Home » Verbatim » 2017 » Verbatim Friday 1st December, 2017

Verbatim Friday 1st December, 2017

NATIONAL ASSEMBLY OF SEYCHELLES

 

Friday 1st December, 2017

The Assembly met at 9am

National Anthem

Moment of Reflection

Mr Speaker in the Chair

 

SUBVENTION TO PUBLIC ENTERPRISE

 

AIR SEYCHELLES, GUY MOREL INSTITUTE & SEYCHELLES POSTAL SERVICES COMPANY

 

MR SPEAKER

Bonzour tou dimoun dan Lasanble e an deor Lasanble, ki pe ekout nou.  Byenveni pour nou kontinyen nou kontinyasyon travay lo Bidze pour sa Vandredi.  E mon ti a kontan osi ankor swet byenveni parmi nou Minis Larose ek son PS ek son bann teknisyen ki pour akonpanny nou pandan lazournen ankor dan nou bann deba.  E petet avan nou pran nou travay lo Bidze, mon ti a zis kontan anonse ki apre nou Sesyon yer kot nou’n diskit dan sa lensidan ki Onorab Leader Lopozisyon ti leve, mon prezimen ki yer swar menm apre Lasanble tou lede Leaders in ganny en kopi let ki nou ti anvoy kot Msye Faure.  Msye Faure yer swar pa ti ankor ganny sa let in telefonn mwan, mon’n dir li ki dan let.  Me bomaten son sekreter i konfirmen ki zot in resevwar bomaten, ti laba dan baro me in ariv kot son Biro.  E in fer mwan konpran ki koman i ganny let i pour anvoy kot Brigadye Leopold Payet e i annan en Komite Disipliner oubyen Komite Disiplin ki dan Lafors Defans – zot a investigate sa lensidan parey in ganny raporte avek Komandan-an-Sef e nou espere ki boner semenn prosenn, mon ti a swete ki Lendi apre weekend zot in travay, zot a donn nou en Rapor, en repons lo ki aksyon ki’n ganny pran.  Akoz dan mon let mon’n fer kler ki nou ekspekte ki i annan serten Sanksyon akoz se verite sa kalite konportman.  Alor vwala mon krwar Minis Larose ou napa Statement pour fer.  Mon ti dir avek Prezidan ki mon a fer sa Statement pour enform Lasanble e nou a espere pour nou ganny repons ler Komite Disipliner in fini zwenn.  Onorab Ramkalawan.

 

HON WAVEL RAMKALAWAN

Bonzour Mr Speaker.  Bonzour Minis, bonzour tou Manm Onorab.  Mr Speaker mersi pour sa lenformasyon be dan sa ka mon anvi dir, ki nou pa pour pran en vot ozordi lo Bidze, nou ava esper larepons Komite Disipliner e letan sa i arive, apre sa nou ava pran en vot.

 

MR SPEAKER

Ok, be selman nou kapab vi ki Mr Minis Lalanne si mon’n konpran byen, i pe vwayaze ozordi, nou kapab diskit son Bidze me nou pa pran en vot.  Se sa ki ou pe dir.

 

HON WAVEL RAMKALAWAN

Mon pe dir on the total budget.  Nou ava kontinyen nou travay – nou ava kontinyen nou travay, me on the final vote lo sa Bidze nou ava esper tou.

 

MR SPEAKER

Ok, ok, wi tre byen; ok vote – ya, me sa i ankor annan letan, ozordi nou ava … vi ki Mr Minis pe vwayaze PS Payet mon prezimen ki Minis i la, parske nou pe al pran Subvention to Air Seychelles.  Eski Minis i la silvouple si ou ti kapab envit Minis … Wi Onorab De Commarmond.

 

HON CHARLES DE COMMARMOND

Bonzour Mr Speaker.  Bonzour Minis e tou dimoun, Manm Onorab e tou; konmsi mon pa pe antre dan zot zafer mwan; konmsi si zot pa oule vot lo Bidze, si zot le vote sa konmsi pa sa – konmsi mon pe sey dan mon lespri la, lensidan in arive ou menm ou’n dir la ou’n ekri Prezidan.  Fantastik sa ki ou’n fer.  Be i annan investigation akoz i annan en prosedir sa bann zafer i pase, prezan nou a esper en larepons.  Konmsi nou, nou pe dir esper sa larepons apre nou a vote.  Sa konmsi ki nou pe sey dir?

 

MR SPEAKER

Well mwan mon’n konpran nou pe dir ler nou pran en vot lo Bidze antye The Appropriation Bill.

 

HON CHARLES DE COMMARMOND

Bidze antye, wi, wi konmsi – La Defans nou’n fini pas lo la, nou?

 

MR SPEAKER

Sa nou pe al kontinyen, ozordi nou pe kontinyen avek lo lazanda pour ozordi.  Koriz mwan si mon mal PS Payet ek Minis nou pe pran Subvention to Public Enterprise; nou pe pran Air Seychelles avan akoz nou’n ganny dir poudir Minis Lalanne pe vwayaze sa i lo paz 24; par laswit parey mon ti dir yer nou pour pran Public Enterprise Monitoring Commission ki anba Minister Finans, epi nou pour pran Landscape and Waste Management.  Apre i annan others.  Me annou komans avek Minis Lalanne epi nou a vwar. Nou pa’n dir nou pe kontinyen travay nou.  I pe dir sa ki mon krwar si mon’n konpran byen Onorab Leader Lopozisyon pe dir lo Bidze ler nou fini diskite, i kler?  Eksplik ankor en pti kou.

 

HON WAVEL RAMKALAWAN

I tre senp.  I annan en lensidan ki’n arive e nou tanpi konnen kot i arive… letan ou an deor Lasanble ou pa en Manm Lasanble?

 

MR SPEAKER

Order!  Order!  Order!

 

HON WAVEL RAMKALAWAN

Mr Speaker si zot pa konpran mon ava eksplik zot byen.

 

MR SPEAKER

Ok.

 

HON WAVEL RAMKALAWAN

En lensidan serye …

 

MR SPEAKER

Hold-on Onorab Ramkalawan, Minis asize, mon krwar napa nanryen ki, tou fason nou deliberasyon i Live.  Ou welcome, PS Albert asize.

 

(Interruption)

 

MR SPEAKER

Silvouple.  Wi Onorab Leader Lopozisyon – ou kapab kontinyen.

 

HON WAVEL RAMKALAWAN

Mr Speaker, in ariv en lensidan serye vizavi en Manm Lasanble Nasyonal; kot en Mazor dan Larme in pas atraver en lensidan avek en Manm.  Sa Mazor son lapey i dan Bidze Nasyonal.  Nou, nou pe dir nou pa pour pran en vot lo Bidze tan ki nou pa konnen ki’n arive avek sa Mazor.  Parske nou pa anvi ki nou kontinyen dan en sityasyon kot en dimoun, dan en pozisyon responsab, akoz i anmenn en fizi, akoz i anmenn sa bann soz i kapab tret en Manm Lasanble Nasyonal dan sa fason!  Mon ti ava pe koz dan menm fason si ti en Onorab De Commarmond ki ti’n ganny menase.  Alors silvouple konpran sa tre byen e nou, nou krwar ki poudir sa lensidan i serye e pour lavenir nou pei osi tou, nou pa anvi ki sa i arive.  Alors nou anvi ki Gouvernman Lafors Defans i pran en desizyon serye e la aprezan nou ava gete dan ki direksyon nou ale.  Mersi bokou.

 

MR SPEAKER

Mersi.  Onorab mon….

 

HON WAVEL RAMKALAWAN

Mr Speaker…

 

MR SPEAKER

Wi.

 

HON WAVEL RAMKALAWAN

Mon ti ava kontan osi si Onorab Ghislain – si Onorab Ghislain i ti ava ekoute olye pas en bann komanter – mous zonn, ou’n sikann mous zonn ensidswit; parske sa bann komanter ki i pe fer, i pa apropriye pour nou Lasanble Nasyonal e petet son Leader i devret osi call li to order.  Mersi bokou.

 

MR SPEAKER

Mersi Onorab.  Mon vwar ki i annan enn obor son Leader ti ape sey call li to order

 

(Interruption)

 

MR SPEAKER

…me – Order!  Order!  Mon krwar i en keksoz ki mon’n koz lo la depi avan.  I – yer osi in ariv sa e yer ti dan kwen kote laba, ler dimoun pe koze nou bezwen ekoute.  Mon pe demann zot tou lede kote, kote Parti Lepep, kote Parti LDS nou bezwen fer keksoz dan en fason disiplinen.  E mon’n koz lo la plizyer repriz dimoun pe get nou, si nou konport nou parey zanfan malelve dan laklas, nou pa pe donn en bon legzanp bann zenn ki pe ekout nou.  Fodre nou annan en matirite Disiplin pour nou konport nou – ler en dimoun pe koze ekoute!  Minis Loustau-Lalanne eskize ki ou’n bezwen tann nou pe met en pe lord dan nou lakour pe parey ou a konpran ou menm ou en strong disciplinarian mon’n travay ek ou e mon sir ou a dakor ek mwan nou bezwen annan lord ek disiplin parske ou osi ‘you don’t suffer fools gladly’ konmsi Angle.  Byenveni ou avek ou PS Mr Albert pour zwenn nou.  E parey nou’n dir nou pour pran Air Seychelles ki lo paz … wi PS Payet.

 

PS PATRICK PAYET

Mersi Mr Chair e bonzour tou Manm Onorab e tou dimoun ki a lekout.  Zis pour azoute Mr Chair ki nou pe pran lo paz 33 Subvention to Public Enterprise en total 21.52 milyon e ladan i annan 16 milyon pour Air Seychelles, 2 milyon ki anba other Entities sa i pour Guy Morel’s Institute, son setup an Zanvye, apre nou annan 3.5 milyon, pour Seychelles Postal Services Company.  Mersi Mr Chair.

 

MR SPEAKER

Mersi PS.  Alor la ou pe dir nou, nou pe pran sa 3 vot, sa 3 Heads ansanm? Ok tou bann ki anvi entervenir lo sa lev zot lanmen Clerk ek Deputy Clerk i a note.  Clerk.

 

MADAM CLERK

Mersi Mr Chair.  Bonzour Mr Chair bonzour tou dimoun; lo kote Parti Lepep mon annan Onorab Charles De Commarmond, Onorab Sebastien Pillay, Onorab Jude Valmont, Onorab Wilbert Herminie, Onorab Sylvanne Lemiel, Onorab Egbert Aglae, e Onorab Waven William.  Mersi.

 

MR SPEAKER

Deputy Clerk.

 

MADAM DEPUTY CLERK

Bonzour Mr Chair.  Bonzour tou dimoun, mersi.  Lo kote LDS mon annan Onorab Ramkalawan, Onorab Afif, Onorab Prea, Onorab Henrie, Onorab Woodcock apre Onorab Loizeau.  Mersi.

 

MR SPEAKER

Mersi nou a komans avek Onorab William.  Nou a komans kote isi ozordi bomaten.  Onorab William ou annan la parol.

 

HON WAVEN WILLIAM

Mersi Mr Chairman.  Bonzour Minis avek ou Lekip. Mr Chairman mon ti a kontan demann Minis si i kapab eksplik – avan mwan demann mon kestyon eski Minis pour reponn pour tou ouswa zis pour Air Seychelles?  Pour tou ok. Yeah mon ti a kontan demann Minis si i kapab donn nou en leksplikasyon – mon vwar poudir anba ‘other entities’ i annan en gran rediksyon.  Depi 2017 ti annan en sonm 15milyon – ki la in desann 2milyon si i kapab donn nou en leksplikasyon lo la.  Epi Minis mon pa konnen si ou ki pour kapab reponn sa, dezyenmman vizavi SPTC, an lefe ki zot pe fer monte pri, e mon santi poudir pep Seselwa ti a kontan konnen egzakteman kwa ki SPTC pe fer fas avek, ki sa ogmantasyon in arive koumsa; ki dimoun i konpran en pti pe byen akoz ki sa ogmantasyon pe ganny fer.  E dezyenmman lefe ki ou annan apepre 14, 500 ki pe ganny en lapey ase ba, ki ganny direkteman afekte avek sa mon pe vwar ki malgre mon’n tann Prezidan dir, sa bann dimoun i kapab si zot bezwen lasistans al kot Welfare, me i annan mon konnen ki akoz zot dinyite, nou pa kapab zis anvoy tou dimoun.  Me mon santi poudir i annan serten fason fer ki kapab fer ki sa bann dimoun i kapab benefisye avek sa pri bis.  Par egzanp enn, se konsider rate par zistans ouswa donn en special card serten sa bann dimoun ki ganny afekte.  Mon ti a kontan si Minis ti kapab sey donn en pti leksplikasyon.  Mersi.

 

MR SPEAKER

Onorab Prea.

 

HON NICHOLAS PREA

Mr Speaker, nou annan 3 Sibvansyon ki nou pe koz lo la Air Seychelles, Guy Morel’s Institute avek Servis Lapos, SPTC pa ladan, ok?  I napa sibvansyon pour SPTC.  Annou move on, annou kestyon sa 3 Sibvansyon.  Mersi.

 

MR SPEAKER

Korek, PS Payet?

 

PS PATRICK PAYET

Wi Mr Chair nou annan Air Seychelles, Guy Morel’s Institute avek Seychelles Postal Services only

 

MR SPEAKER

Savedir Onorab, ou a gard ou kestyon, nou a demann ler in ariv pour Seychelles Public Transport Corporation okYeah.  Sorry mon pa’n tande.

 

PS PATRICK PAYET

I pa dan Bidze 2018 pour SPTC.

 

MR SPEAKER

Ok, alright good be let’s … annou kontinyen nou travay e mon a donn laparol Onorab Loizeau.

 

HON NORBERT LOIZEAU

Mersi Mr Chair.  Bonzour Minis ek ou delegasyon.  Mr Chair mwan mon ti annan zis en pti kestyon, mon ti a kontan demann Minis, mon kestyon i vize ver Air Seychelles, ki bann loan ki Air Seychelles i annan avek bann Lenstitisyon Finansyer an se moman la.  Mersi.

 

MR SPEAKER

Minis.

 

MINISTER LOUSTAU-LALANNE

Bonzour Mr Chairman, bonzour tou Manm Onorab, bonzour koleg Minis, mon krwar ki Air Seychelles i annan li 3 loan si ou le; enn i sennla ki nou pour diskit lo la, mon asire ki PS Payet a nobou donn nou leksplikasyon.  Apre i annan enn pour bann Twin Otter ki Air Seychelles ti aste parey ou konnen zot annan zot 6 Twin Otter e en lot i annan en laranzman ki nou apel sa en project box, kot i annan en sonm larzan ki’n ganny raise ouvertman e ki Air Seychelles i benefisye avek sa larzan.  Mersi Mr Chairman.

 

MR SPEAKER

Onorab Loizeau ou ok?  Tre byen Onorab Sylvanne Lemiel.

 

HON SYLVANNE LEMIEL

Mersi Mr Chair.  Bonzour Minis avek ou delegasyon.  Bonzour tou dimoun.  Mr Chair mwan mon ti a kontan demann Minis lo kote Guy Morel’s Institute mon konnen zot pe fer en bon travay e i annan en sibvansyon pour zot ki pe ganny donnen, mon ti a kontan konnen sa Sibvansyon pe al anver kwa Guy Morel’s Institute si zot pe pran plis Lecturers, si zot pe al agrandi; donn nou en pti pe detay pour kwa sa sibvansyon pe ganny servi.  Mersi.

 

MR SPEAKER

Mersi Onorab.  Kestyon i adrese avek Minis.  PS Payet.

 

PS PATRICK PAYET

Mersi Mr Chair.  Mersi Onorab.  Zis pour azoute ki pour Guy Morel’s Institute parey zot konnen aktyelman la i anba Liniversite Sesel.  E mon krwar pour annan Lalwa ki pe vin devan Lasanble tre prosennman ki pour fer sir ki vin en Lenstitisyon lo li menm.  So letan nou’n get en pe son reveni, akoz pour le moman son reveni avek son setup son depans i avek Liniversite Sesel, letan nou’ travay en pe lo son reveni avek son depans, nou’n vwar ki at least Gouvernman i bezwen donn en sibvansyon on a yearly basis – sirtou pour komanse apre once ki son set up in properly – nou vwar ki kapab al lo li menm la gradyelman nou ava regarde.  Me selman pour komanse avek akoz i pour sorti direk anba Liniversite Sesel.  Savedir ler ou get Zanvye i pour bezwen en larzan pour li komans sa Letablisman.  So sanmenm sa ki Gouvernman in met en provizyon dan Bidze, pour fer sir ki at least letan Guy Morel Institute i sorti anba Liniversite Sesel, i large lo li menm, at least i annan en larzan.  Me sepandan letan nou pe prepar Bidze 2019 nou ava revwar avek li son loperasyon properly, pour vwar si i pour bezwen ankor sibvansyon pour 2019.  Mersi Mr Chair.

 

MR SPEAKER

Ok.  Onorab Lemiel?  Wi ok, Onorab William.

 

HON WAVEN WILLIAM

Mr Chairman, mwan mon ti a kontan ganny en leksplikasyon byen, akoz si nou pe pran subventions to Public Enterprises, mon santi poudir i enn mon kestyon pa’n ganny reponn.  Epi dezyenmman ti annan en Sibvansyon 2017 letan Onorab Prea pe dir koumsa poudir sepa sa i pa dan Bidze, me piblik Seselwa ti a kontan konnen ti annan 40 milyon ki ti pe ganny donnen 2017 e la in tire.  Konmsi nou ti a kontan ganny en leksplikasyon, akoz?  Parey mon dir piblik Seselwa i ganny afekte direk serten kous dan popilasyon e mwan mon krwar poudir mon merit ganny en larepons akoz nou pe koz subventions to Public Enterprises.  So i annan other entities ki mon’n trouv i annan en gran rediksyon.  Mon ti a kontan konnen kwa, epi parey mon dir 2017 ti annan 40 milyon pour SPTC.  Nou anvi konnen kwa ki pe arive.  Mersi.

 

MR SPEAKER

Ok.  Be petet PS Payet ou a kapab annan en pe leklersisman lo la.

 

PS PATRICK PAYET

Mersi Mr Chair.  Lo kote ‘other entities’ sa 15.9milyon pour 2017 letan nou ti vin dan supplementary i ti larzan ki sa eleman GST ki HFC ti dwa Revenue Commission.  I ti pour bann lakaz ki letan PMC ek HFC ti as one entity zot pa ti pe sarz bann lakaz endividi ki zot, zot ti pe kolekte rent.  Me dan Lalwa Tax letan in regarde zis PMC ki ti exempt.  Me akoz PMC ti an en Divizyon anba HFC ti bezwen oblize pour li pey sa GST. Sanmenm sa ki letan nou ti vin dan supplementary nou ti met sa 15.9 milyon pour fer sir ki at least sa Tax ki HFC i dwa i ganny peye.  Me sepandan pour 2018 – sa 2milyon ki nou’n mete i pour Guy Morel’s Institute pour li parey mon’n eksplike pour sa setup – ok?  Mr Chair kekfwa sa bout pour SPTC avek ogmantasyon R7 – SPTC pour kolekte li apepre R43 milyon dan sa ogmantasyon.  Sanmenm sa ki nou pa’n met ditou en sibvansyon pour 2018, akoz sa ogmantasyon i pour kapab soutenir konpare avek sa 40 milyon ki nou ti mete 2017.  Mersi Mr Chair.

 

MR SPEAKER

Ok, Onorab William kler?  Very good thank you.  Mersi PS Onorab Woodcock.

 

HON WAVEL WOODCOCK

Mersi Mr Speaker.  Bonzour Minis avek ou delegasyon, Mr Speaker Air Seychelles i own 60 poursan Share dan Air Seychelles, Etihad 40poursan me si aparaman i annan en konfli kot sa 2 zans i konsern bann staff Air Seychelles, aparaman i annan en mass exodus ki pour arive la lo Erport Domestik Mahe, e osi lo Praslin osi e mon konnen kekfwa i pa kestyon i pa neseserman ganny pour fer avek sibvansyon.  Selman mon bezwen met sa kestyon devan. I annan so many years’ ki bann staff Air Seychelles pe espere pou en Revised Scheme of Service, ziskan aprezan napa nanryen ki pe ganny fer.  Konmsi mon ti a kontan konnen ki zot pour fer, Gouvernman pour fer par lefe ki zot annan 60 poursan pour get en pe dan welfare sa bann staff Air Seychelles sirtou bann ground staff bann staff Domestik.  Mersi.

 

MR SPEAKER

Minis.

 

MINISTER LOUSTAU- LALANNE

Mersi Mr Chairman.  Mersi Onorab pour ou kestyon.  Parey mon’n deza enform Lasanble, letan mon ti isi dernyen fwa reponn kestyon lo Air Seychelles ti annan bokou kestyon e enn bann keksoz ki mon ti dir se ki Air Seychelles i bezwen fer legzersis pour regarde pour tou son bann staff, son bann Ground Staff akoz mon ti santi sa lepok ki zot bann Ground Staff pa ti pe ganny reminere korekteman, Air Seychelles in fer sa legzersis.  E mon kapab dir ou ki enn fwa ki nou’n re organiz Air Seychelles, nou pour fer sir ki pour annan en logmantasyon pour sa bann group travayer Ground Staff Air Seychelles.  Mersi Mr Chairman.

 

MR SPEAKER

Onorab Woodcock ou ok?  Onorab Valmont.

 

HON JUDE VALMONT

Bonzour Mr Chair.  Mersi bokou.  Bonzour Minis e delegasyon.  Bonzour tou koleg Onorab e tou ki pe swiv nou, Mr Speaker mon kestyon i en pti dan laliny ki Onorab Woodcock in demande e Minis in reponn, mon ti a zis anvi demann en pti adisyonnel, se ki kan nou ekspekte Minis, kan nou ekspekte vwar sa letid in ganny konplete?  Kan nou ekspekte vwar sa bann travayer komans ganny sa bann benefis?  Mersi.

 

MR SPEAKER

Minis.

 

MINISTER LOUSTAU- LALANNE

Mersi Mr Chairman.  Mersi Onorab.  Parey ou’n tann Prezidan Larepiblik dan son Press Conference anonse i annan en Meeting enportan kot Etihad le 10 Desanm, kot tou bann desizyon final pour ganny pran.  So zis apre sa nou ava nobou donn plis detay.  E mon ekspekte ki dan komansman lannen prosenn a en dat ki nou pour bezwen kominike – sa bann sanzman ava ganny met an plas kot i konsern reminerasyon bann Ground Staff, avek lezot keksoz ki nou bezwen sanze.  Mersi Mr Chairman.

 

MR SPEAKER

Ok.  Onorab Henrie.

 

HON GERVAIS HENRIE

Mersi Mr Chair.  Bonzour tou dimoun; mon kestyon i swit kestyon Onorab Loizeau Minis in dir ki i annan 3 loan, me mon santi poudir nou pa’n ganny sifizaman lenformasyon lo konbyen ki nou ankor dwa e i annan enn premye ki ou’n dir PS pour donn leklersisman, mon pa ankor tann sa.  So nou ti ava kontan tande.  E mon dezyenm kestyon dan larepons pour kestyon en Onorab avan Minis in servi mo “reorganizasyon” ki kalite reorganizasyon nou pe koze?  E si la mon vwar Air Seychelles pe rod en sibvansyon; savedir mon prezimen i dan en pe difikilte finansyel.  Donk ki mannyer zot pe mazin son stati finansyel aktyel pour permet annan nouvo Scheme of Service.  Ki mannyer sa i kapab posib?  Mersi.

 

MR SPEAKER

Minis.

 

MINISTER LOUSTAU- LALANNE

Mersi Mr Chairman.  Mersi Onorab pour ou bann kestyon i valab.  Letan mon koz reorganizasyon i kler ki bann opsyon ki Air Seychelles i annan kont tenir son sityasyon aktyel.  Nou bezwen revwar li, se sa ki mon pe koz sa reorganizasyon. Dezyenm keksoz, parey ou konnen Air Seychelles i annan li plizyer Departman, tou son bann Departman eksepte Departman Enternasyonal, son loperasyon Enternasyonal tou i fer profi, le sel ki perdi larzan se sa Departman Enternasyonal, bann Vol Enternasyonal i déficitaire.  E se la ki fodre nou adres problenm.  Alor si plis avyon vin Sesel son kote Ground Handling normalman i pour fer plis larzan e pa kapab pini sa group travayer ki pe fer en bon servis; ki pe donn en servis alaoter, pa zis Air Seychelles, me tou lezot Konpannyen aeryen ki vin Sesel.  Alor nou bezwen fer en distenksyon, se sa dan sa laliny ki mon pe anmenn sa diskisyon.  Nou pour kapab si zot oule fer zot akoz mwan napa ek mon la egzakteman konbyen fer zot ganny sa 2 loan lo Twin Otter avek sa project box nou ava sirkil avek zot, me sa sibvansyon 16milyon mon pe koz anba kontrol PS Payet, sa i remont, i en liability si ou le ki Gouvernman i bezwen desarze, i remont a 2011.  Akoz parey mon’n deza eksplike dan Lasanble letan Etihad ti pran, i ti pran anba Kondisyon ki tou liabilities Air Seychelles, Gouvernman ti’n merit regle.  Alor en pe in regle e sa in ganny regle pour rezon capping lo Foreign Exchange exposure; in ganny regle lo en serten nonm lannen e i annan en sonm apepre en pti pe plis ki 1milyon Dolar ki reprezant sa 16 milyon i dan Bidze depi 2017 i pour kontinyen ziska 2024.  Donk i en vye liability si oule depi 2011 dan Kont Air Seychelles.  Mersi Mr Chairman.

 

MR SPEAKER

Onorab Henrie ou ok?  Wi Onorab Herminie.

 

HON WILBERT HERMINIE

Mersi Mr Chair.  Bonzour Minis avek ou delegasyon, swivan larepons Minis, Minis in koz en pe lo liability – be baze, mon kestyon i baze en pe lo ki study ki in ganny fer pour sirtou bann market ki pa’n marse parey mon sit legzanp Düsseldorf ek Durban – ki study…? Eski i annan study ki’n ganny fer lo sa bann larout avan nou’n ale – vi ki Prezidan in dir koumsa sa ti en fot stratezik eski lekel ki pour ganny held accountable pour sa? Akoz parey ou dir mwan sa i en liability depi 2011 vi ki sa bann market ki la in fail i pour, in ganny en lot cost so nou pour kontinyen Sibvansyonn Air Seychelles ziska ki tan?  Sa mon kestyon.  Mersi.

 

MR SPEAKER

Petet Minis si mon kapab piggyback lo kestyon Onorab Herminie mon’n lir ozordi dan NASYON ki zot riske retourn Madagascar dan sa menm laliny eski i annan en gete ki nou’n gete ki i vyab sa?  I, preski nou’n deza ale nou’n tournen nou’n arete! So Minis segonn en pe leklersisman en pe rekonfor.

 

MINISTER LOUSTAU- LALANNE

Bon mersi Mr Chairman.  Mersi Onorab.  Onorab si ou permet mwan mon a reponn kestyon Mr Speaker avan.  Wi mon krwar kestyon ki ou poze i en kestyon ki valab letan Air Seychelles in sorti Madagascar, akoz Lapeste ti pe fer li 3 Vol, la in deklare ki WHO napa okenn restriksyon e Air Seychelles pe anvizaze retourn Madagascar, be i pour tourn Madagascar an Zanvye.  Letan ou aret fer en loperasyon ou bezwen si ou le tenny tou keksoz, sorti dan booking engine, sorti ek bann laranzman ek bann Travel Agent eksetera e tousala i pran en pe letan pour ou rekonmanse.  E sa ki nou’n vwar se ki ozordi bokou dimoun ki pour travel dan peryod Nwel ek Lannen, zot in fini boukte zot pasaz, so i pa vo lapenn kantmenm restriksyon in leve aparti yer – pour nou retourn deswit laba.  So lentansyon se pour retournen.  Alor nou bezwen rekomans met sa dan sistenm, koz ek bann Lazans Vwayaz regarde ki mannyer zot boukte pour nou oper sa bann vol.  Sa ki mon kapab konfirmen nou pa pour mete 3 Vol i pour mwens ki sa.  I osi lye parey zot konnen avek bann vol ki Air Seychelles ti pe fer, i fer (sorry) lo Paris en bon trafik i sorti Paris i vin Sesel apre i mont lo avyon pli pti avyon Air Seychelles e i kontinyen lo Madagascar.  Ti annan en bon trafik ant Paris ek Madagascar ki ti pas atraver Sesel.  So sa trafik nou’n perdi li ozordi e donk i en trafik ki pour vin konpletman sa larout.  Me sertennman avan desizyon final i ganny pran nou bezwen etidye, akoz nou pa kapab fer menm fot.  E se sa ki Prezidan Larepiblik in fer letan in dir ki ti en mistake pour al Düsseldorf ek Durban e mon krwar Prezidan sa ki ti pe sey dir se ki an 2011 Air Seychelles i annan li en ekspansyon ase enportan e in komans antre dan ban biznes ki ti pas ankor business; setadir pran touris dan nou bann gran marse anmenn Sesel, i ti pe fer tou sort lezot zafer ki pa ti vreman son core business.  E Air Seychelles ti en Konpanny avek bokou Anplwaye me i ti pe perdi enormeman larzan, annefe son pert an 2011, son pert organik ti pros $48 milyon an 2011.  E kwa ki nou’n vwar in arive?  An 2012 Air Seychelles i ti’n retresi, i ti en pti Konpannyen i ti annan li en 2 pti avyon i ti pe rekonmanse, e i byen fer.  Me ki nou vwar ozordi i annan menm kantite avyon ki ti annan an 2011 in expand en fason kot nou pa’n aprann nou leson, eskiz mwan dir li koumsa, prezan nou’n vwar nou dan en sityasyon ankor kot ozordi Air Seychelles pe perdi larzan lo son operasyon Enternasyonal. So nou bezwen rod en fason pour nou fer sir ki nou pran meyer opsyon ki redres sa sityasyon.  Akoz dan Lavyasyon letan ou komans perdi larzan i al tro vit, e avan ou realize ou annan en gro trou, so nou bezwen aret sa lemorazi ase vit e ganny en stratezi, en opsyon ki donn nou en bon sans sorti dan sa sityasyon ki nou ete.  E se sa ki nou pa kapab afford toultan fer menm fot, si nou fer en fot nou aksepte nou fot, nou korize nou pa fer li ankor, me tout etandi ki Lavyasyon se en domenn tre riske avek bokou depans, bokou reveni me return i vreman ptipti.  So nou bezwen toultan tenir sa en kont, so mon krwar ki Air Seychelles sa opsyon ki ou pe regarde pour lavenir is the best option ki donn Air Seychelles en sans retourn á profitabilité.  Mersi Mr Chairman.

 

MR SPEAKER

Mersi Minis.  Onorab Prea.

 

HON NICHOLAS PREA

Mersi Mr Chairman, bonzour tou dimoun, Mr Chairman mon ti en pti pe per pour mwan al servi sa mo “lemorazi” be lefe ki Minis in servi mon pour al dan sa laliny.  Nou pe, la bomaten nou pe al aprouv en sibvansyon 16 milyon pour Air Seychelles mon pe vwar sa 2019, mon pe vwar sa 2020 e an menm tan nou konnen poudir Air Seychelles i annan en lemorazi ki nou koman Manm Parlman nou bezwen fer en fason pour nou sey ede pour met en stop avek.  Pandan plis ki 5an partenarya avek Etihad kot Air Seychelles i tenir 60poursan, eski Minis pa krwar enn bann fason pour aret en pe sa lemorazi, in ariv ler pour nou apwent en CEO Seselwa – ki kapab pran bann desizyon vizavi staff, vizavi management, menm vizavi fer en proper study lo bann larout.  Mon krwar CEO pe ale la e i moman kot Sesel ek son 60poursan, i bezwen kapab dan en pozisyon pour li pran.  Over the past 5 years nou’n vwar CEO sorti kot Etihad e i annan pa’n fer byen ditou.  Mon ti a swete ki bomaten Mr Kinnear ti ava la avek ou Minis pour nou kapab anvoy en pe kestyon lo li. Dezyenmman Minis ler nou pe koz lemorazi nou konnen i annan en kantite landrwa kot Air Seychelles stop sa bleeding; par egzanp, eski ou kapab konfirm avek nou ler nou, nou pe al aprouv Sibvansyon dan Bidze anba Consolidated Funds, ki i annan bann larzan ki pe perdi; par egzanp Air Seychelles pe lwe plis ki 40 apartment Eden Island a en pri plis ki $4, 000 Dolar sak apartman par mwan?  Renting of office in Victoria ki zot in vacate depi boner sa lannen i ankor lo en 2 year contract R40, 000 tou le mwan ziskan Desanm 2018.  Confirm sa avek nou Minis nou anvi stop sa lemorazi.  En konsiltan ki Air Seychelles pe peye $55, 000 par mwan – ki i pe fer? Air Seychelles ki pe peye nou anvi stop sa lemorazi.  Air Seychelles pe rent en lakaz pour en travayer Seselwa R63, 000 dan distrik Beau-Vallon tou le mwan.  Expat Jobs ki Seselwa i kapab fer.  Nou annan Seselwa ki’n fer plis ki 20an servis i pe ganny li pa menm R20, 000.  Expat i rantre zis akoz i expat i pe ganny li 4, 000, $4, 500.  Please Minis si i donn – mon konnen ou fek pran sa responsabilite me nou la pour ed ou e mon ti a swete ki ou osi dan tou ou sazes ti kapab pran bann desizyon pour nou kapab kit nou National Airline flying.  Thank you Minister.

 

MR SPEAKER

Mersi Onorab, avan ou reponn mon demann en leskiz, Onorab Herminie ti annan en Supplementary Question mon pa’n vwar son lanmen, Onorab Herminie ou kapab poz ou kestyon apre Minis i a reponn pour Onorab Prea.

 

HON WILBERT HERMINIE

Mersi Mr Chair.  Zis pour en follow up Minis in tous en pti git lo Madagascar, mon ti zis anvi ganny en pti klarifikasyon vi ki Air France pe komans vin Sesel eski sa flight Air Seychelles pour kontinyen al Paris?  Mersi.

 

MR SPEAKER

Wi Minis, apre ou a reponn kestyon Onorab Prea.

 

MINISTER LOUSTAU-LALANNE

Mersi Mr Chairman.  Onorab ou’n poz mwan en kestyon fasil e en kestyon difisil an menm tan, i en kontradiksyon.  Mon pa pe sey saye mwan.  Ozordi Air Seychelles i fly 3 fwa Paris, Air France le 5 Me i pe vin Sesel; malerezman Air France li in deside met son bann Vol lo menm zour ki Air Seychelles i fly.  Dan 1 semenn i annan 7 zour ti a preferab, mon asire zot ava dakor ek mwan ki nou annan nou 6 vol lo Paris, 3 vol Air Seychelles lo 3 zour lasemenn, 3 Vol Air France lo 3 lezot zour lasemenn i pli bon pour tou dimoun.  Si nou nobou negosye avek Air France dan sa fason, larepons i nou pour reste lo Paris, pour nou donn konpetisyon Air France.  Me Air France ozordi pa le bouze lo son pozisyon.  I dir nou non, li i pour vin bomaten, i kit Paris sorry bomaten 10er bomaten nou, nou kit 10er aswar menm zour, nou pour swiv li nou.  Sa i pa fezab, nou pa kapab annan 2 avyon ki kit Paris menm zour a 12 erdtan diferans ant enn ek lot, i pa marse, so nou pour bezwen give way.  Ki nou kapab fer si nou nepli ale?  Nou pa kapab donn Air France nou biznes nou bezwen pran nou biznes aste sit lo Air France e kontinyen vann pour nou gard en prezans lo marse.  Sa i bann keksoz ki nou ankor pe diskite.  E sa bann diskisyon malerezman i bann diskisyon ki i trennen, i pran letan i trennen, so nou ankor pe diskite avek Air France, mon anvi konvenk zot ki nou bezwen etal sa bann vol pour nou ganny meyer rezilta pour Lendistri Touris Sesel pour Seselwa ki anvi al Paris -plis opsyon.  So vwala repons Mr Onorab.  Alor an sa ki konsern kestyon Mr Onorab Prea i annan plizyer kestyon; annefe an sa ki konsern CEO pour le moman Etihad pa ankor nobou nonm en CEO pour ranplas Mr Kinnear.  Zot in sey rode zot pa ankor donn nou enn ki akseptab, alor i annan en dimoun ki pour vini enterim, en dimoun pour vin enterim pour permet Mr Kinnear ale.  E parey nou’n dir Mr Kinnear li i son dernyen zour travay le 31 Desanm, nou’n demann Etihad pour li rekrit lo marse enternasyonal, akoz nou oule en CEO pa neseserman en dimoun ki ozordi pe travay dan Etihad, nou oule the best CEO available laba deor lo marse enternasyonal, se sa nou brief ki nou’n donn li.  So fotespere sa voyaz nou ganny nou en dimoun ki konn sa Lendistri byen, en bon Profesyonnel e a sa moman la nou pour bezwen rod en Seselwa met li kot-a-kot.  Nou annan plizyer Seselwa mon pa pour mansyonn Non, i annan en bann i vye parey mwan menm, tro vye.  I annan en bann in la en pe letan, i annan en bann ki pe monte e ou ava dakor avek mwan nou pa kapab osi met en zenn manrmay e 6 mwan apre komedi an Angle “we have burnt him.” i pa normal pour nou fer sa, me dan Air Seychelles i annan dimoun ki i annan sa kapasite me nou bezwen tyonbo son lanmen anmenn li en pti letan.  So i pour vini li me i pa kapab vin toudswit.  Alor sa bann apartman Eden Island apre ki mon ti vin dan Lasanble nou’n fini donn lenstriksyon pour zot redwir maximum.  Dan sa restriktirasyon ki pe vini bann Pilot ki pour bezwen arete, bann premye pilot ki pour arete se bann expatriate, so sa, sa sityasyon pour fer ki sa bann keksoz pour otomatikman ganny tire.  Sa rent, sa building mon pa okouran mon a bezwen find out mon konnen ki lontan zot ti lwe en building lo La rue, wi se sa vwala – so sa mon ava regarde egzakteman me si nou pa pe occupy the building nou cancel the rent.  I mean nou pa kapab kontinyen avek sa koumsa, so sa mon kapab donn ou mon desizyon lo la.  Sa $55, 000 par mwan sa Onorab?  Non, mon pou bezwen al regarde mon krwar pa.  Kekfwa i annan plizyer dimoun akoz Air Seychelles par ler i fer antre plizyer konsiltan kekfwa i en peyman ki pe ganny fer pour plizyer konsiltan, fotespere i koumsa, be mon ava regarde e mon ava nobou konfirmen egzakteman kot nou ete.  Dyob pour expatriate non, mon krwar Mr Kinnear li si i annan en keksoz ki in fer, toultan mon’n koz ek li mon’n dir li, kot ou kapab plas expatriate ou ranplase avek Seselwa.  E mon krwar ki nou pe fer en bon travay, mon napa sif devan mwan la egzakteman ki son gearing ozordi me Air Seychelles ozordi i anploy li 875 anplwaye e si i annan en 50enn expatriate la gran mazorite en karantenn se bann pilot etranze, i napa bokou dan management ozordi bann dimoun expatriate.  Mersi Mr Chairman.

 

MR SPEAKER

Mersi Minis, Onorab Aglae, non sorry Onorab William ou ti annan en related question?

 

HON WAVEN WILLIAM

Mersi Mr Chairman.  Mr Chairman swivan larepons ki Minis in donnen lefe ki nou konnen poudir i annan en ta travayer ki ozordi la pe santi zot en pti pe enserten avek sityasyon ki pe devlope.  Malgre ki CEO Air Seychelles in mont lo televizyon in dir poudir personn pa pour ganny fer redundant.  Minis mon ti a kontan ki avek ou leksperyans ek sa ki ou pe vwar, eski ou osi ou pe donn sa garanti ki bann travayer Air Seychelles zot plas travay i pe ganny prezerve nou pa pe vwar sa mass redundancy?  Mersi.

 

MR SPEAKER

Minis.

 

MINISTER LOUSTAU- LALANNE

Mersi Mr Chairman.  Mersi Onorab ou konnen si sityasyon i reste parey sa 875 anplwaye i ava kontinyen ganny anploye, me parey mon’n dir sa opsyon i pa en bon opsyon.  De tout le façon, pa avan dan mwan Avril dan lannen prosenn ki si fodre nou fer en restriktirasyon se a sa moman la ki mwan, mon panse ki nou pour fer sa restriktirasyon.  Akoz bann diskisyon i ankor ongoing la, kestyon ou pour poz mwan eski Air Seychelles i annan ase larzan, akoz nou pe koz Bidze pour tenir le kou depi la ziska lafen Mars – komansman Avril.  Ozordi cash position  dan Air Seychelles, i montre ki wi i kapab tenir son lekor akoz nou annan nou bann non mwan ki pe vini bann avyon i annan en bon ranplisaz e nou kapab kontinyen fer sa leksplwatasyon korekteman avan sa larive British Airways e larive Air France pour mwan Me.  Mon krwar ki nou bezwen ekspekte ki nou pour annan en restriktirasyon e nou pour bezwen fer en legzersis, ok, pour regarde lekel dan ki domenn ki nou pour bezwen fer en redundancy.  E sa legzersis pour bezwen ganny fer parey mon dir ou lo opsyon ki nou pour swazir.  I annan plizyer opsyon.  Mwan mon pa anvizaze pour le moman i pour en gran restriktirasyon, mon krwar i pour en keksoz ki nou pour kapab zere.  Me i en keksoz ki nou bezwen prevwar pour Avril 2018.  Mersi Mr Chairman.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mwan mon pa santi poudir kestyon ki Onorab Prea in demande in ganny adrese vreman, akoz pandan lannen Air Seychelles in deza vin isi avan e nou ti koz lo sa size cost cutting exercise, ki zot bezwen fer.  E la nou vwar nou ankor dan en sityasyon kot zot, nou pe ganny dir poudir prezan ki nou pe al fer serten travay pour al regard ladan, e ler nou pe komans koz redundancy swa avan ki nou pour fer dimoun redundant annou rod sa bann landrwa ki nou pe koup bann cost so eski ou kapab dir nou depi sa Sesyon ki zot in gannyen avek nou dan Lasanble ziskan ozordi, kwa ki zot in reelman fer pour regard dan cost cutting exercise nou ti fer en serten propozisyon ek zot; kot par egzanp dan plas Apartman Eden Island i annan bann building Corail D’Or – Pension Fund eksetera, sa ti bann opsyon kot i pour drastically reduce bann kou ki zot annan – ou konpran?  Bann aksyon ki’n ganny pran.  So oli sa bann aksyon ki’n ganny pran pour nou redwir kou?  Akoz sa bann Ground Staff zot pa, sa ki zot, zot pe pran dan sa Bidze Air Seychelles i limite konpare avek sa ki en, sa ki sa bann ki pe reste Eden Island oubyen bann ki pe ganny $55, 000 Dolar pe pran.  So kwa ki pe ganny fer, eski i annan en plan lo latab pour nou vwar kwa ki pe ganny fer pour tackle sa sityasyon?  Apre mon dezyenm pwen, ou bezwen fer ou lenz dapre ou latwal ki zot annan, nou pa kapab akoz i annan 10 pilot zot met tou le 10 Eden Island!  Nou bezwen vwar ki mannyer nou pour re asses sa bann keksoz. So kwa ki’n ganny fer ziska la, eski i annan en plan lo latab ki’n ganny travay lo la oubyen eski ki prezan ki nou pe al travay lo en plan, la ki nou pe al met sepa konbyen milyon ankor anba Sibvansyon.  So zis sey klarifye sa pour mwan.  Mersi.

 

MR SPEAKER

Minis.

 

MINISTER LOUSTAU- LALANNE

Wi mersi Onorab.  Non i annan bokou keksoz ki’n ganny fer depi ki nou’n la, la dernyen fwa.  Sa cost cutting exercise in kontinyen, annefe in annan menm plizyer pilot etranze ki nou’n termin zot Kontra e zot in ale e nou pour kontinyen fer li ou konpran?  Akoz nou’n redwir nou bann vol lo plizyer destinasyon, la letan nou pe regard sa restriktirasyon oubyen ki nou stratezi moving forward, nou annan en avyon an plis pour le moman.  E Air Seychelles in negosye e nou ankor dan negosyasyon avek en lot Konpanni Aeryen pour nou lwe nou avyon ek zot pour en peryod letan – ziskan tan nou re bezwen nou a repran nou avyon.  So sa osi i part of that cost cutting exercise e letan sa avyon i ale en serten kantite pilot, en serten kantite dimoun ki asosye avek sa avyon zot osi zot bezwen ale.  So parey mon’n dir taler i en keksoz ki ongoing all the time.  Nou’n regarde kote nou pour aste nou spare part, nou’n sorti avek Etihad nou’n regarde ki mannyer nou pour get lo kote manze – in ganny en gran diskisyon nou dir non, non nou pe fly the Creole Spirit nou pa pour al ekonomiz R10 pour nou fer desann nou standar manze – e sa ti en kritik ki bann Cabin Staff ti mete.  So Air Seychelles in regard dan plizyer landrwa kot pour fer desann e sa i en ongoing exercise, sa 2 keksoz mon pa konnen ki mon pe al regarde se sa rent anvil apre sa consultancy.  Air Seychelles in bezwen fer nouvo Konsiltan antre pour vin travay.  Ou konpran?  So i bann keksoz ki nou bezwen depanse e mon ava regarde egzakteman si i zistifye lo la.  Me Onorab ou bezwen siport nou dan lesanz dan sa ki mon pe dir ou Air Seychelles pe fer tou le maximum pour li redwir son bann kou.  In annan serten bann depans initil dan serten landrwa ki nou bezwen aranze.  I annan serten loperasyon Komersyal dan diferan landrwa kot nou santi li osi nou bezwen regarde kot nou pe peye – en kantite larzan.  E sa osi i depan ki nou pour deside fer ek larout Air Seychelles evantyelman.  So mwan mon donn ou mon lasirans, ki mon pe regarde.  Toulezour mon an kontak avek Air Seychelles pour regarde ki nou bezwen fer, so lo sa kote nou pour kontinyen travay pour redwir kou as best as we can.  Nou pa oule fer dimoun aret travay for the sake of fer dimoun aret travay.  Pa ditou.  O kontrer e parey mon’n dir taler nou menm pare pour nou donn en pe plis larzan bann dimoun ki dan Ground Handling ek Air Seychelles, akoz zot osi zot par en Konpannyen enportan.  Mersi Mr Chair.

 

MR SPEAKER

Onorab Ernesta ek Onorab Churchill Gill a quick, one quick question sakenn – relye avek sa ki Onorab Pillay in demande.

 

HON CHURCHILL GILL

Very quick.  Mon kestyon se pour demann Minis sa Partnership ek Etihad, Etihad li i pe fer profi li, preski i annan en kantite Airline pe fly partou nou, nou partner ek li selman nou, nou fer loss.  Eski en assessment in ganny fer pour vwar kwa vreman ki koz sa, ou kapab bref mwan zis pour ganny en nide akoz nou ankor anvi al partnership ek li dapre leksplikasyon, me selman eski nou’n assess nou lekor pour vwar kwa dan sa partnership ki pa marse ki pe koz Air Seychelles pour li fer fas avek sa bann sityasyon?  Mersi.

 

MR SPEAKER

Onorab Ernesta quick question.

 

MINISTER LOUSTAU- LALANNE

Wi, mersi Mr Chairman, e mersi Onorab.  Dabor les mon a presize, loperasyon Air Seychelles Enternasyonal pe perdi larzan lesel, Etihad li osi i pe perdi larzan.  Annefe i pe perdi en kantite larzan, son audited accounts ki’n pibliye 2015 in perdi $1.8 bilyon e parey Prezidan osi in anonse – en bon pe ladan i lye a sa pert larzan ki i ti’n envestir dan Air Berlin; in perdi en kantite larzan ek Alitalia, i pe perdi larzan ek lezot equity partner Airlines osi ki pe fer, so pa zis Air Seychelles ki pe perdi larzan.  Etihad osi pe perdi larzan, me lesansyel se ozordi avek sa Open Sky Policy ki nou annan i vre ki nou annan en kantite nouvo Airline ki pe antre.  E i annan en bon pe ki la ki pe vin Sesel depi en pe letan ki’n pran Market Share ek Air Seychelles, letan Turkish Airline in vini, letan Qatar in vini; ok Austrian Airlines i nouvo li, be li osi in pran market share.  Air Seychelles in aret al Düsseldorf akoz dan en gran parti Air Berlin osi ti’n aret fly li osi i ti sipoze donn pasaze Air Seychelles perdi larzan menm, letan nou’n al Durban Ethiopian Airline ki vin isi li osi in al Durban in fer desann son pri, e nou komans fly Durban Bombay atraver Sesel e nou’n perdi nou plis ki 50poursan nou lot factor deswit.  Nou’n bezwen arete.  So tousala bann dinamik ki’n fer nou perdi larzan.  E alor nou’n bezwen arete akoz Air Seychelles napa sibvansyon.  2017 dan son Bidze, ti en desizyon Komersyal ki li ki ti pran – alor in bezwen arete, napa lot fason.  Letan ou get lavenir devan nou, depi 2013 ziska 2017, nou’n annan nou en ogmantasyon 16poursan seat avyon ki pe vin Sesel.  Letan ou get larive touris Sesel pour sa menm peryod 2013 ziska 2017 ozordi an mwayen son logmantasyon i zis 10poursan.  So ou vwar deza nou annan nou tro bokou seat avyon i pa match sa growth into tourism arrivals.  Bon sa lannen nou pe fer en pe plis zefor parey ou konnen e nou’n ariv nou pros 17, 18 poursan ogmantasyon – nou pe sey catch up.  Me letan nou pe catch up i annan British Airways, i annan Air France ki pour vin enpakte direkteman.  E la mon’n tande mon pa kapab konfirmen ki Qatar Airways pour le moman li osi i anvi vin Sesel ankor.  I vin en fwa toulezour, mon tande i le vin bomaten ek apre midi parey Emirates.  I le vin de fwa li osi e sa semenn pase pa ti lo latab, la mon’n tande i lo latab, be semenn prosenn mon pa konnen ki pour arive ankor.

 

MR SPEAKER

Ok Minis mon krwar ou’n reponn son kestyon.

 

MINISTER LOUSTAU-LALANNE

So ou realize la ki pe arive, i annan en dinamik ki nou bezwen toultan evolye avek.  So i napa en rezon, zis en rezon – i tou sa dinamik ki fer sa loperasyon Air Seychelles déficitaire.  Mersi Mr Chair.

 

MR SPEAKER

Onorab Ernesta en quick question e Minis restrikte ou answer avek respe pangar ou mank ou avyon taler.  Onorab Ernesta.

 

HON PAUL ERNESTA

Mersi Mr Chair.  Bonzour Mr Chair e Delegasyon e tou bann koleg.  Minis dan zot stratezi planifikasyon ou’n nonm zis bann aeryen ki pe vini, me i annan en local company ki pe vini byento, eski zot in factor in sa osi ki pour osi enpakte lo lavenir Air Seychelles ki zot plan anver sa?

 

MR SPEAKER

Minis vitman.

 

MINISTER LOUSTAU- LALANNE

Wi mersi Onorab pour ou kestyon.  Mersi Mr Chairman, ou konnen letan mwan ti vin isi pour mon entervyou nou ti koz en kou lo sa zafer Seychelles Airline.  Mwan mon napa okenn obzeksyon mon, toultan mon’n dir ki i en bon keksoz e mon ti dir ki si zot meet tou bann kriter, son metod bann manual korekteman and so on nou pour aprouve zot loperasyon, i enportan pour annan lezot akter vini.  So mon konfirm ankor ki i annan enn de keksoz pa legal – me administrativ e mon pa oule ki SCAA i dormi lo la.  So depi mon’n tande -mon pa ti dan pei mon’n tande mon’n pran en pe lenformasyon e prezan mon konnen kwa ki pe, ki ankor outstanding e mon demann zot gratwitman deal ek sa zafer e donn aprobasyon le pli vit posib.  Nou pa kapab zis donnen osi, nou bezwen konnen ki avyon, fer sir son lekipaz i train and so and so forth, i annan bann keksoz ki nou bezwen fer sir i la.  Me mon konfirm ek ou Seychelles Airlines in pare i le komanse demen bomaten i kapab komanse demen bomaten.  E i annan mon sipor koman Minis Touris, Lavyasyon Sivil.  I annan 100 poursan mon sipor.  Mersi Mr Chairman.

 

MR SPEAKER

Onorab Afif, mon espere i pa lo Seychelles Airlines?

 

HON AHMED AFIF

Mr Chair mersi.  Mon krwar en koensidans ki sa topik i monte mon ti a kontan tou dabor Mr Chair permet mwan, pour deklar mon lentere dan en Lakonpannyen Lokal ki apel Seychelles Airlines.  Mon en Direkter sa Lakonpannyen; mon ti komans koman en konsiltan.  Malgre ki mwan dir sa mon pozisyon i pa an konfli avek sa ki mon oule demande ozordi.  Mr Chair ou a konnen mon’n, mon ti fer konnen sa pozisyon 2008.  Pardon 2016…

 

MR SPEAKER

Wi mon okouran.

 

HON AHMED AFIF

… lannen pase ler mon ti vin en Manm Lasanble Nasyonal, mon pa en aksyonner.  Mon pa en finansye sa Lakonpannyen mon senpleman en Direkter, apre ki mon ti en Konsiltan pour sa proze.  Mon kestyon vreman pour Air Seychelles, zot in perdi larzan depi 2008 ziska i paret ozordi, 2008 – €3.8 milyon, 2009 €5.3 milyon, 2010 pti profi 1 milyon, 2011 zot in perdi €1milyon, 2014 zot in perdi €10 milyon e 2015 zot in perdi €2 milyon.  Tousala apre ki nou pran sibvansyon ki Gouvernman pe donnen.  Savedir Air Seychelles in kontinyen annan lemorazi depi menm ki Etihad in arive.  Mon kestyon pour Minis se, eski vreman zot annan en vizyon ki kler pour sa Lakonpannyen? Parske konm parey ou’n dir zot in vir an ron, zot in repet menm fot e ozordi nou trouv nou avek 4 gro avyon avek en larout enternasyonal ki pa paret lo sirfas ler nou pe get li pour fer larzan.  Donn nou en lasirans ki i annan en vizyon kler pour Air Seychelles, parske nou tou nou kontan Air Seychelles.  Nou tou nou pa ti a kontan vwar travayer Air Seychelles ki’n train apre tou sa lannen pe trouv zot san en metye.  Me an menm tan nou pe vwar lezot Lakonpannyen Aeryen, sirtou bann etranze ki pe vin Sesel e pe pran biznes, donn nou en vizyon ki zot krwar zot kapab, nou kapab vwar pandan sa prosen 3an dizon ki pour annan mwens avyon Enternasyonal; ki pour arive avek bann staff, konbyen ki kapab vin redundant e kan nou pour aret sibvansyonn sa Lakonpannyen?  Mersi Mr Chair.

 

MR SPEAKER

Minis.

 

 

MINISTER LOUSTAU-LALANNE

Mersi Mr Chairman.  Mersi Onorab pour ou kestyon.  Mon pour bref, akoz mon riske mank sa avyon osi mon pa konnen lekel mon pour pran.  Ozordi Gouvernman avek Etihad sa 2 shareholder prensipal i tou lede lo menm frekans an sa ki konsern fitir Air Seychelles.  Akoz mwan Septanm mon pe regarde de pre sityasyon sa Konpannyen.  E tou diskisyon ki nou’n fer ziska prezan i annan en kantite, i annan en opsyon ki nou vwar i sel opsyon ki pour re met Air Seychelles daplon.  Sa opsyon i demann fer plizyer keksoz.  Mon pa pour kapab antre dan tou son detay la me sa ki mon kapab dir ou se ki enn nou pour bezwen rod nouvo avyon akoz sa bann avyon ki nou annan i pa adapte avek sa ki nou anvi fer.  Sa bann nouvo avyon i bann avyon ki pour pli performan lo plan fuel consumption, lo plan kapasite operasyonnel i pour nepli annan bann restriksyon parey ozordi i annan i annan lo sa bann 320. Me mon krwar ki Air Seychelles pour bezwen degrosi en pe. Alor sa vizyon e sa opsyon tou lede shareholder nou lo menm longueur d’ondes.  Me desizyon final pour ganny pran le 10 Desanm.  E a sa moman la, mon ava kapab retourn dan Lasanble pour mon eksplike kwa egzakteman sa opsyon i ete.  Akoz parey ou konnen Onorab, pour ou ganny en nouvo avyon, menm si ou annan ou larzan dan ou pos ou al kot Boeing oubyen Airbus ou met larzan ater ou pour ganny ou avyon dan 7an; 7an be nou napa 7an pour espere – nou pou’n mor nou pou’n antere.  Nou bezwen rod en lot fason pour nou fer li, pour nou gannyen, akoz sa avyon ki nou bezwen nou bezwen ganny li ozordi, me nou pa pour ganny li par avan kekfwa komansman 2019.  So 2018 i ankor en peryod ase difisil pour Air Seychelles.  C’est pourquoi pour kwa ki nou bezwen gete pour nou lwe sa bann gro 330 pour en peryod enterim fer vini 2 nouvo avyon met li dan nou float.  E ou konnen bann konsekans letan ou annan bann nouvo avyon ou konpran?  So nou pe negosye ek Boeing, nou pe negosye ek Airbus pour nou get the best deal.  Ou menm ou, ou ti kestyon mwan dernyen fwa ou dir mwan sa lalis ek Etihad i tro ser e ou annan rezon, vre i ser akoz ozordi in evalye sa.  So we need the best deal.  Alor wi nou annan ozordi sa 2 shareholders.  I annan menm vizyon for the way forward.  E an 2020 apre ki nou’n entrodwir sa avyon an 2019 an 2020 Air Seychelles.  I go back to profitability – lo son larout Enternasyonal.  Bann pti profi menm pa bann gran profi enorm me nou annan en peryod la kot nou bezwen konsolide e se sa ki nou pe diskite avek Etihad pour regarde ki mannyer finansyerman nou kapab tini le kou ant 2018 ziska larive sa 2 nouvo avyon an 2019.  Si nou kapab fer li vin pli boner, nou fer li vin pli boner si nou pa kapab nou bezwen espere malerezman 2019.  Mersi Mr Chairman.

 

MR SPEAKER

Onorab Afif.

 

HON AHMED AFIF

Mersi Mr Chair.  Zis pour demann Minis si i kapab konfirm avek nou, si dapre son vizyon mon konnen ou pour anmenn plis detay dan detrwa semenn, si ou kapab konfirm avek nou si laflot pour pli gran menm groser oubyen pli pti?  Mersi.

 

MR SPEAKER

Nou pa kapab esper le 10 Desanm.  Minis mon krwar donn li letan, in dir i pe negosye i pour retournen le 10 Desanm i a konnen, apre le 10 Desanm nou a envit li.  Onorab Aglae ou osi ou anvi esper apre le 10 Desanm – oubyen ou le poz ou kestyon konmela?

 

HON EGBERT AGLAE

Mr Speaker monn kestyon pa lo Air Seychelles mwan.

 

MR SPEAKER

Pardon?

 

HON EGBERT AGLAE

Mr Speaker mon kestyon pa lo Air Seychelles.

 

MR SPEAKER

Ok ale.  Ok.

 

HON EGBERT AGLAE

Minis bonzour avek ou delegasyon.  Mon kestyon i lo Lapos.  I annan en sibvansyon ki nou ankor pe donn Lapos 3.5 milyon e nou konnen poudir Lapos li menm li i pa pe rantab son rantabilite dan son core business mon kestyon.  alor, eski Minister Finans pe sey revwar petet core business Lapos li menm pour petet allow li antre dan serten servis adisyonnel, pour li kapab petet vin en pti pe pli profitab anvi ki Lemonn teknolozi in evolye e bokou bann tranzaksyon konmela i online.  E sa ki pe koz serten problenm pour Lapos alors ki pozisyon Minister Finans pour petet revwar en restriktirasyon dan core business Lapos, pour fer li vin pli rantab a lavenir?  Mersi.

 

MR SPEAKER

Good question Onorab Adelaide ou oule demann enn parey avan PS i reponn.  Ale go on.

 

HON FRANCOIS ADELAIDE

Mersi Mr Chair.  Mon kestyon pe, i vin en pti gin lo kote sa akoz vi ki mon’n vwar poudir Postal Regulatory Service, Regulatory Agency – mon vwar poudir i pa pe ganny Bidze pour sa lannen.  E zot, zot annan en Act e mon krwar i Legal zis pour li pa ganny son eski zot in swivre Lalwa pour petet pour zot anpese ki, pa anpese pour pa donn Postal Regulatory Agency son Bidze, pour li kapab travay parey i ti anvi travay oparavan.  Mersi.

 

MR SPEAKER

PS mon krwar sa 2 kestyon i relye, petet ou ti a kontan reponn.

 

PS PATRICK PAYET

Mersi Mr Chair.  Mersi tou lede Manm Onorab, zis pour azoute kekfwa mon a komans dernyen kestyon.  Kekfwa yer ler nou’n prezant Bidze Minister Finans, Komers avek Planifikasyon Ekonomik en keksoz ki nou’n manke pour mansyonnen ki nou pe restriktir Postal Services Agency.  Nou pe restriktir li pour vwar son, akoz ki nou vwar la ou annan en Board e kapasite Sesel kekfwa lo menm Lapos ou napa sa volume ki ou bezwen en Lazans.  So definitivman nou pour vin avek the repeal of the Act very soon sepandan nou pe entegre li dan Departman Trade.  Sa nou’n vwar definitivman nou’n vwar pour nou koman Minister Finans, nou pour vwar fonksyonnman pour reste.  Savedir son Regilater pour reste, son fonksyon, me selman nou pa’n vwar lenportans kekfwa pour sa Lazans reste.  I pour ganny entegre anba Departman Trade.  E sa ki Bidze letan nou’n prezante yer in fini ganny entegre, sanmenm sa ki ou pa’n vwar sa Departman Postal Regulatory Agency ganny sa Bidze.  So i dan Bidze Trade Department me nou pour vin avek the repeal of the Act tre prosennman.  Pour reponn premye kestyon Postal Services – Lakonpannyen, nou’n fer en assessment avek led Public Enterprise Monitoring Commission lo Lapos li menm.  I annan diferan opsyon ki nou pe travay avek; par egzanp enn de the proposal, se les li en pe diversifye par egzanp enn de keksoz ki pa pe fer ozordi pour li kapab, akoz son pozisyon dan Victoria i kapab annan lezot servis ki kapab ofer e ganny larzan.  Par egzanp why not kekfwa antre en pe dan Financial Services pour ou fer par egzanp biznes Bureau de Change, i kapab pa fer li menm selman lwe en pti bout dan son batiman pour Bureau de Change; kekfwa vi ki son lokasyon kot i ete, enn de bann lezot Services ouswa revwar en pe.  Par egzanp bann Postal Box, en keksoz ki nou pe evalye osi par egzanp Praslin – Praslin aktyelman par egzanp ou annan en biro Grand Anse, ou annan en biro Baie Ste Anne e the profitability of sa 2 Biro, so tousala i bann assessment ki nou pe fer avek PEMC e avek Postal Lakonpannyen, pour nou kapab 2018 kekfwa vin avek en plan d’action lo la, pour fer sir ki at least i konm nou vwar sa profitabilité dan long run.  Mersi Mr Chair.

 

MR SPEAKER

Mersi PS. Onorab De Commarmond.

 

HON CHARLES DE COMMARMOND

Mersi Mr Chair, vitman Mr Chair.  Mwan mon ti ava kontan dir avek Minis konmsi let us “call a spade, a spade! ” Dan Lasanble nou, nou bezwen vini dir ki mannyer keksoz i ete akoz ennler nou sey vin diplomatik, me nou bann Manm nou’n fini fer nou bann resers, nou’n fini ganny bann lenformasyon, nou konnen kwa ki pe vini.  Dan lesans ki ler mon’n ekout ou koze mon vwar poudir i annan bann casualties ki pour al arive la.  Avek sa bann sanzman ki ou pe dir garanti si ou pe re organize dan sa fason ou pour shrink – ou pour bezwen met travayer ale kar -serten bezwen annan redundancy.  So ou bezwen dir nou i annan redundancy pour vini, i pa a vin la an Desanm me i a vini komansman lannen oubyen milye lannen.  So ki dimoun i komans prepar li touzour sa ki anvi kite kontrer i ava dir “be mwan mon pa ti pe al soz, zot pa ti pour pous mwan, avan zot pous mwan mon ava komans prepar mon semen ale.” Be lot keksoz, se ki i kler si ou pa pe fer byen lo nivo Enternasyonal koup sa bann flight Paris ou pa pe fer byen koupe.  I annan nouvo Airline ki pe vini, i ava antre ladan i a gete.  Ouver en pe.  Nou, nou pa pe fer byen nou bezwen tire nou ladan.  Akoz son konsekans i tro bokou.  Nou pe fer byen lokalman fantastik, mwan mon ti ava demande ek sa Sibvansyon nou pe donn ou osi get posibilite pour ogmant Vol Domestik, Vol Domestik i manke la, i annan lezot area, lezot landrwa ki nou bezwen ale ogmant ou kapasite vol Domestik, retir ou ek sa zafer Etihad, nou kapab manage nou bout Domestik nou menm, pa bezwen gran, gran zafer plitar ou a gete ki mannyer pour re antre lo kote Enternasyonal.  Petet lo kote Domestik ou ava extend maybe to a certain extent lo nivo rezyonal mwan mon pe vwar li koumsa be pa bezwen al fatig ou ek Enternasyonal les sa ek tou bann lezot avyon gro, gro avyon ki pe vini, zot ava fer sa bout.  Apre ou a konsantre avek ou Cargo ou Handling, Ground Handling ok fantastik.  E mwan mon krwar sa direksyon ki ou devret ale.  I annan en kestyon ki Onorab Afif in demande mon ti’n note la ki ou pa’n mon santi ki larepons pa’n vin byen.  Se sa sibvansyon.  Nou, ou bezwen donn nou en nide kan pour arete e si nou al dan sa direksyon ouswa ou pour dir le 10, apre le 10 ki ou pour dir nou, me nou bezwen konnen nou Lasanble pour ki in future pour nou dir – wi nou pour aksepte ankor sibvansyon, nou ava aprouv sa enn epi pa ankor oubyen nou pour aprouv ankor detrwa, donn nou en nide kler – kan avek sa ki ou pe vwar pour al arete sibvansyon, mon krwar apepre sa.  E lo kote Lapos Minis, PS ti a kapab dir nou ti annan en zafer proze ladres ensidswit ki Lapos in anbark lo la en serten letan, ki zistans sa i ete, eski sa sibvansyon pour ankor enn fwa adres menm issues ki nou pe donnen tou lazournen.  Mon krwar se sa en pti pe.  Mersi bokou.

 

MR SPEAKER

Minis.  I mean PS i annan serten laspe ki ler Onorab William in demande ki Minis in koz lo petet Me, Avril en pe pli kler ki ti annan en serten klarifikasyon ki’n anmennen me tou fason PS apre Minis, PS Payet.

 

PS PATRICK PAYET

Mersi Mr Chair.  Mersi Manm Onorab.  Zis pour azoute kekfwa mon a komans lo sa sibvansyon ki dan Bidze, parey letan mon ti prezant, letan ti ganny prezant Bidze 2017 nou ti mansyonnen ki nou pe negosye tou sa bann liabilities ki outstanding.  So sa sibvansyon ki dan Bidze i pour sa bann outstanding liabilities ki avek laprouvasyon Lasanble last year ki nou ti ganny sa laprouvasyon sa sibvansyon, nou ti negosye avek zot pour zot, pour nou pey zot over Medium Term.  Akoz letan ou regard zot $9 milyon Dolar si nou ti kapab nou ti pour pey zot direk me selman akoz ki nou pa’n kapab nou pe pey zot apepre $1.2 milyon par lannen e lannen 2023 nou pour fini pey sa liabilities e 2024 pour napa ankor sa liabilities ki nou’n agree avek zot dan en, nou’n siny en Lagreman.  Lo kote sa Postal Addressing System ki mon ti mansyonnen letan nou ti pe prezant Professional and Consultancy ki nou ti met en provizyon dan Bidze dan ‘professional consultancy’ pour nou demar sa proze 2018.  Mersi Mr Chair.

 

MR SPEAKER

Lo Lapos oubyen lo, lo Lapos?  Wi go on Onorab Ferrari.

 

HON JEAN-FRANÇOIS FERRARI

Very briefly PS si ou kapab dir nou ler ou pour sanz sa rezim from Agency to Unit – eski bann reminerasyon bann travayer ki pe travay pour degrade, zot pour perdi zot sa…?  Oubyen ou pour ensure ki zot Kontra i ganny respekte dan en sans? Dezyenmman bann travayer Lapos i enn bann ou ava vwar i enn bann travayer ki pli ganny mal peye dan Gouvernman – so mon pe zis dir ou sa pour ler ou pe fer ou bann restriktirasyon get zot osi silvouple.  Mersi.

 

MR SPEAKER

PS oule fer komanter, oubyen nou al kot Minis pour reponn kestyon Onorab De Commarmond. PS.

 

PS PATRICK PAYET

Zis pour azoute Mr Chair, mersi Mr Chair, mersi Onorab; ki definitivman ki letan nou pour, i annan sa restriktirasyon dan sa Lazans letan i pe vin anba Departman Trade, nou pour fer sir ki Kontra ki egziste ozordi sa dimoun, bann dimoun ki la pa pour perdi.  Be definitivman i the whole package ki zot pour bezwen vin lo package Minister Finans aprezan once ki zot Kontra i lapse.  Kekfwa i kapab en benefis osi pour zot dan sa fason osi.  Mersi Mr Chair.

 

MR SPEAKER

Mersi PS, Minis nou annan, nou esper ou donn repons i annan en dernyen entervenan apre, nou a donn ou la parol, Minis Loustau Lalanne,

 

MINISTER LOUSTAU- LALANNE

Mersi Mr Chairman, mersi Onorab sa opsyon konsantre zis lo Domestik, Ground Handling, Cargo Handling VIP parey mon’n eksplike tousala i fer larzan.  I en opsyon, me pour mwan sa opsyon i pa permet Air Seychelles – si ou le grandi, nou pour fer larzan me nou fer en pti gin larzan, letan mwan dir en pti gin, en bon pe.  Me konmsi no potansyel i mank en pe la, alors sa opsyon ki nou prefere.  E parey mon dir ki Gouvernman avek Etihad pour le moman apre sa bann premye diskisyon nou prefere i annan en eleman 2 nouvo avyon ladan.  So sa loperasyon Enternasyonal pour kontinyen me nou pour al lo larout ki ozordi nou pe fer larzan avek, ok?  So nou riske annan nou 4 larout pa dir mwan antre dan bann detay akoz taler ou pour tande en lot Konpannyen osi i pe vin Sesel i pe pran sa larout, ou ganny mwan?  Se pour sa ki nou pa kapab antre dan sa bann detay, ou ganny mwan?  So vwala.  Bon lo redundancy – wi i annan en prosedir parey ou konnen, Air Seychelles nou’n deza fer en redundancy nou annan en template si ou le.  Me mwan sa voyaz letan nou pour ariv sa staz lannen prosenn, parey mon’n eksplike kekfwa dan Avril nou pour bezwen fer li korek dan lesanz ki si i annan serten Anplwaye ki le ale, mon ava ofer zot ale avek en proper handshake  -korek.  Parey nou’n fer dernyen fwa, si Air France i oule detrwa Cabin Crew nou komans dir ek Air France ozordi ankor nou ankor an negosyasyon ek zot pran detrwa zenn fir Kreol, met lo ou avyon.  So nou annan posibilite e i dan nou devwar pour nou sey aranz sa sityasyon.  So nou proactive lo la.  Mersi Mr Chairman.

 

MR SPEAKER

Onorab Ramkalawan, Onorab De Commarmond ou annan en dernyen kestyon.

 

HON CHARLES DE COMMARMOND

En ptipti zafer wi, savedir pour ou minimiz bann casualties.  An menm tan si ou ti kapab pe mazin lo sa bann pilot, i annan anviron 19 pilot ki pe train an Sid Lafrik ki zot pou’n fini la si ou re aranz ou sistenm Air Seychelles la riske zot napa plas, savedir i bezwen annan en plan osi pour travay avek Human Resource Development pour vwar in future osi ki sa nou pour train, sa ki pa pour train kot pour mete, kot pa pour mete.  E ti a bon ou get osi sa bann pilot ki pe vini si zot kapab fer sir zot ganny en plas lo bann avyon.  Mersi.

 

MR SPEAKER

Minis briefly lo pilot.

 

MINISTER LOUSTAU- LALANNE

Wi mersi Mr Chairman mon krwar ki parey mon’n dir nou oule reste proactive pour nou fer sir ki nou minimiz sa bann sityasyon apartir lannen prosenn.  Mersi bokou.

 

MR SPEAKER

Onorab Ramkalawan.

 

HON WAVEL RAMKALAWAN

Mersi Mr Chairman, Mr Chairman mon premye kestyon i konsern sa Kontra IBM ki ti pe ganny – IBM Contract pour zot IT parske sa dan laliny lemorazi parske avan sa sete zis Seselwa ki ti ape fer e ozordi sa in ganny Kontra etranze e i pe kout nou Lakonpannyen en kantite larzan.  E bann senp pti keksoz bezwen al Lenn ensidswit pour ganny lenformasyon.  Eski zot pe mazin re negosye sa pour re donn Seselwa sa e sa pour zot a mwen ser e an plis ki sa donn Seselwa sa manze.  Sa Biro ki nou pe koz lo la mon krwar i enportan pour nou, sa biro anvil vizavi Kordgard ki zot ti fer zot Corporate Services ki obor Kordgard ki zot ankor pe pey R40, 000 ki zot plan lo la? Nou pe vwar la ki Air Seychelles son rates in ganny anonse pour cargo, storage pe monte sorti R1 pour vin R3. 50 si zot pa krwar ki poudir zot timing pa en bon zafer la, spesyalman ki nou pe koz an term pri lavi desann e Cargo by Air i deza pli ser e la si zot pe al ogmant ankor e konmsi ou kapab donn nou en pti git osi ki zot plan? Mr Speaker mon kestyon final se pour demann Minis, apre tou sa ki nou’n antann bomaten e apre tou bann refleksyon eski Sesel Air Seychelles i ankor bezwen en partnership avek Etihad oubyen eski i pa’n ariv ler pour nou dir avek Etihad – mersi bokou ti byen ler nou ti la ansanm me ki la aprezan nou krwar ki nou reste zanmi, me selman les nou fer nou zafer nou menm.  E nou ava manage parske sa ki mon pe eksprimen la se bann dimoun, bann Seselwa kalifye ki dan Air Seychelles zot menm, ki pe dir sa.  Mersi bokou.

 

MR SPEAKER

Minis dir nou si pour annan Divors oubyen si pour napa.

 

MINISTER LOUSTAU-LALANNE

Mersi Mr Chairman, mersi Onorab Leader Lopozisyon.  Wi letan mon ti’n ganny poze sa kestyon lo Kontra ek IBM parey ou’n fer referans avek, mon ti demann Air Seychelles pour fourni mwan en leksplikasyon.  Mon pour onnet avek ou, mon pa ankor resevwar sa leksplikasyon, me pour bann pwen ki ou’n avanse efektivman si i pli ekonomik pour nou fer li isi parey nou ti annan avan mwan ava regard sa sityasyon e mon ava konfirm ek ou apre ki desizyon nou pour pran.  Rent nou’n fini koz lo la mon pa pour remont lo la, mon pe al fer aret sa rents si nou pe rent e building i vacant nou pa pe servi ditou.  So pa vo lapenn so sa nou kler, Cargo Rate mon avoue mon pa okouran ki’n sorti R1 in al R3.00 mon ava regarde e ou ava port mon latansyon lo la avan mon pran sa avyon taler pour mwan ale.  Kestyon Kle ki ou’n poze se sa partnership avek Etihad.  Parey mon’n deza fer mansyonnen oparavan mon krwar ki san Etihad nou ti’n mor depi 2mil, fen 2011.  Etihad in ed nou en kantite e o frir a mezir kot nou ti vwar ti annan serten rizidite lo kote Etihad nou’n nobou annan en lot model travay avek Etihad.  Dan sa sityasyon aktyel akoz annou pa bliye ki Etihad osi li ki annan Management Contract pour manage Air Seychelles.  I realize ki sityasyon ki nou ladan pa en bon sityasyon e diskisyon ki nou annan avek zot i ankor konfirmen zot langazman pour siport Air Seychelles a 100 poursan, sa mon annan in writing.  So i pa en zafer parey ek Air Berlin kot in perdi en ta larzan zot zis cut and run ki ou fer dan biznes, i parey avek Alitalia kot ankor zot in met en kantite larzan, zot ti’n pre pour met plis larzan me avek serten Kondisyon pa’n marse they cut they run.  Nou osi nou ti en pe per ki kekfwa sa i kapab arive osi akoz nou an déficitaire, zot aksyonner i kapab arive, me mwan konfirmen ki se pa le ka.  So a ler aktyel zot ankor angaze a 100 poursan, annou esper rezilta le 10 Desanm akoz sa Board Meeting i at the Etihad Aviation Group konmsi i pa zis Etihad Airways la i annan i go through the group Board Meeting pour nou vwar son rezilta.  Akoz son rezilta ki pour dir nou si efektivman zot 100 poursan committed ki zot in konfirmen in writing.  E mon ti a prefere reponn ou kestyon dan son detay post le 10 Septanm, la tou zafer i dan le 10 Septanm la, 10 Desanm pardon.

 

MR SPEAKER

Tre byen mersi Minis, le 10 Desanm nou a esper rezilta, Onorab Ramkalawan ou annan en supplementary?

 

HON WAVEL RAMKALAWAN

Mr Chairman mwan osi mon ava esper le 10 Desanm, me mon ti ava zis kontan met devan Minis, eski dan milye tou sa ki ou’n dir zafer Polisi Cut and Run eski nou pa dan en sityasyon kot zot pa pe cut and run avek nou se parske finalman Air Seychelles zot pe byen pase zot; zot pe byen pase, zot lwe zot avyon bokou pli ser avek nou ki si nou ti al kot en lot Airline; zot pe manage tou nou bann keksoz la poursantaz seats ki zot annan lo Air Seychelles i o, anfet mwan mon’n ganny dir ki mazorite i Etihad, Air Seychelles li, konmsi zot pa pe cut and run, akoz zot pe byen pase lo nou, nou ki pe perdi, mazin sa byen – pa nou ki devret cut and run?

 

MR SPEAKER

Ok, Minis.  Minis.

 

MINISTER LOUSTAU-LALANNE

Mersi Mr Chairman, wi mwan kontan sa deba mwan. Onorab non akoz zot in ed nou enormeman…

 

MR SPEAKER

Ok.

 

MINISTER LOUSTAU- LALANNE

Dan lesanz ki nou pa pe demann Lasanble pour met plis larzan, akoz zot ed nou osi finansyerman; zot ed nou finansyerman.  So sa 40 poursan ki zot annan la they keep up to it e kekfwa en pe plis menm.  Mersi bokou.

 

MR SPEAKER

Ok Minis, mon krwar nou’n kler ki pe ed nou alor nou pa annan sa separasyon, ganny sa Divors.  Avek sa PS eski nou kapab pran en vot la lo sa 3 laliny, si ou a remind nou ankor paz e konbyen avan nou pran en vot? PS Payet.

 

PS PATRICK PAYET

Mersi Mr Chair nou lo paz 33, Subvention to Public Enterprises pour en sonm R21.52 milyon.  Mersi.

 

MR SPEAKER

Nou pe pran zis lo sa premye, lo sa enn la?

 

PS PATRICK PAYET

Wi nou pour pran an total R21.52 milyon.

 

MR SPEAKER

21.5 ok tou dimoun, tou bann ki pour lev zot lanmen?  Clerk.

 

MADAM CLERK

Mersi Mr Chair, 17 Manm an faver.  Mersi.

 

MR SPEAKER

Savedir ki Lasanble in aprouv sa Bidze.  PS Payet.

 

PS PATRICK PAYET

Wi Mr Chair wi an total – yeah.

 

MR SPEAKER

That was it?

 

PS PATRICK PAYET

Yes that was it – yeah.

 

MR SPEAKER

Mr Minister ou PS mon krwar i annan zis zot 2 ki la ozordi, mersi pour ou letan ki ou’n vini, tou de bon.  Fotespere ki nou kontinyen travay e mon krwar parey in ganny dir ki nou National Airline i fer mye e nou swet ou all the best dan ou travay avek ou PS.  Mersi nou a eskiz ou e vwayaz byen ozordi mon pa konnen si ou pe al kot ou pe ale, me vwayaz byen.   Ahr ou pe al lo bann Zil Lokal, bon enjoy dizef zwazo laba si i annan.

(laughter)

 

MR SPEAKER

Mon krwar avan nou Break en pti joke Mr Lalanne.

 

(MINISTER LOUSTAU-LALANNE AND HIS DELEGATION WAS EXCUSED FROM THE HOUSE)

 

 

MR SPEAKER

Avan nou Break – PS Payet konmsi yer pa ti annan lenformasyon ki sipoze donn nou ozordi?  Eski ou pour donn nou taler ler nou a tournen?  PS Payet, wi konmsi ti annan keksoz ti pour anmennen ozordi?  PS.

 

PS PATRICK PAYET

Yes Mr Chair, ou menm si ou anvi mwan komanse la ouswa letan nou retournen.

 

MR SPEAKER

Mon krwar le nou tournen non?  Ler nou tournen nou a fer en sel zafer PS ou a ganny letan bwar en tas kafe so, bon mersi nou a repran 11er.

 

 

(BREAK)

 

 

PUBLIC ENTERPRISES MONITORING COMMISSION – PEMC

 

 

MR DEPUTY SPEAKER

Bon nou ava kontinyen nou travay, PS zis gid nou lekel ki nou pe pran bomaten la pour nou kontinyen. PS Payet.

 

 

PS PATRICK PAYET

Mersi Mr Chair, Mr Chair mon pa konnen si zot ti le kekfwa enn de sa bann lenformasyon ki zot ti request Minister Finans rode yesterday – ouswa nou pour pran premye PEMC apre sa bann lenformasyon, kekfwa gid nou, nou a pran PEMC avan, ok?

 

MR DEPUTY SPEAKER

Ok nou ava … Ok, yes.

 

PS PATRICK PAYET

So i lo paz 201.

 

MR DEPUTY SPEAKER

Ok bon mon ti a kontan welcome parmi nou Mr Georges Tirant – CEO, Public Enterprises Monitoring Commission, Madam Verona Rose son Senior Business Analyst avek Ms Dora Henry Administrative Officer.  Bon mon ava demann tou Manm ki pour entervenir, ki pour demann kestyon pour lo PEMC pour lev lanmen.  Ok Madam Clerk.

 

MADAM CLERK

Mersi Mr Chair; lo kote Parti Lepep mon annan selman Onorab De Commarmond e Onorab Churchill Gill.  Mersi.

 

MR DEPUTY SPEAKER

Madam Deputy Clerk.

 

MADAM DEPUTY CLERK

Mersi Mr Chair, lo kote LDS mon annan Onorab Ramkalawan, Onorab Afif, Onorab Henrie, Onorab Ferrari, Onorab Esparon, Onorab Andre avek Onorab Larue.  Mersi.

 

MR DEPUTY SPEAKER

Ok.  Nou a komans direkteman avek Onorab Flory Larue.

 

HON FLORY LARUE

Mersi Mr Speaker, bonzour tou dimoun.  Mon ti a kontan demann mon kestyon apropo bann dernyen odit ki’n ganny fer akoz PEMC i kouver tou bann Entity Gouvernmantal, si zot kapab donn nou en feedback lo spesifikman L’Union Estate La Digue, akoz i enn bann keksoz ki’n ganny mansyonnen souvan akoz letan ki zot fer zot bann monitoring ki letan zot donn en feedback bann Board pa konsider sa ki zot in donnen silvouple?

 

MR DEPUTY SPEAKER

Mersi Onorab. Mr Tirant.

 

CEO GEORGES TIRANT

Bonzour Mr Chair, bonzour Leader of Opposition and Government Business and tou bann manm Onorab, Minister e son Delegasyon e osi tou bann mon bann frer ek ser Seselwa ki pe ekout nou ozordi.  Kote bann, mon pe mazinen Onorab Larue pe koz lo bann audited financial statement ki en requirement dan Lalwa pour lannen 2016 e osi annan serten parey IDC – i son end of year i fini 2017 an Mars, nou annan zis 3 outstanding; e L’Union Estate i form parti enn ki pour lannen 2016.  Me parey mon konnen Lasanble i okouran e FPAC osi i okouran pour L’Union Estate vi ki ou’n, Onorab in koz lo sa entity li menm Rapor 2014-2015 in konplete par Oditer.  And dan en Rapor ki nou’n dan antretyen avek zot, i fini sinyen par tou bann Board Members e in donn Oditer e sa i devret konplete, submit to PEMC without any delay.  Tandis ki Rapor 2016 pour lannen pase, savedir mon pe koz 2014/ 2015, 2016 vi ki ti annan sa bann retar 2014/2015 li son bann dokiman financial in fini donn, bann dokiman in fini ganny soumet avek Oditer, zot oditer external auditor.  E sa zot pour bezwen fer li akoz 2017 lannen pe fini e i annan en requirement by Law ki zot pour bezwen – L’Union Estate in ganny dir ki pour bezwen comply so… E lo kote sa bann external auditor me selman lo nou kote nou osi letan nou pran tousala parey zot okouran PEMC ti fer li en Operational Assessment of L’Union Estate an 2016.  e la ti annan bann rekomandasyon ki ti ganny donnen e parey nou tou nou okouran FPAC apre sa Rapor osi in fer son bann rekomandasyon – e zis pour averti sa Lasanble ki apre mon lapwentman e avek endorsement Chairman PEMC nou’n santi ki i neseser pour nou go back to L’Union, vwar dan tou sa bann rekomandasyon kwa ki pe ganny fer.  So nou ti spend apepre 3 zour vi ki La Digue e nou’n re odit li spesifikman regard tou sa bann rekomandasyon, ki’n ganny mete dan nou bann Rapor e vwar kwa ki’n ganny adrese.  E la tre byento nou pour sorti en Rapor, be pa zis en Rapor pour donn L’Union e i pour annan en bann rekomandasyon e nou travay tre pros avek Minister Finans e la e osi i annan, annou pa bliye i annan osi Government Audit Committee ki nou’n, mon’n zwenn son Chairman; e kot la ban rekomandasyon i pa kapab ganny zis shelved i pour bezwen ganny adrese e sa dan mon manda depi apre mwan lapwentman sa mon kler lo la i pour bezwen ganny adrese.  Mersi.

 

MR DEPUTY SPEAKER

Mersi Mr Tirant.  Onorab Larue.

 

HON FLORY LARUE

Mersi Mr Speaker follow-up avek sa letan PEMC nou get son rol i ede pour monitor sa bann Lazans ki i earn; nou vwar ki L’Union Estate i en earner pour Gouvernman e en par son bann monitoring ki i ti fer ki parey in ganny mansyonnen ti monte dan sa lenvestigasyon FPAC ti ganny fer La Digue.  Alors si bann monitoring bann keksoz ki ganny idantifye la parey mon pe donn sa legzanp kler in ganny idantifye pli boner sa lannen me la ziska prezan i annan serten keksoz ki pa ankor ganny enplimante, i fer ki i vin en loss ouswa en expense pour Gouvernman.  Akoz sa i en biznes Gouvernman sa, mon kestyon i baze lo ki mannyer letan zot in monitor, zot in donn en gidans en body Gouvernman zot pa pe enplimante?  Dan sa ka i annan en Restoran obor lanmer ki ziska prezan i pe kontinyen son fonksyonnman.  E an plis ki sa i pe servi kouran ki sorti lo L’Union Estate dapre mon pe konpran – i napa son meter pour li menm.  Konmsi bann keksoz koumsa ki montre ki kantmenm zot in fer, zot in donn en rekomandasyon en Board – still sa keksoz i continuous e sa i afekte income ki nou gannyen pour sa Bidze.  Mersi.

 

CEO GEORGES TIRANT

Mersi Onorab, Mr Chair.  Se pour sa letan nou’n get sa Rapor ki ti ganny fer, ti en bon Rapor, me selman dan nou nouvo fason travay avek sa pti gin resours ki mon annan i pa pour zis fer en Rapor, i pour fer rekomandasyon e donn en time frame kot sa rekomandasyon i devret ganny adrese.  I vre ki ozordi Lalwa ki mannyer i ete as it stand i pa tro mal sa Lalwa, me selman i mank ledan so dan … par egzanp la nou pe posib pour averti, pour advise zot nou pe dir amend sa Lalwa i annan en Komite ki pe travay lo la deza.  Sa Lalwa i bezwen donn, permet mon’n fer en pe resers par egzanp dan bann Zil Caraïbe kot sa equivalent of PEMC i osi annan en rol pour zwer dan lapwentman Board Members and CEOs of bann Public Enterprises.  I annan en rol pour zwe dan re apwentman me i annan en rol pour zwe letan keksoz pa pe marse, pour donn en rekomandasyon ek Lotorite ki apwente, pour osi kapab pran bann mezir neseser e osi kot bann Director’s i liable anba Lalwa.  Akoz sa i en, i ava anmenn devan.  Prezan Gouvernman e osi bann Parlmanter zot ava kapab, zot debat lo la e vwar si sa i zistifye pour Sesel – ok? Me selman lo nou kote i vre in fer sa Rapor me dan sa nouvo follow up Report ki nou pour fer, sa Review i pour annan bann time frame kot nou pour donn li adres sa – ok? E la nou’n, nou pa pour kapab al detay nou Rapor akoz i pa ankor fini e zis parey letan nou, sa Rapor tre byento i pou’n pare nou pour submit ek nou Board pour zot endorse sa Rapor lo L’Union – sa dezyenm Rapor e from la nou a donn li L’Union 1 semenn petet koman pour li come back to us pou li dir nou “be sa i zistifye, sa i pa zistifye” parey bann Oditer i fer e from la nou ava, letan in fini donn nou, nou ava submit li avek Minis Finans, Lasanble Nasyonal e osi Prezidan Larepiblik.

 

MR DEPUTY SPEAKER

Mersi Mr Tirant.  Onorab Andre.

 

HON CLIFFORD ANDRE

Mersi Mr Chair. Mr Chair mon ti a kontan demann CEO lo paz 201 bann current challenge ki zot pe rankontre e absence of Code of Governance applying to all State Enterprise, dezyenm i dir “some Public Enterprise still do not submit Annual Audited Accounts by the end of April” ki aksyon zot pe pran?  E letan ou dir “governance apply, – Code, the absence of Code of governance applying to all” eski i annan ki serten e parey ou’n dir Lalwa i pa ase morde, kan zot pe mazinen pour modifye sa ki i a pran konsiderasyon tou bann Enterprise?  Letan ou’n dir ou strategic priorities 2018 /2020 lo paz 202 ou dir “conduct of operational and governance assessment on the remaining 14 Public Enterpriseso eski i ou kapab dir nou konbyen ou’n fer? Aprezan ou’n dir nou i annan 14, so i paret ou’n fer mwens letan mon get ou bann soz, mon vwar i annan 20 – si sa i korek?  Apre letan nou pe get ou lo paz 202 ou, pour saler ‘’compensation for employees’’ i 3.7milyon, eski avek sa travay ki ou Lorganizasyon i annan pour fer, sa larzan i ase pour ou retain oubyen anploy bann staff ki i annan konpetans pour kapab fer sa louvraz?  Akoz mon konnen i en louvraz spesyalize kot ou bezwen antre?  E eski sa bann staff i ganny bann risk allowance akoz letan zot antre dan landrwa travay mon prezimen letan zot pe al get kont, touzour i annan bann lensilt ki vin avek – i kapab annan bann lakoler ki monte, eski zot gannyen konsidere bann allowance ki apropriye?  Mersi.

 

MR DEPUTY SPEAKER

Mersi Onorab. Mr Tirant.

 

CEO GEORGES TIRANT

Mersi Mr Chair, mersi Onorab, i paret mon pa’n ganny ou 2 premye kestyon me selman les mwan mon a reponn sa trwazyenm kestyon, apre mwan koleg i a gid mon, letan nou pe koz, mon a koz sa enn lo operational assessment en, i vre letan mon’n vwar ladan i en pti pe anbisye mon krwar i enportan mon mansyonnen poudir, ki ozordi dan apepre 8 staff – CEO plus 7 i annan, actually i annan 2 pos ki vacant ; me selman kote teknik bann dimoun, bann teknisyen spesyalize dan sa domenn nou annan 5 post e ladan 1 i vacant.  Me selman actually nou pe fonksyonn nou avek 4 officers dan nou loperasyon.  So pour sa lannen 2017 sa ki ongoing dan bann operational assessment nou annan Seychelles Ports Authority ki nou’n fer nou en operational, – en Project Management Audit.  I pa en complete Operational Assessment Audit akoz sa ti pour pran bokou resours e la nou ti met nou 2 en serten fwa 3 e sa in depi 2017 en, mon’n zwenn li i ti koman, in komanse.  E sa yer ti Deadline pour nou Board donn nou zot sizesyon e as from today – si Malerezman yer swar ler mon’n vin isi mon pa ankor ariv biro e bomaten mon’n vin direk e ozordi sa Rapor pe ganny submit avek Chairman Board Ports Authority pour zot, a donn zot en dele letan pour zot come back to nou to PEMC ek nou bann findings e rekomandasyon.  E petet nou a donn zot en semenn e from la apre sa semenn savedir an Desanm nou ava kapab issue sa Rapor.  Nou annan osi, actually nou pe fer en lot enquiry i pa en gro Rapor – me selman anler nou resevwar bann tips, de fwa internal avek petet en dimoun anler nou resevwar bann sours eksteryer nou’n ganny, nou pe fer en pti Assessment en enquiry lo Seychelles Pension Fund – en investment pour nou kapab zistifye.  Akoz annan de fwa i annan alegasyon ou bezwen fer sir lo sa kote.  Nou annan … nou’n ganny directed by nou Board pour osi al fer operational audit lo PMC  – mon kapab dir ki ti annan en Rapor ki’n ganny fer lo PMCProperty Management Corporation – an 2017.  Sa ti ganny fer an Mars 2017.  Me selman petet lannen prosenn nou pe mazin retourn laba akoz i annan serten lenformasyon ki nou anvi dir, nou anvi regarde so 2017 ti annan sa Property Management Corporation; i annan byensir L’Union Estate ki nou’n mansyonnen e ki pour tre byento ganny issue; i annan osi Ports Authority.  Nou’n … dan nou plan ek letan ki pe arive i en pe difisil, me selman 2018 nou pe al fer enn SPTC – ok?  E sa i bann planifikasyon ki nou pe fer.  Mon pe mazin osi STC.  Be nou bezwen asize get nou resours – get bann risk ki i annan, e vwar lekel ki pli riske pour kapab byen planifye.  Si ou pour koz ek mwan lo… vre nou saler – parey mon’n dir anba bann common cadre i tonm anba DPA ki fer zot Scheme.  Me selman PEMC ti travay lo en Scheme of Service ki ti prezant avek DPA, e ti en Scheme ki ti’n byen travay lo la e DPA in come back to nou sirtou ver middle ground en, zwenn nou dan milye – akoz zot ti pe vwar en pti pe tro o.  Me selman i enportan pour ki Gouvernman i konnen i en parey ou’n dir mon byen kontan i en area tre spesifik – ok?  Ozordi par egzanp ou annan ou officers with Masters in Finance i enportan pour nou recruit dimoun osi dan Lalwa, akoz ler ou koz governance sa bout Lalwa.  Ou annan ou par egzanp, ou annan lezot Officers ki annan background Business and Finance ou annan Economics and Finance ou annan ou ki annan ACCA plus en Masters in Governance and Leadership.  So sa mon kapab dir sa 4 officer ki mon la ozordi mannyer mon vwar zot pe devoue zot la akoz leker i dan sa louvraz.  Zot anvi vwar en diferans pour lenstans sa bann dimoun petet pe mazin larzan pour al dan sekter prive.  Me mon espere sa Scheme i a benefisye en pe, me nou bezwen pran konsyans poudir ki sa Lotorite i bezwen evolye pour li grandi, pour li kapab perform e … Akoz son rol i primordyal li pour anpes larzan perdi.  Pour fer sir ki bann Public Enterprise i efficient e si nou kapab fer sa i pour ed nou, i pour ed pei, i pour ed Bidze li menm.  Sa i mon konviksyon.

 

MR DEPUTY SPEAKER

Mersi Mr Tirant. Onorab Andre.

 

HON CLIFFORD ANDRE

Mersi Mr Chair.  Mr Tirant letan ou’n reponn ou’n dir nou ou bezwen get resours ki available letan ou’n nonm nou sa ta, sa kantite Lorganizasyon ki ou bezwen Public Enterprise ki ou bezwen al investigate ou dir ki zot bezwen osi get zot resours.  Mon ti a kontan poz sa kestyon avek Minister Finans, an vi ki sa parey mon’n dir i highly specialized – e mon konsider li osi high risk, akoz nou pa met resours adekwa?  Konmsi letan nou konnen ki poudir ozordi Sesel sa scrutiny ki sirtou sa Lasanble FPAC pe fer i anmenn bokou kestyon kot nou pe, nou oule revwar nou oule konnen ki mannyer larzan in ganny depanse, akoz pour anpes sa depans, sa gaspiyaz si oule akoz nou pa met resours available avek Entity ki li osi i kapab fer sir dan ka Lorganizasyon Mr Tirant PEMC i kapab fer sir ki i get dan bann depans ki sa bann Public Enterprise pe fer, dan plas nou esper li annan 10 travay ki bezwen al fer apre i bezwen retourn kot Gouvernman pour li demande donn mwan en pe larzan akoz mon napa larzan pour mwan al fer sa travay?  Konmsi nou pa pe met priyorite kot priorities is due?  Mersi.

 

MR DEPUTY SPEAKER

Mersi Onorab, Mr Tirant?  Ok PS Finans.

 

PS PATRICK PAYET

Mersi Mr Chair, mersi Onorab, zis pour regarde kekfwa lo paz 202 nou pour vwar ki kekfwa 2017 the Revised Budget ti 6.2 e ogmantasyon la ki nou pe demande i 7.8.  So definitivman in annan ogmantasyon dan Bidze.  Kekfwa kestyon se additional capacity, be en keksoz mon krwar i, nou’n donn en pe pos dan Bidze, me selman ou konnen ki kekfwa resources available nou pa’n donn tou pos ki zot in demande.  Sepandan mon krwar en keksoz ki nou’n travay avek nouvo CEO letan in vini, e nou pe travay avek IMF osi, pour train sa bann staff e osi asiste zot ki zot vin annan more capacity ou kapab dir.  Mon krwar dan le 10 Desanm i annan en Team from IMF pe vini pour asiste zot en pe lo bann risk assessment pour fer sir par egzanp letan zot pe al, si zot odit zot annan sa kapasite pour fer en pe bann risk assessment.  E nou anvizaze apre dan Bidze 2019 pour fer sir ki nou annan en detay Rapor lo bann Risk of bann Public Enterprise.  So sa i osi bann avenue ki nou pe tap-in i pa zis kekfwa additional resources, be selman avek Africa South vi ki nou annan sa Korperasyon, pour donn sa training kapasite nou bann staff internally not just PEMC be osi Minister Finans.  Mersi Mr Chair.

 

MR DEPUTY SPEAKER

Ok mersi PS Payet. Onorab Andre.

 

HON CLIFFORD ANDRE

Mersi Mr Chair; en pti follow- up, PS Payet ou’n dir nou i annan bann Scheme of Service ki zot pe gete e ou’n met sa logmantasyon osi pour sa, letan mon pe get ou ‘’approved new spending initiative’’ ki lo paz 203 koriz mwan si mon mal, mon vwar Compensation for Employees i zis en logmantasyon R210. 45mil.  So pour mwan we are not doing justice to the Commission.  Koriz mwan si mon mal.  Mersi.

 

MR DEPUTY SPEAKER

Ok, PS.

 

PS PATRICK PAYET

Mersi Mr Chair kekfwa pour detaye kekfwa mon a, kekfwa sa i zis new initiative.  Zot Saler kekfwa pour azoute Payroll ki zot annan Avril i pour kout zot R2 milyon – zis staff ki appear lo April Payroll.  Pour Vacancy April/ December 2017 – 641, 000, Promotion 213, 000, others mon’n vwar 384, 000 confirmation in post 134, 000.  Apre apard sa Scheme of Service.  So definitivman kekfwa i pa’n detay parey lo Manpower Budgeting Exercise me ou vwar ki napa zis sa Scheme of Service, i annan bann lezot eleman ladan osi.  Mersi Mr Chair.

 

MR DEPUTY SPEAKER

Mersi PS.  Onorab Esparon.

 

HON REGINA ESPARON

Mersi Mr Speaker. Mr Speaker swivan sa kestyon ki Onorab Andre in demande mon osi vwar dan ‘wages and salaries’ la i annan en ogmantasyon sorti 813,000 lo paz 204 pour vin 1. 26 milyon, eski sa i pran kont bann nouvo staff ki zot pe anploye?  Epi mon dezyenm kestyon se ki lo paz 203 mon vwar en sonm 736, 000 anba ‘’new office’’, kote zot pe anvizaze fer sa nouvo Lofis e ki grander lespas zot pe al servi?  Mersi.

 

MR DEPUTY SPEAKER

Mersi Onorab. Mr Tirant.

 

CEO GEORGES TIRANT

Mersi Mr Chair – petet zis mon a retourn lo en kestyon Onorab Andre lo Code of governance vi i annan, i en benchmark parey revizyon Lalwa e osi en lot benchmark i cost of social obligation par IMF.  Ler nou pe mazin li an Mars vi ki nou pe, Lalwa nou pe target li pour Zen 2018.  E ‘code of governance’ i, nou pe mazin li akoz i bezwen form parti Lalwa ki dir ou kapab etablir sa, petet maximum March 2019 e si nou kapab avan.  E i en keksoz ki pour esansyel me selman nou bezwen travay avek Minister Finans e bann peers pour zot kapab konpran what is a code of governance. Kote kestyon Onorab Esparon, lo kote new staff ki mon’n note nou pe parey nou’n dir i annan 3 nouvo staff me selman 2 at the end of the day ti form parti 2017 – ki pa ti kapab ganny recruit akoz landrwa mon mazinen nou ti Orion Mall ti napa lespas; i pa ti conducive.  Me Bidze in fer provizyon ki nou recruit 2 principal officers e osi en senior IT – me sa ankor nou ankor pe diskite savedir 3 for next year.  E apre nou fek ganny en drayver apartir ozordi dan en savings ki nou ti’n fer. E lot kestyon ki regarding Lofis dpi 2013 PEMC ti antre dan Lofis ki Fair Trading Commission ti pe okipe Orion Mall letan Fair Trading ti bouze pour al Unity House. E e parey zot pour okouran poudir sa landrwa i tre Komersyal, tre tapaz, i annan bokou tapaz i annan en Gym par lao.  E neseser ti ganny fer pour resorti apre ti annan osi ti pe ganny bann fungus anndan e ti’n komans negosyasyon pour sorti pour ganny landrwa mon okouran ki poudir PEMC ti anvi bouz dan Esplanade Building obor Nouvobanq.  Me sa pa ti ganny laprouvasyon avek DPA akoz zot osi zot bezwen donn en “say” lo kote kot ou pour ale.  Me osi fodre nou dir ki son rent ti vreman ser a sa lepok mon krwar ti R600, so nou ti ganny demande pour nou bouz Providence.  Nou actually depi out nou’n relocate dan Sunshine Building, Sunshine House Providence i sa premye sorti kote kos apre Pangia kot pe ganny konstrir par lao Cable & Wireless lo 3rd Floor.  I annan apepre 11 Lofis, ki mannyer sa building i ete li menm son bann Lofis i en pti pe gran, me selman i pour enportan pour nou osi nou kapab met plizyer officers dan en lofis apre.  Pour lenstans i annan zis 2 Lofis akoz nou bezwen annan en IT Room ek nou Server Room ansanm; apre nou annan nou byensir nou Stor.  Me i annan 2 lofis ki vacant me bann lofis ki pe okipe si demen, si nou ganny plis Officers nou kapab met, i annan ase lespas pour met 2.  Me selman byensir i anmenn en lenkonvenyans nou bezwen monte desann vin anvil.  Lavantaz Providence i kalm – nou kapab travay napa sa tapaz.  Me selman byensir i annan pros and cons kot nou ete.  Nou bezwen fer avek.

 

MR DEPUTY SPEAKER

Ok, mersi CEO. Onorab Churchill Gill.

 

HON CHURCHILL GILL

Mersi Mr Chair, mon kestyon pour CEO ki difikilte zot pe gannyen, pour met an aplikasyon IFRS?  Apre apard ki L’Union Estate lekel bann Agency ki pa ankor submit zot Accounts?  E pour ki lannen? Apre pour bann ki’n submit ki up-to-date si zot pa pe perform a la oter ki bann kalite aksyon ki normalman zot pran?  Mersi.

 

MR DEPUTY SPEAKER

Mersi Onorab. CEO.

 

CEO GEORGES TIRANT

Mersi Onorab mon ava reponn ou bann kestyon e apre mon Koleg ki en pe pli lontan dan PEMC Mrs Rose i anvi i ava kapab osi azout lo la.  Kote IFRS i en requirement dan Lalwa me selman i annan serten difikilte ki vini mannyer ki ou kapab enplimant li an antye, akoz serten akoz letan nou pe koz en gran Lantrepriz isi dan, petet dan laspe IFRS pa osi en gran lantrepriz – ok?  E la vi ki Lalwa pe revize nou bezwen annan sa konsiltasyon pour regarde ki norm ki Sesel i bezwen adapte.  Me selman si mon koleg i anvi koz lo la en pti pe plis, akoz li i regard bokou lo la i ava kapab reponn. Kote non-compliance pour bann audited financial statement fodre dir ki actually nou annan – parey mon dir nou annan 3.  L’Union i enn mon’n donn rezon pour kwa, nou annan osi Petro Seychelles – ok? Petro Seychelles li langazman ki’n gannyen avek li se ki, i bezwen en letter of support from Government – son Oditer pe demande avan i sinyen.  In fini fer son, audit li i pe esper sa.  E la mon’n ekri Minister Finans formelman – akoz mon krwar ki nou bezwen travay o nivo formel akoz dan lepase mon’n vwar bokou petet lesanz email.  Me mwan mon’n fer lot fason se ekri – menm delivre mon let mwan menm.  Akoz ziska prezan nou ti napa en messenger.  Nou annan lot osi Seychelles Ports Authority li pour son, tousala i 2016 en? Lafen lannen 2016.  Nou’n … pour Port Authority mon’n osi avek nou Board, avek nou Commission with the Chairman nou convoke son Chairperson avek son CEO ek son financial controller, pour donn nou lesplikasyon e from la nou’n anvoy zot back to Finans.  Mon krwar i annan en issue ki zot bezwen regle e nou espere ki dan limit letan i ava ganny adrese. Letan mon ti ganny apwente an Zilyet ti annan quite a few – ok?  Petet pa pour vwar lo website akoz mon a eksplik letan si i annan kestyon lo la akoz i pa lo website, me mon ti pran sa nesesite mon menm pour ekri mon bann let al delivre li personnelman dan mon prop transpor, mon prop fuel, pour ensure ki sa bann dimoun zot pe ganny, bann CEO’s ek bann Chairman zot pe ganny en konpran ki i annan en nesesite pour comply avek Lalwa.  So from now on nou travay lo en sistenm formel.  E la an – pour 2018 – par egzanp napa zis – AFS – Audited Financial Statement; Auditor’s Report i annan osi bann lezot requirement.  Mon’n fini koz ek mon Board ek Chairman ki an, pour 2018 tre byento nou pour issue en Schedule of Submission pour tou Chairperson of Public Enterprises ek zot CEO.  Zot bezwen akoz mon konnen bann ki Avoka pour dir be ignorance of the Law is not an excuse be zot bezwen konn zot liabilities; zot bann responsabilite.  E osi zot pour ganny en Schedule of Submission, e nou pe anvizaze zwenn zot tou pour zot tou bann requirement, kan ki nou bezwen bann lenformasyon – ok?  Zot bezwen fer sa.

 

MR DEPUTY SPEAKER

Mersi CEO.

 

CEO GEORGES TIRANT

Petet pour trwazyenm kestyon lo submission of AFS mon a les mon koleg reponn – petet Minis.

 

MR DEPUTY SPEAKER

Ok, Minister, Mrs Rose.

 

MRS VERONA ROSE

Mersi CEO, mersi Onorab pour ou kestyon.  Mon ti a voudre zis azoute avek sa ki CEO in dir pour laplikasyon IFRS par bann Lantrepriz Piblik.  Alors pour lannen 2016 ti annan 14 Lantrepriz Piblik parmi sa 20 ki zot, zot in reisi apply sa frame work IFRS.  Sepandan i annan ankor 6 Antrepriz ki zot, zot pe ganny difikilte mostly akoz lack of kapasite avek resours prezan nou vi ki nou pe revise nou Lalwa nou pe regarde eski i fezab vreman pour tou sa bann Antrepriz Piblik pas lo sa frame work?  Nou bezwen regard zot grander si i en pti Lantrepriz, eski i vreman neseser oubyen eski nou kapab regard en lot frame work ki pour, ki zot pour kapab aplike petet en keksoz ki pour pli suited pour nou isi.  Toudmenm i enportan osi pour note, ki i bezwen annan en serten Standar which is rezon akoz nou ti’n demann sa bann Lantrepriz Piblik pour pas IFRS.  Akoz sakenn pa kapab pe report dan son prop fason lo sa ki li i anvi.  Nou pe anvizaze, alors letan nou pour revise nou Lalwa fer legzersis osi ek bann Lantrepriz Piblik e nou pour involve osi accounting profession, pour vwar si nou kapab tonm lo en common ground of what they should be reporting and in dan ki format osi.  Pour ou lot kestyon lo bann difikilte ki bann Lantrepriz Piblik pe rankontre e kwa ki nou, nou fer well dan en premye tan letan nou pas lo zot Kont, nou vwar ki i annan bann sanzman ki ase enportan – nou pour zwenn ek zot request dokiman avek zot, zot avek zot technical staff, zot CEO osi ennler avek Chairman zot Board.  Selman mon ti a voudre azoute ki nou kot PEMC anler nou rankontre difikilte akoz sa bann Lantrepriz Piblik pa tou ki pare pour partaz sa bann lenformasyon avek nou kan nou demande.  So i annan parey CEO pe dir nou bezwen ekri let kontinyen kontakte zot, ziska ler nou kapab zwenn ek zot.  Apre la an Desanm parey PS ti’n dir nou pour annan en technical assistant from IMF ki pour ed nou e osi pour ed sa bann Lantrepriz Piblik pour kapab cost en pe sa bann kou ki zot pe bear pour bann public service obligations.  Sa i enn bann fakter ki ennler i fer zot rankontre bann difikilte.  So nou pe esper ki once nou’n fer sa legzersis nou ava dan en pli bon pozisyon pour gid zot dan ki laspe zot aktivite, zot devret pe focus lo la.  E osi i ava ed nou osi pour apply en pli bon risk- based approach lo ki mannyer pour determinen ki Lantrepriz Piblik, nou vreman merit pe al fer assessment lo la, dan limedya.  Mersi.

 

MR DEPUTY SPEAKER

Mersi Mrs Rose. Minis.

 

MINISTER PETER LAROSE

Mersi bokou Mr Chairman, bonzour Mr Chairman, bonzour Leader Lopozisyon Onorab Ramkalawan, bonzour Leader of Government Business Onorab De Commarmond, bonzour tou bann Manm Onorab e tou dimoun ki pe ekout nou – enkli bann Management SOEs.  Mr Chairman mon ti pour fer mon lentervansyon ler tou Manm Onorab ti’n entervenir.  Me mon’n forse pour mwan koze la parske en keksoz ki mon santi mwan trez enkonfortab.  Nou pe koz public funds. public funds, pa zis ki Minister, Departman e Lazans i osi bann SOEs e sirtou SOEs se ki ou a krwar zot operate en pti pe endepandan.  Zot annan Board Direkter, zot annan management team; me senpleman ki i arive ou a krwar ou bezwen sipliy avek zot pour soumet zot kont.  Mwan mon demande eski sa bann SOEs napa en Departman Kontabilite e Finans?  Zot annan.  E si zot annan nou pa bezwen sipliy avek zot.  Mr Chairman la mwan mon dir direkteman lo sa televizyon pour tou dimoun tande lannen prosenn sa bann keksoz kot ou a krwar ou bezwen fer en La Priyer avek sa bann management – sa bann Board of Directors – they have to be accountable! Napa okenn konpromi.  Apre tou le mwan the next Month ler in ariv le 15, tou sa bann Rapor bezwen ganny soumet avek PEMC.  E zis pour donn en legzanp Mr Chairman resaman i annan en gro konpannyen dapre nou size Sesel – 6 mwan pa submit accounts.  Mon’n koz avek Mr Tirant dir mwan, “be Minister konmsi ou a krwar sa bann dimoun pe kasyet, kasyet.” Mon’n dir gete – i dir in ekri sepa manager – pa reponn.  Mon dir ekri son Chairman copy to me.  I ekri Chairman apepre 3 zour, 4 zour tou Rapor i vini, be fodre nou ti fer sa?  Non be sa pa pour kapab kontinyen sa!  Se vre Onorab Andre i dir sa level of scrutiny si nou bezwen met nou lakaz annord nou bezwen met partou, get dan tou lafnet, tou laport – partou!  Nou pa kapab fer en bout, lot bout konmsi ou a krwar bezwen sipliy avek sa bann dimoun, enn fwa pour tou nou dan en nouvo faz devlopman.  Parske i pa zis nou Seselwa ki pe regard nou lekor, i annan assessment, i annan spotlight enternasyonal lo nou.  Parske mazinen i annan bann Lenstitisyon Enternasyonal ki veye parske nou pe koz about good corporate governance.  Me nou bezwen met li an pratik.  E mwan mon determinen 2018 avek sipor Lasanble, pour napa leskiz.

 

(APPLAUSE)

 

MINISTER PETER LAROSE

Mersi bokou Mr Chairman.

 

MR DEPUTY SPEAKER

Mersi Minister, Onorab Churchill Gill.

 

HON CHURCHILL GILL

I a pran Siplemanter se, eski sa bann Lantrepriz ler lannen i komanse zot submit zot strategies for the year avek PEMC? Apre mon dezyenm kestyon se eski PEMC o kour lannen dan en lannen ou zwenn ek sa bann enterprises koman en Meeting – zis pour ou ganny en, konnen en pe ki pe pase laba?  Eski i annan sa koneksyon la?  Mersi.

 

MR DEPUTY SPEAKER

Mersi Onorab.  Mr Tirant.

 

CEO GEORGES TIRANT

Mersi Mr Chair, mersi Onorab.  Mon krwar, mazinen letan zot pe koz strategies i, sa ki nou apel dan nou Lalwa Statement of Corporate Intent en?  Me Lalwa i fer provizyon, mon koleg ki petet i en pe lontan, i ava petet koriz mwan – mon konnen i fer provizyon pour tou le 3an; me selman bann sanzman nou bezwen update li.  I malere pour dir – mon toutafe avek Minis e from la nou pe i annan en nouvo lapros travay letan nou pe regarde nou pe fer sir ki lenformasyon i monte, me letan mon vwar Compliance pour sa bann Public Enterprise i annan serten me sa mon pe al anvoy kot Minis byento.  Akoz nou sipoze travay tre for avek li.  I annan – eski zot annan or not, me selman ou vwar in lapse.   Napa dan nou sistenm e letan mon’n demann sa mon bann koleg, mon’n dir donn mwan.  E la nou pe al ekri zot Lalwa i fer provizyon ki ou annan ou Statement, akoz la i annan tou bann stratezi, so zot pour bezwen comply. Akoz zot bezwen konpran sa Lalwa i la pour monitor zot pour ensure ki zot in efficient – napa mismanagement ek gaspiyaz; pour ensure ki dan zot fason management, sa pa pe vin en lour lo Public Finance dan le fitir.  So e sa nou pe al travay tre pros lo la, nou ti mazin Desanm.  Me la IMF pe vini pour 2 semenn, nou pour tre busy dan formasyon.  Me i pour en keksoz ki pour lo nou azanda pour early 2018; savedir Zanvye koman Zanvye apre lannen nou pe atak sa.  Kote Meeting avek zot mon krwar mon predeseser ti fer me mwan osi mon’n fer li mon devwar pour al rankontre avek nou Chairman, bann CEOs avek zot Chairman e osi demann zot pour osi annan zot financial controller, zot bann chief finance officer e nou zwenn pour laplipar i annan 1 ou 2 ki ankor outstanding akoz petet letan zot in available mwan mon pa available.  Me selman nou, i pour nou devwar pour rankontre zot.  Nou pe anvizaze osi rankontre zot dan bann Forum, fer bann Workshop pour zot lo la akoz zot in demande, dernyen fwa SCCI ti demann nou pour vin fer en prezantasyon e bann Chairman ek CEO’s ki ti la ti demande ki i annan plis formasyon pour zot lo good governance, lo bann rekomandasyon Lalwa . So sa osi i nou bann targets to bann plan ki nou annan, e nou annan, e nou pe set bann targets pour 2018 e osi 2019.

 

MR DEPUTY SPEAKER

Mersi CEO.  Onorab Ferrari.

 

 

HON JEAN-FRANÇOIS FERRARI

Mersi Mr Chairman, Mr Chairman premyerman mon ti a kontan remersye PEMC pour sa bon travay ki zot pe fer, pour nou PEMC i en Lorganizasyon Koleg en pe parey avek FPAC dan Lasanble, zot pe fer en pe menm travay dan Egzekitiv.  E nou kontan tande ki zot pe travay avek zot leker parey nou dan Lasanble kantmenm nou ganny maltrete, nou ganny akize nou bann milyonner nou ganny en ta larzan, mon vwar poudir zot osi e la mon anvi felisit zot.  E paret mwan Board Fees i enn bann pli pti ki nou’n vwar ziska prezan R282, 000 pour zot Board Fees pour en lannen – ki mon felisit zot akoz finalman zot bann, zot minimum wage  parey nou parmi bann Constitutional Appointees nou ki lo minimum wage.  E mon dir ankor menm si toulezour nou pe ganny maltrete, so alors mon ti anvi zis remersye zot pour sa. Mon ti a kontan demann PS Enforcement, PEMC i fer son travay e apre kwa?  Konmsi ki, kwa ki bezwen sanze pour nou evit bann sityasyon kot par egzanp i annan leskiz, i dir mwan i ti napa en financial controller, me sa i pa en leskiz, ler ou napa larzan, ler ou pe okip larzan Gouvernman, ou bezwen fer sir poudir ou kont i sa ..  Donk i annan bann leskiz e ki aksyon finalman ki en Lorganizasyon i enportan parey PEMC i pran me selman finalman ler i donn son Rapor, son rekomandasyon lekel ki pour enforce sa bann keksoz?  Konmsi, e la mon ti a kontan felisit Minis pour son Statement ki in fer, me selman with respect to lezot Lenstitisyon mwan mon krwar se Prezidan osi ki devret fer sa Statement.  Prezidan at one point i bezwen vini, e dir e i pa ankor pronons li lo accountability dan Public Sector Enterprise.  Sa i vreman, vreman enportan pour ki bann sitasyon parey L’Union Estate kot zot pe anvoy tou dimoun pronmnen parey nou dir i arete.  Zisteman donk PS si ou kapab dir mwan en pti pe lo sa kestyon Enforcement. Lo kestyon L’Union Estate i en problenm ki nou pa pour kapab trenn li bokou plis letan ki sa, akoz nou pa pour kapab kontinyen ale vini dan Lasanble Minister Finans pas tou son letan, PEMC pas tou son letan fer Rapor apre Rapor e nothing is being done.  Mwan mon demande ki en keksoz i ganny fer.  Si Lalwa pa pe ganny swiv nou bezwen pran en aksyon pour sispann sa Board, pour sispann son bann Egzekitiv pour nou kapab met en temporary organization, en temporary management team pour fer marse sa bann keksoz.  Akoz nou pa kapab i annan de milyon e de milyon Roupi ki pase atraver L’Union Estate, atraver sa bann larzan gate fees ok, tou sa bann keksoz management Laferm – nou bezwen fer keksoz.  So mwan mon pe demande, mwan pe demande ki nou pour fer?  Donn mwan en solisyon pratik akoz mwan koman en Manm sa Lasanble, en Manm FPAC mon komans  fatige, mon komans fatige tande ki La Digue L’Union Estate zot dir Mahe koze si zot oule – nou, nou pa ekout nanryen, nou, nou fer sa ki nou, nou an vi fer!  Ki mannyer?

 

(Interruption)

 

HON JEAN-FRANÇOIS FERRARI

Yes se sa ki arive ok, e mwan mon konnen poudir yer ler Mr Ramkalawan in fer detrwa Statement lo la li osi son non in ganny trennen dan labou – dan park torti laba! So i bezwen arete sa bann keksoz nou pe vey larzan piblik.  So sa i mon kestyon.

Mon dernyen kestyon i ava pour CEO, pour CEO kapab dir mwan what you need in the changes in the Law?  Eski i annan bann keksoz konmsi ki ler en dimoun i menas oubyen i ensilte en Zofisye PEMC i osi grav ki zot ensilte en Manm Lasanble oubyen zot ensilte en Zofisye Lapolis.  I bezwen annan bann Sanksyon ler bann keksoz koumsa i sa, nou, nou anvi donn zot tou nou sipor e zot, zot bezwen dir nou kwa ki nou bezwen donn zot, ki mannyer nou bezwen ranforsi bann keksoz pour nou kapab fer sa travay.  Mersi.

 

MR DEPUTY SPEAKER

Mersi Onorab.  Nou a komans avek petet CEO i ava pran dernyen kestyon apre nou a bouz avek PS Finans. CEO.

 

CEO GEORGES TIRANT

Mersi Mr Chair.  Avan nou koz changes in the Law pour vin pli efektiv se byensir mon krwar tou dimoun i konnen malgre i rar se resours – ok?  Letan ki mon kontan servi sa anecdote dan PEMC ou donn mwan en lateras pour kase; ou donn mwan en lapel ou pa donn mwan en excavator – ou pa kapab lannen prosenn donn mwan en pyos.  So bezwen annan resours, resours imen e kalifye pour fer li.  Dezyenmman dan Lalwa i bezwen byensir annan bann parey mon’n dir dan bann sanzman ki pour donn bann, plis enforcement powers; par egzanp mon konnen dan Lalwa, dan sistenm Trade Island Montenegro i annan serten provizyon par egzanp kot sa equivalent of PEMC, i donn zot rekomandasyon lapwentman bann Board Members, i fer bann due process ok akoz annan de fwa ou kapab port en Board Member deza li menm li i not in compliance with the Law.  Sa osi nou bezwen veye, so i annan sa.

I annan bann process kot ou kapab donn li enforcement powers kot i annan sa Pouvwar e si ou get byen par egzanp, mon pa konnen si sa petet i en pti pe tro o me si ou get dan Labank dan Lasirans zot Regulator letan i annan en insolvency ou vwar kot the Regulator i come in take over from the Management; or si napa resours i outsource sa avek bann Team parey bann Auditors, mon konnen Lasirans Ceylinco Maurice ti ganny, ti pe al faid e Regulator ti antre e zot ti napa ase mendev pour fer li, me donn sa management avek en pe letan pour redres li or pour wind li up.  Be sa i bann keksoz ki nou kapab mete dan Lalwa pou ensure ki i pa zis Rapor parti Rapor, me i annan aksyon ki swiv.  E osi lapwentman bann Board Members e an menm tan menm si mon konnen zot in koz bokou lo Board, be sa i bann Board SOEs. I annan osi accountability pour bann Directors.  Me selman si ou pe pey Directors pti gin personn pa pour anvi al prizon pour en pti gin larzan, me selman ou bezwen pey li en fason ki zis, me osi pe pran.  I annan tousala, la parey dan Prive en gro Konpannyen i, son Board Members parey deor i al Prizon.  Ler nou fer resers lo bann gro, gro Konpannyen kot Board Members in les kasyet serten lenformasyon avek piblik e sa in kre serten sityasyon kot zot, so ….

 

(Mic Off)

 

CEO GEORGES TIRANT

I annan tousala lo mon kote mon kapab dir sa me, byensir sa amannman Lalwa i pour vin, i pour annan kek dyalog avek bann Manm Lasanble, pour ensure ki i en Lalwa ki for.  Mersi.

 

MR DEPUTY SPEAKER

Mersi CEO.  PS Finans.

 

PS PATRICK PAYET

Mersi Mr Chair, mersi Onorab, lo kote Enforcement mon krwar parey CEO in dir lo sa bout revwar son Lalwa, premye ki nou pe regarde la ki nou annan staff Minister Finans ki sa Komite ki’n formen pour revwar Lalwa, i annan staff Minister Finans e osi Board avek Management PEMC ki sa Komite pe travay lo la.      E secondly keksoz ki nou’n koze avek CEO ki nou pe revwar se, letan tou sa bann Rapor i sorti i annan en time frame ki Management i bezwen prepar en plan d’action – kwa ki zot pe al fer e once ki i annan sa plan d’action en proposal ki nou pe fer osi ki sa i ganny soumet kot Cabinet of Ministers; ki sa Minis ki annan sa portfolyo pour sa SOEs i osi okouran, ki i annan Rapor ki’n sorti e en plan d’action in prepare par the management, kwa ki zot pe al fer pour koriz okenn defayans ki egziste e once ki sa i arive ki i bezwen annan en swivi par PEMC, ki there are sa bann plan d’action ki zot in met devan vre pe arive.  E si pa arive mon krwar ki Cabinet of Ministers i bezwen pran en desizyon lo la akoz every quarter PMC osi i bezwen report to the Cabinet of Ministers kwa ki pe fer baze lo sa plan d’action ki’n arive.  Sa ki nou pe met devan proposal.  Mersi Mr Chair.

 

MR DEPUTY SPEAKER

Mersi PS.  Onorab Ferrari.

 

HON JEAN-FRANÇOIS FERRARI

Ok mersi PS, mon note poudir boul i lo Biro Prezidan se sa ki enportan pour nou konnen akoz fodre nou konnen lekel ki pour pran aksyon e Prezidan in ganny elekte so the buck stops on His desk, apre ki PEMC in fer Rapor.  Donk si nanryen pa ganny fer avek sa bann malversation ki pe arive L’Union Estate se responsabilite Prezidan Larepiblik, se sa ki mon ti oule tande ozordi.   Mon dezyenm kestyon se PS dir mwan ki similarite i annan ant PMC avek Government Audit Committee.  E si zot pa kapab travay an sinerzi oubyen 2 keksoz konpletman diferan?  Akoz i enportan pour nou konpran sa.   E finalman e komanter zot a vwar nou, nou anvi angaz avek zot.  Nou pe pledge nou support.  An tou ka nou sa kote latab akoz lot kote latab zot, zot pa tro, tro enterese lo vey larzan piblik.  Zot, zot plis enterese ki mannyer, be zot pa pe demann kestyon…

 

(Interruption)

 

MR DEPUTY SPEAKER

Onorab. Ok. Onorab. Ok Onorab…

 

HON JEAN-FRANÇOIS FERRARI

Onorab De Commarmond nou, nou enterese nou pe sey angaz en deba zot, zot pa enterese, be ed nou, ed nou pour nou deal ek sa sityasyon ki sa; sanmenm sa challenge ki mwan mon pe fer avek zot.  Mersi.

 

MR DEPUTY SPEAKER

Ok Onorab.  PS.

 

HON CHARLES DE COMMARMOND

Uncalled for Mr Speaker.

 

(Interruption)

 

MR DEPUTY SPEAKER

Order!  Order!  PS Payet.

 

PS PATRICK PAYET

Mersi Mr Chair, konsernen Government Audit Committee parey zot konnen ki Article 34 Public Finance Management Act i fer provizyon pour annan en Government Audit Committee; ki arive ki i annan Rapor Oditer Zeneral ki sorti, Rapor Oditer Zeneral i sorti, FPAC osi i fer son Rapor pa zis bann Public Enterprise, me mazorite fwa i pour sa 99 entities ki ou annan Departman ouswa Minister ki ou annan.  Zot fer zot Rapor, e sak Minister dapre sa Rapor ki’n sorti, i bezwen annan en plan d’action.  So sa Government Audit Committee avek son Board i bezwen revwar avek sa bann Lenstitisyon kwa ki zot pe fer pour fer sir ki i annan sa kontrol mechanism baze lo rekomandasyon Oditer Zeneral e baze lo FPAC.  Akoz souvandfwa ou ti annan Rapor ou ti sorti ti napa en follow-up, sanmenm sa ki ou vwar Government Audit Committee i vreman ptipti nou annan zis 1 full time Chairperson kekfwa avek 1 audit technician apre ou annan son Board ki pour fer sir ki at least i annan follow up, tandis ki PEMC li son lot rol i more oversight on the SOEs.  Me kekfwa Mr Chair pour azout en pe en keksoz ki nou pe revwar osi se, rol SSI avek rol PEMC.  Nou’n vwar ki SSI own mazorite shareholding of bann SOEs ki tonm anba oversight of PEMC nou pe revwar sa rol osi, ki pour fer sir ki napa sa overlapping ki pour fer sir ki SSI i kler son mandate e PEMC osi i kler son mandate e sa nou pe fer li dan nouvo amannman Lalwa ki pe vini.  Mersi Mr Chair.

 

MR DEPUTY SPEAKER

Mersi PS.  Onorab Henrie.

 

HON GERVAIS HENRIE

Mersi Mr Chair, bonzour tou dimoun vitman i annan sa sif 20 Lantrepriz Piblik ki’n ganny mansyonnen, sa ki mon oule konnen se ki sa i sa maximum ki PEMC i merit pe annan en monitoring rol lo la ouswa si i annan ki zot devret me ki pa ankor ganny azoute avek sa ki zot pe merit monitor?  Si i annan ki pe tonm an deor pour le moman?  Apre dezyenmman mon’n antann pledwari ki Minis in fer e mon apresye son fransiz lo sa size, me kestyon ki mon anvi demann avek CEO Tirant li ki ase nouvo dan sa pozisyon pour nou pli byen konpran sa sityasyon, kot bann Lantrepriz Piblik konmsi en pe pa pe fer sa ki zot devret fer vizavi lobligasyon ki zot annan avek PEMC, eski ou santi poudir i annan Chairman Board, i annan CEO ki kekfwa zot napa sa respe pour sa lenstitisyon, ouswa kekfwa letan i pour get laz ou bann travayer pour vin devan zot, zot lontan zot in la sa bann dimoun konmsi prezan sa Sekter i pour zot, zot bliye poudir i en keksoz Leta – so ki mannyer sa bann Lorganizasyon pe get zot whether zot annan sa kapasite, sa lentegrite, sa Lotorite eski ou santi poudir la i pe annan en latitid vizavi zot par sa bann dimoun?  Mersi bokou.

 

MR DEPUTY SPEAKER

Mersi Onorab.  CEO.

 

CEO GEORGES TIRANT

Mersi Mr Chair, zis mon ti a demann Onorab zis pour repet sa dernyen kestyon, akoz petet ti annan en pti pe koze mon pa’n … sorry.

 

MR DEPUTY SPEAKER

Ok, brefman, Onorab Henrie.

 

HON GERVAIS HENRIE

Wi mon dernyen kestyon se ki si ou santi poudir par bann Chairman Board, ouswa bann CEO bann State Enterprise zot fason ki zot regard PEMC, si i annan sa Lotorite, sa lentegrite, prezan pour zot konmsi azir dan en fason korperasyon avek zot.  Akoz bokou sa bann dimoun zot in la lontan e konmsi zot pran sa bann State Enterprise konmsi pour zot, si ou santi poudir zot donn ou sa korperasyon, i annan sa respe pour PEMC?  Mersi.

 

MR DEPUTY SPEAKER

Mersi Onorab, CEO.

 

CEO GEORGES TIRANT

Mersi Mr Chair, si mon pour koz lo bann, lo premye kestyon Onorab Henrie lo kote bann Public Enterprises Lalwa li i fer provizyon pour 20 dan Schedule, eski i devret dan Schedule mon pa tro krwar i devret petet by Regulation akoz i annan ki pe sorti ki nou’n aprann pe sorti i annan petet i ava antre.  Me selman pour le moman i annan sa 20 – ok? I annan apre zot Lalwa i dir ou sa bann Public Enterprise or Subsidiaries savedir bann kot Gouvernman i annan kontrol – ok?  So i annan ankor en pe lo la, eski nou pe ganny tou sa bann lezot subsidiaries nou ganny petet directly atraver SSI or zot si ou le zot Holding Company me nou ti a kontan adres tou; vedir public enterprise and subsidiaries me avek 4 officers or 5 petet lannen prosenn ankor 2 i pa ase pour kapab – akoz i napa zis enn louvraz petet de fwa zot krwar poudir PEMC ti i en Postal Box pour anvoy lenformasyon pour Minister Finans.  Lenformasyon ki nou gannyen finansye nou bezwen analiz li ok apre pour kapab gid Minis Finans ek son PS lo kwa ki pe arive.  So, me selman sa ki nou apel sa fiscal risk savedir ki lenpak zot kapab annan.  Me i annan lezot provizyon dan Lalwa kot i annan compliance – lo bann proze, lo bann investment – ok? E la mon pour kapab dir nou’n komans en travay tre pros avek Procurement Oversight Unit, e letan nou pe vwar bann keksoz kot par lao tel sonm – zot pa’n al through Tender Process sa nou bezwen fer resorti akoz letan nou koz lo good governance it’s about 3 baz Prensipal, 3 Principle, (1) Integrity – sa nou bezwen annan nou menm internally e zot bezwen annan; Ethics i pour tou dimoun e osi Rule of Law, si zot pa kapab.  E i vre annan de fwa ou koz governance tou dimoun i dir i konn governance me si ou pa respekte premye Lalwa PEMC lezot Lalwa then there is a problenm with governance.  So lo sa kote nou, i en travay ki nou’n met an plas nou pe fer sir ki nou servi limited resources pour ensure ki sa pe ganny aplike.   Kote dezyenm kestyon ou’n koz lo kote bann CEOs and Chairman – mon pa pour kapab koz lo avan, letan mwan mon’n vini avek nou’n asize avek nou team nou’n regarde, internally i vre bann Zofisye i zenn, very qualified mon pa dou zot entegrite e mwan mon Prensip se avan mon’n al get okenn Antrepriz Piblik mon’n get internally.  Fer sir ki lakaz anndan i prop e la i annan en travay ki mon’n bezwen fer e mon’n fer sir pangar demen nou pa kapab ganny met ledwa si nou lakaz pa prop.  So nou bezwen fer sir kot nou i ok e Lotorite ek respe pour mwan mon krwar i en keksoz ki ou earn sa; savedir dek ki nou’n vini nou’n bezwen pa vin gro lebra pour fer zot per me nou pe vin enforce en Lalwa.  I vre i mank serten ledan ki pour ede me selman nou bezwen formelman.  E mon krwar i enportan osi pour sa Lasanble konpran poudir ki letan nou koz lo Public Enterprise e sa PS in koz byen lo la taler i en responsabilite son responsible Minister anba Lalwa – ok?  I kapab pa forseman Minister Finans i kapab lezot Minister, i annan ki tonm anba Vis- Prezidan, i annan ki tonm anba Minister Lanvironnman, i annan ki tonm anba Minister for Tourism – sa responsible Minister, so bezwen osi submit lenformasyon ki zot responsible Minister, zot bezwen submit lenformasyon avek Minister Finans e osi avek PEMC.  Me selman pour Minister Finans zot pas par nou pour nou analize pour anvoy kot Minister Finans.  So nou bezwen earn sa respect e nou letan nou pe, nou vwar bann non- compliance nou bezwen akte lo la e mon kapab dir nou annan en Board ek en Chair, nou ti koz lo Board taler ki son office i ba.  Sa Board i rankontre enn fwa par mwan me souvandfwa zot annan 2 Extraordinary Meeting par mwan; zot bann Commissioners zot kontinyelman pe zwenn e zot ganny update zot pa en Board of Director zot Commissioners, zot okouran tou ki pe pase, lo bann aksyon ki nou pe pran pour zot kapab ensure – pa bann daily running of staff me selman lo nou bann stratezi ki nou pe pran, bann investigation pour fer sir ki zot kapab donn nou gidans lo la.  E nou vwar tou sa bann laplipar sa bann CEOs ek Chairman.  E letan nou ekri as from now parey bann none compliance nou ekri Chairperson, the Board governance starts with the Chair and the Board.  E zot bezwen zot ensure governance pli ba.  Mersi.

 

MR DEPUTY SPEAKER

Mersi CEO.  Onorab Henrie.

 

HON GERVAIS HENRIE

Mr Chair mon dezyenm kestyon CEO Tirant ti kapab zis dir mwan wi ouswa non – le sel keksoz ki mon ti pe rode dan mon dezyenm kestyon se, eski ou santi ki sa pool of Chairperson bann Board ek bann CEO bann Lantrepriz Leta la si zot sa bann dimoun zot annan sa respe pour PEMC letan i pe get ou ek ou Team pour dir wi sa bann dimoun letan i vini nou pour donn zot tou bann lenformasyon ki zot anvi, nou pou travay ek zot.  Konmsi si sa group dimoun i respekte zot Lorganizasyon, yes or no you could have zis dir mwan sa vitman. Premye kestyon ki mon ti pe demande e ankor la in kree en dout dan mon latet se ki, ozordi kekfwa PS Finans i ava dir nou sa, ozordi lakantite bann Lantrepriz Piblik ki i annan plus zot annan subsidiaries eski tou sa ki egziste PEMC i annan Ziridiksyon pour al kot zot pour get zot bann, pour monitor whatever zot pe fer?  Or si i annan ki ozordi sa bann dimoun i an deor manda PEMC e ki fodre zot ganny anmenn anndan?  Konbyen sa i annan an term en sif?  Mersi.

 

MR DEPUTY SPEAKER

Mersi Onorab.  CEO.

 

CEO GEORGES TIRANT

Mersi Mr Chair.  Petet zis pour eklersi Onorab lo kote parey mon’n dir taler Lalwa i fer sa 20 Public Enterprise kot swa i majority ouswa i 100 poursan owned – apre subsidiaries savedir kot i annan mazorite osi, si i annan okenn investigation lo en Konpannyen ki en subsidiary ki petet pa pe raport ek nou direkteman nou annan manda anba Lalwa.  I annan manda pour ale par egzanp si mon pran en legzanp ki pour monte en 2020.  Mon pran legzanp let’s say Green Island i tonm anba IDC non ouswa SSI nou kapab al fer sanmenm sa ou pour vwar dan Bidze logmantasyon par egzanp lo kote Domestic Air Fares pour nou kapab lannen prosenn al lo en – byensir byen planifye li konnen kote nou pe ale lo bann Zil osi pour si i annan bann proze pour nou kapab al swiv zot.  so nou annan sa manda, petet en kestyon resours me nou annan manda pour al regard sa.  Lo kote sa kestyon wi ek non; i pa fasil pour dir wi ek non akoz si non si mon ti enn ou de i pour met tou dimoun dan menm basket.  Letan mon ti komanse mon ti, lenpresyon ki mon ti gannyen se ki laplipar petet napa respe me letan by the time mon’n ekri zot lo bann outstanding mon’n vwar zot reponn mon konnen en CEO in call mwan from deor akoz in vwar by email son sekreter in anvoy li en let e son Chairman pe rod li in ekskize i dir mwan i pran langazman pour fer sir ki tou lenformasyon i rantre e in rantre.  Parey Minis in dir in antre dan en limit letan, zot bezwen sa nou pa kapab tay deryer zot nou, nou pa la pour sa, zot bezwen zot ensure ki zot pe submit – ok? Byensir ou annan en pti group ki krwar poudir zot pa tonm anba nou, so en pti group CEOs or Chairman -mon pa konnen me selman dan nou travay anba mon, then I might tell you mon’n ganny apwente pour desarz en manda.  So mon pour ensure ki tou dimoun i comply.  E sa lannen sanmenm sa ki 2018 nou pe vin ek en surge of submission.  E nou espere letan Lalwa i amande i annan serten Penalti ki devret antre pour bann ki pa comply.  I kapab vin an form finansye lo, an form osi ganny demande pour step down – sa i enportan. Akoz i vin parey Companies Act akoz i annan Liabilities of Directors, me eski i ganny enforce? Ok so vwala.  Sorry si mon pa kapab dir wi ou non, akoz parey mon’n dir mon pour met tou dan menm basket e i annan en bon mazorite ki mon kapab dir zot annan sa respe prezan e an menm tan parey mon’n dir ou zot bezwen earn sa respe – fer montre nou prezans  – ok?   And sa i enportan.  Mersi.

 

HON GERVAIS HENRIE

Vitman zis en pti follow-up.  CEO Tirant in dir nou poudir si i annan en keksoz zot annan sa manda pour al laba pour al tyek en lenformasyon, me eski zot oblize sa bann Subsidiaries par egzanp donn PEMC zot audited financial statement akoz i annan mon’n get ou website mon pa zanmen vwar lenformasyon lo zot, selman mon konnen zot pour Leta so eski zot oblize donn ou sa lenformasyon, pour ou fer piblik?  Mersi.

 

MR DEPUTY SPEAKER

CEO.

 

CEO GEORGES TIRANT

Mersi Mr Chair.  Mon a les mon koleg reponn lo sa kestyon mon, i pa vedir zot donn ou direkteman me selman i annan en fason fer li so mon a…

 

MR DEPUTY SPEAKER

Go ahead Mrs Rose.

 

MRS VERONA ROSE

Mersi Onorab pour ou kestyon.  Normalman sa bann Subsidiaries letan zot pour donn lenformasyon PEMC zot sipoze pas atraver zot parent company.  So nou kapab dir wi zot oblize donnen me selman zot bezwen swiv the formality.  Mersi.

 

MR DEPUTY SPEAKER

Ok mersi.  Onorab Afif.

 

HON AHMED AFIF

Mersi Mr Chair, Mr Chair mon i pour CEO, ozordi nou pe pey preski R8 milyon pour fer sir poudir PEMC i kapab desarz son responsabilite, ou’n eksplik nou ou annan en pe konstrent e i annan keksoz ki ou pour bezwen amelyore; ki ou pe, ki ou kapab dir nou an term ki groser ou vwar PEMC i devret ete, pandan sa prosen 5an e ki Bidze i devret annan pour vreman kapab desarz son responsabilite en fason efektiv e ki kapab vreman met sa bann Public Enterprise ki ou krwar ozordi pa pe comply dan en semen ki drwat e kot nou asire larzan piblik i pe ganny zere byen?  Mersi.

 

MR DEPUTY SPEAKER

Mersi Onorab.  CEO.

 

CEO GEORGES TIRANT

Mersi Onorab, mersi Mr Chair.  I annan en structure ki’n ganny prepare, ki’n ganny approved pour PMC, mon pa pour koz lo CEO plus bann support parey Sekreter, Admin and HR and Drayver nou pe koz zis lo kote teknik kot louvraz i ganny deroule, nou pa oule osi annan en ta support apre nou, ou konnen nou bezwen get byen pour fonksyonn, pour nou efficient and effective.  So i annan dan sa structure i annan en maximum 15 en Chief Analyst ki desarz en pti pe sa oversight lo sa bann lo investigation e apre ou annan ou bann principals ek bann seniors and osi bann officers, me selman letan mon pe regard actually ek nou 4, 5 Divizyon, dizon 5 post ki nou annan sak officer i en desk officer i resevwar lenformasyon i analize, me sa mon santi dan li menm ek letan i vin en konstrent, akoz petet i annan officer i devret pe focus lo something.  E la avek led IMF ki pe vini koman technical assistance ki nou’n gannyen, nou pe mazinen si nou letan nou ganny bann staff petet annan en pti Unit pour fiscal risk ki kapab si zot pe vwar bann lenformasyon on a monthly basis petet analiz li osi quarterly vin sa focal point pour kapab fer sir ki sa bann Lantrepriz pe fonksyonn efisyaman.  Me petet osi lyez ek en Departman ki li i pe regard more about performans efektiv mismanagement ki zot al lo teren akoz la de fwa ou pe ganny lenformasyon pe antre ou bezwen deplase al lo, on site pour al rod sa bann lenformasyon.  I annan Lantrepriz ki permet nou sorti ek lenformasyon ouswa pran kopi, Lalwa i dir nou, nou kapab rekomann lenformasyon, Attorney Zeneral in dir nou, nou kapab demann lenformasyon e ganny kopi.  Ou annan 1 ou 2 ki pa oule donnen ki dir ou vin on site vini vin gete ou napa dwa pran ok from la.  Eski ou asize, ki mannyer ou ganny levidans i annan tou sa, i annan Lalwa mon krwar i pour enportan met parey dan Lalwa FTC nou ti fer mete ki i annan power to compel to information.  E osi power letan ou annan soupsyon akoz mwan letan en CEO i met latet i komans fer mwan mazin dan mon lespri investigator mazin en keksoz ki dodgy pa vedir i annan, so nou bezwen petet osi mete search and seizure apre en Magistrate in aprouv en Warant si i neseser.  So lo sa kote mon pa konnen si mon’n reponn ou tou ou kestyon, ou fer antyerman.  Mersi.

 

MR DEPUTY SPEAKER

Mersi CEO. Onorab De Commarmond.

 

HON CHARLES DE COMMARMOND

Mersi Mr Chair, Mr Chair pa pour long, mon’n ekout byen PMC, mon krwar zot pe fer en tre bon travay atraver larepons ki’n ganny donnen e komanter ki Minis in fer. Ii annan en area oubyen en pathway ki kapab ganny servi e ki mwan konnen mon Prezidan o komansman lannen in met devan nou pei, i ti dir en keksoz ti dir, “mon pe fer bann Board, bann lenstans neseser pour fer pei avanse e fodre ki i ganny servi sa bann lenstans;” par egzanp in dir letan zisteman avek PMC “i pe revwar bann Board” e i dir bann Board i bezwen zwe zot rol properly, to what extent ki PMC dan son evalyasyon, dan son analysis of bann, sa bann State- owned Enterprises ler zot pe vwar poudir due diligence, ouswa due process oubyen bann compliance  pa pe ganny meet, ki sa i ganny anvoye lo Board, Board i involve e an menm tan vi ki Prezidan ki apwent bann Board – to what extent ki PEMC i anvoy en Rapor kot vreman compliance pa pe ganny fer kot due process pa pe ganny swiv ki i dir ek Prezidan la, la Board ki ou’n mete pour sa tel Enterprise la, la bann problenm ki i annan e mon pe sizer avek ou pour revwar sa Board ouswa vi ki ou donn li sa Rapor i a vwar poudir problenm i la e prezan li i a fer son bout.  Akoz si nou pa dir li kot problenm i ete li i pa pour kapab zis vini sanz Board li, nou pa kapab koz laba dan semen me nou vreman poste sa let vreman Lapos. To what extent ki sa avenue ki mon krwar i en proper avenue, i en bon avenue pour ede dan ou travay e dan nou travay osi lo FPAC i fer nou vwar sa osi ki nou kapab gid ou e ki ou servi sa larout pour ede met lord e fer sir ki bann State Owned Enterprises i ganny, i swiv sa bann due process e i fer zot louvraz pli byen.  Mersi.

 

MR DEPUTY SPEAKER

Mersi Onorab.  CEO.

 

CEO GEORGES TIRANT

Mersi Onorab, mersi Mr Chair; pour premye kestyon i annan anba Lalwa anba PEMC Act en kantite provizyon letan Minis or Prezidan pe apwent bann Board pour bann CEOs and parey bann Directors – ok?  Me selman nou pa form parti sa due process avan i nonmen sa ki mon’n koz ek, letan mon’n zwenn Prezidan mwan apresye ki in zwenn mon dan en tre bref dele apre mon lapwentman, nou’n koz lo la ki dan sa nouvo Lalwa i pour bezwen form parti – akoz si apre ou apwent en dimoun apre i pa meet the criteria or i annan en konfli prezan.  I vin en, akoz ennler petet bann Board in apwente me bann Board i still zot kapab fer sa due diligence – ok?  Si ou’n get son konpetans, wi son entegrite be eski petet i annan keksoz ki pa pe meet, so sa i nou bezwen met dan Lalwa, letan nou fer nou bann Assessment nou pa kapab fer partou parey mon dir lo resours me i enportan ki nou ganny resours pour nou get byen, pour kapab save Leta e pep Seselwa larzan, nou adres nou bann rekomandasyon to the Board not to the CEO e Board ki pour bezwen, i son responsabilite to ensure ki sa bann keksoz pe ganny aranze.  E la mon pa pour kapab koz avan me dan mon antretyen letan mwan ti zwenn Prezidan i ti demann mon i vre Lalwa i fer demann pour ki PEMC i submit sa bann Rapor ek Minis Finans, sa i ok ek sa me osi pour li ganny en kopi.  So nou’n anvoy li sa 2 kopi ki PEMC and L’Union Estate e la i pour ganny larestan.  Byensir Prezidan osi anba Lalwa i sel dimoun ki annan Lotorite pour demann nou lenformasyon without going to Court dapre Lalwa – en?  Me Selman i osi kapab demann nou lenformasyon, i kapab demann nou atraver Minis pour al fer lenvestigasyon e osi byensir i annan FPAC zot kapab ekri nou formelman pour demann lenformasyon, be si nou Rapor i vin piblik pour zot osi.  Mersi.

 

MR DEPUTY SPEAKER

Ok mersi CEO.  Onorab De Commarmond.

 

HON CHARLES DE COMMARMOND

Savedir ou pe servi sa avenue deza e ou vwar li efektiv?

 

MR DEPUTY SPEAKER

Ok.  CEO.

 

CEO GEORGES TIRANT

Mersi Mr Chair.  Byensir i pa zis sa avenue mon pe servi.  Letan mon pe ekri en let pa toultan, pa tou let ki mon bezwen kopi kot Prezidan, ni kot Minis, ni kot soz me letan mon vwar ki i annan en nesesite let byensir i ganny kopi si i pe adres lo Chairman, son CEO i ganny en kopi, si pe adres lo CEO son Chairman i ganny en kopi, son responsible Minister i ganny en kopi, Minis ki responsab pour PEMC i ganny en kopi; sa se Minis Finans.  E kot i neseser mon’n ekri Prezidan, mon’n copy Prezidan e la li lo nivo Cabinet Affairs ki ganny sa let i donn, i devret pe donn li e i ava pran nesesite sirtou kot mon vwar kot bann sirtou Board pa pe efektiv lo sa kote akoz bann Chairman, zot bezwen parey nou dir annan backbone, zot ki annan responsabilite lo bann Enterprise, pa CEO ki pour run the Board, the Chairperson ki pour run the Board.  Mersi.

 

MR DEPUTY SPEAKER

Ok mersi CEO. Onorab Ramkalawan.

 

HON WAVEL RAMKALAWAN

Yes mersi Mr Chairman, Mr Chairman i fer premye enteraksyon ki nou annan avek CEO PEMC e mon ti a kontan premyerman felisit li pour son nouvo responsabilite, nou’n annan bann lezot enteraksyon avek PEMC e enn bann remark ki mon krwar pe sorti, se sa nivo kalite zot staff ki’n enpresyonn nou koman FPAC.  E byensir ki nou bezwen rod en fason pour nou garde anmezir ki ou recruit nouvo e pour donn zot sa lapey ki ekivalan avek zot kalifikasyon.  Mon pe apresye sa lenormite dan zot latas e petet en pe en kestyon ki nou’n bord, bord lo la avek en Bidze 7 milyon sa 7.8, eski i ase resours pour zot nobou fer zot responsabilite parske finalman avek 7.8 milyon zot bezwen sa kantite ki zot pe supervise i manman, i al dan bilyon. Konmsi parey ek en Pilot, en Pilot ki son avyon i vo sepa konbyen milyon e alors konmsi ou, ou ekivalan avek sa ki pe manage konmsi si son lapey i osi reflekte sa, so personnelman mon anvi ganny en larepons kler e mon’n soz en pe pour nou regarde avek permisyon Minis parey nou Standing Orders i demande Gouvernman pour nou regarde si ou’n fer li la oubyen si plitar dan lannen zot bezwen retourn kot nou ankor pour demann en pe plis resours.  Sa i enn lo kote zot resours.  Dezyenmman ankor enn fwa nou’n koz en pe lo bann dominer parske nou annan bokou, bokou dominer me ozordi letan nou pe regard diferan sa bann Enterprise ki tonm anba zot responsabilite nou vwar i annan en kantite kestyon.  E sa bann auditing ki zot fer mon ti ava kontan konnen ki kalite difikilte zot gannyen letan pour zot audit sa bann diferan Lakonpannyen.  E dan zot lopinyon si vreman Sesel pe ganny sa ki i merite, sa ki i devret pe gannyen avek sa bann gran Lakonpannyen, bann Public Enterprise oubyen eski somewhere nou pe perdi, e finalman letan nou pe koz lo sa bann Public Enterprise nou konnen poudir nou pe, nou anba ankor still en program IMF, parmi sa bann la lekel ki PMC dan zot lopinyon zot santi ki Gouvernman i devret, petet ti ava bon Privatize so that i ava annan mwens sa bann Enterprise ki Paraetatik finalman.  Mersi bokou.

 

MR DEPUTY SPEAKER

Mersi Onorab.  CEO.

 

CEO GEORGES TIRANT

Mersi Mr Chair, mersi Onorab pour ou kestyon, kote letan ou pe koz lo kote Scheme, parey mon’n dir sa lannen apartir Zilyet i annan en nouvo Scheme i pa ti sa ki nou ti pe ekspekte.  E parey mon’n dir boner mon bann staff i annan leker.  Ti ava, keksoz ti a kontan plis sirtou iv re ki nou basic salary par grad officer ti en, ase o; me selman i fer sa disparite ek lezot dan Gouvernman.  Sanmenm ki mon krwar ki me akoz letan nou gete basic salary is very important – pour kalite louvraz zot pe fer nou ti’n met li en pti pe en nivo, kot petet letan dyalog ek DPA, se nou pa pour kapab meet sa.  Mon santi petet ti merit annan plis dyalog – me sa mon’n met devan Prezidan.  Akoz nou pa kapab konsider tou Lorganizasyon parey, sa i enkli pour CEO, PEMC i vre i ptipti son fardo i pli lour.  I annan zour ou pa dormi aswar ou komans ekri, anvoy let, anvoy email ou lekor from your personal account – petet from one account to your mobile to the other account pa personal.  Akoz mon annan 2 Account Gouvernman – 1 PEMC, enn Finance pour remind nou dan bomaten e ou antre la without any difference, ou bezwen vin avek kot ou sorti parey me selman nou bann Zofisye ki pour mwan i pli enportan.  Akoz zot merit plis ankor, mon krwar en minimum ki ti kapab ganny fer se ki zot basic salary i equivalent to menm pozisyon dan Minister Finans – ok? Akoz letan ou get nou Scheme i en pti pe pli ba – basic salary.  Me selman nou’n kapab kouver en pe lo inducement, nou kapab kouver en pe lo marketable osi ki nou bezwen ankouraz nou staff pou al study pour kapab ganny en pe plis, me selman eski tou staff i anvi al study a sa moman.  Akoz i kapab annan zanfan e me selman mon krwar Gouvernman, Minister Finans i bezwen re asize konpran sa Lorganizasyon, konpran son rol.  I en rol se ler ou get sa Lalwa i kapab achieve bokou plis ki i pe achieve ozordi so i enn ki mwan pe lans lapel ki si nou anvi retain sa bann young professional ki devoue e atir bann akoz si nou napa en Scheme ki atiran, ki nou pour rekolte, se tou bann school leavers, bann ki’n fek fini Degree Liniversite without any experience.  E sa i en dezavantaz pour bann lorganizasyon piblik pour zot kapab kontinyen perform.  So lo laLo kote budget mon pa pour kanmi pour dir i vre, i napa much si nou anvi achieve sa lobzektif nou bezwen plis resours e resours imen.  So sa nou pour bezwen.  Kote difikilte ki ou pe dir letan nou fer, well mon kapab regard bann auditing ki nou’n fer, bann Reviews ki’n ganny fer dan sa bann dernyen lannen petet mon Koleg a koze si mon rankontre difikilte.  Lenformasyon de fwa i en pe difisil pour gannyen, letan ou demande i pran letan, me selman ki nou fer nou al osi on site – de fwa i annan serten ki nou’n kapab ganny en Lakir ek zot, pran zot file al fer kopi retourn avek apre, pour nou kapab travay lo la.  E sa e sa i enportan.  Me i annan bann difikilte, apre mon’n koz en pti pe petet i annan dan enn bann PEs se ki dimoun pa, ou pa kapab tous son dokiman, vin get on site.  E i pa tonm anba PEMC e la mon’n ekri Prezidan ek Minis, kopi Minis pour zot donn nou en Lakor si vre sa entity i pa devret tonm anba nou purview, nou supervision akoz pour mwan dan Lalwa i la so mon bezwen kler lo sa kote.  E i enportan osi pour nou mansyonnen ki bann Public Enterprise, zot pa kapab fer selective compliance, zot bezwen comply ek sa Lalwa.  I annan serten petet ki anvi fer selective me nou, nou pa pe la pour toler selective compliance, nou bezwen kler achieve nou manda, pa achieve li pour nou pour nou vin popiler, achieve li pour pei – en?  E letan nou pe koz lo kote returns i vre, letan mon krwar mon’n submit nou Annual Report avek zot avek son konsistans sa lannen nou pe ekspekte li meyer – mon kapab remersi mon bann Zofisye sirtou Mrs Rose ki’n travay ek son bann koleg lo la ou vwar ki poudir dan Cross Revenue bann Public Enterprise i 10 bilyon; letan mon analize mon koz ek Chairman letan mon get expenditure i 9milyon.  Mon’n ne dan biznes selman petet mon pa’n kalifye, mon pa’n al fer much dan sa sekter me eski i, napa en room for improvement se la nou pe asize ek en stratezi fer sak zofisye assess sak enterprise get son Revenue Expenditure rode kote sa problenm i ete.  E mwan mon krwar i annan room pour tou Public Enterprise improve, akoz i bezwen improve?  Letan in improve si Gouvernman i kapab met en bon Ownership Policy ok, en bon Dividend Policy then i anmenn dividend pour pei akoz pa bliye letan nou koz Public Enterprise i pa ki pour phase out dan lemonn antye menm Kapitalis i annan li, enn i bezwen bann ki kot bann sekter kot Prive pa pour kapab delivre; parey bann social obligation, i bezwen la pour provide sa, me i bezwen fer li efficiently ki kapab pa tro depan e osi koz en risk pour Public Finance.  Lot kote ou annan serten Komersyal ki la ki ganny kite san ki zot abiz konpetisyon akoz i anmenn sa resours dan Kof Leta dan pour ed Bidze.  E selman mon santi mon pa pour dan en pozisyon pour dir si i annan ki pour bezwen phase out or not akoz sa ou bezwen resers ou pa kapab zis pran en desizyon lo la, privatize osi akoz sa mon krwar i pour en neseser ki nou travay an partenarya ek Minister Finans pour regard manda sa bann Enterprise e pandan; vi ki mwan mon sorti dan en background competition Law par Rapor mon past post i enportan osi nonmen dan sa Lalwa keksoz ki mon’n kontan letan mon’n regarde apard ki i dir ou ki nou la pour ensure proper ki bann PEs i properly controlled and managed for better performance transparency and accountability and to improve their efficiency nou la osi pour get competitiveness in the economy, So i annan serten Ziridiksyon kot avan ki nou demann en Public Enterprise pour antre dan en Sekter the equivalent of PEMC i fer assessment gete eski sa pa pour detri konpetisyon eski ki sanzman i pour anmennen.  So tousala i bann keksoz ki bann thinker ki nou kapab met devan me apre byensir Gouvernman i kapab demann nou, nou led bann assessment, e nou kapab donn zot en keksoz ki pli petet objective en ki lo sa kote.  Mersi.

 

MR DEPUTY SPEAKER

Mersi CEO.  PS Payet.

 

PS PATRICK PAYET

Mr Chair mersi e mersi Onorab; zis pour azoute ki anyway mon pa’n vwar revised Scheme of Service of PMC akoz mon ti konnen ki PEMC letan ti komanse ti komans PMD anba Minister Finans e letan zot ti ale koman Lalwa PEMC an 2013 zot ti pe servi menm Scheme of Service parey Minister Finans.  So mon pa’n vwar zot nouvo Scheme of Service mon krwar sa i en keksoz ki mon kapab asize avek CEO pour vwar zot nouvo Scheme, pour fer sir ki at least i ekitab parey Minister Finans akoz zot rol i preski menm rol parey Minister Finans menm si zot, zot pe get plis lo bann SOEs e Minister Finans pe get lo kote Bidze bann lezot sa, mon krwar sa nou kapab asize e vwar pour regarde si sa ekitabilite i la.  Mersi Mr Chair.

 

MR DEPUTY SPEAKER

Mersi PS Onorab Ramkalawan.

 

HON WAVEL RAMKALAWAN

Mr Chairman mersi – en ptipti kestyon, an relasyon avek bann Board, mon anvi konnen ki, konmsi ki Lotorite zot annan la ok ou.  PEMC li en pe i ansarz monitoring; savedir mon mazinen ki poudir bann Public Enterprise i tonm anba zot, be si zot vwar ki poudir en Board pa pe fonksyonnen ki ledan zot annan?

 

MR DEPUTY SPEAKER

Ok, mersi Onorab.  CEO.

 

CEO GEORGES TIRANT

Mersi Chair, mersi Onorab; parey mon’n dir petet mon pa’n ase kler mon ti a kontan ki Lalwa i donn ou plis ledan parey dan lapwentman donn menm – pran aksyon kont bann Board Members.  Me dan nou, parey la ki nou pe fer letan nou fer nou bann, pour nou kapab vwar ki en Board pa pe fonksyon byen, parey la actually ki nou’n demande se ki zot donn nou zot Board Minutes, ok – la Attorney General i dir nou, nou kapab demande.  I vre parey mon dir i annan serten ki pe dir zot pa pour donn nou vin sirplas vin regarde zot pe rod tou pti bout konfidansyalite me mwan mon krwar ki zot devret pe donn nou e Board Minis letan nou ganny li, CEO ki ganny li nou fer assessment nou regarde kwa ki pe ganny diskite prezan si i annan en proze ki nou’n annan en tips ki i pa’n ganny approved nou kapab konnen en de keksoz e osi vwar kote nou kapab antre pour investigate pa zis letan nou ganny en dimoun ki dir ou en pti, en keksoz pe deroule akoz ennler i kapab annan konsern vann data kot ou ale ou al gat ou resours apre ou trouve poudir i pa ti zistifye. So, be dan nou Rapor, letan nou annan bann Board i annan Minutes apre nou demann zot, zot composition, nou demann zot osi nou pe fer en analysis la actually i annan en Zofisye ki pe travay lo la.  E vwar kantite fwa zot sit, lekel ki absan.  E osi regard en pti pe parey mon’n dir lo kote si sa bann Board i en pe efektiv.  Me letan nou parey nou’n fer nou bann Operational Assessment lo bann PEs la dan nou rekomandasyon si nou santi ki Board pa’n efektiv, Board pa’n pran sa Rapor pour ensure ki i devret fer amannman, serten sanzman al dan sa laliny ki pour ed zot vin pli efficient or zis in dormi lo la, then dan nou Rapor from la dan, akoz nou fer sak finding sa rekomandasyon, nou rekomandasyon i pour annan rekomandasyon; par egzanp sanz Chairman, sanz CEO, sanz Board, me parey nou pa kapab ale nou fer sa, then Minis Finans i a ganny sa Rapor i a ensure ki from la i annan serten aksyon ki pe ganny pran; Prezidan i annan en kopi.  E mon mazinen apre sa FPAC i la koman sa checking balances pour ensure ki Egzekitiv in fer sa bout.

 

MR DEPUTY SPEAKER

Yes Onorab.

 

HON WAVEL RAMKALAWAN

Me kot i annan konfli direk, sorry mon konnen bann dimoun, serten dimoun La Digue pa kontan letan mon pe nonm L’Union Estate me selman sa i sel PEMC, i sel PE ki nou’n vreman regard li pre – me kot i annan konfli direk, kot par egzanp en anplwaye ok, en dimoun ki pe travay L’Union Estate i osi en Board MemberI mean eski nou bezwen bokou plis lezot keksoz, parske sa i en konfli direk, direk e anyway Minis avek mwan nou manman i La Digue dan park torti be nou, nou tanpi nou me selman bann soz koumsa ki nou pour fer, nou pa kapab pran aksyon direk?

 

MR DEPUTY SPEAKER

Ok.  Onorab, mon krwar CEO in donn en pe repons lo la; rekomandasyon i ganny fer e apre desizyon i ganny pran.  Ok PS in ariv en moman kot nou’n fini avek PEMC donn nou en gidans, nou pour pran en vot lo la?

 

PS PATRICK PAYET

Wi Mr Chair e sa vot i pour lo paz 201 pour la valer R7, 808milyon.

 

MR DEPUTY SPEAKER

Ok, tou Manm ki an faver? Okenn Manm ki kont?  Madam Clerk.

 

MADAM CLERK

Mr Chair mersi, mon’n rikord 25 Manm an faver.  Mersi.

 

MR DEPUTY SPEAKER

Ok savedir Bidze pour PEMC in ganny aprouvasyon Lasanble Nasyonal.  Bon nou ava, mon ti a kontan remersi CEO Tirant avek Mrs Rose e lot Zofisye ki la Mrs Henry, Ms Henry e mon ti a kontan eskiz zot parmi nou.

 

 

(CEO GEORGES TIRANT AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon mon ti a kontan demann PS Payet, mon konnen ou ti annan lentansyon pour nou pran NBS avan nou Break la be nou pa pour kapab fer li, eski nou a retourn apre midi nou a komans avek NBS oubyen koman nou a rantre ou a prezant sa bann dokiman apre nou ava al direkteman lo National Bureau of Statistics, PS.

 

PS PATRICK PAYET

Wi Mr Chair mon ok.  Si letan koman nou antre mon ava prezant sa bann dokiman – apre nou annan apre midi nou annan NBS, Landscape and Waste Management avek FIU as well – sa 3.

 

MR DEPUTY SPEAKER

Ok, PS mon krwar nou annan enn de bann Lorganizasyon osi tou ki nou pa ankor pran en vot lo la.  Petet i bann ki nou pa ti pour kestyonnen akoz varyans dan zot Bidze i pa sa kantite, si nou kapab pran vot osi tou lo sa bann apre midi?  Wi.

 

PS PATRICK PAYET

Wi Mr Chair.

 

MR DEPUTY SPEAKER

Yes Onorab Henrie.

 

HON GERVAIS HENRIE

Wi Mr Chair zis pour mon klarifye bann lenformasyon ki PS pour donn nou apre midi, eski i konsern zis son Minister ouswa i annan bann lezot par egzanp Zidisyer, Local Government ti annan ki bann Manm….

 

MR DEPUTY SPEAKER

Non be taler nou ava konnen, taler nou ava konnen.

 

HON GERVAIS HENRIE

Non konmsi si i napa ek li la pour li al…

 

MR DEPUTY SPEAKER

Non, non, non taler 2er nou ava gannyen e from there nou ava regarde kwa ki Lasanble ti’n demande ankor ki nou pa ankor gannyen – ok?  Avek sa nou adjourn e nou repran nou travay 2er apre midi.

 

(BREAK)

 

MR DEPUTY SPEAKER

Bon.  Bon apre midi tou Manm Onorab.  Bon apre midi Minis, PS avek Ms Verghese.  Bon apre midi tou dimoun ki a lekout ki pe kontinyen swiv nou travay.  Bon pou nou konmanse mon ti sa kontan demann PS Payet, i annan en bann rapor – en bann dokiman ki Lasanble ti’n request pou PS prezant sa bann dokiman.  PS.

 

PS PATRICK PAYET

Mersi Mr Chair e bon apre midi tou Manm Onorab e tou dimoun ki a lekout.  Mr Chair kekfwa mon a konmans lo premye kestyon ki ti monte regarding lenformasyon lo sa Kontra Maintenance kot Lasanble Nasyonal.  Sa Kontra maintenance ki nou’n ganny en kopi ti konmans le 16 Fevriye 2016 e ti konplete le 16 Fevriye 2017.  So peyman ti ganny fer an Fevriye 2016.  Ti napa okenn peyman ki’n ganny fer 2017.  Me ti annan en peyman ki’n ganny fer 2016 pou sa Kontra.  Nou’n demann National Tender Board en kopi approval ki zot ti donnen.  Ti annan en approval le 25 Fevriye 2015 pou direct bidding pou sa Kontra.  Me sepandan sa Kontra ti pou 2015.  Sa tender letan zot ti pe ganny aprouvasyon ti pou 2015.  E Procurement Oversight Unit ti advise National Assembly ki i ti pou en lannen ki zot ti pou bezwen fer the necessary, proper tender letan zot pou siny sa lot Kontra.  So lannen 2016 a 2017 ki nou annan kopi sa Kontra sa ti napa aprouvasyon National Tender Board lo la.  Zot in, mon krwar i paret zot in bezwen kontinyen lo sa aprouvasyon 2015.  Me nou pa’n vwar en konteni ladan, akoz sa peryod ki i ti ganny aprouvasyon ti zis pou en lannen.  Dezyenm pwen ki zot ti demande ki lekel bann  Direkter.  Ti annan en Mr Gayo Wey ki annan 95 poursan e Mrs Weysun ki annan 5 poursan pou Wellpoint Development PTY LimitedOk?  So pou sa Mr Chair sa pou konsernan sa Kontra ki pou Lasanble Nasyonal lo sa Maintenance.  Konsernan Intelvision, nou’n pas menm si dokiman ti annan vreman en kantite dokiman.  Zis pou azoute dan dokiman ti annan en let ki Cable & Wireless ti ekri Fair Trading Commission e la dan sa let ti pe dir ki Intelvision pe abiz son  dominant position as an unfair advantage dan tax sistenm apre bann lezot.  Zis pou azoute ki nou annan en kopi sa rapor Fair Trading Commission ki nou kapab fer Lasanble ganny en kopi osi.  Fair Trading Commission ti fer son assessment.  Dan son assessment in vwar ki (zis pou mon pran sa summary), in vwar ki keksoz, Intelvision pe pey son tax dapre ki i sipoze.  Me sepandan sel keksoz ki i ti advise dan son rekomandasyon ki i vwar ki i still en unfair competition lo konsernan Intervision pe servi bann PUC, poto PUC, pou li met son bann lekipman ou swa met son bann difil.  Sa ki in vwar ki i ti rekomande pou Gouvernman revwar.  Me mon pa’n ganny sans koz avek PUC, pou mwan vwar si i annan okenn peyman ki Intelvision pe fer ouswa okenn laranzman ki’n fer avek Intelvision.  Me sepandan zis pou azoute ki an 2003 ti annan en Lagreman ki letan nou’n get dan son prezantasyon, vre i ti annan bann exemption lo tax me sepandan ti annan en lot let an 2008/2009 ki Intelvision ti advise ki tou sa bann konsesyon ki i ti pe gannyen from 2003 onwards i ti nepli  aplikab akoz nanryen pa ti dan Lalwa letan ti pe fer reform dan bann amannman Lalwa.  So okenn konsesyon ki ti gannyen, i ti nepli, i pa dan Lalwa e i pa pe gannyen i pe pey son tax dapre Lalwa ozordi.  Secondly apre mon krwar ti annan  en konsern ki exclusivity, ti annan en clause dan sa Lagreman 9.1 ki ti donn li exclusivity for cable TV, Satellite TV avek voice over IT system parey dan sa prezantasyon me i no longer exist.  Zis parey zot konnen ki Cable and Wireless in antre dan Cable TV, so i no longer exist.  I zis sa bout ki reste ki pou mon klarifye sa bout lo poto elektrik PUC si i annan okenn laranzman ki dapre Fair Trading Commission ki ti ganny met -e mon pa konnen si ti annan okenn laranzman ouswa si i pe pey en fee lo la.  Ok Mr Chair?  Mon krwar sa 2 bout ki Lasanble me selman bann lezot lasirans se bann dokiman ki ou’n ganny demande nou ava fer Lasanble gannyen by next week.  Sa i ti sa 2 actual dokiman ki Lasanble ti rekomande yesterday.  Mersi Mr Chair.

 

MR DEPUTY SPEAKER

Mersi PS Payet.  Onorab Ferrari.

 

HON JEAN-FRANCOIS FERRARI

Mersi Mr Chairman.  Mr Chairman mon ti a kontan ki PS ti kapab konfirm avek nou sa bann pwen swivan.  Eski Intelvision i pey business tax?  E la mon pa pe dir – mon pe demande eski in peye okenn business tax pandan tou sa bann lannen?  –OkTax lo profit?  Eski zot in peye?  Dezyenmman eski zot pey Vat lo tou zot keksoz?  Eski zot pey okenn tax an realite oubyen an realite – zot pa peye okenn tax?  Akoz dan zot kont napa tax ki zot peye.  Ok napa tax as a deduction.  So mwan mon kestyon pou PS se eski normalman zot oblize pey tax, me selman zot pa peye akoz zot met zot profi overseas.  Sa ki mon le konnen se eski zot actually pey en serten sonm business tax tou le lannen?  Sa i mon kestyon.  Mersi.

 

MR DEPUTY SPEAKER

Ok mersi Onorab Ferrari.  PS Payet.

 

PS PATRICK PAYET

Mr Chair mersi e mersi Onorab.  Lenformasyon ki nou’n gannyen avek SRC Intelvision pe pey business tax, CSR tax, GST arrears, income tax, nou vwar business tax BMT, VAT, Domestic, as well.  Me selman kekfwa Mr Chair dan Lalwa SRC mon pa kapab donn detay spesifik – par egzanp konbyen. Sepandan mon kapab SRC nou kapab demann SRC pou soumet avek FPAC tou sa bann business tax, GST, CSR tax tou sa bann konponan tax konbyen Intelvision pe peye pou sak konponan e through FPAC zot kapab fer.  Zis selman lenformasyon ki nou’n gannyen avek SRC i annan bann konponan depi 2010 nou’n vwar ki zot pe peye.  Nou’n vwar sa bann konponan depi – avan mon pa’n ganny lenformasyon.

 

MR DEPUTY SPEAKER

Mersi PS Payet.  Onorab Pillay.  Ale Onorab Ferrari.

 

HON JEAN-FRANCOIS FERRARI

Ti annan en – selman mon ti a kontan ou konfirmen PS ki dan sa prospectus ki Intelvision in fer sorti ki zot in  state ki zot pa peye tax Sesel.  Konmsi se – akoz mon pa anvi ki dimoun i mazinen poudir mwan mon’n vin la avek en lenformasyon ki pa korek.  Intelvision in dir ler zot ti pe vann zot konpannyen zot in enform bann bidders ki zot pa peye okenn tax Sesel.

 

MR DEPUTY SPEAKER

Ok.  Mersi Onorab.  Yes Onorab Pillay.  Onorab Pillay avan apre Onorab Hoareau.  Onorab Pillay in lev lanmen avan.

 

HON SEBASTIEN PILLAY

Lo sa size ki nou pe koz lo la konsernan sa 2 konpannyen Telekominikasyon.  Ou konnen mwan mon en pti pe fatige avek sa bann Konpannyen Telekominikasyon ler keksoz i al mal kot zot eksetera, zot sot anler me selman ler pou donn kliyan en pli bon deal en pake problenm.  So Cable & Wireless in vin dir ki poudir Intelvision i servi poto elektrik, me Cable & Wireless i pas son difil lo poto elektrik.  So mon ti a kontan as Minister Finans pou vwar, si sa pa reprezant en loss of revenue kot ki konsern tou sa bann Konpannyen Telekominikasyon, kwa ki zot pe peye oubyen pa pe pey PU,C pou servi son bann lenfrastriktir ki li in met an plas ki ou taxpayer ki peye pou met an plas ankor. Ou rapel mon ti remind Lasanble Mr Chair.  Gouvernman i pran gro Kontra avek sa bann Konpannyen Telekominikasyon, dimoun kliyan i pey Konpannyen Telekominikasyon ler i servi son telefonn pou li menm personnelman, e la ankor Konpannyen ki nou taxpayer ki donn li larzan pou fer son travay i met lenfrastriktir e zot benefisye lo la.  Ler antre zot i annan problenm, zot sot anler. Sso PS si ou kapab find out pou ou si PUC pa pe kolekte okenn reveni e pou nou vwar si modalite – the best modality se ki PUC i kolekte serten reveni ler sa bann konpannyen i servi lenfrastriktir ki li i annan.  Petet mon kapab mal si i annan keksoz dan Lalwa, me nou ava ganny korize me selman annou find out lo sa bout.  Mersi Mr Chair.

 

MR DEPUTY SPEAKER

Ok.  Petet anyway PS a rod sa lenformasyon ki azour.  Be mon ti okouran poudir ant sa bann service providers i annan bann laranzman mityel; par egzanp kot menm Cable & Wireless si i met en poto pou en pwen distribisyon PUC i kapab servi sa poto pou pas en laliny lo la.  Zot ganny laranzman e se sa ki fer ki Cable & Wireless li osi tou i ganny laranzman i kapab pas son laliny.  Sa i bann service providers ki zot laranzman ki zot gannyen mon pa konnen si i ankor stand ozordi.  Ok.  Onorab Basil Hoareau.

 

HON BASIL HOAREAU

Mersi Mr Chair.  Mr Chair an relasyon ek sa issue Wellpoint mon krwar ti an relasyon ek en kestyon ki ti ganny raise par Onorab Ramkalawan.  Mon pa ti dan Lasanble me plitar mon’n ganny sans al lo Cable TV rewind e vwar kestyon ki Onorab Ramkalawan ti’n demande.  Eski- mwan ki on pe propoze sa issue Wellpoint, mon krwar i en issue pertinan; i en issue pertinan me nou bezwen konnen dan ki sirkonstans sa Companie ti ganny son Kontra avek Lasanble e ki mon konpran i ankor en Kontra ki – or at least sa Companie i ankor pe ganny servi par Lasanble.  Mon krwar petet, menm si i pa leka petet FPAC – FPAC in fer investigation ladan.  Alors ki tou keksoz i a ganny met o kler e FPAC a met en raport avek Lasanble pou nou konnen egzakteman dan ki sirkonstans sa konpannyen ti ganny Kontra ek Lasanble, e ki bann peyman ki’n ganny fer.  E si i ankor pe ganny Kontra ek Lasanble be mon krwar i enportan pou nou at least met sa o kler once and for all.

 

MR DEPUTY SPEAKER

Ok.  Mersi Onorab Hoareau.  Onorab Afif.

 

HON AHMED AFIF

Mersi Mr Speaker.  Mr Speaker mon kestyon i vreman pou PS Finans.  Zis pou port a son latansyon ki Intelvision dapre sa ki ou’n dir i sipoze pey tou tax me rezon posibleman i pa pe peye se tou le lannen depi 2004 i pe deklar en pert e dapre son income statement 2014 ki mon’n vwar, i pe fer en pert carried forward parey zot apel sa ziska R339milyon.  Mon krwar SRC i devret demann en kestyon.  Be ki mannyer pandan 13an loperasyon tou le lannen nek ou met bann gro, gro kou lentere depresyasyon, tou kalite keksoz ki tou le lannen i pe perdi 40 a 50 milyon roupi.  Be zanmen i pou fer larzan.  Be si apre 13an ou pa fer larzan swa ou pe bat nou latet, ou pe fer larzan me ou pe kasyet oubyen i annan en keksoz en sours finansman parla ki pe tenir ou – ki mwan mon krwar lo en pwennvi reveni zot devret kestyonnen.  E son bann aksyonner i paret British West Indies avek en lot ankor.  Me tousala i paret bann keksoz ki pa normal pou mwan kan mon pe regard li e mon krwar SRC i devret vreman demann kestyon serye e si zot annan forensic oubyen bann oditer spesyalize demann kestyon serye, parski ou pa kapab pe fer larzan, biznes me ou pa pey profi Sesel.  Mersi.

 

MR DEPUTY SPEAKER

Mersi Onorab Afif.  Mon a pran kestyon Onorab Arrisol apre Onorab Ramkalawan and then nou ava move on.

 

HON SANDY ARRISOL

Mr Speaker i pa ti neseserman en kestyon.  Mon ti anvi zis retourn lo pwen ki Onorab Henrie ti fer apre midi avan nou ti ale.  Ou ti dir nou pou ganny lenformasyon 2er ler nou vini.  Me la PS in fini donn lenformasyon.  Mon repet ankor kot Lakour nou sipoze ganny en breakdown parey State House – nou pa ankor gannyen, ki zis lanmenm la avek nou.  Apre i annan PS kot Local Government.  En lot semenn i koule e nou pa ankor ganny sa bann lenformasyon.  La PS zis pou yer in anmenn lenformasyon pou nou ozordi.  I annan ki’n ale en semenn, 2 semenn nou pa ankor gannyen.  Sanmenm tou ki mon ti anvi remind Sekretarya.  Mersi.

 

MR DEPUTY SPEAKER

Note.  Nou ava fer lofis Clerk ek Deputy Clerk fer en follow-upLocal Government nou’n gannyen?  Wi Local Government aparaman nou’n gannyen.  In fini ganny forwarded kot bann Manm.  Ok?  Onorab Ramkalawan.

 

HON WAVEL RAMKALAWAN

Mersi bokou Mr Chairman e bon apre midi tou dimoun.  Mr Chairman FPAC in ganny mansyonnen dan sa – Onorab Hoareau in mansyonn FPAC mon krwar ki i byen sa ki in dir.  Mon pe zis regarde, me selman an menm tan osi dan en serten sans sa propozisyon Onorab Hoareau in fini ganny reponn par PS dan son statement ki in fer.  Parski in dir klerman ki poudir ti napa Kontra.  PS basically in dir avek nou ki sa dernyen Kontra ki sa Lakonpannyen ti gannyen i pa ti devret gannyen akoz i ti’n ganny zis pou 1an.  So larepons in fini kler e ki Lasanble li i pa’n pey, i pa’n pey sa Lakonpannyen – i pa’n renouvle me  ki sa ki ti peye – i pa’n pey nanryen – i pa’n pey nanryen 2017 parski dernyen peyman ti fer 2016.  Ok so nou ava met li ansanm.  Me an menm tan, sa pwen ki- sa pwen ki Onorab Afif in mansyonnen, zis pou nou regarde ki mannyer nou al devan e la  mon ganny – ti ava bon pou nou ganny gidans avek PS Payet.  Si nou pou bezwen.  Si konman en Lasanble nou demann – parey mon krwar nou annan drwa lefe ki i annan en keksoz pou fer avek tax, si nou demann SRC direkteman pou zot fer en audit konman en rekomandasyon Lasanble pou zot fer e audit lo bann kont Intelvision vi ki zot pe dir tou le an zot fer pert, me selman, me selman zot kontinyen roule.  So si ti en Lakonpannyen, si ti en Lakonpannyen en public enterprise – nou ti ava kapab demann Oditer Zeneral pou li, nou ti a request li pou li fer en odit.  Me selman la, eski nou koman en Lasanble Nasyonal nou devret dan en serten sans konman en rezolisyon arising from sa ki PS in dir nou, e baze lo lenformasyon ki son bann kont odite pou demande ki SRC i fer en envestigasyon parey zot annan drwa fer.  Wi apre sa donn nou Lasanble en kopi, nou ti ava kontan vwar en kopi pou ki Intelvision i pey sa ki i devret peye.  Mon a rod gidans Mr Chairman.  Mersi.

 

MR DEPUTY SPEAKER

Ok mersi Onorab.  Onorab de Commarmond.

 

HON CHARLES DE COMMARMOND

Wi zis 2 pti keksoz.   Mon rapel yer mon ti lev sa issue zafer sa Kontra la in en pwen ki PS pa’n reponn.   Ou annan en Kontra ki ou dir ou menm ti’n devret ganny tender pa’n ganny tender i ti mal li an 2016, 2015 ti ok, peyman in ganny fer.  Selman 2016 sa Kontra i sipoze pa ok peyman in ganny fer e sa peyman la in ganny aprouvasyon Finans li, akoz i paret mwan ki Lasanble ki’n peye direkteman san ki Finans i rantre ladan.  Finans pa okouran sa?  Ki mannyer i marse sa konmsi mon le en leklersisman lo la koumsa.  Epi an menm tan sa kestyon ki Onorab Ramkalawan pe met devan, mon krwar i en pwen valab, tre valid.  E parey yer osi mon ti dir i annan gran lotel.  I annan en gran lotel la ki pe konmans pey son tax, menm apre bann exemption ti’n donnen pou ankouraz bann lotel pou envestir dan Sesel, bann businessman ki annan lotel me nou vwar ozordi i annan gran lotel ki pe konmans pey son tax.  Akoz lezot pa pe fer parey.  Ti bon osi ki Revenue Commission i al ladan e ki sa bann 10 eksper ki zot pe rekrite i osi al gete ki pe arive laba.  Mersi.

 

MR DEPUTY SPEAKER

Ok.  Mon pran en dernyen.  Onorab Vidot.

 

HON AUDREY VIDOT

Mr Deputy avan PS i a fer en sel reponn, akoz lo menm laliny ki Onorab De Commarmond pe dir mon rapel byen yer Mr Hermitte ti dir ki ti  annan peyman  from Zanvye ziske Mars 2017; petet sanmenm sa ki annan sa pti konfizyon.  Ti a bon …

 

MR DEPUTY SPEAKER

Ok.  PS.

 

PS PATRICK PAYET

Mersi Mr Chair.  Mersi bann Onorab pou zot kestyon e avek en pe zot bann kekfwa propozisyon.  Definitivman nou a koz avek SRC pou fer sir ki as part of zot bann special audit ki zot pou fer 2018, e sa zot kouver depi en pe sa bann letan 2010 ziska 2017, pou fer sir ki at least pou regard en pe lo konsernan business tax ouswa bann lezot tax pou fer sir ki at least zot in kolekte sa ki zot sipoze kolekte ouswa napa en pe transfer pricing ki’n arive.  Sa nou ava diskit avek SRC e nou a fer sir they will be part of the audit for 2018.  Secondly kekfwa pou pli klarifye sa peyman Wellpoint Development PTY Limited letan nou’n get kot TREZOR, lo sistenm TREZOR peyman in ganny fer, nou pou fer zot ganny en kopi as well;  an 2016 ti annan zis en peyman 750 mil.  2015 ti annan en gro peyman 750.   Apre ti annan en- bann lezot Minister ti annan Kontra.  I annan bann lezot Kontra ki nou kapab fer Lasanble gannyen.  Me sepandan kekfwa pou azoute lo konsern Onorab LGB, lo kote Lasanble Nasyonal par egzanp sa maintenance vot i kot Lasanble Nasyonal.  So Minister Finans li, i napa nanryen pou fer.  Si par egzanp i ti en capital project definitivman once ki i ti pou vin kot Minister Finans, dokiman ki nou ti pou demann zot Kontra avek Procurment approval.  Ou Konpran?  Menm sa groser i pa sa, akoz i en maintenance.  E maintenance is not en capital investmentSo bann accounting officer – e sa peyman ti ganny fer an Fevriye –  an Mars – le 11 Mars 2016 – sa dernyen peyman.

 

(Interruption)

 

PS PATRICK PAYET

Wi.  Sepandan nou’n koz avek Procurement ti napa procurement approval pou sa Kontra 2016 a 2017.  Ti annan pou 2015 me pou 2016 ti napa procurement approval.  Mersi Mr Chair.

 

MR DEPUTY SPEAKER

Ok.  Bon ok. 

 

(Interruption)

 

MR DEPUTY SPEAKER

Order!  Order!  Ok, PS ler mon pe regard bann dokiman ki la dan mon lanmen – mon krwar i kapab en bon nide ki FPAC i regard sa bann dokiman e si fodre, si fodre fer en serten investigation.  Ok?  Akoz ler mon regard par egzanp sa invoice osi ki’n ganny raise, lafason ki sa invoice in ganny raise – ou demande si vreman en invoice i devret ganny raise koumsa  for that  amount of money e apre pou ganny aprouvasyon Lasanble pou anvoy kot Finans pou fer disbursement of funds.  So nou ava pas sa avek FPAC.

 

HON WAVEL RAMKALAWAN

Mr Chairman – zis lekel ki’n sinyen sa bann invoice?

 

MR DEPUTY SPEAKER

Bon i annan  invoice ki’n sorti kot Wellpoint Development, in ganny sinyen par Margaret Sun. Apre bann dokiman ki’n sorti kot Lasanble i ganny sinyen par asistan Clerk, Ms Waye Hive e Clerk Lasanble Nasyonal sa letan – Ms Shelda Commetant.  So nou ava pas avek FPAC, FPAC ava regarde si i annan plis investigation pou fer ladan.  Ok?

 

HON WAVEL RAMKALAWAN

Petet Mr Chairman letan zot nonm investigation nou zis anvi dir e la lefe ki nou pe al pran FIU tou, zis pou dir ki nou anvi fini sa investigation lo FIU an Zanvye e zis konman nou ava fini avek sa enn la apre sa nou ava pran sa lot.  E i resanble konmsi tou le zour pe vin anba ‘yot’ i annan ‘yot.’ Konmsi i vin bokou.

 

MR DEPUTY SPEAKER

Ok.  Mersi Onorab Ramkalawan.  Bon nou ti’n agree avek PS Finans ki avan nou pou pran sa 2 lot Heads nou pou lo bann – i annan bann lezot Heads ki nou pa pe anmenn dan Lasanble la ki ankor outstanding nou pa ankor pran en vot lo la.  Nou ava ale fir an mezir avek PS Finans nou ava pran vot e n ou ava tir sa bann dan semen pou nou kapab tackle LWMA avek FIU.  PS.

 

PS PATRICK PAYET

Mr Chair kekfwa pou konmans lo sa enn premye ki mon krwar an diskisyon avek the two Leaders – National Bureau of Statistics dan plas fer zot vini nou ti pou pran en vot lo la.  Apre nou ti pou pran FIU avek LWMA; me apre i annan bann lezot konponan ki ton anba Finans.  Kekfwa nou ti a konmans lo National Bureau of Statistics ki lo paz 209 a 214 pou en lavaler 14, 917 milyon.

 

(Mic Off)

 

PS PATRICK PAYET

209.

 

MR DEPUTY SPEAKER

Ok.  Tou Manm ki an faver?

Bidze pou Departman Statistics, Biro Statistics.  Tou Manm ki an faver?

Okenn Manm ki kont?

Madam Clerk.

 

MADAM CLERK

Mersi Mr Chair.  25 Manm an faver e personn kont.  Mersi.

 

MR DEPUTY SPEAKER

Ok.  Savedir Bidze pou NBS in ganny laprouvasyon Lasanble Nasyonal.  PS.

 

PS PATRICK PAYET

Mr Chair the next one i Seychelles Licensing Authority ki lo paz 153 lavaler 15. 107miyonl.

 

MR DEPUTY SPEAKER

Ok.  Tou manm ki an faver Bidze SLA, Licensing Authority?

Okenn Manm ki kont?

Madam Clerk.

 

MADAM CLERK

Mr Chair 22 Manm an faver, personn kont.  Mersi.

 

MR DEPUTY SPEAKER

Bon Bidze pou Licensing Authority in ganny aprouve par Lasanble Nasyonal. PS.

 

PS PATRICK PAYET

Mr Chair the next one i pou Fair Trading Commission lo paz 160 pou en lavaler 13. 236milyon.

 

MR DEPUTY SPEAKER

Ok.  Tou Manm ki an faver?

Okenn Manm ki kont?

Madam Clerk.

 

MADAM CLERK

Mr Chair 23 Manm an faver.  Personn kont.  Mersi.

 

MR DEPUTY SPEAKER

Ok, Bidze pou Fair trading Commission in ganny aprouvasyon Lasanble Nasyonal.  PS.

 

PS PATRICK PAYET

Mr Chair the next one i Tax and Custom Agent Board avek Revenue Tribunal ki ansanm lo paz 189 pou en lavaler R1. 315milyon.

 

MR DEPUTY SPEAKER

Tou Manm ki an faver?

Okenn Manm ki kont?

Madam Clerk.  Yes Madam Clerk.

 

MADAM CLERK

Mersi Mr Chair.  14 Manm an faver.  Personn kont. Mersi.

 

MR DEPUTY SPEAKER

Ok, savedir Bidze pou Tax and Custom Agent Board and Revenue Tribunal in ganny aprouve par Lasanble Nasyonal.  PS.

 

PS PATRICK PAYET

Mr Chair the next one i Small Business Financing Agency lo paz 196 pou en lavaler 32.658milyon.

 

MR DEPUTY SPEAKER

Ok.  Tou Manm ki an faver?

Okenn Manm ki kont?

Ok, Madam Clerk.

 

MADAM CLERK

Mr Chair zis pou mon eklersi si Onorab Ferrari in vote silvouple.

 

MR DEPUTY SPEAKER

Wi in vot kont li.  Wi.

 

MADAM CLERK

Ok.  Mr Chair mon annan 15 an faver e 1 kont.  Mersi.

 

MR DEPUTY SPEAKER

Ok.  Savedir Bidze pou Small Business Finance in ganny aprouvasyon Lasanble Nasyonal.  PS.

 

PS PATRICK PAYET

Mr Chair the next one i Government Audit Committee lo paz 206 pou en lavaler R945mil.

 

MR DEPUTY SPEAKER

Ok tou Manm ki an faver?

Okenn Manm ki kont?

Madam Clerk.

 

MADAM CLERK

Mr Chair 17 Manm an faver e personn kont.  Mersi.

 

MR DEPUTY SPEAKER

Bon savedir ki Bidze pou Government Audit Committee in ganny aprouve par Lasanble Nasyonal.  PS.

 

PS PATRICK PAYET

Mr Chair nou annan 2 lezot ki ptipti mon pa konnen si pou annan kestyon.  I annan enn others ki subscription to International Organisation ki lo paz 28, (sorry pa 28 sorry).  I lo paz 35, (sorry) 35.  Pti pti 35 lo summary of expenditure.  Apre nou annan Tax Exemption pou lavaler R30milyon ki lo paz 5 avek 6.  Mon pa konnen si ti pou annan okenn kestyon pou sa 2.

 

TAX EXEMPTION

 

MR DEPUTY SPEAKER

Ok.  Nou annan en kestyon.  Ale Onorab Ferrari.

 

HON JEAN-FRANCOIS FERRARI

Yes mon annan en kestyon zeneral PS.  Mon ti a kontan zis ou eksplik nou lekel – ki mannyer sa bann Tax Exemption ti ganny kalkile e i aplik pou kwa.  Mersi.

 

MR DEPUTY SPEAKER

PS.

 

PS PATRICK PAYET

Mr Chair mersi e mersi Onorab. Pou tax exemption i zis en provizyon ki nou mete par egzanp nou met 5milyon anba trade tax e 25 milyon anba VAT.  Nou’n vwar ki i annan bann Lagreman par egzanp bann Grant agreement ki ou vwar ki dan bann Grant agreement ki sa donors i dir ou i pa pey okenn taxes.  Par egzanp letan en keksoz pe vini at the Port Gouvernman ki bezwen bear the taxes.  Sanmenm sa ki nou met sa provizyon ki nou servi.  Par egzanp nou konnen lannen prosenn par egzanp i annan par egzanp sa bann Indian Grant ouswa line of credit ki Gouvernman i bezwen pey sa konponan.  At the end ou pey direk SRC.  So at the end it’s a net-off at the end of the day.  Be selman zis ou fer li latransparans ki napa dan Lalwa, ki Gouvernman osi ou bezwen pey sa tax.  So nou met sa provizyon pou nou peye.  E nou, nou fer sir ki i  dapre Lagreman.  Si napa Lagreman provizyon i a donn sa exempt nou pa exempt li – sa donor i bezwen peye.  Be souvandfwa i exempt.  Mersi.

 

MR DEPUTY SPEAKER

Ok?   Bon ki son amount pou nou vot lo la PS?

 

PS PATRICK PAYET

Mr Chair nou pou bezwen pran 2 vot.  Premye i anba ‘’others’’ ki R34.712milyon e dezyenm i ‘’tax exemption’’ ki pou lavaler 30milyon.

 

MR DEPUTY SPEAKER

Ok.  So nou ava pran sa Heading anba othersOk.  Sonm R34. 712milyon.  Tou Manm ki an faver?

Okenn Manm ki kont?

Madam Clerk.

 

MADAM CLERK

Mr Chair 19 Manm an faver e personn kont.  Mersi.

 

MR DEPUTY SPEAKER

Ok.  Savedir pou sa sonm anba ‘’others’’ Lasanble Nasyonal in aprouve.  Nou ava pran lot anba tax exemption.  Ki son amount PS?

 

PS PATRICK PAYET

R30 milyon Mr Chair.

 

MR DEPUTY SPEAKER

Ok, tax exemption R30milyon.

Tou manm ki an faver?  Okenn Manm ki kont?

Madam Clerk.

 

MADAM CLERK

Mr Chair 18 Manm an faver e personn kont.  Mersi.

 

MR DEPUTY SPEAKER

Ok.  Savedir anba Head ‘’tax exemption’’ R30 milyon Lasanble Nasyonal in vot an faver.  PS.

 

FINANCIAL INTELLIGENCE UNIT -FIU

 

 

PS PATRICK PAYET

Mr Chair i reste nou 2 Head.  E premye ladan ki nou’n demande pou vini se FIU e once ki nou fini FIU nou pran Landscape and Management Agency.

 

MR DEPUTY SPEAKER

Ok.  Mersi PS nou ava demann Parliamentary Reporter pou envit bann zofisye FIU.

 

PS PATRICK PAYET

E FIU lo paz 215 a 219.

 

MR DEPUTY SPEAKER

Ale Onorab Ferrari.

 

HON JEAN-FRANCOIS FERRARI

Si ou pe esper Head of FIU vini ‘’compensation for land acquisition’’, i en vot ki nou bezwen vote sa PS?  Akoz i annan en provizyon R20milyon?

 

MR DEPUTY SPEAKER

Ok.  PS.

 

PS PATRICK PAYET

Mersi Mr Chair.  Mersi Onorab.  Nou’n fini met li anba PSIP Ministry of Land Use and HabitatSo nou’n dezan pran en vot lo li.  Zis nou’n met li for transparent enough pou zot konnen konbyen son provizyon – at least ki tou dimoun i okouran.  Mersi Mr Chair.

 

MR DEPUTY SPEAKER

Ok.  Mersi PS.  Bon mon ti a kontan welcome Mr Philip Moustache – Direkter FIU, Ms Wilna Azemia Head of Finance ek Ms Sandy Morel Asistan Direkter.  Bonn apre midi e welcome dan Lasanble Nasyonal.  E toudswit mon ava demann bann Manm ki pou entervenir, ki pou demann kestyon pou FIU pou lev lanmen.  E Madam Clerk ek Deputy Clerk i ava note.  Ok Madam clerk.

 

MADAM CLERK

Mersi Mr Chair.  Lo kote parti lepep mon annan Onorab Charles De Commarmond, Onorab Sebastien Pillay, Onorab Basil Hoareau, Onorab Audrey Vidot, Onorab Churchill Gill e Onorab Egbert Aglae.  Mersi.

 

MR DEPUTY SPEAKER

Ok.  Madam Deputy Clerk.

 

MADAM DEPUTY CLERK

Mersi Mr Chair.  Lo kote LDS mon annan Onorab Ramkalawan, Onorab Afif, Onorab Ferrari avek Onorab Andre.  Mersi.

 

MR DEPUTY SPEAKER

Ok.  Mersi.  Ms Morel ou kapab move devan ek panel.  Bon nou ava konmanse avek Onorab Aglae.

 

HON EGBERT AGLAE

Mersi Mr Chair.  Bonn apre midi delegasyon FIU.  Mon kestyon i lo paz 216 kot latab 2 kot i konsern ki annan ‘’risk assessment’’.  Mon’n vwar ki i annan en rediksyon konsiderab dan zot Bidze depi lannen pase sorti 14milyon pou vin 5milyon pou lannen prosen.  Mon ti a kontan ganny en leklersisman kwa ki’n fer sa rediksyon sibstansyel anba sa vot?  Mersi.

 

MR DEPUTY SPEAKER

Mersi Onorab.  Mr Moustache ou le reponn?

 

DIRECTOR FIU MR PHILIP MOUSTACHE

Bon apre midi Deputy Speaker, bann Manm Onorab.  Lo sa kestyon ki Onorab in demande, lannen prosenn nou pou annan nou en meeting ki nou pou host isi pour Eastern and Southern Africa Anti-Money Laundering Group e sa nou ti’n demann en Bidze 5.5.  E en demann ki mon pe demann avek Lasanble, nou ti’n ganny nou 3.5 ki nou re ganny sa.  Akoz i en international commitment; nou pou annan apepre 400 partisipan enkli apepre 18 Minis Finans e nou, nou santi ki 3.5 pa pou ase.  E mon’n sirkil en bann dokiman ki’n annan nou costing.  Sa meeting i enportan akoz nou asessment ki pe fer an se moman la, pou ganny prezante e adopte dan sa meeting.  E mon krwar i bon  ki nou prezant en bon meeting.  I annan en – mon’n sirkil en dokiman i annan en minimum standard ki nou bezwen adere pou host en meeting koumsa.  E nou’’ ganny costing aparti Sud Afrique ki 5milyon RandNamibie osi in donn nou en costing e nou nou santi sa – E sa de pei zot zot kou lavi laba i en pe pli mwens ki isi.  E nou nou 5.5 mon krwar i pou merite pou anpes – pou les nou fer sa meeting.  Mersi.

 

MR DEPUTY SPEAKER

Ok.  Mersi Mr Moustache.  Onorab Aglae.

 

HON EGBERT AGLAE

Mr Speaker mon annan en siplemanter.  Si mon pe konpran parey Mr Moustache pe eksplike, sa vot anba sa progranm 2 la sa larzan i ganny servi pou fer parey in dir i sipoze bann assessment.  Mon ti a kontan konnen prezan lekel ou bann partners; swa ou annan partners lokal swa dan ou Departman avek etranze ki ou pe travay avek v ki ou’n dir ki ou annan serten sonm ki ou’n demande parey ou’n fer resorti 5milyon Rand pou fer sa progranm – e si sa vot i dedye espesyalman pou fer  sa bann kalite aktivite avek?  Mersi.

 

MR DEPUTY SPEAKER

Mersi Onorab.

 

DIRECTOR FIU MR PHILIP MOUSTACHE

Mersi Onorab pou ou kestyon.  Sesel i en Manm fondater Eastern and Southern African ki Anti-Money Laundering Group.  I annan 18 pei e sak pei i annan obligasyon pou li host son annual general meeting 1 fwa tou le 18 an.  Nou ti sipoze host depi 2014.  Nou ti’n demande pou postpone e 2014 sa Konsey Minis ti’n prononse ki nou bezwen host sa an 2018.  E nou, nou bezwen host sa meeting.  Dan nou Bidze nou napa partner aletranze e se pou kwa nou pe demann sa larzan.  Sa bann delege zot vini zot pey zot prop akomodasyon, zot avyon tou.  Nou nou bezwen donn en venue – transfer bis epi bann lunch, bann keksoz koumsa.

 

MR DEPUTY SPEAKER

Bon, mersi Mr Moustache.  Mon pa pe donn question arising akoz tou sa bann Manm ki pe fer mon siny question arising, zot non i lo lalis.  Zot non i lo lalis zot kapab abord zot question arising ler in ariv kot zot.  Sinon nou pa pou zanmen fini.  Ok?  Petet zis lo sa kestyon Onorab Aglae mon a demann Mr Moustache, nou konnen i annan serten rankont ki i en obligasyon.  Eski i en obligasyon ki FIU Sesel i host?  Mr Moustache.

 

MR DEPUTY SPEAKER

Mersi Deputy Speaker.  I en lobligasyon.  E normalman bann FIU dan bann pei ki zot ki kordin sa levennman la.  Lefe ki FIU i Lotorite pou Anti-Money Laundering zot ki host sa levennman.  Mersi.

 

MR DEPUTY SPEAKER

Ok.  Mersi Mr Moustache.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair mon pa pe tro konpran sa repons ki Mr Moustache in donnen, akoz mon pou al dan menm laliny ek Onorab Aglae kekfwa i pa’n ensiste.  An 2017 anba progranm 2 ti 14.9milyon, kwa ki fer ki an 2018 e mon pa’n vwar an 2017 ki kantite Konferans nou’n fer, kwa ki fer ki an 2018 nou ape fer nou en Konferans ki dapre ou ‘’approved new spending’’ ki lo paz 217 i dir ou 3.5milyon – so  i bezwen annan ankor 2milyon savedir ki pe al dan en lot landrwa.  Mon pa pe konpran ler ou pe dir nou poudir sa i pou sa meeting akoz i sorti 14 i vin 5.  I bezwen annan en keksoz ki i ti pe fer an 2017 ki pa pe ganny fer e kote sa larzan in ale nou pa konnen.  Nou a gete ou a dir nou.  Apre letan nou pe get lo latab 217, latab 4 kot paz 217 plito, latab 4 ou annan ‘’gouvernance management and administration’’, li in sorti   8milyon – 8.4milyon i pe mont 11.7milyon.  Mon ti a kontan ganny en pti pe plis leksplikasyon lo sa pou ki i ava eklersi nou.  Mersi bokou.

 

MR DEPUTY SPEAKER

Mersi Onorab.  Ok.  Mr Moustache oubyen Madanm Azemia.

 

MS WILNA AZEMIA

Mersi Onorab pou ou kestyon.  Anba sa progranm 2 lannen pase parey ou konnen Bidze ti ganny fer an 2016 pou 2017.  Ok?   Nou ti’n met en larzan anba la be apre i annan en bann sanzman ki’n pase dan FIU pandan 2017.  I annan larzan ki’n ganny transfer in sorti in al anba progranm 1.  I annan staff ki’n sorti anba progranm – ou pou vwar pou 2018 si ou pe get sa latab ki ou pe demande, ou pou vwar poudir progranm 2 son larzan i pli pti gin ki 2018 ki 2017.  Ou pou vwar sa tranzisyon kot nou’n bezwen avek bann amannman ki’n pase avek bann staff ki nou’n bezwen en pe transfer, akoz loperasyon nepli avek nou e ki’n ale.  Nou annan larzan ki nou’n transfer pou sa bann dimoun in ale parey Lapolis.  I annan bann larzan ki’n transfer ki’n al laba.  Ou pou vwar poudir sa amount ki nou ti mete an 2017 i ti ganny propoze an 2016.  E selman i pa’n ganny servi tou sa larzan an 2017 akoz sa bann amannman.  Prezan ou pe vwar anba progranm 1, in ogmante akoz ler nou’n refer nou restriktirasyon ki nou pe – well nou pe espere avek sa, me selman nou’n met nou bann staff nou bann lezot depans ou pou vwar poudir i annan en ogmantasyon akoz nou ti diviz –ti annan en keksoz ki ti diviz an 2. Ti annan en pe dimoun ki ti dan labank Santral en pe dimoun ki ti anler la kot lo campus.  I ti parey office expenses, ti kas an 2 be la i en sel prezan.  Sanmenm ou pou vwar sa ogmantasyon dan progranm 1 kot ‘’governance.’’

 

MR DEPUTY SPEAKER

Ok.  Mersi Ms Azemia.  Onorab Andre.

 

HON CLIFFORD ANDRE

Wi, Mr Moustache letan in eksplike in dir nou sa 5.5 se ‘’national risk assessment’’ – ok?  Me selman parey mon’n dir ler nou get lo paz 217 pou organiz sa aktivite ki’n dir nou Sesel i son tour pou organize, i zis 3.5 milyon.  So akoz ki nou annan 2milyon ki mwan mon krwar i kapab fer en savings e nou kapab rode pou nou dir swa freeze – swa nou koupe.  I annan 2milyon ki pou mwan i pa eksplikab akoz ou’n dir 3.5.  Mersi.

 

MR DEPUTY SPEAKER

Mersi Onorab.  Ok, Ms Azemia.

 

MS WILNA AZEMIA

Onorab ou pe rod sa increase dan progranm I oubyen ou pe rod sa progranm 2 akoz ti 14milyon?

 

HON CLIFFORD ANDRE

Pou progranm 1 ou’n eksplik mwan sa increase ki pa signifikan -Ii mean i pa bokou; me selman mwan mon pe dir ou an term sa 5.5 pou 2018 dan progranm 2 – ok?  Letan Mr Moustache in eksplik nou in dir nou – letan in eksplik Onorab Aglae in dir sa se pou host sa ISAM GL – Council Conference – ok?  Prezan letan nou get lo 217 – paz 217 pou ‘’approved new spending initiative’’ ki mon krwar Minister Finans ansanminou’n diskite, sa aktivite progranm 2 i 3.5.  So mon annan 2.1 annefe, 2.  Pres 2.1 milyon ki an plis lo sa progranm.  So mwan mon pe dir si ou’n donn nou sa, nou kapab donn ou sa ki ou’n demande.  Pa an plis.  Akoz an plis.

 

MR DEPUTY SPEAKER

Ok.  Mersi Onorab.  Ms Azemia.

 

MS WILNA AZEMIA

Mersi Onorab.  Dan sa 5.5 ki ou pe dir parey ou’n dir 3.5 milyon in ganny aprouve pou sa ISAMLAG Council Ministers Meeting ki nou nou pe dir i pa ase.  Sa ladiferans ki reste letan ou tir sa 3.5, anba sa 5.5 i annan bann lezot keksoz ki nou pe depanse anba national risk assessment.  I annan staff ki pe travay zis avek – nou’n met zot anba la.  Nou annan training pou sa bann dimoun osi.  Nou annan travel avek zot …. allowance pou sa bann dimoun ansanm.  I bann depans ki related ek sa – akoz dapre Mr Moustache pou annan bann training, pou annan bann travel avek sa ISAMLAG ki pe … sa NRA ki pe fer pou bann dimoun ale.  I sa bann depans ki related to NRA. 

 

MR DEPUTY SPEAKER

Mersi Ms Azemia.  Onorab Andre.

 

HON CLIFORD ANDRE

Mon en pti pe konfize ankor la akoz dapre –

 

(Interruption)

 

HON CLIFORD ANDRE

Fini?  Ok, dapre Bidze i met ‘’travel’’ i annan en vot, i met lot i annan en vot.  Konmsi sa nou’n vwar i detaye. Mon pa convince anba la ki ou bezwen pey staff akoz staff pe ganny peye.  E ou annan en lot – dan ou ‘’goods and services’’ ou annan ou ‘’overtime.’’  So letan nou met en Bidze nou pa kapab retournen dir staff pou ganny peye anba la; akoz swa zot pe mal dir nou, swa zot mal mete, swa zot pe mete pou ganny an plis.  Eksplik nou kler akoz mon pa convince sa 2milyon i pou fer sa ki ou pe dir mwan, akoz in fini donn zot dan ‘’goods and services’’ ki nou’n ganny detay.  Mersi.

 

MR DEPUTY SPEAKER

Mersi Onorab.  Ms Azemia.

 

MS WILNA AZEMIA

Mersi Onorab.  Sa bann staff ki nou pe koze sa bann staff i deza la selman ki mannyer nou’n kas li akoz i en progranm nou’n met sa bann staff anba sa progranm.  Prezan nou’n kas sa saler nou’n met zot anba sa progranm.  Napa staff apar ki nou pe peye.  I bann staff ki deza la spesifikman zot pe fer sa sa NRA.  Selman zis nou’n kas li nou’n met li anba sa progranm; ki nou konnen poudir sa i related pou zot saler, zot travel, zot training -ensidswit.

 

MR DEPUTY SPEAKER

Yes Onorab –

 

HON CLIFFORD ANDRE

Mon dernyen klarifikasyon, apre mon krwar mon pou bezwen aret demann klarifikasyon,n akoz mon pa pe klarifye pou mwan.  Letan en Lorganizasyon i vin nek son wages anba en progranm ‘’wages and salary’’ i annan – in klasifye.  So sa i en konponan ki akoz ki ou bezwen annan ‘’wages’’ ankor kan ou annan dan ou ‘’goods and services’’ ki’n fini detay ‘’wages and salary.’’  Mon pa convince ki ou bezwen met li dan en lot progranm oubyen anba en lot letan ou ‘’expenditure’’ in fini detaye an referans avek sa aktivite ki ou pe fer.  Mersi bokou.

 

MR DEPUTY SPEAKER

Mersi Onorab.  Ms Azemia.

 

MS WILNA AZEMIA

Onorab mersi.  Mon a re eksplike.  Anba sa ISAMLAG Council Meeting ,napa lapey pou okenn saler ladan.  Anba sa ISAMLAG Council Ministers Meeting i annan larzan ki nou’n mete anba ‘’hospitality,’’ i annan larzan ki nou’n mete anba ‘’facilities of events’’.  I annan larzan ki nou’n mete anba ‘’rents and rates’’’other rents and rate’’.  I annan larzan ki nou’n mete anba ‘’consumable’’ ki bann keksoz lozistik ki nou pou peye related avek sa levennman ki pe arive.  Napa larzan pou pey okenn staff. Selman vi ki in grad li anba sa progranm 2 – nou’n met li anba progranm 2 – akoz nou’n met li anba zot bann respective vote.  Napa larzan pe pey saler pou sa bann dimoun ladan.  Ou pou vwar lannen prosenn, lannen 2019 – napa sa larzan ki nou pou demande ankor sa 3.5.  I pou annan en pe larzan ki nou pou demande i pou sa bann dimoun ki pe reste pou zot kapab travay avek continuous sa NRA.

 

MR DEPUTY SPEAKER

Ok.  PS Finans.

 

PS PATRICK PAYET

Mr Chair mersi e mersi Onorab.  Zis pou azoute kekfwa ki letan nou get sa 5.536 milyon.  Si nou tir sa 3.5 milyon pou sa Council Conference Meeting i pou reste nou 2. 36milyon e ladan nou vwar 2018 lo table 5 paz 218 nou vwar deza i annan saler 1milyon ladan.  So parey madanm pe dir 1milyon i pou sa saler pou sa bann staff ki pe travay dan sa Divizyon ouswa seksyon.  An menm tan i reste letan ou pou ti sa saler i pou reste ou 843mil.  843mil i zot operational cost; par egzanp zot training, bann lezot keksoz ki zis pou sa bann staff specific.  Me tandis ki letan ou get dan ‘’governance’’ li osi i pou annan son bann konponan staff ki i pou annan son bann ‘’goods and services’’ pou sa bann staff specific.

 

(Mic Off)

 

PS PATRICK PAYET

I en seksyon – wi.

 

HON CLIFFORD ANDRE

Seksyon ki kontinyen reste apre sa meeting?

 

MR DEPUTY SPEAKER

Ok.  Ou’n ganny ou klarifikasyon Onorab.  Ok, Onorab Vidot.

 

HON AUDREY VIDOT

Mersi Mr Chair.  Mr Chair mon kestyon i al dan menm progranm.  Mwan mon ti a kontan konnen avek FIU – menm si zot pou annan sa group ki pe vini zot annan sa travay pou zot fer avek sa group, plus bann lezot depans parey zot in eksplike klersi sa larzan zot vwar sa nivo ki in desann i pou ed FIU avek son travay ki sa progranm i zistifye – i sipoze fer.  Eski zot krwar i pou ase menm si in koupe pou ed zot, i annan kont ki FIU nou konnen en bon pe zot ledan in grennen pou kapab mord en pe sa bann sa –  Dir nou si i ase? Mersi.

 

MR DEPUTY SPEAKER

Mersi Onorab.  Mr Moustache.

 

DIRECTOR FIU MR PHILIP MOUSTACHE

Mersi bokou Onorab.  Parey mon’n mansyonnen lo komansman nou Bidze orizinal ti 5.5 e nou’n fer en costing ki mon’n sirkil avek Deputy Speaker, avek Leader of the Opposition, e i montre nou costing.  Epi nou’n substantiate sa avek bann costing ki nou’n gannyen ki Sud Afrique in fer menm meeting e Namibie e li osi dan ranze depi 5.5 ziska 7milyon.  E nou sa 3.5 pa pou ase.  Akoz parey mon mansyonnen, nou pou annan nou 18 Minis Finans e ou pou bezwen provide VIP services enkli loto pou zot.  E i en international commitment sa.  Nou bezwen onore.  Ek 3.5 i pou al anbaras nou.  Mersi.

 

MR DEPUTY SPEAKER

Mersi Mr Moustache.  Onorab Vidot.

 

HON AUDREY VIDOT

Zis en pti follow-up.  Mon’n konpran ou on poudir sa ki ou pe demande pa ase se pou sa rezon ou’n ganny sa 5.  Mwan mon pe demann ou avek ou progranm ki ou bezwen fer marse pou sa zafer risk assessment la pou sa progranm li menm marse akoz dan Bidze ankor lannen prosenn nou pou vwar li nou.  Eski sa larzan i pou ase pou zot FIU kapab travay?  Mersi.

 

MR DEPUTY SPEAKER

Ok mersi Onorab.  Mr Moustache.

 

MS WILNA AZEMIA

Mersi Onorab.  Pou operation i pou ok.  Zis pou host sa Council Ministers meeting ki nou’n vwar i pa pou ase.  Nou’n deza anmas detrwa quotation – nou’n fini vwar poudir i pa pou ase.  Mersi.

 

MR DEPUTY SPEAKER

Ok. I kler.  Mersi Ms Azemia.  Onorab Sebastien Pillay.

 

HON SEBASTIEN PILLAY

Mersi Mr Chair.  Bon apre midi.  Bon apre midi tou Manm.  Bon apre midi panel devan.  Zis premye en pti keksoz zeneral eski ozordi FIU zot napa okenn lenterferans avek personn.  Zot kapab dir nou zot pe travay zot menm, management Seselwa.  Apre dezyenmman sa Konferans ki zot pe dir nou la petet Minis Finans si ou kapab dir nou, sa zafer Konferans isi mon konpran son nesesite, mon konpran son lanvergir, me selman eski nou pa devret rod en fason pou sey fer lekonomi, menm ler nou annan sa bann commitment enternasyonal konmsi pou sey vwar ki mannyer nou kapab manage avek sa ki nou met la akoz nou pa kapab – akoz nou petet nou pa Sud Afrique, nou pa sa bann pei ki annan sa ban kantite resours.  Sey rod fason pou manage avek sa ki nou annan la ozordi.  Apre mon lot kestyon i konsern lo sa risk assessment.  Eski nou annan ase staff ki pe fer sa risk assessment ozordi zisteman pou ed zot provide oubyen met sa presyon lo bann, lo sistenm finansyel pou kapab ganny lenformasyon ki neseser, si zot deside pou zot par egzanp met en freeze lo bann kont eksetera.  Mersi.

 

MR DEPUTY SPEAKER

Mersi Onorab. Mr Moustache.

 

DIRECTOR FIU MR PHILIP MOUSTACHE

Mersi Onorab.  Pou konmanse FIU i pirman, management i pirman Seselwa – ok?  E nou pe re organiz nou FIU e enn nou bann konstrent ankor nou pe sey recruit ankor staff.  Nou still annan e shortage of manpower.  Nou’n annan staff ki’n kite e nou pe sey ranplase.  Nou problenm ki nou gannyen se nou interview staff.  Ler nou donn zot en letter of offer saler ki nou pe ofer, i pa konvenab.  Akoz zot pe get sa ki zot gannyen dan sekter prive.  Prezan nou dan en sityasyon kot nou pa kapab recruit new staff.  E nou nou fer otan posib pou train nou bann staff swa isi aletranze.  E nou staff i ganny coach prezan nou vwar lo kote nou kapabilite nou pa pe kapab al lo maximum.  Nou Bidze i pa permet nou ganny tou sa bann staff ki nou nou bezwen.  Lo kote ou’n mansyonn management ti’n ganny okenn force – threatened – non.  Nou endepandan e sa i swiv rekomandasyon 29.  Nou pa devret ganny okenn undue influence Gouvernman oubyen politisyen.  Nou endepandan personn pa pe fors nou, oubyen pe obliz nou fer keksoz dan nou travay.  E lo kote sa risk assessment nou annan nou 3 staff ki dedye lo la.  Nou’n konplete sa risk assessment me going forward.  Zot pou osi okip sa mutual evaluation.  I pou en ongoing thing.  E pou le moman nou pe sey increase nou kapasite ankor.  Si nou ganny ankor enn oubyen de staff ti ava ede e still.  E come back to nou Bidze manpower e Bidze i en kontrent pou nou.  Mersi.

 

MR DEPUTY SPEAKER

Ok.  Mersi Mr Moustache.  Onorab Pillay.

 

HON SEBASTIEN PILLAY

Mersi Mr Chair.  Mr Chair petet mon ti a kontan ki Minister Finans i pronons li en pti pe lo sa size Konferans, akoz mon pe konpran poudir Sesel pe pran prezidans sa groupman me still lefe i reste ki nou bezwen fer serten lekonomi ler nou pe fer sa bann Konferans; e nou vwar bokou sa bann Konferans pe ganny fer dan bann gran lotel 5 Zetwal kot i annan en kou finansyel ki vin avek.  So eski zot in regard tou bann eleman ki asosye avek sa bout?  Apre dezyenmman an se ki konsern mod negosyasyon.  Petet la …en pti kestyon zeneral Mr Chair,  ou konnen nou pe tann bokou koze lo risk ki sekter finansyel offshore i poze pou sekter finansyel nou pei e plizyer fwa nou tann koze lo la –  de -risking, loss of correspondence – banking.  Eski enn bann modalite ki zot servi konman Minister Finans, pou al negosye oubyen pe al vwar eski zot pran par egzanp en lapros en pe pli petet – mon pa pou dir agresiv, me pli proaktiv ler zot al vwar bann groupman enternasyonal ki set bann Lalwa, ki set bann standar pou met lo rikord konteks ki  Sesel i ladan akoz nou pe regard bann international best practice e resaman nou ti dan en meeting mon pa pou koz lo la, akoz sa i en lot size me sey eksplik nou ki kantite zot pe mete in terms of pou sey asire ki ler nou pe pas bann lLzislasyon nou pe met an plas bann regilasyon dan sa sekter nou pa  pou met Sesel a risk premyerman, me ki zot osi zot pe proaktiv pou donn Sesel meyer sans pou être konpetitiv dan sekter finansyel.  Sa i en pwen ki mon ti a kontan zot klarifye.  Mersi Mr Chair.

 

MR DEPUTY SPEAKER

Ok.  Mersi Onorab.  Mon ava donn laparol Minis Finans avan.

 

MINISTER PETER LAROSE

Mersi bokou Mr Chairman.  Mersi bokou Onorab Pillay.  Mon krwar sa i en tre bon kestyon ki ou’n souleve sa apre midi.  E kot i konsern met Sesel at risk, Sesel i napa en tro bon repitasyon enternasyonalman; e la mon kapab konfirmen dernyerman ler mon ti al annual meeting World Bank  – IMF mon’n reelman met serten pwen dan faver Sesel avek lezot bann pti pei ki pe soufer ek sa de-risking.  Si nou pa fer atansyon ek sa de-risking la sa pei pe al plonze.  Ler mon dir plonze pa pou kapab operate ni resevwar en Dolar ni kapab pey en Dolar.  E se pou sela konm Minis Finans mon konpran son magnitude responsabilite par deryer sa de-risking.  E konman ou konnen poudir i annan en tim expert ki pe diskit mutual evaluation pou Sesel mon’n rankontre zot avek bann lezot stake holders i vedir ki lannen prosenn nou sipoze pran Chairmanship.  Nou pa kapab pran Chairmanship si nou lo black listed.  Sa i pa normal e personn bann lezot pei manm pa pou  aksepte e sa i pou en move repitasyon pou Sesel.  E mon konnen i annan serten pei ki’n ganny blacklisted.  In kout zot en fortin pou zot kapab negosye.  Kot i konsern de- risking la se vre i kapab kout pei en fortin parski sa bann gran labank enternasyonal, pa pe regard Sesel e bann lezot pei dan sa bann kondisyon koumsa lo en pwennvi konpasyon.  Si ou pe regard lo en pwennvi ekonomik.  Zot e demande poudir si zot kontinyen sa relasyon avek Sesel e lezot pei ki dan sa kondisyon i annan serten larzan ki bezwen ganny part avek zot.  I annan serten charges ki zot charge lo sak tranzaksyon in and out of Seychelles.  Tousala se bann lenplikasyon kot nou vwar poudir nou pei i kapab an danze.  E mwan mon pran li tre serye.  E parfwa ler mon mazinen serten threat ki nou gannyen avek sa bann labank enternasyonal – fransman dir ou mon pa dormi aswar parski mon mazinen nou kapab pou en zour napa dir, napa pwason.  Nou kapab sirviv.  Me si nou banking system i freeze kot nou pou ale?  Enn sa.  E mitigating factors ki mon pe pran se ki natirelman Mr Moustache nou pou bezwen reelman asiz avek ou pou regard byen ou costing parski nou pa kapab envit dimoun isi pou fer sa Konferans.  Ler nou pe envite i donn Sesel osi en visibility.  Se si ou le sa negative view ki enternasyonal i annan lo Sesel kapab sanze e zot ava ganny envite pou vin Sesel on the spotBetter assessment you are on the spot.  E kot i konsern finansman mon pe negosye avek en labank ki zot in prepare; natirelman i operate isi Sesel, me senpleman son brans i enternasyonal ki zot kapab co-finance nou depans e sa i ava ede pou nou redwir sa fardo lo nou Bidze.  E ankor enn fwa Mr Chairman, mon krwar nou bezwen asiz avek Mr Moustache avek son management team pou regard en pe bann kou parski nou pa kapab vin pli tar avek lo supplementary Budget pou en keksoz ki nou ti kapab kalkile depi o komansman.  Mersi bokou.

 

MR DEPUTY SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Chair.  Mr Chair dernyen pwen.  Ou konnen lannen pase ler nou’n diskit Bidze FIU e tou dilon envestigasyon FIU, ki tou Manm in partisip ladan parey Onorab Ferrari i konn tre byen enkli Manm LDS e Manm Parti Lepep. Dayer nou’n ganny felisite avek nou Chairman pou louvraz ki nou’n fer konman en lekip.  Nou ti ganny en problenm avek management of FIU – pa lo pwennvi son management, son operational management me lo plito son striktir kot i tonbe.  Central Bank, Minister Finans, lot lot.  Now nou konnen Maurice i annan en model kot li i annan en Board e lezot pei i annan serten model – eski Minister Finans dan sa Bidze zot in pran konsiderasyon striktir gouvernans ki FIU i bezwen annan pou li operate dapre sa standar ki bann Lorganizasyon regilatwar parey  FATF pe demande ;savedir avek lotonomi dan sa Bidze oubyen zot pou fer sa o kour lannen.  Akoz nou pou napa bokou letan.  So i pou annan lamannman Lalwa i pou annan bann provizyon ki nou pou met an plas.  Finansyel osi pou annan en Board akoz i pou en  landrwa akoz nou pou zisteman bezwen swa annan en Board, swa enkli management structure.  Akoz avan sa mannyer nou ti ete avek Central Bank nou pa ti tro tro kler lekel ki pe fer lekel.  So eski zot in pran sa an konsiderasyon?  E eski FIU li menm in konmans attempts serten diskisyon avek Minister Finans, pou zot ariv lo en pwen kot zot ava annan en clear governance structure pou en Lazans enportan parey FIU.  Mersi.

 

MR DEPUTY SPEAKER

Ok.  Mr Moustache

 

DIRECTOR FIU MR PHILIP MOUSTACHE

Mersi Onorab.  Sa i en pwen ki mon fek leve sa semenn avek nou Board ler nou ti zwenn e Board in dir mon zot osi zot ti’n pans lo la.   E nou’n deza enterakte ek nou bann koleg deor e menm bann assessors pwennvi se FIU i devret ganny son Board endepandan.  Mersi.

 

MR DEPUTY SPEAKER

Ok.   Mersi Mr Moustache.  Onorab Ferrari.

 

HON JEAN-FRANCOIS FERRARI

Mr Chairman mersi.  Mon kestyon i konsern staffing.  Nou’n aprann resaman ki depi konmansman lannen zot in – FIU in perdi en bon pe staff e Direkter la in konfirmen avek nou.  Mon kestyon alor se, eski zot annan lentansyon travay sa lannen avek sa reduced staff; oubyen eski zot pe aktivman rod lezot staff?  E si zot pe rod lezot staff eski i annan en logmantasyon dan zot staffing lo wages and salaries ki pou permet zot gannyen sa staff?  E sa i mon premye kestyon.  Mon dezyenm kestyon se ki vi ki sa lannen anyway Direkter i ava donn nou en assessment, vi ki sa lannen i paret ki zot in kapab operate san bann msye Irish malerezman avek mwens staff me zot in operate.  Zot in operateSo mon kestyon pou Direkter se ki si ou bezwen 10 staff e kwa ki anpes ou pou ou servi sa larzan ki ou annan e recruit 5 staff e pey zot en pe pli byen?  Konmsi ki bann kontrent ki zot annan.  Zot zot pa sipoze annan kontrent DPA eksetera so eski zot annan lezot kontrent ki anpes zot fonksyonnen?  Mon dezyenm kestyon zot in  – FIU in ganny in erit en building en office block ki pli modern dan Sesel, ki pli modern ki Minister Finans, ki pli modern ki State House ki annan tou bann gadget ladan, akoz sa bann msye ki ti la avan zot ti per konmsi konman ou pase fodre i sonnen.  Double door, lot, lot, lot en ta lekipman, en biro ekstrememan modern – ok?  E ki zot pa pe seri li to the full capasity.  Ou kapab met en laplenn foutbol dan sa landrwa pou bann ki pa’n al ale laba.  Ki zot pe fer pou zot travay an kordinasyon avek lezot Lazans, an kordinasyon avek lezot Lazans ki pa pou enterfer dan zot travay pou zot kapab optimiz sa fasilite ekstraordiner ki zot annan e fer ki pei dan sa sans i benefisye.  Eski mon kapab ganny en repons pou sa 2 kestyon silvouple.  Mersi.

 

MR DEPUTY SPEAKER

Mersi Onorab.  Mr Moustache.

 

DIRECTOR FIU MR PHILIP MOUSTACHE

Mersi Onorab.  Pou reponn ou kestyon nou ankor pe rode staff.  Sa larzan ki n ou annan la pa ase pou nou rod ankor staff e menm ogmant saler.  E nou, nou ti a demande ki nou ganny en pe larzan an plis pou rekrit staff ankor.  Nou pe operate kantmenm nou staff complement pa alaoter ki nou ti a swete nou pe kontinyen operate.  Nou pa kapab kontinyen operate, me nou pe kontinyen e nou swete ki nou ti a ganny plis staff.  Parey nou ti annan sa national risk assessment nou ti bezwen fer li e i bon ki nou’n fer li akoz i enn bann premye rekomandasyon FATF.  Nou bezwen fer en national risk assessment.  Si nou pa ti’n fer nou ti pou non- compliant.  In pran nou pre 18 mwan nou ti’n set en target 9 mwan lannen pase, nou’ n ganny bann staff ki’n ale e nou’n nobou konplet li ek  en skeleton staff en dimoun ek mwan  e ankor 2  e nou’n nobou konplet li.  La nou annan plan pou fer plis lenspeksyon e staff napa ase.  Nou bezwen staff e nou staff i bann staff, nou bezwen staff spesyalize ou pa kapab pran nenport staff.  Akoz nou travay i sansib, nou pe deal ek bann lenformasyon sansib.  I annan bann kondisyon ki’n mete lo nou par Egmont Group ki sa bann lenformasyon lentelizans ki nou gannyen, i devret ganny sekirize.  I pa kapab ganny – piblik pa kapab ganny akse.  E se pourkwa vwar nou building i sa oter sekirite ki ou’n vwar e bann assessors yer menm zot in vin on site zot in vin vizite zot bezwen verifye si sa sekirite ki dapre FATF i egziste.  E nou annan ankor pou en lot ou kestyon, nou annan plan pou en kote nou building nou pe partaz avek en lot lo Enforcement Agency.  Prezan i annan en bout DPA mon ava les Ms Azemia reponn.

 

MR DEPUTY SPEAKER

Mersi Mr Moustache.  Ms Azemia.

 

MS WILNA AZEMIA

Mersi Onorab.  Lo kote recruitment apre ki nou’n pas dan sa bann tranzisyon sa lannen la nou pe liase avek DPA.  Dapre reclassification of bodies nou annan en otonomi avek DPA but si nou pe pey en dimoun par lao band 6 nou pou bezwen al kot DPA.  Nou pa kapab pran sa desizyon dan nou menm.  Unless ki nou ganny nou full endepandan then la nou kapab swazir kwa ki nou anvi pey nou bann staff.  Zot in dir nou koumsa poudir nou’n submit en structure kot zot i pa ankor aprouve ziska prezan but nou’n ganny dir poudir once ki sa structure in ganny aprouve nou pou bezwen fer en Scheme Of Service akoz nou napa en Scheme Of Service.  Mon pa kapab debat lo la avek Oditer Zeneral, akoz Oditer Zeneral ler i vin odit i pou base mon lo mon financial instuction avek PSO.  So therefore nou bezwen mon konpran kekfwa i annan staff i en pti pe ankoler zot pa pe kapab ganny bokou larzan – sepa kwa.  Nou pa kapab fer lot fason ki sa se  ofer sa ki nou kapab vwar poudir according nou Bidze.  Nou bezwen respekte latab saler ki si en dimoun i transfer i kapab le sa saler me nou sey met en allowance ki pou attract zot.  But again i according to nou Bidze ki nou gannyen, anba emoluments pou nou kapab zwe, zwe avek.  Mersi.

 

MR DEPUTY SPEAKER

Ok.  Minister.

 

MINISTER PETER LAROSE

Mersi Mr Chairman.  Mon le zis reasir sa Lasanble ler mon ti fer mon Ladres Bidze ti annan serten komitman ki mon ti donn sa Lasanble e mon krwar poudir mon napa ase bokou lenformasyon la sa apre midi.  Mon ti a kontan fer delivre tou mon komitman, set apre midi be mon swete mon pa konnen si nou pou kontiny diskisyon Bidze e kan nou pou fer final approval.  E la mon a fer tou deklarasyon mon komitman ki mon’n donn sa Lasanble.  Me an paralel avek sa kestyon FIU ti annan en kestyon ki Lasanble ti demann mwan konsernan FIU/NDEA – si Minister pou rod refund larzan ki’n ganny peye?  E repons sa apre midi i koumsa.  Dan ka FIU avek NDEA/SRC FSA pe etidye zot Lalwa e regilasyon respektiv pou esey rekouver peyman fer an faver sa bann konpannyen etranze.  Sa i enkli withholding tax 15 poursan ki sa bann konpannyen pa’n pey SRC.  Nou Minister pou donn full support. Mr Chairman yer mon ti fer referans avek forensic auditors e la mwan mon krwar sa i en latas pou forensic auditors osi atake, parski sa i en travay tre spesyalize enn fwa pour tou pase mwan mon krwar i pou annan difikilte si nou rod oditer lokal, pou al fer en travay tre spesyalize, kot i konsern sa bann larzan ki’n pey sa bann etranze.  Mersi bokou Mr Chair.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

De pti kestyon Minis.  Mon ti a kontan felisit Direkter FIU pou sa assessment ki in fer ek en staff e dir ki nou osi dan Lasanble Nasyonal – par-ler nou bezwen met bann recording e tip bann transcript nou menm, akoz nou napa ase staff.  Me selman nou pe seye nou konnen poudir nou dan en sityasyon difisil.  Me mon kestyon ki arise se ki eski ou pa krwar Direkter ki par-ler, anyway sa ti en pe bann problenm bann Irish – par-ler nou koup nou palto telman gran apre nou pa kapab manage.  Nou bliye ki nou en pti pei.  Nou bliye ki nou en pti pei e mon konpran i prestidye pou antre dan Egmont Group.  Be si nou dan Egmont Group e nou pa kapab pey Egmont Group plito nou pa antre.  Konmsi mon pe sey dir bann keksoz koumsa.  Mon pe sey dir annou – mon konsey se ki nou sorti en pe dan sa monn fantezi ki bann Irish in met nou ladan akoz pou zot pli ti gro pli ti bann gro sonm ki ti marse.  Ok so nou sorti en pe dan sa nou sey travay avek nou bann zouti ki nou annan.  Nou pou siport zot akoz nou konnen  e nou kontan ki zot in travay pandan sa lannen menm avek en Bidze reduced e nou kontan ki madanm in dir mou poudir zot bezwen konsilte DPA;  selman pou bann Irish ler ti bann saler €10mil bann keksoz koumsa sa ti zis pase?  Konmsi sa ki fer bann dimoun en pe ankoler – ou konpran?  La mon ti anvi zis dir sa konmsi ki poudir annou koup nou sa dapre nou – annou fer sa ki nou bezwen fer me annou pa fer an plis.  Mersi.

 

MR DEPUTY SPEAKER

Mersi Onorab.  Mr Moustache.

 

DIRECTOR FIU MR PHILIP MOUSTACHE

Mersi Onorab.  Sa aplikasyon pou vin en Manm Egmont ti’n konmans menm avan Irish ti vini.  Mwan ki ti fer sa aplikasyon akoz i en requirement, en international requirement ki le moman ou etabli en FIU you must become a member of the Egmont Group.  E son – pou vin en Manm i pa telman en kou o.  E si ou pa vin en Manm ou pou ganny klase konman ou en non-compliant.  Ou bezwen e parey mon’n dir sa ti avan ban Irish, mwan ki ti fer sa aplikasyon an 2007.  Mersi.

 

MR DEPUTY SPEAKER

Ok.  Mersi Mr Moustache.  Onorab Churchill Gill.

 

HON CHURCHILL GILL

Mersi Mr Chair.  Mon kestyon pou Mr Moustache.  Ti annan en Prozedlwa ki ti ganny amande pandan lannen 2017 ki tous FIU e avan sa Lalwa ti ganny amande, ti annan bann kont ki ti annan bann larzan ki ti’n freeze.  Ler sa Lalwa in ganny amande sa konteni bank accounts in ganny tire. Mon kestyon se la ozordi, as we speak eski sa kont ki bann larzan ti ganny freeze i ankor la?  Si wi eski i annan larzan ladan oubyen larzan in fini transfer ek Gouvernman oubyen i annan bann case pending ki fer ki ankor annan larzan ladan?  Mersi.

 

MR DEPUTY SPEAKER

Ok annou otan posib sey link nou bann lentervansyon avek Bidze – be Mr Moustache ou kapab fer en komanter.

 

DIRECTOR FIU MR PHILIP MOUSTACHE

Mersi Onorab.  Depi sa Lalwa in pase nou ti annan nou en mwan pou anmenn bann case be tou sa bann kont nou’n ekri bann labank nou’n dir nou’n release sa bann larzan.  Mersi.

 

MR DEPUTY SPEAKER

Ok.  Mersi Mr Moustache.  Onorab Afif.

 

HON AHMED AFIF

Mersi Mr Chair.  Mr Chair mon ti kontan demann Direkter FIU vi ki lannen pase ler zot ti vin isi zot ti pe eksplik nou an detay ki mannyer zot pe ganny en kantite lenformasyon, lentelizans ki zot ti bezwen en gro Bidze ki ti pe antre, drog ki mannyer i pase eksetera, e ki mannyer sa ti pe ede dan batay pou redwir risk ki i annan lo Sesel. Ee mon vwar poudir dan zot Bidze 2016 par egzanp ki’n sorti 41milyon ozordi la zot pe demann zis 24, en rediksyon sibstansyel.  Kwa ki’n redwir an term lentelizans ki ou pe gannyen vi ki ou Bidze mon mazinen in redwir akoz ou pa pe ganny lentelizans.  Eski ou vwar sa prezan pe vreman afekte loperasyon FIU, oubyen ou santi poudir ou pe operate dan en lanvironnman kot ou santi ou konfortab selman ou annan problenm resours – parey ou pe dir.  Me an term lentelizans sa gro sonm ki nou ti pe peye ki mannyer ou vwar sa in afekte ou travay lo en baz toulezour?  Mersi.

 

MR DEPUTY SPEAKER

Mersi Onorab.  Mr Moustache.

 

DIRECTOR FIU MR PHILIP MOUSTACHE

Sa ki sa bann Irish ti pe fer mwan mon pa ti privy to e i annan lentelizans ki zot, zot ti pe rode nou pa ti privy toNou depi ler nou’n konmanse sa lannen sa Bidze ki zot in aprouve nou’n operate within, nou’n konmans koup en pe bann depans, bann ki n ou vwar i pa neseser nou’n redwir pou nou nobou survive.  Mersi.

 

MR DEPUTY SPEAKER

Ok, mersi Mr Moustache.  Onorab Afif.

 

HON AHMED AFIF

Mersi.  Mon dezyenm kestyon i konsern sa konferans ki ou dir pou annan 400 dimoun.  Mon pe gete zot annan anviron 18 pei Manm ISAMLAG eski vedir sakenn pe anvoy 22 dimoun?  Eski i neseser sakenn pei anvoy 22 dimoun pou en Konferans Sesel?  Pa kapab anvoy zot Minis, zot PS avek sef zot lentelizans dan zot pei, fer 3; i annan 18 zot a fer 50 dimoun?  Akoz nou, nou en pti pei nou pa kapab al host 400 dimoun pou vin isi.  Si pe al fer en konferans pa kapab negosye?  Nou a redwir sa pri sorti 5milyon ou a fer en Konferans ek 2milyon, 3milyon.  Mon krwar sa i en kestyon.  Dezyenm kestyon mon ti a kontan demann ou, ou annan wages and salaries ou pe dir ou napa ase pou saler ou annan R1milyon par mwan.  Ou kapab anploy 50 dimoun kot FIU pe ganny R20mil par mwan.  Avek 50 dimoun R20mil par mwan zot pa kapab operate FIU?  Se sa mon kestyon.  Mersi.

 

MR DEPUTY SPEAKER

Ok.  Mersi Onorab.

 

DIRECTOR FIU MR PHILIP MOUSTACHE

Mon a pran ou premye kestyon.  Si sa Konferans la i dire 6 zour, ou annan 2 Konferans ki pran plas an menm tan.  Ou annan en task force of senior officials zot, zot vini zot konmans travay depi son Sanmdi dimans e i annan bann assessment, bann mutual assessment parey sa enn ki pe fer la pou bann lezot pei.  Bann reviewers i vini i review pou sa rapor sa pei si i annan en progress report ki in submit e zot, zot fer bann rekomandasyon ki al kot Council of Ministers.  Council of Ministers i fer zis son dernyen zour son vandredi.  Depi Sanmdi ziska Zedi bann senior officials i vini.  An menm tan i annan si ou gete nou annan apepre 6 diferan meeting ki pe pran plas an menm tan.  Ou annan mutual evaluation review group, financial review group, i annan 6 diferan.  E an menm tan ki pe – tousala pe pran plas an menm tan se pou kwa ou annan delegasyon ki vin – fer sir zot ganny reprezante dan sak sa bann meeting.  6 zour, 6 diferan meeting a la fwa.  E parey dernyen gro meeting se son Council of Ministers. 

 

MR DEPUTY SPEAKER

Ok, lo kote wages kekfwa Ms Azemia.

 

MS WILNA AZEMIA

Mersi Onorab.  Lo kote saler si ou pou get 2017 nou ti annan bann vye staff well mon kapab dir bann previous staff ki ti la.  Konmsi zot saler ti en pti pe o ler ou pou gete – ok?  I annan en bon pe ki’n resigned avek byensir ou bezwen pey zot, zot konpansasyon whatever.  Ler nou pe recruit – mon krwar FIU i annan en pti mon pa konnen dimoun i dir ou FIU i pey byen, FIU i pey byen zot ekspekte gro larzan ler nou pe recruit zot.  Letan ou pe donn zot en letter of offer i regretab konmsi ler ou pe gete sa larzan ki ou pe ofer zot, zot pe dir ou non – FIU i an arrears; ou isi ou laba zot pa pe aksepte.  Prezan pou ou ganny sa bann dimoun, nou pe perdi dimoun.  Nou bezwen dimoun.  Ou bezwen met en pti granm an menm tan, an menm tan, pou ou kapab ganny zot – ou konpran?  Pa bokou me selman ou bezwen mete akoz nou pe perdi, nou’n perdi en bon pe staff sa lannen pou nou kapab operate.  Sanmenm sa ki ou vwar i fer poudir nou saler in mont en pe.

 

MR DEPUTY SPEAKER

Ok.  Mersi Ms Azemia.  Onorab Afif.  Ok?  Onorab Basil Hoareau.

 

HON BASIL HOAREAU

Mersi Mr Chair.  Mr Chair mon pou vreman kourt dan mon kestyon.  Nou’n vwar dan zot ‘’current challenges’’ enn se adverse publicity on FIU in the media.  E nou konnen poudir sa adverse publicity pa’n vin zis koumsa sa, sa  – en keksoz ki’n vreman  arive e ki FIU pe fer pou adres sa sityasyon, pou fer ki sa bann negative publicity i nepli egziste e ki FIU i adres sa bann problenm.  Ki zot pe fer egzakteman?

 

MR DEPUTY SPEAKER

Mersi Onorab.  Mr Moustache.

 

DIRECTOR FIU MR PHILIP MOUSTACHE

Otan posib nou pe dir zot nou pa Irish – premyerman.  Nou, nou Seselwa.  Nou pe travay pou pei.  Ler nou ganny aprose par bann sirtou bann dimoun ki pe ganny vole par bann kriminel nou donn zot advise  otan posib, businessmen endividyel e nou fer nou travay byen.  Nou kontinyen sey protez, donn en bon limaz FIU.  Nou donn training tou bann Lenstitisyon.  Training free.  Nou rod training pou zot ek ban Lorganizasyon aletranze pou vin isi.  Parey de semenn pase nou ti’n ganny en training atraver COMESA.  Nou pe ganny – INTERPOL pe vin fer en training pou bann Seselwa menm.  E menm nou annan en lot Lorganizasyon ARINSA.  Nou rod training pou bann staff pa zis FIU e bann lezot Lenstitisyon – law enforcement nou anvoy zot.  Nou sey nou mye pou donn sa bon limaz, me nou pa kapab al fer piblisite pou dir nou bann bon boug.  Nou sey nou mye. Mersi.

 

MR DEPUTY SPEAKER

Mersi Mr Moustache.  Onorab Hoareau.

 

HON BASIL HOAREAU

Vreman kourt.  Letan ou dir zot fer sa ki byen eski zot pe osi sanz sa mindset mon konnen avek Seselwa la keksoz in sanze me eski sa mindset osi in ganny sanze an relasyon ek – gete kwa ki larzan ouswa okenn propriyete ki zot deside after i bann propriyete ki vreman proceeds of criminal conduct me pa propriyete ki zis zot pe go after zis for the sake of doing it.

 

MR DEPUTY SPEAKER

Mersi Onorab.  Mr Moustache.

 

DIRECTOR FIU MR PHILIP MOUSTACHE

Ler nou ganny bann rapor sispe nou etidye sa nou gete.  Nou pourswiv zot.  Me la ki assets forfeiture i ek Lapolis, Lapolis ki pourswiv sa.  Me solman nou al dapre nou manda nou swiv sa predicate crime ki nou vwar i apropriye.

 

MR DEPUTY SPEAKER

Ok.  Mersi Mr Moustache.  Onorab Ramkalawan.  Non? Onorab De Commarmond.

 

HON CHARLES DE COMMARMOND

Mersi Mr Chair.  De pti pwen Mr Chair.  Eski Direkter FIU i kapab dir nou ki lenpresyon OECD i annan lo bann lamannman ki nou’n fer sa lannen regarding bann Lalwa?  E an menm tan bann kont labank ki ti annan ek son bann sif pou bann dimoun ki zot ti’n sezi ki mannyer i ete?  Eski zot ti ganny serten reveni lo la mon krwar en letan.  Ki mannyer sa i ete eski tou in fini?  Napa ditou ki anba zot kontrol?  E an menm tan konbyen staff zot annan konmela?  Eski zot in koupe bokou lo staff pou sa Bidze ki zot pe prezant nou?  E dernyen pti keksoz zot bann check par egzanp zot bann gro  sif letan pou peye bann gro amount la ki avan pa ti konnen kot pou pase ennler Central Bank – ennler Finans, ki mannyer son prosedir prezan i ete?  Eski i annan sa latransparans?  I byen – accountability, konvenk nou ki zot pe fer byen ki nou devret vot pou sa Bidze ki la.  Mersi.

 

MR DEPUTY SPEAKER

Mersi Onorab.  Mr Moustache.

 

DIRECTOR FIU MR PHILIP MOUSTACHE

Mersi Onorab.  Mon a konmans ek ou enn dernyen.  Depi sa lannen nou’n swiv procurement and tender.  Tou nou bann procurement, nou swiv dapre nou Lalwa tou nou bann purchasers.  Nou annan en complement 44 staff pou le moman.  Ankor mon repete tou bann larzan ki ti’n ganny freeze par FIU sa in fini ganny large tou – e sa i ek bann labank.  E parey Minis in mansyonnen taler fodre nou pran prekosyon ler sa mutual evaluation report i sorti.  Akoz si nou ganny blacklisted nou riske perdi nou correspondent banking.  E mon a donn legzanp 3 pei ki mon konnen ti lo blacklist i annan Kenya, i annan Angola, i annan Uganda e Kenya li in depans li en sonm apepre 13milyon Dolar par an ou bezwen al partisip dan tou sa bann meeting FATF.  Uganda in kout li 10milyon oubyen apepre R130milyon e Angola li in ganny blacklisted avan in kout li 20milyon par an ziska prezan.  I pa zis sa correspondent banking loss, i parey si nou, nou ganny blacklisted la lannen prosenn mon pa pou vin zis ek mon Bidze pour mwan.  Mon pou vin ek en Bidze adisyonnel pou 140milyon, pou zot aprouve pou nou nobou travel; pa zis FIU en delegasyon Sesel bezwen al FIU kot FATF ziska ler nou nobou regle tou keksoz pou get out of the blacklist.  Sa i sa konsekans ki nou pa devret al dan blacklist.  Mersi.

 

MR DEPUTY SPEAKER

Mersi Mr Moustache.

 

HON CHARLES DE COMMARMOND

Non ou pe fer nou per la sa 40milyon la pou – anyway ti bon klersi sa. OECD ki i pe dir li regarding sa bann Lalwa ?  Ou pa’n dir nou nanryen lo la.

 

MR DEPUTY SPEAKER

Ok.  Mr Moustache.

 

DIRECTOR FIU MR PHILIP MOUSTACHE

OECD pa dan nou soz.  Nou, nou deal ek FATF.  FATF.  OECD i plizoumwen offshore apre tax matters.  Nou pa deal avek nou.

 

HON CHARLES DE COMMARMOND

…(Mic Off)

 

DIRECTOR FIU MR PHILIP MOUSTACHE

Non, non, non.  Non, non.  FATF ki prensipalman…

 

HON CHARLES DE COMMARMOND

Konmsi ou sa ki OECD i dir ou pa tande ou pa pe fatig ou ek sa.  Ou, ou pe get FATF si i dir ou sa ou fer sa i pa dir ou sa ou pa fer sa.  Ou pa think outside the box ou pa ekout lezot keksoz ou ki pou annan en lenfliyans lo sa ki ou pe fer?

 

MR DEPUTY SPEAKER

Ok.  Mr Moustache.

 

DIRECTOR FIU MR PHILIP MOUSTACHE

OECD li i prensipalman deal avek bann tax mattersrevenue authority li ki pou deal avek.  Par kont FATF i deal avek bann issue.

 

(Mic Off)

 

DIRECTOR FIU MR PHILIP MOUSTACHE

Wi SRC i lo la.  FATF osi nou annan nou, nou annan FSA, nou annan Labank Santral, nou annan FIU, lo kote kont blansisaz larzan pou FATF.

 

MR DEPUTY SPEAKER

Mersi Mr Moustache.

 

DIRECTOR FIU MR PHILIP MOUSTACHE

Zis ankor en pwen nou le fer sorti napa okenn tyek ki pe ganny routed kot Labank Santral pou foreign exchange depi sa lannen.  Nou napa okenn check.

 

MR DEPUTY SPEAKER

Mersi Mr Moustache.  Bon nou’n ariv alafen kestyon lo FIU.  PS zis gid nou lo vot.

 

PS PATRICK PAYET

Mersi Mr Chair.  Pou vot i lo paz 2015 pou en lavaler R24.47milyon.

 

MR DEPUTY SPEAKER

Bon tou Manm ki an faver Bidze pou FIUOk.  Okenn Manm ki kont?  Madam Clerk.

 

MADAM CLERK

Mersi Mr Chair.  Mon’n rikord 14 Manm an faver e personn kont.  Mersi.

 

MR DEPUTY SPEAKER

Ok.  Mersi.  Savedir Bidze pou FIU pou 2018 i ganny aprouvasyon Lasanble Nasyonal.  Bon mon ti a kontan avek sa mon ti ava remersi Mr Moustache, Ms Azemia, Ms Morel parmi nou e nou ti ava eskiz zot.

 

(DIRECTOR FIU MR PHILIP MOUSTACHE WAS EXCUSED FROM THE HOUSE)

 

 

MR DEPUTY SPEAKER

Bon PS, non i reste mon krwar zis Land Waste Management Agency.  Non?

 

PS PATRICK PAYET

Yes Mr Chair i reste zis Landscape and Waste Management Agency lo paz 530 a 536.

 

MR DEPUTY SPEAKER

Ok. Nou ava pran en Break e nou ava retournen 4 er pou nou pran LWMA.  Ok nou adjourn ziska 4 er.

 

(BREAK)

 

LANDSCAPE AND WASTE MANAGEMENT AGENCY

 

MR DEPUTY SPEAKER

Bon nou ava kontinyen nou travay.  E mon ti a kontan swet labyenveni Minis Dogley, akonpannyen par Mr Michel Vielle, Mr Raoul Mangroo, ki Mr Vielle i CEO LWMA Mr Mangroo Procurement Manager, Msye Marcus William – Financial Controller e Mr Lemmy Payet engineer.  Bon mon krwar dernyen fwa ti ler nou ti kite ti annan serten klarifikasyon ki ti bezwen fer.  Ok mon ava zis regard avek Mr Vielle si i pare pou fer bann klarifikasyon.  Me petet avan ou konmanse mon ava zis redemann en show of hands bann Manm ki pou entervenir ki pe demann kestyon.  Akoz mon napa lot lalis devan mwan. Ok Madanm Clerk ek Deputy Clerk ava pran non.  Ok Madanm Clerk.

 

MADAM CLERK

Mersi Mr Chair lo kote Parti Lepep mon annan nou tou dimoun avek eksepsyon Onorab Simon Gill ki absante.  E Onorab Jude Valmont ki pa pe demann kestyon.  Mersi.

 

MR DEPUTY SPEAKER

Madanm Deputy Clerk.

 

MADAM DEPUTY CLERK

Mersi Mr Chair lo kote LDS mon annan Onorab Ramkalawan, Onorab Afif, Onorab Henrie, Onorab Ferrari, Onorab Hoareau, Onorab Esparon, Onorab Andre, Onorab Woodcock, Onorab Arrisol avek Onorab Pillay.  Mersi.

 

MR DEPUTY SPEAKER

Mersi.  Ok mon ava donn laparol CEO avan CEO oubyen Minis ki pou…  Yes go ahead CEO. 

 

CEO MR MICHEL VIELLE

Mr Chairman me mon krwar nou a konmans ek kestyon.  Mersi.

 

MR DEPUTY SPEAKER

Nou a konmans ek kestyon ok.  Onorab William.

 

HON WAVEN WILLIAM

Mersi Mr Chairman.  Mr Chairman mon.

 

MR DEPUTY SPEAKER

En moman Onorab William.  Yes Onorab Ramkalawan.

 

HON WAVEL RAMKALAWAN

Mr Chairman mon ti krwar nou pou konmans avek sa lenformasyon ki CEO ti dir avek nou i bezwen 10 zour pou li….

 

MR DEPUTY SPEAKER

Wi se sa ki mon’n…

 

HON WAVEL RAMKALAWAN

Si konmsi nou ti konmans avek sa.  Then nou ti ava ganny en pli bon baz pou nou.  Kekfwa i ti ava eklersi en kantite  bann kestyon osi ki Manm i anvi demande ki … konmsi nou ti ava….

 

MR DEPUTY SPEAKER

Wi, wi se sa ki mon’n propoze.  Go ahead CEO. 

 

CEO MR MICHEL VIELLE

Mersi Mr Chair.  Mersi Onorab.  Mr Chair wi anfet sa 10 zour       standstill period ki ti ganny proklanmen anba Lalwa pou sa municipal waste collection tender, ki  ti ganny organize, in fini pase depi yer 4er apre midi seta dir 30 Novanm 4er apre midi.  E mon kapab la aprezan ofisyelman enform Lasanble, lo bann konpannyen ki’n bid ; e osi bann reaksyon en pti  ki nou annan dan en fason bref – en?  Baze lo let ki Tender Board ti ekrir mon le 8 Novanm.  E ti enform mon ki sa bann konpannyen swivan i bann konpannyen ki dapre rekomandasyon ti ganny fer par Komite Evalyasyon –  e osi baze lo evalyasyon ki Tender Board li menm in fer.  Sa bann konpannyen swivan in ganny rekomande pou ganny award en Kontra anba sa legzersis tender.  Pou rezyon Nor Mahé, en konpannyen ki apel TCH Building Contractor.  E son sonm i R5.19.60 milyon.  Pou rezyon Santral Cleaners Choices i R5, 364, 322. 20milyon.  Pou rezyon  Les RAYRAYS Cleaning Agency R4, 820, 897.52milyon.  Rezyon Sid SAMRUN R6, 610, 752milyon.  Rezyon Was Ismael Isaac R6, 587, 292milyon.  Victoria PIE, Les Rocher Trading, R5,9, 400milyon  Sa i sa 6 konpannyen ki Tender Board in pronansi lo la baze lo rekomandasyon ki sa Komite Evalyasyon ti fer e ki Tender Board in aprouve.  Mersi Mr Speaker.

 

MR DEPUTY SPEAKER

Mersi CEO.  Onorab William.

 

HON WAVEN WILLIAM

Mersi  Mr Chairman.  Mr Chairman  mon ti a kontan si CEO baze lo leksperyans sa travay ti bann salte – si a son navi  i krwar pou dir lafason ki zot in tender-out par rezyon.  Eski i satisfe ki en dimoun tousel par rezyon i pou kapab fer sa travay efikasman e byen?  Akoz nou konnen pou dir dan lepase, nou’n rankontre plizyer problenm.  Konmsi mon ti a kontan ganny son pwennvi lo la.  Akoz lefe ki nou konnen pou dir bann Kontra netwayaz semen i ganny koup koupe.E dezyenmman Mr Chairman mon ti a kontan demann li lefe ki mon konnen ki zot in akour netwayaz semen.  Eski sa bann zot pe factor-in osi baze lo bann bi ki pou antre sa eleman transportasyon.  Akoz mon konnen pou dir sa parfwa i pou anpes ki pou 50poursan i plis lo sa sonm ki bann ki kontrakter i gannyen.   Mersi bokou.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Mersi Onorab.  Mr Chairman mon krwar Onorab, eski  ou pe fer referans avek waste collection?  Akoz mon’n konpran ou pe dir mon ka semen sa i plito cleaning.  Si ou pe ko semen ler ou pe koz bann kontrakter ki fer netwayaz dan semen.  Sa tender ki nou’n  run, i tender pou koleksyon salte, ranmas salte.  Eski ou pe koz lo la ou?   Ok me realite se ki pa bann endividi sa bann konpannyen.  In fact wi ler nou’n fer nou analiz nou evalyasyon nou’n realize pou dir ti neseser pou nou kas zisteman.  Akoz bann problenm ki nou ti pe gannyen dan lepase avek enn menm konpannyen ki souvandfwa petet pa ti pe kapab delivre alaoter, pou bann rezon, bann rezon en pti pe teknik petet ki li in gannyen.Oubyen bann konplikasyon ki annan souvandfwa ou konnen sirtou lo labour market, Sesel.  E desizyon ti ganny pran pou kas Mahé an 6 rezyon pou fer sir olye ou annan ou en konpannyen seta dir prezan, sa biznes i ganny share the amount 6 konpannyen.  E    that is why.  Me byensir prezan nou espekte ki i annan en pe plis standar natirelman i pou monte akoz ou annan ou prezan bann konpannyen ki pe fer par rezyon, ki li i  konsantre dan son rezyon.  E atraver dan son investment ki  i fer nou espekte ki i kapab delivre servis a la oter nou’n demann zot.

 

MR DEPUTY SPEAKER

Ok, mersi CEO.  Onorab Ghislain.

 

HON CHANTAL GHISLAIN

Bonn apre midi.  Mr Chair mon’n zis lev mon lanmen akoz lefe ki semenn pase ti annan detrwa kestyon ki mon ti demande.  Me lefe pa ti ganny reponn mon ti  krwar i pou vin i pou konmans par sa bann anmenn sa bann lenformasyon avan, san kwa mon bezwen redemann ankor.

 

MR DEPUTY SPEAKER

Wi demann redemann ou kestyon.

 

HON CHANTAL GHISLAIN

Wi mon kestyon ti annan pou fer avek i annan pou fer avek tender me selman lefe ki zot ti dir sel kalite salte ki ti ganny tender sete selman pou municipal waste.  E letan i tip e regarde son pri ti ‘n ariv 34 o 35 milyon – koriz mwan lo bann sif byen.  And prezan commercial waste pa ti ankor ganny tender e ni menm kot landfill pa ti ankor vini.  E mon kestyon an gro sete Kontra avan ki ti STAR plus avek sa bann ki la.  Eski i vedir  ki nou pe al pey bokou plis pou ranmasaz salte Sesel avek sa bann tender ki ‘n kas, kas par pti bout,  konpare avek letan ti en sel tou ansanm?  Apre osi mon tip e regarde dan bann Kontra i bezwen spesifye pou sa municipal waste konbyen bin zot pe kouver pou retire selman pou  municipal waste?  E antour lo Mahé konsernan osi commercial waste konbyen bin i annan?

 

MR DEPUTY SPEAKER

Mersi Onorab.  CEO. 

 

CEO MR MICHEL VIELLE

Mersi Onorab.  Mr Chair Onorab, wi nou bin audit in ganny fer.  e pou reponn ou [sa tender pou municipal waste collection i pou tou bin  ki i annan lo Mahé.  Tou bin ki aktyelman ganny tire ki pe ganny tire par STAR i ganny kouver anba sa tender municipal collection ki nou’n tender.  E  i annan antour 669  bin site – ok?  669 bin site  ki ekivalan an mwayenn 2061 bin pou bann bin site ki normalman annan en kapasite 2896.  An dot mo i annan bann bin ki’n perdi.  Ou konnen – parfwa nou plas bin dimoun i pran bib.  Parfwa bin i kase. Parfwa dimoun – 3 semenn pase ti annan en dife dan en bin La  Pointe Larue par egzanp. So nou annan nou 669 bin site –  avek en kapasite  2896  bin pou le moman  i annan 2061 bin.  Ok?  Sa i pou Mahé.  Prezan si ou demann mon pou Praslin. ek La Digue mon a kapab donn ou pou Praslin ek La Digue ok.  Bin site lo Praslin i annan 87, 85 sorry.  Ki i annan en kapasite 357 bin.  Me selman pou le moman i annan zis 255 bin.  La Digue nou annan nou 55 bin sites ki annan en kapasite 110 bin.  E pou lemoman i annan 110 bin –  ok? 

 

MR DEPUTY SPEAKER

Mersi CEO.  Ok go  ou pa ankor fini – go ahead. 

 

CEO MR MICHEL VIELLE

non mon ti pe kontinyen pou mon donn li.

 

MR DEPUTY SPEAKER

Yes ale.  Go ahead CEO. 

 

HON CHANTAL GHISLAIN

Mon kestyon lo bin, akoz mon pe demann kestyon lo kantite bin site ki annan.  Akoz mon ti anvi konnen konpare avek STAR letan i ti pe tir tou bann bins  lo Mahé, akoz Praslin ek La Digue pa STAR ki okipe.   Mon ti le pou Mahé akoz zis Mahé la ki’n ganny tender.  Pa bezwen koz La Digue pa koz Praslin konmela.  Mon pe koz selman Mahé.  E ou pe koz selman municipal waste.  Savedir Kontra la  ki’n ganny kouver, zot pe al tir salte  dan selman 600 bin site ki kout en valer R35 milyon ?   Koriz mon sif silvouple.  R34.8 milyon.

 

(Interruption)

 

MR DEPUTY SPEAKER

Onorab en moman.  Se 33.4 milyon

 

HON CHANTAL GHISLAIN

Ok sa  R33.4 milyon pe kouver zis selman 600 bin lo Mahé only municipal waste.  Prezan mon anvi konnen, avek STAR letan i ti pe tir zis Mahé tou bann waste konbyen bin site i ti pe kouver e pou konbyen larzan?

 

MR DEPUTY SPEAKER

Ok mersi Onorab.  CEO. 

 

CEO MR MICHEL VIELLE

Mersi Onorab.  Mr Chair ler STAR ti pe tir salte ki ankor pe tire – ok?  Pou tou sa bann bin site parske bann bin site pa neseserman sanze  li.  la ek Zanvye nou pa petet neseserman prevwar annan sanzman dan bin site.  I kapab annan petet sanzman dan minim dan lakantite bin. Me bin site pou  reste parey.  Poui lemoman that is.  Ti pe kout Gouvernman enkli that is  municipal enkli komersyal R28 milyon.  Ok mon pou donn ou en figure rounded up ok, mon pou donn ou en figure rounded up i R28,127,160milyon.  Now pou 2018,  nou anvizaze e baze lo in-house estimate base cost ek kotasyon ki nou’n gannyen i pou kout nou 45 milyon 964 mil pou tir tou lede  ankor.  However, however –  Mr Chairman si ou les mon eksplike ki mannyer nou’n ariv lo sa figure. 

 

MR DEPUTY SPEAKER

Go ahead CEO.

 

CEO MR MICHEL VIELLE

I vre ler ou get sa sif sorti 28 milyon pou vin 45 milyon, i preske double, menm si i pa double.  I annan en diferans 17 milyon an plis. La realite ozordi Mr Chairman se ki STAR pe tir salte apard Beau Vallon ki i tir de fwa par zour e Victoria ki tir 3 par zour.  STAR pe tir salte dan tou lezot distrik en fwa par zour.  En fwa dan 24 erdtan.  I enportan pou note sa.  En fwa dan 24 erdtan.  Semen primer, semen segonder.  Avek sa nouvo tender dan Kontra nou pe egziz bann bidders bann konpannyen, ki zot pou tir salte Beau Vallon pou reste 2 fwa.  Victoria pou reste 3 fwa.  Dan tou distrik 2 fwa par zour.  Mon repete 2 fwa apar zour.  Mon ava eksplike akoz.  Konpare ek 20an pase 1997 ler STAR t i konmanse, si nou get nou raf  lo prodiksyon salte Sesel, ou pou vwar sa steepness ki’n monte.  In fact la mon annan ek mwan – ok ?   Salte  –  dimoun pe prodwir plis salte – ok ?  Lo nivo domestik  lo nivo komersyal.  I annan bokou plis salte.  An 1999 ti annan 30mil ton salte ki ti ganny anmase.  An 2015 i annan 70mil.  So ki mannyer ou pou cope ek sa?  Zot bann Onorab zot konn sa tre byen, dan zot distrik respektif dimoun i konplent avek zot.  E i fer kler ki an sort zot pa satisfe ek nivo servis ki Lazans pe donnen pou tir salte.  Me nou’n koriz sa nou.  Nou dir nou pou fer 2 fwa dan tou distrik.  Now matematikman si ou ti fer sa 2 fwa, at least sa figure ti devret double me i pa double li.  Nou pe fer 2 fwa sa servis pou selman 17 milyon an plis.  Mon krwar i enportan pou not sa – ok ?  So mon krwar baze lo la petet i donn zot en pti leklersisman as to vreman koz sa increae ki pou annan pou 2018.  Mersi Mr Chairman.

 

MR DEPUTY SPEAKER

Ok mersi CEO.  Onorab Ghislain.

 

HON CHANTAL GHISLAIN

Mr Chair i annan en pti leklersisman i pa’n donn mwan.  Mon ti’n demann li konbyen bins antour i annan, ki letan STAR pe tire la in dir mon zis 600 pou municipal waste only.  Prezan mn ti anvi konnen konbyen bin STAR ti kouver  li dan son Kontra antour konbyen ti  kouver li?

 

MR DEPUTY SPEAKER

Ok CEO. 

 

HON CHANTAL GHISLAIN

Municipal plus commercial. 

 

CEO MR MICHEL VIELLE

Ok Onorab teknikman ok  STAR ti annan li pou commercial apepre 600  bin –  600 entities.  Akoz 600 entities i vedir 600 biznes.  Sa i over and above sa 669 bin site ki  mon’n donn ou la.  Apepre 600 biznes  ki li i pe  tir – ki i ti  annan Kontra pou tir salte – ok?  Now in terms of the cost par egzanp pou municipal pou 2018.  Nou pe al pey nou zis 29milyon.  29milyon sa diferans i annan 16milyon ki nou’n bidzete pou commercial waste collection.  Ki pou lemoman pe ganny fer par STAR.  Me sel man ki STAR pa pou la lannen prosenn.  Alor Gouvernman i bezwen bidzet sa met li dan son Bidze,  pou fer an sort ki  apartir le premye Zanvye nou annan en servis commercial waste collection ki kontinyen.  Otherwise ou pou annan tou sa bann business entities ki pou pran tou zot bann  salte i met obor bin piblik – ou konpran ?  So sa ki nou annan la as figures wi  i 29 milyon pou municipal e 16 milyon pou commercial Budgeted. 

 

MR DEPUTY SPEAKER

Mersi CEO.  Dernyen kestyon Onorab Ghislain.

 

HON CHANTAL GHISLAIN

Mr Chair zis pou recap  dan tou sa  bann gran sa.  Pou ganny en konpran la pou tir salte la ek nouvo Kontra pou kouver 600 bin only municipal waste i ariv R33.4 milyon.  STAR pou tir 1400 bin bin site  pou kouver1400 bin site ki enkli municpal waste and commercial waste ti ariv R28milyon.  Savedir i annan  en diferans  R55.4 milyon.  Prezan zour i azout ankor commercial waste ; savedir Sesel pe al annan en  lot depans diferans R17milyon roupi, pou tir salte.  Konmsi s aki zot pe dir nou  la.

 

MR DEPUTY SPEAKER

Ok Onorab.  CEO. 

 

CEO MR MICHEL VIELLE

Yes Mr Chair.  Onorab i  korek me selman permet mon eksplik ou further.  Now sa R17 milyon, sa R16milyon commercial la ki’n ganny bidzete la, fodre mon remind zot  ki sa Gouvernman i recoup sa larzan tou-le-z –an.  I en larzan ki par egzanp i ganny sarze bann entities bann boutikye, bann biznes, lotel , take-away, hairdressing salon, zot pey Gouvernman  zot.  I en larzan retourn dan Consolidated Fund.  Me selman ou selman ganny 16milyon lafen lannen.  Si ou ti kapab ganny ou o konmansman lannen as revenue i ti pou kouver ou expense  li.  Me ou bezwen bidzet pou sa loperasyon.  Akoz ou ranmas li o fir anmezir pandan lannen li.   It’n not a one-off collection.  Prezan Onorab i annan en keksoz ki enportan pou fer resorti.  STAR i ganny li over and above 28milyon – R18 milyon.  E sa ou le konnen pou kwa?  Landfill management.  n privilez ki li annan ki sa 6 konpannyen la pa pe al gannyen sa.  Akoz aparti Zanvye 2018 Gouvernman in pran en desizyon i pa  tender- out landfill management.  Landfill management pe reste anba Gouvernman atraver Minister e LWMA.  So i annan R18milyon savings dan sa sans.  Ki nou ti pe pey STAR ki pa pe sorti pou peye pou landfill management.  However i pou annan en kou ladan ki nou, nou pou servi natirelman, pou nou kapab operate landfill.   Parske nou pou bezwen fer en pe recuitment, nou bezwen fer konpasyon.  Me sa kou konpare avek 18 milyon ki nou ti pe pey STAR – i selman 4.7 milyon.  So deza menm ou vwar out of 18   4.7 ki reste 13 pwen something.  Me sa 13 pwen something ki of set against – in fact larealite increase dan operating cost pou waste collection i zis 4.5  milyon.  Son increase i zis 4.5 milyon.  Akoz ler ou’n minus sa 18 ki ou pa pe pey STAR.  E ler ou’n fer sa koleksyon.  Apre i annan en keksoz enportan osi Mr Chairman – tipping fees.  Bann Onorab ozordi Gouvernman pe kolekte zis R1.5 milyon  – R1 milyon tipping fees lo landfill.  I enportan fer sorti sa.   Gouvernman pe perdi revenue atraver tipping fees.  STAR i ale i annan son bann Kontra li, mon pa pe point okenn finger.  I en konpannyen i ti pe rent en biznes.  I ale i  pran en Kontra avek Ephelia, i pran en Kontra avek Fisherman’s Cove, i pran en Kontra avek IOT i pas lo way bridge li  i sarz IOT, i sarz Fisherman’s Cove.  I pas lo way bridge iaAle i vide.  Parske li  ki management fill.  I management fill. Gouvernman pa neseserman pe anmas tou larzan ki  i devret pe anmase.  I annan en pwen enportan dan tipping fees.  Me sa Gouvernman apartir 2018 pou gannyen sa larzan.  So larealite apre ki nou’n fer tou nou kalkil i zis en increase apepre R4.5  milyon.  Mersi Mr Chairman.

 

MR DEPUTY SPEAKER

Mersi CEO.  Onorab Arrisol.

 

HON SANDY ARRISOL

Mersi Mr  Speaker.  Mr Chairman.  Bonn apre midi Mr Vielle avek ou lekip.  Mon premye kestyon mon ti a kontan demann Mr Vielle – se dan lalis ki  ou’n lir letan ou’n vini an relasyon avek bann nouvo Kontra.  Mon ti a kontan demann ou si ou konman CEO oubyen okenn lezot cou staff zot annan okenn par oubyen okenn share dan sa lalis ki ou’n mansyonn nou – nouvo Kontra?  Sa i  mon premye kestyon.  Mon 2enm kestyon mon ti a kontan demann ou anba bann lans piblik m on vwar i annan 25 milyon.  Mon ti a kontan demann ou kekfwa ki mannyer i ganny partaze sa,  sa 25 milyon parske ler mon ti fer mon kalkil mon ti kekfwa en milyon pou sak distrik.  Me anvi ki Saint Louis  par egzanp nou napa lans.  So prezan mon pe fer rezon ki mannyer i balanse.  Me mon ti a kontan kekfwa demann ou lans ki nou Saint Louis ki nou, nou frekante se Beau Vallon donn mon en break down Beau Vallon annou dir depi  kot Mike ziska anba nouvo Gran Kaz ki pe mont an montan Beau Belle lekel ki netway la e konbyen i koute par egzanp dan sa 25 milyon pou fer sa bout lans la?  Mon 2enm kestyon.  Mon 3enm kestyon e mon dernyen kestyon mon ti a kontan demann ou, se collection of garbage mon kapab kit li commercial garbage ki ariv 50  milyon.  Mon ti a kontan mon rapel dernyen fwa letan ou ti vini ou ti dir ek nou pou dir i annan STAR ki pase i ranmas salte.  Me .selman bann peyman i ganny fer avek LWMA ki tonm kot ou.  So mon ti a kontan demann ou si i annan en rikord bann peyman ki ganny fer par egzanp?  Oubyen mon 2eenm kestyon lo la mon ti a kontan demann lo la par egzanp bann biznes letan nou pe koz  retail shop ; par egzanp si en retail shop ki ou pa al deryer son kontwar savedir en pti laboutik konbyen i peye  konpare  ki sa enn  ki konsider son lekor konman en mini market,  avek sa enn ki konsider son lekor konman en super market, eski i annan diferans dan  pri?   Lekel ki kolekte sa larzan e kote e ki mannyer i ganny mannye sa larzan.  Mersi bokou Mr Chair.

 

MR DEPUTY SPEAKER

Mersi Onorab Arrissol.  CEO.

 

CEO MR MICHEL VIELLE

Mr Chairman, mersi.  Onorab Arrisol mersi pou ou kestyon.  Premye kestyon konsernan lentere dan sa 6 konpannyen mon kapab onnetman mon personnelman deklare avek sa Lasanble, ki mon napa okenn lentere dan okenn sa bann konpannyen. Mon pa neseserman kapab deklar sa on behalf tou mon bann staff.  Me sa ki mon kapab dir ou se personnelman, mon napa.  In terms of kou pou netway lans, sa lenformasyon Onorab avek tou respe e dan la prensip, latransparans e fer sir ki nou lo baz ethics, mon pa neseserman kapab donn nou sa figure, akoz tender pa ankor fer.  Si mon dir konbyen i koute pou netway Beau Vallon ozordi ler tender i fer Fevriye, Mars, Avril or when ever it will be done i vedir mon’n fini dir sa boug konbyen i pou bid.   Alor ou pou met mon dan en sityasyon en pti pe difisil.  Mersi pou konpran mwan lo la.    Kot i konsern koleksyon bann diferan fees pou koleksyon ; wi i annan en diferans.  Par egzanp en serten grander laboutik, dizon en pti laboutik Indien ou Kreol dan St Louis obor semen  i pa pou neseserman pey parey en supermarket, i pa pou pey parey en lotel sertennman – en.  E sa i baze lo sa ki nou apel class 1 salte ki koleksyon i ganny fer osi, i annan ki ganny fer daily baze lo son grander.  Par egzanp si en biznes i annan li up to 10 bins, ziska 10 bin.  La nou ensiste ki i bezwen pey pou en daily collection.  Akoz si ou annan en 10 bin ou pe prodwir en ta salte – bonnonm. Ou pa pou kapab les ou salte obor semen.  Me pou en boug ki li i pe ranpli 2 bin dan 4 zour, dan 5 zour –  nou kapab dir li pran en Lagreman koleksyon 2 fwa par semenn.  I annan menm bann ki fer en fwa par semenn.  Akoz son prodiksyon commercial waste la i plito karton.  Bann packaging plastik.  I pa neseserman  salte ki piblik pe mete toulezour.  So i annan sa distenksyon e of course bann gro lotel i annan ki pe fer posibleman toulezour.  E osi i annan kekfwa – parske sa bann Kontra pa tou ki avek nou.  I annan ki ek sekter prive sa.  I posib i annan ki pe fer 2 fwa osi par zour we don’t know.   So – me son plas pli ba sa se R400 par mwan pou en koleksyon en fwa par semenn pou 3 bin.  Sa son pli ba.  Pli ba ki en dimoun pou pey LWMA i R400 pou 3 bin pou en frekans en fwa par semenn.  Mon’n reponn ou kestyon Onorab? Mersi.

 

MR DEPUTY SPEAKER

Ok CEO.  Onorab Arrisol. 

 

HON SANDY ARRISOL

Yes mon ti a kontan si CEO ou’n dir ek mon pou dir en frekans en fwa par semen R400 par egzanp pou en dimoun ki annan 3 bin.  Mon ti a kontan ou donn mon annou dir sa i en magazen ki ou pa al deryer son kontwar sa pti laboutik ki ou pe koz lo la St Louis.  Prezan mon ti a kontan ou donn mon frekans pou en mini market par egzanp.  Konbyen li i peye?  Apre donn mon en frekans en  super market?  Kot i annan bokou waste parey ki ou’n koz lo la pou ranpli bin dan en zour – konbyen i arive?  Apre mon lot kestyon mon ti demann ou ki ou pa’n reponn, se LWMA ki ranmas peyman, ki ranmas peyman.  Eski LWMA ki al kot sa biznes pou al ranmas peyman oubyen sa biznes i vin kot LWMA i peye?  Eski i annan resi ou kapab pey ek cheque –  cash ?  Konmsi ki mannyer i ganny arive lo la.  Mersi bokou.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Mersi Mr Chair, mersi Onorab. Mon’n remind mon lespri osi ou ti’n demann mon sa increase dan total 25 milyon pou lans ki mon ti’n bliye reponn ou.  Mon a reponn ou lo la.  Ok ler konpar koleksyon netwayaz lans an 2017 kot nou pe pey 13 milyon.  E pou 2018 i annan en Bidze 25 milyon.  Sa i enkli osi seaweed collection – en?  Koleksyon gomon ki seasonal.  Par egzanp rezyon nor ou pou ganny li pandan vann Nor.  Tandis rezyon Les ek Sid ou pou ganny li pandan Vann Swet.  Le ou kapab mazinen mon asire zot tou ki la zot i al lo lans a en moman donnen zot  in vwar. Menm semen pase pou al lo lans ou pa kapab.   E nou annan bann kontrakter zisteman ki fer sa.  Me selman sa increase i prensipalman lye avek ogmantasyon 61poursan an plis dan grander lans.  Ki nou pa ti pe fer 2017 ki nou’n met li dan tender pou 2018 – 61%.  Me yet son sa sif i pa neseserman relativman dou ble par la menm la kantite li, an term poursantaz.  So nou pe netway nou 61poursan.  I annan 61 poursan lans,  an plis me nou pe depans zis apepre si ou’n ti gomon ladan, 7 a 8 milyon an plis.  Apre i annan osi selman en konsiderasyon ki nou’n bezwen pran.  Akoz sa Bidze ki la i pa neseserman reflekte the realite kou pou nou netway tou lans lo Mahé/  Praslin e La Digue baze in- house estimate ki nou prepare.  ki nou bezwen fer, akoz sa ceiling zisteman parey ou konnen i annan en ceiling ki Gouvernman i donn ou.   Baze lo sa ceiling nou’n bezwen revwar nou scope spesifikasyon netway lans.  E la mon a profite.  E i mon devwar pou mon en form zot tou ki wi i pou annan serten lans kot son standar netwayaz pa pou osi parey.  Son frekans netwayaz  pa pou parey i ete ozordi.  I pa pou parey.  Akoz pou rezon pou nou kapab fit  tou sa lans dan sa Bidze nou’n bezwen revwar nou spesifikasyon.  Par egzanp lo Mahé  i annan zis 3 lans ki nou pou kapab fer li toulezour.  I annan Beau Vallon, i annan Au Cap antye depi Reef Hotel ziska Sawa Sawa.  Apre i annan Anse Royale.  Rezon i evidan se sa 3 lans pli popiler kot dimoun i pli frekante.  Sa 3 lans nou pou fer li toulezour.  Pou annan daily delittering – sweeping ler i annan gomon nou fer seaweed collection.  Praslin par egzanp i annan Cote D’Or avek Anse Lazio.  Sa 2 lans  setou ki nou kapab ek sa Bidze pou fer toulezour.  Pou bann lezot lans pou ganny netwaye zot.  Selman kekfwa ki pou ganny fer 2 fwa par semenn, en fwa par semenn kekfwa en fwa par semenn.  Petet mannyer Bidze i ale kekfwa zis en one-off – once in while.  Me la nou pu depan zisteman en bon sistenm ledikasyon pou kontinyelman edik dimoun ki servi lans, pou pa  liter  pou anmase pou troun avek akoz i pa pou netwaye lannmen, ler ou frer pe vin servi.  E La Digue osi nou annan zis 2 lans ki nou pe fer.  Anse Source d’Argent avek Anse Severe ok?  Now Onorab konsernan koleksyon bann dimoun normalman i vin kot Lazans.  Zot vin kot Lazans parske i annan en prosedir ki zot fer en formalite zot anrezistre i vini zot ranpli en form iv in kot Lazans.  Napa peyman ki nou staff i ale i al pran kot bann magazen.  Sa i pa pratik.  Si i annan i bon ou fer nou konnen.  Me i pa pratik.  Parske i bezwen ganny en resi.  Akoz avek sa resi se atraver sa peyman  nou pou confirm avek sa konpannyen, pou li al tir sa salte  – ok ?  Otherwwise salte pa pou ganny tire.  Ou ti’n demann  mon pou en mini market oubyen enn en pe pli o, there again mon ti dir ou son pli ba i 400 me i annan ki 500 par mwan i peye, i al 700 – mon pe koz ou en figure apepre  estimate  700  i ale ziska apepre  1200 me i ale ziska R9 mil osi.  Bann gro etablisman ou kapab mazinen.  Mersi Mr Chair.

 

MR DEPUTY SPEAKER

Mersi CEO.  Onorab Aglae.

 

HON EGBERT AGLAE

Mersi Mr Chair.  Bonn apre midi CEO ek Minis.  Mon premye kestyon Mr Vielle kot i konsern Kontra Minisipal.  Eski ou kapab enplik sa Lasanble petet ki bann kriter ki zot in servi ki kler pou award sa bann dimoun aparaman i annan dan sa bann rezyon sa bann Kontra si ou kapab fer li kler? Dezyenmman ou’n nonm lans.  Kontra Lans ki pou ganny donnen.  E ou’n fer resorti ki i annan zis apepre 3 lans ki pou ganny netwaye.  Ki mwan pou mon sa i en issue ki pou leve.Sirtou ler ou pe koz  lo lans Port Glaud ti ganny netwaye anba STAR konmela WASTEA ki pe fer li lo en baz daily.  E ki en lans pli frekante ankor mon ti a kontan petet fer serten rekomandasyon avek ou pou revwar sa zafer lans. Trwazyenmman i annan bann Kontra semen ki pe vin ganny donnen byento.  E mon krwar ot dan bann prosesis short listed bann kandida ki’n apply.  Eski bann kriter kip e ganny servi  pou sa s i cou kapab eksplik nou osi pou fer Lepep konnen kler.  Ki sa bann kriter ki pou servi pou anpese ki demen i annan bann reperkisyon ki kapab tonm lo nou menm nou ann MNAs dan sa bann prosedir.   Mersi.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

OK mersi Onorab Mr Chairman mon a repran sa premye bout kestyon kot i konsern municipal waste collection bann kriter, ki ti ganny liste se ki ou bezwen en konpannyen  100 poursan Seselwa.  Napa en ka ou pa’n ganny convicted of a criminal offence –  ki annan en ka ki pe run devan Lakour.  Ou pa dwa Leta ki finalman natirelman i pou disqualified ou.At the time ou pou’n ganny en pre qualification ki ou puo bezwen ler ou konmans ou loperasyon annan ou 2 compactor truck avek en open truck, en open pick-up.  Sete sa bann kriter – en?  Sa ki ganny liste dan tender document.  Pou sa 2enm bout kestyon ankor lo kriter vizavi la ou pe koz cleaning prezan lans semen and so on,  Mon pou refer sa avek Chairperson Task Force parey ou konnen sa pe ganny run par en task force li i ava elabor en pti pe plis lo la.  Mersi.

 

MR DEPUTY SPEAKER

Ok go ahead.

 

PROCUREMENT MANAGER MR RAOUL MANGROO

Bonn apre midi tou Manm Onorab.  Bonn apre midi Chair.  Chair mon a zis demann ou permisyon pou reponn sa kestyon silvouple.

 

MR DEPUTY SPEAKER

Yes go ahead.

 

PROCUREMENT MANAGER MR RAOUL MANGROO

Mon pe koze.  Mon repons i lo i pa konman en manm anplwayer LWMA la.  Mon pe koz konman Chaairman sa task force ki ganny kree anba Central Procurement Unit dan Minister Finans.  Zisteman pou run sa tender for Cleaning and Landscaping. En senp kriter ti ganny fer e sa nou’n  konsilte plizyer stakeholders  zisteman egalman ladan ti annan Attorney General.  Ladan enn bann en seri seleksyon kriter bann kriter i kronm swivan oubyen 100 poursan Seselwa.  Fodre pa ki ou biznes  in fodre pa ki ou’n file for bankruptcy, oubyen ou biznes i Ankour.  Oubyen ou’n claim ki ou annan alegasyon kont ou konsernan bann ka frod ek koripsyon.  Ou 18an an montan.  Ou pa anploye dan sekter piblik.  Oubyen okenn budget  entities.  Apre i annan bann lezot kriter ki sa i determinen dan Procurement Act.  Ki sa i standar pou tou tender.  Sa i pou reponn ou kestyon.

 

MR DEPUTY SPEAKER

Ok mersi.  Onorab Aglae.

 

HON EGBERT AGLAE

I annan en kestyon lo zafer lans CEO pa’n reponn mon.  Apre mon annan en follow-up ki mon anvi demande.  Alor si  ler mon pe get sa bann kriter ki ou’n met devan, i annan sa Kontra Minisipal  ki’n ganny donnen. Vi ki ou’n mansyonnen i annan serten lekipman ou’n nonm 2 compactor, en open truck.  E dapre konpran pou dir sa tender son lefe i pran Zanvye – si mon mal si mon byen si mon mal. Vi ki la fek anonse sa bann lekipman nou napa isi Sesel.  Sa bann kontrakter i bezwen fer vini bann ki kalifye.  Eski ou santi ki zot pou pare by le premye  2018 pou zot perform zot duties?  E dezyenmman se ki, in annan bann mon pa pe koz an partikilye petet STAR, i annan bann endividi osi ki annan serten knowledge – mon kapab dir serten background  dan domenn netwayaz salte i kapab landscaping bann keksoz koumsa.  Akoz sa  pa’n vi rn kriter petet en kriter limero enn mon kapab dir pou ou pran kont ler ou pe award sa Kontra akoz nenport ki endividi i kapab vini demen, si i donn en bid  ou pa pe gete pou zis si i annan kapasite i annan leksperyans pou fer sa.   Ou zis pou donn li en Kontra.  Mersi.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Mersi Mr Chair.  Onorab ou premye kestyon ki mon apologize mon pa ti reponn konsernan ou ti demande pou revwar frekans lans Port Glaud parske – nou kapab konsidere me selman nou pou ariv mal fer li.  E i pou en pti pe  unfair osi lo lezot distrik.  Parske i. pou difisil pou mon zistifye avek Bel Ombre par egzanp, ou avek Takamaka.  Akoz ki mon’n sanz frekans Port Glaud ki pou zot mon’n kit parey.  So i pou annan en pe difikilte pou nou kapab zistifye.  Nou, nou’n serve nou assesment baze lo sa ki nou santi nou’n ganny dir.  Parske nou vwar nou okouran, nou konnen Beau Vallon sertennman – I mean without about sa.  Au Cap avek Anse Royale i 2 lans ki heavily ganny frekante par piblik. Me nou santi tou lans i ganny frekante.  Me son lentansite volim imen ki finalman i determinen.  Petet frekans akoz zisteman nou Bidze pa permet nou.  Mwan mon ti a kontan konman CEO akoz mon konnen ou pou call mon.  Mon konnen Onorab ou pou call mon lannen prosenn ou pou dir mon ou lans i sal e fer netwaye.  Me mon pa pou kapab.  Mon ti a kontan konman CEO LWMA i ganny  ase resours pou netway tou lans – sirtou lans.  Akoz dimoun i frekant en kantite lans.  Me nou pa pe kapab fer li anba Bidze ki la.

 

MR DEPUTY SPEAKER

Ok.

 

CEO MR MICHEL VIELLE

Ou ti’n konsernan sa kestyon bann konpasyon bann dimoun ki pe ganny Kontra, i en refleksyon vreman entelizan ki ou’n fer i vre ozordi i le premye Desanm, e Kontra i sipoze kick-in by konmansman Zanvye.  Me selman pou lefe sa prosesis in al pou en serten peryod letan ki Lalwa i demande pou ou ale –  ff course sa bann dimoun pa pou neseserman annan compactors apartir le premye Zanvye.  Me selman ki nou’n nou ti’n deside byensir avek konsiltasyon Minister se ki pou en serten peryod letan akoz ou bezwen donn zot en setting grace period nou ava allow ki zot servi modify mon stress lo sa term modify open truck.  Zisteman parey ozordi STAR  i pe servi  i annan open truck li sa pa neseserman lo tou semen ki i pe met compactor open truck.   Nou dan permet zot pandan letan ki zot  pran pou zot kapab enport zot bann compactors.  Akoz ou pa kapab demann zot nenport compactors zot pa ti ankor konnen si zot pou win sa    bid accordingly. So  nou pou bezwen re modifye en pti pe e adapte baze lo legzizans ki pei i annan.  Onorab kot i konsern leksperyans ; si ou ti  pou met leksperyans konman en kriter pri mondyal dan sa bid ti  pou annan ou zis en konpannyen ki qualify zis STAR.  Parske zis li ki’n tir salte pou 20an, napa ankor.  Bann pti konpannyen me zot neseserman deal avek Lazans ek Gouvernman zot.  Municipal waste collection i en konpannyen ki fer.  E sa pti bann konpannyen ki ti annan bann pti compactors zot in plito fer commercial.   Me zot pa neseserman involve dan municipal.  E in any case pa menm lanpler ki STAR ti pe fer li.  So ou ti pou definitivman elimin larestan dimoun pou compete lo en equal basis si ou ti servi leksperyans konman en prerequisite pou sa tender.  Mersi Mr Chair.

 

MR DEPUTY SPEAKER

Mersi CEO.  Zis pou gidans nou annan pli plizoumwen full House ki pe entervenir demann kestyon.  Mon pa anvi ki nou al apre 6er apre 7er diswar.  So annou sey limit nou kantite kestyon.  E osi tou annou presiz pou nou kapab ganny en repons bref e presi.  Onorab Stephen Pillay

 

HON STEPHEN PILLAY

Mersi Mr Chair.  Bonn apre midi zot tou.  Mr Chair i annan en keksoz ki’n pas lo la mon ti a kontan touse avan mon demann kestyon ki fek demande zafer compactor ki pou donn 1an, 2an, en mwan a 2 mwan whatever pou fer vini.  E malerezman lo tender  advert ki ti fer par LWMA egibility i spesifye.  ‘’The successful bidder shall be required to have in their procession a minimum of 2 waste compactors and 1 open truck.’’  Sa i ti dan eligibility pou bid pou sa tender.  E ler i pe dir 2 trip par zour  dan tender ankor dan son scope of work ti mete – ‘’collect waste from bins and  bins on a daily basis using a waste compactor.’’  Si i kapab donn ou en pe detay plis lo akoz i pe dir nou en pe letour an ron ki nou pa pe ganny li kler.  Me mon kestyon i reste ankor lo sa municipal waste pou 33 mil 411,  33 milyon sorry.  E ki fer nou en saving 25milyon ki ti pou al parey lot Onorab in dir pou sipoze servi pou commercial waste.  Me ou menm ou ou’n dir nou ou annan private commpactors konmela ki pe kolekte commercial waste.  Se akoz nou bezwen pran nou taxpayers money avek 25 milyon ankor dan commercial waste.  Kan sa bann biznes i kapab rod zot Kontra avek  private contractors ou, ou ava en fasilitater pou kolekte sa bann waste ; akoz pou en biznes fer biznes Mahé fodre en requirement i annan garbage collection.  Ou, ou a vin zis sa fasilitater, biznes rod zot Kontra prive fer le neseser kot konman fasilitater, me non pa pou pran larzan Leta 25milyon pou al anmas ankor biznes.  Mersi Mr Chair.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Mersi Mr Chair.  Mersi Onorab.  Si mon konmans avek zisteman sa enn dernyen konsernan commercial waste collection – non zis pou mon port latansyon Onorab i pa 25milyon, i 16 milyon.  I 16 milyon Onorab.  16 milyon ki nou’n bidzete pou fer commercial waste collection. 

 

MR DEPUTY SPEAKER

Ok kontinyen CEO. 

 

CEO MR MICHEL VIELLE

Alright mon selman kapab donn Onorab figure ki’n ganny bidzete alor i 16 milyon Onorab pou commercial waste collection pou 2018.  Now akoz ou’n touse akoz pa les sekter prive antre ladan e fer li ?  Onorab ozordi Sesel nou vwar nou avek en sityasyon kot tou le semenn Gouvernman i bezwen pey pick- up prive pou li al anmas salte komersyal obor bann bin ki bann biznes i refize pou pran en Kontra.  Oubyen zot pey en dimoun kekfwa i annan ki pey en dimoun i napa Kontra ek nou li, i en Kontra direk – pey en pti boug.  Sa boug i ale i pran sa salte i vid li dan lo dan Perseverance dan en trou oubyen somewhere lo Providence dan en trou somewhere  i  son pick up i ale li.  Sa salte pa end up lo landfill li.  Tou le semenn  nou vwar nou pe depans larzan pou kapab al anmas salte komersyal k i ou napa laprev.  Me ou bezwen anmase akoz i nou manda.  Nou’n konsidere nou’n asize nou’n fer en kantite refleksyon lo sa zafer waste collection, commercial waste commercial.  Pa bliye poudir it’s not en larzan ki Gouvernman ou pe zis envestir ladan i perdi li.   Mon’n dir lo konmansman a lafen lannen Gouvernman i re recoup li sa larzan li.  Akoz bannla pe peye pou sa li.  Zot pey Gouvernman  pou sa zot.  However pou nou kapab annan en sistenm ki vreman annan kontrol lo la.  Akoz ozordi napa regilasyon, unfortunately ok.  Nou pa ankor anna regilasyon ki Gouvern commercial waste transactions.  Pou nou kapab fer sir ki nou met en lord Onorab, dan sa tranzaksyon fodre ki pei Gouvernman i come up avek the necessary regilasyon pou kontrol tranzaksyon prosedir disposal commercial waste.  San sa nou pa pou kapab kontrole.  Ou pou dir avek en boug ale pran en Kontra avek compactor prive i pran li pou son premye 2 mwan apre i aret peye.  I aret peye, plizyer nou’n witness kot bann boutikye aswar i vini zot pran zot ta karton zot met obor bin zot ranpli bin.  Sa bann bin municipal pa sipoze ganny servi pou commercial.So pou nou annan en sistenm an plas pou nou kontrol li, nou pa pou kapab larg li ek sekter prive.  Pa pou lemoman.  Me selman sa ki mon kapab dir ou deza menm, nou avek Minister nou an plenn demars konsiltasyon pou kapab come up avek Lalwa  neseser an 2018 pou nou kapab kontrol sa.  E de ki Lalwa i vin an plas ki ava enforce ki en en konpannyen si ou vin en biznes ou anrezistre Lalwa i dir ou, ou pou bezwen annan en Kontra.  En Kontra ki ou a sinyen avek Lazans, avek en konpannyen prive la wi.  Akoz la si nou vin kot ou, ou Kontra i outdated nou pa kapab penaliz ou.  Ozordi nou pa kapab.

 

MR DEPUTY SPEAKER

Ok mersi CEO.  Ale Onorab Pillay.

 

HON STEPHEN PILLAY

Mersi Mr Chair.  Mr Chair mwan mon pa tro konpran en bon pe ladan.  Collection of garbage, ‘’goods and services’’ i 58, 690  million.  Ou pe tir 33 mil i reste 25 ok kekfwa i annan lezot ankor.  Sa ki mon pe dir ou zafer 25 mil –  se sa 58 milyon tir li 33 ki i mank 25 lo la ki pou al lo sa private commercial kontrakter prive ; regardless mannyer ou pou donnen ladan.  Me en keksoz ki mon pa konpran ki CEO pe dir mon pou dir napa Lalwa pou fer en biznes vin tir salte kot li.  Me mon pa konnen sa zafer biznes i en primary requirementsp ou en licence fee.  Ou pa gannyen License si napa en Kontra kot LWMA menm pou vin tir salte kot ou.  Savedair mwan mon pe mentenir.   Prive i kapab tire.  ou as en facilitator se pa bezwen ki ou al peye sa bann zafer ou.  Sa boutikye, sa dimoun si Licensing i pase vwar salte obor semen la, i raport kot ou, ou as a falicitator.  Ou konpran?  Setou ki i annan ladan.  Mersdi Mr Chair.

 

MR DEPUTY SPEAKER

Mersi Onorab.  Minis.

 

MINISTER MR DIDIER DOGLEY

Mersi Mr Chair.  E bonn apre midi tou dimoun.  Mr Chair i annan en keksoz ki, nou bezwen konpran i pa neseserman ki LWMA i anvi pran larzan ouswa i leantre dan en tranzaksyon ki i kapab ganny fer ant bann private enterprise direkteman.  Parey CEO in eksplike i pa en keksoz ki Sesel in evante sa.  Menm si ou pou al L’Angleterre ou pou bezwen pey en council pou vin ranmas ou salte.  E sa i senpleman ganny fer par laplipar pei pou la senp rezon pou fer sir pou dir salte i ganny kolekte.  E i ganny anmennen dan landrwa kot i devret ganny anmennen e dispose of dan landrwa ki ganny anmennen.  Now sa koleksyon i pou ganny fer par en private enterprise li.  Me solman ki i fer, se ki either sa Council par egzanp si ou pran L’Angleterre.  Isi Sesel LWMA i annan en overview lo kwa ki pe arive dan sa bann tranzaksyon.  E sanmenm sa i pe demann ou ki at least akoz i pou napa sa larzan lo konmansman lannen ek sa bann lakonpannyen anmas sa bann salte.  I pou bezwen annan li en Fon pou li kapab corporate avek.  Me an fil anmezir ki bann tranzaksyon i  ganny fer tou le mwan en bann peyman i rantre a lafenn lannen tou sa bann larzan pou rantre dan Consolidated Fund.  Sa larzan pou retourn dan Fon Gouvernman.  Me solman LWMA pou bezwen annan en Fon pou li operate avek konmansman lannen. I pa pou kapab konmans operate ek lanmen vid.  So the concept li menm se ki bann lakonpannyen  pou kontinyen kolekte.  Bann ki annan deza Kontra nou pou    sa bann Kontra.  Me selman nou pou fer sir nou pou supervise, pou fer sir pou dir salte ki egziste i ganny kolekte korekteman e i pa end up  obor bin site  i pa end up  dan ranpar Montagne Posée, i pa end-up Ile Aurore ouswa parla dan  lapay ki apre Gouvernman i bezwen vwar plis larzan pou al netway sa bann landrwa.  E i vre poudir Minister nou annan Environmental Police ki fer en kantite travay lo sa bann keksoz.  Nou konnen ki problenm ki annan.  Alor nou konnen si nou les ale sa zafer, demen nou pou vwar nou bann sityasyon ki bokou pli konplike ki i ete la konmela.  Se sa ki nou pe sey.  Sipoze Onorab Pillay i kapab konpran egzakteman ki nou pe sey fer.

 

MR DEPUTY SPEAKER

Mersi Minis.  Onorab Sophola.

 

HON STEPHEN PILLAY

I annan 2 kestyon i pa ankor reponn.

 

MR DEPUTY SPEAKER

Ki kestyon i pa ankor reponn Onorab Pillay?

 

HON STEPHEN PILLAY

Sa zafer successful bidder shall be required i devret annan 2 compactor avek en open truck.  Epi sa zafer 2 fwa par semen.  Dan sa tender i daily basis.   Kote zot in zwenn ek kanmarad pou aranz ek kanmarad sa bann zafer annan napa lo la?  Mersi.

 

MR DEPUTY SPEAKER

Ok CEO.

 

PROCUREMENT MANAGER MR RAOUL MANGROO

Mr Chairman dan prosedir ler nou ti lans sa tender parey ti ganny anonse pli boner.  i annan zis 2 kriter.  Enn 100 poursan Seselwa.  Apre dezyenmman se ki at the time of award of Contract pou konmans loperasyon, ou bezwen annan ou 2 compactor avek ou open treuck.  Now nou ti’n forecast ki sa tender in fini by Oktob, ki ti a donn zot sifizaman letan pou zot enport li fer zot bann prosedir pou Zanvye.  Me lefe ki Gouvernman li in ganny son retar lo son kote.  So nou’n bezwen allow pou en zisteman en alternativ pou sa bann bidders.  Me selman at the time of award of Contract sa ki nou ti stipulate dan nou bidding – dan nou bidding document.

 

MR DEPUTY SPEAKER

Ok, mersi.  Onorab Sophola.

 

HON NOLINE SOPHOLA

Mersi Mr Chair.  CEO landfill lo La Digue ti en gran konsern 2016.  An 2017 napa travay mazer ki’n gannyen lo la.  Eski i annan konsiderasyon ki’n ganny pran dan Bidze 2018, pou amelyor sa sityasyon landfill lo La Digue, vi ki i pe preske plen.  Mersi.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Yes mersi Mr Chair.  Onorab wi in fact i annan en devlopman ase resan ki’n arive lo landfill LaDigue ki mon asire ki ou’n vwar se konstriksyon sa leachate treatment plant,  ki pou ede zisteman tret en pti pe sa delo sal ki sorti ler lapli i tonbe i sorti dan bann salte lo landfill ki finalman al dan plato La Digue.  So sa i en devlopman ase signifikan  ase mazer mon kapab dir pou en pti zil.  E nou’n met en Bidze R3milyon pou nou kapab run sa plant pou 2018 –  ok ? .Pou  kout nou R3 milyon pou run li.  Me over and above sa nou’n Bidze en milyon roupi pou servi  ki pou peye pou fer en konpaksyon salte lo La Digue – en?   E ler mon pe koz konpaksyon la mon pe dir par egzanp en masin ki pou kraz ki pou pez salte ki pou apiye, ki pou met lord landfill basically e redwir ki oter ki salte i monte – um?   So apepre R4 milyon zis pou La Digue landfill lannen prosenn.  Mersi.

 

MR DEPUTY SPEAKER

Mersi CEO.   Onorab Sophola.

 

HON NOLINE SOPHOLA

Mersi Mr Chair.  CEO savedir ou pe dir mon ki 2018 sa travay konpaksyon bann salte pou ganny fer sa?

 

MR DEPUTY SPEAKER

Ok, CEO. 

 

CEO MR MICHEL VIELLE

Wi nou annan en R1milyon pou sa pou ganny fer.  Wi.

 

MR DEPUTY SPEAKER

Mersi CEO.  Onorab Woodcock. 

 

HON WAVEL WOODCOCK

Mersi Mr Speaker.  Bonn apre midi Minis ek CEO ek ou tim. Mr Speaker mon kestyon i baze lo vizit ki nou’n fer resaman Praslin.  Annefe i annan en sonm 73milyon pou waste management services mon ti la kontan konn konn en pti pe ki zot plan    akoz dan sa meeting nou ti diskit lo posibilite purchase zot en spike wheel pou compaction bann salte landfill Praslin.  Mon ti a kontan si sa spike wheel dan Bidze pou 2018 ou’n dir pou dir lifespan sa landfill i pa pou dir lontan unless zot fer bon compaction lo sa landfill.  E osi regardan barikad baraz lotour sa landfill ki nou ti’n diskit lo la, pou anpes bann scarvagers  ek bann lisyen eran rantre ladan.  Si sa i dan zot plan 2018?  Kot i konsern bann bin site lo Praslin sirtou Grand Anse Praslin ou’n mansyonnen pou dir kapasite i 350 ekek bin pou bann site.  Me selman dan 2017  mon pa’n vwar okenn nouvo bin in ganny mete.  Mon pa’n vwar okenn nouvo bin site in ganny idantifye – mon ti a kontan konnen si pou 2018 annan lentansyon ogmant bann bin site e ranplas sa bann bin kase ki annan en kantite.  E met plis bin.  E osi si zot annan lentansyon ogmant en pe bann lenspekter ki annan Praslin.  Mon’n pran poudir bann lenspekter they are being overworked  e zot pa pe ganny pey byen – e alor ki bann plan ou annan dan sa direksyon?  Mersi.

 

MR DEPUTY SPEAKER

Mersi Onorab.  Mon pou redemann zot ankor pou viz zot kestyon otan posib lo Bidze.  Ok?  Si non nou pou ale ziska 7er diswar.  CEO.

 

CEO MR MICHEL VIELLE

Mersi Mr Chair mon pou vreman bref Onorab a sa vwar ki pou Praslin lannen prosenn i annan R4 milyon pou municipal waste collection.  I annan R4 milyon pou commercial collection.  I annan R2. 4 milyon pou landfill management ki enkli konpasyon.  Ou kestyon konsernan spike wheel unfortunately – non.  Nou pa pe kapab gannyen kouver spike wheel anba nou Bidze ki nou’n gannyen.  Kot i konsern bin site well i posib ki pou annan nouvo bin site.  Me sertennman i pou annan nou espekte ranplas en pe bann bin parske nou’n ganny en serten sonm larzan ki pa bokou R500 mil ki nou pou aste en pe bin me sa i pa zis pou Praslin i pou Mahé, Praslin e La Digue.  So i pa bokou me nou espekte  a kapab sey outsource somewhere ki nou kapab ganny en pe larzan vwala.  Sa pou landfill.  Konsernan fencing vizavi scavengers ki ou’n koz lo la  unfortunately non ankor nou pa‘n kapab secure pou met anba Bidze pou Praslin pou lannen prosenn.  Mersi.

 

MR DEPUTY SPEAKER

Onorab Woodcock.

 

HON WAVEL WOODCOCK

Mon lot kestyon i konsernan bann kontrakter ki tir salte ki tir bann salte pou met lo landfill.  I annan serten konsern ki menm si i pa dan zot Kontra bann lenspekter pe fors zot tir salte bann landrwa ki pa ti dapre zot Kontra.  Parey ler i annan bann aktivite, parey Marie Anne ouswa kot STC zot pe ganny demande pou tir salte ki pa form par zot Kontra e zot pa pe ganny peye pou sa.  Mon kestyon i eski zot pou get dan welfare sa bann kontrakter dan lefitir?  Eski zot annan lentansyon, mon pa konnen si annan en Polisi si pe met en Polisi an plas regardant sirtou en penalty fee dimoun ki mal servi dumping site si zot annan  lentansyon fer dan lefitir e ranforsi sa e annan en penalty fee pou en fason pou anmas larzan ki kapab  petet ed zot pou zot aste en pe plis bann bin pou Praslin.  Mersi.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Yes mersi Mr Chair.  Onorab in fact ou kestyon in prompt mon pou mon pronons mon lekor lo en lot keksoz ki mon ti’n bliye pli boner.  As part as sa Kontra nouvo tender pou municipal waste collection la, over and above sa bann daily collection sa bann 3 daily collection li osi factor-in en weakly sa ki nou appel en weakly bulky waste collection.  Tou sa bann konpannyen pou bezwen tou le semenn al fer letour e anmas salte – bann bulk waste ki met prensipalman bann vye freidge vye cooker, vye fey tol,  and so on ki ganny mete obor bin oubyen dan bann landrwa.  E i pou dan zot Kontra.  Kot i konsern bann aktivite.  Well sa normalman nou call for bann one of.  Selman anba Lalwa well pa Lalwa konter i annan en laranzman normalman kot en Events Coordinator i sipoze depoz en sonm larzan.  Par egzanp ler ou pe apply avek Licensing pou ou fer en mass activity  ou sipoze depoz en serten sonm larzan ki mon krwar i R5 mil.  Sa R5 mil nou sipoze retain li si apre ou’n fer ou aktivite ou pa’n netway ou landrwa la, nou, nou pran sa larzan nou pey en dimoun i ale i netway sa landrwa.  Dan bokou ka sa pa pe ganny fer.  Mon a dakor avek ou petet ou devret ranforsi en pti pe nou kontrol lo la e pou fer sir ki dimoun i depoze sa fee.   Me selman fer li traver Licensing akoz ou’n apply avek Licensing pou fer aktivite.   E enforce koz ek Licensing pou fer zot ki  zot peye sa fee san ki i donn zot en License pou fer zot aktivite.  Mersi.

 

HON WAVEL WOODCOCK

Salary bann inspectors kondisyon i en pti pe ba.

 

CEO MR MICHEL VIELLE

Well mon ava – i en keksoz ki ou’n mon napa detay sa bann lenspekter la.

 

HON WAVEL WOODCOCK

Mon pa pe demann ou saler.  Mon pe gete si zot pe revised en Scheme pou sa bann lenspekter par natir pou bann travay ki zot pe fer.

 

CEO MR MICHEL VIELLE

Ok mon ganny ou la.  Mersi  Onorab.  Mersi Mr Chair.  wi  in deza annan en Scheme  pou bann lenspekter.  E mon kapab dir ou mwan ler mon’n vini ler mon’n rantre dan LWMA, mon’n konpar sa Scheme  avek lezot  serten lezot landrwa dan Gouvernman.  M on kapab dir ou wi i annan room for improvement of course. Me selman mon krwar a ler aktyel i ase rezonnab.  Me selman wi nou’n, toultan gete pe revwar pe revize.  E kot nou kapab depandan  lo ki mannyer Bidze i ete pou nou increase.  Mersi.

 

MR DEPUTY SPEAKER

Mersi CEO.  Onorab Churchill Gill.

 

HON CHURCHILL GILL

Mersi Mr Chair.  I tre dezapwentan ki Praslin landfill pa pe ganny okenn machinery e fence pa pe ganny fer akoz  en legzersis depi an Zen ki ti’n ganny fer.  Alors silvouple Praslin osi i kontribye  dan sa Bidze fodre  ki nou ganny keksoz ler nou demande.  Apre mon 2enm kestyon se m n kestyon se CEO pa’n dir nou kan ki tender pou municipal waste ek commercial waste ganny fer lo Praslin.

 

MR DEPUTY SPEAKER

Mersi Onorab.  Mon krwar sa premye pa ti en kestyon.  Me sa 2enm ki i en kestyon.

 

HON CHURCHILL GILL

I ti en konsern pou nou zil.

 

MR DEPUTY SPEAKER

Ok.  CEO.

 

CEO MR MICHEL VIELLE

Ok, kot i konsern tender pou waste collection  commercial nou anvizaze lo la out avek sa tender.  In fact pou Praslin La Digue  osi 1st quarter 2018.  Mersi Onorab.  Mersi Mr Chair.

 

MR DEPUTY SPEAKER

Ok Onorab?  Ok, Onorab Andre.

 

HON CLIFFORD ANDRE

Mersi Mr Chair.  Mr Chair anvi ki CEO in dir nou i annan en logmantasyon 4.5 dan bann fasin ki keksoz pe ganny fer.  Me selman letan nou get Bidze i annan en logmantasyon 13 milyon.  Kekfwa  i ava eksplik nou en pti pe.  Mon 2enm pwen letan nou get lo progranm 3  ‘’landscape and beautification’’  ‘’maintenance and repairs’’ Mr Chair lannen pase ti 119 milyon la in desann en milyon.  Eksplik nou en pti pe kwa ki’n pase ladan.  Lot kestyon i annan ‘’roads’’ kot i 50milyon.  Mon ti a kontan konnen kwa ki fer the roads akoz i osi annan anba Minister Lanvironnman anba kot Minister Lanvironnman kot i annan sorry pa roads.  I annan roads i 50 mon ti a kontan konnen kwa.  I annan rivers ek marsh’’ dan tou lede.  So dir nou en pti pe kwa. Apre i annan en pti klarifikasyon ‘’maintenance and repairs” ou annan tou sa bann maintenance ki ou fer.   Annefe son sonm  i tonm 65 milyon.  Ou’n detay nou bann ‘’maintenance and repairs’’.  Me selman dan ‘’goods and services”  ankor ou annan anba “other uses of goods and services” ou annan ankor “maintenance services”  ki tonm 13 milyon.  So ki kantite maintenance ou annan ki ou bezwen fer ki la  i tonm 13 milyon la?  Mersi.

 

MR DEPUTY SPEAKER

Ok mersi Onorab. CEO.

 

CEO MR MICHEL VIELLE

Mersi Mr Chair, mersi Onorab.  Mon a reponn ou premye bout kot i konsern roads.  In fact Onorab pou mon dir ou larealite se ki anba district road cleaning.  Nou annan en rediksyon omwen R10 milyon.  Sa i retoun mon lo sa pwen ki mon ti pe fer referans avek lans pli boner.  Kot there again, nou sipoze pe netway 88 kilo met anplis semen.  Konpare avek ozordi 2017.  Akoz i annan bann semen ki pa lo Kontra.  E tou distrik tou DA tou MNA i dir ou fodre ou netway zot semen.  88 kilo metres nou’n compute ; however anfet Bidze ki nou’n gannyen i fer ki nou’n bezwen revwar scope tou sa bann ccleaning works  lo semen, depi son delittering depi son koup zerb.  E i fer ki  olye an  2017 nou’n depans 48 milyon pou netway semen, roads nou pe koz netway semen la.  E pou  2018 nou pe pey zis 38 milyon.  so nou’n desann par 10milyon.  At least la dan sa line item.  Me pou lezot line item ki ou’n fer referans avek permisyon Mr Chair nou ava allow mon financial controller pou donn ou en pe klarifikasyon lo la.  Mersi.

 

MR DEPUTY SPEAKER

Go ahead.

 

FINANCIAL CONTROLLER MR MARCUS WILLIAM

Ok mersi Onorab pou ou kestyon.  Konsernan sa 13. 3 milyon increase mon  donn ou si ou le en pe breakdown pou ‘’wages and salaries’’ i annan R300 mil increase.  ‘’Cleaning, Landscaping and Landfill Management’’ tousala ansanm nou pe koze la.   I annan 10.2 milyon increase.  E apre bann lezot vot parey nou pe koz consumables  konmsi ki napa nanryen pou fer avek – selman i anba “goods and services” li.   I napa nanryen pou fer avek “cleaning, landscaping” i plito administrative.  Ler nou pe koz consumable transportasyon printing lezot.  Sa i annan en increase 2.7 milyon.  I osi include minor cap ladan.   Mersi.

 

MR DEPUTY SPEAKER

Mersi.  Yes Onorab Andre.

 

HON CLIFFORD ANDRE

13 milyon 13.4 milyon avek sa repairs anler k ii 60 ekek milyon pa ankor ganny eksplike.  Sa enn anler i 64 sorry  ‘’maintenance and repairs” i 65   65.200 milyon.  Apre anba “ ‘’orther  uses goods and services’’ i annan ankor maintenance service.  So mon prezimen letan ou fer maintenance i apel maintenance anler i pa kapab annan 13 milyon ankor ki vin maintenance menm.  Akoz Anse Aux Pins pa pe ganny nanryen ladan.

 

MR DEPUTY SPEAKER

Ok  mersi Onorab.  Mr William.  Ok CEO oubyen FC.

 

FINANCIAL CONTROLLER MR MARCUS WILLIAM

Mersi Onorab.  Pou sa 13.4 milyon ‘’maintenance services’’ sa i larzan ki’n ganny allocate for landfill managemnet avek management sa leachate plant.  Apre pou sa 64milyon i enkli tou bann line items pou bann cleaning ek landscaping works ki  pou anba la parey.  I annan roads, land drainage, rivers and channels and marshes,  management of public toilets.  Basically i enkonpor tou bann larzan ki’n ganny allocate pou bann  Kontra Netwayaz ek Landscaping.   I pa pe neseserman vin maintenance renovasyon li.   I zis ki landrwa ki’n ganny allocate anba sa Heading – sa klasifikasyon ladan.  Mersi.

 

MR DEPUTY SPEAKER

Onorab Andre.

 

HON CLIFFORD ANDRE

Me savedir mon krwar si en klasifikasyon ti maintenance i bezwen maintenance  i pa kapab annan en klarifikasyon.  Mon krwar Minister Finans i bezwen eksplik nou i pa kapab annan 2 klasifikasyon maintenance ;  me selman i pa maintenance.  So si i pa  maintenance met li kot fodre mete pou nou kapab ganny en pli bon pou nou kapab ganny en pli bon pou nou kapab konpran pli byen.  Akoz nou pa kapab pe aprouv en keksoz anba maintenance, me selman i pa maintenance.  13 milyon i en kantite larzan.  I ti ava ed Lasanble fer en pe keksoz en pe pli byen.

 

MR DEPUTY SPEAKER

Mon krwar anba LWMA maintenance i annan en lot meaning ki sa maintenance ki nou pe mazinen i maintenance.  Se maintenance of roads,  maintenance of rivers, marshes and so on.  Ok. Sa ki vin anba la.

 

HON CLIFFORD ANDRE

Mr Chair  anba “maintenance” i annan vre “maintenance of road” “maintenance of rivers” i osi annan “maintenance of vehicles”  “maintenance of transport”.  So ki mon pe sey dir mwan  se, pa donn mon pa donn ou apre anba ‘’materials and supply’’ parey mon pe dir donn nou ‘’maintenance services’’  ki 13 milyon.  So i pe maintain kwa akoz i pa detaye li.  Sa 13 milyon.

 

MR DEPUTY SPEAKER

Ok PS Finans.  PS Payet.

 

PS PATRICK PAYET

Mr Chair.  Mersi Onorab.  Mon krwar pwen i note ki parey FC in eksplike ek sa 13. 4  –  13.4 5 milyon dan “maintenance services”  anba “other use and goods and services”  i pou sa landfill management.  Kekfwa sa the way kekfwa sa wording ; nou a plis sertifye kekfwa dan Bidze 2019 kekfwa pou zot konpran en pe plis.  Specific dapre zot non ki  mon krwar Landscape and Management Agency  i servi.  Me, solman parey in eksplike i pou landfill management avek son bout leachate  plant.

 

MR DEPUTY SPEAKER

Ok.  Mersi PS.  Onorab Lemiel.

 

HON SYLVANNE LEMIEL

Mersi Mr Chair.  Bon apre midi  tou dimoun.  Mr Chair mon ti a kontan demann avek CEO eski landfill Anse Royale zot pe ranmas okenn revenir avek?  E si wi konbyen par lannen ? Dezyenmman eski sa landfill i pe ganny sipervize?  Akoz tou resaman en pe letan nou vwar ki i annan en pe larou tou pou ganny mete dan sa landfill kan i pa ti  dan sa purpose.  E eski zot annan en larzan dan sa Bidze ki pe vini la pou zot met fencing avek sa landfill?  Mersi.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Landfill Anse Royale i anmas nou en meagre R12 mil par lannen.  Zis pou glass waste.   Kot i konsern fencing unfortunately non ankor anba PSIP scenario B, nou pa’n kapab fer rantre.  Parske ou pa bat ek sa ceiling.   E nou pa’n kapab met li pou anba 2018.  Kot i konsern larou.  Petet la nou bezwen vwar en pti pe nou sistenm monitoring lo landfill ; parske nou pa neseserman annan konpare avek landfill Providance nou napa en prezans permanan dan lazournen.  Monn dan lazournen lo landfill Anse Royale.  Me i annan en gate nou’n resaman ti annan en baro ki ti’n ki ti ouver e nou’n donn lenstriksyon personnelman mon’n donn lenstriksyon ki nou met en kadnan avek en lasenn lo sa baro pou fer sir ki dimoun pa rantre.  E anybody ki ale pou dump i bezwen fer nou konnen.  E toutfason i annan en prosedir sa.  So nou pa espekte ki pou annan en kontinyelman dumping larou lo sa landfill. 

 

MR DEPUTY SPEAKER

Yes Onorab Lemiel.

 

HON SYLVANNE LEMIEL

Mr Chair petet mon pou dir ek CEO mon pa krwar i fer sans ou’n met en gro kadnan, ou’n met lasenn avek sa gate.  Kan son fence in desir desire nenport ki i antre al fer nenport kwa la anler la !  Petet mon krwar ou merit either dan revised Budget or mon pa konnen ki fason ou rod en fason dan Mid–Year Review nenport nou rod en fason kot ou ganny en larzan pou kapab met fence  avek sa baro.  (Avek sa landfill).  Apre ou’n koz lo ou napa siperveyans pou sa landfill.  Par kont mon vwar i annan en biro la.  E sa biro mon konpran  i annan en dimoun ki la permanan.  Eski sa dimoun i en anplwayer LWMA e ki son travay ki i sipoze pe fer petet la kot son landfill?  Mersi.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Mersi Mr Chair.  Mersi Onorab.  Kot i konsern wi sertennman i pa efektiv si ou met en baro avek en gro kadnan, me i annan trou ki dimoun i pase.  Mon dakor avek ou.  Me malerezman larealite ki nou napa larzan pou fer fencing sa landrwa.  Me parey ou’n dir petet dan  Mid-Year Review lannen prosenn.  Me sa nou note e Finans osi mon krwar i ava not sa.  Me pou kwa pa en pe lobby de zot kote.Kot i konsern pa en biro way bridge i pa en pti biro me i sipoze annan en way bridge la.  Wi i annan en dimoun ki pou lemoman i pe, in ganny donnen sa landrwa ki pe reste la.  i ti deza en anplwayer LWMA me i nepli en anplwaye LWMA.  E i pe reste la.  Dapre ki mon konpran mon lenformasyon ki mon’n gannyen ler mon’n vini mon’n demande be ki sa boug i fer la.  zot in dir mon i ti ganny mete la zisteman konman en gardyen sa lepok.  Me thing has seen been overtaken by events.  I nepli anplwaye avek LWMA – i ti annan en problenm lakaz mon krwar zot in mete li laba.  Me parey ou konnen i difisil pou al tir en dimoun dan en lakaz si  i napa en landrwa pou li ale.

 

(Interruption)

 

CEO MR MICHEL VIELLE

E, non, non mon a eksplike.  I deza dan demars.  Nou’n fini deza enform li.  e li in deza an grand demars s aki mon okouran avek Departman ki responsab pou donn lakaz MLUH and so on.  In fer son laplikasyon me i ankor i pe espere.  E antretan ki ou fer ki en boug ki la?  Omwen aswar akoz lizour i travay.  Me aswar omwen i donn en sipervizyon i la.  Son prezans i la.  Me until ki amwen en solisyon.  Me i difisil pou nou al tir sa boug dan sa lakaz, parske i pou en problenm sosyal la lo kominote.  Mersi.

 

MR DEPUTY SPEAKER

Ok CEO.  Fotespere i pa vin sityasyon emergency housing lo en site.  Onorab Lemiel.

 

HON SYLVANNE LEMIEL

Mr Chair, petet mon krwar in vin en leson la. Akoz i fer mon krwar 3enm dimoun ki vin reste la.  So mon espere petet ler sa Msye i sorti i ganny son landrwa – mon espere ki LWMA pa pran en lot dimoun i dir pou dir  son travayer i met sekirite la apre i vin reste lanmenm.  Apre nou vwar li i anrezistre dan nou distrik pou demann  ankor en lakaz.  Mon espere ki nou pa servi sa konman en lakaz emergency !  I ganny servi pou son purpose  ki ti ganny fer pou en lofis pa pou en lakaz !  Mersi.  .

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Mersi Mr Chair Onorab mon 100 poursan dakor avek ou.  E mon donn ou mon langazman ki pli vit posib mon a fer mannyer pou met avek Minis responsab pou lakaz pou kapab rezoud sa problenm.  Mon pa ti konnen i fer 3enm dimoun me mon’n enrit en sityasyon – me nou ava fer pli vit posib rezourd sa sityasyon.  Mersi.

 

MR DEPUTY SPEAKER

Ok point taken.  Onorab Esparon.

 

HON REGINA ESPARON

Mersi Mr Speaker.  Mr Speaker lo paz 532 anba “transport and travel cost,” mon ti a kontan demann Minis ek CEO si transpor pou staff i ganny kouver anba la.  E dir nou osi lekel  kategori travayer ki entitled transpor permanent ek drayver?  E si zot donn transpor ek fuel oubyen zis ek transpor tousel.  Lo  ‘’order use and services’’ mon vwar en sonm 3.9 milyon pou elektrisite.  Mr Vielle ti fer nou konpran lamazorite letan zot travay deor.  Mon vwar li en pti pe bokou 3.9 milyon pou elektrisite dan zis en biro.  Epi pli ba Mr Speaker anba “structure other structures” mon’n vwar i annan 606 mil  pou ‘’tourist leisure infrastructures.’’  Mon ti a kontan  en lesplikasyon lekel bann lezot landrwa touristik ki zot pe fer netwayaz?   Mersi.

 

MR DEPUTY SPEAKER

Mersi Onorab.  CEO. 

 

CEO MR MICHEL VIELLE

Mersi Mr Chair.  Mr Onorab Lazans i annan en free transpor  ki ganny servi – i ganny met a son dispozisyon pou desarz son responsabilite ki i annan.  E anfet Lazans i annan 10  transpor sa lo Mahé.  E 10 HV hire vehicles.  Akoz nou napa  Lazans malerezman nou napa bann transpor nou pa’n over the years i paret LWMA pa’n kapab ganny larzan avek Gouvernman pou kapab aste loto.  Me selman la Bidze lannen prosenn nou annan enn.  Sa mon, kapab fer provizyon pou mon ganny enn e nou pou annan enn lannen prosen.  Sa bann transpor i ganny servi, in fact LWMA 99 poursan son travay se lo teren li.  250 kontrakter plis 600 ekek bin site pou monitor toulezour.  Toulezour mon repet li enkli mon.  Sa bann transpor i ganny servi par bann staff bann lenspekter.  I ganny servi par senior management pou fer verifikasyon.  Mwan personnelman,  mon servi parske mon bezwen fer verifikasyon.  Tou le mwan mon aprouv R18 milyon worth of  invoice.   E mon pa pou aprouve R18 milyon worth of invoices.si mn pa fer cheque.  Akoz mon krwar sa ki nou pe koz lo la ozordi zour efficiency fer sir larzan Gouvernman in ganny bye n depanse.  Me pou fer sa ou bezwen transpor.  Ou bezwen sirkile.  E natirelman i annan en  kou ki vini.  E vwala en pti pe ki mannyer transpor i ganny peye kot Lazans.  Now ou 2enm pwen konsernan Regatta site sorry ‘’touristic region’’ anba la nou osi annan Regatta site Beau Vallon ki nou netwaye.  Regatta site en sit prive lit.  Me selman lefe ki Gouvernman toulezour pe organiz aktivite lo sa site i tonm anba LWMA pou netway sa site.  Selman nou annan en Bidze pou sa ki tonm anba la.  Apre osi nou annan bann ban nou annan bann water features bann fountains.  Sa dan lavil e osi dan Praslin ki nou netwaye ki tonm anba sa vot.  Mon pa tro mon pa recall eskiz mon, ou lot pwen ki cou ti’n koz lo la.

 

MR DEPUTY SPEAKER

Elektrisite.  Sa sonm pou elektrisite.

 

HON REGINA ESPARON

3.9milyon pou elektrisite.

 

FINANCIAL CONTROLLER MR MARCUS WILLIAM

Mersi Onorab pou ou kestyon.  Konsernan increase elektrisite sa i annan pou fer avek leachate plant ki lo landfill isi menm.  Ew i annan en sonm 2.7 milyon ki’n ganny allocate annually, akoz i kout apepre R225mil par mwan just operate it avek elektrik.  Mersi.

 

MR DEPUTY SPEAKER

Ok.  Mersi Mr William.  Onorab en dernyen kestyon si non nou pa pou zanmen fini dernyen kestyon. .

 

HON REGINA ESPARON

eski zot pe mazinen dan lavenir servi solar panel silvouple – solar energy?

 

MR DEPUTY SPEAKER

CEO.  Minis.

 

MINISTER MR DIDIER DOGLEY

Mersi Mr Chair.  Definitivman kot i annan loportinite pou nou servi solar ouswa menm anler lo landfill mon konnen keksoz ki i annan plis loportinite se kolekte bann gas sorti lo landfill pou prodwir lenerzi.  Epi menm parey dernyen fwa mon ti vin la mon ti dir nou pe regard dan prodiksyon lenerzi servis salte sa ki nou apel waste energy.  E pou lenerzi pli gro loportinite pou fer sa.  Mersi Mr Speaker.

 

MR DEPUTY SPEAKER

Mersi Minis.  Onorab Herminie.

 

HON WILBERT HERMINIE

Mersi Mr Chair.  Bonswar Minis avek ou delegasyon.  Mon annan en pti kestyon pou CEO – mon pa’n ganny en konpran taler si in reponn.  The tender ti en fwa par semenn waste collection ouswa 2 fwa? I mean par zour sorry.  Epi lo kote monitoring ou’n tous en pe lo pe dir koumsa zot pe fer depans bokou  lo kote transpor.  Mon ti a kontan plito ou ti’n met en Hotline bann zabitan menm ti ava ed ou ler bin pa’n ganny ranmase zot ti ava call ou direk dan plas ou pe roam around.  E lo kote commercial waste ou’n dir koumsa i en Bidze 16 milyon si mon pa tronpe.  Me dan sa 16 milyon Gouvernman i anmas 16 milyon i pe fer profi lo la ouswa i pe fer en loss?  Mersi Mr Speaker.

 

MR DEPUTY SPEAKER

Mersi Onorab Herminie.  CEO.

 

CEO MR MICHEL VIELLE

Mersi Mr Chair.  Onorab non daily wate collection pou daily toulezour 2 fwa par zour.  Apre nou annan weekly bulk, waste collection bulky waste collection sa i pou weekly ok. 

 

HON WILBERT HERMINIE

Mon kestyon ti lo Kontra.  Dan Kontra ti met en fwa ouswa 2 fwa.  Akoz sa li annan sa kestyon ki Onorab Pillay ti demande pa ti ankor kler pou mwan.

 

CEO MR MICHEL VIELLE

2 fwa Onorab.

 

MR DEPUTY SPEAKER

Ok

 

CEO MR MICHEL VIELLE

Wi sertennman nou annan en Hotline number.  In fact mon rapel ler nou ti vin dan Lasanble lannen pase nou ti donnen sa limero hotline number.  E ki mon kapab re donnen.   28.22.600 – 2822.600  sertennman servi li pou call nou.  E psi atraer sa Hotline number ki fer nou respond lo en baz toulezour Sanmdi Dimans pou nou respond nou bann case ki dimoun i call.  Mersi.

 

MR DEPUTY SPEAKER

Mersi CEO.  Yes Onorab Herminie.

 

HON WILBERT HERMINIE

Commercial waste si nou pe fer nou pe recuperate sa larzan sa 16 milyon.

 

MR DEPUTY SPEAKER

CEO. 

 

CEO MR MICHEL VIELLE

Nou anvizaze kolekte 17 milyon.  Mersi.

 

MR DEPUTY SPEAKER

Mersi CEO.  Onorab Hoareau.

 

HON JOHN HOAREAU

Mersi Mr Speaker.  Bonn apre midi tou dimoun.  Mr Speaker mon kestyon i annan enn ki en pti pe  lye avek size lans ki pa ri tro kler taler.  Konbyen kilomet lans i ganny kouver anba sa 25 milyon ki pe al ganny tender.  Akoz nou pa’n konnen apepre ki kantite lans ki ganny kouver anba la.  Mon lot kestyon i  lo paz 3.  Kwa ki’n fer sa Bidze desann lo ‘’wages  and salary” sorry program 3.  Kwa ki’n fer ss Bidze desann lo “wages and salary” sorti 4.1milyon pou vin 3 .8 milyon?  E osi mon ti le konnen si avek sa bann lekonomi ki zot pe fer anvi zot pe al zer landfill zot menm dan   plas STAR.  Si sa larzan an plis zot kapab met li dan bann keksoz resiklaz bann proze resiklaz.  Ti ava benefisye nou en pti pe plis ankor.  E si ou kapab donn nou osi en pti pe, leklersisman lo bann local consultancies  ki zot annan.  Mersi.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Mersi Mr Chair.  Onorab total laans a ler aktyel nou pe netwaye toulezour la i 31  kilo met.  E pou 2018 nou pe al netway 50 kilomet.  So en increase 61 poursan ok.  In terms of consultancy pou le moman nou annan Lazans pe anploy 2 konsiltan.  E dan domenn spesifik  e 2 konsiltan ki zot Kontra i fini an 2018 sorry an Me 2018.  E  there again  then  nou ava deside apre sa.  Me pou lemoman sa 2 konsiltan pe get Lazans ; enn partikilyerman dan domenn progranm 2 avek 3 –  Sirtou progranm 2 waste collection, landfill management.  I en area kot nou napa bokou lekspertiz  Sesel.  E nou’n bezwen atak to the consultancy.Apre lot plito dan sekter dan nou program strategic plan ki nou pou revised nou plan.  An menm tan osi ede pou revwar en pti pe nou Lezislasyon.  Me sa 2 consultancy i fini Me 2018.  Apre nou annan 3enm consultancy ki very short li i 3  mwan.  I sipoze terminen mon krwar si mon rapel mon lekor byen la lafen Desanm la.  Me solman i annan posibilite nou pou renue sa akoz li  i pe travay spesifikman lo Lezislasyon regilasyon ki pa pou pran sa kantite letan.  I pou bezwen plis letan ankor pou nou kapab finalize.  Mersi.

 

MR DEPUTY SPEAKER

Mersi CEO.  Onorab Hoareau.

 

CEO MR MICHEL VIELLE

Mr Chair permet mon si FC i kapab reponn sa bout lo ‘’wages and salaries” ek ou permisyon.

 

MR DEPUTY SPEAKER

FC.

 

FINANCIAL CONTROLLER MR MARCUS WILLIAM

Onorab, mersi pou ou kestyon.  When it comes to ‘’wages and salaries” la. – sa rediksyon  ki ou pe vwar la i pa vreman reflekte sityasyon staffing.  Plito fason ki ti ganny allocate an  2017 akoz  i annan bann vot ki  alokasyon pa ti vreman byen akoz i annan bann vot ki ti annan larzan anba la bann vot ki ti annan plis larzan i annan ki ti annan  mwens larzan.  Akoz si ou get pou tou le 3 progranm.  Programme 3 oi annan en dicrease 58.  Sorry programme 1 ou pou vwar en dicrease 558.  Programme 2 ou pou vwar en increase 1.1 milyon.  E programme 3 i annan en dicrease 262.  E total increase in fact dan Bidze  unfortunately i zis 300mil.  Ou konpran –  i zis ki fason ki ti’n ganny allocate dan 2017  i pa tip e ti vreman reflekte sityasyon staffing.  So tir li allocate li byen an 2018.  Mersi.

 

MR DEPUTY SPEAKER

Ok mersi FC.  Onorab Ernesta.

 

HON PAUL ERNESTA

Mersi Mr Chair.  Bonn apre midi Mr Chair, Minis, ek ou delegasyon, tou bann koleg.  Mr Chair mwan osi mon pou re fer referans e si oule remet lanfaz lo fer demann.  Parey mon koleg Port Glaud in fer lo kote lans.  Takamaka i pa’n ganny konsidere lo sa lalis.  Me Takamaka i en distrik ki osi ase touristik.  I annan ase mal frekantasyon.  Mon ti a swete zot kapab pran sa konsiderasyon.E dezyenmman lo zot revwar ki zot pe revwar pou bann kontrakter par rezyon.  Ki mekanizm zot pe met an plas swa ki annan dan sa provizyon dan sa Bidze, pou asire menm si zot in ogmant la kantite zour ki pou tir salte, pou asire ki bann salte i ganny tire.  Sirtou Takamaka in ganny afekte dan lepase.  Kot ou vwar letan i ariv weekend  letan i ariv public holiday, e letan i annan lapli i annan bann landrwa ki transport pa monte.  E nou bann dimoun i soufer ek salte an sa rezyon.  Ki zot pe fer?  Pou fer sir ki sa avek sa ogmantasyon ki zot pe fer pou fer sir ki sa pa ganny arive.  E apre dan Mosyon lo kote transpor lwe.  Ki kantite zot pe lwe pou transpor?  E ki bann Lazans osi lakonpannyen zot epe lwe transpor avek?  Mersi.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Mersi Mr Chair.  Onorab Takamaka i enkli li.  Tou lans, tou lans i enkli.  Me, solman i pa pou ganny fer toulezour son frekans.  Vwala – frekans.  Selman ou pe dir mon rekonsidere.  Nou note e nou vwar petet kot nou kapab aziste according  baze lo Bidze.  Kot i konsern waste collection.  Me byensir nou espekte ki nou pou annan en standar pou monte.  Akoz ler ou pe dir avek en konpannyen ou bezwen tir 2 fwa par zour.  I pou fer ki ou bezwen tir 2 fwa par zour.  Ou pou napa sa sityasyon bann bin  i overflows aswar lanmen bomaten lisyen in donn bal ladan.  Menm si oule bann scavengers ou konnen bann dimoun ki  al dan bin la zot pou napa tro sa kantite letan fer li.  Parske ou pe tir salte 2 fwa par zour.  So i pou annan mwens sa bann problenm kot salte i ganny spill over.  E byensir nou espekte ki pou annan en amelyorasyon lo la.  Kot i konsern transpor lwe kip e kout nou 1.9milyon 2017.  I pou kout nou 1.8milyon 2018 i annan  en reduction.  I annan 4 lakonpannyen 3 lo Mahé avek enn lo Praslin.  Mersi.  Selman a savoir – mon a fer le pwen Mr Chairman si ou permet mwan pou dir me deza menm la  konman nou pe koze pou bann ki’n kapab vwar NASYON ozordi nou’n fini lans an expression of interest pou dimoun ki enterese pou bid pou Car Hire pou 2018.  E sa deza menm in fini sorti dan NASYON.  E akoz nou espekte roll out avek sa enn tender an boner 2018.  Mersi.

 

MR DEPUTY SPEAKER

Ok mersi CEO.  Onorab Ernesta.

 

HON PAUL ERNESTA

Mr Chair mwan mon kestyon regarding netwayaz semen la i pa neseserman ganny adrese.  Mon pe dir bann mechanism akoz sirtou dan bann semen segonder letan lapli letan  weekend ki pa ganny kouver.  Eski zot annan en mechanism pou fer sir ki sa bann keksoz  i ganny adrese.  Let alone zot bann logmantasyon frekans.  Thank you. 

 

MR DEPUTY SPEAKER

Ok.  CEO. 

 

CEO MR MICHEL VIELLE

Wi la i pou annan en kantite pou fe avek monitoring ek bann lenspekter.  Me solman kot i annan febles.  Nou antisipe pou nou strenghten.  E nou ava depan lo zot osi pou enform nou, ler i annan sa bann febles dan bann areas pou nou kapab pran aksyon neseser pou nou rezoud.  Mersi Mr Chair.

 

MR DEPUTY SPEAKER

Onorab Ernesta.

 

HON PAUL ERNESTA

Mersi Chair.  Chair, apre lo kote lakonpannyen sa bann Lazans   transpor i pa’n ganny mansyonnen.  Ti a bon nou ganny lenformasyon please.  

 

MR DEPUTY SPEAKER

CEO. 

 

CEO MR MICHEL VIELLE

Mon ava rod sa bann lenformasyon Onorab akoz mon napa avek mon la, e mon ava provide ou si ou permet mwan pli tar Mr Chair.

 

MR DEPUTY SPEAKER

Mersi CEO.  Onorab Ferrari.

 

HON JEAN–FRANCOIS FERRARI

Mersi Mr Speaker.  Mr Speaker premyerman en klarifikasyon CEO i  kapab donn mwan.  CEO kekfwa mon’n mal konpran en semen pase ler ou ti vini ou ti nonm en sif pou landfill management 4.7 milyon.  E  la taler ou’n koriz – ki sa 13.45  milyon it’s to do with landfill management. So sey klarifye avek mwan si i part of that or sa.  Mon kestyon lo la klarifye sa apre.  Mon ti a kontan sizere ki sa sonm ou pe bidzete pou landfill management i pa realistik.  E mon pe lev sa pwen, akoz mon krwar i pa pou ase e mon pa ti a kontan ki nou ariv lafen lannen  boy vwar en gran cost overrun.  So sey zistifye pou mwan akoz ou krwar pou dir sa sonm  4.7 milyon i pou ase.E dir mwan osi akoz vi ki ou tender collection partou.  Akoz ou pa ti’n gard way bridge avek  tipping e osi tender out avek en konpannyen ki anna masin ki ava fer ou travay lo landfill?  Sa i  mon premye kestyon.  Mon en kestyon i vitman yes or no.  Eski ki okenn dimoun ki’n win en tender pou waste collection depi zour in win in withdrawn son tender konmsi in retir li dan sa.  In deside pa pran par menm si in win?  E 3enm kestyon ki enn de dimoun pe dir mon eski ou okouran ki oubyen eski i posib  ki i annan serten dimoun ki’n bid pou tender e ki’n gannyen ki ti’n fini fer vin zot compactors avan tender i ouver suggesting ki  ti annan en inside information ki  zot ti’n deza ganny promet sa avan. So sa i en  loportinite pou nou pou ou reponn.  E finalman CEO mon ti a kontan demande avek permisyon PS Finans ek Minis ki la – sirtou vi ki en telman gro sonm 216 milyon i anba ou responsabilite.  Eski i annan okenn lobzeksyon pou apre 3 mwan operation si ou met en rapor financial performance pou nou kapab gete byen boner si bann finans pe tenir e ki nou kapab kontinyen oubyen si i, annan okenn lazistaz pou fer.  Mersi.

 

MR DEPUTY SPEAKER

Mersi Onorab.  CEO. 

 

CEO MR MICHEL VIELLE

Mersi Mr Chair. Mersi Onorab.  4 kestyon tre pertinan.  Landfill management sa sif 4.7 milyon la i zis Mahé.  Apre i annan an tou landfill management i 8.1 milyon ki enkli  2.4 milyon pou Praslin avek  1milyon pou La Digue.  Total i 8 1 milyon.  Wi kot i  konsern 4.7milyon ; basically ler ou pe koz landfill management ou pe koz recruitment 4   5 staff sertennman i pa pou yariv sa kantite.  The bulk of it i pou konpaksyon.  La prezan kot tender pou outsource konpaksyon i vini.  Nou pa pe tender landfill management sa i reste ek Gouvernman.  Me pou fer konpaksyon nou pou bezwen tender sa.  E baze lo in- house estimate nou’n realize non, non nou’n realize ki annually that will be the figure, pou manage landfill.  Mahé, Praslin e La Digue – ok? Now  kot i konsern s ii Annan en konpannyen ki’n withdrawn ou’n demann en larepons si wi oubyen non.  Wi i annan.  Ou 3enm pwen ou’n demann mon si mon ti okouran pou dir i annan dimoun menm avan in ganny tender i ti’n deza enport compactors ; mon pa okouran Onorab.  Katriyenm pwen financial performance – non mon napa okenn lobzeksyon at the first quarter 2018 ki nou submit    en financial report avek Lasanble, pou vwar en pe performans Lazans vizavi sa groser Bidze.  Napa okenn obzeksyon whatsoever.  Mersi Mr Chairman.

 

MR DEPUTY SPEAKER

Mersi CEO.  Onorab Audrey Vidot.

 

HON AUDREY VIDOT

Mersi Mr Chair. Mr Chair avan mon demann mon demann mon kestyon mon ti le met en sizesyon demen vi ki i ankor annan devan lezot Manm ki pe al koze pe al demann zot kestyon ti a byen mon pa vwar Deputy CEO la petet si antre zot ti  kapab kominike find out ki non sa bann lakonpannyen loto.  Mon pa krwar i annan bokou pou kapab fer nou konnen.  Antretan lezot touzour zot a rod sa lenformasyon. Prezan mon ava demann  mon bann kestyon.  Eski Mr Mangroo i kapab asir nou Lasanble si prosedir tender in swiv byen regilasyon ki egziste la.  E mon de lezot kestyon i al pou CEO.  Boner CEO in dir k ii annan dele letan ki donn zot 24 erdtan bann lakonpannyen parey STAR oubyen bann kontrakter ki netway semen, pou zot netway zot site oubyen tir zot bann bin; eski 2018 i pou kontinyen parey?  E si wi si zot pe respekte akoz dan lepase i annan bokou kontrakter e mon konpran osi STAR mon pa konnen si vre ler zot Kontra si zot vreman pe zot annan sa Lagreman, konplent si vre zot larzan i ganny tire.  Me selman i pey en lot dimoun pou al tir zot salte oubyen pou netway zot site me selman konmsi napa en lord dan sa bann zafer.  Petet ou kapab eklersi nou.  Si lannen prosenn pou nou napa sa.  Apre dezyenmman la aktyelman lekel ki ranplas bann bin ki’n kase?  Si apre sa ou a dir mon petet si  pou parey ek bann nouvo sanzman ki pou annan la lo nou Kontra rezyonal, si sa bann kontrakter ki pou ranplas bin oubyen lekel ki pou pran sa responsabilite bann bin ki’n andomaze ?  Mersi.

 

MR DEPUTY SPEAKER

Mersi Onorab.  Petet mon ava demann Mr Mangroo pou reponn sa bout kestyon ki konsern li.

 

CEO MR MICHEL VIELLE

Mr Chair, mon’n Note ki ler ki ete biro in frenmen.  Me selman mon’n organize pou kapab sey al ganny sa lenformasyon konsernan cvar hires nou ava  donnen.  Ranplas bin i sipoze ganny fer par Gouvernman.  Me selman lefe ki nou’n ganny nou zis R500 mil 5parey nou ti dir pli boner pou nou aste bin me pa pou en kantite bin.  Me nou pou sey ranplase.  O tan ki nou kapab e sey vwar kote nou kapab ganny plis larzan pou kapab met bin oubyen aste nouvo bin.  I annan en channel ki nou’n ganny demann epou sey ale, me nou ankor pe negosye atraver en proze pou gete si nou kapab gannyen.  Onorab mon apologise mon pa’n tro byen sezi cou kestyon konsernan STAR.  Si ou kapab repete silvouple avek permisyon Mr Chair.

 

HON AUDREY VIDOT

I pa zis pou STAR li CEO.  Ler i annan sa peryod 24 erdtan mon pa konnen si pou kontiny parey ti a byen s i ti reste 24 erdtan osi.  Letan en kontrakter ki son site i pa netway li byen.  In ganny dir mon donn ou en perd letan pou fer sir ou site i  prop pou fer zofisye vizite fer sir i annord oubyen parey letan STAR zot tir bin i annan konplent  ki pa’n tire donn li son dele letan.  Prezan si sa dele letan pa’n ganny respekte ou konpran pou dir Lazans i rod en lot dimoun pou fer one-off pou sa site.  Ki mannyer sa prosedir i pou kapab vwar en pti pe plis latransparans si i pe byen ganny fer an term akoz pa ganny letan pou al fer tender la.  Ou bezwen zis vitman pou rod en kontrakter, si sa i ganny fer dan latransparans pou avoid ki nou ganny ki Lazans i ganny kritike swa i rod dalon oubyen i annan kek manboulouk.  E si vreman sa bann dimoun pa pe ganny fer sa akoz dan lepase i annan kontrent ki kontrakter i santi in ganny pini par serten dimoun pou zis fer sa lo en sans malis.  Eklersi sa.

 

MR DEPUTY SPEAKER

Mersi Onorab.  CEO. 

 

CEO MR MICHEL VIELLE

Mersi Mr Chair.  Non. Laranzman anba penalty pou bann konpannyen evantyelman i pou parey.  Tandis si en konpannyen pa pe onor son Lagreman pou li tir salte e la i pou pli strik.  Akoz ou pe koz 2 fwa par zour.  So  ou pou annan ou plis sityasyon kot dimoun i kapab ganny penalize bann konpannyen i kapab ganny penalize akoz i pa pe tir salte.  So sa laranzman i reste sa penalty.  Sa i sa bout kot nou apel quality control kot nou apply.  Ler sa i arive menm prensip pou bezwen ganny apply.  Setadir ok iv re ou pa kapab al tender la akoz la ou pe koz tir salte la bomaten ou pe tir apre midi. Normalman Lazans i etabli en fixed rate li.  En fixed rate ki nou pey bann dimoun pou fer zot al tir salte ler sa dele letan in pase e sa konpannyen pa’n tire.   Me of course pou obvious reasons akoz nou pe al rantre dan sa bann prosesis mon pa kapab al donn sa figure.  Me selman i annan en figure la.  Apre toultan pou remind ankor ki nou annan portre before and after.  Setadir pa zis en dimoun i ganny anvoye al tir salte.  Non lenspekter i ale i tir portre before e i tir portre after.  E pare ou konnen ozordi tou telefonn oi annan en camera i annan en ler lo la ek en dat.  So sa i ganny servi pou sertifye e verifye ki louvraz in ganny fer.  Kot i konsern good cleaning permet mon Mr Chair demann procurement manager pou pronons sa bout.  Mersi.

 

PROCUREMENT MANAGER MR RAOUL MANGROO

Mersi Mr Chair.  Onorab pou reponn ou kestyon dan nou bann Kontra ki Lazans i sinyen avek bann kontrakter.  Nou dan sa Clause ki koz lo quality control nou pa zis apply nou pa zis penaliz en kontrakter par met en lot dimoun lo son site ozordi pou demen.  Ki nou fer se ki nou remind li verbalman lenspekter ki lo site  i pe monitor son performans toulezour.  E sa i mars dapre son progranm travay ki soumet atraver distrik.  Nou monitor son travay. So ler nou vwar li pe slack en pe nou dir li be met lanfaz lo serten keksoz.  Me nou’n remind ou in sipoze koup son zerb tel zour in ariv de zour.  Nou remind li enn de fwa apre en serten letan nou pa pou kapab kontinyen, akoz semenn pe al koule.  La ki quality control penalty i rantre.  E la ler nou rod en dimoun nou rod 3 kotasyon e obviously nou kalkile in-house baze lo son kou ki li ki’n mete lo tender document avek en pti pe kalkilasyon pou nou osi nou konpar sa de pou nou award the most reasonable offer ki nou gannyen.  E la sa larzan i ganny deducted lo sa kontrakter.  I pa nou lentansyon pou zis penaliz kontrakter.  so se pou se la nou endik kontrakter nou dir zot nou remind zot pou zot fer zot louvraz.  Selman  nou bezwen draw a line at some point.

 

MR DEPUTY SPEAKER

Mersi Mr Mangroo.  Ok Onorab Vidot.

 

HON AUDREY VIDOT

Bon mon a follow-up lo sa ki  Mr Mangroo in dir.  Parfwa letan pe koz 24 erdtan pou ganny 3 kotasyon.    Ki – Konmsi ki mannyer sa prosesis i ale i al vitman zot gannyen?  Oubyen zot pran li internally  zot deza annan en lalis pou zot call -in sa bann dimoun pou anmenn pou anmenn zot kotasyon pou kapab tir sa salte dan sa bin dele letan.  Mersi.

 

PROCUREMENT MANAGER MR RAOUL MANGROO

Mon pe koz lo road cleaning bann travay pti kontrakter kote tir salte – lo STAR.  Lo cleaning nou ordinerman pran dimoun ki reste an sa zanmirant akoz nou espekte son kou mobilizasyon pou pli ba.  Apre i annan en lalis dimoun i annan dimoun ki vin kot nou toultan ki vin rod louvraz.  Alor nou fer en database lo la nou klasifye li par distrik nou pran dimoun ki dan sa zanmirant. An menm tan  osi nou apros distrik akoz i annan dimoun iv in atraver distrik administrasyon distrik le zot ganny refer to nou.  So nou ganny kontak avek administrater distrik pou zot sizer bann non ki vin kot zot osi.  Me selman nou swete anba sa nouvo lapros tender nou pou annan en pool contractors deza ki’n anrezistre ek nou.  E la nou pou annan bann ki ganny awarded tender e bann ki pa ganny awarded  en pli gran pool of people pou travay avek.

 

MR DEPUTY SPEAKER

Mersi Mr Mangroo.  CEO ou annan detay pou donnen vizavi car hire. 

 

CEO MR MICHEL VIELLE

Ok i annan 4 konpannyen.  Executive Cars, Tropic Cars, Explorer Cars avek Apti Cars.  Mersi.

 

MR DEPUTY SPEAKER

Mersi CEO.  Onorab Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Pres pou dir bonswar.  Mon annan de kestyon baze lo larepons ki CEO in donn nou.  In konfirmen ki annan en dimoun in withdrawn from apre k ii ti’n ganny tender.  Solman mon ti a kontan i dir nou ki rezon ki sa dimoun in withdraw?  E apre ki mannyer zot in ganny sa lot dimoun pou ranplas li – eski zot pran second best ki ti’n tender ki mannyer zot in kapab ganny son ranplasman?  Sa i premye. 2enm i koz lo tipping fees.  In dir pou dir Gouvernman ti pe perdi larzan.  So si i ti kapab donn nou eski nou annan en legzersis ki’n kapab assess konbyen larzan apepre ki Gouvernman in perdi? E current revenue in sit li konman  1.5 milyon.  So eski i pe anvizaze pou annan en logmantasyon?  Dezormen letan LWMA i manage landfill lelan LWMA i manage landfill s par konbyen i pou monte?  E Mr Chair dernyerman anvi ki Minis i la.  Statistic ki zot donnen in dir  an ‘99 ti i annan 3mil ton salte, ki’n monte pou vin 70mil ton an 2015.  Pou mwan sa i trakas mon e mon swete li osi i trakas  bann lezot Manm Lasanble.  I annan en mank ledikasyon la.  Par nou popilasyon be sey pa zis prodwir salte akoz i annan en larzan la ki Gouvernman i met dan – wi.  So ki ou Minister pou fer pou ki lannen 2020 i pa’n sot 100mil tonn.  Mersi.

 

MR DEPUTY SPEAKER

Mersi Onorab.  CEO.

 

CEO MR MICHEL VIELLE

Mersi Mr Chair Onorab si mon konpran ou byen  ou’n koz lo  revenue pou landfill management 1.5 milyon ki mon ti’n dir pli boner.  E sa a ler aktyel me selman ki mon ti dir se apartir 2018 Gouvernman  pe al anmas bokou plis ki sa li.   Akoz i annan bann tipping fees ki Gouvernman pe anmase pou lemoman.  Sa i pas atraver tranzaksyon ki konpannyen pe manage landfill STAR pou lemoman.  Bann Kontra ki li annan ek sa bann endividi.  So ki ti sipoze pey tipping fees.  Me nou pa pe anmas sa pou lemoman.  In terms of tender withdrawn parey mon dir konfirmen wi i annan en konpannyen ki withdrawn son tender.  Ou’n demann mon detay – zis pou dir dan en ka parey ler en dimoun i withdrawn en tender sa dimoun i bezwen enform Tender Board.  E prezan  gidans Tender Board parske toultan evalyasyon prosedir i ganny fer baze lo sa ki mwan mon’n ganny brief lo la.  E wi i annan en let ki sa konpannyen in ekrir mwan.  E zot in sit si pou permet mwan mon pa pou al dan tou bann detay.  Me 2 rezon prensipal se e bann menas ki zot in site bann menas – bann threat ki’n ganny level against zot to the point kot zot in bezwen – safety comes first to the point menm annan bann parol nou pou bril ou compactor – nou pou met dife – ou konpran?  So safety comes first ; e osi menas lafanmir e finalman sa konpannyen sa ki zot in dir.  Mwan mon pa’n interview zot akoz mon pa dan sa prosesis mwan.  Me selman zot in ekrir CEO me as CEO mon’n bezwen refer sa to Tender Board – les Tender Board donn nou en gidans pa zis so how to go about.  E dan sa lot ki zot in withdrawn, lekel sa lot dimoun if the second mon annan en review total pou sa lot lakonpannyen kot sa lakonpannyen in withdrawn.  Yes.

 

MR DEPUTY SPEAKER

Onorab Henrie.

 

HON GERVAIS HENRIE

Mr Chair zis avan ki Minis ti ava reponn sa lot kestyon lo kestyon ledikasyon. Kestyon tipping fees akoz ou’n dir ki Gouvernman ti pe perdi larzan akoz STAR ki ti pe manage.  So kestyon ki mon ti pe demande zot annan en assessment  apepre konbyen ki Gouvernman i perdi? E dezormen ler zot, zot pou pran sa loperasyon sa reveni i ava  monte pou ariv konbyen sorti 1.5milyon ?  Sa i premye. E dezyenmman  lo kestyon sa dimoun ki’n withdraw zis pou konfirmen eski okenn sa bann dimoun dan sa lakonpannyen i fanmir avek ou?  Mersi.

 

MR DEPUTY SPEAKER

Ok CEO.

 

CEO MR MICHEL VIELLE

Mersi Mr Chair.  Kot i konsern revenue landfill nou anvizaze anmas apepre 2.5 milyon pou lannen prosenn.  Mr Chair mon a profite konman Onorab in lev sa pwen pou mwan kapab klersi en keksoz.  Mon krwar en n fwa pou tou si i annan bann dout oubyen bann alegasyon i ava ganny eklersi there and then. Wi i annan en dimoun dan sa lakonpannyen ki related avek mwan.  Me parey ou konnen Konstitisyon i donn nenport ki dimoun drwa pran par dan tender dan okenn tender.  Provided ek bann kriter.  E mwan mon’n fer li mon devwar pou mwan recuse myself from the process pou evite ki i annan en conflict of interest.  E sa in ganny fer in ganny rikorde e alor pou reponn ou kestyon wi i ti leka.  Me zot in withdraw zot tender e from there on prezan what comes next sa nou ava ganny gidans avek Tender Board.  Me selman sa ki mon kapab asir ou mon anvi fer li klerman la devan tou dimoun ki mon pa ti form par sa prosesis ni menm evalyasyon lo nivo Komite Evalyasyon e ni menm  lo Tender Board.  So recuse myself from it totally e mon pa ti get involve ditou ziska ler in fini la of course Tender Board bezwen ekrir mon as CEO.  Me avan sa pa okenn moman mon’n get involve dan sa prosesis.  Mersi Mr Chair.

 

MR DEPUTY SPEAKER

Mersi  CEO.  Minis i a pran sa bout lo ledikasyon.

 

MINISTER MR DIDIER DOGLEY

Mersi Chair.  I annan sityasyon salte isi Sesel i en keksoz ki enkyetan e enn bann problenm ki laplipar bann pti zil i fer fas avek.  E lakantite salte in ogmante i in ogmante pandan la dernyen 10an.  E i kler pou dir nou pe konsonm bokou plis ki nou  ti pe konsonmen avan.  Mon krwar i annan en ledikasyon ki pou bezwen ganny fer plis lo ki mannyer nou depans nou larzan.  I pa zis en kestyon kot nou aste lakantite.  Me ki nou depans lo la kalite keksoz i mon aste lo la.  be it manze i pa en kestyon ki mon aste nenport manze manze ki nourisan e bon pou lasante.  E menm lo kestyon textile – i pa  kestyon mon annan 10 triko  me petet mon annan 3 bon triko  ki pli bon mon pe aste en keksoz ki mon bezwen zete ler in ariv 3 mwan ouswa 2 mwan pli tar.  Tou sa ki annan pou fer avek dirabilite, mon krwar ri annan bokou ledikasyon.  Nou konmans sa 20an pase dan bann lekol.  E nou annan bann  Environmental Club, Eco Club e nou annan en tim dan Minister Lanvironnman i travay pre pros ek Minister Ledikasyon – menm lo zot curriculum i annan en  kantite travay ki ganny fer ek bann zanfan pou zot aprann sa. Me problenm i pa zis ek Seselwa.  Nou annan pa bliye pou dir ozordi nou annan apepre 13 mil etranze ki travay Sesel.  E an plis ki sa.  Nou lakantite touris ki nou gannyen in ariv 350mil touris.  So  otomatikman avek tou sa bann lotel  ek tou sa bann dimoun,  volume salte dan pei in ogmante ozordi mon krwar ri apepre 72 mil si mon rappel lo figure apparently.  Alor i kler pou dir nou annan en  kantite travay ki nou bezwen fer vitman.  Me malerezman nou pe ganny en pe difikilte avek finansman.  Enn se ki mannyer nou deal avek akoz kantmenm nou pou fer ledikasyon nou pa pou vwar deswit ou pou bezwen deal ek sa problenm ki egziste la konmela.  E an menm tan fer ledikasyon avek time keksoz i ava desann.  E enn bann keksoz  ki nou pe anvizaze fer, se ki nou pou bezwen konmans bril salte parey laplipar bann zil parey British Virgin Island, Singapore, i annan 27an depi ler zot pe bril salte.  E nou, nou pa les bril salte nou le brol salte pou prodwir lenerzi.  E an menm tan fer resiklaz lamazorite salte ki nou kapab.  Par egzanp nou’n konmans ek pet, can e lannen prosen nou le konmans ek boutey kase.  Epi osi nou ti le ganny en masin ki thread pou bann green waste ki dan en fason i pa al lo landfill i kapab re ganny re servi pou fer konpos ouswa si dimoun i le fer  pou fer sarbon avek zot kapab servi li.  So i annan  plizyer plan ki nou’n travay lo  la  nou’n fer en kantite letid pandan sa de dernyen lannen.  E nou dan en pozisyon ozordi pou vwar klerman kote nou devret ale, pou nou tackle sa problenm. Nou main problenm se finansman of course pou kapab met bann plan e dir bann plan ki nou annan la konmela.  Mersi Mr Chair.

 

MR DEPUTY SPEAKER

Mersi Minis.  Yes Onorab Henrie.

 

HON GERVAIS HENRIE

Mr Chair, mon le retourn lo mon krwar revelasyon ki CEO in dir nou konsernan  menas.  I en keksoz ase serye si dimoun pe al ziska sa zistans pou fer sa bann kalite threats.  So baze lopozisyon ou krwar pou dir kekfwa ou personnelman zot ti pe sey targete ki konmsi i bezwen pas atraver whoever ou fanmir ki ti dan sa konpannyen ou krwar ou ki ti dan target? 

 

MR DEPUTY SPEAKER

Ok.  CEO. 

 

CEO MR MICHEL VIELLE

Mr Chair – Onorab i difisil pou mon dir.  Me selman par lefe mon’n dir menm depi lo debi mwan mon ti eskiz mon lekor dan sa whole process depi evalyasyon menm Tender Board sa in ganny rikorde ou kapab ganny dokiman pou sa bann Minutes and so on.  Mon pa kapab dir ou sa target ti pou mon.  Me selman ti menm annan bann komanter en pti pe politik sa bann harassment la.  Sa at least ki’n mete dan son let.  Me si sa i vin tou sa zistans kot li i bezwen sorti.  I don’t know mon kapab pronons plis mon lekor lo la.  Ti a bon petet mon pa konnen evantyelman Tender Board – procurement interview li interview sa bann dimoun.  Demann zot vreman si zot anvi dir vreman la mon mazinen zot a pronons zot lekor pou dir, me wi entel ti call mon ti ensilte mon ti threaten mon threaten mon biznes.  In dir pou dir si mon pa pou pull-out pou bril tou mon konminyon evantyelman  it’s bann serious  threat I agree with you.  Nobody will take likely.  But where it was targeting me through them i difisil pou mon dir sa enn.  Mersi.

 

MR DEPUTY SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonswar tou dimoun.  Mr Chair mwan mon ti a kontan ganny klarifikasyon lo 2 keksoz ; premye resareman dan supplementary Budget nou’n tande pou dir nou pe pey STAR larzan ki ti ganny retire lo son Kontra.  So eski nou kapab ganny en konpran fer en envestigasyon entern pou vwar ki mannyer sa in arive.  Akoz sa nou pe donn zot ankor larzan fer sa.  E mon 2enm kestyon i konsern lo  travay ki sa bann kontrakter sipoze pe al fer.  Eski sa dele letan ki zot pe donn bann kontrakter i a tro bokou pou zot konmans fer sa louvraz -sirtou konsern zafer compactor pou zot vin dan pei.  Akoz si ou ti pe al lans ou dan sa zafer ou ti devret pare, so si ou ti kapab klarifye sa de pti pwen.  Mersi.

 

MR DEPUTY SPEAKER

Mersi Onorab.  CEO.  Ok petet lo sa bout supplementary.  PS PS Finans ou le reponn?

 

PS PATRICK PAYET

Mersi Mr Chair.  Mersi Onorab.  Lo  kote sa supplementary sanmenm sa ki nou pa ankor soumet en rapor avek FPAC akoz nou pa ankor konplet nou assessment.  E once ki nou konplete nou ava soumet sa rapor pou vwar aktyelman ki’n arive.

 

MR DEPUTY SPEAKER

Ok, mersi PS.  CEO.

 

CEO MR MICHEL VIELLE

Mersi Mr Chair.  Mersi Onorab.  Inisyalman si sa prosesis ti’n pas ase vit.  Akoz nou ti pe target by lafen Septanm boner Fevriye  -Oktob fini Contract.  Ti a donn zot 3 mwan – zis 3 mwan edmi pou zot kapab enport zot compactors i pran apepre sa kantite letan pou fer enportasyon.  Ki zot ti a kapab konmanse.  Me lefe ki retar in vin lo kote Gouvernman alor nou bezwen donn zot prezan sa letan pou zot kapab organiz zot.  E an plis ki sa i pou annan en pe retar.  La i pou annan en pe plis retar.  Parske out of sa process i annan appeal.  I annan appeal ki’n antre by yer mon’n ganny 2 appeal anfet prezan i annan 3 appeal.  Pou sa bann lot ki annan appeal nou pa pou kapab fer nanryen.  Akoz sa appeal ou bezwen go through al kot Tender Board i annan  en dis zour standstill period plus 30 zour ankor pou review panel.  So ou pe koz 40 zour pou 3 lot pou annan retar ladan la.  Nou bezwen come avek en plan B natirelman.  Parske nou pa antisip sa kalite konplikasyon.  Nou ava asize avek Minister apartir semenn prosen zisteman.  Parske la sa appeal nou’n, fini konnen en kantite letan i pou pran, pou nou diskit modalite.  Pou bann kot napa appeal ki straight forward setadir zot pou kapab konmanse.  Parey mon ti dir pli boner atraver open truck.  Me solman pa defann zot hire locally ek bann dimoun ki annan compactors.  Parske i annan bann dimoun ki i annan compactors locally.  Zot kapab aprose e lwe sa bann compactors.  Nou konplikasyon i pou sa 3 lot kot in annan appeal.  Me sa nou bezwen asize avek Minister e diskit en mechanism pou nou kapab rezourd problenm apartir le premye Zanvye.  Parske otherwise nou pou dan en crisis.  Mersi.

 

MR DEPUTY SPEAKER

Mersi CEO.  Onorab Pillay.

 

HON SEBASTIEN PILLAY

Chair i pa pou raise en konsern si en konpannyen ki originally ler ti tender ti annan compactor ti annan tou lekipman pa’n gannyen.  Me en lot ki napa in gannyen.  Me prezan i pe al pran 3 mwan pou li pare avek me sa enn ki ti annan ti annan ti’n pare.  So eski zot in fer sir ki zot in analiz tou bann konponan dan sa bann tender pou asire ki the best companies in ganny sa Kontra.  E mon lot pti pwen i konsern sa zafer fer sa lenvestigasyon ki mon pe demande.  Mr Chair mon konsernen avek sa ki’n arive dan lepase – mon pa ti a kontan i a repet, ankor.  So mon ti a kontan konnen si sa lenvestigasyon i pou ganny fer dan en fason transparan pou ki apre nou a kapab ganny lenformasyon ki ganny soumet devan FPAC zis parey nou ti demande pandan prosesis nou ti pe regard Bidze siplemanter.  Mersi Mr Chair.

 

MR DEPUTY SPEAKER

PS Payet.

 

PS PATRICK PAYET

Mersi Mr Chair.  Mersi Onorab.  Definitivman sa rapor once i konplete akoz aktyelman la supplementary pa ankor ganny releas, akoz nou pa ankor ganny aprouvasyon.  E sa ti’n ganny freeze ziska ler sa rapor i ganny soumet avek FPAC.  E independently nou pe travay avek interior audit pou fer sa rapor.  E pou ganny soumet avek FPAC.  Mersi.

 

MR DEPUTY SPEAKER

Mersi PS.  CEO.  Ok Mr Mangroo.

 

PROCUREMENT MANAGER MR RAOUL MANGROO

Mr Chair if I may with your approval mon reponn ou kestyon Onorab.

 

MR DEPUTY SPEAKER

Yes.

 

PROCUREMENT MANAGER MR RAOUL MANGROO

Committee ki ti assess bann bids parey demande dan Lalwa dan Procurement Act in swiv terms of reference ki en kote tire osi partly out of their legibility criteria.  Now parey nou’n prononse pli boner experience i pa en kriter e si nou ti swazir sa ti pou annan zis en lakonpannyen ki ti pou annan the full fleet dan pei.  So obviously la i fer ki annan en unfair advantage over lezot bidders  – potential   bidders dan pei.  And sa i deranz len pti pe the tender process, i fer li pa fer. Nou’n donn zot ase letan  me nou pe travay ek zot bann ki in win, pou zot kapab fer enporte oubyen menm zot kapab lwe zot bann compactor ek bann lezot dimoun pou zot kapab delivre sa servis when the time comes.  Mersi.

 

MR DEPUTY SPEAKER

Mersi Mr Mangroo.  Onorab Afif.

 

HON AHMED AFIF

Mersi Mr Chair.  Mr Chair mon ti a kontan zis si CEO i kapab konfirm ek mwan, mon’n ekout bann sif ki’n, donnen pou 2017 ek 2018.  E dan sa 4 travay prensipal – road cleaning, beach cleaning, waste collection ek landfill management.  Ler mon’n azout total ki nou pe peye ozordi – konpare avek total ki nou pe peye an 2018 baze lo Bidze mon pe  ganny mon en diferans R26 milyon.  Dan sa 4 item prensipal.  Ki ler mon kalkil par distrik i apepre R2850 zis par anba R3000 par distrik par zour.  Me selman pou R3000 ekstra par distrik par zour ou pe netway ou bann semen 20 poursan plis longer semen.  Ou pe netway ou 60poursan plis longer lans.  Ou pe ranmas ou salte de fwa par zour.  E pou landfill management mon en pe dakor avek Onorab Ferrari – petet ou en pti pe par anba menm sa Bidze.  Alor sa pou mon eski ou kapab konfirmen pou dir sa bann sif ki mon pe donnen baze lo sa ki ou’n dir, i apepre korek. E dezyenmman si ou kapab osi konfirmen ki baze lo travay ki STAR ti pe fer pou zot.  E nou ti annan en pri ki R28milyon ki pou netwayaz ki STAR ti pe fer.  Si ou kapab konfirm avek  nou si sa i vre i son vre pri oubyen i annan lezot claim ki zot in mete.  E konbyen sa claim i ete avek ou ozordi ki vreman pou fer sa pri monte?  Akoz nou pe dir la in monte.  Me eski in vreman in monte si i annan claim avek ou nou pa konnen konbyen.  Eski ou kapab dir nou si i annan claim ek ou e konbyen?  Mersi.

 

MR DEPUTY SPEAKER

Mersi Onorab Afif.  CEO.

 

CEO MR MICHEL VIELLE

Mersi Mr Chair.  Mersi Onorab.  I konfirmen ou bann figures ki ou’n donnen.  E i vre ki apepre 3000 en pti pe R3000 par distrik par zour.  Me pou, fer double tou sa bann scope.  Alor la lanmenm i mont ou en pti pe vreman ki mannyer nou’n zistifye nou bann kou.  Wi sa kou ki STAR nou pe pey li 28 milyon, i annan en claim ki pe dir pou dir sa i pa sa vre kou. Son vre cost in donn nou pou lemoman sa ki mon’n gannyen sete en claim pou 15 apepre R15milyon pou 3an – over 3 years.  E ladan nou’n pey li mon konnen nou’n pey li R4milyon ladiferans nou pa’n gannyen dan Bidze pou nou pey li.  Me i montre ou pou dir son vre kou la kantmenm i sa 28milyon la i ti en i ti pe manage me an menm tan akoz li i ti pe ganny revenue lo landfill management ki ti kouver son kou loperasyon pou waste collection.  Sa mon krwar it should be clear to everybody without any doubt.  So vwala si mon’n reponn ou kestyon.  Mersi.

 

MR DEPUTY SPEAKER

Ok mersi CEO.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair sa bann zafer ki zot pe koze tousala i Cascade.  Landfill nou konsernen bokou pou avek byensir son loder, son lifespan ek son polisyon.  So mon ki mannyer landfill nou pa ganny loder Cascade si son lifespan i al en bon pe letan akoz nou pa konnen kan kekfwa taler Minis i a dir nou lot landfill kote pou al mete, e kan pou al mete apre polisyon dan son zanmirant i bezwen minimum posib.  Me ler mon’n ekout CEO ek bann lezot prezantasyon ki’n ganny fer, si mon’n ekout zot byen alor ki mannyer zot pe ale la konmsi s aki zot pe propoz avek nou –  ler nou get dan Bidze.  Bidze 2017 I ti 180 milyon anviron.  Son revised Budget 2017 i 203 milyon.  E la pou 2018 zot pe propoz ek nou 216milyon ogmantasyon.  Si mon ekout ou byen sa ki ou pe prezante i pou pli bon pou pep Seselwa.  E i pou kout nou pli bon marse pou manage e anmas nou salte an 2018.  Now si sa i koumsa, eski si zot ti kit STAR pe fer sa ki i pe fer konmela son Kontra in fini wi – me selman si zot kit li zot renouvle Kontra avek li.  Eski i ti pou annan en diferans dan Bidze – dan sa Bidze 2016  milyon ki ou pe dir nou la pou arive.  Si ou ti kit STAR eski i ti pou redwir sa Bidze?  2enm kestyon eski zot in ganny en koze ek STAR pou revwar son bann pri pou fer en lot laranzman dan benefis pei   Konmsi pou get e koz ek li gete dir ek li la ou mal la i tro ser la isi la laba ti annan sa bann zafer konpos ou pa’n fer, ou’n aret fer.  Konmsi ganny en diskisyon met tou keksoz an perspektiv pou anmenn en kou lo management ou salte pou fer ki pei i benefisye konmsi in the process.  Ki osi i ava annan en lenfliyans lo Bidze ki Bidze i a desann.  E prezan landfill management ki ou’n koz lo la ou’n dir ki compaction i separate – eski ozordi savedir ki apartir lannen prosenn compaction pou diferan avek son management ki ou’n dir sa 4.7 milyon ki ou’n nonmen taler pou 1an ki ou pou manage.  Me an plis ki sa ou bezwen tender- out compaction.  Ozordi ki mannyer i ete eski i separe ouswa i ansanm, i en sel?  Ki mannyer ranplasman bann bin i fer ozordi lekel ki pran sa burden eski STAR i fer sa lo li menm volonterman i donnen konmsi or i sarz en pri Lanvironnman, Lanvironnman i pey li?  Ki mannyer i pou ete lannen prosenn, lannen prosenn ou dir zot ki pou donnen ou annan zis R500 mil.  Kekfwa i reste pa ase I don’t know.  Prezan ou dir sa zafer 2 fwa avek nouvo tender.  Me selman 2 fwa ou’n dir lezot landrwa dan nor i reste parey.  Anvil i pou reste parey.  Sel landrwa pou sanze ki pou vin 2 fwa anmas salte baze lo nouvo tender i pou dan distrik dan bann lezot distrik an sid probableman dan les ek sid.  E la i main road only.  I pa pou dan secondary road.  E an menm tan, mon anvi ou fer komanter lo ledikasyon lo ledikasyon ou’n koz lo ledikasyon taler, me mon pa satisfe sa ki zot in koze dan zot aspe ledikasyon mon p vwar kote zot pe anmenn triyaz salte.  Eski alor  dan sa ki zot pe fer la sa Bidze – sa gro manman Bidze.  I annan en kantite keksoz letan nou’n al vit landfill lotrozour i annan en kantite keksoz ki devret ganny fer pou revwar management landfill.  Par egzanp paper waste.  Paper waste lotrozour nou’n donn dimoun detrwa bout later laba lo landfill sipoze i ganny  subvention me nou pa vwar kote pe ale  pa pe marse sa proze parey i devret ganny marse.  Ou annan ou bann zafer boutey, feray electronic waste recycling, green waste, konpos ti’n sipoze konmanse sa osi in arete.  Me masin i ankor la en ta zafer mon krwar ou devret osi koz lo la.  E incinerator ozordi i topik du jourIncinerator i pou ed nou pou nou kapab tir en ta problenm e redwir kou management landfill.  E liquid waste osi nou konnen i en problenm gro problenm e mon ti a kontan en komanter lo la.  E dernyen keksoz Mr Chair se leachate plant tou sa ki ou pe dir la ek sa groser sonm larzan pe donnen si sa leachate plant pa marse e ki i pa pe marse la sel letan ki’n marse letan zot ti fer louvertir zot in stab li in tenny lanmenm.  Eska la i pa pe marse.  Alor e si sa osi Cascade byensir.  E alors si sa pa marse i pou annan en lefe norm lo management landfill.  Mon ti ava kontan konnen e nou vwar ladan dan Bidze R6 milyon pe donnen pou manage leachate plant.  Me en zafer ki pa marse.  Ki mannyer ou pou manage li ek R6 milyon?  So mon anvi en pe komanter lo tou sa bann pwen ki mon’n leve ki relevan mon krwar tre relevan avek sa ki nou pe koze.  Mersi.

 

MR DEPUTY SPEAKER

Mersi Onorab.  Onorab Henrie rezon ki mon’n les li tou sa bann zafer i sitye dan Cascade.  So alor nou bezwen konpran nou bezwen donn li sans pou li anmenn 10 kestyon.  CEO.

 

CEO MR MICHEL VIELLE

Mersi Mr Chair.  Onorab i en lalis mon’n sey note.  Ou a bear with me – mon a sey reponn ou osi kout ki posib e Minis osi i ava ed mon avek.  Parey nou’n dir annou fer atansyon parske i annan en claim STAR in met devan nou ki pe dir ki nou dwa li.  Alor i annan en claim devan nou ki nou bezwen entertain.  Vedir kou vre kou tir salte i pa sa ki nou’n dir akoz i annan en claim ki pe dir nou dwa li pou tir salte.  Lefe ki i annan en court case mon pa tro santi mon alez pou mon kapab pronons mon lekor plis lo la.  Sorry i annan en claim ki’n fer atraver son Avoka – sorry mon koriz mon lekor lo la.  Mon koriz mon lekor lo la pa en court case me son Avoka in ekrir nou pou sa bann claim, me sa pe ganny handle par Minister.  Alor mon pa ti ava kontan pronons mon lekor avek bokou detay lo la pangar mon ava donn fo lenformasyon.  An se ki konsern negosyasyon me zisteman ou konnen Onorab Lalwa I dir ou tenderThe Law the land says ou tender.  E .nou’n fer egzakteman sa.  Son Kontra in fini.  E nou’n tender.  Now in terms of konpaksyon wi nou’n met sa Bidze pou nou kapab fer konpaksyon parske apartir Zanvye ler STAR i fini – i sorti son spike wheel – son D6 son bann masin, i sorti.  Gouvernman pou bezwen outsource.  E la kot nou pou bezwen vwar nou pe tender-out pou nou kapab fer konpaksyon.  E fer konpaksyon ou kapab fer li avek en spike wheel osi ou kapab fer li avek en D6 en gro masin parey caterpillar ki nou dir caterpillar pou pous salte pou pez salte – ok? Pou ranplas bann bin ti annan en laranzman ki Gouvernman ti annan avek STAR kot STAR ti supply Gouvernman tou le zan 700 bin.  Me 700 bin pa’n zanmen ase.  Pou dir ozordi si nou bezwen ranplas bin dan pei nou bezwen apepre 2000 bin.  Akoz en bon pe sa bann bin site la ki mon’n dir ou ladan.  E Cascade i mank bin – ok?  Partou tou distrik Pointe Larue, Praslin, La Digue  bin i manke.  Akoz dimoun i pran bin.  So nou bezwen kantmenm ti pe donn nou 700 bin nou, nou bezwen pe vwar larzan pou nou met adisyonnel po nou aste bin – ok?  Si mon’n pronons mon lekor  lo kestyon koleksyon dan nor ki fer 2 fwa.  Mon a koriz mon lekor  sipoze Beau Vallon inikman pa nor antye.  Beau Vallon selman ki fer 2 fwa par zour.  E Victoria ki fer 3 fwa par zour – ok? Well kot i konsern landfill management zisteman me mon krwar ler Gouvernman i ava rantre lannen prosenn deza menm dan Bidze nou’n met en larzan ki nou kapab rod en konsiltan pou fer en landfill management plan pou nou.  E sa nou bezwen enn pou Mahé, nou  bezwen enn pou Praslin nou bezwen enn pou La Digue.  Shorterm consultancy nou bezwen rod en konsiltan si nou ganny enn lokal e nou pe target pou en dimoun lokal ki pou asize pou drafte en landfill management  plan pou nou akoz pou lemoman nou napa.  Akoz mannyer landfill pe ganny manage nou napa landfill management plan – ok ?  E ou’n al lo landfill ou’n vwar en pti pe ki mannyer dezord ki mannyer keksoz i lete.  Me nou pa blanm personn.  Nou pa pe point ledwa me nou bezwen amelyore –ok? Well kot i konsern mon krwar Minis i kava koz lo la.  Me selman mon a koz lo leachate plantLeachate plant a ler aktyel sel problenm ki annan i annan en pti problenm ki i annan pou  fer avek son sistenm programming ki pou en rezon ou en lot i pe mal fonksyonnen.  i pa pe mars byen.  E sa plant pa pe fonksyonnen i vre.  Ou annan  rezon lo la.  Me i annan demars ki’n fini ganny fer e pou dimoun kapab ariv dan pei bann enzenyer ki ti enstal li.  Pou ariv dan pei pou kapab vwar problenm  ki i annan avek e rektifye.  Me selman nou’n ganny advise pou dir sey vwar lokalman akoz i kapab annan dimoun lokalman ki kapab annan nosyon ladan.  Pou kapab ed nou asiste pou gete vreman kwa ki i annan avek sa programming pou nou kapab fer li marse.  Mon ava aret la Minis petet permisyon Chair i ava pronons lo Polisi Resiklaz avek lezot keksoz.  Mersi Mr Chair.

 

MR DEPUTY SPEAKER

Minister.

 

MNISTER MR DIDIER DOGLEY

Mersi Mr Chair.  Mwan mon le tous prensipalman lo i annan enn liquid waste, akoz se li ki ti pe prodwir plis sa problenm polisyon loder lo landfill.  E sa nou’n fini pran en desizyon depi dernyen fwa mon ti dan landfill mon ti isi konsernan landfill.  Tou bann liquid waste sirtou bann salte bann delo sal ki sorti dan kabinen, ki ti abitye vin zet lo landfill aprezan tousala i al kot PUC sewage  plant.  I nepli al lo landfill.  Fodre absoliman in ariv en problenm kot PUC.  La petet nou ava les met lo landfill, apre sa i retourn direkteman kot PUC.  Sel liquid waste al lo landfill se sa sludge ki sorti kot IOT akoz li PUC pa le met dan son sistenm.  Akoz i annan disel ladan.  E ler i pou annan disel i pou al corrode ouswa i pou al afekte sa bann lekipman PUC.  E PUC pa oule met dan son sistenm.  E alor pou lemoman i pou ganny mete ziska Avril.  Savedir apepre 5 mwan ankor pou ale.  E apre Avril nou pe monitor sa bio digester sa lekipman ki IOT pe met an plas pou li netway son bann delo sal avan ki i prodwir lenerzi servi en prosess ki apel biodigestion.  E sa i sipoze vin  an plas an Avril lannen prosen.  E nou annan bann zofisye ki regilyerman pe monitor travay anler lo sa plant ki zot pe konstrir.  Alor definitivman ler ou retir sa lakantite loder ki pou annan lo landfill i redwir.  E landfill li menm tan ki i ganny manage korekteman i ganny kouver korekteman i pa devret annan loder lo landfill.  Tou keksoz i annan pou fer avek ki mannyer pou manage sa landfill ouswa ou salte.  Konsernen recycling parey mon’n toultan nonmen mon’n regard nou’n pran en bon pe letan pandan sa 2an la nou’n etidye egzakteman kwa ki posib pou fer ek Sesel.  E nou’n vwar pou dir the pli bon solisyon ki nou annan annefe se pou fer li en sistenm ki circular ki close ki nou kapab deal avek isi Sesel menm.  Bann ki nou kapab resikle ki’n deza mars byen parey ou’n vwar ek boutey plastik avek can e byento nou ava konmans avek bann boutey glass.  Nou’n fer osi en bon pe travay avek bann vye feray.  Ki annan plizyer lakonpannyen ozordi ki pe eksport bann vye feray nou pe sipoze zwenn zot nou annan en tim ki pe diskit ek zot la konmela pou vwar ki mannyer fason ki nou kapab donn zot plis sipor, pou zot feray isi Sesel.  E lot kote nou’n travay avek Energy Commission ki nou’n met an plas en sistenm ki tou bann – at least 5 diferan kalite lekipman elektrik ki fer vini ki dimoun i servi dan lakaz parey fridge, cooker, televizyon eksetera nou pe fer sir pou dir washing machine poudir sa bann keksoz i annan en minimum standar savedir bann ki pa’n servi bokou lenerzi ki kalite bokou pli bon napa VAT pou peye anler lo la.  Lide se pou redwir lakantite bann low quality lekipman ki antre dan pei akoz sa i enn bann pli gro problenm ki nou, nou vwar i kree sa kantite salte ki apre I al asiz lo landfill.  E lannen prosenn nou pou pas Lalwa sa lannen nou donn sa karot parey ou pri nou pei oule pou fer desann nou pe tir VAT.  E lannen prosen nou pa pou zis tir VAT nou pou fer li vin mandatwar pou dir tou bann lekipman elektrik dann sa 5 kategori lekipman zot tou zot pou bezwen minimum standar kalite dan en fason ki en dimoun ki vwar li pe aste en fridge, en cooker en washing machine i pa vwar dan 2 mwan 3 mwan ple met sa fridge sa cooker obor semen.  Alor se sa bann plan ki nou pe fer.Epi konsernan ledikasyon piblik, Minister li i napa en gro sonm larzan pou fer ledikasyon akoz ozordi SBC pe demann nou pou pey tou zafer ki pas lo televizyon.  Lontan nou ti annan en vot ek zot ki zot ti les nou pase pou nanryen.  Me sa i nepli leka.  Nou, nou pou kontinyen avek nou bann ledikasyon piblik konsernan salte.  E an menm tan nou pou kontinyen travay avek bann lekol, ek Minister Ledikasyon ek bann NGO i annan bann diferan group ki’n toultan ki’n donn nou koudmen.  E nou, nou pou kontinyen fer sir pou dir piblik i ganny edike lo bann danze salte an zeneral.  Mersi Mr Chair.

 

MR DEPUTY SPEAKER

Mersi Minis.  Onorab De Commarmond.

 

HON CHARLES DE COMMARMOND

Yes, zis detrwa pti pwen pou detrwa sizesyon.  Enn i kler avek savedir zot pa’n koze avek STAR pou fer en laranzman, zot in dir nou la zot pa’n koze pou gete si ti kapab fer sa vin desann e kapab manage pli byen.  Dezyenmman akoz zot pa lans en innovative progress konmsi?  Ou lans sa ou fer lapel ek Seselwa en ta zenn Seselwa ki annan en ta lide ki kapab partisipe e anmenn bann diferan proze dan pou vin incinerator pou vin waste pou vin triyaz salte pou kapab mete met devan zot e zot kapab konsidere ki osi sa bann Seselwa i kapab benefisye dan tou sa nou Minister Lanvironnman osi i kapab benefisye.  Mon ti a sizere zot lans en lapel lo la en bann propozisyon pou sa.  E leachate plant ler i konmans marse, mon anvi zot dir nou Lasanble.  Dir nou letan i konmans marse la dir nou Lasanble anvoy en pti mesaz pou nou pou nou konnen pou dir i pe marse si fodre nou a vin gete, nou vin gete. Apre dernyen keksoz eski dan to sa zafer ki ou pe fer la eski STAR i annan drwa partisipe dan sa bann tender process ki zot pe fer osi la.  Konmsi osi en par parey tou lezot dimoun pou partisip ladan ouswa li i out e zis lezot dimoun ki partisipe?  Mersi.

 

MR DEPUTY SPEAKER

Ok CEO.

 

CEO MR MICHEL VIELLE

Mersi Mr Chair.  Ou sizesyon konsernan proz inovatif pou bann zenn Seselwa byensir si i annan ou kapab .dir zot vin vwar nou ek zot proze.  Nou ava asize ek Minister nou ava diskite kot i fezab nou ava siporte byensir.  Anfen wi any dimoun ki i annan en proze ki anvi fer en sizesyon zot welcome pou fer li.  An plis ankor si i sorti dan distrik Cascade.  Onorab wi konman i konmans marse mon a text ou mon ava  fer ou konnen akoz i dan ou distrik.  Selman apre nou ava enform officially enform Lasanble.  Osi lontan ki STAR i met Kontra, sorry i meet kriter ki i ganny lay down pou pran par dan tender mon pa vwar okenn rezon akoz i pa partisipe.  Mersi bokou.

 

MR DEPUTY SPEAKER

Mersi CEO.  Avan mon pran dernyen…  Ok Minis.

 

MINISTER  MR DIDIER DOGLEY

Mr Chair i annan en kantite diskisyon ongoing avek STAR depi  2016.  E sa bann diskisyon I ankor on.  E plizyer keksoz nou’n kapab sort out.  La pou lemoman the main issue i annan se bann claims ki i pe fer.  E sa i annan bann meeting ki pe ganny fer avek son Avoka ki pe ongoing.  Mersi Mr Chair.

 

MR DEPUTY SPEAKER

Mersi Minis.  Bon i annan zis en klarifikasyon ki Onorab Ghislain in alert mwan.  Mon ava donn ou laparol.

 

MR DEPUTY SPEAKER

Bon i annan zis en klarifikasyon ki Onorab Ghislain in alert mwan.  Mon ava donn ou laparol Onorab.

 

HON CHANTAL GHISLAIN

Mersi Mr Chair.  Mr Chair i feel ki CEO pe mislead the house.  Akoz mon pe dir sa pli boner Onorab Pillay ti demann li en kestyon an se ki konsern tender ler ti ganny fer si ti spesifye ladan si ti pou tir salte de fwa par zour e Onorab Pillay ti vwar poudir i ti pe tir salte ti dir de li.  Enn CEO i dir pou tir de fwa.  Enn Onorab Herminie ti re demann ankor in spesifye i dir tir salte 2 fwa.  E la in re dir nou  poudir non i pou tir salte zis Beau Vallon, the whole rezyon Nor zis Beau Vallon ki i pou tir 2 fwa and the whole rezyon santral and Les i pou tir zis  de fwa selman dan Victoria pou zistifye sa gro sonm R34.4milyon zis pou tir salte municipal waste.  Mersi.

 

MR DEPUTY SPEAKER

Ok.  Mon a re donn la parol CEOCEO re eksplike.

 

CEO MR MICHEL VIELLE

Mr Speaker non – sorry Onorab si i pa’n kler.  I konfirmen sa ki mon ti dir.  Beau vallon salte pou ganny tire toulezour 2 fwa par zour, hence daily.  Lavil Victoria toulezour me son frekans i 3 fwa par zour, hence daily.  Tou lezot distrik ki ti pe ganny   tire 1 fwa pou prezan ganny tire 2 fwa toulezour.

 

MR DEPUTY SPEAKER

Ok.

 

CEO MR MICHEL VIELLE

Lekel leres.  Tou lezot distrik mon’n dir.  Lekel leres?

 

MR DEPUTY SPEAKER

I kler CEO.

 

CEO MR MICHEL VIELLE

Mersi Mr …

 

MR DEPUTY SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman premyerman mon anvi dir ki sa dernyen statement ki Minis in fer pou mwan i en dezapwentman.  Apre plis ki 15 an depi ki nou annan en landfill kekfwa 10 a 15an pou Minis vin dir avek nou ki zot napa en Landfill Management Plan mon krwar i serye.  E sa dan li menm li i fer mwan menm demann kestyon as to whether zot annan en Waste Management Plan parski nou vwar keksoz i monte desann, i monte desann.  Enn ler i dir pou fer compost parey Onorab De Commarmond in dir.  Ennler met papye en kote.  Ennler nou ‘ban’ sak plastik nou fer soz pou met batri apre pa marse.  Nou ouver lot pa marse.  Sa mon bezwen dir mon dezapwentman.  Alors kestyon mon pe demann mwan se eski, eski vreman sa Bidze ki devan nou eski i tro bokou?  Eski i tro pti git? Ki mannyer – kot nou tonbe?  Mon annan bokou kestyon.   Bokou kestyon parski ou a krwar nou pa pe – napa en direksyon kler me nou pe tat isi nou pe tat laba.  E ki se pou sa rezon ki dan mon lopinyon.  Se pou sa rezon ki ozordi nou dan en sityasyon kot sa i dir ou dwa li tan.  Ou, ou  dir ou drwa li tan, nou pa drwa sa kantite nou pe koz avoka la aprezan, kan sa ti en keksoz ki ti devret pe mars byen, devret kler parski i annan en masin ki ou peze.  Be si i annan en masin ki ou peze keksoz i devret kler.  Mon pa konnen si sa lo son kote konman en Lakonpannyen prive li in note egzakteman konbyen tonn ki antre e li Gouvernman in neglizan.  Mon pe zis met tousala konman bann posibilite ki aprezan if er ki i annan sa bann kestyon.  In annan en group Suisse ki’n vin isi pou fer, pou fer letid.  Zot ti  pase partou, pas kot mwan tou.  E  letan zot demann mwan kestyon letan ou reponn par egzanp sa separation of waste mon ti pe dir i drol pa ankor arive Sesel.  E en group Seselwa ki sa bann dimoun in  aplodi, in tir sapo avek poudir ki si ti napa zot pa konnen kot nou problenm salte ti été, se  sa bann dimoun ki fouy dan bin ki anmas boutey plastik.  Sapo avek zot e mon krwar ozordi nou bezwen rekonnet ki poudir zot fer en gran travay parski se zot sel group dimoun Sesel ki dan separation of waste.  Zot zot fouy dan en dustbin zot kapab tir tou boutey plastik.  Mr Chairman  mon anvi demann enn de kestyon direk.  Premyerman Beach Cleaning contract.  Eklersi mon.  Mon tande Kontra in fini depi 1 an pase e ki napa nouvo tender ki’n ganny fer.  Parey mon pe dir eklersi mwan parski enn mon responsabilite lo FPAC, se pou regard bann formalite, bann prosedir finansyel ki ganny swiv.  Sa zafer waste collection sa pwen ki Onorab Pillay in fer resorti, sa 34milyon dapre tender 59milyon dan Bidze e apre sa nou’n ganny plizyer leksplikasyon.  E sa 25milyon,  sa 16milyon ki kapab ganny zwe avek, ou konnen Mr Chairman mon pe lev sa pwen parski lo FPAC nou pa kontan bann larzan ki ou kapab zwe avek.  E alor mon ti a kontan ganny en leksplikasyon kler.  En leksplikasyon kler lo sa 16milyon anviron ki pou kapab zwe avek, ki mannyer i pou ganny zwe avek akoz nou pa kapab zwe avek R16milyon dan larzan lepep Seselwa.  Sa compost plant, dernyen fwa nou ti ganny dir pou bezwen al aste enn, pou bezwen al aste avek STAR.  Eski zot in sey work out si sa compost plant i pa deza pou Gouvernman?  E ki zot pa pou bezwen aste nanryen.  Mon annan – bann Lakonpannyen ki lwe loto eski ou kapab eklersi si zot in fer resers pou regarde si 3 parmi sa 4 Lakonpannyen i pa pou menm dimoun?  E alor i kapab ganny trouve konman en koripsyon?  Landfill management cost sa pwen ki taler Onorab Andre in fer leve konsernan maintenance, eski napa larzan ki pe ganny kasyet anba lezot keksoz?  Silvouple eklersi mwan  akoz pou le moman la mwan personnelman konmsi spesyalman avek sa statement ki Minis in fer mon demann mon si dan sa fernwar kot nou  ete ki mannyer nou pou kapab vwar lalimyer.  Parski i en gro Bidze sa.  Mon ti a kontan ganny bann leklersisman pou mon prop lespri.  Mersi.

 

MR DEPUTY SPEAKER

Mersi Onorab.  Minister.

 

MINISTER MR DIDIER DOGLEY

Mr Chair mon ti a voudre konmans avek sa issue ki annan pou fer avek waste management plan avek stratezi pou manage landfillCEO i ava koz anler lo son bann Budgetline konsernan son bann expenditure anba son Bidze.  Konsernan Waste Management Plan Sesel i annan  en Waste Management Plan ki pe fini lannen prosenn.  Annefe prosesis in fini konmanse sa lannen.  I deza annan en draft ki la konmela pe ganny sirkile.  I annan en tim avek en konsiltan ki pe travay lo la pou nou kapab ganny en lot Waste Management Plan for the next 5 years e sa i sipoze, mon sipoze dan bann semenn ki pe vini avan lannen fini i a’n ganny finalize.  Konsernan Landfill Management Plan parey mon’n dir depi 2016 nou’n fer en kantite travay pou ranmas bann data akoz i fasil pou dir ou kapab manage en landfill, ou kapab manage salte ou isi ou laba  si ou ti napa bann data, bann scientific lenformasyon i pa  fasil pou ou drafte nenport plan.  E nou nou’n pran nou letan pandan 2016/2017, nou’n anmas lenformasyon.  Sa bann etidyan ki ti vini bann Suisse se nou ki ti  demande pou vin isi pou vin ed nou.  Annefe i annan e lot liniversite Danchstart L’Allemagne zot osi zot in vini zot in fer en rapor ki’n ed nou.  E nou, nou pe servi tou sa bann led sorti kot sa bann akademik pou nou kapab drafte nou stratezi.  Akoz zot in donn nou bann baz ki klerman montre ki kalite salte ki nou annan e san ki ou kapab kategoriz bann diferan kalite salte ek zot volume ek poursantaz i difisil pou ou kapab drafte en plan kler.  E  sa nou’n fer sa.  Nou annan bann data ozordi e nou annan  en tim  2 dimoun annefe mon annan en expert osi Franse ki pe travay avek nou anba bann volonter Franse ki pe donn koudmen avek nou bann staff e zot in drafte en plan ki mannyer nou pou al manage landfill Mahe  pandan  sa 2 an ki pe vini.  E sa plan in preski fini finalize.  Annefe bann staff pe fer bann dernyen diskisyon ne nou sipoze pe al Cabinet pli tar boner an Zanvye lannen prosenn e sanmenm sa ki mon’n kapab koz lo sa bann diferan keksoz akoz mon konnen an zeneral ki annan ladan.  Now ou’n koz lo bann koleksyon pet ek bann bwat dan bin.  Sa ki mon ti a voudre fer resorti si Minister pa ti’n met sa sistenm levy avek Redeem  Centres e re koleksyon sa bann kalite salte sa bann dimoun pa ti pou al fouye dan bin.  Sa bann dimoun i al rod sa bann keksoz, akoz nou’n donn sa bann keksoz en valer, nou’n fer li vin en komodite.  E nou plan se pou fer boutey ver osi lannen prosenn vin en komodite parey dan en fason ki sa osi i ganny resikle.  Bann vye feray i pe ganny resikle deza, me bann lezot borde nou’n regarde avek bann sanzman ki pe arive dan lemonn ; par egzanp  La Chine ozordi in deside poudir in ferm son laport i pa pe pran okenn salte sorti kot personn demen.  Demen si L’Inde i deside ferm son laport kantmenm nou pou sey fer tou nou pli gro sistenm recycling isi envestir dan bann gro, gro sistenm recycling i pou osi nou pou vwar nou pri avek sa bann prodwi, akoz ler pou ou eksporte bann pei ki ti pran sa bann salte i pou dir ou non.  Sanmenm sa ki mon dir nou plan aprezan se sey gete ki mannyer ki nou kapab resikle sanmenm sa bann salte isi menm.  E sa atraver sa waste energy, savedir si nou kapab bril serten salte i ava prodwi elektrisite ki ava ganny mete dan sistenm, e ki Sesel li menm i ava benefisye olye ki sey met lo bato pou anvoy dan bann pei ki ozordi i pe vin pli peu ki pe aksepte salte kot zot kanmarad.  Mon a les – konsernan  compost plant, sa compost plant sorry ki deza laba kot landfill, nou’n annan bann diskisyon avek STAR konsernan sa.  Annefe i en bann keksoz ki dan lanmen Attorney General’s Office.  E Attorney General’s Office zot annan kopi Kontra ki Gouvernman ti sinyen avek STAR an 1997 e bann lezot dokiman ki asosye pou fer avek sa lekipman.  E i annan bann diskisyon ki mon ekspekte konmansman semenn prosen pou konmanse ant avoka  STAR e AG’s Office konsernan sanmenm sa bann issues ki ou’n souleve Onorab.  Mersi Mr Chair.

 

MR DEPUTY SPEAKER

Mersi Minis.  CEO.

 

CEO MR MICHEL VIELLE

Mersi Mr Chair.  Mersi Onorab Ramkalawan.  Konsernan Beach Cleaning Contracts parey i ti pe ganny eksplike pli boner i annan sa task force ki pe travay deza,  sa coordinated task force se zot ki pe travay atraver Minister Finans, en task force anba Minister Finans pou kapab lans tender soon 2018 pou Beach Cleaning Contract.  Sa bann Kontrakter ki deza pe travay zot ankor dan  zot pozisyon e zot pou kontinyen as incumbent ziska ler tender i roll out and the new winners come inSo sa i kontinyen.  Ok?  In terms of Car hire companies nou pa’n neseserman al rod bann shareholders sa bann car hire companies.  I en keksoz ki ler mwan mon’n vin kot Lazans mon’n zwenn li la as egziste me mon’n fer le neseser ki mon santi mon ti bezwen fer pou kapab tender-out, re tender car hire e deza parey mon ti pe dir pli boner – notice i dan zournal pou tou dimoun ki annan lentere si i meet bann kriter byensir zot ava tender.  Mon krwar se tou.  Minis in reponn larestan ou bann kestyon.  Mersi.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Yes.  Mersi bokou.  Mr Chairman premyerman mon vwar en well i annan en bout ki pa’n reponn konsern an sa larzan la ki pou zwe avek lo sa waste collection sa 16milyyon anviron.  Lo sa Beach Cleaning Contract la mon vwar en defayans ki i pa akseptab pou dir ki sa bann dimoun ki ti in place zot pe zis kontinyen.  I mean ti konnen ki poudir Kontra ti pou terminen.  Alors tender process ti’n devret fini ganny lanse parske sa i enn bann problenm ki nou’n gannyen pandan deba lo bidze me mon konnen ki poudir zot pa Tender Board, me selman mon mazinen ki atraver bann keksoz ki ou vwar lo papye tender i kler ki dimoun pou dekrir li konman en lenzistis.  Mon a donn 3 legzanp.  Mon pa pou nonm okenn non, me pou en lot, en dimoun i tender 4.820milyon i gannyen.  Ok.  Par anba li i annan enn ki tender 4.883milyon.  Mon konpran poudir i  en pe pli o i pa gannyen, me i annan  en lot dimoun ki tender 4.769milyon ki pli ba e li i  pa gannyen.  Lot legzanp ; en dimoun i tender 5.009milyon i gannyen.  Ok i gannyen.  En dimoun ki tender 5.2milyon i pa gannyen akoz i pli o.  Me en dimoun ki tender 4.588milyon ki pli ba ki 5milyon e ki ase pre avek 5milyon li i pa gannyen.  Ki mon pe dir ki sanmenm sa ki finalman ou ganny bann reaksyon ki dimoun i dir in annan bann inside zwe ki’n arive kot serten dimoun in ganny lenformasyon e ou ganny –  so prezan ou ganny komanter konman  ‘’anyone not stupid can sum up that the only way for their friends to make it, was to disqualify’’ parski i annan plizyer dimoun dan sa tender process ki’n osi ganny disqualified.  E zot in ganny disqualified parfwa pou bann pti fot ki zot in fer ; ki finalman mon pe zis met tousala ek bann legzanp konkret pou montre ki si i annan en problenm ozordi e dimoun pe kestyonn the whole process, se parski malerezman i annan ase grounds pou  dimoun dir be la i la, sa i pa’n mars byen, sa pa’n mars byen.  I pa’n en prosesis ki’n kler, ki’n transparan konpletman.  E ki se pou sa rezon osi ki nou pe poz bokou kestyon.  Alor mon pwen final se ki mannyer – mon konnen ki poudir la nou le 1 Desanm ozordi, be ki mannyer eski nou kapab eklersi tousala pour ki napa okenn parski mon pa le personn lo – dan zot Lorganizasyon ganny blanmen konmkwa zot in involve dan koripsyon.  Mon konn zot tou la tre byen  e mon konnen ki – I mean par egzanp – I mean…nou’n reste pre ek kanmarad parey son papa ki konmsi nou pa anvi sa i arive me nou anvi keksoz i kler.  Me la pou le moman malerezman i annan en kantite grounds ki dimoun i kapab demann kestyon.  Alor ed nou pou nou kapab bouze.  Mersi.

 

MR DEPUTY SPEAKER

Ok.  CEO.

 

CEO MR MICHEL VIELLE

Si ou permet mwan Mr Chair byensir Onorab natirelman konman en dimoun an  deor pou get sa i pou enterpret li koumsa.  Selman parey mon’n dir lefe ki mon pa ti involve mon pa konpetan pou koz lo la akoz mon pa ti involve avek tou sa bann demars mwan.  Mon reste an deor.  Selman ki mon kapab sizere as CEO Lazans  se ki zot ganny en lodyans avek – kantmenm pa Lasanble antye me some Selected Committee i ganny en lodyans avek en Evaluation Committee avek tender Board pou eksplik zot sa prosesis.  Mon krwar si sa i ganny fer, then  kekfwa i ava en pe pli kler akoz mon napa plis lenformasyon, akoz mon pa ti involve avek e mon pa pou kapab pronons mon lekor plis ki sa.  Me mon respekte lopinyon ki ou pe avans devan byensir.  Ti annan en lot pwen ou ti’n souleve oubyen sanmenm?  Mersi.  Anr sa mon FC ava klarifye sa en pti kou sa R16milyon la – ok?  Mersi.

 

MR DEPUTY SPEAKER

Ok. FC.

 

FINANCIAL CONTROLLER MR MARCUS WILLIAM

Mersi Onorab pou ou kestyon.  In fact napa 16milyon pou nou parey – pou nou  zwe avek basically, petet mon a donn ou breakdown dapre nou Bidze ki nou annan la.  E sa i pou enkli pou tou le 3 zil Mahe, Praslin, La Digue.  E sa pou fer sa total si ou le apepre 58.7milyon.  Ok so for municipal waste i annan 34.8milyon, commercial waste 21.2milyon apre ladan osi i annan en eleman for Clean Up The World ki nou bezwen mete e sa i apepre 2.6milyon e sa si ou le i baze lo figures clean up the world ki nou’n  fek fer la pou sa lannen e sanmenm sa total ki pe fer 58.7milyon.  Mersi. Non sa 16milyon sa ti ganny budgeted under commercial waste collection for Mahe only ok ?  And the municipal collection for Mahe ti 29.8milyon.  Mersi.

 

MR DEPUTY SPEAKER

Ok.  Mersi FC.  CEO.

 

CEO MR MICHEL VIELLE

Mr Chair zis pou mon azout sa ki mon ti pe dir pli boner konsernan sa waste collection tender, ki i annan en appeal en, dimoun i annan sans appeal.  Sa prosedir appeal everybody has a right to it bann ki’n partisipe.  So  zot kapab appeal.  Apre byensir sa appeal son  peryod letan in fini, me selman zot ti kapab appeal.  Ler mon’n fer sizesyon i ti zis en sizesyon pou met avek evaluation committee ek Tender Board akoz mon pa ganny drwa donn lord en.  Sa se Lasanble ki a demande.  So ti zis en sizesyon pangar non a ganny mal enterprete.  Mersi bokou.

 

MR DEPUTY SPEAKER

Ok, mersi CEO.  Ok PS a gid nou lo vot.  Nou’n  ariv moman pou pran en vot.

 

PS PATRICK PAYET

Mersi Mr Chair.  Total vote pou Landscape and Waste Management Agency lo paz 530 lavaler R216.366milyon.

 

MR DEPUTY SPEAKER

Ok, tou Manm ki an faver?

Okenn Manm ki kont?

Ok, Madam Clerk.

 

MADAM CLERK

Mersi Mr Chair.  Mon’n rikord 17 Manm an faver e 1 Manm kont.  Mersi.

 

MR DEPUTY SPEAKER

Ok.  Savedir Bidze pou Landscape and Waste Management Agency in ganny aprouvasyon Lasanble Nasyonal.  Bon avek sa mon ti a kontan remersi Minis Dogley avek CEO Vielle avek zot lekip e nou ava eskiz zot parmi nou.

 

(MINISTER DIDIER DOGLEY AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon nou’n ariv a lafen nou travay lo Bidze.  Me zis nou pa pe kapab pran en vot final e Minis osi pa prezan pou li – Minis mon krwar ti anvi fer en pti deklarasyon – en pti pwen, an vi dir de mo apre ki nou fini.  So PS mon santi ki ou pou bezwen retournen semenn prosenn.  Ok.  Yes Onorab Ramkalawan.

 

HON WAVEL RAMKALAWAN

Mr Chair.  Mersi bokou.  In fact pandan Break mon ti’n ganny en koze avek Minis baze lo sa ki mon ti koz lo la bomaten e avek letan ki petet SPDF pou bezwen nou ti pe koze nou de Minis, e Minis i dakor ki poudir mon krwar nou ti pe koz ansanm avek Onorab De Commarmond osi tou ki nou pa pran okenn vot e ki nou pran vot final lo Bidze le 12 Desanm.  Konmsi pou donn tou bann group ase letan pou zot fer tou bann travay, pou ki letan nou a vini le 12 Desanm tou keksoz  ava’n annan tou bann larepons tou bann keksoz ava kler.  E sa i en keksoz ki nou’n tonm dakor alor mon move dan sa direksyon.  Mersi bokou.

 

MR DEPUTY SPEAKER

Ok i paret ti annan en konsansis nou a koze.  Ok so nou ava fer sa, nou ava pran vot final lo Bidze 2018 Mardi le 12 Desanm.  Avek sa mon ti a kontan remersi PS Payet, Mr Thesee, Ms Verghese pou sa detrwa semenn- pa dir detrwa semenn mon krwar plis ki en mwan ki zot in la avek nou toulezour  e pou sa travay ki n ou’n fer.  PS mon kapab dir ou ek ou lekip felisitasyon, ou’n fer en travay formidab pou kapab donn  nou bann leklersisman, bann klarifikasyon ki bann Manm in demande e nou vreman apresye pou sa.  Ok?

 

(APPLAUSE)

 

MR DEPUTY SPEAKER

Bon zis mon annan – avan nou pran adjournment mon annan enn de pti lanons pou mon fer.  Nou annan bann Manm ki pe voyaze lo bann Misyon aletranze.  Demen mon annan DG – Mr Hermitte akonpannyen par Onorab Ramkalawan e Onorab Sebastien Pillay ki pe al attend en workshop Westminister lo Public Accounts Committees e premye Public Accounts Committee conference ki organize par Commonwealth Association Londres.  Dezyenm mon annan Speaker ki pe akonpannyen par Clerk avek son personal assistant Mr Romain ki pe kit pei le 4 ziska le 9 Desanm e zot pe attend en Seminar pou bann Heads of African Parliament ki pou fer an Israel.  Ok premye group ki konpri FPAC, zot pou absante depi le 2 ziska le 9 e Speaker ek son group pou absante depi le 4 ziska le 9.  Bon Semenn prosenn nou pou repran nou travay normal parey labitid.  Nou pou pran travay Mardi avek Merkredi, kot nou pou konmans debat lo bann prozedlwa ki deza fer First Reading dan Lasanble e mon krwar Clerk in fini anvoy Order Paper pou semenn prosenn.  Ok?  Avek sa mon ti a zis kontan remersi lekip SBC osi ki’n avek nou pandan tou sa bann semenn e ozordi zot pe reste ziske en pti pe pli tar.  E sa osi tou mon ti a kontan remersi bann oditer e prezant en leskiz pou ozordi ki nou’n  tenir SBC ziska en pe tar.  Nou kontinyen nou travay parey mon’n dir semenn prosenn e sa se Mardi 9er bomaten.  Alor nou adjourn ziska Mardi le 5 – 9er bomaten.

 

(ADJOURNMENT)