::
Home » Verbatim » 2018 » Verbatim Tuesday 10th April, 2018

Verbatim Tuesday 10th April, 2018

NATIONAL ASSEMBLY OF SEYCHELLES

 

Tuesday 10th April, 2018

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou Manm Onorab.  Bonzour tou dimoun ki a lekout e ki pe swiv travay Lasanble Nasyonal.  Zis avan nou al direkteman lo nou travay, mon ava zis eksplik en pti pe nou prosedir.  Lo Order Paper nou pour pran prezantasyon Rapor Truth and Reconciliation Committee, kot Chair pou zis prezant Rapor.  Nou pour napa deba lo la.

E apre en kestyon ki’n monte koman en kestyon of utmost urgency e ki mon okouran in ganny konsansis le 2 Leaders, e le 2 Leaders in koze avek kanmarad, se sa problenm Ice.

E rezon ki nou’n bezwen remet, I mean met, entrodwir sa kestyon lo Order Paper bomaten pour Minis pour responsab pour Lapes.  Nou ava al deswit lo nou Order Paper e mon ava demann Chair Komite Laverite e Rekonsilyasyon pour prezant son Rapor, Onorab Ramkalawan.

 

HON WAVEL RAMKALAWAN

Bonzour Mr Speaker.  Bonzour tou Manm Onorab e tou dimoun ki a lekout.  Mr Speaker i fer mwan en gran plezir pour prezant Rapor Komite Laverite e Rekonsilyasyon ek Linite Nasyonal avek Lasanble Nasyonal.  Mon anvi premyerman dir ki sa Rapor ki mon pe prezante in ganny sipor tou bann manm e tou bann manm in sinyen.  E deswit mon pour dir ki vreman sa Komite in travay konsyansyezman e dan en fason for.

E koman Chairperson mon bezwen deswit dir ki in en Komite egzanpler dan lafason ki nou’n adres bann size ki vreman konplike e difisil pour nou pei.

Mr Speaker nesans sa Komisyon lo sa Komite lo Laverite   Rekonsilyasyon ek Linite Nasyonal i vin atraver bann levennman le 5 Zen li menm.  Ti inevitab ki en levennman ki ti re definir bann regilasyon anba ki Sesel ti ganny gouvernen e anba ki Seselwa ti viv ladan, ti pour bezwen ganny met o kler e bann labi ganny ranverse.

Depi sa Komisyon lo Laverite ek Rekonsilyasyon dan milye deseni 1990 Sid Lafrik in annan plizyer Komisyon parey ki’n ganny etablir, non selman dan bann sityasyon konfli parey Rwanda ek Cambodia, me osi dan bann ka move pratik tel ki; lesklavaz ek travay forse, parey labourer ki ti ganny anmennen Maurice.

Sak pei a en moman letan, i bezwen fer fas ek son pase.  E sak pei i bezwen fer li dan son prop fason, baze lo son prop leksperyans e ki apropriye pour son pep.  Sa ki a la baz sa Komisyon, sete en dezir pour finalman desin en laliny anba sa bann levennman le 5 Zen 1977, ki ziska ozordi kit en gro nyaz lo nou pei.  E sa letarzi avek ki plizyer Gouvernman siksesiv depi ki pei in retourn dan sistenm miltiparti, in demontre lo sa size.

En Mosyon anmennen par mwan menm le 2 Novanm 2016 e ki vi lenportans ki tou Dirizan dan sa pei in mete tou dernyerman lo size Linite ek Rekonsilyasyon Nasyonal, vi loportinite ki Eleksyon Lasanble Nasyonal in donn nou Nasyon pour abord sa size dan en fason onnet e ouver; vi lefe ki pros 40an apre coup d’état i ankor annan Seselwa ki santi soufrans an rezilta serten lensidan ki’n arive pandan sa bann lannen, Lasanble Nasyonal i demande ki en Komite Lasanble pour Laverite, Rekonsilyasyon ek Linite Nasyonal, i ganny etablir avek bann lobzektif swivan:-

Premyerman ekout tou Seselwa ki santi son Drwa in ganny afekte depi 1977 e met lo rikord sa ki zot dir.

Dezyenmman; etidye bann diferan zouti e metod travay ki lezot pei i dan menm sitasyon istorik ki Sesel in servi pour avanse lo sa menm size, e desid lo en metod travay apropriye pour nou pei.

Trwazyenmman; propoz avek Gouvernman en striktir pour egzamin sa bann konplent, pour ki enn fwa pour tou nou anmenn laverite lo sa ki’n arive dan listwar resan nou pei, e anmenn solisyon e lape pour bann dimoun afekte, avek bi pour permet nou Nasyon avanse avek konfyans dan lavenir.

E dernyerman fer rekomandasyon lo Polisi ki nou kapab adopte, e aksyon ki nou kapab pran pour diminyen divizyon politik dan nou pei, e fer grandi sans Linite Nasyonal.

Sa Mosyon Mr Speaker ti ganny aprouve an inanimite par Lasanble apre en long deba.  En Komite Lasanble ti ganny etablir avek bann Term Referans swivan pour gid son travay;

‘Avek bi pour rezourd bann divizyon politik lepase depi coup d’état 1977 e pour inifye pei otour en lazanda komen pour en lavenir kot tou Seselwa pour annan en sans lapartaz e valer egal, sa Komite Lasanble Nasyonal lo Laverite, Rekonsilyasyon ek Linite Nasyonal, i adopte bann term swivan pour son travay:-

(1) Pour anmenn lalimyer lo laverite bann levennman depi le 5 Zen 1977.

(2) Pour resevwar lenformasyon an ekrir sorti kot okenn dimoun ki i annan konplent lo okenn aksyon ki’n afekte zot; zot drwa depi le 5 Zen 1977.  Pour fer en levanter e klasifye bann diferan konplent selon zot lanpler; pour resevwar propozisyon verbal ou an ekrir sorti kot bann ki enterese e konsider diferan metod ki ganny servi par bann pei, dan bann sitasyon parey lo ki mannyer pour rezourd bann size konsernan Linite ek Rekonsilyasyon Nasyonal.

E senkyenmman, pour fer propozisyon ek Gouvernman lo striktir ek propozisyon Foronm Nasyonal pli apropriye pour adres bann size Linite ek Rekonsilyasyon Nasyonal.  E prosedir pour adopte zot dan sa direksyon.

Lobzektif; bann lobzektif sa proze Mr Speaker ti alors ganny idantifye koman (1), en legzersis pour anmenn lalimyer lo levennman ki ti arive apre Zen’77 e ki’n kontinyen reste dan fernwanr.

Dezyenmman; en lesey pour anmenn en lafen avek bann size ki pa ankor ganny rezourd.

(3), en loportinite pour viktim ek bann ki responsab sa bann aksyon, pour fer fas ek bann size ki pa ankor ganny met o kler, e pour zot regard lavenir ansanm.

E finalman en lokazyon pou promouvwar linite Nasyonal.  Pour kapab fer sa Komite in met lanfaz lo rekonsilyasyon olye pinisyon.

Sa bann manm swivan ti ganny apwente lo Komite; Onorab François Adelaide, Onorab Charles De Commarmond, Onorab Bernard Georges, Onorab Simon Gill, Onorab Basil Hoareau, Onorab Nicholas Prea e mwan menm Onorab Ramkalawan.

Dan premye rankont sa Komite e avek bi pour souliny lenportans Nasyonal lo sa size, e inanimite Lasanble lo sa zafer Chairman ek Vis-Chairman ti ganny apwente konm swivan:-

Pour Chairman mwan menm Onorab Ramkalawan Leader Lopozisyon e Vis Chairman Onorab Charles De Commarmond Leader Zafer Biznes Gouvernman.

Ki mannyer nou’n travay?  O depar Komite ti deside ki i pa ti pour azir koman en Komisyon Rekonsilyasyon Nasyonal.  Zot ti dakor ki sa latas ti devret pour en Komisyon Nasyonal dan ki napa politisyen.

Parey son term referans i endike sa Komite pour azir koman en fasilitater pour anmas lenformasyon, lo bann levennman ki’n swiv coup d’état 1977; bann diferan kategori sa bann levennman e metod adopte par lezot pei avek en listwar parey, pour fer fas ek lepase e pour sizer en lapros apropriye pour Sesel.

Avek bi pour mentenir lentere dan sa proze pour en Komite Rekonsilyasyon, Komite ti santi ki i apropriye koman en premye pa, pour envit bann manm piblik pour soumet zot aplikasyon atraver en Form Konplent pour vwar zot bann soumisyon.

Sa Form Konplent in ganny atase ek sa Rapor, i demann serten detay tel ki; non e detay sa dimoun ki’n anmenn sa konplent; en pti deskripsyon sa konplent; solisyon ki ganny propoze.

Apre bokou piblisite dan medya, ki ti enkli en Konferans La Pres par Chairman Komite le 8 Mars 2017 – 315 form konplent ti ganny resevwar par Komite.  Sa ti permet Komite pour analiz zot dan plizyer kategori.

Premye kategori; Larestasyon ilegal, bate, detansyon, lanprizonnman, kidnapping, disparisyon, assassination ek legzil.

Dezyenm kategori;

Ganny pouse dan travay malapropo, lezot ka konsernan travay.

Trwazyenmman; temwen kot levennman pandan e bann ki’n swiv apre le 5 Zen 1977, tromatizasyon ek persekisyon.

Katriyenmman; move pratik medikal ek lezot.

E finalman la pert bann byen enkli propriyete oubyen biznes.

Enn fwa bann laplikasyon ti ganny resevwar, i ti kler ki Komite ki ti annan ase lentere dan sa proze pour komanse.  I ti osi kler ki ti annan en gran lekspektasyon parmi bann aplikan pour pinisyon ek konpansasyon.  Parmi bann laplikasyon ki ti ganny resevwar 16poursan ti demann pour rann zot, zot propriyete,

15poursan ti demann laverite ek Lazistis,

10poursan ti pe demann en pardon.

1.8poursan ti anvi Komisyon desid li menm, tandis ki 58 poursan ti demann konpansasyon monneter.

Mr Speaker etandonnen listwar bann Komisyon Laverite atraver lemonn, komite ti deside pour rod lasistans bann dimoun ki ti’n partisip dan bann tel Komisyon.  2 dimoun ti ganny idantifye pour asiste nou Komite.

Premyerman Paster Chris Ludovic en Paster Sidafriken ki ti’n partisip dan en group sipor atase avek Komisyon Laverite ek rekonsilyasyon Nasyonal Sid Lafrik e ki ti travay avek bann lezot Komisyon Afriken e ki ti Chairman Komisyon Rwanda.

Dezyenm dimou,n sete Mr Richard Rogers en avoka enternasyonal ki ti’n travay avek laplipar Komisyon Laverite ek Rekonsilyasyon Nasyonal apre sa enn Sid Lafrik enkli an Arusha, Bosnia ek Cambodia.

Sa 2 dimoun ti vin Sesel tou lede ti rankontre Prezidan Larepiblik e travay avek Komite lo ki mannyer pour attend son lobzektif.

Komite si osi zwenn avek Mr Barry Laine ki atraver son NGO Seychelles Truth Reconciliation and Peace Platform, ti ape osi travay pour en Foronm lo Rekonsilyasyon Nasyonal.

Swivan en demann par SIFCO en prezantasyon travay Komite ti ganny fer par Chairman Komite.

Sa ti enkli prezant bi ek target Komite.

Rankont piblik;

Dan en fason pour anmenn travay piblik pli pre avek nou popilasyon, e pour fer dimoun sezi posibilite Letablisman en tel Komisyon, Komite ti organiz en rankont piblik le 22 Avril 2017.  En group dimoun enkli Paster Ludovic, L’archevêque Émérite Anglikan Monseigneur Chang-him, Mr Barry Laine, Manmzel Diana Benoit sorti Sant Sir James Mancham pour Letid Lape ek Diplomasi kot Liniversite Sesel, e Onorab Basil Hoareau Manm Komite ti ganny swazir e tou piblik ti ganny envite.  Vis Prezidan ti ouver sa meeting piblik.  En gran nonm piblik ti asiste.

Sa ti enkli Prezidan Lakour D’Apel, Minis Dezinyen, plizyer Minis, Sef Lafors Defans, Komisyoner Lapolis, Levek Legliz Katolik, bann Dirizan Relizye, Diplomat ek lezot personnalite prominent.  Sa rankont ti fer ICCS.  Kestyon ek komanter sorti dan lasal ti ganny resevwar e zot kapab ganny kategorize dan sa fason;

Enn, ti annan en partisipasyon feb bann zenn e sa ti provok en lapel pour sansibiliz bann zenn lo sa parti nou listwar.

Dezyenmman vi sa gran lapel pour lazistis ki pini i devret annan plis ledikasyon lo Lazistis Rekonsilyasyon.

Trwazyenmman; i devret annan en bon fason pour rikord laverite dan en fason transparan.

Katriyenmman; en Komisyon Nasyonal pa devret annan politisyen koman manm.

Senkyenmman; tou bann konplent i devret ganny byen konsidere, e dimoun ki vin devan i devret ganny permet pour koz laverite libreman e ouvertman.

E finalman, en bon striktir pour pran swen avek bann viktim i devret ganny etablir,

Lalwa Laverite, Rekonsilyasyon ek Linite Nasyonal.

Komite Mr Speaker ti deside ki meyer fason pour avanse, sete pour drafte en Lalwa avek lasistans Mr Rogers.  E propoz sa avek Gouvernman pour ladopsyon.  Sa ti ganny fer pandan en seri rankont lafen 2017 e boner 2018.  En kopi sa Lalwa ki pe ganny propoze i atase avek sa Rapor.  La serten laspe sa Lalwa.

Premyerman;

Letablisman en Komisyon ki pour annan 7 Komisyoner avek bann dimoun ki i annan en stati respektab, moralman stab avek en bon karakter, ki i ava ganny apwente par Prezidan apre konsiltasyon avek Speaker Lasanble Nasyonal ek Sef Ziz; oubyen en dezyenm metod, sorti kot propozisyon fer par CAA, CEPS ek SIFCO.

Dezyenmman; 2 manm sa Komisyon pour bann etranze.

Trwazyenmman; latas Komisyon i ava pour resevwar konplent, ekout bann viktim ek bann ki’n komet krim avek bi etablir laverite, kree en rikord obzektif ek piblik bann levennman; ede geri bann divizyon; rod fason pour ed viktim ek akize ganny lape; determin metod reparasyon ek reabilitasyon.  E ini Sesel.

Katriyenmman; meeting Komisyon pour piblik e en rikord ganny garde.  Komisyon pour kapab vizit landrwa kot bann levennman in arive.

Senkyenmman; levidans ki ganny donnen devan sa Komisyon pa pour kapab ganny servi dan ka Sivil e Kriminel devan Lakour.

Sizyenmman; Komisyon pour annan drwa akord Amisti en akize, ki fer laplikasyon ki koz laverite e ki demann pardon bann viktim an personn.

E setyenmman; a lafen son travay Komisyon pour prezant son Rapor avek prezidan.

Mr Speaker Komite i espere ki dek ki son Rapor i ganny resevwar par Lasanble Nasyonal savedir ozordi, sa Lalwa propoze i ava ganny konsidere e aksepte par Gouvernman e apre ganny aprouve par Lasanble an Zen 2018.

Si sa kalandriye i ganny respekte, i ganny antisipe ki Komisyon i ava ganny apwente deswit apre, e komans son travay dan dezyenm parti 2018.  Dan sa konteks prezantasyon sa Rapor avek Lasanble dan sezon Pak, en moman rekonsilyasyon ek lespwar i pa en koensidans.

Bann linisyativ Gouvernman;

Pandan manda sa Komite Lasanble dan en Ladres dan Lasanble Nasyonal, Prezidan ti anons kreasyon 2 Komite.  Enn  pour konsider bann ka later dan 2enm Repiblik ki pa ti ankor rezourd.  E en lot pour konsider bann ka labi par Lafors Sekirite, enkli Lapolis.  Manm sa premye sa Komite in ganny apwente, me zot pa ankor komans zot travay.  Dezyenm Komite pa ankor ganny apwente.

Zedi Sen 2018, Prezidan ti prezant en leskiz piblik pour lanmor Konstab Berard Jeannie en Zofisye Lapolis ki ti perdi son lavi le 5 Zen 1977 pandan coup d’état.  Komite i apresye sa bann linisyativ ki form son manda, e i antisipe ki bann linisyativ Egzekitiv, i ava trouv zot plas dan pli gran rol ki Komisyon Nasyonal i ava zwe dan sa Lalwa.

An konklizyon Mr Speaker, Komite ti a kontan met lo rikord son apresyasyon pour sa bann dimoun swivan; Paster Chris Ludovic e Mr Richard Rogers – sa 2 Eksper etranze; Mr Terry Romain ek Ms Jeline Quatre sorti dan Sekretarya Lasanble; Mrs Irene Fonseka pour son lasistans; tou viktim oubyen manm zot fanmir ki’n vin devan e rakont zot listwar.

Manm piblik ki ti asiste meeting piblik Hilltop Guesthouse e Mr Dominic Camille pour donn akomodasyon nou bann viziter.

Mr Speaker nou lespwar se ki Komisyon Nasyonal i ava ganny etablir byento, e travay i ava komanse, afen ki pep Seselwa i ava tourn en nouvo paz, e ferm sa sapit ki pa ti neseser dan listwar nou pei.

Sepandan sa listwar i bezwen ganny ansennyen afen ki zenerasyon prezan e fitir i ava konnen kwa ki ti arive e zanmen repet li ankor.

Komite Lasanble Nasyonal i fer en lapel pour ki tou bann ki’n komet lofans e bann temwen i vin devan e ede pour konplet sa tablo.

Avek sa detrwa parol Mr Speaker i donn mwan en gro loner koman Chairman sa Komite, pour prezant avek Lasanble Nasyonal kopi nou Rapor.  E la koman en dernyen parol mon anvi dir ki mon espere ki sa semenn – sa semenn nou ava kapab koman en Komite prezant en rapor avek Prezidan Larepiblik, e sa i ava mark konklizyon nou travay.

Me antretan nou pe azir koman en lekip konsiltatif e letan sa travay i fini then nou ava’n fini nou travay.  E sa i mark premye laspe nou travay ki’n terminen i dan, i pour dan court Egzekitiv aprezan.  Mersi bokou Mr Speaker.

 

(APPLAUSE)

 

MR SPEAKER

Mersi Onorab Ramkalawan, bon Rapor i vin dokiman pour Lasanble Nasyonal.  E parey Onorab Ramkalawan in dir i annan bann lezot levennman ki i ava swi.

Bon nou ava kontinyen nou travay lo Order Paper e mon ava demann Madanm Clerk pour apel Minis responsab pour Lapes ek Lagrikiltir.  Bon mon welcome Minis Pamela Charlette, Minis responsab pour Lagrikiltir ek Lapes akonpannyen par son Sekreter Prensipal pour Lapes Mr Jude Talma, Special Advisor pour Lapes Mr Roy Clarisse e CEO SFA Mr Ronny Renaud, welcome parmi nou.

E Minis parey mon ti dir an vi sa irzans sa sityasyon ki’n leve pandan wikenn, rezon ki Leader Lopozisyon in table sa kestyon bomaten.  E an konsiltasyon avek Leader Zafer Gouvernman dan Lasanble.  Mon ava demann Onorab Ramkalawan pour met son kestyon avek Minis.  Onorab.

 

HON WAVEL RAMKALAWAN

Mersi bokou Mr Speaker, bonzour Minis ek ou delegasyon.  E Mr Speaker si ou permet mwan vi ki mon krwar i fer premye fwa ki Mr Jude Talma i vini dan Lasanble koman Sekreter Prensipal.  Mon ti ava kontan lo la par Lasanble welcome li e swet li bonn sans dan son responsabilite.

Mr Speaker an menm tan osi mon espere ki sa i ava dernyen fwa ki nou demann kestyon lo Ice, akoz mon komans en pe fatige demann kestyon lo Ice pour peser, parske toultan problenm i repete.

Mr Speaker vi ki i annan en gro problenm mank ice dan pei e ki tou peser pe konplent, eski Minis pour Lapes ek Lagrikiltir i kapab dir Lasanble, ki pozisyon aktyel?  E ki demars ki son Gouvernman pe fer pour rezourd sa problenm imedyatman pour ki bann peser i kapab repran zot aktivite?  Mersi.

 

MR SPEAKER

Mersi Onorab.  Minis laparol i pour ou.

 

MINISTER PAMELA CHARLETTE

Bonzour Mr Speaker ek tou bann Onorab prezan.  Bonzour tou dimoun ki pe ekoute ozordi.  Mersi Leader Lopozisyon pour ou kestyon, Mr Speaker pour komanse, mon pour donn en kontrandi lo sityasyon aktyel nou bann ice plant e osi bann devlopman ki’n arive pandan sa dernyen 3 semenn.

Mr Speaker vi ki nou ti ganny enformen en pti pe short notice pour vin reponn kestyon, si i annan lenformasyon ki nou pa kapab donnen ozordi, nou a fer le neseser pour anvoy bann lenformasyon.

Premyerman Mr Speaker Bel Ombre i annan 2 masin ice and masin Zaponnen ek en kapasite total 5 tonn ek enn containerize ki en kapasite 10 tonn par zour.

Sa enn Zaponnen i annan 2 unit ki prodwir sakenn 2.5 tonn par zour e pour le moman zot pa pe marse.  Enn sa unit ti devlop problenm ammonia 3 semenn pase apre presizeman dernyen semenn mwan Me e Lotorite Lapes in deza an kontak avek son supplier sa ice plant ki’n donn li en kotasyon en pe plis ki R410mil pour ranplas condenser dan sa unit.

Lotorite Lapes in nobou idantifye finansman pour enport sa condenser lo baz emergency e demars pour sa in komanse.  Sa lekipman pour kapab ariv dan pei dan ankor 8 semenn si nou fer li par bato, me lotorite pe fer posibilite fer li vin par avyon an vi sa legzizans.

Dezyenm unit sa ice plant in aret marse Vandredi, Vandredi pase, apre ki son laponp delo ti fail.  En nouvo laponp in fini ganny ranplase yer e enzenyer pour fer tes lo la pandan lazournen ozordi.  By demen bomaten nou ekspekte ki pour annan prodiksyon omwen 2 tonn ice par zour pour le moman.  Sa containerize ice plant ki devlop problenm in devlop problenm preski o menm tan kot i ti pe prodwir anviron 1 tonn ice par zour selman, enzenyer in an kontak ek supplier sa ice plant, ki’n advise li pour sanz software lo sa board kontrol.

Apre, apre sa ice plant in prodwir en pti pe plis ki 3 tonn zis pour en zour.  Me apre sityasyon ti vin parey. So savedir ti deteryore.

Enzenyer i ankor pe travay lo la an se moman e i ankor an kontak avek supplier sa masin ice, e dernyen kominikasyon ki’n gannyen yer 5.30 apre midi, in endike ki posibleman sa i en problenm hardware e sa board li menm.

E i ankor pe konsilte avek supplier e nou ekspekte ganny en konfirmasyon dan sa prosen 48 erdtan. Antretan Lotorite Lapes ti pran en desizyon prevantif yer le 9 Avril pour tenny sa ice plant baze lo rekomandasyon enzenyer – en attendant ki sa enzenyer i re evalye sityasyon sa masin.

Mon ti a profite pour demann leskiz pour sa lenkonvenyans, e i neseser pour enform piblik pli boner ler i annan sa bann tel problenm.

Mr Speaker lo kote Victoria i osi annan en containerize ice plant ek en maximum kapasite 10 tonn par zour.  Ankor 2 semenn pase ti annan problenm avek 2 shooters ki pa ti pe marse e kot masin ti pe prodwir en tyer son kapasite.  Reparasyon in ganny fer le 4 Avril e sa pe permet sa masin prodwir ant 4 a 5 tonn par zour pour le moman.  Apre ki enzenyer i fini travay lo laponp Bel Ombre, i pour fer travay mentenans lo sa enn Victoria pour ogmant son kapasite prodiksyon.

I vreman malere Mr Speaker ki tou sa bann devlopman in ariv an menm tan e sa i pe limit kantite ice ki pe ganny prodwir.

Mr Speaker Providence i annan 2 masin ice Zaponnen avek en kapasite total 10 tonn, tou lede masin pe marse e i pe prodwir apepre 9 tonn par zour, Providence i osi annan en masin Sinwan avek en kapasite 10 tonn par zour.

Pour le moman i pa marse me tou pyes pour repar sa masin i deza an posesyon Lotorite Lapes, ki’n fini fer le neseser pour repar sa masin sa semenn.  Nou ekspekte ki plitar milye semenn prosenn i pour operasyonnel, akoz i annan travay sibstansyel ki bezwen ganny fer lo la; parey koman ranplasman tou son bann ice plate.

Avek ekstansyon Por Lapes Providence i osi annan en nouvo ice plant ek kapasite 10 tonn par zour, ki son lenstalasyon i dan staz final.

Pour ede ek sa demann ice, Lotorite Lapes pe negosye ek donater sa proze lo posibilite ki sa ice plant i vin operasyonnel pli boner posib, an vi proze por i ekspekte konplete boner Zilyet sa lannen.  Apartir Zilyet Por Lapes Providence pour annan en kapasite pour prodwir apepre 29 a 30 tonn ice par zour.

Mr Speaker Anse Royale i annan en ice plant Zaponnen avek en kapasite 5 tonn par zour.  An viraz sa masin ki an 2002 i pe prodwir anviron 3 tonn selman.

Anse La Mouche i annan en ice plant Zaponnen avek en kapasite 2.5 tonn par zour.  Sa i enn bann pli vye ice plant ki date depi 1995.  I pe prodwir anviron 0.5 tonn par zour.

Baie Ste Anne Praslin i annan 2 ice plant  -1 Zaponnen avek en kapasite 5 tonn par zour e 1 Sinwan avek en kapasite 10 tonn par zour.  Sa 1 Zaponnen date depi 1992, pe prodwir 3.8 tonn par zour e sa enn Sinwan pa operasyonnel pour le moman – an vi en problenm ankor leak lo son ice plate.

Loperasyon lo sa enn ice plant in deza komanse e nou ekspekte i pour operasyonnel sa semenn.  Demars pour rezourd sa bann problenm Mr Speaker in fini komanse.  Parey mon’n eksplike travay lo bann ice plant ki pa pe marse tel ki sa 2 Bel Ombre enn Providence e enn Praslin in deza komanse.  E nou ekspekte ki Praslin pour operasyonnel sa semenn.  Sa enn Providence semenn prosenn e 1 Bel Ombre ver lafen lazournen ozordi.

An vi sa bann problenm kontinyel ki Lotorite Lapes i fer fas avek, serten son bann ice plant demars in komanse pour aste 5 nouvo ice plant sa lannen ki nou ti’n mete dan Bidze depi lannen pase.  Sa pour ranplas bann ki depas zot letan servis e lezot pour met dan bann distrik ki ti ‘n apros Lotorite Lapes dan lepase.

1 pour Anse Aux Pins, Anse La Mouche, Anse Royale, La Digue ek La Retraite.  Grand Anse Praslin i ekspekte benefisye avek enn anba proze SWAYO Fsh 3 finanse par Labank Mondyal.

Pandan sa lannen Lotorite in osi ganny aprose par serten distrik pour lenstalasyon nouvo ice plant.  Pour rezon bidzeter sa demars pour posib an mezir ki i annan finansman i vin a son dispozisyon.  mM lapros pour plito lo en baz benefis rezyonal.

Mr Speaker nou rekonnet ki nou annan defayans dan mentenans nou bann ice plant ki relye avek bann legzizans teknik sa servis.

Vi ki toulezour i annan demann pour ice Lotorite Lapes i vwar li difisil pour swiv en progranm mentenans ki i kapab tenny son ice plant pour en pe letan.

Alors sa i fer ki sa bann ice plant i sibir plis wear and tear.  Nou ekspekte ki sa bann nouvo masin ice a ede pour amelyor sa sityasyon kot Lotorite Lapes a ava annan en pli bon progranm mentenans.

Lotorite Lapes in fini lans lapel d’offres – tender pour Kontra mentenans lo tou son bann masin ice an Fevriye, e i ti konplet son evalyasyon etern an Mars.  Dokiman in ganny soumet kot Lofis Tender Board e Lotorite pe esper desizyon final pour award Kontra.

Mr Speaker Lotorite Lapes ek Gouvernman i reste angaze pour amelyor sityasyon Ice par ogmant kapasite prodiksyon par aste nouvo ice plant e osi annan en progranm mentenans prevantif kot pour osi enkli annan stokaz, bann pyes ki nou’n idantifye i neseser pour fer reparasyon en pe pli vit.  Mersi bokou.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker premyerman mon anvi demann Minis dan sa bann sityasyon kot bann peser in ganny afekte, ki egzakteman son Minister, ki dyalog ki son Minister i annan avek bann peser, pou nobou regard en pe zot bann depans ek bann lekspektasyon ki pa’n ganny zwenn.  Ki zot pe fer?

Dezyenmman, eski Minis i kapab dir avek nou, ki kalite kontrol ki zot annan dan bann sirkonstans – parske pandan wikenn letan ti annan serten masin ki ti pe komans marse, i resanble ki ti annan en koripsyon ki ti pe arive kot ice pa ti pe ganny vann dan bann ler ki i sipoze ganny vann, e dimoun, serten bann bato ti pe ganny ice atraver bann kontak ki zot annan.  Ki zot pe fer pour ki sa kalite aktivite pa arive?

E finalman Mr Speaker, eski Minis i kapab dir avek nou – ok mon’n tann li nonmen ki poudir dezormen zot pour annan en Seksyon konmsi ki pour annan enzenyer pour ki zis koman problenm i arive i ganny rezourd, eski Minis pe donn nou en lasirans parey nou dir dan Lasanble, ki once ki sa bann sityasyon i ete zot pour annan zot dimoun e ki sa sityasyon ki’n arive pandan wikenn i pa pour repet ankor?  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Onorab pour, mon a komans ou dezyenm kestyon mon pa konnen si ou pe relate avek sa lensidan Zedi?  Zedi swar?  Nou sa ki nou konpran, mwan sa ki mon mon’n konpran se ki Zedi swar ti annan en lavant ice ki ti an deor ler e sa ti pour prensipalman pour sa bann peser ki ti pe al Konpetisyon Lapes.  E ler bann, sa bann konpetisyon sa bann dimoun ki ti pe fer konpetisyon in vini bann lezot peser osi in vin rod ice.  E sanmenm sa ki’n fer mwan krwar sa komosyon.  Sa lenformasyon ki nou, nou ape gannyen.

Pour reasir ou Msye Onorab, bann par egzanp SFA in met an plas en sistenm kot pa en sistenm me kot lenformasyon statistik ki ganny ranmase lo kote bann ice plant, e i pour dir ou konbyen larzan in anmase; i dir ou si i annan ice par egzanp ki ti reste sa zour konbyen?  E osi koumsa nou, nou annan en pli bon fason ki mannyer nou pour monitor konbyen sa ice ki pe, ki in fer e konbyen larzan in anmase e fer sir ki sa i balanse.

Pour lo kote enzenyer wi i annan pour nou recruit enzenyer kot Lotorite Lapes, e sa i pour fer by June.  E osi Kontra ki pour ganny donnen ki deza avek POU e i pour enkli en progranm prevantif. So alors sa enzenyer pour bezwen travay avek sa bann dimoun ki’n ganny sa Kontra pour annan en progranm travay pour fer sir ki sa bann mentenans pe arive.

E lo kominikasyon Mr Speaker mon krwar nou annan en defayans lo kominikasyon definitivman, e sa mon krwar nou bezwen improve lo kote nou kominikasyon avek Stakeholders.

Lo kote Minister wi nou annan, nou’n fer detrwa meeting avek bann Komite Lasosyasyon – pa zis sa Lasosyasyon FBOA me osi bann Komite anyway FBOA i annan en Lasosyasyon apre i la mon krwar dernyerman in formen lot Komite anba la, ki tou lede nou pe, nou an diskisyon avek zot lo kote sirtou lo kote lapes long line i annan enn de keksoz ki nou’n diskite avek zot ki mannyer nou kapab improve sityasyon sirtou dan zot sekter.

Me lo kote SFA mon pa konnen kekfwa mon ti a demann – non pa bezwen?  Ok so, sorry e CEO in fer mwan rapel ki anba sa progranm SWAYO Fish 3 Project i annan en fon pour zot recruit en communication officer ki pour fer zot louvraz en pti pe pli fasil pour kominik avek nou bann stakeholders.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker i annan en Deklarasyon ki Minis in fer la ki mon trouv li vreman malere ki mon ti ava kontan eksplike.  Eski Minis pe dir avek nou ki priyorite Gouvernman se pour donn ice bann dimoun ki pe al fer en Konpetisyon Lapes olye donn peser ki pe rod ice pour zot nobou ganny en 5sou pour nouri zot fanmir?  Eski se sa ki zot priyorite e ki sa in kapab osi avek tou zot bann masin ki’n, ki pa pe marse ensidswit in kapab agrav sa sityasyon pour bann peser?  Mersi.

 

MR SPEAKER

Mersi.

 

HON WAVEL RAMKALAWAN

Si sa i le ka, mon trouv li vreman malere.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker. Mersi Onorab.  Nou priyorite Mr Onorab i toultan bann peser e nou ouver ice plant 7er bomaten pour nou servi bann peser.  E sa ki reste apre midi sanmenm sa ki lotorite, I mean Fishing Association ti gannyen.  Sa pti gin ki ti reste.

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

Mersi Mr Speaker, bonzour Mr Speaker, bonzour Minis ek ou delegasyon, bonzour tou Manm Onorab ek tou piblik ki pe ekout nou.

Mr Speaker eski Minis i kapab dir nou Lasanble konbyen i koute sa bann masin ice ki zot annan?  Konmsi letan zot ti aste li konbyen in koute? Sa bann ki zot annan konmela ek sa bann ki zot pe al aste osi, konbyen i koute?

Dezyenmman ki kantite larzan SFA i depanse par an pour repar bann masin ice atraver pei?  E an menm tan ki kantite larzan zot ranmase par an dan sa biznes ice, dan sa lavant ice?  E pour fini dir nou ki son progranm privatizasyon sa biznes ice pour peser dan nou pei?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker mersi.  Leader of Government Business mersi pour ou kestyon.  Premyerman bann ice plant sa bann ki pe fer vini la pour kout nou, nou annan en Bidze 5milyon e en ice plant i range between R500 thousand; 500mil a R1milyon enn.  Pour repair ice plant i….

 

HON CHARLES DE COMMARMOND

… sa, sa ki pe vini, sa 5.  Sa ki zot annan deza, konbyen i koute?

 

MINISTER PAMELA CHARLETTE

Well dapre ki mon konpran laplipar bann Donasyon ki nou’n gannyen sa bann ice plant.  Par lannen i pe kout nou apepre 2.5 milyon, i ti kout nou apepre 2.5 milyon pour maintenance.  E an term reveni lannen pase par egzanp nou ti kolekte R1.9 milyon.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mr Speaker i pa’n reponn zot progranm privatizasyon.

 

MR SPEAKER

Minis.

 

MINISTER PAMELA CHARLETTE

Sorry, lo kote progranm privatizasyon nou pe fer en pe analysis pour le moman e nou’n schedule pour nou annan en Policy by third quarter sa lannen Mr Speaker.

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker eski Minis i krwar senserman i vo lapenn ki SFA i kontinyen pran sa burden ice?  Akoz i pa fer sa vitman privatize?  Akoz sa ki in dir nou la, lamazorite bann masin ice i Donasyon.  Si ou pour transfer sa sirtou sa set ki pe vini an form monneter i vin apepre 5milyon.  E tou-le-z-an i depans li 2.5 milyon lo maintenance e i ranmas li 1.9 milyon lo lavantaz.  Savedir tou-le-z-an nek i perdi R600mil la, lanmenm la.

Now ki lifespan en masin ice?  E eski i alor i vo lapenn pour zot kontinyen anmenn sa fardo?  Oubyen lefet ki deor dimoun pe kriy privatize, eski i pa vo lapenn pour donn bann dimoun e Gouvernman tir li ladan donn bann dimoun ki anvi privatize ki bann peser menm Lasosyasyon Peser lot, lot FBOA tousala donn zot lezot privatize e peser kekfwa i ava ganny en better deal.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker, Mr Leader of Government Business mersi.  Se sa ki nou pe fer pour le moman la, nou pe revwar, nou pe get sa bann costing akoz ler ou pe get en ice plant son costing i baze mainly lo utilities.  Savedir elektrisite avek delo.

E from sa legzersis ki nou ava fer sa lannen third quarter ki nou pour kapab deside vreman, akoz nou pa anvi ki nou pour privatize apre bann peser menm ki ganny afekte, oubyen ki nou, ki Gouvernman i bezwen al subsidize sa bann prive ankor.

 

(Mic Off)

 

MINISTER PAMELA CHARLETTE

Dapre ki mon konpran a en average 7 years.

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

Mr Speaker konmsi pour mwan mon vwar en kantite keksoz pa aziste la.  Lifespan 7 years  – nou, nou ganny sa bann masin.  E sa kantite ki nou pe depanse lo maintenance par an mwan i fer mon vreman dout en pe keksoz.

Mon ti ava kontan alor ki Minis tre byento ou re vin dan nou Lasanble petet dir nou en pe keksoz ki mannyer in ale konkretman lo sa zafer privatizasyon.  Akoz vreman i bon SFA i tir li ladan.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Onorab, mon krwar sa legzersis osi avek sa lotonomi Lotorite Lapes, sa legzersis ki pour fer pour gid nou e osi lo sa legzersis nou pe fer lo Letablisman Lotorite Lapes nou pour konnen vreman nou pe etablir byen son bann manda, son bann servis ki pour donn piblik.

Me selman mon a fer resorti ki par egzanp nou ti pe konsidere par egzanp pour donn par egzanp Grand Anse Mahe pour donn pour by SWAYO Fish parey mon’n dir nou pour annan en ice plant e Grand Anse Praslin nou oule ki Lasosyasyon i take over.

Me selman still i annan sa issue afordabilité; i annan sa issue costs ki zot, zot pour incur e ti annan bann diskisyon ki nou ti pe deza pe fer ek zot.  Akoz nou osi nou oule ki once nou donn zot, zot manage zot bann ice plant zot menm.  Me sa i ankor an negosyasyon, so i annan bann posibilite koumsa parey nou pe vwar Roche Caiman in fer.  Me selman Roche Caiman li i ankor i pe ganny subsidize par Eden Island par egzanp.  Ou konpran?  So i annan sa cost ki vin avek ler ou annan en ice plant pour ou donn en Lasosyasyon pour manage sirtou.

 

MR SPEAKER

Mersi Minis.  Onorab Phillip Arissol.

 

HON PHILLIP ARISSOL

Mersi Mr Speaker.  Bonzour Minis avek ou delegasyon e tou bann Onorab e bann dimoun ki a lekout.  Mr Speaker eski Minis i kapab dir nou si zis Zapon ek Lasin ki fer ice plant?

Sa i en kestyon; eski Oceana Fisheries, Ocean Fisheries avek Sea Harvest zot annan zot prop ice plant, selman zot, zot pa vann ice avek peser ki pa vann zot pwason.  Eski Minis i kapab dir nou si sa 2 biznes i ganny otan problenm ek zot ice plant parey sa bann ki Minister i zere?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab byensir pa zis ki Zaponnen ki ek Sinwan ki fer ice plant.  Nou annan en mark ZEBRA ki sorti Germany osi ki nou annan Bel Ombre avek Victoria.  So sa 2 i sorti, sa Brand i sorti Germany.

Regarding Oceana nou napa lenformasyon, me selman nou kapab rod sa lenformasyon pour ou plitar.

 

MR SPEAKER

Mersi Minis.  Onorab.

 

HON PHILLIP ARISSOL

Mersi Mr Speaker.  E alor eski sa 5 nouvo ice plant ki nou pour, ki pour ganny konstrir pa pour sorti Zapon oubyen Lasin ankor?

 

MR SPEAKER

Mersi Onorab.  Minis?

 

MINISTER PAMELA CHARLETTE

Mersi Mr Speaker.  Sa Msye Onorab i pour depan lo tender ler nou pour met tender, kote sa ki lakonpannyen ki pour kapab bid pour aste.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker, bonzour Minis e tou dimoun a lekout.  Mr Speaker mon ti a kontan demann Minis vi ki zot kapasite prodiksyon baze lo bann sif ki in donnen, anviron 65 tonn par zour me zot pe prodwir vreman apepre 19 tonn – en tyer sa ki tou plant i kapab prodwir.

Ki plan son Minister vreman pour asire ki olye zot lo en prodiksyon en tyer, zot omwen lanmwatye oubyen 3 kar prodiksyon, a nenport ki moman?  E en sizesyon par egzanp ki bokou dimoun i dir akoz napa maintenance ki pe ganny fer dan lepok Vandswet?  Peser pa … demann pa sitan o e i annan en stokaz bann pyes neseser?

I bezwen annan en Plan D-aksyon ki zot annan pour fer sir parske sa problenm tou le lannen nou vin avek nou tann menm zistwar e i pa paret i annan en plan ki’n detaye ki vreman an mars ki pe reisi pour kapab donn bann peser en kantite ice ki zot bezwen. E zis mon ti a kontan demann Minis osi son lopinyon lo si i pa krwar etan ki zot annan bokou ice plant ki pa marse, si pa fer sans e zot napa bokou resours, met zot resours lo detrwa ice plant; zot annan preski 7, 8, pran de gro ki mars byen, fer sir zot prodwir.

E dan bann landrwa kot i annan peser, met plito en landrwa stokaz cold store, ki prezan zot a prodwir dan en sel landrwa ki ganny fer maintenance, dan sa bann lezot landrwa kot i annan bato peser dan bann distrik, zot pa bezwen ice plant, zot annan bezwen en stokaz kot ou kapab met 50, 60 bal ice prezan a nenport ki moman toultan i ganny stok i plen e toultan peser i ganny akse avek, prezan zot fer bon maintenance lo sa bann masin ki prodwir plis.  Eski Minis pa krwar i annan bann sizesyon koumsa ki zot kapab konsidere afen ki nou kapab amelyor lavi nou bann peser?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, mersi Msye Onorab.  Parey mon’n dir vreman nou manke en maintenance plan, bann maintenance ki nou ti fer avan ti annan en plan par mwan avek 6 mwan ki nou ti fer maintenance, mon krwar la avek new tender nou a bezwen fer sir dan sa bann Kontra i annan en maintenance program ki prevantif ki pour ede mentenir sa bann ice plant pli byen, parey ou’n dir.

Parey mwan osi mon’n dir dan mon lentervansyon bomaten, wi lotorite i bezwen vwar ki mannyer i pour kapab fer en inventory oubyen stok bann pyes ki esansyel – ki esansyel ki pour kapab ler i annan en levennman koumsa, i pli fasil e i pli vit pour aranze.

Lo kote cold store ki nou’n, ki in fer parey Victoria i annan en container ki’n mete pour nou kapab ranpli ice ladan, me selman pour le moman napa sirplis pour nou kapab stok ice dan sa containerSo me selman sa osi i en keksoz ki nou’n konsidere.  Mersi.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker eski Minis i kapab dir nou lekel Lakonpannyen ki pe fer maintenance lo sa bann ice plant?  E si ti annan tender?

E Minis ler mon pe regarde dernyen fwa zot ti vin dan Lasanble zot ti dir ek nou poudir sa ice plant ki la anvil la son kapasite i 10 tonn e nou repet sa ankor ozordi, me selman dapre konpran zanmen sa ice plant in kapab prodwir 10 tonn!

E la ozordi ou’n menm konfirmen ki pe prodwir zis en tyer.  Eski zot satisfe avek sa travay ki sa Lakonpannyen maintenance pe fer?  Si non, kwa ki zot pe fer, pour fer sir ki pe donn son full kapasite e sa dimoun ki fer maintenance lo la pe fer en bon louvraz e nou pa pe depans en kantite larzan pour maintain, me selman i pa pe marse.  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab pour ou kestyon, pour le moman ki mannyer nou operate sa ice plant i pa pour full prodiksyon.  Par egzanp si ou ti annan en 10 tonn ice plant i pour riske donn nou en 9 tonn akoz ki mannyer nou vann ice i pa donn li son 24 erdtan pour li kapab prodwir maximum ki i kapab.

E sa osi i agrave avek napa ice so tou dimoun i bezwen ganny en pe ice toultan, so i bezwen ouver pour les, pour donn ice.  So son prodiksyon ordinerman i 24er, lespas 24er pour ou kapab gannyen son landmen me selman ki mannyer i ouver i pa les li prodwir son maximum ki i kapab.

Lo kote maintenance ti annan 2 lakonpannyen ki nou ti fer, ki ti fer pour diferan ice plant.  E osi la sa nouvo tender la i annan 3 lakonpannyen ki’n bid me selman sa osi nou pour, e i annan 4 lot ki nou’n met devan pour bid, e sa i baze sirtou lo lokasyon e osi bann type gas ki dan sa ice plant.  Mon pa konnen si mon’n reponn ou kestyon.

 

MR SPEAKER

Mersi Mini. , Onorab Esparon.

 

HON REGINA ESPARON

Mersi Mr Speaker. Mr Speaker Minis pa’n reponn si zot satisfe avek travay ki sa lakonpannyen ki la an se moman pe fer maintenance lo la, sa travay ki pe ganny fer, eski zot satisfe lo la?  Ou pa’n reponn sa kestyon.

Akoz Minis letan ou pe regarde mwan dakor ou pe dir mon poudir i pa pour kapab prodwir son kapasite 10 tonn, akoz an mezir ki peser pe pran ice.  Me selman ou menm ou’n dir si ou annan ou 4 shooters me zis 2 ki pe marse, savedir i annan en defayans avek sa bann masin e i annan defayans lo sa dimoun ki pe fer maintenance ki pe fer sir, ki pa pe fer sa louvraz byen pour fer sir ki sa 4 shooters pe marse!

Akoz dernyen fwa letan zot ti vin dan Lasanble zot ti dir poudir zot pe al regle sa bann problenm!  Me ki nou’n aprann nou, se ki sa bann shooters ki pa pe marse la, se problenm akoz in ti’n bloke avek later rouz, i ti’n bloke avek bann residue, ki ti pe fer ki sa 4 shooters pa ti pe marse, zis 2 ki ti pe marse!  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker mersi.  Madanm Onorab mersi pour ou kestyon.  Pou dir ki nou satisfe, nou pa ankor satisfe avek lafason ki gannyen; sirtou lo regilarite maintenance ki nou, nou fer lo sa bann ice plant.  Se sa ki mon’n dir ki nou bezwen fer sir ki nou annan en progranm prevansyon.

Me selman nou osi rekonnet ki nou annan, nou napa bokou dimoun ki spesyalize dan sa bann ice plant, so nou bezwen travay ek zot pour fer sir ki sa bann ice plant i ganny byen mentenir.

 

MR SPEAKER

Mersi Minis.  Onorab Lemiel.

 

HON SYLVANNE LEMIEL

Mersi Mr Speaker.  Bonzour Mr Speaker, bonzour tou dimoun a lekout.  Minis mon’n tann ou dir ki byento nou pe al annan 5 bann nouvo ice plant ki pour vini Anse Royale i enn ki pour ganny ranplase, la nou vwar ki ler napa ice Anse Royale i enn sa landrwa kot bann dimoun i vini e sa i met en pe, en pti pe presyon lo sa ice plant Anse Royale.

So byento i pa en dele letan mon ti a kontan konnen ki dele letan ou pe donnen ki sa nouvo ice plant pour vini pour ganny mete osi dan nou distrik?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Avek bann prosedir tender – POU nou pe prezimen ki latest Septanm en bon pe sa bann ice plant in fini ganny anmennen e mete.

 

MR SPEAKER

Mersi Minis.  Onorab Mondon.

 

HON TERENCE MONDON

Mersi Mr Speaker.  Bonzour Minis avek ou lekip.  Mon kestyon i baze lo larepons Minis ler in dir ki i vre ki zot napa en bon plan mentenans pour bann masin ice e ki i annan en mankman bann pyes esansyel.

Alor eski Minis pe konfirmen ki sityasyon mankman ice dan pei, i rezilta move planifikasyon o nivo Lotorite SFA e Minister li menm?

E mon kestyon ki swiv eski Minis i kapab dir nou, nou Lasanble, akoz ki prodiksyon pa’n ogmante pour reponn sa gran logmantasyon dan lakantite bato semi-endistriyel lokal ki’n arive ki nou’n vwar dan sa dernyen 3an?

E trwazyenmman eski Minis in fer en analiz, konbyen i kout nou bann peser ler zot pa pe ganny ice pour zot al lapes, konbyen i pe kout nou pei?  Mersi Mr Speaker.

 

MR SPEAKER

Mersi Onorab. Minis.

 

MINISTER PAMELA CHARLETTE

Mersi Mr Speaker, mersi Onorab.  Bon sa problenm ice plant i pa zis en problenm planifikasyon, me i osi en problenm finansman.  Parey mon’n dir oparavan se sa lannen ki nou’n ganny dan bidze pour nou met, ki nou’n met larzan dan Bidze pour finalman ganny en bon pe ice plant.  

E nou’n osi sers bann lezot venue resours finansyel pour nou kapab sort out sa bann ice plant.

Osi parey ou’n dir e mon’n refer resorti pli oparavan, i bann problem lo kote mentenans nou progranm prevantif sirtou lo kote maintenance, akoz nou fer keksoz ler keksoz i arive.

Par egzanp ler i annan problenm nou ale nou fer, me selman nou bezwen annan en bon progranm ki nou, prevantif ki nou fer sir ki bann keksoz koumsa i pa arive.  So sa i en issue ki Lotorite Lapes i bezwen travay lo la.

Lo kote cost analysis pour ler napa ice plant, sa nou pa ankor fer Onorab.  Me selman mon krwar ki avek sa bann, sa analysis ki nou pour fer eventually, ki pour enform nou lo kote en Polisi Privatizasyon sa i a ganny konsidere osi ladan.  Mersi.

 

MR SPEAKER

Mersi Minis.  Onorab Mondon.

 

HON TERENCE MONDON

Mersi Mr Speaker, zis en pti kestyon an pasan, Minis i dir nou i pa zis kestyon move planifikasyon, me osi en problenm resours, eski Minis pe dir nou ki resours finansyel ki’n ganny met a dispozisyon Lotorite SFA i pe ganny byen priyoritize?  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Definitivman Mr Speaker.  Mon krwar nou pe, mon pa konn avan me selman la depi ler nou’n komanse nou pe fer sir ki bann Bidze ki Lotorite Lapes i annan, i al dan bann proze ki vreman enportan.

E nou konnen poudir Lotorite Lapes pour le moman i pe involve li dan en kantite servis pour bann peser.  E nou, nou oule fer sir ki at least sa bann peser ki benefisye dan sa bann alokasyon Bidze.

E menm ler nou travay avek EU bann Grant ki nou gannyen avek EU.  EU i la pour gid lo kote bann proze ki nou kapab met sa larzan ladan.  Alors mon krwar ki nou pe fer en tre gran zefor pour nou kapab priyoritiz bann keksoz; parey human resources osi, recruitment ki vreman, vreman enportan.

Akoz an, kantmenm ou pe ganny larzan se sa resours imen ki pour ed ou pour ou enplimant ou bann proze e enplimant progranm ki ou annan.  So sa kapasite imen in toultan en priyorite e i sa lannen i en priyorite pour SFA.  E sirtou la avek sa lotonomi ki zot pour gannyen komansman 2019.  So tousala i pe fer sir ki nou annan en lefikasite, me selman i en travay kontinyel ki nou bezwen fer avek Lotorite Lapes.  Mersi.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mersi Mr Speaker.  Bonzour Minis ek ou delegasyon e tou dimoun a lekout.  Minis avek sa konsern konzesyon ek mankman ice kot ice plant Baie Ste Anne Praslin, ki pe deservi bann peser Praslin e osi La Digue – e osi an prenon kont ki tanzantan sa 2 ice plant pe kase, eski ou Minister SFA pe konsider ranplas sa 2 ice plant avek enn ou 2 ice plant ki zot kapasite poudir ice i plis tonaz?

Mon dezyenm kestyon i, ki time frame ou Minister, pour enstal ouswa konstrir en ice plant Grand Anse Praslin, sirtou an prenon kont laranzman MOU ant FBOA Praslin avek SFA?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab, pour parey mon’n anonse pour La Digue nou pour annan en ice plant ki’n fini ganny met dan Bidze.  Pour Baie St Anne i annan plan anba sa Komite ki nou’n formen pour annan en 10 tonn ice plant laba.

Apre osi sa MOU avek FBOA sa i ankor an diskisyon, me selman mon krwar i pour arive.  Lotorite Lapes pour zwenn avek FBOA pour sey fer en MOU met ansanm.  Apre i ava fer FBOA konnen.  Me selman sa pe ganny prepare.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Minis pa’n dir ki time frame sa ice plant pour Grand Anse Praslin?  E mon lot kestyon osi ankor i annefe i en kestyon sorti kot bann peser e ou osi kapab konsider li koman en propozisyon, eski Minis i kapab konsider pour kit ice plant ouver ziska 4er olye 1er ler i annan lapondant?

Akoz ki i arive par lefe ki sa ice plant i ferm 1er ler i annan bokou kordonnyen i tant pour gate, akoz peser pa pe ganny akse avek ice.  Si zot pa kapab konsider sa dan le fitir olye frenm li 1er, ferm 4er instead.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Lo kote Grand Anse Mahe sa ice plant i pour depan lo MOU, akoz sa SWAYO fish anba Labank Mondyal ki pe finanse.  So as soon ki MOU i fini tender i kapab komanse e apre ganny fer tender sa ice plant.

Lo kote Praslin i kapab ganny konsidere me selman nou pour bezwen get osi prodiksyon, akoz i kapab afekte prodiksyon si nou pour ouver ankor ziska 4er.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Mersi Mr Speaker e bonzour tou dimoun.  Mon kapab dir mon en pe depress la bomaten.  Mr Speaker mon bann kestyon i lir koumsa; lannen pase nou ti donn Bidze pour 5 ice plants.  Oli sa 5 ice plants?  Konmsi ki pe arive?  Ler nou pa donnen zot dir nou, nou pa donnen, la nou’n donnen bidze e pa’n fer, oli ki pe arive dan sa Minister?  Sa i mon premye kestyon.

Mon dezyenm kestyon; nou pe ankor espere pour ganny en Polisi lo Privatizasyon, enn bann pli vye ice plant dan Sesel i sa enn Anse Boileau ki pe zere par en Prive, be nou pa vwar poudir Prive i pli kapab byen fer sa louvraz ki SFA?

Kan eski nou pour pran sa leson oubyen nou pour kontinyen reste dan bann sitasyon kot nou anvi zis kontinyen kontrol tou keksoz?

Mon trwazyenm kestyon, Minis in dir nou i pour R410mil pour en separator oubyen en kondanser me selman R500mil, pour en ice plan.  Mwan mon pa en matematisyen mwan me selman mon vwar poudir i annan keksoz la ki pa azoute!  Ki mannyer en pyes i kapab kout R410mil?  Konmsi sa se bann keksoz ki mon krwar ki fer, ki kapab fer dimoun deor ankoler.  So mon ti a kontan ganny en leksplikasyon lo sa enn silvouple.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab pour ou kestyon.  Wi nou ti ganny Bidze pour 5 ice plant parey ou’n dir.  E le neseser pe fer pour nou procure sa bann ice plant.  E Bidze in komanse sa lannen 2018 e sa nou dan prosedir ki nou pe fer en procurement pour sa bann ice plant.

        Lo kote privatizasyon parey mon’n dir oparavan nou bezwen fer en bon cost analysis pour nou konnen vreman si nou pour privatize.  Me selman parey mon’n dir sa Polisi si i pour vin an plas, i pour vin an plas third quarter sa lannen.  Be selman tou analiz nou bezwen fer sir nou ganny bann bon analiz avan ler ki nou ale nou privatize apre nou bann peser menm ki ganny afekte.

Lo kote sa pyes R410mil sa i depan lo Brand ki nou pe aste.  Sa pyes ki nou pe al ranplase i en Brand Zaponnen Mikon e sa i depan osi lo kote ou pe source e nou, nou pe source li from Zapon manufacturer.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Mr Speaker mon ti a kontan demann Minis si i pa krwar ki si nou pour depans R410mil pour aste en pyes – kekfwa nou devret depans 500mil pour nou aste en ice plant antye – nef.  Konmsi i pa – I zis pa fer sans.

Dezyenmman, mon ti a kontan demann en kestyon ki en lot Manm in demande ki pa’n ganny larepons, ki Minis in dir nou poudir zot napa lenformasyon.  Mon demann Minis eski Oceana avek Sea Harvest vi ki zot la dan bor SFA, zot lanmenm la dan bor, eski SFA oubyen Minister Lapes pa konnen ki lefikasite sa bann masin ki la dan bor?  Konmsi Minister Lapes, SFA pa enterese konnen kwa ki pe marse dan sa pei?  Se sa ki enportan!  Nou bezwen gete kwa ki devan nou laport e pran koman en model si i pe mars!  Mwan mon pa aksepte en larepons ki nou pa konnen kwa ki pe marse dan sa 2 Konpannyen.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker mersi.  Pour larepons premye kestyon R500mil i depan lo parey mon’n dir osi lo Brand ki ou pe al rode.  Si ou pe al rod enn from China byensir ou pour ganny enn R500mil me parey mon’n dir oparavan son pri i kapab up to R1 milyon pour ou aste en ice plant; en pti pe plis ki R1 milyon pour ice plant.

Lo kote Oceana avek Sea Harvest nou, nou napa.  Nou konnen poudir zot vann zot ice avek zis bann peser ki vann zot pwason.  So nou kapab rod sa lenformasyon ki lefikasite zot bann ice plants i pe, si i pe mars byen, si pa pe mars byen.

Me selman mon konnen poudir ti annan enn de problenm lo kote ammonia ki’n arive dernyerman.  So nou ava verifye avek zot.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker bonzour, e bonzour tou Manm Onorab.  Mon kestyon i baze lo sa Rapor ki FAO ti fer lo bann diferan eleman ki ou bezwen ler ou pe rod bann ice plant parey.  Mon krwar bann dimoun ki la, bann eksper zot konn byen sa bann diferan eleman.  Enn sa bann eleman se, ki kantite ice ou bezwen pour donn peser?  So eski ozordi SFA i kapab dir nou baze lo whole capacity tou sa bann bato ki dan Por, ki i anrezistre avek zot eski zot konnen ki kantite ice sa bann peser i bezwen vreman?

E lot kestyon ki ava de koul ladan alors, ki zot pe fer prezan pour zot match sa kapasite, sa bezwen ki bann peser i annan, supply and demand Mr Speaker?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab, Mr Onorab sa lannen i annan en letid ki’n ganny fer lo kapasite bann bato.  E ler lenformasyon pour ganny finalize e nou ava fer konnen si oule, lo lakantite ki demann ki i annan.

 

MR SPEAKER

Yes Onorab Pillay.

 

HON SEBASTIEN PILLAY

Mr Speaker be alors eski SFA pa i krwar i ti ava meyer pour ki, avan ki nou al aste bann ice plant la, dan plas ki nou al aste units ki parey FAO in dir sa i kout ou tre ser ler ou aste bann undersize units, akoz ou pa kapab meet demann.

Vi ki prezan ou pe al konn the actual demand ki ou bezwen pour ice, akoz nou pa travay plito lo en progranm ki nou ava aste bann ice plant ki pour match sa demann, ki sa letid pour donn nou, dan plas al aste ankor ice plant ki probableman pa pour meet demann e prezan nou pour vwar nou dan en problenm avek en sityasyon kot nou pa kapab satisfer sa ki peser i bezwen?  Mersi Mr Speaker.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker.  Dapre lenformasyon ti annan en letid ki ti’n ganny fer 2014 e sa, pa bann Zaponnen e sa ti dir poudir nou pour demann si tou bann bato i aktiv, i demann en 100 tonn par zour.  So still i annan en mankman, i ti pour annan en mankman akoz nou kapasite ti 67.

 

MR SPEAKER

Mersi Minis.  Last kestyon Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon pa en expert dan bann masin ki prodwir ice me selman baze lo resers ki mon’n fer i dir ou, ou ganny 80 poursan output dan bann delo parey Sesel.  Ou ganny 100 poursan output pli delo i pli fre e output ki ou gannyen i desann.

So si delo i 30 Degre or 27 Degre celsius ou output i redwir ou ganny ou pe ganny ou 80 poursan.  So si ou pe fer vini en ice plant ki pe donn 10 tonn ou pour ganny 2 tonn an mwens.  Prezan prenon kont sa, ou fek dir nou la poudir nou an aryer; i annan EU Sectorial Programme ki sipoze pe fasilit Lapes Artizanal osi ek bann lezot devlopman lenformasyon lenfrastriktir, be eski zot pa’n krwar poudir dan planifikasyon zot Master Plan, zot Official Master Plan dan okenn fason, zot ti’n devret enkli en konponan pour zot or meet, or match sa demann ki pour annan pour ice, an vi ki aktivite pe kontinyen ogmante.

E osi vwar dan en lot fason si par egzanp ou annan en konpetisyon lapes ice i bezwen ganny vann avek bann peser ki i anrezistre ek SFA avan, e non pa avek Konpetisyon Lapes.  Mon pa pe blanm Konpetisyon Lapes me nou bezwen get sa priyorite lo sa kote osi Mr Speaker.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, mersi Onorab, pour ou kestyon lo kote Sectorial Plan napa finansman ladan pour ice plant li menm, me selman i annan lasistans finansyel pour maintenance ice plant.  E osi anba, e Sectorial Plan nou konnen poudir i annan en joint commission tou le lannen ki EU avek Sesel i asize i deside ki bann proze oubyen kwa ki keksoz i pour ganny fer avek sa larzan.

Me selman i annan ankor dan en lot proze IFAD Fon Enternasyonal pour Devlopman Lagrikiltir ki i annan ankor 2 ice plant ki nou pa’ n koz lo la oparavan.

Me selman i annan 2 ankor ice plant ki pour arive pour nou kapab sey met kapasite, an tou nou pe anvizaze apepre 8.  Me selman zis 5 ki Gouvernman in bidzete larestan i pour vin dan bann lezot sours ki nou nou’n negosye nou menm.

 

MR SPEAKER

Mersi Minis. Onorab Loizeau.

 

HON NORBERT LOIZEAU

Mersi Mr Speaker, bonzour Minis ek ou delegasyon, bonzour tou dimoun. Mr Speaker mon anvi demann Minis en kestyon konsernan condenser.  Petet i a bon pour lenformasyon Lasanble, zot dir zot pe aste en condenser R500 ekek mil, 406mil, pour mwan en condenser, condenser i en masin ki konpri plizyer konponan lo la tel ki; konpreser, fan, son tubing kot sa liquid i flow ladan pour fer fre, lezot keksoz.  Eski sa condenser antye ki pa bon ouswa serten parts parey ki mon’n nonmen ki pa bon lo sa condense?  Eski zot in gete sa?

E swivan mon lot kestyon, eski Minis ou pa krwar set akoz en lack of spares ki fer ki ozordi zot pe fer vini condenser antye, pour ranplas sa enn, kot petet si zot ti annan in-stock en konpreser, en fan zot ti a zis sanze e nou ti ava ganny ice?

E osi Minis dernyen fwa ler nou ti koz lo ice nou ti ganny dir ki i annan bann teknisyen kalifye ki SFA pe met dan training pour supervise zot masin.  Eski Minis i kapab dir nou konbyen teknisyen kalifye zot annan an se moman, vi ki en ice plant i en masin ki mars 24 lo 24 i bezwen sipervizyon, maintenance, servicing.  Eski zot annan sa bann teknisyen?  Mersi Mr Speaker.

 

MR SPEAKER

Mersi Onorab Loizeau.  Minis.

 

MINISTER PAMELA CHARLETTE

Mersi Mr Speaker.  Mersi Onorab, lo kote condenser sa ki nou’n ganny advise avek enzenyer pour nou sanz son condenser antye.  Me selman i annan, i ankor osi pe koz avek son supplier pour gete kwa ki pe arive.  Whether ki nou revwar sa problenm akoz supplier ki i pe ganny advise avek supplier li osi ki pe advise li lo kote ‘Make’ sa, Brand sa condenser li menm kwa ki kekfwa ki mal avek.

Wi lack of spares mon krwar i en gro problenm, ki nou pa pe fer le neseser pour nou kapab stoke parey mon’n dir oparavan.  Nou pa pe stok sa bann spares pour nou kapab fer bann maintenance pli vit posib.

Lo kote teknisyen, teknisyen nou annan en anba sa dezyenm faz por ki i annan bann teknisyen ki ganny train avek sa bann Donater.  E i pa teknisyen internally dan nou, dan SFA me sirtou bann service providers ki ganny train pour fer mentenans lo sa bann masin.

 

MR SPEAKER

Mersi Minis. Onorab Loizeau.

 

HON NORBERT LOIZEAU

Mr Speaker en keksoz mon pa ganny en konpran; eski ler sa bann keksoz i arive, eski suppliers ki dir ou, ouswa sa enzenyer ki dir ki i bezwen?  La mannyer ou’n dir si, ki sa supplier in dir fodre sanz sa condenser antye, eski nou kapab konnen lekel sa enzenyer ki pe fer sa travay silvouple?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker. Kekfwa mon’n mal dir, me selman i annan en diskisyon avek sa supplier avek sa enzenyer pour diagnose problenm ki pe arive lo sa bann masin e apre zot pran en, zot fer en rekomandasyon avek nou.

 

MR SPEAKER

Ok.  Mersi.   Minis.

 

HON NORBERT LOIZEAU

(Mic Off)

 

MINISTER PAMELA CHARLETTE

Pardon?  Sorry, i annan en Lakonpannyen ki apel RSS Refrigeration System Seychelles Limited – en lakonpannyen.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker.  Mr Speaker mon kestyon i en pti pe lo sa privatizasyon ki Minis in koz lo la, ki detrwa Manm in demande.  Mon kestyon se eski Minis i annan okenn laplikasyon sorti atraver Minister Lapes – SFA oubyen menm dan, sorti dan Biro Prezidan ler i ti fer son visit Providence, okenn laplikasyon sorti kot sekter prive sirtou son met bato pour prodwir zot prop ice, sirtou bann landrwa Providence ki pe fer la?

Ki ti demande pour an menm tan en public private partnership ki sekter prive ki kapab tir presyon lo Gouvernman avek SFA pour prodwir ice, si zot annan okenn laplikasyon, si zot pour konsidere?  E ki kriter zot pour servi pour sa bann, pour sa private operators mandater bato pour zot kapab ganny konsidere pour sekter prive prodwir ice zot menm.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Msye Onorab lo kote Providence i annan dimoun ki pe fer prive, me selman i vann ice avek bann peser menm ki vann li pwason parey Oceana ek Sea Harvest pe fer.

Bann laplikasyon prive; wi nou annan 2 aplikasyon ki’n gannyen, me toudmenm sa 2 aplikasyon zot pe vin anver Lotorite Lapes pour osi ed zot avek kou litilite pour run zot ice plant.  So menm si zot anvi fer li prive, sa bann cost utilities i en pti pe, i o pour ice plant e alors zot pe toudmenm vin anver SFA pour kapab ed zot; ki mannyer SFA pour ed zot avek sa kou litilite sirtou.

PPP osi i pour mars en pe, mon prezimen pour mars en pe parey.  Akoz en, parey mon pe dir en ice plant i pa fasil pour run sirtou avek kou prodiksyon ki mannyer i ete.

So si i annan PPP i pour bezwen anver sa bann demars pour ki mannyer nou kapab redwir kou pour koup kou prodiksyon pour ice.

E mon krwar si nou pour servi kriter, nou Polisi vreman i a deside ki kriter ki nou pour bezwen mete pour nou kapab go towards privatizasyon sa bann ice plant e osi bann kriter, – par egzanp si en dimoun pe vin, in apply pour ice plant i bezwen premyerman par egzanp annan en landrwa kot i pour kapab met sa ice plant.  

E osi par egzanp nou toultan demann sa dimoun pour submit en business plan pour nou vwar ki kalite, ki bann lenformasyon ki i annan lo sa ice plant bann Make, bann Brand, kapasite osi ki mannyer i pour manage son ice plant; ki mannyer son loperasyon pour marse, sa se bann keksoz ki nou vreman demann li avan ler ki nou dir ok ou kapab go ahead fer en ice plant.

 I annan bann dimoun ki’n vin kot nou deza avek bann laplikasyon me parey mon’n dir i tou depan feasibility son biznes ki i pe al fer.  E nou, nou la pour advise zot, lotorite i la i advise zot kekfwa bann keksoz ki pour bezwen pran an konsiderasyon ler i pe, si i anvi annan en ice plant, i anvi run en ice plant.  Mersi.

 

MR SPEAKER

Mersi Minis. Onorab Aglae.

 

HON EGBERT AGLAE

Mersi Mr Speaker, bonzour Minis ek ou delegasyon, Minis mon kestyon i swiv en pe dan laliny group kestyon Onorab Pillay kot i konsern privatizasyon.  Nou konnen dan lepase poudir i annan diferan endividi ouswa envestiser Lakonpannyen ki’n pare pour antre dan sa biznes, me etandonnen ki sa biznes ice i pa en biznes ki rantab nou tou nou konnen sa, eski dan sa plan ou’n koz en pti gin lo la Minis, zot pe vwar ki sa bann dimoun ki pe pare zot pa al dan sa demars zot tousel, kot Gouvernman atraver SFA e Minister, i kapab antre petet dan en form Sibvansyon kot zot kapab debout lo zot 2 lipye koman sa biznes.  E apre i ava annan en pti maintenance ki pete Gouvernman i ava pe donn zot pour zot kapab asire ki zot prodiksyon sa biznes i marse.

E dezyenmman, eski a lavenir ou Minister pe mazin en plan sirtou bann nouvo bato ki pe lapes kot zot annan zot prop sistenm on board ki kapab fer zot prop refrizerasyon, eski sa i kapab antre dan enn zot Polisi pour bann nouvo bato e kot Gouvernman i a fasilit bann osi ki deza annan en bato ki i anvi fer serten konversyon avek zot pour tir presyon lo sa bann demann ice.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker, mersi Onorab.  Bann pwen i relevan.  E once ki nou’n fini fer nou analysis nou ava konsider bann diferan progranm oubyen si i annan ki pour subsidize.  Me nou rekonnet ki i, nou pour toultan bezwen subsidize en fason ou en lot prodiksyon ice, vi ki cost of production i vreman, vreman o.  So i en keksoz ki nou kapab konsidere a lonterm ler nou desid lo sa Policy e baze lo bann analysis ki nou ava fer.  Mersi.

 

MR SPEAKER

Mersi Minis. Onorab Sandy Arissol.

 

HON SANDY ARISSOL

Mersi Mr Speaker.  Bonzour Minis avek ou delegasyon.  Mr Speaker premyerman mon ti a kontan dir Minis poudir sa zafer ice parey in ganny dir lo komansman i en vye zafer parske mon rapel Minis Cosgrow, Minis Benstrong e Prezidan Faure ti al vizit Por Peser e zot tou sakenn ti donn en garanti poudir pour napa problenm ice ankor.  E ozordi nou pe demann menm kestyon.

Me mon ti a kontan osi an menm tan siport Onorab Ferrari letan in dir poudir SFA pa tro, tro konnen ki Sea Harvest avek Oceana pe fer obor li.  Sa pa akseptab parske mwan ozordi mon kapab dir ou kote Denise Toussaint i reste Caiman Estate; Beguitta Fontaine pandan zis 1 semenn ki mon’n al laba.  Alor i pa akseptab pour SFA ki la pandan tou sa lannen, pa konnen kwa ki pe pase lo Por.

Alor lo la Mr Speaker, mon ti a kontan demann Minis letan mon’n tann zot pe koz lo sanz laponp, bann pyes R410mil e bann pyes ki sorti Lasin parey Onorab Valmont in dir, mon ti a kontan demann Minis eski zot pe osi konsider sa operater ki run sa ice plant – sa Seselwa, sa Seselwa, sa Seselwa i run sa ice plant?

Mon ti a kontan demann Minis sa kestyon parske sa Seselwa ki run sa ice plant Minis premyerman i pa ganny son off, i paret SFA pa pe enterese ek son off; e dezyenmman son kondisyon kot i travay par egzanp landrwa dan lanvironnman la, dan lanvironnman i en pe sal i annan en delo ki toultan reste la kot sa ice plant – SFA menm nou pe vann ice avek bann peser mon krwar i enportan ki lanvironnman i prop, e kondisyon travay pour sa operater i bon.

Dezyenmman mon ti a kontan demann Minis – mon’n tann ou koz lo ler ouver avek ler frenmen kot i vann ice, alor mon ti a kontan demann Minis apard 7er-1er, eski i annan eksepsyon ki ganny fer apre ler ice?  Eski i annan bann eksepsyon ki zot gannyen pour re ouver apre ler?  Konbyen eksepsyon zot gannyen?  Lekel bann dimoun ki ganny eksepsyon lo la?  Letan nou pe koz bann masin ki sorti Lasin, Zapon mon krwar i enportan pour nou osi konsider byen dan kote – akoz mwan osi mon pa tro tonm dan sa zafer kot en pyes i kout 410mil me selman en masin ki sorti Lasin oubyen Zapon i kapab kout an 500 a R1 milyon.  Mersi Mr Speaker, mersi Minis.

 

MR SPEAKER

Mersi Onorab Arissol.  Mon ava zis antretan ki Minis pe rod larepons, mon ava zis donn la parol Onorab Valmont pour klarifye sityasyon. Onorab Valmont.

 

HON JUDE VALMONT

Mersi Mr Speaker, bonzour a tous.  Mr Speaker mon krwar Onorab, atraver ou Onorab Arissol merit klarifye si mwan boner, si mwan mon fer vini okenn pyes sorti Lasin pou okenn ice plant akoz, e mon ti a kontan ki i retract sa.  Mersi.  Akoz mon pa’n dir nanryen Mr Speaker – mwan.

 

MR SPEAKER

Mersi.  Mersi, mersi Onorab Valmont. Minis.

 

MINISTER PAMELA CHARLETTE

Mersi Mr Speaker.  Mersi Onorab. Onorab pour ou premye kestyon lo kote bann dimoun ki travay dan ice plant; Wi nou rekonnet poudir i annan en mankman dan bann anplwaye.

Lannen pase nou ti demann request funding pour adisyonnel staff me nou pa ti gannyen.  Me avek sa process lotonomi ki SFA pour pas ladan sa i form parti, i annan en plan pour recruitment additional pou additional staff pour travay dan ice plant.

Bann moman leksepsyon pour ouver, se plito bann moman par egzanp ler i annan bann aktivite ki lasarite oubyen sosyal par egzanp; Regatta oubyen parey sa Fishing Competition me selman sa i toultan fer apre ki tou bann peser in fini ganny zot ice e sa ki reste.

Par egzanp mon pe get dan sa bann dernyen semenn, i annan bann ice plant ki kekfwa i annan bann ice ki’n reste ler in fini vann avek peser, so se sa bann ki reste ki nou fer sa bann lezot lorganizasyon vini pour pran si i bezwen.  Ok mersi.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Bonzour Minis avek ou lekip e tou bann dimoun ki a lekout.  Minis baze lo ou larepons ki ou’n donnen, ou’n dir ki zot pe al, pe fer vini 5 bann nouvo masin ice e ou’n dir osi ki ou pour bezwen apepre, ankor 3 pour kapab satisfer demann akoz ou pour bezwen apepre 100 tonn ice par zour, si sa lendistri i vreman marse dapre ki i ti fodre.

Minis mon anvi ou dir nou lefe ki sa problenm ice in en problenm kontinyel e la lefe ki ou pe dir nou ki 1 ou pour bezwen 8 masin ice ou pe al enstal 5, ki timeline ki ou pe donn bann peser e bann dimoun ki anvi antre dan sa lendistri de nouvo, ki timeline ou pe donnen, ki dele letan ou pe donnen pour fer sir ki sa larestan 3 in fini ganny enstale?

Dezyenmman Minis prenon kont ki Sesel the cost of production i vreman o, sirtou kot i konsern litilite, eski i annan negosyasyon pe ganny fer ki 1 ki bann endividi ki pour operate sa bann masin ice, ouswa menm kot SFA pour zot kapab ganny en rediksyon lo litilite?  E an swivan sa eski Minister pe exhaust tou bann negosyasyon, ki i annan pour fer avek nou bann partenarya foreign partnership ki nou annan? Akoz par egzanp nou annan the Fisheries Partnership Agreements eski nou pe make full use of it, pour nou kapab ganny bann lasistans ki neseser pour nou kapab asiste sa lendistri?  Mersi.

 

MR SPEAKER

Mersi Onorab,. Minis.

 

MINISTER PAMELA CHARLETTE

Mersi Mr Speaker.  Mersi Onorab.  Premyerman timeline parey mon ti pe dir oparavan nou pe donn ziska Septanm 2018 ki laplipar sa bann ice plant i ava vin ganny fini ganny enstale.  Negosyasyon wi nou annan negosyasyon deza actually ki pe ganny pran ant Minister Lapes ek Lagrikiltir, PUC avek Energy Commission.  I annan en working group ki an mars, ki an diskisyon e byento i annan bann rekomandasyon ki pour al Cabinet regarding utilities espesyalman pour Fisheries Sector.

        Osi bann lezot Lagreman wi nou pe revwar tou nou bann MOU’s, tou nou bann agreman currently ki nou annan, pour nou fer sir ki at least nou ganny en bon pe sipor finansyel, oubyen led sorti kot bann lezot nou bann partner enternasyonal.

I osi annan parey nou pe dir SWAYO Fish ki nou’n, ki toultan nou involve avek very closely e nou annan en bon kordinasyon avek project manager ki ed nou en kantite.  Nou annan lo kote IFAD osi ki ed nou koman en lorganizasyon enternasyonal dan devlopman lagrikiltir me osi ki enkli lapes ladan.  So wi nou pe revwar tou sa bann Lagreman pour nou fer sir ki nou kapab maximize sipor ki nou gannyen dan tou lede sekter.  Mersi.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mr Speaker lefe ki nou konnen ki nou annan osi en problenm delo.  Mon anvi demann Minis parmi sa bann masin ice, akoz nou konnen poudir ozordi ou kapab fer ice avek delo sale osi, eski ou pe mazinen en konbinezon delo dou avek delo sale?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Onorab malerezman nou pa ankor fer okenn resers regarding bann ice plant ki servi delo sale.  So en keksoz ki nou kapab konsidere pour fer resers lo la avan ler ki nou kapab donn en komitman.  Mersi.

 

MR SPEAKER

Mersi Minis.  Onorab Adelaide.

 

HON FRANÇOIS ADELAIDE

Mersi Mr Speaker.  Bonzour a tous, Minis mon pe sey ankouraz detrwa zenn pour pran peser, me aparaman mon pe ganny text, zot in komans dekouraze.

Lo kote Minister eski Minis i kapab dir nou si i annan okenn lasistans finansyel ki bann peser ki anrezistre zot kapab gannyen, vi ki sa problenm i an deor zot kontrol e petet si sa problenm i kontinyen nou pour vwar zot 2 semenn zot pa pe al lapes.  Eski Minister i annan sa lasistans finansyel dan kote?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mr Speaker malerezman napa okenn fon anba Bidze Minister e menm pour kapab soutenir en peser si i par egzanp ou pe dir i pa kapab al lapes pour le moman.  Be mon krwar kekfwa si kekfwa mon pa konnen mon pe zis dir kekfwa kot Social, Lazans Proteksyon Sosyal kekfwa i kapab siporte – I don’t know.  Me selman lo kote Minister li menm li parey ou kestyon in demande nou napa en fon malerezman pour kapab asiste sa bann peser.

 

MR SPEAKER

Mersi.  Onorab Adelaide.

 

HON FRANÇOIS ADELAIDE

Ok.  Minis me petet eski ou Minister i kapab petet donn sa bann peser petet en dokiman ki kapab petet fasilit zot akoz ou konnen ler ou pe al rod en welfare i en pe difisil, eski zot Minister i kapab donn en dokiman pour fasilit prosesis si sa bann dimoun i bezwen ganny asiste avek en welfare.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Onorab nou pa’n zanmen ganny sa sityasyon koumsa ki nou’n bezwen ekrir en let.  So nou kapab gete konsidere apre nou a fer ou konnen whether sa posib.

 

MR SPEAKER

Mersi, mersi Minis.  Onorab Audrey Vidot.

 

HON AUDREY VIDOT

Mersi Mr Speaker pour donn mon la parol.  Mr Speaker i kler ki Gouvernman i perdi plis larzan, plis resours an term anmas reveni oubyen pour kapab maintain son depans anver maintenance avek ki i fer avek ice plant.

So mon kestyon eski Minis i kapab dir nou kantite, ki pri propriyeter bato ki i anrezistre avek SFA i pey ice an term zot konsesyon e petet avek konpar li avek Sea Harvest ek Oceana avek bann bato osi ki pri osi ki bann bato pa pe, ki pa anrezistre i peye, pour nou konpar en pti pe zot pri e konnen konbyen bann peser, bann propriyeter bato i peye.

E dezyenmman, eski i annan en fason en sistenm ranmas lenformasyon ki SFA i fer, letan bann propriyeter bato ki aste ice, pour konnen vreman kantite sa bann bato ki anrezistre ki pe servi zot bann ice plants si i annan en sistenm koleksyon anmas lenformasyon?

E petet klarifye osi avek nou Lasanble pour pli kler, lekel ki ganny konsesyon pour ice. Eski propriyeter bato ki anrezistre oubyen peser ki anrezistre?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Uu premye kestyon pri pour ice pour peser konmela i R15 pour bann 25 kilo e R30 pour 50 kilo.  Pour si nou pour konpar li avek Oceana, nou napa sa lenformasyon pour Oceana e zot pa’n zanmen anvi share avek nou.

So me selman par egzanp nou pe get pour pri ki nou pe vann piblik i R40 – 25 kilo e R80 – 50 kilo.  Pour – wi nou annan en sistenm ki nou kolekte lenformasyon pour sak bato, me selman la nou napa sa lenformasyon.  Si ou anvi sa lenformasyon nou kapab anvoy ou.

Ok wi nou annan en sistenm ki nou kolekte lenformasyon lo bann bato ki ale e ki, e konbyen ice zot pran.

E trwazyenm kestyon konsesyon i ganny donnen avek boat owners ki vin pran, akoz zot anrezistre.

 

MR SPEAKER

Mersi Minis.  Onorab Vidot.

 

HON AUDREY VIDOT

Mersi Mr Speaker. Minis petet mon pour dakor avek en Onorab pli boner kot in dir, nou bezwen konnen lekel ki travay obor nou ki mannyer zot osi si zot dan menm biznes ek nou, nou bezwen konnen ki pe pase.

So ti a byen si zot, zot pe vann R40, R80 serten kantite kilo avek piblik e zot konsesyon.  Ti a byen osi konnen ki konbyen Oceana avek Sea Harvest pe fer e petet osi vwar si vreman ki bor ki i annan defayans an term kantite larzan ki nou pe perdi.  Mersi.

 

MR SPEAKER

Mersi Onorab. Minis.

 

MINISTER PAMELA CHARLETTE

Mersi Mr Speaker, mersi Onorab nou a rod sa lenformasyon nou ava partaze.  Mersi.

 

MR SPEAKER

Bon mon exhaust mon lalis, mon pour donn le 2 Leaders dernyen kestyon, dernyen parol.  Mon a komans avek Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker pandan tou sa letan ki SFA i an egzistans e ki i pe supply ice avek in pran sa responsabilite pour supply ice avek peser, akoz ki SFA napa en team permanant pour train, en team teknisyen trained permanant atase avek li pour kapab ede repar sa bann masin ice ki i annan, ki tonm anba son responsabilite?

E ki an menmtan ti a kapab fer bann attachment kot bann diferan Lazans kot sa bann masin i sorti, ki i ti ava beef up son kapasite e redwir kou maintenance?  Akoz nou vwar poudir sa i en landrwa kot vreman kou maintenance i tro bokou e sak fwa ki en masin i kase zot bezwen outsource e ganny sa bann dimoun deor e la nou bezwen pey an plis.

E si zot al lokalman e rod sa, en Lakonpannyen lokal ki fer sa bann maintenance kou i egzorbitan, e sa i fer nou dout serten keksoz.

E alor nou demande akoz ki si zot pe mazin dan sa direksyon donn nou en plan, kot i kapab annan sa group teknisyen permanant dan son Minister dan son Departman SFA ki kapab garanti ki sa bann masin ice i pa kase an bonnavini, e ki koman i kase i annan dimoun konpetan pour repare.  Mersi.

 

MR SPEAKER

Mersi Onorab. Minis.

 

MINISTER PAMELA CHARLETTE

Mersi Mr Speaker e mersi Onorab, Onorab mon’n ganny fer konnen ki avan 2007 ti annan en group dimoun anba SFA ki ti fer sa.  Me apre Polisi Gouvernman ki’n sanze pour outsource en pe sa bann servis sanmenm sa ki’n fer sa bann dimoun redundant. .

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

Dan sa sans vi ki la nou annan en nouvo Gouvernman anba Prezidan Faure, nou kapab e mon konnen li i for – eski nou kapab ou Minis ou nouvo la ou kapab revwar sa, akoz sa mon krwar ti en bon pratik e i ti annan en lavantaz.  Eski ou kapab revwar sa pozisyon?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker nou deza annan en teknisyen in-house, me selman i mank en pe kapasite li osi.  So sanmenm lanmenm ler ki nou’n met en provizyon pour Zen pour nou ganny, kapab ganny en enzenyer pour nou kapab recruit pour donn en koudmen li osi.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon pour repran pwen ki Onorab William in met devan.  E mon anvi ganny en larepons konkret pour ki nou koman en Lasanble, nou ava kapab swiv e demann kestyon letan in ariv ler.

Dan sa negosyasyon ki Minis in dir avek nou zot pe komanse avek PUC, eski zot pe regarde (1) pour ki PUC i pa sarz bann Lakonpannyen ki fer ice lo rate Komersyal me lo rate pour elektrisite sa; pa sarz lo baz komersyal me sarz li lo en baz akseptab ki i ava fer ice vin pli bon marse.

Dezyenmman; sanz sistenm sarz pour delo pour ki i ava sorti sa sistenm kot plis ki ou servi plis ki ou peye, me ki i ava annan en rate rezonnab pour sa prodiksyon ice, pli bon marse posib pour ki bann peser i kapab ganny the best deal possible.  Sa i mon premye pwen.

Mon dezyenm pwen; Mr Speaker eski Minister Lapes ensidswit, SFA, eski zot pa pe aste bann masin ki kout bon marse me pyes i kout ser absoliman parey ozordi kot ou aste en printer, me letan son lank i fini lank i pli ser ki sa printer li menm?

E la mon pe demande ki zot osi regard byen parske sa bann zafer Korperasyon i paret zoli letan ou gannyen me eski zot regarde konbyen pyes pour koute letan i ariv neseser.  Madagascar i annan en ta bis Zaponnen ki zot ti gannyen be ozordi en simityer bis Zaponnen eski Sesel tou pa pe pas ladan?

Finalman Mr Speaker mon bezwen dir ki mwan mon dezapwente.  Mon dezapwente ki dan en staz kot Sesel lo tou bann, dan tou bann foronm enternasyonal, nou pez koz “Blue Economy” ki mannyer Sesel i sanpyon.  E apre tou sa bann lannen ki Sesel in dan Lendistri lapes ozordi nou ankor pe koz problenm ice?  Mon ti ava konpran si nou pe koz lo ki mannyer pour ganny pli gro bato.

Me Mr Speaker nou ankor apre tou sa bann koze ki nou pe koze nou ankor parey en zanfan ki dan Lakres.  Apre plis ki 30an nou pa kapab dan lakres, nou devret fini Liniversite, pe debourye.  E alor sa i mon dezapwentman total.  Mersi bokou.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab dan nou diskisyon avek PUC avek Energy Commission i annan bokou pwen ki pe ganny rekomande plito.  wi (1) i form parti, se sa rate ki komersyal pe peye pour le moman.  Nou pe osi revwar lezot fason ki mannyer i kapab re balans tarif par egzanp.

Osi bann nouvo fason sa Energy Commission ki pe, ki nou pe diskit avek; lezot fason pli bon marse ki mannyer nou kapab ed PUC vwar bann loportinite pour li kapab fer desann pri utilities.  So i annan diferan opsyon ki nou anvi travay lo la.  So wi enn ladan parey ou pe dir i form parti bann rates ki bann prodikter dan sekter lapes i peye pour tarif pour elektrisite sirtou.

Lo kote bann masin Mr Speaker, sa bann spesifikasyon i ganny mete ler nou pe tender.  So mon krwar ki nou bezwen fer, se fer sir ki bann bids ki nou gannyen i bann bid ki mon krwar i, ki nou, nou reste konfortab ki sa bann masin i bann masin ki bon e ki bann bon kalite.

So through tender nou pour konnen ki kalite bann masin ki nou pour gannyen ki Brand ki nou pour gannyen si i bon, si i pa bon pour nou kapab fer en bon evalyasyon.

 

MR SPEAKER

Mersi Minis.

 

HON NICHOLAS PREA

Zis avan nou eskiz ou parmi nou zis petet pour rikord mon’n osi an kontak avek peser Bel Ombre Sanmdi e CEO SFA mon remersi ou pour reponn call e wi teknisyen in eseye fer keksoz menm ki in retonm en panne ankor.

E osi mwan profite pour mon remersi ex-PS Nalletamby ki osi mon’n an kontak avek li dan sa sityasyon irzan e li in menm al lo site Bel Ombre e in al koz en pti pe avek bann peser al kalme zot en pe.  So mon ti a kontan zis met sa lo rikord.

 

MR SPEAKER

Minis mersi.  Mersi pour pas bomaten parmi nou pour reponn sa kestyon e avek CEO Mr Renaud, PS Mr Talma avek Advisor Mr Clarisse nou ava eskiz zot parmi nou.

 

(MINISTER CHARLETTE AND HER DELEGATION WAS EXCUSED FROM THE HOUSE)

 

MR SPEAKER

Bon nou annan kontinyasyon kestyon pour Minis Finans ek Minis pour Lenerzi, Minis responsab pour PUC lo proze danm La Gogue.  Mon sizere ki nou ava pran en Break nou ava retournen 11.45.  Nou ava anmennen ziska 12.30 e apre nou ava kontinyen 2er apre midi.  Ok nou ava Break e nou a repran 11.45.

 

(BREAK)

 

MR SPEAKER

Bon apre midi tou Manm Onorab, bon apre midi le 3 Minis.  Minis Bastienne, Minis Larose, Minis Dogley e zot supporting staff zot delegasyon, bonn apre midi osi bann dimoun ki a lekout ki pe kontinyen swiv deba Lasanble Nasyonal.  Nou ava kontinyen avek nou travay e mon pou redonn laparol Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker dan larepons Minis i paret mwan ti annan en pe pwen ki pa’n ganny touse – sirtou lo kestyon bann deklarasyon ki bann Zofisye Gouvernman in fer par rapor avek sityasyon aktyel si i reprezant sa ki vreman pe ganny touse.

Konmsi si sa ki zot in dir i vedir ki ti annan en komitman spesifik pou bann pick-up hirers or operators.  Apre petet mon profite pou mwan met devan sa kestyon, ki konsekans petet ki sityasyon ki sa proze i ladan la, i kapab annan si konmsi nanryen pa bouze ki konsekans lo pei, lo Gouvernman sa proze li menm, si Minis is kapab eklersi nou sa.   E mon ti’n osi demande akoz alor ki sa proze in arete.  E si sa claim ki pe ganny, ki Sinohydro in ganny met devan, si sa claim i reste parey i ete ouswa si Gouvernman li dan sa Kontra i vwar ki sa claim i annan en lot valer avek.  Zot sezi mon sa, li i pe claim tan ou dapre Kontra ki egziste devan nou ki sa ki vreman rezonnab dapre Gouvernman.  Mersi.

 

MR SPEAKER

Mersi Onorab.  Minis Dogley.

 

MINISTER DIDIER DOGLEY

Mersi Mr Speaker e bonn apre midi tou dimoun. Mr Speaker Gouvernman i tin donn en undertaking pou dir i pou fer son mye pou sir ki dan sa Kontra i annan partisipasyon lokal ladan.  Sa i en komitman ki Gouvernman in toultan mentenir e nou’n travay e fer sir ki sa komitman i vin en realite.   E parey ki mon’n eksplike, i annan dapre bann kalkilasyon ki’n ganny fer i annan apepre 48.5 pour san valer sa Kontra ki pou ganny depanse avek bann suppliers avek bann kontrakter Seselwa.

Alor sa i en keksoz ki en fe.  I pa en keksoz ki nou pe propoze oubyen nou pe plan – en keksoz ki aktyalite la konmela.  Sa i annan en Lagreman ki Gouvernman in zwenn avek Sinohydro.

 

MR SPEAKER

Yes Onorab De Commarmond.

 

HON CHARLES DE COMMARMOND

Mr Speaker se lanmenm la le pwen, eski in ganny spesifikman dir ki sa sif ki ou pe mansyonnen, sa ki ou pe dir la eski is pou pick-up hirers ouswa i zeneral?  E sa ki bann zofisye Gouvernman in ganny, in dir ofisyelman i vedir i reprezant sa ki ou pe dir Minis, ouswa i reprezant sa ki pick-up hirers in tande?  Sa mon pwen.

 

MR SPEAKER

Mersi.  Minis Bastienne.

 

MINISTER CHARLES BASTIENNE

Mr Speaker, bonn apre midi tou bann Onorab a lekout.  Mon krwar ki letan ki Gouvernman ti fer commitment vizavi  sa proze i ti koz dan konteks Nasyonal.         Dan konteks Nasyonal Gouvernman ti dir konmkwa ki pou annan partisipasyon Seselwa.  E sa parmi bann diskisyon letan mon’n zwenn avek mon koleg Minis ek PUC nou’n aprann sa bann lenformasyon in come to light.

So ler in fer sa in pa’n vedir poudir spesifikman pou dir bann pick-up hirers zot ki pou ganny tou sa travay.  Non! I annan bann parey Minis ti’n eksplike bomaten, sa proze i annan plizyer bann lezot konponan.  I annan konponan lokal nou pe koz nou bezwen aste ros; zot bezwen aste lapousyer ros; zot pou bezwen aste makadanm, zot pou bezwen aste plizyer bann lezot keksoz ki zot pou procure lokalman.

E in so doing mon pa pe ganny zis pick-up hirers ki pe benefisye.  Ou pe ganny tou bann lezot dimoun, par egzanp dimoun ki lwe lakaz parey Minis in dir bomaten, zot pe benefisye ou pou ganny sa bann quarry lokal zot benefisye.                 So i en broad spectrum of services dan pei isi, ki pou donn ki pou ganny benefis atraver sa proze.  E se sa ki sa figure ki Minis ki pe mansyonnen, sa 48.5 poursan i reprezante lo valer sa Kontra.  E i annan tout enn detay ki Sinohydro in donn nou ki mannyer sa figure 48.5 pou san nou’n gannyen vizavi sa proze.  Mersi Mr Speaker.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mr Speaker mersi bokou, bonn apre midi.  Be si sa i leka eski vi Minis Dogley in osi dir avek nou be napa problenm avek Sinohydro; zot pare pou travay ek bann pick-up.  Konmsi tou keksoz i ok.  Eski i kapab dir avek nou la letan nou pe koze ki pozisyon pou bann pick-up hirers?  Kwa ki zot espekte gannyen, vi ki napa problenm alor dir avek nou kote zot debout.  Se sa ki nou anvi ganny li kler.  Kote zot debout.  Mersi?

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker parey mon’n dir bomaten, nou 3 Minis nou ti zwenn avek bann senior zofisye Sinohydro e nou ti negosye avek zot pou fer sir pou ki bann pick-up hirers direkteman zot benefisye dan sa proze.

E sa ki nou ti pe regarde kote ki annan bann louvraz transportasyon.  E zot ti fer nou kler pour dir pou annan plizyer transportasyon ki pou bezwen ganny fer.                                         Enn se pou pran bann materyo kot bann quarry kot avek bann suppliers en pe partou lo Mahe, pou anmenn La Gogue.   Dezyenm i annan bann clearance, bann materyo ki pou sorti deor ki pou vini par Por ki pou bezwen ganny transporte pou anmenn La Gogue, ouswa kot zot sit laba lle Aurore.

E trwazyenm pou annan transportasyon ki pou sorti ‎Ile Aurore li menm ki pou bezwen ganny anmennen La Gogue ouswa vice versa.

Tou sa bann louvraz ki i annan pou fer avek transportasyon lo semen isi Mahe tousala 100 poursan Sinohydro in fini dakor pou donn bann kontrakter lokal pour fer sa travay.  Sel keksoz ki Sinohydro i pa’n dakor se ki bann pick-up hirers zot vin lo danm e vin travay lo danm li menm.

Akoz zot in fer nou kler pou dir danm is the core work kot zot koman kontrakter ki’n bid pou sa Kontra enternasyonalman e zot in win zot Kontra e dapre bann lareg enternasyonal en kontrakter ki’n win son Kontra i bezwen pran responsabilite pou sa travay e s‏irtou kot ou pe koz en danm i annan bann liability ki ale pou en kantite lannen.   Si okenn keksoz i al mal ek sa danm se zot ki pou bezwen responsab pou sa problenm ki arive avek danm.                                  Alor konsernan sa zot, zot in dir pou dir zot pa pare pou konpromi okenn travay pou donn lezot kontrakter, apard ki sa louvraz civil work ki zot in deza idantifye en Lakonpannyen Lokal ki pou fer sa travay pou zot.

Alors se sa sityasyon ki mannyer i ete la konmela.  I annan en kantite transportasyon ki pou ganny fer lo semen.  E tousala Sinohydro in fini dakor pou donn bann pick-up avek plant hirers.  Mersi Mr Speaker.

 

MR SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker bonn apre midi a tous.   Mr Speaker mon ti a kontan konnen si sa Management, sa Project Management Company si i pe get involve dan Time Impact Assessment or Time Impact Analysis pou li konnen egzakteman ki kantite – si sa larzan sa 20.3milyon, si sa i zistifyab?                                               E dezyenmman mon ti a kontan konnen, si ti annan okenn provizyon pou en floating time or float time dan Lagreman pour ki si i annan okenn dele dan travay sa i ganny koman dir encompass sa louvraz.

E trwazyenmman mon ti a kontan konnen, si ti annan okenn negosyasyon avan ki tender i ganny met deor, ant sa bann okenn lakonpannyen ki ti annan lentansyon pou tender avek bann drayver pick-up oubyen Lasosyasyon bann Drayver Pick-up, pou konnen apepre si sa kou ki pe al ganny donnen, sa kantite larzan ki pe al ganny donnen or met an pozisyon pou donn zot sa bann travay.  Si sa i zistifyab?  Mersi.

 

MR SPEAKER

Mersi Onorab.  Minister.

 

MINISTER DIDIER DOGLEY

Mersi Mr Speaker.  Premye kestyon se si Project Management Konsiltan i pou enplike dan bann diskisyon konsernan sa claim li menm?

Larepons i wi, sa konsiltan ki la pou responsab pou manage proze, bann enzenyer definitivman zot pou enplike dan depouyman sa claim ki Sinohydro in ganny met devan, parey mon’n deza dir.                     PUC pa pou zis aksepte sa claim i pou pran sa claim i pou pas ladan item par item, pou gete si sa bann keksoz i zistifyab ouswa non!  E si napa okenn laprev pou montre pou dir sa i lefe, definitivman PUC ek Gouvernman pa pou aksepte pou peye.

Dezyenm keksoz konsernan floating time parey ou’n demande, larepons ki mon’n gannyen avek bann reprezantan PUC zot in dir mwan pou dir non.  I annan en fixed contract e sa letan i fixed savedir le 31 Desanm 2019 Sinohydro i bezwen rann sa Kontra.  I bezwen rann sa proze.

Amwen ki i kapab zistifye poudir par egzanp si ti annan movetan pou en pe letan lapli ouswa whatever ki in pa’n kapab delivre sa Kontra, then sa i ava ganny konsidere; par sa client ki PUC dan sa ka.

Ou’n demande si ti annan negosyasyon ant bann kontrakter ek bann pick-up drivers ek bann operators?  Non mon pa okouran.  Akoz ou bezwen mazinen ti annan 8 kontrakter ki ti enterese avek sa proze.  E ladan ti annan bann kontrakter ki sorti partou dan lemonn akoz sa i international tender e i annan ki ti annan bann konponan si oule.  Ti annan en partner lokal – bann kontrakter lekol Class 1 ki ti enplike ladan e menm ti annan en kontrakter lokal ki ti tousel ki ti’n apply.  Alor dapre bann norm enternasyonal ler en tender i ganny fer, normalman ou pa antre dan sa bann ti negosyasyon detay.  Sel keksoz ki zot pou annan, se rod en partner lokal pou zot atas zot avek, sirtou parey mon’n dir pour fer sa bann louvraz ki nou apel civil works.  Mersi Mr Speaker.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker.  Mr Speaker mon ti a kontan tou dabor demann Minis si i kapab donn nou en leksplikasyon, kwa ki’n fer ler proze ti’n ganny konsevwar e labank Developman Afriken ler i ti anons son lentansyon pou finans sa proze, i ti koz lo en sonm 26milyon Dolar kou proze ki enkli 20milyon Dolar finanse par Fon Afriken pou Developman, 4milyon par Gouvernman Sesel e 2 milyon par lezot Lazans.  Ki ti annan en proze 26milyon Dolar.   Mon asire sa letan, zot in fer letid, zot ti annan sa ki apel bill of quantities ki montre tou bann kou kin ganny enspekte, ki total ti pou ariv 26milyon Dolar.                Ler zot anons proze lannen pase, ler zot ti anonse ki Sinohydro in gannyen, proze ti pou 13.6milyon Dolar  preski lanmwatye.  Byensir nou tou nou bezwen kontan, pri in vin lanmwatye.

Be eski napa en landrwa ki’n kalkil in al seryezman mal kot en sel kou nou perdi 12 milyon Dolar? 12milyon Dolar!

E la en sel kou nou pe tande pou dir en lakonpannyen i pe met en claim pou R21 milyon menm avan ki project manager li in kapab fer en assessment poudir si wi si non sa claim i zistifye.

Parske byensir dan en gro proze koumsa avan ou komans reklanm domaz akoz ou dir ou pe dir ou pe ganny retar, sa i bezwen analize par project manager i al lo sa ki zot apel son critical path, pou li gete si vre sa retar ki ou pe gannyen akoz swadizan ou pa pe kapab bouz later i pou vreman met sa proze an retar!  Be si ou pa ti ankor pare pou later i pa pe kapab pe koz ou retar e ou pa kapab reklanm okenn domaz ek Gouvernman.   Kot sa sif R21 milyon i sorti si project manager li menm pa ankor fer en assessment lo la!  E project manager lo la, e project manager premyerman pa pou fer sa assessment si zot s a project manager li menm in pa’n donn sa ki apel en Stop Notice.

Eski zot in – dan mon kestyon, eski zot in donn en Stop Notice – sa i mon dezyenm kestyon.  E zot a dir nou ki dat zot in donn sa Stop Notice?  Lekel ki ti siny sa lord?  –  Sa Stop Notice?  E kan Sinohydro ti anvoy en claim pou R21 milyon e lo ki baz?  Nou anvi en breakdown sa claim e nou anvi konpran akoz i zistifye.  Akoz pa ankor ler pou claim.  Pa ankor ler pou fer okenn claim.

E answit mon dernyen kestyon pou Minis ankor, Minis ou dir bann drayver pick-up in ganny ofer lanmwatye valer Kontra e  la mon tann ou pe dir antye sa Kontra pou serten tonaz pou ganny anmennen ziska kot danm, me pa bouz later anndan kot danm akoz  zot dir ki sa i annan risk si dimoun lokal i fer.        Mon pa tro, tro krwar si i annan plis risk si dimoun lokal i fer.  Nou ti fer Danm La Gogue nou menm, e zot ti annan bokou travayer Seselwa sa letan.  Me selman mon kestyon se sa si ou kapab donn nou sif total konbyen tonn later ki pe ganny bouze anndan?  E konbyen tonn later ki pe ganny tire an deor pou anmennen.

Sa ki mwan mon’n konpran se 370mil tonn ki pe ganny tire anndan dan La Gogue.  Sa valer ki Sinwan pe ganny fer li menm.  Valer ki zot pe donn Kreol pou al fer nou drayver pick-up se zis 39mil tonn. 39mil tonn s lepok dan zot Lakor ki zot ti sinyen le 18 Fevriye Minis Bastienne ki ti sinyen pou dir zot pou fer zot mye dan negosyasyon, pou donn zot lanmwatye sa.  Lanmwatye sa ki ti pou ariv apepre 19mil oubyen 20mil tonn. 20mil tonn a R75 probableman zot ti pou ariv zot R2milyon, R3milyon.

Mon mazinen, e si ou annan 70mil truckers bann drayver pick-up sakenn pou ganny li R21mil dan 2an.  R21 mil dan 2an ki vin, apre R29 par zour.  Mon mazinen zot a ganny 2 limonnad avek sa.             Selman sa i valer ki bann drayver pick-up pe gannyen.  Sa se son vre valer.  Mon ti a kontan si Minis i kapab konfirm avek nou egzakteman ki tonaz zot pe koze, bliy poursantaz, dir nou ki tonaz ki zot pe espekte ki drayver lokal pe al bouze, pou nou kapab estimen dan sa 13 milyon Dolar ki kantite bann drayver lokal pe al gannyen?

Si ou ti kapab zis dir nou si Allied Builders osi – ki mon mazinen ki enn bann dimoun ki’n ganny Kontra eski i pa en Lakonpannyen Lokal deza e lo ki baz in ganny sa.  Mersi.

 

MR SPEAKER

Mersi Onorab Afif.  Minister.

 

MINISTER DIDIER DOGLEY

Mersi Mr Speaker.  Pou komans premye avek Allied Builders; li mon konpran i ti an negosyasyon avek Sinohydro pou fer tou bann civil works.  Parey mon’n eksplike laplipar bann lakonpannyen etranze letan zot vin fer bann proze konstriksyon Sesel, zot normalman met zot ansanm avek en Lakonpannyen Konstriksyon Seselwa pou fer bann louvraz civil works.

Savedir tou bann louvraz ki pou fer avek beton.  E mon konpran ki Sinohydro ti an negosyasyon avek Allied Builders pou li fer sa louvraz pou R28 milyon.     Dezyenmman konsernan tonaz mouvman later lo danm, li menm, lenformasyon ki mon annan sorti kot PUC se ki i annan 100mil tonn later ki pou ganny bouze lo danm li menm.

E sa i senpleman pou ranforsi sa 6 met ki bezwen fer monte danm pou kapab stor sa 600mil met kib met delo an plis ki nou pou bezwen pou nou donn nou dimoun.   Konsernan project manager, si i ti enplike dan sa claim ki Sinohydro in mete.  Mon konpran i non.  Sinohydro in senpleman li anvoy son claim e parey mon’n deza dir a plizyer repriz PUC prezan li i pou bezwen asize e depouy sa claim ansanm avek son konsiltan ki project manager pour sa proze, pou regarde si sa claim i fer sans ouswa non.

Alor i annan tout en travay ki ankor annan pou fer konsernan sa e sa pa ankor terminen.  E konsiltan mon konpran in fini ganny en kopi sa claim e li i ava fer son travay ki neseser lo la.  Mersi Mr Speaker.

 

MR SPEAKER

Mersi Minis.  Onorab Afif.

 

HON AHMED AFIF

Wi zis si Minis i kapab konfirmen si si sa Kontra total pou bouz later lo danm i100mil tonn oubyen 100mil met kib?  Akoz en met kib sa bann later apepre 2 tonn en met kib, akoz i vin 2 fwa sa.  Coral fill i 1.8, later ek ros i pou plis.

Anyway zis klarifye sa apre ou’n pa’n reponn mon kestyon, ki dat, nou’n resevwar en claim avek Sinohydro?  E lekel ki’n siny sa?  E lekel ki donn en Stop Notice sorti kot PUC?  Ki zour?  Lekel ki’n siny en let pou donn en Stop Notice Sinohydro?  Parske i pa kapab met en claim san ki ou, ou donn li en Stop Notice.  Lekel ki’n donn en Stop Notice lo kote PUC?

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker, nou pe rod sa dat egzakteman pou sa dezyenm, claim.   Premye ti le 12, non i kapab le 12 Mars (sorry). Premye ti date le 12 Mars me selman nou ti resevwar li apre e dezyenm mon konpran ti antre yer me selman dat ki’n ekri lo la nou bezwen tyeke pou kapab donn ou egzakteman ki dat.  Premye i ti demann 23milyon ant le 13 Fevriye ziska le 13 Mars.  Apre zot in anvoy en dezyenm claim ki konmans depi le 13 Mars ler ti annan sa issue ti komanse ziska le 6 Avril 2018.

E sa enn dezyenm li i supersede sa enn premye ki zot ti anvoye. Savedir sa enn premye in nepli valid i sa enn dezyenm ki valid e li i 20.3 milyon (sorry).

 

(Mic Off)

 

MR SPEAKER

Onorab apre ou ava demann kestyon.

 

MINISTER DIDIER DOGLEY

Well egzakteman ki mon’n dir plizyer repriz.  Se ki napa personn ki kapab anpes Sinohydro anvoy en claim.  Li i anvoy son claim, be selman i pa vedir ki PUC pe al pey sa claim.  I anvoy son claim apre i pou bezwen annan en travay ki pou bezwen ganny fer pou kapab gete si sa claim i valid ouswa non.  E se sa travay ki pou bezwen ganny fer.

 

MR SPEAKER

Mersi Minis.  Minis mon krwar i annan lot bout kestyon lo Stop Notice.

 

MINISTER DIDIER DOGLEY

Mersi Mr Speaker.  Non PUC pa’n issue okenn Stop Notice.

 

MR SPEAKER

Mersi Minis.  Onorab Afif.

 

HON AHMED AFIF

Be dan sa ka, i pa kapab met okenn claim!  Napa okenn Stop Notice.  Napa okenn claim nou kapab entertain!

 

MR SPEAKER

Ok mersi.  Onorab Ferrari.

 

HON JEAN-FRANCOIS FERRARI

Ok, mersi Mr Speaker.   Mr Speaker enn de kestyon silvouple.  Premyerman, Lasanble i ti a kontan vwar sa baseline schedule pou sa bann travay.   Mon krwar, kekfwa i pa la avek zot, me selman i enportan ki nou war sa baseline schedule, pou nou kapab konpran, pou nou kapab gete si sa konpannyen is being reasonable!   Akoz premye ros ki zot tap zot lipye avek, zot pe donn nou lenpresyon ki zot pa rezonnab ditou e ki finalman zot lentansyon se pou zot ariv sa 300milyon orizinalman; orizinalman.   So mon ti a kontan Mr Morin atraver Minis pou nou ganny kopi sa baseline schedule signed and stamped and agreed!  Sa i premye kestyon.           Dezyenm kestyon; mwan – nou ti a kontan koman en Lasanble esey konpran, akoz sa konpannyen i pare pou aksepte ki bann truckers lokal i pran materyo kot UCPS par egzanp lo L’ile Perseverance oubyen lo Ile Aurore e zot anmenn anler on site.  E anler on site zot tir bann materyo ki kontrakter pa bezwen pou zot al dispose of.  Me selman, me selman zot pa pe aksepte ki  bann kontrakter i tir ros ek later dan bann boring holes e anmenn lo site depoz lo site e sorti.  Sa i en kestyon ki fondamantal, akoz i annan egzakteman menm lefe.  I napa okenn menas teknik lo travay ki pe ganny fer.  E nou mannyer nou konpran, i annan 5 boring  holes,  ok kot sa 100mil met kare apepre – 3 boring holes – boring areas avek posibilite  ankor 2 akoz sa bann landrwa i out of bounds pou bann travayer Seselwa.  Se sa kestyon pli enportan dan tousala. Finalman,  finalman nou ti a kontan konnen ki mannyer dan tou le de,  akoz la avek mwan mon annan tou bann bill of quantities sorti kot Sinohydro en kopi, zot hard copy  e enn sorti kot Mr Franky  or whatever Alexander – en konpannyen Mr Fraiser Alexander en konpannyen.  Ok?     E tou lede lo la.  Zot mansyonnen, zot met bann cost pou bann 10 ton tipping lorries e 15 ton tipping lorries.  Me selman isi sa bann dimoun from Sinohydro zot in anmenn bann 30 ton tipping lorries!  Konmsi ki mannyer eski sa ki zot pe, mannyer zot pe enplimant zot Kontra, i diferan avek sa ki lo bill of quantities.  Ok?  Eski sa bann konminyon pou roul lo semen?  Sa en lot kestyon.  Alors Mr Speaker sa 3 kestyon pou le moman.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.   Mr Speaker mon ti a voudre fer rapel Onorab Ferrari poudir Alexander & Fraiser i ti sa lakonpannyen ki ti pli ser dan tou sa lakonpannyen.  I ti pe demann R387milyon pou li fer sa proze, ki way above.  I 387 milyon i ti pe demande, e i way above tou sa bann lezot kontreker, sa 2 lezot kontrakter ki ti partisip dan sa proze.  Alor nou dan lot kote letan nou fer tender, se ou pe fer en competitive tendeing pou ou rod value for money.  E alor a lafen se sa dimoun ki ofer the value for money ki en pri ki rezonnab e ou vwar ki i annan kapasite ek leksperyans pou fer sa louvraz se li ki win sa Kontra.                        E nou, nou’n dir pou dir nou’n met menm nou Lalwa an plas pou dir nou tou nou bann Kontra, nou bann servis ki nou pou procure nou pou fer li atraver en sistenm competitive tendering.  E sa in ganny fer e nou vwar pou dir bann ki vin avek serten lopsyon pou dir son pri i pa konpetitiv.   E nou, nou bezwen deside koman en Gouvernman si nou pou al pran bann pri ki egzorbitan me selman i annan serten lezot zafer ki asosye avek; ouswa ki nou pou pran nou en pri ki rezonnab e apre rod en fason ki nou dimoun, nou bann lakonpannyen i profit e partisip dan en, dan bann Kontra parey, bann aktivite parey.  Konsernan baseline schedule for the works, sa nou a fer le neseser pou ou gannyen.               Konsernan partisipasyon lo danm li menm; parey mon’n dir bomaten Sinohydro in complete li.  I pa’n ganny donnen Kontra i al lo competitive tendering.  E dapre international best practices ler en dimoun in win en Kontra.  In win en Kontra.    E nou, ale nou’n diskit ek li nou’n dir li be nou ti a voudre dapre ki in mete dan sa Kontra ki Seselwa i annan en fair share – en partisipasyon rezonnab dan sa proze e zot pa’n dir nou non.  Zot in ofer nou avek bann drayver pick-up travay ki pou nou ganny fer lo semen.

Now zot dir nou poudir get sa mwan pou mon i pa fer sans si mon tir bann travay ki annan lo danm li menm, lo sa site pou mwan donn lezot dimoun akoz in nepli annan sans pou mwan la, in nepli profitab in nepli fer sans pou mwan fer en proze parey.  Si pou koumsa i pli bon mon anmas mon pake e  mon ale!  E nou, nou bezwen fer en refleksyon ki fer sans; – si nou oule danm, nou oule delo pou donn nou dimoun, si nou oule pou dir sa louvraz i ganny fer e vwar baze lo bann rezon ki nou’n reflesir lo la, eski i vreman fer sans pou al lager avek Sinohydro, ki demen menm liability ki li i sipoze annan, akoz demen si i annan okenn risk ouswa problenm ki arive ek sa danm, lekel ki nou pou blanmen?  Lekel ki pou responsab pou sa problenm ki arive ek danm?

Alor nou nou’n vwar li pou dir i rezonnab nou les Sinohydro avek son core project ki savedir i build sa danm.  Akoz in pas atraver prosedir enternasyonal in win son kontra e  nou, nou pa kapab annan en bann sistenm ki nou improve, tou lazournen nou pe sanze e nou pa pe swiv bann sistenm ki organiz, ki bann norm atraver lemonn e ki ganny respekte atraver lemonn.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mr Speaker mon ti a kontan zis pou klarifye pou dir avek Minis Dogley ki mwan mon anvi zot fer danm.  Nou tou nou anvi zot fer danm.  Nou pa la pou nou blok en proze danm.  Nou la pou nou fer li fair e ki Seselwa i benefisye.  Akoz Seselwa in deza fer danm dan son lavi li!  In deza fer. Iin fer 2 danm.  E la ozordi bann kontrakter, serten dimoun pe ganny ekskli.  Me selman mwan mon ti a kontan demann avek Minis, ler Minis ti siny sa Kontra avek Sinohydro eski Gouvernman oubyen CEO PUC, eski Gouvernman ti dir avek Sinohydro, eski dan sa Kontra, montre mwan dan sa kontra kote zot pe fer komitman pou zot anploy, pou zot donn en pe Kontra pou bann truckers Seselwa!

Eski zot in demande sa kestyon avan zot sinyen? Akoz si zot ti’n demande zot ti pou war ki ladan napa nanryen.  E la zot ti a kapab dir avek sa lakonpannyen, met en pe larzan an plis ladan, pou nou kapab fer manze detrwa nou bann Seselwa.

E menm si sa kontra i kout enn ti pe plis ki 184milyon ti pou ariv 300milyon, mwan mon oule konnen eski zot in demann kestyon pou fer sir pou ki i annan konkret?  Akoz ou dir mon Minis pou dir sa bann dimoun in promet zanmen zot in dir ‘’NON.’’  me eski zot in dir ‘’WI’’ kareman la i la nou pou donn sa bann dimoun – oubyen napa nanryen ladan?   Se sa ki nou oule konpran.  Nou, nou oule konpran e sa bann pick-up drivers i anvi konpran, eski Gouvernman i pe bat zot latet?

Eski Prezidan in dir en keksoz?  Minis Finans in ekoute in tande in dir in repet sa ki Prezidan in dir?  Me selman ler PUC in siny sa kontra in pa’n nanryen ladan konkret pou ed nou bann pick-up drivers.  Se sa ki enportan.

E Minis finalman ou’n pa’n reponn mon kestyon lo sa bann gro pick-up la.  Akoz mwan mon pe get en Lakor, en let ki zot ti sinyen avek bann pick-up drivers depi plizyer, depi lannen pase kot zot ti aksepte pou dir sa bann pick-up 26 tonn i vini Mahe. Konmsi i pa byen!  I pa zoli pou aksepte en keksoz en kote, pou promet en keksoz lot kote, ki apre i pa delivre avek sa bann msye.  Se sa ki nou pe sey konpran.  Mersi.

 

MR SPEAKER

Mersi Onorab.  Minis Bastienne.

 

MINISTER CHARLES BASTIENNE

Mr Speaker konsernan sa bann gro transpor ki Onorab pe demande, eski petet mon kapab eksplik   en pti pe prosedir – huh?  – Prosedir se ki ler PUC i antre dan Lagreman par siny Kontra avek dan sa ka Sinohydro, zot annan tout en lalis bann lekipman ki zot kapab ganny permisyon pou zot anmennen anba sa Kontra.  Ler nou pe koz transpor, transpor normalman zot fer PUC prezan ler sa kontrakter in pare pou servi son transpor –PUC pou fer son aplikasyon import permit atraver Minister Finans.  E Minister Finans vi ki nou pe koz bann oversized vehicle – la prezan Minister Finans kot Import Permit i refer sa kot Road Transport Commissioner.  E prezan Road Transport Commissioner li i pou donnen, oubyen i pou decline  en kondisyon.

Dan sa ka sa bann transpor an partikilye ki ou pe koz lo la ki 26 tonn la 25.8 tonn Road Transport Commissioner in dir in donn permisyon atraver, i donn konmkwa i napa okenn lobzeksyon pou sa bann transpor antre dan pei, me a kondisyon ki zot ganny servi pirman lo sit danm La Gogue. Ok?    So sa bann gro konminyon nou pa pe espekte pou vwar zot lo semen.  Zot pou travay selman site konsernen kot i annan elevasyon danm pe ganny fer.  Sa pou reponn sa kestyon Mr Speaker.  Mersi.

 

MR SPEAKER

Mersi Minis Bastienne. Minis Dogley ou oule pran lot bout?

 

MINISTER DIDIER DOGLEY

Well sa dezyenm bout kestyon Mr Speaker i annan pou fer si dan kontra ti annan- i koz spesifikman travay ki Sinohydro ti pou donn pick-up operators?  Larepons i non Mr Speaker, dan kontra sa ki i annan e ki sa operator, sa kontrakter Sinohydro i pou bezwen donn travay ek loportinite Seselwa.  Bann loperater lokal Seselwa dan tou bann domenn asosye avek servis ki annan isi Sesel.  Parey nou’n nonmen  i annan bann ki kas ros; i annan bann ki koup pye dibwa; i annan ki lwen lakaz; i annan ki donn bann lezot servis.

Alor nou bezwen koman Gouvernman get tou dimoun an zeneral.  E ler bann kontrakter transpor i ti vin vwar nou e zot ti dir zot enterese pou zot osi annan partisipasyon dan sa proze, nou, nou’n pran li serye e nou’n fer sir poudir zot in ganny at least tou travay ki annan pou fer avek lo semen – sa in ganny ofer avek zot Mr Speaker.  Mersi.

 

MR SPEAKER

Mersi Minis.  Onorab.

 

HON JEAN FRANCOIS FERRARI

Zis pou mwan dir, mon demann avek Minis, bann transpor lo semen la, eski sa i enkli  tou bann transportasyon ki Allied Builders pou fer?  Akoz Allied Builders pou supply siman bann keksoz koumsa.  Konmsi eski i vin ladan?  Eski sa pa vedir pou dir sa bann drayver, bann pick-up owner Seselwa pou ganny zis bann ti lakok pistas ki tonbe lo latab, ki tonm anba latab?  Akoz mwan mon krwar dan sa Sesyon ozordi, tou dimoun in war lekel ki’n bat latet lekel dan sa zafer.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker diskisyon ant Sinohydro avek Allied Builders ler i ava konplete mon espekte, poudir Allied Builders koman en Lakonpannyen Lokal en Lakonpannyen Seselwa mon pa konnen aprezan si nou pou pran lakonpannyen Seselwa osi nou pou depouye nou pou partaze apard apre ki nou’n fer tender.  Pou mwan sa i vin en keksoz ki vin en pe konplike.  Sa ki nou ti pe koze se ki i bezwen annan partisipasyon lokal dan sa proze.

E bann ki Sinohydro i direkteman anba son responsabilite i pe ofer bann travayer.  Now nou pa kapab dir avek Allied Builders ki i en lakonpannyen lokal, ki si li i ganny en kontra i bezwen prezan al subcontract ankor avek bann lezot group dimoun ki zot, zot enterese pou partisip dan sa proze.  Mersi Mr Speaker.

 

MR SPEAKER

Mersi Minis.

 

HON WAVEL RAMKALAWAN

(Mic Off)

 

MR SPEAKER

Ki Point of Order Onorab?

 

HON WAVEL RAMKALAWAN

Mr Speaker mon point of order se ki, mon kestyon ti spesifikman lo bann truckers. Mon krwar ki tou mon bann kestyon in ganny konfirmen, avek sa dernyen larepons ki Minis in donnen avan, ki pou dir bann drayver pick-up i ganny BAT LATET!  Alors eski nou bezwen al plis ki sa?  Eski nou pou kontinyen koman en Lasanble asize e zis ekout bann larepons?  Nou’n fini ganny larepons!  E bann drayver pick-up osi tou la zot bezwen konpran byen, ki pou dir zot in ganny ‘Anbete!  E annou fini sa ‘Sapit!  Se sa ki mon pe demande ki sa kestyon la in fini ganny reponn.  I en bat latet lo lapar Gouvernman Msye Danny Faure e ki apre zot oule nou apwent plis Minis ankor? – Huh!

 

MR SPEAKER

Bon, en moman Minis Bastienne.  Bon Minis son dernyen bout repons in an term lo repons lo kestyon Onorab Ferrari, ok?  Zot pa pe demann kestyon ankor – ok?  Mon annan 2 Manm lo kote Parti Lepep e trwazyenm mon ava pas laparol avek Onorab Sebastien Pillay.

 

HON SEBASTIEN PILLAY

Mersi Mr Speaker.  Bonn apre midi tou dimoun.  Mr Speaker avek bi pou rod en solisyon pou sa problenm e pou konpran en pti pe plis bann eleman sa size.  I annan anba sa kontra en local material and services procurement.  Eski bann dimoun ki la i kapab defini en pti pe ki sa i entails sa local materials?

Dapre konpran i annan sonm ki’n ganny bidzete pour sa eleman, local material and services and procurement ki form parti sa konponan 90 milyon ki nou’n koz lo la.  Eski zot kapab klarifye en pti pe.  Dan sa 90 milyon spesifikman dan en pwennvi zeneral spesifikman konbyen ki ganny atribye avek diferan sekter nou lekonomi?  Konmsi pa zis dir ou lwe lakaz pou ganny en pe, lot pou ganny en pe.  Annou kapab met bann sif egzakt oubyen ase – pa neseserman aproksimatif be ase egzakt lo konbyen bann diferan group  dan  lekonomi pou benefisye avek sa konponan ki zot in mansyonnen, ki en konponan R90milyon ki’n ganny mansyonnen dan Lasanble.  Mersi Mr Speaker.

 

 

MR SPEAKER

Mersi Onorab.  Minis Dogley.

 

MINISTER DIDIER DOGLEY

Mersi Mr Speaker.  Nou annan en summary lalis bann local engagement ki Sinohydro in met a nou dispozisyon.  Par egzanp pou office ek living cost, zot ekspekte pandan sa 2an pou depans apepre 13.9milyon; local material and services procurement zot espekte depans apepre 33.5milyon.           Konsernan subcontract savedir i annan custom clearance and inland transport handling of construction equipment, tree cuttings, concrete works, pou sa zot ekspekte depans 31.7milyon.

Pour items intended pou subcontract par egzanp installation of water and electricity, drilling and blasting, pipeline and steel structure, construction of bituminous road, landscaping, zot espekte depans apepre 8.2 milyon. sporadics rental of transport vehicles R274, 550mil.  Epi local employees bann travayer konstriksyon eksetera, zot ekspekte depans ankor enn – anviron R2milyon.  Mersi Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mr Speaker parfwa tou sityasyon i donn nou loportinite pou eksplor lezot size.   Mon konnen bann operater pick-up i la pe ekout nou, me atraver sa size nou’n vwar poudir i annan sa lot eleman dan sa Kontra ki nou bezwen met port byen latansyon lo la.   Mon ti a kontan avek ou permisyon Mr Speaker dwell en pti pe lo sa bann diferan sif ki nou’n gannyen – pa pou bokou letan me very briefly, pou nou kapab ganny serten klarifikasyon pou nou asire ki sa bann figures ki’n ganny mansyonnen, nou pa pe vwar okenn endividi li tousel, ki pe ganny pli gro konponan e apre enn pti git i ganny partaze.  Pou fer sir fer sir ki annan en distribisyon ase…

 

MR SPEAKER

… al lo ou kestyon.

 

HON SEBASTIEN PILLAY

Mersi Mr Speaker.  Par egzanp mon pou pran sa konponan 13.9 milyon ki sipoze al anba ki ou’n dir mwan living cost eksetera, eksetera.  So lo sa bann konponan ki ou’n mansyonnen la, ki mannyer, ki kalite travay ki zot pe fer, pou asire ki pare egzanp bann dimoun ki pe fer pipeline ek steel structure, i bann konpannyen Seselwa ki a ganny loportinite pou zot bid dan sa konponan sa Kontra, ki li i form parti mon krwar en sonm apepre 8milyon ki zot in mansyonnen la.         Ki zot pe fer par egzanp pou bann dimoun ki pou al fer, pou provide bann local materials ki pou tonm anba apepre 30 ekek milyon ki zot pou akse oubyen ganny loportinite pou zot tender e bid pou sa konponan; ki fer ki nou annan en distribisyon larises oubyen en distribisyon reveni retonbe dan sa proze ki al pou maximum dimoun, e non pa serten gro konpannyen, oubyen serten endividi.  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker atraver supervision ki PUC i ava annan an plas, i ava fer sir pou dir ki i ava annan plis partisipasyon bann lokal parey ki Sinohydro in dir nou poudir i pou donn bann dimoun lokal.   E aprezan PUC i pou bezwen fer son louvraz, pou fer sir pou dir sa i leka – pou dir sa bann travay i ganny fer par bann kontrakter lokal.  Mersi Mr Speaker.

 

MR SPEAKER

Mersi Minis.  Vitman Onorab Pillay.

 

HON SEBASTIEN PILLAY

Mr Speaker mon pa konnen si Minis pe konpran mwan – ok?  Nou deza annan en problenm la pou dir en group Seselwa ki pe santi pou dir ki zot pe ganny dezavantaze par lafason ki bann keksoz dan sa proze in ale.

Prezan la nou annan ladan la bann konponan ki pou fer ki lezot Seselwa ki annan lezot aktivite, i kapab benefisye ladan.  Mon ti a kontan from zot, klerman dir nou ki mezir zot in met an plas, pour ki sa bann Seselwa i kapab ganny akse avek bann finansman ki annan dan sa proze!

Sey fer li kler.  Par egzanp sa bitumen road lekel ki pe fer? Land Transport?  Eski sa bann truck hirers pou ganny loportinite pou zot bid atraver Land Transport pou zot kapab partisip avek Land Transport ankor?

So mon pe sey rod fason dan tou sa bann landrwa kot i annan bann eleman, kot Seselwa i kapab benefisye, zisteman parey nou’n dir nou pe gard sa promes pou dir ki Seselwa i kapab partisipe dan sa bann aktivite, dan sa bann proze ki vin isi.  Mersi Mr Speaker.

 

MR SPEAKER

Mersi Onorab.  Minis Bastienne.

 

MINISTER CHARLES BASTIENNE

Mr Speaker sa bann detay kin ganny donnen by Sinohydro, se zot ki’n provide nou sa bann lenformasyon kot pou annan partisipasyon lokal.   Ok?  Ler zot in donn tou sa bann lenformasyon, parey Minis in eksplike i annan serten travay ki PUC pou fer avek zot.

Evidaman PUC i annan son sistenm monitoring ki pou met an plas, pou fer sir ki pou dir sa bann travay ki nou’n koz lo la i ganny fer by lokal.  Par egzanp konsern met koltar.

Prensipalman Sesel nou annan SLTA ki met, ki fer travay koltar parey ou’n dir.  Ou annan landscaping nou pe espekte osi ki landscaping osi i a ganny fer par travayer lokal. Ou annan lenstalasyon delo ek elektrisite – zis PUC ki fer sa.

I annan tou sa bann konponan ladan ki nou ekspekte poudir travay i ava ganny fer par lakonpannyen lokal.  Akoz apre tou sa in vin en mezir ki mon panse by which ki PUC i kapab hold Sinohydro accountable lefe ki Sinohydro ki’n dir ek Gouvernman, vwala kote pou annan partisipasyon lokal.   So mon krwar sa zouti ki zot annan la with regards to sa i ava sifizan pou PUC kapab fer son travay, pou ensure sa i arive.  Mr Speaker si ou permet mwan reakte enn pti pe lo sa zafer konmkwa ki Gouvernman pe bat latet bann drayver pick-up.        Nou, nou angaze avek lasosyasyon i annan omwen 2 mwan depi lo lo komansman letan ti annan protestasyon.

Nou nou’n montre koman Gouvernman nou bonnfwa pou fer sir pou dir nou kapab rezoud sa problenm kot Drayver Pick-Up Lasosyasyon ti’n santi zot in ganny dezavantaze.  Nou’n asiz avek zot, nou’n rezonn avek zot, nou’n dir avek zot kote nou krwar i annan serten partisipasyon.

Minis bomaten in repete, in dir avek management ki nou ti annan lokalman, nou pa ti neseserman fer gran progre.  Nou’n recall from Maurice kot bann senior officers in vini.  En zour Sanmdi bomaten nou’n asiz avek zot, nou’n war klerman, nou’n desin en laliny kote nou kapab ganny partisipasyon lokal spesifikman with regards to bann truck operators.    E se dan sa meeting Sanmdi ki nou ti fer le 23 Mars mon panse, kot zot ti donn nou tou sa bann detay, kot ti pou annan lokal partisipasyon.

E la kot nou ti tonm dakor, Minis in repete bomaten kot wi an term bann truck operators, zot dakor pou annan partisipasyon kondisyon i annan 3 kondisyon, ki mon ava repete briyevman.  Enn, se ki zot pou deal ek en sel lakonpannyen, ki mon repet ankor en kou ki Lasosyasyon letan nou ti zwenn ek zot, zot ti dir nou i pa pou en problenm pou zot organiz zot, pou deal avek en sel entity, akoz i pa fer sans pou en lakonpannyen groser Sinohydro pou tay deryer tou sa bann pick-up ki annan al rode lo Stadium de sepa ki bor whatever, pou vin fer zot louvraz.  In dir zot organiz zot e zot pare pou deal avek enn.

Dezyenmman zot in dir si i annan okenn liability ki ariv an rezilta ki zot pa pe kapab donn sa servis, evidaman zot osi zot pou bezwen.  E lasosyasyon ti fer kler avek nou ki zot pare pou pran en lasirans pou kouver zot pou sa.                         Trwazyenmman ti annan sa issue si zanmen i annan okenn diferans dan rate konpare avek zot quoted rate konpare avek rate ki lasosyasyon oubyen sa lakonpannyen ki zot, zot formen then Sinohydro i dir nou  zot pa ou entertain.  So mon pa pe vwar kote nou, nou pe ale pou dir konmkwa ki Gouvernman pe asize pe bat latet sa bann dimoun.

I sel keksoz ki dezagreman ki nou annan e ki Minis parey in eksplike, Minis Dogley in eksplike nou pa kapab ale al fors lanmen sa bann kontrakter, ensiste avek li fodre ki nou donn bann operators louvraz lo site La Gogue!   E Gouvernman pa kapab antre ladan i en kontra ki’n sinyen, sel keksoz ki reste la si zanmen zot les sa ki zot pe dir arive se termin sa kontra e ler ou pou termin sa Kontra nou ava vwar egzakteman ki lenplikasyon pou annan lenplikasyon finansyel pou annan. E pou termin kontra ankor i pou al kout nou ankor sepa en 40, 50 mil roupi si pa plis mon pa konnen.

E dezyenmman ler nou’n tender nou’n vwar Kontra i 185 milyon, dezyenm pli ba ti 302 milyon, en diferans o mwen 120 milyon.  Konbyen i tonbe 120 milyon azout avek 40, 50milyon i fer ou en lot apepre en R160milyon, eski se sa ki nou anvi, kote ki nou kapab servi sa larzan across nou Pei, pou kapab fer plis lakaz lasante e lezot keksoz.                 Eski nou oule al rekonmanse avek sa?  Mwan mon krwar si nou onnet ek nou lekor Mr Speaker se zot ava vwar pou dir  Gouvernman la kot nou’n arive apre ki kontra in sinyen i ti pou difisil pou Gouvernman go back lo Lagreman ki ti annan orizinalman.  Si i ti fer sa lo komansman, petet nou ti a kapab fer le me la kot nou’n arive vi ki ti en Kontra enternasyonal, then i pou difisil pou nou antre pou nou ale.  Sel opsyon ki reste se kas Kontra e les bann truck operators ale al konstrir danm.  Mersi Mr Speaker.

 

MR SPEAKER

Mersi Minis.  Onorab Herminie.

 

HON WILBERT HERMINIE

Mersi Mr Speaker.  Bonn apre midi Mr Speaker, bonn apre midi Minis.   Mon ti annan zis en klarifikasyon mon ti anvi demann Minis; sa bann kanmiyon, sa 4  kanmiyon ki Sinohydro ti fer vini la, eski sa bann kanmiyon i kanmiyon spesyalize ouswa bann transpor normal?        Epi mon dezyenm part kestyon i regarding lo import permit ki rezon det zot ti mete avek zot laplikasyon pou fer vini sa 4 kanmiyon.  Mersi Mr Speaker.

 

MR SPEAKER

Mersi Onorab.  Minis Bastienne.

 

MINISTER CHARLES BASTIENNE

Mr Speaker, wi sa bann kanmiyon parey nou dir, bann kanmiyon 25.8 tonn.  Mon aprann avek PS konmkwa bann ki annan 3 axel e li ki pe dir mwan i paret bann kanmiyon spesyalize e pa bliye parey mon’n eksplike boner dan Lagreman ki PUC ti sinyen ek Sinohydro e i ti pou siny avek ki kontrakter mon panse ti pou allow zot pou anmenn serten lekipman.

E dan kan Sinohydro i annan sa, ti annan provizyon pou zot anmenn 8 konminyon 25.8 tonn.   I annan 6 ki in arive e sa 2 nou pe dir zot pa anmenn konmela ziska ler nou’n fini fer negosyasyon ki nou ti pe fer avek bann truck hirers operators.  

So pou reponn ou kestyon wi i annan sa bann kanmiyon 25.8 e mon kapab dir en pe plis ankor.  Ler nou ti pe fer negosyasyon avek Lasosyasyon, nou ti dir avek zot donn nou en lalis bann diferan lekipman ki zot annan ki spesyalize osi, pou letan nou ava fer diskisyon avek Lakonpannyen Sinohydro nou ava kapab met devan zot.                 E sa nou’n pa’n zanmen gannyen avek Lasosyasyon.  So vwala kot sa – Apre osi dezyenmman ti annan provizyon osi dan kontra pou zot anmenn 2 kanmiyon 10 tonn avek 1 kanmiyon 5 tonn, ki swivan diskisyon ki nou’n fer avek zot, e pou nou kapab annan kontrol lo bann mouvman an deor danm lo semen, nou nou’n dir zot nou pa pe donn zot permi pou zot anmenn lezot kanmiyon, ok?

E kondisyon ki nou ti mete avek zot wi kondisyon se ki sa bann kanmiyon 25.8 tonn, fodre i ganny servi lo site  Danm La Gogue e non pa lo semen.  A okenn moman zot pa sipoze pe ganny servi lo semen.  Vwala.  Mersi Mr Speaker.

 

MR SPEAKER

Mersi Minis.  Onorab Herminie.

 

HON WILBERT HERMINIE

Mersi Mr Speaker.  Prezan kestyon ki leve pou ou knowledge Minis, eski i annan sa bann kalite konminyon spesyalize isi Sesel?  Mersi Mr Speaker.

 

MR SPEAKER

Mersi Onorab.  Minis.


MINISTER CHARLES BASTIENNE

Mr Speaker mon PS pe dir mwan i kapab annan enn de.  Me si nou ti ganny sa bann lenformasyon avek Lasosyasyon, then nou ti ava konnen avek sertitid konbyen sa bann kanmiyon ti annan.  Me sa lenformasyon nou’n pa’n zanmen gannyen avek Lasosyasyon.                        E pou zot lenformasyon se ki parmi negosyasyon ki ti pe ganny fer, ti pe ganny fasilite par PS Transpor, se enn bann keksoz ki nou ti demann avek Lasosyasyon.  Mersi Mr Speaker.

 

MR SPEAKER

Mersi Minis.  Onorab Churchill Gill.

 

HON CHURCHIL GILL

Mersi Mr Speaker bonn apre midi Minis.   Minis sa size ki nou pe diskite la i tre enportan.  E mon krwar poudir pou nou envite ki ler nou annan en lot proze a lavenir, pou vwar pe annan menm kalite diskisyon.  Nou bezwen fer en prosedir, parey dan sa kontra i dir nou koumsa, where practicable nou bann Seselwa pou kapab ganny sans antre.   Sa premyerman nou bezwen sanze ler nou antre dan kontra avek bann future project.

Apre nou bezwen annan bann prosedir Sesel ler nou annan bann gro proze, avan-ler menm nou al negosye avek bann gro konpannyen deor, nou gete ladan ki annan pou Seselwa; ki Seselwa i kapab fer?

Sa avan-ler nou al negosye.  Aprezan nou kapab annan nou lalis sa ki nou Seselwa i kapab fer.  En mannyer ler nou al rod met tender sa osi i form par, sa dokiman i form par konmkwa sa Sesel i kapab – Seselwa i kapab provide sa servis.      E mon konnen zanmen in annan sa kalite prosedir avek Labank Enternasyonal, ler nou negosye, me selman nou bezwen komans somewhere akoz i pe koz en problenm pou nou ozordi.

Alors mwan mon ti a sizere ki nou tonm dakor, ki nou ater tou sa ki Seselwa i kapab fer – en mannyer ler sa konpannyen i ganny donnen son kontra i klerman spesifye ladan ler ou pou vin Sesel ou pou komans ou Kontra lala ki pou tender ek Seselwa.

E li i pa pou en sityasyon parey nou annan ozordi kot li i bezwen desid sa e si i bezwen desid sa. E la nou war nou Gouvernman pe al met presyon lo sa boug pou li donnen.  Annou fer li kot pa fodre annan presyon.  Otomatikman Seselwa i ganny antre san okenn problenm.  Mersi sa ti mon kontribisyon.

 

MR SPEAKER

Mersi Onorab Gill, mon ava donn laparol Minis Finans, Dr Larose.

 

MINISTER PETER LAROSE

Mersi Mr Speaker.  Bonn apre midi Mr Speaker, bonn apre midi Leader Lopozisyon Onorab Wavel Ramkalawan e mon ti anvi dir bonn apre midi Onorab Charles De Commarmond, me mon pa war li la.   Bonn apre midi tou bann Manm Onorab e osi bann manm operater truck ki la dan Gallery e tou dimoun a lekout.  Mr Speaker depi bomaten mon’n reste trankil.  Natirelman napa gran keksoz pou mon reponn kot i konsern labank Onorab Churchill Gill i tou depan lekel labank ki ou negosye avek.            I annan serten labank i annan son bann kondisyon, me seta nou Gouvernman Sesel pou swazir labank lekel ki donn pli bon terms in terms of cost repayment.  Epi kot ou dir i bezwen eleman kot Seselwa i benefisye.  Sa mon dakor avek ou. I vre proze i fer Sesel pa fer a leksteryer.  E la nou Seselwa i bezwen benefisye pa zis etranze sa mon antyerman dakor avek ou.  Mersi bokou Mr Speaker.

 

MR SPEAKER

Mersi Minis Larose. Onorab William.

 

HON WAVEN WILLIAM

Mersi Mr Speaker.  Bonn apre midi Minis avek ou lekip. Minis Dogley mon ti a kontan demann ou anyway dan tou sa bann konfizyon la ki resanble pe arive, nou konnen pou dir konsonmater li i anvi ki letan lasesres nou annan ase delo. Mwan mon anvi demann ou dan sa bann devlopman ki’n arive eski Gouvernman atraver loan ouswa atraver, son Bidze li menm li.  I annan en Contingency Fund akonpannyen avek sa package pou sa proze, ki kapab petet fasilit bann pick-up drivers.  Mersi.

 

Mr SPEAKER

Mersi Onorab. Minis Dogley.

 

MINISTER DIDIER DOGLEY

Mersi Mr Speaker. Mr Speaker mon’n ganny enformen i annan pou dir anba kontra i annan 10 poursan ki pou Contingency Fund.  Parey laplipar proze i annan en sonm ki ganny mete an ka si i annan cost overrun lo sa proze.  E dan sa enn i annan 10 pour san kin ganny mete spesifikman pou okenn evantyalite ki, depans i pli o ki ganny plan.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mon anvi demann Minis osi, lefe ki i evidan – i annan retar e i pou annan retar.   Eski Gouvernman baze lo bann prosesis pe devlope, eski Gouvernman i santi poudir dan sa bann negosyasyon pou sa proze i annan tor?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon pa vwar en kestyon tor ladan.   Gouvernman in always depi lo komansman in komit son lekor, pou fer sir pou dir bann kontrakter Seselwa enkli bann operater pick-up avek bann plant hirers, zot benefisye dan sa proze.

E sa pa’n zanmen sanze parey mon’n dir bomaten.  E parey mon’n dir osi bomaten i annan 48.5 poursan sa total sum ki pou ganny depanse lo sa proze ki pe ganny depanse avek bann lakonpannyen, avek bann supplier Seselwa.  Pour mwan si nou retourn bout Kontra ki demande ki annan en fair avek reasonable partisipasyon Seselwa, mwan mon krwar poudir nou’n attend sa bi.  Mersi Mr Speaker.

 

MR SPEAKER

Mersi Minis.  Dernyen kestyon Onorab Ghislain.

 

HON CHANTAL GHISLAIN

Mersi Mr Speaker.  Bonn apre midi tou dimoun.  Mr Speaker dan  okour letan ti annan bann diskisyon ti annan bann, en moman kot bann truck operators ouswa zot Lasosyasyon ti al vizit site.

E letan zot in vwar, avek bi pou zot vwar enn ti pe lanpler ki mannyer sityasyon, ki zot to dir an rezilta sa si zot ti pou kapab ale laba?

E dizon par egzanp i arive ki zot ganny sans antre lo site, an sa ki konsern safety avek lasante, lasante e safety sa site konstriksyon dizon i ariv en aksidan lo sa site, lekel ki responsab pou safety nou bann truck operator, truck drivers operator?  Mersi.

 

MR SPEAKER

Mersi Onorab.  Minis Dogley.

 

MINISTER DIDIER DOGLEY

Mr Speaker se egzakteman sa konplikasyon ki annan.  Ler ou annan en sel kontrakter ki responsab pou son site, okenn keksoz ki arive lo son site, i liable pou li; li li menm li i responsab pou okenn keksoz i arive lo son site.

Now si i subcontract then bann liabilities ki i annan lo li, i osi pass on lo sa sub-contractor ki li in pran serten travay pou li fer.  Now si ou’n pran responsabilite pou ou travay lo semen, lo quarry, whatever it is ou liable akoz ou pou siny menm kontra avek menm kondisyon avek term ki PUC in mete anler lo Sinohydro.  Alors i sa ki arive.  Me selman lo liability danm li menm, son total i retourn ankor overall anler lo sa kontrakter – sa main kontrakter ki’n pran sa kontra.  Mersi Mr Speaker.

 

MR SPEAKER

Mersi Minis.  I  annan en lot bout kestyon Minis.

 

HON CHANTAL GHISLAIN

Non mon ti anvi konnen Mr Speaker letan zot ti al vizit site, kwa ki sa Lasosyasyon – bann truck drivers ti dir letan zot ti al lo site pou zot ti al vizit site ki zot ti dir vreman?

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker si mon rapel byen ler ti sorti lo site nou ti fer meeting apre sa zot ti enform nou pou dir i annan, zot remarke pou dir sa semen i annan bann risk pou al travay laba lo sa site.

E sanmenm sa zot ti oule konnen si zot annan bann lekipman ki pou kapab travay lo bann site parey, kot ou bezwen annan sa 3 diferan axle pou fer sa travay spesifik.

E nou ti demann zot pou donn nou sa lalis.  E parey Minis Bastienne in dir, nou’n pa’n zanmen ganny lalis sa bann lekipman ki zot ti pe dir zot annan. Mersi Mr Speaker.

 

MR SPEAKER

Mersi Minis. Bon mon annan ankor en pti pe letan, mon a donn en dernyen kestyon – en kestyon Onorab Simon Gill.

 

HON SIMON GILL

Bonn apre midi Mr Speaker.  Mersi pou sa loportinite.  Bonn apre midi tou Minis avek zot lekip, bonn apre midi tou koleg Manm Onorab e manm piblik.   Nou bann koleg, zanmi, bann paran zanmi e konesans nou bann dimoun dan truck drivers, owners tou.                     Mr Speaker la ou dir mwan mon annan zis en kestyon, mon pa pou gaspiy letan plis ki sa, me mon pa ankor satisfe ki ler nou sorti la, ki nou bann truck owners ki depi bomaten mon vwar zot la anler, pe koze, pe ekoute, mon pa ankor satisfe ki zot pou sorti la avek en lespri anpe.  Mon pe demann mon lekor en kantite kestyon.

 

MR SPEAKER

Pa demann ou lekor, demann Minis kestyon.

 

(laughter)

 

HON SIMON GILL

E tou sa bann kestyon ki mon pe demande, se ki mannyer nou rezourd sa problenm?  E mon ti ava voudre mwan, mon bezwen demann mon lekor kestyon akoz pou nou kapab demann kestyon Minis, Minis, Minis i annan 3 zot la.  Ki nou annan pou nou satisfer demann bann truck owners ki la anler?  Ki annan pou nou satisfer zot?

Sa ki nou’n konpran se ki i annan R90milyon ki pou ganny depanse atraver diferan servis ki Seselwa pou ganny sa loportinite atraver Sinohydro. Atraver ankor enn fwa mon repete bann diferan servis, R90milyon. E sa ladan i enkli en kopo pou nou bann truck owners, me eski mon’n konpran li byen ki bann truck owners pe rod en pli gro poursantaz partisipasyon e byensir en pli gro poursantaz larzan dan sa proze.   Akoz si zot partisipasyon i ogmante, byensir pou zot ganny plis larzan.

E konbyen zot i annan sa bann msye ki own bann truck? Byensir i poz kestyon pli lwen. Sa bann kanmiyon ki nou’n dir sorti lo site retourn lasose, ki li menm in kree la baz pou ki Sinohydro i provok en claim pou Gouvernman or PUC, ki leta sa bann pick-up?

Eski zot retournen pou travay, repran e ki pou pozisyon nou bann truck owners vizavi sa desizyon, ki evantyelman pou bezwen ganny pran si nou pa oule terminate sa kontra avek Sinohydro. Mon krwar i ekstrememan enportan ki nou met en laklerte dan sa zafer pou nou kapab bouze akoz …

 

MR SPEAKER  

Mersi Onorab si mon les ou ankor kontinyen ou pou anmenn ankor 5 kestyon dan sa kestyon.  Minis Bastienne.

 

MINISTER CHARLES BASTIENNE

Mr Speaker mon krwar depi bomaten nou ti pe esey met laklerte, me i paret mwan Onorab i santi in pa’n ganny otan laklerte nou’n donn zot otan lenformasyon ki nou nou’n kapab lo nou kote.  Bon lenformasyon ki nou annan se ki i annan omwen en 70 truck operators ki manm Lasosyasyon dan sa apepre 400 konminyon komersyal ki mon aprann i annan.  Ok?

Kestyon depi bomaten se ki to what extent eski zot kapab ganny plis ladan?  E dan nou bann meeting ki nou’n fer avek lasosyasyon, evidaman zot dir pou ganny plis fodre i annan plis partisipasyon.   E Zot in fer kler avek nou e mon krwar i pa en sekre poudir ki laplipar travay ki annan pou fer se travay ki annan pou fer lo sit danm li menm – La Gogue.

E kontrakter in dir nou klerman poudir li i pa pou kapab aksepte poudir bann truck operators, i vin travay lo zot sit La Gogue, me zot, zot pare pou zot sub-contract parey nou’n eksplike bomaten tou larestan transportasyon.  Mon’n fer kler poudir zot ti annan plan pou zot anmenm bann kanmiyon 5 tonn ek 10 tonn e Gouvernman in dir i pa pou donnen Permi pou sa.  Alor si sa bann truck operators zot fer sa ki nou ti dir zot fer dan nou dernyen meeting ki nou ti fer le 20 Mars, nou ti dir avek zot ale al koz avek zot bann Manm.  Al fer sa 3 keksoz ki zot ti dir nou i pa en problenm; setadir annan en sel entity si Sinohydro pou deal avek.

Dezyenmman pou zot annan en lasirans pou okenn liability.

Apre trwazyenmman nou ti dir zot ale al regarde pou zot partisipasyon – en mannyer ki Sinohydro i ava lans son lenpresyon lentere e la zot, zot ava partisipe.   E ler zot pou partisipe zot partisip avek zot rate ki zot, zot pou dir.

Sinohydro i annan son rate ki li i ti tender avek.  E vwala kot trwazyenm kondisyon Sinohydro i ti dir nou, okenn diferans dan bann rate ant sa ki li in tender ki’n ganny son tender obviously in win son kontra, avek okenn rate ki an deor sa, zot pa pe bear sa diferans sa diferans pou bezwen ganny bear by PUC oubyen Gouvernman.

So, Lasosyasyon letan i ti sorti meeting kot nou le 20 Mars in ale in al diskit avek son bann manm e swivan sa mon ti ganny en text avek zot konsiltan ki ti dir avek mwan poudir lasosyasyon pa pe aksepte sa.  Ok?  Zot pa pe aksepte le 23 mon ti ganny sa text konmkwa zot pa pe aksepte pou zot ale pou zot, letan lekspresyon lentere i sorti pou zot partisip dan bann travay ki annan pou fer off site.

E vwala kot i anmenm nou lo en desizyon pou Gouvernman pran en desizyon.  E se sa ki nou espekte pou Gouvernman pran en desizyon lo la enn fwa pou tou, ki pou arive avek sa sityasyon ki pa kapab e ki nou koman en Gouvernman responsab nou pa kapab kontinyelman les sa ganny drag.

Akoz sak zour ki pe ale en meter pe marse.  I donn zot ground pou claim mon pa konnen konbyen, me selman en meter pe marse nou bezwen aret li enn fwa pou tou.

Vwala nou, nou pou diskit sa lo nivo Gouvernman nou a pran en desizyon pou ki Sinohydro i a kapab en fason en lot pou li kontinyen avek son travay oubyen okenn desizyon ki ava ganny pran vizavi sa.  Se la kot nou ete an se moman kot sa i konsernen.  Mersi Mr Speaker.

 

MR SPEAKER

Mersi Minis, enn pti siplemanter Onorab Gill.

 

HON SIMON GILL

Wi Minis mon krwar nou’n ganny lenformasyon ki tre enportan.   In annan en konsesyon, si mon kapab apel li en ‘’konsesyon’’ an parantez, ki’n in dir zot, zot ava ganny loportinite pou anvoy zot rate be Sinohydro in dir i pa pou pran sa an konsiderasyon.

I vedir i pa pou factor-in sa excess.  Si i par lao rate ki li in bid lo la.  Swa PUC i bear the cost or Gouvernman atraver lezot mwayen i bear the cost.

Now the question – PUC e Gouvernman in pare pou bear the cost malgre lefe ki zot in ganny text in dir zot pa zot pa pare pou zot fer okenn travay off site par lefe ki zot demann i on site; pou ki zot ganny en pli gro chunk dan sa proze.  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker nou pa konn zot rate nou. Rate ki nou bann lasosyasyon petet zot kapab donnen dan zot Lekspresyon Lentere.  I kapab parey i kapab plis mwens nou pa konnen lenportans zot bezwen donn zot rate.  Kestyon se ki si zanmen zot rate i plis ki sa mon krwar sa i en konsiderasyon ki PUC i a donnen, eski sa mon krwar bomaten lot kote latab lo kote Lopozisyon in dir akoz pa ti met en bout an plis dan sa kontra, ki en mannyer ki kontrakter lokal ti ava benefisye.  Sa in ganny dir bomaten.

Me selman eski sa i kapab ganny cater dan sa contingency mon pa konnen dan ki konteks ki contingency i ganny trigger me selman si zot partisipe, si lasosyasyon i dakor pou partisipe, nou ava esper zot lekspresyon i ava antre i ava ganny analize by PUC, Sinohydro i ava met a latansyon PUC e si zanmen i annan okenn diferans la Gouvernman i ava fer en desizyon lo la.  Mersi Mr Speaker.

 

MR SPEAKER

Mersi Minis.   Bon nou ava termin sa Sesyon Kestyon e mon ava remersye le 3 Minis, Minis Bastienne, Minis Dr Larose e Minis Dogley e bann teknisyen parmi nou.  Nou ava, Minis – en moman, en moman. Minis Larose ou ti oule?  Mon vwar4 ou lev lanmen ou ti anvi  dir keksoz?  E moman les lezot – Minis Larose yes?

 

MINISTER PETER LAROSE

Mersi bokou Mr Speaker.  E pou fer lazistis mon a dir bonn apre midi Onorab De Commarmond; taler ou pa ti la, la ou’n retournen.  E Mr Speaker mon remersye bokou pou donn mwan sa parol pou mon dir de mo.  Napa nanryen pour fer ek danm La Gogue malgre mon pa reste tro lwen avek danm La Gogue.

 

MR SPEAKER

Ok go ahead Minister.

 

MINISTER PETER LAROSE

Mr Speaker premyerman mon ti a kontan klersi mon non, pou tou Seselwa ki pe ekout nou la mon se ki mwan Peter Larose mon’n toultan desarz mon responsabilite, dan en fason profesyonnel, avek entegrite lazistis, fairness dan en fason posib kot dimoun i santi zot alez.

Epi koman zot konnen mon koz fran.  Mon dir sa ki mwan mon santi koman en profesyonnel.

Mr Speaker mwan mon pa reelman frekant bann medya sosyal.  I annan serten negativ serten lenformasyon ki sorti lo rezo sosyal e sa i pa zoli.  Alor i mon drwa koman en sitwayen pou mon eklersi mon non.

Se vre bokou dimoun i dir ‘’in ganny pouse’’ i enkonpetan sepa i ti dir poudir’’ i  en technocrat’’ la sepa ki i ete.

Mr Speaker mon dir ozordi pou dimoun ki pa konn mwan, mon’n fer fyerte Sesel lo staz global.  Mon pa bezwen ganny rekonnet plis ki sa.  Mon’n fer otan pou Sesel.  Ozordi mon kapab dir ki mon fyer.  E kot ki konsern Minister Finans mon’n vin avek en vizyon, en plan pou transform Minister Finans.

Pou bann Manm Onorab ki’n vin ganny sans kot Minister Finans zot in     vwar en sanzman.  I annan en disiplin i annan sa recognition e apre tou i annan sa respe e mon krwar nou dwatet annan sa pou Seselwa e pou tou etranze ki vizit kot nou.

E o size mon sityasyon mon pe kit Minister Finans e mon fyer mon’n nobou train detrwa dimoun ki ankor bokou pli zenn ki mwan pou zot pran labar.                                       Ler mon’n vin Sesel, mon pa’n vin pou reste Minis pou lavi.  In ariv en serten moman pou mon ale, alors se sa ki mon ti a kontan dir Lasanble e tou Seselwa ki pe ekout mwan.

Mr Speaker mon pa pou kapab terminen san remersye ou, pou ou kolaborasyon, Deputy Speaker Onorab Afif, Leader Lopozisyon Onorab Wavel Ramkalawan, Leader of Government Business Onorab De Commarmond e tou Manm Onorab mersi bokou pou zot konfyans e konfidans ki zot in met dan mwan.

Fotespere mon’n pa’n let zot down.  E pou mon remersye osi bann staff Lasanble pou zot tretman kordyal e SBC ki kouver nou deliberasyon e osi tou staff Minister Finans.  E mon krwar i annan en dimoun ki mon kapab kit la PS Payet san mon regrete.

Me vwala sa ki mon ti oule dir set apre midi ankor enn fwa mersi bokou pou zot sipor e mon swete nou kapab zwenn kanmarad – nou enn pti zil.  E vwala Mr Speaker.  Mersi bokou.

 

(APPLAUSE)

 

MR SPEAKER

Mersi. Mersi Minis Larose.  Bon si sa i paret ki desizyon ki ou’n fini pran.  E lo mon par from My Office – lo lapar Sekretarya Lasanble mon krwar mon kapab eksprim sa lo lapar tou Manm Lasanble osi tou.  Mon kapab dir Minis nou’n ganny en tre, tre bon relasyon travay depi ler ou’n vin Minis Finans.

E petet parey ou’n dir ou’n fer en travay dan en fason transparan, tre ouver e tou korperasyon Lasanble in bezwen, menm atraver Komite FPAC nou’n kapab ganny sa bann korperasyon.

E mon kapab dir ansanm avek ou bann staff dan Minister, nou’n parey bann franse i kontan dir kontan servi sa lekspresyon nou’n tise en tre bon relasyon; tre bon relasyon travay.

E petet i reste pou remersye ou Minis ankor e pou swet ou tou de bon dan sa ki ou mazinen pou fer, pou antre ladan pour le fitir.

Minis ankor enn fwa lo non Lasanble Nasyonal mersi bokou.  E nou ava eskiz zot parmi nou avan nou Break.

 

(MINISTER LAROSE, MINISTER DOGLEY AND MINISTER BASTIENNE AND THEIR DELEGATION WAS EXCUSED FROM THE HOUSE)

 

 

MR SPEAKER

Bon parey nou ti dir pli boner nou pou pran en Break la e nou pou repran nou travay 4er nou annan Minis Madanm Jeanne Simeon ki pou vin prezant Bill National Council for the Elderly.  Nou ava pran sa pou nou dernyen travay pou ozordi.  Nou ava Break e nou ava retournen 4er.

 

(BREAK)
MR SPEAKER

Bon nou a kontinyen nou travay. Mon ti a swet labyenveni Minis Simeon parmi nou.  Ms Simeon i akonpannyen par son Sekreter Prensipal, Ms Linda William, E Mr Victor Pool, Legal Draftperson, AG’s office.

Bon mwan ava demann, mon ava ganny en Mosyon pour Second Reading.  Yes Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Minis ek ou delegasyon. Mr Speaker anba 64  (2) nou Standing Order, mwan oule move ki the National Council for the Elderly Bill, 2018 i ganny lir en Dezyenm Fwa.

 

MR SPEAKER

Mersi Onorab De Commarmond.  Okenn Manm ki segonnen?

 

HON BASIL HOAREAU

Mwan segonn Mosyon Mr Speaker.

 

MR SPEAKER

Mersi Onorab Basil Hoareau. Bon ava demann Minis pour prezant son Bill.  Minister

 

MINISTER JEANNE SIMEON

Mersi Mr Speaker. Bonn apre midi Mr Speaker.  Bonn apre midi tou bann Manm Onorab. Bonn apre midi bann Manm a lekout.

Mr Speaker mon pe prezant National Council for the Elderly Bill, 2018 devan Lasanble pour aprouvasyon.  Sa Bill pour ranplas National Council for the Elderly Act 1997. Mr Speaker National Council for the Elderly Act 1997, i en morso Lalwa ki date en pe plis ki 21 an.

Malgre ki serten son bann provizyon i ankor aplikab ozordi, sa Lalwa ki ti etablir Konsey Nasyonal pour Dimoun Aze sa letan, ti donn sa Konsey en rol plito pasiv.

Konsey ti napa manda pour fer bokou keksoz apard aviz ouswa Konsey Gouvernman lo keksoz ki afekte dimoun aze e kolabor avek lezot Lazans pour fer aktivite pour byennet dimoun aze.

Mr Speaker pandan sa bann dernyen detrwa lannen, Gouvernman in met bokou zefor e lanfaz, pour amelyor servis ek swen pour plis konfor pour nou bann dimoun aze.

Statistik i montre ki nou popilasyon dimoun aze pe viv pli lontan e pe osi ogmante.  Alor i neseser pour annan en Konsey avek en framework ki pour kapab fer bokou plis ki zis donn konsey Gouvernman e organiz aktivite an kolaborasyon avek lezot Lazans pour bann dimoun aze.

Sa nouvo Prozedlwa pour Konsey Nasyonal dimoun aze pour al bokou pli lwen.  Sa Prozedlwa pe fer provizyon pour en framework pour kapab anploy travay e fer provizyon pour ki Konsey i vin sa regilater ki pour asir pli bon standar swen dan tou son totalite pour nou bann dimoun aze.

Mr Speaker sa Prozedlwa i ganny dirize an 4 parti.  Premye parti i fer provizyon pour bann definisyon e lenterpretasyon preliminer.

Dezyenm parti i fer provizyon pour letablisman Konsey Nasyonal pour Dimoun Aze; son lankadreman Legal e defini son bann fonksyon. 3enm parti i fer provizyon pour fon e kont Konsey.

Tandis ki 4enm parti i fer provizyon pour Minis donn direktiv lo Polisi e fer regilasyon neseser pour regle bon zesyon Konsey.

Mr Speaker Lartik 3 sa Bill  i etabli Konsey, e Lartik 4 i koz lo fonksyonnman Konsey.  Parey nou vwar i annan nouvo provizyon ki’n ganny enkorpore dan Lalwa, pour ki sa nouvo Konsey i ganny sa manda legal pour anrezistre bann dimoun ki donn swen a domicile, sa ki nou apel ozordi bann home carers;

Devlop standar pour asire ki bann dimoun aze i ganny pli bon kalite swen ek servis;

Monitor evalye kalite swen ki pe ganny donnen dan nou bann lenstitisyon ki abrit bann dimoun aze. E osi swen ki ganny donnen dan lakour bann dimoun aze e mentenir e o standar servis.

Mr Speaker sa bann nouvo provizyon i reflekte desizyon ki Gouvernman i pran pour asire ki swen ek servis a domicile i ganny professionalize e ki annan en bon progranm training ek lankadreman pour dimoun ki donn swen bann dimoun aze.

Mr Speaker Lartik 5, (1) ek 5, (2) i fer provizyon pour annan en Board avek reprezantasyon bann diferan Departman spesifik dan Gouvernman, dan sekter prive atraver Lasanm Komers e Lendistri, Lasosyete Sivil e osi reprezantasyon dimoun aze zot menm ki tre enportan.

I enportan pour fer resorti ki pa Minis pour Lafanmir ki pour swazir bann reprezantasyon.  Me Minis pour demann nominasyon reprezantan sa bann diferan departman Gouvernman, Lasanm Komers e Lendistri, Lasosyete Sivil e groupman dimoun aze.

Mr Speaker Lartik 6 i koz lo apwentman e terminasyon manm Board.  Tandis ki Lartik 7 i koz lo fonksyon Board ki mwan ava sit enn de.  Board pour asire ki etablir son bann lobzektif e stratezi pour fer Konsey marse.  E Board pour annan oversight lo ki mannyer Bidze pour ganny zere e osi i pour kapab evalye travay sa Sef Egzekitiv ki pour egzekit desizyon Board e fer Konsey marse.

Lartik 8 i fer provizyon pour Board fer bann prosedir pour meeting, tandis ki Lartik 9, 1 i fer provizyon pour lapwentman e Sef Egzekitiv. Lartik 9, (2) i koz lo responsabilite sa Sef Egzekitiv ki prensipalman se pour enplimant desizyon Board e fer, e zer tou zafer.

Lartik 10 i fer provizyon pour terminasyon apwentman Sef Egzekitiv dan diferan sirkonstans.

Lartik 11 i fer provizyon pour anploy travayer ki Konsey i santi i pour bezwen pour desarz son manda.

Lartik 12 i fer provizyon pour Konsey ganny Bidze atraver kont piblik pour fer fund raising e osi ganny donasyon.

Tandis ki Lartik 13 i adres bann prosedir pour Konsey asir bon zesyon e gard rikord pour son kont ganny odite par Oditer Zeneral.

Lartik 14 e 15 i donn Minis pouvwar pour donn direksyon lo Polisi e fer regilasyon apropriye.

Lartik 16 pe demann ki National Council for the Elderly Act 1977 anba sa sapit 291 i ganny anile ouswa repealed e i ganny ranplase par sa nouvo Prozedlwa ki la devan nou apre midi.

Lartik 16 i osi fer provizyon ki tou bann byen Bidze e tou bann travayer i ganny transfer anba nouvo Konsey en fwa ki sa Lalwa i vin an fors.

Mr Speaker nou bezwen en Konsey ki pour vreman pour annan manda – pa zis pour advocate pour bann dimoun aze.

Me ki pour kapab defann zot drwa e zot lentere e asir zot byennet sirtou ler Gouvernman pe pey dimoun pour donn swen sa bann dimoun aze.

Mr Speaker mon soumet sa Prozedlwa Konsey Nasyonal pour Dimoun Aze, 2018 pour deba e demann sipor tou Manm Lasanble.  Mersi Mr Speaker.

 

MR SPEAKER

Mersi Minis. Bon deba i ouver lo merit zeneral e prensip sa Bill. Mon ava pas laparol Onorab Esparon.

 

HON REGINA ESPARON

Mersi Mr Speaker.  Sa Bill ki devan nou prezante par Minis Lafanmir, se pour kree e Konsey Nasyonal pour dimoun aze e enn ki mon pour donn mon sipor.

Sa Bill pe demann aprouvasyon Lasanble pour kree en Konsey ki pour ede promot e holistic management pour bann dimoun aze.

Ti deza annan Lalwa parey Minis in dir pour Konsey pour bann dimoun aze.  National Council for the Elderly Act 1997. Ti annan en Konsey selman mon pa tro konnen kan ki i ti ganny aboli.  Ti a bon ki Minis taler i klersi sa pour mwan silvouple.

Dan Diskour Prezidan lo Leta Lanasyon, prononse le 6 Mars  i ti met bokou lanfaz lo proteksyon e fasilite pour bann dimoun aze.  E i ti menm sizer 4 laspe.  Bann fasilite parey Day Care pour bann dimoun aze kot en fanmir i kapab met son paran laba bomaten, e aswar sa dimoun i retourn kot li.

I ti sizer en landrwa parey Home for The Elderly pour bann ki pli endepandan.  Nursing home pour bann ki pli avarye parey kot Lopital North East Point. E sistenm carer pour bann ki pe reste kot lakour.

Mr Speaker mon napa okenn problenm ek sa bann fasilite ki Prezidan ti propoze pour nou bann dimoun aze.  Me i enportan pour nou revwar bann lenstitisyon ki egziste ozordi. Get zot defayans e fer ki nou pa repet menm fot ler nou pe planifye.

I pour responsabilite sa Konsey pour regard byen e swiv pre lo sa ki pase dan sa bann lenstitisyon.

Mr Speaker mon pe koz koumsa, akoz dan mon distrik i annan lenstitisyon pour bann dimoun aze, Regional Home for the Elderly.  E parey mon ti fer resorti dan mon larepons lo Leta Lanasyon i fer lapenn parfwa, vwar lafason ki sa bann dimoun i ganny trete.

Mon pa pe dir ki tou staff i tret sa bann dimoun parey. Me an menm tan mon felisit bann travayer ki pe pran byen swen ek nou bann dimoun aze kot Lopital North East Point.  Malgre ki parfwa i pa fasil ek bann kondisyon, bann problenm management ki zot fer fas avek.

Me Mr Speaker i malere ki parfwa sanmenm sa enn ki sipoze ansarz e pe donn sa bon legzanp, ki pe fer lavi sa bann dimoun e lavi staff vin en kosmar.  Mon ti fer li mon devwar pour demann en vizit ofisyel ek Minis Lasante kot sa lenstitisyon akoz laba i tonm anba Minister Lasante.  Mon pa konnen si sa pour reste le ka apre ki sa Bill in pase. Zour nou ti ale keksoz i mars byen.  Tapi nef partou.  Nivo lizyenn an deor byen.  Tou pasyan dan savat ek pantouf. Koman Minis i vir ledo i retourn parey.

Se pa koumsa ki nou tret dimoun! Konmsi ou’n pret li apre ou pe pran.  Bife lenz pe mwazi be selman bann pasyan parfwa en ler ou vwar zot lo lili touni san en lenz!  E ozordi sa ki boko8u fanmir ki annan zot vye, paran lab ape demande ki mannyer ki Minister Lasante pe depans larzan bann vye dimoun?  Sa osi sa Konsey pour bezwen get ladan.

E pa akoz zot tonm anba Minister Lasante ki pour napa sa lyen ant Konsey ek Minister Lasante.  Akoz en kantite keksoz i pase laba ki pa bon pour nou bann dimoun aze.  E Minis taler ou ava klersi mwan si pour annan sa lyen ant Minister Lasante e lakour dimoun aze avek sa Konsey, parski mon pa konnen an vi ki i tonm anba Minister Lasante ki mannyer sa pour marse ou a eksplik nou.

Eski tou bann lenstitisyon ki Prezidan pe propoze pour tonm anba Minister Lasante, Minister Lafanmir, oubyen kwa?  I pa akoz ou ki ansarz ler ou pa la tou keksoz i ganny met lo pause e lakle i al avek ou. Keksoz debaz pasyan pa gannyen. Minis tousala nou bezwen gete.

Mr Speaker, oubyen mon pa konnen si sa Konsey pour endepandan, anba Lartik 9 nou vwar ki Prezidan ki pour apwent CEO.  Ti a bon ganny leklersisman mon pe kestyonn son lendepandans akoz pa Konsey ki pour apwent sa CEO.

Mr Speaker pour sa bann letan ki Konsey pa’n egziste eski manm i ankor pe ganny peye?  Akoz Lasanble in donn Bidze de lannen konsekitiv.

Taler Minis i ava eksplik nou ki mannyer sa in marse. Ler mon get konpozisyon sa Konsey anba Lartik 5, mon vwar reprezantan Lasante, Lafanmir Gouvernman Lokal, Kiltir, Lanplwa, mon vwar SNYC.  Minis ou a klersi nou akoz SNYC?

Mon osi vwar Chamber of Commerce.  Me mon pa vwar okenn reprezantan Legliz. Pourtan nou konnen pour dir bann dimoun aze i atas en kantite lenportans ek zot bezwen spirityel dan sa bann dernyen letan.

Mr Speaker mon konnen ki i annan en kantite koze lo sa landrwa rekreasyonnel pour bann dimoun aze.  Esperon avek sa nouvo lelan, nouvo dinamiz ki sa  Bill pour anmennen parey Minis in dir ki sa Konsey pour Konsey Gouvernman, sa bann dimoun aze vwar ki sa i ganny materyalize.  Mon konnen ki madanm Gerry … i enn ki pe reve pour war sa.

Mr Speaker avan mon terminen, mon ti a kontan dir ki sa Konsey i bezwen osi regard dan bann prosedir, ki kree bokou lenkonvenyans pour bann dimoun aze ki dan bezwen; ki swa pour carer ou ki swa pour ganny admet dan Regional Home.

Ozordi pour ou al dan en Regional Home tou dimoun i bezwen deplase al Plaisance kot madanm Stravens.  Menm dimoun Praslin lot fwa mon ti call li i dir fodre desann kot li Plaisance.  In ler pour formaliz sa bann prosedir.  E fer ki olye ki fanmir i bezwen trenbal sa pov dimoun ki bezwen sa servis Plaisance pour vwar madanm Stravens pour ranpli form e fer bann assessment.

Me en vizit ti a kapab ganny fer kot sa dimoun pour vwar vre sityasyon, ranpli son form, koz avek lafanmir.

Sa ti a permet zot vwar realite e zot ti a pli byen kapab priyoritiz son ka.

Mr Speaker mon kontan ki Minis in mansyonn training. Dan sa prosesis training pour bann carer, mon pe enplor Minis pour get byen kwa ki pe pase.

Akoz i annan en carer ki pe al lo training e dimoun aze pe ganny reste tousel dan lakaz.  E okenn provizyon pa’n ganny fer. Mon konn de ka Minis ki mwan mon menm mwan mon’n bezwen entervenir pour fer ki sa carer i postpone son training.

Akoz napa sa konsiltasyon avek lafanmir li menm li, avan ki sa carer i ganny tire pour al lo training.

Mon konnen ki i bezwen annan sa training e tou carer i bezwen pas sa prosesis.

Me selman i enportan osi pour nou pa kit sa dimoun aze tousel kot lakour.  Mr Speaker, sa ti mon kontribisyon.  Mersi.

 

MR SPEAKER

Mersi Onorab Esparon.  Onorab John Hoareau.

 

HON JOHN HOAREAU

Mersi Mr Speaker. Bonn apre midi Minis ek ou delegasyon. Mr Speaker, UNDP i mezir devlopman en pei atraver lafason e ki sa pei i tret son bann vyeyar e osi par bann metod kot bann senior citizen i ganny valorize.

Mr Speaker ler nou pe get sa Bill ki devan nou, mon krwar i anliny avek Vienna International Plan of Action on Ageing, ki Sesel ti pran par ladan bokou letan pase an ‘92 mon krwar kot i met sa 62 pwen devan.  Ki si oule i ti inisyal bann demars pour fer ki nou’n ganny sa Bill ozordi.

Sa bann pwen i enkli lasante, nitrisyon, proteksyon, housing, lanvironnman, lafanmir, social welfare ensidswit.

Mr Speaker sa Bill i osi pous en pti ple pli devan preanbil nou Konstitisyon li menm kot i demann nou pour demann lagras Bondye pour nou komit nou travay pour en sosyete an bonn sante avek en o nivo lavi.

E si ou get sa Bill i pe osi annan provizyon pour ogmant oubyen os nivo lavi bann vye dimoun.  Mr Speaker, i en pti pe regretab ki sa Bill in vin 2an apre ki dernyen zot in si oule donn notis tou sa bann dimoun ki ti lo sa Board, anba sa vye Act avan, National Council for the Elderly Act 1997 pour zot demisyonen pour zot aret fer sa louvraz ki zot ti pe fer.  So mon ti pe ekspekte sa Bill vin bokou, bokou pli avan ki sa.

Nou lo nou kote LDS nou’n toultan lager pour byennet bann vye dimoun.  Mr Speaker ou a rapel byen pour dir Pansyon Sekirite Sosyal ki egal 5,050 e la in met ankor R200 lo la i fer li 5, 250 ti lide LDS e se sa ki nou’n lager pour bann vye dimoun ganny en meyer lavi.

Malgre Leader dan lot kote kan ti apel nou koman iresponsab – malgre zot ti dir’’ Mr Ramkalawan i fou.’’  Malgre zot ti dir, ‘’kote pour gannyen sa larzan? Eski State House i annan Pye Larzan?

Me selman nou lo nou kote nou bann dimoun pragmatic.  Nou napa zis lide. Me nou annan fason ki nou krwar nou kapab enplimant sa lide dan lapratik.  Alor nou ti montre zot klerman ki bor ou kapab koupe lo bann gaspiyaz dan Gouvernman e ki bor ou kapab vwar sa larzan pour nou met dan Bidze.

Mr Speaker, ler nou pe get rol sa Konsey, dan en fason larz ki pour anrezistre bann home care e pour standardiz e profesyonaliz sa karyer.

Pour mwan mon war sa i en keksoz vreman, vreman pozitiv. Akoz mon pe dir i vreman pozitiv akoz parey ler nou ti pe get size lasante. Nou ti pe get osi dan en direksyon kot si nou fer en Lopital Spesyalize nou ti kapab osi anmenn plis tourizm pour vin Sesel pour vin fer bann tretman isi.

So la nou pe koz home caring. Nou kapab osi entrodwir sa Konsey retirement tourism. Petet sa advisory body sa Konsey ti kapab advice Gouvernman lo sa size. Gete si i annan fezabilite ki dan Sesel nou devlop, nou profesyonnalizm sa karyer e nou fer ki sa bann dimoun ki antre dan sa karyer, i kapab osi donn en servis pli o nivo posib ki a kapab ankouraz dimoun pour vin Sesel pour vin dan home.

E why not, zot annan larzan, bann ki annan larzan i vini i pey sa servis, zot reste dan en pei tropik e zot enjoy sa dernyen 10an zot lavi, sa dernyen 15an zot lavi a en kou ki zot anmenn en benefis dan lekonomi Sesel.

Mr Speaker, mon krwar i osi enportan ler nou pe koz lo sa Bill pour vwar ki lafason mondyal an zeneral, avek bann devlopman dan medikal, ki mannyer bokou dimoun pe demann sa swen, pe demann ki annan bokou plis swen, pour bann dimoun aze bann senior citizens parey nou apel zot.

Si nou get popilasyon mondyal, an 2015 ti annan 0.9 bilyon dimoun ki aze, ki aze ant bann laz 63an an montan ki nou apel zot bann senior citizen, 65an an montan e sa i pour monte pour ariv apepre 2.1 bilyon an 2050.  So nou vwar pour dir i annan en demann e pour kontinyelman annan en demann pour bann servis ki sa Bill pe fer provizyon pour annan e Sesel nou pa ganny eparnye parski nou osi nou popilasyon pe viv pli lontan e pour annan en gran kantite dimoun ki pour tonm dan sa kategori byento.

Mr Speaker, ler nou pe get lakantite bann Old People’s Home ki egziste nou vwar pour dir i deza over subscribe.  I annan apepre 80 dimoun dapre ki mon konpran ki lo lalis, ki lo en Waiting List pe espere pour antre dan bann Home.

Alor mon ekspekte ki sa anba sa Lalwa, anba sa nouvo Lalwa ki la zot ava travay pour anmenn plis, oubyen ogmant lakantite bann elderly home ki annan.

Mr Speaker anpasan osi mon ti oule fer en pti kontribisyon lo size larzan konze ki bann elderly, sorry bann dimoun ki travay avek home care pe sipoze gannyen.

Mannyer mon konpran pour dir an se moman zot pe koup larzan konze ki bann health, bann dimoun ki provide bann home caring e pe demann sa bann dimoun pour pran zot konze olye kontinyen zot travay avek sa dimoun ki zot pe donn sa swen.

Mon ti a ekspekte ki Minis i a pran sa an kont e i a fer sir ki sa bann dimoun ki travay avek home carers as home carers, i ganny peye zot larzan konze akoz souvandfwa zot pa kapab war en lot dimoun pour pran sa responsabilite pour en mwan, de mwan, akoz sa bann i en louvraz ki en pe difisil e souvandfwa sa bann dimoun annan de ler i annan ki fou.

So i pa adapte avek sa bann dimoun ki pe donn home care ki nouvo dimoun.  So zot abitye avek en serten dimoun. So i bon annan sa kontinyasyon.  E ti a bon ki zot ganny peye zot larzan konze e zot kontinyen travay.

Mr Speaker an terminan mon pour dir ki mon pour vot pour sa akoz sa Lalwa i a permet ki madanm Tirant anler Labati i ava petet dan le fitir annan lespwar pour li ganny en landrwa pour li pas son bann dernyen letan akoz landrwa i over subscribe Laretret ki i pa ganny sans pour li al dan sa landrwa.

Alor Mr Speaker an terminan, mon ti oule zis dir pour dir sa Lalwa i en pa dan bon direksyon e parey mon’n dir avan depi lontan i ti’n devret vin kot Lasanble e mon pour donn mon full sipor pour sa.  Mersi.

 

MR SPEAKER

Mersi Onorab John Hoareau.  Onorab Basil Hoareau.

 

HON BASIL HOAREAU

Bonn apre midi Minis ek ou delegasyon.  Bonn apre midi Mr Speaker ek tou bann koleg e tou bann dimoun ki pe ekout nou.

Mr Speaker, parey bann Manm ki’n koz avan mwan, mon osi mon pour donn mon sipor sa Bill.  Annefe Bill Mr Speaker i baze lo Lartik 36 nou Konstitisyon.  Lartik 36 nou Konstitisyon i fer provizyon, i kree drwa pour bann dimoun aze.  E ladan i dir ek ou, i dir klerman pour dir sa drwa ki bann dimoun aze i ganny donnen dan nou Konstitisyon, Gouvernman i bezwen bann mezir neseser pour asire ki i annan provizyon ki pour improve the quality of life e welfare nou bann dimoun aze.  E sa Lalwa sa Bill ki la devan nou i pe donn effect, i pe donn le fe Lartik 36 nou Konstitisyon ki’n deza kree sa drwa ki nou bann dimoun aze i annan e drwa ki fondamantal Mr Speaker.

E letan mon get sa Bill son bann provizyon, i pe al pli devan ouswa pli o profon ki Lalwa avan ki ti Council ki egziste anba National for the Elderly anba Lalwa ki egziste ki pe ganny repeal now par sa Bill.

Parske anba Lalwa avan Council ti plito annan en rol advisory e i pa ti kapab, i pa tip e vreman kapab morde.  Me la Council pour annan en rol pli enportan e en rol kot i pour pli get involve dan bann welfare an relasyon avek welfare nou bann dimoun aze.

Mr Speaker nou bann dimoun aze i bann dimoun ki’n travay dir pour kree sa sosyete ki nou, nou pe zouir ozordi.

I bann dimoun ki’n travay dir parey mon’n dir ki’n pas zot letan ede konstri e batir sa sosyete e ozordi nou bann dimoun ki nou’n vini i akoz sa bann dimoun ki ti la ava nou.

Alors i enportan ki dan zot bann zour aze zot pas zot letan dan en fason, dan dinyite, dan lape, e dan en fason ki zot zwaye osi e i enportan alors ki nou toultan protez zot welfare.

E se sa ki ou vwar Lartik 36 nou Konstitisyon in kree en provizyon spesyal kot i mansyonn nou bann dimoun aze Mr Speaker.

E ki nou vwar? Nou vwar ki bann fonksyon sa Council se pour li devlop standar of care ki nou bann dimoun aze pour gannyen. An dot mo i dir ou pour dir professionalize sa bann standar.

E mwan mon vwar sa i vreman en step in the right direction. Akoz mon dir sa Mr Speaker, pour bokou letan Sesel mon santi pour dir letan nou ti koz carer konmsi i en dernyen louvraz.  Konmsi nou donn lenpresyon pour dir letan en dimoun pa pe ganny okenn lezot louvraz i deside a mon al carer.  Mwan al carer e konmsi i pe travay zis pour sa larzan. Me i pa pe travay pour asiste dan en fason onnet e en fason reel sa dimoun ki pe travay avek.

E lefe ki nou pour al improve sa standar, donn training sa bann dimoun, mon krwar i ava ede pour fer sa dimoun ki deside travay koman carers, home carers ki zot pour realize ki zot profesyon ki zot pe fer i osi annan valer.  I enn ki zot devret fer avek lonnekte; enn ki zot devret fer avek lentere pour fer sir ki bann dimoun ki zot pe pran avek pe vreman ganny benefis sa servis ki zot devret pe ofer.

E mwan Mr Speaker, mon ti ava enplor bann home carers pour pran zot bann training serye e fer sir ki zot in nobou upgrade zot knowledge e zot kapasite dan desarz zot responsabilite.

Zot bezwen konpran pour dir sa ban dimoun aze pe depann lo zot.  E an retour zot devret met lekspektasyon sa bann dimoun aze Mr Speaker e mwan osi demann Minister atraver Minis ki la ozordi pour ki annou pa kit zis sa bann fonksyon ki nou’n mete dan Lalwa zis lo papye.

Annou met li an pratik. Annou fer sir ki nou bann dimoun, nou bann home cares i ganny sa bann training ki neseser e zot ganny the proper training e bann dimoun ki vin train zot i bann dimoun ki zot menm zot kapab, zot pour ede pour enrich kapasite sa bann travayer.

Annou pa zis kit li lo papye. Me apre zis zwe bliye. Annou fer li pli posib ki nou kapab fer li pour fer sir pour dir sa bann dimoun pe update zot bann kapasite. Lot keksoz enportan ki sa Council pour annan i pa zis pour upgrade the standard.  Me i annan osi pouvwar pour li monitor, monitoring. Sa i enn bann mon krwar dan relasyon home carers.  Sa i en landrwa, e bout ki pa petet i en pe feb.

Monitoring, kot petet akoz napa ase monitoring i annan bann home carers ki tant pour abiz sa lack of monitoring.  E la mon a demande ki sa monitoring i ganny fer byen.

I ganny fer byen pour fer sir pour dir bann home carers pe desarz zot responsabilite Mr Speaker e dan sa sans mon’n vwar pour dir Council pour kapab anploy bann inspectors.

E mon ti a kontan osi petet Minis ti a klarifye eski nou konnen ti deza annan bann dimoun ki pe ganny anploye avek Agency for Social Protection ki fer sa bann monitoring.  Eski la Council ki pour fer sa bann monitoring olye ki lazans, sa Agency for Social Protection?  Parski mon’n in met inspectors. Mon ti a kontan konnen ki egzakteman sa bann spesifik rol sa bann inspectors ki zot pour fer.

E parey mon’n dir i enportan ki nou vreman monitor ki nou bann dimoun aze i ganny en bon servis.
Mr Speaker letan mon koz lo welfare nou bann dimoun aze i pa zis an term bann dimoun ki pour ganny, ki annan bann home carers. Me an term bann dimoun ki zot pa bezwen carers me kantmenm sa zot anvi parey mon’n dir pli boner dan zot letan aze, dan zot bann vye zour, detann zot, meet zot bann, zwenn zot bann dimoun dan menm kategori avek zot.

E sa i enportan ki mon krwar Council osi pour bezwen fer sir pour dir i annan bann aktivite ki organize kot bann dimoun sa laz i zwenn e detann e fer bann konesans Mr Speaker.

E sa ki enportan nou vwar osi pour dir Board letan i pour desarz son fonksyon i pour kordin an relasyon ek kordin son bann aktivite i pour kordin avek bann private and public organization.

E la mon a lans en lapel ankor parey Prezidan Faure ti fer dan son Leta Lanasyon kot i tip e demann bann dimoun dan prive, bann lorganizasyon ouswa bann biznes prive pour zot zwenn ansanm ek Gouvernman dan sa public private partnership pour vin ede pour build bann Homes of The Elderly.                 Gouvernman i pare pour donn later e la sa bann dimoun sa bann biznes ki santi zot kapab fer li zot devret pe pran sa loportinite.

Parski i pa pour zis en biznes me an menm tan zot ava pee d nou bann dimoun aze e pe kontribye dan devlopman nou pei e ede pour nou pran ka avek nou bann dimoun aze.

Mr Speaker an gro letan mwan gete parey mon’n dir mon krwar Bill pe al dan bon direksyon e mon krwar i en improvement lo sa existing Law ki nou annan la pour le moman. Mersi Mr Speaker.

 

MR SPEAKER

Mersi Onorab Basil Hoareau. Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker mon pa pour al repet bann keksoz ki’n ganny dir avan. Mon letan mon vwar en lot Board ankor par fwa konmsi nou dir ankor en lot Board.  Konmsi enn ler i annan tro bokou Board dan sa pei. Ou a krwar i annan kard Board, i annan cement Board, i annan tou kalite Board. E par fwa mon demann mwan si olye zis ale al kree Board isi, Board laba whether pa ti pour bon osi tou konmsi pour bann diferan Minister regarde ki mannyer la fason ki zot organiz zot lekor, zot pa kapab fulfill sa bann responsabilite; rod bann, konmsi nou bann elderly koman bann ansyen menm pour servi sa mo e pour regarde ki mannyer pour ede dan welfare bann dimoun, nou bann dimoun ki’n travay e ki ozordi zot dan retret.

So sa i zis en refleksyon ki mon pe fer e parski seryezman letan mon regarde ki pour dir pour annan en bon Board ki nou’n fek war Board Air Seychelles ki pour en gran lorganizasyon parey lannen 2017 zot in zwenn zis 3 fwa.

E ozordi i annan 200 dimoun ki pe al ganny met deor. Letan mon pe regard Board Elderly pour annan pa mwens ki 7 e pa plis ki 12 dimoun lo sa Board. Konmsi i pour en pe gro.

E souvandfwa lo sa bann kalite Board ou vwar menm kalite dimoun. Alor menm si mon konpran ki zot pe sey fer pour nou bann dimoun aze mon osi poz mon lekor kestyon. Be selman Mr Speaker mwan apre midi mwan anvi poz lezot kestyon.  E avan ki nou pran en vot mon ti ava kontan si mon kapab ganny serten leksplikasyon.

E mon konnen sa ki mon pe al koz lo la Onorab Hoareau i konn byen parski Onorab Hoareau sa ka in deva vin devan li. Ou ava konpran an mezir mon pe koze Onorab Hoareau.

Mr Speaker anba vye Lalwa ki vre konpare avek nouvo Lalwa i pti pti.  Ok?  Vye Lalwa ti annan zis en paz A4 double sided.  E sa enn la, la i annan bokou plis lo la. E anba sa vye Lalwa seksyon 4, 2 seksyon 4 an zeneral, composition of the Board ti koze lo ki mannyer pour apwent Board e sete Minis ki ti annan sa lotorite pour li apwent Board.  E ti dir ki kantite konmsi zot ti kapab servi nenport ki fason byen bon.

E dan sa menm Lalwa i repete dan nouvo Lalwa ki nou pe al regarde. I ti dir ki seksyon 6 letan pe koz lo Fon sa Council i ti pour osi ganny larzan from the Appropriation Act.  Ok?

Ki vedir i ti pour ganny larzan from Gouvernman.  Byen bon e zot ti gannyen.  Me Mr Speaker, mon vin direkteman lo mon pwen.  Le 27 Mars 2017, ti annan en msye ki ti a pe travay koman oditer parski Lalwa, vye Lalwa ti dir i kapab annan en oditer.

Sa msye ti ganny en let pour dir ki dan meeting le 25 Zanvye, 2017 tou bann Manm Board sa Council of The Elderly ti ganny enformen par Sekreter Prensipal ki pour dir Board in nepli egziste avek immediate effect.

Let date le 27 Mars ti ganny dir le 25 Zanvye Board in aret fonksyonnen. Savedir ou nepli annan Board.  E sa Board anba Lalwa sete li menm li sa Board ki ti pour fer bann diferan aktivite – ki ti pour organiz bann diferan aktivite ki annan pour fer avek bann elderly anba Lalwa.        Be kestyon ki mon ti ava kontan ganny larepons se si board ti’n aret egziste depi le 25 Zanvye ki mannyer dan Bidze le 25, Bidze 2017 nou vwar ki pour dir National Council for the Elderly ti annan R286mil ki ti’n ganny bidzete pour sa Council e lafen lannen nou vwar ki poudir zot ti’n depans R286mil . Kestyon.  Si napa Board lekel ki’n donn lotorizasyon pour fer sa bann depans. Ki mannyer sa bann depans in ale.  Parski Board d in aret fonksyonnen.  E si mwan mon ti konn sa, mon ti pou’n lev sa depi dan Bidze.

E alor Mr Speaker mon anvi. Mwan mon war en keksoz drol la e mon ava ganny larepons.  E letan mon ganny larepons mon plis ki sir pa zis mwan ki ava satisfe avek larepons parski nou’n ava ganny leklersisman.

E mon vwar deza ki pour dir pour lannen prosenn zot in fini fer provizyon pour ki dan lot Bidze sa Council pour ganny li R4milyon se sa ki zot pe prozekte pour lannen prosenn, 4milyon e sa 4milyon i ava reprezant en logmantasyon 1299poursan.

Mr Speaker mwan anvi ganny sa larepons ki mannyer le fe ki ti napa en Board pour pran en desizyon e sa letan. Ok Council parey zot apele ti napa CEO, parski i ti napa, i pa ti ankor lo sa nivo ti zis annan en CouncilOne of the members of the Council ti pour ganny swazir koman apel Chairperson olye Chairman ti pour ganny elekte koman Chairperson e se sa la fason ki zot ti pout ete sa Council menm ki ti pour keep proper records of the funds of the Council, e zot ti pour prepar for each financial year a statement of accounts.  Be si ti napa Council lekel ki’n prepar accounts?

Accounts and statements ti pour ganny audited by the auditor.  E auditor ti’n ganny terminen! Auditor son lapwentman ti’n ganny terminen.  E mwan annan son let terminasyon tou avek mwan. I ti ganny terminen son lapwentman.

Alors si ti napa Council ki mannyer zot ti apwent auditor parski auditor ki sipoze audit accounts.  Ki mannyer ti ganny fer tousala?  E sete Council ki ti pour anvoy kot Minister a copy of the statement of accounts together with a copy of any report made by the auditor.

Mon pe koz lo prosedir finansyel mwan.  E koman chairperson FPAC i fer mwan poz bokou kestyon.

E pour sa rezon Mr Speaker mon ti ava kontan ganny serten leksplikasyon akoz si mon pa ganny leksplikasyon kler mon sel konklizyon i ava ki sa R286mil in mal ganny zere e ki i bezwen annan dimoun ki responsab pour sa.

Avek sa detrwa parol Mr Speaker mon ava esper mon larepons avan ki mon koze parski an plis ki sa dan provizyon Lalwa zis pour montre ou ki mannyer zot in mal zer sa pti bout Lalwa anba provizyon Lalwa napa okenn provizyon ki dir ki PS pour Zafer Sosyal ti kapab ferm Council.

Pa ti kapab ferm Council li.  E pourtan sete PS  ki ti fer sa.

Anba sa Lalwa ki nou a pe repeal ozordi e kot zot in manage li dan zot fason ki mannyer zot anvi napa provizyon dan Lalwa ki dir ki PS pour Zafer Sosyal ti a kapab for en sou Komite en caretaker Committee pour ranplas Council for The Elderly. Alor ki zot in fer?

E Mr Speaker mon krwar i annan kestyon pour reponn e mon krwar ki si an plis ki sa bann Manm pa ti ganny zot pti allowance parski zot ti nepli Manm.  Be kote bann larzan in ale?  E si zot pe al form en nouvo Board – Onorab Hoareau in dir sa enn la avan ti napa ledan. Selman mon war ki pour dir kantmenm i ti annan en pe ledan kekfwa pa tou bann gro dan.

Be selman i ti annan en pe ledan. Me selman malerezman ou a krwar ti annan bann ki ti annan pli gro ledan. Menm si zot ti napa lotorite pour zot fer sa ki zot in fer.

Alor eski nou pe zis form en lot Board ki apre vre desizyon pa pour donn zot lanmen me i pour dan, lotorite i pour dan en lot landrwa?  En pe parey sorry ankor Mr Speaker si mon retournen kot Board Air Seychelles.  Ou a krwar zot in la zot pa’n la. Me selman zot tiket ensidswit zot ti kapab gannyen.

So pour mwan letan mon pe regard sa mon anvi konnen si vreman zot pe donn ledan.  E si zis nou pe kontinyen avek menm zafer; konmsi pli ki i sanze pli nou pe retourn, ‘’plus c’est la meme chose’’ konmdir defen Ziz Sauzier.  Avek sa de parol Mr Speaker mon ava esper mon larepons.  Mersi bokou.

 

MR SPEAKER

Mersi Onorab.  Onorab Aglae.

 

HON EGBERT AGLAE

Mersi Mr Speaker. Bonn apre midi Minis ek ou delegasyon. Mr Speaker mon pa pour long lo sa Prozedlwa e mon pour aport mon kontribisyon lo la.

Mon krwar i enportan kot ler nou pe koz lo elderly parey dikton i dir en pei i ganny size la fason ki i tret son dimoun aze.

Mr Speaker ler nou pe get definisyon dimoun aze lo part one, kot i fer resorti Roman (i); a person above the retirement age describe under the Social Security Act. 2 i dir a person who has been retired from employment or a person who has been in employment but has reached retirement age.

E souvandfwa Mr Speaker ler nou mazin nou koz lo elderly bokou nou i mazin Home for The Elderly.  I mazin bann dimoun ki pe viv dan en Home. Me antre tan i annan en lot kategori ki li i pa viv dan home me i reste se li ki li i ganny care petet par son fanmir.

Mr Speaker, i enportan pour nou disteng sa de kalite lavi ki nou bann elderly i viv – tout an prenan kont ki i annan en laspe care ki atase avek. E osi en laspe finansyel.

Mon dir sa Mr Speaker, par egzanp ler mon pe get the board ki li menm li in ganny mete, 6 part (2), (2) kot i annan bann diferan lazans ki reprezant;, Minister Lasante, Family Affair, Local Government, kiltir, SNYC, Chamber of Commerce, Sivil Society, bann elderly ki pour ganny mete lo la.

Me i annan en lot laspe enportan parey mon’n dir lo kote kot i konsern elderly i annan sa bout care avek sa bout finansyel.  Me mon pa pe war en reprezantan petet pour Minister Finans.

Mon krwar i enportan. Ouswa lo kote Lazans Proteksyon Sosyal vi ki dan provizyon Lalwa pe fer resorti ki domiciliary care osi vi ki li i tonm en konponan anba Lazans Proteksyon Sosyal.

Mr Speaker i annan serten Onorab ki’n koz lo retirement age pension.  Petet kiltir par egzanp ler pour annan en logmantasyon dan Pansyon, ki nou war petet L’Egzekitiv se Prezidan ki vini i koz lo la.

E mwan krwar pour dir rol sa Board sa Konsey li i ava enn ki ava gide. E si i annan en reprezantan Minister Finans lo la se li ki ava advice si lekonomi pei i ase annord, anform parey nou dir pour li kapab pran en desizyon pour li kapab ogmant en logmantasyon dan care dan plas ki apre ki nou blanm politik, nou pour fer politik ek sa pour dir Prezidan in monte in dir sa. Me sete pli ti i a vin en manda pour Minister Finans koz lo la.

Mr Speaker mon ti a kontan osi ki Minis dan son larepons an vi ki anba Local Government, anba Local Government dan distrik i annan sa ki nou, nou term li koman senior citizen.  I annan bann klib ki egziste dan distrik.  Petet ki rol ki sa board pour zwe pour anmenn en pe plis sipor pour sa bann pti Konsey ki annan dan distrik sa bann Senior Citizen Club an vi ki nou war bokou sa bann elderly ki souvandfwa zot dan lakour, zot vini, zot partisipe zot ganny en fason detann pour zot. Mon krwar i enportan e anmenn plis sipor.

En lot laspe enportan lo sa Bill ki mon ti a kontan ki ler sa board i ganny formen, sa Council i fully fledged annord, i a vwar osi serten Lalwa Polisi.

Nou pa oule ki ler ou’n vye, ou’n donnen pour sa pei ou’n travay, ler ou nepli annan en lafors, ou ganny met de-kote e se konmsi ou’n vin en fardo pour Gouvernman. I pa sipoze le ka. I enportan ki sa bann fason fer kot serten nou, nou pa pran nou responsabilite avek nou bann vye dimoun i ganny en proteksyon anba bann nouvo Lezislasyon ouswa polisi ki sa Council i a kapab met devan atraver zot bann Prozedlwa ki a fer ki serten pratik ki pe egziste ozordi i pa kontinyen.  E kot nou bann dimoun aze zot ava viv zot bann dernyen zour avek en dinyite. Mr Speaker byensir sa Board pour bezwen ganny en budget line e nou ti a kontan konnen, mon’n tann in nonm R4milyon.

Nou ti a kontan konnen lo la fason ki sa larzan li menm li pour ganny zere ouswa ganny distribye parey mon’n dir.  Nou annan bann groupman dan distrik ki mannyer zot pour aport soutyen pour fer sir ki nou bann elderly i kontinyen viv byen e zot kontinyen zot aktivite.

E osi mon salye bann zefor ki sa bann domiciliary worker pe fer.  I enportan kot zot osi parey mon’n nonmen Minister Finans i vin en manm sa Board detanzaot.  Parey Onorab Hoareau in dir domiciliary care ti ganny gete koman en dernyen travay. ozordi in vin en lanplwa kot dimoun pe antreprann e pe ganny en saler e osi detanzaot kot fodre ganny en logmantasyon zot ava gannyen.

Avek sa Mr Speaker mon ti ava kontan, mon pour aport mon sipor pour sa Prozedlwa e osi avek serten klarifikasyon ki Minis i ava donnen apre.  Mersi.

 

MR SPEAKER

Mersi Onorab Aglae.  Onorab Henrie.

 

HON GERVAIS HENRIE

Mersi Mr Speaker.  Bonn apre midi tou dimoun.  Mr Speaker tou bann entervenan avan mwan in koz, in pran pa mal letan pour diskit bann provizyon sa Lalwa devan nou.  E pour bann dimoun ki pe ekoute konmsi mon oule fer zot mazinen pour dir sa ki pe ganny propoze la, i en pe parey ou tande i annan NCC ki en Konsey pour, ki zer bann zafer zanfan, i annan SNYC ki manage bann zafer pour lazenes.

E alor mwan mon pe get li koumsa i pour annan en lorganizasyon pour zer bann keksoz avek nou bann dimoun aze.

E i vin dan en letan kot nou sipoze in ganny demande pour reflesir lo menm, pour pous laz retret eske 65an nou pe koze.

Mon lentervansyon mon oule pran li dabor kot Onorab Esparon in kite taler.  In dir nou poudir avan ki sa striktir i vini nou bezwen evalye bann striktir ki’n deza la.  In deza annan pa mal keksoz ki pe ganny fer ki plizyer entervenan avan in mansyonnen.  Sa bann striktir i annan zot lafors.  E egalman in annan zot febles ki enn bann premye latas sa bann dimoun ki ganny apwente koman Konsey zot pour bezwen fer en evalyasyon.

E an 2015 par egzanp Labank Mondyal in ed Sesel en pe dan refleksyon dan fason ki i pour bezwen zer bann size konsernan bann dimoun aze. Zot in vini zot in evalye tou nou bann Lalwa ki nou bezwen fer pour zot lo kestyon lasante.  So i annan en dokiman la ki nou kapab batir lo la.

E dan menm laliny mon pe mazin detrwa dimoun la letan nou pe koze.  Mon pe mazin bann dimoun dan mon lanfans, Tann Mannou – Tann Tiser – Tann Malali me sa bann dimoun, zot ti bann dimoun ki letan Onorab Hoareau i ti pe koze in mansyonn 3 mo; in dir dinyite, lape, lazwa, e mon ava azout respe.  Zot ti bann dimoun aze dan kontan ki nou tou nou ti annan respe pour zot.

E akoz mon pe mansyonn zot se ki annou demann nou lekor en kou, nou koman en sosyete Seselwa, sa pti pe Sesel la, ozordi nou bann dimoun aze ki nou bann paran.  Nou bann gran paran.  Nou bann aryer gran paran, en sel kou konmsi zot in vin fardo Leta, ler mon dir Leta se Gouvernman.  Kan i pa devret le ka.

E Prezidan Larepiblik dan son lentervansyon lo Leta Lanasyon ti soulinyen sa. Parski sa bann dimoun in donn nou lavi, zot in vey nou, zot in batiz nou.  E nou, nou bezwen la aprezan avek zot pe ed zot. Menm si wi i pour bezwen annan sa bann keksoz parey Day Care, Home for The Elderly, Nursing Home, carer be selman an menm tan nou bezwen soutenir zot.

E pli enportan Mr Speaker letan mon ti pe travay SBC enn bann progranm ki mon ti pli kontan fer sete en progranm ki ti apel the golden age.  E the golden age nou ti koz tou le de semenn lo dimoun aze.

I pa ti en progranm ki mwan ki ti komanse avan mwan ti annan bann lezot dimoun ki ti’n fer e zot ti apel sa progranm Trwazyenm-Az.  E mwan letan mon’n vini mon’n sanz li akoz zisteman dan lemonn konmela i annan sa konsep ki apel active ageing.  E nou tou la anndan en zour nou pour ariv sa, nou pour bezwen koup sa laliny.  Be ozordi la nou bezwen pe reflesir lo ler nou ariv laba. Alor gard nou lasante nou pe koz vey byen nou lasante, kwa ki nou manze.  Fer legzersis, desann kot Stad Popiler tou le Zedi.                                   Pli enportan save pour lavenir.  Ozordi la letan mon pe koz ek ou eski ou pe kontribye dan Fon Pansyon Volonter pour ki ou kapab ganny en pti keksoz demen?  Sa Sekirite Sosyal i ava annan en keksoz an plis.  Egalman kot ou kapab envestir, fer en pti lasanm avek ou lakaz pour ou kapab lwe. En pti reveni.

So basically lavyeyes prezan i en leta lespri. E i pa merit en keksoz ki san poursan leta konmsi i bezwen vini kree en Council.  Selman ou pour bezwen kree akoz i annan malerezman ki pour ganny kit deryer.

E nou, nou bezwen koman bann Manm Lasanble asire pour dir wi nou siport sa bann, tou bann mezir neseser pour donn zot sa soutyen.  E mwan ti ava kontan mwan demann en leksplikasyon lo sa bann manm ki pour ganny selekte pour travay lo sa Konsey, ki bann kriter ki pour kalifye zot pour vin lo la? Sirtou dan sa I, 3 ‘‘elderly person.’’’  Ki criteria ki nou pour servi?

E ozordi i annan bann lasosyasyon ki regroup en pe bann dimoun aze.  La mon pe mazin Lasosyasyon Ex-Serviceman.  Petet ti ava bon met zot ladan ki akoz zot osi zot kapab regard en pti pe sor zot bann dimoun ki alors en zour in lager pour nou liberte.

E mon ava termin lo pwen pour dir sa zafer Trwazyenm-Az..  Dan lepase malerezman zot in en pyon. En pyon dan politik. Lanmenm ler ki tou distrik ti annan Klib Trwazyenm-Az..  E zot ti ganny trennen isi, ganny trennen laba, vin fer ta gro, ganny al serse 4er bomaten, Kart Idantite anmase.  Apre ler zot tonm malad person ki ti al sers zot dan wheelchair pa vin sers zot.

So sa Konsey silvouple anpese ki sa i kontinyen lavenir.  Akoz nou’n koz lo dinyite, lape, lazwa, respe pour nou bann dimoun aze. I enportan sa.  E nou annou asire letan nou pour met sa Konsey an mars nou Lasanble tou-le-z-an nou pour aprouv zot Bidze. Nou pour fer sir pour dir sa fason ki nou bann dimoun aze in ganny servi dan lepase i arete.  Me pli enportan nou re kiltiv sa kiltir active ageing akoz nou tou en zour nou pour bezwen travers sa laliny.  Alor nou tou annou mazin lo la pour ki demen nou pa vin en fardo pour sosyete. Mersi bokou pour latansyon.

 

MR SPEAKER

Mersi Onorab Henrie.  Onorab Sebastien Pillay.

 

HON SEBASTIEN PILLAY

Mersi Mr Speaker.  Bonn apre midi tou Manm, e bonn apre midi tou dimoun ki pe ekout nou ouswa pe swiv nou.  Devan nou Mr Speaker nou annan en Lalwa ki vreman enportan.  I vreman enportan akoz en sosyete ou par fwa ganny size par la fason ki ou okip sa bann dimoun ki apre zot in kontribye dan ou sosyete, zot in fer plizyer keksoz pour fer sosyete avanse. Zot demande ki sosyete an retour ou donn zot serten rekonesans, serten lapresyasyon pour sa ki zot in fer pour sa sosyete.

I en Lalwa tre enportan akoz mon krwar i osi donn en koudanvwa; en koudanvwa kot nou pe regard bann Lalwa ki al ver demann nou koman en sosyete. Pa neseserman demann Gouvernman, me demann nou koman en sosyete pour revwar la fason ki nou ti pe regard diferan kous dimoun ozordi. Mon dir en koudanvwa Mr Speaker akoz mon pe ekspekte tre byento nou pour vwar osi lamannman dan Lalwa ki annan pour fer, oubyen bann sanzman dan Lalwa ki i annan pour fer avek Konsey pour Dezabilite. Zisteman pour fer ki nou vin en sosyete ki pli caring, ki pli sousyan, bann diferans dimoun. E ki mannyer nou kapab met an plas bann mezir ki pran kont bann konsern ki dimoun i annan.

Sa Lalwa devan nou Mr Speaker, i annan plizyer entervenan ki’n koze avan mwan. Zot in koz lo bann merit sa Lalwa. I kler ki pour dir i annan zefor pour revwar la fason ki nou pe fer keksoz, met lid an en kad pli formel par le fe ki nou pe ouver, nou pe ouver sa sekter kot nou pour anmenn bann swen pour bann dimoun aze avek bann letablisman prive.

E ler nou fer sa i neseser ki nou annan en kad legal kler pour ki nou kapab oversee sa bann lenstitisyon pour asire ki nou pa vwar sa ki’n arive dan bokou lezot pei kot malgre ou annan sa bann lenstitisyon kot sa bann dimoun aze i al reste kot zot zanfan, zot manm fanmir i kontribye pour met zot dan sa bann Homes.

Zot pa ganny sa swen ki zot devret gannyen. E sa Konsey pour annan en rol enportan pour li zwe par le fe ki i pour zwe rol petet parey sa ki nou apel Tertiary Education Commission pour zwe anver bann Liniversite.

I pour fer sir ki tou sa bann lenstitisyon, i annan en Sart i annan en dokiman ki define ki mannyer zot pour okip sa bann dimoun ler zot al laba. I tre enportan Mr Speaker ki nou pran sa koudanvwa koman en keksoz ki tre serye, akoz si nou pa ganny li byen lo komansman nou pour vwar nou dan lefitir pe ganny en pake problenm ki mannyer nou pour al remedye bann keksoz ki nou ti kapab fer sir la ozordi nou met li dwat.

E sa mon ti a kontan ki Minister i pran li an konsiderasyon byen boner.  Mon dir sa Mr Speaker akoz ler nou pe koz konpozisyon sa Board, nou bezwen asire.  Nou bezwen asire ki a tou moman nou pe met bann dimoun lo en Board koumsa ki serye, ki devoue, e ki osi inovatif pour kapab komans fer serten travay ki neseser ganny fer imedyatman pour ki nou allow sa bann aktivite ki Prezidan zisteman dan son Ladres lo size Leta Lanasyon ti fer.

Mon dir sa Mr Speaker akoz ozordi nou’n vwar pour dir Gouvernman in fer en kantite pour li maintain oubyen provide sa sistenm swen atraver bann homes ki i annan. Me nou bezwen osi aksepte ki in annan bann defayans atraver sa sistenm. E nou bezwen adres sa bann defayans.

Me sa ki pli enportan nou bezwen osi retourn lo sa zefor ki’n ganny fer pour annan sa sistenm swen ki nou annan ozordi. E lo sa zefor ki’n ganny fer pour mentenir sa sistenm swen malgre bokou difikilte, swa finansyel, swa lozistik, swa lo en pwennvi resours imen ki sa bann homes in fer fas avek. Mr Speaker mon’n tann bokou koze lo carer me nou bezwen osi mazinen pour dir sa sistenm swen ki nou pe koz lo la carer i form parti sa sistenm.  I annan lezot eleman sa sistenm ki nou bezwen mentenir e ki nou bezwen kit a la oter.  E se pour sa rezon ki mon dir ki rol sa Board i pour en rol primordyal oubyen avangard dan prepar teren pour ki nou kapab annan zisteman sa ki bokou nou i oule vwar dan nou pei en sistenm kot nou annan en sistenm swen pour bann dimoun aze ki enkorpor diferan eleman, zisteman parey entervenan avan mwan ki koz sa active ageing e gard nou bann dimoun ki sertennman mon ti a kontan en zour ler mon osi mon tonm dan sa kategori mon reste tre aktiv.

Mon konnen i osi i ti a byen kontan i reste tre aktiv ler i tonm dan sa kategori. Ok.  Napa problenm.  Mr Speaker en lot keksoz ki mon krwar mon bezwen selman konsyonn nou ler nou koz lo la se ki annou pa servi bann dimoun aze. Akoz mwan mon personnelman mon’n annan mon bann paran, mon’n annan fanmir ki mon pa pour zanmen servi zot pour okenn rezon akoz mon value sa kontribisyon ki zot in anmennen dan mon lavi. E mon krwar tou dimoun la anndan i value kontribisyon ki zot paran, zot fanmir, zot paran, zot bann vye paran in anmennen dan zot lavi.  E se pour sa rezon ki mon konpran sa largiman par fwa kot ki nou koman en sosyete, koman endividi nou pe fer pour nou anmenn sa sipor pour bann dimoun ki’n okip nou lo en pwennvi endividyel.  Akoz souvandfwa nou premye pwen depar si ou kapab dir se rode si nou kapab met sa dimoun dan en Home.  Bokou fwa nou tann sa i arive.

E mon asire ki dan tou bann distrik la akoz si ou pour al koz avek bann diferan Manm Lasanble ou pour vwar pour dir a plizyer repriz ou pour vwar pour dir i annan bann diskisyon ki zot ganny demande pour anmennen pour zisteman plas en paran, en vye paran en dimoun dan en Home.  E mon krwar sa i en mindset ki koman en sosyete nou bezwen vitman sey sanze.  Nou koz lo respe.

Me ozordi nou pe vwar ki pour dir sa eleman respe li menm nou menm nou bann ki pe viv dan en letan kot nou annan lepanouisman teknolozi, nou pa pe kapab servi li dan en fason responsab kot nou pe, parfwa nou pe swazir pour fer bann latak ki pa neseser lo plizyer dimoun e sa i anmenn mwan pour konekte sa mank respe avek la fason ki ozordi par fwa nou annan tretman ki nou bann dimoun aze i gannyen.

So i vreman enportan, i fondamantalman enportan Mr Speaker ki nou regard sa koman en loportinite, Lasanble i regard sa koman en loportinite ozordi ki nou pe annan en Lalwa ki pour zisteman met an plas sa kad legal, sa framework legal pour ki nou kapab anmenn en sistenm swen ki adekwat e ki a la oter pour nou bann dimoun aze.

Me selman Mr Speaker ler mon regard dan sa Lalwa i annan serten pwen ki mon oule tous lo la ki mon krwar ti ava bon petet ki nou konsidere.  Par egzanp ler mon regard lo konpozisyon sa Board li menm. Mon santi parey entervenan avan mwan in fer le pwen be mon pour met lanfaz lo lapar le fe ki rol ki par egzanp en Lazans parey Lazans Proteksyon Sosyal i zwe dan lankadreman Sistenm Pwen, dan lankadreman sosyal kot i pozisyonn li, mon pa pe vwar li neseserman ganny mansyonnen dan konpozisyon sa Board, dan konpozisyon sa Lalwa.  E nou konnen in annan bann zefor ki’n ganny fer atraver Lazans Proteksyon Sosyal zisteman pour adres bann sityasyon lapovrete ki posibleman pe tous bann dimoun a en laz tre avanse.

E se efektivman se sa Lazans ki determinen ki reminerasyon en dimoun ki pour provide sa domiciliary care, oubyen sa carer parey nou kontan dir ki pour gannyen.

En lot eleman enportan Mr Speaker ki mon konnen sa lazans i annan serten rol pour zwe se osi dan sa determinasyon lo lekel ki ganny sa carer.  Mon konnen malgre i annan sa premye repriz. I annan en premye nivo kot sa dimoun i bezwen al dan son Health Centre, fer serten prosedir avan i sa.  E se sa ki 98 poursan petet, be selman i annan en rol enportan ki ASP i bezwen zwe la.

E mon pa vwar ASP prezan lo sa Board par le ki li osi i gardyen fon sibstansyel ki kapab ede dan anmenn amelyorasyon dan lavi sa bann dimoun aze.  So petet Minis i ava klarifye sa ek mwan. E lo pwen Mr Speaker ki mon konnen petet zot pa’n kapab met dan Lalwa ki ti ava bon nou koz lo la se mon’n annan plizyer dimoun ki’n eksprim konsern atraver sa prosedir ki nou servi pour zot kapab achieve ganny en carer.

E parfwa i annan serten konplikasyon ki arive avek sa prosedir ki fer ki serten dimoun ki kapab bezwen en carer pa pe gannyen. So i annan bann eleman ki nou bezwen adrese pour asire ki ler nou pe get sa sistenm swen pa zis carer nou pe koz osi lo sa Home ki sa dimoun i al ladan maintenance lo bann homes.

Sa osi i eleman enportan ki nou bezwen met an perspektiv. Mr Speaker mwan mon pour donn mon sipor sa Prozedlwa, akoz mon ti a kontan ki sa Konsey i ganny formen.  Mon konnen i annan serten kestyon ki’n ganny demande be si mon stick to merit sa Lalwa ki devan mwan.  Tou Manm mon krwar i krwar i  kler ki merit sa Lalwa i kler.

Si nou pe vot lo merit sa Lalwa, merit sa Lalwa i kler devan nou.  Be prezan lefe i reste ki mannyer nou pour enplimant li e la mon angaz Minister, sa Minister konsernen pour asire ki i annan mekanizm neseser pour ki lenplimantasyon bann provizyon dan sa Lalwa i ganny fer parey i ganny fer, e ki i sipor i ganny donnen pour ki nou napa bann regroupman en pti pe dekonekte an se ki konsern sa ki nou apel la fason ki nou tret nou bann dimoun aze.

Nou a konnen ki mannyer nou bann Komite Trwazyenm-Az dan bann distrik ki vreman aktiv ki fer bokou bann aktivite ki pa get ni kouler politik.  Mon pa krwar personn i al pran kart idantite personn dan sa bann aktivite.  Mon pa konnen si in arive Mont Buxton, Onorab Henrie pa fer sa ankor.  Me selman mon krwar i kler ki nou bezwen met tousala ansanm e annan en package kler ki mannyer nou okip nou bann dimoun aze dan Sesel. Avek sa mon remersye ou Mr Speaker e mon remersye lezot Manm pour zot latansyon.

 

MR SPEAKER

Mersi Onorab Pillay. Onorab Bernard Georges.

 

HON BERNARD GEORGES

Mersi Mr Speaker.  Mr Speaker mon pa pour long.  Mon pran laparol apre midi pour enn de rezon ase spesifik.

E premye rezon spesifik se ki mon kontan ki mannyer tou dimoun in koz lo Konsey Nasyonal pour bann Elderly.  E mon kontan ki madanm Linda Melanie William i la apre midi.  Mon pa konnen si i rapel zot konnen lekel ki’n premye mont sa lide National Council for the Elderly mwan menm mwan.

Way back, way back ti annan en bann seri Seminar lo Law and Social Policy e ti annan 1 an kot seminar ti lo bann drwa bann dimoun aze.  Avan Konstitisyon ‘92 byen avan e ti annan en National Council for Children.  Mon rapel apropos en pti pe parey mon koze annan de fwa apropos lo nanryen ditou be pa ti a mal annan en Konsey Nasyonal pour bann dimoun aze la i la Mr Speaker ozordi nou pe fer 3 enm edisyon.

Nou pe repeal en Lalwa, nou pe met enn nef me avan sa ti annan bann Komite ki ti sorti dan sa lespri.  Alor zot ava konpran ki mannyer ozordi mon kontan ki en lide ki ti souleve koumsa, ozordi i pe pran son dimansyon, son lanpler dan en Bill ki annan plizyer paz ladan.

Me, me Mr Speaker fodre pa parey bokou dimoun in dir apre midi la. Fodre pa ki sa Konsey, oubyen ki sa konsep protez nou bann vye dimoun i vin parey Angle i dir an end in itself.

Akoz e mon krwar se la kot defayans i kapab vini akoz fodre pa nou bliye ki premye swen, primary care dan en fanmir oubyen avek vye dimoun dan en fanmir, i bezwen vin lo lapar sa fanmir li menm e non pa lo lapar Leta.

E mon krwar ki ler ou annan bann striktir parey sa enn annan de fwa i vin tro fasil parey nou’n vwar dan bokou ka dan tou nou bann distrik pour dimoun dir a l la i annan en striktir alor mwan mon ava zis depann lo sa striktir.

Nou vwar sa nou tou dan sa Lasanble ki travay dan distrik. Nou vwar ki i annan dimoun ki annan oubyen ki demann en carer e ki ganny en carer ki kekfwa zot pa ti merit annan sa carer.

Zot annan dimoun ki kapab regard zot. Apre tou, Apre tou ler ou antre dan en relasyon, ou marye avek en dimoun or whatever oubyen ou antre dan en relasyon avek en dimoun, ou antre dan en relasyon pour sa dimoun take care avek ou ler ou pli vye.  Ler ou annan zanfan ou ekspekte ki zot, zot ava soulaz ou.  E se sa bann Konsey parey sa enn striktir Gouvernmantal ki pour ed bann dimoun, fodre i la pour ed bann ki napa lot mwayen ki la zis koman safety net e non pa vin primary carer zot menm.

E mon krwar se sa ki fodre nou veye avek sa bann lide.  E i byen, i fasil pour fer pour anvoy en lide.  Me fodre son striktir i fer sir ki parey mon’n dir i pa vin an end in itself.

E mwan Mr Speaker tro souvan mon vwar ki bann dimoun ki’n ariv laz retret, bann dimoun ki ariv 63an zot arete.  En sel kou, zot konnen ki zot pe al ganny en pansyon avek Gouvernman e i byen, me dan en serten sans zot give up. Zot in fini klas zot lekor koman pansyoner; koman Trwazyenm-Az koman dimoun aze.

E mon krwar ki fodre nou kontinyen lite kont sa konsep kont sa lide.  Akoz se pa akoz ou ariv 63an ki tou keksoz in ariv a lafen dan ou lavi ki prezan sel keksoz ou pour fer ou pour al dan Biro Brans oubyen dan Ladministrasyon Distrik en fwa tou le mwan avek bann dimoun Trwazyenm-Az e ou pour fer bann aktivite.  I byen ki i annan sa.  Mon pa dir i mal, me fodre pa ki sa i vin sel bi dan ou lavi; ki en sel kou akoz ou’n ariv sa laz en pe parey Onorab Gervais Henrie in dir akoz ou’n ariv  en serten laz, en serten barenm dan ou lavi all of a sudden ou vin vye.  E mwan si mon annan en problenm ek sa Bill.         Se sa definisyon ‘’elderly.’’  E mon dir zot akoz.

Akoz an Out sa lannen mwan mon pour tonm dan sa kategori.  Zot non be fransman eski, eski, eski dimoun i ariv en kategori akoz zot in attend en serten laz, oubyen zot ariv sa kategori akoz zot sistenm, zot lasante, zot sistenm sosyal eksetera i pa permet zot pour zot antre, pour zot reste dan en kategori oparavan?

E mon krwar ki Mr Speaker parey bokou dimoun i dir age is a number. E fodre pa nou kanaliz dimoun dan en serten direksyon.  Fodre pa nou anvoy zot dan en landrwa kot zot pa ti’n merite arive.  Zot kapab ankor donn servis.  Zot kapab ankor regard zot prop lekor.  Zot kapab fer bann keksoz ki dan en dimoun 20an, 30an i kapab fer.

Alor mon krwar si i annan en defayans avek sa bann striktir parey sa enn ki nou pe fer ozordi, se ki zot kapab ganny vwar koman en pa en safety net me koman sa goal, koman sa rezilta ki ou pe rode.  E an fonksyon sa, akoz dimoun i les zot lekor annan de fwa antre dan en sityasyon kot zot pa devret ete, nou vwar ki i annan en serten labi ki arive.  E annou pa per pour dir.  Nou tou lo sa kote latab nou’n vwar sa.

Mwan mon pour dir la, mon pour mansyonn son non tou e si i pe ekout mwan i konnen Brian. Brian set en garson fantastik. Tou son lavi 365 zour par an i marse i al laboutik i fer tou son keksoz, annan de fwa i annan en baton, annan de fwa i napa.  Zour vote i desann dan wheelchair!

Sak fwa pour al vote i bezwen dan wheelchair avek en aktivis Parti Lepep ki desann avek li pour fer sir kot son vot i ale.

Se sa bann keksoz ki fodre nou sa kote nou kontinyen dir ziska ler i arete.  E lespwar ki mon annan avek en Konsey se ki si bann dimoun i ganny swazir byen ki pour asiz lo sa Konsey e si zot fer zot travay selon sa ki sa Lalwa pe antisipe i ava annan mwens labi ziska en zour labi ava fini konpletman.

E Mr Speaker en dernyen pti mo lo home carer oubyen domiciliary care workers parey nou pe apel zot dan sa Bill, mon ekspekte, e mon ti ava kontan vwar ki sa Konsey i ava pran sarz –  i ava pran sarz bann kondisyon pour home carer akoz nou tro kontinyelman ganny bann konplent avek carer ki dir ‘’wan mon travay ek 2 dimoun me mon ganny peye konmsi mon travay avek zis 1.’’

E sa i en konplent ki monte toultan sa.  Mwan mon ganny li.  Mon fek gannyen. Oubyen nou pa sir si nou pour ganny vakans oubyen nou pa sir si nou pour ganny konpansasyon eksetera.

Mwan mon krwar si sa Konsey pour fer sa ki nou lo sa kote latab e mon sir nou tou dan sa Lasanble akoz nou tou nou pour donn nou sipor sa Bill ozordi, nou ti a kontan vwar se ki sa Konsey i ganny byen swazir, bann dimoun ki pour sit lo la.  Sa bann dimoun ki pour sit lo la i pran konsyans sa ki zot pe fer e ki zot elimin non selman labi e ki zot met bann kondisyon pour bann dimoun ki travay avek bann vye dimoun e ki zot fer sir ki sa bann vye dimoun ki vreman bezwen latansyon i ganny latansyon dan en fason rezonnab e ekitab, me ki at the same time zot dres en lareg dan en fason ki nou ava vwar mwens an mwens dimoun bezwen depann lo Leta dan fitir e plizanplis responsabilite i ganny pran par bann fanmir pour zot vye dimoun ler zot in ariv a laz.  Mersi Mr Speaker.

 

MR SPEAKER

Mersi Onorab Georges.  Bon i reste 4 entervenan, mon ti a zis dir zot pran kont letan.  Fer entervansyon pa fer repetisyon, kourt, akoz nou pa pe ganny Minis demen nou pa pour kapab carry forward pour nou kapab fini sa Bill avan 6er. Onorab Sophola.

 

HON NOLINE SOPHOLA

Mersi Mr Speaker. Bonn apre midi Minis.  Mr Speaker sa Bill ki’n ganny prezante parey mon bann koleg in dir nou pe koz pour nou revwar sa Council pour bann elderly.  E ler nou regarded an tou distrik i annan bann dimoun ki’n ariv sa laz e nou’n fek tande ki byento i annan detrwa nou osi ki pour antre dan sa kategori e ki nou pa krwar pour dir a sa set az nou pour bezwen al rod en carer nou.  Me selman travay i la pou nou amelyor sa Council ki la.

E ler mon pe regarde rol bann elderly dan lasosyete bann dimoun in donn bokou e mon krwar an retour i nou devwar osi pour nou kapab redonn sa bann dimoun, rann sa ki sa bann dimoun in donn pour nou.

E lasosyete nou bezwen aprann reviv sa kiltir parey ti annan lontan. Pran swen avek nou bann vye dimoun e sa in disparet konpletman.  E ki nou fer koman nou annan en vye dimoun dan nou lakour nou taye nou met li dan Home.  Malgre ki nou kapab annan en gran lakaz nou al met li dan home.  Nou annan tou soutyen pour nou tenir nou bann dimoun, nou met li dan home.  Me sa Council mon krwar si i byen etablir i pour bezwen reviz tou sa bann keksoz ki mon pe nonmen.

Minis mon krwar in bezwen fer en bon analiz, oubyen in bezwen pran bann problenm ki’n vin devan avan ki ou deside pour ou revwar sa Council.  Akoz i annan en bon letan ki la e mon konnen e nou tou ki la nou konnen ki i annan pa mal problenm ki’n atase avek. E mon krwar ek sa analiz in ede pour ou dir la in ler pour nou met en full stop.  Annou fer en nouvo pa an avan.  E Mr Prezidan Faure osi, li osi in met lanfaz lo Leta Lanasyon e annou pran tou sa nide met ansanm. E mon krwar nou pour ganny en bon package.

Mr Speaker, lo sa Board ki’n prezante mwan mon war, well dan son lansanm i pa tro mal, me selman mon war i mank en reprezantan pour Larelizyon. Akoz nou konnen ki nou bann dimoun sa laz tou, be it nenport ki denominasyon ki zot ladan zot kontan ler zot annan en dimoun ki pe reprezant zot lo larelizyon. E mon krwar sa mon swete vwar ki zot ti a mete.

E lezot reprezantan ler mon pe regarde, mon vwar in sorti dan diferan sekter. E pli enportan se ki i annan sa 3 dimoun aze lo sa Board e sa pour fer ki zot pour anmenn zot kontribisyon e zot kontribisyon i pour dan zot prop benefis. E lekel dimoun ki pli konn zot bezwen se zot menm.  E la zot pour ganny loportinite pour fer sa.

E en rol osi enportan ki’n nonmen dan sa Bill se ki Council pour met Gouvernman azour lo tou bann devlopman ki pe arive avek nou bann dimoun aze akoz souvandfwa i ariv keksoz ler en dimoun i telefonnen sa enn i dir pa mwan lot i dir pa mwan.  E la nou pour konnen i annan sa Council tou dimoun i ava annan responsabilite pour dir sa ki pe marse sa ki pa pe marse avek sa Council.

Me nou bezwen tenir kont ki pa tou nou bann dimoun aze ki anvi al dan Home.  Me par fwa zot napa swa. Zot bezwen ale. E ler zot dan home Mr Speaker sa bann dimoun par fwa zot ganny neglize.  Me ki ou a fer ler zot napa en se zot, zot bezwen reste la.

Mr Speaker, mon krwar dan sa Home.  Dan La Digue nou osi, dan distrik nou annan en home. E sa letan ki i ti ganny fer i ti bon. E la osi i ankor pe deservi. Me ozordi i annan serten problenm ki atase avek. Enn de problenm ki mon pe realize e petet sa i dan bokou Home se fason ki sa bann dimoun pe viv.                                      Parfwa zot en pe izole. Zot napa en progranm. Menm sa ki pe ansarz zot napa sa progranm pour fer sir sa bann dimoun i bezwen swiv.  E zot napa en bon lavi kominoter.  E i posibleman ki dan sa Council zot ava tou sa an kont pour ed nou bann dimoun.

Mr Speaker i annan lo kote finans e nou konnen isi dan Lasanble in koz bokou lo bann zafer finans ki mannyer nou depanse, ki mannyer nou rann kont.  E osi la ler mon’n regarde lo sa Bill i annan lo kote Finans kot zot larzan pour ganny byen garde, pou ganny odite, pou ganny raporte e prezante osi. E sa i tre byen akoz enn fwa pour tou nou konnen ki larzan nou pa kapab zwe avek.

Mr Speaker parey mon’n dir mon pa pour tarde me dan en lot mo sa Council dan global i pour asire ki tou nou bann elderly i ganny bon swen.  Avek monitoring ki pour annan zot larzan pour ganny byen garde. Zot swen pour ganny byen donnen e mon krwar tou bann home, Mahe, Praslin, La Digue zot nou bann elderly pour ganny trete parey.  E nou konnen si Council pa pe delivre i pour bezwen reponn kestyon. Mersi Mr Speaker.

 

MR SPEAKER

Mersi Onorab Sophola.  Onorab Lemiel.

 

HON SYLVANNE LEMIEL

Mersi Mr Speaker, bonn apre midi tou dimoun. Mr Speaker mon pa pour al dan tou sa bann keksoz ki mon ti pour al dir la petet akoz mazorite keksoz in ganny dir.  Me selman petet kestyon ki mon ti ava annan pour Minister avek PS.  Wi sa Bill i annan son merit. Me selman letan nou pe regarde la ozordi mannyer sa Konsey ti ete oparavan e mannyer i pour vini la, ki pour rol? Eski i pour annan ankor sa Board of Trustees ki ti diriz bann Home anba sa Council?  Eski i pour annan sa?

Sa i en kestyon. E osi mon panse petet sizesyon ki mon ti a fer parfwa letan nou anmenn bann nouvo Bill mon panse ki pour sa enn spesifikman i ti pour bon kekfwa nou donn en pti pe plis lenformasyon, en pti pe plis ledikasyon nou bann dimoun aze dan kominote. Petet vin avek en Bill koumsa, la zot en pti pe konfize.

Petet i demann donn zot en pti plis leklersisman kisisa ki lekel ki i pe touse.  E mon krwar en ti sansibilizasyon televize pour ede ki bann dimoun aze i ava ganny konsyantize en pti pe plis lo kwa ki Gouvernman pe met de nouvo a pour zot.  Ok?

Apre en lot keksoz osi ki mon ti a kontan konnen se, sa Konsey kot i konsern dan bann Home konmela.  Ler ou get en home parey Anse Royale 10 lasanm e premye home ki ti ganny fer dan Sesel. Nou pour bezwen revwar osi bann dimoun. Par egzanp Konsey pour bezwen get byen dan zot bann kriter. Parey la ou annan 3 dimoun bedridden dan en home sa en sekirite aswar.  Petet la kote sa Konsey dek ki i vin an plas ek son Board, nou bezwen revwar en pti pe byen lekel bann dimoun ki nou met dan sa Home.  Dimoun ki able, dimoun ki kapab kwi zot manze.  Dimoun ki kapab fer tou zot pti keksoz zot menm.  E petet ou tir sa bann dimoun ki zis la lo en lili san en dimoun pe take of zot aswar e san en sekirite osi ki pe sekiriz, donn en pti pe proteksyon sa landrwa.  Mon krwar sa i 3 bann kestyon ki mon ti annan Mr Speaker san pour mwan al dan tou sa bann detay ki mon ti’n mete.

 

MR SPEAKER

Mersi Onorab Lemiel.  Onorab Audrey Vidot.

 

HON AUDREY VIDOT

Mersi Mr Speaker. Bonn apre midi a tous. Mr Speaker mon pa pour long mwan osi. Me pour komanse mon ti a kontan dir ler mon’n tann Onorab John Hoareau koze lo sa Bill mon ganny lenpresyon ki nou pe fer nou krwar ki LDS ti ne avan 2016.

E zis letan mon’n ekout Onorab Georges la ki mon’n konpran en pti pe e mon kapab konvenki akoz ki nou siport, zot pe siport byen nou bann dimoun aze.  Me nou konn tre byen ki depi ‘77 listwar in koze pour li menm lekel ki’n anmenn meyer pour nou bann dimoun aze alors pa vwar li drol si sa dimoun ki nou war i desann zour Eleksyon pour al vote menm si zot annan zot pti douler me zot konnen akoz zot fer li.

Annou pa zwe bliye ki sa parti ki SPUP ki’n anmenn vre lalit pour nou bann dimoun aze!  Mr Speaker pour nou lo sa kote latab i pa nouvo pour vwar bann nouvo fason ki pe ganny propoze dan sa BillNational Council for the Elderly in fer bokou, menm si zot ti annan serten limitasyon.  Ozordi sa Bill pe donn en loportinite ankor pour empower nou bann dimoun – pa selman bann ki pran swen avek nou bann dimoun aze.  Me osi bann dimoun aze zot menm.  E parey mon’n dir mon pa pour long, bokou in ganny fer resorti e mon terminen par dir mon konnen lot kote zot pe eksite pour mwan fini.  Me mwan a dir zot ki par siport komanter Onorab Aglae kot nou swete vwar ki National Council for the Elderly i met bokou plis lanfaz lo nou bann klib lo nivo distrik, ki zot ava ganny plis sa sipor neseser pour fer plis nou bann progranm, pour ki nou bann dimoun aze pli aktiv, mars pli byen.  Mersi Mr Speaker.

 

MR SPEAKER

Mersi Onorab Vidot.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker sa Prozedlwa ki devan nou i en bon Prozedlwa. I enportan fer nou pep re mazinen ki lontan nou bann paran e gran paran. Savedir nou bann dimoun, vye nou bann aze ti ankor pe travay e pe trimouse menm a sa bann laz avanse pour sey amelyor lavi dan lakour.  Akoz sa letan lavi ti dir e difisil.

E pa tou kot lakour a sa letan ki ti pe travay alor ti fasil e ti annan ki ti kapab zet en koudey lo nou bann dimoun aze.  Menm par fwa nou bann vwazen osi ti donn koudmen, sa ti sa letan. E i enportan osi fer resorti ki Trwazyenm-Az Mr Speaker i pa neseserman en pyon dan politik.  Me zot konnen ki mannyer lavi ti ete e zot devret touzour pe zwe en rol enportan dan politik en pei.  Akoz zot kapab enstri e edik bann ki pli zenn a diferan letap nou devlopman.

Me ozordi nou pei Sesel in devlope e ledikasyon in permet ki sirtou bann madanm in konn son drwa e ozordi legalite loportinite in ankre dan nou sosyete e in fer son mark e mazorite bann madanm in fer bann perse e ozordi zot pe frot zepol avek bann zonm.  E pe fer sir ki zot pe pran zot responsabilite enportan dan nou sosyete.

Mr Speaker ofir a mezir ki nou pe devlope e vin modern nou pei i pe donn zwen e pli bon swen nou bann dimoun aze.  E dan sa fason sa swen i pe vin dan en fason organize e menm in vin koman en drwa pour bann dimoun aze.  E sa ti en promes ki nou Parti, Parti Lepep dan son lalit pour kree en meyer sosyete i ti fer ek son pep.  E ozordi nou tou, nou pou pas atraver sa semen.

E an menm tan i enportan fer resorti parey Onorab Georges in dir i enportan ki avek devlopman. Avek modernizasyon ki nou pei pe fer nou kontinyen amelyor sa striktir.  La nou pe elev li lo en lot nivo konpare ek kot ti ete avan e mon asire demen lezot koleg, lezot Manm Lasanble ki a vin apre nou avek devlopman ki ava annan dan pei, i ava annan legzizans pour zot ankor davantaz anmenn sa striktir lo en lot nivo, en nivo pli avanse, pli modern pour kapab get lavenir nou bann dimoun aze dan en fason pli briyan e pli organize.

Mr Speaker sa pa devret anpes nou koman zanfan pran nou responsabilite vizavi nou paran e gran paran e kontinyen annan sa respe e lanmour pour zot.  Sa Konsey i devret osi annan en rol oversight lo lafason ki bann striktir an plas i fer pour nou bann dimoun aze.  Koman zot donn sa care parey plizyer in ganny mete.  Pou fini i enportan fer resorti ki Bill Committee in fer en tre bon travay kot zot in revwar sa Prozedlwa e anmenn bann, zot ava pli tar anmenn bann sanzman, bann propozisyon pour amelyor sa Prozedlwa ki devan nou ankor davantaz pour fer li vin meyer pour sipor nou bann dimoun aze.

Avek sa mwan demann nou tou pour siport sa Prozedlwa akoz mon krwar i bon e i dan lavantaz nou dimoun aze e nou sosyete an zeneral. Mersi.

 

MR SPEAKER

Mersi Onorab De Commarmond. Bon mon ava pas laparol avek Minis Simeon pour Right of Reply.  Minister.

 

MINISTER JEANNE SIMEON

Mersi Mr Speaker.  Mon ti a kontan remersye tou bann Onorab ki’n donn zot sizesyon. Ki’n donn zot sipor pour sa Prozedlwa.  Nou’n pran kont tou zot bann komanter, pozitiv ki nou kapab amelyore letan Konsey i ganny etablir.

Pou komanse, pour Onorab Esparon ou ti’n byen dir pour dir Regional Home for the Elderly i tonm anba responsabilite Minister Lasante akoz laba i annan bann elderly ki pa pe kapab reste dan bann conventional home ki pe run konmela. Zot bezwen sa bann swen spesyalize, swen round the clock, bann swen partikilye ki bann carers dan sa bann Homes ki nou annan pa pe kapab donnen sa bann dimoun sa bann swen pe ganny donnen par dokter, avek ners, physiotherapist, lezot spesyalis medikal.

Me pour standar, ler nou pe devlop standar pour servis ki nou pe ofer pour nou bann dimoun aze nou pe fer li an close kolaborasyon avek Minister Lasante. Savedir standar pour ki Mr Hoareau taler ti mansyonnen ki nou pe get laspe lizyenn, laspe lasante, laspe sekirite, laspe nitrisyon, lafanmir, ladministrasyon, tousala nou pe fer li konzwentman avek Minister Lasante; savedir sa Regional Home osi pour ganny kouver anba standar.       So parey ou’n dir petet nou ava vwar en standar ki across the Board pour byennet nou bann dimoun aze e ki i ava parey ou’n mansyonnen taler.  Fotespere ki ava napa labi.

Ou’n koz osi lo sa ki Prezidan ti anonse dan son Diskour Lanasyon, bann nouvo servis ki pour ofer pour nou bann dimoun aze parey bann Day Care Centres pour nou bann dimoun aze ki ankor kapab, ki ankor ase mobil ki kapab deplase sorti se zot dan bomaten al pran par dan bann aktivite lwazir, aktivite sportif, aktivite edikativ, dan sa bann Day Care Centres e apre aswar retourn kot zot lakour.

I pour annan osi lagrandisman, extension bann home for the elderly nou konnen pour dir pour le moman nou annan 9.  I pa ase parey nou dir pour la demander.  So i annan proze ki nou pour kapab extend kot i annan plas obor sa bann homes, ouswa rod lezot landrwa kot nou kapab fer lezot homes ki pour deserve bann ki’n meet kriter pour zot antre dan Home for The Elderly.  Apre nou pour annan sa ki nou’n dir la nursing home parey sa bann nursing home ki nou annan dan lezot pei kot nou vwar ki i en servis peye ki ou si ou anvi par egzanp ou anvi al en konze aletranze ou annan ou, ou gran manman ouswa ou gran papa dan lakour kot ou, kot ou napa dimoun ou pa kapab ganny en carer pour vin reste avek li, ou kapab met li dan en Nursing Home pour li kapab pour diran ou konze e osi sa bann nursing home i kapab  pour bann dimoun ki kapab peye zot menm zot pour sa servis.  Ok?

So sa ki Prezidan in anonse, nou’n already komans travay lo la. Idantifikasyon teren in komanse prezan i reste nou pour nou meet avek bann partners konsernen pour nou kapab vreman determinen si sa bann Sit i apropriye i ok.  E osi nou’n komans pe travay lo en framework ki pour determinen ki mannyer sa PPP, lenvestisman PP pour kapab marse sa tousala in already komanse.

Pour parey nou’n dir, sa Konsey li i pour en regilater. I pour etablir standar.  Standar swen, standar servis. I pa pour anploy carer. Me i pour asire ki servis ki carer pe donnen dan sa bann Homes, ouswa dan lakour kot nou bann dimoun aze i according to the standards set. Ok nou’n annan Lazans ki already pe travay along the same line parey nou annan lenstiti pour devlopman pti lanfans, i annan son standar pour bann childminders.  Me li pa anploye childminders. Childminders i bann dimoun ki pe travay pour zot menm. Me selman standar i across the board pour tou minders depandan lo sa bann laspe ki nou’n dir nitrisyon, sekirite, lasante e eksetera.  Ok?

Nou’n annan osi komanter ki’n monte pour dir akoz ki SNYC in ganny mete dan koman Manm board? Nou konnen nou tou ki nou ti a kontan i annan pour nou bann dimoun aze pour zot byennet bann intergenerational activities.  Nou ti a kontan ki bann zenn i kapab relye avek bann dimoun aze.  I kapab enterakte avek bann dimoun aze e pour asire ki zot konpran sa ki sa Konsey pe ganny fer.  E ki a lavenir ler nou tou isi dan sa Lasanble nou’n osi, nou’n antre koman en elderly an retret whatever dan bann Homes nou bann zenn i a konpran bezwen, i a konpran drwa, i a konpran bezwen bann dimoun aze e fer tou posib pour donn zot sa sipor, sa konfor, sa byennet ki sa Konsey pe demande.

So vwala akoz nou’n enkli SNYC as manm lo board pour li anmenn sa morso sorti kot bann zenn pour kapab diskite lo Board.  Nou’n ganny osi demande akoz nou’n enkli Lasanm Komers avek Lendistri. Nou’n dir pour dir Konsey pour fer provizyon pour li rod sponsorship, pour li rod donasyon e kote nou pour al rod sa, nou pour al rod kot petet i bann manm komers avek lendistri bann prive, bann dimoun prive, bann businessman ki kapab donn sa sipor pour nou Konsey.

I annan en lot osi konsern ki’n ganny leve lo kote Legliz. Nou pa’n single out legliz relizye as such me nou’n enkli CEPS ouswa Lasosyete Sivil ok ki li osi nou vwar poudir i enportan ki ganny reprezante lo sa Board.

Nou’n koz en pti pe, i annan osi en konsern ki’n leve lo training pour bann carers ki ler training pe ganny fer bann dimoun aze i reste tousel. Nou oule – mon oule note ki ler nou ti komans sa progranm, nou apel li nou progranm reform pour servis carer ladan i annan training, i annan osi sipervizyon.   Annan osi lezot laspe ki nou pe travay lo la standar osi pour antre ladan. Ler nou ti pe lans sa progranm training – by the way, training in fini komanse depi lannen pase. Me selman nou pe al en pe dousman zis rezon akoz nou bezwen asire ki bann dimoun aze pa pe reste zot tousel. So nou pe fer lo progresivman pour nou asire ki bann dimoun aze i ganny sa sipor letan zot bann carers pe swiv sa training.

Nou’n fer konsiltasyon, nou’n fer meeting avek bann manm fanmir kot sa premye group, 2enm carer pour training e nou’n ganny zot sipor ki ler carer pe al training i pour annan sipor pour zot bann dimoun aze ki reste deryer.  I annan ki’n kapab rod en dimoun letan i travay pour met li la akoz training nou pa pran li lannen antye. I annan par blok.

So zot in donn nou sa commitment lo zot lapar ki zot bann dimoun pour ganny veye, akoz zot osi zot pe war litilite sa training zot osi zot pe war challenges ki annan pour le moman avek nou bann sistenm care givers ki nou annan. E zot osi zot in pran sa an byen ki kapasite, letan nou’n ogmant kapasite nou bann home carers i pour fer dibyen pour zot bann dimoun aze kot lakour.  OkSo sa i sa konsiltasyon ki nou’n annan.

Pour Onorab Hoareau parey ou’n byen dir pour standar nou’n get lo best practices ki annan enternasyonalman. E i pour kouver zisteman tou sa bann laspe ki ou’n mansyonnen la e parey mon’n dir taler nou Konsey li i pour parey en watchdog letan nou’n set sa bann standar li i pour asire ki sa bann standar pe ganny adhere to.

Bezwen pour plis Homes for The Elderly.  Wi nou okouran sa bezwen e osi dan diskour lanasyon sa bezwen osi pe ganny adrese akoz nou pe al fer fason pour nou extend the homes, donn provizyon pour sekter prive osi antre ladan pour donn, pour rann sa servis en pe pli byen pour nou bann dimoun aze.

Konsernan peyman pour konze bann home carers ki pa pe kapab pran zour konze si Mr Speaker i ava permet mwan akoz in ganny souleve dan en seri kestyon ki nou pe vin devan Lasanble pour nou reponn.  So ler mwan a vin devan Lasanble nou ava donn en plis detay lo la si Mr Speaker i permet.

Pour Onorab Hoareau ki’n dir pour dir nou bezwen ogmant standar, nou bezwen ki sa Konsey i kapab morde.  Wi se sa, se sa ki nou’n prezant devan Lasanble ozordi.  Nou anvi ogmant standar, nou anvi war en improvement dan swen, improvement dan servis.  Nou tou isi nou konnen bann defayans. Nou pe esey anmenn sa improvement dan care pour nou bann dimoun.

Mon ti oule fer konnen osi Onorab Hoareau ki devlopman standar in osi komanse.  I annan Komite ki’n ganny set up avek bann stakeholders konsernen e zot in the process of devlop sa bann standar menm avan ki Konsey in ganny etablir nou’n already komans debley teren ki ler Konsey i ganny etablir nou ava kapab bouz o pli vit posib parey zot tou la zot pe demann nou pour akselere.  Ok?

Nou pour anrezistre bann dimoun ki donn swen me parey nou pe dir, nou pa pour anploy zot fodre nou pran en diferan ant sa ki Lazans pe fer avek sa ki Konsey pe fer.  Konsey pa kapab fer tou le de keksoz li menm. Konsey li i pour annan son bann dimoun ki pour travay avek li koman lenspekter. E sa bann lenspekter zot, zot pe al gete si standar pe ganny adhere to.  Ok?  Zot pa pe anploy carer.  Ok?

Pour konsernan Onorab Leader of the Opposition ki’n koz en bon pe lo Board ler in ganny dizourd ki’n koz en pe lo larzan ki’n ganny zere.  Se Board ki’n ganny, ki ti ganny apre ki son manda ti’n lapse.  Vi ki nou ti pe travay, nou ti pe fer konsiltasyon avek nou bann partners, pour nou kapab come up avek en lot Bill pou Konsey nou pa ti vwar li neseser pour nou al apwent en new board there and then.  Nou ti petet panse ki sa bann diskisyon ti ava ganny fer en pe pli vitman.  Me selman i annan keksoz ki an deor lo kontrol. In en pe tarde, me selman nou ti’n dir akfer ki nou pour al fer en nouvo Board la apre ler Konsey i ganny etablir pour nou al ankor re apwent en lot Board?

So nou pa’n fer li me Konsey li as a Council ti pe fonksyonnen. I ti pe fonksyonnen, i annan son biro, i annan son bann expenses ki i ti pe fer as a Konsey. I annan son senior administrative officer ki pe travay, ki ti pe ganny peye. E pour asir kontinyite ant lapsing of the mandate of the Board e the setting up of the new Council with the appointment of a new board, ti annan en Caretaker Committee ki ti’n ganny set up zis pour nou asire ki annan sa kontinyite ki Konsey pa pe vwar li pe naze whateverSo sa Caretaker Committee li in pran an kont the ex-Chair. I form parti sa Caretaker Committee the ex- Vice Chairperson of the former Board i osi lo sa Caretaker Committee.  E i annan osi en sekreter.  So zot osi zot pe ganny peye en allowance pour sa letan la ki zot pe travay.

Konsernan odit, nou oditer ti annan en internal auditor ki li letan Board in last nou pa’n kontinyen avek son servis.  Me pour le moman la pour asire ki larzan ki’n ganny depanse pandan sa peryod letan la, in ganny byen zere, nou annan the external auditor. Nou annan biro Oditer Zeneral ki pe audit the Konsey e nou’n dir ki i bon ki nou fer sa odit la avan-ler ki nou Konsey i ganny set up.  So at the end of the audit period parey i ganny demande nou ava prezant rapor avek FPAC pour zot vwar ki mannyer larzan in ganny zere e nou ava vin defann The Report devan Komite pour Lasanble.

Pour, kot i konsern evalye striktir ki deza la pour vwar defayans avek lafors, dapre Onorab Henrie.  Wi nou pour bezwen fer sa e se sa ki nou’n vwar ki nou bezwen anmenn en serten reform dan sa servis ki ti pe ganny donnen la prezan.  So bann lezot striktir ki nou petet nou pa’n ganny kouver, nou annan letan la pour nou kapab fer sa e vwar kote ki i annan defayans pour nou kapab adrese letan Konsey i mont lo son lipye.

Ou’n dir ki ou byen kontan ki ou’n vwar bann manm dimoun aze zot menm lo Konsey sa osi nou’n osi reflesir for lo la e nou’n dir who is the better person pour kapab anmenn sa kontribisyon lo konsey? Se sa bann dimoun ki zot menm zot, zot dan sityasyon koman bann dimoun aze e ki konn bezwen bann dimoun aze.

Onorab Pillay ki’n dir etablir en kad formel.  Wi Konsey pe fer, the framework, the legal framework i sa kad formel ki ou pe koz lo la.  Wi zefor pour ganny fer akoz nou’n dir pour dir, nou pe fer provizyon atraver standar, atraver profesyonalizasyon sa servis ek swen pour nou mentenir.  Once the standard are there nou bezwen mentenir sa standar lo en nivo.

Konpozisyon Board ki’n koz lo la. Akoz ki nou napa ASP as en reprezantan lo Board, ASP i already, very much involve avek Konsey akoz li ki pour anploy bann carers. I annan Komite ki ASP i lo la internally. So nou vwar pour dir i pou kapab anmenn son kontribisyon atraver lezot fason rather than be a member of the board itself.

Pour Onorab Bernard Georges. Mon byen kontan ki lide pour kree en Konsey pour bann dimoun aze ti sorti kot ou en Per Fondater.

 

(APPLAUSE)

 

MINISTER JEANNE SIMEON

Nou byen kontan ki depi lontan sa lide pe ganny flote.  E parey ou’n dir ou byen kontan ki ou pe vwar ozordi fri ou premye lide ki ou ti lanse.  E nou asire, nou donn ou sa konfyans ki sa ki nou pe al met an mars i pour reponn a tou ou lespwar, tou ou lanvi ki ou ti annan pour annan en tel Konsey. Ok?

Ou’n koz osi lo responsabilite bann manm fanmir.  Nou’n pran sa an kont akoz menm konmela ler nou pe anploy carer pour bann dimoun aze nou met the onus lo la fanmir pour idantifye dimoun. Pa ASP ki donn zot en carer ki li in swazir.  Zot ki swazir sa e nou osi zwenn avek zot, koz avek zot, demann zot pour pase, menm si zot pa reste la dan sa lakaz.  Ouswa zot reste ayer. Tanzantan pas en pti kou kot sa vye dimoun la.  Gete ki kalite swen i pe gannyen.  Si zot pa satisfe ganny kontak avek ASP ki sa keksoz i ava ganny pran an konsiderasyon.

E osi pour letan mon’n mansyonnen taler avek madanm Esparon pour training osi, nou’n met zot, nou’n donn zot sa responsabilite pour zot osi asiste nou, donn nou sa sipor.  Asire ki zot bann vye dimoun, zot bann dimoun aze i annan sa sipor, i annan sa dimoun pour regard zot pandan ki nou, nou pe fer training pour zot bann dimoun aze.

E nou osi pou kont lo zot ler nou etablir standar.  Zot osi nou pe kont lo bann dimoun aze dan lakour pour ed nou gard sa standar.  Nou pour annan bann dimoun ki pour pase pou vwar me premye responsabilite se zot pour averti nou kan keksoz pa mars byen pour nou kapab ansanm kapab donn en servis pli bon pour nou bann dimoun aze.

Ankor enn fwa mon met lanfaz pour dir pour dir kondisyon travay home carers pa tonm anba Konsey. Konsey i regulate the standards.  Ok?  sa kondisyon travay i tonm anba lazans ki pour anploy sa bann carers.  Ok? Akoz li Konsey i pa pour anploye carer.

Pour Onorab Sophola, ankor enn fwa mon’n reponn lo kote larelizyon koman Larelizyon nou’n dir reprezantasyon lo Board.  Odit finans sa osi nou’n fer provizyon dan sa Prozedlwa pour annan sa.  E ou’n dir nou osi pour revwar sa Konsey ki la ozordi pour nou kapab etablir lot.  Nou’n fini gete, nou’n vwar pour dir kot i annan defayans se sa ki’n pous nou pour nou kapab met sa enn an propozisyon pour nou demare. Neglize, neglize bann dimoun aze ki ganny neglize nou okouran, i annan labi par fwa, i annan nou bann dimoun aze ki ganny neglize dan zot fanmir ouswa menm dan bann Homes ki nou sipoze pe take of them. Me ankor enn fwa avek standar, avek pli bon kapasite nou bann dimoun ki pe travay avek sa bann dimoun, nou ava vwar si, sirman nou ava vwar en amelyorasyon.

Pour Onorab Lemiel.  Wi nou pour annan sa seri sansibilizasyon pour pa zis pour bann dimoun aze konnen, me pour piblik an zeneral konnen ki nou pe al etablir e ki son fonksyon pour nou tou kapab ganny en bon konpran.

Ou’n koz lo dimoun ki bedridden dan bann homes pour le moman. Wi i annan. Sa bann dimoun ler zot ti antre dan sa bann homes la zot ti mobil. Me selman letan i pase, i annan ki’n la pour 10 an.  I annan ki’n la pour preski 15an menm. I annan ki dan 80s, 90s so nou ekspekte ki zot kondisyon lasante pour deteryore.  Me i annan osi ki nou’n kapab avek Regional Home for The Elderly donn zot en plas – in dir lopital North East Point akoz nou pa’n kapab donn zot sa swen parey mon ti dir taler sa swen spesyalize dan nou bann Homes.

Konsernan sekirite, wi nou pe ganny en pe problenm avek the firm for ki pe provide security pour nou bann Homes. Nou’n fini komans tender pour nou ganny en nouvo firm ki pour kapab donn sa sekirite aswar koman lizour kot nou bann Homes for The Elderly. So nou pe sanze.

Mon krwar mon’n kouver preski zot bann komanter zot bann sa ki zot ti’n leve.  Si i annan ki’n lev keksoz ki petet mon pa’n arive kouver nou pran …  Non vi ki petet nou pa’n pran an kont la me selman nou’n pran note e nou ava travay lo la. Ok?  So vwala pour Onorab Aglae ki ti’n dir Lazans Proteksyon Sosyal ouswa Minister Finans as a member of the board.  Mon’n eksplike akoz Lazans Sosyal.  E osi Minister Finans.  Nou plito rod bann dimoun ki annan, Minister Finans ou konnen i la pour donn larzan.  Ok?  Me selman nou pe rod pour lezot, nou pe ganny sa lezot kalite sipor pour nou bann dimoun. Lezot kontribisyon kapab ganny anmennen.  So Mr Speaker mon pe aret la.  Mon ankor enn fwa remersye bann Onorab pour zot sipor. Mersi bokou.

 

MR SPEAKER

Mersi Minis.  Bon nou ava pran en vot lo merit zeneral e lo prensip sa Prozedlwa ki devan nou.  Mon ava demann tou Manm ki an faver?

Okenn Manm ki kont?  Madanm Clerk?

 

MADAM CLERK

Mr Speaker mersi. 25 Manm an faver personn kont.  Mersi.

 

MR SPEAKER

Bon Madanm Clerk ou ava fer Formal Second Reading.

 

MADAM CLERK

Mersi bokou Mr Speaker. A Bill of an Act to establish the National Council for the Elderly to promote a holistic management of the care of elderly persons and for matters connected therewith or incidental thereto. Mersi Mr Speaker.

 

MR SPEAKER

Mersi Madanm Clerk.  Bon nou annan en seri amannman ki’n ganny sirkile.  Petet mon ava demann Chair Bills Committee si nou pour al dan Staz Komite oubyen si Minis in aksepte bann amannman.  Mon pa konnen ki, mon konnen bann amannman in ganny sirkile avek tou Manm.  Si zot pour al dan Staz Komite pour nou pran mwan ava demande ki nou move en Mosyon.  Onorab De Commarmond. I tou depann, zot oule konsider sa bann amannman dan Staz Komite?

 

HON BERNARD GEORGES

Mr Speaker up to the House nou kapab swa fer li koman san al dan Komite si amannman pa pou long me si i pour long.   Nou napa en lendikasyon ki Minis pe mazinen lo bann amannman ki nou pe propoze. Kekfwa nou devret al dan Komite akoz i annan enn de landrwa kot nou’n demann Minis pour rekonsider serten keksoz.

 

MR SPEAKER

Alright mon a ganny en Mosyon pour bouz Staz.  Onorab De Commarmond.

 

HON CHARLES DE COMMARMOND

Anba Order 79, 1 nou Standing Orders mon move ki nou bouz lo Staz Komite pour nou konsider bann amannman ki devan nou. Mersi.

 

MR SPEAKER

Mersi Onorab.  Okenn Manm ki segonde.

 

HON SEBASTIEN PILLAY

Mr Speaker mon segonn sa Mosyon.

 

MR SPEAKER

Mersi Onorab Sebastien Pillay. Nou ava pran en vot pour – Non annou pran en vot lo Mosyon pour al dan Staz Komite. Tou Manm ki an faver? Okenn Manm ki kont?

 

MADAM CLERK

Mersi Mr Speaker, 22 an faver, personn kont.  Mersi.

 

MR SPEAKER

Bon nou ava antre dan Staz Komite pour nou konsider bann amannman ki devan nou.

Ok lekel Manm ki pe move bann amannman.  Onorab Georges?

 

MR SPEAKER

Bon nou ava rantre dan Staz Komite pour nou konsider bann amandman ki devan nou.  Ok. Lekel manm ki pe move bann amandman?  Onorab Georges.

 

HON BERNARD GEORGES

Mersi Mr Speaker.  Pardon, Mersi Mr Chairman.  Mr Chairman, bann amannman ki pe al ganny propoze se bann amannman e bann sizesyon ki Bills Committee in fer.  Nou’n sirkil bomaten en premye seri amannman e nou’n sirkil apre midi en dezyenm seri amannman.  E se sa enn dezyenm ki nou pe, nou pe servi konman nou, nou dokiman travay.  Ler i tar, e zournen in long, alor mon pa pou – mon pa tarde.  Mon a fer propoz bann amannman dan en fason pli vit posib.

Premye amannman i konsern Clause 2, definition Clause or interpretation Clause.  E la i annan en propozisyon.  Pour le moman nou annan en definisyon domiciliary care worker, bann carer.  E sa ki pe ganny propoze se ki nou modifye sa, sa lenterpretasyon, nou le sa fraz e nou insère, nou azout en nouvo definisyon pour domiciliary care.  E propozisyon se ki domiciliary care means the provision of care and support to an elderly person at his or her residence.  E domiciliary care worker prezan, dan definisyon ki devan nou, nou ranplas as a provider of care at domicile.  Pour le moman akoz nou’n fini nou’n fini met sa dan domiciliary care.  E nou dir zis to provide domiliary care.  Donk sa se nou premye propozisyon.  Eski Minis i kapab endik nou si i akseptab ou non ?

 

MR SPEAKER

Minis.

 

MINISTER JEANNE SIMEON

Mersi Onorab Georges.  Mersi Mr Speaker.  Mon krwar i annord ki nou, ki nou fer sa distinction ant the care and the care giver.  Ok, so mon dakor avek sa.

 

MR SPEAKER

Mersi Minis.  Yes Onorab.

 

HON WAVEL RAMKALAWAN

Ki mannyer nou pou apel li an Kreol aprezan?

 

(laughter)

 

MINISTER JEANNE SIMEON

Non.  Nou’n ti’n dir bann travayer ki donn swen a domicile.  Swen a domicile.  Akoz… (laughter) nou pa kapab dir ou i dir ‘’swen dan lakour’’ akoz nou annan, nou annan lezot lenstitisyon kot zot pe travay.

 

MR SPEAKER

Mon krwar dan sa ka i paret sa non carer pou reste pour en pe letan. (laughter). Wi.

Bon nou ava move lo prosen amannman.  Onorab Georges.

 

HON BERNARD GEORGES

Mersi Mr Chairman.  Zot ava konpran ki domicile an Kreol ki le dir lakour, ler ou servi li an l’Anglais i annan en term legal.  Alor se pour sa rezon ki nou’n propoz ‘‘residence’’.  Pour fer sir ki son lakaz, kot lakaz sa dimoun.

Dezyenm propozisyon se sa enn ki mon’n mansyonn en pti pe taler, se sa definisyon ‘’elderly.’’  Pour le moman devan i annan 3 definisyon ‘’elderly’’. 

Premye, en dimoun ki’n ariv laz retret anba Social Security Act,  ki pour le moman i 63an.  E i pour vin 65 dapre sa ki nou, dapre sa ki konpran, a en dat fitir.  Me se sa dat ki ganny fikse pour dimoun pran zot retret.  Alor ou vin elderly a sa dat.

Dezyenm definisyon, se en dimoun ki’n aret travay, ki’n retire.

E trwazyenm, set en dimoun ki pa’n dan lanplwa me i’n ariv laz retret anba Social Security Act.  Nou propozisyon, anfen nou propozisyon etandonnen ki sa set en keksoz policy, nou pa’n kapab fer en propozisyon, alor nou’n soumet avek Minis e avek Lasanble.  Nou, nou propozisyon, sa ki nou pe sizere se annou tir sa 2 definisyon 2 ek 3.  Akoz trwazyenm definisyon i deza ganny konpri dan premye.  C’est-à-dire ki ou’n travay oubyen ki ou pa’n travay dan ou lavi, si ou‘n ariv laz retret, that’s it.  I pa enportan si ou’n travay, si ou pa’n travay. Cut-off se ler ou’n ariv laz retret ki Lalwa i spesifye.

E dezyenm, dezyenm nide, dezyenm kategori nou santi ki i pa apropriye akoz ou pa kapab dir en dimoun i elderly ler i’n retire from employment.  Akoz en dimoun in kapab retire a laz 45an ou a en laz boner akoz in byen fer dan lavi.  I pa bezwen travay, me i pa fer li vin elderly, tel parey sa dimoun ki pe koze la pour le moman Mr Speaker.  Se pa akoz i pou aret travay ki i pou vin elderly otomatikman.  Alor se pour sa rezon ki nou pe dir, at the end of the day, annou fer, akoz nou bezwen en cut-off.  Nou bezwen en dat pour klasifye dimoun as elderly.  Nou pa kapab klasifye zot dan en, dan okenn lezot fason.  En cut-off se ler Lalwa i dir ki ou’n ariv laz retret irrespective of si ou’n travay, si ou pa’n travay.  Si ou’n pran ou retret avan or whatever.  Alor vwala nou propozisyon.  E sa se, se Minis ki pou gid nou lo la.  Akoz se en desizyon   

 

MR SPEAKER

Mersi Onorab Georges. Nou a esper Minis, nou a donn li laparol.

 

HON BERNARD GEORGES

Wi. Mr Speaker, mon fek …. 2 pti keksoz.  Nou dan en Staz Komite, alor zot kapab, nenport ki parmi zot i kapab koze.  Wi.  Eskiz mwan pou pran ou hold Mr speaker.

 

MR SPEAKER

Mersi , mersi Onorab Georges. I ok.  Wi. Monsieur Victor Pool i kapab, oubyen menm PS.  Zot kapab enterakte avek ban manm

 

HON BERNARD GEORGES

E nou’n ganny, nou’n ganny rapel ki ler Lasanble ti ganny dizourd an 2011, nou tou nou ti vin elderly akoz nou, nou ti’n anfors retirement.

 

PS LINDA WILLIAM

Mersi Mr Chair.  Probableman sa pour (ii)a person who has retired from employment.  Nou ti be, letan ti pe ganny diskite, bann konsiltasyon ti pe ganny fer, ti pe mazin, ti annan tandans mondyal osi avek bann rapor ki World Bank ti pe fer lo aging, ki mondyalman zot pe kategoriz dimoun elderly 60an, an montan.

Me an menm tan, nou ti pe get li en ligne avek Pension Fund osi, son act.  Kot dimoun i kapab…. (laughter) ki…Ok.  Kot, kot Pension Fund i fer provizyon pour early retirement 60an.  E tandans mondyal parey bann Rapor World Bank i met bann elderly 60an, an montan.  So, sa rezon ki ti annan sa bout la.  En dimoun ki’n retire from employment petet a laz 60an parey Pension Fund i fer provizyon.  Me selman si sa i pou annan en lenpak, mon mazinen ansanm avek Minis ansanm avek Konsey reprezantan Attorney Zeneral nou kapab sanze.

 

MR SPEAKER

Okenn sizesyon.  Petet pran en sizesyon from the floor.  Onorab Basil Hoareau.

 

HON BASIL HOAREAU

Mersi Mr Chair.  Mr Chair, si sa i le ka, then nou kapab still kit Roman (i)  e zis dir ‘’…a person of the age of 63 or above.’’  Elderly means a person of the age of 63 or above.  Of 60 rather, of 60.   Si nou ti pe dir nou ti pou pran ka avek bann dimoun ki tonm avek laz pansyon, ki 60an, then or a person who has attain the age of 60 years.  Koumsa. Zis nou annan Roman (i) means a person who has attain the age of 60 years.  La excatly ou pa bezwen Roman (i) zis means a person who has attain the age of 60 years.  I pou kouver sa kategori dimoun ki petet pa pou ankor reach retirement age, me ki ti pou tonm dan sa kategori pansyon.

 

MR SPEAKER

Ok.  Onorab Ghislain.

 

HON CHANTAL GHISLAIN

Mr Chair, toultan ler nou’n tann nonm elderly an kreol ki nou ti pe dir Trwazyenm-Az, zot ti’n toultan konmans li 55an an montan.  Lekel ki ti set sa ki ozordi, mon asire i annan bann dimoun out there, bann dimoun a laz ki pe, ki tonm dan sa kategori ki nou’n toultan kategoriz zot koman Trwazyenm-Az depi 55an an montan.  Zot osi zot konfize la.  Si zot ankor, si zot dan, si zot pe sanze.  Konmsi lekel ki ti anmenn sa, ki ti konmanse?

 

MR SPEAKER

  1. Onorab Ferrari.

 

HON JEAN-FRANCOIS FERRARI

Mr Speaker.  Mr Chairman mon krwar ki annan merit dan propozisyon ki Onorab Georges in fer pour premye propozisyon. Setadir ki, kwa ki determin ofisyelman ki en dimoun in retire?  Se laz pansyon. Akoz en dimoun in kapab retire boner me selman in pa officially retired akoz in deside pour li, pour li arete.  E Pansyon Sekirite Sosyal e sa laz Pansyon Sekirite Sosyal, i sa moman kot ofisyelman ou pe ganny en benefis akoz ou’n retire.  So, mwan personnelman, mon ti ava mazinen poudir si nou ti kapab fer sa the reference point.  E pa met laz me as set by Social Security or whatever.  Akoz si i sanze, si i sanze e i vin, i desann 62an oubyen i mont 64an or whatever,  ou pa bezwen sanz nanryen.  This is as set by, by the… Anyway.  Mersi.

 

MR SPEAKER

Ok.  Mersi Onorab.  Onorab Georges.

 

HON BERNARD GEORGES

Wi. Mr Chairman mon, ou vwar sa ki nou’n fer, sa ki’n arive dan sa Bill se ki, sa mo ‘’elderly’’ in ganny link avek ariv laz pansyon.  Annefe, en realite napa sa lyen.  Elderly set en barenm artifisyel ki ou mete e kapab sanze.  Akoz an mezir ki nou pe ale, laz ki dimoun i viv i ogmante.  Alor, ‘’elderly’’ i pou bouze, i pou monte avek letan.

Donk, se pour sa rezon ki mon krwar Onorab Ferrari e kekfwa bann ki ti’n, bann ki ti’n donn drafting instructions ti’n mazin lo la.   E ti dir an mezir ki Social Security Act i sanz laz retret, i ava monte.  L’honorable Ghislain in demande akoz 55an ?  Akoz sa ti laz retret lontan.  Dan bann letan kolonyal ou ti pran ou pansyon a laz 55an.  Be 55an in nepli, akoz ou ti mor 70an.  Be prezan ou mor 80an.  Alor i monte e i pou kontinyen, i pou kontinyen ogmante an mezir nou ale.

Mwan personnelman mon krwar dan en serten fason, annou disosye ‘’elderly’’ avek pran pansyon.  Akoz i napa okenn link.  I en limit arbitraire ki nou’n mete.  Alor, nou annan en swa.  Swa nou gard li avek sa, swa nou link li avek laz pran pansyon.  Akoz sa set en Lalwa ki pou bouz sa laz an mezir, au fur  an mezir. Swa nou pou fikse en laz arbitraire e nou pou dir 60 or 65 or whatever.  En laz ki nou koman en Nasyon nou santi ozordi, ou sorti dan Dezyenm-Az e ou rantre dan Trwazyenm-Az.  Whatever, whatever sa laz.

 

MR SPEAKER

Mersi.  Onorab De Commarmond

 

HON CHARLES DE COMMARMOND

Mon, mon pe ekout byen ki pe ganny dir me mon ti a, mon pe mazinen si Minis dan Lalwa avan, ki mannyer ti ete, konmsi kwa ki’n fer Lalwa la reflekte kwa li ?   I reflekte sa ki ti avan lo ki baz, lo ki Polisi?  I bezwen annan en, i bezwen annan en keksoz ki ti dir, ki sa i derive from.  Petet si Minis ti kapab eklersir nou ouswa son bann teknisyen.  Bann dimoun ki avek li, PS, i kapab eksplike pou diriz nou byen lo la.

 

MR SPEAKER

Mersi.

 

MINISTER JEANNE SIMEON

Mersi Mr Speaker.  Pour sa definisyon ‘’elderly,’’ pour sa nouvo Lalwa, it seems ki nou’n, nou’n import sa ki ti annan dan sa Lalwa avan.  Nou’n zis met li dan sa, dan sa nouvo Lalwa.  Nou pa’n, nou pa’n debat lo la or whatever.  Nou’n zis pran li parey ti ete avan, dan en Konsey ki ti la oparavan e nou’n met li dan sa, pour sa enn.

 

HON CHARLES DE COMMARMOND

Hence Mr Chair, ki Polisi ki ti anmenn sa ki nou’n mete dan Lalwa avan?  Kwa, kwa ki’n fer nou met li koumsa?  Petet sa rasyonnel konmsi deryer, kekfwa si nou konnen ti a bon pour nou eksplike pour nou vwar kote konmsi ki sa i vin an zwe ?

 

MR SPEAKER

Minis.  Bon, annou pa dwell lo la.  Annou regarde si Minis ouswa PS in pran en pozisyon lo la, nou a kapab move onPS. 

Yes Onorab Georges.

 

HON BERNARD GEORGES

Mon ti anvi fer en sizesyon Mr Speaker, Mr Chairman, eskiz mwan.  Akoz nou pa fer sa keksoz swivan? E la vreman Polisi ava determinen si nou anvi elderly i boner oubyen si nou anvi i tar.  E mwan mon ti ava sizere nou dir sa.  Elderly means, a person who has attain the age of 60 years or the retirement age prescribed under the Social Security Act whichever is the earlier, or later,  depandan lo si nou anvi i vin avan oubyen si nou anvi i vin apre.

Donk, nou konnen ki ler ou’n ariv en serten laz, Social Security Act i kapab bouz sa laz.  Si zot konpran ?  I annan en laz minimonm ki nou mete, me nou les, si nou anvi, pous laz elderly pli tar rather than fer li vin pli boner.  Nou les Social Security Act determinen what is the retirement age.  Donk, nou annan en minimonm, me nou napa en maksimonm.  Maksimonm i kapab bouze.

 

MR SPEAKER

Minis.

 

MINISTER JEANNE SIMEON

Petet sa sizesyon ki’n ganny mete la, i ava al byen avek Fon Pansyon, kot en dimoun i kapab retire, sa ki nou dir early retirement.  I kapab retire at 60.  Ki kapab ganny, ki kapab, ki ganny konsidere koman en elderly at the age of 60 at the age of 60.  Non?  Ok.  I rest my case.

 

HON BASIL HOAREAU

Mr Chair, mersi.  Mon krwar sa propozisyon ki Onorab Georges pe dir i pe, i diferan avek sa ki Minis pe enterprete.  Akoz sa ki Onorab Georges pe dir, si mon konpran li byen se ki, nou dir ok minimum is 60years, me si retirement age ki ganny fix anba Social Security Act i pli o ki 60years, then it will be the, the one, the higher one.  So, i pou diferan.  So, i pa pou kouver sa bann dimoun ki Minis pe mazinen dan zot Polisi zot oule kouver se bann dimoun 60an.

Akoz si par egzanp la konmela, retirement age is 63years, i pou vedir ki elderly pou en dimoun ki annan at least 63years onwards.  So i pa pou kouver, pa pou anmas sa bann dimoun ki annan 60an.

 

MR SPEAKER

Ok.  Minis eski nou ganny en konsansis ?  Propozisyon Onorab.  Annou fer en propozisyon nou ava pran en desizyon lo la.

 

HON SEBASTIEN PILLAY

Mr Chair.

 

MR SPEAKER

Yes Onorab.

 

HON SEBASTIEN PILLAY

Mon krwar nou kapab fer en propozisyon ki nou etablir en barenm of 60years ki ava rezonnab e akseptab.  Ki ava fer li pli, pli senp pour nou.  Akoz ki ou pa oule i arive, akoz nou annan en problenm nou pe face la.  Parey Onorab Georges in dir, sa definisyon ‘’elderly’’ i vin en barenm artifisyel li.  I annan dimoun pa oule ou apel li elderly.  Me selman sa Lalwa i fer provizyon pour ou ganny serten swen.  I fer provizyon pour ou annan serten swivi.  Now, si en dimoun i prezan i napa sa laz, sa Lalwa pa pran li.  I pou outSo, sanmenm sa ki nou bezwen etablir byen.  Mon kwar parey Onorab Hoareau in propoze, en barenm 60an i fer sans dan konteks Sesel ozordi.  Mersi Mr Chair.

 

MR SPEAKER

So, nou pe dir, nou etablir li anba en laz 60an e nou pa, nou pa anmenn Sekirite Sosyal ladan ?  Nou dir elderly i en dimoun ki 60an an montan?  Non, i ti’n, Onorab Georges ti dir ki avek Social Security, ki si i ava monte, i ava fer en diferans.

Ok. Ale fer sa propozisyon.  Met dan li son konteks Onorab Hoareau.

 

HON BASIL HOAREAU

Non, nou ti pe dir, elderly means, a person who has attain the age of 60years. Fini la. Full stop.

 

MR SPEAKER

Minis.  E nou still drop 2 avek 3?  Ok ?  Minis.

 

MINISTER JEANNE SIMEON

Ok.  Bon. Be baze lo Konsey ki sorti kot AG’s office, nou pe, nou pe aksepte sa propozisyon.  The last one, which is 60an.

 

MR SPEAKER

Ok.  Bon nou’n ganny en definisyon.  Yes Onorab Georges.

 

HON BERNARD GEORGES

Mersi Mr Chairman. Mr Chairman, i pou kay, nou kay lo 60?  Si nou anvi bouze, i pou difisil, nou bezwen retourn devan Lasanble.  Akoz nou pa zis azoute, ‘’…or such other age as may be prescribed by the Minister.’’  Dan en fason ki, si i anvi sanze, Minis i fer sa by an (SI) olye retourn devan Lasanble.

 

MR SPEAKER

Ok.  Minister.

 

MINISTER JEANNE SIMEON

Agreed.

 

MR SPEAKER

Thank you.  Thank you.  Ok, nou a move.

 

HON BERNARD GEORGES

Mersi Mr Chairman.  Next, propozisyon dan Clause 3.  Sa se zis en teknik drafting.  Sa ki la pa mal me zis nou pe propoze ki nou delete ‘’a Council to be known as’’ so that Clause 3 i ava zis lir ‘’there is hereby established the National Council for the Elderly.’’ 

 

MR SPEAKER

Minis.

 

MINISTER JEANNE SIMEON

Mr Chairman, nou napa okenn obzeksyon pour sa.

 

MR SPEAKER

Ok.  Mersi.

 

HON BERNARD GEORGES

Nou al lo Clause 5.  En pti propozisyon, marginal note.  Si nou regard 5(2), 5(2) i deal avek konpozisyon board e marginal note i dir konpozisyon Konsey.  Alor, nou pe propoze zis nou dir li composition of the Board olye composition of the Council.

 

MR SPEAKER

Mersi Onorab Georges.  Minis.

 

MINISTER JEANNE SIMEON

Nou’n vwar poudir sa ti en fot oversight in drafting.

 

MR SPEAKER

Ok. Mersi.  Nou a move on.

 

HON BERNARD GEORGES

Mersi.  Prezan enn bann amandman pli sibstansyel.  Clause 5(2) i propoze ki pou annan 7 a 12 manm, minimonm 7, maksimonm 12 manm.  E sa 12 manm i ava ganny tire dan 9 sekter ki ganny liste e ki fer en total 11 dimoun.  Sa se premye, sa se premye problenm ki nou pe demann avek Minis revwar.

Dezyenm, akoz si ou pou swazir 7 dimoun dan 9 kategori, i kler i annan enn, de kategori ki pa pou ganny reprezante.

Dezyenm pwen, kestyon ki sanmenm sa Lasanble in soulever se, akoz ki nou bezwen annan lo sa Konsey, lo sa Board en reprezantan Departman Lanplwa, en reprezantan SNYC avek en reprezantan Lasanm Komers e Lendistri ?  E nou pe demann avek Minis, rekonsidere si sa 3 kategori i devret lo sa Konsey.  I posib ki i annan en bon rezon.  Sa set en en rezon Polisi ki Minis ava eksplik nou.  E an fonksyon son repons, nou ava propoz en amannman.

 

MR SPEAKER

Mersi Onorab.  Minis

 

MINISTER JEANNE SIMEON

Mr Chairman.  Mersi Onorab.  Taler dan mon larepons kot bann entervansyon, mon krwar mon ti’n mansyonnen rezon det akoz nou pe, nou ti pe konsider Seychelles National Youth Council.  Nou’n koz lo sa intergenerational involvement of the youth dan enteraksyon avek bann dimoun aze, pour zot kapab annan sa respe, sa lanmour, whatever, pour sa, pour sa bann, konpran bezwen sa bann dimoun, konpran osi zot drwa.

Pour Lasanm Komers avek Lendistri, mon ti osi mansyonnen ki dan Konsey nou pe fer provizyon pour rod lasistans finansyel, sipor finansyel from the business sector.

So, petet nou’n vwar ki i neseser ki i annan en reprezantan sa lendistri pou kapab gid nou dan sa bann, dan sa bann demars ki nou pou fer.  Pour konsernan Lanplwa, nou’n vwar pou dir Lanplwa osi i bezwen annan en reprezantan.  Ler nou pou vwar petet determinasyon bann dimoun ki pou tonm anba Konsey an fonksyon avek zot lanplwa, ki petet mon pa konnen si prezan i pou tonm byen avek sa nouvo definisyon ‘’elderly’’ ki nou’n fer.

 

HON BERNARD GEORGES

Mersi.  Mersi Mr Chair.  Si napa.  Mersi Minis ki eksplik Polisi deryer sa.  Si napa okenn… Sorry.

 

MR SPEAKER

Yes Onorab Pillay.

 

HON SEBASTIEN PILLAY

Mr Chair, tre vit.  Mon oule draw latansyon Minis a enn bann fonksyon ki Board i annan.  E sa se promote, develop and organise services and programs for the benefit of the elderly.  Enn bann Lazans kle ki provide finansman pour sa se zisteman ASPSo, mon pe vwar li drol ki ASP i ganny invlovement a, zis lo nivo en subcommittee e non pa lo nivo en committee… Lo nivo Board ki pe fer policy formulation.  Akoz ASP ki pou dir ou konbyen larzan, akoz tou sa bann progranm zot bezwen linked at the end of the day.  Mon pa konnen si zot pe konsider sarz as something ki relevan.  Mersi Mr Chair.

 

MR SPEAKER

Mersi Onorab.

 

MINISTER JEANNE SIMEON

Mon a donn laparol PS pour elabor en pti gin lo la, en?

 

MR SPEAKER

Go ahead PS.

 

PS LINDA WILLIAM

Mersi Mr Chair.  Mr Chair, zis pou eksplike ankor.  Dan bann

konsiltasyon, APS ti form par konsiltasyon, akoz zot, zot pe si oule anploy carer ant parantez anba scheme e osi zot, zot pe ensure ki zot annan bann monitoring officers lo field pou monitor carer.  E Konsey parey i’n war, i sipoze parey nenport, parey mon pou donn en legzanp, Nurses and Midwives Council, kot i anreszistre bann nurse.  E Konsey i sipoze anrezistre bann carer k’n fini ganny train e apre pou ensure ki

zot kapab monitor sa standar.

E lefe ki agency ki pe anploye e monitor lo field se sa rezon, ki dan bann diskisyon ti dir pour dir pa met ASP direkteman lo Board me si ava annan sou-Komite, APS a kapab form par sou-Komite.

Akoz ki arive, Konsey, atraver son bann inspectors, zot ki pou bezwen deal avek ASP vizavi bann travayer an term, pou asire ki standar e swen bann dimoun aze pe ganny, pe ganny…. Akoz ASP i anplwayer e Konsey i sa watchdog an menm tan pou bann standar.

Se sa rezon ki a sa pwen letan ti fer konsiltasyon pa ti met en reprezantan ASP direkteman lo Board Konsey.  Me ki si i ava annan okenn sou-Komite teknik, then ASP i ava form parti lo sou-Komite teknik.  Sa rezon depth par deryer.

 

MR SPEAKER

Mersi PS.  Onorab Basil Hoareau.  Onorab Pillay, ale.

 

HON SEBASTIEN PILLAY

Mr Chair mon pa oule, mon pa oulr drag sa be selman mon vwar li en pti pe, en pti pe drol ki nou annan en Agency for Social Protection.  Mon pa konnen si nou pe vwar son drol zis as the employer of the carers e non pa son rol ki i kapab zwe dan proteksyon sosyal ki parfwa bann dimoun aze i bann dimoun ki tonm pli vilnerab ladan.

So, si sa i desizyon ki zot in pran lo pwennvi polisi, nou ava vwar prezan pli tar bann amandman ki vin dan Lalwa Lazans Proteksyon Sosyal sirtou ki link avek Poverty Alleviation Division, ki mannyer sa i sanze.  Prezan mon krwar zot pou bezwen oblize osi sanz sa Board  sa Konsey pour li ganny en rol pli enportan dan policy decision ki konsern rol ki i pou zwe vizavi poverty alleviation pour elderly.  Nou pa get zis son konponan anploy carer, i annan en konponan osi ki kapab zwe en pe pli larz.  Sirtou dan bann progranm ki ganny design akoz funding i kapab vin en source of funding pour sa bann progranm osi.  Mersi Mr Chair.

 

MR SPEAKER

Onorab Basil Hoareau.

 

HON BASIL HOAREAU

Mersi Mr Chair.  Mr Chair, zis en pwen.  Letan mon pe get sa Clause 5(2) la, ki nou pe koz lo la lo bann members of a Board.  Lalwa i dir ek nou pour dir nou kapab annan en minimonm 7 ek en maksimonm 12.  Me solman ler nou get bann reprezantan parey Onorab Georges ti’n dir, i annan 11 ki ou bezwen ganny reprezante, 11.

Fer konmsi ou ti pou apwent 3 elderly, i reste ou zis ankor 4 parmi sa lot, sa konbyen, sa 8 mon krwar ki reste ouswa 9…  Wi.  Akoz mon krwar si nou krwar  i neseser pour tou sa bann reprezantan lo sa Board, then ki nou dir, nou… Konbyen an tou pou annan, 11?  So, so nou dir 12, 11 members representing or following or 12 members representing or following.  Then, ou pou kapab apwent en reprezantan dan from 2.., 2 reprezantan from enn sa bann minister.  Because, i pa fer sans pou ou dir koumsa pour dir i annan en minimonm 7, me solman ou gete kantite, ou annan ou 11 dimoun.   E Lalwa ki mannyer i pe dir, i bezwen ganny sa bann reprezantan.  Me selman ou dir minimonm i 7. It doesn’t.., there is an inconsistency hereSo, si nou ti kapab remove sa bann words, ‘’not less than 7 members, and not more than 2, and not more than’’ then nou deside si nou pou met 11 ouswa 12, nou kit li.  Mersi Mr Chair.

 

MR SPEAKER

Mersi Onorab.  Onorab Ferrari.

 

HON JEAN-FRANCOIS FERRARI

Mr Chairman, mon pa konnen si mon’n, mon pe kalkil byen la.  Mon krwar piblik deor ki pe ekout nou, apre ki zot in tann nou pe koz bokou lo bann Board depi lannen pase, zot ti ava prefere war nou pe go for the minimum rather than for the maximum. 

So, mwan mon ti ava sizere ki nou fer li en, efficient Board, ok?  Nou gard Minister Lasante, Minister Zafer Lafanmir, Minister Gouvernman Lokal, Departman Kiltir e 3 elderly persons.   Nou a ganny en lot sans pour, pour fer interact intergenerational.  Nou draw National Youth Council, Chamber of Commerce e Departman Employment.  I tonm lo 7 manm.  I pli realis.  Mon krwar dimoun an deor i anvi war nou en pe pli efikas.  Let’s do more with less.  Sa mon krwar i en swe ki piblik i ava vreman apresye si nou, si nou al dan sa direksyon la.  Mersi.

 

MR SPEAKER

Wi.  Sizesyon.  Minis.

 

MINISTER JEANNE SIMEON

Mersi Mr Chairman.  Onorab Ferrari nou gard Civil Society?  Non akoz i pa’n nonmen letan i ti pe, i pe liste, i pa ti’n nonm Civil Society.

 

MR SPEAKER

Onorab Ghislain.

 

HON CHANTAL GHISLAIN

Mr Speaker. Mr Chair mon pe regarde dan, letan ou pe nonm bann Board, si i annan en bout landrwa kot ou kapab spesifye pour dir 1 dan sa 3 dimoun aze ki lo sa Board i en dimoun Praslin, La Digue.  Mersi.

 

MR SPEAKER

Ok.  Minis.

 

MINISTER JEANNE SIMEON

Pwen in ganny taken.  Mersi.

 

MR SPEAKER

Ok.  Minis lo sa pwen pour downsize sa Board ?   Sizesyon ki ganny fer par Onorab Ferrari ?

 

MINISTER JEANNE SIMEON

Bon.  Mon pe ganny… Mr Chair, mersi.  Mon pe ganny gide par AG’s office e in dakor avek propozisyon pour downsize.  Me petet osi parey nou ti’n dir taler pour ASP, sa bann dimoun i kapab ganny co-opted letan nou pe fer sa bann sou, sou-Komite.   Nou ava ganny zot kontribisyon atraver bann sou-Komite.  Mersi.

 

MR SPEAKER

Mersi Minis.  Nou pe prolonz deba lo la?  Minis in pran desizyon.

 

HON SEBATSIEN PILLAY

Mr Chair mon en pti pe, mon en pti pe, mon pa pe ganny en konpran ki mannyer nou pou, zot pe pran en desizyon lo en policy decision ki zot in mete dan zot bann fonksyon.  Zot in fer sa bann fonksyon relasyon avek sa bann dimoun, zot in met lo sa Board.  So, pour ki rezon ki zot pe pran en desizyon zis pour zot koup bann manm lo sa Board?  So, si zot in pran en desizyon baze lo administrativman pour zot kapab akonplir bann fonksyon ki’n mete anba sa Lalwa e zot in met sa bann dimoun la.  Then, i bezwen annan en rezon sa bann dimoun i la.

Akoz taler ler mon’n demann zot pour ASP, zot in dir mwan pour dir zot pou met li anba subcommittee.  Me savedir ASP ti kapab lo la dan plas ki i al dan en subcommitteeSo, mon pa lager pou ASP al lo… Ki mon pe zis dir Onorab Ferrari dan son sizesyon, sa bann fonksyon in ganny preskri anba bann, anba sa Lalwa.  E sa Board  in ganny design pou akonplir sa bann fonksyon.

So, mon krwar nou bezwen, nou bezwen kler la.  Nou pa kapab zis met dimoun apre nou pou tire.  So, pour mwan i pa kler.  So, nou pa kapab zis fer sa.  Mon krwar i annan en fonksyon e sa i en desizyon policy ki gouvernman i bezwen pran vizavi bann Board ki li i constitute.

 

MR SPEAKER

Minis i osi fer sorti ki sa 4 pozisyon osi i kapab al lo en subcommittee.  Onorab Valmont.

 

HON JUDE VALMONT

Yes.  Bonswar Mr Chair.  Mon pe zis remind Minis parey bann Manm.  Minis taler ti’n dir zot in demande dan zot lentervansyon oli reprezantan Relizyez?  E Minis ti’n dir reprezantan relizyez i kapab ganny kouver Civil Society.  Alor petet Civil Society i kapab reste lo sa main Council.  Mersi.

 

MR SPEAKER

Bon.  Onorab Ferrari.

 

HON JEAN-FRANCOIS FERRARI

2 pwen Mr Chairman.  2 pwen avek ou permisyon.  Religious organisations i en lot keksoz.  E nou pa devret pran religious organisations koman en panacea pou met partou lo tou Board.  Mon krwar nou pe rod en keksoz ki efektiv !   And the rasyonnal Onorab Pillay lo son mon propozisyon se lefikasite.  I annan en polisi me selman nou pe osi rod lefikasite.  This is, this is the rational Onorab Pillay.  Mersi.

 

MR SPEAKER

Bon.  En moman. En moman. Mon ava donn Minis parol final apre nou ava move on.  Minis eski ou dakor ki nou retir (e) ziska (h)?  E nou reste ek sa 4 premye avek sa 3 elderly persons lo la, pour nou kapab bouze.  Sinon nou pou reste la ziska 9er diswar ?

Yes Onorab De Commarmond.

 

HON CHARLES DE COMMARMOND

Mon annan en propozisyon final.  Ou konnen, ler mon pe get sa ki devan nou la, i kler, i dir, not less than seven, not more than twelve.  Mon krwar Minis in antann nou konsern.  E nou, nou pe demann li ki i pran serious consideration of that not less than seven e ki dan son Board i met 7 dimoun.

Annou kit li ouver an ka e nesesite demen, en zour i arive ki ou bezwen pour en serten rezon policy whatever, ou pa bezwen revin sanz nanryen pour en rezon spesifik ki kapab ogmante vin eight, 8, ensidswit.  Be selman la nou konnen nou pe dir li downsize.  Fer sir ki i konsider sa.  Sa mon pwen.

 

MR SPEAKER

Savedir anba 5(2) i a tenir not less than seven, not more than twelve.  Me selman nou redwir, nou retir sa bann.  Onorab Hoareau.

 

HON BASIL HOAREAU

Mr Chair ou pou annan en problenm la akoz the wording of chapeau dan Clause (5)2.  Akoz i dir ou, ‘’shall consist of members representing the following.’’  So, si nou pou kit members representing the following, then otomatikman nou pou bezwen retir sa bann, sub-paragraphs (e) ziska (h), vwar?  Pour kit sa koman, to represent sa bann e nou bezwen tir sa bann.  Sansan nou pa pou kapab kit li parey i ete la.  E otomatikman (i) pou become (e). Yes.

 

MR SPEAKER

Me se sa ki mon krwar ki Minis in aksepte, non?  Wi.  Minis in aksepte sa.   Sa (e) ziska (h) i ganny tire. (i) i vin (e) me i kit son chapeau anler parey i ete ki i les, i donn Minis sa sans pour li appoint ankor lo la.  Yes Onorab.

 

HON WAVEL RAMKALAWAN

Mr Chairman, Minis in fini dir i dakor.  Onorab Pillay pa Minis li.  Personn, personn pa Minis la !  I annan zis en Minis la !  Minis in dir i dakor.  Annou soz, nou move on.

 

MR SPEAKER

Non.  Non, nou pe, nou pe move.   Nou move, nou move, nou move.

        Bon.  Minis depi premye propozisyon in dakor.  Onorab Basil Hoareau sa ki i’n dir i tonm, i koresponn avek sa, ansanm avek Onorab De Commarmond.  So, nou move on.

 

MR SPEAKER

Onorab Georges.

 

HON BERNARD GEORGES

Mersi Mr Chair.  Alor 5(2) pour dir shall consist of seven members representing Health, Family Affairs, Local Government, Culture and 3 elderly persons.  I fer 7, yes?  Are we agreed on that?

 

MR SPEAKER

Yes Onorab Pillay.

 

HON SEBASTIEN PILLAY

Mersi.  Mr Chair.  Mon pe demann, mon pe demann en leksplikasyon.  Nou’n koz lo rol ki bann elderly, malgre ki zot in retire, zot kapab rantre dan bann landrwa travay ek polisi lanplwa.  Now, Polisi Lanplwa i ganny fer par Departman Lanplwa.  Ki mannyer nou kapab zis dir arbitrairement tir Departman Lanplwa dan en Lalwa kan i annan en rol polisi ki enportan.  Administrativman i konplike ler ou pou al fer li anba en subcommittee.  Si sa ki travay dan gouvernman ti a kapab ateste la anndan.  I vreman difisil akoz sa minister son konpleksite i pou fer ki i pa pou fasil pour ou fer en komik sa Polisi.

So, mon ti ava demande, mon ti ava demande, rekonsidere pou gard departman lanplwa omwen dan sa Lalwa ki ava fer pou bann polisi lanplwa ki pe get lanplwa.  Pour bann dimoun ki post-retirement age, i ava kapab antre ladan dan en fason pli kler, dan plas ki pou al dan en subcommittee apre pour retourn lo en lot Komite.

I kree en lot layer decision making ki pa neseser nou annan.  Mersi Mr Chair.

 

MR SPEAKER

Onorab Georges.

 

HON BERNARD GEORGES

Yes Mr Chair.  Annefe nou kapab, nou kapab ariv menm rezilta ki Onorab Pillay pe demande anba fonksyon 7(b). Akoz fonksyon 7(b) i dir ‘’The Board shall, in the performance of functions of the Council, in collaboration with public or private organisations.’’  Donk, i kapab kolabor avek Departman Lanplwa pou achieve the aim of providing care.

 

MR SPEAKER

Bon.  Ok.  Dakor, nou bouze.  Onorab Georges.

 

HON BERNARD GEORGES

Mersi Mr Chair.  Mr Chair nou pran…

 

MR SPEAKER

En moman, en moman nou annan Mr Pool.

 

LEGAL DRAFTSPERSON MR VICTOR POOL

What if we limit the numbers but we keep all the a, b, c, d.  Then it’s up to them to decide the proper composition.

 

MR SPEAKER

Ok.  Annou, annou Onorab Georges.  Annou kontinyen.

 

HON BERNARD GEORGES

Mersi Mr Chair.  Mr Chair, ok.  Pour le moman nou annan nou 7 manm e nou annan nou 7 kategori.  3 elderly avek 4 ministerial soz, alor i fer 7.  E nou’n dir, the board will consists of seven persons made up of quatre plus trois.  So, we’re ok there. 

Napa diskresyonMinis i bezwen swazir sa 7 dimoun.  E mon retourn prezan lo nou prosen amandman lo nou paz 2, dan milye paz.  I annan en problenm drafting.  Akoz mannyer in drafte konmela, i dir ki the Board shall consists of not, the board shall consists of seven members representing the following:-3 elderly persons

Zot pa pou reprezant zot lekor, there will be actually three elderly persons on the Board.  Alor se pour sa rezon ki nou pe propoz sa l’amendement pou met three elderly persons dan chapeauSo, sa i ava lir, ‘’the board shall consist of seven persons, seven members, comprising three elderly persons and representatives of a, b, c, d. ‘’  Ok?  Akoz sa 3 elderly persons zot pa reprezant elderly persons, they are actually themselves.   Ou konpran.  Alor i pa kapab vin reprezantan.

E kekfwa, i annan en lavantaz met zot an premye apre bann minister apre.  Akoz it’s a National Council for The Elderly after all.  Alor vwala nou propozisyon.  So delete ‘’representing’’ and insert ‘’comprising three elderly persons and representatives of’’ apre nou delete (i).

 

MR SPEAKER

Onorab Basil Hoareau.

 

HON BASIL HOAREAU

Mr Chair, mersi.  Mon toutafe dakor ek sa ki Onorab Georges in propoze.  Zis consequential amendments ki pou follow from that,  se ki apre sa paragraph (c), nou pou bezwen azout the word ‘and’ e dan (d) sa semi column i ganny replace by a full stop.

 

MR SPEAKER

Ok.  Minis.

 

MINISTER JEANNE SIMEON

Mr Chairman, nou annan en lot propozisyon la from my advisor, from the AG office, ki ava pran laparol en pti kou avan nou terminen.

 

MR SPEAKER

Mr Pool.

 

LEGAL DRAFTSPERSON – MR VICTOR POOL

Akoz zot propozisyon, zot pe go ahead to delete (e), (f), (g), right? 

 

MR SPEAKER

Ek sa dernyen propozisyon (i) osi i ale.  (i) i rantre dan chapeau.  (i) is gone, (i) i rantre dan chapeau.  ‘Elderly persons’.

 

LEGAL DRAFTSPERSON – MR VICTOR POOL

Be ale. Ok.

 

MR SPEAKER

Ok.  Dakor?  Nou move on.

 

HON BERBARD GEORGES

Mersi Mr Chair.  So, i, (e), (f), (g), (h), (i) tousala i ale, ‘’’and’ i mont dan (c), Ministry of Local Government, semi column, and (d) Department of Culture, full stop.  That’s, se koumsa ki i pou lir.  Bon.

Nou al lo 5 (3) prezan.  E la ankor enn fwa nou pe envit Minis pou konsider sa keksoz swivan.

Pour le moman se Prezidan ki apwent sa bann manm apre ki Minis i donn li propozisyon.  E nou pe demann Minis konsider, parey nou’n fer dan bokou lezot ka dan bann  Board.  ki sa bann reprezantan sa bann sekter zot menm ki design en dimoun, en manm pou al lo board olye ki se Minis ki swazir sa dimoun.  Setadir ki Minister Lanplwa pou dir, tel dimoun ki pou al lo board.  Pa pou sanz, pa pou sanz son fonksyon.  Me i zis pou sanz son fason swazir sa bann reprezantan.

 

MR SPEAKER

Minis.  Komanter.

 

HON BERBARD GEORGES

Pandan ki Minis pe mazinen, i en kestyon policy.  Nou pa pe, nou napa preferans nou.  Nou pe zis met sa propozisyon.  Si Minis i dakor nou pou bezwen demann Attorney General’s Department pou sizer en draft.  Akoz nou, nou pa’n propoz enn.

 

LEGAL DRAFTSPERSON – MR VICTOR POOL

Yes.

 

MR SPEAKER

Yes Mr Pool.

 

LEGAL DRAFTSPERSON – MR VICTOR POOL

Nou pe propoze ki nou maintain the current appointment.  Ok?

 

MR SPEAKER

Alright.  I pe

 

HON BERBARD GEORGES

Mersi Mr Chair.  So nou gard prezidan ki apwent bann manm apre ki Minis in propoze.  E menm la nou pe propoz en amannman.  Olye ‘on the nomination by the Minister’, nou pe propoze, ‘from persons proposed by the Minister.’   I pa sanz the effect, i zis son parol i sanze.  Eski nou kapab ganny laprouvasyon?  Nou’n gannyen?  Mersi.

 

MR SPEAKER

Ok. 

 

HON BERBARD GEORGES

Moving to 5(4), ankor en fwa typographical propozisyon lo dernyen laliny anba.  I annan en lespas ant Vice ek Chairperson ki fodre ganny tire.  E nou pe propoz insert ‘the’ ankor enn fwa lo dernyen laliny ant ‘among’ ek ‘members’ pour li lir ‘from among the members.’  Is that ok?

 

MR SPEAKER

Minis.

 

HON BERBARD GEORGES

Mersi.  Ankor enn fwa Clause 5(5).  Over the page.  Paz 8.  Kot nou met Gazette, nou pe, nou pe propoz Official Gazette.  To make sure what it is.  Mon konnen the IGPA ……  Me wi, nou propozisyon se to make it clear.  IGPA – Interpretation and General Provisions Act i dir ki ler ou mansyonn Gazette it means the Official Gazette.  What’s your preference?  So proposal accepted?

        So, nou al 6 prezan Mr Chair.  6(1), (a), has been found.  La se ler Prezidan i kapab tir en manm lo board.  Premyerman, … ‘’has been found guilty of misconduct, default or breach of trust in the discharge of duty.’’  Nou pe propoz, ‘’in the discharge of his or her duties.’’  Pou fer li pli kler.  AgreedThank you.

E dan 6(1), (b), i annan en column a lafen.  I ti sipoze en semi column.  Sa c’est un faut de frappe.  E nou anvi insert ‘or’ akoz nou pe demande pour delete 6(1), (d), ki mon ava retourn lo la dan en minit.

Me antretan 6(1), (c), nou pe propoz tir ‘functions’ e ranplas li par ‘his or her duties’, ankor enn fwaPour fer li match avek his or her duties en pe li o.  If that’s agreed, prezan nou propozisyon sibstansyel lo sa Clause se retir (d) akoz nou pe dir ki i deza la dan 8(8).  E pour bann dimoun ki pe ekout nou dan lakour, 6(1), (d) i propoze ki Prezidan i kapab, si en dimoun in mank 3 meeting konsekitif board, Prezidan i kapab demisyonn li.  Me anba Clause 8(8), i provide ki si en dimoun pa’n, vin, pa’n asiste meeting pour 3 meeting konsekitif, i deemed pou li konmkwa i’n fini sorti lo Board.  Alor nou konsidere ki i pa, nou pa bezwen duplicate sa keksoz. 

 

MR SPEAKER

Yes Mr Pool.

 

LEGAL DRAFTSPERSON – MR VICTOR POOL

Yes. I agree it’s a duplication but at 8 (8), the president can also use this power.  This reason to terminate.  Whereas  at the other section, can we imagine a situation where that person himself will vacate office after missing three…?

 

MR SPEAKER

Onorab Hoareau.

 

HON BASIL HOAREAU

MR Chair mon toutafe dakor ek sa Onorab Georges in propoze, sa ki Bill’s Committee in diskite.  Mon pa pou dakor ek sa ki reprezantan AG’s office pe dir.  Akoz ki arive, dan 8(8), le moman ki sa dimoun i mank li 3 meeting ki pa’n attend san okenn lotorizasyon, by operation of the law, i vacate the office.   I pa ni en desizyon pou li pran, i otomatikman, he’s out of officeWhereas, so i, it renders dan sa provizyon ki nou pe tire dan 6(d), redundant.  Akoz Prezidan napa ni menm pouvwar pou tir li.  Parske in finI i ale li by Lalwa.  So that’s why nou, nou pe dir pour dir i annan sa inconsistency and we should remove 6(1), (d).  akoz by operation of the law, son terminasyon i vin otomatik.

 

MR SPEAKER

Oule  Onorab Pillay i entervenir lo la pour kree plis konfizyon oubyen….

 

(laughter)

 

MR SPEAKER

Onorab Pillay.

 

HON SEBASTIEN PILLAY

Mersi Mr Chair.  Mr Chair, mon dakor sa 2 avoka in get sa dan sa fason.  Be selman sa ki mwan mon pa konpran se ki 6(1) i koz lo termination and appointment of members.  E sa Clause (d) i fer kler ki pour dir that’s the clause for termination.  Clause 8 ki devret pe sorti e non pa 6(1), (d).  Mon pa konnen akoz zot pe tir li dan sa landrwa ki i devret ete.

Sa ki AG’s office pe dir, zot pe koz lo sa ki Onorab Hoareau, in term “as an abundance of caution”.  So mwan mon napa problenm si i enn dan sa landrwa, selman se sa ki fer li misleading.  Akoz i aparet dan 2 landrwa e son kondisyon i deza parey.

 

MR SPEAKER

Eight, eight i deza pe dir ou’n breach sa, ou pa’n attend 3 meeting.  Otomatikman ou ale, pa fodre Prezidan tir ou.  So, Onorab Georges.

 

HON BERNARD GEORGES

Mersi Mr Speaker.  Annefe sa ki nou pe dir la se ki anba 6(1), (2), Prezidan pe shoot en dimoun ki’n deza mor.  In fini mor anba 8, (8).  Ou vwar?  Alor pa bezwen, pa bezwen vin touy li ankor akoz in fini mor.  Basically that’s the, that’s what we’re saying.

 

MR SPEAKER

I parey saying, killing one bird with two stones.  Non, nou vir li lot fason sa enn.  Nou pe touy li 2 fwa. Nou fer sir i’n mor.  Wi.

So, Minis oubyen Mr Pool.  Ki pozisyon lo la?  Yes Onorab Henrie.

 

HON GERVAIS HENRIE

WiMr Chair, mon… pa…, espere ou, i pa en konfizyon li.  Mon pe mazin dan le sans ki sa board ki mannyer zot in operate dan lepase, listwar bann board.  E si ou annan en board ki kasyet sa lenformasyon, kote prezidan pou konnen si sa dimoun pa’n vini, i’n mank 3 meeting?  Son Chairman ek son Vis-Chairman i protez, i protez li.  Apre Prezidan pli tar i al dekouver atraver en lot manm ki dir sa lenformasyon.  Si ou rode, ou pou gannyen, then i annan sa provizyon ki Prezidan i kapab pous li.  Dan konteks ozordi la.

 

MR SPEAKER

Me i vin parey osi ki prezidan i kapab met devan Board pour dir, sa manm, i’n ganny mete okouran ki sa manm pa’n attend 3 meeting, otomatikman i bezwen ale.  I pa bezwen Prezidan ki pous li. otomatikman i bezwen ale.  In fini breach.

 

HON BERNARD GEORGES

Exactement.  Pour reponn Onorab Henrie.  Si prezidan i find out pli tar, e i pou demann, i pou dir avek sa bann dimoun, be ou, ou board member in aret vin en board member depi en bann letan pase.  Ki i ankor pe fer lo board?  E, a sa moman letan, a sa moman Board member pou bezwen eskiz sa manm si i ankor la.  I pa bezwen fire li akoz in fini ganny kite anba Lalwa.

MR SPEAKER

Annou, annou regarde ki Mr Pool oubyen Minis ki ou panse?

 

LEGAL DRAFTSPERSON – MR VICTOR POOL

Bon.  Mon pa vwar the harm in keeping both provisionsThere no harm in that.  Be, it’s a self-serving provision.  You are expecting someone to resign himself, by himself, you know?

 

MR SPEAKER

Yes Onorab Hoareau.  Onorab Hoareau.

 

HON BASIL HOAREAU

Mr Chair, alors mon pou move ki nou vote.  Mon pas mon, lo, en Mosyon ki nou agree koman en Lasanble pou delete 6(1), (d).  This is my Motion.

 

MR SPEAKER

Mr Pool, ou pe mor avek  ou pozisyon oubyen ou aksepte ki nou pran en vot lo la?

 

HON BERNARD GEORGES

Mr Pool pushes us to a vote Mr Speaker. Alor mon ava segonn, mon ava segonn Mosyon Onorab Hoareau.

 

MR SPEAKER

Ok.  Nou take a, nou pran en vot lo 6(1), (d). En vot pou delete Clause 6(1), (d).  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi, Mr Chair.  21 Manm an faver?  Personn kont.  Mersi.

 

MR SPEAKER

Ok. 6(1), (d) i dead.  Alor i sorti ladan.  Ok?  Annou kontinyen Onorab Georges.

 

HON BERNARD GEORGES

Mersi Mr Chair.  Mr Chair, nou ariv lo dernyen paz nou travay ozordi.  Clause 7.  Bann pti pti typos.  En comma pou tire dan chapeau.  Nou pa bezwen chapeau, nou pa bezwen en comma (,) apre ‘shall’.  The board shall in the performance of functions of the Council, eksetera, eksetera.  Ok.  Mersi.

7(b), (1).  Akoz sa 2 fonksyon i cumulative, nou pe propoz en and ant zot.  E mon konnen Mr Pool pou dir nou i pa vreman neseser akoz it’s, i sous entendue.  I ok?  Mersi.

 

MR SPEAKER

Ok.

 

HON BERNARD GEORGES

Clause 8, ankor enn fwa, nou pe propoz retir, ‘in regard to’ e ranplas li avek ‘regarding.’   I annan en fot dan nou propozisyon.  Se ‘in regard t’ ki nou pe tire, non pa zis selman   ‘in regard’.  So,’ in regard to’ in ranplas li avek regarding, so that is reads, ‘and procedures regarding the transaction of business.’  Nou pe propoz en comma (,) apre meetings e retir bann mo including the quorum at the meetings.  Akoz sa set en, en keksoz prosedir ki pou ganny subsume dan sa propozisyon.  Ok.  Mersi.

8(5), au bas de la page.  En comma (,) apre ‘or’ akoz i annan en comma (,) apre Vice- Chairperson pou li vin en subordinate clause.  Mersi.

8(7), over the page.  A member may at any stage resign from office by giving a letter, nou pa bezwen giving a, by letter addressed, nou pe propoze. Mersi.

E dan Clause 8(10), The Board may establish sub-committees, oli li? Mon’n perdi mon paz.  A wi, committees, comma, (,) on such terms and conditions as it considers appropriate, comma, 2 comma.  Mersi.

Clause 9, la ankor enn fwa, se prezidan ki pou apwent CEO of the Council, on such terms as the President may determine.  E nou pe demann avek Minis parey nou’n fer dan bann lezot board pou konsider les board apwent son CEO li menm olye ki se Prezidan ki apwent en CEO e ki i enpoz sa CEO lo Board.

 

MR SPEAKER

Ok.  Minis.

 

HON BERNARD GEORGES

Dapre sa ki mon konpran PEMC osi i sizere ki sa se fason modern pou zer bann boardPolicy decision pour Minis.

 

MR SPEAKER

Minister.

 

MINISTER JEANNE SIMEON

Mr Chairman, nou pe, nou pe gard prérogative Prezidan pour apwent the CEO, me selman nou pe dir i ava ganny apwente, i ava ganny propoze, nomine par board.  Me Prezidan ki ava apwent.

 

MR SPEAKER

Alright.  Onorab Georges.

 

HON BERNARD GEORGES

That’s ok Mr Chair.  Mon krwar sa i ok.  Solman fodre nou propoz en amandman prezan.  E nou pe propoz sa amandman swivan.  ‘’The President shall appoint as Chief Executive Officer of the Council, from person proposed by the board.’’ 

Eski nou kapab fer sa propozisyon swivan? ‘From a person or persons or just persons?’’  Plural?  Plural includes the …  So, from persons proposed by the board.

 

MR SPEAK

Ankor Mr Pool.  Madanm Minis.  Ok.  Persons, persons.

 

JEAN-FRANCOIS FERRARI

Does that mean that they have to propose at least 2?

 

MR SPEAKER

Yes.  Alright.  Annou move on Onorab Georges.  Minis in aksepte.

 

HON BERNARD GEORGES

Mersi Mr Chair.  Sorry.  Pardon.

 

MR SPEAKER

Minis.  PS.

 

HON BERNARD GEORGES

Thank you.  9(2), (b), en pti mankman.  Premye mo should be ‘shall’.  Akoz si ou regard a, b, c, d, tousala i annan shall or may pour konmans son aksyon.  Mersi.

Clause 10, dan dernyen mo dan chapeau, the appointment of the Chief Executive Officer who, nou pe propoze, olye ‘who’, ki nou met where the Chief Executive OfficerSo that is reads, ‘’The President may on the recommendation of the Council terminate the appointment of the CEO where the CEO’’ a, b, c, d.  Mersi.  Aksepte.

Clause 10 (e), au bas de la page.  Olye ‘the duties and functions’, nou pe propoz ‘his or her duties’.  Mersi.  Akoz functions se board ki annan functions e non pa CEO.  

        11(2). Paz 12, Clause 11(2), nou pe propoz olye ‘kind of interests,’ ki nou met ‘interest’ – ‘shall not acquire any interest.’  Mersi.

Clause 13, unlucky for some, 13(1), nou pe zis propoz sanz plas ‘the statement of accounts.’   Tir li at the end e met li dan milye.  Menm si i pa sanz nanryen.  Mersi.

Clause 13(4).  I en long Clause me dan dernyen, dernyen laliny, ‘who shall cause the same.’  Nou pe propoze, ‘statement of accounts of the Council comma, (,) and the Minister shall cause the same.  Nou pe propoze, statement of accounts of the Council comma, (,) and the Minister shall cause the same pou fer li pli kler as ‘to who will,’ akoz i en, i en pe lwen avek dernyen mo Minister.  Mersi.

        E finalman Mr Chair, Clause 1616(3), ‘all persons employed with.’  Nou pe propoz, ‘all persons employed by the National Council for the Elderly.’

        E finalman, finalman, dernyen Clause lo dernyen paz.  I annan, zot ava vwar ki Council i ganny mansyonnen 3 fwa.  E zis pou fer kler, nou pe propoz le i aparet pour premye fwa, pou met National Council for the Elderly pou fer sir ki se sa, se sa enn ki pe sorti e dan 1, 2, 3, 4,  dan katriyenm laliny, penalty met word, olye the, nou pe fer li vin that.  Ki ‘refer back to the Council.’  The first Council.

 

MR SPEAKER

Onorab Hoareau.

 

HON BASIL HOAREAU

Mr Chair, mon, letan nou ti pe go through bann amandman la, mon ti, i annan zis en keksoz ki’n caught my attention, ki mon zis ti pe propoze petet.  Anr ok, sorry, sorry.

 

MR SPEAKER

Yes Onorab Hoareau.

 

HON BASIL HOAREAU

Wi Mr Chair.  Mon it pe zis get lo Clause 4(1), (d), kot i dir ‘to monitor evaluate and regulate domiciliary care in relation to the care and service provided.’  Sa bann bout mon ti pe propoze maybe nou remove, delete sa bann words ‘in relation to the care and service’ pou nou dir to monitor, evaluate and regulate domiciliary care being provided.’ 

Akoz nou’n fini define domiciliary care prezan, dan definition sectionSo, i pou dir in relation to the care and service in deza ganny taken care of dan sa definition of domiciliary care.  So zis nou a dir ‘to monitor, evaluate and regulate domiciliary care being provided.’ So  nou delete the words ‘in relation to the care and service’ e replace them by the word ‘being provided,’ –  ‘being.’ 

 

MR SPEAKER

Mr Pool.  Ok?  Bon nou’n pas, mon krwar nou’n fini abord tou bann amandman.  Nou ava pran en vot pour nou aprouv bann amandman.  Onorab Georges, ou’n fini?

 

HON BERNARD GEORGES

Mersi Mr Chair.  Wi.  Pran en vot lo the Act as amended.

 

MR SPEAKER

Act as amended. Ok?  So nou pran en vot.  Tou Manm ki an faver lo Bill avek bann amandman?  Okenn Manm ki kont?  Ok.  Madanm Clerk.

 

MADAM CLERK

Mersi Mr Chair. 27 Manm an faver. Personn kont.  Mersi.

 

MR SPEAKER

Ok. Sergeant ava move back Committee of Whole Lasanble.

 

MR SPEAKER

Bon mon ava ganny en Motion for Third Reading.

 

HON CHARLES DE COMMARMOND

Thank you Mr Speaker. Mr Speaker anba Order 71(1) nou Standing Order, mon oule move ki National Council for the Elderly Bill, 2018 i ganny lir en Trwazyenm Fwa.

 

MR SPEAKER

Mersi Onorab De Commarmond.  Okenn Manm ki segonde?

 

HON SEBASTIEN PILLAY

Mr Speaker mon pou segonde malgre serten amandman pa’n ganny enkli.  Mersi Mr Speaker.

 

(laughter)

 

MR SPEAKER

Ok.   Nou ava… In segonde. Nou pran en vot pour lo Mosyon.  Tou Manm ki an faver?  Okenn Manm ki kont.  Donk mon a demann Clerk pou fer en Formal Third Reading.

 

MADAM CLERK

Mersi bokou Mr Speaker.  This Act may be cited as a National Council for the Elderly Act, 2018.  Mersi.

 

MR SPEAKER

Mersi Madanm Clerk.  Savedir Bill in pase e avek sa mon ti a kontan remesye Minis Simeon, PS Melanie-William e Mr Victor Pool.  E nou ava eskiz zot parmi nou.  Minis mersi.

 

MINISTER JEANNE SIMEON

Mersi Mr Speaker.  Mersi tou Manm Lasanble.

 

(MINISTER SIMEON AND HER DELEGATION WAS EXCUSED FORM THE HOUSE)

 

MR SPEAKER

Bon, avan nou adjourn pou repran nou travay demen,   mon’n, anfen nou Komite ABC ler nou ti pe meet, nou’n aprann lanmor ser Onorab Simon Gill.  De la part Lasanble Nasyonal, nou ti a kontan eksprim nou kondoleans avek Onorab Simon Gill ek lafanmir.  E parey labitid dan nou kote, koman Lasanble Nasyonal, nou donn sipor enn nou koleg.  Avek sa nou pou adjourn e nou ava repran nou travay demen bomaten 9er.

 

(ADJOURNMENT)