Home » Verbatim » 2018 » Verbatim Tuesday 13th March, 2018

Verbatim Tuesday 13th March, 2018

NATIONAL ASSEMBLY OF

SEYCHELLES

 

Tuesday 13th March, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab.  E bonzour tou manm piblik ki pe kontinyen swiv reaksyon lo mesaz Leta Lanasyon anonse par Prezidan Faure Mardi le 6 Mars.

Nou pou kontinyen nou bann reaksyon ozordi.  E nou pou konmans avek Onorab Gervais Henrie.  Onorab Henrie.

 

HON GERVAIS HENRIE

Mr Speaker, koleg MNA, Zabitan Mont Buxton, ser e frer Seselwa bonzour.  Mon pou komans mon larepons lo mesaz Leta Lanasyon delivre par Msye Danny Faure dan son kapasite koman Prezidan dan menm fason ki li i ti komanse.  La mon swete zot rapel koman.

Mardi pase, apre sesyon Lasanble bomaten kan ou menm Mr  Speaker, ou Depite Onorab Afif e nouvo Manm elekte pour Anse Boileau Onorab Philip Arissol ti ganny konfye dan zot nouvo responsabilite e ki zisteman mon a profite pou felisit zot e swet zot tou de bon.  Mon ti al fer en vizit Mont Buxton.

Laba mon ti bat avek 7 garson pe asize nanryen fer anba en langar.  Zot tou zot aze 16an.  Sa ki ti komen antre zot, se ki zot tou, zot pa’n kalifye pou kontiny zot letid lo nivo Pos-Segonder.

Mon’n pran en pe letan e mon’n koz avek zot.  I kler ki zot pa partaz menm lantouzyazm ver lavenir parey sa pti garson 9an ki Msye Faure ti zwenn lo lans Cote D’Or le premye Zanvye.

Koman MNA mon konsernen avek lavenir sa 7 garson.  Zot form parti sa 51 poursan ansyen etidyan S5 ki pann kalifye pou al dan Pos-Segonder.  Ler nou pe dir ki 37 poursan nou lafors travayer i etranze, ki mannyer nou ekspekte sa kantite zenn ki napa abilite ouswa kalifikasyon ledikasyon formel ranplas zot dan lavenir pros?

Saler la laspirasyon sa 7 garson i senp.  I pa en tinel ou fasilite militer Assomption, kab soumaren e ni menm laferm pwason ki zot oule.

Mon pa blanm zot.  Zot annan zis 16an, nou ankor pe bezwen nennen zot.

Zot oule ganny tire obor semen; zot oule leve lo sa glasi e ganny sove anba sa langar kot ou a krwar zot in ganny kondannen pou reste ankor plizyer lannen zot zenes.

Zot oule vwar sirfas semen Mont Buxton ganny aranze, zot anvi en landrwa pou zot detann e fer aktivite sportif.  E zot oule ganny pran serye koman zenerasyon fitir Nasyon Seselwa.

Mon vizit Mardi pase Mont Buxton pa ti pou al rankontre sa 7 garson.  Mon’n bat avek zot par azar.

Vre lentansyon mon vizit, sete pou al vwar 3 madanm aze ki malad.  1 i aveg; 2 i lo lili e pa kapab marse.  Dan mon konversasyon avek zot, mon osi dekouver ki zot laspirasyon i senp.  Zot anvi pli bon swen.  Lo kote medikal zot anvi pli bon servis, latizann, dokter avek ners kalifye pou sonny zot eksetera.  E lo lot kote, zot oule en dimoun la obor zot.

Mon enteraksyon ek sa 2 group dimoun Mr  Speaker in kler ki Seselwa ti oule antann en Mesaz lo Leta Lanasyon ki annan larepons pour bann kestyon zot pe poz zot menm toulezour.  Kan lavi pou vin pli meyer?  Kan zot pou aret bataye pour bann senp pti keksoz?

Sanmdi pase mon’n osi fer li parey labitid profite ler mon al dan distrik e sonn en pe lopinyon bann dimoun dan distrik lo mesaz Leta Lanasyon.  I kler ki laplipar zot ti anvi larepons bann kestyon ankor ki zot pe demann zot lekor toulezour.  Kan lavi pou finalman amelyore? Kan zot pou aret bataye pour bann senp pti keksoz ? Kan nou pou lager ankor ansanm pour bann size ki afekte nou koman Seselwa?

Konsern imedya pour bann dimoun ki mon reprezante isi dan Lasanble Nasyonal i prensipalman, kou lavi, labi drog ; retar dan alokasyon lakaz avek later, mankman serten lenfrastriktir lo nivo kominote e meyer servis par bann lorganizasyon piblik.

Mon lenpresyon zeneral lo Ladres Msye Faure i se ki in esey penn en portre ki montre transformasyon Sesel di-si 2043, atraver bann gro proze  lenvestisman.

Pou servi son prop mo.  Sa bann lenfrastriktir pou kree sa lot platform ki nou pou kapab servi pou deblok sours nou krwasans ekonomik pour sa prosen 25an.

Zis an term Euro bann lenvestisman i ariv 155milyon e an term Dolar Americain i pou ariv 296 milyon.  Kou total an roupi nou pe koz par lao R6.7 bilyon

I vre Mr Speaker atraver ou ki Onorab Aglae i dir ki sak politisyen dan en tel pozisyon i bezwen annan en rev.  Me avan i mazin reisit sa rev, i oblize i   oblize konsider bann defi ki la devan li e donn en solisyon imedya e tanzib pou rekonfort nou popilasyon, ki pe ganny afekte par diferan problenm.

Lo size kou lavi i kler ki Gouvernman pa pe pran bann desizyon konkret.  Depi ki in vin Prezidan, zis an 2017 Msye Faure in vizit Etiopie an Zanvye, Sri Lanka an Fevriye, Kenya an Avril, Sud Afrique an Out e Maurice an Oktob.

Lemirat Arab Ini tousel in al 6 fwa depi Novanm 2016 ziska Zanvye 2018.

Avek tou le 6 pei ki mon mansyonnen nou annan vol direk, alor ki mannyer nou ankor pe tann Msye Faure dir Lazans responsab in vizite e in konfirmen ki nou kapab enport manze sorti laba.

Me zot sa i ase?  Nou bezwen aksyon.  Eski nou’n pran kont ki ler Msye Faure in dir ki e mon kot Labank Santral pou osi etablir en sistenm ki fer li pli fasil e pli vit pou bann tranzaksyon lo kart banker lokal ganny pase pou ede kree en bes dan pri lavi, ki sa i en menm paragraf ki ti annan dan son Mesaz lo Leta Lanasyon 2017.

Egzakteman parey Mr Speaker.  1an in pase.  Annou pa zis copy & paste.  Annou anmenn rezilta konkret pour Lasanble Nasyonal.

I annan 1an depi ki Msye Faure in promet nou en sanzman radikal dan lalit kont drog koman solisyon pou sa problenm ki pe ronz fondasyon nou sosyete ozordi.

Enn sete pou redwir lakantite drog ki antre dan pei; e lot sete pou redwir demann pou konsomasyon drog dan pei.  Eski nou koman en Lasanble serye nou kapab dir avek konviksyon ki nou satisye avek rapor ki Msye Faure in vin donn nou lo sa ki son administrasyon pe fer vizavi lalit kont drog?

E pa obliye, sa lannen noun donn son Sekreter D’Eta plis ki R50milyon pou lalit kont drog.

Dan mon distrik tousel, mon konn omwen 6 landwar ki mon annan for soupsyon zot pe vann drog.  Nou proksimite avek lavil i fer ki probableman nou’n fini pran tik koman distrik pli ganny afekte avek drog ki en rafal ti swa Les Mamelles ouswar Corgat Estate, dan Mont Fleuri.

Sa i pa okenn rezon pou nou fyer.  Nou oule vwar plis aksyon sorti kot Governman e tou Lazans konsernen.  Bann demann ki mwan avek Administrater Distrik, Madanm Bernadette Rosalie ti fer dan nou rankont avek ladministrasyon NDEA lannen pase i reste parey.

Msye Faure in vini Mont Buxton. I annan en lide gravite sa sitiasyon dan nou distrik.  Alor mon anvi antann li lev son lavwa pli for, avek bann ki pa pe pran kont ki kantite douler avek destriksyon zot pe enpoz lo bann endividi, fanmir e nou kominote anzeneral.

Pa servi menm tonasyon avek ler ou pe adres bann dimoun ki pe fer vyolas domestik.  Msye Faure i dir zot mon enplor sa ki pe fer li pou arete silvouple arete.  NON, NON, NON.  Dir zot ou pou servi tou mwayen posib a ou laporte koman Sef D’Eta e koman Komandan-an-Sef pou donn zot en mark arete.  Mont Buxton pou siport ou dan sa lapros. E Sesel pou respekte ou.

Mr Speaker, Lo kote lakaz zabitan Mont Buxton pa pe neseserman ganny en bon deal avek Parti Lepep ki dan Gouvernman.

Depi retour miltiparti an 1993, Gouvernman i dir in konstri anviron 5mil lakaz atraver pei.  Mont Buxton in sipoze ganny 136 unit dan sa total. Sa i 2.7 poursan lakantite lakaz ki’n fer.

Si ti annan lazistis, Mont Buxton tin merit benefisye avek 200 lakaz oubyen 4 poursan parey ti merit leka pour larestan 24 distrik dan Sesel.

Ant 2001 ziska 2008 par egzanp ti napa en sou konstriksyon lakaz dan distrik.  Proze ex-Dominic Savio ki li in konplete lannen pase ti komanse depi 2015 pandan 2enm mandan ansyen Prezidan James Michel.

Pyer fondasyon pour sa proze anfet ti ganny mete an Zanvye 2015.  Sa letan Msye Faure pa ti la.  Alor ki mannyer sa proze i kapab form parti plan 24 lakaz dan 25 distrik dan 24 mwan ki li in devwale an Fevriye 2017?

Son finansman ki ti prozekte pou ariv 23milyon e finanse antyerman par taxpayers Seselwa ti bidzete an 2015 e 2016 pou R9milyon e R14milyon respektivman.  Alor pou être zis avek bann zabitan Mont Buxton, i enportan ki Gouvernman i retir konstriksyon ex-Dominic Savio dan sa proze 24, 25, 24.  Idantifye en nouvo site, par egzanp Lari Hangard e apre nou a dir ki nou osi nou’n benefisye atraver linisyativ msye Faure.

Anba sa plan swadizan anbisye ki Gouvernman i dir apartir 2019 i pe al komans konstri 600 lakaz par lannen, mon a dir avek zabitan mon distrik ki parmi sa 5,146 aplikan lo nivo Nasyonal ki pe kontribye dan Home Savings Scheme ki zot pou bezwen esper ant 8 a 15an avan zot ganny asiste.

Mon konnen ki ou dezapwente pou antann mwan dir ou sa, me koumsa keksoz i ete.  Mazinen lannen pase, Msye Faure ti vin isi e dir nou, mon repete.  Lo nouvo Ile Aurore nou pou konstrir lakaz.  Nou pou mont pli o ki lo Perseverance, en fason ki nou kapab optimiz later e ogmant lakantite fanmir ki benefisye. An tou nou anvizaze annan plis ki 1500 lakaz lo sa zil.  Me dabor nou bezwen enstal lenfrastriktir pou kapab siport sa bann lakaz an term delo, elektrisite, desarz, e lezot.

1an in pase, i retourn isi e sel fwa ki i mansyon Ile Aurore i dir Nou pou agrandir Ile Aurore par 19 ektar pour en devlopman touristik e rezidansyel.  Mesaz Leta Lanasyon, Onorab Georges in dir nou dan son prezantasyon ki i bezwen en kontrandi lo kwa ki noun akonplir ou non, me pli enportan akoz sa ki nou ti promet nou pa’n kapab fer li.

Sa i osi anliny avek le 3 mo prefere Msye Faure.  Rann kont, bon Gouvernans avek latransparans.  Ki pe arive alor?  Mon osi dezapwente ki Msye Faure pa’n pronons son lekor plis lo lentansyon son Gouvernman pou ankouraz plis devlopman rezidansyel lo bann later zeritye.

Bokou fanmir dan Mont Buxton a kapab benefisye avek sa linisiativ.  Me i enportan ki Gouvernman koman fasilitater pa lour.  Zis semen pase par egzanp mon zwenn bann fanmir kin apros Governman pou ganny plis lenformasyon e lasistans, me 1an apre ki in fer sa lanons, son Minis pour Later pa ankor kapab vin avek en Polisi e dimoun ankor pe espere menm.  Sa sityasyon bezwen sanze.

Mr Speaker, semen Mont Buxton i dan move leta.  Nou pran kont promes Minister Transpor lo Later pou re sirfas plizyer kilomet semen an 2018 lo nivo Nasyonal e pou Mont Buxton osi benefisye.

I annan lenteripsyon dan distribisyon delo PUC preski tou le weekend dan distrik.  PUC mon rekonnet i enn bann antite – anfet antite Leta ki’n ganny pli gro Bidze pou Proze Kapital.  E mon swete ki  servis alors i amelyoree.

Lekol La Rosiere i annan omwen 2an retar dan son konstriksyon.  Court ki ti dan lakour lekol in ganny demoli ansanm e sa pe koz pa mal difikilte pou bann atlet osi bann marnmay ki oule servi Court Greenwich.

Letan mon pe koz lo lenfrastriktir, ozordi Mont Buxton napa en sant kominoter byen ekipe parey Roche Caiman oubyen Anse Etoile i annan.  Me nou bezwen enn.

Kekfwa ou pe mazinnen, be kote pou fer?  Ozordi mon oule get bann MNA Parti Lepep fran dan zot figir, sirtou Depite Sekreter Zeneral, Onorab Simon Gill ki sorti Mont Buxton e dir zot ki zot parti fodre i rann zabitan Mont Buxton sa morso later V10072, ki Vilaz Karoutsou in konstri lo la.

Parti Lepep i an posesyon sa morso later ki mezir 4437 met kare depi le 15 Zilyet 2004.  E Mr Speaker, zot in zwenn 7 morso later ansanm pou ganny sa teren aktyel.  Si fodre anmenn en Case devan tribinal later letan i ouver, ouswa menm al kot Komisyon Anti-Koripsyon e fer en Case  lo lapar zabitan Mont Buxton mon pare pou fer li.  La i en landwar parfe pou fer en landwar pou aktivite rekreasyonel pour nou distrik.

Anplis, Mardi le 6 Mars apre Diskour Msye Faure, mon’n fer li parey nou dir an kreol koman dimoun anfet lo konsey Onorab Gill, ki mon’n deza fer sa konversasyon en fwa,  mon ti apros Prezidan zot Parti, ki Vis Prezidan Larepiblik e demann li ki zot les annan aktivite pour tou dimoun Mont Buxton anler Villa Karoutsou.  Mr Speaker, ou kapab krwar ki ti son larepons?  I demann mon si Parti Lepep pou donn mwan landwar pou fer aktivite?  Be pa mon ki pe rode sa !  Gervais Henrie in ganny elekte pou reprezant e travay pour tou dimoun Mont Buxton.  Mon pe fer senpleman fer sa.  Alor nou bezwen fer Villa Karoutsou retourn pour Mont Buxton.  E konman lo sa pwen kestyon bann fasilite lenfrastriktir dan nou distrik, i osi enportan ler nou pe koz lo kominote.  Mont Buxton dan en meeting piblik bann dimoun in deza dir i parey nenport lezot distrik i mor.  Napa aktivite.  Me ankor enn fwa parey mon ti repete .  plis ki 1an pase mon’n met en defi devan zot.  konman zabitan ou bezwen step up.  Ou bezwen vin devan.  Ou pa kapab zis esapekte DA, MNA, Travayer Lazenes ouswa Gouvernman pou fer keksoz pou distrik.  Demann ou lekor pou repete en parol ki popiler dan politik ki ou kapab fer dan distrik Mont Buxton, donn ou letan pou ankouraze ki nou annan bann aktivite pou lazenes, pou bann madanm pou bann dimoun aze.  E an fet ki nou ava fer nou distrik vin vivan.

Mr Speaker, Leta nou Nasyon ozordi, i kapab ganny eksplike atraver sa seri demonstrasyon ki’n annan kont ladministrasyon Msye Faure depi ki’n pran labar avek son predeseser an Oktob 2016.

Lakantite protestasyon in plis ki okenn Gouvernman in fer fas avek depi retour militiparti an 1993.  Bann diferan group ki’n desann lo semen Victoria pou proteste kont en keksoz ouswa lot in enkli Sekirite Lakonpannyen Transpor Piblik SPTC, bann ansyen zofisye Special Vessel Protection Detachment SVPD, bann anseyan, ners, drayver pick-up, artizan, doker, dimoun ki tir lanmin e kas ros ; bann dimoun ki ti kont proze devlopman Grand Police, bann ki kont sa fasilite militer lo zil Assomption e bann ki pe demande ki i annan nouvo Eleksyon Prezidansyel.

En kantite dimoun ki enkli mwan menm, pa sirpriz ki annan sa kantite protestasyon.  Zot vwar li en not pozitiv, konmkwa Lademokrasi pe fleri, kot dimoun pe ekzers zot drwa konstitisyonel pou proteste e montre zot lakoler e fistrasyon.

Lo lot kote i annan bann ki krwar ki Gouvernman in telman fer konsesyon sitan vit, ki zot krwar sa bann demonstrasyon se pou fer per  sa  en ladministrasyon ki fasilman ganny entimide.

Prezidan Faure pa neseserman konpran sa.  Son sizesyon ki i annan en Speaker’s Corner i vedir i oule restrikte landwar kot dimoun i kapab proteste.  Public Assembly Act 2015 i deza fer sa bann provizyon.  Ler nou get pli pre rezon ki dimoun pe mont lo semen, nou kapab dir ki bann protestater i anvi Eparny Sesel Kont En Gouvernman ki iresponsab e endiferan.

Lentervasyon bann Manm lo kote Parti Lepep depi Vandredi pase, zisteman i montre ki leta konfizyon sa parti avek zot Gouvernman i ladan.  Pourtan depi ki Msye Faure in pran labar State House i annan plis ki 30 ansyen politisyen SPUP, SPPF e Parti Lepep ki’n ganny apwente dan bann pozisyon Minis, Sekreter D’Eta, Sekreter Prensipal, Konseye Spesyal, CEO, Depite CEO ou menm bann manm diferan Board.

Alor se zot ki dan Egzekitiv, e bann keksoz ki pe ariv mal sirtou dan servis piblik i aret kot zot.  Malgre sa, a 2 repriz Ladministrasyon in sibir en nespes en mass resignation ki soulinny sa leadership crisis ki nou tou nou pe koz lo la ki i annandan  nou pei e ki nou pe koz lo la depi Vandredi pase.

Depi Oktob 2016 i annan 3 Minis kin ale, 2 Sekreter D’Eta, 2 PS, 2 CEO e 1 manm Board parmi bann ki mon ankor rapel.  Dirizan Zafer Gouvernman in dir ki napa volonte lo lapar leadership pei pou adres size pri lavi. In dir i mank aksyon konkret pou protez konsomater.

Onorab William e Lemiel in eksprim fistrasyon avek service delivery dan servis piblik, pourtan pourtan servis piblik i ankor tonm anba Biro Prezidan Larepiblik. Lekel ki devret rann kont alor?

Onorab Sophola, koman en ansyen edsikater in koz longman lo defayans dan sistenm ledikasyon.  In pran letan pou eksplik sa sityasyon kot in arive ozordi.  Ankor ler nou get an aryer e nou konstate ki de ansyen Minis ledikasyon parmi ti ansyen Prezidan Michel e Msye Faure limenm,  ki zot annan pou dir lo sa size?  Ler sa menm Onorab i dir ki later ki’n arpante depi 2an pase La Digue i ankor pe dormi, nou bezwen demande ki ansyen MNA, Onorab Ghislain ki asiz zis 3 sez sez obor li in fer dan son rol oversight ?

Letan Onorab Vidot i sey vin esplik nou konsept Incremental Housing, annou pa obliye ki son parti ti fer an 2001 pou Eleksyon Prezidansyel ler zot sey aste par donn en gras lo loan lakaz dimoun ki ti ankor drwa Gouvernman.  Bokou dimoun Roche Caiman in benefisye lo sa Scheme.  E ozordi nou menm kapab kesyonn raison d’etre Gouvernman lo son model devlopman zil Perseverance.

Lapros bann Manm lot kote latab ziska prezan in konfirm ki sa ki nou dan LDS lontan nou pe dir  – klerman i annan en kriz leadership dan nou pei ozordi. Lakoz bann defyans i akoz Gouvernman pe trenn lipye, zwe bon boug e per pou pran bann desizyon brav parey Leader Lopozisyonin dir nou.

Sel solisyon se pou annan nouvo Eleksyon Prezidansyel osito posib e etablir en Gouvernman ki annan lezitimite e kredibilite.  LDS in pare !

 

(APPLAUSE)

 

HON GERVAIS HENRIE

Sa ta problenm ki sa 9 MNA Parti Lepep ki’n koz avan mwan in met deor, i montre ki ladministrasyon Msye Faure pa zis dekonekte avek realite lavi nou Nasyon, me i annan problenm kominikasyon dan zot prop kan.

State House i anfermen dan son prop panse, i pa ase sansib avek bann problenm ki ekziste dan nou kominote, e alor zot pa santi lenpak ki zot dezisyon pe annan lo Seselwa.  Mon ganny lenpresyon Msye Faure pa ni pe pran traka bann MNA Parti Lepep.  Me zot ki zot fer?  Kantmenm zot kritike, zot rod en fason pou sant son laglwar. Fer parey Onorad William, ki pa ni pe pran traka Msye Faure.  Kot i mal, i mal.  E i dir for.

Sesel i bezwen en Prezidan ki pou pran desizyon baze lo sa ki Seselwa pe rode.

LDS lo lot kote i kontinyen enspir sa divan sanzman ki pe arive dan nou pei. Nou en parti anbisye, me nou annan konpasyon.  Nou lebra i ouver e pou ou ki ankor anvi zwenn nou pou fer en diferans pour Sesel vini lenvitasyon i ouver pou mon bann koleg lo lot kote latab.

 

(APPLAUSE)

 

HON GERVAIS HENRIE

Letan bann siporter Parti Lepep dan mon distrik i felisit travay ki LDS pe fer dan Lasanble Nasyonal, e rekonet senserite e lonekte Dirizan Lopozisyon, Onorab Wavel Ramkalawan dan son rol Dirizan, mon optimizm ki byento nou pou rekomans de nouvo e pour le meyer.  Mr  Speaker, ser e frer Seselwa mersi pour ou latansyon.

 

(APPLAUSE)

 

MR SPEAKER

Mersi Onorab Henrie.  Onorab Wilbert Herminie.

 

HON WILBERT HERMINIE

Mersi Mr Speaker.  Mr Speaker, koleg Onorab ser frer Lepep Seselwa, bonzour.  Zabitan La Rivière Anglaise en bonzour spesyal i al pou zot tou.

Mr Speaker lo ‘non tou zabitan La Rivière Anglaise mon anvi senserman felisit ou, Onorab Afif, e Onorab Arrisol dan zot nouvo apwentman.  E swet zot dan nouvo parkour.

Tou fanmir, tou lakour tou endividi lo konmansman en lannen zot fer en analiz, en refleksyon lo kwa ki zot in akonpli lannen ki’n pase kwa ki zot pa’n reisi fer e kwa ki zot pou fer pandan sa nouvo lannen.

Nou tou a en moman dan en nouvo lannen, sirtou lo konmansman nou met en plan ater.  Sa pa’n zanmen en leksepsyon pou nou pei Sesel.

Nou Prezidan in toultan fer li enn son devwar pou debout devan son pep e anons Leta son Nasyon lo konmansman en lannen.  E se sa set en fason pou montre ki tou keksoz avan ou fer ou bezwen bon klarifikasyon

Mr Speaker set egzakteman sa ki Prezidan Faure in fer dan sa Lasanble Mardi pase, in vin devan sa pep e in tal kart ate.  Lo kot nou ti ete lannen pase kwa ki nou’n fer kwa ki nou pa’n reisi fer.  E ki nou pou fer sa lannen

E kwa ki nou pou kontinyen fer.  E osi kwa ki nou pou fer lannen prosen.

Se sa vre leadership.  Bon planifikasyon.  W mon konman MNA distrik La Rivière Anglaise mon’n osi fer parey.  Ozordi mon distrik i reste avek proze q

Ankor lo pending. Condominium ki pa ankor ganny en solisyon.

Bann lakaz pa ankor ganny kolekte e sistenm sewage. Bann proze semen pa ankor ganny materyalize.  Bann pye dibwa ki ankor lo lalis ; proze dan distrik tel ki kort peron eksetera.

Tousala Mr Speaker mon pou pouse pou fer sir ki sa bann ki  lo pending i ganny fer i ganny fer byen. Mr Speaker kote Seselwa i sorti?  Kote Seselwa in arive?  Kote Seselwa i anvi ale?

Lepep Seselwa sa ki konn tre ‘byen kote zot sorti zot gran pye.  En listwar ki annan laverite ladan ki parfwa plizyer nou i anbet nou lekor, pou fer krwar ki non, nou pa ti laba enn fwa  ditou.  Ki non nou pa merit nou pa ti merit fer tousala pou nou ariv kot nou ete ozordi.

Ozordi rezilta travay dir nou pase.  Ozordi i rezilta nou lalit lepase.  Ozordi i fri nou sakrifis lepase.  Ozordi i perseverans e krwayans ki nou konman Lepep Seselwa  nou ti annan.

Nou fitir nou rev.  Nou rev i pen rev ki pa pou zanmen ganny materyalize.  Parey i annan ki oule fer nou krwar.  Se zis bann dimoun ki pa krwar dan zot prop lekor ki mazin koumsa.

Ler ou annan en rev ou toultan rod diferan fason pou fer li fer en rev pou krwar ladan vin en realite.

Napa nanryen ki enposib dan lavi. Me ek pasyans perseverans keksoz i arive.  Mr Speaker Lepep Seselwa i konpran bokou keksoz.  Me i toultan annan en bann ki krwar ki zot kapab pou anbet sa pep.

Mr Speaker ankor enn fwa dan sa Gouvernman dizour, napa personn ki annan en baton mazik.  Se Lopozisyon ki toultan donn lenpresyon ki zot, zot annan en baton mazik.

Zot pou fer tou keksoz ozordi pou demen.  Mr Speaker planifikasyon e planifikasyon.  Wi Mr Speaker se LDS e donn Gouvernman en Bidze pou travay avek.  E Gouvernman pe travay ek sa Bidze ki zot in donn li.

Mr Speaker ler Prezidan i dir nou i pa pou kapab e enplimant en keksoz deswit, sa set i akoz i vreman pa kapab fer li pou plizyer rezon.  I pa dan lentere son pep a son letan donnen.

Mr Speaker nou Prezidan pa pe dir sa, zis akoz i anvi dir ou byen i oule pini.  E sa i anmenn mon lo mon lot size Income Tax.  Prezidan  4ti anonse ki i pa pou kapab  enplimant sa an Zanvye.  Parey serten ti pe met presyon lo li pou fer.

Me avek konsiltasyon e lo planifikasyon Prezidan in deside e in anonse e sa i ava vin en mwan pli boner.  Dan plas Zilyet i ava ganny enplimante an Zen.

Mr Speaker lekel ki pou benefisye si pa Lepep Seselwa?   Lepep Seselwa i  bezwen ganny en konpran en keksoz byen kler.  Lepep Seselwa i bezwen ganny aret anbete.

Mr Speaker Lepep Seselwa i pep ki entelizan.  Alors annou servi nou lentelizans.  Ler in ler pou nou persevere nou bezwen persevere.

An lannen 2000 ler sa menm Gouvernman ki  o pouvwar ozordi ti pran sa desizyon pou ki Sesel i envestir dan tanker Mr Speaker ki  kantite mal koze tri gannyen ?  Ki kantite kraze e kritike i ti gannyen  akoz sa desizyon ?

Me  i pa’n les tousala sanz son desizyon.  Wi Mr Speaker i pa’n fasil ditou, me apre plizyer lannen ki nou’n persevere.  Wi Mr Speaker se Lepep Seselwa ki’n persevere.  Ozordi an 2018 Prezidan in vin devan sa Lasanble e in anonse ki nou i reisi pey nou det pou tanker e ki byento 2 poursan par dan SEYPEC pou ganny privatize e ki selman Seselwa  ki pou annan drwa aste par ladan.

Mr Speaker lekel  ki pou benefisye avek sa?  Eski i pou etranze?  Larepons ki Prezidan in donn nou se non.  Prezidan on fer sa byen kler.  Ki Seselwa ki pou kapab aste bann par.  Eski sa pep pa pe ganny gete?  Eski pa sa pep ki benefisye?  Eski sa gato pa pe ganny partaze avek sa pep ?

Alors Lepep Seselwa annou toultan fer konfyans sa Gouvernman.  Ki ler nou dir zot la in ler pou nou persevere e fer sakrifis, e a lonterm se nou menm ki pou benefisye.  Annan sa konfyans dan nou.

E mwan Mr Speaker mon pou al en pe pli lwen wi i byen se ki Seselwa ki pou ganny sa loportinite.  E la mon pe demande ki sa i ganny zis dan nou loportinite Seselwa osi i kapab annan par.

Kot zot mwayen pa permet mon demande ki bann demars neseser i ganny fer ki zot ava ganny asiste par bann lenstitisyon finansyel, pou ki bann zabitan La Rivière Anglaise tel ki Madanm Malcouzane, Madanm Estico, Madanm Pierre, a osi annan en par dan SEYPEC . 

        Zabitan La Rivière Anglaise osi i ava sant mon annan par ladan.  Konblaz, konblaz, konblaz ; en topik kontroversyel me ozordi mon pa pou al dan tousala Mr Speaker.

Me listwar konblaz i la.  Konbyen ki’n benefisye avek konblaz?  Konbyen Seselwa ki ozordi i annan en biznes lo later konble?

Ler Prezidan i anonse  ki 40 ektar later pou ganny konble dan  Providence pou aktivite endistriyel, pou pti e mwayen biznes eski pa Seselwa menm ki pa benefisye?

E ladan mon anvi swete ki enn oubyen de mon zabitan La Rivière Anglaise a ganny loportinite.

Ankor an koneksyon ek later konble.  Mr Speaker pou en pe letan mon’n koze mon’n demande ki bann biznes tel konman garaz, i ganny akse ek morso later pou zot kapab fer zot biznes lo la.  Dan mon distrik i annan apepre en dizenn sa bann pti biznes e la mon mazin sa zenn garson Majoie Jamie Chang-Tave e lot Union Vale Freddy Jeremie sa bann serye ki’n konmans dan sa domenn, me ki oule kit dan semen senpleman akoz difikilte pou resevwar en landrwa apropriye.

Mr Speaker mon swe se ki zot ganny enn sa morso lo konblaz ki Prezidan i dir nou pou ganny fer lo Providence pou sa bann tel biznes parey.

E la ankor, bann lenstitisyon finansyel a kapab rantre pou ed bann zenn avek finans.  Akoz finans i en lot difikilte ki sa bann zenn i souvandfwa fer sa avek.

Mr Speaker mon konfize e mon konfiz  vre !

 

(laughter)

 

HON WILBERT HERMINIE

Ler sa Gouvernman i deside pou ogmant sekirite bann dimoun aze.  Ler sa Gouvernman i deside pou ogmant maternity leave paternity leave ; ler sa Gouvernman i pran desizyon pou al get dan fason viv e pran plis swen ek son bann vye paran, sa i ganny pran konman Gouvernman pe fer konpar ek politik.

Alors dir mwan, dir nou, dir sa pep e dir dimoun Larivière Anglaise eski ler zot pe dir donn bann dimoun aze R10mil ler zot pe dir pou tir income Tax an Zanvye zot pe fer konpanny politik ?  Mwan ozordi mon oule dir byen kler e byen for ;  Sa Gouvernman, Gouvernman SPUP, SPPF Parti Lepep se li ki  ti entrodwir sekirite sosyal pou bann dimoun aze !  SPUP, SPPF, Partir Lepep  in toultan get dan welfare son pep!  I toultan pran swen ek son vyeyar, e pa Lopozisyon ki pou vin montre nou ki mannyer pou fer sa.  Akoz nou’n abitye fer li.  E nou pou toultan fer li !

 

(APPLAUSE)

 

HON WILBERT HERMINIE

Konpanny politik se ler ou fer ou Speech e mazorite fwa dan ou Speech s senpleman pou dir se la plas e les LDS vin o pouvwar !  Les LDS vin State House ! Se sa ki appel konpanny politik.  A sak fwa ki ou ganny en pti sans ou sant menm sanson.  Malerezman ou pou bezwen esper manda Prezidan Faure fini apre lepep a ziz ou par ou aksyon.  Si ou merite ou a gannyen, me si ou pa merite parey I abitye. Anfen….

 

(laughter)

 

HON WILBERT HERMINIE

Mr Speaker, dan Sesel ozordi nou bezwen vin pli onnet, pli fran ek nou lekor.  Akoz nou pou vin la e vin zwe bon boug, fer gran, gran diskour me nou pa pe lead by example.  Ler nou asiz e nou dir, donn nou bann zenn sans, loportinite, zot ki revolisyon en pei.  Tre byen. Zoli parol.  Me an retour  napa okenn aksyon?  Mon poz sa la Mr Speaker.

Mon langazman i reste en langazman senser.  Mon promes i reste touzour.  Wi Mr Speaker parey ler mon ti rantre isi dan sa Lasanble ti dir mon bann zabitan La Rivière Anglaise annan konfyans dan mwan ki mon pou koz for pou zot lo sa size lakaz.  A sak fwa ki mon ganny en lokazyon pou adres sa size mon toultan fer li for ziska ler mon bann zabitan a ganny en rekour.  La ozordi ankor Mr Speaker mon pou koz for lo sa proze 24 lakaz dan 25 distrik dan 24 mwan.

Mr Speaker mon pou swiv sa deklarasyon ki Prezidan in fer dapre.  Nou’n ganny dir ki dan La Rivière Anglaise pou vi in fini ganny tender e konstriksyon in sipoze konmanse tre byento.  E dat konplet sa proze i Fevriye lannen 2019.

Mr Speaker lepep i note e mwan konman zot MNA mon la pou fer sir ki sa i ganny materyalize pou benefis nou fanmir dan nou distrik.

Mr Speaker me toudmenm mon bezwen vin fran e dir ki 24 lakaz i pasifye pou zabitan La Rivière Anglaise. Prenon kont nou annan bokou dimoun lo lalis.  Mr Speaker nou annan later dan La Rivière Anglaise.  Nou annan en plan e ozordi mon pe fer en demann formel ki Gouvernman i rekonsider sa sif e ki omwen dan sa prosen 3an nou ganny omwen 100 nouvo unit lakaz dan La Rivière Anglaise.

Pou sa santenn fanmir dan La Rivière Anglaise ki pe fer zot kontribisyon Home Savings Scheme mon pou kontinyen felisit zot.  Wi i pa fasil me a lonterm zot pou benefisye.  Annan pasyans e kontinyen fer mwan konfyans.

Mr Speaker later land bank in kontinyen reste en gro problenm pou bann zabitan.  Li osi in vin msye ek madanm.  Prezidan in dir nou ki sa lannen Gouvernman pou fer alokasyon 351 morso later dan land bank baze lo nouvo Polisi sistenm pwen.  Mon zis swete ki sa sistenm i ava enn ki zis.  Ki sa ki merite a gannyen.  Ki sa ki an priyorite a gannyen.

Mr Speaker an plizyer repriz nou’n tande ki en kantite delo lapli i gate akoz nou napa ase danm.  Gouvernman in ekoute e plan in ganny fer.  Wi Mr Speaker, Gouvernman in vwar ki la aprezan nou kapab zer konstriksyon en lot danm, alors in ganny anonse par Prezidan ki en lot danm pou ganny konstrir dan Distrik Grand Anse Mahé.  Wi Mr Speaker, sa i en lot laprev ki Lepep Seselwa in koze, malgre keksoz pa ganny enplimante de zour a lannmen me kan finans i permet, apre bon planifikasyon en keksoz ki vyab e dan lentere Lepep Seselwa, i pou ganny sirman ganny enplimante.  Alors Lepep Seselwa i devret ziz sa Gouvernman par son aksyon.  Malgre proze i trennen, me in arive.  Dan plas i pou fer vites san okenn direksyon zis akoz obsesyon pou nou ariv State House, apre i pou bite.

Mr Speaker sekter prive ek pti biznes i bann group ki’n ganny touse plis dan sa Bidze.  Wi Mr Speaker, Prezidan in aport bokou loportinite a sa de group.  Alors mon mesaz i senp pou zot.  Sezi sa bann loportinite.

Sekter prive in ganny envite pou konstrir e zer aktivite lwazir e entertainment lo later ki Gouvernman pou met a zot dispozisyon dan bann distrik ki’n ganny idantifye.

Pti biznes pou fleri par bann loportinite ki zot pou gannyen dan aktivite ekonomik ki pou ganny konstri dan Victoria Waterfront.

Sekter prive later pou ganny mete a zot dispozisyon pou konstrir e zer bann letablisman Daycare, Home For Elderly ek Nursing Home.  E Gouvernman in al en pe pli lwen pou anonse ki zot pa pou bezwen pey business Tax pou premye 10an.

Mr Speaker, eski sa Gouvernman pa pe get dan welfare son pep?  Eski Lepep Seselwa pa pe ganny sa meyer deal?  Eski sa pa loportinite pou nou Seselwa?  Alors mon lans en lapel avek tou Seselwa ki annan sa kapasite.  Zabitan Larivière Anglaise ki dan sekter prive, sezi sa bann loportinite.

Plizyer keksoz in ganny dir plizyer fwa me ler in ariv ler pou met li an pratik sa i vin en lot konfizyon, en lot difikilte dan li menm.  Prezidan i donn en direktiv e apre dan bann biro Gouvernman kot sa bann keksoz i devret ganny enplimante, i toultan en konplikasyon ekstrenm.  Ki nou zabitan i bezwen fer fas avek.  Alors Mr Speaker, mon pou pran mon responsabilite koman en Manm lo Komite Government Assurance e fer sir ki sa bann keksoz ki Prezidan in dir dan Lasanble Mardi pase, i ganny enplimante par bann ki konsernen.  Sa bann dimoun ki dan sa bann biro i devret shape up.  En Minis pa kapab vin dan sa Lasanble e dir tel tranzaksyon i devret fer koumsa e koumsa.  Sa bann dimoun i desann e fer parey Minis in dir, me apre zot ganny dir non, pa koumsa.  Oubyen apre sa, zour i pase, semenn, i pase, mwan i pase e menm lannen i pase e ni en larepons sa bann biro sa bann dimoun pa gannyen.  Silvouple, annou aret fer nou bann dimoun fristre.  Sa bann ki’n ganny ase e nepli kapab travay, silvouple sed plas avek lezot.

 

(APPLAUSE)

 

HON WILBERT HERMINIE

Drog, Mr Speaker i en size ki nou pa kapab divize lo la.  Si nou deside pou nou lalit kont drog dan Sesel, alors Mr Speaker i egalman enportan ki nou pa vin zwe bon boug dan politik me apre ler in ariv ler pou pas an aksyon nou dir non oubyen nou vir kont oubyen menm nou pa donn nou sipor.

Mr Speaker, paran pe soufer ; zanfan pe soufer, lafanmir pe soufer, lasosyete pe ganny afekte.  Wi Lazans in ganny formen ; travay kominoter dan distrik pe ganny fer, wi Methadone pe ganny donnen, me reabilitasyon i reste primordyal dan sa lalit.  Kestyon alors, eski ler en dokter i dir ki en pasyan i bezwen tel latizann, li i mal.  Sa enn ki en sarpantye i dir non, sa pasyan pa bezwen swen me i zis bezwen al lo cold turkey.  Mr Speaker, dan lavi nou annan nou limit.  Napa Dokter Konn Tou, me i annan dimoun ki eksper dan son domenn.

Mr Speaker, ler ou pa dan en zwe, me ou pe asize lo zarden koman en spektater, toultan pou annan nou pou war ki sa ki pe zwe pa pe zwe byen, oubyen i ti’n devret fer koumsa e pa fer koumsa.  Ozordi mon dir, silvouple nou pa bezwen bann tel spektater.  Ou oule zwe dan sa zwe, antre e vin zwe.  Si non, avans de kote e les sa ki’n komans sa travay fini li.

 

(APPLAUSE)

 

HON WILBERT HERMINIE

In ganny dir ki en Sant Reabilitasyon pou komans ganny konstrir par lafen sa lannen.  Mr Speaker i reste pou nou gete e vwar si vreman sa i ganny materyalize oubyen si pandan lannen sa desizyon pa sanze apre serten negosyasyon ki ava ganny fer avek bann leaders.  Lepep pe note.

Annou fer keksoz arive.  Annou donn lespwar sa bann paran ; donn lespwar sa bann zenn ki zot pe ganny sa swen e zot pou ganny son bout reabilitasyon ki vin avek.  Eski nou pe esper en lot lamars anvil par bann paran pou bann Lotorite konsernen apre taye e dir vini nou a koze dan bann meeting irzan?  Kot i annan blokaz annou debloke pou benefis nou pei menm.

Kou lavi Mr Speaker i ankor en lot size ki nou pa kapab divize lo la.  Vant en pep nou pa kapab zwe avek.  Lekel ki ti kont pri kontrol?  Lekel ki ti kriye aotvwa, ‘’Privatize !’’, ‘’Liberalize!’’.

Mr Speaker malgre sa, sa Gouvernman pe seye pou adres sa size e nou koman en Lasanble nou devret donn en koudmen dan sa demars e non pa zis asize e kriye pou ferm Hypermarket.  Ki vre rezon ki nou oule ferm Hypermarket?  Donn seselwa en vre lesplikasyon, eski i zis akoz son rental e son bann bill?  Eski napa okenn lezot rezon par deryer sa?

Mr Speaker, kou lavi i en konsern pou nou tou.  Pri lavi pa pou desann dizour a lannmen parey serten pe fer nou krwar.  Me nou bezwen asize, kalkile e fer en bon planifikasyon.  E apre tou Mr Speaker, sa i pa zis en travay ki Gouvernman pou kapab fer li tousel, me i pou depan osi lo sekter prive e lo tou sitwayen Seselwa.  Sak endividi i bezwen pran son prop responsabilite.  Me mon bann zabitan La Rivière Anglaise okenn demars ki Gouvernman i annan dan laliny pou fer desann pri lavi, mon pou toultan siporte.

Mr Speaker mon pa pou kapab termin mon diskour ozordi san tous lo mon bann peser.  Mon pou akeyir lide pou SFA vin en Lotorite otononm apartir Zanvye 2019.  Sa i ava ede pou speed-up lenplimantasyon proze ki Lotorite Distrik in met devan pou peser ki ava enkli en landrwa konvenab pou zot vann zot pwason enkli landrwa pou zot stor zot bann lekipman.

Mr Speaker, dan Sesel ki nou pe viv ozordi nou tou nou devret pran nou responsabilite koman en sitwayen.  Annan en bon planifikasyon.  Asize, analize e aret les lezot anbet nou.  Nou sorti lwen ; nou’n ariv lwen e nou pou al pli lwen.  Sakenn de nou, annou sezi loportinite ki nou gannyen.  Mr Speaker pandan sa dernyen 1an nou pei in pas atraver peryod koabitasyon in rankontre tou sord kalite lobstak me anba gidans Prezidan Faure armen avek bann prensip progresiv nou Parti nou’n reisi sirmont tou difikilte.  Nou’n konmans vwar lalimyer lo bout sa tinel e mwan konman en Manm Parlman mon konvenki ki sa prosen 12 mwan mon pou anmenn plis reisi pou nou pep.  Mon oule remersi tou dimoun sirtou bann zabitan La Rivière Anglaise ki’n konpran sa lalit e ansanm nou pou fer li ziska lafen.  Nou bann zabitan La Rivière Anglaise nou pa pou zanmen les nou ganny afekte pou en sou !  Annou touzour mazinen pou kit lespwar vivan.  Mersi Mr Speaker.

 

(APPLAUSE)

 

MR SPEAKER

Mersi onorab Herminie.  Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour tou Manm, bonzour tou dimoun ki a lekout spesyalman mon bann zabitan dan distrik Bel Air.

Mr Speaker.  Ozordi i en gran plezir pou mon.  Konman Manm Lasanble distrik Bel Air.  Pou mon fer mon premye lentervansyon pou sa lannen.  E sa i pou lo Diskour fer par Prezidan Larepiblik lo Leta Lanasyon Mardi pase.

        Diskour Prezidan Faure Mardi in pase pa t i enn ki’n en presyonn mwan ditou.  E mon pa krwar ki’n enpresyonn  bokou lezot Seselwa ki’n ekoute.

Mon pe dir sa Mr Speaker.  Akoz dan lepase laplipar ,bann Prezidan ki sorti dan Parti o pouvwar ki’n vin devan sa Lasanble pou fer zot diskour pou Leta Lanasyon zot in fer preski menm keksoz sak fwa zot in rantre dan Lasanble.

Mr Speaker dan son Diskour in annan bokou promes menm parey nou abitye tande ek lezot son bann son frer oparavan.  Promes, promes, promes, me apre nanryen pa ganny fer.

E la menm zafer in arive Mardi. Nou tann bokou promes e nou pe zis espere si sa bann promes pou ganny finalize.

Mr Speaker apard bann promes ki nou’n tande, i annan osi bann gro, gro proze ki Prezidan Faure ek son Gouvernman pe mazinen pou fer nou krwar zot pou fer.  Tel k tinel, devlopman Waterfront, Danm, Konblaz, eksetera.

E ler ou a dir Mr Speaker.  Tou sa bann keksoz i dan en shelf anler State House pandan 40an e la ozordi zot in tire zot in tir lapousyer lo la.  Lezot a vini zot ava vin met dan Lasanble pou se anbet nou bann Seselwa.

Mr Speaker.  Mon pe zis demande mon pe fer en refleksyon apre ki mon’n tann tou sa bann proze ki Prezidan in koze.

Eski Sesel in vwar delwil?  Akoz mon pe zis mazinen Mr Speaker, kote finansman pou sorti  pou sa ban proze ?  Sa i en kestyon ki mon pe demande.

E de plis Mr Speaker, dan nou pei nou annan pa mal problenm ki zot konman en Gouvernman zot pa ankor kapab deal avek, e zot pa ankor kapab met anba kontrol.

Alor eski dan sa moman ki nou ete la Mr Speaker i neseser pou nou met plis fardo lo nou pei?

Eski i neseser pou nou anpay nou lekor dan en bann keksoz ki pa neseser pou lemoman ?   Ouswa zot pe zis anbet lepep Seselwa ?

Mr Speaker mon abitye avek sa bann keksoz.  E la ler mon pe koz lo la i fer mon mazin ansyen Prezidan Rene.  Msye France Albert Rene.  Mr Speaker i ti vini i ti dir, nou i ti fer en ta promes pou fer Sesel vin en pti Singapore.  Tousala pa’n pase Mr Speaker.  Depi ler in fer sa lanons Sesel i menm parey pandan tou sa letan.  Sa ki pli ris i vin pli ris.  Zis son pti group klik bann ki annan koleksyon ki pe fer zot viv  konmsi zot dan Singapore akoz zot, zot annan.  Me bann  ki napa  i kontinyen napa Onorab Valmont.

Mr Speaker, Prezidan Michel ti vini ti promet nou tren elektrik?  Zot riye.  Ziska ozordi ni dan en tren, elektrik zot pa  ankor pase zot ki ti bat lanmen dan Rally partou.

Ozordi Mr Speaker ni en ray nou pa’n vwar kot sa tren pou pase pou ariv Anse Royale.  Ti zis bann promes fou Mr Speaker.  Zis pou zot ganny eleksyon sa letan

Mr Speaker Prezidan Michel ti promet nou Dreamliner   Ozordi Air Seychelles i ankor pe servi bann vye avyon ki Etihad ti servi ler i ti konmans ler i ti la se dan biznes dan biznes lavyasyon en bann lannen pase.  Ozordi se sa ki nou, nou  Dreamliner ki nou, nou pe travel ladan.

Mr Speaker, ozordi Prezidan Faure in vin ek tou lezot gro, gro plan ki’n vin met devan nou.  E la mon pran enn dan sa plan ki pe mazinen vin fer  proze Waterfront. 

Mon’n swazir sa proze ki’n koz lo la pou mon koz lo la ozordi akoz proze Waterfront i. form parti dan mon distrik.

Mr Speaker, eski nou pa pe al vwar en lot Eden Island nou la anba kot Waterfront?  Eski nou pa pe al vwar en lot pti Joburg parey laba anler Eden Island?  Kot zis Sud Africain ek lezot etranze avek zot bann dalon privilezye ki pe rezouir tou bann privilez laba lo sa landrwa?

Eski nou pa pe al vwar en lot anba kot Waterfront Mr Speaker?  Prezidan Faure in. Dir dan sa proze pou annan lozman, pou annan tou keksoz.

Eski nou bann Seselwa bann ki pe rod en lakaz dan mon distrik  Bel Air eski zot pou kapab afford enn sa bann apartman anba kot Waterfront? 

Non Mr Speaker, sa proze ‘SI’ i ganny finalize i pou en proze ki pou zis etranze ki pou okipe.  Nou pou vwar nou avek en lavil ki vin parey Eden Island.  Kekfwa i ava annan en pti kwen parey  Boardwalk  pou sa zot ava vin anbet Seselwa pou nou vin depans nou larzan pou vin défoule pou nou fann tou nou traka.  Me lezot pou kontinyen ranpli zot pos Zot bann gran dalon privilezye bann ki dan sa pti lanpir zot, zot pou kontinyen benefisye avek sa proze.

Mr Speaker Seselwa pa pou zanmen ganny anbete ankor.  Nou LDS  ler nou’n vini nou’n fer sir ki nou’n ouver lizye Seselwa.  Nou’n kler partou, kot ti devret klere.  E nou fer Seselwa kapab ozordi reflesir konnen kwa ki  en dimoun ler i vin dir ou en keksoz ki i pou fer e konnen kwa ki zot pa pou kapab fer, me selman zis zot pou vini zis zot pou anbet nou.   Nou LDS nou pou fer sir ki anbete sa pep ankor pa pou zanmen ganny anbete ankor.

Mr Speaker lepep Seselwa ozordi i anvi ki nou rezourd bann problenm aktyel.  Bann problenm kip e afekte, nou pei ozordi.  Nou pa anvi al anpary nou lekor parey mon’n dir taler dan bann keksoz initil, ki pou lemoman i pa pou fer dibyen pou nou pei.

Eski i pli meyer Mr Speaker pou annan en tinel?  Kan drog ek lalkol  in anvair nou bann fanmir ?  Kot bann paran ozordi pa santi zot an sekirite dan zot prop lakaz e nou kominote i vin en dezord total Mr Speaker.

E atraver tousala Mr Speaker zanmen Gouvernman in kapab avek sa problenm.  Ozordi  avek nou ki’n anvair nou pei k ii annan tou sord kalite keksoz mal ki pe arive krim organize, vol, tou bann kalite aksyon malonnet pe rantre dan nou sosyete dan nou pti pei.

E deplis ki sa Mr Speaker, nou pei pe vin dan en dezord total.  Eski pa ti pou meyer ki nou envestir olye tou sa bann gro, gro proze eski i pa ti pou pli meyer Mr Speaker?

Pou nou envestir dan nou lapolis pou nou fer zot vin pli efikas.  Pou kapab deal avek sa bann sityasyon aktyel kot Lepep Seselwa ava santi zot pli an sekirite kot nou ava annan en laport lapolis ki serye e ki pare pou konbat sa bann krim tou sa bann keksoz ki pe arive.  Olye ki nou annan en Lapolis Mr Speaker ki zis fer spot checks e lager ek en pti lalang tint lo loto bann ti men dan semen nou ava annan nou en Lapolis ki serye.

Ozordi Mr Speaker dan nou pei Sesel, nou annan en ta problenm, devan nou an fas ek nou ki nou pa ankor kapab deal avek.

Ozordi nou annan nou en gran problenm lakaz dan pei.  E sa i en problenm grav.  Dan mon distrik Bel Air i pa en leksepsyon.  Akoz nou pa rezourd sa problenm lakaz?  Olye angaz nou dan en bann gro, gro proze tel ki tinel e lezot ki zot in koz lo la ?

E la Mr Speaker i montre ou ki nou annan en Gouvernman nou annan  bann Departman dan ‘Gouvernman ki pa  konn zot priyorite.  Dernyen fwa mon ti ganny envite pou al louvertir kiosk.

Zis mazinen Mr Speaker s bann kiosk ales panard i annan sepa konbyen lannen sa bann kiosk i la anba.  Zis akoz i ti koule, zot ti bezwen re penn akoz zot ti fer tousala zot ti bezwen fer en louvertir.  Fer louvertir apre fer cocktail pou zot.  Be nou bezwen kiosk la Bel Air Mr Speaker.  Nou dormi dan kiosk nou?  Dimoun Bel Air pa le kiosk.  Dimoun Bel Air i anvi en proze lakaz.  Ou ti a dir mon ou pe fer proze lakaz nou ti a desann nou ti a vini.     Louvertir Kiosk.  E menm dan sa bann kiosk Mr Speaker napa en dimoun Bel Air ki annan en biznes ki pe rent dan sa kiosk menm si dan nou distrik.

Nou espekte ki en proze lakaz ti a pli fezab la wi mon ti ava vini.  E la Mr Speaker permet mon vi ki mon lo sa size latab ozordi nou’n ganny promet 24 unit dan 24 mwan.  I fer 12 mwan depi ler Prezidan in anons sa.

Ti annan en lepok ti pou fer Bel Eau.  Ler nou demande zot dir non pa pou fer Bel Eau zanmen dir Bel Eau pou fer Sans Souci.  Mr Speaker ou ansarz lakaz, ou ansarz pou fer lakaz dan pei.  Mon anvi fer lakaz dan en landrwa.   E vwar ki annan de plot later ki pa pou ou.  E ou bezwen semen pou ariv lo la.  Eski pa fer fason ganny semen pou ariv lo sa plot ?

        Mr Speaker sa landrwa ki zot in dir pou met tender Sans Souci i ankor anpyang.  I annan de morso later  ki bare, ki zot pa kapab rantre lo la.  E bann dimoun kot lakaz zot asize zot pa fer nanryen.

Mr Speaker mwan mon’n pran li lo mon menm pou mon al vwar lekel egzekiter sa 2 bout later ki mon’n ganny en koze ek enn.  Mon’n fer li rankontre PS zot in zwenn zot in fer vizit e zot in agree prezan pou zot kapab ganny en right of way pou kapab ariv lo sa later.

Tou sa bann letan Mr Speaker.  Si mwan mon pa ti fer sa ozordi nanryen pa ti pou ganny fer.  e deplis ki sa Mr Speaker e deplis ki sa Lagreman in fini ganny fer i en latras semen kantmenm zot in dir tender pe al ganny fer, i len latras semen pou en bouret pase pou ariv lo sa later eskan aprezan zot pa ankor ganny fer Mr Speaker.

Selman proze pe al ganny demare.  Kan proze pe al ganny demare nou pou vey petet.  Mwan mon anvi dir ek bann dimoun dan distrik Bel Air ki pe esper lakaz annou get zot lizye gran ouver.  Pa les zot anbet nou.  Si nou pa ganny nou lakaz si zot pa fer nou proze lakaz anler Sans Souci sa proze pou vin fer.  Vey nou dan Bel Air.

Mr Speaker nou annan en Gouvernman ozordi avek zot departman ki zis promet.  Zis zot trennen lo zot lipye Mr Speaker, zot promet selman zot pa fer nanryen.  Ou konnen ki zot parey, zot parey bann dimoun ki annan gro lipye ki ganny rezipel zis zot trennen ; konmsi zot, mon pa pou al lo la Mr Speaker.  Zis zot trennen parey Leader Lopozisyon in dir.  Zis zot trenn zot lipye lo tou keksoz me nanryen pa ganny fer.

Nou ganny promet 12 lalimyer pa nou ki demande.  Zot ki dir donn nou.  Nou’n al vizite Mr Speaker, nou’n al vizite avek Land Transport ek DA zwer in vini avek son pti can spray in marke ozordi tou mark in mete ek son can spray in fini sorti.  Mr Speaker akoz sa ti ariv depi an Out.  4ozordi nanryen ni en lalimyer pa ankor mete selman zot in promet nou 12 Mr Speaker.

Omwen kronm dir bannla zot ti a fake nou, kantmenm vini pran en poto kannel pik la fer krwar zot pe vin fer keksoz.  Prezan nou a dir ar proze pe demare.  Mr Speaker nanryen!  Sanmenm sa ki nou dir e mwan mon toutafe dakor ek Leader Lopozisyon.  Nou annan en Gouvernman ki trenn lipye.  Ki trennen tou keksoz i reste dan biro e zot pa fer nanryen.

E la mon anvi dir en keksoz Mr Speaker si zot in fatige – si Gouvernman in fatige pa en keksoz pou zot fer si i sorti ale les bann ki kapab fer!  e mwan mon’n ekout tou sa konversasyon depi ler deba  in konmanse Mr Speaker.  Tou bann MNA ki’n koze laba zot tou zot in vwar problenm ek Gouvernman.  Zot tou zot in vwar problenm ek Gouvernman si monk oz manti lev zot lanmen anler dir mon pe koz manti.  Zot tou!  Savedir zot annan en kaptenn ki pa diriz zot byen.  Onorab Aglae in fer resorti enn de sa bann pwen.  Onorab William in fer resorti.  Kaptenn pe dir zot vir 360 Degre zot dir non nou a vir sa.

Me alors napa leadership.  Alors letan kaptenn i sote.  Akoz si zot, zot pa ti pe siport kaptenn lekel ki pou siport kaptenn isi lo kote latab?  Me sorry bannla nou, nou pa pou fer sa!

Mr Speaker e la permet mon al ankor lo en lot pwen.  Vi ki mon pe koz lo sa p roze lakaz sityasyon lakaz permet mon koz lo pri lavi.  Ozordi pri lavi dan nou pei i en gro konsern.

Marsandiz i ankor ser dan bann laboutik.  Pou tou Prezidan Faure pe dir nou fodre nou eat healthy.  Fer bon ladyet.  Mr Speaker kot STC ou pa pou kapab fer ladyet si ou al kot STC, ou pa pou kapab manz en bon ladyet.  Akoz tou sa bann manze ki zot dir healthy la son pri i healthy.  Son pri i healthy parey sa bann manze.  Savedir ou pa pou kapab aste akoz son pri i pa abordab Mr Speaker.

Me mon Mr Speaker mon pe koz koumsa, akoz mon frekante dan sa landrwa mon.  Mon kontan fer en pti pas ennler al fer en pti shopping.  An menm tan ki mon fer sa pti shopping.  Mon vey en pe zaksyon Mr Speaker.  Ou a trouve bann ki frekant laba mannyer i annan dimoun i tate pou aste konmisyon.  I annan ki vine k en lalis pou konpar sa pri.  I annan i vin ek zot telefonn zot swipe zot rod lalis lekel ki nou aste sa enn la nou al aste kot SUMA akoz i pli bon marse, ouswa nou ava al kot lot laba sa enn la nou a kit la.

Mr Speaker ozordi tousala pe arive.

 

(laughter)

 

HON NORBERT LOIZEAU

Zot riye zot konnen.  Zot konnen Onorab Sebastien Pillay mon ti vwar li lot fwa.  Pa ou ki mon ti vwar pe swipe enn fwa pe gete?  Zot osi zot fer Mr Speaker.

 

(laughter)

 

HON NORBERT LOIZEAU

Mr Speaker Prezidan Faure in dir kalite manze, lifestyle pe fer ki annan bokou maladi kronik ki pe rantre dan nou pei Mr Speaker.  Menm si nou pou manz healthy nou pou sanz nou  lifestyle.  Sa bann maladi pou toultan annan maladi.  E la nou fodre si  nou manz byen nou fer bon ladyet.  Nou pa pou malad?  Maladi pou still egziste.  Partou dan lemonn i annan sa.

E pandan 40an en Gouvernman pandan 40an zanmen zot in mazinen pou fer en Lopital Spesyalize ?  Me sa ti bann keksoz enportan sa.  40an zot la zot pa’n kapab fer en lopital spesyalize.  Nou, nou annan en problenm Mr Speaker, ki nou kontan espere pou en pei etranze vin fer pou nou.  Prezan sa la en lour lo nou ledo i vin en det kot apre nou bezwen vwar nou pe pran en morso nou, teritwar pou donnen, akoz nou bezwen vwar nou pe pran en morso nou teritwar pou donnen akoz nou bezwen anpandan ek zot pou zot kapab vin fer keksoz.

Gouvernman ki pa serye ki tro trenn lipye pandan sa 40an.  E i enportan Mr Speaker ki la i lemoman ki nou dir zot.  Nou’n fatige ek lafason ki zot pe trenn zot lipye.  Ki atraver Lopital Spesyalize.  Me sa pa enn nou bann priyorite ki merit ganny fer dan nou pei olye fer tinel fer sepa ki zafer?

E la Mr Speaker konman mon lo tinel la,  ozordi difikilte ki nou gannyen pou nou kapab ganny kontak avek enn bann zofisye dan bann Departman Gouvernman i pa fasil.  Onorab De Letourdie in koz lo la.  Zot laba zot in koz lo la.  E mon la mon pe koz lo la.  I pa fasil.  Telefonn i sonnen pas ou lo extension a lafen ou‘n pas ou letan zis ekout Bondye tou pisan lo bann ringtone, se tou ki ou tande.  Ou pa ganny personn.  La nou le al fer tinel Mr Speaker.  E la ler nou pou call zot pou dir napa network, napa network nou ti dan tinel nou pa pe tande nou pa’n ganny network sanmenm sa ki pou arive ler nou pou annan tinel.  Nou pou rod en fason pou nou baz tousala lo la.

E la Mr Speaker permet mon Mr Speaker Prezidan i ankouraz tou Seselwa pou fer legzersis pou keep fit!  Ozordi nou annan en Gouvernman ki deside keep fit Mr Speaker.  Lontan zot pa keep fit.  Akoz zot in keep fit dan Kof Leta.  Zot in ranpli zot, zot in vin byen gro, byen gra, prezan la ozordi zot le keep fit. 

Tou le Mardi zot lo stadium, tou le Merkredi zot lo stadium pe keep fit.  Me nou lontan nou pe keep fit nou.  Mon lontan mon pe keep fit.  Zot krwar LDS prezan ki pe keep fit?  Non lontan nou pe get zot.  Ler zot fini ranpli zot pos anrisi zot bann dalon ek bann pti lanpir.  La prezan pei in faid zot dir nou keep fit.  Nou Seselwa nou, nou ava keep fit. 

        Mr Speaker mazinen mwan mon konpran akoz zot le keep fit.  Akoz LDS in kler tors partou.  Zot pa kapab anvoy lanmen konmela.  Kot zot pou anvoye.  Partou kot zot anvoye i annan lanm, pa pou pran.  Kekfwa zot a pran en pti lanvlop lot bor.  Me selman nou pe get zot Mr Speaker.

Ozordi nou annan en Prezidan ek son Gouvernman ki pare pou pa enterese ek Spor ek Lazenes ek Spor dan Sesel.  Sa i en keksoz mon pa konnen akoz Mr Speaker.  Prezidan in dir dan son ladres dan son diskour fer legzersis form bann klib.

Me selman Prezidan pa’n dir ki mannyer bann klib pou ganny asiste finansyerman.  Be klib,  klib zis ou ale zis ou ale  zis ou formen sa?  Be klib pou formen me i annan en kou ki vin avek.  Omwen  ou ti a dir nou ki    lekipman legzersis ti ava redwir ti ava desann.  Lo bann supplement ki pe vann dan bann laboutik.  Tax petet ti ava desann.

E mazinen Mr Speaker tou sa bann keksoz la ou a reste etonnen si mon pou koz lo bann supplement  ki pe vann  bann protein bann whatever  bann keksoz.

Ozordi nou pe ankouraz bann pti dimoun pou fer sport?  Pa zis bodybuilding avek weightlifting ki pe servi sa bann prodwir.  Tou lezot spor pe servi sa bann prodwir.  Eski Prezidan pa ti ava byen i vini  i fe en  lanons i dir ki tax pou redwir lo sa bann keksoz.  Akoz konmela pou fer spor i nepli parey avan.  Ki pli entans ou bezwen fer sir ou lekor i manbre ou’n byen prepar ou.  E pa ti byen si en keksoz koumsa dan sa direksyon ti ava ganny fer.

Mr Speaker bann sportsmen dan Sesel nepli annan konfyans dan sa Gouvernman ki apel Parti Lepep.

Mon pou kontinyen lo la Mr Speaker akoz sa i en domenn ki enteres mon en kantite.  Ozordi pou annan en sport club i pa kout en sou.  Ozordi bann managers pe struggle pe struggle pou kit en lekip lo son lipye.  Prezidan in dir form klib li.  Parey mon’n dir i pa’n dir nanryen mannyer pou asiste bann klib.  Ozordi Swimblue Pals avek Praslin Girls in ariv dan final sa konpetisyon.  Eski ou konnen ki fardo zot pe gannyen pou rent zot klib ?  Ki kantite investment kit sa disiplin?

Me nou konman en Gouvernman nou pa fer naryen.  Ler nou vwar bann keksoz koumsa pe arive, nou pa donn siport, nou pa pouse?

Sa en keksoz ki manke dan sa Gouvernman Mr Speaker.  Zot le zis ganny rezilta.  Solman zot, zot pa kontribye dan sa rezilta.

Ozordi ou sorti premye dan irespektiv ki ou gannyen?  Nanryen Mr Speaker, ou pa ganny nanryen.  E bann managers mon’n zwenn detrwa kot Palais De Sport plizyer zot pe koz ek mon pe dir ki omwen Prezidan Faure ti ava dir dan Bidze ki dan Bidze lannen prosen i ava annan en lokasyon avek bann federasyon pou donn bann lekip sport ki sorti premye dan zot ek Knock Out.  At least en R2mil kot pou zot kapab al aletranze i koute tousala Mr Speaker.  Tiket avyon i annan konpetisyon Nasyonal zot bezwen ale.  I en gro depans.

Me Prezidan Faure pa’n dir naryen lo la.  Me bann dimoun i dezapwente.  Ozordi si ou vini ou fer spor ou depanse selman retour ou pa ganny naryen.  Tou lazournen nou bezwen mandyan Mr Speaker.  Al mandyan bann biznes.  Me bann biznes osi pe struggle dan sa pei.

E la mwan Mr Speaker enn ler mon onte.  I annan en msye dan mon distrik i annan en bon leker.  Sak fwa nou vini i ed nou.  Mon kanmi pou al demann li en keksoz tou dernyerman.  Akoz mon konnen i pou donn mwan.  Selman mon kanmi akoz mon pe tro demande.  E nou Gouvernman li i pa fer nanryen pou nou.

E sa ki gou Mr Speaker, ek sa Gouvernman Parti Lepep zot pa fer nanryen  zot.  Dir en klib   in al aletranze in vini in fer byen li, swa ek atletik.  Premye ki ou vwar lo Airport Minis dan son pti palto tok tok avek son bann fler met dan likou  apre zot fer politik avek.

Ki zot in fer zot pou sa bann dimoun fer rezilta ?  Nanryen.  Ou konn byen Onorab Pillay.  Lotrozour ou ti pe koz ek mwan lo la deor.   I konn byen li !

 

(laughter)

 

HON NORBERT LOIZEAU

I konn byen li.  Mr Speaker Onorab Pillay i en dimoun ki konn sa byen li.  Nou koz longman lo la ler nou zwenn nou.  I konnen sa fardo ki son Gouvernman i donnen.  I konn tre byen.

Mr Speaker yer dan sa ladres sorti kot Commonwealth nou ti fer resorti, nou ti dir dan sa ladres nou’n fer resorti ki sport i anmenn lape ek devlopman.  Ti byen – ou ti dir yer dan sa dokiman ki ou ti lir ek nou.

Be Mr Speaker me sport osi i anmenn sport i osi anmenn, en fason pou tir zenn dan drog ek lalkol.  Me napa gran finansman ki’n ganny mete dan devlop man sport pou nou ankouraz zenn kontinyen fer sport.  Napa nanryen ki’n ganny fer.

E la Mr Speaker mwan  mon pe dir nou bezwen ankouraz formasyon son bann Lakademi dan bann distrik.  Parey sa group dirize par Msye Jeffery Payet dan mon distrik Bel Air i fer nou annan len lakademi ozordi nou pe anmas marmay ant 9an a 18an.  I annan nou sot e 50 manrmay e nou pe fer byen e nou pe fer li sa bann dimoun pe fer li volonterman.

Me ler ou vwar konman en Gouvernman Mr Speaker.  Ou vwar en group dimoun pe devoue pe donn zot letan pou fer keksoz ki byen pou Sesel    ou asize ou trenn ou lipye?  Me ou ed zot.

Dan son diskour i pa’n dir naryen mannyer i pou ed sa bann dimoun.  E deplis si ou met finansman dan sa bann keksoz parey.  Ou konnen ki pou arive?   Pa zis nou Bel Air ki pou annan en Lakademi.  Sebastien Pillay Onorab Pillay  Glacis pou fer enn li osi.  Onorab Vidot Roche Caiman pou li fer.  Akoz i pou anmenn nou bann zenn ansanm i  pou tir zot dan lenfliyans.  Se sa ki nou oule dan nou pei.  Nou pa bezwen gran keksoz nou.   Siport nou, nou dan en Gouvernman ki siport nou ler nou pe fer en keksoz ki byen pou lemoman nou pa pe gannyen Gouvernman ki pe siport nou.  Nou vwar zis ler nou fer sikse zot vini fer gran diskour sirtou nou gannyen ek zot.

E la Mr Speaker permet mon sot en pti kou lo ledikasyon.  Ozordi Ledikasyon dan nou pei pe pli deteryore.  E la mon pou dakor ek Onorab Clive Roucou, ler in dir ki plis resours i bezwen ganny mete dan lekol primer.  Mon toutafe, dakor ek Onorab Roucou.  Akoz se dan primer ki labaz ledikasyon i konmanse.

Ozordi nou non nou pa fer sa nou.  Ozordi   nou esper marmay fini S5 Apre ki nou oule sot lo li e fer li , fer keksoz.  Ler in fini pous tord  in sorti deor prezan ki nou mazinen pou al fer ek li.  Annou konmans dan primer.  Se la ‘dan primer ki bezwen dres li.  Akoz ler in fini tord in ariv  sa laz ou pa pou kapab dres li.  En pye bannann ki ou apir li pou ou ganny son rezim ler in mir apre /ou koupe ou zete.  Me zot  non ler in tord in fini tord.

E la Mr Speaker mon tande ki annan  1500 adikt.  Ki annan  1500 adikt zot pou anvoy lo abilite, pou zot kapab rantre dan bann lanplwa.  Vi ki nou mank profesyonnel.  Eski Prezidan in fer bann lanons avek bann dimoun ki aletranze lo bann profesyonnel ki pe travay aletranze Mr Speaker?  Pou zot desann bann ki annan bann bon sertifika pou vin ede vi ki mank mendev?

La  Mr Speaker mon pe koz  lo la  mon konn 2 zenn Seselwa ki’n etidye L’Angleterre lo zot menm.  Zot in fer aplikasyon pou ganny en travay in ganny 1an.  Naryen pa ankor fer lo la.  I annan enn sorti Australie in vini in fer en aplikasyon eskan aprezan nou pa enterese.  Selman    in vini Mr Speaker mwan mon krwar Gouvernman i bezwen pran en lapos pli serye lo sa size.

Mr Speaker aprezan permet mon koz en pti kou lo Assomption.  Dernyen fwa Leader Lopozisyon ti fer kler ki nou pa pou ratifye sa Lagreman dan sa form aktyel ki i ete.  Deswit Speaker serten dimoun pli entelizan ki mon.  ki nou vwar problenm sa mon aktyel.  Me en Lagreman ler i vini me i pa bezwen vin dan devan Lasanble dan en laform aktyel pou nou kapab ratifye?

E nou konman Manm Lasanble napa drwa sanz nanryen lo la nou.  Nou pa annan drwa ni menm azout nanryen lo la.  Alor ki mannyer nou pou rezet li nou bezwen rezet li dan en form aktyel ki vin lo la?  Eski sa Mr Speaker i difisil pou nou konpran? Ki annan pou difisil pou konpran?  Onorab Herminie in dir i konfize vre konfize Mr Speaker.  Me mon krwar i pou pli meyer ou konsilte ou tonton ki dokter.

 

(laughter)

 

HON NORBERT LOIZEAU

Petet i a ed ou tir sa konfizyon ki dan ou latet Onorab.  Akoz mon pe vwar ou konmsi ou pe perdi direksyon.

 

MR SPEAKER

Onorab address the Chair.  Address the Chair.

 

HON NORBERT LOIZEAU

Atraver ou Mr Speaker.  Mon anvi ki Onorab Herminie i konsilte son tonton ki dokter pou ed li sanz sa konfizyon Mr Speaker.

 

(laughter)

 

HON NORBERT LOIZEAU

Mr Speaker e la i annan en problenm ki’n arive.

 

MR SPEAKER

Onorab i reste ou 2 minit.

 

HON NORBERT LOIZEAU

I annan en problenm ki pe arive ozordi.  Ozordi zot Gouvernman i ale i siny bann Lagreman apre nou, nou ganny bate.  Be nou, nou siny Lagreman nou?  Me zot ki siny Lagreman zot Gouvernman ?  Nou, nou pa siny Lagreman nou !  Zis konmsi sat in vol pwason fri apre nou, nou bat sa lisyen?  En?  Kan sa sat ki’n vol pwason fri apre nou vini nou bat sa lisyen deor?

 

(Interruption)

 

MR SPEAKER

Order!  Order!

 

HON NORBERT LOIZEAU

I reste 2 minit dan mon koze.

 

MR SPEAKER

Onorab Loizeau …

 

HON NORBERT LOIZEAU

Ok.  

 

MR SPEAKER

Wrap-up ou annan ou 1 minit.

 

HON NORBERT LOIZEAU

Ok.  Mr Speaker ozordi mon dernyen pwen avan mon wrap- up mon annan plizyer pwen me mon a pran sa enn mon a wrap-up. 

Mr Speaker ozordi Prezidan in dir nou i pe al fer konblaz pou pti biznes.  Sa mon bezwen touse sa Mr Speaker.

Me dan lepase nou pa ti mazinen i annan pti biznes ?  tou sa konblaz ki’n fer lekel ki’n gannyen?  Onorab Herminie in dir nou konplent konblaz me wi nou annan rezon konplent konblaz Onorab Herminie.  Akoz konblaz in ganny fer pou partaz ek zot bann dalon Mr Speaker.  E bann ozordi i annan 2 plot.  Bann ki pa bezwen konblaz in gannyen.  Zot pa’n fer nanryen lo la zot in re vann li zis pou milyon anler Providence.  Me sa i byen?  Nou pa ti annan drwa boycott konblaz?

E Ile Eve ki’n arive Ile Eve Mr Speaker?  Tou bann later e i annan ki’n ganny de bout, i annan pa ti kapab fer biznes zot in pran avek zot in vann pou 2 milyon.

Granmersi  Onorab Woodcock in vini in fer en pe tapaz ki la keksoz in sanze  Onorab De Commarmond ki pa la zanmen in la Mr Speaker ler deba i on mon pa konnen ki kalite Leader zot annan – sak fwa ler i annan en deba zanmen i dan Chamber – li osi i annan en morso Mr Speaker.

 

(APPLAUSE)

 

HON NORBERT LOIZEAU

Li osi i annan en morso i pa pe fer nanryen.

 

(Interruption)

 

MR SPEAKER

Time is up.  Time is up.  Non.  Order!  Order!  Order!  In fer mansion avek labsans Government Business.  Ok ?   Onorab 10 segonn  pou ou dir mersi e ou terminen.

 

(laughter)

 

HON NORBERT LOIZEAU

Donn mwan en minit Mr Speaker.

 

MR SPEAKER

Ou’n al way over ou time limit. 

 

HON NORBERT LOIZEAU

Donn mwan en minit Mr Speaker.

 

MR SPEAKER

Dir mersi avan nou  pran Break. 

 

HON NORBERT LOIZEAU

Mr Speaker mersi  pou sa pti moman ou’n donn mwan.   Mon ti ankor annan plizyer pwen pou mon adrese.  Me selman mon a termin la akoz mon bezwen respekte lord.

Selman en ‘keksoz mon anvi dir.  ‘’Nou annan en Gouvernman ki ganny rezipel ki pe trenn zot lipye lo tou keksoz e pe met Sesel an retar !’’  Mersi Mr Speaker.

 

MR SPEAKER

Mersi Onorab Loizeau.  Nou ava Break e nou ava repran nou travay 11er.

 

(BREAK)

 

 

MR SPEAKER

Bon nou a kontinyen nou travay.  Mon ava pas laparol avek Onorab Basil Hoareau.

 

HON BASIL HOAREAU

Mersi Mr Speaker, bonzour tou bann Onorab ki dan Lasanble e tou bann dimoun ki pe ekout nou.  Mr Speaker i enportan pour nou konn Leta nou Nasyon.  I enportan pour nou konnen ki leta politik, sosyal e ekonomik nou Nasyon Mr Speaker, letan nou analiz Leta nou Nasyon, sa i ede pour nou determinen ki bann defi ki nou Nasyon pe fer fas avek, ki bann mezir nou bezwen met an plas pour adres sa bann defi e osi ki bann mezir ki nou bezwen met an plas pour nou koman en Nasyon prospere Mr Speaker.  I enportan pour nou determin Leta, vre Leta nou Nasyon ozordi parske vre Leta nou Nasyon ozordi, i annan en lenpak lo Leta nou Nasyon dan le fitir.  An dot mo si nou annan problenm ki nou pa pe adrese ozordi sa bann problenm i kapab vin pli grav dan lefitir.  So i enportan Mr Speaker ki nou adres bann problenm ki nou pe fer fas avek ozordi pour ki zenerasyon fitir i a en zenerasyon ki a pli prospere Mr Speaker.

Mr Speaker pour mwan Leta nou Nasyon i vedir en keksoz tre enportan, sa se ki Seselwa i bezwen premye dan son pei.  Seselwa i bezwen ganny trete avek bann privilez dan son pei, parske si Seselwa pa ganny met premye dan son pei, kote ki i pou ganny met an premye Mr Speaker?

Mr Speaker sa letan mon koz lo Seselwa an premye dan son pei pour mwan en keksoz ki vin avek, se travayer etranze dan nou pei.  Wi nou bezwen travayer etranze dan nou pei; wi nou annan serten Seselwa ki pa oule travay, wi nou annan problenm avek problenm latitid par ler ek nou travayer Seselwa, me mwan pa pour aksepte okenn Statement ouswa okenn leksplikasyon pou dir ki Seselwa an zeneral pa oule travay Mr Speaker!  Sa mon pa pour zanmen aksepte Mr Speaker.

Mr Speaker lefe i reste ki i annan bokou louvraz ki Seselwa i kapab fer kot nou annan Seselwa ki kapab fer me ki pe ganny met an dispozisyon etranze selman Mr Speaker, eski nou bann travayer Seselwa pe vreman ganny en fair deal dan son prop pei?  Mon dir non Mr Speaker, non e non!

Mr Speaker parey mon’n dir nou annan serten problenm me mon krwar senserman poudir i annan dimoun ki pe eksplwat sa problenm, zot pa anvi anploy Seselwa, alors zot servi sa loportinite kot i annan sa pti problenm pour fer li, pour fer nou krwar poudir sa problenm i pli gran ki aktyelman ete Mr Speaker.

Mr Speaker mon krwar zot pour realize, sa i en keksoz ki bokou fwa mon’n koz lo la, letan Minis pour Lanplwa, in vin dan Lasanble mon’n kestyonn li lo la, mon’n kestyonn li lo la parske mwan mon krwar poudir nou travayer Seselwa pa pe ganny met a zot dispozisyon travay ki zot kapab fer, ouswa menm dan bann promosyon zot pa pe gannyen Mr Speaker.

Mon pour donn en legzanp tre senp. Mr Speaker mon pe sorti kot mon Lofis Anvil mon vwar en pick-up 3 tonn pe delivre delo, mon get deryer sa pick-up mon vwar en travayer etranze, devan dan, kot seat pasaze en travayer etranze ankor, sa pick-up i pas devan mwan, sa pick-up i pas devan mwan i aret par devan, i arete i park son transpor mon tir likou mon gete lekel drayver?  Etranze Mr Speaker, oule dir mwan pour delivre delo dan nou pei nou bezwen etranze pour delivre delo?  Sa mon pa kapab aksepte.  Me parkont, parkont i annan en Lakonpanni Seselwa Takamaka Bay ki li nou konnen i fer son bann ronm mon’n vwar drayver pick-up Seselwa, kot menm laboutik kot sa delivre, sa delivery ti pe ganny fer ek sa delo, travayer pick-up Seselwa.  Sa dimoun deryer ki pe delivre, pe tir sa bann ronm – Seselwa.

Be oule dir ek mwan poudir i annan serten lakonpanni ki nou trouv Seselwa pe travay, i annan ki pa trouve?  Be pour mwan i kler poudir i annan serten lakonpanni ki pa anvi anploy Seselwa ki zot – kantmenm ou pour donn zot sa loportinite zot pa oule, zot pa oule pran Seselwa!

Mr Speaker i annan en lot trend ki pe arive dan nou pei, sa i konsern sa bann live-in nanny.  Konmela Seselwa nepli pran, oule pran travayer domestik Seselwa pour travay dan son lakaz, in vin en trend kot nou bezwen rod live-in nanny pour vin travay e bokou sa se bann Filipino ki pe vin Sesel.

Eski vreman letan sa bann laplikasyon i ganny fer, Minister pour Lanplwa ouswa kot Imigrasyon zot pe vreman get sa bann laplikasyon si vreman en meritorious?  Ouswa zis nou pe aksepte Mr Speaker?  Mr Speaker mwan dir sa akoz mon senserman krwar kot nou kapab anploy nou Seselwa, Seselwa ki devret ganny anploye Mr Speaker.  E se pour sa rezon, se pour sa rezon ki mon ti demann ek Minis Lanplwa dernyen fwa ki i ti dan Lasanble pour ki nou amann nou Lalwa kot i annan serten louvraz ki nou restrikte a Seselwa selman.  Se pour sa rezon, mon pa believe dan Polisi parske letan ou dir Polisi i vedir i kapab ganny sanze, i kapab ganny aplike avek “A” dan en fason avek “B” i ganny aplike dan en lot fason.  Pour nou annan uniformity e latransparans. Mr Speaker sorry.

 

MR SPEAKER

…Onorab.  Onorab en moman. Onorab Larue silvouple laparol parol i pour Onorab Basil Hoareau.  Ale Onorab ou Hoareau.

 

HON FLORY LARUE

Mersi.

 

 

HON BASIL HOAREAU

Mon krwar i ape siport mwan sa ki mon pe dir tou.

 

(Interruption)

 

HON SEBASTIEN PILLAY

Bravo Onorab Larue!  Well done!

 

HON FLORY LARUE

(Mic Off)

 

HON BASIL HOAREAU

Mersi Mr Speaker.  Mr Speaker parey mon ti pe dir mon krwar i plis ki ler ki nou annan en Lalwa ki restrikte serten louvraz en Seselwa selman.  Ki nou fer, nou annan nou nouvo Employment Act ki pe vini nou annan en Schedule ki nou dir dan sa Schedule poudir sa bann louvraz ki la i ganny restrikte a Seselwa selman.  Si demen Gouvernman i vwar poudir bann mechanism in sanze, ouswa serten louvraz i devret ganny enkorpore ladan, Minis i annan pouvwar pour li par regilasyon amann sa Schedule.  So sa i kapab ganny fer, sa pour annan latransparans e krwar mwan Mr Speaker, krwar mwan pour annan landrwa kot nou pa pe vwar Seselwa ganny anploye ozordi, nou pour vwar Seselwa pe ganny anploye.  E mwan mon krwar sa i enportan.  E wi Gouvernman in fer serten pa dan sa direksyon, parey Minis Finans ti anonse dan Bidze, i annan bann mechanism ouswa bann lamannman ki pour ganny fer avek Business Tax an 2019 ki pe ankouraz, ankouraz bann anplwayer pour anploy Seselwa.  Nou bezwen fer sa me an menm tan nou bezwen al pli lwen e si fodre annou parey mon’n dir e mwan mon krwar i neseser pour nou restrikte serten lanplwa a nou bann Seselwa Mr Speaker.

Mr Speaker mon kontan pour tande dan letan Prezidan in fer son Leta de Lanasyon, dan son Ladres in dir poudir minimum wage pour ganny increase.  Sa mon krwar i ava ankouraz nou bann Seselwa pour rod en Lanplwa, mon krwar sa i en step also dan en bon direksyon e mon demann nou bann Seselwa osi pour apply, pour apply pour bann dyob e komans travay e pran Ownership nou pei.  Pa kit Ownership nou pei dan lanmen etranze.  Sa pei i pour nou Mr Speaker!

Mr Speaker byento nou pour selebre 25an depi nou Konstitisyon i an fors depi ki nou 3enm Repiblik in vin, in ganny kree Mr Speaker.  Mr Speaker Prezidan in anonse ki nou pour, ki i annan en legzersis pour review nou Konstitisyon.  I tre enportan ki sa legzersis i ganny fer Mr Speaker.  En Konstitisyon i en Lalwa ki nou dir ki toultan i bezwen evolye.  I en Lalwa ki dinamik, i pa kapab reste statik, alors i byen ki nou regarde kote apre ki 25an ki nou, ki sa Konstitisyon i anfors kote annan bann weaknesses, kote nou kapab fer li vin pli for, kote nou devret annan amelyorasyon Mr Speaker.  Sa i enportan.

E Prezidan in dir ek nou poudir bann proposal ki ti ganny fer par Constitutional Review Committee, pour ganny basically servi pour amann nou Konstitisyon, mwan mon ti a kontan demann, demande ki atraver ou Mr Speaker ki sa bann proposals ki ti ganny fer par sa Komite i osi ganny met a dispozisyon nou bann, nou dan Lasanble.  Mon krwar sa i pour enportan Mr Speaker, parske nou osi nou a konnen ki bann proposals i ganny fer e i a ed nou dan nou deba e letan sa bann lamannman i vini e osi pour nou deside si i annan bann proposals ki Gouvernman petet pa pe aksepte ki nou, nou krwar ti a bon, i meyer pour annan latransparans e pou annan en meyer deba lo lamannman nou Konstitisyon ki sa bann proposal ki sa Komite in fer i ganny met a nou dispozisyon Mr Speaker.

Mr Speaker (1) en bout nou Konstitisyon ki mwan mon krwar i devret ganny amande se Chapter 2 nou Konstitisyon Mr Speaker.  Sa mon krwar fermeman ladan e la mon koz ankor lo sa ki konsern Citizenship Mr Speaker.

Mr Speaker mon toultan dir letan nou Citizenship i pa appartient a okenn dimoun.  I appartient a lepep Seselwa an antye.  Se sa ki nou lafyerte, sa i presye, pour mwan sa i en keksoz presye Mr Speaker.  E nou bezwen fer sir lekel dimoun ki nou pe donn nou citizenship, nou bezwen fer sir dan ki lanmen nou citizenship pe al tonbe, nou’n vwar dan lepase bann sityasyon ki’n vin anbarasan pour nou kot nou’n donn citizenship dimoun ki pa ti devret pe donnen.  Alors mwan mon dir klerman nou devret amann nou Konstitisyon lo la, e nou devret fer sir ki i annan plis latransparans dan fason ki nou ganny nou citizenship.

Mr Speaker i annan provizyon dan nou Konstitisyon konmela, i dir ou koumsa poudir letan en zanfan i ne si son paran, enn son paran i Seselwa sa zanfan i otomatikman vin Seselwa.  Sa i byen me a en limit, nou konnen poudir i annan bann dimoun ki kapab ganny citizenship ki napa okenn koneksyon ansestral avek Sesel; savedir mon pe koz bann dimoun ki zot napa ni paran, ni granmanman ouswa dan lepase ki ti annan, ki ti Seselwa.  Plito Mr Speaker zot, zot ganny citizenship anba swa zot in ganny montre distinguished service pou towards Sesel ouswa zot annan bann Special Circumstances ki nou koze.

Be si sa dimoun nou donn li citizenship nou kapab end up pe donn 5 dimoun! Akoz nou donn, si apre sa i al fer 4 piti, be son 4 piti i vin Seselwa! Son 4 piti i vin Seselwa e si i marye ek en madanm, sa madanm osi i meet bann kondisyon i osi vin Seselwa.  Mwan mon dir annou amann nou Konstitisyon pour dir sa bann dimoun ki’n ganny citizenship anba sa bann sirkonstans, zot piti pa vini Seselwa!  Parske nou ti donn zis en dimoun nou, nou pa ti donn 4 dimoun!  E egzakteman pour madanm Mr Speaker.  Se pour sa ki nou bezwen protez nou citizenship, nou pa kapab ouver en laport wide open, ki tou dimoun i antre ladan ki mannyer i anvi, parske sa i fer nou citizenship vin bon marse! Nou citizenship i presye e i pa devret vin bon marse Mr Speaker.

 

(APPLAUSE)

 

HON BASIL HOAREAU

Mr Speaker mon pou kontinyen, mon pour kontinyen Mr Speaker par dir anmenn plis latransparans dan sa issue ki mannyer citizenship i ganny donnen.  Pou servi term Onorab Loizeau “annou met en pe plis lekleraz” lo sa issue Citizenship Mr Speaker.  Parske bokou fwa ou tann rimer en tel in ganny Citizenship, sa lot in ganny Citizenship nou pa ni konnen si vreman in gannyen ouswa i pa’n gannyen e si vre in gannyen ki kriter, eski ti annan merit dan son aplikasyon.  E nou’n al etablir bokou Board Mr Speaker, bokou Board lo diferan issues.  Mwan mon dir annou met en Board, en vre Board ki pour deal ek sa Citizenship issue.  Savedir Citizenship pour ganny donnen i bezwen vin devan sa Board, sa Board ki desid.  E ki nou fer dan latransparans?  Sa bann Manm, Manm sa Board pou bezwen annan entegrite, ki nou fer nou dir ok bann Manm sa Board zot a ganny propoze par CAA e apwente par Prezidan avek konsiltasyon Leader Lopozisyon – parey nou’n dir nou’n fer dan lepase! Parske sa pour anmenn lekleraz e latransparans.

Selman sa Board ki pour deside e mwan mon pour menm al pli lwen Mr Speaker, mon pour dir letan sa Board pe ekout sa Laplikasyon i devret open to the public.  Les piblik Seselwa vin ekoute.  Parske si ou pe donn son Citizenship li osi i bezwen konnen kwa ki pe pase, si li i enterese i anvi vin ekoute, i ava vin ekoute!  Napa nanryen ki fer deryer laport pour Citizenship, i bezwen ganny fer openly parske se Citizenship Seselwa ki pe ganny donnen, Seselwa i bezwen konnen ki pe pase.  E mwan mon dir klerman se en Board ki devret ganny etablir pa okenn lezot dimoun ki pour deside, sa Board i a asize i a deside e sa dimoun si i santi li sa Board pa’n donn li en fair deal ouswa son desizyon pa korek, i ava ganny, i ava annan rekour a Lakour by way of Judicial Review Mr Speaker.  Mwan mon krwar senserman ladan.

Mr Speaker letan nou koz Konstitisyon – lamannman nou Konstitisyon i anmenn mwan lo sa pwen lademokrasi, se nou Konstitisyon ki’n donn nou la lademokrasi Mr Speaker.  Nou Konstitisyon ki donn nou drwa pou vote.  Nou Konstitisyon ki’n donn nou drwa pou partisip dan bann Eleksyon koman bann kandida swa koman en kandida Prezidansyel ouswa koman bann kandida dan Eleksyon Lezislatif Mr Speake. , Freedom of expression in ganny donnen par nou Konstitisyon Mr Speaker.  Napa personn – e mon repete napa personn ki annan ownership nou lademokrasi Mr Speaker!

 

(APPLAUSE)

 

 

HON BASIL HOAREAU

Personn pa devret krwar ki lademokrasi pep Seselwa i son byen Mr Speaker! Sa la Demokrasi Mr Speaker ti ganny donnen a pep Seselwa par pep Seselwa!  Mr Speaker sa ti ganny donnen an ‘’93 letan pep Seselwa ti aprouv sa Konstitisyon dan en Referendum.  E pa bliye poudir premye proposal pour aprouv Konstitisyon ti ganny rezete par pep Seselwa.  Savedir pep Seselwa ti konnen ki i anvi, ti konnen ki i anvi e dezyenm fwa, se dezyenm fwa ki i ti ganny aksepte e approved! se pep Seselwa ki’n donn son lekor sa lademokrasi.  E mwan mon dir pep Seselwa i annan tou sa drwa pour li koze, i annan tou sa drwa pour li sante si i anvi sante Mr Speaker!

Mr Speaker annou pa krwar poudir lademokrasi i vedir selman Parti Lepep ki devret ganny kritike.  Lademokrasi i vedir ki menm Lopozisyon i kapab ganny kritike!

 

(APPLAUSE)

 

HON BASIL HOAREAU

E sa nou bezwen respekte sa Mr Speaker.  Nou bezwen respekte e annou pa repros sa pep letan i egzers son drwa pour lademokrasi Mr Speaker.

Mr Speaker lademokrasi i enportan parske i lakle Leta nou Nasyon.  Si nou perdi li Leta nou Nasyon i fini me annou fer sir, annou uphold la Demokrasi e annou dir ek Seselwa kontinyen koze, kontinyen ekrir, kontinyen sante!

 

(laughter)

 

HON BASIL HOAREAU

Mr Speaker letan mon koz, letan nou pe adres Leta nou Nasyon Mr Speaker nou bezwen osi parey mon’n dir pli boner adres bann defi Mr Speaker.  Mr Speaker enn bann defi se drog, nou bezwen adrese sa problenm par ler mon santi ki zis nou’n koz lo la me nou pa pe fer aksyon! annou fer aksyon e annou vwar rezilta sa aksyon Mr Speaker.  Mr Speaker bann trafikan nou bezwen deal ek zot dan en fason serye, tre serye Mr Speaker.

Ozordi Mr Speaker sa problenm drog in ariv dan nou Prizon Mr Speaker!  Nou bezwen trouv en solisyon!  E mon kontan letan mon’n tann Prezidan Faure dir poudir Gouvernman in demann led, e led in ganny donnen par UNODC pour adres sa problenm.  Be mon ti a kontan ki sa bann led ki nou gannyen nou trouv son rezilta byento! Parske nou pa kapab annan en Prizon kot i vin en breeding ground for criminals Mr Speaker, kot nou annan bann zenn kot petet in fer en fot i pa neseserman al dan Prizon koman en dimoun ki ti pe servi drog, me letan i sorti i vin en viktim drog.  Nou pa kapab annan sa Mr Speaker, nou bezwen adrese.

Cost of living Mr Speaker, nou’n koz lo la, mon pa Expert dan Economics mon admet, me mwan dan mon pti konesans letan mon get keksoz, mon dir ki mannyer nou kapab rezourd sa problenm cost of living Sesel? Eski vre tir VAT pour vreman e adres sa problenm cost of living?  Eski vreman, vreman donn konsesyon marsan pour tir cost of living, pour redwir cost of living?  Mon pa krwar Mr Speaker, parske sa bann marsan zot servi sa bann mezir pour zot increase zot profit margin.  Sa ki pe arive.  Mon pa krwar ek bann Cartel ki pe ganny kree Sesel i sitan ptipti ki bann Cartel pe ganny kree pour kit pri o Mr Speaker.  Mwan mon dir bring back price control Mr Speaker tre for!  Bring back price control!

 

(APPLAUSE)

 

HON BASIL HOAREAU

kontrol sa pri Mr Speaker, sa ki mon dir.  E mwan mon krwar sa petet a trouv sa solisyon ki nou pe rode tou sa letan Mr Speaker.

Mr Speaker nou’n koz lo redistribisyon larises dan sa Lasanble bokou fwa, Egzekitif in koz lo la, Lezislatif in koz lo la.  Prezidan i anonse ki byento 20poursan Shares dan SEYPEC pour ganny met a dispozisyon nou Nasyon – nou Seselwa.  Bokou Manm in koz lo la.  Konbyen dimoun ki pour ganny sa 20poursan Shares?  Eski pour ganny redistribye vreman dan en fason ekitab ouswa i pour al dan sa bann Shares pour ganny servi selman serten group dimoun?

 

(APPLAUSE)

 

HON BASIL HOAREAU

Mr Speaker i pa fer sans, i pa fer sans, i pa fer sans Mr Speaker pour ki nou koz lo redistribisyon larises, ouswa nou met a dispozisyon Shares dan bann Lakonpanni Gouvernman, me napa redistribisyon ekitab Mr Speaker.  Plito nou pa fer, si nou pour fer nou bezwen fer li byen, nou bezwen met en Scheme an plas transparan ki kler e ki fer sir poudir la mazorite Seselwa i kapab ganny Shares ladan e i benefisye lamazorite Seselwa.  Nou bezwen annan en bon Scheme e nou bezwen rode pour met an plas, nou pa kapab zis dir la, la 20poursan Shares, me nou tande selman madanm ‘X’ ouswa msye, Mr ‘Y ‘ki’n ganny sa, ki’n ganny Shares.  Nou pa kapab fer sa Mr Speaker.

Koripsyon Mr Speaker; koripsyon i en realite dan nou pei ozordi, nou bezwen aksepte li e deal ek sa bebet seryezman Mr Speaker.  Mr Speaker mwan mon krwar mwan mon pour zis dir quite senserman Mr Speaker nou’n fer en mistake kot i konsern koripsyon! Mistake dan Lalwa Mr Speaker.  Mon pa zanmen krwar nou ti’n devret kree Anti-Corruption Commission mwan, mon a dir ou akoz Mr Speaker, petet nou pa’n ti’n realize a sa moman nou ti, ti annan dimoun ki ti pe kriye Anti-Corruption Commission, Anti-Corruption Commission e nou nou’n deside ale pas sa Lalwa pa nou, well ti lot Lasanble me ti annan dan nou Konstitisyon.  Ombudsman i annan pouvwar in deza Konstitisyonnel donn pouvwar Ombudsman pour investigate fraud and corruption Mr Speaker.  E ki’n arive, la nou vwar 2 bodies ki annan menm pouvwar!  E posibilite sa ki zot kapab mars lo lipye kanmarad.  Be aktyelman Ombudsman i kapab dir avek Anti-Corruption Commission poudir, ‘’gete mwan mon pouvwar i anba Konstitisyon mwan.  Pou ou i anba en Lalwa.’’ So vre pouvwar i dan lanmen Ombudsman or Ombudsperson parey nou pe dir konmela. Mwan mon dir la en bout Konstitisyon ki devret ganny amande.  Ki nou devret fer, nou devret bolster the office of the Ombudsman, bolster son Lofis kot i kapab swa kree bann Komite ouswa kot pour annan plis dimoun ki pour travay anba li, e la avek sa letan son Lofis a vin pli for i ava pli byen pase pour li fer son louvraz – deal, investigate fraud or corruption.  Petet ki nou devret fer sa bann larzan ki nou pe, ki pe ganny bidzete pour Anti-Corruption Commission i devret ganny transfer evantyelman, letan nou’n amann Lalwa fer li akoz Pouvwar in deza la dan lanmen Ombudsman, i zis pour donn li sa, pour met bann lozistik an plas kot i pour kapab fer sa louvraz dan en fason efektiv e efficient.  Parske nou Konstitisyon i kler ladan e mwan mon dir sa ki nou devret fer, donn Ombudsman plis pouvwar, plis pouvwar dan lesanz plis pouvwar finansyel, Pouvwar an term lozistik pour li nobou fer son louvraz ki Konstitisyon in deza demann li Mr Speaker.

Mr Speaker keksoz ki byen nou’n vwar poudir i annan en increase dan Social Security Benefits pour bann aze – pour mwan i pe enport si sa increase i vin dan Bidze ouswa i vin dan, in ganny anonse dan Leta Lanasyon, pour mwan sa ki enportan se ki zot in ganny en larzan an plis ki nou bann dimoun aze in ganny en larzan an plis, ki nou bann dimoun aze in ganny en larzan an plis ki pour rann zot lavi en pe pli eze.  Sa ki pour mwan i enportan, pe enport kote i ti ganny anonse e ki mannyer in ganny anonse Mr Speaker.

Mr Speaker public private partnership mon krwar sa i enportan.  I nepli tan kot Gouvernman i kapab fer tou keksoz lo li menm.  Ki Gouvernman pe envit bann dimoun dan Prive sey vin, vin partisip ansanm ek Gouvernman ede devlop nou pei, ede pour met bann fasilite a dispozisyon nou bann diferan kous nou sosyete.

Nou’n koz an relasyon ek public private partnerships – nou konnen i pour annan en Lalwa ki pour vin an plas byento.  E nou konnen Mr Speaker ki Gouvernman pe met a dispozisyon later pour ki Homes for the Elderly i kapab ganny fer; kot prive i a zer sa bann fasilite, kot zot osi zot a nobou fer en pe profi.  E an menm tan – e an menm tan Mr Speaker Gouvernman i ava pe met en servis a dispozisyon nou bann dimoun aze.  Egalman pour Lekol Technical e Vokasyonnel Mr Speaker.

Mr Speaker sa i anmenn mwan lo mon dernyen size.  Assumption Mr Speaker.  Mr Speaker mwan mon’n annan touzour annan en sel nide lo Assomption, mon pa’n dir wi apre letan lanmans pwalon in so mon’n dir non.

 

(laughter)

 

HON BASIL HOAREAU

Pour mwan mon nide ti toultan kler Mr Speaker lo Assomption mwan, i annan 2 kestyon lo Assumption.  Eski nou bezwen sa fasilite lo zil Assomption, mon dir wi nou bezwen en fasilite Militer lo zil Assomption. – Klerman Mr Speaker, nou bezwen anpes illegal fishing pran plas dan nou delo egalman si i annan piratri nou kapab deal avek e nou bezwen anpes nou delo ganny servi pour anmenn drog dan nou pei.  Sa i kler nou bezwen annan sa prezans e mwan mon dir nou bezwen fer sir sa prezans i vin en realite evantyelman.  Nou bezwen fer sir ki nou delo pa ganny servi koman en landrwa kot krim i ganny komet.

Dezyenm anba ki kontrol sa baz i devret ete sa fasilite? eski i devret anba kontrol Seselwa selman ouswa jointly anba Seselwa e etranze, mwan mon dir sa ki konsern si i pour anba Seselwa ek etranze, mwan mon annan en sel larepons NON, NON e NON Mr Speaker!

 

(APPLAUSE)

 

HON BASIL HOAREAU

Mon desizyon i kler lo la, mon pa krwar poudir lo Teritwar Sesel en lot Nasyon i kapab vin dir ek nou ki nou pour fer!  Sa desizyon i devret selman a Seselwa Mr Speaker.

 

(APPLAUSE)

 

HON BASIL HOAREAU

Mr Speaker sa i anmenn mwan lo en size, eski letan nou ti apros L’Inde letan nou ti apros L’Inde nou ti demann li sa size, sa fasilite ki pe donn nou?  Mon pa krwar mwan Sesel napa, Sesel nou Coast Guard i annan gro avyon pour apoze laba li?  I napa!  Mr Speaker sa proze i vin sa size akoz i dan lavantaz L’Inde. Pour mwan mon konpar li, mon pour donn en legzanp ki mon pour konpar sa avek Mr Speaker.  Sa i parey ou al kot Labank ou dir ek Labank donn mwan R500mil, mon anvi ganny R500mil prete.  Manager Labank i dir non, mon pour donn ou 1milyon, 500mil pour mwan, 500mil pour ou!

 

(APPLAUSE)

 

HON BASIL HOAREAU

Sa ki’n arive!  I pe pran lavantaz Mr Speaker e nou pa kapab aksepte sa.

 

(APPLAUSE)

 

HON BASIL HOAREAU

Lot rezon ki ganny servi, nou ganny dir poudir ou konnen nou pa pour kapab operate ouswa maintain sa fasilite.  Be si nou pa kapab fer li la, sa ki fer nou krwar dan 20an nou pou kapab maintain e operate?  Savedir nou pour siny 20an la apre dan 20an ankor nou pour dan menm sityasyon nou pour donn li ankor 20an?

Mr Speaker.  Mr Speaker mwan mon dir en keksoz dan lepase, dan lepase nou zanset ti pran kredi ek bann marsan.  Letan zot pa ti kapab peye la, later – zot ti vann zot later.  Mwan mon dir annou pa fer ek nou pei sa ki nou zanset ti fer ek zot later!

 

(APPLAUSE)

 

HON BASIL HOAREAU

E mwan Mr Speaker mon passionate about it!  Mwan mon dir NON, NON, NON pa pour kapab ratifye sa Lagreman dan son fason ki i ete kot i annan joint Management of that Base, Mr Speaker!

 

(Interruption)

 

HON BASIL HOAREAU

Mr Speaker.  Mr Speaker avek sa…

 

(Interruption)

 

HON SEBASTIEN PILLAY

Reste ou trankil don.  Ki point of order?  Reste ou trankil napa point of order! Les sa boug koze!

 

MR SPEAKER

Non … Order! Order! Order! Order! Order! Order!

 

HON SEBASTIEN PILLAY

Ki point of order?

 

MR SPEAKER

Order! Order! Mwan ki pe koze.  Annou les Onorab Hoareau. Yes i reste li 3 …

 

(APPLAUSE)

 

HON SEBASTIEN PILLAY

Egzakteman.  Well done, Sir.

 

MR SPEAKER

I reste li … Onorab Ferrari attendre, i reste li 3 minit, les li i ava fini i ava wrap-up apre ou ava lev ou pwen.  Ale – Order!

 

 

HON SEBASTIEN PILLAY

Ou pa’n tande i dir reste trankil? Ou en Leader dan Lasanble.  Ou en Leader – konport ou

 

MR SPEAKER

Ale – Order!

 

HON SEBASTIEN PILLAY

Reste ou trankil don, ki Point of Order, reste ou trankil napa point of order, ou napa nanryen pour ou dir.  Reste trankil Onorab Ferrari, ou en Leader dan Lasanble, ou en Leader.  Lead by example, konport ou. Lead by example- lead by example

 

(Mic-Off)

Fer zot konpran ki poudir nou annan drwa nou pou koze, pour koz koumsa.

 

MR SPEAKER

Onorab Pillay. Onorab Hoareau.

 

HON BASIL HOAREAU

Mr Speaker sa ki mon’n fer ozordi mon’n egzers mon drwa Konstitisyonnel ki donnen par Konstitisyon koman en Manm Lasanble Mr Speaker.

 

(APPLAUSE)

 

HON BASIL HOAREAU

E se sa ki mon’n fer, mon’n koz sa ki mwan mon santi.  Sa ki mon krwar i bon pour nou pei e i bon pour Nasyon, pour nou Nasyon!  Sa ki pa bon nou bezwen dir i pa bon Mr Speaker.! Mersi.

 

(APPLAUSE)

 

MR SPEAKER

Mersi Onorab Hoareau.  Onorab Esparon, Onorab Regina Esparon.  Wi Onorab Basil Hoareau in fini, prosen lo mon, lo lalis ki devan mwan – ok zot ti sanze.  Onorab Adelaide – François Adelaide la laparol pour ou.

 

HON FRANÇOIS ADELAIDE

Mersi Mr Speaker, bonzour Mr Speaker, bonzour bann Manm Onorab e bonzour tou bann dimoun ki a lekout.  Mr Speaker avan mon komanse mon ti a kontan si petet ou dir poudir en Manm Parti Lepep ki fek koze la, akoz i paret mwan ki, me i annan en chaos total dan Parti Lepep! Be ki mannyer?  Mr Speaker-Mr Speaker-

 

 

MR SPEAKER

Order!  Order!  Order!  Order! Order!  Annou pa eksite.

 

(laughter)

 

MR SPEAKER

Nou tou nou annan en sans nou annan 30 minit pour nou donn nou reaksyon lo mesaz Leta Lanasyon.  Annou pasyante.  I pa reste bokou pour fini lo lalis.  Annou pasyante e annou donn sans nou kanmarad eksprim zot.  Onorab Adelaide.

 

HON FRANÇOIS ADELAIDE

Mersi Mr Speaker.  Mr Speaker mon bezwen rekomanse mon zis komans lo sa note ki apre ki mon’n tann Onorab Hoareau koze, mon zis pe demann mon lekor si Parti Lepep pa dan en konfizyon total?

 

(APPLAUSE)

 

HON FRANÇOIS ADELAIDE

Mr Speaker mon pour komans koumsa set akoz lekel, lekel ki ti pe negosye avek L’Inde pour en Baz Militer isi Sesel?  LDS?  Onorab Hoareau?

 

(APPLAUSE)

 

HON FRANÇOIS ADELAIDE

 

HON JOHN HOAREAU

James Michel lo non Parti Lepep.

 

(Interruption)

 

HON FRANÇOIS ADELAIDE

Mr Speaker, (laughter) mon vreman pa konpran ki mannyer Leta nou Nasyon pou kapab koz lo la, si nou menm Manm Elekte ouswa Manm proporsyonnel dan Lasanble, i koz lo en kalite apre zot koz en lot fason zot menm zot, zot konfize an menm tan zot pe konfiz lepep Seselwa.

Mr Speaker Onorab Hoareau ou konn byen poudir Mr Michel ki ti komans negosyasyon avek Assomption.

 

(APPLAUSE)

 

HON FRANÇOIS ADELAIDE

I enn ou kliyan, i enn ou kliyan ki ou’n defann!

 

(APPLAUSE)

 

HON FRANÇOIS ADELAIDE

Erezman Mr Speaker Bondye i gran.  Mr Michel in bliye ki i annan sa dokiman Assomption pour fer ratifye ler i ti ankor annan mazorite dan Lasanble, sansan nou ti’n fini.

 

(APPLAUSE)

 

HON FRANÇOIS ADELAIDE

Bondye i gran!

 

(APPLAUSE)

 

HON FRANÇOIS ADELAIDE

E ozordi mon kontan, e ozordi mon kontan ler ou ganny lafors pour ou vini pour dir devan micro devan lepep Seselwa ki ou kont!  Well done!  Mon dakor.

(APPLAUSE)

 

HON FRANÇOIS ADELAIDE

Mr Speaker-

 

(Interruption)

 

MR SPEAKER

Kontinyen Onorab Adelaide.

 

HON FRANÇOIS ADELAIDE

Mr Speaker, mon pe remersi tou Seselwa ozordi ki obor zot televizyon, obor zot radyo pour ekout ankor en kou Onorab Adelaide kot i reponn Leta la Lanasyon Seselwa.  Pep Seselwa in envestir zot konfyans dan nou koman zot Leader pour pran bann bon desizyon e rod bann pli bon fason fer keksoz dan en fason ki pour pli byen benefisye Sesel e Seselwa.

Lannen 2017 in pase, en, lannen kot Egzekitif ti dir nou ki Seselwa pour inclusive dan bann devlopman ki pou pase dan son pei; kot prosperite pour renye, kot Seselwa ti pour ganny mete o sant devlopman e plis larises ti pour reste dan nou pei e sa larises ti pour ganny partaze avek Kreol Seselwa.  Ki’n arive avek sa bann zoli promes?

En lannen kot Egzekitif ti pour dir nou ki ti pour annan latransparans kot Gouvernman ti pour rann kont avek lepep Seselwa lo tou bann size enportan ki vir otour nou lavi toulezour; en lannen kot sekirite sa pei ti pour en priyorite e kot Seselwa ti pour kapab dormi laport ouver san per, san mefyans, kot ti pour bezwen, kot zot ti bezwen pe mazinen ki zot pour ganny atake, rape, teorize par okenn endividi ouswa groupman; en lannen kot Egzekitif ti dir ki ti pour deal ek sa 40poursan lapovrete, redwir labi sibstans tel ki drog, lalkol e lezot malez sosyal ki ti pe anvai nou pti pei avek son popilasyon.

En lannen kot Egzekitif ti dir Seselwa, ti pour santi lib, fyer, prodiktiv kot i ti pour kapab epanouir son lavi san bezwen ganny viktimize, ni pour son krwayans politik son ras, son Relizyon, stati sosyal eksetera.

En lannen kot Egzekitif ti dir Seselwa, i ti pour ganny apresye dan son prop pei, fyer son lidantite e ganny respekte avek tou Seselwa, e par lao tou ganny rekonnet e respe avek tou Nasyon lemonn.

En lannen kot Kreol Seselwa, ti pour ganny vwar e konsidere koman en asset pli enportan dan son pei e napa nanryen o monn ki ti pour kapab konpromi sa.

Mr Speaker ler mon dir Kreol Seselwa mon pe fer referans avek natif Kreol.  Lo nou kote koman en Lasanble Nasyonal serye LDS avek nou mazorite nou’n fer sir ki nou’n kontinyen kit Egzekitiv lo son lipye pour adres bann size ki ti pe afekte nou pei.  Pep Seselwa zot ti ava dakor ek mwan ki nou dan sa Lasanble Nasyonal nou’n fer tou sa ki nou kapab pour nou met laklerte lo bann problenm, menm parfwa kantmenm i pa nou manda, nou menm donn Egzekitif solisyon pour remedye bokou sityasyon, menm si serten zot ki sipoze pe propoz bann solisyon, me avek en mank konesans e fason fer dan zot striktir Egzekitiv.  Bokou bann bon solisyon in ganny met 2 kote ranplase par zot bann nide expire, malisye, letarzik menm parfwa visye.  Solisyon ki pa’n anmenn dibyen pour nou pep a lafen dizour, avek sa bann tel desizyon nou trouv Sesel e Kreol Seselwa kontinyen ganny afekte.

Kreol Seselwa in kontinyen glise dan presipis tel ki la mizer, imoralite, vorasite kot rankin in souvandfwa ganny manifeste e nou’n trouv bann moman tris tel ki disparisyon nou prop sitwayen, krim, vol eksetera.  Ankor enn fwa sa pe kontinyen trenn nou pei e peizan dan en leta laterer e osi dan lensekirite.  Nou menm trouve sa bann reperkisyon pe menm rantre dan nou bann letablisman skoler sa landrwa kot nou sipoze pe form e train nou fitir Leaders, travayer, politisyen, Homme de Lois, nou bann fitir papa ek nou bann fitir manman, paran, eksetera.

Mr Speaker avek sa fason dirize ki Egzekitiv pe diriz sa pei e son pep Seselwa, mwan koman sa MNA dan Lasanble Nasyonal mon vreman anbarase e mekontan avek sa fason ki Egzekitiv pe diriz sa pei.  Mon pour senserman dir avek tou respe ki mwan annan pour bann Leaders avek pep Seselwa, letan ki koabitasyon ki Mr Faure ti pe fer nou krwar in ofisyelman terminen pour nou dan Baie Lazare.

 

(APPLAUSE)

 

HON FRANÇOIS ADELAIDE

Zot a bezwen rapel ki a 3 round vote 2015, 2016 pour Eleksyon Prezidansyel 2 fwa e lot Eleksyon Lezislatif zabitan Baie Lazare ti byen vote par defet e debrans Parti Lepep!  E fou zot enn fwa pour tou dan bin listwar!.  E nou, nou senserman nou ti anvi en lot Gouvernman O Pouvwar! En Gouvernman LDS avek nouvo fason fer keksoz, alors nou pa pe ekspekte okenn ankor sa kalite terminolozi pour kontinyen konfiz zabitan Baie Lazare e pep Seselwa.  Akoz?  Senpleman akoz Parti Lepep pa serye ditou, i pa pe fer, i pa senser dan son bann parol e aksyon.

Ler Egzekitiv i bezwen son progranm marse zot bezwen nou LDS.  Zot vin pas dimyel obor nou labous fer krwar nou devret travay ansanm, napa kalite mannigans ki zot pa servi pour zot ganny nou senpati, me ler nou dan Lopozisyon nou eksprim siport soufrans nou pep e anmenn bann bon solisyon pour remedye diferan kalite problenm, Parti Lepep ki reprezant Egzekitif zot zwe sourd lo nou!  Zis parey zot Leader zafer Gouvernman ti dir oparavan.

Nou bann bon nide i ganny pase parey delo lo fey sonz e ni menm en rezon nou pa trouve.  Savedir nou bann lide i ganny zete dan bin e Egzekitiv i kontinyen fer sa ki i anvi, san mazinen ki sa pep Seselwa ki pe bezwen soumet e sibir sa bann move desizyon.  Leta nou Nasyon ki Kreol Seselwa pe viv an se moman i vreman deplorab.

Ozordi Leta nou Nasyon i fer ki Kreol Seselwa, in vin pli malen ki son Egzekitif, pli inovativ ki son Egzekitif, pli serye ki son Egzekitif, pli caring ki son Egzekitif, pli fran ki son Egzekitif, pli determinen ki son Egzekitif, e osi pli araze ki son Egzekitif.

 

(APPLAUSE)

 

HON FRANÇOIS ADELAIDE

Ozordi Mr Faure avek son Gouvernman, i le retir tax lo lenz, pour Kreol Seselwa kasyet nou bann blesir politik.  Zot le fer Kreol get zoli deor me anndan deryer sa lenz i kasyet avek zis la mizer, lapovrete.   Eski se sa ki mannyer Gouvernman Mr Faure avek Parti Lepep i anvi fer Seselwa viv?  Eski zot anvi fer nou kontinyen fer krwar?  Get problenm, problenm i reel.

Mr Speaker Leta nou Nasyon ozordi i parey sa Lasanble, ler en mazorite nou i anvi travay pour anmenn progre, en pti group i adopte pozisyon ser zigo!  Zot oule boufonnen e ridikil nou bann bon nide.   Wi, wi ridikiliz – wi.

Zot vin fer en politik saboule dan en fason pour kit lepep Seselwa dan dout e konfize.  E ozordi bann Manm MNA Lasanble Parti Lepep mon tann zot pe plennyen, zot pe dir avek zot prop Gouvernman aret trenn lipye ater; zot pe dir avek zot prop Gouvernman zot tro dousman.  Zot pe dir avek zot prop Gouvernman aret dormi lo file.  Zot menm dir avek zot prop Gouvernman, ki zot ki pe reprezante dan sa Lasanble Nasyonal e zot menm pe dir zot pe fer zot Gouvernman pe fer zot ganny gro latet.

Alor kestyon, eski zot koman bann MNA Parti Lepep zot pa kanmi ler zot pe reprezant sanmenm sa parti, sanmenm sa Gouvernman ki letarzik e ki zot pe boycott dan Lasanble?  Eski pa se zot bann MNA Parti Lepep ki pe lager pour kouver Mr Faure avek son lekip, eski – ki zot pe konplent,  si zot pe defann lentere sa Parti?  Si ou pa dakor ou pa satisfe azir brav!  Nou annan sez available lo sa kote latab LDS!  Cross the floor e vin lo sa kote latab e donn nou lanmen travay.

 

(APPLAUSE)

 

HON FRANÇOIS ADELAIDE

Oli zot koman bann MNA kosto kapab, kalib, konpetan?  Oli zot ki ti pour tenir, fer red, pour fer monte, pour bose, pour pouse?  La zot ganny en sans fer Mr Faure fer li bouze, fer li monte, fer li red, apiye, bouz li devan!

 

(APPLAUSE)

 

HON FRANÇOIS ADELAIDE

Lo sa kote latab personn pa pour zis servi zot zis pour zot ganny popilarite.  Si zot oule Sesel bouze vin lo sa kote latab e ansanm nou a met Sesel lo sa pli o nivo.  Parey dikton i dir “dir mwan ki zot ete, dir mwan ki zot frekante, mon a dir zot ki zot ete”.

Seselwa nepli dormi boner.  Si sa Gouvernman ti anvi amelyor lavi Seselwa an zeneral lontan i ti kapab fer li.  Apre sa defet 2016 menm si zot ti vole dan Eleksyon i ti kler ki zot in adopte sa slogan “après moi le deluge!” Zot ti krwar poudir ler Parti Lepep pour sorti O Pouvwar pour annan deliz dan pei, zis pour fer Seselwa degout e perdi konfyans dan LDS.  Dan Parti Lepep ek sa bann kalite presyon ki LDS pour kontinyen mete – sa Tim Rouz ‘Leker Dan Leker’ pe kontinyen fragmante.  E la nou trouve ki i annan 2 Tim.  Enn pou travayer, enn ki pou travay avek Prezidan aktyel.  Bann ki seye, (ah ekoute Onorab Hoareau, mon’n les ou koze)…

 

(Interruption)

 

HON FRANÇOIS ADELAIDE

…bann ki seye pour fer keksoz avanse e pas pour bann bon boug, se sa bann lepep modifye, bann fake.  I fasil konn zot!  Zot menm zot ki pe vann Souverennte Sesel zis pour zot ganny larzan pour akonplir zot bann rev.  Lot kote i annan bann ki Prezidan Onorer i apel zot Lepep Orizinal, sa i parey bann Mr Basil Hoareau.  Zot sete sa bann ki plere lo Freedom Square dan Rally Defet organize par apre Eleksyon.  Sa i en group ki pa oule Sesel bouze!  I fasil konn zot!  Tou sa ki zot dir zot fer le kontrer.

De groupman dan Egzekitif ki pe met retar dan lavi Seselwa.  Msye Faure la mon dir ou, se sa ki apel koabitasyon.  En lot ki pe fer tou fason en group dan Parti Lepep ki pe fer tou fason pour zot pagaye e fer progre, kan i annan en group Lepep Orizinal ki deside zet pagay e anpes progre bouze.  Nou dan LDS nou pou bezwen tonm dakor pour nou pa entertain sa Gouvernman, ziskan ler zot pare pour ekout e reakte dan en fason pour amelyor lavi sa Kreol Seselwa!  Mon repete ‘Kreol Seselwa!’

Mr Speaker si fodre bloke sa lannen fodre LDS i bloke!

 

(APPLAUSE)

 

HON FRANÇOIS ADELAIDE

Nou’n donn letan Egzekitiv pour zot bouze lo zot deryer!  Zot napa rezon pour dir ki nou pe fer sabotaz, swa ou travay dan lentere pep Seselwa, swa ou demisyonn-en en fwa pour tou!  Nou pour bezwen azir brav si sa letan cool bon boug in fini dan sa pei! Egzekitiv konpran nou byen.  Bato pe drive ver naufrage, zot pe kontinyen asize dan kabin pe diverti kontan.  Nou LDS ki lo sa masin nou pour bezwen ralanti bato menm tenny masin!  En kou si fodre akoz zot pe tro donn bal e pe fer bokou fot.  Pran sa detrwa legzanp swivan:

Pri lavi, si Egzekitiv ti napa debri dan zot zorey zot in tann sa pep kot pe kriye o sekour.  Pri komodite dan Laboutik Seselwa pros pour pa kapab aste, nou souvandfwa demann Gouvernman pour fer STC retourn lo son manda e aret fer konpetisyon enport nenport kwa ki nou’n trouve Egzekitiv i ‘Sourd lo nou!  Eski sanmenm sa ki apel koabitasyon?  Pran legzanp diri mon pour al aste laba dan bann Laboutik Endyen pli bon marse, pli bon kalite ki STC pe fer vini!

Mr Speaker mwan mon kapab ale pran en bis al rode, me sa bann dimoun ki pa kapab ale e ki bezwen fye lo sa franchise STC, eski nou pe get dan posibilite amelyor lavi bann Seselwa?  Nou’n koze depans rent 4milyon, elektrisite 1milyon, eski se Seselwa ki pour bezwen pey pour sa gro kou elektrisite?  Eski Seselwa ki pour bezwen pey aircon pour kit sa bann keksoz fre?  Mr Speaker nou pa bezwen en shopping experience nou.  nou bezwen en komodite bon marse!

 

(APPLAUSE)

 

HON FRANÇOIS ADELAIDE

Mr Speaker nou’n fer prononcement lo bann Labank Gouvernman; ankor enn fwa Egzekitiv i zwe sourd lo nou.  Aret fer profi egzorbitan me gard zot manda e fer lentere e loan afordab pour Seselwa.

Mr Speaker Minis Finans, Mr Larose dan son Diskour rafal Bidze i rekonnet e menm fer prononcement ki Sesel i en gold mine, ki pe espere pour li ganny eksplwate pour prosperite son zabitan.  Eski Msye Faure dan son kapasite koman Prezidan in donn lenportans sa Statement ki son Minis in fer?  Eski in pran letan pour konsilte Minis Larose e diskit lo merit sa Statement?  Wi Mr Speaker Sesel i reste en gold mine ki pe espere pour li ganny eksplwate pour byennet tou Seselwa.  Vwala rezon akoz bann gran Syantis, bann gran Homme de Lois, bann Klervoyan tout le monde in apel Sesel en paradis terrestre.

        Mr Speaker elektrisite i en litilite ki met bokou presyon lo Bidze lafanmir Seselwa.  Se pourtan nou annan soley preski tou dilon lannen.  Si sa Gouvernman ti enterese pour amelyor lavi Kreol Seselwa, nou ti devret tann Mr Faure dan son Diskour pe fer prononcement lo la.  Nou konnen ki Egzekitiv i pa an faver, i pli an faver enport plis karbiran akoz zot konnen ki kantite gous zot gannyen san mazin lenpak lo nou paradis, lenpak dan pers e pos Seselwa,. Pli gro problenm avek PUC ler ou koz lo photovoltaic, kot zot kapab aste kouran avek bann lakour ki anvizaze adopte sa teknolozi natirel, zot rezon i se ki zot pa ankor fer le neseser pour ganny lekipman neseser pour aste elektrisite, me lekipman pour vann elektrisite sa zot annan.  Vwala koman nou resours ki ti a ede pour abes nou pri lavi i ganny deal avek, me ler etranze i vin donn nou bann gran lelis ki pour degiz nou pei e ki nou Kreol Seselwa pa benefisye nanryen avek, i ganny byen apresye par sa Egzekitiv.  Dan sa ka lo sa zafer Lelis, ki Seselwa pe gannyen?  Gouvernman pe kontinyen tir ankor larzan lo lapey Seselwa pour li alim tou sa bann streetlights dan Sesel antye kan in ariv aswar.

Si sa Gouvernman ti ase inovativ i ti ava ranplas sa bann lalimyer par bann ki servi lenerzi soler e servi elektrisite dan ka bann emergency.  Ki kantite saving Sesel ti pour fer lo karbiran, eski Seselwa pa ti pour benefisye? Akoz ki Gouvernman i ankor pe refize met pano soler lo bann building Gouvernman kan bann lakonpannyen prive pe lager lebra kase pour servi sa teknolozi.  Si nou ava rapel byen dan deba Bidze elektrisite ti en konponan mazer kot plis larzan i ganny depanse, e sa larzan se pep Seselwa ki peye.  Seselwa i vwar li difisil pour pey son prop bill elektrik me zot pe kontinyen tou le mwan pour pey kouran e aircon pour bann Letablisman Gouvernman, eski sa Gouvernman pa rekonnet kontribisyon sa bann Seselwa?  Tousala Lopozisyon in koze lo la, Gouvernman ki pe fer, eski zot sourd lo nou?  Eski se zot, eski se sa ki zot pe refer avek koabitasyon?  Transpor e semen tou le bomaten tou zabitan ki pe servi Les, Sid Mahe sirtou bann sorti Baie Lazare zot vwar zot pe ganny retar okazyonnen par blokaz trafik.

Pou detrwa lannen problenm i kontinyen agrave, me lotorite konsernen pa fer li tro gran, pa fer tro gran keksoz pour amelyor sa sityasyon.  Eski sa Gouvernman nepli annan lide lo ki pe pase dan son prop pei?  Eski zot enterese pour deal ek sa bann problenm?  Mr Speaker zabitan sorti Baie Lazare avek Les Mahe nou’n fatige.  Nou’n deza donn solisyon ki mannyer pour rezourd sa bann trafik bloke.  Akoz dan plas servi larzan pour fer tinel nou pa sey rode ki mannyer sa bann semen dan sa bout Mahe i bloke?  Semen i bloke dan sa rezyon senpleman akoz i mank en pe layby kot bann bis e lezot transpor i kapab park pour debark zot bann pasaze.  Kot Erport opposite Cargo Terminal sa i osi ede konplik keksoz,. SCAA dan plas pey en dimoun R125mil  par mwan pour train lisyen, i ti devret kapab envestir dan en overhead crossing e en pli bon fasilite parking pour son bann staff.  Sa ti pour redwir bokou lenkonvenyans e amelyor sirkilasyon trafik.

Eski sa Gouvernman i bezwen pey en expert etranze pour vin fer en letid?  Mr Speaker en bon prezans Lapolis ki ede, ki ti a ede kontrol e diriz trafik ti pour anmenn bokou soulazman.  Mr Speaker ler mon lo sa size Lapolis mon pa pour kapab evite koz lo sa servis esansyel; vi ki nou depan bokou lo zot pour mentenir lord avek lape.  Zot prezans dan nou lavi i vreman enportan e mon salye zefor ki ganny mete pour amelyor zot kalite servis avek lasistans ki zot donn manm piblik.  Me tou resaman i annan en labi par enn de Zofisye pa pe neseserman promot en bon limaz pour sa profesyon.  Nou’n trouv detrwa Zofisye Lapolis abiz zot Lotorite sirtou lo konsern sa pti bout tint lo devan bann vit loto; bann propriyeter transpor menm Drayver in vwar zot souvandfwa an konfli avek sa ban Zofisye.

Si Komisyoner i kapab donn permisyon apre ki ou’n ekrir en let, savedir bann Zofisye osi i kapab advise sa bann drayver e propriyeter lo sa size.  Dan plas fer nou fer depans an plis, i ti a pli bon ki lesplikasyon e konsey ti ganny donnen, en Lapolis efikas pa gat papye son Lakonpannyen dan nanryen ditou.  En Zofisye Lapolis pa devret pe ganny trouve pe reakte dan en fason pour gat lazournen son pep ek son Kominote.  En Zofisye Lapolis i devret en zanmi pour Lakominote, me pa en abizer ki pe harass e menm met tansyon dan son kominote.

Mon’n ganny bokou konplent kot Lapolis in sarz mon pep Baie Lazare, menm si sa i selman R200 ki zot ti pe al servi pour aste komodite de baz pour anmenn kot lakour, me zot in per e bezwen peye.  Mon pe demann avek Komisyoner Lapolis pour ranbours tou sa bann dimoun ki Zofisye Lapolis in eskort larzan par akt malisye, mon pour egalman demann Komisyoner, pour fer sir ki tou bann Zofisye Lapolis i a zour avek tou bann Term e Kondisyon ki zot sipoze pe operate anba la.  Zot fason fer e zot fason azir i annan bokou lenfliyans lo Leta nou Nasyon.

Nou pe vreman kont lo zot bann Zofisye Lapolis. Drayver bis, drayver taxi omnibus Mr Speaker koman en dimoun ki antas bokou lentere dan domenn transportasyon, mon ti pe ekspekte en pti mo lapresyasyon e lankourazman pour sa Sekter sitan enportan dan nou pei.  Mon’n ganny sans asiste enn de zot parkour kot zot legzistans ti pe ganny afekte, bann zonm e fanm ki kouraze ki kot zot tre granmaten e rantre fernwanr pour fer sir ki Seselwa i ariv kot zot apre en zournen travay.

SPTC in demande ki gaspiyaz dan letablisman i ganny kontrole.  Bann vol, gaspiyaz e koripsyon i kout zot Lakonpannyen R2 milyon par lannen.  Zot pe demande ki Gouvernman pe fer pour rekiper sa bann larzan perdi?

Bann trik pyes ki arive dan zot Lakonpannyen ki ler zot gete zot store i plen, me pyes tre pe ki zot kapab servi.  Kantite zapon ki ganny fer lo sa bann bis ki pe senpleman met zot lavi avek lavi zot pasaze an danze, zot panse ki Gouvernman in plis ki ler pour adres sa bann konsern swivan e ki, e sa ki i ti pour fer ki pri bis pa ti bezwen monte si ti pour, sa ti pour osi ede dan abes pri lavi.

Drayver taxi pe osi lager pour zot rezon, zot in fatige al kot bann Lenstitisyon ki sipoze adres zot problenm.  Bann Letablisman Touristik ki pe marye pike pour rantre dan bann deal aranze avek bann ki kapab pey gous; bann ki kapab fer faver tel koman donn Manager Lotel en loto free zis pour zot ganny kliyan.  Drayver Taxi pe soufer e nou ti a kontan ki lotorite i get dan zot welfare.

Drayver pick-up osi zot in anmenn zot protestasyon, kot Gouvernman pa konnen ki i negosye, me etranze i kontinyen benefisye e Kreol li i kontinyen pas, ganny pas pour deryer.

Mr Speaker olye tyonbo lanmen sa Kreol gid li e ed li avek Gouvernman Parti Lepep, pa fasil ditou.  Zot in adopte en latitid fer Kreol vin vilnerab e depan lo zot pour tou keksoz dan en fason zot a touzour kontrol ou e ou, ou a bezwen an zenou devan zot pour tou keksoz.  Zot in fer krwar Kreol Seselwa zot ki donn lakaz, lasante pour nanryen, ki zot donn lekol pour nanryen, kan ofet tousala i ganny peye par tax ki Kreol Seselwa i kontinyen peye.

Zabitan Baie Lazare nou pa’n tann nanryen ki pour benefisye nou dan sa Bidze, dan sa Leta Lanasyon ki Mr Faure in pronons li lo la.

Lazenes Seselwa in ganny oubliye menm si CEO SNYC dan sak fwa ki in ganny letan in fer son prononcement ki i mank li larzan pour li devlope e fer zenn Seselwa devlope.  Dan plas envestir R50milyon dan en proze pour reabilit bann droger eski pa ti a bon si nou ti a met sa a dispozisyon SNYC e pour devlopman bann zenn?

Proze West Coast Development Baie Lazare Mr Speaker zabitan Baie Lazare pe demande ki pour arive avek nou proze?  Nou annan bann gran bout later me nanryen pa ganny devlope.  Si i ti ganny donnen sa bann layer pour fer devlopman Baie Lazare, akfer ki Parti Lepep i pran sa bann later e met anba zot direktiv, pa bliye ki Msye Rene ti rod sa bann bout later opposite la plenn Baie Lazare Lekol pour nou fer devlopman pour Baie Lazare, me non pa pour Parti Lepep.

Nou pou bezwen fors Parti Lepep pour rann nou, nou later dan sa lannen 2018, si zot napa plan pour nou akoz Baie Lazare in konnen ki nou, nou anvi vwar nou distrik bouze, devlope e nou bann sitwayen kapab ganny en bout pour envestir dan en biznes pour zot prop benefis. Baie Lazare i reste sa distrik ki zanmen Gouvernman in deza met fasilite pour nou bann zenn antreprener devlop biznes, nou pe demande ki sa Gouvernman i osi met Baie Lazare ler i fer bann plan pour Sesel.

Fermye ek peser nou napa nanryen.  Mr Faure pa’n fer nanryen pour adres sa sityasyon e nou pour bezwen fer tou keksoz dan nou menm.  Sa lepok kot in arive nou nepli kapab kontinyen mezir koson dan likou pour nou kapab ganny son valer.  Depi dan letan moutya nou ti dir, nou koson pour vann a la balans me i pa pour vann an estim, e sa Gouvernman Parti Lepep i ankor pe kontinyen fer nou vann nou koson an estim.

 

MR SPEAKER

Onorab ou annan ou 1 minit.

 

HON FRANÇOIS ADELAIDE

Mr Speaker mon annan bokou keksoz pour mwan dir dan sa Leta de Lanasyon akoz kot zot in met nou pei ozordi, i pour pran plis ki 1 zour pour kapab eksplik Leta nou Nasyon, me Mr Speaker pour terminen e konklir mon pour dir zis sa 2 pti parol, nou pa pour zanmen les sa Gouvernman Parti Lepep negosye nanryen ankor pour nou!  Zot fer nou onte, zot fer nou kanmi!  90, 000 dimoun avek en siperfisi later ek lanmer tre imans, en landrwa ki ni siklonn, ni volkan, ni tranblemandter, ni dezas natirel pa pase nou ti kapab fer pli byen pour nou pei.  Mr Speaker mon demande ki Bondye i kontinyen beni nou pei Sesel.  Mon demande ki bann Leaders i ava ganny kouraz e adres bann sitasyon reel ki ava met nou pei e nou zabitan dan en leta prosperite.  Mersi Mr Speaker.

 

(APPLAUSE)

 

MR SPEAKER

Mersi Onorab Adelaide.  Bon zis avan nou pran Break, mon ti a zis kontan fer rapel manm piblik ki zot annan akse avek nou Lasanble, swa koman en viziter pour vin vizit nou Lasanble, swa osi pour attend en Sitting parey nou’n fer lannen pase.  E mon ankor, mon a extend lenvitasyon avek zot.  Zot annan zis pour call kot Sekretarya pour fer bann laranzman e nou annan serten prosedir ki zot bezwen swiv e zot ava ganny enformen sa bann prosedir, me Lasanble i reste ouver pour manm piblik.

Nou annan 2 Komite ki pe meet pandan lunchtime, 1er nou annan IAC, i pe meet dan Committee Room 2 e ABC pour meet dan Speaker’s Conference Room 1.15.  Yes Onorab Ramkalawan.

 

HON WAVEL RAMKALAWAN

Mr Speaker zisteman letan ou pe koz lo Meeting ABC, mon pe zis mazinen si pa ti ava neseser pour nou koz lo sitting arrangement dan Lasanble.  Apre sa Diskour Onorab Hoareau swa i en Kandida Endepandan oubyen in cross the floor alors petet nou ti ava kapab koz lo nouvo sitting arrangement dan Lasanble.

 

(laughter)

 

MR SPEAKER

Ok, ok Onorab.  Bon mon’n donn ou sans, mon a donn la parol Onorab Basil Hoareau.

 

HON BASIL HOAREAU

Mr Speaker kot mon asize mon vreman konfortab!  Sa ki mon’n fer mon’n egzers mon Drwa Konstitisyonnel. E Onorab Ramkalawan i bezwen respekte sa e konpran sa, mon konnen i konpran sa tre byen mwan.

 

MR SPEAKER

Mersi, mon krwar tou lede zot konpran sa tre byen ki bann Drwa Demokratik ou bezwen ganny egzerse, i bann Drwa ki nou Konstitisyon i donn nou, me nou koman bann Leaders nou bezwen port latansyon, an menm tan ki nou menm dir ek nou piblik zot annan drwa pour egzers zot drwa, fer zot rapel poudir i annan responsabilite ki mars avek.  Drwa pour nou pa mars lo nou prosen; drwa pour nou pa defame nou prosen; drwa pour nou pa denigre nou prosen.  E nou koman Manm Lasanble nou annan en zenn zenerasyon ki pe regard nou koman Leaders.  E se sa petet par ler nou bezwen konsyan bann mo ki nou servi dan nou bann entervansyon.  Mon’n vwar ki Onorab Arissol in lev en kopi Leksik ki i annan tou sa bann o ladan, me an menm tan annou zis careful ki mannyer nou eksprim nou.

Mon kontan kot i annan en deba ki rich, en deba ki i lev en pti pe ton dan nou Lasanble, me zis en pti mo “be careful” bann mo, bann term ki nou servi.  Avek sa nou ava pran en Break e nou ava retournen 2er.

 

(BREAK)

 

MR SPEAKER

Bonn apre midi tou Manm Onorab.  Bonn apre midi tou bann manm piblik pe kontinyen swiv deliberasyon Lasanble Nasyonal.

Mon ti a zis kontan prezant en pti leskiz pou sa pti retar ki nou’n gannyen, an vi bann lezot meetings ki bann Manm e mwan menm nou’n involve ladan.

Nou ava kontinyen avek nou travay.  E prosennman lo mon lalis i annan Onorab Chantal Ghislain.  Ok Onorab Ghislain laparol i pou ou.

 

HON CHANTAL GHISLAIN

Mersi Mr Speaker.  Bonn apre midi tou dimoun.  Mr Speaker permet mwan lo non Lasanble Nasyonal e tou nou bann koleg isi prezan, mon oule prezant en leskiz senser.  Avek tou Seselwa ki pe soufer ozordi avek sa maladi ki apel rezipel ouswa lezot form maladi gro lipye.

Mon osi avan sa, sa leskiz, pou tou manm fanmir ki’n kapab santi zot afekte.  I tre enportan ki nou Lasanble pa pe ganny vwar pe pran en pozisyon prezidisyer kont bann viktim sa maladi.  Ouswa pe kree prezidis kont zot ouswa kont okenn lot group dimoun.

Dan sa lavi, i enportan pou annan  konpasyon pou lezot.  Sirtou sa ki pli fe ki nou , sa ki malad, e sa ki tonbe lo semen lavi.

Mr Speaker mon dekrir Ladres Prezidan Faure lo Leta Lanasyon konman en wake up call pour tou Seselwa.

 

MR SPEAKER

Onorab Ghislain en moman.  Yes Onorab Ramkalawan.

 

HON WAVEL RAMKALAWAN

Mr Speaker swivan sa ki Onorab lafason ki Onorab Ghislain pe enterpret sa pe pran li konman lensilt an swivan sa ki Onorab Loizeau in dir.

Onorab Loizeau a okenn moman in ensilte dimoun avek sa maladi.  I ti pe senpleman servis sa lekspresyon pou dir ki dimoun ki ganny sa maladi  pa natir sa maladi zot tant pou zot trenn zot lipye.  Se ‘trenn lipye’ ki i ti pe refer lo la.   I pa ti pe ensilte okenn dimoun ki annan sa maladi

E enn bann keksoz ki nou  lo nou kote e mwan konman Leader Lopozisyon, mon ensiste avek tou bann Manm maladi  i en keksoz ki nou pa konnen kan nou pou kapab gannyen.  Alors nou pa ensilte dimoun ki annan okenn maladi.  Alors mon anvi ki sa lenterpretasyon i ganny korize.  Preski i pe ganny servi dan en fason emosyonnel which is not fair.  Mersi.

 

MR SPEAKER

Mon’n dir taler konman bann Manm ki responsab annou veye ki term ki mo, nou servi dan sa Lasanble.  E lafason ki Onorab Loizeau in enterpret li mon santi, ki i pa’n donn son lesplikasyon pa’n kler.  Onorab Ramkalawan ou lesplikasyon i  kler.

Me annou fer atansyon – ki referans nou fer ler nou fer nou liberasyon.  I enportan.  Onorab Ghislain ou kapab kontinyen.

 

HON CHANTAL GHISLAIN

mersi Mr Speaker.  Mon dekrir Ladres Prezidan Faure lo Leta nou Nasyon konman en wake up call pou tou Seselwa nenport ki kote ki pozisyon ou ete pou leve e pran nou responsabilite pou byennet nou fanmir  e lavenir nou zanfan e lavenir nou pei .

Ki pe dir ou ki si ozordi 2018 ou ankor anvi reste dan négativité i ou pert.  Pou ou ki pa ankor realiz  valer travay pli enportan valer travay dir 2018 i lannen pou ou reveye e sezi sa loportinite ki pei i donn ou pou bann swa pou ou lekor e pou zanfan.

Mr Speaker mon lapel ozordi pou bann madanm leve.  E pran nou responsabilite pou byennet nou fanmir.  Byennet nou zanfan e byennet nou pei.  Si i annan en pei  ki kontan e senserman krwar dan nou bann madanm se Sesel.  Sesel i krwar dan kapasite bann madanm pou diriz nou pei.

Me mon dir bravo bann fanm Seselwa ki pe okip en plas dirizan nou pei.  La mon pe refer spesyalman a tou nou bann koleg MNA ki swa lo mon kote latab ek lot kote latab, pe enport nou diferans politik nou diferans lopinyon politik an se ki konsern size ki afekte madanm e bann zenn fiy nou lopinyon pa devret zanmen divize lo la.

Konman en madanm ler mon ti rantre dan politik, mon ti fer li avek mon full konfyans ki i pa pou en zafer fasil.  Latak pou touzour la sirtou ler ou pe fer keksoz pou byen.

Mon dir bann zenn fiy e madanm pou pa zanmen les sa vin en baryer pou zot.  Nou pei i bezwen plis madanm dirizan akoz nou kapasite pou annan konpasyon pou lezot.  Letan ki mon’n pase avek detrwa zabitan Grand Anse Praslin pandan Recess mon’n aprann bokou avek zot sirtou bann dimoun aze e bann madanm ensi detrwa zenn sa distrik.

Mon mesaz alors ozordi pou sa madanm laba Grand Anse Praslin in dir mon in ganny ase avek son 2 garson ki lo drog.  Se ki madanm pa zanmen give up lo ou zanfan.

Kontinyen montre zot ki ou ankor kontan zot.  E ki ou anvi ki zot sanze.

Mr speaker mon lapel pou tou bann fanm Seselwa se pou reveye e atrap sa enn  ki obor ou.  Napa en keksoz  ki pli degradan e rasker.  Ler ou vwar en fanm esey denigre en lot fanm.  Zalouzri e ranker ki deside pran son responsabilite e sey debourye pou fer son pti biznes.  Olye rode kote in gannyen pou fer, akoz ou pa apros li e demann li konsey lo ki mannyer ou osi ou kapab konmans sa ki pou ou?

Loportinite pou en fanm fer biznes Sesel annabondans.  In plis ki ler pou nou aret sey detri nou prosen avek tout sord kalonmni lensilt.  Plis ki zanmen nou devret partaz soufrans ensi ki lazwa nou ser.  Senpleman akoz nou konn difikilte bezwen e defi en lot madanm.

Nou partaz bann menm defi dan lavi.  Nou porter lavi.  Sa menm lavi nou’n fer vwar lalimyer e sa menm lavi ki form sa pep.  Nou bann manman E sa i fer nou santi lasoufrans nou zanfan e soufrans en lot manman.  Drog, lalkol ek vyolans domestik i 3 malez mazer, ki pe ronz nou lakour, nou lazenes, nou fanmir, nou kominote e nou pei.  I 3 malez ki konman bann madanm  nou devret santi nou pli konsernen avek.

Mr Speaker, yer bomaten ler mon pe prepar mon pou vin Lasanble en zenn garson Mont Buxton i vin rod en pti travay netwayaz kot lakour mon manman.  Mon leker ti le desire ler mon atann li dir avek mon ser ki’n vreman degout son lavi sa ti fors mon sorti deor pou al gete lekel.

Mon ti forse dir li me mon garson ki laz ou annan ki ou’n degout ou lavi ?   Latet preski bese i dir mon  28an.  28an mon piti ou pa ankor ni menm viv son lizye ranpli avek larm i dir mwan, ‘’mon oule viv me mon zis pa kapab mon’n esey me mon pa kapab.’’

Mon ti degaze rantre anndan akoz mon osi mon larm pe konmans koule.  Mon ti pe plis mazin en lot zenn garson ki mon ti zwenn Lopital semenn pase en kondisyon telman penib.  E ki mon ti’n aprann ki’n kit .nou pandan weekend.  E ozordi mon’n aprann ki dan lespas 5 semenn 5 zenn zanfan Sesel aze ant 20 a 30an, in mor an rezilta adiksyon drog.

Konman en manman, e konman en madanm i rasker sa.  3me dan en lot kote mon sagrinen pou tande.  Sa bann dernyen letan se ‘bann madanm ki pe ganny atrape pou enportasyon drog dan nou pei.  Bann madanm nou ki porter lavi.  Zet en regar lo soufrans lezot manman,  soufrans lezot madanm e soufrans bann zanfan Sesel.

I en lapel senser ki mon pe fer avek zot ozordi.  Lavi deryer baro pa fasil ditou.  Ler ou pase dan sa pli gro loto ki ou pa’n tir en lasyer lo ou fron pou gannyen, e sey fer desann ou vit e regard sa zenn zanfan Sesel pe mars katpat anbras tou poto tou bout beton obor semen.  Ler ou pran en ver delo mazin sa enn zanfan ki li in vini apre lekol li i pa pe ganny sa ver delo akoz son papa in lev zot water dispenser in al vann.

Ler ou garson ki atab avek ou – mazin sa enn gran garson sa zanfan Sesel ki  pe grat tou bwat fon takeaway obor bin pou li manze.  Ler ou garson pe dormi lo son lili mazin sa enn garson ki pe fer en nespes lanmenm obor semen e pe dormi.  Mazin sa zanfan Sesel i dormi latet anba dan peron.  Mazin sa zanfan Sesel ki debout parey en zombie obor semen.

Eski ou konnen ki mannyer i fermal lo sa manman ler i vwar son garson ki pe konmans grat li zanmen fini?  Soufrans sa papa ki pe ,esey tou pou sov son sel garson?

Mr Speaker lalis i long.  Me tousala se nou bann zanfan Sesel ki nou bezwen sove.  E nou trou nou devret fer li nou responsabilite pou sanz sa sityasyon.

Mr Speaker nou’n antann koz lo progranm Cold Turkey.  me mon ti a kontan konnen kote ouswa lekel  sa pei ki progranm reabilitasyon baze solman lo ‘cold turkey’, sa ki sa pasyan pa al dan en sant reabilitasyon rezidansyel.  Ki sans i fer apre ki sa adikt in pas dan sa traze leksperyans withdrawal apre zis ou larg li dan menm lanvironnman kot i sortir.  E leksperyans i montre ki touzour zot rekonmans ankor – senpleman akoz en adikt i touzour reste adikt ziska i byen konpletman ou byen menm i touzour rod en lot vis pou li fer.  Konbyen adikt drog ki’n tonm dan lalkol zis akoz i rod en lot keksoz pou soulaz son adiksyon ?

Legzanp i la avek plen dimoun ki i dir ou in aret fimen ozordi.  Me selman avan i ti aret net i ti antonn li en ven tenn draze for ou menm chewing gum zis pou soulaz sa adiksyon avan ki finalman rezet tou sa bann vis sigaret.

Eski mon vreman konnen ki kantite pou kapab siport en progranm parey?  Konbyen ki riske devlop en problenm mantal.  Lannen pase ti annan en letan kot ti napa preski ditou drog lo marse.

Nou rapel sa nespes rayot kot gran kouto in mele bloke partou lo semen bles kanmarad sa ti involve 250 adilt.  Me dizon tou sa 4 mil sepa 6mil adikt i al dan withdrawal an menm tan.  Eski nou pe mazinen ki sityasyon ki pou lo nou lanmen konman en pei?

Akoz dan ‘cold turkey’ se sa ki en adikt i pas ladan.  Sa staz withdrawal e se koumsa ki laplipar bann adikt i reakte zot vin agresiv – anvi fer tou kalite keksoz ki zot pa abitye fer.  i annan byensir ki lo tousala i bann kestyon ki nou bezwen demande letan ki nou politisyen nou pa aksepte ki adiksyon i en maladi ki bezwen en latansyon medikal nou pou kontinyen fer bann statement parey pou ganny mileage politik, antretan problenm i kontinyen agrave san ki i vreman ganny adrese.

Apre i annan msye lalkol.  Eski zot realize konmela dan pei i annan en labyer ki apel Amsterdam.  En labyer e letan ou regard lo la i 18poursan lalkol.

Mr Speaker kote ou’n tande ki en lalkol ki en labyer i 18poursan lalkol lo la?  E ganny kategoriz konman labyer.  Ler nou pe regard nou labyer pou nou SEYBREW mon  krwar i ant 5poursan en keksoz koumsa.

Mr Speaker bann pli gran pei au monde in trouve ozordi ki se inovasyon bann pti biznes ki lakle pou sikse e krwasans ekonomik.

Ou ki ou annan ou prop biznes pou kontribisyon da lekonomi sa pei i enn tre enportan.  Menm pli enportan parske kekfwa ou pa ti konnen set avek ou pti biznes ki ti monter nou lekonomi pou ou letan difisil lekonomi ti pe pas ladan.

Me malgre sa, bokou zenn ki’n vin avek bann zoli konsep biznes nouvo nide pe ankor pe trouv li difisil pou kapab demar zot biznes, akoz i senpleman enposib pou zot ganny akse avek kredi ek Kapital neseser pou zot konmans zot biznes.

Mon admet ki SBFA in fer bokou pou ed en kantite dimoun konmans zot biznes.

Me i annan nide biznes ki bezwen plis ki R300mil ki SBFA pa donnen.  E bann labank pa pe ed ditou.  Pa fer okenn diferans si Gouvernman i demann bann labank pou fer li.  Me si Polisi entern bann labank i reste parey ‘’No credit to first borrowers.’’ 

Gouvernman pa devret selman dir labank ede.  Me i devret fors li pou omwen konsider ant 5 a 10 aplikan par lannen ki pou al konmans premye fwa pou al fer en biznes, provided ki sa aplikan i vin en  business plan konpreansiv e serye.  Fer resers lo reabilite sa proze.  E disburse larzan par faz ziska sa proze i konplete.

Mr Speaker sel biznes dan domenn lenportasyon ki ankor reste antyerman dan lanmen Seselwa  se lenz.  E an kor se nou bann madanm Seselwa ki pe fer li.  Pe enport si ou  pe vin vann dan en magazen, vann dan lanmen ouswa atraver bann group aste revann lo Facebook retir Tax lo lenportasyon lenz i fason pou protez ou biznes.

Ou ava nepli annan sa hassle lo Airport ler in fouy avek ou.  Oubyen si i rod lezot keksoz ki ou pa ava al bezwen al pey tax. 

Bokou in ganny dir lo sa zafer lavant Shares dan bann lakonpannyen.  Mon toutafe dakor avek sa propozisyon pou met an plas en lenstriman finansyel pou permet bann fanmir mwen eze ganny akse avek Kapital.

Ozordi pou ou fer en lakaz ou annan ou HFC ki dan li menm i en lenstriman finansyel, kot dimoun i ganny akse avek larzan pou konstri zot lakaz.  Akoz ki nou pa kapab annan menn osi pou permet bann fanmir mwen eze pou zot kapab aste en pe Share zot osi e rezouir dan benefis ekonomik pei zot osi.

In menm ganny sizere selman Seselwa ki pou kapab aste Par.  Me mwan mon pou al pli lwen ki sa.  Mon dir Seselwa ki napa okenn Par dan okenn lezot konpannyen.

Mr Speaker, Prezidan in koz lo lendistri tourizm kot pli gran porsyon i dan lanmen Seselwa senpleman akoz bann pti lotel e Guest House i ganny zere par Seselwa.

Larealite i koz pou li menm lo Praslin La Digue.  Lefe ki lespas pou konstriksyon ankor pti Guest House i preski fini epwize lo Mahé, Praslin La Digue, annou al pli lwen e ouver loportinite pou bann biznes.  Parey osi lo nou bann Zil Elwannyen.

I byen ki IDC i zet nou bann Zil Elwanye e zot fer devlopman lotel lo sa bann zil.  Me annou osi konsider gard en pe sa bann zil pou loportinite bann pti Guest House 5 ou 26 lasanm si i annan Seselwa ki i anvi fer li.  IDC i a la pou kontinyen reste fourni ser bann servis.  Parey delo elektrisite e zesyon salte.

Annou fer survey cadastral e anrezistre sa bann later lo en pe sa bann zil lease avek bann endividi Seselwa ki anvi fer devlopman.

Mr Speaker larealite se ki napa nanryen ki vin da n dalo le napa naryen ki zis sorti anler e bat ater. Nou bezwen bat ater.  Nou bezwen travay, travay e travay pli dir ankor.

Larealite se ki lavi ozordi se ki lavi ozordi ranpli avek defi i drwa sakenn de nou pou debout ferm e plis ki zanmen pran nou responsabilite pou travay dir pou sirmont tou defi devan nou.  Avek en popilasyon 90mil dimoun plis ki 40mil ladan i kapab travay.

Zis mazinen tou sa lanmen ansanm non pa trwa kar i travay ek son lanmen en pti group li prefere travay ek labous dir bann bel, bel parol san foutre a rien.

Rode si televizyon pou trouv zot ou non.  Travay popilarite i vin apre.  Pou konstrir sa pei i bezwen tou lanmen.  Fer li ou devwar ki ler ou leve bomaten.  Pe enport lo ki bout zil Sesel ou ete.  Pou kapab vwar sourir ou zanfan satisfe ki ou’n travay pou ou pei.

Mr Speaker le 8 Mars lannen pase a lokazyon lazournen bann madanm nou 7 madanm MNA dan Lasanble ki osi form parti Komite Madanm ansanm avek bann Minis madanm Minis e Sef Ziz nou ti ganny sans al fer en dyalog o nivo kot Prezidan Faure.

E la ozordi mon kontan,  konman en Komite isi dan sa Lasanble ki detrwa nou bann pwen Prezidan in ekoute e in ganny adrese.  Tel ki ogmantasyon dan konze maternite, akoz bokou bann madanm ti santi zot konsernen ki day care nepli pran bann pti baba pli ba ki 3 mwan.

Ans ki konsern plis sipor sa papa  e osi ler son baba i ne.  Lezot pwen ti osi enkli Day Care pou bann Elderly ek lekol vokasyonnel.

Mr Speaker Prezidan in osi anons ogmantasyon dan saler minimum.  Me mon panse lapel se ki regar osi i al pou sa  madanm ki li i manman  e i carer avek son zanfan full time dezabilite fulltime kot lakour me son zanfan pa al lekol.

Sa bann manman pa ganny okenn konze, e i difisil osi pou zot trouv en dimoun pou kapab pran plas pou okip zot zanfan, letan zot pran konze.  Mon pe size ek Gouvernman pou esey pey sa bann manman omwen zot konze anyel.

Mr Speaker nou’n toultan antann koz service delivery dan Lopital.  Mon enn ki siport annan konesans pou tou nou bann nurse ek dokter.  Ler pasyan i ariv kot en klinik ouswa en Lopital set en nurse ki premye e dernyen pou kontak sa pasyan.  Se sa ki fer ou profesyon sitan enportan.  Ou konnen ki kantite soulaz soufrans e douler sa pasyan si selman ou ti donn en pti pe plis konpasyon.

La maladi i en keksoz soliter sa.  Letan en dimoun i malad i pas atraver sa leksperyans li tousel.  Menm si i ganny antoure par fanmir ouswa zanmi la maladi i reste leksperyans soliter ki ou pas atraver ou tousel.  Se pou sa rezon ki enportan konnen profesyonnel lasante ki atrap lanmen sa pasyan pou ed li lo son semen lasante avek bokou konpasyon.

Ler sa pasyan i ariv Lopital ouswa Klinik fer sa zefor an plis.  Pou kapab tous son leker fer ki i mazin ou tou son lavi letan ki’n rekipere.  Sa coldness ki parfwa sa pasyan i resanti avek serten ners, i pou rann li fristre malgre  ki in ganny li tou son latizann, tou son pikir e tou son pansman.  Reach out avek sa pasyan tous son leker vwar li fer sir ki i met ki ou met li asize ki ou pa met li asize 4 erdtan son lipye pe anfle.  E fer sir ki osi i pa en pasyan  ki malad leker e ki merit en lili ler i pe esper dokter.  Sa se travay sa nurse.  E sa ki nou apel service delivery dan Lopital.  An dot mo latizann tousel pa sifi pou sonny en pasyan.

Anfen Mr Speaker parey laplipar Seselwa, mwan osi mon ankor pe rode akoz ki Assomption i krake?  Akoz ki Assomption in crack? 

 

 

(laughter)

 

HON CHANTAL GHISLAIN

Me zis pa fer en pti letour dan  mon zarden pisanli La Digue remind mon en keksoz.  Ki lontan ler ou ti siny en Lartik pou mont lo Assomption i annan ki ti pran davans.  Me si ou pa mont lo Assomption i bezwen rann davans.  Mon poz sa la.  Mersi Mr Speaker.

 

(APPLAUSE)

 

MR SPEAKER

Mersi Onorab Esparon.  Eskiz mwan Onorab Chantal Ghislain.  Next mon annan Onorab Esparon.  I pa la.  Mon ava demann Onorab Stephen Pillay.  Onorab Pillay.

 

HON STEPHEN PILLAY

Mersi Mr Speaker.  Bonn apre midi tou nou bann Manm koleg MNA zabitan Au Cap e tou dimoun a lekout.

Premyerman Mr Speaker mon ti a kontan osi aport felisitasyon pou ou, Onorab Afif e Onorab Phillip Arissol dan zot nouvo pos.

Mr Speaker mon osi mon’n asize mon’n pran en pe letan mon’n ekout diskour Leta Lanasyon par Prezidan Faure tre atantivman.  Mon larepons i baze lo la.  Spesifikman me an menm tan larealite ki lepep pe pas ladan.  Sa Diskour in montre mon ki napa naryen ki’n fer diferans ek sa enn lannen pase.  E nanryen pa’n sanze.

Ler mon ekoute mon’n tann tou mon bann koleg sirtou dan Parti. Lepep zot ankor pe pas dan menm fristrasyon pou Gouvernman kapab rezourd bann problenm distrik oubyen Nasyonal.

Napa enn  ki satisfe avek servis la ozordi  ki Gouvernman pe donnen.  Nou tou fristre nou tou nou dan menm bato.  Mr Speaker sa i vre Leta nou Nasyon.  Fristrasyon i ganny anbete ankor e ankor an krwayan pou annan en lot rezilta.  Tou sa ki’n ganny dir i montre nou ki apre 40an i plis zot ankor pe fer letid e pe rod plan pou amelyor nou lavi nou Sesel avek nou Seselwa.  Me pou  mon zot in fail zot in fail big time.

        Dan son Diskour lannen pase  Prezidan ti anonse ki  i annan 80poursan lapovrete Sesel.  Pa’n tann ditou lo la sa voyaz.  40poursan lapovrete, eskize Mr Speaker.

Sekreter D’Eta in ganny met an plas.  Minis Lafanmir in ganny apwente me omwen dir nou zot in kapab fer desann lapovrete par 20poursan omwen 10poursan.

Me nou ki nou’n tande ki apre sa survey in ganny fer konn rezilta byento.  Rezilta survey.  Me pa en plan konkret ki pou elimin lapovrete dan Sesel.  Selman nou koze pou en  high income country. 

Mr Speaker avek ou permisyon, les mwan pas lo enn de pti pwen Leta Lanasyon ki Prezidan in fer zis ki i  montre ki mannyer nou ankor an aryer dan sa monde.

Premye pwen Mr Speaker se pa nanryen kot Prezidan Faure personnelman.  Mon apresye li ki tou in sey fer in seye Au cap en pe.  En pe pli tar lo la en pti detay.  In seye.  Me selman Prezidan i realize si i pa’n marse Prezidan nou bezwen dir ou, ou ki ansarz Gouvernman e alor responsabilite i fini ek ou.

Ankor Mr Speaker fer byen konpran, tou sa ki konsern mon distrik ler mon ti al kot Prezidan Faure in acknowledge.  Me parey lezot MNA i dir.  File ler i ariv dan landrwa konsernen ou a krwar ri perdi.  Ni en konsiltasyon en kominikasyon antre nou, nou pa gannyen.  Zis nou ganny acknowledgement of receipt.

        Mr Speaker ler Prezidan i dir le premye Zanvye sa lannen Cote D’Or ti pe marse lo lans e i ti zwenn en papa ek son zanfan 9an pe netway lans konnen i annan en problenm grav.  Sa garson i inosan.  E sa papa pe rod son lavi.  Si pou li i fyer pou en zanfan 9an pe aprann travay lo lans ek son papa sa i mal.  Sa zanfan pa pe anvi aprann travay.  Sa zanfan i anvi pas son letan ek son papa.  I anvi sa latansyon paternal.  Napa en keksoz ki en zanfan i pli kontan  ki ler en paran i dir, ‘’mersi mon boy ou’n ed mwan mon piti.’’  Wi dan tou keksoz si en zanfan i la obor ou e ou pe  montre li swa plant en pti keksoz kot lakour, brouy en pti pe siman, sa zanfan pou grandi byen –wi.

Me le premye Zanvye ler ou, ou pe marse lo lans li i pe aprann travay mon pa konnen me mon krwar sa zanfan i devret kot lakour pe enjoy son nouvo lannen avek son fanmir.

Mr Speaker fail big time.  Mr Speaker ler mon tann dir ki nou en high income country par Labank Mondyal mon krwar ki Prezidan pe osi pe ganny anbete.  Lekonomi dir in ganny agrandi par 4.2poursan.  Menm si nou ankor annan 40poursan lapovrete parey lannen pase.  Mon ti a kontan konnen ki plan konkret zot annan.  Nou’n aprann pe donn R200mil pou bann pansyoner e lo saler de-baz.  R200 wi Mr Speaker.  I fer R6.67 par zour.  Par ase pou pey en bis pou al travay de-baz.  Pa ase pou pey en bwat ton menm si i tir R5 lo la pou     .

Mr Speaker me sa an 2019 mazin byen.  Serye Msye Faure.  Prezidan in dir sa lannen i annan en Bidze R185milyon pou bann carers.  Sa i vedir pou sa 3,500 sitwayen ki bezwen carer sak carer pou ganny li R4405 par mwan.  Ou bezwen demann ou lekor e pi zot rode kote lapovrete i vini?

Mr Speaker Prezidan in donn en sif lo lakantite travayer dan Sesel ki pou mon i vreman enkyetan.  Fotespere i koriz mwan si mon mal e mon avek tou senserite mon ava apresye.

Ler nou gete en carer i dan lanplwa formel.  Enkli konze e tou peye par Gouvernman.  E travayer Gouvernman i 21poursan dan sa  30mil ekek dimoun dan lanplwa Sesel parey Prezidan in dir.

Sa bann carer pa form par lanplwa formel?  Akoz ki sa 3500 zot ki pe ki Bidze pe vwar pou zot.  Zot pa pe ganny proteze.  Ler sa vyeyar ki pe peye i kit nou.  Ler i ferm lizye zot ganny met de kote.  In ler pou nou koz lo la an tou senserite.

Landrwa travay Mr Speaker i anmenn nou en lot dimansyon ankor.

La konmela zot pe dir pou donn ogmantasyon lo saler.  Wi mon’n aprann ki en bann teachers ki pe al ogmantasyon lo zot saler.  Me nou bezwen get osi pa zis teachers i annan teaching assistants osi.  Zot, zot pa ganny ogmantasyon lo zot saler.  Zot ogmantasyon lo zot allowance.

Alor Mr speaker sa i afekte premyerman zot Trezyenm Mwan Saler.  Si en loan pou zot rode zot kapab pa kalifye akoz zot lapey pa lo sa nivo.  Me Mr Speaker akoz zot ganny met de kote?  Fodre senserite nou ou nou met ladan.

Mr Speaker lo kote Air Seychelles i vreman fer lapenn pou mon tande Prezidan Faure ti zis tap laliny lo la.  Au Cap nou annan detrwa bann cabin crew kan zot menm enkli Minis dan meeting  avek bann staff zot ti dir Minis ki ti dir pou napa redundancy. 

Mazinen ki nou bann frer ek ser Seselwa ki toulezour ti pe promouvwar nou pei fodre zot ganny met avan  bann sef  ki zot ki donn bal dan larzan Leta Air Seychelles faid.

Mr Speaker ler Prezidan i koz lo stevedore kantite i ganny dir.  Me stevedore i travay lo Por pa zis zot.  I annan lezot anplwaye ankor i annan en Lotorite Por ki pe soud lo size Sesel.  Travayer pe ganny viktimize; pe ganny pouse.  Alegasyon koripsyon partou dernyerman lanmor menm in arive zis Lotorite Por i mon t lo TV epi krwar nou pou bliye.

Mon demande ki en investigation detaye i devret ganny fer par nou Lasanble osi.  Annou kriy sa Lotorite Por dan sa Lasanble.

Mr Speaker Prezidan osi in koz osi lo Prozedlwa pou Lanplwa ki pou vin dan Lasanble.  Mon pou tir isi ler sa Lalwa i vin dan Lasanble, i annan en bout ki pa ankor tire ladan.  Sa Certificate of entitlement  i ankor ladan mwan mon pa pe aksepte e vot lo la.

Fodre tou parey Onorab Hoareau in dir, tou Seselwa tou etranze i ganny trete egal.  Dan bann lotel  ki pe ganny sa Certificate of entitlement  zis mazinen konbyen Dolar e lanplwa ki ti al pou bann travayer lotel i ti kapab donn nou Seselwa ki pa dan lanplwa?

Mr Speaker lo kou lavi i annan zis en keksoz ki m on pa krwar ladan.  I antre dan mon  latet sak fwa nou koz lo la, se sa pri Dolar.  Prezidan Faure i zis mansyonn sa an pasan.  Dolar pou mwan personnelman Mr Speaker ki devret fix.  Nou pa kapab les nou  monte desann san kontrol dan sa pti kours popilasyon 90mil dimoun apepre.  Nou’n ganny dir se akoz IMF bann Lagreman ki nou’n sinyen nou bezwen les li flote.

Mon personnelman a mon av is mon ti pou dir avek IMF vin Airport mont lo sa avyon ki vin lo la e fer li salanm.  Pa nou ki met Sesel dan sa pyez ki si ou pa pran en desizyon la nou pou koule.  50milyon Dolar in ale.  La i pa al rode sa !

40poursan lapovrete pou ogmante si Dolar pa fix.  Tou nou komodite pri karbiran.  E tou lezot pou kouver nou.  Nou lenportasyon i ganny peye an Dolar.

Ki nou bezwen fer osi Mr Speaker, en lot se ki tou forex ki ganny fer isi, par vann lotel, labank i ganny antre dan nou sistenm ban ker.  Fodre i antre e li ganny mete an Roupi konverti an Roupi.

Sa lakonpannyen i ava re aste li ler i bezwen.  Tou kont i an Roupi.  Sa ki pe tenir sa forex an prive, li osi i pe ede fer pri monte akoz napa forex lo market.  

Mr Speaker bokou pwen e lide in ganny met devan dan sa Lasanble pou sa Leta Lanasyon.  Prezidan in koz lo bokou me mon personnelman i annan en bon pe pa vo lapenn fer gran deba lo la.

Mon tir R5 le premye Avril.  Fme Gouvernman pa demann son lekor kwa ki avek son par IOT ti pe fer tou sa lannen?

Akoz la aprezan pri pe desann par 30poursan?  Me napa trik dan zwe sa?  Mon pa konnen.  Al rod marsandiz Kenya, L’Ethiopie?  Serye?  E ki pou aste sa?  Pa Dolar.  Bato, avyon, tanker pa i sorti laba menm?

Konbyen tanker SEYPEC in koute?  In koze pou dir i pe fer byen.  Me ki lot opsyon?  Wi in fini peye loan.  Me konbyen nou’n perdi ladan?  Eski i ti vo lapenn?

La plis ki sa, nou tande nou pe al ranplas zenerater PUC par LNG.  Mr Speaker mon pa konnen ki plan storage zot annan kot PUC.  Akoz dernyen fwa PUC ti vin dan Lasanble i ti pe al konsantre lo solar panels. 

Mr Speaker PUC pe al fer LNG me PUC Au Cap nou demann li pou sanz 4 lalimyer lo poto zot napa fitting 22 watt.  Ler a gannyen zot ava aranze.  Selman pe al convert to LNG.  Mon pa kapab konpran konbyen pou al kout nou ankor.

Mr Speaker Prezidan pe al fer konblaz pou garaz loto e lezot biznes.  Me kote PUC pe al fer son solar farm, akoz personn pa dir li?  Les nou kapab fer sa bann workshop mekanik lezot class  1, class 2, class 3. Ou, ou a met ou pano soler anler lo sa bann landrwa.  Tou met kare later ou a gannyen menm prodiksyon renouvlab ler i anler lo roof. 

Mr Speaker, Prezidan i dir 85poursan etablir son lotel e akomodasyon i dan lanmen Seselwa.  Epi i dir sa 491 etablisman i reprezant 2, 448 lasal dan en total 6,0 7 lasanm.

Mon pa konnen me selman ler mon demann koleg in dir mon 2, 448 lakaz i zis 40poursan ki dan lanmen Seselwa lasanm.

Mon pa tro konpran Prezidan?  Savedir 60poursan lasanm i dan lanmen etranze.  E Dolar pe ale, pe kit pei e i annan ki pa pe antre menm ki touris ki vin kot sa 60poursan lasanm etranze.

Mr Speaker Prezidan in koz lo met later a dispozisyon sekter prive pou fer restoran e lakwizin Kreol dan distrik.  I byen – sirtou Au Cap.  Me ler nou gete i nepli annan later  lo Domaine  Val Des Pres ki nou sant kiltirel tradisyonnel.  Kote zot pou donnen Au Cap?

I annan enn la ki apel Better Life Foundation in fer 4 kiosk la anndan.  Me travayer etranze pe dormi ladan aswar lo preteks sekirite.

Lazournen i vid.  Bann lot bout i reste abandonnen.  Napa devlopman lo la.  Aksyon i merit ganny pran deswit.  Mon kont lo Msye Prezidan.

Mr Speaker, mon byen kontan sa langazman ki Prezidan in donnen Marie Louise me mon dezapwente lo sa size Assomption.  Mon’n ekout bann Onorab lo lot kote latab.  Mon’n ekout zot dir NON, NON, NON.  E ler mon demann mon si sa non pa pou anmenn en rotasyon dan sa lot kote.

 

(APPLAUSE)

 

HON JOHN HOAREAU

Mr Speaker sa ki’n al Assomption i konnen e konn landrwa.  Nou konnen akoz sirveyans enportan laba.  Nou ki’n al laba.  Me nou konnen osi ki deza annan sirveyans anba laba.

Ler ou al laba Msye Prezidan i annan Coast Guard ki pe patrole pe vey ou.  Ler nou, nou al laba i annan zot ki pe vey nou.  Wi i pran 3 zour pou Coast Guard ariv laba.  Me akoz zot pa dir laverite ki Coast Guard i kapab patrol sa delo.  Ler Coast Guard i ale zot reste 2 semenn pe patrole laba.  Marie Louise, Alphonse, Assomption, Cosmoledo.  E ler zot retourn Mahé Mr Speaker, en lot bato i re desann ankor 2 semenn.  Baz nou pa bezwen etranze.  Lagreman parey i ete nou pa oule.

Mr Speaker ankor nou pe dir avek Gouvernman Egzekitiv, dan sa 2 let ki mark nou kwa ki zot pa ganny en konpran ladan?

Si zot anvi vin fer en Lagreman vin avek en nouvo Lagreman.  Vin kot Lasanble.  Dir nou tou ki annan ladan, met devan lepep, epi lepe i a deside atraver nou osi Lasanble si os aki ladan i neseser.  Si i merite.

Nou get Coast Guard se tou ki i bezwen.  Coast Guard i bezwen zonm, i bezwen lekipman i bezwen bato.  Aret manti ek Seselwa.  Assomption i annan en sistenm manda sofistike ki demann zis upgrade.  Pou li kapab kouver Aldabra avek Assomption.

Astove i annan enn ki kapab kouver Cosmoledo upgrade met bato, met zouti aret manti.  Konpran byen ankor etranze lo nou zil i en gro NON !

Mr Speaker, lo Coast Guard i demann vreman en  aranze dan sa lafors defans.  Nou gete i annan de bato ki kapab al Assomption anba laba, Astove me zot osi annan 7 bato ki asize lasose.  Zot fer bann pti bato lo plato Mahé zanmirant.   Pran 2 baz li kot Aldabra, Astove ou menm Farquhar  la i ava ganny byen servi.  E reste zis pou zot refuelling avek bann basic goods anvoye tou le semenn or mwan par avyon e bato.

Mr Speaker an menm tan i annan bokou pwen ki mon’n note me i pa pou tro bokou pou al fer lo la.  Bann nide ki’n ganny met devan pou reste zis nide.

Prezan koz lo Sovereign Wealth Fund.  Mr Speaker i pou reste zis en nide.  Napa detay kote larzan siplis zot pou gannyen pou fer Sovereign Wealth Fund?  kote pou gannyen?  Eski zot pou revwar sa bann konpannyen, parey Fon Pansyon.  Eski nou larzan Fon Pansyon pou al ganny perdi dan sa Fon Sovereign?   Zot pou al pran avek SEYPEC, PUC, IDC, SCAA Nouveau Nouvobanq.  Si zot annan plan avan zot a vin dir nou detay.  Ankor Mr Speaker en gro NON.

Mr Speaker Prezidan in koz osi lo landrwa vyeyar, Day Care, National Park, plis lasanm lo IDC.  Landing fee voyaz Seselwa aletranze.

Nou’n tann enn Onorab dir i pres pou li kalifye pou meyer pri vwayaz aletranze.

Mr Speaker tou sa ki pe dir i pa premye fwa ki nou tande.

Mr Speaker zis sa zafer lakaz ki Prezidan i koz lo la public private partnership lo Nasyon yer pa yer semenn pase. Mon’n vwar en tender of expression of interest.   Ki pe fer egzakteman sa Perseverance ki en konpannyen i ganny en bout later pou li, an menm tan fer en poursantaz pou Gouvernman.

Mr Speaker ler Prezidan ti vin dan distrik Au Cap vizit pou ti demann li en feasibility study lo sa menm prensip.  Mon ti donn li file Mr Speaker ziska aprezan mon’n ganny zis en acknowledgement letter. 

Letid mon krwar pa si in ganny fer.  Akoz zot in taye idantifye sa landrwa zis 6 mwan avan Prezidan i vin vizite.  Se akoz en madanm ti vwar sa landrwa pou fer en lekol prive.

Mr Speaker, problenm drog zis pa oule aksepte zis zot pa oule aksepte.  Fodre kas sa byen – supply and demand.  Nou’n tande 8.5ton ti gannyen nonmen pou ganny atrape pou Zanvye e Fevriye 2018.  Plis ki lannen pase.  Ki’n arive ?

Eski ler zot in tyonbo 8.5ton 85ton in pase?  Mr Speaker tou zefor i devret ganny mete pou konbat sa.  Nou pa pe zis donn Methadone pou sonnyen avek R2500 par mwan.

Mr Speaker avan mon ganny met dan move corner parey Prezidan in dir, en lot pti mesaz pou Prezidan.  Personnel sorti Au Cap.

Sa madanm Pointe Au Sel,  kot nou ti al vizit i dir ou i pa ankor ganny larepons pou akomodasyon ki ou ti promet li atraver lenstitisyon.

Li ek son fanmir i ankor pe reste dan sa menm lakaz emergency ki ou ti vizite.  Ki ou ti dir ou pou kraz tou ki annan MahéEx-Foam sa madanm pe esper semen.  OMWEN en plan pou semen.  Akoz i dir ou in fini ganny pti baba e pou mont ek zanfan pake dan lebra en ta mars peron i ankor fer li toulezour.

Sa manman ki pe carer avek son zanfan dezabilite.  Pran en pe konpansasyon pou li.  Zot pa kapab pran konze akoz zot pa ganny peye akoz zot pa merit konze.

Osi sa madanm  ki lo Kontra e ler i ganny pti baba,  Kontra i ganny kase.  E i ganny terminen dan lanplwa.

Mr Speaker spesyalman pou sa bann dezabilite Audrey ek Eliza i bezwen ou led Prezidan.

Prezidan ti dir lannen pase ki piblik pa pou kapab idantifye zot prop later.  Me pou annan en point system.  Ankor pa konnen kote in pri sa.

Gouvernman i resanble nowhere kote ki annan later Sesel.  Selman later pe ganny allocate avek serten endividi.

Mesaz i kler i ankor annan keksoz anba bol ki pe pase.  Mr Speaker Dan ek son madanm Green Estate i demann ou pou ed li avek en bout later.  Tro lontan i pe espere.

Mr Speaker sa madanm ki’n fer laplikasyon pou aste en bout later dan bor son paran, i ankor osi pe espere.  In ekrir zot.  Gouvernman dan sa Lasanble  menm ti dir –  Si en bout later i dan bor kot ou paran i reste ou kapab apply e aste sa bout later.  La dan sa Lasanble zot ti dir sa.  Mr Prezidan sey get ladan.

Mr Speaker sa madanm Dolphin Court i malad ek son de zanfan akoz zot pa pe fer en bon maintenance renovasyon lo sa bann flat.

Delo pe leak par lao sa flat anler me zot zis pas en pti kours siman dan plafon.  Lannen ale menm problenm.

Gouvernman  in devret annan en plan entansif pou renovasyon Dolphin Court e osi Turtle Bay kot bann teachers Flat.  Mr Speaker, Prezidan annou fer li enn fwa pou tou.  Mr Speaker dan gravye Capucin zot ankor pe esper sa proze semen.  Me lo en bon not. Mon pou en vit Prezidan Faure vin ankor lo kort Pointe Au Sel pou fer en pti rankont ek sa bann zenn ki ti zwenn dan son dernyen vizit Au Cap.  Me mon ti a kontan envit li ler tou travay i fini lo sa pti devlopman.  Mon repete ler tou, travay i fini kekfwa 20mil zanmen.

Mr Speaker mon pa kapab terminen san dir en pt i mo lo sa tinel.  Mon konnen ki omwen  Onorab Cascade i kont sa proze.  Mon konnen dir li pran kouraz sa i zis en rev.  Me ki ou  a fer ler Onorab Valmont ti demann quarry Au Cap la li i a kontan ki zot pou tir ros Cascade e non pa anler Au Cap dan Gaza Montagne Posée.   Avek tou sa defi ki tou MNA i koz lo la mon ti a kontan demann kontan adres Onorab De Commarmond e Onorab Simon Gill ki dir zot i annan 2 swa.  E mon pou servi zot parol e zot kot pou sa 2 swa ki annan la sa lannen.  Onorab De Commarmond – quote ‘’Election you want, election you will get!’’ End quote.  And kot Onorab Simon Gill en lot opsyon, ‘’From top to bottom from bottom to top – out!  The choice is yours!’’  Mersi Mr Speaker.

 

(APPLAUSE)

 

MR SPEAKER

Mersi Onorab Stephen Pillay.  Prezan mon pou pas laparol avek Onorab Sebastien Pillay.

 

 

HON SEBASTIEN PILLAY

Mersi Mr Speaker.  Mr Speaker avan mon konmans mon ladres sa ki mon felisit tou bann ki ganny apwente lo bann nouvo pozisyon isi dan Lasanble ou menm, Deputy Speaker e nouvo Manm Elekte pou distrik Anse Boileau Mr Arissol, Onorab Arissol.  E byensir mon pa kapab pa sezi lokazyon pou mon felisit mon koleg Onorab Ferrari ki’n bouz en pti pe lo hierarchy LDS mon vwar li asiz obor Leader Lopozisyon.  Mon krwar ki ava akt dan en kapasite leadership   e i ava montre sa vre leadership dan Lasanble parey labitid. Sa ki nou espekte avek li.

Mr Speaker i enteresan sa deba ki nou’n gannyen otour sa repons sa bann repons ki nou’n gannyen lo Diskour Prezidan lo Leta Lanasyon.

E i fer mon mazin bokou keksoz ki mon’n vwar dan lepase dan politik.  E ki mannyer ozordi politik Sesel i vivan ki pli dinamik.  E in bezwen sanze lakoz lekspektasyon nou pep osi in sanze.   Mon’n en pti pe soke Mr Speaker par reaksyon bann Manm lo lot kote latab kan nou lo nou kote latab bann Manm in eksplik zot bann kritik, zot bann konsern atraver performans Gouvernman.  E la mon oule remind nou bann koleg lo lot kote latab lo Lartik  102 nou Konstitisyon.  Ki fer kler ki poudir the freedom the debate dan Lasanble en Manm i free pou li eksprim son lekor.  Zot blanm nou Parti Lepep  konmkwa nou pa oule ekoute, nou pa oule sanze nou, nou pa oule tande.  Me at the same time ler nou fer bann sanzman mazer dan nou konportman dan nou analiz, zot blanm nou ankor zot dir nou pe fragtire nou pe fragmante.

Me fragman Mr Speaker nou konnen i ariv partou kote.  Divors i kapab ariv ek nenport ki e nou tou parfwa nou kapab vin bann zanfan divors.

Mr Speaker i kler ki dan Lasanble en pwen ki’n ganny eksprimen lo diskour Leta Lanasyon ti sa pwen Delivery. 

Sa pwen delivery in ganny eksprimen pa zis bann Manm lo kote Lopozisyon ki mon espekte zot fer akoz zot Lopozisyon apre tou.  E zot rol koman Lopozisyon par egzanp ozordi i annan 19 – en tors 19 batir mon krwar – zot ti pres pou mank enn me zot in regannyen i byen.  Mon kontan pou zot.  Me nou osi pe kler tors 33 batri lo Egzekitiv.  E sa i nou rol.  Mon rev Mr Speaker se kot nou vwar en Lasanble Nasyonal, kot bann Manm i vin koz pou zot constituency.  Kot bann Manm i vin koz pa lo bann pwen politik  vin koz pou sa ban dimoun ki’n elekte zot i ganny en meyer lavi i ganny en meyer performans avek sa Gouvernman aktyel.  Pe enport si ou  Gouvernman i sorti dan sa parti ki ou ladan.  Akoz si sa pa arive konsern ki mon annan avek zot lo lot kote latab se ki si en zour zot ganny en Gouvernman e zot a mazorite Lasanble zot pou probableman pa challenge zot Gouvernman akoz zot pe vwar li drol ki nou, nou pe fer sa challenge ozordi kan nou santi pou dir i annan en mank dan performans Gouvernman.

I  kler Mr Speaker ki Lopozisyon i annan en realignment ki i bezwen fer, akoz menm baz ki zot in lager lo la zot ozordi pa oule ki nou annan sa lekspresyon lo la.

Mr Speaker mon pa ou al pli lwen ki sa.  Nou kapab koz lo 40an nou kapab koz lo 15 lo 10.  Me lefe ozordi se ki nou ki la.  E si nou, nou pa fer en diferans ek lafason ki nou fer keksoz.  Si nou, nou le retourn 20an pase e fer keksoz parey 20an pase, then nou pe dezapwent sa pep ki’n elekte nou.

LDS in ganny elekte ek en mazorite wi.  Me mazorite 200 vot.  Malgre zot annan plis distrik.  E pa bliye ki i annan plizyer lafors politik la deor, ki pe get nou performans, pe analiz nou performans.  E si nou kontinyen, si nou kontinyen vin avek menm lapros, menm taktik menm teknik, zisteman parey zot ti remind nou, nou pou vwar nou dan en pozisyon vreman konplike.

Mr Speaker I have the floor.  Mon’n asize trankil  dayer parey mon labitid.  Mon’n asize trankil e mon’n ekout tou Manm ki’n eksprim zot lekor.  Mon’n pasyonnen par diskour Onorab Henrie ler in koz lo sa 7 garson ki Mont Buxton.

E i fer mon reflesi ki lo sistenm ledikasyon i annan bokou keksoz ki nou kapab dir.

Me fondamantalman i annan en keksoz ki bokou fwa nou pa koz lo la.  E lefe ki nou tou nou annan en responsabilite kan nou rantre dan lekol konman en zenn, pou  nou fer sa ki pli byen.  Olye disturb, olye sov laklas sa nou fokaliz lo la.

Personn dan Lopozisyon pa’n koz lo sa bann zanfan ki’n pase e ki’n ganny lekol pos segonder.  Ki dayer mon felisit zot pou zot travay ki zot in fer.  Nou fokaliz lo sa bann ki pa’n ganny lekol.  Nou fokaliz lo sa negativite ki egziste.  Certe, certe – i annan  solisyon nou bezwen aporte.  E se la akoz mon krwar ki mon’n konmans mon diskour, mon ladres ozordi ki mon pe fer avek Lopozisyon e avek bann Manm lo sa kote latab dan sa Lasanble pou koz sa Government delivery.

        I kler Mr Speaker ki nou bezwen vwar Egzekitiv dan en lot fason.  Gouvernman ozordi i annan dimoun ki travay parey Egzekitiv, ki kapab siport LDS ki siport Parti Lepep,  ki siport tou lezot parti politik.   Bomaten Onorab Hoareau ti remind nou ki Konstitisyon i donn nou drwa lekspresyon.

Dan en pei demokratik dan en landrwa kritike, me nou osi bezwen espekte ki nou pou ganny kritike.

E alors sa i fer ki si dan en konzonktir parey dimoun pe eksprim zot lekor nou konpran sa.  E en fason ki dimoun i eksprim son lekor kler se lefe ki Gouvernman i bezwen up son standard of delivery.

        I annan bann mankman ki bezwen ganny aranze.  E sa i en pwen kardinal ki tou bann Manm i koz lo la.

Mr Speaker komann en Manm proporsyonnel dayer parey zot dir nou lo rebate bann Manm proporsyonnel mon napa en distrik.  Me mon  reste dan en distrik.  Mon frekante dimoun ki reste dan plizyer distrik.  E mon koz avek plizyer dimoun.

E souvandfwa ou realize pou dir bann keksoz ki nou ti kapab fer fasilman nou met serten konplikasyon ki anpes nou kapab delivre.

I kler Mr Speaker ki si Gouvernman i realize e re organiz bann sistenm an plas ki a permet li delivre, i a kapab arive zwenn sa lekspektasyon ki dimoun i annan.

Mr Speaker i osi enportan ki nou analize e nou, regard konzonktir ki pei i ladan.  In terms of finansyerman ki mannyer dimoun pe santi kwa ki nou pe vwar e ki dimoun pe panse?

Bokou dimoun in koz lo eski dimoun i annan ase larzan dan zot pos pou zot kapab, aste konmisyon dan laboutik?

Lopozisyon in vini in prezant en solisyon se ki STC i bezwen ganny revwar pou ki i vin swa frenmen – (Mersi Onorab Gill) -swa frenmen, pou ki i kapab reponn pli byen a bezwen lepep Seselwa dan en lot fason.

Me mon problenm ek sa mwan, se ki akoz nou fokaliz zis lo STC? 

I annan plizyer wholesalers ozordi ki pe enport plizyer komodite ki dayer Onorab Henrie in deza koz ek mwan lo la.  Akoz ki SRC pa met an plas en progranm ki ava track en komodite depi ki antre dan Por ziska ki i ariv lo en letazer magazen pou vwar ki kantite sanzman i annan dan pri between ler in ganny rantre dan pei e ler i ariv dan letazer?

Parfwa nou  kapab etabli si wi oubyen non bann pri ki’n ganny mete lo bann komodite ki swa bann pri ki reel.  Oubyen bann pri artifisyel ki bann marsan i mete, pou ki zot kapab ganny maximum profi a mepri sa konsonmater.

Sa i bann keksoz ki nou bezwen gete.  Enn bann eleman enportan si nou oule redwir pri lavi, nou bezwen reinforce STC pou ki i kapab get zisteman dan sa ki Onorab Hoareau ti koz lo la sa bann Cartel ki egziste.  Pou vwar si sa bann Cartel pa pe corner en morso lekonomi e pe anpes ki annan konpetisyon e ki bann pri prezan i reste zisteman artifisyel e ki dimoun ki al dan magazen pa pe neseserman vwar okenn rediksyon dan pri malgre ki Gouvernman pou met an plas plizyer mezir.  Se sa bann solisyon ki mwan mon pe propoze.

En lot pwen ki mon bezwen koz lo la Mr Speaker se nou sekter finansyel.  E la mon en pti pe soke.  Mon’n, tann en Manm Lopozisyon ki’n koze ki’n dir ki dapre en Lendex  ki’n lir Sesel i enn bann pei ki pa sitan transparan kot i konsern Sekter Finansyel.

Me sa ki drol, se ki sa menm Manm ti vot an faver en lamannman Prozedlwa ki ti pou  zisteman fer ki Sesel i vin mwen sekre.  An term son transparans Sekter Finansyel!

Lopozisyon ti siport lamannman an nou Lalwa IDC ki pou fer ki disclosure an se ki konsern nou Lalwa IDC pa ganny fer parey sa Lalwa ti pe propoze.

E prezan mon pe demann zot e mon go back to mon original point, mon pwen Onorab Ferrari se ki konman en Lopozisyon eski konman en mazorite en zour LDS pou pare pou challenge son  Gouvernman parey ozordi nou dan sa kote latab nou pe fer?

 

(APPLAUSE)

 

HON SEBASTIEN PILLAY

E si mon swiv bann deba ki’n annan lo Facebook kot plizyer zot, zot Manm in entervenir kot bann dimoun pe kritike, kot bann dimoun pe koze pe eksprimen, i kler ki pou dir parfwa zot pa konfortab ek kritik.  Me malgre ki mwan mon annan en zenerasyon ki’n grandi avek zot serten Manm isi dan Lasanble ki mon annan gra, gran respe pou zot ki’n  lead the charge pou asir e ki nou annan en freedom of expression. 

        So mon krwar ki nou i annan en realignment ki zot bezwen fer an term sa ki zot pe panse ozordi.

Akoz si ou vini nou koz lo en size me apre ler en Prozedlwa i vin devan nou e  nou tou nou vot an blok lo sa Prozedlwa akoz nou pran en party line lo la, i danzere mes amis. 

En lot pwen ki mon pou koz lo la se sa pwen lo POCA Onorab Georges pa la.  Dan en meeting ki mon ti gannyen avek Komisyoner Lapolis en Lalwa ki LDS in fer pase pou retir kont labank anba definisyon Proceeds of Crime Konmisyoner Lapolis i dir ozordi i pe ganny en pake difikilte pou li kapab enplimant sa Prozedlwa.

E tou sa dimoun ki ti dan sa meeting in dakor.  E menm mon krwar bann revi ki pe ganny fer i dakor e bokou lezot pei in maintain, ki kont labank i devret reste koman en baz propriyete dan Lalwa Proceeds of Crime. 

        Me lekel ki’n siny kont labank?  Malgre ki mwan lo sa kote latab, mon ti largiman kont sa,  bokou zot ti menm largiman an faver ki nou fer sa sanzman.

So mon krwar ki i enportan ki konman en Lasanble, nou regard bann keksoz ki nou kapab fer.  Me i annan bann nide ki nou’n annan ansanm bann nide fantastik.  Nou’n annan bann nide ansanm ki bann nide ki’n anmenn bokou evolisyon dan lafason ki keksoz i ganny fer.

Mon felisit travay ki FPAC in fer.  Travay ki COGA in fer, travay ki IAC in fer.   Se sa ki montre ki nou future is the bright one, si nou pare pou met de kote bann konzonktir  oubyen bann fason fer politik ki’n egziste par lepase.

Mwan mon regard keksoz koumsa.  Si Prezidan i bezwen vin dan Lasanble e koz ek   nou lo en progranm reenvestisman – sa progranm reenvestisman i baze –probableman – baze lo en plan pou ki nou reinject. 

Nou reinject serten impetus.  Nou met dan kor dinamizm dan nou lekonomi.  Me sa i pa en keksoz ki nouvo sa.  Sa ki’n fer listwar dan s Lasanble – si zot a regarde zot ava vwar ki L’Amérique a en menm moman ler i ti fer fas avek depresyon se zisteman sa ki Prezidan Roosevelt ti fer.

E Onorab Afif i konn sa tre byen.  E dayer, alors mon ti soke ki Onorab Afif pa ti an faver en propozisyon pou ki nou annan en – massive investment programme atraver Gouvernman, ki i ava ed bann Seselwa ki’n ariv en lot nivo en lot bracket of income pou partake into business zisteman sezi loportinite ek sa mon devlopman i kapab anmennen.

Mon konpran largiman Onorab akoz Onorab in en PS e mon’n travay ek Onorab ler in PS i konsantre en kantite austérité.

E mon dakor avek serten pwen nou bezwen annan en plan kler pou nou kapab fer li.  Me annou pran li koumsa.  Si par egzanp Gouvernman i kapab reini finans.  Pou li kapab fer sa bann proze ki fer.  Nou annan dimoun ki dan diferans income bracket wi sa madanm ki annan 5 zanfan Anse Boileau pa pou kapab aste share dan SEYPEC.  Mon pa pe dir nou napa Polisi dan sa madanm dan pei.

Me i annan osi dimoun ki ti parey sa madanm ki’n bouze ozordi ; ki’n al Liniversite in devlope.  Swa i siport LDS swa i siport Lepep, swa i pa siport personn.  Swa i zis ki mannyer enn i kapab kontinyen fer agrandi son biznes.  E li, li i kapab ganny posibilite pou li al aste shares dan SEYPEC. 

Me lesansyel i reste se ki li i devret ganny premye sans pou li aste Shares dan SEYPEC e non pa zis serten endividi ki annan bokou Kapital ki vini ki aste tou e li i pa kapab ganny sans aste.

Ler nou koz lo bann progranm lenvestisman ki Prezidan in koz lo la lo son diskour.  Wi i pa pou kapab akonpli si delivery pa’n improve.  Nou’n tous lo sa pwen.

Me si i marse e dimoun ki annan Kapital – Seselwa ordiner ki annan sa Kapital i kapab form bann konpannyen ki antre dan sa bann devlopman e benefisye atraver sa bann devlopman, akoz ki zot pa pou devret benefisye?

So i annan potansyel pou nou kapab fer kantite keksoz dan nou pei nou bezwen vwar li dan en lot loptik parey mon kontan dir.  Nou bezwen  vwar li dan en lot fason.

Lesansyel se ki nou bezwen vwar ki nou pei i kapab fer plis e kontinyen avans devan.  E mon konpran konman Lopozisyon e zot rol pou kritike zot rol pou anmenn sa eleman en lot lopinyon e i enportan e sa en dinamiz ki bezwen reste toultan.  Nou en demokrasi apre tou.

Mr Speaker atraver Lasanble mon’n sanse pou mon attend bann Sesyon kot mon’n ganny sans vwar Parlman Anglais an aksyon.  E en keksoz ki mon’n vwar ki fatig mon ki mon realize pou sir malgre ki Sesel nou annan  tou nou problenm  kot nou fe r gran pa an avan, se ki ozordi nou’n arive annan len Gouvernman ki pa’n neseserman i annan – en mazorite Lasanble Nasyonal, bann ki napa en mazorite dan Lasanble Nasyonal.  Dan tou pei otour nou kot sa in arive in annan difikilte.  In annan civil unrest.  E nou Sesel nou kapab fer sa.  Sesel mon kapab kritik lopinyon Onorab Ferrari san ki mon kritik Onorab Ferrari personnelman.  San ki mon fer en latak personnel lo Onorab Ferrari.

Se sa  nivo ki nou bezwen arive.  Se sa nivo ki nou bezwen retire.  E dayer mon siport ou Mr Speaker dan sa lapros kot nou raise nivo nou deba pou nou asire ki nou pa fer okenn kritik personnel.  Dan sa ki mon’n dir e mwan mon respe lopinyon zot tou.  Dan sa ki mon’n dir sa i mon lopinyon lo zot lopinyon.  I pa en kritik personnel lo personn.

I zis lafason ki mwan mon santi.  Selman nou tou nou pe aprann e avek sa laprantisaz ki ou p/e gannyen demen sa lot Lasanble ki pou vini pou enn ki pou pli for.  Ou enn ki pou pli meyer.  I kapab en diferan.

En lot pwen ki mon oule tous lo la se en pwen ki mon koleg Onorab Basil Hoareau mon’n tous lo la se employment opportunities. 

Mr Speaker i enteresan ki ozordi dan nou pei mon fasinen ki parfwa mannyer nou pran politik.  Ler Prezidan i fer eleman zisteman dan son diskour nou dir i pe fer en diskour politik.  E si i ti fer al pli lwen pou dir par egzanp ogmant saler tou teachers lannen prosenn, ogmant saler nou travay tou ners lannen prosenn nou ti pou akiz li i pe fer politik.  Me nou ‘n akiz li pou pa fer ase at the same time.  So nou bezwen rod en balans ant lede la.

Ler nou regard bann kantite lanplwa ki annan Mr Speaker – sirtou par egzanp dan Domenn Tourizm sa ki mwan mon ti a kontan vwar.  Ok sa etranze i kapab netway lans.  Me sa manager i devret en Seselwa.  Sa supervisor i devret en Seselwa.  Se la ki nou devret pe train nou bann kad ki nou bann Seselwa li i pran maximum advantage  pou sa loportinite ek sa lendistri i prezante.

Me malerezman nou pe vwar ki bokou lenstitisyon ozordi, pa pe menm allow Seselwa pou access sa nouvo dan bann landrwa travay.  E se la kot mon krwar parey Onorab Hoareau in koze e menm sa ki Onorab Pillay in dir, nou bezwen vwar ki mannyer nou reoriyans sekter pou asire ki Seselwa ki sezi loportinite maximum dan sa lendistri.  Akoz apre tou sa lendistri baze se nou.  E se nou ki  bezwen benefisye maximum avek.

Me at the same time Mr Speaker nou bezwen osi responsabiliz nou bann zenn.  Ou konnen i fer mon lapenn apre lizyer lannen ki mon’n pase konman en teacher dan ledikasyon pou vwar ki bann menm problenm behavior ki zanfan ti annan dan lepase, ki ou’n sey plizyer metod pou sey kase zanfan i vin avek, avek bann menm kalite latitid.

Ou ganny ou en zanfan ki konnen pou dir ozordi S5 pe fer legzanmen, tou S4 i bezwen al kot li, i reste kot lekol.

Me lannmen ler S4 pe fer legzanmen, ki tou S5 i bezwen ale, se la ki i pou deside sov lekol.   Konmsi mon pa ganny en konpran ki mannyer latitid nou parfwa nou bann zenn manrmay serten nou bann manrmay i ete.

Ou ganny ou dan lekol mon al vizit lekol souvan –  mon zanfan i dan en lekol dan lekol segonder, ou ganny ou zenn pe asize deor ou demann li, ‘’Be lekel ki’n donn ou sa lenz lo ou, lekel ki’n donn ou sa sak?’’   ‘’Mon paran mon manman.’’  ‘’Ou manman kote i travay?’’  ‘’Tel landrwa.’’  Me eski ou pe realize poudir sa lenvestisman ki ou manman pe fer dan ou i en lenvestisman pou ou fitir?

E mon krwar nou konman politisyen nou annan en rol pou zwe.  La mon gaz Lasanble petet pandan sa  lannen enn bann keksoz nou devret fer.  As part of nou CV responsibility se angaz nou dan en progranm pli pre avek Minister Ledikasyon kot nou bann Manm Lasanble nou kapab al dan lekol.  Nou kapab koz ek bann zanfan.  Nou kapab ankouraz zot pou improve.  Akoz mon konnen zot vin dan Lasanble zot vin swiv bann Sesyon Deba.  Me petet si nou al ver sa morso sa  kominote ki bann zanfan lekol  i ava ed zot e i ava rekonfor bann teachers ki pe travay dan sa bann lekol zot ava santi pou dir be nou pe regard s aki pe pase tre pre mon anvi mon vwar bann keksoz ki kapab fasilit zot louvraz e fer zot travay en pe pli fasil.

Mr Speaker napa en group teachers – mon konnen bann teachers segonder pou blanm mon si mon dir sa, napa en group teachers pe travay pli dir ki bann teachers dan primer.

Bann teachers dan primer zot annan 31 peryod par semenn.  I annan ki annan plis.  E zot pe deal avek zanfan ki a tre zenn-az ki difisil pou kontrole.  Me nou bezwen rod en fason pou nou kapab siport sa, bann teachers.  Pou mwan progranm training pou bann teachers, ti devret en progranm ki baze lo swa baze at the same time, avek lenstitisyon avek lo son teaching practice.  E nou bezwen lengthen sa teaching practice pou ki sa teacher i a ganny sans ganny imerze; i a ganny sans go through a proper induction period ki a permet li pou e adapte ek diferan school environment. 

        Onorab Paul Ernesta in koz lo lekol Takamaka. Me lekol pa prezant petet menm problenm ki lekol La Retraite i prezante baze lo son catchment area.  Kot son bann zanfan i sorti.

Souvandfwa ou vwar teacher ki sorti dan en lekol i al dan en lot, zot arete akoz zisteman i annan sa problenm.

So tousala i bann keksoz ki mwan dan mon perspektiv ler mon pe regard Leta nou Nasyon bann keksoz ki nou kapab fer at the base – a la baz pou nou kapab improve keksoz.

Mr Speaker mon konsernen Mr Speaker avek sa size drog dan nou pei.  Mon konsernen akoz dayer demen Mr Speaker en manm mon fanmir pou antere, akoz in perdi son lavi me out bann konplikasyon.  E mon konnen parfwa dimoun pa oule koz lo la.  Me i en size enportan akoz bokou dimoun mon’n vwar i annan de vag lopinyon ki pe leve la.  e nou konman Manm Lasanble nou bezwen careful about sa vag lopinyon.

I annan en vag lopinyon ki pe dir ki sa bann dimoun in antre dan adiksyon zot menm.   E zot, bezwen pran en responsabilite e akoz pei i devret depanse lo zot pou tret zot pou isi laba.  I annan en lot vag lopinyon pou bann dimoun pou bann manman, bann papa  ser, frer, tantin, tonton ki zot fanmir i ladan e ki pe vwar ki mannyer s ai en kou difikilte kot zot bezwen sa sipor zot bezwen kapab tackle sa.

E se pou sa dayer vi ki mon lo sa Board, pou sa Lazans Drug Immune Reduction ansanm avek Onorab Georges ki nou pou al fer serten propozisyon dan sa laliny kot nou bezwen serten lamannman dan bann Prozedlwa pou met an plas bann striktir pou kapab siport bann fanmir en pe pli byen.

Mon krwar en bann keksoz ki napa se en striktir sipor pou bann fanmir, akoz once ki en  manm  fanmir i pas ladan i vreman difisil.  Swa pou  li sorti ki mannyer lafanmir i cope avek sa sityasyon.  I annan fanmir ki synthesize lii annan fanmir ki sey repran li.  Me ler i repran li swa i vol tou keksoz swa i annan problenm ki leve.

So i annan diferan keksoz ki arive ki nou bezwen sey tackle.  Me selman keksoz ki pli fermal Mr Speaker ou kapab vwar soufrans e apre sa soufrans ou vwar sa feeling ki ou a kapab ou an vi fer keksoz me ou pa kapab fer nanryen.

How do you fight this?  So se pou sa rezon ki mwan mon krwar pou dir nou bezwen regard lapros tre byen e nou bezwen port latansyon lo sa lapros ki nou pe servi.

Apre tou nou en pei ki annan en bon valer imen.  Nou annan en valer konpasyon k i tre enportan.  E ki nou bezwen toultan maintain sa konpasyon.  E mwan mon pou dir ek sa bann dimoun sa bann defactors ki parfwa mon vwar zot poste bann komanter lo rezyo sosyal ki annou sey regard tou lede kote.

Wi Gouvernman i bezwen depanse da tretman sa bann adikt, me pa zis pran depans konman en larzan gate.  Pran sa depans konman en lenvestisman pou elev en frer en ser ki’n tonbe pou remet li debout e ki i a kapab kontribye pou pei.  Akoz apre tou nou zanfan Sese l anba Konstitisyon nou garanti menm drwa.

Mr Speaker permet mon prezan pou tous sa size Assomption.  In en size deba dan nou Lasanble ki’n anmenn bokou komanter in anmenn bokou kritik e dimoun an deor in pozisyonn zot lekor dan en fason ferm lo la.

Me nou pa ankor tann tou popilasyon.  Nou’n tann serten dimoun me nou pa ankor antann tou popilasyon.

Mr Speaker atraver Komite Zil dan Lasanble mon’n fortinen e mon privilezye pou mon kapab vizit Assomption e Aldabra.  I de landrwa ki manifik.  I annan Cosmoledo ki osi manifik.  E i fer ou mazinen ki mannyer ou fyer ou en Seselwa ler ou vwar pou dir sa i form parti ou.

Me sa ki mon kapab konpran Mr Speaker se ki tou sa ki pe arive laba ozordi la nou pe koze isi la, dan sa landrwa i kapab annan en Comorien ki pe lapes.  I kapab annan en Malgas ki pe vol tel keksoz.

E bokou nou ferm nou zorey avek okenn largiman ki kapab ganny avanse pou sey prezant en lopinyon diferan.

Now lot laspe sa largiman se lekel ki bezwen an kontrol okenn striktir o fasilite lo Assomption.  E la mwan pou mon i kler.   Nou en pei souveren.  E si  nou Seselwa ki bezwen annan ki bezwen annan en final adjudicator lo lekel ki servi lekel ki la.

Nou kapab permet nenport ki pe i zanmi servi bann fasilite.  Me selman sa ki nou bezwen agree, annou pa sanz deba e fer li al lo lekel ki pe fer li.  Annou les sa deba lo ki nou bezwen laba.  Lo eski nou bezwen annan en keksoz pou protez nou Patrimwann? Eski be nou bezwen annan en fasilite laba?  E mon krwar dan l’affirmatif dan Lasanble ozordi tou dimoun i dakor ek sa.  Nou bezwen annan en keksoz.  Me lesansyel largiman i reste lo lekel ki devret fer li, e ki mannyer i ganny fer?

E sa mon krwar ki nou pou zwenn Onorab .William dan sa lapel ki’n fer ki tou bann Leaders ki angaze dan bann diskisyon pou diskit sa size e fer sir ki ler nou annan  sa deba dan Lasanble Nasyonal.  Etablir en sistenm pou ki nou kapab ankor enn fwa allow ou dimoun ganny sans atraver zot bann Manm Lasanble, pou demann bann kestyon demann bann klarifikasyon kapab permet zot reste kler lo sa size ki at the end of the day nou fer the best decision possible.  

        Mr Speaker mon remersi  ou pou donn mon laparol apre midi.  Remersye mon bann koleg Onorab lo lot kote latab pou ekout mon.  Mon remersi zot safwasi zot in donn mon sans pou koze.  Mon pa’n ganny disturb.   E sa i tre byen i montre grander lespri pe sanze mon konnen Onorab Ferrari i annan en gran rol pou zwe la dan nouvo Deputy Whip alors sin met keksoz annord.

Sa ki mon oule dir mon bann koleg lo lot kote latab, se ki nou an gaze ansanm nou form parti Lasanble Nasyonal ansanm.  Okenn Manm ki dan Lasanble pa plis ki en lot.  Okenn Manm ki dan sa Lasanble pa annan drwa presume son lekor plis k i en lot.

E se lo sa baz ki mwan mon toultan sey travay avek zot.  se lo sa baz ki mwan mon toultan sey enterakte avek zot.  so dayer si mon dir en Manm en keksoz dan en fason privilezye.  Mon ava apresye ki i gard li konman en konversasyon privilezye.  E si mon santi pou dir Manm in dir en keksoz ki mon pa dakor avek.  Mon pou dir ek li fransman mon pa’n dakor ek sa size ki ou’n diskite.

Me lesansyel i reste mes amis se ki nou Lasanble Nasyonal nou rol se reprezant lepep pas bann Lalwa e edik nou pep.  E scrutinize travay Gouvernman.  E se sa  ki mon’n vwar dan Lasanble Nasyonal.

Ki o sa kote latab ki lo lot kote latab.  Mersi Mr Speaker.

 

MR SPEAKER

Mersi Onorab Sebastien Pillay.  Nou ava kontinyen 4er.

 

(BREAK)

 

MR SPEAKER

Bon avan nou kontinyen nou travay Onorab Ramkalawan Leader Lopozisyon in atir mon lo en matter of privilege.  Mon a donn ou laparol Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon pa’n le lev sa matter of privilege zis konman sa lensidan zis konman in arive me mon prefere donn ou notifikasyon ki poudir mon anvi raise li.  Letan Onorab Ghislain in fini son diskour in fer en koze an parabol e mon raise sa matter of privilege lo lapar tou bann Manm LDS dan Lasanble.  Onorab Ghislain in dir ki lontan letan dimoun ti al travay Assomption letan zot ti’n fini lir Lartik serten ti al davans e apre sa zot pa ti ale e zot pa ti kapab peye.  Alor lo lapar tou nou bann Manm in dir in mon sa la.  Nou santi ki i pa kapab kasyet laliberte lekspresyon pour li ensilte Manm an parabol.  Spesyalman ki nou Standing Orders i spesifik lo sa size.  Alor mon pe raise sa matter of privilege pou demande ki Onorab Ghislain, i eksplik byen kler son parabol e si i pa kapab eksplik son parabol pour li retract sa statement ki in fer.  Mersi bokou Mr Speaker.

 

MR SPEAKER

Mersi Onorab Ramkalawan.  Bon ler mon’n kit Lasanble mon osi tou sa mon fer en refleksyon lo la avan Onorab Ramkalawan in vin vwar mwan.  I fer mon mazin mon krwar Vandredi pase kot en Manm osi dan sa kote i ti fer en komanter me i ti off-mic.  Ti annan serten Manm kote LDS ti anmenn devan mon latansyon, me mon les pase akoz I ti off-mic e mon pa krwar ki manm piblik in tande.  E ler mon pran le de mon met ansanm mon vwar i annan en keksoz ki pe ganny kiltive.  I annan serten insinuation parey nou kontan dir.  So dan sa menm laliny, mon’n reflesir mon osi mon pe regarde kwa ki pe sey dir.  Annou pa – bomaten mon sey gid en pti pe annou pa servi parey Onorab Basil Hoareau in mete bomaten nou drwa lekspresyon nou drwa demokratik dan Konstitisyon pour fer bann akizasyon ki pa fonde.  So alor mon ti a kontan demann avek Onorab Ghislain eksplik sa komanter ki in fer oubyen si i pa kapab i retract sa dernyen komanter ki in fer.  Onorab Ghislain.

 

HON CHANTAL GHISLAIN

Mersi Mr Speaker.  Mr Speaker mon lekspresyon ki mon ti pe dir, i napa nanryen pour fer avek personn.  E nou tou nou konnen poudir i annan en sanson moutya ki annan pou fer avek Assomption.  And I annan en kantite keksoz ki nou osi nou koze dan sa Lasanble la fason ki nou dir ler nou pa nonm non personn, savedir i pa aplik pou personn.  E mon pe mon pour vwar li drol akoz Onorab Ramkalawan I pe vwar li sa en keksoz personnelman pour li.  Mersi Mr Speaker.

 

MR SPEAKER

Non, non Onorab Ghislain.  I pa’n dir personnelman pour li.  In koz lo lapar tou bann Manm LDS.  Sa ki ou pe insinuate – i kapab ou pe insinuate pour li – i kapab insinuate pour en lot Manm lo kote LDS.  Ou’n konmans ou repons avek fer referans avek konparezon avek ki Onorab Loizeau ti’n fer bomaten.  Mon les ou e apre nou ganny en leksplikasyon kot Dirizan Lopozisyon.  Onorab Loizeau osi tou son konparezon i pa ti dan konteks in sey eksplike apre mon konnen in anpay anpay li me Onorab Lopozisyon in eklersi sa.

Me mon les ou kontinyen akoz ou osi tou ou’n santi ki ou e petet lezot dimoun deor in kapab ganny touse par son konparezon.  Me ou dernyen komanter in osi tous bann Manm.  Si ti napa size Assomption eski sa ti pour monte?  I pa ti pour monte.  E parey mon’n dir i annan en komanter.  Mon pa pour repet sa komanter ki mon okouran in ganny fer semen pase, i al en pti pe dan laliny ou dernyen komanter.  So mon ti a kontan – mon ti a swete ki koman en Manm Onorab ou retract sa dernyen komanter.

 

HON CHANTAL GHISLAIN

Mr Speaker mon respekte ou konman Speaker Lasanble.  Si mon dir ki lontan dimoun ki ti siny Lartik zis pour mon repete.  Lontan akoz mannyer i ti dir mannyer ou’n dir, i pa sa ki mon dir.  Lontan ler dimoun ti siny Lartik pour mont lo Assomption i annan ki ti pran davans.  E si ou pa mont lo Assomption ou bezwen rann davans.  Wi.

 

MR SPEAKER

Ou pare pour retract sa Onorab Ghislain?

 

HON CHANTAL GHISLAIN

Akoz ler ou pa monte.  Mr Speaker lefe ki ou’n dir mon retract mon retract Mr Speaker.

 

MR SPEAKER

Mersi Onorab Ghislain.  Mersi.  En moman Onorab Simon Gill.  Ou pe vini pour ou koze.  Non en matter of privilege in eleve mon fini mon deal avek.  Mon’n deal avek lo Manm Onorab ki loter sa in enbleman retract.  Annou fer fini la, annou fer fini.  Ok?  So ankor mon anvi gid zot.  Annou fer atansyon deba pe al byen lo tou lede kote pe sorti bann bon bon deba.  Ok?  Mon pa pour donn okenn legzanp, me selman nivo deba an zeneral i vreman good.  Wi Onorab Sebastien Pillay ou anvi mon nonm ou non.  Bon annou kontinyen, annou kontinyen malgre parfwa nou annan serten lekspresyon serten konparezon nou bezwen fer oubyen nou anvi fer, annou fer atansyon – alright?  Bon prosennman lo mon lalis mon annan Onorab Regina Esparon.  Onorab Esparon.

 

HON REGINA ESPARON

Mersi Mr Speaker.  Bon apre midi tou koleg Onorab e manm piblik ki pe ekoute espesyalman zabitan Glacis.  Mr Speaker mon ganny sans ekout bann entervenan ki’n koz avan mwan e bokou in ganny dir ziska prezan.  Personnelman mon pa’n ganny okenn gran lespwar ki nou pei pour fer progre ouswa lavi nou pep pour sanze.  Nou’n kapab tann serten proze ki montre lanbisyon me malerezman kot i konsern keksoz konkret nou pa vwar gran keksoz.  Ofet i annan serten plan ki’n ganny anonse ki’n pas tro lwen avek laspirasyon nou pep an mezir ki nou pe fer fas avek bann defi.

Mon pa pe dir ki fodre pa ki en Gouvernman i annan lanbisyon, me i bezwen annan relasyon direk avek lavi toulezour e se sa ki manke dan Diskour Msye Faure.  Letan mon ekout byen bann koleg lo lot kote latab mon vwar menm si zot pe tanzantan forse pour vwar keksoz pozitiv dan sa Diskour, me afon zot pe met devan bann defi.  E letan zot onet zot montre klerman ki direksyon ki Msye Faure in pran pa neseserman anmenn pei tro lwen.  Zot in aksepte ki sa bann promes in ganny fer e i mank aksyon e i mank koezyon.  Se sa problenm e fodre ki nou konman Manm Lasanble sirtou lot kote latab nou fer fas avek realite parey Onorab William lo lot kote in fer.  Mr Speaker nou tou bann MNA ki’n ganny elekte direkteman nou akonpanny Msye Faure dan vizit distrik.  Annou onet avek nou lekor e demande ki poursantaz bann promes ki ti ganny fer ki’n vin realite.  Si Msye Faure in vin dan distrik in vwar bann sityasyon pour li menm me in dir I pa akseptab.

I donn lord bann pli o zofisye dan son Gouvernman, pour pran aksyon imedya e napa nanryen ki’n arive.  Kwa ki nou pe krwar kwa ki nou pou krwar ladan eski sa pa pe montre ki Gouvernman in kase e totalman dekonekte akoz sef nepli annan kontrol lo bann lo son bann prop zofisye.  I malere pour dir me ozordi sakenn pe fer sa ki i anvi.  Mr Speaker ozordi si son prop MNA ki reprezant Parti Lepep i vin avek en litani e defi dan tou bann distrik.  Sa i montre ni zot lo lot kote latab Gouvernman pa pe ekout zot.  Ki mannyer pei pour bouz devan avek tou sa bann boul feray atase avek nou lipye?  Dir mwan ki mannyer Msye Faure pour diriz sa pei avek en Gouvernman ki letazi e en administrasyon ki lo poz?  Sa i montre ki nou bezwen nouvo direksyon, nouvo vizyon e pli enportan Mr Speaker Sesel i bezwen nouvo eleksyon Prezidansyel.

Mr Speaker letan mon pe koz avek serten dimoun dan SPDF zot in eksprim en gran konsern konsernan bann solda ki ti body guard Msye Michel e ki retourn Legzil.  I resanble ki zot pa pe ganny menm tretman parey lezot solda, me zot pe ganny tou benefis parey training allowance, inducement allowance ki fer ki zot lapey i pli o ki lezot solda.  An menm tan letan nou lo sa size mon pa ankor vwar Gouvernman vin devan Lasanble avek nouvo propozisyon pour sekirite ansyen Prezidan.

Mon espere ki zot a fer li o pli vit posib toudmenm kekfwa zot pe esper en ansyen Prezidan apre i a vin tou ansanm.  Mr Speaker mon ti pour pe aksepte bann mezir mon ti pe espekte bann mezir pli konkret pour soulaz lavi sa pep.  Me i pa’n le ka ozordi sa fanmir ki pli vilnerab pe santi ki Diskour Msye Faure pa’n zwenn leta son sityasyon.  Mon konpran ki dimoun i bezwen bouze zot osi me kantmenm i devret annan lankourazman afen ki bann dimoun dan bann sityasyon I trouv en nouvo direksyon e ganny lankourazman.  Msye Faure in koz lo nouvo proze konblaz Mr Speaker I malere pour dir me souvan bann proze konblaz i benefisye zis dalon parey Onorab Loizeau in fer resorti bomaten.

Annou regard en pe pli lwen lo Praslin sa konblaz Ile Eve ti’n fini ganny partaze par bout ant bann dalon.  Serten ti’n ganny plis ki 2 morso lezot in ganny zis pour vann e fer profi lo later Gouvernman.  Si pa ti LDS avek son mazorite 15 lo 10 dan Lasanble  e Industrial Estate Authority anba direksyon Madanm Lena Desaubin, ki’n met lipye ater ti pour napa nanryen ki ti pour arive e pti biznes ti pour dan menm sityasyon.  I malere poudir ki menm MNA Parti Lepep ki’n donn koudmen dan sa bann direksyon.  La a-ler aktyel I annan en bout lo Ile Eve ki annan en gro…

 

MR SPEAKER

Onorab, Onorab, Onorab annou pa bouz dan sa direksyon ki mon pa anvi nou bouz ladan.  Annou fer atansyon.

 

HON REGINA ESPARON

Mr Speaker pa MNA aktyel. Pa MNA aktyel.

 

MR SPEAKER

Ler nou pe mansyonn MNA Parti Lepep …

 

HON REGINA ESPARON

Ansyen MNA eskiz mwan.  Ansyen MNA pa MNA aktyel.

 

MR SPEAKER

Vwala.  Annou fer sir ki nou pa al dan sa direksyon.  Kontinyen Onorab.

 

HON REGINA ESPARON

Ansyen MNA.  La a-ler aktyel i annan en bout later Ile Eve ki annan en gro businessman pe rod vann pour R5milyon e pourtan pa sa pri ki i ti peye.  Mon felisit Onorab Woodcock e Onorab Gill pour travay ki zot in fer e gras a sa ozordi bann pti biznes i ava ganny en rekour.  Konblaz lo Perseverance i pas dan menm sityasyon.  Ou fer en letour e ou pour dekouver bann ki’n pas anba bann ki’n pas lo kote e bann ki’n pas atraver.  Ozordi i annan ki’n ganny en kantite later e ki pe rod ankor.  Tandis ki sa pti biznes ki ankor lo lalis espere pa konnen kan i pour gannyen.

La i fer mwan mazin Mr Porice dan mon distrik ki plis ki 10an in demann en morso later pour fer son garaz e i ankor lo lalis espere.  Sa i vreman tris e mon demande akoz ki Gouvernman pa’n zanmen trouv li neseser pour fer en lenvestigasyon lo later konblaz.  Kestyon ki kapab ganny demande se ki mannyer lo later endistriyel serten in fer zot prop lakaz prive.  Ki mannyer zot in ganny tou sa kare later?  Ki mannyer serten in menm annan en stok propriyete ki tanzantan zot pe vann?  I malere ankor enn fwa pour dir, me serten dimoun I aste later konblaz pour pli bonmarse ki’n koute pour konble.

Sa i senpleman apel koripsyon e i pa akseptab ditou Mr Speaker.  Alor eski nouvo konblaz pour enn pa pour vedir nouvo koripsyon?  An menm a mwen ki i annan en lotorite serye pour swiv tou sa devlopman mon pa vwar ki mannyer nou pour vwar okenn nouvo lalimyer.  Nou riske kontinyen dan menm fernwar.  Mr Speaker size later pour reste en pwen enportan pour nou akoz napa bokou.  Me dan sa napa nou vwar serten ki azir voras e pran tou.  Sa i apel en krim.  Eski Seselwa i konnen ki sa propriyete kot lekol Montessori I ete Bel Air I pour Parti Lepep e se pa lot ki Msye Faure ki ti sinyen lo lapar SPPF sa letan?

Mon krwar nou bezwen en bon kestyon dan Lasanble ki ava demann Minis Later, pour donn detay lo tou lakaz Gouvernman dan Bel Eau/ Bel Air kot bann Angle ti reste lontan.  E donn nou detay lekel ki’n ganny vann, konbyen in ganny vann, konbyen tax Gouvernman in kolekte, eksetera.  Akoz I annan tro bokou koripsyon e manboulouk ki pase avek dalon pour pran lavantaz.  Koumsa nou a konnen si in ganny donnen ek bann tribi parey dan sistenm Lerwa Prempee.  I enportan pour lepep konnen Mr Speaker sa zafer konstriksyon lakaz tender e la kantite i sonn byen dan zorey.  Me I pa anmenn gran leksitasyon pour sa enn pour son problenm lakaz I get zis promes lo lekran e I ankor dan dout pe espere kan ki sa bann zoli parol pour vin aksyon.  Rezon pour sa i senp.  In pran plis ki 1an depi ki lanons in ganny fer lo konstriksyon lakaz me aksyon pti gin.  LDS in aprouv Bidze pour fer sa bann lakaz me Gouvernman in trenn son lipye e lafen lannen pase zot ti bezwen retourn larzan ki pa ti ankor depanse.

Petet i byen ki omwen ek sa 15 lo10 e presyon FPAC zot in retourn sa larzan akoz konman lontan sa ti pou disparet dan pos san fon atraver bann aksyon koripsyon.  Tro souvan sa bann zoli parol i repet son lekor sak lannen e si Gouvernman ti delivre lo tou son promes sa pep ti pour lwen.  Mr Speaker sityasyon bann fleo sosyal i reflekte direk lo lafason ki sa pei tip e ganny gouvernen anba Gouvernman Parti Lepep.  Ozordi zour nou pep i vin enn ki abitye ek keksoz dan fason fasil e ki pa ti neseserman bann fason korek.  Par egzanp si ou ti siport parti mazorite, ti pour pli fasil pour ganny keksoz; bann license bann biznes, bann planning approval ki pa ti pe merit donnen ensi ki bann morso later ki ganny donnen san pas dan bann prosedir apropriye.

Alor rezilta se ki sa pep in vin enn kot in enkilke dan zot konman konmkwa i bezwen annan touzour en fason pli fasil pour sirviv.  La kot nou vwar konbyen zenes in prefere angaz zot dan drog, dan plas al dan lanplwa lonterm.  Sa i akoz sa lespri kot en dimoun I bezwen travay pour ganny son lavi in preski perdi.  Lesansyel an se moman, se ganny keksoz pli vit e pli fasil e vwala kot sa drog pe kontinyen anvair nou pti zil.  Ozordi larealite se ki de pli an pli I annan bann rapor kot pa zis msye me osi madanm ki angaz zot dan sa biznes drog.  Sa i demontre ki nou ariv en staz kot dimoun nepli annan konsyans pour mazinen ki zot pe anpwazonn zot prosen.  Tanpi si i afekte son prop fanmir.

Zot plito konsernen avek sa larzan vitman ki sa biznes i anmennen pour zot.  E Mr Speaker sa kalite mantalite I fer anmenn en gro lenpak lo lafason ki nou zenn pe regard zot lavenir e byensir annan en lenpak negatif lo fitir nou pei.  Drog i premye lakoz dan nou problenm sosyal ki nou pei pe fer fas avek.  Ozordi menm sityasyon drog dan prizon pe fatig bokou paran ki zot zanfan in kondann prizon.  E pa neseserman ki’n kondann pour drog.  Drog pe antre sorti pli move kid an lari bazar e Gouvernman olye rod fason kas sa Kartel drog dan prizon zot pe mazin entrodwir sereng.  Sa I montre ki sityasyon in depas nou.

Akoz si dan en lanvironnman fermen parey prizon Gouvernman pa kapab kontrol sa sityasyon drog ki mannyer zot pour kontrol sa sityasyon dan sosyete sa I montre ki nou fail konsern sityasyon drog dan Sesel.  Mon zwenn mon lavwa avek lezot paran pour dir avek Gouvernman ki plis zefor I bezwen ganny mete, pou anpese ki drog i antre dan pei.  Solisyon se pa donn sereng avek Methadone ki ganny peye avek larzan tax ki mwan ek ou nou peye.  Nou pa pou kapab kontinyen aprouv gro Bidze tou le an pour donn sereng avek Methadone.  Annou al ‘cold turkey’ les tranble detrwa zour les zot tranble detrwa zour la apre ler napa lo marse, zot a bezwen leve e al rod en lokipasyon pour zot ganny zot dipen.

En lot fakter mazer ki pe kontinyen – ki pe kontribye pour bann problenm sosyal se lafason ki nou bann zanfan pe ganny elve depi dan lakour.  Disiplin i sipoze konmans kot lakour.  Lafason ki paran I elve son zanfan i reflekte lo latitid sa zanfan anver sa fitir anver son fitir e anver lavi.  Dan bokou ka isi Sesel en sel lakaz pe abit plis ki de fanmir an menm tan.  Sa i fer ki souvandfwa napa ase plas pour sakenn annan son prop lespas e sa i rezilta bagar avek konfrontasyon.  E zanfan ki pe grandi dan bann problenm sosyal i souvan vilnerab pour ganny enfliyans-e dan drog avek lalkol.  Sa bann sityasyon i osi fer li pli fasil pour bann zenn asosye avek lavi prostitisyon e lansentman anba laz.  Avek en kiltir ki Gouvernman i donn tou keksoz nou pep i vwar li pli fasil pour esper lakaz avek Gouvernman.  E de lot kote pri lavi osi i fer ki i pli afordab pour en fanmir esper en lakaz Gouvernman ki aste en morso later pour konstri en lakaz.  Dimoun ki travay e menm pran en loan pour konstrir en lakaz zot vwar sat raze pour ganny en morso later, en martir.  Later prive in ariv egzorbitan in ariv en pri egzorbitan ki zot nepli kapab peye e later land bank malerezman sa Gouvernman in reisir pour osi fer sa prosedir sitan en martir ki en dimoun I bezwen esper plis ki 10 a 20an pour ganny en morso later.  Lannen pase letan Prezidan ti adres Leta Lanasyon, nou ti ganny promet ki en nouvo Sistenm Pwen pour ganny entrodwir pour redwir sa bann problenm later.

Minis Bastienne ti fer en Sesyon Spesyal pou montre nou ki mannyer sa pour pli efikas e zis.  Ozordi sa Sistenm Pwen pa ankor ganny finalize e pe met retar bokou dimoun ki ti’n merit ganny asiste.  I annan ki dir I napa ase pwen.  I annan ki dir ki Sistenm Pwen pa ankor konmans servi e dan plas sa 200 bout later ki nou ti ganny dir I annan, sa lannen nou’n ganny promet ki i annan 300 bout ki pour an vant.  Eski nou ti a kapab ganny detay lo plan 2017 – konbyen kare ki’n ganny vann?  Dan plas ankouraz en fanmir konstrir en lakour avan fer en fanmir, sa Gouvernman i fer lekontrer.  Ou ganny asiste avek Gouvernman si ou’n ganny konsidere konman vilnerab.  Fodre ou en pti dimoun konmdir zot menm.  Dan plas empower sa bann dimoun pou travay, nou sitwayen I panse ki si zot ganny en pli bon sans asiste plis ki zot sityasyon I ganny konsidere konman kritik oubyen vilnerab.  Sa i en mantalite ki anzandre e fodre ganny kase.  A lafendizour failure sistenm lakaz e later i kapab ganny konsidere konman en gro fakter ki pe kontinyen ki pe kontribye pour tou sa bann kantite fleo sosyal ki pe frap nou pei.  Mr Speaker se la kot nou sistenm ledikasyon I antre.  Si depi kot lakour en zanfan pa pe ganny enstri lesansyel e lenportans al lekol, alor zot pa pour pran zot letid o serye.  Lafason en zanfan I ganny disiplinen, lafason son fondasyon I ganny batir I lakle dan lafason ki sa zanfan pou grandi.  Alor I esansyel ki en zanfan I ganny elve, dan en lakour ki stab an sekirite e kot I annan lanmour.  I initil ki Gouvernman I etabli en Minister pour Lafanmir e koz lo lenportans lafanmir kan sa ler la napa striktir ki’n ganny met an plas pour fanmir Seselwa grandi.  Ou vwar vreman kot sa Gouvernman  I anmenn sa pep lo en brizan e ozordi nou pe mars lo nou latet.  Seselwa ki debourye I dan problenm, me sa ki pa serye I pli byen pase.

Sa fodre sanze sa Mr Speaker.  Mon pa pou kapab terminen mon lentervansyon san tous en kou lo pri lavi.  Ozordi plis ki yer pri lavi pe kontinyen afekte nou dan fason vreman dir malgre ki dimoun I rod debourye, nou bezwen admet ki tro bokou keksoz de baz I ser e difisil pou bokou fanmir pour fer de bout zwenn.  Par egzanp I annan bokou paran ki annan pti zanfan, ki santi ki sa bann prodwir pour pti baba I vreman ser e Gouvernman pa pe fer nanryen pour zwenn zot soufrans.  Ozordi I annan dile pti baba ki pe vann plis ki R200 en bwat.  Nou konpran ki Minister Lasante i ankouraz manman pour donn zot baba dile tete.  Be I annan paran ki I oblize donn zot zanfan dile bwat, pour aziste avek diferan sirkonstans.  Me selman annou osi pran lavi dan en fason serye.  Eski i pa ler pour bann zenn madanm mazin byen avan ki zot les zot tonm ansent?  Spesyalman letan zot dan bann relasyon napa stabilize.  Met en zanfan o-monn I devret en gran lazwa me si sa relasyon ki ou ladan pa anmenn okenn promes, akfer anmenn en pti inosan dan sa monn?

Mr Speaker bann gran plan ki Gouvernman pe met devan i tro ranpli avek zis promes ek rev.  E mon konpran akoz Onorab Herminie I dir I konfize.  Parey nou bann koleg in dir avan eski I vann shares dan SEYPEC I en gran lakonplisman?  Rakont nou konbyen bann promes ki zot in fer pa’n ganny akonpli.  Shares dan Nouvobanq oli form laplikasyon?  Ki mannyer shares dan SACOS in pase eski ozordi tou keksoz pe marse laba?  Pe mars byen laba? Shares dan L’Union Estate Seselwa I annan tro bokou bann zoli parol, me aksyon I pti git.  Fristrasyon sa pep pe vin tro bokou e i mank mouvman avek bann zoli parol ki ganny promes.

Mr Speaker I tre enportan pou nou konman politisyen pour lans en lapel byen for avek nou bann dimoun pour kontribye dan devlopman nou pei.  En businessman I koz ek mon i dir ki i byen letan Msye Faure I koz lo plis restoran Kreol.  Me problenm pli grav ki i met devan mon se latitid travayer Seselwa.  Zot ganny service charge; zot ganny en tips manze e lezot benefis, me malgre sa i difisil pou ganny travayer Seselwa e ou bezwen rod etranze.  E pourtan pou anmenn en etranze I kout bokou pli ser, akoz apar zot lapey I bezwen pey lakaz e fer lezot depans tel ki tiket avyon e GOP.  Alor mon pe dir avek tou zenn Seselwa, zenn travayer Seselwa pou sezi tou loportinite e mazinen ki travay se sanmenm ki pour ed ou e ed ou ganny en bon lavi e amelyor lavi ou fanmir.

Lo en lot kote pti biznes pe osi koz for lo fasilite fer biznes spesyalman avek sa limit R2milyon, kot ou bezwen antre dan rezim VAT e zot dir I afekte zot cash flow.  Zot pe demande ki Gouvernman I reviz sa sonm, e sa dan li menm I ava ed bann pti biznes ki fodre pa nou bliye I bezwen osi kontribye anver Trezyenm Mwan Lapey.  Mr Speaker les mon fer en pti tour lorizon e mon a get leta mon distrik Glacis.  Mazorite dimoun ki lo lalis lakaz i ankor pe esper petet.  Menm sa ki nou idantifye konman priyorite i ankor pe espere parey Vanessa.  Sa ki pe esper later menm zafer.

Avan sa Minister ti dir napa later dan distrik Glacis.  Se pourtan I annan 2 land bank; Carana Land bank 2 morso later, Machabee Land Bank 11 morso later.  E dapre mon dernyen vizit avek zofisye kot MLUH I dir ki I annan gran kare e zot kapab ganny ziska 15 morso dan Machabee Land Bank.  E Mr Speaker an sa ki konsern Land bank Machabee mon swete ki sa I ganny rezerve pour Seselwa e zabitan Glacis ki lo lalis lakaz ki ganny konsidere konman priyorite.  Akoz ler ou tande ki I annan etranze ki pe enterese ek sa bann later I kit ou lo sispans e nou pour vey sa tre pre.

Lakaz Dimoun Aze North East Point I tonm dan mon distrik si sa ki pe pase laba pour ganny repete dan bann nouvo lenstitisyon ki Prezidan pe mazin konstrir mon krwar I bezwen balans ankor tou keksoz.  Mr Speaker les mon elabore lo sa ki mon pe dir.  Ler pasyan I dir ou ki letan sa ki ansarz I al konze tou store i take e tou bann prodwir de baz ki zot bezwen tel parey savon, dantifris, papye twalet I ganny take.

Mr Speaker pasyan I dir ou ni menm zot juice avek zot goute ki zot ti abitye gannyen 10er zot pa pe gannyen.  Kestyon i reste – ki kalite monopoli en sel dimoun i annan dan sa lenstitisyon?  Sa pa devret leka ler en dimoun i al konze lakle pa al konze li i devret handover avek sa enn ki 2enm ansarz.  Ou pa kapab pini sa bann vye dimoun akoz ou pe pran tou zot larzan lafen di-mwan.  Mon demande ki Minis Adam i regard dan sa sityasyon o pli vit posib.  Mr Speaker ziska tapi lili i take dan store e lakle i depoz lo Lopital Victoria.  E sa ki lo duty napa akse avek store.  Kwa mank konfyans? ziska ki tan ki Minister Lasante pour toler sa sityasyon?  Nou bezwen osi mazinen lafason ki nou tret sa bann dimoun dan sa lenstitisyon Mr Speaker.  Parfwa i fer lapenn.

Lo kote flat Malaysian kot Prezidan ti vizite li menm, son miray I ankor parey.  E sak fwa gro lapli i tonbe later i grennen e lakaz I kontinyen anfonse.  Pourtan avek madanm Juliette avek madanm Julie ki pli pe ganny afekte, ti fer tande zot lavwa avek Prezidan menm ler I ti pas dan distrik.  Nanryen pa ankor ganny fer.  Flat North East Point sityasyon pli grav e nanryen pa pe ganny fer.  MLUH I dir I pa son responsabilite – PMC I lav lanmen.  Miray flat Seaview menm parey nanryen pa’n ganny fer.  Kote ou pou ale?  Mr Speaker avek tou respe ki mon annan pour Lofis Prezidan mon nepli krwar dan okenn parol ki Msye Danny Faure i dir.  Swa i pas dan Ddstrik pour bous lizye e fer tou sort kalite promes, kan i konnen son lord pa pour zanmen ganny egzekite.  Mr Speaker ozordi PUC in vin plas en basen lo en kare later ki Gouvernman en kare later ki pour Gouvernman dan kare land bank dan leo Machabee.  E sa basen i deserve en lakaz ki anrezistre lo en msye Arab, kot en madanm ki ti travay State House ek ansyen Prezidan ti reste laba.  Pourtan i annan plizyer lezot dimoun dan sa rezyon ki fer fas avek problenm delo.  E mon pa konpran pour ki rezon PUC I refize konekte zot avek sa basen.  Kestyon se konbyen sa basen in kout PUC?  E akoz ki I deserve zis lakaz sa msye Arab?  Mon pe koz pour mon bann zabitan Mr Speaker e mon pa kapab aksepte en tel sityasyon.  Mon fer vizit avek DA ek zofisye MLUH e personn napa larepons.  DA i dir i pa ti okouran akoz I pa’n pas par li.

Mon pou anmenn Minis konsernen dan Lasanble pour nou ganny en leklersisman akoz sa kalite lapreferans fodre arête.  Nou tou nou bezwen en servis delo e zabitan Machabee I bezwen en servis delo e PUC pa kapab fer en lenstalasyon 25mil lit zis pour en lakaz!  Mon kontan ki Msye Faure in koz lo kiltir e Leritaz Nasyonal wi nou bezwen protez kiltir e leritaz e dan distrik Glacis nou annan 2 landrwa ki ganny konsidere anba leritaz.  Sa i sit when ships come lo montanny dan leo La Gogue ki mon krwar Leritaz Nasyonal i devret met en pe plis latansyon lo sa trail ,akoz ki bokou etranze e Seselwa i servi.  Dezyenmman mon ti a kontan mansyonn sa lot Sit ki sitye dan larantre Lopital North East Point ki apel lakaz bann Makarios ki pou le moman i parey en eye sore e ki sa landrwa konman en black spot pour bann dealers.  Mon fer li mon devwar pour rode ki plan Gouvernman anver sa landrwa e larepons se ki in fini donn en dimoun pour devlop – pour devlop li dan en cafeteria; 5an pe arive nanryen pa ankor ganny fer dan sa landrwa.  Mon demande ki Leritaz Nasyonal i regarde ki pe arive e akoz proze pa’n demare e rod alternatif.  Les mwan koz proze peser ki’n demare depi lannen pase dan distrik Glacis.  Mr Speaker sa proze pe trennen e peser i fristre akoz deza sa baraz ros ki kontrakter in mete laroul Vann Nor pe tir tou.  Laroul pe kontinyen degrad lans e peser i vwar li difisil pour pous zot kannot parfwa pour al lapes ler bann latet ros i ekspoze.  Onorab Sebastien Pillay i kapab konfirm sa ki mon pe dir.

Peser i fristre akoz zot bezwen saroy tou zot lekipman atraver semen pour al lo kort an atandan store pe ganny konstrir.  Peser in ganny plizyer rankont avek direkter proze e zot pa pe ekoute.  Mr Speaker mon enplor Minis lapes pour ekout lavwa bann peser Glacis zot ki pour servi sa lapas e zot ki konnen kwa ki pli ideal pour zot.  Pour konklir Mr Speaker mon ti a kontan dir, Bondye ler i ti kre Sesel I ti donn li son bann montanny granit konman fondasyon.  Olye kraz montanny pour fer tinel met sa larzan kot nou vreman bezwen.  Nou bezwen ansenyan kalifye avek materyo de baz pour lev ledikasyon nou zanfan.  Lekol Glacis zot in pran nou teachers Matematik e Lasyans lo nivo S5.  Nou bezwen 1 irzan.  Si nou annan sa ta larzan met li dan Lasante e Servis Sosyal sirtou an sa ki konsern devlopman bann travayer sosyal.  Form nou bann zenn pour vin bann bon ners e bann bon dokter.

Amelyor la kalite latizann ki nou donn nou pep.  Aret fye zis lo Donasyon latizann apre nou vwar nou pe donn pasyan latizann ki’n expire.  Amelyor kondisyon nou semen pour fer transpor pa andomaze.  Donn en pti pe larzan STC I a fer vini ‘Bon diri’ pour nou pep olye ki I pe fer vini dire plastik ki donn Kanser lestoman e Kanser trip.  Met dan sekter lagrikiltir ek lapes e empower nou fermye dan plis prodiksyon lokal e koup lo lenportasyon.  Envestir plis larzan dann Sekter Lapes.  Mon enplor lotorite Gouvernman pour pey sa kontrakter Adams Construction pour vin fer 2enm faz semen leo L’ilot e pa ankor ganny peye ziska prezan.  Akoz i osi i dir si i pa ganny peye byento i osi i pou bloke.  E mon osi mon pou dir Mr Speaker annou aprann tay nou lenz selon grander nou latwal.  Avan nou konmans think big think practical annou amelyor lavi nou pep e fer desann pri lavi.  Mr Speaker lo size Assomption mon pou dir si Gouvernman in pran davans pour al Assumption se pa LDS ki pour peye.  Sa ki’n SOZ son SOZ i a SOZ li menm.

 

MR SPEAKER

Onorab, Onorab, Onorab, Onorab, nou’n abord sa size larzan.

 

HON REGINA ESPARON

Gouvernman Mr Speaker.  Mon pe dir.

 

MR SPEAKER

Retract sa pti bout.

 

HON REGINA ESPARON

Lekel pti bout Mr Speaker?

 

MR SPEAKER

Sa pti bout larzan si Gouvernman in pran larzan.  Annou kit sa ater.

 

HON REGINA ESPARON

Ok Mr Speaker.  Mon retract sa pti bout me selman mon dir sa ki’n SOZ son SOZ i a soz li menm.  Mon poudir byen for pour tou zabitan Glacis pou tande – ni mwan ni LDS pa pou ratifye sa lagreman Assomption!  Pou terminen mon ti a kontan remersi zot pour ekout mwan.  Zabitan Glacis mersi pour zot korperasyon e lankourazman ki zot pe kontinyelman donn mwan.  Ki Bondye i a zet en regar lo nou e met lalimyer lo semen sa enn ki pe rod sa ki meyer pour son fanmir.  Mersi Mr Speaker.

 

(APPLAUSE)

 

MR SPEAKER

Mersi Onorab Esparon.  Wi Onorab De Commarmond?

 

HON CHARLES DE COMMARMOND

Mersi Mr Speaker.  Mr Speaker mon le zis en leklersisman par Onorab Esparon atraver ou byensir – lo sa kestyon Diri Plastik ki i dir STC i fer vini.  Eski i korek sa statement ki i pe fer oubyen i zis in dir sa koumsa menm?  Mersi.

 

MR SPEAKER

Ok.  Onorab Esparon en pti klarifikasyon lo ou statement.

 

HON REGINA ESPARON

Mr Speaker nou tou nou’n vwar in advertise lo Facebook en kalite diri ki plastik, ki dir i annan kot STC ki i fer vini.  Mon zis pe fer referans ek sa.  Mersi.

 

MR SPEAKER

Ok.  Mon krwar i nouvo.  Ok?

 

HON CHARLES DE COMMARMOND

Therefore non i serye.  Si sa i koumsa, i vreman serye e mon swete ki byento nou ava abord sa issue.  Mersi.

 

MR SPEAKER

Mersi Onorab De Commarmond.  Mersi Onorab Esparon.  Bon mon donn laparol Onorab Simon Gill oubyen – oule nou demen bomaten?  Akoz nou pou exceed 5er.  Ok?

 

(Mic Off)

 

MR SPEAKER

Non, non, mon le nou ankor Manm ankor 3 Manm lo kote LDS.  Mwan osi tou mon annan de pti mo pour mwan dir lo Leta Lanasyon.  So mon ava rezerv sa pour demen.  So nou pour adjourn la e nou ava – repran nou travay demen 9er bomaten.  E nou ava konmans avek Onorab Simon Gill.

 

 

(ADJOURNMENT)