Home » Verbatim » 2017 » Verbatim Thursday 30th November, 2017

Verbatim Thursday 30th November, 2017

NATIONAL ASSEMBLY OF SEYCHELLES

 

Thursday 30th December, 2017

 

The Assembly met at 9am

 

National Anthem

 

Moment of Reflection

 

Mr Speaker in the Chair

 

THE LEGISLATIVE

 

MR SPEAKER

Bonzour tou dimoun dan Lasanble e ki dan lakour.  Byenveni pou nou lazournen travay pou sa Zedi.  E mon ti a kontan ankor swet labyenveni PS Payet ek son lekip parey labitid fidel la pou ed nou avek Bidze.  E byenveni tou sa ki pa ti la.  Ozordi nou pe pran Bidze Lezislatif e i lo paz 95 – 99.  Pou zot ki pa’n pa ankor vwar zot  soz.  I paz 95 to 99.  E avan nou envit Clerk pou al devan nou la pran tou bann ki oule koze.  Clerk ek Deputy Clerk.  Apre sa ou ava al asiz devan Clerk.  Tou bann ki oule koze lev zot lanmen.  Clerk.

 

MADAM CLERK

Bonzour Mr Chair.  Bonzour tou Manm.  Bonzour PS ek ou delegasyon.  Mr Chair lo kote Parti Lepep, mon annan tou Manm a leksepsyon Onorab Lemiel, Onorab Basil Hoareau pa ankor rantre.  Onorab Simon Gill ki absante e Onorab Chantal Ghislain.  Mersi.  E i antre osi la.  Onorab Ghislain ou pou demann kestyon?

 

MR SPEAKER

Onorab Sophola in lev son lanmen.  Deputy.

 

MADAM DEPUTY CLERK

Mersi Mr Chair.  Bonzour tou dimoun.  Lo kote LDS mon annan Onorab Ramkalawan, Onorab Afif, Onorab Ferrari, Onorab Esparon avek Onorab Roucou, Onorab Henrie.  Mersi.

 

MR SPEAKER

Mersi.  Tre byen.  Nou a konmans toudswit alor avek Onorab Roucou.

 

HON CLIVE ROUCOU

Mersi Mr Speaker.

 

MR SPEAKER

Eskize mon’n bliye swet  labyenveni sipoze i nou staff Direkter Zeneral Hermitte.  Accountant Madanm Thelermont evidaman Clerk ki nou accounting officer pou Lasanble.  Wi Onorab Roucou sorry mon’n koup ou, repran.

 

HON CLIVE ROUCOU

Mersi Mr Speaker.  Bonzour tou Manm Onorab.  Bonzour tou dimoun ki a lekout dan lakour.  Mr Speaker mon kestyon se mon get sa total ki’n ganny apropriye pou Lasanble plis ki 41milyon.  Mon pe demann Madanm Thelermont si dan sa Bidze ki in fer provizyon pou pran plis staff, espesyalman pou bann Komite lo lakantite travay?  E lakantite fwa ki nou pe zwenn silvouple.

 

MR SPEAKER

Madanm Thelermont.

 

ACCOUNTANT MRS GHISLAINE THELERMONT

Mersi Onorab.  Mr Chair wi nou’n fer provizyon pou nou annan logmantasyon dan staff ki nou pou pran dan Lasanble; 2 nouvo staff.  Mersi.

 

MR SPEAKER

Onorab Roucou oule … ?  Ou ok?  Ok.  Onorab Egbert Aglae.

 

HON EGBERT AGLAE

Mersi Mr Speaker.  En pe dan sa menm laliny mon kestyon.  Kot i konsern Komite.  I annan sa Komite parey Anti-Viktimizasyon, ki en pe parey Komite FPAC, kot i annan bann Sitting ki ganny fer zot pa zis sit pou meeting.  Sirtou Anti-Viktimizasyon kot zot pe zwenn 8 fwa par mwan.  E menm nou pe ale ziska tar dan lannwit mon kapab dir ziska bann 7er -9er.  Eski dan sa Bidze i annan provizyon pou asiste bann Manm lo sa Komite avek en sitting allowance an mannyer ki i accompanied ek sa bann erdtan ki zot zwenn.  E dezyenmman Mr Speaker lannen pase menm dan Bidze ou ti koz ek Lasanble dir ki i annan en letid serten letid ki pe fer pou amelyor lankadreman Lasanble dan son kalite.  Mon krwar sete Gouvernman L’Inde si mon pa tronpe ki sipoze donn sipor.  Si ou kapab donn nou en detay petet ki zistans in arive sa propozisyon pou kapab lev en pe nou Lasanble en pe plis ankor.  Mersi.

 

MR SPEAKER

Petet premye bout Madanm Thelermont oubyen Clerk.  2enm bout Direkter Zeneral ou a okouran sa proze avek L’Inde.

 

ACCOUNTANT MRS GHISLAINE THELERMONT

Wi,  lo kote Komite Viktimizasyon ou annan ankor staff ki nou’n azoute pou servi lo sa Komite.  Prezan nou pe gete pou nou kapab ogmant bann allowance ki nou donnen kote Viktimizasyon ; bann dimoun ki lo Komite Viktimizasyon.

 

MR SPEAKER

Ok Onorab.  Mr Hermitte.

 

DIRECTOR GENERAL MR GODFRA HERMITTE

Mr Speaker, mersi.  Onorab mersi pou ou kestyon.  Lo kote laranzman avek L’Inde wi nou deza annan serten diskisyon ki pe deroule la.  E lentansyon se ki pou extend Lasanble Nasyonal pou kree plis lespas. E ansanm avek sa proze osi nou pe deside an relasyon avek kou cost elektrisite pou nou osi met en sistenm photovoltaic.  Mersi bokou.

 

MR SPEAKER

Onorab Aglae.

 

HON EGBERT AGLAE

Mersi Mr Hermitte.  Eski dan laliny savedir nou pou vwar en plan byento ki pou ganny etablir, pou sa bann proze, sa bann progranm ki ou pe dir?  Mersi.

 

DIRECTOR GENERAL MR GODFRA HERMITTE

Mr Speaker, wi plan i deza annegzistans e i pe ganny travay lo la par Mr Zouran kot Planning.

 

MR SPEAKER

Ok Onorab?  Onorab Aglaé ou ok?  Onorab Regina Esparon.

 

HON REGINA ESPARON

Mersi Mr Speaker.  Bonzour tou dimoun.  Mr Speaker lo paz 96 i annan en sonm R710 mil ki’n ganny mete anba ‘capital expenditure,’ eski sa i zis pou build infrastructure? Oubyen pou lezot depans parey aste nouvo loto?  E anba detay i annan ‘insurance for vehicle’, “building insurance”  mon ti a kontan konnen lekel zot Broker silvouple.  Mersi.

 

MR SPEAKER

Clerk.

 

MADAM CLERK

Mersi Mr Chair.  Mersi Onorab.  Sa son mi pou nou fer serten maintenance isi kot Lasanble.   Par egzanp nou mazin lobby nou pe sanz bann tiles.  Parey zot kapab vwar pe abimen, e pou nou aranz e expand Museum.  Mersi.  I napa larzan pou cater okenn transpor dan sa Bidze.   Mersi.

 

MR SPEAKER

Ok, Onorab Churchill Gill.  Sorry Onorab Esparon ou annan en lot….

 

HON REGINA ESPARON

Eskize lekel zot Broker silvouple?

 

MR SPEAKER

 

DIRECTOR GENERAL MR GODFRA HERMITTE

Nou annan 2 kategori Broker.  Mon ava eksplik sa nou annan maintenance avek transpor nou Broker i Fidelity ; apre nou annan Health Insurance nou Broker i ReliAnCe. 

 

MR SPEAKER

Ok Onorab Esparon.  Yes Onorab Churchill Gill.

 

HON CHURCHILL GILL

Mersi Mr Chair.  Bonzour tou dimoun.  Mon kestyon se konbyen i k out Lasanble pou fer maintenance lo building?  Apre lekel sa kontrakter?  Mersi.

 

DIRECTOR GENERAL MR GODFRA HERMITTE

Mr Chair, mersi.  Pou lemoman mon a eksplik sa byen.  Nou ti annan en Kontra avek Wellness Development dan Lasanble 5enm Lasanble.  Apre serten konsiderasyon, nou’n deside pou nou pa renouvle sa Kontra akoz nou krwar poudir servis ki  i ti pe donnen pa ti bon.  E sa Kontra ti pe pey R750mil as a lump sum koman i konmans within en mwan konman i konmans son Kontra.  So pou lemoman nou napa en Kontra.  Me solman nou deza an korespondans avek Tender Board, pou nou tender lannen prosen.  Mersi Mr Speaker.

 

MR SPEAKER

Onorab Ferrari lo menm laliny.

 

HON JEAN-FRANCOIS FERRARI

Wi dan menm laliny sa i lo sa Kontra Mr Hermitte si ou kapab dir nou akoz Wellness ou’n dir nou mon krwar Wellness whatever, akoz nou konman bann Manm isi.  Mon konman en Manm sa Lasanble zanmen mon’n deza vwar okenn dimoun exterior vini dan sa lannen 2017 ki mon la.  So ou pe dir nou ki sa Kontra pa’n ganny renouvle sa lannen.  Sa lannen zot pa’n ganny peye an 2017 oubyen zot in ganny peye 2017 me zot pa pou ganny peye an 2018?

 

MR SPEAKER

DG oubyen Accountant. 

 

DIRECTOR GENERAL MR GODFRA HERMITTE

Onorab mersi pou sa kestyon.  Zot ti ganny peye pou sa Kontra dernyen fwa.  Me solman zot pa pou ganny peye an 2018 dan sa nouvo Bidze akoz nou pe al tender mon pa konnen lekel ki pou gannyen.  E rezon nou ti termin sa Kontra se akoz servis ki ti ganny provide pa bon.  E si pou korize se Wellpoint Development Pty, Ltd ki baze Providence.

 

MR SPEAKER

Wi Onorab.

 

HON JEAN-FRANCOIS FERRARI

I baze kote?  Providence pa sanmenm sa tim ki’n pran restoran laba anler dan Val De Pres la – pa menm gang sa non?

 

MR SPEAKER

DG eski ou konn sa lenformasyon oubyen PS?

 

DIRECTOR GENERAL MR GODFRA HERMITTE

Mr Chair non mon pa’n al dan sa direksyon pou investigate sa mwan.  Mersi.

 

MR SPEAKER

Ok.  Yes Onorab Ramkalawan.

 

HON WAVEL RAMKALAWAN

Bonzour Mr Chairman.  Bonzour tou dimoun.  Mr Chairman mon anvi konnen lekel ki ti Direkter sa Wellpoint Development ?  E an plis ki sa eski i ti annan proper procurement procedures ki ti ganny swiv, pou donn sa lakonpannyen sa Wellpoint sa Kontra?  Mersi bokou.

 

MR SPEAKER

DG eski ou annan en lenformasyon lo Direkter oubyen?

 

DIRECTOR GENERAL MR GODFRA HERMITTE

Yes Mr Chair.  Mersi Onorab pou sa kestyon Direkter ki ganny nonmen dan Kontra se Madanm Magaret Zougkwa.

E i ti en director bid.  Mersi.

 

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker rezon ki mon’n fer sorti sa pwen, se ankor enn fwa nou Lasanble nou pe nou focus  lo bann prosedir ki bon.  Mon anvi fer resorti.  Mon anvi met lo rikord ki pou dir sa Madanm  Magaret i madanm sa msye la ki shares laba anler ti ganny vann avek li –  laba kot …

 

MR SPEAKER

Onorab kote laba anler?

 

HON WAVEL RAMKALAWAN

Kot Val De Pres.   Val De Pres ; ki mon pe met lo rikord osi ki pou dir konmsi pa mon pa konnen si par kwensidans oubyen par design ki sa i ete.  E sa koneksyon ant Ansyen  Speaker Herminie avek sa lakonpannyen i monte.  E se pou sa rezon i enportan osi pou nou konnen, si ti annan en tender process ki ti ganny swiv.  Parske si non nou rol oversight i pou montre ki poudir i annan en lyen kot larzan zis in pase san bann prosedir normal.  Mersi.

 

MR SPEAKER

PS Payet eski i annan okenn komanter ou anvi fer lo la.  Parske evidaman Clerk oubyen DG pa ti la pa pou konnen.  Eski ou okouran?

 

PS PATRICK PAYET

Mersi Mr Chair.  E bonzour tou Manm Onorab e tou dimoun ki a lekout.  Mr Chair zis pou azoute ki mon napa okenn detay.  Kekfwa nou kapab rod en pe detay avek POU me selman ki mon okouran ti annan en direct bidding direkteman.  I ti napa open tender.  Me solman nou kapab rod en pe plis detay avek POU si sa process letan nou ti pe fer direct bidding si ti annan 3 kotasyon ouswa direkteman avek sa service provider.

 

MR SPEAKER

Mersi.  Wi.  Sorry.

 

HON WAVEL RAMKALAWAN

Mr Speaker sa ki Mr Payet in dir i serye.  Parske letan Mr Vic Tirant ti vin isi dan Lasanble nou ti kestyonn li lo la.  E nou ti fe konneksyon avek anndan.  Parske sete en manm son fanmir ki ti ganny sa Kontra.  Me sa ki nou pe vwar la i egzakteman menm sityasyon.  Ki vedir si nou pe si nou ti pe regard Lotorite Prizon nou ti vwar koripsyon.  Be la i en ka kot i annan koripsyon !  Parske Speaker Herminie ti vann 80 shares avek msye sa madanm e apre sa direct bidding – direct bidding se sa lakonpannyen avek ki i ti deza annan bann tranzaksyon, ki ganny sa direct bidding.  This is equal to corruption!

 

MR SPEAKER

Ok.  Alright.  Mon krwar – Order!  Mon krwar ki sa ki PS Payet in dir nou is the way to go in dir nou i a rod lenformasyon i pa anmennen PS avan lafen lasemenn ou ava anmenn sa preferableman soulaz ou kapab, ki nou a vin vinabou eklersi sa an atandan annou esper lenformasyon.  Apre sa si annan deba oubyen diskisyon zot oule leve lo Lasanble, avek son Kontra nou  a leve.  Pou lemoman annou kontinyen.  Onorab Jude Valmont.

 

HON JUDE VALMONT

Mersi Mr Chair.  Bonzour.

 

MR SPEAKER

Ale Onorab De Commarmond.

 

HON CHARLES DE COMMARMOND

Bonzour Mr Speaker.  Bonzour tou Manm Onorab.  E tou dimoun ki a lekout.  Mr Speaker dan menm laliny ; konmsi ki mon oule konnen mon, osi ler nouvo Lasanble in rantre sa Kontra i deza la li.  Nouvo Lasanble, i annan plis ki 1an la li, in kontinyen ek sa Kontra i pa’n evalye i pa’n gete.  E letan ou dir pou dir la ou pe al tender konmsi sa bout ki’n ganny peye avan, i pa’n delivre ouswa in delivre ?  Ki mannyer ou’n zize ki i pa alaoter ki ou pe dir?  Konmsi zis mon’n zis – mon le konn sa lenformasyon.

 

MR SPEAKER

Silvouple.  Wi DG.

 

DIRECTOR GENERAL MR GODFRA HERMITTE

Wi sa Kontra ti deza fini ganny sinyen parey mon’n dir oparavan.  E baze lo servis ki ti pe ganny donnen i annan en lalis bann keksoz ki  i bezwen fer.  Par egzanp tou lemwan i bezwen fer sir i inspect the whole of the building, e son bann zafer elektrik, wiring, basen delo and all that – nanryen pa ti pe ganny fer.  i ti sipoze dan sa Kontra annan en dimoun spesifik ganny anploye pou Lasanble.  Nanryen pa ti ganny fer.  i ti pran nou 4 mwan par egzanp pou nou ganny kontak avek li pou fer li vin sanz tiles lo sa de wing ki ti’n kraz kraze.  So i montre pou sa la larzan ki ti pe gannyen malerezman son servis pa ti bon.  E nou ti ekout Lasanble zot deliberasyon dan Bidze pou 2014.  E sa pwen ti leve.   Alor nou, nou ti deside baze lo ki i pa pe don bon servis annou pa renouvle sa Kontra.  Me selman i ti’n fini ganny peye.  E alor nou ava tender pou lannen 2018.  Mersi Mr Speaker.

 

MR SPEAKER

Onorab De Commarmond.

 

HON CHARLES DE COMMARMOND

Se sa mon kestyon – konmsi a ki moman la – i annan plis ki 1an in pase, ou konpran mon depi ler nouvo Lasanble in vini.  E ou pe dir apre 4 mwan ou pou vwar i pa’n i pa pe donn sa servis.  Me konmsi nou pou kontinyen pey li pandan sa 1an?  Akoz – mon le kler lo la, akoz i ede pou nou met laklerte lo kwa ki’n pase.  Ou’n sezi?  Ian ou la me sa dimoun li – konmsi ki mannyer son rythme  peyman ti ete?  Ou pey li 1an davans oubyen i pa ankor travay in peye, ouswa ou travay apre ou peye ki mannyer ti ete?  Konmsi donn nou detay byen.  E ki mannyer parey ou’n prouve la  i pa’n deliver,  me konmsi apre 1an ou ti’n kapab vwar sa depi konmansman premye quarter e pran aksyon there and then.  E ou ti’n ganny letan pou ou re tender pete.  Ou konpran.

 

MR SPEAKER

Ok kestyon i kler.  Mon ti zis pros pou mwan fer – servi the cat – 4  phrase zis pou azoute.  Konman en Chairman Management Komite Secretariat, sa in monte en kantite fwa dan nou Management Committee.  Deputy Speaker i la.  I asiz lo Management Committee ; Clerk i la.  Mon krwar sa i fasil pou DG eksplike.

 

DIRECTOR GENERAL MR GODFRA HERMITTE

Mr Speaker si ou permet mwan al dan en pe lenformasyon.  Parey mon’n dir se ki sa madanm i ganny peye dan lump sum between February and the 31st of March; in ganny peye en sel kou 750 pou sa Kontra.  6enm Lasanble nou konnen ki mannyer – in konmanse.  E by the time ki nou, nou pe pran kontak avek li pou nou relans dan sa Kontra avek li ; parey mon’n dir pandan 4 mwan nou’n seye.  Nou pa’n zanmen kapab ganny bann dimoun pou vin isi, ziska finalman i ti forse vini akoz mon ti dir li poudir i pa pe donn nou servis e nou pa pou renouvle son Kontra.  I ti vini, nou ti’n diskite.  Me malerezman i ti’n fini ganny peye a sa moman.  Mersi Mr Chair.

 

MR SPEAKER

Onorab Ferrari.

 

HON JEAN-FRANCOIS FERRARI

Mon a ti a demann PS mersi Mr Speaker.  Sa Lasanble i kapab sue for non-performance of contract.  Mersi.

 

MR SPEAKER

 

PS PATRICK PAYET

Mr Chair, mersi.  Zis pou azoute ki normalman the way financial prosedir, ou pa sipoze pe pey sa lump sum.  Ou sipoze pey li on a quarterly basis parey tou bann Kontra ; at least ki the next term letan ou pe al pey li ou’n verifye at least ki in fer travay.  Me selman si ti annan sa provizyon…

 

(Interruption)

 

MR SPEAKER

Order!  Ale kontinyen PS.

 

PS PATRICK PAYET

Si ti annan sa provizyon ki letan negosyasyon zot in pey li i dan lump sum.  Me selman i pa’n deliver, definitivman i bezwen annan sa bann kondisyon k ii ti’n mete ki as en an entity nou kapabanmenn en legal case avek li.  Akoz i pa’n deliver pou sa travay.

 

MR SPEAKER

Onorab De Commarmond.

 

HON CHARLES DE COMMARMOND

Se sa swivi mon kestyon mon ti pe al demande.  Si dan sa ka i  koumsa dan sa Kontra i bezwen annan en kek landrwa ki dir ki si mon’n pey ou, ou pa’n deliver  ki ou bezwen either rann konmsi si amikalman ou kapab dir li vini rann sa larzan or part thereof.  Me lot pwen ki i enportan, koze a sa moman se Minister li, i pa’n swiv nanryen ki Lasanble pe fer poudir i annan en bout la ki pa lo la.  Si sa pa lo la or oditer zeneral konmsi mon pa’n vwar nanryen to that effect dan Rapor Oditer Zeneral oubyen Rapor Finans.  Konmsi zot pa’n zot pa’n konnen ki pe arive kot Lasanble?  Eski si zot pa’n konnen ki pe arive kot Lasanble, eski la ki nou pe koze ek nouvo Lasanble zot osi pa konnen ki pe arive?  Ouswa fodre konmsi mon pe lev sa pou ki…

 

(Interruption)

 

MR SPEAKER

Order!  Order!

 

HON CHARLES DE COMMARMOND

Be ekoute …

 

MR SPEAKER

Order!  Order!  Onorab De Commarmond e ki ou pe adres ou kestyon ek PS Payet?

 

HON CHARLES DE COMMARMOND

Wi, PS Finans – ou konpran. Pou gete si i annan sa oversight proper lo Lasanble.  Se sa.

 

MR SPEAKER

PS Payet.

 

PS PATRICK PAYET

Mersi Mr Chair.  Zis pou azoute ki nou annan bann autonomous body ki Minister Finans direkteman i pa pou enterfer dan zot loperasyon.  Sepandan nou annan en Lalwa Public Finance Management Act ; nou annan bann Lalwa par egzanp Procurement, sa entity li avek son management need to ensure zot pe follow.  Minister Finans avek Oditer Zeneral, kekfwa letan i pou annan en odit ki kekfwa i pou vwar sa defayans i egziste.  So baze lo sa rapor odit ki nou bezwen asiz avek sa management.  Me tandis ki akoz sa lotonomi ki egziste, nou pa pou antre on the day-to-day.  Sepandan lareg Public Finance zot pou bezwen follow ; POU zot pou bezwen follow tou sa bann Lareg Finansyer ki egziste.

 

HON CHARLES DE COMMARMOND

Then Mr Speaker question begs     itself ki etandonnen sa bann kalite sitasyon, Minister Finans i bezwen,  konmsi odit Lasanble en pe – mon pa dir ou toulezour dan day-to-day running.  Me ou bezwen zet en koudey konmsi pou fer sir ki bann keksoz koumsa si nou vwar i mal i pa repete.  Or…

 

MR SPEAKER

Anyway nou’n dakor pou nou move on.  Nou’n dakor nou esper PS Payet in dir nou i pou anmenn en rapor lo sa ki mannyer i  marse,  si de  reg bidding si open bidding open tender nou esper sa apre nou ava swiv.  Onorab Ramkalawan.

 

HON WAVEL RAMKALAWAN

Mr Chairman, zis pou mon ankor enn fwa konmsi dan milye sa nespes lafore ki nou ladan la – sa menm dimoun letan pli boner mon’n koz lo Val De Pres sa lakonpannyen Seylicious.  Seylicious.  Delicious avek Seychelles dan en konbinezon.  Zot nou’n sispann pli boner Bidze Heritage parski zot ankor drwa R380mil pou en Kontra laba anler.  E sa Wellpoint la, son non avan i ti apel FADA ; ki konmsi mon zis anvi met lo pwen, ki poudir nou pe vwar en kantite sa bann manboulouk ; kot enn isi lot laba.  Apre sa zis bann sonm larzan letan i zis disparet e kot bann parey PS in dir avek nou premyerman pa sipoze pey en lump sum.  Parski en contractor en maintenance contract anmezir ou ale ou ganny peye.  Me tousala se bann fasilite ki’n ganny fer.  E ki mwan mon krwar ki at some point letan nou ganny bann lenformasyon, i pou enportan pou nou konman FPAC, fouy ladan, met keksoz o kler, kriy bann dimoun ki neseser.  Parski Mr Speaker ankor enn fwa sa menm lakonpannyen, ozordi li i a pe rent Fish Tail!  Yes!  Konmsi zis pou nou vwar pou dir se i pa zis en i pa zis bann pti keksoz ki arive, me set en Kavern Alibaba ki nou pe deal avek !  Mersi bokou.

 

MR SPEAKER

Ok, alright. Ok.  Can we tonm dakor … Petet tousala PS ou a pe note pou found out anmenn en pe lenformasyon pou FPAC ; at least apre FPAC a …dan sa Lasanble.  Mon pa konn sa bann zafer  ki sennla KADA or whatever ti annan.  Mon krwar ou ava fer sa pti resers pou anmenn kot nou.  Nou a konnen si sa KADA whoever it is.  Nou a donn laparol Onorab Valmont.

 

HON JUDE VALMONT

Mersi Mr Chair.  Bonzour ankor enn fwa.  Bonzour PS.  Bonzour Madanm Clerk avek delegasyon, tou koleg Onorab, tou ki pe swiv nou.  Mon kestyon i al dan laliny ki Onorab Aglae ti’n demande pli boner, me selman i pa pli devan.  Mon al dan lespri accountability  latransparans e pou benefis piblik an zeneral.  Mon premye kestyon lo sa laliny se konbyen ki’n ganny Bidzete pou allowance nou bann Komite dan Lasanble pou  lannen 2018?  2enm kestyon i konbyen ziska prezan konbyen Komite nou annan ziska prezan si zot kapab eksplik nou pou benefis piblik lekel sa de kategori ki nou annan e konbyen ki pe pey konbyen ki pe pey allowance?  Konbyen sa bann allowance breakdown, pou Chair, Vis Chair e bann Manm?  E konbyen egzakteman sa bann Komite ki pe zwenn, konbyen zot konbyen fwa zot in zwenn ziska prezan, konbyen ziska prezan ki pa ankor zwenn e lekel sa bann Komite? Mersi.

 

MR SPEAKER

Mersi Onorab.  Mon sipoze la Clerk oubyen Madanm Thelermont i kapab reponn.

 

ACCOUNTANT MRS GHISLAINE THELERMONT

Mersi Onorab.  Pou lemoman nou annan 12 Komite dan Lasanble.  En Chair i ganny 3 mil en Vice-Chair i ganny 2, 500 – en Manm i ganny 2mil en sekreter i ganny mil ; en asistan sekreter i ganny 500.  Ok.  Mersi.

 

MR SPEAKER

I annan en lot bout kestyon ki ou ti le konnen lekel ki zwenn konbyen fwa zot zwenn lekel ki pa’n zwenn – se sa?  Eski ou annan sa lenformasyon Clerk?

 

MADAM CLERK

Mersi Mr Chair.  Mersi Onorab Valmont.  Komite i depan lo frequency zot travay, nesesite pou zot zwenn e souvandfwa nou zwenn Mardi, Merkredi ler Lasanble i annan sesyon.  E osi i annan leksepsyon kot i annan par egzanp Bills Committee kot i zwenn o fir anmezir ki nou resevwar bann Prozedlwa ki vin kot nou.  Me i zis ki napa en set time kan Komite pou zwenn i zis depan lo travay ki vini, e nesesite sa Komite i bezwen zwenn.  Selman tou Komite ki nou annan pe zwenn pou lemoman.  Mersi.

 

MR SPEAKER

Wi Onorab Valmont ou annan en supplementary.  Ou ok?  Ok.  Me selman tou sa lenformasyon tousala mon krwar nou kapab donn ou pou sak Komite.  Parske mwan mon Chair enn Anti-Viktimizasyon ki zwenn la mon vwar Onorab Roucou pe balans latet i zwenn apre ler e dan Sanmdi. So nou zwenn en kantite fwa e mon vwar en kantite ka.  Yes Onorab.

 

HON JUDE VALMONT

Mersi Mr Chair zis pou demann Madanm Clerk, poudir nou lekel sa de kalite ki annan nou konnen i annan de kalite Komite pou benefis piblik. E mon note se ki tou sa 12 Komite pe zwenn.  Mersi.

 

MR SPEAKER

Well be sa tousala i dan Standing Orders.  Ou pou vwar tou bann Komite.  Nou tou nou’n koz lo Lasanble Onorab Valmont.  I annan bann Standing Committee, Select Committee, tousala nou’n koz lo la.  Eski ou bezwen tou sa lenformasyon?  Mon krwar nou kapab bouz.

 

(Interruption)

 

HON JUDE VALMONT

Mr Speaker pou benefis piblik latransparans accountability pou fer piblik konnen.  Akoz in annan bokou koze lo Komite alor pou fer piblik konnen.  Once and for all konbyen Komite i annan – e ki zot fer?  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker mon trouv i drol ki en Manm Lasanble pe demann en kestyon parey.  Tou Komite letan  i ganny etabli i  bezwen ganny aprouve par Lasanble Nasyonal.  Alor i pa konnen ki i fer dan sa Lasanble li?

 

MR SPEAKER

Mon krwar to be fair to him li i ti pe lev sa … order!  Order!  Onorab Pillay. Mon krwar Onorab Valmont to be fair to him in dir sa pou lentere piblik.  Me selman zis mon ti a dir ou Onorab piblik i konnen akoz nou fek fer Conference de Presse pou Anti-Viktimizasyon FPAC ki la permanan in fer en kantite piblisite dimoun i vwar lo televizyon.  Committee Assurances COGA – Onorab Henrie in prezant en rapor devan Lasanble tou piblik in tande.  Onorab Georges in prezant en rapor lo Bills Committee tou dimoun in tande.  Tou sa bann Komite iv in devan Lasanble ofir an mezir dimoun i okouran.  Can we move on ok?   Good Onorab.  Onorab Gervais  Henrie.

 

HON GERVAIS HENRIE

Mersi Mr Chair.  Mon annan sa bann kestyon swivan lo paz 98  dan ‘programme expenditure’ latab 4.  Mon note ki i annan dan Bidze 2017 or Bidze 2018 i annan en diferans dan sonm pou Office of the Leader of Government Business avek Office of Leader of Opposition.  Mon ti ava mazinen sa de lofis i parey so mon anvi konnen akoz ki pou Leader of Government Business son alokasyon i plis?  Sa i mon premye kestyon.  2enm dan Bidze 2017 nou ti koz lo kekfwa pou Lasanble redwir en pe bann kou par egzanp delo konmsi sa zafer servi boutey plastik, ki nou ti kapab servi bann boutey an vit konmela.  Ou ranpli snack konbyen nou pe depanse, akoz mon panse i bann landrwa kot nou kapab fer lekonomi.  So mon anvi zot dir mon dan sa direksyon ki Lasanble pe fer?  E en lot kestyon petet sa PS Finans i kapab dir nou.  Mon pa konnen si i tonm dan pou Bidze Lasanble.  Me ti annan en lanons ki ti annan en sonm R5 milyon ki ti pou ganny allocate an 2017 apre 5 milyon an 2018 pou konstrir lofis pou MNA?  So mon anvi konnen ki pe arive ek sa proze ; whether Gouvernman pou still onor sa langazman.  E dernyen finalman nou’n fini koz lo Bidze par egzanp State House Zidisyer, an term e Lezislatif la nou pe diskit lo la ozordi an term salary package bann staff, eski i annan bann en similarite ant sa 3 Brans ouswa i annan en disparite ki pozisyon Lasanble vizavi sa 2 lezot Brans Gouvernman?  Mersi bokou.

 

MR SPEAKER

Petet premye kestyon, Madanm Thelermont apre nou ava al kot PS Payet.

 

ACCOUNTANT MRS GHISLAINE THELERMONT

Mr Speaker premye kestyon in demann lo hospitality zafer  snack sa – 98.  Onorab mersi ler nou ti pe al prepar Bidze nou ti demann sa 2 lofis pou submit zot request, ki zot ti ava kontan mete dan Bidze zis lofis Leader Government Business ki ti submit zot propozisyon.  Alor nou letan nou prepare nou mazinen poudir i ok pou zot.  Nou’n fer li parey pou Leader Lopozisyon son Bidze, nou’n baz li parey letan ki nou pa ti ganny okenn request.  Alor nou ti rantre pou Lofis Leader Government Business son bann pti bout ki ti demande an plis.

 

MR SPEAKER

Wi Onorab Henrie.

 

HON GERVAIS HENRIE

Wi ; savedir pou Leader of Government Business i pou annan en logmantasyon apepre  249mil Lasanble i santi poudir sa logmantasyon i zistifye.  E kwa ki’n demande an plis?  Mersi bokou.

 

MR SPEAKER

Madanm Thelermont eski i korek?

 

ACCOUNTANT MRS GHISLAINE THELERMONT

Wi i zistifye.  Onorab mon kapab fer ou ganny bann detay apre ; akoz la mon pa’n anmenn tou sa bann detay avek mon silvouple?  Mersi.

 

MR SPEAKER

PS Payet oule dir keksoz lo sa 2enm kestyon?

 

PS PATRICK PAYET

Mersi Mr Chair.   Konsernan lofis bann MNA nou ankor pe travay ek Local Government akoz mon krwar pou idantifye si i pou avek bann district administration office ouswa i pou separe.  Sa i en keksoz ki nou ankor pe travay.  E once ki nou pli kler nou pou fer sir  ki sa provizyon i pou bezwen kot Local Government, akoz kekfwa zot ki annan sa oversight letan zot pe fer en proper maintenance.  Me selman nou kapab diskit avek Local Government pou vwar kote zot ete avek sa proze an dis ki sa ek Minister Lenfrastriktir as well.

 

MR SPEAKER

Onorab William.  Lo sa kestyon?

 

HON WAVEN WILLIAM

Mersi Mr Chairman.  Mr Chairman lo sa menm kestyon.  Lefe ki i annan 25 distrik i en prosesis travay ki pou demann bokou langazman.  E once ou pas en target ou achieve rezilta, i pou kontinyelman tarde.  Mon anvi demann PS si i annan en way commitment towards this, pou en target fer sir ki sa prosesis travay i bouze.  Akoz parey i ti ganny dir se ki 2017 ti pou annan en sonm.  2018 ti pou annan en lot sonm. Me i posib 2019 i vini nou pa tann nanryen lo la.  Eski nou pou annan en  progress report ouswa lekel kot Lasanble Mr Speaker ki pe swivre sa travay  is it COGA or nou pe rely lo Secretariat?  Akoz konmsi i enportan sa resours.  Konmsi en Manm Lasanble  ki’n ganny kolekte sa lofis pou deservi piblik i en resours vreman enportan.  Mersi.

 

MR SPEAKER

E sirtou ki si mon pa tronpe Prezidan Larepiblik ti prononse  lo la.  Alor PS ou annan en repons?

 

PS PATRICK PAYET

Mr Chair  mersi.  E mersi Onorab.  Zis pou azoute ki definitivman nou a fer en follow-up avek Local Government pou vwar specific.  At least kekfwa i kapab zwenn avek zot osi.  E zwenn ek sekretarya Lasanble e zwenn avek Departman Lagrikiltir at least ki i ava annan en tim ouswa en sou Komite ki pe travay lo sa bann target.  Me selman nou av enform zot direkteman pou fer sir at least ki i annan keksoz ki  konmanse e zot vwar ki kote distrik ki zot pe konmans avan.  E ki deadline in the 2 years ki zot pou fini.  E nou ava diskit avek Local Government. 

 

MR SPEAKER

Onorab Vidot.  Sorry – wi?

 

HON GERVAIS HENRIE

Wi ti annan 2 kestyon  ki pa ti ankor ganny reponn pou sey koup en pe depans lo bann zafer par egzanp delo, snack kalite Bidze nou pe servi.  Apre finalman  zis pou donn nou en apersi lo kestyon kondisyon travay e saler bann staff Lasanble  an zeneral konpare avek Zidisyer e State House parske nou 3 Brans Gouvernman preski parey.  Mersi bokou.

 

MADAM CLERK

Mersi Mr Chair.  Mersi Onorab Henrie.  Nou pe touzour looking for ways pou nou redwir nou bann cost isi.  E tou bann servis osi ki servi sa bann landrwa ki deservi Lasanble, nou pe konsider revwar ; petet si fodre neseser nou bezwen re tender pou nou ganny bann best prices.  Zisteman ou pe koz lo reducing cost nou deza annan legzistans parey Mr Hermitte ti’n dir taler Speaker in mansyonnen dan oparavan.  Nou annan sa proze photovoltaic ki nou pe ganny lasistans atraver Gouvernman L’Inde.  E sa i ankor en ongoing discussion.  E konsernan boutey mon krwar in ganny sizere deza oparavan.  Nou ava revwar will bring it to the Management Committee e nou ava gete the way forward.  Mersi Onorab.

 

MR SPEAKER

Onorab Vidot.

 

HON AUDREY VIDOT

Mersi Mr Chair.  Bonzour tou Manm Onorab, tou dimoun ki a lekout.   Mr Chair mon premye kestyon i komanter ki Direkter in dir taler Mr Hermitte konsernan ekout byen Bidze 2017.  Mon okouran lannen pase letan nou ti pe diskit Bidze 2017, Lasanble ti ganny dir ki nou Legal Advisor pou asiste sak  Sitting Lasanble, me malere 2017 i pa’n leka.  Eski nou pou kontinyen dan sa Bidze 2018 pey en Legal Advisor R50mil pou li pa asiz dan Lasanble ler i annan Sitting maltret nou bann MNAs lo social media?  E mon 2enm kestyon mon vwar pou dir dan zot dan zot ‘challenges’ lo paz 95 ‘not able to compensate staff pou extend working hours.’ La mon pou antre en pti pe menm si zot pa direkteman ek Lasanble, me selman zot pe ganny peye atraver Lasanble.  Nou pe koz lo bann constituency clerk mon konpran pou dir Lasanble in fer zot re siny zot Kontra, bann ki pare pou reste an bann distrik.  E dan zot Kontra i annan en sanzman ki’n ganny arive.  Kot dan plas zot term pou 1an i pou bouz pou 2an.   Me selman kondisyon saler avek tou lezot keksoz i reste parey.  Eski Lasanble Nasyonal lo kote management in zwenn avek tou sa bann constituency clerk personnelman atraver meeting pou diskit ek zot lo la ?   Oubyen si lo nivo management oubyen atraver Leaders ki zis en desizyon in ganny pran, san diskit avek sa bann constituency clerk ?  Mersi.

 

MR SPEAKER

Clerk.

 

MADAM CLERK

Mersi Onorab.  Mersi Mr Chair.  Zis pou met a latansyon Onorab Vidot nou’n met desizyon ki parey dan sa dan kad sa sanzman Kontra pou bann constituency clerk en desizyon ki’n ganny diskite e o nivo Lasanble o nivo  ABC inisyalman ti ganny bring forward lo nou Komite Management.  E nou ti  convey tou le de Leaders pou dir contituency clerk zot Kontra pou bezwen ganny revize.   Anvi ki tou Kontra bann staff kot Lasanble i 2an.  Nou pran  bann dimoun ki at management level tou Kontra i 2an.  E mon mazinen en pe partou osi dan Gouvernman i plito 2an.  E alors nou’n le ki sa i vin nou re maintain sa as a norm en standar e nou ti averti tou e de Leaders pou convey at tou bann Members.  Akoz souvandfwa nou vwar sa i pli fasil  pou nou pou nou in view of time contraints, nou convene with theLeaders e zot averti zot Manm ki evantyelman, i koz avek bann constituency clerks.  Mersi Mr Chair.

 

HON AUDREY VIDOT

Avan mon premye kestyon i ganny reponn.  Akoz ki sa bann constituency clerk zot pa ti ganny ten sans pou zot ganny zot lavwa tande?  Akoz ki Lasanble li pa ti donn zot en sans pou zot vini, pou koze?  Akoz sa bann constituency clerk la mon pa konn lo kote Lopozisyon, me selman lo kote Parti Lepep sa bann dimoun i travay ziska Dimans.  Zot pa  claim okenn overtime!

 

(Interruption)

 

HON AUDREY VIDOT

Ou konpran?

 

MR SPEAKER

Ok, Order! Order!

 

HON AUDREY VIDOT

Mersi.  Mwan mon’n demann mon kestyon, mon pa’n enterfer dan okenn kestyon ki lot kote in demande.  So mon ti a kontan zot respekte mon kestyon silvouple !  E mon on ti a kontan osi  dan laliny saler, ler mon pou reponn mon premye kestyon –  konpar en pti pe nou pe koz saler la depi lontan nou pe koz saler.  Konpar en pti pe avan 6enm Lasanble i rantre.  Lo nivo management ki diferans saler in annan lo kote bann pozisyon ki ti annan avan e ki nou vwar eski in desann i parey oubyen in monte konbyen?  Mersi.

 

MR SPEAKER

DG oubyen Clerk.

 

MADAM CLERK

Mersi Onorab zis pou sa premye kestyon ki Onorab Vidot in demande ; nou ti ganny lasirans le de Leaders pou dir zot pou bring that onwards to zot Manm.  E nou ti we settled it like that.  E mon konpran ou konsern – petet ti ava byen ki nou ti a zwenn ek constituency clerk e petet ti en pti oversight lo nou kote.  Me selman nou ti’n deza convey bann Leaders e nou ti swete sa prosesis ti ava fasilit keksoz, me nou take note of ou konsern e pou lefitir nou ava fer otreman, pou li  konsider sa.  Mersi Onorab.

 

MR SPEAKER

Mersi Clerk.  Onorab Ramkalawan.

 

HON WAVEL RAMKALAWAN

Mr Speaker.

 

(Mic Off)

 

MR SPEAKER

Ou a ganny ou kestyon pe vini ou repons espere.  Pe vini li.

 

HON WAVEL RAMKALAWAN

Mr Speaker mon krwar ki sa size i enportan e fodre ki nou met keksoz kler.  Ki poudir sa Lasanble in met lord dan en dezord ki ti annan.

 

(APPLAUSE)

 

HON WAVEL RAMKALAWAN

Premyerman e i enportan tanzantan pou nou konnen, kwa ki nou’n vin ranmase.  E pou lepep Seselwa konnen.  Anba sa Kontra letan 5enm Lasanble ti été, zot ti fer en Kontra 1an.  Lafen sa 1an sa constituency clerk ti ganny li 2 mwan lapey – i ti ganny peye son konze.  E avek Trezyenm Mwan i ti ganny li en lot bout ankor.  Apre ki travayer Seselwa ti travay pou 15an, oubyen 10an pou ganny zot R15 mil Gratwite tou-le-z-an sa Lasanble Parti Lepep ki ti la ti a pe donn en constituency clerk plis ki R20 mil tou-le-z-an.  Nou nou’n vwar ki pou dir sa i pa normal.  Alors nou’n sey vin met lord ladan.  E Mr Speaker malgre ki zot pe koz koumsa ankor enn fwa nou bezwen met sa kler,  tou constituency clerk lo kote Lopozisyon nou’n siny nou Kontra.  Zot in siny zot Kontra zot in renouvle tandi ki se lo kote Parti Lepep ki zot ankor pe ensiste pou zot ganny plis larzan, apre zot vin dir avek nou zot anvi pran lentere travayer Seselwa.  Serye zot don!

 

MR SPEAKER

Ok mersi Onorab Ramkalawan.  Onorab Vidot.

 

HON AUDREY VIDOT

Mersi Mr Chair.  Pou lenformasyon Onorab Ramkalawan la, nou lo kote Parti Lepep nou bann constituency clerk in sinyen zot Kontra.  E napa personn ki pe demann larzan an plis.  Nou pe zis dir ki kler ki sa bann dimoun zot osi zot imen.  Zot osi zot bezwen form par diskisyon avek sa dimoun ki pey zot.  Sa ki nou pe sey fer sorti !  Pa zis en dimoun oubyen  zis detrwa dimoun ki fer desizyon san konsiltasyon avek sa bann travayer.  Zot osi zot imen.  Sa ki mon pwen ki  mon oule fer sorti.  Mersi bokou.

 

MR SPEAKER

Alright.  Mersi Onorab ou’n fer ou pwen.  Mon espere mon pa konnen LGB ou annan keksoz oule dir.  Eski i annan  konsiltasyon avek lezot dimoun?  Non napa nanryen pou dir.  Wi DG Hermitte.

 

DIRECTOR GENERAL MR GODFRA HERMITTE

Mersi Mr Speaker.  Mersi Onorab Vidot.  I annan de bout kestyon ki pa ankor reponn pou li.  Premyerman i annan sa zafer compensation bann travay an plis irrespect of saler.  Ki nou’n fer vi ki nou pa’n kapab resi ogmant saler bann diferan travayer isi,  nou’n get dan nou Bidze bann savings ki nou’n fer e nou’n reisi la rekonpans bann travayer dapre zot dat ki zot in vini avek en sort of lump sum pou kouver sa overtime.  I annan ki’n ase byen pase mon kapab dir.  So parey Clerk in dir, nou get dan tou posibilite pou nou kapab fer sir, ki nou bann travayer is ii ganny osi gete dan zot welfare.  Lot bout kestyon se Mr Cesar.  Ki ti annan en commitment an aparaman si mon’n konpran byen pou li vin dan Lasanble.  Me osi ti annan en desizyon ki ti ganny pran par Management Committee ki Mr Cesar i pa vin dan Lasanble, me ki i vin dan son lofis i reste tou le Mardi, tou le Merkredi ler i annan  Sittings e la dan ka ki annan Sitting pou Bidze i reste dan son lofis e fer son travay ki annan pou li fer.  Mersi Mr Chair.

 

MR SPEAKER

Wi Onorab Vidot.

 

HON AUDREY VIDOT

Mersi Mr Chair.  Mr Chair as nou Head ki ti diriz nou Lasanble, nou respekte bann komikman ki nou ganny dir.  Mon rapel byen ou ti fer sorti k ii enportan ki asiz dan nou Sitting.  Petet sa la i a vin en leson pou li kapab konnen donn advise ; akoz plizyer fwa Lasanble nou demann gidans avek Onorab Basil Hoareau avek Onorab Bernard Georges lo serten size.  Ki li konman Legal Advisor i ti devret la pe travay!  Pa pe maltret nou bann MNA Lepep lo Facebook.  1 en travayer i en Legal Advisor Lasanble pa Legal Advisor LDS, pou Lasanble Nasyonal, ki enkli tou le de kote latab.  Selman mon pou ensiste, ki si dan lannen 2018, nou pe pey li, i bezwen la parmi nou, pou donn gidans nou Lasanble.  Sa i mon premye pwen.

 

MR SPEAKER

Onorab Vidot.

 

HON AUDREY VIDOT

Sa i mon premye konsern, e mon ti ava swete ki lot kote i donn mwan  en sans pou mwan koze.

 

MR SPEAKER

Ok, ok les Onorab Vidot koze.

 

HON AUDREY VIDOT

Akoz mwan mon annan laprev ; mon annan laprev konmkwa ki sa msye dan ler nou dan Sitting la, i pe kraz nou bann MNA dan Lasanble dan social media.  Which is not fair!  I devret la pe travay.  Si i pe fer li apre ler mon napa problenm lek sa mon.  Me selman dan ler travay non.  Apre mon ti a swete parey mon’n demande lo size nou management, lo kote management administrasyon ki bann sanzman an term saler.  Si i annan en ogmantasyon pandan sa 1an oubyen si in reste parey letan enn in sorti lot in rantre, dapre bann nouvo sanzman dan 6enm Lasanble?  Mersi.

 

MR SPEAKER

Mersi Onorab.  Onorab Ramkalawan.

 

HON WAVEL RAMKALAWAN

Mr Speaker, mersi bokou.  Mon ti ava kontan k ii ganny klersi sa.  Mr Cesar i pa Legal Advisor Lasanble Nasyonal!  Mr Daniel Cesar i konsiltan dan biro Speaker Lasanble Nasyonal Sesel ! Alor sa mon krwar i enportan pou nou ganny li kler.  Dezyenmman Onorab Vidot pe koz ensilte Manm Lasanble?  Be Johan Loze ki konsiltan Onorab De Commarmond ki asiz dan sa Lasanble, eski i pa pas son letan lo Facebook pou ensilte tou bann Manm?    Alor konbyen fwa konbyen fwa Mr Speaker mon personnelman mon’n koz ek Onorab De Commarmond, mon’n dir li koze akoz sa dimoun pe ganny en lapey i ape servi WiFi Lasanble Nasyonal.   E sak fwa ki mon’n fer sa pou lenformasyon Onorab Vidot mon’n, ganny bon korporasyon avek Onorab De Commarmond e Onorab De Commarmond in koz avek li me selman li i kan dimoun ki antete.  E i kontinyen.  Mersi bokou.

 

MR SPEAKER

Ok, ok, Onorab Vidot.

 

HON AUDREY VIDOT

Mr Chair nou, nou ti ganny dir (eskize si Onorab Lopozisyon) mon ti pe espekte laba panel pe reponn mwan.  Mwan mon ti a kontan konnen nou …

 

MR SPEAKER

Onorab Valmont konport ou!

 

HON AUDREY VIDOT

…nou’n ganny dir ki i Legal Advisor letan… – I annan verbatim.  Kapab tyeke ti ganny dir Legal Advisor – akoz…  Si Johan Loze i konsiltan mon pa konnen si i ganny R50 mil parey msye … ouswa oubyen i ganny pli ba.  Sa i son zafer.  Selman nou, nou ti ganny dir i Legal Advisor.  Mersi.

 

MR SPEAKER

Mersi.  Onorab De Commarmond.

 

HON CHARLES DE COMMARMOND

Mr Speaker mon krwar i annan en kestyon etik la ki dan nou Lasanble i bezwen ganny korize.  E ou ki Head Lenstitisyon.  Ou bezwen pran sa dan en fason irzan, e serye.  Nou lo kote bann Leaders nou’n zwenn nou annan en Komite ki nou’n fer, nou’n diskit sa issue nou’n fer rapor avek nou Lasanble.  Me i domaz.    Mwan mon pou dir ou fransman – mon pou dir tou piblik la korperasyon ant le de Leaders in annan ki a sak fwa nou’n met an pratik bann keksoz ki fodre mete.  Me keksoz i depas nou.  I depas nou.  E la mon ensiste. Ki ou parey ou’n dir avantyer ki ou protez ou bann Manm ek ou bann travayer – ou bann dimoun ki anploye avek ou isi.  E mon demande ki ou pran aksyon imedyat irzan e serye lo la.  Me si ou pa pran, mon pa pou kapab responsab bann konsekans.  I pa pou i pa vin byen i pa vin byen pou Lenstitisyon, akoz byensir.  Lezot dimoun pou dir la i annan en keksoz ki mal e i ganny soutire par Speaker.  Sirtou si sa dimoun i travay dan ou biro, i dan ou lofis.  Dan sa ka i pou escalate.  So alor i bezwen annan – nou bezwen deside ki nou pou fer.  E mwan mon enn  -mwan mon enn ki’n, ganny mon dir ensilte pli ba ki later – en bann kalonmni i ganny ler lo  mwan par menm dimoun.  E mon pa pou kontinyen tolere ; mon pou pran lezot mezir si i neseser.  E mwan mon krwar pou dir nou Lenstitisyon travay ki i pe fer, i merit ganny gete ganny respekte pli byen ki sa.  Ou pa kapab ‘ou’ ki ansarz en Lenstitisyon, les sa bann keksoz ariv dan sa zistans.  Nou lo kote nou le de Leaders nou annan en korperasyon ekselan.  Mon pou dir koumsa.  Nou diskite si i annan pou korize me selman ou osi  ou bezwen don nou sa koudmen.  Sa ki mon komanter ki mon ti ava kontan fer lo sa bann issues.  Mersi.

 

MR SPEAKER

Mersi bokou Onorab pou zot komanter.  Mon komanter i as follows.  Ler mon ti fer sa komanter lo medya, apre ki enn nou Manm ti ganny menase –  bokou keksoz in vin en revelasyon pou mwan.  Yer mon’n asize mon’n regard sa bann papye ; enn par egzanp  mon’n vwar en MNA ki’n ganny liken to a Chimpanzee dan en magazin.  Eski sa i akseptab?  Onorab De Commarmond ou personnelman konman en MNA, ou vwar sa akseptab ?  Mon’n vwar en lot mon pa lo Facebook parey mon’n dir zot.  Me vi ki mon ti’n fer en prononsman mon vwar en msye ki en, konsiltan dan sa Precinct mon get sa langaz mon bezwen lir akoz in vin devan mwan – mon’n get sa langaz ki sa msye ki pe ganny peye par  Lasanble Nasyonal, in servi kont lezot dimoun ki dan travay Lasanble Nasyonal, lezot MNA – pou mwan i langaz ki mon pa ti ni menm tande sa bann langaz!  It’s sa ki ou apel an Angle – filth!  F.I.L.T.H.   E tou sa ki zot pe dir konmdi mon defen teacher –  I follow.  Me solman nou pa kapab nou tou montre ledwa lo kanmarad kan lotour nou i annan en kantite sa bann zafer !  An nou retourn lo Mr Cesar.   Mr Cesar son tit i  kler e Madanm Thelermont i a confirm Mr Hermitte i a confirm i Special Advisor to the Speaker.  I pa nouvo sa.  I asiz lo Management Committee ler nou fer Anti-Viktimizasyon Sanmdi Zedi swar ziska 9er i asize i la.  I fer tou travay ki mon bezwen mon ‘n demann li pou fer.  Yer par egzanp in ekrir en gran let ki mwan mon’n sinyen pou anvoy kot Prezidan Faure lo serten keksoz lensidan ki’n arive dan Lasanble.  So i pa zis donn advise legal li i en special advisor.  E lo son saler petet PS Payet, pou nou frenm sa paz a van lafen lasemenn ou anmenn nou en latab pou dir State House konbyen tou Special Advisor i gannyen.  Konbyen tou Sekreter D’Eta i gannyen, konbyen Sef Protokol ek son asistan i gannyen, and then       nou a kapab – mon a dir zot, mon a koz lo Mr Cesar.  Mwan personnelman mon satisfe travay Mr Cesar ki i pe fer.  Parske i fer bokou travay pou mon an deor Lasanble si i annan serten louvraz pou mwan fer konman MNA konman Speaker, parske mon prezantasyon i pa zis aret kot boundary Anse Boileau.  Konman Speaker tou sa ki telefonn mon.  Praslin en madanm Cote D’Or in ganny vole – son lakaz in kase Dimans,  In telefonn mwan!  I bezwen  annan en dimoun ki pou ede.  Mon’n dir Mr Cesar ou kontakte Deputy Romano, pou sey geter ki nou kapab fer pou ede.  Ou dir travay apre ler, me pour nou i  24er!  I pa arete, i 24e.  Tou le Sanmdi, tou le Dimans mon ganny en call e mon kapab dir ou i en madanm ki’n manage  kot Footprints  Praslin, Cote D’Or ki’n telefonn Dimans.  E mon’n pran mon en bon pe letan pou sey ed li.  It doesn’t stop there.   E Mr Cesar i la obor mwan sa 24er toulezour – tou le semenn!  E mwan mon satisfe si  i ganny 50mil – mon satisfe ki i ganny … It’s worth it!  Mon satisfe.  Akoz sa louvraz ki en Speaker i fer, i pa louvraz nenport MNA, i bokou pli larz.  Prezan si oule i vin asiz la dan Lasanble, me mon a dir tou bann konsiltan ki travay ek sa 2 Leaders, vin asiz dan Lasanble osi !  Si ou vreman ensiste ki i vin asiz dan Lasanble Madanm Onorab Vidot,  me mon a dir bann konsiltan vin asiz devan ou Leader osi avek Leader LOTO!  Would you like that?  Onorab De Commarmond.

 

HON CHARLES DE COMMARMOND

Mr Speaker, you are missing the boat – avek due respect.

 

(Interrruption)

 

HON CHARLES DE COMMARMOND

Ou konnen sa ki ou pe koze …

 

MR SPEAKER

Bear with him.  Bear with him. 

 

HON CHARLES DE COMMARMOND

…sa ki mon pe koze, i pa sa.  Mwan mon pwen ki mon pe leve la, se ethics. 

 

MR SPEAKER

Lekel?

 

HON CHARLES DE COMMARMOND

Ethics etik pou nou Lasanble,  nou bann Manm Lasanble e bann dimoun ki travay ki ganny peye par Lasanble.  Ki swa son Manm ki swa son advisor ki swa son konsiltan ; ki swa son constituency clerk tou, ki travay ek Lasanble, i bezwen annan en  etik.  Mwan mon issue i lo la.  I bezwen annan en fason konport en fason ki travay i ganny fer ensidswit.  Ou konpran?  Akoz mwan ek ou nou pa maltret kanmarad?

 

(Interruption)

 

MR SPEAKER

Onorab De Commarmond …

 

HON CHARLES DE COMMARMOND

Ou sezi mwan ?

 

MR SPEAKER

….mwan m ki mon pe dir ou i egzakteman lo etik!  Mon pe koz lo en konsiltan dan ‘ou’ biro ki’n servi langaz ki mon pa ti okouran –  ki ler mon’n vwar yer i fer ‘outonbe !

 

HON CHARLES DE COMMARMOND

Me sanmenm Mr Speaker sa i partou.  I dan ou biro, i dan lezot bann biro bann Manm Lasanble ki la dan zot constituency clerk, osi i annan serten ki fer sa.  Ki mon pe sey dir …

 

MR SPEAKER

Wi.

 

HON CHARLES DE COMMARMOND

… ki mon pe sey dir Mr Speaker.  Mon pe lans en lapel serye avek’ ou’, pou ou pran sa o serye e pou ‘ou’ rektifye konman Speaker ; pou ‘ou’ pran sa sey rektifye, that’s all.  Mersi bokou.

 

MR SPEAKER

Onorab De Commarmond, mon krwar tou piblik nou pou aret sa konversasyon apre sa enn nou pou kontiny nou deba lo Lasanble e son Bidze.  Mon vwar en kantite moman tou piblik, ki pe ekout mwan in tann mon pe koz lo respe kanmarad lo medya sosyal.  Mon lontan ler mon ti Minis en keksoz ki mon admir bann dimoun konmela, i annan sa presyon ekstra ki nou apel rezo sosyal.  Ti napa letan mon ti Minis mwan.  Ti annan pli fasil pou met lord.  Me sa ki mon pe dir se si ou pe ou vwar tel dimoun pe fer sa, me i annan kot ou ki pe fer parey, ou pa kapab anpes li!  Nou pe koz pou tou dimoun ; enkli sa ki kot nou, sa ki dan mon biro, sa ki dan ou biro mon’n dir sa a en kantite repriz !  How am I missing the boat?  Mon ti sa kantite repriz.  En kantite repriz.  Yes Onorab Ramkalawan.

 

HON WAVEL RAMKALAWAN

Mr Speaker, mon anvi lo lapar tou bann Madanm LDS, felisit ou pou lafason ki mannyer ou’n reazir avek komanter Onorab De Commarmond !  Mwan mon’n dan sa Lasanble.  Mr Speaker Mr Speaker si mwan mon ti’n servi en lekspresyon koumsa avek ansyen Speaker Herminie – ou konnen k ii pti pou dir ek mwan?  Out !  Alor nou, nou anvi felisit ou pou sa calmness e pou lafason ki mannyer ou pe anmenn sa Lasanble.  Mersi.

 

(APPLAUSE)

 

MR SPEAKER

Mersi   Onorab Ramkalawan.  I appreciate.  Onorab Vidot.  Apre nou a bouze.  Onorab Vidot eski i ankor lo menm pwen oubyen…?

 

HON AUDREY VIDOT

Non Mr Chair.  I annan enn mon kestyon pa ankor ganny reponn.

 

MR SPEAKER

Ale dir ou kestyon ankor nou a vwar.

 

HON AUDREY VIDOT

Mon’n demann mon kestyon ki mon’n demande konsernan management – si i annan en ogmantasyon pandan sa 1an an term saler oubyen si in reste parey   Sa ki mon kestyon pa ti ankor.

 

MR SPEAKER

Ok. Madanm Thelermont oubyen Clerk.

 

ACCOUNTANT MRS GHISLAINE THELERMONT

I annan, i reste preski parey Onorab.  I reste parey.  Nou’n pran kont dan Bidze 2018 pou nou aziste tou bann saler bann staff. 

 

MR SPEAKER

Savedir i annan ki’n ganny azisteman upwards.

 

(Interruption)

 

HON AUDREY VIDOT

Ler ou pe dir i rester parey from parey ler ti annan 5enm Lasanble – from management ; savedir from the Director HR, kwa eski in reste parey oubyen i annan sanzman dan saler?

 

ACCOUNTANT MRS GHISLAINE THELERMONT

Non.  Onorab in reste parey.

 

MR SPEAKER

Onorab Afif.

 

HON AHMED AFIF

Mersi Mr Chair.  Mr Chair mon kestyon i anba ’other goods and services,’  kot zot annan en sonm ki ganny peye pou outsourcing government building and infrastructures R680mil – si zis ou ti kapab donn ou en pe detay lo la.  Zis pou nou ganny en konpran ki mannyer i marse.  Mersi.

 

ACCOUNTANT MRS GHISLAINE THELERMONT

Mersi Onorab.  Mr Chair sa i pou bann staff ki fer house keeping ek maintenance, nou pey zot saler anba la, akoz zot pa lo nou main payroll.  Ladan zot enkli tou zot bann benefis ki zot ti sipoze gannyen – ok? 

 

MR SPEAKER

Ok.  Onorab Afif.

 

HON AHMED AFIF

Mersi Mr Chair.  Petet zis en sizesyon si zot trouv konman staff Lasanble Nasyonal petet i en kestyon klasifikasyon ki zot ti devret anba ‘wages’ mon pa konnen ou vwar li koumsa.  Si  i devret – enn – petet i devret then i petet shift laba.  Me selman i pa en issue son i pa pou sanz Bidze byensir.  Zis en kestyon klasifikasyon.  Mersi.

 

MR SPEAKER

Madanm Thelermont oule fer komanter?

 

ACCOUNTANT MRS GHISLAINE THELERMONT

Onorab letan ti fer reform, tou sa bann dimoun ki pe fer sa bann kalite louvraz koumsa ti ganny demande pou ganny tire anba main payroll. Aprezan nou ek Minister Finans nou ti  work out en keksoz, nou ti met sa bann dimoun anba sa klasifikasyon.  Ok?

 

MR SPEAKER

Mersi.  Onorab Herminie.

 

HON WILBERT HERMINIE

Mersi Mr Speaker.  Bonzour Clerk avek ou panel.  Mon kestyon i lo Bidze paz 98 “programme  SP 4 –mon vwar anba ‘goods and services’ mon vwar en revizyon en ogmantasyon pres 500mil from  2017 pou 2018.  Mon ti anvi zis konnen ganny en pti pe lesplikasyon vi ki taler dir koumsa Kontra bann clerk in ganny revize.  So  mon ti espekte ki pou annan en rediksyon dan sa ‘goods and services’ pou 2018.  Mersi.

 

MR SPEAKER

Madanm Thelermont.

 

ACCOUNTANT MRS GHISLAINE THELERMONT

Onorab Bidze ti’n fini ganny prepare, ler nou ti pran sa desizyon.  Alors i ti reste parey.  Me nou bezwen ogmant dan bann lezot area parey dan transportasyon, pou bann Onorab ki sorti Praslin/Mahé nou bezwen fer enn de azistemanpou nou kapab pey zot per diem pou zot reste Mahé  zot subsistence epi zot bato e bann lezot allowance.

 

MR SPEAKER

Ok.  Onorab Herminie.

 

HON WILBERT HERMINIE

Savedir Madanm Thelermont ou pe dir mwan ki  zot ti’n bidzet sa depi o konmansman.  Me savedir dan sa nouvo Kontra pou 2an, savedir sa bann dimoun pou dezavantaze avek sa lazisteman?  Si mon pe ganny sa kler.

 

MR SPEAKER

Madanm Thelermont oubyen Clerk.

 

ACCOUNTANT MRS GHISLAINE THELERMONT

Onorab i pa pou sanz preske nanryen, akoz deza ladan nou pe pey bann lofis parey Parti Lepep avek LDS en sonm 6.7 milyon.  Sa nou pey avek zot Parti, bann – pa konnen ki zot fer ; pou distribye antre zot bann Manm.  Epi nou annan 3.4 milyon, sa i pou zot saler bann constituency clerk.  Ok? 

 

MR SPEAKER

Ok.  Onorab Ferrari.

 

HON JEAN-FRANCOIS FERRARI

Mr Speaker.  Mwan mon byen satisfe ki mannyer Lasanble pe ganny manage.  Mon vwar nou pe met en bon pe lord kot i annan dezord.  Alors mwan mon’n fini pare pou mon vote pou sa Head.  Akoz mon byen felisit zot pou sa travay ki zot pe fer.  Mersi.

 

MR SPEAKER

Lo lapar tou bann Sekretarya Clerk ek son Deputy avek accountant nou a profite pou dir zot mersi.  Onorab Paul Ernesta.

 

HON PAUL ERNESTA

Bonzour Mr Chair.  Mersi bonzour tou bann  koleg.  Mr Chair mon kestyon mon krwar letan taler  in koze, in sa mon’n vwar osi dan sa SP 4 parey Onorab Herminie in dir.  Me  petet mon ti a kontan ganny en pti pe plis kalite lo la.  Akoz sa ogmantasyon.  Apre letan ou get dan  ‘wages and salaries’ nou vwar ki annan osi en ogmantasyon preski double.  Paz 98.  Akoz sa ogmantasyon?  Petet si annan pou fer avek bann increment ki pe ganny fer si ou kapab donn en pe detay lo la.  Mersi.

 

MR SPEAKER

Mersi.  Madanm Thelermont oubyen Clerk.

 

ACCOUNTANT MRS GHISLAINE THELERMONT

Onorab sa ogmantasyon dan saler i pou promosyon ki  nou pe donnen enn de nou bann staff.  Epi nou annan bann Parliamentary Reporters osi ki nou pe aziste zot bann allowance.  Epi nou annan 2 nouvo staff ki nou pe al recruit sa i pou en proofreader avek en webmaster – ok?

 

MR SPEAKER

Wi, Onorab Ernesta.

 

HON PAUL ERNESTA

Petet avek lespri latransparans petet ti a bon nou osi nou ganny en pe sa bann lendikasyon bann promosyon – bann dimoun ki pa pe gannyen lekel zot.  E apre lo konsernan constituency clerk, eski zot tou pe ganny menm saler ouswa i annan serten varyasyon ladan?

 

MR SPEAKER

Madanm Thelermont.

 

ACCOUNTANT MRS GHISLAINE THELERMONT

Zot tou zot pe ganny menm saler Onorab.

 

MR SPEAKER

Onorab William.

 

HON WAVEN WILLIAM

Mersi Mr Chair.  Mr Chair mon anvi fraz mon kestyon koumsa ;  Lefe ki Modernisation Committee pa ankor zwenn pou regard en pti pe vizyon 6enm Lasanble, e i kapab anmenn avek li serten additional kou bidzeter,  mon anvi demande si sa i pe ganny pran an konsiderasyon. Akoz letan ou pe regard travay 6enm Lasanble pe fer.  E bann tandans byensir i pou annan bann sanzman.  E mon pe demande si dan lavenir, pou annan en pti pe plis konsiltasyon, pou kapab vreman fer sir ki vreman sa Lasanble pe delivre.  Mersi.

 

MR SPEAKER

Wi, Onorab.  Mon krwar i en bon kestyon.  Nou’n koz lo la nou pa ofisyaliz oubyen fer li.   Nou ti dir olye annan en lot Komite ankor, pou merge sa Komite Onorab Georges i Chair.  Nou ti dir Standing Orders Committee.  Mon krwar nou’n deza mansyonnen Onorab Georges non?  Wi Clerk.

 

MADAM CLERK

Mersi Mr Chair. Zis pou azoute petet en pti koreksyon osi.  Komite Reform ti deza zwenn  the very beginning – zot ti convene zot meeting parey tou Komite.  I zis ki apre ti annan sizesyon pou co-opt other Members ouswa parey Speaker in mansyonnen merge avek en lot Komite in-House, ki ankor en size ki nou pe debat lo la.  E i sanble osi pou annan Manm ki  pou ganny sanze lo sa Komite.  So i pe ganny revwar e in due time nou pou anonse nou pou enform zot ki direksyon nou’n pran.  Mersi.

 

MR SPEAKER

I annan lezot Komite ki osi ganny mansyonnen dan nou Management Committee ; in fact enn ki ganny mansyonnen par Depite ki mon pa ti’n tande.  Apre ler mon’n fer resers mon  vwar i egziste lezot landrwa    Committee mon krwar i egziste par la – a Ways and Means Committee.  Mon krwar i egziste parla me selman sa i en lot zafer.  Si i annan okenn nouvo Komite evidaman nou ava anmenn devan  Lasanble. Onorab William ou ok.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonzour panel.  Bonzour tou Manm Onorab.  Mr Chair mon ti a kontan ki ganny klarifikasyon, lo serten pwen dan Bidze.  Mon vwar dan Bidze pou dir nou pe nou annan en provizyon pou ‘sekirite and enforcement’ i annan 3 diferan anba  ‘goods and services. ’ Enn i 559, enn i 300, enn i 341, enn i 26mil.  Si ou kapab si panel devan ti kapab eksplik nou akoz nou annan 3 diferan code e pa enn?  E si sa bann servis sekirite pe ganny provide pe ganny tendered?  Akoz nou ti tann dir pou dir pandan lannen pase, nou ti pe diskit Bidze ti annan en break-in ti’n arive dan lofis Speaker aparaman.  E dan en meeting ki ti arive Praslin, en sosyete sivil ti servi sa break-ingkonman en baz pou dir ki Onorab Ramkalawan pa devret pe Chair Komite ki Chair dan Lasanble.  Akoz ki Lasanble pa safe alors ler dimoun i anmenn bann dokiman.  So mon ti a kontan konnen si sa provizyon pe fer sir ki sa pa arive.  Oubyen  si sa in arive si in annan en lenvestigasyon lo sa size ki’n arive pou nou kapab konnen what happened from there, akoz mon konpran pou dir ou Special Advisor ti’n met lo rezo sosyal pou dir ti annan en break-in dan ou Lofis.  Mon lot pwen i lo sa ‘local consultancy’.  Kwa ki nou pe peye anba sa local consultancy fees?  E akoz li osi i broken down to – si mon pa tronpe mon pe get byen 3 diferan konponan i annan 650 enn 240 e ankor enn  240.  Kwa ki nou pe peye anba sa ‘local consultancy’ egzakteman?  E mon dernyen pwen i lo bann ‘training fees.’   Mon vwar pou dir ‘training fees’ i en pe ba.  Mon vwar zis R16, 430 pou ‘training fees’.  Mon ti pe prezimen even volim travay ki bann nouvo staf Lasanble pe fer, e osi travay ki zot pe fer ek bann Komite nou ti ava’n bidzete plis larzan anba ‘training fees.’ Oubyen eski sa pou ganny pran anba ‘consultancy fees?  Ler ot pe reponn mon kestyon lo sa ‘consultancy fees’ klarifye avek mon travay ki sipoze pe ganny fer lo sa strategic plan ki ti ‘n ganny dir ki ti’n ganny anonse.  Pandan diskisyon Bidze lannen pase, ti pe ganny travay lo la par Special Advisor travay dan lofis Speaker.  Mersi Mr Chair.

 

MR SPEAKER

Madanm Thelermont oule reponn sa premye bout?

 

ACCOUNTANT MRS GHISLAINE THELERMONT

Onorab mersi pou sa Sekretarya lo sekirite nou annan 559mil ki nou pe peye pou sekirite Bidze building.  Sa Mr Hermitte i ava donn nou plis detay lo la.  Epi 341 mil sa pou Lofis Speaker pou son sekirite kot son lakour.  340 mil i pou Leader Government Business pou sekirite kot son lakour li osi.  Epi 26mil i pou Leader Lopozisyon.

 

MR SPEAKER

Ok.  Onorab Pillay.

 

HON SEBASTIEN PILLAY

Sorry i annan lot bout kestyon pa ankor ganny reponn.  Lo ‘consultancy’. 

 

ACCOUNTANT MRS GHISLAINE THELERMONT

Local consultancy i annan 600  mil ki nou pe pey konsiltan dan Biro Speaker.  I annan  240mil ki nou pey sa 2 konsiltan dan biro Leader Government Business ; epi ankor 240mil ki nou pey konsiltan pou sa 2 dimoun biro Leader Lopozisyon.

 

HON SEBASTIEN PILLAY

Nou pe pey 650mil konsiltan dan biro Speaker.  Me mannyer mon’n konpran parey tit bann diferan advisor dan Gouvernman bann special advisor zot travay en full day.  So eski nou pe pey en konsiltan oubyen sa konsiltan i annan son tit i en special advisor, in which case relasyon avek procurement?  Akoz 650 mil for the whole year i en sonm konsiderab.  Zis klarifye please.  Mersi.

 

MR SPEAKER

Madanm Thelermont oubyen Clerk.

 

DIRECTOR GENERAL MR GODFRA HERMITTE

Mr Speaker mon a reponn sa enn. Mr Cesar i en konsiltan.  E i pa zis en konsiltan legal i en konsiltan zeneral osi.  Parey Mr Speaker in dir taler i annan travay ki fer li fer, e i fer lo en baz 24 erdtan.  E alor sa larzan 650 mil i al pou li.  Sa de lezot bout in, fini eksplike 240mil pou LGB e 240 mil pou sa 2 konsiltan ki avek biro LOTO.

 

MR SPEAKER

Onorab Andre.  Wi pa ankor kler – konsiltan ki fer?  Onorab Pillay.

 

HON SEBASTIEN PILLAY

Mr Chair mwan mon napa problenm avek konsiltan mwan.  Mwan mon issue i avek nou main clincher ki ou pe servi.  Ou’n fek dir ou menm ou, ki nou ava anmenn tou sa special advisor – nou ava vwar ki zot pe gannyen.  Mon ti ava prefere ti ava preferab ki sa msye i ganny anploye swa koman en special advisor dan biro Speaker parey bann special advisors dan Gouvernman.  E non pa anba ‘consultancy vote. ’ In which case i fer li en travay Lasanble.  Akoz la nou pa tro sir ki son fonksyon.  Si son fonksyon i koman ou special advisor, then i sipoze pe ganny anploye ek Lasanble.  Si son fonksyon i konman en konsiltan i ganny anploye anba ‘consultancy vote. ’ In which case ‘consultancy vote’ should be tendered parey dan tou lezot landrwa.

 

(Interruption)

 

 

MR SPEAKER

Are you suggesting therefor Onorab Pillay petet ki ti a bon since swa i en special advisor oubyen en konsiltan, ki petet nou anmennen kwa ki i fer?  E ler PS Payet pe vini ou a osi anmennen kwa ki tou sa bann Sekreter D’Eta, konsiltan advisor i fer dan President’s Office – anmenn tou don nou.  Mon a donn ou en job description depi Zanvye ziska konmela, ki mon special advisor in fer.  Mon konnen ou a dir mon ou osi I am off the point.  Me oule lenformasyon nou osi nou rod lenformasyon pou anmennen.

 

HON SEBASTIEN PILLAY

Mr Chair non, non pa sa ki mon pe demann ou mwan.  Mon ki mon pe dir ou …

 

MR SPEAKER

Swa konsiltan swa advisor.

 

HON SEBASTIEN PILLAY

…non, non.  Ki mon pe dir, poudir, pou fer ki nou Lasanble pe regard Bidze lezot lenstitisyon, pou ki nou an konformite avek menm standar ki nou pe sey fer.

 

MR SPEAKER

E se sa ki mon pe dir.

 

HON SEBASTIEN PILLAY

Ekout mwan – zis hear me out en pti moman.  Ki mon pe dir ou pou tou senpleman formaliz son employment as a special advisor in the office, and not pay him under the ‘consultancy vote’. Me pey li anba Emolument Lasanble.

 

MR SPEAKER

Mon’n konpran ou.

 

HON SEBASTIEN PILLAY

Mon konpran i travay. So mon problenm i pa ek son travay.  Mon problenm i lafason ki mon pe met li.

 

MR SPEAKER

Onorab Pillay ekout mon en kou prezan.  Mon’n konpran ou mwan.  Oule swa anba consultancy oubyen swa special advisor.  Nou a desid lo la.  Dapre lenformasyon ki nou’n gannyen i annan 4 oubyen 5 Sekreter D’Eta.  I annan 4 oubyen 5 advisor.  I annan konsiltan.  Mwan konman Speaker ki anplway Mr Cesar, mon ti a kontan konnen ki sa bann dimoun i fer.  Ki zot in fer depi Zanvye ziska la.  Epi mon a deside si i devret anba ‘consultancy,’ si i devret en special advisor.  E mon a vini dan Lasanble mon a enform zot.  Par rapor avek ki Sef Protokol i fer dan State House ki sa bann konsiltan dan biro Vis-Prezidan i fer dan State House ler mon ganny tou sa lenformasyon mon a deside!  E mon konnen i en fardo ekstra pou PS fer.  Me mwan PS mon ti ou, ou ki ansarz Portfolio Finans.  Fer State House fer donn ou  anmenn isi kot nou.  Senp.  Delegate.  Epi mwan mon a dir zot pou reponn ou kestyon Mr Pillay – Onorab Pillay si Mr Cesar i vin en konsiltan oubyen en special advisor, baze lo lenformasyon ki mon’n gannyen, sorti kot Egzekitiv ; prensipalman biro Prezidan biro Vis-Prezidan.  Dernyen  kestyon se Onorab de Commarmond.  Epi Onorab Ramkalawan.  Ou ankor enn pou reponn?  Wi.

 

HON SEBASTIEN PILLAY

Mr Chair mersi.  Mon kontan mon’n nobou  eklersi sa size konsiltan pou Lasanble.  Kestyon mon ti pe demande Mr Chair even ki Lasanble en kantite bann staff i nouvo, mon vwar poudir anba zot ‘training vote’ ki zot in mete pou bann staff – sirtou nou pe pran bann zenn manrmay ki bann interns mon vwar sa training vote, i en pe ba.  Prezan mon ti a kontan ganny en konpran rezon det akoz?  Akoz par egzanp nide ki petet Lasanble, pou annan pli tar se ki en keksoz ki mon ti a kontan, se ki nou annan en Budget office.  E pou nou annan sa se ki nou trin sa bann staff ki deza la.  So si sa training vote i a sa nouvo, nou bezwen rely nou bann lasistans  ki nou pou gannyen enternasyonalman.  Me mon ti ava kontan osi ki nou kapab provide serten eleman training pou bann interns, pour ki ler nou train zot nou ganny sa  continuity – sa insunar memory.  So si zot ti kapab eksplik  mwan si i annan lezot konponan dan Bidze ki pe cater  pou training e professional development sa bann staff ki la oubyen nou pe rely lo bann international support  of corporation?  Mon pe koz lo training vote spesifikman.  Mersi.

 

MR SPEAKER

Mr Hermitte.

 

DIRECTOR GENERAL MR GODFRA HERMITTE

Mr Speaker mersi.  Mersi Onorab Pillay.  Wi nou annan en vot pou 440 pou training.  Byensir nou osi ganny bann offer avek bann lezot pei deor ki nou toultan pran as soon as possible, dapre nou mwayen bann lavantaz pou train.  E nou pou rikord Lasanble nou pe met lanfaz lo training.  Nou’n train plizyer dimoun sa lannen e nou annan lentansyon pou nou kontinyen lot lannen konmansman par nou sekirite.  Malerezman nou ti anvi konmansman sa lannen menm la.  Me an vi nouvo Konmisyoner in vini in demann,  ou pou donn nou en pti pe letan pou li etablir li, e nou ava fer sa training sekirite konmansman lot lannen swivi par bann lezot dapre nou training plan ki nou annan.  Mersi bokou Mr Speaker.

 

MR SPEAKER

Mersi DG Hermitte.  Onorab Andre.  Apre Onorab Ramkalawan.

 

HON CLIFFORD ANDRE

Mersi Mr Chair.  Mr Chair mon kestyon i anvi ki ou’n dir la bann special advisor ki dan Egzekitiv avek dan lezot landrwa osi dan Gouvernman pou nou fer sa konparezon.  Mon ti a kontan demann PS Finans si zot pe revwar en pti pe bann Scheme of Service dan tou sekter – pa zis dan kot Egzekitiv tou sekter pou kapab annan en ogmantasyon.  Sa enn.  2enm se letan nou pe get lo paz 96.  Mon’n tann tou mon bann koleg lot kote in koz lo en logmantasyon dan sonm ki ganny mete.  Letan mon pe gete ‘other uses of goods and services,’ i annan annefe en diminisyon par 1milyon.  Kekfwa zot kapab eksplik mon akoz si nou pa ti kapab mentenir li parey pou fer sir nou osi at par ek lezot?   Apre eski Lasanble bokou Minister in vini in dir nou zot pe travay lo nouvo Scheme of Service, nouvo Scheme of Service, nouvo Scheme of Service.  I annan Lazans in vini avek sa.  Eski Lasanble li pe travay lo en nouvo Scheme of Service pou son staff?  Mon dernyen kestyon Mr Speaker se letan mon pe get ‘capital expenditure’ sorry ‘building and infrastructure i annan en 710 mil.  Kekfwa sa pou kwa?  Mersi.

 

MR SPEAKER

PS Payet petet sa premye kestyon apre DG oubyen nou accountant i a reponn.  PS. 

 

PS PATRICK PAYET

Mersi Mr Chair.  Mersi Onorab.  Zis pou, azoute ki nou kapab donn zot en lalis tou bann Scheme of Service dan Gouvernman, ki’n ganny revised depi mon krwar 2008 – nou annan en lalis.  E Gouvernman mon krwar i en keksoz ki travay lo la tou le lannen i vwar baze lo Bidze ki annan adisyonnel dan saler.  Lekel bann Scheme ki kapab pran an kont, letan i pe fer Bidze.  Me selman se pandan kekfwa pou reponn direk kestyon Onorab Andre nou kapab donn zot en lalis tou sa bann Scheme of Service ki’n ganny revize ouswa bann nouvo ki’n ganny fer.  Me DPA i ankor pe travay konzwentman avek bann lezot sekter pou revizyon dan Scheme of Service.  Mersi.

 

MR SPEAKER

DG oubyen Madanm Thelermont.

 

ACCOUNTANT MRS GHISLAINE THELERMONT

Onorab, sa sonm ki’n redwir i anba ‘maintenance building’ – ok?  Mersi.

 

MR SPEAKER

Go ahead, ok Onorab Andre?  Wi Onorab Ramkalawan.

 

HON WAVEL RAMKALAWAN

Mr Speaker premyerman lefe ki sa bann zafer saler pe monte, mon ti ava kontan si nou ti ava kapab ganny en latab bann lapey ki ti ganny peye anba 5enm Lasanble, pou bann zofisye anba 5enm Lasanble. Par egzanp Direkter dan biro Speaker, Clerk Lasanble, Depite tou sa bann lapey pou nou kapab, parske si nou anvi konpare, nou pa kapab konpar bef avek lisyen.  Nou bezwen konpar bef avek bef.  E ki enn fwa pou tou nou ava ganny sa kler.  Dezyenmman mon krwar ki ti ava bon si parske la, nou vwar en discrepancy ant sa 2 lofis.  Pourtan sa 2 lofis i tonm dan menm parey.  Eski mon ti ava kapab propoze ki Lasanble zot Sekretarya zot kapab regarde pou ki i pa gannyen sa discrepancy pou ki sa 2 lofis zot Bidze i vin parey.  Apre Mr Speaker, lefe ki mwan mon, ganny dernyen parol.  Mon ti ava kontan ankor enn fwa eksprim nou sipor pou travay ki Sekretarya Lasanble pe fer, dan bann sirkonstans pa fasil ditou.  Mon konnen pou dir bann staff zot travay en kantite.  E par egzanp letan mon regard Sergeant-at-Arms parfwa letan ou kit isi ki tar i ankor la pe fer sir ki sekirite i ganny i la ki the building secured.  Alors lo lapar tou bann LDS bann Manm LDS zot ava kontan dir zot mersi bokou zot sipor.  Menm letan nou travel bann demars ki zot fer, zot fer sir ki tou bann dokiman i bon e ziska prezan napa okenn Manm ki’n perdi.  Nou tou nou’n retourn sen e sof.  Lo sa kote napa personn ki’n perdi.  Mr Speaker nou’n ariv sen e sof.  Mersi bokou e felisitasyon e definitivman nou pou donn nou full sipor Bidze Lasanble Nasyonal.  Mersi.

 

MR SPEAKER

Mersi Onorab Leader Lopozisyon.  Mon ti ava zis kontan dan sa demann petet pou mon my own personal lenformasyon, e petet osi pou okenn dimoun evantyelman sirtou Ms Alexandria Faure ki pe fer en mervey travay lo bann  listwar Lasanble.  Pou osi letan nou pe rod sa lenformasyon ki Onorab Ramkalawan in demande pou nou konnen lekel bann Komite, ki ti egziste dan katriyenm Lasanble – lekel Komite, Membership  avek ankor bann reminerasyon.  Si zis pou fer sir nou ra ganny en konparezon since nou pe fer sa legzersis annou fer li byen.  Onorab Ferrari ou ti annan en dernyen?  Non – ok.  Bon mersi, mon ti a kontan remersye zot tou bann ki’n demann kestyon e mon sir zot lentansyon i ti bon pou fer sir ki Lasanble i mars pli byen.  E se sa nou lentansyon, mwan konman Speaker mon ti a kontan dir ki enn we want to do better. i annan serten Komite ki mon en pti pe trakase, akoz annan serten Komite  serten Manm serten Komite ki mon krwar nou bezwen pran nou travay o serye.  Si nou’n dir pou vin nou’n aksepte nou Leader in nominate nou pou asiz lo en Komite, nou pran sa commitment o serye ; nou pa kapab 5 konsekitiv meeting nou pa vini.  Akoz la ki nou’n arive nou bezwen tir en dimoun lo Konmite.  E dernyerman mon ti a kontan vreman remersye tou bann dimoun dan Sekretarya.  Nou Bidze in vin devan Lasanble, nou’n tre ouver napa nanryen ki nou’n kasyet nou bezwen nou menm nou, vi ki nou pe dir i annan transparans nou bezwen fer li a la perfeksyon – omwen as soon as possible.  E mon ti la kontan remersye tou bann staff sekretarya, sekirite bann Clerk sirtou bann ki bezwen reste tar ler Komite pe zwenn pandan weekend Komite i zwenn pou zot fer dite rod manze.  So i annan en kantite travay ki ganny fer behind the scenes parey Angle i dir.  Avek sa nou pran en vot pou Bidze Lasanble ki trouve lo paz parey mon’n dir boner 95 – 41.170 milyon.  Tou bann ki pour lev zot lanmen?  Okenn dimoun ki kont?  Clerk oubyen Deputy Clerk, pardon.

 

MADAM DEPUTY CLERK

Mersi Mr Chair.  Mon’n rikord 28 Manm an faver, personn, kont.  Mersi.

 

MR SPEAKER

Mersi, savedir ki Lasanble in aprouv Bidze pou Lezislatif valer 41. 170 milyon.  Wi Clerk ou ti anvi dir en mo.

 

MADAM CLERK

Mersi Mr Chair.  Mon ti a kontan remersye tou Manm ki apor zot sipor pou nou Bidze  mon ti a kontan remersye bann Leaders i annan Onorab Ramkalawan i annan Onorab De Commarmond mersi pou zot sipor.  E tou bann Manm osi e zis pou reasir zot nou komikman, nou sipor pou zot mon laport i reste i ouver zot konnen.  So okenn krentif okenn fason ki zot santi ki nou kapab ed zot, pa ezit-e pou aprose zot tou.  Mersi e bonn kontinyasyon.  Mersi Mr Chair.

 

MR SPEAKER

Mersi Clerk.  E avek sa nou pou pran en Break akoz apre sa ler nou tournen nou pou pran Minister Finans Trade Economic Planning.  Minis mon krwar ou pou zwenn nou.  So i lo paz 133 ziska 152 pou bann ki le prepar zot pandan Break.  Nou a pran en poz e nou a retournen 11er.

 

(BREAK)

 

MINISTRY OF FINANCE, TRADE AND ECONOMIC PLANNING

 

MR SPEAKER

Bon nou a repran nou travay e mon ti a kontan profit sa lokazyon pour swet Minis Dr Larose Minis Finans Economic Planning avek Trade byenveni parmi nou Minis nou ti’n mank ou detrwa zour la e ou PS in byen debourye.  Osi welcome tou PS Economic Planning avek lezot Manm ou delegasyon.  E parey mon ti’n anonse pli boner nou pour konmans lo Departman Finans lo paz 133 PS nou pour pran Departman Finans tousel avan.  Wi?

 

PS PATRICK PAYET

Mersi Mr Chair.  Zis pour azoute kekfwa si nou pran vi ki i en sel vot nou kapab pran tou le trwa Departman Departman Finans Departman Trade avek Departman Economic Planning ki lo paz 133 a 152 e osi dan PSIP paz 43.

 

MR SPEAKER

Ok.  So nou pour pran tou le 3 Departman 133 a 152 se sa?  Ok nou dakor mon pa vwar okenn obzeksyon.  So we’ll do that apre nou ava pran en vot, ler nou fini pran sa 3 Departman Trade Finans and Economic Planning.  E nou a demann tou Manm ki le koze pour lev zot lanmen pour nou pran not parey nou pe fer depi enpe letan.  Ok Churchill Gill kote isi.  Yes Clerk.

 

MADAM CLERK

Mersi Mr Chair.  Lo kote Parti Lepep mon annan Onorab Charles De Commarmond, Onorab Sebastien Pillay, Onorab Churchill Gill, Onorab Noline Sophola, Onorab Egbert Aglae e Onorab Waven William.  Mersi.

 

MR SPEAKER

Deputy.

 

MADAM DEPUTY CLERK

Mersi Mr Chair.  Lo kote LDS mon annan Onorab Ramkalawan, Onorab Georges, Onorab Henrie, Onorab Hoareau, Onorab Henrie avek Onorab Pillay.  Mersi.

 

MR SPEAKER

Mersi.  Bon nou al toudswit e parey labitid Minis okenn ou bann profesyonnel zofisye devan ou i kapab entervenir.  Onorab Ramkalawan.

 

HON WAVEL RAMKALAWAN

Mr Speaker bonzour e re bonzour Minis Finans e tou.  Mr Speaker mon anvi zis dir i enportan a ou latansyon nou’n fek pe koz lo Facebook ek bann dimoun ki anploye avek Lasanble.  Zis pour mon dir avek ou ki sa Mr Johan Loze in fini met en lot komanter ki denigre ou biro, e pourtan nou fek pe koze dan sa Lasanble bomaten !  Mersi bokou.

 

MR SPEAKER

Mersi Onorab Ramkalawan.  Sorry Honorable Minister – yes please, ou annan laparol.

 

MINISTER PETER LAROSE

Mr Chairman, bonzour.  Mersi bokou pour donn mon laparol bonzour Lider Lopozisyon Onorab Ramkalawan bonzour Leader of Government Business Onorab De Commarmond ; bonzour tou Onorab dan Lasanble Nasyonal.  Nou pe prezant Bidze Minister Finans Komers avek Planifikasyon Ekonomik.  I pa toutafe normal ki mon vin dan Lasanble san ki mon dir bonzour sa Lasanble e tou dimoun a lekout.  Mersi bokou Mr Chair.

 

MR SPEAKER

(laughter) Mersi Dr Larose.  Savoir vivre avec savoir faire i enportan.  Fotespere tou dimoun in rekonnet sa.  E mon ti a kontan dir ki ler mon antre dan mon biro kot mon Sekreter avek Human Resource zot in vreman apresye bann parol lankourazman ki’n sorti kot sa ki’n sorti.  Alor nou apresye.   An se ki konsern ou komanter Onorab Ramkalawan, tou kou mon kapab dir parey sa pti fiy Shamira Basset ti dir, mon konnen ki mon été e mon sey fer mon mye konman Speaker.  Bann komanter malerezman mon zis dir, ‘’zet laba,’’ parey nou dir dan lari.  Alor mon pa tro fatig mwan avek sa nou a pran kestyon pour lo sa 3 Departman ki devan nou bann ek bann zofisye ki la e nou a konmans avek Onorab Andre.

 

HON CLIFFORD ANDRE

Mersi Mr Chair.  Mr Chair letan mon pe get lo paz 134 mon vwar sorry 135 i annan en ‘non produced assets’ of R31.2milyon mon ti a kontan ganny en pti lesplikasyon.  E petet ler pe get ‘maintenance and repairs’ lo sanmenm sa paz mon vwar in sorti R877mil in mont R1milyon ; kekfwa Minis oubyen PS i a kapab eksplik mon kwa ki’n monte an term sa repairs?  Sa i mon 2 kestyon.  Mersi.

 

MR SPEAKER

PS oubyen Minis.  Minis Larose.

 

MINISTER PETER LAROSE

Mersi bokou Mr Chair, mersi bokou Onorab Andre.  Konman ou kapab vwar se ki, mon’n vin la avek tou mon bann Teknisyen bann PSs e mon les PS Payet ki Sekreter Prensipal dan Minister Finans, pour li donn leksplikasyon anler lo la.  Si i annan keksoz ki manke mon ava azoute.  Mersi.

 

MR SPEAKER

Mersi Minis.  PS Payet.

 

PS PATRICK PAYET

Mersi Mr Chair e mersi Onorab.  Ou pour remarke anba ‘non financial asset’ lo paz 135 i annan 2 bout ki Comesa Fund.  Comesa Fund nou pe resevwar en larzan tou le lannen for depi 2an – 3an pase.  E sa nou met li la.  So i pa zis pour Minister Finans i annan pour lezot lenstitisyon Gouvernman sepandan akoz i en Fund tou son provizyon i vin ladan, me i ganny servi par egzanp avek Seychelles Bureau of Standard, SFA zot tou zot annan bann keksoz dapre bann proze ki zot sipoze fer nou kapab donn zot en detay lo la.  Secondly apre i annan ‘other small grant’ i annan bann small grant apepre R3.4milyon, ki nou met en provizyon tou le lannen.  Akoz si nou ti pour met tou sa bann R1mil – R1mil dan sak bann lenstitisyon mon krwar i ti pour en kantite.  Me nou klasifye li dan sak en sel dan sa non- financial assets, me selman tou sa larzan i antre kot Trezor e tou bann Lagreman  i ganny sinyen avek the respective sectors.  Apre secondly anba the maintenance ‘maintenance and repairs’ lo paz 135 ou’n vwar sa increase, nou annan maintenance building Liberty House e osi maintenance nou bann transpor e ki nou anvizaze fer 2018 pour met GPS lo tou nou bann transpor ki nou annan.  E secondly apre lezot air conditioning kot biro Internal Audit ki nou pe revwar antye.

 

MR SPEAKER

Onorab Andre.

 

HON CLIFFORD ANDRE

Mersi Mr Chair.  Mr Chair anvi ki PSIP i detay Grants, local loans, foreign loans avek foreign Grants eski i konmsi PS i kapab konfirm ek nou ; parey sa i Comesa avek serten lezot lenstitisyon ki pe donn loan avek small grants eski i pa en duplicacy oubyen i pa annan landrwa kot en lenstitisyon anba son PSIP in met en sonm me prezan Minister Finans pe met sa sonm ankor ki kapab ki kapab pe duplicate ; prezan nou vwar ki larzan i kapab pe ganny donnen kan larzan in fini donnen?  So mon le zis konpran sa enpe byen akoz mon pe get lo paz 34 lo paz sorry page 43 paz 43 pour PSIP pour Minister Finans, i annan sa R50milyon me selman i zis Grant  – i foreign grant – so pour nou konpran byen.  Mersi.

 

MR SPEAKER

PS Payet.

 

PS PATRICK PAYET

Mersi Mr Chair.  Definitivman napa zis pour mon reasir sa Lasanble napa duplication.  I annan bann vot ki spesifik avek ; par egzanp i annan bann Grant ki spesifik ki avek en sel Minister i al direk anba son Minister konsernen.  Me tandis ki sa 3 Grant eleman i en pe Nasyonal sanmenm sa ki nou’n met li anba spesific anba Minister Finans.  E kont i ouver kot Trezor e i ganny servi pour sak Minister letan dapre son bann proze e dapre Lagreman ki nou’n sinyen.  So napa duplication ladan.  Mersi.

 

MR SPEAKER

Onorab Churchill Gill.

 

HON CHURCHILL GILL

Mersi Mr Chair.  Mon kestyon i lo paz 135 anba ‘wages and salaries,’ i annan en logmantasyon R6milyon konpare avek lannen pase.  Apre lo paz 139 ankor ‘wages and salaries’ i annan en logmantasyon R2milyon konpare avek lannen pase si ou  kapab ganny eksplike si i annan nouvo Scheme of Service ki’n ganny ki’n ganny fer oubyen otherwise?  Mersi.

 

MR SPEAKER

PS.

 

PS PATRICK PAYET

Mersi Mr Chair.  Mr Chair lo sa paz 139 i li menm li ki akoz sa i bann subprogram; me selman kekfwa mon a pran li dan son totalite lo paz 135.  Nou’n met larzan adisyonnel parey ou pour vwar anba saler, Bidze Departman Finans in ogmante sorti R64.8milyon e in ariv R70milyon pour lannen 2018.  Parey ou konnen ki Minister Finans i pa zis centrally ; nou annan bann Accountant osi ki tonm direkteman anba Minister Finans tou bann Accountant dan bann dan Gouvernman antye eksepte bann ki Judiciary, National Assembly bann Constitutional Appointees zot, zot tonm anba zot Minister tandis zot tou.  Pour lannen 2018 nou pe met 5 pos adisyonnel pour bann accounts dan bann Minister. Apre i annan 6 ki nou’n deza recruit sa lannen ki annan lenpak pour lannen prosenn.  Apre nou’n met en pos adisyonnel pour en 1 Asset Controller apre nou annan 3 nouvo pos at Trezor 1 Senior Economist 1 Policy Analyst avek 7 Oditer dan biro Internal Auditor.  So apar ki par egzanp, nou konnen tou le an tou le 3an i pour annan staff osi ki zot Kontra pour fini ki zot pour bouz dapre Scheme of Service ki zot pour bouz as per Scheme of Service.  So definitivman sa osi pour annan en lenpak, me mazorite ki nou’n mete apepre R4.7milyon i pour recruitment pour lannen prosenn.  Mersi.

 

MR SPEAKER

Ok Onorab Gill.  Onorab John Hoareau.

 

HON JOHN HOAREAU

Bonzour Mr Speaker bonzour tou dimoun.  Mr Speaker mon kestyon i baze lo sa en pti pe swivi sa ki Onorab Clifford Andre in demande mon ti le konnen sa R14milyon dan PSIP ‘original intergration implementation program’ kwa ki anba la ; kwa ki i pe kouver egzakteman?  E dezyenmman mon ti le en kestyon pour Trade – pour Department of Trade mon ti le konnen anba sa ‘office building rent’ ki zot pe pey R2.43milyon apre pli ba i annan en lot sonm R451mil, i pour ki grander batiman oubyen kantite met kare si oule e dan ki building?  Mersi.

 

MR SPEAKER

PS Agathine.  PS Payet.

 

PS PATRICK PAYET

Mersi Mr Chair.  Zis pour azouteki  nou annan anba sa grant related nou annan Comesa ki’n – apepre R14.6milyon e osi nou annan EDF ki nou’n fini sinyen ok ?  Nou annan EU larzan ki nou ekspekte lannen prosenn nou annan apepre Euro7milyon definitivman nou pa’n met tou sa larzan zis pour lannen prosenn i pour phase  ziska 2020.  Par egzanp sa 7milyon Euro nou anvizaze par egzanp pour asiste Seychelles Revenue Commission lo son IT System at Customs.  Apre osi en larzan ki nou’n mete pour Sekter Lagrikiltir ; Bureau of Standard osi.  E apre trwazyenmman i annan larzan ki nou’n mete pour SADC TRF – Trade Related Facility.  I apepre Euro1.4million.  E sa osi tou son bann proze i by faz –  sa osi nou’n fini siny Lagreman nou’n fini ouver kont e disbursement pe happen this year ki lenplimantasyon lannen prosen.  Nou kapab donn zot en kopi tou le 3 dokiman ki at least zot pou vwar kwa ki bann proze  i annan ;  en vreman zot pour vwar detay sa bann proze, akoz i pa zis par egzanp Trade ouswa Seychelles Revenue Commission i annan par egzanp pour SFA, Lagrikiltir, Seychelles Bureau of Standard e tou sa bann lenstitisyon ki annan trade matters.  Konsernan pour rent zis pour azoute Mr Chair ki aktyelman sa i pour Departman Trade.  Aktyelman Trade ti bouze lannen pase zot sorti – avan Trade ti kot biro STC kot Conference Center zis par anba e zot ti bouze zot ti al Victoria House pour 136 met kare.  Akoz i en emergency bouze, zot pa ti kapab – nou pa ti ganny sans ganny bann lezot akomodasyon ki kapab accomodate tou bann staff properly.  E once ki building kot Laxmanbhai building i konplete nou’n ganny 450met kare pour lavaler R450 par met kare.  So zot pe fer laranzman pour bouze actually this quarter la pour zot bouz to the nouvo building pour zot ganny adisyonnel space baze pour zot kapab fer en proper recruitment.  E pour tou bann staff osi kapab annan en conducive environment pour zot kapab dan zot lofis.  Mersi.

 

MR SPEAKER

Ok Onorab Hoareau.  Onorab Noline Sophola.

 

HON NOLINE SOPHOLA

Mersi Mr Speaker mersi Mr Chair – sorry.  Minis dan ou Bidze dan ou speech Budget ki ou ti vin fer ou ti prononse ki ou ti pour ed Praslin /La Digue kot transportasyon i konsernen me selman ler mon regard ladan anyway koriz mwan, mon pa’n vwar naryen ki’n mete sirtou kot marsandiz i konsernen pour Praslin/La Digue e si ou kapab dir mon si i annan keksoz provizyon ki’n ganny fer dan sa Bidze oubyen non?  Mersi.

 

MINISTER PETER LAROSE

Mersi bokou Mr Chair.  Mersi bokou Onorab Sophola.  Sa ki mon deklare la se en komitman ki mon fer.  E natirelman konman ou kapab konnen dan negosyasyon la parfwa i pran en pe letan pour negosye keksoz.  Ler ou pe anmenn keksoz de nouvo, la ou bezwen fer ou opposite konpran kote ou pe vini.  E parfwa i demann ou serten trade-off e sa se si oule mon annan langazman lo Minister pour fer sir ki dan lannen 2018 sa i arive.  E parey mon ti dir lannen pase dan mon Budget speech pour fer desann pour telefonn, bann lentere labank pour donn loan ensidswit.  Tousala in fer e kot ki annan negosyasyon parey konman zot konnen a se zour la tou dimoun pe vin rod gannyen, me natirelman i pran enpe letan pour negosye.  Mersi.

 

MR SPEAKER

Mersi Minis.  Onorab Sophola ou ok?   Onorab Stephen Pillay.

 

HON STEPHEN PILLAY

Mersi Mr Speaker, bonzour Minis avek ou delegasyon.  De pti kestyon lo Departman Finans avek Departman of Trade.  Lo Finans mon ti a demann en lesplikasyon enpe plis detay lo la diferans lo basic salary avek tou bann allowance.  Enn i R46 apepre milyon lot allowances i tonm R23milyon, akoz i apepre half?  E ler ou pe get Department of Trade zot basic pay avek zot allowance i parey apepre parey R3 something milyon.  E lo Finans en pti pe leklersisman mon vwar vehicle insurance pour R256mil an tou me vehicle license i zis R4790mil sa pti diskrepans – discrepancy mon le eksplik mwan akoz R4mil en license konbyen loto i annan ki pe pey R4mil license tou le lannen.  E pour Department of Trade enpe leklersisman lo sa ‘housing wages in-kind’ pour sa R743mil.  Mersi Mr Chair.

 

MR SPEAKER

PS.

 

PS PATRICK PAYET

Mersi Mr Chair.  Zis pour azoute Mr Chair, ki kekfwa konpare avek Departman Trade avek Departman Finans ou pour vwar ki Departman Trade i zis Technical Trade Officer apre zot Senior Principal avek Direkter Zeneral e ou pour vwar ki Departman Finans nou annan accountant dan tou Minister e i annan apepre 200 zot.  So definitivman letan ou pou vwar as per the Scheme of Service of accountant ou pour vwar ki nou annan saler de baz apre i annan inducement allowance, apre i annan marketable skills allowance.  So i 3 kalite allowance.  Apre i annan osi bann dimoun ki lo Kontra sirtou Departman Finans ou pour vwar i annan bokou dimoun at senior level i lo kontra senior accountant zot tou mazorite zot pour lo Kontra Financial Controller, apar ki nou staff centrally ki lo senior level osi.  So definitivman ou pour vwar ki, ou pour vwar sa diferans ant basic pay allowances i pour kas ant 3 porsyon ki pour fer zot total package.  So definitivman i pour annan basic pay, inducement allowance apre marketable skills allowance.  Kekfwa letan ou pour regard kot i Trade kekfwa ou pa pour vwar sa kantite staff ki pour fer li annan sa gran debalans.  Me tandis ki Departman Finans, akoz ou annan sa kantite staff.  Definitivman par egzanp ou pour annan accounts technicia. n Par egzanp accounts technician kekfwa zot saler total package i apepre R11mil, be ou pour vwar zot pe ganny bann inducement allowance.  Me i annan bokou accounts technician sanmenm sa ki fer li sa la kantite.  Secondly lo sa bout wages in-kind sa i konsern Departman Trade nou annan en Trade Attaché in Geneva ok nou annan en Trade  Attaché in Geneva.  So i resevwar housing from the Government.  Sa Trade Attaché i en full time staff Minister Finans – ok?  So i en full staff Minister Finans depi ler nou ti pe antre dan WTO nou ti annan staff laba e nou rotate every 3 years staff from centrally – ok ?  Kekfwa Mr Speaker si mon ti kapab demann Onorab pour repet sa kestyon spesifik lo transpor ki ou ti mansyonnen.

 

MR SPEAKER

Onorab Pillay.

 

HON STEPHEN PILLAY

Wi Mr Chair.  Akoz mon vwar dan pour Departman Finans i annan en R256mil lasirans vehicles insurance me zis R4790mil vehicles license ; se sa ki mon pe rode, akoz i annan sa en lasirans R250mil.  Me license R4mil i for 1 loto or 2 loto.  Mersi Mr Chair.

 

MR SPEAKER

Ou’n ganny li sa kesyon mon krwar.

 

PS PATRICK PAYET

Yes mersi Mr Chair.  Kekfwa i annan diferan license.  Ou pour vwar kekfwa in met motor vehicles me tandis ki anler i annan en lot license fees, sa osi i ganny servi for motor vehicle zis akoz kekfwa sa enn i pour Departman Audit, Audit i annan zis 1 loto.  So i 2 diferan program code.  Tandis ki sa enn anler i pe ganny servi pour administrasyon.  I annan en bout anler ki annan license fees R12,600mil anba ‘consultancy’ i annan trading fees apre license fees.

 

MR SPEAKER

Ok?  Onorab Aglae.

 

HON EGBERT AGLAE

Mersi Mr Chair, bonzour Minis ankor enn fwa avek ou delegasyon.  Minis mon annan 2 pti kestyon anba paz 138 anba ‘fiscal management and budget’ depi lannen pase 2016, nou ti pe koz bokou lo koleksyon reveni – tax e nou’n menm annan serten diskisyon mon ti a kontan konnen an 2018 ki bann mezir adisyonnel Minister Finans pe pran, premyerman pour li kapab anmas bann reveni ki ti outstanding?  E dezyenmman ranforsi koleksyon reveni sirtou avek bann biznes ki pe ki pa pe pey tax parey zot sipoze?  E dezyenmman i annan anliny avek Labank Santral ki petet an 2018 nou pour vwar kot i konsern to lentere ; sirtou pour avek bann labank an prenan kont ki nou anvi fer desann pri lavi ki bann mezir adisyonnel pour fer Labank Santral pli rizid, pour met son lipye ater kot i neseser pour fer desann bann to lentere labank?  E dernyerman mon le koz en pe lo sa PPB vi ki ler ou pas dan Bidze tou bann Minister laplipar Minister ki’n al anba sa progranm PPBB nou pe vwar poudir i annan bann recurrent challenges ki pe monte anba zot bann progranm petet ki Minister Finans pe fer si zot pour asiz avek sa bann Minister pour revwar en pe sa bann challenges anliny avek zot laliny Bidze pou fer zot vin pli performan?  Akoz nou konnen i annan Minister pe perform i annan pe underperform.  Mersi.

 

MR SPEAKER

PS oubyen Minis.

 

MINISTER PETER LAROSE

Mersi bokou Mr Chair.  Mersi bokou Onorab.  Kot i konsern ki nou pe fer pour nou kapab kolekte sa bann aryeraz tax? Avek ou permisyon Mr Chair ler nou pour koz lo Seychelles Revenue Commission.  I annan serten deklarasyon mon ti a kontan fer, parske sansan la mon pour dir keksoz Seychelles Revenue Commission pa la avek ou permisyon, les mon a fer li en sel ler nou lo sa topik.  Kot i konsern rediksyon lo to lentere, labank sa i enpe parey tug of war.  Fransman dir ou nou a pe still kontinyelman fight avek bann labank pour redwir zot kou lentere.  E mon swete ki finalman nou kapab persue zot pour redwir pri lentere 2018 e annefe bann kliyan i ava vwar en pe plis benefis, me mon swete ki sa bann dimoun ki ler nou pe koz pour lentere.  Se vre Labank Santral ki en annan supervisory role lo bann labank komersyal.  E la mwan mon dir an fezan fas avek sa televizyon, bann dimoun ki kliyan labank pa vin kot Minister Finans.  Minister Finans pa Labank Santral sa.  Nou sey ede kot bokou dimoun.-  mon profite dir Mr Chair  tre fran i annan en kantite dimoun ki konfize.  E se pour se la nou pour annan en progranm lo financial education tre byento yer menm nou ti pe diskit anler lo la kot dimoun i ganny byen edike dan serten fason pa gaspiy letan.  Parske pour zot se letan i enportan pour zot fer biznes, pour zot resevwar zot income dan zot biznes epi pour pey tax.  E kot i konsern performance-based budgeting program, e la mon ti a kapab les avek mon teknisyen PS Payet.  Mersi bokou.

 

MR SPEAKER

Ps.

PS PATRICK PAYET

Mersi Mr Chair, mersi Onorab.  Zis pour azoute ki nou donn kapasite bann Minister.  Tou le lannen akoz nou osi kot Minister Finans nou ganny sa kapasite avek World Bank e nou pe asiste zot e en keksoz ki nou ankouraze se ki se pa zis sa bann accountant ki vin training nou anvi angaz tou bann accounting officers – bann PS bann CEO e osi bann Direkter – Direkter Zeneral at least pour zot konpran sa nouvo fason fer program performance-based budgeting.  E osi ki zot kapab ale internally donn enpe kapasite bann lezot Teknisyen e koz akoz Bidze li menm, i pa zis sa PS ouswa sa Direkter Zeneral i sipoze pe ankouraz en participation avek la mazorite bann lezot staff within sa Divizyon, ouswa sa Departman so en keksoz ki nou’n konmanse depi 2an – 3an pase apar ki build en capacity through the World Bank services nou’n konmans osi sa Diploma in Public Finance Management through Guy Morel Institute.  E osi ki nou pe fer se at least pour nou ankouraz fer bann workshop en pe pli souvan 2018 ki pour fer bann Minister konpran par egzanp the process of procurement ; lekel bann keksoz ki bann egzanp reel ki zot bezwen follow through dan Public Finance Management o i en bann capacity building, ki nou anvi travay konzwentman avek bann Minister pour fer sir ki at least zot annan sa langazman osi.

 

MR SPEAKER

Ok, PS.  Mon zis pour kontinyen lo sa laliny ki Minis in eksplike mon fer zot rapel ki lo zot time table pour ozordi nou annan ozordi mon annan Procurement Oversight Unit, National Tender Board e efektivman Seychelles Revenue Commission ki pour vini pli tar avek Public Enterprises Monitoring Committee.  Si zot annan kestyon relye avek sa zot anmas pour pli tar la nou pe konsantre lo sa 3 Departman pour nou pran en vot.  Onorab William.

 

HON WAVEN WILLIAM

Mersi Mr Chair, bonzour Minis avek ou lekip.  Mr Chair mon ti annan 2 pti kestyon.  Mon pa konnen si Minis ouswa PS i ava donn nou en pti pe detay anba The Geneva Mission lo paz 148 zis pour nou konpran en pti pe travay ki sa Misyon i fer.  Lefe ki zot pe koz ‘number of trade issues brought to our capital by The Geneva Office’ i annan 10 si zot kapab donn nou en pti pe lide kwa egzakteman sa i annan 5 konplent.  Lefe ki Sesel i konman en Pti Leta Zil.  Nou pe fas avek plizyer bann problenm pour nou konstate kwa egzakteman ki pe ganny fer, an relasyon avek base kou lavi an menm tan vin konpetitiv.  Mon ti a kontan konnen kwa ki ti pe pase.  E anba paz 43 PSIP mon ti a kontan ganny en pti pe detay lo sa ‘10th EDF 11th’ avek ‘the Trade Development Grants’.  Minis lefe ki nou konnen poudir anba bann EDF i annan bann diferan lanvlop – si ou ti kapab donn nou en pti pe detay, sa bann alokasyon anba EDF.  E si ou permet mon Mr Chair mon anvi konnen osi si Sesel in fini roll out the Grant ki nou ti gannyen avek L’Inde  e osi en pti pe status lo sa lo sa credit facility si nou fini rollout akoz mon pa trouv nanryen ki aparet.  Mersi.

 

MR SPEAKER

Mersi Onorab PS avek Minis.

 

DG ASSAN

Mersi Mr Speaker, mersi Onorab pour ou kestyon.  Konsernan Geneva Office, Geneva Office ti ganny etablir avan nou ti konmans roulman pour nou aksed lorganizasyon mondyal pour Komers, nou ti vwar bezwen ki i annan en reprezantasyon permanan Geneva akoz dan sa bann kalite lorganizasyon i annan en kantite enteraksyon personnel ki bezwen ganny fer, e sa prezans Genève nou ti vwar li en nesesite.  E apre negosyasyon pour nou zwenn sa lorganizasyon, i osi enportan pour nou pran par dan bann negosyasyon.  E i kout en kantite si parfwa i annan bann negosyasyon pour nou anvoy bann capital base expert pour al attend sa miting.  E parfwa i pli i kout pli bon marse, pour nou kapab fer nou reprezantan laba enform li ki bann pozisyon kapital si pour li kapab attend e put forward pour Sesel, e pour asire ki negosyasyon i pran lentere bann spesifisite Sesel e osi pa al dan en direksyon ki kapab afekte nou ekonomikman or sosyalman.  Mersi.

 

MR SPEAKER

Mersi DG Assan.  Minis oubyen PS Payet oule reponn i annan 2 lezot kestyon mon krwar Onorab William in demande sirtou lo L’Inde, credit facilities apre loan.

 

MINISTER PETER LAROSE

Mersi bokou Mr Chair.  Mersi bokou Onorab William pour ou kestyon konsernan L’Inde.  La ankor enn fwa ou konnen mon koz fran se ki L’Inde nou’n angaze avek zot, nou annan en bon relasyon.  I annan detrwa miting ki nou’n fer – nou pe kontinyelman eseye but unfortunately nou dir parfwa ki Sesel nou annan en sistenm birokrasi.  Sesel napa birokrasi petet parfwa i annan serten lezot pei zot sistenm i telman tre birokratik.  Ti annan en zofisye senior L’Inde ki ti vini spesyalman en zour Dimans mon ti rankontre li Minister Finans avek en lot Minis dan Departman Lenerzi, nou’n diskite konsernan sa Grant pour eseye pour speed up.  Mr Chair mon ti a kontan sa fasilite ti’n fini ganny realize, but unfortunately i annan detrwa kontour ki nou bezwen pase nou bezwen espere ; ler sirtou nou ganny bann Grant la nou a la mersi lezot pei e vwala nou bezwen swiv lezot prosedir ki quite bureaucratic.  E mon swete avek sa miting ki nou pour annan lot semenn, e mon pa mon pa la pour kasyet lot semenn nou annan miting pour nou re vizit ankor en kou sa laranzman ki annan ant Sesel avek L’Inde, Pour fer sir ki nou kapab fast track mon demande pour fast track.  Me unfortunately olye nou al lo high way nou ankor lo motorway.  Mersi bokou Mr Chair.

 

MR SPEAKER

Mersi Minis.  PS.

 

PS PATRICK PAYET

Mr Chair.  Kekfwa nou pour nou a sirkil sa bann dokiman lo TRF avek 11th EDF ; kekfwa zis pour donn zot detrwa legzanp kwa ki nou pe mete i annan bann diferan konponan.  Par egzanp i annan pour enstalasyon devlopman en new tax sistenm avek customs software osi apepre 2.5milyon Euro – ok?  Apre nou annan capacity building osi pour sa sistenm nou annan en lot legzanp par egzanp lo SMEs sa osi i annan apepre 300mil Euro.  I annan pour lenfrastriktir lagrikiltir lo labatwar hatchery bann lezot devlopman Euro1.8milyon ladan.  Zis mon tir en pe bann gro sonm ki very konmsi pertinent.  Pour ASYCUDA pour upgrade li to ASYCUDA World pour upgrade li kreasyon en single window i annan apepre 1milyon Euro ki nou’n mete.  Me sepandan nou kapab sirkil sa dokiman, ki kapab donn zot en pe plis detay ki lezot bann pti proze – akoz i annan bokou bann pti proze anba sa bann konponan osi.  Mersi.

 

MR SPEAKER

Onorab William.

 

HON WAVEN WILLIAM

Mersi Mr Chair.  Mr Chair zis pour demann PS anba 10th EDF or 11th EDF, mon ti pe koz lo bann lanvlop ki zot gannyen mon konnen poudir i annan en lanvlop pour non-state actors eski anba 11th EDF, i ankor egziste- ouswa 10th ?  E si par egzanp dizon Lasanble Nasyonal Sesel i anvi fer en prosedir laplikasyon what is the process?  Mersi.

 

MR SPEAKER

PS oubyen DG.

 

PS PATRICK PAYET

Mersi Mr Chair.  Definitivman i annan en konponan ki nou ti’n mete spesyalman pour SCCI.  Sepandan kekfwa nou ava diskit avek Ministry of Foreign Affairs, akoz dokiman ki nou’n prepare i konzwentman avek Minister Foreign Affairs, Departman avek Foreign Affairs me nou ava diskit avek zot par egzanp si zot annan okenn proze ki National Assembly i anvi kekfwa zot ti kapab soumet e nou ava re diskit avek li baze lo sa lanvlop ki nou annan.  Mersi Mr Chair.

 

MR SPEAKER

Onorab Henrie.

 

HON GERVAIS HENRIE

Mersi Mr Chair.  Mon kestyon i pour Minis Finans ; an 2017 ti annan serten lanons tre spesifik ki ti ganny fer i annan 2 nivo.  1 pour kestyon pri lavi ti annan bann keksoz ki ti dir ki Gouvernman pour al negosye avek bann Lakonpannyen Telefonn.  Par egzanp pour redwir kou swa lo mobile fixed-line letan nou pe koz internet data, kou televizyon pour bann state enterprise – redwir zot kou osi pour negosye avek PUC pour redwir tarif elektrisite avek delo lo pri domestik.  Premium lasirans avek kou bann servis finansyel.  Apre lo kote Gouvernman pour redwir depans ki Gouvernman i fer partikilyerman pour voyaz aletranze par 15poursan kou telefonn ki Gouvernman i servi par 10poursan fuel bills avek car hire par 10poursan.  So mon le demann Minis si son Minister in fer en pa an avan dan sa bann demars?  Mersi bokou.

 

MR SPEAKER

Mersi Onorab.  Minister.

 

MINISTER PETER LAROSE

Mersi bokou Mr Chair mersi bokou Onorab Henrie.  Mon krwar sa kestyon ki ou’n poze mon espekte i pour remonte ankor en kou ozordi e i byen osi ki nou’n poz sa kestyon at least mon kapab donn enpe kontrandi kote nou été dan sa demars.  Parske nou pa ankor realiz antye nou komitman konman ou vwar sak stakeholders ki mon zwenn ki swa pour telefonn, ki swa ki lasirans, bann labank, pour fer sir ki i annan en press release me pa antye ki konnen ki’n ganny diskite althrough it’s an unabridge version.  I annan serten sikse ki nou fer sirtou kot i konsernan labank.  Although ki nou krwar i ti kapab annan enpe plis zefor, me nou pa ankor kapab dir nou kapab termin sa misyon nou pour kontinyelman angaz labank pour fer sir ki pep Seselwa ki kliyan labank parske se isi dan sa lekonomi ki zot resevwar zot income e zot resevwar zot devidend ki zot pe run company.  E mon krwar nou pour entansifye 2018, pour fer sir ki nou anmenn zot lo latab ankor en kou nou dir be la National Assembly, lepep Seselwa i demande ki zot fer plis zefor sa kot i konsern bann labank parske nenport ki tranzaksyon ki nou fer dan lekonomi, sa bann tranzaksyon i travers dan en sistenm banker.  E kot i konsern telefonn i vre nou’n ganny de miting pa tou bann reprezantan bann telefonn bann telekominikasyon, ki’n vini nou ti enpe dezapwente.  Ne unfortunately ler nou fer lenvitasyon, konm Minister Finans en lotorite pei si zot pa vini difikilte nou pa kapab al rod zot kot zot été although nou eksprim dezapwentman. Be i byen ankor enn fwa ki mon swete bann Direkter Egzekitif bann CEOs bann Board, bann telekominikasyon Lakonpannyen Telekominikasyon zot pe ekoute la.  Parske zot konnen nou pour vin vizit zot ankor en kou e natirelman Lasanble Nasyonal pe swiv sa tre pros enkli lepep Seselwa.  E i vre i annan serten demann ki zot pe demande vizavi Gouvernman kot nou krwar i annan en trade-off, me nou, nou pa ankor telman tonm lo en pozisyon satisfezan natirelman nou bezwen postpone sa negosyasyon.  Be mon swete apre ki Bidze i ganny fini diskite zot ava ganny demande pour vin ankor en kou lo latab e lepep Seselwa i ava konnen ki nou’n diskite.  Kot i konsern PUC, sa i konsern Gouvernman ant Gouvernman nou ape fer le neseser pour nou ganny lenformasyon avek PUC pour regarde ki mannyer pour redwir enpe tarif elektrisite.  Me apre tou mon bezwen et fran Mr Chair avek tou bann Manm Onorab PUC son kou loperasyon i depan anler lo fuel i depan anler lo exchange rate ki nou annan.  Sa osi nou pe sey vwar ki mannyer nou kapab annan serten konsesyon ki nou kapab regarde pour fer sir ki natirelman i translate into en gain.  Sa i pa en travay fasil mon kapab asir sa Lasanble si i ti telman tre fasil mwan Peter Larose, mon ti a ganny en rediksyon toudswit apre mon premye diskisyon avek PUC.  E kot i konsern lasirans osi nou anmenn zot lo latab zot osi zot pe demann serten trade-off avek Gouvernman – sirtou lo VAT i pa zis VAT serten lezot konsesyon.  Me nou a pe etidye zot demann e mon swete finalman ankor enn fwa kot zot pe tann mwan kot mon koze la, e mon krwar nasyon i ava raporte televizyon i ava raporte la Live e zot ava annan serten responsabilite pour vin lo latab, pour fer sir ki Seselwa i benefisye an menm enstan ki nou pran zot konsiderasyon an men.  Mersi.

 

MR SPEAKER

Onorab Henrie.

 

HON GERVAIS HENRIE

Mersi Minis pour ou leksplikasyon byen detaye.  Anfen dan sekter prive mon kapab konpran akoz zot bezwen zot enterese avek profi, me kot i konsern koup depans dan Gouvernman partikilyerman lo voyaz aletranze telefonn ki servi fuel avek car hire, eski in annan en demars pour sey demann MDAs pour sey koup depans lo sa direksyon?  Mersi.

 

MR SPEAKER

Minis oubyen PS.

 

PS PATRICK PAYET

Mersi Mr Chair, mersi Onorab.  Mon krwar ki sel challenge ki nou’n gannyen lannen 2017 e zot in vwar zot menm Manm Lasanble ki nou’n bezwen vin avek en supplementary for overseas travel.  Tandis ki lezot nou’n vwar amelyorasyon me tandis overseas travel ki nou’n vwar sa challenge ki i pe kontinyen menm si nou’n koup Bidze par egzanp 2017 nou’n bezwen re vin devan Lasanble Nasyonal.  Me en keksoz ki nou pa’n zis reste la, ki nou’n vwar nou’n bezwen vin devan Lasanble so Minister Finans zis nou’n azir konman i ok – en keksoz ki nou’n rekomann avek Cabinet of Ministers pour tou Minis travay lo en detay voyaz ki zot pour fer 2018.  At least i pa zis bann Minis, i bann PS avek zot bann DG, pour fer sir ki sa Bidze ki nou’n allocate pour lannen 2018, nou kapab maintain li.  Parey zot pour vwar sa Bidze i en rediksyon konpare avek revised 2017.  Be i en keksoz nou ava revwar once ki sa papye i al Cabinet ki pour fer sir ki sa R10milyon ki nou’n allocate i as per the travay – as per the Cabinet proposal ki nou pour met devan me selman sel challenge ki nou’n gannyen pour sa lannen se sa overseas travel.  Mersi.

 

MR SPEAKER

Mon prezimen ou pa pe regarde zis pour Minis me pour biro Vis- Prezidan avek pour biro Prezidan osi?  Lo sa kestyon Onorab Henrie Minis kot ou’n dir CEO serten konpannyen telekominikasyon pa vin miting – mon ekout komanter Onorab Henrie kot in dir wi zot enterese avek profi, me zot bezwen annan serten osi annan serten ethics e osi respe.  Parske nou konman Komite Anti Viktimizasyon nou face sa menm problenm kot i annan en CEO i annan 2 son staff in anmenn en plent kont li e in zis anvoy nou royalman faire fiche.  Alor mwan mon krwar ki nou pour bezwen vwar ki striktir oubyen ki kalite fason ki nou pour nobou anmenn li devan nou Komite.  Mon vwar nou bann Manm i konnen lekel ki mon pe koze bann Manm Anti-Viktimizasyon mon pa krwar si Minis Finans i envit en miting CEO okenn lorganizasyon biznes ki i zis kapab pa vini?  Me sa konmsi mon history Teacher lontan be ou malelve.  Anyway Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair zis lo ou dernyen pwen ki ou’n fer sorti ler nou regard dan Bidze kantite larzan ki Gouvernman pe depanse lo telefonn mon prezimen i avek sa 2 lakonpannyen telekominikasyon, i en sonm sibstansyel ki Gouvernman i met dan Bidze pour telefonn. Ee mon vwar li en pti pe drol ki 2 konpannyen ki enn zot bann pli gran sours reveni, enn ou bann pli gro kliyan i le vwar ou pour fer serten diskisyon ou pa oule vini.  Mon krwar nou bezwen petet sanz modalité diskisyon ki nou pe fer avek sa bann dimoun.  Akoz sa dimoun ki pe pey son telefonn la ozordi li la li i pe pey 2 fwa li atraver son tax bann lenstitisyon Gouvernman pe pey sa konpannyen e li menm li personnelman ler i pe aste son kart son telefonn pe peye.  So basically sa kliyan pe pey li de fwa e i napa sa mon pa konnen ki bann sirkonstans ki’n arive be la nou pe pey sityasyon.  Mon krwar i bezwen annan en lot lapros negosyasyon sa bann dimoun i bezwen konpran zot osi zot annan en civic responsibility as wellOk Mr Chair mon pwen mon kestyon ki mon ti annan i konsern bann accountants ki dan diferan Departman i annan ki dan Minister Lasante e zot bann Departman i varye lo bann volim travay ki zot gannyen e enn bann kestyon ki mon sey demann zot eski par egzanp …

 

MR SPEAKER

Me demann kestyon Minis sa ki ou’n demann zot les li demann Minis kestyon.

 

HON SEBASTIEN PILLAY

Non, non i annan bann accountants mon konpran sirkonstans sa kestyon ki mon pe al demande, se zot reminerasyon, zot package ki zot gannyen, eski i diferan across entity ki zot ladan?   E si par egzanp bann lorganizasyon ki zot ale ki nivo ki zot ale konman accountant, oubyen Account Assistant ? Konmsi pour nou kapab ganny en konpran byen konmsi konsern zot reminerasyon avek zot saler.  Apre mon ti le klarifye ; par egzanp nou pa touse Bidze Central Bank koman Lasanble nou pa konnen ki mannyer Central Bank i depans son larzan, akoz zot lotonomi, me eski Central Bank i annan en sistenm an plas eternelman, pour regard depans Central Bank lafason ki i depans son larzan; si i pe fer procurement, akoz mon pe wonder akoz nou le fer desann lentere …

 

MR SPEAKER

Zis demann ou kestyon.

 

HON SEBASTIEN PILLAY

… lentere.

 

MR SPEAKER

Onorab Pillay demann ou kestyon ou’n fini demande les Minis reponn si Central Bank i ganny oversight avek ki?  Se sa i kler direct, short.  Minis.  Minis?

 

MINISTER PETER LAROSE

Mersi bokou Mr Chair, mersi bokou Onorab Pillay.  Straight to the point Central Bank i ganny oversee par Board of Directors.  Mersi.

 

MR SPEAKER

Thank you.  Onorab Georges.  Ou annan en 2enm kestyon ale PS Payet.

 

PS PATRICK PAYET

Mersi Chair, mersi Onorab.  Zis pour azoute ki i annan en revizyon dan Scheme of Service bann accountant ki travay dan Minister.  E zot pour vwar sa dan zot December payroll ki nou fer i annan en base pay e sa base pay i baze lo tou bann dapre zot si zot en accounts, technician accountant, financial controller, apre i annan inducement allowance osi ki ganny mete.  Sepandan dan nouvo revizyon ki’n ganny mete i annan en responsibility allowance, ki nou klasifye li par egzanp ; sirtou pour bann Financial Controller dapre groser sa Minister apre i annan en duty allowance  -sirtou bann ki pe hand in cash savedir parey bann ki pe par egzanp ki pe ASP – ASP i annan bann tranzaksyon cash konpare avek parey bann lezot Minister, ki napa sa bann duties koumsa.  So ou pour vwar enpe bann varyasyon.  Me sepandan par egzanp letan nou pe dir enpe bann Minister nou osi letan nou’n evalye enpe sak Minister sakenn i annan son specificities par egzanp en Minister i kapab ptipti me selman son volume tranzaksyon ki i pase toulezour i en kantite on a day to day process toulezour so definitivman pour ou kapab donn sa servis piblik, zot osi zot bezwen remunerated dapre Scheme of Service.  So i annan enpe bann varyasyon baze nou get volume e toultan kekfwa nou kontinyelman vwar enpe zot basic pay baze lo bann promosyon ki zot gannyen ouswa bann additional letan zot ganny bouze dan Minister zot pran en pli gro responsabilite.  Mersi Mr Chair.

 

MR SPEAKER

Onorab Georges, epi Onorab Ghislain.

 

HON BERNARD GEORGES

Mersi Mr Chair.  Mr Chair mon fer en fot mon kestyon i pour SRC mon ava demann apre midi.  Mersi.

 

MR SPEAKER

Tre byen.  Onorab Ghislain.

 

HON CHANTAL GHISLAIN

Bonzour Mr Chair.  Mr Chair mon kestyon i annan pou fer avek sa Departman regional intergration ki ti dan Departman Foreign Affairs lot fwa letan PS Affairs ti vini i ti dir sa Departman in sorti anba Departman Foreign Affairs in antre anba Trade kot Minister Finans.  Kot sa Departman ki ti annan 9 travayer ki ti kite laba, and ziska ozordi mon pe get dan Bidze, mon pa pe vwar i ti dir i transfer tou laba mon pa pe vwar alokasyon larzan anba sa Departman.  E si i annan larzan ki’n mete osi pour ranplas bann travayer ki’n kite.  Akoz mon krwar i en Departman ki ase enportan se zot i ti pe diskit bann tranzaksyon bann Grants ki Sesel i annan avek lezot pei.  Mersi.

 

MR SPEAKER

Mersi Onorab.  PS.

 

PS PATRICK PAYET

Mersi Mr Chair.  Zis pour azoute ki parey zot konnen ki avan Minister Finans – kekfwa ti annan 2 Departman apre nou ti annan en 3enm Departman ki Departman Trade, Departman Economic Planning avek Departman Finans.  E nou ti  -nou’n demann DPA pour fer en functional review kot Minister Finans pour vwar en pe lo Minister Finans pour vwar en pe kekfwa rol sak Departman pour fer sir ki napa sa overlapping.  E en keksoz osi ki nou ti demande se functional review spesyalman kot sa Departman Regional Integration pour vwar zot rol e konpare avek rol Departman Trade avek Departman Economic Planning i en keksoz anyway ziska prezan nou konman Minister Finans nou pa ankor ganny en kopi sa functional review kot Departman Foreign Affairs.  E nou pa ankor zwenn avek zot pour vwar si zot in fer li akoz nou okouran ki i annan 2 Departman one for multi lateral avek one for bilateral.  Me sepandan ki nou’n diskit avek zot se par egzant the SADC trade facility ; ki par egzanp avan ti pe ganny fer par sa regional integration nou’n demann zot ki dan diskisyon avek zot ki nou’n vwar ki sa i antyerman trade related issue lo sa portfolio lo sa SADC Grant ki ti annan sanmenm sa ; ki ti ganny transfer ki’n ganny transfer ou vwar dan Bidze kot Departman Trade.  E secondly ti annan Comesa Fund ki sa regional intergration ti annan oversight lo la e sa osi ou pour vwar dan Bidze kot Minister Finans.  Me sepandan nou bezwen konzwentman diskit li avek Departman Foreign Affairs akoz at the end of the day zot ki on the face direkteman kot sa multi lateral – oubyen bilateral donor.  Mersi.

 

MR SPEAKER

Onorab Ghislain.

 

HON CHANTAL GHISLAIN

Be lefe ki sa bann travayer ki’n kite i nepli annan sa bann travayer ki pe fer sa e mon krwar i ti en Departman ase enportan, akoz mon krwar zot ki ti pe fer bann tranzaksyon bann ki pe kominike konsernan bann Grant ki Sesel i sinyen avek bann lezot pei.  Eski sa i vedir ki lefe ki napa sa bann dimoun la, sa Departman pa pe fonksyonnen li menm.  E ki Minister Finans i pe fer pour ki i annan travayer ki zot anploye pour fer sa louvraz ki ti pe ganny fer oparavan?

 

MR SPEAKER

PS.

 

PS PATRICK PAYET

Mersi Mr Chair, mersi Onorab.  Zis pour azoute ki nou nou’n ganny sa bann fund nou.  Par egzanp ki nou’n vwar ki SADC Fund ki Comesa Fund, SADC trade facility ki nou’n gannyen me tandis ki nou pe travay avek Departman Economic Planning li i pe travay lo son plan stratezi.  E baze lo PSIP e Minister Foreign Affairs Departman Foreign Affairs i bezwen servi sa bann dokiman zot letan zot pe diskit avek bann donor.  Tandis ki Minister Finans nou, nou pa pour al direkteman pour al diskit avek sa bann donor sa i still reste anba portfolio Foreign Affairs.  E sa ki mon krwar zot in kas zot lofis an 2 ki zot annan multi lateral avek bilateral.  Nou nou pour still travay anba PSIP avek bann strategic dokiman pour sa National Development Stategy, ki ganny soumet once ki i annan bann negosyasyon me selman Minister Finans osi i bezwen get involve.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker in fact mon sitan enpresyonnen avek bann larepons ki nou’n gannyen.  Mon krwar ki nou dan en pozisyon pour nou pran en vot.  Mersi bokou.

 

MR SPEAKER

Tre byen nou a pran en vot.  Tou bann ki pour vot pour sa 3 Heads PS Payet gid nou paz avek amount.  Premye nou’n koz lo Departman Finans ki lo paz …

 

PS PATRICK PAYET

Departman Finans i lo paz 133 R120.2milyon; Departman Komers ki lo paz 145 R31.8milyon e Departman Economic Planning lo paz 150 R4.6milyon ki fer en total as per Appropriation Bill R156.512milyon.

 

MR SPEAKER

Tre byen.  Tou bann ki pour sa Bidze lo sa 3 Departman lev zot lanmen?

 

MADAM CLERK

Mr Chair full house.  26 Manm an faver.  Personn kont.  Mersi.

 

MR SPEAKER

Mersi Clerk.  Savedir Lasanble in aprouv Bidze pour Departman Finans, Trade apre osi pour Departman Economic Planning.  Avek sa mon a zis avan nou eskiz Minis zis nou a fer en sel zafer – akoz nou pour retournen apre midi pour nou pran Procurement Oversight Unit avek National Tender Board zot Direkter avek zot Senior Procurement Inspector pour la pour zot prepar zot pour apre midi.  Pour anonse pandan break la ki pour annan 2 miting Anti-Viktimizasyon Komite.  Tou bann ki lo sa Komite nou pe zwenn avek Komisyoner Lapolis pour bann ka ki’n vin devan nou 12.30 dan Speaker’s Conference Room apre ABC i pe zwenn 1.15.  Mon sipoze nou a fini avek Komisyoner si non si nou pa ankor fini avek Komisyoner Lapolis ABC i a zwenn dan Committee Room 3.  Avek sa mon a swet zot tou bon appétit Minis, PS, Mr Assan – DG Assan lot PS mersi pour zot letan bomaten nou a vwar serten zot apre midi bon appétit tou dimoun 2er.

 

(BREAK)

 

 

PROCUREMENT OVERSIGHT UNIT & NATIONAL TENDER BOARD

 

MR SPEAKER

Bon, bon apre midi tou dimoun. Nou a swet labyenveni ankor Minis avek ou PS.  E si mon pa tronpe nou annan Procurement Oversight Unit ki avek nou – am I right PS?

 

PS PATRICK PAYET

Bon apre midi, e wi Mr Chair tou lede selman nou fer tou lede vini Procurement Oversight Unit avek National Tender Board.

 

MR SPEAKER

Tre byen alor nou annan avek nou Ms Dugasse ki Direkter Procurement Oversight Unit avek son Senior Procurement Inspector Ms Morel – yes epi nou annan osi pour National Tender Board Ms Nancy she is here sorry Ms Nancy mon vwar ou lo televizyon par devan me laba kot mon été mon vwar zis deryer ou latet so sorry about that.  Mon pa’n remark ou si mon ti’n vwar ou par devan mon ti a konnen obviously avek evidaman Ms Hetimier Madanm Hetimier.  So nou ti a kontan swet zot labyenveni pour nou lesanz nou konversasyon apre midi e avek sa mon a demann i annan tou lede ansanm mon a demann Clerk avek Deputy Clerk pour pran non tou bann ki anvi entervenir lo sa 2 Heads.  Procurement Oversight yes PS please go ahead.

 

PS PATRICK PAYET

Mr Chair zis pour gid zot lo paz Procurement Oversight Unit i lo paz 179 ziska paz 184 e National Tender Board i lo paz 185 ziska paz 188.  Mersi.

 

MR SPEAKER

185 ziska 188 Procurement li i lo 179 ok 179 avek 185 pour National Tender Board.  Ek sa nou a demann tou bann ki anvi pran laparol silvouple lev zot lanmen.  Clerk avek Deputy Clerk zot ava note.

 

MADAM CLERK

Mersi Mr Chair.  Bon apre midi tou dimoun lo kote Parti Lepep mon annan Onorab Charles De Commarmond, Onorab Sebastien Pillay, Onorab Audrey Vidot, Onorab Churchill Gill e Onorab Waven William.  Mersi.

 

MR SPEAKER

Mersi.  Deputy.

 

MADAM DEPUTY CLERK

Mersi Mr Chair.  Bon apre midi tou dimoun lo kote LDS mon annan Onorab Ramkalawan, Onorab Ferrari avek Onorab Pillay.  Mersi.

 

MR SPEAKER

Onorab Andre, mersi.  Petet nou a straight away konmans avek Onorab William.

 

HON WAVEN WILLIAM

Mersi Mr Chair.  Mr Chair anyway i pa direkteman lo budget me alokasyon me en pti pe lo zot fason travay, lefe ki ou annan tandans vwar poudir i annan en pti pe retar lo bann prosedir, ki lafason ki keksoz pe kapab ganny fer.  Si ou ti kapab eksplik en pti pe ki bann difikilte parfwa.  Mon vwar dan zot challenges serten bann problenm, me eski zot annan en Fast Track Unit anba dan procurement PIOU ?  Mersi.

 

MR SPEAKER

Ok.  Ms Dugasse.  Mon krwar ou pe adres ou kestyon pour Procurement Oversight Unit – se sa?  Ms Dugasse.

 

DIRECTOR ANNIE DUGASSE

Bon apre midi tou dimoun.  Mersi Mr Chair mersi Onorab pour ou kestyon.  Ok an term proze nou, nou aware ki parfwa i annan bann retar ki arive avek prosedir proze.  Me selman parey nou lalwa regilasyon i kler lo prosedir.  Si ou fer ou prosedir byen ou fer li a ler i pran ou en normalman open tender – si mon pran an konparezon si ou fer li byen tou bann dokiman i annord i pran zis 4 semenn pour open tender.  Apre osi si ou pe fer ou en limited ki nou apel li en restricted tender, normalman lalwa i allow ou en minimum 2 semenn pour fer li.  E direct bidding si tou keksoz i al byen dan 1 semenn.  Me parfwa pour tou sa 3 metod, si i annan en keksoz ki manke oubyen Minister pa swiv byen – son bann prosedir byen oubyen i pa get byen son bann dokiman definitivman, pour annan retar.  Me selman kot nou kote as much as possible konman nou ganny en dokiman i vini minimum ki nou pran i 1 zour pour nou retir li.  E pour ou kestyon, si nou annan en unit ki fer fast track proze non, me selman lalwa i fer pour bann prosedir bann gidans i donnen sirtou bann sirkonstans letan i en proze i annan en ka irzans kot i bezwen ganny fast track Lalwa i fer prosedir pour sa.  Me i pa swiv menm formalite parey en open tender, me selman i annan en special formalite ki ganny fer anba Lalwa pour li osi.  Mersi.

 

MR SPEAKER

Mersi short and sweet.  Onorab Stephen Pillay.

 

HON STEPHEN PILLAY

Mersi Mr Chair bon apre midi.  Mon kestyon i pour Tender Board avek Procurement lo kote Tender Board mon le demande lekel ki deside parey bann Class 1, Class 2, Class 3 ,Contractor pour fer bann proze akoz in ariv lensidan kot en senp maintenance lo en hall oubyen lo en kiosk 300 ekek dimoun ki lo Class 3, i ganny meprize zis pour en senp reparasyon zot pran zis Class 1 avek 2.  Si i kapab donn mon enpe detay lo la.  Epi pour Procurement Budget ki zot reaksyon lo bann over budget ki ganny fer epi zot demande pour transfer sa larzan an plis ki zot in save sa Departman or Minister pour fer en lot proze avek.  I en pe lo kote laliny Onorab De Commarmond ti dir si pa devret set en reserve limit pour bann proze ki pe fer akoz sa sistenm over budget.  I annan avek mon papye ki bann Bidze pour R400mil ekek me tender i pour zis R200ekek pros 35 a 40poursan under tendered ki zot fer avek sa larzan eskiz ot ganny drwa reservi ouswa dir avek PS Finans repran sa larzan met dan zot Bidze, akoz mon vwar poudir en pake zwe ki kapab pase ladan parey Onorab De Commarmond ti dir.  Mersi Mr Chair.

 

MR SPEAKER

Director Nancy.

 

DIRECTOR MARIE NELLA NANCY

Bon apre midi tou dimoun. Mersi Mr Chair mersi Onorab pour ou kestyon.  Konsernan sa premye kestyon ki ou’n demande lo Tender Board nou dan nou term pour nou, nou apel sa en elligibility requirement(uh) -vedir sa bann Class Kontrakter.  Anba Lalwa procurement sak lenstitisyon ki’n ganny kree anba Lalwa i annan son fonksyon spesifik par egzanp dan Minister zot annan zot rol ki zot zwe, POU i annan pour li konman regilater e Tender Board li i annan pour li.  Sa issue elligibility requirement ki ou’n demande i tonm anba fonksyon dan Minister – ok?  Akoz letan en proze i konmanse se sa Minister ki fer sa ki nou appel the what’ ; kwa ki nou bezwen ki mannyer nou pour fer nou proze ki nou pe targete ki kriter ki nou servi pour nou proze, pour nou evalye nou proze, tousala i ganny fer dan sa lorganizasyon.  So letan par egzanp ou pour get en advert dan NATION ou pour vwar en target Class 1 and 2 i vedir ki sa project unit dan sa lorganizasyon zot in vwar pour konpleksite sa louvraz i pour vo Class 1 and a Class 2.  E nou lo kote Board nou napa sa lotorite pour nou question zot eligibility ki zot in mete akoz parey bokou fwa bann procurement entities i dir nou zot ki konm zot technicality.  So zot ki fer antre sa dan dokiman ok so parey mon eksplike sa i ganny deside lo nivo Minister.  Mersi.

 

MR SPEAKER

PS Payet oule azoute?  Non.  Yes, go on.

 

PS PATRICK PAYET

Mersi Mr Chair, mersi Onorab.  Zis pour azoute ki dan Bidze si par egzanp ler in ariv tender, ouswa sa Minister in procure i annan savings ki arive, i vin en savings dan Bidze i vin en savings dan sa Minister e dan Mid-Year Review nou vwar par egzanp si i annan code ouswa i annan nouvo progranm ki anvi fer, sa i konsilte avek nou e nou pran sa savings e nou kapab allow li kekfwa fer nouvo proze. Par egzanp nou pran SLTA.  Si SLTA par egzanp in vwar ki sa alokasyon Bidze ki nou’n donn li i kapab fer zis en kantite semen nouvo semen dan community, me letan i ariv Mid-Year Review nou vwar i annan savings i annan nouvo semen kekfwa ki pa ti ganny mete dan Bidze nou kapab allow li, pour konmans tender bann nouvo semen ki nou ti’n vwar ki dan Bidze par egzanp 2019 nou ti’n met alokasyon.  So i kapab konmanse during the 3rd quarter konmans fer son procurement i kapab pey en bout.  So sa i bann diskisyon ki sa Minister baze lo savings ki i gannyen pour fer avek li during the Mid-Year Review.  Mersi Mr Chair.

 

MR SPEAKER

Onorab Pillay ou ok?  Alright.  Onorab Churchill Gill sorry mon ti krwar ou’n dir mon move on.  Ale Onorab Pillay.

 

HON STEPHEN PILLAY

Wi ankor en leklersisman mon pa pe ganny tro byen akoz ler nou aprouv Bidze fer krwar pour fer en PSIP pour R400mil epi ou fer en benefis R200mil ou pa krwar ler ou fer Mid-Year review ou troun la ou vin demann nou?  Akoz nou ti aprouv pour R400mil me Procurement or Tender Board in fer R200mil profi.  Mon pa ti aprouve pour lot semenn mon dan PSIP dan proze mon aprouv pour sa, me parey in dir lenpresyon ki nou gannyen inflated on purpose pour zot keksoz san ganny regilarize ganny oversight par nou.  E pour sa Class 1 avek Class 2 mon krwar PS Payet or Minister i devret get byen ladan, akoz tou zot proze i kapab desann apepre 25 a 30poursan devret servi Class 3 as well mon konnen pa lo Tender Board ki deside me Minister i devret pran sa an ka poudir donn direktiv lezot Minister poudir servi Class 3 akoz serten Enzenyer i dir mwan 25 a 35poursan savings zot pour fer.  Mersi Mr Chair.

 

MR SPEAKER

PS oule respond?

 

PS PATRICK PAYET

Mersi Mr Chair, mersi Onorab.  Pwen note konsernan Class 1 avek Class 2, sa i en negosyasyon nou ava diskite avek bann Minister konsernen spesyalman bann ki dan konstriksyon nou ava diskit enpe avek zot.  E konsernan sa second proposal in regards to refer back to National Assembly nou ava regard en fason dan Mid-Year Review letan nou fer nou rapor ki at least National Assembly i okouran tou sa proze ki konmanse enpe pli boner par egzanp ki baze lo 2019, me kekfwa i pe konmans pli boner ki natirelman i ti pour dan Bidze 2019.  Mersi pour sa Mr Chair.

 

MR SPEAKER

Onorab Sebastien Pillay i related ou kestyon?  Go ahead.

 

HON SEBASTIEN PILLAY

Mersi Mr Chair.  Mr Chair par egzanp zot koman Tender Board baze lo sa kestyon par egzanp eski zot fer okenn lanaliz lo okenn tenders lo bann bids ki zot gannyen lo diferan konponan travay either sekirite, cleaning eksetera zot fer lanaliz pour vwar si sa bann bid pe fall within en serten figure oubyen pour regarde si sa bann bid pa petet pli o ki par egzanp ki sa sekter ki pe fer.  Eski i annan okenn travay ki zot fer internally ; ouswa zis zot resevwar sa bann bid zot process li e zot fer tender process internally i annan okenn analysis ki ganny fer mon ti a kontan klarifye baze lo sa kestyon ki’n fek ganny demande?  Mersi.

 

MR SPEAKER

PS oubyen Ms Nancy.

 

DIRECTOR MARIE NELLA NANCY

Mersi Mr Chair mersi Onorab.  Onorab pour sak proze ki vin kot Tender Board ; pour sak lorganizasyon zot annan sa ki nou appel en cost estimate e sa i ganny fer konman en gidans as to dan evalyasyon ki mannyer zot pour rank bann bidders bann pri ki pe vini versus sa cost estimate ki’n ganny etabli.  Now dan Tender Board pour le moman nou annan zis enkli mon menm i annan zis 4 staff so ki nou tant pour fer letan sa bann proze i vin devan Board e i annan dan professional report i annan tou sa lanaliz nou diskite si fodre call in sa Minister zot come in.  E si par egzanp nou feel poudir i annan serten dekalaz e ki petet i demann en second opinion on the analysis being made nou refer sa avek antre Board i diskite en dimoun ki zot kapab fer konman en independent review lo sa proze, ki pour donn nou en second lopinyon depandan lo ekspertiz sa tender ki attendSo si i pour en servis par egzanp konsiltan nou pour bezwen rod en dimoun ki annan enpe knowledge dan sa domenn ki pour kapab gid nou.  Si lo kote civil works nou toultan refer avek en QS ki pour kapab donn nou en lot pwennvi.  E osi lately nou servi bokou parey dan bann ka varyasyon sort-of nou servi bokou Inspectoring Unit kot Procurement Oversight Unit ki ale pour fer en analysis enpe pli in-depth over sa ki ganny soumet by sa popping entity.  Mersi.

 

MR SPEAKER

Onorab Churchill Gill.

 

HON CHURCHILL GILL

Mersi Mr Chair.  Mon kestyon i lo paz 180 mon ti a kontan ganny leksplikasyon lo sa bann logmantasyon swivan ; ‘wages’ i annan en diferans R900mil ‘use of goods and services’ R830mil ‘other use and services’ R373mil apre dan letan nou ti pe fer deliberasyon FPAC pandan lannen, i annan bann serten Departman ki’n vini ki ler nou pe koz tender i annan ki pa ti’n mete – sorry i annan ki pa ti swiv me selman apre i annan ti dir nou pli tar zot ti ganny laprouvasyon.  Mon kestyon se si ozordi zot ankor pe ganny sityasyon kot tender pa’n ganny fer sa Departman in al aste apre i vin kot zot ?  Mersi.

 

MR SPEAKER

Director Nancy.

 

DIRECTOR MARIE NELLA NANCY

Mersi Mr Chair.  Mersi Onorab pour ou kestyon.  Lo kote ogmantasyon dan saler, sa ogmantasyon i dan de faz premyerman boner sa lannen dan Mars nou ti konmans premye faz pour transfer bann procurement staff ki dan line Ministry ki dan Procurement Oversight Unit e sa ti en total apepre R800mil ki ti ganny transfer, pour 5 Minister – ki similar –parey Finans in transfer son bann accounts staff anba Finans, nou osi nou’n konmans en premye faz nou’n transfer premye bann procurement staff anba Procurement Oversight Unit.  E 2enm konponan dan increase dan saler i pour Scheme of Service ki sa lannen nou’n fer premye faz nou’n aranz basic pay bann staff dan Procurement Oversight Unit e dan Minister osi e lot konponan sa larzan i pour 2enm faz Scheme of Service ki nou pe demann azisteman inducement allowance e marketable skill ki pour le moman i DPA pour approval e pour pas lannen prosen.  E lo kote ‘goods and services’ major increase se prensipalman pour advert ki dan ‘office expenses’ parey nou tou nou konnen anba POU nou annan en manda pour advert bann tender e sa increase i prensipalman enn nou ganny bokou plis advert ki’n ganny vin kot nou pour met dan Nasyon.  E dezyenmman tar sa lannen nou annan en kontra ki nou sinyen avek SBC e nou konmans met nou advert lo radyo – ok?  Pour ‘other goods and services’ son major increase se zis pour nou rent ki pour sa lannen in reste parey apre lannen prosenn nou forecast en 5poursan increase ki pour fer sa rent monte.  E ou 2enm kestyon Mr Onorab se konsernan si nou ankor pe ganny sa bann issue parey ou pe dir fransman wi nou ankor pe ganny sa bann ka ki Minister pe fer procurement apre i demann nou approval.  Me selman i bokou pour mon eklersi avek nou lalwa pa permet sa bann kalite aksyon ganny pran e Minister still kanmenm nou fer bokou sansibilizasyon, i still annan sa pti gin ki toultan fer son prosedir apre i demann approval.  E pour le moman la nou dan prosedir avek Minister Finans pour nou sey deviz en mekanizm ki mannyer nou pour sey deal avek sa sityasyon pour bouz devan.  Mersi bokou.

 

MR SPEAKER

Onorab Gill.

 

HON CHURCHILL GILL

Eski toultan i menm Minister ki donn sa problenm oubyen detrwa?  Mersi.

 

MR SPEAKER

Madanm Direktris.

 

DIRECTOR MARIE NELLA NANCY

Mersi Mr Chair, mersi Mr Onorab.  I tou i annan i varye i annan Minister ki i fer premye fwa ou donn li en direktiv i aprann, i pa fer ankor.  Me i annan ki i fer en fwa i fer 2enm fwa me overall i varye.  Mersi.

 

MR SPEAKER

Savedir i marse ou roten pe marse.  Onorab Andre.

 

HON CLIFFORD ANDRE

Mersi Mr Chair.  I dan menm laliny ki Onorab Gill in demande mon vwar dan ou ‘strategic priorities 2020’ ou’n mete ki oule convert from oversight unit into an authority e ou annan ou en lalwa pour fer li pli comprehensive, eski zot in pran konsiderasyon pour pran en penalti oubyen serten sanksyon an referans avek sa ki Onorab Gill i demande?  Mersi.

 

MR SPEAKER

Madanm Director.

 

DIRECTOR MARIE NELLA NANCY

Mersi Mr Chair, Mersi Mr Onorab pour ou kestyon.  Wi pour le moman nou dan prosedir nou konmans en legzersis pour nou revwar nou lalwa e dan sa revizyon lalwa pour annan sa konponan ki pour annan sa transformasyon pour nou vin en authority e wi pour annan mekanizm ki pour pran plas dan sa revizyon Lalwa presizeman pour deal avek sa bann issue, kot Minister i fer procurement apre i demann approval.  Mersi.

 

MR SPEAKER

Onorab Vidot.

 

HON AUDREY VIDOT

Mersi Mr Chair.  Mon kestyon i pour al pour Minis oubyen CEO, dan Bidze Lasanble Nasyonal bomaten nou’n tande ki R750mil larzan taxpayers in pey en lakonpannyen san en kontra pour lannen 2017.  Eski sa peyman i legal oubyen non?  E si zot kapab elabor en pti pe lo zot stratezi pour 2018, pour ki pour anpese si sa Kontra i legal bann keksoz parey pa repete akoz mon vwar dan zot lo paz 179 dan zot stratezi zot in dir zot pe al undertake en Unit pour zot kapab revwar en pti pe travay oversight.  Si zot kapab elabor lo la tou?  Mersi.

 

MR SPEAKER

Ou kestyon pe al ver Procurement Oversight UnitYes Director Dugasse.

 

PS PATRICK PAYET

Kekfwa Mr Chair.  Ou pe koz spesifikman par egzanp lo sa diskisyon Kontra ki nou’n diskite bomaten ouswa…?

 

HON AUDREY VIDOT

Sa i vin konman en legzanp.  Si ou kapab eklersi.

 

MR SPEAKER

Ou pe dir Kontra Lasanble ou?

 

HON AUDREY VIDOT

Wi, sa kontra ki i napa – en kontra 2017, akoz dapre lenformasyon i sipoze 2015 pour 2016.  Me nou konpran depi bomaten la ki R750mil in ganny peye atraver sa lakonpannyen – prezan nou anvi konnen si sa i legal vi ki napa en Kontra.  Prezan pour anpese ki bann keksoz koumsa i ariv ankor eski dan zot stratezi 2018 la ki zot in mete dan liv lo paz 179,anforsi – eklersi en pti pe dir nou en pti pe zot rol pour été pour oversee bann keksoz parey.  Mersi.

 

MR SPEAKER

Petet premyerman also PS Payet pa devret reponn, since ou ti la bomaten pour sa apre nou ava al kot Direkter amwen oule Direkter i reponn si i konnen lo kwa nou pe koze.

 

PS PATRICK PAYET

Mersi Mr Chair.  Zis pour azoute ki nou’n mansyonnen bomaten – ki par egzanp dan sa particular case nou ava revwar la fason ki in ganny fer, akoz nou pa ti okouran si ti annan direct bidding.  Akoz par egzanp Miss Dugasse in eksplike ki i annan diferan metod pour procurement.  I annan ki al open tender i annan ki al direct bidding i annan ki al selective.  So sanmenm sa ki nou’n dir bomaten nou’n mansyonnen pour vwar si ti annan akoz nou okouran ti napa open tender selman pour regarde si ti annan direct bidding.  Kontra osi nou ava regarde.  Me kekfwa zis pour azout lo sa kote ki Miss Dugasse in mansyonnen nou pe revwar lalwa procurement antye e nou pe fer sir ki at least procurement i a vin en authority at least i ava annan sanksyon dan son Lalwa ki i kapab mord en pe letan sa bann case i arive sa ki nou pe travay lo la.

 

MR SPEAKER

PS sa i en relasyon avek sa ki Lider Lopozisyon ti demande bomaten eski nou pe ganny en timeline eski nou pe koz demen pour ou donn nou sa lenformasyon?

 

PS PATRICK PAYET

Wi nou pe rod lenformasyon pour demen.

 

MR SPEAKER

Mersi.  Onorab De Commarmond.

 

HON CHARLES DE COMMARMOND

Wi dan sa menm laliny se sanmenm sa rezon ki mon ti poz sa kestyon bomaten, napa en Kontra en peyman sa groser in ganny fer e pa Lasanble ki’n fer – Minister Finans sanmenm sa ki bezwen kler sa ki mannyer zot in fer si zot in fer, san en Kontra sa ki mon ti pe sey demande bomaten, ki mon ti anvi en leklersisman.  Mersi.

 

MR SPEAKER

Be la sa ki Onorab Vidot in demande, i pe demande si sa i legal .

 

HON AUDREY VIDOT

Wi apre osi mon 2enm osi pa ti ankor reponn.

 

MR SPEAKER

Wi PS.

 

PS PATRICK PAYET

Non.  Mersi Mr Chair mersi Onorab.  Zis pour azoute ki mon krwar spesifikman letan DG Administrasyon ti mansyonnen ki i anba code National Assembly ki sa peyman ti ganny fer i ti annan Kontra spesifik ki ti dir selman Kontra lafason sa provizyon dan sa Kontra ki mon vwar en kopi bomaten, in dir ki ou bezwen pey li en sel kou sa R750mil.  Me tandis ki letan ou vwar properly, sa dimoun i bezwen travay i kapab pey li one third of it dan premye quarter i travay apre si ou verifye ou vwar i pe travay dan second quarter ou pey li the next morso.  Me letan nou’n vwar en pe dan diskisyon i tou sa sonm pey li en sel kou.

 

MR SPEAKER

Savedir sa ki ou pe dir nou konmsi dan Kontra i legal, me the practice kontra pa ti devret ganny fer koumsa?

 

PS PATRICK PAYET

Wi the clause – yes.

 

MR SPEAKER

Ok.

 

PS PATRICK PAYET

Me selman ou remarke nou pe pe repran sa bann dokiman pour nou vwar li an totalite kekfwa nou ava vwar li dan report back.

 

MR SPEAKER

Onorab Vidot.

 

HON AUDREY VIDOT

Mr Chair,  ou’n vwar sa Kontra ou PS dan sa kontra ou’n vwar zis sa clause me sa kontra i valid 2015 a 2016 ; peyman in ganny fer 2017.  Sa ki nou’n ganny dir fodre i eklersi si i legal oubyen non.  Akoz nou pa ti a swete ki bann lezot lorganizasyon osi i fer parey ankor konpran.  Sanmenm sa ki mon le …

 

MR SPEAKER

Onorab…

 

PS PATRICK PAYET

Mr Chair.  Kekfwa demen nou ava rod tou lenformasyon akoz kekfwa nou pe zis diskite without the proper information. 

 

MR SPEAKER

I annan enlot lenformasyon kekfwa ki Director Dugasse.

 

DIRECTOR ANNIE DUGASSE

Mersi Mr Chair, mersi Mr Onorab.  Lo kote stratezi zis pour mon azoute parey PS in dir letan nou dan prosedir la nou pe revwar Lalwa nou pour annan bann mekanizm, ki nou pe met an plas ki lannen prosenn nou pe bouz pe vin en authority nou pour annan bann mekanizm an plas ki nou pour mete pour nou zisteman sey anpes sa bann malpractice arive nou premyerman nou pe sey strengthen nou Inspectorate Unit pour li al en pe plis dan son bann analiz ki i fer letan i pe fer son bann inspection.  Akoz pour le moman ki mannyer inspection unit son fonksyon i été se i al get en procurement letan in fini normalman in fini pour li get sa prosedir.  Me petet nou a revwar lalwa petet nou a sanz enpe ki mannyer i fer son inspection petet i al avan oubyen mid – letan i pe fer sa tender pour fer sir ki kontra i an plas prosedir an plas zis pour anpes sa bann kalite practice ariv dan near future.  Mersi.

 

MR SPEAKER

Mersi.  PS letan zis pour afresi memwar letan nou pe koz sa bann kalite lenformasyon ki ou pe anmennen demen ou pe osi anmenn sa ki Onorab Leader Lopozisyon, ti demande lo sa Delicious, Delicious la?  En – menm konmsi ti annan en relasyon ant sa?  Se sa mon byen konpran sa bomaten Onorab Leader Lopozisyon?

 

HON WAVEL RAMKALAWAN

Mr Speaker ti ava bon si i ti anmenn sa osi tou, parske sa pour montre ki poudir non sa msye sa la Whey Gao i aparet dan Seylicious ; apre sa i aparet dan kontra Timepoint sepa kisisa – sa lakonpanyen ki ti ape fer – konmsi i ava montre sa lyen e avek former Speaker.  Mersi.

 

MR SPEAKER

Ok bon mon ti pe zis anvi klarifye sa sorry i Seylicious ok, mersi.  Onorab Ferrari.

 

HON JEAN-FRANCOIS FERRARI

Mersi Mr Speaker.  De pti kestyon silvouple, mon ti a zis pour tou le 2 CEOs i annan sa lannen in annan plizyer Kontra ki pa’n ganny enplimante sirtou bann Capital Projects e enn bann Minister bann agencies, Departman in donnen se ki process i slow.  Eski i zistifye sa komanter – oubyen eski zot satisfe ki zot pe fer keksoz mars ase vit posib ?  Mon 2enm pwen lannen pase nou ti annan en kestyon lo extra works ; nou konnen poudir bokou Kontrakter se la ki profi i vini lo extra works.  So re asir Lasanble pour dir zot annan an plas en sistenm ki pe kit en lizye tre pros lo bann extra works apre ki main contract in fini ganny allocated.  E mwan mon krwar e ki Lasanble ti a vreman apresye konnen as opposed to the amount of contract tendered out what is the percentage of extra works, akoz i bezwen annan i bezwen annan en serten limit lo sa keksoz.  E finalman sa se sirtou pour Procurement Oversight Unit dir nou si zot annan kapasite within your organisation – or eski zot pe lyez avek okenn zot Lazans Nasyonal oubyen enternasyonal pour fer sir nou pe gannyen bann komodite parey medikaman bann keksoz koumsa at the best price and you are not relying on those people who are doing the bidding but you know zot annan en serten konesans konbyen en panadol normalman i vann lo international market pour ki zot pa rely zis lo bann bidders.  Mersi

 

MR SPEAKER

Direkter Nancy al lo sa 2enm kestyon i vreman enteresan mon tann li souvandfwa bann cost overruns souvandfwa i al preski lanmwatye sa ki in tender.  Eklersi nou lo sa 2enm kestyon avan nou al lo premye avek 3enm silvouple.

 

DIRECTOR MARIE NELLA NANCY

Mersi Mr Chair.  Mersi Mr Onorab pour ou kestyon.  Parey Mr Chair in dir mon a pran sa bann apre Ms Dugasse i ava take up in the middle.  Mon krwar menm si mon pour al lo 2enm kestyon petet ti a pli bon si mon konmans lo premye akoz i sort of link sa larepons parey ou’n mansyonnen ki bokou lorganizasyon zot kontan mansyonn sa issue of delays si ou pour get dan nou annual report ki nou’n fer Lasanble ganny en kopi – en keksoz mon appel nou ti dir sa earlier this year e nou ankor pe fer fas avek sa issue ki pe kree bokou delay se sa mankman planifikasyon.  Ok? Parey mon dir larepons pour Onorab Pillay initially en kantite rol tender process i rely lo lorganizasyon li menm Minister fodre ou project section or ou procurement section i strong pour li kapab take up tou bann steps ki annan pour follow akoz POU i konman sa regulatory i zis konman en watch dog en guidance me selman the bulk of it i from the Ministries.  So en keksoz ki nou pe obzerve se sa mankman planifikasyon i pe spill into parey ou’n dir – varyasyon e into delays of project.  I annan lenstans kot ou vwar kontrakter menm i vini pe konplent en BOQ ki in gannyen pour li tender avek i dir ou sa BOQ i mank keksoz ladan – en kantite misyon letan zot fer site visit zot vwar en kantite i manke and what do you have to do extend ankor fer at tandem donn plis letan donn en nouvo dokiman.  So letan i ale e letan ou dokiman osi i pa ase concise letan i vin lo kote evalyasyon eski ou met tou ou kriter dan ou dokiman or eski letan ou pe evalye prezan ou di – a ou a dir plito nou ti’n include sa.  E kot la bann lotorite ki pe aprouve poudir ou, – be non go back redo ou evaluation akoz i pa dapre ou dokiman ki ou’n tender.  So tousala i sort of bann difikilte ki procurement system i fer fas avek an lot mo, i result dan sa bann delays – ok?  Parey nou dir parey zot kontan dir parey kot Tender Board i annan sa back and forth, mon krwar tousala i ede pour met pour proze pa ganny aprouve wi me selman si tou ou keksoz i annord within a week letan i pas devan Board tou keksoz i annord i ganny aprouve there and then e zot kapab proceed.  Parey mon koz lo la en pe lo kote extra works ankor i en defi ki nou pe fer fas avek.  Me selman ki nou’n fer more and more avan petet nou ti en pe pli random lo bann claim varyasyon ki nou al enspekte.  Nowadays 99% of the request more variation si en Minister pe anvoy en request varyasyon kot Board i konnen i pa pe ganny approval on the spot akoz nou pe refer kot Inspectorate Unit nou pour demann en site visit nou pour demande al tyeke si sa claim ki pe ganny fer i justifiable, e bann rates ki sa Kontrakter in mete.  Akoz bokou fwa sa varyasyon i pa by sa Kontrakter ki on site so eski bann rate ki pe ganny mete i varyab and from then on, la si rapor ki vini bann findings i pozitiv it gets approved if not si i annan eleman ki nou vwar li tro gro nou pour fer li, re go back dapre rapor Inspectorate Unit re travay lo la e come back with the proper report.  Pour poursantaz extra works I’m afraid mon pour napa avek mon la me as always give to PS Finans to circulate to the Members.  Mersi.

 

MR SPEAKER

Ok.  Onorab De Commarmond i annan ankor enn.  Sorry Director Dugasse laparol i pour ou.

 

DIRECTOR ANNIE DUGASSE

Mersi Mr Chair. Mersi Onorab pour ou kestyon.  Pour reponn ou kestyon pour le moman kapasite nou annan me selman i limite.  Nou annan nou en inspectorate ki pour le moman i annan li zis 4 staff e i annan en gro fonksyon pour li fer.  E nou krwar selman nou santi avek sa kapabilite ki bann staff i annan zot kapab fer sa louvraz zot kapab fer pour mentenir ki tou keksoz i annord.  Me selman pour nou kapab deservi nou responsabilite pli byen pli efektiv definitivman plis resours i demande.  Mersi.

 

MR SPEAKER

Dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon anvi demande si letan zot pe reform zot Lalwa sa seksyon 31B ver defans la ki menm letan FPAC ti pe fer travay e ler dan nou investigation lo FIU avek NDEA nou’n dekouver ki poudir sa konmsi i vin en laport ki tro ganny – ki tro ganny servi e i prone to abuse. Eski zot pour osi sanz sa seksyon?  Apre lo paz 179 mon vwar ki poudir zot bann challenges e mon kontan ki zot pe nonmen ki tou lede sa 2 main challenges, zot pou pran li an konsiderasyon sa bann ki pa comply avek the Act avek sa bann ki zot fini fer apre zot konmsi zot sa bann lenstans ki fer zot process perdi signifikasyon – signifikans.  Me zisteman dan sa laliny eski zot pe zot pe swiv byen sa bann prosedir ki sa bann entities i servi parske i resanble ki parfwa i annan sa bann la ki pe demande pour procurement – pour en tender apre sa zot menm zot, zot konn enpe ki pe pase e zot annan en lenfliyans letan i annan sa konsiltasyon – e zot trouv zot santi poudir i annan en lenzistis.  Eski sa osi tou pour ganny adrese dan sa prosesis reform?  E petet zis en dernyen, dernyen letan zot pe koz an term bann penalti, bann sanksyon eski dan zot Lalwa zot ti ava kapab osi pour nou anpese pour ki annan sa nespes koripsyon ki non selman sa entity ki’n donn en Kontra san en tender ki ganny ki ganny sanksyonnen, me ki sa Kontrakter oubyen sa – well apel li en Kontrakter ki li in ganny sa in pran sa Kontra an full konesans, ki poudir ti napa sa Kontra ki tou lede kote i ganny met anba sanksyon, pour ki enn fwa pour tou nou ava kapab swiv.  E si mon pe lev sa bann pwen Mr Chairman se parski prensipalman sa bann pwen ki letan FPAC pe deal avek, kot nou vwar keksoz i al an dezord.  E mon dernyen, dernyen ki arive dan bann lenstans ki Minis Finans in donn en lord ki fodre i annan en tender pour en pour kek aktivite e la mon nonm spesifikman L’Union La Digue.  I annan en restoran ki in ouver ki Minis Finans in dir fodre i annan en tender me Board L’Union Estate zot, zot pran Minis zot met li deryer lalin ; konm dir Speaker zot in anvoy Minis fer fiche e ki arive dan sa bann lenstans eski zot antre ladan pour zot fer okenn keksoz ; oubyen zis keksoz i deroule e sa konmsi i anmenn en nespes lanarsi dan nou sistenm?  Mersi bokou.

 

MR SPEAKER

Direkter.

 

DIRECTOR ANNIE DUGASSE

Mersi Mr Chair, mersi Onorab pour ou kestyon.  Pour premye kestyon pour seksyon 3 ki ou pe refer lo exemptions ; wi nou aware sa bann issues sirtou avek sa de lorganizasyon sirtou bokou fwa i vin kot nou, nou osi nou ganny difikilte menm avan nou donn exemption.  I pa mon mon klarifye ki nou pa donn sa exemptions otomatikman i annan serten bann formalite bann kestyon ki nou demande ki bokou fwa lenformasyon pa ganny donnen or pour rezon sekirite nou pa gannyen nou bezwen donn sa exemption.  Me selman nou’n vwar ki i vre osi ki i posib i annan labi dan sa seksyon.  E definitivman i en seksyon ki nou’n travay lo la pour nou revi.  E definitivman i pour ganny sanze konpletman e sa 2 lorganizasyon i pa pour zis ganny exemption otomatikman i pour annan serten prosedir ki pour bezwen ganny fer menm avan i pour ganny sa exemption e i pour kler letan i sorti anba revizyon Lalwa – ok?  E  i pour 2enm kestyon konsernan penalti dan nou Lalwa pour le moman mannyer i été i annan serten penalti ki egziste – si en Minister oubyen en Kontrakter i fer lofans me selman pour en rezon ou en lot Minister pa tant pour servi li.  Me selman pour lannen 2018 avek revi dan nou lalwa wi pour annan nou pour ranforsi lo sa penalti e menm nou pour amann li en pti morso, pour donn li en pe plis ledan parey nou dir, ki menm sa Kontrakter osi menm sa Minister, si i nou vwar zot dan lenstans letan Inspectorate Unit in fer son analysis, i vwar ki zot guilty, i pour annan penalti ki pour aplik pour tou lede parties.  E pour kestyon dernyen kestyon, mon ava les petet PS i ava reponn sa enn.  Mersi.

 

MR SPEAKER

PS Payet.

 

PS PATRICK PAYET

Mr Chair.  Mersi Onorab.  Zis pour azoute ki nou konnen ki i annan Public Enterprise ki pa tonm anba Procurement pour le moman.  e sa san menm sa ki sanzman osi ki nou le anmennen pour fer sir ki at least tou public enterprise i tonm anba procurement laws ki egziste.  Me sepandan par egzanp spesifik lo sa case, ki Minister Finans i kapab fer nou kapab refer sa case avek Procurement Oversight Unit, pour zot investigate proper e vwar avek Board Nasyonal akoz ki zot kekfwa zot pa’n ekout lenstriksyon.  Definitivman kekfwa zot en Board zot, zot krwar zot super see the approval from the Minister.  Me sepandan i kapab annan investigation ki Procurement Oversight Unit i kapab fer dan sa case.

 

MR SPEAKER

Director Nancy.  Sorry Minister Larose – sorry.

 

MINISTER PETER LAROSE

Mersi Mr Chair.  Mon krwar Onorab Ramkalawan in fer en pwen tre valab, e mon fully agree avek sa ki li i dir, parske mon sorti lo en standar enternasyonal e la i fer mon mazin World Bank.  Kot ki annan keksoz move pratik pase dan bann zafer tender, kolizyon avek Kontrakter natirelman i annan en piblikasyon anler lo website.  Sa bann Kontrakter i ganny penalize.  The whole world is aware of sa bann disbarred sa bann Contractors.  Zot ganny penalize en serten fason pour prevent collusion avek koripsyon.  E sa mon krwar koman nou pe remarke i annan en weakness dan nou Lalwa e ler nou pour reform nou Lalwa nou bezwen pran sa an kont.  Mon krwar sa en pwen tre valab e mon siport Onorab Ramkalawan pour sa pwen ki in levé.  Mersi bokou.

 

MR SPEAKER

Mersi Minis.  Parey mon touzour dir nou annan lespwar nou ava arive.  PS eski nou kapab pran en vot lo tou lede aprezan – Procurement Oversight Unit lo paz 179 R7.710million e apre National Tender Board lo paz 185 R3.393million.  Eski nou kapab pran 2 vot?

 

PS PATRICK PAYET

Wi Mr Chair.  Selman ti a bon zot pran vot separeman.

 

MR SPEAKER

Separeman bon.  Tou bann ki pour sa Bidze Procurement Oversight Unit R7.710million lev zot lanmen?  Clerk.

 

MADANM CLERK

Mr Chair, mersi.  24 Manm an faver.  Personn kont.  Mersi.

 

MR SPEAKER

Napa personn kont.  Savedir ki Bidze pour Procurement Oversight Unit Ms Dugasse Director – your Budget is approved.  Annou bouz lo paz 185 pour National Tender Board R3.393million.  Tou bann ki pour lev zot lanmen?

 

MADAM CLERK

Mr Chair mersi.  24 Manm an faver.  E personn kont.  Mersi.

 

MR SPEAKER

24 Manm an faver.  Savedir Director Nancy ou Bidze in ganny aprouve pour National Tender Board.  Mon krwar ki Minis … sorry Onorab Ramkalawan – wi.

 

HON WAVEL RAMKALAWAN

Mr Chairman, sorry mon enteronp ou.  PS Payet in mansyonn en investigation i pour refer sa case ; eski nou kapab ganny en time frame silvouple pour nou kapab …

 

MR SPEAKER

Ou pe koz lo sa enn La Digue?

 

HON WAVEL RAMKALAWAN

Yes, sa Inner Island.

 

MR SPEAKER

PS.

 

PS PATRICK PAYET

Mersi Mr Chair, mersi Onorab.  En semenn ou a ganny rapor.  Mersi.

 

MR SPEAKER

Very good thank you – action good.  E avek sa mon ti a kontan remersye sa 2 Direkter Ms Annie Dugasse avek Ms Marie Nella Nancy, pour zot letan avek zot koleg ki vin isi nou swet zot tou de bon, akoz nou konnen ki zot annan en rol enportan pour zwe dan sa lalit kont koripsyon dan sa pei – dan nenport laform ki i pran.  Alor nou ti a kontan swet zot kouraz e ankor en pe boner pour mwan swet zot Zwaye Noel – me mon kapab eskiz zot la prezan.

 

 

(DIRECTOR ANNIE DUGASSE AND HER DELEGATION WAS EXCUSED FROM THE HOUSE)

 

 

SEYCHELLES REVENUE COMMISSION

 

MR SPEAKER

E avek sa nou a demann Parliamentary Reporter pour apel bann profesyonnel sorti kot Seychelles Revenue Commission i lo paz 168 to 178.  Minis ouswa nou a eskiz ou, ouswa ou pe demann pour eskize non?  Anr oule fer en pti statement ; be avan ler ou fer ou statement en pti moman mon a swet zot la byenveni konmsi ou menm ou pe fer enpe keksoz byen.  I pour mon avek nou bann koleg dan Lasanble nou ti a kontan swet labyenveni Commissioner Cafrine Mr Ronald Cafrine i nouvo Commissioner pour Seychelles Revenue Commission son Deputy Commissioner is Mr Fred Morel ; e nou annan Madanm Fanchette ki Assistant Commissioner pour Domestic Tax nou annan Pearl Nalentamby ki financial controller, epi evidaman nou annan ss Aniel Desaubin i senior accountant.  E petet i bon osi i moman pour nou konman en Lasanble pour felisit Mr Cafrine konman Commissioner SRC.  Lannen pase pandan Bidze nou’n ganny en kantite deba lo SRC e mon krwar sa letan Mr Cafrine ti pe enjoy the winter climbs in Washington me la sa lannen ou avek nou.  Alor felisitasyon e byenveni.  Avek sa mon a donn laparol Dr Larose pour ou fer en pti prononsman.

 

 

MNISTER PETER LAROSE

Mersi bokou Mr Chairman.  Mr Chairman Leader Lopozisyon Onorab Ramkalawan – Leader Government Business Onorab De Commarmond tou Manm Lasanble dan nou House set apre midi e tou dimoun a lekout.  Mr Chairman mon deza donn en langazman.  E mon repete apre midi ankor enn fwa lo medya sosyal e Nasyonal – zefor pour kolekte tax avek tou taxpayer i priyorite Minister Finans Komers e Planifikasyon Ekonomik atraver Seychelles Revenue Commission ki nou konn li konm li SRC.  SRC i en lorganizasyon tre enportan pour administre sistenm tax e kolekte reveni Nasyonal.  Mr Chairman nou pei pa kapab fonksyonnen si taxpayer i kontiyelman angaze dan tou fos manev pour pa pey tax ki zot dwa.  I en lobligasyon tou travayer biznes pour fer zot kontribisyon dapre ki Lalwa i demande.  Mon le oule adres sa size tax ki SRC i administre konm swivan.  Premyerman tax ki due konmela ; SRC pe ranforsi son sistenm enformatik enforcement administrasyon kot i pe donn plis tansyon e met zefor lo koleksyon tax ki due. Sa stratezi se pour anpes ki tax pa vin an aryeraz parey nou eksperyanse dan detrwa lannen pase.  Dezyenmman ; nou statement lo SRC i koumsa ; Minister Finans i an diskisyon avek en tim Forensics Auditor Sidafriken – mon pa pour mansyonn non Firm Auditors pour fer lodit konplet tax aryeraz.  Nou an negosyasyon avek sa tim Oditer pour anmenn 10 Oditer.  Mr Chairman petet en Manm Onorab a demandé akoz 10 Oditer?  Repons i senp 6 Oditer pour travay an parallel lo siport – akoz i en landrwa tre stratezik e la kot mazorite tranzaksyon lo Trade avek Komers i traverse lo nou later.  E 4 Oditer pour travay lo Airport la osi en lot stasyon tre stratezik.  Enn fwa pour tou nou bezwen met nou sistenm tax annord, e defini konbyen tax an aryeraz nou annan.  Background sa bann Oditer i koumsa.  5 Oditer enn spesyalize dan forensic governance e legal expert;  en lot forensic audit and investigation ; 3enm forensic accounting and due deligence ; 4enm forensic investigato ;r 5enm forensic banking and polygraph expert – ki mon le dir sa par sa polygraph expert Mr Chair, pour premye fwa nou pour ganny expert ki pour vin isi ler i pour fer son lodit i ava en provizyon si sa bann taxpayer pe si oule sey fer fason pour donn fo lenformasyon, i ava a tou diskresyon sa taxpayer pour subject to a polygraph test ki ava dir si i pe koz laverite ou mansonz.  Me sa i son prop diskresyon.  2 Oditer i spesyalize dan cyber forensic, forensic audit e legal expert ;  en lot cyber forensic, physical security and forensic investigator ; en lot Oditer spesyalize dan ASYCUDA – ASYCUDA san menm sa sistenm ki mon krwar nou’n rankontre bokou problenm e se pour se la ozordi zour nou annan sa tax aryeraz.  E sa dimoun in deza annan lodit ki in fer dan pei – parey konman Nigeria e lezot pei Lafrik.  En Oditer spesyalize dan physical security expert – en lot Oditer organisational design expert.  Mr Chairman mon le fer remarke ki pour premye fwa, en tel legzersis pour ganny fer dan nou pei.  Mon ti a prefere swazir Oditer Seselwa pour konplet sa travay, me legzersis i tre sofistike e i bezwen Oditer spesyalize.  Mon le konfirm avek kote nou arive diskisyon ti konmanse an Mars 2017.  Petet kekfwa demande akoz tou sa letan?  Ler ou pe fer negosyasyon koumsa ki la premye fwa nou pe eksperyanse telman i annan expert sakenn i annan son lokipasyon dan diferan konpannyen ki zot pe fer sa bann lodit pour met zot ansanm,  alor i demann en moman apropriye.  E apre tou parey nou pe diskite nou bezwen annan en Kontra ki defini ki kalite travay ki nou le.  Epi nou bezwen natirelman pas kot Procurement Board ;- nou bezwen si oule ganny legal opinion.  Nou pa kapab zis antre dan en Kontra koumsa an bonnavini.  Si nou pe koz lazistis, nou pe koz latransparans nou Minister Finans nou bezwen lead anler lo sa front.  Mr Chairman sef Oditer pour sef misyon ti vin Sesel pour kolekte lenformasyon, pour sa lannen.  En Kontra in deza ganny modifye pour reflekte travay ki nou, nou le akonplir dapre nou lekspektasyon.  Letan pour konplet sa travay i estime pour pran en minimum 2mwan.  Nou bezwen rod legal opinion avek nou Legal Advisor.  Nou bezwen osi pas parey mon dir Procurement Board.  Pri ki sa konpannyen pe estime pour koute la mon dir tre kler 570,345mil Euro. Sa i enkli transpor, legal fees, air fare, withholding tax ki enportan si nou pe fer sa travay dan nou pei  -zot pey 15poursan, e sa i sipoze ariv 58,320mil Euro.  Mr Chairman an vi ki sa osi ti form par komitman ki mon ti donnen dan Budget Speech, alor mon profite se apre midi ler nou pe diskit lo konteks SRC e mon fer sa deklarasyon.  Mr Chairman mon swete ki demen nou pour annan kontinyasyon kot i konsern Bidze nou Minister, e nou a diferans komitman ki mon fer mon ava lir demen.  Mersi bokou Mr Chairman.

 

MR SPEAKER

Mersi Dr Larose.  Se vreman ‘La Bonne Nouvelle’.  Mon krwar i donn nou bokou lankourazman ou ti fer en commitment e ou’n delivre e ou pe e ou pour delivre lo ou commitment.  Annefe i vre ki ler i en keksoz spesyalize koumsa, pour annan toutafe rezon nou bezwen rod sa ki kapab – sa ki le etranze sa ki pour kout nou e nou bezwen peye pour vi nou ganny rezilta.  Se sa ki nou pe rode.  Avek sa mon a zis ascertain ankor avek PS Payet ki la nou pe al pran zis Seychelles Revenue CommissionPS.

 

PS PATRICK PAYET

Wi Mr Chair.  E nou pour konmans li lo paz 168.  Wi zis Seychelles Revenue Commission.

 

MR SPEAKER

Tou bann dimoun ki le koze entervenir lev zot lanmen e Clerk avek Deputy Clerk i a pran non.  Clerk.

 

MADAM CLERK

Mersi Mr Chair.  Lo kote Parti Lepep mon annan Onorab Charles De Commarmond, Onorab Sebastien Pillay, Onorab Audrey Vidot e Onorab Churchill Gill.  Mersi.

 

MR SPEAKER

Deputy Clerk.

 

MADAM DEPUTY CLERK

Mersi Mr Chair.  Lo kote LDS mon annan Onorab Ramkalawan, Onorab Georges, Onorab Ferrari, Onorab Adelaide, Onorab Hoareau avek Onorab Andre.  Mersi.

 

MR SPEAKER

Mersi.  Nou ava al direkteman sa voyaz nou a konmans kote drwat kote gos – mon kote gos.  Onorab Georges.

 

HON BERNARD GEORGES

Mersi Mr Chair.  Mr Chair mon ti a kontan avek ou permisyon konmans lo deklarasyon Minis. Nou konpran konpran tre byen ki pour kapab fer antre tax nou bezwen bann dimoun profesyonnel e si nou napa isi nou bezwen al rod deor.  Tout o mwen, pour en konmansman.  Ler mon tann sa enn de fwa mon en pti pe per akoz NDEA avek FIU ti koumsa menm ki zot ti komanse.  Nou ti napa kapasite nou ti napa konpetans alor nou ti al met sa dan lanmen dimoun deor e nou konnen ki le konsekans in arive.  Mon ti a kontan Minis as a preliminarily point ki ou reasir mwan ki nou pa pe al dan sa menm sa direksyon dan sa enn dan sa enn ka.  Mon dir sa avan ki mon ariv lo mon kestyon – lo kestyon staffing lo kestyon dimoun ki pour travay pour anmenn pour fer antre tax ki, sa bann dimoun i bezwen annan konfidans e konfyans taxpayer.  E mon devret dir ki dan mon leksperyans tou an felisitan bann travayer SRC ki mon interface avek resaman, pour sa travay eksepsyonnel ki zot in fer.  E mon koz lo en nivo personnel e osi lo nivo bann kliyan ki mon reprezante i annan tanzantan ; e mon sorry poudir ki enn de bann expert etranze ki mon ki nou semen in krwaze, i pa’n montre sa konpetans ki mon ti a swete vwar.  Alor ou deklarasyon, ki mon krwar i al dan en bon direksyon reasir mon silvouple ki nou pour annan dimoun ki konpetan e nou pour annan dimoun ki pa pour fer en travay ki pour counter-productive ; kot zot pour travay byen avek taxpayer dan en fason kot zot pour annan trust sa taxpayer pour ki larzan i ava kapab antre.  Mon kestyon dan sa menm laliny se e lo sa menm sa pwen apar amenn sa bann etranze ki nou pe fer pour staff retention lo nivo Customs sirtou – me sirtou lo nivo SRC an zeneral.  Ki – eski zot in kapab eski zot in mazin lo posibilite ki mon ti sizere lannen pase, ki pour retir koripsyon si i annan, oubyen tantasyon ki nou raise, raise saler sa bann dimoun ki pe travay dan SRC e menm anvizaz en sistenm poursantaz lo zot koleksyon, ki mon konnen i pa en lide iniversyalman akseptab, me ki kekfwa i ava anmenn bokou plis larzan dan nou sistenm, e ede pour counteract sa back log ki nou annan.  2 lezot pti kestyon pli pertinan enn se mon aprann ki biro bann Customs Officers ki ti kot Airport – Cargo i aprezan bouze in vin Docklands e sa biro laba anler i ankor vid.  E en rent ase signifikan pe ganny peye lo sa nouvo biro.  Mon ti a swet en leklersisman lo la.  E dezyenmman eski i annan okenn manev ki pe ganny fer, okenn thinking ki pe ganny met an plas lo nivo excise duty lo lalkol?  Dan en fason pour redwir sirtou konsonmasyon bann lalkol ki ganny prodwir isi Sesel a en poursantaz ba.  E dan en packaging ki tant zenes pour bwar, e ki pa bon pour lasante bokou dimoun?  Mersi Mr Chairman pour ou lendirzans.

 

MR SPEAKER

Petet Minis ou a reponn avan apre Commissioner Cafrine i a reponn.

 

MNISTER PETER LAROSE

Mersi bokou Mr Chairman ; mersi Onorab Georges.  Mon krwar ou annan re anmenn ankor en pe sa kestyon ; si mon memwar i bon kot ou anmennen lannen pase.  E an vi ki ou’n mansyonn FIU/NDEA mon krwar i ankor fre dan mon memwar.  E mwan mon filozofi i koumsa ; ‘’once bitten twice smart.’’ non pa ‘shy’ – ‘smart.’  E mon pour mon si ou regarde la pour kapab vwar lekipaz bann First Officers se bann Seselwa.  Mon preferans bann Seselwa.  Me pour retourn lo kestyon ki ou’n dir, an vi sa leksperyans avek sa bann Irish, mwan mon pa ti a kontan anmar lanmen Sesel, ki sa bann dimoun i fer nou per epi i pa delivre. Mwan pour mwan mon preferans se Seselwa an premye.  Me si par azar tanporerman nou napa sa Seselwa kalifye, nou bezwen get a leksteryer me tanporer – avek en bi pour fer sir ki nou kapab anmenn nou Seselwa onboard.  Me ou 2enm kestyon kot ou’n poz mwan ou’n dir be ki nou pe mazinen in terms of forward thinking, pour kapab tir la tantasyon – parske se si oule SRC ek Customs se la nou major cash box pei e la nou pe etidye, nou pe moderniz enpe SRC avek Customs pour tir la tantasyon.  E la nou bezwen incentivize bann staff from top to the one that cleans the floors.  E sa pour mwan i ava donn nou Seselwa en lankourazman, e i ava fer sir parske Seselwa nou en nasyon patriyotik parey bokou Nasyon i été me si ou regard dan zot welfare telman byen, Seselwa pour delivre.  Mon krwar its one of the hardest working nation.  E mon krwar sa tre byento nou ava enform ki nou ape fer e ki tou dimoun i ava konnen.  Me mwan ankor enn fwa mon repet mon lekor, mon annan tou konfidans dan mon Seselwa.  Si ou donn zot the right incentive, create the right environment, zot a delivre.  Mersi Mr Chairman.

 

MR SPEAKER

Commissioner Cafrine lo Docklands.

 

COMMISSIONER RONALD CAFRINE

Mersi Mr Chairman, thank you Onorab pour ou kestyon.  Lo kote staff retention ; sertennman nou lobzektif se pour nou pa perdi staff ki nou annan.  Akoz deza i difisil pour nou atrakte bann nouvo ki deor.  So primordyal pour nou si nou kapab retenir bann ki anndan.  Lo kote retenir zot avek plis saler well nou annan hope akoz DPA in dir poudir by term revi nou pour annan depandans bann landrwa parey nou.  E nou hope dan sa endepandan i kapab ed nou pour pey sa bann package, pour bann travayer.  E osi nou konpran poudir i annan en national review lo saler ki pe ganny fer nou pe tande avek Lasanble.  E sa osi i donn nou enpe hope pour ki i annan keksoz, ki pour vini ladan ki kapab ed bann dimoun ki anndan ki pa pour konmans get deor.  Lo kote tir koripsyon – i annan en kantite fason ki natirelman ki nou kapab regarde ou nonm petet raise saler ki i byen e nou hope sa ki fek dir i kapab ede.  Apre ou’n nonm en zafer ki pour tir poursantaz lo kekfwa lo sa ki zot kolekte, sa i en lide ki mon deza annan en long time ago, me sa ki mon ti konnen tou ki ozordi gras a zot travay zot pe dekouver excess code e zot pe fine dan sa bann dimoun e sa larzan i al dan Bidze Gouvernman.  Sa larzan sertennman pa ganny bidzete poudir lannen prosenn pour fine dimoun so much, nou pour anmas sepa konbyen milyon.  Alors kekfwa si nou dir avek staff ok Minister Finans i kapab dir avek staff ok, mon pe get trend fines avek penalti ki ou’n fer dan past 5 years ou pe anmas R2milyon – R1.8milyon R2.3 whatever, nou dir ou koumsa lannen prosenn nou espekte ou pour anmas R2milyon sa ki reste en poursantaz pour travayer.  Kekfwa si ou fer keksoz dan sa laliny i kapab petet ed zot.  Selman parkont osi en lot dimoun i kapab dir osi sa staff pe fer son louvraz pour li dekouver sa extra goods – i son louvraz.  Me selman ozordi kanmenm i son louvraz i pe ganny en larzan de kote ; i pe les sa pase. So nou a get tou zafer ansanm ki demen i pa vin en zafer staff pour fer nespes konmsi i annan en motivasyon pour al konmsi nou bezwen aret tou container pour li fer mannyer pour li ganny larzan – pour li petet benefisye dan en bonus.  So ou bezwen fer en mannyer poudir i annan osi bann prosedir, bann indicators ki dir ou, ou pa kapab depans so many hours avek en consignment ki pe sorti.  I bezwen annan en mezir, ki ou dir staff i bezwen toulezour pe travay lo so many bills e en container pa kapab fer so many days dan Por.  So sa i 2enm bout.  Apre koripsyon obviously i kapab ganny adrese lo kote si ou kapab tir enpe bann enteraksyon fizik – ki i annan en kantite ozordi.  Bann keksoz ki fer manual e sa i pour ede apre ler ou annan sa face-to-face ; i annan bann soz ki arive.  E parey ou konnen koripsyon i osi sorti an deor i pa neseserman for anndan ki demande, be ennler i ganny ofer tou.  Apre bann prosedir kekfwa in ler pour reget li moderniz li.  Petet annou anmenn enpe plis computerisation; mon’n dir lot fwa dan mon ladres automation is the way forward.   Si nou kapab ganny petet lenvestisman Minister Finans ansanm Minis in koz en pti pe lo kote modernizasyon, si nou kapab dan sa nide la, dan sa vizyon, annou dir poudir modernizasyon i osi en fason ki nou kapab tir koripsyon dan Ladwann avek dan tax.  Apre lot kote se, get new staff.  Le moman ki en pti gin staff i annan plis sans ki i rod larzan deor avek dimoun.  Apre parey ou konnen si i devret annan trwa dimoun avek en container pe ganny verifye ozordi zis enn, akoz nou annan problenm staff.  So again plis staff letan i neseser i kapab ed nou at the same time nou pe dir met more computarisation, i annan mwens enteraksyon fizik, avek zofisye avek the business community.  E sa pour mwan i bann fason ki nou kapab travay lo la pour nou move forward i tir koripsyon dan Ladwann  e avek nou bann staff.  Mersi Mr Speaker.

 

MR SPEAKER

From the Airport to Docklands?

 

COMMISSIONER RONALD CAFRINE

Ah mersi lo kote Docklands wi nou’n move Docklands se bann zofisye ki ti kot sipor Customs House ki antre sa i zofisye Risk Management Unit ki ladan.  Avan zot ti Customs House sa i akoz nou pe kit Customs House plis pour bann dimoun ki enterakte avek piblik.  So Risk Management zot basically like background people ; zot anmas lentelizans, zot ed nou idantifye risk e target ki bor risk i été ; met plis travayer kot risk i été.  E sa rezon ki nou’n pran sa landrwa dan Docklands.  E nou osi annan lide met nou Intelligence avek nou Investigation Unit kot Docklands i annan ankor enpe lespas.  So Customs House i zis pour landrwa pour dimoun ki enterakte avek kliyan.  Mersi Mr Speaker.

 

MR SPEAKER

Onorab Georges.

 

HON BERNARD GEORGES

Brefman Mr Chair.  Excise lo lalkol?

 

MR SPEAKER

Commissioner.

 

COMMISSIONER RONALD CAFRINE

Mersi Mr Speaker, mersi Onorab.  Onorab pour le moman sa i en zafer pour le moman kote kot Polisi, so PS lo mon kote drwat kekfwa i a kapab reponn sa kestyon.  Mersi.

 

MR SPEAKER

PS Payet.

 

PS PATRICK PAYET

Mersi Mr Chair.  I en keksoz ki nou’n konmans diskisyon.  Nou annan detrwa proposal avek bann lakonpannyen ki’n met devan nou, me selman nou pa ankor asize etablir enn de sa bann opsyon.  Selman trezyenmman la Desanm Zanvye nou pour antre en pe plis ofe fer en pe plis analiz selman definitivman i annan detrwa proposal ki’n vin devan nou pour nou asize analize selman nou pa ankor kapab konkretman donn en desizyon lo la.  Mersi.

 

MR SPEAKER

Onorab Vidot.

 

HON AUDREY VIDOT

Mersi Mr Chair.  Mr Chair mon premye kestyon in ganny reponn atraver Onorab Georges, me parkont mon ti le anforsi petet si Mr Cafrine ti kapab lo size saler oubyen parey ogmantasyon pour bann travayer Customs oubyen SRC mon konnen i annan kritik ki staff, i dir bann promosyon in vin atraver – si ou pa dalon avek entel ou pa pour gannyen.  Petet si zot annan en striktir an plas ki pour kapab pli byen kalkil regard en pti pe komitman sa bann staff anver zot travay, zot disiplin, zot langazman pour kapab vwar pour zot tant pour rod dimoun an deor, zot kapab donn en staff ki pe byen delivre en promosyon e apre petet sa lo plas zot ava kapab advertise pour en lot pos.  Mersi.

 

MR SPEAKER

Commissioner Cafrine.

 

COMMISSIONER RONALD CAFRINE

Mersi Mr Speaker mersi Onorab.  Lo kote promosyon ki ganny rekomande ou ganny donnen by higher authorit -y Direkter – i pa posib ozordi pour fer sa dan lepase menm avek sistenm ki an plas avek DPA ou ti kapab fer appraisal dir ou pe promot sa dimoun pour pran sa pozisyon.  Dan Ladwann nou annan sistenm ki petet en pti pe unique.  Nou fer en rotasyon.  Rotasyon i ganny fer pour build kapasite bann staff akoz Customs i partou – so nou annan excise – ou annan document check – ou annan verifikasyon – ou annan bonds  –ou annan Airport – ou annan lot terminal.  So ki nou ti fer mon mazinen it was 2010.  Nou dir pour nou anpes sa zafer akoz ozordi sa vacancy in appear la dan sa seksyon – sa dimoun ki la sa zour sa letan i gannyen.  Akoz nou ti vwar i annan en de balansman dan kapasite, e i annan dimoun ti dir be i annan sa enn Segon i pli konnen ki sa Premye.  Sa enn 3enm i pli konnen ki sa enn anler ; akoz mannyer ti été avan i ti pe mal fonksyonnen.  So nou dir si en keksoz si en pozisyon i ouver dan sa landrwa – annou dir Airport Terminal i pa vedir ki sa Supervisor ki la ki pour gannyen, akoz sa pozisyon i pour Manager la.  Sa konmsi i ganny advertise internally e tou dimoun ki krwar i kapab ganny sa pozisyon, i advertise.  I bid for it.  At the same time ki nou fer nou fer external tou.  So i pa posib poudir sa dimoun ki dan sa landrwa promot sa dimoun ki la akoz son zanmi.  So akoz ki nou fer sa rotasyon si ou pas partou ler ou pas partou dan tou bann seksyon kekfwa en bo zour, en job i ouver dan sa seksyon then everybody i kapab apply.  Then i pas zis sa dimoun ki la kanmenm i kapab.  Akoz dan lepase ki arive mon kapab transfer sorti kot Social Services mon vin antre dan Ladwann.  Mon fer 6mwan la – 1an apre en zafer i ouver par lao mwan.  Sa dimoun ki pe ale i rekomann mon e mon ganny sa louvraz tou dimoun i ankoler i dir be sa in fek vini 2an, i pa ni konn Customs – ki pe arive?  So nou dir fer li transparan nou fer dimoun partou apply pour sa job.  So sa i en pti pe mon leksplikasyon – mon pa konnen si Deputy i kapab azoute.  Mersi.

 

MR SPEAKER

Onorab Adelaide.

 

HON FRANCOIS ADELAIDE

Mersi Mr Chair bon apre midi a tous Minis avek panel.  Mon annan de pti kestyon mon premye se lo paz 169 nou annan sa ‘strategic priorities 2018 eskan 2020’ ‘improve detection and extention of all form of tax invassion and smuggling,’ mon pe demann panel vi ki nou konnen i annan dimoun ki’n deza ganny zot nou deza okouran ki zot dwa tax eski Lalwa pe mars parey pour sa bann group dimoun?  Akoz mon konpran poudir i annan bann ki pe ganny demande pour pey par pti kwiyer ; i annan bann ki pe ganny trangle pour pey zot tax eski nou pour kapab annan en sel Lalwa pour tou dimoun pour abide.  Mon 2enm kestyon se lo kote internet avek IT equipment, mon le konnen si Seychelles Revenue Commission zot website i azour e piblik i kapab ganny lenformasyon azour avek bann devlopman ki pe arive?  E mon 3enm pti pwen, se nou’n tann Minis ki i pe fer vini 10 expat – lo kote bann domain forensic, eski nou pe fer nou pe dan sa Bidze petet i annan en larzan ki nou pour train nou Seselwa ki nou pour empower zot avek petet bann karyer dan petet forensic field, pour ki zot kapab travay avek Seychelles Revenue Commission – dan plas ki etranze i ganny larzan Seselwa ki ganny larzan?  Mersi.

 

MR SPEAKER

De kestyon Commissioner Cafrine ; mon krwar 3enm kestyon Minis in reponn taler.  Commissioner Cafrine.

 

COMMISSIONER RONALD CAFRINE

Mersi Mr Chairman mersi Onorab.  Lo kestyon intelligence ou konnen lo kote Ladwann lo kote tax en keksoz ki nou pe travay for lo la se nou bezwen annan sa ki nou apel en risk-based approach.  Akoz obviously keksoz ki pe antre si oule fer otherwise ou pour end up aret tou consignment aret tou pasaze ki antre, e finalman ou resours  i en pti gin.  E sa dezyenmman i pa international law at all.  So nou bezwen servi lentelizans, anmas lentelizans anmas risk, dokimant zot, mezir zot medium high, low prezan ki ou target ou resours kote ki ou krwar i annan plis risk.  Akoz sansan ler ou pe target malapropo sa bann ki high risk i pase e nou konnen ki arive – drog e nou perdi tax and so on and so forthSo nou pe ganny dir toulezour, e sa i en top norm ki partou pe dir nou, espesyalman si ou resours i limite, servi ou resours avek en risk-based approach pour ou target kot ou bann risk i été enpe pli byen, e prezan avek ou pti resours ou kapab anmans plis tax, oubyen target bann keksoz ki ou pa sipoze parey antre dan pei.  Oubyen bann taxpayer pour konnen sa i bann high risk taxpayer.  Mon pa konnen si mon Deputy ti le avek permisyon Mr Speaker.

 

MR SPEAKER

Wi ale Deputy.  Minis apre ou ti kapab azoute, si ou train Seselwa   Mon krwar son dernyen kestyon ti dapre training Seselwa avek etranze.  Deputy Commissioner.

 

DEPUTY COMMISSIONER FRED MOREL

Mersi Mr Chair bon apre midi tou bann Onorab.  Pour azoute kekfwa lo kote pour improve detection of all form of tax invasion and smuggling, apre nou stratezi osi ki nou annan pour compliance, nou sort of enplimant en stratezi ki target – parey bann taxpayer ki willing pour zot comply nou provide zot as much as possible avek lasistans fer keksoz pli fasil pour zot pour ankouraz zot pour kontinyen comply.  Apre nou annan stratezi bann ki kekfwa i annan serten difikilte, nou donn zot en pti pe plis ledikasyon pour try and bring zot dan sa group ki anvi or ki comply volonterman; akoz then nou kapab focus lo resours plis lo sa bann ki kekfwa pli pti group ki zot kekfwa volonterman zot pa anvi comply.  Zot anvi tou kou kekfwa avoid pey zot tax ; tou kou zot an retar me selman ou pa kapab tret tou kekfwa sa bann kategori tax payer parey.  So that’s why kekfwa nou annan sa bann diferan lapros.  So sa bann ki kekfwa tou kou zot an retar zot pour pey zot tax, oubyen pour submit zot return, ki nou fer nou tant pour servi bann power ki nou annan anba Lalwa pour try and kolekte sa bann amount ki zot dwa pli vit posib.  E sa ki kekfwa ennler bann payment arrangement ki ganny fer, i si en dimoun i tou kou i pe dwa kekfwa nou en pti pe pli sever avek ki bann dimoun ki willing to comply ki zot nou provide zot as much as possible avek lasistans, avek ledikasyon pour ed zot pour kontinyen comply.  Pour lo kote website ; nou website nou update li as and when ki nou annan bann nouvo lenformasyon nou toultan try and keep li updated.  Selman diskisyon ki nou annan internally, se ki nou vwar ki i en pti pe ankonbre akoz i annan en kantite lenformasyon lo nou website selman i en pti pe ankonbre.  So nou pe revwar pour nou re design li en fason ki i pour fasilit kekfwa lenteraksyon ki bann piblik i fer avek nou website kekfwa kategoriz li baze lo medium size avek small taxpayer ki kapab annan zot seksyon ki zot kapab access.  E bann large taxpayer bann lenformasyon ki kekfwa lenformasyon i aplik plis pour zot ki zot kapab access pour tax agent bann keksoz koumsa pour fer li pli fasil, pour nou target bann lenformasyon ki nou donnen avek bann taxpayer.  Mersi.

 

MNISTER PETER LAROSE

Mersi Mr Chairman.  Mon krwar Onorab in raise en kestyon i en pti pe an parallel avek Onorab Georges.  Sa bann dimoun ler i vin isi nou pa pour bezwen depandan anler lo zot eternelman.  E natirelman nou pour bezwen fer sir ki dan zot Kontra i bezwen annan en clause ki dir transfer of knowledge.  Sa i telman tre enportan.  E la nou pour annan Seselwa ki pour ganny assign avek zot e i pour annan en rapor si sa bann Seselwa i krwar poudir sa bann Oditer pe travay antre, zot napa benefis ki zot pe derive out of it.  Pou annan bann rapor regilyerman pandan sa 2mwan ki pour vin direkteman kot mon e la natirelman mon pour bezwen hold zot to task.   Mr Chairman anvi parey mon dir taler leksperyans FIU/NDEA avek sa bann Irish nou pa kapab depan lo sa bann etranze indefinitely.  Sak fwa i annan problenm nou bezwen pey pasaz avyon pey bann fre pour anmenn zot isi sa i pa telman tre viab e mon krwar it doesn’t make sense.  E se pour sela nou bezwen ankadre en clause ki dir alafen dizour zot pour bezwen kot sa leksperyans en pe avek nou Seselwa.  Mersi Mr Chairman.

 

MR SPEAKER

Ok Onorab Adelaide ou ok? Onorab Adelaide ou ok?  Nou a pran en dernyen kestyon avan nou pran en Break.  Onorab Gill.

 

HON CHURCHILL GILL

Mersi Mr Chair.  Lo latab 4 paz 71 i annan en propozisyon pour fer en revi lezislasyon pour compliance avek OECD – CRS apre BEPS – mon pe demande si zot krwar sa R900mil i pour ase pour zot kapab fer sa legzersis?  Apre limero 2 eski dan sa Bidze i annan keksoz ki zot pe mazinen pour amelyor sa fast track servis ki zot donn zabitan Praslin avek La Digue?   Si i annan zot pe mazin fer keksoz pour amelyor sa?  Apre zis pour lo komanter Minis mon ti a sizere ki menm si dan sa kontra i annan sa clause pour pas sa leksperyans, mon mazinen 2mwan i pa vreman sifi.  Mon ti a propoze ki si i annan sa bann Seselwa ki nou santi apre sa 2mwan zot annan sa potansyel mon ti a sizere nou ouver laport overseas pour zot pour zot vreman anmas byen knowledge e i ava benefisye pei.  Mersi.

 

MR SPEAKER

Mersi Onorab pour ou kestyon e ou bon sizesyon.  Minis.

 

MNISTER PETER LAROSE

Mersi bokou Mr Chairman.  Mon krwar Onorab Gill in fer en tre bon sizesyon e sanmenm ki nou annan at it i pa zis pour 2mwan ganny train apre abandonn zot, zot pour bezwen kontinyen sa travay pa fini apre 2mwan sa, sa i kontinyen.  E mon sir ki Seselwa tre, tre vit nou, nou en Nasyon ki aprann vit.  E mon krwar nou ava prouv nou lekor petet i annan serten travay ki nou kapab fer i a demontre nou pli bon ki sa bann Sidafriken.  Mersi.

 

MR SPEAKER

Mersi Minis.  Nou annan zis 6 entervenan ki reste petet ki mon sizere nou pran en break la ler nou.  Sorry Onorab Gill i annan en kestyon ki i ler Commissioner oule reponn non?  2? Ok.  Deputy Commissioner.

 

DEPUTY COMMISSIONER FRED MOREL

Mr Chair mon ava pran sa premye kestyon.  Sa ki annan pour fer avek CRS avek BEPS sa i CRS i sa sistenm automatic exchange of information nou’n angaz nou ladan avek OECD.  Nou’n konmans resevwar pour fer premye exchange sa lannen nou’n resevwar serten lenformasyon nou’n send serten lenformasyon deor dan sa bann lezot juridiction.  Selman parey nou bezwen bann lasistans akoz parey letan nou resevwar sa lenformasyon i enportan ki nou kapab servi sa lenformasyon nou osi.  So that’s why ki nou’n met sa provizyon pour nou ganny en pe technical assistance avek training ki mannyer nou kapab servi sa lenformasyon pour cross check li avek bann lezot lenformasyon, ki nou pour annan lokal, pour idantifye kot kekfwa si i annan bann pratice tax invasion ki’n arive.  E pour nou kapab proceed avek nou bann lodit avek nou bann lenformasyon.  E same i apply pour BEPS kot nou ti … Wi avek pour BEPS kot nou’n zwenn avek OECD pour enplimant sirtou premye kou la i annan 4 minimum standard kot nou pour bezwen enplimante.  E nou bezwen lasistans, akoz sa i bann keksoz en pe nouvo ki nou annan lasistans kekfwa kapab devlop nou bann staff avek training ; ki mannyer Sesel i kapab benefisye avek sa bann langazman ki nou’n fer pour BEPS.  So that’s why ki nou’n met sa serten amount.  Ki parey pour le moman nou’n met R100mil, ki kekfwa i kapab donn nou serten baz lo ki mannyer nou kapab devlop kapasite, striktir nou bann odit e ki kekfwa nou kapab servi li anba lenformasyon.  E pli tar akoz sa proze BEPS i pour al en pe letan osi.  Plitar si kekfwa nou bezwen plis kapasite as kekfwa bann lezot guidelines i ganny devlope avek bann aksyon napa BEPS sa i ava – kekfwa nou ava fer provizyon pour met plis lasistans ki nou bezwen pour lefitir.  Mersi.

 

MR SPEAKER

Wi Commissioner.

 

COMMISSIONER RONALD CAFRINE

Mersi Mr Speaker.  Mr Speaker konsernan Praslin, Minis in deza fer already en deklarasyon lo kote pour improve fast track sa 2 zil.  Sa nou dakor avek sa.  E apre osi nou pe mazinen met en lofis ki pour provide advisory services pour sa 2 zil.  Nou’n deza fer de vizit Praslin mon fer enn e Manager in fer lot nou’n deza fer diskisyon.  E nou pour comeback lo la dan lefitir.  Mersi Mr Speaker.

 

MR SPEAKER

Bon, vi ki nou napa ankor en kantite entervenan ler nou tournen nou ti a demann Public Enterprises Monitoring  Commission pour stand-by pour nou vwar zot osi apre.  Avek sa nou a pran en Break e nou a retournen 4er.

 

 

(BREAK)

 

MR SPEAKER

Bon nou a repran nou travay e nou al direkteman donn laparol Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon annan esansyelman en kestyon e permet mon i annan 3 bout ladan anvi ki mon annan devan mwan Minis bann dokiman ki’n ganny prodwir par lakonpannyen Intelvision li menm, e ki sertifye ki sa lakonpannyen premyerman in ganny donnen drwa ekslisiv pour fer serten aktivite dan Sesel – en drwa fizik pour 20an eksa ziska 2014 – alors mon pe demann Minis poudir sa Lasanble ki kalite proteksyon sosyal ki Intelvision i annan e i ankor pe zouir?  Dezyenmman sa menm dokiman i dir ki Intelvision pa oblize pey okenn income tax okenn turn over tax okenn withholding tax e okenn tax lo profi dan sa peryod.  Mon pe demande alors ki sa Lasanble i ganny dir klerman si Lakonpannyen Intelvision in deza pey okenn tax apar PIT pour son travayer depi ki i pe operate Sesel an 2004?  Trwazyenmman ki an 2014 Intelvision in pey en turnover R104milyon e en gross profit R66milyon dapre zot kont ki’n ganny odite, me ki tou sa larzan R74milyon in ganny anvoye dan en offshore account an BVI e ki Sesel pa’n zouir ni R1 dan reveni tax.  E finalman sa dokiman i dir, ‘’Whilst licensing fees for Intelvision are clearly set out for all operators, Intelvision actually pays a lower fee at the regulators discretion.  Akoz eski sa i egziste e akoz ki eski Intelvision zot menm zot ki dir ler zot pe sey vann zot konpannyen ‘’Intelvision has the right to use the Government post, poles wires, men  holdups, fixtures or  everything around the streets for free at no cost at all.’’  Mwan mon anvi konnen mon anvi ed ou Mr Cafrine dan ou travay mon anvi ki Intelvision i pey tax parey tou konpannyen.  E mon anvi si Minis i kapab dir nou eski zot pe peye pour le moman akoz zot pa pe peye e kan eski zot pour konmans peye?  Mersi.

 

MR SPEAKER

Mersi Onorab.  Mon sipoze BVI british Virgin Islands?

 

HON JEAN-FRANCOIS FERRARI

Yes Sir.

 

MR SPEAKER

Premyerman si Minis ti a kapab dir nou eski ou okouran sa sityasyon?  Epi Commissioner oubyen PS you might wish to add.  Minis.

 

MINISTER PETER LAROSE

Mersi Mr Chairman, mersi Onorab Ferrari.  E si mon rapel byen i pa fer premye fwa ki sa kestyon i ganny surface dan nou Lasanble me a diferan moman.  Kot i konsern sa eksklizivite mon pa’ vwar Kontra, me mon konnen ti annan enn e petet kekfwa mon a les PS Payet ki annan en pti pe ava mwan ganny sa lepok ki ti ler ti ganny sa kalite laranzman i ava eksplik en pe.  E kot i konsern pey tax mon ti a kontan Mr Cafrine i eksplik nou, a ler aktyel menm ziska aprezan up to date si i a pe pey tou son tax.  Parey mon deklare Mr Chairman nou bezwen regard keksoz kot i zis.  Mon fek fer deklarasyon ki tou dimoun i annan en lobligasyon pey tax dan pei, e natirelman sa mon krwar nou pa kapab differentiate ant serten biznes avek lezot biznes ; parske tou dimoun a pe ekout nou lo sa Lasanble i di -r be si tel konpannyen i ganny serten faver serten privilez ou konsesyon akoz pa nou tou?  Nou pe regard lazistis dan transparans e rann kont isi.  Mersi bokou Mr Chairman.

 

MR SPEAKER

PS Payet eski ou annan okenn lalimyer ki oule anmenn lo sa zafer Intelvision – oubyen ki ou kapab anmennen?

 

PS PATRICK PAYET

Yes, mersi Mr Chair.  Mersi Onorab.  Mr Chair zis pour azoute kekfwa mon napa konkret lenformasyon.  In regards to the exclusivity pour sa 20an.  Mon ava regarde dan file ki nou annan kot Minister Finans si sa i egziste, e definitivman mon ava donn nou Lasanble okenn lenformasyon ki nou annan, spesifik lo sa exclusivity.  Lo kote tax dokiman ki nou annan kot Minister Finans Intelvision, dapre nou bann lenformasyon ki nou’n annan ki nou’n asses i sipoze pey all the taxes napa ; okenn taxes ki exempt.  Kekfwa mon a les Komisyoner Reveni si i annan specific regarding koleksyon tax – kwa ki zot in peye ki kapab dir zot ozordi.  Mersi.

 

MR SPEAKER

Me petet avan Commissioner i reponn pour fer li fasil mon krwar Onorab ou’n demann sa kestyon i kapab annan serten lenformasyon ki i a kapab donn zot avan ki zot ale ozordi.  Koumsa ki demen ou a kapab anmenn nou en pe lekleraz lo sa.  Is that ok avek ou PS?

 

PS PATRICK PAYET

Wi Mr Chair.

 

MR SPEAKER

Commissioner oule reponn, ouswa ou a ganny sans fer resers demen PS i a donn ou lenformasyon?  Si oule reponn ou annan laparol.

 

COMMISSIONER RONALD CAFRINE

Mersi Mr Chairman.  Mr Chair mon krwar mon ava esper lenformasyon apre mon ava reponn.  Mersi.

 

MR SPEAKER

Ok Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker avek tou respe ki mon annan pour sa Lasanble e pour tou bann zofisye ki la, lannen pase mon ti ganny menm repons – ok?  Mon anvi dir poudir mon pa pour kit sa Lasanble tan ki mon pa ganny repons lo la.  ,on kapab donn zot tou sa e an realite mon a donn zot dernyen kopi tou sa bann dokiman ki mon annan zot ava ganny de kopi bann kont sinyen par Mr Mukesh Valabji zot kapab telefonn li zot kapab call li, akoz li i en Direkter lo sa konpannyen.  So sa i bann keksoz ki mon kapab donn zot e zot ava fer li.  Mon dernyen kestyon, se eski – sa i pour Mr Cafrine spesifikman eski zot annan en sistenm an plas Mr Cafrine dan kot SRC ki kapab monitor egzakteman ki tou bann PIT – bann tax ki due lo bann travayer GOP – bann travayer etranze ki Sesel i annan bann GOP ki sa bann tax pe ganny kolekt? E akoz e sirtou bann GOP bann travayer ki reste Sesel apre ki zot GOP in expire zot still dan pei, me selman nou nou konsernen si i annan en link ant Imigrasyon avek SRC, pour fer sir ki zot well aware tou bann dimoun ki dan lanplwa e ki zot pe kolekte sa tax?  Mersi.

 

MR SPEAKER

Commissioner Cafrine Imigrasyon and SRC.

 

COMMISSIONER RONALD CAFRINE

Mersi Mr Chairman, mersi Onorab.  Pour le moman mwan personnelman, mon napa sa lenformasyon.  Kekfwa mon Depite ki la avan mon i kapab donn en pe klarite lo la.  Mersi.

 

MR SPEAKER

Deputy Commissioner oule fer komanter ouswa ou osi ou ti a kontan ki demen nou anmenn lenformasyon   osi?  Demen bomaten mon menm mon ki pour dan Chair.  So mon pour demann zot sa lenformasyon ki devret anmennen. PS Payet i annan en letan tanto pour ou fer en pe resers mon sipoze ou bann Lyetnan pe ekoute zot a deza pe fer en pe resers pour fasilit ou travay.  Nou konnen ou tre, tre okipe.  Deputy Commissioner oule fer komanter oubyen …?   Wi go ahead.

 

DEPUTY COMMISSIONER FRED MOREL

Kekfwa mon ava repran sa kestyon dernyen ki’n reponn; pour lo kote bann peyman Income Tax pour le moman nou kapab request serten lenformasyon avek Imigrasyon, pour nou kapab ganny bann dimoun ki’n pey GOP, pour nou kekfwa parey ler nou fer nou odit pour get ki bann Income Tax ki’n peye.  Selman as part of nou sistenm ki nou ti pe met an plas pour Progressive Income Tax, nou ti pe gete si nou kapab ganny en link direk pour nou kapab fer sa cross matching vin otomatikman en pti pe pli otomatik pour nou kapab ganny sa lenformasyon, dan plas kekfwa nou fer li upon request.  So nou ti pe antre pour siny MOU avek Internal Affairs kot Imigrasyon.  Mersi.

 

MR SPEAKER

Onorab John Hoareau.  Sorry? Mwan eksepsyonnelman mon a les ou – akoz ou non pa lo mon papye.  Me selman mon a les ou. Onorab Larue eski i relye avek sa ki Onorab Ferrari in demande?

 

HON FLORY LARUE

I relye direk Mr Speaker.

 

MR SPEAKER

Ale go ahead.

 

HON FLORY LARUE

An relasyon avek kestyon lo tax exemption ; lannen pase mon ti demann Mr Payet menm kestyon e son larepons ki i ti donnen i ti nou pour come back avek Lasanble by Mars lannen 2017.  Sa kestyon ti an relevans avek Fisherman’s Cove Hotel Ltd e avek Eden Island – osi avek bann egzanpsyon ki zot gannyen, me selman avek en lagreman separe.  I ti pour donn nou plis leklersisman, me sa osi nou pa ankor gannyen silvouple.

 

MR SPEAKER

Ok be demen bomaten be it 9er nou a ganny sa bann leklersisman – ok ?  Mersi.  Onorab John Hoareau.

 

HON JOHN HOAREAU

Mersi Mr Speaker, bon apre midi Mr Speaker tou dimoun a lekout.  Mon kestyon i baze lo ‘maintenance and repair’ ki mon vwar i annan pour tools i annan R140mil ki’n met prevwar pour depanse.  So mon ti le konnen en pe letan i lo kwa ki sa i pour depans pour kwa ki kalite tools ?  E ‘office rent’ mon ti a kontan osi ganny en klarifikasyon si sa R15.7milyon ki’n ganny mete pour ‘office rent’ si i pour sa biro ki zot pe rent Docklands – sa space ki zot pe rent Docklands?  E anvi ki bokou pti biznes i vwar ki i pa rezonnab ki zot pey en tax lo turnover ki 1.5poursan lo zot gross ; tandis ki bann lezot ki pe fer par lao R1milyon pe pey 1.5 lo zot net profi -t so eski sa i en konsern zot krwar ki zot kapab adrese atraver sa Bidze pour fer sa size vin en pe pli ekitab?  E mon ti a kontan osi finalman konnen ki bann keksoz konkret anba sa Bidze R3.9milyon pour tax education – kwa ki konpri ladan?  Mersi.

 

MR SPEAKER

Swa Commissioner oubyen Deputy Commissioner oubyen FC any 3 of you i kapab reponn kestyon.  FC petet sa i dan ou domenn.

 

FINANCIAL CONTROLLER PEARL NALLETAMBY

Bon apre midi Onorab.  Pour tools i mainly parey i annan bann zouti ki Customs i servi par egzanp pour container pour ouver container parey nou annan nou scanner ki sipoze an plas i annan bann maintenance ki annan pour fer – tou sa bann pti zouti mainly pour Customs selman, ki zot servi sa i pour kouver sa. Akoz nou’n rod en bon pe bann pti tools ki zot servi so e nou pe mazin rod ankor.  So in factor in tou sa bann depans ladan.  Pou rent i konpri i annan pour Docklands i ladan ; i annan pour Maison Collet.  In fact en batch i annan Grand Anse Praslin nou lofis ; i annan Providence Warehouse ; i annan Sunshine House ; i annan Government Warehouse.  I en lalis ki fer tousala.  E SEYPEC osi i annan serten nou bann zofisye ki laba dan lofis.  E i annan tousala i compile sa lalis, ki fer sa R15milyon.

 

MR SPEAKER

Mersi Onorab Hoareau ou ok?  Wi go on.

 

HON JOHN HOAREAU

Ti annan sa anba tax education mon ti le konnen anba sa progranm kwa ki kout sa R3.9milyo ?  Apre sa zafer R1.5 lo turnover avek R1.5 lo net profit.

 

FINANCIAL CONTROLLER PEARL NALLETAMBY

Mon ava pran lo taxpayer education pli zou mwen tax payer education i mainly nou compensation to employees ki’n made up sa pli gro sonm.  Apre i annan bann parey i annan bann educationional programmes ki nou fer avek bann taxpayer, i osi i tonm anba ta payer education.  So kot nou pe sey ankouraz zot for compliance, nou pe educate zot en pe lo bann taxes ki annan bann diferan tax programmes ki annan.  So tousala i tonm anba sa vot taxpayer education.  Me selman son pli gro konponan se compensation to employees kot ‘salaries and wages’ i tonm anba la.

 

MR SPEAKER

Onorab Andre.

 

HON CLIFFORD ANDRE

Mersi Mr Chair.  Mr Chair mon premye kestyon i an referans avek modernisation ki Minis e osi Commissioner tax in koz lo la ; kan ki nou pour vwar sa modernisation ki nou pour move from electronic phase kot en dimoun i kapab anpli son fer son tax return online e osi fer son peyman of tax online?  Akoz ASYCUDA pe mars ase byen.  2enm kestyon letan nou pe get lo paz 173, mon ti a kontan ganny en lesplikasyon SP 1 Sekretarya mon vwar in sorti R8milyon an 2017 in desann R3milyon drop, konmsi kwa ki’n kree sa?  3enm Mr Speaker se letan nou get lo paz 177 kot ‘program for taxpayer education’ kot in koz lo la nou vwar i annan ‘increase in overall knowledge in the industry taxpayers’ target i 30poursan.  Apre nou annan ‘increase in compliance rate’ 55poursan, akoz nou pe met sa bann rate sitan ba, kan nou kapab met li o e nou travay pour nou kapab fer sa arive?  Mon 4enm se an referans avek Commissioner in dir nou ki travayer i annan en sa ki due promosyon pe gannyen, i annan bokou ki i santi ki zot in ariv sa staz 10an – 15an servis me zot pa ganny konsidere letan serten keksoz i arive.  E osi letan bann cargo i annan en direktiv par zot konman bann travayer sa i ganny overruled par serten Departman Gouvernman serten zofisye dan Gouvernman ki overruled zot desizyon e zot santi zot konmsi it’s not fair ki zot in pran en desizyon me zis get overruled e Gouvernman pa pe kolekte sa reveni ki i sipoze kolekte.  Mersi.

 

MR SPEAKER

Kestyon enteresan Commissioner oubyen ou Deputy.  Eski ou okouran ki okenn ou zofisye i ganny overruled par Departman Gouvernman?  Petet ou kapab reponn sa 4 kestyon ki Onorab Andre in demande ou kapab swa Deputy, FC oubyen ou menm ou kapab reponn.

 

FINANCIAL CONTROLER PEARL NALLETAMBY

Mr Chair mon pour reponn lo kote Sekretarya sa drop.  Sa drop i mainly akoz nou ti annan bann expat workers ki zot saler ti pas anba Sekretarya, e nou no longer have sa bann dimoun in-house.  So se sa rezon ki sa in desann.  Mersi.

 

MR SPEAKER

Deputy.

 

DEPUTY COMMISSIONER FRED MOREL

Mon a pran sa kestyon lo kote ‘electronic phase for online submission’.  Pour le moman nou annan business tax avek business activity statement avek VAT form ki ou kapab submit online.  Selman i annan serten defayans avek sa sistenm dan le sans ki nou Lalwa i dir poudir ki nou bezwen submit en signed form letan zot fer zot bann return.  So nou pe esper en Lalwa avek DICT ganny prezante pour annan digital signature koumsa ki letan sa bann dimoun i submit zot form online then i ganny rekonnet poudir zot in submit zot form.  Akoz la konmela kanmenm zot pour submit online i annan apre zot bezwen anvoy en physical copy kot nou.  Osi lo kote pour online payment; pour le moman nou annan 2 labank ki bann tax payer i kapab servi pour fer online payment letan zot fer zot online submission.  E sa i Barclays avek MCB i nou bann kliyan kekfwa i annan bann kont avek bann lezot labank so nou pe esper platform ki Central Bank pe travay lo la pour vin a plas ki sa bann dimoun i kapab – kanmenm zot submit zot form zot kapab apre vin fer sa peyman physically kot lofis.  So letan sa platform Central Bank i vin online sa pour ed nou pour nou kapab fer en campaign pour nou kapab relans online services ki nou annan pour ankouraz plis dimoun pour submit online.  Mersi.

 

MR SPEAKER

Vwala en lenformasyon tre kler e net online si zot kapab pey online Deputy in eksplike.  I annan en dernyen kestyon mon pa konnen lekel ki pour reponn lo sa kestyon overrule.  Sa i serye ki mannyer en dimoun i kapab sorti dan en lot Departman e overrule Departman Finans eski zot okouran zot?  Deputy oubyen Commissioner.

 

COMMISSIONER RONALD CAFRINE

Mersi Mr Speaker mersi Onorab.  Lo kestyon overrule ; sertennman si pe arive sa ki pe fer li arive i pe kas Lalwa akoz zot pa sipoze kas sitan en Lalwa en keksoz ki anba Lalwa.  Mon pa okouran okenn ka e si okenn ka, nou bezwen anmenn kot Minister Finans.

 

MR SPEAKER

So ki ou konsey ou bann zofisye laba kot Customs Commissioner?

 

COMMISSIONER RONALD CAFRINE

Mon pour fer mon pour konsey zofisye pour fer zot louvraz dapre Lalwa.  E dokimant zot rekomandasyon dan file ki zot pe demande.  However i annan landrwa dan Lalwa ki ti ler komisyoner may avek rezon get en keksoz kekfwa i kapab reduce mon krwar Permissionary Tax i apele.  Sa i dan Lalwa otherwise i napa okenn lezot ka ki sa i arive ki i devret arive.  Lo kote promosyon – konsern lo promosyon ; ou konnen nou Scheme of Service i detay serten kalite kalifikasyon or competences ki sa zofisye i bezwen annan.  E  ou konnen nou pour bezwen anmenn SRC en nivo ki nou pour appel sa en fason modern so ou bezwen osi ankouraz dimoun pour rod training e pour zot kapab monte akoz sansan bann dimoun pour la e zis en zis nou pe pey dimoun me selman zot pa vin more productive over time avek knowledge ; akoz kekfwa petet pa neseserman trainable or whatever.  So san menm sa ki bokou fwa ou vwar ki nou dir held against. En dimoun i ganny en promosyon baze lo son bann eksperyans ; me selman i held against nou dir en zafer ki nou apel management course SIM more supervisory skills ki available – en keksoz ki last 3months so nou dir nou donn zot sa sans pour zot fer li apre zot petet ready for the promotion.  Sa i en keksoz ki nou’n fer avek DPAM – sa Scheme of Service pour nou sa nou’n vwar kot i pe fer benefis.  I annan dimoun mon krwar bann batch in ganny graduate recently e nou’n welcome zot dan lofis nou’n fer en pti social event – nou’n konmsi ankouraz lezot i annan en bon pe ki pe fer osi.  Finalman zot vwar ki i benefis pour zot.  Akoz sansan demen i ariv en lenstans kot ou’n fer 12an dan travay ou’n fer 15an ou ankor lo sepa senior officer – be why not kekfwa dir be ou ti kapab vin Direkter.  Me selman i demann ou kekfwa en Diploma in management i demann ou kekfwa en Master’s in management ouswa kekfwa en Bachelor.  So i en keksoz ki ou build zot pour fer zot ganny en pran bann pos pli o.  So i pe marse.  E nou krwar is the way to go nou krwar is the way to go.  Mersi Mr Speaker.

 

MR SPEAKER

Mon krwar sorry ou annan en kestyon tou ou kestyon pa’n reponn?  I annan enn ale go on.

 

HON CLIFFORD ANDRE

Mr Speaker i annan sa enn lo paz 177 kot nou ti’n dir ‘increase in overall knowledge in industry taxpayers’ apre ‘increase in compliance rate 65p%’ mon demann zot akoz zot pa’n met zot benchmark pli o ki i kapab annan plis reveni ki ganny anmase avek taxpayer?  Mersi.

 

MR SPEAKER

FC oubyen Deputy Commissioner.  Ou’n ganny sa paz ki i pe dir?  Ok.

 

DEPUTY COMMISSIONER FRED MOREL

Wi sa reprezant 30poursan i reprezant percentage increase from current knowledge ki zot annan; ki wi wi zot percentage increase from kekfwa from the current knowledge ki zot annan, so kekfwa increase baze lo bann ledikasyon ki nou pour fer ki pour increase.  Mersi.

 

MR SPEAKER

Mersi.  Mon krwar i annan en pwen enportan ki Commissioner SRC in fer resorti ki fotespere tou bann zofisye dan Gouvernman pe ekoute ki zot fer zot louvraz drwat.  E nou konnen ki i annan bokou dimoun dan Gouvernman pe fer zot louvraz drwat selman i en law sorti kot diferan dimoun ki pa  ou Supervisor ou fer ou louvraz drwat ; mon krwar se sa ki Commissioner Cafrine in dir ki enportan.  Nou annan asistan Commissioner pour Customs Mr Ally – i pe ekoute i konnen zot fer zot louvraz pa les nenport dimoun vini dir zot ki pour fer; overrule sa ki zot in fer if you are doing what is right.  En mesaz tre enportan pour tou zofisye dan Gouvernman.  Fotespere zot pe ekout byen e sa ki krwar i annan lotorite lo dimoun ki pa ni anba son responsabilite – silvouple desist.  Mersi Commissioner i reste Onorab De Commarmond, Onorab Ramkalawan apre nou a pran en vot.

 

HON CHARLES DE COMMARMOND

Mersi Mr Chair.  Mr Chair mon pran premye pwen kot Commissioner tax in kite lo Airport spesifikman e lo Por osi bann travayer Customs bokou in dir i held against the post for so many years.  I annan 5an – 7an sa ki in eksplike la i pe konmans fer, me i annan ki pe held against the post for so many years ki pa pe ganny sa peyman neseser sa saler neseser.  Konmsi mon ti a vreman demande ki nou a vreman annan en konfirmasyon ki keksoz pe aranze dan sa direksyon.  2enm pwen ankor konsernan travayer Customs i annan ki kite apre bann problenm ki zot pas ladan zot kite i annan ki al deor aletranze.  Epi letan zot retournen zot re apply e zot ganny aksepte avek en promosyon i annan lot pa ganny aksepte ditou ; konmsi i annan en lenzistis ki mon ti ava kontan ki letan zot pe rod travayer i annan travayer la ki zot over zot laport ouver lebra konmsi si fodre re train serten re train serten, me selman pa konmsi les nou travayer san en travay sirtou kan deza i annan en leksperyans kot Customs, e ki nou byen bezwen dimoun laba.  Lot pwen ki ti ava bon nou touse letan ou’n dir taler i annan 10 Expert ki pe vini pour en travay enkrwayab formidab whatever pour nou anmas nou larzan tax, akoz nou byen bezwen sa bann larzan tax pour anmase.  E nou konnen eski ladan dan sa 10 i annan ki pour focus bokou lo bann gran lotel akoz dan bann gran lotel nou’n donn exemptions pour en kantite lannen e la en bann exemptions pe fini i annan gran lotel ki pe konmans pey zot tax e zot pe donn vreman bon sonm me i annan lot ki pa ankor peye ki pa ankor deside pour peye whatever, i annan ki fermen osi ki pour arive avek sa bann Expert la.  Eski zot pour kapab ed nou dan sa direksyon pour kapab anmas en bon pe larzan tax e an menm tan focus lo transfer prizing ; akoz pli nou pour anmas plis larzan tax Mr Chair i vedir ki nou ava kapab fer lezot enpe keksoz avek.  Ki nou Lasanble in diskite.  Par egzanp petet gete si i pa posib fer donn sa PIT progressive income tax pli boner si alor, nou annan en garanti anmas sa nou kapab fer en kantite keksoz dan sa direksyon.  Mersi.

 

MR SPEAKER

Minister.

 

MINISTER PETER LAROSE

Mersi bokou Mr Chairman, mersi bokou Onorab De Commarmond.  Ler nou pour deplas plis dimoun telman bann Expert nou pour bezwen fer sir ki i annan value for money.  Zot pa pe sorti Sid Lafrik pour zot vin Sesel pas en vakans – non.  Sa i pa lobzektif ditou nou bezwen tir le maximum.  E kot i konsern bann lotel ki swa ki gran lotel medium size, small size, se ki natirelman ler zot pe fer zot travay napa okenn distenksyon; e tou bann biznes ki dwa tax pour bezwen pas the same chanel pour napa okenn distenksyon.  E kot i konsern mon byen kontan ou’n lev sa pwen transfer prizingTransfer prizing pa pour zis lotel sa i annan premyerman IOT; i pour bezwen pas ladan li menm e natirelman sa nou pour bezwen fer sir ki nou anmas son larzan ki i merite e petet si i annan lezot biznes osi ki involve dan transfer prizing zot osi zot a bezwen ganny odite parske sa larzan sovereign state Sesel sa.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon osi mon zwenn avek ou pour felisit Mr Cafrine pour son lapwentman e mon swete i a latet sa lorganizasyon i ava kapab fer en bon travay.  Mr Speaker, mon annan en seri pti kestyon ; premyerman eski dan Customs li menm dan SRC an zeneral SRC an zeneral zot annan en sistenm pour zot train zot bann dimoun.  E sa se en pwen ki nou ti fer resorti en fwa nou pe koz lo URS.  URS mwan personnelman mon vwar li en lot larzan gate sa R20milyon ; eski i pa posib – e la mon fer en lapel avek Minis Finans pour dan sa pour koze antre zot laba dan Gouvernman si par egzanp zot ti kapab pran en R5milyon – R5milyon fer en lapel pour bann manrmay ki’n fini Politeknik bann zenn, poudir avek zot ki la nou pe met en larzan pour train zot pour vin Officers – SRC Officers at least nou ava konnen ki poudir dan 3mwan, nou annan nou sepa tan kantite dimoun ki’n fer sa training nou kapab met the ethics dan sa travay devan zot.  E la ou konnen ki poudir letan zot pe ale parey Larme i fer.  Letan Larme i recruit, apre sa apre son 8semenn i konnen ki i annan.  Be tandis ki lo Customs parey nou pe ki nou kof, nou bwat kondannen, nou napa.  So premyerman mon ti ava dir eski zot a kapab konsidere pour servi en pe sa larzan URS, pour ki nou a konnen ki poudir it’s being put to good use pour nou kapab ganny sa bann dimoun.  Prezan Mr Speaker – Mr Chairman lo nivo kondisyon travay pour bann travayer lo Airport mon tre konsernen akoz letan mon travel, mon ganny sans mon koz avek zot e mon tant pour mon koz avek tou travayer – bann kondisyon travay ki konmsi zot santi poudir i pa apropriye – eski dan sa Bidze nou pour vwar amelyorasyon?  Eski i zot sistenm kominikasyon pour le moman la la parey zot ti ganny promet walkie-talkie zot ti ganny promet en kantite keksoz; me ki par egzanp en luggage scanner en proper luggage scanner, body scanner ki parfwa i enportan konmsi i enportan.  Konmsi eski dan sa Bidze nou pour vwar enpe larzan pour nou kapab improve amelyore lo sa bann keksoz koumsa?  Lasirans parfwa zot ganny menase labi fizik pour zot protez zot.  E zot ava kontan konnen si sa new Scheme of Service i dan sa Bidze e kan i pour ganny enplimante.  Apre sa Mr Speaker mon ti anvi fer resorti ki mon annan mon en payslip of a Senior Customs Officer R15,660mil – Mr Chairman en trafiker drog i donn sa boug R50mil – R100mil 20fwa son lapey en sel kou e nou pei i soufer avek sepa konbyen kilo heroin.  Mon ti ava kontan ganny sa konfirmasyon mon konnen in ganny dir dan serten sans.  Me konmsi  pour nou ganny li kler akoz nou dan Lasanble nou pare pour donn tou sipor parske nou anvi vwar ki maximum larzan i ganny anmase pour benefis nou pep me an menm tan osi pour nou alleviate pour nou retir nou pei letan nou pe koz lo lapovrete pour ki lapovrete i ava en keksoz le pase.  Alor dir nou keksoz vreman konkret, e ki nou kot Lasanble kot nou santi nou ava donn plis sipor nou ava donnen.  Mersi bokou.

 

MR SPEAKER

Mersi Onorab.  Commissioner petet ou le konmanse apre si i annan lezot ki le azoute zot a ou a donn zot laparol.  Commissioner Cafrine.

 

COMMISSIONER RONALD CAFRINE

Mersi Mr Speaker mersi Onorab.  Mon pour pran premye lo kote sistenm pour training dan SRC, nou annan en Departman HRD – Human Resource Development e nou annan sa ki nou apel Customs Diploma Course ki nou pe devlope avek Liniversite Sesel; mon krwar zot in tonm nonmen sa e nou pe viz by Septanm lannen prosen ki nou pour roll li out.  Sa i pour ed nou staff.  Apre osi okenn student Liniversite ki anvi pran sa module as part of son petet Diploma ki i pe fer laba oubyen son BA oubyen BSC.  E osi bann Customs Agent ki avan zot vin apply pour zot vin en Agent apre osi bann ki deza Agent nide i get them to go back fer en refresher ; akoz ozordi en kantite bann agent in ganny license pa neseserman zot in konn Lalwa Ladwann and so and so forth.  So nide espesyalman lo kote bann Brokers la se ki i ava ede fer plis compliance akoz ozordi i montre sif i montre se bokou bann for lo deklarasyon i sorti kot bann Agent as well.  So ler cargo i tarde i pa neseserman akoz petet zofisye Ladwann ki anvi tarde bann queries i ganny sent back to them to amend apre zot, zot very busy – zot everywhere.  Ennler en bonpe i dir one-man-show.  So kekfwa en query in ganny anvoye bomaten, zot pe get sa lannmen bomaten ; akoz they are all over   the place.  So sa i en rezon – so sa training i pour ed en group dimoun Agent, zofisye apre any zenn dimoun ki pe fer en course kot Liniversite e i anvi pran sa bout.  Lo kote lo kote saler bon lo kote saler nou motive ler nou tande poudir i annan sa national review ki pour ganny fer.  Apre taler osi mon nonm lo sa zafer lotonomi en pti pe lendepandans ki nou pour gannyen avek DPA by January.  And at the same time osi nou le avek sipor nouvo Board ki nou pour gannyen lannen prosenn vin avek en nouvo package ki nou kapab met avek Gouvernman, ki pour adres en pti pe sa ki Onorab in nonmen en pti pe Onorab Georges in nonmen earlier.  Ki demen nou annan en sistenm kot dimoun i highly paid dan SRC – pour li pa al anmas sa ki tonm ater pour li anmas dan son pos oubyen demande oubyen pour ganny ofer pran ; ki once and for all kapab gard nou dimoun e atrakte bon dimoun anndan.  Prezan sa i a lans nou dan sa nouvo – I mean fason modern ki nou anvi vwar.  So nou byen kontan poudir nou pe ganny en Board lannen prosenn akoz nou krwar sa pour ed nou avek en kantite keksoz ki nou anvi fer, en bann letan pase.  So nou hope – nou hope i lo la.  Lot bout mon pa konnen si mon mank en keksoz lo kote lekipman i vre sa i en keksoz ki zot in dir mon ler mon fer mon letour Airport poudir i mank zot bann lekipman.  E nou’n deza already vwar bann ka ki nou’n atrape ki nou’n investigate e petet si nou ti annan sa bann lekipman pa ti pour arive.  I annan louvraz, ki nou’n fer ki nou’n ede ki serten dimoun in ganny dismiss, akoz en louvraz ki nou’n fer.  Me selman si nou ti annan sa Walkie-Talkie parey nou dir la, nou ti pour vwar par egzanp ki pe pase laba dan duty free shop, kot ozordi nou pa vwar unless nou demann STC son camera.  Do nou okouran poudir sigaret i pase dan sak plen parey, nou dir ou allow one dimoun i aste 20 e i pase.  Somehow ennler ou kapab dir eski i annan en collussion there or nou pa’n vwar menm.  Akoz nou pa kapab aret tou dimoun so si nou ti you know Walkie-Talkie apre enough staff ki pe patrol partou nou ti a vwar be i annan en boug la pe aste 20, ler i pas laba vey li.  So again mon dakor avek sa pwen – sa pwen i pertinan.  Body scanner as well yes i pour ed nou avek bokou bann deteksyon.  Semenn pase nou ti annan dimoun ki pe vin AML you know sistenm ki annan e bann zafer larzan transfer larzan lo anmenn larzan tir larzan dan pei – kekfwa bann larzan ki nou dir bann larzan ki money laundering, si ti annan en body scanner ti pour ed nou en pe plis lo bann deteksyon.  Si i annan en keksoz dan ou pos ou pour vwar en body scanner.  So mon pour siport sa pwen e nou ava met li dan nou stratezi pour le fitir ki nou kapab ganny enpe plis lekipman pour nou travay.  Parey mon dir pli boner plis i annan lenterferans fizik nou a plis automation it’s better.  Mersi Mr Speaker.

 

MR SPEAKER

Minister.

 

MINISTER PETER LAROSE

Mersi Mr Chairman.  Mon krwar Onorab Ramkalwan in tous en very sensitive – very important issue.  Se vre se ki ler nou regard komanter ki’n ganny fer se apre midi, nou bezwen resours pour travay avek si napa resours ki mannyer nou kapab desarz sa fonksyon avek lefikasite.  Mon kapab ekspekte nou kapab annan kritik si nou annan resours me nou pa desarz nou responsabilite, dapre nou manda.  Me Mr Chair mon le asir sa Lasanble, e tou dimoun ki pe ekoute set apre midi avek sa nouvo Board nouvo Commissioner nouvo tim mon pour demande ki nou annan en strategic plan pour SRC ; fer sir menm osi fer sa plan osi avek Lasanble Nasyonal.  Kot i konsern training mwan mon pa pour regard li sa larzan ki Onorab Ramkalawan in mansyonnen R5milyon konman en depans mon pour regard li konman en lenvestisman nasyonal nou bezwen bann dimoun ki ekipe avek knowledge, competence apre lefikasite kot nou pa perdi en kantite larzan epi nou vir an ron ; nou annan en tandans konmans kritike ar nou pe perdi larzan akoz nou pe perdi larzan.  Me si a lafen dizour Mr Chairman mon regard keksoz koumsa.  Ou kapab annan nenport ki lorganizasyon, ou si non ki biznes ou kapab annan tou resours me si ou napa sa quality human power pour kapab fer keksoz bouze, i pa pour vo lapenn tou lazournen ou pour kritike e finalman keksoz i vin pli pir.  E kot i konsern sa bann lekipman ki i bezwen nou bezwen li e la nou bezwen envestir, pour fer sir ki nou anmas larzan lepep Seselwa.  Mersi bokou Mr Chairman.

 

MR SPEAKER

Mersi Minis pour ou bann parol rekonfor; akoz mon krwar evidaman ou pe donn tou sipor SRC avek Commissioner e aprezan PS Payet.  Yes Onorab Ramkalawan.

 

HON WAVEL RAMKALAWAN

Mr Chairman, mon ti zis anvi demann Minis spesyalman ki in fer sa pwen e Commissioner tou in fer sa pwen lo lekipman ensidswit me eski dan zot Bidze la, eski zot annan larzan pour lekipman parske si zot napa larzan pour lekipman, nou, nou ti a kontan donn zot sa sipor pour zot ganny sa bann lekipman de baz pour zot fer li.  Alors mon ti ava kontan konnen ki si zot annan li.  E an menm tan osi Mr Chairman parske nou pe koz larzan, nou konnen ki poudir Onorab Ferrari in fer sorti sa pwen oparavan oubyen Onorab Georges konsernan lalkol.  Mr Speaker ozordi SRC i fasil pour zot kontrole ki kantite lalkol ki Seybrew i prodwir pour zot sarz li pour zot anmas reveni me tou sa bann lezot sours lalkol ki pe prodwir lalkol, zot napa en chiffres egzakt e probableman letan nou pe get dan liv Bidze enn bann landrwa kot i annan increase lo reveni se lalkol, lalkol – konmsi i biznes limero enn lokal me kwa ki zot pe fer parske si nou pe donn zot sipor nou anvi osi zot rod sa larzan.  Kwa ki zot pe fer pour enstal bann lekipman, oubyen pour demann sa bann lakonpannyen ki prodwir lalkol pour enstal bann lekipman pour ki nou konnen egzakteman ki kantite lalkol ki zot prodwir – konbyen tax ki zot bezwen parske la lanmenm la i ava annan ase larzan pour progressive income tax an aplikasyon i ava annan ase larzan pour zot al rod tou sa bann lekipman.  Parske nou anvi osi sa eleman proaktif.  E an plis ki sa bann lalkol parey in ganny dir sanmenm sa ki pe detri nou popilasyon ki pe met en Bidze adisyonnel lo lasante, e alor silvouple mon ti ava kontan ganny en keksoz konkret lo ki mannyer nou kapab fer sa.  Mersi Mr Chair.

 

MR SPEAKER

Mersi Onorab.  Commissioner oubyen Deputy lekipman eski zot in Bidze dan zot 2018 Bidze pour sa?  Deputy.

 

DEPUTY COMMISSIONER FRED MOREL

Pour lo kot lekipman nou ti’n dan prosedir pour prosesis pour aste en pallet scanner ki pour met ganny mete lo Seaport. E sa vi ki nou’n fer serten savings dan Bidze 2017, nou pe sey dan bann dernyen staz prosesis pour nou aste li sa lannen ; ki koumsa lannen prosenn nou a ganny li nou’n fini ganny final aproval from Procurement.  E osi anba SADC akoz sa sistenm pallet scanner i sipoze mars avek sa sistenm cargo targeting systems software ki pour idantifye bann cargo baze lo risk.  E li nou’n met nou’n ganny serten larzan anba SADC Funding ki pour ganny met an mars lannen prosenn – wi i pour ganny met an mars lannen prosenn kot nou pour aste sa software avek WCO.  Osi anba SADC lo kote revizyon lo zafer excise, nou pe nou’n met en serten sonm larzan ki nou’n gannyen pour nou kapab aranz module dan ASYCUDA.  E akoz pour le moman bann peyman lo excise tax lo local manufacture i ganny mete dan sistenm kot Tax.  Prezan pour nou ganny en global picture of kwa ki pe pase lo kote excise, nou anvi bouz sa fonksyon an ASYCUDA, so nou pour enstal en sistenm anba ASYCUDA, letan bann raw materials i ganny enporte pour prodwir akoz baze lo kantite raw materials ki ganny enporte dan pei, pour fer serten prodiksyon –  ou kapab estimate ki kantite prodiksyon ou kapab fer avek sa bann materials letan ou’n tir bann wastage bann keksoz koumsa.  So sa nou’n fer provizyon anba SADC Funding pour nou kapab met an mars lannen prosenn ; e osi pour enkli serten training apre i annan en lot bout funding pour excise pour vwar en pti pe bann defayans dan Lalwa Excise li menm e built en pti pe plis kapasite.  Li osi i en lot amount ki nou ti’n mete anba ki nou’n ganny provizyon larzan anba SADC sa larzan in fini ganny disburse.  Aparaman  sa larzan in fini ganny manage kot Trade depi sa lannen selman lannen prosenn nou ti fer sa bout excise module avek sa cargo sistenm apre nou pour fer lo zot proposal lo sa bout lalwa excise avek training – bann keksoz koumsa pour improve sityasyon.  Mersi.

 

MR SPEAKER

Mersi Deputy.  Avek sa nou a pran en vot – PS eski nou pa pe tous Tax and Customs Agent Board nou pe fer zis SRC lo paz 168 – R116.9million se sa?

 

PS PATRICK PAYET

Wi Mr Chair, zis sanmenm.

 

MR SPEAKER

Tre byen lo paz 168 to be appropriated SRC Seychelles Revenue Commission R116.9million.  Tou bann ki pour lev zot lanmen?  Clerk.

 

MADAM CLERK

Mr Chair mersi.  24 Manm an faver.  Mersi.

 

MR SPEAKER

E napa personn kont.  So Lasanble in aprouv Bidze Seychelles Revenue Commission to the value of R116.953million.  Nou ti a kontan a sa pwen remersye Commissioner Cafrine ou Deputy Commissioner Morel ou Financial Controller Ms Nalletamby Assistant Commissioner pour Customs Mr Ally ek tou ou delegasyon.  Ou annan en lourd responsabilite.  Nou la deryer ou nou espere ki ou anmenn plis reveni dan kof Gouvernman e nou swet ou tou debon e nou a eskiz ou – nou a eskiz zot.

 

(SRC COMMISSIONER CAFRINE AND HIS DELEGATION WAS EXCUSED FROM THE HOUSE)

 

MR SPEAKER

Bon i 5er mwen 9 – petet mon krwar nou sizere ki nou a repran demen bomaten.  I annan louvraz ki nou’n donn PS Payet  -pa mal louvraz pour li al fer tanto pour li retourn avek demen bomaten 9er.  Mon sizere since 5er pa tro lwen pour sonnen nou pran en Break – pa dir nou pran en break nou adjourn e nou a repran demen bomaten.  PS Payet mersi Minis Larose pour ou lazournen.  Wi PS Payet?

 

PS PATRICK PAYET

Mr Chair zis pour azoute pour demen bomaten letan nou pour konmanse, nou pour konmans avek Subvention to Public Enterprise, akoz Minister Loustau-Lalanne i bezwen travel midi, so nou pour konmans ek li avan.

 

MR SPEAKER

Ok.  So nou pour konmans 9er bomaten avek Public Enterprise Monitoring Commission, se sa?

 

PS PATRICK PAYET

Non. Subvention to Public Enterprise e sa i enkli …

 

MR SPEAKER

Ki paz PS?

 

PS PATRICK PAYET

I ptipti 24.

 

MR SPEAKER

24?

 

PS PATRICK PAYET

Wi ptipti – wi.

 

MR SPEAKER

Ok.  Ok tre byen.  Avek sa si napa okenn komanter nou adjourn nou a repran demen bomaten 9er.  Wi Onorab Ramkalawan.

 

HON WAVEL RAMKALAWAN

Mr Speaker mon ti ava kontan pran sa lokazyon – si ou ti ava permet mwan vi ki demen nou pe fini avek Bidze i annan en lensidan ki mon pa ti la letan ti arive, mon kontan lafason ki mannyer ou ti handle li, konsernan enn nou Manm Lasanble ki’n ganny verbally abused par en Manm dan militer ki son lapey i dan sa Bidze.  E ziska prezan nou pa ankor tann nanryen sorti kot Gouvernman.  E lo nou kote nou pe pran sa vreman serye e vi ki i en Mazor dan Larme, mon ti ava demande ki Minis letan demen – avan nou pran sa vot ki nou ganny en stetment kler avek Gouvernman lo ki aksyon ki zot pe pran kont sa zofisye oubyen kwa ki’n arive; mon konnen poudir ou osi ou’n fer serten demars.  Me avan ki nou kapab pas en vot pour donn en Mazor ki’n menas en Manm Lasanble – e ou avek mwann Mr Speaker nou sa bann dimoun ki lager kont sa bann zafer Tonton Makout ki’n ganny menase e nou’n fer en promes ki poudir Sesel nou pa bezwen ankor bann dimoun ki menas lezot! Spesyalman bann ki anmenn zarm.  Alor mon pe fer en lapel serye avek Minis avek Gouvernman pou dir avek nou klerman ki’n arive akoz si nou pa ganny en keksoz kler, nou pa pour kapab bouz devan nou ava atann ziska dernyen zour Lasanble pour nou kapab regarde ki nou pour fer.  E lefe ki sa Bidze nou anvi aprouv en Bidze pour Gouvernman osi mon krwar ki konm dir Angle i annan’ give and take. ’ I annan  -Gouvernman i bezwen pran en aksyon, akoz nou lo nou kote seryezman Mr Speaker, nou, nou pa anvi vwar en dimoun ki menas en Zofisye Lasanble – en MNA ki’n ganny elekte ki fer lalwa nou, nou pa ti a kontan vwar sa msye pe anmenn en fizi pe ganny pe reste dan militer konman en Mazor.  Parske nou krwar ki poudir in fini dismiss son lekor e i en dimoun danzere.  Ok Mr Speaker.  So avek sa, mon ti ava kontan nou ganny en stetment kler avek Gouvernman lo kwa ki zot pe fer akoz nou pa pour kapab les sa bann keksoz koumsa kontinyen.  Mersi bokou.

 

MR SPEAKER

Mersi Onorab Leader Lopozisyon.  Mon ti a kontan anonse ki mon fini anvoy en let parey mon ti promet – ler mon ti ganny sa lenformasyon mon anvoy en let sa ki mon apel ase strongly worded – ki mon’n sinyen personnelman – ki mon’n anvoy kot Prezidan Larepiblik, konman Commander-in-Chief Lafors Defans.  E toudswit la mon Sekreter pe ekout mwan – oubyen Direkter  dan mon biro i pe ekout mwan.  E i a donn en kopi sak Leader – sa 2 Leader e zot a zot diskresyon, zot a deside si zot le sirkil avek tou zot Manm tou lede kote.  Me let in fini ale me mon sir ki nou espere ki mon a ganny en repons by demen sorti kot Prezidan Larepiblik, ki responsab pour Larme avek Lafors Defans.  So nou espere ou pwen i byen note ; nou espere mon sir Minis in pran note.  E avek sa nou ava adjourn nou a repran demen bomaten 9er.

 

 

(ADJOURNMENT)