Home » Verbatim » 2017 » Verbatim Tuesday 19th December, 2017

Verbatim Tuesday 19th December, 2017

NATIONAL ASSEMBLY OF SEYCHELLES

 

Tuesday 19th December, 2017

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou dimoun dan Lasanble.  Bonzour tou bann koleg, bann zanmi konpatriyot Seselwa ki pe ekout nou.  Ozordi le 19, nou annan en long lazournen devan nou e nou espere ki avan 5er nou a’n fini sa Order Paper ki devan nou.  Avan nou konmans nou travay ofisyel mon ti a kontan fer de mo remersiman.    Premyerman mon ti a kontan remersye mon Depite – nou Depite Onorab Prea ki letan mwan mon ti pe les mon labarb pouse, li i ti pe debrouye.  Alor mon ti a kontan remersye ou Deputy.  Tou feedback ki mon’n gannyen se felisitasyon, kalm, profesyonnel e ethical.  Dezyenmman mon ti a kontan lo lapar Stephen Pillay e mon lapar personnel konman Speaker, e tou la fanmir Pillay i en gran klan pou remersye tou dimoun dan Lasanble e an deor Lasanble ki’n senpatiz ek nou avek lanmor madanm mon premye frer – mon premye belser e mon ti a kontan dir zot mersi bokou lapar tou ou fanmir.  Parey mon’n dir ozordi nou annan en lazournen sarze e mon ti a kontan fer en lapel ek tou dimoun ki the Order of the Day se brevity; savedir nou’n koz en kantite, nou’n fer en kantite travay pandan lannen e la nou pe apros Nwel ozordi i annan bokou keksoz pou nou pas lo la.  Alor mon ti a  kontan ki nou gard nou kalm, tenir nou disiplin e nou koz avek brévité pou vinabou avans vitman.  Zot annan Order Paper devan zot e nou ti a kontan konmans avek 2 Rapor avan nou kontiny lo bann Bills.  Nou ti a kontan annan2e Rapor ki ganny prezante devan zot.  Premye se rapor lo Select Committee lo lensidan Novanm le 25 sa lannen e mon ti a kontan demann Chair sa Komite Onorab Ramkalawan.  Parey zot okouran zot in ganny enformen sa komite ti ganny formen par Lasanble e ti annan tou le de kote latab ti reprezante lo Komite.  Mon ti a kontan otan ki posib Onorab, mon konnen i annan en kantite keksoz ki’n pas lo medya lo sa lensidan annou fer li within 10 to 15 minutes si posib – pou nou bouze, akoz i annan en dezyenm Rapor.  Mon a donn toudswit laparol Onorab Ramkalawan.

 

HON WAVEL RAMKALAWAN

Bonzour Mr Speaker.  Mersi bokou e welcome back.  Bonzour tou bann Manm Onorab, bann koleg Onorab e tou dimoun ki pe ekout nou.  Mr Speaker i donn mwan en gran plezir pou prezant rapor ki komite lo sa lensidan le 25 Novanm in prezante.  Premyerman les mwan dir Mr Speaker ki, tou Mam komite in siny sa Rapor e savedir i pa en rapor sorti lo zis en kote me i en rapor inanim lo lapar Komite ki ti ganny sa latas pou fer sa.  E bann Manm ki ti lo sa komite sete Onorab Simon Gill koman Vis-Prezidan, Vis-Chairperson, Onorab Ahmed Afif, Onorab Bernard Georges, Onorab Basil Hoareau, Onorab Flory Larue, Onorab Sebastien Pillay koman bann manm ordiner e mwan menm konman Chairperson.  Mr Godfra Hermitte ki sorti dan Sekretarya ti ganny, ti ganny apwente sekreter sa komite e madanm Florette Dufresne konman Stenographer.  Mr Speaker metod ki nou ti servi se ki tou le 6 temwen ti ganny enteroze separeman bann temwen apard Onorab Ferrari e Lieutenant Colonel Naiken ti ganny garde an deor lasal dan ki lanket ti pe ganny fer ziska zot tou ti’n arive pou evite ki parol i ganny araze.  Bann lanket ti ganny fer pandan 7 erdtan Vandredi le 15 Desanm 2017 apartir 9.30 bomaten.  Tou temwen ti bezwen pret Serman pou donn levidans.  E lo sa pwen la Mr Speaker mon zis anvi dir ki parfwa i annan kestyon deor lo dimoun ki dir ki Lasanble konmsi pe vin koman  en Lakour.  Me zis pou enform piblik ki lartik 104 nou Konstitisyon ki diriz nou.  E la Lasanble Nasyonal son bann komite i ganny sa menm pouvwar avek Lakour Siprenm letan pou li apel bann temwen, i kapab fer zot pran Serman anba Oath e apre sa i kapab osi demande ki bann dokiman i ganny prezante.   Mr Speaker la en bann rezimen bann levennman ki’n ganny etabli.  Ti annan de lensidan e dan tou lede Lieutenant Colonel Philip Naiken ki dan SPDF e Onorab Jean-Francois Ferrari ki en Manm Lasanble Nasyonal ti enplike ladan.  Tou  lede lensidan ti ariv Mont Fleuri pandan sa apre midi le 25 Novanm 2017, pandan en levennman sport pou Militer a lokazyon Lazournen Lafors Defans.  Premye lensidan ti ariv zis avan 3er apre midi kan Onorab Ferrari ti pe dray son loto an montan semen ki al lekol Mont Fleuri, pou pran par dan en meeting EIA lo devlopman Ste Anne ResortLieutenant Colonel Naiken ti’n vin asiste aktivite sportif pou Lazournen Lafors defans.  An montan loto ki Onorab Ferrari ti pe drive ti pas dousman e pros  ek Lieutenant Colonel Naiken.  Trafik ti en pe bloke, akoz bann aktivite e transpor ti’n preski redwir semen pou vi en one wayLieutenant Colonel Naiken ti lo semen e ti’n vir son ledo ek semen e ti pe koz ek son bann koleg dan tim Volleyball ki ti’n ariv dan Final.  Lieutenant Colonel Naiken ti dir i ti bezwen saye apre ki i ti ganny averti ek en  solda pou evite ganny tape avek sa transpor ki Onorab Ferrari ti pe drive dousman an montan.  Lieutenant Colonel Naiken ti dir detrwa parol ki nou pa asire – akoz ou’n ganny diferan versyon ek ban temwen.  Onorab Ferrari ti rekonnet Lieutenant Colonel Naiken e aret son loto pou reponn li.  Ti annan e lesanz parol.  Lieutenant Colonel Naiken ti vire e mars pou al kot baro laplenn, tandis ki Onorab Ferrari ti pe demann a ot vwa si sa  ti fason pou en o zofisye dan SPDF konport li.  Onorab Ferrari ti answit antre dan son loto e ale.  Dezyenm lensidan ti ariv apre 4er apre midi kan Onorab Ferrari ti desann  semen lekol Mont Fleuri dan son loto apre meeting.  Kan i ti vwar Lieutenant Colonel Naiken Onorab Ferrari ti aret obor li e averti li ki i ti pe al Kordgard e ki i ti pou pran aksyon legal kont li.  Lieutenant Colonel Naiken pa ti reponn e ti pran son semen pou li ale.  Dan tou lede lensidan personn pa ti ganny menase.  Bann temwen.  Ti annan an total 6 temwen ki ti ganny kriye enkli sa de dimoun direkteman enplike dan lensidan.  Zot – la zot non se Onorab Jean-Francois Ferrari, Lieutenant Philip Naiken, madanm manmzel Jency Volcere DA Mont Feuri, Lieutenant Dave Mathieu, Kaporal Harry Victor, Kaporal Andre Leon, Mr Marcus Andoise.  Mr Speaker an gro, la levidans ki tou sa bann dimoun ti donnen.  Onorab Ferrari ti dir ki i ti pe al meeting kot Sant lekol Mont Fleuri anviron 2. 45.  An montan lale ex-Seychelles College dan Mazda nwanr le 25 Novanm 2017.  Sa ti kwensid ek Lazournen Lafors Defans e SPDF ti’n organiz en lazournen sportif lo laplenn Mont Fleuri.  I ti apros squash court an montan  dan son loto e depas speed bump e semen ti vin etrwat akoz plizyer loto ki ti’n park lo tou lede kote semen, i ti pe pas obor en group solda.  I ti tann zoure ler i ti pe drive an montan pros obor squash court.  I ti vwar e tann klerman Lieutenant Colonel Naiken ti pe zour li lo kote drwat semen an montan.  I ti arete  e sorti dan son loto pou reponn Lieutenant Colonel Naiken ki li ti vire e ale.  Lieutenant Colonel Naiken ti kontinyen marse ziska kot baro pli ba dan semen ki al kot laplenn.  Onorab Ferrari ti retournen e dir ek omwen en temwen ki i krwar Lieutenant Colonel Naiken ti ‘‘arogan e ti an defo.’’  Personn pa ti reponn.  Onorab Ferrari pa ti retourn dan son loto e diriz an montan pou al son meeting.  Anviron 1erdtan edmi pli tar kan Onorab Ferrari ti pe desann lo sa menm semen sorti dan meeting i ti vwar Lieutenant Colonel Naiken lo kote drwat e la Onorab Ferrari ti aret son loto, fer desann son vit e dir ek Lieutenant Colonel Naiken ki ti pe al raport li ek Lapolis e met en ka  devan Lakour kont li. Lieutenant Colonel Naiken pa ti reponn me ti koup semen pou al kot son bann koleg obor bis SPDF.  Onorab Ferrari ti demare e answit raport sa zafer ek Leader Lopozisyon.  I ti osi  fer en deklarasyon ek Lapolis.  I ti ganny apele pli tar par brigadye Leopold Payet ki ti  pe rod plis detay.  Onorab Ferrari in admet ki si i ti’n evite sorti dan son loto malgre ki i ti pe ganny zoure e maltrete, petet ti pou napa plis lensidan. Lieutenant Colonel Naiken i dir ki le 25 Novanm anviron 2.45 i ti pe debout lo semen obor en bis SPDF, obor squash court Mont Fleuri par lao en speed bump an montan lo kote drwat semen e i ti pe koz ek son bann koleg dan SPDF.  Semen ti etrwat akoz plizyer transpor ti’n park lo sak kote semen.  I ti vir – son ledo ti’n vir avek semen kan i ti antann enn son koleg kriye ‘’atansyon’’.  I ti vire e vwar en loto nwanr obor li ki ti frot ek son lipye.  I ti kriye an protestasyon e i ti realize ki sete Onorab Ferrari.  Onorab Ferrari ti aret son loto sorti e zour li.  A sa pwen Lieutenant Colonel Naiken ti devire e kit lasenn e ti fer sir ek son lanmen pou dir Onorab Ferrari ki li i kapab dir sa ki  li i anvi.  Lieutenant Colonel Naiken ti fer son semen pou al kot laplenn.  Onorab Ferrari ti swiv li pou en moman me Lieutenant Colonel Naiken ti pas dan baro e ti inyor lesey par Onorab Ferrari pou koz ek li.  Onorab Ferrari ti retourn kot son loto e ale.  Anviron 1 erdtan edmi pli tar Onorab Ferrari ti desann dan menm semen e rankontre Lieutenant Colonel Naiken ki ti pe debout lo kote drwat semen.  Onorab Ferrari ti zour dapre Mr Naiken e dir li k ii pou raport li ek Lapolis e met li Ankour.  Lieutenant Colonel Naiken pa ti reponn e ti vire koup semen an pasan par deryer loto Onorab Ferrari.  Onorab Ferrari ti demar son loto e ti napa ankor lensidan.  Lieutenant Colonel Naiken ti ganny apele par Chief- of-staff ki ti demann li si i ti’n enplike dan okenn lensidan.  Lieutenant Colonel Naiken ti  konfirmen e ti dir ki i pe al fer en rapor avek SPDF  e i t osi ede dan lanket SPDF.  Manmzel Jency Volcere DA Mont Fleuri i dir ki e 25 Novanm i ti zwenn Onorab Ferrari anviron  2. 40 kot biro DA Mont Fleuri akoz i ti krwar en meeting konsernan en devlopman lotel ti pe ganny fer kot biro DA.  Onorab Ferrari ti ganny enformen ki meeting pou fer dan lasal kot lekol, e zot tou le de zot ti kit biro pou sa meeting sakenn dan zot loto.  Loto manmzel Volcere ti par devan loto Onorab Ferrari.  Manmzel Volcere ti konfirmen ki semen kot lekol Mont Fleuri ti plen ek loto ki ti’n park tou dilon kot aktivite SPDF.  An montan i pa ti vwar okenn lensidan e pa ti vwar si Onorab Ferrari ti’ n arete oubyen ganny okenn diskisyon dan semen.  Manmzel Volcere ti arive dan lasal lekol avan Onorab Ferrari.  I ti dir ki avan meeting ti konmanse, Onorab Ferrari ti dir li i ti’n ganny ensilte par Lieutenant Colonel Naiken an montan semen.  Manmzel Volcere i dir ki fason e parad Onorab Ferrari ti’n sanze konpare ek ler i ti’n fek zwenn li pli boner.  I ti paret fristre e ankoler.  Mr Speaker Lieutenant Dave Mathieu dan SPDF i dir ki in avek SPDF pandan sa dernyen 12an e in travay dan menm Unit ek Lieutenant Colonel Naiken.  Le 25 Novanm 2017 i ti pe kordin aktivite sportif SPDF.  I ti osi pran par dan konpetisyon Volleyball. I pa ti vwar premye lensidan raporte zis avan 3er ant Onorab Ferrari ek Lieutenant Colonel Naiken akoz i ti pe refri en match volleyball dan sa letan.  I ti  antann lo sa lensidan atraver diskisyon ek Kaporal Victor imedyatman kan i ti vin kot bis SPDF.  Kaporal Victor ti enform li ki Onorab Ferrari ti’n konfront Lieutenant Colonel Naiken pli boner e ki Onorab Ferrari ti’n swiv li ziska kot baro pli ba ek semen.  Ant 3er e 4er Lieutenant Mathieu ti vwar Onorab Ferrari desann dan en loto nwanr, e aret vizavi ek Lieutenant Colonel Naiken ki ti lo kote drwat semen an de sandan.  Onorab Ferrari ti aret son loto obor kot Lieutenant Mathieu ti pe debout – lo kote gos semen.  Onorab Ferrari ti fer desann son vit loto e zoure e ensilte Lieutenant Colonel  Naiken e dir li ki i pou raport li ek Lapolis e met li Ankour.  Lieutenant Colonel Naiken pa ti reponn li me ti pas par deryer loto e koup semen pou al kot son bann koleg.  Onorab Ferrari ti demare e ti napa ankor lensidan.  Kaporal Harry Victor dan SPDF i dir ki in avek SPDF pandan sa dernyen 15an e in travay avek Lieutenant Colonel Naiken pou sa dernyen 9an.   Le 25 Novanm anviron 1er Kaporal Victor ti pe debout pres ek squash court Mont Fleuri par lao speed bump par lao semen lo kote drwat e ti pe koz ek son bann koleg dan SPDF.  Kaporal Victor ti pe debout devan en bis SPDF an fas ek semen ki vir an desandan.  Lieutenant Colonel Naiken ti pe debout lo semen vizavi e an fas ek li lo trotwar.  Semen ti  etrwat akoz plizyer transpor ki ti’n park lo tou le de kote semen.  Kaporal Victor ti vwar en transpor pe vin anver zot.  I pa ti pe al vit.  Sa transpor ti apros kot Lieutenant Colonel Naiken ti pe debout e la Kaporal Victor ti kriy ek Colonel Naiken pou dir li ‘’atansyon’’ e pou vey sa loto ki ti pres ek li.  Loto Onorab Ferrari ti frot ek lipye  Lieutenant Colonel Naiken e sete la ki  Lieutenant Colonel Naiken ti  kriy en parol me Kaporal Victor pa ti rappel egzakteman kwa ki i ti dir.  Kaporal Victor ti realize ki drayver ti Onorab Ferrari kan i ti sorti dan son loto e ti pe zour Lieutenant Colonel Naiken.  Lieutenant Colonel Naiken pa ti reponn i ti vire e mars pou al kot baro pli ba dan semen.  Onorab Ferrari ti swiv li en pti zistans e Lieutenant Colonel Naiken ti antre dan baro e inyor Onorab Ferrari ki ti pe kloz ek li.  Onorab Ferrari ti retourn kot son loto pe konplent, lo Lieutenant Colonel Naiken e ti dir detrwa mo zoure kan i ti pe fer referans lo Lieutenant Colonel Naiken.  Onorab Ferrari ti antre dan son loto e dray an montan.  I pa ti vwar li retournen.  Kaporal Victor pa rapel rakont sa lensidan avek Lieutenant Mathieu.  I ti antann pli tar ki Onorab Ferrari ti’n desann  sa menm semen e konfront Colonel Naiken e answit ale e ti napa ankor lensidan.  Kaporal Victor ti osi ede dan lanket fer par SPDF.  Kaporal Andre Leon. Kaporal Andre Leon in travay dan menm unit ek Lieutenant Colonel Naiken dan SPDF.  Le 25 Novanm ant 2er e 3er Kaporal Leon ti pe anmar son lase soulye obor en bis SPDF ki obor squash court Mont Fleuri par lao en speed bump an montan semen lo kote drwat.  Lieutenant Colonel Naiken ti pe debout lo semen an fas ek trotwar –

 

MR SPEAKER

Onorab sorry pou mwan enteronp ou.  Mon krwar tou Manm i annan en kopi sa rapor. Am I correct?

 

HON WAVEL RAMKALAWAN

Mr Speaker –

 

MR SPEAKER

Mon konnen dimoun deor pe ekoute.  Sa ki ti anmar lase soulye sa ki ti delarg lase soulye silvouple sey round-up lo sirtou bann rekomandasyon.  Mersi.

 

HON WAVEL RAMKALAWAN

Mr Speaker mon bezwen zis dir ou ki Lasanble Nasyonal in ganny ensilte par piblik deor akoz nou ti pran desizyon pou pa pas an direk sa lanket.  E rezon ki nou pa ti pas li an direk sete akoz langaz, nou ti pe protez moralite piblik.  E alor Mr Speaker si nou pa donn sa rapor antye nou pou al ganny en lot kalite – ou konpran mwan prezan.

 

MR SPEAKER

Bon mon’n konpran ou prezan, eskize mon pa ti la me ler mon’n tann sa bann zafer langaz zour kanmarad isi laba i en pti pe disturbing.  Me selman mon konpran si ou dir ki piblik ti reakte akoz zot in abitye tann tou keksoz transparan – alor dan sa ka mon a les ou proceed.

 

HON WAVEL RAMKALAWAN

Ok. Mersi bokou Mr Speaker.  Mr Speaker, Kaporal Leon ti vwar en loto pe monte dan direksyon kot Lieutenant Colonel Naiken ti pe debout.  Sa loto pa ti pe vin vit me i ti pe vin pre kot Lieutenant Colonel Naiken ti pe debout e Kaporal Victor ti kriy ‘’atansyon’’ ek Lieutenant Colonel Naiken pou averti li pou evit sa loto. Loto ti frot ek lipye Lieutenant Naiken e la Lieutenant Colonel Naiken ti kriye an dizan, ‘’ki ou problenm ?’’  Kaporal Leon ti vwar Onorab Ferrari sorti dan sa loto nwanr e konmans zour Lieutenant Colonel Naiken.  Lieutenant Colonel Naiken pa ti reponn i ti devire e al kot baro pli ba kot semen.  Onorab Ferrari pa ti swiv li.  Lieutenant Colonel Naiken ti pas dan baro e inyor Onorab Ferrari ki ti pe sey koz ek li.  Onorab Ferrari ti anbark dan son loto pe konplent lo Lieutenant Colonel Naiken e dir detrwa betiz kont Lieutenant Colonel.  Onorab Ferrari ti answit dray son loto an montan semen.  Detrwa minit pli tar Onorab Ferrari ti desann menm semen dan menm loto e ti aret vizavi kot i ti pe kontinyen anmar son lase soulye.  Onorab Ferrari ti sorti dan son loto e konfront Lieutenant Colonel Naiken, in  zour li e dir li pou raport li ek lapolis e met li Ankour.  Lieutenant Colonel Naiken pa ti reponn e ti devire pou al kot son bann koleg e Onorab Ferrari ti demare.  I enportan pou note dan rapor nou’n mete ki konman Chairperson sa Komite – mon ti bezwen aret sa enterogasyon. Tou manm Komite ti dakor avek sa desizyon akoz sa temwen ti’n prezant li konman enn ki ou pa ti kapab krwar son parol e son temwannyaz ti en kontradiksyon tou sa ki ti’n ganny prezante par son bann koleg.  Dernyen temwen sete Marcus Andoise ki ti abitye travay avek Lieutenant Colonel Naiken dan SPDF e ozordi in kite dan Larme e i pe travay pou li.  Dapre Mr Andoise 2. 25 le 25 Novanm i ti deside pou al regard bann aktivite SPDF lo laplenn Mont Fleuri.  I ti  dray son loto dan lale lekol Mont Fleuri e park desandan pou al kot laplenn pres avek squash court.  I ti vwar Lieutenant Colonel Naiken pe debout obor son loto lo menm kote kot li i ti’n park.  Mr Andoise ti al kot Lieutenant Colonel Naiken pou fer en konversasyon.  E la Mr Andoise ti vwar en loto Mazda nwanr pe desann sa semen ek Onorab Ferrari lo volan.  I ti aret vizavi kot Lieutenant Colonel  Naiken ti pe debout.  Onorab Ferrari ti fer desann son vit, ensilte e zour Lieutenant Colonel Naiken e dir li i pou raport li ek Lapolis e met li Ankour.  Lieutenant Colonel Naiken pa ti reponn  e ti devire pou al zwenn son bann koleg lo lot kote semen.  E Onorab Ferrari ti demare e Mr Andoise ti al regard bann aktivite.  Onorab Ferrari dapre Mr Andoise pa ti kriye me selman i ti ankoler.  Personn pa ti pou tann sa lesanz parol ni menm Lieutenant Mathieu.  Ti annan zis en pick-up Kia vizavi kot sa lensidan ti arive.  Sa bis SPDF ti pli ba dan semen e personn otour sa bis pa ti pou kapab tann sa diskisyon akoz zot ti tro lwen.  Ti napa ankor lensidan.  Mr Speaker nou lanaliz.  Baze lo temwannyaz ki’n ganny prezante ti annan de lensidan.  Premye lensidan Onorab Ferrari ti pe dray an montan lekol Mont Fleuri probableman ant 2. 45 ek 3er.  E lensidan 2, kan Onorab Ferrari ti pe desann dan son loto lo semen lekol Mont Fleuri probableman ant 4. 15 ek 4.30.  Dan premye lenstans i parey Onorab Ferrari ti pe dray an montan sa lale, e ti pe diriz pres kot Lieutenant Colonel Naiken ti pe debout akoz semen ti sere.  Lieutenant Colonel Naiken ti sote ler loto ti’n vin pres avek li e kriy avek Onorab Ferrari.  Onorab Ferrari ti reazir ler i ti tann sa bann parol e i ti sorti dan son loto pou proteste kont langaz ki i ti’n tande.  Lieutenant Colonel Naiken ti devire e sorti pou evit plis konfrontasyon.  Pou dir si dan premye lensidan Lieutenant Colonel Naiken ouswa Onorab Ferrari ki zis zoure, i difisil pou determinen akoz kontradiksyon dan temwannyaz.  Lieutenant Colonel Naiken i dir i pa’n zoure.  Kaporal Victor ek Kaporal Leon i dir zot pa’n tann Lieutenant Colonel Naiken pe zoure menm si zot in tann li dir serten parol ki zot pa rapel.  Onorab Ferrari i dir ki Lieutenant Colonel Naiken ti regard li direkteman e zour li.  Lieutenant Colonel Naiken i dir Onorab Ferrari ti zour li kan i ti sorti dan son loto. Kaporal Victor i dir li i pa’n tann Onorab Ferrari pe zour Lieutenant Colonel Naiken selman i rapel kan Onorab Ferrari ti maltret Lieutenant Colonel Naiken dan en fason vilger apre.  Kaporal Leon i dir ki Onorab Ferrari ti zour Lieutenant Colonel Naiken kan i ti sorti dan son loto.  Dezyenm lensidan, dan dezyenm lensidan kan Onorab Ferrari ti dray an desandan i ti vwar Lieutenant Colonel Naiken ankor e averti li i pou raport li e answit pourswiv li Ankour.  Lieutenant Colonel Naiken ti devire e ale pou evit plis konfrontasyon.  I difisil konnen si Onorab Ferrari ti zour Lieutenant Colonel Naiken dan dezyenm lensidan akoz temwannyaz i kontredir.  Lieutenant Colonel Naiken i dir Onorab Ferrari ti zour li.  Lieutenant Mathieu Kaporal Leon ek Mr Andoise tou le 3 in konfirmen ki Onorab Ferrari ti zour li avan i ti ale.  Mr Andoise ti osi dir ki Lieutenant Mathieu avek Kaporal Leon pa ti pou kapab tann sa konversasyon kot zot ti ete sa letan.  Onorab Ferrari i dir zanmen in zour Lieutenant Colonel Naiken – i senpleman enform Lieutenant Colonel ki i ti pe raport li e pourswiv li.  Temwannyaz kontradiktwar.  Sa ki kler se ki ti annan kontradiksyon ant bann temwannyaz bann  diferan zofisye SPDF.  La 3 legzanp.   Lieutenant Mathieu i dir Kaporal Victor ti enform li ki Onorab Ferrari ti swiv Lieutenant Colonel Naiken tou dilon semen ziska baro. Kaporal  Victor i dir i pa’n zanmen rakont okenn lensidan avek Lieutenant Mathieu e ki Onorab Ferrari ti mars zis detrwa met an desandan.  Kaporal Leon ti dir i ti zis obor kot sa lensidan ti arive, in dir ki Onorab Ferrari ti sorti dan son loto, me pa’n zanmen swiv Lieutenant Colonel Naiken.  Lientenant Colonel Naiken i dir Onorab Ferrari ti zour li kan i ti sorti dan son loto.  Kaporal Victor i pa mazin sa, malgre i ti obor Onorab Ferrari ek Lieutenant Colonel Naiken.  Dan dezyenm lensidan.  Lieutenant Colonel Naiken ek Lieutenant Mathieu i dir ki lensidan ti obor bis SPDF zis apre 4er ki 1erdtan edmi apre lensidan.  Kaporal Leon i dir sa ti swiv 5 a 10 minit apre  premye lensidan dan 3er dan son prezans.  Mr Andoise i dir lensidan ti ariv 3er me pli o lo semen.  E definitivman ni Lieutenant Mathieu, ni Kaporal Leon pa ti pou tande akoz zistans.  Kwa ki the findings of the committee. 

Komite i krwar ki pa tou laverite ki’n sorti dan sa lanket.  Nou pa ti enpresyonnen par bann kontradiksyon dan levidans donnen par bann zofisye SPDF.  Zot temwannyaz pa ti kredib eksepte ki ti annan de lensidan parey ki ti’n ganny eksplike par Onorab Ferrari ek Lieutenant Colonel Naiken.  Sa i regretab, akoz i met an dout laverite ki nou ekspekte gannyen avek bann zonm-dan-liniform.  I bezwen ganny note ki tou bann temwen ti koleg pre avek Lieutenant Colonel Naiken e ki sa bann lensidan ti ariv dan milye en levennman SPDF.  Ti napa temwen lo kote Onorab Ferrari pou siport son temwannyaz e ti napa okenn temwen endepandan pou ed Komite kapab balans levidans ki’n ganny prezante. Dan son Rapor Komite pa la pou deside lekel versyon ki vre e son manda pa obliz li fer sa alor Komite pa pou fer sa eksepte poudir konm swivan.  Komite i santi sa lensidan ti’n kapab ganny evite si Lieutenant Colonel Naiken e Onorab Ferrari ti’n reste kalm e pa les zot lemosyon pran kontrol.  Nou konsyan malgre ki si loto Onorab Ferrari ti’n frot ek lazanm Lieutenant Colonel Naiken sa ti pou fer li mal azir.  Pareyman nou konpran reaksyon Onorab Ferrari pou li anvi reponn sa dimoun, ki’n sipoze zour li.  Ti napa okenn menas ou entimidasyon e a okenn moman letan sa lensidan ti pe arive. Nou rekomandasyon.  Baze lo sa Rapor nou fer sa bann rekomandasyon swivan :-

  • Dan en sityasyon konfli kot napa okenn laparans agresyon zofisye dan Militer i bezwen toultan respe kalm e adopte en latitid rod rezourd problenm, olye fer sityasyon agrave.

 

  • Respe i bezwen ganny donnen a tou moman ek nenport ki sivilyen ki pa arme ou okenn Manm dan nenport ki brans Gouvernman enkli Lasanble Nasyonal; espesyalman kan napa okenn menas ki evidan.  Kan sa pa’n posib nou rekomande ki SPDF i fer en lanket dan sa lensidan e pran aksyon neseser.
  • Tou solda i devret adopte standar disiplin pli o posib spesyalman kot i konsern zot konportman an piblik.
  • Nou demann Chief of Staff pou adopte en Polisi ‘zero tolerans’ pou mank disiplin.
  • Dezyenmman tou Manm Lasanble Nasyonal i bezwen gard zot tanperaman e mentenir kontrol dan en fason balanse dan bann sityasyon konfli. Standar disiplin pli o i ganny ekspekte avek Manm Lasanble Nasyonal a tou moman spesyalman dan piblik.
  • Trwazyenmman tou temwen i bezwen koz laverite spesyalman kot zot pret serman dan en lanket, enkli devan en Komite Lasanble Nasyonal. Fodre zanmen okenn langaz obsenn i ganny servi dan bann tel sityasyon.

 

Konklizyon.  De  lensidan ti arive pandan sa Sanmdi le 25 Novanm 2017, pandan Lazournen Sports pou zournen Lafors Defans lo laplenn  Mont Fleuri e tou lede ti enplik en Manm SPDF e en Manm Lasanble Nasyonal.  Sa  bann lensidan ti anmenn en lesanz parol ant Lieutenant Colonel Naiken ki dan SPDF e Onorab Ferrari ki en Manm Lasanble Nasyonal.  Personn pa’n zanmen ganny  menase.  Sa bann lensidan ti’n kapab ganny evite si tou le de kote ti’n reste kalm e pa servi langaz obsenn.  Komite i swete ki si zanmen i annan en bann tel lanket ankor ki bann Lorganizasyon ki enplike, i anvoy enn zot Manm Senior pou ekout deroulman lanket.  Sa pratik pou ede fer sa Lorganizasyon mye konpran bann size enportan ou relevan ki konsern zot.  Avek Mr Speaker mon anvi prezant ofisyelman Rapor Komite sa Select Committee avek Lasanble Nasyonal.  Mersi bokou.

 

MR SPEAKER

Mersi Onorab Ramkalawan Chairman sa Select Committee.  Nou ti’n tonm dakor dan ABCAssembly Business Committee – mersi, ki pou napa deba lo sa rapor e mon krwar ki tou Manm i annan en kopi si zot napa zot a ganny en kopi sa Rapor detay parey in ganny prezante par Chairperson.  Alor nou  ava al toudswit lo dezyenm rapor lo Order Paper ozordi.  Sa Rapor provizwar ki Islands Committee in fer lo Aride e ankor on a sey demann Chairperson pou sey anmenn li bref, koumsa ki nou kapab pran bann Bills.  Onorab Ramkalawan eseye mon a  donn ou la parol ankor.

 

HON WAVEL RAMKALAWAN

Bon mon a seye Mr Speaker.  Sa enn  la i bokou pli kourt alors i ava al pli vit osi.  Mr Speaker sa Rapor i dezyenm rapor enterim prezante par Komite Zil. Premye ti lo Zil Coetivity, e mon  bezwen dir ki nou tre dezapwente ki ziska prezan ni menm en feeback nou pa’n gannyen avek Gouvernman.  E sa Rapor i swiv en vizit lo Zil Aride ki Komite ti fer le 14 Desanm 2017 lo lenvitasyon Islands Conservation Society – ICS propriyeter Zil Aride.  Komite i santi ki i enportan e neseser pou prezant sa rapor imedyatman swivan sa vizit etandonnen plizyer konsern ki’n ganny souleve pandan nou vizit.  Komite ti vreman enpresyonnen avek lenportans Ile Aride an sa ki konsern lanvironnman Sesel.  Me nou osi konsernen avek bann mankman dan lezislasyon ek laplikasyon bann Lalwa konservasyon ki an fors ozordi.  Bann leson ki nou tire lo Ile Aride e pli boner dan lannen lo Aldabra, D’Arros ek St Pierre pou asiste Komite letan nou fer rekomandasyon lo proteksyon bann zil Sesel.  Mr Speaker an zeneral Ile Aride, i zil pli granitik dan nor dan nou larsipel.  I dernyen ros solid avan ou ariv L’Inde.  E sa zil in  ganny prezerve prensipalman akoz son izolasyon.  Me sa izolasyon i bon lo en kote akoz i pli gran zil granitik Sesel kot pa’n zanmen annan lera, me i danzere pou li akoz i pre avek Praslin e lefe i son sel lans kot ou kapab debarke i an fas Sid i vedir ki pandan vann swet pa kapab debarke e son e son rezilta se ki son reveni avek touris i diminyen e sa i fer ki i difisil pou mentenir zil.  Ile Aride ti ganny aste e ganny donnen avek Royal Society of Wild Life Trust L’Angletere par Mr Christopher Cadbury an 1973.  Ziska prezan la fanmir Cadbury mye koni pou son sokola i kontinyen fer bann gran Donasyon pou Ile Aride menm si ozordi se ICS en Lorganizasyon non- profitab ki pe okip sa zil.  Mr Speaker Ile Aride i tre enportan pou bann popilasyon zwazo-d-mer dan Losean Endyen.  Sa i enkli plis diferan lespes zwazo ki ponn ki lo nenport zil Sesel eksepte Aldabra ki annan enn an plis ; e sa i enkli plis ki tou bann lezot zil granitik azoute ansanm.  I annan pli gran popilasyon mondyal pou de lespes.  Sa ki nou apel Kordonnyen ek Riga.  I pli gran popilasyon ras en roseate tern ki son  non syantifik i ganny nonmen apre Ile Aride li menm.  E i annan pli gran popilasyon  zwazo Fregate lo bann zil granitik.  E i sel landrwa les avek Aldabra kot payanke lake rouz i ponn.  Mr Speaker an adisyon i annan 5 zwazo andemik lo Ile Aride e syantis lo sa zil in ranmas bann lenformasyon ki pli enportan dan lemonn, parski sa bann lenformasyon in ganny anmase dan en peryod konsistan e kontinyel pou en pli long letan.  E en eleman tre enportan ki pe  ganny ranmase se par egzanp pe montre ki poudir bann lespes zwazo-d-mer pe bese e sa i enteresan pou bann syantis.  Mr Speaker staff konservasyon lo Ile Aride i raporte ki zot ganny harass par dimoun ki vin touy zwazo lo zil e osi vol dizef.  E dan en serten sans konservasyon malgre ki bann Lalwa in ganny ekri, i paret enpresyonan me i mank sa langazman pou aplik zot.  E Mr Speaker sa i fer ki bann wardens lo sa zil pe toultan pe struggle parski bann dimoun i vini e lo en zil ki obor li, Ile au Fou zot kontinyen pandan sezon dizef zwazo vini vol tou dizef e ziska aprezan napa personn ki’n ganny arete.  Alor Mr Speaker Komite Zil i anvi fer sa bann propozisyon swivan  ki nou espere ki Gouvernman i ava pran  an konsiderasyon e osi ki ICS i ava pran an konsiderasyon.

  • Premyerman nou pe demande ki Ile Aride i donn plis piblisite lo son stati ek sikse avek bi atir plis viziter spesyalman Seselwa.
  • Avek bi pou ogmant reveni pou son travay nou pe demande ki ICS i konsider ofer akomodasyon lwe dan en gran kaz renouvle pou bann viziter.
  • Trwazyenmman nou pe ensiste ki Gouvernman i pran en langazman pou reviz tou bann Lalwa lanvironnman e konservasyon avek bi met plis lanfaz lo laplikasyon efektiv.  E nou pe osi demande ki Gouvernman i met plis sekirite pou vey bann landrwa proteze.
  • Nou demande ki bann rangers lo tou bann zil proteze e ki pe okip nou bann landrwa proteze i ganny sa pouvwar arestasyon; savedir pou aret dimoun.
  • E nou osi demande ki Gouvernman  atraver son Bidze i siport bann landrwa proteze tel ki Ile Aride finansyerman, pou asir e fitir soutenab dan lentere Nasyonal.

E finalman Mr Speaker Komite Zil Lasanble Nasyonal i rekonnet travay ki ICS ek bann travayer li Ile Aride pe fer.  E don zot out sipor ek lankourazman pou gard sa zil konman en perl pou konservasyon.  Nou rekonnet lasistans ki ICS in ofer nou Komite pou kapab vizit Ile Aride.  Sipor ki staff ICS ek Lasanble Nasyonal in ofer pandan sa vizit e letan nou ti fer sa vizit ti annan Mrs Lucy Cadbury pti zanfan Mr Cadbury ki ti  la e alor nou profite pou nou eksprim sipor.  Nou rekonnet sipor ki la fanmir Cadbury in donnen pou aste sa zil e dedye li pou konservasyon  e mentenir son vokasyon konman en landrwa spesyal pou proteksyon lanvironnman.  Mon oule remersye tou Manm Komite Zil ki ti reisi vin lo sa vizit.  Sa 2 MNA Praslin e Onorab Afif ki’n montre gran lentere e donn bokou sipor.  Mr Speaker avek sa rezimen mersi bokou e mon prezant Lasanble avek Rapor e mon anvi dir Mr Speaker ki mon ti’n ganny ziska 9er 45 pou prezant sa de rapor e mon krwar  mon pa’n tro mal fer.  Mersi bokou.

 

MR SPEAKER

Mersi Onorab.  Annefe wi ou pa’n tro mal fer.  Mersi e petet nou a konsidere vi ki i annan 2 rekomandasyon tre enportan regardan bann dimoun ki vin vol dizef lo zil.  Apre parey ou’n mansyonnen the power of arrest ki bann rangers i gannyen.  Petet ki nou annan en serten konsiltasyon avek Komisyoner Lapolis avek Biro Prokirer Zeneral pou fer vin sa bann rekomandasyon, fer zot vin operasyonnel dan lavenir.  Tou fason mersi Chairperson Islands Committee pou sa rapor e parey lot nou pou napa deba lo la e nou pou al lo nou lot item.  Wi Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun. Mr Speaker anba Order 36 mon ti ava kontan raise a matter of privilege;  konman Chairman Komite Lasirans.

 

MR SPEAKER

Ok.  Go ahead. 

 

HON GERVAIS HENRIE

So mon le zis atir ou latansyon e latansyon Lasanble ki le  17 Novanm Minis pou Tourizm Lavyasyon, Sivil avek Por ek Marin – Mr Maurice Loustau- Lalanne ti vin devan nou Lasanble e i ti donn en lasirans ki le 10 Desanm i pou donn Lasanble Nasyonal lenformasyon lo Air Seychelles; par le 10 Desanm e ozordi dat ki nou’n arive ziska la nou pa ankor tann nanryen.  E solman nou pe tande poudir i annan bann devlopman ki pe arive dan Air Seychelles enkli depar son CEO ki tre pre.  E prenon kont lenportans Air Seychelles koman nou lakonpannyen aeryen nasyonal mon santi poudir i ti’n merit onor son lasirans e donn Lasanble en update lo sityasyon Air Seychelles pou ki bann travayer ti kapab konnen ki pe arive.  Mersi bokou.

 

MR SPEAKER

Mersi Onorab mon krwar ou pwen i tre enportan.  Efektivman mon ti ankor isi mon ti dan Chair ler Minis Loustau-Lalanne ek son ban zofisye ti vini e ki ti annan bokou deba lo Air Seychelles.  Ler mon’n retournen osi mon vwar i annan en gran interview ki sa msye ki ti CEO in kite in donnen avek Lapres.  Ki mon a fer mon  adonn Clerk oubyen Deputy pou – ou le koz lo la.  Wi Clerk ou annan la parol.

 

MADAM CLERK

Mersi Mr Speaker.  Mr Speaker mon ti a kontan zis aport a latansyon e latansyon  bann Manm ki mon lofis ti fer neseser pou kontakte lofis Minis Loustau-Lalanne e i pa ti ankor dan en pozisyon pou li  pronons son lekor.  Zis pou met sa a latansyon.  Mersi Mr Speaker.

 

MR SPEAKER

E petet la ki nou a fer mon krwar sa ki Onorab Henrie in leve i tre enportan vi ki deba ti piblik e bokou staff Air Seychelles ti a’n kontan pas zot Nwel ek Lannen dan lasirans zot lavenir.  So ki nou devret fer pandan Break Clerk swa ou menm oubyen mwan menm nou a sey kontakte Mr Maurice Lalanne si i dan pei pou vwar si – m on pe koz pros avenir savedir a lafen lannen  pou annan  serten detay ki i pou donnen e nou a deside dan ki fason ki nou pou resevwar sa konman en Lasanble.  Me sa pwen ki’n leve par Chairman COGA i vreman enportan dan laliny lalimyer ki nou’n diskite pandan Bidze.  Ok?  Mersi Onorab pou lev sa pwen.  E prezan nou ava al lo pwen 4 lo azanda ki devan zot e mon a demann Clerk – nou pe pran Premye Reading i annan 3 Public Bills, nou  a demann Clerk pou read Education (Amendment) Bill 2017.

 

MADAM CLERK

Mersi Mr Speaker annefe i annan 3 Bill pou nou fer First Reading bomaten.  So dan lord parey i aparet lo nou Order Paper. 

This act may be cited as the Education (Amendment) Act of 2017 and shall come into operation on such date as the Minister may by notice in the Gazette appoint.  2enm Bill.  This Act may be cited as the Income and Non-Monetary Benefits Tax (Amendment) Act of 2017.  E 3enm. This Act may be cited as Seychelles Pension Find (Amendment) Act of 2017.  Mersi Mr Speaker.

 

MR SPEAKER

Mersi Clerk pou sa 3 Bill First Reading, sa 3 Public Bills.  E prezan mon krwar nou pou al lo item 6 si mon papye i byen.  Pou al lo Second Reading bann Public Bills.  E premye ki nou pou konsidere se Education (Amendment) Bill, 2017.  E mon espere Minis Morgan i la ek son lekip.  Clerk?  I la nou kapab silvouple Parliamentary Assistant apel Minis ek son lekip silvouple.  Bon nou a swet byenveni Minis Joel Morgan, Minis Ledikasyon ek Devlopman Resours Imen avek Dr. Decommarmond ki son PS e Mr Dora konsiltan avek lezot lekip sorti Ledikasyon apre sorti kot Attorney General’s Office.  E petet a sa pwen i bon pou nou since nou pe al lo Second Reading nou a rod en Mosyon pou nou suspend – Onorab De Commarmond –  pou nou suspend serten Standing Orders.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour Minis ek ou delegasyon.  Bonzour tou Manm Onorab e tou dimoun ki a lekout.  Mr Speaker anba Order 91(1) mon oule move to sispann Order 64(1) nou Standing Order pou nou sot sa 7 zour requirement ki demande ant Premye ek Dezyenm Reading en Bill pou nou move dan Dezyenm Reading sa Prozedlwa ki devan nou ; savedir Education (Amendment) Bill, 2017.  Mersi.

 

MR SPEAKER

Mersi.  Onorab Gill.

 

HON SIMON GILL

Bonzour Mr Speaker.  Bonzour Minis ek tou koleg Onorab ek manm piblik.  Mr Speaker mon segonn Mosyon parey in ganny move.  Mersi.

 

MR SPEAKER

Mersi Onorab.  Vwala i kler Mosyon in ganny propoze e segonde.  Nou a pran en vot.

Tou bann ki dakor avek Mosyon lev zot lanmen?

 

 

MADAM CLERK

Mr Chair 17 Manm an faver.  Mersi.

 

MR SPEAKER

Onorab Ramkalawan.

 

HON WAVEL RAMKALWAN

Mr Speaker i enportan mon krwar, an menm tan osi parski piblik deor nou’n dir fer li nou Lasanble e piblik deor i swiv tou sa ban keksoz.  I kapab annan serten manm piblik ki ava ekri poudir – be la i la Lasanble in fek fer First Reading la prezan i pe fer Second Reading.  E mon krwar i enportan pou klarifye ki sa Bill i date le 11 Desanm.  Nou ti pou’n fini fer son First Reading semenn pase eksepte ki ti annan en fot lo Official Gazette.  Zot pa ti’n liste sa Amendment Bill lo Official Gazette e sa i rezon prensipal akoz ki nou pe tonm dakor ki menm si nou pe fer First Reading bomaten nou’n sispann pou fer Second Reading parski ti annan en for semenn pase.  So zis pou eklersi sa ki konmsi nou pa pe kas bann Lalwa dan en fason ekstraordiner.  Mersi bokou.

 

MR SPEAKER

I enportan ki sa klarifikasyon i ganny fer.  Onorab Leader Government Business. 

 

HON CHARLES DE COMMARMOND

Mersi Mr Speaker.  Mr Speaker sa Standing Order ki devan nou i ganny fer osi pou li kapab ganny servi.  So nou pe servi li dan en moman apropriye, e ki la devan nou.  E Mr Speaker anba  64(2) nou Standing Order Mr Speaker mon oule move ki the Education (Amendment) Bill  2017 i ganny lir en Dezyenm Fwa.

 

MR SPEAKER

Onorab Gill.

 

HON SIMON GILL

Mosyon i ganny segonde Mr Speaker.  Mersi.

 

MR SPEAKER

Tre byen. Mon krwar si Mosyon in ganny segonde, mon pa krwar i neseser pran en vot.  Mon a envit Onorab Minister.  Minis Morgan petet pou ou prezant Education (Amendment) Bill, 2017. 

 

MINISTER JOEL MORGAN

Mersi Mr Speaker.  e mersi tou Manm pou permet nou prezant sa Bill devan Lasanble Nasyonal bomaten.  E bonzour tou dimoun dan Lasanble, Mr Speaker, bann Manm e tou dimoun ki a lekout.  Mr Speaker Lalwa Ledikasyon aktyel ti vin an fors an 2004.  Pandan sa dernyen 13an ki sa Lalwa in an fors, plizyer devlopman in arive lo nivo sistenm ledikasyon e son lenplimantasyon dan nou pei.  Mon Minister in alor santi ki i nesesit en revizyon sa Lalwa pou pli byen reponn a sa bann devlopman ki nou fer fas avek.  Pandan sa peryod in osi annan lezot Lalwa ki’n vin an fors nasyonalman e lo nivo Minister Ledikasyon ek resours imen ki nesesit en pli bon nasyonalizasyon parmi serten provizyon Lalwa Ledikasyon pou etabli en lanvironnman legal ki pli byen armonize pou ankadre devlopman ledikasyon e resours imen dan le fitir.  I annan 5 Lalwa an partikilye ki enpakte lo Lalwa ledikasyon 2004.  Premye; Seychelles Qualifications Authority Act 2005.  Dezyenm Tertiary Education Act 2011.  Trwazyenm Institute of Early Childhood Development Act 2014.  Katriyenm Agency for  National Human Resource Development Act 2013.  E Senkyenm Children Act (Amendment) 2016.  Travay lo lamannman ledikasyon ti konmans an 2016 e i esansyelman adres 2 kategori amannman.  Premyerman en seri amannman ki anmenn en serten provizyon adisyonnel pou anrisir e elarzir serten seksyon Lalwa Ledikasyon avek bi ed mon Minister pli byen fer fas avek bann nouvo sirkonstans, ki pe enpakte lo plizyer laspe devlopman e lenplimantasyon ledikasyon lo nivo Nasyonal.  Dezyenmman bann lamannman ki pou pli byen armoniz provizyon Lalwa ledikasyon avek lezot Lalwa lo nivo mon Minister e osi lezot Lalwa anba responsabilite lezot Minister ki annan lenpak lo sistenm Ledikasyon ek resours imen dan nou pei.  Mr Speaker mon ti a kontan prezan entrodwir serten amannman spesifik ki pe ganny propoze dan sa Bill.  Anba seksyon 5 (a) sa Bill, Education Committee i fer provizyon kot i donn Minis pouvwar pou apwent en Education Review Committee.  Sa Education Review Committee i ava antreprann travay pou formil plan stratezik Sekter Ledikasyon, pou donn direksyon e gidans lo transformasyon nou sistenm ledikasyon.  I annan  repeal plizyer seksyon Lalwa aktyel ki annan pou fer avek ledikasyon Pos-Segonder avek Pti Anfans akoz sa i pou ganny kouver anba nouvo Lalwa Tertiary Education Act ki pe ganny revize e Institute of Early Childhood Development Act.  Seksyon 15 sa Bill i fer provizyon pou bann Special Education Programs e kot lenstans kot en paran ouswa gardyen sa zanfan i refize pou anrezistre sa zanfan  lo sa progranm sa i ava ganny refer  kot Tribinal Lafanmir pou desizyon ek aksyon.  Seksyon 43 sa Bill, i met en parti responsabilite lo sak etidyan pou son aprantisaz dan lekol.  Setadir nou pe met plis lanfaz lo sa etidyan pou li aprann lekol.  Anba Seksyon 48, Headteacher i ava kapab claim valer propriyete ki en etidyan i andomaze dan lekol avek paran ouswa gardyen sa etidyan.  Seksyon 72 i kouver drwa ansennyan, an partikilye i kouver premye ganny renimere dapre teacher Scheme of Service; dezyenm, ganny appraise dapre en teacher appraisal policy, e trwazyenm ganny permet pou partisip dan bann aktivite ki relye avek ansennyan ki ganny organize anba Lalwa ek regilasyon.  E finalman vin en Manm Teachers Council.  Seksyon 74 i kouver responsabilite ansennyan anver zot etidyan an sa ki konsern zot devlopman, zot progre, zot performans, e i osi met responsabilite lo ansennyan an sa ki konsern standar sa ansennyan dan lekol.  Seksyon 76 (1) i fer provizyon pou preskrir la fason ki evalyasyon bann standar lansennyman ek laprantisaz i devret ganny fer an plasan plis responsabilite lo bann Heads of Institutions parey Headteacher.  Sa i osi enkli responsabilite pou siperviz e diriz travay e standar bann ansennyan.  Seksyon 77 i en provizyon pou devlopman curriculum Nasyonal atraver en regilasyon.  Seksyon 83 (a) i fer provizyon pou en zofisye lapolis pa pli ba ki ran lenspekter pou kapab antre dan lekol an enforman Heateacher pou bann rezon spesifik anba Lalwa e osi  fer provizyon pou sa Headteacher demann en drug and alcohol test lo en etidyan avek konsantman son paran ouswa son gardyen.  E si sa dimoun i refize pou refer sa case kot Tribinal Lafanmir pou en desizyon.  Seksyon 87(2) (w) i fer provizyon anba regilasyon pou etabli sa social contract ki ava definir lobligasyon  etidyan, paran, ansennyan ek leadership lekol ki nou’n oz lo la plizyer fwa dan nou bann meeting piblik.  Mr Speaker  avek sa bann propozisyon ki dan Lasanble mon ti ava demann sipor Lasanble pou  bann lamannman lo ledikasyon.  Mersi bokou.

 

MR SPEAKER

Mersi Honorable Minister – Minis Morgan pou sa bann remark pou ouver deba.  Tou bann ki ti a kontan fer lentervansyon lo sa (Amendment) Bill, lev zot lanmen Clerk ek Deputy Clerk i ava pran note.

 

MR SPEAKER

Deputy ou pe pran.  Ok.

 

MADAM DEPUTY CLERK

Mersi Mr Speaker.  Bonzour tou dimoun.  Lo kote LDS mon annan Onorab Gervais Henrie, Onorab John Hoareau avek Onorab Sandy Arrisol avek Onorab Jean-Francois Ferrari avek Onorab Ramkalawan.  Mersi.

 

MR SPEAKER

Clerk.

 

MADAM CLERK

Mersi Mr Speaker.  Mr Speaker lo kote parti lepep mon annan Onorab Charles De Commarmond, Onorab Sebastien Pillay, Onorab Basil Hoareau e mon pa konnen si mon’n mank lezot ankor.  E Onorab Noline Sophola.  Mersi.

 

MR SPEAKER

Mersi. Alor Minis nou a pran bann kestyon, entervansyon, kestyon, komanter – epi ler nou’n fini tou dimoun in ganny sans koze ou ava en drwa pou ou reponn lo zot bann remark, lo amannman ki ou pe propoze ki devan nou.  E nou a konmans toudswit avek Onorab Sophola.

 

HON NOLINE SOPHOLA

Mersi Mr Speaker.  Bonzour tou dimoun.  Bonzour Minis avek ou delegasyon.  Minis sa Bill ki’n ganny prezante isi lo ledikasyon, i tre enportan, akoz i pe anmenn serten revizyon, serten sanzman dan lenplimantasyon bann keksoz ki nou ti pe fer.  E ler mon pe regarde i pe anmenn progre pou nou pei pou devlopman nou pei.  Me selman ler mon pe regarde dan tou keksoz ki nou pe fer pou nou annan sa sanzman nou pe travay pou nou re os nivo nou zanfan.  E pou sa parey ou’n dir fodre ki zanfan i pran zot responsabilite.  Zanfan i pran zot responsabilite e responsabilite i al lo de kote.  Zanfan i bezwen pran zot responsabilite e paran osi i bezwen pran zot responsabilite.  Mon krwar nou bezwen met bokou zefor pou paran.  Akoz dan lepase in arive ki nou dir nou pe met paran devan, me selman ler i ariv serten lensidan nou napa sa keksoz, nou napa sa zouti konkret dan nou lanmen pou nou deal avek paran.  Ozordi nou deal avek paran dan sa fason demen nou deal dan lot fason.  E alor paran i get away.  Mon krwar si nou anvi bouze nou bezwen fer en keksoz ki konkret.  Annan sa zouti parey i annan sa policy lo Behaviour mon krwar ladan in antre en bout pou paran ki nou tou nou firm, nou tou nou koz menm langaz.  Si ozordi sa paran in fer en keksoz, son zanfan in fer i vin kot PS, PS i servi son dokiman i vwar ki si sa ki annan.  E Minis osi kan i vin kot ou, ou lot ki vin kot ou nou servi menm langaz.  Non pa pou en zanfan entel nou servi sa enn, pou zanfan entel nou servi lot e la nou pa pou bouze.  Mon krwar sa i en eleman kle ki fodre nou regard lo la.   E osi dan lenplimantasyon nou bezwen fer keksoz servi sa chain of procedures ki nou annan.  Si en lensidan in ariv kot en lekol parey nou pe koz progre – si nou konnen si Headteacher ki fodre pe deal ek sa zanfan Headteacher ki deal.  Non pa pou msye ‘x’ i vin kot Minister Ledikasyon pou ‘x’ i al kot PS oubyen lot landrwa.  E ki mwan mon pe met lanfaz lo la, se ki nou  bezwen annan sa dokiman konkret dan nou lanmen pou nou travay avek. E Minis petet taler ou ava eksplik mwan en pti gin mon’n vwar  sa corporal punishment kot ou’n dir ni Head – ladan dan sa dokiman in  dir ni Headteacher ni Teacher napa drwa pou administer.  Petet lekel ki annan drwa administer sa corporal punishment kot lekol?  E sirtou ler nou pe pran en lekol elwanye parey La Digue, sa lensidan in arive kan ki sa corporal  punishment pou ganny met an mars ?  E osi involvement paran mon’n koz lo la e kot lekol nou annan Komite parey Council, nou annan  PTA.  Mon pa’n vwar nanryen ki in dir.  Eski Minis i i kapab dir dan sa sanzman ki rol PTA pou zwe?  Ki rol Council pou zwe pou nou anmenn sa ban sanzman dan ledikasyon ki nou pe rode?  E curriculum  nou’n dir nou bezwen ganny revize tou le 5an.  E sa i tre byen akoz mon krwar sa dire 5an i donn nou ase letan pou nou vwar failure nou success kot nou’n arive ladan, me selman mon oule konnen lekel ki pou asiz lo sa panel pou fer sa bann revizyon?  Eski bann teachers dan lekol?  Eski Headteachers oubyen zot annan bann panel endividi ki pou vin fer sa bann keksoz kot lekol?  Oubyen kot Minister Ledikasyon   Akoz souvandfwa in arive dan lepase kot teachers ki al travay me selman zot pa pe ganny met onboard ler sa bann revizyon i ganny fer e apre i annan bokou kritik ki vin avek.  E en eleman enportan ki ou’n koz lo la sa Special Education Program.  I byen ki si en paran- ou kot lekol ou’n detekte ki sa zanfan i annan en problenm.  Prezan ou lekol ou pe dir li me madanm ou zanfan i annan problenm i bezwen swiv sa Special Program. Ki mannyer nou travay Minister Ledikasyon avek Lasanble i antre ansanm e osi i vre nou pe dir sa eski lekol i ekipe pou sa bann zanfan Special Program?  Eski sa bann teachers in pare pou al travay avek sa bann zanfan akoz nou pe koz sanzman revizyon pou progre pei devlopman.  E mwan mon pe regard partikilyerman ler mon pe koze mon pe regard lekol La Digue e mon pa krwar – mon pa konnen si nou’n pare pou nou antre ladan la.  Si tou dimoun  in ganny sa formasyon neseser.  Si nou annan landrwa pou met  sa bann zanfan.  Si nou annan bann zouti esansyel pou nou travay avek.  E apre nou’n koz lo drwa ansennyan.  I normal ki tou ansennyan i konn zot drwa e la dan lasal Minis mon ti demann ou si nou annan en lawyer pou deal avek bann, pou  pran swen regard sofgard byennet bann teachers.  Ti dir i annan keksoz pe travay lo la me ziska maintenant napa nanryen ki mon’n tann dir e akoz konmela bann zanfan zot konn zot drwa ansennyan pa konn zot drwa.  Paran i konn  drwa deor me ansennyan  sel dimoun ki pa konnen.  Nou zis konn nou drwa ler keksoz in  arive, gravite n’arive e la nou bezwen al Ankour.  E avek sa de mo mon ti a kontan ki Minis taler ti ava eklersi mon lo sa bann keksoz.  Mersi.

 

MR SPEAKER

Mersi Onorab Sophola.  Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker.  Bonzour Minis ek ou delegasyon.  Bonzour tou bann lezot koleg.  Mr Speaker sa Bill ki’n vin devan nou in vin avek 34 lamannman.  I resanble  mwan ki apepre 40 poursan sa original Bill pe ganny amande.  E annan de ler ou bezwen demann ou lekor en kestyon si pa neseser pou re think sa whole Bill over repeal li e vin avek enn ki nef.  Ler ou pe gete 40 poursan sa Bill pe ganny amande.  Dezyenmman Mr Speaker mon ti a kontan petet ki Minis osi ti a pran an konsiderasyon ki si zot travay lo en nouvo Bill, zot kapab met li an armoni avek parey in ganny dir avan bann lezot Lalwa ki konsern Ledikasyon parey SQA, Tertiary Education, eksetera.   Akoz par egzanp si nou get lartik 5(h) ki pe ganny amande i pe donn Minis lotorizasyon pou li prescribe lo methods and procedures for award of qualification ki deza i pe mars en pti pe lo manda ki Qualification Authority i annan.    Bon pou nou konpran byen sa bann Lalwa sa bann lamannman ki pe ganny propoze, i neseser osi pou fer en pti tour lorizon pou get en pti pe dan listwar ki mannyer ledikasyon i ti ete e ki mannyer keksoz in arive pou nou kapab ganny sa bann Lalwa ki pe vin devan nou ozordi.  Ler nou  get oparavan dan lepok, avan lendepandans nou ti annan en sistenm kot ti annan lekol ki ti ganny administre par bann relizyez, Anglican, Catholic e menm Adventist.  E nou ti annan nou 2 Lekol Ekselans College avek Regina Mundi ki ti prodwi si ou le en kalite ledikasyon kot ti annan free thinking parmi son ban etidyan – e bokou parmi nou bann dimoun ki annan ban pozisyon kle dan Gouvernman ozordi ki par lao 50an in pas atraver sa bann sistenm.  E sa sistenm osi ti permet Entrance pou bann lezot zanfan ki ti mwen fortinen pou zot kapab antre e ganny free scholarship dan sa bann lekol.  Nou’n vwar ki apre Koudeta nou’n ganny n ou en prensip  Sosyalis marxist, ki’n anmenn en sistenm NYS kot tou dimoun ki ganny anvoye ler zot ti dan S3 oubyen P9 parey ti apele sa lepok.  Al 2an pou zot al sonny koson, poul, bef, lagrikiltir e kot bann size akademik ti ganny neglize bokou.  E sa i ti li menm in touy nou sistenm Ledikasyon ki ti pe prodwi en serten nivo performans pandan sa bann lepok avan.  Bon sa Bill in anmenn serten keksoz ki nef.  Keksoz kekfwa ki mon pou dir i son strong point sa Bill se ki in anmenn provizyon pou annan plis latransparans e accountability dan bann desizyon ki ganny pran atraver bann lekol.  So avek lotonomi ki pe ganny entrodwi dan lekol, sa i pou enportan.  Akoz san accountability mon pa pe vwar nou bann lekol kapab mannye, kapab fer sa perse.  Dezyenmman Mr Speaker ler mon get sa provizyon ki pou permet promote principles of gender equality i fer mwan en pti pe kontan, akoz an se moman mon pe fer en pti resers lo performance management dan sekter piblik e nou vwar ki apepre 60 poursan nou sekter piblik i okipe par bann madanm.  E ankor nou le – pou anmenn en promosyon pou gender equality dan ledikasyon petet, i a permet pou vwar akoz serten kad parey nurse, teachers, i ganny predominen par bann madanm e akoz osi bann garson pe under achieve.  Provizyon pou pibliy bann rezilta i osi en bon provizyon me selman sa ki mon pa kontan se ki dan sa provizyon i pe donn preogativ Minis pou pibliy sa ki li i  santi i apropriye.  Mon ti a petet vwar ki sa bout kot i dir dan  Lartik 4(2) (f) – ok :- ‘In such a manner as a  Minister considers approppriate’ petet plitar kapab ganny revize en keksoz  koumsa ; akoz bokou fwa ki nou’n vwar poudir rezilta legzanmen – par egzanp pou ler zot fer zot statistik, zot pibliy kantite zanfan ki’n pass oubyen par lao ‘C’ and above lo lakantite manrmay ki’n sit legzanmen olye lo lakantite manrmay ki’n fini lekol ki pou donn nou sa global picture ki mannyer nou lekol pe performen.  Akoz pou mwan si en manrmay pa pe anrezistre pou legzanmen enternasyonal, i montre ou  ki sa bann manrmay i osi form parti sa group failure.  So nou pa oule en laverite ki ganny ekonomize plito nou le en laverite ki kler.  So ki tou keksoz ki ganny pibliye i al da latransparans. Mon osi vwar provizyon pou enkli bann Board of Governance pou bann lekol sa i ava osi ede anver lotonomi bann lekol.  E dan seksyon 12 (d) (a) mon  vwar zot pe donn lotorizasyon pou charge fees, for educational services.  Ankor mon ti a  kontan en keksoz ki pli kler lo la, akoz ki kalite servis ki nou pou charge fees?  Si en lekol i deside pou charge fees pou dizon photocopy.  En lot pa deside.  En lot i deside pou vann bann stationaries, bann liv ensidswit.  So en serten  consistency  mon ti a kontan i ganny aparet dan sa Lalwa dan sa nivo.  Seksyon 15(3) i koz lo Special Education e pou mwan mon vwar plas dan Special Education pou osi en Lekol Ekselans – parski oparavan or petet dan sa Lalwa tro bokou langaz pe ganny mete lo Special Education the other extreme of it.  Konmsi lo kote bann dimoun bann zanfan ki gann6 problenm laprantisaz lo Special Education pou bann problenm disiplin me pou the gift and talented pa pe ganny catered for ki osi the other extreme of Special EducationSo mon vwar i mank serten keksoz dan sa laliny.  Mr Speaker mon vwar i annan en provizyon pou sarz bann paran R50mil pou lofans kot zot zanfan i kas Kod Kondwit an plizyer repriz.  Pou mwan sa i byen akoz i etabli konman en deterrent pou bann zanfan ki vin kas propriyete lekol oubyen ki pa pe respekte Kod Kondwit parey in ganny met an Kontra ant zot paran avek lekol.  Mr Speaker pou terminen mon ti a kontan dir poudir menm in anmenn bokou – i pe anmenn bokou an term pou sanz serten keksoz dan Ledikasyon aktyel me mon krwar poudir sa pli gran  fot dan sa bann Lalwa oubyen pli gran mankman se ki in konpletman ignore training vokasyonnel e teknik dan lekol segonder.  So mon ti ava kontan ki sa i ti ava ganny met an konsiderasyon, e nou ganny serten leksplikasyon akoz.  Mon pou vot pou sa Bill Mr Speaker me selman – akoz mon krwar poudir i annan bokou keksoz ki pe anmennen ki byen, me selman mon ti a kontan poudir sa Bill i ganny revize at a certain point ki nou vin avek en Bill ki pli kordinen, ki pli al avek en Bill of sa whole Act of Education, ki pli kordinen ki pli met an ansanm tou bann diferan laspe Ledikasyon.  Mersi.

 

MR SPEAKER

Mersi Onorab Hoareau.  Onorab Basil Hoareau.

 

HON BASIL HOAREAU

Mersi Mr Speaker.  Bonzour Minis ek ou delegasyon e tou bann Onorab e tou bann dimoun ki pe ekoute.  Mr Speaker sa lamannman sa Bill ki pe amann the Education Act, i en Bill ki mon krwar i al dan bon direksyon.  I en Bill ki annan bann keksoz pozitiv.  Pozitiv pou sistenm Ledikasyon an zeneral.  Pozitiv pou ban etidyan e pozitiv osi pou bann teacher, bann ansennyan.  Mr Speaker enn bann keksoz ki mon’n remarke dan sa Bill se – par egzanp kot i konsern bann lobzektif e bi ki i bezwen ganny- ki Minis i bezwen fer sir i ganny attempt dan ledikasyon.  Enn sa bann bi e lobzektif in ganny agrandi.  In ganny agrandi par egzanp i pe fer ki Minis pou bezwen fer sir ki i annan en revi konstan periodical review lo bann educational Policy ki Gouvernman pe met an plas.  E sa mon krwar i enportan ki sa i ganny met an ekri in black and white, parski i en bi tre enportan parski i pou fer ki nou sistenm ledikasyon i reste azour avek bann devlopman ki pe arive e pou fer ki letan i annan bann nesesite pou re adapte sa bann Polisi ouswa reviz sa bann Polisi sa i ganny fer.  E sa Lalwa in met an plas klerman.  Osi i annan en nouvo subsection dan seksyon 3 ki pe ganny anmennen e sa i pe basically provide bann fakter, bann keksoz, bann, keksoz ki bezwen ganny pran an kont, par bann dimoun ki pe enplimant sa Lalwa.  E letan nou dir dimoun pe enplimant i pa vedir zis Minis oubyen bann zofisye kot Minister Ledikasyon en me i enkli tou bann teachers, tou bann ankadrer ki travay dan lekol e zot ganny gide i annan i annan bann fakter ki zot bezwen ganny gide e sa mon krwar i enportan parski letan ou met sa bann fakter klerman sa bann ankadrer e bann ansennyan osi i konnen kwa ki zot bezwen pe pran kont letan zot pe donn ledikasyon nou bann etidyan.  Par egzanp i fer ki poudir bann dimoun ki pe met enplimantasyon sa Lalwa, i bezwen pran kont drwa ki bann zanfan i annan anba Konstitisyon anba lartik 31.  Zot bezwen toultan met sa an kont poudir sa bann zanfan.  I annan bann drwa ki zot bezwen respekte.  I annan osi ki zot bezwen pran kont pou zot promot konprenezon e osi respe pou nou Konstitisyon. Nou koz lo civic education mon krwar sa in deza pe ganny fer dan lekol be mon krwar i enportan ki sa i ganny me an plas pour ki dan tou- dan tou – i pa zis dan letan i annan sa civic education spesifikman, ki ganny fer ki bann ansenyan i bezwen met sa an pratik, me dan toultan ki zot pe donn ledikasyon nou bann zanfan  zot bezwen met sa dan- an plas e fer sir poudir sa i ganny respekte.  E zot bezwen osi fer sir poudir tou zanfan i ganny sa loportinite egal an term ledikasyon avek training.  Mr Speaker sa Lalwa in deza provide ki Minis i annan serten bann responsabilite spesifik.  Me sa ki enportan  lo la se ki par egzanp parey Onorab Hoareau in deza dir, Minis in deza annan sa responsabilite pou li evalye bann louvraz ki pe ganny fer dan bann lekol Gouvernman.  In deza annan sa responsabilite me la ki  Lalwa pe dir li se ki i pou  bezwen pibliy sa bann rezilta.  Mon pa dakor ek Onorab Hoareau letan i dir Minis pou deside  kwa ki i pou pibliye.  Me ki  Lalwa i dir li i pou deside ki mannyer i pou pibliye.  Eski i pou pibliy sa atraver medya?  i pou pibliy sa atraver en rapor ki i kapab soumet ek Lasanble me lenportans se k i bezwen pibliye.  I bezwen pibliye e mon krwar sa i tre enportan parski letan nou koz latransparans sa i en legzanp kler dan latransparans e mon krwar sa pou ede improve level of education dan nou bann lekol.  Parski letan Minis, bann Zofisye Ledikasyon e bann ansennyan i konnen poudir sa Rapor i evantyelman ganny pibliye e i pou ganny met dan domenn piblik mon krwar sa i pou fer ki pou annan en pe plis – mon pa pou le servi presyon me  en pe plis impetus si mon kapab servi sa mo pou zot delivre dan zot responsabilite e mon krwar sa i al dan en bon direksyon.  E osi en keksoz enportan ki nou bezwen note, enn bann responsabilite ki Minis i annan now anba sa bann amannman ki pou annan letan sa bann amannman i ganny pase, se i bezwen etabli en teacher appraisal system.  Nou tou nou konnen ti  annan en issue an relasyon ek appraisal bann teachers.  Annefe  kestyon ti ganny met devan sa Lasanble an relasyon ek bonus pou bann teachers an relasyon  pou lannen pase. E ti annan en ta issue ki ti arise.   Nou konnen  poudir i annan bann teachers ki ti pe dir zot pa ti konnen ki kriter ki ti pe ganny servi pou zot ganny assess.  E la letan pou annan sa appraisal system an plas mon krwar ki tou teachers e dan latranparans ankor, tou teachers pou konnen ki ban kriter ki zot  bezwen meet dan sa appraisal e  sa osi  letan i kler nou pou napa okenn lakizasyon preferans.  E dezyenmman i osi enportan parski sa teacher letan li i konnen ki kriter i bezwen meet i konnen egzakteman kwa ki i bezwen achieve. Kote pou ganny son, pou ganny appraise pou li ganny en bonus i konnen kwa ki i bezwen achieve e sa i ava ankouraz li.  I ava ankouraz li pou delivre e sa parey mon’n dir i en keksoz ki pozitiv pou bann teachers.  E Lalwa i annan  en lamannman ki i vin avek pli tar ankor ki osi dir poudir letan bann teachers i ganny appraise zot ganny appraise dapre sa sistenm.  Dapre sa sistenm e mon krwar sa i en keksoz pozitiv Mr Speaker.  Mr Speaker en keksoz ankor ki enteresan ki mon’n vwar pe ganny anmennen dan sa Bill e sa nou’n trouv li dan seksyon 5.  Kot sa seksyon kot i annan en serten lamannman  dan sa seksyon.  Se ki parmi ki koz lo fonksyon ki Minis i annan konman Minis pou Ledikasyon, se ki i pe ganny demande pou ankouraz bann etablisman ek fonksyon ek kordinasyon bann student bodies –  tre enportan e mon vwar sa tre pozitiv.  Nou konnen bann ki’n al Liniversite nou annan Student Union zeneralman dan bann liniversite be la petet nou pe dir ek nou bann etidyan menm a nivo segonder zot kapab organiz zot e Minis i la pou ankouraz sa pou annan sa bann student bodies mon pa konnen  si pou annan li.  Petet pou annan student bodies par rezyon, par lekol ouswa menm Nasyonal.  E sa ki  fer pou mwan i enportan parski i pou permet bann etidyan annan en lavwa.  Zot kapab group zot e annan en lavwa kot zot kapab met osi zot konsern.  Parski etidyan osi zot kapab annan son konsern ki i pou met devan ki i pli byen plase pou met son konsern devan ki swa atraver en lot group.  E pou mwan sa i en step vreman, vreman, vreman, vreman enportan e an men tan ki nou pe fer letan nou pe kree sa bann student bodies sa ban etidyan osi pe konmans ganny en sans responsabilite.  En sans petet leadership annan en rol e pou santi zot poudir zot osi parski zot osi zot en stakeholders dan sa sistenm ledikasyon.  Zot osi zot lavwa i ava ganny ekoute.  E mon krwar sa i en keksoz tre enportan e mon ti a kontan nou pa kit zis sa lo papye zis dan Lalwa me i ganny fer.  I ganny fer – mon pa konnen si nou parey mon’n dir rezyonal apre nasyonal me ouswa par lekol me selman mon krwar i enportan ki sa i ganny fer e i ganny met an plas.  Lot keksoz Mr Speaker ki enportan ki Onorab Hoareau in koz lo la se sa Education Review Committee.  E mon krwar Minis in servi the word Education Review Committee –aktyelman mon krwar nou pou propoz en lamannman parski i annan de term ki’n ganny servi i annan Educational Review Committee ki’n ganny servi dan sa provizyon apre plitar in dir Education Review Committee.  And i think parey Minis in ganny servi the right term should Education Review Committee.  E sa i enportan Mr Speaker parski sa Komite, sa Komite se li ki pou donn gidans e direksyon dan transformasyon e improvement nou sistenm Ledikasyon.  Sa Komite i pe zwe en rol tre enportan e li i bezwen ganny apwente at least en fwa tou le 5an e i bezwen annan 7 Manm.  E Onorab Sophola in koz lo bann dimoun ki devret lo sa Komite.  Mon dakor petet ou pou bezwen kekfwa en teacher ouswa en dimoun  ki travay dan Minister Ledikasyon me an menm tan mon ti a kontan trouv lo sa komite dimoun ki pa pe travay dan Minister Ledikasyon.  Parski mon krwar sa Komite leta mon get li i pou paret mwan i pou la pou parey mon’n dir i pou la pou improve  lo ledikasyon, lo education system e osi lo transformasyon.  Petet ti a bon i bann dimoun an deor ki get ek en lot lizye ki vwar keksoz dan en lot fason parski si ou pran dimoun ki deza dan Minister Ledikasyon ou met zot lo sa Komite – mon pa dir i bezwen at least annan enn sa bann dimoun me si  ou met zis zot lo sa Komite, then ou pa pe ganny en nouvo fason fer ou en nouvo fason vwar.  E mon krwar poudir dimoun an deor parey  nou’n dir  zot pou vwar se pou review en tan keksoz e zot, zot kapab get keksoz dan en fason pli obzektif vi ki zot pa dan sistenm li menm.   E mon krwar sa i enportan e mon ti a demande ki as much as possible nou met bann dimoun ki pa dan Minister Ledikasyon,  Mr Speaker.  Parski par egzanp  enn zot bann rol, zot bann rol ki zot annan spesifik ki Lalwa i dir zot ki bezwen revwar kondisyon nou bann lekol.  Zot ki kapab ale dir – be gete i annan  tel laklas i pa dan bon kondisyon e nou bezwen, nou bezwen trouv en solisyon pou sa.  Zot ki par egzanp zot kapab revwar evalyasyon nou national curriculum.  Nou konnen nou national curriculum se Minis ki fer.  Minis ki fer me sa Komite i la pou  revwar li osi e li i kapab gid Minis.  E pou  sa rezon ki mon mazinen poudir letan Minis pou fer son nation al curriculum i pou pran son  bann zofisye dan Minister Ledikasyon pou fer sa par egzanp.  Me i enportan ki i annan en dimoun an deor ki li i p al anndan li sa bann dimoun i kapab vreman get sa dan en fason endepandan ek en nouvo regar.  E petet la fer bann proposal ki kapab parey nou’n dir improve nou sistenm ledikasyon e zot osi zot pou la pou get lo supply of teachers.  Savedir zot a vwar si nou annan  en lack of teachers e petet rekomann ek Minis ki  bann mezir ki devret ganny met an plas, pou nou adres sa problenm.  Nou konnen  pou le moman nou annan sa problenm.  E petet sa komite i devret once ki i ganny etabli enn son bann premye latas se pou adres sa issue supply of teachers.  Mr Speaker en lot keksoz enportan dan sa Bill pou mwan se Special Education Program.  Lalwa in deza, in deza annan provizyon pou ki kot bann zanfan, bann zanfan ki swa annan problenm ki swa mwen for akademikman ki lezot zanfan ouswa ki annan problenm konportman ouswa problenm fizik, Minis i bezwen met an plas en Special Education Program.  Sa in deza an plas sa Mr Speaker.  Me ki ti pe arive ti napa fason pou enplimant sa dan bann sityasyon kot en paran pe refize consent pou son zanfan al dan sa progranm.  La prezan i annan en solisyon.  Solisyon se ki si en paran i refize Sekreter Prensipal pou Ledikasyon i kapab refer sa devan Family Tribunal e li Family Tribunal i kapab fer en lord, letan in pou’n get sa case si i krwar i annan merit ladan i kapab fer en lord ki sa zanfan i ale, i al dan sa Special Education Program.  Sa mon krwar i enportan parski  nou pe fer ki nou pa pe kit zis en paran pou pran sa desizyon ; parski paran parler i kapab ganny gide par lemosyon.  Petet i kapab dir be mwan mon pa anvi mon zanfan al dan sa progranm mon.  San realize petet i dan benefis sa zanfan pou al dan sa program, e mon krwar sa i tre, tre enportan e ki Tribinal konman sa Judicial body li i kapab get sa sityasyon e fer en desizyon dan lentere sa zanfan parski enn bann fakter kle ki Tribinal i bezwen ganny gide letan i pran desizyon se paramount consideration se the interest of a child e sa zot ava fer.  Mr Speaker en lot keksoz enportan e parski dan Lalwa in deza annan responsabilite ki etidyan i annan parski nou vwar i annan responsabilite Minis, responsabilite paran, responsabilite ansennyan e osi responsabilite bann etidyan.  E la ki pe ganny mete an black and white klerman, se ki i pe ganny azoute parmi bann responsabilite ki en etidyan i annan se ki sa etidyan i osi partly responsible pou son ledikasyon.  E nou pe dir basically avek bann etidyan poudir gete ou osi ou annan en rol, ou annan en responsabilite dan ou ledikasyon.  Alors nou pe demann ou pou pran sa responsabilite serye e parti  sa responsabilite se parey nou’n deza se etabli bann student bodies.  Mr Speaker mon’n koz lo responsabilite paran e annefe i annan lamannman kot i konsern responsabilite paran osi dan sa Bill e bann lamannman ki pozitiv. Ki pozitiv.   Bann responsabilite in deza la par egzanp i dir ek ou ki si en paran i ganny demande par teacher ouswa Headteacher pou li vin ganny – fer konsiltasyon an relasyon son zanfan i bezwen vini.  I bezwen vin kot lekol pou li konnen ki son zanfan pe fer dan lekol e sa i en responsabilite parantal ki egziste.  Lalwa pe dir li me pa bezwen Lalwa  pou dir ou sa.  Konman en paran mon krwar i dir tousel ki ou bezwen konnen ki pe pase kot ou zanfan pe etidye.  Sa i responsabilite ki egziste natirelman.  Me Lalwa in dir poudir in fer li en pti pe pli for in dir be gete vini e fodre ou vini letan teachers i demann ou pou vini.  E i osi demande ki en paran i siny sa Code of  Conduct pou student ki ganny issue par Minis e osi bann  rules ki lekol i ganny fer.  I bezwen sinyen e pa zis sinyen.  Pa dir li zis sinyen i dir li asire ki son zanfan i comply avek sa bann rules savedir an dot mo i pe dir avek sa paran ou osi ou annan en responsabilite pou swiv ou zanfan, pou swiv ou zanfan pou fer sa swivi neseser pu asire  ki ou zanfan i comply avek sa bann code.  E an plis ou osi ou annan en responsabilite pou anmenn disiplin dan ou zanfan.  Sa i kler.  Me ki lamannman pe ganny fer la prezan.  I pe dir poudir si en paran i breach sa bann responsabilite ki’n ganny donnen, i pe komet en lofans parski avan ti napa ledan pou morde ti zis la e mwan mon pe dir i plis ki ler ki sa i ganny met an plas e bann paran i ganny pourswiv.  E mwan  Mr Speaker mon ti a kontan demann ek Lapolis parski mon konnen mon’n travay ek Lapolis mon konn en pe fason panse  the mindset dan Lapolis parfwa.  Parfwa i annan bann lofans ki lapolis i dir be sa i bann pti lofans miner sa.  I annan bann keksoz pli enportan pou nou deal avek sa met de kote, sa en pti zafer be pa in siny sa code a son zanfan ki’n al fer problenm.  Li i pa’n fer problenm.  Be mon krwar poudir i enportan ki nou osi nou donn en lenportans sa ki pe ganny dir parski si sa zanfan ki pa pe comply dan lekol ozordi la li menm ki probableman dan 10an letan in vin en adilt li ki pou donn ou problenm dan sosyete pe komet lezot lofans.  So i enportan ki nou deal ek sa problenm la e nou – parey nou dir nou nip in the bud from the outset.  E alor ki sa zanfan letan nou’n deal ek son paran  son paran i ava konpran i annan  en responsabilite i a fer sir ki sa zanfan i displinen dan lekol, i en zanfan ki disiplinen zeneralman e ki vedir dan 10an nou pou napa problenm ek sa zanfan letan i vin dan sosyete i a vin konman en adilt e en sitwayen responsab Mr Speaker.  Mr Speaker annefe sa ki nou pe dir la dan sa seksyon la responsabilite parantal, i en keksoz ki trouve osi dan nou civil code sa zeneralman kot i koz lo parental authority, kot i dir ek ou koumsa poudir en paran i devret annan  Lotorite parantal lo son zanfan.  Mr Speaker lot provizyon dan Lalwa se sa ki konsern akse avek lekol pou bann Zofisye Lapolis.  La pou le moman i pe dir i annan detrwa kondisyon ki bezwen ganny satisfe avan ki en Zofisye Lapolis i ganny akse avek lekol.  Par egzanp  lo premises lekol par egzanp i bezwen selman en lenspekter ouswa par lao.  I bezwen enform Headteacher avan i antre da lekol e i annan lezot kondisyon par egzanp  si en lofans pe ganny komet dan lekol ouswa ki en lofans pe al ganny komet, ouswa ki zanfan ouswa en dimoun ki lo premises lekol i annan drog lo li ouswa keksoz vole.  Me mwan Mr Speaker la kot nou annan en pe problenm la mwan.  La mon annan en pe problenm.  Mon pa krwar i devret zis en lenspekter, mon krwar i devret nenport ki Zofisye Lapolis.  Parski nou deza konnen.  Nou annan  problenm shortage of Police Officers.  Ou dan Kordgard ou ti merit donn sa legzanp ek lekol Beau Vallon yer avek Onorab Hoareau.  Kordgard Beau Vallon pa lwen avek lekol Beau Vallon li.  Ou napa lenspekter la ou.  Ou annan zis de konstab.  Lofans pe al ganny komet.  Ou pa pe permet akoz- ki ou pe fer ou pe la ou pe anmar lanmen sa Zofisye Lapolis ou.  Mon konnen akoz petet nide – lenspekter konmsi pou donn en pti pe fer sir poudir napa lenterferans ek bann etidyan letan pe etidye – pe ganny fer dan en fason en pti pe pli dan lord.  Me an menm tan ou anmar lanmen lapolis, sa de konstab basically i kapab ariv an deor baro zis get anndan konmsi in a way letan mon mazinen i ti parey nou pe en school premises avek serten Lanbasad – ouswa premises bann Anbasader parey nou konnen anba Vienna Convention ki ganny proteze be nou pa kapab fer sa.  Mwan mon krwar nou devret larg lanmen Lapolis e les zot antre me selman provided i ganny fer dan en fason orderly – sa ki enportan.  Apre i annan provizyon ki koz lo drug testing ki kapab ganny fer avek konsantman – lo en etidyan i kapab ganny fer lo konsantman en paran e si sa paran pa donn son konsantman laplikasyon i kapab ganny fer kot Family Tribunal.  E be mon krwar an zeneral Mr Speaker parey mon’n dir i en bann lamannman ki al da nen bon  direksyon i annan keksoz ki  bon pozitiv pou nou sistenm ledikasyon an zeneral pou bann etidyan e pou ban teachers.  Mersi.

 

MR SPEAKER

Mersi Onorab.  Mon sir Minis i pran not ban pwen ki ou’n fer sorti responsabilite paran, zanfan ensidswit.   Vi ki i annan ankor 7 Manm ki annan drwa pou entervenir avan Minis i annan drwa repons mon krwar i enportan pou nou pran en Break la.  Nou a repran 11er.

 

(BREAK)

 

 

MR SPEAKER

Tre byen, nou annan en quorum, nou annan plis ki 17 alor nou a kontiny nou travay. Minis, mersi pou ou pasyans fotespere ou ganny en bon tas dite, en tas kafe ek ou lekip. Mon annan 2 keksoz mon ti a kontan lir si napa okenn obzeksyon evidaman avan nou repran nou deba lo sa Prozedlwa ki devan nou. Mon ti’n ganny en let sorti kot en madanm, Mrs Carlette Ball St Louis. Mon aprann atraver enn bann Leaders ki i annan en apology ki ti’n ganny fer.  Mon’n koz avek sa madanm pandan Break, i ensiste ki mon lir son let.  E vi son sirkonstans, mon’n deside pou lir son let epi mon a donn sans Onorab konsernen pou pran laparol. So sa let i date le 13 Desanm 2017 e mon lir li as is. ‘‘Dear Mr Speaker, I write to exercise my right of reply as to the statement made by the Port Glaud MNA, Egbert Aglae.  I find that the statement by MNA Aglae, mistakes worth it for Seychelles development to be both rash and insensitive to say the least. My contention and revulsion to it, is that MNA Aglae only express sorry to have offended.  This is not an apology and I doubt the sincerity of both the MNA and the political party that the MNA represents. Whilst MNAs may have immunity in the National Assembly, I wish to bring to the attention to MNA Aglae that the brutal murder of my partner Hassan Ally, to this day is painful.  There has been no closure, his body never found, the atrocities committed against his being before his last breath is unimaginable. The years I’ve spent in exile raising my children enduring all sorts of hardships, cannot be justified as mistakes worth it. I find MNA Aglae’s comments to be both offensive and insensitive to the pain and sufferings that I have had to endure.  To this day I am suffering immensely the consequences of the Parti Lepep revolution.  I would ask Mr Speaker that my objection and contention be read out as the exercise of a right of reply as afforded by the Constitution to those aggrieved.  I do not wish to ask MNA Aglae for an apology nor a retraction but that is a matter for MNA Aglae’s personal coincidence.  I am at the ripe age which at some point I will be called by the good Lord, but I wish no one to endure the pain and sufferings I have had to endure or suffered at the hands of the brutal SPUP/SPPF and Parti Lepep regime. Is that reconciliation?  Thank you, Mr Speaker. Yours Sincerely, Mrs Carlette Ball.

 

MR SPEAKER

I would now like to give the laparol before I read the next communication or note that I have to Honourable Aglae. Onorab Aglae, ou anvi dir en pti keksoz?

 

HON EGBERT AGLAE

Thank you Mr Chair. Good morning Ministers.  Morning all Members.  Minister, I already expressed my apology formally last week and I do stand by my apology that I made sincerely. Thank you.

 

MR SPEAKER

Mersi Onorab. Mon ti a kontan enform Madanm Ball, Madanm Carlette Ball ki en zanmi personnel, sa fanmir Tolle i ansanm ek lafanmir Pillay ki Onorab Aglae i actually mon MNA, mon reste Port Glaud, Port Launay dan son distrik e mon kapab konfirmen ki Onorab Aglae does not have a mean streak in his bone – parey Angle i dir.  I pa sa kalite dimoun pou ofans personn alor mon espere ou aksepte son apology because he is parey mon dir mon MNA and a good man.  I hope I’m not being biased an di-z-an sa but it comes from the heart. Dezyenm kominikasyon i en kominikasyon sorti kot Prezidan Larepiblik, Msye Danny Faure e mon fek gannyen la pandan Break. Mon ti a kontan lir li dan son entirety si mon kapab servi sa term Angle. ‘‘Dear Honorable Speaker,’’ the title is read as follows ‘‘SPDF’s reaction to National Assembly Select Committee Report on the incident on the 25th of November 2017. Please find attached Press Communique which will be released by the Seychelles People Defense Forces at 11 am. this morning. Yours Sincerely, Danny Faure.”

MR SPEAKER

I, as Speaker would like to read to you the communique which presumably is passed 11 alor in deza ganny anvoye kot bann media houses. It’s only fair ki vi bomaten Chairman Komite ti donn nou son rapor ki zot konn reaksyon SPDF. And it reads as follows and I quote; “Seychelles People Defense Forces, SPDF, has received a copy of the report of the National Assembly Select Committee on the incident on the 25th of November 2017 involving Honourable Jean-Francois Ferrari and an SPDF officer Lieutenant Colonel Phillip Naiken. After having gone through the report and after concluding its own internal investigation, SPDF has concluded that it is regrettable that such an incident happened and escalated as it did, given the maturity and status of both individuals involved and that of its commissioned officer in particular. As a disciplinary force, SPDF deplores such incidents and would like to stress that offenders and service personnel alike are taught   how to behave and respect members of the public as private citizens as well as  proper courtesies accorded to officers of different branches of Government including Honourable Members of the National Assembly. Such standards should be maintained at all times, both on and off duty and officers should always de-escalates the situation of confrontation especially in the public.  The inconsistencies of service personnel who appeared as witnesses before both the military Internal Investigation Board and the Select Committee of the National Assembly are viewed as being of poor judgment and misleading on their part for making such false statements. SPDF does not tolerate acts that put the forces into disrepute and will therefore summon the individuals concerned to face the Military Disciplinary Board constituted as per the Defense Forces Act and be reprimanded. SPDF is a professional disciplinary force which remains committed to its motto ‘Service before self’ and its mandate to defend Seychelles and its people.  The Defense Forces clearly understands its role and the separation of powers and will as always maintain a cordial working relationship with all branches of Government” End of Communique. And this press communique is not up for debate. Mon ti a kontan remersye zot pou zot pasyans pou donn nou sa loportinite konman en Lasanble, en House pou klersi sa bann keksoz.  E prezan nou a kontinyen avek nou deliberasyon lo sa Prozedlwa ki devan nou e mon a donn laparol toudswit Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun. Mr Speaker bomaten ou’n demann nou pou tre bref alor mon pou fer egzakteman sa.  Normalman bann Bills letan i ariv devan nou Lasanble a sa moman dan lannen nou konnen poudir i annan en lirzans ki Gouvernman i anvi sa Bill i vin anmars apartir novo lannen. Solman bomaten letan mon’n ekout Minis dan son prezantasyon mon santi kekfwa in mank sa loportinite pou li met dan konteks, akoz ki sa Bill i bezwen pase, e akoz sa bann lamannman spesifik pe ganny propoze.  Donk mon bref prezantasyon pou baze lo en pe klarifikasyon ki mon ti ava kontan gannyen.  Ozordi par egzanp nou konnen poudir bann defi prensipal ki Ledikasyon ki en sekter, tre, tre kle dan pei akoz ledikasyon i prodwir travayer, tou Seselwa konmsi i bezwen pas atraver sa sistenm Ledikasyon. Son Bidze i montre, i souliny lenportans sa sekter me solman nou konnen poudir i pe fer fas avek plizyer defi tel ki performans akademik bann etidyan. I annan problenm mank disiplin dan lekol.  I annan en mank resours ki swa imen ouswa bann resours, bann teaching aid parey nou dir e osi lenfrastriktir bann lekol i en pe pov.  Donk mon pe demann mon lekor mwan, ki mannyer alors sa bann nouvo sanzman ki pe ganny propoz pou ranvers en pe sa trend ki nou vwar ozordi.  Par egzanp sa propozisyon pou Educational Review Committee, enn bann keksoz mon ti ava kontan konnen se rezondet sa Komite, akoz pou en dimoun ki pe ekout nou laba deor i pou mazin li koumsa se ki i annan en Minis ki ganny apwente apre i annan bann civil servant ki sipoze pe donn li bann konsey donk nou pe deza pe donn zot sa konfyans pou zot fer sa bann keksoz ki nou vwar poudir sa Komite pou fer, alor akoz ki nou pou bezwen annan en tel Komite.  E bomaten bann kestyon ki Onorab Sophola ti leve i egzakteman sa ki mon ti ava kontan demande; par egzanp lekel sa bann dimoun ki pou lo la, en pe dan sa laliny koumsa. I osi annan sa propozisyon la kot bann zanfan pou ganny teste kestyon drog avek lalkol.  Nou konnen sa poudir lontan ti pe vini, pli boner sa lannen, si mon memwar i servi mon byen ouswa menm lannen pase, me selman Minis ti’n deza fer sa prononsman dan sa Lasanble lo sa size, donk nou ti konnen i pe vini.  Solman mon ti ava kontan pou nou kapab akoz sa i en nouvo keksoz, nou pe koz nou bann zanfan alor mon anvi konnen poudir be ki gravite sa sityasyon dan nou sistenm ledikasyon ozordi pou nou kapab apresye sa zefor ki Minister pe fer, pou ranvers sityasyon e pou osi dir poudir ok, nou konman Manm Lasanble nou pou pare pou siporte ki sa sanzman i ganny fer. Eski vreman an term statistik, pe annan bokou bann lensidan kot zanfan pe anmenn drog lekol, pe vwar sou, pe ganny tyonbo an posesyon bann zarm danzere. Mwan mon, dan mon distrik kot mon ete anfet nou napa lekol akoz La Rosière i St. Louis solman bokou nou bann zanfan i al laba, nou napa lekol segonder zot al La Rivière Anglaise, mon okouran en pe bann sityasyon me selman pou bann dimoun, bann paran dan mon distrik, mon ti ava kontan ki zot konn gravite sa sityasyon ki zistifye.  Alor ki Lapolis dezormen pou antre dan lekol pou fer sa bann keksoz ki sa Lalwa pe dir pou fer.  E dezyenmman i annan sa propozisyon pou nouvo School Council. Mwan personnelman mon ti a kontan vwar zis en striktir dan lekol ki PTA akoz i annan paran, ansenyan ki asize lo la, me nou’n deza fer sa konversasyon avek Minis e in deza eksplike petet akoz en Council osi i bezwen egziste a kote PTA konman en striktir dan lekol.  Me nou ti ava kontan konn en pe plis lenformasyon lo la.  Par egzanp lekel bann dimoun e dan ki fason ki sa Council pou ganny etabli. I pou par eleksyon, i pou par apwentman akoz ozordi nou konnen poudir se Prezidan ki apwent sa bann Council Chairman.  E ki pou nouvo rol PTA parski sa Bill, mon pe vwar li mon se ki pe demann paran pou annan plis responsabilite dan ledikasyon zot zanfan e vizavi lavi lekol, zot bezwen annan en pli gran partisipasyon.  Donk ki pou nouvo rol PTA. E mon ti ava osi swete ki dan nouvo lespri sa lamannman i annan en pe plis lanfaz ki ganny mete lo lanvironnman lekol tel ki bann fasilite pou bann manrmay kapab zwe ouswa bann teaching aid parey mon ti pe dir taler, i annan en pti pe plis sa ki nou bann lekol i ganny fourni avek.  Donk mon konsyan poudir resaman la dan bann semen ki’n pase bann zofisye Minister Ledikasyon in fer letour dan Sesel, kot zot i regroup dan rezyon e in koz avek bann paran e nou konman MNA nou’n ganny envite pou asiste sa bann meeting.  Nou prezant nou leskiz poudir laplipar nou pa ti kapab akoz i ti dan moman Bidze, nou ti bezwen swazir poudir nou bezwen reste isi pou nou kapab pran en desizyon enformen lo Bidze. E mon swete ki bann paran selman zot in ganny sans vin attend sa bann meeting konpran nesesite, e pou bann ki pa’n kapab asiste sa bann meeting se sa ki mon’n lev sa 2 pti pwen ki mon ti ava kontan Minis i remet lanfaz pou dir nou i annan sa lirzans.  E ki sa bann lamannman vreman pou anmenn en keksoz pozitiv dan sistenm ledikasyon Sesel apartir 2018 e ki nou pou vwar bann bon rezilta a lavenir. Mersi bokou Mr Speaker.

 

MR SPEAKER

Mersi Onorab. Onorab Woodcock.

 

HON WAVEL WOODCOCK

Mersi Mr Speaker. Bonzour Minis ek ou delegasyon. Bonzour tou dimoun. Mr Speaker, sa Education (Amendment) Bill ki devan nou i annan plizyer seksyon ou provizyon ki pe fer ki mon santi i annan serten merit.  E resaman Minis ansanm avek son bann lekip ti fer en meeting konsiltativ Praslin ki mon ti attend sa meeting, annefe pou diskit en pe bann keksoz ki ozordi nou pe vwar en serten sa bann lopinyon ki ganny refer sorti par manm piblik.  Mon pe vwar provizyon ki’n ganny fer dan sa Bill. Mr Speaker, sa bann lamannman i devan sa Lasanble plizoumwen akoz sa bann lensidan ki’n arive resaman. Resaman nou’n vwar plizyer bann menm latak lo teachers kot paran in antre dan lekol in bles teachers dan lekol.  Nou’n vwar plis lensidan vyolans dan lekol, nou vwar bullying is on the rise dan lekol e menm vandalism. Vandalism bann propriyete lekol, sez, latab; e pa zis sa nou pe osi vwar dan sa meeting ti ganny sorti byen for ki i annan en gran decline dan rezilta Nasyonal. Nou average Nasyonal, bann legzanmen Nasyonal ki pe ganny fer, bann legzanmen an zeneral i vreman ba e mwan mon santi ki sa lamannman i en fason, en attempt pou nou Minister pou deal en pe avek sa bann defayans, en pe sa bann issues ki pe ogmante dan nou pei.  Dan sa lamannman zot in koz lo ratio of teaching staff to children parey dan Seksyon 14(1) oubyen 2(f) e i byen ki Minister pe get dan lakantite etidyan par ansenyan. I vre ki i annan en mankman teachers e sa Minis li menm li in admet, in fer sorti a plizyer repriz e nou konnen dan lekol plizyer bann paran i konn sa tre byen. Me mwan mon vwar ki pli gro konsern ki Minis pou ledikasyon ki in osi admet se en mankman qualified teachers.  E nou ti osi fer resorti dan sa meeting ki mon ti attend e mon mazinen ki in ganny fer sorti dan bann lezot meeting ki from 2an… from P2 onwards i annan en gran decline.  Sa decline i bokou pli significant, bokou pli alarman ot i konsern laprantisaz e ledikasyon nou bann zanfan, performans nou bann zanfan dan lekol.  E Minis in osi admet ki lamazorite bann teachers lakres ek primer pa kalifye ouswa zot napa sertifika, zot uncertificated.  E kekfwa en kestyon ki mon ti a demann Minis en pe ki bann kriter ki zot in met an plas ki zot pe servi an se moman, pou anploy bann teachers pou teach nou bann zanfan dan lekol?  Akoz nou pa pou kapab ekspekte nivo nou ledikasyon, performans nou etidyan monte pou vin pli o si nou bann teachers ki nou annan dan lekol zot napa sa sertifika, zot napa sa kalifikasyon pou zot kapab ede fer monte nivo ledikasyon nou bann zanfan dan lekol. Alor kekfwa Minis i kapab dir mwan en pti pe anba sa Act ki bann provizyon ki pou ganny fer pou ensure ki nou pe ganny bann qualified teachers e osi pou deal en fason pou empower e equip bann ansenyan ki nou deza annan la pou anmenn zot lo en nivo en pe pli o ki zot kapab ede fer monte nivo ledikasyon, performans nou bann zanfan dan lekol.  En solisyon ki Minister in koz lo la ki zot pe antreprann pou deal en pti pe avek sa zafer mankman teachers dan lekol se pou fer vini bann teachers etranze. La zot pe fer vini bann teacher sorti Fiji avek Maurice, mon krwar i annan 15 ki pe antre dan pei byento.  Alor en lot kestyon ki mon pou demann Minis ki bann Polisi, ki provizyon ki i pe fer pou – parey mon pe dir pou empowerrsa bann teachers ki kekfwa mank sa bann sertifika pou ariv lo en nivo en pti pe pli standar. Plizyer mezir pe ganny pran pou deal avek disiplin dan lekol.  Dan sa Act  enkli fine pou bann breach of code of conduct par bann etidyan ; Onorab Hoareau in koz lo la sa fine R50 mil pou bann zelev ki breach Kontra e menm bann paran osi, sa mon krwar i en keksoz ki byen ki a vin detergent pou anpes… pou fer sir ki bann zanfan… deterrent, sorry, ki pou permet bann zanfan pou pran zot responsabilite e konport zot dan en fason apropriye dan lakour lekol. Lo paz 13 dan sa Bill, seksyon 15, 2 nouvo sub-section pe azoute, sub-section 5 avek 6, zis permet mwan vin lo la. Kot dan sa Seksyon i dir ‘‘where a child has been assessed and recommended to follow a special education program and the parent or guardian refuses to enroll the child on the program, the Principal Secretary shall refer the matter to the Family Tribunal established under the Children’s Act for determination. The Family Tribunal may compel the student to follow the special education program or refer the child to one of the establishments provided and maintained under Section 99 of the Children’s Act”. Mon konnen dan lepase ki’n annan bann… Minister Ledikasyon in ganny difikilte ler zot in anvi met bann manrmay lo bann progranm, sa i kapab bann etidyan ki annan problenm laprantisaz ouswa menm problenm konportman.  Me selman avek sa Seksyon ki pe ganny azoute Principal Secretary i kapab refer sa matter to the Family Tribunal ki kapab compel sa bann zanfan pou swiv sa bann Special Education Program ki mon krwar i neseser akoz ki nou vwar a plizyer repriz se i annan manrmay zot nivo laprantisaz i ba ouswa zot annan bann problenm behavioural e sa i a fer provizyon pou enforce sa menm si paran pa pe dakor, sa Tribunal i ava compel sa etidyan pou swiv sa progranm menm si paran pa pe dakor. E mwan mon krwar sa i en keksoz ki byen e i ava osi en fason pou anpes bann zanfan ki vwar i annan serten defayans pou enfliyans bann lezot zanfan ki annan sa lentere dan ledikasyon, ki annan sa nivo pou pa enfliyans dan en fason ki negativ.  Mr Speaker, en lot keksoz ki mon vwar i enteresan dan sa Bill se ki dan lepase parey mon krwar Onorab Gervais Henrie ki’n koz lo la ot i konsern donn Minister Ledikasyon en pti pe plis ledan. Mon krwar sa fine vre i enportan. Nou’n vwar dan sa Bill ki from now on pou vandalism ki bann zanfan ki bann etidyan i fer dan lekol, paran pou ganny demande pou sa bann aksyon ki bann zanfan i fer dan lekol pou bann vandalism, kas sez, kas latab, zanfan i vin lekol pou li aprann me pa pou fer sa bann act vandalism.  Alors si zanfan pe fer sa bann keksoz koumsa paran pou oblize pey en sonm pou sa bann domaz ki zot zanfan i fer lekol e sa mon krwar i en keksoz ki enportan ki pou ranforsi disiplin dan lakour lekol.  Oparavan ou en Headteacher lekol pou primer ouswa segonder pou pran serten mezir, serten aksyon disipliner, zot ti pou bezwen laprouvasyon Minister, me dan sa Bill, mon vwar ki i annan provizyon ki pou permet bann State School, bann Headteachers pou annan en pti pe plis lotonomi pou re-enforce code of conduct ek disiplin dan lekol pou enpoz sa lo zot bann etidyan ki mal konport zot.  Sa i en keksoz ki mon krwar i byen. Mr Speaker, permet mwan pou osi fer sorti sa, dan nou meeting, meeting konsiltatif ki ti fer Praslin, Minis fer sorti ki i annan en sonm R33milyon ki’n ganny allocate dan Bidze pou sekirite dan lekol.  Me menm si sa sonm in ganny bidzete i still annan problenm sekirite dan lekol.  Bann sekirite ki dan lekol an se moman plizyer lekol zot pa pe neseserman pe fer patrol, zot pa pe neseserman ran zot responsabilite.  E i annan still en mankman sekirite e drog i ankor pe antre dan nou bann lakour lekol. E mwan mon krwar ki Minister i merit fer en pe plis pou monitor e safeguard nou bann zanfan dan lekol.  E mon krwar ki mon pa vwar ase provizyon i ganny mete dan sa Act, dan sa amannman pou Minister re-enforce en pti pe sekirite bann etidyan e menm bann teachers dan lekol. Mr Speaker kot i konsern compulsory school age ki dan sa Act pe propoze pou ogmant li, mon krwar oparavan ti 15an, la i pou vin 17an, mwan mon santi ki i annan bann etidyan from 16 an a 17an ki ler zot in ariv sa laz zot nepli annan okenn lentere dan lekol pou aprann pou vin laklas e akoz sa zot sort of annan bann adverse effect lo bann lezot etidyan akoz zot zot pa enterese ladan. E mwan mon krwar ki Minister i bezwen rekonsider sa pou ogmant li pou vin 17 an, mon krwar i en pti pe tro bokou olye sa akoz ki Minister pa get dan posibilite ou met sa bann zenn dan bann plasman instead, dan bann landrwa travay kot zot kapab ganny bann training e aprann en metye ki i ava ed zot.  Initil ki Minister pe esey fors en zanfan aprann lekol kan i napa sa lanvi pou aprann. Kekfwa Minister i kapab get bann fason vokasyonnel dan bann, I don’t know, dan bann progranm dan bann Scheme kot bann zanfan i kapab al dan bann landrwa travay, aprann en metye, aprann en karyer.  Mon krwar sa kekfwa Minister i bezwen regete.  E mon dernyen pwen i kot i konsern drug and alcohol test lo 83(b) (1) kot i dir, “A Headteacher may, with the consent of a parent, request the authorities concerned to conduct a drug and alcohol test on a student. Where the parent of student refuses to give consent the Headteacher may refer the matter to the Family Tribunal established under the Children Act cap 28 for determination”. Sa mon krwar i en keksoz ki vreman relevan dan sa Bill – akoz dan lepase in annan bann ka kot paran pa’n donn konsantman pou fer bann tes lo zot zanfan menm si zot in ganny lekol ouswa Minister in ganny soupson konmkwa sa zanfan pe servi drog.  E mon krwar par lefe ki prezan Family Tribunal pou kapab antre ladan pou fer li ki zot kapab pran sa desizyon pou fer sa zanfan fer en drug test – menm si paran pa pe dakor, mon krwar i en keksoz ki enportan akoz sa i en fason pou nou idantifye lekel, si sa vreman sa zanfan pe servi sa dro.  E sa osi i ava vin en lot fason osi pou deter, pou anpes bann zanfan dan lakour lekol servi drog osi e dekouraz bann zanfan osi pou anmenn drog dan lakour.  Akoz ou konnen i annan bann sirkonstans osi kot enn ler i annan paran, nou bezwen admet poudir sa i egziste kot i annan paran ki ankouraz zot zanfan pou anmenn drog lekol pou vann avek zot kanmarad dan lekol. E i pou normal pou zot refize pou sa manrmay i fer tes menm si sa zanfan pe servi drog. Alor avek sa provizyon kot Head Teacher i kapab refer sa matter kot Family Tribunal mon krwar i en keksoz ki bon, ki relevan e sa osi i ava ede redwir en pe konsonmasyon drog menm dan compound lekol e lavant bann drog illicit, bann drog danzere dan lakour lekol. Avek sa Mr Speaker, sa mon 2 pti kontribisyon mon anvi fer lo sa Bill e mon ava ekout Minis son larepons apre mon ava pran en desizyon. Mersi Mr Speaker.

 

MR SPEAKER

Mersi Onorab Woodcock. Nou a donn laparol Onorab Arrisol apre Onorab Ferrari.

 

HON SANDY ARRISOL

Mersi Mr Speaker.  Bonzour Minis avek ou lekip. Bonzour tou Manm Onorab ek bann dimoun ki pe ekoute. Mr Speaker, mon ti a kontan premyerman dir Minis konman en etidyan Belonie Segonder e konman en ansyen staff Minister Ledikasyon ki ti travay kot lekol Belonie segonder ziska prezan mon pa ankor ganny en larantre kot lekol Belonie Segonder konman Manm Elekte pou distrik St Louis. Mon krwar ti ava byen menm Speaker Lasanble ti fer en lapel avek nou pou nou antre dan bann lekol, i enportan pa akoz nou MNA nou vini nou fer dominer nou zis walk in dan sa lekol. Konmsi i enportan pou nou Headteacher – acknowledge, e envit nou dan serten lenstans pou nou kapab ansanm vwar travay, rod bann keksoz ki nou kapab ed kanmarad ansanm.  I pa en zafer zis mon vini mon antre dan lekol Belonie akoz mwan ki MNA Elekte.  Alors mon vin vizit Headteacher oubyen mon vin vizit letablisman Minister Ledikasyon e mwan mon santi i pa fason ki mon devret fer. Mwan mon santi ki i bezwen annan en lapros par Headteacher, sa dimoun ki ansarz sa lenstitisyon par serten lenvitasyon e ou vini ou antre e apre apartir la nou kapab fer serten travay.  Mon’n kontan fer sa pwen an vi ki nou pe koz lo la.  Dezyenmman mon ti a kontan dir en keksoz letan mon ti en etidyan Belonie segonder sa letan sete Sister Jude ki ti la konman Headteacher, ti annan plizyer bann teachers ki ti la, Sir Franky Gonthier, Mis Bertha Camille, Ms Mericede Sauzier e Mis Claudia Chetty, Miss Helene Romain.  Sa letan ti obligatwar pou nou konman bann etidyan konnen lekel bann teacher i fer nou diferan size e sa ti en fason disiplin pou annan respe pou sa dimoun e pou nou konnen lekel li.  E sak bann ansenyan sa letan zot ti annan zot fason fer e nou ti konnen lekel sa enn ki nou ti kapab rikann avek, e lekel sa enn parey nou dir ti napa mous vole dan son laklas.  E ozordi napa sa. Ozordi letan ou zwenn en etidyan ou demann li lekel ki fer ou History? I konmans get dan plafon, i get lesyel, i konmans grat li en pti kou, savedir i pa konnen lekel, sa osi i annan dan nou lekol ozordi kot zanfan avek ansenyan pa vreman konnen ki laklas i sipoze fer Science, lekel son mis ki pe fer li en tel size. E la se la kot sa size respe i antre lo lapar bann etidyan. Mon konmans koumsa Mr Speaker parske ou konnen i annan en kantite Lalwa ki’n ganny enplimante par Minister Ledikasyon, i annan en kantite keksoz ki la pou bann zanfan, selman mwan mon santi parfwa poudir zot pa morde.  Nou annan plizyer Lalwa dan nou pei, zis par egzanp nou annan bann Lalwa ki dir ek ou okenn zanfan anba laz pa sipoze aste lalkol oubyen sigaret laboutik, i kontinyelman annan zanfan anba laz ki aste sigaret ek lalkol dan nou laboutik e nanryen pa arive.  Nou kontinyen annan bann Lalwa dan ledikasyon ki dir ek ou poudir zanfan pa sipoze fer sa, zanfan i sipoze fer sa still bann zanfan i kontinyen fer e nanryen pa arive.  I senp, ozordi kot tou bann lekol nou annan sa ki nou apel the Code of conduct ladan i donn ou en seri mezir lo liniform, seve ki mannyer ou pou raze, ki mannyer ou pou konport ou.  Ozordi dan tou bann lekol si nou fer letour dan bann lekol segonder sakenn fiy i annan en mezir zip, sak bann garson sakenn i annan en mezir kannson.  Eski Code of Conduct i an pratik, pa an pratik. Code of conduct i la li. Mwan mon krwar Minister Ledikasyon nou bezwen apartir lannen prosenn enplimant bann Lalwa ki nou met anfors.  Parfwa mon santi poudir nou tro to la, to la, bat isi, bat laba.  Mon rapel lannen pase… sanmenm sa lannen dezyenm term ti annan ne lensidan lekol Mont Fleuri segonder, mon rapel kot en group zanfan ti kraz meb dan en laklas.  Tou dimoun ti koz lo la, ti montre lo medya, social media ti raporte finalman mon demann mon lekor ki’n arive avek sa bann zanfan, ozordi nou la dan Lasanble, Minis Ledikasyon i la ki’n arive ek sa bann zanfan oubyen paran sa bann zanfan ki’n kraz tou sa meb Minister Ledikasyon.  Mon asire ziska prezan nou pe koze, nanryen pa’n arive.  Sa bann zanfan senpleman zot in retourn lekol, zot in ganny dir get sa i mal sa ki ou ti fer, pa fer ankor. Eski letan Sandy Arrisol i kraz en meb dan laklas Minister Ledikasyon ki i kapab servi li, i kapab servi lezot zanfan, eski Sandy Arrisol i walk out free e demen son dalon i vwar li i ti fer sa e li osi i fer ankor? Mwan mon santi poudir i annan plizyer Lalwa ki’n enplimante ki nou met la, me selman napa nanryen konkret ki arive lo la. I pou enportan pou nou letan nou anmenn sa bann Lalwa pou nou diskit lo la, nou koze be an menm tan ou bezwen annan bann keksoz, bann konsekans. Parfwa letan ou koz ek Headteacher i dir ‘‘ou get sa nou fer en kantite rapor, nou anvoy kot Minister Ledikasyon, nou esper larepons ziska ‘’kok sante’’ parey granmoun in dir be nanryen pa arive.’ Se la osi kot nou pou bezwen Minister Ledikasyon ansanm avek bann lekol ki zot annan, kot nou zanfan, kot mon zanfan i lekol, i annan sa korperasyon management, teachers, staff enkli Minister Ledikasyon e la mon happy.  Ti annan en seri meeting ki ti ganny fer dan tou bann rezyon kot bann paran ti kapab vin devan e voice out e sa ti pou bezwen arive akoz senpleman ti annan en lensidan kot lekol Mont Fleuri? Pa ti bezwen, Minister Ledikasyon an vi ki annan bann lekol leta dan tou rezyon dan mazorite distrik i enportan ki tanzantan zot touch-base avek bann paran avek ansenyan.  Parfwa nou fer meeting zis avek management lekol nou pa vwar okenn reprezantan Minister Ledikasyon. Be sa lekol i ganny administre par Minister Ledikasyon savedir letan paran pe fer meeting oubyen lekol in organiz meeting pou paran i enportan ki i annan en zofisye Minister Ledikasyon ki la ki i osi kapab fer pas son pwendvi e bann paran i santi be sa meeting  ki pe ganny fer la wi parske i annan en zofisye ki ti la in kapab donn nou serten keksoz, serten pwendvi e in kapab met serten keksoz for lo latab.  Mwan mon santi parfwa i manke sa. Apre mon ti a kontan koz en kou, i annan sa zafer laz. Par egzanp si en zanfan ozordi, ti annan en letan lakres zot ti pe entrodwir en sistenm kot en zanfan apartir si mon pa tronpe 3an edmi ti kapab konmans antre lakres – ok, letan en zanfan i antre lakres 3an edmi premyerman i vin dan pampers li menm, i vin ek son bibron dan son sak li menm, prezan nou anvi bann teacher lakres teach sa zanfan ‘’baba lo nat,’’ ‘’bibouk dan bol’’ be keler sa teacher pou ganny sans fer sa li letan i pe sanz pampers –letan i pe fer dile pou donn sa piti dan laklas? Be nou bezwen entrodwir en keksoz dan lekol. Lekol i pa kapab en landrwa kot nou babysit.  Pa zis dan lakres sa, primer parey. Zanfan i vini, i vin primer mis ou bezwen dir ek li,’’ asize’’, ‘’reste trankil’’, ‘’oli ou sak’’, ‘’tir ou kaye’’… sa i apel babysit.  Teachers i ganny peye pou zot ansenny nou zanfan e ozordi dan bann Lekol Leta sa ki mon vwar bann teacher pe fer plis mwan se fer louvraz Gard, tay deryer sa enn, ‘’alo pas dan ou laklas’’, ‘’alo antre la’’, ‘’alo fer… be sa dan ledikasyon in ler pou nou fini. Nou pou bezwen letan ou pe fer Lalwa pou bann zanfan, mazorite ler nou fer bann Polisi nou fer bann Bills, nou tant pou met bann zanfan ladan ki sa zanfan i devret fer, ki sa zanfan i devret pa fer be sa paran laba deor li… ? Mwan mon anvi dir avek Minister ledikasyon i annan letan kot mon’n ete dan bann lekol, i annan zanfan in konmans S1 i fini S5 zanmen son paran in deza vin sers son Report oubyen vin dan laklas pou vin gete ki i ti pe fer, ki mannyer in performen parey lezot son zanfan. Be ki i arive avek sa bann paran? Ki Minister Ledikasyon i fer avek sa bann paran? Ki mannyer nou apel zot? Nou kriy zot lo radyo, nou anvoy en lenvitasyon an or pou zot? Ki nou fer avek sa bann paran? Mwan mon krwar Lalwa ki nou pe fer nou bezwen met sanksyon lo bann paran. Paran i anvoy son zanfan lekol, konman vakans i ding la, tou paran i met lanmen lo… ‘‘Ar wi zot la ki mon pou fer avek sa bann piti?’’ Be sa bann piti pou nou sa. Pa pou sa mis.  Mwan mon ti a kontan ozordi profite dir bann mis ek lekol mersi bokou parske se zot ki pas plis letan avek nou zanfan ki nou paran. Nou ler nou monte 5er nou konmans get kastrol, get liniform, get sa, get tou zafer, nou piti par ler in fini sek.  Ok? Mon krwar i enportan pou u konman paran osi zwe nou rol, pran nou responsabilite konman paran e mwan mon krwar poudir bann paran i bezwen ganny met to task. Bann zanfan zot avan annan zot rol responsabilite be selman an menm tan letan nou pe get tou sa bann zafer la ki devan nou mon krwar i pou enportan pou paran. Lannen prosenn paran i bezwen pran son responsabilite, paran pa pou kapab zis leve bomaten okip son zanfan, anvoy son zanfan lekol e espekte mis pou fer tou keksoz. Paran pou bezwen annan son bout. An relasyon avek tou sa ki pe pase dan lakour lekol e Mr Speaker letan mon lo la i annan sa zafer ki Onorab Henrie in koz lo la se PTA. PTA ki mannyer PTA son rol… e pa zis PTA i annan School Council ozordi, letan ou get School Council bann dimoun ki lo School Council pa neseserman i en paran, i pa neseserman i reste dan sa Kominote, me selman li ki pe pran serten desizyon an relasyon avek nou lekol, eski sa osi pa’n ler pou vwar ki mannyer ansanm nou kapab enkli lezot paran. Rode bann paran ki enterese dan sa Kominote mannyer pou nou kapab anmenn plis keksoz pou nou zanfan? E letan mon lo sa zafer fine an relasyon avek code of conduct Mr Speaker ki mon’n tann koz lo la, mon krwar nou bezwen menm al en pti pe pli lwen. Ou konnen ozordi dan nou pei i annan en tandans kot plizyer zanfan segonder zot fer bann film konmela. I annan bann film nou tou nou vwar lo social media. Ou vwar en group zanfan lekol dan zot liniform, sakenn pe ris en bos, lot pe fer bann fason imoral dan zot liniform oubyen en group zot pe lager dan nou lavil anvil. Be ki i arive ek sa zanfan si i anba laz, i dan liniform lekol? Sa zanfan i bezwen annan en paran. Mwan mon krwar paran i bezwen ganny fined an relasyon ki son zanfan i konport li parske si mon pa tronpe i annan en Lalwa pou nenport ki adilt ki mal konport li dan lavil oubyen piblikman dan en fason iresponsab. Be alor sa zanfan li pa son paran ki responsab li? Alor mon krwar i annan tousala pou nou sey met ansanm.  E en lot zafer mon ti a kontan koz lo la letan nou lo la an relasyon avek zanfan, bann fine ki pe ganny entrodwi se zanfan dan liniform.  Si mon rapel ti annan en letan kot ti annan en serten ler kot zanfan pa ti sipoze dan liniform lekol.  E sa liniform i sipoze en keksoz ki nou respe. Zis parey en travayer Barclays dan son liniform ou pa pou vwar li apre 4 er dan sa liniform pe brouy siman kot Vijay.  Non. Parske i annan en respe pou son liniform.  Me si i annan okenn keksoz pou fer apre ler ou ava annan ou lenz piblik ki ou ladan ou ava fer lezot ou bann ensinifyan parey nou dir. Mwan mon krwar Mr Speaker, Minister Ledikasyon i annan en kantite keksoz ki nou kapab enplimante selman mwan mon santi poudir nou pou bezwen firm dan sa ki nou pe fer. Annou pa zis vini koze be nou bezwen firm dan sa ki nou pe fer. Nou bezwen firm avek zanfan ki anba nou responsabilite, nou pou bezwen firm avek bann paran ki kontan anvoy son zanfan dan lekol Gouvernman akoz i ti kapab anvoy dan lekol prive be si i anvoy son zanfan dan lekol kot nou zanfan pe lekol nou osi nou pou bezwen firm avek li.  Parske responsabilite son zanfan i tonm osi lo li.  I annan bann paran ki zot zis pa enterese, en paran pa kapab pa enterese avek laprantisaz oubyen ledikasyon son zanfan i pou enportan ki sa osi i ganny enkli lo li konman sa paran. Mr Speaker e mwan mon krwar poudir sa Bill ki Minis in anmennen i annan plizyer keksoz ki nou kapab gete par egzanp letan i annan sa zafer pou S5, ozordi en zanfan i bezwen compulsory reste ziska dan S5.  Avan i ti’n redwir, i ti’n ziska sa letan P9 oubyen S4 me la i S5.  Eski si ou pe fors en zanfan a sa laz pou etidye ou pe fors li etidye ou, eski si i pa anvi a sa laz, eski Lalwa travay, kekfwa bann ki en pti pe avanse dan Lalwa i kapab dir ek nou, eski Lalwa travay Sesel pa i 15an a 16an? Eski pa nou kapab parey Onorab Wavel Woodcock in dir?  Entrodwir bann Scheme dan nou bann lekol kot sa bann zanfan ki pa bon akademikman me ki anvi fer en keksoz lapratik i kapab konmans ganny enroll depi boner.  Annou pa les li ariv S5 oubyen S4 apre pou nou dir be non ou oupli bon ou, ou pa pou al TVET ou.  Nou bezwen konmans depi S1 parske sa zanfan in bezwen ganny swiv depi P1 ziska P6 ziska avan i al pos segonder. E letan ou lo bann Komite lekol ou swiv en pe ou zanfan kot lekol parfwa ou asize ou get bann rezilta letan i fer meeting bann zanfan ki sorti dan P6 ki al S1 si nou ti pou kont refer legzanmen parske mazorite bann zanfan ki antre S1 ozordi zot in fail mazorite zot legzanmen e letan ou pas lo la, ou vwar poudir bann zanfan ki dan S1 pa devret dan S1.  Me devret pe resit son legzanmen P6 parske zot tou zot in fail.  Me par kont i pou enportan osi pou nou dir poudir i annan plizyer zanfan ki fer byen e letan sa zanfan li i fer byen akademikman i pa kapab ganny afekte akoz senpleman ozordi dan bann lekol ou annan 1 oubyen 2 e mon dir ozordi dan sak lekol segonder si nou koz ek bann head teachers zot tou zot kapab idantifye fasilman 5 ou 6 zanfan ki li i pa enterese vin lekol me Lalwa i dir ek li S5 alor i obligatwar pou li vin la. E ler i vin la obligatwarman i pa enterese pou aprann nou tou nou konnen ki pou arive parske dan bann lekol avan mon rapel letan ler mon ti pe lekol Belonie ti annan sa ki nou ti apel remedial class, bann zanfan ki ti anvi plante, ki ti anvi fer sarpantye, ki ti anvi fer lezot keksoz apard bann aktivite akademik. Mr Speaker, mwan mon repet ankor sa ki mon ti dir lo konmansman i enportan ler nou entrodwir bann Lalwa dan bann lekol bann keksoz ferm i enportan ki nou mentenir ou pozisyon lo la. Nou pa kapab parey Onorab Sophola in dir annan en mezir pou sa enn e annan en lot mezir pou sa lot, letan i konsern en zanfan toultan nou rod sa ki meyer pou nou zanfan e akoz letan nou rod sa ki meyer pou sa ki nou zanfan, nou pe rod sa ki meyer pou nou pei.  Alor letan i konsern ledikasyon nou tou nou konsernen parey turnout ti montre ki bann Minis ti fer, en kantite paran ti vin devan, parske i montre poudir zot enterese avek sekirite zot zanfan, ledikasyon zot zanfan e avek byennet ledikasyon an zeneral.  Alor Mr Speaker, mon ti a kontan termin lo la par dir poudir i enportan pou u enplimant nou bann Lalwa e fer sir parey nou kontan dir dan Lasanble ki i morde.  Mersi bokou.

 

MR SPEAKER

Mersi Onorab. I reste 4 entervenan mon ti a kontan sipliye ki zot gard zot entervansyon within 5 minit, en fason ki nou a fini avan nou adjourn pou al dezennen, nou ava’n fini avek sa Prozedlwa lo ledikasyon. Onorab Ferrari apre Onorab Sebastien Pillay.

 

HON JEAN-FRANCOIS FERRARI

Mersi Mr Speaker. Mon pou bref. Mon ti pres pou mon pa koze akoz mon telman dakor avek sa ki Onorab Arrisol in dir e i telman fer sans ki mon pa anvi dir keksoz ki kapab dilute sa mesaz tre for, ki in anmennen me detrwa pti pwen silvouple.  Mon ti a kontan repran en pwen Onorab Arrisol an sa ki konsern rol MNA e sa kapasite ki i annan pou li anmenn en pe sipor pou lekol. I tre enportan, mon depi ler in annan sa lensidan Mont Fleuri, mon’n al lekol segonder plizyer fwa, mon’n menm ganny sans al dan en laklas en fwa pou koz avek bann zanfan a diskresyon teacher.  Me selman konmsi nou pe fer sa en pe dan vid e nou pa konnen si nou pe kas Lalwa oubyen non.  Ou nou ti a kontan en statement from Minister ki envit nou pou partisip en pe plis avek nou lekol ou nou vin bann vre role models.  Nou rode sa bann loportinite e i annan lezot dimoun dan lakominote akoz Seksyon 74 i koz lo bann Lenstitisyon ki dan en Kominote e nou dan sa Kominote nou ti a kontan ganny welcome en pe pli byen pou nou kapab partisip dan en pe assembly, partisip dan bann civic education, bann keksoz koumsa so sa pou mwan i en keksoz tre enportan.  Dezyenm pwen, mon ti a vreman kontan ki Minister Ledikasyon i pran lokazyon pou li defini byen e pli klerman bann boundaries lekol, bann boundaries tou bann lekol.  Akoz sa pou nou i enportan akoz nou anvi ki tou dimoun i konnen e ki bann Law Enforcement e bann zanfan e bann aparan e bann teachers i konnen dan ki domenn fizik ki nou pe travay, e kwa ki ganny permet dan sa bann domenn. Mon ti a kontan demann Minis pou reasir sa Lasanble ki in annan vre konsiltasyon, mon dir vre konsiltasyon avek bann teachers ek bann headteachers lo sa amannman ki devan nou ozordi akoz i annan teachers, i annan Headteachers i pa satisfe avek sa konsiltasyon ki zot in annan.  Alors si dan okenn fason Minister i santi poudir swa zot pa’n ganny letan ouswa zot pa’n fer li oubyen i annan keksoz ki’n arive, mon ti ava vreman sipliy zot, i pa tro tar angaz bann Headteachers ek bann teachers akoz se zot ki lo teren, se zot ki ou bann travayer lo teren e se zot ki bezwen embrace sa travay ki pe al ganny fer e si zot pa satisfe.  E mon konnen, mon’n zwenn, mon fek koz avek ankor bomaten ki pa satisfe konmsi ki zot pa santi poudir zot pe al embrace sa bann nouvo mezir akoz zot pa’n ganny konsilte to an extentki zot ti a kontan ganny konsilte.  Alors mon sipliy avek zot fer sa travay kontinyen toultan gard bann teachers dan lo kote pozitif e angaze dan sa transformasyon ki nou pe fer.  Mon ti a kontan terminen Mr Speaker andizan en keksoz.  Mon krwar i ase ekstraordiner dan sa Lasanble ozordi ler nou pe ganny, lo nou kote latab an tou ka, Minister Ledikasyon pe ganny bann mesaz kler e for lo enforcement.  Nou pe donn zot, nou anvi donn zot sa sipor e nou pou donn zot sa sipor akoz se nou zanfan, me selman mon vwar li konmsi en pti pe drol ki se nou ki dan Lopozisyon ki pe dir be annou fer.  Eski sa i montre poudir in annan en tandans pou les ale, akoz pou bann rezon annan en pe politik, nou pa pou apiye, nou annan en lareg selman  nou kase.  Nou annan en lot… ? Annou fer mannyer pran sa loportinite ki Minister Ledikasyon i annan. Nou pe ofer zot en loportinite enportan ki nou lo sa kote latab e mon konnen lo lot kote latab osi konmsi nou kapab zwenn ansanm pou nou fer marse, pou napa politik, pou napa lapliferans, pou napa. Pou annan Lalwa, pou annan reglemantasyon e pou annan enforcement. Pran sa challenge, pran sa window of opportunity ki devan nou, e mon santi poudir nou kapab fer keksoz e aplik Lalwa kot i ete, bliy lapliferans, bliy si nou konn sa enn nou pa konn sa enn.  So sa i mon 4 pwen Mr Speaker ki mon santi mon ti bezwen fer e akoz se 4 pwen ki sorti kot lekol Mont Fleuri ki’n pas dan en troma e ki’n leve e ki’n pare pou zot kontinyen fer sa travay.  Me selman zot anvi sa langazman Minister poudir keksoz ou diferan parey Onorab Arrisol i dir ou pa kapab toulezan lannen ale, lannen vini menm zafer. Annou pran bann desizyon i bold pou lavenir nou zanfan e nou zanfan i bezwen nou konman bann leaders, konman bann dimoun ki deside ki pa terzi versi, ki pa ezite ler i annan keksoz, Lalwa i la Lalwa i kler nou pou aplik Lalwa  e nou ava fer nou sistenm ledikasyon leve e vreman reflekte en sosyete devlope parey nou ti a kontan vwar dan nou pei.  Mersi.

 

MR SPEAKER

Mersi Onorab.  Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker, bokou in ganny dir lo sa Lalwa, mon pa pou repet sa ki lezot dimoun in dir me selman mon pou met lanfaz lo bann eleman ki vreman enportan dan sa Lalwa e ki reponn a bann nesesite, bann egzizans ki egziste dan bann lekol baze lo mon leksperyans personnel ki mon’n vwar konman en ansenyan, konman en dimoun ki’n osi manage lekol.  E finalman, finalman Minister Ledikasyon in finalman ferm sa loophole ki ti egziste an se ki konsern disiplin dan lekol.  Oubyen si ou pe koz i konmans ferm li. Zis par amann Seksyon 47, sa ki zot in fer i tre trez enportan. Zot in fer li finalman kler ki malgre ti annan en provizyon ki legalman ti devret pe ganny enforce, code of conduct zot in fer li kler ki prezan i en lofans e sa i en keksoz ki medya i bezwen pick up lo la e i devret ganny pase avek tou dimoun, tou Seselwa ozordi ki dezormen i en lofans si ou zanfan i vin lekol e i pa abide avek sa code of conduct. That is one clear message ki bezwen ganny anvoye e ranforsi. Mon dir sa Mr Speaker akoz ou tro bokou letan ler mon’n dan lekol mon’n vwar poudir malgre mon pa’n tro ganny sa problenm personnelman konman en teacher, me i annan bokou teacher in ganny sa problenm akoz zot kapab teach ler napa kontrol dan laklas.  E zanfan i perdi akoz i bezwen pas son letan fer classroom management dan plas fer classroom delivery.  E sa i en keksoz ki mon krwar nou bezwen met lanfaz lo la. En lot pwen enportan ki zot in entrodwi se zot in fer li mandatwar ki i ava annan lentervansyon paran, an se ki konsern travay dan lekol zot zanfan.  I byen zot in fer sa me lo en lot kote bokou paran pe dir ou poudir zot anplwaye pa pe donn zot sans pou sorti pou vin kot lekol.  Zot pa pe ganny sans pou vin kot lekol. E souvandfwa ou pou vwar poudir se bann zanfan kot i annan problenm ki sa bann paran pou bezwen ki zot travay regilyerman pou vin kot lekol.  E se la kot zot Minister Ledikasyon zot pa’n ase proactif dan lannen pase pou enterakte avek sa bann landrwa travay lo en nivo kot zot kapab fer konpran sa sirkonstans sa anploye, an se ki konsern son zanfan akoz ou pe donn li en lobligasyon legal pou li delivre lo la. So mon krwar i annan en keksoz kot nou bezwen throw away the box dan plas ler nou koz think outside the box, throw away the box e sey prezan al an deor sa confines ledikasyon, education administration e regard ki mannyer zot enterakte avek bann lezot Lazans; bann lezot lorganizasyon ek sosyete at large pou fer ki ladministrasyon Ledikasyon i ava annan en lenpak direk on school management e se sa ki bann Headteachers i oule. Akoz tro souvan bann Headteachers i vwar zot in limbo as to mannyer pou met an aplikasyon serten provizyon Lalwa akoz bann lacking, bann mankman ki ti annan dan Lalwa ki ozordi nou’n konmans take the right step pou nou amelyor li.  E mwan mon siport sa bann lamannman akoz ler mon’n fer bann resers lo bann diferan sistenm ledikasyon ki pe fer byen e la mon koz lo La Finlande, mon koz lo Singapore mon koz lo Estonie e mon koz lo Barbados ki en pti zil parey nou, enn bann konponan enportan ki annan dan tou sa Lalwa se ki zot in fer li eksplisit; ki i annan en lofans ki asosye avek disiplin dan lekol, i pa en keksoz ki bezwen ki bezwen sous entendue bien entendue.  I en keksoz ki kler e tou dimoun i kapab vwar poudir si ou zanfan i misbehave lala lenpak, lala konsekans.  Si ou pa vin kot lekol lala lenpak, lala konsekans.  E la mwan mon le felisit lepep Seselwa – mon oule felisit pep Seselwa  sirtou atraver rezo sosyal ki malgre par ler mon tackle  sosyal dan serten konteks me dan serten konteks zot in ede ou raise awareness dan bann sityasyon ki i annan dan lekol.  Bann posting kot in annan diferan lenstans, kot bann zanfan pe fer bann behaviour, in montre nou poudir nou bezwen pli proactive dan lafason ki nou tackles a bann sityasyon.  Me lo en lot kote  – e la kot mon krwar i annan en keksoz ki nou bezwen deal avek, lo en lot kote nou bezwen osi asire ki en paran ki ler son zanfan in ganny en problenm kot lekol i pa mont lo rezo sosyal e ensilte Headteacher  e sa osi i devret vin en lofans kan en paran kot i devret al kot lekol e rezourd sa problenm ki’n ariv ek son zanfan i plifere al lo en lot medium pou fer pase son pwen. Par egzanp Onorab Arrisol in koz lo code of conduct par egzanp in koz lo liniform, in annan lenstans kot mon krwar bokou nou in vwar kot en paran ki lekol in anvoy son zanfan dan lakour pou ale… oubyen kontakte sa paran pou aranz son liniform, in mont lo rezo sosyal e ensile sa teacher oubyen ensilte sa HeadteacherSo i bann keksoz ki ou konman en pep, konman en Nasyon nou bezwen konmans realize poudir nou ki annan responsabilite anver nou zanfan.  Zis parey Onorab Hoareau anba Kod Sivil i fer kler e nou responsabilite i extend ziska ler nou zanfan i ganny 18an oubyen i konmans travay.  E menm la i pa arete akoz nou zanfan pou toultan reste nou zanfan.  So mon krwar se sa esansyel ki nou pe fer dan sa bann lamannman ki dan sa Lalwa. Sa Lalwa li menm in toultan en bon Lalwa, me mon krwar Mr Dora ki konn tre byen akoz nou’n ganny sans travay ansanm dan lepase, mon’n travay dan Minister Ledikasyon, son problenm se ki mannyer ou operasyoniz li e ou fer li marse.  E se la kot mon krwar zot annan en lot travay pou fer e sa se lanfaz lo ledikasyon pou nou bann teachers as to bann dwa ki zot osi annan.  Nou koz bokou lo zot responsabilite be lo bann dwa ki bann teachers i annan e ki mannyer Lalwa i sipoze ed nou bann teachers dan delivery of their functions.  E bann lekol i devret kapab fer sa.  E mon krwar ler zot pe lans nouvo lannen skoler sa ki pe vini la Minister Ledikasyon i fer serten travay lo nivo public relations pou eksplik lasosyete bann diferan konponan sa Lalwa pou fer sir ki tou dimoun pe konpran ki demen zot pa a dir mon pa ti konnen e sa sityasyon i koumsa.  Mr Speaker parey mon’n dir mon pa pou tant pou repet bann keksoz ki’n ganny dir oparavan, me en keksoz ki kler dan tou sa ki nou pe fer la se ki nou le anmenn quality dan nou sistenm ledikasyon e pou nou fer sa i pou en keksoz ki ou tou nou bezwen get involve avek. Pa zis Minister ledikasyon me nou tou.  E mon krwar sa ki enportan se ki nou bezwen regard tou sityasyon ki arive avek en lizye obzektif zisteman pou nou kapab anmenn en solisyon.  Nou problenm parfwa se ki nou jump to conclusion ler sityasyon, nou pa regard sirkonstans sa sityasyon in ariv, si in ariv en lensidan dan en lekol in ariv en lensidan kelkonk nou jump to conclusion.  I enportan ki Minister Ledikasyon i vin pli proactif dan sa domenn pou vwar ki pe arive lo nivo school inspections, lo nivo bann eleman ki dan Lalwa li menm, i annan ki nou pa pe fer par egzanp attendance officers. Who are these attendance officers? Akoz anba Lalwa i kler, zot annan en manda ou fer sir ki en zanfan ki an deor lakour lekol i dan lekol.  E i annan bann provizyon legal pou fer ki si en dimoun i enterfer avek sa attendance officer i annan en konsekans legal.  Me nou pa pe met an aplikasyon.  Ankor enn fwa sa i bann konponan … sa Lalwa i bann konponan dan sa Lalwa, i menm konponan ki ou pou vwar dan Lalwa Singapore, i menm konponan ki ou pou vwar dan bann Lalwa dan bann pei ki ozordi dan sa premye 10 sistenm Ledikasyon.  E ki mwan mon krwar senserman – mon krwar senserman Sesel i kapab onte dan premye 10.  Me selman i pou depan lo en zefor ki nou, nou bezwen pran pou nou kapab anmenn li devan e pou depan lo nou volonte, nou tou konman en Nasyon ou nou anmenn nou sistenm ledikasyon pli devan e mon ti ava propoze. Dayer lannen prosenn mon pou travay personnelman, mon pe travay pou mon kapab anmenn en serten lamannman dan Lalwa mon menm kot mon krwar nou devret annan par egzanp se ki Minis i designated officer other than a staff of a school. Ou konpran i vin parey en truant officerki li son rol i ava spesifik e i ava en rol pou regarde – par egzanp pou bann zanfan pe al partou pa dan lakour lekol eksetera.  Nou’n fer provizyon ki en teacher i kapab deal avek en zanfan an deor premises lekol. Sa i byen. Lontan ti napa, ti napa sa bann provizyon.  Ler zanfan i dan bis piblik sa osi i devret ganny konte konman en premises lekol a sa moman ki sa bis piblik pe transport sa zanfan sorti kot en lekol, akoz i pe fer en fonksyon pou lekol a sa moman. So tousala i bann eleman ki nou kapab enkli. I annan bokou ki mon kapab dir lo sa Lalwa Mr Speaker be selman mon konnen ou’n donn mwen 5 minit.  So mon pou aret la e on le swet Minister Ledikasyon tou sipor posib e mon ti a kontan reasir zot ki mon pou toultan la pou donn mon sipor, mon konsey as much ki mon kapab e parey tou bann Manm in dir, nou’n dir nou le vwar ki nou kapab ganny sa kalite ledikasyon ki nou ti ava anvi.  Mersi Mr Speaker.

 

MR SPEAKER

Mersi Onorab.  Avan nou donn Minis dwa pou reponn nou a donn sa 2 leaders ou sey fer zot entervansyon within 5 minit apre Minis ou ava kapab reponn.  Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker, sa Lalwa ki devan nou i en bon morso Lezislasyon ki pou anmenn nou sistenm ledikasyon ankor en pa pli devan.  I pou ed nou pou moderniz li e anmenn li azour avek sityasyon ki devan nou. Nou vwar poudir Lalwa egzistan Minister Ledikasyon ki gid nou ledikasyon dan Sesel i bon li, napa nanryen mal konmsi telman avek. Letan mon dir napa nanryen mal dan son baz, i en bon baz, in ganny byen fer, me nou’n vwar dan, parey serten in ganny dir, dan nivo legzekisyon Lalwa egzistan, nou’n vwar poudir i mank serten keksoz.  Ok?  E nou vwar poudir sa Lalwa ki devan nou li i pe adres sa bann zafer. Savedir sa bann nouvo amannman pou anmenn bann nouvo mezir dan striktir Gouvernans e operasyonel lekol e sa i ava ede en kantite pou adres sa bann defi.  E bann problenm ki ou pe rankontre tou resaman. E sa i pa pou fini la li Mr Speaker, akoz mwan mon panse ki lannen prosenn ou bezwen revwar ankor enn fa sa Lalwa. I pou annan ankor serten mankman probableman o firamezir ki ou pe get son lenplimantasyon, ou ava vin probableman nou menm nou menm nou, nou Lasanble nou’n konmans avek bann Private Members Bill, why not oubyen nou a diskit avek Minister Ledikasyon pou zot davantaz anmenn ankor serten amannman ki kapab ganny fer dan en fason pozitiv pou anmenn Minister Lasante dan sistenm lasante pli devan. Par egzanp lo kestyon bann teachers, teachers pou li kapab desarz vreman vreman byen e nou le, lepep i egzize e i annan bokou legzizans ki nou donn plis e ki nou ganny pli bon rezilta.  Be sa i pou vin teachers, kalite teachers i enportan pou donn pli bon rezilta e teachers son latmosfer ki i operate ladan i bezwen konnen li kan ki mon met presyon or kan mon azir dan en fason disiplinen lo sa zanfan e kan ki mon pa bezwen per paran e tou sa.  I bezwen kler e mwan mon santi la ou kapab al pli devan. E mon santi la letan nou a revwar Lalwa akoz la nou bezwen omwen en keksoz pou Minister Lasante konmans lo la lannen prosenn o konmansman trimes, me parey mon pe dir i a permet nou pou vwar davantaz kote nou pou sanz sa Lalwa.  Mr Speaker, mon vwar ki dan sa bann lamannman ki pe ganny propoze Ledikasyon in adres bokou bann, si oule dir dan domenn ki piblik ti pe koz lo la tou dernyerman – bann problenm ki nou’n annan e tou sa. Nou ti a osi… mwan mon’n osi antann bann paran pe kestyonn lo sanmenm sa bann size dan enn bann meeting rezyonal ki mon’n attend ki Minister Ledikasyon in organize.  E nou rekonnet zefor ki Minister Ledikasyon ,sorry, Minister Ledikasyon si oule i pe adrese pou permet ki nou responsabiliz bann paran e bann teachers e osi bann zanfan lekol. Mr Speaker dan dernyen interview Prezidan Faure si ou kalkil byen i ti osi tous lo promosyon otomatik. Mon konsernen avek sa e mon ti a kontan ki Minister, Minis ki devan nou la i donn nou en pti pe, si ou le dir, plan son Minister lo sa size.  Eski sa in ganny adrese dan bann lamannman ase. Si i ganny adrese ase dan sa bann lamannman devan nou?  Dan Seksyon 42 (2) sa Prozedlwa u vwar osi ki i annan referans lo lekol pou sarz en etidyan avek permisyon Minister.  La mon krwar lekol i pe pran en pe responsabilite Lapolis si i pe sarz en etidyan.  Ki sa bann keksoz ki petet lekol i kapab sarz en etidyan lo la si Minister ti kapab, Minis ti kapab eksplik nou en pti pe ki tou dimoun i vwar en pe pli ker ladan.  E sa an menm tan Mr Speaker i fer mon tous en pe lo sa issue disiplin.  Taler boner in annan serten entervenan ki’n, letan in abord sa problenm disiplin, nou pe dir ki en zanfan ki annan problenm disiplin, pli tar i pa vin en adilt ki donn nou en problenm. Be mon pa ni krwar nou devret esper letan ki i vin en adilt pou donn nou problenm ki nou bezwen azir lo la.  Mwan mon krwar en zanfan letan problenm disiplin i konmans bel ek li dan lekol se la osi sa bout apre lekol konman i sorti lekol ou bezwen pe swiv li.  Nou bezwen pe vwar de konman zanfan ki sa i stop.  Ki i pa kapab al dan lasosyete e kontinyen ek sa problenm then, i pou kontinyen. Konmsi nou bezwen lasosyete i demann, parey nou dir i demann en Kominote pou elve en zanfan be pou disiplin en zanfan osi. Savedir nou bezwen konmans swiv li pa zis pou pini li me pou swiv li pou donn li koudmen, pou donn sa paran koudmen petet i annan problenm ek paran.  E la i fer mwan tous lo paran, ler taler Onorab Pillay in dir ki bann paran ki i bezwen vin kot lekol, landrwa travay petet pa toultan ki konsider les li lib pou vin kot lekol.  Sa landrwa travay i bezwen vin pli konsyan poudir en paran ki annan problenm i pou fer son nivo prodiktivite pou desann, i pa pou donn ou otan ki si i ti napa problenm. Then nou bezwen travay ansanm, pou ki i permet ki sa paran ki son zanfan pe donn problenm kot lekol, landrwa travay osi i bezwen konsernen ; i bezwen annan en, si ou le dir, en maye ansanm tou sa bann diferan lenstans pou donn koudmen lekol, pou donn koudmen pou fer ki sa zanfan ki nou’n anvoy lekol ki nou kominote, nou distrik, nou pei in anvoy lekol i sorti byen. I sorti konman en benefis pou pei, pou son paran, pou son Kominote e dan sans la nou tou nou bezwen pe donn sa koudmen. Par kont i anmenn ou osi dan sa Lalwa nou vwar poudir i pe adres osi lo kestyon student bodies, i byen etidyan i bezwen organiz this.  Sa deza konman i konmans fer nou vwar poudir i konmans responsabiliz manrmay. Manrmay i konmans ganny responsabilize boner, nou rapel tre byen Mr Speaker kolez nou ti fer bann zafer koumsa ou konpran e sa i kree leaders pou demen. So teachers, teachers osi i bezwen organiz li, mon kontan mon vwar ladan Teachers Council e tou teachers i bezwen form par dan Teachers Council. La osi teachers i bezwen zwe son rol e teachers i bezwen pa zis asize dir osi, la la nou annan problenm. Non. Ou bezwen osi bouze ou fer avanse sistenm ledikasyon dan sa fason.  E mon tous en pti gin an pasan lo sa school autonomy, lo responsabilite oubyen rol School Council avek son PTA. La osi, ou konnen sa School Council i vin parey en Board of governance pou sa lekol dan sa distrik e li i annan en rol kle pou osi zwe li. Petet la en lot landrwa kot Lalwa petet i bezwen al en pe pli devan pli tar pou kapab vwar ki mannyer Council lekol  pou ankor pli for, akoz li i annan en rol ekstrememan enportan pou fer sir ki sa lekol i donn the best e li i bezwen pe monitor pa zis etidyan li, pa zis paran me depi son teachers, depi son Headteacher akoz sa lakle osi i tonm avek Headteacher. Headteacher i bezwen kapab pe donn son best e pe fer sir ki sa lekol i sorti konman en lekol ki pe donn bon rezilta, bon rezilta e bon rezilta.  E dernyerman avan mon      fini Mr Speaker, mon vwar ki sa Lalwa osi pe tous lo ki Minister Ledikasyon i revwar son plan stratezik tou le 5an.  Sa i tre enportan. Pa kapab Minister Ledikasyon i la ek en plan stratezik ki trennen ki ale 10 an, 20an i ankor lanmenm li. I bezwen li osi pe dinamiz li, li osi i bezwen revwar avek devlopman sosyete, bezwen sosyete, nouvo challenge ki sosyete pe annan pou ki li osi i revwar son plan stratezik pou li anmenn en Minister Ledikasyon pli azour, pli for, pli relevan pou ki i fer ki i anmenn pli bon sitwayen dan nou pei.  Mon krwar sa i bann pwen enportan ki sa Lalwa pe adrese. Nou bezwen donn sa Lalwa ki devan nou, sa Prozedlwa ki devan nou en sans pou li al performen e pou li parey i ete la anmenn ankor en pe plis transparans dan nou sistenm Ledikasyon e sa latransparans i enportan pou tou dimoun e tou dimoun i bezwen alor les sa Lalwa breathe apre nou pou get li ankor lannen prosenn u nou ankor davantaz met li pli azour. Mr Speaker, avek sa mon pou aret la e mon dir ki Minister Ledikasyon all the best, keep it up, kontinyen sa bon travay akoz nou bezwen bon travayer e bon travayer pou depan lo bon sistenm Ledikasyon.  Pa bliye – pa bliye ki nou pa kapab fors tou dimoun pou vin avek 50 IGCSE or O-Level, A-Level konmsi 50 Degre Liniversiter. Parfwa e souvandfwa nou vwar dan nou sosyete, en dimoun ki li akademikman in annan problenm, me in fer en bon perse lo kote pratik.  In vin en bon mason e en bon mason in vin en bon konstrikter, in vin en bon businessman ozordi dan konstriksyon en bon pe bann dimoun pa ti neseserman annan 5, 6 Degre Liniversiter me nou’n vwar poudir sa kote pratik, metye, aprann en metye i osi enportan e nou bezwen konmans li boner pou met… tousala i bann lenstans i instill discipline e savoir faire, konesans dan diferan domenn nou sitwayen.  Avek sa mon ava aret la mon pou tou sipor sa Prozedlwa e mon demann nou Lasanble pou fer le menm. Mersi bokou Mr Speaker.

 

MR SPEAKER

Mersi Onorab. Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon mazinen ki size in deroul bokou otour disiplin e ki mannyer pou anforse petet dan sa Lasanble petet mwan mon meyer dimoun pou koz lo disiplin, akoz mwan mon ti enn ki’n pas dan tou size disiplin dan lekol, I mean Minis Morgan i konn byen akoz nou ti an menm laklas nou 2.  E i annan serten keksoz ki mwan mon pou dir ki’n sov mwan. Disiplin lekol malgre ki mon ti ranpli ek lenerzi kekfwa tro bokou lenerzi ti annan disiplin dan lekol.  Alors letan ou kase disiplin ou ti annan en pinisyon, ti annan detention e nou tou nou pa ti kontan, ti annan house points; ki alors letan, ou konnen nou pa ti kontan letan nou ti ganny nonmen pou detention ensidswit pou pran sa papye pou ou anmenn kot ou paran ki bezwen sinyen pou ou al detention Sanmdi ti fer mal me apre sa, sa disiplin ti fer ki, anyway mon’n involve parey mon’n dir dan plizyer lensidan, me ou ti bezwen retourn lekol pou ou refer, konmsi pou ou kouver sa ki ou ti’n fer si ou ti’n involve dan en lensidan dan laklas kot detrwa sez, latab ti’n kase… I mean mwan mon rapel en fwa mon ti pou bezwen retournen pandan vakans zis pou, library ti pe sanz zot pozisyon pou bouz tou sa bann liv dan library, tou bann shelves.  E alors ti annan en disiplin so disiplin lekol ti enportan. Dezyenmman paran, ou pa ti kapab al dir ou paran ki poudir ou’n mal fer en keksoz lekol.  E se la kot, mon vwar dan zot Lalwa la zot pe fer sir about corporal punishment.  Me selman mon toultan mon pou dir parey I’m sure i annan bokou adilt ki pe ekout nou ozordi i pou dir roten moris ki ti sov nou akoz dan lakour ti annan en lot mannyer disiplin, nou paran pa ti bat nou pou touy nou, me selman i ti pran en roten moris e sa roten moris ti ede pou nou konmsi redres nou parske sot kot ou le i annan serten parmi nou si ti napa roten moris ou ti pou al an deor.  So sa 3 konponan mon krwar i tre enportan e ozordi mon krwar letan mon pe regard serten lekol, par egzanp kor mon zanfan i ete, i annan sa parent-teacher consultation ki tre enportan.  Ki sa para i konnen menm si sa paran i pa en dimoun ki al lekol toultan, ki anvi pa tro enterfer me selman i konnen ki poudir once a term i pou bezwen zwenn sa teacher, sa teacher pou koz avek li.  E alor sa i enportan.  E petet sa i ava ede parey in mansyonnen ne dimoun in mansyonnen deor pli boner konsernan reporte Onorab Afif i dir avek mwan par egzanp lekol La Retraite i ti fer en vizit lekol La Retraite e Mr Speaker dan 221 zanfan ti annan zis 15 ki ti vin sers report son zanfan. 15 out of 221. Be i annan en problenm la so i bezwen annan sa pli gran rapor.  Me mon lot pwen se konnen Lartik 33 dan Konstitisyon i koz lo a minimum of 10 years compulsory education; i koz lo minimum of 10 years, 33 (a). me la letan mon vwar ki zot pe fer li ki en zanfan i bezwen al lekol ziska laz 17an, mon krwar sa i sote i vin 11 years. Ok, i vin11 years.  Mon krwar ki mon pa konnen si se Konstitisyon ki nou pou bezwen balanse oubyen kwa ki nou pou bezwen balanse parski si en zanfan in ariv 15 an … parski la ankor enn fwa annou regard bann junior secondary schools lontan. junior secondary schools ti ariv ziska Form 3 – ekivalan Form 3 e sa zanfan ti anviron 15an – 16 n e i ti pare pou li swa al lo kote vokasyonnel e i ti al dan lemonn travay.  So mon krwar letan nou pe met up to the age of 17 kekfwa nou ti devret kit li to 16 instead of 17 parski en zanfan ki’n ariv 16an ki pa anvi lekol ki pe donn bann hard time e a zot menm zot dan Minister Ledikasyon zot ava dir ki bann major problems ki zot pe ganny dan lekol se ordinerman avek bann zanfan ki’n depas laz 15an; parski zot nepli enterese so this is a point ki mon ti ava kontan zot regarde. Lapolis in ganny mansyonnen, me mon ankor enn fwa sa ki en dimoun in dir konsernan Lalwa ki napa ledan, Lapolis right now anba Police Act, Lapolis i ganny drwa antre nenport landrwa, i ganny dwa antre nenport landrwa espesyalman kot en krim pe ganny komet, espesyalman kot drog, ou pa ni bezwen en warant pou ou vin fouye. So mwan mon krwar ki sela kot konmsi menm Tribinal Lafanmir … Konmsi mon vwar ki koz sa bann lezot pa pe fer, kekfwa zot pa pe proactive then aprezan zot pov Minister Ledikasyon konmsi zot ki anmas tou sa lour.  E alor mon krwar ki i bezwen annan en lapel la ou ki tou bann diferan lorganizasyon, bann diferan lenstitisyon dan nou sosyete silvouple, pran zot responsabilite parski se sa aprezan ki pou fer ki letan latet i zwe son rol, zorey i zwe pou li, lizye i zwe pou li, then the whole body i kapab fonksyonnen.  Me apre konsernan si, mon vwar la, si en zanfan pa le donn en sample ou pou bezwen al fer, paran pa le donn en konsantman, ou bezwen al devan Tribinal, ki kantite letan sa ou pran? Mwan mon krwar ki si en paran pa le donn konsantman be i pran son piti i al avek se li.  I mean, it’s as simple as that. I mean i en kontra ki sa paran i annan avek sa lekol be si i annan sa kontra dan code of conduct and everything else sa zanfan  kontinyen persiste, mwan mon krwar ki Minister Ledikasyon pa bezwen al angaz li dan sa bann zafer “a la aprezan nou bezwen al met en laplikasyon Tribinal, nou bezwen al rod en avoka, nou bezwen al rod dimoun pou…’’ responsabilite lo sa paran kareman. Ou pa le donn konsantman be pran ou zanfan anmenn li dan lakour ou a pran swen avek li, ou ava deal avek li.  Parski mwan mon krwar sa bann zafer, konmsi tro nennenn paran mwan mon krwar it’s high time nou met nou lipye ater.  Parski this is the only way for us to move forward.  E Mr Speaker letan mon pe terminen, mon a vin zis dir ki par egzanp i annan serten paran ki anvi e bokou paran, mazorite paran i anvi vwar son zanfan fer byen me parfwa zot santi ki avek lekol oubyen avek Minister kekfwa zot napa sa bon dyalog. I mean mon konn en paran par egzanp lekol Beau Vallon ki bann letan la tou dernyerman son zanfan in ganny dir al dan lakour.  In seye pou li vini pou li vin fer meeting e ziska prezan i pa ankor ganny en larepons konkret i pa ankor ganny en larepons konkret lo ki pou arive avek son zanfan.  So kekfwa osi tou letan nou vwar en paran konmsi enterese pou li vin devan sey donn li en pti koudmen parski i posib ki sa paran i dan en depresyon, i dan en detres ekstraordiner pou… Apre Mr Speaker, finalman mon anvi zis dir ki i annan serten plan ki parfwa Minister Ledikasyon oubyen Gouvernman i mansyonnen ki apre zot sanze par egzanp lotonomi pou bann lekol, mon pa konnen ki staz nou’n arive, konmsi ti form par, ti en progranm e parey zot konnen osi mon size prefere se sa School of Excellence ki zot in mansyonnen e ki la aprezan zot pe sanz progranm.  Konmsi silvouple annou tenir lo la menm si nou konmans avek 177, annou konmans avek 177.  Nou ava ganny 177 ki bon e letan sa bann ki bon pe fer byen kekfwa i ava en lankourazman pou bann lezot e son lannen answit nou ava ganny 200 e apre sa nou ava monte e nou ava ariv lo sa target ki nou anvi kot nou sistenm Ledikasyon i bon. Alor Mr Speaker mon anvi dir ki nou siport Minister Ledikasyon dan sa zefor ki zot pe fer e nou pou donn zot tou lankourazman.  E nou dir silvouple paran avek lekol annan sa partnership, it’s a partnership e sakenn zwe son rol. Mersi bokou Mr Speaker.

 

MR SPEAKER

Mersi Onorab e Onorab Minis ou’n tann bokou deba, kantite sizesyon, kantite komanter petet ou a donn nou si ou ti kapab as briefly as possible ou repons avan nou al lo vot.

 

MINISTER JOEL MORGAN

Mersi Mr Speaker e mersi tou Manm Onorab ki’n fer zot bann lentervansyon tre pertinan, enteresan e enformatif lo sa size ledikasyon – kot zot in profite pou fer plizyer pwen ki menm an deor sa Bill ki devan nou me ne amwen ki tre enportan ; ki mon krwar ki tou dimoun i konsernen avek sa bann keksoz ki zot in koz lo la. E dan bann meeting ki mon’n fer Mr Speaker dan nou 7 rezyon bokou bann pwen ki’n resorti dan sa Lasanble ozordi in osi fer resorti par bann paran e bann lezot dimoun ki ti la dan meeting.  Mon krwar sa ki nou pe sey fer atraver sa lenstriman ki devan nou, sa Bill se pou met an aplikasyon plizyer eleman ki’n ganny diskite non selman ozordi me ki dimoun an zeneral dan nou pei i konsernen avek dan nou bann lekol, lafason ki nou bann lekol pe ganny administre, lafason ki nou bann lekol pe ganny gouvernen, lafason ki nou bann lekol an term zot bann standar ki’n ganny etabli, ki pe ganny met an aplikasyon atraver sa ki nou apel teaching and learning, standar pou bann ansenyan, bann ekspektasyon bann paran, bann ekspektasyon bann etidyan zot menm zot, ekspektasyon ki nou annan lo management lekol, pou nou kapab avek en bi, annan en pli bon sistenm ledikasyon dan nou pei pou nou kapab amelyor performans dan bann lekol e performans nou bann etidyan endividyelman.  Parey zot in vwar ler nou’n fer plizyer prezantasyon dan sa Lasanble pou Bidze avan sa nou’n prezant statistik, bann zanfan ozordi ki kapab sit pou zot IGCSE lo nivo S5 i ba – konpare avek nonm zanfan ki pa sit pou IGCSE a nivo S5.  Annefe bann zanfan ki sit pou IGCSE i an minorite konpare avek bann ki pa sit IGCSE e menm pou bann zanfan ki pa sit pou IGCSE rezilta legzanmen Nasyonal, sa ki nou apel niu legzanmen Nasyonal ki bezwen aprezan osi ganny valide par Seychelles Qualification Authority  akoz pou le moman i pa valide, rezilta i montre ki mazorite sa bann zanfan i dan kategori D, E, F distribisyon an term rezilta.  Tre pe an C, B ek A, rezilta Nasyonal. So Mr Speaker sa ki nou pe sey fer se en prosesis continuous improvement, amelyorasyon atraver bann diferan mezir, non selman mezir legal, bann lenstriman legal ki devan zot ozordi, me osi atraver bann lezot mezir an term stratezi enplimantasyon, efikasite sa ki nou pe fer dan sistenm ledikasyon Nasyonal.  E avek sa bann pwen mon ava abord vitman Mr Speaker serten bann pwen ki’n fer resorti dan bann deba ozordi.  Zanfan pran zot responsabilite e paran osi anba ki provizyon. Sa i ganny kouver anba sa nouvo lamannman seksyon 87 (2)(w) ki etabli bann lobligasyon kontraktyel ant paran zanfan, lekol, ansenyan ek management lekol.  Lekel ki pran desizyon pou expel anba sa nouvo lenstriman ki devan nou se Headteacher ki pou pran desizyon pou expel en zanfan.  Me selman mon annan lentansyon anba regilasyon etabli en Board endepandan pou konsider bann appeal – akoz ou bezwen annan en recourse to appealler en zanfan i ganny expelled so nou bezwen apwent en Bord endepandan kot pa Minis ki fer desizyon, ni PS.  I annan en Bord endepandan ki deside si sa appeal i valid e sa zanfan i devret ganny reinstate ouswa non e fer son rekomandasyon accordingly. corporal punishment, pinisyon avek roten ouswa atraver lafors fizik, sa Mr Speaker, mon’n ganny bokou komanter lo la dan bann meeting piblik e ozordi dan Lasanble osi nou’n annan komanter lo la, corporal punishment anba nou bann Konvansyon Enternasyonal anba the rights of the child ki nou’n sinyen sirtou bann Konvansyon Nations Unies i ban corporal punishment. E sa ki sa (Amendment) Bill pe fer, sa seksyon ki refer avek sa Seksyon 68 e annefe i fer sa vin Lalwa akoz ozordi i pa Lalwa.  Malgre ki nou’n siny sa bann obligasyon Nasyonal e konvansyon drwa zanfan, konvansyon drwa imen an partikilye.  Me selman mon note bann pwen ki bann Onorab in fer an partikilye Onorab Leader Lopozisyon ki roten moris pa ti fer nou okenn ditor ler i ti ganny aplike par nou paran dan en fason rezonnab.  Mr Speaker, ki rol PTA? Bon PTA anba sa nouvo lamannman ki pe ganny prezante – Seksyon 87 (2) (t), 87 (2) (t) i etabli PTA formelman e son rol li se pou enstil egzakteman sa lyezon ant bann paran e bann teacher dan devlopman zot bann zanfan dan lekol.  I annan tou pou fer avek bann issues ki afekte zanfan dan zot laprantisaz ; i annan tou pou fer avek bann eleman laprantisaz e devlopman zot zanfan dan lekol. Alor nou pe formaliz sa striktir, sa mekanizm la ozordi pou asire ki sa aprezan anba regilasyon ganny met an aplikasyon formelman e ganny defini formelman anba regilasyon. Lekel ki pou asiz lo Education Review Committee, Seksyon 5 a bann lamannman ki’n ganny propoze la.  Annefe mon le fer li vreman ouver e nou’n koz lo partisipasyon dimoun an deor. Annefe mon krwar Education Review Committee i devret ganny constitute avek bann expert dan ledikasyon me ki pa neseserman an mazorite da Minister Ledikasyon.  Akoz ler ou anndan, mon pwendvi Mr Speaker, ler ou anndan ou pa neseserman ou kapab vwar tou keksoz ki petet en dimoun an deor avek en apersi an deor i kapab vwar.  Alor lentansyon sa Education Review Committee an term son membership se pou apwent bann dimoun ki nou konsider bann expert dan ledikasyon, i annan en kantite dan nou pei ozordi ki an deor ki pe travay pou bann diferan Sekter, ki pe fer consultancy and so on, met zot lo sa Education Review Committee avek serten zofisye Minister Ledikasyon ki annan pou fer avek bann eleman ki in ganny defini anba Seksyon 5 (a) bann paramet Education Review Committee.  Me selman sertennman mon ti a kontan ki son Chair e son Deputy Chair i pa dimoun ki sorti dan Minister Ledikasyon, i bann dimoun an deor pou la transparans pou la bonn Gouvernans e osi pou lendepandans sa Komite. E Mr Speaker, Special Education Program, eski nou’n pare Seksyon 15 sa ki nou pe propoze la.  Ansanm avek Minister responsab pou Zafer Lafanmir e Zafer Sosyal e ansanm avek Minister pou Lanplwa ou pe travay deza lo bann progranm ledikasyon spesyal pou enplimantasyon lannen prosenn.  E sa pou tann anba sa ki nou apel, in annan plizyer referans lo la dan bann diskisyon ozordi dan bann deba, dan bann entervansyon, i pou tonm anba sa ki nou pou apel apprentiship.  Nou pou entrodwir en proper apprentiship program pou sa bann zanfan parey ki bann Manm Onorab in dir nepli annan en lentere, nepli annan sa volonte, nepli annan sa abilite akademik pou zot reste dan lekol.  Nou pou channel zot dan sa alternative apprentiship program depi laz, ler zot fini S3 pou le moman apre nou ava regarde si nou kapab fer li desann o nivo bann lekol en pe pli zenn. Problenm ki nou annan pou fer li en pe pli boner ki S3 konmela, se Employment Act i dir ki laz ki ou kapab antre dan bann tel progranm se 15 an. 15an an montan.  So nou pa kapab kontradir sa eleman Employment Act.  Me selman dan lavenir nou kapab konmans pli boner osi akoz nou kapab fer sa bann aktivite apprentiship dan bann lekol osi, program apprentiship dan bann lekol. Par egzanp SIT ot mon’n fini konmans diskit avek Board ek management SIT pou annan bann progranm pou sa bann zanfan ki en pe pli zenn osi dan lavenir kot zot kapab al laba e swiv sa bann progranm spesyal, me zot pa pou dan bann apprentiship program dan lanplwa.  So i ava tre kler e nou a kapab si ou le sort out sa bann zanfan ki pe swiv sa pathway akademik e teknik e sa bann zanfan ki pe swiv sa pathway vokasyonnel ek apprentiship d pi pli boner. Me Mr Speaker, sa i anmenn mwan lo sa pwen kalite nou bann teachers lo nivo primer ki’n ganny fer resorti par bann Manm Lasanble bomaten dan nou bann diskisyon.  Kestyon in ganny demande ki poursantaz teachers ki nou annan dan primer ki uncertificated ouswa napa en kalifikasyon formel? An se moman Mr Speaker, poursantaz set apepre 50 poursan. 50 poursan lo apepre 500 in annan apepre 200 pres 250, nou bann teachers i napa en sertifika formel, nou apel zot uncertificated.  e zot lo nivo Petit Enfance ziska P3 – P4, bann staz kritik dan devlopman, formasyon nou bann zanfan.  E la ki nou’n fer, mon’n ganny demande sa kestyon ki nou pe fer pou ou rezourd sa issue.  Atraver sa task force Seychelles Institute of Teacher Education ki on ti etabli pli boner sa lannen e atraver bann rekomandasyon ki zot in fer, nou’n konmans e nou’n fini lans avek Commonwealth of learning, sa ki nou apel en Massive Open Online Course ki nou pe run sa dan en mode ki apel blended mode kot ou annan enteraksyon online, ou annan enteraksyon lo pendrive avek bann course materials, epi ou annan enteraksyon direk atraver SITE, atraver Seychelles Institute of Teacher Education – kot deza nou’n enroll pou lannen prosenn apartir en part-time basis 200 teachers primer pou zot konmans swiv zot Diploma in Education e sa i a pran 3an. I a pran 3an pou zot kapab swiv zot Diploma in Education pou zot ganny zot sertifika a nivo ki nou bezwen zot lo nivo primer.  Antretan nou bezwen kapab bridge sa gap, nou pa kapab esper 3 an Mr Speaker, pou nou koriz sa defayans; koriz sa problenm e ki nou pe fer nou pe regard lo recruitment en serten nonm teachers expatriate probableman Maurice lo nivo primer, bann dimoun ki kapab koz nou lalang maternel Kreol, menm a zot fason, me nou kapab kominike pou ed nou pou bridge sa problenm spesifik, pou nou bridge sa gap antretan ki nou teachers osi pe ganny formasyon lo nivo primer.  Mr Speaker nou’n koz lo welfare nou bann teachers.  E la mon ti a kontan fer lanons avek Lasanble Nasyonal ki mon pe recruit annefe en staff welfare officer, en teacher welfare officer, spesifikman pou li kapab regard sa bann teachers problenm bann teachers e ed zot avek zot bann issues ki zot annan akoz annan en kantite difikilte sa bann teachers, zot annan en kantite problenm ki zot fer fas avek e pou nou kapab pli byen regard dan zot byennet zot bann kondisyon, dan zot bann devlopman profesyonnel, da nou bann eleman ki annan ou fer avek bann teachers so nou pe recruit en staff welfare officer pou travay avek lezot dimoun dan Minister pou ed nou bann teachers lo sa kestyon staff welfare.  Eski nou devret fer en nouvo Bill, ranplas sa enn la antyerman, sa existing Education Act 2004. Mr Speaker mon al avek advise ki Attorney Zeneral se ki nou… Attorney Zeneral in propoze ki nou fer bann amannman to the existing Bill e mon’n swiv son advise legal lo sa.  Me a en moman donne dan lavenir i annan posibilite natirelman pou nou revwar sa dokiman Lezislasyon an antye, retenir sa ki bon e fer en nouvo Act pou lavenir. Prosedir pou award bann kalifikasyon i ganny kouver anba Seksyon 4 (2) (h) sa Bill kot nou’n koz lo award of qualifications lo nivo National Qualification Framework.  Minis i pa award qualification. Minis i etabli bann paramet pou egzaminasyon e pou bann nivo kalifikasyon kot ki sorti kot National Qualification Framework e i tonm anba level 2 anba sa dokiman ki apel National Qualification Framework Regulations 2008.Sa i deza etabli sa. So i pa Minis ki fer sa, Minis napa okenn lenterferans lo nivo kalifikasyon ki nou donnen e zis i met an plas bann fasilite, bann lenstriman neseser pou ganny met an aplikasyon. Anba Seksyon 4 (2) (f) – ok, Seksyon, Mr Speaker, mon a zis refer to sa Seksyon 4 (2) (f) –ok, “publishing the result of an evaluation done under paragraph (e), in such a manner as the Minister considers appropriate,’’ paragraph (e) i ek rezilta sa bann evalyasyon ki ganny fer. Sel keksoz ki Minis i fer la, i pa suppress information; i pa siprim sa lenformasyon, i determinen ki mannyer sa lenformasyon i ganny pibliye.  Si i pou met online si i pou fer piblikasyon Nasyonal ; ki fason ki sa i ganny pibliye. Minis pa temper avek sa evalyasyon ki’n ganny fer.  Bon Board of Governance ki mannyer pou fonksyonnen lo bann lekol; sa lenstriman la i osi defini anba 87 (v) ‘’the Constitution empowers and responsibilities of school council and council for coordination amongst school council’’. Sa i defini ki mannyer anba regilasyon School Council pou fonksyonnen, ki pou son rol, ki mannyer i pou annan sa rol gouvernans, ki mannyer i pou enterakte avek management, ki pouvwar i pou annan lo management e ki pouvwar i pou annan dan direksyon e gouvernans nou bann lekol. Lo sa kestyon charges Mr Speaker, Seksyon 42 (d) “in such a manner as may prescribe” ki nou pe fer la already i annan lekol ki pe levy serten charges, serten fees, fees pou tel ou tel keksoz me sa ki sa i fer i met sa, i preskri anba en lenstriman, en regilasyon, bann schedule of fees ki lekol i kapab levy detanzaot.  Par egzanp en paran, nou pe fer en paran responsab pou domaz ki i pe fer kot lekol baze lo sa ki sa zanfan in andomaze dan lekol. Sa i pou ganny preskri dan sa schedule of fees.  Bann zanfan ki nou pey legzanmen pou zot, zot IGCSE apre zot vin bann no-shows, zot pa vin fer legzanmen, nou annan en kantite, nou pey legzanmen pou zot, zot enroll apre zot pa vin sit zot legzanmen, akoz zot pa anvi vin sit zot legzanmen. So nou bezwen fer en schedule of fees pou fer zot peye, ou pa vin sit ou legzanmen, ou peye, ou paran i a peye lefe ki ou pa’n vin sit sa legzanmen.  I en lot legzanp. I annan plizyer legzanp ki sa i pou aplike. I napa nanryen pou fer avek school fees me i annan pou fer plito avek bann lezot eleman ki mon pe elabore pou le moman. Mr Speaker, nou’n koz lo ledikasyon vokasyonnel; Anba Seksyon 15 (1) Education Act 2004 i prescribe curriculum pou vocational education.  E se la ki nou pe anmenn sa eleman apprentiship ladan u asire ki sa educational pathway i ganny swiv dapre bann preskripsyon ki annan. Bon – mon a regarde ankor… Teacher appraisal systems, Seksyon 72, sa Bill ki devan nou Mr Speaker i koz lo teacher appraisal systems e la efektivman i formaliz dan en fason legal sa eleman Teacher appraisal systems ki nou pou servi dan lavenir pou nou kapab fairly and equally without favor or malice, appraise nou bann teachers .Establishment of student bodies anba 87 (2) (s) i ganny etabli. Kestyon vyolasyon par bann paran e sa fine ziska en limit R50mil ler zot pa pran zot responsabilite anba Seksyon 47 (4) sa in ganny bokou elabore par nou bann Onorab Lasanble bomaten.  E mon krwar i en keksoz ki nou pou bezwen parey zot in dir aplike strikteman e fer dimoun pran zot responsabilite, bann paran. Seksyon 83 (a) Mr Speaker lo sa kestyon Zofisye Lapolis, mon krwar nou pou pas dan en lot staz taler kot nou kapab konsider serten propozisyon lo bann amannman, serten pti amannman ki nou le lo sa Bill, mon ava koz lo la toute a l’heure, mon pa konnen, mon a ganny gidans Mr Speaker lo la, silvouple.

 

MR SPEAKER

Well Minis nou kapab apre Second Reading al lo Staz Komite epi diskit serten amannman lo sa Bill limero 32, 2017. Me si ou santi ki sa ou kapab fer li par regilasyon i ok nou, pa bezwen al dan Staz Komite, nou a fini pran en vot ler ou’n fini ou Reply epi nou ava al lo Third Reading avek laprouvasyon Lasanble.  So ou kapab fer li pli tar.

 

(Mic Off)

 

MR SPEAKER

Pardon ? Wi Onorab De Commarmond.  Non.  Ok, Minis kontinyen.

 

MINISTER JOEL MORGAN

Ok.  Nou pas lo Committe Stage Mr Speaker?

 

MR SPEAKER

Non, non, nou kontinyen pou fini ou Reply.  Wi, parske nou bezwen pran en vot avan.

 

MINISTER JOEL MORGAN

Ok. Mersi. So nou ava adres sa pli tar Mr Speaker. Akoz sa Bill i irzan Mr Speaker mon krwar…

 

MR SPEAKER

Selman konman ou kontinyen Minis be mindful ki i 1er mwen en kar.

 

MINISTER JOEL MORGAN

Mersi Mr Speaker. Mon ava vitman alors. Parey nou ti dir drugs and alcohol testing ki magnitude problenm dan bann lekol. Mr Speaker, Minister Lasante ti fer en letid bann zanfan lekol lo nivo segonder e bann statistik, mon krwar ti ganny prezante avek Lasanble Nasyonal lo sa issue e nou ti vwar ladan ki si mon mazin byen pres 50 poursan sa bann zanfan ti pe konsonm lalkol dan sa test, dan sa survey e at least mon krwar ti annan en 15 poursan ki ti’n deza esey en sibstans ilegal.  15 a 17 poursan si mon mazin byen ki ti’n deza esey en sibstans ilegal. So i definitivman en problenm serye e en problenm ki nou bezwen adrese.  Nouvo school council composition Mr Speaker, i ava annan en Chair endepandan an deor lekol, i ava annan DA, PTA Chairman, Student Council Chair, paran ek teachers e osi petet bann lezot dimoun ki sorti dan lasosyete – parey nou bann serten Manm Onorab si zot anvi antre lo Council zot a kapab fer avek laprouvasyon the House pou sa, mon sipoze, Speaker. Me lentansyon, ki mon le dir la se lentansyon se ki 2019, nou pou annan eleksyon council, nou le pas lo enn faz eleksyon Council kot council i nepli ganny apwente apard ki serten post ex-officio parey Headteacher, parey PTA Chair, parey Chair Student Council, sa i ava bann ex-officio post me larestan i ava bann elected posts. Mr Speaker mon ti a kontan fer konnen Lasanble Nasyonal ki nou pou pibliy en rapor lo tou bann meeting, lo bann rezilta tou bann meeting rezyonal ki nou’n fer avek tou bann deliberasyon ek bann sizesyon ki’ ganny fer ladan.

 

MR SPEAKER

Eski sa rapor pou ganny fer piblik oubyen pe al fer met a dispozisyon Lasanble? Minis.

 

MINISTER JOEL MORGAN

Nou ava fer li piblik me nou ava osi fer li a dispozisyon Lasanble Mr Speaker avek ou permisyon.

 

MR SPEAKER

Mersi.

 

MINISTER JOEL MORGAN

Mr Speaker, nou’n koz lo empower nou bann Headteachers

 

MR SPEAKER

Sey round-up Minis.

 

MINISTER JOEL MORGAN

Ok. Mersi. nou’n koz lo empower nou bann Headteachers, sa bann mezir ki dan sa Bill i ava ede pou empower nou bann Headteachers e nou bann teachers e etabli bann standar plis. Compulsory school age sa i en propozisyon ki Bills Committee in anvoy devan mwan bomaten, i annan serten propozisyon ki mon’n fer lo la, sa laz 15 a 17 an ki nou ava regard lo la. Mr Speaker mon ava koz lo dress code, nou tou nou konnen nou bezwen aplik sa. Nou annan sa kestyon age of admission into creche avek IECD Act ki anmenn ziska 4an ozordi, mon ava klarifye sa, mon pe klarifye sa devan Lasanble ozordi.  E nou’n koz lo responsabilite paran, nou’n koz responsabilite zanfan, liniform. Nou’n koz lo bann alternative schemes.  Nou’n koz lo rol MNA dan gouvernans e partisipasyon dan bann lekol ki mon welcome e nou ava take saup pou fer sir ki nou bann lekol i envit nou bann MNA pou partisip aktivman dan nou bann lekol.  School boundaries, tre enportan, sa legzersis ki nou bezwen fini, nou pa’n fini sa legzersis e eski nou annan konsiltasyon avek teachers avek Headteachers lo sa Bill.  In annan en degre konsiltasyon depi konmansman me i pa’n annan en konsiltasyon konplet lo sa Bill e si i annan serten eleman disatisfaksyon lo la, mon krwar nou ava repran sa ankor consequently, pou vwar ki nou kapab amelyore an plis ki sa ki nou’n propoze ozordi. Mr Speaker, mon krwar avek sa bann pwen Onorab Leader Lopozisyon e Onorab Leader Biznes Gouvernman in koz lo sa kestyon disiplin, corporal, punishment, tou bann eleman ki mon’n koz lo la, minimum age, police powers of entry, parental consent, automatic promotion sa pou ganny adrese atraver en policy ki nou pou sorti avek consequently e mon krwar mon’n kapab dan sa lentervansyon kouver mazorite bann pwen eksepte School of Excellence ki mon donn Lasanble sa reasirans ki nou pou kontinyen pursue atraver bann lezot fason dan lannen ki pe vini pou regard ankor enn fwa sa School of Excellence. Mersi Mr Speaker.  Mon ti ava demann Manm Lasanble silvouple pou siport nou Bill.  Mersi.

 

MR SPEAKER

Mersi Minis Morgan. Mon krwar parey ou menm ou’n dir e lezot serten Manm in osi souleve, ki i annan posibilite anmenn ankor lamannman lannen prosenn si ou santi ki baze lo bann sizesyon e bann komanter ki bann Manm in fer bomaten in vreman en kantite byen nouri, deba lo tou dimoun i enterese vwar en sistenm ledikasyon ki pli byen.  E lo sa pwen lo Lapolis ki Onorab Basil Hoareau in leve, mon krwar i en pwen ki tou dimoun i dakor ki nou pa pou esper en Lenspekter vini pou anpes en lanmor oubyen en lensidan. E mon krwar i annan lezot fason ki ou kapab fer sa e avek sa mon krwar Minis ankor enn fwa mersi tou bann ki’n kontribye. Nou a pran en vot, sorry pa en Bill, en vot lo merit sa Bill, tou bann ki pour lev zot lanmen. Clerk.

 

MADAM CLERK

Mr Speaker, mon rikord 28 Manm an faver. Mersi.

 

MR SPEAKER

Tre byen savedir nou’n dakor sa Lasanble lo merit sa Bill.  Mon a demann Clerk pou fer en Formal Second Reading sa Prozedlwa.

 

MADAM CLERK

Mersi Mr Speaker. A Bill of an Act to amend the Education Act cap 68.  Mersi.

 

MR SPEAKER

Mersi Clerk.  Mon sizere ki i annan en propozisyon, me en Mosyon pou nou skip Committee Staz … Staz Komite e lo en Formal Third Reading – vi letan, nou kapab fer sa oubyen non?  Nou bezwen al lo Komite. En Mosyon … wi Onorab Georges gid nou en kou.

 

HON BERNARD GEORGES

Yes Mr Speaker. Nou annan serten amannman ki…

 

MR SPEAKER

Ou annan serten amannman, ok.

 

HON BERNARD GEORGES

Ki Minis pou bezwen pran konsiderasyon.

 

MR SPEAKER

Savedir nou bezwen al dab Staz Komite, ok. Alright. Eski nou kapab met en Mosyon pou nou al lo Staz Komite akoz nou bezwen sanz Mace.

 

HON CHARLES DE COMMARMOND

Anba Order 39 (1) mon anvi move ki nou Lasanble i al dan Staz Komite pou diskit bann amannman ki annan lo sa Bill.

 

MR SPEAKER

Ok.  Segonde.

 

HON SIMON GILL

Mosyon segonde, Mr Speaker.

 

MR SPEAKER

Onorab Gill segonde. Mersi. Vot pou al lo Staz Komite.  Tou dimoun ki dakor lev zot lanmen ?

 

MADAM CLERK

Mr Chair, 22 Manm an faver. Mersi.

 

MR SPEAKER

Tre byen nou al lo Komite, nou a demann Serzan pou bouz Mace.  E prezan nou a demann okenn Manm ki annan lamannman pou fer lo sa Bill limero 32, 2017.  Onorab Georges.

 

HON BERNARD GEORGES

Mersi Mr Chair. Mr Chair, mon konsyan ler nou pa pou tarde. Nou annan devan nou en seri lamannman se sa 2 dernyen paz dan dokiman ki devan bann Manm.  E sa bann lamannman pe ganny propoze par Bills Committee ki’n etidye sa Bill e ki’n fer serten propozisyon.  Nou’n sorti en pti pe an deor nou koutim dan sa enn, nou pa’n zis propoz lamannman me dan 3 landrwa, nou’n remarke ki i annan en desizyon Policy ki bezwen ganny fer alor nou’n flag sa pou Minis.  Kot nou’n envit Minis regard 3 diferan landrwa pou nou kapab konnen ki mannyer pou amande e si i neseser pou amande. Bann lezot amannman se bann amannman plito senp. Mon pa konnen si nou devret pas anyway annou fer tre vit. Premye pwen Mr Chair se Clause 2(1)(3)definisyon ‘’compulsory school age.’’  E nou’n flag sa pou Minis, akoz i paret nou ki sa definisyon – nou konpran sa ki Minis i anvi fer, Minis i anvi dir kan ou pou konmans lekol, kan ou pou sorti lekol.  Sa nou konpran e i pou depi larz 6an ziska larzan 17an ; oubyen ler ou ganny Sertifika S5, whichever is the earlier, nou konpran sa. Me i pa paret nou ki sa set en definisyon ‘’compulsory school age.’’  I paret nou sa set en definisyon compulsory period of education, oubyen compulsory education. Alor nou’n demann avek Minis konsider sa e dir nou ki nou devret fer.

 

MR SPEAKER

Minis Morgan.

 

MINISTER JOEL MORGAN

Mersi Mr Speaker. Mr Speaker mon dakor avek sa ki Bills Committee pe dir. Nou’n reflesir lo la bomaten ler nou’n ganny sa bann lamannman. E nou vwar pour dir i fer sans. So mon pe propoz the following; nou delete sa seksyon 2, 1, 3 e nou ranplas konm swivan an term definisyon anba sa ki nou pe koz compulsory school age. Nou delete compulsory school age. E nou met sa ki swivan la, the following; nou met “compulsory education.” Compulsory education means education from primary 1 to secondary 5 or its equivalent.’’ E sa i anmenn nou anliny avek Konstitisyon kot nou koz dan Konstitisyon lo compulsory education.

E an swit nou swiv sa avek en lot paragraph kot nou define compulsory school age. E compulsory school age reads as follows; “compulsory school age means the age in which a student is in compulsory education.’’ So nou definir compulsory education e compulsory school age means the age in which you are as a student in compulsory education.  E sa i marye sa de eleman ansanm.

 

MR SPEAKER

Ok.  Chair Bills Committee are you comfortable with that?

 

HON BERNARD GEORGES

Wi nou konpran Mr Speaker. Mon pa tro kontan the age in which a student is in compulsory education. Akoz i annan en minimonm ek en maksimonm, so it’s the period maybe, compulsory school age means the …

 

MR SPEAKER

Ki mannyer ou ti pour fraz li?

 

HON BERNARD GEORGES

….‘’ages during which  the student is in…’’ ti ava fer plis sans.

 

MR SPEAKER

Minis.

 

HON BERNARD GEORGES

‘’ages during which…  

 

MR SPEAKER

Ou ok. Okenn lezot amannman ki okenn Manm i oule propoze? Chair Bills Committee.

 

HON BERNARD GEORGES

Mr Speaker nou annan ankor detrwa.  Mon pe zis regard en pti keksoz an fonksyon sa ki fek ganny fer la.  Mon pe regard seksyon 49, nou Act ki dir, ‘’every child shall attend school from the beginning of the school calendar in the school year until the child has completed the compulsory school age.  Compulsory school age prezan means the age during which a student …’’ I ok  mersi. Mon krwar i ava ok. Very briefly Mr Chair. Nou annan en sanzman definisyon educational institution. Nou pe tir sa ki la, e nou pe met means the school or an ‘’institution or centre for education and learning.’’

 

MR SPEAKER

Minis ou ok avek sa?

 

HON BERNARD GEORGES

Nou pe azout ‘’and learning’’.

 

MINISTER JOEL MORGAN

Mon dakor avek sa. I ok Mr Speaker, mersi.

 

MR SPEAKER

Ok any other amendments sorti kot Bills Committee, oubyen okenn Manm. Onorab Georges.

 

HON BERNARD GEORGES

Very briefly Mr Chair. Clause, 222, parey en nimero loto, Clause, 2,22 nou pe fer en pti propozisyon tir en comma dan en landrwa e azout en lot dan en lot landrwa. Minis i dir i ok. 2, 3, 1 en formal amendments, nou ti pe repeal en full stop, la aprezan nou pe delete li. E en keksoz ki pa lo zot paz, me set en lamannman ki Onorab Basil Hoareau in propoze pli boner. E sa se sa lamannman swivan ki nou pe fer antre in c     Clause 2, (5) by repealing in the propose new section 5(A) the word educational with ‘’education’’.

Akoz si zot regard 5(a) ki lo paz 10, zot Bill devan zot, 5(a) (1) zot a vwar son marginal note i Education Review Committee me dan son text premye fwa i ganny apel Educational Review Committee dan 5(a) (1), me dan 5(a) (2) i Education Review Committee. Alor nou pe fer li senp, nou pe met Education Review Committee partou. Mon vwar Minis avek PS i ok.  En very small amendments dan Clause 2, (12) pour azout en, “the,” me en keksoz en pe pli konsekan dan 2, (12) ki lo zot paz 13, nou pe demann regard en pti pe sa mo children ki ganny servi dan 12, (3) ek ‘’child’’ ki ganny servi 2 fwa dan 12, (5). Dan son Act nou pe mansyonn the word is ‘’students’’.  E la osi, annan de fwa nou servi ‘’students’’, me annan de fwa nou servi ‘’children’’. Alor nou kestyon se pour sa rezon ki nou pa’n propoz en amannman me nou pe plito kestyonnen. I annan de fason pour lir clause 12, (3) e sa se ‘’having regards to the educational needs and rights of the children.’’ Kestyon ki nou annan se; eski nou pe mean la of the particular child in which case i pour student or the rights of the child generally as in the Constitution in which case’’ children’’ i ava preferab. It’s a policy matter, nou pa konnen ki zot, what they want to say.

 

MR SPEAKER

Minister what do you want to say?

 

MINISTER JOEL MORGAN

Mr Speaker, dan sa particular clause 12, (3) la en, section, wi, section 15, dan sa section 15, subsection 3.  Nou ti a prefere, nou panse ki ‘’children’’ is the correct term la akoz pa neseserman tonm dan kategori en student ki pe attend en formal education course at sa pwen.  I kapab dan Pti Anfans. So nou met li, nou gard li children la. Nou pe propoze ki nou gard li children la e nou pa met student la. Educational needs of the child.

 

MR SPEAKER

Onorab Hoareau.

 

HON BASIL HOAREAU

Mersi Mr Chair. Mr Chair mon konpran ki Minis pe dir, e mwan osi mon ti’n mazinen nou ti annan, annefe sa diskisyon si i ti pe mean rights of children or i pe dir spesifikman pour sa etidyan.  I paret mwan ki Minis pe dir pour dir zeneralman pour zanfan. Me mwan ki mon ti pour propoze dan sa ka. Petet ki nou fer nou apre educational needs and apre sa word ‘’and’’, prezan nou ranplas sa, nou dir ‘’and the right of children and young person, conferred by the Constitution.’’ Akoz i kapab enkli osi young person ki kapab i osi bezwen ganny proteze ladan. E sa, basically mon pe servi the wording ki ganny servi dan Article 31 ki koz ‘’rights of children and young person.’’

 

 

MR SPEAKER

So that young person are not excluded under children. Are you comfortable with that Minister and Chair of Bills Committee?

 

HON BERNARD GEORGES

Avan ki Minister i reponn Mr Chair, les mwan zis mansyonn de keksoz. Premyerman dan sub-section 1 and 2 in the Act the word is ‘’students.’’ Dan proposed subsection 6 ki devan zot the word is ‘’students’’ alor me dan 3 and 5 the word is ‘’children and child’’ respectively. E sete sa ki ti’n donn nou en pe difikilte.

 

MR SPEAKER

Me sa ki’n ganny propoze par Onorab Basil Hoareau i kouver dan tou domenn, ‘’children and young people.’’ Se sa.

 

HON BERNARD GEORGES

I pour kouver for 3, what about 5? Dan 5 i annan 2 lenstans kot nou’n met ‘’child.’’ E nou, nou ti krwar ki i ti ava pli bon pour ‘’student.’’ Me this is your decision.

 

MR SPEAKER

Minis, children and young people. Minis,

 

MINISTER JOEL MORGAN

Mersi Mr Chair. Mr Chair subsection 5, ‘’where a child has been accessed and recommended to follow special education program and the parent or guardian refuses to enroll the child and so on… ‘’Where a child’’ – la it should be a ‘’student.’’ La it should be dan sa ka la anba 5, Bills Committee Onorab Georges i annan rezon. It should be a ‘’student’’ la. Mersi.

 

MR SPEAKER

Ok, alright Onorab Georges.

 

HON BERNARD GEORGES

Eski Minis i dakor avek propozisyon Onorab Hoareau pour 3. Minis.

 

MINISTER JOEL MORGAN

Wi mon dakor Mr Chair.

 

MR SPEAKER

Ok. Onorab Georges eski i annan okenn lezot amannman. Go ahead.

 

HON BERNARD GEORGES

Wi Mr Chair, i annan en lot ki fek leve la. Onorab a mon dwat in mansyonn mwan ki dan 6 i annan both student and child. The family tribunal may compelled the student or refer the child. Maybe this is a good distinction. Maybe students go to the special education program, but children are referred to the Family Tribunal. Si zot vwar dan 6.  Maybe that is deliberate.  Eski nou kapab ganny gidans lo la?  Or it should be student…

 

MR SPEAKER

Zot la bann avoka pour gid nou, gid Minis e Speaker e lezot. You are the Man of law.  (laughter)

 

HON BERNARD GEORGES

But we are not the policy deciders.

 

MR SPEAKER

The decider – the policy decider. Ou’n ganny gide par the legal minds.  Minis.

 

MINISTER JOEL MORGAN

Mr Chair mon krwar in annan en pti pe sa word ‘student’ ek ‘child’ in ganny used in ganny servi en pti pe interchangeably la – en?  E i devret annefe refer the student to one of the establishments.  It should be referred the student dan sa ka la.  It’s been used.

 

MR SPEAKER

Ok.  Onorab Georges.

 

HON BERNARD GEORGES

Pardon Clause 2, (17) nou pe replace their by his and her. Mon vwar Minis i aksepte. Ankor enn fwa nou pe insert en let “a” dan Clause 2 (18). Minis i ok.  Dan Clause 2 (19). Nou oule sanz ‘’without justifiable reasons’’, pour anpes en manrmay al lekol. Nou oule ranplas li by’’ without justification’’. Akoz for obvious reason. Dan Clause 2, (23) (I) a (iii), nou oule met mo ‘‘parents’’ instead of ‘’parent’’. Again for obvious reason.

2 (25) i annan enn de fot linatansyon.  Ankor enn fwa repealing and deleting. Apre kot i met 7 (g), it should actually have been 72(g). Alor nou pe fer sa koreksyon.  2 (27); 2(h).  Ankor enn fwa lentrodiksyon, zis nou pe azout en word “the,” (sorry) nou pe tir en word “the,” eskiz mwan, epi 2 (27) , 2 (o), i annan ankor enn fwa detrwa fot, nou pe profite pour sanze,’’ advice’’ in ganny mal eple.  Epi ‘’on ‘’nou oule azout ‘’in respect of’’, so that instead of ‘’provide guidelines and advice to students on education,’’ I ava dir li ‘’provide guidelines and advice to student in respect of education’’. Minis i aksepte.  E finalman nou vin lo Lapolis ki pe antre lekol. Propose new 83, (a) ankor enn fwa nou, Minis in adres sa pwen.  Me nou bezwen fer en lamannman an konsekans.  Mon krwar Onorab Hoareau ti anvi kekfwa sizer en propozisyon. Me nou annan de problenm la. Enn se enspekte.  Eski nou oule, nou pe gard sa ran?  E dezyenmman se, eski sa zofisye Lapolis i kapab antre lekol ler i santi ki i neseser san bezwen alert Headteacher avan parey propozisyon i ete la konmela, akoz …

 

MR SPEAKER

Yes Onorab Ramkalawan.

 

HON WAVEL RAMKALAWAN 

Non mon krwar i pour bon pour li alert, I mean zis pour li, zis for the, pour Headteacher konnen ki, me selman sa alert i pa bezwen telefonn 6 erdtan avan, 3 erdtan avan. Letan i rantre dan lekol, i raport kot Headteacher, i dir – mon pe tyek en pti zafer la.  Mwan mon ti ava dir a plis police office, tir sa non ‘’below the rank of inspector’’, konmsi pour read ‘’a police officer may at any time on intimation to the Headteacher for school, enter the school premises.

 

MR SPEAKER

Anfet se sa ki ti traka enn de Manm.  I pa kestyon averti Headteacher. Me ki ran. Eski en konstab pa kapab rantre, i annan en lager pour li sey met lord? Oubyen esper lenspekter? Mon’n vwar en lanmen.  Wi Onorab Pillay, non Onorab Hoareau ou ti’n lev ou lanmen.

 

HON BASIL HOAREAU

Mersi Mr Chair.  Mr Chair mwan ek sa kestyon mon kontan nou’n dir okenn Police Constable i kapab antre.  Me mon ti a kontan osi annan de lezot keksoz mon ti a kontan met devan lo la.  Petet pour fer li pa – ok petet i pour rar.  Me i annan lokazyon petet ki en zofisye Lapolis i bezwen act on the spur of the moment, kot i kapab antre san ki i bezwen kapab ganny loportinite pour notify sa Headteacher.  Mwan ki mon ti pe prezimen se petet apre ‘’at anytime’’, apre nou azout sa bann words, ‘’and where reasonably practicable on intimation to the Headteacher.’’ So ‘’where ‘’reasonably practicable.’’ So kot i pa pratik i bezwen act on the spur of the moment. I kapab antre.

 

MR SPEAKER

I annan serten fleksibilite.

 

HON BASIL HOAREAU

Yes. Egzakteman. E apre, mwan mon lot problenm ki mon ti annan ek sa seksyon Mr Speaker, prezan i kree 4 letan kot lapolis i kapab antre. Si ou get sa 4 fason ki Lapolis i kapab antre, i en pti pe drol. Akoz i dir ek ou ki Lapolis i kapab antre letan i annan en lofans ki pe ganny.  So at the time ki sa lofans pe ganny komet si li in ganny en lenformasyon ki i annan en dimoun pe lager, i kapab antre.  Ouswa i kapab antre kot i annan suspicious ki en lofans pe al ganny komet.  So letan in the act of committing or is about to be committed.  Apre i dir ou letan en bann etidyan, ouswa en dimoun ki lo school premises, i annan posesyon serten keksoz drol and so forth. Apre pour li i dir ou i pe fer en routine inspection. Me i pa dir ou, be si lofans in fini ganny komet. Si lofans in fini ganny komet.  E en teacher in fini ganny assaulted, ouswa en lot etidyan, sa in fini ganny fer. Napa sa provizyon pour ki i kapab antre   E mwan ki mon ti pe sizere ki…

 

MR SPEAKER

Ki ou propoze.

 

HON BASIL HOAREAU

Mon ti pe sizere ki apre B, apre paragraph B, nou met enn ki dir ‘’where he or she has reasonable grounds for suspecting that a student or any other person has committed an offence on the school premises, or in the vicinity of a school premises’’, konmsi basically la i kapab antre.  Konmsi nou’n fini dir pli boner pour dir ki i kapab antre si prezan i annan reasonable grounds to suspect.  So i kouver sityasyon kot en lofans in fini ganny komet e i kapab antre.  Apre Mr, apre ki mon dir obviously si nou pe insert li koman a new paragraph (c), then we need to re-letter (c) and (d) now respectively, (c) and (d)  pour vin (d) and (e).

 

MR SPEAKER

Mersi.  Chair Bill Committee.

 

HON BERNARD GEORGES

Mersi Mr Chair. Mon pe propoz dan menm laliny ki Onorab Hoareau, en lamannman to the current B, to the read ‘’has reasonable ground for suspecting that the student or the person has committed or is about to commit an offence.’’ I ava vin pli…

 

MR SPEAKER

Sa i kouver sa act si in fini arive. Yes Onorab Ramkalawan.

 

HON WAVEL RAMKALAWAN 

Be Mr Speaker, Mr Chairman, mwan mon pe mazinen. Parski tousala se police duties sa. Tousala se police duties an zeneral.  Mwan mon kestyon se why should we define pour dir A, B, C, D?  Akoz nou pa senpleman koup tousala sa bann A, B, C, D e pour dir, ‘’may enter the school premises to perform police duties’’ – something to that effect.

 

MR SPEAKER

As defined by the police itself.

 

HON WAVEL RAMKALAWAN 

Parski ki ou pour antre pour li fer, pour li soz police duties e sa i enkli si i annan en krim ki pe al ganny komet, si i en krim pe ganny komet. Tou sa bann zafer. Konmsi so that we have only one sentence pour li en police officer i antre pour li, zot ava ganny en pli bon.

 

MR SPEAKER

Onorab Georges, konmsi ou pa tro, tro konfortab ek sa?

 

HON BERNARD GEORGES

Mon krwar mon konpran akoz Minister ledikasyon in fer sa. E mon konpran akoz zot ti’n met lenspekter akoz en lekol i en landrwa en pti diferan avek en public place in general.  Alor zot, e i bezwen en serten proteksyon from what is outside the walls including police officers.  Alor mon krwar kekfwa avek tou respe ki mon annan pour Onorab Leader Lopozisyon, mon krwar, mwan mon ti a personnelman prefere vwar sa ki reste la e ki definir tre byen. Of course lapolis i annan tou son lezot pouvwar pour li ki i kapab servi over and above sa ki la devan nou.

 

MR SPEAKER

Sorry la, I am a little bit confused.  Be kwa ki ou pe propoze ki nou garde la?

 

HON BERNARD GEORGES

Nanryen.  Mon pe propoz ki nou zis azout parey Onorab Hoareau in dir has committed or dan B.

 

MR SPEAKER

Ok, alright. Mersi Onorab…

 

HON BERNARD GEORGES

E nou aksepte osi sa ki Onorab Leader Lopozisyon ti’n propoze avan with regards to deletion of rank of inspector.

 

MR SPEAKER

Ok, Onorab Hoareau ou ok ek sa. Yes, en pti moman, en pti moman. Onorab Hoareau apre Minis.

 

HON BASIL HOAREAU

Mr Chair mon konpran ki Onorab George in dir me at the same time mon oule konpran ki Onorab Ramkalawan pe dir. Annefe mon ti pe get – I en, konmsi la nou pe restrikte lapolis kote ki mannyer i pour antre, dan ki fason i antre.  Be letan mon pe get lartik 161 ki donn pouvwar Lapolis nou bezwen fer sir nou pa curtail sa pouvwar ki Konstitisyon i donn en zofisye Lapolis par en act. Akoz sa Act i kapab ganny trouve unconstitutional.  Parski lapolis son fonksyon i ganny donnen. I dir ou koumsa ‘’to maintain law and order in an preserve internal security of Seychelles.  And any other area of which a republic has proclaim its jurisdiction.’’ So basically i allow ou lapolis pour antre me selman i annan bann serten par egzanp nou dir a reasonable grounds. Ou kapab antre dan en premises, si ou krwar en dimoun ki’n sove, i annan serten bann kondisyon.  Me mon konpran petet konsern Onorab Ramkalawan letan i pe dir eski nou pa pe tro met proteksyon lo protez school premises, be at the expense of the powers and function of the police.

 

MR SPEAKER

Ok.  Can we round-up pour nou move on.  Silvouple Onorab Georges sa ki Onorab Hoareau in fek dir.

 

HON BERNARD GEORGES

Wi mon konpran tou le de kote Mr Chair. Mon toutafe dakor avek tou le de kote.  Mon pe zis anvi prezerv sa lenstitisyon li lekol.  Mon krwar ki se dan, malgre ki nou ki lapolis i annan dwa.  E mon pa krwar ki nou pe curtail li la.  Nou pa pe dir ki an deor sa i pa kapab fer son duty.  Mon krwar sa ki nou pe fer se nou pe dir li an koneksyon ek lekol, ou kapab fer sa, me natirelman ou kapab fer tou, ou kapab egzers tou ou bann lezot pouvwar osi.

 

MR SPEAKER

So nou gard li.  At the end of the day, nou gard li koman i ete Minis?

 

HON BERNARD GEORGES

Minis i ava gid nou.

 

MR SPEAKER

Minis.

 

MINISTER JOEL MORGAN

Mersi Mr Speaker, mon pe sey navige lo sa nivo bann diferan eleman ki’n ganny propoze la. Mon konpran tou bann largiman ki’n ganny met devan. Mon krwar sa propozisyon ki nou ti’n petet oparavan pour sa ran.  Se ki esansyelman nou pa ti oule ki nenport ki zofisye i antre dan lekol petet lo nivo en konstab, i antre dan en laklas e i fer serten travay ouswa serten aksyon dan en laklas; e sete pour sa rezon ki ler nou diskit avek Attorney Zeneral i ti propoze ki nou met li lo ran enspekter.  Mon’n osi konpran bann largiman ki’n ganny mete la devan bomaten. E mon krwar sa eleman enform Headteacher kot i posib, si i pa dan hot pursuit ouswa en keksoz koumsa, i totalman akseptab si Headteacher i aware ki en zofisye Lapolis in antre dan son premises, otomatikman li i a delegate en dimoun pour akonpanny sa zofisye pour fer son travay.  Si sa zofisye an partikilye i bezwen al dan en laklas kot i annan bann lezot zanfan, e i kapab annan serten lensidan, lensidan aksyon vyolan ki take place.  Mon krwar sete sa en pe rezon akoz nou ti anvi annan serten proteksyon pour sa bann zanfan konsernen dan school premises.  Sa i enn. Me sertennman osi i annan sa kestyon search without an warrant.  Annefe sa ki sa seksyon 83, (a)(c) si i fer, i donn permisyon Lapolis pour antre lo premises lekol. E search for par egzanp, ok, drugs i kouver anba Misuse of Drug Act kot ou pa bezwen en warrant. Me lezot keksoz, serten lezot keksoz ou bezwen en warrant. E sa i donn permisyon Lapolis pour antre dan lekol avek knowledge Headteacher pour li vin fer en search san en warrant.  Pour le moman sa i donn sa, sa permisyon e nou ti anvi ki nou donn sa fleksibilite lapolis pour vin par egzanp pour offensive weapons, bann keksoz koumsa ler i annan serten bann keksoz ki pe arive. E pou perform pour routine inspection set a dir patrol dan premises lekol ki private, konsidere koman private property, so its not a public place.  So nou donn permisyon Lapolis pour antre li premises lekol pour fer patrol ler i neseser.  Mon krwar i se sa bann eleman.  Be selman mon dakor avek sa ki in ganny dir sa bann amannman ki’n ganny propoze, nou kapab go by. Mersi.

 

MR SPEAKER

Ok, so si ou dakor avek lamannman ganny propoze par Chair Bills Committee mon krwar ki nou bezwen pran en vot lo sa bann lamannman. Mazinen i deza 1.20, nou annan 6 Bills ankor ki nou sipoze war ozordi apre midi.  Wi Onorab Hoareau.

 

HON BASIL HOAREAU

Mersi Mr Chair mon annan de pti amannman ki nou pa ti’n ganny sans diskite lo Bills Committee. Mr Chair kot Clause 2, 1, 3 ki, kot nou pe koz sa nouvo subclause 3 ki pour vini after section 3, kot pour le moman i dir kot enn bann keksoz ki bezwen pran kont se, ‘’have regards to the rights of children conferred under the Constitution.’’ Zis pour li vin konsistan ek sa lamannman ki nou’n fer pli boner. So nou azout ‘’and young person’’ after the word ‘’children’’. The words ‘’and young person’’ apre nou delete the word ‘’under’’ and replace li by the word ‘’by’’  ‘’by the Constitution. ‘’Ok.

 

MR SPEAKER

Onorab Chair of the Bills Committee pa’n ganny ou, redir.

 

HON BASIL HOAREAU

Clause 2, Roman (ii). New sub-section 3. ‘’Every person involved in the implementation of the Act should have regards to the rights of children’’ after children nou add the word ‘’and young persons.’’ And then delete the word ‘’under’’ and replce it by the word ‘’by’’; conferred by the Constitution. That is one.  Apre Mr Speaker dan clause 2 (4) kot paragraph, sa propose paragraph H, basically nou tir akoz pour le moman i pe lir ‘’prescribe methods and procedures for the award of qualifications and the assessment of performance of a student in the State Schools’’. Nou, nou, mwan pe propoze ki nou tir the word, delete the word “a” e nou azout letter “s to the word student, so i vin ‘’students’’. Apre nou tir the word the, so it will read ‘’assess performance of students in state schools.’’Apre dernyen amannman ki mon pe propoze i dan paragraf clause 2 (5) e i an relasyon ek paragraf (e) dan Clause 2 (5) kot i servi pour the availability of teachers.  Mon pe propoze nou delete the word ‘’availability’’ and substitute li by the word “supply” – supply of teachers rather than the word “availability. ”That will be all.

 

MR SPEAKER

Onorab Georges Chair Bills Committee.

 

HON BERNARD GEORGES

Mwan mon ok avek sa 3 Mr Chair, si Minis i dakor.

 

MR SPEAKER

Minis eski ou ok ek sa 3?

 

MINISTER JOEL MORGAN

Mr Chair mon ok avek sa premye 2.  Zis donn mwan en moman mon a regard sa 3enm ki’n ganny propoze. Mersi. Mr Chair rezon ki nou’n servi sa mo availability la, se ki sa Education Review Committee i regard availability on hand of the teachers e zot konpetans e zot performans.  So the availability on hand i esansyelman as opposed to the supply, which is the supply and demand – i confer en lot meaning en pti pe. Mon ti a propoze ki nou gard sa mo availability.  Mersi.

 

MR SPEAKER

Onorab Hoareau i ok avek sa.

 

HON BASIL HOAREAU

Yes Mr Chair.

 

MR SPEAKER

Tre byen mersi. Eski nou kapab prezan Minis mon krwar tou bann amannman in fin ganny propoze, tonm dakor, nou kapab pran en vot lo the amendments ki’n ganny propoze at Staz Komite.  Tou dimoun ki dakor lev zot lanmen?

       

MADAM CLERK

Mr Chair 26 Manm an faver. Mersi.

 

MR SPEAKER

Mersi Clerk.  Mon a sizere ki Bills Committee osi i devret eksplisit, parski mon vwar Mr Pool Victor in abandonn ou.  So maybe pour ed zot kot Attorney General Office ki ganny byen klarifye let, comma, ek pwen, ensidswit. Avek sa eski nou kapab retourn Committee of the Whole.  Mr Sergeant bouz Mace silvouple.  Nou kapab ganny Mosyon pour nou fer en formel Third Reading.

 

HON CHARLES DE COMMARMOND

Mersi Mr Speaker. Mr Speaker anba Order 71(1) nou Standing Order, mon oule move ki the Education Bill (Amendment) Bill 2017 as amended i ganny lir en Trwazyenm Fwa.

 

HON SIMON GILL

Mosyon segonde.  Mr Speaker.

 

MR SPEAKER

Mersi Onorab Gill.  Eski nou kapab pran en vot.  Tou bann ki dakor lev zot lanmen?

 

MADAM CLERK

Mr Speaker, 26 Manm an faver.  Mersi.

 

MR SPEAKER

Mersi Clerk.  Avek sa nou a demann ou pour fer en Formal Third Reading.

 

MADAM CLERK

Mersi Mr Speaker. This Act may be cited as the Education (Amendment) Act of 2017 and shall come into operation on such date as the Minister may by notice in the Gazette appoint.  Mersi. Mr Speaker.

 

MR SPEAKER

Mersi Clerk.  Avek sa in ariv ler pour nou remersi Minis avek ou lekip pour ou letan bomaten.  Mon konnen i annan en long bomaten pour ou.  Me omwen tou ou bann keksoz in annord.  La ou a kapab eskiz ou, remersye ou e lo lapar tou nou bann koleg dan Lasanble, enkli Sekretarya swet ou, ou fanmir tou ou bann professional otour ou, madam Delcy, Dr De Commarmond, Mr Dora en bon Nwel e espere 2018 nou a kontinyen travay ansanm avek ou Minister, ansanm ek Lasanble.  Nou a eskiz ou Honourable Minister ek ou lekip.

 

MINISTER JOEL MORGAN

Mersi Mr Speaker, mon ti a kontan. Mon ti a kontan remersye zot e swet zot tou, Mr Speaker ou ek ou fanmir, Leader Lopozisyon ek son fanmir LGB ek son fanmir, tou Manm Lasanble ek zot fanmir, e tou dimoun ki a lekout e zwaye Nwel e en Bonn Ane 2018. Ki Bondye i beni zot tou. Mersi.

 

MR SPEAKER

Mersi Minis.

 

(MINISTER JOEL MORGAN AND HIS DELEGATION WAS EXCUSED FROM THE HOUSE)

 

MR SPEAKER

Wi.  Bon mon a remersye tou bann Manm ki’n evidaman partisipe pour fer deba tre enteresan.  Mon sir piblik in byen ekout nou.  Bomaten nou ti koz lo en pwen ki ti ganny leve par Onorab Henrie lo kestyon Air Seychelles sirtou Statement ki Minis Loustau- Lalanne ti pour fer. Nou’n ganny dir ki Minis Lalanne i aktyelman pare pour vin fer son Statement.  Mon sizere ki nou vwar ki mannyer nou ale apre midi akoz nou annan 6 Bills parey mon dir i pe se fer. Parski nou la pour nou travay ki nou kapab zwenn si nou pa fini apre midi nou kapab zwenn demen pour nou pa touy nou lekor, pour nou enjoy Nwel. Me la pour le moman, nou a pran en Break akoz ler nou pour tournen, nou pour zwenn Minis Larose kot nou pour koz, nou pour konklir lo Bidze lo Appropriation Bill.  Be mon sizere ki la olye retourn 2er nou a retourn 2.30.  Parski i en pti pe tar, manze in fre.  Nou a retourn 2.30.

 

(BREAK)

 

MR SPEAKER

Clerk ou la, mon pe rode si ou la.  Bon bonn apre midi tou bann dimoun ki a lekout, bonn apre midi tou bann koleg, mon ti a kontan lo la par tou bann Lasanble, Manm Lasanble Sekretarya swet labyenveni – apre midi dan Lasanble Minis Larose, Dr Larose, Minis Finans avek son PS, PS Payet avek zot lekip e parey mon ti dir bomaten nou pour pran Appropriation Bill 2018, pour nou konklir nou deba.  Nou pour donn sa 2 Leaders e moman pour zot osi fer serten Statement avan oubyen non, nou les Minis pour fer son Statement, be sa 2 Leaders nou pa ti tonm dakor ek zot pour koze?  Si non pa oule koze all the better akoz nou annan en kantite keksoz pour nou fer nou bezwen clear, nou tou nou pe sey organiz nou Christmas Party – kot i annan serten nou pa ni ankor zwenn nou Komite.  Anyway I speak for myself petet me Minis tou fason i a kontan pour vwar ou ankor enn fwa dan nou Lasanble.  Petet nou a komans avek ou nou a fer en Statement lo Budget Address I mean Appropriation Bill epi par laswit nou a vwar, Minister Larose ou annan laparol.

 

MINISTER PETER LAROSE

Mersi bokou Mr Speaker, bonn apre midi Mr Speaker, bonn apre midi Leader Lopozisyon Onorab Ramkalawan, Leader of Government Business Onorab De Commarmond bonn apre midi egalman tou bann Manm Onorab dan nou Lasanble e pep Seselwa ki a lekout.  Mr Speaker i fer 1an ki nou’n travay ansanm pour nou pei Sesel.  E mon kapab dir ki nou’n akonplir bokou e byensir i reste bokou pour fer a lavenir.  Mr Speaker ler mon ti pe konsevwar sa Plan Fiskal pour 2018 mon ti fer bokou konsiltasyon lo ki mannyer Gouvernman i kapab en Bidze ki satisfer tou Seselwa.  Pour et onnet avek Lasanble avek pep Seselwa napa en Minis Finans ki kapab anmenn en Bidze ki parfe pour en Nasyon.  me nou’n fer le mye posib pour satisfer nou popilasyon depan kantite resours ki nou annan a nou dispozisyon.  Se pour sela nou’n swazir en Tenm “Travay Pour Prosperite Pour Tou Dimoun“ sa mesaz i profon parske sa Bidze se pour tou Seselwa, lobzektif Nasyonal se ki nou pep i benefisye pandan ki nou pe envestir pour lavenir. Mr Speaker mon repet mesaz ki mon ti soulinyen dan mon Ladres Bidze 2018 “pour fer plis progre nou bezwen enplimant en Plan Ekonomik ki stab, en Plan Fiskal ki solid e soutenab annan en servis piblik ki pli prodiktiv e efikas i swiv en Polisi dirab.  Sa se lakle nou devlopman.  Mr Speaker mon’n deza lans en lapel avek tou bann Minister, Departman, Lazans e osi bann Konpanny Paraetatik ki lannen 2018 nou Minister i ekspekte ki zot annan plis Disiplin Fiskal e et pli efikas dan zot aktivite ki i annan en lenpak lo zot Bidze.  Mon bezwen admet ki i annan en konparezon avek bann lannen presedans, i annan en progre.  Me nou pa kapab fer en pe plis si nou pa travay en pe plis an kolaborasyon.  Mr Speaker ler mon koz lo size kolaborasyon mon oule remersye tou Manm Onorab dan nou Lasanble espesyalman Chairman e Manm ki form par Finance Public Accounts Committee (FPAC) pour sa relasyon Profesyonnel e kordyal ki i egziste ant sa Komite avek Egzekitiv.  Mr Speaker la mon ti ava profite lokazyon pour felisit Onorab Ramkalawan Chairman FPAC ki’n ganny elekte koman en Manm lo Commonwealth Association of Public Accounts Committee CAPAC an L’Angleterre e pour lezot Manm ki enkli Onorab Sebastien Pillay i ti akonpanny Onorab Ramkalawan lo sa journey L’Angleterre e pour lezot Manm Onorab ki form par sa FPAC mon dir zot tou felisitasyon osi.  Mon oule osi remersye Chairman e tou Manm Komite lo Government Assurances dan Lasanble Nasyonal ki’n donn nou zot sipor e pous nou pour realiz e delivre nou promes.  Mr Speaker i annan ankor dimoun ki mon oule mansyonnen e remersi set apre midi avan ki mon termin lentervansyon pour lannen 2017, parske mon obzervasyon se ki Sesyon Lasanble pour set apre midi in dedye pour Minister Finans, Komers e Planifikasyon Ekonomik.   Mr Speaker permet mwan dir 2 mo lo nou filozofi, bonn Gouvernans, transparans e rann kont.  Sa filozofi i annan en gran sinifikasyon tre profon ki parfwa nou pran li a la lezer, sa mo rann kont i pa enplik zis Minister Finans, Komers e Planifikasyon Ekonomik akoz ki sa Minister i gard Kont e sirvey aktivite Nasyonal, me i egalman aplik pour nou tou Minister, Departman, Lazans Ekonomik Parastatal ki servi Fon Piblik.  Si nou oule fer plis progre dan lannen 2018 e a lavenir nou bezwen vin pli rezonnab dan nou aktivite sosyal e ekonomik. Mr Speaker si nou oule benefisye avek plis lenvestisman lokal e etranze i neseser ki nou sanz nou mindset, nou bezwen vin en Nasyon pli prodiktiv e efikas dan nou langazman ekonomik parske nou pei i depan lo nou tou Seselwa menm si i annan etranze parmi nou.  Mr Speaker pour pli enportan ki tou pour sa Mwan nou’n rann kont lepep Seselwa ki vedir a lafen lazournen nou tou nou bezwen rann kont avek nou pei.  Mr Speaker apre ki mwan mon’n vwar Lasanble an aksyon e ki’n nou’n angaz dan en diskisyon Bidze pour Fiskal 2018 e sete nou Nasyon in swivre deba e fer bokou komanter lo menm size, mon note ki ozordi nou’n ariv a lafen nou travay.  An fezan sa remark mon konfidan ki tou Onorab dan nou Lasanble set apre midi ava anmenn zot sipor mazoriterman e vot an faver sa Bidze ki nou popilasyon pe ekspekte pour zot aprouve R7,935, 937, 193 bilyon.  Mersi bokou Mr Speaker.

 

MR SPEAKER

Mersi Minis, eski Leader of Government Business i aste en remark bref ki oule fer?  Non?  Ok?  Onorab Leader Lopozisyon eski i annan brief remark ki oule fer lo baze lo Statement.  Wi go ahead.

 

HON WAVEL RAMKALAWAN

Yeah mersi Mr Speaker, bonn apre midi Minis ek ou Delegasyon e premyerman les mwan remersye ou Minis pour ou parol felisitasyon e mon krwar tousala i ava ed nou dan sa travay ki parey ou’n dir ‘ sa kolaborasyon avek Minister Finans e tou.’ Mr Speaker mon ti ava kontan premyerman dir ki sa lannen dan Bidze nou’n vwar ki poudir in annan en gran amelyorasyon letan bann diferan Departman, Minister in vin devan Lasanble e i kler ki sa scrutiny in pas dan en fason pli efikas, pli vit.  Me mon ekspekte ki poudir pandan sa lannen ki pe vini nou ava kapab atraver FPAC prensipalman ki fer sa travay pour Lasanble nou ava kapab par egzanp o komansman lannen letan nou regard Rapor Oditer Zeneral letan nou pour fer bann Hearings e apre sa letan nou pe fer nou bann lezot envestigasyon kapab ede pour ki Gouvernman i kapab vin pli efektiv efikas.  E dezyenmman Gouvernman Mr Speaker e sa i en pwen ki nou 2 Onorab Sebastien Pillay nou’n koz bokou lo la, e ki FPAC an 2018 nou pa anvi ki i en Komite ki zis fer letopsi.  Me nou anvi ki i vin en Komite ki fer bann ‘live operations’.  E deza i annan serten bann landrwa kot santi i devret annan bann lenvestigasyon kot atraver Oditer Zeneral pour li komans regarde par egzanp zis pour nonm en legzanp an pasan mon krwar ki sa Music Stadium i enn ki nou’n bezwen met anba microscope son Bidze in ogmant par 5 milyon e son dat konklizyon i ankor en mister pour tou dimoun.  Alors nou pour bezwen e petet bann dimoun ki pe tande la ki pe okipe avek sa pour zot konnen ki poudir FPAC pour met sa anba microscope anmezir ki nou fini serten travay ki nou’n ganny donnen.  Me Mr Speaker 2 dernyen pwen, premye pwen se mon krwar ki i bezwen annan plis disiplin lo la par Gouvernman an term bann Bills.  Par egzanp mon bezwen dir avek Minis avek gran dezapwentman definitivman sa Pension Bill nou pa pour kapab pran, nou pa pour kapab pran akoz i annan en kantite keksoz ladan e letan nou’n antann ki poudir Gouvernman in fer en Extraordinary Cabinet Meeting Sanmdi pase lo en Bill ki ti’n lo en Prozedlwa ki Minis li menm ti’n deza mansyonnen dan son Diskour lo Bidze an Oktob ki se zis la aprezan ki sa i ganny mete devan nou atraver Extraordinary Meeting – nou krwar ki poudir Gouvernman, e la nou pa pe blanm Minis Finans, mon pe dir ki Gouvernman an zeneral i bezwen vin pli aktiv, vin pli alert; menm parey avek tou sa bann lezot Bills ki’n vini, Bills in vin devan nou ki napa Official Gazette avek e in en sel dezord.  E nou anvi fini nou travay, nou ti’n devret fini depi semenn pase e nou trouv nou dan – so alor Mr Speaker mon ti ava kontan dir ki sa i en keksoz ki nou pour met bokou lanfaz lo la.  E an zeneral lannen prosenn lo nou kote nou pour dir amwen ki bann Bills i pas dan bann prosesis normal anba Standing Orders sa bann zafer sot 14 zour apre ki in ganny zete e in ganny Gazette apre sot sa 7 zour kot nou bezwen suspend Standing Orders sa i en disiplin ki nou pour bezwen mete vizavi Gouvernman.  E avek sa Mr Speaker, mon bezwen dir Minis mon konnen Minis in eksprim sa dezir ki tou Manm Onorab i vot an faver pour Bidze.  Mon ava dir Mr Speaker e mon a onnet avek Minis pour Bidze pour Minister Finans ki ou okipe, nou ti pour napa okenn ezitasyon pour nou vot an faver parey nou ti fer dan Komite Stage me selman ankor enn fwa nou krwar ki Gouvernman i annan keksoz pour li e nou santi poudir Gouvernman i annan bann landrwa kot i top heavy ; kot par egzanp dan Departman Kiltir kot ou a krwar i annan bann duplication – I mean dan Minister Lafanmir, kot lo en kote ou annan en group la ki pe regard zanfan ki ganny en lot larzan separe lot i ganny en lot larzan separe e i pa tonm anba Minister Lafanmir ; kot nou santi ki nou ti kapab streamline Gouvernman, streamline Gouvernman pour koup sa duplication e sa ti ava non selman fer nou fer savings me ti ava permet nou pour nou vin pli efikas ankor enn fwa. Alor lefe ki i annan bann landrwa kot nou pa satisfe avek keksoz ki mannyer i été, kot nou krwar nou devret koup plis e kot nou annan dout ki poudir i annan serten larzan menm si nou pa’n kapab idantifye egzakteman ki mannyer i kapab pa pe al pour servi pour byen pei e lo lot kote i annan bokou bann keksoz ki nou happy avek, alors konmsi nou annan, nou dan sa pozisyon la e mon anvi dir ek Minis poudir ou Bidze pour pase la li, ou Bidze pour pase me selman avek tou respe lo nou kote nou pour annan en abstention.  Nou, nou pour abstain nou pour les bann Manm lot kote Gouvernman vot an faver pour mon espere zot pour vot an faver Minis parske ou a krwar letan mon’n nonm sa konmsi ou a krwar i annan en pe dout lot kote, mon pa konnen.  Me definitivman nou, nou ava kontinyen zwe nou rol koman sa check, koman sa balance, koman sa watchdog pour nou kapab at the end of the day ed Minister Finans dan sa gro latas ki i annan.  E mon ava terminen an dizan ki definitivman Minis nou konnen ki poudir ou annan en gro latas devan ou e ou bezwen sakouy en pe ou bann lezot koleg Minis.  Mersi bokou Mr Speaker.

 

MR SPEAKER

Mersi Onorab, eski mon kapab prezan demann PS Payet pour gid nou lo vot avan nou pran en final vote lo sa Bill Appropriation Bill, PS Payet parey labitid nou depan lo ou la pour tyonbo nou lanmen anmenn nou devan.

 

PS PATRICK PAYET

Mersi Mr Speaker.  Bonn apre midi tou Manm Onorab e bonn apre midi Mr Speaker e tou dimoun ki a lekout, Bill orizinal ti en sonm R7, 951, 537, 313 bilyon  e ladan letan during Komite, Staz Komite Lasanble ti koup Bidze enn de bann Lazans ek bann Minister ouswa bann Social Program ki en total sonm R15, 60,120milyon, alor nouvo sif pour Bidze i R7, 935, 937, 193 bilyon.  E zis pour note osi Mr Speaker i annan en sonm 96, 967,729milyon sa in ganny freeze e nou’n diskit avek Cabinet of Ministers bann Lazans Gouvernman ouswa bann Minister, ouswa bann Departman zot prepar, zot pe prepar bann detay pour nou soumet avek FPAC.  E ki mon panse dan Mwan Zanvye zot a ganny sa bann lenformasyon avek sa mon krwar anmezir ki bann lenformasyon i ava antre ki bann larzan osi i ava ganny unfreeze.  Mersi Mr Speaker.

 

MR SPEAKER

Mersi PS Payet si zot tou zot in ganny sa sif 7 billion ek sif ki in donnen zot in note, alor a sa pwen mersi ankor PS nou’n apresye touzour ou clarité panse ou pour gid nou lo bann zafer Finans ek Bidze.  E a sa pwen nou pran en vot final lo sa Bill ek sa sonm ki’n ganny propoze par PS Finans, sorry Deputy mon pa’n tann ou byen, redir mwan?

 

MADAM DEPUTY CLERK

(Mic Off)

 

MR SPEAKER

Be non Second Reading i vin, you do not vote avan, non Second Reading yes?   Ok yes Onorab De Commarmond.

 

HON CHARLES DE COMMARMOND

Non, non la nou devret al vot lo Second Reading la – wi, wi Merit nou pa ankor petet.

 

(Interruption)

 

HON CHARLES DE COMMARMOND

Nou pa ankor vote… Pa ankor.

 

MR SPEAKER

Mwan mon ti’n ganny lenpresyon ki ….

 

HON CHARLES DE COMMARMOND

Nou pa ankor vot …. Pa ankor.

 

MR SPEAKER

…. Ler nou’n fini vot lo sa ki PS Payet in prezante, apre la nou demann en Mosyon pour al lo Third Reading, Formal Reading.

 

HON CHARLES DE COMMARMOND

Savedir nou’n fini vot pour Second Reading?

 

MR SPEAKER

Wi, wi prezan ler nou pe vot pour Bill pour sa amount – yes.

 

HON CHARLES DE COMMARMOND

Kan nou ti fer sa, la?  Nou’n fek fer.

 

MR SPEAKER

Ok Onorab De Commarmond?

 

HON CHARLES DE COMMARMOND

Wi nou’n fer Second Reading depi lot semenn pase letan apre in dir wi, wi.

 

MR SPEAKER

Sa ki mon’n ganny en konpran savedir ozordi nou pe zis vot pour….

 

HON CHARLES DE COMMARMOND

Aprezan la nou pe al pran nou responsabilite pour nou vot pour Third Reading pour nou fer Third Reading apre nou a ava vote.

 

MR SPEAKER

Well that’s not the impression mon’n gannyen, se ki nou pe vot pour the amount apre sa nou a rod en Mosyon pour fer Formal Third Reading ki aprouv Bidze.

 

HON CHARLES DE COMMARMOND

Sanmenm sa ki mon pe demande.

 

MR SPEAKER

Ok, chiaro, clear dakor?  Clerk ou le dir en keksoz, wi Onorab Ramkalawan.

 

HON WAVEL RAMKALAWAN

Mr Speaker nou’n fer deba apre ki Minis ti fer son repons nou ti vote, this was the vote for the Second Reading apre sa nou’n antre dan Committee Stage e i annan tou sa bann lamannman la aprezan nou fer the Third Reading on the Bill as amendedYou were right lafason ki ou ti pe dir.

 

MR SPEAKER

Yes nou dakor nou pran en vot?  Chiaro? 

 

HON CHARLES DE COMMARMOND

Mr Speaker anba Order 71 (1) nou Standing Order mon oule move ki the Appropriation Bill 2018 as amended savedir R7 bilyon, 935, 937, 193bilyon i ganny aprouve par Lasanble.  Mon move pour sa Bill ganny lir en Trwazyenm Fwa.  Mersi.

 

MR SPEAKER

Mersi Onorab De Commarmond.  Eski i ganny segonde?

 

HON SIMON GILL

Bonn apre midi Mr Speaker mon segonn Mosyon ki’n ganny prezante par….

 

MR SPEAKER

Mersi Onorab Gill, Mosyon i ganny segonde.  Eski nou kapab pran en vot lo sa Mosyon.  Prezan, tou bann ki pour lev zot lanmen.  Clerk.

 

MADAM CLERK

Mr Speaker 12 Manm an faver. Mersi.

 

MR SPEAKER

Okenn dimoun kont sa Mosyon?  Dan sa ka sa Mosyon is carried.  E mon a demann Clerk pour fer en Formal Third Reading of the Bill.

 

MADAM CLERK

Mersi Mr Speaker, This Act may be cited as The Appropriation Act of 2018.  Mersi.

 

MR SPEAKER

Mersi Clerk e vwala Minis Finans avek ou PS ek ou Lekip National Assembly in rule lo sa matter.  E mon felisit zot pour zot travay i kontinyen, nou pa pe eskiz ou akoz nou annan ankor lezot Bill ki tonm anba ou responsabilite.  So relax fer ou lekor konfortab dan ou sez akoz ou annan en pe letan pour pas ek nou ankor.  Lo sa pwen nou al lo lot item lo nou Order Paper ozordi e mon krwar sa Clerk it’s the Excise Tax (Amendment) Bill, wi?  Tre byen so pour tou bann Manm Lasanble e manm piblik ki pe ekout nou, mon sir zot in konpran ki Bidze or Appropriation Bill parey in ganny detaye par Sekreter Prensipal Finans – Mr Payet in ganny aprouve e prezan nou al lo Excise Tax (Amendment) Bill 2017.

 

HON CHARLES DE COMMARMOND

Mr Speaker anba nou Standing Order 64(2) mon oule lir ki The Excise Tax (Amendment) Bill 2017 i ganny lir en Dezyenm Fwa.

 

MR SPEAKER

Mersi Leader of Government Business.

 

HON SIMON GILL

Mosyon segonde Mr Speaker.  Mersi.

 

MR SPEAKER

Mersi Onorab Gill, segonde.  Eski a sa pwen nou kapab demann Minis pour prezant The Excise Tax (Amendment) Bill, 2017.

 

MINISTER PETER LAROSE

Mersi bokou Mr Speaker.  E ankor enn fwa bonn apre midi tou bann Manm Onorab dan nou Lasanble e tou dimoun a lekout. Mr Speaker mon oule prezant nou Lasanble Nasyonal avek lamannman dan Lalwa ki Gouvern Excise Tax anliny avek Lanons ki mon ti fer dan Ladres Bidze Fiskal pour lannen 2018 mon ti anonse ki nou pe reviz sistenm Tax pour rann li pli efikas e soutenab. Sa lamannman pour Excise Tax e se sa premye faz, Mr Speaker sa lamannman pour konsantre fortman lo Konsesyon Excise Tax ki aplikab lo karbiran, kot an se moman i annan diferan provizyon ki asiste, ki egziste dan diferan Regilasyon e Lalwa lo Tax.  Par egzanp Excise Tax e Trade Tax sa i enkli Konsesyon pour transpor piblik SPTC, Itilite Piblik PUC, Peser e bann diferan akter dan Sekter Tourizm ki benefisye anba Tourism Incentive Act.  Sa lamannman pour group dan sa bann Konsesyon anba en sel Regilasyon pour Excise Tax par lefe ki karbiran i atrakte zis Excise Tax konmela.  Me avan ki mon kapab group tou sa anba en sel Konsesyon e dan en sel regilasyon lamannman dan sa Lalwa Excise Tax i neseser pour permet annan provizyon pour Konsesyon Excise Tax lo karbiran ki an se moman napa.  Konsesyon anba sa Regilasyon e ki sa Lalwa pour met an mars parey sistenm aktyel.  Sa i en sistenm ranboursman ki pour ganny administre par Komisyon Reveni Sesel ki pour met an plas en sistenm sirveyans lo bann Claim e bann Resi Invoice e Bill lo lenportasyon karbiran.  Mr Speaker mon oule zis fer resorti napa okenn nouvo kategori ki pour tonm anba sa regilasyon, me zis pour group zot ansanm.  Pour et pli spesifik e pour lenformasyon Lasanble e pour SPTC, PUC, Lakonpannyen bann Zil, servis avyon Domestik ek Helicopter Konsesyon anliny avek bann Lagreman ki Gouvernman in sinyen e akter dan Sekter Tourizm ki servi karbiran pour zot loperasyon tel ki ; lotel, aircraft, Sant Plonze, bann bato Tour Guide, Yacht, Cruise ship e osi bann peser.  Mr Speaker parey mon’n fer resorti oparavan, e se pour premye faz sa.  Dan dezyenm faz ki relye avek lavans Bidze nou pour resevwar konsesyon dan Sekter Touris spesifikman.  Nou pour tir serten akter dan serten domenn akoz mazorite sa bann Sertifika Tourism Incentive Act ki pe permet zot ganny konsesyon.  Nou pour diskit avek sa bann Sekter pandan lannen 2018 e propoz lamannman dan Lalwa pandan prezantasyon Bidze 2019.  Alor pour permet annan Konsesyon Excise Tax lo karbiran mon prezant devan Lasanble Nasyonal en lamannman dan Lalwa Excise Tax 2009 – sa Regilasyon pour ganny pibliye letan ki Lasanble i aprouv sa lamannman.  Mersi bokou Mr Speaker.

 

MR SPEAKER

Mersi Onorab.  Minis eski a sa pwen i annan okenn dimoun, okenn Manm ki anvi fer entervansyon lo la – lo sa Bill?  Onorab Ramkalawan.

 

HON WAVEL RAMKALAWAN

Yes mersi bokou Mr Speaker. Mr Speaker mon kontan sa leksplikasyon ki Minis in donnen me vi ki Excise Tax i osi al pour lalkol e sa in enn bann pwen ki nou’n mete bokou pandan deba lo Bidze koman en mwayen pour Gouvernman anmas plis larzan, e nou ti pe vwar sa osi koman enn bann mwayen pour ki Progressive Income Tax i kapab komans pli boner vi ki ti ava annan plis larzan.  Mon pe, mon ti ava kontan demande si Minis pe, e kwa egzakteman ki zot pour fer avek sa bann prodwir lalkol lokal ki enn nou ganny dir letan Minister Lasante oubyen bann konsernen i fer bann vizit sa ki zot pe teste i pa parey avek sa ki finalman i ariv lo market.  E ki apre sa i annan en lot depans ki vin an relasyon avek lasante si zot pour premyerman annan ensiste ki tou sa bann prodikter lokal sa bann pti labwason ki fer dimoun degize apre 2 gorze ; si pour annan zot pour ensiste ki i annan bann masin, bann counters ki letan zot prodiksyon i, letan zot pe fer zot prodiksyon zot konnen egzakteman ki kantite zot pe prodwir pour ki zot kapab ganny sarze accordingly.  E la mon pe demande ki poursantaz Excise Tax i ogmante oubyen alternativman si nou konnen ki poudir pa bon pour lasante ki enn fwa pour tou bann tes i ganny fer e ki sa bann kalite labwason i ganny Ban dan pei sa i enn.  e ziska aprezan nou pa ankor ganny Minister Lasante pour fer en Deklarasyon e vi ki nou pe koz lo Excise Tax silvouple dir nou egzakteman dan ki direksyon nou pour ale, parske nou pa anvi vwar, non nou anvi, nou pa anvi vwar nou pei pe depans bokou plis larzan.  Mersi bokou Mr Speaker.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker, Mr Speaker mon’n ekout Minis avek bokou lentere me mwan bezwen admet ki mon pa’n swiv tou bann detay ki in donnen dan son prezantasyon ; sirtou mon pa’n swiv sa lalis benefisyer mon krwar ki in go through.  E sa pour mwan i en keksoz ki tre enportan e akoz sa ki nou ti a kontan vwar a lavenir se ki nou annan en lalis ki konpreansiv, me ki pa fer lapliferans pour en dalon 1 akoz nou konn enn nou pa konn lot – oubyen nou pe promot en dimoun nou pa pe promot lot, so i pour vreman. Vreman tre enportan ki nou ganny sa lalis e sirtou ki la mon fek vwar poudir koriz mwan si mon mal Minis Helicopter pe ganny bann Konsesyon fuel, be Helicopter napa Helicopter Leta, kekfwa pour Militer mon pa konnen, me napa, eski i annan bann dimoun dan Prive ki pe fer biznes, ki pe fer ganny byen zot lavi ki an menm tan nou pour kontinyen donn zot sa bann konsesyon?  Donk sa se bann keksoz ki nou, nou anvi vreman follow dan en fason tre pre.  Alors san ki mon ouver en deba lo bann detay mwan koman en Manm FPAC, mon ti a kontan soumet sa avek Minis ki, o moman ki Minister Finans i angaz avek bann stakeholders, bann Benefisyer lo bann konsesyon ki zot pe gannyen mon krwar i ti a vreman apropriye ki zot lyez, zot gard FPAC byen okouran bann travay ki zot pe fer pour ki nou osi nou kapab annan en input ladan e pour nou kapab parey nou’n fer pandan sa lannen 2017 nou kapab vin en partner pour zot e ed zot reflesir lo validite, nesesite sa bann konsesyon.  Donk mon zis konklir an dizon Mr Speaker ki o pli vit ki posib, o pli vit ki Minister Finans i komans angaz zot dan diskisyon dan sa domenn, silvouple annan kontak avek FPAC e akoz nou, nou vreman enterese pour vwar ki napa okenn labi dan sa Seksyon nou Reveni Nasyonal, sa i mon pwen Mr Speaker.  Mon remersi ou.

 

MR SPEAKER

Mersi Onorab. Onorab Basil Hoareau.

 

HON BASIL HOAREAU

Mersi Mr Chair, bonn apre midi Minis ek ou delegasyon e bonn apre midi tou Onorab e tou dimoun ki pe ekoute. Mr Chair mon pour vreman kourt mon krwar sa lamannman ki pe anmennen i pour reponn konsern Onorab Ferrari akoz sa lamannman ki pe anmennen i pa, i pe tir okenn posibilite ; akoz mon pa ti vwar dan Lalwa mon pa konnen si i en matter of policy ti pe ganny fer kot ti annan bann Konsesyon ouswa bann Exemption ki ti pe ganny donnen anba sa Lalwa ek bann endividi, me la ki i pe fer i pour annan 2 kondisyon ki ou pour bezwen meet either pour ou ganny Konsesyon ouswa pour li ganny exempted.  I pour bezwen annan en Regilasyon ki ganny fer savedir i pour ganny publish e nou koman en Lasanble si nou vwar poudir sa bann regilasyon ki’n ganny fer i pa dapre Lalwa i annan labi nou pour kapab revoke, cancel sa bann regilasyon.  E ki nou’n deza fer sa avek mon krwar, I believe regilasyon ki ti’n ganny fer par Minister Lanvironnman – ya.  E dezyenm kondisyon ki pour bezwen ganny satisfe se ki pa zis fer regilasyon.  Me Lalwa i dir i pour bezwen sa bann konsesyon ouswa bann exemption i bezwen dan lentere piblik.  So i met en kondisyon e pe fer pour tir okenn posibilite labi ki kapab ganny fer dan lesanz ki Minis pa pour kapab zis annan unfettered discretion pour li dir “ok mon deside pour donn sa kalite group, mon pa pour donn sa kalite group.” I pour bezwen sa letan i donnen ganny gide par lentere piblik, selman si dan lentere piblik i kapab donn sa bann exemption or concession e i bezwen fer sa pa zis anvoy en let enformel ek en lot dimoun ek en dimoun dir – ou’n ganny konsesyon – me pibliy sa dan regilasyon.  Savedir i pour nepli endividi me mon krwar i pour bann class of person’s ouswa bann biznes so sa Lalwa aktyelman pe anmenn nou dan sa direksyon pour retir okenn posibilite labi.  Mersi Mr Chair.

 

MR SPEAKER

Mersi Onorab, Minis nou annan 3 lentervansyon eski i annan komanter ki ou anvi fer avan nou al lo en vot pour Merit sa Bill?  Onorab Georges. Minis avan hold on en pti kou.

 

HON BERNARD GEORGES

Mr Speaker mon anvi, Mr Speaker I am sorry  – mon anvi anpes nou al dan Staz Komite.  Alor avek ou permisyon avan ki Minis i reponn mon ava fer pti lamannman.

 

MR SPEAKER

Sertennman i ava save nou letan.  Mersi.

 

HON BERNARD GEORGES

Mersi bokou.  Nou bann amannman mon mazinen Minis in fini vwar i lo dezyenm paz nou dokiman devan nou ; sel keksoz ki nou’n fer Mr Speaker e nou a demann Minis son lopinyon lo la se nou’n aranz en pti pe Angle dan sa pti Clause 2 e annefe nou pe ranplas 3(a) konpletman akoz ti annan en pti pe fot ladan ; par egzanp dan 3(a) “The Minister may in public interest” i pa zoli alor nou’n azout “in the public interest” by regulations, grants reductions nou’n prefere met ….“grant a reduction or concession on the rate of Tax on any goods ;” nou’n prefere met “ on any of the goods specified” e pa “under” me “specified in Schedule (1). ” Alor nou pa’n sanz nanryen zis nou’n sanz son Angle e dan (b) son 4 dernyen mo nou’n delete “by amending Schedule (2)” akoz sel fason pour Minis grant en egzanpsyon lo Tax se “by amending Schedule (2). ”I napa lot fason pour fer li akoz Schedule 2 i dir “li menm li ki i kapab ganny amande par Minis a nenport ki moman. Alor nou’n trouve ki sa set en surplus to requirements.  Vwala bann amannman ki nou pe propoze as the Bills Committee Mr Speaker.

 

MR SPEAKER

Mersi Onorab Georges – koman Chairman evidaman ou pe koz koman Chairman Bills Committee, Minis ou annan la parol.

 

MINISTER PETER LAROSE

Mersi bokou Mr Speaker.  Pour rann repons Onorab Ramkalawan, mon krwar sa i en pwen tre valab.  E koman ou’n lev sa kestyon konmsi ou a krwar ou ti pe lir nou stratezi ki nou pe sey fer dan Minister Finans, se reelman nou pe reviz sa Excise Tax sirtou son frame work akoz nou osi nou konsernen i annan en responsabilite ki vin anler lo nou zepol e dan nou lespri toulezour pour mazinen ki son lenpak sa bann prodwir lokal ki bezwen petet annan en pli bokou standar ki nou pa konnen pour lenstans.  E la mon kapab konfirmen avek ou nou pe sey regard bann sours materyo kot zot sorti lekipman e servi SBSS ek Customs pour vwar ki mannyer nou kapab aret en tel sityasyon ; parske nou osi nou konsernen par sa.  E nou osi met lanfaz anler lo labelling ki tel tre enportan pour nou kapab konnen ki konteni sa bann lalkol ensidswit.  E apre tou parey koman ou’n dir set en fason pour nou konsidere raise en pe revenue atraver enforcement ki petet i en pe pli serye e petet pour dekouraz sa bann prodiksyon lokal.  E kot i konsern Onorab Ferrari mon krwar mon kapab share ek Onorab Ferrari ankor enn fwa en tre bon pwen se ki, annan lalis isi si i posib apre nou seans la apre midi mon ava fer ou ganny en kopi menm dan coffee break napa problenm. E kot i konsern ou sizesyon pour nou et en pe pli proactive pour travay en pe plis kolaborasyon avek FPAC mon kapab garanti ou se ki lannen prosenn nou pour bezwen strengthen sa kolaborasyon pli pros kot nou pa bezwen kot parey koman ou pe dir, parey Onorab Ramkalawan in dir ki FPAC i vin parey en mortuary kot i bezwen fer postmortem. E kot i konsern Onorab Hoareau mon krwar nou ava pran an konsiderasyon ou sizesyon i tre valab ankor enn fwa.  E kot i konsern Onorab Georges konm labitid mon swiv rod ou telman ou deba dan Lasanble mon krwar ou’n prefektir sa Angle e nou fyer sa, nou ava fer li.  Mersi bokou Onorab Georges.

 

MR SPEAKER

Mersi Minis pour sa.  In ariv sa pwen kot nou pour pran en vot lo Merit sa Bill ek lamannman propoze, share par Bills Committee.  Tou bann ki pour lev zot lanmen,  Clerk.

 

MADAM CLERK

Mr Speaker 28 Manm an faver.  Mersi.

 

MR SPEAKER

28 Manm an faver.  savedir Lasanble in aprouv sa Merit ek sa bann lamannman ki’n ganny propoze, mon a demann Madam Clerk pour fer en Dezyenm Formal Reading sa Bill.

 

MADAM CLERK

Mersi Mr Speaker, a Bill of an Acts to amend the Excise Tax at Cap 264.  Mersi.

 

MR SPEAKER

Mersi Clerk, eski nou santi nou bezwen al lo Komite oubyen nou kapab rod en Mosyon pour al drwat lo Third Reading?  Onorab De Commarmond.

 

HON CHARLES DE COMMARMOND

Mr Speaker anba Lartik 91 (1) nou Standing Order mon oule move pour sispann Lartik 65 a 70 nou Standing Order ankor, pour sot Staz Komite sa Bill lefe ki napa lamannman ki nou’n ganny fer i en senp amannman e ki Minis in aksepte.  Mersi.

 

MR SPEAKER

Mersi Onorab. , Onorab Gill.

 

HON SIMON GILL

Mosyon segonde Mr Speaker.  Mersi.

 

MR SPEAKER

Mersi Onorab Gill e avek nou sa nou kapab tonm dakor e pran en vot.  Wi, wi se sa mon ti krwar ou pe sinyal mwan dir mon pa lev mon lanmen.  Tou bann ki dakor ki ou propozisyon Mosyon i ganny segonde lev zot lanmen?  Clerk.

 

MADAM CLERK

Mr Chair 26 Manm an faver.  Mersi.

 

MR SPEAKER

Tre byen.  E avek sa mon a demann Madam Clerk pour fer en Formal Third Reading of the Bill.  Motion – pour fer en … sorry wi, Onorab De Commarmond.

 

HON CHARLES DE COMMARMOND

Mr Speaker anba Order 71 (1) nou Standing Order mon oule move ki Excise Tax (Amendment) Bill 2017 as amended i ganny lir en Trwazyenm Fwa.  Onorab Gill.

 

HON SIMON GILL

Mosyon segonde Mr Speaker.  Mersi.

 

MR SPEAKER

Very good.  Eski nou kapab pran en vot, tou dimoun ki pour sa Mosyon lev zot lanmen ?

 

MADAM CLERK

Mr Speaker 28 Manm an faver.  Mersi.

 

MR SPEAKER

Mersi Clerk e avek sa nou a demann ou pour fer en Formal Third Reading of the Bill.

 

MADAM CLERK

Mersi Mr Speaker, This Act may be cited as the Excise Tax (Amendment) Act of 2017.  Mersi.

 

 

MR SPEAKER

Bon mersi Minis ek ou lekip, si napa okenn obzeksyon nou a kontinyen toudswit pour nou al lo lot Bill which is the Customs Management (Amendment) Bill 2017.  Onorab Ramkalawan.

 

HON WAVEL RAMKALAWAN

Mr Speaker zis avan nou al lo la mon pe regard lavites ki nou pe ale parske se bann pti Bills, ou ti pe nonm Minis Loustau- Lalanne petet ti a bon dir avek li vini 4er ki konmsi nou pa bezwen zwenn demen.

 

MR SPEAKER

Non mon dakor toutafe, mon ti actually pe al demann zot lopinyon.  Clerk petet nou a aranze ki nou ti a demande pour vini akoz nou anvi sey fini ozordi.  E bann lezot Bill Minis i la mon vwar pe al vit so avek Lagreman tou dimoun fer Minis Lalanne vini konmsi ki nou a konnen ler nou fini ek bann Bills, nou a pran li pour son Statement  – ok? Tou dimoun i dakor alor nou ava al lo Customs Management (Amendment) Bill 2017, en Mosyon.

 

 

HON CHARLES DE COMMARMOND

Mersi Mr Speaker, Mr Speaker anba Order 64 (2) nou Standing Order mon oule move ki the Customs Management (Amendment) Bill 2017 i ganny lir en Dezyenm Fwa.

 

MR SPEAKER

Onorab Gill.

 

HON SIMON GILL

Mosyon segonde Mr Speaker.  Mersi.

 

MR SPEAKER

Mersi Onorab Gill.  Minis mon kapab envit ou prezan pour prezant sa Bill devan Lasanble.  Minis Larose.

 

MINISTER PETER LAROSE

Mersi bokou Mr Speaker ankor enn fwa i en loner pour mon prezant Customs Management (Amendment) Bill e avek nou Lasanble dan sa Lalwa ki gouvern osi Komisyon Reveni Sesel e lezot Lalwa neseser pour pran konsiderasyon bann sanzman dan striktir zesyon Customs e Tax Domestik.  An 2008 avan ki Lalwa Seychelles Revenue Commission Act 2009 ti pase Divizyon pour Customs ti en Antite endepandan ki vedir son loperasyon ti otononm avek Divizyon Business Tax, sa 2 Divizyon ti ganny dirize par 2 diferan Komisyoner e ti raport direkteman avek Minister Finans.  An se moman pozisyon pli o dan Divizyon Customs se Asistan Komisyoner Customs ki son responsabilite pa donn li lotorite neseser, pour pran desizyon administrativ pour sa Divizyon, sa i fer ki bann travayer dan Divizyon i santi ki bann konsern administrativ Divizyon Customs pa pe ganny vwar koman en priyorite par Komisyon Reveni.  An retour sa i afekte zot performans koman en Divizyon ki i annan potansyel pour fer en travay pli efektiv, en tel sityasyon i osi kontribye pour labsans ki ekri serten difikilte moral pour bann travayer ki zot vwar zot pa pe regard byen zot travay e sa i annan en lefe anler lo la travay Por ki e Erport ki telman trez enportan dan nou pei.  Prenon kont sa bann konsern, Gouvernman pe propoze ki dan nouvo striktir bann defayans Administrativ dan Divizyon Customs i ganny adrese, i donn zot plis lotonomi.  Sa lamannman i anliny avek nou demars pour moderniz fonksyon nou Divizyon Customs e fer li pli efikas. Mr Speaker alor mon prezant Lasanble Nasyonal sa lamannman dan Lalwa Customs Management Act 2011 pour zot konsiderasyon.  Mersi bokou Mr Speaker.

 

MR SPEAKER

Mersi Minis.  Eski i annan okenn dimoun ki oule entervenir si non eski nou kapab sot, wi Onorab sorry Onorab Chair of the Bills Committee.

 

HON BERNARD GEORGES

Wi Mr Speaker en pti, de pti parol annefe, enn koman zot ava vwar lo zot papye devan zot nou pe propoz en minor amendment “appointments” pour vin “appointment” akoz i annan zis 1 appointment ki ganny fer anba Seksyon 3.   E dezyenmman zis pour fer Lasanble remarke lo Clause 4 lo sa dokiman ki devan nou, lo sa amannman ki devan nou i annan en keksoz tre enteresan, e sa se ki The Customs Management (Amendment) Bill pa pe sanz zis li menm, i pa pe sanz zis Customs Management Act me i pe sanz any other written Law.  Alor i en fenomenn enteresan i pa, it’s not wrong me it’s not common.  Mon pe zis fer sa koman en parantez pour nou vwar ki en Lalwa Customs pe sanz en bann lezot seri Lalwa kot Assistant Commissioner of Customs i ganny mansyonnen.  Mersi.

 

MR SPEAKER

Onorab Hoareau, Onorab Basil Hoareau.

 

HON BASIL HOAREAU

Mersi Mr Chair, Mr Chair dan laliny ki Onorab Georges fek leve annefe i vre e letan ou gete annefe letan ou get sa Bill i dir ou, i dir ek ou “An Act to amend the Customs Management Act 2011,” me selman sa Clause ki pe ganny propoze Clause 4 li i pe amann tou lezot Lalwa kot referans i ganny fer.  Annefe Mr Speaker, Mr Chair nou pour vwar plitar dan menm Seychelles Revenue Act i annan menm issue.  I annan en solisyon pour sa Mr Speaker.  Solisyon zeneralman se ki anba Section 39 of Interpretation and General Provision Act i dir ek ou koumsa poudir “letan en Lalwa i pase e i sanz Tit, Tit en Lofis “par egzanp la ki nou pe fer kot nou pe sanz “from Assistant Commissioner of Customs to Commissioner for Customs” apre ki sa Act in ganny amande Prezidan i fer sorti en Notice dan Gazette ;kot la Prezidan prezan i dir “an vi ki i annan sa lamannman dan okenn Lalwa kot sa Lofis i ganny fer referans avek sa osi i ganny sanze”.So olye sanz li dan en Act i devret mon krwar meyer fason se i ganny fer anba Seksyon 39 of Interpretation and General Provisions Act, les sa annou – mon propoze ki nou delete Clause 4 completely e apre ki sa Act in ganny pase Prezidan a servi son Pouvwar ki i annan anba sa Seksyon 39 e i ava fer sorti en Notice ki a ganny pibliye dan Gazette.  Se sa ki mon pe propoze.

 

MR SPEAKER

Mersi Onorab Hoareau, eski Onorab Georges oule dir keksoz oubyen nou a les Minis fer komanter lo sa.

 

HON BERNARD GEORGES

Tou semen i anmenn nou Rome Mr Speaker nou, i 2 diferan larout pour ariv menm landrwa.

 

MR SPEAKER

Pour sa ki anvi al Rome, sorry Onorab Georges Minis  -pardon, Minis ou le fer komanter?

 

MINISTER PETER LAROSE

Mersi bokou Mr Speaker. Mr Speaker mon krwar sa Lasanble i bless avek tou Legal brains petet kekfwa i annan en pe plis osi la e mon a les zot debat zot amannman e sa i just beyond my comprehension.  Mersi bokou Mr Speaker.

 

MR SPEAKER

Mersi Minis, be mon vwar tou lede Avoka i dir pe balans latet i dir wi alor eski nou kapab tonm dakor ki nou pran en vot lo Merit, en dimoun pe koze, sorry wi Onorab Georges.

 

HON BERNARD GEORGES

Non Mr Speaker, mon krwar Mr Speaker, mon krwar nou bezwen tonm dakor lo propozisyon Onorab Hoareau ki nou delete Clause 4 konpletman, e ki Prezidan ava fer sorti en Notice.  Sa propozisyon i devan nou e mwan mon pare pour segonn, pour siporte.

 

MR SPEAKER

Siporte…

 

HON BERNARD GEORGES

Akoz i pli normal, i pli habituel.

 

MR SPEAKER

Ok kekfwa la mon krwar pa si i annan okenn deba lo la, propozisyon par Onorab Hoareau osi siporte par Onorab Georges, Minis in fer nou konpran ki li i ok ek sa, i pa son domain alor si sa i ok nou a kapab pran en vot lo Merit Bill avek sa lamannman propoze par Onorab Hoareau ; tou bann ki pour lev zot lanmen? Clerk.

 

MADAM CLERK

Mr Speaker 25 Manm an faver.  Mersi.

 

MR SPEAKER

Konbyen sorry?

 

MADAM CLERK

25.

 

MR SPEAKER

25, ok tre byen eski mon kapab demann Clerk alor pour fer en Formal Second Reading of the Bill.

 

MADAM CLERK

Mersi Mr Speaker.  A Bill of an Act to amend the Customs Managements Act of 2011.  Mersi.

 

MR SPEAKER

Mersi Clerk, eski nou oule al lo Staz Komite oubyen nou skip e … ?  Si wi mon a demann en Mosyon.  Wi Onorab De Commarmond.

 

HON CHARLES DE COMMAMROND

Mr Speaker anba Order 91 (1) mon le move pour sispann Lartik 65 a 70 nou Standing Order pour nou sot Staz Komite sa Bill lefe ki napa okenn major amendment ladan.  Mersi.

 

MR SPEAKER

Mersi Onorab De Commarmond, Onorab Gill.

 

HON SIMON GILL

Mosyon segonde Mr Speaker.  Mersi.

 

MR SPEAKER

Mersi Onorab Gill, eski nou kapab pran en vot lo sa Mosyon as proposed by LGB? tou bann ki pour lev zot lanmen?  Clerk.

 

MADAM CLERK

Mr Speaker 24 Manm an faver.  Mersi.

 

MR SPEAKER

Tre byen Bill in pase, mon kapab demann Madanm Clerk pour fer en Formal Third Reading of the Bill.

 

HON CHARLES DE COMMARMOND

Motion first Mr Speaker.

 

MR SPEAKER

Motion sorry wi, wi, wi.

 

HON CHARLES DE COMMARMOND

Anba Order 71 (1) nou Standing Order Mr Speaker mon oule move ki The Customs Management (Amendment) Bill 2017 as amended i ganny lir en Trwazyenm Fwa.

 

MR SPEAKER

Mersi Onorab Gill.

 

HON SIMON GILL

Mosyon segonde Mr Speaker.

 

MR SPEAKER

Tre byen, mersi.  Tou bann ki siport Mosyon lev zot lanmen ?

 

MADAM CLERK

Mr Speaker 26 Manm an faver.  Mersi.

 

MR SPEAKER

Tre byen mersi mon krwar nou ape al vit petet mon menm mwan mon pe al tro vit.  E Clerk nou a demann ou pour lir, fer en Formal Third Reading of the Bill.

 

MADAM CLERK

Mersi Mr Speaker, this Act may be cited as the Customs Management (Amendment) Act of 2017.  Mersi.

 

MR SPEAKER

Mersi tou dimoun. Minis evidaman ou Bill in ganny aprouve e nou ava al toudswit lo lot Bill ki devan nou se The Seychelles Revenue Commission (Amendment) Bill 2017.  Eski mon kapab ganny en Mosyon Onorab De Commarmond.

 

HON CHARLES DE COMMARMOND

Mr Speaker anba Order 64 (2) nou Standing Order, mon oule move ki The Seychelles Revenue Commission Amendment Bill 2017 i ganny lir en Dezyenm Fwa.

 

MR SPEAKER

Mersi Onorab.  Onorab Gill.

 

HON SIMON GILL

Mosyon segonde Mr Speaker.  Mersi.

 

MR SPEAKER

Mersi Onorab Gill, Minis eski mon kapab demann ou pour prezant Seychelles Revenue Commission (Amendment) Bill 2017.  Minis Larose.

 

MINISTER PETER LAROSE

Mersi bokou Mr Speaker.  Mon oule prezant avek nou Lasanble propozisyon amannman dan Lalwa Seychelles Revenue Commission e lamannman dan striktir Administrativ Customs e Tax Domestik avek lentrodiksyon dan Lalwa Commission Revenue pour Sesel en nouvo striktir ti ganny met an plas ti fer provizyon pour apwent en Commissioner of Revenue, bann responsabilite sa Komisyoner ti enkli son rol koman Sef Egzekitiv pour responsab pour zer sa Komisyon, e sa Minister Lalwa Reveni.  An plis sa Komisyoner ti responsab pour raport avek Minister Finans. Sa Lalwa ti osi fer provizyon pour apwent en Deputy Commissioner Revenue apwente par Prezidan Larepiblik, Mr Speaker avek nesesite pour fer sanzman dan striktir resers ti ganny fer pour idantifye lezot model kredib dan performans Commission Revenue, dan lezot pei parey Maurice, Rwanda model Sidafrik ek Kenya ti osi ganny servi pour fer konparezon dan nou resers. Avek sa nou pe propoze ki model pli apropriye dan konteks Sesel ki Lalwa Commission Revenue Sesel e lezot Lalwa devan relevan a ganny amande pour enkli Letablisman en Board of Directors.  Mr Speaker pour permet annan en nouvo striktir pour Commission Revenue Sesel lamannman dan Lalwa Reveni i neseser, pos Commissioner Revenue Sesel pour ganny amande koman Commissioner General son Depite pour osi vin Depite Commissioner General.  Adisyonnel an sa nouvo striktir pour vin apwentman Komisyoner Customs e Komisyoner Tax Domestik.  Mon oule fer resorti ki sa sanzman pa pour sanz konsiderableman koman bann nouvo pos, me pli en lamannman dan Tit e responsabilite sa bann pozisyon ki deza an plas.  Kot i konsern konpozisyon sa Board ki pour Gouvernen par Commissioner Revenue Sesel pour annan en Chairperson par lefe ki bann Polisi Tax Domestik i tonm anba Portfolyo Sekreter Prensipal pour Finans i osi pour osi asiz lo Board koman en Manm ex-officio, menm sityasyon i aplik pour Board Customs Sekreter Prensipal pour Commerce pour asiz lo zot Board koman ex-officio, an plis Komisyoner zeneral ou lezot Board koman ex-officio, pour osi annan en endividi ki spesyaliz dan zafer Customs e Expert dan Tax Domestik en Ekonomis, en Oditer ou Accountant, tou Manm pour ganny apwente par Prezidan Larepiblik, Mr Speaker mon oule soulinyen ki sa Chairperson e devret en endividi ki i annan kalifikasyon e leksperyans dan zafer Reveni, Tax e Customs en dimoun avek entegrite ki napa afilyasyon politik.  Lapwentman bann Manm e i pour 3an e zot kapab ganny konsidere pour re apwentman pour fer travay sa Board se en Anplwaye Komisyon Reveni Sesel ki pour ganny sa responsabilite i pour ganny determinen par Manm Board swivan rekomandasyon par Komisyoner Zeneral.  Mr Speaker fonksyon sa Board pour konm swivan:-

  • Apwent bann Zofisye konpetan dan pozisyon kle Ladministrasyon Komisyon Reveni Sesel ki pour desarz sa fonksyon sa Komisyon.
  • Apwent bann Sou Komite ki pour desarz responsabilite spesifik dan Ladministrasyon sa Komisyon ki enkli bann Manm Board e osi bann expert neseser ler i posib.
  • Donn gidans e direksyon lo en size ki relye dan deroulman sa Komisyon avek Direkter Zeneral ek Sekreter.
  • Ekspekte e demann lenformasyon oubyen dokiman, dan nenport ki fason a dispozisyon Komisyon Zeneral oubyen Staff Komisyon pour sa bann travay.

Mr Speaker vwala lamannman ki mon pe prezante devan Lasanble Nasyonal dan sa Lalwa Komisyon Reveni Sesel pour lannen 2009.  Mersi bokou Mr Speaker.

 

MR SPEAKER

Mersi Minis.  Avan nou deside si pour pran en Break oubyen non, nou a vwar apard Chairperson Bills Committee si i annan lezot dimoun ki anvi entervenir?  Ok dan sa ka petet i annan plis ki 1 dimoun petet nou a pran en Break parske i 4er mwen ven nou a pran en Break.  E Minis Lalanne in arive me i pour la 4er.  Me selman si zot oule kontinyen napa problenm.  Eski nou kontinyen pour fini sa enn?  Wi Onorab Prea.

 

HON NICHOLAS PREA

Mersi Mr Speaker mon pa ankor koz ditou ozordi.

 

MR SPEAKER

Koze.

 

HON NICHOLAS PREA

Mon ti a sizere annou fini avek Minis Tourizm apre nou a pran en short break, and then we’ll call in Minister for Tourism – Minis Finans  – I mean sorry Minis Larose, nou fini avek Minis Finans then nou take en short break apre nou retournen pour Minis Tourizm.  Mon sizesyon.

 

MR SPEAKER

Mon napa en bon sizesyon, mon napa problenm ek sa, i pour aranz Minis Finans mon sir Mr Minis Loustau-Lalanne pa pour mind esper en pti pe moman.  Ki lezot Manm i santi?  Onorab Pillay.

 

HON SEBASTIEN PILLAY

Mersi Mr Speaker.  Mr Speaker as en compromise mon lentervansyon will be very short.

 

MR SPEAKER

Ok.

 

HON SEBASTIEN PILLAY

Savedir i ava reste zis Chairman Bills Committee apre, apre i a vin bann lamannman mon pa konnen si Onorab Afif pour…, selman pour mon i pour very short.

 

MR SPEAKER

Ok, alright Onorab Afif apre be nou a fer ou premye apre Onorab Afif, apre Onorab Georges.  Ale go ahead.

 

HON SEBASTIEN PILLAY

Mersi Mr Speaker.  Mr Speaker mon pour al drwat lo sa issue ki’n konsern mwan ler nou’n zwenn Bills Committee i konsern the function of the Board.  I annan en Seksyon ki dir, “the Board may appoint such number of officers in managerial positions” ki mwan mon ti oule ganny en konpran from Minister Finans, ki mannyer sa pour marse dan son Laplikasyon li menm, akoz vi ki ou annan en Commissioner General vi ki li ki sipoze ansarz sa landrwa, e la se Board ki pe apwent bann dimoun bann Zofisye dan bann post managerial.  E sa bann post zot pa pe deal zis avek fonksyonnman sa Board, zot pe osi deal avek dapre sa Lalwa mannyer in worded – i pe deal ek fonksyonnman sa Komisyon.  So mon oule zis ganny kler ki zot in pran konsiderasyon si pour napa okenn bann issue teritoryal ki arive parfwa dan bann lorganizasyon piblik kot ler en dimoun i dir ou, “ mwan mon’n ganny apwente par Board pa ou ki’n apwent mwan. ” So mon ti a kontan si zis Minis Finans i fer kler sa.  An se ki konsern bann lamannman ki Bills Committee in diskite Onorab Georges i a pas ladan si i annan okenn issue nou ava step up in.  Mersi.

 

MR SPEAKER

Mersi Onorab.  Onorab Afif.

 

HON AHMED AFIF

Mersi Mr Speaker.  Mr Speaker mon ti oule zis dir ki mon vwar sa lamannman i pe al dan en bon direksyon pour la senp rezon ki zot pe etablir en Board ki pour vreman annan oversight SRC.  Nou’n vwar resaman kan nou ti pe fer lodit lo SRC e menm Statement ki’n ganny fer par Minis li menm ki SRC ti annan gro larzan ki pa ti’n ganny kolekte.  E zis pour lenformasyon piblik SRC i en Lorganizasyon ki pe kolekte li R7mil milyon tou le lannen ; ki vedir apepre 19 a R20 milyon toulezour – si ou met Sanmdi ek Dimans tou.  Be i annan Lorganizasyon ki dan sa Lasanble nou’n aprouv zot Bidze pour 3milyon, R4 milyon zot annan en Board.  Sa enn i kolekte R20 milyon par zour i napa en Board.  E mon krwar mannyer sa Board in ganny striktire avek en Chairman, PS Finans bann dimoun responsab ki konpran Finans eksetera i pour permet sa Lorganizasyon annan en pli bon focus i pour permet zot kapab vey en pti pe ki pe pase, pran konsyan ki tou dimoun pe veye, se larzan Leta ki zot pe anmase zot preski sel Lebra ki pe anmas larzan Leta e alor ler ou annan en group dimoun ki pa gran ler mon regard sa amannman ki’n mete, mon krwar i en bon keksoz pour Sesel nou pe al dan bon direksyon e larestan bann lamannman ki pe sanz Non, Tit pour vin Controller General eksetera – mwan kontan avek mon krwar nou pe al dan en bon direksyon Mr Chairman.  Mersi.

 

MR SPEAKER

Mersi Onorab Afif. Onorab Georges.

 

HON BERNARD GEORGES

Mersi Mr Speaker, Mr Speaker mon ava al direk dan bann lamannman?

 

MR SPEAKER

Wi silvouple.

 

HON BERNARD GEORGES

Mersi bokou, tou bann lamannman i lo en papye devan tou bann Manm e Minis i annan en kopi.  Briyevman nou komans avek en premye seri amannman dan Clause 2b(3) anba paz 4 e si nou vwar dan sa 3 premye ABC sel keksoz nou pe fer nou azout “the” so the Chairperson, the Principal Secretary and the Principal Secretary.’’ Apre nou pe propoze ki Tax dan (e) i napa en “capital T” me i annan en pti “t” akoz Customs zis avan li i annan en pti let.  Wi annefe Onorab Ramkalawan i fer mwan mazinen ki Customs kekfwa i anmas plis Tax ki Tax alor kekfwa Customs i devret pti, annou met tou lede ptipti.  Dan Clause 4 ki swiv nou’n prefere break up sa Clause akoz i diferan, i annan 4 “and” ladan e i fer li lour ler nou lir, alor nou’n propoz li parey lo paz nou’n gard egzakteman menm kriter pour sa Chairperson, sof ki nou’n met li aprezan ABC dan en fason ki i lir pli byen.  Dan Clause 2 (6) lo sanmenm sa paz, nou pe propoze dan katriyenm laliny sa Clause olye “and shall be eligible for reappointment” annefe sa set en koreksyon ki nou fer sak fwa e malerezman legal draftsperson zanmen i retenir li e retourn avek menm fraz.  Ou pa kapab dir “the appointment shall be for a period of 3 years and shall be eligible for re appointment. ” Akoz the appointment is not re appointed.  Alor nou’n azoute “and the Chairperson and the Members shall be eligible for a re appointment.” E nou espere ki sa se dernyen fwa ki nou bezwen fer sa koreksyon Mr Speaker.  Lo paz 6 Clause 10 nou pe fer li kler e si nou kapab eksplike, akoz si nou al lo Clause lo paragraf 11 nou ava vwar ki se “the Chairperson ki preside en meeting Board.  E si absan bann Manm i elekte en Manm pour vin Chairperson. ’”Avek sa an tet si nou retourn lo nimero 10 e nou regard ki mannyer i ete konmela “the Chairperson ek 3 lezot Manm ki ti pour form en quorum. ” Savedir ki Chairperson ti pour bezwen la menm si i pa la e i ganny ranplase pa en lot.  Alor pour retir sa lanbigite nou’n le azoute “the Chairperson or the Member elected in accordance with subsection 11 and 3 other members will constitute the quorum.” Dan en fason ki si sa Chairperson pa la se sa dimoun ki pe Chair dan son plas avek 3 lezot ki pour fer en quorum.  Dan Clause 12 i annan, “he or she  ki an plis the – nou pa bezwen sa he or she. ” Annefe i pa fer okenn sans alors nou pe retire nou pe propoz retire, pour li lir, “the Chairperson or any Member who was a Director in direct Financial person or other interest which is or is to be raise at the Meeting of the Board, shall as soon as…” Nou pa bezwen repet he or she ankor.  Dan Clause 16 anba paz 6 “meetings of the Board at such a place” e non pa “on such a place.” Next se dan Clause 2 (C) sa nouvo Seksyon 3(a) ki pe ganny propoze nou pe propoz en lamannman pour fer li lir pli zoli ; olye pour le moman “the Board may appoint such numbers of officers in the managerial positions on a fixed term performance Contract” nou prefere dir “in the managerial positions on a fixed term” sorryin managerial positions on fixed terms contracts.  Performance” i pa en keksoz pour Lalwa, sa se sa Kontra ki ava performance-based, Lalwa pa bezwen fer sa spesifikasyon selon nou.  Dan Clause, dan menm Seksyon, nouvo Seksyon 3(a) sa fwasi lo Subsection 2 kot i mete, lentansyon la se ki Board i kapab ganny apwente an deor Komisyon – si napa sifizaman Manm konpetan dan Komisyon e zot in mete “the general public ;” nou, nou prefere met “outside the Commission.” Menm lentansyon me i lir pli byen ki “the Board shall make appointments” e i pa Subsection 2, i subsection 1 alor nou’n koriz sa “from outside the Commission” olye “from the general public”.

Next subclause 3, 3 (A) 3 nou’n bezwen, nou’n pe propoz vir li konpletman.  Sa set enn sa bann Clause kot ler ou met en subsidiary Clause dan move landrwa ou sanz son non, i fer mwan mazinen avek ou permisyon Mr Speaker en siny ki mon ti vwar enn fwa obor semen Uganda kot sa ki zot ti anvi dir se “protect yourself and your family from Aids ;” sa ki zot in mete annefe se, “protect yourself from Aids and your family.” E set egzakteman menm keksoz ki nou vwar la.  Alor sa ki nou’n fer nou’n pran son dezyenm bout nou’n anvoy li anler, nou pa’n sanz nanryen akoz enn fwa ki zot ti’n eksplik Board – la aprezan ki zot ti pe ekspekte lekel, zot ti pe eksplike lekel ki ti pour consist of the Board.  Alor nou pe propoz sa formil ki nou’n mete lo nou paz ; “the Board may appoint such subcommittees consisting of one or more Members of the Board one or more officers of the Commission and such other experts as are deemed necessary for the efficient administration of its functions” – selon nou i lir bokou pli byen.  Nou al lo paz 8 sa subclause anler kot i mete, “the Board may call for any information from an officer” i pa mete lekel sa officer nou prezimen ki se an officer of the Commission e non pa an officer from en lot Minister oubyen lot landrwa.  Alor nou oule azoute “of the Commission” apre “an officer” pour fer li kler.   E finalman dan lezot pti amannman dan Clause 2 (e) lo menm paz, la i annan en pe keksoz en pe sibstansyel ankor enn fwa sa ki i mete la konmela se by repealing in Section 9 the Word “Minister” and substituting the further word “Board” nou, nou pe propoz en sizesyon diferan pour mete subject to Subsection, to Section 3(a) ki nou fek vwar “and approval of the Board the Commissioner General” me i menm zafer me sa fwa si i bezwen approval of the Board e subject to sa Seksyon ki fek ganny, ki pe ganny entrodwir.  E finalman dan savings lo menm paz Clause 3 de fwa Revenue Commissions zot in bliy mo “Seychelles” devan li pour li vin the real name is “Seychelles Revenue Commission” parey nou vwar lo Tit son Bill li menm – which is “The Seychelles Revenue Commission (Amendment) Bill.  Sa bann sizesyon, sa bann propozisyon amannman nou met devan Minis i sorti kot Bills Committee.  Mersi Mr Speaker.

 

MR SPEAKER

Mersi Chair Onorab.  Chair Bills Committee Onorab Georges.  Onorab Pillay.

 

HON SEBASTIEN PILLAY

Wi, Mr Speaker pour nou et konsistan zis parey nou’n fer avek sa Lalwa ki previously pour Customs i annan sa Seksyon 4 ankor ki li i pa pe amann zis Lalwa, i pe amann tou lezot Lalwa.  Ankor enn fwa nou devret retir li ankor enn fwa.  Mersi.

 

MR SPEAKER

Ok.  Eski Minis avek ou 2 PS, PS Mangroo, PS Payet i konfortab ek sa bann amannman propoze par Bills Committee?  Minis.

 

MINISTER PETER LAROSE

Mersi bokou Mr Speaker.  Natirelman se pour rann repons Onorab Sebastien Pillay mon krwar i pe koz lo bon Gouvernans.  E sa mon krwar poudir i annan en lenpak tre enportan e ankor enn fwa kot konsern Onorab Afif – li osi i pe dakor ek bon Gouvernans.  E mon krwar sa se la bon direksyon kot nou bezwen swivre, nou pa kapab dir poudir nou bezwen annan bon Gouvernans, latransparans e rann kont si i annan bout ki manke dan sa fraz e mon krwar nou bezwen swivre li telman byen parske Gouvernans ki i annan en lefe telman lo lafen lazournen lo ki mannyer larzan piblik i ganny servi.  E kot i konsern Onorab Georges, ankor enn fwa Onorab Georges – mersi bokou pour ou bann editorial.  Mersi Mr Speaker.

 

MR SPEAKER

Mersi Minis.  Si tou dimoun i dakor avek sa bann lamannman, nou kapab pran en vot lo Merit sa Bill avek lamannman as proposed.  Tou dimoun ki pour lev zot lanmen.  Clerk.

 

MADAM CLERK

Mr Speaker, mersi, 27 Manm an faver.  Mersi bokou.

 

MR SPEAKER

27 Manm an faver, eski nou kapab demann ou Clerk pour fer en Formal Reading. Second Reading of the Bill?

 

MADAM CLERK

Mersi Mr Speaker.  A Bill of an Act to amend the Seychelles Revenue Commission Act Cap 3 2 2.  Thank you.

 

MR SPEAKER

Mon kapab sizere nou kontinyen en pti kou pour nou fini avek sa enn, avan nou pran en Break.  Yes Onorab De Commarmond.

 

HON CHARLES DE COMMARMOND

Mr Speaker anba Order 91(1) nou Standing Order mon oule move pour sispann Lartik 65- 70 pour nou sot Staz Komite sa Bill – lefe ki kantmenm ti annan en ta amannman be mazorite i bann senp amannman.  Mersi.

 

MR SPEAKER

Onorab Gill.

 

HON SIMON GILL

Mosyon segonde Mr Speaker.  Mersi.

 

MR SPEAKER

Mersi eski nou kapab pran en vot lo sa Mosyon.  Tou dimoun ki pour – as proposed by LGB lev lanmen?

 

MADAM CLERK

Mr Speaker 25 Manm an faver.  Mersi.

 

MR SPEAKER

Mersi Clerk – eski nou kapab ganny en Mosyon pour fer en Formal Third Reading.  Onorab De Commarmond.

 

HON CHARLES DE COMMARMOND

Mr Speaker anba Order 71 (1) nou Standing Order, mon oule ki The Seychelles Revenue Commission (Amendment) Bill 2017 as amended, i ganny lir en Trwazyenm Fwa.

 

MR SPEAKER

Onorab Gill.

 

HON SIMON GILL

Mosyon segonde Mr Speaker.  Mersi.

 

MR SPEAKER

Mersi Onorab Gill.  Tou bann ki pour lev zot lanmen ki pour sa Mosyon.

 

MADAM CLERK

Mr Speaker mon’n rikord 26 Manm an faver.  Mersi.

 

MR SPEAKER

Tre byen Bill as amended goes through.  E mon a demann Clerk pour fer en Formal Third Reading of the Bill.

 

MADAM CLERK

Mersi bokou Mr Speaker, this Act may be cited as The Seychelles Revenue Commission (Amendment) Act of 2017.  Mersi.

 

MR SPEAKER

Mersi Clerk eski mon kapab propoze ki prezan nou al pran, mon krwar ki Minis Larose, Minis Larose i deza la avek nou, Minis Loustau Lalanne in arive nou a pran en Break, (oule nou kontinyen nou a pran ankor enn apre nou a fini ?) Dakor, ok napa problenm, napa problenm.  E alor nou al pran next Clerk is Income and Non-Monetary Benefits is that itOk nou a pran lot Bill mon krwar i a en bon nide nou fini apre nou a fer…. Pardon?

 

HON CHARLES DE COMMARMOND

Nou pran en pti Break epi.

 

MR SPEAKER

Oule en pti Break, mon napa problenm – I’ll be guided by you.  The old horse is not tired.  Zot le pran en pti Break, yes ok Clerk it is said “always listen to the voice of a woman.” Clerk i dir ti a bon en pti Break nou a pran en Break – nou a retournen 4.15.

 

 

(BREAK)

 

 

MR SPEAKER

Bon bonn apre midi, ankor tou dimoun.  I reste nou ankor 2 Bill pour nou pran pour Minis Finans, Onorab De Commarmond.

 

HON CHARLES DE COMMARMOND

Mr Speaker anba Order 72 mon oule move ki, mon oule withdraw the Seychelles Pension Fund (Amendment) Bill 2017.  Savedir i ava reste nou zis en Bill pour deal avek e….

 

MR SPEAKER

Ok, napa problenm.  Mersi nou note.  Alor nou a pran lot Bill Seychelles Pension Fund (Amendment) Bill 2017 is withdrawn, prezan — sorry yes Mr Gill.

 

HON SIMON GILL

Mosyon segonde Mr Speaker.

 

MR SPEAKER

Nou bezwen pran en vot oubyen nou ok.

 

HON CHARLES DE COMMARMOND

Pa bezwen segonde zis anba sa mon withdrawal that’s all.

 

MR SPEAKER

Alright good very good, i reste nou zis en Bill pour Minister Finans Income and Non-Monetary Benefits Tax Amendment Bill 2017.  Onorab De Commarmond.

 

HON CHARLES DE COMMARMOND

Mr Speaker, mersi bokou.  Mr Speaker anba Order 91 (1) Standing Order, mon oule move pour sispann lartik 64 (1) pour sot sa 7 zour requirement pour ant First Reading ek Second Reading sa Bill ki devan nou – savedir Income and Non-Monetary Benefits Tax (Amendment) Bill 2017.  Mersi.

 

MR SPEAKER

Onorab Gill.

 

HON SIMON GILL

Mosyon segonde Mr Speaker.  Mersi.

 

MR SPEAKER

Mersi Onorab Gill, annou pran en vot lo sa Mosyon.  Tou bann ki pour lev zot lanmen  Clerk.

 

MADAM CLERK

Mr Speaker mon’n rikord 14 Manm an faver.  Mersi.

 

MR SPEAKER

Tre byen.  Savedir nou kapab la al lo – kot Minis pou … Onorab De Commarmond.

 

HON CHARLES DE COMMARMOND

Wi, Second Reading.  Mr Speaker anba Order (64 (2) nou Standing Order, mon oule move ki the Income and Non-Monetary Benefits Tax (Amendment) Bill 2017 i ganny lir en Dezyenm Fwa.

 

MR SPEAKER

Onorab Gill.

 

HON SIMON GILL

Mosyon segonde Mr Speaker.  Mersi.

 

MR SPEAKER

Mersi Onorab Gill.  Minis, eski nou kapab prezan demann Minis Larose pour prezant son Bill Income and Non-Monetary Benefits Tax (Amendment) Bill.

 

MINISTER PETER LAROSE

Mersi bokou Mr Speaker.  Ankor enn fwa mon vwar mon pe prezant avek nou Lasanble Nasyonal lamannman lo Lalwa enplimantasyon Tax Progresiv lo Saler.  Mr Speaker mon oule fer sorti ki sa lenplimantasyon i trwazyenm faz Reform dan sistenm Tax lo Saler ki ti komans 2016.  Zis pour lenformasyon Lasanble sa sistenm ti rekomande ki i annan en Egzanpsyon Tax pour tou travayer ki ganny mwens ki Saler minimum R5, 050 par mwa.  Me parkont sa Lalwa ti ganny amande an Zilyet 2016 pour asire ki tou travayer ki ganny mwens ki R8, 555. 50 sou pa pour pey Tax lo zot saler.  Avek sa revizyon Gouvernman in perdi en reveni R215 milyon.  Mr Speaker aktyelman i annan 20, 222 travayer ki reprezant 54 poursan lafors travayer Seselwa ki pe benefisye atraver sa egzanpsyon.  Mr Speaker Tax Progresiv lo Saler i senpleman en sistenm Tax kot pli ou saler i ogmante ou pey plis Tax a la baz progresiv.  Swivan Lanons Gouvernman ki ti ganny swiv par en seri meeting konsiltativ plizyer konsern e sizesyon ti ganny fer resorti.  Gouvernman in ekout tou sizesyon fer par diferan endividi, Group, e Asosyasyon dan Sekter avek lentansyon pour anmenn le meyer pour travayer Seselwa.  Mr Speaker Gouvernman i rekonnet ki tou dimoun i devret kontribye dan sistenm Tax par lefe ki koleksyon Tax ki kontribye pour fer nou pei fonksyonnen.  Taxpayer i devret vin pli responsab anver zot kontribisyon dan Servis Ledikasyon, Lasante, Servis Sosyal e lezot servis piblik ki konmela i gratwit.  Nou osi devret pran kont sa benefis ki annan pour bann dimoun ki benefisye avek sa Tax freehold  sirtou bann ki mon, konmela nou pe met kont azour e nou osi nou devret pran nou responsabilite ki benefisye atraver tou dimoun ki annan sa Taxpayer threshold sirtou bann ki anmenn en reveni back kot lakaz. Mr Speaker Gouvernman pour mentenir ki sa Tax free whole lo R8, 555. 50 sou nouvo rate ki pour ganny servi pour kalkil Tax par mwan ki aplikab lo Saler pour zis Seselwa, pour konm swivan:-

  • Pour napa Tax lo Saler depi R1 ziska R8, 555. 50 sou. Mon repete Mr Speaker pour napa Tax lo Saler depi R1 ziska R8, 555. 50 sou.

 

  • 15 poursan Tax pour aplikab lo diferans saler depi R8, 555. 51 sou ziska R10, 000.

 

  • 20 poursan Tax pour aplikab lo diferans saler lo R10, 001 ziska R83, 333.

 

  • 30 poursan Tax pour aplikab lo diferans saler par lao R83, 333.

 

Mr Speaker sa rate 15, 20 e 30 poursan i ganny servi pour kalkil konbyen Tax en Taxpayer pour peye ki pour ganny entegre dan sistenm pay roll.  Me parkont effective Tax rate se sa rate ki sa endividi pour peye ki aparet lo son pay slip ; se sa effective Tax rate ki pour aplikab lo la baz progresiv.  Mr Speaker mon oule met lanfaz ki Anplwaye etranze pa pour benefisye anba sa Tax threshold ki vedir ki vedir R8, 555.50 sou kontrerman zot pour pey 15 poursan lo tou reveni ziska R10, 000 e servi rate progresiv parey Seselwa ki pe ganny par lao R10, 000. Mr Speaker permet mwan servi serten legzanp bann Tax rate ki pli efektiv ki anplwaye lo la diferans nivo saler pour peye par Mwan:-

  • Lo Saler R10, 000 effective Tax rate 2 poursan son benefis i pour R1, 283.

 

  • R15, 000 i pour effective Tax rate 8 poursan i pour benefisye R1, 033.

 

  • Lo R25, 000 son effective Tax rate 13 poursan benefisye R583.

 

  • Lo R40, 000 son effective Tax rate pour 16 poursan i pour pey an plis R217.

 

  • Lo R50, 000 effective Tax rate i pour 16 poursan i pour pey R717 an plis.

 

Tou anplwaye ki ganny mwens ki R35, 667 pour vwar en rediksyon dan lakantite Tax ki zot peye, me parkont bann anplwaye ki resevwar lapey par lao R35, 667 par mwan, zot pour pey en pe plis Tax.  Nou’n estimen ki ler nou’n fini konplet Reform lo Tax Progresiv lo reveni 98 poursan anplwaye Seselwa pour benefisye.  Mr Speaker mon oule fer kler malgre ki en Anplwaye ki ganny plis ki R35, 667 pour pey en Tax adisyonnel tou le Mwan sa anplwaye pour benefisye avek bann egzanpsyon ; par egzanp en anplwaye ki ganny 40, 000 par mwan pour pey R217 Tax adisyonnel par mwan ki ariv R2, 604 par an.  Sepandan parske sa anplwaye pe ganny Trezyenm  Mwan Saler i pour benefisye avek total R4, 500 egzanpsyon Tax ki vedir en rannman en pe plis ki en total R1, 896.  Sa menm Anplwaye pour benefisye plis lo son Bonous e peyman lafen son Kontra.  Sa i montre ki i annan plis benefis pour anplway Seselwa avek en sistenm Tax Progresiv lo reveni.  Mr Speaker kestyon ki pe ganny demande akoz nou pe enplimant sistenm Tax an Zilyet 2018.  Mr Speaker i pa dan nou lentere ni Gouvernman pour retard lenplimantasyon sa nouvo Tax.  Minister Finans in fer son kalkilasyon avan vin dan Lasanble apre ki nou’n ekout tou stakeholders enkli deba Lasanble Nasyonal.  Dan sa konteks nou rekonnet e apresye zefor Lasanble Nasyonal in fer vizavi sa size me i pa fezab. Pour tou bann Oditer ki ti pe ekout Nouvel lo SBC yer swar Prezidan Danny Faure in pronons desizyon Gouvernman lo sa size.  In donn rezon prensipal e mwan mon profite pour donn plis detay ki Seselwa a pli byen konpran rezon det sa desizyon.  Mr Speaker nou zistifikasyon i konm sa, Minister Finans in pas bokou letan konsilte avek Sekter Prive ki swa biznes lendivi, SMEs, partners, Konpanni e Organizasyon parey Seychelles Chambers of Commerce diferan Reprezantan Lasosyasyon Travayer e Anplwayer, pour solisit zot komanter, sizesyon e rekomandasyon.  Repons ki nou’n gannyen se ki lenplimantasyon Tax Progresiv an Zanvye 2018 i pa fezab akoz zot pa ankor pare e zot pa pour pare akoz i annan bokou travay pour fer.  Zot in konfirmen ki zot bezwen bokou plis letan.  Bokou businessmen in konfirmen ki zot in prepar zot plan biznes pour lannen baze a Lanons Bidze 2018. Gouvernman in deza konfirmen avek tou Lenstitisyon Enternasyonal e Envestiser, ki lenplimantasyon Tax Progresiv pour komans le 1 Zilyet 2018.  E, i pa posibilite pour nou sanz Polisi dizour e de landmen.  Konm en Gouvernman nou bezwen pli serye ki sa.  Si nou lenplimantasyon Tax Progresiv an Zanvye i pour kout nou R60milyon apre 15milyon ki’n ganny koupe. 60 milyon i reprezant en kantite larzan ki nou napa a se moman. Sekter prive in demande plis letan pour prepar zot sistenm peyman parske zot bezwen soumet zot sistenm pay roll ki pour entegre avek platform SRC.  Lo kote teknik nou bezwen plis Computer software programmer pour moderniz nou pay roll.  Larealite se ki nou napa ase profesyonnel konpetan pour konplet sa travay dan 10zour.  Ler konfirmasyon lo modalité sistenm Tax Progresiv i ganny konfirmen e aprouvasyon son lamannman dan sa Lalwa, se ki sistenm pour kapab ganny finalize e teste.  Nou annan nou mwens ki 10 zour pour le 1 Zanvye 2018 arive. Mr Speaker an relasyon avek ogmantasyon argimantasyon ki nou pe fer, nou bezwen fer nou travay byen.  Nou pa kapab met en sistenm an plas si nou pa ankor pare, napa plas pour nou toler en dezord ankor kot nou pa kapab kolekte Tax ki due.  Travayer i bezwen plis lenformasyon e ledikasyon konsernan sa nouvo sistenm. SRC i konfirmen ki zot pour bezwen en minimum 2 mwan pour fer en progranm ledikasyon e sansibilizasyon bann anplwaye e anplwayer dan Sesel ki pour annan en lenpak lo zot. Nou sistenm Administrativ elektronik i bezwen ganny modifye pour donn en servis efikas, pour lenstans i demann plis travay pour fer e pran plis letan.  E i pour pli fezab an Zilyet 2018 parske DICT e SRC i bezwen i minimum 3 mwan pour teste sistenm e son platform zot pa kapab fer li avan ki Lalwa i ganny aprouve.  Menm si i annan en Onorab ki petet i kapab soulev en kestyon, ki demande akoz ki nou pa ti fer rekritman sa bann computer expert.  Me nou ti bezwen esper konsiltasyon konplete avan ki nou pran kont feedback ki sorti kot Taxpayer dan diferan Sekter.  Nou bezwen osi mazin lenpak avek sa nouvo sistenm pour annan adisyon liquidité dan pei.  An Zanvye 2018 Tax lo 13 Mwan Saler pour ganny Exempté vedir napa Tax – sa osi pour kontribye liquidité adisyonnel dan pei.  Pour en pti pei koman Sesel nou bezwen kapab swiv devlopman Ekonomik e moniter ki nou pa kapab les liquidité adisyonnel afekte to lesanz akoz i kapab direkteman afekte pri lavi ki nou pe sey rod en solisyon.  Mr Speaker mon bezwen repet ler pri komodite i ogmante i afekte no tou enkli bann dimoun ki pli vilnerab dan nou sosyete, son kou ki i asosye avek sa sistenm i an term reveni perdi par Gouvernman ki estimen apepre R150milyon pour en lannen oubyen R75milyon pour 6 mwan si nou ti enplimant sa sistenm Tax en pe pli avan.  Mr Speaker, ler mon prezant sa bann pwen dan argimantasyon, akoz nou pa kapab enplimant Tax Progresiv an Zanvye 2018, me an Zilyet 2018.  Me osi oule prezant lalis bann reveni siplemanter ki pour ganny exempté kont Tax depi Zanvye 2018.  E la mon a pronons lakantite egzanpsyon ki i annan, tou bann Konpansasyon ler en travayer i pran retret, demisyon oubyen ganny aret travay redundancy tou peyman Gratwite pour servis lonterm konmela i zis premye R10, 000 ki ganny egzanpsyon.  En Bonous ki pa depas en total ki Legal avek en 12enm Mwan Saler de baz konmela si Bonous, sa Bonous e plis ki R10, 000 zis premye R10, 000 ki ganny egzanpsyon. Trezyenm Mwan Saler dapre rekomandasyon Lalwa Lanplwa konmela zis premye R10, 000 ki ganny egzanpsyon.  Peyman lafen Kontra ki limit a 15poursan sa saler de baz total pour dirasyon sa Kontra.  Bann fre servis ki vedir service charge bann peyman overtime kan anplwayer ki rekomande ki bann ka eksepsyonnel ; en allowance pour uniform, en per diem ki ganny donnen par bann, pour bann vwayaz alternativ ki kouver depans manze, transportasyon, akomodasyon oubyen depans ki relye avek sa vwayaz, anliny avek lalis ki pour ganny preskri. Okenn Pansyon ki pour ganny peye avek Sekirite Sosyal e okenn Pansyon ki pour ganny peye avek Fon Pansyon.  Lezot egzanpsyon pour osi aplikab pour bann saler ki ganny peye pour en endividi ki ganny kouver anba Lalwa Privileges and Immunities Act ; vedir pour bann Konsiler ou Diplomat.  En ranboursman ki en dimoun pour resevwar ler i fer okenn depans dan son pos lo transportasyon Lakonpanni pour travay ofisyel, sa i aplikab osi pour depans dan son pos ki i fer lo son transpor personnel, pour travay Lakonpannyen ki i travay ladan.  Me parkont sa Kondisyon pa aplikab ler sa Drayver pour fourni resi e en logbook ki mezir zistans ki son transpor in roule.  Mr Speaker mon oule fer resorti ki lalis egzanpsyon pour vin an fors le 1 Zanvye 2018 ki pour bann travayer i benefis o pli vit posib bann saler ki pour ganny aparti le 1 Zanvye 2018 par egzanp Trezyenm Mwan Saler, Bonous peyman Kontra, e osi service charge.  Lezot amannman ki pour, pe propoze avek Lasanble se pour servi limero Idantite pour bann travayer ki SRC konnen kantite Tax sak dimoun i dwatet peye ou byen peye e ki pour entegre dan sistenm pay roll e ki pour form regilasyon pour fasilit koleksyon lenformasyon.  Mr Speaker en lamannman ki vreman enportan pour garanti ki bann anplwayer i obei sa Lorganizasyon e lobligasyon pour kalkil e anmas Tax ki zot devret zot anplwaye e i en Penalti ki pour pa depas 3 fwa sa kantite ki zot devret ganny anmase. Mr Speaker en lot lamannman anliny avek sa Reform pour fer provizyon pour anpes bann mekanizm, oubyen fason ki bann Anplwayer i kasyet oubyen pey Tax lo saler par egzanp kot Lagreman ant Anplwaye ek anplwayer i ganny fer.  E i bon note osi ki sa Prozedlwa pe fer provizyon pour donn Komisyoner Zeneral SRC Lotorite pour Gouvern Tax lo saler.  Mr Speaker mon osi oule note ki Tax Progresiv pour ganny aplike lo sak travay.  Si en travayer i annan 2 ou 3 Lanplwa i pour resevwar sa egzanpsyon R8, 555. 50 par sak travay.  Pour konklir Mr Speaker aktyelman i mandatwar pour tou anplwayer ki annan 25 anplwaye pour soumet zot pay roll electronic avek SRC tou le mwan.  Avek sa nouvo Reform Tax i pour mandatwar pour nou anplwayer avek 10 travayer oubyen plis pour soumet zot pay roll elektronik avek SRC tou le mwan.  Sa i a permet Gouvernman ganny akse avek data ki enportan ou neseser pour fer okenn policy a lavenir.  Mr Speaker nou rekonnet ki i annan bon bann anplwayer ki napa sa fasilite pour soumet zot pay roll electronic sa i enkli bann pti biznes.  Se pour se la rezon akoz ki Gouvernman pe pey oubyen donn en sibvansyon bann Konpannyen prive pour en endividi ki fer servis pay roll pour asiste bann biznes an lakor ek sa Lalwa.  Tender pour ouver provens swivan laprouvasyon sa Prozedlwa e pour ganny enplimante ler DICT, SRC in finaliz sistenm e platform teknik.  Mr Speaker pour ki sa bann sanzman Polisi i vin Legal bann lamannman dan Lalwa Income and Monetary Benefits Tax Act i ganny soumet devan Lasanble pour zot konsiderasyon e laprouvasyon.  Mersi Mr Speaker.

 

MR SPEAKER

Mersi Minis.  Eski i annan okenn Manm ki anvi entervenir lo sa Prozedlwa?  Si non – wi Onorab Ramkalawan.

 

HON WAVEL RAMKALAWAN

Lalis in fermen mon mazinen, zis mwan ki pour koze?

 

MR SPEAKER

Ki ou a fer Mr Onorab Ramkalawan.  Ou annan ou drwa koze si lezot pa pe servi zot drwa – servi ou drwa koze, Onorab Hoareau apre.

 

HON WAVEL RAMKALAWAN

Ki ou a fer.  Mr Speaker premyerman mon anvi dir ki dan Diskour Minis i annan serten keksoz ki mon pa dakor avek.  E mon anvi met sa an relasyon avek progranm Gouvernman li menm, e toultan mon kontan fer sa distenksyon.  Gouvernman ti donn son parol an Out 2016 ki poudir Progressive Income Tax ti pour pran lefe le 1 Zanvye 2017 ; sa sete Out 2016.  E sa sete zis avan Eleksyon Minis Larose pa ti ankor vin Minis.  E se pour sa rezon mon komans avan e sa sete en promes Eleksyon.  E an Out 2016 Gouvernman ti’n efektivman fini anonse ki poudir sa Progressive Income Tax ti pour zero a 30 poursan.  Eski baze lo sa ki Minis in dir avek nou la apre midi, ki poudir DICT prezan ki pe regard son progranm computer pa pour pare pour Zanvye 2018 ensidswit?  Eski Minis pe dir avek nou efektivman sa Gouvernman ki ti fer sa promes e ki ozordi li ki annan sa responsabilite, sete en Gouvernman totalman iresponsab – en Gouvernman ki ti pe anbet lepep Seselwa !  E mon krwar ki lepep Seselwa i bezwen konpran sa tre byen, ki poudir an Out 2016 Gouvernman ti ape bat zot latet, en mwan avan Eleksyon.  Prezan letan nou ti pe koste 2017 ti annan en lot Lanons ki poudir pa pour kapab met li an aplikasyon le 1 Zanvye 2017, me i pour antre an aplikasyon le 1 Zilyet 2017.  Apre sa nou’n tande 2017 le 1 Zanvye, pa pour kapab e la ozordi nou’n tann le 1 Zanvye 2018.  Mr Speaker pour sa i vin parey en lavant later – parey nou dir an Kreol konmsi ‘’ou pe ganny anvoye parey lavant later’’.  E mwan mon krwar ki poudir avek sa bann sityasyon, malerezman e ankor enn fwa mon dir malerezman, mon dir se Minis Larose ki nou travay byen ansanm ki bezwen vin anmenn sa fardo. E pourtan Mr Speaker, nou tou nou konnen ki poudir tou travayer pe esper sa benefis.  E si Gouvernman parske la i pa zis vin en promes Eleksyon, Gouvernman ti’n bezwen kapab osi travay lo son reperkisyon finansyel, pour li konnen ki poudir be si mon entrodwir sa kalite Tax, sa Progressive Income Tax konbyen i pour koute?  Konbyen i pour perdi?  Be yer swar mon’n ekoute mwan osi, mon’n tann nonm IMF, be letan ti anonse 2016 IMF ti napa nanryen pour li dir?  Letan ti anonse pour komans le 1 Zanvye IMF pa ti dir nanryen? Letan ti anonse poudir pour komans le 1 Zilyet 2017 IMF pa ti dir nanryen?  Mr Speaker se sa ki fer mwan deep inside i annan en serten – anndan mwan dan mon profon i annan en serten lakoler.  I annan en serten lakoler akoz ozordi nou pe deal avek en Gouvernman ki lo en kote letan benefis i vin pour travayer, pour ki sa dimoun ki pe par egzanp parey Minis in nonmen ki son Saler i al anviron R36,000 pour li kapab ganny en keksoz – espesyalman sa bann dimoun ki zot lapey i pli ba pran par egzanp bann ki ganny par anba R12, 000, par anba R10, 000 ki zot, zot sipoze pe benefisye en pti git plis, letan in ariv ler pour zot ganny en keksoz zot pa gannyen.  Me lo lot kote sa menm Gouvernman letan in ariv ler pour pini zot i pini zot. Sa bann menm dimoun ki zot, zot napa en loto zot, zot napa en loto oubyen zot napa en fason pour zot lorganizasyon donn zot fuel pour zot ganny per diem pour al vwayaze pour zot, tousala sa bann dimoun zot, zot ganny pini.  Akoz le 1 Zanvye zot, zot pour ganny tape, le 1 Zanvye tou sa bann dimoun zot pe al pey bis R2 an plis.  E nou ti work out lotrozour ki zis lo la dan sa pti git larzan ki zot gannyen zot pe al pey zot plis ki R400 an plis pour zot bis.  Zis bis sa.  An Avril nou tande ki poudir elektrisite pe al ogmante.  E an Avril zot pa pour ankor ganny Progressive Income Tax, elektrisite osi tou, well elektrisite mon’n nonmen pe al monte, delo pe al monte.  Tousala Mr Speaker avan ki sa travayer i ganny li sa Progressive Income Tax pour li kapab rantre dan lakour avek en pti…. E sa i fer mwan poz mon lekor en kestyon, e Gouvernman eski i serye vreman letan i koz lo adres size lapovrete?  Ki mannyer eski nou kapab lo en kote nou ape koz lo nou pour soulaz lapovrete – ki nou’n dir i annan 40poursan dimoun ki dan lapovrete, me lo lot kote – lo lot kote nou met fardo ankor lo sa, lo sanmenm sa group dimoun! Mwan mon krwar ki i annan en keksoz ki pa serye la – e ki Gouvernman dan en fason i annan son plan ki pa normal, ki pa bon, e mwan mon apel sa, e lefe ki sa i dernyen Bill ki nou pe pase pour sa lannen 2017, mwan mon apel sa Bill pli move kado Nwel e Lannen ki Gouvernman pe donn lepep Seselwa!

 

 

(APPLAUSE)

 

HON WAVEL RAMKALAWAN

Sa set en kado anpwazonnen ki Gouvernman i kit lepep Seselwa avek pour 2017.  E mon espere ki en Santer i konpoz en sanson Nwel avek sa Tit “Kado Anpwazonnen” sorti kot Gouvernman Parti Lepep !  Me Mr Speaker lo nou kote lo LDS ti ava annan en keksoz ki nou ti ava kapab fer.  Nou ti ava kapab par egzanp propoz en lamannman dan sa Bill pour dir lo premye paz nou sanz son dat pour li vin le 1 Zanvye ; me fodre ki lepep Seselwa i konpran nou pa kapab fer li.  Akoz ki nou pa kapab fer li?  Se parske nou Lalwa nou Standing Orders pa permet ki Lopozisyon oubyen nenport Manm Lasanble i pas, i met en charge lo Gouvernman, savedir ki son aksyon i met en fardo finansyel lo Gouvernman.  Alor lepep Seselwa sorry LDS pa kapab soulaz zot malgre nou annan en mazorite dan sa Lasanble – an relasyon avek fer en lamannman lo sa Bill. so nou pa kapab fer sa.  Me lo lot kote Mr Speaker mwan apre midi mon challenge mon bann konfrer lot kote latab semenn pase nou tou dan sa Lasanble nou ti koze, nou ti koz for e nou ti dir fodre ki Gouvernman i komans sa Progressive Income Tax le 1 Zanvye 2018.  Alors mon challenge zot pour zot annan sa kouraz pour zot vot kont sa Bill ; annan kouraz pour zot vot kont sa Bill – parske si ozordi zot vot an faver zot ava pe fer parey zot Gouvernman ti fer an Out 2016 letan zot ti bat latet Seselwa.  Sete Onorab Simon Gill ki ti segonn mon Mosyon, Onorab Simon Gill…

 

(Interruption)

 

MR SPEAKER

Order! Order!

 

HON WAVEL RAMKALAWAN

Onorab Simon Gill ozordi dernyen zour Sesyon Lasanble Nasyonal, mwan koman enn ou koleg, koman en zanmi mon challenge ou pour ou montre lepep Seselwa ki poudir Onorab Simon Gill letan i dir en keksoz, letan i segonde i gard son parol!

 

(APPLAUSE)

 

MR SPEAKER

Alright.  Order! Order!  Order!

 

HON WAVEL RAMKALAWAN

Mon challenge ou pour ou fer sa, e si ou fer sa nou ava kapab kontinyen mars ansanm.

 

(laughter)

 

HON WAVEL RAMKALAWAN

Me si ou pa fer sa mwan pour annan mon en lopinyon totalman diferan parske mwan pour dir mon pa kapab met mon lavi dan lanmen Onorab Simon Gill.

 

(laughter)

 

HON WAVEL RAMKALAWAN

So Mr Speaker Onorab Basil Hoareau tou ti premye dimoun apre ki mon ti’n koz, apre ki mon ti’n fer mon larepons lo Leta, lo Diskour Bidze – Onorab Basil Hoareau ti premye dimoun pour dir li osi tou i dakor e ki fodre sa i arive!  Ozordi ankor enn fwa mon challenge Onorab Hoareau pour li ‘’walk the talk’’, ‘’walk the talk’’ e apre mon ava mars avek ou.  Ok?

 

(laughter)

 

MR SPEAKER

Ok.

 

HON WAVEL RAMKALAWAN

Mr Speaker parske mwan mon krwar ki poudir sa i serye, i serye.  E fodre enn fwa pour tou e taler mon pour dir de pti parol ankor an relasyon avek lannen prosenn, fodre pa ki nou zwe avek lepep Seselwa.  Fodre pa ki nou fer zot krwar, fodre pa ki nou donn zot en fo lespwar e semenn pase apre sa Mosyon dimoun ti annan en serten lespwar ki poudir tou son reprezantan, tou son reprezantan dan Lasanble Nasyonal ki reprezant son Lavwa ti’n koze e ti’n anvoy mesaz kler avek Gouvernman.  E mwan Mr Speaker mon ava dir yer swar mon ti vreman dezapwente – mon ti totalman dezapwente letan Mr Faure li i ti deside pour li blok Progressive Income Tax. Dimoun toultan ti dir “LDS pour bloke,” me mon anvi dir avek lepep Seselwa ki se son Prezidan ki’n blok lepep Seselwa atraver sa Progressive Income Tax yer swar.  Alor Mr Speaker me an menm tan mwan mon anvi dir avek Minis sa bann parol swivan ; mon anvi dir avek Minis Mr Speaker ki ti ava bon si son Gouvernman dan premye quarter avan Zilyet – dan premye quarter regarde ki mannyer sa bann Lalwa ki nou’n pase avan Excise Tax lo sa bann lamannman, regarde ki mannyer sa bann sanzman ki zot pe fer lo koleksyon reveni i pase pour regarde si letan nou, letan Lasanble i repran le 20 Fevriye, petet an Mars i pa kapab vin devan Lasanble pour li en lamannman lo sa commencement date pour ki travayer i kapab ganny en keksoz o pli vit posib.  Parske mwan mon krwar ki Seselwa in, pour vreman dezapwente ozordi, pour vreman dezapwente parske i montre osi ki petet ozordi i annan en nouvo revelasyon i annan en Gouvernman ki pa ekout son bann reprezantan.  E sa 25 dimoun ki’n ganny elekte direkteman mwan toultan mon’n ganny parol – mwan mon lo rebate dan sa Lasanble mwan mon napa en distrik direkteman Onorab Hoareau tou osi tou i lo rebate, Onorab – i annan detrwa nou la ki rebate.  Me sa bann ki’n ganny elekte direkteman mon demann zot ki mannyer zot pour al regard zot bann travayer dan zot lizye letan zot pou’n vot an faver pour sa Lalwa komans 2018 – an Zilyet.  E mon espere ki poudir parey ki sa zafer in anvoye deza detrwa fwa letan i ariv 2018 – Zilyet i pa ganny anvoy ankor.  Alor avek sa 2 parol Mr Speaker nou lo nou kote nou pa pour kapab donn sipor sa Bill akoz nou, nou anvi ki sa Bill son lefe i pran lefe le 1 Zanvye 2018.  Me ankor enn fwa akoz dan sa, i napa zis Personal Income Tax e la tou ban travayer i bezwen sezi sa, i napa zis Personal Income Tax, Personal Income Tax ki zot ti ava pe benefisye tou le Mwan e osi i annan Trezyenm Mwan lapey kot pour napa, kot sa eleman 15 poursan lo R10, 000 i ganny tire ; sa eleman pour napa Tax lo Gratwite, pour napa Tax lo serten enn de bann service charge lo enn de bann keksoz alors si nou, nou vot kont, si nou vot kont sa Bill tou sa bann keksoz zot pa pour gannyen ; me nou, nou pa anvi ki zot perdi sa bann keksoz, nou pa anvi ki zot perdi sa bann keksoz e alor nou anvi ki zot kontinyen ganny sa.  Me ofet – ofet Mr Speaker se sa ki fer sa Bill konplike e mon krwar ki dan en serten sans Gouvernman ekspre in fer sa parske dan sa Bill i annan 2 commencement date i annan en premye Seksyon ki kouver Personal Income Tax li son commencement date i le 1 Zilyet 2018 ; tandis ki tou sa bann lezot benefis li son commencement date i tonm le 1 Zanvye 2018.  Alor mwan mon krwar ki la osi tou i annan en lespri politik, en lespri visye.

 

(Interruption)

 

HON WAVEL RAMKALAWAN

Visye i en mo Parlmanter – en Langaz Parlmanter akseptab.  Alor Mr Speaker….

 

MR SPEAKER

Order!  Order!

 

HON WAVEL RAMKALAWAN

Mr Speaker mon pour demande ki, mon pour demann Minis pour fer en keksoz ; annou kas sa Bill. Annou kas sa Bill e annou fer en lamannman pour ki Clause 1, 2 ok, 1, 2 kot i dir “this Act other than Section 2(g) shall come into force on 1st July i ganny deleted konpletman e tou sa bann morso, tou sa bann morso ki i annan pour fer avek Personal Income Tax i ganny deleted” – ok?  I ganny deleted pour ki e akoz mon pe dir sa e petet i a kapab vin avek son Bill an, sa lot bout la vin an zis koman nou komanse pour ki nou kapab ganny en reaksyon kler.  E tou dimoun i ava vwar kler ki mannyer bann Manm lo kote Parti Lepep zot vote.  Parske la ki mannyer in ete nou konnen ki pour arive Mr Speaker, bann Manm Parti Lepep pour dir zot pe vot an faver pour zot nobou protez sa bout 2(g).  E sa ki zot pour servi pour kouver sa bon labous ki zot in koze semenn pase kot zot in dir fodre ki Personal Income Tax i rantre le 1 Zanvye 2018.  Alors Mr Speaker mon kit sa dan lanmen bann Manm lo kote Parti Lepep e mon zis anvi dir avek zot pa bezwen trakase lepep Seselwa pe regard zot. E la dan sa sezon Nwel kot i annan bokou lalimyer dan Lavil e lalimyer pa dan fernwar lepep Seselwa i vwar zot bokou pli kler ankor.  Mersi bokou.

 

 

(APPLAUSE)

 

MR SPEAKER

Onorab Basil Hoareau.

 

HON BASIL HOAREAU

Mersi Mr Speaker.  Mr Speaker Bill ki devan nou i en Bill ki pe amann Income And Non-Monetary Benefit Tax Act ki’n deza an egzistans.  Mr Speaker Onorab Ramkalawan in koz fortman lo sa Progressive Income Tax i vre ki Bill i annan 2 commencement date.  I annan enn ki pour vin an fors le 1 Zilyet 2018 e i annan en lot bout ki li i pour vin an fors komansman lannen ki pe vini Zanvye le 1 Zanvye 2018.  E mon pour adres sa premye bout, sa premye bout ki konsern Progressive Income Tax i vre ki isi dan sa Lasanble nou tou nou’n koz an faver entrodwir sa Progressive Income Tax le 1 Zanvye 2018 e sa i en stance nou ankor krwar ladan nou.   Nou lo sa kote latab nou krwar fortman ki Gouvernman ti’n devret entrodwir sa le 1 Zanvye 2018 – afen ki nou bann frer e ser Seselwa zot osi zot ti ava benefisye.  Me dan menm problenm ki Onorab Ramkalawan i vwar li ladan, nou osi nou vwar nou dan menm problenm, nou osi nou lanmen i anmare par Lartik 90 (a) nou Konstitisyon ; ki vedir ki nou, nou pa kapab fer sa lamannman, sa lamannman k Onorab Ramkalawan e lot kote latab pa kapab fer, nou osi no pa pe kapab fer li parske nou malgre ki nou kapab lo sa kote latab sorti dan Gouvernman dizour ki O Pouvwar ozordi, me nou, nou at the end of the day nou dan Lezislatif nou pa dan Egzekitiv e nou lanmen osi i anmare nou pa pe kapab propoz en lamannman a sa Lalwa pour fer li komans le 1 Zilyet 2018, le 1 Zanvye 2018 rather.  E nou osi dezapwente avek Egzekitiv e mon dir tre fortman mwan personnelman mon dezapwente avek sa.  Me me  eski nou vot kont sa Bill kot premyerman i annan sa bout ki pour vin an fors le 1 Zanvye 2013, sa Schedule 2, 2018 ouswa an menm tan si nou vot kont i vedir ki menm an Zilyet 2018 sa bann travayer pa pour benefisye ek sa Progressive Income Tax parske sa i lefe si ou vot kont li, se ki sa Lalwa pa pase e i vedir Progressive Income Tax pa pour vin an fors.  E sa i fer mwan mazin sa lekspresyon Angle “cutting off your nose to spite your face,” eski sa ki nou pe fer?  Eski sa ki nou oule fer?  Nou pe dir basically akoz Egzekitiv pa’n donn sa ki nou ti demande e mwan osi si mon servi term ki Onorab Ramkalawan in servi nou pe dir “Egzekitiv pe pini bann dimoun” – ki mwan mon pa dakor avek sa term me si nou servi sa term “pini,” eski nou pe dir annou pini nou prop lekor par lefet sa bann dimoun si zot pa pour ganny le 1 Zanvye 2018 zot Progressive Income Tax then zot pa pour ganny ditou?  Non nou bezwen et sensible, nou bezwen rezonnab poudir “be ok menm si Gouvernman pa pe donn zot le 1 Zanvye 2018”parey nou lo sa kote latab e zot osi ti’n swete e ti’n demande at least nou a dir “be ok zot a gannyen le 1 Zanvye 2018”.  Be mwan en keksoz ki mon dakor ek sa ki Onorab Ramkalawan in dir menm apre ki nou’n pas sa Lalwa, menm apre ki nou’n pas li Gouvernman i merit still konsidere parske Gouvernman i kapab revin avek en Bill pour li amande alors i pa fini, i pa vedir ki tou keksoz in fini la e mwan mon pe enplor Minis Finans pour still rekonsidere, rekonsidere si nou pa kapab donn nou bann frer ser Seselwa ki pour benefisye atraver sa bann lamannman fer li pas, fer ki sa bann lamannman Progressive Income Tax i vin an fors avan le 1 Zilyet 2018.  E mon krwar ki si nou kapab fer sa ti pour en keksoz ki ti pour byen, me parey mon’n dir i pa akoz sa ki mon pour fer, parey i dir an Kreol “parfwa 2 mal pa fer 1 byen” i pa vedir ki i annan en keksoz ki pa’n mars dan nou faver ki nou pour zis dir “be dan sa ka nou parey en pti manrmay ki ou’n pran son zouzou alors mon komans kriye throw tantrums.”  Pa sa ki nou pour fer Mr Speaker, mon krwar nou bezwen et responsab poudir be gete wi sa ki nou’n demande pa’n arive me annou get son pozitiv – annou get son pozitiv, annou get son pozitiv.  Mr Speaker parey Onorab Ramkalawan li menm in dir i annan benefis si nou pa ti pour pas sa Lalwa la nou ti pour vot kont, in dir sa li menm li, i annan bann benefis ki an Zanvye nou bann frer ser Seselwa pour benefisye.  Nou konnen ki Trezyenm Mwan Saler i enn sa bann lamannman ki pe ganny anmennen ki pe ganny, i en bann Emoluments ki pe ganny Exempted savedir napa ziska en serten amount i pour napa Income Tax lo la.  E nou konnen dapre Lalwa Lanplwa 13 Mwan Saler i due le 31 Desanm e i bezwen ganny peye par le 31 Zanvye next year ; savedir bann travayer Seselwa ki pour ganny zot Trezyenm Mwan Saler lannen prosenn by le 31 Zanvye zot pour benefisye, e si nou pa pas sa Lalwa nou pe pini zot. Nou, nou pe dir si Gouvernman pa’n fer sa ki nou’n demande nou dan sa Lasanble annou pa pini sa bann travayer, annou pa fer, met zot dan en pli gran dezavantaz, annou siport, annou pas sa Bill, parske i annan keksoz pozitiv ladan pour bann travayer Seselwa.  Si nou annan zot a ker parey nou’n dir annou siport zot e annou donn zot sa ki, keksoz ki pour meyer pour zot.  Me parey mon’n dir Mr Speaker mon ti a kontan pour mon terminen mon ti a kontan ki Minis i rekonsidere poudir apre ki sa Bill in ganny pase pour get dan posibilite pour nou still amann sa Seksyon ki nou pe koz lo 1 Zilyet 2018 Progressive Income Tax get dan posibilite pour fer li vin pli boner.  Mersi Mr Speaker.

 

MR SPEAKER

Mersi Onorab Hoareau.  Onorab Sebastien Pillay sey fer li within 5 minutes– 5 minit, 5 minit, maximum.

 

HON SEBASTIEN PILLAY

Mersi Mr Speaker.  Mr Speaker mon ti pe al fer komanter lo alignment me mon pa pour fer.

 

MR SPEAKER

Pa fer, fer ou 5, anba 5 minit, ale go on.

 

HON SEBASTIEN PILLAY

Akoz, ok, wi i kler poudir ler mon’n ekout Leader Lopozisyon ler i komanse mon krwar in vwar li menm li kote in bezwen re amenn sa largiman lo la realite.  Larealite premyerman i se ki si zot a rapel byen ler nou ti fer deba lo Trezyenm Mwan Saler dan sa Lasanble nou tou ki la anndan ti fer en pledwari avek Minister Finans pour demande ki Tax pa devret ganny tire lo sa Trezyenm Mwan Saler, akoz sa travayer ti’n fini pey son Tax li pandan lannen, nou tou nou ti fer en pledwari.  Me ozordi zot pour dir mwan zot pour asize laba lot kote pour en keksoz ki zot menm zot, zot in demande, zot pa pour vot an faver akoz zot in ganny 2, zot in ganny 1 alor zot, si zot pa ganny tou lede zot pa pour vote ; mwan mon krwar zot realize poudir benefis ki i annan dan sa Lalwa pour travayer i kler e net.  I kler ki bann travayer Seselwa ki’n travay pandan sa lannen pour benefisye.  E si zot a rapel byen largiman ki mwan personnelman mon ti avanse ler nou ti debat lo sa Mosyon an se ki konsern Progressive Income Tax – mon ti propoze ki Gouvernman i fer li dan en fason progresiv.  Rezon ti senp akoz nou bezwen met an konsiderasyon tou bann eleman ki fer ki Gouvernman i kapab delivre lo en promes. Me si nou pran sa largiman ki nou pe avanse ozordi e nou regard byen Gouvernman li si i ti en Gouvernman visye par egzanp, mon pa pe defann Gouvernman be si ti en Gouvernman visye, i pa ti a stick to son Lalwa i ti ava sanze, i ti a fer en lot zafer.  Me in fer en commitment avek lepep Seselwa e in vini in stick to son commitment malgre ki i konnen pour annan largiman oubyen retonbe politik oubyen ki pa neseserman tonm dan son fave.  So Onorab Ramkalawan in challenge nou, menm challenge nou lanse ver zot.  Zot osi zot bezwen realize ki poudir ler ou regard sa Lalwa sirtou son Second Schedule e bann egzanpsyon ki egziste anba sa Second Schedule, benefis ki pour annan pour en travayer Seselwa an Zanvye i bokou.  E an plis ki sa pa bliye menm bann ki pe koz pa deryer, mon konnen zot in annan zot sans koze akoz zot pa lev zot lanmen mon pa konnen, me nou ti kapab nou ti demande osi ki Gratwite travayer i ganny exempt from thus.

 

MR SPEAKER

2 minit i reste.

 

HON SEBASTIEN PILLAY

E sa in ganny fer par Gouvernman.  So mon krwar ki nou bezwen regard sa Lalwa dan sa fason, dan sa loptik parey mon kontan dir kot benefis sa Lalwa pour anmennen pour bann travayer.  Me mon pour zwenn avek mon bann Koleg oparavan pour dir ki nou bezwen vwar dan le mezir ki posib pour nou regard dan lenplimantasyon sa Progressive Income Tax pli boner posib pour fer ki travayer a benefisye pli boner posib.

 

MR SPEAKER

Ok.

 

HON SEBASTIEN PILLAY

Me selman lefe i reste mon le kit zot ek sa, ler nou ti pran deba lo Bidze zot tou ki la ti vot an faver bann diferan Heads, zot ti menm siport sa bann Heads lo Ledikasyon, lo Lasante e apre zot deside pour pa vot, pa prezant en vot lo Bidze, konpran – se sa ki enteresan.  So mon krwar ankor en fwa pour sa Lalwa nou kapab al an deor sa bann diferans…

 

(Interruption)

 

MR SPEAKER

Onorab, Onorab. Order !  Order!  Order.

 

HON SEBASTIEN PILLAY

Sa bann diferans e nou siport sa Lalwa dan la mezir…

 

MR SPEAKER

Onorab, Onorab Pillay… Order! Wi Onorab Prea ou annan en point of order.

 

HON NICHOLAS PREA

Mr Speaker mon anvi zis met en keksoz an, dan son korek term perspektiv, Lopozisyon lo sa kote latab ti vote lo Merit Zeneral Bidze 2018 ; pour pep Seselwa konpran nou ti vote lo Merit Zeneral Bidze 2018.

 

(Interruption)

 

MR SPEAKER

Ok.  Order! Order! Onorab Pillay can you please round-up ou annan ou 1 minit.

 

HON SEBASTIEN PILLAY

Mr Speaker mon’n ekout sa ki ou’n dir mwan e mon’n round- up e mon a donn en lot dimoun sans koze.  Mersi.

 

MR SPEAKER

Ok. Onorab De Commarmond maximum 5 minit.

 

HON CHARLES DE COMMARMOND

Mersi Mr Speaker. Mr Speaker lo sa kote latab nou pa visye pour kas sa Bill an 2.  Nou pa pour kase sa Bill an 2 nou pour vot antye sa Bill ki mannyer i ete.  Mr Speaker si zot mazin byen, ler ti annan sa Mosyon lo Progressive Income Tax, parol ki mon ti dir mon krwar ti enportan.  E dan sa sazes ki mwan mon ti koze, se dan menm lespri ki bann pwen in ganny avanse par Gouvernman pour dir nou pa kapab met sa Prozedlwa fer li komans an Zanvye parey Mosyon ti pe demande.  Si Mosyon, si sa Prozedlwa ti vin ek zis sa ki Mosyon ti pe demande, ti pour en lot zafer.  Be nou’n vwar Prozedlwa i al pli lwen ki Mosyon i demande e se dan sa lespri ki alor nou, nou bezwen vot pour sa Prozedlwa an antye pour Seselwa benefisye ; travayer Seselwa i bezwen benefisye anba sa ki nou pe vote ozordi, me Gouvernman in donn nou en garanti osi.  Nou nou’n fer en bout travay nou Lasanble, nou’n nobou koup Bidze e i annan 15.6 milyon ki la, ki ler nou’n aprouv Bidze, nou’n aprouv li 15.6 milyon an mwens.  Savedir i annan en bout larzan la ki Gouvernman a en moman donnen i kapab zwe avek.  E Gouvernman in osi dir ki i konsyan ki Lasanble in aprouve dan son Mosyon.  E in dir ki i pour get posibilite li pour vwar o frir e a mezir par egzanp i annan bann Lalwa ki nou’n pase zis ozordi menm ; sa bann Lalwa ki nou’n pase i annan en bearing lo koleksyon Tax par egzanp.  Si nou kolekte Tax bokou e pli vit mon asire dan premye quarter Gouvernman pour regarde i dir “tyonbo en kou sa ki zot ti pe demande i posib fer la.” Gouvernman dan son sazes, dan son sipor pour lepep Seselwa dan son sipor pour travayer Seselwa – pa bliye nou Gouvernman set en Gouvernman lepep, i pour definitivman vin devan nou Lasanble pour annan serten rekomandasyon, serten re konsiderasyon pour vwar koman sa ki nou pe pase la i kapab ganny aksyonn-en avan. Be toudmenm Mr Speaker sa, ki nou pe pase isi la ozordi si nou pa vot lo la, si nou retard li i vedir ki lepep Seselwa – travayer pour perdi.  Mwan mon pe demann nou Lasanble pour konsider seryezman desizyon sirtou Lopozisyon desizyon ki zot pe antisipe pour fer, mwan demann zot pour siport sa Prozedlwa.  Akoz sa Prozedlwa ki mannyer i ete la i dan benefis travayer osi.  E la nou lans en lapel osi avek bann businessmen, bann anplwayer pour zot pa bezwen pey travayer Seselwa zot Trezyenm Mwan Saler la an Desanm.  Anvoy li an Zanvye pour zot benefisye, mwan mon sizer li koumsa pour ki zot ava benefisye.  Si ou pey li an Desanm ou pour bezwen tir Tax lo la, i pour perdi.

 

MR SPEAKER

2 minit Onorab.

 

HON CHARLES DE COMMARMOND

So vwala Lespri ki nou, nou pe met devan, vwala lafason ki nou, nou pour siport sa Prozedlwa, akoz nou krwar poudir, e nou vwar poudir i annan benefis pour travayer Seselwa ladan. Mr Speaker avek sa mon demande ki tou nou Manm Onorab isi prezan i siport sa Prozedlwa, akoz en Prozedlwa ki bon.  Sa bout ki nou’n dir i ava ganny gete ofil e a mezir parey Gouvernman i pe mazinen e in pronons li lo la osi.  Mersi.

 

MR SPEAKER

Mersi Onorab, mon pour donn la parol Onorab Ferrari, apre Onorab Gill.  Me zis avan fer sa lo sa pwen ki Onorab De Commarmond in fek leve Minis letan ou pe konsider ou repons i annan en Sef Antrepriz ki bomaten i pe demann mwan i pa ti konnen zot in pey, Trezyenm Mwan lapey fini gannyen Trezyenm Mwan lapey fini, fini la in fini donnen prezan i ganny dir pour taxable.  E apre 2018, zot in pey 2018 pa ti, travayer pa ti pour perdi zis pour konsiderasyon taler, mon a donn la parol Onorab Ferrari apre Onorab Gill.  En pti … Ale Onorab Prea.

 

HON NICHOLAS PREA

Mr Speaker mon ti’n lev mon lanmen pour mwan entervenir mon osi me selman mon pour short – en.  Mon pour entervenir.

 

MR SPEAKER

Mon’n vwar mon’n met ou non apre mon ti krwar ou’n fini entervenir taler.  Be ale go ahead, go ahead.  Wi apre Onorab Ferrari.

 

HON NICHOLAS PREA

Yes mersi Mr Speaker. Mr Speaker mon pa ti pour entervenir be mon pour tre, tre kourt.  Ler nou koz alignment zot ki la zot bezwen align zot lekor avek zot Gouvernman ki O Pouvwar.

 

(Interruption)

 

HON NICHOLAS PREA

Akoz i paret i annan 2 vites la, i annan 2 gear la ; mon a zis fer zot, mon a elabore. Ler nou ti pran sa Mosyon – mwan ki ti dan Chair mon ti aksepte ki sa Mosyon i vini, ler nou ti pran sa Mosyon sa Bill pa ti ankor arive dan Lasanble  – ok?  Sa Bill Mr Speaker pa ti ankor arive dan Lasanble se sa rezon ki la ozordi nou’n bezwen sispann Standing Orders pour nou fer First and Second Reading.  Savedir ler zot ti pe a pir sa Mosyon, segonde, debat lo la vote zot pa ti konnen ki zot Gouvernman pe fer – ok?

 

(APPLAUSE)

 

HON NICHOLAS PREA

Se sa ki mon pe dir alignment, alignment.  Mr Speaker – Mr Speaker mon a dir depi sa topik ki’n leve kot nou bezwen R75 milyon ekstra ou konnen ki bokou dimoun deor pe dir? Si sa Gouvernman i serye e i kontan son pep i ava al rod sa $50 milyon Dolar ki’n disparet e i ava anmennen e ladan i a fasil pour nou tir R75 milyon pour nou pey sa pep depi Zanvye.

 

(APPLAUSE)

 

HON NICHOLAS PREA

E nou isi lo sa kote latab Mr Speaker mon pe zis terminen la, nou dan LDS nou krwar dan en prensip, ler nou vote nou vote nou konnen kote nou pe vote – nou pa vwale.  Mersi Mr Speaker.

 

(APPLAUSE)

 

 

MR SPEAKER

Ok, Onorab Ferrari.  Apre Onorab Gill.  Onorab Ferrari.

 

HON JEAN-FRANCOIS FERRARI

Mersi Mr Speaker mwan osi mon pour tre kourt.

 

MR SPEAKER

Mersi.

 

HON JEAN-FRANCOIS FERRARI

Ozordi mon dir devan sa Lasanble ki sa bann Reprezantan Parti Lepep ki la devan nou, zot pa zis fer lapenn ozordi, me zot danzere !  I danzere akoz…

 

(Interruption)

 

MR SPEAKER

Order!   Silvouple.

 

HON JEAN-FRANCOIS FERRARI

Les zot kriye, ler zot fini fer tapaz zot a reste trankil.

 

MR SPEAKER

Onorab Ferrari, Onorab Ferrari, en pti moman silvouple.  I pros 5. 30 Minis Lalanne pe esper nou, annou konport nou en pe pli kalm.

 

HON JEAN-FRANCOIS FERRARI

That’s right.

 

MR SPEAKER

Onorab Ferrari be brief.

 

HON JEAN-FRANCOIS FERRARI

Mersi Mr Speaker. Non mon ti pe dir zot danzere akoz en dimoun, en group dimoun ki sanz zot lopinyon dan 1 semenn, apre ki zot in koz devan lepep Seselwa tre for pour zot reprezant lepep Seselwa.  E zot sanz zot pozisyon zis 1 semenn apre i en prosedir ki vreman danzere, e mon per pour mon pei si ler i dan lanmen sa bann msye.  Mwan sa ki mon ti a kontan dir Mr Speaker se ki finalman nou pe ganny menm keksoz ki nou’n gannyen pandan sa dernyen 4an; 40an Gouvernman Parti Lepep i donn nou en bol diri e anba sa diri e mon’n toultan dir sa i met li en gran pikan, i met li en ponnyen gravye apre i dir avek nou manze, si ou pa manz sa gravye ou pa pour manz sa diri, ou bezwen manz tou lede nou.  Nou dir in fini sa lepok, nou pa kapab tenir bann dimoun otaz koumsa.  Nou pa kapab met en dimoun dan Prizon apre fors li manz en keksoz ki i pa bon.  Nou pa kapab dan sa bann lannen fer tou sa bann keksoz dan lepase ler ti donn nou en lakaz, ti donn nou en lakaz i dir ou reste trankil ou pa kapab koze.  Donn ou Lekol, pa dir Lekol pa bon, i donn ou Lopital si ou dir Lasante pa bon ou ganny problenm.  Nou, nou bezwen annan en sanzman mindset e en sanzman fason ki nou respe nou pep.  E ozordi zot pe montre poudir zot napa respe pour sa pep ki’n – pour sa group ki’n elekte zot e i mal e mon, zot pour sibir son konsekans.  E son konsekans pour lour.  Akoz ou pa kapab, nou ti ava dir in dir en keksoz 20an pase la ozordi i dir en lot keksoz 1 semenn, zis 1 semenn apre ou fer 360 degre, parey in mete lo PEOPLE ozordi!

 

 

(Interruption)

 

HON JEAN-FRANCOIS FERRARI

Lo PEOPLE ozordi in mete lo premye paz President Faure en Prezidan 360 degre.

 

(Interruption)

 

HON JEAN-FRANCOIS FERRARI

Be kisisa?  Be nou pa kapab kontinyen pei koumsa mon bann zanmi.

 

MR SPEAKER

2 minit Onorab Ferrari, 2 minit.

 

 

HON JEAN-FRANCOIS FERRARI

Mwan sa ki mon anvi dir Mr Speaker se ki nou bezwen tenir nou prensip.  Nou pa kapab vwale lo nou prensip.  Nou pep pe esper nou deor nou’n promet zot en ke  Nou lo sa kote latab e Leader Lopozisyon in eksplike nou pa kapab fer en finance Bill.  Nou pa kapab met en charge lo Gouvernman.  Me selman anmenmtan nou bezwen dir, nou bezwen kriy for ki ler ou fer nou, ler ou met en pikan ek en ta gravye dan nou diri, nou bezwen kriye, akoz si nou pa kriye nou pour retourn an aryer.  E sa set en keksoz ki nou, nou pa anvi fer.  Zot dir, mon krwar Onorab Pillay ki’n, non Onorab De Commarmond ki’n dir “si i annan lekonomi nou pour kapab fer sa pli boner.” Lekonomi nou kapab fer en kantite lekonomi – ok?  Nou kapab fer tou sa bann keksoz e se sa ki nou’n fer, nou’n sey fer e zot pa’n ed nou, dan tou sa travay ki nou’n fer zot pa’n ed nou pour koupe.  Zot in tenir, zot in tenir zot pa’n les nou e nou pour koupe – ok?

 

MR SPEAKER

Round-up Onorab Ferrari, round-up.

 

HON JEAN-FRANCOIS FERRARI

Si nou fer lekonomi, par egzanp si nou tir tou bann larzan ki nou pe depanse avek Fidelity avek lot laba dan tou sa bann Lasirans dan tou sa bann Broker kekfwa nou ti kapab fer en pe progre ; si zot ti’n ed nou dan la diferans, me non zot pa’n ed nou.  E alors mwan mon annan en solisyon pour zot e mon termin lo la Mr Speaker, mon annan en solisyon pour zot.  Personn pa’n zot vot kont, zot pa oule vot kont akoz anba diri i annan en pikan?  Akoz zot pa abstain akoz zot pa abstain lo sa Bill ?  Akoz zot pa abstain?  Akoz zot santi zot forse pour zot vot an faver sa Bill?

 

MR SPEAKER

Round-up Onorab.

 

HON JEAN-FRANCOIS FERRARI

Alors mwan mon dir avek lepep Seselwa get byen sa bann msye ek sa bann madanm lo lot kote latab se sanmenm sa bann dimoun ki zot pour promet tou keksoz apre zot pa pour delivre.  E sa se bann dimoun ki danzere pour nou pei.  Mersi Mr Speaker.

 

HON CHARLES DE COMMARMOND

Parey ou ti fer avek Stevedores, Naiken pe esper ou…

 

MR SPEAKER

Donn la parol….Yes Onorab Ramkalawan?  Point of Order.

 

HON WAVEL RAMKALAWAN

Mr Speaker  mon ti ava demande ki Onorab De Commarmond i withdraw as ki in fek dir.  Bomaten nou’n lir en Rapor an relasyon avek sa lensidan e la in met son microphone on e in ensilte Onorab Ferrari an relasyon e nonm Mr Naiken.  Silvouple Onorab De Commarmond konport ou dan sa Lasanble Senyer!

 

(Interruption)

 

MR SPEAKER

Ok alright – Order! Order! Order! Personnelman mwan mon pa’n tande mon ti ape sey ekoute,.  Onorab Larue, Onorab Larue zot 2 Onorab Woodcock kalme.  Mon pa konnen ki lesans zot in mete kalme zot en pe.

 

(laughter)

 

MR SPEAKER

Onorab De Commarmond si vre sa ki Onorab Ramkalawan pe dir i pa normal.  Be selman mon pa’n tande, mon bezwen fran mon pa’n tande, eski ou kapab eklersi mwan en pe lo la.

 

HON CHARLES DE COMMARMOND

Mr Speaker ….

 

HON WAVEL RAMKALAWAN

Verbatim pour montre sa.

 

MR SPEAKER

Hold-on, hold-on les Onorab de Commarmond eklersi mon lespri en pe.

 

HON CHARLES DE COMMARMOND

Onorab Ferrari i pa kapab mislead The House koumsa ok?  Si li i retir son bout ki in dir konsernan Fidelity dan sa ki in dir then mon a withdraw, si i pa tire, mon pa pe tire.

 

(Interruption)

 

MR SPEAKER

Ok, ok.  Order!

 

HON CHARLES DE COMMARMOND

Napa nanryen pour fer, sa osi i en lensilt sa.

 

MR SPEAKER

Alright, alright.  Order!  Order!  Be avan mon demann, mon’n tande sa zafer Fidelity ki Onorab De Commarmond in e Onorab, be kwa ki ou ti dir ou, sorry mon pa’n konpran, kwa ki ou ti dir?

 

(laughter)

 

MR SPEAKER

Avan mon demann li pour withdraw mon bezwen konnen k ou ti dir pour ou osi withdraw!  Silvouple!  En pti moman, en pti moman.  Onorab De Commarmond.

 

HON CHARLES DE COMMARMOND

Wi pa pour kapab kontinyen koumsa Mr Speaker, nou bezwen annan en pe plis lord dan sa, dan nou Lasanble – ou konpran?  Alright.

 

MR SPEAKER

Ok.  Parey mon dir mwan mon pa’n tande mon ti ape sey ekoute me tou lede kote ti’n pimante – mon pa’n kapab tande.  Me Onorab Ferrari eski ou ti a kontan, mon sizere ki ou withdraw parske i vre ou’n mansyonn sa mon’n tande Fidelity.

 

HON JEAN-FRANCOIS FERRARI

Wi be Mr Speaker be Fidelity i en Broker ki pe ganny en ta larzan avek Gouvernman napa nanryen mal, nou konnen sa.

 

(Interruption)

 

MR SPEAKER

Wi, wi, ok, ok alright.

 

HON JEAN-FRANCOIS FERRARI

Me selman Mr Speaker si Onorab De Commarmond i santi sa mo ‘Fidelity i en lensilt mon retire.

 

MR SPEAKER

Ok mersi. Onorab De Commarmond.

 

HON NORBERT LOIZEAU

Ki in dir li?

 

HON CHARLES DE COMMARMOND

Zisteman sanmenm sa ki mon’n le i tire akoz Fidelity pa pe ganny okenn larzan ek Gouvernman.  Dan sa sans ki i pe dir, dan sa sans ki in tire mon retir sa ki mon’n dir.  Mersi.

 

MR SPEAKER

In tire.  Ok, alright, mersi, nou a donn la parol 5 minit strikteman 5 minit Onorab Simon Gill. 5 minit Onorab Georges, apre sa mon pour donn laparol Minis.  Onorab Gill.

 

HON SIMON GILL

Mr Speaker, mersi pour donn mwan sa 5 minit me anba sa restriksyon mon withdraw mon lentervansyon.  Mersi bokou.

 

(laughter)

 

 

MR SPEAKER

Onorab Georges. Onorab Georges 5 minit, si ou withdraw ou osi mon a donn la parol Minis.

 

HON BERNARD GEORGES

En pti moman Mr Chair. Mr Speaker mon pe kalkil en pti kou bann lamannman.

 

 

MR SPEAKER

Minis pasyant ek nou en pti morso.  Wi Onorab Georges.

 

HON BERNARD GEORGES

Mersi Mr Speaker, Mr Speaker mon ti anvi fer en propozisyon lamannman  kekfwa ki i ava kapab trouv en solisyon.  I kler ki tou dimoun dan sa Lasanble i dakor avek 2(g) Second Schedule mon krwar pa i annan okenn dimoun ki kont, sa se bann keksoz ki pour permet par egzanp Trezyenm Mwan pa ganny takse, alor mon krwar ki dapre sa ki mon’n tande tou dimoun i anvi ki sa i pase.  Tou dimoun dan sa Lasanble osi i paret mwan i anvi, ti a swete ki premye parti sa Bill osi i pase, me nou napa posibilite pour fors Gouvernman pour fer li pour bann rezon ki’n ganny donnen.      Alor i annan 2 solisyon ; premye solisyon se ki premye bout Bill i ale, dezyenm bout Bill i reste sa set en solisyon e i pa sanble mwan en solisyon pratik akoz napa nanryen dan sa premye bout Bill ki pa bon, i zis son dat komansman ki dimoun ki nou annan en problenm avek, nou ti a swete ki ti ava le 1 Zanvye me nou pa kapab fors Gouvernman pour fer li pour bann rezon Konstitisyonnel. Alor mon ti ava fer en propozisyon e i en propozisyon ki nou fer en lamannman avek commencement date pour premye morso – e nou dir ki “sa premye morso Bill sa enn ki sipoze vin an fors le 1 Zilyet i ava vin an fors 1 zour ki Minis  ava apwente dan Gazet me pa plitar ki le 1 Zilyet” sa i ava donn posibilite parey Onorab Ramkalawan ti sizere, Minis dan enn de mwan si larzan i antre, si sityasyon i permet pour li swazir en dat avan le 1 Zilyet e donk benefisye bann dimoun ki pe esper premye bout sa Bill.  Mersi.

 

MR SPEAKER

Mersi Onorab Georges.  Sa i en propozisyon ki ou’n met devan, mon a donn parey mon ti dir parol Minis Larose pour ou Reply.

 

HON CHARLES DE COMMARMOND

Mr Speaker mon segonn sa propozisyon se zisteman dan laliny ki mon ti pe koze taler.  E mon krwar sa propozisyon i en bon propozisyon e mon krwar ki nou kapab al dan sa direksyon.  Mersi.

 

HON BASIL HOAREAU

Nou bezwen vote.

 

HON CHARLES DE COMMARMOND

Nou bezwen vote pour sa.

 

MR SPEAKER

Mersi Onorab De Commarmond, eski zot le vot lo sa Mosyon ki, amannman ki Onorab Georges in fer oubyen nou propoz sa ki Minis i koz lo la apre nou vot lo merit of the Bill ansanm avek sa lamannman.

 

HON WAVEL RAMKALAWAN

Mr Speaker.

 

MR SPEAKER

Yes Onorab, silvouple mon konnen zot fatige me annan en pti pe pasyans – yes Onorab De Commarmond. Onorab Ramkalawan

 

HON WAVEL RAMKALAWAN

Mr Speaker mon ti senpleman anvi dir ki en pe parey semenn pase kot letan mon ti prezant Mosyon Onorab Gill ti segonde la Onorab Georges i prezant sa e Onorab De Commarmond i taye pour li segonde, mon anvi dir avek zot – ‘’silvouple aret adopte pti zot kanmarad!’’

 

MR SPEAKER

Ok alright.  Mon krwar i annan son dwa pour li segonde e in segonde. Minis eski nou kapab, sorry wi Onorab Hoareau ou ti pe dir en keksoz.  Wi eski nou vot son lamannman in ganny segonde par Onorab De Commarmond avan nou donn Minis la parol, si tou dimoun i dakor oubyen tou dimoun ki dakor lev zot lanmen, sa lamannman.  Clerk.

 

HON BERNARD GEORGES

I have … Mr Speaker mon pa ankor phrase the amendment as such…

 

(Interruption)

 

MR SPEAKER

Me mon ti krwar…

 

(Interruption)

 

MR SPEAKER

Order!

 

HON BERNARD GEORGES

Mon’n donn en lide.  Mon’n donn en lide ki’n ganny aksepte.  Onorab Ferrari in fer mwan rapel ki  kantmenm dan mon vye laz mon pe fer en piti.  Ki mon’n kapab fer en pti ozordi.

 

MR SPEAKER

Ok, ok.  Order!

 

HON BERNARD GEORGES

Alor, Mr Speaker non mon’n demann entervenir akoz i annan enn de lezot amannman osi devan nou.  Alor si nou pour vot lo amannman mon ti a plifere propoze ki mon fer tou ansanm apre nou vote.

 

MR SPEAKER

Be mon krwar ler Onorab De Commarmond in second ou Mosyon pour lamannman – lo kestyon dat in assume ki ou ti napa lezot, me si ou annan lezot ou annan sa permisyon met li devan avan nou donn Minis la parol avan nou vot lo lamannman.  Go ahead Onorab Georges.

 

HON BERNARD GEORGES

Mersi Mr Speaker very, tre vitman mon pe propoz koman en premye lamannman avek Clause 1 subclause 2 i ava lir “This Act other than Section 2(g),  (comma) shall come into force on the date not later than the 1st of July 2018 that the Minister may by Notice in the Gazette appoint. ” Sa se mon premye lamannman, “Section 2(g) shall come into force on 1st January” sa pa sanze.  Dezyenm lamannman ki lo zot paz lo zot papye devan zot premye paz i al lo Clause 2(g),  lo paz 8 e sa zot, set en menm lamannman ki nou ti’n fer enn de semenn pase Bills Committee pa tro kontan sa bann explanation.  Alor nou pe propoze parey lo zot paz ki sa explanation i sorti e nou azout li avek sa Clause par lao li (c), e a lafen (c) apre “prescribed” nou azoute parey i mete lo papye “ and provided that the logbook is maintained by the employed person” egzakteman parey (b) par lao li.  2 lezot pti amannman l paz 9 f (1) “The compensation is paid” alor nou bezwen insert “is. ” E finalman lo dernyen paz paragraf avan dernyen 2(a) lo paz 10 ; “The Scheme is well documented” e nou met en virgil “has an ambiguous criteria – eksetera”.  Sa se bann lamannman ki mon pe propoze e Bills Committee pe propoze apre midi.  Mersi.

 

MR SPEAKER

Minis avek PS fotespere ou’n note sa lamannman ki Bills Committee pe propoze.  Onorab Hoareau.

 

HON BASIL HOAREAU

Mr Speaker zis en pti keksoz ki mon ti’n note pli boner, letan nou ti zwenn Bills Committee mon pa ti’n note sa byen, la mon’n note taler annefe mon’n diskit avek Onorab Georges lo la letan ou get paragraf 1 nou pe koz lo Second Schedule savedir Clause 2(g),  dan paragraf 1 (l) sub paragraph (l) i annan en mo “employment” ki’n ganny servi ki mon krwar i devret ganny ranplase par “payment. (l) i lir koumsa la, la service charge distribution payment may under unapproved service charge distribution scheme provided that the employment is distinguishable from any other emoluments on the employed persons payslip and the employer pay rolls system.’’ Mon krwar “employment” should be substituted by the word “payment” provided that the “payment” is distinguishable not “employment”.

 

MR SPEAKER

Chair of Bills Committee ok with that?

 

HON BERNARD GEORGES

Yes Mr Speaker nou ti’n tonm dakor lo la taler.

 

MR SPEAKER

PS dakor ek sa?  PS Payet?  Yes ok dan sa ka mon a donn la parol Minis epi nou a pran en vot lo Bill ek bann lamannman ki’n ganny propoze.  Minister Larose.

 

MINISTER PETER LAROSE

Mersi Mr Speaker tou premye lye mwan note ki tanperatir in monte e mon swete avek mon summing-up ki natirelman se ki i annan bokou sizesyon ki’n sorti Onorab Georges avek Onorab Hoareau in fer bann bon sizesyon e mon krwar sa i ase akseptab.  E kot nou pe kalkil sa Trezyenm Mwan Saler – zis pour dir avek Lasanble si i ganny peye avan 31 Desanm premye R10, 000 pour exempté pour napa Tax ; par lao R10, 000 pour subject pour 15poursan.  E natirelman mon oule fer rapel Lasanble ki an Zanvye osi pour annan bokou Bonous e bann Konpansasyon service charge osi ki pour napa Tax anler lo la.  Me kot propozisyon ek Lasanble pe fer se ki nou a fer nou mye pour kot nou kapab anmas en pe larzan ki outstanding, e pour vwar si nou kapab enplimant li avek tou la pratik avan le 1 Zilyet parey zot rekomande.  Mersi bokou Mr Chairman.

 

MR SPEAKER

Mersi Minis sa i en bon nouvel.  Mon sir pour bann dimoun ki’n ganny peye avan le 31 Desanm 2017 i pa zot lafot.  E mon krwar sa ki ou’n dir la i ankourazan.  Si napa okenn lezot pwen mon ti a kontan sizere ki nou vot bann amannman ki Onorab Chair Committee in fer nou pran en vot lo merit Bill avek bann lamannman ganny propoze.  Tou bann ki pour lev zot lanmen, tou bann ki pour, with amendment  -wi.  Clerk.

 

MADAM CLERK

Mr Speaker 27 Manm an faver.  Mersi.

 

MR SPEAKER

Tre byen.  Eski mon kapab demann Clerk pour fer en Formal Second Reading silvouple.

 

MADAM CLERK

Mersi bokou Mr Speaker.  This Act, (eskize) A Bill of an Act to amend the Income and Non-Monetary Benefits Tax Act Cap 2 73.  Mersi.

 

MR SPEAKER

Mersi Clerk eski nou kapab bouze, Onorab De Commarmond.

 

HON CHARLES DE COMMARMOND

Yes Mr Speaker mersi, anba Order 91 (1) mon oule move pour sispann Lartik 65 -70 nou Standing Order pour nou sot Staz Komite sa Bill lefe ki nou’n tonm dakor lo bann lamannman ki ti annan avan e ki Minis in pronons son lekor lo la.  Mersi.

 

MR SPEAKER

Mersi Onorab.  Onorab Gill.

 

HON SIMON GILL

Mosyon segonde Mr Speaker.  Mersi.

 

MR SPEAKER

Mersi Onorab Gill, eski nou kapab pran en vot lo sa Mosyon?  Tou bann ki pour lev zot lanmen?

 

MADAM CLERK

Mr Speaker 25 Manm an faver.  Mersi.

 

MR SPEAKER

Mersi Clerk Onorab De Commarmond.

 

HON CHARLES DE COMMARMOND

Mersi Mr Speaker anba Order 71 (1) nou Standing Order mon oule move ki The Income And Non-Monetary Benefits Tax (Amendment) Bill 2017 – as amended i ganny lir en Trwazyenm Fwa.  Mersi.

 

MR SPEAKER

Onorab Gill.

 

HON SIMON GILL

Mosyon segonde Mr Speaker.

 

MR SPEAKER

Mersi Onorab.  Tou bann ki pour lev zot lanmen?  Clerk.

 

MADAM CLERK

Mr Speaker 26 Manm an faver.  Mersi.

 

MR SPEAKER

E Avek sa nou a demann Clerk pour fer en Formal Third Reading of the Bill.

 

MADAM CLERK

Mersi bokou Mr Speaker. This Act may be cited as the Income and Non-Monetary Benefits Tax (Amendment) Act of 2017.  Mersi.

 

MR SPEAKER

Mersi Clerk.  Mon ti a kontan remersye tou bann dimoun ki’n kontribye pour deba.  Avek sa mon krwar nou kapab eskiz Minis – tou bann Bill ki ti tonm anba ou in ganny pase eksepte enn ki Leader of Government Business in withdraw.  Minis ou annan la parol avan mon dir ou, ou kapab ganny eskize.

 

MINISTER PETER LAROSE

Mersi bokou Mr Speaker.  I quite common tou-le-z-an, i fer dezyenm lannen an vi ki mon dernyen Minis ki dan Lasanble apard ki Minis Loustau- Lalanne pe vini, pour remersye en kantite dimoun ki’n ed mwan dan lannen 2017.  E parey mon ti dir taler mon pour mansyonnen e remersye tou sa bann dimoun premyerman se Prezidan Danny Faure pour son Leadership e gidans, Vis Prezidan Meriton tou mon bann koleg Minis e pour remersye ou spesyalman Mr Speaker, remersye osi Mr Deputy Speaker, remersye Leader Lopozisyon pour son bon kolaborasyon pandan lannen, remersye osi Leader of Government Business pour egzakteman son bon kolaborasyon pour resanble, pour remersye tou bann Onorab dan Lasanble Nasyonal pour zot tretman Kordyal e friendship ; mon oule remersye osi bann Sekreter Prensipal e Staff dan Minister Finans Komers e Planifikasyon Ekonomik sirtou Mr Patrick Payet koman zot in konnen in la avek zot depi komansman Bidze ziska la maintenant ; mon oule remersye tou bann anplwaye Gouvernman, tou bann staff National Assembly, tou bann manm private sector, pep Seselwa an antye, Manm Medya e La Pres, manm mon fanmir e mon swete Mr Speaker ki lannen 2018 ava en pe pli prodiktiv.  E la mon krwar mon kapab dan en pozisyon pour swet zot tou Zwaye Noel e Bon Ane.  Mersi Mr Speaker.

 

MR SPEAKER

Mersi Minister Larose avek ou lekip.  Parey ou’n mansyonnen PS Patrick Payet in la avek nou avek Mr Thesée ek son lezot teknisyen pandan en bon pe semenn.  E nou’n apresye bokou sa kolaborasyon ki zot Minister in anmennen dan Lasanble, mon krwar ki ler mon ziz lafen lannen 2016 avek lafen lannen 2017 ki nou pe al fini – in annan bokou sanzman, bokou positivité, bokou keksoz ki bon lafason ki nou’n fer e pour sa nou remersye ou.  Nou ti a kontan osi swet zot ou avek ou Lekip lo la par tou Lasanble an zeneral enkli nou Sekretarya en bon Nwel, en bon Lannen komansman Lannen 2018.  E nou donn ou sa Garanti ki nou dan Lasanble nou pour kontinyen travay pozitivman avek ou ek ou Minister, pour nou anmenn nou pei devan, alor mersi bokou – bon swe Bon Ane, Bon Nwel e nou ava eskiz ou letan nou pe esper Minis Loustau-Lalanne antre dan Lasanble Mersi.  Mon krwar nou kapab donn Minis Larose ek tou son lekip en bon round of applause.

 

(APPLAUSE)

 

MR SPEAKER

Ok, ok nou’n fini, eskiz…

 

HON JEAN-FRANCOIS FERRARI

Lo la par bann Manm nou ti a dir, nou ti anvi dir Minis mersi pour son ‘fidelite.’

 

MR SPEAKER

Ok. Bon mersi Onorab Ferrari, Minis nou eskiz ou.

 

(laughter)

 

MR SPEAKER

(laughter) Ou vwar Minis nou’n fini lo en bon note – Fidel avek ou.  (laughter). 

 

 

(MINISTER LAROSE AND HIS DELEGATION WAS EXCUSED FROM THE HOUSE)   

 

MR SPEAKER

Clerk nou ti a kapab demann Minis Loustau-Lalanne pour vini silvouple.  Mon a swete lo par tou bann koleg dan Lasanble Nasyonal.  Mon ti a kontan swet Minis Maurice Loustau-Lalanne, Minis Tourizm, Sivil Lavyasyon e Por, pour vin adres nou.  I en privilez pour nou vwar ou dernyen manm Konsey de Minis ki vin adres nou.  E toudswit nou a donn ou laparol akoz nou ti ekspekte ou ti pour vin vwar nou.  E ou’n dakor pour vini ozordi. Nou welcome ou pour koz ek nou lo sa kestyon lo Air Seychelles ek okenn pwen relye.  Nou a donn ou laparol toudswit pour adres nou. Minis Loustau-Lalanne.

 

MINISTER MAURICE LOUSTAU-LALANNE

Mersi Mr Speaker. Bonn apre midi tou bann Manm Onorab.  Mr Speaker si mon’n en pe retarde pour vin devan Lasanble Nasyonal se senpleman parski mon lenformasyon ki mon ti pour anmennen mon pa ankor ganny li ann ekrir.  Me selman mon ava kantmenm fer resorti bann pwen swivan.  Premyerman, parey zot konnen Mr Kinnear son kontra pe fini le 31 Desanm, e nou ti a la resers en ranplasan.  Desizyon ki nou ti pran se annan en CEO par enterim.  E mon kontan pour raporte ki nou’n nobou apwent en nouvo dimoun e son non se Mr Remco Althuis.  Sa msye set en Olande, i annan 48an e i pour CEO enterim Air Seychelles pour en peryod maksimonm 6 mwan. Parey Lasanble i okouran nou pe kontinyen demars e se si tou Etihad ki pe swazir en kandida permanan parmi 10 kandida ki’n soumet zot laplikasyon.

Mr Remco Althuis in vin Sesel. Nou’n fer en meeting avek li, avek chairman Air Seychelles. Mon PS Civil Aviation pour nou apresye sa msye, apre nou’n konfirm son lapwentman. Dezyenm pwen Mr Speaker, se ki rezilta sa meeting, sa Board meeting ki ti fer le 10 Desanm Abu Dhabi, apre sa se Board meeting Etihad Airways Group; parey mon ti raporte, nou ti soumet en plan transformasyon, Air Seychelles a sa Board pour zot konsiderasyon.  E la mon napa ankor nanryen ankor an ekrir sorti kot sekreter sa Board pour konfirm desizyon.  Me mon kapab afirm avek Lasanble ki a 99 poursan, tou bann kondisyon pour sa transformasyon ki nou’n propoze, in ganny aksepte.  Me mon ti a kontan souliny ankor ki mon napa sa ann ekrir. Donk, parey mon ti osi mansyonnen, pour annan en restriktirasyon kot Air Seychelles ki pour komans ver lafen Mars komansman Avril. E Air Seychelles pour vwar li pe vin si oule en regional airline dan sa transformasyon. Ti annan osi 3 lezot pwen ki Onorab Leader Lopozisyon, Onorab Ramkalawan ti souleve, i ti demann mwan ki pe arive avek sa kontra IBM. Mon kapab enform Lasanble ki ann Oktob 2016 Board Air Seychelles ti pran en desizyon pour donn en kontra IBM pour tou bann zafer computer.  Zot ti fer sa apre ki zot ti’n etidye 2 propozisyon.  Ti annan en propozisyon sorti kot en konpannyen lokal. Avek propozisyon ki ti sorti kot IBM akoz IBM osi sa lepok ti’n fer en propozisyon avek Etihad. Me osi avek tou bann partner airline Etihad.  Lo kote son kou lenplimantasyon sa proze kapital, an Dolar kou ti preski parey. Nou pe koz 6milyon Dolar lo en peryod 10an.  E rezon akoz Board ti pran sa desizyon pour donn sa kontra avek IBM, se ki dan son faz enplimantasyon IBM ti pe propoz en faz enplimantasyon bokou pli rapid.  E sa akoz sa ki sa desizyon in ganny pran an faver IBM.   Lo ‘’consultancy’’, wi annan de konpannyen, konsiltan ki pe travay avek Air Seychelles pour en pri 55mil Dolar par mwan. E sa de konsiltan, sa de konpannyen konsiltan i fer de diferan travay.  Enn i travay lo plito planifikasyon e transformasyon Air Seychelles e lot i fer bann modeling finansyel.  E ziska ozordi e sonm 310mil Dolar in ganny depanse e peye par Etihad.  Ti annan osi en zafer biro anvil somewhere, sa i annan en Kontra ek en konpanyen ki apel MSUYA Estate PTY Ltd.  E sa Kontra, i en kontra fix pour 2an kot ou pa kapab kas Kontra.  Se zis apre sa peryod 2an ki ou kapab donn en notis 6 mwan pour kas Kontra. Donk sa kontra malerezman i antyerman an faver propriyeter. Pa vreman an faver lokater.  E lokasyon i R39, 550 par mwan.  Zis pour rapel Mr Speaker mon ti’n donn en lord pour kas sa Kontra.  So sa zafer MSUYA Estate PTY Ltd.  … pour mwan i en zafer ki’n terminen. Mr Speaker mersi bokou. Vwala mon statement.  Mersi.

 

MR SPEAKER

Mersi Minister Lalanne, mon pa krwar i annan okenn kestyon. Onorab Ramkalawan.

 

HON WAVEL RAMKALAWAN 

Mersi bokou Mr Speaker.  Mr Speaker mon premye kestyon se pour demande akoz ki Air Seychelles ki annan 60 poursan i trouv li dan en pozisyon kot ou a krwar li ki annan 40 poursan?  La fason ki in prezante konmsi Air Seychelles ki’n tonm an zenou pe espere pour regarde ki Etihad pour dir li avan ki i kapab fer en move. Sa i premye. Dan sa menm konteks osi si in annan en nouvo GM, e nouvo CEO, sorry, ki se zot ki’n fer interview e zot in apwent li koman en konmsi lo provizwarman akoz ki aprezan bezwen Etihad ki pour swazir. Konmsi Air Seychelles li avek son mazorite i pa kapab, konmsi i napa okenn pouvwar pour li pran sa desizyon?  Dezyenmman si nou pe pey 55 mil Dolar par mwan pour ‘‘consultancy,’’ e nou’n trouv nou pandan sa dernyen 6 mwan pe cancel de laliny, Durban avek Dusseldorf.; eski nou pe dir ki sa bann konsiltan, at least enn sa bann konsiltan zot in mal donn nou konsey e zot in fer nou perdi en kantite larzan?  E finalman Mr Speaker, si Minis ti ava kapab dir avek nou be sa MSUYA … mon pa’n tro ganny son non ki mannyer i ete. Lekel sa lakonpannyen?  E ki mannyer eski Air Seychelles i kapab negosye en kalite kontra koumsa? Konmsi i totalman pa akseptab ki Air Seychelles i al negosye en Kontra koumsa e ki la pour 2an nou pe zis peye.  Mon ti ava kontan si nou ti ava ganny en pe detay lo sa lakonpannyen. Parski souvann fwa letan nou demann kestyon dan sa Lasanble apre sa nou trouve en bann non enteresan ki monte.  Mersi bokou.

 

MR SPEAKER

Petet avan Minis i reponn nou a donn kestyon Onorab Prea. Ou annan en kestyon.  Si ou pa mind ou a esper en pti moman.

 

HON NICHOLAS PREA

Mersi Mr Speaker.  Mr Speaker petet, mon pa konnen si Minis i dan en pozisyon pour an bref, donn nou en pti sityasyon finansyel Air Seychelles. Dapre mon konpran Air Seychelles zis i dwa, i dwa. Ki mannyer mon konpran i dwa plis ki 150 milyon Dolar Etihad, si sa i vre kwa ki Air Seychelles i dwa ankor avek Etihad?  Konbyen i ankor pe dwa IBM? Konbyen Air Seychelles pe dwa ki nou apel bann GDS (General Distribution System), bann catering companies? Apre si Minis i kapab confirm in dir ki msye Kinnear i ankor la ki nou ti a kontan vwar msye Kinnear la dan Lasanble, me mon ti annan en dimoun ki ti lo airport weekend i dir aparaman msye Kinnear in kit pei.  Si Minis i kapab konfirm sa.  Mersi.

 

MR SPEAKER

Dernyen kestyon Onorab Afif, pare Minis ou kapab reponn.

 

HON AHMED AFIF

Mersi Mr Speaker. Mr Speaker, mon ti a kontan si Minis i kapab klarifye pour nou le fe ki in mansyonnen ki zot pour nepli posibleman reste koman en, pe fer bann gran larout long haul, zot pour al plito rezyonal. Mon panse sa i pour annan en lenplikasyon lo kantite travayer ki Air Seychelles i anploye. Si ou kapab donn nou en lendikasyon konbyen i ete ozordi? E konbyen riske ganny redwir pour vini?  E an swit si ou kapab donn nou en ledikasyon an plis ki sa ki Onorab Prea in demande lo kote finansyel vi ki ou pour al rezyonal ou pour bezwen rann bann avyon long haul, si ou pe rann sa de – ki kou finansyel pour annan pour Air Seychelles ler ou pour bezwen rann sa bann avyon. E ki mannyer ou pour finans sa bann kou? Mersi.

 

MR SPEAKER

Petet en dernyen, dernyen kestyon sorti kot MNA Anse Boileau se mon’n lir ki an Zanvye pour retourn Madagascar. Anliny avek sa ki Onorab Ramkalawan in demande bann konsiltan in fer en bon letid ki sa i en bon desizyon oubyen nou pa pour end up parey Dirban avek Düsseldorf? Petet a sa pwen Onorab, Minister, mon a donn ou laparol.

 

MINISTER MAURICE LOUSTAU-LALANNE

Mersi Mr Speaker.  Mersi pour sa 5 kestyon. Mon a komans par kestyon Onorab Leader Lopozisyon. Wi alor nou bezwen rapel ki i annan en Kontra ki donn management Air Seychelles avek Etihad. So se Etihad ki manage Air Seychelles. Sa sa Kontra 5an ki’n ganny renouvle. –  Ok?  Alor se Etihad dan son management ki ale swazir sa CEO.  Me i bezwen soumet dan ka spesifik sa CEO, me i bezwen soumet sak kandida ki annan abord Air Seychelles pour pran en desizyon. E se la kot sa 60 poursan ki reprezant Gouvernman kot nou annan nou 4 manm lo Board enkli son Chairman e li Etihad ek son 40 poursan i annan li 3 manm Board.  E enn son bann manm Board se Vis-ChairmanSo si oule se a sa pwen la ki sa 4 manm Air Seychelles i annan sa pouvwar si oule.  Me se vre ki se Etihad ki fer plito bann negosyasyon bann management on a day-to-day basis kot Air Seychelles.  An sa ki konsern sa bann konsiltan, zot in ganny anmennen i annan apepre 6 mwan pase pour zot fer sa travay transformasyon ki nou pe koz lo la.  Zot pa’n involve avek sa bann desizyon pour al Düsseldorf oubyen pour al Dirban or nenport lezot analiz. Zot in vini senpleman kan nou’n realize efektivman ki Air Seychelles ti annan en problenm profitabilite lo son larout enternasyonal. So zot in vini senpleman pour travay lo sa plan transformasyon ki nou’n soumet abord Air Seychelles e ki’n osi ganny soumet le 10 Desanm abord Etihad Airways group. MSUYA Estate PTY Ltd, mon pa konnen egzakteman lekel son bann direkter Mr Onorab Ramkalawan.  Me mon kapab find out e mwan ava donn ou. Mon kapab dir ou ki fodre ki Air Seychelles pa komet sa bann lerer Kontra koumsa ankor. Akoz i vreman totalman dan faver sa landlord.  So mon pa konnen si zot pa’n rod legal advice or what.  Me i malere ki in ganny sinyen koumsa. E nou bezwen rod en way out pour kas sa Kontra.  E nou’n find sa way out.  An sa ki konsern kestyon Deputy Speaker, sityasyon finansyel Air Seychelles. Air Seychelles ozordi i annan ase larzan dan labank pour li kontinyen son loperasyon, pour ankor plizyer mwan.  I annan en serten kantite bill ki Air Seychelles i dwa Etihad direkteman ki pa ankor ganny peye.  E sa nou an negosyasyon pour nou ariv lo en Lagreman. Napa lezot fourniser a monn avi ki an aryere. Mr Kinnear in pran avyon, ou annan rezon Vandredi swar in kit pei.  Wi in kit pei, e in al Abu Dhabi akoz i bezwen pas en pe letan laba avan i pran son nouvo pos le 01 Zanvye.  Me selman i ankor CEO Air Seychelles parey nou Lagreman i ete ziska le 31 Desanm. E nou’n fer li fer sa handover avek sa msye Remco Althuis ki li osi apre ki i ti isi in pran son semen in al Abu Dhabi pour zot kontinyen fer zot handover.  Kestyon Onorab Afif dan sa restriktirasyon Onorab pour annan en serten kantite anplwaye ki pour bezwen fer ganny redundant. Air Seychelles i anploy apepre 850 anplwaye ozordi. E i annan plizyer senaryo. I annan en senaryo par egzanp ki si tou le de sa 330 i ale i pour annan en lenpak. Si enn i ale, enn i reste son lenpak pour mwens.  E nou an diskisyon la pour enn ale.  E mon kapab dir ou ki nou pe esey finaliz en kontra avek Fiji Airways. E lot nou pe garde pour nou kontinyen fer flight avek pour al an Chine. So i ankor en pti pe tro boner pour mwan nobou dir ou pour annan en santenn, pour annan 120, 123, mon pa kapab donn ou sa sif egzakt ozordi. Me i pour plito dan diferan departman ki asosye avek loperasyon avyon.  So nou pe koz pilot, nou pe koz cabin crew; enn de dimoun dan Headquarters, dan komersyal, osi i en pti sa bann kategori staff ki pour ganny touse.  Wi kou retourn avyon definitivman negosyasyon ki pe ganny fer la ozordi pour sa 2 320 ki napa son bon performans dan sa deal fer vin … pour ranplas li, nou pe negosye rann e ganny sa ki nouvo ladan, dan sa deal.  Sa de 330 zot nou pe zis on lease avek sa bann lezot konpannyen ki enterese.  So finansyel i riske napa en lenpak lo Air Seychelles; akoz nou pe lwe sa bann avyon pour en peryod 3an.  So la osi i annan bann diskisyon ki pe ale. E finalman pour Madagascar desizyon Air Seychelles se zir met de vol par semenn apartir le 12 Zanvye, i ti annan 3 avan, i pour met zit 2. Akoz i bezwen re-grosi son trafik en pe pour servi Madagascar. Mersi Mr Speaker.

 

MR SPEAKER

Onorab Ramkalawan.

 

HON WAVEL RAMKALAWAN 

Mr Speaker, zis sa zafer sa Kontra la avek sa mo, avek sa lakonpannyen MSUYA – trouv li enteresan parski eski Minis i konnen ki pour dir sa lakonpannyen la dan bann Panama Papers ti ganny mansyonnen. I ti ganny mansyonnen letan skandal Panama Papers e ki i posib ki i en offshore companies sa. I en offshore company e ki eski in tyeke sis a offshore company pe pey son, parski si i en offshore company an prensip pa ganny dwa fer biznes dan Sesel.  E ki alor konmsi pour tyeke egzakteman ki bann.  Be selman petet Onorab De Commarmond osi tou i kapab ed nou akoz i osi tou i annan en kontra avek MSUYA petet i kapab ed sa Lasanble son Fidelity Insurance ti ganny mete avek, koman i annan swit dan MSUYA.  Mersi bokou Mr Speaker.

 

MR SPEAKER

Ok, Onorab Ramkalawan mersi. Minis ou annan leklersisman lo sa pwen ki’n leve par Onorab Ramkalawan.

 

HON CHARLES DE COMMARMOND

Mr Speaker.  Les mwan eklersi sa en pti kou.  Mon krwar i annan en konfizyon, i annan Fidelity Services ki mon napa nanryen pour fer avek e ki sa en konpannyen offshore. Wi Fidelity Services sa napa nanryen pour fer ek mwan.  E sa konpannyen offshore sa mon konnen ki deal sa mwan.  Me Fidelity Insurance Brokers sa en lot zafer altogether.

 

MR SPEAKER

Yes Onorab Ramkalawan.

 

HON WAVEL RAMKALAWAN 

Selman petet pour ed Minis, be sanmenm sa ki mon dir parfwa letan ou fouye, pou war ki mannyer bann keksoz i deroule.  E pour lenformasyon Minis, sa MSUYA i pour Mr Kieran Shah avek son ser.  E son ser i madanm Mr David Savy.

 

(Interruption

 

HON WAVEL RAMAKLAWAN 

Alors ankor enn fwa bann koneksyon. Toultan nou end up avek bann koneksyon kot finalman se Sesel ki perdi.  E…

 

MR SPEAKER

Sa madanm i lekel, sorry, mon en pti pe, mon pa’n tann byen.

 

HON WAVEL RAMKALAWAN 

Son ser i madanm Mr David Savy ki Chairman Board Air Seychelles. Non, non ki Chairman Board SCAA, e ki ti avan, i ti CEO Air Seychelles. Alors toultan nou trouv nou dan bann lanpayaz.

 

MR SPEAKER

Ok. Alright. Mersi pour sa lenformasyon. I am sure Minis in note. Onorab Lemiel ou anvi fer en pti pwen.

 

HON SYLVANNE LEMIEL

Mersi Mr Speaker. Mwan mon ti annan en lot kestyon pour Minis.  Mon kapab demann li.

 

MR SPEAKER

Wi, wi ou kapab.  Be avan Minis i reponn, nou a pran. Demann ou kestyon apre Onorab Gill i a demann son kestyon.

 

HON SYLVANNE LEMIEL

Mr Speaker mon ti a kontan demann Minis si i annan Seselwa ki’n apply pour sa post CEO? Si ou pour konnen i annan Seselwa ki’n apply pour sa pos CEO.  Epi lekel ki annan final say CEO.  Akoz Air Seychelles i annan 60 poursan share, apre Etihad i annan 40 poursan. So lekel ki annan final say ladan?  E apre letan nou pe get bann avyon petet ki pour fer larezyon, lekel avyon petet ki ou pour servi pour al lo nivo larezyon. Mersi Mr Speaker.

 

MR SPEAKER

Onorab Gill, apre Onorab Prea, avan Minis i reponn. Onorab Churchill Gill.

 

HON CHURCHILL GILL

Mersi Mr Speaker.  Minis mwan mon kestyon i konsernan Lagreman avek Etihad. Kekfwa i annan dimoun ki pe swiv nou deba, zot anvi kekfwa konekte byen avek sa bann leksplikasyon. Nou fek fini en lagreman 5an. E nou’n renouvle ankor 5an.  E nou konnen zsitwar ki nou’n pase dan sa 5an ki nou’n war nou dan sa sityasyon.  Eski dan sa Kontra i annan okenn Clause ki’n sanze sa nouvo. Oubyen i ankor egzakteman parey sa enn ki ti ete?  Mersi.

 

MR SPEAKER

Onorab Prea. Apre la nou, Onorab Ferrari dernyen, dernyen apre Minis a reponn. Onorab Prea vitman.

 

HON NICHOLAS PREA

Mersi Mr Speaker mon pour tre bref. Eski ler zot ti pe swazir nouvo CEO, menm petet pour provizwar, eski non Cramer Ball oubyen ….– Stellar …– eski sa de non ti come-up pour zot Air Seychelles met devan Etihad? Mersi.

 

MR SPEAKER

Onorab Ferrari – quickly.

 

HON JEAN-FRANCOIS FERRARI

Minis mon annan zis en pti kestyon e konsern bann staff. Eski Minis i kapab reasir Lasanble, reasir bann staff Air Seychelles ki dan sa redundancy, dan sa progranm slimming down, oubyen redundancy parey nou pe dir. Dabor bann lanplwa bann Seselwa pour fer tou pour ganny sofgarde? Si i annan bann etranze pour le moman anplwaye dan lakonpannyen e sirtou bann pilot, vi ki nou annan deza preski en sirplis ki lot Seselwa.  Si i ava annan sa zefor pour gard zot?  Mersi.

 

MR SPEAKER

Minis i paret ki lapeti i vin an manzan. Onorab Ramkalawan apre Onorab Sebastien Pillay, apre ou a reponn.  Onorab Ramkalawan, quick one.

 

HON WAVEL RAMKALAWAN 

Zis en pti kestyon final pour Minis. Lekel ki avoka Air Seychelles silvouple?

 

MR SPEAKER

Onorab Sebastien Pillay, poz ou kestyon.  Ou pa avoka mon konnen demann ou kestyon.

 

HON SEBASTIEN PILLAY

Mersi Mr Chair. Mr Chair it follows en pti pe kestyon Onorab Ferrari. Minis in en pti pe non-committal lo kan egzakteman i pour annan sa retrenchment. Ou konnen sa i pe hang above latet sa bann dimoun. So sey donn nou en pti detay ki zot pe fer pour sey fer en travay Gouvernman pour re-abzorbsyon sa bann dimoun dan bann landrwa ki apropriye.  Mersi.

 

MR SPEAKER

Mersi Onorab.  Minis i annan detrwa kestyon pour ou reponn avan nou eskiz ou.

 

MINISTER MAURICE LOUSTAU-LALANNE

Wi mersi Mr Speaker. Mersi Onorab pour ou bann kestyon. Pour reponn kestyon Onorab Lemiel, ti napa okenn Seselwa ki’n prezant zot kandidatir. Mon pwennvi mon krwar kekfwa i annan enn ou de, i pa kekfwa toudswit – ou konpran? So dan enn de-z-an mon krwar i annan enn de dimoun ki annan bokou potansyel. So ya, fodre pa zot give up, zot kontinyen.  Parey mon’n eksplike mon krwar final say se dan Board Air Seychelles ki ou ganny final say.  Ou vwar, e bann keksoz koumsa i bezwen ganny diskite.  E tou dimoun i bezwen dakor.  So la nou kapab fer en force-in si nous anti i annan keksoz ki pe al mal.  E toultan mwan mon’n ranfors sa avek Board Air Seychelles. E parey mwan mon laliny kominikasyon se touzour avek Chairman Jean Weeling Lee, so sa mesaz i kler.  Sa Kontra ki nou’n extend wi i zis en renouvelman menm Kontra. Akoz i donn en posibilite pour renouvle li en fwa pour en peryod 5an.  So e se sa ki Gouvernman ti fer en pe letan pase.  So mon krwar i reste apepre 3an edmi, 4an kekfwa something like that.  Cramer Ball ki ti premye CEO apre Mr Stellar li i ti zis avan Mr Cramer Ball.  Mr Stellar li in pran son laretret. So i pa’n apply. Mr Cramer Ball parey you konnen i ti CEO Alitalia letan Etihad ti ankor avek Alitalia. Me li osi apre in pran son la retret, e mon pa okouran si li in met son kandidatir.  Me sa 10 kandida ki pe ganny seleksyonnen, nou’n deside fer en open international selection. Setadir se pour kwa nou’n pran sa enn la enterim pour apepre 6 mwan akoz si nou swazir en dimoun e nou espere, kekfwa nou pe rod en dimoun ki kekfwa dan lanplwa ek en Airline, i bezwen donn son notis eksetera. Nou pa pe rod en dimoun ki kekfwa la ater pe esper en louvraz.  Nou pe rod en bon dimoun pour anmennen sa fwasi.  Bon ekspatriye efektivman se bann premye group travayer ki nou pour fer ale.  E ozordi i rested an Air Seychelles 28 pilot ekspatriye. Letan mon ti vi nisi en fwa, mon krwar nou ti annan nou plis ki en 45 pilot, nou’n ariv en 28 apepre.  So zot menm zot premye batch pour komans ale.  E pour pran kestyon kekfwa, ansenn ek kestyon Onorab Pillay.  Wi letan nou pour resevwar sa konfirmasyon sorti kot Etihad, ki mon pe ekspekte anytime – la pour annan en group dimoun ki pour komans travay lo sa redundancy.  I pour enparsyal.  Nou pour fer li korekteman. Definitivman nou pour enterakte avek bann travayer.  Nou pour donn zot bann opsyon – parey mon ti eksplike dernyen fwa letan mon ti vin dan Lasanble, le 1 Desanm.  So i annan tout en travay ki nou pour fer, pour fer sir ki nou pa pe zis pous dimoun an brit, an brit. I pour annan en keksoz ki pour ganny fer korekteman demande par Lalwa e nou annan en tim Seselwa ozordi dan human resources osi kot Air Seychelles.  E zot konn tre byen ki mannyer pour handle sa redundancy. Mon pa konnen malerezman lekel legal officer Air Seychelles pour le moman. I can find out, e les ou konnen Onorab Ramkalawan.

 

MR SPEAKER

Bon avek sa mon ti a kontan remersye Minis Loustau-Lalanne pour ou letan ki ou’n vini.  Nou eskize ki nou’n fer ou esper en pti letan. Nou ti bezwen fini avek Minis Finans. Nou ti a kontan swet ou dan sa peryod kot i annan sa restriktirasyon, kouraz, bonn sans e lo non Lasanble Nasyonal, mon ti a kontan swet ou en bon Zwaye Nwel ou ek ou fanmir avek en lannen 2018 ki anmenn bokou boner pour Sesel, pour ou, pour Air Seychelles ek tou bann responsabilite ki tonm anba ou, oubyen lo ou ledo.  Ek sa nou ava eskiz ou, e mersi pour vini.

 

MINISTER MAURICE LOUSTAU-LALANNE

Mersi Mr Speaker mon a osi profite pour remersye ou menm e tou bann Manm Onorab pour sa korperasyon ki zot in donn mwan.  Nou a kontinyen fer de nou mye. Apre tou sa lendistri ki nou ladan se sa ki fer marse lekonomi Sesel.  So we have to get it right konmdir Angle. Mersi bokou, e Merry Christmas e Bon Ane.

 

MR SPEAKER

Mersi Minister.  Kouraz.

 

 

(MINISTER LOUSTAU-LALANNE WAS EXCUSED FROM THE HOUSE)

 

 

MR SPEAKER

Bon avek sa, mon ti a kontan donn laparol sa 2 Leaders parski nou’n ariv a lafen nou sesyon. Nou pour al komans recess e mon ti a kontan ki, mon ti a donn sa de Leaders en sans pour dir de mo. Apre mon annan lenpresyon ki Clerk i anvi dir de mo lo behalf of the secretariat. So nou a komans avek Leader Government Business; brief remarks.

 

HON CHARLES DE COMMARMOND

Mersi Mr Speaker.  Mr Speaker tou Manm Onorab, premyerman mon bezwen dir ki nou Lasanble in fer en kantite progre.  Nou’n fer progre sa lannen, i annan en kantite keksoz pozitif, bann Bills, ensidswit ki nou’n aprouve.  E an menm tan bann Komite mon krwar in osi mars en kantite, in fer en kantite travay.  E sa mon rekomann Lasanble pour sa.   E nou’n vwar osi ki nou’n dan en klima kot in annan stabilite politik, koabitasyon to a certain extent in mars ase byen, ou kapab dir pour permet sa stabilite ki’n an menm tan anmenn progre pour bann biznes e osi pour nou pep.  E an menm tan in annan osi bokou tolerans.  Ler nou lo latolerans mon krwar la nou merit osi demann nou lekor si petet nou pa merit fer ankor plis zefor.  E mwan mon oule demande ki bann desizyon ki nou pran Lasanble ki nou mazin plis nou pep, mazin plis si oule travayer Seselwa, mazin plis nou pei.  E an menm tan Mr Speaker, nou’n vwar poudir in en kantite lenstans Gouvernman ki’n e bann lenstitisyon ki’n ganny fer, Gouvernman anba Prezidan Faure in etablir tou sa bann lenstans e lenstitisyon. E dan serten sans nouvo in ganny fer e i annan lezot in ganny ranforsi. Tousala pour anmenn nou demokrasi bokou pli devan. E fer ki si oule, nou merit servi pli byen sa bann lenstitisyon pour fer ki i annan, zot annan plis relevans e zot vin pli efikas.  Mon ti ava demande alor ki nou fer en progre e nou pa zis kritike dan vid; e ouswa dan medya sosyal akoz la osi i annan bann keksoz ki pa’n byen ki’n pase.  E mon ti ava demande ki nou annan en amelyorasyon lo la dan lannen ki vini.  E konm kwa ki par egzanp si i annan dimoun, si nou Lasanble ouswa Manm Lasanble i vwar ki i annan dimoun i annan en problenm koripsyon. Ou anmenn li devan Komite Anti-Koripsyon laba. Ouswa si i annan problenm en dimoun ki bezwen al kot Ombudsman anvoy li kot lofis Ombudsman. E la mon krwar nou merit servi pli byen sa bann lenstitisyon. Bann Lalwa ki’n pas devan nou parey mon’n dir, i enportan ki nou met zot an konsiderasyon premye nou bann travayer e parey mon krwar ozordi nou’n fer.  Letan i annan sa kalite balansman. Mon swete ki dan peryod Nwel nou tou reflesir pli byen.  Nou fer bann rezolisyon, e ki nou anmenn plis respe.  Respe mon krwar i en keksoz enportan. Nou bezwen pli konsyan e pli si oule dir konsyan.  Kwa ki nou dir e koze dan nou Lasanble akoz par fwa sa ki nou dir i kapab vin ofansif pour serten lezot sirtou lefe ki nou Lasanble i Live Mr Speaker.  E nou devret minimiz si oule dir langaz ofansif otan ki posib lannen prosenn ki i pa vin en move legzanp pour nou zenn sirtou ek bann zanfan ki osi ekout nou souvandfwa.  Mr Speaker ou, ou annan en rol kle pour zwe vi ki ou ansarz nou lenstitisyon e mwan mon demann ou dan sa rol krisyal ki ou annan e mon konfye lo ou pour fer plis progre lannen prosenn pour nou kapab pas lo en gear pli pozitiv.  E dan sa sans la, nou vwar ki osi lo kote Gouvernman i annan en kantite keksoz ki nou tonm dakor avek ouswa ki Prezidan i pronons li e dir lala nou pour, nou’n agree ki sa tel Lalwa pour vini me apre nou war li i tarde. Konmsi i annan en bann promes ki i pa ganny onore a tan.  Petet pa Prezidan li menm li, be sa bann lenstans ki sipoze delivre, ki sipoze anvoy sa bann Lalwa, oubyen sa bann polisi, oubyen sa bann (SI) devan nou, i tarde vin devan nou Lasanble. Lo la nou a ti ava demande ki i annan en amelyorasyon lannen prosenn dan sa direksyon. E an menm tan Mr Speaker mon ti ava demann nou Lasanble, nou pep an zeneral annou met tou negativite ki’n kapab annan dan nou lavi, dan nou bann lenstitisyon, dan tou sa ki nou’n fer.  Annou met tou bann negativite, bann keksoz ki pa bon, ki move deryer. Met li akote e annou focus pour lannen ki vini lo plis positiv e annou azir avek plis responsabilite, respe pour fer ki lentere nou pep e nou pei i pas o premye a sak fwa e ki nou vin en legzanp pli bon, pli byen pour nou pep sirtou nou zenn en nou zanfan.  Avek sa Mr Speaker mon a profite pour swet tou dimoun ou an partikilye avek ou fanmir, Leader Lopozisyon ek son fanmir, bann Manm Lasanble ek zot fanmir, nou Prezidan byensir avek son fanmir son Cabinet, Vis Prezidan ek zot fanmir zot tou. Lo kote zidisyer, depi son Sef Ziz e tou leres manm laba ek zot fanmir. Tou bann manm staff osi ki’n donn nou en ta koudmen, Clerk, e tou bann Manm, ek zot fanmir en Zwaye Nwel e en Bon Lannen ki nou pas dan sa lannen, sa Nwel ek Lannen dan lape e ki lannen prosenn i vin meyer pour nou tou, tou nou pep.  E dan sa lespri nou kapab kont lo nou Lasanble pour fer en pli bon progre lannen prosenn.

 

MR SPEAKER

Mersi Onorab De Commarmond.

 

(APPLAUSE)

 

MR SPEAKER

Mon a donn laparol Onorab Leader Lopozisyon.

 

HON WAVEL RAMKALAWAN 

Mersi bokou Mr Speaker. Mr Speaker letan nou pe termin en lot lannen, 2enm ki Nwel i pas nou isi koman en Lasanble, mon bezwen dir ki spesyalman apre sa dernyen enteraksyon avek Minis Loustau-Lalanne ki i annan en keksoz ki pa zanmen aret etonn mwan.  Nou Lasanble in fouy bokou pandan sa 1an edmi ki nou’n travay. Be ou a krwar en ler pli nou fouye, pli nou war bann nouvo keksoz.   Seryezman mwan demann mwan ziska ki pwen ki nou pour kontinyen war sa bann keksoz ki’n arive?  Mon bezwen dir sa menm si nou pe antre dan en moman selebrasyon avek antisipasyon pour en nouvo lannen akoz pour mwan personnelman sa i kontinyen fatig mwan. E akoz ki i fatig mwan se parski pli ou a krwar nou sey fer fason pour nou travay pour donn nou pep en meyer lavi, pour donn nou pep en meyer deal, pli nou war kote larzan ki nou, sa larises ki nou koz lo la, sa larises ki devret ganny byen partaze, i reste zis avek serten group dan nou sosyete.  Alor letan nou pe komans en nouvo lannen byento, mon demande ki nou a kapab ganny sa kouraz nou tou dan sa Lasanble pour nou kapab dekouver sa bann keksoz.  E ki bann dimoun osi tou ki pe benefisye dan sa bann diferan fason, e bann dimoun ki ede pour fer lavi nou pep mizerab ki dan lannen 2018, zot adopte en nouvo fason. I pa akoz par egzanp ki Trezyenm Mwan Saler ki bann marsan i fer monte zot komodite. I pa akoz petet Progressive Income Tax i ava vin ava Zilyet ki nou bann travayer i bezwen trouve zot pe plis pour bann servis. Annou annan en lespri konsyansye. E annou regarde ki mannyer sakenn antre nou, nou kapab zwe en rol pour nou permet ki sak fanmir dan nou pei i viv byen. Mr Speaker mon’n apresye ankor enn fwa la fason ki nou Lasanble in kapab travay.  Nou’n fer bokou travay pozitiv. Nou’n met devan bokou bann propozisyon. Me mwan osi mon bezwen dir mon swete ki Gouvernman lannen prosenn i vin en Gouvernman pli efikas. Sa lannen mon’n dezapwente ki la fason ki Gouvernman in travay. I annan bokou keksoz ki nou ti’n kapab fini fer.  Me malerezman nou trouv nou pet ate, pe talonnen.  Alors mon priye ki Gouvernman i ava kapab met en pe plis lavi, e parski nou pa pour kapab kontinyen dan sa lespri parski, olye avans devan nou pour trouv nou pe koule, oubyen pe retourn an aryer. Alor Mr Speaker avek sa detrwa parol ki mon plis ki sir zot konpran ki poudir i annan bokou plis ki nou trouv lo sirfas sa bann parol.  Mon swete ki lannen prosenn i ava aport avek li nouvo lespwar, nouvo fason fer, ki nou ava met plis lenerzi, dan nou travay, nou ava pli pare pour ekout premyerman. E apre sa nou ava pare osi pour pas a laksyon.  Mon ti ava kontan Mr Speaker remersye ou pour ou gidans dan sa moman. Ou’n la dan bann moman difisil, e ou’n toultan montre ki ou kapab kit ou latet par lao delo. Menm si par fwa sityasyon in difisil.  Alors mon profite pour swet ou avek ou fanmir ek tou bann dimoun pre avek ou, malgre tou bann sityasyon tri ski ou’n pas ladan pandan lannen 2017, mon swete ki Nwel i ava kapab donn ou en nouvo lespwar parski pour annan, nou pour swiv en zetwal, en zetwal ki pour anmenn nou Betleenm, kot pour annan en lerwa ki’n ne. alors mon priye ki lalimyer sa lerwa i ava briye dan ou leker e dan leker tou ou fanmir. Menm parol osi tou i al pour nou Deputy Speaker. I osi tou in anmenn nou dan bann moman, in ed nou pour nou negosye bann kontour. Alor Onorab Prea nou dir ou mersi pour ou travay ki ou’n fer, pour Onorab Leader of Government Business, mon ti ava kontan swet ou bonn sante e tou lanmour ek lape dan ou fanmir pandan sa sezon Nwel e osi tou kouraz pour lannen prosenn.  Clerk ek Sekretarya, zot in vreman ankor enn fwa navig byen. Alors mon ti ava kontan nou selman felisit zot me ansanm avek Deputy Clerk Madam Isaac ek tou bann staff, Sergeant-at-Arms, Mr Rose ek tou bann lezot ki fer keksoz marse dan nou Lasanble. Mon pa kapab mansyonn tou pangar mon blir enn.  Me zot ki at the head of the secretariat. Mon anvi dir zot mersi bokou e tou kouraz. E pas en bon lannen, pas en bon nwel avek zot fanmir e tou bann Manm Lasanble Nasyonal. Nou’n fer en kantite parkour ansanm. Mon’n kontan avek bann pandan sa lannen nou’n vwayaze, nou’n nobou dekouver kanmarad dan bann nouvo fason. E tousala in ede pour ranforsi nou lanmitye lo bann Komite Lasanble mon krwar nou’n kapab, tou bann ki’n travay avek mwan lo bann Komite, nou’n kapab set nouvo standar, e lapros, mon dir zot mersi bokou e pour zot avek tou zot fanmir zwaye nwel e pas en bon lannen. E Mr Speaker i reste mwan pour mwan swet lepep Seselwa, lepep Seselwa ki’n donn nou sipor, ki’n kritik nou travay, ki’n permet nou fer pli byen. Tou Seselwa mon dir zot zwaye nwel e Bonn Ane e an menm tan osi mon swet leaders sa 2 lenstitisyon lezot lenstitisyon ki form parti Gouvernman, Mr Danny Faure, koman Prezidan e Madam Mathilda Twomey koman Sef Ziz, mon swet zot en Zwaye Nwel e en Bon Ane. E Mr Speaker ki bondye i beni nou Lasanble. I beni sakenn antre nou e beni nou zoli pei Sesel avek son zoli pep. Mersi bokou.

 

(APPLAUSE)

 

MR SPEAKER

Mersi Onorab Leader Lopozisyon.  Clerk eski ou ti a kontan dir de mo lo lapar Sekretarya.

 

MADAM CLERK

Mersi bokou Mr Speaker. Bonn apre midi, bonswar rather, bonswar tou bann Manm Onorab e tou Manm piblik ki a lekout ki pe swiv Lasanble. Mersi Mr Speaker pour permet mwan pour konklir sa dernyen sesyon Lasanble avek detrwa pti mo. Mr Speaker sa lannen in enn parey in fek ganny resorti eksepsyonnelman sarze pour Lasanble e Sekretarya Lasanble in konmdir Angle i dir travay tirelessly.  Bann sif ki Mr Speaker pour donnen apre i pour zisteman testimony of sa travay eksepsyonnel ki nou’n fer ansanm.  E osi behind the scenes. Pandan 1an nou’n annan bokou sanzman pozitiv o nivo Sekretarya, sanzman ki’n zisteman permet nou asiste travay Lasanble dan bann biznes toulezour, bann voyaz ki bann Manm in antreprann e osi ki’n permet nou pour asiste bokou, bokou travay Komite.  Nou’n revwar e nou ankor pe revwar bann Polisi ki gouvern bann fason ki nou Sekretarya nou travay e ki nou aport lasistans pour zot bann Manm.  E pour sa mon demann zot on behalf of the Secretariat a ankor en pe pasyans akoz i still work in progress. Zot pour agree ki Lasanble Nasyonal in sirpas bokou lekspektasyon par lakantite travay ki’n ganny akonpli pandan sa lannen. Bann Komite Mr Speaker in tre aktiv.  Bokou in zwenn par fwa lasemenn e osi par fwa weekend ziska tre tar aswar.  E ou pour konn sa tre byen.  E se lo sa note Mr Speaker ki mon ti a kontan port mon lapresyasyon pour premyerman ou menm. Mersi pour ou gidans, ou sipor, ou bann mo lasazes ki souvandfwa i ed mwan e mon sir mon Depite osi pour sirmont serten bann pti defi ki normal dan sa lanvironnman politik. Mon retenir e souvan kit an tet enn an partikilye ki mon pour anmenn ek mwan partou kot mon ale se konmsi ou dir mwan toultan Clerk it’s a storm in a tea cup, you just rise above.  Mon tre rekonforte Mr Speaker lafason ki ou pozitiv, ferm dan ou krwayans e dan ou panse ki tou keksoz pour ok in the end. I en plezir anba ou gidans, tre pozitiv, fleksib, e osi ferm kan i neseser.  Mon’n aprann bokou avek ou sa lannen.  Mr Deputy Speaker, mon pa’n blir ou, ou osi pandan dan bann moman ki ou’n pran Chair e menm letan ki ou pa dan chair toulezour ou’n osi aport bokou soutyen, bokou gidans pour Sekretarya an antye, espesyalman mon lofis ek lofis Deputy Clerk.  Ou bann parol rekonfor, bann pti fars i ed nou pour travay, kontinyen travay pandan sa lannen. Leader of the Opposition, Onorab Ramkalawan, Leader of Government Business, Onorab Charles De Commarmond e tou bann Manm zot pour agree ek mwan ki isi kot Lasanble in vin parey nou dezyenm lakour.  Nou souvan la rankontre tre granmaten pour bann pti rankont, pour diskit lo travay bann Committee meetings ki’n anmennen par fwa ziska tre tar.  Nou’n enterakte bokou lo bann vizit ofisyel e osi bann vizit Komite. E sa in en plezir. Mon rekonforte par le fe ki anplis ki nou travay profesyonnel i aprezan egziste en lanmitye antre nou tou. Mersi pour bann Manm antre zot ki’n anmenn bokou bann sizesyon pour amelyor bann la fason travay sekretarya. Bann sizesyon ki’n ganny byen resevwar e souvandfwa ki’n ganny byen pran an konsiderasyon.  Mon espere ki nou ava kapab travay, kontinyen travay dan sa menm spirit.  And on behalf of the secretariat please accept my sincere appreciation. Madam Deputy Clerk, my wing woman parey mon kontan dir in take on as much as I have pandan sa lannen. Mon kontan ki mannyer ansanm Madam Deputy Clerk ansanm nou fer en tim ekselan, en tim dinamik e ou’n act lo mon behalf souvandfwa e mon annan konfyans ki avek ou by my side nou’n keep on top tou nou travay e nou pour kontinyen fer li ansanm.  Mon swete, mon ekspekte Mr Speaker ki ou santi alez e konfortab pour ale e les Sekretarya dan nou lanmen pour nou travay dan ou labsans e menm pandan letan ki ou la.  Pour bann lezot staff management mon pa’n oubliy zot, bann staff Sekretarya ki’n donn zot tou pour fer sir ki en lannen in al smoothly, e pour delivre zot tou, e par sa mon mansyonn nou management team ki kontinyen, nou DG, nou HR, admin, nou HR Manager, IT, tim IT, bann sekreter, bann sekirite anba gidans serzan, housekeeping ek maintenance staff e an partikilye sa de sekreter ki dan lofis, mwan lofis, avek lofis Deputy Clerk Madam Gillian Samson avek Debra Esparon; mersi bokou pour zot sipor, so en gro bravo pour zot tou.   E dernyen mersi Mr Speaker, mon ti a kontan aport pour L’Egzekitif e lezot bann lofis kle ki nou’n travay avek close kolaborasyon pandan sa lannen.  Mersi pour zot pasyans e mon swete pour le meyer kolaborasyon lannen prosenn.  Last but not least Mr Speaker, mon ti a kontan remersye nou manm piblik pour zot lodyans. Mersi i annan bokou ki’n fidel tou le Mardi ek Merkredi pour bann avek Lasanble e nou’n ganny bokou feedback.  Nou resevwar pa mal feedback negativ e menm pozitiv.  Tou sa dan en fason ou en lot in ed nou dan nou travay.  Set avek sa Mr Speaker ki mon swet ou avek ou fanmir, le de leaders dan Lasanble e tou Manm Onorab, tim Sekretarya an antye ek zot fanmir en Zwaye Nwel e en Bonn Erez Ane. Mersi Mr Speaker.

 

(APPLAUSE)

 

 

MR SPEAKER

Mersi Madam Clerk. Byen koze, mon krwar ou kapab vin Speaker osi, oubyen Deputy Speaker.  Mwan mon en pti sagren, mon leker i en pti pe lour akoz ler mon tann Onorab Leader Lopozisyon dir ler in vwayaze in dekouver son bann konfrer dan diferan mannyer. Mwan mon pa’n sanse. Mon pa’n dekouver mon bann dimoun ki travay ek mwan dan diferan mannyer parey mon ti an kontan.  Alor mon en pti sagren en mon en pti zalou.  Me tou fason boner sat pa boner lisyen non? Anyway lo en not pli serye Clerk mon krwar letan ou’n fer ou lentervansyon ou ti an endike ki mon ti pour donn en pe sif.  E vre pandan lannen 2017 in annan en total 32 Bills ki’n ganny debate dan, table, debate, diskite dan Lasanble, i annan 28 Mosyon, e i annan 165 kestyon ki ti ganny mete avek diferan Minis sorti dan Gouvernman.  E mon krwar parey ou’n dir veritableman Lasanble in en Lasanble ki’n travay dir.  E mon ti a kontan lo lapar Deputy Speaker avek mwan menm remersye zot tou, Leader Government Business, Leader Lopozisyon, tou bann MNAs ki’n donn nou sa sipor. Parey in ganny dir taler ki dan sa 1an edmi ki nou’n la ler ou fer refleksyon nou’n fer en parkour enteresan. Annefe sa semenn menm mon ti mazinen ler nou ti ariv Lasanble kot nou ti komanse ti preski lo zero an term staff avek skills. Me la ozordi mon krwar nou tou nou devret mon krwar Angle i dir give ourselves a pat on the back.  Lasanble Nasyonal Vandredi le 22 Desanm. Savedir lafen sa semenn la, e osi le 29 Desanm nou pa pour an fonksyon; koumsa ki piblik i okouran pour donn tou nou bann staff, staff Sekretarya sirtou en sans pour zot annan en time off, pour zot fer osi zot preparasyon pour Nwel parey tou fanmir tou dimoun pe fer. Mon krwar fodre pa nou bliye bann staff ki pe travay ziska tar e la nou pros pour ariv 7er diswar, staff i ankor pe travay parey MNA i ankor pe travay alor nou’n deside donn zot sa de zour, le 22 ek 29 pour zot annan letan lib pour zot menm pour zot fer zot bann keksoz ki zot anvi fer.  Mon ti a kontan osi anonse ki depi le 8 ziska le 13 Zanvye, lannen prosenn 2018, nou pour host sa ki nou apel CSPOC Conference e CSPOC se Commonwealth Speakers Presiding Officers Conference. E sa nou ki pour host. E mon ti a kontan ki sa peryod le 8 ziska le 13 Zanvye i annan bokou delegasyon ki pe vini sorti diferan parti Commonwealth. Bokou Speakers, Deputy Speakers oubyen zot reprezantan, bann delege, e i pour enteresan pour nou koman en Lasanble pour enterakte avek zot pour nou parey nou dir touzour lo sa semen laprantisaz.  Sertennman pour mwan i pour le ka.  E Lasanble pour repran son travay sa i sirtou enportan pour lenformasyon piblik e mon ganny lenpresyon ki piblik pa pour tro, tro kontan sa gran poz me nou pour repran le 20 Fevriye 2018; e parey labitid nou komans nou premye trimes, nou premye sesyon avek ladres Prezidan Larepiblik sa ki nou apel SONA, State of the Nation Address.  Me sa  – ceci étant  – Pa vedir ki ler nou dan Recess as of demen ki nou pa pe travay.  Mon krwar nou tou nou konnen ki nou annan serten travay pour fer swa lo Komite, endividyelman lo nivo distrik.  E bokou nou, nou lo bann lezot Komite ki napa nanryen pour fer avek lezislasyon oubyen Lasanble. Be selman nou tou nou bezwen donn en koudmen kot nou kapab pour fer sir sa pei i marse.    Mon ti a kontan osi a sa pwen avan mon terminen dir ki semenn pase mon pa ti dan pei, alor mon pa’n ganny sans ofisyelman lo lapar tou bann Onorab isi ofer Mr Andre Pool ki pandan lontan en Manm Lasanble ki’n osi Deputy Speaker, ki ti perdi son manman e ki ti antere semenn pase. Lo lapar tou bann Manm Lasanble pour ofer li nou senser kondoleans. Pour mwan Mr Pool koman MNA Anse Boileau, en dimoun ki enn mon bann predeseser in touzour en dimoun ki’n tret mwan koman en profesyonnel ek respe. E mon’n dir sa touzour an piblik. Si nou tou nou bann politisyen nou ti kapab gentlemanly towards each other parey Mr Pool in fer anver mwan koman MNA Anse Boileau, nou ti pour al lwen koman en sistenm politik.  Alor Mr Pool ek ou lafanmir, Nichole, Joseph zot tou, nou senser kondoleans. An terminan apard pep Seselwa ki’n ed nou, in donn nous a lenerzi pour nou travay akoz mon krwar nou ti parey lo teat toulezour ki nou pe zwenn, nou lo televizyon ou tann tou kalite komanter.  E pour sa mon ti a kontan remersye zot ki’n donn nou bokou feedback, bokou enteraksyon ki’n ed nouri nou bann deliberasyon e nou pa ti pour kapab fer sa SBC.  E mon ti a kontan lo lapar piblik, lo lapar tou bann Manm Lasanble remersye SBC pour en travay fidel ki zot in fer. Mon sir i pa’n fasil. I annan de moman ki zot in anvi tonm dormi me zot in la, zot in transmet live nou bann deliberasyon ki’n gard tou manm piblik azour avek bann travay ki nou pe fer.  Alor mersi bokou e nou espere zot a kontinyen siport nou lannen 2018.  Mon ti a kontan parey tou Manm in dir swet tou popilasyon Sesel, Prezidan ek tou bann manm Egzekitiv, Sef Ziz avek tou bann Manm Zidisyer, tou bann Seselwa en Bon Nwel.  E mon konnen pour 2018 sa nouvo lannen ki nou pour komanse byento, mwan personnelman mon annan bokou lespwar.  E parey Clerk in dir tanzantan ler nou vwar nou dan Sekretarya oubyen koman en Lasanble, parey Angle i dir in a tangle mon dir ek li Clerk ‘’all will be well’’ parey Labib i dir. Si i annan difikilte labib i dir ou sa pas lo la.  ‘’ It will pass. ‘’E mwan mon aret sa Sesyon Lasanble ozordi pour nou pran nou Recess avek en parol pour dir ki tou keksoz i posib.  Si ou annan lafwa, e si ou krwar dan Bondye. Si ou vwar ozordi koman en zenn pti dyouk mon a pe debrouye devan sa microphone se akoz mon lafwa.  E mon krwayans dan bondye. I annan de moman mon dormi God spare me the Assembly.  Lannmen mon leve ‘’firing on all engines’’ parey Tony Blair i dir.  A song in my heart and a spring in my step.  Alor mon oule dir go with God, go well, pas en Bon Nwel, en Bon Lannen ler nou komanse lannen prosenn, mwan mon pour la.  Speaker, Ton Pat, Pat Pillay mon pour la pare pour gide e nou pour al lwen.  Avek sa mon ti a kontan dir ki Dr Larose in pasyant bokou i pe esper zot deor pour tir en portre ek zot.  Alor sa ki annan son makeup pour mete. Sa ki annan figir pour lave, met zot pare, Dr Larose pe espere pour war nou deor pour tir en portre. Dan lobby, vwala mon’n ganny korize dan lobby. So zot annan 2 minit pour zot met lipstick e zot lesans e met zot pare.  Avek sa nou adjourn nou pour rezwenn le 20 Fevriye 2018.

 

(ADJOURNMENT)