Home » Verbatim » 2018 » Verbatim Wednesday 11th April, 2018

Verbatim Wednesday 11th April, 2018

NATIONAL ASSEMBLY OF SEYCHELLES

 

Wednesday 11th April, 2018

 The Assembly met at 9.03am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab.  E bonzour tou dimoun ki a lekout.  E osi nou annan enn de viziter dan Galeri bonzour e welcome pou swiv deba Lasanble Nasyonal.  Bon nou ava pran nou travay kot nou’n kite yer ozordi nou annan Mosyon.  E premye Mosyon lo Order Paper nou annan  Mosyon ki konsern bann nominees pou pos Minis.  E mon ava demann Leader Zafer Gouvernman pou li prezant Mosyon.

Eski ou pou prezant tou lede ?  Enn par enn?  Go ahead Onorab.

 

HON CHARLES DE COMMARMOND

Mersi Mr Speaker.  Bonzour Mr Speaker bonzour tou Manm Onorab e tou piblik ki a lekout.  Mr Speaker bann travay devan nou i straight forward.  Premye Mosyon i lir koumsa; In accordance with Article 69(2) of the Constitution, I move that the National Assembly approves the nomination of Mrs Luciana, Chantal Lagrenade to be appointed as Minister by the President of the Republic.  Mersi.

Me mon profite pou mwan kapab dir de mo lo kandida devan nou – Madanm Lagrenade.

 

MR SPEAKER

En moman Onorab De Commarmond.  Yes Onorab Ramkalawan.

 

HON WAVEL RAMKALAWAN

Mr Speaker mon krwar ki lafason ki nou’n fer li dan lepase, lefe ki i 3 Mosyon –  i vre ki i 3 Mosyon separe, me selman lefe ki i 3 Mosyon ki i pe koz lo menm zafer kot i ava prezant tou le 3 e apre i koze, e apre sa in annan Mosyon me selman letan pou vote ankor enn fwa nou vot endividyelman.  Se sa ki mon ti ava …  Mersi bokou.

 

MR SPEAKER

Si ti a wi way forward nou pran enn – i ganny segonde; nou pran 2enm segonde – 3enm apre nou ou kapab prezant ou kapab koz lo tou le 3 nominen i depan lo ou.  Ou le koz lo tou le 3 nominen.  Then nou fer sa prosedir nou fer sa enteraksyon.  E apre i annan sa moman kot bann Manm si i le fer apre sa enteraksyon i fer concluding remark.  E apre nou vot lo sak Mosyon separeman.  Onorab De Commarmond ?

 

HON CHARLES DE COMMARMOND

Mr Speaker pou mwan pa fer okenn diferans.  Mon kapab prezant tou le 3, si kekfwa i ede pou al pli vit osi.  Napa problenm. So mon a lir 2enm Mosyon.  2enm Mosyon i lir koumsa.

 

MR SPEAKER

Non.  Ou’n fini prezant premye les a ganny segonde.  Mon ava demann en Manm ki pou segonn premye Mosyon.

 

HON SIMON GILL

Bonzour Mr Speaker.  Bonzour tou koleg Onorab, manm piblik.  Mr Speaker mon segonn sa Mosyon.

 

MR SPEAKER

Mersi Onorab Simon Gill.  2enm Mosyon.

 

HON CHARLES DE COMMARMOND

2enm Mosyon – in accordance with Article 69(2) of the Constitution, I move that the National Assembly approves the nomination of Mr Patrick, Allain Payet to be appointed as Minister by the President of the Republic.

 

MR SPEAKER

Mersi Onorab.  Manm ki segonde.

 

HON SIMON GILL

Mr Speaker Mosyon segonde.  Mersi.

 

MR SPEAKER

Mersi Onorab Simon Gill.  Onorab De Commarmond.

 

HON CHARLES DE COMMARMOND

3enm Mosyon In accordance with Article 69(2) of the Constitution, I move that the National Assembly approves the nomination of Mr Billy Rangasamy to be appointed as Minister by the President of the Republic.

 

MR SPEAKER

Okenn Manm ki segonde?

 

HON SIMON GILL

Mr Speaker Mosyon i ganny segonde.  Mersi.

 

MR SPEAKER

Mersi Onorab Simon Gill.  Bon tou le 3 Mosyon in segonde.  Onorab De Commarmond ou kapab fer prezantasyon lo tou le 3.

 

HON CHARLES DE COMMARMOND

Ok mon pou tre bref la, akoz sa 3 kandida i pou vin devan nou pou nou kapab fer enteraksyon, epi apre enteraksyon la nou osi  nou kapab dir ankor 2 mo lo sa bann kandida.

Premye kandida Mr Speaker, se Madanm Lagrenade.  Madanm Lagrenade set en endikater e en graduate of former Regina Mundi nou konn tre byen.  En dimoun byen formen, byen kalib e avek en background dan ledikasyon.

In osi annan in fer osi Business Law e an menm tan in travay longman dan ledikasyon li menm, e tou son karyer NIE epi dernyen kou la i kot Liniversite Sesel e in kot Liniversite Sesel pou plizyer lannen.

E Madanm Lagrenade i osi lontan dan sa karyer.  E kot i ete la mon panse mwan mon vwar pou dir ek son kalib ki annan i dir ou a promotion to that level.  I en madanm ki stab dan son lavi.  In marye e i tenir en fanmir byen stab e egzanpler.

E an menm tan Madanm Lagrenade in travay dan lezot body dan pei.

2enm kandida Mr Patrick Payet.  Patrick Payet pa bezwen okenn gran lentrodiksyon.  Set en dimoun ki nou Lasanble i konn li anba lao.  Dan lesans ki’n travay ek nou, in travay ek FPAC in travay ek nou Lasanble dan Bidze pandan tou sa letan ki nou’n fer travay lo Bidze – Mr Payet in la akoz i ti PS i aktyelman la PS pou Finans.  I osi en dimoun ki byen formen.  En graduate of Manchester laba L’Angleterre.  E an menm tan nou konn tre byen son parkour dan Finans.  E tou dimoun tou dimoun dan Lasanble dan Sesel in dir Mr Payet pou shine, ou fantastik ou travay byen felisitasyon dan nou Lasanble nou menm nou dir li.

E nou, nou krwar ki Mr Payet osi i en dimoun ki i pou kapab fer fyer parey yer Minis Larose in dir set en dimoun ki nou konnen nou kapab kont lo li pou li kont nou larzan, e nou, nou krwar ek li konman en Minis i pou fer avanse nou pei pli devan.

3enm kandida Mr Billy Rangasamy.  Mr Rangasamy en zenn onm en garson ki nou’n konn li depi lontan in excel dan plizyer son bann parkour ledikasyon ki in fer nou rapel tre byen bann letan kot i ti sorti the best student dan son karyer.  E an menm tan in travay osi ek Minister MLUH avan konman Direkter Zeneral in diferan morso sa lorganizasyon sa Minister, e osi an menm tan in al fer son bann lezot bout travay deor dan plizyer gran konpannyen.

E i en enzenyer par profesyon e en enzenyer tre kalifye ki’n travay lo bann gro, gro proze.  E nou dan sa letan anvi ki mon lo FPAC mon konnen bann difikilte ki nou gannyen avek bann diferan si oule dir Departman lenstan ki nou annan dan pei ki pe fer oversight lo bann ki pe travay lo bann gro, gro proze ki swa kot Land Transport; ki swa kot Port Authority la kot Por mon konnen Por pe al ganny agrandi ensidswit.

Ou annan en dimoun koumsa dan ou Cabinet of Ministers will help definitely pou fer ki ler ou pe koz tel keksoz, tel proze lo bann groser dan bann magnitid koumsa, i annan dimoun ki konn keksoz i enportan i a fer en lavantaz, en lavans, en benefis enorm pou nou pei e pou nou Gouvernman.

E se dan sa lespri ke Prezidan Larepiblik in vwar kalite sa 3 kandida e ki zot in ki’n ganny selekte pou swazir nominen pou vin Minis.  Se sa bann kandida la i pas devan nou Lasanble nominasyon, pou la pouvwar-son nou Lasanble.

Mr Speaker mon met sa a devan nou Lasanble.  E mon demann sipor total sipor – full support pou sa bann kandida pou zot vin Minis dan nou pe,i dan nou Gouvernman.  Mersi nou a ganny zot pou enterakte avek zot.  E nou ava vwar ankor en lavantaz konman nou kapab vwar kalite ki zot annan pou lavansman nou pei.  Mersi.

 

MR SPEAKER

Mersi Onorab De Commarmond.  Bon avan nou al lo en lot staz pou enteraksyon, Onorab Ramkalawan oule dir de mo.  Ok ? 

 

HON WAVEL RAMKALAWAN

Mr Speaker bonzour, mersi bokou.  Bonzour tou bann koleg Onorab.  E bonzour tou bann dimoun ki pe ekout nou.

Mr Speaker i ariv en moman dan lavi sak Nasyon kot Dirizan en pep i bezwen met zot lekor de kote e regard byennet la patri.

Dan sa legzersis enn bann eleman pli enportan se pou regarde dan ki direksyon pei pe ale ; kwa ki pe ganny realize.  E pli enportan se pou regard leta lespri ek moral nou pep.  Nou tou nou rekonnet Ki Sesel i en pei beni.  Moman in arive pou nou regarde ki mannyer nou pe servi sa benediksyon, pou nou ganny plis annabondans pandan ki nou osi nou regarde si nou pa pe blok lagras ki nou devret reklanmen konman en Nasyon.

Sa refleksyon nou bezwen fer li ansanm konman en Nasyon dan en fason azen,  onnet, fran e san regard lo bann panse egois me par lev lentere nou pei pli o posib e met Sesel par lao nou tou.

Mr Speaker letan mon regard sa travay ki nou pe ganny demande pou fer bomaten, mon pe konsider li dan sa fason.

Eski Sesel kot i été, i bezwen zis en sanzman Minis oubyen eski i bezwen en keksoz bokou pli gran e pli enportan ?  Eski i bezwen en pti pyeste par isi e par laba,  oubyen en legzersis lo bokou pli gran e bokou pli konpreansiv.  LDS i krwar dan 2enm lopsyon.  E mwan osi mon siport sa opsyon.

Depi Desanm 2016 Sesel in fer en parkour enteresan dan en koabitasyon kot Egzekitiv e Parti Lepep e Lezislatif i LDS.  Sa ti swa pep Seselwa sa letan.  Eski an 2018 Seselwa i ankor anvi koabitasyon?  Annou admet an menm tan, ki i en moman kot bokou in ganny akonpli.  San ezitasyon mon pou premye pou dir ki sa peryod in anmenn en nouvo latmosfer dan pei, kot premyerman lafreyer in redwir en kantite.  Dimoun in respir sa sans laliberte.  E pli konn zot drwa.  Viktimizasyon pe dousman pe ganny eliminen. Koripsyon pe ganny koupe.  Seselwa pe konnen kwa ki pe arive dan son pei.  E bann lenstitisyon pe pous ledan e stabilite politik in ganny ranforsi.

Mr Speaker pou tou sa bann keksoz, nou bezwen dir lepep Seselwa mersi bokou akoz se zot ki’n pous nou dan sa direksyon.

E mon bezwen azoute ki travay Lasanble in vreman en katalis dan sa demars e Msye Faure in zwe son rol dan son kapasite konman Sef Egzekitiv.

Mr Speaker me nou lot kote nou bezwen admit ki ozordi gouvernans dan nou pei i en gro problenm.  I ganny rekonnet par dimoun lo tou lede latab, ki pei in perdi direksyon.  E i annan en mank leadership. 

Egzekitiv pa pe diriz sa pei parey zot devret.  E sa i fer ki konklizyon – ki konfizyon i renye.  Dimoun i perdi lespwar, problenm i ogmante.  Fleo i fleri e toulezour atraver sa mank vizyon e determinasyon Sesel i retourn en pti pa an-ayer e nou pei i vin pli pov, akoz nou pa al devan lo semen progre.  Me plito pa plis letan pe refer menm keksoz ki nou ti’n sipoze etablir.

Sa pa pe fer dibyen nou pei Mr Speaker.  Moman in arive pou nou vin brav.  E pran desizyon ki pou lans nou pei pli devan.

Mr Speaker depi lannen in konmanse, nou pep in demontre ki i pa pe viv anpe.  Zot me kontantman in anmenn plizyer group obor Lorloz.  Sa pa devret ganny vwar konman laliberte lekspresyon ki pe grandi.  Me i devret ganny regarde e analize pou sa ki i vreman ete.  Nou pep i mekontan.  I fristre, i pa anpe.

Mon lafreyer se ki pou arive si sa leta lespri i ganny transformen dan lakoler.    Wi Mr Speaker mon lafreyer se ki pou arive si sa leta lespri i ganny transformen dan lakoler?  Nou ver i riske deborde e i pa pou bon pou nou pei.  Rezilta desann kot Lorloz malerezman pa’n fini avek bann solisyon.  Malgre ki serten group in aret vin kot Lorloz lanmertim e fristrasyon i kontinyen ronz nou bann dimoun.

Mr Speaker pou premye fwa nou vwar ners, ansenyan ek drayver pick-up ariv baro State House.  Nou’n vwar demonstrasyon kont Assomption e travayer Air Seychelles kot Lorloz.  Nou’n temwanny dokter kot reklanm zot drwa.  Dimoun ki tir lanmin pe rod zot rezon.  Propriyeter bato artizanal semi- endistriyel pe fer tande zot lavwa.  E drayver bis osi pe debout. Tousala in anmenn in ariv dan en letan tre kout.  Travayer anba kot Seychelles Port Authority e travayer kot Foreign Affairs in kite e ale.  Tandis ki bokou lezot group travayer i kontinyen ekrir zot let avek lespwar ki i en solisyon i kapab ganny trouve pou rezoud pou zot problenm.

Lo kote biznes, nou osi antann en leokri akoz direksyon i manke e sakenn pe vey disab dan zot lizye.  E finalman se nou pep ki pe soufer avek pri lavi ki kontinyen tous plafon.

Mr Speaker pandan sa de semen dan Lasanble, nou’n vwar ki sityasyon i vreman grav.  Me malerezman Gouvernman pa pare pou vin proactif e pran bon desizyon.  202 pozisyonn dan Air Seychelles pe al ganny aboli.  E nou’n vwar en litani kot Management sa lakonpannyen in fail nou bann zenn.  En Board ki rankontre zis 3 fwa an 2017.  Tandis ki en travayer etranze ti a pe transfer da son kont L’Angleterre R770mil tou lemwan.  Pe relax dan en lakaz 4mil Dolar.  Savedir R60mil  dan en lakaz Eden Island.  Tandis ki nou zenn ti a pe trimouse pou  R5200 par mwan.

Nou’n antann sor bann drayver pick-up ki’n ganny anbete par Gouvernman an-krwayan ki vre zot ti pou ganny priyorite travay.  Me ki finalman zot in ganny ensilte kan Minis in dir zot i a cancel sa Kontra e zot ava al fer Danm zot menm.

Nou’n antann ki mannyer problenm ice en eleman debwaz i ankor en gro problenm pou bann peser.  E pourtan sa menm Gouvernman pe sant byen for leloz lo Lekonomi Ble.

Nou’n osi antann ki mannyer STC apre tou bann lannen pa ankor etablir bann bon relasyon biznes avek fourniser.  Me i ankor pe depan lo middleman tel ki Mr Mukesh Valabhji e pe pey Parti Lepep R800mil tou lemwan.

Sa ki nou’n vwar dan sa Lasanble atraver bann Minis set en konfizyon, leskiz e en mank direksyon.

Letan tousala pe arive Mr Speaker, fleo sosyal pe kontinyen bat nou pep.  Drog pe kontinyen detri nou zenn.  Plis zenn fiy pe trouv zot lekor koman sours reveni.  Paran i viv dan lafreyer.  Touris i konmans pas mesaz ki pa ed nou lendistri.  Travayer i per dan son prop lakaz e pep i ebloui avek sa ki e larive otour li.

Alor annou demann nou lekor sa kestyon.  Eski se nouvo Minis ki nou bezwen?  Oubyen eski sa pep pa devret ganny sa posibilite pou li pran en desizyon lo ki direksyon i anvi ale atraver Eleksyon?

Eski i pa ler pou retourn kot sa pep ki ti vot pou koabitasyon e demann zot si se sa ki zot anvi ankor.  Vi ki nou pei pe viz ver brizan e Kaptenn pa tro asire kwa ki i pou fer.

Mr Speaker mon bezwen dir ki o desizyon pou ranplas Minis a sa moman, in sok menm sa bann Minis ki pe ganny ranplase.  Ziska ozordi i annan dout dan serten departman.  E mon kapab dir ki dan Minister Ledikasyon e dan Minister Finans i annan bokou refleksyon ki pe ganny fer.

Menm serten Minis pe poz kestyon e pe dekouraze.  Lafason ki keksoz in ganny fer pe anmenn avek li bokou kestyon parmi bann Minis ki ankor la.

En zour en Minis, lannmen ou ganny kriye pou raporte.  E letan ou desann ou annan en dat terminasyon lo out.  Sa pa donn gran lankourazman.  Konman en pep nou bezwen regard tousala byen menm e byen pre.  Wi prezidan i sel dimoun ki i annan desizyon lo ki Minis i bezwen.

Me sa Mr Speaker pa oule dir ki nou pa devret kestyonn sa desizyon, ler nou pa vwar lozik dan sa ki i fer  apre tou lepep Seselwa 3i reste gardyen son desten.

Mr Speaker LDS napa okenn problenm avek sa 3 dimoun ki zot non in vin devan Lasanble.  Madanm Luciana Lagrenade i en profesyonnel ki’n travay dan tou dignité.  I en madanm egzanpler e nou pei i devret annan plis madanm parey li, ki annan en karakter for konpetans apropriye e ki konnen dan ki direksyon i anvi ale.  E i fer sa avek konviksyon e determinasyon.

I en dimoun ki sorti dan en fanmir tre enb parey bokou nou ki’n lite pou ed l i ariv kot i ete ozordi.

Nou annan tou respe pou li e nou konnen ki i pe akonpli bokou.

Mr Patrick Payet i probableman parmi bann meyer teknisyen finans, ki nou pei in annan.  Atraver deba lo Bidze pep Seselwa in dekouver li bokou plis e aprann respe li pou son konesans ek lekspertiz.

Napa okenn dout ki nou pei i bezwen dimoun dan son kalib, pou ede ganny en bon balans finansyel.  In travay pre avek FPAC e personnelman mon napa  okenn dout lo son serye e abilite.

Mr Billy Rangasamy i en zanmi personnel, e ankor enn fwa mon annan gran respe pou li e pou son fanmir.  I en profesyonnel ki’n debourye dan lavi.  E in reisi dan laplipar lantrepriz ki’n lans li ladan.  Mon napa okenn ezitasyon pou dir ki en lot Seselwa ki annan gran kontribisyon pou fer sa dan pei.

Mr Speaker moman in arive pou nou pep pran en desizyon Nasyonal nou bezwen depas bann endividi e regard sa pli gran portre.

Nou pe ganny envite pou regard nou pei e Msye Faure otan ki Prezidan i bezwen konpran sa ki nou pe dir.  Lafason ki nou dan LDS nou vwar sityasyon i koumsa.  Sesel i bezwen annan Eleksyon.  Ki kalite Eleksyon? Mon krwar ki dan en premye lenstans i devret annan en eleksyon Prezidansyel.  Akoz?

Toudswit Mr Speaker lepep i ava donn en lendikasyon dan ki parti i anvi ki son Prezidan i sorti.  Si i vot pou Parti Lepep nou krwar ki nou pou bezwen osi annan en eleksyon Lasanble pou ki sa Prezidan i esey ganny en mazorite dan Lasanble e sey i ava donn pei en Gouvernman ki for.

Si sa pep i vot pou kandida LDS vin Prezidan, pa pou bezwen annan eleksyon Lasanble.  Akoz LDS i deza annan en mazorite dan Lasanble !  Alor Gouvernman i ava deza pe ganny sipor Lasanble Nasyonal.

Sa 2 opsyon Mr Speaker i evidan pou nou tou dan sa pei.  Mr Speaker ozordi nou pa pou bezwen al pli lwen dan sa legzersis nominasyon Minis.  Nou dan LDS nou pe regard bokou poli lwen akoz nou pe konsider lavenir nou pei.  Nou pa satisfe avek direksyon  ki nou pei pe pran akoz senpleman napa direksyon.

Nou dir byen for e byen kler ki sa i en desizyon pou nou pei e pou lavenir nou pep.

Nou pei pe tourn an ron e nou tou nou pe soufer dansa prosesis.  Dan sa tourn an ron Seselwa pou perdi kontrol son pei.  E i kler ki se etranze ki pou pran kontrol nou pei.

Nou dan LDS, nou pa krwar ki se sa ki devret arive.  Avek en Gouvernman ki pare pou pran desizyon nou pou lo sa vre semen progre, kot nou pep pou konn vre letablisman.  Fleo i ava ganny eliminen zenerasyon prezan e fitir i ava konn prosperite e en pei vreman beni.

Mr Speaker mon regrete poudir, an konklizyon ki i pa pou neseser pou nou apel sa 3 dimoun devan nou Lasanble, akoz zot nominasyon pa pou ganny aprouve.

Me ankor enn fwa mon anvi fer kler ki sa desizyon napa nanryen pou fer avek zot konman bann endividi, me i annan tou pou fer avek nou pei ek sa Gouvernman ki nou annan ozordi.  Zot tou le 3 zot annan bann rol ek responsabilite enportan pou zwe dan nou pei.  Me petet dan sa konzonktir kot nou ete nou ava pe detri zot si nou met zot dan sa Gouvernman parey i été ozordi.

Mr Speaker mon envit Msye Faure pou reflesir seryezman lo sa bann parol ki mon’n prononse ozordi e pou vin brav e met sa parol ki i kontan dir an pratik –  ‘’Sesel i  pli gran ki nou tou !’’  Mersi bokou.

 

(APPLAUSE)

 

MR SPEAKER

Mersi Onorab Ramkalawan.  Okenn Manm ki le entervenir.  Onorab Sebastien Pillay.

 

HON SEBASTIEN PILLAY

Mersi Mr Speaker.  Bonzour Mr Speaker.  Bonzour tou Manm Lasanble bonzour tou dimoun ki pe ekout nou.

Mr Speaker depi ki nou’n angaz nou dan Lasanble Nasyonal ler nou’n rantre konman Manm Lasanble, nou’n legzersis nou rol konman nou Lasanble pou nou travay dan sa 3 baz ki en Lasanble i travay lo la.  E sa fodre reprezantasyon, reprezant piblik e nou fer sa lo tou lede latab, san regard okenn konsiderasyon politik e pou defann lentere tou dimoun ki nou kapab kan i neseser.

Nou osi zwe nou rol lo en pwennvi oversight,  kot nou sey oversight lo Gouvernman e ankor enn fwa nou fer sa mon sertennman lo lot kote latab osi.  Nou fe sa san regard okenn konsiderasyon politik.

Trwazyenmman nou’n fer pas bann Lalwa.  E ankor enn fwa nou’n fer sa san konsiderasyon politik.

Mon krwar i enportan ki rol Lasanble Nasyonal dan en Gouvernman.  Mon tann bokou koze souvandfwa ler nou koz lo Gouvernman, nou pran Gouvernman nou met li en kote.  Me ler i convenient pou nou, nou dir nou osi nou form Gouvernman.

Sesel i annan en sistenm gouvernans kot nou annan 3 Brans.  Ou annan Egzekitiv,  ou annan Zidisyer e ou annan Lezislatif.  Tou le 3 i bezwen en konplimant kanmarad.  Zanmen personn ti’n predir ki dan nou Konstitisyon ti pou ganny menm nou Konstitisyon pa ‘n predir ki nou pou end up ek en sityasyon kot nou pou annan en koabitasyon.  Zot apel li koabitasyon be mwan mon dir koabitasyon whether by design or by default ; by design petet se ti nou pa pou kapab anpese arive me mon krwar i by default par lefe ki ozordi nou annan en parti ki lamazorite dan Lasanble.  E en lot parti ki li i dan Gouvernman.

Me ki nou’n vwar sanze otour sa de dernyen lannen?  Nou’n vwar pou dir malgre ki bokou dimoun pe sey konvenk ek lezot ki sa Gouvernman ozordi reprezantatif zis en parti politik,  nou annan zis pou nou regard sa otour sa    Gouvernman.  Me nou pou vwar dan Gouvernman ozordi i annan plizyer dimoun ki travay, ki i annan plizyer nide.  Ki annan plizyer krwayans, ki annan plizyer konviksyon e ki ozordi ki nou pa kapab met en tag oubyen en label lo okenn dimoun, okenn civil servants ki travay dan Gouvernman.  E Gouvernman i bezwen fonksyonnen li Mr Speaker.

Ozordi bomaten nou ti vin dan Lasanble – mwan sertennman mon ti vin dan Lasanble avek lentansyon pou mon enterakte avek sa 3 dimoun ki’n ganny propoze konman Minis, e pou vwar ki zot annan pou ofer an se ki konsern zot vin en Minis.  E pou osi konpran kwa ki’n fer zot pran sa desizyon pou zot vin en Minis.

Me a pre ki mon’n, ekout Leader Lopozisyon i pare pou dir lo lot kote latab ki i annan mazorite in pran en lot desizyon.  Zot in pran en lot desizyon ozordi ki zot, zot pa neseser kontinyen avek sa legzersis.

Sa ki mon pa ganny en konpran avek, se ki nou’n dekrir sa bann dimoun dan sa fason.  Premyerman nou’n dekrir Madanm Lagrenade konman en dimoun ki annan karakter for e konpetans apropriye.  Mon oule demann zot si okenn antre nou, nou ti dan en pozisyon kot nou pe fer interview ek en dimoun e sa dimoun i annan konpetans apropriye, nou pou zis deside pa donn sa dimoun loportinite pou li deservi son pei ?  Si i annan en sanzman Gouvernman demen, nou santi sa dimoun i deservi son pei byen, alors nou ava kontinyen les li deservi son pei.  En dimoun pa kapab annan konpetans apropriye me selman nou pa oule donn li loportinite pou deservi son pei.

Nou’n dekrir Mr Patrick Payet konman en meyer teknisyen finans, e ki’n ede pou kapab anmenn bon  finansyel dan nou pei.

Ozordi Mr Speaker, nou pei byento pou vwar nou san en Minis Finans.  E malgre ki nou oule demann en desizyon ki ganny pran lo nivo direksyon nou pei nou pei pou still bezwen fonksyonnen finansyerman.

So lekel meyer dimoun ki pou diriz nou pei finansyerman ki Patrick Payet?  Akoz ankor enn fwa pa donn en dimoun loportinite ki’n prouv son lekor, ki’n pas son batenm dife e i montre ki i annan konpetans i annan konviksyon pou li deservi son pei ?

Nou dekrir Mr Rangasamy sertennman Mr Rangasamy mwan pou mon personnelman en dimoun ki mon’n toultan look up to, i en role model par lefe ki’n achieve en kantite dan son karyer e lontan lo televizyon ler ou ti koz Mr Rangasamy ti koz en dimoun ki’n demontre en for konpetans akademik.

Me sa mon krwar i vin en lespirasyon pou bokou zenn Seselwa ki ti pe etidye.

E ozordi nou vwar sa dimoun retournen pou donn en servis son pe, e nou pa pou donn li loportinite pou fer li.

Mon krwar nou  bezwen seryezman realign sa ki nou pe mazin lo la ozordi.  Lasanble i pa la pou li dan sa konteks mon vwar li pe blok travay Gouvernman.  Lasanble i la pou li siport travay Gouvernman.  E i nou rol pou siport travay Gouvernman.  Whether nou kontan sa travay ki pe fer si nou, nou pa kontan nou ava dir li.

Me permet mwan Mr Speaker osi pou koz en pti pe lo sa koabitasyon ki mon krwar i ganny servi dan en fason en pti pe drol.

Dan en konteks mon vwar pou dir i annan serten Manm lo lot kote latab, ler i koze mon vwar zot menm lo NASYON pe tir portre dan bann landrwa ler bann landrwa pe ganny ouver.  Mon vwar zot kontan ler tel proze i ganny achieve. 

        Me selman ler keksoz i al mal koabitasyon pa pe marse.  Dan konteks nou annan Gouvernman dan kote Lezislatif toultan pou annan keksoz ki pou marse i annan keksoz ki pa pou marse.

Me lenportans sa ki ou bezwen fer, set ou bezwen kontinyen travay pou ou kapab anmenn le meyer dan sa performans ki pe arive.

Alors mon ti ava enplor mon bann Manm nou bann koleg lo lot kote latab.  Ozordi nou vwar nou avek loportinite pou nou regard 3 profesyonnel – ‘’3 Profesyonnel dan bann pozisyon kle dan Gouvernman.  3 profesyonnel ki mon krwar nou kapab met tou konsiderasyon politik a kote akoz nou konnen ki zot delivre zot louvraz lo en o nivo profesyonnalizm.  Se pa sa ki nou ti demande o konmansman?

Ki mannyer ler nou ganny egzakteman sa ki nou pe demande nou deside ozordi arete sa legzersis?

Mon krwar Mr Speaker mwan mon pwennvi lo sa size i senp.  Mon napa lamazorite dan Lasanble mwan.  Mon pa kapab konvenk ek personn on.  Me selman mon pe koz avek tout fransizm ek tou lonnekte.  Mon pe demann mon bann koleg lo lot kote latab annou seryezman access nou pozisyon ki nou annan ozordi.  Dan detrwa zour oubyen dan detrwa mwan nou Minis Finans pou arete.  In eksplike son kondisyon.  In dir pou dir li i donn loportinite en dimoun pou kapab pran laba, ki tre byen.  Nou pou annan osi nou Departman Ledikasyon Minister Ledikasyon ki i pou san en Minis, kot nou bezwen en dimoun kalifye konpetan pou kapab kontiny sa travay.

Malgre tou rotasyon ki Prezidan Faure i bezwen fer, i pou bezwen pran sa bann Minister malgre ki nou pe demann demande ki nou annan bann sanzman mazer dan pei.  Pei pou still bezwen ganny run.  Dimoun dan sa bann Minister pou still osi al travay !  Dimoun pou still bezwen annan en serten sekirite dan sa travay.  Wi i annan dimoun ki’n al kot Lorloz mon krwar i byen sa bann dimoun i al kot Lorloz.  Zot annan en problenm zot met zot grievance devan e zot fer li.  E mon krwar Prezidan resaman in anonse i bezwen annan bann sistenm human resource dan bann landrwa kot avan en dimoun  i anmenn son problenm devan Lorloz i bezwen pas dan son landrwa travay.  So nou bezwen vwar kot bann defayans i été.  Eski i annan dimoun ki purposely pou li pa pe allow konplent sa bann dimoun dan sa bann landrwa pou al devan?  Eski i annan en manev pou anpes dimoun koz lo serten keksoz dan serten landrwa travay?  Tousala nou bezwen idantifye.

Me selman sa ki enportan Mr Speaker, sa ki enportan, sa ki fondamantal se ki dimoun i annan drwa eksprim zot.  Si en dimoun pa kontan sa ki mon’n dir dan Lasanble, i mont lo Facebook i maltret mon, mon pa zanmen reponn li mon pa zanmen dir li i pa devret fer sa.  I son drwa non?  Pa nou ki’n donn li son drwa?  Pa i koumsa?

Me selman Mr Speaker sa bann menm Manm ler sa i arive zot bann premye pou koz ek sa bann dimoun lo Facebook pou dir zot tel isi tel laba.   Ok?  Mwan Mr Speaker mwan kot en dimoun i fer en keksoz mal in fer keksoz mal.  Kot en dimoun i fer en keksoz ki byen, i byen.  I annan en kantite keksoz ki’n arive gras-a korperasyon e travay ki nou’n annan ansanm.

Mon’n nobou konn bann koleg lo lot kote latab pli byen.  Mon’n nobou konn bann konviksyon ki zot annan.  Bann pasyon ki zot annan ki zot annan pou zot pei.  Sa bann dimoun osi zot annan zot kontribisyon mon pa pou zanmen dir zot napa kontribisyon.

Me ozordi, ozordi nou bezwen met tou konsiderasyon politik a kote e regard sa ki nou bezwen fer pou ki Gouvernman  bezwen fonksyonnen.  Koabitasyon pa pe marse.  Tou le bomaten tou sa teachers i leve al travay, tou zanfan i al lekol.  Tou sa drayver bis i leve dan zot bis pe travay. Tou dimoun i annan son problenm.  Tou sa ners, dokter, fonksyonner piblik pe leve pe al travay.  Deskripsyon ki mon’n gannyen bomaten se ki’n nou’n parey pli move ki en pei ki dan Tyermonn ki i annan lager sivil.

Mr Speaker be nou pa dan Tyermonn nou napa lager sivil nou.  E ozordi mon pe enplor nou bann koleg lo latab me mon konnen zot rezonnab.  Zot kapab vin rezonnab pou zot regard sa size par avek en lizye politik me ek en lizye ki zot anvi anmenn vre sanzman.  Sanzman.  Sanzman se ler ou met bann dimoun dan bann landrwa kle ki i annan abilite pou travay fer li?  E ozordi sa ki nou’n vwar se nou’n ganny 3 dimoun ki’n pran zot letan pou vin devan sa Lasanble, ki’n donn sa respe Lasanble Nasyonal pou vin devan nou pou zot koz lo sa ki zot in ofer pou zot travay.

E nou dan sa Lasanble Nasyonal, nou’n etabli sa prosedir nou fer sa bann dimoun vini.  Si nou ti konnen ti pou koumsa nou ti a dir zot pa bezwen desann pa bezwen vini bomaten!  Konman en profesyonnel Mr Speaker konman en dimoun ki’n travay dan servis piblik mon demann zot pou konpran tre byen ki ler ou en fonksyonner piblik napa pli gro afron pou ou ki ler ou sef i dir ou vini bomaten apre i dir ou i pa ti bezwen ou bomaten pa bezwen vini.

 

(Interruption)

 

HON SEBASTIEN PILLAY

Sa ki enportan.

Mr Speaker lo lot kote in koze mon’n reste trankil.  Mon pa’n reponn Mr Speaker, mon ti a kontan ki ou assert lotorite sa Standing Orders, akoz nou annan en Standing Orders.  Mon annan drwa, mon annan the mic ; zot in koze mon’n ekoute e ekout sa ki mon annan pou dir.  Si zot annan komanter pou fer lo sa ki mon’n dir, mon’n konfiz zot, mon’n isi mon’n laba, then zot ava koze ki mannyer zot anvi!

Me mwan selman mon pou dir zot en keksoz.  Ozordi dan sa Parti ki mon reprezante ki mon kapab dir en keksoz ki mal san ki mon ganny kritike.

Ozordi apartir mon reprezante si mon ti santi pou dir enn sa bann dimoun pa’n devret vin Minis, mon ti a demann zot bann kestyon ki konsernen!

E mwan mon dezapwente.  Mon dezapwente ozordi ler mon get en dimoun parey Mis Lagrenade mon dir li mis akoz i en dimoun ki’n teach NIE.  En dimoun avek o nivo profesyonnalizm.  Ki’n form plizyer ansenyan e ozordi plizyer ansenyan gras a sa madanm pe teach. 

E sa travay ki’n fer lo nivo Sosyete Sivil.  Be i en si ki nou pa value nou profesyonnel!  Nou bezwen regard konsiderasyon ki en Gouvernman i bezwen fonksyonnen.  Si en Eleksyon i ganny fer lannen prosen i ganny fer son lannen answit  Gouvernman i bezwen kontinyen fonksyonnen Mr Speaker.  Se sa mon pwen.  Nou pa kapab swazir poudir nou an deor Gouvernman en zour en lot zour nou dan Gouvernman.

Mr Speaker mon oule remind Lasanble, en komanter ki en Manm ki mon annan gran respe pou li i ti fer sa se Onorab Georges ki ti dir poudir ler nou ti pe koz sa Kontra ti dir Sesel nou annan en sistenm Gouvernman ki annan Egzekitif, Lezislatif e Zidisyer.  Nou Lasanble Nasyonal nou form par Gouvernman.  Enn bann Manm pli eksperyanse mon kapab dir Mr Speaker, nou pa kapab conveniently alor deside pou tir nou lekor dan Gouvernman en zour, en lot zour nou form parti dan Gouvernman.  Akoz tou sa ki arive dan pei Mr Speaker whether we like it or not nou tou nou form parti bann desizyon ki’n ganny fer.  Yer menm nou’n vwar kot propozisyon in ganny fer lo lot kot latab par Onorab Ferrari pou koup lakantite Manm Board.  Mwan mon largiman sete lo konpozisyon spesifik lo Polisi.

Me sa Minis in get sa in dakor ek sa propozisyon.  Ki mannyer alors i convenient pou  nou dir parfwa ler en keksoz pe marse i ok.  Me zis konman en keksoz pa pe mars en fason tou keksoz pa bon?

Mr Speaker mon pou retourn lo sa baz ki Onorab Leader Lopozisyon in fini son speech.  E mon kontan ki mannyer ou’n dekrir sa bann dimoun.  Mon pou reservi sa bann mo ki ou’n dekrir zot  avek.  Madanm Lagrenade karakter for, konpetans apropriye.  100poursan okenn dout lo la.  Be donn li son loportinite pou vin la anndan e eksplik ou akoz i krwar ki dan sa klima ozordi, i ti a fer en diferans konman en Minis swa pou Ledikasyon swa pou en lot landrwa !  Donn li sa sans.  Akoz ou pe denied li sa sans pou vin devan ou e met devan ou?  Akoz demen si ou ki form en Gouvernman ou’n vwar pou dir in travay in fonksyonnen.  Ou a redonn li sa loportinite ou pa ava get konsiderasyon politik!  Nou ava annan en vre Gouvernman linite Nasyonal.

 

 

(Mic-Off)

 

HON SEBASTIEN PILLAY

Mr Speaker mon annan laparol, mon pa’n koz – Onorab Ferrari pa ankor ganny laparol li.  I en Leader lo  lot kote latab i devret konport li parey en Leader lo lot kote latab!

 

MR SPEAKER

Onorab Kontinyen.

 

HON SEBASTIEN PILLAY

Mersi Mr Speaker.  Dezyenmman mon pou vin lo Mr Patrick Payet.  En dimoun ki i en meyer teknisyen finans; enn bann meyer.  Pou ede ganny en bon balans finansyel.  A ki moman ki en pei i bezwen en bon balans finansyel ki dan en moman kot parfwa nou annan serten ensertitid; swa politik.  Nou bi konman en Lasanble se mentenir stabilite dan nou pei.  Sa ki nou pe fer pou kree enstabilite dan nou pei par lefe ki nou pou annan en dimoun a latet nou bann Minister ki demen nou menm nou, nou pou dir ‘’ar Ledikasyon pa pe marse,’’  ‘’ar Finans pa pe marse,’’ ‘’ar lot pa pe marse.’’

Me selman ler nou ganny loportinite pou met dimoun ki kapab fer sa bann landrwa, marse nou pa fer li.

Mr Rangasamy en profesyonnel ki’n reisi dan laplipar keksoz ki’n sey fer.

Mr Speaker mon fer en pledwari avek bann Manm lo lot kote latab.  Tre senp.   Nou pa kapab nou menm nou etablir en barenm ek en standar.  Apre deside de zour lannmen nou sanz sa goalpost Mr Speaker.  Nou pa kapab dir ek en dimoun la  laplenn foutbol, ou pe al zwe foutbol, demen nou tir li lo laplenn foutbol ek en boul foutbol  nou met li lo en kort volleyball nou dir li pe al zwe foutbol lo kort volleyball. 

Se sa ki nou pe fer ozordi.  Nou pe sanz the goalpost avek dimoun e i pa fair.  MOTO lo Lasanble se Unity and Diversity.  Wi nou bezwen annan divers lopinyon, me nou bezwen ini pou nou konpran sa ki pli byen pou nou pei.

E mon krwar si nou serye, annou annan en free vote lo la !  Annou les sak Manm vot dapre son konsyans se pa pran okenn party line.  Annou fer sa.  Annou egzers what is the most right!  Si nou serye ek sa nou donn en loportinite sa bann dimoun i vin devan nou, eksplik nou kwa ki zot annan pou ofer e si zot dakor sa bann dimoun i ava eksplik nou kwa ki zot annan pou ofer.  Les sa bann dimoun convince nou.  Annou ekout sa bann dimoun ler zot vin devan nou e les zot convince nou akoz nou krwar poudir Madanm Luciana Lagrenade i devret ganny Minis.  Akoz nou krwar poudir Mr Patrick Payet i devret vin en Minis, e akoz Mr Billy Rangasamy i devret vin en Minis.  Akoz li i krwar i devret vin en Minis !  E si i pa convince nou – ok.  Ok.  

        So annou donn en free vote annou pa pran partyline annou pa pran  okenn pozisyon politik lo la.

 

(APPLAUSE)

 

HON SEBASTIEN PILLAY

Annou dir kit li ouver Manm deside si nou oule vot pou sa bann dimoun.  Konstitisyon i kler, i dir ki mannyer nou devret fer e nou ava fer li koumsa!  Why not Mr Speaker?  Why not sa Lasanble pou enn fwa dan en Lasanble Sesel, nou’n ganny nou sa ki nou’n konmans pratike lo sa kote, menm lo sa kote zot osi zot in konmanse kot nou annan konsiderasyon party line i ganny met akote e nou konsider pei an premye.  Why not nou fer sa Mr Speaker?  I challenge nou Lasanble ozordi!  Mon challenge bann Manm lo lot kote latab les have a free vote lo sa size Minis!

Mr Speaker mon apresye tou mon koleg lo lot kote latab.  Mon’n travay ek zot.  Mon remind Onorab Ferrari Mr Speaker atraver ou en Leader Onorab!  Ou Leader i montre ou legzanp, swiv legzanp ou Leader mon frer.

 

(Interruption)

 

HON SEBASTIEN PILLAY

Mon pe koze ou pe disturb mwan!  Ok?  Mon pa ankor fini les mon fini taler ou a koze mon pa pou disturb ou mwan!  Mon konpran se sa ki mon pe dir ou.

 

MR SPEAKER

Onorab.  Onorab.

 

HON SEBASTIEN PILLAY

Mr Speaker mon pe fini an konklizyon.

 

MR SPEAKER

Onorab kontinyen i pa pe disturb ou.  Kontinyen – zour….

 

HON SEBASTIEN PILLAY

Mersi.

 

MR SPEAKER

… moman mon a vwar sa bann interjection i pe disturb, i pe anpes ou koze mon ava entervenir.  Kontinyen.

 

HON SEBASTIEN PILLAY

Mersi Mr Speaker.  Mr Speaker mon pou konklir lo sa.  Mon krwar ‘’Sesel wi i pli gran ki nou.’’  E nou tou ki la anndan nou annan listwar pou mazin kontribisyon ki nou’n fer.  Listwar pou mazin kontribisyon ki Onorab Ramkalawan ki in fer.  I pou mazin kontribisyon ki Onorab Ferrari in fer. I pou mazin kontribisyon ki Onorab De Commarmond in fer.  Akoz listwar nou pa kapab efase!

Les listwar mazin nou!  Les listwar mazin ou pou sa Lasanble sa Lasanble ki ti relman  pratik sa kalite demokrasi ki nou tou dan nou lespri nou ti a anvi vwar.  Met tou konsiderasyon politik a akote.  Let’s open this up e les sa bann dimoun vin la anndan e convince nou, akoz ou devret vin en Minis!  Mersi Mr Speaker.

 

(APPLAUSE)

 

MR SPEAKER

Mersi Onorab Sebastien Pillay.  Onorab Ferrari.

 

HON JEAN-FRANCOIS FERRARI

Mr Speaker mersi.  Onorab Pillay in koze in sipliye in fer pledwari me selman pozisyon Leader Lopozisyon on pran i reste.

So nou pa pe move lo nou pozisyon malgre tou sa bann largiman ki’n anmennen, alors mon ti a move anba Order 44 pou demann mover Mosyon, pou withdraw son bann Mosyon ou alors si i pa agree pou fer sa, anba Order 23 (1) mon ti a kontan move for closure of debate ’’That the question be now put’’ akoz tou bann largiman in fini ganny egzerse.  E ki in ler pou nou pran en vot lo la akoz nou pozisyon i kler e i pa sanze.  Mersi Mr Speaker.

 

 

MR SPEAKER

Mersi Onorab Ferrari.  Bon i annan en Mosyon ki’n, ganny move par Onorab Ferrari.  Eski i ganny segonde?  Ok, en moman.  Yes Onorab De Commarmond.

 

HON CHARLES DE COMMARMOND

Mr Speaker mon oule move pou en adjournment for certain consultation, apre nou a repran nou Lasanble.  Mersi.

 

MR SPEAKER

Ok i annan en Mosyon ki’n move par Onorab De Commarmond.  I pe move pou en adjournment, okenn Manm ki segonde?

 

HON SIMON GILL

Mosyon seconded Mr Speaker.  Mersi bokou.

 

MR SPEAKER

Ok, we take a vote.  Tou Manm ki an faver nou pran en adjournment?  Ok okenn Manm ki kont?

 

HON CHARLES DE COMMARMOND

Mr Speaker.   Mr Speaker.

 

MR SPEAKER

En moman. En moman.

 

MADAM CLERK

Mersi bokou Mr Speaker.  Mon rikord 14 Manm an faver e l5 Manm kont.  Mersi.

 

MR SPEAKER

Ok Mosyon i ganny defeated.  Mon konnen ki ou pe dir.  Mwan mon kapab pran sa desizyon pou adjournment.  Mon’n donn sans ou Mosyon pou li pass the test e i ganny defet –defet.  I annan en lot Mosyon lo lot kote.  Me sa Mosyon pa’n ganny segonde.  Ale Onorab De Commarmond.

 

HON CHARLES DE COMMARMOND

Wi Mr Speaker mwan mon’n mon pran en adjournment e ou, ou kapab pran desizyon lo la.  Mwan mon pe beg avek ou pou ou pran desizyon lo sa adjournment.  E si ou pa pran then nou osi nou pou pran serten lezot desizyon.  Mersi.

 

MR SPEAKER

Ok.  Onorab Ferrari.

 

HON JEAN-FRANCOIS FERRARI

Mr Speaker mon ti kontan ou rule lo mon Mosyon.  Mon’n fer en Mosyon for anba Order 44 pou demann Leader of Government Business presenter of the Motion to withdraw. The Motion si i pa pare, mon’n dir anba 23 (1) mon ti a kontan ki 23 (2) that you put the question that that the debate now be closed and that the vote be taken!  Please. 

 

MR SPEAKER

Ok, avan i segonde mon retourn laparol lo sa opsyon ki withdraw the Motions.  Onorab De Commarmond.

 

HON CHARLES DE COMMARMOND

Mr Speaker mon’n met li kler.  Mwan mon’n move pou en adjournment e mon’n beg avek ou.  Ou kapab pran sa desizyon ou.  So mon pe demann ou pou pran sa desizyon, pou serten konsiltasyon ki normal.  Pa bezwen put to the vote sa.   I en kestyon, nou bezwen serten en letan pou serten konsiltasyon.  E mon oule ou donn nou sa letan.  Si ou pa donn nou ou pa pe donn nou much option.  Zis – mon poz sa la.  Mersi.

 

MR SPEAKER

Bon.  Onorab De Commarmond Standing Orders i permet mwan – i donn mwan sa pozisyon pou mon pran sa desizyon final.  Me nou annan 2 desizyon lo sak kote latab.  Se sa rezon ki mon’n put it to the vote.  I annan 2 desizyon.  Lo kote Parti LDS i met 2 opsyon devan ou.  Ou pa pe pran sa 2 opsyon.  Ou’n demann pou en adjournment.  E lefe ki ou’n move pou en adjournment, mon demande ki nou pran en vote lo la.  Ou Mosyon pou adjournment in ganny defet.

 

HON CHARLES DE COMMARMOND

Mr Speaker nou pa bezwen en Mosyon la pou adjournment!

 

MR SPEAKER

Ou pe demann mwan pour mwan pran-

 

HON CHARLES DE COMMARMOND

Mwan mon –  wi pou servi ou diskresyon pou donn nou en adjournment pou serten konsiltasyon.  I mean dan tout liminite mon pe demann ou sa.

Me si ‘ou’ konman Mr Speaker, ou pa kapab pran sa desizyon, ou pa pe leave much option.

 

(Interruption)

 

MR SPEAKER

Non, non.  Order!  Order!  Order!  Order!  Diskresyon anba Standing Orders i to the Chair.  Ok? I pa kestyon mon kapab oubyen mon pa kapab.  Mwan mon anvi regarde in all fairness.  Ok?  Si zot bezwen en adjournment pou zot fer serten konsiltasyon e pou zot retournen, i ava depan lo mwan.   Ok?  Lo lot kote osi tou in move en Mosyon – ok? Mosyon pa ti ankor ganny segonde Mosyon.  Mosyon i segonde.  Ok Onorab Afif.

 

HON AHMED AFIF

Mersi Mr Speaker mon ti a kontan segonn sa Mosyon anba 23 (2) silvouple.

 

MR SPEAKER

Ok, bon, lo sa Mosyon nou ava pran en vot?  Ok, Onorab Basil Hoareau.

 

HON BASIL HOAREAU

Mersi Mr Speaker.  Mr Speaker Mosyon ki’n ganny bouze par Onorab Ferrari anba 23 (1) mon ti a kontan bring into your attention poudir ou annan en desizyon pou fer, petet you need to at least openly dir nou ki ou desizyon lo la.   Akoz i dir ou koumsa; ‘’unless it shall appear to the Speaker that such a motion is an abuse of these Standing Orders or an infringement of the rights of a minority.’’  So at least you need to make a finding, a determination avan ki nou proceed to – 

 

MR SPEAKER

Wi.  Ok?  Ok.  Nou ava – Yes Onorab Ferrari.

 

HON JEAN-FRANCOIS FERRARI

Mr Speaker mon ti a kontan silvouple pou nou pa al prolonz sa pli lwen,  Nou’n ekoute pozisyon Mr Leader Onorab Leader of Government Business.  Nou’n ekout pozisyon Onorab Pillay e zot in fer tou bann largiman.  Nou pa pe anpes zot koze.  Zot in fer trou zot largiman e baze lo sa bann largiman, apre avoir ekout largiman, nou’n deside poudir pou nou pozisyon lo sa kote latab, pa pe sanze !

So apre ki nou’n ekout zot so there is no abuse of authority or abuse of any rule.  It’s been very fair.  Mersi Mr Speaker.

 

MR SPEAKER

Mersi.  Mon ava pran en ruling.  Bon pozisyon LDS pa pe sanze.  Me konman parti minorite, se zot ki’n move sa 3 Mosyon.  Mon ruling nou ava pran en adjournment 30 minutes, nou ava donn zot.  Akoz desizyon, desizyon zot ki’n move Mosyon e petet dan zot konsiltasyon zot a kapab konman zot come up avek en keksoz nouvo nenport.  Desizyon i pou zot.  So nou ava  pran en adjournment e nou ava retournen 10.30.

 

(BREAK)

 

MR SPEAKER

Bon nou ava kontinyen nou travay.  Mon ti a zis donn laparol Onorab De Commarmond.  Zis pou gid nou en pti pe konsiltasyon ki ou’n fer.

 

HON CHARLES DE COMMARMOND

Mersi Mr Speaker.  Mr Speaker mon pe demann ou pou ki nou les travay nou Lasanble kontinyen ganny fer. Apre konsiltasyon mon panse ki nou annan deza prosedir etablir dan nou Lasanble kot nou apel bann kandida pou Minis nou a kestyonn zot e ki konmsi sa prosedir ki’n deza etabli, les li i ganny fer pou en fason ki nou pa kas bann lareg nou Lasanble Nasyonal la a sa moman.

E Mr Speaker an menm tan mon santi ki i annan zis 3 Manm nou Lasanble in entervenir, ki’n koze e ki mon santi deba lo sa 3 Mosyon ki devan nou i pa ankor ganny exhausted.  I pa ankor – i annan ankor en kantite keksoz pou dir, e ki mon pa ti ava demande ki mon ti a kontan ki nou pa ferm deba la.  Nou pa aksepte en closure.  E mon demande alor ki nou les bann Manm i kontinyen koze. E apre napa problenm apre nou ava vot lo apre ki nou’n entervenir  bann dimoun.  Nou kapab vot lo Mosyon e napa problenm sa ki le vot kont i vot kont.  Si Mosyon pa ganny aprouve no problem.  Me selman mwan mon pe beg ki nou Lasanble i etablir en standar.  In etablir bann  barenm e in etablir bann prosedir ki nou tou nou’n tonm dakor lo la dan sa lespri koabitasyon zisteman.

E alor annou pa met    kestyon lespri koabitasyon annou pa bulldoze,  annou travay dan en lespri fair, en lespri byen, en lespri transparan e onnet, pou ki nou les sa bann prosedir ganny swiv e ki bann apre zot ava pran desizyon lo whether zot le vote wi oubyen non.  Sa kote latab nou pe beg pou sa Mr Speaker.  Mersi.

 

MR SPEAKER

Ok mersi Onorab De Commarmond.  Bon.  Wi Onorab De Commarmond in fer son pozisyon mon pa ankor  pran en ruling – en ok ?  Onorab Ramkalawan

 

HON WAVEL RAMKALAWAN

Mr Speaker, mersi bokou Mr Speaker.  Mr Speaker mon pou dir ki sa ki Onorab De Commarmond in dir mon konpran li mwan.  Me i pa fer gran sans.  Akoz i pa fer sans?  Letan i pe dir son bann  Manm pa ankor koze.  Wi son bann Manm apard ki Onorab Pillay zot pa ankor koze.

But nou bezwen regard Mosyon.  Mosyon pe demande ki sa 3 dimoun, zot ganny nonmen konman Minis.  Pou ou ganny nonmen konman Minis anba Konstitisyon, fodre ki ou ganny mazorite Manm Lasanble.  Savedir fodre ou ganny 17 vot.  E pou li nobou ganny 17 vot fodre ki lo nou kote nou donn li 3 vot an plis.  San ki i ganny sa 3 vot sa Minis pa pou ganny – son nominasyon pa pou ganny pase.

Ofet menm si lo sa kote nou abstain,  li lo son kote i pa kapab fer pase son bann Minis.  Alor lefe ki Lopozisyon in fer kler son pozisyon, ki poudir nou pa pe donn li 3 vot pou li nobou ariv lo sa 17.

Be this is the end of the matter.  Menm si – menm si son bann dimoun i koze – menm si son bann dimoun son finalite i pou parey.  E alor Mr Speaker – Mr Speaker lefe ki i annan en Mosyon – i annan en Mosyon to close the debate pou nou pran en vot.  This is not an abuse.  O kontrer – o kontrer sa  i en fason  pou nou sov letan Lasanble, parski the question that will put is – eski Lasanble i aprouve ki tel dimoun i vin en Minis?  I vin ‘’Yes’’ or ‘’No’’.  it’s not a general Motion sa  it’s a ‘’Yes’’ or ‘’No’’ answer e nou lo nou kote nou’n fini dir ki ‘’No.’’  E mwan mon krwar Mr Speaker ki pou dir dan sa deba si ou allow sa deba pou kontinyen, nou osi tou nou pou lev nou lanmen.   E i pou ariv en KANKAN.  Akoz sa ki zot pou dir laba nou, nou pou reponn e Lasanble pou mal fini.  Mersi bokou.

 

MR SPEAKER

Mon pa pe ouver mon pa pe ouver sa deba.  Mon ruling  lo sa pozisyon, mon pe envok sa Standing Order 95 kot pou lemoman mon pe met sa Mosyon pou pran en vot on hold for a short while.  An menm tan mon pe envok 23 (1)  kot minorite osi i pa santi li ki i pe ganny abize.  E dan mon finalite mon ruling, in all fairness mon krwar mon ava donn mover Mosyon en Right of Reply.  Onorab Ramkalawan in fer en statement pozisyon LDS.  I annan sa Mosyon par egzanp ki nou’n vwar in vini pou close    debate pou pran en vot.

Parey mon’n dir mon’n met li lo hold, mon krwar it’s all fair ki mover Mosyon i ganny en dernyen parol and then, will move on the Motion.  Ok?  Onorab De Commarmond.

Wi mon donn ou dernyen parol.  Bon.  En moman – en moman mon konpran ki dan ou statement ler ou’n antre la ou’n dir pou dir nou al all the way.  Me pou al all the way ou pou bezwen Mosyon pou nou al lo Staz Komite osi tou.

Pozisyon LDS s i pa pe arive lo sa staz li.  In fini move en Mosyon ki mon pe al rule lo la apre.  Mon’n met li on hold mon pe al rule lo la.  In all fairness at least mon donn ou Drwa Repons.

 

HON CHARLES DE COMMARMOND

Mr Speaker mwan mon pe demann ou mon’n dir ki Mosyon debate pa’n ganny exhausted lo la!  Mwan mon pe demann ou pou les ouver Mosyon pou nou koze apre nou ava vini pou closure napa problenm lo la!  Mon pa kapab close debate la, mon  krwar nou pa kapab en Mosyon koumsa – 3 -.  Nou pa kapab al dan sa direksyon mon krwar nou devret les ouver.

 

MR SPEAKER

Avek sa Mosyon si ou entertain sa Mosyon debate i close.  Debate i dead.  Se sa rezon ki, mon pe dir.  Se sa rezon ki mon pe dir – se sa rezon ki mon pe dir.  Mon pe mentenir Order 95 pour mwan omwen ganny en konpromi, pou mwan omwen donn ou laparol.

 

HON CHARLES DE COMMARMOND

Mr Speaker-

 

MR SPEAKER

Non, non mon pa pe ouver deba.  Mon pe-

 

HON CHARLES DE COMMARMOND

Mr Speaker, si debate on this Motion pa pe ganny ouver, pou nou permet Manm ki pa ankor koze, ki i anvi koze, koze, then pa vo-lapenn nou pou kontinyen sa Lasanble.  Mersi.    E i ava – mon pe demande ki tou mon dimoun lo mon kote latab nou sorti dan sa Lasanble ziska ler nou ava….

 

(APPLAUSE)

 

(Interruption)

 

MR SPEAKER

Onorab mon pa ankor fini fer mon ruling.  Ou Leader in pran desizyon pou zot walkout!  Ou napa parol.  Zot napa parol.   Zot Leader –  Zot pa kapab koze.  Zot  Leader  in sorti zot fer walkout.  Zot fer walkout!  Ok?  Zot in fini sorti walkout.  

 

HON AUDREY VIDOT

Mr Speaker with all due respect.

 

(Interruption)

 

MR SPEAKER

Ou napa laparol.  Ou napa laparol Onorab.

 

(Interruption)

 

MR SPEAKER

Order!  Order!  Onorab Sophola.

 

(Mic Off)

 

MR SPEAKER

En moman nou av les Onorab William exist.  Onorab ti’n pare pou li travay ozordi se sa rezon i pe pran en pe letan.

Bon zis nou ava for the records mon ava fer kler mon propozisyon.  Pandan adjournment Onorab Leader Government Business Onorab – De Commarmond in vin kot mon ansanm avek Onorab Basil Hoareau Onorab Simon Gill e Onorab Sebastien Pillay.  Zot in vin met devan mwan zot pozisyon e se sa rezon ki ler nou’n rantre, mon’n dir li pou dir i bezwen komet – transmet sa desizyon ki zot in pran dan zot konsiltasyon dan Break avek Lasanble, pou mon pran en ruling.  Leader Lopozisyon in fer son pwen, son pozisyon kler e mwan mon ti ankor pe diskite avek Leader Government Business.  Mon ti ankor pe diskite, pou mwan kapab tonm lo en desizyon final.  Mon ti’n fini envok Order 95 kot mon desizyon konman Chair, mon’n met sa Mosyon move by Onorab Ferrari on hold ki nou pa ankor pran en vot lo la.

E an menm tan, mon’n envok Standing Order 23 (1) konman minority party pou mwan kapab omwen the Motion in fini move, pou aret deba pou pran en vot, mon’n met li on hold.  Me omwen mon’n extend kot Leader Government Business pou li terminen pou li fer en konklizyon lo son 3 Mosyon.  E mon krwar that was all done in fairness.  Nou pa ti ankor fini diskite, in pran desizyon pou li walkout avek son lekip.

Dan sa ka nou –

 

(Mic Off)

 

MR SPEAKER

Me nou napa travay.  Wi yes Onorab Ramkalawan.

 

HON WAVEL RAMKALAWAN

Mr Speaker i posib ki serten i ava dir napa quorum.  Non, non, non the quorum is when the Assembly begins.  Parski pandan ki en Lasanble i on dimoun i ale vini.  So mwan  mon krwar ki poudir nou annan.  Me solman Mr Speaker mwan mon ti ava kontan plito    plede.  Parski Lalwa i dir ki letan bann Manm i walkout lapey i ganny koupe par R1000.  E letan nou, nou ti dan Lasanble ou menm ou, ou lapey in deza ganny koupe.

Me selman mwan mon anvi Mr Speaker plede ki poudir dan sa sirkonstans donn zot en sans.  Premye fwa i arive sa.  I premye fwa ki i arive – petet zot in fer sa avek en pe lakoler zot in – alors mon pe plede plito.

E apre sa Mr Speaker vi ki Mosyon, lot Mosyon i pou Onorab Ghislain, mon ti ava demande ki Lasanble i adjourn pou lazournen.  Mersi.

 

MR SPEAKER

Bon, petet zis Onorab Georges ou ki pe Chair Standing Orders Committee dan sa ka sa 3 Mosyon i tonbe, otomatikman.

 

 

HON BERNARD GEORGES

Mr Speaker kot nou’n arive la Mosyon in ganny prezante, in ganny segonde in annan en pe deba lo la me zafer in aret la.

 

MR SPEAKER

En desizyon pa ankor ganny pran?

 

HON BERNARD GEORGES

I pa’n proceed to a vote.  Alor mon mazinen nou bezwen proceed the Motion to a vote e pran en vote.  Napa – napa mon krwar anba nou Standing Orders en provizyon pou abandonment ki nou ti a kapab envoke etandonnen ki the mover Mosyon …

 

MR SPEAKER

Can a decision be deferred?

 

HON BERNARD GEORGES

The problem is eski nou kapab proceed to a vote?  Etandonnen ki i probab si en dimoun i raise sa pwen ou pou rule ki napa quorum? 

E anba Standing Orders konmela, nou pe fer en propozisyon ki kantmenm napa quorum dan lefitir, si en desizyon i ganny pran, i valid.  Me sa provizyon pa ankor antre dan Standing Orders.  So for the time being, i paret ki letan donnen ki napa quorum nou pa pou kapab proceed to take a vote lo sa Mosyon.  So the Motion remain sigsuspense for the time being.  E ziska Lasanble i repran son travay.

 

MR SPEAKER

Bon an vi sa sityasyon mon pou adjourn Lasanble e nou ava repran nou travay Mardi prosen 9er bomaten.

 

(ADJOURNMENT)