanp ground handling nou annan en gran proze ki part of travay ki Nyras pe fer.  Pour increase nou bann efficiency savedir tou dimoun dan ground handling nou pe siport zot actually nou pe menm rod plis staff pour met dan ground handling.  Selman ki pour arive dan nou restructuring project e nou pour sanz ki mannyer bann tim I travay.  Pour zot fer li vin pli efikas e nou pe met nouvo teknolozi an plas pour sa menm rezon.  Thank you.

 

MR SPEAKER

Mersi Mr Berlouis.  Onorab Ernesta.

 

HON PAUL ERNESTA

Mersi Mr Speaker.  Mr Speaker baze lo dernyen larepons eski I annan dan process pour revwar en pe reminerasyon osi pour sa bann staff?  Enn.  E lo premye repons Minis baze lo bann rekomandasyon White Oak in fer ki bann lenplimantasyon.  En ki bann lenplimantasyon Air Seychelles in fer baze lo sa bann rekomandasyon si zanmen in annan.  Mersi.

 

MR SPEAKER

Mersi Onorab.  Minis.  

 

MINISTER MAURICE LOUSTAU-LALANNE

Mersi Mr Speaker.  Ler i tartiv mon ava bref.  An sa ki konsern staff ground handling mon ti vin dan sa Lasanble e mon ti dir letan nou ti pe koz lo reminerasyon,  plizyer kategori staff Air Seychelles ki si I annan en Departman kot zot saler I bezwen ganny revwar se sa group travayer dan ground handling.  I encompass Departman dan sa Departman.

E parey nou’n dakor se ki wi pour annan en revizyon zot saler ki mannyer I pour vini si atraver allowance or whatever it is.

Nou pe finaliz sa e de tou fason I annan en retar akoz nou ti le fer li an Zanvye 2018.  Alor kan desizyon pour ganny pran sa group travayer nou pour aziste back to Zanvye 2018.

Sa I larepons ki mon donnen lo premye kestyon.  Lo 2enm kestyon parey mon eksplike White Oak li in fer rekomandasyon lo previous sityasyon Air Seychelles.  Parey in rekomande ki nou retourn sa bann vye avyon la.  Ti annan vye Kreol vye madanm sepa kwa.  Tou sa bann avyon nou’n pran nou’n anmenn dan dezer Arizona nou’n rann.  Apre zot ti fer serten rekomandasyon pour nou pa al dan charter ACMI avek Mozambique Airline ki nou’n fer.  In annan lezot pour aret bann flight pour al Falklands par egzanp apre ki nou’n re-negosye pri.  Donk in annan plizyer e en lot rekomandasyon ki mon rapel Air Seychelles ti annan Kontra pour fer vin Dreamliner sa lepok.

E sa osi sa bann Kontra ti ganny anile konteni sityasyon finansyel a Air Seychelles a en lepok.  Nou ti napa en partner avek nou e nou ti napa sa larzan Gouvernman ti napa sa larzan pour siport Air Seychelles.  E tenir Air Seychelles pour fer sa bann transformasyon.  Mersi Mr Speaker.

 

MR SPEAKER

Mersi Minis.  Onorab Sandy Arissol.

 

HON SANDY ARISSOL

Mersi Mr Speaker.  Bon apre midi tou dimoun.  Minis bon apre midi avek ou delegasyon.  Mr Speaker mon anvi dir depi bomaten letan nou’n ekout Air Seychelles Minis in la.  Mon anvi dir poudir mon dezapwente avek Minis.  Mon dezapwente avek ou financial controller obor ou.  Mon dezapwente avek Board Air Seychelles.  E mon plis avek dezapwente avek Gouvernman Parti Lepep.  Akoz mon dir sa premyerman mon ti a kontan dir gran mersi LDS in ganny en mazorite dan sa Lasanble Nasyonal.  Nou’n kapab demann Kontra pour nou vwar kote Air Seychelles pe anmenn nou bann travayer ki nou vwar zot pe asize anler e bann dan lakour ki pe ekoute.  Mon ti a kontan konnen akoz sak fwa en pti group dimoun zot mis manage en lakonpannyen zot reste lanmenm zot.  Be travayer ki anmas lepo kase parey sa cabin crew ki reste dan mon distrik anler Belonie.  Parey sa ground staff ki reste anler Waterloo avek sa enn ki reste Semen Serret.  Li ki pour pey lepo kase Air Seychelles akoz Board pa’n zwenn.  Board pa pe zwenn e zot pa pe pran zot responsabilite.  Prezan mon ti a kontan demann Minis eski Minis pour aksepte pour li demisyonen konman Minis enkli son Board akoz tou sa bann lenkonpetans inefikasite ki nou’n tann koz lo la bomaten?

E tou sa bann travayer I bezwen reste si bann travayer I ale mon krwar Minis osi pour bezwen ale Board pour bezwen ale.  Si bann travayer si Minis I dakor pour zot negosye pour zot rode dan tou fason ki mannyer nou kapab gard sa 200 travayer.

Mon pour siporte pour ou Minis reste avek ou board si sa bann travayer I ale mon pour demande ki Minis osi I bezwen ale.  Akoz mon dir sa Mr Speaker mon a eksplike akoz mon dir sa.  Letan mon get mon ekout zot depi bomaten Minis Lanplwa in vini in sey en pti kaskou avek nou.  La mon pe ekout financial controller I annan keksoz ki I dir avek nou napa lenformasyon.

Apre letan en kestyon siplemanter i monte ou tann li deza i annan lenformasyon selman dan kestyon orizinal i ti napa.  Sa i montre ki i annan keksoz pa pe mars byen.

Prezan letan ou get en lakonpannyen parey Air Seychelles.  Zot in lwe gro lakaz Eden Island plizyer lannen zot Board pa’n vwar nesesite.  Taler mon tonm nonmen R700mil par mwan ki tonm anviron R8.7milyon par an.  E letan mon diviz sa mon met tou mon azout tou ansanm nou kalkile konbyen saler nou bann cabin crew.  Ground floor lot zot ti kapab gannyen anba sa Board anba Minis ki la ozordi enkli sa Gouvernman.

Letan zot in pey gro lakaz sepa konbyen 1000 Dolar letan zot in pey zot in pey zot in fer bann vol Dar Es Salaam par egzanp Dusseldorf, Durban.  Zot in bezwen kennsel zot in konmans bann vol Paris zot in pran bann.  Zot in fer tou kalite pa bliye Air Seychelles li I antre dan bann desizyon politik.  Kot zot in menm lager avek Seychelles Airline pour li pa sey monte.

E zot in anmenn tousala zot nou aprann ki zot in pey lokasyon en biro anvil pour en Madanm Savy ki zanmen zot in servi.  Tousala Air Seychelles avek sa Board in fer kestyon mon demande be eski sa bann staff la anler la avek sa bann ki reste dan mon distrik zot ki ti pran sa bann desizyon fou?  Ki sa board enkli Minis ki konnen avek sa Gouvernman ki responsab?

Akoz sa bann staff I bezwen ale?  Mon kontiny mon lalis.  Mr Speaker letan zot in pey en madanm R770mil par mwan plis ki Prezidan Larepiblik plis ki Speaker Lasanble plis ki Sef Ziz tou dimoun dan sa pei.  Lannen pase nou ti tande ti annan en msye ki ti pe ganny R100mil pour train lisyen tou dimoun ti koz lo la.  Lasanble sa lannen nou tann R770mil e nou aprann poudir dan sa R770mil I annan trik mardaz ki pase parske en dimoun I pey son lekor I kre en lakonpannyen.  E tousala Board Air Seychelles enkli Minis ki la enkli Gouvernman zot pa vwar.

E sa I tonm lo ledo bann travayer Air Seychelles.  Alor Mr Speaker mon ti a kontan montre mon dezapwentman e pa bliye Air Seychelles sak fwa I annan Eleksyon ou konnen ki zot fer Mr Speaker.  Zot pey zot en tiket oubyen zot donn en tiket pour nanryen zot dalon England, Australia partou zot fer desann pour vin vote.

E tousala ozordi I annan en reperkisyon lo nou pei.  Sa I montre poudir Gouvernman Msye Danny Faure in fail.  E zot bezwen accountable alor mon fer en propozisyon avek Minis son financial controller avek Board Air Seychelles.  Annou rode ansanm ki mannyer la I annan ki mannyer ansanm nou tou nou kapab ede pour ki Air Seychelles I reste la.

Enkli sa 200 travayer ki nou tann koz lo la si sa pa arive mon pe demande ki Msye Prezidan Larepiblik ki ansarz sa Gouvernman, ki Air Seychelles I tonm anba la Minis ki la ki responsab Tourizm ki’n dan Air Seychelles depi 1983.  E ki nou bann kontra son sinyatir in monte savedir I konn tre byen ki pe pase enkli Board ki pa zwenn zot pour bezwen sorti.  E nou revwar ansanm ki mannyer nou kapab ed nou Airline.  Si zot pa sorti kit nou 200 travayer Seselwa an plas e annou rode ansanm ki mannyer nou kapab ed nou lakonpannyen.

Mr Speaker mon ti a kontan termin la menm mon koz 6er mwen 5.  Mersi bokou.

 

MR SPEAKER

Mersi Onorab.  Mon krwar ou’n fer en statement I pa en kestyon.  Me mon donn ou sans akoz depi bomaten ou pa ankor koz lo Air Seychelles.  Bon Onorab Sophola.  Ou ok ou pour sa.  Onorab Herminie.  Onorab Herminie.

 

HON WILBERT HERMINIE

Mersi Mr Speaker.  Mersi Mr Speaker.  Bon apre midi Minis.  Minis anvi ki la kantite larzan ki Air Seychelles in depanse lo training bann staff, e vi ki en bon pe zot pe al ganny vwar ki zot pe al lo redundancy.  Eski Minis li I satisfe e kapab donn en garanti ki avek sa la kantite staff ki pour reste.  Eski lakonpannyen pour kapab mars efficiently?  Sa mon premye pwen.  An vi ki sa kantite staff ki pe ganny met ganny fer redundant eski nou pa pour vwar nou dan en sityasyon ankor parey 2012?  Ki la nou pe fer redundancy epi nou pour al fer recruitment ankor.  Akoz mazinen kantite larzan ki Air Seychelles in mete dan training nou pe fer redundancy la epi pour fer recruitment ankor.

Mon 2enm kestyon I baze lo sa ki Minis in dir lo kote bann staff ki pour reste ziska 2019.  Mon le en garanti ki zis kaptenn or pilot etranze ki expatriate ki pe reste ziska 2019.  Pa lezot staff ankor sa mon krwar Seselwa i kapab pran sa bann larestan pozisyon e zis ki bann kaptenn ki pe reste.

Ki pour fer training ki pour la ziska 2019.  E osi Minis si I kapab donn nou en summary vi ki nou pe ganny bokou text e lenformasyon ki.  Bokou bann staff pa’n tande byen kler ki sa bann prosedir redundancy ki mannyer pour marse.

Ki dat ki zot pour ganny apele?  Ki dat ki zot pour ganny zot let ki prosedir?  Ki pour arive avek bann staff ki pa pe ganny roster bann ki pa ganny Roster?  Si Minis I kapab donn nou en summary mon konnen ou ti pas lo la bomaten zis donn nou en summary.  Pour bann staff ki pa’n tande avek bann ki ti ankor pe travay.  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker mersi Onorab.  Wi mon krwar ki sa restriktirasyon Air Seychelles pour annan li en group travayer bann nouvo lekipman avek en seri larout ki pour le moman Air Seychelles I annan plizoumwen en monopoli lo la.  Konklizyon se ki apartir 2022 Air Seychelles pour kapab fer en profi.  Si tou bann paramet ki ozordi ki nou kapab konnen ki nou kapab pa kontrole e o mwen nou pe tenir kont I pour montre ki wi Air Seychelles pour recover.  E an 2022 I pour en konpannyen ki pour back to normal.  Mon wish I toultan ki Air Seychelles I kapab amelyore o fil an mezir e I toutafe normal ki Air Seychelles pour agrandi son desert.  Si levolisyon tourizm Sesel ki nou bezwen preserve.  Akoz se sa nou ganny pen ozordi mon annan konfyans ki Air Seychelles I kapab demen grosi e vin en lakonpannyen pli for.  Me nou pa kapab tonm dan menm pyez parey nou’n deza koz lo la.  Ou pwen ki 2019 fodre annan zis kaptenn se sa ki nou pe sey fer.  Nou pe sey fer ki zis kaptenn etranze ki pour reste dan Air Seychelles pour permet nou train pilot Seselwa pour take over bann pilot etranze.  E I annan lo sa lalis ki mon pour sirkile bann pozisyon kot bann Seselwa in ganny idantifye pour nobou lead sa process zot osi.

Me parey nou konnen par-ler osi zot kapab kit lakonpannyen e kekfwa tanporerman nou pour bezwen pran en lot dimoun.  En etranze zot a swiv prosedir pour nobou fer sa.  Lo kalandriye parey nou’n eksplike Air Seychelles in met on hold sa bann konsiltasyon avek staff akoz miting ki nou ti fer isi Mardi pase.

Depandan ki desizyon nou fer aswar sa bann konsiltasyon enn lo enn avek bann travayer I kapab konmanse apartir demen bomaten.  E Air Seychelles in donn son lekor ziska le 14 Avril konman dat kot i pour diskit enn one-to-one avek tou son staff ki ganny konsernen avek sa redundancy.  E met son let aplikasyon avek Minister Lanplwa parey Lalwa i demande pour son konsiderasyon.  E parey mon dir ver lafen Me si tou zafer i mars korek nou ava ganny en desizyon Minister Lanplwa e sa redundancy i ava ganny enplimante.  Le 4 Zen Air Seychelles i sipoze anba sa nouvo striktir avek son staff redwir pour li kontinyen fer son travay.  Mersi Mr Speaker.

 

MR SPEAKER

Mersi Minis.  Onorab Aglae.

 

HON EGBERT AGLAE

Mersi Mr Speaker.  Mon bezwen dir bonswar la.  Bonswar Minis avek ou delegasyon.  Minis mon annan trwa kestyon mon le demann ou premye kestyon ou ti fer en statement taler.  Kot ou ti pe konsider vin devan sa Lasanble pour vin rod serten sibvansyon kapital finansyel.  Pour kapab re aliny Air Seychelles.  Mon premye kestyon akoz ou pa’n fer li?  Eski si Air Seychelles ti’n fer li nou ti kapab pe sov serten travayer petet pour 1an – 2an ziska ler keksoz I kapab ganny re aranze pour Air Seychelles?  Dezyenmman semenn pase ou ti koz lo enn de Anbasader pour ganny mete lo en flight ki pour operate Abu Dhabi ziska Paris.  Ki kriter ki zot pe servi pour selekte sa de Anbasader?  Lekel ki pour pey zot si laba Etihad ki pe peye ouswa Air Seychelles?  E dernyen kestyon I konsern kriter redundancy bomaten Minis Lanplwa in pas brefman lo la.  Ki kriter spesifik ki pour ganny servi ler pour kalifye pour en dimoun ganny met lo redundancy?  Mon ti a kontan konn kler sa.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker mersi Onorab pour ou kestyon.  An sa ki konsern Bidze siplemanter rezon ki mon pa’n anmennen akoz nou ti bezwen espere ki Air Seychelles I donn nou keksoz konkret.  Eski mon pour vin demann 1milyon 10milyon 100milyon 200milyon?  A sa lepok mon pa ti konnen konbyen se prezan ki nou vwar son vre sityasyon.  Akoz mon bezwen vin isi avek en keksoz ki konkret.  Me parey mon eksplike pli boner i annan en prosedir dan L’Egzekitiv ki nou bezwen swiv.

An sa ki konsern bann Anbasader sa I bann cabin crew ki Air Seychelles pour mete lo sa avyon Etihad ki pe Wet lease pandan sa mwan Avril.  Kriter ki pour ganny swazir mon pa pour konnen si I annan mon bann koleg ki kapab reponn ou bann kestyon mon ava demann zot.  Me sipoze pour annan en seleksyon e serten sa bann dimoun a ganny swazir e a ganny enformen accordingly.  Mon ava demann Mr Ally pour li reponn pour 3enm kestyon an sa ki konsern bann kriter ki’n ganny elabore pour fer sa redundancy.  Mersi Mr Speaker.

 

MR SPEAKER

Mersi Minis.  Mr Ally.

 

MR JAPHA ALLY

Mersi Mr Speaker.  Bomaten mon tann dir be oli sa bann kriter vedir somehow sa bann dimoun I okouran poudir I annan en serten kriter ki fer.  Bon akoz servi kriter se ki pour fer sir ki sa prosesis I mars dan la transparans.  Parey toultan it’s buzz word konmela pour dir tou keksoz fer dan la transparans.

Bon enn se ki nou pa oule ki sa manager li I swazir son dalon I pour reste sa enn ki pa kontan pe ale.  Alor nou akoz nou bezwen satisfe Minister.  Akoz sa travayer i bezwen challenge akoz ki  mwan mon ganny swazir?

E se sa ki nou pe fer sa one to one ki donn sa travayer sa loportinite pour nou challenge akoz ki mon ganny swazir pour ale ok?  Bon sa kriter I baze lo detrwa paramet.

Enn se ki son performans of a past 3an ok?  Ki mannyer ou’n perform past 3an ou’n ganny average.

2enm son rikord disiplin.

3enm son absence ensidswit.

4enm son skills whatever en attitude pour li kapab travel avek nou the next one ok?  Par sa 4 kriter senp e I score e prezan sa dimoun si ou bezwen dan en lalis 50 ou bezwen 20 pour reste sa ki’n sa 20 avek sa top score ki reste leres i ganny eliminen. E sa i pour vizib, tou dimoun pour konpran e I kapab challenge.  E sa bann keksoz ki nou bezwen zistifye avek Minister akoz ki sa dimoun in ganny swazir ok?

 

MR SPEAKER

Mersi Mr Ally.  Onorab en moman mon ava zis bouz lot kote.  Vitman en kestyon Onorab Andre apre i ava vin Onorab ok.  Mon vwar ankor de lanmen lo kote isi.  Ale vitman Onorab Andre.

 

HON CLIFFORD ANDRE

Mersi Mr Speaker.  Me dan sa 30enn kestyon ki mon annan mon a sey swazir sa enn.  Bon Mr Speaker Minis in dir nou dan sa Kontra IBM avek sa local IT ki nou ti annan,  nou ti annan nou e osi in koz avek nou Dreamliner.  Letan Dreamliner ti ganny konsevwar anler State House ti annan en bon pe dimoun enkli State House ki ti monte pour kapab witness sa levennman.

E pandan sa prosesis Mr Speaker ti annan en rapor en lodit ti ganny fer par Boeing.  E I ti montre ki sistenm IT Sesel I alaoter san IBM.  Akoz ki nou’n bezwen antre dan sa kontra IBM?  Eski I en presyon ki’n ganny mete lo nou par Etihad?  San ki Board Air Seychelles in donn son laprouvasyon pour nou kapab antre dan sa kontra IBM.  Lot pti kestyon lo IBM menm.

 

MR SPEAKER

Vitman Onorab.

 

HON CLIFFORD ANDRE

Vitman menm.  Ou’n dir nou 8an 6milyon Dolar.  Lenformasyon ki in sorti se ki letan nou ti annan nou IT System Sesel, pa ti pe kout nou plis ki R2milyon par lannen.  Akoz nou bezwen fer sa depans kan nou kapab pran sa depans remet li dan Air Seychelles e nou bann sa 202 travayer i a kontinyen travay avek zot airline ki the Seychelles pride parey nou dir.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker mersi Onorab pour ou kestyon.  Sa ki mon a fer mon ava demann sekreter Board Air Seychelles al dan Minutes Board e donn ou sa desizyon I ava eksplike byen mon sipoze akoz sa desizyon in ganny pran?  Taler mon sey eksplike mon krwar I enportan ou ava vwar sa desizyon.

Sa I premye larepons ki mon kapab donn ou pour le moman.

Dezyenmman wi mon pour osi donn ou sa slide sa latab ki zot in soumet avek mon ki montre letan nou ti annan nou sistenm pour nou menm.  Kwa ki sa sistenm ti kapab fer kwa ki ti annan limitasyon

E kwa ki I pa ti kapab fer.  I annan en lalis e apre ou ava vwar si nou ti pour fer li Air Seychelles li menm ti pour fer li pour ariv lo sa sistenm IBM ki ti pour marse from day one 24 lo 24.  Lo tou sa bann paramet konbyen envestisman nou ti pour bezwen fer e si mon rapel byen lo kote lekipman nou ti bezwen aste pour 1.5milyon Dolar.  Pour vin siplemant sistenm ki ti egziste e en depans apepre 450mil Dolar par lannen.  Pour fer li marse lo sa tou sa bann nouvo paramet sa I ariv 5.8milyon Dolar e IBM li ti 6milyon Dolar.  Mersi Mr Speaker.

 

MR SPEAKER

Mersi Minis.  Mr Berlouis i annan keksoz pour azoute non?  Bon Onorab William vitman.

 

HON WAVEN WILLIAM

Mersi Mr Speaker.  Mon pour sey abord en kestyon Mr Speaker mon pe demann mon lekor la ozordi la donnen gravite e sa size ki nou pe trete ozordi mon anvi demande eski nou pour zis diskite la ouswa nou pour annan en roadmap pour nou kapab sivre ki bor nou pe ale?

Rezon ki mon pe dir sa se ki enn se ki mon pa oule ki zis nou’n diskite ozordi e Minis mon pa konnen si I posib pour kapab donn nou en timeline ki bann demars akoz ki arive Minis.  Se ki i annan serten bann statement in ganny dir la mon pa tro satisfe e dakor avek.

Par egzanp si nou’n antre nou pe antre dan en stratezi rezyonal ki mannyer Etihad pa kapab sorti?  E dezyenmman zot annan bann dimoun lo Board ki zot pa pe ganny peye.  Nou tou nou konnen ler bann dimoun pa ganny peye ou pa pour tro enterese pour fer en keksoz byen.

So nou dan sa Lasanble nou bezwen ganny en serten komitman pour dir be ok vwala ki fason nou pour sivre sa size.  Mon krwar I bezwen annan en komitman akoz si non nou pa pour konnen ki bor nou pe ale.

Alors Mr Speaker atraver ou mon ti a kontan demann Minis.  Minis ou’n dir en ta keksoz e mon konnen ou’n dir ou pour fer serten demars.  Me ti a bon ki nou ganny en serten roadmap be ki fason nou sivre sa.  Pour nou kapab gid osi Gouvernman akoz la fason ki keksoz pe ale mon pa trouv li normal mon.  Akoz mon pa oule konmsi ki sa ta travay desizyon ki nou’n fer ziska prezan la ki finalman nou pa pe vwar en laklerte.  Mersi bokou.

 

MR SPEAKER

Mersi Onorab.  Minis avan mon donn nou laparol mon ava pas laparol Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker dan menm laliny akoz mon asize mon mazin tou sa ki nou’n dir e tou sa ki zot in dir.  Tre senp ou financial controller in dir avek nou poudir zot pe al rann 13 lakaz ki ariv R42mil par mwan ki fer R504mil par lannen.  Pa ti pour bezwen sa bann lakaz si ou ti napa sa larzan.  Savedir sa R504mil I bezwen la pour pey sa bann lakaz.  Pour re ganny deposit lo sa bann lakaz ler mon reget tou sa bann kontra ki zot in donn nou deposit I ariv an tou li osi apepre en li osi en R42mil ki ou azout ansanm I fer 546mil Dolar an tou.

Ler ou pe koz sa lakaz ki ou’n rann o kour lannen sa I fer savings.  Ou annan ou Scheme for ground staff ou annan ou severance package ki sa bann dimoun pe gannyen.  Dan sa roadmap eski ou kapab vin kler avek nou?  Dir nou konbyen pe koute bann cost cutting exercises ki ou pe fer?  Dan Housing dan lot landrwa dan lot landrwa pour nou konnen pour Minis konnen egzakteman konbyen larzan zot annan dan Air Seychelles,  pour pey swa package ki sa bann manrmay pe demande ler zot sorti i en package fair garanti pour zot.

Akoz sa ki mon pe pe ganny en konpran avek zot mon pe vwar I annan larzan pour zot pey li.  Mon forse demann zot be pran sa 500milDolar diviz li par 174 travayer.  E sak travayer I a ganny apepre R39mil at the end pour zot severance package.  Akoz it seems ki I annan larzan somewhere ladan ki zot kapab save.  So si parey Onorab in demande annou ganny nou en clear picture.  Apre sa I annan lezot size FPAC i ava take up akoz nou pa kapab mix tou keksoz ansanm.

Mon proposal i sa, retourn avek nou avek en plan kot zot pe koup bann kou all over the place.  Nou a konnen konbyen zot kapab servi dan sa bann larzan pour pey bann packages nou a vwar si I annan larzan pour donn sa nouvo Scheme nou bann manrmay.  Prezan nou a ganny en fason pli kler pour nou konnen si zot pe vin avek en Bidze siplemanter konbyen zot pour bezwen.  Konbyen Air Seychelles I bezwen akoz nou tou nou anvi Air Seychelles kontinyen anvole.  So at least nou kapab konnen nou pe bouz devan avek sa size.  So ou’n dir nou ou pe save R42mil ou pe save lo lakaz 42milDolar par mwan lo 13 lakaz.

I fer ou 504mil Dolar dan en lannen.  I fer apepre R7milyon non?  So I fer ou apepre R7milyon ki deza la sa or larzan ki ou annan ki ou bezwen rode.  Akoz ou pe save sa.  So ki ou pour fer avek sa larzan ki ou pe save la?  Ou pour remet li dan lakonpannyen?  Mersi.

 

MR SPEAKER

Ok. Mersi Onorab.  Minis.  FC – Financial Controller.

 

FINANCIAL CONTROLLER MICHAEL BERLOUIS

Wi sa bann sif i accurate wi nou pour save sa bann larzan lakaz.  Problenm ki nou pour annan dan nou business plan I nou reveni pour diminyen akoz nou pa pour annan flights Paris nou pour napa flights Tana okSo dan nou plan nou’n fini mazinen tou kot nou kapab save.  Redundancy I en parti sa tir bann pilot tir bann management expat i en lot parti sa ok? 

Insourcing HX lo nou bann 320 savedir nou engineers pour fer travay ki Etihad ti abitye fer e nou pa pour bezwen servi nou aircraft laba.  Efficiencies dan ground handling insourcing staff transportation I annan apepre 30 proze ok?  Selman sa 30 proze I fini dan plan o;k savedir si nou vwar sa savings lakaz in fini ganny factered ki nou bezwen sa savings pour Air Seychelles kapab kontinyen.  So I pa reprezant additional savings konpare ki nou plan ki nou fini prezant Board.

 

HON SEBASTIEN PILLAY

Demann zot koumsa pour zot baze lo sa prozeksyon zot in fer ou pe rod additional savings ou aprezan vin dir avek nou additionally si ou ti le requirements par egzanp ki sa bann staff pe demande or ou ti le sanz modalite ki mannyer ou pe fer redundancy,  konbyen ou ti pour bezwen?  Se sa ki mon pe demann ou si ou’n fini factor-in bann cost e ou dir mon poudir ou’n fini met sa as en business plan.  Si mon tir li I pour kit en lot ka sa ki mon pe demann ou prezan ou dir mon ki ou bezwen pour ou kapab dir nou ki ou bezwen pour ou ranpli sa gap?  Akoz pour le moman Minis I dir I napa lenformasyon.  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker mersi Onorab pour.  Bon avan mon vin lo ou kestyon les mon reponn Onorab William.  I enportan ki de keksoz I arive premye keksoz ki enportan se ki sa road map ki ou pe demande la sa fodre kler dan tou travayer Air Seychelles dan sa nouvo striktir.  Zot merit konpran kwa ki zot pe fer a ki nivo fodre zot delivre e fodre zot annan en buy-in dan sa nouvo striktir.

E se sa bann nouvo diskisyon ki ti ganny fer dan 3enm semenn Mars avek tou bann department heads avek bann staff ki ti kapab vin partisipe dan sa bann miting.  Alor si nou fer sa redundancy e Air Seychelles apartir le 4 Zen in ganny transformen dan sa nouvo striktir.  Pour annan bann target ki pour ganny etablir dan tou Departman ki pour reste.  E ou rapel ler mon ti dir ki Air Seychelles ti annan li 13 Departman.

E in ganny shrink pour ganny zis 4 Departman ki raport avek CEOSo tou travayer Air Seychelles I bezwen konnen kwa ki i bezwen target.  E nou bezwen monitor ki ou pe fer e nou ava fer sir ki nou enform zot osi e parey mon dir taler i enportan ki nou pran en randevou.  E ki Air Seychelles son Chairman si fodre envit son board son bann top management I vin eksplik FPAC bann progre ki nou’n fer apre sa diskisyon ki nou fek fer la.

Akoz i annan ankor keksoz ki nou bezwen ganny lenformasyon.  Prezan pour vin lo kestyon Onorab Pillay.  Mon krwar ki parey mon mansyonnen.  Sa restriktirasyon ozordi son kou aproksimatif pour kout Gouvernman R36milyon.  Kestyon ki ti’n ganny poze se si nou pour fer sa 200 – 174 travayer reste se zot pandan en peryod 1an e pey zot en saler.

Son kou aproksimatif taler mon ti dir R50milyon i en kou ki nou’n travay aproksimatif.  I pour kout R50milyon alor pour sa restriktirasyon vin posib nou pour bezwen oubyen si i annan lezot propozisyon ki ganny fer.  Nou pour bezwen mwan konman Minis Lavyasyon Sivil anmenn sa propozisyon atraver en Cabinet memorandum avek Minis Finans kot Gouvernman.  Pour approval akoz nou pour bezwen regarde si Bidze I permet si Bidze pa permet.

Nou konnen kot fodre nou vini si pour demann en Bidze Siplemanter pour ki nou nobou fer sa demann ki zot annan.  Nou bezwen respekte e mon bezwen respekte Lalwa e respekte sa framework.  Mon pe repet mon lekor, me I enportan ki mon fer sa pwen ankor enn fwa.  Mersi Mr Speaker.

 

MR SPEAKER

Mersi Minis.  Bon mon pour pran 2 ordinerman mon le 2 Leaders sak kote.  Me lo kote Parti Lepep mon ava pran Chief Whip.  E pour ferm sa Sesyon Onorab Simon Gill ou ava swiv par Onorab Ramkalawan pour nou ferm Sesyon.  Si i annan kestyon propozisyon pour met devan.

 

HON SIMON GILL

Mersi Mr Speaker.  Bon apre midi bonswar 6.24.  Mr Speaker ou ava remarke ki lenportans nou Lasanble pe donn sa kestyon Air Seychelles.  Spesifikman akoz I lye avek en proze redundancy 200 plus travayer.

Nou annan detrwa bann opsyon ki’n ganny met lo latab e mon pe konpran zot bezwen apepre R50 ekek milyon pour bouze.  E sa pa sanz nanryen dan zot pozisyon pour bouz or pour kontinyen bouz avek redundancy 200 plus travayer.

Now nou’n konmans diskit sa size semenn pase e ozordi nou’n repran li ankor.  Mon krwar i enportan nou met detrwa pwen lo latab.  Limero 1 apar sa enn opsyon ki sa firm CP in met lo latab parmi lezot opsyon ki Management in swazir mon dan mon konsiderasyon pour mwan.

Mon pour demann Minis pour revwar lezot opsyon.  Lezot opsyon ki CP in donnen pour fer ki pour napa redundancy?  Sa i premye.  2enm si pour napa redundancy ki cost ki kou pour enplike lo sa 2enm opsyon nou apel li 2enm opsyon ki napa redundancy?  3enm pwen ki nou pe sizere ki nou donn Minis avek son lekip 2 semenn pour vin avek opsyon kot napa redundancy dan Air Seychelles e tou son bann cost implication ki pour annan.

 

(APPLAUSE)

 

HON SIMON GILL

4enm pwen ki tre enportan ki bann laliny ki CP in donnen dan son bann rekomandasyon pour ki Air Seychelles i flote, ki tou bann staff i reste e ankor enn fwa ki napa redundancy.  Si I annan sa mon swete ki bann pwen pe ganny note.

6enm konsiderasyon se ki demen bomaten nou pe konsidere demen bomaten.  Minis ou ganny aswar la I 7.30 en Emergency Board Meeting I ganny fer pour ki sa bann options i ganny mete lo latab.

E ki nou kapab dan en dele letan parey mon dir 2 semenn nou vin avek bann alternatives.

Baze lo bann diskisyon ki’n ganny fer nou ti ava osi oule vwar lenplikasyon sa 2 avyon ki pe lwe avek FijiFiji.  An tenir kont ki I deza annan en propozisyon lo latab kot en lazans Sinwan e ki sa ti ganny enplimante.  Si ti’n pran bann desizyon timely dan mon bann konsiderasyon baze lo bann eleman ki nou annan.  Si ti’n pran bann desizyon timely nou pa ti pour annan redundancy 200 plus staff Air Seychelles.

Sa i ekstrememan enportan sa now byensir keksoz ki Minis in dir nou li menm li pwen ki nou bezwen met lo latab.  Ki dan sa recovery period ziska 2022 ki Minis in dir nou ki nou etidye posibilite ki Etihad I kit dan okenn loperasyon avek Air Seychelles.

Mon pe dir posibilite ki Air SeychellesiI quitNow si Air Seychelles ki Etihad I quit byensir.  Now dan sa peryod letan recovery ki nou pe koz lo la ki nou annan sifizaman letan.  Pour nou mobiliz bann zonm Seselwa bann envestiser Seselwa bann businessmen Seselwa, pour ki i antre an partnership avek Air Seychelles pour ki nou kontinyen gard nou Air Seychelles flote me avek langazman involvement par son direk Seselwa ladan.

An plis ki sa dan sa peryod letan mon lot konsiderasyon se ki nou konsidere seryezman pour nou vann shares.  Vann shares dan Air Seychelles avek Seselwa bann businessmen Seselwa or bann Seselwa ordiner.  Mon sorry mon pe servi sa term ordiner bann Seselwa.  Sa I ava ede mon krwar dan mon bann konsiderasyon pour kapab solitifye nou laliny  aryen Air Seychelles.

E Minis byensir I ava gard ou lespwar ou lespwar vivan pour kontinyen vwar Air Seychelles pe kontinyen anvole.  E lespwar nou tou isi dan sa Lasanble malgre ki nou ganny akize ozordi.  Mon pe pran sa akoz Onorab Arissol letan in fer son soumisyon in direkteman refer avek Gouvernman Parti Lepep in dir.

E mwan konman Depite Zeneral Parti Lepep ki i annan sa privilez dan sa Lasanble ozordi, mon mesaz ozordi mon mesaz se ki nou napa en Lasanble Parti Lepep avek LDS.  Nou annan en Lasanble Nasyonal Sesel!

 

(APPLAUSE)

 

HON SIMON GILL

E sa Lasanble Nasyonal Sesel i viv avek sa lespwar ki nou kapab retrouv en fast recovery nou laliny aryen Air Seychelles.  E ki nou viv avek sa lespwar ki avek bann opsyon ki Minis avek son lekip pour al konsidere apartir demen bomaten I ava kapab gard sa plis ki 200 staff entak pa tous zot.  E ansanm mon pe dir ansanm TOGETHER nou ava ede pour kit the Creole Spirit high TOGETHER!  Mr Speaker mersi bokou.  Sa I mon soumisyon.

 

MR SPEAKER

Mersi Onorab Simon Gill.  Mon ava pas laparol avek Onorab Ramkalawan.

 

HON WAVEL RAMKALAWAN

Mr Speaker.  Mon pour pran en lapros pragmatik mon pour fer fas avek realite.  Larealite se ki atraver tou sa ki nou’n vwar depi bomaten depi semenn pase,  Air Seychelles I dan en gro problenm pour bezwen annan redundancy.  I pour annan redundancy e alor nou bezwen regarde ki mannyer nou kapab abzorb sa kou.  Ki mannyer sa shock i kapab ganny redwir.  Alors mon pa pour zis koze pour donn lespwar bann travayer Air Seychelles.  Me mon pe plito koz dan en fason pour nou kapab regarde kwa ki lavenir i kapab anmennen.

Letan mwan mon’n koz avek plizyer bann travayer zot osi tou zot fer fas avek realite.  E zot konnen ki poudir I inevitab kot keksoz in arive pour ki redundancy I ganny eparnye.  Mon krwar ki la kantite sa nonm I kapab ganny redwir.  Mon pe dir I kapab ganny redwir e mon met sa devan Air Seychelles pour li regarde ki mannyer i kapab redwir sa nonm.  Sa i premye keksoz.  Dezyenmman mon krwar ki I bezwen annan serten progranm ki ganny fer e nou’n koz lo lanplwa bann cost cutting exercises.

Parey Mr Berlouis li menm li in mansyonnen lo kestyon lakaz lo kestyon transpor lo sa bann lezot lo sa bann pwen.  Lo ki mannyer nou kapab koup en pe sa bann kou pour ki Air Seychelles li menm li konman en lakonpannyen I ava kapab refer son lekor pour li kapab avans devan.

Par egzanp mon krwar ki bann etranze ki pe travay sa zot bezwen met li anba mikroskop dan en fason dan en fason imedyat.  Pour regarde ki mannyer Seselwa I kapab ranplas sa bann etranze.  E letan mon pe dir sa mon pe osi dir ki nou bezwen regard direkteman dan ki mannyer Air Seychelles i kapab osi ganny en CEO Seselwa.

Sa mon krwar I ava en loner pour nou Creole Spirit pour nou ganny en Seselwa CEO.  Pour nou regarde ki mannyer ki mannyer nou kapab ki mannyer nou kapab ganny sa lo kote lo kote bann fourniser.  Pour ki Sesel nou pran en pe plis kontrol lo kwa ki ganny ki al lo nou avyon ki mannyer nou fer ki mannyer nou fer nou procurement.

Lo kote marketing pour Air Seychelles re ganny kontrol lo par egzanp lavant tiket.  Ki mannyer mon konpran I annan 4 travayer etranze Abu Dhabi ki pe okip en pe sa bann keksoz.  Me ki mannyer sa bann kalite loperasyon I kapab retourn isi Sesel.

Parske se parey nou tou nou konnen se dan vann tiket.  Vann tiket i en gran par sa lekonomi oubyen sa biznes dan avyon.  Alor ki mannyer nou kapab koup enpe sa bann fonksyon.  Ki Air Seychelles I fer an deor Sesel.  Mr Speaker dan en fason realistik mon realize ki I fasil pour dir koup sa Kontra fini avek sa Kontra ensidswit.  Me an menm tan osi mon krwar ki parey Minis in dir depi bomaten mon krwar ki I enportan pour balans tou sa bann keksoz.

Parske I annan en kontra e nou’n ganny sans pour nou vwar sa Kontra.  E nou’n vwar bann enplikasyon bann enplikasyon profon serye.  E alor nou pa kapab zis vini I tro fasil pour nou zis vini dir koup sa Kontra demen e tou keksoz pour ok.

Non i pour bezwen ale faz par faz pour nou ariv laba me antretan i annan plizyer bann diferan keksoz ki nou kapab fer.  So annou lokaliz bann post annou regarde ki mannyer plis sa loperasyon Air Seychelles i kapab fer.  Apartir Sesel olye ki i ganny kontrole an deor.

Mr Speaker letan mon pe vin direkteman lo bann travayer.  Mon krwar ki travayer Seselwa parey mon dir otan ki posib koup la kantite ki I pour ganny fer redundant.  E la mon mazinen ki poudir menm dan lo kote ground mon pa pe koz zis lo cabin crew.  Mon pe koz osi lo kote ground services mon krwar ki la osi tou ti pour bon pour zot regard ankor.

Pour regarde ki mannyer sa lespri the heart of the system I vreman ganny byen ekipe pour li kapab fer tou sa bann travay.  E alor pa zis mazin koupe ensidswit me regarde ki mannyer nou kapab annan sa.  Pa zis mazin en skeleton staff me konmsi I ava annan enpe laser tou lo sa staff pour fer sir ki sa travay I kapab ganny fer.  Lo kote spesyalman sa group cabin crew ki zot pli gran group dan sa legzersis.

Mwan mon krwar Mr Speaker ki konman en Lasanble e konman bann Seselwa ki konsernen,  mon krwar ki non selman nou montre konpasyon pour sorry mon apel zot manrmay akoz mon ti kapab zot papa.

Mon krwar ki nou bezwen montre konpasyon e si ozordi nou dan en pei kot nou annan en problenm drog kot nou parey konman en Lasanble pour aprouv bann gro Bidze  pour konbat kont drog mon krwar osi ki nou bezwen regarde son lot fason pour nou envestir dan sa bann manrmay ki’n pran zot lavi serye ki nobou al fer training pas zot training.  E ki ozordi zot pe fly.

Nou bezwen rekonnet ki poudir se pa nenport sa bann manrmay zot annan en serye avek zot.  E zot in planifye zot lavenir.  Alors sa nou bezwen pran li an konsiderasyon.

Alors sa ki mon pe propoze lo sa kote se ki Air Seychelles I regard seryezman lo ki mannyer pour donn tou sa bann travayer parske zot lo minimum salary parey nou pe dir.  Donn zot en good exit package donn zot 6mwan lapey the average salary ki zot ti ava pe gannyen.

Donn zot sa average salary pour 6mwan an mezir ki zot pe negosye.  Akoz zot annan loan, zot annan fanmir pour okipe zot annan zanfan.

E antretan ki sa bann de lezot demars pe ganny fer konmsi zot ava konnen ki poudir zot annan en lipye pour zot debout lo la.

So premyerman sa 6mwan average salary konman premye aspe sa package.

Dezyenmman demande ki Air Seychelles I rantre an negosyasyon direk avek Minister Lanplwa.  Dan Minister Lanplwa i annan en fon Unemployment Relief Scheme.

Me nou pe demande ki sa Unemployment Relief Scheme I ganny beefed up pour li vin en Reskilling Fund.  Kot nou’n ganny dir I annan plizyer I annan en kantite lanplwa dan nou pei.  Alors re skill sa bann travayer regarde e ofer zot sa bann diferan posibilite.

E mwan mon krwar se la kot Minister lanplwa an mezir ki I a pe negosye dan sa redundancy procedures and everything else, li I sipoze konnen kot ki annan bann travay e toultan mon servi sa legzanp.  Si lo kote SRC zot annan vacancy e tanzantan nou tande ki be regarde si ou annan ou 20 vacancy ale apros Air Seychelles  – I annan en pool la.  Sa bann manrmay zot koz Angle zot koz Franse zot fer Matematik zot annan serten abilite;  regarde avek zot konbyen zot ki ti ava kontan pour zot al dan en nouvo kad travay.  E mon pe dir sa Mr Speaker pour ki okenn bann travayer Air Seychelles zot pa pas en zour san lanplwa.  Ki poudir letan in pas dan tousala apre sa zot konnen ki zot pe al fer sa training.  Zot pe al fer sa training e annou pa bliye la se bann spesyalman nou bann cabin crew, se bann se nou bann zenn Seselwa ki pare pour pran risk.  Parske this was part of their training pour pran risk en avyon pe al crash en avyon I annan kek aksidan ki mannyer pour fer sorti 120 dimoun 120 pasaze dan en avyon san ki zot panik.

Alor regard dan tou bann landrwa kot I kapab annan sa bann posibilite.  E mon Mr Speaker Minis I dir I bezwen swiv prosedir.  Mon pe donn Minis sa garanti ki poudir si Gouvernman I vin avek en Supplementary Budget lo ki mannyer pour ed bann staff Air Seychelles, nou tou lo sa kote latab ki form mazorite nou pour vot an faver.

 

(APPLAUSE)

 

HON WAVEL RAMKALAWAN

Mr Speaker mon krwar ki Air Seychelles I osi balanse sa zafer vann sa lot Twin Otter.  Mon pe regard ki mannyer Air Seychelles I bezwen antre dan sa lespri en pe plis lavantir.  Konman Chairperson Komite Zil nou’n ganny sans vizit bann zil.  E alor nou bezwen osi regarde ki mannyer Air Seychelles I antre dan sa lo sa kote zil.  Kot a kot avek IDC pour regarde ki mannyer laba osi tou I kapab annan en lot louvertir.  E sa I ava permet depandan lo ki mannyer sa negosyasyon I ganny fer.  Pour open skies ensidswit pour ki I ava pli bonmarse e posibilite pour plis Seselwa.  Avek bann lezot fasilite pour zot vizit bann zil e pour zot enjoy bann zil.  Alors mon ti ava kontan dir avan zot taye pour vann sa Twin Otter annou fer atansyon.  I kapab annan tender osi tou ki tou sa bann diferan keksoz.

Mr Speaker mon krwar ki sa size ki devan nou I en size serye I pa en size ki nou bezwen ki nou kapab afford.  Pour nou pour nou zwe politik parske se bann travayer ki nou pe koz lo la.  E pli boner mon ganny en mon ganny e text ki’n vreman tous mon e sa I sorti kot en cabin crew.  En cabin crew ki ozordi I pa lo okenn Roster li I lo stand by.  E aprezan I pe dir avek mon I dir ‘’father ou konnen mon pe ganny mon zis R5200 parske stand by napa okenn pti larzan azoute.  E mon annan mon zanfan pour mon annan zanfan pour mwan nouri.  Mon annan lakaz pour mon peye e I tough.’’  Alor mon osi krwar ki poudir imedyatman dan bann savings ensidswit I ava fer dan sa letan dir kot nou ava partaz en bout dipen.  Nou ava personn ava ganny en bout dipen me sa trans dipen ava ganny en pti bout.  Mon krwar ki Air Seychelles I osi tou imedyatman regard dan welfare bann cabin crew.  Ki la pour le moman zot pa pe fly.

Donn zot en allowance ki ava permet zot pour zot kapab fer fas avek serten bann depans ki zot ki zot annan.  Pour zot kapab viv parske ou bezwen konpare kwa ki zot ti abitye gannyen e la ki dan sa sityasyon kwa ki zot pe gannyen.

Alors silvouple sa mon fer en pledwari regard sa bann staff donn zot en keksoz donn zot en allowance ki i en 200 Dolar an plis.  En 300 Dolar met lo zot lapey met lo sa met lo sa saler pour zot kapab ganny en keksoz akoz nou tou nou annan.  Konnen nou annan en leker ki bate dan nou lestoman.

Alor Mr Speaker mon anvi mon anvi mon anvi termin lo sa lo sa pwen.  E mon anvi Mr Speaker remersye Minis avek son lekip pour sa letan ki zot in pase avek nou isi dan Lasanble.  E mon krwar ki dan lafason ki keksoz in eksplike keksoz I bokou pli kler e mon krwar mon espere ki zot in zot in pran nou dan en fason serye.

Parske tousala sete bann pwen pertinan e tou sa ki’n ganny dir dan sa Lasanble.  In ganny dir pa pran li dan en lespri malisye avek en lespri negatif me tou sa ki’n ganny dir in ganny fer avek en lespri pozitif.

Parske letan nou pe letan menm letan nou pe kritik for letan pe dir board ensidswit.  Tousala se bann keksoz serye e nou anvi ki Board Air Seychelles zot pran zot responsabilite.  Parske parey nou dir Einstein ti dir sa mon krwar ou pa kapab fer menm experiment e espekte en diferan rezilta.

E alor la kot nou ete annou pa refer sa menm sa menm experiment parske nou pour end up avek menm rezilta.  E nou pour trouv nou pe fer menm fot.  Mr Speaker avek sa avek sa bann mon anvi osi zis donn en mo konsey.  Parske nou’n vwar ki mannyer bann keksoz in vir en pe dalon e dernyen lenformasyon ki mon gannyen par egzanp se ki sa lakonpannyen Nyras ki nou’n koz lo la.  Nyras ki Prowse sa CP ti konsilte pour li vin fer travay isi.  I annan shares dan Flybe e lekel ki lekel ki Roy Kinnear!  Alors ankor enn fwa konmsi sa loperasyon Air Seychelles ki nou’n vwar konmsi i en pe parey nou dir an Angle in…..

E alors annou regard tousala e annou sey fer en fason pour nou bouz devan.  Avek sa detrwa parol Mr Speaker mon swete ki tou bann staff Air Seychelles tou bann Seselwa e pa bliye poudir i annan Seselwa ki Air Seychelles ti rode sorti aletranze tou pour vin travay isi avek sa airline.  Seselwa ki’n fer sakrifis tou pour vin isi e alor mon dir annou fer en fason pour nou donn tou nou Seselwa sa posibilite pour fer sa Creole Spirit ankor enn fwa anvole avek sa detrwa parol mon remersye ou Mr Speaker.  Mersi.

 

(APPLAUSE)

 

MR SPEAKER

Mersi Onorab Ramkalawan.  Mon ava donn dernyen parol Minis.  Minis laparol I pour ou.

 

MINISTER MAURICE LOUSTAU-LALANNE

Mersi Mr Speaker.  Mr Speaker mon pran bokou not lo premye propozisyon mon pran mon 10 pwen refleksyon.  E lo 2enm summing up mon’n pran mwan 13 pwen e parey mon ti dir avek sa Lasanble pli boner.  Dan mon kapasite konman Minis Lavyasyon Sivil mon pour fer le neseser pour mon desarz mon responsabilite.  E fer sir ki Gouvernman dabor atraver Minister Finans e apre Prezidan Larepiblik., pour nou desid lo sa sityasyon ki nou vwar Air Seychelles i ladan de pli vit posib.  Nou pour tenir an kont tou sa bann propozisyon e nou pour fer bann dialog neseser.

Si fodre nou revin rod klarifikasyon avek sa de Leaders mon pour fer li pour mon devwar.  Ki nou avans step by step dan lirzans akoz I irzan sa sityasyon pour nou nobou ariv lo en konklizyon ki pour akseptab pour nou tou.

Avek sa Mr Speaker mon ti a kontan remersye ou pour diriz sa deba.  E mon ti a kontan osi remersye mon 3 Lyetnan e Minis Telemaque avek son Lyetnan letan I ti la bomaten.  Mersi bokou Mr Speaker.

 

MR SPEAKER

Mersi Minis Loustau-Lalanne.  Bon lo sa kote mon osi tou mon ti ava remersye ou Minis avek ou lekip PS Albert, ou HR Mr Ally, ou FC Mr Berlouis.  Pour pas en long lazournen avek nou ozordi me mon krwar ti enportan sa sityasyon ki Air Seychelles pe pas ladan.  E sirtou bann staff mon krwar I ti enportan pour ganny plis klarifikasyon.  Pour eklersi tou bann pwen tou bann dout nou konnen i annan bokou travay pour fer.  E I annan posibilite zot pour konsilte osi tou FPAC kot tou bann travay ava kontinyen.

Avek en bi ki parey nou tou nou’n eksprimen isi dan Lasanble ki nou National Airline I kontinyen anvole.  I on 2020 parey nou tou nou ti a swete.

Minis mon ti a kontan remersi ou ankor enn fwa e nou ava eskiz ou parmi nou dan Lasanble.

 

(MINISTER LOUSTAU-LALANNE AND HIS DELEGATION WAS EXCUSED FROM THE HOUSE)

 

 

MR SPEAKER

Mersi Sergeant ou a fer le neseser ou a move Mace nou a retourn dan Lasanble normal.  Bon mon annan mon annan en pti lanons pour mwan fer.  Ti prevwar ki Standing Orders Committee meet full day demen me aparaman i pa pour kapab akoz FPAC pe fer Hearing demen full day.  So Chairman Standing Orders Committee Onorab Georges in averti mon ki i pour donn en lot dat pour Komite Standing Orders meet.

So FPAC pe fer hearing demen avek Vandredi isi kot Lasanble e i open osi pour tou bann Manm lezot Manm osi to attend.  Bon e manm piblik osi tou ki anvi attend.  Mon ti a kontan osi,

 

(Mic Off)

 

MR SPEAKER

Wi Hearing pour ganny fer lo Rapor Oditer Zeneral 2016 – wi 2016.

Bon mon ti a kontan remersye SBC ki’n la avek nou pandan lazournen antye ziska sa ler la.  E osi remersi bann manm piblik ki’n swiv nou ki’n pasyante e ki’n kapab konpran nesesite sa deba.  Nesesite ki nou ganny klarifikasyon lo sa sityasyon Air Seychelles.  Nou remersye tou bann dimoun ki’n reste a lekout nou ti a kontan osi prezant en remersiman spesyal pour bann staff Air Seychelles ki’n la avek nou depi bomaten zot la dan Galeri.  Mon krwar I en lazournen enteresan pour zot e mon swete ki zot a kapab atraver sa deba atraver sa ki Lasanble in fer zot a kapab ganny en pti pe lespwar ki lavenir I pa aret la pour zot.

E mon pe regard zot tou zot tou zot ankor zenn ki I ava annan en lavenir ki ava touzour briyan pour zot.  Zot ki’n pare pour pran bann risk lavi i ranpli avek risk.  E mon asire avek sipor ki Lasanble i ava anmennen pour zot tou dilon zot ava kontinyen forge forward ganny en meyer lavenir.

Alor ankor enn fwa mersi pour vin attend deba Lasanble Nasyonal ozordi.  Bon avek sa nou ava adjourn e nou ava repran nou travay Mardi prosen 9er bomaten.

(ADJOURNMENT)