::
Home » Verbatim » 2018 » Verbatim Wednesday 14th March, 2018

Verbatim Wednesday 14th March, 2018

NATIONAL ASSEMBLY OF SEYCHELLES

Wednesday 14th March, 2018

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab, bonzour tou bann manm piblik ki pe swiv deba Lasanble Nasyonal.  Bomaten nou annan en Order Paper devan nou ki nou annan lezot adisyonnel biznes apard ki kontinyasyon lo reaksyon lo mesaz Prezidan lo Leta Lanasyon e mon ava … Mon pour zis egzers Order 91 zis pour nou sanz en pti pe lord mon anvi fer, nou pran sa First Reading avan apre nou ava, mon ava demann Chair HIV pour li prezant son Rapor. Yes avan nou komanse,  Onorab De Commarmond.

 

HON CHARLES DE COMMARMOND

Wi mersi Mr Speaker, bonzour Mr Speaker, bonzour tou dimoun e tou Manm Onorab.  Mr Speaker yer ti annan en alegasyon konsernan diri plastik ki ti ganny fer dan nou Lasanble ki mon ti kestyon lo la e bomaten dan Zournal TODAY ki mon annan la devan mwan STC in kategorikman deny konmkwa ki i annan okenn diri plastik an sirkilasyon lo marse Sesel.  ‘TODAY’ in menm fer referans avek konmkwa ki bann Parlmanter in lev sa size dan zot repons SONA, me i pa nenport ki parlmanter ki’n fer sa nou konnen, e sa alegasyon i ganny fer par en profesyonnel dan Lasante en ners, e i kalifye.

E mwan letan ki sa ti ganny dir dan Lasanble nou’n vwar poudir, in ganny dir menm ki i kapab donn nou Kanser sa zafer e mon’n ekout byen e mon ti pran li o serye e se sa ki mon ti kestyonnen.  E prezan yer dan son leksplikasyon Onorab in dir ki in trouv sa lo Facebook, alor in vin dir nou dan Lasanble.  E mwan mon pe konmsi san okenn laprev, san okenn verifikasyon oubyen lenvestigasyon en parlmanter i zis repet sa bann alegasyon ki ou vwar lo Facebook kan dan, kan nou menm….

 

HON WAVEL RAMKALAWAN

(Mic Off)

 

MR SPEAKER

En moman, mon’n donn Onorab De Commarmond la parol apre ou a ganny laparol Onorab Ramkalawan.

 

HON CHARLES DE COMMARMOND

Kan zis Vandredi pase dan larepons SONA nou’n vwar poudir Onorab Leader Lopozisyon li menm in alarm nou Lasanble ki ti byen ki in fer lo sa size Facebook ki pa nou pa kapab krwar 100 poursan sa ki Facebook i dir.

Mr Speaker mwan pour nou Lasanble mon ti ava demande ki sa Statement ki ti ganny fer yer i ganny retracted akoz sa Statement i ankor lo rikord Lasanble Nasyonal!  E mwan i annan bokou dimoun ki’n telefonn mwan e ki’n dir mon osi ki zot in zet zot diri ki zot ti’n aste, zot per ensidswit.

E STC li i dir mwan poudir i annan son rikord Lasante konmkwa in ganny permisyon ki sa diri napa okenn zafer diri plastik.  Nou ti oule en leklersisman lo la ankor, si napa, then sa Statement i bezwen ganny retracted dan nou MINUTES.  Mersi.

 

MR SPEAKER

Ok, mersi Onorab De Commarmond, Onorab Ramkalawan.

 

HON WAVEL RAMKALAWAN

Mr Speaker mon ti ava ekspekte en Statement bokou pli serye sorti kot Leader of Government Business.  Standing Orders Lasanble i fer kler ki poudir nou, nou pa kapab fer referans avek sa ki en Zournal i pibliye!

Alor this is the end of the matter.  Facebook, nou pa kapab pran Facebook koman Lotorite dan nou Lasanble, si ni okenn Zournal.  Si i annan en keksoz serye, demann en kestyon, en Minis i ava vin la e sela kot nou kapab ganny en lasirans.  Sa ki Onorab De Commarmond in fer bomaten i al kot Standing Orders e i pa debout dan okenn fason!  Mersi bokou.

 

(APPLAUSE)

 

MR SPEAKER

Bon mon ava donn mon Ruling san nou al dan okenn deba.  Wi nou pa kapab enterpret medya sosyal, enterpret en Zournal dan nou Lasanble, me sa pwen, sa largiman ti ganny leve par Onorab Esparon yer, ou’n demann en leksplikasyon, in donn en leksplikasyon.  Ki mon pour fer, mon Biro atraver mon Sekreter taler in mansyonn STC, Onorab Esparon ti mansyonn STC, nou ava fer en Let Ofisyel al kot STC pour nou query sa, e apre nou ava fer bann Manm ganny larepons.  Ok?

 

(Mic Off))

 

MR SPEAKER

Non si STC in fer lo en Zournal nou pa pe pran li lo en Zournal, nou pour pran li koman en keksoz Ofisyel ant mon Biro avek CEO STC.

 

HON CHARLES DE COMMARMOND

Mr Speaker…

 

MR SPEAKER

En moman, en moman.

 

 

HON CHARLES DE COMMARMOND

…an prensip STC li i bezwen ekrir ou pour dir ki sa alegasyon…

 

MR SPEAKER

Yes.  Wi, wi se sa.

 

HON CHARLES DE COMMARMOND

…ekoute, me selman an menm tan lefe sa ki’n ganny dir in fer referans ek Facebook, e nou bomaten nou vwar lo Zournal, e Zournal i dir ki in kontakte STC. Sa ki mon pwen ki’n mon oule mete mwan, akoz in ganny kontak ek STC, ou konpran mwan?

 

MR SPEAKER

Wi, wi, ok.

 

HON CHARLES DE COMMARMOND

Prezan mon pe dir, si non STC i fer son bout, napa problenm ek sa, me selman nou an menm tan pour nou Lasanble, nou pa kapab nou Lasanble nenport ki Manm i vini i dir nenport kwa ki in vwar lo Facebook ouswa nenport ki landrwa, nek i san tyeke i vin dir nou! Mwan pour nou Lasanble ki mwan mon oule, ki sa i sorti lo rikord Lasanble e ganny retracted.  Mersi.

 

MR SPEAKER

Mersi Onorab.

 

HON JEAN-FRANÇOIS FERRARI

Me ou pa STC!

 

MR SPEAKER

Mersi, mon pa pe ouver deba, mon’n dir poudir mwan ava ganny en keksoz an ekrir from STC, si STC pour deny ki sa i pa vre, i ava vin kot mon Lofis e apre mon ava fer bann, mon ava met bann Manm okouran,. Onorab Ramkalawan.

 

HON WAVEL RAMKALAWAN

Mr Speaker mwan mon ti anvi briyevman dir ki Konstitisyon i provide for a Right of Reply

 

MR SPEAKER

Yes.  Se sa ki mon pe dir…

 

HON WAVEL RAMKALAWAN

E alor si STC i santi…Se pa ni menm nou Lasanble ki bezwen kontakte li, li i ava son Right anba Konstitisyon ki Onorab Hoareau ti lev, Onorab Basil Hoareau ti lev byen for yer pour servi son Right e non pa al lo Zournal.  Mersi.

 

MR SPEAKER

Wi, se sa, se sa.  Tou dimoun, tou Konpannyen ki santi atraver bann deliberasyon en Manm ki petet lenformasyon ki pe ganny donnen, ki dan lepase pa bon, zot annan sa drwa pour zot ekrir Biro Speaker e pour met keksoz an konteks.  Onorab Esparon.

 

HON REGINA ESPARON

Mersi Mr Speaker, non Mr Speaker mon ti pe zis dir Onorab De Commarmond pa ni Portparol TODAY, ni Portparol STC les zot ava ekrir ou Lofis e apre nou ava adres sa issue.  Mersi Mr Speaker.

 

MR SPEAKER

Non, non, ok, ok nou fini, nou fini la, mon’n fini fer Ruling lo la.  Ok nou ava bouze, mon ava demann Madanm Clerk pour fer sa First Reading.

 

MADAM CLERK

Mersi Mr Speaker, bonzour tou bann Manm,  This Act may be cited as the Guy Morel’s Institute Act and shall come into operation on such date as the Minister may by notice in the Gazette appoint.  Mersi Mr Speaker.

 

MR SPEAKER

Ok.  Mon pour ankor egzers Order 91.  Nou ava move sa Report apre nou ava fini reaksyon lo Diskour Leta Lanasyon zis pour nou pa kas sa rhythm, sa momentumOk.  So premye lo mon lalis bomaten, mon donn laparol Onorab Simon Gill.  Onorab.

 

HON SIMON GILL

Bonzour Mr Speaker.  Bonzour tou koleg Onorab.  Bonzour manm piblik.  Mr Speaker mon oule met lo rikord mon felisitasyon pour Eleksyon dan sa nouvo pozisyon koman Speaker nou Lasanble Nasyonal.  E egalman lo rikord Onorab Ahmed Afif pour son apwentman koman Depite Speaker nou Lasanble Nasyonal e lo nou rikord osi felisitasyon nou Koleg Phillip Arissol, Onorab dan ou Eleksyon koman Manm Elekte pour distrik Anse Boileau.

Mon swete ki nou kapab travay ansanm e fer en diferans pour Sesel e egalman mon konpran Onorab Ferrari in osi ganny en nouvo pozisyon koman nouvo Chief Whip dan lekip LDS.  E mon akord ou mon felisitasyon e mon swete ki ankor enn fwa nou a kapab travay ansanm pour Sesel.

Mr Speaker ozordi i mon zour pour nou kapab, pour mwan kapab fer enn de pwen lo Diskour Leta Lanasyon prezante par Prezidan Danny Faure.

Mr Speaker i byen letan ou nobou koz en pe lo lafen akoz sa i donn nou en loportinite pour kapab ekout en pe nou bann lezot Koleg tan lo kote Parti Lepep e kote Lopozisyon bann diferan size ki zot aborde.

E anfen kont i donn nou en apersi ki mannyer zot evalye e apresye Diskour Leta prezante par Prezidan.

De mon par Mr Speaker, mon santi ki i annan en kantite size ki Prezidan Larepiblik in adrese dan son Diskour Leta Lanasyon e okenn lesey pour abord tou sa bann size i kapab anmenn mwan pour fer en lentervansyon 3erdtan.  Me mon konnen ki pa permet isi dan nou Lasanble pour mwan koz plis ki 3erdtan e mon pour reste dan la limit sa demi erdtan ki ou’n akord nou.

E petet pour demare i enportan mon dir Mr Speaker ki Sesel pour reste pour Seselwa, e ‘‘Sesel i pour Seselwa!’’ sa i bann mesaz ki pa’n aparet resaman la apre ki detrwa dimoun in desann lo semen, sa bann mesaz sitan pwisan in aparet dan en moman istorik nou listwar politik Sesel e nou sitye nou dan bann lannen debi lannen ‘60 kot ti annan en mouvman ekstraordiner atraver Lafrik e Sesel an partikilye pour reklanm nou drwa, pour reklanm nou Souvrennte, pour reklanm nou Sesel ki ti’n tonm anba dominasyon Pouvwar Kolonyal Franse e Pouvwar Kolonyal Angle.  Sete bann zonm brav, bann zonm determinen, bann zonm ki ti annan kapasite pour ralye Sesel, ralye Seselwa e fer sir ki nou reklanm nou Souvrennte, nou lidantite e ki nou batir en Sesel kot Seselwa ki met kot Seselwa ki diriz son desten.

E si ozordi Mr Speaker nou tann size Assomption ki’n pre domin laktyalite politik dan mon lanaliz, dan mon memwar mon reviv sa ferver lalit Lendepandans Sesel, mon reviv sa ferver lalit pour fer sir ki Losean Endyen i reste en zone Lape e ki personn, okenn Nasyon i azir avek lotorite pour pran okenn ‘nou Zil’ pour met okenn Baz Militer lo la.  E bon mon pa bezwen donn en laklas listwar, nou konnen listwar BIOT sepandan e nou konnen ki mannyer nou’n bataye, me malerezman Diego Gracias ozordi i ankor annan en Baz Militer lo la e nou annan en kantite bann Zilwa, Seselwa ki pe reklanm retour lo zot ‘Zil’, e lo sa pwen i anmenn mwan pour mon dir ki dan sa 20enm Syek nou bezwen rasire ki nou drwa, nou lentegrite teritoryal i reste entakt.

E ki selman Sesel ki kapab azir e tenir ziridiksyon nou la.  Nou annan nou plis ki 1 milyon kilomet kare siperfisi Zone Ekonomik Eksklizif e nou konnen ki defi ki i annan pour nou sof gard, pour nou defann sa Zone.

Sitan imans e ki nou Prezidan in donn bann dimansyon, mon pa pour al fer sa bann repetisyon, sa i en defi dan li menm li Mr Speaker.  E ler mon’n ekout bann lentervansyon lo size Assomption mon pran mon pwen depar lo sa zonm ki annan Lotorite dan Lopozisyon.

E sa zonm ki annan Lotorite dan Lopozisyon se Leader Lopozisyon li menm  ki’n donn direksyon son lekip e ki’n dir nou ki zot pa pour endorse sa dokiman ki konteni Lagreman ant Gouvernman Sesel e L’Inde dan la fason ki mannyer i ete ozordi.

Le pwen ki mon oule fer, se ki nou bezwen tonm dakor ki nou tou, nou tou isi dan sa Lasanble e tou Seselwa ki la deor, Seselwa avek en lespri fre ki asize ki reflesir e ki annan en nivo lentelizans, rezonnab, i konnen ki Sesel li tousel i en defi imans pour defann sa Zone Ekonomik Eksklizif e pour fer sir ki personn pa vol nou bann resours par eksplwat nou bann resours dan en fason en diskriminen.

Nou konnen ki listwar sa Lagreman ki mannyer in vini.  Nou konnen ki i annan bann moman dan nou listwar Mr Speaker Pirat ti’n devlop en lelan dan zot ennler ou ti pour krwar poudir zot ti’n le vin pran Sesel.

E nou rapel ki kantite an relasyon ek nou popilasyon menm si 8 zot ki ti ganny ratrape par pirat e ganny mete an nespes detansyon si mon kapab apel li fer zot vin bann lesklav e ban Zournal ti pe kont bann zour met presyon lo Gouvernman kan nou pour kapab vwar liberasyon nou bann Seselwa.

Bann manman, bann papa bann fanmir ti pe priye pour ki zot trouv zot bann fanmir vivan, ti en challenge, en defi pour nou tou.  E dan sa konteks Mr Speaker nou, nou challenge koman en Lasanble apre ki Prezidan Faure in dir i pour soumet sa dokiman son Gouvernman pour soumet sa Gouvernman avek nou Lasanble Nasyonal, nou challenge, se annou rode e annou tonm dakor dan ki fason, ki konteni ki nou santi rezonnab pour nou endorse sa dokiman.

Nou a fer sanzman kot nou kapab fer sanzman e kot nou santi nou devret fer sanzman toute en assurant ki lentegrite Teritoryal Lendepandans Sesel, Souvrennte Sesel, pa ganny an pyet lo la; tout an rekonesan nesesite ki nou bezwen defann nou lentegrite e defann nou Zone Ekonomik Eksklizif e ki nou tousel i reprezant en defi imans e ki nou’n ganny anvoy en lanmen, in ganny extend en lanmen pour nou kapab ganny lasistans.

Nou ava al pli lwen Mr Speaker, ou pour dwell lo sa size akoz se sa ki pe domin nou laktyalite Nasyonal ozordi apard bann lezot size, mwan mon dir annou al pli lwen, annou gete ki mannyer dan la mezir ki posib nou osi envit bann lezot akter dan la rezyon e bann lezot pei pour osi entegre e partisip dan sa nouvote, dan sa nouvo proze si mon kapab met li koumsa.

Probableman zot pa pour oule envestir direkteman e or zot pa pour kapab envestir direkteman donnen kontenir Lagreman, me sa pa pour anpes zot vin en parti prenant sa legzersis or sa latas, sa responsabilite pour defann Losean Endyen ki en Zone imans e pour sof gard sekirite Maritim pour ki bann bato ki travers Losean Endyen e ki travers dan teritwar Sesel i santi zot proteze e ki nou bann Peser, tou nou bann sitwayen ki travers nou bann zil, travers Losean Endyen oubyen lo lanmer i santi zot dan maximum sekirite e personn pa ganny lafreyer ki zot kapab ganny atake par pirat ankor.

Tout an rekonesan ki menas pirat malgre ki zon menas son lentansite in dimini me i reste en menas reel, ou kapab al lo tou bann diferan gradasyon sa bann menas me i la, fodre zanmen nou krwar in arete.

Lot keksoz ki ekstrememan enportan Mr Speaker, ou a realize baze lo ou leksperyans ki ou annan e nou tou isi byensir ki dan bann moman lalit Pirat in annan bokou pei ki’n fer sir ki zot in defann Zone Losean Endyen, bokou pei, bann Korvet Militer, bann Port Avyon Militer in travers e patrol Losean Endyen e fer sir ki piratri i ganny met anba kontrol.

E byensir zot in scale down akoz lentansite aktivite piratri i dimini, akoz zisteman repons ki bann pei in donn pirat, in fer sir ki zot lentansite latak in dimini.  E ankor enn fwa Mr Speaker pour mwan sorti lo sa size, pour mwan al lo mon dezyenm size i enportan ki nou realize ki nou annan en responsabilite isi dan sa Lasanble ekstraordiner; en responsabilite pour nou fer sir ki nou kapab tourn sa size deba lo Lagreman koman en deba piblik isi menm dan sa Lasanble.

E lo Order Paper ozordi Mr Speaker mon vwar Leader Lopozisyon pe anmenn en Mosyon pour kreasyon en Komite lo Sekirite e Defans, nou kapab sezi sa loportinite enn bann premye latas sa Komite Sekirite e Defans anmenn bann dimoun dan Lafors Defans Sesel; anmenn tou bann lezot akter, tou bann lezot partenaire isi dan Sesel pour ki nou pous en lot deba televize, radyo pour ki nou kapab adres sa size plennman, ouvertman vwar lo sa bann benefis, son bann eleman pozitiv ki Sesel, pa Prezidan Faure, pa Ex-Prezidan Michel, me ki Sesel pour gannyen avek en tel devlopman.

E osi byensir, annou gete ki mannyer Seselwa, bann lezot endividi, bann businessmen, bann Seselwa ordiner i kapab entegre dan sa proze e zot osi benefisye direkteman, non pa kot nou kit li koman en proze eksklizif pour en group eksklizif dan nou pei, me tou dimoun i a ganny sa loportinite.

Mr Speaker mon pour bouz lo mon dezyenm pwen, mon dezyenm pwen i anmenn mwan pour koz lo devlopman ekonomik Sesel.

Mr Speaker san okenn dout Prezidan Faure in prezant nou Lasanble Nasyonal dan son Diskour Leta Lanasyon en nouvo sapit, en nouvo dimansyon pour nou abord e pour nou apresye nou devlopman ekonomik.  En nouvo vizyon, en nouvo fason vwar keksoz, nouvo fason fer keksoz e parfwa dan bokou pei pa tou bann lide ki tou dimoun i annan ki nou vwar nou ladan.

Me sa ki mwan mon kapab dir Mr Speaker bann lide sa nouvo vizyon ekonomik prezante par Prezidan Faure pe ouver laport pour Seselwa.  Nou kapab pa dakor ek serten bann lide ladan, me sa nouvo dimansyon pour re enzekte lenerzi dan nou lekonomi, nou bezwen sezi li.

E si i annan en keksoz ki nou bezwen fer Mr Speaker dan sa revolisyon ki Onorab Ramkalawan in koz lo la dan son Diskour kot i ape koz zenn, apel zenn pour fer nouvo revolisyon, mon pe dir si i annan en nouvo revolisyon pour fer, se zisteman en revolisyon ekonomik dan Sesel.

 

(APPLAUSE)

 

HON SIMON GILL

E sa revolisyon ekonomik i ava fer sir ki nou Seselwa ordiner i ganny en par serye, en par reel, pa en par artifisyel, en par kot i santi li vreman en parti prenant dan nou aktivite ekonomik.  I ekstrememan enportan sa.

Pour ou vin en parti prenant koman en pep dan aktivite ekonomik ou pei nou pa kapab kontinyen avek zesyon ekonomik kot zis detrwa dimoun ki’n vin bann bilyonner, bann milyarder i kontinyen benefisye e kontinyen envestir!

 

(APPLAUSE)

 

HON SIMON GILL

Nou bezwen kree loportinite pour tou nou dimoun, tou nou dimoun i bezwen vwar li dan lekonomi ek nou pei.  Nou bezwen fer sir Mr Speaker tou sa bann nouvo konblaz ki Prezidan in dir pour fer, ki se vreman nou bann dimoun ki pa ankor ganny en morso ki benefisye.

Nou konnen ki i annan bann dimoun ki smart la deor, i kree en bann lasenn biznes Mr Speaker i anvoy son bann dalon devan epi ou trouv li finalman li i par deryer in ganny 3, 4 kare later.  Wi mon pour dir akoz mon konnen ki nou napa bann zonm parfe isi dan sa pei!

E nou tou ki isi dan sa Lasanble nou pa bann dimoun parfe, nou tou ki la nou pa bann zonm parfe enkli mwan tou! Nou pa bann zonm parfe, e se sa ki mon pe dir tout an rekonesan ki nou napa bann zonm parfe nou bezwen fer sir ki nou met bann mekanizm serye e kot nou fer bann lenvestigasyon serye pour nou fer sir ki napa personn ki pe kree bann miltip Konpannyen pour li kapab zis ariv devan!

E personn pa devret servi son Pouvwar larzan pour al compete lo Tender pour kapab ganny sa bann kare later ki nou pe dir, i pour nou bann pti antreprener!

Sa pti zonm anler laba, sa zenn onm anler laba dan distrik Pointe Larue ki pe rod en bout lo Perseverance pour li kapab ganny en bout kare pour li fer son garaz or ki pe rod en bout dan Providence ki pa ankor gannyen depi en bann lannen, nou bezwen rasire sa!  Se sa nou revolisyon ki nou bezwen fer, sa i premye revolisyon.

Dezyenm revolisyon Mr Speaker ki nou bezwen fer, se zisteman dan servis piblik; sa i anmenn mwan lo mon trwazyenm pwen.  Servis piblik.

Mr Speaker mon’n tann en kantite lentervansyon lo lefikasite delivery servis piblik, mon sagrinen Mr Speaker, ler mon konnen ki dan servis piblik i annan bann zonm, fanm bann manman, bann papa bann mère de famille parey nou isi dan sa Lasanble e ki’n ganny donnen bann responsabilite pour fer sir ki zot egzekit bann latas konteni zot travay dan zot pozisyon ki zot annan e nou tou nou pe akiz Prezidan i fer vizit epi napa aksyon.

Prezidan pa kapab diviz son lekor dan 12 Minis.  Prezidan pa kapab diviz son lekor dan sa plis ki 10mil or 9mil, travayer dan servis piblik, me sa ki nou bezwen fer sir ki ozordi isi dan sa Lasanble Mr Speaker, ler mon pe donn mon reaksyon lo Diskour Leta Lanasyon ki nou bezwen dir avek nou Prezidan e avek bann Minis dan son Cabinet pour met an aplikasyon, mekaniz pour mezir performans sak zonm, sak fanm dan bann pozisyon ki zot ete!

 Set bann target pour sa bann dimoun delivre lo zot latas, lo zot responsabilite e mezire al evalye zot!

 

 

(APPLAUSE)

 

HON SIMON GILL

Sa ki pa kapab delivre silvouple zot bezwen sed la plas!

 

(APPLAUSE)

 

HON SIMON GILL

Sa ki pa kapab delivre apre ki bann evalyasyon obzektif non pa ki baze lo kapris zonm ou fanm, me obzektif, bann evalyasyon serye, senser onnet i ganny fer, zot bezwen deside pour sed la plas pour ki nou fer sir ki sa pei i delivre!  I delivre lo demann sa zonm anler laba dan distrik kot Onorab Gervais Henrie in ganny elekte kot mon’n tann li dan son lentervansyon in fer en kantite konteni dan son lentervansyon pa kankan, mon pa pour dir kankan

 

(laughter)

 

 

HON SIMON GILL

Me in anvoy en shopping list, in anvoy en shopping list kot Gouvernman, in anvoy en shopping list kot Prezidan Faure, Prezidan Faure pa kapab entertain sa shopping list li menm, akoz taxpayers in donn posibilite plis ki 9mil zonm, fanm dan striktir Gouvernman to deliver on your shopping list!

 

(APPLAUSE)

 

HON SIMON GILL

E lo shopping list zot tou ki la anndan ki’n entervenir dan sa Lasanble, e nou bezwen delivre.  Lo Villa Karoutsou Onorab Ferrari pour koz lo la taler.

 

(laughter)

 

 

HON SIMON GILL

Lot keksoz ki ekstrememan enportan ki nou koz lo la Mr Speaker, se lafors travay Seselwa.  Lafors travay Seselwa mon’n tann bokou koz fer sir ki nou pe koz Seselwa i pran kontrol son pei.  Nou dakor ek sa, nou dakor ek sa.  Nou pour ganny letan fer li, wi, akoz pouvwar ki ou’n dir donn LDS pa vin koumsa sa Onorab.

E si sa pep i delivre, si sa pep i delivre nou vision ki nou annan koman en parti nou pour reste la ankor en pe lannen malgre i annan pa tro kontan.  Me sa ki i enportan pour nou fer sir ki pe enport ki ou siporte dan sa Gouvernman ozordi, probableman sanmenm size osi zot pa pour oule mon mansyonnen, me ler nou koz Seselwa pran kontrol son pei, nou pe dir diminyen etranze dan nou pei, nou bezwen osi tonm dakor ki si ou en LDS or si ou en SNP, si ou en Lalyans, si ou en Parti Lepep pour ou kapab fer sir ki ou retenir ou pozisyon e ki en etranze pa ranplas ou dan sa moman ozordi, ou bezwen pe delivre dan sa Gouvernman!

Ou bezwen pe delivre dan sa Gouvernman, pe enport ki ou LDS, pe enport ki ou SNP, ki enport ou Lalyans or the third of forth, forth ki nou annan dan Gouvernman ozordi ou bezwen fer sir ki ou delivre!  Ou pa oule delivre silvouple ou bezwen sed la plas! sed la plas!

E sa i anmenn mwan lo mon katriyenm pwen Mr Speaker.  Mon katriyenm pwen.  mon pour osi anvoy en mesaz e en mesaz ki nou bezwen anvoy li for.  Dernyen fwa lannen pase ler nou ti ganny bann dimoun sorti dan Minister Foreign Affairs nou ti enterakte avek zot baze lo bann problenm reel ki nou santi ti annan, nou pour bezwen ozordi anvoy en mesaz dan bann Lenstitisyon, dan bann Konpannyen Paraetatik kot pe annan en masiv resignation e kot bann dimoun pe ganny viktimize pour bezwen resign or pe ganny demande pour resign forseman, akoz bann pozisyon ki zot pe pran vizavi Ladministrasyon, kot mon asize la ozordi tou sa enparfe ki mon ete Mr Speaker mon pour bezwen demann bann dimoun ki a la tet sa bann landrwa to resign!

 

(APPLAUSE)

 

HON SIMON GILL

To resign!  Mon pa pour al fer okenn mansyon spesifik akoz i annan bann lentervansyon ki’n  ganny fer avan mwan spesyalman mon pour koz, mon pour referans avek lentervansyon Leader Lopozisyon, in fer en mansyon tre spesifik.  E mon pa pour al repete, e nou pe demande pour bann dimoun relevan, silvouple sed la plas!   Annou fer sir ki nou bann Seselwa, nou bann ser, frer i kapab travay dan lape e dan la trankilite e ki personn pa santi zot ganny met anba presyon.

Lot keksoz dan mon lentervansyon ki mon bezwen koz lo la Mr Speaker, se Ledikasyon; Ledikasyon Mr Speaker i tre pre avek mon leker, mon konn ki mannyer mon’n ganny edike, mon’n konn mwan parkour dan Lenstitisyon Ledikasyon Sesel, i pa’n en parkour fasil, in en parkour ranpli avek challenge kot mon’n deza koze isi dan sa Lasanble, mon ti bezwen travay apre Lekol, plante apre Lekol pour mon kapab ganny en pe larzan pour soutenir byen zenn mon fanmir, e kapab ganny en pe reveni pour mwan kapab soutenir mon ledikasyon, mon ti dir isi dan sa Lasanble malgre ti R10 apre ki nou ti negosye i annan moman ki mon paran ti napa R10 pour pey lekol pour mwan letan in ariv lafen di mwan, mon ti bezwen sov lekol etidye dan bwa anba kannel.

E mon manman, mon papa pa ti konnen sa.  Apre 2.30 mon monte mon retourn kot mwan, zot krwar mon sorti lekol, mon ti kanmi pour fer fars avek en Ms ki tou le bomaten mon arive pe dir mwan kan ou pour pey sa R10?  I struggle Mr Speaker pour mwan ganny ledikasyon e mont i debourye pour mon ganny en ledikasyon.

E ozordi mon mesaz Mr Speaker pour mwan dir avek bann zenn Seselwa nou parti in lite.  Ozordi zot annan 13an Ledikasyon obligatwar, make good use of it! Study!  Study!  And study!  Don’t study hard but study smart.  Study smart pour ki nou kapab ozordi e demen dan lavenir sa pei Mr Speaker, vreman ranplas sa bann etranze ki isi dan nou pei.  Nou pa study, nou pa pran nou letid serye ki ozordi nou pe preski ganny li kado apre ki nou’n lite pour fer sir ki nou demokratiz nou Sistenm Ledikasyon e ozordi pa pran sa koman en zwe.  Pa pran li koman en zwe, pran li serye.

I en loportinite ki pa egzize dan bann pei pli devlope, pli demokratik ki Sesel.  This is my message pour ou sa zenn ki pe etidye ozordi, e nou pe koz met lanfaz ozordi nou’n achieve demokratizasyon nou ledikasyon.

Ozordi nou pe met lanfaz parey bann dimoun ki’n koz avan mwan, met lanfaz lo quality education ozordi, lo kalite e pour nou kapab ganny kalite ledikasyon pour nou, i fer sir ki nou kapab ganny kalite bann dimoun ki sorti dan nou Sistenm Ledikasyon!  Napa kalite Ledikasyon, ou napa bann qualities ki sorti dan ou sistenm.  Ou napa bann zonm, fanm formen, ou annan bann zonm, fanm kale pour kapab vin bann syantis, bann enzenyer ki nou bezwen.  E nou badly need of sa bann profesyonnel Mr Speaker.

E nou mesaz mon pe kontribye atraver bann lide ki’n ganny anvoye isi ozordi.  E ki’n ganny anvoye dan bann lezot lentervansyon ki’n ganny fer.  Nou bann zenn ankor mon pe dir, annou pran nou ledikasyon serye.

Annou pa bezwen dir nou bezwen Lalwa pour fer ou etidye, nou bezwen Lalwa pour fer ou konport ou dan laklas, nou bezwen Lalwa pour fer ou paran fer sir i anvoy ou lekol, nou bezwen Lalwa pour fer sir ki ou paran i pran responsabilite pour ou etidye? Me come on!  Mr Speaker sa i anmenn mwan lo Lasante…

 

MR SPEAKER

Onorab mon pour donn ou ankor 4 minit akoz ou ti demar en pti pe dousman, ou ti pe felisit bann dimoun ki’n pran bann nouvo pozisyon, mon dakor, mon’n retire sa ladan, so mon donn ou ankor 4 minit ou ava adres ou bann dernyen pwen.

 

HON SIMON GILL

Wi, mersi, mersi Mr Speaker pour akord mwan sa pti gin letan.  Lo Lasante Mr Speaker Prezidan Faure in challenge nou Lasanble pour nou debat lo nou servis Lasante, lo soustenabilite nou servis lasante.  Dapre son soumisyon, dapre son refleksyon son analiz i pe dir nou ki donnen menm dinamik nou sistenm Servis Lasante i reste pa soutenab dan serten letan.  Me ou konnen what Mr Speaker?  Annou diskit tou sa ki nou anvi diskite lo zafer Lasante.  Me an menm tan Prezidan Faure avan ler mon al lo mon bann lezot largiman Prezidan Faure in dir, nou bezwen fer sa tout an rekonesan provizyon dan nou Konstitisyon kot nou’n fer en pledge legal pour nou garanti lasante nou pep, me mon dir diskit tou diskite ki nou annan pour diskite.

Fodre zanmen dan sa pei Sesel en dokter, en sirizyen i dir i bezwen tenny masin akoz ou napa larzan pour ou peye e i pey masin lo ou e ou paran, ou bann fanmir i pran ou i al anter ou, or i met ou dan Lakaz Mor!  Fodre zanmen dan sa pei sa batay ki nou’n anmennen pour nou ganny sa kalite Servis Lasante fodre zanmen okenn Seselwa, okenn dokter, okenn sirizyen i tenny masin lo li e fer li al dan Lakaz Mor e finalman al dan Simityer!  Fodre zanmen nou fer sa arive dan nou pei.

Mon konnen dan bann pei ki zot vant zot lekor, ki zot pli demokratik ki tou laba zot tenny masin lo pasyan, i dir ou napa larzan pour ou paran peye, pa bokou zot pe dir 7mil, Dolar, zot tenny masin akoz pa kapab pey 7mil Dolar, ou pa kapab pey 10mil Kenyan Shilling zot pey masin lo ou!  Ou pa ganny latizann.  Fodre zanmen i arive dan nou pei sa!  E koman en parti isi dan sa Lasanble nou debout lot kote Seselwa pour fer sir ki zanmen nou arive tenny masin, lo okenn Seselwa apre ki nou’n bataye pour ganny sa servis pour nou pep!  Ekstrememan enportan sa!

Mr Speaker dernyen pwen mon konpran mon letan in fini menm, dernyen pwen ki mon pour koz lo la, i anmenn mwan pour koz lo nou Konstitisyon, Prezidan in dir pour anmenn bann sanzman dan nou Konstitisyon atraver bann lamannman, bann Prozedlwa ki pour anmenn isi dan nou Lasanble.

Mr Speaker lo sa dernyen pwen mwan mon ti ava voudre trouv en nouvo dinamik politik dan nou pei.  Mon ti ava voudre trouv dan mon lanaliz pour mwan dan mon refleksyon e ki mannyer mon vwar sosyete Seselwa pe evolye, mon ti ava voudre vwar en Sistenm Politik kot nou kapab diriz dan en fason kot nou tou nou ganny en loportinite pour dirize.

Ki mon oule dir par sa?  Annou met en sistenm kot pour ou vin en Minis ou al debout dan Eleksyon, ou al rod ou vot laba kot elektora.  Ou pa delivre elektora, i met ou deor apre ou manda.  E nou ava vwar ki kantite rekour nou bann Manm Parlman nou gannyen isi dan sa Lasanble.  E nou shopping list pour rezourd.  Nou deal ek tou problenm sa bann shopping list.  Annou rod en fason kot Politik Sesel in arive pour nou kapab share dan direksyon sa pei.  Annou gete ki mannyer nou kapab share.

Mr Speaker lo sa dernyen pwen mon pa pour al elabor plis, i annan moman pour vini kot mon pour elabore.  Ou konnen en group zonm, fanm in lite pour anmenn Lendepandans Sesel ki’n abouti avek 5 Zen ’77 e dan sa parkour istorik, i annan dimoun ki’n santi zot ganny afekte.  Nou’n anmenn miltiparti, premye Eleksyon miltiparti ’93 en nouvo zenerasyon, en nouvo group dimoun prezan pe lite kont sa group dimoun ki’n anmenn Lendepandans Sesel!

Ki’n fer nou ganny nou lidantite e ozordi nou pe reklanm pour 2 rezon byen ou mal.  Nou pase, nou bezwen tonm dakor koman en pep; nou bezwen tonm dakor koman en Lasanble pour nou mon a servi sa term Mr Speaker “move on. ” Ler mon dir “move on annou aret koz ek nou pase.  Annou move on annou move on.  Mon pa koz ek mon pase mwan, mon fer serten referans akoz i enportan, e mon dir annou move on, annou move on, move on pour ki nou kapab pour servi konklizyon ki Prezidan Faure in servi – ‘’pour ki nou kapab fer tou Seselwa koste!’’ Wi koste ansanm!  Koste Seselwa.

Prezidan Faure ti termin son Diskour lo sa note.  E i mon lespwar, i mon lespwar senser ki nou kapab nou sa nouvo zenerasyon leadership ki isi dan sa Lasanble pa fail sa zenerasyon ki pour pran apre nou!  Nou bezwen fer sir Mr Speaker bann zenerasyon ’60 parey Onorab Ramkalawan, parey mwan, Onorab Charles e parey plizyer nou isi la anndan, parey ou Mr Speaker bezwen fer sir ki nou pa fail zenerasyon ki pe pran apre nou.

E pour nou pa fail zot, fodre nou bezwen move on, move on, annou kree kondisyon pour nou anmenn en dezas dan sa pei.  Annou pa kree kondisyon pour nou anmenn en dezas dan sa pei, mon pa pour al tro lwen avek sa Mr Speaker, mon tre kontan ou’n donn mwan sa bann letan adisyonnel e mon pe, mesaz avek tou mon bann koleg lo lot kote latab e nou tou isi lo sa kote latab nou bezwen fer sir ki nou tonm dakor ansanm pour nou pa kree premis pour nou pa kree kondisyon pour kree en dezas dan sa pei akoz lo nou kote koman en parti nou ankor reste solid e nou reste ‘’fearless’’  – en kantite nou, nou reste ‘’fearless in dignity‘’…

 

(APPLAUSE)

 

HON SIMON GILL

E nou pour kontinyen bataye e nou pour kontinyen tenir for pour ki nou fer sir ki nou anmenn Sesel devan e nou pour reste lo kote bann travayer ki oprimen lo bann travayer ki mwen fortinen pour nou fer sir ki nou kontinyen sa parkour ki nou’n komanse depi ’64 pour nou anmenn en lavi meyer pour zot, nou konnen i annan bann lerer ki’n arive dan sa parkour ki nou’n la plis ki 40an ki bokou Onorab i kontan dir.

 

MR SPEAKER

Mersi Onorab.  Onorab.

 

HON SIMON GILL

E dan sa parkour lerer ki’n arive mwan mon’n deza dir e ozordi mon pour repet ankor, tou bann ki santi zot ganny dan en fason dan en lot ganny afekte, mon’n dir nou prezant nou leskiz ek zot, me nou bezwen tonm dakor pour nou move on!  Annou move on pour ki Sesel, nou kit Sesel pli meyer ki nou ti vin zwenn li ek zenerasyon ki pe vini apre nou i vwar en Sesel modern, en Sesel nouvo.  E nou tou ansanm nou dir wi, it is Seychelles that matter and I will fight for Seychelles!

 

 

MR SPEAKER

Mersi Onorab Simon Gill.

 

HON SIMON GILL

Mersi bokou Mr Speaker annou ale ansanm.

 

(APPLAUSE)

 

 

HON SIMON GILL

TOGETHER!

 

(APPLAUSE)

 

MR SPEAKER

Mersi Onorab Simon Gill.  Mon pas la parol avek Onorab Clifford Andre.

 

HON CLIFFORD ANDRE

Bonzour Mr Speaker.  Bonzour tou Manm Koleg Onorab, bonzour tou dimoun ki a lekout espesyalman zabitan Anse Aux Pins.  Mr Speaker mon pour komans en pe dousman pour ki mwan osi mon a kapab ganny akorde menm privilez avek Onorab Gill.

 

MR SPEAKER

Mon donn ou 5 minit an plis, ou anmenn nou ziska 10.30.  Go ahead Onorab.

 

HON CLIFFORD ANDRE

Onorab Gill Mr Speaker in dir ki in annan en shopping list ki nou’n anmennen.  In oubliye dir nou ki poudir Prezidan Danny Faure in osi vin isi dan sa Lasanble avek en shopping list ki’n met devan nou!  In oubliye Mr Speaker pour dir nou ki dan sa shopping list i annan 2 tinel ki li Onorab Gill i montre nou ki i pa krwar ladan akoz i pa’n koz lo la ditou!

 

(APPLAUSE)

 

HON CLIFFORD ANDRE

Mr Speaker Leta en Nasyon i enn ki regarde ki mannyer en pei pe performen pandan 12 mwan.  I bezwen e i neseser pour regarde, pour regard tou bann Lebra Gouvernman pour asire ki portre i vreman ki Egzekitif pe dir nou i ete.  e sa i enkli regarde koman Egzekitif li menm pe marse, Lezislatif pe marse, e osi Zidisyer i ganny mete ladan.

Sa ki Prezidan Faure in prezant nou i senpleman bann eleman ki pour fer nou krwar ki tou i roz e ki Gouvernman Parti Lepep pe vreman met Seselwa o sant devlopman.

I neseser note ki bann eleman ki pour asire ki devlopman i kontinyen, i kontinyen pe ganny adrese.  Mon pour pas en pe lot detrwa sa bann eleman pour montre zot kote sa Gouvernman in fail.

A sa staz Mr Speaker mon oule fer resorti dan labsans Onorab Basil Hoareau ki in fer en rezimen lo la liberte lekspresyon en servant koman son gid, Konstitisyon Sesel ki koman en Manm Proporsyonnel dan mon letan si mon ti fer sa ki ou’n fer Onorab Hoareau mon ti pour ganny vwar koman en Lopozisyon!

E sa mon konnen ki Onorab Simon Gill, Onorab William e san oubliy Onorab De Commarmond i kapab dir ek konfirm sa.  Alors  laliberte ki Onorab Hoareau in gannyen i vreman en Drwa Konstitisyonnel ki mwan, ki Onorab Basil Hoareau in gannyen i vreman en drwa Konstitisyonnel ki mwan ansanm avek Onorab Mondon nou’n lager pour arive.

 

(APPLAUSE)

 

HON CLIFFORD ANDRE

Onorab Basil Hoareau ou dwa nou en remersiman Spesyal, pour garanti ki ou kapab egzers sa drwa antyerman.  Ler Prezidan menm i dir nou ki pri lavi i reste en defi ki bezwen ganny adrese kot an menm tan i dir ki pour bezwen fer tinel, trafik dan bomaten sorti dan Sid i pratikman deplorab.

Pour ariv anvil dan 8er bomaten si ou pa sorti kot ou dan 6er edmi bliye ki ou pour a ler, pli move ankor ler ou annan zanfan pour anmenn lekol, ou bezwen bouz pli boner sansan problenm kot lekol.  Mwan mon dir avek Prezidan ki sa larzan ki nou pour envestir dan tinel, silvouple fer semen ki pour antre dan lavil meyer, pour ki sa bann konzesyon i redwir avek bi ez presyon lo tou dimoun ki bezwen al travay e manrmay al lekol.

Pour konstrir en danm sa i en pledwari ki’n ganny fer bokou letan pase, i neseser note ki depi ler sa pledwari ti pe ganny fer e Lotorite ti’n pran aksyon Leta Sesel ti pour dan pli bon ki i ete ozordi kot i konsern delo potab.

Mon oule demann Lotorite ki pe antreprann sa proze, pour fer bann konsiltasyon avek zabitan sa distrik avek bi pour enkorpor zot bann sizesyon dan sa proze afen ki Sesel pour benefisye.

Nou pei i enn ki pti, e medya i zwe en rol enportan pour kit nou pep enformen.  Medya Mr Speaker pa devret ganny abize par sa ki annan Lazanda personnel.

I enportan ki SBC i reste endepandan, e pa ganny dir ler pour pas serten item dan Nouvel ouswa pas senpleman apre ki in ganny edite, ki’n ganny edit pour ki i pa reflekte vre portre medya, (mon welcome Onorab Hoareau i antre la) medya ekrir osi i bezwen ganny byen servi.

I enportan pour ki sa ki zot ekrir i reflekte realite, si non nou pour kontinyen vwar bann Case ki pour ganny anmenn Ankour pour difamasyon.

Facebook i en mwayen pour permet bann zanmi ki lontan pa kominike pour zot pran kontak ek kanmarad, se sa rezon akoz i apel social media.

I pa apel medya pour senm mansonz.  Parey Leader Lopozisyon in dir bokou dimoun i servi sa mwayen medya pour denigre son prosen an servant bann fake profile, si ou servi en fake profile sa i vedir ou per pangar sa dimoun ki ou pe sey denigre i anmenn ou Ankour akoz sa ki ou pe dir swa pa vre ouswa ou menm ou pa konnen ki ou pe dir.

Mwan Mr Speaker mon ti a kontan demann tou dimoun pour vin fran e servi zot vre non e prepare pour sibir okenn konsekans zot bann mansonz.

Mwan lo Facebook mon pour toultan servi mon non, Clifford Andre e pa okenn lot non.   Leta nou Nasyon i osi ganny reflekte dan la fason ki nou tret nou prosen ler son lopinyon i diferan avek pour nou ou in sanz son lopinyon apre ki in fer serten analiz lo diferan sityasyon ki swa li menm in pas ladan, ouswa serten son bann zanmi ou fanmir in pas atraver.

Mon dir sa Mr Speaker akoz depi ki mon’n ganny elekte pour reprezant Anse Aux Pins dan Lasanble Nasyonal mon’n ganny maltrete par bann fake profile.  Me en keksoz mon oule dir zot si resignation ki sa bann fake profile pe rode avek mwan, mon sorry pour dezapwent zot akoz koman en Solda ou bezwen kontinyen bataye ziska lanmor!

 

(APPLAUSE)

 

HON CLIFFORD ANDRE

Msye Rene ti dir “plito lanmor ki viv dan lesklavaz!”

Apre mon Eleksyon mon’n fer li mon devwar pour pas kot bann dimoun e laport mon Lofis in reste ouver pour resevwar zabitan ki i annan problenm e pe rode ki mannyer pour deal ek sa bann problenm, mon fer li mon devwar pour pas kot Mr Nourrice dan Bodamier, son ka in ganny mete koman en Felleng Case.

Mr Speaker mon krwar ki sa non Felleng in ganny servi tro vast, depi ler sa sitasyon in pase, sa Msye ankor parey, mon dir avek Biro Ladministrasyon Distrik ki keksoz fodre ganny fer e i dir mwan sa en Felleng Case, a sa pwen Mr Speaker mon ti a kontan demann Prezidan Faure pour fer Seselwa konnen konbyen ki sa fon ti’n gannyen e osi bann Case ki zot in deal avek e konbyen i reste pour deal avek e kan ki sa bann ka pour ganny konplete.

Mr Speaker Leta Anse Aux Pins i pa bon ditou. sa Playground ki ti’n ganny fer pour zanfan in kase, la mon pe fer deboury, la mon pe fer deboury pour refer li parey sa enn Anse Royale, avek bi pour ouver li an Zen sa lannen presizeman zour Lafet Zanfan.  Dan leo Capucin Mr Speaker nou bann zabitan ankor pe esper en semen ki pour deservi lafanmir Payet ek lezot dan rezyon, dan sa rezyon.

Sa bann dimoun i dir get zot en kou olye fer tinel depi Cascade ziska Grand Anse Mahe.  Mr Speaker sa tinel i en lide ki mon krwar pa devret menm ganny konsidere parey Onorab Simon Gill pa’n tous lo la, nou annan proze ki pli priyorite ki bezwen ganny konsidere tel ki lakaz pour nou bann zabitan e later ki osi bokou pe rode Anse Aux Pins.

Pri lavi i kontinyen reste en eleman ki konsern nou tou, nou kontinyen vwar ki pri komodite i ogmante dan laboutik de zour an zour, mwan mon dir ki lide Leader Lopozisyon pour fer STC vin in Wholesale Centre i tre bon.

Les the shopping experience avek sekter prive ki konnen ki mannyer pour fer sa kalite biznes pli byen ki Gouvernman apre nou ava annan en swa pour swazir kote nou oule ale pour fer nou shopping.

Sa i a fer ki kote sa Wholesale Centre keksoz ava pli bon marse e sa, e sa ki i anvi ganny the shopping experience i ava peye pour sa experience.  STC i bezwen al get ankor son rol ki in ganny kree pour akonplir, komodite de baz i bezwen meyer marse, tir tax lo tou komodite de baz kan zot ankor ser, pa vedir bokou pour sa ki pe vin aste, si i pe bezwen pey sa gro bill elektrik e sa gro bill rent.

Mr Speaker bann proze dan distrik bezwen ganny revwar.  Mon konnen poudir ki dan sa lannen mon kontan poudir ki dan sa lannen Gouvernman Lokal in enplik mwan lo bann proze ki distrik pour fer, ki bann proze distrik pour fer Anse Aux Pins, sa in fer ki mon’n dekouver bokou keksoz ki pa ti ganny fer byen.

I annan menm proze ki aparet diferan landrwa lo lalis, mon’n fer rektifye tousala, i reste en defi ler nou get serten proze parey sa enn Capucin.

Sa proze in sipoze konplete lannen pase, Kontrakter ti’n ganny Awards sa Kontra in donn Mr St Ange Anse Aux Pins sa Kontra, sa vedir in subcontract avek Mr St Ange.

I enportan pour fer resorti ki sa letan Kontra ki sa letan Kontra ti ganny donnen lo baz afilyasyon politik, mon oule fer resorti ki sa proze pa ankor fini kan i ti’n sipoze konplete depi lannen pase.  Dan sa leta Anse Aux Pins mon oule demann Minister konsernen pour investigate sa zafer e pran aksyon neseser avek sa Msye fer li pey sa penalti.  Nou pa oule en repetisyon sa kalite zafer ankor, mon oule fer resorti ki leta sa semen i deplorab alors olye fer en tinel depi Cascade pour Grand Anse Mahe, refer sa bann semen ki apik e pe koz difikilte pour sa bann motoris ki servi zot.  Lo sa tinel; eski sa vreman Leta nou Nasyon?  Eski nou Nasyon i bezwen en tinel?  Mon demann mon lekor konbyen transpor ki servi larout ki sorti sid pour al Grand Anse Mr Speaker?

Sa mon krwar i en vre gaspiyaz larzan e nou pe met nou pei dan plis det, ki i vedir nou pri lavi pa pour desann.  Prezidan Faure; Prezidan Faure pa’n dir nou kote sa bann larzan pour sorti, eski sa pa en lot eleman kot nou vwar ki Gouvernman Parti Lepep pa serye e ki zot pe kontinyelman met nou dan difikilte ek det?

Ozordi Sesel i pe dir fer tou sort kalite debt swap.  Sa i montre nou ki nou abilite pour re pey nou det i pa parey zot pe dir nou.  Mon oule dir avek zot tou, pa met nou dan trou me rod fason pour nou mentenir nou stabilite ekonomik avek bi fer Seselwa zwir sa vre benefis.

Air Seychelles Mr Speaker i reste en douler profon lo leker bokou Seselwa espesyalman lo leker bann ki’n dan sa Lendistri pour tou sa lannen.  La bokou zenn ek Profesyonnel pe al perdi zot travay.  Mon’n ganny fer konpran ki plis ki 200.

Mon ti ganny sans parmi bann ki ti la ler sa move nouvel ti ganny anonse mon ti partaz en refleksyon avek nouvo CEO Air Seychelles, i ti dir ki larout Madagascar pour ganny arete akoz pour napa onward traffic sorti La France.  Mon ti dir li si nou pour annan 3 nouvo Airline ki pe vin Sesel, pa nou pour annan plis dimoun si nou fer nou travay byen e ankouraz en lespri vakans rezyonal nou pour kapab kit Air Seychelles flote ek kontinyen fer larout Madagascar.

Sa 3 nouvo Airline ki enkli Air France, British Airways e Swiss Air pour anmenn sifizan dimoun pour fer sa bann onward journey or regional Visits. 

Sa Mr Speaker ti ava en fason pour sov serten travay pour nou bann Crew ki’n dedye tou zot lavi pour asire ki konfor nou bann pasaze i reste en priyorite.

Mr Speaker mon pa pour fer zistis si mon pa adres Leta Chetty Flat dan mon repons.  Sa Estate i enn ki i annan bokou defi, mon rol i pour fer tou zabitan sa Estate santi ki zot pe ganny en fair deal dan tou sa ki pe pase.  Mon pa la pour antre dan bann diskisyon personnel, mon oule osi dir avek sa ki pe abiz lo drwa lezot pour arete silvouple.

Mon’n annan en Meeting avek Minis Bastienne lo ki mannyer nou kapab zwe en rol pli enportan dan sa Estate pour fer li vin enn kot son bann zabitan ava viv byen avek kanmarad.

Sa rol mon pe fer e sa ki mon fer, sa ki mon pe fer rezilta pour vini me i pa pour ariv dizour ou landmen.  Si zot annan pasyans zot ava vwar e konpran ki mon pe fer, i normal pour dir nenport kwa ler ou pa pe vwar ki direksyon pe ganny pran.  I normal pour poz kestyon, me fer li avek respe.

Bazar Anse Aux Pins Mr Speaker kot bokou dimoun i pase pour aste zot pwason pandan lasemenn e osi dan wikenn.  La ki sa pe al ganny amelyore mon ti a kontan demann tou dimoun pour servi li byen avek bi pour asire ki sa fasilite i reste avek nou pour bokou lannen.

Mr Speaker lenfrastriktir semen i reste en defi mazer, nou semen pa pe ganny byen konstrir, akoz ler nou pe drive ou a dir ki nou dan en bato lo lanmer dan Vandswet.

I enportan ki sa bann aktivite i ganny fer seryezman avek bi pour fer nou bann motoris zwir en ride dan konfor. Sa i akoz nou peye pour sa servis – sirtou bann ki annan loto ki pe pey adisyonnel atraver Road Funds License.

Dapre lenformasyon ki Licensing in donn mwan zot kolekte (R70) 77milyon zot in kolekte R77milyon an 2017.  sa i merit ganny transmet avek Lazans konsern ki’n ganny en alokasyon zis R58 milyon pour fer sa travay.

Mr Speaker la ki konblaz in ganny anonse pour ganny fer mon oule demann zot pour fer sir parey Onorab Gill in dir ki sa bann ki merite i ganny en morso later pour zot fer zot biznes, mon oule dir avek Prezidan Faure ki depi in vin vizit nou Anse Aux Pins bann zabitan ankor pe espere, pe espere ki mannyer zot problenm ki zot ti port a son latansyon pour ganny rektifye,

Mr Lautee ankor pe espere kan i pour ganny sa later ki ou ti dir, Mr Yves Choppy debloke.  La lot zour en transpor kot son garaz in roul an aryer e al tap kot en zanfan i abitye zwe.  Me erezman sa ler ki sa ti arive sa zanfan ti’n al lekol.

Alors get dan son welfer e donn li son lanmen travay pour li delivre, mon oule osi dir ou ki kot Barbé osi zot in ankor pe espere, sa i osi parey bann dimoun anler dan Gravier ankor pe esper en survey ganny fer, pour vwar posibilite fer zot semen.

Bann Flat Gouvernman ki ankonbre kot fanmir kot i annan plis ki 7 zot pe reste dan en Bedsitter Rameau Estate, eski sa i akseptab e lo la par en Gouvernman responsab?  Non! Mon oule demann Gouvernman pour get dan sa bann sityasyon.

Lakaz: Sistenm Pwen i reste – Sistenm Pwen i pa kler pour tou dimoun Mr Speaker, bann ki pe peye depi lontan pa konnen kote zot ete lo lalis.  Zot in ganny dir ki later pour ganny mete a dispozisyon zabitan, mon oule demann Minister konsernen pour fer mwan ganny en lalis dimoun ki pour ganny later ek lakaz Anse Aux Pins akoz se sa zot Leta.

SEYPEC Mr Speaker ki pe fer profi parey nou’n ganny dir, alor mon demann Gouvernman pour transfer sa bann benefis lo konsonmater me pa zis float Shares zis pour sa ki kapab aste Shares. Onorab Herminie dan son konfizyon apre ki Prezidan Faure in prezant son Leta Lanasyon in montre nou ki bi se pour konfiz pep Seselwa, li in demande, in demann nou lekel ki pour benefisye.  Mon oule dir li ki Mrs Valmont, Mrs Bonne, Mrs Sinon, Mrs Pillay, Mrs Richard, Mrs Hermitte, Mrs Michel Anse Aux Pins, pa pour benefisye akoz zot pa pour zanmen enterese pour aste okenn Shares dan SEYPEC.  Me sa ki zot oule vwar se senpleman zot gas i desann.  Sa msye ki pe fer, (Onorab Valmont ase malelve ekoute ou ankor zenn dan politik ekoute) sa msye ki pe fer son pti biznes e ki bezwen aste bennzin i oule vwar diferans dan pri bennzin avek bi pour fer li desann.

Si SEYPEC pe fer profi silvouple pas sa profi 100 poursan avek pep Seselwa an antye non pa zis 20poursan pour sa ki kapab afford.  Bann Manm Onorab dan Parti Lepep in dir e demann Gouvernman pour met an plas bann mekanizm pour permet Seselwa aste Shares.  Sa i pa en priyorite akoz priyorite bann zabitan Anse Aux Pins se pour li annan en twa konfortab pour son ‘pti trezor.’

Ledikasyon nou zanfan Mr Speaker i reste osi en priyorite pour bokou paran.  En Sant Ekselans pa pour rezourd nou problenm avek mwens zanfan ki pe antre dan Pos-Segonder i montre nou ki nou pe fail nou bann zanfan ek zot paran egalman.

Mon demann Gouvernman pour reget seryezman dan sa sityasyon ki pe kontinyelman ogmante lannen apre lannen menm si Lasanble i donn zot dezyenm pli gro Bidze a lafen sak lannen.

Travayer etranze dan Sesel i enportan pour nou ganny dir ki lepase, ki dan lepase ki pour annan, nou ti ganny dir dan lepase ki pour annan en sistenm ki ganny mete an plas pour asire ki i annan en Succession Plan pour zot.  Depi sa bann gro lide in flote nou’n vwar pti gon pozisyon kot nou’n vwar Seselwa pe okipe, pe okip sa bann post.

Mr Speaker Lasante i reste en defi maze. , 2 zour pase mon ti al dan, kot Lopital e dan Female Ward mon ti vwar kot dan koridor i annan lili ki’n ganny mete e pasyan pe pran zot dezennen.  E dan sa menm konteks ti annan pasyan ki ti pe ganny, ki ti pe espere pour zot ganny admit, sa i montre Mr Speaker ki nou sistenm Lasante i merit ganny en improvement sibstansyel.  E mwan mon krwar si sa i vedir ki nou bezwen ogmant en Bidze pour fer sa, nou bezwen fer li e rod mwayen pour fer sir ki nou bann dimoun ki santi zot malad e dokter in admit zot Lopital zot dan en konfor ki zot osi zot a santi zot kapab recover a en speed ki neseser.

Mr Speaker Zidisyer; Mr Speaker nou bezwen annan en Zidisyer ki impartial prosedir License pour Avoka i bezwen retourn avek Licensing Authority.  I neseser ki i pran, ki pran en presedans parey dan lepase.  Dan lepase anba direksyon Ziz Ntende Avoka ti ganny dir ki anba Lalwa napa peyman pour nou fer, ozordi ler ou pe renew ou License ou pe bezwen peye.

Mr Speaker License pour Drayver i pour 5an our pour 10an, i enportan pour fer parey pour Avoka akoz pour Estate Agent License osi i pour en peryod plis ki 1an.  Nou bezwen annan nou en Bar Council ki endepandan avek Zidisyer.  Sa i reflekte lafason ki bann Sekter Profesyonnel i ganny gide isi Sesel e aletranze.  Leta nou Zidisyer i ki nou bezwen fer sir ki nou Konstitisyon i ganny respekte.  Nou pa pour kapab kontinyen annan Ziz ki asiz an permanans lo Lakour Siprenm e li menm li i asiz an permanans lo Lakour Dapel.  Sa pa en keksoz ki nou Konstitisyon i permet.  E mon pe demann Lotorite konsernen pour rektifye sa anomali imedyatman.

Eski nou pe dir ki lendepandans, eski nou pe dir ki lendepandans ler piblik i a; vwar Ziz pour advise li ki i pour fer e apre dir li ki sa Case i pour pran li menm akoz i pour fer sa ki in promet sa manm piblik i pour fer.

Mr Speaker nou’n koz bokou lo eleman etranze dan nou pei, Onorab Hoareau in kalifye sa e in dir ki i pa dakor avek sa, Onorab Basil Hoareau in dir ki menm si i apresye ki nou bezwen annan etranze dan nou pei, me nou bezwen fer sir ki nou Seselwa i pas an premye, Mr Speaker dan Zidisyer i fek annan en Avoka etranze ki’n ganny Swear-In.

I enportan ki nou pa permet sa arive akoz nou annan nou Avoka Seselwa si nou pe dir ki nou pa bezwen etranze oubyen nou oule diminyen etranze dan lezot sekter nou bezwen fer sir ki sa pa penetre dan nou Sistenm Zidisyer, wi nou bezwen annan Ziz ki etranze me Avoka nou annan ase isi Sesel pour zot fer sa travay.

Mr Speaker SBFA; sa Lazans in ganny servi pour bann azanda politik.  Bokou Loan in ganny donnen pour fer backyard farming Perseverance avek bi pour ganny vot.  Ozordi nou tande lo radyo Mr Speaker kot Recovery Section of SBFA pe kriy bann dimoun pour zot sey vin re pey zot det.

Sa i enportan ki nou fer sir ki nou pa ganny kontinyen e ki loan i ganny donnen pour en biznes ki kapab re pey sa loan.

Mr Speaker nou’n ganny dir ki pour annan en dezyenm kab ki pour ganny mete an ka en keksoz i arive avek premye kab.  I enportan pour note ki sa premye kab pa’n redwir kou internet Sesel, mon demann lotorite konsernen ki avan zot get dan posibilite pour met en dezyenm kab sey vwar ki mannyer nou kapab fer kou telekominikasyon, redwir Sesel avek bi ki nou pep ava zwir en pri lavi ki abordab e ki kontinyelman desann.

Mr Speaker Prezidan in dir nou, ki i annan en logmantasyon R200 dan minimum wage e osi R200 pour nou bann vyeyar.  Dan mon pe marse 2 zour pase ankor en madanm ki ganny minimum wage in dir avek mwan R200 i feb.  Mon ti ava demann Lotorite pour revwar dan sa e a la mezir ki Finans i permet sey konsider ankor en logmantasyon lo Minimum Wage pour fer sir ki bann dimoun ki dan sa bracket a kapab zwir zot osi e vwar en amelyorasyon dan zot lavi.

Mr Speaker mon pa pour fer zistis si mon pa tous lo Assomption; Assomption i en topik ki bokou dimoun pe koz lo la, bokou dimoun dan mon distrik in koz lo la, bokou dimoun dan mon distrik in call mwan.

Leader Lopozisyon in pronons pozisyon LDS lo sa size, mwan osi mon dir parey, me en keksoz ki mon ti a kontan fer resorti, si nou pour annan en fasilite sa groser laba avek en Coastguard ki mwens ki 200 dimoun, nou pa pour kapab soutenir laba avek Seselwa.

I enportan Mr Speaker ki nou, nou fer nou Lafors vin pli efikas oubyen nou downsize sa proze laba oubyen nou fer sir ki nou pran en proze ki nou koman en Nasyon nou kapab mentenir, nou kapab fer sir ki nou annan en sirveyans dan nou delo anba dan Sid.  Nou tou pour nou annan en fasilite pour ki nou kapab prezerv nou teritwar.

Onorab Simon Gill in dir nou, “nou annan nou en teritwar ki vast e sa i reel.” Bokou dimoun ki pa’n fer sa leksperyans parfwa pa konpran ki grander sa ete, alors i enportan ki nou, nou revwar sa size e nou met li dan son konteks pour fer sir ki nou bann zonm avek madanm ki pour dan Coast Guard ki laba zot pour osi annan en sistenm rotasyon ki pour fer sir ki zot osi zot ava santi zot par sa devlopman, e zot osi zot ava santi zot ki zot pe kontribye avek zot fanmir ki zot ava annan sa sans pour zot retournen.

Mr Speaker pour konklir koman en Manm LDS mon oule dir avek pep Seselwa ‘’Pa zanmen les tonbe!’’ E pour kontinyen konbat pour ki LDS i sa prosen parti politik ki pour gid sa pei ki Bondye i kontinyen beni nou, ki Bondye i kontinyen beni nou pei LDS Sesel.  Mersi.

 

(APPLAUSE)

 

MR SPEAKER

Mersi Onorab Andre.  Avek sa nou ava pran en Break e nou ava retournen 11er.

 

(BREAK)

 

MR SPEAKER

Bon nou ava kontinyen nou travay e prosennman mon annan Onorab Sandy Arissol.  Onorab laparol i pou ou.

 

HON SANDY ARISSOL

Mersi Mr Speaker.  Bonzour Mr Speaker, tou Manm Lasanble Nasyonal, zabitan distrik St Louis ek lepep Seselwa.  Mr Speaker i touzour e plezir pou mwan donn mon reaksyon lo diskour Leta Lanasyon e i fer dezyenm prezante par Mr Faure dan son kapasite konman Prezidan.  Mon bezwen dir apre ki mon’n ekout bann Manm parti lepe mon vwar zis konfizyon, konfizyon e ankor konfizyon.

E en mank konfyans dan zot Gouvernman spesyalman dan zot prop Prezidan Msye Danny Faure.  Lo en lot kote mon vwar friendly fire lo ansyen Prezidan Michel, Minis, ek MNA.  Ki mon pe dir par sa?   Zot napa konfyans dan zot prop Prezidan.  Zot in napa m konfyans dan son tinel ki in prezante.  Savedir son Gouvernman nepli konpetan alor nou bezwen fer parey Onorab Gill in dir nou bezwen dir zot SPPF OUT!  Mr Speaker Onorab Hoareau, Basil Hoareau avan i koze i ti devret fer en resers e sa i ti ava vwar ki ansyen  Prezidan i annan travayer domestik etranze ki travay kot li.

I ti a kapab demann bann Minis konbyen travayer domestik etranze zot annan.  Lo size nasyonalite Mr Speaker Onorab Hoareau ti a kapab demann Onorab Chantal Ghislain ki asiz lanmenm la obor li, ki mannyer ti ganny aprose dan son zarden Pisanli lo La Digue e aksepte ansanm avek de lezot MNA Parti Lepep pou siny papye Marec pou li ganny nasyonalite Seselwa; ki apre i ti bezwen ganny cancel e menm kidnap bougla granmaten dan en jet prive pou retourn ek li dan son pei.  Kestyon ki mon demande eski Marec ti crack dan sa bwat ki zot ti met li ladan?

(laughter)

 

HON SANDY ARISSOL

Lo size Assomption Mr Speaker Onorab Hoareau ti devret swiv byen listwar.  Eski se pa Mr Michel ki an 2015 letan ti napa Lopozisyon dan Lasanble ki sa Lagreman lo Assomption ti ganny sinyen par Minis Morgan ki ankor en Minis dan Gouvernman Mr Faure?

An 2018 eski se pa Mr Barry Faure Sekreter D’Eta e frer Msye Danny Faure ki ti siny sa Lagreman dan prezans Msye Prezidan Faure?  Lekel ki ti dir ki pou anmenn sa devan Lasanble?  Eski se pa Prezidan Danny Faure?  Apre ki Onorab Ramkalawan in fer kler, ki LDS pa pou ratifye sa Lagreman eski se pa VP Meriton anler Pointe Larue ki’n dir zot pou anvoy sa devan Lasanble menm?  Alor Mr  Speaker Onorab Hoareau i devret demann son lekor lekel ki pou anmenn sa Mosyon  ratifye devan Lasanble ?  Eski se pa Onorab De Commarmond konman Leader Zafer Gouvernman ki asiz lanmenm  obor ou ki pou anmenn sa?

An plis ki sa Onorab Hoareau i annan lodas Mr Speaker vin koz lo lanmans pwalon i so!  Silvouple Onorab Hoareau dir mersi Onorab Ramkalawan ki’n zwenn zot avek zot lanmen deplise e ozordi in donn zot en bon torson pou zot kapab atrap sa zafer Assomption?

 

(APPLAUSE)

 

HON SANDY ARISSOL

Konmdi Tann Yaya ‘’ase  fer lanmans pwalon Assomption don!’’  Tenir ou lekor Onorab Hoareau.  Tenir ou lekor, bwar en pe delo relax ou lekor.  Mr Speaker  eski Onorab Hoareau letan i fini bwar son delo i devret pe dir avek lepep Seselwa ki zot in fer  zot piti sa ki apel Assomption, la  aprezan zot ape rod LDS pou adopte?   Mon oule dir Onorab Hoareau Mr Speaker ansanm avek tou son bann dalon konfize dan zot Parti SPPF konfizyon.com ki nou dan LDS nou pa pou ratifye parey in ganny dir!

 

(APPLAUSE)

 

HON SANDY ARISSOL

Konpran sa byen kler.  Mr Speaker mon bezwen dir toudswit ki sa Diskour pa’n donn nou en bon lendikasyon lo Leta nou Nasyon, me plito enn ki ou a krwar ti a pe sinyale ki pou annan en eleksyon byento.

Mon felisit Mr Faure pou sa mwan e mon dir li LDS i anvi en eleksyon prezidansyel e pli vit ki sa i a pli bon ki pou ete i ava pli bon pou nou pei.  Apre ki lepe Seselwa i ava met LDS a L’Egzekitiv avek en mazorite dan Lasanble sa pei i a  re ganny direksyon, e nou pep i ava  ganny en meyer lavi.  Biznes i ava devlope e tou trenn lipye i ava arete dan sa pei!

Sesel i bezwen en Prezidan elekte e pou mwan Sandy John Arrisol sa i pa lot ki nou Dirizan Lopozisyon aktyel Onorab Wavel John Charles Ramkalawan.  Donn li en gro lanmen  Onorab Hoareau.

 

(APPLAUSE)

 

HON SANDY ARISSOL

Mr Speaker Sesel ozordi i bezwen  bann dirizan ki annan stamina.  Savedir ki kapab debout pou ‘’15 round dan en ring!’’  E non  pa bann ki abandonn tro vit.  Bann ki deklar zot lekor Dirizan politik pa kapab kite apre detrwa koudpwen rate me apre fer en ta gran koze.  Ozordi se sa en pe ki mon vwar.  Serten ansyen Minis ki nepli konnen ki pou dir zot pti Minis.  I  annan enn ki ansarz touris in fini oubliye pourtan pa tro bokou letan i ti ganny debarke lo sa kannot.  Ozordi i al koz ek drayver taxi pou rezourd zot problenm.

Me kestyon ki mon demande Mr Speaker be sa msye pa ou ki ti Minis Touris?  Letan ou ti les bann gro lakonpannyen ou bann dalon met bis pou pran kliyan pou al lasose e kit tou drayver taxi tranpe depi 4er bomaten!  Be sa msye pa ou ki ti dan pozisyon pou fer lotel annan taxi bays?

Me ou ki ou’n fer sa letan ou?  La ozordi ou ki konn dimoun e ou anvi dir avek Lasosyasyon Taxi, mwan mon anvi dir avek Lasosyasyon Taxi ki sa boug ek son linyon napa ni manda pou reprezant zot lasosyasyon Mr Speaker.

Mr Speaker mon etonnen ki mannyer sa ansyen Minis dan bi zis pou ganny de vot in menm al obor Lorloz.  Konmela tou protestasyon ou vwar li devan.  E pourtan letan ou regard bann gran deklarasyon ki in fer ou a demann ou lekor si sanmenm sa lanz ki ou vwar kot lorloz pe debout!

Lo size Assomption mon anvi dir avek lepep Seselwa ki apre ki premye Lagreman ti ganny sinyen an 2015 kan i ti ankor Minis sa msye ki nou pe koz lo la, i ti fyer, i ti dir ki sa en tre bon proze e ki konstriksyon ti pou konmanse byento!  Dan en interview avek the Hindu i ti deklare ‘’if India wants to play a role in safeguarding the integrity of the Indian Ocean and wants to be with us it’s all fair and good!’’

La ozordi ou ki premye dan tou bann meeting.  Konmdi  granmoun si ou kontiny koumsa mon boy ou pou end up parey Mifoun dan gro ker soley Grand Anse Mahe.

 

(laughter)

 

HON SANDY ARISSOL

Zisteman nou dan LDS nou’n ekoute e nou’n analize.  Nou’n eksplike ki nou pa oule okenn baz militer etranze lo nou teritwar.  E alor nou pa pou dakor avek sa Lagreman e nou pa pou ratifye!

 

(APPLAUSE)

 

HON SANDY ARISSOL

Me si okenn pei, mon repete, si okenn pei i anvi donn nou en fasilite pou nou Coast Guard dan sa rezyon koman en kado, nou pou dir zot mersi bokou selman retourn dan zot pei e les nou  ek nou kado ki zot in donn nou!

I pou menm pli bon si sa larzan tinel ki zot Prezidan in koz lo la ti a kapab al dan en tel proze akoz sa ti a fer ki Sesel i konstri son prop fasilite li menm.  En tinel, de tinel ki Onorab Simon Gill pa’n koz lo la ditou!  Nou kler lo la e alor annou bouze ek sa zafer Assomption.

Mr Speaker letan Mr Faure ti pe fer en promenad Cote D’Or mwan mon ti santi e mon ti dakor pou al Anse Boileau pou al ed enn mon frer dan kanpanny pou ki enn nou frer LDS i ganny elekte e vin reprezantan zabitan Anse Boileau.

Mon fyer mon partisipasyon e mon felisit Onorab Phillip Arrisol isi dan Lasanble Nasyonal.

Anse Boileau i ranpli ek problenm ek promes parti lepep.  Parfwa mon demande si sa Gouvernman i konekte avek  sa ki pe arive dan bann distrik.

Si sa Gouvernman ti vreman enterese avek Lagrikiltir zis Anse Boileau avek bann laferm abandonnen ti a kapab fer remonte lagrikiltir e donn pei bon prodiksyon pork avek poul.

Fermye in ganny abandonnen avek zot laferm ek zot det.  Mr Benstrong en zonm kapab e debourye i trouv li devan Lakour avek son det akoz sa Gouvernman in abandonn fermye.  Konbyen zot i annan e Gouvernman i dir zot i pa kapab fer nanryen.

Selman Gouvernman ti annan en leker pou tou Seselwa en lepok.  Met lenvestisman kot i neseser e nou a gete si nou pa ava al ver soutenabilite alimanter.

Mr Speaker letan Mr Faure in koz lo lenportans bann valer ki paran i kapab enkilke dan lavi zot zanfan a en tre zenn- az.  Sa sete konversasyon ki mwan mon ti gannyen avek madanm Helen Saffrance en ansennyan par profesyon ki ti koz ek mwan lo ki fason lavi ek bann zanfan ti ete lontan.  Dan letan  ki li i ti pe fer lekol apre ki mon ti  vizit li kot son lakour Belonie.

Nou lafors lazenes pou kontinyen ganny detri tan ki nou annan bann move lenfliyans tel ki drog ek sa bann labwason bon marse avek  en o poursantaz lalkol.

Bokou zenn i konmans byen me dan semen sa bann dyab i atak zot.  I pran zot tou.  I pran tou zot zouti e zot fini konman bann mandyan dan bor semen.  I tris me si bann ki dan lotorite pa pare pou pran aksyon byensir sa deteryorasyon pou kontinyen.

Mon pa kapab konpran ki mannyer tou profesyonnel ek lepep an zeneral, i dir ki sa Pti Ponm pe fer dega me Gouvernman li menm li i pa fer nanryen.  Ennler mon le krwar Mr Faure oubyen kek gro dimoun dan Gouvernman zot annan par ladan parey Onorab Gill i kontan dir.

Kestyon ki nou bezwen demande se kote Sesel in al mal?  Lekel Gouvernman ki’n kas tou sa bann valer enportan pou lafanmir.  Letan Gouvernman SPPF i vin  ek bann prensip popilis ki zis soutir lapares ek mal konplezans dan tou kous nou sosyete,  eski zot ti ekspekte devlop en sosyete ki for?

Letan Gouvernman i vini e dir ki i pou responsab ou depi konsepsyon ziska lanmor e i pou pran swen avek ou menm si ou pa fer okenn zefor.  Eski ozordi nou pa pe rekolte sa tanpet ki’n vin rezilta sa divan ki zot ti semen zis pou reste o pouvwar pandan 40an?

Se sa ki met nou Nasyon dan en tel leta Mr Speaker.  Me aprezan i pran nou tou spesyalman LDS pou re aranz keksoz akoz letan parti lepep in fini.  Se pour sa nou pe dir zot rann nou, nou pei avan ki zot detri li konpletman.  Me nou pa oule koudeta nou.  Mazinen nou pa oule okenn koudeta me en eleksyon dan lape ek la trankilite o pli vit posib.  Se tou ki nou pe rode.

 

(APPLAUSE)

 

HON SANDY ARISSOL

Mr Speaker sa latitid SPPF parti lepep in fer ki Seselwa in vin depandan pou li ganny tou sa ki i anvi olye kiltiv sa lespri travay dir, letan dimoun i ganny travay akoz kontak me  sa ki’n kalifye i bezwen kit pei e ale.  Sa ki’n  ganny lakaz akoz son afilyasyon politik, san kontribye nanryen me sa ki lo lalis e i pe fer son kontribisyon li i vin rans e i dekouraze akoz i pa avek zot.

 

Tousala in ede pou Seselwa perdi bann bon valer e tousala soutire par Gouvernman Parti Lepep.  Malerezman bann Dirizan ozordi pa kapab aranz sa.  Zot lespri i ankor pe fonksyonn dan menm fason e zot revey i touzour an retar.  En pe parey lorloz kot letan ou get li parfwa li i montre 2er me selman ler i devret 6er.

Seselwa annou met nou revey a ler e annou aranz nou mon bann frer ek ser Seselwa.  Letan sa Seselwa i vwar etranze antre dan son pei,  i vin travay lo en GOP pou 2an me pandan son 2an se sa Seselwa ki montre travay.  Apre son 2an li konman sa etranze i rod fer lavi  sa Seselwa ki’n montre li travay difisil.  Fer sa Seselwa degoute pou li kapab anmenn son fanmir vin travay Sesel, e pou ranplas sa Seselwa ki’n montre li travay.

Eski zot in vreman analiz tousala pou nou finalman vwar ki mannyer Leta nou Nasyon in deteryore anba SPPF?  I annan tro bokou etranze ki pe abize lo nou Seselwa.  E zis pou zot ganny lavantaz.

Seselwa i ganny maltrete dan son landrwa travay me Departman Lanplwa pa fer nanryen.  Parfwa zot al manze dan VIP Room serten landrwa.  Seselwa pa ganny ankouraze.  Nou prop parti ti ganny rezete an faver bann etranze.  Ki mannyer nou pou fer progre dan sa pei anba SPPF?

Mr Speaker mon krwar ki nou pou bezwen pran keksoz an men e donn Seselwa manze.  Si ou demann mwan mon  lopinyon mon pou dir ou ki tou lotel i bezwen anploy nou Seselwa e non pa etranze!  Si nou pa donn sans nou Seselwa byensir i pa pou avanse e son fanmir pa pou manze.  Mwan mon demann en Ban lo bann etranze zwe dan tou lotel Sesel.

Si lenstriman nou artist pa lo standar ed li pou li aste enn ki bon.  Me donn li en bouze manze silvouple, mon demande.  Pa kit li ater touni parey en lever.

Avek kwa ki i pou nouri son fanmir?  Mon ti vreman soke letan mon ti ganny dir pou resepsyon diplomatik kot H Hotel organize par Gouvernman Sesel, organize savedir par Gouvernman SPPF.  Sete en group etranze ki ti ape zwe.

Me zot mon bann frer ek ser oli Patrick Victor?  Oli Georges Payet?   Oli Jean Ally sa bann artist ki reste lanmenm de pa avek H Hotel. E tou sa bann bon artist ki nou annan Sesel.

Mon repete annou met manze dan labous nou Seselwa silvouple.

 

(APPLAUSE)

 

HON SANDY ARISSOL

Mr Speaker konmela zot servi sa palto Seselwa bann donner poum pa oule travay.  Sa i leskiz pou zot apre 2an rod nasyonalite akoz dapre li li sa etranze i kontan Sesel plis ki sa Seselwa!  I ganny later tou pa bliye en?  I batir son lakaz e sa Seselwa i lo lalis espere li.  E pli tar ou vwar sa menm etranze li i par devan ou dan laliny e i pe vote tou li pa bliye en?  S

Sa i fer sa Seselwa dekouraze e i perdi tou valer moral e tou valer pozitiv.  Mon krwar e mon pou demande pou regard ankor dan tou sa bann nasyonalite ki’n ganny donnen, akoz mon krwar i annan en kantite ki’n gannyen atraver gous oubyen atraver kontak.

E mon pou demande ki si sa i ganny vwar ki ti napa okenn rezon valab pou ganny okenn nasyonalite ki sa i devret ganny cancel Mr Speaker.

 

(APPLAUSE)

 

HON SANDY ARISSOL

 

Mon pa dakor avek sa sityasyon aktyel e zis konman Lasanble i repran mon pou demann en kestyon lo sa size nasyonalite ki’n ganny donnen.  Sa ki’n pase pa bon  pou nou pei ek nou pep.  Mon pou osi dir ki apard etranze ki’n marye avek Seselwa dan  bann sirkonstans serye, parey nou tou nou konnen e ki’n etabli zot fanmir nou nasyonalite pa devret ganny vann oubyen ganny donnen kado avek personn!

Mr speaker  sa i bann move valer ki’n ganny soutire par sa Gouvernman SPPF pou plizyer lannen.  E sa in fer ki bann bon valer in perdi dan nou pei e Gouvernman SPPF in fail ek son pep pou re armoniz nou popilasyon.

Letan nou’n ekout Mr Faure sa i Leta nou Nasyon ki mon vwar nou ladan konman en pei kot Gouvernman i vini fer gran promes, rod tou pli gro sif e vin prezante me zabitan distrik St Louis li i kontinyen fer fas avek pri lavi o, bill delo ek elektrisite egzorbitan, marsandiz i vin pli ser tou le zour, lapey i reste parey  e son lavi pa sanze.

Eski Diskour Leta nou Nasyon in sanz sityasyon e donn okenn lespwar.  Larepons i non.  Gouvernman parti lepe in fail!  Zot napa nide.  Zot kontinyen gran promes dan vid e ekspekte Seselwa viv dan en latmosfer bonnonm nwel an ekspektan en kado lannen vini, lannen ale me la mon pou osi  azoute ki avek sa bann gro sif i bezwen ki Msye Faure in dekouver en Pye Dolar ek en Pye Euro deryer State House !

Akoz mon aprann sa Pye Roupi Mr Michel in al avek!  Manrten foutou!  Mr Speaker Seselwa in vwar ki sa Gouvernman pa konn son priyorite.  E o fet la fason ki i pe travay, i riske fer ki plis etranze i ganny priyorite lo Seselwa pou lanplwa.

Annou pran legzanp konze maternite.  Byensir tou madanm pou kontan.  Me eski nou pe get son konsekans letan en biznes i vwar enn son travayer ki deza pa pe vreman delivre tonm ansent?  Deswit i pou mazinen ki sa travayer pou ansent pandan 4 mwan!  Letan i pou ganny son pti baba e si i pran son konze i pou tonm en total 5 mwan.  Ki kalite konsiltasyon in annan avek bann linyon travayer ek SCCI.  Eski in annan?  Konpran mwan byen.  Mon pe kestyonn sa akoz pou mwan sa i reprezant en desizyon Mr Faure konman en desizyon politik zis pou ganny vot.

Eklersi mon silvouple akoz son konsekans se pou en biznes rod maximum travayer etranze ki dan zot Kontra i ava’n mete ki zot pou napa drwa ansent si zot travay Sesel e sa i vin en  lavantaz pou sa biznes an sa ki konsern prodiktivite.

Pa oubliye ki dan lavi i osi annan bann kado ‘anpwazonnen.’  Mr Speaker letan Gouvernman ti ganny reprezante par Prezidan, in vin dir ki zot pe mazin konstrir en Day Care pou bann dimoun aze pas zot letan pandan lazournen.

Dimoun aze i vire e i demann mwan be oli zot sant ki zot in ganny promet?  I annan en pe letan pase ki nou bann Manm in koz lo la.  Gouvernman pa serye.  Zot zis fer promes me napa aksyon.

Mon zorey ti plen avek sa konsern letan lafet a lokazyon lazournen bann dimoun aze.  La ki i annan en Minister Lafanmir petet zot ti a kapab tir sa plan dan lapousyer tirwar kot in kasyet parla.

Letan nou koz lo carer nou bann dimoun aze?  Eski i annan en sipervizyon an sa ki konsern bann carer ki travay spesifikman  ek bann dimoun aze ?  Eski vreman zot pe delivre pou sa larzan ki zot gannyen?  Mr Ernesta en zabitan respekte St Louis pou dir mon non si mon demann li sa kestyon.  E ki sa sistenm i devret ganny balanse e mon dakor e mwan mon pou antyerman dakor avek li.

Konbyen dimoun aze ki plere letan ou rann li en vizit?  I pe manz manze sofe!  I pa ganny sans tous son larzan Sekirite Sosyal akoz i ganny dir ki zot pe anmase pou letan i mor.  Be letan i ankor vivan li sa dimoun li i pa manze li?  I pa sanze oubyen voyaze li?  Konbyen dimoun aze ki ganny neglize abandonnen par zot carer?

In ler pou nou vin serye ek sa zafer carer e osi avek swen ki nou bann dimoun aze akoz parfwa se zot zanfan oubyen zot pti zanfan ki fer zot mizer.  Eski zot pe zis koz carer pou dir ki Seselwa i dan bon  be kan o fet problenm pa manke dan sa pei.

Me par kont nou annan plizyer carer ki onnet dan sa pei.  Ki fran e ki pe debourye.

Letan mon pe koz lo carer mon mazin Mr Senville ki son fiy ki travay avek li 24 lo 24 me selman sosyal i pey zis lanmwatye zournen selman i reste ek son papa e se li ki donn tou swen son papa lannwit o zour.  Eski pa in ler pou nou revwar Scheme Carer pou bann manman  ki travay avek zot zanfan dezabilite Mr Speaker?

An vi ki zot napa swa dan sa travay me donn swen zot zanfan.  La mon mazin madanm Payet Grand Anse Praslin.  Mon mazin Anne Jacques St Louis, bann madanm ki ti a kapab ganny en bon lanplwa me selman ki bezwen donn swen zot zanfan  akoz zot napa swa.

Eski carer ki okip de dimoun aze pou kontinyen ganny peye konmsi zot pe okip en sel dimoun.  Konze pou carer i en size ki nou bezwen adrese.  Eski sa bann dimoun pa devret ganny en bon rekonpans finansyel akoz apre tou zot pe donn nou legzanp devosyon, lanmour e pran swen.  Bann valer ki nou sosyete i vreman bezwen.

Sa ki pe fer en bon travay mon dir zot felisitasyon e sa ki pe trenn zot lipye mon lans en lapel pou zot vin pli serye dan sa travay ki zot pe fer.  Mr Speaker travayer i pas dan bokou difikilte e Gouvernman i kontinyen trenn son lipye.

Mr Speaker nou’n tann tou sort kalite sif ek plizyer promes parey mon’n tann dir oparavan.  Eski tinel pou vreman soulaz sa Seselwa, sa travayer, sa Trwazyenm-Az?

Ler en Gouvernman in la pou plis ki 40an zot pa’n kapab okip nou semen prezan zot pou fer nou pas dan tinel?  Si nou swiv sa rikord move maintenance lo semen sel keksoz ki mon pou kapab prevwar se dimoun pou pri dan tinel kot pou napa network parey in ganny dir pli boner.

Be pa sa Gouvernman in fini met nou dan tinel tou fason?  Pei i dan fernwar e napa network la pli par di-tan isi Sesel.  En lepok zot ti dir nou, nou pou ganny Tren Elektrik!  La nou’n ganny promet tinel.  Nou ti ganny dir nou pou pet an fler e vin en pti Monaco, swa en pti Dubai me nou’n pet an fler e nou’n vin en pei avek 40poursan nou popilasyon pe viv dan lapovrete anba SPUP, par SPPF ozordi Parti Lepep.

Zis 41poursan nou bann zenn Seselwa ki’n ganny lekol Pos-Segonder.  Sa ki enportan pou nou pa oubliye, avek 150milyon ki Gouvernman in met dan Jj Building nou ti’n kapab ganny en bon konmansman pou danm Grand Anse Mahe.  Oubyen menm etabli nou prop baz Coast Guard lo Assomption.

Me sa Gouvernman pa konn aspirasyon son pep.  Me i konn son prop lekor e kit tou son pep ater.  Savedir Gouvernman parti lepep in fail.  Alor nou bezwen dir zot ‘OUT’ parey Onorab Gill in dir.

Eski letan rezilta nou etidyan pa bon dan bann lekol eski nou mazin konstrir ankor lekol?  Ouswa nou devret rode ki mannyer nou amelyor sityasyon avek tou resours ki nou annan dan bann lekol pou asire, ki tou nou zanfan i ganny le meyer dan nou bann lekol?

Eski pa in ler pou nou rod led pou nou bann ansennyan pou fer zot vin pli profesyonnel pou ki la baz ledikasyon depi pli pti laklas i ganny ranforsi pou zot kapab score pli byen dan bann pli gran laklas? Akoz si ou pa’n konn konte dan lakres, primer eski ou pou kapab konte dan segonder?

Revwar lapros travay nou bann ansennyan.  Bann desizyon ki Minister i enplimante san konsilte.  Sipor tou staff i ekstrememan enportan dan ledikasyon.

Mr Speaker nou bezwen en Gouvernman serye e solid.  En group dimoun ki annan plan e pe mazin lwen pou Sesel.  Nou bezwen rekonstrir nou pei.  Pa en Gouvernman ki reve aswar e lizour i anvi enplimante.  Ozordi Gouvernman in perdi kontrol lo drog dan nou pei.

Plis drog ek kalite drog in fer son laparisyon dan nou pei.  Sa in fer ki mwens dimoun ki travay Sesel e sa ki travay i bezwen pey plis tax pou li kapab soutenir sa enn ki dan Prizon ek sa enn ki swadizan pe swiv tretman ki lo drog.

Prizon in ganny dir i landrwa kot i annan plis drog.  Ou zanfan i ganny kondannen pou vol, ler i Prizon i vin en adikt drog e i sorti ek plizyer maladi.  An plis ki sa ziska kan eski bann prizonnyen pou donn bal konmsi zot dan lotel five star peye par zot bann viktim ek travayer Seselwa?

I bezwen annan en progranm serye pou ki tou prizonnyen i travay e pey pou zot akomodasyon, manze ek zot nesesite letan zot dan Prizon.  Se sa ki nou Seselwa pe demande.  Sa i ava en bon metod reabilitasyon.  Annou pran sa sityasyon dezord an men e remet en bon lord Mr Speaker.

Seselwa i santi zot kwense e fristre akoz sa enn ki lo drog i ganny larzan lapenn i lo drog.  Gouvernman pe rod pli bon latizann pou donn zot me sa Seselwa ki travay e pe donn tou parfwa li i ganny ziska latizann ekspire pou servi.  Swa letan i bite ek son Bidze i ganny dir i pa kalifye pou en lasistans.

Si i travay in kontribye ki mannyer i pa kalifye?  Me sa enn ki pa kalifye pou li i vin otomatik!  Sa pa kapab kontinyen dan nou pei.

Ankor enn fwa fodre regard ankor tous a bann sityasyon pou ki sa pep i kapab bouz devan ver semen progre.

Mr Speaker mon’n etonnen letan Onorab Ghislain in mansyonn drog lo Grand Anse Praslin.  Kestyon ki nou pe demande se letan i ti Manm elekte pou distrik La Digue, drog ti’n tonm touni lo La Passe La Digue ki li i ti fer?   Eski i ti koz lo la?  Eski i ti anmenn kestyon   Eski i ti defann zabitan La Digue konman en Manm elekte?  Ozordi zis i pe fer politik akoz li ki nouvo CC Member Grand Anse Praslin.  Wavel Woodcock pou shower zot ankor Grand Anse Praslin dan prosen Eleksyon!

Frer ek ser nou pou bezwen kontinyen swiv kwa ki pe pase otour nou.  Annou re pran nou pei dan lanmen etranze!  Annou ede konstri nou pei!  Nou bezwen konn nou priyorite.  Kwa ki nou vreman bezwen pou nou epanouir konman en fanmir e osi konman en Nasyon.  Mr Speaker nou pei pe apel nou.  Nou pei i bezwen nou.  Sa in ganny demontre par bann pledwari ki bann Manm parti lepep in fer dan zot repons.

Plis konplent, plis konplent e ankor konplent!  Tro bokou sikatris lo nou pei e nou reste ek en Gouvernman ki kontinyen lis son boubou olye rod tretman pou amelyor sityasyon nou pei.

Eski Mr Faure ek parti lepep pa tande sa bann leokri ki parfwa ou a krwar nou tou nou dan Lopozisyon isi dan Lasanble Nasyonal?  E nou welcome zot nou a met en pe sez an plis, silvouple vini!  Mon zwenn dimoun ki demann mwan si rezilta Eleksyon i ankor 15 lo 10 oubyen i 19 oubyen i 25 – 0.  Oubyen si i annan keksoz ki’n arive.

Menm Onorab William serten i dir be plito ki li ki ti Leader Zafer Gouvernman lot kote!  Felisitasyon Onorab!

 

(APPLAUSE)

 

HON SANDY ARISSOL

Mon eksplik zot dan lespri latransparans tou dimoun i vwar kler.  E i vre ki byento Msye Faure pou bezwen demisyon nen e fer eleksyon Prezidansyel kot LDS pou ranport laviktwar!  LDS pou ranport laviktwar e transform sa pei e travay pou byennet pep Seselwa.  Konman en Dirizan responsab mon’n swazir pou travay pou mon pei ek tou zabitan espesyalman zabitan distrik St Louis.  Alor i enportan pou nou tou kontinyen sa travay dan lentere nou pep me non pa pou en pti group dimoun dezonnet.

Mon pa pou kasyet deryer okenn fake profile, ni deryer en lodyans pou mon ganny en portre dan soufrans mon bann frer ek ser Seselwa me mon pou kontinyen debout akote tou Seselwa e mon pou defann zot parey mon ti fer serman pou defann e protez nou Konstitisyon Sesel.

Mr Speaker pli gran danze ki Sesel pe fer fas avek ozordi se mank direksyon par L’Egzekitiv.  Nou’n vwar sa byen kler sorti dan labous bann MNA parti lepep zot menm.  La aprezan sel keksoz ki nou bezwen se linite, limilite, limilite lo lapar Msye Faure e retourn kot pep Seselwa pou nouvo Eleksyon Prezidansyel.

Nou pa pou kapab kontinyen dan sa direksyon.  Lepep Seselwa in pare.  LDS in pare.  Mon dir annou fer li pou Sesel e pour Seselwa.  Mr Speaker mon priye ki Bondye i ava kontinyen gid e ed mwan pou fer en bon travay pou mon pei e pou tou Seselwa spesyalman zabitan St Louis.

La ki tou letan mon lekiri Mr Speaker tou seval kot mon’n pase pe bwar delo alor mon ti a kontan dir ou mersi bokou e mersi pou tou bann ki pe ekout mwan Mr Speaker.!

 

(APPLAUSE)

 

MR SPEAKER

Mersi Onorab Sandy Arrisol.  Mon pas laparol avek Onorab Jean François Ferrari.  Onorab.

 

HON JEAN-FRANCOIS FERRARI

Mersi Mr Speaker.  Mr Speaker, Manm Lasanble Nasyonal e  piblik a lekout, mon ti a kontan konmanse par dir ki mon vreman fyer ki mon’n fer parti sa lekip ki’n train sa bann zenn MNA,  ki isi lo sa kote latab e mon konnen ki demen mon kapab mor trankil, la relev i la e sa bann dimoun pa pou Zanmen Les Tonbe!

 

(APPLAUSE)

 

HON JEAN-FRANCOIS FERRARI

I fer mwan Mr Speaker ankor enn fwa en gran plezir pou adres Lasanble apre Diskour lo Leta Lanasyon.  Diskour Prezidan Faure ti enportan dan sa sans ki in montre nou ki degre nou pei in pri  dan bann kontradiksyon.  E ki mannyer nou Gouvernman pa pe trouv bann solisyon pou fer fas avek sa bann kontradiksyon e anmenn solisyon e devlopman pou nou bann dimoun.

I annan 3, 414 carer ki pe kout pei R185milyon par lannen, me napa ni plan ni mwayen pou mon ganny en Youth Officer pou distrik Mont Feuri!  Si sa pa en kontradiksyon mon pa konnen.  Nou pe depans milyon pou akonpanny bann dimoun aze ki pe kit sa later, me nou napa personn pou akonpanny sa bann zenn, sa nouvo zenerasyon ki pe monte e ki pe bezwen gidans e sipor.

Prezidan i dir lafanmir i pilye nou sosyete me ler sa bann menm fanmir i al rod sa sipor pou ganny en pti bout later pou konstrir zot lakaz, parey mon’ n vwar sirtou dan Anse Boileau anler dan banbou zot ganny anvoye demen tanto.

Tou kalite sistenm i ganny promet parey sistenm pwen me lalis i kontinyen vin pli long tou le zour.  Prezidan i dir i pe al konble plis later pou biznes me an menm tan son prop parti sinyen par li menm, in pran plis ki 40 bout later Leta e zot pe refize rann!

I annan en ansyen Minis ki’n pran plis ki 50 kare later e Msye Faure pa dir nanryen eksepte ki i pou fer plis konblaz.  Ledikasyon i en katastrof me i pran Msye Faure e son Minis Dezinyen ki tou le de ti Minis ledikasyon plis ki 40an pou met zis en sel problenm automatic promotion lo latab.  En zour zot dir ou Lekol Lekselans lannmen zot dir nou lekol normal.

Trafik lo semen in vin en go problenm me plito aranz transpor piblik, aranz nou semen ki deza egziste, nou tande ki zot oule fer de tinel. Gouvernman i dir i napa larzan pou fer baz Coast Guard lo  en zil dan sid alors i bezwen demann L’Inde me i dir nou in ganny larzan pou fer tinel, konblaz, danm eksetera. Mon pa konpran sa bann kontradiksyon.

Gouvernman i dir i pe devlop Sekter Lapes me plizyer fwa striktir i ganny konstrir lo Ile soley ki napa nanryen okenn dimoun ki’n antre lo la.  Plis ki – me lo Ile Du Port kot operater pe fer biznes dan trou, dan labou e PUC i dir pa kapab supply kouran sa bann biznes.

Be ki kalite kontradiksyon ki nou ladan?  Lalis kontradiksyon i sitan long Mr Speaker ki si mon pa aret la mon pou ankor pe koze demen bomaten.  Malerezman nou annan en Prezidan ki per pran desizyon.

Nou annan en Prezidan ki napa kontrol lo son Gouvernman akoz in divorse ek son parti.

Nou annan en bann Minis ki fer sa ki zot oule.  Nou annan travayer dan State House ki pe fer kanpanny kont sa ki Mr Faure pe propoze.

Napa nanryen ki sekre e travayer dan bann gro plas pe leak lenformasyon sekirite e militer.

Nou annan bann Manm Lasanble ki sipoze pe apiy proze zot Prezidan ek zot Gouvernman, me ki pe kanpanny kont sa bann proze e zot pe dir piblikman e dan sa Lasanble ki Sesel napa leadership!  Nou annan Minis ki pe anvoy mesaz pou nou pa vot pou sa pou tel ou tel proze Gouvernman.  Minis ki pe anvoy mesaz!

 

(APPLAUSE)

 

HON JEAN-FRANCOIS FERRARI

Nou annan MNA lepep ki pe kriy no, no, no ler son Prezidan pe dir siport li!  Onorab Basil Hoareau i dir ki i pe egzers son drwa demokratik anba Konstitisyon pou eksprimen ki i pa dakor avek son sef.  Sa i byen se pou sanmenm sa drwa – sanmenm sa drwa ki sa Ramkalawan ki ou vwar la pe asiz  dan bor mwan in lager pou 30an.  Pou ou!  Ler ou, ou ti per.  Ou ti siport SNP me ou ti en pe per sot deor.  Sa msye in sot deor pou ou!  In ganny bate dan ou plas!  In koze pou anpese pou cancel sa bann viktimizasyon.  Ou ou’n kale me sa pa’n fer nanryen, akoz nou pou kontinyen defann ou drwa koze, ekrir e sant!.

Me selman Onorab Hoareau demokrasi wi i en bon keksoz me ler en Prezidan i dir en keksoz son Vis-Prezidan i dir lekontrer, son MNA i dir no, no, no!  Son bann Minis i akont en lot zistwar.  Sa pa apel demokrasi sa Onorab Hoareau.  Eskiz mwan mon pa en avoka parey ou.  Sa i apel plito lanarsi, kakofoni oubyen tre senpleman konfizyon!

Pou diriz en pei fodre i annan direksyon, metod, linite, solidarite dan lekip, sipor pou bann koleg.  Oli sa semen ki zot in trase.   Nou nepli vwar sa semen?  Nou vwar 25 santye sakenn pe fer son bout!  Sa ki nou’n vwar sa sanmenm se pa demokrasi.  Se konfizyon total e i pa drol  alors ki nou pei i  dan sitan problenm e nou pe demande ki vi ki zot fer, zot fek dekouver demokrasi e nou kontan pou zot, zot fek dekouver demokrasi zot ale al practice demokrasi, kit sa pei ek LDS e LDS  i a travay!

Wi Mr Speaker Leta nou Nasyon se ki nou annan en Gouvernman ki lo en kontradiksyon total.

En Gouvernman dysfunctional. Enn lekonomi paralize e rezilta se ki nou pei pe sirviv par laverti.

Nou lekonomi i dan mal.  Nou pe ganny shopping experience me pri lavi i kontinyen ogmante. Nou pe re konmans vwar marsandiz esansyel ki pe manke lo letazer.

Si mon akont zot tou bann problenm ki pe arive kot STC zot menm zot, zot pou vire e zot dir mwan ki mon pe kree panic dan pei, akoz problenm i grav!

Si mon dir zot zis enn.   I annan 3 semenn pase STC in bezwen aste diri, DIRI ki premye item esansyel lo zot lalis, premye ki zot bezwen garanti avek lezot marsan prive pou zot kapab met dan Hypermarket! En?  Labank Santral li i pe donn warning ki nou balans peyman pe degrade.

Nou Roupi pe perdi valer e tou bann konsekans sosyal pe vin pli aparan.  Wi lo kote sosyal tou bann endikater i dan lalimyer rouz e pe kontinyen degrade.

Lo kote biznes tou dimoun pe kriye.  Labank pa pe pret larzan.  Plito fer keksoz fasil Gouvernman pe fer li pli konplike.  Napa lenvestisman sorti deor e ler en dimoun i enterese nou donn li sa ki mon pa kapab nonmen dan sa Lasanble akoz Mr Speaker pou met mwan deor!

En bon legzanp sa paralize ki nou ladan se dan nou Por Mr Speaker.  Nou Por ki parey poumon dan leker dimoun.  Nou Por kot tou keksoz mazorite keksoz i antre sorti dan nou pei.  Se nou poumon ekonomik.  Laba sakenn pe ris son kote.  Eski zot konnen ki i annan ki fer biznes i annan Konpannyen ki fer biznes prive vann dibwa ek siman anndan dan Por?

Kot ou’n deza tande sa?  I annan omwen 5 diferan Lotorite lo Por.  I annan Lotorite Por li menm, i annan SFA, i annan Minister Later, i annan Minister Lapes, i annan Land Marine.  E apre i annan en pli gran Lotorite ki par lao tou sa bann Lotorite e sa se Mr Glenny Savy.

Li mon fek dekouver i ansarz en swadizan komite ki apel Development Committee.  Kot tou proze dan lavil e lo Por i bezwen pas par li.  I dan biznes prive li sa msye, me i osi annan kontrol lo tou aktivite dan lavil e lo Por!

Sa i pa en  sanzman.  Sa akoz  sa ki li sa msye i dir sanmenm!  Bokou dimoun pa konnen me pou met en toilet piblik dan lavil fodre  ganny laprouvasyon Mr Glenny Savy.  Eski zot konnen sa zot?  Dir mwan kekfwa mon pa’n byen konpran.  Lekel ki Prezidan Sesel silvouple?  Reponn mon parol bann kwiyer.   Reponn mon parol.  Lekel ki Prezidan Sesel?

Semenn pase, semenn pase Mr Faure in deside pou li ranplas Colonel Ciseau konman Sef Lotorite Por e in demann li pou retourn dan militer.  Son lannmen Msye Faure in sanz son lide.  In dir li i kapab reste!  Ki mannyer Prezidan i kapab gouvern koumsa?  Lannen pase malgre tou sipor e tou warning ki komite Zafer Etranzer dan Lasanble in donn li Mr Faure in les pouri en sityasyon kot Foreign Affairs e son rezilta se ki plis ki 20 travayer kalifye e 2 staff pli senior in ale!  Ankor enn fwa nou’n dir li i bezwen met lord lo Por be i pa pe fer nanryen.  Mon pa konnen si i pe esper LDS fer sa travay dan son plas.

Me sa pa en fason diriz pei e mwan ganny mwan byen kler.  Mon pa pe blanm okenn lot dimoun lo sa Por mwan, okenn lot dimoun.  Ni Mr Ciseau, ni Mr Savy, ni Mr Adam mwan mon blanm Prezidan ki konnen i annan problenm lo sa Por e i pa  pe fer nanryen!

 

(APPLAUSE)

 

HON JEAN-FRANCOIS FERRARI

Parey Angle i dir ou konnen ou’n swazir pou pa fer nanryen the buck stops on your desk!

Lannen pase Gouvernman ti aprouv konstriksyon en Coldstore komersyal 10mil tonn pou konstrir lo Ile Du Port.  Sa  ti pou ganny fer par lakonpannyen SAPMER 49poursan e 51poursan pou Seselwa.  Finansman ti’n fini gannyen e plizyer Seselwa ti’n pare pou envesti.

Serten dimoun, serten bann operater lo Por in blok sa linisyativ akoz zot ti anvi vol sa nide e fer sa biznes zot menm.  Mon ti mont personnelman State House pou demann Prezidan pou entervenir e larg sa lenvestisman, oubyen rod lezot fason me sa lenvestisman i bezwen ganny fer.  I pa’n fer nanryen!

Selman nou vwar en Gouvernman ki koz lo Lekonomi Ble, lo devlopman lapes.  Enn ler mon oule riye me sa sityasyon i tro fer lapenn i tro serye.  Nou pa kapab riye.  Sanmenm sa  i annan lakoler dan sa pei!  Mon ti anvi donn zot sa legzanp pou montre zot ki nou’n seye.  Nou’n seye anmenn nou kontribisyon pou fer marse sa pei.

Kekfwa mon ti bet me mon ti vreman krwar e kekfwa dimoun pou fer mon demann leskiz akoz mon ti vreman krwar ki koabitasyon ti vedir travay ansanm pou benefis nou pei ek nou dimoun.  Sanmenm sa ki mon ti krwar!

Mon’n monte desann State House e dan bann Minister pou anmenn mon nide, nide mon Lasanble, nide mon lekip, nide nou bann komite, e nou kontribisyon.

Ozordi apre tou sa seye Mr Speaker mon kapab dir zot ki zanmen sa bann dimoun in serye e zot pe kontinyen rod zis zot byen personnel e ki mannyer zot pou kas anba pou toultan reste o pouvwar.  De keksoz Mr Speaker.

Larzan ek pouvwar.  Napa senserite.  Mon’n rode, mon’n fouye partou me mon pa’n trouv okenn lonnekte, okenn senserite.  Sa bann dimoun i zis pou zot!  Full Stop!

Alors mon pe pran sa lokazyon pou mon dir avek Mr Faure avek tou respe ek son Gouvernman ki kolaborasyon, koabitasyon in mor.

 

(APPLAUSE)

 

HON JEAN-FRANCOIS FERRARI

E se ou, e se ou Mr Prezidan ki’n touy li.  Pa vin rod nou ankor pou servi nou.  Se zot ki’n ganny elekte pou fer marse Egzekitiv.  Fer li oubyen kile les LDS travay.  Nou, nou pe fer marse Lasanble Nasyonal e nou pou fer li avek determinasyon, lonnekte e senserite.  Silvouple pa vin rod nou pou anmenn zot pake!

Anmenn zot Lalwa devan nou Lasanble nou ava konsidere si nou krwar i dan lentere Sesel nou ava apiye.

Si sa pake dan L’Egzekitiv i tro lour met ater LDS i ava anmennen.  Nou pou nepli aksepte ki zot dir nou donn lanmen pou redi saret me ler nou get deryer zot in mont lo saret e zis nou ki pe redi.

 

(APPLAUSE)

 

HON JEAN-FRANCOIS FERRARI

Legzanp Assomption Mr Speaker i en  bon legzanp.  Ler Gouvernman ti dan problenm akoz James Michel ti pe vann nou zil, zot ti kriy nou pou donn lanmen pou donn lide ki  mannyer pou sorti dan sa latrap.  Nou bann gran bet, bann gran naif, nou’n fer tou sa ki nou kapab pou nou anmenn sekirite, devlopman, respe pou nou lanvironnman, proteksyon nou souvrennte Nasyonal.  Se sa ki’n gid nou.  Sa in fer de komite monte State House ansipanpan.  2 avyon plen al lo zil al gete.

Wavel Ramkalawan pe argimante avek sa bann Endyen pe sey konvenk zot pou dir sa fasilite i bezwen pou Sesel!  I bezwen dapre nou bezwen, nou groser e i bezwen pou Seselwa!  Nou pe rode menm pou nou pei nou.   Me ler nou get deryer nou vwar plan in fini fer, nou pa ganny lenformasyon korek e ki nou pe ganny servi parey boulko!

Nou osi dekouver bann manmoun ki zot in sey fer nou krwar parey ki pran en bato Coast Guard 3 zour sorti Mahe pou al Assomption!

Mon pa en maren mwan.  Mon dir be wi si mon – be si zot dir mwan 3 zour i bezwen 3 zour.  Be si sa ti vre, si zot ti sitan dousman be ki zot pou al fer laba? Ou pou al tay deryer bato lapes ki fer  10 nen zot, zot fer 3 nen?

Ki mannyer zot pou kapab tay deryer bann Bato Pirat dan nou delo?  Sa se bann manmoun.  Sa i ankor en lot legzanp kot zot pa’n onnet avek nou.  Kot nou nou’n pran bann lenformasyon teknik e nou’n anvale parey nou’n anval pilil, parey nou’n anval en pilil, en latizann!

Mon ti ava kontan dir avek Gouvernman Lepep ki sa i fer dernyen fwa ki zot servi nou konman boulko!  Apartir ozordi evite servi sa mo ‘koabitasyon!’  Konmsi pa tro, tro servi sa mo.  Ok?

LDS i dan Lopozisyon e pe prepare pou li antre dan Gouvernman pou li diriz sa pei byento.  Msye Faure in montre ki i pa pe ganny sa sipor sorti kot son prop dimoun pou fer sa louvraz.

Alors parey taler Onorab Gill in dir nou i pa kapab fer travay 10 Minis.  Si 10 Minis pa pe travay, 12 Minis li i pa pe kapab fer travay 12 Minis.  Be vre 12 Minis pa pe travay!

Be vre i pa pou kapab fer.  Be poz sa pake ater nou, nou a anmase nou a travay!

 

(APPLAUSE)

 

HON JEAN-FRANCOIS FERRARI

Si i pa kapab fer.  Alors nou pe demann li, nou pe demann li  pou rann sa baton!  Envok Lartik 52 (a) nou Konstitisyon e demann pep Seselwa pou vote dan en lot Eleksyon.  Ok? E les sa ki determinen travay, lepep i ava vote i ava  deside si zot, zot ava al dan Lopozisyon zot ava travay, mon krwar zot kapab fer en Lopozisyon ase formidab.

Anfen en pe – detrwa zot ava aret la apepre koumsa.  Bann bor anba laba fodre zot re al lo training, me selman zot kapab fer en pe travay.

 

(APPLAUSE)

 

HON JEAN-FRANCOIS FERRARI

Zot kapab fer en pe travay.

Mr Speaker mon’n koz lo sa zafer Assomption kot in annan malonnekte ladan e mon bezwen parey Onorab Arrisol in dir i kler nou, nou pa pe vote pou sa deal!  Nou pa pe aprouve sa deal.  Ok?  E nou  kantmenm i annan deor ki pe kriye ki pe dir taler deal a sanze, tournen, deal, sa deal nou pa pe vote!   Si zot annan okenn keksoz ankor pou zot anmenn devan nou anmennen trankil met devan Lasanble, lepep ava tande e nou ava get lo la.  Me selman Assomption in kantmenm montre nou in fer nou pran konsyans en size tre enportan ki nou pei pe pas ladan.

E mon krwar Mr Speaker i mon devwar, nou devwar isi pou nou lev sa size akoz i vreman, vreman grav.  Leader Lopozisyon in koz lo la dan son larepons SONA e sa se rasis e zenofobi.  E mon kontan ki Onorab Hoareau in soulev sa bann pwen.

Dan bann dernyen zour bokou dimoun Assomption ti nepli en size ni lanvironnman ni souvrennte Nasyonal, me en kestyon nou pa kontan Endyen.  La i la ki mannyer ti’n vini.

Sa Mr Speaker i pa zoli.  I menm degoutan.  Nou Seselwa nou pa ti  zanmen koumsa nou.  Nou ti  toultan dir ki nou fyer sa melanz, ras e kalite ki fer nou lidantite Kreol.  Bann komanter rasis ki mon’n vwar e tande i fer mwan onte konman en Seselwa.  Pa nou sa.  Pa Sesel sa.  Nou tou nou bann imigre lo sa detrwa bout ros ek sa detrwa bout koray ki annan dan sa losean.

Nou tou nou sorti en landrwa.  Avan nou ti annan zis torti ek krokodil isi alors nou pa kapab maltret dimoun ki sorti dan en lot kwen lemonn.  Alors mon demande kote ki nou’n al mal.  Akoz  ki nou’n tonm dan sa problenm.

E mon a reponn sa kestyon.  E mon krwar ki Onorab Hoareau in reponn enn de bout yer.  Me i pa’n met ledwa lo vre problenm.  Nou’n al mal depi 40an Onorab Hoareau!  Anba sistenm SPPF nou Lalwa Imigrasyon in permet en kantite labi ki ozordi i fer ki Seselwa i ankoler.

Sa ti ganny fer par ekspre Onorab Hoareau.  Pa ti ganny fer akoz ti mank en bout dan Lalwa ti ganny fer par ekspre anba Msye Rene ek Msye Michel me plis anba Msye Michel larzan e kote ou vote ki ti deside si ou pou vin Seselwa oubyen non.  Laplikasyon ti bezwen ganny akonpannyen par en lanvlop kaki e pli lanvlop i epe pli ou ti mont pli vitman.

Koumsa menm nou ti ganny en Tunisien vin Seselwa apre zis en lannen.  Tandis ki lezot ki’n marye, ki annan zanfan, ki’n fer plis ki 10 20an Sesel, zot ankor pe espere zot.

Menm sa bann Pret  e mon redir ankor menm sa bann Pret ki ti ganny donnen  Nasyonalite Seselwa e ki mon ti dir dan sa menm Lasanble ki mon pa dakor.

E mon dir ankor ki mon pa dakor akoz zot in pas par lao lezot ki ti pe espere trankilman.  E sa bann ti pti dimoun zot, zot in ganny kit ater.  E mwan mon dir sa i pa kretyen.  Bondye pa kontan sa bann keksoz koumsa me selman se sistenm ki permet li.

Se ler ou kriy en group dimoun State House ou donn zot nasyonalite, san ki i annan okenn rezon pou ou donn li sistenm ki move.

Ozordi  sistenm i ankor la  i lo ka par ka li.  Sistenm ti koronpi a lepok i ankor koronpi ozordi.  E ler ou annan sa kalite sistenm dimoun i abize.  Larzan ek lenfliyans ki koze.  Rezilta ozordi nou pe vwar rasis kont Endyen.  Akoz ozordi?  Akoz sa fleo ki nou pa ti konnen in komans- akoz in konmans kont Endyen?  larepons i senp.  Se ki Endyen ki pli  nonbre ki’n vin travay Sesel.  Se zot ki’n pli konn mannevre dan sa bann trou dan miray.

Se zot pou sa rezon, se zot ki’n kree ki rezilta anfen ki a sours en serten santiman negativite kont zot.  Akoz tou le semenn nou vwar dan zournal laplikasyon pou vin Seselwa, pou vin Seselwa, ‘’my  father is Seychellois, my mother is Seychellois.’’  Konmsi i vin en lasenn Limigrasyon  ki fer Seselwa ankoler.

E parey Onorab Hoareau in dir yer mon byen dakor avek li si en dimoun i vin en nasyonalite par natiralizasyon i pa vedir ki son bann  siblings zot osi zot vini otomatikman.

Me selman e la avek Assomption avek tou sa problenm avek Assomption lanmok in deborde.

Seselwa in per ler zot in tande ki annan ankor Endyen ki pe vin Sesel.   Mon konpran tre byen sa lafreyer e mon krwar i normal pou annan sa lenkyetid me reaksyon rasis ek zenofobi pa zanmen zistifye.

Ozordi serten dimoun pe ensilte Endyen.  Demen pou annan rasis kont Sinwan, kont Larisi, kont Sid Afriken akoz bokou parmi sa bann dimoun zot osi zot in profite pou zot vin Sesel.

Akoz zot in  vwar later i mou e zot in vwar poudir nou sistenm Imigrasyon i parey en pannyen e nou ti vwar poudir nou annan en bann dirizan ki pa konpetan.  Reaksyon ki nou merit annan se pou aranz sa Lalwa Imigrasyon.  Annou aranz sa Lalwa.  Bous sa bann trou ki SPPF ti ouver par ekspre mon reponn.  Par ekspre – on a case by case basis.

Dan Lalwa Imigrasyon i merit annan zis en laport antre.  E nou merit fer sir ki tou lafnet in bouse e ki  tou laplikasyon i pas par sanmenm sa sel laport devan, kot tou dimoun i kapab trouve lekel ki pe antre dan nou pei.

Nou bezwen aranz sa Lalwa mon dir.  Alors ki bann mezir irzan ki nou bezwen pran.  Nou pa bezwen al fer bann gran Lalwa.  Aret vann nou nasyonalite silvouple.  Arete.

(2)  Fer kler ki mannyer dimoun i kalifye pou vin Seselwa.  Setadir konbyen lannen ou bezwen reste.  Si ou bezwen marye.  Konbyen sa…ou ganny tan pwen.  Si ou’n ganny zanfan ou bezwen ganny tan pwen.  Fer kler ki sak dimoun ki natiralize i kapab anmenn tou son fanmir.

(3) Met en minimum lannen pou kalifye.  Mete.  Pa kit li ouver apre ou konnen ki dimoun i …mwan i annan dimoun i dir mon i ganny apele kot Imigrasyon i ganny dir the President, mon bezwen dir pa sa Prezidan ki la sa enn ki avan.  ‘’The President has personally intervene in your case and has personally instructed us to give you nationality.’’

Be Onorab Hoareau ou dakor pa demokrasi sa.  Diktatir sa, ok?

(4) Tir sa posibilite kot si ou met gro larzan isi Sesel ou kapab vin Seselwa.

(5) Fer kler ki toultan ki en dimoun ki’n pas letan lo GOP pa fer li kalifye ni en sel zour.  Letan GOP pa kalifye i kalifye zero!  Rezerv serten louvraz parey i annan bann Manm in dir la ki mon pa pou antre ladan.  Drayver, dokter, skipper, entertainer pou Seselwa nou bezwen fer en keksoz.  Nou pa kapab fer li tro fasil.  Konmela in vin en palto  fann deryer sa.  Konman  ou bezwen en dimoun ‘pop’ met en pti advert dan Nasyon e nou konnen sa pti advert dan Nasyon ki mannyer i ete.  Ar zis zet sa dan Nasyon kontrer azoute avek fodre ou annan leksperyans Indian Cooking apre fodre ou annan leksperyans management, fodre ou annan en DSC, personn pa pou apply.  Pa ou met 3zour?  3 zour anmenn ou pti advert laba kot Imigrasyon ou kalifye.

(7) Aboli sa sistenm Certificate of EntitlementCertificate of Entitlement bezwen aboli akoz sa i permet ban gro lotel ek zot biznes pou fer vin nenport kalite travayer kan zot anvi zot napa kestyon pou rann personn.

E finalman pli enportan ki annan 25an ki sa msye ki pe asiz dan bor mwan in dir pibliy non tou dimoun ki pe apply e ki’n gannyen.  Met zot portre avek.  Nou bezwen konnen.  Nou bezwen konnen.

Onorab Basil Hoareau in dir sa.  Mwan osi mon pe dir sa. Sa i vedir i en keksoz ki tou le de kote latab fer li silvouple.   I annan 25an nou pe demande.

De dernyen mo lo sa size silvouple Msye Faure.  Nou nasyonalite i prese respe sa silvouple.  Pa fer parey ou bann predeseser zwe politik avek.  Akoz sa zwe i danzere e rasis pe konmans montre son vilen grif.

O kontrer fer li en priyorite ou Gouvernman pou fer sa reform irzan dan bann Lalwa Imigrasyon e sitwayennte.

Pa les sityasyon degrade.  Pran osi bann mezir pou sofgard serten lanplwa pou nou Seselwa parey mon’n dir.  Seselwa pa pli pares ki okenn lot Nasyon.  Seselwa i zis anvi en saler ki permet li viv e sa 6mil a R7mil ki en anplwayer pe pey en etranze ki sorti Bangladesh oubyen Sri Lanka i pa ase pou en manman, pou en papa, pou en zenn ki pe leve dan lavi.   I pa ase.  Nou pa kapab konpar ponm ek zoranz.

Finalman mon anvi terminen par koz lo sa bann gro proze lenvestisman ki Msye Faure in dir i anvi fer.  Mwan i fer mon per akoz sa osi i fer mwan mazinen poudir plito get nou bann problenm imedyat nou pe get bann gro problenm.  Bann gro proze.

Mon pa konnen me ennler mon krwar ki sa lanons in zis enn pou soul nou.  Pou ebloui nou e kasyet larealite ki totalman en lot.  Parey proverb i dir, pli en lalang i enorm pli sa ki pe tann sa lalang i pli fasil pou li anvale.’’  Ler Mr Faure ti koz lo en tinel lannen pase enn de dimoun ti riye apre personn pa ti tro, tro port atansyon.  La ozordi i vin ek 2 tinel!  I vin ek 5 konblaz!  Nou a bezwen tande.  Nou a bezwen ebloui.

Be sa pa donn okenn lenpresyon ki keksoz i serye.  Mr Speaker mon krwar mwan ki sa bann gro proze i annan en lot bi.  Akoz nou lo sa kote latab e avek sipor lezot dimoun lo lot kote latab nou’n bous en ta trou nou.  Nou’n bous en ta trou dan depans Gouvernman kot bann keksoz ti pe – kot delo ti pe koule.

Nou’n fer bann voler, bann koripter e bann triker maron!  La mon santi zot pe sey retournen e zot pe rod en keksoz pou zot poz zot lanmen lo la.  Kekfwa pli fasil se sa bann gro proze lenvestisman kot apre ou pou tann 5milyon in disparet. 50milyon in disparet, 10milyon be 5milyon dan 500milyon,’’be ar be pa en gro..- la ou la kot keksoz pou pase.

Sanmenm sa mwan, mwan mon get zis sa proze konblaz bann dernyen ki’n fer e mon kapab dir ou Mr speaker ki sa fodre nou veye, akoz proze konblaz in montre nou i mannyer bannla in donn bal ladan!

Ki mannyer larzan in sanz lanmen in en?  Nou konnen annou pa al dan detay letan pe kit nou.  Mr Speaker nou dan LDS nou pa  pe dir ki tou sa bann proze pa bon.  Me sa ki nou pe demande se eski i le moman pou fer sa bann zafer!  Nou dir fodre envestir dan keksoz ki kree larises.  Nou bezwen aret mazin parey bann pei kominis mazin plito bann busines man entelizan, fer ban biznes ki annan en return lo la.

Finalman Mr Speaker mon dernyen mo mon pou rezerv li pou mon bann ser ek frer zabitan Mont Fleuri.  Mersi pou zot sipor.  Lannen pase nou’n realiz mazorite nou proze e nou pou kontinyen sa lannen.  Nou pou kontinyen travay for.  Zis mon fer rapel Gouvernman

Ki nou pa’n realize e ki i ankor lo mon leker.  Sa se lakaz madanm Monica Dodin pros pou deboule e pou deboul lo lakaz lafanmir Benoit anba akoz son miray i dan en leta.  Annou aret fer li vir an ron.  Annou fer en keksoz pou li.

Menm parey bann dimoun parey Mervin ki pe sey rode en bout later pou li fer – i annan son larzan ed li.  I pa pe demann, i pa pe mandyan.  Mon pa konnen ki zot pou fer selman i enportan ki nou arete fer dimoun vir an ron.  Dan en lot kote mon byen kontan ki mon bann proze in marse e mon konnen ki  bokou zabitan in benefisye.

Erezman nou pa’n vin parey distrik Riviere Anglaise kot tou bann proze i ankor lo pending!  Bann voter laba i merit met Onorab Herminie osi lo pending akoz in fail pou fer son distrik bouze.  Si li i annan zorey Minis zorey Prezidan son bann proze i lo pending be savedir in kas rikord Onorab De Commarmond!  Akoz Onorab De Commarmond ki son proze in reste lo pending.

E son masin koltar, omwen li son masin koltar in marse be ou’n fini kas rikord ou  e mon konnen poudir an 2021 bannla pou tir ou lo pending e pou met ou OUT!  Sa i kler.

Travay dan Lasanble Nasyonal i bokou e mon ti  ava kontan pou mon bann dimoun  dir zot an zeneral en size lo sa pri lavi Mr Speaker.  Mon pe koz pou bann ki pa kapab fer de bout zwenn.  Mon krwar i enportan.  Sa i ankor en konsern ki Msye Faure in dir i pou adrese me malerezman in fail teribleman ankor enn fwa.  Pri lavi in kontinyen ogmante e sel remed ki nou pe tande, ki mon pe tande dan mon distrik sel remed ki mon pe tande lo radyo ler mon ekout Prezidan Faure, sel remed se mon tann en lapriyer ek marsan.  Pa fer monte pri.  Mon tann en siplikasyon pou bann marsan annan en leker pou Seselwa.

Be mon rapel Msye Michel osi in deza fer siplikasyon ek bann vander drog ek bann eskobar.  Pa detri nou zanfan.  Pa siplikasyon ki  sanz keksoz nou bezwen annan en plan  e nou bezwen met nou plan an mars.  I annan okenn plan pou fer desann pri lavi si napa dir nou.  Nou, nou annan en plan nou akoz nou dan LDS nou’n dir ki nou krwar e nou konvenki ki STC i annan en rol santral dan sa misyon ki zot pa pe zwe sa rol e Msye Faure pa ase brav pou li fors STC pou re get son manda.

Sa se pou asir disponibilite marsandiz de baz e meyer pri pou Seselwa.  Forget about deodorant, lalimyer dekorasyon, tiles, carpet lot lot.  Nou bann prodwi de baz.

Annou konpran detrwa keksoz silvouple e sa i enportan ki piblik i tande.  Komisyon kot STC tou dimoun enkli lo lot kote latab zeneralman nou aksepte ki i pli ser ki dan lezot landrwa.

I sipoze laboutik malere sa selman i pli ser ki lezot landrwa.  Sa nou pa kapab deny.  Akoz?  Leader Lopozisyon in donn nou de legzanp.  Pri kouran ek lokasyon.  5milyon par mwan an tou –  4milyon pou lokasyon 1milyon pou kouran.  Ou krwar Sekar oubyen Jugnauth oubyen Ramgoolam i pou pey en rent 4milyon apre  i pou  vin fer biznes li.  I pa pou peye sa li.

Li STC i peye.  I ariv 60milyon par an.  Zis ek ta milyon progressive income tax in kapab met an mars.   Apre selman pa bliye sa SPPF i annan son kopo ladan li osi akoz li osi i lwe en bout laba avek zot.  Savedir sa 60milyon mon bann frer ek mon bann ser, oli camera mon le get zot dan  zot lizye.  Mon bann frer ek mon bann ser sa 60milyon mon bann frer ek mon bann ser se zot ki pe peye,  se zot malere ki pe peye sa keksoz!  E fodre i arete akoz sa shopping experience i pou fer nou mizer.

Konsekans se ki ler STC i met son pri o, STC i met son pri o lezot marsan zot pa pli bet ki personn zot, zot kal zis par anba.  I apel benchmarking sa.  Menm si zot kapab fer zoli profi la anba si zot ti pe vann en keksoz R4 zot vwar R6 kot STC zot R5.50.

Be sa i apel benchmarking.  Sa i en pratik ki nou konnen.  Pli sa enn sa pri referans i o lezot pou swiv.  E la mwan mon anvi dir zot aret de keksoz, zis koup gaspiyaz.  Annou seye.  Annou seye mwan mon pa pe dir ferm – mon pa’n zanmen dir e ni Onorab Ramkalawan ni personn nou pa’n dir ferm STC nou.   Nou’n dir ferm sa Hypermarket fer de keksoz.  Koup sa depans fer  prodwi de baz vann li  a en pri whole sale.  Be GSC, Goodman Supply pa i vann li!  Dimoun pa i pran transpor, pa i pran pirat i al laba i al rode.  I al rode be STC pa kapab fer sa li osi?  Si Msye Faure ek son Gouvernman pa kapab delivre lo la en senp keksoz, nou LDS nou pou fer li e wi si i annan en sel keksoz ki nou pou fer e ki nou pou reisi ler nou pou ariv o pouvwar se fer desann sa pri lavi dan Sesel akoz nou konnen mannyer pou fer li!

 

(APPLAUSE)

 

HON JEAN-FRANCOIS FERRARI

Nou dan LDS travay i bokou parey mon’n dir e mon remersiman i pou tou dimoun ki’n ede.  Mersi pou mon bann koleg ki pe asiste mwan.  Mersi pou Ladministrasyon Distrik ki pe fer zot bout.  Mersi bann Lazans Gouvernman ki pe bouze akoz i annan ki pe bouze e mon felisit zot.  I annan CEO ki ti krwar i pou zis asiz dan biro e pran gro saler, ziska ler mwan mon’n bezwen antre e defons sa laport e la prezan CEO pe asiz kot li.  Onorab Gill mon lo menm laliny ki ou mwan selman mon pa zis koze mwan, mon desann mon ale mon pous sa laport mon ouver sa laport  e mon  dir zot si zot pa  sanze zot pou asiz kot zot.  E i annan ki pe asiz kot zot.  Ok?

Finalman mon remersiman  Mr Speaker i al pou tou mon bann koleg me pli partikilyerman i al pou nou dirizan dan Lasanble.  Leader Lopozisyon Mr Ramkalawan ki mon remersye li pou son Leadership dan sa lannen, pou son kouraz e pou son devosyon pou Sesel.  Gran mersi dan sa fernwanr ki nou pe traverse omwen i annan en lalimyer.  Omwen i annan en lalimyer ki lepep Seselwa i kapab vwar en lalimyer ki pou gid nou pou sorti dan sa tinel.  Ansanm mon konnen nou pou reisi e ansanm mon konnen  nou pa pou zanmen les tonbe. Mersi.

 

(APPLAUSE)

 

MR SPEAKER

Mersi Onorab Ferrari.  Bon avan nou pran Break mon ti anvi zis fer konnen tou bann Manm FPAC ki zot annan en meeting dan Committee Room 3 1er.  Nou ava pran en Break nou ava retournen 2er pou nou kontinyen nou travay lo Order Paper. 

 

(BREAK)

 

MR SPEAKER

Bon apre midi tou Manm Onorab.  Bon apre midi bann dimoun i kontinyen swiv nou travay Lasanble Nasyonal.

Avan nou al lo nou bann lo Order Paper mon ti a zis anvi fer en pti kontribisyon mon osi tou konman Manm Elekte pour distrik Bel Ombre.

 

 

HON NICHOLAS PREA

Mon pa kapab desann anba mon napa en seat, me mon pour bezwen fer li from up here konman MNA pour Bel Ombre.  Mon pour senpleman adres ban pwen ki konsern bann zabitan Bel Ombre e osi enn de pwen an zeneral e petet osi ganny touse par serten Manm.

Premyerman mon ti a kontan met sa detrwa pwen devan ki mon leve plizyer fwa e osi pour reponn bann promes e rekomandasyon ki ti sorti dan vizit ki Prezidan ti fer dan distrik lannen pase.

Mon kontan ki finalman distrik Bel Ombre pe ganny en nouvo sirfas koltar mon dir mersi Lotorite Transpor e mon swete zot a osi trouv le mwayen pour kouver sa pti bout semen segonder kot lafanmir Napoleon avek Duval ki nou ti vizite an Zanvye 2017.

Osi ki konsiderasyon I ganny pran pour met koltar lo semen Khashoggi Estate.  Mon pe apel li Khashoggi Estate akoz sa bann zafer ‘ex’ – ‘ex’ mon pe fer mannyer mon pe aret nonmen.  Sa semen beton i long e bann zabitan sa vilaz pe soufer avek larou zot transpor ki pe ize.

Sa osi nou ti vizite an Zanvye 2017.  Mon remersye bann lotorite konsernen ki pe kontinyen diskisyon pour devlopman Por Lapes, mon swete ki apre miting Konsiltasyon avek bann stakeholders dan distrik Cabinet i a donn son laprouvasyon sa proze.  Sa pour anmenn bokou benefis pour nou distrik.

I annan ankor plizyer proze tel ki redevlopman Sid Le Petit Village ki pe ganny diskite e byento a ganny met devan bann zabitan Bel Ombre.  Enn bann resours dan Bel Ombre se delo nou distrik i annan bokou bann sours e PUC pe fer travay pour eksplwat o maximum nou napa problenm avek sa.  Me tou sa delo pe ganny anvoye an deor distrik tandis ki zabitan Bel Ombre i ganny delo desalinasyon.  Alor mon enplor ek lotorite pour get en pe dan sa sityasyon.

Le 01 Desanm 2016 dan en rankont kot sant lasante Beau Vallon ki trouve dan distrik Bel Ombre ansanm avek Ners Ansarz avek Onorab John Hoareau mon ti fer sorti bezwen pour en lanbilans pour deserve Bel Ombre, Beau Vallon, Glacis san depandan lo Victoria.

Bann zabitan I konnen ki martir pour ganny en lanbilans sorti lavil.  I annan ka malad ki esper plis ki 2erdtan kot sant avan ki i ganny en servis.

Prezidan ti konpran nou bezwen e I ti fer en promes ki 2017 nou ti pour ganny en lanbilans.  Mon ti lev sa ankor pandan vizit lannen pase me ziska la nou napa en lanbilans.

Sityasyon sa 4 fanmir ki zot lakaz ti brile le 01 Zen 2017 I ankor parey byento i pour fer 1an zot ankor pe pas martir dan flat Khashoggi Estate,  malgre gran promes napa nanryen ki’n ganny fer.

Later I pour zot alor zis fer zot lakaz e parey serten ka dan distrik zot a travay e re-pey Gouvernman.  Sa madanm ki’n pas plis ki 22an dan lakaz emergency I ankor dan menm sityasyon I ti ganny en pti lespwar ler Prezidan ti vizit li me 6mwan pli tar son sityasyon pa’n sanze.

Sa fanmir ki’n fer 11an dan bedsitter e ozordi zot annan trwa zanfan e sa premye I dan S5 zot osi zot dezespere.  Sa pti landrwa zwe pour bann zanfan Khashoggi Estate konbyen letan pour pran an Desanm mon ti dir ki proze 24 in ariv 24, 24, 24, 12.

E Bel Ombre napa nanryen.  Semenn pase nou’n ganny dir ki prezan ki pe al lo tender alor la ozordi nou ariv 24, 24, 9.  Mon napa gran lespwar ki sa pour arive.

Annou pa oubliy Annie Barbe sa zenn travayer ki pour plizyer lannen i pe demann aste sa bout later kot son fanmir in reste pour plis ki 30an.  Mon’n osi ganny dir ki sa de proze land bank dan distrik pa ankor pare akoz bann lenfrastriktir parey semen pa ankor mete.  Repons mon let kot Minister I lanons Prezidan le 6 Mars ki pa ankor pare pour fer alokasyon.  Alor akoz ki Mt Simpson, I annan de kare ki’n konmans ganny devlope.  Pour ki sa 2 kare e lekel ki ti fer alokasyon?  Mon met sa la.

I regretan poudir ki bann diferan lotorite souvan pa pe konsilte lotorite distrik pour bann diferan proze dan bann distrik.  DA ek MNA pa pe ganny konsilte parey nou ti ganny dir.

Mon osi aport en lavwa ansanm avek pour Onorab Ferrari pour bann biznes ki sitye lo Ile du Port e zot in dir mon koz en pti pe lo zot sityasyon semen.

Mon pas tou pre toulezour e mon vwar bann drayver pe drive me pe navige sa pa akseptab.

I fer plizyer lannen ki serten biznes in bouz la ler lapli I tonbe sa bann gro trou blan despagne i ranpli ek delo e nou konn domaz ki I koze avek transpor.

Silvouple annou fer en sirfas avek sa koray e mon osi enplor avek PUC sort out sa problenm power.  Zis mazinen byento en nouvo stasyon petrol pe al osi ouver lanmenm la obor alor ki pour arive?  Mon anvi aport mon lavwa lo size lo nou bann graduate e en sityasyon ki in ariv devan mon en graduate ki retournen i fer li pour travay pour son pei Sesel.  Me mon dekouver ki i annan de pwa de mezir ki ganny servi si ou travay dan sekter piblik ou ganny asiste avek housing allowance me si ou travay dan prive me ou pe travay osi pour Sesel ou pa ganny sa allowance.

Etidyan ki in fer STA e apre al Kolez Shannon ler I retournen i bezwen al travay dan prive akoz Gouvernman napa lotel oubyen Lazans Vwayaz, alor li i ganny en dezavantaz.

Mon enplor avek Gouvernman pour get tou nou bann graduates parey.  Si non nou pour kontinyen vwar etranze kontinyen ganny plas managers avek lezot sekter dan lendistri touris.

Etranze ki travay dan Sekter Tourizm e la mon dir ankor lo sa deba ki’n leve vizavi etranze ki travay dan Sekter Tourizm e ki lo GOP konman Gouvernman pe donn zot sanksyon pour aster propriyete avek lakaz mon annan de ka ki’n vin dan mon latansyon.

Mon koz en pti pe lo Air Seychelles swivan swivan antretyen ki nou ti gannyen avek Minis an Desanm isi dan nou Lasanble.  Minis ti dir nou ki Air Seychelles pe pas dan en lemorazi.  Alor akoz nou pa kapab aret sa lemorazi?  Aret pey sa bann biro vid kot batiman Surya R40mil par mwan, rann sa lakaz R60mil par mwan Beau Vallon, rann sa 40 flat Eden Island ki kout plis ki $200mil par mwan, fer sa bann expat ki kapab ganny ranplase par Seselwa e ki pe ganny gro lapey fer zot ale o mwen nou a kapab sov plas travay plizyer nou bann Seselwa e osi sov nou National Airline.

Taler mon dir avek Onorab William ki mon pour fer en pti mansyon lo size case La Misere e sa ki konsern sa mon osi mon zwenn Onorab William avek Onorab Georges pour eksprim mon dezapwentman, akoz nou fer tou bann zefor nou fer tou an bonn fwa me nou santi ki sa pa’n ganny resiprok.

Mon swete ki Prezidan pa pe retourn lo son parol.  Mon swete ki enn fwa pour tou nou a kapab ganny en desizyon pour nou anmenn en closure mon pour termin kot Leader Lopozisyon e plizyer Manm in fer serten remark.

 

MR SPEAKER

Me Leader Lopozisyon ti konmans son Ladres koumsa.  Sa se size medya sosyal, mon enplor bann MNA pour servi sa mwayen byen.  Nou bann Leaders nou bann Leader e nou anvi lead nou zenn zenerasyon dan bon direksyon.

Annou fer atansyon kwa ki nou ekrir annou fer atansyon langaz ki nou servi.  Bokou zenn I swiv medya sosyal e bokou pour ganny enfliyanse par sa ki nou dir ou ekrir.  Pa les nou ganny antrennen dan bann largiman ki apre i fer ou menm perdi respe pour ou prop lekor azir konman en dimoun responsab.  E la mon fer en lapel spesyal ou pa kapab ganny envite en fonksyon organize par Sekretarya, kot Sekretarya i extend sa lenvitasyon avek ou apre sa aktivite i ganny filmen e i ganny met lo medya sosyal.  I pa profesyonnel e i pa akseptab.  Silvouple mon enplor bann

MNA servi medya sosyal byen.  Mon osi tou profite pour adres bann staff Sekretarya lo sa menm size staff osi zot bezwen travay konman bann profesyonnel e fer atansyon konman zot servi medya sosyal.

Mon pa pour toler staff ki servi medya sosyal pour maltret ki swa Prezidan, Minis, en Manm Lasanble oubyen nenport dimoun zot konportman I reflekte lo sa lenstitisyon kot zot pe travay.

Annou servi medya sosyal dan en fason pozitiv ki a edik nou pep e pas bann lenformasyon ki bon pour tou annou pa servi nou drwa pour defame oubyen denigre lezot annou osi egzers nou responsabilite.

Mon ti a kontan e mon ti a swete ki an 2018 sa Lasanble i fer en travay ki fer en diferans dan nou pei.  Pour reponn lekspektasyon tou nou bann dimoun ki’n met nou la annou fer ki nou bann desizyon I ava enpakte dan en fason pozitiv e I ava anmenn en rezilta pozitiv pour nou pti pei Sesel.

Bon avek sa de mo mon ti a kontan nou retourn lo nou Order Paper.

 

(APPLAUSE)

 

MR SPEAKER

Mersi tou bann Manm pour zot lankourazman.  Mon ti a kontan nou retourn lo nou Order Paper e mon ava demann Onorab Clive Roucou ki Chair HIV Aids Committee pour fer en son prezantasyon son Rapor.  Onorab Roucou.

 

HON CLIVE ROUCOU

Bon apre midi Mr Speaker.  Mersi Mr Speaker.  Bon apre midi tou mon bann koleg Onorab.  Mr Speaker pour Komite VIH-SIDA e drwa lasante reprodiktiv pour fer nou Lasanble dan mon kapasite konman Chairman sa Komite.

Pour konmanse mon anvi dir konpozisyon sa Komite mon menm konman Chairperson, Onorab John Hoareau konman Vis-Chairperson lezot Manm Onorab Francois Adelaide, Onorab Regina Esparon e lo kote Parti Lepep Onorab Egbert Aglae, Onorab Audrey Vidot e Onorab Noline Sophola.  Mr Speaker tou bann Manm sa Komite in siny sa Rapor.  Sa Komite lo VIH-SIDA i drwa lasante reprodiktiv i en progranm ki ti ganny finanse par Gouvernman Sweden pour tou bann Manm Pei dan SADC.

Mr Speaker rezon det pour en tel Komite se pour zwenn demann e zwenn bann pei dan group SADC dan nou lalit kont VIH-SIDA e nou dwa lasante reprodiktiv dan nou bann pei respektiv.

Rol nou Komite, rol nou Komite se pour promot e siport e menm enfliyans drwa lasante reprodiktiv e VIH-SIDA Aids pour ki nou dan nou pei respektiv sa lalit pour VIH-SIDA i kontinyen an mars pour ki, by 2030 90poursan popilasyon in ganny teste pour VIH-SIDA 90poursan nou popilasyon I ganny akse avek tou bann anti- retroviral e 90poursan nou popilasyon I ganny akse avek bann progranm ki nou apel bann harm reduction.

Nou ToR ki nou ti prezante avek Lasanble Nasyonal ti ganny aprouvasyon tou bann Manm Lasanble lo tou lede kote parti politik.  E nou ToR in permet nou zwe en rol enportan lo ki mannyer drwa lasante reprodiktiv e VIH-SIDA pour ganny antreprann isi Sesel.  Nou ToR I osi permet nou I osi permet nou Komite anmenn bann rekonmandasyon vizavi bann Lalwa ki annan pour fer avek drwa lasante reprodiktiv e VIH-SIDA.

An fezan sa nou osi fer sir ki nou mentenir kominikasyon avek tou bann parti konsernen isi Sesel ki pe lalit pour tou lede VIH-SIDA e lasante reprodiktiv.

E osi tou bann Lalwa an relasyon avek drwa lasante reprodiktiv VIH-SIDA i an konformite avek lezot pei Manm SADC.

Konman en Komite; Konman en Komite; otan ki posib nou fer sir nou zwenn tou le mwan isi menm kot Lasanble, pour nou diskit bann issues ki apartenir a HIV Aids e lasante reprodiktiv.

Nou annan en kantite enteraksyon avek tou bann parti konsernen isi lokal; par egzanp Minister Lasante, NAC, HASO e ISFF.  Sa zis pour nonm detrwa.

Konman en Komite nou’n fer lezot aktivite par egzanp nou’n al vizit unit CDCU kot Lopital Victoria pour nou vwar lanvironnman ki bann travayer pe travay ladan; bann konstrent ki zot pe rankontre.  E osi progranm ki zot pe antreprann dan sa lalit pour diminyen VIH-SIDA e promot lasante reprodiktiv.  Nou osi annan miting avek National Aids Council kot zot biro li menm kot nou’n diskit lo zot bann parey ki nou dir bann strength and bann weaknesses konman zot sa lorganizasyon responsab pour nou Komite SIDA.  E bann progranm ki zot pe enplimante.

Nou’n osi partisip dan diferan miting avek workshop tou lede kote isi Sesel e enternasyonal; kot nou bann Manm in ganny sans aprofondir e menm konn bann pli bon fason fer e konn bann Lalwa an relasyon avek sa ki mon pe koz lo la lasante reprodiktiv e VIH-SIDA.

Konman en Komite nou’n fer de miting.  Nou ti enn Praslin de miting piblik enn Praslin kot nou ti envit bann group ki nou dir vilnerab e nou ti fer sa group Praslin ti pour La Digue osi.  Kot nou ti anmas bann lenformasyon ki nou de zil apre Mahe ki pe bann difikilte ki zot pe gannyen an relasyon avek VIH-SIDA.

Avek lasante reprodiktiv.  Nou ti fer en 2enm miting isi Mahe ankor en miting piblik kot bann group vilnerab ti vini pour met pwen devan.  Sa 2 miting ti en fason pour nou ranmas ase lenformasyon.  Nou pa’n anvi travay dan izolasyon, so nou’n fer sa de miting pour nou anmas ase lenformasyon.  E sa bann lenformasyon ki nou’n donnen avek sa de miting – pour permet nou konman en Komite la ki nou pour zwenn la ki nou pour formil nou bann kestyon nou bann Mosyon pour nou prezant avek Lasanble.

Bann pwen spesifik ki nou pour aborde, se rediksyon HIV Aids dan Prizon e lazenes pour zot kapab attend zot bann proze attend lo nivo medikal ki sa i en lanpesman.  E sa progranm i en progranm ki pour kontinyen ziska Septanm.  Alor Mr Speaker avek plezir mon anvi prezant mon Rapor avek Lasanble.  Mersi.

 

MR SPEAKER

Mersi Onorab Roucou.  Ou ava sirkil rapor apre avek bann Manm.  Ok mersi.

Bon nou a move lo nou lot item lo nou Order Paper.  Sa I Mosyon pour anmenn en par Onorab Clifford Andre.  Mon ava demann mover Mosyon pour li move son Mosyon.  Petet zis en pti mo avan eski ou’n sirkil bann ToR pour sa Komite?  Ou pe anmenn en lamannman.

 

HON CLIFFORD ANDRE

I ti sa ToR ki ti ganny sirkile avan.  So sa ToR I deza dan konesans bann Manm depi letan nou ti pas sa ToR pour aprouve par Lasanble.

 

MR SPEAKER

Ok petet ou a zis eksplik nou kote sa bann sanzman i sitye.  Ok go ahead Onorab Andre.

 

HON CLIFFORD ANDRE

Mersi Mr Speaker.  Mr Speaker Lasanble ti aprouv letan i ti konmanse en Komite ki apel Anti-Viktimizasyon; Komite Anti-Viktimizasyon e sa pou vwar en pe bann sityasyon viktimizasyon ki egziste dan nou pei, avek bi pour redwir ou elimin sa fenomenn ki bokou nou bann sitwayen i pas atraver.

Letan nou ti formen Mr Speaker nou ti met dan nou terms of reference ki nou Lasanble ti aprouve and koman dan 3.1 ti dir i lir koumsa, dan son form aktyel I lir: ‘The committee shall consist of seven members which shall reflect the strength of the political parties represented in the National Assembly.  The members of the committee shall be appointed as per the Constitution and the Standing Orders except for the Speaker who shall be an ex- officio member and Chairperson of the Committee’.

Mr Speaker anvi bann devlopman ki’n arive boner sa lannen, e avek ou eleksyon konman Speaker Lasanble Nasyonal, nou’n vwar li neseser avek an konsiltasyon avek ou, nou’n vwar li neseser pour nou retir dan 3.1 sa bann mo swivan: …‘except for the Speaker who shall be an ex- officio member and Chairperson of the Committee’ e dan son plas pour nou konklir sa sentence met en full stop apre Standing Orders.  Sa i an referans 3.1.

An referans 2enm lamannman ki nou pe propoz avek sa Lasanble I koumsa, dan proviso ki tonm konman en provizyon an referans avek Lartik 12.2 par retir limero 5 e ranplas li par limero 10.

Savedir avan ti lir koumsa: ‘provided always the Committee shall not hear complaints arising more than 5 years prior to the approval date,’ alors nou pe extend nou pe demann laprouvasyon Lasanble pour extend sa peryod pour met li 10an.

Nou pe fer sa Mr Speaker se akoz nou’n vwar letan nou’n travay pandan sa 15mwan nou’n vwar ki nou annan bokou konplent ki’n vini, ki zot time period i laz, e i annan ki par-ler napa serten dokiman ki fer nou louvraz en pti pe difisil.

E alors nou’n kapte li dan en peryod letan kot nou ava ankouraz dimoun pour li kapab anmenn zot konplent ki dan sa peryod letan.  Nou pa pour depas sa nou pa pour pran avan sa definitivman so sa I ava ed nou pour nou annan en bon konklizyon lo sa bann konplent ki ganny anmennen devan nou.

Avek sa Mr Speaker mon ti ava demann Lasanble pour konsider sa Mosyon e donn nou zot approval.  Mersi.

 

MR SPEAKER

Mersi Onorab Andre.  Okenn Manm ki segonde?

 

HON BASIL HOAREAU

Mersi Mr Speaker.  Mr Speaker mon segonn sa Mosyon.  Mon pa pour dir gran keksoz.  Sel keksoz ki mon pour dir se letan nou pe koz sa peryod 5an ki’n increase pour vin 10years from approval date ki vedir dat ki Lasanble ti aprouve nou original terms of reference.  San menm tou.

 

MR SPEAKER

Ok.  Mersi Onorab Basil Hoareau.  Onorab Letourdie

 

HON JANY DE LETOURDIE

Mersi Mr Speaker.  Bon apre midi tou dimoun.  Mr Speaker mon ti a kontan mon osi aport mon sipor pour lamannman term referans pour sa Komite Anti-Viktimizasyon ki mon osi en Manm lo la e konman osi sel madanm lo la.  I byen ki sa lamannman in arive akoz sa I a kapab permet nou rekonmans nou travay.

Malgre nou’n zwenn me selman nou pa ankor vreman ekout bann dimoun akoz zot annan zot konsern e zot vreman anvi ganny ekoute.

Mwan ti a kontan personnelman remersye Mr Patrick Pillay pour sa bann leksperyans lo bann ka ki nou’n ekoute ansanm e osi pour dir li mersi bann desizyon sarz ki’n pran letan ki i ti kapab.

Mr Speaker la ki nou’n ava nou term referans aprouve par Lasanble, toudswit konman nou’n fini elekte nou Vis-Chair avek nou Chair deswit apre nou ava kapab pas lo nou bann travay.

Akoz dimoun I vreman enspire pour ganny sa soulazman.  Mwan konman en madanm parey nou dir I annan bokou ka I annan in anmenn bokou larm dan lizye e mon pour fer sorti ki pour viktimizasyon i vreman la dan Sesel, akoz lo rikord la I annan ki nou’n annan bann konplent ki’n vini i date le 8 Mars sa lannen.

E alors osito ki nou kapab konmanse I fer bokou dibyen pour dimoun ganny ekoute omwen kanmenm zot pa kapab ganny tou fwa tou bann rekonpans ki zot ti a demande.

E alors mon ti a demann tou bann Manm pour donn sipor pour sa lamannman pour sa ToR.  Mersi Mr Speaker.

 

MR SPEAKER

Mersi Onorab De Letourdie.  Okenn lezot Manm i le entervenir.  Onorab Ramkalawan

 

HON WAVEL RAMKALAWAN

Mersi Mr Speaker.  Mr Speaker zis mon ti ava ganny en pe plis leklersisman from sa Komite lo sa 2enm eleman lamannman.  Pour fer li sorti 5an pour vin 10an.  Mon pe zis demann mon si zot pa pe ava al enpe tro an aryer.  E sa pour fer ki parske I deza annan konfizyon.

I annan dimoun I melanz Komite Anti Viktimizasyon avek Komisyon Laverite avek Rekonsilyasyon Nasyonal ki pour vini pli tar.  Rezon ki mon pe poz sa kestyon e  zot ava donn zot leklersisman parske zot ki asiz lo sa Komite, se pour fer ki travay sa Komite I vin enn ki aktyel,  ki vivan ki ou pa trouv ou avek 300ka ki pe retourn net deryer me tandi ki konmsi ki ou pe deal avek bann ka aktyel.

Onorab De Letourdie in fer sorti en pwen ki ofet I siport sa ki mon pe dir letan Onorab De Letourdie i dir zot in ganny en ka le 5 Mars sa lannen.  Sa i aktyel.

E ki i fer ki sa dimoun ki vin devan sa Komite i kapab ganny en larepons enpe vit.  I ava ganny ekoute.  I ava ganny lankourazman e i ava ganny konsey parske sa Komite i pa en Komite Zidisyer i napa sa rol en Tribinal.

E ki alors konmsi zot ava pe tous plito bann size bann ka ki aktyel.  Tandi si ou al met li pour tro bokou letan an aryer 10an.  10an ou pour al ganny problenm osi pour ou ganny -egzakteman – pour ou ganny levidans pour ou ganny bann dimoun ki ti pe travay dan sa landrwa ki’n sanze.  Tandi ki pli kourt ki pour kit li lo 5an si par egzanp ou’n ganny ou’n ganny en problenm dan Lapolis.  Parey I ti annan sa problenm promosyon par egzanp mon pe zis servi sa konman en legzanp, Komisyoner I ava ankor la sa dimoun ki ansarz ladministrasyon I ava ankor la e ki ou ava kriy li.  Tandi ki 10an, 10an ankor enn fwa annou servi legzanp Lapolis 10an si en dimoun in met en ka kot I krwar I annan viktimizasyon e manke in fer serten demars 10an ou pour bezwen al rod Komisyoner Quatre.  Ou pour bezwen al rod bann zofisye lapolis ki petet in arête travay e ki alor dan li menm li i pour ou ganny sa rekour kot lazistis i konsernen i kapab en pe i kapab en pe trennen.  E se sa osi tou ki i ava fer ki lekspektasyon dimoun i ava diminyen e I annan menm ava annan fristrasyon.

Pran par egzanp kot la ankor enn fwa mon servi sa legzanp ki Onorab De Letourdie in met devan e annou swiv li byen.  Sa dimoun son ka i date le 5 Mars sa lannen petet le 5 Mars sa lannen.  I ankor donn li ankor letan si par egzanp dizon I ti pour ganny ekoute semen prosenn, oubyen dan mwens ki 1mwan, i ankor dan sa peryod letan, kot i kapab fer bann demars baze lo konsey osi tou ki Komite pour donn li, kot I ava kapab rezourd son problenm dan en lot fason.

Tandi ki la si ou pe dir bann ka 10an i pa vin en keksoz aktyel I pour kapab vin limero 325.  E son ka le 5 Mars sa lannen, i ganny ekoute lannen prosenn oubyen lannen 2020.

Kot se sa ki mon pe sey mon pe met devan pour ki Manm sa Komite, Manm sa Komite zot pran sa an konsiderasyon pour zot kit sa limit 5an – 5an e olye al elarzi li pour li vin 10an.  Alors se sa mon pwen ki mon ti ava kontan met devan pour parske la nou pe diskite pour nou regarde ki mannyer nou pour vin pli efikas, pli on the ball pli serye aktyel ki Lasanble pe la i la en ka in arive in ganny ekoute e I kapab menm vin en news item.

Tandi ki 10an I pour nepli en news item.  E menm pour sa dimoun I riske bliy serten keksoz.  Ok Mr Speaker se sa ki mon ti a kontan kontribye dan sa deba.  Mersi bokou.

 

MR SPEAKER

Mersi Onorab Ramkalawan.  Onorab De Commarmond

 

HON CHARLES DE COMMARMOND

Mersi Mr Speaker.  Mon dakor avek largiman avanse par Leader Lopozisyon.  Mr Speaker an menm tan mon annan de pti klarifikasyon.  Sa Komite ler mon kalkil avek travay ki Komite pour Truth and Reconciliation nou pe fer nou compile bann lenformasyon, nou triye, nou fer nou Rapor apre nou submit li somewhere.  Nou sa Komite la eski nou ti kapab ganny en leklersisman akoz nou antann nou aprann ki Komite I ekout bann ka parfwa ziska tar dan lannwit e zot ziz bann ka zot menm konmsi zot pran desizyon pour rezourd sa bann ka zot menm.

Mon le sey konpran sa mekanizm e pour oubyen zis zot advise bann dimoun ouswa eski zot compile sa bann lenformasyon zot fer li dan en rapor zot submit li somewhere else?  Konmsi ti a bon mon ti anvi zis en pti pe leklersisman lo la ki mannyer i operate en pti pe.  Mersi bokou

 

MR SPEAKER

Mersi Onorab De Commarmond.  Non mon pa kapab donn ou nou pa dan Staz Komite.  Ou’n fini fer ou lentervansyon mon ava donn loter Mosyon Onorab Andre pour fer en konklizyon.  Right of Reply.

 

HON CLIFFORD ANDRE

Mersi Mr Speaker.  Mersi tou bann dimoun ki’n koz lo travay Komite Anti-Viktimizasyon.  Onorab Hoareau – annefe tou Manm lo sa Komite I bann Manm ki’n aktiv vreman aktiv e dan sa konteks konman Vis- Chairman mon oule remersye zot pour sa travay ki zot in fer.  Mon pran sa konsern ki Leader Lopozisyon in anmenn devan e I en keksoz ki nou osi konman en Komite nou’n diskite a plizyer repriz pour nou kapab vwar ki mannyer nou vin pli efikas ki sa nou bi.  E nou ti pe sey avek sa lide lo kan oubyen ki kantite letan me mon pour tant pour agree avek sa term 5an.

Nou kapab reste 5an akoz si nou al lo Public Officers Liability nou menm nou dan sa Lasanble nou dir 5an.  So si nou annan zofisye piblik ki sa dimoun ki’n ganny afekte I annan 5an olye anmenn son case Ankour, so kekfwa pandan son premye lannen I a vin sey rod en rekour kot nou apre I ava annan ankor 4an oubyen ankor en pe letan pour li kapab bouze.

So nou ToR i anpes nou deal avek en case ki deza Ankour.  So definitivman lakour pa anpes en dimoun pas kot nou apre pour li al Ankour.

Alors mon krwar nou ava pour le moman nou ava tenir lo 5an e mon a move avek laprouvasyon bann Manm Komite, pour nou retir sa lamannman limero 2 pour nou gard li 5an.  Apre si nou vwar I neseser nou ava re vin avek bann rezondet par deryer proposal pour nou amande.

Me pour konsider oubyen pour reponn kestyon Onorab De Commarmond sa I en keksoz ki annefe nou ti tous lo la letan nou ti pe form sa Komite nou tou.  Nou ti dir ki nou vin pare yen body ki negosye ant sa de parti ki’n vin devan nou akoz kekfwa nou pour al kot Lakour I pour pran bokou letan zot pour ale zot kapab al kot Lakour napa naryen ki tir sa remed pour al kot Lakour.  Nou, nou pa en Lakour, me selman nou negosye nou sey diskit ant sa de parti pour sey vwar ki mannyer sa solisyon I kapab ganny remedye.

I annan dan sirkonstans ki’n vin devan nou Onorab kot tou lede sa ki pe ganny akize si oule mon bezwen dir li akize akoz i annan en konplent kont li.  In admet poudir i annan serten keksoz ki’n arive menm si I pa sa dimoun endividyelman.

Mon pour dir zot mon pa pour nonm non akoz I pa byen nonm non nou annan serten ki’n dir nou wi mon ti ganny lenstriksyon sorti kot Minis pour nou fer serten aksyon ki’n ganny fer.  E letan nou demande eski ou konsider sa konman en viktimizasyon? I annan ki’n dir wi.  

So prezan nou sey met zot ansanm nou sey vwar alors ki remed ki kapab soulaz sa dimoun ki pe anmenn sa konplent e osi fer sa ki’n ganny akize si oule pour komet sa viktimizasyon vwar ki mannyer I kapab re-aranz serten keksoz pour li kapab anpes sa arive dan le fitir.

Alors nou soumet rekomandasyon.  Annefe enn nou bann latas imedya parey mon pour dir zot I annan dimoun ki’n vini sorti kot lotorite sekirite ki’n vin kot nous a ki Onorab Leader Lopozisyon in dir Lapolis letan ti annan sa sityasyon zot ti vin kot Komite.

Nou ti kriy Komisyoner malerezman ti sanze Komisyoner aprezan nou ti kriy sa enn nouvo pour nou get en kou ki son stratezi ki pe fer pour ez sa bann sityasyon.

Alors nou manda parey zot ti donn nou i kler pour nou so nou ti pe zis rektifye sa detrwa pti bout ki mon personnelman unless mon Komite apre nou zwenn i dir mon ki zot krwar nou’n mal ale oubyen mon mal ale dan sa konteks.

I mean parey bomaten nou’n dir.  Nou dan en Sistenm Demokratik kot nou kapab koze nou kapab dir me selman par lefe ki Mosyon in vin devan Lasanble nou bezwen reakte avek sa Mosyon.

E pour le moman parey mon dir mon a retir sa 2enm lamannman ki mon mete e nou a kit li parey I ete ziska ler nou rezwenn konman en Komite pour nou revwar li.  Avek sa Mr Speaker mon ti a kontan demann tou Manm pour donn nou zot aprouvasyon pour sa premye lamannman ki nou anmennen ki devan Lasanble.  Mersi.

 

MR SPEAKER

Mersi Onorab.  Ou’n retir part of your amendment.  Mon a zis donn laparol Onorab Basil Hoareau.

 

HON BASIL HOAREAU

Annefe Mr Speaker.  Ki mon ti le fer e mon pour apre mon pour koz en pti pe vitman kot kourtman.  Mon le segonn sa lamannman pour amann sa Mosyon.  So mon pour koz lo sa baz.

Segonn sa lamannman pour segonn sa Mosyon ki pour tir 2enm paragraf.  E Mr Speaker mon dakor avek sa ki Onorab Ramkalawan in dir me selman ki mon ti le klarifye.  Sa 5an ki ti annan ki nou ti pe increase li to 10years sa ti pour bann case ki ti ariv avan ki sa Komite ti ganny setup sa ki ti sa 5an.  Bann case ki ariv apre ki Komite ti ganny setup li son peryod letan i 6mwan.

Savedir nou pe dir avek bann dimoun gete si apre ki Komite fer konmsi ozordi I annan en viktimizasyon ki arive ou annan 6mwan pour ou anmenn sa case before Komite.  So e sa i egzakteman lo la baz ki Onorab Ramkalawan i dir ki keksoz I ase I ankor fresh bann dimoun i ankor mazin lensidan levidans i ankor la.  Sa ti plito sa 5an ti pour plito pour bann case ki ti ariv nou ti etablir Komite.

Par egzanp savedir bann case ki’n ariv dan lannen 2000 dan I mean nou ti met li 5an savedir I ti pour tonm dan lannen 2011.  E se sa ki nou ti mete.  E apre sa in arive Mr Speaker anba direksyon former Chairperson of Komite, nou ti pe ekout bann case ki ti menm annan 20an.

E nou ti pe vwar difikilte bann case ki vin 20an kot bann dimoun menm par-ler swa zot in ki normal.  Dimoun letan avek letan dimoun pa mazin keksoz parey zot pour mazinen si in fek arive e menm ti napa levidans.  Parey dimoun I pe dir ou in ganny tel let, me selman ti napa let bann dokiman bann documentary evidence pa ti napa.

o sa ti pe met nou dan en pe difikilte si nou ki nou pour fer.  E parey mon dir nou ti pe go beyond nou terms of reference.  Me apre letan nou’n diskite nou ti dir be ok I annan 5an ti annan parmi nou ki ti pe dir annou maintain sa 5an me ti annan keksoz ki ti pe dir annou sey elarzi li apre nou dir be ok annou tonm en compromise 10an.

Me mon dakor avek Onorab Ramkalawan ki mon krwar menm si nou pe koz pour bann ka ki’n ariv avan sa Komite ti ganny etablir, i devret reste 5an.  Me pour bann ki arive ouswa ki pour arive dan le fitir son time limit se 6mwan.  Ok? So avek sa apre sel keksoz ki mon krwar i reste pour nou pour fer konman en Komite ki nou pa ankor fer se prezant en rapor avek Lasanble.

Mon krwar nou pour bezwen travay lo la konman en Komite pour nou fer sir ki sa i arive.  Mersi

 

MR SPEAKER

Mersi Onorab Basil Hoareau.  Bon Motion in ganny amande in ganny segonde.  Mon retourn to mover eski ou annan okenn final remarks avan nou pran en vot?

 

HON CLIFFORD ANDRE

Mon pe zis move pour nou pran en vot.

 

MR SPEAKER

Ok.  Mersi Onorab Andre.  Bon mon ava demann tou Manm ki an faver Mosyon as amended.  Okenn Manm ki kont?  Madanm Clerk.

 

MADAM CLERK

Mersi Mr Speaker.  26 Manm an faver e personn kont.  Mersi.

 

MR SPEAKER

Ok savedir Mosyon in ganny aprouve.  Wi Onorab Andre.

 

HON CLIFFORD ANDRE

Mr Speaker mon pe zis query whether nou met lo rikord bann abstention as well?  Akoz i paret mwan i annan de Manm ki’n abstain.

 

MR SPEAKER

Wi ok.  Nou ava  – sa I form par en pti pe travay ki Standing Orders Committee pe fer with regards to eski nou rikord abstention to as a vote?  Ok as way of voting nou annan en yes nou annan en against apre nou annan en abstention.  Me I pa dan nou Standing Orders pour le moman, me i pe vini dan revizyon.  Yes Onorab Ramkalawan.

 

HON WAVEL RAMKALAWAN

Non, selman mon krwar ki sa ki Onorab Andre i ti pe anvi note se ki tou Manm Parti Lepep in vot an faver sa lamannman eksepte Leader of Government Business ek the Chief Whip.  Ki vedir ofet latet pa’n vote me lekor in vote.  E sa i en pe – i en pe konfizan parske I montre en pe leta bomaten nou’n diskit lo Leta Lanasyon.  Me la i montre nou en pe leta Parti Lepep dan Lasanble Nasyonal.  Mersi.

 

MR SPEAKER

Ok mersi, mersi.  Bon Mosyon in ganny aprouve konman in ganny amande.  Mon ava demann mover 2enm Mosyon.  Onorab Ramkalawan pour li move son Mosyon.  Onorab.

 

HON WAVEL RAMKALAWAN

Mr Speaker mersi bokou.  Mr Speaker les mon konmanse par dir ki sa Mosyon ofet mwan mon konsider li konman en Mosyon bipartisan.  Dan le sans ki tou lede kote nou ti koz lo la e sa konversasyon in konmanse depi letan nou ti pe regard Bidze lannen pase kot nou ti vwar nesesite pour ki I annan en Komite ki regard bann size Sekirite avek Ladefans.

E tou lede kote nou’n dakor e letan bann zafer Assomption tousala in leve nou’n vwar plis ankor sa nesesite.  Parske pandan en serten moman letan nou ti pe rod leklersisman sete Komite zafer Etranzer avek Komite Finans Lasanble sa de Komite ti zwenn pour antre dan sa dialog.

Alor nou ti osi dir e mon konman mon ti azir en pe parey portparol poudir ki pour le moman ki Lasanble I repran son travay normal ordiner nou pour met en Mosyon pour ki I annan letablisman en Komite Ladefans avek Sekirite.

E se sa efektivman ki nou pe fer ozordi.  E mon lir sa Mosyon ki mannyer in ganny drafte e sa ki mon sey fer se osi enkli dan sa Mosyon bann gran liny ki kapab ganny apele zot terms of reference.

Ki konmsi nou pa bezwen retourn ankor devan Lasanble pour nou prezant Lasanble terms of reference me ki dan sa Mosyon i enkli son terms of reference.  E la mon ti ava envit okenn Manm ki zot santi ki poudir nou’n mank serten keksoz pour azoute.

Alor Mosyon I lir koumsa: ‘Lasanble Nasyonal I etabli en Komite Ladefans avek Sekirite ki pour annan sa bann lobzektif swivan.

Premyerman etablir en kolaborasyon pros avek SPDF, Lafors Lapolis avek tou Lazans Gouvernman ki I annan keksoz pour fer avek sekirite Nasyonal.

Dezyenmman diskit Bidze avek depans tou sa bann Lazans.

Trwazyenmman annan konsiltasyon etrwat lo tou bann plan devlopman sa bann lorganizasyon.

E katriyenmman pour fer bann rapor regilye avek Lasanble Nasyonal.’

Mr Speaker sa bann terms of reference I koz pour li menm kot par egzanp si SPDF oubyen Lapolis I annan bann Plan Devlopman zot kapab zot pour kontakte nou Komite Ladefans oubyen nou kapab demann zot kestyon lo si par egzanp nou vwar serten devlopman ki pe arive.

Kot pour nou ganny detay pour nou ganny serten lenformasyon letan I ariv ler pour par egzanp tanzantan I annan bann problenm dan pei; kot la tou dernyerman I annan sa size si Larme Lafors Ladefans pour travay avek Lafors Lapolis pour konbat kont kriminalite.  Tousala i ava bann size ki nou ava regarde.

Lafors Sekirite i osi annou pa bliye poudir Prizon tou I form parti enpe sa.  E alor avek sa bann problenm ki pe arive sa Komite Lasanble, i ava kapab kriy devan li bann zofisye ki ansarz Prizon pour nou regarde egzakteman ki pe arive.

Demen dizon i ariv en mutiny laba dan Prizon kot in deza arive, ankor enn fwa nou ava kapab zwe en rol.

E petet an menm tan osi sa Komite Ladefans avek Sekirite, i ava kapab osi ede pour atraver nou bann pwennvi pour nou propoz serten solisyon.  Kot I annan problenm so sa I vin en kote.

Lo lot kote pour diskit Bidze. Letan Bidze I ganny prezante pour sa bann diferan lorganizasyon e kot nou pour bezwen demann bann kestyon ki a kapab annan en eleman sekirite avek sa Komite I ava fer li.

E petet la mon ti ava dir ki dan en serten sans ti ava menm byen sis a bann diferan lafors avan menm ki zot finaliz zot Bidze zot ti ava kapab antre an kontak avek nou pour annan sa dialog pour nou deza konnen dan ki direksyon zot pe ale.

E swa nou ava dir avek zot nou pans pa si i bon pour zot al dan sa direksyon akoz zot pour ganny problenm devan Lasanble Nasyonal pa pour aprouve.  Oubyen lot kote nou ava kapab ankouraz zot pour nou donn zot sa sipor, neseser pour zot kapab letan nou ava pli byen konpran.

Par egzanp zot nesesite pour annan plis mendev si zot in met sa devan nou dan en fason kler, nou ava kapab apir zot letan zot Bidze i ganny prezante.  E la nou bezwen dir ki nou rekonnet ki poudir lo kote ladefans avek sekirite, i annan en eleman konfidansyel.  E Sesel i pa en leksepsyon.

Dan tou bann Parlman ki annan sa Komite Ladefans avek Sekirite zot rekonnet ki poudir I annan sa eleman konfidansyalite.  Parske pour nou kapab fer nou travay fodre ki I annan sa konfyans, sa trust e alor nou ava kree sa baz pour ki en tel sityasyon i ava egziste.

E atraver sa nou ava vin raport regilyerman devan Lasanble Nasyonal lo kwa ki nou santi.

Mr Speaker zis an pasan mon ava mansyonnen ki bomaten dan son prezantasyon non yer, dan son prezantasyon Onorab Esparon in mansyonnen ki poudir I annan serten konsern vizavi serten bann zofisye ki ti travay konman Gard Kor ansyen Prezidan ki’n retourn dan Larme.  E ki dapre konpran I annan en serten sityasyon ki pa normal; kot serten dimoun pe dir zot pe ganny plis allowance e pli bon tretman ki bann solda ki la.

e sa par egzanp I ava en size pour sa Komite regarde – sa Komite Ladefans, i ava kapab si I ganny en konplent parey I ava kapab kriy ladefans bann zofisye SPDF pour dir be la I la I annan sa sityasyon la alors annou regarde ki mannyer keksoz i ete.  Parske sa I pa pour vin en ka viktimizasyon – sa parske ka viktimizasyon si en dimoun in ganny victimize me letan I annan pour fer avek sa lorganizasyon la nou ava kapab antre ladan.

Lo en lot nivo sa zafer bann SVPD kot zot ti travay zot pa’n ganny peye.  E a i annan pour fer direkteman avek sekirite e sa osi tou I ava permet sa lot louvertir pour ki sa i ava annan sa platform la ki ava kapab adres sa bann size.

E non pa ki dimoun pour tay isi gos drwat partou kote, me kot I ava kapab regarde.  So Mr Speaker se dan sa lespri ki sa Komite i ganny formen e se dan sa lespri ki mon demande ki Lasanble I aprouv sa ki deza I ava annan sa platform ki neseser.  E sa parey mon dir I egziste dan tou bann Lasanble Nasyonal dan tou bann Parlman pour regard sa bann size ki enpe pli delika.

Avek sa de parol Mr Speaker mon ava demande ki sa Mosyon I ganny sipor.  Mersi bokou

 

MR SPEAKER

Bon mersi Onorab Ramkalawan.  Okenn Manm ki segonde.  Onorab De Commarmond

 

HON CHARLES DE COMMARMOND

Yes Mr Speaker.  Mersi bokou.  Mon segonn sa Mosyon.  Se en Mosyon anfen kont ki son letan I vin tar mon kapab dir tar dan lesans depi lontan nou pe diskit lo la nou pe koz lo la.  E ki i byen ki i vin dan nou Lasanble dan tou Lasanble I annan en tel Komite.  E pour nou zwe sa rol FPAC in pran plizyer moman rol sa Komite.  E i annan de ka de serten lensidan ki’n arive kot nou Lasanble in bezwen fer Komite apar pour deal avek sa.  Mon rapel letan ti le ka Onorab Ferrari par egzanp ti en ka kot en Komite in investigate sa.  Me letan i annan sa Komite parey I osi kapab li I pran sa responsabilite pour li regard o profon.  E mon asire ki sa zafer Assomption ki devan nou la I en ka spesifik kote osi sa Komite pour bezwen zwe en rol.

I pour bezwen al get akoz la I konsern osi sekirite nou teritwar kwa ki pe ganny fer nou pour bezwen al vwar plis an detay pli o profon pli pros.

E al vizite si en konparezon proze i ganny fer be nou bezwen sa Komite i bezwen la depi konmansman ziska finisyon e prezant nou rapor avek Lasanble pour ki nou konnen e konpran kwa ki pe ganny fer.

E an menm tan mon krwar en tel Komite I enportan ki okenn kous nou popilasyon ki anba en serten tret a diferan moman sa Komite I kapab step in, i regarde kwa ki pe fer sa arive e ki rol i kapab zwe pour protez nou popilasyon.

E la letan mon pe koz sekirite osi i pa zis en kestyon sekirite avek zarm li i en kestyon food security. 

Dizon demann in ariv en problenm kot popilasyon pei napa manze en konparezon be I en lapse sekirite li osi sa.

Ki sa Komite osi mon krwar i bezwen gete so i annan sa defans, me I osi annan sa bout sekirite.  I osi letan i vini gete ki pe arive e si en lagrikiltir and what not.

I pa pour overtake Komite Lagrikiltir me selman nou a pe koz security dan son gro sens du motSo Mr Speaker mon krwar tel Komite pe koz lo zafer Prizon Onorab in avans sa pwen mon ti’n note la zisteman en kantite keksoz ki pe arive dan Prizon ki nou’n antann pe arive dan lepase mon pa’n dir nanryen pa’n ganny fer mwan.

Me selman sa Komite si ti egziste la ki I pour egziste I pour zwe en rol e mon vwar I fer li vin pli for.  I a travay ansanm avek Komite Prizon si I annan en Komite Prizon ki’n ganny etablir par Egzekitif me li I ava travay ansanm I ava vwar osi kwa ki I kapab kontribye pour fer ki nou popilasyon nou pep i viv an pli bon sekirite e dan lape.

Me an menm tan nou pa kapab parey nou dir koz sekirite san lape sa Mosyon mon santi osi ki I pour tous lo bann diferan ou konnen sa zafer REFLECS ki nou’n koze.  Sa zafer SVPD pa kapab ziska konmela pour tan sa issue I sipoze in ganny deal avek depi se pa ki lepok.

Eskan ozordi konman serten dimoun i zwenn ou dan semen I a pe dir ou pa bliye sa ki Lasanble ti dir lo la.  Sa ki komant desizyon ki ti ganny pran oubyen garanti ki ti ganny donnen pa’n ganny fer.

Sa ki Minis oubyen sa ki se pa lekel ti’n dir pour fer pa ankor ganny fer.  Nou, nou pa konnen si vre si pa vre e parfwa on the spur of the moment ki ou dan semen dimoun pe dir ou sa ou pa kapab pran tousala deswit pour al deal avek.

I  en tel Komite I zis swiv sa e mon asire pour annan en aksyon konkret en aksyon final e en aksyon for ki pour ganny fer.  Pour napa bann tate isi tate laba ouswa keksoz ki pour tarde.

Mon krwar Komite i ava fer en rol I ava zwe en rol enportan.  Alor Mr Speaker sa Komite mon krwar I pour en keksoz ki byen ki bon pour nou Lasanble e mon demande ki osi I en Komite ki pour zwe en rol enportan.  Annou pa get li konmsi nou pour al get zis dan kestyon Ladefans, Larme ensidswit I pa zis en kestyon sa i en kestyon enportan i en keksoz enportan.

E ki nou pep I bezwen konpran Lasanble pe fer son Komite e sa Komite mon osi dir napa personn ki pour ganny peye lo sa Komite.  I en Komite ki pour fer ki pour swiv de pros sekirite nou pei e pour napa naryen ki pour ganny peye lo sa Komite – sa mon anvi garanti avek nou pep.  Akoz nou konnen ki mannyer keksoz I ete avan dan pei.

Avek sa mon krwar i kler nou pour donn sipor sa Komite Mr Speaker e se en Komite ki pour alor pour dibyen nou pep pour dibyen nou Lasanble.  Mersi.

 

MR SPEAKER

Mersi Onorab De Commarmond.  Mon a donn laparol Onorab Sandy Arissol.

 

HON SANDY ARISSOL

Mr Speaker mersi.  Bon apre midi tou dimoun.  Me pe zis rod en pti klarifikasyon mon.  parske letan mon lir Mosyon ki Onorab Lopozisyon in anmennen I dir: ‘Lasanble Nasyonal I etablir en Komite Ladefans ak Sekirite ki pour annan sa bann lobzektif swivan, sa se en kolaborasyon pros avek SPDF, Lafors Lapolis avek tou lLzans konsernen ki annan pour keksoz pour fer avek sekirite Nasyonal’.

Be mon’n tann Onorab De Commarmond in koz an sekirite Manze; konmsi eski mon ti ava kontan ganny en lesplikasyon.  Eski I annan pour fer avek Ladefans, oubyen I annan pour fer avek STC avek sa bann ‘diri plastik’?

Konmsi eksplik nou parske mon en pe konfize la an relasyon avek sa ki’n dir avek sa ki’n ganny prezante konman Mosyon silvouple.  Mersi bokou.  Se tou ki mon ti anvi.

 

MR SPEAKER

Mersi Onorab Arissol.  Onorab Gervais Henrie.

 

HON GERVAIS HENRIE

Mersi Mr Speaker.  Bon apre midi tou dimoun.  Mr Speaker mon krwar sa linisyativ Lasanble Nasyonal – 6enm Lasanble Nasyonal ki ava en moman istorik ozordi parske I ava premye fwa depi retrouv miltiparti en tel Komite I ganny etabli.  E i ava reste pour bann larestan fitir Lasanble.

Ou vwar nou listwar politik I fer ki toultan ladefans konmsi I annan en nespes sekre ki’n deroule dan sa sekter.

E mon menm sispekte parfwa bann landrwa kot in annan misappropriation of public funds atraver bann sekter sekirite e ladefans pei.  E mon krwar poudir sa Komite I pour ede anmenn bokou plis latransparans sirtou la ki transparency i en mo a la mode dan politik Sesel.

Donk mon krwar I enportan ki sa Komite I ganny etabli selman mon ti ava kontan zis demann detrwa kestyon pour ki dan son rezimen Loter Mosyon I kapab klarifye mon e Lasanble piblik an zeneral.  Letan nou koz Ladefans ek Sekirite, kote lentelizans I antre ladan?  Ouswa eski fodre nou met mo lentelizans Ladefans Sekirite avek Lentelizans?

Mind you nou pe al kree ki dan Bidze i ganny freeze son lokasyon – en National Intelligence Agency.

So eski i ok nou krwar poudir Ladefans avek Sekirite i kouver sa Lentelizans ouswa fodre nou mete annou an nwar ek blan.  Sa i premye pwen ki mon anvi fer resorti.  Letan mon get bann in terms of reference mon ti a kontan konnen ouswa si ou swa nou bezwen mete ouswa zot satisfe.

Poudir deza ladan kot sa Komite I annan sa pouvwar pour li egzamin bann Polisi ouswa bann Lalwa ki gouvern sa bann area ki nou pe koz lo la.

Ladefans avek Sekirite zot annan sa pouvwar pour zot kapab zis regard son bann Lalwa Sekirite Ladefans e fer bann propozisyon pour ki I annan bann reform dan sa bann domenn.  I annan osi sa laspe pour zot ganny akse avek bann dokiman ki dan domenn Ladefans oubyen Sekirite souvandfwa zot dir I klasifye.

Si dan ou terms of reference I pa spell out in black and white, eski demen sa bann dimoun I pa pour vin avek en largiman?  Poudir ki sa I klasifye ou pa kapab ganny akse avek.

E i annan osi kestyon ou’n vwar par egzanp FPAC in fer bann lanket; bann lanket ki parfwa in ouver pour piblik e mon mazinen ki Ladefans osi sa Komite I kapab fer serten lanket.  Eski sa terms of reference la I donn nou garanti poudir wi pour annan ouswa ankor fodre nou met an nwanr e blan ki zot kapab fer bann lanket lo size Ladefans Lentelizans e Sekirite?  E ki parfwa sa bann lanket I ava ouver ouswa zot menm kapab permet piblik soumet avek zot bann dokiman ki ava kapab ede an reform dan sa bann sekter.  E ouswa pour resevwar levidans avek piblik.

Donk sa I bann pwen ki mon ti ava kontan leve Mr Speaker.  E petet akoz sa size SVPD in leve konman Chairperson GOGA nou ti take up sa matter avek Ladefans SPDF osi avek Minister Zafer Entern akoz I konsern zot, nou’n ekrir.  E mon ganny lasirans akoz SPDF ti vini I ti dir I pour peye avan le 31 Desanm sa i lo rikord Lasanble Nasyonal.  Donk Brigadye Leopold Payet in koz avek mwan lo sa size osi Kolonnel Roseline i dir zot ti annan en problenm avek larzan.

Ler zot ti dir zot pour peye avan le 31 Desanm 2017 be larzan ti pour sorti kote dan Bidze 2017 ti napa.  E la se sa problenm ti napa sa larzan me le 6 Mars mon adres sa size avek Minis Finans Dokter Larose avek son PS.  E zot in dir avek mwan poudir zot in ekrir SPDF as in Minister Finans pour donn zot lotorizasyon pour peye ki ariv apepre R900mil.  E apre dan Mid-Term Review si Gouvernman pe anmenn en Supplementary Budget par egzanp then Ladefans a kapab claim back sa larzan.

So la in dir pour solve sa problenm en fwa, anpese ki bann dimoun ki pe ganny afekte desann ankor kot baro State House peye.  So savedir sa I dan prosedir pe arive e nou konnen poudir Gouvernman son prosedir i vin lo torti.

Donk annan en pti pe pasyans I ava arive me si zot pa tan nanryen les nou konnen GOGA ava take sa pwen avek Gouvernman.  Donk vwala en update lo sa size SVPD.  Mersi Mr Speaker.

 

MR SPEAKER

Mersi Onorab Henrie.  Onorab Andre.

 

HON CLIFFORD ANDRE

Mersi Mr Speaker.  Mr Speaker e Komite Ladefans dan Lasanble Nasyonal parey Leader Lopozisyon in dir e osi in ganny siporte par Leader Zafer Gouvernman i enn ki tre, trez enportan.  Akoz defans e sekirite nou pei, i ganny met an zwe par sa bann lenstitisyon ki pe donn nou sa bann servis.

Sekirite Lasanble Nasyonal I osi enportan e I pour tonm anba sa bann kategori servis ki ganny donnen par sa bann lenstitisyon.  E ladan si nou get byen i dir osi bann lazans Gouvernman ki annan keksoz pour fer avek sekirite Nasyonal.

Mon ti demann loter Mosyon pour enkli ladan osi pa zis bann lazans Gouvernman akoz I annan serten Lazans prive ki ler zot ofer serten servis sekirite I annan bann lenplikasyon ki konsern lafason ki zot fer sekirite dan pei.

Akoz nou pa devret pran li senpleman dan lespri kot akoz I depan lo Bidze Gouvernman.  Nou pe get sekirite pei dan konteks ki nou ganny etablir pour travay avek.

So sa laspe lo sekirite manze mon ava les avek loter ki’n koz lo la pour kapab travay lo la.  I neseser – e mwan konman en ansyen solda en ansyen zofisye militer mon vwar nesesite e I en nesesite ki ti’n devret ganny adrese bokou letan pase.  I pa’n ganny fer 6enm Lasanble in pran sa linisyativ pour fer avek korperasyon lot kote.  Ki montre ki poudir nou’n bouz dan en letap kot nou kapab tonm dakor lo serten keksoz sitan sansib parey sekirite nasyonal ki tonm anba sa Komite.  Avek sa Mr Speaker mwan mon pour siport sa Mosyon antyerman e mon ti a demann lezot osi pour fer parey.  Mersi.

 

MR SPEAKER

Mersi Onorab Andre okenn lezot Manm i oule entervenir.  Si non mon a pas laparol avek mover Mosyon.  Yes Onorab Ramkalawan.

 

HON WAVEL RAMKALAWAN

Mersi Mr Speaker.  Non mon ti’n vwar Onorab Valmont in lev son lanmen

 

MR SPEAKER

In withdraw.

 

 

HON WAVEL RAMKALAWAN

Apre in withdraw.  Mr Speaker mersi bokou e mon ti ava kontan remersye bann Manm ki’n entervenir.  E mersi Onorab De Commarmond pour ou segonn Mosyon e osi pour fer en serten komanter.

Mon konnen ki poudir ki Onorab De Commarmond in mansyonn food security e petet mon ti ava dir ki a sa staz konmsi dan sa enn Komite ki nou pe fer petet si nou tro elarzi li I pour kapab depas tro bokou.

E ki lo kote food security mon krwar ki I annan en fwa mon ti pe koz avek Onorab Simon Gill parske li I reprezant lo Pan African Parliament i annan i dan Komisyon Lagrikiltir.  E ki i annan pour fer avek tou sa bann eleman sekirite alimanter ki nou ti pe dir avek tou sa bann problenm lagrikiltir ki nou annan dan  Sesel petet sa dan li menm li a en serten moman pour bezwen regarde.

Annan en Komite spesifik ki pour adres sa bann size; parske sak fwa lagrikiltir I vin isi devan nou, nou trouv nou pe pas en zour en lazournen antye avek zot.

So maybe mon ti ava dir ki lo sa pwen I ava.  Me selman si manze pe ganny servi konman en zouti sekirite konmsi kot pep pe soufer dan en fason petet nou ava kit sa ouver menm si I pa dan nou terms of reference ok?

Mr Speaker Onorab Henrie in mon kontan ki in remind nou ki poudir sa I en aspe istorik konnen nou dan sa Lasanble nou pe fer en kantite listwar.  E parfwa nou pa note sa bann eleman istorik ki nou pe fer mon kontan ki Onorab Henrie in mansyonn sa.  Parske ofet sa ki sa desizyon ki nou pe pran ozordi I pa zis istorik dan lesans ki I fer premye fwa ki Lasanble I etablir en Komite Ladefans e Sekirite.  Me I osi – i osi pour mwan istorik dan lesans ki I pe annan en devlopman demokratik ki poudir ladefans ek sekirite I osi en size ki nou kapab koz lo la.

E mon krwar sa i en pwen ki’n ganny fer sorti konmsi se en pti keksoz laba dan kwen ou pa koze sa bann size.  E Bidze avan letan Brigadye Payet ti vin la, serten dimoun mon rapel omwen en dimoun ki mon konsider konman en frer Anbasader Radegonde ki ti dir avek mwan, sa I montre en gran devlopman.  Kot ou ti ava mazinen ki Brigadye O Zofisye Larme ti ava la dan Lasanble pour reponn kestyon bann Manm Lasanble?

Alor nou pe montre ki poudir sekirite i pa zis en kestyon konmsi sa i dan domenn serten dimoun alors nou kit li laba e nou zis swa nou viv dan lafreyer oubyen nou fer parey nou ganny dir pour fer.

Me ki nou kapab diskite osi tou parske ozordi e sa I en pwen ki nou bezwen ganny nou bezwen met deor.  Letan zis pour retourn lo sa zafer Assomption letan Gouvernman ti a pe dir ki I annan pa pour kapab montre sa bann plan oubyen pa pour kapab donn detay sa bann lagreman pour rezon sekirite.  Ozordi napa nanryen ki kasyet.

Mon rapel letan i ti pe fer Baz Coast Guard Onorab Ferrari ek Mr Roger Mancienne ki ti ansarz Regar ti’n ganny serten plan e zot ti pibliye.  Letan zot ti pibliye Gouvernman ti anvoy Lapolis anler Arpent Vert mon rapel byen pour vin rode kote sa plan i ete.

E zot ti pe fer en kantite tapaz about sa.  Me pourtan la ozordi ou al lo Google Earth ou focus lo Coast Guard base Ile Du Port ou vwar tou keksoz.  Ou vwar konbyen bato ki’n park konbyen bato I kapab pran tou sa bann batiman ki annan lo sa.

Alors I vin menm parey avek sa zafer Assomption demen – demen oubyen well la pour le moman i pa resanble I pour arive.  Me si dizon demen sa bann konstriksyon ti’n ganny fer e la i pe dir non i pa kapab montre sa, sa nou bezwen al fer lenvestigasyon lo plan be demen ou ti pour al lo Google Rarth ou ti pour vwar tou parey ozordi ou vwar tou sa ki pe pase Diego Gracia.

Alor annou pa mazin an term kasyet napa nanryen ki kasyet ozordi.  Alor Onorab Henrie mersi bokou pour sa reminder e mon krwar nou kapab dir ki nou Lasanble Nasyonal I fer en lot pa.  Akoz dezormen dan 7enm Lasanble, I ava annan en Komite Ladefans ek Sekirite ki ava ganny etabli.

Mr Speaker Onorab Henrie in dir lentelizans.  Mon krwar an menm tan ki nou pe etabli sa Komite e nou realize ki poudir lentelizans i form parti sekirite.  Mon krwar an menm tan fodre ki I annan serten landrwa kot nou desin en laliny.  E ordinerman sa eleman lentelizans i ganny kite pour leta se Leta – Egzekitif li spesifikman ki deal avek bann eleman lentelizans;  ki mannyer pour rod lentelizans.

Me selman sa pa defann ki si I annan sityasyon lentelizans par egzanp ki’n ganny ranmase e ki montre i annan serten menas ki pour leta avek sa Komite partaz sa.  E zisteman se sa ki enportan kot leta I ava santi ki poudir avek Lasanble Nasyonal sa lot Brans en Gouvernman I annan sa Komite e kot i konsern sa sekirite Nasyonal si I annan serten keksoz ki zot bezwen partaz avek sa Komite pour ki petet pour ganny sipor Lasanble Nasyonal.

Dizon par egzanp an term lentelizans pour ganny serten eleman Bidze bidzeter kot sa Komite i kapab regarde e I kapab donn sa sipor.

So mon ti ava kontan dir annou pa met lentelizans dan sa bann terms of reference.  Me selman bann dimoun ki ava asiz lo sa Komite, letan nou ava pe antre an dialog avek lafors neseser nou ava osi pran sa eleman lentelizans konman enn ki enportan.

Par egzanp ozordi I annan sa bann zafer phone tapping nou konnen I pe arive, nou konnen I pe arive nou konnen osi ki poudir I annan en Lalwa.

E nou kapab ganny dir par lafors bann Lafors konsernen ki poudir zot pe fer sa pour zot kolekte lentelizans pour nobou protez pei.

Me nou kapab demann serten kestyon e nou kestyon konman en Lasanble Nasyonal ki annan nou rol pour nou defann privacy of the individual.  Nou kapab regarde ki mannyer bann endividi zot privacy pe ganny enterfer avek.  Parske si mon pe telefonn Onorab Basil Hoareau nou konversasyon I sipoze prive be si nou konversasyon pe ganny zis ekoute, Gouvernman pe ekout sa ki I anvi oubyen bann zofisye pe fer sa ki zot anvi.  Nou pour bezwen fer serten entervansyon pour nou dir ‘’tyonbo en kou, la pe al tro lwen.’’

Ok so lo sa kote lentelizans annou letan ler nou pe dir sa kolaborasyon pros annou enkli li ladan pour ki bann Manm I ava balans sa.

Lo kote Polisi ordinerman Polisi osi I annan en keksoz pour fer avek Bidze parske depandan lo ou Polisi ou pour I pour dekoul dan pour bann bezwen finansyel.

Alors letan nou ava pe get Bidze definitivman nou pour bezwen konpran Polisi par egzanp Gouvernman si Lapolis demen I dir I bezwen 50 loto dan son lager kont drog.

Nou bezwen dir avek li be ki ou Polisi e from ou Polisi nou ava regard ou Plan D-aksyon e ou plan aksyon nou ava regard bann nesesite.  

So tousala I vin bann eleman ki nou deza ki nou deza pe regarde.  I annan serten propozisyon ki’n ganny fer e mon ti ava kontan Mr Speaker sey regarde avek laprouvasyon Lasanble pour regarde ki mannyer nou kapab fer antre serten bann eleman ki’n ganny mansyonnen.

Par egzanp lo limero (1) mon ti ava kontan ki dir si son nouvo fason ki ganny li se: ‘etablir en kolaborasyon pros avek SPDF, Lafors Lapolis ek tou Lazans Gouvernman, enternasyonal, prive, ki annan keksoz pour fer avek sekirite Nasyonal’.

Mon ava elabore mon enkli enternasyonal e la mon mazin Onorab De Commarmond ki pandan plizyer lannen in reprezant Lasanble Nasyonal dan sa Konvansyon bann Pti Zarm, Small Arms Convention.

Ok be sa I en keksoz enternasyonal kot nou Lasanble I annan en eleman pour zwe ladan.  Demen sis a size pirat i relev ankor I pour kapab annan en eleman enternasyonal.  Alors se pour sa rezon ki mon krwar ki sa eleman enternasyonal prive parey Onorab Clifford Andre in azoute ki konmsi I ava bann lazans Gouvernman enternasyonal e prive ki annan pour fer avek sekirite Nasyonal.

Dezyenmman: diskit Bidze avek depans tou bann Lazans tir sa ‘sa’ met tou bann Lazans ki depan lo Bidze nasyonal.

Parske le moman ki ou’n azout prive nou bezwen sanz parol dan limero (2) akoz I pour osi enkli prive si nou pa sanz li.  Ok so nou pe enteres nou letan nou pe diskit Bidze, se Bidze pour bann lorganizasyon ki annan pour fer avek Bidze Nasyonal.  Parske apar sa nou pa pour al rod en private firm lo ki son Bidze ki nou pa pour al diskit Bidze avek li.  Ok?  Me selman si par egzanp I annan private firms ki pour resevwar larzan dan Bidze Nasyonal la aprezan nou kapab demann kestyon en pe parey nou pe fer la.  Si lekol pe rod sekirite e zot pe non men sif nou kapab kestyonnen e sa I en keksoz ki nou’n fer dan le pase.

Apre sa ok limero (3) mon ti ava dir annou kit li parey.  Limero (4) ankor enn fwa I annan en eleman lanket mon ti ava azoute konmsi annou tir sa limero (4) ki annan la annou met en nouvo limero (4).  Pour dir fer okenn lanket ki konsider neseser fer okenn lanket ki konsider neseser si I annan en sityasyon la kot nou vwar ki posib I annan in annan keksoz ki pa’n mars byen.

Mon konnen ki poudir FPAC i osi tou I fer lanket lo sa kote finansyel, me selman dizon SPDF konman en legzanp.  SPDF dan Bidze letan nou pe diskit avek li i a pe dir ki I bezwen en gro sonm pour li fer en keksoz.  Aprezan olye ki FPAC ki al fer sa lanket sa Komite Ladefans ek Sekirite li ki ava pran sa responsabilite pour li fer en lanket pour li rod lenformasyon.  Lo akoz zot bezwen sa sonm eski zot vreman bezwen sa sonm?  Oubyen eski I annan serten manboulouk kip e pase?  So sa I ava vin en nouvo limero (4) ki ava lir: ‘fer okenn lanket ki konsider neseser.

E apre 5enmman fer bann rapor regilye avek Lasanble Nasyonal’.  Mr Speaker se sa ki mon anvi se sa bann lamannman ki mon anvi propoze e mon ti ava kontan si en dimoun I segonn sa bann lamannman.  E si I annan okenn lezot komanter nou ti ava pran an kont pour fer final rounding up.

 

MR SPEAKER

Ok okenn Manm ki le segonn bann lamannman?  Ok ale Onorab De Commarmond.

 

HON CHARLES DE COMMARMOND

Wi mon segonn sa bann lamannman Mr Speaker.

 

MR SPEAKER

Ou ti le fer okenn komanter?

 

HON CHARLES DE COMMARMOND

An menm tan zis en lot leklersisman letan mon nonm food security I pa zis ti mon pa ti pe mean food security per se mon.  Par egzanp bann threats, threats I kapab vin kot I konsern manze kot ou popilasyon I ganny menase tan dan en gran lanpler – pa en pti zafer.  I menm zafer I kapab en lepidemi.  Parey lot fwa ti annan plague ensidswit konnen I kapab en keksoz to that dimension ki security of the population to large extent I ganny met anba serten risk.  Mersi.

 

MR SPEAKER

Ok mersi.  Onorab Ferrari ou ti le dir de mo lo la ou.  Ok.  Bon Mosyon in ganny amande parey Mover in propoze in ganny segonde.  Okenn lezot Manm I le entervenir lo Mosyon as amended?  Non ok?  Si non nou ava pran en vot.  Leader Lopozisyon oule dir de mo as final words. 

 

HON WAVEL RAMKALAWAN

Mr Speaker mon anvi zis dir ankor enn fwa mersi bokou.  E parey Onorab De Commarmond in mansyonnen sa Komite I pa pour en Komite ki pe resevwar okenn allowance.

Petet zis pour dimoun met zot lespri anpe – politisyen I fer en kantite travay ‘pour nanryen.’  Alors annan osi respe pour nou e pa zis regard nou konman bann dimoun ki anfanmen larzan e bann dimoun ki pe regard zot pos.  Parske Mr Speaker mon anvi dir si nou politisyen tou sa ki nou ti fer nou ti reklanmen Bidze pa ti pour ase pour pey nou.  Mersi bokou.

 

MR SPEAKER

Mersi Onorab Ramkalawan.  E lo kote Sekretarya nou ava provide sa bann sipor secretarial parey lezot Komite.

Bon nou ava pran en vot lo Mosyon ki mannyer in ganny amande.  Mon a demann tou Manm ki an faver?  Okenn Manm ki kont? Madanm Clerk.

 

MADAM CLERK

Mersi Mr Speaker.  Avek plezir mon annan pour enform ou mon rikord 28 Manm an faver – full House.  E personn kont.  Mersi.

 

MR SPEAKER

Bon Mosyon as amended in ganny aprouve par Lasanble.  E mon ava demann le de Leaders si zot dan en pozisyon pour nonm zot bann Manm ki pour form par sa Komite.  Mon ava konmans par Onorab Ramakalawan.

 

HON WAVEL RAMKALAWAN

Mr Speaker nou lo nou kote nou pe nonm nou la pli par bann Manm dan top leadership nou lekip isi.  Alor Onorab Ahmed Afif, Onorab Jean-Francois Ferrari, Onorab Clifford Andre ek mwan menm.  Mersi.

 

MR SPEAKER

Ok mersi Onorab Ramkalawan.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker lo nou kote nou annan Onorab Simon Gill, Onorab Basil Hoareau e mon menm Onorab De Commarmond.  Mersi.

 

MR SPEAKER

Mersi Onorab De Commarmond.  Bon nou fini nou travay pour ozordi lo Order Paper me avan nou adjourn mon ti annan de pti lanons.

Komite Anti- Viktimizasyon pour meet en pti moman dan break la dan Committee Room 2 mon ganny dir poudir I pa pour en long miting.

So bann Manm Komite Anti Viktimizasyon.  Apre demen Bills Committee pe rankontre dan Committee Room 3 midi e la mon ti ava zis dir avek bann Manm poudir Bill ki pe ganny konsidere demen dan Komite se ‘The Guy Morel Institute Bill’.  Zot deza – i deza dan zot posesyon e se sa ki nou pe diskite demen.  Bon mon annan zis pour remersye tou dimoun ki reste a lekout ki’n swiv nou sa detrwa pour nou bann deliberasyon.  E mon ti a kontan osi extend sa remersiman avek bann teknisyen bann travayer SBC ki’n fer sir ki bann dimoun in tan bann reaksyon lo Leta Lanasyon e in kontinyen swiv nou bann lezot travay ki Lasanble in fer la apre midi.  Avek sa mon pour zis dir ki nou adjourn e nou ava repran nou travay Mardi prosen 9er bomaten.

 

 

(ADJOURNMENT)