Home » Verbatim » 2017 » Verbatim Monday 27th November, 2017

Verbatim Monday 27th November, 2017

NATIONAL ASSEMBLY OF SEYCHELLES

 

Monday 27th November,

2017

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour dimoun.  Bonzour tou bann koleg Onorab; tou bann dimoun dan Lasanble e an deor Lasanble ki pe ekout nou.  Byenveni pou en lot semenn travay.  Nou a kontinyen travay Bidze parey nou pe fer sa enn de dernyen semenn.  E mon ti a kontan parey labitid, swet PS Payet ek son lekip, ki la fidel avek nou pou ed nou dan depouy Bidze. Petet avan ki nou envit Minis Bastienne ek son lekip pou vin zwenn nou, mon ti a kontan dir enn de mo ki konsern zeneralman nou tou.  Pandan weekend – mon pe koz la koman Speaker Lasanble – pa koman MNA Anse Boileau – ni koman – Pa Pat  Pillay mon pe koz koman Speaker Lasanble.  I annan detrwa lensidan ki’n arive pandan weekend, ki mon’n ganny – ki’n aport dan mon latansyon e mon krwar sa kestyon enstabilite avek lawlessness i kontinyen pa zis Mahe avek Praslin.  Sa i konsern nou tou dan Sesel.  Tou dimoun.  Me sa ki mon oule koz lo la ozordi, se 2 ensidan i ki’n arive weekend ki konsern mwan koman Speaker Lasanble ek zot koman MNA.  Enn i en ka kot en MNA in ganny ensilte e threatened.  E mon dir byen ‘threatened’.  En 2enm ka kot en travayer Lasanble – ki pa en MNA in osi fer fas ek lensidan kot mon kapab apel li entimidasyon.  Petet si oule fer li sofistike ou a kapab apel li souple – entimidasyon; oubyen si mon servi en term Angle – ‘subtle intimidation’.  Mon ti a kontan fer en pwen kler ki mwan koman Speaker Lasanble mon la pou defann tou dimoun ki tonm anba responsabilite Speakership – Speaker’s Office.  Whether ou en MNA oubyen ou en staff Sekretarya oubyen ou en staff dan biro Clerk ou Deputy Clerk i mon responsabilite pou mwan fer sir ki personn pa an danze, oubyen pa ganny intimidated.  Nou annan en louvraz serye pou nou fer e nou’n prouv ek Nasyon Seselwa ki nou serye dan an fezan nou louvraz, e mon ti a kontan reasir sa 2 dimoun ki mon pe pran le neseser – mon pe fer le neseser avek Lebra Gouvernman ki responsab pou sa akter dan sa 2 ensidan, pou mwan fer sir ki i annan en swivi.  Mon oule donn tou dimoun en garanti, ki mwan koman Speaker, e mon annan opsyon pou pran diferan aksyon, ki mon pa pou les okenn MNA dan Lasanble – okenn staff anploye ki fer sa Lasanble marse – ki en Lebra Gouvernman ki tre enportan, ganny ensilte oubyen entimide.  Mon ti a kontan ki mon mesaz i pas tre kler e ki nou realize – mon pa ansarz lezot Lebra Gouvernman, mon ansarz Lasanble Nasyonal – e osi lontan ki mon Speaker Lasanble mon krwar tou dimoun i konn mon stance lo disiplin avek lord dan sa pei!  E man osi lontan ki mon Speaker, tou dimoun dan sa Lasanble pou santi zot safe pou mwan fer otan ki mon kapab pou gard zot safe.  Alor mon donn zot sa lasirans, nou kontinyen fer nou travay, nou respe tou dimoun nou respekte nou lenstitisyon, nou respe tou bann aksyon ki pas dan pei, kot nou pa devret enterfer nou pa enterfer, me nou pou kontinyen fer nou louvraz san per, e avek respe pou tou dimoun.  Vwala mon mesaz pou bomaten avan ki nou apel Minis Bastienne pou li reponn kestyon lo Seychelles Land Transport Agency e Road Transport Commission.  Onorab De Commarmond ou ti anvi fer en pwen en Onorab Afif.

 

HON CHARLES DE COMMARMOND

Mersi Mr Speaker.  Bonzour Mr Speaker bonzour PS bonzour tou Manm Onorab e tou dimoun ki a lekout.  Mr Speaker mon zwenn ou pour siport ou dan sa ki ou pe ou’n fek deklare ou’n fek dir avek nou Lasanble.  E mon met osi a ou latansyon ki mon mete avan e mon redir li la o piblik ki mwan osi, mon oule ou defann mon parey en Manm Lasanble parey ou fek dir pour bann fo alegasyon bann kalonmni – bann entimidasyon e ensilt ki mon gannyen sirtou dan social media par dimoun ki ganny peye par Lasanble Nasyonal!  E sa mon take it seriously e mon le ki ou ou osi ou zwe ou rol parey ou pe dir la pour fer ki sa bann keksoz i ganny arete; sirtou letan i lorizin from the National Assembly.  Mersi bokou Mr Speaker.  Nou swete nou ganny ou sipor lo la.  Mersi.

 

MR SPEAKER

Onorab Afif.

 

HON AHMED AFIF

Bonzour Mr Speaker bonzour tou Manm Onorab, e tou dimoun a lekout.  Mr Speaker mon rekonforte par lefe ki ou’n ofer lasistans ou Biro, dan sa lensidan ki’n arive konsernan en MNA sa MNA actually i sorti lo sa kote latab.  E mwan osi mon ganny enformen lo lensidan ki ti arive i ti en lensidan menas e dan en fason ki mon krwar nou tou konman MNA, e menm petet lot kote latab i devret santi nou menase parske i sorti avek en Lafors Disipliner.  Nou pa pour aksepte sa bann kalite menas pour kontinyen e mon konnen anba ou leadership ou pour fer tou le neseser pour aport sa latansyon bann lotorite konsernen, ki zot disiplin sa bann zofisye, pour ki larestan zofisye i konnen poudir dan lalwa en Manm Lasanble i ganny merit en serten respe e menm en salye.  Pa ki mon pe rod en salye, avek okenn Zofisye Lapolis me sa se enn bann regilasyon ladan.  Me olye salye en dimoun si zot ensilte ou oubyen menas ou i pli grav.  E alor ankor enn fwa, mon remersye ou e mon espere ki Lotorite konsernen i a azir dan en fason responsab pour fer sir ki nou napa repetisyon sa bann kalite aksyon.  Mersi Mr Speaker.

 

MR SPEAKER

Mersi Onorab.  Be parey mon dir i tre avek lafors e konviksyon ki mon napa okenn lentansyon les okenn dimoun get away with it.  An se ki konsern sa kestyon medya sosyal Onorab De Commarmond ou annan en pwen tre, tre byen.  Zot a rapel ki mwan menm mwan dan sa Sez, mon koz lo la a plizyer repriz.  Mwan mon redir ankor mon pa ale lo rezo sosyal mwan.  Mon pa ale lo Facebook, lo group isi lo group laba mon ti deza ale; apre mon war poudir i pour mwan servi en term – konmsi it’s belittling.  Alor mon pa ale.  Me parkont mon tande entel in dir sa, sa lot in dir sa, mon ekoute.   Parey mon tande i annan rimer in dir sa lo mwan, in dir sa lo mon piti, lo lot – mon ekoute.  Ki mon sizere ki mon sizere tou Manm Lasanble la, si i ariv en lensidan kot zot santi zot in ganny ensilte direkteman, e zot annan cause pour zot anmenn en konplent kot mon Biro, silvouple print fer anmenn laprev lo keksoz par tel dimoun ki’n ensilte mwan anmenn kot mon Biro.  Parey mon dir zot mon pa pour konnen, akoz mon pa ale lo sa zafer.  Mon annan en kantite keksoz pour fer, mon annan en kantite liv pour lir ki pli enteresan ki pour al eskiz mon term – en pe gasi lo rezo sosyal.  Alor mon pour donn zot tou sipor si en dimoun i ensilte zot me sa ki zot anvoy kot mwan silvouple.  Si i langaz ensilt oubyen ou apel foul language pa anmennen, akoz mon pa lir sa mwan.  Me selman si ou santi ou’n ganny ensilte e ou santi agrieved mon toutafe dakor i mon rol pour protez bann MNA e bann travayer dan Lasanble, e alor mon a gete ki pour fer e mon a diskit avek zot.  Avek sa mon krwar nou kler dan direksyon ki nou pe ale; parske isi mon bann frer e ser dan sa pei sa mon ekout de ensidan ki’n arive – napa nanryen pour fer avek Lasanble.  In amenn – aport a mon latansyon par 2 endividi – mon krwar si nou pa ganny Lord ek Lalwa dan sa pei i pour ariv egzakteman sa ki Per Lonnie Adrienne ti dir legliz Anse Aux Pins, nou pour ariv en letan L’Anarchie.  E nou tou nou bezwen fer nou mye, pour nou fer sir ki nou pa ariv laba, akoz nou pa oule nou zanfan inherit en pei kot i annan L’Anarchie.  E mon krwar nou tou dan menm wavelength letan nou koz lo la.  Avek sa mon a demann Parliamentary Reporter pour apel Minis Bastienne avek son lekip e nou pour pran premye Seychelles Land Transport Agency lo paz 376 – non 383?  Nou pour pran Land Agency PS Payet oubyen nou pour pran lo Road Transport Commission?

 

DEPARTMENT OF LAND TRANSPORT & ROAD TRANSPORT COMMISSION & SEYCHELLES LAND TRANSPORT AGENCY

 

PS PATRICK PAYET

Mersi Mr Chair e bonzour tou dimoun ki a lekout e tou Manm Onorab.  Mr Chair nou pe propoze ki nou pran tou le 3 ansanm vi ki i annan en relevans Departman Land Transport, Road Transport Commission e Seychelles Land Transport Agency from paz 376 ziska paz 394; e osi lo PSIP epi paz 31 ziska paz 33.  Mersi.

 

MR SPEAKER

Ok?  I kler pour tou dimoun nou pour pran bann tou le 3 after First Reading.  Clerk prêt mwan Order of the Day.  Pour kwa?  Ok.  Alright.  Bon me avan nou pran nou Bill pour First Reading parey nou ganny dir la pour zot prepar zot nou pour pran tou le 3 ansanm ki tonm anba Minister Minis Charles Bastienne Departman of Land Transport, Road Transport Commission apre Seychelles Land Transport Agency.  E CEO i la.  E avan nou fer sa nou ti a welcome zot Mr Herath, Mr Andre, Ms Jules e lezot koleg ki a kote.  Me annou pran sa Bill International Business Companies.  Clerk.

 

MADAM CLERK

Mersi Mr Chair.  Thank you Mr Chair bonzour tou Manm bonzour tou dimoun bonzour Minis.  This Act may be sited as International Business Companies (Amendment) Act of 2017.  Mersi.

 

MR SPEAKER

Mersi avek sa nou a mon krwar mon deza welcome Minis Bastienne mon pa ti la semenn pase ler ou’n vini.  Me la mon la.  E nou a fer parey nou fer avan nou a since ou pe regard tou le 3 Agency e Commission – nou a pran bann dimoun ki anvi koze lo sa 3 Head.  E lev zot lanmen nou a demann Clerk avek Deputy pour note nou enform zot lekel ki lo lalis epi nou a konmans nou travay.

 

MADAM CLERK

Mersi Mr Chair lo kote Parti Lepep, tou dimoun pe demann kestyon avek leksepsyon Onorab Basil Hoareau e Onorab Simon Gill ki pa ankor antre.  Mersi.

 

MR SPEAKER

Deputy.

 

MADAM DEPUTY CLERK

Mersi Mr Chair bonzour tou dimoun.  Lo kote LDS mon annan Onorab Afif, Onorab Prea, Onorab Georges, Onorab sorry pa Onorab Georges eskiz mwan …

 

MR SPEAKER

Onorab Georges me i pa la.

 

MADAM DEPUTY CLERK

I pa la wi, Onorab Henrie, Onorab Letourdie, Onorab Ferrari, Onoab Adelaide, Onorab Hoareau, Onorab Esparon, Onorab Woodcock avek Onorab Pillay.  Mersi.

 

MR SPEAKER

Ok.  Bon, donn mwan lalis.  Avek sa nou ava al toudswit lo nou bann enteraksyon avek nou bann Manm e parey labitid Minister, okenn ou bann zofisye i kapab respond as and when you so wish.  Nou a konmans avek Onorab Afif.

 

HON AHMED AFIF

Mersi Mr Chair.  Mr Chair mon kestyon i baze lo paz 393 lo Bidze ki pour Road Transport Commissionsorry SL 393.  Mon krwar i wi Road Transport Commission – wi.  Mon ti a kontan demann zot tou dabor si zot kapab eksplik sa ogmantasyon ki annan dan saler sorti R2milyon preski R5milyon?  E answit kwa ki’n koz sa rediksyon sibstansyel dan zot ‘goods and services?  Byensir nou kontan ler i annan en rediksyon, me si ou kapab eksplik kwa ki zot in fer pour sa rediksyon sorti R4.4 pour ariv R2.5milyon?  Mersi.

 

MR SPEAKER

Minister.

 

MINISTER CHARLES BASTIENNE

Mr Chair, bonzour tou Manm Onorab e tou ki a lekout.  Mr Chair avan mon entervenir lo sa de kestyon mon ti a kontan enform sa Lasanble poudir nou napa Road Transport Commissioner avek nou bomaten, akoz semenn pase in submit son let resignation pour rezon lasante.  E alor ozordi nou pour annan Mr Andre ki tanporerman i ava reponn zot – well ki tanporerman desarz son responsabilite.  E nou ekspekte tre byento tre byento Prezidan a kapab fer en nouvo apwentman pour en nouvo Road Transport Commissioner.  E avek sa mon a dir Mr Andre pour kapab reponn sa de kestyon Onorab Afif.  Mersi

 

PS PATRICK ANDRE

Bonzour Mr Chair e bonzour tou Manm Onorab pour larepons ou kestyon premye kestyon se ki rezon ki annan sa gran ogmantasyon se ki pandan lannen ti annan en legzersis ki ti ganny fer par DPA pour revwar striktir Departman Transpor Lazans Transpor lo Later e osi Road Transport Commission.  E dan sa restriktirasyon ki’n pran plas in ganny trouve poudir i annan bann responsabilite ki Lazans Transpor lo Later ti pe fer e in ganny pas avek Road Transport Commission.  E sa i trwa aspe prensipal se Vehicle Testing Station, Highway Patrol Unit avek sa unit ki fer bann tes pour bann driving theory pour bann driving instructions.  Se sa rezon akoz ki nou vwar i annan sa gran ogmantasyon ki annan.  Dezyenmman lo kote ‘goods and services’ nou vwar poudir sa lannen bann aspe ki nou ki ti ganny antreprann sa lannen, ki lannen prosenn nou pa pe bezwen sa kantite larzan ki nou’n vwar, akoz nou’n kapab konplimant sa lannen sa bann keksoz ki nou’n bezwen; e osi par rapor lo bann depans ki nou ti annan lannen pase dan ‘goods and services’ nou’n kapab fer li sa lannen ki nou pa bezwen li pour lannen prosenn.

 

MR SPEAKER

Onorab Afif.

 

HON AHMED AFIF

Zis en pti kestyon adisyonnel; mon konpran lo kote ‘wages’ akoz ou’n transfer sa sorti Departman Transpor pour vin dan Road Transport Commission, me parkont mon remarke ki Land Transport Department of Land Transport son Bidze ‘wages’ pa’n redwir i reste parey.  Eski alor i devret annan en rediksyon laba akoz zot in transfer lot kote?  Mersi.

 

PS PATRICK ANDRE

Onorab si mon kapab klarifye Departman Transpor sa bann aktivite pa’n sorti anba Departman Transpor in sorti anba Lazans Transpor lo Later. Ok?  Se pour kwa zis pour klarifye lo la.

 

MR SPEAKER

Onorab Afif ou ok?  Onorab Ferrari.

 

HON JEAN-FRANCOIS FERRARI

Mr Speaker bonzour e bonzour tou dimoun.  Kekfwa PS i kapab dir nou i enn bann fwa bann premye fwa ki nou vwar konsolidasyon bann lazans e bann servis ansanm e sa i fer ki cost – operational cost i bese eski sa en model ki kapab ganny applied Minis dan lezot atraver Gouvernman?  Ler nou akoz nou toultan dir poudir i annan duplication e la zot mon felisit zot; zot in fer legzersis get rid of duplication bring sa and synergize. Konmsi mon ti a kontan Minis i dir avek nou si sa i en keksoz ki zot in partaze avek Gouvernman, pour gete ki mannyer sa kalite model travay an sinerzi i kapab ganny aplike?  Mersi.

 

MR SPEAKER

Minis.

 

MINISTER CHARLES BASTIENNE

Mr Chair konsernan sa sanzman sorti kot Land Transport Agency; letan nou regard fonksyon Land Transport Agency son rol prensipal se pour li egzekit bann proze ki annan pour pei – en?  Bann proze ki annan pour fer avek semen evidaman me ler nou ti pe vwar letan nou fer serten travay nou ti pe vwar poudir sa sinerzi pa ti egziste pour annan sa Highway Patrol avek Vehicle Testing Station anba li.  E an menm tan an vi ki Road Transport Commissioner i plis lo en rol enforcement ,i ti napa sa zouti oubyen sa monitoring neseser pour li fer poudir kalite i annan atraver Vehicle Testing Station pour fer sir bann transpor lo semen a tou moman i bann transpor ki devret lo semen.  E dezyenmman parfwa i annan sityasyon kot i bezwen annan serten deplwayman respond, e la kot Highway Patrol i zwe en rol olye antyerman depan lo Lapolis pour fer sa travay.  E nou vwar poudir e la i donn li en pe plis ledan pour li kapab fer sa travay la kot nou bouz across.  Me si ou pour demann mon si sa i kapab fer atraver Gouvernman mon krwar sa i devret gannyen regarde lo en baz endividyel – sak Minister pour vwar kote petet kre sa sinerzi; me nou, nou vwar anba Departman Transpor sa i en model ki bon, ki fezab ki nou espekte tre byento nou kapab anmenn plis rannman dan lafason ki loperasyon ti pe marse konpare avek avan.  Mersi Mr Chair

 

MR SPEAKER

Onorab Vidot.

 

HON AUDREY VIDOT

Bonzour Mr Chair bonzour tou Manm Onorab Minis avek ou delegasyon, tou dimoun ki a lekout.  Mr Chair mwan mon ti le met dan ou latansyon ki dernyen fwa letan nou ti fer diskisyon Bidze 2017, mon ti fer resorti avek SLTA ki lo sa semen ki lo balizaz Roche Caiman vizavi avek simityer Mont Fleuri ki petet Plaisance plito vizavi GS Pillay mon ti santi poudir ti annan en mankman pour enstal bann fasilite parey crash barrier lo kote sa semen.  E i annan serten lezot maintenance ki ti kapab ganny konsidere.  E mon’n vwar poudir pandan lannen 2017 napa – napa okenn sa bann fasilite ki’n ganny mete.  So mon ti ava swete petet si an ka Minis dan sa Bidze 2018 la zot annan konsiderasyon pour fer serten servis met enstal bann proteksyon lo semen, ki lo sa kote ki dan balizaz Roche Caiman ki petet from GS Pillay; starting from plito kot bann Delcy i reste la bann lakaz akoz i annan semen la ki in arive aksidan dan lepase, me nou ti ava swete zot konsider monitor sa bout la pour zot enstal bann lenfrastriktir.  Mersi.

 

MR SPEAKER

Minis.

 

MINISTER CHARLES BASTIENNE

Mr Chair mon krwar sa demann i rezonnab i en landrwa en semen ki byen frekante e mon a dakor avek SLTA definitivman nou ava regarde dan 2018 – pli vit posib nou ava fer sa travay.  Mersi Mr Chair.

 

MR SPEAKER

Onorab De Letourdie.

 

HON JANY DE LETOURDIE

Mersi Mr Chairman, bonzour tou dimoun.  Minis mon kestyon i en pe plito adres nou ava rapel lontan ti annan bann dimoun ki ti dan letan Angle letan zot ti pe travay zot ti dir bann dimoun ki ganny ‘larzan Tarmak; mon pe koz pli presizeman lo sa bann dimoun ki travay direkteman avek koltar zot travay dan so dan fre nou tou nou konn en pti pe zot kondisyon ki zot travay.  E trwa kar sa bann dimoun letan ou pour koz avek zot, zot vwar poudir ler zot in ariv kekfwa menm 55an menm 60an, zot in fini parey nou dir dan sa bon langaz Kreol zot in fini karyate;  Eski i annan en Scheme Spesyal en laranzman spesyal petet dan Bidze pour konmans get en pti pe dan zot sityasyon?  Mersi.

 

MR SPEAKER

Mr Herath.

 

CEO PARINDA HERATH

Mersi Mr Chair, bonzour tou dimoun.  Sa bann travayer koltar zot tonm dan en Scheme spesyal pour zot e tou le an zot fer medical test eksetera.  E osi kontinyelman sey gete ki mannyer nou kapab azout en pti keksoz lo zot e travay avek DPA, kot nou kapab pour amelyor zot saler.  Mersi.

 

MR SPEAKER

Onorab De Letourdie.

 

HON JANY DE LETOURDIE

Ou pe dir tou le an tou le lannen zot fer sa tes?

 

CEO PARINDA HERATH

(Mic Off)

 

HON JANY DE LETOURDIE

Ok.

 

MR SPEAKER

Ok. Onorab Ernesta.

 

HON PAUL ERNESTA

Morning Mr Chair, morning Minis avek delegasyon tou koleg Onorab tou dimoun a lekout.  Mr Chair mon kestyon i vize lo paz 378 lo ‘consolidated expenditure’ mon remark en lobzervasyon en increase si oule dan zot Bidze sirtou dan ‘transportation’ e osi anba dan ‘other uses of goods and services;’ eski Minis i kapab eksplik nou akoz i annan sa ogmantasyon?  E apre letan ou vwar lo paz PSIP, mon vwar ki i annan serten proze pour Takamaka – parey semen Maravi ki lontan pe demande mon krwar zot in pouse pour 2019, e eski napa en konsesyon pour kapab vwar pour kapab pous li en pe, kanmenm son bann layby i fer li fer provizyon pour 2018 e osi semen ‘Dan Penpen’.  E i annan sa semen ansanm dan proze Val D’Andorre/Bougainville,  eski Minis ki plan zot annan dan kad konsiltasyon avek popilasyon pour fer sir ki sa bann letan bann proze i ganny enplimante e fer ganny byen fer e tou dimoun i happy avek?  Mersi

 

MR SPEAKER

Mr Herath.

 

CEO PARINDA HERATH

Mersi Mr Chair.  Lo sa de proze ki Onorab in koze i annan Maravi avek semen ‘Dan Penpen’ – Maravi nou’n met li mon krwar 2019 posibilite i la pour nou pous li devan, me selman i tou depan lo wayleave eksetera ki nou’n deza vizite e nou fer miting avek Onorab avek DA si zot wayleave bann keksoz in pare posibleman akoz nou annan en lot vot ki apel ‘improvement of bends’ ki nou kapab konmans sa bann proze.  E nou ava konmans li dan finisyon lannen prosenn e nou kapab kontiny 2019.  Semen ‘Dan Penpen’ li i en gro proze, malerezman mon pa krwar nou pour kapab enkli li dan proze lannen prosenn.  Me selman li osi i enn ki involve en kantite way eave eksetera, ki nou annan en kantite travay pour nou fer, pour design sa proze pour rod sa wayleave eksetera e si sa bann keksoz pour mars byen lannen prosenn posibleman nou kapab met li dan Bidze 2019.  Mersi.

 

MR SPEAKER

Onorab Ernesta.

 

HON PAUL ERNESTA

Mersi Mr Chair.  Premye kestyon pa ankor ganny adrese.  Me selman lo sa konsern way leave ki ou pe dir Maravi i annan dimoun ki annan lentansyon ki’n pare pour nou fer savedir i en bon depar deza.  E apre dan semen Dan Penpen i annan en propozisyon petet why not nou sey vwar osi PPPP kot nou kapab ganny private investors osi i annan bann lentansyon parey nou’n vwar Takamaka i annan deza kot nou pe vwar bann private investor pe involve osi?  E sa semen Dan Penpen i annan ki tous osi bann later prive mon krwar si Gouvernman i kapab antre ladan sa i kapab fer li pli fasil olye direkteman Gouvernman ki inject Bidze ladan, mon krwar nou kapab si oule idantifye sa bann owner an diskisyon avek zot mon krwar i annan potansyel dan sa direksyon.  Mersi.

 

MR SPEAKER

Ou pe sizere avek Parinda avek Mr Herath zot bann propriyeter prive zot kapab kontribye – se sa ki ou pe sizere?

 

HON PAUL ERNESTA

Wi Mr Chair, nou kapab antreprann negosyasyon avek zot.

 

MR SPEAKER

Ok?  Mr Herath.

 

CEO PARINDA HERATH

Mersi Mr Chair.  Wi i annan posibilite pour fer en proze PPP, me selman mon krwar Minister Finans i ankor pe travay lo sa framework pour nou kapab gete egzakteman ki mannyer egzakteman nou pour go about sa bann proze PPP.  Lo lot kestyon ki Onorab in demande lo konsiltasyon avek bann zabitan sa i en keksoz ki nou fer as much as possible me selman problenm ki nou gannyen tanzantan dimoun i sanz zot lide zot i annan ki siny wayleave ki dakor letan zot pe fer bann vizit kot zot nou eksplik zot.  Me selman letan proze i konmanse proze pe ganny enplimante i annan keksoz ki sanze.  I annan ki le en lot miray – en semen pour antre kot zot lezot keksoz konmsi ki sanz sa proze antye ki retard en kantite bann proze ki nou fer.  E sak fwa enn sa bann keksoz i arive nou bezwen tenir proze rod approval avek POU oubyen Tender Board si i annan okenn larzan la ekstra ki involve.  E sa i fer ki i annan en kantite proze ki tarde plis ki nou dapre nou letan ki nou’n donnen dapre sa bann proze.  Mersi.

 

MR SPEAKER

Mersi Paul – I mean Onorab Ernesta ou annan en pti kestyon.

 

HON PAUL ERNESTA

Wi, wi Mr Chair.  Mr Chair mon premye kestyon lo paz 378 pa ankor ganny reponn.

 

MR SPEAKER

Mr Andre – PS .

 

PS PATRICK ANDRE

Mersi Mr Chair.  An sa ki konsern sa i pe tous Departman Transpor e Departman Transpor sa kou adisyonnel ki nou’n vwar, se pour nou annan provizyon pour nou ganny bann local consultant pour fer bann travay spesifik; akoz nou travay avek polisi nou bezwen fer bann serten resers survey.  E sa i pour kouver aktivite ki pour ganny antreprann pour nou kapab ganny bann lenformasyon konvenab pour nou kapab travay avek ler nou etablir nou Polisi.  E osi pour nou fer konsiltan pour nou fer nou strategic plan pour Departman Transpor an zeneral.  Mersi.

 

MR SPEAKER

Onorab Esparon.

 

HON REGINA ESPARON

Mersi Mr Speaker, bonzour tou dimoun.  Mr Speaker mon ti a kontan demann PS Andre, si i annan okenn alokasyon anba ‘capital project’ pour fer agrandisman e renovasyon lo semen La Gogue depi kot legliz Glacis depi kot semen La Gogue?  Akoz anba ‘other goods and services’ mon vwar zis R15.796milyon e R13. 450milyon anba ‘roads’ mon pa konnen si i pour tonm anba la selman i ava eksplik mwan.  Mon vwar anba PSIP larzan in ganny mete pour agrandisman North East Point, mon ti a kontan demann PS Andre kan ki sa travay pour konmans fer sirtou kot sa semen kot sa Msye Payet lo pon?  E anba sa Bidze ki lezot ki lezot proze ki SLTA pe vin fer dan distrik Glacis?  Mr Speaker zis en klarifikasyon mon ti a kontan demann PS si in kapab tonm lo en lagreman avek Lotel Carana pour sa bus stop ki Carana kot Carana Hotel ki i ti dir mon i pour fer serten laranzman – sirtou dan sa lespri partenarya dan sa sekter prive anba PPP?  Mersi Mr Speaker.

 

MR SPEAKER

PS Andre.  Mr Herath.

 

CEO PARINDA HERATH

Mersi Mr Chair.  Wi Onorab, sa proze semen Glacis, La Gogue i deza dan nou Bidze lannen prosen pour enplimante anba nou PSIP.  Apre nou osi annan sa proze improvement semen ki al kot vilaz ki al kot North East Point – sa osi i ladan.  Mersi.

 

MR SPEAKER

Onorab Esparon – I mean PS Andre apre nou a vin kot ou Onorab.

 

PS PATRICK ANDRE

Mersi Mr Chair, an sa ki konsern dernyen pwen konsernan laranzman avek Carana nou deza annan antretyen avek zot me kot sa bus stop avek shelter pe ganny demande, landrwa i en pti pe i anpant i dan en landrwa kot nou kapab fer proper bus layby e shelter.  So nou ankor pe sey regarde kwa kote e ki mannyer ki nou kapab fer en keksoz.  Wi nou konsernen avek; dimoun pe debout obor semen li menm li i annan risk i annan danze me nou pe sey travay an esperan ki tre byento nou a kapab vwar en solisyon pour nou kapab adres sa sityasyon.  Mersi

 

MR SPEAKER

Onorab Esparon.

 

HON REGINA ESPARON

Mersi Mr Speaker.  Mon ti pe demann avek PS si i annan lezot proze ki pe ganny enplimante Glacis, e i mon krwar i annan sa negosyasyon ki nou sipoze fer pour nou ganny sa bout later pour sa bus stop dan sant Glacis li menm li ki nou ti demande dan Question Time ki ti dir pour vin fer.  Mon fer en vizit avek Mr Parinda i zis annan en negosyasyon pour ganny fer, pour ganny sa bout later en pti pe dan bor laboutik la – si i arive ki sa lannen avek lannen prosen nou kapab negosye sa bout later pour fer sa bus stop, eski i annan larzan dan sa Bidze pour konplet sa proze?  Mersi Mr Speaker.

 

MR SPEAKER

Mr Herath.

 

CEO PARINDA HERATH

Mersi Mr Chair.  Wi Onorab si nou ganny sa wayleave parey nou vizite nou sanz landrwa menm kot nou pour fer li e si larzan si wayleave nou kapab gannyen; wi definitivman nou pour kapab enplimant li menm boner lannen prosen – tou bann plan tou bann keksoz i pour pare.  E lo kote proze nou annan sa de proze ki mon mansyonnen avan e osi nou annan par bann lezot vot parey pour maintain drenaz pour fer nouvo drenaz kot i neseser pour met crash barrier, sa bann proze koumsa i annan dan tou distrik.  Mersi.

 

MR SPEAKER

Onorab Pillay i lo Glacis.  Wi go ahead.

 

HON SEBASTIEN PILLAY

Mersi Mr Chair.  Tre vit PS in dir ki zot pe negosye avek sa lotel me i fer detrwa lannen zot pe negosye avek sa lotel e pour le moman sa dimoun pe esper bis ler gro lapli i tonbe zot dan lavalas delo en kote, e lo lot kote zot preski napa landrwa pour debout.  So kan eski egzakteman zot krwar zot kapab fini sa negosyasyon pour ki zot kapab met en bus shelter dan sa landrwa Carana?  Mersi.

 

MR SPEAKER

 

PS PATRICK ANDRE

Mersi Mr Chair.  Bon letan mon dir negosyasyon avek Carana zot, zot napa problenm zot se pour ganny en landrwa apropriye e pour nou determin ki kalite konstriksyon pour nou fer.  Akoz i zis ranpar la nou bezwen realize i zis ranpar nou pa kapab vin anmenn li dan larantre exit ki desann anba kot Carana, i pour kree en problenm vizibilite pour bann transpor ki pe antre sorti.  So i sa i pa en kestyon ki negosyasyon pour kontribye oubyen pour ganny landrwa apropriye.  I zis pour ganny sa landrwa ki pli bon e apropriye e an sekirite pour tou sa dimoun ki servi sa seksyon semen.  Mersi.

 

MR SPEAKER

Fotespere i kler sa voyaz akoz lesplikasyon sa madanm Onorab Esparon ti’n gannyen me tou fason.  Onorab Valmont.

 

HON JUDE VALMONT

Bonzour Mr Chair, mersi bokou bonzour Minis avek delegasyon tou koleg Onorab e tou piblik ki pe swiv nou.  Minis mon kestyon pour SLTA; premye se ki dan PSIP paz 32 i annan en larzan R1milyon ki’n ganny bidzete pour lannen 2018 pour road widening Anse Francois.  Mon ti a voudre konn en pe plis detay lo sa proze e kan ki apepre ki i kapab konmans?  E si zot annan okenn challenges pour konsernan sa enn proze?  Mon 2enm kestyon i osi lo PSIP lo paz 33 ler mon pe gete mon vwar an 2017 i annan en ‘construction of footpath’ ki met ongoing, mon ti a voudre konnen kote egzakteman sa footpath e si napa nanryen ki pe ganny fer, akoz ki nanryen pa’n ganny fer ziska prezan sa pour benefis zabitan Pointe Larue ?  E osi mon vwar sa 3enm kestyon se ki i annan sa 3rd lane ki’n ganny bidzete selman sa i an 2019 mon vwar en valer R40milyon mon ti a voudre demande si i annan okenn keksoz ki’n ganny fer pour le moman?  Akoz ler nou’n vizite avek Prezidan nou ganny en koze mon krwar nou zabitan Pointe Larue nou santi i meyer pour nou konmans avek sa semen nou dir – semen dan montanny – ki pour donn nou sans konstrir pavement sorti kot Vielle ziska kot airport akoz nou konnen la i en landrwa ase danzere, e ki nou anvi sa pavement i ganny fer dan imedya.  E osi amelyor nou bann drains petet pour kouver akoz i en issue ase danzere osi akoz zot konn byen plato Pointe Larue mannyer i ete.  E mon dernyen kestyon Mr Speaker ler mon tann Onorab Esparon in demann en kestyon e SLTA zot in reponn zot in dir i annan si an ka i annan negosyasyon ki annan pour fer avek bus shelter ki zot kapab annan larzan pour fer serten bus shelters lannen prosenn, mon ti a demann SLTA si i posib pour konsider konstriksyon de bus shelter Pointe Larue pour 2018 – enn se Anse Faure ki zabitan i demann bokou.  E 2enm se dan plato Pointe Larue kot nou dir Roger Francoise.  Mersi bokou.

 

MR SPEAKER

Mr Herath.

 

CEO PARINDA HERATH

Mersi Mr Chair.  Si mon pran enn par enn; i annan sa R40milyon ki Onorab in dir pour third lane Pointe Larue – i annan en fot actually lo dokiman sa R40milyon i sipoze pour sa pon ki sipoze par lao li bridge Providence Sunshine House.  Sa R6milyon i sipoze pour sa third lane Pointe Larue.  Annefe sa i zis pour son premye faz.  I konmans kot airport kot roundabout pe ganny fer la ziska kot UCPS – ok sa i enn.  Anse Francois semen Anse Francois improvement kote semen Anse Francois, kot nou pe widen li i annan en proze en faz ki nou deza fer apepre 3an pase e la i sa bout ki pli pre avek semen kot i annan enpe pli etrwat – pour enkli improvement lo drenaz eksetera e i pour vin pli larz kot de transpor i kapab pase byen.  Lo kote bus shelters si ou pe request de bus shelters dan Pointe Larue Onorab be parey ou konnen nou annan en Bidze R1milyon e i pa posib pour nou fer en kantite bus shelters avek posibleman nou kapab fer en set bus shelters antye.  E si ou pe dir mon de dan Pointe Larue si napa lezot landrwa ki nou vwar ki pli priyorite nou kapab fer li – sirtou avek sa problenm ki nou gannyen avek wayleave eksetera.  Menm si nou annan bann proze ki’n pare, most of the time nou pa ganny sans enplimant li akoz bann problenm wayleave me si enn ou de proze i dan landrwa either state land or zot, zot kapab secure sa wayleave, petet nou kapab konsidere.  Selman mon pa kapab fer en komitman pour dir nou pour fer de bus shelter Pointe Larue 2018.  Mersi.

 

MR SPEAKER

Onorab Valmont mon ti krwar ou pe lev ou lanmen pour al dir Anse Boileau, i kapab ganny enn ou a ganny enn.  Ale Onorab Valmont.

 

HON JUDE VALMONT

Mersi Mr Chair.  I annan en kestyon pa’n ganny reponn sa issue ‘construction of footpath’ la en sa enn R1.5milyon depi lannen 2017 ki mon vwar ongoing.  Apre mon ti a voudre met zis en pti lanfaz petet Anse Faure si i posib i annan zabitan i ganny problenm avek bis; sirtou nou konnen nou bann dimoun pe vyei alor petet mon ti a met lanfaz osi tou sa enn Anse Faure, pour nou zabitan e mon ti a voudre petet mon ganny komitman Minis avek PS ki nou kapab asize e revwar sa issue third lane.  E petet donn priyorite bann zabitan Pointe Larue pour konsider sa ‘semen dan montanny’.  Mersi.

 

MR SPEAKER

Minis mon krwar ou’n pran not.  Nou a bouze nou al kot Onorab John Hoareau.

 

HON JOHN HOAREAU

Mersi Mr Speaker bonzour Mr Speaker bonzour Minis avek ou delegasyon bonzour tou dimoun a lekout.  Mon premye kestyon Mr Speaker i lo ‘other goods and services’ ki lo paz 385 – latab 3 mon ti le konnen anba ‘other uses of goods and services’ ki konponan ki mont pli o?  Akoz ler mon get anba latab detay mon vwar ‘disposal of garbage’, ‘security enforcement’ avek ‘pest control’ o sa trwa main konponan so mon ti le konnen ki konponan ki mont pli o pour anmenn sa ogmantasyon signifikan.  Dezyenmman mon ti le konnen lo sa proze ‘semen Labati’ anba PSIP paz 31, i annan R1milyon ki’n ganny vote me nanryen pa ankor ganny fer pour 2017.  Mon le konnen si sa in ganny tender osi – mon konnen – me nanryen pa ankor ganny fer i sipoze terminen mon ti le konn detay lo la.  E ‘Panorama road avek drainage’ anba PSIP paz 32 i annan R2milyon ki’n ganny vote pour lannen 2018 mon ti le konn enpe the scope sa proze silvouple.  Mersi.

 

MR SPEAKER

PS ou CEO.  CEO.

 

CEO PARINDA HERATH

Mersi Mr Chair.  Mon a pran semen Labati; wi nou’n fini tender actually plan tou keksoz in pare e anytime nou espekte konmanse.  Me selman nou pe ganny enpe difikilte avek en wayleave ki neseser alors nou’n lyez avek DA e osi nou pe sey bann lezot avenues pour nou kapab rod sa wayleave pli vit posib as soon as sa i pare nou kapab demare lo site.  Lo kot Panorama wi sa semen Panorama Beau Vallon ki vreman etrwat e nou ganny en kantite konplent avek bann zabitan i annan problenm drenaz osi kot letan lapli i tonbe i flood bann lakaz anba alors sa i en road improvement project ki nou anvi enplimante lannen prosenn e nou espekte nou kapab konmans li by the second quarter 2018.  Lo kote ‘goods and services’ mon pa konnen si Onorab in vwar li byen – anr ok nou annan sa ‘other uses and services’ ki’n sorti R2.5milyon ki’n vin R6milyon sa i ou pe dir ok – sa i prensipalman parey ou konnen nou loperasyon asphalting pe sorti Petit Paris nou pe al Providence Industrial Estate kot nou nouvo asphalting plant ki’n ganny enstale.  E osi bann lofis ki nou bezwen evacuate by end of next year e nou, nou pe hope pour servi sa larzan pour fer en nouvo lofis pour nou bann staff lo zone 20.  Mersi.

 

MR SPEAKER

Onorab Hoareau.

 

HON JOHN HOAREAU

Mersi.  Mon ti le mon pe zis mazinen akoz i pa’n feature dan zot latab detay.  Akoz i annan zis trwa konponan ki feature anba zot latab detay i annan ‘collection of garbage’, ‘security enforcement’, ‘pest control’ – so.  Mersi.

 

MR SPEAKER

CEO.

 

CEO PARINDA HERATH

Ok. Mersi Mr Chair.  Annefe i feature anba rent rezon pour sa se ki nou ti osi annan nide pour nou bouz from our kot nou headquarters ki été anvil vi ki nou building kot nou ladan i pa dan en bon leta ditou e nou ti rod en lot landrwa pour nou bouze.  E malerezman up to now nou pa ankor ganny en landrwa prezan nou ti annan sa 2 opsyon either nou fer sa building pour nou staff ki definitivman i annan keksoz ki neseser; akoz nou bezwen sorti from Petit Paris e nou osi ti annan sa opsyon pour nou rod en landrwa pour headquarters.  Be mon krwar avek desizyon ki nou pran internally, nou kapab put-off sa move from head headquarters ziska 2019 vi ki nou bezwen move from Petit Paris en pe konmsi pli irzan pour nou sorti laba.  E se pour sa ki pa pe feature kot i sipoze pe feature dan rent actually.

 

MR SPEAKER

Onorab Ghislain.

 

HON CHANTAL GHISLAIN

Mersi Mr Chair.  Mr Chair mon annan detrwa pti kestyon par egzanp mon annan mon premyerman an se ki konsern kot bann roundabout anvil – trwa kar letan i annan sa bann feyaz ki zot in plante tou otour sirtou sa enn la obor ler ou sorti lo semen Bois de Rose pour antre kot sa moniman la, pour al Francis Rachel oubyen pour desann anvil –ou – ler ou tonm la ou pa vreman vwar bann trafik lo kote drwat kot i vini unless ou’n fini ariv devan akoz sa bann feyaz i telman gran.  Apre osi i annan bann landrwa osi mon pa konnen si zot ki mannyer zot relye avek Departman ki an se ki konsern bann pant – ki plant bann feyaz Anvil i annan sa bout semen osi lo obor kot Paradis Des Enfants la, pour desann pour al lo stand bis i osi annan bann feyaz ki en pti pe pli gran ler ou pase i menm oter avek bann dimoun; prezan ou pa vwar lot kote lo gran rout i pa neseserman en danze pour bann drayver me selman i en danze pour bann pyeton, ou pa konnen ki pe pase deryer sa bann feyaz.  Akoz Vandredi letan ler nou anvil aswar nou vwar i en ou vwar i danzere la en kantite keksoz i kapab pase la si zot kapab relye.  Apre mon annan en kestyon an se ki konsern lannen pase dan Bidze, mon ti demann en kestyon an se ki konsern koltar ki pour mete lo semen Buton Lane ki sorti anba kot lekol La Rosière ki monte tou dilon Mont Buxton i en main road e ou vwar poudir i annan zis bann pyeste, pyeste e zot ti dir zot pour fer en keksoz lo la e tanzantan zis zot vini zot pyeste sa.  Kan ki pour ki nou pour kapab ganny koltar ki’n ganny mete byen menm lo sa semen Buton Lane se main road Mont Buxton ki mont anler Mont Buton?  Apre i annan osi en proze ki ti la depi 5enm Lasanble an se ki konsern en semen ki sorti anba kot anba kot Doway Mont Buxton – mon pe dir ou, anba kot Doway pou monte Belonie – pour monte anler kot bann Bibi – i telman annan bokou dimoun ki reste la anler, bann pti bout peron, peron, mon krwar sa letan ki nou arive nou bezwen donn dimoun bon semen pour zot desann.  E mon – i ti la 2an pase in la lannen pase e la mon vwar in tire lo la napa ditou ki pe arive avek sa proze silvouple?  Mersi.

 

MR SPEAKER

PS transpor.

 

PS PATRICK ANDRE

Mon ava tous sa de premye kestyon ki Onorab in leve konsernan vizibilite letan ou pe sorti Bois de Rose letan ou pe antre dan roundabout avek sa vezetasyon lo semen 5 zen.  Normalman Road Transport Commission i son responsabilite pour asire ki sekirite antye lo semen i ganny mentenir.  E komisyon li i an konsiltasyon avek LWMA, akoz zot ki fer sa bann travay lanbelisman ensidswit.  E lo sa krwaze semen kot sa ron pwen i été i annan serten travay ki’n ganny fer nou ti fer tir sa gran plant sa gran pye dibwa an premye lye ,e la zot in plant bann ki pli ba.  Me parkont letan ou pe apros dan roundabout, i annan sa lot ta vezetasyon ki annan, ki kree en problenm pour ou vwar vizibilite lo lot kote.  E sa osi pe ganny adrese avek zot dan zot plan pour refer e re anbelir sa landrwa.  E nou espekte tre byento nou pour vwar sa travay ganny fer.  An sa ki konsern an alan semen 5 Zen – parey letan nou ti met en 3enm lane lo sa semen, nou ti annan bann problenm avek pour nou kapab ganny aprouvasyon nou ti bezwen annan en konpromi avek LWMA pour gard bann vezetasyon.  E si nou ti pour met trotwar direkteman lo bor semen i ti pour annan problenm nou ti pour tir tou sa bann vezetasyon se pour sa rezon ki nou bezwen met sa trotwar deryer.  Me lefe i reste nou fer resorti ki poudir i annan en issue pour sekirite nou ava revwar avek LWMA ki mannyer nou kapab netway en pe, oubyen tay enpe sa bann vezetasyon.  Mersi.

 

MR SPEAKER

CEO Herath

 

CEO PARINDA HERATH

Mersi Mr Chair.  Lo kote semen Mont Buxton – Buton Lane pour asphalting – wi i ti dan nou plan Onorab pour nou met koltar tou dilon lo semen Mont Buxton laba.  Me malerezman avek sa lannen avek en pe retar ki nou gannyen lo nou plan antye mon kapab dir akoz sa bann lagreman ki nou fer avek bann zabitan sirtou Cascade Petit Paris kot nou asphalt plant i été, nou pa pe kapab bouy koltar parey nou ti abitye fer.  Toulezour 3er apre midi nou shut-off e menm weekend nou pa pe travay.  Alors nou progranm travay asphalting works in ganny en bon pe retar alors sa bann proze ki nou ganny retar avek nou espekte lannen prosenn avek louvraz asphalt plant nou pour kapab take up.  Mersi.  Lo kote proze ki ou’n dir mon Mont Buxton, mon pa vreman okouran sa proze petet son non in sanze pour Mont Buxton 2018, nou pour annan en proze semen ek signs. Mon pa konnen si sa enn selman nou kapab nou kapab diskite pour gete avek DA lekel sa proze egzakteman petet nou kapab enkli li dan proze 2019.  Mersi.

 

MR SPEAKER

Onorab Henrie.

 

HON GERVAIS HENRIE

Mersi Mr Chair.  Mon annan en kestyon dabor ki ava swiv lo kestyon plan pour met koltar; parske zot annan en lokasyon ase signifikan dan Bidze 2018.  Donk mon ti le konnen an zeneral kwa ki zot pe mazin fer non selman Mont Buxton, me lezot landrwa ki nou ava ganny en lesplikasyon konman Lasanble.  Apre dezyenmman mon annan de kestyon konsernan Mont Buxton – enn pour nou benefis nou zabitan nou konnen poudir dan Lenn ti annan sa proze semen ki ti’n konmanse e in ganny en pe retar e la letan mon pe get alokasyon Bidze i napa en lokasyon spesifik pour li pour 2018.  Donk ki pe arive ki dernyen stati sa proze?  E konsernan agrandisman semen la anba kot lekol La Rosière i en ongoing project ankor ki mon vwar en alokasyon pour li an 2018 i annan en alokasyon dan ‘road widening junction at La Rosière School entrance’ so ki egzakteman zot pe mazin fer si pour annan en travay sirtou sa bout Buton Lane la, akoz sa lenkonvenyans i ankor egziste.  Mersi bokou.

 

MR SPEAKER

Minis.

 

MINISTER CHARLES BASTIENNE

Mr Chair konsernan proze asphalt pour pei an zeneral; nou pe annan en plan ase anbisye pour lannen 2018 anvi ki lannen 2017 – parey CEO in donn enpe detay boner nou ganny serten kontrent rezon prensipal parey in abord enpe se restriksyon lo kan nou ti kapab fer operasyonnel nou asphalt plant Petit Paris.  Me la nou espekte dan sa bann prosen maximum de semenn nou a kapab ofisyelman commission nouvo asphalt plant Providence, la nou pa espekte okenn kontrent ki pour anpes nou kapab delivre okenn progranm.  E dapre nou plan osi se ki tes inisyal pe montre sa nouvo asphalt plant i bokou pli efisyan ki sa enn ki nou ti annan avan sa lot dayer nou bezwen realize i ti annan omwen 25an.  E nou espekte poudir nou kapab parey mon deza fer en commitment dan Lasanble se ki di-si mon ti dir di-si 2an omwen tou nou bann major road networks nou pour bezwen ganny zot met semen annord, kot pa ankor ganny fer.  So nou annan en bon poursantaz pour nou kapab targete dan bann lannen ki pe vini dan sa prosen 16 a 18 mwan pour nou kapab target bann main road lo Mahe, e Praslin pour fer sir ki zot ganny bann nouvo kours koltar kot i merite.  E ler nou a fer sa evidaman nou ava vwar bokou bokou improvement konpare ki nou annan la konmela.  Ok?  Sa i kote kot asphalt plant prezan pour de proze spesifik CEO i a kapab reponn.

 

MR SPEAKER

CEO.

 

CEO PARINDA HERATH

Mersi Mr Chair.  Proze dan Lenn, wi Onorab nou pa bezwen en Bidze 2018 akoz nou espekte fini li sa lannen by end of this year nou espekte fini sa proze.  Lo kote ‘t junction’ La Rosière wi i sa bout ki ou’n mansyonnen ki antre Buton Lane parey ou konnen i annan en landrwa ki tight la ki de transpor pa kapab pase e i kre en konzesyon total dan sa rezyon devan kot lekol eksetera.  E nou, nou anvi widen sa bout ki de transpor i kapab manivre byen pour tir sa konzesyon trafik ki arive dan bomaten sirtou apre lekol eksetera.  Mersi.

 

MR SPEAKER

Onorab Henrie.

 

HON GERVAIS HENRIE

E lefe ki ou’n dir sa proze dan Lenn pour konplete sa lannen issue la avek bus stop ti annan sa enn ki anba ki’n kase; donk eski pour annan bus stop kot i pour ete konmsi ki’n kouver byen pour dimoun eski i pour anler kot bis pour vire oubyen eski anba tou dimoun pour ganny zot bus stop ki ti deza la?  Mersi.

 

MR SPEAKER

CEO.

 

CEO PARINDA HERATH

Mersi.  Nou espekte annan de bus stop la actually enn anba, nou pour bezwen re sanz son landrwa definitivman lokasyon kot zot ti ete e osi nou annan plan pour nou fer bann lot bus turning point enpe pli o dan semen dan Lenn laba; pli o menm.  Selman laba nou ankor pe negosye wayleave avek en propriyeter e hopefully si nou kapab sort out sa lannen prosenn nou pour fer sa 2 bus shelter laba.  Mersi.

 

MR SPEAKER

Onorab Herminie.

 

HON WILBERT HERMINIE

Mersi Mr Chair; bonzour Minis avek ou delegasyon.  Mon kestyon i anba paz 383 dan ‘major challenge achievements’ mon vwar ‘implementation of diferan kalite proze anba Victoria Traffic Management’ mon kestyon i pli zou mwen pour CEO anba ‘Victoria Traffic Management’ sa lannen ki bann proze ki zot annan pour fer e si sa pour enkli sa bout kot roundabout ki antre Perseverance, kot bann Peser i vann zot pwason sirtou kot sa bout pli danzere si en keksoz i kapab ganny fer anba sa Fund?  Mon lot bout i lo kote CEO in tous en bout lo kote asphalt plant mon pe mazinen sa milling machine mon pe gete si zot in mete dan Bidze sa lannen akoz mon pa vwar.  Akoz sa ti pour ed en bon pe vi ki zot pe rod en nouvo masin koltar i osi ti ava ede pour tir scrap enpe koltar lo semen pour zot kapab fer enpe desann nivo semen.  Epi dernyen pti bout anba PSIP mon pa vwar semen Ma Joie/Mont Buxton link -mon pa vwar li anba la.  Mersi.

 

MR SPEAKER

CEO.

 

CEO PARINDA HERATH

Mersi Mr Chair.  Premye kestyon anba ‘Victoria Traffic Management’ pour lannen prosen nou annan de trwa proze enn i ‘improvement junction kot Revolution Avenue’ avek ‘semen Bel Air’ 2enm nou annan de proze enn 3enm lane lo 5 zen anba depi kot roundabout Independence ziska kot roundabout Le Chantier.  Sa i ankor anba konsiderasyon e osi i annan 3enm proze ki nou ti a kontan ganny approval avek Gouvernman pour enplimante osi.  Sa i proze 3enm lane Francis Rachel depi kot entrance stadium ziska Le Chantier pour fer li vin trwa lane kot i pour annan de lane egziste ki desann kot lorloz apre sa enn 3enm ki nou anvi fer pour enplimante pour in the other direction konmsi pour al Le Chantier.  Apre nou osi annan en proze pour fer koneksyon semen Sans Soucis kot FIBA pour desann anba Foret Noire.  Sa i pour tir enpe presyon lo semen Bel Eau kot letan nou lot proze ki nou anvi enplimante se sa link Stevenson Bel Ombre, pour vin zwenn avek Bel Air.  E tousala i parey zot konnen i en master plan letan ou enplimant li ou pour vwar son lefe letan tou proze i ganny enplimante e pour le moman ki nou pe fer nou pe enplimant zot enn par enn pour gete ki lefe ki pour annan, e osi pour gete si i annan okenn sanzman ki kapab ganny fer in the meantime nou kapab sanz bann plan i pa en plan ki konkret i en plan ki dinamik nou kapab sanze letan, nou anvi bann pti keksoz bann pti sanzman ki neseser nou kapab fer.  Lo kote milling machine i nou ti a kontan ganny en milling machine nou ti pe spesifikman avek nou nouvo asphalt plant ki actually i annan en konponan ki apel Rap Recycled AsphaltPplant kot nou kapab servi bann recycled products ki nou tire ki … from asphalt – old asphalt e nou kapab reservi zot.  E malerezman i pa dan Bidze 2018 e nou pe hope ki by dan 2019 nou pour met li dan Bidze pour nou kapab gannyen, i en masin ki ase ser, i pour kout anviron R2.5 a R3milyon e vi ki nou Bidze ti limite nou pa’n met li dan 2018.  Nou pe hope pour met li an 2019.  Mersi.

 

MR SPEAKER

Onorab Herminie.

 

HON WILBERT HERMINIE

Yes mersi Mr Chair.  Mon a pran sa lokazyon pour demann PS Payet pour get dan sa direksyon, vi ki sa i en masin vreman enportan pour ed amelyor kondisyon nou semen.  Epi i annan zis en pti zafer pour CEO si i kapab get dan semen kote Castor Road kot bann retaining wall i sa bann vye retaining wall ki ganny fer avek laso pour nou kapab secure enpe semen Castor Road.  Mersi Mr Chair.

 

MR SPEAKER

PS Payet mon krwar ou’n note ou pa bezwen reponn.  CEO.

 

CEO PARINDA HERATH

Mersi Mr Chair.  Wi Onorab actually nou annan en tim ki pe travay lo sa semen Castor Road lo sa bann miray lo kote bor lanmer.  Mersi.

 

MR SPEAKER

Ok Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker i pa toultan ki nou ganny sans dir mersi me selman mon krwar mon koz pour bokou Manm Lasanble pour dir ki nou ase satisfe avek mannyer SLTA in travay sa lannen mon personnelman – mon ase satisfe so kot i byen mon bezwen dir i byen.  E lannen prosen i annan detrwa pti proze – so nou ava – mon sir ki nou ava annan sa korperasyon.  Me selman i annan mon annan en kestyon enportan ki konsern zesyon asphalt plant; i annan lenformasyon ki mon pe gannyen konmkwa management finansyel bann Kontra bann keksoz bann Kontra ki zot travay avek i pa i pa san pour san anba kontrol e ki kapab en area kot i annan bann leakages dan ki mannyer bann Kontra i ganny donnen ki mannyer i ganny monitored; eski nou larzan pe ganny byen servi laba?   So mon ti a kontan demann mon ti a kontan ki Minis oubyen PS i kapab dir nou eski i annan en sistenm accounting – en sistenm monitoring lo larzan ki bann kontra ki ganny donnen laba konmkwa nou larzan pe ganny byen depanse?  Mon annan de pti kestyon lo La Digue e menm si CEO Road Transport Commissioner i sorti La Digue mon vwar poudir sa dernyen lannen i annan plis dezord ki bann lannen oparavan an term sirkilasyon lo La Digue e ki La Digue pe vin enposib pour en pour en pyeton.  Alors eski i annan zefor ki pe ganny fer pour nou refer La Digue vin sa landrwa kot ou kapab marse trankilman – ou pa bezwen mars dan lapay – i annan; e sirtou akoz i annan problenm transpor i annan tou sa bann transe ki’n ganny ouver mon bezwen lev sa pwen ankor Mr Speaker.  Ki ti ganny ouver avan dernyen eleksyon tou bann transe ki’n ganny ouver e dimoun i bezwen sov transpor i bezwen sot dan transe konmsi eski – eski i annan keksoz ki pour ganny fer pour sa tre byento e kekfwa Minis finalman i a ganny sans oubyen PS i ava ganny sans dir nou, ki kalite zefor zot pe mete lo lalimyer dan sa distrik pour sa lannen ki pe vini?  Zis en pti apersi zeneral.  Mersi.

 

MR SPEAKER

Minis oubyen CEO lo monitoring.  CEO.

 

CEO PARINDA HERATH

Mersi Mr Chair.  Lo kote monitoring asphalt plant avek loperasyon asphalt li menm nou sey nou mye nou konnen i en landrwa kot i annan en kantite larzan pe ganny servi nou annan plizyer bann kontra oubyen bann service provider ki nou travay avek sirtou nou annan bann pick-up hirers nou annan bann lezot plant operators parey roller, excavator bann JCB eksetera.  E en gran poursantaz nou Bidze i al dan sa bann hiring.  E mon kapab dir la dapre bann figure ki nou annan anviron 35poursan nou Bidze total i al dan hiring of pick ups avek sa bann lezot plants.  E lo kote monitoring nou fer sir nou annan tou bann paperwork ki neseser nou annan nou bann dimoun ki tyeke, eski sa louvraz ki nou pe rode i ganny fer dapre nou standar ki nou bezwen?  Me selman i still menm management SLTA nou, nou santi ki nou ti pour kapab fer sa travay enpe pli byen, si nou ti annan nou lekipman pour nou menm.  Me selman parey mon krwar PS Finans i kapab eksplike i annan en polisi ki’n sorti pa tro lontan pase pour bann lekipman si oule bann pick-up eksetera nou devret hire out, so sort avek e nou pe fer li pour le moman koumsa.  E lo kote monitoring parey mon dir nou sey nou mye nou fer sir tou nou bann paper work, i annord.  Nou annan nou bann accounts ki tyek tou sa bann keksoz avan okenn peyman i ganny fer me selman lo kote efficiency parey mon dir mon santi si nou ti annan enpe lekipman pour nou menm nou ti pour kapab fer en bon pe travay plis e sa larzan ki whatever ki nou save i ti kapab al dan bitumen eksetera ki nou ti pour vwar enpe plis semen ganny resirfase.  Mersi.

 

MR SPEAKER

PS Andre apre Minis. Minis avan PS Andre apre.

 

MINISTER CHARLES BASTIENNE

Mr Chair konsernan La Digue mon krwar mon ti vin dan Lasanble tou resaman kot mon ti dir konmkwa ki mon Minister ti pe vwar La Digue Transport Polisi e en premye papye in ganny anmennen kot the Cabinet of Ministers.  Kot nou’n diskit lo la evidaman avek lide kot nou kapab tighten up enpe plis lo La Digue, nou konstate poudir nou anvi en greener La Digue.  E alor sa dokiman ki nou prepare ki konsey Minis in anvoy mon pour al fer enpe plis konsiltasyon ganny enpe plis input pour fer sa greener La Digue arive.  So travay i an demars e mon espekte poudir boner lannen prosenn avek travay ki Konsey Minis in anvoy mon fer avek mon lekip nou a kapab dan en pozisyon pour vin avek en polisi pour nou adres presizeman, lakantite transpor ki annan lo La Digue ki pa neseserman green.  E vin avek bann proposal e vin avek konsiltasyon ki annan avek Minister Lanvironnman pour nou fer sa arive.  So konsernan issue lalimyer; an mwayenn SLTA i fer vini omwen en mil lalimyer par an.  Ladan sak distrik i ganny li apepre en 12 a 15 e ki nou pe fer sa lannen avek lalimyer apar distrik i osi pour ranplas bann vye lalimyer bann XOS ki nou ti annan avan ki konsim en kantite lenerzi.  Apar sa se ki nou pe fer enpe plis konsiltasyon avek bann letablisman touristik en mannyer ki nou pa reakte plito nou vin enpe pli proactive dan nou dan fason nou travay, pour nou light up enpe plis bann landrwa touristik.  So vwala kot nou espekte en consignment lalimyer arive ver Zanvye plitar konmansman Fevriye e la kot nou kapab light up enpe plis partou dan distrik partou dan lezot landrwa.  Mersi Mr Chair.

 

MR SPEAKER

Onorab Arrisol ou annan en related question?

 

HON SANDY ARRISOL

Mr Speaker, bonzour.  Bonzour Minis avek ou delegasyon.  Zisteman lo sa pwen ki Minis in fer resorti an relasyon avek polisi pour La Digue, mon ti a kontan si Minis i kapab dir avek nou kekfwa dan sa polisi letan zot pe travay lo la si zot in osi pran kont bann dimoun par egzanp i annan bann dimoun ki kekfwa in demann en permisyon pour anmenn en transpor La Digue.  Par egzanp mon konnen i annan Mr Mussard ki’n demann en permisyon pour li anmenn en masin konstriksyon, ki pour ed zabitan La Digue e digwa an zeneral an sa ki konsern konstriksyon e osi i annan Mr Crispin ki’n demann permisyon pour anmenn en pick-up avek lezot ki pe espere.  Konmsi si dan sa Polisi zot, zot in pran kont tou sa bann dimoun kekfwa ki enpe letan parske i annan ki’n esper plis ki 1an an relasyon avek tou sa bann keksoz ki ou pe koz lo la.  Mersi bokou Mr Speaker.

 

MR SPEAKER

Minis.

 

MINISTER CHARLES BASTIENNE

Mr Chair sa polisi i pran kont tou sa bann keksoz; i pran depi saret; depi bisiklet elektrik depi bann JCB – tousala pe ganny pran kont ki dan en fason ki nou, nou pa anvi ki la fason ki été ozordi se ki – sak fwa en dimoun i bezwen anmenn en transpor La Digue i absoliman pas atraver Road Transport Commission.  So nou proposal dan sa dokimantasyon i pa neseserman devret le ka i devret annan en fason ki i ava ganny zere petet par dimoun La Digue osi enn fwa ki Konsey Minis i donn aprouvasyon nou a donn plis detay lo la.  Me mon pans pa si sa i rol Road Transport Commission sak fwa Mr Mussard ouswa nenport ki i le i demann fer en demann e prezan nou, nou asize Mahe nou assess si pour donnen oubyen pa pour donnen.  So i annan tou en mekanizm pour ganny take care dan sa plan konpreansiv mon pour apel li with regards to La Digue Transport policy.  Mersi Mr Chair.

 

MR SPEAKER

Onorab Valmont a quick one related.  Onorab Vidot so sorry.

 

HON AUDREY VIDOT

Thank you Mr Chair thank you.  Minis petet CEO ti kapab dir nou letan ou’n koz lo lalimyer pour bann distrik akoz i pran bokou plis ki de mwan pour kapab met konekte en lalimyer pour alimen; akoz mon get parey Roche Caiman, i annan enn plis ki de mwan i la i annan enn pa ankor alim ditou i annan detrwa sa lalimyer.

 

MR SPEAKER

Ok.  CEO.

 

CEO PARINDA HERATH

Mersi Mr Chair.  Onorab pe koz lo bann lalimyer ki pa pe marse mon krwar?  Ok nouvo petet si mon kapab al dan prosedir pour enstal lalimyer akoz mon konnen sa i en keksoz ki mon krwar tanzantan bann Onorab i call mwan.  E osi bann DA’s zot pe rode akoz i tarde.  Bon pour enstal lalimyer nou annan bann vizit ki nou bezwen fer avek bann DA apre ki bann distrik i donn zot bann request nou fer bann vizit avek PUC, DA avek bann zofisye SLTA zot al dan sak sa bann landrwa e idantifye sa bann nouvo lalimyer i vini.  Letan sa i ganny fer sa normalman i pran up to 2 months pour vizit tou bann distrik.  Letan sa i fini bann zofisye PUC i travay lo sa bann survey ki’n ganny fer e zot idantifye kantite materyo ki neseser pour enplimant sa proze.  Par egzanp poto konbyen poto i bezwen longer cab, connectors, eksetera eksetera.  E letan sa in ganny fer kot PUC zot order sa bann materyo e sa bann materyo letan ou tender ou order i pran anviron 3 a 5 mwan par-ler pour ariv dan pei e by then this is when nou kapab demare avek nou proze pour enstal bann lalimyer dan bann distrik e la prezan nou pas bann distrik par distrik e nou bezwen enstal parey Minis in eksplike 12 a 15 lalimyer dan sak distrik.  Difikilte ki nou gannyen e i avek sa bann materyo si i pa mank bann connectors oubyen cab oubyen poto pour nou gannyen.  Mersi.

 

MR SPEAKER

Ok.  Mon krwar ou’n eksplik process.  Onorab Sophola.

 

HON NOLINE SOPHOLA

Mersi Mr Chair bonzour tou dimoun.  Mr Chair i en konplemanter pour sa kestyon…

 

MR SPEAKER

Wi wi, go ahead – go ahead.

 

HON NOLINE SOPHOLA

…Polisi.  Mon oule fer resorti ki Minis in dir lannen prosenn wi Minis pour lannen prosenn i pour pare lannen prosenn nou konnen i long i gran 12mwan; eski nou kapab konnen i dan milye i finisyon i kan?  E 2enm Onorab Arrisol in fer sorti en pwen ki i dir i annan dimoun i sorti transpor i annan plis ki 1an in nonm de non e mon pour nonm en 3enm non ki mon pour dir ou i annan 14an ki Mr Antonnen Moise i pe esper en transpor.  Mersi.

 

MR SPEAKER

Minis ou’n note ou dir ou pe pran tousala anba konsiderasyon alor ou azout sa enn non.  Onorab Lemiel.

 

HON SYLVIANNE LEMIEL

Mersi Mr Chair bonzour Minis avek ou delegasyon e bonzour tou dimoun.  Minis mon pe regarde mon krwar mon kestyon pour al pour SLTA si mon pa tronpe; pandan sa lannen nou’n ganny enpe problenm sirtou letan pour enplimant serten proze dan distrik kot nou’n ganny dir ki zot napa sa resours imen i mank zot dimoun pour zot sirtou mon koz lo sa proze Grand Rivière la ki nou’n vitman, vitman pour fer ti’n dir i mank dimoun.  Mon pe gete dan Bidze sa lannen ki pe vini si zot in fer provizyon pour anploy ankor enn de zofisye proze.  E si zot in fer provizyon osi pour transpor akoz nou’n ganny dir poudir i annan serten vizit ti ganny kennsel pa ti kapab ganny fer akoz zot napa transpor pour vin dan distrik, eski pour annan Bidze pour zot kapab sort out sa problenm e lezot proze dan distrik Anse Royale – mwan osi mon pour zwenn poudir mersi nou’n gannyen serten proze Anse Royale.  Me parkont mon konsernen e pour e pour lenformasyon zabitan Anse Royale sirtou bann ki pour servi Parson Road, petet la nou ti a kontan konnen eski sa semen li menm li pa ankor ganny fini; nou sipoze fini li sa lannen petet CEO SLTA fer nou konnen zabitan Anse Royale konnen kwa ki reste pour nou fer lo sa semen pour ki sa bann dimoun i kapab zouir en pti pe zot semen.  E an menm tan mon vwar dan PSIP nou annan Semen Lafous – Semen Zanblon me mon pa vwar Grand Rivière mon ti a kontan konnen si i annan serten provizyon ki’n mete pour Grand Rivière pour lannen prosen?  E miray ki pour siport simityer Mont Plaisir mon ti a kontan konnen si in ganny bidzete dan Bidze 2018 akoz sa i en proze ki vreman irzan e Minis nou ti ganny ou konfirmasyon ki ti dir pour met dan Bidze 2018, ki i pour ganny fer akoz pangar nou ava vwar bann latonm ki’n tonm dan semen.  E Minis ou osi permet mon Mr Chair nou ti ganny dir dan en Question Time isi ki semen Sweet Escott – mon ti demann en kestyon lo kote maintenance e semen kot legliz Advantis ti dir mon konfirmen ki semen Mont Plaisir konmansman SPR Shop ziska kot legliz St Joseph Anse Royale, pour ganny maintain sa lannen me sa ki mont anler kot Legliz 7th Day Adventist sa non i pa pour ganny fer.  So mon pa ankor vwar nanryen up to now mon ti a kontan ganny en pti kontrandi petet Minis avek CEO.  Mersi Mr Chair.

 

MR SPEAKER

Minis avek CEO i annan 3, 4, 5, 6 kestyon.

 

CEO PARINDA HERATH

Mersi Mr Chair.  Mon a sey pran enn par enn.  Lo kote zofisye wi dan nou – si zot get lo paz 385 i annan en zofisye Project Officer ki nou anvi azoute nou ti a kontan ganny 2 me initially nou plan ti pour 2, me selman letan mon vwar Bidze i cater pour zis enn.  Selman nou ava sey negosye avek Minister Finans pour nou ganny ankor de vi ki nou annan en kantite proze osi pour 2018; definitivman nou bezwen plis zofisye pour nou travay.  Lo kote transpor nou annan en mankman transpor selman i pa en leskiz Onorab.  Tanzantan petet en vizit i bezwen ganny kennsel, me selman nou bezwen anvoy li en lot zour akoz nou bezwen manage sa bann transpor ki nou annan nou annan en kantite sites ki bann zofisye i al ladan e si detrwa distrik par egzanp menm bann distrik team meetings ki ganny fer par ler zot fer li menm zour menm ler i enpe difisil pour nou kapab manage.  E nou, nou sey nou mye selman menm i annan zofisye ki nou al larg zot laba dan zot miting apre letan i fini nou al anmas zot whatever ki nou kapab nou seye.  Me selman menm transpor, nou annan en Bidze ki nou request pour nou aste en transpor pour lannen prosen.  Lo kote semen Parson, wi nou fer en komitman e mon krwar nou pour kapab maintain sa komitman pour nou fini sa semen avan sa lannen i fini.  I annan enpe civil work ki reste, e Desanm nou espekte met koltar pour nou kapab fini sa proze.  Lo kote Sweet Escott malerezman parey mon eksplike taler nou annan nou progranm asphalting works partou in ganny enpe retar – e mon pa krwar nou pour kapab fer sa proze sa lannen e mon espekte nou pour kapab entertain li 1st quarter lannen prosen.  Mersi.

 

MR SPEAKER

Simityer Mont Plaisir.  Wi Minis.

 

CEO PARINDA HERATH

Sorry simityer Mont Plaisir Mr Chair.  I pa tonm anba nou responsabilite pour nou.

 

MR SPEAKER

Minis.

 

MINISTER CHARLES BASTIENNE

Mr Chair wi mon ti donn en commitment lo la.  I will see to it nou a bouze pli vit posib parey mon dir son konsekans si zanmen i ariv kek maler, then i pa pour byen.  So I will see to it that i will deal avek sa pli vit posib.  Mersi Mr Chair.

 

MR SPEAKER

Onorab Lemiel.

 

HON SYLVIANNE LEMIEL

Mersi Mr Chair.  En keksoz ki mon bliye konfirmen avek CEO semen Mont Plaisir nou vwar i pour ganny maintain i pour annan maintenance ou kapab donn nou en pti pe detay konmsi, si pou annan elarzisman osi, ki pour fer akoz ou konnen sa semen i plis ki 40an sote, e nou bezwen fer sir ki sa semen i ganny modernize i vin ase gran pour kapab cater pour transpor olye mont olye fer ayer.

 

MR SPEAKER

CEO.

 

CEO PARINDA HERATH

Mersi Mr Chair.  Wi dan nou PSIP pour lannen prosen i annan en proze pour improve semen Mont Plaisir e letan sa proze in fini improvement, widening eksetera la pezan nou kapab met en sirfas koltar pour aranz li.  Mersi.

 

MR SPEAKER

Onorab Prea.

 

HON NICHOLAS PREA

Mersi Mr Chairman.  Bonzour tou dimoun.  Mr Chairman ler mon pe regard tou le 3Departman Komisyon avek Lazans zot annan vreman bann tough challenges an vi bann resours imen anvi resours and so on.  Me mon rekonnet sa, mon rekonnet zot pe fer en travay ekselan me still i annan mwayen pour improve.  Mon anvi felisit spesyalman bann Traffic Wardens ki pe fer en travay formidab dan zesyon trafik dan Victoria, Plaisance partou mon ti a kontan konnen si anba sa Bidze zot Scheme pe reganny get ladan depi mon krwar apepre 8an pase ler 8an a 10an pase ler PS Lafortune ti ankor la, ti annan en mansyon ki nou pour acquire sa masin ki pour pase ki pour dan plas met koltar lo koltar apre nou vwar nou pe lev pavement and so on ki ti pour pase pour grat sa vye koltar pour anmennen pour recycle and so on  -sa proze ti la.  Lannen pase dan deba Bidze ankor sa ti monte e nou ti dir poudir Lazans i lo semen, pour acquire sa masin mon vwar en sonm ‘acquisition over the transport equipment’ over R5million dan Bidze, eski i konpri sa oubyen parey CEO in dir taler nou pour vwar li petet 2019?  Mon ti a kontan ki nou adres sa.  Eski zot annan en progranm lantrennman – spesyalman pour bann ki pe itiliz koltar met koltar?  Mon zis donn en senp legzanp kot par-ler nou pe ranpli de trou nou vwar en layer koltar apepre 25met e mon referans avek St Louis vizavi kot bann tol ti annan 2 trou, ki ti ganny fouye avek lapli semenn pase la me nou’n vwar apepre 25met koltar in ganny mete.  E la fon ki in ganny mete i vin pli rough ki sa semen egziste i ti ete.  E petet sa koltar ki’n ganny gaspiye ti kapab met kot lafanmir Napoleon avek Duval Bel Ombre ki CEO mon ti anmenn ou vizite depi an Zanvye e sa fanmir pe espere.  CEO dan nou’n regard kondisyon semen Bel Ombre – 2017 ti dir pour annan 2018 – dan vizit avek Prezidan zot in dir pa’n kapab met 2018 anba PSIP, mon pa vwar nanryen; mon pa konnen si i tonm anba sa gro progranm pour met koltar partou – donn nou ou pozisyon semen primer Bel Ombre.  Apre i annan en problenm, e mon dir ankor mon ekrir ou Departman plizyer fwa sa bout semen bor lanmer vizavi Sant Kominoter pour al ziska kot Sit trezor i annan sink holes i annan 2 ki’n aparet ankor in ganny ranpli avek later i poz en kantite danze right now i annan de enn vizavi DA’s office enn vizavi en pti pe obor Sant Kominoter.  Mon konnen sa lenpak lanmer i pe fer sa arive me ki sa bann problenm i ganny adrese vitman.  Mont Simpson mon pa konnen ki dernyen fwa ki’n pas laba leta sa semen avek lapli la, sa semen depi anba ziska anler semen lo pon vizavi kot Bishop French i annan zis trou ladan i vreman danzere.  Apre mon pour bouz en pti pe i annan en proze pour agrandi pon Vakwa La Misère, mon koz avek Onorab William plizyer fwa lo la.  I osi mon konnen i pe fer bann demars ki latest?  Bis pa kapab krwaze avek en loto la si i annan difikilte pour ganny wayleave mon krwar nou kapab pour lentere piblik nou kapab acquire en bout later la e mon krwar sa Lasanble i ava donn sipor pour nou kapab agrandi sa semen avan any major accident i arive.  Mersi.

 

MR SPEAKER

CEO.

 

CEO PARINDA HERATH

Mersi Mr Chair.  Ok, mon ava pran enn par enn.  Ok lo kote plants sa larzan ki ou vwar ki ‘acquisition of other plants’ sa milling machine pa enkli ladan non nou annan bann lezot machineries ki pli enportan actually pour nou kapab fer nou travay day to day par egzanp pavers avek roller ki nou pour sey acquire anba la.  E parey mon dir hopefully 2019 nou ava ganny sa Bidze pour nou ganny sa milling machine.  Lo kote St Louis par-ler, menm si i annan de trwa pti trou i annan nesesite pour overlay li lo en seksyon akoz anba sa bann trou, i annan delo in pase i konmans kas enpe plis; posibleman parey ou dir petet in ganny fer enpe pli gran akoz nou annan plan pour nou resurface antye sa bout semen, akoz letan nou ti resurface semen St Louis Beau Vallon i annan en stretch ki nou ti kite pour nou fer li pli tar ok.  Lo kote sa bann trou ki formen lo semen Bel Ombre – wi i en problenm annefe i en keksoz ki nou pe diskit avek CAMS kot Minister Lanvironnman osi, kot coastal erosion i bezwen en par ladan e nou pour sey gete si lannen prosen i annan en proze somehow nou kapab secure sa miray an deor, pour anpes later ganny lave anba sa semen, pour pa fer sa bann trou ankor, avan nou resurface semen Bel Ombre – ki nou ti donn en commitment nou pour fer li 2018.  Lo semen Mont Simpson, mon ava anvoy nou bann zofisye pour al gete, si i annan keksoz dan le medya ki nou kapab fer e osi lo semen Vakwa La Misère; actually nou fek ganny wayleave avek sa propriyeter prive plan tou keksoz in pare pour proze in fini tender e nou ekspekte demare ankor dan de semenn.  Mersi.

 

MR SPEAKER

Mon ti a zis sizere zis 5 dimoun pour koze, annou sey fini sa avan nou Break e ki nou sey tou sa pti semen dan zot distrik.  I byen nou dimoun i tande be annou sey konsantre lo Bidze and the major projects.  Yes PS Andre.

 

PS PATRICK ANDRE

Mersi Chair.  An sa ki konsern Traffic Warden well nou apresye ki zot travay pe ganny apresye sa ki zot pe fer e parey ou konnen poudir in fek annan sa transfer sorti kot Lazans Transpor pour vin kot Road Transport Commission e zot pe ganny restriktire e dan zot restriktirasyon osi pour revwar en pti pe bann kondisyon ensidswit, apre pli tar a gete si nou kapab diskit avek Minister Finans pour vwar ki mannyer nou kapab osi donn zot en pti pe plis latansyon kot i konsern zot byennet.  Mersi.

 

MR SPEAKER

Onorab Churchill Gill.

 

HON CHURCHILL GILL

Mersi Mr Chair bonzour Minis avek ou delegasyon, e tou Manm.  Mon kestyon se, eski dan sa Bidze i annan provizyon pour Praslin pour ganny son prop Vehicle Testing Station?  Apre si i annan provizyon pour sa semen Pasquere ki ler vizit Prezidan ti ganny anonse pour ganny fer?  Apre sa Polisi pour Car Hire pour Praslin mon krwar dimoun Praslin zot in ler pour zot kapab fer zot prop biznes.  So mon pe demande si sa polisi i kapab revwar pour bann Guest House kapab osi annan zot Car Hire.  Mersi.

 

MR SPEAKER

Briefly Minis.  Vehicle Testing Station yes or no.

 

MINISTER CHARLES BASTIENNE

Non Mr Chair.

 

MR SPEAKER

Next question.

 

MINISTER CHARLES BASTIENNE

Dezyenmman konsernan semen Pasquere nou wi nou konmanse demare avek sa proze bann netwayaz in ganny fer avek bann pti Kontrakter Praslin nou espekte lannen prosen avek serten azisteman ki nou ava fer avek nou Bidze nou a kapab demare an pli gran lanpler avek sa semen.  Konsernan Polisi Car Hire PS Transpor i ava pran vitman.

 

PS PATRICK ANDRE

An sa ki konsern Polisi Car Hire nou pe revwar me an menm tan nou pa pe zis revwar li, lo Departman Transpor akoz i annan en pli gran travay sirtou i konsern avek Departman Touris, akoz i annan vehicle intergration ki pran plas ler i annan sa biznes ansanm.  So nou pe revwar li e re travay lo la ki nou ava diskit avek Lazans konsernen e osi lasosyasyon Car Hire pour kapab vin avek en model ki ava akseptab a zot tou.  Mersi.

 

MR SPEAKER

Quick question Onorab Gill.

 

HON CHURCHILL GILL

Pour letan mon ganny dir poudir Vehicle Testing non – kan eski nou pour gannyen? Akoz i annan en bon pe letan depi ler Praslin napa sa.  Mersi.

 

MR SPEAKER

Minis.  PS.

 

PS PATRICK ANDRE

Mersi Mr Chair.  Pour le moman bann lenspekter ki fer tes i mont 1 fwa par semenn Praslin pour fer bann tes.  Me parey nou konnen pour le moman Road Transport Commission ki sa i tonm anba son responsabilite i osi pe revwar e restriktir tou sa ki konsern teste veikil e nou espekte ki dan Bidze 2019 nou ava fer provizyon pour Praslin, an sa ki konsern en stasyon pour Praslin li menm.  Me selman osi i enportan osi pour note i annan bann travay enorm, ki bezwen nou pour bezwen poste bann dimoun a permanan lo Praslin pour kapab antreprann tou sa bann travay ki annan me selman nou pe regard li an totalite.  Mersi.

 

MR SPEAKER

Onorab Adelaide.

 

HON FRANCOIS ADELAIDE

Mersi Mr Chair bonzour tou dimoun.  Lo paz 377 i annan sa proze ‘West Coast Road Improvement project,’ eski mon ti a kontan demann petet panel pour donn en pti detay lo si i annan larzan dan sa Bidze, pour finans sa proze e kan i pour konmanse e petet en pti detay lo konsevwar sa proze.  E ki nou espekte bann dimoun Baie Lazare i trouve lannen prosen.  An menm tan avek sa nou annan sa bout kot sa main road Anse Goelette la kot i vreman i vreman deplorab e mon pe gete si i annan okenn larzan dan sa Bidze pour deal avek sa problenm.  2enm pti pwen; lo kote bouteyaz les Mahe mon pe gete si dan sa Bidze i annan provizyon petet fer detrwa layby pour bann bis pour ki i ava redwir enpe konzesyon sirtou pour bann dimoun sorti dan sid avek Les Mahe?  E dernyen pti pwen Mr Speaker se lo sa zebra crossing ki lo highway Providence eski petet sa pa Minister pe fer enpe omisid envolonter pour les dimoun servi sa zebra crossing akoz mon pe gete poudir i pa ideal, i pa konvenab pour sa landrwa kot i ete.  Mersi.

 

MR SPEAKER

CEO.  PS.

 

PS PATRICK ANDRE

An sa ki konsern semen west coast road sa i en proze ki in ganny konsevwar i annan de an isi sa proze i pa dan i pa figure dan Bidze akoz i pe ganny partly sponsor par UAE pour nou fer li e Gouvernman li i pour pey tou bann konpansasyon teren ki nou bezwen pran atraver wayleave ki nou bezwen.  So la pour le moman proze in fini konplete dan son bann design, nou’n fini ganny laprouvasyon Planning an prensip i reste zis bann negosyasyon final ki nou pe fer, avek serten bann propriyeter, pour nou kapab finalize avan ki nou konmans sa proze lannen prosen.  E sa proze nou i annan li dan de faz normalman nou proze total.  Me selman sa proze ki pe ganny finanse la i premye faz dan krwaze Anse La Mouche, Les Cannelles e i pour al fini kot Legliz Baie Lazare li menm li.  Etandonnen ki mon la an sa ki konsern konzesyon sid Mahe aktyelman nou pe fer en letid depi Anse Royale tou dilon eske kot airport pour nou vwar tou bann problenm ki asosye avek sa konzesyon ki nou pe fer fas avek, e pour nou kapab rod bann mezir pour nou kapab amelyor sa sityasyon.  I annan plizyer konsep ki nou pe vin avek me nou bezwen ganny tou sa bann letid ki nou pe fer bann survey pour kantite veikil, ki mannyer konzesyon i pe arive tou sa bann lobstak ki annan bann bus stop ki lo semen li menm li.  E ki ler bis i arete e kree konzesyon ki pour nou tire pour nou met an deor semen.  Tousala i form par sa letid ki pe ganny fer.  E nou espekte lannen prosen nou pour vin avek en plan pour nou prezant avek Gouvernman pour nou kapab amelyor sityasyon.  Mersi.

 

MR SPEAKER

Onorab Aglae.  PS li in demann lo zebra crossing.  CEO.

 

CEO PARINDA HERATH

Mersi Mr Chair.  Mon prezimen Onorab pe demann lo sa kot sa zebra crossing ki zis avan roundabout Providence – ok?  Nou annan detrwa proze detrwa landrwa ki nou anvi fer bann overhead foot bridges.  E enn bann landrwa ki’n ganny idantifye pour ki ideal pour sa se sa landrwa laba.  E lannen prosen nou pour travay lo bann design e hopefully nou ava ganny go ahead avek Gouvernman pour nou kapab enplimant li.  Si nou kapab konmans li lannen prosen menm dan finisyon lannen prosen kot nou kapab servi nou Bidze eitherVictoria Traffic Management’.  Akoz letan ou met sa bann zebra crossing overhead parey nou dir i osi ede pour tir konzesyon akoz napa sa crossing ki pedestrian i bezwen pas koupe.  Ok mersi.

 

MR SPEAKER

Ok it’s being considered.  Onorab Aglae.

 

HON EGBERT AGLAE

Mersi Mr Speaker.  Bonzour Minis, CEOs, PS.  Mon premye kestyon i konsernan sa R7milyon ki’n ganny mete dan Bidze pour semen Port Launay ziska Cap Ternay mon ti anvi konnen avek SLTA si 2enm faz son plan in pare?  E kot i konsern wayleave osi, vi ki annan bokou bann property owner dan sa rezyon ki i annan serten konsern si zot pe konmans konsiltasyon lannen prosen e met en plan sa semen avek Lotorite Distrik.  2enm kestyon i konsern semen resurfacing semen Sans Soucis ki i annan R4milyon in ganny mete, si zot pour konplet sa bann resurfacing apartir semen prosen ouswa i pour atale ziska 2019?  Trwazyenmman i konsern Beolière road ziska Port Glaud ki lannen pase 2016 zot ti konmans fer asphalting lo la me apre i ti aret dan semen si zot pe konsider sa osi.

 

MR SPEAKER

Quickly letan pe ale.

 

HON EGBERT AGLAE

E dernyen Mr Speaker i konsern konzesyon trafik sirtou bomaten dan krwaze Plaisance bann zabitan ki sorti dan Was ler nou ariv La Louise anler, nou annan en blokaz si zot annan en plan pour sey redwir konzesyon trafik ki par-ler ou annan 30minit.

 

MR SPEAKER

Ok, eski ou annan en letan PS, Minis? Short answer silvouple.

 

CEO PARINDA HERATH

Mersi Mr Chair.  Ok bon bann proze resurfacing i dan plan lannen prosen mon pa pou al an detay ladan.  Cap Ternay proze phase 1 i pe al konmanse la tre byento fini tender fini siny kontra eksetera e pour annan 2enm faz ki pour kontinyen lannen prosen.  Konsiltasyon i ava ganny fer as soon as design plan in fini pare.  Lo kote trafik Plaisance letan ou pe desann nou annan en proze ki’n fini design pour fer en roundabout proper la kot Traffic Light i ete parey zot konnen nou ti’n met Traffic Light sa letan ti napa ase lespas pour nou kapab fer en proper roundabout la avek bann negosyasyon ki Minister in fer, i annan way leave ki nou’n gannyen pour encroach dan propriyete prive.  Alor so pour kapab fer en proper roundabout parey anvil i ete pour annan de lane ki nou espekte pour tir enpe plis trafik e redwir sa konzesyon.  Mersi.

 

MR SPEAKER

I reste 4 dimoun zot annan zis 2 swazir dan zot kestyon zis 2 kestyon sakenn.  Onorab Pillay Stephen Pillay.

 

HON STEPHEN PILLAY

Mersi Mr Chair.  Wi dan 6 mon bezwen tir 2 Mr Chair mon demann CEO lo paz 388 lo sa R30milyon pour ‘maintenance and repairs’ epi i annan R87milyon pour PSIP si pa pe duplicate kanmarad sa 2 sif?  Epi en pti git lo detay sa semen Au Cap kan pour fini ziska Anse Royale ki pe resurface e bann semen segonder ki balizaz avek li zot pour fer bann lezot proze ankor parey deryer La Rousette kot bann semen i antre.  Mersi Mr Speaker.

 

MR SPEAKER

Mersi Onorab pour gard zis 2 kestyon.  Minis.

 

CEO PARINDA HERATH

Mersi Mr Chair.  Wi sa bann proze resurfacing i dan plan parey letan nou ti vizite Onorab ti annan bann lezot proze ki ti pe vini – sanmenm sa ki nou’n bezwen pa fer li pour le moman.  E osi ti annan bann issue way leave – mon krwar nou pe esper distrik sort out pour nou kapab fer sa bann travay.  E lo kote Bidze kot ou’n dir non i pa en repetisyon enn i pour ‘maintenance and repairs’ kot bann maintenance semen osi i antre ladan.  Mersi.

 

MR SPEAKER

Onorab Sophola ou ti annan en kestyon.

 

HON NOLINE SOPHOLA

Mersi Mr Speaker.  Mr Speaker dan Bidze mon vwar ki Minis in fer mon krwar 2 semen ki pe mete.  Me selman pour sekirite bann dimoun pa’n dir naryen mon ti poz kestyon dan Question Time pour crash barrier eski ou kapab dir mon ki provizyon ki zot pe fer kot crash barrier i konsernen pour serten semen lo La Digue.  Mersi.

 

MR SPEAKER

Minis oubyen CEO.

 

CEO PARINDA HERATH

Mersi Mr Chair.  Wi nou annan bann proze crash barrier actually ki nou pe al enplimante sa lannen – detrwa ki nou pe al enplimant sa lannen mon krwar sa bann ki nou ti mansyonnen dan Question Time e lannen prosen osi dan nou Bidze nou annan crash barriers ki pour ganny enstale e La Digue i enkli dan sa bann distrik.  Mersi.

 

MR SPEAKER

Onorab Woodcock – 2 kestyon.

 

HON WAVEL WOODCOCK

Mersi Mr Speaker.  Mon kestyon i lo PSIP lo paz 31 mon ti a kontan konnen mon vwar en sonm R500mil pour semen Anse Lazio.  So si ou kapab donn mon en pti pe detay lo travay zot pour al fer lo sa semen ki enkli osi semen Cherimont pour sa devlopman ki zot pe travay lo la pour Mont Plaisir bit Zimbabwe ki status sa proze semen. E regardan foot path Grand Anse Praslin sorti en foot path ki sipoze ganny fer kot St Mathieu pour al kot House 2000 i annan en sonm R2milyon ki ti ganny bidzete sa lannen, me mon pa pe vwar vreman ki travay ki’n ganny fer ki vo R2milyon, alor si zot ti kapab donn mon en pti pe detay lo la.  E kot i konsern resurfacing semen Grand Anse Praslin antye ki zot time frame pour fini resurface semen i annan konsern lo 2 kours semen sirtou kot an desandan Vallee de Mai e osi Mont Plaisir ki koltar …

 

MR SPEAKER

Mersi.

 

HON WAVEL WOODCOCK

…pe konmans sorti so ki bann remedial work ki zot pour fer pour deal avek sa bann sa bann semen.  Mersi.

 

MR SPEAKER

2 kestyon CEO.  PS.

 

PS PATRICK ANDRE

Mersi Mr Chair.  Mon pour abord semen Cherimont semen Cherimont nou’n deza fini fer bann travay nou’n marse ansanm avek tou bann lotorite konsernen e survey sa trail in fini ganny fer e la nou dan staz ki nou pe design sa semen konvenableman e ki nou swete ki dan Bidze 2019 i annan sa posibilite sa proze semen ladan.  An sa ki konsern Anse Lazio; parey nou konnen poudir i annan en redevlopman Anse Lazio area li menm li e sa provizyon ki’n ganny mete ladan i prensipalman pour nou fer consultancy work e osi pour nou konmans serten travay – amelyor sa seksyon semen ki deza egziste ki al ziska bor lanmer kot sa car park i ete e osi pour fer lezot travay pour nou planifye pour sa proze semen, ki pour annan dan sa landrwa.  Mersi

 

MR SPEAKER

Onorab William 2 kestyon.

 

HON WAVEN WILLIAM

Mersi.  Mon ti a kontan demann CEO.

 

MR SPEAKER

CEO ou kestyon pa ti ankor ganny reponn Onorab Will… Onorab Woodcock.  CEO.

 

CEO PARINDA HERATH

Mersi Mr Chair.  Wi lo kote footpath ki Onorab in koz lo la malerezman nou ti annan bann issue wayleave ki pa ankor ganny rezourd alors nou pa’n kapab menm submit sa plan PlanningHopefully nou kapab fer li lannen prosen.

 

MR SPEAKER

Onorab William 2 kestyon.  Onorab William 2 kestyon.

 

HON WAVEN WILLIAM

Yes Mr Speaker, mon anvi demann CEO Herath pour eksplik en pti pe sa proze footpath Grand Anse Mahe lo PSIP en sonm R4.5milyon ki en sonm R1milyon pa ganny depanse.  Epi dezyenmman lo sa proze ‘drenaz e foot path’ Barbarons, pour donn en pti pe lesplikasyon ki zot pe al fer.  Mersi.

 

MR SPEAKER

En pti lesplikasyon CEO.

 

CEO PARINDA HERATH

Mersi Mr Chair.  Bon sa proze footpath i pran la kot krwaze Grand Anse i al dan direksyon Port Glaud; e i pour enkli en trotwar avek drenaz.  Sa proze Barbarons osi i menm zafer menm i pour enkli en trotwar avek improvement dan drenaz akoz i en landrwa ki flood.  Mersi.

 

MR SPEAKER

Wi Onorab William.

 

HON WAVEN WILLIAM

CEO mon anvi konnen dan lepase zot in fer bann proze san prenan kont volim delo ki pe desann, eski sa plan zot pe fer i pour rezourd sa problenm eski sa footpath Barbarons pe al ziska kot sa pti labousri ti ete ouswa ziska bus shelter?  Mersi.

 

MR SPEAKER

CEO wi ou non?

 

CEO PARINDA HERATH

Mersi wi i pour rezourd problenm akoz nou’n lyez avek CAMS kot Minister Lanvironnman pour donn bann design eksetera akoz zot fer bann kalkilasyon water flow eksetera.  Mersi.

 

MR SPEAKER

Mersi problenm pour rezourd.  2 kestyon Onorab Sebastien Pillay.

 

HON SEBASTIEN PILLAY

Mersi Mr Chair.  Dan Bidze nou vwar en konponan larzan anba ‘road maintenance budget’ prezan an vi ki tax lo cc transpor usually i monte, nou pe vwar ogmantasyon enn bann problenm ki motoris i gannyen eski semen i a la oter pour sa larzan ki zot pe peye?  So alors ki Departman Transpor avek SLTA pe fer pour asire ki semen ki dimoun i servi i alaoter zisteman par fer swa bann survey swa annan en plan konpreansiv, pour fer sir se bann bout semen ki annan problenm – sa bann bout semen pe ganny met dan en fason ki byen pour ki dimoun ki pe pey son cc an plis pe fer li ganny sa semen pli byen.  Mersi.

 

MR SPEAKER

CEO, PS oubyen Minis.

 

MINISTER CHARLES BASTIENNE

Mr Chairman parey mon dir se ki nou pe fer nou mye ki dan sa prosen 15 a 16 mwan tou nou bann semen primer pe ganny en kours koltar.  Dezyenmman nou pe kontinyelman lannen apre lannen, pe met lalimyer met crash barrier kot i annan nesesite nou pe met pavement tousala avek bi pour nou kapab improve sekirite lo larout pour tou sa ki servi.  Mersi Mr Chair.

 

MR SPEAKER

Onorab De Commarmond 2 kestyon.

 

HON CHARLES DE COMMARMOND

Mersi Mr Speaker.  Mr Speaker premyerman mon le remersye Land Transport pour tou sa ki zot pe fer pour distrik Cascade e pei antye – kantite travay.  Kote dan Bidze i annan konpansasyon pour bann zabitan Petit Paris ki’n ganny afekte par masin koltar ki nou ti’n deza diskite avan?  E an menm tan ki prosedir zot servi pour bann nouvo proze semen sirtou proze Kapital ki kapab pour enkli dan zot lalis proze?  E en sizesyon Mr Speaker si nou ti kapab osi par egzanp letan nou pe koz lo bann street lights ler zot pe order si zot pa kapab order enpe an plis pour ki letan i annan emergency i annan zot mete la.  Epi annan enpe plis konsiltasyon par bann proze pa zis bann proze distrik proze zeneral ki zot fer dan en border dan en lokalite ki zot konsilte avek lotorite.

 

MR SPEAKER

Ok.  Konsiltasyon Minis – zot dakor konsiltasyon konpansasyon prezan, apre prosedir e nou a fini nou a vote.

 

MINISTER CHARLES BASTIENNE

Mr Chair konsernan konpansasyon i pa i pa pour appear dan Bidze dan Bidze Land Transport, akoz dokimantasyon tou keksoz i ankor kot biro Attorney General se zot ki al fer bann rekomandasyon neseser e apre si zanmen konpansasyon pour ganny fer dan en i ava sorti dan Contingency Fund.  Mersi Mr Chair

 

MR SPEAKER

Mersi Minis.  Ou ti annan en …

 

HON CHARLES DE COMMARMOND

Lo lezot sizesyon ki mon mete e an menm tan lo prosedir.

 

MR SPEAKER

Prosedir konpansasyon prosedir apre sizesyon.  Sizesyon Minis in aksepte; prosedir Minis.

 

HON CHARLES DE COMMARMOND

I pa’n dir Mr Speaker – ou ki pe dir.

 

MR SPEAKER

Minis dir wi ou’n aksepte. (laughter)  Wi Minis.

 

MINISTER CHARLES BASTIENNE

Mr Chair definitivman nou bezwen fer plis konsiltasyon.  Parey mon dir se ki vitman boner se ki bann proze bann met lalimyer 12 a 15 i ganny fer an konsiltasyon avek bann Das.  La ki nou pe fer dan bann landrwa touristik a lavenir nou fer konsiltasyon pour bann landrwa touristik – me mon pa konnen – mon vwar Onorab pe dir mon non mon pa konnen kwa adisyonnelman ki i le nou fer.

 

MR SPEAKER

Onorab – Onorab les Minis fini koze.  Minis ou’n fini?

 

MINISTER CHARLES BASTIENNE

Wi Mr Chair.  Me selman i pe dir order plis lalimyer nou order lalimyer dapre Bidze ki nou annan.  Ok?  Bidze ki nou annan la ozordi i permet nou order an mwayenn apepre mil lalimyer pour nou servi par an e parey mon dir boner Mr Chairman sa lalimyer i pa zis pour al met nouvo landrwa.  Gradyelman nou anvi vin pli energy efficient kot nou pe tir sa bann vye kalite lalimyer zonn ki nou vwar partou ki konsim en ta lenerzi pour ranplas li avek bann nouvo.  So petet wi definitivman nou vwar poudir lalimyer pa zanmen ase.  Petet a lavenir nou bezwen vwar pour nou kapab ogmant la kantite fer enpe plis konsiltasyon, en fason ki nou ava vwar enpe plis.  Mersi.

 

MR SPEAKER

Mersi Minis, ou annan bokou plis lalimyer evantyelman.  PS Payet, can you guide us pour pran en vot lo sa 3 Lazans avan nou Break – dir nou ki paz konbyen apre nou a pran en vot.

 

PS PATRICK PAYET

Ok Mr Chair.  Nou ava konmans lo SLTA – Seychelles Land Transport Agency lo paz 383 ziska paz 390.

 

MR SPEAKER

383 to be appropriated R188.104million.  Lot?

 

PS PATRICK PAYET

Apre nou pour pran Road Transport Commission 391 ziska 394.

 

MR SPEAKER

391 to be appropriated R9.549million.  And the next one?

 

PS PATRICK PAYET

Ok, apre Vandredi nou pa ti pran vot Habitat and Lenfrastriktir nou pour pran li ansanm avek Departman Land Transport ki lo paz 363 avek paz 376 total i R266.738,410milyon.

 

MR SPEAKER

Ok R260million pour Department of Habitat, Infrastructure and Land Transport – nou pe pran sa tou ansanm?  Yes.  What about Departman Transpor pa i annan en …

 

PS PATRICK PAYET

Wi nou pour pran.

 

MR SPEAKER

Seychelles Land Transport Agency lo paz 383 nou pour pran sa enn?

 

PS PATRICK PAYET

Wi nou pour pran li separe li.

 

MR SPEAKER

Bon sa 3nou’n mansyonnen nou vwar – nou konnen lekel. Tou bann ki pour, lev zot lanmen?

 

MADAM CLERK

Mersi Mr Chair 25 Manm an faver.  Mersi.

 

MR SPEAKER

Mersi savedir Bidze pour sa 3 Heads – 3 Lazans in ganny aprouve.  Eski nou pe pran prezan PS Payet Seychelles Land Transport Agency?

 

PS PATRICK PAYET

Wi.

 

MR SPEAKER

Paz 383.

 

PS PATRICK PAYET

Paz 383.

 

MR SPEAKER

To be appropriated R188.104million.  Tou bann ki pour lev zot lanmen?

 

MADAM CLERK

Mr Chair 25 Manm an faver.  Mersi.

 

MR SPEAKER

Tre byen savedir Lasanble in aprouv Bidze pour Seychelles Land Transport Agency – SLTA. E avek sa …

 

PS PATRICK PAYET

Road Transport Commission.

 

MR SPEAKER

Which is – which page?

 

PS PATRICK PAYET

391.

 

MR SPEAKER

  1. Ok 391 its R9.549million to be appropriated. Tou bann ki pour lev zot lanmen?  Clerk.

 

MADAM CLERK

Mersi Mr Chair 24 Manm an faver.  Mersi.

 

MR SPEAKER

Savedir sa Bidze pour Road Transport Commission in osi aprouve.  Minis avek sa mon ti a kontan remersye ou pour letan ki ou’n vini – avek ou bann zofisye CEO, PS.  E i paret zeneralman dimoun i byen satisfe avek Land Transport ek Transport Agency; 2 mon krwar 3 MNA in remersye zot.  Savedir nou espere nou a kontinyen 2018 avek bon travay ki zot pe fer felisitasyon bonn kontinyasyon e mersi.  Nou a kapab eskiz zot.

 

(MINISTER BASTIENNE AND HIS DELEGATION WAS EXCUSED FROM THE HOUSE)

 

 

MR SPEAKER

Onorab koleg, mon krwar in ler pour nou pran en Break nou a pran en Break ziska – la i mwen 4; mon krwar 15minit i ase pour zot bwar en kafe, oubyen dite.  So nou a retourn boner 11.15 pour nou pran Zidisyer avek sa nou a pran en Break.

 

(BREAK)

 

THE JUDICIARY

 

MR SPEAKER

Bon nou repran nou travay.  E parey mon ti’n dir nou pou pran Departman Zidisyer.  E lo paz 89  –94?  PS?

 

PS PATRICK PAYET

Wi Mr Chair.

 

MR SPEAKER

Ok  Zidisyer lo paz 89.  Mon ti a kontan swet tou bann manm Zidisyer ki’n vin zwenn nou bomaten pou sa enteraksyon deba lo zot Bidze.  E parey nou’n fer sa pwa se pou bann ki anvi entervenir.  Epi nou a konmans nou konversasyon avek bann responsab lo kot Zidisyer.  Tou bann ki anvi koze lev zot lanmen.  Clerk ou kapab lir.

 

MADAM CLERK

Mersi Mr Chair.  Mon annan lo kote Parti Lepep mon annan Onorab De Commarmond, Onorab Sebastien Pillay e Onorab Egbert Aglae.  Mersi.

 

MR SPEAKER

Thank you.  Deputy.

 

MADAM DEPUTY CLERK

Mersi Mr Chair.  lo kote LDS mon annan Onorab Afif, Onorab Prea, Onorab Georges, Onorab Henrie, Onorab Ferrari, Onorab Henrie avek Onorab Woodcock.  Mersi.

 

MR SPEAKER

Mersi.  E parey zot konnen bann manm Zidisyer zot la – Registrar si ou santi  okenn ou bann koleg ou ti a kontan zot entervenir anmenn klarifikasyon zot santi zot lib pou fer sa.   Ok nou a konmanse Onorab William.  Eski non Onorab William i lo la?  Ou pa ti ankor lev-e?  ou ti ankor pe fer en pti rev.  Nou a met ou lo la ok.  Alright me nou a konmans avek ou menm ou Onorab William avan mon bliye.

 

HON WAVEN WILLIAM

Mon ti a kontan demann bann manm lo panel lefe ki lannen pase nou ti antann en kantite bann – pa konplent me ti annan problenm avek zot bann building.  Mon pe demande  si Bidze ki zot pe demande pou adres en pe bann problenm ki annan avek bann batiman lenfrastriktir kot Zidisyer?  Mersi.

 

MR SPEAKER

Registrar oubyen ou bann koleg.

 

REGISTRAR JULIANA ESTICOT

Bonzour Mr Speaker.  Bonzour tou bann Manm Onorab. Bonzour tou bann dimoun  ki a  lekout.  Pou sa lannen wi dan Bidze nou’n met en serten sonm larzan pou adres serten problenm. Nou’n klas li  baze lo priyorite akoz nou annan en kantite parey zot konnen.

Par egzanp pou sa lannen nou annan pou problenm wiring, fele dan miray ;  bann karya ki pe manz dan bann laport nou bezwen sanz bann laport.  Nou sistenm desarz i ankor annan problenm ; apre bann tiles ki dekole lyon dibwa e zot dekole i fer en danze akoz bann dimoun i may ladan.  E menm zot kase.  Apre depi ler nou’n ganny building i annan 5an 2018 pou fer nou pa ankor ganny sans fer en bon general cleaning.  So nou’n met en larzan dan Bidze pou nou kapab fer sa bann konman priyorite.  Mersi Mr Speaker.

 

MR SPEAKER

Mersi Registrar Onorab William.

 

HON WAVEN WILLIAM

Mersi.  Mon ti a kontan demande lefe ki sa ti en Don avek Gouvernman Chinois.  Eski i annan Lagreman nou’n osi felisit en pti pe sipor ouswa pou re negosye en lot Lagreman pou mentenans batiman.  Mersi.

 

MR SPEAKER

Registrar. 

 

REGISTRAR JULIANA ESTICOT

Mr Speaker wi apre nou ti sorti dan Lasanble boner sa lannen, nou ti zwenn avek – nou ti ganny kontak atraver Minister Foreign Affairs e nou ti rankontre en delegasyon Sinwan ki ti vin dan building.  E nou ti fer letour building avek zot; nou’n montre zot bann diferan issues ki annan. Me pou lemoman se 2 landrwa 2 keksoz zot in fer lo lalis ki zot sipoze fer,  zot in ranpli en pe sa bann cracks serten landrwa kot i ti’n vreman ouver.  Zot in bous en pe sa bann trou.  Apre zot in tir par egzanp dan ceiling dan koridor ti annan sa sistenm air con.  Sa kondwit prezan ti  pe degoute.  Zot in tir sa bann    plak akoz zot ti pe kraze – ti  pe tonm ater.  Se tou pou le moman zot in fer.  Me solman zot ti’n asir nou zot pou vini pou vin ed nou.  Me selman parey ou konnen menm, si nou ganny kontak avek zot en group i vini lot group i ale en lot ki vini – i kree en konvenyans prezan nou pa pe kapab kontinyen follow- up lo la.  Mersi Mr Speaker.

 

MR SPEAKER

Onorab Sandy Arrisol.

 

HON SANDY ARRISOL

Mersi Mr Chairman.  Bonzour bann dimoun lo panel ki prezant Zidisyer.  Mr Speaker mon ti a kontan demann 4 pti kestyon parske anba “other goods and services” mon vwar i annan 7milyon pou “security enforcement” pour Lakour.  Mon ti la kontan demann serten klarifikasyon lo  la lekel bann sekirite ;  si ti annan tender ki ti ganny fer an relasyon avek sa travay ki zot pe fer?

E mon menm aprann ki Madanm Registra ki la devan …

 

MR SPEAKER

Onorab ou’n demann ou kestyon lo ‘sekirite.’  I en kestyon zeneral.  Madanm Registrar i a reponn – si ou annan en supplementary apre ou a poze.

 

HON SANDY ARRISOL

Mr Speaker me mon pa ankor fini demann mon kestyon mwan1

 

MR SPEAKER

Be demann ou kestyon pa nonm non Madanm Registrar demann ou kestyon lo ‘sekirite.’

 

HON SANDY ARRISOL

Non Madanm Registrar i la devan – se sa ki mon’n mansyonn son non.

 

MR SPEAKER

Onorab Arrisol demann ou kestyon – Madanm Registrar i a reponn.

 

HON SANDY ARRISOL

Mr Speaker mon premye kestyon i an relasyon, avek 7 milyon ki annan pou fer avek ‘sekirite’  Alors mon ti a kontan Madanm Registrar i donn en pti lesplikasyon lo la silvouple.  Dezyenmman mon ti a kontan demann mon vwar 7milyon pou ‘rental’ lakaz.  Mon ti a kontan demann Madanm Registrar ki la devan si an relasyon avek bann Ziz ki ganny R25 mil pou lwe zot prop lakaz si i tonm ladan ?

Mon lot kestyon mon ti a kontan demande se i annan ‘’office rent’’.  Mon vwar 3.3 milyon pou ‘’office rent’’.  Kote sa silvouple ki zot pe lwe?  Akoz mon aprann ki zot annan zot prop building.  Mon pa konnen si kot pti Lakour i ete.  E dernyerman mon ti a kontan demann Madanm Registrar ki laba devan si i kapab fer nou ganny en lalis bann dimoun ki travay kot Lakour.  Parey nou ti fer ek State House avek Vis Prezidan pou donn nou en detay zot saler, zot bann allowance, bann keksoz ki vin avek.  Mersi bokou.

 

MR SPEAKER

Registrar 4 kestyon.

 

REGISTRAR JULIANA ESTICOT

Mersi Mr Speaker konsernan ‘sekirite.’  Sa logmantasyon i fer ki sekirite adisyonnel ki’n ganny mete kot bann nouvo Ziz e tou bann lezot Ziz Lakour Siprenm, ki swa zot ti napa sekirite ouswa zot pa ti pe ganny kouver pou 24er.  E osi pou bann zofisye senior dan Zidisyer.  Sa i an rezilta menas ek agresyon ki’n annan lo zot lavi, zot propriyete, e lavi zot fanmir.

Apre nou osi azout 2 sekirite adisyonnel kot Palais de Justice pou asir lord ek sekirite kot Lakour lefe ki nou annan zis 4 Zofisye Lapolis ki antase avek Lakour Siprenm ki deservi tranzaksyon Lakour.  Konsernan ou’n demande si ti annan tender, eksetera.  Nou ti annan vi ki ti annan – normalman nou ti annan  en konpannyen ki ti pe deservi Zidisyer e sa ti Sentinel apre nou ti annan Lapolis ki siplemante.  Letan sa size ‘sekirite’ ti monte vi ki nou ti’n deza ganny enformen par Lapolis ki zot ti napa ase sekirite pou asiste nou asiste nou ase resours imen.  Nou ti kontakte nou  konpannyen ki pe ofer nou sa servis e  sa se Sentinel pou ….  E zot ti enform nou ki  zot pa ti kapab donn nou dimoun imedyatman, akoz gravite sa bann menas ki ti’n ganny trete konman bann ka kriminel, e ki lanket ti pe ganny fer par Lapolis, nou pa’n ganny letan pou fer sa prosedir tender.  Nou’n pas dan bann Lof ki nou ti deza resevwar 2016 e nou’n note e ki 2 Lakonpannyen sekirite ti enterese pou ofer Zidisyer sa sekirite.  E sa ti lakonpannyen MARPOL avek Kingdom Security Services.  An regardant natir zot louvraz ek novo konfidansyalite ki bezwen ganny montre par bann dimoun ki pe travay kot rezidans, bann Ziz ;  bann Ziz i prefer bann travayer etranze.  Pou sa rezon nou’n pran lakonpannyen sekirite MARPOL ki ti deza annan travayer etranze a sa letan.  Zot in ofer nou en Kontra 1an ek enn 2an.  E nou ti vwar sa Kontra 2an son kou ti pli efektiv.  E pou sa rezon nou ti siny en Kontra 2an avek MARPOL.

Me zis pou eklersi en pti

Pe plis lo la pandan sa letan ki nou’n pran Sekirite MARPOL nou’n, resevwar plizyer konplent avek bann Ziz ki nou pa pe satisfe avek sa servis ki zot pe donnen par sa Konpannyen.  I pa lo nivo ki ganny demande.  So management Zidisyer in re kontakte Lakonpannyen Sentinel, akoz ler nou kontakte li  i ti dir nou pou dir imedyatman i pou napa ase dimoun me selman dan lefitir akoz zot ti  fer recruitment.  So nou ti re kontakte zot e zot in enform nou ki  nek ver lafen Desanm – dan Desanm 2017  ki zot pou kapab ofer nou sa servis.   E la nou’n fer vin ou   notice avek MARPOL pou nou termin sa Kontra e pou nou  pan Sentinel ki already nou Konpannyen i ofer nou sa servis. – lefe ki all along nou ganny nou en bon servis avek zot.

 

 

MR SPEAKER

I annan en dernyen kestyon ki ti  demann ou Registrar lo lalis bann dimoun parey nou’n gannyen pou Drug Agency – si ou ti kapab donn nou.

 

REGISTRAR JULIANA ESTICOT

Wi konsernan lalis pou bann dimoun ki travay ek Zidisyer, nou napa problenm, nou annan en sistenm nou kapab print sa fer zot ganny zot post title avek zot saler e ki zot gannyen.

 

MR SPEAKER

Rent osi?

 

REGISTRAR JULIANA ESTICOT

Pou rent…

 

MR SPEAKER

Ou pa devret donn nou si ou pa kapab la ou a kapab anvoye pou nou, nou  a sirkile.

 

REGISTRAR JULIANA ESTICOT

Ok. Konsernen rent wi nou annan en logmantasyon.  Nou lalis bann diferan lokasyon bann diferan Konpannyen ki nou rent bann landrwa avek.  Epi nou annan logmantasyon senpleman akoz nou rekonnet ki Master son louvraz i en pti pe pli o ki en Mazistra, so i pou reste ekivalan avek en Lakour Siprenm i en  Procedural Judge.  E Ladministrasyon Zidisyer baze lo, Konstitisyon, nou’n deside ki Master i bezwen annan en serten landrwa reste ki ase an sekirite.  So avan sonm ki i ti pe gannyen nou’n bezwen fer li mont lo nivo Ziz.  Apre nou annan bann Mazistra ki sorti aletranze,  nou pe lwe lakaz pou zot.  Nou bezwen fer peyman sa bann landrwa.  E nou annan en logmantasyon akoz i annan bann lokasyon kot zot ti pe reste in reviz zot pri.  E nou’n vwar ki pri in ogmante.

Apre nou annan sa 2 Ziz Lakour Siprenm ki zot ti deza kot Lakour Siprenm e zot in mont kot Lakour D’Apel.  E letan nou ti annan bann etranze ki ti pe reste isi bann Ziz Lakour D’Apel nou ti pe is akomodasyon pou zot 3 fwa dan en lannen letan zot vin fer bann case Lakour D’Apel.

E la sa 2 Ziz Lakour Siprenm in mont  kot Lakour D’appel.  Prezan zot bezwen full-time accommodation.  Prezan se pou sa rezon ki ou vwar sa logmantasyon akoz prezan nou bezwen pey zot sa allowance R25 mil  ki Lalwa i demande.  E osi pou asistan legal dan biro Sef Ziz in ganny kas dan son lakaz li osi plizyer repriz e nou’n vwar poudir en dimoun parey ki annan sa bann lenformasyon  zot bezwen lakaz en pti pe pli sekirite.

 

MR SPEAKER

Registrar,  mon krwar sa ki Onorab ti pe demande se zis en lalis.  Onorab petet si ou ti kapab phrase ou kestyon ankor ; ou ti oule zis en lenformasyon lo konbyen rent ou pe peye pou ki ?  Onorab Arrisol..

 

HON SANDY ARRISOL

Non Mr Speaker pou rent san relasyon avek lakaz.  Apre ti annan rent ki mon tri vwar ri annan 3.3  milyon mon ti demann sa kestyon.  Selman kekfwa pou eklersi Madanm Registrar an relasyon avek rent.  Par egzanp ou’n dir avek nou  poudir sa 25 mil ki ekrir dan Lalwa pou reste dan  ot lakaz.  Mon ti a kontan ganny en pti klarifikasyon par egzanp si bann Ziz par egzanp – mwan Mr Arrisol mon en Ziz ozordi, mon annan mon prop lakaz eski Lakour i donn mon 25 mil pou mwan reste dan mon prop lakaz.  Si sa ki ou pe konfirmen?

Epi dezyenmman e finalman, mon ti a kontan letan ou’n koz an term sekirite, si ou ti a kapab eksplik nou letan ou pe dir bann senior – bann zofisye senior kot Lakour donn nou detrwa detay lekel bann senior zofisye senior kot Lakour silvouple.  Mersi Mr Speaker.

 

MR SPEAKER

Registrar.  Oubyen Mr Savy si oule.

 

REGISTRAR JULIANA ESTICOT

Mr Speaker bann anba Konstitisyon i fer provizyon ki parmi bann Term e Kondisyon bann Ziz, nou donn zot R25 mil allowance.  Sa i … Bann Ziz ki pe reste – ki Seselwa ki Sesel selman zot etranze nou provide zot avek sa akomodasyon.  E osi bann Ziz Seselwa ki napa akomodasyon nou provide zot akomodasyon ki pa pli o ki R25 mil.

Akoz dan Lalwa i state    25mil.  Dan Judicial Act i annan Wi dan Judiciary Act.  I annan.  I state R25 mil.  Apre osi pou, bann Ziz ki zot, zot deza pe reste dan zot lakaz Lalwa i dir, ‘’they shall receive;’’ so nou bezwen donn zot.  Nou oblize donn zot R25mil tou lemwan pou housing allowance.  Apre …

 

MR SPEAKER

…sa ou pe dir i anba Lalwa sa?

 

REGISTRAR JULIANA ESTICOT

I anba Lalwa.  I anba Konstitisyon Lartik 133 (2) anba Konstitisyon.  Apre dan Judiciary Act osi i annan.

 

MR SPEAKER

Ok mersi Registrar.  Petet taler i annan lezot dimoun i a demann kestyon pou apropo sa oubyen en sizesyon.  Nou al kot Onorab Henrie.

 

HON GERVAIS HENRIE

Mersi Mr Chair.  Bonzour tou dimoun.  Mon premye kestyon i ava swiv larepons ki Registrar fek donn nou.  Letan i dir bann Ziz i ganny allowance 25 mil pou housing allowance ki plis ki mon take home konman en MNA – mon lapey konman en MNA.  Prezan ki mon oule konnen; par egzanp dan ka, dan ka kot 2 dimoun i dan menm lakour eski en allowance ki pe antre ouswa 2?  I baz lo en individual case?  Apre ou’n dir bann Ziz ki napa zot prop rezidans eski i annan bokou sa bann sityasyon kot nou bann Ziz Seselwa, zot bezwen ganny sa allowance akoz zot napa en rezidans si in annan bokou bann ka?  E mon lot kestyon i lo allowance; zis allowance dan zot detay ki zot in donn nou, mon vwar i annan bokou, bokou allowance.  Si ou ti kapab donn nou en detay ki si s sa bann allowance?  Eski zis kolektivman i tonm apepre R4 milyon.  Pou housing allowance or other allowance.  Be kwa sa bann allowance?  Spesifikman mon anvi konnen.  Mersi bokou.

 

MR SPEAKER

Registrar – 3 kestyon.

 

REGISTRAR JULIANA ESTICOT

Mr Speaker dan ka kot bann dimoun bann Ziz ki reste de zot dan en sel lakaz whether nou donn zot zis en allowance ouswa 2.  Dan Lalwa i dir a Judge ; savedir en allowance par Ziz.  Dan ka kot bann Ziz Seselwa ki napa landrwa reste – zot napa en lakaz zot pa gannyen allowance Mr Speaker.  Nou lwe en lakaz nou met zot ladan pou zot reste.  E sa i pa plis ki R25 mil.

 

MR SPEAKER

Ok.  Ti annan en lot kestyon ki ti’n demande bann allowances la.  Sorry mon pa konnen sa msye ki ou pe koz avek petet i konnen.

 

REGISTRAR JULIANA ESTICOT

Mr Speaker konsernan allowance i annan diferan kalite allowance dan Zidisyer.  Nou annan bann par egzanp bann allowance ki nou konn li konman overtime ki zot fer louvraz apre ler.  E nou osi annan bann  allowance ki bann staff anba Scheme of Service i annan diferan – sak Scheme of Service sakenn zot annan zot diferan allowance ki al avek ; par egzanp Process Server i annan pou li.  Court Orderly i annan pou li eksetera, eksetera.

Apre nou osi annan allowance bann Mr Savy petet.  Bann dimoun ki PSC Contract so zot osi annan serten allowance ki form parti zot package, letan zot ganny sekirite avek Zidisyer.  Mersi Mr Speaker.

 

MR SPEAKER

Onorab Henrie.

 

HON GERVAIS HENRIE

Wi, Registrar i nonm nou overtime, overtime sa in ganny allocate separeman.  Ki apepre 1 milyon. Me selman dan sa bann allowance ki mon pe dir ou la, i annan zis 4 par egzanp ouswa 5 ki gro en?   Enn i 515  mil enn i 829 ; enn i 1.1 milyon lot i 416 ;  en lot 595.  Me solman apre i annan bann lezot parey mon pe dir total i apepre 4 milyon.  So i pa parey sa ki sa bann detay nou pe gannyen.  Mersi bokou.

 

MR SPEAKER

PS Payet.

 

PS PATRICK PAYET

Mersi Mr Chair.  Mersi Onorab.  Zis pou azoute ki i annan allowance  ki parey menm si annan bokou me solman i as per son bann progranm. I annan diferan progranm so sanmenm sa i annan par egzanp ki lo PSC  me tandis i annan diferan PSC anba sak program.  Sanmenm sa kekfwa ou pou vwar diferan allowance; par egzanp premye anler.  Sa enn 3enm ki allowance  holding PSC 515.

Apre ou pou vwar en lot i zis 75 mil.  Me dan Finans nou fer sir ki tousala i annan kot Trezor nou fer sir i annan bann specific code pou sak allowance, ki nou kapab pli bon pli byen kapab monitor.  Par egzanp si demen i annan en increase dan bann lezot allowance nou kapab monitor li.  Kekfwa Judiciary mon konnen i annan Scheme of Service.  Me anba Scheme of Service i annan en inducement.  Si i annan marketable skills i pou ganny klasifye dan diferan code.  Nou donn sa detay koumsa.

 

MR SPEAKER

Onorab Henrie.

 

HON GERVAIS HENRIE

Sa kestyon konbyen Ziz Seselwa ki napa zot prop lakaz konbyen ki tonm dan sa kategori?  Mersi.

 

MR SPEAKER

Registrar eski ou annan sa lenformasyon?  Ziz Seselwa ki napa zot prop lakaz?

 

REGISTRAR JULIANA ESTICOT

Pou lemoman nou annan 3 Mr Speaker.

 

MR SPEAKER

  1. Onorab Prea.

 

HON NICHOLAS PREA

Mersi Mr Speaker.  Mersi pou donn laparol mon kestyon i vin i swiv menm laliny avek Onorab Arrisol ek Onorab Henrie.  Mon ti a kontan demann Registrar eski i en nonm ki Administrasyon Zidisyer i tolere si mwan ozordi, mon annan mon lakaz mon ganny  apwente en Ziz, e mon deside al rod en lot lakaz e Lakour i pey en lakaz ankor R25 mil.  Mon’n deza annan en lakaz mwan.  Mon lwe mon lakaz e Lakour i pey R25 mil plus en sekirite ankor  pou mwan.  Eski sa i en norm ki nou pe tolere?  Mon dakor akoz mon vwar i annan en labi la menm kot ou fer sorti kot 2 Ziz …

 

MR SPEAKER

Onorab ou’n demann en kestyon.  Ou annan en lot kestyon?   Ale.

 

HON NICHOLAS PREA

Wi mon annan ankor en follow-up.  Pou en sel sa Mr Speaker. Mon pa pou demann ankor kestyon.   Kot 2 Ziz i reste ansanm e tou lede i ganny en housing allowance R25 mil i fer R50 mil.  Ankor i montre en presedans en labi.  Mon ti a kontan konnen … we’re talking about taxpayers, taxpayers business ki pe struggle ki pe peye sa – si en norm ler mon ganny apwente Ziz, mon lwe mon lakaz e apre Lakour i lwe en lakaz pou mon avek sekirite.  Mon ti a kontan petet mon ganny mon kontinyen dan mon lakaz me mon ganny sekirite.  Sa i enn.

Mon 2enm i swiv lo sa ki in, dir vizavi Kontra Sekirite.  Mon dakor parfwa i ariv serten emergency kot ou bezwen sekirite vitman ; me nou pa koz nou bezwen sekirite vitman antretan pou nou al tender e nou siny en Kontra 2aan avek en security firm.  Mon dakor ou’n al siny en Kontra 3 mwan.   Maksimonm  6 mwan.  Antretan ki i donn letan pou ou tender.  Me ou pa pran en ou pa fer emergency lo en term 2an.  I pa akseptab Mr Speaker.  Mersi.

 

MR SPEAKER

Ok, Registrar oule reponn sa?  I annan 2 kestyon.

 

REGISTRAR JULIANA ESTICOT

Mr Speaker konsernan lakaz pou Ziz.  Nou pe zis senpleman swiv Lartik Konstitisyon kot i dir en dimoun pa sipoze ganny less favorable than ki in deza pe gannyen.  I form parti son bann term e kondisyon dan Lalwa.  Anba Judiciary Act  sesyon 9 (1) i kler i dir ;’ A Judge should be entitled free government housing and housing allowance or housing allowance of R25 thousand in lieu … thereof.  E napa nanryen ki mon kapab fer ziske ler Lalwa i ganny amande ki i pou less favorable.  So  mon, pe zis senpleman mon pe swiv sa ki Lalwa i demann  mon pou mon donn li.  Either a free Government housing, nou napa konmela Government nou annan private, or R25 thousand e se sa rezon dan ka kot bann ki napa lakaz nou lwe en lakaz pou zot ki pa sot R25 mil.  E bann ki deza annan lakaz zot ganny sa allowance R25 mil ki dan Lalwa.  E nou pe zis senpleman swiv Lalwa.  E lo kote sekirite as far sa ki mwan mon konnen konman Rezistrar Lakour, mon pa okouran sa i annan Ziz ki deza annan son prop lakaz e i pe lwe son lakaz e nou, nou pe donn li en lot lakaz.  Sa enn mon pa okouran.  Petet si ou ti annan  ti a bon nou a ti a take up ek sa Ziz   Me selman lo kote sekirite parey ou pe dir tou apre sa bann threat ki nou’n gannyen nou’n pran linisyativ ki bann Ziz zot bezwen sekirite kot zot.  E nou pe donn sekirite par Lakour me non pa par Ziz.  Mersi Mr Speaker.

 

MR SPEAKER

Onorab Prea ou …ok?

 

HON NICHOLAS PREA

Mr Chair mon ok, me solman mon vwar en pti pe plis konfizyon.  Mersi.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker.  mwan mon ti anvi demande si dan Bidze 2018 eski Zidisyer pe konsider desantraliz servis Lakour Siprenm pou annan en brans Lakour Siprenm permanan lo Praslin pou deservi zabitan Inner Island, akoz i kout zabitan Inner Island en kantite larzan pou sa deplasman e osi en dire letan pou process bann case.  Mersi.

 

MR SPEAKER

Registrar.

 

REGISTRAR JULIANA ESTICOT

Mr Speaker, pou lemoman, nou pa ti pe mazin desantraliz Lakour Siprenm.  Parey nou annan Lakour Mazistra e Tribinal, nou pa ti pe mazin desantraliz li, me solman nou annan serten case aktyelman ki’n deza fini ganny pase, kot swa sa dimoun i en pti pe vilnerab or i annan kek issues   ki i pa kapab desann Mahe, nou bezwen mont Praslin; or i annan serten dimoun – par egzanp si nou vwar dan en case i fer ek tou dimoun zot tou zot reste Praslin e la Lakour i monte.  E nou al sit Praslin.  Pour le moman nou pe fer li.  Mersi Mr Speaker.

 

MR SPEAKER

Onorab Aglae.

 

HON EGBERT AGLAE

Mersi Mr Chair.  Kestyon ki pou Zidisyer;- mon ti a kontan konnen vi ki enn zot bann ‘’major achievements’’ avek bann challenges’’ i konsern bann backlog ki touzour nou’n koz lo la, ki poursantaz backlog ki 2017 zot in kapab redwir e ki zot target pou 2018?  E si zot annan en mekaniz an plas osi, pou fer sir ki bann avoka, serten avoka, ki osi ede koze ki i annan sa bann backlog, zot annan en mekaniz an plas pou zot kapab deal avek?  Mersi.

 

MR SPEAKER

Registrar.

 

REGISTRAR JULIANA ESTICOT

Mr Speaker konsernan backlog nou’n vreman tir en kantite konpare avek bann lannen presedan – bann lannen avan, akoz pou le moman mon pa’n vin avek en serten poursantaz, me selman mon kapab konfirm avek sa Lakour, ki nou pe kontinyelman tir lakantite backlog ki nou annan.  Me solman parey Onorab pe dir Mr Speaker, i annan de moman ki wi i relye avek bann avoka.  Par egzanp i annan ki set case – Magistrate’s Court an menm tan Supreme Court, ouswa

Praslin an menm tan Mahe; or zot pa available.  Me solman ki arive la nou nouvo sistenm case management Ki nou’n komanse apartir Oktob.  Sa nouvo sistenm i fer ki i ede – pa redwir, me mon kapab dir aboli sa backlog.  Akoz sa enn sistenm nou annan en centralized diary ki nou’n komans met an plas.  E definitivman sa avoka i pou napa lekskiz, ler i pou vini pou li dir mwan i devan en lot Lakour, ouswa i annan …. par egzanp i annan ki set 2 case dan menm Lakour menm ler, menm zour.  E la nou pou kapab vwar dan centralized diary poudir, deza i deza annan en case ou bezwen met en lot dat.  Ouswa si ou pe dir mwan ki ou deza devan en lot Zis, mon pou vwar poudir ou pa pe koz laverite ek mwan, e mon pou vwar ki ou sipoze available sa bann letan.  E la nou pou kapab slot zot in dan diary.  E sa i pou ede pou redwir en kantite.  E se sa nou lentansyon-.  Se dan lannen 2018 as much as possible, redwir sa bann problenm ki nou gannyen ek bann avoka, konsernan set zot case pou ede, pou redwir lo lakantite back log.  Mersi Mr Speaker.

 

MR SPEAKER

Onorab Aglae.

 

HON EGBERT AGLAE

En pti siplemanter Mr Speaker.  Eski madanm Mazistra la i kapab dir nou, ki si vi ki ti annan serten mansyon osi kot serten fees – court fees – penalty pou ogmante?  Eski sa in deza komanse?  Mersi.

 

MR SPEAKER

Registrar.

 

REGISTRAR JULIANA ESTICOT

Mr Speaker wi nou’n komanse depi lannen pase nou’n komans travay lo court fees and fines.  Me selman sel   E konstrent ki nou annan se nou ankor pe gete ki mannyer nou pou balanse; par egzanp nou annan 2 group dimoun.  Nou annan en group bann Konpannyen, apre nou annan en group bann endividi.  E si nou set li lo en tarif en pe o, bann endividi nou vwar poudir i pou tro for pou zot; zot pou soufer.  E si nou set li en pe tro ba, nou’n vwar ki bann Konpannyen finalman zot, zot benefisye.  So nou ankor pe sey aziste sa whether nou pou set li en sel pri o-milye or fer annan 2 diferan group.  E sa definitivman nou pe mazin pou nou konplet li pandan lannen 2018.  Mersi Mr Speaker.

 

MR SPEAKER

Onorab De Commarmond.

 

HON CHARLES DE COMMARMOND

Mr Chair lo sanmenm sa pwen, ler zot pe balans bann avoka la, si i devan en Ziz ou byen whatever, eski zot pe pran kont osi avoka ki dan Lasanble Nasyonal?  Par egzanp letan Lasanble pe zwenn si zot annan en case e ki ou osi ou aranz sa accordingly.  Mersi.

 

MR SPEAKER

Registrar.

 

REGISTRAR JULIANA ESTICOT

Mr Speaker dan le pase, sa ti en issue.  Me avek sa nouvo sistenm, tou bann listing i ganny fer kot biro Mazistra, so nou pe pran sa an kont.  Se pour sa rezon ki bann avoka i bezwen vin ek zot diary.  E ler zot vini, zot ki pou dir mwan, kan ki zot available dan zot diary pou mwan kapab set zot dat case.  So sa i pou osi pran kont; par egzanp nou konnen dan Mardi nou annan Lasanble an menm tan nou annan Lakour D’Apel; nou annan Lakour Konstitisyonnel e sa ki pou ede ler sa avoka i vini, i pou anmenn son diary, mon pou vwar avek li, nou pou agree, ‘’la ou lib – la ou dan Lasanble; i bloke nou pa kapab met ou, me solman nou pou annan bann lezot landrwa kot nou kapab met ou.’’  So sa i pou evit annan bann problenm avoka dan Lasanble, an menm tan annan son case pe kriye Ankour.  Mersi Mr Speaker.

 

MR SPEAKER

I Mardi ek Merkredi – pou note Registrar.  Onorab Georges.

 

HON BERNARD GEORGES

Mersi Mr Chair.  Mr Chair mon kestyon pou Registrar i sa enn swivan.  An vi zot loptik pou redwir backlog e ki mon vwar dan ‘’current challenges and strategic priorities’’ zot in fer sa enn zot bann priyorite mazer, eski zot pa krwar ki i annan de fwa dan zot lanvi redwir backlog, lazistis i perdi?  E mon ava dir ou akoz mon demande ou sa, akoz semenn pase en case ki enn mon bann avoka ti involve ladan, i ti malad e Ziz in still proceed avek sa case – in ensiste  pou proceed malgre ki sa avoka i malad. I ti anmenn en sick note kot Lakour.  Dezyenmman dan Bidze, ki provizyon zot in fer, pou redwir backlog atraver parey zot in dir alternative dispute resolution?  Ki kantite zot pou al depanse sa lannen ki pe vini pou fer sir ki sa bann alternative dispute resolution i ganny met an plas?  E trwazyenmman briyevman donn nou en lide lo zot depans lo nouvo Magistrate’s Court dan sa lannen ki pou vini.  Mersi.

 

MR SPEAKER

Registrar. 3 kestyon.

 

REGISTRAR JULIANA ESTICOT

Mr Speaker konsernan sa kestyon an partikilye ki Onorab Georges in nonm mwan, mon pa okouran.  Me solman i annan en practice direction ki’n sorti – Sef Zis ti fer sorti.  E tou bann avoka zot okouran ki letan zot malad -zot malad zot bezwen anmenn zot sick leave certificate e zot sipoze osi anmenn en dimoun avek zot diary.  Si i annan dat pou sanze eksetera.  Me solman konsernan sa case an partikilye, mon pa tro konnen, akoz mon napa kontrol parey ou konnen lo travay Ziz, lo bann louvraz ki zot fer.  Me solman, normalman si ou’n anmenn ou sick leave certificate e i montre poudir vre ou malad, then i at sa diskresyon sa Ziz normalman pou li adjourn sa case pou en lot dat.  Si in proceed ek sa case, mon pa pou konnen pou ki rezon ki in proceed ek sa case.  Konsernan alternative dispute resolution; dan sa nouvo sistenm ki nou pe entrodwi la, i annan en sans letan ou’n anrezistre ou case pou sa 2 parti zwenn e pou zot medye.  E pou gete ki fason zot kapab fini sa case pli vit avan ler i ariv Ankour – avan ler i vin Ankour – i vin devan Lakour e la si zot kapab tonm lo en konpromiz  -en Lagreman, e la zot case i fini,  i pa bezwen vin devan Lakour ankor pou vin gaspiy letan Lakour.  Me si ou pe demann mwan ki porsyon dan Bidze ki nou’n mete konsernan sa, mon pa tro asire lo la.  Me solman ki mon kapab dir, se ki i zis en matter of diskisyon – pa vreman finans, me i zis en matter of diskite e agree e vin lo en solisyon.  E zot vin ganny en lagreman devan Lakour ki fer li vin formel.  Apre konsernan nouvo Lakour Mazistra; pandan letan ki – anyway mon apresye – mon oule pran sa loportinite pou dir mon le remersye Lasanble lannen pase ler – – boner sa lannen – ler nou ti vini zot ti siport nou pou ganny en nouvo Lakour Mazistra.  E pandan letan ki nou pe atann Gouvernman pou donn nou sa funding, nou’n antre an kontak avek Gouvernman L’Inde e zot in agree pou sponsor nou, pou donn nou  en Grant R45milyn pou fer  nou Lakour Mazistra akote nou Supreme Court Annex.  E pou le moman nou dan en staz kot nou’n bezwen fer bann prosedir tender eksetera ek drawings.  E se pou sa rezon ki dan nou Bidze sa lannen nou’n demann Gouvernans R1.5mil… – sorry 2018 – non i  reflekte 11.5, me solman i R1.5milyon pou nou kapab survey eksetera, me sa 10milyon i sa Grant ki Gouvernman L’Inde pou disburse pandan lannen 2018 pou kapab – pou nou kapab komans sa proze.  Mersi Mr Speaker.

 

MR SPEAKER

Onorab Georges ou ok?

 

HON BERNARD GEORGES

Mersi Mr Speaker.  Zis mon ti oule fer sorti, ki i paret mwan ki lo alternative dispute resolution napa gran sanzman ki’n ganny fer – nou pe kontinyen parey nou ti komanse depi avan.  Setadir napa nanryen ki’n sanze.  Nou – bann zafer mediation i pou kontinyen parey i ti ete – parey i ti egziste avan.  Napa en nouvo push pou ofer sa, e pou tir presyon lo case.

 

MR SPEAKER

Registrar.

 

REGISTRAR JULIANA ESTICOT

Mr Speaker, diferans ki annan se ki staz ki medyasyon i komanse.  Par egzanp avan case ti bezwen al devan Ziz avan, apre la zot ti deside si zot pou al ekoute, al dan medyasyon ouswa nou.  Sa nouvo sistenm i pa – avan ler menm i ariv kot Ziz, zot deside si zot pou al dan medyasyon.  Only si zot pa agree pou medyasyon ki case pou al devan Ziz.  So i montre ou poudir nou pa bezwen anmenn sa case devan Ziz pou ganny al komans ekoute, apre pou retournen pou al medyasyon. Mersi Mr Speaker.

 

MR SPEAKER

Onorab Andre.

 

HON CLIFFORD ANDRE

Mersi Mr Speaker.  Premye kestyon se uniform – i annan 442, eski nou kapab konnen konbyen staff i annan ki pe servi uniform?  Elektrik i 2.8 milyon, eski Zidisyer i annan lide met bann energy – bann solar panel pou redwir sa cost?  ‘’Other transportation cost’’ mon pe sey konpran akoz i met R166mil apre i annan ‘’maintenance’’ pou transpor ki tonm 853mil – konbyen transpor zot annan?  Epi zot in osi ‘’acquisition of transport ‘’ ki – cars – ki R800mil konbyen transpor zot pe al rode?  Lot kestyon se SP1 lo paz 92 i annan en increase sorti 1.7milyon pou mont 2milyon, sa i konsernan kwa?  E osi Lofis Rezistrar in sorti 34milyon in mont 51milyon – konsernan kwa?  Apre i annan ‘‘government buildings’’ kot zot in met 1.3milyon, me solman i annan en ‘’rent’’ osi ki subsequent to that – mon ti a kontan konn sa diferans akoz.  I annan 1.3 milyon i met ‘’ government buildings and infrastructure’’ apre par anba ti annan ‘’office building rent’’ ki sa 3.3 ki Onorab Arrisol pe demande.  So eksplik mwan en pti pe.  Apre Scheme of Service pou bann staff; lannen pase ti annan Scheme of Service ki ti ganny fer, me nou’n aprann ki i annan serten staff ki’n ganny zis R78 logmantasyon.  Konmsi ki mannyer in marse vreman? Eski sa i ou menm parey sa lannen oubyen i pou sanze?  Mersi.

 

MR SPEAKER

Registrar?

 

REGISTRAR JULIANA ESTICOT

Mr Speaker Onorab pou bezwen bear with me, akoz in demann mwan sitan kestyon an menm tan – so i annan ki mon’n manke …e mon a reponn bann ki mon’n gannyen …

 

MR SPEAKER

Pran en pe apre pou a pran lezot.

 

REGISTRAR JULIANA ESTICOT

Pour Liniform nou vreman napa logmantasyon dan liniform staff me solman nou annan bann Ziz Lakour D’Apel Supreme Court ki’n mont Lakour D’Apel e bann nouvo Ziz ki pou vin ranplas zot, normalman nou donn zot Judges Attire e ki letan zot ale zot retournen – zot rann.  So sa i fer ki nou’n met sa anba ‘’uniform.’’ Me solman pou staff zot menm zot pou napa logmantasyon dan liniform.  Apre pou lo kot elektrisite, avan kot Pension Fund nou pa ti pe pey utilities konsernan aircon, ki prezan zot in azout li ansanm ek lakantite ki nou peye e sa i fer ki i annan sa logmantasyon.  Konsernan soler solar panel, pou le moman nou pa ti pe mazin pou al ver sa direksyon.  Konsernan akizisyon transpor sa R800mil i pou en loto pou en Ziz.  Tou nou bann loto Ziz laplipar i – apard apepre 4 ki nou fek ranplase, laplipar i plis ki 5an e nou pe ganny en bann problenm maintenance avek, so se pour sa rezon ki nou’n demande pour – nou pe kontinyelman at least tou-le-z-an ranplas enn sa bann loto ki en pti pe pli – annan plis problenm avek.  So sa R800mil pou en loto pou lannen 2018.  Konsernan SOS, nou annan premye faz ki nou enplimante lannen pase e sa i ti zis   – parey nou ti eksplik Lasanble boner sa lannen ler nou ti vin dan Lasanble, i zis ti pou aziste – akoz nou ti annan 3 diferan Scheme of Service; Family Tribunal, Employment Tribunal avek Zidisyer.  So nou’n merge tousala anba Zidisyer.  Prezan nou ti pe sey aziste bann anomaly ki ti annan – bann diferans – par egzanp kot bann dimoun …. kot zot pos en pti pe pli ba zot ti pe ganny menm kantite or pli o ki bann  dimoun ki pos i en pti pe pli o.  Se sa ki nou ti fer premye staz.  E 2enm staz ki nou anvizaze enplimante pandan lannen 2019 pou nou travay lo la, la 2018.  Sa i sa nouvo Scheme of Service, akoz sa enn ki nou ti pe fer ti zis en amannman.  Sa i sa nouvo Scheme of Service ki nou anvizaze fer e ki sipoze pran lefe an lannen 2019.

 

MR SPEAKER

Onorab Andre ou annan ki pa’n reponn –ou annan kestyon ki pa’n ganny reponn?  Remind Registrar.

 

HON CLIFFORD ANDRE

Mersi.  Mon ti’n demann li konbyen staff i annan ki servi liniform i pa ankor dir mwan.  Apre paz 92 SP 1 i annan en increase sorti 1.7 to 2 million ou pa ankor dir mwan.  Office of Registrar in sorti 34milyon in vin 51milyon, ou pa ankor dir mwan.  Apre sa 2 zafer ‘’government buildings’’ ki anba ‘’goods and services’’ i annan en ‘’government building and infrastructures’’ – 1.3million.  Epi i annan sa enn ki parey Onorab Arrisol ti’n demann ou 3.3 ki mon konpran.  So mon pe demande akoz i annan sa 2 diferans?  Mersi.

 

MR SPEAKER

Registrar?

 

REGISTRAR JULIANA ESTICOT

Mr Speaker konsernan ‘’government building and infrastructure’’ sa i relye avek peyman bann housekeepers ki ganny peye anba ‘’other use of goods and services’’ apre bann handymen.  E sa i enkli zot Trezyenm Mwan Saler – zot Gratwite e lafen Kontra e Konpansasyon pour Retret.  E sa i annan en logmantasyon, akoz letan nou’n amann Scheme of Service, zot saler otomatikman in monte.  E definitivman in montre en logmantasyon konpare avek sa ki zot ti pe gannyen lannen pase.  Apre konsernan bann staff ki met liniform, nou annan 176 staff pou le moman ki met liniform dan Zidisyer.  Mersi Mr Speaker.

 

MR SPEAKER

Onorab Ferrari.

 

HON CLIFFORD ANDRE

….(Mic Off)

 

MR SPEAKER

Konbyen ou ankor ou annan Onorab?

 

HON CLIFFORD ANDRE

Non, non mon annan menm kantite mwan.  I pa’n fini reponn.  Sa enn ki mon’n dir li….

 

MR SPEAKER

Konbyen kestyon ki i pa ankor reponn?

 

HON CLIFFORD ANDRE

Page 92 SP1 increase from 1.7 to 2 million.  Registrar’s office 34 …

 

MR SPEAKER

Ok.  Onorab annou pran enn par enn.  Met en kestyon ki i pa ankor reponn i a reponn.

 

HON CLIFFORD ANDRE

Sanmenm sa ki i pa ankor reponn.

 

MR SPEAKER

Ale Registrar.  Savedir i annan zis enn? Ok. Ale Registrar.  Mersi Onorab.

 

REGISTRAR JULIANA ESTICOT

Mr Speaker konsernan sa logmantasyon ki Onorab pe demande, mon prezimen i pe dir mwan anba Sekretarya Registrar lo paz 92; e sa i annan pou fer avek konpansasyon bann anplwaye zot Gratwite – bann ki resign ou bezwen pey zot e tenan kont osi parey mon’n dir revizyon Scheme of Service sa sonm in ogmante, apre tou bann peyman santralize i ganny fer anba biro Rezistrar.  E la nou annan  logmantasyon dan ‘lakaz,’ dan ‘sekirite’ dan bann utilities parey mon’n dir ‘fuel’, ‘building,’ ‘rent’ ‘maintenance vehicle’ maintenance building’ apre bann salary housekeeping parey mon pe dir.  So tousala i tonm anba biro Rezistrar.  E osi nou annan bann nouvo dimoun ki nou pe recruit pou lannen 2018 e Trezyenm Mwan Saler pou bann lezot staff ki deza dan lanplwa,  apre osi Trezyenm Mwan Saler pou – pandan lannen 2017 ler  nou ti pey boner sa lannen ti pey Trezyenm Mwan Saler ti annan serten bann staff ki zot pa ti gannyen, akoz i annan sa peryod letan ki ou  bezwen pey sa Trezyenm Mwan Saler – i annan ki ti fek komans travay e zot pa ti tonm ladan.  E la pou 2018 zot pou otomatikman tonm ladan se … so i montre sa logmantasyon.

Mersi Mr Speaker.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker, mon kestyon i esansyelman lo size ‘sekirite’ ek ‘lakaz’, mon ti a kontan demann ek Rezistrar oubyen avek PS Finans, donn nou en sif konbyen an plis nou pe peye  an 2018 ki an 2017 lo sekirite pou bann zofisye Zidisyer?  Konbyen sa bann zofisye? Sa Rezistrar i kapab donn mwan – konbyen i annan zot sa bann zofisye e ki zot post title?  Rezistrar osi i kapab eksplik mwan ki i ti oule dir taler ler i poudir bann Ziz –serten Ziz, i oule sekirite etranze?  Konmsi mon ti a kontan konpran sa?  Si akoz sa mon krwar zot pe al en pe tro lwen.  Ok?  E lo lakaz, konbyen an plis zot pe demande sa lannen, par rapor avek lannen pase lo Bidze lakaz?  Sa i mon premye kestyon.  Mon 2enm kestyon mon ti a kontan demann avek Rezistrar vi ki nou ti’n vot en Scheme of Service – nou ti vot en Scheme of Service pour travayer Zidisyer  pli boner sa lannen – mon ti a kontan konnen si sa Scheme of Service in antre an aplikasyon?  Eski bann travayer in benefisye.  E koriz mwan si mon mal e aparaman i annan travayer ki’n ganny li zis R86 logmantasyon.  So sey eksplik mwan ki mannyer sa larzan ki nou’n donn zot ki mannyer in ganny partaze pou benefisye tou bann staff?  Mersi.

 

MR SPEAKER

2 kestyon e osi en klarifikasyon etranze/Seselwa.  PS mon pa konnen si oule komans komanter e Registrar.  I mean PS Payet.

 

PS PATRICK PAYET

Mersi Mr Chair.  Mersi Onorab.  For ‘’security and enforcement’’ i R3.3milyon – an plis.  For ‘’housing’’ …

 

MR SPEAKER

Antretan ki PS pe rod ‘’housing’’ Registrar petet ou a klarifye sa pwen lo ki Onorab in demande sa zot prefere etranze?

 

REGISTRAR JULIANA ESTICOT

Mr Speaker, konsernan lekel sa bann zofisye senior e zot post title sa i annan pou fer avek Master avek Rezistrar zot, zot senior.  Me solman mon pe dir Master i ganny konsidere komann en Procedural JudgeSo i en Ziz e sa i Rezistrar.  E konsernan ou 2enm pwen ‘’foreign security’’ bann personnel etranze konsernan bann Ziz – bann Ziz zot pa – zot annan preferans lo etranze akoz – par egzanp bann Ziz zot napa dimoun vreman pou zot frekante, or pou koz avek so detanzantan zot koz – zot an kontak avek zot koleg pou diskit serten case eksetera.  E keksoz ki nou’n remarke se ki bann etranze ki zot vreman pa konn bann lezot dimoun ki viv Sesel e sa i fer en  pti pe pli fasil pou zot kapab santi zot en pti pe pli  – mon kapab dir at peace e en pti pe pli alez.  Me solman normalman letan nou fer recruit – um  –  Scheme  – nou  pran pou recruit sekirite  – pou fer sekirite pou  kot bann Ziz, nou liaise ek sa Konpannyen ki pe donn sa sekirite e ki donn sa service , e la nou vwar ki i pli  – i pli rezonnab letan nou annan sa bann dimoun etranze.  E zot, zot pli – toultan zot la – ou pa ganny sa problenm in vini in vin sou – i anba lenfliyans lalkol – pe dormi eksetera lo bit.  Konsernan Scheme of Service, ki’n ganny enplimante; wi in ganny enplimante an 2017 e faz 1 parey mon’n dir sa premye faz.  E konsernan diferans dan larzan ki zot in gannyen, i annan laplipar staff in benefisye en serten – i pa en gran kantite akoz ti zis pou amande – i annan serten staff ki nou’n vwar – akoz sa bracket kot zot ti ete, letan petet nou’n met zot lo sa nouvo Scheme zot in ganny en logmantasyon e tax letan zot in sot sa bracket otomatikman prezan zot al dan bracket zot bezwen pey tax.  E la nou’n vwar poudir zot pe vreman anmenn – i annan en diferans en pti pe – olye ganny plis, finalman zot vwar zot pe ganny mwens, akoz zot pey tax prezan.  E se sa ki nou pou sey adrese dan sa Scheme of Service 2018 ki nou pou fer li faz 2, ki pou pran lefe an 2019.

 

MR SPEAKER

PS Payet.  Increase. 

 

PS PATRICK PAYET

Mersi Mr Chair.  Mersi Onorab.  Zot in met 1 -1.1million an plis for ‘housing’ akoz i annan 3 nouvo Judge ki zot in demande e en Magistrate.

 

MR SPEAKER

Onorab Ferrari.

 

HON JEAN-FRANCOIS FERRARI

2 pti follow-up Mr Speaker.  Mr Speaker mon ti a kontan demann ek Rezistrar si i – premyerman lo Sekirite, si okenn sa bann dimoun ki pa ti pe ganny sekirite avan ki la prezan zot pe ganny sekirite si Rezistrar i konn okenn sa bann ka?  Eski sa bann nouvo peyman sekirite i baze lo en rekomandasyon Lafors Lapolis?  Akoz mwan mon’n ganny menase pare bann dimoun ki annan revolver dan zot leren e mwan mon’n al kot Lapolis e Lapolis pa’n donn mwan en sekirite mwan!  Konmsi mon oule sey ganny en, konpran ki mannyer sa sekirite … …

 

MR SPEAKER

…ki prosedir?

 

HON JEAN-FRANCOIS FERRARI

…i ganny donnen.  Konmsi lo ki baz pour pa ki i annan en labi ladan.  Eski in ganny fer lo sa nivo?  Mersi.

 

MR SPEAKER

Registrar? 

 

REGISTRAR JULIANA ESTICOT

Mr Speaker … Mersi Mr Speaker.  Mon sizere Onorab Ferrari pe refer lo sekirite pour Rezistrar ki i pa ti pe gannyen oparavan?

 

MR SPEAKER

Registrar i pa’n mansyonn non personn.  In demann lo en pwen zeneral.  Si i annan en prosedir ki Lapolis i rekomande?

 

REGISTRAR JULIANA ESTICOT

Non Mr Speaker, akoz mon’n tann li nonm lo zofisye senior oparavan.  Ok konsernan bann Ziz Lakour Siprenm ki pa ti ganny sekirite oparavan zot pe ti pe ganny lo baz 24er apre i annan ki pa ti pe ganny ditou.  E zot pa ti vwar li en problenm lefe ki zot pa ti pe ganny sekirite, me apre ki’n annan sa bann menas serye ek agresyon lo lavi sa bann Ziz, e bann zofisye senior ek zot propriyete ek zot fanmir, nou’n met sekirite 24er.  E sa se an konsiltasyon avek Lapolis e zot in vwar poudir i neseser ki tou nou bann Ziz i annan sekirite.  E nou’n met sekirite lo en baz 24er.  Me solman malerezman zot napa ase zofisye Lapolis pou kapab asiste nou e se pour sa rezon ki nou’n bezwen pran sekirite prive.  Mersi Mr Speaker.

 

MR SPEAKER

Ok.  Mersi.  Onorab Sebastien Pillay.  Sorry ou ti annan en dernyen kestyon Onorab Ferrari?

 

HON JEAN-FRANCOIS FERRARI

Mr Speaker, vreman … briyevman mwan mon anvi ki madanm Rezistrar i dir avek mwan eski zot in donn sekirite okenn dimoun ki pa ti pe ganny sekirite, lo baz en rekomandasyon ki’n ganny fer par Lapolis oubyen lo baz en assessment ki zot menm zot in fer, dapre bann threat ki’n ganny raporte kot zot?  Se sa ki mon ou le konnen.  Eski zot in pran sa desizyon zot menm, oubyen se eski Lapolis ki’n dir zot fodre zot pran sa bann desizyon?  Mersi.

 

MR SPEAKER

Registrar?  Quick one.

 

REGISTRAR JULIANA ESTICOT

Mr Speaker wi nou’n donn bann dimoun ki ti napa, nou’n donn zot enn.  E nou’n ganny rekomandasyon avek Lapolis; nou an diskisyon avek Lapolis.  … ti’n nonmen.

 

MR SPEAKER

Ok.  Mersi Onorab De Commarmond.  Onorab …Wi?

 

HON JEAN-FRANCOIS FERRARI

Non akoz mwan krwar i enportan sa Mr Speaker.  Sorry mon pe ensiste en pe lo la.  Mon ti a kontan si Rezistrar i annan okenn dokimantasyon – okenn korespondans avek Lapolis; ki Lapolis i dir fodre donn sekirite sa dimoun!  La, fer mwan ganny en kopi sa bann korespondans, silvouple!

 

MR SPEAKER

Registrar?

 

REGISTRAR JULIANA ESTICOT

Mr Speaker nou annan en korespondans sorti kot Lapolis, apre in annan bann meeting ki nou’n zwenn en nou’n diskite.  Mersi Mr Speaker.  Nou a fer ou ganny en kopi – nou a fer sa Onorab ganny en kopi sa dokiman sorti kot Lapolis.  Mersi Mr Speaker.

 

MR SPEAKER

Ou anvoy en kopi through the Speaker’s Office – Registrar.  Onorab Sebastien Pillay.  Apre Onorab Afif.

 

HON SEBASTIEN PILLAY

Mersi Mr Chair.  Mr Chair prenan an kont sa kou ki pe kontinyen ogmante lo bann cost goods and services ki Zidisyer pe incur sirtou lo kot ‘lakaz;’ lo kote ‘sekirite,’ ki Zidisyer in sey diskite, oubyen atraver avek Minister Finans avek Lapolis pou vwar si par Lafors – bann Lafors ki deza etabli – parey Lapolis oubyen bann Special Support Unit ki kapab ganny sa Bidze petet dan le fitir rather ki nou pe pey plis, ki prezan nou avan anploy plis dimoun – plis dimoun i a ganny louvraz en lanplwa fix – plis security of employment ki sa bann dimoun i ava provide sa sekirite.  Mon pa tro, tro buy-in dan sa lekskiz ki si i en Seselwa alors i konn en lot dimoun.  Akoz en etranze osi i kapab fasilman zwenn en girlfriend Seselwa e koumsa.  Mr Chair, please.  Mersi.

 

MR SPEAKER

Registrar mon krwar i en sizesyon ki i pe fer pou lavenir.

 

REGISTRAR JULIANA ESTICOT

Mr Speaker avan ler ki nou ti al kot bann sekirite prive, nou ti antre an kontak avek Lapolis; e parey mon pe dir zot ti napa ase mendev pou donn nou.  E parey Onorab pe dir, i ti ava en bon sizesyon, akoz letan nou get kou ki Lapolis i sarze avek kou bann sekirite prive, i bokou pli ba.  So sa ti ava ede pou osi redwir en pe dan nou Bidze dan lefitir.  Mersi Mr Speaker.

 

MR SPEAKER

Tre byen, savedir ki sizesyon is well taken.  Onorab Afif dernyen entervenan – Onorab Afif.

 

HON AHMED AFIF

Mersi Mr Chair.  Mr Chair, mon kestyon i vize enn lo ‘‘housing’’ enn lo ‘’sekirite.’’  Lo kote ‘’housing’’ nou’n konpran poudir zot pe pey housing pou 3 Ziz an plis.  Kestyon – eski ozordi nou annan 3 Ziz an plis konpare ek lannen pase?  Akoz lannen pase mon prezimen sa 3 pe ranplas sa 3 ki’n ale.  Alor i pa devret annan en logmantasyon.  2enm kestyon lo kote ‘’sekirite’’ nou lo sa kote latab Mr Speaker, nou konsernen par lefe ki sa kantite ki zot in fer monte sekirite R3.3 milyon dapre Minister Finans, in ganny fer san okenn konsiderasyon lareg finansyel.  Setadir, zot in assess en risk lo zot kote, me selman zot in pran sa loportinite pou fer en Kontra 2an san okenn tender.  Mon konpran parfetman risk ki annan avek Ziz, e petet bann senior staff – serten senior staff me tou dimoun i ganny risk; e nou lo nou kote, Mr Speaker nou ensiste ki Zidisyer i osi bezwen swiv lareg finansyel.  I pa kapab dir i annan en risk me akoz i annan en risk otomatikman nou taye nou rod MARPOL, oubyen enn sa bann ki zot in deside pou rod sa kantite an plis, zis akoz en risk an plis.  Nou ensiste ki i annan en assessment ki ganny fer. E antretan Mr Speaker mwan mon pou sizere, parske nou pa anvi met okenn Ziz an risk oubyen okenn staff Zidisyer an risk.  Me selman sa logmantasyon i bezwen freeze parske nou ensiste ki zot fer sa.  E zot annan letan – zot annan letan zot.  I pa pou tire dan Bidze, me selman i freeze ziskan ler zot fer tender zot bann Kontra Sekirite.  E si sa i kapab ganny fer, mon asire ou kapab ganny rediksyon; parski i annan en kantite fason louvraz sekirite i ganny fer, me Pou menm risk ki ou annan, me avek bokou mwens kou.  Alor mwan mon ti a sizere Mr Speaker ki nou freeze ou mwen R3.3milyon e sa logmantasyon ki annan dan sekirite, nou avan aprouv sa Bidze, me ki toudswit Zidisyer i fer le neseser pou zot kapab fer tender korekteman – parey Lalwa Finansyel i demande.  Mersi Mr Speaker.

 

MR SPEAKER

Petet mon a donn laparol Registrar avek PS Finans.  I pa vedir ki Lasanble – sa propozisyon pe anpes zot kontinyen travay.  I en propozisyon.  PS Payet apre Registrar.  Oubyen Registrar oule al avan – oule koze?

 

REGISTRAR JULIANA ESTICOT

Mr Speaker konsernan sa 3 Ziz mon oule korize ki i 2 Ziz avek en Mazistra.  So sa Ziz i sa 2 Ziz ki sorti Supreme Court ki’n mont Court of Appeal e zot ranplasan definitivman nou pou bezwen either a housing allowance or en allowance parey Lalwa i demande R25mil.  So sa i konsernan san 2 Ziz akoz sa 2 Ziz ki ti la Lakour D’Apel ti 2 Ziz etranze – nou ti pey zis akomodasyon sak fwa zot vini.  So nou pa ti bezwen pey the whole lannen pou son rent.  So sa.  Apre pour en Mazistra me non pa pou …napa 3 Ziz.  I pou 2 Ziz avek en Mazistra.

 

MR SPEAKER

Ok.  PS.

 

REGISTRAR JULIANA ESTICOT

Apre konsernan, sa sizesyon pour tender, nou napa obzeksyon avek sa.  Mon mazinen nou ti pe reakte lo ki kantite serye, gravite – mon kapab dir lefet ki sa bann ka i devan Lapolis pe investigate.  Me nou napa problenm avek sa.  In fact parey mon pe dir nou ti’n termin son Kontra met en lot, me solman nou ti’n osi ekrit Procurement Unit konsernan – nou’n realize poudir nou’n annan en breach lo nou kote e nou ti’n ekri Procurement Unit – nou kapab fer zot ganny en kopi.  Me selman nou napa problenm avek retender Mr Speaker.  I toutafe normal.  E nou pare pou nou pran sa sizesyon, Mr Speaker.

 

MR SPEAKER

Tre byen.  Avan nou pran en vot nou tonm dakor lo propozisyon ki Onorab Afif in fer.  Wi Onorab Henrie?

 

HON GERVAIS HENRIE

Mr Speaker – Mr Chair  permet mwan akoz lefe ki sa zafer housing allowance in provok en pti pe kestyon an vi ki i annan PS Finans la, i en standar dan Gouvernman  – kote apard Ziz   ki pe ganny housing allowance sa kalite; par egzanp en Minis ouswa Prezidan eski zot gannyen?

 

MR SPEAKER

Speaker pa gannyen.

 

HON GERVAIS HENRIE

Wi konmsi ki rezon ki zot pe ganny R25mil par mwan housing allowance?  Mersi.

 

MR SPEAKER

PS?

 

PS PATRICK PAYET

Mersi Mr Chair.  Zis pou azoute ki nou konnen lo kote Minis okenn Minis pa gannyen, eksepte mon konnen nou annan en Minis ki sorti Praslin, so definitivman … Apre mon okouran ki Anti-Corruption Commission osi i gannyen.  Zis sa 2 apard ki Judiciary.

 

MR SPEAKER

Ok?  Yes Onorab Ferrari?

 

HON JEAN-FRANCOIS FERRARI

Mon ti a zis kontan fer en propozisyon – mon krwar i en bon propozisyon.

 

MR SPEAKER

Ok.

 

HON JEAN-FRANCOIS FERRARI

Pension Fund in fer en building lo apel Corail D’Or.  I annan mon konnen Master mon krwar i reste laba.  I en building ki annan sekirite.  Si en dimoun napa en lakaz, akoz Zidisyer pa lwen en apartman avek Pension Fund – i benefisye nou, nou tou – sekirite i la deza – landrwa ki byen secured tou bann keksoz koumsa; konmsi nou bezwen rod en fason pou nou kapab pli byen zer sa bann pti roupi ki nou pe sey lager pou met ansanm.  Mersi.

 

MR SPEAKER

Registrar ou a konsider sa?  Tre byen.  Good.  Me alor nou a pran – nou tonm dakor nou a pran en vot lo Bidze Judiciaire ki lo paz 89 for the sum of 80.4 million eksepte ki nou’n tonm dakor ki nou freeze sa logmantasyon pou Sekirite ziska ler ki nou regilariz procedure pou ganny bann Konpannyen.  Avek sa, tou bann ki pour lev zot lanmen?  Clerk?

 

MADAM CLERK

Mersi Mr Speaker, 12 Manm an faver.  Mersi.

 

MR SPEAKER

Okenn dimoun ki kont?  Tre byen, alor the Registrar avek ou lekip subject to provision as suggested by Chief Whip ou Bidze as proposed to be appropriated on page 89 in ganny aprouve par Lasanble Nasyonal.  Avek sa nou ekskiz ou Registrar ek ou bann koleg.  E nou a remersye ou pou ou letan ki ou’n vin reponn kestyon oubyen klarifye keksoz e swet ou tou de bon dan ou travay next door to us – next door to Alice.  Zot kapab ekskiz zot prezan.  Mersi.  Thank you.

 

 

(THE REGISTRAR MRS ESTICOT AND HER DELEGATION WAS EXCUSED FROM THE HOUSE)

 

MR SPEAKER

Ok.  Nou’n en pti pe an retar avan nou pran en pause pou dezennen.  Me zis mon ti a kontan dir ki vi ki nou’n fini ek Rezistrar, apre midi 2er ler nou repran, nou pou repran SBC – Seychelles Broadcasting Corporation apre osi Anti-Corruption Commission apre midi.  Me petet avan sa, zis pou piblik konnen e Onorab osi konnen Women Parliamentarian Committee Lasanble Nasyonal, ti Vandredi pase mon krwar mon’n ganny li byen Vandredi pase, Clerk ti volonter pou travay avek bann group Paster Lannwit savedir Onorab Ghislain ki Chairperson sa group, Onorab Esparon, Onorab Larue, Onorab Letourdie, Onorab Vidot, Onorab Sophola e Onorab Lemiel zot in  travay ansanm ek sa bann dimoun, pou ed sa bann dimoun ki lo semen.  E mon ti a kontan remersye zot e mon ti a kontan next time zot ale, osi envit bann msye osi ki kapab vin ek zot pou donn zot en koudmen lo semen.  Me tou fason mon krwar lo lapar nou tou bann koleg, mon felisit zot pou extend sa lanmen dan kominoter; akoz mon krwar nou tou nou bezwen ed kanmarad.  Mersi. Bonn apeti nou a retournen pou pran SBC 2er.

 

       (BREAK)

 

SEYCHELLES BROADCASTING CORPORATION

 

MR DEPUTY SPEAKER

Bon, bon apre midi tou Manm Onorab bon apre midi PS Payet e delegasyon ou delegasyon ki la depi bomaten avek nou.  E mon vwar osi delegasyon SBC; mon vwar CEO Mr Berard Dupres avek son Financial Controller Ms Denise Horace bon apre midi – welcome parmi nou.  E mon osi tou swet en bon apre midi tou bann manm oditer deor ki pe kontinyen swiv deba Bidze.  Bon nou pour kontinyen la apre midi e nou ava pran Bidze Seychelles Broadcasting Corporation – SBC.  Nou ava fer menm prosedir mon ava demann tou Manm ki oule koze ki oule entervenir kestyonnen pour montre par en show of hands.  Tou Manm ki oule kestyonn Bidze SBC.  Petet PS zis gid nou lo ki paz.

 

 

PS PATRICK PAYET

Mersi Mr Chair.  Bon apre midi tou Manm Onorab e tou dimoun ki a lekout i lo paz 123 a 128 e dan PSIP dan paz 47.

 

MR DEPUTY SPEAKER

Mersi PS Payet.  Ok, Madanm Clerk.

 

MADAM CLERK

Mersi Mr Chair.  Bon apre midi tou dimoun lo kote Parti Lepep mon annan Onorab Sebastien Pillay, Onorab Chantal Ghislain, Onorab Churchill Gill e Onorab Egbert Aglae.  Mersi.

 

MR DEPUTY SPEAKER

Madanm Deputy Clerk.

 

MADAM DEPUTY CLERK

Mersi Mr Chair.  Bon apre midi tou dimoun lo kote LDS mon annan Onorab Afif, Onorab Henrie, Onorab Ferrari, Onorab Loizeau ek Onorab Arrisol.  Mersi.

 

MR DEPUTY SPEAKER

Ok mersi.  Mon a konmans avek Onorab Arrisol.

 

HON SANDY ARRISOL

Mersi Mr Speaker.  Bon apre midi Mr Dupres kot SBC.  Mr Speaker mon annan en pti kestyon senp an relasyon avek ‘wages and salary’ i annan en ogmantasyon mon ti anvi zis demande si sa ogmantasyon i pour i pe pran kont kekfwa i nouvo Scheme of Service en ogmantasyon dan saler ki bann staff pour gannyen an relasyon avek sa ?  E letan mon lo sa pwen mon ti a kontan profite demann CEO an relasyon avek bonus ki bann travayer SBC pour gannyen tou le lannen eski i pour kontinyen gannyen anvi ki zot pe ganny en Trezyenm Mwan Saler?  E mon dernyen kestyon i an relasyon avek bann off ki bann detrwa bann travayer zot ganny zot off me parfwa zot off i ganny pran avek sanmenm enform zot oubyen annan en pti kominikasyon avek management ki ansarz sa bann zafer an relasyon avek Bidze SBC.  Mersi bokou Mr Speaker

 

MR DEPUTY SPEAKER

Mersi Onorab Arrisol.  CEO

 

CEO BERARD DUPRES

Mersi Mr Chairman.  Bon apre midi Mr Chairman bon apre midi tou Manm Onorab.  Mersi Onorab lo kote wage increase sa wage increase ki ou vwar i pour 2018 i annan apepre 85 staff ki pour fini zot Kontra 2an zot fix Kontra.  E la i pour cater pour compensation pour zot end of year contract gratuity apre osi i kouver enpe ogmantasyon ki nou prevwar pour annan ler zot renouvle zot nouvo Kontra.  Lo kote bonus si i Trezyenm Mwan Saler avek sa bonus ansanm.  Sa in ganny diskite both dan senior executive SBC apre dan board nou’n fer desizyon lo la.  Mwan a mon avi mon pa krwar i devret tou lede, e nou pe viz towards en compromise pour sa lannen, e nou a revwar lannen konmanse ki mannyer nou pour manage sa better.  Akoz i fer ki annan double kou lo Bidze SBC ler nou pe get anver tou lede.  Mon pa pour kapab al tro an detay, akoz mon pa ankor kapab enform sa avek staff sa desizyon ki nou pe pran.  Lo kote kominikasyon mon pa tro okouran zafer off mon pa’n vin a mon latansyon me si i leka mon pa krwar mon dakor avek ou ki kominikasyon i enportan so nou pour bezwen mon ava take it offline mon ava gete kwa ki sa problenm.  Mersi Onorab.

 

MR DEPUTY SPEAKER

Mersi CEO.  Onorab Egbert Aglae.

 

HON EGBERT AGLAE

Mersi Mr Chair.  Bon apre midi CEO.  CEO mon annan de pti kestyon lo PSIP i annan sa grant ‘foreign grant’ la kot R40milyon pe ganny mete pour sa proze DDT la pour zot al digital eski ou ti kapab donn sa Lasanble en pti detay en pti pe ki zistans zot in arive avek sa proze anvi ti annan serten lanons lo televizyon.  E dezyenmman i sa bann decoder sa bann akseswar ki bann piblik pour bezwen si ou ti kapab dir nou ki mannyer zot pe ale avek sa avek son bann kou ki pour tonm dan sa Bidze SBC?  E dernyerman se lanfaz lo prodiksyon lokal ki bokou nou pe koz lo la eski zot anvizaze ogmant anmenn en Bidze pour prodiksyon lokal pour ankouraz bann prodikter?  Mersi.

 

MR DEPUTY SPEAKER

Mersi Onorab.  CEO Dupres.

 

CEO BERARD DUPRES

Mersi Chairman, mersi Onorab.  Lo sa Grant R40milyon ki ou vwar sa mon krwar i tonm pour lannen prosenn.  Me selman sa lannen i annan R20milyon e lot lannen 2020 i annan R20milyon sa Grant sa bann sif ki mon dir ou sa i pour fer SBC House si kestyon ti lo SBC House wi nou’n siny Lagreman an Out e nou ki nou’n fer antretan ki i annan de kote the Chinese side ki li i bezwen ale, tender pour sa Kontra avek son bann Chinese kontrakter nou, nou ti annan serten travay ki nou ti bezwen fer pour prepare pour larive sa bann kontrakter.  Resaman – pa tro lontan – nou’n recruit en project manager pour sa proze ki li i pe take-up tou nou bann responsabilite ki Gouvernman Sesel well Seychellois side i annan pour fer avek sa proze.  So ki in arive la nou pe i annan delay, me selman sa delay ti espekte ler ou pe gete ti annan en espektasyon pour fini 3mwan nou pour mobilize.  So nou espekte ki la avek vi ki project manager i la avek kominikasyon ki bann gouvernman sinwan i dir nou kote zot espekte avek zot proze avek zot tender pour zot kontrakter Sinwan nou espekte by Avril 2018 nou pe mobilize proze pe konmanse.  Lot kestyon konsernan decoder ou’n demande konbyen i koute e ki mannyer sa pe ale.  Parey nou pe mete lo televizyon nou pe konmans en soft rollout dan DDT ki savedir nou pour bezwen konmans give out sa bann set of top boxes pour teste nou sistenm; both in terms of the coverage e apre pour release enpe nou stock pour nou kapab ganny ankor lezot stok ki pe vini e pour teste sa sistenm an zeneral.  So apartir le 1 Desanm nou pe fer sa ki apel en soft rollout pour sa proze.  Lo kote son kou i annan en kou ki evidaman ki annan ki’n ganny cater for dan Bidze 2017 ki nou’n fini peye pour sa bann decoder ki pe vini la nou prezimen nou pour annan ankor nou pour bezwen decoder.  Akoz konmela i annan lakaz ki annan plis ki en televizyon, i annan detrwa televizyon.  E pour sa ki nou bezwen parey nou mete premye decoder ki i gannyen par household i free, apre larestan zot pour bezwen peye pour nou reganny sa larzan pour nou kapab pey sa bann ki pe vini, so son kou decoder pour sa 30mil decoder ki nou’n gannyen ki nou pe gannyen 15mil in arive, i annan 15mil ki pe vini in kout apepre $1.3milyon.  Sa mon pa konnen si sa i reponn ou kestyon Onorab.  Apre ou ti demann en lot kestyon lo kote prodiksyon lokal, sa i vreman valid i vreman pertinan Bidze SBC lo prodiksyon lokal mon krwar ti R800mil.  I ankor.  I pa donn nou bokou larzan.  Se ki nou, nou pe fer e ki in kontinyen ganny fer se ki nou servi nou reveni pour nou kontinyen fund prodiksyon lokal.  E ki nou pe nou’n deside nou SBC nou vwar poudir nou konnen poudir prodiksyon lokal local content i vreman en gran demann, e nou pe form en Commissioning Committee ki pour go out there i annan en ta dimoun ki’n apros nou poudir nou a prodwir kontenir pour ou i annan bann production houses.  E sa nou pe nou vreman keen pour nou konmanse an 2018, me petet met bann framework byen kler, pour nou kapab fer keksoz ki fair avek tou bann supplier potential provider pour sa kalite servis, pour nou kapab ganny enpe plis prodiksyon lokal bokou plis ki nou kapab prodwir dan SBC li menm.  So i annan sa demars pour nou ganny kontenir lokal ki evidaman i bezwen de kalite i osi pour konplimant sa ki nou kapab fer dan SBC.  Mersi Onorab

 

MR DEPUTY SPEAKER

Mersi CEO.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Chairman.  Enn de pti kestyon CEO mon ti a kontan demann ou mon premye kestyon i konsern ‘overtime’ nou annan en figure la pour ‘overtime’ ki R4.6milyon.  Gouvernman as konman en prensip i pe sey move away from pratik peyman overtime to be link allowances into salaries.  Akoz i annan tandans ki annan tandans konfizyon lekel ki merite lekel ki pa merite ki ou kapab dir nou lo lefe ki dan ou lorganizasyon i annan 5poursan ou Bidze R5milyon ki pour al pour ‘overtime’.  Eski i absoliman neseser konpatib avek sa kalite travay ki zot fer?  Sa i mon premye kestyon.  Mon 2enm kestyon i konsern sa heading ‘Gratwite’ e mon vwar poudir pour lannen prosenn ou pe prevwar R3.5milyon gratwite e ladan ler ou met li dan ladan i en kou li menm li i R2.9milyon; alor mon ti a kontan konnen eski akoz sa eski i annan bann Kontra ki pe come to an end oubyen non?  Lo sa size i byen koni dan Sesel ki dan lepase ki i annan serten zournalis dan SBC ki ti ganny lapey plis ki en Minis.  An tou ka definitivman plis ki nou – mon krwar plis ki bann Manm Lasanble e akoz eski sa i kontinyen eski i annan nesesite pour sa bann gro lapey?  E dir nou si ou’n fer en keksoz pour depi ler ou’n arive pour esey streamline enpe sa bann packages pour ki napa enn ki annan plis e napa enn ki annan mwens.  Lontan ti annan menm bann departy former CEO ti fer pour enn de bann staff konmsi sa bann keksoz ki ou kapab dir nou si in arete.  Finalman local content mon vwar poudir ou annan bokou lentere ladan; local content i bezwen ganny fer par local people eski ou pe ouver SBC pour bann part-timers pour bann dimoun ki ti a kontan zot napa en media house – production house me zot annan zot en zournalis ki’n al dan en lot metye ki anvi fer serten travay pour SBC parey lontan i annan ki lir nouvel i annan ki fer enn de progranm eksetera eski ou pe get sa osi pour lannen prosenn?  Mersi.

 

MR DEPUTY SPEAKER

Mersi Onorab.  CEO Dupres.

 

CEO BERARD DUPRES

Mersi Mr Chairman mersi Onorab.  Lo kote sa kestyon ‘overtime’ sa R4.6milyon i annefe commutted allowance ki’n ganny fer i fix; savedir i pa pe ganny kalkile lo extra hours ki dimoun pe fer ki enkli dan zot Scheme of Service dan zot package.  Enn bann fason kit en lead en kontrol lo overtime me selman parey ou konnen i annan de ka ki SBC i run bann alot of time after hours.  So nou bezwen annan en contigency pour allowance pour bann dimoun ki travay after hours.  Me tousala i ganny entegre dan la pli par for most allowance ki nou ganny peye i dan zot package as a commutted allowance.  Lo kote gratwite parey mon’n dir earlie,r vre nou Bidze in increase enpe overall pour staffing sa akoz i bokou bann staff ki dan parey dan technical services, ki pe vin at the end of their contract – 2an Kontra.  So i en cycle sa petet lannen prosenn i pa pour vin parey 2019 i pa pou vin parey, akoz sa kontra i run 2an.  So sa increase i pour cater pour gratwite ki nou peye pour zot kontra ki fixed-term 2an pe fini.  Lot kestyon ki ou’n demande se konsernan gro saler – mon kapab dir ki nou lentansyon se pour nou benchmark e fer ki nou saler i rezonnab i attractive, i competitive, me selman i pa place en extra burden lo taxpayer.  Mon pa pe vwar ki i annan staff SBC ki pe ganny over and above ki zot merite.  Nou’n konmans fer sa exercise me ki nou’n fer lannen 2018 akoz evidaman nou agree ki nou staffing bill si nou pa manage li better, i pour enn ki pour annan en increase.  So nou pe fer en review en benchmarking lo tou saler SBC, pour fer ki i konpetitiv i rezonnab me selman i pa undue konpare avek bann lezot entity ki ganny fonde par ki ganny son Bidze par Leta endirekteman par taxpayer.  Lot kestyon se local content; local content i en size tre pertinan.  Nou vwar poudir i annan lezot ki vin dan broadcasting ki prouv bann kalite local content ki nou nou pe left enpe behind nou fer bon kalite bon content e parey ou dir nou pe fer opsyon; opsyon se i annan bann production houses ki’n deza kontakte nou ki pe dir nou mon le fer enpe progranm nou deza annan dimoun ki nou, nou pe contract-out enpe, pour serten kalite progranm.  Lo kote part-timers nou bezwen manage sa byen, akoz li osi i vin avek kou e nou bezwen fer ki nou ganny sa outcome ki nou bezwen.  I pli fasil poudir mon annan progranm pour fer konbyen pour kout nou mon sinyen pour fini ki part-time i en keksoz ki ou bezwen manage both in terms of the hours ki zot pe fer.  Me selman nou pa pe rule sa out konpletman nou deza annan part-timers nou annan ki lir nouvel nou annan ki fer lezot prezantasyon dan progranm nou ouver pour sa me selman nou bezwen fer dan en fason ki well managed.  Mon pa konnen si sa i reponn ou kestyon Onorab.

 

MR DEPUTY SPEAKER

Ok, mersi CEO.  En question arising Onorab William.

 

HON WAVEN WILLIAM

Mersi Mr Chairman.  Mon ti a kontan demann CEO anba ‘wages and salaries’ pour son plan mendev, si i kapab dir nou si i annan en sif ki ou kapab donnen kantite dimoun ki zot annan lentansyon anploye ankor?  E mon lot konsern CEO se lo kote bann reporters eski par egzanp bann kouvertir ki zot fer par egzanp pour Lasanble Nasyonal eski zot annan en relasyon travay pros avek nou Komite Medya Lasanble, pour fer sir ki enn bann reporting ki ganny fer lo lapar Lasanble Nasyonal, i ganny fer dan en fason balanse?  Mersi.

 

MR DEPUTY SPEAKER

Mersi Onorab.  CEO.

 

CEO BERARD DUPRES

Mersi Onorab.  I enteresan en kantite nou annan lentansyon recruit i ganny limite par kantite larzan ki ou gannyen avek Minister Finans pour recruit.  Nou pa’n gannyen additional money pour nou fer recruitment ki nou bezwen fer nou, nou bezwen toudmenm gete ki mannyer nou wages salary bill pe ganny servi so that is why i enportan pour nou fer sa odit entern, pour gete kote nou bann skills kot nou bann staffing head count i ete e ki kalite prodiksyon productivity zot pe donnen.  I enportan ki nou en broadcasting organization nou resours i devret al towards the frontend sa bann konteni sa bann progranm sa bann servis ki nou fer ki dimoun i vwar e pa neseserman self-management administrasyon oubyen lezot keksoz so nou bezwen fer ki nou revwar ki kote nou bann staffing resource, kote larzan pe ale pa neseserman vin demann ekstra larzan a sa pwen ler nou pe fer sa revi.  I petet ler nou fer nou revi staffing ki nou ava vwar poudir wi nou bezwen you know enpe plis.  Me sa nou ava tap laport ler nou fini aranz dan nou lakaz savedir.  Wi ou pour demann mwan si nou annan lentansyon recruit byensir nou bezwen bokou plis zournalis dan frontline nou bezwen prodikter progranm lokal particularly.  E i annan en ta area kot i annan en ta deficiency dan staffing ki nou oule fer la nou le gete internally ki mannyer nou kapab bouz sa bann resours pour premyerman bous sa bann trou.  Evantyelman as nou kan nou bouz devan nou pour vwar ki poudir nou pour bezwen swa redwir dan landrwa ki pa devret pour nou kapab mentenir sa alokasyon ki nou’n gannyen lo kote staffing ou vin demann larzan.  Me a sa pwen la mon pa pour kapab dir ou ki direksyon i kapab tou lede me selman nou bezwen fer sir ki nou tou nou staffing pe donn valer pour larzan pour taxpayer.

 

MR DEPUTY SPEAKER

Mersi.  Yes Onorab William.

 

CEO BERARD DUPRES

Lo kote reporting avek komite medya; Onorab mon konpran ou konsern e lentansyon SBC fodre i balance dan son reporting i factual.  E si i pa le ka mon pour ankouraze ki i annan sa plis diskisyon avek komite medya, sirtou kot Lasanble pour fer sir ki i balanse.  E mon ti a kontan petet ki pour ed nou bann legzanp spesifik kot petet i pa’n osi balanse pour nou kapab improve.  E sa i osi sa i nou lentansyon pour fer sir ki nou, nou deliver lo nou manda public service ki dir nou bezwen donn en lavwa ki balanse pour tou bann divers lopinyon e tou bann kategori dan la sosyete.  Mersi Onorab pa konnen si sa in reponn ou kestyon.

 

MR DEPUTY SPEAKER

Ok mersi CEO.  Onorab Churchill Gill.

 

HON CHURCHILL GILL

Mersi Mr Chair.  Bon apre midi CEO lo paz 125 ‘minor capital outlay’ i annan en logmantasyon R4milyon, mon ti a kontan ganny lesplikasyon lo la.  Apre i annan konsern ki sa shift allowance i annan serten staff ki dir ki zot, zot pa gannyen shift allowance.  Mon ti a kontan CEO i eklersi sa.  Apre ler Prezidan ti fer son Press Conference menm si Praslin i annan SBC, me selman zournalis Praslin pa ti ganny sans vini alors nou pe demande ki next time; akoz i kapab i annan issues ki konsern Praslin ki sa zournalis Praslin i kapab demande.  Apre i annan de landrwa Praslin ki pa ganny sinyal sa se Salazie apre Zimbabwe.  Alor mon ti a demann CEO ki i fer son bann teknisyen fer sa aranze ki sa sit sa bann dimoun dan sa landrwa zot kapab ganny SBC kler.  Mersi

 

MR DEPUTY SPEAKER

Mersi Onorab.  CEO Dupres

 

CEO BERARD DUPRES

Mersi Mr Chairman mersi Onorab.  Wi pour sa increase dan ‘minor capital outlay’ sa i annan en mon krwar R5milyon pour DDT project – sa proze digital ki nou pour bezwen enpe larzan internally ki nou bezwen pour fini sa proze lannen prosen.  Pour lo kote shift allowance, sa i pour dimoun ki lo shift mon pour espekte i depan lo sa Scheme ki zot ladan.  Si i annan ki nou krwar zot deserving lo sa Scheme zot pa ladan mon krwar nou devret get li dan en fason entern dan nou staffing e mon ankouraz staff pour kontakte nou departman HR pour nou kapab gete ki nou kapab fer.  I annan enpe osi lo kote nou laranzman in terms of the Scheme of Service pour bann Kontra nou realize poudir parey nou dir en gran parti nou Bidze i staffing e nou bezwen manage li byen zer li byen pour nou pa vin unmanageable.  I annan serten sityasyon kot i napa ki Scheme of Service ki’n ganny defini pour sa kalite travayer mon deklare ki nou bezwen fer ki en sistenm ki ekitab, swa nou annan en Scheme of Service swa nou napa across board of SBC.  E nou bezwen annan bann kriter kler ki ou do you eski ou entitled shift allowance or to be dan ou Kontra.  E nou bezwen fer li kler dan en Polisi.  E sa i revi ki nou bezwen fer, pour met enpe ekitabilite dan nou sistenm payroll dan SBC.  Lo kote Press Conference mersi pour sa pwen.  Me toudmenm Onorab sa 2 zournalis ki’n al attend zot osi zournalis SBC an zeneral e zot kapab fill kestyon.  Nou pour ankouraze ki sa zournalis Praslin i monte i vini li osi, akoz petet i annan kekfwa ki pertinan e li kekfwa pour li demann kestyon li osi sa nou ava ankouraze si nou kapab manage li from the perspective.  Apre ou petet realize ki i vreman resaman ki sa zournalis ki nou’n gannyen pour ranplas sa enn ki’n kite pour vini.  E sa i bode well pour Praslin, akoz i annan bokou progranm ki sorti Praslin ki nou vwar ki tre enteresan ki tre bon.  So nou espekte ki i ava lev enpe profil Praslin dan sa fason osi.  Lo kote sinyal dan e ou pe koz sinyal televizyon la – bon mon pe espere e mon pa ti neseserman ki avek digital ki ou pa bezwen en kantite power pour pous sa sinyal i ava amelyor enpe resepsyon.  Se sa prezan nou le rollout sa trial period la depi le 1 Desanm pour nou konnen kote i annan bann black spots; par egzanp ki nou kapab adrese ki tou popilasyon i kapab ganny resevwar televizyon parey zot merite zot entitled.  Mersi Onorab, mersi Mr Chairman.

 

MR DEPUTY SPEAKER

Yes Onorab Churchill Gill.

 

HON CHURCHILL GILL

Apre nou ti le ganny en lide lo Board fees, eski i annan dan sa Bidze konbyen sa bann dimoun lo Board pe gannyen?  Mersi.

 

MR DEPUTY SPEAKER

Mersi Onorab.  CEO.

 

CEO BERARD DUPRES

Mersi Onorab.  Board fees in ganny deside par en volim rezolisyon par Board li menm ki dapre Lalwa i kapab fer in model sa ki avek sa ki Electoral Commission pe gannyen.  So the Board Federation ki SBC Board i gannyen, i parey ki Electoral Commission, akoz travay ki zot in vwar i similer.  E i annan en lanpler similer.  So bann member pe gannyen.  Ou ti pe demann sa sif Onorab   Bann Manm Ordiner i ganny R11mil Vis-Chairman i ganny R13mil e Chairman i ganny R14mil.  E sa i reflekte parey pour Electoral Commission e an plis ki i ganny grade parey pour reflekte ki mannyer i ti ete avan; 25poursan pour Chairman between Chairman e Vis-Chair.

 

MR SPEAKER

Ok.

 

HON CHURCHILL GILL

Eski sa i par mwan sa oubyen par lannen.  Mersi.  Apre konbyen fwa zot zwenn?

 

MR DEPUTY SPEAKER

CEO.

 

CEO BERARD DUPRES

Mersi Mr Chairman.  Onorab.  Sa i par mwan.  E Board i zwenn regilyerman tou le mwan e in between.  Depi ler nou’n apwente i annan detrwa letan ki i annan detrwa sub-komite ki’n zwenn.  E as often as is it required, me selman minimum every month.  Mersi.

 

MR DEPUTY SPEAKER

Mersi CEO.  Onorab Gervais Henrie.

 

HON GERVAIS HENRIE

Mersi Mr Chair.  Mon dan en pti pe sok pour sa sif ki mon fek antann.  So anfen mon e dir dabor bon apre midi, tou dimoun.  Mon byen kontan vwar Mr Dupres isi avek nou pe reponn son kestyon en privilez ki nou ti napa lannen pase ler nou ti pe al lo Bidze SBC.  Prezan kestyon ki mon oule demann li dabor mon pe get dan budget book mon pa vwar nanryen lo receipt SBC.  So ou ti kapab donn nou enpe detay ki kalite reveni ki nou pe espekte avek SBC pour sa lannen par egzanp.  Dezyenmman mon bann koleg avan in demann en bon pe kestyon lo Kontra – mon anvi konnen dan SBC ozordi letan nou pe koze lekel ki kalifye pour al lo en Kontra sa i 2enm.  En lot kestyon mon annan i kestyon lo fuel mon pe gete i annan en sonm ase apepre plis ki R1milyon zot depanse lo fuel par an; donk mon le konnen ki mannyer zot pe manage sirtou pour redwir sa Bill e labi lo transpor par egzanp lekel ki entitled pour annan en transpor 24 lo 24 dan SBC?  E apre osi mon ti a kontan konnen sa lofis SBC ki kouver Praslin/La Digue konbyen i pe kout SBC par mwan enkli son rental e tou sa?  E finalman, eski SBC i pey okenn dimoun pour partisip dan progranm?  Par egzanp nou konnen nwel avek lannen pe vini i annan bann band nou vwar i zwe, ki kalite larzan ki nou donn sa bann dimoun pour partisip dan bann progranm lo SBC?  Mersi.

 

MR DEPUTY SPEAKER

Mersi Onorab Henrie.  CEO.

 

CEO BERARD DUPRES

Mersi Mr Chairman, mersi Onorab.  Lo kote receipts mon krwar i en fason fer ki’n ganny etablir avan.  Mon krwar FC oubyen PS i kapab reponn pour dan sa modalité – i kapab donn enpe plis lesplikasyon lo la.  Mon ava pas avek li apre mon a reponn lezot kestyon.  Mersi.

 

MR DEPUTY SPEAKER

Mersi.  FC.

 

FINANCIAL CONTROLLER DENISE HORACE

Bon apre midi, tou dimoun ki pe bann Onorab.  An relasyon avek kote reveni; nou bann reveni ki nou anmase ordinerman i al dan nou kont komersyal apre i ganny transfer dan en revolving account ki ganny administre par Minister Finans.  E sa nou servi li dan bann landrwa kot nou annan okenn deficit dan nou Bidze e osi lans enpe dan nou proze kapital ki nou annan.  Pour lannen 2018 nou pe prevwar en forecast ki nou pe prevwar nou pe prevwar pour en forecast ki nou pe prevwar nou pe prevwar petet pour nou petet anmas apepre R12.4milyon lo kote reveni.  Mersi.

 

MR DEPUTY SPEAKER

Ok mersi FC.  Onorab Henrie.

 

HON GERVAIS HENRIE

Wi lo la lo sa R12.4milyon, zot annan en pour radyo avek televizyon separe?

 

MR DEPUTY SPEAKER

 

FINANCIAL CONTROLLER DENISE HORACE

Sa R12.4milyon i an total; i enkli radyo avek televizyon tou ansanm tou nou bann reveni ansanm tou.

 

MR DEPUTY SPEAKER

Ok, ou annan en breakdown FC pour radyo avek televizyon?

 

FINANCIAL CONTROLLER DENISE HORACE

Mon napa sif egzakt pour radyo avek televizyon, me selman lamazorite reveni ki nou anmase, i sorti anba televizyon pli pti gin i sorti kot radyo.  Mon a kapab fourni ou avek sa bann lenformasyon pli tar.

 

MR DEPUTY SPEAKER

Ok mersi FC.  CEO.

 

CEO BERARD DUPRES

Mersi FC.  I enportan pour fer sorti ki sa reveni ki nou gannyen i ale pour fer shortfall dan nou loperasyon son loperasyon SBC.  Parey ler ou pe get odit 2016, i kout apepre R82milyon – pa plis be ladan nou pa gannyen sa bann alokasyon.  So i ale pour sibvan enpe sa bann deficit mainly pour aste bann progranm enternasyonal e bann prodiksyon lokal.  Ou’n demann en kestyon lo kote Kontra lekel ki kalifye.  Very good question Onorab mon osi mon demann sa kestyon e nou come avek en Polisi pour nou kapab met kriter kler lo la akoz i enportan pour nou kapab pa tou dimoun ki devret lo Kontra e nou bezwen follow best practice e bann standar ki’n etabli dan lezot departman dan DPA eksetera.  E nou’n prezant dan dernyen Board miting.  En propozisyon pour nou revwar qualification criteria pour bann Kontra ki band ou ete, ki pozisyon ki kalite travay ou pe fer nou it’s a work in progress pour nou kapab met enpe lord, enpe klarite, pour nou kapab fer ki i ekitab pour tou, parey mon ti pe eksplike earlier.  Lo kote i annan ki lo la i annan ki pa lo la alor i ganny freeze, akoz nou napa ankor larzan pour met zot lo kontra e nou bezwen aranz sa.  E sa i pe go on.  Lo kote fuel wi, i o me nou travay ki nou fer i demande ki nou deplas en kantite pour al kolekte news avek lezot keksoz byensir nou bezwen manage sa byen.  E mwan mon enn bann landrwa kot mon gete kot mon vini pour gete ki mannyer e fer sir mon drill down ki mannyer pe manage sa sistenm.  Pour le moman nou napa personn enkli mon ki entitled pour servi transpor SBC avek fuel – napa personn.  I annan zis marketing section ki gannyen pour li kapab servi akoz son travay ki mannyer i fer apar sa napa personn; depi mon depi Depite CEO pa gannyen.  So wi nou bezwen get dan sa fuel usage. Mon’n – i annan 3mwan ki nou la sa administrasyon, me lannen prosen nou espekte ki nou fer sir ki nou satisfe ki i ganny servi for the right purpose.  Nou annan en sistenm ki monitor ale vini me nou pa pe servi li to the fullest.  Nou’n reorganiz seksyon e nou annan en nouvo head of operations ki annan bann manda son bann espektasyon se pour li revwar tou sa bann keksoz pour fer sir ki sa bann efficient as soon as possible.  Praslin/La Digue konbyen FC.

 

FINANCIAL CONTROLLER DENISE HORACE

An relasyon avek lofis Praslin, nou lofis Praslin son rental ki nou pe peye, nou pe pey nou R10,115mil par mwan – pour son lofis R10,115mil par mwan.  Apre nou annan nou de lakaz de staff ki Praslin ki li nou pey zot i annan enn ki R5mil par mwan e en lot ki R10mil par mwan.  Mersi.

 

MR DEPUTY SPEAKER

Ok mersi FCCEO.

 

CEO BERARD DUPRES

Wi Mr Chairman i annan en kestyon mon pa’n reponn pour Onorab se partisipasyon dan par bann dimoun lokal si nou peye?  Me an prensip, i depan nou pa neseserman i pa sipoze en polisi ki nou pey tou dimoun ki vin dan progranm.  Mon pa krwar sa i en bon keksoz ki nou bezwen fer parey mon dir i annan diferan lapros ki nou servi pour fer kontenir – pou nou ganny konteni lokal.  I annan pratik ki ti annan dan lepase ki ti dir nou pour pey tan, tan ki sa i lev lekspektasyon ki nou pour fer sa pour larzan.  E sa nou’n fer sir ki nou’n fer klarite lo la.  Nou kou prodiksyon lokal i vreman o pour fer prodiksyon lokal i pa sa nou bezwen fer sir ki ler nou pe pey en keksoz osi, nou vwar poudir i annan en valer ki nou pe gannyen.  Swa nou set li avek advertising avek sponsorship e diferan lapros ki nou kapab fer ki nou sa ki nou peye pour sa progranm, nou pe ganny enpe an retour.  E si mon kapab al en pti pe pli devan lo la mon realize poudir i vre ler mon pe get bann kou ki annan pour bann prodiksyon lokal in enpe eleve e parfwa enpe konsernan.  Nou bezwen nou revwar lapros poudir, be la lapros kriter avan nou al sign off lo en progranm lokal, nou bezwen meet serten kriter eski i annan marketing eski i within en kou ki nou kapab afford nou annan en ta la dan Bidze, eski i kapab meet avek nou reveni avek nou Polisi avek bann kriter?  E mon pa krwar i en kriter ki nou pey dimoun pour fer i sipoze enn sa bann kriter i bezwen eksepsyonnel si sa progranm li menm i eksepsyonnel.  Mersi Onorab mersi Mr Chairman.

 

MR DEPUTY SPEAKER

Mersi CEO.  Onorab Henrie.

 

HON GERVAIS HENRIE

Ok point arising from larepons.  Premyerman mon kontan ki CEO in dir, ki ler ou’n get serten pri ouswa serten depans in enpe élevé.  Akoz i annan en danze ki SBC parey dan Minister Kiltir nou konnen i kapab annan sa risk ki dimoun i zis akoz i annan larzan ki la available, alors napa en kontrol nou inflate tou bann tou bann depans ki nou fer.  Be ok.  Kestyon se ki enn lo sa zafer revolving fund pour SBC la mon le ganny en larepons avek Minister Finans, eski i pour kontinyen reste en sityasyon normal sa?  Akoz par egzanp ler ou pe get National Parks Authority ozordi son reveni i R25milyon – ki bokou plis ki son Bidze selman li i pa kapab ganny sa larzan pour reservi.  En Bidze R20milyon R12milyon pour saler i pe zis ganny R5milyon pour li travay avek i pa akseptab selman pour SBC its allowed.  So mon anvi ganny lopinyon Minister Finans lo la.  Osi lo pour Minister Finans sa Board fee si sa i par mwan, i montre en disparite dan bann Board fees ki pe annan across the boardSo mon krwar sa en keksoz ki Gouvernman i merit konsider lo la.  En lot pwen mon vwar poudir 6poursan Bidze SBC i pe al pour ‘program license fees’ apepre R7milyon, so nou ti le en pti pe detay lo la silvouple.  Mersi bokou.

 

MR DEPUTY SPEAKER

Mersi Onorab Henrie.  PS Payet.

 

PS PATRICK PAYET

Mersi Mr Chair mersi Onorab.  Zis pour azoute ki letan nou get SBC li menm, nou annan bann kategori ki nou met sak bann institution. Par egzanp i annan bann ki lotorite ouswa bann Agency e SBC i ti tonm anba sa service provider categori 4 – sa polisi ki nou ti annan.  E dan categori 4 nou ti annan sa net budgeting anba Public Finance Management Act; savedir i annan ki bann entity ki nou ti allow zot pour kit zot reveni.  Sepandan letan zot soumet zot Bidze zot bezwen soumet li avek Minister Finans an totalite prezan Minister Finans i donn zot zis sa amount, baze lo kantite reveni ki i espekte ki zot pour kolekte.  Sepandan letan nou get SBC osi akoz natir son travay nou vwar ki ti neseser i ti pe kit sa bann reveni me selman transfer dan – once ki i kolekte li dan sa kont dan commercial bank transfer li dan son revolving account kot Trezor. Me selman kapab servi li as far as operational ouswa son PSIP.  So sa nou ti agree avek li avek dan Public Finance Management Act Article 13 – nou ti agree.  Si nou bezwen revwar asize avek SBC baze lo zot bann nouvo evalyasyon ki zot pe fer sa totalman 2018.  Nou kapab revwar avek zot si i neseser siz ot krwar an totalite donn zot, zot Bidze apre tou reveni i al dan Consolidated Fund sa i en lot fason selman nou ti’n vwar as far as klarifikasyon.  Secondly Gouvernman i annan en Board Fees Policy e mon fek aprann nouvo Board fees pour bann Board SBC akoz kot nou ti konnen as per the klasifikasyon Polisi ki ti aprouve by Cabinet – en Chair SBC i sipoze ganny R3,800mil Vice-Chair R3,430mil e en Member R3,048mil as per the Polisi ki egziste ozordi.  So sa nouvo increase nou pa ti okouran nou fek aprann ki is not as the norm as the current policy.

 

MR DEPUTY SPEAKER

Ok.  PS.

 

CEO BERARD DUPRES

Mon krwar – mersi Mr Chairman.  Mon krwar i annan en lot kestyon ki Onorab pe demande pour license fees R7milyon i pour akizisyon pour progranm external ler mon pe dir progranm external bann parey Premiere League – parey NBA; parey bann seri ki nou aste.  E sa Onorab i annan en kou konsiderab pour nou kapab kontinyen maintain sa bann progranm pour nou kapab donn en varyete nou bann lodyans avek nou bann piblik.  Ler ou met li an konparezon avek aktyelman konbyen nou pe peye i bokou pli élevé, e se sa ki nou servi sa reveni pour nou offset pour nou kapab kontinyen pey akizisyon progranm.  Parey PS in eksplike sa i en trade-off ki nou gannyen davans oubyen nou offset avek reveni mon krwar sa laranzman i rezonnab akoz i donn en incentive SBC pour li kapab kontinyen gete pour li elev son reveni dan en fason ki i become less of a burden.  E sa larzan si i pa ganny servi pour progranm i ganny servi pour capital expenditure ki nou pa ti pour kapab fer.  E mon pa dir ou nou annan en gran lalis ki sanmenm sa R10milyon ki nou annan nou prozekte, pa pour ase ki fer pour nou improve lafason SBC pe operate pour li kapab vin li efficient sirtou dan son digitalize processSo i bon ki nou met li an perspektiv sa kou.  So i deza koute pour ou met li lo en channel e pou kapab mazinen Onorab pour al ganny de channel avek digital transition ki nou bezwen met progranm lo la. E sa kou ki nou prevwar pour 2018 ki ti ganny vwar i apepre R18milyon pour bann progranm e la osi nou bezwen lev nou reveni pour nou pa tro be a burden lo taxpayer pour nou donn sa pansyon pour nou kapab pey sa progranm.  So R7milyon an relasyon avek konbyen nou bezwen peye lannen prosen ler nou al DDT i donn li enpe perspektiv.  Mersi Onorab.

 

MR DEPUTY SPEAKER

Mersi CEO.  Onorab Chantal Ghislain.

 

HON CHANTAL GHISLAIN

Bon apre midi Mr Chair, mersi.  Mon kestyon i an se ki konsern SBC ti’n pran en – i annan enpe letan zot ti pe fer bann Road Show ki  mon krwar i anliny avek manda SBC pour entertain manm piblik eski dan Bidze i annan larzan pour kontinyen fer sa Road Show ki ti vin byen popiler parmi bann piblik Seselwa; par egzanp ler i al La Digue pour 15 Out ler i fer Beau Vallon le 18 Zen e lezot e si i pe kontinyen konbyen larzan dan Bidze i annan pour soutenir sa bann progranm?  Mersi.

 

MR DEPUTY SPEAKER

Mersi Onorab.  CEO.

 

HON BERARD DUPRES

Mersi Mr Chairman, mersi Onorab.  Kestyon valab nou revwar nou Road Shows Polisi e wi i byen i enportan ki SBC i annan prezans dan bann levennman, be levennman ki anmenn bann benefisye mityel. Nou pa kapab dan tou road show e nenport kot nou ganny demande pour vini.  Ou’n mansyonn La Digue, wi La Digue i enn bann ki nou devret kontinyen kapab siporte dan en fason ou dan en lot.  Me petet pa dan lanpler ki nou fer avan nou pa kapab par egzanp SBC pa kapab vin road show pour li  sa enn ki pe zwe lanmizik non- stop.  Ou a kapab rod en dimoun ki pour fer ou lanmizik petet nou, nou ava raporte; i depan ki lanpler e ki benefis mityel i annan pour SBC as well.  Lo la nou realize poudir i annanki nou’n fer serten road show i annan detrwa ki’n demann nou resaman pour nou vin fer road show ki nou’n dir non.  E i annan ki nou’n dir petet nou fer li en lot fason ki nou kapab aporte pour sa road show.  I pa kapab ki SBC ki pey tou akoz i annan en kou avek e parfwa en kou élevé ki ou osi ou bezwen kontribye dan en fason pour fer ki i balanse.  Akoz ou osi sa organizater sa lorganizasyon ki pe fer sa i osi i annan en lentere pour SBC la.  So i bezwen annan en fason benefisyel.  Nou’n draw up bann kriter e nou pa ankor fini finalize akoz i annan ankor enpe diskisyon pour nou fer, me i pour bezwen ganny release pour tou dimoun konnen ki sa bann kriter pour 2018 pour nou kapab konnen kot nou ete lo la.

 

MR DEPUTY SPEAKER

Mersi CEO.  Onorab Ghislian.

 

HON CHANTAL GHISLAIN

Mr Chair mon kestyon i konsern touzour bann road show.  CEO i dir nou poudir nou pa kapab rod olye SBC vin zwe lanmizik dan sa bann road show nou bezwen rod bann DJs.  Mwan letan mon pe konpran tou bann road show ki’n ganny fer se SBC i vin sirplas i fer son progranm sirplas; par egzanp si i pe vin fer letan lunch time ki pe fer lunch time music ,se progranm si i leta La Digue pe fer La Digue i sirplas La Digue.  I ti pour vin parey zot pe zwe li zot ti pe fer li dan en studio.  Mon pa pe konpran sa pti bout kot ou pe dir nou ki zot bezwen koupe akoz nou pa SBC ki bezwen vin zwe lanmizik pour dan sa bann aktivite – si mon pe ganny en konpran e mon anvi konnen osi akoz zot pe deside koupe sa akoz napa larzan si kwa.

 

MR DEPUTY SPEAKER

Mersi Onorab.  CEO.

 

CEO BERARD DUPRES

Mersi Mr Chair.  Mr Chair nou bezwen mersi Onorab Mr Chair nou bezwen reprezant en valer pour larzan ki nou gannyen pour tou bann dimoun ki pe pey sa tax ki endirekteman i feed nou.  Si ou annan ou en road show ki mon ganny enn bann size pli pertinan ki’n ganny mete devan mon ler mon take office poudir eski i vo lapenn sa ki nou ape fer eski tou kou ou bezwen lo SBC e pa lo organizater ki nou pe gannyen ladan eski vre i pe ed nou pour deliver nou manda, enform edike e entertain?  Nou bezwen revwar pour li kapab benefisye nou osi si i annan parey mon ti ganny rakonte poudir ler ou dan en road show en lot laba pe zwe son lanmizik pa tro lwen ki pe then lenpak avek sa ki ou pe fer akoz ou bezwen annan de lanmizik sistenm dan sa road show par egzanp.  Sa mon ti pran sa legzanp koumsa mon pe dir letan mon pe get li an zeneral si i annan kou ki kapab ganny pran par lezot e nou, nou fer parey sa ki Onorab in dir ler in ariv son ler pour li fer son nouvel eksetera, nou pe fer li on site egzakteman.  Wi sa nou bout me selman i annan lezot bout ki mon pe dir bann lezot bout partner e lezot kolaborater i kapab pran.  Sa mon pe met li an zeneral.

 

MR DEPUTY SPEAKER

Mersi CEO.  Onorab Ghislain.

 

HON CHANTAL GHISLAIN

Mr Chair eski Chairman i kapab dir nou apepre konbyen CEO i kapab dir nou apepre konbyen larzan SBC li menm – sa bann sponsorship i tir i depanse pour fer sa bann road show par egzanp pour fer sa bann road show La Digue?

 

MR DEPUTY SPEAKER

Mersi Onorab.  CEO.

 

CEO BERARD DUPRES

Mersi Mr Chair.  Mon pa tro konnen si FC i annan mon napa of hand; par egzanp zis pour lwe speaker zis pour SBC lwe speaker ti R20mil pour sa.  So nou bezwen sanmenm sa bann kestyon nou bezwen demande nou bezwen lwe speaker pour al fer zwe lanmizik avek bann lezot keksoz?  So mon napa detay mon kapab provide li of si i neseser pour breakdown bann road show ki nou pe fer e la mon krwar pa si i annan.  Mersi Mr Chair.  Mersi Onorab.

 

MR DEPUTY SPEAKER

Mersi CEO.  Onorab Afif.

 

HON AHMED AFIF

Mersi Mr Chair.  Mr Chair mon premye kestyon i konsern zot ‘capital budget’ e zot annan apepre $10milyon apepre 3an mon ti anvi zis demann SBC e CEO, si ou annan en vreman en say dan lafason sa larzan in ganny depanse?  Pour ki finalman avek $10milyon nou vwar nou en larzan ki’n pas dan Bidze SBC pe delivre vreman kalite ki sa dimoun ki dan lakour, i santi poudir be $10milyon be ok larzan finalman i en Grant, me selman i pour Leta nou pe ganny en keksoz ki pour delivre ki pour vreman transformen ler nou pe get televizyon.  E dezyenmman lo kote ‘Board allowance’ mon en pti pe soke par sa montan ki mon pe tande.  Rezon mon dir en pti pe e pa tro soke se parske mon konnen serten lorganizasyon e ou’n fer konparezon avek Electoral Commission par egzanp, kot ou dir louvraz i enpe parey.  Me petet mon napa bokou lenformasyon lo la, me sa ki mon konnen se ki, i annan serten lorganizasyon kot sa Board i preski en Sekretarya dan li menm.  E alor zot pe rankontre preski tou le de zour tou le semenn e alor i fer ki zot saler i enpe o.  Me tandis si ou annan en Board ki pe zwenn mon pa konnen en frekans tou le mwan tou le 6 semenn or tou le 2 mwan – mon pa vwar li zistifye dan sa ka mwan, parske ou deza annan SBC, ou annan en Sekretarya ki a plen tan ki pe travay ki pe delivre ki pe ansarz management.  Alor mon pa vwar li si sa i leka mon pa vwar li zistifyab, eski ou kapab donn nou en zistifikasyon ki sa Board i pe fer egzakteman ki frekans zot pe zwenn eski i pe zwenn parey lezot organizasyon ki zot annan en Board fee ki rezonnab parey PS Finans i dir.  E donn nou en lasirans ou vwar sa i rezonnab parske mon zis an ekoutan mon pa vwar li rezonnab.  Mersi.

 

MR DEPUTY SPEAKER

Mersi Onorab Afif.  CEO.

 

CEO BERARD DUPRES

Mersi Chairman, mersi Onorab.  Pour premye kestyon pour proze ‘capital budget’ sa $10milyon ki ou’n met li apepre la i zis pour SBC House sa.  Sa i sa Grant i sa lakor ki’n sinyen avek Gouvernman sinwan pour build SBC House so i pa pour lezot proze napa lezot Grant ki vini avek.  I annan lezot konponan ki parey mon dir pli boner parey mon dir ki Gouvernman Sesel in met enpe ladan bann konponan lokal pour sa proze.  Me i byen ou kestyon konsernan valer pour larzan i pertinan, pour li kapab donn sa konteni pour tou menm si i Grant pour donn sa lodyans sa piblik valer pour larzan.  Onorab i nou pe fer en kantite pour nou organiz nou anndan, pour nou kapab pour nou annan sa caliber e kantite dimoun ki nou bezwen pour nou kapab elev e pous nou kalite e kantite nou bann konteni ki nou.  I pour pran enpe letan, akoz parey ou konpran change management i pour pran enpe letan fek la 3 mwan.  Ou bezwen organiz ou top down avan pour fer ki tou pa zis lo kote progranm tou keksoz ki nou fer dan SBC whether it is ‘fuel’ whether it is bann ‘goods and services’ ki nou pe gannyen avek bann supplier pour reprezant par-ler valer pour larzan pour taxpayer.  Pour lo kote ‘Board fees’ mon kapab dir ou ki sa Board ki mon pe travay avek i tre angaze – i tre hands-on.  Ou kapab dir ki nou Egzekitif dife anba talon dan tou from the top from the side avek the public li menm.  Ki i fer i kit nou pour nou kapab motive pour nou kapab lev nou standar e deliver.  I enportan poudir si a mon avi si ou krwar i ou i en matter of lopinyon.  Sa desizyon ti ganny fer avan nou Depite CEO ti fer e sa i desizyon Board.  E nou, nou exposition of Board ti ganny fer le 20 Zen 2017 par the Board ki nou dan son sazes konpare anba SBC Act.  E legalman i tonbe pour li pran sa desizyon.  Mon pa tro kapab benchmark avek lezot nou mon vwar en benchmark avek Electoral Commission.  E sa i en benchmark ki petet tou dimoun pour annan son lopinyon son pwennvi lo la – mon pa pour kapab tro konmant lo sa bout.  Mersi.

 

MR DEPUTY SPEAKER

Mersi CEO.  Onorab Afif.

 

HON AHMED AFIF

Zis en pti kestyon ki frekans ki sa Board i rankontre?  Mersi.

 

MR DEPUTY SPEAKER

Mersi Onorab.  CEO.

 

CEO BERARD DUPRES

Mersi Mr Chair mersi Onorab.  As a minimum tou le mwan.  Ler mon ti fek ganny apwente maybe 2 weeks pour nou kapab met bann keksoz an plas.  Apre i annan bann komite ki zwenn komite ki oversee pour SBC House li menm apre i annan Editorial Content Committee ki li i zwenn li osi.  Mon a kapab mon pa pour kapab klarifye konbyen, me selman i annan sa de komite ki egziste la ki li osi i form par ki osi i bann sub committee selman minimum tou le mwan.

 

MR DEPUTY SPEAKER

Ok, mersi, mon annan en demann question arising mon a demann Onorab Afif avan.

 

HON AHMED AFIF

Wi, si mon kapab fer en sizesyon Mr Speaker, petet prenan kont ki zot pe rankontre 1 fwa par mwan, mon vwar li en pti pe parey tou la restan board ki dan Gouvernman zot devret adopte zot sa se mon sizesyon en nouvo rezolisyon ki redwir sa bann ‘Board allowances’ pour vin en allowance ki rezonnab mon pa konnen si Chairman R3mil R3.5mil sepa larestan en pti pe mwens.  Mon krwar sa ti a fer sans.  Prezan mon pa ti pour sizere menm koupe mon ti a sizere sa ekstra ki zot annan pas sa avek staff – parske staff se zot ki pe vreman travay zot la 30zour zot.  Tandis ki sa i vin 1 fwa par mwan sa i mon sizesyon pour PS Finans.  Mersi.

 

MR DEPUTY SPEAKER

Ok mersi Onorab Afif sizesyon PS in pran onboard.  Onorab Henrie.

 

HON GERVAIS HENRIE

Wi touzour lo sa pwen Mr Chair.  Mon konsyan ki pour bann staff ki laba deor ki pe tann sa bann lenformasyon they are not happy avek sa zafer ‘Board fees’ akoz Board pour desid serten desizyon pour bann staff; par egzanp sa zafer bonus si i devan Board e Board i ale i dir koup bonus staff zot poudir, ‘’anr selman ou donn ou lekor R11mil selman sa Board i bezwen eksplik staff akoz in pran sa desizyon.  Mon konsyan poudir ler ou’n fek vini zot in donn ou en koudmen fer travay enpe plis.  I annan bann sub committees ki zot in fer, pour zot kapab ed SBC, be selman zot pour bezwen zistifye sa desizyon akoz zot in pran sa kalite allowance.  Me selman mon pour still siport demann ki Onorab Afif in fer, ki zot konsider redwir akoz pour mon R11mil i senpleman pa akseptab.  Mersi bokou.

 

MR DEPUTY SPEAKER

Ok mersi Onorab Henrie.  Mon a pran Onorab Ghislain ansanm apre CEO i ava reponn.  Onorab Ghislain.

 

HON CHANTAL GHISLAIN

Mr Chair si mon pe ganny byen konpran CEO in dir larzan Board in deside akoz zot pe met zot avek Electoral Commission?  Be Electoral Commission i bann Constitutional Appointees e i zot louvraz pour zot fer sa and what about Board SBC si zot pe konpar zot avek sa zot pa bann Constitutional Appointees pour zot donn zot lekor en saler parey!

 

MR DEPUTY SPEAKER

Ok mon a les CEO fer komanter lo sa 2 MNA ki’n entervenir, apre mon annan ankor 2.  CEO.  Yes go ahead CEO.

 

CEO BERARD DUPRES

Mersi Chairman avek bann Manm Onorab.  Pour consider reducing, sa i pa dan mon preview – sa i pour Board pou deside zot ki annan lotorite pour fer li.  E lo kote osi sa pwen Constitutional Appointees pwen i note e sa i en desizyon ki pour kapab dir above mon paygrade.  So sa i ava fer ki i ava ganny refer avek bann dimoun konsernan.

 

MR DEPUTY SPEAKER

Ok mersi CEO.  Avan mon donn parol PS Payet mon annan ankor 2 Manm ki pe entervenir lo menm pwen.  PS mon ava les zot poz zot kestyon apre ou a kapab reponn tou.  Onorab Arrisol.

 

HON SANDY ARRISOL

Mr Speaker mersi.  An relasyon avek sa ki bann lezot Manm pe dir depi nou pe fer prosesis Bidze plizyer lorganizasyon in vin dan nou Lasanble letan nou’n demann zot an term bann Board allowances sakenn in donn en varyasyon konbyen zot gannyen.  E mon rapel letan SIB ti vin la, zot ti dir avek nou ki zot zot in etablir pour zot avek norm ki PS Finans avek Minister Finans zot in etablir.  Me selman letan mon ekoute still napa norm.  E mwan en kestyon ki mon ti demande napa norm dan bann Board dan la kantite ki zot gannyen.  Prezan kestyon mon demande eski i annan en norm kantite dimoun ki asiz lo sa board e napa en ceiling pour konbyen zot gannyen?  Oubyen i annan ceiling me selman napa kantite i annan Board nou’n aprann poudir i annan Board ki annan 19 Manm i annan i annan 17 i annan i annan 16; i annan i annan 4; i annan i pa zwenn ditou; i annan i zwenn 2 fwa par an i annan i zwenn 3 fwa par an i annan zot zwenn tou le mwan.  Konmsi i annan en dezord lo sa kote ki nou apel Board avek bann allowance ki zot gannyen menm zi zot Board ki deside.  Akoz letan mon pe koz avek en ansyen Manm board SBC i dir mon zot saler zot letan zot i ganny R2, 500 e sa i ganny regilarize dapre DPA.  So be kote DPA i antre letan nou pe koz sa bann zafer?  Sa i enn.  E letan mon tann Onorab Hnerie i dir travay ki zot pe fer be mon lannen pase mon ti travay ziska 10er diswar mon pa’n ganny nanryen avek Lasanble mwan.  Mon pe rode akoz nou kontinyen annan sa balans enn sakenn i fer enn lot i fer lot.  Mersi Mr Speaker.

 

MR DEPUTY SPEAKER

Mersi Onorab Henrie.  Onorab William.

 

HON WAVEN WILLIAM

Mr Chairman, mon ti a kontan demann CEO si i kapab dir nou an relasyon avek sa ki nou pe diskite la, bann travayer ki basic salary i konbyen e konbyen zot maximum allowance?  Mersi.

 

MR DEPUTY SPEAKER

Mersi Onorab William.  Dernyen Onorab Ferrari.

 

HON JEAN-FRANCOIS FERRARI

Mr Chairman sa kestyon pour vini la i pour leve, akoz nou’n fini avek bann Minister la nou pe antre dan bann Agencies bann Corporations eksetera donk PS i konnen poudir sak fwa sa bann Bidze pour vini Board fees pour sa.  Mwan mon ti ava sizere poudir PS in endike avek nou poudir i annan en serten en serten ki mannyer mon kapab dir sa – sorry?  En serten en serten Polisi ki in ganny agree tyeke PS avek Minis avek mon pa konnen e annou fer annou fer rekomandasyon ki tou bann Board i abide par sa Polisi pour nou pa bezwen ale vini ankor – ou konpran?

 

(Interruption)

 

MR DEPUTY SPEAKER

Yes ale Onorab Ferrari.  Ok Order! Order! Order! Order! Laparol – Order!  Laparol i pour ou Onorab Ferrari.

 

HON JEAN-FRANCOIS FERRARI

I pour Onorab Ferrari.  Napa Onorab Pillay laparol.

 

MR DEPUTY SPEAKER

Ale.

 

HON JEAN-FRANCOIS FERRARI

Ler mon pe koze la, mon bezwen fer parey Onorab Andre i dir, ‘aret malelve!

 

MR DEPUTY SPEAKER

Ale Onorab Ferrari poz ou kestyon Onorab.

 

HON JEAN-FRANCOIS FERRARI

Non, non se, tou – se tou zis mon ti anvi dir li aret malelve se tou.

 

MR DEPUTY SPEAKER

Bon mon a donn laparol CEO apre PS.  CEO Dupres.

 

CEO BERARD DUPRES

Lo premye kestyon Onorab mon napa detay saler la avek mwan i varye evidaman; i annan en range of saler depandan ki travay ki bann staff pe fer.  So petet ou a ganny en range.  Mon pa pe kapab dir ou – ou pe demann mon saler debaz mon pa tro kapab. …

 

MR DEPUTY SPEAKER

Ok PS.  Onorab William.

 

HON WAVEN WILLIAM

Mr Chairman zis pour donn en legzanp par egzanp bann cameraman ki pe travay avek Lasanble eski zot pe ganny overtime allowance konmsi si ou kapab fer serten konparezon.  Mersi.

 

MR DEPUTY SPEAKER

Ok mersi Onorab.  CEO.

 

CEO BERARD DUPRES

Ok mersi Chair, mersi Onorab.  Wi zot ganny allowance zot ganny overtime sa i part of zot Scheme or zot package.  Mon napa sa bann figure avek mwan sa.  Mon konnen zot annan zot gannyen petet ki nou kapab fer nou kapab provide ou offline avek sa bann detay – pa neseserman la dan sa forum piblik.  Mersi.

 

MR DEPUTY SPEAKER

Ok mersi CEO.  PS Payet.

 

PS PATRICK PAYET

Mersi Mr Chair, mersi Onorab.  Zis pour azoute ki nou annan en framework ki ti approved by the Cabinet of Ministers.  E sa ti konmans an aplikasyon an Zanvye 2016.  Dan sa framework i annan bann diferan fees ki aplikab par egzanp kategori 1 se bann commercial entitiesCommercial entities the way nou ti kalkile nou ti fer kalkil lo la nou ti vwar enpe zot bann asset; ki grander asset zot annan, ki grander, kantite staff zot annan e kantite reveni ki zot kolekte there is fact e lo la nou ti annan diferan grad dan nou bann kalkilasyon.  E sanmenm ki nou ti donn li konbyen par egzanp SEYPEC son Chair as per the policy i sipoze ganny R7,760 e en normal Member i ganny R5,173.  Pour en lot par egzanp Property Management Company i sipoze son Chair i ganny R4,720 avek son Manm i ganny R3,146.  Apre ki nou ti revwar par egzanp i annan bann lenstitisyon Gouvernman par egzanp Planning Authority avek National Tender Board ki zot meet tou le semenn zot bezwen meet akoz nosyon zot travay e pour zot, zot Chair i ganny R8,500mil e zot Manm lezot Manm i ganny R6,800mil.  Bann lezot kategori; nou annan 3 – regulatory bodies zot Chair i ganny R4,473 – zot Manm i ganny R3,800.  E dan kad SBC i tonm li dan kategori 4 service providers education and information bodies zot osi R3,800 zot Chair apre R3,048 zot ordinary Member so definitivman zot bezwen servi sa polisi zot pa kapab an deor lezot Polisi e nou konman Minister Finans, nou bezwen vwar akoz desizyon in ganny fer in ganny fer par bann Manm pour zot annan sa bann defayans lo la.

 

MR DEPUTY SPEAKER

Ok mersi PS Payet.  Mon pour donn laparol Onorab Churchill Gill en pti kestyon.  Onorab.

 

HON CHURCHILL GILL

Wi baze lo sa ki PS in dir nou i kler ki sa bann fees i pa devret koumsa, alors i devret ganny met i devret ete.  Mersi.

 

MR DEPUTY SPEAKER

Ok mersi Onorab Gill.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mwan mon siport bann travayer SBC, so mon kestyon i go back to sa Scheme of Service bann travayer SBC.  SBC i enn bann landrwa kot travayer i annan plis leksperyans travay e i annan bokou bann long serving employees.  So ler ou build ou’n built zot Scheme of Service sa ki ou pe donn zot la eski ou’n pran an konsiderasyon zot leksperyans travay akoz ou konnen ou annan bann travayer osi dan SBC ki pa’n ganny sans al fer training pour ganny bann sertifika ki pa neseserman mean ki zot less qualified as en dimoun ki pour fek antre.  So ki mannyer anba Bidze (Mr Chair dir Onorab Ferrari aret malelve mon pe koze.. e…) …

 

(laughter)

 

MR DEPUTY SPEAKER

Go ahead – go ahead Onorab.

 

HON SEBASTIEN PILLAY

Parey mon demann ou ki mannyer ou’n inbuilt dan ou Scheme of Service pour pran konponan leksperyans ki sa bann dimoun i annan? Sa i mon premye pwen.   Mon 2enm pwen i annan bann travayer osi ki fer bann servicing lo bann lo ban lema ki zot annan, e aparaman atraver bann resers zot kapab ganny exposer avek serten konponan pa radyasyon  -selman mon pa sir ki mannyer zot dir sa;  eski i annan par egzanp dan sa Scheme ki ou’n prepare la eski i annan en risk allowance ki zot met an plas pa zis lo sa kalite travayer, me bann lezot travayer SBC ki par egzanp ler i annan dezas zot bezwen ale al kouver avek zournalis; eski ou’n fer i annan en konponan pour bann travayer?  Mersi Mr Chair.

 

MR DEPUTY SPEAKER

Mersi Onorab Pillay.  CEO.

 

CEO BERARD DUPRES

Mersi Mr Chair mersi Onorab.  Scheme of Service nou erite i annan en parey mon dir pli boner en serten en need pour nou kapab revwar li; pour nou pli ekitab e fair.  So si i baze lo leksperyans avek kapasite dimoun verses ki i napa kalifikasyon mon pa pour kapab al an detay lo la in terms of Scheme.  Annefe i annan Scheme i annan cadre ki annan Scheme i annan cadre ki napa Scheme.  So nou bezwen met enpe lord ladan ler nou met lord nou bezwen met li byen pour ki i pran enpe letan pour nou revwar li e pour nou benchmark li byen.  Se pour sa ki nou resolve pour nou kapab depi lannen konmanse fer li byen avek external help pour benchmark kote nou bann travayer i bezwen ganny renumerated.  Selman i bon nou balanse Onorab in annan serten sizesyon ki zournalis pe ganny peye plis ki Minis apre la ki annan ki pe sey dir i pa ganny ase.  Nou – mon pa dan en pozisyon pour mon kapab disclose dan detay bann saler akoz mon pa mazin bann figures byen be selman nou bi ki nou bezwen fer konman en lorganizasyon fair.  Ki zot ganny adequately rewarded pour sa travay ki zot pe fer, konteni tou sa bann keksoz ki ou’n dir travay aswar eksetera pour regain parey mon dir, akoz sa ti dan domenn avan ki mon ti ladan i annan bann risk pa radyasyon akoz ler ou monte ou sipoze tenny sa sistenm me i pa i bezwen ganny manageRiggers i en legzanp tipik napa dan market ou pa kapab ale pour ou dir ou pour al recruit en rigger ou pa pour gannyen.  I demann en bon pe training en bon pe standar e sa dimoun letan i pa willing pour li work at heights; pa bokou dimoun ki bezwen fer sa therefore ou bezwen pey en rigger dapre sa market value ki i pe i dikte e i napa savedir i annan en problenm supply apre sa kantite training avek kapabilite ki sa dimoun i bezwen pour li kapab fer li.  Eski ou demann mwan si nou pour bezwen en kategori pour nou revwar a mon avi.  Wi me mon ti a prefere i ganny fer endepandaman avek nou, konman i ganny benchmark avek lezot e sa ki ti resolve pour nou kapab fer pour ki i annan en revwar tou bench saler dan SBC pour vwar ki i konpetitiv ki i rezonnab e i ankourazan pour dimoun kapab travay.

 

MR DEPUTY SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Prenan kont larepons ki ou’n donn nou ki kantite letan akoz nou kontinyen donn SBC en Bidze e SBC i bezwen sa bann dimoun i la anndan sa bann cameraman sa bann dimoun ki la anndan pour fer li fonksyonnen annefe SBC in fonksyonnen akoz sa bann dimoun in reste avek SBC zot in lwayal avek SBCSo ki kantite letan ankor ki SBC i bezwen si ou kapab donn nou par egzanp en dele letan nou annan Chairman Assurance Committee isi ki a kapab annan en follow-up ki ganny fer par Lasanble pour vwar kan SBC pour pare pour rollout avek sa plan pour revwar konpozisyon reminerasyon pour sa bann dimoun ki annan 25an – 30an.  I annan dimoun mon rapel mon ti ankor pti tonton pas dan distrik pe zwe film dan distrik so ou konnen i bann dimoun ki’n loyal e ler ou annan sa lwayote anver sa lorganizasyon ki mannyer zot SBC pe vwar pour sey reward sa lwayote ki i annan tou an prenan kont ou kontrent bidzeter?  Si i annan fer nou konnen davans ki i annan serten travay ki zot pe fer zisteman pour amelyor kondisyon travay sa bann dimoun.  Mersi Mr Chair.

 

MR DEPUTY SPEAKER

Mersi Onorab.  CEO.

 

CEO BERARD DUPRES

Mersi Mr Chair.  Mon krwar mon dir avek Onorab poudir wi nou pe fer serten travay – sa kantite letan sa travay i bezwen ganny fer i pour ganny fer i depan lo konsiltan e lafason ki zot adopte nou bann terms of reference.  E sa nou pe travay lo bann terms of reference.  Mon fek fini fer sa dan foreign office e akoz ziska konmela nou pa ankor ganny rezilta sa benchmark fundamental review parey ou dir.  I depan ki kalite konsiltan ou rode i annan lokal i annan enternasyonal epi nou bezwen fer li ki menm sa process due to the process ki nou advertise.  Nou dir nou pe fer sa revi e lala nou terms of reference.  Nou pe prezan travay lo terms of reference – presizeman pour vwar sa ki mannyer nou kapab fer li pour nou kapab reward nou bann dimoun pli byen. I part of sa kestyon Onorab ou pe prezimen ki i annan kekfwa ki pa pe ganny reward adequately i fair enough e i annan lezot pwennvi ki dir i annan ki pe ganny tro reward adequately.  Wi dan SBC e outside of SBC e nou, nou bezwen rod en fason balans li e regularize sa byen.  E nou egzekitiv dan SBC nou pa dan en pozisyon pour nou kapab fer sa e pli byen ganny fer endepandaman e i depan lo sa timeline lo sa konsiltan pour fer sa travay ki i bezwen fer.  Mon pe hope ki by Avril par egzanp nou kapab annan enpe progre e kapab konnen kote nou stand lo sa size saler.

 

MR DEPUTY SPEAKER

Ok mersi CEO.  Onorab Pillay.

 

HON SEBASTIEN PILLAY

Yes Mr Chair.  Zis en dernyen pti pwen ou annan en gro konponan Bidze pour bann ‘acquisition’ avek bann ‘high tech equipment’ e mon pa konnen konbyen letan ki SBC in fer en customer satisfaction survey pour vwar si piblik an zeneral i satisfe avek quality oubyen kalite progranm ki zot pe pase lo SBC eski sa i en keksoz ki zot anvizaze fer e pour sa acquisition pour high tech equipment, eski sa i pe al towards zot increase of zot quality or some equipment ki zot annan pour provide better quality program, oubyen i en keksoz ki relate zis spesifikman avek sa digital television ki zot pe provide?

 

MR DEPUTY SPEAKER

Mersi Onorab.  CEO.

 

CEO BERARD DUPRES

Mersi Mr Chair, mersi Onorab.  Sa ‘high tech equipment’ wi i annan pour fer avek bann lekipman ki nou bezwen aste pour nou move dan digital transition.  Apre pour maintain nou bann lekipman ki deza egziste.  Digital transition li menm i pour anmenn en dan kalite dan fason ki nou resevwar avek servis ki nou pe evidaman anvizaze pour donn bann lodyans.  Lodyans li menm ki ava deside si i servis in monte oubyen non i ti dan mon lentansyon right from the start pour nou fer en survey, pour nou kapab benchmark, eski 6mwan 1an di-si nou amelyore oubyen non.  Akoz par-ler nou pa kapab servi neseserman subjective kind of feedback, me enn ki nou kapab mezire progre.  Pour sa i annan en kou pour fer li e sistenm ki nou annan la i pa ed nou pour nou fer i pa posib pour nou fer cost effectively, pour nou kapab fer en audience survey konpreansiv i en keksoz ki mon ti ava voudre kapab fer.  Nou gannyen feedback nou try and get feedback as much as we can dan diferan fason nou pe relans revamp nou website, pandan avan lannen fini ki pour allow nou ganny enpe plis feedback from our audience lo ki kalite nou bann progranm eksetera.  Mon dakor dapre ou kestyon avek ki i pe sey dir eski sa larzan ki nou pe depanse i pe donn nou valer for money pour nou bann dimoun ki pe donn nou sa larzan?  E sa i en kestyon pertinan ki nou bezwen kontinyelman revalidate pour nou kapab amelyor nou nou fason fer.  E nou bezwen kapab capture sa dan en fason efikas pour le moman nou napa en fason pour ganny menm 2mil feedback.  Son letan of man hours pour nou kapab process li pour kapab sif li, i bokou.  Nou ti fer staff survey avek 200 staff ti pran nou 2mwan pour nou kapab gather pour – sa i konsern staffing; pour nou kapab gather tou bann komanter tou bann matrix pour nou kapab servi.  E sa i pe ganny servi pour nou mezire si i annan improvement ankor 6mwan 1an di-si.  So i lentansyon pour nou fer survey me nou bezwen fer li dan en fason pli efikas e sa osi nou bezwen led mon krwar lo website i ava ed nou pour met sa e menm dan li menm nou pe dir letan ou pe fer li lo website ou pe disenfranchised enpe dimoun ki pa ale lo website.  I annan en balans la e pour nou fer en survey ki pour fer tou dimoun involve ladan, i koute.  Me sa i bezwen en keksoz ki regular osi sa pour nou kapab kit azour 6mwan tou-le-z-an so the best way efficiently se pour fer li online.  Mersi Onorab mersi Chairman.

 

MR DEPUTY SPEAKER

Mersi CEO.  Avan nou al lo en vot mon annan de pti kestyon mon osi.  CEO brefman en konbyen travayer SBC i annan?  Dan si proze i al byen kekfwa dan 3an 4an zot annan zot ganny zot SBC House, ki pour arive avek Hermitage?  Apre sa progranm al ver digital i en i en keksoz ki nou’n tande for the past 10 years e nou’n toultan vwar ogmantasyon dan Bidze SBC ki’n vize ver ‘acquisition of equipments’ pour sa progranm e a en moman i ti’n menm dir poudir bann telespektater i ti pour bezwen aste en lantenn pour met avek zot lakaz pour resevwar sinyal.  Petet eklersi nou dir nou – poudir si i annan bann acquisition of e la ozordi nou pe tann lotreman nou pour servi decoder ‘acquisition of equipment’ ki’n ganny fer dan past budget dan past parey mon pe dir apepre 10an ki petet mon pa dir i en waste, me ki’n obsolete.  E lefe ki prezan zot pe sanz sa modem transmisyon ki bann telespektater pa pour bezwen met en gro Arial ankor parey dan 1981 ler RTS ti konmans broadcast.  Zis eklersi nou sirtou bann telespektater osi lo la CEO.  Mersi.

 

CEO BERARD DUPRES

Mersi Mr Chair.  Mon krwar mon mank ou premye kestyon apre mon…

 

MR DEPUTY SPEAKER

Ok premye konbyen travayer SBC i annan an tou?

 

CEO BERARD DUPRES

Nou annan nou total 237 staff Mr Chair – ladan 221 i full time 16 i part-time.

 

MR DEPUTY SPEAKER

Ok.  SBC House?  Ki pour arive avek Hermitage?

 

CEO BERARD DUPRES

Lo SBC House ou ti pe demann konsernan kou loperasyon?

 

MR DEPUTY SPEAKER

Non ler zot in pli zou mwen move tou zot bann transmisyon and all that into SBC House, eski zot pe larg Hermitage?  Eski zot pe tenir Hermitage for other uses?

 

CEO BERARD DUPRES

Mersi Mr Chair.  Wi valid kestyon nou ti a kontan tenir Hermitage for other uses; me sa pa nou desizyon Hermitage i pour Gouvernman, i pour Leta.  Ki nou ti a kontan vwar ki Hermitage i vini i vin konman en back-up recovery site. Nou en public broadcast enternasyonal.  I pa neseserman en bon keksoz pour annan tou ou asset dan en sel landrwa.  So nou pe anvizaze ekrir Gouvernman pour demann zot at least en serten parti of Hermitage ki ganny kite, pour bann lekipman back up pour SBC i bezwen.  Sa i therefore depandan lo Gouvernman.

 

MR DEPUTY SPEAKER

O -k dernyen kestyon lo…

 

CEO BERARD DUPRES

Lot se anver digital aste lema – en gro lema oubyen non.  Se sa ki nou, nou mon, mon konstate ler mon vwar sa prose DDT ki i anmenn en kou lo taxpayer dan detrwa fason e enn se ki nou bezwen manage en kantite li sa taxpayer ki deza pe fund SBC varyasyon alokasyon ki deza annan sa gro kou lo li.  E se sa ki nou ti propoze ki wi i annan ki petet i bezwen aste en lema e depandan kot i ete; or sa lema i pa sa kalite lema ki pour allow ou pour resevwar digital.  Me avan ou aste en lema nou dir pa aste konmela ou lema teste li avan apre ou ava aste.  Sa nou pa SBC i pa dan sa bout pour li aste lema.  Selman ki nou nou’n dir vi ki ou, ou ti deza lo en sistenm ki nou, nou dir ou, ou lo en lot sistenm nou ava donn ou, ou premye set-top box free.  Sa ti sort of diskisyon e konpromi ki nou krwar i annan.  Apre ou’n demann kestyon lo akizisyon …

 

MR DEPUTY SPEAKER

Of bann lekipman.  Eski i annan lekipman petet ki ganny acquired over the past years ki prezan petet lafason ki zot pour ale ver sa progranm digital ki pour obsolete ki zot pa pour servi?

 

CEO BERARD DUPRES

Mersi Mr Chair.  Mr Chair teknolozi i bouze tou-le-z-an tou kou mon pa krwar e mwan mon reponn ou spesifikman pour sa digital transition; mon krwar larzan ki’n gannyen pour sa i for the past 2 years.  E sa i pour sa proze spesifik e mwan mon kapab dir ki sa larzan ki’n gannyen i byen depanse – ase byen depanse pour sa proze digital transition ki SADC ti aprouve, ki ti espekte tou bann pei in transit by 2016.  Wi mon krwar 2016.  So pour sa bann lenvestisman ki’n ganny fer anver sa proze, mon kapab dir i pa en larzan ki pe al peye.  Nou pour annan digital sistenm i pe vini, me nou, nou bezwen fer sir ki ler nou roll it out nou roll it out dan en fason ki reliable ki nou pa pe kapab roll back i annan en ta pei – parey Maurice parey Sid Lafrik e lezot pei Lafrik ki’n taye in rollout in fer switch over, e zot pe ganny en kantite problenm; both konteni e lafason ki mannyer zot pour kouver larestan popilasyon.  So sa i en challenge pa zis pour Sesel me pour lezot pei ki’n ganny sa pour manda oubyen ganny sa challenge pour li rollover to digital.  Sa larzan ki’n gannyen mon repet ki mon ki mannyer – mon vwar li evidaman apre sa 3mwan assessment of sa proze, ki enportan – sa larzan in ganny depanse Mr Chair i pe ale in al byen pour li kapab pour sa bann lekipman.  E mwan mon satisfe avek sa bann lekipman ki’n ganny aste, ki pour kapab deservi nou piblik for the foreseeable future.  Mersi.

 

MR DEPUTY SPEAKER

Mersi CEO.  Bon PS gid nou lo vot en moman en moman PS mon annan Onorab Sebastien Pillay avek Onorab Afif.  Onorab Afif.

 

HON AHMED AFIF

Mersi Mr Chair.  Mon ti anvi zis fer en pwen ki nou pozisyon lo sa kote latab se an prensip nou dakor avek Bidze – eksepte nou ti demann Minister Finans silvouple pour revwar sa bann Board fees.  E set li a en nivo ki zot santi i reflekte norm dan Gouvernman.  E larestan larzan distribye li pour staff.  Nou pa pe dir freeze oubyen koup okenn … Se en pozisyon ki mon krwar i rezonnab.  Mersi.

 

MR DEPUTY SPEAKER

Mersi Onorab Afif.  Onorab Pillay.

 

HON SEBASTIEN PILLAY

Mersi Mr Chair.  Onorab Henrie mon annan laparol thank you.  Mr Chair Onorab Afif nou’n lev lanmen ansanm i menm size.  Zisteman nou, nou ti a kontan ki Minister Finans i come back to avan si nou kapab avan nou fini budget process sirman zot in angaz zot dan serten diskisyon pour vwar – sirtou pour asire ki i annan klarite; me osi pour fer sir ki nou, nou pa oule si personn pa pe fer son louvraz i pa pe ganny renumerated – obviously.  Me selman fodre i annan serten fairness across the board pour bann dimoun ki lo bann Board.  Mersi Mr Chair sa i mon propozisyon.

 

MR DEPUTY SPEAKER

Mersi Onorab Pillay.  Ok PS.

 

PS PATRICK PILLAY

Mersi Mr Chair; mersi tou lede Onorab.  Nou’n take note propozisyon e nou osi nou bezwen fer sir ki Board i ganny renumerated as per the policy.  Mon krwar bann lezot Manm ki lo Board SBC, i bezwen konpran ki i annan en policy ki in aprouve par Cabinet of Ministers an Zanvye – e nou bezwen enplimant li as per ki Cabinet in aprouve.  E si zot vwar kekfwa i tro ba zot sipoze retourn kot Minister Finans an menm tan ki nou ti kapab rediskit avek Cabinet of Ministers.  So as per the policy nou bezwen met li as per the current policy.

 

MR DEPUTY SPEAKER

Ok mersi PS.  Prezan gid nou lo vot.

 

PS PATRICK PAYET

Pour vot i lo paz 123 ki en lavaler R109.393, 260milyon.

 

MR DEPUTY SPEAKER

Ok mersi PS Payet.  Tou Manm ki an faver Bidze SBC?  Okenn Manm ki kont?  Ok Madanm Clerk.

 

MADAM CLERK

Mersi Mr Chair.  21 Manm an faver.  Mersi.

 

MR DEPUTY SPEAKER

Mersi.  Savedir Bidze pour SBC pour 2018 in ganny aprouve par Lasanble Nasyonal.  Bon avek sa mon ti a kontan remersi CEO Dupres avek son Financial Controller parmi nou la apre midi.  CEO mersi bokou e nou eskiz ou parmi nou.

 

(CEO BERARD DUPRES AND HIS DELEGATION WAS EXCUSED FROM THE HOUSE)

 

ANTI-CORRUPTION COMMISSION

 

MR DEPUTY SPEAKER

Bon pour larestan lazournen i reste nou en Head ki nou pour pran la Anti-Corruption Commission.  Mon ti a sizere ki nou pran li en sel tre nou ale.  Si nou fini 4er nou fini 4er; si nou fini 4.15 nou fini 4.15.  Bann zofisye in fini arive ok?  I pa en gro Head.  Mon sizere ki nou pran nou fini en sel kou – ok?  Ok PS Payet ou dakor?  Ok? Bon mon ava demann Parliamentary Reporter pour al apel bann zofisye Anti-Corruption Commission.  Petet osi pour zot pour zot lenformasyon mon ava donn zot en pti pe progranm travay pour sa semenn.  Demen nou pour rankontre ankor full day nou annan ankor sa bann bodies ki pour tonm anba – parey nou pe fer la apre midi.  Merkredi nou pa pe rankontre, akoz Merkredi Minister Finans i pe al fer serten travay – PS Payet avek son bann zofisye pe al fer serten travay pour zot osi prepar zot pour ler zot vini Zedi, zot ava dan en pozisyon pour zot kapab reponn kestyon bann Manm vizavi Bidze Minister Finans.  E nou pe mazinen ki par Vandredi nou ava kapab tous tou bann Heads e nou a fini avek Bidze. Ok?  So Merkredi Lasanble pa pe rankontre.  Bon mon ti a kontan swet la byenveni Ms May Desilva – CEO Anti- Corruption Commission akonpannyen par Ms Nisreen Abdulmajid ki Commissioner of the Anti-Corruption Commission.  Tou lede welcome parmi nou.  E nou ava demann bann ki pare pour entervenir pour lev lanmen.  Ok Madanm Clerk.

 

MADAM CLERK

Mersi Mr Chair.  Lo kote Parti Lepep mon selman Onorab Charles De Commarmond avek Onorab Sebastien Pillay.  Mersi.

 

MR DEPUTY SPEAKER

Madanm Deputy Clerk.

 

MADAM DEPUTY CLERK

Mersi Mr Chair.  Lo kote LDS mon annan Onorab Afif, Onorab Henrie, Onorab Ferrari, Onorab Hoareau, Onorab Andre, Onorab Larue avek Onorab Arrisol.  Mersi.

 

MR DEPUTY SPEAKER

Ok, mersi.  Bon nou a konmans avek Onorab Arrisol?  Non?  Ok Onorab Pillay Onorab Stephen Pillay.

 

HON STEPHEN PILLAY

Mersi Mr Chair.  Bon apre midi a tous.  Kestyon Mr Chair mon annan pour demann Anti- Corruption Committee lo konsernan son rent ki i pe peye?  Kote i été?  Lokasyon e ki konbyen i pe pey sa rent par mwan?  So bann ankor parey nou ti dir Board Members fees konbyen par mwan pe gannyen e konbyen zot annan lo Board‘Housing wages in-kind’ mon vwar R450mil pour konbyen dimoun e konbyen staff zot annan dan zot dan sa Komite Anti-Corruption Committee?  E si in annan okenn prosekisyon pandan depi le 31 Mars ziska la, ki zot in kapab fer pour Anti- Corruption okenn case ki’n mete?  Mersi Mr Chair.

 

MR DEPUTY SPEAKER

Ok mersi Onorab Pillay.  CEO Desilva.

 

CEO MAY DESILVA

Bon apre midi Chair, e bon apre midi a tou Onorab.  Mersi pour ou kestyon.  Nou rent i R400 par square metres nou annan nou 285 square metres.  An total nou rent i a R123mil.  Apre nou annan ler ou pour fer ou kalkilasyon ou ava vwar poudir i annan R9400 a R949 ki a … sa include nou service charge.  Nou baze lo 4enm floor Victoria House e a sa nou rent par mwan.  Nou annan nou 12 staff enkli mwan.  Nou annan nou 7 manm lo nou Board.  Zot ganny zot R16,673mil par mwan – sa i en saler – i pa en allowance.  Nou Act wi i dan lalwa nou Act i remunerate zot a konman en saler – i pa en allowance.  Nou housing i vin R50mil par mwan sa i cover pour nou Chair avek en housing allowance ki osi available pour CE. An vi ki sa louvraz i high risk, apre i annan security issues.  Apre bann dimoun ki nou pe investigate, i bann dimoun ki nou pour ki nou ki nou a dir i bann dimoun ki dan bann areas parey blansisaz larzan; dan drog, epi lezot osi ki’n anrisir zot pos.  Be selman ki kapab annan larzan ki kapab vin fer mwan ditor e lezot staff ACCS osi.  Prosekisyon sa Lalwa in ganny asante a accented an Mars 2016 nou bann Commissioners in ganny apwente Out 2016 mon ganny apwente le 16 Mars sa lannen.  Ler mon antre Anti- Koripsyon ti annan 2 staff en receptionist avek en complaints officer.  E a dan sa 7mwan ki mon la mon pe recruit sa bann staff mon pe set-up.  So pour le moman nou pa ankor al dan sa domenn prosekisyon.  Pa nou ki pour prosekit bann dimoun.  Nou prepar nou bann rapor apre nou anvoy nou rekomandasyon kot Attorney General.  Mersi.

 

MR DEPUTY SPEAKER

Mersi CEO.  Onorab Pillay.

 

HON STEPHEN PILLAY

Si mon’n byen konpran lenformasyon, se R120mil rent ou pe dir mwan rent par mwan?  Be mwan mon pe vwar – i drol mon pe ganny R180mil par mwan rent ou pe peye.  R180mil par mwan anba ‘office building rent’ i R2, 160milyon diviz par 12 mon ganny R180mil ki mon…

 

MR DEPUTY SPEAKER

Onorab mon krwar CEO in mansyonn 2 lezot rent.

 

HON STEPHEN PILLAY

Mr Chair anba ‘other rents’ i R150mil; i annan lo la lo details.  Sa i zis pour ‘office building rent.’

 

MR DEPUTY SPEAKER

Alright.  Ok, CEO.

 

CEO MAY DESILVA

Onorab ler nou ti’n bidzete pour sa, i vre ki ou’n dir mwan i R140mil par mwan; ler nou ti’n bidzete nou ti enkli lo kalkilasyon en VAT.  Selman mannyer zot in sarz nou napa vat lo la prezan selman sa i bezwen ganny aziste ki mon mazinen poudir lo nou PPBP dokiman i ava ganny re aziste.  Mersi.

 

MR DEPUTY SPEAKER

Ok.  Mersi CEO.  Onorab Pillay.

 

HON STEPHEN PILLAY

Sa i normal.  Nou kapab tir kekfwa R1milyon lo sa rent avek other taxes – kekfwa nou kapab ganny en pti larzan lo li.  Mersi Mr Speaker.

 

MR DEPUTY SPEAKER

Ok.  Mersi.

 

CEO MAY DESILVA

Non i R140mil par mwan ki nou ti’n prozekte; selman i vin R123mil.  So napa R1milyon savings ladan dan 1an.

 

HON STEPHEN PILLAY

(Mic Off)

 

CEO MAY DESILVA

Non sa diferans i pa pour R1.4million.

 

MR DEPUTY SPEAKER

Ok nou ava les PS Payet i ava fer kalkilasyon lo la si fodre.  Bon Onorab Arrisol ou ti pe ou’n lev ou lanmen ou?  Non.  Ok Onorab Flory Larue.

 

HON FLORY LARUE

Mersi Mr Speaker.  Mon kestyon i follow-on avek sa ki Onorab Pillay in demande.  (eskiz mwan mon enpe malad)  Eski CEO i kapab klarifye konbyen Manm i annan lo son Board?  E si i kapab klarifye Chair lekel son Chair?  Ou’n mansyonnen ki ou’n ganny allocate housing avek sekirite konbyen sa ki’n ganny allocate pour housing avek sekirite silvouple?  E how often ou Board i meet?

 

MR DEPUTY SPEAKER

Ok mersi Onorab.  CEO.

 

CEO MAY DESILVA

Mersi.  Nou annan 7 Manm lo nou Board.  Nou annan en Chair en Vice-Chair avek 5 Commissioners.  Nou Chair i ganny en package parey en Ziz Lakour D’Apel.  Nou meet 1 fwa par mwan.  Sa lannen nou Chair in vin apepre 8 fwa so far.  Ou’n demann mwan osi lo housing.  Li dan son Kontra i vin en – ankor dan son Kontra i R25mil par mwan son allowance.  Son saler ler i an rezidans, i parey i en saler a Ziz Lakour D’Apel ki R55mil e i fer i zot work li out pro rata.  E ler i pa an rezidans i R36mil ekek.  Mersi.

 

MR DEPUTY SPEAKER

Onorab Larue.

 

HON FLORY LARUE

CEO pa’n mansyonnen lekel Chair.  E osi si i kapab dir nou ziska prezan konbyen case ki in anmenn Ankour?  Avek sa kantite larzan ki zot in gannyen konbyen zot in anmenn Ankour?

 

MR DEPUTY SPEAKER

Ok.  CEO.

 

CEO MAY DESILVA

Nou Chair se Ziz Duncan Gaswaga.  I baze Uganda.  In deza en Mazistra avek en Ziz isi Sesel.  Son … pour ka – cases parey mon pe dir nou pa ankor repar nou bann cases pour al prosekisyon.  Pour le moman nou annan nou ozordi la 58 ka.  Dan sa 58 i annan 6 ki i dan pending status; savedir nou pa ankor log li pour lo nou complaints form.  So nou pa pe kont sa 6 pour le moman – akoz zot dan sa pending stage.  Nou annan 52 ka ki a 30 i dan Unit Envestigasyon apre 22 i dan Complaints section.  Parey mon pe dir mon nou annan 2 gro case ki mon pe espekte by lafen Zanvye, nou ava’n pare pour nou anvoy sa 2 case kot Attorney General.  Mersi.

 

MR DEPUTY SPEAKER

Mersi CEO.  Question arising Onorab Ferrari.

 

HON JEAN-FRANCOIS FERRARI

Zis en pti kestyon CEO.  Eski i annan okenn interim orders ki’n ganny ki’n ganny fer lo bann envestigasyon ki ou pe fer, an atandan pandan bann case i fully devan Attorney Genérale?

 

MR DEPUTY SPEAKER

Mersi Onorab.  CEO.

 

CEO MAY DESILVA

Mersi.  Wi nou annan lo en case nou annan 30 restriction orders pour le moman.  Mersi.

 

MR DEPUTY SPEAKER

Ok.  Mersi CEO.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair mon ti a kontan ganny en pti lesplikasyon lo ‘local consultancy fee’ ki mon vwar i annan en sonm R50mil; e pareyman pour ‘foreign consultancy fee’ i annan R130mil.  Ki mannyer sa pe ganny fer?  E training mon vwar i annan en R300mil.  Konmsi eski nou pe dir training zot staff oubyen bann lezot dimoun?   Apre mon vwar en ‘licensing fee’ en ‘license fee’ R26mil kekfwa CEO i kapab dir nou konmsi what is this per se?  Mersi.

 

MR DEPUTY SPEAKER

Mersi Onorab Andre.  CEO.

 

CEO MAY DESILVA

Mersi Onorab.  Pour nou ‘training fee’ R300mil.  anti- koripsyon lalit kont koripsyon i en nouvo field travay dan Sesel.  Alors nou pe konmans lo en baz kot very few nou bann profesyonnel i annan sa lekspertiz dan sa field zot annan kekfwa zot background dan lenvestigasyon dan polis forensic accounting.  Me selman lo anti koripsyon i nou’n fer en plan ki nou pe travay avek Commonwealth, kot zot zot annan zot sant Botswana e nou deza konmans anvoy nou staff laba.  So nou’n bidzet li pour R300mil i ase rezonnab sa pour staff ki nou annan e pour nou plan ki nou annan pour fer zot al zot training dan anti- koripsyon.  Epi sa osi i kouver fer bann trainers vin isi, olye ki tou staff i sorti ale so nou pour negosye avek Commonwealth pour regarde si sa sant i kapab anvoy zot bann trainers isi ki pli efektiv.  Lo kestyon ‘local consultancy’ wi annandler nou pou bezwen pran enpe local consultants i depan lo legal, lo accounting forensic, so sa nou’n met en Bidze pour sa pour bann local expertise.  ‘Foreign consultancy’ sa i pour bann ka kot i annan en eleman ki an deor nou ziridiksyon.  So sa i menm en Bidze ki pa ase.  Mon ava dir ou nou anploy en consultancy firm lo en case ki mon nobou negosye £6mil pour zot servis pour zot kapab fer bann envestigasyon, pour le moman lo sa case.  E sa i rezonnab.  Zot ti’n demann mon £15mil Liv pour li – mwan mon’n nobou negosye li pour £6mil.  So sa in manz tou mon Bidze sa lannen.  E lannen prosen mon krwar mon pour bezwen enpe plis akoz parey mon pe dir akoz anler bann ka i an deor nou ziridiksyon, nou pour bezwen servi foreign consultants pour fer sa louvraz pour nou.  Nou napa sa manda pour nou travay an deor.  Lo size ‘license’ sa license i en license fee pour loto ler nou aquire nou loto.  Mersi.

 

MR DEPUTY SPEAKER

Mersi CEO.  Onorab Andre.

 

HON CLIFFORD ANDRE

Mon ti a kontan osi demann CEO pour provide nou avek bann pozisyon dan son Komisyon, ek zot saler e allowance ki zot pe gannyen.  E an pasan, eski par lefe ki ou dir ou’n fek konmanse oubyen zot pe antre dan bann staz fer zot konmisyon vin enpe solid, eski ou krwar zot pe enspir konfidans dan dimoun?  Akoz nou vwar lezot pei 2 zour en Minis i ganny met Ankour par Seksyon Koripsyon.  Konmsi sa bann zafer pa ase vit oubyen i tro lant e nou pa vwar sa rezilta.  Mersi.

 

MR DEPUTY SPEAKER

Mersi Onorab.  CEO.

 

CEO MAY DESILVA

Wi mon donn en lalis breakdown nou Chair pour tou staff ki travay kot nou.  An vi ki sensitivity o size nou travay ki nou fer, mon’n deside pour mon donn sa pour Lasanble vwar.  Nou open selman parey mon’n dir sa lenformasyon i already available – mon napa problenm lo la.  O size sa kestyon fer nou bann travay ase vit.  Mon konpran poudir i annan en kantite lekspektasyon lo nou Komisyon.  Selman i annan en kantite travay pour nou fer pour le moman parey mon pe dir mon ti’n ganny en Bidze R8.3milyon sa lannen.  Mon annan 2 investigation officers – 1 case officer – e mwan mon’n dir toultan, nou pa pou kapab travay – ki mannyer ou a dir i pa political expediency me plito legal; lo kote legal.  Alors i annan en kantite lenformasyon ki nou bezwen anmase; fer nou bann anmas nou levidans.  So i time consuming en kantite sa.  So alors parey mon pe dir, pour nou menm travay tou pour tou pour nou anmenn bann gro case ariv kot Attorney General lafen Zanvye mon krwar it’s a great achievement pour nou, anvi ki nou dan osi dan en set-up phase.  Mersi.

 

MR DEPUTY SPEAKER

Mersi CEO.  Onorab John Hoareau.

 

HON JOHN HOAREAU

Mersi Mr Chairman.  Mr Chairman mon kestyon i baze lo ‘service agreement’ avek ‘outsourcing,’ mon ti anvi mon ti a kontan ganny enpe plis lenformasyon lo kwa ki ganny outsource.  Dezyenmman mon ti ava kontan osi konnen mon vwar R103mil pour ‘hire vehicles’ so mon ti anvi konn enpe detay lo la akoz zot bezwen bann hired vehicles?  E ‘localization of Chairperson,’ eski sa i en pwen ki zot pe konsidere?  Mersi.

 

MR DEPUTY SPEAKER

Mersi Onorab.  CEO.

 

CEO MAY DESILVA

Mersi Onorab.  Pour sa security budget – an vi ki nou en enforcement agency nou annan en ta depans sekirite ki nou’n prozekte pour lannen prosen.  E anvi ki nou gard levidans kot nou, alors nou bezwen fer sir poudir nou annan en Bidze Sekirite ki pour fer sir poudir sa i reflekte sa louvraz ki nou fer.  Lo kote ‘hired vehicles’ ler mon ti’n konmanse ti nou ti napa en loto nou ti annan en Bidze R350mil pour aste en veikil ki pour multifunctional.  Me ler nou’n fer nou premye procurement nou pa’n nobou ganny en veikil pour sa larzan.  Alors nou’n rediskit avek finans nou’n vire enpe larzan dan Bidze e la i dan prose prokirman.  E hopefully nou ava gannyen avan lafen lannen.  E an vi ki nou’n bezwen nou napa en veikil nou’n bezwen pran en hired vehicle pour le moman; e dan Kontra nou Chair i en chauffeur-driven car i available pour li.  Alor nou’n bezwen fer sa available pour li osi.  E pour sa kestyon lokalizasyon Chair – sa i en keksoz ki mon mazinen poudir i ava ganny diskite e pour vwar si i annan en nesesite si pour le moman.  E sa parey mon pe dir mon pa kapab fer plis komanter lo la.  Mersi.

 

MR DEPUTY SPEAKER

Mersi CEO.  Onorab Francois Adelaide.

 

HON FRANCOIS ADELAIDE

Mersi Mr Chair.  Bon apre midi tou dimoun.  CEO nou pe vwar 2017 nou’n donn zot apepre en R9.6milyon e la i pe monte pour ariv pre R12milyon.  Ou konnen nou pa kapab zis donn larzan pour nanryen ditou eski ou kapab konfirm avek nou si koripsyon Sesel i ankor en persepsyon ouswa i en keksoz ki reel?  Mon 2enm pwen nou pe get Bidze i annan enpe larzan pour internet avek IT equipment mon pe demann ou si zot annan en website ki aktif pour le moman e kote ki nou kapab ganny zot lo website lo en formasyon?  E petet si nou annan en keksoz ki nou osi anvi demann zot nou kapab ganny akse avek zot.  Mersi.

 

MR DEPUTY SPEAKER

Mersi Onorab.  CEO.

 

CEO MAY DESILVA

Mersi Onorab.  Onorab lefe ki nou annan nou 58 cases pour le moman, i vedir poudir i pa en persepsyon.  Koripsyon i reel dan Sesel e nou’n fek fer en survey ki UNDP in fund pour nou kapab vwar ki dimoun i konpran lo koripsyon.  E sa Bidze ki nou’n demande, i se ki zot pe propoze se R11.9milyon.  Nou, nou ti’n demann apepre R14milyon.  An vi ki mon pe regard sa bann kalite ka ki nou pe gannyen.  E pour mon R11.9milyon i still en pti pe tro pti nou pour bezwen fer enpe saving nou pour bezwen regarde ki mannyer nou pe travay i annan en kantite unknowns ki nou deal avek.  Ler nou ti fek konmanse nou dir ok R8.3milyon i ok.  Ler ou regarde par egzanp mon foreign consultancy deza en sel kou i fini dan en case.  So parey mon pe dir i annan 2 ka koripsyon i annan ki deal avek bann kestyon drog – blansisaz larzan; alors mon bezwen enpe plis larzan lo sa kote lasistans foreign consultants.  Akoz mon napa sa manda travay dan en lot ziridiksyon an deor Sesel.  Lo kestyon IT equipment, nou – parey nou en lenstitisyon nou dan enforcement alors nou bezwen fer sir poudir nou annan tou nou lekipman ki ase secure nou premye dan Sesel ki nou annan nou website pour ganny hosted lo en domain ki i endepandan.  E ki osi nou annan sa website ki ou pe demande la li i pour ganny launch le 9 Desanm ki International Anti-Corruption Day so an se moman i under construction.  So i pour launch le 9 Desanm.  Mersi.

 

MR DEPUTY SPEAKER

Mersi CEO.  Nou annan en question arising Onorab William.

 

HON WAVEN WILLIAM

Mersi Mr Chair.  Mr Chair mon ti a kontan demann panel, lefe ki ou’n dir ki sa Bidze pa ase, e i annan en bon pe travay pour fer lo nivo enternasyonal mon anvi demande si ou pe konsider explore lasistans avek nou bann partner Bilateral?  An menm tan mon konnen i annan bann lorganizasyon ki pare pour ede, eski ou pe konsider fer sa pour kapab aziste enpe ki zot travay i a vin en pti pe pli leze?  Mersi.

 

MR DEPUTY SPEAKER

Mersi Onorab William.  CEO.

 

HON WAVEN WILLIAM

Mersi Onorab.  I en bon kestyon akoz nou pe konmans explore sa bann size regard pour nou fer bann louvraz Korperasyon avek bann lezot pei.  Maurice i enn e mon deza etablir en relasyon avek ICAC – L’ile Maurice.  zot annan en menm sistenm Lalwa ki nou e zot koz Kreol.  I bon marse pour nou al Maurice e pour zot vin isi.  E Commonwealth osi nou’n siny nou pe regard enpe Kontra avek zot pour zot anvoy zot bann personnel.  I still koute.  Parey mon pe dir, nou’n bezwen anvoy enn nou bann secondments dan lenvestigasyon ki Maurice/ Commonwealth ti le fer en Lagreman ek nou ki nou, nou met en bout Bidze, e zot, zot pey son air fares zot pey son saler nou, nou ti bezwen zis rod akomodasyon.  Mon ti napa ase larzan dan mon Bidze pour sa lannen.  Alors hopefully by Zanvye nou a kapab siny sa Lagreman ki enn zot bann investigation officers pour vin segondment ek Anti-Koripsyon.  Bilateral – travay Bilateral i pour mon i enportan, akoz parey mon pe dir sa i en louvraz en area ki ankor – well – nef pour nou.  Alors pour mon i enportan ki nou servi sa bann ekspertiz ki an deor.  Mersi.

 

MR DEPUTY SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair CEO in dir nou koumsa i annan enpe challenges ki pe gannyen avek sirtou avek konponan Bidze ki permet li fer public outreach program koumsa.  Mon pe regarde pour adverts oubyen pour bann events, mon pa pe vwar bokou larzan ki’n ganny bidzete.  E mon pe prezimen ki the more ki ou pe edik dimoun lo kwa ki i pour war, kwa ki zot pour veye pour koripsyon, sa i pour ed zot osi dan travay ki zot pe fer.  So akoz ki zot pa’n met vreman sa kantite larzan pour sa community oubyen public outreach programs?  E si zot pe fer li ki mannyer zot pe propoze pour fer li; an vi ki i enportan ki sa mesaz i pase avek the wider population.  Mersi.

 

MR DEPUTY SPEAKER

Mersi Onorab Pillay.  CEO.

 

CEO MAY DESILVA

Mersi Onorab.  Wi nou annan en Bidze a ki kouver pour adverts.  Selman sa i al pour recruitments sa lannen i fini.  I ase ser sa pour nou fer nou bann awareness campaigns, pour nou fer nou bann ledikasyon progranm awareness nou’n fek konmanse nou’n ganny larzan avek UNDP.  Alors mon pa pe duplicate sa larzan.  Nou pe fer en pilot program ziska Desanm la, e lannen prosenn EU in met en larzan aside avek Transparency Initiative pour nou travay lo la pour nou edik sa progranm ledikasyon.  So again i pa dan nou Bidze.  Apre nou ava vwar nou menm lo sa larzan i mean i en saving pour nou ki nou pa’n bezwen met li dan Bidze.  E lo sa kote nou pe anploy enlot prevention officer akoz zot pe al travay dan public sector e Transparency Initiative li i pour travay dan sekter piblik avek dan (sekter prive) avek dan seksyon NGOs.  So i en gran louvraz.  Pour ou travay avek plis ki 100 Government agencies pour ou monitor pour ou fer sir poudir sa ledikasyon i pe pran lefe.  Akoz i annan en kantite sistenm avek prosedir dan sekter piblik ki nou bezwen regarde poudir ki dimoun pe abide par sa bann codes of conduct.  E pour le moman personn pa pe police sa.  So i pour nou responsabilite pour fer sir as part of nou progranm prevansyon, ki sa bann keksoz pe arive.  Mersi.

 

MR DEPUTY SPEAKER

Mersi CEO.  Onorab Pillay.

 

HON SEBASTIEN PILLAY

Yes Mr Chair.  Baze lo sa dernyen bout larepons ki CEO in donn nou, i paret mon poudir zot pour annan en travay ase sibstansyel; zot pe regard tou sa code of conduct across public service.  Eski Minister Finans in pran kont lanpler sa travay ki zot annan, in terms of providing sa kalite Bidze, pour annan sa zot annan larzan zot bezwen pour investigation nou konpran me i osi enportan zot annan sa regulatory function ki pe dir nou la, ki i bezwen fer.  So eski Minister Finans in pran an konsiderasyon sa?  Si i pa en keksoz ki petet zot devret osi pran konsiderasyon pour ki i ava kapab annan ase larzan zisteman pour li kapab fer sa travay ki bezwen fer.  Si non i pour vwar li zisteman limite e pour li rely lo European Union oubyen lo UNDP.  Mon krwar sa i zis en snapshot.  I pa pour neseserman keksoz ki pour long term.  So mon ti a kontan petet si PS Finans i kapab dir nou si i annan provizyon ki zot kapab met serten additional funding dan between now e lafen lannen, pour lezot move sa set up phase to a more practice phase.  Mersi.

 

MR DEPUTY SPEAKER

Mersi Onorab.  PS Finans.

 

PS PATRICK PAYET

Mersi Mr Chair mersi Onorab.  Definitivman mon krwar konzwentman avek Anti- Corruption Commission nou diskite e vwar si i egziste par egzanp i annan savings ki zot vwar; kekfwa because of procurement process, ki zot annan ki zot kapab vire lezot landrwa.  Me tandis ki nou osi Minister Finans mon krwar, letan nou zwenn avek bann Bilateral partners nou diskite pour vwar okenn Grant element.  Akoz i egziste bann Grant deor me selman kekfwa Sesel pa pe tap in.  So nou osi nou fer sir ki nou diskite nou vwar ki kalite grant ki egziste e kwa ki i kapab facilitate the process.  Par egzanp letan EU ti pe diskit avek nou ki Gouvernman, i bezwen met en part contribution e li EU i met en parti kontribisyon.  So sa i bann diskisyon ki nou diskite avek bann lezot partners.  Me definitivman si Lasanble i vwar nesesite pour met additional during Mid-Year review nou ava revwar e konzwentman avek sa saving dan rent i kapab vire sa savings dan bann lezot areas ki i vwar ki kekfwa i enpe limite lo Bidze.

 

MR DEPUTY SPEAKER

Ok.  Onorab Pillay.

 

HON SEBASTIEN PILLAY

Mersi en dernyen klarifikasyon lo mon kote Mr Chair.  Ler nou ti zwenn Komisyoner Lapolis a 2 repriz ki nou zwenn li i ti osi koz lo lefe ki avek lantant ki i annan avek lazans enternasyonal, parfwa zot kapab annan en lentelizans oubyen sipor free of charge.  Akoz zot bann law enforcement agency zot work along sa nivo.  Eski par egzanp in a bid to minimize the cost, e parfwa sa resours ki ou napa pour rod sa bann resours enternasyonalman pour fer ou travay –  eski zot in konsidere to go through bann established law enforcement agencies ganny sipor sa bann Lazans e zot, zot a travay avek zot bann counterparts overseas, ki zot pa ava bezwen fer sa depans.  Nou konnen nou bezwen serten depans me selman ki ava limit sa depans.  Eski sa posibilite i la pour fer ki nou pa bezwen met sa kantite sa larzan dan Bidze – pa vwar pe rod ankor plis larzan pour kapab fer li?  Mersi.

 

MR DEPUTY SPEAKER

Mersi Onorab Pillay.

 

CEO MAY DESILVA

Le problenm ki nou annan dan par egzanp nou tonm anba rezyon lafrik dan Commonwealth – i annan pres 18 pei ki nou pe compete avek pour sa larzan avek sa lekspertiz.  Apre nou pe compete avek sa bann pei kekfwa ki annan – ki pli gran ki annan plis koripsyon e zot bezwen sa lekspertiz.  Parey nou’n fek nou ti pe angaz nou avek National Crimes Agency avek International Corruption Unit UK ki’n vin isi ki travay avek FIU avek nou.  E zot le asiste nou.  Be selman nou annan sa problenm parey mon pe dir nou pe compete ek lezot parey pour ganny sa larzan.  E selman zis en pwen pour sa ki PS Payet in dir lo size sa pti saving lo rent ki mon ti le follow- up avek Onorab Pillay se ki lannen prosen nou pe increase nou staffing, alors nou pour bezwen additional rent pour sa.  So mon pa pour le tous sa bout larzan akoz nou dan sa prose recruitment.  So selman i enportan pour konnen, ennler dan bann larzan enternasyonal ki available kekfwa i pa vreman zot pa donnen sa larzan pour Gouvernman; parey pour EU in pran sa larzan in donn T.I – Transparency Initiative.  Selman nou, nou gannyen morso ladan e anvi ki zot, zot napa sa manda parey nou, nou annan i fer li enpe difisil ennler pour bann NGOs tap-in pour fer sa louvraz.  So nou annan enpe konfli ladan.  So nou ava regarde e nou parey mon pe dir pour sa progranm ler ou pe travay avek over 100 agency Gouvernman, i en kantite louvraz.  E parey mon pe dir R14milyon pour nou pour sa kantite louvraz ki nou pe anticipate fer over the next 3 years, i pa en gran larzan sa.  I mean like 2.1milyon ekstra – konmsi in ganny koupe.  Pour nou a tir en Bidze ase rezonnab tou fason lo konmansman.  E nou konpran poudir napa en trou san fon.  Be selman nou le montre poudir wi, i annan en kantite unknowns ki nou deal avek.  E sirtou lo kote kot nou pour bezwen al travay an deor nou ziridiksyon e ladan menm la ki nou pour cost ase o.  Mersi.

 

MR DEPUTY SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Brefman CEO parey Onorab Adelaide ti pe dir, nou bezwen vwar rezilta.  Akoz piblik deor obviously si nou vini lannen prosen si nou demann ankor en 10enn – 12enn milyon, me selman nou pa’n ganny rezilta piblik pour enpe enpasyan.  So mon kestyon pour ou se ki eski ou annan, eski ou annan konfyans eski ou e ou satisfe avek sa travay ki’n ganny fer?  E eski ou annan sa konfyans ki ou pour kapab delivre lo serten file ki ava lead to prosecution?  Sa i en kestyon enportan.  Mon 2enm kestyon, se ki mon vwar lo bann lo bann charges i annan R300mil pour ‘security and enforcement’ eski sa i kot lakaz CEO oubyen i kot biro oubyen i pour tou lede?  Ok?  E mon 3enm kestyon well i lye avek i relye avek sa premye kestyon so mon ava restrikte mwan lo sa 2 kestyon la.  Mersi.

 

MR DEPUTY SPEAKER

Mersi Onorab Ferrari.  CEO.

 

CEO MAY DESILVA

Onorab parey mon dir i annan en kantite lekspektasyon lo anti-koripsyon.  E ler ou pe set up ou pe met tou keksoz an menm tan e ou vwar poudir nou’n launch Avril le 27 (le 27 Avril sorry) – nou’n launch li le 27 Avril e from sa Avril ziska la an menm tan ki ou pe set-up pour fer ou stratezi pour fer bann plan, ou pe train staff  -pour annan 52 ka – parey mon pe dir.  I en kantite mon pour annan 2 staff dan lenvestigasyon.  So mon pe travay avek sa ki mon annan sa lannen.  Mon’n ganny en Bidze ki set sa lannen.  So mwan mon konfidan ki nou pour annan de ka lafen Zanvye ki nou pour hand-over kot Attorney General.  So e mon krwar poudir nou staff i devret ganny rekomande pour sa travay kantite travay ki zot pe fer pour sift through en kantite lenformasyon ki nou annan.  E kanmenm zot pa tann nou, nou pe travay.  I annan detrwa case par egzanp ki nou’n fer referral. Dimoun in vini zot pa tro konnen ki sa sa koripsyon nou’n refer sa bann ka be selman nou bezwen still assess sa bann ka – nou’n refer zot.  I annan enn ki’n al kot en Minister, e sa semenn i sipoze pe deal avek.  Akoz i ganny deadline pour li deal avek nou rekomandasyon.  I annan 30 zour pour li deal avek sa case.  E akoz nou Act i allow nou pour nou fer sa.  So mon konfidan e mon krwar poudir zot ava vwar poudir lo konmansman lannen prosen, konman nou pe recruit plis staff ankor, nou pe set-up nou ava bouz enpe plis dan sa bann ka.  Lo kestyon sekirite non sa sekirite i pour biro avek bann lezot aspe sekirite ki nou bezwen.  Par egzanp ennler nou bezwen bann nou bann external drives ki encrypted.  Ler ou pe al lo en site ou bezwen annan sa bann lekipman mon bezwen borrow avek DICT akoz mon ti napa en Bidze pour sa bann lekipman sekirite.  E mon menm evidence bags mon bezwen prêt ek Lapolis.  So san menm sa bann keksoz i tonm dan sa Bidze R300mil.  Mersi.

 

MR DEPUTY SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Detrwa mo CEO ou pe dir nou poudir sa larzan ki nou pe donn ou la – sa Bidze, i ava en larzan ki vo lapenn depanse akoz dapre ou assessment pour annan rezilta e pour i pour bon pour Sesel?

 

MR DEPUTY SPEAKER

Mersi Onorab.  CEO.

 

CEO MAY DESILVA

Wi mon pe reasir ou ozordi, poudir sa larzan ki zot pe donn nou – menm si i en Bidze restrikte, nou pe delivre, nou pour delivre.  Mersi.

 

MR DEPUTY SPEAKER

Mersi CEO.  Question arising Onorab Andre.

 

HON CLIFFORD ANDRE

Mersi Mr Chair.  Mr Chair mon ti a kontan demann CEO si fodre en dimoun i vin fer en konplent formel; oubyen par egzanp si Lasanble pe diskit en size e en issue i monte, ki paret; konmsi its corrupt in practice si zot, zot take-up sa zot investigate oubyen fodre Clifford Andre i vini i vin met en konplent li?  Mersi.

 

MR DEPUTY SPEAKER

Mersi Onorab.  CEO.

 

CEO MAY DESILVA

Mersi Onorab.  Mon ava donn ou en pti breakdown in terms of ki mannyer nou’n ganny bann konplent sa lannen.  Nou annan 10 ki’n vin par telefonn dimoun in konplent par telefonn mostly zot le anonym – anonimite nou annan 5 ki’n vin par post 5 ki’n vin by email – 34 dimoun in vin dan nou lofis in vin vizite pour zot lodge zot konplent; apre 4 by other means.  Savedir nou own motion.  Si lenformasyon i vin kot nou dan nou Act i dir nou kapab pursue en ka by – on our own motion.  So lala bann sif e nenport fason ou kapab vini e lodge zot complaint.  Mersi.

 

MR DEPUTY SPEAKER

Mersi CEO.  Onorab Henrie.

 

HON GERVAIS HENRIE

Mersi Mr Chair.  Bon apre midi tou dimoun mon premye kestyon pour CEO se ki semenn pase nou ti ganny dir dan Lasanble, i annan en pozisyon en dimoun ki annan en pozisyon dan Gouvernman e Cabinet in rekomande ki ou travay i sitan enportan ki ou bezwen bodyguard.  So prezan mon anvi konnen si ou ouswa Chairman of the Board zot in ganny dir poudir natir zot travay zot bezwen annan en bod guard avek zot si bann dimoun in take care of zot koumsa.  E dezyenmman mon anvi konnen mon konnen Lapolis i fer li eski zot pey informant dimoun ki anmenn lenformasyon kot zot; eski zot annan en Bidze ki zot rekonpans dimoun pour donn zot lenformasyon ki kredib e ki zot kapab fer en travay lo la?  Mon le konnen eski zot annan en Avoka kantmenm lo retainer si i dan Bidze sa?  E finalman eski zot annan Labank Santral i annan sa ki zot apel en disaster recovery site; parske natir zot travay en dimoun i vini i met dife avek zot biro; par egzanp pour detrir tou levidans eski zot annan en disaster recovery site?  Mersi bokou.

 

MR DEPUTY SPEAKER

Mersi Onorab. CEO.

 

CEO MAY DESILVA

Non nou napa bodyguard mon napa en bodyguard.  Ziz napa nou Chair napa en bodyguard.  Nou disaster recovery site nou annan enpe larzan dan nou sekirite, be selman sa i en keksoz ki nou bezwen diskit avek Finans; akoz parey CBS ou pour vwar poudir zot, zot annan en Bidze ki set aside pour sa.  Pour le moman nou annan en sistenm be selman parey mon pe dir mon pa pour fer li piblik selman nou bezwen en Bidze pour nou address sa particular issue, akoz i pa’n dan nou Bidze.  Lo kestyon Avoka – non nou napa en Avoka lo retainer pour le moman.  Mersi.  Ankor nou pa pe pey en informants pour le moman sa ki nou, nou fer nou donn zot proteksyon.  Nou Lalwa i annan en witness protection – sa i en Bidze ki Lasanble pour bezwen regarde.  E mon fer en propozisyon avek bann lotorite ki petet sa i en keksoz ki nou kapab fer jointly avek Lapolis avek Zidisyer avek nou FIU kot zot annan en fund pour witness protection.  En fason ki tou sa bann lotorite i kapab access sa Fon, akoz ou pa konnen kan ou pour bezwen alors mon pa oule met li dan mon Bidze.  So si ou annan en fon ki zot pour kapab servi on an adhoc basis then mwan sa i mon propozisyon pour le moman.  Mersi.

 

MR DEPUTY SPEAKER

Mersi CEO.  Onorab Henrie ou ok?  Ok Onorab Pillay.

 

HON SEBASTIEN PILLAY

Zis en pti follow up lo kestyon premye kestyon nou ale.  Eski anba Contingency Fund sa ki CEO in koz lo la i en keksoz ki ganny konsidere?

 

MR DEPUTY SPEAKER

CEO.  PS.

 

PS PATRICK PAYET

Mersi Mr Chair, mersi Onorab.  I en keksoz ki kekfwa nou kapab diskit avek sa 4 Lazans konsernen e vwar dan ki konteks ki pour fer sir ki at least i annan en proper prosedir kontrol e nou ava diskit avek sa 4 lazans konsernen.  Mersi.

 

MR DEPUTY SPEAKER

Ok mersi PS.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair eski Madanm Desilva i kapab dir nou ki bann, vre treats ki petet ki’n annan dan son direksyon – sekirite la nou pe koze ki pe anpes li or retard li dan son travay ki i bezwen alor annan sa ogmantasyon dan sekirite?  E kot zot pe rent la pour ki sa?  E eski zot pe fer okenn tender?  An menm tan si i bon dir nou a ki moman ki zot krwar poudir piblik i kapab kontribye dan en case fer krwar piblik i anvi kontribye osi – a ki moman ki piblik i kapab konnen ki mannyer pour konnen poudir la i en case ou pe investigate tel tel keksoz ki i kapab kontribye petet i annan en lenformasyon e i pa konnen.  Alor sa.  E petet si PS osi i ti kapab fer en komanter lo bann issues parey housing allowance sekirite Board Members fees konpare par egzanp avek pour Zidisyer ki in ganny leve bomaten; byensir pour nou kapab vwar son … e byensir avek osi SBC ki taler ki’n ganny koz lo la konmsi pour nou kapab vwar son bann relevans e lenportans.  Mersi.

 

MR DEPUTY SPEAKER

Mersi Onorab De Commarmond.  CEO.

 

CEO MAY DESYLVA

Ok lo security threats an se moman i zis en kestyon annan safe houses pour kapab bouz kot sa bann landrwa; zis akoz natir mon louvraz.  So parey ou pe dir parey mon dir mon napa bodyguard.  Be selman mon dan secure accommodation kot mon été e sa i annan en provizyon dan en (SI) ki donn mwan sa proteksyon.  E nou rent i ganny peye par Intershore.  Nou ti Docklands avan e avek led DPA, nou’n rod en kantite landrwa pour nou move kot en landrwa ki aksesib par piblik.  E so i pa’n go through en tender process i ki sa ki ti available pandan sa letan.  E nou konnen poudir i deza annan enpe problenm rod landrwa.  So mon konpran poudir pour annan en building a Constitutional House ki nou osi nou ava ganny en floor ladan, ler i ganny batir pour le moman nou bezwen rent en landrwa.  So nou lo menm floor avek en bout biro ki Minister Finans i ladan e nou’n ganny menm pri ki zot.  Lo kote piblik wi e zot kapab si zot annan lenformasyon piblik; i anmenn zot lenformasyon kot nou e avek nou konpanny Awareness nou kapab annan enpe plis lenformasyon nou ava donn zot enpe plis lo la – as and when parey mon pe dir nou bann progranm Awareness ki nou pe fer over the next few years.  Mersi.

 

MR DEPUTY SPEAKER

Ok mersi CEO.  PS Payet.

 

PS PATRICK PAYET

Mersi Mr Chair, mersi Onorab.  Zis pour azoute lo case Board fees ki pour nou, nou rekonnet ki any Board fees swa i bezwen ganny regulate dan Lalwa parey Anti-Corruption i dan (SI) e bann lezot ki pa dan Lalwa i bezwen as per the framework ki egziste dan Gouvernman.  Sanmenm sa ki kekfwa advice ki nou bezwen donn SBC konpare avek Anti-Corruption pour li i dan son (SI) i mete properly.  E pour SBC i as per the framework ki egziste dan Gouvernman.  So sa enpe ki at least bann Agencies i bezwen konpran ki at least si i pa dan zot Lalwa i bezwen within sa framework ki egziste.  Lo sa ki konsern lo sa ki konsern housing accommodation sa osi is as per the (SI) parey pour Judiciary ki as per the law ki egziste.  So i en keksoz ki etablir dan zot Lalwa konpare avek Anti-Corruption osi i dan son Lalwa.

 

MR DEPUTY SPEAKER

Ok mersi PS.  Onorab De Commarmond.

 

HON CHARLES DE COMMARMOND

Wi.  Mr Chair mwan osi petet i bon pour konnen be Intershore li pour ki e petet pa en letan – pa konnen letan mon ti’n tande ti annan lo bann Papye en zafer lo Intershore – si demen – mon pe koz sa akoz si demen par egzanp i annan en case kont kot ou pe lwe ki ou fer?  Ou konpran se sa mon pe dir fodre petet la Minister Finans i vey byen sa bann zafer mon krwar ti a pli bon in future en lenstitisyon parey Anti- Corruption Commission pa devret dan en landrwa prive pe lwe li.  I devret petet dan en landrwa Gouvernman ki napa okenn konfli ki kapab arise at any moment ki en ledwa i kapab ganny montre lo li.  Mon zis pe dir sa.  Mon krwar i en keksoz ki devret ganny pran an konsiderasyon serye.  Me prezan an menm tan, par egzanp Attorney General avek Komisyoner Lapolis, ki zot bann sekirite proteksyon ki zot gannyen vizavi ler ou konpare avek sa bann lezot keksoz ki nou pe koze bomaten pour Zidisyer la kot Anti-Corruption ensidswit?  Akoz zot osi zot a very high risk aparaman ler ou kalkile Lapolis i ganny sa roulman drog pour li gete ensidswit. Sso ki mannyer zot vwar tousala?

 

MR DEPUTY SPEAKER

Ok Onorab mon pa tro krwar CEO pour kapab reponn sa.  Me mon pa konnen si PS i le tous sa me anyway i annan pour fer avek AG i annan pour fer avek Compol.  PS.

 

PS PATRICK PAYET

Mersi Mr Chair.  Kekfwa mon ti a re demann li sa dernyen kestyon lo ki konteks kekfwa sa konmsi ou pe demande si AG avek Compol osi i ganny sa sekirite?

 

HON CHARLES DE COMMARMOND

Non konmsi ki mon pe sey dir mon en pwen pour petet reflesir lo la sa.  Mon annan dan pei i annan serten lenstan serten pozisyon serten dimoun ki mon kapab dir zot very high risk pozisyon.  Pran Komisyoner Lapolis zot bann zafer drog anba li ensidswit tousala – ou pran ou Attorney General menm Auditor General – Anti- Corruption Commission konmsi bann Ziz ensidswit.  Konmsi ou konpran?  Letan zot pe investigate bann case – bann sityasyon serye be selman ler ou pe gete sakenn i annan en serten nivo sekirite i paret mwan. Oor petet mwan ki pe mal konpran; zot tou zot parey.  Mon ti le ou donn sa leklersisman.  Si napa sa parite dan tou sa, ki en pwen ki petet Gouvernman i devret konman mazin lo la, pour ki i annan serten balansman pour ki i kapab enn pa ganny ditou – lot i ganny tou ensidswit.  I bezwen annan en sityasyon fair dan tou sa akoz nature of zot travay.  Mersi.

 

MR DEPUTY SPEAKER

Ok.  PS.

 

PS PATRICK PAYET

Mersi Mr Chair mersi Onorab. Mon rekonnet kekfwa nou napa tou sa lenformasyon avek nou ozordi kekfwa pour vwar ki kantite sak pos – ki kalite par egzanp sekirite ki zot gannyen.  Kekfwa sa nou a fer Lasanble gannyen li osi me nou prenan an kont osi proposal osi ki at least pour annan enpe konsistan lo sa bann pos ki annan sa bann high risk eleman avek.  Mersi.

 

MR DEPUTY SPEAKER

Mersi PS.  Onorab Afif.  Onorab?  Ok nou’n fini.

 

CEO MAY DESILVA

Intershore Mr Boule i own Intershore.  Sa ki mwan mon konpran e ou’n mansyonnen si i ariv dan en ka si i annan en case koripsyon kont en dimoun ki nou pe either nou pe lwe lakaz avek. Ii annan toultan sa posibilite an vi ki Sesel i en pti landrwa.  So nou, nou en azan profesyonnel – si i annan en ka ki zot, zot annan anmennen pour nou ki nou, nou bezwen investigate regardless si i nou landlord oubyen non, si nou annan en envestigasyon nou pour bezwen investigate.  Mersi.

 

MR DEPUTY SPEAKER

Ok, mersi.

 

(Interruption )

 

MR DEPUTY SPEAKER

Yes Onorab.

 

HON CHARLES DE COMMARMOND

La i vin en lot problenm.  Nou pe koz en Dirizan Politik ki … Ou konnen mon krwar i bann keksoz ki bezwen parey wi si ou pe dir Espace i koumsa -la osi i vin en issue parey la i en pwen – en keksoz ki bezwen ganny pran an konsiderasyon Minister Finans regard ladan o pli vit posib.  E mwan mon ti ava prefere konmsi pour fer ki nou Anti-Corruption Commission i personn pa kapab montre ledwa lo li mwan mon believe i devret dan en landrwa Gouvernman.  Mersi.

 

MR DEPUTY SPEAKER

Ok Onorab pwen note.  CEO in fer sorti ki evantyelman zot pe bouze.  E wi i annan sa demann pour konstri en Constitutional House kot tou bann constitutional bodies i a kapab ganny house ladan ok?  Onorab Afif.

 

HON AHMED AFIF

Mersi Mr Chair.  Mr Chair zis pour fer en pwen lo sa issue rent mon krwar lefe ki in nonm Mr Boule e i pe dir poudir i sizere ki i annan en keksoz mal avek sa; mon pa vwar en keksoz mal avek sa i pa en parti politik li.  I en dimoun e i annan biznes i annan plizyer biznes i pe lwe en landrwa.  So mon pa vwar en problenm mon pa vwar li an konparezon avek sa ki’n deza ganny levé isi kot i ti pe ganny batiman ti pe ganny lwe avek en lorganizasyon ki li menm i politik.  E sa i diferan.  E alor sa i zis en pwen ki mon ti a kontan fer pour konmanse.

 

(Interruption)

 

MR DEPUTY SPEAKER

Order!  Order!

 

HON AHMED AFIF

Me pwen pour al direkteman dan Bidze ki mon ti a kontan koz lo la se pour CEO mon remarke lanmwatye ou alokasyon i vreman saler e i annan lezot konponan consultancy, eksetera.  Lo kestyon saler si mon ganny ou sif byen ou ti pe dir 12 staff e 12 staff pe ganny 5 – R6milyon ki vedir par mwayen sakenn mon annan R41mil; savedir sak staff i pe ganny li ekivalan plis ki en PS dan Gouvernman.  Donn mwan enpe detay lo ki nivo sa bann staff i ete – pour mon ganny en lasirans ki bann saler ki ou pe peye byensir ou bezwen profesyonnel mon konpran sa e personn pa pour kestyonn sa, me selman zot a en bann nivo ki nou kapab dir i rezonnab.  Dezyenmman si ou ti kapab dir nou sa regilasyon ki preskri bann allowances bann saler bann Commissioner si ou kapab donn nou ki dat (SI) son limero kan i ti pibliye akoz mon pa’n vwar li.  E finalman lo kote konsiltan ki ou servi – zis en sizesyon ankor pour dan en bi pour redwir enpe ou kou si napa posibilite pour network avek Minister Finans – ki osi mon konnen zot servi konsiltan pour plizyer travay finansyel, det eksetera ki zot deza pe travay avek ki petet pe kapab azout avek zot Kontra e dan sa fason i kapab redwir enpe ou bann pri.  Mersi.

 

MR DEPUTY SPEAKER

Mersi Onorab Afif.  CEO.

 

CEO MAY DESILVA

Mersi Onorab.  Sa saler i enkli saler Commissioners – 7 Commissioners avek nou staff.  So nou annan 12 staff plus 7 Commissioners.  So sa i enkli tou dan sa Bidze saler – mersi.  Epi lo kote (SI); sa (SI) in ganny pour ganny pibliye mon mazinen ozordi, akoz ti pe asize well ti kot Attorney General avek en ta (SI) mon mazinen ti annan en delay lo la.  Epi lo size konsiltan Anti-Corruption i annan nou pa le compromise nou bann lenformasyon.  So i annan en issue lo konfidansyalite pour ou pran en konmsi ale al an deor sa en keksoz formel.  Si zot annan zot konsiltan ki vin travay pour zot lo zot own financial forensics nou osi nou bezwen en pti pe regard enpe lo sa kestyon pour nou compromise enpe pour nou bann lenformasyon.  As much dan nou travay ki nou fer nou annan akse bann lenformasyon sensitive direk avek DICT; parske Lalwa i donn nou sa provizyon nou pa bezwen compromise nou lenformasyon ler nou investigations.  Selman kot i annan loportinite pour nou kapab jointly avek bann lezot Minister, nou fer li.  Lo sa ki konsern saler allowances pour bann Commissioners, sa i parey PS i dir, i dan nou Act.  Prezan zot kalifikasyon i spesifik dan sa Act i dir fodre zot annan leksperyans lo detrwa field enn ou detrwa anti-koripsyon, accounting, administrasyon, law enforcement, investigation forensic services.  So i spesifik.  I bann areas spesyalize.  So mon mazinen sanmenm sa ki zot saler i en pti pe pli o ki bann lezot oubyen mon pa ki bann lezot Boards.  Pour nou staff zot saler i pitch lo en baz rezyonal epi what ki son going rate dan sekter prive.  Akoz nou, nou pitch li lo en level ki nou konnen sa i Anti-Koripsyon e ki zot compensated pour sa louvraz ki high risk.  So sa osi i ganny pran an konsiderasyon level sa louvraz ki zot pe fer.  Mersi.

 

MR DEPUTY SPEAKER

Mersi CEO.  Onorab Afif.

 

HON AHMED AFIF

Zis en pti klarifikasyon si ou kapab dir mwan; par egzanp sa commission ki souvan zot rankontre si i pe rankontre 1 fwa par semenn oubyen 1 fwa par semenn.  Zis pour nou ganny en lendikasyon ki sa ki ou’n dir nou R16,700 ekek ki zot pe gannyen par mwan Chairman i ganny plis eksetera, si nou vwar li en sif ki zistifyab.  Mersi.

 

MR DEPUTY SPEAKER

Mersi Onorab.  CEO.

 

CEO MAY DESILVA

Wi zot meet preske 1 fwa tou le mwan; ennler zot meet plis ki 1 fwa dan 1 mwan.  Apre zot fer en kantite travay dan background – pa neseserman dan meetings nou ganny en kantite konsiltasyon ki nou fer par egzanp sa bann lekspertiz ki zot annan legal financial forensics tousala.  So nou zot travay en kantite avek nou son bann lo stratezi anti koripsyon parske zot rol i vreman en strategic role.  Mersi.

 

MR DEPUTY SPEAKER

Ok mersi CEO.  PS nou ariv moman pour vote – gid nou.

 

PS PATRICK PAYET

Mersi Mr Chair.  So pour vote lo paz 129 en sonm R1.956,460milyon.

 

MR DEPUTY SPEAKER

Ok.  Tou Manm ki an faver Bidze Anti-Corruption Commission?  Okenn Manm ki kont?  Ok, Madanm Clerk.

 

MADAM CLERK

Mersi Mr Chair.  23 Manm an faver.  Mersi.

 

MR DEPUTY SPEAKER

Ok savedir Bidze pour Anti-Corruption Commission i ganny aprouve par Lasanble Nasyonal.  Mon ti a kontan remersi CEO Desilva avek son Commissioner Ms Abdulmajid mersi pour pas letan avek nou pour eklersi bann konsern bann Manm, e nou ti ava eskiz zot parmi nou.

 

(CEO DESYLVA AND HER DELEGATION WAS EXCUSED FROM THE HOUSE)

 

 

MR DEPUTY SPEAKER

Bon nou pe ariv lafen nou lazournen ozordi – nou travay mon ti a zis kontan demann PS Payet pour gid nou pour demen bomaten lo kwa ki nou pour pran.  PS.

 

PS PATRICK PAYET

Mersi Mr Chair.  Zis avan kekfwa ti annan detrwa Lazans ki Lasanble pa ti demande pour zot vini; mon pa konnen si la ozordi nou kapab pran enpe vot sa bann Lazans bann ki’n anba Constitutional Appointees ouswa bann lezot lazans enpe autonomous.

 

MR DEPUTY SPEAKER

Ok.  Nou annan enpe letan mon krwar nou kapab fer li.  Ok ou a zis sinyal nou PS.

 

PS PATRICK PAYET

Premye i lo office Auditor General lo paz 100 pour en sonm R17.711, 760milyon.

 

MR DEPUTY SPEAKER

Ok.  Nou ava pran en vot lo Bidze lofis Oditer General.  Tou Manm ki an faver?

 

(Mic Off)

 

MR DEPUTY SPEAKER

Non i bann – wi, wi i bann Heads ki parey nou dir nou agree pour pa vin devan Lasanble ok?  Ale Onorab Ferrari.

 

HON JEAN-FRANCOIS FERRARI

Non zis pour enform Lasanble poudir Oditer Zeneral in soumet avek FPAC.  Akoz normalman in lyez avek nou e nou’n ganny letan pas lo la.

 

MR DEPUTY SPEAKER

Ok, mersi.  Nou pran en vot lo Bidze lofis Oditer Zeneral.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair.  23 Manm an faver personn kont.  Mersi.

 

MR DEPUTY SPEAKER

Bon Bidze pour lofis Oditer Zeneral in ganny aprouvasyon par Lasanble Nasyonal.  PS Payet.

 

PS PATRICK PAYET

Mr Chair.  Pour lofis Ombudsman lo paz 104 pour en lavaler R3.222, 270milyon.

 

MR DEPUTY SPEAKER

Ok.  Tou Manm ki an faver?  Okenn Manm ki kont?  Bon Bidze pour lofis Ombudsman on ganny aprouve par Lasanble Nasyonal.

 

MADAM CLERK

Mr Chair.  23 Manm an faver. Mersi.

 

MR DEPUTY SPEAKER

Ok.  PS Payet.

 

PS PATRICK PAYET

Mersi Mr Chair.  Lo paz 107 office of the Public Service Appeals Board pour en lavaler R903.530mil.

 

MR DEPUTY SPEAKER

Ok.  Tou Manm ki an faver?  Lofis PSAB.  Madanm Clerk.  Okenn Manm ki kont?  Ok Madanm Clerk.

 

MADAM CLERK

12 Manm an faver Mr Chair.  E personn kont.  Mersi.

 

MR DEPUTY SPEAKER

Ok vedir ki Bidze PSAB in ganny aprouve par Lasanble Nasyonal.  PS Payet.

 

PS PATRICK PAYET

Mr Chair.  Lot i lo paz 109 Constitutional Appointments Authority pour en sonm R1.932, 640milyon.

 

MR DEPUTY SPEAKER

Ok.  Tou Manm ki an faver Bidze CAA?  Okenn Manm ki kont? Madanm Clerk.

 

MADAM CLERK

Mr Chair 22 Manm an faver.  Mersi.

 

MR DEPUTY SPEAKER

Bon Bidze pour CAA in ganny aprouve par Lasanble Nasyonal.  PS Payet.

 

PS PATRICK PAYET

Mersi Mr Chair.  Lo paz 112 Electoral Commission pour en lavaler R6.747,320milyon.

 

MR DEPUTY SPEAKER

Ok.  Nou pran en vot pour Biro Komisyon Elektoral.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair 12 Manm an faver.  E personn kont.  Mersi.

 

MR DEPUTY SPEAKER

Ok vedir ki Bidze pour Lofis Komisyon Elektoral i ganny aprouve par Lasanble Nasyonal.  PS Payet.

 

PS PATRICK PAYET

Mr Chair.  Lo paz 117 Public Officers Ethics Commission pour en sonm R2.456milyon.

 

MR DEPUTY SPEAKER

Tou Manm ki an faver?  Okenn Manm ki kont?  Ok Madanm Clerk.

 

MADAM CLERK

Mersi Mr Chair.  12 Manm an faver.  E 1 Manm kont.  Mersi.

 

MR DEPUTY SPEAKER

Mersi savedir Bidze pour Public Officers Ethics Commission in ganny aprouve par Lasanble Nasyonal.  Wi Onorab Andre.

 

HON CLIFFORD ANDRE

Mr Speaker.  Mon vwar nou dir 12 laba i annan zis 11.

 

MR DEPUTY SPEAKER

i annan enn lo kote Lopozisyon ki pe vote.

 

(laughter)

 

HON CLIFFORD ANDRE

…akoz mon pa vwar kote isi.

 

MR DEPUTY SPEAKER

Wi, wi.  I ok.  I byen pour i ou drwa pour ou demande Onorab i byen, i byen.  OkPS Payet?

 

PS PATRICK PAYET

Mersi Mr Chair.  Lo paz 119 National Human Rights Commission pour en sonm R1.78,560milyon.

 

MR DEPUTY SPEAKER

Tou Manm ki an faver?  Bidze Human Rights Commission.  Okenn Manm ki kont?  Ok Madanm Clerk.

 

MADAM CLERK

Mr Chair. 20 Manm an faver.  Personn kont.  Mersi.

 

MR DEPUTY SPEAKER

Savedir Bidze pour Human Rights Commission in ganny aprouve par Lasanble Nasyonal.  PS Payet.

 

PS PATRICK PAYET

Mr Chair.  The last one lo paz 121 Seychelles Media Commission pour en lavaler R2.988, 650milyon.

 

MR DEPUTY SPEAKER

Ok.  Tou Manm ki an faver?  Okenn Manm ki kont? Non Madanm Clerk.

 

MADAM CLERK

Mr Chair.  14 Manm an faver.  Personn kont.  Mersi.

 

MR DEPUTY SPEAKER

O,k savedir Bidze pour Media Commission in ganny aprouve par Lasanble Nasyonal.  Bon nou fini pran sa bann Heads PS, zis gid nou en pti pe lo travay demen pour bann Manm fer preparasyon.

 

PS PATRICK PAYET

Mr Chair.  Pour demen nou pour pran tou bann Centralized Vote.  Other wages and salaries; other goods and services; social programs of Government’ e sa bann ki mon fek nonmen i lo paz 24 a paz 32 – lo sa pti – lo Summary of Expenditure.  Apre nou pour pran tou bann sibvansyon Public Enterprise;’ net lending’ apre Development Grants to Public Enterprise as well.  Apre Contingency’ avek Tax Exemption.

 

MR DEPUTY SPEAKER

Ok.  Bon avek sa nou ava … Yes Onorab Ernesta.

 

HON PAUL ERNESTA

Thank you Mr Chair.  Mr Chair lo papye osi mon’n vwar ozordi lo schedule ti pou annan Lezislatif be mon pa’n tann PS mansyonnen.  Kan nou pour pran?  Pour Lezislatif?

 

MR DEPUTY SPEAKER

Ok. PS donn leklersisman lo Lasanble – Bidze Lasanble.

 

PS PATRICK PAYET

Pour Lasanble nou pour pran Zedi bomaten, apre nou pour konmans pran pour Minister Finans.

 

MR DEPUTY SPEAKER

 

MR DEPUTY SPEAKER

Ok?  Bon Onorab Afif.

 

HON AHMED AFIF

Mersi Mr Speaker.  Mon ti a kontan zis demande parmi bann Public Enterprise petet si PS Finans i kapab gid nou, parske i annan detrwa zot si ou kapab gid nou lekel ki zot in selekte pour vini?  Parske mon panse enn bann gro se Air Seychelles petet PUC, zot osi zot gro.  Si ou kapab gid nou en pti pe.  Mersi.

 

MR DEPUTY SPEAKER

Ok mersi Onorab.  PS.

 

PS PATRICK PAYET

Mersi Mr Chair mersi Onorab.  Zis pour azoute ki lo bann Public Enterprise Air Seychelles son Minis pour attend.  Apre lo PUC osi nou’n advice ki son Minis avek son CEO pour attend – as well.

 

MR DEPUTY SPEAKER

Ok.  Bon avek sa mon krwar mon ava remersi tou dimoun ki’n a lekout e tou bann osi ki’n PS avek ou 2 teknisyen avek ou.  Mersi bokou.  E nou ava pran en adjournment e nou ava retournen demen 9er bomaten.

 

(ADJOURNMENT)