Home » Verbatim » 2018 » Verbatim Tuesday 20th March, 2018

Verbatim Tuesday 20th March, 2018

NATIONAL ASSEMBLY OF SEYCHELLES

 

Tuesday 20th March, 2018

The Assembly met at 9am

National Anthem

Moment of Reflection

Mr Speaker in the Chair

MR SPEAKER

Bonzour tou Manm Onorab e bonzour tou manm piblik ki a lekout, e ki a pe swiv deba Lasanble Nasyonal. En bonzour spesyal pour bann trainee teachers, SITE ki dan Galeri e zot pe swiv nou travay la bomaten koman par zot Civic Education ki trouv par zot Curriculum.  Byenveni e mon envit zot ki pandan Break zot ava ganny sans pou zot kapab enterak avek bann manm e osi tou zot a kapab, i annan en progranm ki Sekretarya in met pou zot, pou annan en prezantasyon ki pou ganny fer e zot a kapab demann kestyon lo lafason ki Lasanble Nasyonal i fonksyonnen.   Avan nou pran nou travay lo Order Paper mon annan detrwa kominike ki mon anvi fer avek Lasanble.

Premyerman nou’n aprann lanmor sibit Msye Glenny Laval ki ti deza travay koman Sergeant-at-Arms dan Lasanble Nasyonal.  Alor o non tou Manm Lasanble e o nou Sekretarya mon anvi eksprim nou senser kondoleans avek son fanmir.  2enm mon anvi fer serten klarifikasyon lo Order Paper.  Akoz i annan serten konfizyon par egzanp yer swar dan Conference de Presse par Prezidan in mansyonnen ki Minis Finans pe vin dan Lasanble – zis en moman apre SBC  dan son Nouvel in mansyonn otreman se ki Minis Lalanne ki pe vin dan Lasanble, bomaten – Loustau- Lalanne.  Alor mon oule fer en klarifikasyon.  Zedi pase Sekretarya ti fer sorti Order Paper baze lo desizyon ki nou ti pran dan Meeting Komite Biznes Lasanble; savedir dan ABC.  Pandan weekend e ziska yer ler nou’n fer revizyon Papye Minis pour Finans ti’n enform nou ki i pa pe kapab vin reponn kestyon ozordi.  E alor rezon ki nou’n retir sa Kestyon Irzan sorti kot Leader Zafer Gouvernman, Onorab De Commarmond.

Ziska yer swar mon annan kontak avek Minis, avek Onorab De Commarmond e osi avek Clerk.  E an vi bann komitman ki Minis i annan ozordi e anvi ki i napa en garanti ki ler i pou kapab vin dan Lasanble, alor finalman mon ti bezwen pran desizyon pou mentenir revised Order Paper as it is.  Apre ki mon’n pa’n ganny Onorab De Commarmond atraver telefonn, mon’n anvoy li en text pou enform li mon desizyon, e mon osi tou mon’n enform Clerk.   E mon ti a kontan ki ozordi 1er dan plas demen, ozordi 1er ABC i zwenn pou nou kapab abord sa issue. E osi tou nou ava fer en sel pou nou prepar biznes pou Mardi avek Merkredi prosen.  So mon ti a kontan ki ABC nou zwenn toute a l’heure.

Bon, mon trwazyenm kominike i annan pou fer avek Droit De Response.  Swivan reaksyon bann Manm Lasanble lo mesaz Leta Lanasyon mon’n resevwar 3 let sa ki nou apel Drwa Repons oubyen Right of Reply.  Mon’n sirkil enn ki mon pou lir bomaten an vi ki sa Manm konsernen i la prezan.  2enm sa Manm Onorab i absante e trwazyenm mon’n ganny li yer tar e mon pa ankor ganny sans pas lo la.  Pou sa enn premye mon’n sikil en kopi e apre ki mon fini fer mon 2 dernyen pwen lo mon kominike mon pou lir sa Droit De Response.  E tou sa i vin anliny avek Lartik 102, (6) nou Konstitisyon.   Mon ava al lo mon 4enm kominike.

Yer mon’n osi aprann par serten Manm Lasanble ki’n vin vwar mwan, ki Lasanble Nasyonal pe ganny akize konmkwa enn son Komite, sirtou Komite Zafer Etranzer ek son bann Manm in al L’Inde pou al re-negosye Lagreman Assomption.   Mon anvi demanti sa e fer tou dimoun konnen ki napa okenn Manm Lasanble Nasyonal oubyen Komite Lasanble Nasyonal ki dan L’Inde lo okenn biznes.  Sel moman ki Lasanble Nasyonal in enplike dan sa zafer Assomption, se ler Komite Finans e Komite Zafer Etranzer ti al vizit zil Assomption le 26 Fevriye organize par Gouvernman Sesel.   Sa bann alegasyon i fo e mon santi i pirman avek bi pou denigre nou bann Manm e Lasanble Nasyonal.

Lasanble Nasyonal i reste en landrwa ki Manm piblik i aksesib avek, e osi zot aksesib avek son travay.  Alor mon demann okenn dimoun, okenn manm piblik ki anvi lenformasyon lo travay Lasanble, pou pran kontak avek Sekretarya.  E mon konnen ki annan plizyer zot manm piblik pe fer li e zot pe ganny lenformasyon ki vre e ki apropriye.  Senkyenmman bomaten Leader Lopozisyon in notifye mwan lo son lentansyon pou fer en klarifikasyon anba Standing Order 35.  Savedir personal explanations par bann Manm.  E mon’n servi mon pouvwar anba Order 35 apre ki mon’n ekout li pou mwan donn li sa sans pou li fer sa klarifikasyon. Ok.  Alor mon a pas laparol avek Onorab Ramkalawan i ava komans son personal explanation, Onorab De Commarmond mon a fini ek li apre mon ava donn ou laparol e apre mon a pran sa Droit De Response Repons then nou ava pran nou travay lo Order Paper.  So mon ava pas laparol avek Onorab Ramkalawan.  Onorab.

 

HON WAVEL RAMKALAWAN

Mersi Mr Speaker.  Bonzour Mr Speaker, bonzour tou bann koleg Onorab e bonzour osi tou bann trainee teachers.  Nou bezwen zot en kantite alors nou kontan ki zot in dan nou lasanble e mon swet zot labyenveni e tou Manm ki pe ekoute.

Mr Speaker mersi pou akord mon sa privilez pou mwan fer en pti lesplikasyon. Yer swar dan son Conference de Presse. Msye Faure dan son kapasite koman Prezidan in fer kler ki apre ki in fer son diskour lo Leta Lanasyon, li i pa’n ekout okenn Larepons – en keksoz ki mon trouv byen iresponsab.  E dan son Conference de Presse in mansyonn size Assomption  e in donn lenpresyon ki pou dir ki sa i enn pti size ki pou dir pou zwenn ‘’Mwan’’ in mansyonn mon non personnelman – ki pou dir ki i pou zwen mwan e nou ava regarde ki problenm i ete, tou keksoz pou ok ensidswit.  Mr Speaker, vi ki i pa ti ekout mwan, mon anvi fer sityasyon kler.  Mon anvi fer kler avek Msye Danny Faure ki pou dir  –napa nanryen ankor pou li fer avek Lagreman Assomption.

 

(APPLAUSE)

 

HON WAVEL RAMKALAWAN

Dezyenmman; LDS Pa Pou Ratifye Lagreman lo Assomption!

 

(APPLAUSE)

 

HON WAVEL RAMKALAWAN

E trwazyenmman kot i konsern LDS sa Lagreman lo Assomption in fini mor!   E alor Mr Speaker, mon espere ki sa pti parol ki mon’n dir, sa trwa pwen ki mon’n fer la i ava fer li kler pour ki pou dir sa i lafen, sa size Assomption e ki mon pa ekspekte vwar li lo okenn azanda ant Mr Faure avek Lopozisyon.  Mersi bokou.

 

(APPLAUSE)

 

MR SPEAKER

Mersi Onorab Ramkalawan.  Mon ava donn laparol Onorab De Commarmond.

 

HON CHARLES DE COMMARMOND

Mersi Mr Speaker bonzour Mr Speaker, bonzour tou Manm Onorab e bann etidyan trainee NIE sa i plito, mon profite pou mon osi pas mon senpati avek  lafanmir Laval ki nou’n konn li tre byen dan nou Lasanble.  Mr Speaker, mwan zis en pti klarifikasyon mon pou lwen ek Assomption lo sa premye Order paper ki’n sorti.  Mon anvi zis dir, met ou latansyon ki Sekretarya i devret fer enn pti pe plis prekosyon; par egzanp letan en kestyon i vini, sirtou en Kestyon Dirzans ouswa en PNQ ki zot mete kote i sorti. Akoz lo sa mon pa vwar kote sa kestyon i sorti.   Kestyon i al pou Dr Larose Minis pou Finans Trade ek Economic Planning, me mon pa konnen lekel ki ti pou lir li akoz i pa dir kote i sorti.   Zis petet tou leres kestyon i ok i sorti kot en dimoun.  So mon anvi met dan ou latansyon.  Ler i revin lo Order paper semenn prosenn ki sa bout in ganny korize.  Si non mon ti ganny ou kominikasyon mon ti busy me mon’n pran li byen, e mon siport ou dan sa ki ou’n dir i ok.

 

MR SPEAKER

Dakor Onorab De Commarmond mon konnen osi ti vreman tar ler nou ti pe dyaloge and all that e avek Minis Finans osi tou.  E mon pran ou pwen, mon note ou pwen mon vwar lo sa premye Order Paper  vre i annan en pti omisyon.  Me mon annan let ki ti al kot Minis kot Finans i kler, kominikasyon ki’n ganny fer lofis Clerk avek son lofis i kler kote kestyon i sorti e mon annan sa laprev devan mwan.  E petet ankor zis pou ou lenformasyon kot pou montre kot ti napa okenn petet keksoz unfairness malis, ziska yer apre midi kominikasyon ki Clerk  ki ti annan avek Minis se dan sa roulman kot Minis pa ti pare, pa ti dan sa pozisyon.  E san al dan okenn detay, mon avek ou nou konn enn pti pe rezon det deryer sa. Mersi Onorab e parey mon’n dir dan ABC taler nou ava kapab tous sa bann issues  e nou ava met li akote.  Bon, mon ava prezan al lo sa Drwa Repons ki devan mwan.  Bon sa Drwa i sorti kot STC i date le 15 Mars 2018 adrese to the Speaker of the National Assembly of Seychelles, Ile du Port, Mahe, e mon pou lir koman i ete.

Honorable Speaker,

The subject; Debate: National Assembly proceedings of 13th March 2018 – Right of reply.             

In pursuance of the recent debate in the National Assembly of Seychelles, during its session on 13th March 2018, a member of the National Assembly, namely Honorable Regina Esparon raised up this issue of STC importing Plastic Rice.

We the Seychelles Trading Company feel obliged to clarify this issue as it is a misleading statement aimed at tarnishing the image of STC and misleading the Seychellois population.

STC categorically refute this allegation and would like to make it clear that STC has never imported plastic rice and will never do so.  All our products imported are authentic as we highly value the health and well-being of our Nation.

Please find attached copies of Health certificate and Lab report for the rice in question whereby there is no mention that this rice contains plastic or is made of plastic.

We kindly request the Honorable member to provide the National Assembly with any concrete proof or evidence on her allegations made in the National Assembly on 13th March 2018.  Failing which she should retract her statement and present a formal apology to the people of Seychelles for trying to mislead them and to STC for trying to tarnish its image.

Yours faithfully, (Miss) Christine Joubert, CEO, Seychelles Trading Company.

 

 

MR SPEAKER

Bon parey mon’n dir mon sirkil kopi tou sa bann dokiman ki enkli son Health Certificate, sa Lab Report avek tou Manm pou zot lenformasyon.  Ok?  So Onorab Esparon.

 

HON REGINA ESPARON

Mersi Mr Speaker.  Mr Speaker mon ti ganny elekte par plis ki 1400 dimoun dan distrik Glacis pou mwan fer tande zot lavwa. E Mr Speaker ler mon ti ganny alerte par en boutikye e mon ti vwar lo rezo sosyal, mon lentansyon se pa pou denigre STC mwan, me pou klarifye keksoz.

Mr Speaker mon’n osi vwar i en pe drol ki STC sa post ki ti ganny mete lo Facebook apre ki in ganny view par plis ki 3 mil dimoun STC i pa’n vwar li neseser pou zot vin klarifye.   E mon krwar petet ki olye ki CEO i zis pas son letan maltret dimoun lo Facebook petet i ti’n devret  fer en klarifikasyon lo sa size.

 

(APPLAUSE)

 

MR SPEAKER

Ok Onorab retract atan en moman retract sa pti bout.

 

HON REGINA ESPARON

Ok mon retract.   Me Mr Speaker me petet mon devret alert ou osi, mon pa konnen si ou a ganny en lot Right of Reply ki annan alegasyon osi ki STC pe zet diri.  Piblik i anvi konnen, lapopilasyon i anvi konnen akoz ou vwar, me si STC pa monte pou klarifye bann keksoz, i kit lepep dan fernwanr.  Sa i mon pozisyon Mr Speaker mon lentansyon se pa pou denigre STC.  Mersi.

 

MR SPEAKER

 

(APPLAUSE)

 

MR SPEAKER

Ok mersi. Bon, mon krwar Lartik 102, (6) i kler.  An vi ki nou, nou annan sa drwa isi pou nou kapab koze libreman san ki nou ganny prosekite, e sa ki nou ganny anmennen Ankour and so on nou, petet annou fer enn pti pe atansyon e sa i aplik pou tou Manm pa pou zis Onorab pou tou Manm ki nou bezwen verifye enn pti pe nou bann lenformasyon. Me an menm tan anba sa Drwa Repons i donn sa dimoun oubyen sa lakonpannyen deor en dwa pou li met keksoz an konteks.   Pa neseserman ki sa Manm i donn en leksplikasyon and all that me Onorab Esparon in lev son lanmen in donn en pti lesplikasyon e mon krwar son lesplikasyon in sorti byen i pa ti son lentansyon pou li tarnish  limaz STC.   E mon swete ki dan le fitir petet nou a kapab abord sa bann size avek en pti pe plis prekosyon.  Ok, bon, avek sa nou ava al lo nou travay lo Order Paper e mon ti a demann Madanm Clerk, pou li apel Minis pou Touris Lavyasyon Sivil, Port e La Marin, Minis Loustau- Lalanne.

Bonzour Minis Loustau- Lalanne, Minis pou Tourizm, Lavyasyon Sivil, Port e La Marin.  Welcome dan nou Lasanble e spesyalman koman premye Minis ki vin reponn kestyon Manm Lasanble Nasyonal pou lannen 2018 e osi mon ti a dir welcome Mr Garry Albert, PS pou Lavyasyon Civil pour e La Marin.  Bon, mon ti a kontan demann Onorab Ramkalawan, mon a donn li laparol pou li poz son Private Notice Question.  Onorab.

 

HON WAVEL RAMKALAWAN

Mersi Mr Speaker, bonzour Minis, bonzour PS.  Mr Speaker petet zis avan mon demann mon kestyon mon ti ava kontan lo lapar nou ki isi dan Lasanble pou ankor enn fwa ankor eksprim nou kondoleans avek lafanmir Mr Mervin Khan dan sa lanmor vreman trazik.

Mr Speaker swivan lanmor aksidantel en doker Seselwa Mr Mervin Khan lo bato lapes Fior Dolphin ki ti pe flot paviyon Panama le 28 Fevriye 2018 – eski Minis responsab pou Por i kapab dir sa lasanble ki mezir sekirite ki Lotorite Por i pran pou asire ki standar bann bato ki rantre Sesel i dan bon kondisyon?               Dezyenmman; ki bann aksyon ki’n ganny pran swivan sa lensidan?  Trwazyenmman ki kalite lasirans ki Lotorite Por i ensiste ki tou lakonpannyen ki anploy travayer lo Por i pran pou tou son bann travayer?  E finalman eski Lotorite Por i satisfe avek standar sekirite lo Por vi ki tou dernyerman in annan plizyer aksidan ek lanmor dan sa landrwa travay? Mersi bokou Mr Speaker.

 

MR SPEAKER

Mersi Onorab Ramkalawan, mon pas laparol avek Minis.

 

MINISTER MAURICE LOUSTAU-LALANNE

Mr Speaker, Mr Deputy Speaker, Onorab Leader Lopozisyon, Onorab Leader Biznes Gouvernman, tou Manm Onorab bonzour.

Mr Speaker, nou’n ganny apele isi devan Lasanble pou reponn kestyon Onorab Leader Lopozisyon swivan en aksidan ki’n koz lanmor defen Mr Mervin Khan lo en bato Reefer apele Fior Dolphin le 28 Fevriye 2018.          Mon senserman senpatiz ek lafanmir Mr Khan.  Larepons kestyon Onorab i konm swivan;

Son premye parti, verifikasyon standar bann bato ki antre dan nou Por Sesel i enn bann responsabilite SMSA.  Parey nou konnen Sesel i en manm IMO e i ti ganny deklare koman en Whitelist country an 2015.  Sa i met SMSA anba lobligatwar pou fer lenspeksyon Port State Control lo tou bann bato konvansyonnel anba nenport paviyon ki vizit nou por.                   Zot ava rapel ki lannen pase SMSA ti siny en Indian Ocean Memorandum of Understanding lo Port State Control.  Sa i en Lagreman ant bann Pei larezyon avek bi pou elimin bann bato substandard ki vizit nou Por.   Sa lenspeksyon in ganny fer pou asire ki tou Sertifika bato lekipman e son lekipaz i valid e ki sa bata napa okenn defayans; ki pa ankor rektifye swivan son dernyen lenspeksyon.  I osi enportan pou fer resorti ki ler en bato i vin Sesel i annan plizyer lezot lotorite ki mont abor pou clear sa bato e sa enkli Lotorite Por, Lasante, Customs ek Imigrasyon.                             Si enn parmi sa bann lotorite i vwar problem avek en bato zot annan osi drwa pou anpes li koste ek Por e sa in deza arive dan lepase.  An sa ki konsonn bato Fior Dolphin de zour avan sa lensidan zofisye SMSA ti fer lenspeksyon lo sa bato e serten defayans ti ganny vwar.  SMSA ti donn sa bato 3 mwan pou li rektifye sa bann defayans an respektan bann norm enternasyonal.   Rapor lenspeksyon Port state sa bato  i montre ki sa bato ti fer son dernyen lenspeksyon le 19 Septanm an Japon e tou son bann Sertifika ti ankor valid apar selman 2 pti defayans ki bato ti’n fini rektifye.     Dezyenm parti Mr Speaker, swivan sa lensidan en Board ki fer lenvestigasyon kan i annan en aksidan koni koman Marine Accident Investigation Board, MAIB ti komans son travay pou rod lakoz sa aksidan e pou prodwi en rapor.  Sa Board i apre fer rekomandasyon avek Minis pour Por avek La Marin. Sa rapor i osi ganny soumet avek IMO anba lobligasyon enternasyonal.   MAIB  i ekspekte soumet en rapor preliminer tre byento.   SMSA pe osi entansifye lenspeksyon Port State Control lo bann bato ki vin dan Por e pe anvoy ankor de son zofisye training Italy  le 20 Avril mwan prosen. Lotorite Por e SMSA in osi fer plizyer meeting avek bann lotorite konsernen tel ki; Departman Lanplwa, Lapolis, Fire and Rescue Services e DRDM, pou kapab met an plas bann mezir neseser e strik pou fer ki tou bann lakonpannyen stevedores i respe bann regilasyon e mezir lo safety e sekirite.                                  Mr Speaker diskisyon in osi ganny pran ki Lotorite Por i ganny sipor Lapolis detanzantan pou ranforsi kontrol lo bann baro ki kontrol akse dan Por sirtou ler bann stevedore pe antre sorti dan Por pou al desarz bato.  Nou kapab konstate ki tou resaman nou’n vwar plis prezans Lapolis menm avek lisyen dan baro pou parey in ganny raporte lo medya e rezo sosyal.  Mr Speaker direktiv in ganny donner avek bann bato, ki zot napa dwa fer okenn servis lo sistenm ammonia ler bato i koste ek por.  Zot kapab fer sa servis selman ler bato i deor por lo mouyaz.  Apre ki zot in ganny permisyon avek Lotorite Por.            Trwazyenm parti Mr Speaker, an sa ki konsern Lasirans, Lotorite i fer sir ki bann lakonpannyen i annan lasirans ki bann Lalwa i demande. E sa i Employers Liability Insurance.   Sa Lasirans i kouver bann travay si zot ganny aksidan pandan ki zot pe travay.  I annan lakonpannyen ki annan lasirans an plis tel ki Group Personal Accident Policy ki kouver bann travayer par lao sa ki Lalwa  i demande.  E finalman son katriyenm parti. Mr Speaker pou dir ou onnetman Por Victoria i meet bann standar minimum  ki ganny demande me nou pe kontinyelman amelyor lo la depandan lo bann risk.  Se pou sa rezon ki nou pou fer le neseser pou lev son nivo.  Nou pe demand avek bann Lakonpannyen Stevedore pou zot bann travayer i met bann protective clothing and safety gears ler zot pe mont lo bato, pou al fer zot travay e bann travayer Por pou servi bann vest apropriye ler zot pe apros lasose  kot loperasyon pe deroule.  Departman Lanplwa ki annan responsabilite safety dan landrwa travay, pou entansifye lenspeksyon li osi, pou fer sir ki bann lakonpannyen i swiv bann kondisyon anba Occupational Health Safety and Regulations.

Lotorite Por pe travay lo plan pou fer sir ki bann sibstans danzere dan Por tel ki ammonia ek eksplosiv i ganny met dan en landrwa izole, ki pa pou vin en menas pou travayer e piblik ki servi Por.  Parey mon’n mansyonnen pli boner, bann bato pou napa dwa fer servis lo zot sistenm ammonia ler bato i koste ek Por.  Aksyon sever pou ganny pran avek sa ban bato si zot pa respekte sa policy.  Lotorite Por in resaman aste bann metal detectors ki pe ganny servi pou detekte bann zouti e lezot metal ki travayer i kapab antre dan Por avek.   E a lavenir Lotorite Por pou annan plan, pou enstal masin X-RAY pou ede dan deteksyon zouti ek sibstans.                        Mr Speaker mon Minister pe osi demann Lotorite Por e SMSA pou fer sir ki Por Victoria  i reste an konformite avek ISPS Code, ki detay bann mezir sekirite ki en Por i merit respekte e aplike.   Mon ti a kontan reasir sa Lasanble ki mon Minister, i met gran lanfaz lo sekirite e safety tou bann travayer e manm piblik ki servi Por.  Mon regret bann aksidan ki’n arive dan lepase, e nou pe fer sir ki tou bann aksidan i ganny investigated, pou ki i pa ariv ankor.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker i annan zis en parti kestyon, larepons plito ki Minis in donnen, ki mon ti ava kontan i repas lo la avan ki mon demann li kestyon, e avek ou permisyon sa i premye parti ou larepons, kot ou mansyonnen ki ti annan lenspeksyon e ti annan serten keksoz ki zot pa ti trouv satisfezan avek sa bato.   Sa bout la konmsi, avan ki i ti al Japon, son dernyen lenspeksyon ki ti fer lo la. Konmsi si ou ti ava kapab zis relir sa bout dan ou larepons parski in pa’n sorti tro kler, mon’n pa’n sezi li antyerman.  Mersi.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Mersi Onorab les mon retourn lo mon bann notes la.   Wi alor, i lir koumsa Mr Speaker.   An sa ki konsern bato Fior Dolphin 2 zour avan sa aksidan zofisye SMSA ti fer lenspeksyon lo sa bato e serten defayans ti ganny vwar. SMSA ti donn sa bato 3 mwan pou li rektifye sa bann defayans an respektan bann norm enternasyonal.   Donk sa i lenspeksyon ki ti ganny fer le 26 Fevriye. Rapor Lenspeksyon Port State lo sa bato i montre ki sa bato ti fer son dernyen lenspeksyon le 19 Septanm an Japon, e tou sa bann Sertifika ki ankor valid.  Apard ki selman de pti defayans ki bato ti’n fini rektifye.  Mersi Mr Speaker.

 

MR SPEAKER

Mersi Minis.  Mon krwar i egzakteman ki Leader Lopozisyon pe rode.  Onorab Ramkalawan.

 

HON WAVEL RAMKALAWAN

Mr Speaker mon premye kestyon byensir i swiv sa premye bout larepons.   Minis i dir avek nou ki le 26 zot ti fer lenspeksyon lo sa bato e zot ti vwar ki pou dir i annan problenm.  I annan defayans e zot ti donn li 3 mwan pou li rektifye sa bann defayans.   Eski Minis i kapab dir avek nou, be dan sa ka akoz ki sa bato in kontinyen travay?  Menm si 2 zour avan zot in vwar ki pou dir i annan defayans zot in donn li lord pou li koriz sa bann defayans.  I resanble ki in pa’n koriz nanryen.  E 2 zour pli tar Mr Khan i trouv son lanmor.  Sa i mon premye kestyon. Mon 2enm kestyon se, eski dan sa bann lenspeksyon ki zot ti’n fer zot ti’n egzaminen pou regarde si bann crane dan sa bato, ti dan bon eta?  Akoz sa aksidan sete en crane ki ti ploye e ki ti koz  lanmor Mr Khan e materyo ki en crane i fer avek i sipoze en materyo solid ki i pa zis ploye a mwen ki en tiyo ki’n pouri.   Mersi bokou.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker, Mersi Onorab.  Ti annan annefe 7 defayans, ti annan 5 ki nou apel bann pti defayans.  Par egzanp sa ki mon’n note, premye ti pou bezwen fer maintenance lo en fire protection system e la spesifikman ti mank en flap ki ti bezwen kouver sa fire system.   2enm; devan bato, zot apel sa forecastle i annan en store  ki ti dan move kondisyon, senpleman akoz son akse dan sa stor ti’n ganny bloke par lezot keksoz.                 Trwazyenmman ti mank en lalimyer dan lasanm kot zot annan zot CO2 Bottle; savedir sa lalimyer pa ti pe marse.   Ti annan osi en maintenance ki ti merit ganny fer lo Life Savings appliance.   E 5enm mon apel bann pti defayans ti son Rope Hatch Cover ki ankor devan bato dan son forecastle li son rubber pa ti dan en bon kondisyon.   Sa ti bann pti defayans ki nou enspekte SMSA ti vwar e ti met dan son rapor.  E apre ti annan 2 defayans ki zot ti donn bato 3 mwan pou li rektifye.  Enn ladan i Cargo Winch, sa i sa lekipman elektrik ki tourn pou fer marse sa bann crane, se sa ki zot santi ti merit ganny aranze akoz zot santi ki i pa ti dan en bon kondisyon.  E lot ti akomodasyon kot son bann dimoun i reste on the starboard side akoz ti annan serten ki pa ti functional akoz i ti ganny andomaze.  So ou vwar la sa 2 defayans kot ti donn li 3 mwan pou li rektifye, e sa i standar.              Parey menm Japon i ti annan serten defayans ki i ti bezwen fer within a certain time.  Mersi Mr Speaker.  Lo 2enm kestyon i pou difisil pou mwan antre dan son detay Mr Speaker.  Senpleman akoz parey mon’n eksplike MAIB  pe fer son lenvestigasyon. So  i pa fair pou mwan komans antre dan bann keksoz ki mon napa son laprev.  Akoz sa rapor i pou antre dan son detay.  Nou pou konnen egzakteman kwa ki’n koz sa aksidan, once ki nou ganny sa rapor final, menm dan son rapor preliminer nou pou komans vwar bann fe ki’n arive.  Mersi Mr Speaker.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mr Speaker, mon anvi demann Minis lefe ki’n mansyonnen ki pou dir ki enn bann gro defayans sete sa cargo winch ki ti’n ganny 3 mwan e vi ki sa aksidan i lye avek zisteman sa morso la, sa winch ki’n fer sa aksidan, akoz ki SMSA  pa ti anpes, pa ti donn en stop order par egzanp pou ki sa bato i aret travay dan Por?  E ki si i ti’n fer sa then nou ti pou napa sa aksidan.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab, mon pa ti anvi prolonz deba, mon pa konnen si efektivman sa winch avek son bann kab se li ki’n kase ki’n koz sa aksidan; oubyen si en lot keksoz ki’n kase, ki’n koz sa aksidan.   Mon pa oule speculate.  Mon krwar i enportan nou espere Ki nou ganny rapor MAIB lo la.  Nou ava konnen kler ki bann sekans ki’n arive ki’n koz sa aksidan.  So i enn ti pe boner pou mwan pran en pozisyon lo la, pour lemonn.  Mersi Mr Speaker.

 

MR SPEAKER

Ok, yes Onorab Ramkalawan.

 

HON WAVEL RAMKALAWAN

Mr Speaker eski Minis i kapab dir nou, oubyen i kapab donn en lasirans Lasanble, ki le moman ki sa rapor i ava sorti Lasanble i ava ganny en kopi, e petet li menm li i ava vin dan lasanble pou li fer an Statement an relasyon avek bann dekouvert ki zot fer.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Speaker. Sertennman akoz sa rapor parey ou konnen nou bezwen soumet li osi avek IMO i en requirement enternasyonal son Rapor final.  E en ka koumsa definitivman i annan bokou rezon akoz nou bezwen fer tou laklerte lo la e mon pare pou mon vini e prezant sa rapor letan i ava ganny soumet.  Mersi.

 

MR SPEAKER

Mersi Minis.  Onorab Mondon.

 

HON TERENCE MONDON

Mersi Mr Speaker, bonzour Minis avek ou PS  e tou dimoun ki pe ekout nou.  Mr Speaker mon oule demann Minis anvi ki lensidan ti ariv lo Por Lapes, e kot deza sa por dapre assessment ki ti ganny fer an Desanm 2015, sa Por ti ganny deklare non-compliance avek ISPS Code. ISPS ki stand for International Ship and Port Facility Security Code.  E mon anvi konnen Minis, ki Lotorite Por in fer depi 2015 ki en por lapes pa pe comply avek Code ISPS, ki Lotorite Por in fer depi 2015, pou adres sa sityasyon?  E dezyenmman anvi ki nou konnen ki Por Lapes, bann Por Victoria pa lo standar an term bann ankor bann assessment ki IMO i fer;   e i annan bann rekomandasyon ki bezwen  ganny adrese imedyatman mon krwar deadline i sanmenm sa lannen.  Mon anvi konnen ki bann travay vreman ki pe ganny fer pou adres sityasyon lo nou Por Komersyal avek lapes, mersi Mr Speaker.

 

MR SPEAKER

Mersi Onorab Mondon.  Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab.  Mon krwar i annan 2 keksoz; premye keksoz si nou pou regard zis lo son por li menm, parey  mon’n dir nou meet standar minimum.  Sa ki nou oule sey fer sir nou lev son standar.  Ki mon vedir par sa. Si nou pran por komersyal, ozordi Por Komersyal i en por ki vreman busy i annan en kantite aktivite toultan.    Annefe serten keksoz ki senp, parey semen, parey bann culvert ki pa ler i kase oubyen i annan bann trou ladan.   Sa i merit ganny rektifye le pli vit posib; akoz li osi i kapab koz aksidan.  Letan ou ek en forklift oubyen avek enn sa bann gro masin kontenan leta ou pe dray ou kapab fasilman tonm dan en trou kre en aksidan.   So sa i bann keksoz ki nou bezwen port bokou latansyon e mon Minister i annan zero tolerance pou fer sir ki sa bann keksoz i ganny fer vit.  La ozordi lo Por nou annan en progranm aparti Merkredi ki pe al komanse pou fer sir ki sa bann ti defayans koumsa i bezwen ganny amelyore.  Letan nou koz lo lekipman, nou annan lekipman, ok ozordi nou pe servi plis bann manual handling bann dimoun pou regarde si zot pa pe antre dan por avek bann zouti.   Bann maren ki sorti lo bann bato pa pe desann avek lalkol, manze. Akoz tou sa la toulezour nou pe tyonbo.  E apre nou donn Ladwann e nou pran sanksyon avek sa bann malfeter.  Me sa sistenm i en sistenm ki nou merit improve.  Parey mon’n koz taler lo, metal detectors nou’n mete, nou bezwen metal gate, nou bezwen en masin, me nou bezwen met li dan en landrwa apropriye.  Nou bezwen fer en batiman, fer dimoun pas atraver sa.  Se sa bann keksoz ki mon pe dir ou ki nou pou bezwen fer pou improve  the standard.   Lo kote bato, nou bezwen toultan fer sa Port State Control pou nou fer sir ki bann bato, akoz tou bann por pe fer menm zafer.  Pou ki bann bato letan i antre nou tyeke kan dernyen fwa i ti ganny kontrole si sa bann defect ki’n ganny war par sa lot Port State Control in ganny rektifye.  E nou osi nou fer nou lenspeksyon pou nou azoute sansan bato i kit nou por i al dan en lot por i  pou bezwen soumet nou Port State Control avek sa bann bato.   So pou mon vwala bann keksoz ki nou pe fer e nou bezwen kontinyen fer.  Ozordi por SPA i anploy li 51 gard sekirite an permanans.  Eski i ase?  Nou bezwen regarde pou fer sir akoz nou annan plizyer landrwa ozordi.  Nou annan sa por IPHS par egzanp ki laba Ile Du Port, li osi mon santi i annan kekfwa en defayans lo kote sekirite Por, Chair li menm.  Me donk tou sa bann keksoz i bann keksoz ki SPA i bezwen travay lo en plan ki ganny met lo standar.  Me mon repete, nou standar minimum nou respekte e nou meet nou standar minimum.  Mersi Mr Speaker.

 

MR SPEAKER

Mersi Minister.  Onorab Mondon.

 

HON TERENCE MONDON

Mersi Mr Speaker, zis en ti kestyon pou follow-up.  Minis in dir ozordi ki i annan 51 travayer sekirite lo Por e eski i kapab konfirm avek nou Lasanble ki sa bann dimoun zot kalifye, zot annan en dimoun  kalifye ki zot apel en PSFO pou fer sa travay ki enportan lo Por?                      Akoz lenformasyon ki mon annan se, i pa leka akoz ou’n fek pous sa PSFO akoz in siny en Petisyon.   Mon anvi konnen si ou annan ou lanmen lo sa sityasyon pou fer sir ki nou annan dimoun ki’n ganny train lo por pou fer sir sa laspe sekirite safety i ganny byen manage.   E Minis in dir nou ki Port State Control i ganny fer.  Eski i pe konfirm ek nou Lasanble ki tou bato ki rantre dan Por Victoria, pe, i annan sa lenspeksyon Port State Control ki pe ganny fer?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Pou larepons ou premye kestyon obviously ki ou lenformasyon i up-to-date, larepons se non, akoz konmdi ou menm sa dimoun in nepli travay.  So nou bezwen rod en lot dimoun pou ranplas li.  So sa larepons premye kestyon.  2enm kestyon, pou le moman nou pe sey fer Port State Control pou tou bato.                                Me parey ou konnen Port State Control nou pa fer otomatikman tou bato.   Nou swazir bato ki nou fer, i en sampling ki nou fer, me pou le moman nou pe fer li pou tou bato akoz nou bezwen improve sa standar.  E parey mon’n dir ou nou’n siny sa konvansyon avek ISPFS parey ou’n dir.  E i enportan ki nou montre nou bonn volonte pou nou kontrol tou bato pou le moman.  Me apre nou pou only fer li selectively. Mersi Mr Speaker.

 

MR SPEAKER

Mersi Minis. Onorab Clive Roucou.

 

HON CLIVE ROUCOU

Mersi Mr Speaker. Bonzour Minis, bonzour tou Manm Onorab.  Mr Speaker, mon ti anvi demann Minis anvi ki’n koz le lenspeksyon lo sa bato, mon ti a kontan demann Minis pou konbyen letan sa bann sertifikasyon lenspeksyon ki sa bann bato i vin avek, i valid?  Oubyen si zot fer li lo sak bato ki vini?  Epi an kontinyasyon kot i annan aksidan lo por.  Mon anvi demann Minis si Lotorite Por i annan okenn Disaster Plan pou okenn evantyalite ki kapab arive dan lefitir?  E si wi kan ki dernyen fwa in ganny revize?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab.  Pour ou premye kestyon, ou konnen tou bato i bezwen annan li apepre 4 ou 5 Sertifika; mon pa konnen egzakteman konbyen me selman i annan o mwen kat ki toultan i bezwen akonpanny sa bato e tou son bann Sertifika i bezwen valid, sa  premye keksoz ki nou fer letan monte pou nou tyeke.             E son validite i varye, me lo la i pou annan en validite.  Parey dan ka sa bato li menm i annan validite bann Sertifika ziskan 2019 par egzanp.   So i pou ganny marke lo sa Sertifika, so premye keksoz ou tyeke pou fer sir i valid, si in expire nou bezwen pran en aksyon, akoz i nou responsabilite pou pran en aksyon.  Prezan letan nou fer Port State Control sa rapor ki nou soumet, li i zis repran bann defect parey mon’n eksplike ki ti ganny fer par the previous Port State Control e nou regarde si bann defect in ganny rektifye.  E parey mon’n eksplik ou la letan nou’n fer lo FIOR DOLPHIN son dernyen lenspeksyon ti fer Japon an Septanm e i ti annan li de defect, minor defect lo la ki ti’n fini ganny rektifye.  Me nou, nou’n azout 5 defect, minor defect lo li e nou annan 2 defect ki nou’n donn li 3 mwan pou li aranze.  So kan sa bato i al dan en lot Por, sa lot Port State Control  i ava pran finding  ki nou annan e fer sir ki i comply avek.  So i en fason ki tou bann Port State Control nou pe kolabore ansanm pou fer sir ki bann bato i lo en meyer standar.   Pou ou dezyenm kestyon, malerezman mon pa pou kapab donn ou en larepons spesifik, akoz mon pa konnen ki dernyen fwa plan dezas dan por in ganny teste sa mon bezwen al find out e mon a kominik avek Lasanble e ou ava ganny sa larepons. Mersi Mr Speaker.

 

MR SPEAKER

Mersi Minis.  Bon an vi, mon anvi ki nou fini ek sa kestyon par 10.30 mon pou donn Manm en sans pou anmenn en dezyenm siplemanter me annan fer li bref, annou fer li vit.  Onorab Roucou.

 

HON CLIVE ROUCOU

Mersi Mr Speaker. Mr Speaker mon ti zis anvi Minis i konfirmen ki si wi Lotorite Por i annan sa Plan Dezas menm si zot pa ankor fer okenn training oubyen zot pa ankor revize.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi bokou.   Definitivman i annan en plan e mon PS in dir mon ki dernyen fwa i ti ganny teste i krwar ti ant 2 a 3 an pase par DRDM.   Me les mon verifye sa lenformasyon e mon a donn ou lenformasyon ki korek.  Mersi.

 

MR SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker, bonzour Minis ek ou depite.  Mr Speaker mon ti anvi konnen si bann stevedores i ganny serten training pou zot kapab mannyer sa bann lekipman?  E si sa bann training in ganny sertifye avan ki zot mon lo enn sa bann winch oubyen bann lezot lekipman.                Dezyenmman mon ti ava anvi konnen konbyen Port State Inspectors zot annan?  E si zot annan lide oubyen plan pou train plis dimoun dan sa domenn?  E trwazyenmman mon ti ava anvi konnen vi ki ou’n nonm zot fer Port State Inspection lo preski tou bato zot pe fer li an se moman, me mon ti oule konnen konbyen egzakteman Port State Inspection i devret ganny fer pou zot kapab, ki permet zot reste, ki poursantaz, ki pe permet zot reste lo Whitelist?  Mersi.

 

MR SPEAKER

Mersi Onorab.   Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab. Premye parti ou kestyon, wi parey ou konnen menm letan zot kri Stevedores lo radyo pou vin travay, i annan bann kategori.  I annan stevedore ki winchmen, i annan stevedore ki donn sinyal winchmen.  Setadir sa dimoun di pe fer marse sa crane si  pou fer desann, si pou arete, si pou al a dwat, pou al a gos, apre arete akoz i pe debarke.      So i annan en tim dimoun.  E mazorite stevedore apre se zot ke tir sa bann marsandiz, si pwason whatever it is.  So i annan en gang.  E i  organize winchmen se winchmen ou pa kapab pran en stevedore ki napa sa konpetans pou fer marse sa lekipman, pou al fer marse sa lekipman.  E mon espekte efektivman ki sa Rapor osi i ava montre si sa bann kondisyon dan prosedir travay in osi ganny respekte se pour kwa i enportan nou esper sa rapor.  So wi ki kalite training zot gannyen sa mon pou bezwen al re find out sa mon pou kapab dir ou si son training i lokal, si son training  i aletranze mon pa konnen.  mon pou bezwen al find out.  An sa ki konsern Port State Control lo whitelist fodre mon al regarde.  Mon pa pou konnen si ou fodre ou fer 2 ou fodre fer 10 ou fer 15 par an pou nou meet en minimum standard.  Me tou le fason nou bezwen fer Port State Control akoz lezot por i fer, i en memorandum ki nou’n met antre nou menm dan Losean Endyen pou nou tir sa bann bato ki pa lo standar.

Akoz i annan bato ki malerezman pa lo standar, so lide se korpere antre nou pou fer sir ki nou tir sa bann bato ki pa lo standard dan nou delo. Me mon pa konnen fodre mon al find out konbyen egzakteman i annan en minimum ki nou fer. Mon krwar pa i enportan lo fer minimum se fodre ki ou fer, rod bann defect  ki ou fer amelyore.  Parey mon’n mansyonnen dan mon larepons, nou annan nou 2 nou bann zofisye ki travay pou nou ozordi, ki nou pe anvoy training Italy le 20 Avril pou zisteman fer Port State Control.  Ozordi nou anploy nou plizyer zofisye, me zot fer plizyer lezot travay osi – ou vwar?  So i enportan ki nou kontinyen step up e donn bon training nou bann zofisye pou nou fer sa louvraz byen.  Mersi.

 

MR SPEAKER

Mersi Minis. Onorab Simon Gill.

 

HON SIMON GILL

Mersi Mr Speaker bonzour. Bonzour tou koleg Onorab, bann teachers nou kapab dir zot teachers SITE ki pe ekout nou pe swiv nou deba.               Mr Speaker, sa size ki nou pe aborde bomaten, i en size tre enportan.  E kestyon ki  mon bann koleg Lopozisyon i pe  demande i pe vini, mon pa konnen si i annan ki oule pran sa plas pou demann kestyon.

 

MR SPEAKER

Demann ou kestyon Onorab.

 

HON SIMON GILL

Kestyon ki nou bezwen demande se si i dan pouvwar, i dan lotorite sa zofisye ki’n al fer sa lenspeksyon, pou li issue en lord dapre son lapresyasyon son evalyasyon ki mannyer in vwar leta bann diferan konponan ki size, byensir son lenvestigasyon son lenspeksyon;    eski i annan sa lotorite pou li kapab donn en lord, e dir ek sa bato pour pa desarz nanryen la, ou leta ki ou ete ou’n pan’n satisfer nou silvouple ale?  Sa i premye kestyon.     2enm kestyon sa bato i annan en bon pe lannen mon prezimen nou napa lenformasyon detaye ek nou ki pe travers lanmer.  Ou’n dir nou ki son dernyen lenspeksyon avan ler in ariv isi Sesel, in ganny enspekte Japon.   Ankor enn fwa nou pa pou antre dan spekilasyon.  Konbyen lannen si zot pa’n get sa petet ti a bon al gete, konbyen lannen or konbyen lenterval sa menm size kot i konsern bann defayans menm konponan, menm lekipman in ganny fer sorti dan bann diferan por kot sa bato in pase? Konmsi dizon si sa menm konponan depi lannen 2016 dizon konsekitivman sa menm konponan in ganny sorti dan zot bann lenspeksyon, annou sey get sa.  Sa i 2enm kestyon.                             3enm kestyon lekel ki pou responsab pou pey domaz, en domaz malere – napa person ki kapab met en valer avek en imen ki’n perdi son lavi par neglizans si mon kapab pa antre dan spekilasyon servi sa term neglizans. Lekel ki pou responsab pou pey domaz sa msye ki’n perdi son lavi?  E lo sa noy mon osi mon profit lokazyon pou mon senpatiz avek lafanmir, e byensir bann lezot dimoun konekte avek sa lensidan.  Mr Speaker mon pou aret la me mon annan ankor 3 kestyon mon ti ava voudre demande si ou donn mon loportinite taler mon a demande.  Mersi.

 

MR SPEAKER

Ou a swazir 1 dan sa 3, mon ava permet ou demann 1 dan sa 3 apre repons Minis. Minister.

 

MINISTER MAURICE LOUSTAU-LALANNE

Wi Mr Speaker, mersi Mr Onorab pou ou kestyon.  Lo ou premye kestyon, mon larepons i koumsa.  Tou sa bann lotorite ki mon’n mansyonnen dan mon larepons.  Zot annan drwa refiz en bato pou antre dan Por Victoria.  Parey dan lepase ou’n okouran nou’n refiz koste bato pou debark marsandiz akoz ti annan Lera.  Nou’n refize koste bato akoz ti annan Zako.                         Alor mon ansenn lo ou 2enm kestyon. Letan i annan en defayans lo en bato ki’n ganny detekte dan en lot por e si nou’n donn li en time limit 3 mwan pou li repar sa defayans letan nou Sesel nou kontrol li, si sa defayans i ankor carry forward nou annan tou dwa pou nou pran aksyon avek sa bato.  Me parey mon pe dir i depan ki kalite defayans nou pe koz lo la.  Parey la mon’n tande i annan en bout rubber ki pa dan en good condition lo sa bato i bezwen en pe spare part pou aranz sa zafer.   Ou pa pou blok n bato akoz en lalimyer ki pa alimen dan son store room carbon dioxide.  I annan serten ki ‘’no-go item’’ nou bezwen ground sa bato.   E nou annan tou lotorite pou nou fer li, e nou pou fer li.                Lo kote konpansasyon, Mr Speaker, sa mon prefere esper rapor mon pa anvi spekile pour le moman, me parey mon’n dir ou ki tou konpannyen stevedoring  i annan li en Lasirans pou bann anplwaye ki ganny blese oubyen zot perdi zot lanmor, so zot lasirans i a bezwen dan sa ka entervenir.  Me annou esper Rapor apre nou ava deside egzakteman ki mannyer sa zafer i ava ganny rezourd.  Mersi.

 

MR SPEAKER

Ok, mersi Minis.  Onorab Simon Gill.

 

HON SIMON GILL

Ok, Mr Speaker mon a demann zis enn dan sa 3 parey ou’n dir mwan.  Sa enn ki mon pe demande, ki dele letan Minis ou’n donn sa bann zofisye ki pe fer sa bann lenvestigasyon pou zot konplet sa lenvestigasyon e donn nou en Rapor pou ki nou kapab apresye ki sityasyon in marse.  E mwan personnelman si ou demann mwann Minis, mon ti a voudre sa lenvestigasyon i fini dan en dele letan tre kourt. Mersi bokou e mon a les ek ou pour ou dir nou ki dele letan ou’n set akoz i en sityasyon ase serye dapre mon bann lenformasyon ki mon annan.  Mersi bokou.

 

MR SPEAKER

Mersi Onorab Simon Gill. Minis.

 

MINISTER MAURICE LOUSTAU-LALANNE

Wi, mon krwar depi ki sa aksidan in arive i rezonnab ki dan 1 mwan apre sa aksidan nou konmans vwar sa Rapor preliminer ki pou bezwen ganny soumet.  So mon espekte ki ver lafen Mars mon ava deza  pe resevwar sa Rapor Preliminer.  Mersi Mr Speaker.

 

MR SPEAKER

Mersi Minis. Onorab Gervais Henrie.

 

HON GERVAIS HENRIE

Mersi Mr Speaker, bonzour tou dimoun.  Mon kestyon i swiv en pe kestyon ki’n ganny demande avan lo kestyon konpansasyon.  Menm si i annan kouvertir lasirans ki Minis in mansyonnen, i kler ki Sesel napa en Workmen Compensation Act ki kouver konpansasyon travayer dan okenn ka aksidan.  E la fodre note ki Sesel ti annan enn sa Lalwa, me Gouvernman parti inik an 1980 ti repeal  sa Lalwa.  Alor kestyon ki mon anvi demann Minis.  Lefe ki in enn bann rekomandasyon ki komite tripartite in toultan pouse, mon anvi konnen ki zistans ki Gouvernman in arive dan lenplimantasyon re-entrodwir en tel Lalwa?  E akoz ziska prezan nanryen pa ankor ganny fer?  Mersi bokou.

 

MR SPEAKER

Mersi Onorab.   Minis.

 

MINISTER MAURICE LOUSTAU-LALANNE

Mersi Mr Speaker, mersi Honorable pou ou kestyon.  Mon pou bezwen al aprofondi, mon pa pou kapab anmenn ou en leklersisman la.  Mon konnen ki Employment Act osi pe ganny refize, e byento i pou en Prozedlwa ki pou vin devan Lasanble.  Mon kwar pa plitar ki le mwan Zen, mannyer mon konpran i kapab vin devan zot, donk mon ava fer li mon responsabilite pou mon fer sir ki sa laspe i ganny entrodwi ladan.  Mersi bokou.

 

MR SPEAKER

Mersi Minis.   Onorab Sandy Arissol.

 

HON SANDY ARISSOL

Mersi Mr Speaker, bonzour Mr Speaker bonzour tou Manm, bonzour tou nou bann envite dan Galeri.

Mr Speaker mon ti a kontan demann Minis, letan mon’n tann Minis koz lo bann lenspeksyon ki annan lo bato, mon ti a kontan demann Minis si bann lenspeksyon i pe ganny fer lo bato?  Akoz enn nou frer Seselwa in perdi son lavi? Oubyen akoz Minis pe vin reponn kestyon ozordi ki lenspeksyon pe ganny fer lo bann bato, oubyen eski lenspeksyon ti abitye ganny fer lo ban bato?  Sa i mon premye kestyon.   Mon 2enm kestyon mon ti a kontan demann Minis, lo bann lenspeksyon ki zot in fer lo bann bato, eski ou kapab dir ek nou konbyen bato ki pa ti  compliance avek bann Lalwa ki nou Por i otorize e bann bato in ganny les pase.  E sa in fer ki ozordi ki parey ou’n mansyonnen i annan en zako ki’n debarke dan nou Por?          Trwazyenmman mon ti a kontan demann Minis e mon dernyen kestyon.  Mon’n tann Minis koz bokou lo aksyon, aksyon kont bann bato, aksyon ki nou pou pran.  Mon ti a kontan zisteman demann Minis si ou kapab partaz avek nou koman Lasanble Nasyonal, ki kalite aksyon lotorite i pran avek bann bato ki pa compliance?  Parey ou’n donn sa legzanp ammonia, dir nou ki kalite legzanp, ki kalite aksyon akoz i annan kantite Lalwa dan nou Pei me parfwa i pa morde; so mon ti a kontan konnen ki aksyon lotorite pou pran si zanmen okenn bato pa compliance avek nou Lalwa ki nou annan isi ozordi.  Mersi bokou Mr Speaker.

 

MR SPEAKER

Mersi Onorab Sandy Arissol. Minis.

 

MINISTER MAURICE LOUSTAU-LALANNE

Wi mersi Mr Speaker. Mersi Onorab, i parfetman larealite ki toultan nou’n fer sa Port State Control, nou’n pa’n fer li akoz sa aksidan in arive e nou pe step-up eksetera, toultan nou’n fer li.  Donk mon ava kapab al dan rikord ek SMSA pou mon regarde konbyen e mon ava donn zot en breakdown, kan nou ti komanse eksetera.  E kategoriz en pe bann keksoz ki nou’n vwar avek bann ki annan bann defayans; sirtou avek bann diferan bato.  E nou fer li lo tou tip bato, pa zis bato kargo, oubyen bato lapes oubyen bato Reefer eksetera, nou fer li lo tou bann bato konvansyonnel ki vin Sesel.  Donk sa mon ava nobou anmenn en larepons pli detaye e mon ava kominik sa avek Lasanble.    Bon ki aksyon nou pou pran, mon pa pou kapab dir ou R50mil, 2an dan prizon eksetera ozordi, akoz mon pa konnen.  Fodre mon al regarde.  Letan mon dir ou  ki ammonia nou pran li seryezman e nou’n deza donn en Notis  tou bann bato ki antre dan Por letan ki zot oule teste zot sistenm ammonia, ou fer maintenance lo zot ammonia zot bezwen fer li deor.  Demann permisyon dabor e fer li deor.  Alor nou pou bezwen aplik en lareg i pou bezwen pey en konpansasyon – normalman en larzan si i vin an kontravansyon avek Notis ki nou’n donn li.  Me konbyen i ete mon pa konnen.  Mon pou bezwen find out pou mon les ou konnen egzakteman what is the fine.  Mersi.

 

MR SPEAKER

Mersi Minis.   Onorab Sebastien Pillay.

 

HON SEBASTIEN PILLAY

Mersi Mr Speaker, bonzour; bonzour tou dimoun.  Mr Speaker mon ti a kontan  zis  ki Minis i klarifye en lot keksoz pou nou an se ki konsern flag state control,  kot sa bato in anrezistre ki kalite kontrol ki ganny mete lo sa bato akoz nou nou’n pran li zis ler i vin dan nou Por san nou konnen letan i vin dan lezot Por.  So eski in annan okenn konsern eksprimen par IMO sirtou an se ki konsern serten flag state; an se ki konsern kondisyon ki zot bann bato ki pe fly under zot paviyon i ladan ozordi?  Mersi.

 

MR SPEAKER

Mersi Onorab Sebastien Pillay.  Minis.

 

MINISTER MAURICE LOUSTAU-LALANNE

W i mon pa okouran ki i annan parey i annan en lalis ki parey tou bann bato ki out of conformity.  Mon krwar pa si sa lalis i egziste, me mon  ava regarde.  Setadir ler en bato i vin dan nou Por i nou devwar pou nou kontrol sa bato.  Alor ler nou mon t lo sa bato nou pe ekspekte ki sa paviyon ki pe flag sa bato ki tou son bann sertifika ki i annan abor i korek.   Dan le sans son tonaz, son bann zafer lekipaz, training ki zot annan tou son bann lekipman abor i sertifye e tousala.  Alor se sa devwar sa pei ki flag sa vessel. E nou zis nou pe ede fer sir ki sa servis i lo standar.  So mon pa krwar ki i annan en lalis bann bato an defayans ki nou bezwen tay deryer pou nou al regarde.  Mon krwar pa ki i egziste koumsa sa.  Mersi Mr Speaker.

 

MR SPEAKER

Mersi Minis.   Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon kestyon i baze lo lefe ki vi ki sesel pe fer sa bann Port State Control e par egzanp demen si mon al kot SMSA mon pou vwar rikord sa  Port State Control ki’n ganny fer.  Nou bezwen pe komans regard lenformasyon vizavi bann flag state kot en bato in anrezistre pou vwar si serten bato sorti par egzanp Panama, Vanuatou, oubyen bann landrwa koumsa sa bann bato dan lezot Por pa pe anrezistre serten aksidan. Akoz konsern ki nou, nou annan se ki en dimoun i swazir en landrwa ki pli fasil pou li anrezistre son bato, kot napa serten kontrol malgre ki nou, nou bann bato, nou bann tankers nou pe sey egzize, e asire ki zot standar i sa oter.  So, eski nou annan en sistenm an plas kot nou pe verifye sa bann lenformasyon?    Eski i annan en rikord kler sa bann Port State Control Investigation  ki si demen mon al kot SMSA oubyen mon kot Port Authority mon pou vwar en lalis bann envestigasyon ki’n ganny fer lo sa bann bato. Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi definitivman nou pa fer zis pou nou fer li, nou bezwen partaz sa lenformasyon.  Sa lenformasyon son repository i kot IMO, kot nou tou nou manm laba.  E parey ou konnen i annan bokou koze ki serten pei i flag, just for the sake of flagging.  Akoz i ganny en larzan ek sa.  So  i common knowledge ki annan detrwa pei ki annan en kantite tonaz bato ki’n anrezistre kot zot, e pa neseserman i konform.  Me i pa mon lentansyon la pou mon komans mansyonn sa bann pei akoz i pa normal pou nou fer sa.  Me selman nou ganny alerte par IMO akoz nou en manm e nou kapab regarde sityasyon sa bann bato, certain sa bann flag state e menm nou bato pou nou.  Annefe i ganny osi, ganny kontrole dan bann por e sa lenformasyon i retourn kot IMO.  So i annan en repository somewhere ek IMO kot nou kapab vwar.  Me nou pa servi sa pou dir ki ozordi mon a kontrol sennla, demen mon a kontrol sa lot.  Mersi Mr Speaker.

 

MR SPEAKER

Onorab Pillay.

 

HON SEBASTIEN PILLAY

Mr Speaker zisteman, lo website, lo bann sit web nou kapab war sa bato kan in ganny fer, i ganny fer an 1989, in an rezistre Panama.  Eski bann bato ki flag Panama oubyen serten pei mon konnen ou pa oule al dan sa laliny Minis, eski zot pe pran li an konsiderasyon ki i annan en bato ki sorti tel pei, i annan konsern ki annan bato ki’n flag anba tel pei alors vi son larz vi letan ki i pe operate, nou devret fer en kontrol en pe pli detaye, pou asire ki ler nou bann dimoun pe mont abor sekirite i ganny maintain ki napa person ki pou perdi zot lavi. Se sa laliny ki mon kestyon pe al ladan.  Mersi Mr Speaker.

 

MR SPEAKER

Mersi Onorab.  Minis eski ou oule azout keksoz lo la?

 

MINISTER MAURICE LOUSTAU-LALANNE

Wi zis pou mon konfirmen efektivman nou bezwen, akoz nou pe sey elimin sa bato ki pa lo standar.  So repons ou kestyon se wi nou pou target sa bann ki nou war iI annan serten defayans.   Par-ler zis ou get en bato ou vwar i annan serten problenm avek.  Mersi Mr Speaker.

 

MR SPEAKER

Mersi Minis. Onorab Paul Ernesta ou kestyon i lye lo la, ale.  Go ahead.

 

HON PAUL ERNESTA

Mersi Mr Speaker bonzour Minis ek ou delegasyon.  Mr Speaker anliny avek sa kestyon ki’n ganny leve pli boner, e  mon pou refer zour lensidan ti arive, Mr Captain Valmont ti mont lo televizyon sa zour swar e i ti dir pa kwensidans in pa’n ganny lenformasyon lo sa bato, pa kwensidans letan in monte pou li fer son spot check ki lensidan in arive.   I montre ki i annan serten lapse swa kominikasyon ki in arive ant bann lorganizasyon Port Authority e tou bann lezot, ki’n fer ki sa bato in kapab monte prezan in kree serten sityasyon.  Eski Minis i kapab dir nou eski in annan serten mank kominikasyon?  E ki rezon akoz ki sa bato li menm in kapab antre dan por e sa sityasyon in arive?  Enn.

E apre dezyenmman ou’n nonm bokou fwa pli boner ou’n nonm bann standar minimum.  Ki bann standar minimum ki zot pe fonksyonn lo la pou permet en bato pou kapab antre e envit bann sityasyon? Mersi.

 

MR SPEAKER

Mersi Onorab Ernesta.  Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab.  Pou reponn ou premye kestyon wi mon krwar in annan en konfizyon si oule, letan in ganny raporte lo medya.  Parey mon’n donnen dan mon larepons, zofisye SMSA ti mont abor sa bato e i ti fer en Port State Control lo sa bato.  Mon krwar ti ganny dir ki Lotorite Por se son responsabilite pou fer sa.  Me se pa leka mon fer li kler se SMSA ki responsab.  Lotorite Port i anvoy son pilot ki mont abor li osi i kapab asiste me li son bit se mont abor pou li mannevre sa bato pou fer li koste apre i mont abor pou mannevre sa bato pou fer li dekoste.  So in annan en ti konfizyon ki’n arive.                 Me parey mon pe konfirmen, sa bato ti ganny enspekte 2 zour avan par zofisye SMSA.  So nou pa’n anpes sa bato koste.  Alors i akoz sa ki sa bato in koste in komans fer son loperasyon.  Zis nou’n donn li de item 3 mwan pou zot fikse sa bann defayans ki nou ti war parey mon’n dir ou lo son langrenaz crane e lot lo a akomodasyon sa bato.   Sa i enn.

Bon standar minimum; i annan en kantite diferan paramet kekfwa i ava pli bon mon ki mon anvoy kot ou, standar minimum.  Akoz parey en bato i annan diferan bato, i annan pti bato, gro bato, bato lavwal, bato masin, bato kargo – tousala i annan zot diferan minimum ki zot bezwen fer.  Apre lo kote por osi mazorite se bann dimoun ki’n ganny train pou fer sa louvraz bann lekipman ki nou annan lo por pou handle sa bato.  I annan en minimum ki nou bezwen annan alor i tre senp.  Se par egzanp si ou annan en por 400met longer ou pa kapab vin met en bato 600met longer lo en por 400met longer.  Be si ou per fer li i riske vin en keksoz kont ou. I annan en kantite sa bann standar e pou tro difisil pou mon antre ladan e pou mwan donn ou la.  Me parey mon dir nou meet minimum standard me the minimum is the minimum fodre nou fer keksoz bokou plis ki the minimum akoz the minimum is not good enough . Mersi Mr Speaker.

 

MR SPEAKER

Mersi Minis. Onorab Ernesta.

 

HON PAUL ERNESTA

Mersi Mr Speaker.  Mr Speaker Minis dan son repons in osi dir, ki in admet si oule in annan serten konfizyon dan sa lenstans e sa konfizyon in kout lavi en nou dimoun.  Eski Minis zot pe put bann dimoun into task pou asire ki sa bann konfizyon pa ariv ankor, e pou fer sir nou asir security and safety pou nou bann dimoun at all times.          Apre mon ti a kontan petet ki Minis i dir nou pou sa de dernyen lannen en pe lo statistik ki bann ka ki’n arive swa aksidan bann ka fatal?

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi, mon krwar.  Mersi Mr Speaker, mon krwar ki rol tou bann lazans bann stakeholder i kler I zis mon, mon pa kontan ki enn i blanm son kanmarad.  Nou la pou fer keksoz bouz de lavan nou bezwen regard li dan sa loptik.   So nou tou nou bezwen travay ansanm, nou tou nou bezwen konn nou responsabilite e nou bezwen desarz nou responsabilite.  Nou bezwen kolabor ansanm.  Sa i biznes lo por lo erport akoz i annan bokou akter. I en biznes ki ganny regulated e nou bezwen reste lo standar.  Sa i mon premye komanter. An sa ki konsern bann ka aksidan, mon osi avan inisye mon’n seye yer swar fer mazin, nou ganny en de aksidan kot i bann aksidan fatal ki’n arive me plito dan delo sale, lo lanmer bann aksidan pti bato par lepase.          E mon’n deza vin isi menm dan Lasanble pou eksplik en ka. Nou’n annan enn de ka ammonia ki’n arive kot i annan dimoun ki’n perdi zot lavi, se pour kwa sa zafer ammonia nou pran li tre serye e par ler osi i sanble mwan i annan bann dimoun i servi sa zafer ammonia zot kree, pa en pa en disturbance me kree en diversion ou konpran?  Letan ou evakye tou dimoun, lo por akoz ou annan en ammonia leak apre tout sort lezot tranzaksyon i kapab pe arive. So, se pour kwa nou’n clamp down lo sa zafer ammonia. Nou’n annan en de aksidan ki’n arive lo por li menm, in annan container ki’n brile. In annan aksidan loto oubyen pick-up ki’n arive, so in annan ki arive be bann aksidan fatal dan Por.   Enn i deza tro bokou, so nou bezwen fer sir ki nou amelyor nou sityasyon e we go for zero tolerance.  Mersi.


MR SPEAKER

Mersi Minis.   Onorab Philip Arissol.

 

HON PHILLIP ARISSOL

Mersi Mr Speaker.  Bonzour Minis ek ou depite, bonzour tou bann Manm Onorab.  Mon ti a kontan demann Minis atraver ou Mr Speaker, eski sa bato i ankor per travay aktyelman dan Por Victoria? Mersi.

 

MR SPEAKER

Mersi Onorab Arissol.  Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab.   En tre bon kestyon ou ava eskiz mwan, mon pa konnen, mon ava tyeke vitman la e mon a sey donn ou en lenformasyon avan mon ale.  Mersi.

 

MR SPEAKER

Mersi Minis.   Onorab Esparon.

 

HON REGINA ESPARON

Mersi Mr Speaker.   Mr Speaker mon ti a kontan demann Minis pou eksplik nou si zot annan en sistenm notifikasyon dan Por pou alert travayer ki i annan danze e ki Plan Evakyasyon ki zot annan? Mon pe koz lo major Disaster Plan la mwan.  Les dir ki la ozordi in ariv en dife oubyen en ammonia leak, eski ou satisfe ki i annan en plan notifikasyon pou notifye travayer e ki Plan Evakyasyon ki zot annan?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Speaker, mersi Onorab.  Wi definitivman i annan e lo kote ammonia, malerezman nou’n bezwen met li an aksyon a plizyer repriz, and it’s very destructive, akoz ou bezwen tir tou dimoun lo Por konpletman met deor baro a en distans apropriye e retournen.  So i annan en mechanism dan por ki alert tou bann dimoun wi.  Mersi.

 

MR SPEAKER

Ok, mersi Minis.  Onorab Afif.

 

HON AHMED AFIF

Mersi Mr Speaker, bonzour Minis.  Minis mon ti a kontan demann ou si ozordi dan por komersyal zot bann lekipman e bann loperater ki la i kapab avek sa bann lekipman desarz bann bato, zot kargezon enkli bann container oubyen zot ankor pe depan antyerman lo lekipman ki bann bato i annan?   Rezon ki mon pe demann sa, se parske i paret dapre tou rapor ki aksidan in ariv akoz lekipman ki ti pe lev cargo ki’n tonm lo sa dimoun.  E alor petet si zot ti annan zot prop lekipman ki kapab fer li petet zot ti kapab fer meyer maintenance e alor sa danze ti pou ganny minimize?  Si larepons se non, napa eski zot annan en plan pou entrodwi sa bann kalite lekipman dan nou Por?  E kan? E si ou kapab donn nou detay.  Mersi?

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab Deputy Speaker pou ou kestyon.  Ozordi Por Victoria lo Por Komersyal nou napa okenn lekipman ater pou tir marsandiz dan bato e poz ater.  Parey ou’n fer resorti nou servi inikman ships gear setadir bann crane ki lo bato.  Prezan stevedore i mont abor sa winchmen i pran kontrol e i transfer sa cargo si i dan en container e i poz li ater lo por. Prezan sa konpannyen ki annan shore handling li i annan en lot kalite masin i pran sa container i ale e i met li dan son landrwa ziska tan ki sa container i ganny cleared.  So malerezman pou le moman tou bato ki vin Sesel, i bezwen annan en crane  abor pou fer debarkasyon marsandiz.  Dan lekstansyon Por ki nou pe al antreprann dan 2019 akoz la nou’n nobou fini siny konvansyon finansman avek EIB, e avek AFTB e dan sa devlopman nouvo por komersyal nou pou annan bann mobile crane ater.   So nou pou annan en sistenm kot sa bann crane pou nobou tir marsandiz lo bato met ater.  I pa pou fix crane i pou mobile.  Akoz mannyer nou pou i ete nou santi i pli ekonomik pou nou envesti dan mobile cranes  pou fer sa debarkasyon.  Mersi Mr Speaker.

 

MR SPEAKER

Mersi Minis.   Onorab Adelaide.

 

HON FRANCOIS ADELAIDE

Mersi Mr Speaker, bonzour tou monn.  Minis avek sa bann alegasyon koripsyon lo por laba, eski ou kapab konfirm ek sa Lasanble ki bann travayer Port State Control ki pe fer sa bann travay lenspeksyon?  Zot pe fer li dan en fason profesyonnel san okenn konfli ouswa presyon, ouswa san okenn enterferans ki pe anpes zot fer zot travay comme il faut.  E mon 2enm kestyon se ki an lannen 2017 konbyen bato ki SMSA in refize les antre?  E petet ki bann konsern mazer ki zot in refize les sa bann bato antre?  Mersi?

 

MR SPEAKER

Mersi Onorab.   Minis.

 

MINISTER MAURICE LOUSTAU-LALANNE

Wi mersi Mr Speaker, mersi Onorab.   Mon pa konn okenn ka kot Minister, mon menm, mon PS oubyen lezot dimoun in enterfer dan louvraz bann lenspekter SMSA.   Zot lib pou fer zot travay, zot konnen ki zot devret pe fer, e zot bezwen fer zot travay konsyansyezman.  Le bit la, se fer sir ki nivo sekirite e nivo safety dan Por Victoria i ganny mentenir.   So si ou konnen ou kapab les mon konnen, mwan mon pa okouran okenn ka.   Nou napa bokou dimoun parey mon’n eksplike mon krwar nou annan nou apepre 6 sa bann dimoun ki enkli Kaptenn Valmont li menm, kaptenn Hoareau and so on e la nou annan sa 2 ki nou pe anvoy training.   Letan mon pou donn Lasanble sa bann ka kot nou’n fer Port State Control pou sa bann lannen nou ava regarde egzakteman ki kalite travay nou’n fer, akoz mon napa sa lenformasyon avek mwan la ozordi. Lot ou kestyon ou kapab repete silvouple?  In sap mwan la.

 

MR SPEAKER

Go ahead Onorab.

 

HON FRANCOIS ADELAIDE

An 2017 konbyen bato ki SMSA in refize les antre dan Por?  E ki bann konsern pli mazer ki petet ki zot in refize les sa bann bato antre?  Mersi?

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Speaker.  Mon kwa ki mon pa okouran pou le moman ki i annan bato pou bann rezon teknik ki nou’n anpes koste lo Por.  Mon krwar mazorite bann bato ki noun pes koste lo Por i pou bann rezon lasante plito.  Menm pou bann rezon Imigrasyon mon krwar pa nou’n les bato koste pour Imigrasyon.  Mon krwar in plito pou lo kote lasante, lasante piblik – Lera, Zako parey mon’n fer resorti pli boner. Pour rezon teknik pirman teknik, fot ek bato and so on, mon pa okouran me mon krwar pa, mon a verifye.  Mersi.

 

MR SPEAKER

Mersi Minis.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker mon kestyon pou Minis se ki lefe ki lo por zot deal bokou ek ammonia and mon aprann ki i annan zis en sel dimoun isi Sesel ki eksper dan ammonia e sa se Mr Robert Rose e li i pe travay mon krwar avek SEYBREW.  Ki Minister pe fer pou kapab train bokou plis Seselwa pou kapab vin eksper dan sa domenn, akoz toulezour lo por ammonia i en keksoz ki la lo por preski tou le zour e nenport ki ler ammonia i kapab vin en danze avek.  Mersi.

 

MR SPEAKER

Mersi Onorab Ghislain.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi pou ou kestyon Onorab.  Mon krwar ki efektivman sa enn de aksidan ki’n arive lo por avek ammonia mon krwar i annan 2 ou 3 in enn ti pe fer par ekspre si oule.  Me ammonia parey ou konnen i en gaz ki nou servi Pour fer refrizerasyon avek. So i en pe partou li. So definitivman kot SEYBREW i pour annan. Dan bann clod store, ISPC kekfwa i annan. Kekfwa i annan lezot gaz me i kapab annan.  La nou annan en lot common cold storage ki nou pour fer lo Ile Du Port.  Li osi i pour annan ammonia. So ammonia i en keksoz dan biznes avek nou sa, ou konpran?  Dan partou kot ou annan en refrigeration agent. E i enn parmi.

So definitivman nou bezwen annan bann sistenm kot nou kapab detekte si i annan bann leak. Akoz son premye problenm se bann leak.  Akoz par ler lantretyen pa bon. E nou konn plizyer ka lo por. Lezot konpannyen osi ki servi ammonia dan zot loperasyon kot nou’n ganny problenm avek sa sityasyon. Mon pa pou konnen konbyen teknisyen, konbyen enzenyer nou annan nasyonalman ki avek, ki train dan sa gaz, me definitivman i en keksoz ki dan nou lanvironnman toulezour nou avek li.  Pa zis lo Por i en pe partou.  Mersi Mr Speaker.

 

MR SPEAKER

Mersi Minis. Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour tou dimoun dan House ozordi. Mr Speaker mon kestyon i relye en pti pe avek kestyon ki Onorab Simon Gill in demande konsernan lenvestigasyon.  E Minis ou’n dir nou ki lenvestigasyon pour ganny fer pandan en mwan, Mars pour annan en Rapor ki pour vin kot ou. Vi ki ou’n dir sa Mr Speaker, mon anvi demann Minis akoz vi ki i annan plizyer aksidan ki’n arive lo Por. Akoz ki Ms Marcellia Bibi, manman Abby Bibi en garson Bel Air ki ti mor dan en aksidan fatal lo Por, le 27 Zanvye, 2017, li eskan aprezan in pas 1an la i pa ankor ganny okenn Rapor, ni konsernan konpansasyon, ni nanryen, sa madanm in dir mwan nonm son non, akoz i santi ki in ganny oubliye. Mersi.

 

MR SPEAKER

Mersi Onorab Loizeau.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Malerezman mon pa kapab donn ou plis leksplikasyon. Mon ava demande ki zot eksplik mwan egzakteman ki’n arive dan sa ka.  Ou ti a kapab zis redonn mwan non sa dimoun silvouple pour mwan kapab note.  Mersi.

 

MR SPEAKER

Ok.  Onorab.

 

HON NORBERT LOIZEAU

Ms Marcellia Bibi, son garson Abby Bibi. I reste Bel Eau dan distrik Bel Air.  Mersi.

 

MR SPEAKER

Mersi Onorab.  Minis.

 

MINISTER MAURICE  LOUSTAU-LALANNE

Mersi bokou pour fer mwan rapel sa sityasyon.  Mon pa ti okouran sa.  Mersi.

 

MR SPEAKER

Mersi Minis.  Onorab Flory Larue.

 

HON FLORY LARUE

Bonzour Minis. Bonzour tou dimoun dan lakour. Bonzour tou Onorab.

Minis ou Minis pour Tourizm e isi Sesel nou annan 2 point of entry. Nou annan Airport apre nou annan Por. Akoz ki nou vwar ki i annan 2 standar diferan pour sa 2 point of entry?  E la ou’n klerman dir nou ki nou pe meet zis standar minimonm pour nou siport. Nou’n vwar ki in annan bann lensidan dan servis ki ganny delivre par dimoun ki pa formen dan compound por. Akse avek port side i ganny dekrir koman slack.  Lo kote labi sibstans e lezot.  Bokou lensidan i arive lo nivo sekirite personnel an form bann aksidan ki pa toultan termin an en perd lavi, me selman  i bann aksidan grav.

E swivi par bann konplent ki ganny fer parey Onorab Loizeau in mansyonnen kot zot pa fini fer bann lenvestigasyon, i tonm dan semen akoz ki sa i le ka pour sa 2 diferan Por? Mwan mon annan bokou akse avek Airport e mon konnen standar i vreman o lo Airport. Akoz ki nou sibir 2 standar lo port of entry Sesel? E Minis letan ou ti vin Minis ou ti dir ki enn ou bann priyorite pour en devlopman pour en meyer Por. Eski ou’n zwenn direkteman ek management por ek bann lezot dan Por pour sey regard bann problenm ki zot annan depi ler ki ou’n vin Minis?  Mersi.

 

MR SPEAKER

Mersi Onorab Larue.  Minis.

 

MINISTER MAURICE LOUSTAU-LALANNE

Mersi Mr Speaker. Mersi Onorab. Wi mon krwar si ou pour sey konpar Airport ek Por i annan en diferans ozordi.  Me tou le de zot pe fer zot maksimonm parey mon’n eksplike pour depas standar minimonm. Menm lo Airport nou annan serten problenm an sa ki konsern standar.

So kantmenm ou sekwe ou latet, mwan mon pe konfirm avek ou ki nou annan serten sa bann problenm.  Lo Por problenm ki nou annan sertennman mwan koman Minis mon annan en Management Meeting ki mon fer tou le mwan kot mon rankontre tou bann CEO, SCAA, Air Seychelles, Ports Authority, tousala zot vin dan  mon Management MeetingSo mon annan en sans pour koz avek zot.  Me parey ou konnen mannyer mwan mon travay si nou pour get lo Por, lo Airport, lo Air Seychelles, mwan mon laliny kominikasyon i atraver son Chairman. Mon pa la pour mwan donn lord CEO en lazans direkteman. Me mwan travay atraver son Chairman. E son Chairman, e son chairman e son Board of Directors ki bezwen neseserman fer marse zot lorganizasyon. Akoz se zot ki responsab.

E mwan aplik menm lareg lo Por, lo Airport kot, kot Air Seychelles, pour nonm sa 3 la pour le moman.  Lo kote Por i annan bokou ki’n ganny dir partou lo rezo sosyal eksetera, i annan serten problenm. Menm CEO in aparet lo bann medya in esey eksplik son fason fer.  Mon krwar toultan nou bezwen sey amelyore kot nou kapab amelyore.  Resaman parey mon donn ou en legzanp, mwan mon’n antre dan Por koman Minis semenn pase. Sa sekirite lo Por in fer mwan arete, in poz mwan kestyon, in al rod en Pass, in donn mwan en Pass pour mwan mete apre mon’n antre anndan.

Be letan mon’n antre anndan mon ti a al en meeting anndan. I annan plizyer dimoun la enkli dimoun prive ki ti’n vin en training.  Mon get lo zot pos pour mwan regarde si zot annan en Pass. Be zot, zot napa mwan mon annan.

So ou vwar problenm par ler?  So mwan mon pe dir i annan defayans. Mwan mon bezwen leve, la en legzanp konkret.  E mwan mannyer mon travay, mwan donn zot sa bann legzanp. Si ou donn mwan en Pass tou dimoun ki antre dan Por fodre i annan en pas lo son pos. letan mon’n sorti mon’n remet sa Pass ek sa zofisye, mon’n dir li mersi bokou akoz i ti pe fer son louvraz korekteman.  Lekel ki’n les lezot antre san met donn zot en Pass sa mon pa konnen. Me i annan problenm. Alor mon pe dir lo Airport osi nou annan serten defayans ki mon pa pour mansyonnen la ki nou bezwen travay pour nou fer li mont lo en nivo.  Donk nou tou nou pe rasanble pour nou fer sa louvraz pli byen.  Mersi.

 

MR SPEAKER

Mersi Minis. Mwan osi mon kapab konfirmen ki 2 semenn pase mon ti al lo New Port, mon ti fer prosedir sekirite, mon ti ganny en Pass, e menm mon ti ganny eskorte kot mon ti pe ale.  So si sa i apply pour Minis e sa lepok mon ti ankor Deputy Speaker.  Mon krwar i devret apply pour tou dimoun ki akse ek bann landrwa sansib parey Por, Airport. Onorab Flory Larue.

 

HON FLORY LARUE

Mersi Mr Speaker.  Mersi Minis. Minis ou larepons pa kler. Eski ou’n vizit tou bann lazans dan Por pour ou vwar ki zot bann difikilte pour ou kapab fer solisyon?  Akoz in the end kantmenm ou pa pe rantre dan zot day to day travay the buck lies at your door pour fer sa Por fonksyonnen.

So eski ou aware tou bann difikilte ki zot annan? Have you met all bann dimoun ki dan sa bann diferan sekter? E letan ou’n dir mwan wi ki nou annan 2 standar, 2 Por sakenn son difikilte, mon pa dir ou non. Me akoz ki nou aksepte sa standar minimonm kot nou por ki apre 1an ki ou’n la nou ankor pe koz lo standar minimonm ozordi? Ki bann aksyon ki pe ganny pran ki sap or i vin pli safe, i vin pli efektiv e son nivo i monte.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi, mersi Mr Speaker, mersi Onorab.  Wi mwan osi mon marse mwan.  Mon marse lo por, mon tonm dan trou.  Mon tonm dan culvert.  Mon koz ek Land Marine.  Mon koz ek tou bann itilizater Por, e mon konnen bann defi ki zot annan. Par ler keksoz i trenn tro bokou.  Se sa en pe bann defi ki nou annan.  E nou bezwen sanze la fason ki nou ofer travay.  Parey mon’n dir ou la, nou pe al repar semen. I pran en kantite letan pour nou nobou repar semen dan Por Komersyal.

Mon pa pour antre dan detay, akoz me la nou’n komanse i pe fer. Mwan letan mon’n vin Minis. Sa por ekstansyon sa por. Mon pour donn ou en legzanp. Pa ti pe avans ditou, zis nou ti pe koz por demen tanto, Por, Por, be la nou’n fini siny Lagreman finansman. Sa Por pe al komanse an 2019.  E an 2021 nou pour annan nou en nouvo Por 100met longer. Avek tou sa ki al avek sa Por.  Mobile crane on the ground parey nou’n eksplike avek Onorab Deputy Speaker e osi son sekirite, son bann building pour debark bann crew passenger pour zot pas ladan dan en fason ordonn-en, pli o standar.  Nou pe vini tout a pti, dousman, dousman, nou pe vini.  Por Victoria 2021 pour en diferan Por konpletman. Mersi Mr Speaker.

 

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker mon profite mon osi pour mwan pas mon senpati avek lafanmir Khan ki’n perdi zot dimoun.  E Mr Speaker, eski Minis i kapab dir nou detrwa pti kestyon ki mon annan. marsandiz, ki marsandiz ki sa bato ti pe debarke? Konbyen tan ki Mr defen Khan ti en stevedore?  Ki ti son pozisyon, son responsabilite dan sistenm stevedoring? E eski ti annan en supervisor par egzanp? E finalman ki rol konmsi sa supervisor, ki ti son travay vizavi sa aktivite ki sa msye ti pe fer?  E ki rol e responsabilite bann Lakonpannyen Stevedoring dan por, dan zot travay toulezour dan por pour ede ki zot anpes en tel lensidan ariv ankor dan Por? E petet letan ou pe reponn osi an menm tan sa  Lemur la – sa zako la ki ou dir ki, ki nou’n tande ti sove lo Por, dir nou si in ganny tyonbo, o si in atrap li, si kwa?  Mersi.

 

MR SPEAKER

Mersi Onorab De Commarmond. Minis.

 

MINISTER MAURICE LOUSTAU-LALANNE

Wi mersi Mr Speaker, tou dabor PS in donn mwan en lenformasyon ki dir ki sa Reefer vessel en, li i ankor dan por e i pe repar sa bann derik. So i ankor pe operate.  Setadir i pe met pwason.  Akoz sa Reefer vessel se ou met pwason ek li apre li i transport sa pwason a leksteryer.  So i pe repar sa derik an le moman e i ankor pe fer son loperasyon pwason.

Bon alor sa reefer vessel li i vin isi vid e apre bann purse seiner, bann bato ton, i transport son pwason dan son vant sa bato e sa bato i ale.  Sa son kargo ki i transporte.  Mr Khan si mon konpran i annan en pe letan i travay koman en stevedore.  E si mon konpran byen se ki i ti annan en responsabilite pour li gid sa winchman, pour fer desann sa bann kargo.  So sa ki mwan mon okouran pour le moman. So ankor mon ti a kontan nou esper sa Rapor pour nou tou kler lo sa size.  Me se en msye ki’n travay stevedoring pour en bon pe letan.

An sa ki konsern sa zako. Ou konnen mannyer mon konpran sa zako in sove swadizan apepre en mwan pase prezan.  So in debarke in dan lanatir tou sa letan. Mannyer mon konpran zot ti’n war li dernyen fwa Mont Fleuri. Ou vwar kekfwa zot annan plis lenformasyon. Mon konnen i annan en Green Line zot dir telefonn sa Green Line letan zot vwar zako pour dimoun kapab tyonbo sa zako.  Mwan mon demann zot si zot war zako telefonn Green Line silvouple pour nou kapab tyonbo sa zannimo.  Akoz si sa zannimo i en femel, i ansent nou annan en problenm.

 

(laughter)

 

MINISTER MAURICE LOUSTAU-LALANNE

Akoz nou bezwen deal ek sa problenm deswit. Mersi bokou.

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

I annan en kestyon ki Minis pa’n tous lo la, rol e responsabilite bann Lakonpannyen Stevedoring dan por pour ede pour anpes bann tel lensidan arive, konmsi ki zot fer olye zis debark marsandiz – ensidswit.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Parey mon’n fer resorti Onorab dan mon repons i enportan ki tou stevedore, letan zot al travay sa bann safety equipment ki zot lakonpannyen i donn zot pour travay avek zot servi li, zot mete zot servi.  Sa i tre enportan. Akoz par ler osi zot travay dan bann landrwa kit re fre anba 60 Degre e zot bezwen sa bann proteksyon.  Si zot pe travay deor zot bezwen annan sa safety helmet.  Zot bezwen annan bann boots apropriye, legan. Mon konnen mon osi letan mon travay dan mon zarden. Mon san en semiz san en sapo, ni en legan nanryen.  I en pti nou kiltir.  Nou ganny donnen selman nou pa servi.  So mon ti a kontan lans en lapel ek bann Konpannyen Stevedore fer sir ki tou zot stevedore annan zot lekipman avan zot mont lo bato e sa supervisor fer sir ki toultan zot pe servi sa lekipman.  Akoz i enportan.

Me tout le fason menm zot pa pe servi e en anplwaye i ganny li en aksidan, i ganny li en dimal, se pour kwa ki anplwaye i annan sa lasirans. Akoz se ki responsab sa travayer. Menm si i donn li sa safety equipment.  Me mon krwar i normal ki zot servi sa safety equipment.  Mon fer en lapel ankor pour zot kontinyen servi e nou pour demann Minis Lanplwa osi pour fer sir ki anba zot Lalwa, ki zot en pe pli vizilan pour fer sir ki sa bann keksoz i ganny met an mars. Mersi.

 

MR SPEAKER

Mersi Minis. Swivan ou larepons, ou leklersisman lo kestyon Onorab Phillip Arissol, ou annan en swivi Onorab.  Go ahead.

 

HON PHILLIP ARISSOL

Mr Speaker, atraver ou, mon ti a kontan demann Minis be si sa bato i ankor pe travay, eski nou pa pe met a risk ankor travayer lo Por?

 

MR SPEAKER

Ok mersi Onorab Phillip Arissol.  Minis.

 

MINISTER MAURICE  LOUSTAU-LALANNE

Mon krwar ki si zot in les sa bato kontinyen operate tou zafer i bezwen ok.  Akoz si non nou pe fer en fot kit re grav. Anyway la lenformasyon ki mon annan se ki zot pe repar sa derik.  Kwa egzakteman ki zot pe repare mon pa konnen. Be obviously zot pa pe servi sa enn la ki sa aksidan in arive. Mon sipoze zot annan en lot sa crane.  Akoz nou pa kontinyen travay san en craneSo kekfwa zot pe servi sa lot crane pour le moman.

E mwan pa pour konnen si sa lot crane i enn ki nou ti snag osi avek sa 3 mwan Notis pour repare pour le moman. Fodre mon al find the information.  Me si i pe operate, i pe operate akoz nou satisfe i kapab operate si non definitivman i pa pour operate. Mersi.

 

 

MR SPEAKER

Mersi Minis. Mwan a donn dernyen kestyon Loter PNQ, Onorab Ramkalawan.

 

HON WAVEL RAMKALAWAN

Mersi bokou Mr Speaker. Mr Speaker mon bezwen premyerman dir ki bann larepons ki Minis in donnen – e mon konpran i osi i a pe debrouye. Me selman mon bezwen dir ki Lotorite, I mean por pa donn nou gran konfyans.  Ou a krwar nou dan en pozisyon la kot i annan en major disaster in the making.  E mon ti a kontan demann Minis sa bann Port State Control reports la – eski nou ti a kapab par egzanp apre midi ganny en sample ki zot in fer?  Parski mon bezwen dir Minis osi an mezir ki i pe koze i annan en kantite mesaz ki’n antre.  Tro bokou pour mwan deal avek ki pour dir bann dimoun ki pe nonm bann defayans ensidswit. Ammonia, eski Minis i konnen ki pour dir lasirans pa kouver okenn aksidan ammonia, e ki nou Lalwa Sesel pa kler lo la? E ki letan i ariv en aksidan lo por bann stevedore, bann dimoun zot ganny demande pour zot al reklanm sa avek owner bato e ki alor zot pa pe ganny kouver.  Disaster Plan. letan nou pe regard lo por main commercial port. Pour le moman i annan zis en larantre ek en sorti.  E ki si ti ariv – lotrozour ti ariv sa pti dife e tou dimoun ti pe panik. Napa en lot Exit.  I annan en ptipti par deryer laba kot Coast Guard ti ete. me sa i ranpli avek containers e ki i en sel dezord.  Eski Minis i pour dakor avek mwan ki Por la pour le moman i en sel dezord? E an plis ki sa kantite travayer in ganny pouse e sa i vedir ki lo nivo sekirite i pe fer desann e la mon fek aprann ki pour dir Deputy CEO osi tou in ganny, li in ganny kriye, e in ganny ziska demen pour li met son demisyon.

Konmsi kan eski sa por ki nou annan nou pour vwar en nouvo lapros? Pa dir mwan 2021, nou pour war lord, sekirite pour ki nou kapab dormi anpe? Bann dimoun ki letan zot bann partner pe travay zot osi zot kapab annan en lespri anpe?  Mersi bokou. Sorry mon bezwen met li koumsa.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Wi mersi Mr Speaker. Mersi Onorab Ramkalawan. Malerezman, enn ou de sa bann solisyon i pour lye a louvertir Nouvo Por 2021.  Sa antre sorti nou pa kapab fer li otreman pour le moman.  Be i vre antre sorti dan en sel gate i pa en bon keksoz.  E ozordi i annan menm touris ki pas lanmenm la obor.

E fotespere zanmen nou ganny en aksidan de sa fason. Me dan plan efektivman pour annan en larantre. E pour annan en sorti kote kot Coast Guard menm laba, vye Coast Guard menm laba. Me i pour striktire. So dimoun pour pran zot marsandiz kote laba pour sorti.  So nou pour regle sa problenm nou bezwen fer avek pour le moman e i pour vin pli konplike mon bezwen dir zot pli konplike pour nou reste operasyonnel o fir an mezir nou pe fer sa port extension. Nou pour bezwen tir bato, anvoy zot lo Fishing Port, anvoy zot kot IPHS ki Kor Komersyal i kontinyen fonksyonnen letan nou pe fer sa bann extension.

Nou bezwen alor pli vizilan lo safety and security pandan sa peryod 2019, ziska 2021 letan Por i an konstriksyon. So nou’n etabli en Komite ki pour get sa travay akoz nou pa kapab annan okenn problenm pandan sa peryod akoz Por, se le sel por ki nou annan.  Bon i mon devwar detanzantan regarde ki mannyer por pe ganny manage. E mon’n fer serten propozisyon an sa ki konsern management lo Por.      E fotespere ki dan bann semenn, bann mwan ki pe vini, nou ava annan en solisyon, en bon solisyon pour sa sityasyon lo Por.  Pour le moman parey mon dir ou, mwan mon travay strikteman an ekrir e osi dyaloge avek Chairman Board kot mon vwar i annan keksoz ki pe al mal.  Se koumsa ki mon kominike.  Sertennman mon koz ek Kolonnel Ciseau osi, avek CEO.  Bomaten mon fek koz ek li. So me mon krwar ki pli tar sityasyon ava amelyore dan Por.  Akoz Por i en landrwa kle osi. Nou bezwen get son lot kote.  Nou pa kapab les tou dimoun osi antre dan Por fer sa ki fer zot plezir.  Akoz i riske fer nou ganny plis problenm.

So fodre nou annan en disiplin, fodre nou annan en fason fer lo por ki profesyonnel e ki nou aplik lareg pour tou dimoun parey zot pe aplik pour Speaker e pour mwan menm dan Por.  Mersi.

 

MR SPEAKER

Mersi Minis. Avek sa nou ti a kontan remersi ou Minis pour vin pas plis ki 1erdtan avek nou bomaten pour reponn sa PNQ. E nou ava osi remersi ou PS, Mr Garry Albert.  E nou ava eskiz zot parmi nou.

 

MINISTER MAURICE  LOUSTAU-LALANNE

Mersi bokou Mr Speaker.  Mersi tou Manm.

 

(MINISTER LOUSTAU-LALANNE AND HIS DELEGATION WAS EXCUSED FROM THE HOUSE)

 

MR SPEAKER

Bon nou’n pran en bon pe letan pour deal avek sa kestyon PNQ. Mon annan, mon’n les li al en pti pe dan sa fason pour en rezon – se ki i pa pour vreman posib pour nou ganny Minis Bastienne akoz i enplike dan serten negosyasyon, serten meeting bomaten ki ankor ansanm avek Minis Finans. Minis Bastienne nou pour pran li 2er apremidi.  Minis Larue in deza arive, nou pour pran break e nou ava retournen, nou a retournen 11.30 akoz nou annan bann teachers osi kot bann Manm pour enterakte avek zot.  Nou a retournen 11.30  pour nou pran Kestyon Irzan Onorab Churchill Gill pour Minis Laure.  E Minis Bastiennne i ava vin 2er apre midi.  Nou ava ….Yes Onorab Ramkalawan?

 

HON WAVEL RAMKALAWAN

Mr Speaker mon ti ava kontan zis port a latansyon Lasanble ki poudir sa bann dokiman ki STC in anvoye i annan en bann zafer ki pa kler ladan.  E ki fodre zot fer atansyon.  Zot in anvoy en dokiman 19 Zen, 2017, e enn 19 Zen 2017 sa son Sertifika Laboratwar. Me selman son sertifika ki ariv isi, Export Health Certificate i date le 11 Mars 2018.  E ki lo son menm Sertifika i mete ki pour dir sa  Sertifika i valid zis pour 60 zour.  Alors konmsi nou anvi fer STC osi mazinen ki pour dir pa zis anvoy bann dokiman isi kot sa Lasanble, akoz nou vwar zot bann zafer ki zot fer.  Mersi bokou.

 

MR SPEAKER

Mersi Onorab Ramkalawan.  Bon.  Yes Onorab Pillay vitman.

 

HON SEBASTIEN PILLAY

Mr Speaker mon krwar pour nou fini avek sa size, STC ki i annan pour li fer zis pran en sample sa bann zafer donn SBS i a fer en tes e nou, nou a ganny en Rapor lo sa tes.  Akoz nou tou nou pe koz lo dokiman. Mannyer mon pe vwar i en Sertifika Laboratwar e lot se son sertifika, son Export Health Certificate ki valid for 60 days. Sa lot i Sertifika son content, sa lot i son Health Certificate.  Se sa rezon akoz enn i valid 60 days, enn i sa.  Petet selman pour nou klarifye nou ava, i ava annan en assessment ki ganny fer lo sa.  Mersi.

 

MR SPEAKER

Wi, i montre, parey mon’n dir mon pa’n ganny sans ….

 

(Interruption)

 

MR SPEAKER

Order!  Mon pa’n ganny sans regard tou bann dokiman ki’n ganny atase.  Se sa rezon ki ler mon’n pran sa Drwa Repons bomaten mon’n sirkil avek tou Manm parey nou devret fer.  Me mon pa ti’n regard dat osi. I montre petet en pti kontradiksyon, petet kan sa sample sa marsandiz in al laboratwar.  E sa dele letan ki sa sample in ganny eksporte ki STC in resevwar.  E ou annan en pwen petet SBS osi tou i bezwen kapab tanzantan rantre fer bann lenspeksyon.  Bon avek sa nou ava pran en Break e nou ava retournen 11.30.

 

(BREAK)

 

MR SPEAKER

Bon mon ti a zis port latansyon ki nou napa en quorumOk. Mersi nou ava kontinyen avek e mon ava demann Madam Clerk pour apel Minis pour Spor ek Lazenes.

Bonzour Minis Larue, Minis pour Lazenes Spor avek Kiltir.  E i akonpannyen par Mr Fabian Palmyre ki PS pour Lazenes avek Spor, e Ms Giovanna Rousseau ki CEO pour NSC.  Minis mon tou dabor mon ti a zis kontan prezant nou leskiz.  Mon konnen ou’n vin ase boner e ou’n atann.  Alor nou prezant nou leskiz an vi ki kestyon in al en pti pe lwen pour sa PNQSo nou ava demann Onorab Churchill Gill, loter sa kestyon irzan pour li poz son kestyon Mini. , Onorab.

 

HON CHURCHILL GILL

Mersi Mr Speaker, bonzour Minis ek ou delegasyon. Bonzour tou Manm. Kestyon i lir koumsa; eski Minis pour Lazenes ek Spor i kapab dir sa Lasanble ki son Minister i anvizaze fer avek sa dormitwar kot NSC vi ki bann atlet ki al reste laba i pa santi zot konfortab leta ki sa landrwa i ete.  Si i annan travay ki pour ganny fer, eski i pour konplete avan konpetisyon atletik skoler, pour ki bann atlet sorti Praslin ek La Digue i  kapab dormi dan konfor?  Mersi.

 

MR SPEAKER

Mersi Onorab.  Zis pour lenformasyon bann Manm Lasanble, Onorab Churchill in alert mwan through the Clerk this morning, zis in fer en pti amannman – in ranplas Maison De Football par NSCOk?  Minis laparol i pour ou.

 

MINISTER MITCY LARUE

Mersi Mr Speaker. Bonzour Mr Speaker, bonzour tou Manm Onorab e bonzour tou dimoun a lekout. Mr Speaker kestyon Onorab lo dormitwar kot NSC. Sa dormitwar kot NSC parey zot konnen ti ganny konstri an 1993 e en renovasyon mazer ti ganny fer an 2015.  E lobzektif prensipal pour sa dormitwar sete pour fasilit bann atlet sorti lo Zil Praslin, La Digue ek Silhouette ler zot vin partisip dan bann levennman sportif lo Mahe.  E sa osi ti accommodate lezot dimoun sorti lo zil, menm dan domenn la kiltir, lanvironnman ler zot ti vin fer bann aktivite lo Mahe.  Sa fasilite li menm i tonm anba responsabilite NSC pour son fonksyonnman e renovasyon.

E CEO i bezwen asire ki sa ki responsab sa landrwa i fer son travay e i fer li byen. Vreman landrwa pa dan en bon leta.  Lefe ki mwan menm koman Minis mon ti fer li mon devwar pour vizit bann zwer volleyball ARSU avek Praslin Girls pour kapab a sa lepok anmenn en pti pe sipor pour zot, pour zot tim, pour zot lekip letan ki zot ti pe reste dan dormitwar, letan ki zot ti vin partisip dan IOCC Games.  La letan mon ti fer mon letour, mon ti zwenn avek zot e zot ti met bann konsern devan mwan.  Bann konsern ti konm tel par egzanp kot zot ti bezwen aste materyo pour netway landrwa zot menm.  Zot ti bezwen aste fan pour met en pe plis konfor akoz sa ki ti egziste pa ti pe fonksyonn tro byen, delo so ti napa, ti annan problenm lera eksetera. Ti’n met en lalis bann problenm ki ti annan.

E mwan osi mon ti fer en pti vizit e remarke ki menm an deor building bann vye lekipman tel ki; matla ek lezot ti’n ganny trouve en pti pe partou ki sa i kapab okazyonn lera dan landrwa.  Donk bokou i bezwen ganny fer pour remet landrwa dan en bon leta, pour akey nou bann atlet ki an menm tan pe sakrifye zot letan e donn tou pour Sesel.  Sa fason ki fasilite pe ganny antretenir i montre ki napa ase sipervizyon ki pe ganny fer par lotorite konsernen.

Me an menm tan fodre osi note ki dimoun ki ganny mete dan dormitwar pour servi zot osi zot annan en responsabilite vizavi sa landrwa.  Landrwa i ganny mete e nou bezwen servi li byen, pran nou responsabilite.  Akoz si nou osi letan nou pe servi, nou kas keksoz, nou pran sa landrwa konmsi en landrwa kot nou fer sa ki nou anvi la osi i pour met en presyon lo NSC pour kapab mentenir landrwa.  Alor i enportan ki ler nou ganny landrwa pour servi, nou bezwen osi servi li byen e pran nou responsabilite.  Akoz sankwa nou bezwen toultan pe rod taxpayers money pour nou kapab renovate landrwa.  So an vi sa konsern en pti alarman demen mon pe diriz en meeting avek CEO pour nou kapab ansanm asize, diskit en pti pe seryezman lo sa fasilite, sa dormitwar, en si ki lezot fasilite pour nou kapab fer li vwar ki nou kapab fer, travay ansanm avek CEO avek son tim e vwar ki mannyer nou kapab regard sa dormitwar an term; enn, fasilite ki annan dan dormitwar tel ki bann fasilite parey fridge, televizyon, boulwar, eksetera. Regarde si nou bezwen mete, kwa ki manke. Regard an term renovasyon sa batiman li menm, ki kalite renovasyon nou bezwen fer.

Epi nou bezwen osi vwar ki nou bezwen met bann protokol an plas.  Ler mon dir protokol savedir met prosedir an plas ki ler bann atlet i vin reste dan sa landrwa, zot bezwen swiv bann regleman ki’n ganny mete tre kler e zot konnen tou ler zot vini, zot vwar lala bann regleman kot si mon vini i annan en televizyon ki byen, ki bon, ki pe marse.  Ler i ale mon televizyon i bezwen osi bon e pe marse.  E si sa keksoz i arive kot i annan, i akse, nou bezwen kapab prevwar kot bann dimoun i re-pey bann keksoz ki zot in kase.  Si i vye in kase, i en lot zafer.  Me si i ti ankor bon, la nou’n vwar ki bon ler ou’n vini.  Mon krwar i annan en pe sa bann protokol ki nou bezwen asize drafte, met an plas pour ki ler zot vini e supervisor i anmenn zot anndan.  En dimoun i responsab, i fer letour i tyeke tou bann keksoz ki annan. I siny en dokiman konmkwa lala mon’n vwar sa, sa, sa e tousala i an eta.  Ler i sorti supervisor i retournen, i revin avek zot, e vizit landrwa e vwar si tou keksoz i an eta parey ti ganny mete.

Mon krwar ler nou a fer li en pti koumsa, i ava annan en pti plis lord dan sa bann zafer. Akoz mon krwar si nou onnet ek nou lekor.  Nou tou, nou konnen an de-fwa ler nou annan en fasilite ki la a nou dispozisyon, nou tant pour take it for granted, nou fer sa ki nou anvi avek apre nou pa realize pour dir i vin en kou lo sa lorganizasyon, oubyen lo sa Minister.  So an menm tan ki nou pe fer tousala, nou pour osi regard fee.  Ozordi atlet, adilt pe pey R75 par tet ler zot vini. Zanfan pey li R50 par tet. E si i annan etranze i pey $35  ler i vini.  So tousala letan nou pe zwenn, nou bezwen asize met ater konbyen zot bezwen peye tout an prenan kont ki nou pe promot devlopman spor dan Sesel.  E sirtou bann Praslinois avek Diguois, avek bann sorti Silhouette, zot napa landrwa pour zot reste e sa fasilite son lobzektif prensipal sete pour ed zot pour ganny landrwa pour zot reste pour fasilit zot pour zot kapab partisip o nivo Nasyonal dan spor avek lezot keksoz.

So e an vi ki sa sityasyon i ase irzan e Onorab in demande si nou pour fer sa arive avan renovasyon arive avan Sanpyon Nasyonal pour bann zanfan lekol. Wi le fe ki i irzan ler nou’n fini nou meeting demen, definitivman nou pour vwar.  Akoz dapre en scope of work ki project officer in fer kot NSC, i pour kout anviron 325 mil pour fer son renovasyon. Alor apre nou meeting demen, nou ava regarde anvi son lirzans, nou ava anvoy tou keksoz kot procurement pour nou kapab fer en travay avan ki zanfan i antre pour Sanpyon Nasyonal. Mersi Mr Speaker.

 

 

MR SPEAKER

Mersi Minis.  Avan nou kontinyen avek kestyon mon ti a zis kontan acknowledge prezans Mr Jean Larue ki mon ti’n manke koman Special Advisor pour Sports, Mr Jean Larue, welcome dan nou Lasanble.

Bon prosennman Onorab Churchill Gill ou ok, ou napa siplemanter? Onorab Woodcock.

 

HON WAVEL WOODCOCK

Mersi Mr Speaker, bonzour Minis ek ou delegasyon e tou Manm, e tou dimoun a lekout dan lakour.  Mr Speaker mon en pti dezapwente avek larepons Minis, akoz sa issue regardan sa landrwa kot NSC ki 3 atlet i apel li anba peron Stad Linite akoz sa i aktyelman larealite.  Bann atlet i reste anba peron Stad Linite.  Sa konsern in ganny leve a plizyer repriz devan sa Lasanble depi lannen pase.  E menm I stand to be corrected CEO Ms Rousseau i la.  Pour sa konpetisyon Zone 7 Lafrik avan ler ki sa bann atlet ti ganny met dan sa landrwa, mwan personnelman mon ti ganny kontak avek CEO regardan konsern ki sa bann atlet ki manager sa bann klib ti annan an regardan sa landrwa ki i en landrwa ki enpitwayab.

Me mon pa pe aksepte poudir ki la prezan ki Minis pe dir, pour dir zot pour get dan sa sityasyon kan sa sityasyon in ganny met devan zot a plizyer repriz.  E sa mon santi in afekte nou bann atlet Praslinois.  E mwan mon ti a kontan ki Minis i reponn en kestyon.  Konmsi nou bann atlet, nou bann atlet Seselwa, eski zot pa merit priyorite pour bann konpetisyon enternasyonal? Eski bann klib etranze ki sorti Madagascar, La Reunion, Maurice i pli enportan ki nou bann klib, ki nou bann atlet Seselwa?  Par le fe ki zot, zot ti ganny met dan bann lotel pour sa konpetisyon Zone 7 volleyball, Zone 7 Lafrik e nou bann atlet, nou bann klib lokal, zot ti ganny met anba peron dan en sonar.  Konsern i pa zis landrwa; wi tousala i en konsern, i annan lera, napa  fan , napa isi, napa laba, me selman, sa landrwa kot i ete i pa conducive pour nou met nou atlet.

En landrwa koumsa i merit met aircon.  I en sonar laba e bokou bann atlet in ganny afekte sirtou menm ki zot tansyon i mete.  Alor eski sa landrwa i conducive pour met nou atlet laba?  E eski dan bann konpetisyon, bann Sanpyonna Enternasyonal dan lefitir. eski zot kapab konsider olye ki zot donn sa bann privilez bann tim aletranze pour reste dan lotel, why not met bann klib osi ki sorti Inner Island dan en landrwa pli conducive, pli konfortab pour zot kapab partisip dan en konpetisyon enternasyonal anpe e anmenn nou sa bann rezilta ki nou ti a kontan vwar en klib Sesel i anmennen pour Seselwa. Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker. Mr Speaker mwan mon pa okouran si Onorab ti kontakte CEO.  Me selman parey mon dir mwan personnelman koman Minis ler mon’n vwar landrwa parey mon’n dir ou, mon pe pran desizyon.  Mon pe pran aksyon konsernan sa landrwa ansanm avek CEO pour nou fer li, met li lo en standar.  Me mwan mon pour dakor avek ou. Personnelman mon pour dakor avek ou, akoz mwan osi mon ti demann sa kestyon; mon dir akoz tou bann atlet sorti aletranze pe reste dan bann diferan lotel avek Guesthouse?  E lefe ki Praslin, zot sorti Praslin, zot osi zot sorti lo en zil me nou hours of flight i mwens ki sorti Madagascar, Maurice avek lezot landrwa.

Alor nou bezwen.  Me an menm tan sete pa mon Minister ki organiz Zone 7 volleyball la. Se Federasyon an kolaborasyon avek NSC. Federasyon kolaborasyon avek NSC.  E ler nou ti demann kestyon ti dir nou lo kote Federasyon pour dir wi napa landrwa, ase landrwa. Landrwa pour bann atlet etranze in deza, me napa landrwa zot pour bezwen reste la.  E zot pa ti pet landrwa.  Nou bann manrmay pa ti peye NSC. Me tou bann atlet sorti dan bann Madagascar, Maurice zot ti pey $45, Euro sorry, 45Euro par atlet, par latet pour zot vin Sesel e sa 45Euro i pran kont zot akomodasyon, zot transport avek zot manze.

Savedir ler nou dir lotel, manze avek zot transport.  E 45Euro nou tou nou konnen pour dir 45Euro i pa sifi pour pey sa bann landrwa.  E NSC i bezwen pey ladiferans tou sa bann sa.   E se sa kot mwan, mon fek ganny sa bann lenformasyon, mon fek ganny sa bann lenformasyon.  Savedir i montre ou pour dir si nou kapab pey ladiferans bann etranze ki vini pour vin partisipe, nou bezwen donn zot en bon lakey an menm tan parske i enportan ki nou donn zot en bon lakey.  Akoz nou ler nou al kot zot nou osi nou ganny bon lakey.  Me nou bezwen osi pran kont nou bann Seselwa, espesyalman ler zot Mahe, zot bezwen reste ansanm par egzanp ARSU ti bezwen reste ansanm, zot pa kapab reste kot zot akoz i annan serten training, serten keksoz ki zot fer ansanm.  E Praslin ti bezwen sorti, vini, rod release pour zot vin zwe.  Kit zot fanmir, i en sakrifis enorm e mwan personnelman koman Minis se sa en kestyon ki mon bezwen rediskite.  Me parey zot konnen Minis napa power over Federasyon pour dir li.  Be nou kapab diskite met sa devan zot ki nou bezwen tret nou bann atlet dan menm fason ki nou pe tret bann atlet enternasyonal.  E nou fer sir ki next time ler nou annan sa nou bann atlet i antre parey bann lezot atlet enternasyonal.  Mersi.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mr Speaker sa i zis montre ki bann Federasyon ek NSC pa pe valorize nou bann atlet lokal e nou bann atlet Praslinois.  Minis dan tou sa ki ou pe dir i raise en lot kestyon. Par le fe ki mwan mon okouran personnelman ki sa manager ti kontakte ou regardan sa konsern e ou ti dir ki ou pour get ladan, ou pour rezourd sa problenm.  Me still, ti ganny kit dan ou lanmen sa. Me still nou’n war nou bann atlet ganny met anba peron.  Mwan mon anvi en langazman dan lefitir paz zis avek Federasyon volleyball ou NSC.  En langazman avek ou ki dan lefitir ou koman Minis pour Lazenes, Spor e Kiltir e osi koman en Praslinois ki ou pour fer ou uttermost pour fer sir ki nou bann atlet Praslinois i ganny trete pli byen ki sa dan lefitir. Mersi.

 

(APPLAUSE)

 

MR SPEAKER

Mersi Onorab.  Minis.

 

MINISTER MITCY LARUE

Mersi Onorab. Mersi Onorab, Onorab parey mon’n fer ou byen konpran. Federasyon, mwan mon pa dikte Federasyon pangar mon pour ganny dir Gouvernman i antre dan Federasyon.  Me i annan keksoz ki mon kapab diskite avek zot pour mwan dir zot be la mon krwar i en keksoz ki nou bezwen regete. Ok? Ler bann manrmay ti demann mwan wi, nou ti fer kontak nou, ti dir nou sa lensidan dormitwar pour NSC sa pa pour Minis.

Sa bann federasyon ki diriz son bann zafer, ok?  Vwala, selman mwan mon donn lasirans ki nou pour fer sir ki Praslinois, Diguois zot bezwen ganny trete parey tou atlet Seselwa.  Mersi.

 

MR SPEAKER

Mersi Minis.  Onorab Jany De Letourdie.

 

HON JANY DE LETOURDIE

Mersi Mr Speaker, bonzour tou dimoun. Minis mwan mon kestyon i plito an menm tan i en propozisyon osi. Dan demars pour amelyore, an menm tan pour anmenn lasistans pour nou bann atlet.  I annan kantite zot, zwer domino, you name it ki vin Mahe pour konpetisyon.  Vi ki nou konnen prezan nou vwar poudir anba peron i egziste pour en bon pe letan.  An fen mon servi sa mo e i kontinyelman deteryore  kantmenm zot sey aranze.

Eski ou Minister i annan en plan petet pour konstri en landrwa apropriye lo Mahe ki a kapab deservi sa bann atlet ler zot vini menm si fodre zot ava fer zot kontribisyon zot osi. Mersi.

 

MR SPEAKER

Mersi Onorab.  Minis.

 

MINISTER MITCY LARUE Mersi Onorab. Onorab pour le moman nou pour bezwen renovate.  Parey nou dir refer reparasyon lo sa ki nou annan egzistan. Me an menm tan ki nou pe revwar en pti pe tou nou bann striktir ki nou annan an plas, nou pe regarde.  Mon a pran ou propozisyon nou a regarde ki mannyer nou kapab fer li vin realis pli tar.  Me pa desito.

 

MR SPEAKER

Mersi.  Mersi Minis. Onorab Aglae.

 

HON EGBERT AGLAE

Mr Speaker bonzour, Minis bonzour ek ou delegasyon. Mr Speaker mon kestyon i en pe dan laliny Onorab De Letourdie. Minis ou’n donn nou en larepons, ok?  Mon kestyon sete.  Eski etandonnen ki Sesel, nou pa zis host levennman lokal kot i konsern sportif. Nou host osi, nou annan CJSOI, nou annan Indian Ocean Games, tousala i annan bann atlet ki vini.  E ler nou pe get bann pei larezyon, Maurice  La Reunion, zot annan bann fasilite ki ler nou bann atlet i ale, i la.

Mon pran en legzanp parey, permet mwan Mr Speaker, ler nou fer Zwe Dezil isi Sesel, ok, nou servi parey Vilaz Perseverance ti ganny servi.  Ozordi vilaz in fini. Alor eski pa in ler pour nou annan sa plan, menm si i pa a sorti dan Bidze Nasyonal atraver NSC i ava devlop en plan, met ater devan Gouvernman, petet anba progranm CSR, kot nou ava met lanmen ansanm, nou ava annan en fasilite ki ava permanans ki pour napa sa distenksyon ant lokal lo, i a reste anba peron parey nou dir, etranze li i ava al dan bann Guesthouse lotel kot sa fasilite i a la.  Annou komans vwar en teren la ozordi e met en plan ater e nou a rode kote larzan i annan pour fer sa.  Mersi.

 

MR SPEAKER

Mersi Onorab Aglae.  Minis.

 

MINISTER MITCY LARUE Mersi Onorab.  Mon krwar i dan en pe menm laliny ki Onorab De Letourdie in fer sorti.  Nou apel li en Vilaz des Jeux.  Kot dimoun i reste, parey ou pe dir vre nou annan diferan group ki vini. E nou bezwen annan en landrwa. Ler nou ti fer Zwe Dezil nou ti servi Vilaz Perseverance. Be in fini antre tou dimoun. Prezan definitivman parey mon’n dir ou, nou bezwen renovate sa enn ki la pour nou kapab kontinyen servi an menm tan nou mazin lo en Vilaz des Jeux, kote nou mete, ki mannyer pour fer. E nou anmenn devan Gouvernman pour laprouvasyon.  Mersi pour zot kontribisyon.

 

MR SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker. Bonzour Minis ek ou delegasyon. Mr Speaker mon ti ava kontan Minis i dir mwan si sa bann, si sa landrwa anba peron in deza ganny servi oparavan pour abrit bann dimoun, bann fanmir ki zot lakaz in brile.  E si apre sa renovasyon sa pour still ganny servi osi pour, koman ‘’Emergency’’, pour sa bann dimoun?  Mersi.

 

MR SPEAKER

Mersi Onorab.  Minis.

 

MINISTER MITCY LARUE Mersi Onorab, i vre ki landrwa parey nou dir laba kot dormitwar i annan de fwa in ganny servi pour bann ka ‘’emergency’’ par egzanp en dife in arive.  E sa fanmir in ganny met la.  I annan de fwa ki menm, CEO pe dir mwan i annan menm fanmir ki’n reste plis ki 1an. Akoz i napa landrwa pour met sa fanmir. Me avek renovasyon, mon pa pour dir ou non, i pa pour arive me i pour tou depan kalite ‘’emergency ‘’ki annan.  Akoz si i ariv en ‘’emergency,’’ en dimoun in ganny lakaz in brile la, en fanmir e napa en lot landrwa pour met li, nou annan la ki vid. Mon krwar i toutafe normal pour nou servi.

Me selman nou pa pe mazinen i devret koumsa.  Ou konpran i pa devret vin koumsa. Me selman mon konnen Gouvernman pe travay lo bann lakaz kot bann dimoun in ganny ‘’emergency’’ pour al ladan ki petet sa i ava sorti net kot nou ava aranz landrwa.  E sa osi in en fason ki nou osi de lapid landrwa.  Akoz ou pour annan dimoun pe reste la toultan e fason servi landrwa, tou dimoun i servi li diferaman. E sa osi in ede pour de lapid en pti pe lenfrastriktir ki nou annan.

 

MR SPEAKER

Mersi Minis.  Onorab Noline Sophola.

 

HON NOLINE SOPHOLA

Mersi Mr Speaker.  Bonzour Minis ek ou delegasyon. Tou Manm Onorab e tou dimoun ki a lekout.

Mr Speaker mon pour retourn en pe an aryer. Lannen pase an Zen – e a en lot enstans osi sa issue Dormitwar ti ganny koz lo la par sa 2 Onorab Praslin e mwan menm. Mr Speaker, eski Minis i kapab dir sa Lasanble ki vreman son Minister in fer pandan sa 9 mwan pour amelyor sa landrwa?

E 2enm o nivo sekirite.  Ki sekirite ki ganny met an plas pour ki lensidan ki ti arive an Zen avek nou bann zenn atlet dan sa landrwa pa ariv ankor sa lannen?  Akoz ou ti promet ki tou keksoz pour aranze.  Mersi.

 

MR SPEAKER

Mersi Onorab Sophola.  Minis.

 

MINISTER MITCY LARUE Mersi Mr Speaker. Mersi Onorab. Onorab i zis domaz ki mon pa okouran sa ki ou pe dir mwan an Zen akoz an Zen mon pa ti ankor pran Portfolio Minister Lazenes, Spor e Kiltir. E mon pa’n ganny brief lo la.  Mon pa’n ganny brief lo la par CEO.

 

(Mic Off)

 

MINISTER MITCY LARUE

Wi me selman … wi i annan collective responsibility.  Me selman mon pe dir ou lo sa ka spesifik.  Mon pa’n ganny okenn lenformasyon avek CEO ki ansarz NSC.

E 9 mwan parey ou pe dir, 9 mwan ki’n ganny fer avek sa landrwa – parey taler mon krwar dan mon prezantasyon mon ti dir pour dir definitivman sa landrwa i annan en problenm, i annan en problenm kot nou pa pe fer ase sipervizyon, e nou pa pe maintain landrwa.  E sa mon’n war pour mwan menm pour dir nou pa pe maintain e sa ki nou pe zwenn pour nou kapab asize met ater en plan ki mannyer sa landrwa i ganny garde.  E n pti pe pli lo standar ki i devret.  Fer en plan ansanm avek CEO akoz i tonm anba responsabilite CEO sa.

Ok, si kwa ki ti arive an Zen, si sa in ganny rektifye, mon pa konnen si mon ganny drwa demann Speaker pour CEO koz lo la.

 

MR SPEAKER

Non ou kapab, Minis non, non ou kapab demann li, koz avek li, me apre ou ki pour reponn Lasanble.  Petet antre tan ki Minis pe rod lenformasyon, mon’n ganny alerte par en Manm e taler mon’n vwar Leader Lopozisyon osi pe fer mon sir ki sa mo ki nou servi i devret Dortwar pa Dormitwar. Mon’n vwar Onorab Arrisol in lev son leksik.  Mersi Onorab.  Mersi Onorab Ghislain.

 

MINISTER MITCY LARUE Mersi, mersi Mr Speaker.

 

MR SPEAKER

Go ahead Minis.

 

MINISTER MITCY LARUE

Mon krwar ki dapre lenformasyon CEO ki ler bann zenn ti vin reste Stad Linite i ti annan tro bokou zenn ki ti ganny mete dan sa landrwa. Akoz ordinerman bann zenn ti al School Meal Center, me tou ti ganny mete la e ti bezwen met landrwa kot pour dormi, dan diferan, dan koridor partou.  E definitivman apre aktivite ler zot ti vin ti annan lager antre zot. Lekol an deor tou.  Savedir ti annan en nespes lager antre zot e sekirite ti la.  Definitivman sekirite ler zot la, zot bezwen pran zot responsabilite pour fer sir ki landrwa i an sekirite pour sa ki la.  E ki aksyon ki’n ganny ek sekirite, napa aksyon ki’n ganny pran.  Savedir i annan en febles; definitivman i annan en febles.  Letan en keksoz i arive sa sekirite i bezwen donn en Rapor lo ki’n arive egzakteman e ki aksyon i ganny pran pour ki menm keksoz pa ganny repete en lot fwa.

Ok, me selman ankor sa sekirite i paret mwan in kite e i annan en lot sekirite ki pe travay.  E ankor mon krwar i annan febles lo nivo sekirite. I annan febles akoz ler bann zwer volleyball ti koze ti dir zot pa pe war personn la.  Vedir i montre ou i annan serten febles ki nou bezwen adrese o nivo Stad Linite laba.  Mersi.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Speaker. Minis ki garanti ki ou pe donn nou ki sa lannen ler nou bann zanfan pe vini, pou sport pour pe fer ki sa sityasyon pa pour repete?  Akoz ou’n dir nou pour dir zanfan met dan kot School Meal.  Si mon lespri pe servi mwan byen, byen lontan zanfan in aret met kot School Meal.  Zanfan ti met laba. I vedir i annan keksoz ki pe mal marse. Ki garanti ki ou pe donn nou Praslin, La Digue ki nou bann zanfan i sorti laba i vini ki sa lensidan pa pour arive.

E dezyenm Minis, petet pour nou être fran si sa kestyon pa ti’n leve ozordi par Onorab Churchill Gill eski Minis ti pe mazinen pour zot al regard sa dortwar kot nou bann zanfan pour vini la pour spor? Oubyen nou ti pour les menm lensidan arive ankor. Apre nou ti pour dir napa, nou pa konnen sa ki pa’n mete, eksetera?  Mersi.

 

MR SPEAKER

Mersi Onorab Sophola.  Minis.

 

MINISTER MITCY LARUE Mersi Onorab.  Onorab pa akoz Onorab Gill in anmenn sa dan Lasanble ki mon’n taye, non. Parey mon’n dir, mon ti vizit bann manrmay avan mwan, avan menm sa 2 Onorab ti al vizit zot kot dormitwar ok, kot dortwar.  Mon apel li dormitoire, dortwar an Kreol. Ok?

Mon ti vizit menm avan zot. Ok? E mwan mon ti pour zwenn CEO avan me akoz CEO ti’n en pe busy sa 2 semenn, in bezwen monte, Sesel, aletranze. Akoz li ki CEO. Nou bezwen diskit ansanm lo sa bann zafer. Napa okenn presyon Lasanble ki’n fer nou fer sa. Sa i en travay me mon aksepte, mon aksepte i annan problenm laba kot NSC pour zot fer sir ki maintenance ki i annan sekirite.  I en weakness ki zot bezwen adrese. Pa Minis ki pour adrese sa. I bezwen ganny adrese atraver NSC.  E se sa ki mon bezwen zwenn pour nou met ater.  E kot i konsern bann zanfan lekol.  Wi parey nou dir ler nou pe zwenn tou sa bann issues pou ganny adrese pour fer sir ki napa repetisyon menm bann problenm ki’n arive dan lepase. E sa mwan ava donn ou mon komitman.  E i vin komitman NSC pour fer sir.  An menm tan lekol osi i annan zot komitman pour fer sir ki zot osi zot pran zot responsabilite zot bann zanfan letan i anba zot kontrol e responsabilite sa landrwa ki osi anba zot responsabilite. Mersi.

 

MR SPEAKER

Mersi Minis.  Onorab Flory Larue.

 

HON FLORY LARUE

Bonzour tou dimoun. Minis ou’n dir letan ou’n komanse ti annan en devlopman mazer an 2015.  Eski ou okouran ki kalite devlopman ki’n ganny fer ki la 2an apre, 2, 3an apre nou war nou bezwen re fer renovasyon?  E eski zot annan en sistenm maintenance an plas pour fer ki nou pa bezwen fer renovasyon tou le couple of years?  Apre Minis mon vreman soke letan ou dir ki ou pa okouran en problenm mazer ki ti ganny anmennen dan Lasanble.  E sa handover ki’n ganny fer letan ou’n pran Minister ki sa bann pwen pa’n ganny mete lo ou latansyon.  Sa i anmenn osi sa pwen ki Prezidan Faure in dir ki i pa ekoute ki ganny dir dan Lasanble.  Eski sa i le ka pour ou Minister osi letan en keksoz i arive zot pa ekoute ki ganny dir ki ganny fer kot zot Minister. Akoz Onorab Woodcock ti koz lo la lannen pase.  Mersi.

 

MR SPEAKER

Mersi Onorab. Minis.

 

MINISTER MITCY LARUE Mersi Mr Speaker. Mon pa pour retourn ankor lo kestyon si ti ganny ekoute – si pa ti ganny ekoute.  Akoz parey mon’n dir, in pas ler mon pa ti ankor antre dan sa Minister e mon pa’n ganny dir alor mon pa’n konn egzakteman ki ti arive son detay.  Mon pa kapab al koz lo detay en keksoz ki mon pa konnen pour mwan donn zot fo lenformasyon.

Dezyenmman dapre CEO sa renovasyon ki ti ganny fer ti kout R1.5milyon. Enn ti fer 2013 avek enn ti fer 2015, 14 sorry, ‘14’ avek 2015, sa ti kout 1.5 milyon. Sa ti fer renovasyon an term apre ti sanz bann lekipman tou, fridge televizyon, bann lekipman ti ganny sanze dan sa landrwa.

Ok ti annan serten, petet i annan detay, ti annan serten separasyon, akoz ti en dortwar ouver, prezan ti annan separasyon ki ganny mete, ti annan bann lili anler monte.  Ti annan diferan keksoz ki ti ganny sanze, lasanmben, ti annan pti lakwizin kot zot kapab prepar zot breakfast eksetera.  Vedir ti sanz en pti pe son tourni koman en keksoz ouver pour fer li vin en pti pe pli separe ant bann atlet.  Vwala e la nou bezwen regarde ki mannyer i ete dan ki kondisyon i ete e renovate li pour met li lo en nivo pli o pour le moman, avan ki nou kapab travay lo keksoz pour lefitir.  Mersi.

 

 

MR SPEAKER

Mersi Minis.    Onorab Larue.

 

HON FLORY LARUE

Eskize Mr Speaker. Me atraver ou mon krwar i enportan ki Minis i eksplik nou ki mannyer Minister i ganny handover e zot pa kominik ek kanmarad. Sa mon krwar i vreman enportan. Nou pa kontinyelman sak fwa Minis i sanze dan Minister, ou’n war bann problenm ki afekte lepep Seselwa pa ganny handover par bann Minis a sa oter. Ki mannyer sa i kapab ganny aksepte, i akseptab. Mon pa vwar li ditou akseptab akoz souvan nou ganny sa larepons dan sa Lasanble kot bann Minis, bann CEO letan zot pran en nouvo Departman zot dir ou i pa ti la, i pa konnen.  Be mwan pa krwar i akseptab anymore. Nou pa kapab aksepte sa.  E mwan mon ti a kontan en leksplikasyon ki mannyer sa pa ganny fer a sa nivo ministeryel. Mersi.

 

MR SPEAKER

Mersi Onorab Larue.  Minis.

 

MINISTER MITCY LARUE Mersi Mr Speaker. Mersi Onorab.  Onorab parey mon’n dir ou, handing over in ganny ant le de Minis.  In ganny fer handing over parey ler ou sorti dan sak Minister ou fer handing over ek lot Minis. Me i pa neseserman tou pti detay i antre dan sa handing over.  Pa neseserman tou pti detay i antre. Par egzanp in ariv en keksoz kot Stad Linite laba i pa pour antre dan sa handing over.

Sa se ler ou rankontre avek CEO, one-to-one la ki bann keksoz i kapab sorti. Me sa pa’n sorti.  I pa’n ganny sorti, mon pa kapab dir ou in ganny sorti. Mon pa kapab donn ou detay akoz mon napa.  Mersi Mr Speaker.

 

MR SPEAKER

Mersi Minis.  Onorab Sylvanne Lemiel.

 

HON SYLVANNE LEMIEL

Mersi Mr Speaker. Bonn apre midi Minis avek ou delegasyon. Minis i en remark petet osi pwen pour nou konsidere lo kote Gouvernman.

Ler ou regarde la letan ou pe nonm lo kote renovasyon ou pe mazinen, ou pe dir thorough maintenance ki’n ganny fer an 2013 e an 2014.  Be selman, an 2014 e an 2015. I fer 22an konmsi ler ou gete pour depi 93 zot in annan sa landrwa pour annan an 2014 i fer 21an, ou’n fer en renovasyon apre ou’n kontinyen an 2015.  So mon pe remarke pour dir mazorite bann landrwa ki Gouvernman i antretenir, la parey la nou annan sa enn en Lazans ki ou pe tonm anba Gouvernman nou pour dir,  nou pran tro bokou letan ankor. Mon pa konnen si nou napa en plan pour nou pase pour nou fer sa maintenance lo sa bann building.

Regarde akoz la ler ou gete ou’n depans 1.5 milyon, sepa konbyen milyon ou’n depanse. Petet si ti annan sa bann renovasyon detanzaot, bann pti touse detanzaot, ou pa ti pour bezwen depanse sa kantite larzan.  Petet in plis ki ler pour sak landrwa, lorganizasyon, Lazans, landrwa travay, met an plas en Maintenance Plan. Annan en dimoun ki responsab pour maintenance.  Pas dan sa bann landrwa.  Annou gete akoz tro bokou letan ou vwar bann batiman Gouvernman partou enkli sa enn la kot NSC i pa ganny antretenir, i pa ganny antretenir.  Apre i kout nou Gouvernman ser. Mon krwar sa i merit ganny seryezman get ladan lo kote tou building Gouvernman an antye.  Mersi Mr Speaker.

 

MR SPEAKER

Mersi Onorab Lemiel.  Minis.

 

MINISTER MITCY LARUE Mersi Onorab pour ou kontribisyon tre, tre enportan akoz se sa keksoz ki definitivman nou Minister pour bezwen mazin lo la.  Akoz nou annan en kantite lenfrastriktir nou anba Minister, kantite.  E ler ou pe gete nou bann lenfrastriktir i dan en leta ki pa bon.  E nou bezwen annan en Maintenance Plan la. Akoz nou pa kapab parey mon dir.  Ozordi en laport i kase nou pa kapab esper sa laport i tonm ater avan nou vin sanze.

Si nou annan nou en Maintenance Plan kot tanzantan nou annan nous a project officer ki go round i vwar bann keksoz ki bezwen ganny fer, i fer.  I pa esper li trennen apre i kout nou definitivman i kout nou bokou plis larzan.  E sa i pwen ki demen letan mon pour zwenn nou pour aborde pour nou kapab regarde ki mannyer nou etablir enn sa Maintenance Committee pour nou kapab fer sir ki nou bann lenfrastriktir i ganny regarde en pe plis pour pa kout Gouvernman o tan larzan ler in ganny delapide.  Mersi pour ou kontribisyon tre, tre enportan.

 

MR SPEAKER

Mersi Minis. Onorab Lemiel mon pour les ou antre swivi deswit avek Onorab Aglae ki oule lev en matter lo la.  Onorab Lemiel.

 

HON SYLVANNE LEMIEL

Minister just to follow-up lo menm keksoz.  Mon’n dan ladministrasyon petet en pwen ki nou merit konsidere kot NSC, dan Gouvernman an antye se petet larzan dan zot Bidze Maintenance.  Zot merit get byen osi pour ki ler zot demann zot Bidze, zot fer sir zot enkli larzan pour nou kapab fer maintenance lo pour zot kapab fer maintenance osi lo zot buildingOk?  Mersi.

 

 

MR SPEAKER

Ok mersi Onorab Lemiel. Onorab Aglae.

 

HON EGBERT AGLAE

Mr Speaker mon kestyon ti dan laliny bidzeter en pe.  Petet mon ti a kontan demann Minis eski CEO atraver ler i soumet son Bidze avek ou Minister eski in demande larzan pour annan sa bann maintenance sirtou lo sa dortwar ki egziste? Eski in gannyen sa larzan depi lannen pase ouswa i pa pe gannyen, ouswa zot pe koupe?  Mersi.

 

MR SPEAKER

Mersi Onorab Aglae.  Mersi Onorab Lemiel.  Minis.

 

MINISTER MITCY LARUE Mersi Mr Speaker. Mersi Onorab. Onorab wi, CEO i mete dan son Bidze. Me selman pa toultan ki nou ganny sa larzan ki nou mete.  Nou pa ganny tou sa ki nou demande. Fodre ou vreman, fodre ou kapab vreman montre spesifye konmkwa sa larzan i bezwen. E Minister Finans i donn ou me i pa donn ou tou.

Par egzanp pour lannen pase nou annan. Nou ti ganny nou zis pour maintenance R2. 801. 567milyon.  Sa pour tou fasilite lo Mahe Praslin, La Digue.  Tou fasilite sportif ki tonm anba NSC.  E apre nou annan Lazans, en Lazans ki fer maintenance osi kot li i ganny li osi 3.6 – R3. 692milyon.  E li i annan osi son bann travayer ki peye ladan.  Son bann travayer i R2.95.  So 2 milyon sorry, 85mil, savedir li sa i pour pey son bann travayer ki travay dan sa Lazans.  Savedir i reste li en total 1, 596 milyon. Ok?  Savedir ler ou pe get an term lenfrastriktir ki Minister i annan e ler ou get an term larzan ki ou annan definitivman i pa balanse.

Me selman nou an menm tan nou bezwen annan nou priyorite.  Nou bezwen annan nou lalis, nou priyorite ki mannyer nou fer nou bann maintenance work.  Mersi.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker. Mr Speaker mon en pe konfize ler Minis i dir i responsabilite NSC, e i pa responsabilite son Minister pour bann zafer sa dortwar, maintenance lo dortwar Roche Caiman.  Me NSC i tonm anba Minis Spor. Ler ti vin dan Lasanble pour vin rod zot Bidze i ti la o-bor ou, i ti rode i ti ganny son Bidze.  Ki mannyer ki ou kapab dir ki pa ou responsabilite?

Parey Onorab Simon Gill ti dir; ou ki head of the organization, i ou responsabilite pour fer sir i marse mon mazinen. Ki mannyer ou kapab dir NSC pa pe soz.  Fodre ou ale ou dir li NSC fer sa.  Met en presyon lo li. Akoz Bidze ti vin la pour aprouve dan Lasanble. Larzan leta sa.  Mersi Speaker.

 

MR SPEAKER

Mersi Onorab Pillay.  Minis.

 

MINISTER MITCY LARUE

Mersi Mr Speaker. Mersi Onorab.  Mon kontan ou’n dir sa Onorab. Akoz souvandfwa letan ou annan bann Lazans la, i annan zot bann dimoun ki ansarz sa lazans, zot annan zot serten otononm, zot lotorite.  E ou, ou bezwen fer sir sa bann keksoz i marse byensir.  Me selman i annan serten power ki reste avek zot osi, e ou bezwen souvandfwa ou bezwen pouse pour kapab.  Me nou bezwen fer li.  Akoz Minister li i siprenm, i par lao.  Sa mon kontan at least sa i ganny sorti atraver en Manm Parlman.  Mersi Mr Speaker.

 

MR SPEAKER

Mersi Minis.  Onorab Simon Gill.

 

HON SIMON GILL

Mr Speaker. Mersi bokou.  Ou konnen mon pour fer en komanter e kestyon ki mon ti pe al demande i tonm zisteman dan sa laliny.

Kwa ki bezwen sanze? Kwa ki bezwen sanze? Sa ki bezwen sanze se relasyon Minis avek sa bann lenstitisyon.

 

(APPLAUSE)

 

HON SIMON GILL

Minis i bezwen sorti dan loperasyon sa bann lenstitisyon. Elimin sa ziridiksyon ki an teori Minis, Gouvernman i annan lo lenstitisyon.  Bring the CEOs la dan sa Lasanble pour zot reponn zot kestyon lo akoz zot pa’n kapab antretenir en lenfrastriktir ki anba zot responsabilite.  Leave the Minister alone.

 

(Interruption)

 

HON SIMON GILL

Si, si, annou ekout en kou.  Tyonbo!  Tyonbo!

 

MR SPEAKER

Order!  Order!

 

HON SIMON GILL

Ou kapab en Minis Mr Speaker i vin dan Lasanble ozordi i dir nou koumsa i bezwen flat en CEO pour fer maintenance!  I bezwen flat lezot executive pour fer marse.  Now donn lotonomi the bottom line.  Ler mon dir leave the Minister alone, mon pe dir donn lotonomi total, absoli bann CEOs avek  zot bann lenstitisyon avek zot loperasyon, zot ava annan responsabilite bidzeter e pour fer sir ki sa ki tonm anba ou, ou annan total responsibility lo ou.  E demen si i annan en problenm sportsmen sorti La Digue, sorti Praslin, zot pe reste anba peron, anba peron pa bon, pa izyenik, pa lo standar, i annan problenm sekirite.  Pa Minis ki pour vin reponn sa kestyon.  Pa Minis, ki’n arive akoz tou sa bann lezot zofisye i la?

 

(Interruption)

 

HON SIMON GILL

Dan ki pei, mon a dir ou dan ki pei.  Dan plizyer pei i mars koumsa. Be plizyer pei i mars koumsa.

 

MR SPEAKER

Onorab…. Si ou …

 

HON SIMON GILL

Se sa Mr Speaker.  Nou bezwen pe sanz lafason ki mannyer nou pe vwar legzistans sa bann lenstitisyon dan nou pei.  We need to make radical departure from sa bann teknik fer, or mannyer panse!

We need to move on!  We need to move on Mr Speaker.  Sa i mon pwen.  E kantmenm zot pe fer tapaz laba lot kote, mon konnen zot tou zot dakor avek sa ki mon pe dir.

 

(APPLAUSE)

 

HON SIMON GILL

Mersi bokou Mr Speaker.

 

(Interruption )

 

MR SPEAKER

Order! Order! Mersi Onorab Simon Gill.  Onorab Simon Gill. Minis ou annan premye kestyon. Apre ou a regarde si ou pour fer komanter lo son statement. Son kestyon ti kwa ki bezwen sanze? Minis go ahead apre si oule fer komanter lo son statementGo ahead Minis.

 

MINISTER MITCY LARUE

Mersi Mr Speaker.  Mr Speaker mon krwar i annan en kantite keksoz ki Onorab Gill in dir ki letan ou pe regarde ozordi.  Parey ou annan diferan … anba Minister Sport and Culture i annan en kantite diferan antite. E i annan sakenn i annan son CEO.  CEO i osi accountable pour son antite.  I accountable li. I annan anba li diferan Direkter, diferan Direkter Zeneral, lot, lot, lot, supervisor. Tou sa bann dimoun osi zot accountable. Akoz dan Gouvernman tou dimoun i annan son responsabilite.  E i bezwen accountable pour son aksyon ki i fer.  Ok?  Me i annan sa pwen kot ler pour vin dan Lasanble Minis i shoulder tou sa problenm.

An realite se Minis ki bezwen vin reponn kestyon tou sis a CEO pa’n delivre.  Si sa Direkter pa’n delivre, si sepa lekel ki pa’n delivre, Minis ki bezwen vin reponn kestyon. Akoz Minis i anler, se li ki ansarz.  Me nou bann dimoun dan sa bann antite bezwen konpran sa.  Zot bezwen konpran sa. Minis i ansarz zot. Akoz an de-fwa pa toultan ki zot konpran sat re byen.  Zot krwar zot antite i pour zot, zot bezwen delivre.

Alor donn zot, zot delivre. E ler zot delivre mwan mon krwar zot delivre, zot bezwen reponn kestyon si zot pa delivre!  Zot bezwen delivre e si zot pa delivre zot osi zot bezwen reponn kestyon.  I pa kapab toultan Minis ki shoulder tou bann burden e zot, zot pa shoulder nanryen.  Mon krwar Simon i annan en pwen tre, tre valid ladan!  E nou bezwen take everybody accountable pour zot aksyon.  Mersi Mr Speaker, sa se mon komanter.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mr Speaker mersi bokou.  Mr Speaker mwan mon anvi premyerman felisit Onorab Churchill Gill pour sa kestyon. Parski mon krwar ki nou’n vwar en kantite bann diferan pwen in ganny resorti.  E malgre mon napa en gran kestyon mwan. Selman i kler ki poudir ozordi premye fwa mon tande Minis i dir pa li ki responsab.  Kan pandan tou sa bann lannen nou’n annan en Gouvernman kot Minis in enterfer dan tou keksoz, tou keksoz!

 

(APPLAUSE)

 

HON WAVEL RAMKALAWAN

E ozordi Minis i a vin dir  avek nou pa li ki responsab?  Mr Speaker, annou serye nou dan sa landrwa.  Minis i responsab pour tou!.  E the buck stops at her!  Si i fail li ki bezwen vin reponn kestyon.  Mersi bokou.

 

MR SPEAKER

Mersi Onorab.  Minis.

 

MINISTER MITCY LARUE

Mr Speaker mon pa pou tro fer komanter akoz letan nou enterfer nou ganny dir nou pe micromanage. Huh? Pa sa ki nou ganny dir ki nou pe micro manage?  Ler nou enterfer dan bann antite nou ganny dir nou pe micromanage nou pe mont lo lipye kanmarad.  Alor sakenn i annan son responsabilite.  E nou konn byen.  Petet dan lepase nou ti fer, me nou pa pe fer ozordi.  Akoz ler nou antre nou enterfer nou ganny dir sa i pou mwan i mon responsabilite – pa pou Minis.  Ok?  Me ler ou responsabilite mon pa pe koz konmsi zis lo CEO NSC mwan.  Ler ou dir ou responsabilite ou fer ou pran ou responsabilite ou delivre!  That’s it!  Ok?  E mwan si mon vwar pa pe delivre mon konnen kot pou anmennen si mon vwar pa pe delivre.  Mersi.
MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker I’m sorry.  Sa dernyen statement ozordi zot gran parol zot pa micromanage.  Mr Speaker zot micromanage letan zot anvi!  Letan zot anvi enterfer zot enterfer, letan keksoz i fail zot vin dir avek nou zot pa micromanage! Zot mon fek ganny 57an yer.  Mersi bokou.

 

MR SPEAKER

Mersi Onorab.  Minis oule fer komanter lo sa statement osinon nou ava move on.  Minis?  Non?  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon pou osi felisit Onorab Gill akoz i kler poudir dan Parti Lepep there is true freedom of speech kot menm si Onorab Gill i sorti dan sa parti dan Gouvernen i kapab anmenn en kestyon ki pe kestyonn performans sa Gouvernman.  Me sa i kler ki nou pe bouz dan sa direksyon lo sa kote latab isi.  Mr Speaker, mon ti a kontan demann Minis e osi CEO si ou ti kapab enterakte avek ou Minis, vi ki ou’n vwar sa kestyon pe vini sa bann lensidan ganny leve, dir mwan egzakteman atraver ou Minis kwa ki NSC in fer depi ler sa bann lensidan in leve pou prezant en Rapor avek Minis lo lala lensidan ki ti leve vi ki ti annan en Minis oparavan e lala Rapor lo sa ki ou’n fer avek sa sityasyon.  Mon ti ava kontan konnen ki NSC in fer en Rapor?  Eski NSC in fer en letid?  Eski NSC in fer okenn travay lo sa size spesifik e eski in prezant sa Rapor avek son Minister oubyen avek son Board NSC poudir lala aksyon ki nou pe pran an se ki konsern bann atlet sorti lo La Digue avek lo Praslin ki vin lo Mahe?  Sa mon premye bout kestyon. Mersi Mr Speaker.

 

MR SPEAKER

Mersi Onorab Pillay.  Go ahead Minister.

 

MINISTER MITCY LARUE

Mersi Mr Speaker.  Mr Speaker dapre CEO ti napa okenn Rapor ki zot in ekri pou donn Minister lo sa lensidan ki ti arive.  Me selman a son nivo i ti pran bann mezir neseser pou fer sir ki next time en keksoz parey pa arive.  Akoz landrwa ti ganny donnen me pa NSC ki ti pe run.  Ti ganny donnen avek bann zenn me solman Minister Ledikasyon ki devret pe annan responsabilite over bann zanfan.  Savedir koumsa ki in marse me pa lot fason ki ou’n demande.  Mersi Mr Speaker.  Onorab Sebastien Pillay.

 

HON SEBASTIEN PILLAY

Mr Speaker, mon kontan refer lo bann leksperyans ki mon’n gannyen atraver lasanble kot mon’n ganny sans vizit bann enternasyonal Komite dan bann lezot Parlman.  Mon krwar Sesel nou bezwen bouz dan sa direksyon kot bann Federasyon ek bann CEO i bezwen vin devan Parlman parey i ganny fer dan lezot pei pou vin reponn serten kestyon an se ki konsern devlopman spor dan Sesel.  Akoz sa larepons pour mwan malgre ki CEO (avek tou respe) ou’n donn li sa larepons i pa  fer sans akoz sa lentansite i avek ou.  I bezwen annan en dimoun. Akoz sa bann manrmay i bann zenn manrmay.  I bezwen annan en dimoun NSC ki pe chaperone sa bann manrmay sa letan ki zot la kot sa fasilite. E Sa fasilite i reste a tou moman en fasilite Gouvernman donnen anba fasilite NSC.  I pa’n donn a Minister Ledikasyon.  So mon  konpran the buck stops at the Minister.  Be the buck osi starts somewhere.  E i komans kot sa lenstitisyon ki’n ganny sa fasilite.  Sa ki mwan mon  krwar NSC i devret fer; sa ki mwan mon krwar zot devret fer eski zot in asize depi sa lensidan e mwan mon krwar poudir ‘’mon bann dimoun nou annan en problem spesifik la – akoz osinon Onorab Gill pa ti’n anmenn sa kestyon e lezot Manm Lasanble pa ti a’n fer komanter lo lefe ki bann sportsmen Praslinois en Diguois ki vin Mahe e sirtou zot  in fer byen zot bann sport e mon oule felisit sa bann sportsmen malgre sa bann kondisyon zot in fer byen zot bann sport; zot pa ti ava pas dan sa bann kondisyon.  So eski ou annan en plan – en plan detaye en plan kelkonk kot ou’n asize ou’n diskit ek bann Federasyon lala ki nou anvizaze fer oubyen eski Lasanble i bezwen vin antre e therefore Oversight parey L’Angleterre i pase parey dan lezot pei i pase e kot nou komans demann kestyon spesifik lo konportman bann Federasyon – lo konportman m bann Polisi Sport ki ganny manage par National Sports Council ki annan en Board?  Mersi.

 

MR SPEAKER

Mersi Onorab Pillay.  Go ahead Minis.

 

MINISTER MITCY LARUE

Ok Mr Speaker.  Repons CEO se ki landrwa i ganny donnen avek lekol.   Lekol i bezwen pran zot responsabilite ki mon dakor me solman mon krwar i bezwen annan en dimoun kot NSC ki pe …  So mon krwar definitivman bann pwen mete Onorab e nou ava pran an konsiderasyon letan nou pe travay lo nou bann nouvo prosedir ki nou pou met an plas e sa i ava enkli en plan detay ki mannyer sekirite  landrwa eksetera i ganny fer, pour ki bann tel aksyon pa ariv ankor.

MR SPEAKER

Vitman Onorab Pillay – bref.

 

HON SEBASTIEN PILLAY

Mersi Mr Speaker.  Mersi bann Onorab lot kote pou donn mwan sa letan.  Mon ti  kontan demann Mr Speaker, ki sa Minister atraver NSC i prezan en Rapor anvi ki pou annan Konpetisyon Enter-skoler ki pou ganny fer ki sa Minister atraver NSC i  prezant nou avek zot Plan ki mannyer zot pou accommodate sa – pou facilitate sa aktivite e ki mannyer sa bann sportsmen sorti lo sa 2 zil  pou ganny accommodate pandan letan ki zot pe vin sa bann sport Mahe e osi donn nou en detay pli apropriye oubyen pli aprofondi lo ki mannyer lo ki plan zot annan pou deal avek sa bann sportsmen ki bezwen vin lo Mahe  – eski zot pou demann bann lekip pou kontribye?  Ki metodolozi ki zot pe servi?  Eski zo tou kapab demann sa Minister pou provide avek nou, an vi ki i annan sa konpetisyon ki pe vini e nou pa oule en repetisyon bann lensidan lepase.  Mersi Mr Speaker.

MR SPEAKER

Mersi Onorab.  Minis.

MINISTER MITCY LARUE

Mersi Mr Speaker.  Tou bann pwen in ganny note.  Nou ava fer ou ganny bann Rapor ek bann rekomandasyon – bann keksoz ki nou fer.   Parey mon’n dir taler fee ki nou pou demann bann atlet pou peye nou bezwen konsidere met kriter ater ki mannyer sa i ganny fer.  Nou pa kapab zis dir nou pe fer zot pey tan an menm tan nou pe promot devlopman spor dan Sesel.  Alor i enportan ki nou pran tousala an konsiderasyon.  Mersi.

 

MR SPEAKER

Mersi Minis.  Mon pou donn dernyen kestyon lo kote main kestyon Onorab Churchill Gill.

 

HON CHURCHILL GILL

Minis ler tou travay in fini ganny fer mon ti voudre sa 3 Manm Lasanble ki pe reprezant sa Praslin ek La Digue, nou ganny sans vizite avan ler ki atlet i vini.  Mersi.

 

(APPLAUSE)

 

MR SPEAKER

Mersi Onorab Churchill Gill.  Minis.

 

MINISTER MITCY LARUE

Mersi Onorab.  .  Byensir avek plezir nou avan envit zot 3 Onorab pou zot vizit landrwa ler nou fini.  Mersi.

 

MR SPEAKER

Avek sa mon ti ava kontan remersye Minis ek son delegation.  PS Palmyre, CEO Ms Rousseau e Special Advisor Mr Jean Larue.  Nou remersi zot parmi nou e nou avan ekskiz Minis ek son delegation.

 

(MINISTER LARUE AND HER DELEGATION WAS EXCUSED FROM THE HOUSE)

 

MR SPEAKER

Bon parey mon’n anonse bomaten nou pou pran sa lot Urgent Question apre midi 2er.  Sa se Minis Bastienne ki pou prezan isi dan Lasanble.  Mon remind bann Manm Assembly’s Business Committee le 2 Leaders avek party Whips ki nou pou meet 1er dan Speaker’s Conference Room.  Nou avan Break.

 

(Mic Off)

 

MR SPEAKER

Annou fer li 1.30 – 1.30?  Ok?  Bon nou avan Break e nou ava retournen 2er.

 

(BREAK)

MR SPEAKER

Bon apre midi tou Manm Onorab, bonn apre midi tou manm piblik ki pe kontinyen swiv travay Lasanble Nasyonal.  Parey mon ti’n anonse bomaten mon’n, mon ti dir mon annan 3 Drwa Repons nou annan, deal avek enn nou’n fini deal ek enn bomaten.  Mon pour pran dezyenm la apre midi.  E ankor mon dir anliny avek Lartik 102 (6) nou Konstitisyon mon pour lir sa let ki’n sorti kot Lasosyasyon Taxi, Seychelles Taxi Operators Association.  Let in date le 19 Mars 2018, adrese Hon Nicholas Prea, Speaker Seychelles National Assembly

Dear Mr Speaker,

We are writing to you as the Seychelles Taxi Operators Association to seek a right of reply to a statement made by Honorable Sandy Arrissol, Member for St. Louis in his reply to the State of the Nation Address.

        His insinuation of playing politics with our Association was seen as being unacceptable by our members and at a meeting held on the matter it was decided to write to you to request that the following statement be read in the National Assembly at your next sitting:-

        Mon quote inverted commas “Members of the Taxi Association take exception at the statement made by Hon Sandy Arrisol of St. Louis where he insinuated that Alain St Ange contacted us for political reasons.  We need to reconfirm that it was us that Taxi Operators who contacted the Seychelles Labour Union (SLU) because as workers in our Seychelles we felt we were being ignored. Mr St Ange and his Team have been working with us since, and our Members have now joined the SLU and we are happy that they appreciate the challenges we are facing as an industry.  Today the taxis are facing many new destructive obstacles such as the new Air Seychelles Car Trawler partnership and these are examples of points we expected elected representatives to raise for Seychelles”, close inverted commas.

        Mr Speaker we are copying this letter to our members and to the press because the action by Hon Arrisol was seen as purely an act to sabotage our organization and done in bad faith.

        Thanking you.

 Signed by Jemmie Bonne, Chairman.

 

 

MR SPEAKER

So vwala sa let ki’n sorti kot Seychelles Taxi Operators Association.  Yes Onorab Arrisol.

 

HON SANDY ARISSOL

Mr Speaker mersi, bonn apre midi tou Manm e tou bann Drayver Taxi ki pe ekoute laba deor.  Mr Speaker mon ti anvi zis dir detrwa pti mo an relasyon avek sa let, mon en pti pe soke ki bann Drayver Taxi zot in pran mon parol koman en lofans e lo Lasosyasyon Drayver Taxi zot in pran mon parol koman en lofans lo sa ki mon ti dir e mon ti a kontan ki ou dir mwan kote politik i rantre ladan letan mon ava lir mon pti ekstre.

Sa ki mon ti pe esey fer se pour montre ki mannyer serten dimoun i oubliye, ki responsabilite zot ti annan yer e ki mannyer bann desizyon ki zot ti pran in afekte bann menm dimoun ki ozordi zot pe rod defann.  Prezan Mr Speaker mon a lir mon pti ekstre ki mon ti lir pour Leta Lanasyon.

 

MR SPEAKER

Go ahead Onorab.

 

HON SANDY ARISSOL

‘’Serten ansyen Minis ki nepli konnen ki poudir zot ti Minis.  I annan enn ki ti ansarz Tourizm in fini oubliye pourtan pa tro bokou letan ki in ganny debarke, ozordi i al koz ek Drayver Taxi pour rezourd zot problenm.  Be Msye pa ou ki ti Minis Tourizm letan ou ti les bann gro Lakonpannyen ou bann dalon met bis pour pran kliyan pour al Lasose e kit Drayver Taxi ater pe tranpe depi 4er bomaten?  Msye pa ou ki ti dan pozisyon pour fer Lotel annan Taxi Bays? Me ki ou’n fer, la ozordi ki ou’n konn sa bann dimoun e mwan anvi dir Lasosyasyon Taxi ki sa boug ek son Linyon napa ni manda pour reprezant zot Lasosyasyon.  Get byen son manda Lanrezistreman ziska sa in oubliye.’’ Sa mon pti ekstre Mr Speaker e mon ti a kontan dezyenmman dir, mon ti a kontan profite pour eksplik bann Drayver Taxi en pti keksoz baze lo zot let ki zot in ekrir zot dir “our members have joined the SLU” Mr Speaker i enportan pour bann Drayver Taxi konnen ki zot pa kapab vin Manm en Linyon Travayer akoz zot banns self-employed zot.  Zot pa parey dan bann pei kot Taxi Drayver i ganny anploye, sel Linyon ki zot kapab vin Manm se en Linyon Anplwayer.  Alor mon anvi konsey zot pour fer byen zot resers e pour zot pa les zot ganny anbete e letan mon ti pe koz lo Taxi Drayver Mr Speaker mon ti napa okenn lentansyon pour fer sabotaz.  Parske senpleman ozordi nou annan nou 422 License Taxi e nou annan nou 150 ki dan Lasosyasyon ki reprezant 35 poursan.  Mon senpleman ki mon ti anvi se sa 35poursan i ogmante pour ankouraz plis bann lezot Drayver Taxi pour zwenn me zot, zot in pran li koman en sabotaz, me mon regrete si zot pran li koumsa, Mr Speaker mon ti a kontan termin lo la.  Mersi bokou.

 

MR SPEAKER

Mersi Onorab Arrisol.  Bon nou a kontinyen avek nou travay e mon ava demann Madanm Clerk pour apel Minis Bastienne.  Mon ti a kontan dir en bonn apre midi Minis Charles Bastienne, Minis pour Labita, Lenfrastriktir avek Transpor lo Later e osi Mr Patrick Vel ki CEO pour SPTC Minis avek Mr Vel welcome dan Lasanble Nasyonal pour reponn sa Kestyon Irzan anmennen par Onorab Terence Mondon.  Mon ava demann Loter kestyon pour poz son kestyon.  Onorab.

 

HON TERENCE MONDON

Mersi Mr Speaker, bonn apre midi Minis, bonn apre midi CEO e tou dimoun ki pe ekout nou.  Mon kestyon i koumsa, swivan en lensidan Dimans le 18 Mars kot Drayver SPTC ti refize anbark 5 Endyen dan bis SPTC Takamaka an dizan ki sa bis i pour Seselwa, eski Minis responsab pour Transpor lo Later i kapab dir avek nou Lasanble; premyerman ki aksyon ki SPTC in annan lentansyon pran swivan sa lensidan?

Dezyenmman ki Polisi SPTC pour anpese ki bann aksyon zenofobi parey sa enn ki i pa ganny propaze dan nou pei?

Trwazyenmman eski SPTC i kapab donn Lasanble en Rapor lo sa lensidan dan mwens ki 2 semenn.   Mersi Mr Speaker.

 

MR SPEAKER

Mersi Onorab Mondon.  Mon ava pas la parol avek Minis Bastienne.

 

MINISTER CHARLES BASTIENNE

Mr Speaker, tou Manm Onorab e tou dimoun ki a lekout bonn apre midi.  Dabor mon oule fer kler ki Gouvernman e SPTC i totalman kondann sa lensidan swivan Rapor lo sa lensidan ki ti arive pandan wikenn, SPTC ti Lendi ver 10er bomaten ganny en konplent Ofisyel avek sa Madanm e nou, nou remersi sa Madanm pour sa.  Swivan sa konplent SPTC ti fer demars e i ti idantifye sa drayver, en Lanket in komanse e pour le moman sa drayver in ganny sispann ziska ki Lanket i konplete e mezir disipliner apropriye pour ganny pran kont sa drayver enn fwa ki lanket i konplete.

Konsernan Polisi SPTC pour anpese ki bann aksyon zenofobi parey sa enn pa ganny propaze dan nou pei.  Mr Speaker Polisi SPTC konsernan transpor piblik i kler.  SPTC i en Lakonpannyen Transpor Piblik i pa restrikte okenn pasaze lo son bann bis eksepte dan bann lensidan ki ase rar kot pasaze sou oubyen pe zoure e vin agresiv dan bis, e sa bann aksyon pe met lezot pasaze an risk oubyen an danze.  Mon met lanfaz ki manda SPTC se pour fer en servis pour tou pasaze san leksepsyon depi Seselwa koman etranze.

SPTC pe al ranforsi sa avek bann travayer espesyalman bann drayver atraver bann Training, bann Refresher Course adisyonnel pour asire en tel lensidan parey pa repete.  Lo sa note mon ti a kontan lans en lapel ki i osi responsabilite sakenn de nou pour pa toler bann aksyon parey dan nou sosyete.  Nou en pei ki akeyir tou dimoun irespektiv zot ras, kouler, Kiltir ou Larelizyon sa etranze i vin dan nou pei swa koman en viziter, oubyen koman en travayer pour donn nou en koudmen dan devlopman ekonomik nou pei.

E trwazyenm kestyon Mr Speaker, eski SPTC i kapab donn sa Lasanble en Rapor lo sa lensidan dan mwens ki 2 semen?  En lanket parey mon’n dir in komanse dan sa lensidan e si tou keksoz i al byen parey nou ekspekte nou napa okenn lobzeksyon pour nou fer Lasanble ganny en kopi Rapor swivan enn fwa lanket i konplete.  Mersi Mr Speaker.

 

MR SPEAKER

Mersi Minis Bastienne.  Onorab Mondon.

 

HON TERENCE MONDON

Mersi Mr Speaker mon kestyon ki swiv, Minis ler en drayver i manifeste son fristrasyon dan piblik e devan en volan, nou tou nou bezwen konsernen.  Alor eski Minis i kapab dir nou Lasanble si bann drayver SPTC pe ganny sa bon preparasyon pour deservi piblik a tou moman e si sa seri problenm ki drayver SPTC ti’n met devan son latansyon in ganny adrese?

Dezyenmman anvi ki Sesel in ratifye Konvansyon lo proteksyon Drwa Travayer Imigran, bann travayer etranze e lefe ki se Gouvernman ki responsab pour les sa gran nonm travayer etranze dan nou pei, alor mon kestyon eski Minis pa krwar ki son Gouvernman pa pe fer ase pour promouvwar respe mityel ek bon konprenezon lo kontribisyon bann travayer etranze pe fer dan nou pei.

E trwazyenmman’ an vi ki SPTC i anploy deza plizyer travayer etranze, eski Minis i kapab dekrir sityasyon ant travayer Seselwa e etranze kot SPTC?  Mersi Mr Speaker.

 

MR SPEAKER

Mersi Onorab Mondon.  Minis.

 

MINISTER CHARLES BASTIENNE

Mr Speaker ler, avan SPTC i anploy okenn travayer e sirtou pour dray bis i annan en Sesyon formasyon 8 a 10 semenn ki zot pas ladan kot zot vin omwen 4erdtan par zour avan zot ganny anploye.  Sa e sa bann formasyon i par egzanp konsernan Defensive Driving Skills, Customer Care ki mannyer zot pour handle kliyan e ki zot pour fer dan bann sirkonstans letan lo bis i annan bann kliyan ki pa neseserman pe behave e pe met, pour kapab fer assessment proper pour kapab determinen letan kliyan abor bis pe, petet pe met an danze lezot pasaze, konsernan road safety.  E osi pour zot konpran en pe bann Polisi SPTC an zeneral ki mannyer an relasyon tou sa i marse.  Osi, osi pour zot kapab fer serten familyarizasyon avek masin tiket parmi lezot.  So sa Training i deza ganny fer formasyon 8 a 10 semenn ki zot fer parey mon’n dir i annan Training ki pour fer avek ki mannyer pour handle kliyan.

Bon mon kapab dir petet unless zot annan zot lenformasyon, se ki sa ki’n arive sa lensidan pandan wikenn, i en lensidan ki mon krwar i ase izole ok?  E mon krwar ki nou i nou devwar, i devwar Management SPTC pour fer zot mye ki en sitasyon koumsa pa zanmen arive.  Ki swa dan SPTC ki swa dan nenport ki Lorganizasyon nou pa devret pe montre tel aksyon anver sirtou etranze akoz nou osi nou ler nou al dan pei dimoun nou pa ti oule dimoun osi fer parey avek nou.

Konsernan Konvansyon si Gouvernman pa pe fer ase?  Mon krwar ki Gouvernman otan ki posib, SPTC travay ki zot in fer se ki pour kapab pandan plizyer lannen mon krwar omwen i kapab en 15an, en 20an depi ler zot pe anploy bann travayer etranze.   Mon krwar ki zot konn tre byen poudir letan SPTC in anmenn bann transpor sorti dan Lenn sirtou bann TATA in toultan annan en contingent ki vini pour ed nou avek mechanic e tou sa.  E lenformasyon ki mon annan se ki in toultan annan sa bon lantant ant travayer SPTC Seselwa evidaman avek zot bann konpatriyot etranze.  Mersi Mr Speaker.

 

MR SPEAKER

Mersi Minis.  Okenn lezot Manm i oule, ok Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mwan apresye sa ki Minis in dir dan son larepons e petet mwan mon ti ava dir avek Minis, ok zot in sispann sa drayver me selman mon krwar ki i en Seselwa ki i osi tou i merit son bouse manze.  alors petet mon fer en pti pledwari pour li pa perdi son plas travay parske parey nou pe dir sa i en lensidan izole ki petet en koze en bon reprimann, i ava sifi pour li apre repran son travay, parske parey mon pe dir i en, probableman i en père de famille ki li osi tou i bezwen soz, me selman Mr Speaker mon osi dakor avek Minis ki fodre pa ki nou tolere sa, en latitid zenofobik ki malerezman i montre son latet dan sa lensidan.

Mr Speaker mon kestyon i al en pe lo petet latitid serten drayver SPTC, i annan en kantite problenm, nou ki drive en loto ki ba, letan ou regard bann drayver ki pe zot, zot laba anler, zot bis i laba anler zot pe drive lo full light ki ou menm si ou sey flash avek li pour dir ek li i lo full light, be li i tanpi konnen i tap ou menm.  Bann lafason ki parfwa zot drive rough spesyalman dan sa bann gran, sa ki nou apel tren kot touris i kriye; touris i kriy lasasen an desandan La Misère ensidswit.  Eski nou ti ava kapab, eski SPTC ankor enn fwa anliny avek sa lensidan pour en pe plis avek zot drayver pour ki i ava annan en pli bon kolaborasyon, en pli bon korperasyon ant SPTC avek manm piblik.  E parske tanzantan mon riye letan mon vwar lo bis i demande “ki mannyer i pe driveHOW AM I DRIVING?’’ konmsi tanzantan mon annan en diferan larepons be selman mon pa telefonn sa nimero me selman zis pour nou kapab annan sa bon latant silvouple.  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker konsernan ki pour arive avek sa drayver SPTC mon krwar ki sa nou ava les avek Komite Disipliner SPTC pour fer zot travay lo la e apre la zot a fer zot rekomandasyon apropriye avek CEO.  Zis petet mon a, mon ti pe zis rod en klarifikasyon avek CEO. Pour zot lenformasyon sa Drayver SPTC ti en part timer li, i ti en part time, i pa ti en full time Employer avek SPTC.

Apre mon krwar Onorab ou’n, ou annan en pwen Leader Lopozisyon konsernan lafason ki Drayver SPTC i drive.  Mwan mon apel sa bullying i pran diferan fason.  Be sa i en fason zot pe servi zot groser pour zot bully lezot dimoun ki dan bann pti transpor.  Mon krwar ki mon’n deza koz avek sa konsernan ek CEO e nou’n tonm dakor sa lannen nou pour entansifye bann Refresher Courses pour fer sir ki pa zis lafason ki ou koz ek dimoun, me osi lafason ki zot drive lo semen e non pa servi zot mass pour zot kapab ganny pas serten dimoun i fors zot lekor through – akoz petet pour fer per lezot road users.  E mon krwar ki sa CEO pe pran sa onboard.  E mon krwar ki definitivman latansyon i bezwen ganny donnen lo la.  Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker, Mr Speaker mon ti oule zis, mon ti oule premyerman sezi sa lokazyon pour mwan lans en mesaz avek tou dimoun ki pe ekout nou apre midi, pour tou Seselwa ki pe ekout nou, oubyen tou dimoun ki pe reste Sesel nou bezwen konpran ki nou reste dan en pei kot nou tou nou sorti dan diferan kwen lemonn nou’n vin ansanm isi e napa okenn plas dan nou pei pour annan okenn latitid swa zenofobi, swa rasis.  Mon krwar si nou annan serten fristrasyon nou sey adres nou bann fristrasyon annou regard bann eleman ki pe koz sa bann fristrasyon, me selman nou pa zanmen, annou pa zanmen komans nou bann zanfan ki pe grandi poudir sa i en fason azir ki nou devret annan.  La mon osi lans en lapel pour bann dimoun ki lo rezo sosyal mon konnen taler pour annan ki pour kritik mwan pour sa ki mon pe dir, me pe enport i bezwen ganny dir ki nou bezwen konport nou, i pa ok pour nou apel en lot frer Seselwa ‘’zako’’.  I pa ok pour nou apel en lot frer Seselwa en nenport fason.  Kritik politik en dimoun, kritik son lopinyon, me pa zanmen anmenn en kritik swa o nivo personnel swa lo fanmir en dimoun.  Mon ti a kontan zis met sa lo rikord Mr Speaker.

Zis pour kontinyen Mr Speaker mon ti a kontan demann Minis e atraver CEO par egzanp SPTC li menm li eski i annan en progranm ki oule fer pase?  Par egzanp deor ou vwar poudir bann diferan Lorganizasyon we are equal opportunities employees; nou asire ki tou dimoun i annan equal opportunities oubyen bann keksoz koumsa.  Eski SPTC i annan plan al lo en progranm piblisite swa an medya, swa PR kot zot pour sey fer pase sa mesaz zot bezwen pase ki sa i en lensidan ki’n arive izole ouswa i pa en lensidan ki zot condone, eski zot pour come out pour zot dir klerman pour ki tou dimoun i konpran poudir personn pa pe condone sa kalite aktivite?  E parey Leader Lopozisyon in dir nou pa ti a kontan sa dimoun i perdi son louvraz pour kekfwa kek fristrasyon.  Annou sey adres sa bann fristrasyon pour asire ki sa pa ariv ankor.   Mersi Mr Speaker.

 

MR SPEAKER

Mersi Onorab Pillay.  Minister.

 

MINISTER CHARLES BASTIENNE

Mr Speaker parey SPTC in fer sorti dan en kominike yer swar i regretab dan sa ki’n arive.  E mon krwar ki SPTC i bezwen fer le neseser pour nou kapab fer en pe damage control swivan sa, pou montre poudir tou son bann drayver otan ki posib la mazorite son drayver sirtou mon ekspekte drayver SPTC pa pour zanmen repet en tel sityasyon parey in arive pandan wikenn sa lensidan.  Me solman SPTC definitivman i bezwen fer serten PR pour kapab montre, demontre avek nou dimoun, reasir tou dimoun dan nou pei respective nou Seselwa ou etranze konmkwa ki i la, i en service provider pour la Kominote an zeneral.  Mersi Mr Speaker.

 

MR SPEAKER

Mersi Minis. Onorab Sebastien Pillay.

 

HON SEBASTIEN PILLAY

Mersi Mr Speaker, si prezan nou regard keksoz lo lot kote lo perspektiv bann drayver SPTC, eski SPTC ozordi i krwar poudir i pe fer tou pour asire ki zot bann drayver i santi poudir zot value the employee of sa Lorganizasyon, zot bann valued contributors dan sa Lorganizasyon?  Akoz par egzanp mon pran mon zanfan, mon pran legzanp lo mon zanfan i pran Bis Lekol pour li retourn kot lakaz e serten Drayver SPTC ki anmenn sa bann manrmay lekol, malgre parfwa i annan tapaz dan bis, sa drayver i la i fer sir sa bann zanfan i ariv kot lakaz safely.  So eski i annan en zefor ki zot pe mete osi pour ed, pour kontinyen edik piblik pa zis bann one-off, me en zefor kontinyel pour edik piblik, edik tou dimoun ki anbark dan en bis ki mannyer nou konport zot, ki mannyer nou bezwen annan respe osi pour sa drayver.  Pa akoz i en drayver bis i zis la pour dray en bis, me i osi en imen i annan serten konpasyon, i annan serten lemosyon.  So eski i annan sa zefor ki zot osi lo kote SPTC ki zot pe mete pour valoriz kontribisyon ek sa bann drayver i fer anver zot Lorganizasyon.  Mersi Mr Speaker.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker nou pa pour kapab zanmen underestimate kontribisyon ki bann drayver SPTC i fer.  Plizyer zot lev granmaten menm dan bann letan kot nou petet nou pe repoze oubyen dan bann aktivite sosyal, me bann drayver SPTC i la toultan pour zot kapab fer zot travay parey i egzize.  Me sa ki i enportan osi se ki swivan serten lensidan ki’n arive Desanm kot i annan serten demann ki bann drayver SPTC in oule kot zot oule nou donn zot en pe plis latansyon an term reminerasyon an term re aranz zot schedule.  Travay e tousala travay in ganny fer lo la, in preski konplete e nou ekspekte poudir travayer SPTC, drayver SPTC zot pour vwar poudir deplizanpli zot travay pour ganny plis valorize.  Mersi Mr Speaker.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker, bonn apre midi Minis avek CEO. Mr Speaker Minis in dir bis i pour tou piblik viziter, Seselwa.  Me ler mon pe regarde nou pe koz lo sa lensidan sa 5 Endyen mon demann, mon ti a kontan demann Minis sa i ariv en fwa ant, me i annan en lot lensidan ki i arive ki ase souvan ki mon’n vwar, se bann touris ek bagaz pa ganny les antre, eski Minis i kapab deklar son lekor lo al, si i annan en Notis ki zot kapab met lo bis poudir en serten kilo ou kapab antre or pa antre ditou.  Akoz lo Bus Stop si en touris i debarke Erport i plifere pran en bis, i kout li pli meyer marse.  Eski Minis konmsi i kapab dir swa met en Notis kot Erport ler ou annan bagaz ou pa antre dan bis or i annan en limit ki ou kapab mete.  Zis pour. Akoz sa i ase souvan li.  Mersi Mr Speaker.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker mon dakor avek Onorab.  Wi nou bezwen fer en pti pe plis piblisite lo la pour montre bann viziter ki vin dan nou pei konmkwa ki touris letan i vini avek plizyer bagaz zot kapab konpran kree plizyer lenkonvenyans lo nou bis piblik.  Nou pa anpes viziter servi nou bis, me avek bann bagaz ki ankonbran parfwa.  E CEO in dir mwan zot annan lo zot website.  Be mwan ki mon pe dir se ki mon dakor avek ou, nou devret fer en pe plis piblisite dan bann Por, Airport e tou en mannyer zot ava aware depi le moman ki zot met zot lipye lo nou later.  Wi.  Mersi Mr Speaker.

 

MR SPEAKER

Mersi Minis.  Onorab Aglae.

 

HON EGBERT AGLAE

Mersi Mr Speaker, bonn apre midi Minis ek ou delegasyon, Minis mon kestyon i pran konteks ki parey dan tou Departman i bezwen annan bann Rules and Regulation, eski ou pe satisfer ou tout an prenon kont ki ou’n rekonnet sa travay imans ki bann drayver pe fer pour rann sa servis.  Akoz i annan serten konsern ki souvan ganny met devan i, la in ariv avek sa bann Endyen.  I annan konsern osi ki arive ki parey zanfan lekol ki ganny kit ater sirtou ler zot al fer bann extra curriculum aktivite apre ler.  Osi mon’n rekonnet ki i annan manm piblik ki pa pe neseserman konport zot byen lo, ler zot antre dan bis swa zot sou, swa i annan bann lensilt ki ganny fer dan bis.  Eski a sa moman letan ou santi poudir sa travay ki SPTC pe fer pour sansibiliz lepep Seselwa ki servi sa bis pe ganny fer, ki osi bann drayver an retour zot ganny zot sa respe ki zot demande, ki zot bezwen dan sa servis.  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker mon krwar se ki SPTC pe deza fer, me selman i pa zanmen ase.  Mon krwar ki le moman sakenn i konn son responsabilite ki sa manrmay lekol, ki sa travayer ki drayver SPTC, sakenn i kler drayver SPTC an term Regilasyon, an term Polisi ki i annan an plas then zot devret deservi zot travay dapre Polisi ki i annan an plas.  E mon konsyan poudir travay, i devret annan en pe plis travay ki ganny fer vizavi bann lezot commuters ki servi bis.  Mon konnen serten diskisyon, serten Onorab ti pe fer avek CEO SPTC vizavi serten lezot issues ki i annan pour fer avek manrmay lekol ki i anba laz eksetera ki konteks paran i antre.  Sa i sa bann keksoz bann ledikasyon parey ki mon krwar SPTC i devret fer en pe travay lo la.  Mersi Mr Speaker.

 

MR SPEAKER

Mersi Minis.  Onorab Aglae.

 

HON EGBERT AGLAE

Minis baze lo ou larepons eski SPTC an se moman i annan li en pti progranm kot i konsern bann pti refresher kot i konsern ethics kot zot zwenn ek zot bann drayver pour, ou konnen par ler ou bezwen sa bann pti refresher pour remind ou, ou lobzektif ki ou annan pour fer pour sa lakonpannyen, eski zot annan sa?  Mersi

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker parey mon’n dir se ki SPTC i fer Refresher Course ki swa lo laspe teknik drive, i osi lo laspe Customer Care ki mannyer pour handle dimoun etik e tou.  E dapre sa ki mon aprann avek CEO in ganny fer omwen 1 fwa par an prenon kont poudir nou annan nou omwen 250 drayver e petet CEO ek son Management Team i a vwar, si i a vwar nesesite pour entansifye sa pour fer li petet fer, olye fer 1 fwa petet 2 fwa dan en lannen, zot ava vwar e la apre lesey a ganny fer.  Me anfen kont sa ki enportan se ki Management SPTC pour bezwen fer sir poudir SPTC dabor i donn sa servis ki tou nou ekspekte.  E definitivman son nivo servis i a la oter an term la fason ki nou deal avek bann manm piblik e tou nou bann commuters ki servi servis SPTC.  Mersi Mr Speaker.

 

MR SPEAKER

Mersi Minis.  Bon si napa personn ankor ki pe demann kestyon.  Ok mon annan 2. Onorab Afif.

 

HON AHMED AFIF

Mersi Mr Speaker.  Mr Speaker mon ti a kontan demann Minis si i kapab donn nou en pe lenformasyon lo sa bann nimero ki zot mete pour dimoun telefonnen, ki frekans ki zot pe ganny bann call ki dimoun pe raporte?  Parske enn bann konplent ki nou gannyen se ki dimoun i call, me personn pa reponn sa bann limero.  En lot konplent se ki menm kot traffic light par ler i annan bann bis ki pase menm i rouz akoz zot gro, zot overtake bann loto e ankor ler zot call sa bann limero zot pa pe ganny okenn larepons.  Si ou kapab donn nou en pe klarifikasyon si sa bann nimero i marse, konbyen konplent zot gannyen?  Mersi.

 

MR SPEAKER

Mersi Onorab Afif.  Minis.

 

MINISTER CHARLES BASTIENNE

Mr Speaker, wi sa nimero SPTC la i marse, CEO i dir mwan zot ganny omwen 10 a 15 call par zour.  Normalman i ale ziska 9er diswar.  Me selman si ou oule en statistik en pe pli konkret mon krwar ki SPTC avek permisyon Mr Speaker a kapab donn sa Lasanble.  Me selman wi sa nimero i marse kot dimoun i kapab fer konplent, ki arive apre, then mon krwar SPTC i bezwen donn en Feedback Sistenm pour li kapab get back tou nou bann dimoun pour dir wi, wi mersi pour sa konplent, sa konsern ki ou’n anmenn a nou latansyon e nou pe pran aksyon apropriye oubyen nou’n pran aksyon apropriye pour nou fer sir ki i pa ganny repete.

E mon krwar se bann keksoz parey ki pour kapab ed nou met en pe plis disiplin si i annan serten mankman kot nou bann drayver i konsernen. Pa bliye laplipar nou bann drayver nou napa problenm avek, sa ki mwan aprann, me selman i kapab annan serten ki pour run the red light ki apre i kapab koz en fatalite nou pa zanmen konnen.  Me nou priy Bondye pa zanmen arive.

Me selman mon krwar poudir avek nou prezans dan Lasanble ozordi SPTC in realize poudir i annan ankor en pe plis travay pour fer vizavi ledikasyon avek zot bann drayver.  Mersi Mr Speaker.

 

MR SPEAKER

Mersi Minis.  Onorab Larue.

 

HON FLORY LARUE

Bonn apre midi Minis, bonn apre midi tou dimoun.  Mersi Mr Speaker.  Zenofobi dan nenport ki form i pa akseptab.  E mon krwar nou koman en Nasyon ki melanze nou devret gard sa toultan antet.  Me selman la vi ki nou pe koz lo servis bis spesifikman dan Dimans i deza en servis ki limite pour sitwayen Seselwa kapab deplase e i annan bokou presyon lo SPTC pour delivre en servis efikas dan Dimans, akoz i annan mwens servis ki ganny delivre.  Lefe ki i annan en gran popilasyon travayer Endyen e etranze isi o Sesel eski zot in pran an kont bann problenm ki pe arive mon’n ganny enformen ki souvan dan Dimans, bis i ganny ranpli letan sa bann dimoun i deplase pour al fer lwazir, pour al lo lans.  Eski Minister, eski SPTC in regard lezot Departman, lezot Minister pour demann lasistans, pour vwar ki bann Lakonpannyen prive ki i annan bann gran group travayer i kapab ed zot travayer by donn transportasyon dan Dimans.  Akoz sa i pe vin en presyon lo servis piblik pour dimoun ki al travay dan Dimans.  Eski sa in ganny mete a zot latansyon?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker lenformasyon ki mon annan avek SPTC se ki pour le moman i pa neseserman en problenm ok?  Se ki wi bis, servis bis i available e SPTC dapre zot assessment si zanmen i annan nesesite pour ogmante pour plizyer okenn rezon, then zot fer li.  Me selman mon krwar Onorab in fer sorti en pwen valid ki anmezir nou ale SPTC i ava evalye prenon kont presyon resours si i annan nesesite pour antre an diskisyon avek bann Lakonpannyen konsernen sirtou dan bann lokasyon parey dan letan Dimans oubyen dan zot bann letan festivite pour zot kapab provide zot transpor lo zot kote.  Me selman an se moman sirtou dan bann Dimans SPTC in met mwan okouran i pa neseserman en presyon as we speak ozordi.  Mersi Mr Speaker.

 

MR SPEAKER

Mersi Minis, bon avek sa nou fini kestyon pour Minis Bastienne.  Minis nou ti a kontan remersi ou avek ou, CEO SPTC Mr Patrick Vel e nou ti ava eskiz ou dan Lasanble.  Mersi Minis.

 

(MINISTER BASTIENNE AND HIS DELEGATON WAS EXCUSED FROM THE HOUSE)

 

MR SPEAKER

Bon nou ava kontinyen avek nou travay ki lo Order Paper.  E prosennman nou annan en Mosyon, Mosyon table par Onorab Gervais Henrie, Manm pour Mont Buxton e mon ava demann Onorab Henrie pour li prezant son Mosyon.

 

HON GERVAIS HENRIE

Mersi Mr Speaker, bonn apre midi tou koleg Onorab e bonn apre midi tou bann dimoun ki pe swiv deliberasyon Lasanble Nasyonal pour sa Mardi.

Mr Speaker depi ki 6enm Lasanble Nasyonal in komans son travay an Septanm 2017 nou’n lev plizyer konsern otour Seychelles Trading Company oubyen STC parey tou dimoun i konn li, nou konsernen ki STC pe vin tro gro e pe al an deor son manda.  Si sa i kontinyen nou konnen se ki konsonmater ki pour pey les pots cassés.

Koman MNA nou anvi donn en koudmen trouv solisyon e an fezan sa ede fer desann pri lavi, nou konn tre byen ki manda STC se pour garanti sekirite alimanter, sa i vedir ki a tou moman pei i annan ase manze esansyel pour en peryod letan, STC i osi ekspekte garanti ki pri komodite de baz i reste abordab; setadir pli bon marse posib ki komodite de baz i aksesib; setadir i pli pre posib avek konsonmater e finalman ki donn en louvertir ou en marse, bann prodikter lokal.

Nou konsyan ki laplipar lenstans Board avek Management STC in esey zot mye pour akonplir sa bann misyon, me parey nou dir, bon pa vedir le meyer.

Mr Speaker LDS pe anmenn sa Mosyon, akoz nou krwar ki STC fodre ganny re dirize lo son manda orizinal.  Nou pe demande ki i annan plis Disiplin fiskal dan sa lakonpannyen, me pli enportan i bezwen annan latransparans dan loperasyon STC.  Sa ki nou anvi se evantyelman vwar konsonmater Seselwa sorti koman venker, Mosyon i lir koumsa.

Avek bi pour fer desann pri lavi dan pei, Lasanble Nasyonal i demann Gouvernman pour sanz model biznes STC afen ki i kapab redwir son kou loperasyon, ankouraz bon konpetisyon lo marse avek bi fer desann pri marsandiz e donn Seselwa en meyer deal posib dan en pli kourt dele posib.

STC ti kree an Mars 2008, sa ti pandan bann premye faz tranzisyon Ekonomik Sesel avan Reform Ekonomik pour separ Fon Monneter Enternasyonal IMF an Novanm 2008 letan Roupi ti devalye.  I ti ranplas SMB e son vizyon i dir i anvi vin Lakonpannyen Komers pli avangard dan Sesel.  Pour li reisi fer sa STC i dir son misyon se pour fourni prodwir avek servis ki a la porte tou lakour dan Sesel, i oule depas lekspektasyon son bann partenaire.

E trwazyenmman i oule ganny sipor en lafors travayer ki angaze e profesyonnel.  Mr Speaker Lakonpannyen Komers pli avangard pa vedir en rediksyon dan kou loperasyon e pri pli meyer dan marse.  Pas lekspektasyon ou bann partenaire biznes pa vedir en rediksyon dan kou loperasyon e pri pli meyer marse.  E annan sipor lafors travayer ki angaze e profesyonnel pa vedir en rediksyon dan kou loperasyon e pri pli meyer marse.  Pa oubliye i tre senp sa ki sa Mosyon pe demande; ki Gouvernman i rekonsider model biznes STC e ki sa lakonpannyen i redwir kou son loperasyon.

Dabor ki model biznes STC ozordi, ozordi i kler ki STC i enplike dan tro bokou diferan kalite biznes ki lwen avek son manda orizinal.  I enport materyo konstriksyon, i prodwir papye twalet; i enport lalkol, i dan biznes Duty Free, i lwe Lasal Konferans, i lwe Lasal avek bann aktivite divertisman e i prodwir dite an bal – kafe enporte.  I vann zouzou; zafer lakaz, lesans, liv, materyo edikasyonnel, akseswar pour zarden e menm annan en pti Restoran avek kafe Hypermarket.  Sa i fer ki STC i oblize annan en gran lafors travayer 730 an tou ki enkli 16 etranze.  STC alor i bezwen fer son loperasyon dan plizyer lokasyon. Ozordi mon kapab kont ziska 17 landrwa – 17 kot STC i sitye ki enkli Lofis, Supermarket, Warehouses, Faktori, Boulanzri, Lasal Konferans, Klib 55, eksetera. Dan sa 18 lokasyon i pey rent lo 9 propriyete a en sonm R2. 733.70 milyon par mwan, sa i ariv en total R32. 796. 840milyon par an.  STC  pe osi pey Bay, sa ki nou apel Lease an Angle lo 4 Propriyete a en kou R747. 200mil par mwan.  Alor ki mannyer STC i kapab redwir son kou loperasyon? Pour reponn sa kestyon i enportan ki nou regard en pe bann depans mazer sa Lakonpannyen Mr Speaker, sa ki pour ed nou fer sa se bann Rapor Finansyel anyel STC ki’n pibliye depi 2009 ziska 2016. Dabor valer prodwir avek servis STC oubyen son turnover in ogmant par 49.31poursan ant 2009 a 2016.  Sa sif in sorti R733.411.856milyon pour ariv par lao R1.95.55.990bilyon.  Me annou pa les sa gro sonm par lao R1bilyon tro enpresyonn nou.  Sa ki enportan se pour regard son profi apre tax, apre son premye lannen loperasyon an 2009 STC ti raport en profi R35. 228. 827milyon ki ekivalan 4.8 poursan son turnover ki ti par lao R733milyon an 2009.  7an plitar an 2016 STC in raport en profi R18.378.735milyon ki reprezant selman 1.68poursan son turnover ki ti’n sot R1 bilyon.  Ki mannyer STC in grosi koumsa dan selman 10an kan ler direktiv Gouvernman an 2008 ti dir ki STC i bezwen adapte dan sa nouvo klima ekonomik par konsantre lo son bann rol prensipal ki mon a repete vann komodite de baz a en pri abordab e pli pre avek kominote.

Kou loperasyon; en landrwa kot sa lakonpannyen pe ganny gran difikilte pour egzers kontrol, se atraver son kou loperasyon.  Permet mwan pran detrwa legzanp bann gro depans STC.  Son kou elektrisite avek delo ant 2009 a 2016 in ogmant par 108.71 poursan.  Sa sif in sorti R13. 350. 531 milyon an 2009 pour ariv R27. 864.130milyon.  Zis son kou total pour 2016 i vedir ki par Mwan STC ti pe pey an mwayen R2.3milyon pour son bill delo avek elektrisite par mwan.

Ki zefor STC in fer pour redwir pour redwir sa sonm, pourtan i annan bann langar ki ti’n kapab servi pour enstal bann pano soler anler lo la e fer gran lekonomi dan son bill elektrisite.  Mr Speaker fodre note ki Hypermarket ti ouver le 2 Oktob 2015.  An 2015 kou total elektrisite avek delo STC ti ariv R24. 456. 306 milyon oubyen R2. 38. 225 milyon par mwan.  1an plitar apre louvertir Hypermarket, son bill elektrik avek delo ti mont par lao R3. 407. 824 milyon.  Sa i vedir ki an mwayen i ti trouv li avek en logmantasyon R283. 985mil par mwan.  Dan mon resers mon’n vwar menm si ki i annan 15 lokater an total dan sa batiman kot Hypermarket i ete, sak sa bann lokater napa sa sakenn son prop meter delo avek elektrik.  Alor eski STC tousel ki pe pey utilities pour zot tou?

Apre i annan osi rapor ki zot bann lenfrastriktir refrizerasyon avek cold store i pa an bonn eta.  Sa i ganny zere par Sociéte Seychellois Lenvestisman ki li i contract out tou travay maintenance.  Leta aktyel sa bann lekipman pe anmenn en kou konsekan pour STC.  Son kou telefonn avek fax in reste preski konsistan dan sa menm peryod setadir depi 2009 ziska 2016 e i pey an mwayenn R200, 000 par mwan.  Kou pour mentenir son laflot transpor, kou transportasyon ek karbiran i anviron R9milyon par an oubyen R750, 000 par mwan.

Landrwa kot mon konnen pe kapab annan gaspiyaz larzan Mr Speaker i dan peyman lokasyon, Sekirite, piblisite avek promosyon sa ki STC i kategoriz koman lezot depans san donn tro gran leksplikasyon dan son Annual Financial Statement.

Annou regard Sekirite; kou pour servis Sekirite pour STC ant 2009 a 2016 in ogmant par 432.07 poursan.  Sa sif i sorti R1. 184, 105milyon an 2009 pour ariv R6. 300. 26 milyon an 2016.  STC an se moman i pe outsource tou son bann Kontra Servis Sekirite avek en total 12 lakonpannyen ki enkli Ace, Shield, General, Sharp, First Response, Alliance, Blue Owl, XWO, MARPOL, Strong Hold, Eagle, avek La Digue Security.

        Piblisite avek promosyon; an term piblisite avek promosyon zis an 2016 sa lakonpannyen in depans li en sonm R4. 25. 810 milyon – en sonm konsiderab me ki pa neseserman pe anmenn tro gran keksoz ler ou tenir kont ki tou dimoun i konnen what STC is all about.

I vann ponmdeter avek lantir alor akfer bezwen fer lavertisman lasyet fayans?  Kou alokasyon pour STC ant 2009 a 2016 in ogmant par 752.91 poursan.  Sa sif i sorti R5. 668.772 an 2009 pour ariv R48. 349. 386 milyon.  Son kou total pour 2016 i vedir ki par mwan STC ti pe pey an mwayenn R4 milyon pour son alokasyon.

Fodre note ki Mr Speaker ki tou son kou total alokasyon, ti ogmant par R16. 908. 507 milyon an 2015 par lao sif 2014.  Sa ti apre louvertir Home Wares And Building Material  lo Laveni Bois de Rose an Septanm 2014.  1an plitar louvertir Hypermarket sa menm kou i ogmant par R2.382. 61 milyon.  Sa i vedir dan lespas 2 an ant 2014 a 2016, STC i vwar en logmantasyon R38.290. 628milyon, prensipalman akoz 2 lokasyon; Home Wares And Building Materials Depot avek Hypermarket.

Mr Speaker pour kontinyen mon oule enform Lasanble lo serten kou alokasyon ki STC pe peye par mwan. Pour landrwa reste serten travayer par mwan i ariv R72mil oubyen R664mil par an.  I enportan note ki dan sa sif R45mil par mwan i zis pour alokasyon lakaz pour 4 travayer lo La Digue.  Touzour La Digue i pey Mr Gregoire Payet R60mil par mwan pour Supermarket.  I osi pey Gouvernman en sonm R108, 720 pour lokasyon La Digue Wholesale and Building Materials lo kare later LD 1,095.  Lo Praslin – enn i pey Fon Pansyon en sonm R10, 902 pour Praslin Gift Shop; dezyenmman i pey Fon Pansyon en lot sonm R29, 522mil pour Supermarket.

Trwazyenmman Mr Speaker par lao sa sonm i annan en lot sonm ki i peye ki i ariv R33, 660mil ki i peye tou le mwan pour lease 2 morso later PR 6077 e PR 6078 lo Ile Eve Praslin ki sipoze servi pour konstrir son prop Warehouse.  Zis pou rapel Lasanble ki an Out 2013 ansyen CEO STC ti anonse ki sa Warehouse avek Supermarket, ti pou’n fini konstrir dan 2 a 3an.  La nou’n ariv 5 an plitar.

Lo Mahe Mr Speaker, STC i pey (1) R5,820 par mwan pour kare later V1927 ki sa Carpark kot ansyen Supermarket anvil.  (2) i pey R70mil par mwan pour sa Supermarket Grand Anse Mahe.  (3) i pey 2 lokasyon dan Orion Mall – premyerman en sonm R24, 500 pour lofis son Supermarket avek en lakonpannyen ki apel R, Four R Estates e sa four i ekri parey an Angle “F, O,U, R”.  E dezyenmman i pey R240mil pour Supermarket avek lakonpannyen RR Estates.  E zis pour enform Lasanble ki sa 2 lakonpannyen i pour menm propriyeter ki Raja Ramani ki propriyeter sa 2 lakonpannyen.

Katriyenmman – son pli gro sonm i pey Bois de Rose Investment pour Hypermarket R1.471. 563milyon par mwan ki ekivalan R49mil par zour.  Mr Speaker sa ki pli enteresan mon’n anmas pour dernyen.

Senkyenmman en sonm R823, 333mil par mwan pour lokasyon son materyo konstriksyon lo Lari Bois de Rose.  Sa propriyete ki sitye lo morso later V10104 ti pour Gouvernman Sesel, me depi le 19 Zen 2013 Parti Lepep in pran en Bay lo la e ozordi konsonmater STC i pey Parti Lepep R823, 333mil par mwan.  Mon dir “shame, shame, shame on you Parti Lepep!”.

Lontan LDS pe dir ki sa parti pe kontribye lavi ser Sesel, rann sa morso later ozordi menm e ase fer Seselwa mizer!

Lafors travayer an 2008 ansyen Prezidan Michel ti dir ki STC pour bezwen restrikte grander son lafors travayer.  Me depi 2009 ziska 2016, larzan ki sa lakonpannyen in depanse lo benefis avek lezot depans pour travayer in ogmant par 239.57 poursan.  Sa sif in sorti R36. 858. 866milyon pour ariv R125. 162.969milyon.  Bann gran logmantasyon dan benefis avek depans lo travayer, in vin an 2013, sorti 59 milyon pour ariv 84 milyon an 2014.  Apre sa sif in sorti 101 milyon an 2015 pour ariv 125 milyon an 2016.  La fodre fer remarke ki apard Trezyenm Mwan Saler ki STC ti peye an 2015, a en sonm 3.5 milyon travayer ti osi ganny performance bonus pour en sonm R9milyon, menm zafer an 2016.  Pou Trezyenm Mwan Saler, STC ti pey R5.7milyon e osi 7.8milyon pour performance bonus.  Mr Speaker zis 9.47poursan sa anviron R7,710 travayer bann lakonpannyen Paraetatik ki’n benefisye alor atraver en tel desizyon.

Mr Speaker nou rapel ki dan son Larepons lo Mesaz Leta la Nasyon Dirizan Lopozisyon ti rapel nou ki nou’n deza ganny dir ki i annan plis lanplwa ki nou annan dimoun.  Alor Gouvernman i devret fer en bon analiz lo grander e lafors travayer STC.  An ka Reform zot merit ganny mete dan bann Kour Formasyon pour zot nabou antre dan nouvo Lanplwa san ki zot perdi en sou lo zot lapey oubyen trouv zot dan lanplwa pour en sel zour. Dirizan Lopozisyon in deza propoze.  Nou osi pa vwar akoz STC i devret annan Cashier, Floor Manager, Store Manager e Drayver Forklift etranze.  I enportan nou regard rol Gouvernman dan STC.  Ozordi Gouvernman i bezwen admet ki i annan en rol direk pour zwe dan sa gro kou loperasyon ki STC pe fer fas avek.  Bann kestyon nou merit pe demann nou lekor, se eski formil ki SRC pe servi pour takse bann prodwir manze dan Por,  ki i baze lo cost, Insurance avek freight oubyen CIF, i merit ganny revize e plito baz li lo valer sa prodwir kot i sorti orizinalman.  Eski bann tarif 50 a 60 poursan lo serten prodwir parey zannannan ki fermye Seselwa pa kapab prodwir an gran kantite, i merit kontinyen pe ganny aplike letan STC i fer vini sa bann menm prodwir? Eski Gouvernman i merit konsider agrandi sa lalis komodite de baz ki STC i enporte, pour ariv ziska omwen 50 a 60 prodwir parey Leader Lopozisyon in deza sizere.  Sa lalis a kapab enkli dantifris, sanitary pad, dile likid, pampers, corn flakes eksetera.

I osi i annan sa ki nou apel bann prodwir no frills aletranze.  Letan ou aste li ou pa pey son packaging ki souvandfwa i fer bann prodwir ser, me ou ganny menm kalite prodwir.  Eski sa ankor i bann desizyon Polisi ki Gouvernman i merit ankouraz STC pour al ladan?  Lo pri ki STC pe pey Land Marine, ki Gouvernman li menm, i annan par ladan oubyen Shares, eski lentere konsonmater ti ganny pran an konsiderasyon, letan desizyon ti pran pour ogmant pri par container pour vin R5,000 pour container 40 pye e R2, 500 pour clear en container 20 pye?  An adisyon son freight charges, Shipping Line i enpoz en lot sarz $120 Dolar pour en container 20 pye e $240 Dolar pour en container 40 pye.  Shipping Agent Lokal i enpoz R460 lo enportater pour enportater kapab pran zot container lo Por.  I kout R150 pour met bann lenformasyon électroniquement pour kapab ganny Manifest dan sistenm ASYCUDA.  VAT i ganny sarze lot tousala.

Land Marine i sarz R200 pou konnekte e dekonekte kouran.  I sarz R500 par zour pour en container 20 pye e R1, 000 par zour pour en container 40 pye pour kou elektrisite. Tousala i bann kou ki ganny pase lo konsonmater e STC koman en Enportater i ganny afekte par sa bann menm kondisyon parey lezot.

Lavenir Mr Speaker; mon’n met plizyer sif devan Lasanble ozordi ki klerman montre ki kou loperasyon STC i o, si i pa eksesiv.  Mon pe swete dan deba ki swiv bann analiz pli detaye a ganny fer lo sa bann sif,.  LDS i konsyan ki STC pe fer a lafen ki konsonmater lo sa 3 zil prensipal pe kapab ganny serten benefis.  Me parey mon’n dir pli boner, si sa ki zot pe fer i byen, aprezan nou pe anvi dir zot fer ankor pli byen.  Nou oule vwar kou loperasyon redwir; nou oule vwar gaspiyaz koupe.  An term stok ki STC i bezwen write-off par an Mr Speaker,  sa i pe ariv an mwayenn R8 milyon.  Enn bann rezon i akoz son prodwir a lafwa pe sorti La Chine  ek L’Europe ki pran 30 zour pour ariv isi par bato, Sud L’Afrique 20 a 25 zour.  Kan fri e legim i ariv lo Por in maf e i bezwen ganny zete.  Gouvernman i bezwen akseler demars pour enport dan bann pei pli pre ki Prezidan Faure in vizite ki enkli Sud L’Afrique, Kenya, L’Éthiopie, Sri Lanka, Lenn, avek Les Emirats, Arabes Unis dan sa dernyen 18 mwan.

Leader Lopozisyon in demande akoz ki Air Seychelles oubyen ki lakonpannyen pa ti a kapab al dan biznes en pti Avyon Kargo pour deservi nou pei.  Gouvernman i bezwen akseler plan pour aste komodite lo marse enternasyonal an gro avek Maurice.  Zot rapel sa propozisyon apre vizit Prezidan Faure ki Speaker ou osi ou ti form parti sa delegasyon.

Minister Finans i bezwen akseler sa Internal and Operation Audit dan STC ki Minis Finans ti promet dan son Ladres Bidze 2018.  Nouvo Board ansanm avek Management STC e Minister Finans, i bezwen pran kont bann sizesyon nou Lasanble pe met de lavan ozordi.  Nou sirtou konsernan avek nivo profi ki kontinyen redwir dan STC an mezir ki letan i pase, me ler son turnover i kontinyen grosi.  An 2016 par egzanp son profi apre tax ti reprezant selman 1.68 poursan son turnover.  Sa i en sityasyon enkyetan pour lavenir sa lakonpannyen akoz nou pe demande ki mannyer i pour re envestir dan bann lenfrastriktir parey Warehouses ki i pour bezwen.

Avek devlopman nouvo semen dan Victoria par egzanp i tre probab ki bann langar STC pour bezwen bouze kot i ete aktyelman lo Lari Latanier kote i pour ale alor? Eski i pa’n ler pour konsider en model biznes kot tou loperasyon STC i baze lo en sel lokasyon? Kot Hypermarket i ete par egzanp i en opsyon i ase gran, li STC tousel Gouvernman petet i merit konsider donn li sa landrwa, alor i ava aret pey sa sonm ki mon’n site koman rent, bann lezot operater ki la prive, sorry zot a bezwen rod en lot landrwa me ki STC li i ava annan en sel landrwa ki pa pour bezwen pey rent, son kou loperasyon alor i ava tonbe.

I osi annan sa 3 morso later V10104, V18998 e V18,999 ki tou le 3 pe ganny lease avek Parti Lepep lo Bois de Rose i en lot opsyon.  I ase gran la pour ki tou bann operasyon STC i kapab ansanm a mal get sa bann plot e fer li vin en sel.  Mr Speaker nou’n osi atann koz bokou lo lavant Shares dan bann Lakonpannyen Leta tou dernyerman.  Eski pa’n ler pour konsider donn sak Seselwa, mon pa’n dir vann la mwan, mon’n dir donnen, donn sak Seselwa ki pe travay ozordi en Par dan Lakonpannyen STC.  Si i annan an plis prezan bann ki kapab afford i ava aste, me pour konmanse tou Seselwa ki pe travay i ganny en Share.  Sa i a fer ki sak Seselwa a vreman santi ki i annan Par dan STC, i ava annan en sans Lwayote e alor depans son larzan kot STC e dan son bann Franchise atraver nou bann zil.  Koumsa profi STC a ogmante koman Seselwa nou a re ganny kontrol nou Lendistri Komers ki trakas bokou dimoun ozordi dan lanmen lekel i ete, e legzistans STC enn fwa pour tou ava dan vre lentere Seselwa.

Mr Speaker en lot sizesyon i se ki Gouvernman i merit konsider lavantaz e dezavantaz merge loperasyon SEYPEC ki li i fourni pei avek karbiran e lezot prodwir baz pétrolière ki dayer i en lakonpannyen profitab e Gouvernman pe konsider vann 20 poursan par sa Lakonpannyen avek piblik ansanm avek STC ki li i a konsantre 100poursan dan komers manze e pa okenn lezot keksoz vann lasyet fayans ouswa dibwa avek siman.  Profi SEYPEC a ede balans la pert ou profi minim ki STC i fer, me a lafen lazournen konsonmater pour ganny proteze kont pri egzorbitan e sekirite manze pour pei pour garanti.

Mon osi sizere Mr Speaker, ki kan Rapor Finansyel anyel STC pour 2017 a sorti plitar sa lannen, ki Komite Finans e Kont piblik nou Lasanble FPAC i pran en lentere partikilye dan sa Rapor e pou zwenn avek Board e Management STC pour demann bann kestyon tre spesifik, ki ler nou al get Rapor Finansyel STC ozordi nou pa vwar an nwar e blan.  Bann kestyon tel ki; sours ki i aste bann prodwir?  Atraver lekel Lazans ki sa bann prodwir i ganny fourni, detay zot payroll e okenn prosedir Tender ki STC i fer Sesel ou aletranze eksetera.  Sa i a ede met ankor plis laklerte lo detay loperasyon sa lakonpannyen piblik.  Nou pe demande ki Seselwa i ganny en meyer deal posib dan en pli kourt dele letan posib.  ,on krwar di-si le 30 Zen 2018 i rezonnab ki nou atann en plan kler sorti kot nouvo Board e Management STC lo size Reform pour koup gaspiyaz, redwir kou loperasyon, ogmant konpetisyon e fer desann pri lavi.  Avek sa Mr Speaker mon move ki Lasanble i aprouv sa Mosyon e ede fer en diferans dan lavi tou Seselwa, sirtou atraver fer desann pri lavi bann Seselwa ki nou isi anndan nou reprezante.  Alor mon prezant sa Mosyon avek Lasanble Nasyonal.  Mr Speaker mersi.

 

 

(APPLAUSE)

 

MR SPEAKER

Mersi Onorab Henrie.  Bon Mosyon ki lir “Avek bi pour fer desann pri lavi dan pei Lasanble Nasyonal i demann Gouvernman pour sanz model biznes STC, a fen ki i kapab redwir son kou loperasyon, ankouraz bon konpetisyon lo marse avek bi fer desann pri marsandiz e donn Seselwa en meyer deal posib dan en pli kourt dele posib,” in ganny table, i met maintenant devan Lasanble Nasyonal.  Okenn Manm ki segonde?  Onorab Esparon.

 

HON REGINA ESPARON

Mersi Mr Speaker.  Mon segonn sa Mosyon.

 

MR SPEAKER

Mersi Onorab, ou anvi entervenir?

 

HON REGINA ESPARON

Mon anvi entervenir wi.

 

MR SPEAKER

Go ahead Onorab Esparon.

 

HON REGINA ESPARON

Mersi Mr Speaker, sa Mosyon ki devan nou anmennen par Onorab Henrie pe demande ki Gouvernman i sanz model STC a fen ki i kapab redwir son kou loperasyon, ankouraz bon konpetisyon avek bi fer desann pri marsandiz e sa dan li menm i a donn Seselwa en meyer deal posib.

Mr Speaker mon’n segonn sa Mosyon akoz mon vwar ki i annan son merit.  Ozordi partou kot ou pase sa size pri lavi i in en Topik Diskisyon akoz i tous lavi tou Seselwa.  Yer swar menm dan Konferans Lapres avek Prezidan sa topik pri lavi ti leve e mon kontan ki Prezidan in dir i pour ekout deba e i a gete dan ki direksyon i ale.

STC ti ganny konsevwar avek bi fer sir ki prodwir de baz i toultan annan a en pri rezonnab, zisteman pour protez sa kous popilasyon ki pli vilnerab dan sosyete.  Me ki nou’n vwar?  Ptitapti STC in al ver en direksyon enport lezot marsandiz e nou’n vwar ki pri in kontinyen monte.  In antre dan konpetisyon ek lezot Marsan e ozordi in vin en outlet ki pa neseserman bon marse.  E tou dimoun in realize ki STC in vin en outlet ki ser e i pe nepli pran zentere malere parey nou dir dan term Kreol.  Tandis ki i annan lezot outlet parey kot Kannus, kot Deenu’s e lezot ki serten zot komodite i pli bon marse ki kot STC.

Mr Speaker nou’n vwar kot STC in gradyelman antre dan konpetisyon pa zis lo lenportasyon manze ek materyo konstriksyon, me i osi enport bann prodwir deluxe, i enport cosmetic.  I dan Duty Free nou’n vwar bann gro lisyen sifon, i enport tou kalite keksoz ozordi, i vann karo, toaster, boulwar selman son garanti i kot Abhaye Valabhji.  Eski sa i neseser? Eski pour sa ki i ti ganny kree?

Mr Speaker ler STC ti ganny kree sa lepok, kot i ti komanse i ti anba SERECO, apre in vin SMB Seychelles Marketing Board e la aprezan STC Seychelles Trading Company.  Son mission Statement ti “to be reliable and successful Trading Company” e son slogan sete “We value your trust.” Ozordi mon demann mon lekor oubyen ti a bon demann STC – konbyen kliyan ki ou krwar i ankor pe met son konfyans dan ou lakonpannyen? Oubyen konbyen kliyan ki ankor trust STC ozordi?  Sa ti en lepok kot zot ti krwar ki STC pour, kot zot ti krwar ki avek STC zot pour ganny sa ki meyer, sa lepok zot ti krwar ki wi i pour mentenir son lobzektif pour fer sir ki pri komodite i reste a en pri ba e abordab pour sa enn ki pli vilnerab.  Ozordi tousala in sanze.  E dan milye tousala sepa sa pti pwason ki pe benefisye, me bann gro pwason ki bann middlemen dan sa lakonpannyen ki pe ranmas tou profi ki ti pour retourn kot konsonmater oubyen al dan kof Gouvernman.

Mr Speaker larealite ozordi se ki i annan 40 poursan Seselwa ki pe viv anba laliny lapovrete dan Sesel.  Sa ti ganny pibliye apre ki en survey ki Gouvernman menm ti fer e sa i apre ki Gouvernman SPPF, Lepep in la O Pouvwar pour 40an kot zot in anmenn sa pei lo koray e ozordi sa pep i viv dan lensertitid pour rode ki meyer, pour rod sa ki meyer e sa ki abordab.  Ler sa merd fanmir in fini travay son traka pa zis sa bis R7, me son pli gro traka se ki mannyer i triyange pour met manze lo lasyet son fanmir.  zot dir li marsande pou ganny sa pli bon marse e valer pour son larzan, konbyen i pour depanse pour al rod pli lwen?  Ler i fini kont tou sa laboutik sa pri ki pour pete pour son deplasman i kout pli ser ki i ti pou’n peye dan en magazen pli pre ek li.  Mr Speaker se pa marsande ki pou fer desann pri lavi.  Nou bezwen rod lezot mekanizm ki pour benefisye tou dimoun, ozordi en lorganizasyon ki ti ganny kree pour sof gard nou pri marsandiz de baz in vin enn ki pa selman fer monte pri marsandiz me pa pe anmenn gran reveni pour Gouvernman.  Ozordi ki olye sa Lorganizasyon pe travay pour met larzan dan kof Gouvernman i pe bezwen rode ki mannyer i pers pos Seselwa ki pli napa pou fer sir ki tou le Mwan i fer en profi 2 milyon pour li pey pour son lokasyon parey mon’n tann loter Mosyon dir.  Ozordi STC pe pey en rent 1milyon ek SI pou sa  batiman kot Hypermarket. I i ete, i bezwen vann tou sort kalite pour ganny ase profi pour li pey son depans, bill elektrisite ek delo i egzorbitan par lao 1 milyon tou le mwan.  Kot Builders Depo i pey en rent R800mil par Mwan e sa batiman parey nou’n tann dir i pour Parti Lepep.  E zot ki pe benefisye atraver sa rent ki STC in peye.

Mon konnen ki mannyer Parti Lepep in ganny sa landrwa, kekfwa sa osi ti a bon konnen, e sa mon kit lo Onorab Larue pour al fer resers lo la.  Me si zot ti rann Gouvernman sa propriyete STC pa ti pour bezwen pey R800mil par mwan.  La deza i ti ava pe koup lo en pe lo son depans.  Mr Speaker akoz fodre nou realize, se ki tou sa bann depans i ganny pase lo konsonmater e pour li kapab aziste son depans STC i ogmant son pri prodwir.  Prezan nou gete e analiz bann, annou fer en analiz baze lo fe.  Bomaten dan sa senaryo diri ou’n donn nou 2 dokiman ki STC in anvoy kot Lasanble pour zistifye sa zafer diri, mon pa pour nonm plastik, sa zafer diri e sa dokiman i dir ki STC i fer vini son diri atraver en lakonpannyen ki apele Gautam mon krwar mon pe byen dir General Trading ki baze Dubai.  E en lot Lakonpannyen Hassani Food Industry ankor baze Dubai.  Li i paret, li sa enn ki’n eksporte.

Mr Speaker nou tou nou konnen ki Dubai pa plant diri e ki li STC i pe aste ek lakonpannyen ki baze Dubai, ki li i pe deza aste ek sa ki prodwir.  Li sa Mr Hassani sa middlemen li osi i pe met son markup pour vin vann STC.  Me si STC ti aste direkteman ek sa lakonpannyen i ti pour ganny en pli bon, i ti pour ganny li pli bon marse e sa ti pour redwir son pri.  Prezan al gete si li sa Mr Hassani i pa pe pran ek en lot Supplier.  Ti a bon konnen lekel ki asosye ek sa Lakonpannyen e eski i annan zis Mr Hassani ek Manish Tandon dan sa deal oubyen i annan lezot ankor ki nou pa konnen?  Si i ti annan letan mon ti pour rode Mr Speaker e nou ti pour vwar ki dan milye sa tranzaksyon i annan bokou pti souri en pe partou ki pe ganny en pti bout fromaz.  Apre sa, son pri final i ganny pase lo konsonmater les dir, si sa diri les dir i sorti Pakistan oubyen dan L’Inde i kout R3 en kilo ler i pas dan 4 lanmen avan i ariv Sesel ek sa letap kot i pase zot azout R2 pour zot Handling Fee, ler i ariv isi deza in kout li R3 kot i sorti azout 4×2 ki fer 8 in fini ariv R12.  E ler ou met son markup 30 poursan lo la in fini ariv anviron R3.60 e i fer en total ki pour ariv ou apepre R15.60.  E si ti napa middlemen sa ti pour R3 en markup 30 poursan ti pour 30sou e sa komodite ti pour kapab vann anba R5.  Sa i en legzanp pour fer zot vwar ki STC i aste, si STC i ti aste direkteman ek son producer i ti pou’n kout li pli bon marse e sa ti pour fer ki sa prodwir letan i ariv lo market nou Seselwa nou ti pour pey li pli bon marse Mr Speaker.

Mr Speaker mon ti a kontan dir si STC ti kapab mentenir son pri ba, tou dimoun ti pour al aste laba, e son benefis ti pour vin atraver son volim ki ti pe vann.  Mon pour remet lanfaz lo ki Mosyon pe demande.  Loter Mosyon in dir agrandi lalis komodite de baz e fer sir ki toultan i annan a en pri abordab.  Privatiz Seksyon Duty Free e Builders Depot e retenir zot, e retir zot konpletman avek STC akoz i annan lezot outlet ki pe vann materyo konstriksyon pli bon marse ki STC.  E sa ki pran i a retenir son travayer e personn pa pour perdi son louvraz.  Retir middlemen dan zot tranzaksyon e order direkteman ek Supplier; reviz formil ki Customs i takse STC Mr Speaker. E redwir pri lokasyon par met tou anba en sel twa, e sa i ava redwir sa kantite milyon ki STC i bezwen peye tou le mwan pour pri lokasyon.

Avek sa 2 pti mo Mr Speaker mon pou donn mon sipor pour sa Mosyon.  Mersi.

 

MR SPEAKER

Mersi Onorab Esparon.  Bon nou ava pran en Break e nou ava repran travay 4er kot nou ava kontinyen avek deba lo sa Mosyon.

 

(BREAK)

MR SPEAKER

Bon nou ava kontinyen deba lo Mosyon prezante par Onorab Henrie.  Okenn Manm ki le entervenir?  Non ok.  Onorab John Hoareau.

 

HON JOHN HOAREAU

Mersi Mr Speaker.  Bonn apre midi Mr Speaker.  Bonn apre midi tou dimoun ki a lekout.  Mr Speaker sa Mosyon ki devan nou ki Onorab Henrie in prezante, pe demann Lasanble pou analiz en pti pe rol STC model biznes STC e pou kontribye en pti pe an faver e deba, kot nou ava donn en pe lopinyon ki fason nou krwar STC i kapab an menm tan reste konpetitiv konman en biznes, me an menm tan pli enportan se pou anmenn en marsandiz a la porte piblik a en pri abordab. Mr Speaker ler mon pe get sa Mosyon, i en Mosyon ase teknik e m mon ti a kontan petet fer en pti tour d’horizon lo bann Prensip par deryer pricing.  Ler nou  gete nou vwar i annan trwa prensip prensipal ki determin pri en komodite oubyen en servis.  Premye prensip i apel cost pricing e sa par egzanp si ou pe enport diri i baze lo sa CIF cost Insurance and Freight.  Lo trade tax ki sa marsan i pou bezwen peye lo sa marsandiz.  Lo handling charges, pli ou al pli lwen ou al kot son storing.  Ou al kot son retailing ki enkli kou staff e bann lezot loperasyon.  E par lao sa i annan en pti profi marginal ki apepre 10 a 15poursan.  Sa se cost pricing.

Dezyenm i tonm  en pti pe parey nou apel li demand pricing e sa i baze en pti pe lo demann lo Lalwa supply and demand kot pli i annan sa komodite available, pli sa pri sa komodite i desann.  E vice versa.  I annan en 3enm prensip kot ler ou get li i tonm anba competititve pricing e li i baze lo konpetisyon ki egziste dan sa moman, dan sa letan kot pli i annan konpetisyon i annan sa  ki nou apel en  pti pe benchmarking kot en pri i ganny set me en lot i set son pri en pti pe par obor, swa en pti pe pli o swa en pti pe pli ba depandan ki fasilite ki i pe donnen adisyonnelman pou li retain sa keksoz, kot sa pri i plizoumwen balanse avek konpetisyon i reflekte sa konpetisyon ki pe arive lo marse.  Sa i anmenn mwan lo 2 semen si ou le ki mon krwar  i enportan pou en Lakonpannyen reste konpetitiv.  En kote ou kapab differentiate ou bann prodwi e fer sir ki ou bann prodwi i pa  parey lezot prodwi  alor i atrakte en serten group kliyantel e i kit ou dan biznes.  E 2enm semen se pou etidye bann fason dan ou loperasyon kot ou kapab koup pri ou loperasyon, e fer ki ou ankor reste an konpetitiv.  Me ler mon refer avek pricing  parey mon’n koz lo la oparavan, mon krwar poudir STC  diferans ki annan avek lezot biznes dan sekter retailing se ki li i annan en manda spesyal ki’n ganny donnen par Gouvernman e son manda se pou met a dispozisyon piblik  pri marsandiz ki pli  abordab.  Me  sa pa neseserman le ka pou bann lezot biznes prive.

Alor ler nou pe gete dan sa konteks ki nou kapab fer pou fer ki STC i reste konpetitiv me an menm tan i reste abordab.  So nou marye en pti pe sa lide.  I neseser ki i reste konpetitiv e fer en pti profi wi i neseser, akoz a lafen dizour nenport ki biznes i bezwen fer en pti profi.

I bezwen fer en pti profi pou plizyer rezon.  Mon pa pou al dan detay lo sa bann rezon me selman en rezon prensipal se pou kit li soutenab pou anmenn sa ki nou apel value added pou son bann stake holders.  Ok?  Me retourn lo sa size koup pri nou vwar poudir dan en metod ki STC i kapab sey anploye pou li koup son bann pri komodite, parey mon krwar loter Mosyon in konmans koz en pti pe lo la, se pou adopte en konsep no frills no thrills products.  Ler nou  pe koz no frills no thrills product nou pe koz lo en sistenm kot ou kapab annan free packaging apre plizoumwen bann prodwi ki brandless akoz nou konnen poudir avek sak prodwi i annan sa ki nou apel branding kot pli i ede pou met pri sa keksoz en pe pli o.

An menm tan, an menm tan nou bezwen fer sir osi ki nou sof gard kalite prodwi.  Pa vedir ki si nou pe pran  en bann brandless product nou pe osi kon promiz kalite.  Nou kapab fer li avek kalite.  Mr Speaker mon’n ganny sans antre aletranze dan serten laboutik NATO bann free brand products nou kapab vwar kot ou kapab al aste li i annan son brand shop i annan son free brand products osi kot ou kapab al aste li bokou pli meyer marse akoz si ou le detrwa pake diri  i mark zis rice lo la sepa long grain oubyen whatever i napa bokou lavertisman ki ganny asosye avek sa kalite prodwi.  Alor i ede fer desann pri sa komodite.  Ler nou pe koz koup prodwi ankor nou pe koz lo fer STC retourn lo son manda, nou kapab an menm tan ler nou pe koup prodwi, ogmant osi sa lalis komodite esansyel parey in ganny dir.  Akoz enn bann manda STC se pou agrandi o fir e a mezir bann lalis komodite esansyel.  Pampers, oat meal, cereals, washing powder ozordi tou sa bann keksoz in vin plizoumwen bann keksoz esansyel; bann keksoz ki nou pe servi li toulezour.  Alor i neseser ki nou ogmante sa lalis o fir e a mezir ki nou kapab.

Mr Speaker mon krwar le pwen in fer resorti tre kler par bann loter ki’n koze avan mwan ki ozordi zour ler ou ger STC ou vwar bann stuff toys, ou vwar bann gro lisyen sifon parey in ganny dir, ou vwar osi bann lisyen porcelain.  Mon rapel a en serten moman ler nou ti pe pas atraver bann problenm foreign exchange ti annan serten direksyon, serten direktiv ki ti ganny met devan, ki ti dir annou arete pou konsonm  sa bann keksoz koumsa.  Why not annou solider avek nou bann dimoun ki pe prodwir dizon la mwan mon pe mazin bann artizan parey Mr Hoareau Beau Vallon ki fer bann zoli Espadron an dibwa verni ki ou ti kapab aste met dan ou lakaz, byen dekoratif.  E ankor nou pe gete ki STC si i market sa bann prodwi i a pe ede pou market prodwi lokal ki enn son bann manda.  So sa osi i kapab get ladan.  Mr Speaker sa i anmenn mwan lo en lot pwen.  Removing middleman.  Re tir middleman.  A mon avi sa i fakter pli serye dan sa biznes ki STC pe fer.  Mon’n deza ganny en koze avek en enportater dan mon distrik, Mr Dan Mancienne mon krwar zot konn li tre byen.  Mr Dan Mancienne i dir mwan koumsa poudir si i ti annan en outlet ki i ti vann son bann prodwi konman retail, i ti pou kapab fer desann son pri 15 a 25poursan pli ba ki son pri aktyel ki pe ganny vann lo marse.  So sa i en keksoz signifikan lo pri.  Si nou ti kapab retir bann middleman nou ti kapab retir bann lezot dimoun ki antre pou fer serten benefis along sa chain nou ti kapab retir en kantite depans lo STC.   E sa i en keksoz tre, trez enportan ki STC i bezwen travay lo la si i anvi, si i serye pou li fer desann pri marsandiz.  E legzanp devan nou bomaten nou’n ganny sa let sorti kot STC parey in ganny dir, ou vwar diri ki swadizan i ti pe sey koriz en mistake, swadizan – me selman ou vwar diri ki pe ganny enporte in pas atraver 2 ou 3 lanmen avan i ariv Sesel.  E sa i mal.  In pas atraver Hassani Food Industries, in pas atraver Gautam General Trading Industries e tousala pe pran son konpo lo la.  Mr Speaker mon le pas en pti git an revi mon pa pou  al tro bokou lo sa size, akoz  bokou statistik in ganny donnen, bokou pri in ganny met devan lo bann utilities.  Ozordi STC pe pey plis ki 2milyon par mwan pou delo ek elektrisite.  Nou vwar ler nou antre STC i en gran langar wi, me akoz tou sa gran kantite lespas anndan.  Oter ki i ete pou refrwadir sa kantite lespas i pou definitivman kout ou e gran kantite larzan!  Si son twa ti bokou pli ba i ti ava fer sans pou ou annan aircon anndan, me ler ou pe gete sa kantite ou refrwadir sa kantite volim ler so mon vwar i en – zis gaspiyaz.  E ler ou pe get li ki mannyer sa Hypermarket in ganny design en central aircon i ape refrwadir depi tou sa bann lezot laboutik osi zalantour.  Eski sa bann laboutik osi pe partaz sa kou ki STC pe peye pou elektrisite?  Sa i ankor kestyon ki nou bezwen demande.  Ki bann Lagreman ki STC i annan ek sa bann lezot lakonpannyen pou fer sir ki zot osi zot partaz sa kou elektrisite avek li.  Rent i en gro fakter ankor.  Eski i pa ankor ler pou nou vin avek en model en warehouse kot – oubyen more or less en keksoz ki i ava pou STC li menm.  Donnen par Gouvernman petet lo en serten lease lo en serten kondisyon, me kot i pa ava pe pey sa kantite rent ki R1miylon par semenn!  Sekirite R30mil par zour! Tousala se bann fre adisyonnel ki ler ou pe get loperasyon en biznes i pa fer sans.  Par any stretch of imagination ler ou pou analize ou pou vwar se zis bann depans initil.  I bann landrwa kot nou kapab koupe.

Mr Speaker i anmenn mwan lo en lot pwen ki mon ti a zis anvi tous en pti pe lo la se bulk buying.  Bokou dimoun i panse ki bulk buying i pou e solisyon.  Mon’n tann Prezidan in dir in al gete avek Maurice si nou pa kapab aste keksoz ansanm avek Maurice apre  distribye fer vin isi so nou ti a ganny li bokou pli bon marse.  Lanaliz ki mwan mon’n fer, I stand to be corrected – be selman analiz ki mwan mon’n fer mon pa krwar poudir bulk buying Sesel avek sa volim biznes ki i annan i pou fer okenn kontribisyon signifikan.  Akoz mon dir sa Mr Speaker?  Ler mon konpar bann Lakonpannyen par egzanp Walmart ki pe operate L’Amerique, pou sak discount store i annan en kliyantel apepre 35mil dimoun.  So zis mazinen si nou ti pou annan Walmart ki parey dan zar Hyper Market nou ti annan zis 3 pou sa popilasyon dimoun ki nou annan.  E ler ou pe gete Walmart i annan apepre plis ki 100 diferan outlet otour L’Amerique, otour United States, i al  enternasyonalman Sid Korea, Australia e lezot pei ankor kot i annan bann lezot subsidiary businesses parey  ASDA L’Angleterre ki atase avek Walmart.  E zot, zot pe enport keksoz lo plizyer mil, lo plizyer mil tonn pa zis enn de pti container parey nou vwar lo lasose.  E la ou a kapab benefisye avek bulk buying.  Be selman ler nou pe get nou popilasyon Sesel, mon pa krwar i pou kontribye signifikan.  Petet si i annan en pti kontribisyon towards fer desann pri i pou marginal.  Me mon krwar ki pli gran keksoz se middleman ki nou bezwen koupe.

Mr Speaker i reste mon pou al lo en dernyen pwen ki mon a fer li ase kourt se lo franchising.  Oparavan nou ti bwar en serten model ki STC ti pe fer kot i ti vann son  bann prodwi avek serten magazen ki ti franchise avek li  e avek bi pou kit sa pri parey i ete pou pa fer okenn – pou pa fer varyasyon dan pri pou kit li menm pri avek STC.  Me sa pa’n zanmen marse Mr Speaker.  Akoz i pa marse?  I pa’n marse senpleman akoz ankor nou vwar poudir napa okenn fason ki STC i egzers kontrol lo sa bann prodwi ki pe vann avek sa bann marsan.  I devret kapab fer sir dir poudir sa i nou ceiling of profit ki nou pe fer.  Nou pe fer zis 15 – marsan zot devret fer plis ki 15poursan profi lo la.  Mwan mon pe vann zot 8.50 zot devret pe vann li sepa R9 sepa R10 or whatever.  Ok?   Se sa ranforsisman sa i devret ganny ankadre dan en fason legal.  I devret annan en prensip legal deryer ki pou permet sa bann keksoz ganny respekte.  Alor Mr Speaker mon krwar sa Mosyon i en bon Mosyon e i en Mosyon ki al dan direksyon ki fason panse LDS, fason panse ki mannyer nou, nou vwar nou kapab fer desann pri komodite Sesel ki mon krwar ki nou pe ed  gouvernman la pou li sey pran serten sa bann lide sey adopte serten sa bann lide.  Mon krwar i neseser ki Gouvernman i annan sa willpower e i pa per pou ofans okenn son bann partners, ki pe tenir serten gro profi dan sa bann middleman.  Fodre i kapab dir avek son  bann partners swa Seselwa lokal, swa mon pa konnen ki bor, poudir nou pa pe donn ou gous ankor, nou pa pe donn ou okenn cut lo la.  Nou pe ale nou pe al enport sa dire sepa Pakistan kot i prodwi non pa  Dubai nou pe fer sir ki sa komodite i ariv Sesel e i vin a en pri abordab.  Mersi.

 

MR SPEAKER

Mersi Onorab John Hoareau.  Onorab Sebastien Pillay.

 

HON SEBASTIEN PILLAY

Mersi Mr Speaker.  Bonn apre midi tou dimoun.  Mr Speaker mon’n swiv avek bokou latansyon prezantasyon sa Mosyon ki mover Mosyon in fer e mon’n osi pandan letan ki mon’n vwar sa Mosyon lo Order Paper pran en  pe letan pou mon fer en pe resers e sey rod en pe lenformasyon en pe plis konprenezon lo sa size STC, son rol ki i pe zwe, son travay ki i fer dan lekonomi, son lenportans pou nou lekonomi e osi pou sey konpran en  pti pe kwa ki nou kapab fer davantaz pou fer li annan en rol pli proaktif, pou fer li improve lo sa rol ki i pe zwe e  pou fer li zisteman reponn a bann lekspektasyon ki nou annan anver STC.  E ler mon koz lo lekspektasyon Mr Speaker e osi fodre i kler ki konman en Lasanble nou pa kree bann lekspektasyon ki – nou bezwen aksepte poudir dan nenport ki sirkonstans i pou difisil pou bokou oubyen nenport Gouvernman pou delivre lo la.  E sa mon krwar i en pwen fondamantal.

I en pwen kardinal ki nou bezwen konsidere.  Mon dir sa Mr Speaker akoz ler mon’n ekout mover Mosyon  e mon regard wording son Mosyon, mon vwar serten keksoz dan son prezantasyon ki pa neseserman konekte avek lesansyel son Mosyon, malgre ki i annan bann pwen for e bann pwen ki kapab anmenn serten lavantaz dan lafason ki nou pe vwar keksoz ozordi e lafason keksoz i kapab ganny amelyore.

Mon’n osi ekout bann  entervenan ki’n koze avan mwan, e la osi mon’n var poudir dan en serten sirkonstans nou pe al dan menm direksyon.  me lo lezot size mon pa pe kapab vwar vreman koneksyon ant sa ki nou pe dir e avek sa ki Mosyon i le fer.  Mosyon li menm i koz lo en sanzman dan model biznes STC.  So sa sanzman dan model biznes STC i bezwen anmenn en sanzman swa dan lafason ki i fer son biznes, bann aktivite ki i pe fer oubyen, eski nou pe koz lo en re animan oubyen nou pe koz lo azisteman ki bezwen ganny fer dan lafason ki STC i fer serten keksoz pou li redwir son bann kou?  E se sa mon krwar problenm ki mon pe vwar  avek volim sa Mosyon, mon ava esper entervenan ki’n – mon ava esper mover Mosyon ler i fer  son konklizyon, pou li met tousala an perspektiv e pou nou kapab vreman ganny en konpran kwa egzakteman ki nou le vwar, ki  nou pe demande i arive.  Me i osi enportan Mr Speaker ki nou regard larealite ozordi, ki Sesel konman en pei ki nou pe fer fas avek.

Premye realite ki mwan mon konnen e mon santi parfwa dimoun pa ou le tande sa realite lefe ki Sesel i en pei ki enport lamazorite keksoz ki nou servi.  E par lefe ki nou enport lamazorite keksoz ki nou servi nou at the mercy parfwa avek kou transportasyon pou sa ban keksoz ariv dan nou pei.

E ler i arive baze kot nou ti pey li son fre transportasyon i annan en kou pou li ler i debarke lo Por e sa kou souvandfwa i ganny transmet avek konsonmater.  E la mon pe koz zis pou STC mon pe koz lo pou tou marsan an zeneral.  Sa ki mwan mon pa ankor kler lo la Mr Speaker e mon krwar mover Mosyon in tous lo la briyevman.  Sa ki mon pa ankor kler se, eski  Sesel nou kapab vreman dir ozordi ki SRC i annan son lanmen lo kwen komodite depi ler in sorti, ariv lo Por e ler i ariv dan magazen?

Akoz fodre pa bliye pandan sa transit ki sa komodite i fer depi in ariv lo Por, i ganny transporte ziska ler i ariv dan magazen.  Mon pou retourn lo rol STC akoz mon krwar sa pwen nou bezwen fer li byen e mon krwar ti ava demann en travay pli aprofondi ki SRC i bezwen fer pou li vwar si reveni ki i pe kolekte atraver retail sector i sa reveni ki i devret pe kolekte oubyen i annan serten keksoz ki i pe manke ki i pa pe vwar?

Mr Speaker mon dir sa akoz i kler ki poudir STC lo li tousel, malgre ki i pou en mezir i pa pou en mezir long term, i pa pou en mezir ki pou anmenn en rediksyon dan kou lavi a la long term.  I annan plizyer keksoz ki nou bezwen met an perspektiv ki konekte avek sa ki sa Mosyon pe dir ozordi ki nou bezwen fer pour ki nou kapab zisteman adres sa size kou lavi.

Mr Speaker mon dir sa akoz i annan en pwen kardinal dan tou sa ki nou pe diskite e sa se i konsern larzan ki en dimoun i annan pou li aste sa bann komodite.  Mon fe sa referans avek larzan ki en  dimoun i annan akoz nou annan sa bann statistik i ganny pibliye par Biro Statistik ki donn nou lenformasyon ozordi kote bann dimoun i anploye, ki louvraz zot pe fer e ki kantite dimoun i anploye dan sekter prive, dan sekter Parastatal e dan sekter Gouvernman.

Ozordi Mr Speaker konpare avek 2015 kot ti annan  33mil dimoun 369 dan  private sector ozordi well as of last quarter 2017 an Desanm 2017 ti annan 30mil dimoun ki anploye dan private sector.  Ti annan 7,l 498 ki anploye dan Parastatal e ti  annan 9,897.  Sa dan li menm i pa dir nou bokou akoz nou pe koz zis lo sif bann dimoun ki anploye dan sa bann sekter.  Me sa ki enportan prezan annou regard average earning across sa bann diferan sekter.  Average earning savedir larzan on average konbyen dimoun pe gannyen.  Dan private sector ozordi an mwayenn i ganny dir ki 10, 369 pou private sector.  10, 369 pou private sector.  Sa i sipoze average earning baze lo lenformasyon ki Biro Nasyonal Statistik i kolekte.  Lot keksoz enportan se dan parastatal average earning i R14, 389 dan Parastatal e dan Gouvernman average earning an mwayenn en dimoun i devret pe ganny li R13, 961.  Se la osi kot nou vwar kot sa problenm i konekte ek kanmarad kot nou vwar kot poudir posibleman i annan en income disparity ki nou pa pe kapab adrese ki nou bezwen adrese.  E sa income disparity i translate son lekor, i anmenn son lekor pou fer lo kantite larzan ki en dimoun i annan pou li aste en komodite ler i al laboutik.  Akoz mon dir sa?  Si nou vwar poudir ou annan an mwayenn, par egzanp dan sekter prive dimoun pe ganny R10, 369  i fer ki ou annan ou bokou dimoun ki pe ganny on average well en pe plis ki around R10mil oubyen 9mil a R10mil.  Me nou tou nou konnen ki dan sekter prive pa tou dimoun ki pe ganny R9mil.  So nou pe mank atraver sa bann statistik par lefe ki zot pa ganny akse pou nou vwar tou sa bann diferan income bracket tou bann diferan nivo income ki zot pe gannyen, nou pa pe kapab capture sa bann dimoun ki pe ganny pli ba e se la enn bann sours nou bann problenm ki nou pe rankontre sirtou avek nou bann policy design, sirtou avek bann mezir ki nou le pran pou fer desann kou pri lavi.  Si nou regard pou Parastatal on average, an mwayenn en dimoun i devret ganny R14mil.   Be nou tou nou konnen dan Parastatal pa tou dimoun ki ganny R14mil e ou pou annan ou en serten kantite dimoun ki pe  ganny par anba R14mil me ler ou  pran statistik e ou azout li ansanm e ou divize si ou annan tro bokou dimoun ki pe ganny saler pli o sa bann ki saler pli ba i pa pou ganny reflekte dan sa mwayenn akoz zot saler i ganny anmase par sa bann ki pli gro.  Se pou sa rezon ki nou bezwen travay lo annan en baz donnen avan ki nou koz lo bann desizyon ki nou bezwen fer pou revwar nou bann Polisi.  E nou baz lenformasyon i pa ase ozordi pou permet nou fer sa kalite travay ki nou oule fer sirtou ler nou pe koz lo en Mosyon ki anmenn – revwar model STC.  Akoz si nou fer sa e  nou pou end up pey plis lekel ki pou soufer se sa bann dimoun zisteman ki nou pa pe kapab tous zot nivo income ki zot pe gannyen akoz nou statistik pa permet nou, pa pe donn nou sa lenformasyon lo la ozordi.

Mr Speaker sa i anmenn mwan pou tous lo sa pwen sa 40poursan lapovrete.  An 2013 ler sa letid ti ganny fer lapovrete, nivo povrete ti ganny defined as okenn dimoun ki pe ganny li par anba apepre R3900.  2013 sa letid ti ganny fer.  Depi 2013 e LDS dan Lasanble, Parti Lepep e Gouvernman in met an plas oubyen in koz lo bann mezir, Gouvernman in met an plas akoz pa nou ki pran aksyon.  Gouvernman in met an plas plizyer mezir pou adres sa size.

Ozordi Mr Speaker nou pa konnen si sa sif i ankor 40poursan,  si sa sif in desann oubyen si sa sif in ogmante.  Se pou sa rezon ki mwan mon krwar ler nou pe diskit en tel deba, nou bezwen pa koz li an izolasyon avek sa letid ki nou bezwen fer, pou nou vwar prezan zisteman si bann mezir ki nou’n anmennen i pe adres problenm sa bann dimoun ki nou pa pe vwar zot dan statistik ler nou pran bann sif an mwayenn, akoz zisteman nou pa vwar zot pe ganny reflekte.  I kapab i annan dimoun ki pe ganny li R4mil.  I kapab i annan dimoun ki pe ganny 5,050 akoz saler de baz i 5,050.  E i kapab annan dimoun ki pe ganny mwens.  So eski prezan atraver sa bann keksoz ki nou annan nou pe adres sa problenm akoz se sa ki en koneksyon direk avek kou pri lavi?

So Mr Speaker si nou pe koz lo revwar model biznes STC, nou bezwen konekte li avek bann lezot mezir ki nou bezwen pran otour li pou ki nou fer li marse.  Nou kapab revwar model biznes STC, me si pri sa bann komodite malgre i desann, i pa desann a en nivo ki a permet sa  bann dimoun zisteman ki zot nivo  income pa permet zot aste sa komodite, nou pou’n zis vin la anndan koz en ta koze, fer en ta komanter, menm kritik kanmarad me san vreman aport okenn solisyon tanzib pou sa dimoun deor pe esper en solisyon.

E nou tou nou konnen poudir se sa i en size difisil pou nou adrese, me lefe i reste ki nou pa pou adres sa size atraver serten mezir akoz (1) nou lekonomi volim dan nou lekonomi i ptipti nou napa sa kantite dimoun pou nou enfliyans nou lekonomi par lafason ki nou ti ava anvi fer li.  Mon ilistre sa pwen Mr Speaker ankor par regard sa ki nou apel Consumer Price Index ki ankor enn fwa se Biro Nasyonal Statistik ki prodwi.  Ler nou regard bann diferan komodite nou regard sanzman dan sa ban komodite mon pa konnen si lo lot kote latab zot in fer li mon a donn zot en kopi si zot oule, i kler ki poudir across bann diferan komodite in annan ban sanzman.  Me sa ki enteresan Mr Speaker nou vwar poudir menm bann komodite ki swadizan ti’n sipoze monte pandan sa lannen konparab avek par egzanp 2an pase an 2015 sa bann komodite pa’n monte zot in desann.

E se la ankor enn fwa kot nou annan serten problenm dan lafason ki nou ganny sa lenformasyon ki nou annan e ki kalite lenformasyon ki nou annan.  Mon pou ilistre sa pwen.  Par egzanp enn ban komodite ki dan sa basket ki’n ganny servi pou determin nou poverty level ki ganny servi pou determine nou Consumer Price Index se pwason.  Ok?  Par egzanp son Index pou 2015 an Zanvye ti 79.71.  Ozordi – well as of Desanm 2017 son Index i 76.23.

Kestyon alors ki nou bezwen demande se, eski sa pe vreman reflekte swa en logmantasyon, swa en bes dan pri pwason?  Me pli lwen ankor letan nou regard other foods e nou regard cereals, nou regard lavyann, nou regard prodwi dile avek dizef, nou regard oils and fats, nou regard fruits, sa ki sa Index pa fer Mr Speaker se ki i pa breakdown dan sa bann komodite esansyel ki neseserman ti ava  permet nou annan sa baz lenformasyon pou nou regarde ki kantite sanzman i annan dan pri sa  bann komodite esansyel.

Dan labsans sa lenformasyon Mr Speaker, nou kapab pe propoz bann mezir ki posibleman dan lefitir i kapab fer lekonomi plis ditor.  Mon pa dir poudir nou napa bann pwen commonality dan sa ki nou pe dir.  Mon pa dir dan sa bann keksoz ki nou pe dir i napa keksoz ki nou kapab tonm dakor lo la.  I annan keksoz ki nou bezwen agree ki avan nou deside pou pran en mezir ki konkret lo la nou bezwen fer sir konnen poudir nou annan sa baz lenformasyon ki neseser pou nou kapab zisteman fer sir ki nou pran sa mezir ki apropriye pou sa.

E pou sa Mr Speaker si nou regard menm devan kot nou vwar sa Lazans i pibliy bann keksoz ki’n arive i dir ou poudir fish prices in record en decrease minus 5.5.  Savedir pri in desann.  Me i pa sa ki dimoun pe dir nou.  Sa ki dimoun pe dir nou se ki i santi poudir pri pwason in monte.   So eski swa nou, nou konman mon ava servi sa term fotespere ki personn pa pran lofans ek sa:-  ki nou konman politisyen  eski nou pe vann en lekspektasyon, avek dimoun ki nou kapab fer desann pri lavi de zour ou lannmen?  Oubyen eski lo sa size nou pa devret zwe politik e vreman travay ansanm pou nou kapab rod en solisyon pou nou kapab zisteman fer desann pri lavi?  E se sa lesansyel ki mon krwar nou bezwen fer.

Ou konnen nou annan en ta keksoz ki nou’n diskite ki fer mon konekte avek bann keksoz ki’n ganny dir dan Lasanble par egzanp, Prezidan Larepiblik in anonse ki pou annan konblaz.  Enn bann pwen sa Mosyon ki devan nou se ki STC  i devret ganny en landrwa ki posibleman i ava ed li redwi son kou kot i pa pe pey rent eksetera, me  zisteman si i annan sa konblaz ki – STC i ava ganny en landrwa purposely pou li lo sa konblaz, kot i pa pe bezwen pey sa bann rent ekstra then zisteman sa i donn zistifikasyon pou sa konblaz ganny fer.  E i fer ki Diskour Prezidan lo Leta Lanasyon i pa’n en diskour an izolasyon avek plan ki li i annan pou pei me in en Diskour ki’n montre poudir in konekte avek posibleman sanzman ki kapab annan dan lekonomi.  Se sa lesansyel ki mon krwar nou bezwen  mazinen.  Parey mon’n dir Mr Speaker mon’n dir kler poudir fotespere ler mon dir sa personn pa pran lofans avek sa ki mon pe dir akoz i zisteman mon drwa dan Lasanble, pou eksprim mon lekor dan en fason demokratik e dan en fason kler e kalm e respektiv avek tou bann Manm ki dan lot kote latab.  Mr Speaker mon pou kontinyen.

Ler nou regard sa ki NSB in release an 2018 e se la kot mon annan en problenm mwan Mr Speaker.  E mon ti a kontan demann zot pou zwen mwan, donn mon sipor ladan.  Mwan mon ti a kontan demann avek Gouvernman ler ou regard ou Consumer Price Index, mon konnen bokou pei i servi e zot servi zot basket zot met tou bann goods dan en kote akoz ou pa break down sa bann goods?  Annou vwar.  Delwil, dile, lot, lot, lot e donn nou en Index donn nou ki mannyer sa pe sanze o fir letan. Fer popilasyon konnen.  Parfwa mon krwar ki pe arive se ki nou pran sa ban statistik e nou pa, nou pa met li a la porte dimoun e i fer ki ler politisyen i pran sa ki dimoun pe dir nou osi nou … lenformasyon e nou demann mezir ki zisteman i kapab kout Gouvernman pli ser dan long term.

Mr Speaker model biznes STC i enn ki enteresan. I annan dimoun pa pou dakor avek sa statement ki mon pou fer, me mon  rapel mwan osi an 2008 mon ti swiv tre byen – STC ti ganny en pwen kardinal pou li swiv.  E sa se pou li pa retourn kot Gouvernman pou rod subsidy pou kontinyen fer son aktivite.  Mon  krwar senserman si nou pran okenn mezir pou nou revwar model STB e nou fer li an izolasyon, bann statistik ki nou bezwen nou fer li san regard ban statistik ki enportan, pou nou regarde vreman si ler nou sanz sa model biznes nou pa pou les sa group dimoun, sa group dimoun ki pa feature dan sa  average income, dan private sector ki pa feature dan sa average income, pou Parastatal ki pa feature dan sa average income, pou Gouvernman, nou pou fer zot en disservice akoz zot osi zot in ede pou met nou la.  Mon krwar sa i enportan ki nou konsidere.  Lo pwen middleman antyerman dakor.  Antyerman dakor ki STC i bezwen rod en prosedir kot li i al sours son bann komodite e la son pri i ava desann, akoz se li ki pe deal direkteman i pa ava annan across bann diferan transshipment sakenn ki pe pran en R2, en R3, en R4.  Antyerman dakor lo la.  Lo pwen ki mannyer STC pe subsidize i stand to be corrected, subsidize son bann aktivite komersyal ki i pe fer atraver lezot aktivite, lo sa pwen mon pa tro an faver.  Akoz zisteman se petet posibleman, posibleman dan labsans en prezantasyon sorti kot STC si  sa i le ka, posibleman sa bann aktivite ki pe ed li subsidize son main aktivite, son main manda ki se pou anmenn sa bann komodite esansyel dan pei, e fer sir zot reste abordab.  E kestyon alors ki nou bezwen demann nou lekor se eski i pe fer li alaoter ki i devret pe fer li?  Oubyen i pa pe fer li a la oter ki i devret pe fer li.  Mover Mosyon in aksepte in concede en pwen enportan ki STC pe fer byen.  In concede sa pwen, malerezman lezot dimoun pa’n share sa lantouzyazm ki mover Mosyon i annan lo lefe ki STC pe fer byen, me mon konpran sak dimoun i annan son lopinyon.

Me si STC pe fer byen dan sa model ki i ete nou bezwen vwar kwa ki bezwen sanze si nou devret sanz sa model then posibleman i riske pa fer byen parey i pe fer.  So sa i en keksoz ki nou bezwen konsidere.  En lot pwen enportan Mr Speaker e sa nou bezwen dir, i annan plizyer lentere biznes ozordi ki ti a kontan vwar STC sorti kot i ete.  Ki ti a kontan ki STC pa pe fer sa bann keksoz.  Akoz zot anvi vwar sa se akoz mwan mon santi poudir par lepase in annan bann – in annan supermarket anvil e in annan bann diferan dimoun ki’n fer bann laboutik nou kapab dir sa.  Be eski Seselwa in ganny en bon deal.

Si ozordi Mr Speaker ou fer en survey avek tou dimoun ki al STC ou pou vwar poudir laplipar dimoun ki al STC ozordi i al STC akoz petet posibleman i en valer ki zot trust parey Onorab Esparon in dir, e zisteman akoz zot kontan sa servis ki zot pe gannyen.  Mon konnen poudir i annan bokou Onorab la anndan ki al fer zot shopping STC.

I annan plizyer dimoun ki al fer zot shopping STC.  Me lefe i reste Mr Speaker e en pwen in ganny fer par en Onorab lot kote latab se ki mannyer konman en pei nou pou asire ki si en madanm i reste, meton, admeton Glacis i annan 3 laboutik Glacis sa 3 laboutik i pe vann komodite ki sa madanm i kapab afford dan plas sa madanm i bezwen deplase pou al en lot landrwa.

Me sa nou problenm ki nou annan ozordi.  Nou pa pou kapab annan en outlet STC al sa nivo dan tou distrik.  Nou pa pou kapab annan en outlet partou. So nou bezwen regarde kwa ki nou kapab fer zisteman pou nou asire ki – mon retourn lo sa pwen pou nou asire ki nou tou sak kous dimoun ki vreman pe ganny afekte par sa sityasyon ki nou ladan.  E mon sir zot pa ankor gete mon met lanfaz lo sa latab ki la ler zot vwar li, ler zot regard li zot pou konpran ki mannyer nou pe dir poudir maximum dimoun pe ganny R11mil.

Me nou tou nou konnen poudir napa sa kantite dimoun e ler nou pe koz 40poursan povrete in annan rediksyon lo tax, in annan logmantasyon lo saler minimum, depi 2013 in annan plizyer mezir ki’n ganny pran eski nou kapab kontinyen dir e servi sa langaz ki annan 40poursan lapovrete, oubyen eski prezan nou pa devret pe dir me annou espere e vwar si nou pa kapab fer en letid lo lapovrete dan Sesel e vwar ki zistans nou’n arive avek sa 40poursan depi dan sa letan kot i ti ete ziska ozordi?

Sa bann baz fondamantal ki nou bezwen baz nou largiman lo la.  Nou largiman pa devret baze lo mon pou bezwen dir lo score pwen politik par lefe ki STC pe lwe en warehouse avek Parti Lepep.  Mon konnen zot politisyen zot bezwen score pwen politik me lo sa size mes amis ser koleg Onorab, lo sa size pri lavi, mon fer en pledwari ek zot si vreman, vreman nou tou la anndan nou lentansyon se rezourd sa problenm, annou met nou diferans politik de kote e annou propoz mezir, mezir ki a kapab anmenn zisteman bann solisyon pou bann dimoun ki pli bezwen sa bann solisyon.

Akoz mazin byen i annan en group dimoun ki malgre nou koz tou nou koze l anndan nou pa pe tous zot akoz lenformasyon ki nou annan lo zot i pa konkret, i pa ase pou nou kapab met an plas bann Polisi ki pe tous zot.  E parfwa nou kapab menm demann sanzman dan Polisi me i pa pou tous zot akoz ler ou get zot dan statistik zot pa paret akoz zot bann spesific cases ki bezwen ganny adrese.  Zot bann pockets of probableman poverty ki egziste ki nou bezwen adrese  partou ki ler ou met zot ansan i fer en sif sibstansyel ki nou bezwen gete.  Se sa lesansyel  sa Mosyon ki mon vwar ki la ozordi.

Alors mon pou espere pou mon vwar ki Loter Mosyon i annan  pou dir lo sa Mosyon.  In fer en prezantasyon tre lokan, in koz lo plizyer size e mon ti ava kontan i adres serten size ki mon’n souleve.  Koumsa mon ti ava ganny en lide ki egzakteman nou le fer an relasyon avek vreman sanz model biznes STC.

E mon repete lo serten pwen kot nou annan komonalite mon met lanfaz lo la, middleman si sa  i pe kout STC pli ser dernyen keksoz ki nou bezwen retire .  si STC i bezwen landrwa pou li fer son purpose build oubyen purposefully pou sa ki pe fer son aktivite, nou fer sa pli fasil pou li me vin pli kler lo kwa ki nou le sanze avek model biznes STC.  Vin pli kler lo kwa egzakteman ki nou le vwar sanze dan son model e ki nou le fer pou nou kapab sanze.

Mon dernyen pwen Mr Speaker, mon le adres SRC.  Parey mwan mon krwar zot tou la anndan in vwar plizyer retail outlet kontinyen grandi.  Si nou pran sa larout depi Glacis ziska Anse Etoile ziska anvil, nou pou vwar konbyen supermarket ki pe ouver.  Alors mon ekspekte ki lakantite tax ki nou pe kolekte atraver retail sector i devret pe ogmante akoz i fer ki i annan plis larzan pou envestir e dimoun pe ouver plis laboutik.

So mon ti a kontan zot zwenn ek mwan lo la.  Zwenn ek mwan pour ki SRC i vin fer en prezantasyon avek nou e donn nou en nide lo performans retail sector in terms of zenerasyon tax pou nou pei koumsa nou a ganny kler, eski somewhere somehow i annan dimoun ki pe benefisye an plis avek sa sityasyon?  Mon  remersi ou pou latansyon Mr Speaker e remersi lezot Manm.

 

MR SPEAKER

Mersi Onorab Pillay.  Bon eski i annan okenn lezot Manm ki le entervenir.  Nou annan apepre 15 minit.  Si zot entervansyon i pli long nou ava kontinyen demen bomaten.  I annan Manm ki enterese ankor ki le entervenir lo sa Mosyon?  I annan.  Attend.  Mon napa personn lo mon lalis mon pe zis demande si i annan ankor Manm ki enterese pou – i annan.  I annan lot kote ok.  Be bon nou ava kontinyen deba lo sa Mosyon demen bomaten 9er.  Ok?  Nou ava adjourn ziska demen bomaten 9er.

 

(ADJOURNMENT)