Home » Verbatim » 2017 » Verbatim Tuesday 28th November, 2017

Verbatim Tuesday 28th November, 2017

 

NATIONAL ASSEMBLY OF SEYCHELLES

 

Tuesday 28th November, 2017

The Assembly met at 9am

National Anthem

Moment of Reflection

Mr Deputy Speaker in the Chair

 

SOCIAL PROGRAM OF GOVERNMENT

 

MR DEPUTY SPEAKER

Bonzour tou Manm Onorab.  E nou welcome bomaten, mon dir en bonzour spesyal Minis Finans Dr Peter Larose, PS Payet, Mr Damien Thesee, Ms Verghese e Ms Croisee.  Mon osi tou anvi dir en bonzour spesyal tou nou bann oditer ki pe kontinyen swiv nou deba lo Bidze 2018.  Parey mon ti’n anonse yer ozordi nou pe kontinyen avek Bidze e nou pe pran parey PS Payet in dir bomaten la ‘’other wages and salaries,’’ ‘’other goods and services’’ – ok?  PS Payet nou pe stick lo sa progranm?

 

PS PATRICK PAYET

Mersi Mr Chair e bonzour tou Manm Onorab e tou dimoun ki a lekout.  Nou pou pran li lo paz, si nou kapab konmans avek ‘’other wages and salaries’’ avek ‘‘other goods and services’ ‘ki lo paz 24 avek 28 – konmansman liv Bidze.  E osi si nou kapab pran Social Program of Government ki lo paz 32.  Si nou kapab pran sa 3 ansanm Mr Chair – me selman nou kapab pran separate vote pou sa.

 

MR DEPUTY SPEAKER

Ok.  Sa pti 24.

 

PS PATRICK PAYET

Wi.

 

MR DEPUTY SPEAKER

Ok.

 

PS PATRICK PAYET

So, i 24, 28 avek 32.

 

MR DEPUTY SPEAKER

Bon nou ava fer menm prosedir – tou bann Manm ki anvi demann kestyon pou entervenir lo la, mon ti a kontan en show of hands.  Ok? Madanm Clerk donk ou ava note. Yes Onorab Ferrari.

 

HON JEAN-FRANCOIS FERRARI

Mr Chairman kekfwa nou devret annan en diferan lapros pou sa Head ki nou pe al lo la.  Akoz ou pou annan… mwan personnelman mon pou annan kestyon lo plizyer sa bann Headings.  So si mon lev mon lanmen, nou pou pran zot enn par enn, si mon lev mon lanmen mon pa asire si nou pou kapab kouver tou sirtou ; dan Social Programs of Government.  So mon pa konnen sa enn kekfwa nou devret annan en pti pe plis fleksibilite.  We’ll go down the list and Members will ask short questions and then we’ll… nou ava konplete – ok?

 

MR DEPUTY SPEAKER

Ok.  Si zot dakor ou ava fer li dan sa fason.  Onorab Afif.

 

HON AHMED AFIF

Mersi Mr Chair.  Mr Chair si mon kapab fer en sizesyon; petet ki vi k i annan 3 Headings i annan ‘’other wages and salaries, other goods and services’’ annou pran sa 2 premye apre nou ava al lo Social Programs of Government ki li pli gro.  E petet nou a fer en show of hands pou li separeman.  Zis en sizesyon.  Mon krwar sa 2 premye nou ava al ase vit apre nou a lev lanmen pour sa enn trwazyenm.  Mersi.

 

MR DEPUTY SPEAKER

Ok. So eski nou fer sa prosedir, nou pran non ou byen nou ava les li flow nou ava les pli fleksib?  Ok?  Zis nou pa fer labi.  Ok?  Alright.  So nou a pran ‘’other wages and salaries, other goods and services.’’ Sa 2, non?  PS i vin, paz 24?

 

PS PATRICK PAYET

I lo paz 24 e lo paz 28.

 

MR DEPUTY SPEAKER

Paz 27?

 

PS PATRICK PAYET

 

MR DEPUTY SPEAKER

  1. Yes. Ok paz 24’’other wages and salaries,’’ paz 28 ‘’other goods and services.’’ Sa 2 paz ki nou pe deliberate lo la bomaten. Ok. Onorab Ferrari.

 

HON JEAN-FRANCOIS FERRARI

Mersi Mr Chairman. Mr Chairman, mon ti a… mon krwar i en bon lokazyon la ler nou pe al vot pou lapey pou bann Constitutional Appointments, mon ti a kontan vreman fer en pwen lo lapey MNA; akoz i vreman en pe difisil dan tou sa travay ki nou fer toultan nou ganny, nou bann MNAs, nou ganny akize konmkwa nou ganny en ta larzan e presyon i lo nou toultan – tou kritik i lo nou.  E pourtan parmi bann Constitutional Appointees mon krwar bann MNAs se bann ki ganny bokou mwens, plis mwens peye.  Konmsi mon ti a zis kontan fer sa pwen pou ki piblik i konnen ki nou ki la dan Lasanble, si nou ti anvi vin milyonner nou ti ava al fer biznes me selman nou pe travay pou nou fer en… improve nou pei e pou sa nou pa pe ganny bann sonm ekstraordiner.  Donk sa i zis sa pwen ki mon santi poudir i enportan ki nou fer.  Mersi Mr Chairman.

 

MR DEPUTY SPEAKER

Ok. Mersi Onorab Ferrari. Point taken.  Onorab Andre.

 

HON CLIFFORD ANDRE

Mersi Mr Chair.  Mr Chair, mon ti a kontan demann en lesplikasyon avek Minister Finans pou dir nou – letan nou pe get sa latab lo paz 24 i annan bann Gratuity, sa enn i tonm 37milyon, 37.4milyon apre nou annan bann constitutional appointments ki tonm 73, 500 milyon.  Mon ti a kontan demann Minister Finans pou eksplik nou akoz nou’n vwar dan sak Minister ki nou’n deal avek menm Zidisyer ki annefe i annan bann constitutional appointments kot i annan son Gratwite, ki ganny klasifye.  So mon le ganny en leksplikasyon ki zot ava donn  nou an referans avek sa, akoz pou nou kapab, osi piblik deor i ava kler lo kwa sa bann Headings ki nou’n diskite diferan Minister e sa enn ki nou pe pran separeman ozordi. Mersi.

 

MR DEPUTY SPEAKER

Mersi Onorab Andre.  PS Payet ou le entervenir.  Go ahead PS.

 

PS PATRICK PAYET

Mersi Mr Chair. Mersi Onorab. Zis pou azoute kekfwa pou konmanse sa Gratwite ki en total 37milyon, sa i ganny peye pou bann head of contract agreement; i annan bann dimoun ki lo Public Service contract 2an ouswa Direkter Zeneral avek bann PS ouswa CEO zot lo term 3an, sa i ganny peye ladan, dan Gratwite selman i bann head of contract payment. Pou sa compensation for continuous service letan en dimoun i kite to son bann konpansasyon, son file i al kot DPA.  E DPA i process son bann Konpansasyon dire letan ki’n travay.  Sepandan i annan bann autonomous entity; par egzanp letan nou ti pe get SPDF, Lapolis, prizon, i annan enn de zot sa bann entity ki zot met en provizyon anba zot Bidze pou tou zot bann Gratwite ek zot Konpansasyon. Secondly par egzanp Lasanble Nasyonal, Zidisyer tousala zot met en provizyon dan zot Bidze pou zot pey pou zot Gratwite head of contract akoz zot pa tonm anba DPA, menm si zot follow-up avek service orders, zot annan sa otononm ki zot met sa provizyon dan zot Bidze.  Apre secondly zis pou not anba ‘’wages and salaries’’ tou bann Minister i annan sa bann Gratwite ki ganny peye tou le 5 an, tou le 10an, tou le 15an, tou le 20an e sa bann Minister i met en provizyon dan zot Bidze.  So i annan sa diferans, i annan i met centrally kot DPA i administer i annan ki bann Minister i administer zot menm.  Apre Mr Chair zis pou azoute kekfwa avan kekfwa i annan kestyon dan Bidze 2019 zot pou vwar anba Gratwite in sorti 37milyon in ariv 82milyon, sa nou’n mete en provizyon 45milyon nou’n mete letan Minis ti prezant Budget speech i ti prezante ki annan sa long service allowance, ki i pou konmans into force dan 2019.  Sa nou ankor pe travay lo bann modalité.  Par egzanp en dimoun ki fer 5an i kapab ganny R500 tou le mwan, en dimoun ki’n fer 10an i kapab ganny R1000 sa nou pe travay lo la.  Me sepandan akoz sa lanons in fini ganny fer nou’n met en provizyon an 2019 e once ki nou finaliz son bann prosedir sa larzan, 45milyon pou al anba ‘’wages and salaries’’ dan sak Minister i pou sorti ladan.  Mersi Mr Chair.

 

MR DEPUTY SPEAKER

Mersi PS.  Onorab Andre.

 

HON CLIFFORD ANDRE

Mersi Mr Chair.  Mr Chair, mon krwar pou klarite piblik akoz letan nou pe gete, mon osi mon klarite pou mwan, nou pe get i annan en Gratwite parey ou’n dir ki DPA i administre.  Me mon’n dir lo en Minister ki nou’n pas dan son sa, annou get Departman Ledikasyon i annan gratuity to workers ki tonm 7.6milyon, gratuity to workers ankor 4.6 milyon, apre i annan bann lezot en pe pli pti sonm.  So mon pe al zis sa ki gro.  So pou piblik ek pou nou …. at least pou mwan, mon pe sey konpran si ou dir mwan sa DPA ki administre – akoz DPA i sipoze administre pou Minister Ledikasyon be still mon pe get PSE contract, i annan PSE contract zot allowance apre i annan Gratwite ki quite substantial – son Gratwite li kot Minister Ledikasyon i 13 milyon.  So pou nou pa krwar poudir ki nou pe duplicate larzan dan diferan landrwa kot i pa le ka.  Selman sa leksplikasyon pou mwan pa ase kler.  Mersi.

 

MR DEPUTY SPEAKER

Ok. Mersi Onorab.  PS Payet.

 

PS PATRICK PAYET

Mr Chair, mersi Onorab.  Zis pou azoute kekfwa annou pran legzanp Ledikasyon. Ledikasyon nou annan bann teachers e tou teachers i ganny peye zot Gratwite dan Bidze Minister Ledikasyon.  Sepandan i annan dimoun dan Minister Ledikasyon ki lo Public Service Contract Commission i lo en kontra 2an – 3an. Par egzanp bann Headteachers. Zot end of contract payment pa pou ganny peye kot Minister Ledikasyon i pou ganny peye anba sa centralized payment kot DPA.  Dan tou Minister i mars koumsa.  Par egzanp Minister Finans, tou bann travayer ki pa lo PSE i pou ganny dan Gratwite Minister Finans anba ‘’wages and salaries’’ sepandan son bann senior staff Direkter Zeneral bann PS ek bann CEO zot end of contract ki zot ganny peye tou le 2an – oswa 3an, sa i pou ganny peye anba centralized payment anba DPA.  Akoz sa i ganny processed anba Public Service Commission zot ki assess apre ki en proposal ki’n ganny mete sorti kot sa Minister.

 

MR DEPUTY SPEAKER

Ok, mersi PS Payet. Onorab Churchill Gill.

 

HON CHURCHILL GILL

Mersi Mr Chair.  Bonzour Minis avek ou delegasyon e tou Manm.  Lo paz 24 i annan Pension Scheme contribution apre Special Pension Payment. Eski PS i kapab donn nou en leksplikasyon ki diferans ant sa 2 akoz tou le 2 i pension. Pou nou pou lenformasyon piblik pou nou konnen kwa sa. Mersi.

 

MR DEPUTY SPEAKER

Mersi Onorab.  PS.  

 

PS PATRICK PAYET

Mersi Mr Chair.  Mersi Onorab. Pou Pension Scheme contribution i sa employer’s kontribisyon 2poursan e pou lannen prosenn i pou 2.5 poursan, savedir Gouvernman as en anplwayer, nou bezwen pey sa employer contribution.  E ou travay i tir direk lo ou saler.  Me selman Gouvernman as sa anplwayer ou bezwen peye. E sa i ganny peye anba sa pension Scheme contribution employer. Sa Special Pension Payments i pou tou bann special par egzanp bann ki anba en special pension kot pansyon i ganny peye kot Pension Fund e Pension Fund i bill Gouvernman.  Par egzanp sa amannman ki nou pe fre pou bann teachers, nurses, police officers, fire officers i ganny sa R1000, sa Bill ki pe vin devan sa Lasanble, i pou ganny peye ladan li.  Sa i bann special pension ki Gouvernman in fer dan son Lalwa ouswa in fer dan Lalwa Pension Fund – sa i ganny peye ladan.  I bann special pension.  Par egzanp nou konnen ki i annan bann home carer kekfwa pa’n pey pension Scheme lontan, me selman pou zot kapab eligible pou en pension i ganny peye ladan.  Pension Fund li i peye e i bill Gouvernman, akoz sa bann dimoun pa’n kontribye dan sa bann letan 1990 an montan zot pa ti pe kontribye.  Mersi.

 

MR DEPUTY SPEAKER

Ok.  Mersi PS.  Onorab Ferrari.

 

HON JEAN-FRANCOIS FERRARI

Mersi Mr Chairman. Avan nou pran en vot lo sa Constitutional Appointees Emoluments, mon konnen poudir i annan en Lalwa pe vini lo former Presidents, former Vice- Presidents, selman deza dan Bidze pou sa lannen, mon vwar poudir i annan 2 lenstans kot Gratwite pe ganny peye ansanm avek pansyon.  Sa i pou former Presidentsavek former Vice-Presidents.  Nou lo sa kote latab, nou absoliman kont ki okenn dimoun i ganny gratwite ler ou pe ganny en pansyon.  Gratwite ou ganny ler ou pe travay, ler ou lo pansyon ou pa gannyen Gratwite.  So la i annan R411 mil i ganny provided for e pou former Presidents e apre 127 mil.  Mwan mon ti ava demann PS mon pa konnen si sa i dan Lalwa aktyel, si i dan Lalwa aktyel mon mazinen nou bezwen vot li – me selman nou pe al sanze sa Lalwa e chances are se ki nou pou amande e pou napa Gratwite lo pansyon. So gid mwan PS, eski nou pran sa bout lo ouswa eski nou demande ki sa bann amountsla i ganny freezeanattendant ki Lalwa i vin dan Lasanble hopefully avan lafen lannen. Mersi.

 

MR DEPUTY SPEAKER

Ok.  Mersi Onorab.  PS.

 

PS PATRICK PAYET

Mersi Mr Chair. Mersi Manm Onorab. Zis pou azoute ki parey zot konnen i annan en schedule ki nou mete Section 4 ki Constitutional Appointments Emoluments ki annan detay pou tou bann constitutional appointees.  Zis pou azoute sa 25 poursan Gratwite actually zot… i dan Lalwa.  So nou as Minister Finans nou’n met sa provizyon akoz as per the Law.  Sepandan once ki debate next week i start on the proposal of the Bill – sa ki Lasanble i aprouve nou, nou pou bezwen anmenn as per the Law ki egziste.  So mon pe rekomande ki kekfwa nou kit li, akoz sa Lalwa i egziste ozordi.  Me sepandan si Lalwa i ganny amande letan zot diskite, nou, nou bezwen fer the final amendments as per the Law.

 

MR DEPUTY SPEAKER

Ok.  Mersi PS Payet. Onorab Basil Hoareau.

 

HON BASIL HOAREAU

Mersi Mr Chair.  Bonzour tou bann Onorab e tou bann dimoun ki a lekout.  Mon pou fer referans en pe avek kestyon ki Onorab Andre ti demande. Mon rapel letan Minis ti prezant Bidze i ti dir poudir end of term gratuity pou tou bann constitutional appointees pou ganny redwi sorti 50poursan pou 25poursan. Kan ki ou pe mazinen sa pou pran lefe?  Sa ti mon kestyon.

 

MR DEPUTY SPEAKER

Mersi Onorab Hoareau.  PS.

 

PS PATRICK PAYET

Mersi Mr Chair. Mersi Onorab. Sa i proposal ki nou pou anmenn amannman pou lannen prosenn.  Nou anvizaze kekfwa once ki 5an, sa term 5 an i fini.  So for Ministers avek National Assembly avek bann lezot mazorite zot, zot term kekfwa pou fini kekfwa ankor dan 2an, 3an, 4an.  Ok, so definitivman lannen prosenn ki nou pe vin avek sa lamannman.

 

MR DEPUTY SPEAKER

Ok. Mersi PS Payet.  Onorab Churchill Gill.

 

HON CHURCHILL GILL

PS an relasyon avek kestyon ki Onorab Hoareau in demande, normalman ler Manm Lasanble in antre, in antre lo en Lagreman, eski i korek pour ou kapab sanz sa avan manda sa bann Manm i fini?  Eski ou kapab eksplik nou sa silvouple?  Mersi.

 

MR DEPUTY SPEAKER

Ok.  Mersi Onorab.  PS Payet.

 

PS PATRICK PAYET

Mersi Mr Chair. Mersi Onorab. Aktyelman la nou ankor dan diskisyon avek AG’s Office.  E sanmenm sa ki nou pa’n anmenn okenn amannman sa lannen e nou pe anmenn li lannen prosenn.  Si dan legal advise ki nou gannyen ki actually si sa Kontra ki egziste avek tou bann constitutional appointees, nou pa pou kapab sanze i pou letan nouvo term si i annan en constitutional appointees ki antre son nouvo provizyon ki pou sanze. So actually la nou ankor pe diskit avek AG’s Office e once ki nou anmenn sa amannman nou ava fer kler kwa ki bann prosedir, proposal dan Lalwa. Mersi.

 

MR DEPUTY SPEAKER

Mersi PS.  Onorab Gill.

 

HON CHURCHILL GILL

Ya, mon krwar i korek akoz sa term fodre i fini, ou pa kapab dan milye term fer sa bann kalite amannman.  Mersi.

 

MR DEPUTY SPEAKER

Ok.  Mersi Onorab Gill. Onorab Aglae.

 

HON EGBERT AGLAE

Mersi Mr Chair.  Bonzour.  PS mon pou tourn ou en pti gin an aryer kot i konsern ti annan en lanons ki ti ganny fer dan Bidze kot i konsern bann travayer dan servis piblik i vin parey en incentive ler ou fer 10 an, 15an akoz piblik i annan piblik i konfize sa; si ou ti kapab eksplik zot, eksplik Lasanble, piblik ki pe tande la sa incentive ki pou ganny donnen, i annan ki pou ganny petet baze lo kantite servis letan – i annan ki’n dir mil, 2 mil an montan.  Si i annan en legzersis ki zot in fer pou map out dan servis piblik konbyen sa bann dimoun i annan e si sa pe vin lo en baz kot i pou fer son lapey monthly ouswa i pou vin kalkilasyon lo zot Gratwite apre sa 5an avek sa 10an ki zot ganny sa larzan.  Mersi.

 

MR DEPUTY SPEAKER

Mersi Onorab Aglae.  PS.

 

PS PATRICK PAYET

Mersi Mr Chair.  Mersi Onorab. Sa proposal i pou konmans 2019.  E sa i pou tou bann dimoun ki zot pa lo public service commission Kontra. Savedir tou dimoun ki annan en Kontra e sa i pa pou aplikab pou zot.  Sepandan tou bann dimoun travayer ki anba i pou aplikab.  Proposal ki nou pe fer son assessment nou pa ankor finalize ; par egzanp bann posyon ki nou pou revwar e rekalkile i annan apepre 7mil a 8mil travayer ki pou kalifye pou ganny sa monthly allowance.  Par egzanp en dimoun ki fer 5an, ki’n ganny 5 an dan travay si i anba 5an i pa pou gannyen, en dimoun ki’n ganny 5an dan travay i kapab ganny li en monthly allowance R500 tou le mwan apard ki son saler i pou ganny li en monthly allowance.  Once ki i ganny 10an sa allowance pou ogmante i pou vin kekfwa R1000.  Tou le mwan i pou kontinyen ganny sa R1000.  Once ki i ganny 15 an sa allowance i ogmante kekfwa i vin R1500.  So nou pa ankor travay son content of sa monthly allowance.  Dan premye 6 mwan lannen prosenn nou pou finalize se ki bann proposal ki nou pou mete, i pou vin avek son monthly saler.  So tou le mwan sa dimoun pou kontinyen ganny sa monthly allowance; sepandan i pou sanze, en dimoun ki’n fer 5an i pou ganny pli ba, en dimoun ki’n fer 10an i pou ganny pli o, 15an.  Pli i fer plis letan dan Gouvernman son allowance i pou monte e i pou kontinyen ganny sa tou le mwan.

 

MR DEPUTY SPEAKER

Mersi PS. Onorab Afif.

 

HON AHMED AFIF

Mersi Mr Chair.  Mr Chair, mon kestyon i baze lo paz 28 lo ‘’goods and services’’ mon ti a kontan si PS i kapab donn nou en pti pe leksplikasyon lo ‘’professional and consultancies services’’ ki zot pe peye. Konbyen Lakonpannyen ki involved?  Ki vreman ki kalite consultancies zot pe peye? Answit cleaning services 48.5 milyon, ki mannyer zot award sa bann kontra? Konbyen dimoun ki anploye anba la e ki mannyer sa bann tender i fer? Mersi.

 

MR DEPUTY SPEAKER

Ok.  Zis mon a rod gidans en pti kou PS si nou’n fini lo paz 24… wi, PS eski nou kapab pran en vot lo oubyen nou bezwen pran li ansanm ek 28.

 

PS PATRICK PAYET

Si nou’n fini lo paz 24 nou kapab pran en vot, wi.

 

MR DEPUTY SPEAKER

Ok. Napa okenn Manm…

 

PS PATRICK PAYET

Akoz…

 

MR DEPUTY SPEAKER

Napa okenn Manm ki annan ankor kestyon lo paz 24? Onorab William, ok Onorab. Apre nou ava pran kestyon lo paz 28, Onorab Afif. Onorab William.

 

HON WAVEN WILLIAM

Mersi Mr Chair.  Mr Chair, zis mon ti a kontan ganny en pti klarifikasyon avek PS.  Lefe ki ozordi dan plizyer bann etablisman travay nou annan bann dimoun ki’n la ki annan leksperyans malgre zot napa bann diplonm e nou annan bann young graduates pe antre, konmsi mon ti a kontan ou dir si i annan bann disparite an term konpansasyon menm Gratwite ouswa allowance zot gannyen?  Akoz ki arive se ki annan konplent deor poudir ‘‘be regarde malgre sa dimoun pe antre avek son bann Sertifika avek Diplonm, mwan mon’n la avek tou mon lannen leksperyans ki mon bezwen pass on,’’ eski i fair parfwa pou annan sa bann diferans?  Mersi.

 

MR DEPUTY SPEAKER

Mersi Onorab.  PS Payet.

 

PS PATRICK PAYET

Mersi Mr Chair.  Dan laplipar Lorganizasyon zot annan zot Scheme of Service, dan zot Scheme of Service i spesifik.  Par egzanp bann entry requirement pou sa pos. sepandan dan Scheme of Service i pou annan en basic pay ki lamazorite zot dan travay zot pou en pe apepre parey si zot dan sa pos. apre i annan inducement allowance ki osi dapre sa pos.  Apre i annan en marketable allowance selman marketable i dapre kalifikasyon ki zot in gannyen.  Savedir si zot i ganny en Diploma, en Diplonm ouswa si zot annan en Degre, si zot annan en Master i pou diferan. Sepandan par egzanp dan zot saler de baz basic salary i kapab annan diferans si sa dimoun par egzanp ki’n fer 3 an, 4an, si in fer en appraisal in kapab monte lo grid.  I kapab pa reste lo menm baz par egzanp en dimoun ki fek konmanse. Me sepandan nou’n vwar ki par egzanp in the past 2 years nou pa’n kapab donn en pe plis larzan dan sa promosyon akoz kekfwa larzan in al plis dan Scheme of Service. Me sepandan osi par egzanp nou konnen lo kote par egzanp Minister Finans nou annan en accounting cadre ki dimoun in la avek leksperyans – menm si zot napa Degre, me sepandan nou’n fer sir dan Scheme of Service menm si i annan en dimoun ki annan zis en Diploma i kapab ganny sa promosyon pou li kapab vin en financial controller akoz son leksperyans. So i bezwen fer sir ki dan Scheme osi i annan sa provizyon ki allow sa progresyon dan zot karyer. So sa osi mon krwar nou bezwen travay en pe plis avek bann Minister pou zot kapab letan zot travay avek zot Scheme of Service avek DPA ki zot kapab met sa bann provizyon ki pou ankouraz sa bann dimoun kekfwa ki’n la avek leksperyans, ki zot osi zot kapab progre dan sa organisation akoz zot osi menm si zot napa en Degre me solman zot annan vas leksperyans dan zot travay.  Sa i en keksoz ki dan accounting Scheme ki nou’n fer, me nou ava diskit en pe kekfwa avek bann lezot Scheme pou vwar ki mannyer sa i kapab ankadre dan bann Scheme of Service. Mersi.

 

MR DEPUTY SPEAKER

Mersi PS.  Mon krwar i vreman enportan ki nou get sekous travayer.  Mon’n osi, parey Onorab, mon’n rankontre en msye ki’n fer 27an PUC, son servis i lwayal e i pe kontinyen donn tou pou tou, me lefe ki i napa bann Sertifika isi and all that and i vwar li i stuck, lezot ki vin apre li i mont, ki’n fer 2an, 3an i mont bokou pli o ki li.  Onorab William.

 

HON WAVEN WILLIAM

Mr Chairman, mersi.  An relasyon avek sa ki ou pe dir. Mwan mon, anyway tanzantan par egzanp letan Bidze i vin prezante i annan serten bann alegasyon ouswa bann commitment, me mon ti a kontan ki PS avek Minis Finans i la zot pran sa pwen o serye akoz si non i pou annan bann unfairness dan en sel servis kot i annan ki ganny kit deryer.  Akoz ler i annan dimoun ki annan leksperyans an realite baze lo bann desizyon, bann pratik ki e arive kot mon krwar i bezwen annan en balans pou kapab donn sa fairness. Alors mon ti a kontan ki PS lefe ki ou pe dir zot pou konsidere si ou ti a donn nou en commitment akoz en bon pe dimoun deor la avek leksperyans zot osi zot defavorize parfwa baze lo lefe ki enn – zot in la, ou annan nouvo ki pa vedir mon kont bann zenn ki pe antre avek zot Sertifika me solman sa bann dimoun zot santi zot en pti pe, mon kapab dir… well mon pa pou dir diskriminalize me ti a bon get dan zot welfare.  Mersi.

 

MR DEPUTY SPEAKER

Mersi Onorab.  PS.

 

PS PATRICK PAYET

Mr Chair.  Mersi Onorab.  Mersi Mr Chair.  Zis pou azoute sanmenm sa, sa proposal ki nou pe fer sa long service allowance si.  Sa long service allowance si i pou baze lo kantite letan ou’n travay savedir en dimoun ki’n fek konmans travay kekfwa premye lannen i pa pou gannyen tandis ki en dimoun ki’n fer 10an i pou ganny son allowance kekfwa i pou fer li diferan avek sa dimoun ki fek konmanse ozordi.  So sanmenm sa osi ki nou pe met proposal pou fer sa long service allowance pou fer sir ki sa bann dimoun ki’n travay sa kantite letan zot osi zot kapab ganny en lot allowance, me tandis ki sa dimoun ki fek konmanse li i pou ganny as per the Scheme of Service ki egziste.  Me se sa i pou vin into force 2019, ki once nou fer son assessment ki nou pou get son content konbyen i pou ete.

 

MR DEPUTY SPEAKER

Ok.  Mersi PS Payet.  Ou annan lo paz 24.  Nou ankor lo paz 24, ok ?  Ou pwen i lo paz 24 ou, ok. Ok. Si napa okenn Manm ki pou entervenir ol paz 24 ki’’ other wages and salaries’’, PS ou ava gid nou lo sonm pou nou pran en vot lo la.

 

PS PATRICK PAYET

Mersi Mr Chair.  Pou sonm ‘’other wages and salaries’’, i 259, 192 milyon.   E zis pou azoute Mr Chair ki sa adisyon pension e gratwite, compensation for continuous service, constitutional appointments emoluments, pension Scheme contribution avek special payment.  Kekfwa nou pa’n met en sub-kategori pou fer son adisyon, me selman sa 2.4milyon i son total all wages and salaries.  As per the Appropriation Bill i zis 259, 192 milyon.

 

MR DEPUTY SPEAKER

Ok.  Bon, tou Manm ki an faver? Okenn Manm ki kont? Madanm Clerk.

 

MADAM CLERK

Mersi Mr Chair.  Bonzour tou dimoun.  Mon’n rikord 24 Manm an faver, personn kont. Mersi.

 

MR DEPUTY SPEAKER

Ok.  Mersi, savedir pou sa Bidze ‘’other wages and salaries,’’ Lasanble Nasyonal in aprouve.  Nou ava bouz lo paz 28 prezan. ‘’Other goods and services,’’ mon ava demann Onorab Afif pou repoz son kestyon.

 

HON AHMED AFIF

Mersi Mr Chair.  Mr Chair, mon kestyon i baze lo 2 laliny dan sa latab lo paz 28, ‘‘professional and consultancies’’ services R30 milyon.  E answit cleaning services R48.5milyon; si ou ti kapab donn nou en pe detay lo ki sa kalite consultancy vreman, konbyen Lakonpannyen ki involve ladan e lo cleaning konbyen dimoun ki anploye?  Lekel sa bann lakonpannyen? Ki mannyer ti ganny award sa bann Kontra? Mersi.

 

MR DEPUTY SPEAKER

Mersi Onorab.  PS.

 

PS PATRICK PAYET

Mersi Mr Chair. Zis pou konmans lo ‘’professional and consultancy’’, pli gro Kontra ladan i World Bank, 14milyon nou pe pey World Bank pou sa program performance-based Budgeting reform program e sa i lo en term 3 an.  Secondly nou annan Fitch Ratings, nou bezwen pey Fitch apepre 1.5 milyon pou zot vin fer sa rating Sesel tou-le-z-an.  Apre nou’n met en provizyon pou nou… sa payroll subsidy pou bann SME, sa osi pou ganny tender e nou met en provizyon 3milyon.  E sa nou’n mete akoz actually la i en requirement pou tou bann dimoun ki annan 25 travayer pou zot fer electronic submission to SRC.  Me sepandan avek nouvo proposal for progressive income tax, nou pe fer sa desann, i pou vin – si ou annan zis 10 travayer ou bezwen fer li servi sa electronic pay roll.  Avek sa nou konnen kekfwa pa tou anplwayer akoz mazorite zot i bann pti kontrakter kekfwa ki zot napa en nosyon dan pay roll bann keksoz koumsa.  So nou, nou pe dir ki Gouvernman at least i met sa provizyon for at least 2 to 3 years ziska ler zot prepar zot pou fer en proper pay roll.  So nou’n met sa provizyon apepre 3milyon e nou pou tender sa properly early next year.  Apre nou’n met en provizyon pou apepre 2 milyon pou nou fer en pe bann transfer prizing odit par SRC, sa osi i pou tender.   I annan en provizyon 480mil for electoral reform anba professional consultancy, sa i bann reform ki Biro Eleksyon i fer.  I annan en staff DICT, sa i en foreigner apepre 400mil, i annan en staff pou Lanvironnman osi, i pe ganny peye apepre $2mil par mwan.  Apre osi nou annan en staff kot Accounts ki ganny peye apepre $2600 par mwan, sa osi.  Sa i dan Accounts.  Apre nou’n met en larzan osi pou nou adres National Addressing system, sa nou’n met li en provizyon apepre R1.5 milyon pou nou fer sir ki nou pe travay e sa osi pou annan tender – pou posters, savedir pou tou bann lakour Sesel ouswa tou bann streets ki kapab annan en non properly ki tou bann lakour pou annan en house number.  Sa i en reform ki nou pou konmanse lannen prosenn e sa nou pe met en provizyon apepre R1.5 milyon. Secondly apre nou’n met… i annan en provizyon, i annan en travay anba Lapolis ki pe ganny peye $9100 par mwan e Msye Jean Cellier i anba Lapolis.  Wi. Sa i en provizyon, i en Sud-Africain, yes.  Sa provizyon ki nou’n mete ….. Ok, pou… kekfwa Damien i pas en pe lo Cleaners Cooperative.

 

MR DEPUTY SPEAKER

Ok.  Mr Thesee.

 

COMPTROLLER GENERAL DAMIEN THESEE

Mersi Mr Chair. Bonjour Mr Chair, Onorab.  Nou annan 580 cleaners e zot tou zot tou anba Cleaners Cooperative ki ti ganny formen an 2009 avek reform ladministrasyon piblik kot i focus tou latansyon bann non-core positions ti ganny mete anba Cleaners Corperative.  Mersi.

 

MR DEPUTY SPEAKER

Ok.  Onorab Lemiel.

 

HON SYLVIANNE LEMIEL

Mersi Mr Chair. Bonzour tou dimoun, Minis ek ou delegasyon, tou dimoun ki a lekout. Mr Chair mon annan en pti leklersisman petet oubyen pou benefis piblik osi pou zot konnen.  Mon vwar lo paz sa pti 33, 32 ek 33 en Women Trust Fund…

 

MR DEPUTY SPEAKER

Non, non nou lo 28 la.

 

HON SYLVIANNE LEMIEL

Sorry, mon ti krwar nou’n ariv dan… sorry.

 

MR DEPUTY SPEAKER

Non, lo goods and services, alright, nou pou vin lo lezot apre.  Ok.  Onorab Churchill Gill.

 

HON CHURCHILL GILL

Mersi Mr Chair.  Mon a zis demann PS sa msye ki ganny sa $9mil si i lo Kontra?  Apre kan ki son kontra pou fini akoz mon mazinen nou annan Seselwa ki annan sa kalib pou kapab al fer sa travay.  So i en mannyer i a koup sa kantite larzan ki nou bezwen pey sa endividi.  Mon kestyon i lo paz 28 se National Day Celebration, lannen pase ti annan en Bidze 7.5milyon, me la i annan en Bidze 12milyon, eski PS i kapab donn nou en lide akoz ki i annan sa gro logmantasyon 4.5milyon.  Mersi.

 

MR DEPUTY SPEAKER

Mersi Onorab Gill.  Avan mon donn laparol PS i annan en kestyon lo menm size, Onorab De Commarmond.

 

HON CHARLES DE COMMARMOND

Mersi Mr Chair.  Bonzour Minis, bonzour tou Manm Onorab, Minis ek ou delegasyon e tou dimoun ki a lekout.  Mr Chair, sa issue sa konseye whoever kot Lapolis, sa anplwaye etranze la ki pe ganny $9100 par mwan, eski PS i kapab donn nou Lasanble en pti pe plis leklersisman.  Par egzanp konbyen tan i la ki son rol i pe zwe, ki sa responsabilite ?  E eski Lotorite, Lapolis oubyen lezot ki’n anploy li, in deza met en dimoun atase ek li pou pran son plas ler i ale, konbyen?  Ki sa progranm ki sa dimoun avek li? Konbyen letan i pou pran?  Ankor 1an, 2an – si zot kapab donn nou en pti leklersisman lo la akoz dan nou pei nou koz bokou dan sa direksyon e ti a bon ki nou pep i kler lo la e avan nou vot en gro sonm pou li.  Mersi.

 

MR DEPUTY SPEAKER

Mersi Onorab De Commarmond. Mon pran Onorab Andre apre PS i ava reponn.

 

HON CLIFFORD ANDRE

Mersi Mr Chair. Follow-up lo an referans avek sa ki Onorab De Commarmond in dir, aparaman in annan en Seselwa ki ti atase oubyen ki ti Depite kot Mr Ian i ete laba ki’n fini ale.  So nou annan en leksperyans ki nou’n perdi ki ti kapab ranplas sa.  Pa pou reponn kestyon PS i a reponn son kestyon pou gete ki mannyer i ete selman mwan mon konn sa akoz mon travay aktivman avek sa seksyon osi.  Prezan pou lo, en follow-up pou kestyon Onorab Gill, mon pe get letan nou pe get National Day Celebration, nou vwar National Theme, mon pe sey demande akoz sa pa ansanm pou fer en sel Bidze, nou ava kapab redwir kantmenm sa 500mil ki nou’n met ladan pou nou kapab asiste avek larzan ki nou bezwen save. Mersi.

 

MR DEPUTY SPEAKER

Ok.  Mersi Onorab.  PS Payet.

 

PS PATRICK PAYET

Mersi MrChair. Mersi bann Manm Onorab.  Zis pou azoute ki sa msye, kekfwa mon napa son kopi Kontra avek nou, me selman mon okouran ki i ti pe asiste dan forensic, i ti pe ansarz sa seksyon.  Mon pa tro annan detay si ti annan dimoun dan Lapolis ki ti pe, ki li i ti pe train ; sa kekfwa nou ava rod en pe dokiman akoz for the past 2an, mon konnen i la e nou kapab diskit avek nouvo ComPol pou vwar ki son nouvo kontra ki in sinyen e ki… ziska kan i pou la ankor, ok?  E nou ava kapab provide Lasanble avek en pe detay.  Selman mon okouran i dan Forensic Department. Secondly lo National Day Celebration, sa lannen ti napa en provizyon ki nou’n mete, ti napa Expo ki ti ganny fer e lannen prosenn the National Day Committee in advise nou ki pou annan Expo.  E nou’n vwar par egzanp an 2016 letan ti annan Expo ti kout apepre R11.5milyon for the whole celebration. E sanmenm sa ki nou’n met sa provizyon 12milyon, akoz nou’n okouran ki pou annan Expo ki sa lannen ti napa. Secondly National Theme nou’n met li diferan votes akoz mon krwar i 2 diferan Komite, Tenm Nasyonal e sa enn i spesifik lo Tenm Nasyonal ki once ki Prezidan i anons Tenm Nasyonal zot zot bezwen fer sir ki at least i annan publicity ouswa lansman sa Tenm. Tandis ki National Day celebration i bann depans dan bann Zen ki pou 29 Zen spesifik.

 

MR DEPUTY SPEAKER

Ok.  Mersi PS Payet.  Onorab De Commarmond.

 

HON CHARLES DE COMMARMOND

Mr Chair mon le move mwan ki lo sa Head ki nou pa vote, nou sispann nou vot pou le moman, nou tenir ziska ler nou ganny leksplikasyon lo sa issue Lapolis apre sa i kapab ganny fer en pti pe vitman taler me nou pa vot lo la, nou pas lo lot tandis ki lo lot vot, lo Head epi nou a retourn back lo la – ozordi menm si nou bezwen sa lespirasyon mon pe sizer sa.

 

MR DEPUTY SPEAKER

Ok. Mersi Onorab. Point taken. Nou ava kontinyen kestyonn, pran kestyon sa ‘’other goods and services’’ me nou pa pou pran en vot lo la ziska petet apre Break letan nou a kapab ganny en pti pe plis lenformasyon.  Onorab Ferrari.

 

HON JEAN-FRANCOIS FERRARI

Mersi Mr Chairman. Mr Chairman, mon kestyon i retourn lo ‘’cleaning services’’ 48 milyon i en gro sonm e mon ti a kontan silvouple Msye Thesee si ou kapab donn nou en pe plis detay konbyen dimoun ki dan sa Korperativ e ki bann landrwa prensipal ki zot pe ofer sa bann servis pou nou kapab zistifye sa gro sonm. Mersi.

 

MR DEPUTY SPEAKER

Mersi Onorab Ferrari.  PS Payet. Mr Thesee.

 

COMPTROLLER GENERAL DAMIEN THESEE

Mersi Mr Chair.

 

MR DEPUTY SPEAKER

Ok. Hold on Mr Thesee, yes Onorab Andre.

 

HON CLIFFORD ANDRE

Mersi. I ti egzakteman lo sa ki mon ti annan en kestyon lo, mon annan lezot. Letan nou get bann Departman, tou Departman Gouvernman in donn nou en sif an referans avek cleaning services.  So si sak Departman pe pey sa servis avek Korperativ , mon pe demann mo lekor parey Onorab Ferrari in dir, 48 milyon konmsi nou bezwen en bann leksplikasyon akoz 48 milyon i gro.  Then you cleaning Corperative – so is it over and above sa ki Minister pe peye e ki substantial osi dan zot Departman letan zot pe peye.  Mersi.

 

MR DEPUTY SPEAKER

Ok. Mersi Onorab. Mr Thesee.

 

COMPTROLLER GENERAL DAMIEN THESEE

Mersi Mr Chair.  Sa ki nou pou vwar dan Bidze Minister pou cleaning sa i son bann consumables mostly – i pa pou saler. Savedir dan son bann diferan materyo i bezwen pou netwaye.  Par kont ou pou annan bann depans pou pey bann kontra cleaning dan Minister.  Par egzanp lekol, sa bann laplenn i ganny outsource LWMA clean distrik, clean lavil i ganny outsource.  Lopital high dusting pa ganny fer par bann cleaners.  E sa ki dan cleaning la, nou annan apepre 72 entities; savedir Minister larzan son Departman sa ki pe pey sa bann cleaners ki full time kot sa bann Minister.  Savedir72 entities, ou annan ou 180 cleaners average 6600 saler en cleaner ki fer ou 42milyon e apre ou annan ou 3.4 akoz zot osi zot benefisye avek 13th month, 3.4 milyon i ganny peye 13th month zot ganny menm benefis avek en civil servant.  E 1milyon i operational costs akoz zot annan enn pti Headquarters avek en management ki zot saler i osi 1 milyon, son CEO son bann HR, zot bann accountant e zot bann supervisors – ki get zot.  Se sa ki add up to sa 48 milyon. Mersi.

 

MR DEPUTY SPEAKER

Mersi Mr Thesee.  Onorab Andre.

 

HON CLIFFORD ANDRE

Mers iMr Chair.  Mr Chair, mon pe sey konpran, mon sir dimoun deor osi pe sey konpran. Gouvernman ti dir letan ti annan en cleaner ki ti anploye par sak Minister ti dir pou redwir kou i ti fer sa Korperativ, ti dir zot al fer biznes.  Ozordi nou vwar ki si nou pe get bann Minister, i annan Minister ki pe pran R900 mil par lannen pou li aste sa ki Mr Thesee in dir consumables, i en pe bokou, i annan ki annan consumables cleaning consumables R900 mil apre nou pe pey ankor 48 milyon pou en landrwa, kot nou ti dir sipoze al fer biznes. We are not serious!  I pa bezwen biznes la i pe tir ankor avek nou; annefe i pe tir plis ki si i ti en Minister ti pe anploy en cleaner, 2 cleaners, 3 cleaners pou fer sa travay ki zot ti pe fer Mr Speaker.  So nou bezwen ganny en pe plis leksplikasyon akoz larzan pe ganny depanse koumsa.  Mersi.

 

MR DEPUTY SPEAKER

Ok.  Mersi Onorab.  Onorab De Commarmond lo menm pwen.

 

HON CHARLES DE COMMARMOND

Wi, wi dan menm direksyon sa issue pe ganny diskite, desizyon ti ganny pran par Minister Finans.  Now eski Minister Finans e an 2008 mon krwar somewhere dan sa bann letan. Eski alor Minister Finans in fer en evalyasyon pou vwar vreman si i anmenn en benefis pou Gouvernman ou pwendvi finansyel, oubyen i pe kout nou plis vreman?  E sa leksplikasyon ki’n ganny donnen mon krwar nou ti a voudre konmsi ou elabor lo la PS. Dan bann Minister deza nou’n vwar nou anba ‘’goods and services’’ and ‘’other goods and services’’ i annan keksoz pou fer avek cleaning – e la ankor sa ladan parey i ganny demande, konmsi nou le vreman al en pti pe o fon pou nou kapab vwar si i pa neseser go back to bann diferan Minister, Departman anploy zot detrwa cleaners ki ava vin dan zot pay roll ensidswit. Konmsi eksplik nou convince nou poudir sa ki dan Bidze i ok e pa sa ki nou, nou pe panse – otherwise nou pou vwar en diferan senaryo.  Mersi.

 

MR DEPUTY SPEAKER

Mersi Onorab.  Mr Thesee.

 

COMPTROLLER GENERAL DAMIEN THESEE

Mersi Mr Chair.  Ler ou outsource ou annan ou 2 lobzektif ki ou anvi achieve ordinerman, enn i kapab lo kou e dezyenmman parey dan nou ka ler nou ti outsource an 2009 se te pou tir bann non-core functions lo Gouvernman, savedir ou ti anvi kree en ladministrasyon, ou ladministrasyon ti pe ganny burden-up avek zesyon par egzanp netwaye e i pa pe kapab konsantre lo son core manda.  Par egzanp requite lo bann core position, provide training and development son bann core staff.  E prezan i fer li ki i bezwen kontinyen recruit plis admin officers, HR officers pou li zer sa bann loperasyon. So i ti tir sa bann non-core position, cleaners i enn, in donn li en sel administrasyon par create sa Korperativ.  Savedir tou cleaners i actually owners of sa Korperativ.  Ler zot ti sorti lo Gouvernman they become the owners.  E sa issue pou zot go out and make business, sa larzan ki zot fer si zot go out i come out pou zot menm i pa vin dan kof Gouvernman. Akoz i … at the end of the day letan zot al dan bann Konpannyen prive pou rod sa louvraz zot sipoze pe share sa larzan lafen lannen ek zot.  Savedir sa i en fason ki’n fer pou zot kree wealth pou zot menm.  E nou pe revwar lannen prosenn pou nou actually pandan sa dernyen 2 an nou pe get en kou sa bann lobzektif si in vreman achieve.  Akoz pou le moman nou annan par egzanp zot ankor pe travay full time 7er–3er.  En keksoz ki Gouvernman i bezwen gete se bann Lorganizasyon letan i terminen si ou bezwen zot full time e si ou pa bezwen, si kekfwa midi zot in fini zot louvraz zot kapab ale e la donn zot loportinite pou zot ale, rerod zot louvraz zot menm.  Me solman i pou depan lo sa bann dimoun si zot bezwen. E alor, solman still Gouvernman i bezwen sa servis, i bezwen netwaye, nou still annan presyon ek bann Minister kin pe demann nou plis cleaners, me solman ki pe sey kontrole.  Akoz nou annan apepre 235 cleaners ladan ki actually zis pou Minister Lasante.  Savedir the bulk apepre lanmwatye i avek Minister Lasante.  So even if ou pou tourn li lo pay roll son kou pou still la akoz ou annan ou… ou kapab outsource li privately e son costs i kapab menm monte ankor plis.  La nou ankor pe met li at par avek en saler oubyen nou pe administre at par kwa ki Gouvernman ki ti pou pey li.  Si ou outsource li konpletman ou napa kontrol lo son bann costs ki pou mete par bann leaders pou annan the profit element ki en private sector pou anvi met lo la.  E costs  kapab fer li actually pli monte. So dan plas zis fer li ale nou bezwen gete ki mannyer nou maximise sa bann existing cleaners ki ganny servi dan Gouvernman.  Mersi.

 

MR DEPUTY SPEAKER

Mersi Mr Thesee me mon krwar kestyon ki’n sorti dan 2 kote eski depi 2008–2009 en evalyasyon in ganny fer pou regarde si nou pe ganny valer pou sa kantite larzan, si lo kote finansyerman Gouvernman i benefisye ler i outsource?  Eski zot in fer en evalyasyon? Ok. Onorab Ferrari.

 

HON JEAN-FRANCOIS FERRARI

E Mr Chair pli enportan ankor eski bann travayer zot menm pe benefisye dan sa setup?  Akoz mannyer ou’n dir nou Mr Thesee si par egzanp lafen lannen Gouvernman i donnen Bidze pou sa Cleaners Corperative i larzan pa… si sa Korperativ i kapab fer en saving, sa saving i vin pou tou travayer.  So i osi enportan pou nou mete, eski i benefisye Gouvernman?  Eski in benefisye osi sa bann travayer so eski pou annan en evalyasyon ki pou ganny fer very soon?  Mersi.

 

MR DEPUTY SPEAKER

Mersi Onorab, mon a pran pou Onorab Arrisol, i lo menm size.

 

HON SANDY ARRISOL

Mr Speaker, bonzour.  Bonzour Minis avek ou delegasyon. Lo menm size, mon osi mon en pti pe konfize an relasyon avek sa ki Onorab Andre in dir – parske letan nou pe koz Korperativ; Korperativ i sipoze en group dimoun ki pe korpere, ki nou’n zwenn ansanm ki nou’n envesti larzan pou nou fer en keksoz.  A lafen lannen sepa lafen nou letan i annan sa larzan ki nou partaz antre nou. Letan mon pe get Korperativ cleaners be konbyen dimoun ki dan sa Korperativ? Konbyen dimoun ki pe vreman benefisye. Letan mon’n tann Mr Thesee koze bann travayer zot ganny en saler.  E mon aprann travayer kot Korperativ zot ganny 5,050 setou – napa nanryen ankor an plis Desanm ki zot partaz antre zot konman en Korperativ.  Be lo sa pwen mon ti a kontan demann Mr Thesee dan sa pti management ki ou’n dir nou la, dir nou en kou konbyen dimoun i annan dan sa pti management, konbyen staff i annan, kote zot baze e ou’n dir nou i ariv 1 milyon, konmsi sey balans nou, dir nou konbyen zot i annan, konbyen zot gannyen par mwan pou nou gete si bann travay ki annan dan mon distrik ki tonm sa dan Korperativ si zot byen dan sa la?  Mersi.

 

MR DEPUTY SPEAKER

Ok.  Mersi.  Mr Thesee.

 

COMPTROLLER GENERAL DAMIEN THESEE

Mersi Mr Chair.  Parey son non i dir Korperativ, ou sipoze… you become… ou own sa biznes savedir ou en manm.  Me selman pou ou kapab fer larzan, ou bezwen go out.  So Gouvernman l ii pe pey sa bann cleaners pou sa servis ki pe donn Gouvernman pandan son ler ki bezwen dimoun 8er – 3 er.  Si i prezan i anvi make extra money, i bezwen go out rod biznes avek public sector avek Parastatal par egzanp ki pa lo Bidze Gouvernman i sarz li en rate, zot annan en rate actually ki zot sarze per hour pou sa bann servis an deor, e en poursantaz ladan sa rate i sipoze go towards sa cleaner spesifik ki fer sa louvraz.  E i annan en profit element natirelman ki go back into Korperativ.  E sanmenm sa sa profit element at the end of the year i sipoze sarze.  So i up to sa bann cleaners menm, pou actually fer sa travay pou li kapab earn si i pa pe earn nanryen se akoz zot p ape go out e Gouvernman pa kapab donn li extra pou go out.  Ki vreman i pe fer pou le moman, i pe still donn zot par egzanp en 13th month ki pe kout nou R3.4 milyon.  So i pe ganny sa bann benefis ki en travayer Gouvernman i gannyen e osi zot Gratwite 5an. Savedir lo menm term avek en travayer Gouvernman ki full-time lo son pay roll.  Anything extra li i bezwen go out, make the money pou li kapab kontribye. E lo issue financially – pou Gouvernman nou vwar sa zesyon ki zot in fer avek Korperativ financially nou kapab soutenir li.  Parey mon’n dir si nou go out pou outsource li konpletman nou cost pou sanze dramatically nou kapab dir.  Akoz la prezan ou pou annan bann private contractors ki pou sarz pou son bann operational costs, i pou sarz ou en profit element ki la nou napa profit even if Korperativ pe nou sa servis. I baze lo costs, konbyen i koute pou pey en cleaner, konbyen i koute pou li operate son pti Headquarters, pou li pey son bann management staff e napa profi ladan, i pa fer profi ek Gouvernman.  So si nou go out i pou kout nou actually plis.  E parey mon’n dir osi nou annan lentansyon lannen prosenn pou nou revwar bann outsourcing ki nou’n fer.  Me solman nou cleaners so far nou’n vwar sa, even sekirite anba Lapolis i annan bann VVIPs ki anba strategic building anba Lapolis, nou vwar si nou outsource zot i pou osi kout nou plis akoz ankor ler private sector i sarz ou en profi li. Mersi.

 

MR DEPUTY SPEAKER

Ok.  Mersi Mr Thesee…

 

HON SANDY ARRISOL

Mr Speaker…

 

MR DEPUTY SPEAKER

En moman Onorab, zis petet eski Korperativ i kapab osi vann son servis avek Sekter prive ok?  Savedir i pe posib i pe fer larzan osi tou parey ou pe dir i pe go out, i pe rod biznes i pe fer larzan ek sekter prive apard sa sonm ki Gouvernman i pey li pou travay dan Gouvernman.  Ok.  Dakor. Ok, Onorab Arrisol lo menm laliny.

 

HON SANDY ARRISOL

Yes, i annan enn mon kestyon…

 

MR DEPUTY SPEAKER

Onorab Arrisol.  Onorab Loizeau apre Onorab Andre.

 

HON SANDY ARRISOL

I annan sa ki enn mon kestyon i pa’n reponn an relasyon avek sa pti management ki i annan, ki 1milyon, mon ti a kontan konnen konbyen dimoun ki dan sa pti management silvouple.  Mersi.

 

MR DEPUTY SPEAKER

Ok.  Onorab Loizeau.

 

HON NORBERT LOIZEAU

Mr Chair, mon kestyon i relye en pe konsernan cleaners la.  I annan diferan landrwa ki Korperativ i provide cleaners, en legzanp Minister Lasante dan bann Ward, sa bann cleaners zot, zot travay i en pe diferan avek lezot cleaners dan bann lezot landrwa.  Enn zot a risk ek bann maladi ki anndan, zot ganny sa lapey, eski zot pe mazin en risk allowance pou zot parey bann ners, bann lezot dimoun i gannyen akoz zot a risk zot, zot dan en kategori ki spesyal mon panse mwan.  Mersi.

 

MR DEPUTY SPEAKER

Ok.  Mersi Onorab Loizeau. Onorab Andre.

 

HON CLIFFORD ANDRE

Mr Speaker, mon ti annan en pti matter of privilege avan mon al lo mon kestyon.  Mon ti a kontan kekfwa bann Onorab lot kote ler zot al deor zot ferm laport en pti pe byen, akoz i reouver apre i kas lizye kote isi.  Sa zis an pasan.

 

MR DEPUTY SPEAKER

Ok.

 

HON CLIFFORD ANDRE

Dezyenm Mr Speaker… oubyen kekfwa laport pa bon i annan en pti problenm avek so nou a bezwen aranze. An referans avek sa letan mon gete. Letan mon’n ekout Mr Thesee in dir poudir nou annan nou 48 milyon ki nou pe divize, si mon get Minister, nou annan 13 Minister i tonm 3.6… la i ouver ankor.  I tonm 3.6milyon Mr… I annan en problenm ek laport mon krwar.

 

(Interruption)

 

HON CLIFFORD ANDRE

Mon a kontinyen. Wi. I tonm nou 3.6 milyon.  So mon pe zis demande si en Minister i kout li 3.6 milyon pou li ganny netwaye akoz sa i paret bokou.  So sa leksplikasyon dan sa laliny.  Mersi.

 

MR DEPUTY SPEAKER

Ok.  Dernyen mon ava pran Onorab Pillay.  Non, nou’n fini sort out sa zafer laport.  Onorab Pillay.  Non laport in fermen, in fini, annou al lo nou biznes of the day.  Go ahead Onorab Pillay.

 

HON SEBASTIEN PILLAY

Sa i al lo business of the day.

 

MR DEPUTY SPEAKER

In fer en remark, zis in fer en remark.

 

HON SEBASTIEN PILLAY

Non be i pa…

 

MR DEPUTY SPEAKER

Non i pa’n… i pa pe akiz okenn Manm, zis in dir ler sorti zis ferm laport akoz sa laport i reouver.

 

(Interruption)

 

HON CHARLES DE COMMARMOND

Mr Chair, i annan en lenkonvenyans oparavan ti napa sa problenm akoz ti annan en dimoun ki Lasanble ti anploye ti la kot laport ti fer sir ti annan sa lord.  I annan en pe letan i nepli annan.  E sa problenm i pa fek leve la li ki Onorab Andre in fer sorti, i en problenm ki i pe kontinyen sa.  E i pa neseserman ki en dimoun i bezwen ni antre sorti ki sa issue laport i ouver fermen.

 

MR DEPUTY SPEAKER

Ok.  Mersi.

 

HON CHARLES DE COMMARMOND

In en problenm lanmenm la sa. I…

 

MR DEPUTY SPEAKER

Wi.  Mersi Onorab pou…

 

HON CHARLES DE COMMARMOND

Mon met sa dan ou latansyon.

 

MR DEPUTY SPEAKER

Wi.  Mon krwar nou pe debat Bidze an menm tan cost cutting nou pa pou pey en dimoun pou ouver laport pou fermen, nou pran nou responsabilite.

 

(Interruption)

 

 

MR DEPUTY SPEAKER

Ok. Ok. En moman. En moman. Sergeant regard en kou problenm sa laport.  Ok.  Annou retourn vizavi nou travay. Onorab Pillay. Onorab Sebastien Pillay.

 

HON SEBASTIEN PILLAY

Bonjour Mr Chair. Bonjour Minis e bonjour tou Manm Onorab. Mr Chair, nou lo… lo sa size cleaning services la, i annan en Onorab ki’n raise a pwen ki ler sa desizyon ti ganny pran ti part of sa reform program e sete pou down size Gouvernman – Onorab Afif i konbyen akoz i ti PS sa letan. So kestyon ki nou bezwen demande se eski sa desizyon i still hold valer ozordi – prenant kont ki then ou pe get konponan Bidze ki nou pe mete anba sa Head i pe kontinyen ogmante going forward.  So mon konnen poudir oparavan Minister Finans ti operate lo en baz en pe plis austérité.  Eski nou pa pou pe al retourn dan en problenm si nou go back to where we were before or eski i meyer pou nou go back to where we were before – given ki nou pe depans sa kantite larzan ladan.  E prezan mon lot pwen lo sa size se ki sa year-on-year increase ki nou pe gannyen.  Par egzanp la nou’n vwar en sanzman apepre en R300 ekek mil lo la.  E ou mansyonnen poudir bann diferan Departman i ganny larzan anba zot cleaning expenses pou bann consumables – so eski zot i vreman – par egzanp regard sa payroll, ki kalite kontrol ki annan pou asire ki anba sa Bidze ler larzan pe ganny depanse, i ganny depanse dan en fason ki kler, dan fason ki transparan.  Zis pou reasir pa zis nou la anndan me pou piblik Seselwa ki pe ekoute an deor pou ki ler i annan en larzan ki ganny mete dan Bidze i annan bann kontrol entern, ki zot annan dan Minister Finans pou asire ki annan kontrol, ki annan odit, ki i annan bann diferan mekanizm zot in met an plas lo sa Bidze. Mersi Mr Chair.

 

MR DEPUTY SPEAKER

Mersi.  Bon i annan en seri kestyon, mon ava demann Onorab Thesee pou reponn. I mean Mr Thesee.

 

COMPTROLLER GENERAL DAMIEN THESEE

Mersi Mr Chair. Parey mon’n dir nou annan nou 72 Minister, Lazans, Departman ki lo… ki pe pran servis Korperativ pa 13 Minister.  E se sa ki fer sa saler 42 milyon. Nou annan nou 9 staff dan Headquarters Korperativ, ou annan ou son CEO, natirelman ou bezwen annan en HR officer akoz zot fer zesyon zot staff zot menm zot bezwen recruit, terminate, kalkil konpansasyon, kalkil gratwite, ou annan ou en admin officer, ou annan ou 2 office assistant, ou annan ou en drayver, zot bezwen fer bann supervision en pe partou lo bann Minister, ou annan ou en accountant, ou annan ou 2 supervisors e sa bann supervisors zot ki bouze pou al fer bann spot check dan Minister e osi ek Lopital.  E pou bann cleaners ki dan Minister Lasante zot saler i en pe relativman en pe pli o – zot annan en allowance ki ou gannyen letan ou pe travay lopital ki ou pa gannyen ler ou travay dan en office akoz the nature i diferan ler ou dan en Minister pe fer office work 7er – 3er e ler ou pe fer shift oubyen ou pe travay dan Lopital kot zot ganny zot training en pe diferan.  So i en pe diferan.  E pou lo kontrol ki nou annan lo Korperativ zot pay roll pe ganny processed par Trezor, zot fer zot prop administrasyon e zot zis anvoy zot pay roll kot Trezor pou process akoz zot servi nou platform ki nou annan pou asiste zot savedir nou annan kontrol lo kantite number ki zot pe recruit. Akoz zot negosye avek nou si sa Minister pe demann tro bokou cleaners ki nou fer sir nou pa go overboard avek kantite staff ki nou pe recruit e at the end of the day ou kapab, kekfwa la nou pe vwar son real costs ler ou annan sa gro 48milyon kekfwa nou vwar li efreyan me solman si ti pou spread dan tou sa bann Minister nou kapab sey rann tou Minister son amount i pou still la li i pou still annan sa 42milyon cleaning… basically  saler sa bann cleaners ki ou bezwen peye.  I zis la ki in ganny consolidate e ganny zere par en ladministrasyon ki ou vwar li i ariv 48milyon.  Mersi.

 

MR DEPUTY SPEAKER

Ok. Mersi Mr Thesee. Onorab William.

 

HON WAVEN WILLIAM

Mersi Mr Chair.  Mr Chair, mon ti a kontan demann PS or Mr Thesee an menm tan pou lenformasyon piblik.  Anba sa paz 28 la i annan sa ‘’social renaissance’’ mon vwar 1 milyon epi nou annan sa ‘’National Theme’’ ki annan sa 500mil pou donn en pti pe detay lo egzakteman, enn kwa zot pe mazin fer e lekel i ansarz, ki Departman ki ansarz pou sa bann alokasyon e sa bann aktivite?  Mersi.

 

MR DEPUTY SPEAKER

Mersi Onorab.  PS.

 

PS PATRICK PAYET

Mersi Mr Chair.  Mersi Onorab. Pou ‘’Social Renaissance’’ i tonm anba Minister Family Affairs e zot enn de son bann progranm ki zot travay avek bann NGOs apre enn de bann konsiltan. ‘’National Theme’’  i annan en Komite, me selman zis kekfwa mon kapab donn ou sa  additional  lenformasyon lekel ki Chair sa Komite e lekel bann dimoun ki lo sa Komite.  Me selman i annan en Komite ki Prezidan ti formen pou regarde ki mannyer pou organiz aktivite ouswa bann keksoz regarding National Theme.   Me selman nou kapab vwar en pe sa bann lenformasyon lekel ki Chair actually.

 

MR DEPUTY SPEAKER

Yes. Onorab William.

 

HON WAVEN WILLIAM

PS lo sa zafer ‘’social renaissance’’ mon pa tro ganny konpran. Lefe ki bann NGOs mon pa konnen si zot pe ganny sibvansyonnen letan ou dir Minister Lafanmir pe travay avek bann NGOs pou sa sonm, eski i donn zot larzan ouswa i en aktivite ki zot bidzete i donn zot sa larzan? Ki fason sa i ganny fer silvouple? Akoz nou en pti pe konfize lo la.

 

MR DEPUTY SPEAKER

Ok.  Mersi Onorab PS.

 

PS PATRICK PAYET

Mersi Mr Chair.  Mersi Onorab. Zis pou azoute ki Minister li i travay avek bann NGOs.  Par egzanp letan zot pe organiz bann aktivite plizyer fwa i bann aktivite ki zot organize par egzanp mon konnen recently ti annan bann sesyon ki zot fer for parenting.  So Minister li i organiz bann aktivite pou fer sir ki bann paran apre ler zot vin sa bann sesyon pou par egzanp donn zot en pe bon valer ki mannyer pou organiz zot Bidze kot lakour, enn de bann sesyon parenting.  Me selman sa zot travay konzwentman avek bann NGO so i annan bann sesyon direkteman ki kekfwa bann Minister zot, zot outsource – zot rod bann konsiltan. I annan ki zot travay direkteman avek sa bann civil society ouswa sa bann paran zot menm.

 

MR DEPUTY SPEAKER

Ok.  Onorab Aglae.

 

HON EGBERT AGLAE

Mersi Mr Chair. Mon ti annan en pti follow-up lo sa menm kestyon an vi ki mon kestyon ti lo laliny sa ‘’social renaissance’’ menm vi ki sa progranm ti ganny lanse en bon pe lannen pase e lannen pase se ki Minister Lafanmir ti formen prezan mon pe demande ki posibilite ki sa vot li menm li i vin en progranm direk anba Minister Lafanmir ki lannen prosenn ou pa vwar  li anba sa ‘’revenue and expenditure.’’   Mersi.

 

MR DEPUTY SPEAKER

Ok.  PS Payet.

 

PS PATRICK PAYET

Mersi Mr Chair.  Mersi Onorab. Definitivman avek program performance-based budgeting nou pe revwar en pe sa bann centralized vote par egzanp i annan ‘’Social Renaissance’’, par egzanp i pou annan nou pou al rediskite apre ki annan Social Program of Government.  I annan enn de bann vot ki nou pou retir zot nou pou met zot spesifik avek sa bann Minister ki konsernen so nou pe revwar sa lalis e letan nou pe reprezant Bidze 2019 i pou ganny enkli anba sa bann Minister osi.  So letan zot vin defann zot Bidze osi zot kapab spesifikman kekfwa donn en pe plis detay lo sa bann progranm ki zot fer.  Mersi.

 

MR DEPUTY SPEAKER

Mersi PS.  Onorab Henrie.

 

HON GERVAIS HENRIE

Mersi Mr Chair.  Mon ti annan en kestyon touzour lo zafer ‘’social renaissance’’ la ansanm avek lezot.  Larepons i PS Payet in donn nou i fer trakase vizavi en serten keksoz.  Nou pe vwar ki i annan plizyer Headings kot NGO pe ganny larzan.  Letan Lazans Proteksyon bann zafer drog ti vin la ti annan en alokasyon ki mon krwar pa ti ganny aprouve ki ti pe demande pou donnen; konmsi NGO pe ganny larzan en pti pe tro bokou e nou bezwen met en lord dan sa zafer.  Sa i en komanter. Prezan bann kestyon ki mon ti le ganny en leklersisman lo la, mon konnen sa zafer Lapolis nou’n koz lo la me solman zis pou konfirmen eski sa sonm ki sa Sud Africainpe ganny peye $9000 ki tonm apepre, si i R14 apepre R27mil si nou konfirmen sa i plis larzan ki nou Komisyoner Lapolis pe gannyen? Sa i enn. Lo ‘’overseas travel’’par lefet ki tou bann Minister ki nou’n deal ek zot Bidze i annan sa konponan so sa enn la i kouver lekel?  E apre kekfwa la nou ti kapab ganny en pe lesplikasyon lo sa zafer ki class ki bann dimoun Gouvernman i permet zot vwayaze? E en pe dan sa direksyon apre byensir ki wells  i annan en policy lo la. Apre lot ‘’advertising and publicity’’ ankor sa nou’n vwar across bann ministries ki nou deal avek so mon anvi konnen ki sa alokasyon ki la silvouple. Mersi bokou.

 

MR DEPUTY SPEAKER

Mersi Onorab Henrie.  PS Payet.

 

PS PATRICK PAYET

Mersi Mr Chair.  Mersi Onorab. Zis pou azoute ki dan sa ‘’social renaissance’’ napa larzan ki al direkteman kot bann NGOs.  Ki Minister Lafanmir i le travay konzwentman avek zot letan bann aktivite.  Par egzanp si i annan parental sesyon ki zot pe fer, i annan bann NGO par egzanp ou konnen ki relevan avek swa bann madanm ouswa bann lafanmir li menm. So i travay konzwentman letan i pe organiz son bann aktivite, ki i osi form parti dan sa bann sesyon ouswa par egzanp si par egzanp zot pe fer li avek bann religious organisation letan zot pe fer en pe bann parenting sesyon, napa larzan ki al direkteman kot sa bann NGO me li ki organize par egzanp sa bann sesyon during the weekends ouswa after working hours, so definitivman i bezwen par egzanp rod landrwa kekfwa si i annan refreshment ouswa si i annan dimoun ki pe donn sa sesyon kekfwa ki organiz, i annan bann printing of documents ki i organize.  So napa larzan spesifikman ki al kot sa bann NGO.  Anba sa ‘’social program’’ definitivman i annan larzan spesifikman me tandis ki anba sa vot napa. Secondly anba sa… nou’n fek ganny lenformasyon ki son kontra i fini 2018.  Me kekfwa apre dan Recess nou ava diskit avek ComPol ki i anvizaze fer avek sa Kontra si i pou renouvle ouswa kwa ki pe fer once ki Kontra i fini Avril 2018. Lo konsernan ‘’overseas travel’’…anyway kekfwa nou ava rod sa lenformasyon kekfwa nou ava…

 

MR DEPUTY SPEAKER

Apre break nou a kapab ganny en pti pe klarifikasyon. Go ahead PS.

 

PS PATRICK PAYET

Pou ‘’overseas travel’’ anba sa centralized vote sak Minister i ganny alokasyon pou zot Minis, Prezidan, Vis-Prezidan avek tou son bann Minis.  Apre i annan en alokasyon par egzanp ki zot mete pou sak Minister si sa PS pe travel. Sepandan si son alokasyon in fini i bezwen li aprezan trouv savings dan son vot ‘’goods and services’’ dan son Minister pou li par egzanp letan i pe travel.  Ki nou pe travay avek Cabinet Office actually la, nou pe at least pou annan en kalandriye par egzanp nou konnen Minis Finans ki lekel bann meeting ki nou bezwen ale lannen 2018.  Par egzanp nou konnen i annan spring meeting IMF, World Bank avek annual meeting so sa definitivman Minis Finans i bezwen travel.  Pou sak Minis nou pe travay avek Cabinet Office ki pou ganny aprouve avek Cabinet of Ministers lekel bann travel ki bezwen fer 2018 – 2019; akoz mon krwar tou bann meeting ki zot konnen in the past 2 years lekel ki zot bezwen ale. Sepandan si i annan par egzanp zot vwar ki dapre sa alokasyon 13 milyon zot pa pou kapab travel, so definitivman Cabinet of Ministers i bezwen pran en desizyon lekel bann priyorite ki bann Minis i bezwen travel.  So sa nou pe travay avek Cabinet of Ministers pou fer sir ki sa alokasyon 13milyon; parey sa lannen nou ti annan 10 milyon e nou’n bezwen retourn back to Lasanble pou demann additional 8milyon, nou pa anvi sa i arive lannen prosenn. Nou pou anvi ki at least dan Cabinet of Ministers i maintain sa 13milyon ki’n ganny allocate.  So sa nou pe travay avek Cabinet Office pou fer sir sa i ganny aplike.  Kekfwa mon a les avek Mr Thesee pou li donn en pe plis detay lo bann business class, economy baze lo sa nouvo sirkiler ki’n sorti.

 

MR DEPUTY SPEAKER

Mersi PS.  Mr Thesee.

 

COMPTROLLER GENERAL DAMIEN THESEE

Mersi Mr Chair.  PSO Public Service Order i fer provizyon pou bann accounting officers ki ou PS ek CEOs pou travel business class. Ou annan National order of precedence osi ki establish lekel ki i annan serten level dignitaries ki travel business class i pou Prezidan ou Vis-Prezidan, Minis, ou Speaker, ou Chief Judge, zot entitled par kont nou annan en nouvo sirkiler ki’n fer sorti sa ki pou pran laplikasyon an 2018 e pou bann accounting officers e parey bann PS, CEOs zot pou annan drwa travel lo business class; par egzanp si zot Bidze i permet pou bann travel ki par lao 5 erdtan. Savedir i pe sey met en pe kontrol oubyen provizyon parey bann short trips ou kapab servi ekonomi class e par lao 5 erdtan la, pou allow ou serten konfor si zot pe fer bann official trips pou servi business class.  Mersi.

 

MR DEPUTY SPEAKER

Ok.  Mersi Mr Thesee.  Onorab De Commarmond.

 

HON CHARLES DE COMMARMOND

Mersi. Mr Chair zis pou mwan dir sa etranze kot Lapolis la, nou, nou ti napa problenm avek, nou ti pe rod lesplikasyon, konmsi ou bezwen dir nou ki i fer par egzanp. Kekfwa mon pa konnen kot i ete, kekfwa i dan Frod, kekfwa i pe ed Gouvernman pou tyonbo bann dimoun i en benefis.  Kekfwa son Kontra i posib ganny renouvle napa problenm ek sa ; me i osi, nou enterese osi si i annan enn de trwa Seselwa ki pe travay ek li ki pe understudy pou pli tar sa bann Seselwa i osi lev lo sa bann oter, lo sa bann nivo.  Sa nou le en pti pe latransparans ladan pou satisfer nou, se tou.

 

MR DEPUTY SPEAKER

PS ou a kapab rod plis klarifikasyon pandan Break e apre i ava retournen.  Onorab Henrie.

 

HON GERVAIS HENRIE

Wi, mon ti’n osi demann en pe lesplikasyon lo sa Headings ‘’advertisements and publicity’’ e konman mon annan mikro mon ava zis demande osi ‘’social renaissance’’ la in ganny transfer avek Minister Lafanmir ki pou manage be lefe ki sa Minister in fek kree sa lannen, avan ti annan en Komite ki ti pe… be i ti pe marse konmsi sa larzan ti pe byen ganny depanse, ti annan en Komite ki ti aktiv ki ti pe manage li?

 

MR DEPUTY SPEAKER

Ok. Mon ava pran Onorab John Hoareau tou ansanm apre nou ava fini lo paz 28. Onorab John Hoareau.

 

HON JOHN HOAREAU

Mersi Mr Chairman.  Bonzour tou dimoun. Mr Chairman, mwan mon ti le en lesplikasyon lo akoz ki ‘’unforeseen visit of dignitaries’’ i pa ganny plase anba en Contingency Fund akoz an vi ki Contingency Fund i kouver, i etal lo en kantite diferan keksoz ki si sa larzan pa ganny servi dizon pou sa bann expenses pou dignitaries then i kapab ganny servi ganny itilize dan en lot fason anba Contingency Fund.  E osi si an ka ki i annan en depans an plis i a kapab osi ganny tire dan Contingency Fund.  Mersi.

 

MR DEPUTY SPEAKER

Ok. Onorab Andre, en pti kestyon.

 

HON CLIFFORD ANDRE

Mersi Mr Speaker – Mr Chair. Mr Chair, mon pe get ‘’advertisement and publicity’’ i annan 1.5milyon e tou Minister, SPDF in met R100 mil, Prevention of Drug Abuse in met li R221 de kote, Foreign Affairs R146mil, akoz nou bezwen annan, Minister i fer pour li apre nou annan enn kot… mwan mon krwar nou devret koupe sa enn, sa 1.5 milyon akoz sak Minister i annan pou li.  Mersi.

 

MR DEPUTY SPEAKER

Ok.  PS Payet.

 

PS PATRICK PAYET

Mersi Mr Chair. Mersi bann Manm Onorab. ‘’Advertisement and publicity’’ i sa centralized vote ki nou mete ki i managed by Minister Finans.  Par egzanp sa lannen ki nou’n vwar ki i annan bokou bann konsiltasyon ki nou’n bezwen fer; par egzanp sa bann Lalwa ki nou ti pe met proposed devan.  So i annan bann provizyon ki kekfwa bann Minister, par egzanp Minister Finans tou sa bann tax Laws ki nou’n bezwen al konsilte. Secondly i annan the visioning exercise ki nou pe fer, National development strategy.  Nou pe al dan bann… nou’n al Praslin, La Digue, nou pe diskit avek lazenes avek bann trwazyenm az e sa i en vot ki nou servi par egzanp pou pey enn de – once ki nou pe fer sa konsiltasyon.  So nou, nou met li anba centralized me sepandan si par egzanp lannen prosenn napa bokou Lalwa ouswa napa sa major-scale of konsiltasyon to the process i pa pou ganny servi.  Nou ganny kontrole par Minister Finans.  Secondly i annan sa bout ‘’unforeseen visit of dignitaries,’’ propozisyon mon krwar ki Onorab in dir pou met li anba Contingency, nou nou vwar ki Contingency, nou’n diskit avek Oditer Zeneral i specific, en keksoz kekfwa ki arive vreman unforeseen dezas ouswa maladi ouswa i annan en konpansasyon baze lo sa lankadreman ki nou’n agree avek Oditer Zeneral.  Sepandan letan ou get unforeseen, vre, par egzanp enn ler kekfwa Prezidan in envit en dignitaries pou ariv Sesel, nou met sa vot la ki pou incur en pe sa bann depans ki at least bann Minister kekfwa zot pa ti okouran si lannen prosenn sa ti pou annan.  Me tandis ki en fwa ler in al son bann vizit, en dignitaries li in advise kekfwa… kekfwa in pa’n dir spesifikman i pe vini 2018, zis i dir apre ki i pe vin 2018 be nou met li ki at least ou vwar son ‘’goods and services’’ indirectly i en ‘’goods and services’’ of Gouvernman. Tandis ki si nou pou al met anba Contingency i pou sorti anba ‘’goods and services’’, nou vwar kekfwa i pa sa vot ideal. Me si par egzanp i arive napa dignitaries ki arive ki unforeseen sa vot osi pa ganny servi.  I pou en savings dan Bidze e ganny kontrole par Minister Finans.  Thirdly avek sa ‘’social renaissance’’, ‘social renaissance’’ avan ti annan en Komite anba Community Development e sa Komite zot zot ti en annan en Action Plan ki zot ti travay lo la e sa Komite la in ganny transfer kot Minister Lafanmir.  So i menm Komite ki aktyelman ki pe travay lo sa ‘’social renaissance.’’ Nou kapab demann zot osi kekfwa enn de bann travay ki’n ganny fer pou kapab soumet avek Lasanble Nasyonal.

 

MR DEPUTY SPEAKER

Ok. PS, mersi.  Onorab Basil Hoareau.

 

HON BASIL HOAREAU

Mr Chair, mersi. Mon ti le zis azoute an relasyon avek sa ki Onorab Hoareau in dir poudir menm anba Konstitisyon ou pa pou kapab fer li akoz Lartik 156 ki koz lo Contigency Funds i dir ou kapab servi sa selman dan urgency and unforeseen event; dignitaries petet i unforeseen wi, be selman i pa pou tonm dan urgency so menm Konstitisyonnelman i pa posib pou fer li.

 

MR DEPUTY SPEAKER

Ok?  Bon parey zot in deside, nou pa pou pran en vot lo la ziska ler nou rantre.  PS mon pe zis regarde ler nou pou rantre eski nou pou pran, eski Minis Dogley in arive pou nou pran PUC oubyen nou pou pran Social Programs of GovernmentPS.

 

PS PATRICK PAYET

Mr Chair, nou pou pran paz 32 avek 38 ki Social Program of Government.  Kekfwa si nou ti annan en lide ki kantite kestyon ki pou annan nou ti kapab advise Minis Dogley pou retourn apre midi.

 

MR DEPUTY SPEAKER

Mon krwar i pou best.

 

PS PATRICK PAYET

Wi.

 

MR DEPUTY SPEAKER

I pou best ki Minis Dogley i a vin 2er, sa 1 erdtan mon krwar nou ava dedye pou Social Programs of GovernmentOk. Savedir PS ler ou rantre ou ava rod en pti pe plis klarifikasyon kot nou ava kapab dan en pozisyon pou nou pran en vot lo paz 38… 28.  Ok.  Bon avek sa nou ava adjourn nou ava repran 11er.

 

 

(BREAK)

 

 

MR DEPUTY SPEAKER

Bon avan nou kontinyen mon anvi zis enform zot ki Minis in bezwen kit nou dan en pti pe fason irzan, akoz i annan en meeting irzan ki’n ganny call in to attend, ok?   Be mon krwar konpetans PS Payet, Mr Thesee, Madanm Verghese avek Ms Croisee i ava kontinyen lead nou dan sa process.  Ok, PS Payet ou annan serten klarifikasyon pou nou.

 

PS PATRICK PAYET

Mersi Mr Chair.  Zis pou advise Lasanble ki Mr Cellier son kontra i fini Avril 2018.  E diskisyon ki mon’n gannyen avek CEO management Lapolis zot in advise ki definitivman zot in vwar ki at least pou lannen prosenn zot pou still bezwen son servis akoz i pe fer dan forensic avek fraud investigation.  I pe travay dan sa bout ki annan crime… Investigation Crime Unit.  Si i annan en travayer Seselwa ki ti pe understudyme sa travayer avan ki sa nouvo senior management of Lapolis i arive i ti’n kite e al travay dan en commercial bank.  Sepandan zot pe idantifye Seselwa pou kapab travay avek li, zot pa ankor gannyen ziska prezan me selman zot pe travay avek bann lezot dimoun ki annan pou idantifye at least 2 Seselwa.  Zis pou advise ki lo kote par egzanp Minister Finans, nou osi nou ti annan enn de bann cases ki ti sirtou lo kote frod once ki Internal audit in fer son rapor, nou ti annan detrwa case ki ti ankor pending, me selman nou pe vwar rezilta; akoz parey dan case of National Resource Council ki annan almost en 1 million fraud 5 or 6 years ago apre midi Ziz pou donn son verdict baze lo tou bann travay ki Minister Finans avek AG’s Office avek sa Mr Cellier in fer. So nou pe vwar en pe bann pending cases ki ti la in the past 6 years, nou pe vwar i pe annan fruitful results.  Mersi.

 

MR DEPUTY SPEAKER

Ok. Bon, si napa okenn kestyon lo klarifikasyon ki PS in fer nou ava pran… ok, Onorab Afif.

 

HON AHMED AFIF

Mersi Mr Chair. Mr Chair zis pou enn pti komanter lo Cleaning Agencies, mon krwar bokou dimoun in koz lo la, mon ti a demande ki petet Minister Finans i conduct pli vit posib en audit zis pou regarde ki efficiency zot pe gannyen; parske mon konpran par egzanp i annan serten Lenstitisyon ki Lopital kot en rapor in deza ganny fer lo nivo kalite servis ki zot pe ofer e i pa ti satisfezan.  E alor i pa zis en kestyon larzan – i en kestyon valer pou sa larzan ki pe peye.  E byensir ti annan osi sa kestyon si bann travayer pe ganny ase reminere konpare avek management, eksetera. Nou, nou pe zis dir, nou pe port sa a zot latansyon ti a bon zot fer sir ki sa bann issues i ganny regle.  Mersi.

 

MR DEPUTY SPEAKER

Ok.  Onorab De Commarmond.

 

HON CHARLES DE COMMARMOND

Mr Chair, mersi.  2 pti pwen enn sa ki PS in dir nou savedir i annan en loportinite pou bann zenn sirtou bann graduates ki dan sa direksyon zot fill bann understudies – e i bann loportinite nou demande ki bann zenn i pran sa bann loportinite.  E lo sa kestyon cleaning agencies services, mon osi mon dakor avek sa pwen ki’n ganny met devan.  E an plis ou vwar landrwa parey kot Lopital. Sa cleaning responsibilities i diferan ki kot lekol oubyen ki en lot landrwa. Si serten travayer ti anploye kot Lopital petet i ti pou tonm dan en fason ou dot dan en serten skill spesifik pou Lopital akoz son risk i pli o.  Alor sa dimoun ti pou pli byen benefisye. These are things ki nou bezwen, mon tonm dakor avek ki nou bezwen regete re-balanse, reevalye pou ki nou kapab bouz en fason pli pozitiv devan.  E pou le moman mon krwar kou ava siport sa Bidze pou nou kapab a lo lot…

 

MR DEPUTY SPEAKER

Ok.  Onorab, mersi. Zis avan mon donn laparol PS ek Msye Thesee.  Lo menm laliny apepre 2 mwan, 3 mwan pase mon’n rankontre 2 zenn cadet zot kot lakademi e zot tre anbisye e zot anvi ki en zour zot ki pou run forensic lab Sesel, 2 Seselwa – 2 zenn Seselwa e antretyen ki mon’n gannyen avek zot ou vwar zot vreman, vreman bright.  Mon zis swete ki zot ava fer zot course, zot kour byen e nou ava kapab envesti dan zot e nou a kapab ganny bann bon Seselwa dan sa Departman. Ok, Mr Thesee.  PS.

 

PS PATRICK PAYET

Mersi Mr Chair. Mersi bann Manm Onorab. Nou note zot proposal, definitivman nou a travay avek the Cleaners’ Cooperative ki nou a fer en proper assessment lannen prosenn pou nou kapab evalye servis osi the viability of sa Cleaners Cooperative.  Mersi Mr Chair.

 

MR DEPUTY SPEAKER

Ok. Mersi PS Payet. Onorab Ferrari.

 

HON JEAN-FRANCOIS FERRARI

Non mon ti pe dir avek sa bann klarifikasyon, mon mazinen i ok pou nou pran en vot.

 

MR DEPUTY SPEAKER

Pran en vot.  Ok.  Ok, PS gid nou.

 

PS PATRICK PAYET

Mr Chair, pou ‘’other goods and services’’ i lo paz 28 ki total overseas travel ziska National Theme e sa i en total R113. 156milyon.

 

MR DEPUTY SPEAKER

Ok.  Nou ava pran en vot lo la. Tou Manm ki an faver.  Okenn Manm ki kont?  Madanm Clerk.

 

MADAM CLERK

Mersi Mr Chair.  15 an faver, personn kont.  Mersi.

 

MR DEPUTY SPEAKER

Ok.  Savedir Bidze in ganny aprouve par Lasanble Nasyonal.  Ok, PS gid nou lo prosen paz.

 

PS PATRICK PAYET

Mr Chair, prosen paz i lo paz 32 a paz 33 ki Social Program of Government.

 

MR DEPUTY SPEAKER

Bon, sa seksyon i ase long, ase detay, nou ava fer en pti pe parey me parey mon pe dir annou otan posib si en Manm le pran 3 oubyen 4 sa bann Heads ansanm pou demann zot kestyon pou nou kapab bouz en pti pe pli vit, ok?  Onorab Andre, mon konmans ek ou.  En moman, lezot Manm ki pou demann en kestyon, met zot lanmen anler, mon a fer Clerk pran touzour. Onorab Andre antretan ou kapab konmans ek ou kestyon. Lev zot lanmen mon a konnen zot annan lentansyon demann kestyon me fir an mezir nou ale si i annan ankor kestyon ki pou demann kestyon lo lezot kantmenm zot in demann lo bann avan, nou pou fleksib parey nou dir bomaten, nou pou fleksib lo la.  Ok?

 

HON CLIFFORD ANDRE

Zis en klarifikasyon Mr Chair akoz mwan dan sa premye 6, 7, mon vreman napa kestyon prezan mon pe demande si nou pou pran, akoz ou dir mwan si nou pou pran premye pou gete lekel ki annan kestyon dezyenm pou nou kapab desann koumsa akoz sansan mon krwar nou pou a pe ale back and forth.  Mersi.

 

MR DEPUTY SPEAKER

Ok.  Bon.  En moman. PS gid nou en pti pe kwa…

 

PS PATRICK PAYET

Mr Chair, son total i 135, 512 milyon, mon pe propoze kekfwa zot demann kestyon sorti kot Children Special Fund ziska Poverty Alleviation.  So zot kapab lev kestyon pou demann okenn kestyon lo la.

 

MR DEPUTY SPEAKER

Ok.  Onorab Andre.

 

HON CLIFFORD ANDRE

Mersi Mr Chair. Mr Chair mon ti a kontan ganny en klarifikasyon an referans avek ‘’empowerment and social protection program’’ ki 5.5 milyon; akoz letan nou get konparab avek paz 34 ek 35, nou annan bann lezot social programs mon ti a kontan ganny en pe klarite lo sa.  Mon ti a kontan osi demann klarifikasyon lo sa SME Scheme ki la anler i dir 10 milyon me nou osi annan en lot ‘’SMEs Seed Capital’’ ki li i 5 milyon, so mon ti a kontan konnen egzakteman lekel ki administre sa in the first place e akoz i tonm dan 2 SME kategori pou sa.  Trwazyenm kestyon Mr Speaker se nou annan ‘’Youth Employment Scheme’’ ki li i annan 5 milyon apre nou annan ‘’Youth Entrepreneurship Scheme’’ ki li osi i annan 1milyon.  Mon pe sey konpran konparab avek sa ki lo paz 34 kot nou annan ‘’youth training Scheme’’, nou annan nou ‘’unemployment relief Scheme,’’ konmsi i annan en pe tro bokou sa bann Scheme ki ou a dir zis en non in ganny kree, met en pti sonm larzan ladan ki pa vreman deservi sa purpose me selman larzan i ava ale.  Epi… ok, taler mon a demann lezot.  Mersi.

 

MR DEPUTY SPEAKER

Ok.  Zis pou fer sorti ki paz 34 tou sa bann Head si tonm anba Lazans Proteksyon Sosyal e nou’n deza fini pran en vot lo la.  Ou kapab fer konparezon me nou’n fini pran en vot lo la.

 

HON CLIFFORD ANDRE

Yes.

 

MR DEPUTY SPEAKER

Ok. PS.  Ok, Mr Thesee.

 

HON CLIFFORD ANDRE

Sorry.

 

COMPTROLLER GENERAL DAMIEN THESEE

Mersi Mr Chair.  Pou youth… empowerment and social protection parey lannen pase i still alokasyon ki Gouvernman i fer avek bann diferan pti Lorganizasyon ki annan en rol pou asiste sosyete par egzanp nou annan alokasyon to Centre D’accueil, nou annan Les Li Viv, nou annan alokasyon pou National Committee on volunteerism, nou annan HIV/AIDS support Organization – HASO.  Nou annan Women in Action solidarity Organization WASO.  Nou annan Alliance of Solidarity for the Family.  Nou annan Everlasting Love Ministry. Nou annan kontribisyon to Scout.  Nou annan kontribisyon to the Association of People with Hearing Impairment. Nou annan lasistans ki nou donn SIFCO e osi nou annan en alokasyon 1.4milyon ladan to Civil society Grants ki pou ganny zere par CEPS.  Mersi.

 

MR DEPUTY SPEAKER

  1. PS.

 

PS PATRICK PAYET

Mersi Mr Chair.  Mersi Onorab. Lo kote SME Scheme versus Seed Capital, SME Scheme nou pey sa subsidies lentere. Gouvernman in agree avek commercial bank – avek DBS depi 2014, si par egzanp dan premye 1 milyon ki ou pran loani 5 poursan, sa lezot 2 milyon ki up to 3 million i 7 poursan.  Savedir par egzanp si sa Labank pe sarz ou dapre son prime rate i 9 poursan e Gouvernman i subsidies sa 4 poursan.  E tou le mwan bann labank i bill Minister Finans, nou, nou regarde lenplimantasyon sa bann loanapre nou nou pey li sa subsidies interest rate.  Tandis si i kapital ki administered par en Ministry of Entrepreneurship, Development and Business Innovation, the Ministry of Industry, li i tou le an Gouvernman i met en provizyon 5milyon dan Bidze pou okenn biznes ki kalifye R50 mil Grant dan Innovative type project, sa lannen i annan apepre 100 biznes ki’n benefisye, nou’n kapab sirkil sa lalis avek bann Manm pou konnen lekel bann biznes ki’n kalifye sa lannen.  E lannen prosenn zot pou lans en nouvo, ankor zot pou lans ankor sa Scheme ki at least 100 biznes pou benefisye R50mil. Konsernan ‘’Youth Employment Scheme,’’ sa ki nou’n mete sa provizyon 5milyon i sa sibvansyon ki nou subsidies bann youth letan zot antre dan zot louvraz for the first time for one year. Gouvernman i subsidies en poursantaz zot saler; savedir si i en biznes ozordi sa manrmay in fini Polytechnic, en biznes i pran li pou travay Gouvernman i subsidies son saler for one year. En keksoz ki nou pe diskit avek Minister Lanplwa pou met en performance-based ladan at least training osi at least ki pou ed sa anplwayer pou train sa staff, ki i pa zis en senaryo ki sa dimoun i vini travay apre i kite.  At least i konnen i pe donn li training ki demen pou li reste dan sa Organization ki i ete.  Tandis ki the ‘’Youth Entrepreneurship Scheme’’ sa National Youth Council avek SBFA i administer sa loan Scheme.  Ok, sa i en loan Scheme ki zot donn bann youth antreprener.  I en lavaler 1milyon be selman i bann proze ki ganny pase through en Komite ki apre oversight by Small Business Financing AgencySo sa en pe bann diferans ant sa diferan Scheme.  Mersi.

 

MR DEPUTY SPEAKER

Mersi PS.  Onorab Andre.

 

HON CLIFFORD ANDRE

2 pti klarifikasyon Mr Chair, first avek ‘’empowerment and social protection program’’ savedir si mwan mon form en lasosyasyon mon vin kot zot, zot mon en pti pe larzan?  Mon le sa klarifikasyon.  Dezyenm se pou ‘’Youth Employment Scheme,’ eski sa i dan nenport ki Sekter, ozordi mwan mon dan legal, mon anploy en manrmay sorti Polytechnic oubyen sorti Liniversite savedir, eski zot pe subsidies son saler irespektiv ki son pou 1an oubyen i annan serten kriter akoz sa ki ou’n dir i subsidies pou 1an?  So ki… what are the criteria?  Ki kantite? Akoz mon kapab anploy li i ganny R15mil, mon vin kot ou mon dir ‘‘carry on pou 1an, mwan mon ok mwan.’’ Mersi.

 

MR DEPUTY SPEAKER

Ok.  Mersi Onorab. Mr Thesee.

 

COMPTROLLER GENERAL DAMIEN THESEE

Mersi Mr Chair. Lo sa issue lasistans lo empowerment, nou ti annan sa Komite ki’n ganny kree sa lannen, pou basically vet bann kalite proze ki pe antre akoz lanfaz ki pe met lo la se pou asiste avek proze rather than bann lorganizasyon ki apre larzan i ganny pran pou pey saler.  So from this year nou annan en vetting Committee ki’n ganny kree ki Minister Finans osi i lo la ki nou gete ki proze ou pe fer, ki benefis ou pou annan lo lasosyete, ki rannman pou annan avan nou aprouve rather than lepase – kekfwa nou’n annan sa bann alokasyon ki nou’n fer pou soutenir sa bann pti lorganizasyon.  Me solman parey nou’n dir depi lannen pase sa i only en kontribisyon towards sa bann lorganizasyon – nou pa fully fund zot operational costs par egzanp. Mersi.

 

MR DEPUTY SPEAKER

Ok.  PS ou le azout keksoz.

 

PS PATRICK PAYET

Mersi Mr Chair.  Zis pou azoute lo sa Youth Employment Scheme i pou tou Sekter li, i pou tou sekter selman sa etidyan i bezwen fek graduate dan post secondary education.  Son saler ki ganny subsidies i up to 7 thousand selman i, kekfwa mon kapab vwar sa poursantaz byen kekfwa donn ou sa lenformasyon selman mon krwar i up to 40% – i pa son total saler i up to 40%.  Se at least pou ankouraz sa bann anplwayer pou pey sa bann etidyan letan zot fek fini lekol, akoz souvandfwa ou ti pe ganny etidyan ki zot ti pe pey zot kekfwa zis R5,050 at least pey zot en saler rezonnab, donn zot sa training ki neseser pou evantyelman fer zot monte e ganny en pli o saler.

 

MR DEPUTY SPEAKER

Ok.  Mersi PS.  Lo menm pwen Onorab Ferrari.  Wi, ale.

 

HON JEAN-FRANCOIS FERRARI

Eskiz mwan. Mersi pou donn mwan laparol. Mr Chairman mon krwar ki nou deza dan premye entervansyon la, Onorab Andre in lev bann pwen valab ki montre nou poudir i annan sa ki, nou kapab apel en pe dezord, konmsi en pe partou i annan bann pti bout keksoz.  Mon a donn ou en legzanp. Par egzanp nou’n vwar Msye Thesee in mansyonn 2 Lorganizasyon larelizyon la, in mansyonn Everlasting Ministry apre en lot in… SIFCO e la anler la nou annan ankor 2 ‘’contribution to religious organisation’’ apre nou annan ‘’Bible society.’’ Now san ofans personn sa i teknik ki lontan in ganny perfeksyonnen par sa Gouvernman, nou kas sa par pti bout, pti bout pou nou kapab fer dimoun en faver.  La nou pe fer en faver Legliz Katolik – demen nou a fer en faver Legliz Islanmik.  Mwan mon problenm se ki sa bann pti kas an bout la i pou fer nou ganny problenm, e mwan mon pa pou vote sa bann keksoz si i kas kas an bout.  Par egzanp larelizyon, mon vin ankor lo la, si nou anvi, si Gouvernman i santi poudir bann larelizyon i annan en rol sosyal ok, i devret anba en Heading.  Nou pa kapab akoz nou byen ek tel Sef larelizyon oubyen tel lot, nou donn en vot lo la.  Nou donn sa Bible society be kan nou pou donn pou Qu’ran society. Nou pa kapab travay koumsa, nou bezwen si i annan en vot si Gouvernman i santi i bezwen i annan en lentere, akoz bann Lorganizasyon larelizyon i annan en litilite sosyal poutenir lasosyete ansanm, i annan en vot ki apel ‘’contributions to religious organizations’’, tou larzan i al anba la e sa bann larzan i ganny equitibly, ok, swa dapre bann proze swa dapre bann grander whatever me nou pa kapab kontinyen…. E Mr Thesee sorry mon demann ou probably mon pare pou pran en pti bet ki dan enn de lezot Headin ki nou vwar i annan ankor enn de bann pti bout pou larelizyon.  Napa ankor?  Apard sa 2 ki ou’n dir nou la?  Vwar so...

 

MR DEPUTY SPEAKER

Ok Onorab.

 

HON JEAN-FRANCOIS FERRARI

Annou sey rod en fason konmsi pou nou met en pe lord ladan. Mon pa konnen si PS i dakor avek rod en pe lord, mon pa konnen mwan.

 

MR DEPUTY SPEAKER

Mersi Onorab, ou’n fer ou pwen. Onorab De Commarmond lo menm pwen.

 

HON CHARLES DE COMMARMOND

Wi Mr Chair, mon pa dakor lo loryantasyon ki Onorab Ferrari in anmennen.  Mon konpran son dilenm, mon konpran sa issue.  Me selman ou vwar ankor enn fwa i pa Gouvernman i responsab pou fer sir ki sa i kase pti ti, pti ti, sa i en out of order, i pa lo la sa e mon asire ki si ou pou donn dizon SIFCO ou pran tou sa ki annan dan sa bann larelizyon pti larelizyon whatever la ou pran ou donn SIFCO ouswa ou donn en Lorganizasyon larelizyon pou partaze,pou zot antre zot si nou pou annan problenm.  Mon krwar lo la ki in arive. Par egzanp ou pa kapab donn Katolik pou donn pou lot, pou lot pou lot, la osi i annan problenm, mon krwar se sa ki’n fer sakenn zot, zot in fer zot zafer pou zot e demann Gouvernman pou get zot diferaman.  E lo sa pwen mon krwar petet nou bezwen plis gidans petet avek Finans.  Me solman mon krwar poudir i al dan sa direksyon. Mwan mon konpran sa issue me selman que voulait vous? Nou pa kapab dan pe sey rezourd en problenm fer lezot plis problenm, mon krwar petet nou al koumsa ouswa pa donn ditou.  Petet pa donn ditou i ava pli bon osi.

 

MR DEPUTY SPEAKER

Mersi Onorab.  Onorab Afif.

 

HON AHMED AFIF

Mr Chair, mon ti petet fer en sizesyon, Onorab De Commarmond i sizere ki si ou pran tou, prezan ou donn avek enn li i pou difikilte pou al partaze.  Be akoz nou pa kit sa responsabilite anba en Heading e k Minister Finans, Minister Finans i fer son assessment ‘‘be ou, ou annan tel larelizyon, ou annan tan dimoun ki swiv ou, lot i annan tan dimoun ki swiv li’’ e baze lo la ou met anba en sel Heading be selman ou pe administre. Ou dir ‘‘mwan mon’n donn nou alokasyon, nou’n fer alokasyon 1.5 milyon oubyen 2 milyon eksetera.  Alor ou pou ganny 500mil lot i a ganny 1.4, lot i ganny 100mil eksetera’’. En keksoz koumsa ki senp me selman ler nou gete nou vwar en sel Heading nou konnen sa i pou larelizyon olye nou pe vwar i pe al anba diferan apre nou pa pe konnen lekel ki pe gannyen anba la.  Mersi.

 

MR DEPUTY SPEAKER

Ok.  Mr Thesee ou le reponn oubyen PS.

 

COMPTROLLER GENERAL DAMIEN THESEE

Mersi Mr Speaker. Mannyer nou’n montre oubyen kas sa Bidze pou sa bann social programs, nou’n met li dapre fonksyon ou dapre Lorganizasyon pou nou kapab annan en kontrol pou nou vwar kwa ki nou pey li, lekel sa bann diferan lorganizasyon, i submit son Bidze ek nou, nou kapab pe… lafen lannen i submit nou son annual accounts pou nou vwar ki mannyer in depanse. I sipoze ganny odite osi son lannen apre i donn nou son audited accounts pou nou vwar ki mannyer i depanse.  So ler i kase koumsa i allow nou pou vwar ki mannyer nou pe allocate larzan. Lo issue ki kekfwa mo pe konpran nou pe dir nou vwar kekfwa duplication i mannyer nou pe allocate larzan. Par egzanp si ou vwar ‘’contribution to religious organizations’’ sa i ganny donnen pou bann proze kapital savedir nou asiste bann lafwar si par egzanp zot in anvi renovate zot legliz, nou asiste anba la me larestan par egzanp parey pou SIFCO i sa bann Faith i zwenn ansanm i form lorganizasyon, nou asiste zot avek en kontribisyon me selman vi ki nou annan sa Komite la ki nou ti vwar sa challenge nou ti gannyen ek Lasanble lannen pase nou ti raise menm pwen sanmenm sa nou… sa Komite in ganny formen pou going forward any nouvo proze ki bann Lorganizasyon pe demann Gouvernman to fund i ganny vet atraver sa Komite.  So maybe we can expand more dan sa Komite pou get existing kwa ki nou annan anba sa alokasyon ‘’social programs of Government,’’ gete kwa ki  nou pe allocate, get son bann progranm si zot pe deliver, si i annan lenpak, si i vyab e i kapab fer en rekomandasyon ek Minister Finans pou dir kwa ki nou kontinyen si i annan duplication dan fonksyon sa manda, ki zot sizere e nou kapab fer sa legzersis avek sa Komite 2018; ki 2019 kekfwa nou ava vwar atraver FPAC nou ava submit en keksoz pou vwar going forward kwa ki nou pou annan anba sa vot.  Mersi.

 

MR DEPUTY SPEAKER

Mersi Mr Thesee.  Onorab Basil Hoareau.

 

HON BASIL HOAREAU

Mersi Mr Chair.  Mr Chair, an relasyon avek sa size ki’n ganny leve mon pa dakor avek sa ki Onorab Afif in dir osi sa ki Onorab Ferrari in dir pou la senp rezon, nou koz latransparans, nou koz lo bonn gouvernans, mon krwar i meyer ki letan sa ‘Social Program of Government i ganny set out i byen ki i al an detay.  Akoz mon mazinen probableman si ti en one general Head for religious… pou donn larzan religious organizations kestyon ti pou ganny demande lekel sa bann religious organizations e konbyen sak pe gannyen. Mon krwar i meyer ki nou fer li an detay.  Wi mon dakor poudir Gouvernman i bezwen fer sir poudir letan i pe asiste, i pe asiste lorganizasyon ki merite e ki sa larzan pe ganny servi dan en fason ki byen ki pou benefis lasosyete. Sa mon dakor. Be mwan mon krwar the way it is done through presently kot i ganny al an detay lo sak lorganizasyon, sa lasosyasyon, nou devret kit li parey pou latransparans.  Mersi.

 

MR DEPUTY SPEAKER

Ok. Mersi Onorab.  Onorab Sebastien Pillay.

 

HON SEBASTIEN PILLAY

Mersi. Mersi Mr Chair.  Mr Chair i fer dezyenm lannen ki nou annan konsern ki’n ganny leve lo bann breakdown.  Mon krwar prenant kont ki konsern i ganny leve lo breakdown mon konnen travay ki nou bezwen fer pa zis pou regard moving forward me osi regarde konbyen nou pe depanse.  Nou pe depanse all along ladan. Kekfwa aprezan si sa bann depans in al dan en keksoz si ou dir i vyab moving forward, me vyab osi going in the past. Akoz i kapab menm Lorganizasyon ki’n submit menm keksoz ki ti’n sipoze fer lannen pase i pa’n fer, i re-end up avek larzan akoz sa proze pou look vyab. Me selman pa neseserman i n akonpli nanryen akoz petet i pa’n annan sa microscope ki pe regarde vreman si i pe achieve sa ki i pe fer.  So sa i en keksoz zot bezwen fer.  Apre en lot pwen, mon krwar ki nou ti’n jump the gun, ler Onorab Ferrari in sorti, nou jump the gun nou pa’n allow Minister Finans pou eksplike kwa ki al anba ‘’contributions to religious organizations’’ e kwa ki bann lezot kontribisyon ki ale. So mon krwar pou nou kapab move forward lo sa bann Heads la, si par egzanp nou annan en size kontansye dan plas ki nou annan en deba zeneral lo la, zero in lo sa Head ki annan en problenm – annou klarifye li and then nou a move forward, akoz nou pou go back and forth avek diskisyon.  Me i pa pou healthy akoz nou pou perdi en kantite letan lo la. Mersi.

 

MR DEPUTY SPEAKER

Mersi Onorab.  PS oubyen Mr Thesee, zot le fer komanter lo bann sizesyon.

 

COMPTROLLER GENERAL DAMIEN THESEE

Mersi Mr Speaker. Proposal ki nou pe fer se ki i byen nou vwar detay ki lorganizasyon nou pe peye, me expand manda sa Komite ki’n ganny setup pou vet bann proze ki bann diferan NGOs, lorganizasyon pe soumet pou li reget sa bann lalis ki nou annan, gete ki son bann benefis, son budget submission e ki rannman i annan dan sosyete.  E nou ava soumet en rapor avek FPAC ki nou ava konnen, nou a kapab vwar vreman ki rekomandasyon sa Komite.

 

MR DEPUTY SPEAKER

Ok. Mersi Mr Thesee. Onorab William.

 

HON WAVEN WILLIAM

Mersi Mr Chair.  Detrwa pti kestyon. Mr Chair, mon ti a kontan demann PS or Mr Thesee anba ‘’housing finance’’ pou tou ‘’housing finance Scheme’’ i annan en rediksyon, mon ti a kontan konnen akoz sa rediksyon. Epi anba ‘’Livestock Trust Fund’’ si i kapab dir nou kwa sa sibvansyon i pou kwa; akoz mon konnen poudir letan nou pe enport lavyann i annan en serten sonm larzan ki Gouvernman i kolekte dan vot ouswa dan ki fon i ale sa, lekel ki kontrole.  E an menm tan si ou permet mwan Mr Chair, anba sa 13th month salary assistance si i kapab dir nou konbyen lakonpannyen ki pe ganny asiste anba la. Epi lo sa 13th month salary IOT workers, konbyen travayer? Mersi.

 

MR DEPUTY SPEAKER

Mersi Onorab William.  Ok, Onorab, mon pou donn laparol Onorab Basil Hoareau, ou annan en kestyon lo menm size.  Ok, go ahead.

 

HON BASIL HOAREAU

Mersi Mr Chair. An relasyon avek IOT Trezyenm Mwan Saler, nou vwar poudir Gouvernman pe subsidies sa apre pe donn IOT apre i pe donn R5 milyon ekek mil pou 2018 e nou osi vwar in forecast pou 2019 ek 2020.  Nou konnen poudir prezaman bann travayer IOT vi ki zot dan ITZ zot pa legalman entitled to trezyenm mwan saler me Gouvernman pe pey sa nevertheless i byen.  I byen sa. Me nou konnen poudir dan Bidze in ganny dir poudir Lalwa pou ganny amande pou ki bann travayer dan ITZ ki pou konpri bann travayer IOT ki pou ganny legalman, zot pou bezwen ganny zot Trezyenm Mwan Saler.  Eski Gouvernman pou kontinyelman subsidies IOT vi ki Lalwa pe al sanze e sa obligasyon pou tonm direkteman lo IOT?  Eske i pa plis ki ler pou Gouvernman aret subsidies IOT, fer IOT pey sa Trezyenm Mwan Saler li menm.

 

(APPLAUSE)

 

HON BASIL HOAREAU

An vi espesyalman an vi ki Lalwa pe al sanze.  Mersi.

 

(Interruption)

 

MR DEPUTY SPEAKER

Ok. Mersi. Order!  Order! Mersi Onorab Hoareau.  Lo menm laliny mon ava pran en kestyon avek Onorab Afif.

 

HON AHMED AFIF

Mersi Mr Chair. Mon antyerman dakor sa ki Onorab Hoareau pe dir lo kote IOT.  IOT i en Lakonpannyen ki tre profitab.  Dan sa Bidze sa lannen nou vwar li pe pey dividends Gouvernman R36 milyon.  E Gouvernman i annan 40poursan ladan atraver SSI.  Savedir li i pe fer li en profi probableman 90 a R100 milyon tou le lannen.  I pa kapab pran 5 milyon ladan pou pey travayer pou trezyenm mwan? E sa se minimum profi ki i pe deklare akoz en letid World Bank ti ganny fer lo li e zot ti dir atraver son bann lezot filleur ki li i annan i pe fer omwen Mr Speaker, omwen 10 milyon Ero profi tou le lannen, profi 150, R160 milyon selman isi dan son liv i pe deklar 100 e nou, nou pe ganny dividends 36 prezan i pe vin kot Gouvernman poudir pey 5 milyon akoz Trezyenm Mwan pa dan Lalwa ki li i oblize. Annou sanz Lalwa i annan regilasyon ITZ annou met dan sa regilasyon ki oblize pey en Trezyenm Mwan e si i pa ou le negosye avek li ; parske Gouvernman osi i kontrol li e ou kapab negosye avek li si i konmans ou pa kapab met Lalwa ki pou fer li vin pli worse ki i ti ete avan.  Negosye, i en give and take, i pe fer benefis atraver nou pwason Sesel e i pe fer benefis ki pe fer li 10 milyon Ero profi, son sif d’affaire i apepre 160 milyon Ero tou le lannen.  Savedir preski tou zour travay i eksport li preski $1 milyon, toulezour i pe eksporte $1milyon lavaler bwat ton e si ou pe eksport sa kantite ou pa kapab pey …?  Ou fer R14 milyon eksportasyon par zour, ou pa kapab pey 5 zis pou en lannen?  I tro bokou, mon krwar i pa devret dan sa Bidze, i devret ganny tire.

 

MR DEPUTY SPEAKER

Ok, Onorab Afif.  Onorab Pillay.

 

HON SEBASTIEN PILLAY

Mersi Mr Chair. Mr Chair dan menm laliny ki Onorab Hoareau in demande vi ki Minis in pronons son lekor lo sa revizyon lo Lalwa e nou, nou pe vwar poudir zot pe met konponan dan Bidze pou 2019 ki si nou pe reviz Lalwa then revizyon Lalwa i bezwen pe vin sa lafen lannen la, swa i pe vin konmansman lannen prosenn pou ki i kapab fini, pou ki nou pa pe vwar en konponan dan Bidze 2019 akoz si IOT i pe dir nou i pe donn nou 36milyon dividends e nou pe pey 5 milyon savedir nou pe ganny zis 31milyon, ou konpran?  So eski i annan en sistenm an plas kot zot laba kot zot pe revwar manage sa bann Konpannyen kot Gouvernman i annan dividends ladan pou vwar si vreman kot nou annan shares, nou pe ganny sa larzan ki nou devret pe gannyen, oubyen eski nou pe zis arbitrer-man rely lo bann figures lepase kot petet IOT a se moman pa ti pe fer sitan byen, me ki ozordi son sif d’affaire in improve prezan nou, nou pa pe ganny sa benefis parey.

 

MR DEPUTY SPEAKER

Ok.  Mersi. Mersi Onorab. Onorab De Commarmond.

 

HON CHARLES DE COMMARMOND

Wi Mr Chair lo la lanmenm sa pwen. Lannen pase ler nou ti pe vot lo Bidze sa issue ti leve e Minister Finans mon pa tronpe ti donn nou en commitment pou zot diskite negosye avek IOT.  Be i annan 1an, zot in bezwen zwenn IOT pou koz avek zot bezwen kapab dir nou Lasanble en keksoz lo la, ki in dir zot, i pa enterese pa pou fer ditou oubyen zot dakor pou fer. Dir nou en keksoz PS en fason pou gid nou pou nou kapab nou osi pran en desizyon, oubyen si fodre nou pran en lot desizyon, nou pa siporte akoz nou ….. wi e selman ou dir nou en keksoz akoz nou osi nou, mon pe pans dan menm laliny ki lezot Manm Lasanble i a pe dir.

 

MR DEPUTY SPEAKER

Ok.  Mon pran en dernyen lo kote isi, Onorab Esparon apre mon a donn laparol PS.

 

HON REGINA ESPARON

Mersi Mr Speaker.  Avan ki nou touf deba avek IOT mon anvi retourn lo sa premye kestyon Onorab Waven William lo ‘’Livestock Trust Fund’’ Minis i a fer en sel reponn, pou mon demann avek Minis si dan sa 7 milyon 500 mil ki zot pe donn Livestock Trust Fund, eski sa i sorti dan R5 ki zot anmase lo sa bann lavyann enporte ki… sa R5 ki sorti dan bann… ki zot anmase dan bann lavyann enporte. Ok. Konman Tax ki al dan sa Fon.  E poudir nou osi konbyen larzan zot pe anmase par lannen lo sa levy R5 pou lavyann enporte, silvouple ? Mersi.

 

MR DEPUTY SPEAKER

Ok.  Mersi Esparon.  PS Payet.

 

PS PATRICK PAYET

Thank you Mr Chair. Thank you bann Manm Onorab. Mon a konmans lo sa ‘’Housing subsidy.’’ ‘’Housing subsidy ‘’definitivman ler ou konmans en Scheme nou ti konmans li an 2014, letan ou konmans en Scheme ou vwar ki i annan bokou application e gradyelman mon krwar ki commercial bank avek HFC in kapab clear sa backlog of cases.  Sanmenm sa ki ou vwar ki dan Bidze, nou pe met en provizyon on average apepre 20 milyon konpare avek 25 milyon ki nou ti annan ler ti konmanse.  E sa zis pou anonse ki i en subsidy ki bann first time home buyers i fer son laplikasyon either through commercial bank, son aplikasyon loan ouswa through HFC e baze lo son aplikasyon tou commercial bank avek HFC i bezwen at least offer li – si i en First Time Home Buyers en application for en housing subsidy. Once ki’n fer sa laplikasyon, in met tou son bann… i annan en form ki ranpli atasman avek si labank i aprouv son loan, sa i al lo en Komite ki i annan ASP, Ministry of Habitat and Infrastructure avek Minister Finans lo la, i en Chair.  Komite i assess baze lo bann guidelines ki’n ganny mete, e apre i redonn en advise sa aplikan an menm tan i CC sa commercial bank ouswa HFC.  I kapab ganny li up to from 50 mil i kapab ganny li R200mil. Me sa reduction ki zot in vwar i baze lo sa kantite ki ti annan in the past few years letan ti fek konmanse.  Pou ‘’Livestock Trust Fund’’ sa provizyon ki nou’n mete dan Bidze i just en recurrent zot loperasyon.  Sa Board le menm i annan zot loperasyon operational expenditure ki at least zot pa pe servi sa R5 ki zot pe kolekte, sa i al direkteman lo proze.  Sa ki nou mete dan Bidze at least si zot loperasyon si zot bezwen incur en pe operational expenses – at least i annan en provizyon dan Bidze. Tandis ki sa koleksyon apepre R15 milyon par lannen, i specific zis proze, zot pa kapab servi li pou operational costs. So sa ki’n met dan Bidze zis pou operational.  Lo kote sa13th month assistance avan kekfwa mon al lo sa bout IOT, 13th month assistance, sa provizyon ki nou’n mete nou’n baz li en pe on average – bann aplikasyon ki nou’n resevwar sa lannen.  Nou fek konmans li Zanvye 2017.  Nou ti annan nou 34 Lakonpannyen biznes ki ti apply. Zot… sa 34 biznes en total zot ti annan zot 546 travayer, letan nou’n assess eligibility 360 travayer ti benefisye pou en sonm, ki ti deza benefisye pou en sonm apepre R3milyon. Sepandan i annan ankor ki ankor pending kot Minister Finans akoz nou’n demann zot detrwa lenformasyon ki nou pa ankor gannyen, i annan 7 biznes ki ankor pending kot Minister Finans pou en lavaler ki zot in request apepre R320mil.  Parey ou konnen pou zot ganny lasistans zot bezwen fer sir ki at least zot bann Tax dokiman i annord. I annan ki nou fek peye mwan pase akoz depi an Zanvye letan… an Zanvye, Fevriye letan zot in demann laplikasyon zot in bezwen al kot tax office pou fer sir zot bann tax certificate i annord avek Tax avan Gouvernman i peye. Me sa provizyon ki nou met dan Bidze pou nou lans nouvo laplikasyon. I pa neseser ki en biznes sa lannen i gannyen ki lannen prosenn i pou apply.  I kapab kekfwa i pa ti ankor aziste son pri ki sanmenm sa ki’n fer li fer son aplikasyon.  Me kekfwa lannen prosenn, kekfwa sa lannen i ava aziste en son pri.  Nou kapab ganny nouvo biznes kekfwa akoz kekfwa i annan depans ki in fer ki’n fer li kwense pou donn Trezyenm Mwan.  Be konmans Desanm nou pou fer sir nou pou lans the opportunity pou bann biznes ki anvi ganny asiste avek Gouvernman.  Lo kote IOT, zis pou mansyonnen dan sa provizyon ki nou’n mete i annan apepre 521 travayer. Nou’n konmans diskisyon avek IOT e menm avek bann lezot Lakonpannyen dan SITZ, nou’n vwar ki bokou zot pe reziste pou zot pey Trezyenm Mwan  Saler, me actually li la nou… the final amendments avek Lalwa i kot AG’s Office e semenn prosenn nou pe vin avek amannman.  Sepandan letan nou diskit avek zot nou pe donn zot ase notice ki konmans… pou zot pey Trezyenm Mwan Lapey Desanm 2018 ouswa Zanvye 2019, sa bann Lakonpannyen pou oblize peye avek sa provizyon ki nou pe propoze ki pou vin devan Lasanble.  IOT osi nou’n diskit avek li, aktyelman IOT letan in diskit avek nou aktyelman li i pe pey some sort of bonus, i pe peye e li in dir ki at least once ki Lalwa i annan sa provizyon definitivman i pou bezwen peye e sa provizyon ki nou mete dan Bidze 2019 pou bezwen sorti. Nou’n diskit avek li, i annan bann lezot provizyon ki nou pe anmennen la sitan vit, i annan sa provizyon pa zis… kekfwa IOT pe peye sa provizyon pension ki bokou zot pa pe peye.  Zot pa pey pansyon pou zot bann travayer e dan provizyon osi nou pou fer sir ki zot pou bezwen pey pension pou travayer Seselwa.  So sa i en diskisyon, kekfwa next week once ki Lalwa i vin devan Lasanble, Lasanble i ava diskit lo la i ava vwar the implementation date ki nou, nou pe propoze pou 2019, sa i en keksoz kekfwa ler Lalwa i vin devan Lasanble semenn prosenn sa i ava sanze. Mersi.

 

MR DEPUTY SPEAKER

Ok.  Mersi PS.  Onorab Afif.

 

HON AHMED AFIF

Zis en klarifikasyon, eski ou pe propoze alor ki an 2018, mwan mon pe propoze ki nou tir sa sonm parske Lalwa pe vini byento e nou ava azout lo la – konmsi ki fer sir ki i oblize pey trezyenm mwan, i pa kapab depan lo Gouvernman.  Savedir nou devret tir li depi dan Bidze 2018, sa ki mwan mon pe propoze.

 

MR DEPUTY SPEAKER

Ok.  Onorab Basil Hoareau.

 

HON BASIL HOAREAU

Mon siport sa parske letan mon ekout PS sa Lalwa pou fer ki pou lannen 2018 IOT pou oblize pey sa trezyenm mwan saler.  E i pou pey swa an Desanm 2018 swa Zanvye 2019 – alors there is no necessity pou nou annan en provizyon pe subsidies sa.  Sansan Gouvernman pou peye efektivman pou 2018.

 

MR DEPUTY SPEAKER

Ok.  Dakor.  PS.

 

PS PATRICK PAYET

Mr Chair sa provizyon ki nou’n mete pou 2018 i parey travayer Gouvernman; savedir sa i provizyon pou 2017 so by Zanvye dan Lalwa Trezyenm Mwan Lapey by Zanvye 2018 bann anplwayer i bezwen peye. So sa provizyon i pou pey pou Zanvye 2018 pou Trezyenm Mwan Lapey 2017.  So i en diskisyon ki mon krwar letan Lalwa i vini the effective date, nou, nou fer li the effective date konmans pou zot pey pou 2018 Trezyenm Mwan Lapey. So pou 2018 zot pou bezwen pey swa Desanm 2018 ouswa Zanvye 2019.  Sa ki nou proposal zis en timing of the implementation.

 

MR DEPUTY SPEAKER

Ok.  Mon a donn Onorab William avan apre Onorab Afif. Onorab William.

 

HON WAVEN WILLIAM

Mersi Mr Chair.  Mr Chair, mon ti a kontan zis si PS ti a kapab klarifye sa.  Letan nou’n koz lo sa 15 milyon Livestock Trust Fund la, eski sa R5 i pa sa poul or by unit poul?  Epi an menm tan lefe ki nou pe koz lavyann bef, koson, eski sa osi i annan levy lo la ouswa non?  Akoz i pa tro, tro kler pou bann prodikter deor la, menm pou mwan pa tro kler, konmsi kwa egzakteman i pe reprezante par kilo ouswa per unit.  An menm tan ler pe koz lo lavyann bef pou koson e lezot.  Mersi.

 

MR DEPUTY SPEAKER

Ok. Mersi Onorab William. Onorab Afif.

 

HON AHMED AFIF

Mr Chair, mon kestyon ti vreman lo IOT, mon rapel boner sa lannen, nou ti pe, akoz Bidze ti extend ziska sa… konmansman 2017 pou nou diskit Bidze 2017 e mon rapel ler nou ti vin lo IOT zot ti dir ek nou zot in fini peye, zot in fini pe sa sonm – alor sanmenm sa i dan Bidze alor nou pe al aprouve be sa sete pou sa lannen 2017, sa ki zot ti’n aprouve.  Mon pa asire, mon krwar i ti pou 2017 ki zot ti pe peye, zot ti’n aprouv li.  Savedir 2017 in fini ganny kouver li, in fini ganny peye zot prezan pou 2018 se sa ki zot pe met ladan Bidze e se pou sa rezon ki mon pe dir i devret ale li akoz 2017 zot in fini ganny kouver parske boner sa lannen ou ti dir koumsa vwala, nou’n fini pey zot la e i pou 2017, in fini ganny peye zot.  Mersi.  Savedir mon krwar i devret ganny koupe konpletman.

 

MR DEPUTY SPEAKER

Mersi Onorab.  PS.

 

PS PATRICK PAYET

Mersi Mr Chair. Zis pou konmans lo, Onorab lo kestyon Livestock i par kilo be selman kekfwa nou e rod lenformasyon si i lot ou lavyann ouswa i spesifik. Si lavyann poul oubyen lavyann pork osi spesifik, nou pe rod sa lenformasyon.  I zis lo poul, nou gannyen, i zis lo chicken, ya.  Lo kote IOT pou sa lannen letan nou’n peye, nou ti rezwenn an Fevriye pou diskit ‘’Social Programs of Government’’ lafen Fevriye letan nou ti pe diskite i ti pou peyman 2016 ki nou’n fer li Zanvye 2017.  Par egzanp nou ti mars li parey avek travayer Gouvernman par egzanp travayer Gouvernman usually bokou bann lakonpannyen i pe li an Desanm, par egzanp la bokou Lakonpannyen pe pey zot trezyenm mwan and Desanm 2017 pou 2017 tandis ki nou Gouvernman nou pey li an Zanvye. Pou 2017 nou pou pey li an mid January 2018 ; sanmenm sa ki IOT osi i pe mars parey akoz i ti pe sorti dan Bidze. So nou ti pe pey li en mwan apre the preceeding year. So par egzanp la pou sa ki nou’n mete dan Bidze, nou pou pey li pou lannen 2017 selman i pou ganny peye an Zanvye 2018.

 

MR DEPUTY SPEAKER

Onorab Afif.

 

HON AHMED AFIF

Zis en pti pwen lo la, mon krwar i en pti pe malere ki IOT pe pran en latitid apre 1an plis ki 1 an ki’n ganny notice ki Lasanble Nasyonal in koz lo sa size.  I pa en Lakonpannyen ki dan difikilte li, i pe fer ekstrememan byen malgre kantite pwason ki antre konmela in redwir me i pe prodwir, i pe fer profi, i pe anplway travayer, i pe pey son bann dividends ek son shareholderse dan Bidze nou’n vwar. Ki rezon R5 milyon pou li pou fer en diferan dan son loperasyon Sese pou 2017. Mon krwar dan negosyasyon ki zot pran avek li zot devret pran en pozisyon for e dir ek li Lasanble Nasyonal pa dakor lo prensip ki en Lakonpannyen ki profitab i fer dezyenm lannen konsekitiv i vin devan Lasanble Nasyonal, i demann pey en trezyenm mwan.  Lasanble Nasyonal pa dakor avek sa. I devret dir ek li, napa posibilite pou pey 5.3milyon pou sa, i devret rod en fason rezourd son problenm atraver son prop fon e peye parske pa en gran kantite.  Zis pou donn en legzanp sa Trezyenm Mwan asistans sa enn avan dernyen pou tou bann pti Lakonpannyen Seselwa ki napa larzan pou pey en Trezyenm Mwan, nou donn 3 milyon. Sa bann dimoun ki mizer, napa larzan vreman zot lakonpannyen zot pa ti’n plan. 3milyon.  Pou enn ki fer R100 milyon profi par lannen nou donn li 2 fwa sa preski. I konpletman san rezon, san fonnman e mwan mon demande ki sa sonm i ganny tire konpletman e IOT i ganny enformen ki i pa pou gannyen trezyenm mwan avek Gouvernman me i oblize pey Trezyenm Mwan Saler son travayer e i bezwen pey li atraver son bann profi ki in fer. Wi…

 

MR DEPUTY SPEAKER

Ok.  Mersi…

 

HON AHMED AFIF

E met li efektiv dan Lalwa. Mersi.

 

MR DEPUTY SPEAKER

Mersi.  Onorab Basil Hoareau.

 

HON BASIL HOAREAU

Wi, Mr Chair mon krwar from sa ki PS in eksplike in dir nou poudir pou 2mil… sa sonm ki pe ganny mete pou 2018 se pou pey sa trezyenm mwan saler pou travay IOT pou lannen 2017, vi ki napa sa legal obligation la IOT i kapab zis pa peye.  Mwan mon dir ok annou vot an faver sa parske pou nou pa afekte nou bann travayer Seselwa la.  Me pou 2018, pou lannen 2018 savedir pou trezyenm mwan saler pou lannen 2018 onwards vi ki pou annan sa legal obligation la IOT then Gouvernman pa devret pe pey okenn larzan on behalf of IOT e savedir nou pa devret pe trouv sa sonm dan Bidze ankor parske la IOT pou bezwen desarz son legal obligation li menm me non pa Gouvernman ki desarz pou li.  Me pou le moman an vi ki napa sa legal obligation, e sa i kapab annan lefe advers lo nou bann travayer Seselwa ki pe travay IOT mwan mon dir annou vot an faver sa enn, zis pou sa lannen la pou 2018, en fason zot ava ganny zot Trezyenm Mwan Saler pou lannen 2017. Si nou kapab at least tonm lo en compromise lo la.

 

MR DEPUTY SPEAKER

Mersi Onorab.  Onorab Pillay.

 

HON SEBASTIEN PILLAY

Mr Chair, en pti pe dan laliny ki mon koleg in koze, mon p ape dir neseserman ki nou bezwen vot an faver, be selman nou bezwen annan en provizyon Bidze akoz sa bann travayer in travay zot, what’s happening in terms of negosyasyon ant Gouvernman ek IOT i pa zot, zot zot in travay zot in delivre.  E nou konnen ki Gouvernman i bezwen annan keksoz pou al bargain avek IOT pou al diskite pou mont IOT poudir nou pran en commitment ferm lo la e nou p ape back down.  E Lasanble Nasyonal i pou ganny raporte dan bann medya so mon propoze ki sa sonm i la, nou sispann sa sonm e reste la, nou sispann sa sonm e si bann negosyasyon ki arive between IOT avek Gouvernman pa vin friktye dizon by Fevriye pa ankor friktye, pa ankor sort out, Lalwa pa ankor vin annord, at least selman sa bann travayer i a konnen i ava annan en rekonfor ki sa larzan pou zot trezyenm mwan, menm Fevriye i kapab tro tar, i annan dimoun manke la deor pe zour man pe dir ki Fevriye, mon pe dir Fevriye, konmsi ki at least sa bann dimoun i ava annan en konfor ki sa larzan i a kapab la.  So swa nou siporte li e si nou le pran en pwen ekstrenm kot nou pa le ki i ale then nou kapab tenir li dan Bidze Minister Finans i ava go back i ava fer sir i fer preparasyon, me sa larzan i ava la pou ki mwan personnelman mon ti ava pli kontan rekonforte ki bann travayer IOT ki’n travay.  I pa zot problenm vreman ki sitasyon kip e arive me ki sa larzan i la.  E prezan vi ki Gouvernman i a fer en saving lo sa larzan, nou a kapab servi sa larzan prezan pou nou kouver bann lezot pti Konpannyen ki pe ganny difikilte pou zot kapab ganny pey sa Trezyenm Mwan oubyen nou a kapab repatriy sa larzan across lezot lorganizasyon dan sa Head. Mersi Mr Chair.

 

MR DEPUTY SPEAKER

Mersi Onorab.  Onorab Larue.

 

HON FLORY LARUE

Mersi Mr Speaker. Mwan mon viz mon kestyon direkteman kot Minister Finans, kot PS sa ti ganny monte lannen pase dan Bidze parey in dir, ti ganny fer kler, mon annan verbatim devan mwan la, Onorab Afif ki ti dir ki ‘‘sa nou pa pou pey ankor, nou pa pou siport sa,’’ akoz, eski Minister Finans i kapab eksplik nou akoz ki kominikasyon in konmans an Zanvye 2017 e ki mannyer Minister in negosye ki Trezyenm Mwan Saler 2018 ki pou ganny peye e non pa Trezyenm Mwan Saler 2017 an Zanvye ki la a lafen lannen ki i vin dir nou sa?  Mersi.

 

MR DEPUTY SPEAKER

Ok.  Onorab Andre.

 

HON CLIFFORD ANDRE

Mr Chairman, mwan mon sizere ki nou retir sa sonm akoz parey Onorab Larue in dir, Minister Finans in annan li 1 an, 12 mwan pou li travay lo la, negosye e gete ki direksyon i pou ale.  Mwan mon pe get li in fail dan son travay e alor i pa kapab ozordi pran sa responsabilite dan son failure pou li met lo Lasanble pou fer sir ki nou… akoz la mannyer i pou ete travayer IOT pou dir ‘‘Lasanble ki pa’n donn mwan’’ pa Gouvernman ki mal fer son travay.  Mersi.

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Ok. Mr Speaker, avan kil o kote latab i konmans fer politik avek, akoz mon krwar ou konmans santi poudir zot pe al konmans fer politik avek. Onorab Pillay, mon’n les ou koze… Mersi. Ou konmans santi poudir bann politik pe al antre ladan. Mwan mon dir nou pe al fer sa Lalwa, Lalwa pe vin devan Lasanble e dan sa Lalwa pou annan 2 keksoz, enn – obligasyon pou pey Trezyenm Mwan Saler, 2 en commencement date, ok?  A i pa pou retractive akoz 13th month i payable at the end of December so it will be in the Law.  It will be in the Law.  Sel posibilite ki keksoz i an retar se ki IOT i anmenn keksoz Ankour e Lakour i pran letan pou adjudicate  bann travayer pe espere me mwan mon annan konfyans ki nou ava trouv en fason ki si IOT i predicate sa, i tard tarde, nou ava fer sir ki bann travayer i ganny peye.  So mwan mon pa vwar okenn difikilte avek sispann sa sonm.  Mersi.

 

MR DEPUTY SPEAKER

Ok.  Onorab De Commarmond.

 

HON CHARLES DE COMMARMOND

Mr Chair, dan en pe menm laliny, mwan mon krwar poudir sa Lalwa i pou vin devan nou avan lannen fini, sa ki PS in dir.  Nou, nou bezwen anvoy en mesaz for la ater, si i vin avan lannen fini, nou pou bezwen met sa responsabilite lo IOT.   I bezwen enkli dan Lalwa ki apartir Zanvye sa lannen 2018 la ki’n vini i pou bezwen li pe pey pou 2017 sa Trezyenm Mwan Saler pou son bann travayer Seselwa laba. Ok?  E henceforth i a kontinyen peye. E prezan non ki nou fer nou pou freeze, si ou le dir freeze whatever, nou, nou pou vot lo sa Bidze an tenir kont ki sa nou p ape les ale ; i ava tenir pou nou osi an menm tan, nou pa konnen ki… nou, nou met nou lipye me nou pa konnen ki sa ki kapab vini.  The worse come to the worse mon dir i bezwen annan en negosyasyon pozitiv ki ganny fer ek IOT dizon kantmenm lanmwatye i a dir ok, i a pran responsabilite lanmwatye, nou nou a pran responsabilite lanmwatye – me selman definitivman i bezwen annan en keksoz i ganny fer mwan mon dir tenir the whole amount pou le moman, freeze sa whole amount.  Nou a tenir pa large e dan Lalwa, nou ki pou vot Lalwa, nou Lasanble pou vote, nou a fer sir nou… nou pa pou large, non.  Nou fer sir dan Lalwa, nou ki pou vote, nou a fer sir ki i antre ladan sa bout 2017 ki i ava peye.  Mwan mon krwar sa e sa 5milyon la, i a ganny servi pou en kantite lezot area kot ou byen, byen bezwen larzan pou fer marse lezot landrwa, sports, lot, lot ensidswit.  Mon sizere sa.

 

MR DEPUTY SPEAKER

Mersi Onorab De Commarmond.  Onorab Henrie apre Onorab Afif.

 

HON GERVAIS HENRIE

Mersi Mr Chair. Mon’n reste trankil pandan sa deba akoz mon ti pe lir verbatim sa lannen, déjà vu, tou sa ki  nou’n dir la, nou pe repet li ozordi.  E ki nou, nou ti pe dir an Fevriye, nou ti pe dir ek Minister Finans ale, al negosye parey Onorab Larue in dir, mon krwar zot dwa nou en leksplikasyon akoz sa pa’n arive.  E apre dan sa verbatim la Parti Lepep ti servi en teknik pou dir, ‘’be get sa la lannen pe fini nou bezwen siport bann travayer IOT, alor annou vot sa larzan akoz zot ava vwar lekel ki pe fer politik pa le zot ganny zot Trezyenm Mwan se LDS ki pa oule.’’  Nou, nou le prensip ki Gouvernman ler i dir nou i pe al fer en keksoz, i fer e i pas tou sa letan i pa’n fer zot bezwen donn nou en larepons akoz zot pa’n fer akoz zot pa kapab kontinyen zwe sa zwe lannen ale, lannen vini.  Mersi.

 

MR DEPUTY SPEAKER

Mersi Onorab.  Onorab Afif.

 

HON AHMED AFIF

Mr Chair, mwan mon ti a kontan dir poudir si nou annan en Gouvernman ki serye i annan plis ki 1an ki nou’n demande pou sa negosyasyon ganny fer e ki IOT i ganny oblize pou li pey son trezyenm mwan, i pa ti konplike sa.  Ou kapab al kot IOT avek en kopi sa Lezislasyon, ou dir ek li la, la regilasyon ki nou pe al pibliye, nou pe al devan Lasanble, nou konnen nou pou ganny sipor antye Lasanble lo la ki ou pou bezwen pey sa pou 2017 – se tou ki ti annan pou fer, pa bezwen al fer gran negosyasyon e ou dir li zot ti annan 9 mwan, plis ki 9 mwan pou zot fer sa.  In pa’n ganny fer me si nou annan en Gouvernman serye semenn prosenn, nou ankor la nou, anmenn en Gazet avek sa regilasyon anba Employment, nou pou siport li e ou fer li effective pou 2017 – parey nou ti fer lannen pase. E alor napa okenn nesesite pou freeze li, annou koup li, fer Gouvernman vini semenn prosenn, nou, nou pare pou nou zwenn nenport ler pou nou regard sa, aprouv sa, annefe si regilasyon i bezwen zis ganny tabled si i en regilasyon.  Si ou bezwen sanz Lalwa, sanz Lalwa ale vin devan nou, annou sanze, annou koupe.  Mon krwar annou sov sa Bidze en bon pe larzan 5milyon i en kantite larzan, annou sov li, annou obliz bann Lakonpannyen ki fer profi, zwe zot rol enportan dan lekonomi.  Mersi.

 

MR DEPUTY SPEAKER

Mersi. Mon krwar i annan en konsansis lo tou le de kote, lo the way forward, mon a donn PS laparol apre nou ava pran lezot Heads.  Ok, nou’n ariv midi, mon pa konnen si zot le nou pou kontiny apre midi akoz i annan bokou oubyen sinon nou ava al ankor en demi erdtan? Ok. Mon a les PS fini reponn sa bann queries apre nou ava pran en desizyon. Ok, PS Payet.

 

PS PATRICK PAYET

Mersi Mr Chair.  Mersi bann Manm Onorab.  Zis pou azoute ki Minister Finans mon krwar pa’n dormi pandan sa 1an in fer en pe travay ki in ganny demande par Lasanble.  Ti i annan diferan… dan diskisyon avek IOT ti annan diferan eleman ki ti monte ler nou ti pe diskit avek li.  Nou kapab share avek zot enn de bann Policy proposal i nou’n fer avek Cabinet of Ministers epi ler sa diskisyon an Fevriye 2017 ti’n ganny tabled devan Lasanble. IOT ti met dan bann diskisyon ti met pri elektrisite ki zot ti pe propoz en nouvo tarif for the fishing sector.  Secondly zot ti pe propoz, zot assessment ki zot ti’n fer baze lo zot competitiveness, zot ti pe dir ki labour cost Sesel konpare avek larezyon labour cost is very high e en pe bann assessment ki nou’n fer ki i egziste, vre ki nou pa kapab vwar nou kekfwa konpare avek Maurice kekfwa Maurice zot bann Lalwa i en pe diferan kekfwa dan terms lorganizasyon ki nou swiv konpare avek zot, kekfwa in terms of labour costs apre the volume, vre nou pa kapab konpare direkteman selman as en biznes zot in swazir pou vin Sesel i bezwen annan en rezon.  So definitivman nou letan nou ti pe proposal nou ti… en keksoz ki nou ti vwar ki at least annou revwar an totalite SITZ e the first White Paper apre ki nou fini tou sa bann diskisyon zis avek IOT nou ti fer proposal to amann SITZ.  E mon pa konnen si zot i ganny en kopi the White Paper initial ki nou ti mete.  Ti annan bokou rezistan avek bann SITZ Companies.  Ti mon krwar ler mon ti pe fer konsiltasyon ti premye fwa ki mon ti vwar ki en full lafoul en pe reziste avek the proposal ki Minister Finans ti pe met devan.  Nou ti rediskit avek the Cabinet of Ministers baze lo bann propozisyon ki lafoul ki nou ti diskit e the propozisyon ki Cabinet of Ministers ti agree se ok, let’s start on tou laspe ki pe afekte travayer Seselwa. First lo trezyenm mwan lapey, second lo son pansyon, annou revwar sa de laspe apre at least the first 6 months of 2018, fer en proper assessment lo competitiveness of SITZ Companies.  E sa ki nou pe met li an 2 faz, Lalwa ki nou pe met devan Lasanble semenn prosenn.  At least pou nou vin avek son bout trezyenm mwan lapey avek pansyon.  Apre the second phase lannen prosenn i pou annan further amendments of SITZ pou fer sir ki at least nou still attract businesses pou vin Sesel – me selman nou fer sir ki zot an konformite avek framework ki Gouvernman pe met devan.  So definitivman nou, nou pe vin devan Lasanble avek propozisyon pou amend Lalwa lo sa 2 laspe pansyon avek Trezyenm Mwan Lapey e nou a fer sir ki i ariv devan Lasanble semenn prosenn.

 

MR DEPUTY SPEAKER

Ok.  Nou ava…

 

HON JEAN-FRANCOIS FERRARI

En pti pwen Mr Speaker, mon ti a zis kontan demann PS lo sa 2 laspe, Trezyenm Mwan Lapey avek pansyon i ou lopinyon ki bann operater dan SITZ sa 2 la zot pli pare pou zot aksepte oubyen osi lo la osi i annan rezistans?

 

MR DEPUTY SPEAKER

Ok. PS avan mon donn ou laparol, loter sa kestyon Onorab William apre Onorab Basil Hoareau.

 

HON WAVEN WILLIAM

Mersi Mr Chair.  Mr Chair, konman en reprezantan mo santi mwan en pe konsernen lo sa size.  E mon i a kontan ki PS si ou kapab kal kart byen ater avek nou par lefe ki letan ou pe koz sa size ou rekonnet the element of competitivity pou fer sa biznes – akoz dan lepase nou’n vwar kot nou’n perdi.  E eski sa size dapre ou leksperyans e ou konesans i en ki vreman sansib ki enn nou kapab perdi. Mon konpran largiman pe ganny avanse e pa oubliye osi poudir – enn – se ki nou bezwen balans keksoz. Ou pli byen plase ki nou akoz nou pa’n dan sa negosyasyon pou fer Lasanble konpran egzakteman the sensitivity of it akoz mon krwar i enportan ki noua pros sa size avek en balans.  Mersi.  Ki nou pa perdi. Mersi.

 

MR DEPUTY SPEAKER

Ok. Mersi Onorab William. Onorab Basil Hoareau.

 

HON BASIL HOAREAU

Mr Chair, mersi. Ti annan zis 2 pti keksoz mon le dir. Premyerman mon krwar lenportans se ki nou fer sir bann travayer Seselwa IOT i ganny zot Trezyenm Mwan Saler e si i posib ki nou fer IOT peye la wi, atraver Lalwa i posib pou li fer, annou fer li. Dezyenmman mon ti koze, letan mon ti fer mon ladres lo repons lo Bidze, mon ti mansyonnen poudir beside pansyon avek Trezyenm Mwan Saler, i annan konpansasyon osi ki bann travayer Seselwa ki pe travay dan bann ITZ pa pe gannyen unless ki dan zot Kontra i annan provizyon pou peyman konpansasyon e la realite se ki lamazorite sa bann Kontra travay napa sa bann provizyon e mon ti demande si Minister i kapab konsidere letan i pe anmenn lamannman ki zot osi anmenn en lamannman pou ki bann travayer Seselwa ki travay dan ITZ zot ganny peyman konpansasyon zis parey lezot travayer Seselwa ouswa lezot travayer ki travay Sesel an deor ITZ, pou anmenn sa egalite. Eski sa i kapab ganny konsidere osi?

 

MR DEPUTY SPEAKER

Ok.  Petet PS zis lo menm laliny pou azoute osi mon’n deza lev sa size – repons ki mon ti gannyen avek enn de sa bann Konpannyen se ki zot ofer en pli bon package, en saler pli o, alor anba Lalwa ki zot pa devret pe pey sa bann, me zot ofer en pli o saler pou sa bann travayer.  Mon pa konnen si sa i en bon largiman ki zot in debout lo la toultan. Ok PS laparol i pou ou.

 

PS PATRICK PAYET

Mersi Mr Chair. Lo sa… zis ou konmanse lo sa 2 eleman definitivman ti annan en pe, stillen pe rezistans avek enn 2 sa bann lakonpannyen. Z ot in konmans diskit avek nou the legality of it akoz par egzanp en keksoz ki zot in met devan nou ki nou pe diskit avek AG’s Office, zot in ganny en certificate of license, certificate of license letan zot in diskit avek nou, zot pe dir nou ki sa license provision i expire kekfwa i annan ki expire 2025 e zot in ganny sa license dapre en lankadreman ki egziste ozordi.  E ki pou arive si ou sanz sa framework of SITZ letan zot license pa ankor expire e sa nou pe diskit avek AG’s Office pou nou vwar the legality of it si i pou annan me selman definitivman lo kote pension avek Trezyenm Mwan ti annan ankor en pe ki ti reziste. Me tandis ki IOT li i ti’n pare pou li konmans li 2019.  Lo konsern competitiveness letan nou ti pe regard li letan ou get par egzanp bann ki pe servi elektrisite konpare avek kekfwa dan larezyon definitivman nou kou elektrisite i pli ser ki larezyon. Me selman sa i kapab eksplike osi lo kote volume, akoz letan ou get par egzanp the cost of fuel ki larezyon i aste konpare avek nou, normalman i the same letan nou’n fer nou assessment.  Me en keksoz ki nou’n vwar ki i egziste dan Lalwa ozordi there are exempt of business tax, zot pa pey business tax me en proposal ki nou dan White Paper ki nou ti’n mete se at least they pay 50% of the business tax rate ki egziste.  Sanmenm sa ki zot in met en lo rezistans menm si the proposal ki nou’n dir at least donn zot 5an grace ki zot pa peye sirtou bann nouvo Lakonpannyen ki pe antre dan sa ITZ zot pa pey sa me selman zot pey 50poursan of the applicable business tax rate. Sepandan letan nou fer en pe assessment nou’n vwar par egzanp letan ou get Maurice ouswa Singapore i annan ki business tax i exempt sanmenm sa ki Cabinet of Ministers in dir nou be go back fer en proper assessment at least ki ou annan ase data pou konkretiz nou bann Policy decision ki nou pe fer.  Tandis ki Trezyenm Mwan avek pansyon Cabinet of Ministers ti agree ki pe tous travayer Seselwa ozordi ki nou bezwen fer li konmans into force.  Lo kote sa eleman konpansasyon i en eleman ki nou pa ti’n regarde, me sa nou kapab diskit avek Minister Labour pou nou vwar si letan nou anmenn lamannman semenn prosenn sa bout i kapab ganny enkli lo la.  Mersi Mr Chair.

 

MR DEPUTY SPEAKER

Ok.  Bon mon krwar nou, PS mon krwar nou pou bezwen kontiny nou deba apre midi 2 er, nou ava kontiny avek az 32 avek sa bann diferan Headings.  Petet dan Break nou ava zis enform Minis Dogley.  Nou ava delay li. Nou ava regarde ki mannyer keksoz i ale apre midi si nou pou fer li vin 4er, ok?  Avan nou adjourn, mon anvi zis enform bann Manm ki lo Bills Committee… non, mon ava pran en lot avan. Tou bann Manm an zeneral, tou bann Manm FIU Mr Moustache CEO – i le en rankont avek tou Manm Lasanble demen bomaten.  Nou pou rankontre 9er bomaten dan Committee… 9.30, 9.30 dan Committee Room 3.  Napa nanryen pou fer avek diskisyon zot Bidze whatever me i annan serten lenformasyon.  I annan en delegasyon ki dan pei.  I annan en… non nou pe fer li 9.30. 9.30 ki’n ganny agree nou pe rankontre dan Committee Room 3.  Tou Manm mon pe demann tou Manm ki kapab, ok, si i annan Manm ki annan en commitment irzan then zot ganny eskize me otan posib FIU i le rankontre avek tou Manm Lasanble demen.  Ok?  Mwan ki’n deside, mon lofis ki’n ganny sa let, sa request e mwan ki’n pran sa desizyon ansanm avek, mon’n konsilte Minis Finans akoz i konsern osi tou Minis Finans. Dezyenmman Bills Committee, tou bann Manm Bills Committee e la osi mon anvi envit le de Whip lo sak kote latab. Nou pou meet demen 11.15 Committee Room 3 pou nou regard bann Bills ki’n deza fini rantre in ganny fer First Reading ki ler nou fini prosesis Bidze nou kapab rantre direkteman dan bann Bills. Ok?  Vwala sa 2 lanons ki mon ti le fer avek zot. Onorab Pillay.

 

HON SEBASTIEN PILLAY

Yes Mr Chair dan labsans Chairman e Vice-Chairman Committee mon ti a zis kontan demann Minister Finans pou fer sir ki si at least demen zot ti a kapab la e fer sir zot anmenn tou bann Bills ki pe vini zot in kapab fer sir tou in pare.  At least menm bann ki pa ankor pare, donn nou advanced notice lo la pou nou kapab konmans prepar nou progranm pou fer diskisyon lo la.

 

MR DEPUTY SPEAKER

Ok, nou kapab… nou konnen ki i annan enn de bann Bills ki pa ankor antre nou kapab demann PS pou fer nou gannyen, me selman ou pe demande si zot kapab la demen, demen Finans pa pou la avek nou, se sa rezon ki nou pe fer lezot travay demen bann zofisye Finans pa pou avek nou demen.  Ok?  Onorab Ferrari.

 

HON JEAN-FRANCOIS FERRARI

Mr Speaker, zis en pti lenformasyon ki Mr Thesee, mon ti a kontan Mr Thesee i kapab donn nou, bann detay pou ‘’empowerment and social protection program’’, konmsi sa bann… lekel bann dimoun ki pe benefisye ladan?  Si apre midi ou kapab donn nou sa mon ti ava apresye.  Mersi.

 

MR DEPUTY SPEAKER

Ok.  Mersi Onorab. Bon avek sa nou ava adjourn e nou ava retournen 2er.

 

 

(BREAK)

 

 

MR DEPUTY SPEAKER

Bonn apre midi tou Manm Onorab, PS Payet avek ou bann zofisye.  Bonn apre midi tou bann dimoun ki a lekout.  Bon nou pour kontinyen nou travay kot nou’n ti’n kite bomaten.  Ok.  Mon annan Onorab Clive Roucou.

 

HON CLIVE ROUCOU

Mersi Mr Speaker. Bonn apre midi tou dimoun. Mr Speaker mon ti annan 2 pti kestyon in fact. Premyerman pour Praslin Development Fund Advisory Board. Same pour La Digue Devlopment Fund Advisory Board.  Mon ti ava kontan PS ti ava donn mwan en pti leksplikasyon konbyen Manm ki lo sa 2 Board e ki Board fees.  Epi pour Health Professional Council, mon vwar en pti logmantasyon pour Health Professional Council ki tonm apepre R3mil par mwan.  Alors mwan ti a kontan PS i donn mwan en pti leksplikasyon lo la please.

 

MR DEPUTY SPEAKER

Mersi Onorab.  PS Payet.

 

PS PATRICK PAYET

Mersi Mr Chair.  Kekfwa si ou ti kapab reponn, repet sa last kestyon lo Health Council please.

 

MR DEPUTY SPEAKER

Ok Onorab.

 

HON CLIVE ROUCOU

Yes PS. Pour Health Professional Council dernyen lo bwat ti 1. 84milyon epi 1. 15milyon.   So mon pe demande sa pti logmantasyon ki pa ase signifikan pour kwa silvouple.

 

MR DEPUTY SPEAKER

Ok.  Mersi. PS.

 

PS PATRICK PAYET

Mersi Mr Chair. Mersi Onorab. Lo kote Praslin Development Fund avek La Digue Development Fund, Trust Fund. Parey ou remarke ki nou’n fer pour lannen 2018; Lannen 2018 nou pour consolidate tou le de fund together. Aktyelman la ozordi, lo kote Praslin nou napa, nou napa okenn fund ki egziste.  Me tandis lo kote La Digue nou annan en La Digue Development Fund avek en La Digue Trust Fund.  E ki nou pe propoze pour 2018, nou pour annan en Praslin Development Fund avek en La Digue Development Fund.  E anba la provizyon ki nou ankor pe fini travay amannman Lalwa, me selman provizyon for Board fees as per the policy ki’n ganny aprouve, the chair i ganny R2mil.  Si i annan en Vice-Chair i ganny 1,800.  E lezot manm i ganny R1500. E si i annan en sekreter lo bord i ganny R1200.  Sa i proposal ki as per the policy.  Konsernan Health Professional Council, Mr Chair si ou kapab donn nou en pe letan nou ava rod en pe detay pour nou donn Onorab lo la.

 

MR DEPUTY SPEAKER

Mersi PS Payet.  Onorab Egbert Aglae.

 

HON EGBERT AGLAE

Mersi Mr Chair. Bonn apre midi tou dimoun, tou bann Manm. Mr Chair mon kestyon i al lo Children’s Fund.  I annan en Bidze 7milyon ki mon vwar tou le lannen pe monte.  Eski PS ti kapab dir sa Lasanble lannen pase 2016, ki kantite larzan ki’n ganny depanse anba Children’s Fund.  E ki bann areas petet prensipal ki sa larzan i ganny depanse anba la.  Apre mon ti a kontan demann PS pour donn en pti leksplikasyon lo sa Sport Trust Fund, ki son purpose?  An vi ki nou annan en entity ki apel NSC.  Mersi.

 

MR DEPUTY SPEAKER

Mersi Onorab.  Ok avan mon donn laparol PS. Onorab Esparon lo menm laliny?

 

HON REGINA ESPARON

Wi Mr Speaker mersi. Lo menm laliny pour fer ek Children’s Fund.  Plito mon demann mon kestyon en sel apre Minis a fer en sel reponn. Mersi Mr Speaker. Mon ti a kontan demann PS konbyen larzan ki Gouvernman pe ranmase atraver sa 1 Roupi lo sak sopin labyer ki Seybrew i vann ki sipoze al dan sa Fon. Nou ti ganny dir sa fon i ganny zere par State House, eski i ankor le ka? PS mon ti a sizere ki ler zot revwar sa bann Fon, mon pa konnen si Children’s Fund osi pour tonm anba sa bann revizyon ki nou’n koz lo la bomaten ki li osi petet ti kapab ganny mete anba Minister Lafanmir.  Epi dir nou lekel ki lo sa Board silvouple.  Mersi.

 

MR DEPUTY SPEAKER

Ok PS.

 

PS PATRICK PAYET

Mersi Mr Chair.  Mersi bann Manm Onorab. Pour lannen 2016 anba Children Special Fund – ti annan R80,173mil ki ti al anba bann asistan to children welfare institution, tou  bann lenstitisyon.  Apre ti annan R272, 124mil ki ti al lasistan pour bann educational institution.  Apre R2.9milyon ki ti lasistans pour various community program and youth activities. R431, 400mil ki ti al pour bann lasistans pour bann youth welfare activities.  Apre ti annan en lasistans pour bann zanfan ki ti malad ki lavaler R382, 670mil.  So en total 4.2milyon ti ganny depanse pour lannen 2016.  E sa in ganny odite pour lannen 2016. 2017 definitivman once ki i konplete. Definitivman en keksoz Onorab ki nou pe revwar se sa bann Fon akoz parey zot realize i annan bokou Fon ki’n ganny kree an menm tan ki nou pe revwar the Praslin Development Fund nou pe revwar en pe the Children Special Fund.  Aktyelman la ozordi nou pe fer sir ki at least i annan detay lo composition of the Board.  I en keksoz ki nou pa ankor finalize. Selman definitivman by January avan ki Bidze 2018 i komans enplimante, nou pou’n fini amann, rey sa fon son regilasyon pour fer sir ki i annan transparans lo ki kalite aktivite ki ganny mete, ki zot kapab donn larzan.  E osi sa Board actually anba sa Children Special Fund. Aktyelman ozordi still anba lofis Prezidan zot ki akor pe administre.  Sepandan larzan pour 2007, nou pa ankor disburse akoz nou pa ankor fini travay lo sa provizyon Lalwa.  Aktyelman zot ankor pe servi zis larzan kid an zot bank account.  Nou pa ankor disburse okenn larzan dan Bidze 2017.  Mersi Mr Chair.

 

MR DEPUTY SPEAKER

Ok.  Onorab Aglae, swivi par Onorab Esparon, Onorab Churchill Gill, e Onorab Ferrari lo Children Special Fund.  Non.  Ok Onorab Ferrari pa ladan. Onorab Aglae, Esparon, Onorab Churchill Gill.

 

HON EGBERT AGLAE

Mersi Mr Chair.  PS vi ki lannen pase ler nou ti pe diskit sa Bidze pour Children Fund ti annan serten sizesyon par bann Manm kot i konsern lafet zanfan, parti zanfan.  Mon pe demann si dan sa larzan, vi ki ou’n koz detrwa welfare la, i pa detaye, nou pa konnen ki kalite welfare ki pe ganny sa Bidzete anba la; si ti annan en konponan sa larzan ki ti al kot lekol akoz nou konnen nou tou sirtou bann Manm Onorab ki elekte dan son distrik.  I annan bann sponsorship ler lafet zanfan i vini ki vin anver nou biro pour nou kapab ede. Eski i annan en larzan ladan ki ganny met akote pour ed sa bann lekol avek Lafet Zanfan. Mersi.

 

MR DEPUTY SPEAKER

Mersi Onorab Aglae.  Onorab Esparon.

 

HON REGINA ESPARON

Mersi Mr Speaker. Mr Speaker mon ti anvi zis demann avek PS si zot i annan okenn lentansyon retir li anba State House?  Akoz mon pe dir sa akoz i ankor, mwan santi i ankor annan en serten zwe politik pour serten zanfan ganny ede anba sa Fund.  Mersi.

 

MR DEPUTY SPEAKER

Ok.   Onorab Esparon, Onorab Churchill Gill. Ok petet PS Payet avan ou reponn, Onorab Esparon in lev 1roupi koleksyon. Mon krwar i 2 Roupi koleksyon – non?  Lo sak labyer e eski sa aplik zis pour Seybrew, oubyen lo tou labyer. Menm labyer enporte.  PS.

 

PS PATRICK PAYET

Mersi Mr Chair. Lo konsernan Lafet Zanfan nou ava rod en pe plis lenformasyon pour lannen 2017.  Ti annan en larzan ki ti ganny donnen.  Me selman the amount spesifikman par lekol nou kapab rod lenformasyon avek lofis Prezidan ki kapab donn Lasanble.  Konsernan la fason ki kekfwa kote ki Minister i sipoze administer. Definitivman dan nouvo policy proposal nou a revwar la fason akoz as per the policy proposal i bezwen annan en Board ki pour administre li. I pa pour dan depandan State House ouswa okenn personnel Gouvernman. I bezwen en bord ki fer sir ki at least son lalis ki kapab kalifye pour ganny larzan anba sa Fund. I vreman transparans. I vreman kler ki okenn. Par egzanp aktivite zanfan ouswa bann lezot proposal ki Manm Lasanble ti mete i vreman kler.  E nou a take onboard the proposal ki at least i bezwen annan en Ministry ki responsab sirtou par egzanp pour anmenn any policy proposal devan to Gouvernman e aktyelman nou vwar ki the ideal Minister se Minister Lafanmir.  Nou ava take onboard sa proposal e nou ava met devan letan zot pe fer policy amendments.  Konsernan sa 2 Roupi Mr Chair aktyelman nou napa sa lenformasyon avek nou.  Me selman nou ava rode ki kantite larzan ki’n ganny kolekte spesifikman par sa bann Seybrew, ouswa bann lezot. E nou a kapab provide avek Lasanble.  E kote in ale anba sa Fon.

 

MR DEPUTY SPEAKER

Ok, mersi PS.  Onorab Pillay.

 

HON SEBASTIEN PILLAY

Mersi Mr Chair.  Mr Chair prenan kont ki PS in dir ek nou koumsa pour dir, ou pa ankor disburse 2017.  Savedir sa sa provizyon 2018 i pour over and above 2017? OkSo eski nou kapab par egzanp dan plas ki nou annan en disbursement 2018 until ki tou bann keksoz i annord. Ler bann keksoz i annord Board in pare eksetera, ou ava disburse 2017 and then si i annan eventuality then ou ava annan sa.  Nou fer approval of the Budget. E si par egzanp prezan zot bezwen fer virement across the Budget to another Head zot ava fer accordingly sa larzan i ava reste dan Bidze. Vi ki bann prosedir pa ankor ganny met an plas.  Is that a possibility, mon ti a kontan PS i klarifye sa pour mwan.  Mersi.

 

MR DEPUTY SPEAKER

Mersi Onorab Pillay.  Onorab Ferrari.

 

HON JEAN-FRANCOIS FERRARI

Mr Speaker, mon krwar i en propozisyon ekstraordiner sorti kot en Manm Parti Lepep ki pe demande ki nou freeze Bidze Children Fund.  I ekstraordiner, e nou pour siport sa vreman. Akoz i annan telman lannen ki nou pe dir pour dir nou bezwen en pe plis accountabilitySo mwan mon ava siport 100poursan sa ki Onorab Pillay in dir vi ki i annan deza 7milyon ki la, ki available, ki pa ankor ganny disburseSo sa i ava servi pour 2018.  E nou pa bezwen met ankor 7milyon ladan.  I ava fer nou ankor en saving 7 milyon pour lezot progranm pour Gouvernman.  Fantastik Onorab Pillay.  Mersi.

 

MR DEPUTY SPEAKER

Mersi. I annan en konsansis. I annan en bon pwen ki’n ganny leve par Onorab Pillay.

 

HON SEBASTIEN PILLAY

Mwan konnen i bezwen repet sa ki mon’n dir, sa ki mon dir i byen.  So mon konpran li.  So i bezwen repete – vwar?

 

MR DEPUTY SPEAKER

Ok, ok. PS ou bezwen fer komanter.  Ok, go ahead PS.

 

PS PATRICK PAYET

Mr Chair zis pour azoute ki si i ariv le 31 Desanm, nou pa ankor disburse larzan – i perdi.  So lo kot nou’n arive la nou pa vwar ki nou pour kapab disburse sa larzan akoz zot pa ankor kekfwa.  Fodre Lalwa in fini ganny amande anyway nou reste zis en mwan.  So definitivman kekfwa 2017, me sepandan 2018, mon krwar kekfwa zot ava kapab fer zot amannman ki nou ava disburse kekfwa pour 2018.

 

MR DEPUTY SPEAKER

Ok.  PS petet la ou osi tou ankor kot nou’n ganny retar akoz mon krwar mwan menm mwan avek Onorab Esparon nou ti lev sa dan repons Bidze lannen pase. Prezidan ti fer sorti dan Diskour Leta Lanasyon an Fevriye sa lannen ki en Board pour ganny setup, kont pour ganny odite, e i pour ganny properly managed.  La ankor mon krwar i en area kot nou’n ganny retar. Mon pa pe blanm ou, oubyen ou Minister. Me selman atraver ou ki nou akseler sa prosesis pleaseOk?  Onorab Sandy Arrisol.  Ok en moman, en moman Onorab Arrisol.  Onorab Aglae ou ti annan ankor en kestyon.

 

HON EGBERT AGLAE

Non Mr Chair ti annan en kestyon lo sa National Sports Trust Fund la.  Mon ti pe demann en kantite lo la, sa 400mil, sa Sports Trust Fund i pour kwa.  An vi ki nou annan NSC osi.  Mersi.

 

MR DEPUTY SPEAKER

Mersi Onorab.  PS.

 

PS PATRICK PAYET

Mersi Mr Chair. Letan ou regard dan provizyon 2017 i annan 400mil ki’n ganny mete e dan revised Budget 2017 ou pour vwar sa 400mil in sorti.  E nou’n met en provizyon 2018.  Akoz ki nou pa’n met li dan revised Budget, nou’n vwar ki sport pa ankor kapab travay lo zot Polisi akoz nou bezwen framework, en lankadreman ki pour dir nou lekel ki pour benefisye. Ki bann aktivite ki pour benefisye.  At least ki i vreman kler.  Be letan nou’n regarde dan Mid-Year Review, zot pa ti ankor travay lo zot Polisi. Sanmenm sa ki nou pa’n met okenn provizyon dan revised budget.  Sepandan nou’n met sa provizyon 2018, ki nou’n advice zot ki at least zot bezwen fer sir ki sa Polisi, Trust Fund i vin dan sa lankadreman.  E ki nou’n vwar ki at least Kiltir in kapab travay lo son policy proposal pour dir lekel ki eligibility pour kalifye anba sa Trust Fund. Tandis ki bann lezot sanmenm sa ou pour vwar dan revised budget pa ankor travay lo la. So nou osi nou pa ankor vreman kler lo ki bann lankadreman, nou bann aktivite, ouswa lekel bann lasosyasyon ki pour benefisye. Me once ki Polisi i ganny fini travay lo la, nou a fer Lasanble ganny en kopi pour zot osi okouran lekel bann aktivite ouswa bann lasosyasyon ki pour ganny kalifye anba sa Trust Fund.

 

MR DEPUTY SPEAKER

Ok. PS savedir sa i zis en provizyon e si i pa ganny servi i koule.  Ok.  Onorab Lemiel.

 

HON SYLVANNE LEMIEL

Mersi Mr Chair. Bonn apre midi tou dimoun. Mr Chair mon osi mwan kestyon ti vize ver sa detrwa Trust Fund ki annan. Zis pour point out i annan osi en Disabled Trust Fund letan PS pe koz lo, akoz mon kestyon ti annan pour fer avek Women Trust Fund, Disabled Trust Fund, apre sa Sports Trust Fund.  Me ler PS in eksplike in dir ki zot napa Polisi pour lenformasyon Lasanble, mon’n pran kontak avek Chairperson National Council for the Disabled.  Since last year nou ti diskit lo sa Disabled Trust Fund. Nou ti oule konnen tou-le-z-an i annan 400mil ki ganny mete ladan.  E zot pa ti zanmen konnen i annan sa.   Se prezan la apre ki mon’n pran kontak ki in dir mwan zot pe travay, zot in pran kontak avek Minister Finans, zot in ganny dir travay lo en Polisi.  So petet akoz nou ti pe mete ki menm i annan sa bann lasosyasyon parey Council for the Disabled i pa ti menm konnen i annan en Trust Fund e petet sa Women Trust Fund osi lekel ki manage sa bann fon kot Finans ouswa en lot lorganizasyon?  Mersi.

 

MR DEPUTY SPEAKER

OkPS oule klarifye.

 

PS PATRICK PAYET

Mersi Mr Chair.  Mersi Onorab zis pour advice Lasanble ki Minister Finans once ki Budget i aprouv ki nou ti vwar ki i annan bann Trust Fund ki ti napa sa lankadreman.  E nou ti advice zot parent Ministry ki before larzan i la.  E before nou kapab disburse, zot bezwen travay lo zot lankadreman zot polisi.  Anmenn kot Cabinet of Ministers, ganny aprouve, e nou at least nou kapab disburse larzan.   So we did advice bann parent minister, kekfwa, kekfwa bann trust, bann lezot body ki tonm anba zot; par egzanp the Disabled Organization. Kekfwa zot pa ti okouran, kekfwa the Ministry, zot, zot ti o fe avek the proposal ki nou ti met devan zot.  Me sepandan letan ou get Women Trust Fund, i deza egziste li. I deza egziste, nou kapab advice zot sa composition of the Board, nou kapab provide zot avek the detay. Akoz deza depi 2016, nou pe donn zot larzan.   So zot pe fer detrwa aktivite, sa nou kapab donn zot en pe plis detay lo sa Women Trust Fund akoz zot deza egziste.  Mersi.

 

MR DEPUTY SPEAKER

Mersi PS.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair nou pe war en patern ki pe repete. Malgre ki nou annan bann Trust Fund, bann parent Ministries in deza annan bann lazans dedicated for the purpose, NSC, i avek sport, Kiltir i annan – Departman Kiltir, i annan Heritage Foundation.  Be apre nou bezwen, mon vwar nou bezwen annan sa bann endowment fund. I fer sans. Be selman problenm ki nou pe war la se ki si zot napa sa Polisi ki vin avek, i fer li en pti difisil pour nou kapab assess value for money lo bann keksoz ki zot pe fer.  E ou’n koz lo sa Komite ki zot pe met an plas.  Eski koman en propozisyon.  Eski zot kapab konsider en propozisyon ki first quarter, next year zot raport avek nou, avek Lasanble lo tou sa bann Trust Funds e status zot Polisi. Si policies pa ankor effective by the time disbursement i ganny fer then nou pour – I think the best thing pour fer la se ki swa nou relook at bann lezot lazans ki pe aktivman fer serten keksoz. Ouswa nou regard enkli bann lezot Lazans.  Taler mon pour annan en kestyon ki pour al lo la taler.  Konmsi pour nou kapab asire ki zot pe kapab. A koz mon konnen zot annan en kantite pour fer pour demann zot ankor pour realign plis lo bann policies, pour fer bann policies  i vin ankor doub travay ki zot annan.  So eski i en propozisyon ki zot kapab konsidere baze lo sa Komite ki zot ti dir zot pe met an plas ki regard sa bann Trust Funds dan zar parey sa bann Endowment Funds pour gete lekel ki pe vin apply pour ganny larzan ladan e pour gete ki mannyer sa bann proze pe ganny fer anba sa bann diferan Funds.  Mersi Mr Chair.

 

MR DEPUTY SPEAKER

Mersi Onorab. PS Payet.

 

PS PATRICK PAYET

Mersi Mr Chair. Definitivman nou a pran the proposal of Onorab osi ki nou ariv lo en pe as per the committee ki pour egziste.  Zis pour azoute ki lafason ki nou ti’n met Bidze nou konnen, nou ti’n met zis en provizyon nou.  At least pour zot set up en Government kontribisyon dan Bidze. Sepandan nou konnen ki par egzanp letan en Trust Fund i etablir, i bezwen plis larzan.  So definitivman pour zot kapab ed zot osi pour zot kapab al rod larzan avek the private sector ouswa menm dan international community. Be definitivman nou a prenan kont the proposal ki at least, the first quarter nou ava assess kot zot ete sa bann sekter e nou ava revert back avek FPAC lo la.

 

MR DEPUTY SPEAKER

Mersi PS Onorab Larue lo menm laliny.  Ok go ahead.

 

HON FLORY LARUE

Mersi Mr Chair.  PS pour mwan i vreman pa kler.  Pour Livestock Trust Fund nou ti dir i annan 500 mil ladan. Lannen pase letan nou ti klarifye, ou ti eksplik nou ki sa larzan i ganny servi pour loperasyon sa Board.  Letan nou pe get sa bann lezot Fund, bann lezot Trust Fund Zot annan 400 mil, sa i en Fon?  Ouswa i pour fonksyonnman sa Board?  . Oswa sa Board, i separe.  Akoz i pa kler.  Letan nou ti koz lo Livestock Trust Fund ou ti eksplik nou ki sa 500mil i pour zot fonksyonnen.  Ou ti dir par egzanp pour zot al fer vizit, pour zot rod lenformasyon, assessment, bann keksoz koumsa pour loperasyon.  Alor la sa bann 400mil li i en Fund ki dimoun i kapab akse pour sa bann field ouswa i pour lot keksoz.  Akoz i pa kler.  Mersi.

 

MR DEPUTY SPEAKER

Mersi Onorab.  PS.

 

COMPTROLLER GENERAL DAMIEN THESEE

Mersi Mr Chair.  Parey nou’n eksplike pour Livestock Trust Fund i spesifik li.  Akoz i deza annan son sours kot i ganny son income atraver levy. So sa larzan ki nou met ladan i zis son operational pour nou pa tous sa larzan levy pour pey Board fees, oubyen pour son bann operational cost.  Me par kont Gouvernman ti deside, mon krwar i fer 2an la. In deside pour setup sa bann Trust Fund ki pour asiste. Par egzanp sport si ou annan okenn loperasyon ki bezwen larzan over and above sa ki lokasyon ki NSC i fer e ou annan arts, ou annan culture, ou annan disabled ou annan sport.  Savedir sa sekter spesifik, sa Minister spesifik i bezwen come-up avek son polisi e dir ki kalite proze, oubyen ki kalite keksoz ki kapab ganny finanse atraver sa bann funds.  I pa neseserman bezwen setup en Board pour zot.  Ou kapab servi existing structure kot sa bann Minister, ou kapab servi NSC, i annan son management.  I a lyez ek son Minister, fer son Polisi e zot kapab fer en laplikasyon e vet proze ki vini. Oubyen lasistans, i servi sa funds pour asiste okenn; si ou annan Sport Federation, si okenn group kiltirel, pey zot.  So its more targeted towards bann keksoz spesifik, sports, kiltir, disabled, rather than pour pey pour operational pour sa bann. Mersi.

 

MR DEPUTY SPEAKER

Ok, mersi Mr Thesee.

 

HON FLORY LARUE

I vreman, vreman pa kler la i duplication at another level la prezan.  So what is the point of Trust Fund at sa kantite larzan si right zot pa ankor konnen ki mannyer i pour fonksyonnen. What’s the point of even setting it up and allocating funds to it.? Mon pa konpran.

 

MR DEPUTY SPEAKER

Ok mersi Onorab.

 

COMPTROLLER GENERAL DAMIEN THESEE

Mersi Mr Speaker.  Ankor i en provizyon. Savedir Gouvernman in deside pour on top ou annan ou operational cost sa bann landrwa. NSC i annan son operational cost, Kiltir i annan son operational cost.  So ou touzour annan demann ki vini par egzanp pour demann lasistans.  Nou’n war dan deba pour kiltir, pour sport, i annan deba ki vini pour asiste plis.  So sa ki Gouvernman i met an plas. So i pa neseserman en duplication li.  I mechanism ki ganny met an plas pour provide lasistans spesifik.  I mean it should be clear.

 

MR DEPUTY SPEAKER

Ok.  Mr Thesee avan mon donn laparol PS.  Mon krwar mon konpran en pti pe bann konsern bann Manm.  Si ou pe set up en Trust Fund, ou bezwen annan en plan.  Ou bezwen annan en Polisi, ou bezwen annan en feuille de route.  Be si ou napa ki mannyer larzan i ganny allocate?  Ou vwar?  Ale PS shed en pti pe laklerte.

 

PS PATRICK PAYET

Mersi Mr Chair.  Zis pour azoute ki la fason ki nou’n set up – Ki nou pe set up sa bann funds ki pour ankouraz private sector osi pour partisipe.  Akoz par egzanp letan ou get 400mil – 400mil i kapab annan zis 2 proze, ouswa 2 progranm i fini.  So definitivman ki nou pe propoze ki at least i annan en provizyon ki sorti kot Gouvernman.  E osi once ki zot in fer sir ki the framework ki zot anvi; par egzanp lekel bann aktivite, lekel bann progranm ki vreman kler ki demen ki personn pa dir be akoz ou’n donn sport A, ou pa’n sport B.  I vreman kler, savedir sport A ti kalifye baze lo sa lankadreman ki egziste.  Me aktyelman letan ou regarde – menm si sa bann funds i egziste. Me sa lankadreman pa ti ankor fini finalize avek sa ban sekter. Me sepandan letan ou pe regard li. Son diferans kekfwa avek par egzanp letan ou get Livestock Trust Fund Livestock li i deza annan son reveni ki i pe kolekte.  So i pa bezwen al dan private sector pour al rod larzan. Tandis ki li nou’n vwar li spesifikman ki at least Gouvernman i met en provizyon 400mil. I ti kapab met plis.  Me osi ou ankouraz private sector ki i konnen i annan en fon ki egziste. Met tou larzan laba e tou sa bann sport club, cultural ouswa arts, i kapab ale, rod larzan pour zot bann aktivite ouswa zot bann progranm ki zot anvi fer dan distrik, ouswa at national level.  E sa bi ki Mr Chair, lentansyon Gouvernman.  Me selman ou realize ki as Minister Finans nou pa’n kapab disburse larzan ziskan ler sa bann konteni i vreman kler.  Ou pour vwar dan Bidze 2017, the revised column – aktyelman zis Culture Trust Fund ki’n ganny disburse.  Me tandis ki lezot pa ankor ganny disburse.

 

MR DEPUTY SPEAKER

Ok.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonn apre midi ankor enn fwa.  Mr Chair since nou annan problenm par egzanp letan mon pran kestyon entervenan avan mwan se ki, it’s the management of the whole process.  So savedir zot pe rely lo sa bann Minister pout met an plas en management cadre pour sa.  E zot pe dir ek sa Minister osi ou kapab aler, tap into private sector pour rod funds pour met dan sa Trust Funds.  But the same time par egzanp si ou pran NSC, bann lekip sportif osi pe rod fund avek bann private donorsSo i fer li en pti konpleks.  Ki mwan mon sizere, mwan sizere ki ok ki ou’n met sa bann provizyon Bidzeter parey ou’n dir si pa come out ou pa disburse parey i montre ou end of year 2017, nou pe include sa.  Me parey mon’n dir ou, you come back to us, e ou donn nou en kontrandi lo. Nou konnen Livestock Trust Fund i pe marse.  Akoz i pe involve dan bann proze eksetera.  I siport bann fermye.  Me si par egzanp i annan ki nou vwar nou pa pe kapab fer li marse. E nou bezwen li then sa bann Minister i bezwen rod en fason pour zot kapab fer li marse.  So ou bezwen engage ek sa bann Minister pour kapab sey fer li marse.  Akoz otherwise i pour repet ankor. Ou pour war ou pe met provizyon Bidzeter, by the end of the day ou pa pour disburse sa provizyon Bidzeter akoz zisteman ou napa sa lankadreman ki neseser pour li ganny disburse.  Parey ou pe koz Culture Trust Fund, ou pe koz lo tou bann lezot Trust Fund.  Sa ki fer li en pe difisil.  Mersi Mr Chair.

 

MR DEPUTY SPEAKER

Mersi Onorab.  PS.

 

PS PATRICK PAYET

Mersi Mr Chair.  Mr Chair nou note pwen ki Onorab in propoze.  Sanmenm sa keksoz ki par egzanp dan Bidze 2019 en keksoz ki nou pour revwar ki tou sa bann Trust Funds osi i pour bezwen al anba son respective sekter pour fer sir ki at least zot vwar son total envlope dan sa sekter osi.  So definitivman sa osi i pour sanze 2019, me nou take note proposal ki Onorab in fer. Mersi.

 

MR DEPUTY SPEAKER

Mersi PS.  Onorab Arrisol.

 

HON SANDY ARRISOL

Mersi Mr Chair.  Mr Chair mon ti a kontan zis fer, dir avek Sekretarya pour dir i annan lenformasyon sorti kot PS Vidot Local Government ki mon pa ankor gannyen – an relasyon avek bann pti kontrakter ki pe fer travay St Louis.  Mon mazinen lezot distrik, mon pa ankor gannyen ziska prezan.  E apre i annan pour Lakour ki lanmenm la lot kote ki donn nou en breakdown parey State House ti donn nou pour zot.  Sa osi mwan pa ankor gannyen.  Mon pa konnen si zot napa transpor pour anmenn la. Selman mon ti a kontan gannyen.  Apre mwan ti a kontan retourn lo kestyon Children Fund ki mon’n tann koz lo la.  Mon ti a kontan demann PS letan i fer son resers pour dir nou lekel bann. Akoz mon mazinen letan zot ti entrodwir Children Fund pour zis Seybrew sa letan ki ti en prodikter, ti pe vann lalkol nou kapab dir.  Me ozordi dan pei nou annan plizyer lakonpannyen ki pe prodwir lalkol, oubyen vann lalkol ansanm ek Seybrew.  So eski zot fer en kontribisyon, sepa R2 parey Seybrew pe fer an relasyon avek lakantite lalkol ki zot vann, swa zot pe prodwir.  Sa i enn.  Epi mon ti a kontan demande si Children Fund, son, i ganny odite par egzanp, parey nenport ki fund, nenport ki Fon, si i ganny odite.  E prezan mon a vin en kou lo social program pour Gouvernman i annan CARE.  Letan Mr Herminie ti vin devan Lasanble i ti dir nou in anmas detrwa sa bann pti lorganizasyon la ki i annan pour fer avek drog.  Me mon war CARE still li i la.  Li i pa’n ganny abzorbe avek agency ki Mr Herminie ti vin devan Lasanble.  Kekfwa Mr Thesee, oubyen Mr PS Payet i kapab donn nou en pti kontrandi lo CARE silvouple.  Akoz li i ankor still lo li tousel.  Mersi bokou.

 

MR DEPUTY SPEAKER

Mersi Onorab Arrisol.  PS Payet.

 

PS PATRICK PAYET

Mersi Mr Chair.  Mersi Onorab. Nou ava rod sa lenformasyon lo plis detay lo sa bann lezot alcohol companies ki pe donn fund, Children Fund.  Lekel ki egziste, ki kantite ki’n donnen par sak sa bann lakonpannyen. Konsernan audited accounts pour 2016 in fini audited.  E aktyelman i ganny odite par Lofis of Auditor GeneralSo 2016, e 2017.  Mon krwar i enn sa bann lenstitisyon ki – par egzanp pour 2016 by le 12 May 2017 i ti’n fini prezant son rapor finansyer, audited.  Konsernan CARE avek the Agency of Drugs Abuse and Rehabilitation Lazans;  Lazans ti’n demann nou en provizyon dan Bidze pour zot asiste bann lezot NGOs ki fer en pe the travay lo konsernan drugs rehabilitation. Tandis ki letan nou get contribution to CARE, i en keksoz ki actually akoz i annan son setup.  Eventually, definitivman, once ki nou fini finaliz the framework, i pour bezwen demann son Bidze atraver sa Lazans.  So sa i en keksoz ki nou pe travay avek sa lazans baze lo son nouvo Lalwa ki in met devan.  Selman pour lannen 2018, nou pa’n fer sa provizyon properly anba sa Lazans.  Me selman definitivman, eventually tou lenstitisyon ki konsern sa Lazans, Drugs Abuse and Rehabilitation, nou bezwen met li as per dan son Lalwa ki definite.  So definitivman zot pour bezwen montre ki kalite progranm ki zot pe fer.  E i pour bezwen annan monitoring dan zot progranm.  Actually la zot travay konzwentman avek sa lazans.  Be definitivman dan prosen Bidze nou pour bezwen vwar sa lankadreman pour fer sir ki i annan sa oversight roles par sa Lazans ki’n ganny formen.  Mersi.

 

MR DEPUTY SPEAKER

Mersi PS.  Onorab Sophola ou ti’n lev lanmen ou non?  Ok. Onorab Sophola.

 

HON NOLINE SOPHOLA

Mersi Mr Chair.  PS anba home improvement, re-roofing Scheme for pensioners, i annan detrwa misunderstanding ki dimoun pa tro, tro konpran what it entails.  Akoz i annan dimoun ki dir zot in apply, zot pa’n gannyen. Eski ou ti kapab eksplik nou.  E osi mon vwar son Bidze pa’n bouz ditou 2017 ziske 2019, i reste 14 –  14 menm.  Eksplik nou en pti pe what it entails please. Mersi.

 

MR DEPUTY SPEAKER

Ok.  PS mon pour azout en pti bout lo la, lo sa ki Onorab Sophola in leve.  Vandredi osi ler nou ti pran Lazans Proteksyon Sosyal, nou ti koz lo Home Repair Scheme pour bann vilnerab.  E zafer pansyoner elderly ti tonm ladan, ti ganny anmennen ladan, ti ganny kestyonnen par bann Manm.  Be la nou vwar en lot Bidze osi tou parey Onorab Sophola in fer sorti pour sa home improvement, re-roofing scheme for pensionersOk.  Si napa en duplication la?  Go ahead PS.

 

PS PATRICK PAYET

Mersi Mr Chair.  Mersi Onorab. Konsernan sa Scheme bann dimoun par lao ki’n retire, par lao 60an i kapab apply en loan avek HFCSo pour zot aranz zot twa lakaz zot kapab ganny en loan up to R100mil.  Sepandan pour zot renovasyon zot lakaz i 50mil.  So zot kapab pour twa lakaz i up to 100mil. E sa zot fer li through HFC.  Napa lentere lo sa loan, i zero interest.  E Gouvernman i subsidize 25poursan lo sa loan. So si in pran en loan, si in pran 100mil i pour rann zis 75mil.   Nou’n vwar ki sa repeyman i pour 7 years, e HFC i pran en pe garanti, espesyalman si par egzanp i annan zanfan ki viv dan lakaz. I pran en pe garanti.  E i fer sir ki larzan kot son pansyon ki i resevwar i direkteman, i soumet kot HFC.  So i ganny tire direkteman kot ASP avan ki i ganny son larzan. Sepandan sa ki’n ganny mete anba Lazans Proteksyon Sosyal i pour bann dimoun pli vilnerab.  Savedir i kapab arive ozordi ki i annan en single parent ki annan 4 zanfan, i pa pe kapab pran en loan, li i pa pour kapab al pran sa loan anba HFC, tandis ki li i pour al kot Lazans Proteksyon Sosyal. Sepandan si par egzanp i arive ki i annan en lakaz ki i anann en pansyoner ladan.  Letan i ragarde ki sa lakaz kekfwa pour li aranze pour fer sa dimoun viv konvenab i pour kout 150mil.  Lazans avek HFC pour zwenn avek kanmarad pour diskite ki kekfwa i kapab fer sa pansyoner pran sa loan 100mil ouswa 50mil.  Apre anba sa Vulnerable Scheme kot Lazans Proteksyon Sosyal i donn sa larzan adisyonnel pour fer sir ki at least sa lakaz i konvenab.  So tou le de fason i kapab marse. E sa Scheme i aktyelman egziste.  Zis zot bezwen ale, al kot HFC. Selman mon krwar zot fer aplikasyon dan distrik.  Mersi.

 

MR DEPUTY SPEAKER

Ok.  Mersi PS.  Onorab Sophola.

 

HON NOLINE SOPHOLA

PS eskize – eski sa Scheme in komans activate sa?  Dimoun pe gannyen?  Akoz mon pe pran parey dan mon distrik se ki dimoun toultan i vin dir pour dir zot in ale.  Ti’n dir zot Zilyet pour komans donnen. Zilyet in anvoy zot an Oktob.  E mon pa tro krwar si i annan dimoun ki’n gannyen.  Mersi.

 

MR DEPUTY SPEAKER

OkPS.

 

PS PATRICK PAYET

Mersi Mr Chair.  Anyway kekfwa ti a bon, nou ava regarde avek HFC si i annan bann aplikasyon ki in gannyen. Me selman sa scheme depi 2016 i egziste. I aktyelman dan Home Improvement Scheme i annan 26. 6 milyon ki’n disburse pour 550 dimoun.  E ladan dan sa 26.6milyon. Sa bann pansyoner i reste en balans 11.3 pour re-peye.  Tandis ki sa re-roofing scheme i annan 38.8 milyon ki’n disburse.  E the balance pour re-peye i reste apepre 16milyon. E 398 pansyoner in benefisye.  So sa scheme in deza egziste.  Be selman nou a follow-up avek HFC kekfwa akoz rasyonnal ki kekfwa pa’n disburse en pe.  Be selman nou’n vwar lenformasyon 2017 i annan disbursement ki’n ganny fer. Mersi Mr Chair.

 

MR DEPUTY SPEAKER

Mersi PS.  Mwan annan de kestyon ki pe lo menm laliny. Onorab Valmont swivi par Onorab Andre.

 

HON JUDE VALMONT

Bonn apre midi Mr Chair.  Mersi bokou.  Bonn apre midi PS e tou koleg Onorab.  PS zis en pti demann ler nou pe koz lo HFC lo konsernan sa home improvement loan.  Mon pe fer sa demann on behalf of nou bann dimoun aze Pointe Larue. Me osi lo Sesel osi. Si zot kapab get dan posibilite, ler zot dir home improvement loan, i annan 50mil, apre i annan 100 mil pour re-roofing. Laplipar di-tan dimoun ki vin devan zot dir ou 50mil i annan letan i pa ase.  Si zot kapab finans atraver ou PS pour koz avek HFC, gete si zot kapab donn sa opsyon pour 100mil osi, pour sa home improvement, dan plas restrikte li lo roofing ki en dimoun petet i annan son retaining wall i en danze, i en dimoun aze i kapab eksplor sa opsyon 100mil osi.  Mersi bokou.

 

MR DEPUTY SPEAKER

Mersi Onorab.  Onorab Andre.

 

HON CLIFFORD ANDRE

Mersi Mr Chair.  Mr Chair mon pour zwenn mon koleg sorti Pointe Larue letan i pe dir extend sa akoz semenn pase fek ariv en sityasyon kot en msye an rezilta lapli son miray deryer in kase.  Prezan i pa bezwen gran larzan li.  I bezwen en pti sonm pour li kapab soutenir sa.  Epi lot keksoz ki mon krwar mon pour osi siport Onorab Sophola, mon krwar Ladministrasyon Distrik par ler i pa eksplik sa bann dimoun aze, oubyen i dekouraz sa bann dimoun aze zis par la fason zot dir ou, ou annan sa, ou annan sa, ou annan serten keksoz pour fer. So mon krwar i enportan ki atraver Minister Finans zot fer bann sansibilizasyon.  Parey la nou konnen bokou MNA in ganny elekte an 2016.  So kekfwa nou osi nou ava anmenn sa konsep ki annan kot sa bann dimoun e ki letan zot desann kot distrik, zot pa ganny, i pa konplik zot lavi akoz zot aze zot osi, zot anvi en keksoz i ganny fer.  Zot anvi viv dan konfor.  So mon dir ki nou bezwen ogmant sa sonm, mon dakor.  Epi nou bezwen osi fer sir ki zot ganny lenformasyon ki apropriye adekwa pour zot kapab fer en desizyon.  Mersi.

 

MR DEPUTY SPEAKER

Mersi Onorab.  Mon pour donn laparol Onorab Vidot avan PS i reponn.  Onorab Vidot.

 

HON AUDREY VIDOT

Mersi Mr Chair.  Bonn apre midi tou dimoun. PS petet osi letan ou pe an diskisyon konsernan sa pour HFC, sa bann loan –  i enportan osi pour donn sipor HFC an term pour recruit dimoun pour monitor e fer vizit letan pour al fer, bann dimoun ki pour apply sa bann loan.  I bezwen wi nou siporte pour nou bann dimoun ganny sa loan pour en increment lo la akoz i pa ase. Me i enportan osi edik nou bann dimoun akoz en konstrent ki HFC mon konpran in pas atraver se ki i annan dimoun pa servi sa full amount. I annan zot pa pe, zot pa pe servi li pour the purpose. I annan ki pa ganny son dezyenm porsyon pour rezon akoz i pa kapab prouve ki sa premye porsyon in ganny servi.  Sa osi sa sistenm monitoring i enportan nou sa, nou pa les keksoz a la lezer.  Mersi.

 

MR DEPUTY SPEAKER

Ok.  Mersi Onorab.  PS.

 

PS PATRICK PAYET

Mersi Mr Chair.  Mersi bann Manm Onorab.  Anyway mersi pour zot propozisyon. En keksoz ki nou a re-travay avek HFC pour assess son sustainability.  Si nou pour ogmant sa sonm ki egziste ozordi as per the Scheme – nou ava revwar avek zot en pe soutenabilite si zot pour ogmante e dan ki, ki mannyer lenpak i pour annan lo zot.  Me we take note as well kekfwa ki nou bezwen fer en pe plis ledikasyon pour at least dimoun okouran prosedir ki egziste lo sa bann Scheme ki actually ki Gouvernman in met an plas kekfwa ki annan bokou dimoun pa okouran.  Nou pran note osi lo HFC, nou a diskit avek en pe avek zot lo rekritman en pe staff adisyonnel kekfwa pour asiste zot akoz mon konnen Gouvernman in met bokou Scheme ki zot pe administer. Kekfwa the capacity osi pour zot, kekfwa pour zot kapab donn sa servis ki dimoun at the end of the day i kapab vwar en pe keksoz en pe pli vit. Me definitivman nou ava diskit en pe avek HFC.  Mersi.

 

MR DEPUTY SPEAKER

Ok.  Onorab John Hoareau.

 

HON JOHN HOAREAU

Mersi Mr Chairman.  Bonn apre midi a tous.  Mr Chairman mon kestyon i baze lo de bann antite la.  Premyerman NATCOF ki nou’n kestyonn son legzistans pour en pe letan dan Bidze lannen pase osi nou ti demann menm kestyon.  E nou vwar ki i ankor pe ganny en Bidze. an tou le ka laplipar son bann rol in ganny takeover par FTCSo mon ti oule konnen akoz ki ankor pe ganny en Bidze.  Dezyenmman i annan sa kontribisyon towards Paradis Des Enfants ki ankor dan Bidze lannen pase nou ti kestyonn son model biznes si i pa ti a pli meyer ki al dan sekter prive pour amenaz sa biznes.  I annan osi en sizesyon ki mon ti oule fer pour Innovation Trust Fund ki sa i ganny plase anba NISTI anvi ki zot manda i siperviz en pti linovasyon.  E sa ti bann pwen ki mon ti ava anvi fer resorti. Mersi.

 

MR DEPUTY SPEAKER

Mersi Onorab.  PSOk Mr Thesee.

 

COMPTROLLER GENERAL DAMIEN THESEE

Mersi Chair.  Pour NATCOF parey nou ti eksplike bomaten i annan serten sa bann NGOs ki’n toultan la ki Gouvernman in donn li lasistans. Nou annan Fair Trading Commission la wi. Be Fair Trading Commission son manda ek NATCOF i diferan. Fair Trading Commission i en lazans Gouvernman. NATCOF li i en NGO.  Bomaten nou’n fer en propozisyon pour nou pran sa Komite ki pe revwar bann laplikasyon si oule bann NGOs ki pe submit zot request ek Gouvernman pour ganny lasistans.  So next year nou pour fer sa travay avek sa Komite. Expand zot manda pour revwar tou sa bann NGO ki la parey nou’n dir bomaten. Gete ki zot pe fer, ki relevans ki zot ankor annan e nou ava fer propozisyon avek FPAC.  E lo Innovation Trust Fund parey nou’n dir pour sa lezot, bann lezot fund ki annan ankor par egzanp sport, arts, culture nou’n kit la pour le moman ziskan ler nou kapab ganny tou zot policies. E anba PPBB, natirelman ou bezwen met tou depans en lorganizayon ki pe met ek li ansanm.  So once ki nou satisfer nou lekor ki tou sa bann framework i an plas, la nou ava transfer sa bann alokasyon direkteman anba zot bann respective Ministry e redwir sa alokasyon ki nou annan anba Social Program of Government.  Mersi.

 

MR DEPUTY SPEAKER

PS.

 

PS PATRICK PAYET

Mersi Mr Chair, mersi Onorab. Konsernan Paradis Des Enfants nou’n komans fer en proper assessment. E nou’n vwar ki i annan detrwa eleman ki nou’n assess. Par egzanp si nou outsource li properly to the private sector.  Akoz actually par egzanp, i annan enn de sa bann games sirtou electronic games ki’n ganny mete dan par egzanp dan lease agreement ki at least par egzanp zot sarz R25, R10, i annan R5 avek R25.  I annan ki’n ganny mete dan lease agreement properly. E the assessment ki letan nou’n fer ki eventually, si nou outsource li an totalite definitivman sa bann games son rate i pour bezwen increase; ouswa sepandan i kapab arive kekfwa sa dimoun prive anmenn lezot aktivite kekfwa ki cross-subsidized, me selman kot nou ete actually nou pe fer en proper assessment ki nou pe vwar tou sa bann playground ki egziste, pa zis sa enn dan lavil, me sa bann ki egziste dan bann distrik osi e lo Praslin ek La Digue.  So nou pe vwar li an totalite e nou pour finaliz sa assessment dan 2 semenn. Actually nou ti’n komanse premye 6 mwan.  Nou ti’n diskit en pe avek par egzanp ek bann lezot sekter.  Be selman nou’n vwar ki nou pa pour fer zis Paradis Des Enfants sa assessment, nou pe vwar dan son totalite.  So definitivman once ki nou ava fini sa assessment dan semenn nou a soumet sa rapor, swa avek FPAC, ouswa avek Lasanble pour zot vwar the assessment ki’n ganny fer, si Gouvernman pour al anver totally ousource, ouswa Gouvernman kekfwa pour cross-subsidized en pe sa bann games ki egziste. So sa en pe sa bann assessment ki nou pe fer. Mersi.

 

MR DEPUTY SPEAKER

Onorab Hoareau.

 

HON JOHN HOAREAU

Mersi Mr Deputy.  An vi ki Mr Thesee in dir pour dir NATCOF i annan en manda konpletman diferan avek FTC. Mon ti a kontan konnen atraver li si i kapab donn nou enn de legzanp bann keksoz ki NATCOF in fer lo son progranm pour sa Bidze ki in gannyen lannen pase.  Mersi.

 

MR DEPUTY SPEAKER

Ok.  Lo menm laliny Onorab Ferrari.

 

 

HON JEAN-FRANCOIS FERRARI

Kekfwa Mr Thesee oule reponn sa enn avan. Mwan ava ale. Ok, mersi Mr Speaker.  Lo sa de pwen, mon ti pe esper mon tour pour mwan koze.  Premyerman Mr Thesee avek PS zot ava koriz mwan si mon mal, me i mon lenformasyon, lenformasyon ki mon annan se ki NATCOF pa’n fer nanryen sibstansyel sa lannen.  Lontan nou vti war en newsletter, sa lannen nou pa’n vwar – pa’n fer – nanryen.  E mon lenformasyon ki mon gannyen, se ki ni en Board, ni en lorganizasyon, i annan en dimoun ki CEO, ki Chairman, ki sekreter ki tou keksoz – ok? Alors mwan mon pour demande Mr Thesee in dir pour dir sa i en lorganizasyon ki la depi lontan. Sa i zisteman Mr Thesee en bon rezon ‘’zet li anba’!’.  Lefet ki in la depi lontan i nepli efektiv.  I nepli efektiv. Mwan mon mazinen, an tou ka mon’n konsilte avek nou lot kote latab, nou pour demande ki sa Bidze i ganny koupe, redwir a zero!  E ki si i annan okenn travayer, nou konnen pour dir lazans ki pe fer, ki pe fer consumer protection pe rod travayer, Fair Trading Commission pe rod travayer pour ed zot monitor bann sa, sa bann travayer, zot ava ganny letan pour zot al redeploy kot Fair Trading Commission. Sa i mon kontribisyon lo la.  Mon dezyenm pwen, Paradis Des Enfants Mr PS avek respe, nou’n koz lo la lannen pase, Paradis Des Enfants i pa parey lezot Playground. Paradis Des Enfants i parey en koupe ki pe sennyen.         E tou le lannen i pe sennyen pour lavaler R5milyon. e nou responsabilite koman en Lasanble se pour anpese sa bann sennyen.  E mwan mon pa believe ki ni ankor 1 Roupi i devret ganny mete ladan pour le moman, ni 1 Roupi. Sa i en kado anpwazonnen ki nou’n pran, nou’n ganny en kado ki nou pa kapab okipe, nou pa kapab okipe. Plito ki nou ti pran en ice rink anba Equator konmsi byen gou, byen zoli, be i pa posib, nou pa kapab, nou pa Abu Dhabi, nou pa Dubai e sa bann kado i kot nou tre ser.  E la nou annan en ka kot sa kado pe kout nou 5 milyon lannen pase, R5.1 milyon i pa devret kout nou nanryen ankor. Mwan mon sizere ki deswit premye semenn Desanm en tender i ganny fer pour en dimoun. E mwan menm mwan mon ava dir si i annan en dimoun ki anvi pran sa pour nanryen. Akoz i pe kout nou 5milyon. Si ou donn li en landrwa pour nanryen, pour son premye 2 lannen, i pa pour kout nou nanryen.  Sa i mon propozisyon e mwan mon demande ki ler nou vote de Heads i ganny tire, nou pa pe vot pour sa.  Mersi.

 

MR DEPUTY SPEAKER

Ok.  Mersi.  Onorab William.

 

HON WAVEN WILLIAM

Mersi Mr Chairman. Mr Chairman swivan larepons Mr Thesee lo NATCOF, mon napa problenm kont sa bann dimoun.  Be selman dan sa konzanktir ozordi la, lefe kiletan mon’n ekout diskour Bidze Minis Finans, lanfaz ki in mete lo kout lavi, redwir kout lavi.  E rol sa 2 Lazans Fair Trading Commission avek NATCOF. Mon anvi demande relevans ozordi, NATCOF?   Akoz ki arive se ki lontan nou ti tann bokou koze lo NATCOF. Me ozordi piblik osi pe demande, lefet ki nou pe koz lo kout lavi.  E petet rol NATCOF an relasyon avek Fair Trading Commission eski pa devret annan en merger – revwar en pti pe. Konmsi mon ti a kontan ganny en pti pe zot lopinyon lo la akoz ki arive se ki ou annan 2 Lazans.  I vre sakenn i annan son diferan rol, me the relevancy today.  Mersi.

 

MR DEPUTY SPEAKER

Ok, mersi Onorab.  PS Payet.

 

PS PATRICK PAYET

Mersi Mr Chair.  Kekfwa mwan a komans lo Paradis Des Enfants.  Mon krwar letan nou’n regarde vre i annan bann games kekfwa ki pe, zis zot running pe kout Gouvernman because en subsidy, be selman kekfwa, nou regarde kekfwa letan ou regard li dan konteks bann zanfan Seselwa kekfwa ki napa sa loportinite kekfwa pour travel aletranze kekfwa pour zot ganny en rate ki i kapab, zot kapab al servi sa bann games.  Sanmenm sa ki ou vwar ki Gouvernman ti deside at least pour met provizyon ki sa bann games i pa dan en pri ki alaoter; ki at least zot osi as en zanfan Seselwa zot kapab servi bann games ki egziste.  Me sepandan en keksoz ki nou ti pe travay avek Paradis Des Enfants pour revwar en pe par egzanp bann lezot aktivite ki zot fer ki at least ki zot kapab atrakte en pe plis zanfan.  Akoz mon konnen letan ou get kekfwa en pe lo zot volume. Napa sa kantite volume pour zot kapab kekfwa vann en pe zot bann tiket ki at least ki kapab redwir en pe sa Bidze ki nou donnen.  Nou’n vwar ki dan lease agreement par egzanp ki’n donnen, ki at least sa bann rates in ganny indirectly regulated, kekfwa sa dimoun ki pe operater in pa’n kapab increase sa rate.  Akoz Gouvernman in donn li, in regulate indirectly sa bann rate.  Anyway ti en pe – kekfwa diskisyon en pe long ki nou kapab gannyen lo Paradis Des Enfants.  Me selman sepandan nou’n vwar ki sa provizyon ki’n ganny fer nou’n mete at least pour zot kontinyen.  Lo kote NATCOF, nou ti pe diskite avek Fair Trading Commission. Nou konnen Fair Trading pe travay lo amannman Lalwa.  I annan bann provizyon Lalwa, the competition. Apre the Fair Trading Lalwa li menm.  Sa i en keksoz ki konzwentman nou’n diskit avek zot.  The relevance of NATCOF ozordi.  I en keksoz ki kekfwa as en NGO, si NATCOF i vwar ki i bezwen egziste, i bezwen kapab partisip dan sa prosedir ki pour demann Bidze parey lezot Lazans NGO ki egziste dan pei. So nou bezwen regard li dan sa konteks ki at least sa prosedir i egziste ki si nou pour annan sa Komite ki pour look after sa pool larzan ki pour mete, so NATCOF i bezwen follow as en NGOSo i osi i pour bezwen swiv menm prosedir as en NGO.

 

MR DEPUTY SPEAKER

Ok.  Oule en follow-up lo sa menm laliny Onorab Pillay.  Go ahead.

 

HON SEBASTIEN PILLAY

Mersi Mr Chair.  Mr Chair mon mwan en pti pe soke ozordi ki mon war Onorab Ferrari pe tap lanmen lo latab pe dir NATCOF nou bezwen – ‘’zet anba’’ selman yer ler SBC ti vini i pa ti tap lanmen lo latab, me i ti rekomande.  So i annan en diferans dan son lapros avek de diferan lazans.

 

(Interruption)

 

HON SEBASTIEN PILLAY

Ler mon pe get NATCOF, e nou pe get role of NGOs ….

 

(Interruption)

 

HON SEBASTIEN PILLAY

…aret malelve Onorab, mon pe koze.

 

MR DEPUTY SPEAKER

Order!  Order!

 

HON SEBASTIEN PILLAY

Mersi Onorab.  Onorab ler nou pe get NATCOF Mr Chair – e nou’n koz lo FTC e rol ki FTC i bezwen zwe koman en regilater.  I pa zis la koman en consumer r protection organization me i en regilater osi dan sa sekter dan en serten sans akoz i annan bann par egzanp bann telecommunication eksetera ki son rol i bezwen avanse lo la. Now NATCOF as an NGO i osi i bezwen annan en rol pour li zwe. Akoz dan tou pei i bezwen annan en NGO ki pe zwe sa bann rol consumer protection. Sid Lafrik i annan brand power kot ou vwar lo televizyon, i mete en pe partou. Now NATCOF in er sorti en newsletter.  Si ou pa’n gannyen.

 

(Interruption)

 

HON SEBASTIEN PILLAY

Onorab aret malelve.  Mon servi ou prop parol ek ou, ekoute. Mon’n ekout mwan.

 

MR DEPUTY SPEAKER

Onorab go ahead.

 

HON SEBASTIEN PILLAY

Mersi Mr Chair.  Ki mon pe propoze mwan – vi ki ou annan sa diskisyon ki ou pe fer. E mwan mon pour fer en pledwari ek zot.  Ok. Ler nou pran en lapros lo en keksoz. Annou pa al lo ekstrenm.  Ou’n vini ou’n dir koumsa pour dir tir tou sa Bidze ladan.  Be ou annan dimoun ki travay laba ki lontan pe travay laba ki….

 

(Interruption)

 

HON SEBASTIEN PILLAY

Mr Chair pour annan en lord dan Lasanble, oubyen non?

 

MR DEPUTY SPEAKER

Laparol i pour ou koze, koze ou.

 

HON SEBASTIEN PILLAY

Mersi Mr Chair.  Si nou kapab konmsi akoz fodre nou careful.  Nou annan dimoun laba ki travay laba e nou pe dir sa lorganizasyon pa pe fer nanryen.  So Minister Finans i fer son travay li. Now si by dizon by avan Bidze lannen prosenn i vini e Minister Finans, e Minister Finans pa ankor kapab konplet son travay, nou ava kapab ganny en apersi as to what this will entails.  Be selman mon krwar, senserman mon krwar ou bezwen annan en NGO, en lot lavwa pour dimoun al ver sa landrwa pour li kapab rod travay consumer protection.  Nou pa ankor tann versyon sa NGO, petet ti ava bon osi ki Lasanble i ganny en antretyen avek sa NGO kot zot vini, zot eksplike kwa ki zot pe fer dan labsans lenformasyon souvandfwa ou pe fer desizyon en pti pe dan vag.  So zot ava dir ou ki pe fer, si nou pa convince lo sa ki zot pe fer then nou ava pran en lot desizyon. Be nou pa kapab pran en desizyon san ki nou allow.  Akoz dapre sa ki mon konpran en kantite dimoun i ale kot NATCOF pour konplent. Nou annan tou le de kote, two sides of the coin.  So nou bezwen ganny maksimonm lenformasyon lo la.  So sa i mon pwen lo NATCOF ki kantite lenformasyon ki nou annan ozordi.  Kot i konsern Paradis Des Enfants lo sa kote mon dakor avek sa ki pe ganny dir.  Akoz nou bezwen move from en model kot mon konpran nou bezwen subsidize e provide sa loportinite. Mon konpran largiman PS.  Be nou still kapab fer li kot i save nou en serten kantite larzan. Si par egzanp sa operater pep ran serten kou manage sa zafer. Then kontribisyon ki Gouvernman pe fer i redwir. And eventually si i kapab vin profitab, kontribisyon ki Gouvernman pe fer i a redwir plis. Me pa dan en sityasyon kot Gouvernman pe foot the bill of everything.  E mon konpran largiman met serten barenm pour sa bann pri sa bann zwe.  E i fer sans pour allow bann manrmay ganny sans sa bann zwe.  I pour bezwen rod en biznes model ki kapab marse kot i a fer sa landrwa vin pli profitab.  E redwir sibvansyon ki Gouvernman i kapab donn li.  So eski zot in konsidere, Mr Chair – eski Minister Finans in konsidere al towards en PP par egzanp avek Paradis Des Enfants, en public private partnership kot Gouvernman i ava retain serten kontribisyon ki i bezwen fer e sa envestiser prive i ava vin envestir.  E mwan mon pa an faver pour al fer tender okenn asset Gouvernman pour nanryen. Mon pa konnen si nou annan dalon ki nou oule donnen, be nou pa kapab tender asset Gouvernman pour nanryen. Tender i a ganny fer konvenableman parey i devret ganny fer.  Mersi Mr Chair.

 

MR DEPUTY SPEAKER

Mersi Onorab.  Onorab Hoareau.

 

HON JOHN HOAREAU

Mersi Mr Chairman.  Mr Chair vi ki kestyon orizinal ti pour mwan, mon ti pe demann en serten klarifikasyon lo ki si Mr Thesee i kapab donn nou en pe legzanp bann keksoz ki’n ganny fer par NATCOF pandan lannen ki’n pase la – pour nou kapab zistifye zisteman son Bidze pour lannen prosenn si in fer keksoz nou vwar, si i pa’n nanryen osi nou bezwen vwar.  Mersi.

 

MR DEPUTY SPEAKER

Ok.  Mersi Onorab De Commarmond.

 

HON CHARLES DE COMMARMOND

Mersi Mr Chair.  Mr Chair lo sa de pwen sirtou lo kestyon Paradis Des Enfants mon krwar mwan in ler pour nou privatize li.  Les li ale.  E an menm tan, e sa Gouvernman i bezwen mazin byen sa bann keksoz ki Lasanble pe pronons li lo la.  I, ler ou pour privatize li byensir son pri pour monte. Me selman bann lekol, bann lorganizasyon zanfan i a organize e anba Children Fund serten larzan dan en fason organize, progranmen, i ava step in pour kapab koup sa depans.  Dizon tiket sepa i kout tan, laba i ava kontribye tan, sa zanfan i a kontribye en minimonm.  Ou konnen sa, sa keksoz koumsa i kapab diskite vwar ansanm e mwan mon krwar nou devret privatize li, les li ale.  Gouvernman kot nou pe ale nou dan sa direksyon, Gouvernman pa kapab kontinyen anmenn tou sa bann keksoz avek li, nou bezwen rod en fason ki Gouvernman i liber li kont plizyer sa bann keksoz.  Sa i en direksyon. Dezyenm keksoz lo sa zafer NATCOF osi. Nou annan en problenm nou bezwen avoue letan i annan en issue. Ki NATCOF i fer?  Mwan konmsi la mon pe get li koman sa senp dimoun; akoz pri komodite i kontinyen monte, marsan i kontinyen fer mannyer i anvi, tou keksoz i kontinyen ale.

 

(Interruption)

 

HON CHARLES DE COMMARMOND

E  … ekoute

 

(Interruption)

 

MR DEPUTY SPEAKER

Order!  Order!

 

HON CHARLES DE COMMARMOND

E pep pa pe benefisye. Mwan mon problenm se la letan lepep pa benefisye i annan en problenm ek sa bann keksoz. Alor serten rol petet, Fair Trading i a kapab pran. P a anpes li, nou pa pe dir NATCOF ferm li konpletman akoz pa nou ki ti ouver li.  Si li i oule kontinyen koman en NGOs whatever, les li ou, sa son zafer.  Be Gouvernman li i pa kapab zis met larzan ladan epi napa nanryen ki vini.  I bezwen annan en dividend ki vini.  Alor serten rol petet nou devret fer se ranforsi Fair Trading Commission. Fair Trading Commission li ki i annan ledan.  NATCOF napa okenn ledan, i pa fer nanryen, i pa mord nanryen.  Zis zansiv.

 

(Interruption)

 

HON CHARLES DE COMMARMOND

Alor la mon krwar Fair Trading li nou devret konmsi ranforsi son bann ledan, donn li son power pour li montre avek sekter prive, pour ki nou kapab war en pli bon fason ki biznes dan Sesel i marse. En fason pli fair en an menm tan nou, nou pe rod en fason pour pri komodite dan sa pei desann.  Se mwan sa bann lobzektif ki enportan pour mwan. E dan sa direksyon mwan mon krwar nou devret revwar sa de keksoz la e al dan sa direksyon ki nou pe dir. E sa nou pa devret konmsi dir nou pe koze la apre dan 1 an, dan 2an fer, ‘’nou pe fer li la!’’

 

(Interruption)

 

MR DEPUTY SPEAKER

Mersi Onorab De Commarmond.  Onorab Afif.

 

HON AHMED AFIF

Mersi Mr Chair.  Mr Chair mon krwar nou pe al dan en direksyon, mon krwar nou pour trouv nou en solisyon.   Premyerman lo kote NATCOF, mon fransman mon pa vwar kot lekel konsonmater ki pe al laba, ki lenpak R1.5milyon tou le lannen pe annan lo pri, pe annan lo ed konsonmater. Mon konvenki pour dir si sa Bidze i ganny tire konpletman, nou pa pour perdi dan en pei; parski sa bann dimoun ki travay laba i kapab ganny abzorbe. I kapab ganny abzorbe petet dan fair trade, petet dan en lot Lazans konsernen.  Kot i konsern Paradis Des Enfants. I osi mon antyerman dakor poudir nou pa kapab pe sibvansyonn en biznes prive. Nou pa kapab pe fer sa. An menm tan mon konsyan ki i bon annan en fasilite kot zanfan i kapab ganny en keksoz abordab.  Sa nou tou nou ti a kontan i annan. Me an menm tan – eski i fer sans ki zanfan en dimoun ki annan le mwayen li i bezwen al laba li osi pour ganny sibvansyonnen parski i kapab peye li.  Me si Leta i krwar i annan serten zanfan, pa tou zanfan, serten zanfan ki zot paran mwayen zot paran pa per met zot kapab afford, i bezwen annan en Scheme kot ou kapab ed zot. E la Gouvernman a trouv en mwayen.  Me nou, nou pa bezwen sibvansyonn Paradis Des Enfants.  Me an menm tan pour nou azir dan en fason zis e korek, petet pour sorti dizour a lannmen pour vin zero, mwan mon ti a sizere, mon ti a sizere olye fer koup konpletman apartir Zanvye, konmsi i ganny larzan ziskan Desanm, donn li omwen 3 mwan pour li konnen pour dir i pou wind down.  Well finansman pour wind down.  E finansman mwan mon ti a sizere kit kantmenm R1milyon avek li sorti lo 4.5, donn li zis 1 milyon.  E alor koup 3.5 lo al donn li 1milyon i a konnen in fini ganny lendikasyon kler pour dir i bezwen wind down; dan sa fason zot ganny letan pour zot kapab plan zot loperasyon pour zot re planifye tou sa ki zot annan pour fer, zot travayer eksetera.  E nou, nou ava azir dan en fason responsab.  Lo kote NATCOF klerman mon krwar depi lannen pase sa mesaz i deor, i kler pour zot. So mwan mon krwar sa direksyon nou devret ale.  Mersi.

 

MR DEPUTY SPEAKER

Ok mersi, PS.

 

PS PATRICK PAYET

Mersi Mr Chair.  Nou prenan kont bann propozisyon e definitivman dan laliny ki Gouvernman ti pe ale, spesyalman letan ou koz Paradis Des Enfants, dan assessment ki nou ti pe fer se ti annan detrwa opsyon ki Gouvernman pe konsidere. Ti annan opsyon par egzanp properly outsource li into the private sector.  Ti annan opsyon ki nou ti pe finalize ki ou ti pour outsource li be selman at least regulate en pe the rates ki i sarze.  Me selman les li ouver en pe kekfwa bann aktivite kekfwa dan sa landrwa ki at least i kapab ed li pour kapab cross-subsidized en pe son rateSo nou pran propozisyon ki at least zot propoze at least pour donn li part of the Budget ki at least i a donn en pe letan ki ava annan detrwa opsyon ki avan ki nou kapab finalize.

 

MR DEPUTY SPEAKER

Ok.  Mersi PS Payet. Onorab Lemiel.

 

HON SYLVANNE LEMIEL

Mr Chair mon’n fini adres mon kestyon.

 

MR DEPUTY SPEAKER

Ok, alright.  Onorab Ferrari.

 

HON JEAN FRANCOIS FERRARI

Yes Mr Speaker.  Mersi.  Mon retourn lo sa ki mon ti pe dir bomaten avek pour nou kapab met en pe sinerzi, en pe lord dan bann Lazans ki diferan. Mon konnen i annan dimoun ki pa pour tro dakor avek sa. Be selman la mon ti a kontan propoz en model ki attorney zeneral, Mr Frank Ally ti vin dan Lasanble ti propoze pour Registrar of companies.  Nou annan devan nou la 3 heads, Nurses Association of Seychelles, Health Professional Council, Seychelles Medical and Dental Council.  PS eski i pa ler pour nou annan en Registrar of Medical of health professionals – ki annan parey Mr Attorney General in dir ki annan nurses, ki annan general health professionals, e ki annan medical and dental health professionals.  Konmsi annou annan en pe sinerzi. Nou annan en biro, en Sekretarya. E mon mazinen poudir i annan Manm la ki pour dir a be sa i bezwen endepandan i bezwen lot, sa i bezwen endepandan si ou Sweden, Norway, Canada. Nou, nou pa sa bann pei nou. Nou, nou pe komans dan en landrwa e nou anvi ofer menm kalite servis registrar anba en umbrella organization.  So si nou kapab fer sa, nou ava met ansanm 1.1 milyon, plis 700 mil i fer 1.8 milyon.  Plis ankor 260 mil anba en sel umbrella e sa i ava en keksoz ki mon mazinen i ava bon pour nou pei.  Mon lot pwen se e si mon pa dir sa mon pa pour fer avek SCCI.  Lannen pase nou’n koup Bidze SCCI.  E mon ankor maintain ki i byen ki nou’n koup Bidze SCCI.  Akoz bann komersan zot bezwen zot osi rod en pti larzan pour zot parey bann avoka i pey en pti membership dan Bar Association akoz bann komersan pa kapab run zot prop lasosyasyon.  Me selman la nou war Federation of Employers Association of Seychelles. As far ki mon konnen i pa en gran larzan i R286mil.  Be selman as far ki mon konnen enn bann rezon det sa lorganizasyon se pour akonpanny Minis Lanplwa Geneva tou le lannen pour ILO Conference.  Akoz dan sa tripartite negotiation.  Apard sa i en lorganizasyon ki pa tre aktiv, e la ankor se bann businessmen ki ladan.  So mon osi mon krwar ki si nou pe dir ki SCCI i bezwen ferm son lekor li menm sa osi, sa enn osi i bezwen fund son lekor li menm.  Nou lo sa kote latab Mr Speaker nou pe sey, nou pa pe get zis depans, ogmante, donn ankor laba parey Onorab Valmont i dir.  Met ankor, pa kapab ogmante sa enn, nou pe sey konstri sa gato.  Nou pe sey konstri en gato pour nou kapab partaze akoz dan lepase zot ti pour met nou gato, zot ti promet nou lakrenm.  Finalman nou pa’n akoz zot pa’n konn’ konstri sa gato!  Nou pe sey kwi en keksoz.  E la nou bezwen fer rod tou bann zengredyen, met ansanm pour nou kapab gannyen en gato pour nou kapab partaze. So annou sey koup en pe sa bann duplication partou.  E kekfwa sa PS i kapab en stratezi ki cross-cutting atraver tou bann Departman Gouvernman dan sa legzersis ki zot pe fer. Net tousala ansnam, annan nou en sinerzi ki kapab fer nou pei e nou lekonomi bokou pli efektiv.  Mersi.

 

MR DEPUTY SPEAKER

Mersi Onorab.  PS.

 

PS PATRICK PAYET

Mersi Mr Chair.  Mersi Onorab. I en diskisyon ki nou’n gannyen avek Minister Lasante. Nou’n vwar ki i relevan pour zot annan at least en centralized registrar. Me sepandan provizyon dan Bidze osi i annan bann progranm ek bann aktivite.  So definitivman regarding en one centralized rezistra sa nou’n koze avek zot e nou a fer sir ki at least 2018 this happen.  Me sepandan i annan bann aktivite ki kekfwa ki en pe diferan kekfwa lo sa 3 lasosyasyon ki konsernan the health sector. Federation of Employees sa i en keksoz kekfwa nou ava revwar osi kekfwa letan nou pe lo sa Komite, fer sir ki at least ki nou vwar the value sa larzan ki nou pe mete.  Nou ava zis once ki sa Komite i ganny set up ki at least li osi i kapab follow en process si i pe demann larzan avek Gouvernman, i annan en prosedir e ki at least i annan en progranm ki i pe al fer.  E sa i baze parey bann lezot lasosyasyon ouswa bann NGOs dan process ki zot apply Bidze. Mersi.

 

MR DEPUTY SPEAKER

Ok.  Mersi PS, Onorab Ferrari.

 

HON JEAN FRANCOIS FERRARI

Mon ti a kontan azout sa pwen Mr Speaker. Pli boner mon ti koz lo empowerment and social protection program. E mersi Mr Thesee in donn mwan bann breakdown. I annan en breakdown Cathedral of the Immaculate Conception, R375mil. Maybe its, i renovasyon, improvement ek sa. Mon pa pe kestyon litilite sa keksoz. Probably tou sa bann keksoz i annan en litilite. I annan Everlasting Love Ministry, Les Li Viv, Centre D’Accueil La Rosière, tousala, SIFCO rentSIFCO ki i pe rent, i pe rent en biro.  Be Legliz i annan en ta biro partou. Konmsi mwan mon problenm mwan Mr Speaker se ki mon believe ki i bezwen annan en clear purpose pour sa bann alokasyon.  E i pa kapab ganny donnen, i pa kapab ganny fer parey si per Mathiot ki ti per Bel Ombre anba lot Gouvernman avan i pa ti pour gannyen en sou pour li refer son legliz.  Me selman sa per ki Anse Royale li i ti nou konnen, li i ti reganny larzan pour li refer son Legliz, konmsi nou servi larzan piblik, pour nou rekonpans en dimoun ki nou kontan, enn ki nou pa kontan, lot ki’n sa. Nou pa kapab fer koumsa. Mwan santi pour dir, dan sa legzersis konsolidasyon, e annan rod sinerzi dan tou keksoz, regard osi bann alokasyon pour bann lorganizasyon relizye. Deside si nou pour ed bann lorganizasyon dan upkeep zot building.  Me ki nou pa pour donn larzan pour pey en dimoun oubyen pour pey en pour fer sa. Sa nou a met dan laket.  Me selman fer li byen e tou dimoun i ava ganny fer akoz nou en pei kot nou toleran.  Nou annan tou bann larelizyon.  E nou bezwen fer li byen e nou pa lo en baz kopen, oubyen lo en baz kwazi politik.  So sa i mon lot rekomandasyon ki zot osi regard bann lorganizasyon relizye ler zot pe fer sa travay.  Mersi.

 

MR DEPUTY SPEAKER

Mersi Onorab Ferrari.  PS.

 

PS PATRICK PAYET

Mersi Mr Chair. Mersi Onorab. Definitivman nou pour revwar li dan son totalite.  I pa zis bann lasosyasyon.  Me tou ki pe ganny larzan anba social program of Government.  Mersi.

 

MR DEPUTY SPEAKER

Mersi PS.  Onorab De Commarmond.

 

HON CHARLES DE COMMARMOND

Non zis pour fer en sizesyon Mr Chair baze lo sa ki nou pe koze la, mon ti ava demande ki nou pran en Break ki permet nou kapab vwar ler nou vini, konmsi i a donn nou en pti letan pour travay ek Finans en pti kou pour vwar ki mannyer nou apros sa.  Nou a met en propozisyon devan Lasanble pour ki nou kapab pran en vot lo la. Akoz mon vwar ki mannyer nou pe ale, si non nou i riske en pti difisil pour fer en bon vote ki tou dimoun…

 

MR DEPUTY SPEAKER

Mersi Onorab De Commarmond. Mwan osi mon krwar la fason ki nou pe ale nou pa pour zanmen fini. Nou anvi ki PUC i vini 4er, zot in vin en fwa bomaten, nou’n fer zot ale. Mon annan enn de Manm ki ti’n non lo lalis si i annan kestyon diferan lo lezot ladan, mwan ava pran vitman la.  PS i ava donn klarite, nou a pran en Break. I ava annan serten diskisyon.  Nou ava antre 4er. Nou ava dan en pozisyon pour nou pronons nou lo la. Apre nou ava pran PUC. Ok? So Onorab Henrie ou, mwan ava donn ou laparol, Onorab Afif osi lo sa kote, e lo kote isi mon ti annan Onorab Basil Hoareau avek Onorab De Commarmond menm.  Ok? Lezot Manm lo sa de paz zot in ganny sans.  Akoz plizoumwen i pour al repetisyon. Ok? I pour plizoumwen repetisyon. Zot in deza koze lo, Onorab Esparon ou’n deza lev lo Children Funds and so on.  Nou pa pour zanmen fini.  Mon pour bezwen pran en desizyon.

 

HON REGINA ESPARON

Mr Speaker lo kestyon Onorab Aglae mwan.  Mon ti’n met mon non depi bomaten pour mwan koze, mon pa ankor ganny sans. Mon ti fer entervansyon lo kestyon Onorab Aglae.  Se tou.  Mersi.

 

MR DEPUTY SPEAKER

Ok dan sa ka mon pour aplik en lot lareg sak Manm en kestyon nou fini la. I ava annan diskisyon dan Break avek PS Finans ek son delegasyon. Nou antre 4er nou ava dan en pozisyon pour nou pran en vot.  Apre nou pour bezwen pran PUC.  Si non nou pa pour fini demen nou pa pe rankontre.  Nou anvi fini sa prosesis omwen par Vandredi. Ok?  Onorab Henrie.

 

HON GERVAIS HENRIE

Mersi Mr Chair mon lentervansyon, mon swete i ava ed bann dimoun ki pour diskit avek Minister Finans dan break en pe dan zot refleksyon. Ler mon ti fer mon lentervansyon mwan dan Bidze, en kestyon mon ti demande se ki ziska kan ki nou Bidze i pour kontinyen grosi pour li soutenab.  Konmsi be sa pye larzan la dan Sesel kote i ete akoz letan mon pe get sa bann kontribisyon mon konpran Gouvernman i bezwen ede avek bann progranm sosyal.  Be selman ziska ki bor ki nou arete.  E sa ki mon oule dir, i annan de keksoz, bomaten mon’n tann zot koz lo Civil Society Small Grant Programs. Apre ou vwar i annan bann NGO spesifik ki ganny larzan parey CARE – Association for Promotion of Solid Families, NATCOF zis pour nonm detrwa. Apre ou annan ou CEPS ki li i en lot zafer.  Nou pa’n tro koz lo li bomaten. So sa ki mon oule dir zot se ki spesifikman to do with CEPS. CEPS mon konpran i relevan, be selman mwan mon annan problenm avek son zesyon e pratik sa Board i pa anliny avek latransparans e bon gouvernans ki nou pe koz lo la ozordi, e rann kont, ki ozordi nou pe koz lo la.  Par egzanp Gouvernman pe donn en larzan CEPS lo ki baz?  Eski Gouvernman i annan en memorandum of understanding avek CEPS? Ouswa sa memorandum of understanding ti avek LUNGOS ki li i nepli egziste.  So lo ki baz legal?  E CEPS i annan en kantite manm, plis ki 300 NGO dan Sesel, be selman son bann active members ki peye i apepre 40, mwens ki 50.  E zot bann manm eski zot pe ganny valer pour larzan? Sa larzan ki Gouvernman pe donn zot i servi pour kwa. Pour administrasyon CEPS – ouswa pour progranm.  E si pour progranm, ou pe donn bann commission apepre R50mil par an.  Eski bann Commission i aktiv. Eski sa larzan pe ganny servi. Si i pa ganny servi ki arive avek?  CEPS li menm i annan sa ki apel resource mobilization committee. Ki li i pe fer lo li menm pour be active e raise son prop larzan partikilyerman atraver CSR.  So sa ki mon pe dir se kid an Break la konsider CEPS dan zot deba pour zot vwar si pour bezwen – akoz mwan mon krwar CEPS ozordi si mwan mon ti kapab demen bomaten en performance audit e pour regarde si i annan bout ki zot kapab koupe. Ouswa freeze antretan ki sa odit i vini pour nou asire pour dir valer pour larzan i annan; akoz mon pa anvi ki dan en platform parey CEPS nou vwar ki i vin en, I mean si nou’n vwar ki i vin kwa ki’n pase dan prizon akoz nou pa pour dir i pa pe arive dan CEPS.  So sa ki mon anvi dir zot. Mon anvi kosyonn zot lo la pour zot reflesir dan break e vwar ki nou kapab demande pour sirtou, sirtou en performance audit pour gete si i pe donn nou valer pour larzan. Mersi bokou.

 

MR DEPUTY SPEAKER

Ok PS, PS mon pa war CEPS, eski LUNGOS ki pe …?  Wi.  Wi, ok, ok, ok.  PS oule reponn. Go ahead.

 

PS PATRICK PAYET

Mon a pran detrwa apre mon a reponn.

 

MR DEPUTY SPEAKER

Ou a pran detrwa.  Ok, Onorab Afif.

 

HON AHMED AFIF

Mersi Mr Chair.  Mr Chair mon krwar mon pwen ti fortman lo IOT, nou’n fini kouver li e petet zis pour konsiderasyon ler nou pour al dan Break, mon ti ava zis sizere ki sa ki nou’n koz lo la ziska konmela i annan IOT ki nou pe dir tire, NATCOF tire, Federation of Employees, employers (pardon) tire ki deza i ariv R7.2milyon apepre. E alor larestan i annan enn de ki petet fodre tenir zis pour regard sa revi ki pe ganny fer par Finans.  Me se sa mon kontribisyon pour le moman.

 

MR DEPUTY SPEAKER

Ok mersi. Onorab Basil Hoareau ou dir mwan i ok. Onorab De Commarmond.  I ok. Ok, vitman Onorab Esparon, Onorab Andre e Onorab Woodcock, vitman.

 

HON REGINA ESPARON

Mersi Mr Speaker mon pour tre, tre vit e tre bref. Mwan ti zis anvi en klarifikasyon, mon vwar anba ‘’Poverty Alleviation Program’’ la i annan 1.940 940 milyon.  Zis mon ti anvi PS klersi nou ki fason sa larzan pour ganny depanse an vi ki ‘’poverty alleviation’’ i deza annan en Bidze anba biro Vis- Prezidan. E lekel ki pour zer sa Fon?  Mersi Mr Speaker.

 

MR DEPUTY SPEAKER

Ok.  Onorab Andre.

 

HON CLIFFORD ANDRE

Mersi mon osi bref, long service award mon war i annan 250 mil. Dan tou Minister nou annan long service award akoz sa i aparet la?  Nou kapab save 250mil. Laptop Scheme, Minis letan ti vini, ti dir nou i annan Laptop Scheme zot pe gete lekel ki pour repare be selman mon war Laptop Scheme i aparet ankor la 5 milyon.  Apre nou annan entities kot subvention mon krwar zot in ariv laba ‘’other entities’’ i annan 2 milyon konmsi kisisa, sa silvouple.  Mersi.

 

MR DEPUTY SPEAKER

Ok.  Onorab Woodcock.

 

HON WAVEL WOODCOCK

Mr Speaker dan menm laliny avek Onorab Henrie regardan CEPS.  I annan bann konsern deor parmi bann Manm konm kwa ki i annan en issue kot i konsern transparans ek bonn Gouvernans dan sa platform pour bann civil society e bann NGOs.  Alor mwan ki mon pe propoze ti a bon ki nou get en pti pe pli serye ladan ki.  In fact mon pe demande ki nou freeze sa sonm R2.4milyon pour nou fer en odit sa larzan ki nou pe donn CEPS.  I annan bann konsern la ki’n leve ki konmkwa i annan bann larzan ki pe antre, bann Grants ki zot pe gannyen. Zot pe ganny plizyer Grant par lannen.  E i annan konsern ki i annan bann Grant ki’n antre ki i annan bann Board members ki zot in menm ki bann Board members in servi zot prop konpannyen pour fer serten bann keksoz ki pa dan en fason transparan.  E alor i enportan ki avan ler nou aprouv sa Bidze nou get en pti pli profon dan CEPS l fason ki Board pe zer sa bann larzan ki zot pe gannyen.  E pa blir osi ki zot pe ganny plizyer grant par lannen ki mon santi ki kot i konsern bann project coordinator, olye i pe ganny outsource, ouswa zot pe rod bann dimoun an deor dan bann lezot NGOs. I sa bann Board members ki pe benefisye.  E alor mon krwar i enportan ki nou get dan CEPS en pti pe pli profon Mr Speaker.  Alor mon pour siport sa ki Onorab Henrie pe dir. Mersi.

 

MR DEPUTY SPEAKER

Ok, mersi.  Mon annan ankor de Manm. Mon pour donn laparol ankor de Manm. Onorab Churchill Gill.

 

HON CHURCHILL GILL

Tre bref Mr Chair.  Mon war kontribisyon pour parti politik, nou pa dan letan politik mon pa konnen si nou kapab ganny eksplike sa 6milyon. Apre Fond Ferdinand Praslin i annan en sonm 3.4 milyon.  Eski sa pour administre Fond Ferdinand? Mersi.

 

MR DEPUTY SPEAKER

Ok, dernyen. Onorab Adelaide.

 

HON FRANCOIS ADELAIDE

Mersi Mr Chair mwan osi mon pour bref anba sa bann Housing Scheme PS, i annan en bout mon pa trouve, petet mon pa konnen kote i tonbe, i annan sa loan ki donnen permission to build ki i en pe ba konpare avek bann lakaz HFC ki zot donn loanSo mon pe demande si zot pa kapab ogmant en pe sa permission to build loan la ki zot donnen. Apre Seychelles Children Foundation, eski i pa devret al anba Minister Lafanmir?  Mersi.

 

MR DEPUTY SPEAKER

Ok PS, si ou kapab adres sa bann konsern brefman avan nou pran Break.

 

PS PATRICK PAYET

Mersi Mr Chair, zis pour azoute ki okenn lasosyasyon ouswa organization avan-ler nou disburse zot bidze zot bezwen soumet zot audited accounts avek Minister Finans.  So Minister Finans par egzanp letan ou regard CEPS zot audited accounts 2015 in ganny soumet ki nou’n release larzan pour 2017.  So 2018 avan nou release larzan pour 2018 Budget, zot pour bezwen soumet 2016 audited accounts. So Minister Finans pa release larzan avan ler zot soumet sa. E tou sa bann lasosyasyon avek sa bann NGOs i okouran sa prosedir ki nou’n met an plas.  Me nou ava travay avek CEPS pour revwar en pe kekfwa relevans.  Me selman sepandan mon konnen ti annan en MOU ki ti egziste avek LUNGOS.  Mon a revwar si sa nouvo MOU in ganny sinyen letan CEPS became into existence.  Sa nou ava revwar e nou ava revert back. Konsernan Laptop Scheme zis pour azoute ki sa Laptop Scheme mon krwar ki Minis Ledikasyon ti mansyonnen, i ti pour bann teachers. Akoz bann teachers zot annan en revolving fund ki ti egziste ki zot aste laptop an gro apre zot vann avek bann teachers at subsidized rate.  E bann teachers i pey li over mon krwar 1 an at en pri lo zot saler i ganny tire.  Tandis ki sa ki dan Bidze, sa provizyon ki ganny mete dan social program, i bann Laptop Scheme pour bann segonder avek Pos-Segonder institution.

Savedir en etidyan ki dan mon krwar from S4, S3 dan segonder ziska apre pos segonder zot ganny R3mil sa subsidized….  Ki zot ale, zot al rod en kotasyon kot sa bann lazans ki vann servis provider sa bann laboutik ki vann laptop.  Si i ariv R5mil, Gouvernman i donn zot en tyek 3mil, zot i pey sa laboutik, e zot, zot met sa R2mil, e sa provizyon ki nou’n mete sa R3mil sibvansyon.  Konsernan political parties i sa provizyon ki nou mete tou le lannen pour siport bann political parties.  E sa i ganny partaze dapre rezilta Eleksyon. E sa nou ganny li direkteman, ki ganny kalkile an Zanvye, nou half of it, of the larzan i ganny disburse an Zanvye.  E half an Zilyet.  E dapre rezilta Eleksyon Parliament i ganny divide.  Pour Fond Ferdinand, parey zot konnen ki Fond Ferdinand ti pe operate on its own.  Me selman sa lannen avek lannen prosenn in vwar ki akoz ki i annan en restriksyon en bann lo sale coco-de-mer, in ganny vwar ki larzan ki ti pe anmase avek sa bann exportation ki i ti pe fer i ti mazorite dan coco-de-mer.  So definitivman ki i ti pe anmas li apepre par lannen apepre 4 milyon.  So Gouvernman in vwar ki pandan sa 2an i pe travay avek Fond Ferdinand pour revwar son model avek pour regarde par egzanp si i bezwen al avek SIF, detrwa model ki in ganny vwar ki at least i ganny en provizyon pour siport li.  Me tandis ki 2019, i pour on its own ki pour kapab debrouye.  Lo konsernan, kekfwa pour mwan retourn lo sa kestyon Onorab Adelaide, lo Housing Scheme ki egziste kekfwa si ou ti kapab re demann ou kestyon Onorab.

 

HON FRANCOIS ADELAIDE

Wi i annan sa loan permission to build ki bann dimoun i ganny asiste avek dan distrik mon krwar, wi, wi petet housing loan, be selman sa dimoun in dir mwan i permission to build ki zot gannyen avek zot paran.  Si zot annan en bout later, zot paran i annan en bout later i donn zot, zot ganny zot en loan apepre 300 something, zot ceiling i ba, i anba apepre 300 mil.  So zot pe gete si zot Minister Finans pa kapab met li lo en tarif ki vin parey pour bann loan housing loan HFC ki donnen. Mersi.

 

MR DEPUTY SPEAKER

Ok, PS.

 

PS PATRICK PAYET

Mersi Mr Chair kekfwa sa enn i pa tonm anba Bidze. nou ava rediskit avek HFC sa Scheme ki egziste pour vwar son framework ki egziste si i pour kapab ogmante, nou ava rediskit en pe avek HFC.   Akoz pour sa enn i konsern si par egzanp en dimoun pe al build e i ganny en sibvansyon. I ganny en sibvansyon avek Gouvernman.  I kapab avek commercial banks, si i pe al pran en loan avek commercial bank ouswa HFC, i ganny en parti sa sibvansyon pour asiste li kapab ganny en pli kantite larzan ki kapab fer en pli bon lakaz.  Me nou ava rediskit avek HFC ki at least ki si i kapab revwar sa Scheme ki egziste ozordi. Mon krwar Mr Chair, mon krwar mon’n reponn preski tou.

 

MR DEPUTY SPEAKER

I annan pour Onorab Esparon ‘’poverty alleviation.’’

 

PS PATRICK PAYET

Pour sa enn ‘poverty alleviation ‘’i pour enn parmi ki nou pour bezwen redwir akoz ti annan en duplication provizyon ki nou ti’n mete akoz i ti’n deza mete anba lofis Prezidan.  So i pour redwir dan Bidze letan nou pour re kalkile. I pour tir net.

 

MR DEPUTY SPEAKER

Ok, si ou kapab repet ou kestyon Onorab Andre.

 

HON CLIFFORD ANDRE

I annan ‘’long service award’’ avek ‘’other entities’’ ki PS pa’n…

 

MR DEPUTY SPEAKER

Mersi. PS.

 

PS PATRICK PAYET

Lo kote long service awards sa i en special awards Scheme ki egziste pour bann health avek educational sector ki zot ganny sa provizyon ki nou’n mete ki zot par egzanp dan lezot Minister sa par egzanp letan zot in ganny 5an, 10an, 1 an. Me tandis ki sa provizyon ki egziste dan sa social program.  Once ki par egzanp bann teachers ek bann nurses zot ganny en pe plis konpare avek bann lezot sekter.  Pour entities nou pour pran li akoz Minis pour Tourizm pa ankor antre dan pei, nou pour pran li Zedi letan i retournen akoz i annan sa bout lo Air Seychelles.  Mersi.

 

MR DEPUTY SPEAKER

Ok, nou ava pran en Break. Mwan sizere pour donn zot en pti letan pour kapab antre an diskisyon avek PS.  Bon eski le de kote zot pour swazir zot Manm pour al an diskisyon. Oubyen zot oule servi Komite FPAC? Zot kapab, mon krwar, le fe ki deba in zeneral, tou bann Manm in pran par, le de kote i kapab swazir de Manm, 3 Manm pour fer diskisyon avek PS.   Eski mon sizere nou retournen 3er en kar.  Ok, i a donn zot en pe letan. 4.15, wi, wi, ok.  So nou ava adjourn 4.15.

 

(BREAK)

 

 

MR DEPUTY SPEAKER

Bon nou a kontiny nou travay. PS Payet.

 

PS PATRICK PAYET

Mersi Mr Chair. Mr Chair diskisyon ki nou’n gannyen avek tou le de kote.  Aktyelman ozordi ki the proposal ti annan 135, 512milyon dan Bidze pour ‘’Social Program of Government’’ ki Gouvernman ti pe propoze e proposal se pour redwir, pour tir 13 month IOT workers ki lavaler 5; 308milyon; Contribution to NATCOF pour ganny retire pour en lavaler 1, 558milyon. Paradis Des Enfants pour redwir li par 3.5 milyon pour met zis en provizyon 1milyon.

‘’Poverty Alleviation Programs’’ pour retire 1, 940milyon. E  Federation of Employers kontribisyon 286 mil.  Sa i en total 12,592 ki pour ganny retire.  E nouvo ki pour ganny rekomande pour vote se 122, 920milyon.  Mersi Mr Chair.

 

MR DEPUTY SPEAKER

Mersi PS Payet. Bon nou ava – –yes PS.

 

PS PATRICK PAYET

Mr Chair zis pour azoute lo konsernan CEPS, zot 2016 audited accounts in ganny soumet – ki nou ti napa sa lenformasyon avek nou. Zot 2016 Financial Audit Accounts in ganny soumet kot Minister Finans.  So aktyelman la zot kont i annord dapre regilasyon ki nou demann zot.  Ok.

 

MR DEPUTY SPEAKER

Yeah mersi.  Mersi PS, yes Onorab Ferrari.

 

HON JEAN-FRANCOIS FERRARI

Non, mon ti pe zis fer mazinen PS pour dir nou ti fer en rekomandasyon an sa ki konsern Children Foundation ki Gouvernman i konsidere pour entegre sa lorganizasyon anba Minister Lafanmir during the course of next year.

 

MR DEPUTY SPEAKER

Ok.  PS.

 

PS PATRICK PAYET

Wi Mr Chair. Sa osi nou pe vwar li dan son totalite.  Tou sa bann entities ki fall anba Social Program of Central Government ki nou revwar li pour vwar dan ki Minister nou kapab met zot properly at least ki zot annan en proper reporting mechanism, e en oversight mechanism as wellSo nou pe pran sa bann rekomandasyon ki bann Manm Onorab in mete ozordi.  Mersi.

 

MR DEPUTY SPEAKER

Ok.  Dakor PS. Bon nou pour – Lasanble pour pran en vot lo sa nouvo sonm ki 122 milyon.  PS.  Redonn nou sa sonm.

 

PS PATRICK PAYET

122, 920milyon.

 

MR DEPUTY SPEAKER

Ok?  Tou Manm ki an faver? Okenn Manm ki kont? Ok Madam Clerk?

 

MADAM CLERK

Mersi Mr Chair, 16 Manm an faver, personn kont.  Mersi.

 

PUC

 

 

MR DEPUTY SPEAKER

Ok savedir Bidze pour Social Programs of Government a en nouvo sonm R122 milyon i ganny aprouve par Lasanble Nasyonal.  Ok PS nou pour pran PUC.

 

PS PATRICK PAYET

Wi Mr Chair.  So nou pe propoze pour nou pran net lending lo paz 35 e osi Development Grant to Public Enterprise lo paz 36.  E apre ki nou’n diskit avek bann Manm ki zot in rekomande ki at least PUC ki mazorite sa bann sonm ki nou pe demande ozordi sorti, i pe ganny allocate pour PUC ki at least ki ava annan detrwa kestyon pour PUC. Mersi.

 

MR DEPUTY SPEAKER

Ok. Mwan a demann Parliamentary Reporter pour apel bann zofisye, Minis.  Bon mwan ti a kontan welcome CEO PUC, Mr Phillipe Morin, e Deputy CEO, Mr Joel Valmont parmi nou. Ok. Nou pour al direkteman lo, mwan pour pran en lalis safwasi lo bann manm ki oule entervenir, oubyen pour demann kestyon. Ok.  Nou a fer parey labitid. Tou Manm ki oule demann kestyon, zis montre en show of hands.

 

MADAM CLERK

Mr Chair lo kote Parti Lepep mon annan Onorab Charles De Commarmond, Onorab Sebastien Pillay, Onorab Basil Hoareau, Onorab Audrey Vidot, Onorab Sylvanne Lemiel, Onorab Churchill Gill, Onorab Egbert Aglae, e Onorab Waven William.  E lo kote Lopozisyon mon annan Onorab Afif, Onorab Jean-Francois Ferrari, Onorab John Hoareau, Onorab Clifford Andre, Onorab Waven Woodcock, e Onorab Sandy Arrisol, e Onorab Clive Roucou, ok non minus Onorab Roucou, e mon azout Onorab Stephen Pillay. Mersi.

 

MR DEPUTY SPEAKER

Ok mon komans ek Onorab William.

 

HON WAVEN WILLIAM

Mersi Mr Chair. Mr Chair zis pour en pti klarifikasyon pour demann avek CEO PUC. Eski dan sa bann alokasyon, kwa an plis konm aktivite ki zot pe al fer ki sa bann alokasyon pe ganny demande; an term parey mon pe regarde i annan bann loans en si ki annan bann sibvansyon. Me par egzanp lo kote Was Mahe, kwa ki zot pe al fer an plis? Mersi.

 

MR DEPUTY SPEAKER

Ok mersi Onorab. Avan mon donn laparol CEO, oubyen Mr Valmont.  Otan posib CEO avek ou Deputy CEO, nou donn repons ase bref – to the pointOk CEO.

 

CEO PHILIPPE MORIN

Mersi Mr Chairman.  Bann proze ki nou pe fer dan rezyon Was Mahe i annan ki nou’n deza komanse, i annan ki nou pe al komanse osi lannen prosenn.  Alor mon a dir bann ki nou pe fer pour le moman. I annan par egzanp pour pran plis delo dan larivyer Lilet ki bezwen par egzanp bann resevwar akote, stasyon tretman ki deza nou pe travay lo la.  I annan nouvo tiyo pour sorti stasyon tretman Port Glaud pour al anmenn delo ziska lo oter Beolière.  I annan en nouvo resevwar ki nou pe fer Beolière.  Epi lezot amelyorasyon ki nou’n deza koze dan Lasanble, par egzanp pour met sistenm delo, distribisyon dan land bank, sa land bank, nou apel sa land bank ‘Dan Mangrou.’  Sa ki mon kapab mazinen bann proze ki nou pe travay lo la, e nou pe travay lo la lannen prosenn.

 

MR DEPUTY SPEAKER

Ok Onorab William.

 

HON WAVEN WILLIAM

Mr Chair mon follow-up question se ki mon ti a kontan demann Mr Morin le fe Grand Anse Mahe, dan sa menm baraz i annan en, zot pe tir delo lagrikiltir an menm tan delo domestik pour anmenn kot lakaz.  An menm tan mon konnen zot pe anmenn ziskan Anse Royale. Me avek lasesres, i annan en difikilte e mon demande. Le fe ki mon konnen ki SCAA, Lazans pour Lagrikiltir zot pe ganny larzan pour kapab fer serten proze. Eski i annan serten korperasyon dan sa travay pour – enn – konsider retir konpletman sa priz delo lagrikiltir tap bann lezot sours ki i annan delo pour kapab fer sa separasyon.  Eski PUC i annan en plan a lavenir pour fer sa avek lazans lagrikiltir? Mersi.

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Mr Chairman o tan ki posib nou travay avek Lagrikiltir pour nou kapab partaz en pe delo. Me dan final analysis souvan espesyalman dan lasesres PUC i bezwen sa delo pour li donn konsonmater pour servi.  Alor lo sa larivyer Grand Anse an partikilye, an se moman nou pe fer preparasyon pour fer en plan, en design pour nou met en nouvo danm.  E natirelman dan la mezir, dan lefitir kan nou pour ganny larzan, nou pour bezwen komans konstriksyon sa danm.  E pour le moman, i pa vreman posib pour mwan donn ou detay koman nou kapab travay ek Lagrikiltir, me nou sey koegziste ozordi par egzanp, nou annan nou tou le de, lo lagrikiltir e PUC, nou annan tiyo ki dan sa baraz. E nou konnen ki souvan i annan konplent lagrikiltir i dir pour dir nou tiyo i pa anba pour zot. Alor finalman let zot pa ganny delo PUC ankor pe ganny delo.  Alor nou pour bezwen en fason pou nou travay ansanm. Ki mannyer nou pour kapab servi sa resours delo ki pa bokou pandan lasesres kot tou le de i kapab koegziste, i kapab fer sa ki nou bezwen fer.  Mersi Mr Chairman.

 

MR DEPUTY SPEAKER

Mersi CEO.  Bon annou sey anmenn nou kestyon vizavi sonm ki nou annan lo sa paz.  Akoz sa i vize ver loan, ver bann proze ki PUC pe antreprann, swa i pe kontinyen, in komanse sa lannen, i pe kontinyen 2018, ouswa i pour komanse 2018.  Ok, annou sey viz nou bann kestyon ver sa.  Ok.  Yes Onorab De Commarmond.

 

HON CHARLES DE COMMARMOND

Wi Mr Chair se sa. Mon ti anvi ki Mr Morin i dir ek nou Lasanble lo sa de loan la ki nou war dan Bidze, e sa bann Grant, 3 Grant mon krwar.  I dir nou kwa egzakteman ki pour kwa sa ensidswit. E en fason nou kapab prezan nou bann kestyon i al towards son larepons, i pe eksplik nou lo la, olye ki nou al demann lezot keksoz kekfwa nou a ganny tante pour demann lezot keksoz an deor sa ki la.  Mersi.

 

MR DEPUTY SPEAKER

Ok nou pour pran sa lapros, akoz bokou bann kestyon ki lye avek PUC nou’n deza demande anba Minister avan. So nou pour al direkteman lo bann loans ek bann Grants ki nou lo la.  Ok? Petet ok CEO donn nou en pti pe an detay. Ok apre bann Manm i ava viz zot kestyon.  Go ahead CEO.

 

CEO PHILIPPE MORIN

Mersi Mr Chairman.  Tou dabor La Gogue pour nou fer monte oter La Gogue pa apepre 6 met pour nou ganny apepre 600mil met kib stokaz delo an plis ki i ete ozordi.  Finalman nou ava ganny 1.6 milyon met kib delo ler sa danm in fini fer monte.  E pare nou’n vwar dan sa PSIP dokiman, nou pe pran en loan avek African Development Bank pour apepre R287milyon i. E deza preparasyon pe ganny fer, e bann lekipman pe komans arive pour sa lakonpannyen SINOHYDRO pour li komans fer sa proze.  Alor mon pa bezwen al an gran detay pour dir, pour dir pour en gran benefis pour tou zabitan, espesyalman dan Nor Mahe, Santral akoz i pour permet nou en higher yield sorti kot sa danm – plis delo.  E dezyenm proze, se proze 33 kilovolt Sid Mahe. Sa proze in ganny osi montre dan sa PSIP document koman en loan avek BADEA…e osi Saudi Fund, tou le de ansanm nou pran en loan lavaler R375milyon. Ki nou pour fer la, nou pour enstal detrwa lekipman kritikal, lekipman stratezik dan lavil par egzanp nouvo transformater Huteau Lane, nou transformater kot power station pour fer sir nou kapab delivre elektrisite ki pe ogmante de zour an zour dan sa rezyon Nor Mahe.  Epi nou pour pas nouvo laliny, nouvo kab pardon, nouvo kab anba later. Pour annan 3 kab spesyal ki pour pas tou dilon lakot Les Mahe pour al dan Sid Mahe, epi pour remont par Was ziska Anse Boileau.  Pour annan bann stasyon tou dilon semen. Dizon pour annan stasyon Providence. Pour annan stasyon kot Airport, pour annan stasyon Turtle Bay, eksetera.  Pour annan pa mal stasyon tou dilon. E sa proze ki pour permet nou fer se delivre elektrisite ki pe ozordi pe ogmante, demann pour elektrisite pe ogmante. E osi i annan en kantite demann dan Sid Mahe sorti kot bann lotel ki nou pa kapab ozordi donnen par egzanp si nou regard Four Season, nou regard Kempinski, nou regard Bayan Tree Hotel.  E sa bann etablisman zot pe redwir zot elektrisite zot menm. Zot pe fer li avek gasoil ki pa ekonomik pour pei.  Alor ler PUC i kapab prodwir elektrisite avek heavy fuel oil ki bokou pli bon marse, e si oule nou kapab fourni zot elektrisite dan en fason santralize. Pli enportan ankor sa proze pour permet nou si oule prepar nou pour nou annan plis solar voltaic, lenerzi renouvlab dan nou sistenm elektrisite. Par egzanp sa lenvestisman i a permet nou konekte plis konsonmater ki oule annan en sistenm solar voltaic pour zot, zot menm. I a permet nou si oule pour annan sistenm en pe pli gro ki nou annan ozordi par egzanp sistenm 1 megawatt dan Sid Mahe.  So solar voltaic si nou bezwen nou a kapab konekte lo la.  Alor i pour annan tou sa bann lavantaz.   I pour permet nou pour redwir pert dan nou rezo elektrik akoz ozordi nou annan en sistenm elektrisite ki ti ganny enstale, en sistenm transmisyon ki ti ganny enstale 1980. I pas par Foret Noire, Sans Soucis … Grand Anse, Barbarons, ziskan Anse Boileau. E sa sistenm i preski over load ozordi.  E ler ou annan en sistenm ki overload, ou bann pert dan ou rezo i ase grav.  E nou ekspekte avek sa envestisman i a permet nou pour nou redwir sa bann pert. Alor an gro, sa, sa proze, donn detay lo sa proze.  I pour kout R439 milyon an tou, me loan i pour 375 milyon.  E PUC pour fer the balance kontribisyon.  Lot proze ki ase enportan ki ankour la, i annan depi 2012, si mon rapel byen Mr Chairman; i annan pour fer avek koman nou apel sa, proze EIB, AFD pour delo.  Mon a zis rod mon lenformasyon la kote i ete avek mon koleg.  Ok sa proze Mr Chairman i kouver en kantite bann subproject si nou kapab apel sa. Tou dabor ladan i pour annan sewage system lo La Digue ki nou pe al donn kontra tre byento.  I pour annan refurbishment, refer tou sistenm sewage dan lavil, bann tiyo anba later, bann main trunk nou a pe koze, main line la.  Pa neseserman bann pti distribiter, me main line.  Bann stasyon laponp, zot ava war par egzanp kot, i annan vye Childen Playground, i annan en louvraz ki pe pase la kot pe refer sa stasyon laponp ki tou bann lezot laponp tou dilon ki al, ki anmenn sewage eska Providence pour ganny refer en fason ki zot a mars bokou pli efikas, bokou pli prop, e bokou pli annord ek mwen risk ziska ler nou ariv Providence, e Providence anba osi i annan larzan ki’n ganny met akote pour nou refer sa stasyon tretman Providence pour fer ki i kapab mars dan en fason pli byen ki i pe marse ozordi.  Akoz nou pa satisfe mannyer i pe marse an se moman. I annan en kantite breakdown. E nou pas bokou letan avek en kantite kou operation, maintenance.  Epi sa proz EIB – AFD, pour delo i ti enkli en proze pour met, pour ranfors desalinasyon Providence. Si mon rapel byen ti annan 7, 500 met kib delo desalinasyon ki ti ganny Sali Providence, epi apepre mil ankor, ou 2mil ankor, 3, 750 lo Praslin La Digue, e Anse Boileau.  Lezot proze ki pe ganny fer anba EIB – AFB Fund i annan par egzanp sanzman bann tiyo ki pa pe perform, bann tiyo ki pe leak, par egzanp i annan 27 kilomet tiyo ki nou respekte ranmase dan bann lannen ki pe vini. Nou’n osi fer en bon pe legzersis pour redwir nou delo perdi. Nou’n ganny en pe kontribisyon dan sa loan.  Me en pe sa osi pour sorti dan nou pos pour nou.  Par egzanp Mr Chairman 5an pase PUC ti pe perdi son delo ki met dan son sistenm rezo distribisyon delo, nou ti perdi 55poursan.  Ozordi nou’n kapab fer li desann a 35poursan.  E nou target se 25poursan.  Si nou kapab ariv 25poursan, i pour en fantastik nivo. Akoz dan bann pei dan larezyon, nou pe koz 50poursan, i annan.  I annan lezot proze ki ankor lo sa loan la.  Nou annan par egzanp pour refer stasyon tretman delo Hermitage, stasyon tretman delo Cascade, e en pe lezot keksoz ankor.  Petet mwan demann mon koleg Mr Valmont pour remind en pe ankor kwa ki nou annan lo la.  En pe sa an gro Mr Chairman.

 

MR DEPUTY SPEAKER

Ok.  Mersi CEO.  Nou ava pran kestyon prezan.  Onorab Pillay, Stephen Pillay.

 

HON STEPHEN PILLAY

Mersi Mr Chair.  Bonn apre midi a tous.  Mon kestyon i pour plito al kot CEO PUC konsernan solar farm ki mon aprann pour fer Ile De Romainville si sa pour kout ladan.  E ki benefis savings i pour anmennen pour nou fer, pour kou elektrisite desann e kan. An relasyon ek sa mon ti a kontan demande konbyen zot aste pe fuel ek SEYPEC pour nou konnen kantite savings nou pour fer dan sa solar farm.  Mersi Mr Chair.

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Mr Chairman mon ti ava al direkteman lo kantite nou pe aste fuel ek SEYPEC, anviron, nou’n bidzete, anviron 650 milyon pour lannen prosenn, R650milyon.  E avan-ler ki petet ou ti a permet mwan Mr Chairman pour zis dir en pti mo lo efficiency power station i enpekab. I 41 poursan, ou pa pour vwar dan okenn pei kot ou pour annan 41poursan avek sa kalite teknolozi ki nou annan. Dan lepase in annan komanter lo sistenm stasyon prodiksyon PUC le fe ki i pa ase efficient, i pa korek Mr Chairman.  Tou bann eksper ki’n vin isi, in donn nou en pe lankourazman ler zot dir nou zot vreman enpresyonnen avek 41 poursan.  Prezan si mon al lo kestyon solar voltaic plant, lo Romainville, wi Mr Chairman sa proze ankour nou ekspekte kapab finaliz Lagreman pou loan e i pour kout apepre 9.2 milyon Dolar pour fer sa proze. E sa i pour 5 megawatt, solar voltaic, 5 mil kilowatt.  E asosye ek sa pour annan batri osi, en sistenm batri stokaz pour apepre 5 megawatter.  Alor nou’n fer, nou’n pran sa opsyon batri akoz i a permet nou pour stabiliz nou rezo elektrisite.  Souvan, ki nou pa apresye se ki nou kapab azout lenerzi renouvlab dan nou rezo, dan nou sistenm elektrisite. Me lefe ki lenerzi renouvlab i varyab, i pa konstan, i kapab kree pa mal difikilte pour nou stabiliz rezo ler i annan bann par egzanp dizon, ou perdi soley, en kou i ganny maske avek nyaz. E ou pe prodwir 10 megawatt solar photovoltaic e enkou an gran i tonm 8 megawatt ou annan en problenm ki mannyer ou pour stabiliz ou rezo akoz ou’n perdi 8 megawatt prodiksyon la.  Alor normalman nou bezwen pour ed nou pour stabiliz nou rezo, nou’n bezwen anmenn batri osi dan sa proze e nou ekspekte boner lannen prosenn, nou a kapab award sa kontra, ek en lakonpannyen ki kapab delivre sa 5 megawatt. E nou a pran osi loportinite petet mwan ava azout ki i annan en proze osi ki pe ganny finanse par en grant, sorti kot Gouvernman Endyen. Sa i pour en 1 megawatt. 1 megawatt solar photovoltaic osi lo Romainville.  Me sa unit li, sa 1 megawatt lenerzi ki pour ganny prodwi, i pour al anver si oule sa progranm democratization of PV kot bann lakour ki mwen fortinen si oule, ki annan mwen pouvoir d’achat, zot, zot a kapab benefisye pour, nou ava allocate serten prodiksyon sorti kot sa stasyon. 1 megawatt lo en monthly basis kot zot a kapab ganny assign sa kantite pour ed zot avek zot bill elektrisite.  Ki mannyer sa bann dimoun pour ganny swazir sa pa PUC, sa en lot lenstitisyon ki ava bezwen pran sa responsabilite pour fer sa. Alor solar photovoltaic ti annan en moman dan lepase kot i ti ser, bokou pli ser ki i pe kout PUC, ki ti pe koute pour prodwir elektrisite par sistenm konvansyonnel.  Ler mon dir mon sistenm konvansyonnel, mon pe dir la dyezel, heavy fuel oil.  Me ozordi solar photovoltaic an partikilye son kou prodiksyon i konparab avek sistenm konvansyonnel dyezel.  E alor i fer ki deplizanpli nou pou vwar plis lenerzi renouvlab ki pe ganny enplimante dan pei akoz i de tout fason Polisi Gouvernman pour ogmant kontribisyon lenerzi renouvlab dan sistenm elektrisite e plan long term se ki Minister responsab pour lenerzi i annan, in dir mwan se ki dan lefitir, kantmenm pa imedya, me dan fitir en pe lwen, se pour ogmant sa pour limit kot nou kapab kot en target kot nou kapab arive 100 poursan si i posib.  Alor le fe ki nou pe met lenerzi renouvlab solar photovoltaic lo Romainville, i pa vedir akoz nou pe fer li pour redwir nou kou prodiksyon overall.  Sa i en bi. Me le bi prensipal se pour nou depandans lo imported fossil fuel.  Alor i donn sa, en pe plis si oule nivo sekirite pour pei kot i pa pour bezwen enport sa kantite fuel.   Dezyenmman i a permet nou si oule annan en prodiksyon elektrisite ki bokou pli prop ki nou pe fer ozordi. Sa i en pe gro Mr Chairman ki mon ti a voudre eksplike.

 

MR DEPUTY SPEAKER

Mersi CEO.  Onorab Pillay.

 

HON STEPHEN PILLAY

Mersi Mr Chair.  Mersi pour ou klarifikasyon CEO.  Me parey mon ti demann ou, kestyon se ki savings ki nou pour gannyen la nou pe konnen i pa pour gannyen short term, long term.  Me mon kestyon lo cost of fuel se konbyen pe pey PUC pour, pa sa 650milyon, mon oule konnen par lit, or barik, konbyen pe, PUC pe pey SEYPEC, or SEYPEC pe vann PUC par lit or barik dyezel.  Mersi Mr Chair.

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Mr Chairman nou pe pey, si mwan rapel byen R9. 33 par lit pour light fuel oil.  E R6.99 pour heavy fuel oil par lit.  sa ki nou pe peye.  Apepre, Mr Chairman i a apepre sa ki ou kapab mazinen.

 

MR DEPUTY SPEAKER

Wi mersi CEO.  Onorab Arrisol.

 

HON SANDY ARRISOL

Mersi Mr Chair.  Bonn apre midi Mr Morin.  Mr Speaker mon ti a kontan demann Mr Morin an relasyon avek letan in koz transformer dan lavil, plis elektrisite, nouvo kab, demann pe ogmante.  Mon ti a kontan demann li atraver bann Grant ki zot gannyen oubyen bann loan ki zot pran avek Gouvernman si zot kapab osi konsider zot bann poto elektrik ki lo bann later prive kot bann dimoun pour zot bear the cost.  Parske, ozordi letan en dimoun i anvi fer konstriksyon avek kou lavi letan i annan en poto elektrik pour PUC lo zot laferm se sa dimoun ki bezwen bear the cost.  Si atraver bann loan ki zot gannyen si zot pa ti a kapab sey negosye ki mannyer zot ti a bear the cost, olye met sa lo sa dimoun ki ozordi pe ariv a kout R15mil a R16mil .  Dezyenmman mon ti a kontan demann Mr Morin letan in koz lo delo.  Plis delo pour santral e dan Nor, mon ti a kontan demann li si atraver bann larzan ki zot gannyen, bann Grant oubyen bann loan, si zot osi konsider en survey par egzanp pour bann servis ki zot donn nou.  Par egzanp letan i annan en dimoun ki son bill delo i sorti otomatikman R500 domestik i vin R1500, si i annan en letid ki ganny fer kekfwa atraver bann larzan ki zot demande pour ogmant zot servis, bon kalite servis pour zot evalye bann lakour an relasyon avek servis ki zot pe donnen, pour get son meter si pe mars byen, oubyen bann fonksyon akoz sa i kontinyelman monte.  Sirtou kot bann lakour domestik ki nou annan ozordi.  Mersi Mr Speaker, mersi Mr Morin.

 

MR DEPUTY SPEAKER

Ok. CEO.

 

CEO PHILIPPE MORIN

Mr Chairman an se ki konsern bann poto elektrisite ek laliny me osi tiyo ki pas lo bann propriyete prive, i en kosmar, Mr Chairman.  I en kosmar akoz person pa oule vwar okenn poto, okenn tiyo, okenn laliny, okenn kab.  Me nou bezwen pas sa bann lenfrastriktir par ler lo bann propriyete prive. E souvan ler nou fer sa nou, well dan tou ka nou sey at least negosye, eksplike, dakor kot nou pour pas sa bann lenfrastriktir.  I annan plas ozordi kot i annan lenfrastriktir ki’n an plas pour sa dernyen 40an.  E ler en dimoun i vini i demann ou pour ranplas sa bann lenfrastriktir o tan ki posib nou sey fer li a en kou ki manageable.  Par egzanp nou pasaz sa dimoun antyerman sa kou pour fer sa louvraz. Nou pran kont menm par ler ki i annan serten materyo ki nou bezwen recover e sa recovery ki nou pe fer, nou menm pran sa an kont. Nou touzour sey vwar en solisyon amikab avek sa propriyeter.  Me i enposib Mr Chairman pour mwan la dir poudir nou pour kapab fer sa free of cost akoz ki arive, wi nou pe ganny Grant, be sa bann Grant personn pa pour donn nou en Grant pour nou al relocate laliny free of cost.  E parey nou’n vwar PUC, par egzanp dan sa konteks sa proze kapital investment ki nou pe vwar, kou total ki nou pe regarde la i R653 milyon e PUC ek lasistans Gouvernman i annan zis R506 milyon.  Alor pour nou bridge sa gap nou bezwen al fer en kantite sakrifis, koup serten proze, regarde si nou kapab fer serten rediksyon lezot landrwa.  Alor larzan i pti gin dan PUC.  E i pa posib pour mwan kapab dir la, donn okenn promes ki nu pour kapab fer li.   Me ki mwan kapab dir se ki nou kapab, asize, diskite, negosye e vwar kwa ki posib pour fer.  An se ki konsern, mwan sipoze la Mr Chairman ki Onorab pe koz ler i dir zafer delo ki son bill i sorti R500 i vin R1500, nou pe koz la probableman bann burst ki arive, bann fit, bann tiyo kase.  E la touzour nou accommodating dan sa ka koumsa.  Nou donn bann rebateRebate i vedir nou a regard dan ou ka e nou ava regarde egzakteman ki kantite ou ti pe peye avan.  E kantite ou bezwen peye, nou pe demann ou pour peye as a result of sa burst.  E nou sey redwir sa at least pour en peryod 3 mwan imedyatman apre ou bill in komans monte.  Akoz ki nou pe dir se ki 3 mwan i sifizan pour ou pran en aksyon, pour ou aziste ou lekor, dizon a vin kot PUC, diskit ou problenm, oubyen rode si ou annan en fit par la e war en solisyon pour sa.  Me selman wi nou pa kit konsonmater avek en burden kot i pa kapab soutenir. Nou aplik sa ki nou apel sa en rebate system.  E sa nou pe kontinyelman fer li.  Mersi.

 

MR DEPUTY SPEAKER

Mersi CEO.  Bonn mon’n les sa kestyon. I pa vreman direkteman lo bann Grants, lo bann loan ki nou pe koz lo la. I annan de kestyon ki’n arise. Mon pour les pase e apre mon ti a kontan fer tou Manm, aviz tou Manm pour dir annou konsantre lo Bidze, lo kwa ki nou pe kestyonn PUC apre midi la.  Onorab Vidot, apre Onorab Ghislain.

 

HON AUDREY VIDOT

Mersi Mr Chair.  Mwan mon ti oule zis ranforsi lo sa pwen ki Onorab Arrisol ti’n dir konsernan bill.  Akoz bokou fwa nou pe ganny bokou konstrent.  I annan bill ki en dimoun ti abitye pey R200, i ganny li en bill R15mil ki par fwa i pa, sa dimoun i santi li ganny enpoze pour li bezwen kontribisyon pour li peye, ki i pa abitye dan rikord.  So petet ki zot pe, si i annan en mekanizm an plas ki zot pe fer.  E dezyenmman, ou konnen nou bann dimoun ki pey byen zot bill par fwa ki PUC pe fer, si zot kapab konsider refund sa dimoun letan i over pay.  Si parey in pey son bill an plis, zot rann li cash, dan plas pour esper son bill pour pase.  Akoz sa dimoun in fini pey zot.  E zot, zot pa pe konsider refund sa dimoun son larzan.  Akoz, kwa ki pe anpes PUC fer sa.

 

MR DEPUTY SPEAKER

Ok, CEO.  Nou ava pran sa dezyenm kestyon. Apre ou a reponn tou le de.  Onorab Ghislain.

 

HON CHANTAL GHISLAIN

Mwan mon kestyon i an se ki konsern bann poto elektrik. Dizon par egzanp en dimoun in vin reste pour premye fwa la. Zis li tousel ki’n vini in pey R7 mil pour li met son poto, dizon in kontribye 2 poto ladan pour elektrisite ariv kot li.  Prezan letan lezot dimoun i vin konstri, zot, zot pa bezwen pey nanryen preski dir, zot pe servi poto ki sa dimoun premye endividi in servi.  E sa dimoun li i pa ganny refund nanryen. Dan sa ka mon ti a voudre konnen ki PUC i fer, pour ki sa dimoun osi i ganny, i reganny bout son larzan ki li in depanse pour anmenn elektrisite lo sa later silvouple. Mersi.

 

MR DEPUTY SPEAKER

Mersi Onorab.  Ok, CEO.

 

CEO PHILIPPE MORIN

Mersi Mr Chairman.  Mon toutafe dakor ek ou e sa ki PUC i aplike.  Nou annan en polisi ki dir premye 5an ki nou’n fer en louvraz pour, pour met laliny kot ou, ou’n peye. E si en lot dimoun in vin pran elektrisite lo sa laliny, nou pour demann li pour fer en kontribisyon li osi, e nou pour refund ou en pe sa larzan ki ou’n peye pour ou komansman, pour ou ganny sa elektrisite.  Alor i napa okenn problenm.  Deza nou pe aplik sa.  Mersi Mr Chairman.

 

MR DEPUTY SPEAKER

Lo sa kestyon delo CEO.

 

CEO PHILIPPE MORIN

Wi. Kestyon delo, refund larzan, mon napa en repons pour donn ou MNA, Mr Chairman, Mr Speaker, Chairman.  Akoz normalman i pli fasil pour PUC tenir sa larzan ki annan deza dan en kont kredi lo ou kont e ou konsonm delo.  E nou offset avek sa kredi ki ou annan. Akoz de tout fason ou pour bezwen peye finalman ler ou pe konsonm delo.  Me mon sipoze nou kapab, mwan kapab diskit sa avek nou Chief Commercial Officer e Chief Financial Officer, e regarde kwa ki kapab ganny fer.  Mon pa pe promet nanryen pour le moman Mr Chairman.  Thank you.

 

MR DEPUTY SPEAKER

Mersi CEO.  Onorab Aglae.

 

HON EGBERT AGLAE

Mersi Mr Chair.  Bonn apre midi CEO. Mon kestyon vi ki dan sa Bidze i annan en gro sonm e PUC i enn bann Parastatal ki fer bokou bann proze. Mon kestyon petet i, PS Finans osi pour annan en rol pour zwe ladan.  Mon ti a kontan konnen si PUC pe swiv bann financial regulation an term procurement plan e bann tender procedure e bann consultancy.  Vi ki zot involve bokou ladan.  Mersi.

 

MR DEPUTY SPEAKER

Mersi Onorab Aglae. Direkteman ver Bidze.  CEO.

 

CEO PHILIPPE MORIN

Mr Chairman definitivman. Nou follow very closely procurement rules.  Nou annan en plan ki nou procurement plan ki nou fer tou le lannen, nou submit avek lotorite.  Nou annan nou Bidze ki nou submit ek lotorite.  E napa nanryen ki ganny fer dan PUC, okenn procurement ki pa pe ganny clear an avans.  Amwen in ariv en lerer kelkonk. Par egzanp dizon i annan en louvraz pour lwe veikil, pour fer serten louvraz a lonterm, e nou estimen serten valer.  Nou kominik sa avek lotorite.  Epi apre nou vwar ki in sot en pe. Sa i akoz louvraz pa’n mars a lavites ou lafason ki nou oule.  Me sa nou fer lazisteman neseser, lotorite i ganny enformen. Me toutafe presizeman mon kapab konfirmen ki PUC pa fer okenn procurement si i pa ganny okenn permisyon.  E i travay etrwatman avek Procurement Oversight Unit e Tender Board.

 

MR DEPUTY SPEAKER

Mersi.  Mersi CEO.  Onorab Aglae.

 

HON EGBERT AGLAE

An term consultancy.  Vi ki tou resaman i annan en lakonpannyen ki’n ganny en kontra, en gro Kontra pour mon krwar pas bann lenstalasyon, en konpannyen Sid Afriken mon krwar si mon pa tronpe, koriz mwan si mon mal.  Eski sa osi Minister Finans ou annan en say ladan an term kot ou ganny bann consultancy.  Mersi.

 

MR DEPUTY SPEAKER

Ok PS.  Ale CEO.

 

CEO PHILIPPE MORIN

Mr Chairman, sa i pa en consultancy sa.  Sa i en louvraz proze kot pour annan parey mon’n eksplike taler, pour annan en kantite materyo ki pour ganny anmennen dan pei. En kantite konstriksyon pour ganny fer.  En kantite pipe laying, bann duct, bann duct laying, en kantite kab ki pour ganny enstale.  I pa en proze konsiltasyon sa.  I en proze enfrastriktir devlopman.  Mersi.

 

MR DEPUTY SPEAKER

Ok, mersi CEO.  Onorab Woodcock.

 

HON WAVEL WOODCOCK

Mersi Mr Speaker. Mon kestyon i konm swivan. Avek problenm koupir kouran frekan lo Praslin, sirtou Amitie ziska Anse Kerlan i osi dan Consolation.  Mon ti a kontan konnen ki bann proze ki PUC pour antreprann lo Praslin sirtou kot i konsern ranplas bann vye kab andomaze ki’n la depi dan lannen ‘80.  Nou fek annan en issue in arive Amitie kot Airport, ki’n kree en problenm koupir lo partou dan Grand Anse Praslin.  Mon dezyenm kestyon i eski i annan okenn proze danm, ouswa agrandisman danm lo Praslin pour 2018 parey en konparezon danm Nouvelle Decouverte, e ki zot pour fer pour rezourd sa problenm delo rouz Praslin ki pe afekte plizyer biznes.  Mersi.

 

MR DEPUTY SPEAKER

Mersi Onorab.  Annou sey as much as possible, nou pa deviate.  Ok,  CEO.

 

CEO PHILIPPE MORIN

Chairman an se ki konsern kouran koupe Praslin i annan en kantite keksoz ki nou pe fer. In fact i ganny reflekte dan sa dokiman la ki devan nou.  Par egzanp lo paz 52 nou ava vwar i annan 2 feeder, i vedir ki mon oule eksplike se ki nou pe met 2 nouvo kab sorti Baie Ste Anne kot power station pour al atraver Valle De Mai ziska krwaze semen Nouvelle Decouverte avek Grand Anse. Nou annan en stasyon ki nou pe al mete pa tro lwen kot sa water bottling factory ki pour msye Albert.  Nou annan osi kab ki nou pe mete Praslin dan direksyon Cote D’Or, me sa i pa vreman dan konteks Grand Anse, me selman i volapenn mansyonnen.  Ankor Mont Plaisir, Mont Plaisir nou annan en sistenm an se moman kot elektrisite i sorti Baie Ste Anne i pas par Vallée de Mai i ariv Grand Anse e ariv ziska Mont Plaisir.  E si ou annan problenm nenport ki landrwa ant sa bann landrwa ki mon’n nonmen, ou pour annan ou en gran rezyon ki ganny afekte. Dizon ou annan en problenm Nouvelle Decouverte, oubyen dan semen krwaze Grand Anse la avek Nouvelle Decouverte,  tou sa rezyon Grand Anse ziska Mont Plaisir i ganny afekte.  Dan nou plan ki nou pe fer, se ki nou pe met en laliny overhead ki pour sorti si mwan rapel byen Mr Chairman sorti Anse Boudin anviron kot Raffles i ete, i pour pas par dan montanny pour li ariv ziska Mont Plaisir kot i kapab link up.  Sa si oule i pour permet nou kapab feed sa sistenm dan diferan direksyon; si nou ganny en problenm dizon kot legliz Grand Anse at least lezot landrwa pli devan i a kapab ganny feed par lo kote.  Alor sa bann aksyon ki nou pe pran an se moman. In fact proze, nou pe fer preparasyon pour nou komans sa proze i osi, sa proze Mont Plaisir, pour nou amelyor nou sistenm elektrisite.  E dan lefitir i annan lezot progranm ankor ki nou annan pour nou kontinyen fer amelyorasyon, met bann par egzanp double kab ki pas Grand Anse pour fer ki nou kapab ogmant nou kapasite pour distribye elektrisite dan sa rezyon.  An se ki konsern proze pour resevwar danm pour Praslin, nou pe fer en demars la pour nou kapab fer en design pour en danm Pasquière.  Dan rezyon milye Pasquière i annan en site la ki touzour nou’n vwar ki nou kapab fer en danm probableman anler wi, La Plaine Hollandaise, mersi, ki probableman nou kapab ganny 40mil a 50mil met kib delo la, konparab avek Rochon.  Alor nou plan la se nou pe rod en ground si nou kapab gannyen pour nou fer en letid e osi en design en pe parey nou pe fer avek Grand Anse kot apre sa parski normalman nou bezwen en design avek en bon leksplikasyon konbyen i pour koute, ki mannyer sa danm pour ganny fer avan ler ki nou kapab al rod pret larzan.  Alors sa si oule an gro bann plan ki nou annan pour Praslin pour elektrisite ek delo.

 

MR DEPUTY SPEAKER

Mersi CEO.  Onorab Lemiel.

 

HON SYLVANNE LEMIEL

Mersi Mr Chair.  Bonn apre midi Mr Morin avek ou lekip.  Mr Chair mwan mon ti a kontan demann Mr Morin avek Bidze ki petet i pour gannyen lannen prosenn avek sa bann loan or Grant ki ou pour gannyen si ladan i annan en morso petet pour nou ed bann dimoun Mont Plasir.  Mon konnen i annan en basen nou’n fer, Mont Plaisir Anse Royale la nou pe koze.  Pour nou ed bann dimoun ki aktyelman pa ankor kapab ganny delo menm avek sa nouvo basen ki’n ganny fer.  E osi bann dimoun Enfonsement. La nou pe koz Enfonsement Jardin Du Roi lot kote.  I annan bann dimoun la antye pa pe ganny delo e mon pe regarde si i annan en provizyon dan sa Bidze lannen prosenn, pour amelyor kondisyon pour ki sa bann dimoun i ganny delo.  E zis pour lenformasyon dimoun Anse Royale, mon ti a kontan osi si ou ti kapab donnen pti leksplikasyon lo sa substation ki pe ganny fer dan plato Anse Royale.  Mersi.

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Mersi Chairman, mon a komans avek sa ki pli fasil. Substation Anse Royale i preski dan krwaze semen avek semen ki mont Les Canelles.  E ki nou pe fer la, nou pe met en stasyon pour elektrisite.  I dan menm konteks sa proze ki mon’n eksplike, 33 KV South Mahe.  Ler elektrisite 33 kilovolt i ariv Anse Royale nou pour fer an tre dan sa stasyon avan kot elektrisite i ava ganny fer desann sorti 33 kilo volt i a vin 11 kilovolt.  Ler nou pe dir 33 kilo volt nou pe 33 mil vol. nou a fer li desann pour 11mil volt ki prezan nou a kapab servi pour fer bann distribisyon dan rezyon Anse Royale.  E bann proze parey nou pe fer lezot landrwa; par egzanp Takamaka, Anse La Mouche, Anse Boileau.  Sa i a permet nou si oule donn en servis en pe pli reliable, bann konsonmater dan Anse Royale, zot a war en bokou amelyorasyon dan kalite servis. An se ki konsern bann proze delo pour Anse Royale, wi nou annan Enfonsement i dan nou plan pour nou fer sa proze. Si ou regard dan sa papye ki nou annan avek nou pour proze i apepre R2.5milyon.  Nou annan osi ‘Dan Penpen’, petet i pa tonm dan ou distrik Dan Penpen, Mont Plaisir, extension i annan, si ou regarde osi nou annan enn ki dir Mont Plaisir extension.  Apre nou pe osi, mon pe regarde la zis pour mwan vwar nou ti annan dan nou progranm la, pour nou refer stasyon tretman dan Anse Royale Mont Plaisir.  Mersi.

 

MR DEPUTY SPEAKER

Ok.  Mersi CEO.  Onorab Lemiel.

 

HON SYLVANNE LEMIEL

Mr Chair, mon ti a kontan si CEO i kapab confirm eski sa pour rezourd problenm sa bann dimoun anler dan lafous ki aktyelman pa pe gannyen delo pour le moman.  Mersi.

 

CEO PHILIPPE MORIN

Mr Chairman, mon pa tro konnen kot dan lafous i ete.

 

MR DEPUTY SPEAKER

Mon osi mon wonder si i annan dimoun pe reste dan pye lafous.  Onorab Lemiel klarifye.

 

HON SYLVANNE LEMIEL

Mr Chair CEO i konnen kote mon pe dir.  Mon krwar son bann zofisye i konnen, i annan en basen delo ki fek fer anler Mont Plaisir, fek fer sa basen delo.  Nou’n kapab ed apepre 90poursan bann dimoun ki reste dan sa Mont Plaisir anler ziska Pointe Au Sel lot kote.  So i annan dimoun selman ki reste preski menm nivo ek sa basen, zot, zot pa pe ganny delo.  Mon krwar ou konpran prezan lekel ki mon pe dir.  I annan apepre en 4 a 5 lakaz, se sa ki mon pe koz lo la.  Mersi.

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Mersi Mr Chairman.  Mon krwar mon konnen kote MNA pe eksplike.  Wi si mon rapel byen i dan nou progranm sa.  I probableman enkli parmi lezot proze koman enn bann keksoz ki nou pe fer – akoz deza nou okouran pour dir i annan sa problenm.  Mersi.

 

MR DEPUTY SPEAKER

Mersi CEO.  Onorab Andre.

 

HON CLIFFORD ANDRE

Mersi Mr Chair.  Mr Chair sa 3 sub-kab ki pour pas anba later ki Mr Morin in koz lo la.  Mon ti a kontan konnen si letan sa bann kab akoz in dir pour pli efikas ki sa ki nou annan pour le moman. Letan sa bann kab pour pas anba later eski nou pour phase out surface kouran lo surface oubyen nou pour kontinyen gard li koman en back-up?  Apre dezyenm issue ou’n koz lo delo. I annan bann proze ki lo paz 52 bann sistenm delo.  Ou’n komanse an montan Capucin e ki pe koz en pe disruption pour transpor be selman nou konpran.  Me selman eski pour annan en lot faz kontinyasyon; akoz bann kontrakter ki pe travay lo la in dir mwan i preski konplete. Eski pour annan en kontinyasyon ki pour al pli o. apre bann dimoun ki reste la Capucin eski zot pour ganny konekte lo sa nouvo sistenm, oubyen zot pour reste parey zot ete la konmela.  Mersi.

 

MR DEPUTY SPEAKER

Mersi Onorab. CEO.

 

CEO PHILIPPE MORIN

Mr Chair 33 kilovolt kab sa 3 sirkwi – sa voltaz i sitan o ki nou pa pour kapab servi pour nou distribye, donn konsonmater.  Alor i nou pe fer si mon ti kapab re eksplik ankor en pti pe se ki nou pour annan ban stasyon along the way – parey mon’n eksplik pour Anse Royale kot sa voltaz i a ganny redwir 11 kilovolt e nou pour servi la laliny egzistan an se moman, koman laliny distribisyon. Ozordi sa bann laliny ki zot pe fer, zot pe act koman bann laliny transmisyon ki zot pa devret. E se pour se la rezon ki nou war si ariv en pe move tan, i annan en problenm en landrwa lo en laliny – en kantite dimoun i ganny afekte lo en area ase enportan.  Alor lapros la se ki nou antre dan en stasyon avek 33 kilovolt nou redwir li 11 kilovolt.  Epi nou distribye li dan diferan direksyon en fason si en laliny ki annan en depar, dizon nou annan en depar ki al dan en direksyon e i ganny afekte, i pa tou sa bann dimoun dan sa rezyon ki ganny afekte.  Parey i preski le ka ozordi.  Alor nou pour kontinyen vwar sa bann laliny me mwan sipoze le bi evantyelman dan lefitir, lwen se ki nou met keksoz anba later.  Sa i touzour dan nou plan me nou kontrent se larzan.  An se ki konsern proze delo Capucin, nou pe met en laliny tiyo delo ki sorti dan bor semen i mont tou dilon anler. Sa akoz sa tiyo ki egziste an se moman i dan en move leta. Nou bezwen ranplas li pour redwir bann fit. Epi osi nou met en pe pli gro tiyo pour permet nou pous plis delo.  Savedir konsonmater ki pe reste dan Capucin zot pour benefisye avek sa proze.  E deza in annan detrwa proze ki nou’n fer dan rezyon Capucin, Cap Lelefan par egzanp, en pe pli kot nou’n fer bann resevwar, nou’n met bann stasyon laponp, kot nou’n si oule amelyor kalite delo menm ki ariv kot bann konsonmater dan sa rezyon.  Me sa ki nou pe fer la, i senpleman pour ranplas tiyo e permet nou anmenn plis delo.  Yes.

 

MR DEPUTY SPEAKER

Ok Onorab Andre.

 

HON CLIFFORD ANDRE

En pti follow-up lo la.  Eski bann konsonmater ki deza konekte lo sa vye sistenm zot pour bezwen peye pour zot konekte lo nouvo sistenm oubyen PUC pour fer sa gratwit pour zot.  Mersi.

 

CEO PHILIPPE MORIN

Non Mr Chairman.  PUC i pran tou sa bann kou li menm li. Akoz sa bann dimoun pa’n demande nouvo tiyo. Alor nou pa kapab sarz zot pour sa. Mersi.

 

MR DEPUTY SPEAKER

Mersi CEO.  Onorab Basil Hoareau.

 

HON BASIL HOAREAU

Mersi Mr Chair. Mr Chair letan mon’n ekout CEO in koz lo sa bann Grants ek sa bann loan ki zot in pran. I annan desalination project ki pour ganny servi, ki pour ganny travay lo la.  Apre osi ou’n dir pour dir zot pe travay lo bann proze.  Sa larzan pe ganny servi lo bann proze pour anmas delo lapli. Mon ti a kontan konnen lo ki PUC pe met lanfaz lo delo lapli ouswa lo sa bann desalination projects?  Eski sa pe reflekte la fason ki zot pe al depans sa larzan ki zot pe gannyen atraver sa bann loan?

 

MR DEPUTY SPEAKER

Mersi Onorab. CEO.

 

CEO PHILIPPE MORIN

Mr Chairman lanfaz i lo delo lapli, delo sirfas, ki mannyer nou apel sa delo larivyer. Mon ti a eksplike tou dabor ki PUC pe fer en kantite proze asosye ek larivyer ozordi.  Par egzanp nou pe pran delo Anse Major, proze i ankour. Nou pe ekspekte byento kapab komans en proze pour pran delo Mare Aux Cochons. Nou pe pran plis delo larivyer Caiman, Anse Boileau.  Nou pe pran plis delo larivyer Lilet. E nou pe regarde en pe partou kote nou kapab pran plis delo dan bann larivyer, fer sir nou maksimiz delo sirfas tou dabor. Apre ki nou regarde be si pa ase, e ki i le ka.  I pa ase sa bann delo ki nou annan deza ozordi dan bann larivyer espesyalman ler i annan lasesres.  Alor nou bezwen anmenn desalinasyon pour asiste nou.  Me plan long term natirelman se danm, en danm ase enportan Grand Anse, e en danm kot nou’n vwar Praslin osi kot i a ede pour nou annan mwens depandans lo delo desalinasyon.  Me Mr Chairman delo desalinasyon i inevitab; i pa en kestyon en keksoz ki PUC i anvi fer li akoz nou napa en swa. Resaman nou’n pas dan en gro lasesres. Personn pa’n apersevwar petet oubyen en pe dimoun ki’n apersevwar sa akoz se ki PUC in manage son sistenm resours delo.  E avek lasistans desalinasyon nou’n kapab donn tou dimoun ase delo pour zot viv en lavi ase konfortab. Mersi.

 

MR DEPUTY SPEAKER

Mersi CEO.  Onorab Basil Hoareau.

 

HON BASIL HOAREAU

Zis follow-up question. Eski si i posib CEO i kapab dir nou an term bann proze pour delo ki pe ganny servi dan sa loan; Ki poursantaz ki pe ganny servi pour anmas bann delo parey ou’n dir ground water e ki poursantaz ki pe ganny servi towards bann desalination project.

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Mr Chairman en gran mazorite, malerezman mon pa kapab donn poursantaz akoz mon napa sa kalkil ek mwan. Mon kapab donn en legzanp. Delo desalinasyon nou pe koz la apepre R150milyon ki nou ekspekte, nou pour bezwen depanse pour nou anmenn en pe plis kontribisyon sorti kot desalinasyon.  Me ler nou regarde La Gogue pour fer monte i 312milyon.  E lezot landrwa ankor bann proze, si nou regard, nou konsilte sa dokiman proze avek nou la devan nou, nou ava vwar ki en gran proporsyon, mon pa pour le guess me probableman 75 poursan bann zefor, bann kour i pour fer avek delo sirfas, delo lapli.

 

MR DEPUTY SPEAKER

Ok.  Mersi CEO.  Onorab John Hoareau.

 

HON JOHN HOAREAU

Mersi Mr Chairman.  Sir mon oule beg ou indulgence pour mwan demann en kestyon direkteman lo Bidze me selman pa lo proze.  Bon mwan oule demann avek CEO si dan son Bidze i annan okenn larzan ki’n prevwar pour revizyon Scheme of Service dan PUC?  E ki kantite, konbyen travayer etranze i annan dan seksyon delo? E si sa bann travayer i ganny menm kalite reminerasyon avek zot counterpart Seselwa ki pe fer menm travay e si anba menm kondisyon? Mersi.

 

MR DEPUTY SPEAKER

Ok.  Onorab, nou wayoff; nou way off.

 

HON JOHN HOAREAU

Mon’n demann ou permisyon pour mwan demann sa kestyon.

 

MR DEPUTY SPEAKER

Non pa ti ekspekte ou pour al dan sa direksyon.  Ok?  Mon ti a sizere nou kit sa kestyon akote.  E i kapab ganny leve pour Minis, ler Minis i ava vini, e CEO i ava akonpanny li.  I ava anmenn sa bann lenformasyon.  Annou konsantre lo sa ki nou pe debat lo la, la.  Ok? Mersi Onorab.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker de pti kestyon enn en ptipti, me selman par ler se dan bann pti detay ki  – the devil is there. Mon vwar ki CEO ki lannen prosenn ou pour al aste 40 loto. Now ki mezir ou kapab dir nou ou’n met an plas pour fer sir ki sa bann veikil i ganny well look after.  Akoz nou konnen ki dan bokou konpannyen sa bann, sirtou bann konpannyen komersyal, sa bann veikil i travay bokou. So eski ou annan en sistenm an plas pour fer sir ki ou pour annan maksimonm lavi out of sa 40 loto.  Mon dezyenm kestyon i konsern bann investment ki ou pe fer dan pour limit lakantite delo ki perdi.  Ou’n dir nou pour dir ou’n deza bes li in ariv 35 poursan.  CEO eski i osi enn pour bann lobzektif, vi ki ou konnen ki pri delo Sesel sirtou komersyal, i tre ser e nou bezwen lenvestisman dan Sesel sirtou komersyal i tre ser e nou bezwen lenvestisman dan Sesel e bokou envestiser i mazinen, i war pour dir kou bann utilities espesyalman delo i o.  Eski avek sa bann savings, avek sa lefikasite ki ou pe mete dan sistenm?  Eski ou krwar nou pour arive en moman kot nou pour kapab ofer bann tou dimoun isi Sesel en rediksyon dan pri delo?  Mersi.

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Mr Chairman transpor. Tou dabor nou pe lwen en kantite veikil. E nou santi ki i pa en keksoz fezab.  E o plito posib nou bezwen annan nou own vehicle pour nou. Tou dabor i a permet nou annan plis kontrol lo sa bann veikil ki pour PUC ki idantifye koman PUC.  Ozordi ou annan veikil lwe.  I en pe difisil par ler pour kontrole.  Ki nou annan an plas se ki nou annan en workshop ki nou pe devlop. Nou annan dimoun ase konpetan ladan pour fer sir ki nou look after sa bann veikil pour servi zot byen.  Nou annan osi en sistenm tracking ki permet nou servi GPS pour konnen kot sa bann veikil in ale.  E ki zot pe fer dan serten rezyon.  Nou bezwen ler nou konn sa, nou bezwen demann kestyon si in al dan en landrwa kot i pa ti sipoze ale.  E nou pe setup, esperon nou annan ase resours pour nou setup en control centre ki nou bi pour nou kapab si oule manage pa zis vreman kot veikil pe ale. Me osi en sistenm sirveyans an zeneral pour nou bann stasyon kritikal ki nou annan dan pei.  Alor si oule sa ki nou pe fer sa nou plan e menm nou pe komans travay lo la pour nou. I annan deza bann transpor PUC ki annan sa bann tracking sistenm avek, e souvan i annan bann kestyon in ganny demande akoz ou’n al sa speed akoz ou’n al laba, ki rezon ou ti dan tel landrwa. Alor sa i deza pe marse, i an plas.  Lot kestyon ki annan pour fer avek, wi 40 loto nou’n fini kouver sa.  Lot kestyon remind mwan ti …

 

HON JEAN-FRANCOIS FERRARI

(Mic Off)

 

 

CEO PHILIPPE MORIN

Wi, wi delo, efikasite. Tou dabor Mr Chairman fodre nou realize ki PUC pe fer deza en perd dan delo. Akoz ki arive nou pe vann delo bann konsonmater dizon ki mwen fortinen, bann konsonmater domestik, sa premye 10, 20 met kib delo ki pe konsonmen, i bokou pli ba ki pe kout nou pour prodwir. E PUC pe fer en perd dan delo e sewage pour sa rezon ki nou pe sarz pli ki i kout nou pour prodwir.  Alor ki pe arive la an se moman se elektrisite ki pe cross-subsidized delo. Alor okenn savings ki definitivman nou santi nou pe fer akoz mon repete rediksyon sorti delo perdi sorti 55poursan al 35 poursan i en big achievement deza. E sa i pe ed nou par egzanp pour vwar bann landrwa kot delo in ganny servi san pey.  Bann frod tousala nou pe, pa zis en kestyon delo perdi, i pa zis en kestyon ki fit, ki zis ale dan tiyo sa.  Ki pe leak dan tiyo, i en kestyon bann dimoun ki pa pey pour delo, bann dimoun ki pe bypass sistenm konter delo. E si oule ler nou adres sa bann problenm i permet nou pour ogmant nou reveni. Ozordi nou annan, mon napa detay devan mwan.  Mon estimen nou pe vwar R48milyon, anviron loss dan delo.  Mon napa valer presi avek mwan la, me mwan estimen anviron sa. Alor i annan en kantite travay pour nou fer pour redwir labi, pour redwir inefikasite ki i annan dan PUC pour nou kapab si oule ferm sa gap R48milyon.  Me si oule zefor i la, determinasyon i la pour fer sa akoz nou annan en responsabilite anver nou bann kliyan pour asire ki nou fer keksoz dan la fason pli efikas posib ki nou ganny permete. Mersi.

 

MR DEPUTY SPEAKER

Mersi CEO.  Onorab Ferrari.

 

HON JEAN-FRANCOIS FERRARI

De pti kestyon ki swiv. Eski PUC i annan okenn lentansyon, oubyen eski i pe fer deza, provide okenn delo pa trete, donk pli bonmarse dan bann zone endistriyel e komersyal, pour pa ki nou pe servi sa bon delo ki’n trete pour bann travay ki pa neseser pour li.  Sa i enn.  E mon annan en dezyenm kestyon – si ou kapab dir nou ki kantite efikas zot sistenm koleksyon reveni i ete?  Eski zot annan an se moman bann gran lakonpannyen ki dwa zot, ki dwa PUC, apard Gouvernman, bann konpannyen ki dwa PUC, par egzanp bann gran lotel ki dwa PUC e ki pa pey on time.  Ki mannyer, eski zot annan en bon management zot bann reveni.  Mersi.

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Ok.  Premye kestyon Mr Chairman i annan pour fer avek delo, raw water ki nou kapab distribye, bann lendistri. Nou pe adres la fason swivan. Nou zefor avek sa Sanitation Master Plan, ki nou pe sey fer se ki ler nou pour etablir sa bann nouvo stasyon tretman pour annan anviron 10 – si mon rapel byen, ban catchment area pour sewage system lo Mahe.  E tou sa bann delo ki pour ganny, tou sa bann sistenm tretman pour ganny fer avek bann teknolozi, ki nou ti a voudre i ase efikas pour tret sa delo a en o nivo kot i kapab ganny servi pour irigasyon, pour – par egzanp itilizasyon endistriyel pa pour bwar natirelman.  Sa ki nou pe regarde an se moman.  E sa i ti enn bann pwen prensipal ki nou ti souleve ek sa konsiltan ler nou ti fer Sanitation Master Plan.  Sa si oule la fason ki nou pe regard li.  Ozordi si mon rapel byen i napa bokou petet en dizenn en 20 enn konsonmater si mon rapel byen ki pe servi raw water sorti kot PUC.  Mon napa detay, bann gran detay avek selman si mon memory i serve mwan right sa ki mon krwar i le ka an se moman.  Me nou parey mon eksplik ou, nou krwar ki nou pa kapab zis pran sa delo parski i annan en kantite delo ki pas dan en sistenm sewage ki pe gate evantyelman, nou pep ran delo trete pour met dan sewage.  Alor sa en lapros. An se ki konsern ou lot kestyon pour fer avek outstanding debt nou tre vizilan avek sa Onorab.  Ozordi tou le, preski tou le de mwan, nou pe reviz sa.  Menm i ganny anmennen dan konteks Board meeting PUC kot bann Board members i annan dwa demann kestyon e zot rode akoz serten ka i parey i ete.  Alor i napa bokou ka – in fact souvan nou regard en konsonmater nou dir R500mil is due for payment.  Annou pa bliye sa konsonmater, R500mil i almost son monthly bill.  Alor sa ki mon kapab dir ou, an mwayenn mon krwar sa ki normalman i outstanding out there i apepre pour enkli current epi overdue i apepre R100milyon.  E current ladan i lamazorite, sa 100milyon.  Alor mon kapab asir ki en kantite zefor pe ganny fer pour met sa annord.  E deza mon ase satisfe avek sa ki nou pe fer.  E nou pe fer en gran zefor pour nou revwar nou Commercial Unit pour nou fer li vin pli efikas.  Nou menm tre byento nou pour akey en konsiltan anba lasistans BADEA.  Zot in donn nou en Grant kot sa konsiltan i a vini ava ed nou pour vwar kwa ki nou kapab fer dan nou Customer Service Unit.  Dan Unit Komersyal pour nou vin pli efikas, e kapab rann en meyer servis ankor.  Mersi.

 

MR DEPUTY SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Chair.  Mr Chair anba sa konponan Bidze ki nou pe gete la i annan sa proze pour regard dan sistenm PV.  Mon ti oule konnen pour sa depans ki nou pe al fer la an relasyon ek photovoltaic. Ki zistans PUC in arive avek deployment of bann micro grids pour allow ki nou kapab annan sa sistenm ki a permet kontrol the flow of electricity zis parey ou’n dir. Eski nou ki nou’n fini, nou’n avanse dan sa direksyon? Oubyen nou ankor … akoz mon konpran pour dir JICA ti’n vin isi, ti’n fer en letid.  Eski sa letid ki JICA in fer oubyen prezantasyon in fer i part of sa budget component ki nou pe met ladan ozordi?

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Mr Chairman i ti annan sa letid ki’n ganny fer korekteman par JICA e zot, zot ti donn nou en limit apepre si mon rapel byen, apepre 3 megawatt maksimonm ki nou kapab konekte lo nou sistenm avan ler i vin enstab.  Si mon rapel byen i 3 megawatt. Be selman mon kapab tyeke les ou konnen apre sa.  Alor ki PUC in fer, sa rezon ki taler mon ti eksplike, ki nou annan sa proze 9.2milyon Dolar pour solar photovoltaic lo Romainville.  E petet ti a bon mon eksplike ki sa proze i en loan ki nou pe ganny ek Abu Dhabi Fund atraver IREAInternational Renewable Energy Agency.  E dan sa proze i annan en 5 megawatt hour batri pour permet nou stabiliz nou grid meyer ki nou pe fer ozordi.  E mon’n eksplike boner ki nou annan proze 33 kilovolt e sa ankor i pour permet nou pour nou kapab abzorb bokou plis lenerzi renouvlab ki nou kapab pe fer ozordi.  Alor nou pe koz micro grid – micro grid si oule i o nivo micro, ptipti me la kantmenm nou sistenm, nou rezo elektrisite i pti, me nou pa kapab apel li vreman en micro grid pour le moman.  Mon sipoze dan konteks La Digue si nou ti separ La Digue, nou ti fer li mars dan en fason otononm avek sistenm solar photovoltaic ek batri – la i ti pour vin mon kapab dir en micro grid. Alor me petet ti a bon on azoute ki ozordi i annan apepre 125 a 130 konsonmater endistriyel, komersyal e domestik ki annan zot own solar voltaic system anviron 3 kilowatt ki pe enzekte lenerzi, elektrisite sorti soler dan nou rezo, pour permet nou si oule, pour permet zot si oule fer, ganny sa benefis ki asosye avek bann devlopman lenerzi renouvlab.

 

MR DEPUTY SPEAKER

Ok.  Mersi CEO.  Onorab Pillay.

 

HON SEBASTIEN PILLAY

Mersi Mr Chair pour reste lo sa size elektrisite.  Mon ti’n konpran pour dir demars sete pour regard ki mannyer bann lezot pei pe enplimant serten proze pour annan sort of a Green Island, mon krwar in annan serten demars ki’n ganny fer dan sa lapros.  E nide sete zisteman pour transform enn sa bann zil satelit par egzanp Praslin oubyen La Digue into en zil ki rely predominantly lo lenerzi renouvlab.  So eski anba sa Bidze ki nou pe fer, nou pe bouz dan sa direksyon. Oubyen nou pour ankor depandan lo fossil fuel for the next forseeable future dizon 10 an?  Eski nou annan en prozeksyon.  En long term plan lo kan ki nou pour sorti lo sa depandans ki nou annan lo fossil fuel and the cost ki asosye avek to a more reasonable cost ki en blend ant fossil fuel e renewable energy. Mersi.

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Mr Chairman sa ki nou pe fer, sa ki tonm dan sa lalis proze i pour Mahe.  I napa nanryen pour fer avek Praslin ek La Digue.  Be mon kapab konfirm ek Onorab ki plan, le bi se evantyelman mon konnen in annan en kantite latansyon in ganny donnen lo La Digue pour vwar ki posibilite in annan pour turn li into a green sort of island – kot prensipalman lenerzi renouvlab ki pe fourni La Digue.  Me sa i zis an se moman en konsep.  I napa okenn plan ki mannyer sa pour ganny fer as such.  Akoz, Mr Chairman pour nou move dizon sorti 5 poursan lenerzi renouvlab ki preski kot nou ete ozordi pour al dan en direksyon kot nou pour 100 poursan lenerzi renouvlab dan nou rezo.  I en gran voyaz, i en gran louvraz.  E i pa pour ariv dan nou life time pour nou mon kapab dir akoz i pran en kantite letan pour fer en tel tranzisyon.  Me i annan mon kapab konfirm avek Onorab ki Minister pour Lenerzi i annan en kantite zefor ki zot pe fer. E nou osi nou involve, nou PUC avek zot ek bann proze kot evantyelman nou kapab komans ganny bann Don avek anba GCF, mon sipoze kot evantyelman nou kapab komans fer sa bann premye letap.  Sa bann premye pa dan sa direksyon kot evantyelman dan bann lannen dizon mon pa konnen, 30-50 an from now kot nou pour 100poursan lenerzi depann resours ki nou annan e teknolozi.  Akoz Mr Chairman 100 poursan lenerzi renouvlab i pa en keksoz fasil. I pour bezwen teknolozi tre avanse, bann sistenm sofistike e i pa en keksoz ki ou kapab fer dizour o lannmen.  I pour en gro louvraz me i pour kout bokou larzan osi.  Mersi.

 

MR DEPUTY SPEAKER

Mersi CEO.  Yes Onorab Pillay.

 

HON SEBASTIEN PILLAY

Mersi Mr Chair, mon dernyen pwen i, mwan pa’n dir pour dir nou pour al 100poursan lenerzi renouvlab.  Me selman mon’n dir ki nou pe fer pour nou minimiz nou kou.  An relasyon avek sa proze ki nou pe met la.  Nou’n koz lo en solar farm.  In annan diskisyon as to akoz nou pa ti’n move towards en roof top, en lapros en roof top kot nou maksimiz use of the land ki deza la pour fer lezot aktivite, ki a kapab generate serten larzan.  E ed PUC rather than go straight to en solar farm kot nou pe kouver sa landrwa without servi potansyel ki sa later i annan. So eski sa in en desizyon stratezik lo lapar PUC oubyen i annan en rezon ki konsern cost ki zot in deside pour al towards en solar farm proper?  E zis en dernyen pti pwen lo kote delo anba sa Bidze ok, travay ki zot pe fer so far se pour redwir the cost of non-revenue water.  So kote zot ete lo la pour le moman an se ki konsern non-revenue water. Konbyen eski zot in nobou kapab fer pour ki asire ki zot pa perdi larzan atraver delo ki perdi dan sistenm.  Mersi.

 

MR DEPUTY SPEAKER

Mersi Onorab.  CEO.

 

CEO PHILIPPE MORIN

Mersi Mr Chairman. Non-revenue water, nou’n sorti kot nou ti ete dizon lannen 2012 kot nou ti perdi 55poursan delo ki nou met dan nou rezo. Ozordi nou’n ariv apepre 35 poursan.  E si ou regard dan sa dokiman pour proze, ou ava war ki ladan i annan apepre R40milyon si mwan rapel byen ki nou’n met akote pour fer sa proze kontinyen ek sa proze non-revenue water.  Mwan a pe regarde kot nou’n met sa.  Si mon rapel byen dan zanviron 40 milyon.  E sa i pour permet nou kontinyen ek nou progranm pour nou ranplas tiyo, ranplas konter. E met bann keksoz annord ki nou santi i pa vreman annord ozordi laba deor.  E asire sa ki leta sistenm ki nou annan laba deor i ganny reflekte dan nou sistenm billing dan PUC. Onorab ou kapab repet sa kestyon premye akoz….

 

MR DEPUTY SPEAKER

Ok.  Onorab Pillay.

 

HON SEBASTIEN PILLAY

Mersi Mr Chair.  Mr Chair in annan konsern ki’n ganny eksprimen ki PUC i sa site ki pe servi pour al fer sa solar farm, posibilite ki zot ti’n kapab maximize on the use of sa site pour annan roof top solar panel, rather ki pour annan en solar farm proper.  I ti en keksoz ki zot ti’n kapab konsidere. E zisteman atraver sa zot a kapab generate reveni par servi sa bann landrwa, mon pa konnen pour fer whatever aktivite ki sa later i kapab fer.  So se ki mon ti pe demann PUC pour mwan konpran ki desizyon zot in pran vizavi sa. Eski zot pour al zis pour fer bann solar farm avek bann towers oubyen bann met en solar farm proper parey i annan dan bann design oubyen zot pe fer en sistenm kot i annan roof top zour pour marye le de. Se sa ki mon ti a kontan konnen.  Mersi.

 

MR DEPUTY SPEAKER

CEO.

 

CEO PHILIPPE MORIN

Mr Chairman sa sistenm ki nou pour mete lo Romainville i pour baze lo later. Me i pour annan bann braket ki pour mont lo la. I pa pour ganny plase direkteman ater.  E rezon ki nou’n swazir sa fason pour fer sa proze, nou pa’n al met li lo bann batiman endividyel akoz i ti pour kout bokou pli ser. Parski i ti pour annan batiman ki nou bezwen ranfors son twa.  E nou bezwen split sa 5 megawatt, sa 5 megawatt i apepre 50 mil met kare. Si mon rapel byen, 5 ektar.  Alor pour nou war 5 ektar roof i en challenge.  E par lo la, pa bliye nou pour bezwen konekte tou sa bann landrwa, kot ou annan bann endividyel sistenm avek en sistenm transformater. En sistenm kab elektrisite, ranforsman ki an se moman i pa permet nou fer.  Akoz i pour kout tro ser.  E alor nou panse ki etandonnen, sa bann sirkonstans, nou meyer pour nou fer sa proze la fason ki mon’n eksplike.  Me i pa vedir ki dan le fitir ler nou pour annan nouvo.  Nou pa’n perdi nanryen la akoz dan le fitir si nou ganny nouvo loan, nouvo Grant, nou a kapab touzour konsider sa laranzman ki Onorab in dir.  Akoz nous anti nou osi i devret ganny eksplwate.  Me pa bliye, nou annan en long semen pour nou fer pour nou fer pour nou ogmant nou kontribisyon lenerzi renouvlab.  E sa bann twa definitivman pou ganny servi dan le fitir.  Mersi.

 

MR DEPUTY SPEAKER

Mersi CEO.  Onorab Afif.

 

HON AHMED AFIF

Mersi Mr Chair. Mon pe get en pti anba net lending avek development grant pour PUC pour sa lannen, pour lannen prosenn nou pour depans preski R300milyon – R299 milyon; 2019 – 380; 2020 – R593milyon ler ou azout tousala ansanm ki vedir 1.5 a 3 poursan GDP Sesel i al pour PUC capital projects.  Oubyen bann loan ki zot in deza pran prezan ki Gouvernman pe re-peye.   Mon kestyon eski PUC i kapab dir nou ki valer bann loan ozordi ki zot in deza pran ki prezan i vin en fardo Gouvernman pour re-peye a lavenir?  Si zot kapab dir nou konbyen sa i ete?  E dezyenmman si ou kapab dir nou ki bann nouvo loan PUC pe al pran pandan sa prosen 3an – ki pour ankor met en fardo pour Gouvernman re-peye.  Rezon mon pe demann sa Mr Speaker se parske si tou le lannen nou pe pran R600milyon, nou pe re-pey loan PUC parski li in fer kek proze, swa danm, swa zenerater, sa kab eksetera. I vedir ki PUC atraver so tariff  ki i pe sarz nou dan lakour e sirtou sekter komersyal i pa pe rekipere. Parski i napa larzan.  I pe demann Gouvernman donnen. Ki diskisyon PUC pe fer avek lotorite konsernen parski mon konnen PUC pa li ki determin pri.  Ki diskisyon ki zot pe fer vreman pour kapab ede pour Gouvernman redwir en pe lo sa fardo ki taxpayers pe anmennen?  Eski i trouv li normal par egzanp ki bokou bann etablisman komersyal tel ki en lotel oubyen en lendistri. I pe pey li en tariff ki finalman PUC pa pe rekipere.  Savedir ou pe sibvansyonn li finalman. E tou larestan taxpayers pe sibvansyonn lotel, bann gro lendistri. E eski sa i en keksoz normal?  Mon ti a konpran dan lesans kot PUC pe sibvansyonn bann dimoun ki pa kapab peye.  Sa mon konpran.  Me sa i bezwen annan en Scheme ki’n fer pour li.  Parski la ozordi nou vwar PUC pe sibvansyonn pei an antye ki diskisyon PUC pe fer avek bann lotorite konsernen pour kapab redwir en pe sa kou lo Bidze. Mon konnen i pa pour kapab ariv dizour a lannmen.  Me selman i en gro fardo. E tou le lannen i pe vin pli lour ankor lo nou. Alor mon ti a kontan konnen ki PUC i kapab dir nou an term ki zot kapab fer.  Eski i vedir en logmantasyon dan tarif 50 poursan? Donn nou en lendikasyon pour nou kapab klarifye ki mannyer nou pour tret sa bann zafer pri e lenvestisman ki nou, nou pe fer atraver sa Bidze. E pour nou fer dan en fason ki tou dimoun i kapab kontribye dan en fason ki zis.  Parski la mon vwar, i annan dimoun ki kapab kontribye bokou plis.  Me ki pa pe fer li.  E finalman tou larestan taxpayer i bezwen anmas sa fardo.  Mersi Mr Speaker.

 

MR DEPUTY SPEAKER

Mersi Onorab Afif.  CEO.

 

CEO PHILIPPE MORIN

Mr Chairman striktir sa tariff mannyer i ete, i an grann parti ozordi i koumsa akoz i la fason ki si oule, Gouvernman in vwar li neseser pour striktir li.  Me i annan en pe letan la, ki i annan zefor ki pe ganny fer pour re-balans sa tariff.  Vedir bann dimoun ki pe mwens parey Onorab pe dir – en kantite sa bann dimoun i dan sekter domestik zot ava pey en pe plis ki zot pe peye ozordi. Par egzanp, bann, annou pran elektrisite, konsonmater, endistriyel, komersyal pe pey probableman, mon kapab dir pres R4 par kilowatter.  Me domestik bann konsonmater ki pe konsonm dan 300 kilowatter zot pe pey zis 75 premye 200 i 75sou.  E lot 100 kilowatter i en R1.05 mon krwar. Alor i montre pour dir ki sekter komersyal endistriyel se zot ki pe cross-subsidized domestik.  E i fer ki wi i annan sa konplent ki tariff elektrisite par egzanp pour komersyal industrial i tro o e in annan sa reprezantasyon ki’n ganny fer. Alor depi 2013 in annan en progranm ki nou apel sa rebalancing tariff.  E sa progranm ki i pe fer se i pe fer monte elektrisite, en pe elektrisite, delo ek sewage dan sekter domestik, e in kit si oule preski pa sanz ditou kou elektrisite dan sekter komersyal, endistriyel. E selman delo ek sewage ki’n monte dan sekter komersyal endistriyel.  E le bi la se pour anmenn en pe plis reprezantasyon pour bear sa kou pour prodwir sa servis pour donn konsonmater domestik, ozordi ki pe pey bokou mwens ki pe koute pour prodwir.  Alor nou pe regard proze kapital la. E nou pa ekspekte ki domestik li tousel pour kapab anmenn sa fardo pour permet nou pour finans sa bann proze ki nou annan. Alor kantmenm nou pour sey fer ogmante tariff domestik. Alor inevitableman nou bezwen al rod larzan dan laform loan. E tou sa bann proze ki nou pe fer, ki nou pe pran loan, i bann proze tre esansyel.  San sa bann proze sityasyon pour agrave, servis pour deteryore. E nou pa pour kapab si oule satisfer demann.  Satisfer demann pa zis domestik.  Me osi komersyal endistriyel.  Alor ki mannyer mon vwar sityasyon amwen ki nou ogmant bann tarif a en oter tre o pour serten sekter parey domestik ki mon sipoze i pa vreman fezab.  Nou pa pour kapab kontinyen sa bann lenvestisman ki nou pe fer san ki nou pran loan.  Detay loan mon napa avek mwan la.  Mon sipoze PS i ava annan e i ava kapab donnen dan en pti moman.  Mersi Mr Chairman.

 

MR DEPUTY SPEAKER

Mersi CEO.  Onorab Afif.

 

HON AHMED AFIF

Mersi Mr Chair. Mr Chair rezon mon pe demann sa kestyon se pour port a latansyon ki zot capital project finalman ki se swa atraver loan repayment oubyen development Grant ladan i finalman i vin en fardo lo taxpayer.  E rezon mon pe dir sa se i en gro fardo. I apepre R600milyon.  Pour met sa an konteks income tax ki nou anmase, sa 15 poursan lo saler.  I ekivalan apepre 800 milyon.  Alor 3 kar nou income tax ki nou peye i al zis pour al met zenerater, pas laliny e keksoz ki nou pa pe rekipere atraver petet menm komersyal. So i annan dimoun ki kapab afford. Me nou pe donn tou dimoun en tariff ki ba.  I pa problenm PUC.  Mon konnen pa ou ki fer tariff.  Mon pe zis port sa a zot latansyon ki nou rod bann fason pour fer sir ki atraver zot reveni zot pe anmas maksimonm posib ek bann ki kapab peye.  I bezwen annan en fason ki ou anmas ek sa ki kapab peye tou sa ki devret peye.  Me pa donn li en sibvansyon parey i pe arive ozordi.  Byensir pour annan ou bezwen egzamin li byen, ou pa kapab zis overnight al fer li. Me zot bezwen annan en plan a lonterm pour fer sa.  E parey Onorab Sebastien Pillay in osi dir lo kote renouvlab. Mon krwar tariff probableman pour zwe en rol dan promouvwar bann sistenm lenerzi renouvlab.  Pour annan plis dan pei ki ou kapab redwir ou depandans probableman menm lo kapital osi.  Parski enn fwa ou’n mete i pe reste pour en kantite letan. E finalman mon dernyen pwen lo Romainville mon pa tro konvenki ki nou bezwen pran later ki nou’n konble a en gran kou.  E ti annan en plan sa letan pour sa bann later, e la ozordi nou tir disab ki ti annan dan delo sale, plas li anler lo later apre nou plas en solar panel anler lo la.  Si ti neseser kan nou deza annan nou landrwa pour met solar panel. Bokou lenstitisyon in fer sa. Labank santral in fer, Independence school in fer. Plizyer batiman Pension Fund anvil in fer. I marse sa.  Annou pous anver sa direksyon e nou later ki komersyal ki la obor delo sale, mon pa tro war si i devret servi pour en keksoz koumsa.  Mon krwar seryezman PUC i devret revwar sirtou nou pe depans gro capital cost la.  E si nou pe al anver sa direksyon, mwan mon krwar nou servi nou resours meyer posib ki nou kapab.  Si lide en dimoun pour pran en donasyon zis pour al met la koman en zes Senbolik mon krwar nou devret revwar sa dan en fason lozik pour fer sir larzan pei i ganny itilize byen. E later konble, mon pa war akoz nou devret pran sa pour met pano soler lo la.  So mon ti ava kit sa avek zot.  En pe keksoz pour zot reflesir lo la parski sa fardo capital project ki PUC pe fer i komans vin lour lo taxpayer. Mon konnen i bezwen ganny fer parski nou tou nou bezwen elektrik, nou bezwen delo. Me selman la fason ki nou finans li ki mon annan en issue avek.  Mersi bokou Mr Speaker.

 

MR DEPUTY SPEAKER

Mersi Onorab.  Mon a donn CEO en final comment si i oule fer.  Go ahead CEO.

 

CEO PHILIPPE MORIN

Mr Chairman lo laliny ki Mr Onorab Afif in koz lo la – parey mon’n konfirmen taler nou annan nou en long semen pour nou ogmant kontribisyon lenerzi renouvlab.  Si nou pa’n servi bann roof ozordi avek sa proze.  I annan en kantite lezot proze ki pe vini ki nou pour bezwen servi sa bann roof.  E annou pa bliye Mr Chairman ki si nou oule ogmant nou kontribisyon lenerzi renouvlab dan nou sistenm elektrisite menm mon pe koz 30, 50 poursan, i pour bezwen annan serten desizyon ki pa fasil pour bezwen ganny pran par ler.  E nou pour bezwen rod sa landrwa. Kestyon ki fodre nou demande se kote nou pour ganny landrwa pour nou met bann sistenm pano pour nou ariv dizon 30, 50 poursan kontribisyon?  Sa bann roof ki nou annan pa ase. E asosye ek sa bann roof i annan en kantite lezot problenm.  Nou’n fer en survey pa tro lontan ki montre pour dir bokou lakaz zot roof pa bon, oryantasyon pa bon.  I annan bann pye dibwa ki pe pre ek lakaz ki donn bann shadow effect.  Alor Mr Chairman nou ekout Onorab Afif, Onorab Pillay, nou a pran kont sa ki zot in dir.  Me mon dir zot ki i pa so straight forward parey zot pe esey dir nou.  Mersi.

 

MR DEPUTY SPEAKER

Mersi CEO.  Bon PS Payet si oule fer dernyen komanter apre ou a gid nou lo vot.

 

PS PATRICK PAYET

Mersi Mr Chair.  Zis pour azoute kid an konteks finansman nou osi nou vwar ki definitivman si nou kontinyen ki PUC si tou le lannen i pe pran loan e mazorite bann donors i pa oule donn loan direk, definitivman i pour donn sa loan Gouvernman.  E apre nou on lend PUC.  Gouvernman i bezwen kapab swa pran en pe. Prioritize en pe lo son domenn depans.  So definitivman sa i en deba ki nou pe gannyen internally. E sa i konsern ki nou’n mete.  Se nou bezwen revwar en pe finansman dan ki konteks si i annan par egzanp PUC i kapab pran loan direkteman.  Me i annan ki nou’n komanse, negosyasyon sepandan zot in still demann en Government guarantee.  So endirekteman menm si i pa dan Bidze i pe afekte ou det ki ou annan as Gouvernman because en garanti i ganny klasifye koman en indirectly en det dan Gouvernman. Me i en keksoz ki nou pe diskite internally pour nou vwar – akoz nou vwar ki i pour eventually par egzanp letan nou’n regard 2020, almost sa bann proze ki’n komanse ozordi, nou pour vwar son lafen 2020. E en gran kantite finansman zot pour vwar dan Bidze 2020 i pour annan lenpak lo bann lezot sekter. So definitivman en diskisyon ki nou pe gannyen internally e an menm tan diskit en pe lo son tariff re-balancing as well.  Mersi Mr Chair.

 

MR DEPUTY SPEAKER

Mersi PS Payet.  Donn nou en gidans lo kwa ki Lasanble pour vote.

 

PS PATRICK PAYET

Mr Chair i annan de vot pour ozordi.  So premye i lo paz 35, net lending ki en valer R163, 666 milyon.

 

MR DEPUTY SPEAKER

Ok.  Nou kapab pran en vot lo la.  Ok tou Manm ki an faver?  Okenn Manm ki kont?  Madam Clerk?

 

MADAM CLERK

Mersi Mr Chair.  Mon’n rikord 19 Manm an faver, personn kont.  Mersi.

 

MR DEPUTY SPEAKER

Mersi.  Savedir Lasanble in aprouv sa vot.  Dezyenm PS Payet.

 

PS PATRICK PAYET

Mr Chair dezyenm i lo paz 36, Development Grant to Public Enterprise ki en total 187, 295 milyon.

 

MR DEPUTY SPEAKER

Ok sa pour SPTC i osi en Grant sa en?

 

PS PATRICK PAYET

Development Grant, yes.

 

MR DEPUTY SPEAKER

Ok. Ok. Tou Manm ki an faver? Okenn Manm ki kont? Madam Clerk?

 

MADAM CLERK

Mersi Mr Chair, 21 Manm an faver, personn kont.  Mersi.

 

MR DEPUTY SPEAKER

Ok savedir Lasanble osi in aprouv sa vot.  Mersi. Nou kapab.  Nou pour fini la, oubyen nou kapab pran contingency?  Contingency mon krwar ou’n eksplike bomaten non?

 

PS PATRICK PAYET

Mon krwar Mr Chair i en pe straight forward – contingency. I en provizyon ki nou mete as per the Constitution e as per Public Finance Management Act.

 

MR DEPUTY SPEAKER

Ok nou ava pran en vot lo contingency.  Lo ki paz i ete PS?

 

PS PATRICK PAYET

Sorry i lo paz 36.

 

MR DEPUTY SPEAKER

Wi, wi 36.  Ok? Sonm R20 milyon.  Tou Manm ki an faver?  Okenn Manm ki kont? Madam Clerk?

 

MADAM CLERK

Mr Chair 24 Manm an faver – personn kont.  Mersi.

 

MR DEPUTY SPEAKER

Ok.  Savedir Lasanble Nasyonal in aprouv Bidze ki tonm anba Contingency.  Ok, se tou pour ozordi PS? Tax Exemption pa pour tonm ladan, nou pour pran li apre?  Ki paz i ete li, Tax Exemption?

 

PS PATRICK PAYET

I dan schedule.  Be selman i lo paz reveni.

 

MR DEPUTY SPEAKER

Ok, nou a kapab pran li petet an menm tan avek Bidze Finans, non?

 

PS PATRICK PAYET

Nou kapab pran li ansanm letan nou pep ran Bidze Finans.  Apre i annan others osi ki bann subscription to bann international organization.  Nou kapab pran li Zedi.

 

MR DEPUTY SPEAKER

Ok.  Savedir nou ok la pour ozordi en. Ok.  Yes Onorab Larue.

 

HON FLORY LARUE

Mersi Mr Chair. Mon ti annan zis en pti klarifikasyon ki mon pe rode la kan nou pe finalize avek Finans.  Kote ki mon pour vwar alokasyon pour larzan pour constitutional post; Special Pension Act 2014?  Akoz letan mon get anba bann appoint Constitutional Appointees Emolument, tou bann Act i ganny mansyonnen, President Emolument, Vice-President, Ministerial, National Assembly, Constitutional Appointees Emoluments, Judiciary, me mon pa vwar sa Special Pension Act ki sorti dan Consolidated Fund, kote i ete silvouple e ki son valer?

 

MR DEPUTY SPEAKER

PS.

 

PS PATRICK PAYET

Wi Mr Chair.  Mon krwar Onorab pe koz lo sa amannman.

 

MR DEPUTY SPEAKER

I deza annan en Lalwa.

 

HON FLORY LARUE

Non, non sa i en Constitutional Post, Special Pension Act pour bann dimoun ki ti dan, ki ti annan Constitutional Post depi apre lendepandans e avan le 21 Zen 1993.  Sa ti ganny ascent an Oktob 2014.  Son commencement date ti le premye Zanvye 2015.  I en Act on its own.  I sipoze sorti dan Consolidated Fund, mon pa vwar son Heading, kote i ete, konbyen dimoun ki ladan. E ki son valer.  Mersi.

 

MR DEPUTY SPEAKER

Mersi Onorab.  PS.

 

PS PATRICK PAYET

Mersi Mr Chair. Kekfwa si nou al lo sa paz Constitutional Appointments Emoluments, nou pour vwar ladan, i annan bann former Ministers lo paz 1.  Apre i annan former Members of National Assembly lo paz 2.  Lo paz 3 i annan bann former Ambassadors.  So sa 3 provizyon.  Nou kapab donn zot detay, en kopi dokiman lekel sa bann dimoun ki nou pe met as formers.  Me selman i tonm ladan li.  Mersi.

 

MR DEPUTY SPEAKER

Ok.  Mersi, mersi PS.  Bon nou’n ariv a lafen nou travay pour lazournen.  Yes onorab Andre.

 

HON CLIFFORD ANDRE

Mersi Mr Speaker.  Mon ti krwar nou pour dispense avek prezans sa 2.  Be selman i pa konsern zot.  Be selman.

 

MR DEPUTY SPEAKER

Ok mon kapab eskiz CEO Morin avek Deputy CEO, Valmont, tou le de CEO, Deputy, mersi bokou.  E nou ava eskiz zot parmi nou.

 

(CEO PHILIPPE MORIN AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

Ok, Onorab Andre.

 

HON CLIFFORD ANDRE

Wi, Mr Speaker mon ti pe zis sey rod en pe klarifikasyon avek PS.  An ki nou ankor pe diskit lo Bidze e mon krwar nou pour bezwen pran Bidze dan son totalite a en serten pwen.  I annan serten vot Minister e lazans ki zot in vini zot in eksplik nou, e nou’n vot lo zot Bidze. In vin – mwan mon’n ganny averti lo serten diskisyon swit a sa bann vote ki nou’n vote e i pa paret ki sa bann dimoun letan zot in ganny eksplike i sa ki nou, nou’n ganny eksplike la dan sa Lasanble.  So mon pe gete ki prosedir, ki prosedir ki nou pour servi, si i annan enn pour nou kapab annan sa rektifikasyon.  Akoz si en Minis oubyen Sekreter D’Eta, oubyen e lot dimoun in vini in donn nou en serten leksplikasyon lo ki mannyer sa vot ….

 

MR DEPUTY SPEAKER

Kontinyen Onorab Andre.

 

HON CLIFFORD ANDRE

Ki mannyer sa vot i pour ganny servi, e nou, nou’n vot lo sa premise si oule.  Aprezan letan bann staff in ganny eksplike, letan zot in ekoute, me letan zot in ganny eksplike pa sa egzakteman ki pe ganny arive. So ki mannyer, nou, nou pour rektifye sa si i annan en metod pour nou rektifye sa isi.  Si napa PS i ava eksplik mwan.

 

(Interruption)

 

HON CLIFFORD ANDRE

Mwan mon pe demann en klarifikasyon.  Mon krwar nou bezwen ekout kanmarad, sanmenm sa ki nou bezwen eksplike.  Ok.  Akoz mwan mon oule en klarifikasyon pour pep Seselwa konnen ki mannyer son larzan pe ganny depanse. Nou pa kapab zis vini dir nenport kwa dan en Lasanble. Apre larzan pa pe ganny depanse parey in ganny dir. So sa ki mon pe demande pour pep Seselwa mon pe demande. Mersi.

 

MR DEPUTY SPEAKER

Pwen i kler Onorab.  PS Payet oule fer en komanter.

 

PS PATRICK PAYET

Mersi Mr Chair mon krwar mazorite bann teknisyen Gouvernman letan i vin devan Lasanble i annan bann assurances ki nou fer.  E mwan mon fer sir ki lo kote Minister Finans nou note at the end of the day ki nou met li as senior management meeting ki nou fer sir ki pour nou kapab donn repons sa Assurance Committee. E secondly mon krwar proposal ki pe ganny fer avek Onorab through FPAC osi nou kapab vwar bann deliberasyon ki’n ganny fer, e bann komitman ki’n ganny fer par bann teknisyen dan Gouvernman.  So mon krwar through FPAC, through Assurances, nou kapab vwar sa.  Si annan ki kekfwa bann Onorab i feel ki kekfwa i annan keksoz ki in ganny devwale par bann teknisyen me ki kekfwa i pa an konformite – zot ti kapab met sa a latansyon kekfwa sa 2 Komite osi. Mersi.

 

MR DEPUTY SPEAKER

Ok.  Onorab Henrie.

 

HON GERVAIS HENRIE

Mersi Mr Chair, zis avan nou ale pour mwan remind PS Payet, pa oubliy nou dokiman lo Liberation Memorial Funds ki ou ti promet nou.  Mersi.

 

MR DEPUTY SPEAKER

Ok.  Pwen ki’n ganny fer sorti, nou deza annan en sistenm an plas pour nou fer follow up. Okenn Minis, okenn zofisye ki vin serten, ki’n donn serten komitman, serten lasirans dan Lasanble nou annan mwayen pour nou fer swivi.  Ok?   Bon demen nou annan serten komitman nou Manm Lasanble me nou pour napa Lasanble. Nou pa pe kontinyen ek prosesis Bidze demen.  Nou pour repran sa Zedi 9er bomaten.  Me bann Manm, nou annan en meeting 9er edmi avek bann zofisye FIU e apre Manm Bills Committee pour rankontre 11.15.  Ok avek sa nou ava adjourn.  E Lasanble i a repran son travay Zedi 9er bomaten.

 

(ADJOURNMENT)