Home » Verbatim » 2017 » Verbatim Friday 24th November, 2017

Verbatim Friday 24th November, 2017

NATIONAL ASSEMBLY OF

SEYCHELLES

 

Friday 24th November, 2017

 

The Assembly met at 9am

 

National Anthem

 

Moment of Reflection

 

Mr Deputy Speaker in the Chair

 

DEPARTMENT OF PRISON

 

MR DEPUTY SPEAKER

Bonzour tou Manm Onorab bonzour PS Payet, Mr Thesee Madanm Verghese e bonzour tou oditer ki a lekout, ki pe kontinyen swiv deba Bidze 2018.  Mon napa okenn lanons pour mon fer bomaten.  So alor nou pour al direkteman dan nou travay e mon ti ava kontan mon ti a demann Parliamentary Reporter pour nou kapab apel Minis Dezinyen Minis Macsuzy Mondon.  Bomaten nou pour nou pour re amann ankor Bidze Prizon, apre nou osi annan Lofis Mer Lavil ki tonm anba Minis Dezinyen ki nou ava kapab pran en vot lo la.  Ok?  Lofis Mer Lavil i lo sa lalis ki dan ABC ki nou ti deside lefe ki son Bidze pa gro i napa bann gran, gran varyasyon nou pour zis pran en vot lo la.  Pour kontinyasyon lo Bidze Prizon mon pa pour ouver lalis pour kestyon.  Nou a zis bann klarifikasyon ki Minis Dezinyen pour vin fer avek nou and from there mon kapab donn enn oubyen de kestyon and then nou ava move on.  Mon ti a kontan welcome Minis Dezinyen parmi nou -Madanm Macsuzy Mondon.  Minis bonzour e welcome.  Petet mon a donn PS Payet laparol premye, apre swivi par Minis apre nou ava ouver zis pour detrwa Manm pour demann kestyon.  PS Payet.

 

PS PATRICK PAYET

Mersi Mr Chair.  Bonzour Mr Chair bonzour tou Manm Onorab e tou dimoun ki a lekout.  Zis pour azoute Mr Chair ki apre rekomandasyon Lasanble, Divizyon dan Internal Audit dan Minister Finans, Trade e Economic Planning nou pe travay lo sa konponan Bidze “Uniform” pour nou revwar en pe lafason prosedir ki procurement ki’n ganny fer pour uniform.  E aktyelman la nou tim pe finaliz rapor.  E by Vandredi next week nou pour fer FPAC ganny en kopi sa rapor Internal Audit ki ava donn zot the prosedir ki’n ganny fer lo Bidze “Uniform.”  Sepandan osi ki nou’n fer se nou’n stop prosedir so uniform aktyelman pa pe ganny koud ozordi depi ler deba in fer dan Lasanble.  Aktyelman napa personn ki pe koud uniform.  E nou’n stop.  Ti annan zis 7 uniform ki ti’n fini fer en pe prosedir pour koud.  Latwal ti’n fini aste sepandan koud pa ti ankor fer zis 7 ladan ki ti dan staz pe fer e sa osi nou’n stop.  Apre nou ava pran en desizyon ki nou pour fer dan sa 7 ki sa servis provider in fer.  So avek sa Mr Chair, mon pa konnen si nou pour pran antye the Ministry of Home Affairs, akoz I annan 3 vot anba la.  Selman nou pour pran zis en sel vo. t I annan 3 Departman anba la.  Mersi.

 

MR DEPUTY SPEAKER

Ok mersi PS Payet.  Minis oule azout keksoz?  Go ahead Minis.

 

DESIGNATED MINISTER MONDON

Mersi Mr Chair.  Bonzour Mr Chair, bonzour tou bann Manm Onorab e tou dimoun a lekout.  Mr Chair parey PS in anonse audit pe ganny fer e nou ava atann rezilta rapor audit pou nou kapab fer bann travay ki nou annan pour nou fer.  Nou ava atann bann rekomandasyon ki pour sorti dan audit.  E Minister ava konsider e pran bann aksyon lo bann rekomandasyon ki sorti.  E parey bann Onorab in okouran osi nou annan en nouvo devlopman kot Sirentandan Vic Tirant in resign.  E nou annan en Sirentandan ki pe act pour le moman e in antre dan Prizon pour li kapab konmans deza serten travay avek Management Prizon.  E swit a sa osi, parey mon dir letan nou ganny rapor odit nou ava follow-up e fer tou bann lezot keksoz ki annan pour nou fer lo la.  Mersi Mr Chair.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Bonzour Mr Chairman, bonzour Minis Dezinyen, bonzour tou Manm Onorab e PS Finans.  Mon ti ava kontan konnen – parske la pour le moman i annan sa audit ki pe ganny fer e PS in dir avek nou i pour donn nou rezilta sa audit ki i pe fer, e alor mon ti ava kontan ki sa sonm ki tou sa bann sonm ki tou sa bann sonm ki anba kestyon – vi ki sa i riske al ase vit, me selman la pour le moman pour nou kapab pran en vot annou tonm dakor ki nou ava zis sispann sa bann sonm, ziska ki nou ganny sa rapor odit.  e si nou sispann sa sonm, epi nou pran en vot e nou kapab bouze.  Parske sete sa bann pwen ki ti anba kestyon.  Mersi Mr Chairman.

 

MR DEPUTY SPEAKER

Mersi Onorab Ramkalawan.  Onorab De Commarmond.

 

HON CHARLES DE COMMARMOND

Mr Chair mersi.  Bonzour.  Bonzour Minis avek PS avek tou dimoun.  Mon agree avek sa mon krwar i fason ki nou kapab bouz devan, pour nou keep moving.  Letan sa rapor I a vin devan FPAC from there lyez avek PS si nou pa ankor.  Si nou fini avek Bidze nou a lyez parey nou labitid e keksoz i ava debloke, nou ava kontiny lavi normal.  Mersi

 

MR DEPUTY SPEAKER

Mersi Onorab De Commarmond.  Bon mon ava demann PS pour gid nou lo vot.

 

PS PATRICK PAYET

Mersi Mr Chair.  Zis pour azoute ki nou pour pran vot pour Regional Center; Seychelles Police – Seychelles Prison Services ki anba Ministry of Home Affairs ki en total R468.940.570milyon.  Me sepandan anba Departman Prizon, nou pour sispann vot “uniforms” ki la valer R1.36milyon e osi “clothing and bed linen” ki en la valer R1.03milyon.  Nou pour sispann sa 2 vot.

 

MR DEPUTY SPEAKER

Ok.  Onorab Ramkalawan.

 

HON WAVEL RAMKALAWAN

I annan plis ankor ; konsernan sa batiman tou nou ti pe poz kestyon lo la ; parske pa ti kler i annan sa batiman e Sekirite.  Batiman i R13.8milyon e apre i annan R16.3 pour Sekirite, pour ki tou keksoz i ava ganny eklersi.  Annou met en pause – konmsi i ava vin en total i ava vin en total konbyen R16.3 – R13.1.. I a vin en sonm R31.3milyon ki ava well let’s use the word ki’n ganny ‘freeze.’

 

MR DEPUTY SPEAKER

Mersi Onorab.  PS.

 

PS PATRICK PAYET

Wi Mr Chair nou prenan kont ki anba ‘’service agreement’’ osi i annan sa bout “sekirite and enforcement” R16.3 e osi anba “building and infrastructure” R13.7.

 

MR DEPUTY SPEAKER

Ok bon.  Nou ava alor dan en pozisyon la mon a demann Lasanble pour nou pran en vot lo Ministry of Home Affairs parey PS in dir i annan sa 3 Heads anba la. Ok?  Tou Manm – e prenan kont sa amount ki’n ganny freeze.  Ok?  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  Bonzour tou bann Manm bonzour tou dimoun.  I annan 28 Manm an faver personn kont.  Mersi.

 

MR DEPUTY SPEAKER

Ok.  Mersi savedir Bidze pour Minister pour Home Affairs in ganny aprouve par Lasanble Nasyonal.  Ok, mon a zis demann PS pour gid nou lo lot bout ki nou pour pran.

 

OFFICE OF MAYOR OF VICTORIA

 

PS PATRICK PAYET

Mersi Mr Chair nou annan en lot vot ki tonm anba Designated Minister ki Lofis of the Mayor of Victoria ki pour en sonm R4.923, 50milyon lo paz 416.

 

MR DEPUTY SPEAKER

Yes.  Mersi PS.  Parey mon dir oparavan i enn bann vot ki nou ti agree lo ABC – lefe ki napa gran varyans nou pa pour kriy Mer Lavil pour nou kestyonn son Bidze.  E nou ti agree ki i straight forward nou pour pran en vot lo la.  Alor mon a demann tou Manm ki an faver lo vot lo Bidze Lofis Mer Lavil pour lev lanmen?  Okenn Manm ki kont?  Madanm Clerk.

 

MADAM CLERK

Mersi Mr Chair.  27 Manm an faver e personn kont.  Mersi.

 

MR DEPUTY SPEAKER

Savedir Lasanble Nasyonal in aprouv Bidze pour Lofis Mer Lavil.  PS Payet mon krwar nou’n fini avek Minis Mondon ok?  Minis mersi bokou pour vin avek nou sa pti letan bomaten pour nou bann klarifikasyon, apre pour fini ou vot.  Nou ava eskiz ou parmi nou.  Mersi Minis.

 

(MINISTER MACSUZY MONDON WAS EXCUSED FROM THE HOUSE)

 

MINISTRY OF FAMILY AFFAIRS

 

MR DEPUTY SPEAKER

Bon nou prosen Minister ki nou pour pran se Minis pour Zafer Lafanmir.  mon ava demann Parliamentary Reporter pour apel Minis avek son delegasyon.  PS ou ava zis gid Lasanble.  Mersi.

 

MINISTRY OF FAMILY AFFAIRS

 

PS PATRICK PAYET

Mersi Mr Chair.  Zis pour azoute ki akoz son PS, i annan en fonksyon bomaten nou pour konmans avek ‘the benefit avek programs of social protection’ e sa i lo paz 34 ‘summary of expenditure’ par egzanp bann retirement benefit e tou bann benefit avek bann Scheme anba Sekirite e Proteksyon Sosyal.  E the CEO osi ASP pour attend bomaten.

 

MR DEPUTY SPEAKER

Ok, ou pe koz lo pti 34 sa non?

 

PS PATRICK PAYET

Wi, wi.

 

MR DEPUTY SPEAKER

Ok.  Bon mon ti a kontan welcome Minis Simeon, Minis pour Zafer Lafanmir parmi nou.  I akonpannyen par Mr Marcus Simeon ki CEO pour Lazans Proteksyon Sosyal e son Financial Controller Madanm Lucy Lespoir ; e osi PS pour Family Affairs Department Madanm Marie- Josée Bonne.  Nou ava fer prosedir parey labitid tou Manm ki pour demann kestyon mon le vwar en show of hands.  Clerk ek Deputy Clerk i ava note.  Ok, Madanm Clerk.

 

MADAM CLERK

Mersi Mr Chair.  Lo kote Parti Lepep, mon annan selman Onorab De Commarmond, Onorab Sebastien Pillay, Onorab Simon Gill e Onorab Egbert Aglae.  Mersi.

 

MR DEPUTY SPEAKER

Deputy Clerk.

 

MADAM DEPUTY CLERK

Mersi Mr Chair bonzour tou dimoun.  Lo kote LDS mon annan Onorab Ramkalawan, Onorab Afif, Onorab Ferrari, Onorab Esparon avek Onorab Andre.  Mersi.

 

MR DEPUTY SPEAKER

Madanm Clerk Onorab Sophola osi en.  Bon mon a konmans avek Onorab Aglae.

 

HON EGBERT AGLAE

Mersi Mr Chair.  Bonzour PS CEOs avek ou delegasyon tou Manm tou dimoun a lekout.  Mon kestyon anba lo paz 34 anba ‘approved programs ASP’ vi ki lannen pase ti annan dan Bidze ti annan espesyalman kot i konsern Home Carers kot ti annan serten konsern lo lafason pour Bidze Home Carers, apre mannyer bann progranm ti pe deroule anba Home Carer ;s sirtou kot i konsern sipervizyon, si zot pe antreprann serten konponan pour kapab annan the proper supervision pour fer sir ki sa bann Home Carers pe ganny peye anba sa Home Carers Scheme zot pe fer zot travay, ki ava minimiz serten konplent ki serten kliyan tanzantan – CEO, ou okouran sa ki pe call poudir sa bann dimoun pa pe delivre.  E menm pe a en pwen kot sa bann nou bann vyeyar, nou bann dimoun ki pe benefisye anba sa Scheme zot pe ganny mal anmennen dan li menm.  Mersi.

 

MR DEPUTY SPEAKER

Mersi Onorab.  PS – CEO Simeon.

 

CEO MARCUS SIMEON

Mersi Mr Chair.  Bonzour Mr Chair bonzour bann Onorab e tou dimoun ki a lekout.  Wi Home Carers i enn i 2enm pli gran laliny dan Bidze sa bann dan sa group social programs kot Lazans Proteksyon Sosyal i administre.  E si nou pa fer sir, i pour kontinyen ogmante a en to alarman.  Konmansman sa lannen 2017, nou’n konmans lo en progranm profesyonalizasyon pour Home Carers in konmans avek training ki’n konmans an Mars e sa i ongoing up to now dan sa apepre 3,352 Home Carers ki nou annan, nou’n kapab train anviron 200.  Progress i slow wi, akoz an teori sa bann Home Carer i anploye avek zot bann resipyan.  Nou pa kapab tir zot tou en sel kou pour fer training i bezwen annan en striktir an plas kot ler nou pe fer group par group kot sa servis li menm, i pa ganny afekte.  Dan sa 3,352 wi i annan en poursantaz ladan ki nou konnen pa pe delivre o nivo.  Pour administre sa Scheme nou annan 7 staff kot nou pour administre 3,352 dimoun ansanm avek resipyan ki fer apepre 7mil ekek dimoun an tou.  I pa fasil.  Dan Bidze 2018 nou’n fer rekomandasyon, kot nou’n ganny en adisyonnel 5 staff internally pour ede dan sa administrasyon sa unit.  E si ou gete moving forward 2019.  I annan en gran ogmantasyon apepre 4milyon kot i annan en gran striktir ki pe tonm an plas kot nou pour vwar apepre en bon pe plis dimoun ; sirtou lo teren kot distrik deor kot parey en pe parey i ti annan avan.  Me selman kot en pe pli formel pli en pe pli formel kot zot reponn direkteman a lazans oubyen sa unit ki pour vin devan demen ki pour ede dan sa positive monitoring evalye louvraz – sa servis ki nou pe donnen i a nivo.  Nou pe fer training pour li vin lo en standar e ler standar i ganny met an plas fer sir ki sa standar i reste la.  Louvraz ankor ki nou annan pour fer se pour le moman parey ou konnen Home Carers bann dimoun ki travay dan bann da sa sekter, zot travay anba en Scheme.  I pa en lanplwa formel.  Zot tou la zot okouran sa bann difikilte ki bann Home Carer i gannyen akoz zot pa rekonnet konman en vre anployer.  Vizyon demen se ki ler nou’ fer sa training standar into play – nou – i antre anba swa Lazans oubyen anba en body respektif ki pour anploy tou sa bann Carers.  Demen ou oubyen mon nou bezwen Carer nou pa ale dan distrik oubyen nou rod en dimoun ki pa travay oubyen bann fanmir ki unskilled zis pour met li la.  Nou al kot sa Lazans ki annan bann train dimoun ki pour kapab delivre sa servis.  Home Care i en ekstansyon, en Servis Lasante ki ganny donnen Lopital oubyen dan Klinik nou bezwen e sa pe ganny donnen kot lakour.  So nou bezwen valoriz sa servis e met li lo standar ki pour vreman kapab ganny vre valer pour larzan.  Mersi.

 

MR DEPUTY SPEAKER

Mersi Mr Simeon.  Onorab Aglae.

 

HON EGBERT AGLAE

En pti siplemanter Mr Speaker.  CEO i byen sa ki ou pe dir, mon dakor ek ou – ler ou pe ler i annan sa Scheme ki an plas ou pe dir mon en keksoz ki nou bezwen fer kler kot i konsern ‘duties and responsibilities’ anba la mon pa pe koz saler la mon pe koz ‘duties and responsabilities,’ akoz nou bezwen fer li kler.  Akoz i annan i annan Carer ki li i pa – mon a donn ou en legzanp – i pour al akonpanny son kliyan Lopital, al sers son preskripsyon, al sers son larzan, i annan son pti konmisyon, me i annan li i dir ou li pa son responsabilite fer sa swa en manm fanmir fer sa.  Mon ti a kontan ki sa i ganny fer avek tou Carers konn byen ki zot ‘duties and responsibilities’ – en mannyer ki tou dimoun pe travay lo menm keksoz i konnen ki i annan pour fer.  Mersi.

 

MR DEPUTY SPEAKER

Ok, mersi Onorab.  I en sizesyon mon krwar Mr Simeon in take note.  Onorab Sophola.

 

HON NOLINE SOPHOLA

Bonzour Mr Chair bonzour tou dimoun.  Mr Chair mon ti annan en kestyon pour Mr Simeon.  Parfwa nou ganny sa bann Home Carer zot pe travay avek 2 dimoun, me selman problenm ki vini se ki zot pe ganny zis en saler.  E lot petet osi sa i ariv Mahe, me mon mon pe koz lo La Digue presizeman akoz nou ptipti.  Kan sa Carer pe travay i pran konze i pran son 21 zour oubyen whatever, i rod en dimoun pour travay avek sa pour ranplas li.  E i ganny bokou difikilte – (1) pour nou ganny en dimoun pour ranplase.  E ler nou ganny sa dimoun pour ranplase in arive parfwa mon osi mon bezwen entervenir ki dir, non mon pa pour kapab pey sa dimoun met plizyer problenm ki vin avek.  Petet enn fwa pour tou eksplik ki prosedir ki fodre ganny fer, nou tou nou ava konnen.  Mersi.

 

MR DEPUTY SPEAKER

Mersi Onorab.  CEO.

 

CEO MARCUS SIMEON

Mersi Onorab.  Mersi Mr Chair.  Home Care sistenm li menm li i vre i serten sistenm ki pe kouver en ta dimoun ki vast e pour le up to now, ti napa bokou kontrol ti napa standar ki ti ganny met an plas.  Problenm i baze ki sa bann Home Carers – an teori i pa anploye avek Lazans.  Se sa dimoun ki menm li al rod son dimoun ki apre Lazans atraver Bidze ki i gannyen, i pey sa allowance dan ki sa bann dimoun i gannyen and there lies the problem.  Ki bor – who’s accountable pour sa?  Pour le moman onus i lo sa endividi – pour li al rod sa dimoun.  Me nou anvi sanz sa akoz i pa pe marse fodre ki nou ganny sa body an plas ki i kapab nou pe vwar li i kapab vin Lazans demen, en unit dedicated pour sa kot zot, zot take ownership of sa bann Carers.  Akoz bi major reform dan Home Care, se pour met standar an plas pour sa bann dimoun kapab ganny anploye formelman pour zot kapab ganny vwar konman a en nenport ki anployer zot louvraz i ganny valorize e i pour annan improve monitoring pour bann keksoz koumsa pour arive.  Me an tou improve service delivery ki pe arive la deor si ou pa pe fer mal nou kapab dir, lala parey Onorab Aglae in mansyonnen nou pour annan en job description pour tou sa bann dimoun ki zot responsabilite.  Me apre osi, nou pa kapab dir Marcus Simeon ki’n train konman en Carer level 1 oubyen intermediate phase, pour annan diferan staz training. E sa rezon d’etre i pour bezwen match avek needs sa dimoun deor.  Si en dimoun deor li i bezwen pli advance care parey nou pe vwar i annan bann ka ki dimoun i bezwen Carer lo 24erdtan.  Me nou Scheme an teori i pa kouver pour sa i annan zis 2 modalité swa sa half day swa full day, i annan dimoun ki bezwen plis i annan dimoun ki bezwen mwens.  So tousala i bezwen come unto mars.  I annan bann diskisyon ki nou pe fer ansanm avek nou bann partners Minister Lasante i key ladan, pour vreman sanz sa fason ki assessment i ganny fer.  Mersi.

 

MR DEPUTY SPEAKER

Mersi Mr Simeon.  Onorab Sophola.

 

HON NOLINE SOPHOLA

Sorry, mon pa konnen si mon ki pa’n tro konpran ou, mon pa’n konpran ler ou’n dir sa zafer ki sa dimoun sa Carer pe travay avek 2 dimoun.  Apre pour mon sa ki mon prensip se ki nou kapab annan pli bon progranm.  Si nou napa sa swivi nou napa sa monitoring la nou pour tonm ankor kot nou ti sorti e se sa ki manke.  E mwan mon pour dir, i annan Carer ki pa oule travay pour plis ki 8 zour zot ganny zot saler plen.  E mon asire ki ou lofis pa konnen ki sa bann keksoz pe pase.  E sa pov sa pov dimoun la sa vye dimoun la se ki si en vwazen pa pe ed li pour ganny en morso manze i pa gannyen.  E zot pa pe konnen ki sa dimoun pe ganny son full salary.  E se sa ki mon dir fodre nou annan sa sistenm monitoring.  Eksplik mon en pti gin sa Carer pe travay avek de dimoun.  Mersi.

 

MR DEPUTY SPEAKER

Ok mersi Onorab.  Petet CEO avan mon donn ou laparol lo menm pwen ki’n leve kot en Carer pe travay avek 2 dimoun ki mannyer son reminerasyon i marse?  Eski i ganny peye zis pour en dimoun oubyen i ganny en allowance on top or whatever ?  Go ahead CEO.

 

CEO MARCUS SIMEON

Mersi Chair, mersi Onorab.  Pour ou kestyon.  To be clear pour le moman i annan zis 2 modalité Carer dan Scheme Carer.  I annan half day full day anything outside of that nou bezwen apros li lo en case- by-case basis.  I annan bann dimoun ki pe travay ki bezwen 2 Carers,  ouswa i annan 2 dimoun ki pe travay avek.  Sa nou’n fer polisi avek Minister Lasante en pe parey Nursing Assistant pour nou donn zot en allowance an plis.  Mon krwar nou donn en R600 en R700 an plis lo la.  Me problenm se ki nou pa kapab zis ale an gro fer sa nou bezwen aranz sa Scheme Carer li menm li, anmenn sa bann standardizasyon an plas.  I annan landrwa kot nou sosyete mannyer pe arive parey i annan gro dimoun i annan dimoun ki en pe gro en Carer tousel i ganny difikilte pour lev zot.  Nou konn sa dan distrik.  Dan distrik Port Glaud nou konnen i annan case i annan lezot distrik ankor ki annan cases, kot sa Carer pe ganny vre difikilte.  E i anvi travay li me selman i annan bann lezot pti – ou konpran?  Nou’n kit li li tousel lakaz laba li debourye, me selman i pa pe kapab mars koumsa nou bezwen anmenn sa standardizasyon dan sa travay.  Apre ou’n nonm lo kote prosedir.  Tousala i pour ganny aranze pour le moman nou’n vwar poudir ki ler en dimoun i pran konze i dir mon pe pran mon konze la la mon dimoun i al dan distrik, sa lenformasyon pa ariv anba kot HQ pour nou kapab fer prosedir.  Tousala nou’n dir nou bezwen rod en fason ki sa lenformasyon i pase, i arive.  E nou konmans en sistenm an plas depi Oktob depi lafen Septanm sorry e nou pe vwar li pe marse pour le moman lenformasyon nou pe gannyen byen kredib.  Akoz anler i vin ou dir en keksoz nou, nou dir nou pa konnen.  La nou ganny en landrwa one point ki tou keksoz i marse.  Mersi.

 

MR DEPUTY SPEAKER

Mersi CEO.  Minis ou le dir en keksoz?  Go ahead Minis.

 

MINISTER JEANNE SIMEON

Bonzour Chair bonzour tou bann Onorab, e tou dimoun a lekout mon ti a kontan zis azout en keksoz lo sa ki CEO pe dir, lo sa ki konsern servis Home Care.  I annan en Bill ki pe vin devan Lasanble very soon lo kreasyon en National Council for Elderly.  E sa once nou’n etablir bann standar, nou’n annan nou training pour nou bann Carers sa body li i pour regulate, tou bann servis ki nou bann elderly pour gannyen.  Mersi.

 

MR DEPUTY SPEAKER

Mersi Minis, enn de bann question ki pe arise la.  Onorab Audrey Vidot.

 

HON AUDREY VIDOT

Mersi Mr Chair.  Bonzour tou bann dimoun prezan, bann dimoun ki a lekout.  CEO zis en leklersisman kler en lo sa size parey si en Carer i pe travay avek 2 dimoun ou’n dir poudir i annan de fwa ki zot ganny en allowance ; i zis bann ki petet i en nursing assistant oubyen bann Carer la aktyelman ki pe travay avek 2 dimoun?  Akoz  i paret mwan ki i annan dimoun pa pe gannyen sa allowance.  E vi ki nou pe koz lo Carer, i annan bann manman bann paran oubyen papa ki sipor ki pe travay avek zot zanfan ki Autism ; ki sipor adisyonnel ki zot donnen dan bann ka parey?  Letan akoz zot pa pran konze preski ditou sa bann dimoun ki mannyer zot ganny serten sipor avek lazans prenan kont parfwa bann challenges zot gannyen.  Sa bann dimoun menm pour pran en loan, zot pa … labank pa oule otoriz zot pour gannyen zot dir si sa dimoun i mor menm si sa manrmay i ankor for i annan son autism ki pour viv ankor en pe letan, zot pour ganny sa bann struggle.  Ki mannyer Lazans oubyen Minister i ed zot?  Mersi.

 

MR DEPUTY SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab pour kestyon.  Pour dernyen problenm i la dan Home Care i pa en lanplwa pour le moman.  Ler demen sa restriktirasyon i arive kot zot ganny anploye formelman i ganny sa training i konnen ki pour fer standar i ariv an plas, then i pour annan sekirite pour kapab al avek kot labank laba i poudir labank la la mon lanplwa, mon pe travay konman en Home Carer mon annan proteksyon, mon en anployer.  So pour le moman sa en gran problenm ki Home Carers pe gannyen dan en pa en zot sort of enformel formel nenport ler i kapab kite demen.  Home Carers pa zis manrmay zot pe travay avek en dimoun aze zot pass away i fini.  Akoz zot relasyon i ant zot avek sa resipyan me nou anvi relasyon i vin zot avek sa body ki plas zot pour al travay avek sa dimoun.  So demen ler i bezwen ler en keksoz i arive zot lanplwa i secure, nou zis replas zot avek en lot dimoun.  Wi, i annan bann travay.  Apre pour bann Carers ki ou pe dir ki pe travay avek 2 dimoun parey nou’n dir sa i en case-by-case approach.  I annan i annan en pe nou doute ki nou pa okouran kot zot pe fer a volonte, me selman ler zot vin devan nou capture zot e nou fer le neseser.  Mersi Onorab.

 

MR DEPUTY SPEAKER

Mersi CEO.  Onorab Esparon.

 

HON REGINA ESPARON

Mersi Mr Speaker bonzour tou bann dimoun.  Mr Speaker mon ti a kontan demann CEO following sa kestyon demande par Onorab Vidot, pour bann paran ki pe travay avek zot zanfan i napa personn ki kapab okip sa zanfan apar  sa paran.  La mon pran parey en ka kot dan distrik parey Anita pe travay avek Jayden epi mon mazin Madanm Payet i travay avek Mary.  Sa bann paran zot demande pour ganny peye zot konze.  E avan sa ti pe pey zot, zot konze be an se moman i annan serten Polisi ki pe sanze ki pe anpes zot ; zot pa pe allow sa bann dimoun pour ganny peye zot konze.  Me selman ou pe demann sa dimoun pour al rod en lot dimoun an deor, pour vin fer sa travay pandan letan ki i dan sa konze?  Prezan mon pe regarde case-to-case basis parey ou pe dir.  Eski sa bann dimoun pa kapab ganny aprouvasyon pour zot menm zot ganny peye pour travay avek sa zanfan?  An vi ki parfwa i annan sirkonstans kot napa personn ki pour kapab handle sa zanfan oubyen handle sa sityasyon kot apard sa paran.  Mersi.

 

MR DEPUTY SPEAKER

Mersi Onorab.  CEO Onorab Ernesta in sinyal mwan li osi son kestyon ti pe al dan menm laliny ; savedir i annan en konsern.  Mon a donn ou laparol CEO.

 

CEO MARCUS SIMEON

Mersi Mr Chair.  Mersi Onorab pour ou kestyon. i enn vreman pertinan i baze pirman lo Bidze ler nou annan scope dan Bidze pour cater pour pey konze in-lieu, nou kapab fer li.  Me selman la nou en pe tight, sanmenm sa nou’n dir la malerezman nou’n frenm en pe.  Nou pe sey rod fason pour kapab ede me parey ou’n tande dan speech Bidze li menm li ki Minis Finans in anonse nou bezwen rod bann lezot modalité.  Akoz problenm kle se ki nou pa pe donn bann paran en respite.  Zot la 24erdtan avek zot zanfan zot pe roul la devir la kot zot pe rod en sipor poudir – ed mwan.  Anler zot dir, sa larzan wi me selman zot pe rod en sipor pour donn zot relief.  Minis Finans in anonse dan son Budget Speech kot nou bezwen rod bann lezot modalité servi bann fasilite ki annan an plas pour donn sa paran, en pe respite – kanmenm en  zournen pour tir sa bann zanfan ek zot.  Kot i annan bann lezot teknisyen ki kapab ede.  Parey  dan Hospice  PS i kapab koriz mwan ; -bann lenstitisyon koumsa.  So sa ansanm avek bann Minister kot nou, nou pe travay nou bezwen travay pour nou met an plas pour donn sa paran sa relief sa vre relief ki i bezwen akoz ou donn li sa larzan i ale me ki i pe vreman rode se sa relief, pour li kapab ganny en sans pour respire – re ganny lenerzi pour li kapab ale al ed son zanfan pli byen posib.  Mersi.

 

MR DEPUTY SPEAKER

Ok mersi CEO.  Onorab Simon Gill.

 

HON SIMON GILL

Mersi Mr Speaker bonzour Mr Speaker bonzour Minis avek ou delegasyon bonzour tou koleg Onorab bonzour tou bann Manm piblik.  Mr Speaker nou pe adres en size ase sansib.  Dan nou budget line mon vwar en ‘National Council for the Elderly. ’ Mon’n tann reprezantan kot Minister in dir ki nou annan progranm oubyen i le fer provizyon pour  met an mars en Council for the Elderly.  Pour en lot Council oubyen en lot Council pour al reform li pour redefine son bann rol avek responsabilite pour nou kapab azour avek sa nouvo dinamik.  Lot issue nou bezwen kler lo ki time frame nou pe koz lo la nou pe koz 1mwan – 2mwan – 3mwan lafen lannen 2018?  Nou annan nou en problenm la.  Nou bann dimoun aze serten i dan petren nou bezwen rezourd sa problenm dan en lespas letan rezonnab.  Nou annan nou bann dimoun aze ki napa Carer avek zot.  Nou bezwen adres sa bann sityasyon.  Nou bezwen bouze mon pe dir ankor dan en dele letan ase kourt.  Mersi bokou.

 

MR DEPUTY SPEAKER

Mersi Onorab Gill.  Mon donn ankor laparol Minis mon krwar mwan osi, mon annan serten dokiman avek mwan, i paret depi 2015.  Napa en Konsey pour Elderly.  Sa Konsey ki ti la zot manda ti ganny extended.  Apre konmansman 2015 zot ti ganny terminate.  Petet Minis osi i a kapab eklersi nou, depi 2015 ziska la, lekel ki’n run Homes for the Elderly?  Akoz  dapre Lalwa i ti pe ganny run par the Council ?  E Bidze osi tou lekel ki’n aprouv spending Bidze?  Minis laparol i pour ou.

 

MINISTER JEANNE SIMEON

Mersi Chair.  Mersi Onora pou ou kestyon.  Konsey ki nou pe vin avek i nouvo Konsey.  Nou’n redefinir son bann rol.  E pe ganny anvoye kot Lasanble – si pa ankor fini ariv kot zot la, pour debat lo la.  E as soon as ki Lalwa i ganny aprouve, nou pour met li an mars akoz provizyon. in already mete dan Bidze, pour nou kapab pour nou kapab bouze as soon as possible.  Pour sa lapse of time of ler the previous Konsey avek la, nou annan nou pour le moman en Caretaker Committee travay avek administrater bann Homes for the Elderly pour nou kapab donn sa servis antretan ki new Lalwa i vin an viger.  Mersi.

 

MR DEPUTY SPEAKER

Mersi. Onorab Gill ou ok?  Ale go ahead Onorab.

 

HON SIMON GILL

Mr Speaker, mon pa ok, akoz nou pa’n ganny en dele letan.  Mon ti ava voudre ganny en dele letan nou annan en timing bomb pe tik kot sak lakaz nou bann dimoun aze ki napa sa care ki zot bezwen gannyen.  Zot pe suffer en pe.  Zot annou donn nou en dele letan pour nou kapab akonplir sa misyon e donn care ki enn nou bann prensip ki nou’n stand for e nou ankor pe stand forCare pour nou bann dimoun aze nou bezwen bouze tro bokou letan nou’n kit sa sityasyon dan lenpas.  Donn nou en dele letan silvouple.  Mersi.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Chair.  Parey mon dir Bill pe vin devan Lasanble, so si nou kapab avan lafen lannen si i pase dan Lasanble, nou pare pour konmansman lannen pour nou debite.  Konmansman lannen 2018 nou debite avek formasyon nou Board for the Council e pour Konsey asim son bann fonksyon.

 

MR DEPUTY SPEAKER

Ok mersi.  Onorab Gill oule fer swivi?

 

MINISTER JEANNE SIMEON

Nou a fer sa o pli vit posib pour si Lasanble i pare pour debat lo sa Lalwa, avan ki zot pran Recess Lalwa in pare – in fini ganny aprouve par Cabinet of Ministers.

 

MR DEPUTY SPEAKER

Ok.  Mersi Minis.  Onorab Simon Gill.

 

HON SIMON GILL

Eski in Gazete sa Lalwa? Nou pa ankor gannyen o nivo Lasanble.  Eski in Gazete?

 

MR DEPUTY SPEAKER

Ok.  Mersi Onorab.  Minis.

 

MINISTER JEANNE SIMEON

Nou’n ganny en parol avek AG ki pe fer li i pe tret li konman en priyorite.

 

MR DEPUTY SPEAKER

Mersi Minis.  Onorab Andre.

 

HON CLIFFORD ANDRE

Mersi Mr Chair.  Mr Chair lo paz 34, mon ti a kontan demann CEO Welfare Agency pour eksplik nou en pti pe lo ‘Retirement Benefit’ ki nou vwar in diminyen sorti R606milyon in desann R584milyon.  E akoz sa eski nou pe ganny mwens dimoun ki aze kontrerman avek sa ki nou ganny dir?  E apre eski i annan konsiderasyon ladan pour kapab donn zot osi en Trezyenm Mwan paycheck?  Mon 2enm kestyon se pour lo kote ‘sickness benefit’ Mr Chairman mon vwar ki ‘sickness benefit’ in desann par 5poursan e ki mannyer CEO i pran konsiderasyon ladan si en dimoun ki ti byen in pran serten loan, e pour rezon maladi i vwar li dan en sityasyon kot i pa kapab onor son bann loan, eski sa ‘sickness benefit’ pour kouver sa?  Akoz sa i lo en peryod serten letan e i annan son lakaz ki i kapab in mortgage pour son loan?  So ki mannyer sa i kapab ganny konsidere ?  Apre mon ti a kontan ganny en pti lesplikasyon lo ‘Employement Relief Sheme’ avek ‘Youth Training Scheme’ i annan enn ki’n diminyen e lot in ogmante?  Apre zis pour eksplik mwan – mon dernyen kestyon avan zot konmans konplent ‘Vulnerable Home Repair Scheme’ i pran konsiderasyon ki senn la?  Eski bann dimoun ki aze ki napa mwayen pour zot repar zot lakour, oubyen menm si en dimoun ki zenn me selman son mwayen oubyen son abilite pa permet li pour repar son lakaz?  Mersi.

 

MR DEPUTY SPEAKER

Mersi Onorab.  Savedir ou’n fini demann ou kestyon?  Mon ti krwar ou pe fer en swivi sa i ou kestyon ?  Ok, mersi.  CEO.

 

CEO MARCUS SIMEON

Mersi Mr Chair mersi Onorab.  ‘Retirement Benefit’ i pe kontinyen ogmante kantite dimoun ki pe vyei.  Nou popilasyon i pe aze en senp pti statistik i montre ou konmansman lannen ti annan 9650 pansyoner, ki nou ti pe peye e by Desanm la in ariv 10,078 e sa i pour kout  r5milyon – R5.9milyon par mwan.  En senp pti matematik sa ou pour vwar sa R584milyon Bidze lot lannen pa pour ase akoz nou pour bezwen apepre R610milyon.  I annan en desizyon ki Gouvernman in pran sa lannen ki’n dir ki come Zanvye bann dimoun ki pe al retire ki pe al ganny 60an zot pour nepli entitled pour ganny sa benefis retret osi tou si zot opt to retire avek Fon Pansyon.  Bann ki ti kalifye pour ganny zot pension fund a laz 60an, zot pa pour kalifye pour gannyen.  Sa i pour tir en pe presyon me still reste dan sa group dan sa 10,078 la nou annan 776 dimoun ki pe ganny sa pansyon pli boner, ki Lalwa kot anba Social Security Benefit – i stipulate kot laz Sesel i 63an.  I annan 776 dimoun ki par sa lannen sa pe tonm pe kout apepre en pti gin en pe par lao R40milyon.  Sa bann dimoun pour kontinyen gannyen sa.  Akoz sa Lalwa i pa pour mean i pour al afekte zot me bann nouvo dimoun ki pe vin devan i pour annan, en issue ki mon pe vwar kekfwa ler Finans in fer son kalkilasyon in mazinen ki poudir si vi ki sa Lalwa i come to play pour annan en saving R40milyon en sel kou, i pa pour arive la, i pour ariv an mezir di tan ; dan 2an – dan 3an, me mon pe vwar kot kekfwa nou pour annan problenm moving forward.  Akoz mon konnen i annan sa presyon plis dimoun ki pe ariv laz retret ki pour pran sa.  Me selman nou bezwen zwe anliny avek nou Bidze ki nou’n gannyen.  So sa pour le moman i koumsa mon kapab bezwen parey nou fer sa lannen bezwen re vin devan ; pour re asses oubyen si nou annan scope dan lot laliny pour fer bann mouvman fon.  Me selman nou pe vwar pour apepre R22 a R23 a R24milyon en pe pli ba ki nou ti pe estimen.  Lo kote ‘sickness benefit’ wi i annan sa rediksyon 5poursan.  Sa i akoz ‘sickness benefit’ anba lalwa up to 2016 – 2015 (sorry) Zilyet 2015 ti en dimoun nou ti pe reimburse anplwayer si mon kapab go back‘Sickness benefit’ i en benefis ki trwa kar oubyen 90poursan ladan i al dan reimburse bann anployer ki pey ki kontinyen pey zot employee ler zot lo sick leave oubyen letan zot ganny konze ler zot ganny konze long-term sick leave.  Anba Lalwa Lanplwa i dir en dimoun i entitled for 30days paid sick leave.  Si zot ospitalize oubyen zot ganny dir zot bezwen al lo bed rest sa i ganny extended to 60days.  So sa dimoun li i tonm malad li, i pa vwar okenn – si i dan lanplwa formel i pa vwar okenn diferans li, akoz i sipoze ganny kouvertir anba Lalwa Lanplwa.  Nou, nou reimburse travayer par deryer, me selman nou pa re imburse travayer par deryer me selman nou pa re imburse travayer sa vre up to sa saler sa bann dimoun.  Maximum ki re imburse i R2,480mil, me kanmenm anplwayer i pey li sa 30zour Lalwa ti amande ki nou reimburse menm nou reimburse li lo zis 15zour la valer.  Sa akoz nou anvi sa anployer osi police  en pe pour fer sir napa labi dan dimoun letan i pe pran konze.  Akoz nou ti pe vwar kot pe increase – increase exponentially.  I annan en pe resers nou pe fer avek Minister Lasante pour get byen ki bann rezyon nou pe vwar ki sekter ki nou pe vwar plis dimoun pe pran sick leave.  Nou’n ganny en sistenm avek DICT ki nou kapab track – capture bann lenformasyon kot nou kapab fer pli byen reporting bann pli bon analysis lo la.  E sa pe vini an mezir di tan.  So lo issue loan si zot annan, sa zot pa sipoze vwar en lefe.  Problenm kot i vini kot bann self-employed, akoz zot si zot napa en rezerv par deryer anba ‘sickness benefit’ nou kouver i kapab Taxi Drayver, i kapab Fisherman i kapab bann Doker –  bann keksoz koumsa – bann ki’n anrezistre formelman.  Si zot napa sa bout savings maximum, zot pour gannyen ler zot pa pe kapab travay i  sa R2480mil ; apre la i vin sa diferans kot i top zot si baze lo family size lo household and so forth, la zot kapab antre anba Welfare zot ganny bout lasistans laba.  Me ou pe vwar sa diferans serten dimoun dan en lanplwa formel kot i pe ganny son saler, li son saler i pour – i sipoze – i pa sipoze me anba Lalwa Lanplwa i protez li e nou par deryer nou antre nou protez sa anployer.  I annan bann apre ki extend, zot, zot fer krwar en dimoun in ganny en maladi ki lonterm parey kanser ki son tretman i long in ganny en dezabilite kot i konmans lo sick leave, in ale, ale, in ale pour enn de kat mwan sa apre i sot i i jump over to ‘invalidity benefit ;’ kot la benefis i pli o e i kouver bann depandan tou bann keksoz koumsa.  Me selman still, fer krwar en dimoun ti pe ganny li R20mil – R50mil malerezman i pa pour ganny lo sa oter i pour annan en gran azisteman ki pour arive la me selman ‘invalidity benefit’ oubyen dezabilite benefit i son tou minim i minimum wage R5,050mil.  Ou’n koz osi lo URS avek Youth Training Scheme . Zis en pti pe an bref i bann Scheme ki administre par Minister Lanplwa e lazans konman en lazans sipleman nou efektye peyman pour sa.  URS parey zot tou zot bezwen konnen by now ki nou pe koze i sa main zouti ki nou pe servi pour sey dekouraz dimoun ki lo Welfare – pour dekouraz bann dimoun ki pe abiz Welfare e zot pe claim par claiming ki zot unemployed oubyen zot pa pe ganny louvraz.  La prezan anba sa Scheme sa Fon ki la pour ganny servi pour fund ler ansanm avek Minister Lanplwa ler zot ganny plase dan en landrwa travay.  Oubyen i annan bann job ki ganny kree dan bann distrik pa ganny kree – pa ganny kree me dan bezwen la dan bann distrik, kot napa dimoun ki pour fer li, zot pour ganny sa bann dimoun ki baze lo zot lo profiling ki nou fer zot pour ganny plase pour fer.  So larzan sa R20milyon si ou pe vwar Bidze Welfare in sorti lo R75milyon in sorti apepre R40 en pti gin anba R50milyon sa diferans ladan in al dan URS ki pour fund pour fund sa diferans.  Apre ou’n koz osi lo sa ‘Vulnerable Repair Scheme ;’ parey son non i dir i ‘Vulnerable Repair Scheme’ so wi i preski towards bann dimoun ki elderly bann dimoun ki annan en dezabilite.  Me osi i annan ka ki nou pe fer lanket la ozordi, kot i annan bann dimoun bann fanmir bann manman tousel as long ki main kriter, se ki nou pe regard sa bann dimoun pe viv dan en sityasyon deplorab, e zot pa kapab raise finans pour fer lo zot menm.  Nou pe ganny en bon pe presyon partou, partou me selman nou bezwen fer sir ki dan en fason kler e transparan, mannyer nou assess sa.  Sanmenm sa ler nou pour ler nou ganny ler nou come across bann case i annan en independent lenvestigasyon ki go on, ki detaye ki dir akoz sa dimoun i dan sa sityasyon e si i pa kapab fer dan li menm?  I annan de fwa kot i annan co financing kot nou antre en bout sa bann dimoun osi i met en bout.  Me i annan de fwa ki sityasyon i annan en bon pe sityasyon en pe grav deor kot nou ede.  Mersi bokou.

 

MR DEPUTY SPEAKER

Mersi CEO.

 

CEO MARCUS SIMEON

Mon pa konnen si mon mank enn ou kestyon.

 

MR DEPUTY SPEAKER

Mersi CEO petet mon ava aviz ou si ou kapab fer ou kestyon en pti pe pli bref.  CEO mon annan zis en pti follow-up an ka ki en Manm pa pran ; ler Minis Finans ti anons sa mezir early retirement pour aret konmansman Zanvye vizavi si ou annan 60an, ou pe pran early retirement ou pour ganny zis ou pansyon ou pa pour kapab tous Sekirite Sosyal.  Konbyen petet depi le 31 ler Bidze in ganny prezante?  Donn nou en lide si ou annan bokou ka ki pe vin devan ou la ki pe prolonz zot ki pe pran early retirement?  E ki lenpak i kapab annan lo ou forecast lo Bidze 2018?  Brefman.

 

CEO MARCUS SIMEON

Mersi Mr Chair.  Malerezman napa bokou ki pe vin devan nou pa pe vwar en gran ogmantasyon nou’n gannyen bann queries bann dimoun ki pe retire lot lannen nou’n eksplik zot ki mannyer sistenm pour été ; me selman la pour le moman nou pa pe vwar sa gran ogmantasyon.  Akoz si ou mazinen dan okenn lannen napa bokou dimoun a maximum apepre 1500 dimoun i ne par lannen, so napa bokou ki pe vin devan pour le moman.  Akoz zot osi bezwen kalifye avek fon pansyon pour zot kapab benefisye avek sa benefis.  Mersi.

 

MR DEPUTY SPEAKER

Ok konbyen anviron in gannyen?  Zis donn nou en lide.

 

CEO MARCUS SIMEON

Ok.  I annan zis 16 dimoun ki’n vini pour le moman.

 

MR DEPUTY SPEAKER

Ok.  Bon Onorab Ferrari ti’n lev lanmen taler lo en kestyon en swivi lo Home Carer – mon ava donn ou laparol Onorab Ferrari.

 

HON JEAN-FRANCOIS FERRARI

Mr Speaker briyevman mwan mon ti a kontan demann avek CEO, si i pa krwar ki avan nou konmans anbark nou dan bann specialised training for specialised care pour Home Carers, nou fer en set sistenm monitoring and supervision of Carers – silvouple.  Konmsi this is the basic.  Mwan mon santi poudir i annan 2 problenm.  Enn bann ki pa pe travay me pe ganny peye konman Carer.  Apre bann dimoun ki bezwen sa care ki pa pe gannyen.  Konmsi e 3enm problenm se labi lo sistenm si i annan, ki pe ganny sa larzan me selman ki pa pe delivre.  So mon pe dir, eski ou pa krwar CEO ki nou merit ne ptipti e grandi?  Plito ki met ankor lo en sistenm ki napa monitoring nou pe sey al fer konmsi  sa – sa anyway mon pa pou al ladan selman ou konpran mwan.  Mersi.

 

MR DEPUTY SPEAKER

Mersi Onorab mon krwar pwen in ganny fer kler brefman CEO si oule dir keksoz.

 

CEO MARCUS SIMEON

Mersi Mr Chair.  Sa i egzakteman ki nou pe fer nou training ti zis en elementary training ki nou konmans avek depi Mars ; lot lannen nou ganny en Bidze pour 5 nouvo staff.  Nou bezwen bokou plis ki sa.  Sa staff – sa bann nouvo staff pour ede defalke en pe ; met nou prezans plis lo teren nou pe restriktir mannyer nou bann zofisye Benefit and Welfare Officers pe travay.  Nou annan 26 dimoun dan distrik – nou bezwen servi zot en pe pli byen pli efektiv, pour zot osi annan en lanmen dan monitoring.  Akoz i pa pour fer sans pour nou ale rod ankor 26 dimoun pour monitor kan nou deza annan reget fason zot travay.  Akoz i dan zot job description tousala, so met li an plas fer zot travay.  E ede konsolid sa servis ki nou annan.  Mersi

 

MR DEPUTY SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mr Chair dan sa laliny par egzanp – pour regard labi lo sistenm.  Pa en labi neseserman me selman pour konsider lafason ki nou donn sa servis.  Ok donn Carer.  Me selman eski zot ki zot pozisyon lo si par egzanp en fanmir, son income ki i gannyen ler ou combine li i kapab afford pour li pey en Carer – as opposed to en fanmir li ki i pa kapab afford pour li ganny en Carer, me selman tou lede pe ganny en Carer Gouvernman pe provide.  Mon pa’n dir pa provide me selman pa in ler pour nou demann serten kestyon, lo si ou kapab fer serten kontribisyon towards sa Carer why not ki sa kontribisyon pa ganny fer?  Eski zot pe eksplor dan le fitir pour vwar ki mannyer sa pe vini?  Si par egzanp en dimoun i kapab peye si i kapab fer serten kontribisyon li i kapab, i fer si en dimoun pa kapab obligatwarman an menm tan ou annan sa monitoring li i prezan sistenm i ava take li an plas.  Mersi Mr Chair.

 

MR DEPUTY SPEAKER

Mersi Onorab.  CEO.

 

CEO MARCUS SIMEON

Mersi Mr Chair, mersi Onorab pour ou kestyon.  Carers i mars an two fold.  Pour ou ganny en Carer ozordi, fodre enn – ou al fer en health assessment atraver bann health professional i annan bann zouti ki zot servi.  Once sa i determinen sa i determinen si ou bezwen lasistans avek daily activities e si wi konbyen erdtan par zour pour half day oubyen full day.  Apre ler i vin kot nou kot nou fer en main assesing assesment.  So pour ganny en Carer i bezwen annan sa bann assessing elements kot nou asses sa dimoun li menm li sa resipyan e son bann fanmir pros ki reste avek li dan lakaz.  I deza an efektiv sa kekfwa nou bezwen beef up en pe i annan menm koze deor ; kot si en manrmay en zanfan pa pe reste avek son zanfan i kapab afford nou bezwen al capture sa.  Lontan nou ti fer – ti appel …  ti annan tou son konplikasyon ki’n vin avek, nou’n senplifye li pour pran zis en dimoun ki reste dan lakour ki bezwen responsab pour lafanmir la.  Mersi.

 

MR DEPUTY SPEAKER

Ok mersi CEO.  Onorab William.

 

HON WAVEN WILLIAM

Mersi Mr Chairman bonzour Minis avek ou lekip bonzour tou dimoun ki a lekout.  Mr Chairman mon ti a kontan demann CEO lefe, ki atraver bann larepons ki i pe donnen e lefe ki nou’n anmenn 6 distrik, e nou konnen poudir i annan sa progranm anba Sekreter D’Eta pour Poverty Alleviation mon ti a kontan konnen baze lo sa ki ou pe dir CEO lo sa R31milyon ekek pres R32milyon ki poursantaz?  Eski i annan en separasyon ki poursantaz pour ganny donnen avek sa bann distrik santral ki zot pe focus lo la pour Poverty Alleviation?  Eski i annan en separasyon ouswa i kapab annan en tandans defovarizasyon ki kapab arive?  Eski i annan en separasyon?  Mersi.

 

MR DEPUTY SPEAKER

Ok, mersi Onorab.  CEO.

 

CEO MARCUS SIMEON

Mersi Mr Chair, mersi Onorab.  Mr Chair zis en pti klarifikasyon ki R31milyon?  Anr, ok, ok.  Anr ou pe pran Bidze Lazans la ou?  Sa Bidze Lazans R31.9milyon ki ou pe vwar la sa i ‘operating expense’ pour Lazans.  Apre sa paz 34 parey zot ti pe vwar sa i bann Bidze sa pour 2018 R1.075bilyon, sa i Bidze  pour ‘social programs. ’ So R31milyon li i ‘operating cost. ’ So li i kouver bann saler nou bann staff e running of Lazans ki kapab efektye servis dan sa 24 oubyen 25 benefis ki ou’n vwar etablir la.  So li i pa en kestyon kot i dan ‘defovarilizasyon’ – so defovarizasyon, me li i ‘running cost’ i kouver ‘running cost’ Lazans e ladan nou annan en bon pe servis ki nou’n desantralize ; like bann servis kot ler nou do – bokou nou bann front-end services dimoun i kapab fer laplikasyon dan distrik kot nou kapab evalye tou keksoz la akoz nou bezwen travay en pe pli pre avek nou bann partners dan distrik konn zot pli byen.  Me nou pe travay ankor pour gete ki eleman ankor nou kapab kontinyen de santralize pour fer sir serten risk i vin pli pre, akoz apre tou nou bezwen o sant la kot bann kot sityasyon i vreman kot bann e vreman met sa dimoun o sant nou servis ki nou donnen.  Mersi.

 

MR DEPUTY SPEAKER

Mersi CEO.  Vitman Onorab Andre.

 

HON CLIFFORD ANDRE

Zis en pti klarifikasyon Mr Chair.  Mon pe demande akoz letan nou’n ganny gide pour nou lo paz 34 par PS, so si nou pe pran zot Bidze per se osi sanmenm sa ki mon pe sey demande la?  Akoz mwan mon focus lo paz 34 mon pe sey rod klarifikasyon.  Mersi.

 

MR DEPUTY SPEAKER

Ok PS.

 

PS PATRICK PAYET

Mersi Mr Chair.  Nou ti pe pran zis paz 34 akoz pour Lazans zot pa ti demande pour zot ti demande pour pran en vot zot pa ti demande pour debate so

 

MR DEPUTY SPEAKER

Ok mersi PS.  Onorab Henrie.

 

HON GERVAIS HENRIE

Mersi Mr Chair bonzour tou dimoun.  Mon annan premye kestyon lo paz 34 mon note poudir i annan 4 Headings ki napa en lokasyon pour 2018 so mon ti ava kontan si zot donn nou en lesplikasyon par egzanp ; ‘Survivors Benefits’ ‘Senior Citizens Support Scheme’ ‘Transport Scheme for Praslin/La Digue Resident’ apre ‘Transfer to Retirement Benefits paid by SPF’ sa i premye.  Dezyenmman ‘website’ mon ti demann sa kestyon lot zour akoz sa i en fason kot bann dimoun parey mwan i annan en lentere dan sa kalite Bidze we can track pandan lannen kwa ki pe depanse e raise en alert letan in ler.  Mon pe gete la mon pa vwar.  E trwazyenmman sa Bidze i pli gro Bidze ki nou pe al vot lo la 13.5poursan the total Budget.  Gro sa.  E ou menm ou’n admet ki i pe kontinyen grosi mon kestyon se ki legzersis entern pe annan ou ki diskisyon pe annan avek Gouvernman pour nou koupe sa.  Koupe par redwir labi ; koupe par fer fanmir vin pli responsab vizavi nou bann dimoun ; koupe par monitoring bann keksoz koumsa donn valer pour larzan.  So ki legzersis sa i mon trwazyenm kestyon ki a lonterm ki nou koupe akoz mon vwar poudir i annan en moman nou pa pour kapab soutenir sa kalite Bidze.  Mersi bokou.

 

MR DEPUTY SPEAKER

Mersi Onorab.  CEO.

 

CEO MARCUS SIMEON

Mersi Mr Chair mersi Onorab.  Pour konmans avek bann laliny ki zero – si nou konmans enn par enn ‘Transfer to Retirement Benefit to SPF’ sa i Pension Fund ; oparavan up to 2016 menm 2017 la ti annan en laliny ki nou ti servi ti annan en laranzman administratif, kot bann Pansyoner ler zot kalifye pour ganny zot pansyon avek Pension Fund dan plas ganny peye de bor zot osi zot ti ganny tou larzan kot package antye kot Pension Fund e nou par deryer nou refund.  So an teori li i ‘retirement benefit,’ me selman i ti annan sa separasyon.  Ki nou pe vwar selman lalwa Pension Fund e Lalwa benefis retret i de diferan keksoz e ti annan bann anomaly kot pe soz, kot ti pe sorti ki kapab fer ki en dimoun ki pa entitled anba Lazans ti pour ganny peye avek Fon Pansyon.  En legzanp par egzanp, benefis retret i dir ou poudir ki ou si al dan pei an deor plis ki 6mwan ler ou benefis fizik i koupe, akoz i en benefis ki pour le moman i baze lo residency, so fodre ou dan pei.  Me en dimoun ki’n al deor anba Pension Fund li i kontinyen akoz sa i son kontribisyon ki in fer normalman.  So ti annan bann anomalies koumsa ki pe arive.  E alor sanmenm sa i annan sa kreasyon kot zot, zot pey sa bout kontribisyon e Gouvernman anba Lazans i pey son bout eleman koumsa pour fer sir i anliny avek Lalwa.  I annan ‘Widow’s Pension’ nou pe vwar i nepli annan bann beneficiaries ladan, akoz tro bokou zot pe ganny kouver anba Seychelles Pension Fund kot zot ganny sa spouse covering e tou … mon krwar la enn in vini me selman i vreman rar.  Akoz sa i kouver pour en surviving spouse oubyen widow ki main breadwinner i mor e li i pa ti pe travay.  Bokou nou konmela koup tou lede en parti pe travay.  So sanmenm sa napa son kouvertir anymore ‘Senior Citizens Support Scheme’ li menm li ki rebranded in vin sa ‘Vulnerable Repair Scheme’ so li in tonbe.  ‘Inner Island Transport Scheme’ to ‘Transport Scheme Praslin and La Digue Resident,’ nou’n ti an gro me la nou’n kas li an sa 3 students, medical e pensionner.  Parey ou pe vwar par lao.  Ok?  Website nou’n ganny en pe difikilte lo nou kote, nou pe vwar an mezir di tan dan plas duplicate effort nou pe vwar ki Minister an gro pe fer son website an gro li menm li.  E nou anvi piggyback lo la, kot lenformasyon ki nou annan nou kapab share ladan, akoz nou pe ganny difikilte.  Nou annan en pe Bidze lot lannen dan consultancy pour nou sey devlop sa, me selman nou pe vwar why annan en sel website kot tou lenformasyon i anba la, i kapab Minister pe devlope la e nou nou met pour nou anba la,  so ….  me selman ler dimoun pe search i al en fasilite ki i kapab link li laba.  Wi cost i annan en bon pe en bon pe travay pe fer lo la i annan sa zafer 60an la, ki down the line pour save en pe.  I annan diskisyon ouver la ki Prezidan in konmanse la li menm li lo increase laz retret akoz pansyon pe monte kantite dimoun dan laz retret pe monte (sorry).  Home Care i en landrwa kot i annan bokou leakage, akoz striktir par deryer.  I annan gran reform ki nou pe fer lo la e nou bezwen entansifye li sa training sa standar e more importantly sa landrwa ki pour pran sa bann Home Carers e met zot dan en lanplwa e ler ou bezwen Home Carer ou vin la e ou direkteman accountable pour sa body.  I kapab lazans oubyen en landrwa respektif la pour annan vre, vre savings.  E osi son modalité half day – full day, kot nou pe vwar en dimoun pe ganny half day selman li lazournen li i pa sa resipyan li i pa la, oubyen sa Carer pa la.  I bezwen vin la zis 2erdtan, 3erdtan e larestan 3erdtan ki nou pe peye pa nou taxpayers pe peye.  I pa pe delivre en servis.  So nou bezwen reget sa bann modalité travay e la pour annan room for improvement e efficiency savings la, ki pour arive la ki i kapab target plis.  Lo kote Welfare i annan URS ki pe come in ;  i annan kondisyon ki nou pour al antre ladan.  E osi nou annan bann louvraz ki pe fer pa pour neseserman gete pour lide cost saving, me gete ki vre efikasite sa lasistans nou pe donnen. Sak en roupi ki nou pe peye si vre i pour annan en lefe transformativ lo lavi nou bann dimoun.  I annan en louvraz ki nou pe al konmans fer pour gete  pour evalye pour anpese, pour annan sa ki nou apel en trans generationtional transfer of dependencies ; savedir manman i lo la piti osi demen i vin lo la.  Nou bezwen nou annan tou sa bann striktir an plas nou bezwen fer sir ki sa pa arive.  Ledikasyon tou sa bann zafer link ansanm.  E nou osi annan en legzersis ki nou pe fer pour get pour get lasistans dan son multi faceted.  Pour le moman nou assessment i lo income ki fer ki, ou, ou pa travay ou income  i zero ; otomatikman ou kalifye pour lasistans.  Ou bezwen re get fason evalye e fason  ki mannyer nou donn lasistan,s pour li vin pli targete e pli efisyan e pli efektiv ki son lentervansyon.  Mersi.

 

MR DEPUTY SPEAKER

Mersi CEO.  Onorab Henrie.

 

HON GERVAIS HENRIE

Pour sa dernyen larepons ki in donn nou savedir mon anvi konnen si pa ankor within Government zot annan en target poudir be ok la sa lannen nou’n Bidze tan, baze sa lannen bann progranm ki nou’n entrodwir pour redwir sa depandans i annan en poursantaz pour tonbe dan prosen Bidze.  Eski i annan en figure?

 

MR DEPUTY SPEAKER

Mersi Onorab.  CEO.

 

CEO MARCUS SIMEON

Mon krwar dan bann first quater lot lannen ki nou kapab pli dan en pli bon pozisyon pour reponn sa.  Me selman parey ou vwar up to now Bidze Welfare in desann, ti R80milyon.  R80milyon – wi 2017.  E la i R40milyon menm si nou’n met sa R20milyon dan URS i still pli ba.  So i annan sa legzersis la deza pe koupe – pe desann, akoz nou pe vwar ki mannyer i pe ale i annan bann lezot landrwa kot nou pour vwar poudir i kapab annan savings down the line, parey mon pe dir sa Lalwa 60an abandonnen la i pour fer ki apepre 3an down the line, nou pour pey mwens pansyon ki nou pe peye la ozordi ki pe peye la ozordi.  E dan Home Care li menm li pli gran landrwa 2enm pli gran Bidze, e si nou pa fer sir i pour monte exponentially.  E la avek bann legzersis ki nou pe fer pour annan bann en pe plis room pour nou ganny en pe plis savings sibstansyel, ki kapab al dan bann lezot servis.  Me selman ansanm avek Minister Finans nou pe travay pour nou come to en pli bon – en fason pou report statistics back to zot.  Mersi.

 

MR DEPUTY SPEAKER

Mersi CEO.  Onorab Arrisol.

 

HON SANDY ARRISOL

Mr Speaker bonzour. Bonzour Minis avek ou delegasyon.  Mon ti anvi zis kontiny lo menm laliny ki PS in koz lo la avek Onorab Henrie.  An sa ki konsern bann benefis, mon pe mazinen si ou Minister i mean CEO ou departman pe mazin konmsi reviz ansanm avek Minister Finans bann benefis ki bann dimoun i gannyen.  Sirtou letan i konsern ‘semi orphan benefits.’ parske ou konnen ozordi lanmor nou pa rode lanmor be i arive ka ki en manman i perdi son msye e son msye i kit li avek depans, lakaz, ou annan 2 zanfan pour okipe.  E letan ou koz avek Jaqueline Adela par egzanp Nathalie Jeanne se sa bann problenm ki zot gannyen.  Parske ozordi zot santi poudir sa R1300 ki sa zanfan i gannyen, avek kou lavi ki’n monte ozordi i pa sitan ase.  Mon mazinen ki nou bezwen revwar bann benefis ki bann paran i gannyen parey mon dir i pa en keksoz ki zot in rode maler in arive – parey nou dir ; e sa i fer ki fanmir i kontinyen reste solid zisteman nou pe koz lo Minister Lafanmir.  Konmsi ansanm pour zot kapab rode ki mannyer nou kapab revwar benefis, sirtou dan bann sirkonstans koumsa.  Zis en kontribisyon mon ti a kontan fer.  Mersi bokou Mr Speaker.

 

MR DEPUTY SPEAKER

Mersi Onorab.  CEO ou le dir de mo lo la ?  Go ahead.

 

CEO MARCUS SIMEON

Mersi Mr Chair.  Mersi Onorab.  E wi i annan en legzersis ki nou pe fer pour fer en study pour gete vreman konbyen diferan modalité fanmir i bezwen pour viv – en fason minim.  Pour le moman nou pe estimen baze lo bann index ki nou annan kot NBS.  Me selman nou anvi levidans reel koumsa demen nou kapab al kot Minister Finans dir la la swa nou bann mezir dan Welfare i tro ba ; nou bann benefis i tro ba oubyen i tro o.  so …  Nou bezwen fer sa legzersis, ganny lenformasyon konkret pour back nou largiman demen.  Me i pe konmanse.  Nou espekte konmanse le 1 Desanm e i pour ale pour en pe letan pandan lot lannen, ziska ler nou kapab ganny laprev konkret.  Akoz nou pa kapab zis dir baze lo parol koumsa.  so  … Evidence.  Mersi.

 

MR DEPUTY SPEAKER

Mersi CEO.  Onorab Mondon.

 

HON TERENCE MONDON

Mersi Mr Chair.  Bonzour tou dimoun.  Mon kestyon pour Minis anba Bidze 2018 i annan en kontribisyon R4.5milyon pour Paradis des Enfants, eski vreman – eski sa i vreman neseser akoz zot pa transform Paradis des Enfants konman en biznes prive?  Sa R4.5milyon ti kapab ganny servi pour donn bann benefis parey Onorab Arrisol in dir pour bann orfelen semi orfelen.  Dezyenmman …

 

MR DEPUTY SPEAKER

Onorab, Onorab en moman.  Mon krwar pa si Paradis de Zanfan i tonm anba sa progranm.

 

HON TERENCE MONDON

Alor nou pa pou pran li la?

 

MR DEPUTY SPEAKER

Non, i pour vin apre li.

 

HON TERENCE MONDON

Ahr ok.

 

MR DEPUTY SPEAKER

PS ok. 

 

PS PATRICK PAYET

Wi, Mr Chair akoz i lo en lot heading nou pour pran li semenn prosenn.

 

MR DEPUTY SPEAKER

Ok?  Alright ale go ahead Onorab Mondon.  Ou’n fini?  Ou napa ?   Ou napa kestyon?

 

HON TERENCE MONDON

Non, non, mon pour pran li la?

 

MR DEPUTY SPEAKER

Non. non. non. non.

 

HON TERENCE MONDON

Ok, mersi.

 

MR DEPUTY SPEAKER

Ok.  Onorab Sophola.

 

HON NOLLINE SOPHOLA

Mersi Mr Chair.  Mon kestyon pour CEO sa i spesifik CEO La Digue nou annan nou en bon norm dezabilite e lekol nou pa ekipe pour nou pran sa bann zanfan akoz teachers zot pa’n ganny training apropriye pour zot deal avek sa bann zanfan pour travay avek.  E alor malgre avek zot bonn volonte zot eseye e parfwa zot pa konnen si zot pe vreman fer dibyen sa zanfan, ou si zot pe fer plis ditor sa zanfan.  E dezabilite nou konnen i annan diferan grad e diferan kalite e nou, nou konnen ki tou zanfan zot annan zot drwa ledikasyon parey bann zanfan normal e mon kestyon i ki provizyon dan sa Bidze ki zot pe fer pour ed bann zanfan dezabilite pour antre dan lemonn travay?  Sa i mon premye kestyon.

 

MR DEPUTY SPEAKER

Ok, ou annan en dezyenm kestyon.

 

HON NOLLINE SOPHOLA

Wi.

 

MR DEPUTY SPEAKER

Ale.

 

HON NOLINE SOPHOLA

CEO mon dezyenm kestyon i ankor lo dezabilite, me safwasi i zeneral.  Lekol Eksepsyonnel isi i pran zanfan ziska laz 16an apre 16an sa bann zanfan zot al dan lekol VTC ; vedir Vocational Training zot kapab devlop zot pour antre dan lemonn travay zot osi e sa VTC zot dan sa sant Rehabilitation Center North East Point.  Ki provizyon ki Bidze pe fer pour ed sa bann zanfan premyerman kot sa sant, pour zot ganny zot terapi apropriye   Dezyenm, eski i annan provizyon pour amelyor en batiman, nivo sekirite e osi pour ganny bann dimoun profesyonnel pour travay avek sa bann zanfan?  Mersi.

 

MR DEPUTY SPEAKER

Mersi Onorab. CEO.

 

CEO MARCUS SIMEON

Mersi Mr Chair, mersi Onorab.  Onorab mon panse ou pe koz Bidze National Council for the Disabled la ou en?

 

HON NOLINE SOPHOLA

(Mic Off))

 

CEO MARCUS SIMEON

Non, i pa li i pa anba la.  I plis anba Konsey Nasyonal Dezabilite sa enn.  Akoz sa benefis dezabilite ki ou pe vwar, sa i en benefis finansyel i pa dan bann benefis al aranz sa bann keksoz.  Mersi.

 

MR DEPUTY SPEAKER

Ok.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon bann kestyon i lo paz 34 pour CEO.  CEO eski ou kapab dir mon ant ‘Apprentiship Scheme’ ‘Unemployment Relief Scheme’ ek ‘Employment Reskilling Scheme’ pour en sonm apepre R30milyon, akoz sa i ganny kase par bout?  E si vreman ou krwar ki, nou dan en bon pozisyon pour nou nou nou donn dimoun ‘Unemployment Relief’ pour la valer R20milyon san met zot dan en lanplwa oubyen san fer  Reskilling avek?  Akoz la mannyer mon vwar nou pour nou pe al vot lo R20milyon pour pey bann dimoun ki unemployed.  So mon ti a kontan ou kapab eksplik nou si zis nou pour pey bann dimoun ki unemployed, oubyen nou pour nou pe rod en fason pour fer sir ki zot al travay.  Sa i mon premye kestyon.  Mon dezyenm kestyon i konsern Island – Inter Island Transport, eski i korek sa i konsern Cat Cocos sa bann travayer lo Cat Cocos?   Mr Chairman mon pa kapab konpran e la mon ganny en sok ler mon vwar i annan 3,700 – R3,700milyon ki Gouvernman pe pey lakonpannyen Cat Cocos pour donn discount pour bann Pansyoner.  Mwan toultan mon ti krwar ki ler en Konpannyen Transpor i fer biznes i fer bann konsesyon pour serten group dimoun, pour li kapab ganny biznes.  Ki mannyer nou Gouvernman ki bezwen pey sa konsesyon.  Mwan toultan mon ti krwar ki se lakonpannyen Cat Cocos ki pe bere sa cost.  Mwan ti pe dir be sa msye, sa madanm laba zot vreman annan en bon leker.  Mwan zanmen dan lemonn mon deza vwar en keksoz koumsa!  E mon pe demande mon pe demande vreman tre for, ki sa vot pa ganny aksepte  Akoz i pa normal sa konpannyen i en gro konpannyen ki pe fer zoli biznes, zoli biznes, nou ki pe al pey nou ki pou al pey donn sa discount?  Be sa konpannyen ki bezwen donn sa discount li menm parey en konpannyenAairline i donn en discount en zanfan i donn en discount pour en lot sa pa Gouvernman ki donnen sa discount!  Silvouple sey eksplik mon ki mannyer nou kapab ariv ki mannyer nou kapab ariv dan sa sityasyon?  Mon dernyen kestyon lo sa menm paz se CEO, nou konnen mon konnen ki poudir i annan serten zefor ki ganny fer pour tenir sa Bidze, akoz personnelman mon call lazans pour query benefis serten dimoun e mwan mon’n ganny dir non.  E mon ok avek sa mon napa problenm avek sa.  Selman nou ti pour lannen pase nou ti donn ou en Bidze R1bilyon 40milyon e finalman ou’n fini lannen – ou pe fini lannen avek R60milyon an plis ki ou’n depanse.  Ki deza i mal.  Akoz nou pa ti dir ou depans R60milyon.  Ou’n depanse san ki nou’n dir ou.  La prezan dan sa lannen ki nou pe al ladan R1bilyon 75milyon kwa ki fer nou krwar ki poudir ou pour travay within your budget?  Kwa ki fer nou krwar ki a lafen lannen ou pa pour vini pour dir nou be lala in ariv koumsa ; mon  pa konnen – mon’n bezwen sa.  Konmsi e kekfwa Minis Sekreter Prensipal pour Finans osi i kapab dir konmsi annou met en pe lord annou met en pe disiplin dan sa bann keksoz.  E annou rod pour nou respekte sa larzan ki Lasanble Nasyonal in vote.  E si nou bezwen plis nou fer lekonomi.  Mersi.

 

MR DEPUTY SPEAKER

Mersi Onorab. CEO.  Ale CEO.

 

CEO MARCUS SIMEON

Mersi Mr Chair, mersi Onorab pour ou kestyon.  URS ‘Apprentiship Scheme Reskilling,’ i bann progranm ki Minister Lanplwa e dan ka aprantisaz Minister Ledikasyon i administre, e nou, nou peye on their behalf.  Me selman nou osi nou annan en bout ownership ladan.  Nou peye.  Aprantisaz i pe target diferan kous nou popilasyon.  Aprantisaz i target bann manrmay ki’n fek kit lekol ; reskilling osi i target bann manrmay ki kit lekol ki’n ganny en skill, me selman ki bezwen en lot skill ki i kapab ganny en lanplwa.  URS li i pli ouver nou pa pe pey dimoun pour zot reste unemployed.  I ganny peye ladan ler i fer en louvraz ok?  Sa nou bezwen met kler ozordi kot swa pour annan bann kot pour ganny plase dan en lanplwa ; i annan bann lanplwa ki pour ganny administre par Minister of Local Government ki pour ganny fer dan distrik, e pour annan bann ki pour ganny plase dan en lanplwa formel ki pour annan sa monitoring tou sa bann keksoz.  Tro bokou de fwa dimoun in vin lo Welfare i dir mon pa pe ganny louvraz, nou anvoy li kot Minister Lanplwa nou anvoy li kot employment agency i ganny plase en zour lannmen i dir ou lannmen ou ganny en mail i dir be sa dimoun pa serye.  Me sa lasistans i la i pe gannyen.  Me la ozordi ou fer ou bout pour ou ganny en lasistans olye i vin vreman, vreman serye.  I a vin sa kondisyon lo nou dimoun.  I annan diferan tier parey Minister Lanplwa mon pa konnen si in eksplike, i annan son bout formal, son bout casual.  Dimoun i a downgrade.  Si nou met ou dan en lanplwa formel ou pa’n serye ou pour desann, ou pour desann ziska ler ou pe al casual – ziska ler sak erdtan ou ganny peye pour sak erdtan ou travay prezan si ou pa travay ou pa ganny peye ditou.  Malerezman.  So sa i li.  ‘Inner Island Transport Schemes’ ki kouver pour Pansyoner.  I vre sa bann lakonpannyen pa tou pa zis Cat Cocos, i Air Seychelles, i Cat Rose ; okenn mode of transpor between the islands i ganny kouver anba la. Sa bann bokou sa bann lakonpannyen ti deza pe donn en discount bann Pansyoner.  Me sa Scheme i la nou realize nou bezwen ankouraz Pansyoner pour bouze, pour deplase sa Scheme ki la, i kouver 25poursan sa kou ki zot peye dan tiket.  I pa mean ki nou donn sa Cat Cocos Cat Rose, Air Seychelles direkteman sa larzan.  Ler Pansyoner i travel  – mon marke, si mon travel – 63an i donn mwan mon tike,t then sa i vin kot nou, nou nou pey sa bout 25poursan lo la.  I annan ou largiman par deryer kekfwa sa i en keksoz Polisi?

 

(Mic Off))

 

CEO MARCUS SIMEON

Ok.  Kekfwa sa i en bout Polisi lo kote si Gouvernman pour kontinyen mentenir sa lasistans ki i pe donnen la.  Apre lo kote Bidze si pour reste parey sa lannen nou pour bezwen plis sa lannen nou bezwen R60milyon si ou get dan nou bann Bidze 2017 ou pour vwar i annan bann laliny nou’n konmans ‘dezabilite benefit’ nou konmans ‘Daycare Scheme’ nou get ‘Foster Care Scheme’ ti zero.  Me selman ti annan bann benefis ki ti la.  Ti annan en anomaly ki ti arive depi konmansman lannen e sanmenm sa ki nou bezwen plis larzan akoz bann Fon ki nou ti annan nou bezwen fer nou bezwen fer sir nou kouver sa bann cases ki deza i egziste ; ti deza bann cases ki pe vini.  Parey mon mansyonnen taler ti annan kestyon lo ‘retirement benefit’ i kapab nou pe vwar, ki sa balans ki nou gannyen la nou bezwen plis baze lo prozeksyon ki nou fer.  Me selman Finans i donn nou en portfey i dir nou travay avek sa gete si nou kapab tenir avek sa.  E si nou pe vwar i pour depase, then kanmenm nou sey nou dir, me selman zot dir gete ki mannyer ou kapab ale avek sa e si vre ou bezwen plis then … Parey la sa lannen in leka.  Mersi.

 

MR DEPUTY SPEAKER

Ok mersi CEO.  Onorab Ferrari.

 

HON JEAN-FRANCOIS FERRARI

Wi mon kestyon pour Minis Finans silvouple ; PS Finans.  Me avek respe Mr Simeon i konnen kantite respe mon annan pour li, be napa disiplin!  Ki kalite disiplin ou pour mete akoz nou dir nou pa depanse apre nou vini nou dir nou’n depanse!  Akoz –  finalman konmsi nou parey bann bet isi.  Alors mwan mon ti a kontan ki ou reasir Lasanble poudir pour annan disiplin.  E ki nou pa kapab zis les zot les sa bann keksoz slip.  Mon dezyenm keksoz se, ki Mr Simeon kekfwa ou kapab eksplik nou ki sa zafer ankouraz, ankouraz bann Pansyoner pour voyaze?  Konmsi ki mannyer ki mannyer konmsi mon konpran en Pansyoner i voyaze, akoz i bezwen al rod en papye later i bezwen al rod en keksoz.  Konmsi ki savedir sa bann zafer nou ankouraz li avek 25poursan pour li voyaze?  Konmsi kot i vini sa eksplik mwan.  Mersi.

 

MR DEPUTY SPEAKER

Ok, mon ava donn PS Payet laparol.

 

PS PATRICK PAYET

Mersi Mr Chair, mersi Onorab.  Zis pour azoute ki the framework letan nou’n prezant Bidze 2018, letan nou ti prezant li avek Cabinet enn de bann keksoz ki nou’n met lo zot latansyon se the soutenabilité benefit and approved program.  E nou bezwen annan reform ladan.  Nou’n dir zot ki si nou kontinyen lo sa pa, ki nou pe fer ozordi, i pou ariv en letan ki nou bezwen redwir capital expenditure, oubyen redwir bann lezot depans swa nou bezwen ogmant tax pour nou kapab fer li soutenab.  So definitivman lannen 2018, Minister Lafanmir avek ASP Minis Proteksyon Sosyal avek Minister Finans, nou bezwen al dan en assessment lo en reform program.  Nou bezwen vwar ki parey zot konnen ki letan nou ti met sa nouvo Lazans Proteksyon Sosyal in existence, ti annan son Social Security Fund ki ti egziste osi.  Nou bezwen vwar lo totalite letan en dimoun pe ganny asiste, konbyen i pe gannyen e ki mannyer sa i kapab soutenir li dan lafanmir.  So nou bezwen get li consolidate pa zis sak benefis dan son izolasyon.  Sa i en keksoz ki nou fortman ki nou mete devan Cabinet of Ministers pou nou fer sir ki dan premye 6mwan lannen prosenn letan nou pe fer preparasyon Bidze 2019, i bezwen annan reform e ki kalite reform i pour baze lo bann assessment ki nou pe fer avek Minis Lafanmir avek Lazans Proteksyon Sosyal.  Definitivman sa i en keksoz pertinan ki nou vwar i bezwen arive akoz son sustainability medium term, pour nou, nou vwar i en pe efreyan.

 

MR DEPUTY SPEAKER

Ok, PS. Mersi.  CEO.

 

CEO MARCUS SIMEON

Mersi Mr Chair mersi Onorab.  Ler mon pe dir ankouraze mon pe mean ki i rekonnet ki i annan sa kou sibstansyel dan transportasyon ant bann zil pour en Pansyoner ; sirtou bann ki pe viv dan sa benefis retret ki R5050mil.  So si zot bezwen fer zot travel sa i ede pour relief en pe sa kou ki zot ti annan.  Mersi.

 

MR DEPUTY SPEAKER

Ok.

 

CEO MARCUS SIMEON

Mon pa pe neseserman dir zot ale. Sorry an term parol.  Me selman i rekonnet ki sa kou ki zot incure, i quite sibstansyel.  Mersi.

 

MR DEPUTY SPEAKER

Mersi CEO.

 

HON JEAN-FRANCOIS FERRARI

Me, sorry mon ensiste ; par egzanp Mr Joe Albert i ti Chairman Konsey Dimoun Aze, i konpran difikilte bann dimoun aze, eski zot pa kapab get together avek sa bann propriyeter bato, sa bann propriyeter sa pour zot osi zwe en rol dan sa sosyete ; pour bann dimoun ki’n sonny zot ki’n bers zot.  Konmsi ki akfer zis avek Gouvernman ki zot pran tou sa bann keksoz lo son ledo?  Mersi.

 

MR DEPUTY SPEAKER

Ok mersi Onorab.  CEO in note.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair lo sa size ki nou ti koz lo National Council for the Elderly i annan en keksoz ki mon pa’n tro ganny en konpran an se moman la nou annan bann Homes for the Elderly ki annan bann problenm kot pa ankor ganny rezourd sirtou bann problenm striktirel.  Now si nou pe al met dan Bidze la lekel ki pe fer en fason ki sa problenm striktirel ki egziste dan sa bann Homes par egzanp dan lakwizin sa bann dimoun ; par egzanp nou vwar La Digue i annan enn de bann konsern ki bann lezot landrwa i annan bann konsern, lekel ki pe sey adres sa konsern ?  Akoz si nou pe met sa larzan ladan nou bezwen kapab vwar ki i annan en travay ki ganny fer pour soulaz lavi, sa bann dimoun ki dan sa bann Homes.  So dan labsans en proper Konsey avek son Lalwa, nou pe met en Bidze la ki mannyer ki zot pe go about pour zot fer sir ki bann travay ki sipoze ganny fer dan sa bann group pe ganny fer parey i devret ganny fer?  Mersi.

 

MR DEPUTY SPEAKER

Mersi Minis ou le reponn sa kestyon.  Go ahead Minis.

 

MINISTER JEANNE SIMEON

Mersi Onorab, mersi Chair.  Parey mon dir pour le moman nou annan nou sa Care Taker Committee, li i pe i pe travay ansanm avek Administrater bann Homes.  Nou pe come up akoz nou konmans en progranm kot nou pe al dan tou sa bann Homes nou pe fer en assessment. Assessment pour short term maintenance as well as assessment for long term work ki nou bezwen fer ok.  E sa i pe ganny nou pe ganny lasistans avek Agency for Social Protection pour nou kapab ganny en … Legzersis in fini konmanse already nou kouver 4 bann Homes e nou pe kontinyen avek sa legzersis.  An menm tan ki nou pe fer legzersis i annan de Homes kot nou pe vwar sityasyon i kritik nou pe konmans fer sa bann maintenance work.  So at the end of the day nou anvi come up avek en complete assessment ki nou kapab pour dir Mont Fleuri Plaisance Home for the Elderly Plaisance, vwala bann challenges ki zot annan e vwala ki nou’n ki nou planifye pour nou fer dan short term e ki travay long-term.  Akoz i annan osi nesesite dan serten homes pour nou revwar an totalite pa zis nou pe regarde si lakwizin i bezwen en pe maintenance ouswa si son wiring i annan problenm avek.  I annan sa significant assesment ki nou pour fer pour kapab prezant avek Gouvernman pour nou vwar the way forward, kot sa bann Homes i a ganny byen amenaze an term lenfrastriktir pour donn plis konfor nou bann dimoun.  Pour le moman parey nou pe dir i annan keksoz ki pe ganny fer parey solar panels ki’n ganny mete pour zot kapab ganny delo so pour zot servi.  I annan bann lezot parey dan lasanmben kabinen eksetera ki nou vwar poudir i bezwen i imedya so nou pe under take sa bann maintenance.  Me nou, nou anvi fer en complete assessment pour nou kapab ganny en bon portre pour nou vwar.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi.  Mr Chair, mwan mon konsernen, par lefe ki i annan sa bann problenm ki la pour en bon pe letan e ki vi ki zot annan sa larzan sa konponan dan Bidze mon krwar ti ava bon ki zot donn nou en progress report lo sak sa bann Home petet first quarter lannen prosenn atraver Minister Finans pour nou vwar ki travay ki zot pe fer tanzibman pour met Kontrakter pour met bann dimoun ki sipoze al dan sa bann Home pour aranz sa bann travay.  Akoz par egzanp lo zil par egzanp mon tann par egzanp lo La Digue i annan difikilte pour Kontrakter i annan problenm laba pour en pe letan i la, so ti ava bon ki zot kapab sey rezourd sa bann problenm.  E partou bann Homes Plaisance, Glacis, La Retraite eksetera pour ki at least nou vwar en aksyon ki pe ganny pran progranm – progranm travay i byen me selman fodre nou vwar aksyon ki ganny fer avek sa.  Mersi Mr Chair.

 

MR DEPUTY SPEAKER

Ok mersi mon krwar pwen in ganny note ok?  Onorab Afif.

 

HON AHMED AFIF

Mersi Mr Chair.  Bonzour Minis avek ou delegasyon mon kestyon se si ou kapab donn nou detay sif konbyen dimoun ki pe retire anba ‘retirement benefits’ konbyen dimoun ou pe peye parey man pour envalidite avek disability.  Dezyenmman lo kote ‘social safety net’ mon vwar sa sonm in redwir pandan zis en peryod 1an – plis ki R40milyon, si ou kapab donn nou bann rezon prensipal akoz i annan en rediksyon?  Byensir nou kontan in annan en rediksyon eski par egzanp i annan pour fer avek labi ki’n deza annan e ki aprezan ou’n koupe.  Trwazyenmman si dan ou bann budget head ki ou annan i annan en posibilite pour ou konsider si ou’n koup labi dan lezot landrwa pour servi sa saving pour pey pour bann dimoun ki vye, me ki pa kapab benefisye avek okenn sa bann Scheme?  Par egzanp en dimoun ki vye, i pe ganny R5mil ekek konman son pansyon.  Me selman i pa pour kapab servi ou bis akoz kekfwa i bezwen al lopital tou le semenn me akoz son dezabilite kot i reste, kekfwa i bezwen anmenn li i pa pour kapab ariv lo bus stop i pour bezwen en transpor prive swa en taxi pirat – eksetera.  E pour al dan en mwan Lopital preski tou son saving pour ale alor i pa pe vreman benefisye avek okenn zot social program tou sa ki ou’n donn li in fini.  Si i annan en fason pour ou kapab pran ou saving pour ou kapab ed sa bann dimoun i pa pour bokou parmi sa bann vye, me pour zot kapab benefisye avek en benefis sosyal.  Mersi Mr Speaker.

 

MR DEPUTY SPEAKER

Mersi Onorab.  CEO.

 

CEO MARCUS SIMEON

Mersi Mr Chair, mersi Onorab pour ou kestyon.  Zis en pti analis bref ‘retirement benefit’ i annan 10,078 dimoun Pansyoner ki pe ganny peye sa benefis ozordi, dan lekel 6,283 i pe ganny zis sa pansyon ; mon repete zis sa R5, 050mil savedir en pti gin par lao 60poursan ; 2,415 pe ganny pansyon ansanm avek sorry 3191 pe ganny  sa pansyon ansanm avek son pansyon kontribisyon avek Pension Fund.  793 pe ganny pansyon avek Pension Fund osi Government Pension parey nou kontan dir Pansyon  Angle e en pti git par anba 6mil sorry 541 pe ganny zis pansyon avek Pansyon Angle.  Sa en pti pe bann break down en.  Pour envalidite – pour benefis envalidite zis bear avek mwan en pti kou, 1700 dimoun pe ganny benefis envalidite e ki mars … e 860 dimoun pe ganny sa ki nou appel benefis dezabilite.  I more or less the same ;  sel diferans se ki enn ti’n zis kit travay, lot ti deza travay dan son lavi, me selman la in ganny en dezabilite.  Pour sa kestyon lasistans en pe pli targete – sirtou pour bann Pansyoner – sa mon phrase li koumsa, mon krwar ansanm sa, i annan bann travay an gro ki nou bezwen fer ansanm avek Minister avek kreasyon an re Rejuvanization Konsey for the Elderly kot nou kapab donn sa lasistans en pe pli targete mon konn byen ou’n nonm transportasyon i annan dimoun aze ki kou i vreman high.  Ou pe vwar dan sa 10mil zis 6mil ladan 60poursan pe zis ganny sa pansyon e ladan i annan bann ki bezwen met pampers malerezman.  I annan bann ki bezwen bann led spesyalize nou pe ganny demande pour rod bann matla – bann keksoz koumsa ki vreman spesyalize ki koute e zis lo sa pansyon tousel malerezman i pour keksoz pour en pe difisil.  E sa dan bann gran laliny dan le fitir Minister, mon krwar nou pe al travay ; akoz gran – way forward se ki nou pa zis met tou dimoun dan en menm basket tret zot parey.  Si i annan sa lapros pli targete, i stem from Welfare li menm li, i stem from any lezot benefis ki nou annan.  I kapab mean down the line ou fer en analysis.  Bann dimoun ki lo pansyon sa 3mil ekek dimoun ki pe ganny benefis ozordi, ou pe vwar ki poudir i annan apepre 900 dimoun ki pe ganny pansyon avek Pension Fund ki par lao R10mil.  So zot pe ganny R10mil avek Pension Fund apre R5mil kot nou.  I annan pe ganny bokou plis R30mil R40mil menm par lao R100mil.  So i annan en desizyon ki pe vini down the line, kot ki mannyer nou pour fer li pli ekitab.  Sa ki ganny plis kekfwa, sa baseline i bezwen amande.  So sa bann direksyon ki pe ganny evalye ansanm avek Minister kot bann policies ki fer li vin pli fair-up  pli ekitab down the line, e rekonnet pour ki dimoun i incur.  Lo Kote Welfare ou’n nonm sa R40milyon sa R40milyon ;  sa R40milyon  wi in redwir.   Rezon prensipal ladan se ki R20milyon dan sa R80milyon per se in ganny transfer anba URS pour cater pour sa progranm URS spesifik.  Fer krwar i ti la savedir nou Bidze Welfare ti pour still R60milyon larestan i restriktirasyon ki nou pe fer internally nou pe fer bann assessment pour met plis kondisyon lo dimoun ki napa bokou.  I annan kondisyon ki nou pe met an plas, ki bann paran ki zot zanfan i lo Welfare – fer sir ki zot zanfan – link performans zot zanfan kot lekol.  Minister Ledikasyon pe vin avek competency-basde assessment tou bann keksoz.  Me an gro travay pli an tim an kolaborasyon pour fer sir ki i napa labi e sa lasistans ki nou pe donnen i vreman annan lefe transformatif.  Mersi.

 

MR DEPUTY SPEAKER

Ok?  Mersi CEO.  I reste 3 Manm pour lo mon lalis pour poz kestyon.  Eski zot le nou pran en break la nou a retournen 11er?  Oubyen zot le fini?  Ok?  Onorab annou fer nou kestyon presi.  Onorab Esparon.

 

HON REGINA ESPARON

Mersi Mr Speaker.  Mon a seye fer presi.  Mr Speaker zis en pri klarifikasyon sa pwen ki fek ganny fer par Mr Simeon la ‘invalidity benefit’ bann dimoun ki ganny partial malgre ki ti ganny revize pour bann dimoun ki ganny ki permanent me pour zot ti reste R1250, eski i annan plan pour revize?  Sa i enn mon vwar ‘maternity benefit’ in ogmante konsiderableman par 139poursan en pti leksplikasyon lo la silvouple?  Eski nou pour annan plis zanfan ki pour ne lannen prosenn – mon pa konnen  mwan – eksplik mwan.  Lo kote ‘barthel index’ mon konnen i sa instrument ki ganny servi pour asses bann dimoun pour ganny Carer eski ou krwar ki tou dimoun ki kouver anba la?  Parske i pran konmsi take into account bann dimoun pour bann mobilite e osi zot abilite fizik, me lo kote mantal i pa tro tonm anba la.  E i annan dimoun ki santi bann problenm senile ki zot pa pe ganny kouver anba la anba sa ‘barthel index’ en pti lesplikasyon.  Epi mon ti a kontan CEO en fwa pour tou eklersi nou lo en pwen ; nou annan sa ki apel Lopital North East Point laba ki tonm dan distrik Glacis Hospice i tonm anba Regional Home for the Elderly, i tonm anba la e seksyon nou annan Lopital North East Point, ki anler dan letaz e nou annan sa bout kot mental hospital.  Mon anvi en leklersisman pour bann dimoun ki annan zot fanmir laba byen konpran ki arive zot larzan Sekirite Sosyal sa bann dimoun i annan ki ganny sekirite sosyal i annan ki ganny lasistans ki mannyer i ganny take care of?  Kote i ale e ki mannyer i ganny depanse? Mersi

 

MR DEPUTY SPEAKER

Mersi Onorab.  CEO

 

CEO MARCUS SIMEON

Mersi Mr Chair mersi Onorab mon a konmans avek North East Point Hospital li i en ler en dimoun i al laba sa larzan R5,050mil whatever ki zot gannyen i transfer over to Minister Lasante.  Akoz Minister Lasante ki run sa hospital e la Minister Lasante li i sipoze fer sa larzan benefisye sa bann dimoun.  Mon konpran pour le moman zot annan sa laranzman kot zot pe donn – konbyen  R100 oubyen R400 par semenn – R100 – R200 mon konnen i annan bann revizyon, akoz Minister Lasante i dir, i annan lezot servis adisyonnel parey transportasyon bann keksoz koumsa.  Me selman sa i bann kestyon plis pour Minister Lasante.  Lo nou kote nou, sa larzan i al pour sa bann dimoun atraver Minister Lasante.  Me selman internally i annan bann diskisyon ki nou pe fer pour fer sir ki i vreman benefisye i vreman go to the benefit of sa bann dimoun.  ‘Barthel assesment’ pour Home Care i osi i en zouti ki Minister Lasante i servi pour asses si en dimoun i bezwen led avek son daily living activities.  I annan en lot form spesifik pour bann dimoun ki mental health e li i pe pli i en pour apply li i en pe plis spesyalize.  Me tou lede i en zout ;i parey okenn ki zouti i tou depan lo sa dimoun ki pe servi li ki mannyer i pour efektiv dan son assessment.  E la nou pe vwar kot nou annan en pe defayans kot avek bann diskisyon ki nou fer avek bann zofisye dan Minister Lasante,  mannyer fason ki mannyer pour servi sa bann form byen pour ganny kree konman en module dan training zofisye Minister Lasante koumsa i kapab zot tou zot ganny sa konesans pour servi li byen.  Akoz i annan de fwa i annan dimoun ki met en score ki en i fer li pa kalifye pour Carer me selman dan bann komanter ou vwar poudir i totalman le kontrer konpran.  So zot konnen poudir sa dimoun i merite, me selman zot pa konnen ki mannyer pour servi sa zouti byen.  E sa i en kestyon training i en kestyon capacity building ki mon konnen Minister Lasante pe fer.  Ou’n mansyonn osi lo ‘partial injury benefits’.  Sa i bann legzersis ki parey Minister Finans i fer nou bezwen revize reget tou.  Ozordi i annan dimoun ki’n koup en ledwa i pe ganny R500 pour lavi?  Eski i kontinyen normal sa?  Ou konpran?  I annan o zofisye – pti dimoun, nenport ki dimoun.  So wi, akoz i dan en Lalwa.  Sa Lalwa i dir ou’n perdi en ledwa ou ganny 10poursan sa benefis.  Ou perdi en lot keksoz, ou ganny 15poursan.  So sa revi nou pa kapab get zis injury nou bezwen get li olistikman pour fer sir en pti saving la en pti saving laba, i annan landrwa kot nou kapab fer bokou plis me nou bezwen annan en revi holistique.  Akoz sa Lalwa i stem from lalwa ‘social security benefit’ ki ti ganny kree depi bann lannen ‘79 in reevalye of course.  Me selman la baz i kondwir lo sa bann letan.  Par egzanp i annan sa zafer pansyon fodre ou’n dan pei pour plis ki 5an tousala i norm ki ti été dan lepase akoz dimoun pa ti travel bokou, me la Seselwa i travel la mazorite dimoun ki vin devan – ozordi i fail lo la.  E nou bezwen extend sa test.  Me still again i pa fer li tro fair kot nou bezwen rod en fason ki wi, i capture sa dimoun – fodre sa dimoun i prouve ki i pe reste Sesel.  Akoz sa i anliny avek tou bann lezot benefis ki nou vwar dan pei.  Sa ‘state funded baseline benefit’ ler nou get bann modalité, zot tou fodre sa dimoun i rezidans malerezman.  Be ki mannyer nou prouve ki ou en rezidan that’s a different matter.  E sa i bann revizyon ki parey PS i dir i get dan sa gran laliny nou get zot tou ansanm get zot olistikman e fer en revi lo la.  Mersi.

 

MR DEPUTY SPEAKER

Mersi CEO.  Onorab Esparon.

 

HON REGINA ESPARON

Mersi Mr Speaker.  Zis i pa’n reponn mon CEO pa’n reponn mon ‘maternity benefit’ la ki in ogmante par 139poursan.

 

MR DEPUTY SPEAKER

Ok.  CEO.

 

CEO MARCUS SIMEON

Sorry Mr Chair, sorry Onorab.  I paret i annan en pti anomaly lo la ; akoz sa R700mil ekek sa diferans apepre R400mil ki ladan i sipoze antre dan ‘benefis orfelen. ’ So lot lannen ki ti pour arive nou ti pour fer en internal virement pour met li byen dan son pozisyon ki i pour été.  I anliny avek sa 293 akoz kantite zanfan ki ne pa pour sanz bokou par lannen pour apepre 1500 – 1600.  So vre i annan en anomaly zot in rekonnet ladan kot bann pozisyon, bann figures ki mannyer in ganny tipe in mal tonbe.  Mersi.

 

MR DEPUTY SPEAKER

Mersi CEO.  Onorab Simon Gill ou annan en swivi.

 

HON SIMON GILL

Mersi Mr Speaker.  Mr Speaker mon manke taler ler mon ti pe rod en presizyon konnen ki kantite Home for the Elderly i annan?  Prezan lo la la dapre bann recollection mon konpran Vijay.  Vijay in adopte enn – enn sa bann Home ki zefor lo kote nouvo Minister dan zot loperasyon zot pe fer eski zot pe pourswiv sa travay pour ki lezot Businessmen enterese i kapab take over bann Home, pour ki nou mitigate en pe bann cost – i kapab annan en swivi en mentenans bokou plis sistematik, pour ki nou gard standar dan sa bann fasilite silvouple.  Mersi.

 

MR DEPUTY SPEAKER

Mersi Onorab Gill.  Minis.

 

MINISTER JEANNE SIMEON

Mersi Chair, mersi Onorab.  Nou annan nou 9 sa bann Homes lo Mahe Praslin avek La Digue.  E pour le moman se Gouvernman ki pe antreprann parey mon dir taler pour fer sa assessment e apre pour fer le neseser for maintenance ki bezwen.  Me i pa anpes nou en fwa ki Konsey i lo son lipye pour nou kapab apros osi petet interested business persons ki ti kapab donn en koudmen pour tir en pe osi kou lo Gouvernman.  E petet osi zot kapab annan en sistenm ki zot adopte enn sa bann Homes e fer sir ki …

 

HON SIMON GILL

(Mic Off))

 

MINISTER JEANNE SIMEON

…( pardon Onorab?)

 

MR DEPUTY SPEAKER

Yes Onorab Gill.

 

HON SIMON GILL

Mr Speaker mon dir Vijay in adopte enn li, se sa mon pe demande eski sa zefor pe kontinyen, pour ki nou kapab ganny sa bann lezot Home ki pa ankor ganny adopte pour ki an retour i donn sa sipor e lasirans ki sa bann Homes i ganny mentenir e gard sa standar servis.  Mersi.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Onorab mersi pour klarifye en pti pe sa petet mon ankor nouvo dan Minister – me selman parey mon dir i enn bann i pour enn bann aksyon ki nou ti a kontinyen fer avek lezot business persons, ki ti ava enterese parey mon dir – e sa i ti ava ede pour redwir en pe kou lo Gouvernman e osi sa bann ti ava asire ki bann maintenance minor ou petet major maintenances i ganny fer ki bann Homes i gard i reste lo en standar akseptab.  Mersi.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman premyerman, eski dan sa Bidze i annan okenn provizyon pour donn en manman – pli boner in leve sa size – pour donn en manman en paran ki bezwen reste avek son zanfan konman en Carer 24 lo 24 en ogmantasyon sa i enn.  Dezyenmman olye pour al rod koupe pour bann dimoun ki ganny ki pran zot retret 60an pour pa donn zot Sekirite Sosyal, e la nou pe koz zis 16 dimoun – R1milyon pour sa lannen ok baze lo sa chiffre ki ou’n donn nou.  Eski zot pa krwar ki poudir i ti pour meyer olye pini bann dimoun ki’n travay, ki’n kontribye dan sa sosyete, e se sa ki pour fer zot kalifye pour en pansyon, al regard bann dimoun ki’n pa’n travay, ki pa’n fer kontribisyon e ogmant zot laz fer zot vin 65an – ki sa i ava lazistis sosyal.  Apre Mr Chairman, en prosedir fast track pour en pasyan ki’n sorti Lopital in sorti Lopital i dan en wheelchair Dokter i dir avek li ki poudir i bezwen en Carer eski i napa en fason en sistenm fast track ki sa dimoun i kapab ganny son Carer o pli vit posib?  E la mon annan en msye in fer aksidan i ankor pe espere zot in dir li semenn prosenn, semenn prosenn, semenn prosenn ; in bezwen antretan fer son madanm aret travay pour son madanm vin donn li pour son madanm vin donn li lasistans.  E finalman pour bann dimoun avek dezabilite – par egzanp ki sorti Praslin oubyen La Digue eski dan sa Bidze i annan okenn provizyon ki zot bezwen vin Lopital pour ki letan zot ariv Mahe swa zot ganny en lasistans direk pour anmenn zot Lopital pour zot fer sa ki neseser direkteman avek lopital oubyen pour zot kapab letan zot in fini pey sa taxi R500, pour zot nobou kapab ganny en refund.  Parske sa pti larzan ki zot gannyen zot fer en trip Mahe e tou sa larzan in fini.  Mersi bokou.

 

MR DEPUTY SPEAKER

Mersi Onorab.  CEO.

 

CEO MARCUS SIMEON

Mersi Mr Chair, mersi Onorab pour ou kestyon.  Pour sa zis en pti klarifikasyon pour bann dimoun ki pe ganny pansyon laz 60an – pour le moman i annan 776 dimoun dan sa group.  Sa 16 dimoun i zis an mouvman ant zis and Oktob avek Novanm la.  An tou sa lannen in annan apepre 160 nouvo dimoun ki pe ganny sa benefis ki’n antre lo la. So i quite en pe signifikan e ler ou pe kont sa 76 – sa 776 i kout apepre R40milyon an plis.  So sa dan le fitir sanmenm sa ki i pe i annan sa anomaly dan lalwa pour le moman e sanmenm sa ki Gouvernman i dir poudir ki nou bezwen regete.  Akoz down the line i pour vin bokou plis ankor e nou bezwen ankouraz nou bann dimoun pour reste dan lanplwa.  Me selman sa i en plis en keksoz an gro.  Lo kote sey fast track pour Carer Carer i annan son striktir li menm li nou bezwen nou pe regete pour re aranze pour vreman i bezwen en moter, ki vreman pe travay dir ladan akoz sa 5 – 7 dimoun, ansanm avek Administrasyon i pa pour ase pour monitor pour fer sir en keksoz i bouze.  Sanmenm sa dan Bidze Lazans an gro, i annan lot lannen pour 5 nouvo staff me sa striktir par deryer li menm li nou pe diskite ansanm avek tim kot biro Minis, pour met li an plas pour li kapab ganny sa landrwa definitif, pour bann keksoz koumsa pa arive.  Sa dimoun li ki bezwen sa Care -r i annan Dokter i rekomande e sipoze en keksoz fast track, me i pri dan bann dan bann cogs ki annan dan sistenm anler.  Ler Nou annan sa wants – sa landrwa kot ou konnen ou bezwen ale, ou al la, e la tou keksoz i sort out.  ‘Dezabilite benefis’ antre pour bann dimoun ki lo bann Zil deza si en dimoun okenn dimoun ki pe ki ganny refer pour vin tretman lo Mahe, menm La Digue pour al Praslin, zot bato zot pa peye.  Sa i ganny kouver anba sa bann Scheme sa en bout ki Onorab Ferrari ti pe mansyonnen taler.  I annan sa Scheme ‘Inter Island Travel for Medical Purposes. ’ So i ganny kouver ladan.  Zo, zot pa pey ditou.  Minister Lasante i annan bann sistenm an plas kot zot enform sa bato sa dimoun i la i pe pase.  Me selman ler i vin Mahe, again sa i vin an son globalite kot lasistans i bezwen vin en pe pli targete.  Mwan mon annan en dezabilite, ou, ou annan en dezabilit,e nou tou lede nou pour ganny menm parey pour le moman.  Me pa get ou spesifikasite.  E sa ki Gouvernman pe bouz lo la fer nou lasistans vin pli targete.  Si ou, ou kapab fer en pti keksoz konman en dezabilite allow ou pour fer.  E Lalwa ti sanze an 2015 espesyalman pour kapab allow ou lontan ou ti ganny benefis si ou ti ganny ou pti louvraz en keksoz koumsa ti koupe en sel kou – tou larzan i fini. La i koupe en bout.  Me selman i annan bann lot nivo ki nou bezwen al lo la pour fer li vin pli – konmsi ou santi poudir sa lasistans ki ou gannyen in ganny targete for your needs.  I pa’n sey met mon dan en sel bwat nou tou ansanm pour dir nou tou nou parey si ou bezwen vin kot Mahe pour fer ou tretman, kekfwa i annan bann kou diferans an plis down the line nou pe vwar sa bann keksoz pour antre.  I annan en analysis nou pe al fer la plis lead towards Welfare ki pour gete konbyen sak fanmir i sipoze depanse minimum nou pour allow pour capture sa.  Par egzanp en fanmir lo Welfare ki pe ganny lasistans Welfare ki annan zanfan anba 4an, so depans i pour pli o i kapab enn pli o ki zanfan i dan lakres i dan P1 – konpran?  Me tousala bann fakter pa pe ganny pa antre dan en equation pour le moman e nou bezwen fer li antre dan en fason ki vin pli fair, pli ekitab.  Mersi.

 

MR DEPUTY SPEAKER

Mersi CEO.  Onorab Ramkalawan.

 

HON WAVEL RAMKALAWAN

Paran avek dezabilite e si sa analiz e tou antretan zot pe kontinyen fer sa bann depans.  Aprezan i annan en fiy Praslin ki’n desann Mahe in fer 12 loperasyon an tou, e i dan en wheelchair – son manman i desann avek li.  I pour pran sa Cat Cocos, i tro bokou.  Alors i pran en Avyon e from Airport to Victoria R500 pour li retournen – en lot R500 e la lanmenm la ou’n fini depas egzakteman.  So eski nou kapab annan en sistenm ki konmsi deswit la letan zot fer sa bann depans zot ti ava kapab vini pour claim.  E parey mon pe dir osi sa paran ki pe vey ki Carer me selman i 24 lo 24, si i kapab ganny en pti keksoz an plis, silvouple.

 

MR DEPUTY SPEAKER

Ok mersi.  CEO.

 

CEO MARCUS SIMEON

Mersi Mr Chai, mersi Onorab.  Sorry mon pas tous sa bout byen.  Bann ka koumsa bann ka eksepsyonnel sel rekour ki i annan se anba Lazans Welfare ki nou apel en one-off payment ; akoz li i kouver anba lalwa pour en sityasyon egzizan ki’n arive.  Dan sa ka sa fanmir zot kapab kouver anba la be zot bezwen al fer sa bann prosedir.  Pour sa manman ki pe care pour son zanfan 24erdtan ; pour le moman anba Scheme Welfare – anba Home Care i pour ganny peye parey nenport ki; me ler sa restriktirasyon in arive e tou sa bann modalité i ganny pran an kont then keksoz i ava diferan.  Nou pe – la pour le moman nou dan faz training nou pe push pour li pase hopefully by mid lannen prosen?  Selman plis sa i lo kote akoz sa i gran laliny anler lo Polisi.

 

MR DEPUTY SPEAKER

Ok mersi CEO.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair mon annan detrwa pti pwen e bann largiman ki pe avanse la mon donn mon sipor; akoz mon krwar i fer en bon pe sans.  E pour zot revwar sa Lalwa egzakteman ki mannyer keksoz i été, i bezwen ganny fer en pe pli vit.  Mon ti ava demande ki olye esper lanmwatye lannen al pli vit avek, akoz nou bann dimoun vreman i bezwen ganny sa lasistans.  Ler nou pe koz lo sa zafer ‘social programs’ la bann kot transpor ou bezwen subsidise ou bezwen ede si ou pour pran Cat Cocos – si ou pour pran bis ensidswit, mwan mon krwar tou sa i bezwen arete imedyatman – arete imedyatman, me avek en legzersis ki ganny fer.  Ki kantite Pansyoner nou annan?  Konbyen i pour koute pour donn zot en ogmantasyon ki kapab R500, i kapab R1000mil – mon pa konnen mon ti ava demann PS Finans fer en pti kalkil en pe vitman la.  Akoz sa ki nou pe depanse ek transpor la pa tou Pansyoner ki benefisye. Pansyoner i annan ki benefisye ki bezwen petet son latizann.  I annan lot ki pa travel ditou li, me i annan en lot bezwen ki i bezwen e i bezwen li vitman.  Si alor son pti larzan i ti dan son lanmen i ti kapab fer en keksoz avek ki i byen bezwen.  E alor sa i devret ganny koupe me i ava ganny son ogmantasyon lo son pansyon.  Donn li en ogmantasyon lo son pansyon baze lo sa bann depans ki la la.  So ou a translate sa dan si i vin R200 sakenn ava ganny son R200 – si i pe aste son latizann si i le pey son transpor, i ava ganny son bout pour li pey son transpor si i le whatever ki i le fer avek i a gannyen par sa bezwen ki sa Pansyoner at that time i bezwen.  Parfwa parey in ganny dir, i bezwen li pour anmenn li kot i reste semen pa ankor ganny fer i bezwen li pour li desann sepa dan fotey swa i bezwen en help quelque fason, so i ava ganny son larzan la imedyatman fer sa legzersis pour nou gete si nou kapab pran en desizyon ozordi menm nou kapab pran en desizyon dan sa direksyon.  2enm keksoz Mr Speaker – Mr Chair se ki mannyer anba sa Bidze nou pour adres bann ka vilnerab – lapovrete, si oule bann fanmir ki pe reste dan en lakaz vreman delapide ki vreman dan problenm e ki pa kapab pran okenn loan.  E menm si ou pour donn li larzan dizon i ariv R25mil pour li repare menm pour donn li en larzan dan son lanmen i pa kapab al fer sa travay li ; i pa kapab al re organiz li pour li fer sa alor.  E an menm tan seksyon SS kot lapovrete laba kot Mr Esparon, i osi pa ankor kapab arive akoz li i pe get lezot distrik petet i pa ankor arive kot sa distrik, kot i annan sa ka ki nou pe nonmen  e i pou napa zis en ka i annan plizyer ka dan plizyer  distrik lo Mahe ; alor ki mannyer anba sa Bidze nou kapab reach out pour rezourd problenm sa bann dimoun ki koumsa e vitman.  Mon ti a kontan en larepons par – e konmsi dir nou ki sa bann prosedir; tou sa bann dimoun a konnen en fason ler i annan bann ka spesifik koumsa alor i ava annan en fast track way ki sa bann problenm i kapab deal avek apropriyeman.  E dernyerman, en paran i oule tir son zanfan lekol akoz son zanfan i delenkan i anpes lezot zanfan aprann e i annan petet 14an – 15an sa zanfan me i pa kapab al lekol i pa kapab kontinyen i deranz lekol i en problenm e sa paran i rekonnet sa e i oule tir son zanfan lekol, me lekol i dir li non Lalwa i dir ou, ou oblize pour serten letan sa zanfan i bezwen lekol sansan ou kapab kondannen e al dan prizon.  Ki mannyer Minister Lafanmir i la avek Sosyal ki mannyer i kapab pran konmsi ki mannyer konbyen letan i pran pour rezourd en tel problenm parey?  Konmsi ki ou fer ?  Ki mannyer nou ed sa paran avek sa zanfan an bonn fwa i oule tir li lekol pour ed lezot zanfan osi an menm tan pour ed li petet nou kapab plase li en landrwa.  Konmsi dir nou ki mannyer e ki fason vitman pour nou tackle sa bann kalite problenm, ki pe ronz nou sosyete.  Mersi.

 

MR DEPUTY SPEAKER

Mersi Onorab.  CEO.

 

CEO MARCUS SIMEON

Mersi Mr Chair, mersi Onorab.  Onorab nou pe pran ou sizesyon lo size ‘Transport Scheme,’ me selman nou bezwen be a bit careful kot nou pa fer en keksoz pour le moman ki target zis sa group dimoun.  Then nou pe met li an gro.  Dan sa legzersis kot nou pe vreman gete ki mannyer nou pour fer keksoz pli ekitab, pli fairer.  I annan Pansyoner ki pa bezwen sa bout R500 an plis ; i annan ki bezwen R1000mil – R2000mil an plis.  So i annan sa legzersis koumsa ki nou bezwen fer ki pour ganny fer.  Lo kote reparasyon sa bann dimoun vilnerab dezabilite, i annan sa Scheme ‘Vulnerable Repair Scheme’ ki la Bidze 2018 i R15milyon – menm parey pour 2017, e li i cater pour sa bann keksoz koumsa ki ou pe dir . Tou i konmans par idantifikasyon ; idantifikasyon i konmans dan zot distrik – DA son dimoun – i ale ou vwar poudir Marcus Simeon li i sa dimoun laba ki pe dezabilite dan en sityasyon deplorab – mon pe gete si mon pour kapab ganny lasistans anba la.  And la from then on, nou nou antre, nou fer sa ki nou apel en analysis pou gete si vre lefe ki DA sa vre lefe ki distrik in dir si sa i li menm.  E si tou keksoz i above board then nou pa donn dimoun larzan dan lanmen i al dan striktir kot teknisyen i fer en scope of work, i tender louvraz i tender Kontrakter i bouze, i antre.  Me nou bezwen ganny sa lenformasyon bon, kredib sorti dan distrik kot in fer son idantifikasyon son bann cases e la baze lo nou assesment, nou link ansanm ek travay close avek distrik, avek  Local Government sirtou pour bouz keksoz devan.  Mersi.  Sa lot bout mon krwar i pour …

 

MR DEPUTY SPEAKER

Mersi CEO.  Minis oule azout keksoz ?  Go ahead Minis.

 

MINISTER JEANNE SIMEON

Pour kestyon Onorab De Commarmond, kot in koz lo ki mannyer nou ed paran ki annan bann zanfan ki pa kapab reste dan lekol.  Mon krwar Minis yer dan son lentervansyon dan Lasanble, in dir poudir nou pe travay very closely ; Minister Ledikasyon, Minister Lafanmir pour nou kapab siport sa bann zanfan.  I annan bann progranm alternativ ki Minister ti mansyonnen yer. In osi mansyonn en Sant Spesyal ki n nou’n lager e la nou pe vwar en laklerte at least pour dir i pour vin en realite.  E osi nou annan bann travay ki pour ganny fer avek lanplwa kot nou a kapab konmans bann skills – development program pour sa bann zanfan ki laz i preski pour li parey al konmans travay, ki nou a donn li bann skills pour li al konmans travay e.  E osi nou’n osi pe avek Minister Ledikasyon pe eksplor posibilite, kot i ava annan bann Lakonpannyen Konstriksyon, ouswa lezot ki pare pour resevwar sa bann zanfan ki kapab ed zot on the job training – build-up zot skills ki apre swa zot kapab reste avek sa lakonpannyen e travay ouswa bouz dan en lot en lot domenn.  Sa i bann – i bann travay ki nou pe fer dan sa lannen la e ki nou pe vwar li abouti bann keksoz an 2018.  Sirman nou pour vwar en keksoz ki pour met an plas …

 

MR DEPUTY SPEAKER

Mersi Minis.  PS Payet.

 

PS PATRICK PAYET

Mersi Mr Chair, mersi Onorab.  Zis pour azoute ki sak R100 ki nou pour si proposal pour increase, i pour kout ou R1milyon par mwan.  Par egzanp si ou pe increase R100 pour sak Pansyoner i pour kout ou R12milyon par lannen e si proposal ki nou pour increase R5milyon i pour kout ou R5milyon par mwan ki R60milyon par lannen.  So en keksoz ki mon krwar CEO in diskite e ki Gouvernman pe revwar, se annou revwar ki mannyer nou kapab vwar sa bann benefis avek sa bann progranm ki egziste anba Proteksyon Sosyal pour fer li more targeted.  E pour vwar dan son totalite fer assesment.  Par egzanp vre ki i kapab arive ki i annan dimoun ki pe ganny son pansyon kekfwa R50mil, eski li i pour merite pour li ganny sa R500, ouswa en dimoun ki kekfwa pe ganny li sa R5, 050mil kekfwa i bezwen plis?  So sa i en assessment ki Gouvernman pe travay avek Minister Lafanmir avek Lazans Proteksyon Sosyal pour fer sir, ki letan nou pe koz Bidze pour 2019 nou vwar ki sa bann benefis avek progranm it’s more targeted.

 

MR DEPUTY SPEAKER

Mersi PS.  Onorab De Commarmond.

 

HON CHARLES DE COMMARMOND

Wi be konbyen PS, be konbyen kou ou pe depanse la dan Bidze ?  Ou dir si ou ganny si R500 ou ganny R60milyon be konbyen ou pe aktyelman la ou pe depanse?  Mon pe gete si ou pa kapab transfer aktyelman sa ki pe depanse dan en ogmantasyon imedya pour sa bann dimoun.  Akoz la i pa ganny targete byen akoz i annan dimoun ki li i bezwen son bezwen i en lot, me i pa benefisye akoz i pa pe servi transpor.  Sa i enn.  Dezyenmman mon problenm se ki sa ki Mr Simeon in eksplike prosedir i tro long, konplike konmsi mon le ki nou senplifye keksoz, pour nou dimoun sirtou bann ki bezwen lasistans imedya – en pe irzan.  Konmsi dir nou ou kontakte 1, 3, 4 personn ki son prosedir?  Menm zafer avek sa ki Madanm Simeon – Minis Simeon in eksplike, konbyen letan e ki prosedir i pran sa pour plas sa bann dimoun?  En paran parey mon dir ou la i annan problenm avek son zanfan, i desann kote?  I al ledikasyon i al kot DA i al kot Headteacher?  Pa fer li vir an ron konmsi – fer li al dan en laliny byen ki son problenm i rezourd.  E i annan detrwa konpannyen ki nou’n gete, i annan detrwa lorganizasyon ki nou’n fini vwar la pour nou met sa bann dimoun?  En fason ler nou fer sa lapel e nou pe dir bann keksoz enn de paran i ava desann avek zot zanfan taler ou ava i ava ok nou ava liber nou bann lekol kekfwa sa bann problenm nou pe gannyen, tousala i ava amelyore dan serten fason.  Mersi.

 

MR DEPUTY SPEAKER

Mersi Onorab.  Minis.

 

MINISTER JEANNE SIMEON

Mersi Onorab.  Pour konsernan zanfan ki annan problenm tou paran i konnen poudir si son zanfan i annan problenm i bezwen apros lekol.  I annan management lekol ki la, ki pou donn li sa gidans ki i pour fer.  Ledikasyon pour le moman ler Minis i vin dan Lasanble sanmenm sa lannen i ti dir poudir i annan 3 diferan progranm ki pe adrese pour sa bann zanfan ki annan problenm laprantisaz problenm behaviour dan lekol.  Savedir it will be up to the Ministry of Education pour li deside lo ki progranm ki best suited pour sa zanfan ; pour nou kapab sov li la avan ler i kit lekol pour li al dan la kominote – ok?  Pour Sant ki nou pe propoze parey nou’n dir sant pour konmanse sa lannen 2018, me in the meantime avek Ledikasyon nou annan en progranm enterim, akoz nou vwar poudir bann ki fini sorti dan lekol bann ki pa ankor sorti ki paran i kapab al koz avek management lekol, pour gete ki progranm Minister Ledikasyon i annan konmela pour met zot lo la.  I annan bann progranm osi parey ‘TIVET’ si li i pa kapab lo kote akademik ki i a kapab al dan bann skills dan bann development program.  Me pour bann – akoz nou annan ki’n fini ki’n fini sorti dan lekol, Departman Social Affairs i annan nou annan en bon pe sa bann zanfan ki’n drop-out dan lekol ouswa Minister Ledikasyon in sispann pa’n retourn ankor dan lekol ; i annan ki’n ganny expelled from lekol zot deor lekol ok, me selman nou avan ler ki nou ki nou sote poudir ki annou fer, fer sa nou bezwen assess get bezwen sa bann manrmay.  I annan en survey ki nou konmanse le 27 Novanm la, nou fini fer nou lenstriman – ok – nou pe al gete oli zot sa bann manrmay ki’n sorti dan Minister Ledikasyon ; parey mon dir depandan lo sa bann sirkonstans, zot out their dan community ki zot pe fer?  Lekel zot?  Ki zot pe fer – ok?  E ki zot bezwen?   I annan ki’n nou pe konmans sa letid pour bann ki’n sorti depi 2014 ok, pour nou regarde – ok?  Prezan baze lo nou pour al interview zot nou pour al interview zot paran ki ti Headteacher ki ti son ki ti son forte letan i ti dan Ledikasyon ok – in fer malelve ouswa in sorti.  Me selman i annan ki akademikman zot bon.  Ok?  So ki bezwen sa bann manrmay nou bezwen fer profile ki sa bann manrmay pour nou vwar e apre ki nou a fer en progranm parey mon dir ki target zot baze lo zot bezwen.  Nou pa kapab zis fer en cover progranm, i pa pour fit zot needs – spesyalman bann zanfan ki annan problenm konportman problenm disiplin.  Nou bezwen vwar egzakteman ki zot bezwen, avan ler ki zot deviz progranm pour suit zot.  Already parey mon dir Minister Ledikasyon pe pran ka, avek sa bann ki i krwar i a risk pour zot sorti dan lekol.  I pe siport zot i annan diferan progranm ki pe fer.  E nou pour sa pour sa sant letan nou pour fer nou pour annan en sant ki’n sa Sant ki pour pran an kont, bann ki nou pe dir zot pe zot al dan kominote, zot pa antre kot fanmir zot marse aswar eksetera, i annan son rezidansyel kot nou pour pran zot dan staz met zot a rezidans e ofer zot sa alternative program.  I pour annan en lot group ki li i ok – kanmenm i fer son pa bon lekol i annan en fanmir i ale aswar, i kapab dormi laba kot son fanmir i pa ankor ganny pouse dan lakour so li i ava annan son de program ki i ava fit son ki ava fit son needs – ok?  Me ankor en fwa pour nou kapab fer sa bann keksoz nou bezwen konn bann bezwen spesifik. Akoz ler ou vwar bann lezot progranm dan lezot pei lemonn ki pe ganny fer, i targete i annan spesifik needs ki sa bann zanfan.  Ou pa kapab zis vini fer en progranm met la ozordi e dir annou anmas 50 nou a met lo la – ok?  So …

 

MR DEPUTY SPEAKER

Mersi Minis.  PS.

 

PS PATRICK PAYET

Mersi Mr Chair, mersi Onorab.  Zis pour azoute ki dan Bidze i annan R3.7milyon ki’n ganny allocate pour ‘Transpor Scheme’ pour Praslin avek La Digue konpare si nou increase R500 i pour kout nou R60milyon.

 

MR DEPUTY SPEAKER

Ok. Mersi.  Mon annan en dernyen pti kestyon kot Onorab Henrie – vit.

 

HON GERVAIS HENRIE

Mersi Mr Chair.  Dan deba Bidze an 2016 ler agency ti vini ti annan sa kestyon ‘Liberation Memorial Fund’ ki ti monte.  E PS Payet ti donn nou en lasirans ki zot pour al inquire about sa what is it e kantite zot pe gannyen?  So mon le zis konnen si zot in ganny en lesplikasyon lo la.  Mersi.

 

MR DEPUTY SPEAKER

Mersi Onorab.  PS.

 

PS PATRICK PAYET

Wi Mr Chair mersi Mr Chair mersi Onorab.  Nou kapab donn zot en pe detay tou sa bann dimoun ki pe benefisye ti annan en Decree ki ti tonm dan lalwa ki ti sorti lo la i detaye lekel sa bann dimoun ki eligible e letan nou’n regarde sa bann fanmir ki pe gannyen i dapre sa bout Lalwa ki egziste.  Me nou kapab donn ou detay lo sa Lalwa ki egziste e lekel sa bann fanmir ki benefisye ladan.  Mersi

 

MR DEPUTY SPEAKER

Ok.  Mersi PS. Bon nou ariv moman pour nou pran en vot mon ti a demann PS pour gid nou.

 

PS PATRICK PAYET

Mersi Mr Chair.  Nou pour pran vot pour ‘Benefis and approved programs of ASP’ pour en lavaler R1,75,686bilyon lo paz 34.

 

HON WAVEL RAMKALAWAN

Me mon krwar nou’n diskit tou bomaten.  Dan sa ka nou kapab pran en vot pour tou sa bann lezot Minister tou.  Parske nou’n fini diskit tou bann kestyon ki’n ganny demande.  Nou’n al lo Homes for the Elderly, in al lo tou the family Minis fek donn en gran lesplikasyon lo la fanmir ; we might as well take a vote epi nou adjorn epi nou retournen.

 

(Mic Off)

 

 

MR DEPUTY SPEAKER

Wi en moman.  Mon krwar ti annan en kestyon Onorab Sophola lo dezabilite ki PS ti dir i pa ladan, nou pour retourn apre ; si zot dakor si Minis i kapab – Onorab i ava repet son kestyon, si panel i kapab reponn sa kestyon then nou ava kapab pran en vot osi lo Dezabilite si zot dakor.  Ok ti annan en kestyon osi tou lo kote Onorab Mondon ; then nou ti kapab fini avek Minis pour Lafanmir.  Me bear in mind ki – ok – mon krwar i annan son Minister li menm.  PS paz 609.

 

PS PATRICK PAYET

Zis pour azoute ki Onorab Mondon, nou pour pran li semenn prosenn, akoz i dan en lot vot – wi.

 

MR DEPUTY SPEAKER

Ok be ale, donn nou gidans PS.

 

PS PATRICK PAYET

So si nou kapab konmans lo sa enn ‘Benefits and Approved Program of ASP’ lo paz 34 apre nou ava al lo Minister avek bann lezot Lazans ki anba li.

 

MR DEPUTY SPEAKER

Bon ok nou pour pran en vot alor lo ‘Benefits and Approved Programs’ lo paz pti 34 pour sonm ki PS in mansyonnen – en sonm en pe plis ki R1bilyon.  Tou Manm ki an faver?   Okenn Manm ki kont?  Ok Madanm Clerk.

 

MADAM CLERK

Mersi Mr Chair.  24 Manm an faver.  Personn kont.  Mersi.

 

MR DEPUTY SPEAKER

Ok savedir sa Bidze in ganny aprouve par Lasanble Nasyonal.  Ok, PS.

 

PS PATRICK PAYET

The next one i lo paz 609 Ministry of Family Affairs ki pour en total R44,526, 500milyon.

 

MR DEPUTY SPEAKER

Ok.  Tou Manm ki an faver?  Okenn Manm ki kont?  Yes Onorab Andre.

 

HON CLIFFORD ANDRE

Mr Chair, mon konpran nou pe sey expedite letan, be mwan mon ti annan – sanmenm sa boner si nou pe konsantre lo paz pti 34.  Mon ti fer kler.  Mon annan issues e kestyon ki mon zabitan in anmenn devan mwan an referans avek Minister Lafanmir kot disability.  Sanmenm sa mon pa’n demande, akoz nou ti pe focus lo en keksoz.

 

MR DEPUTY SPEAKER

Sanmenm nou’n ganny nou pe ganny dirize par ou Leader – ou Leader ki’n mansyonnen ki nou’n tous nou’n kouver tou menm Minis Lafanmir in kouver en pti pe son portfolio ; se sa ki nou pe ganny dirize.  Ok?  E ok.

 

HON CLIFFORD ANDRE

Wi, me mon a poz mon kestyon, akoz mon kestyon pa’n ganny reponn.  Mon ti anvi sanmenm sa mon ti demande boner.

 

MR DEPUTY SPEAKER

Non, non nou’n fini – nou’n fini pran en vot la.  Nou’n fini pran en vot e Clerk ou’n fini konte tou?  Yes.  Ok?  So nou ti pe ganny gide par both the Leaders pe sizere – ok ?  Madanm Clerk ou a donn ou …

 

MADAM CLERK

Mersi Mr Chair.  Mon’n rikord 23 Manm an faver.  Personn kont.  Mersi.

 

MR DEPUTY SPEAKER

Ok.  Savedir Bidze pour Minister Lafanmir in ganny aprouve.  PS.

 

PS PATRICK PAYET

Lot se Lazans Proteksyon Sosyal lo paz 617 pour en total R31.994milyon.

 

MR DEPUTY SPEAKER

Ok.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair.  23 Manm an faver e personn kont.  Mersi.

 

MR DEPUTY SPEAKER

Ok.  Bidze pour Lazans Proteksyon Sosyal savedir in ganny aprouve.  PS.

 

PS PATRICK PAYET

Lo paz 626 – National Council for Children en total R4.935milyon.

 

MR DEPUTY SPEAKER

OkNational Council for Children i ti enn lo sa lalis – enn bann Heads ki nou ti agree pour nou pa kriy bann zofisye dan Lasanble pour nou debat lo la.  So nou ava pran en vot lo paz 626.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair, mersi.  19 an faver, personn kont.  Mersi.

 

MR DEPUTY SPEAKER

Ok, savedir Bidze pour National Council for Children in ganny aprouve.  PS.

 

PS PATRICK PAYET

Lo paz 631 National Council for the Elderly and Homes pour en total R11.301milyon.

 

MR DEPUTY SPEAKER

Ok.  Tou Manm ki an faver?  Elderly in ganny kestyonnen pandan deba – ok?  Tou Manm ki an faver pour sa Bidze.  Madanm Clerk.

 

MADAM CLERK

Mr Chair mersi.  18 Manm an faver – personn kont.  Mersi.

 

MR DEPUTY SPEAKER

Ok, savedir Bidze pour National Council for the Elderly in ganny aprouve.  PS.

 

PS PATRICK PAYET

Lo paz 640 National Council for the Disable – en total R4.292milyon.

 

MR DEPUTY SPEAKER

Ki paz PS?

 

PS PATRICK PAYET

640.

 

MR DEPUTY SPEAKER

Ok, mon vwar.  Ok National Council for the Disable.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair mersi.  25 Manm an faver – personn kont.  Mersi.

 

MR DEPUTY SPEAKER

Mersi.  Bidze pour Konsey pour Dezabilite in ganny aprouve.  PS.

 

PS PATRICK PAYET

E enn dernyen lo paz 646 Social Workers Council pour en lavaler R1milyon.

 

MR DEPUTY SPEAKER

Ok.  Tou Manm ki an faver?  Social Workers Council.  Okenn Manm ki kont?  Madanm Clerk.

 

MADAM CLERK

21 Manm an faver Mr Speaker, e personn kont.  Mersi.

 

MR DEPUTY SPEAKER

Mersi.  Savedir Bidze pour Social Workers Council in ganny aprouve.  Ok PS?  Bon avek sa mon ti a kontan remersi Minis Simeon avek son delegasyon.  E an menm tan nou ava adjourn ziska …

 

(Mic Off)

 

MR DEPUTY SPEAKER

Wi mon krwar – wi mon krwar nou ava fer en sel adjournment ziska 2er.  2er ler nou antre nou pe pran Ministry of Habitat Infrastructure and Land Transport e swivi par Planning Authority.  Ok?  PS Payet.

 

PS PATRICK PAYET

Mersi Mr Chair.  Zis nou pe propoze ki akoz i annan en relevans avek Departman Labita avek Departman Lenfrastriktir Seychelles Planning Authority nou pran sa 3, e Lendi nou pran seksyon Land Transport ansanm Land Transport avek son Departman.  So pour apre midi nou pran Lenfrastriktir, Habitat avek Planning Authority.

 

(Interruption)

 

MR DEPUTY SPEAKER

Ok?  PS ou pe stick lo sa ki ou’n dir PS? Labita, Lenfrastriktir avek Planning – en?  Apre nou a pran Land Transport Lendi – ok?  Avek sa nou pour adjourn e nou ava repran nou travay 2er apre midi.

 

 

(BREAK)

 

 

MINISTRY OF HABITAT, INFRASTRUCTURE & LAND TRANSPORT

 

MR DEPUTY SPEAKER

Bon apre midi tou Manm Onorab e bon apre midi tou dimoun ki pe ekout nou, e ki pe swiv nou lo deba Bidze 2018.  Bon avan nou kontinyen nou travay …  Onorab?

 

HON JEAN-FRANCOIS FERRARI

Non, zis Mr Speaker zis en pti problenm teknik – gete zot in donn mwan lili Dokter Payet pour mwan asiz ladan.  Mon pa pour kapab mon pour bezwen sanze – si ou pa mind mon ava zis sanze en pti kou.

 

MR DEPUTY SPEAKER

Ok.  Antretan PS parey nou ti agree nou pour pran Minister Labita, Lenfrastriktir e Planning Authority.  Nou pour pran tou ansanm?

 

PS PATRICK PAYET

Wi, bon apre midi Mr Chair.

 

MR DEPUTY SPEAKER

Wi, nou kapab pran tou ansanm apre nou ava vot i ava diferan.  Ok zis gid nou lo paz PS.

 

PS PATRICK PAYET

Premye bout i lo paz 363 ziska paz 375 ; apre paz 395 ziska paz 405.  Apre dan PSIP osi paz 29 ziska paz 30.

 

MR DEPUTY SPEAKER

Bon ok mersi mon ava zis demann Parliamentary Reporter pour apel Minis ek son delegasyon.

 

PS PATRICK PAYET

29 a 30.

 

MR DEPUTY SPEAKER

Ok petet nou ava mon ava ganny en show of hands bann Manm ki pour demann kestyon, pour nou kapab bouze ganny en lavans.  Tou bann Manm ki pour demann kestyon pour Minister Labita avek Planning Authority.  Ok mon krwar i full houseOk Minis ou a pran obor PS Finans ok.  Ok nou kapab met obor CEO Planning anr ok ok alright.  Bon mon ti a kontan welcome Minis Charles Bastienne parmi nou akonpannyen par son PS pour Labita Mr Denis Barbe, son PS pour Lenfrastriktir Mr Yves Choppy Financial Controller Ms Loveday e pour Planning Authority CEO Mr Joseph Francois – son AccountantsNew Accountant Ms Richard.  Clerk mon ti a kontan ganny lalis.

 

MADAM CLERK

Mersi Mr Chair.  Bon apre midi tou dimoun Mr Chair mon annan tou dimoun eksepte Onorab Basil Hoareau ki absante Onorab Ghislain pa ankor antre.  Wi tou dimoun.

 

MR DEPUTY SPEAKER

Ale Deputy Clerk lo ou kote.

 

MADAM DEPUTY CLERK

Mersi Mr Chair bon apre midi tou dimoun.  Lo kote LDS mon annan Onorab Ramkalawan, Onorab Afif, Onorab De Letourdie, Onorab Ferrari, Onorab Adelaide, Onorab Hoareau, Onorab Esparon, Onorab Woodcock, Onorab Loizeau, Onorab Larue, Onorab Mondon, Onorab Arrisol, Onorab Pillay osi Onorab Roucou.  Mersi.

 

MR DEPUTY SPEAKER

Ok.  

 

(Interruption))

 

 

 

MR DEPUTY SPEAKER

Ok.  Order! Order ! Order!  Ok Minis parey nou fer pour tou lezot Minister nou pour al direkteman dan kestyon – ok?  Onorab Waven William.  Go ahead Onorab.

 

HON WAVEN WILLIAM

Bon apre midi Minis avek ou lekip.  Mr Chairman mon ti a kontan demann Minis anba PSIP sa ‘Proze ION’ i annan en ‘Proze ION’ avek en ‘Proze Drenaz’ mon trouv i annan en pli pti sonm lefe ki ti annan de faz ‘Proze ex ION’ mon rapel Minis ti vin dan Lasanble ti dir poudir 2enm faz pour konmanse epi son lot voyaz letan i vini i dir be non konmsi sa proze in shelved.  Mon ti a kontan konn status sa 2enm faz proze lakaz ki mon krwar i konpri swa 42 ouswa 43 lakaz e si ou ti kapab eksplike ki sa ‘Proze Drenaz’ pour fer dan Land Bank Barbarons.  Epi Minis si ou ti kapab eksplik nou, (1) kwa ki nou espekte vizavi lapros travay avek lotorite distrik lefe ki depi ler ki ou’n pran lofi,s nou annan en pti pe dezapwentman vizavi lafason ki travay pe ganny fer – sirtou avek konsiltasyon avek distrik sirtou kot i konsern sa Sistenm Pwen.  E an menm tan an sa ki konsern alokasyon lakaz e de plis Minis dimoun ki annan later pe esper zot lakaz ganny fer bann commitments ki’n deza ganny fer oparavan ; tousala nou pa ankor vwar en progranm oubyen en kontrandi vizavi ou Minister.  Mersi.

 

MR DEPUTY SPEAKER

Mersi Onorab William.  Minis.

 

MINISTER CHARLES BASTIENNE

Mr Chair, tou bann Onorab bon apre midi e tou ki a lekout.  Mr Chair konsernan premye kestyon regarding ‘ION,’ commitment ti fer lo komansman pour annan faz 1 avek faz 2 kot nou apel Indian Industries ti été Grand Anse Mahe sa ti vin avan Gouvernman ti pran desizyon fer sa proze 24 lakaz dan distrik ki en fason ki sa proze kot ex-ION i ti sipoze vin en proze lakaz rezyonal ; ki ti pour servi pour deservi tou bann dimoun dan rezyon Grand Anse Mahe Port Glaud e tou.  Me avek desizyon ki ti pran Fevriye sa lannen pour annan en proze dan sak distrik o mwen la kot nou pa’n bouze pour nou al enplimant sa 2enm faz, e kot nou pe aret nou avek sa 40 unit ki nou annan.  I pa pe dir nou pa pour fer sa 2enm faz depandan lo mwayen a lavenir ki nou pour annan then, nou ava regard nou ava donn konsiderasyon.  Konsernan lapros travay avek Lotorite Distrik otan ki posib nou travay tre pros mon Minister i travay tre pros avek Lotorite Distrik.  Kot i neseser nou fer bann konsiltasyon neseser.  Si par egzanp nou pour pran konsernan alokasyon lakaz, parey mon eksplike sa lannen fer mon vin dan Lasanble nou annan en Komite avek bann diferan sekter ki partisip ladan letan i annan alokasyon lakaz.  E Administrater distrik i osi enn eleman kle ki attend miting pour letan nou pe desid alokasyon apre ki nou’n fer nou sistenm nou Sistenm Pwen.  Mr Chair mon pa tro kler lo sa issue commitment ki nou annan vizavi serten dimoun kot Gouvernman ti pour fer serten lakaz, petet mon ti kapab ganny en pe plis leklersisman lo la, avan ler mon PS i a take up sa issue drenaz.  Mersi

 

MR DEPUTY SPEAKER

Mersi Minis.  Onorab William.

 

HON WAVEN WILLIAM

Mr Chairman pour eklersi Minister.  Minister ki mon pe dir la, se ki mon ganny en konpran letan en Minis i sorti e enn i antre si sa Minis ki ale i pran file, i al avek, ouswa i kit dan Minister pour annan swivi lo la?  Enn se ki ti annan bann komitman ki ti ganny fer letan bann Minis Lionnet ti la me problenm ki se i annan en mank swivi par egzanp la en dimoun ki mont dan mon lespri la se Williana Figaro La Misère Souvenir – son later i la ti’n ganny met plan pour ganny fer ; i annan lafanmir Hoareau, Agathine Grand Anse, e menm i annan bann bout later osi i sipoze ganny donnen e i annan commitment ki’n ganny fer.  Me ki nou trouve se ki letan nouvo Minis i antre, ou a krwar poudir bann lenformasyon i perdi avek nou Minis ki ti la oparavan konpare avek sa enn ki antre.  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair mon kapab konfirm avek sa Lasanble poudir letan en Minis i ale, napa okenn file ki ale, napa file ki perdi.  Me ki arive se ki i annan i annan en sanzman dan lafason ki keksoz i ganny fer – ok?  Nou ti tonm dakor par egzanp i vre si dizon Grand Anse Mahe ti annan serten commitment ki ti ganny fer vizavi later, me letan avek nouvo sanzman sistenm fason ki nou fer, nou’n anmenn en Sistenm Pwen.  Me selman mon fer kler a plizyer repriz dan sa Lasanble pour si i annan okenn firm commitment ki ganny fer mon Minister pour bezwen onore.  Akoz mon bezwen onor sa contractual obligation ki Minister in antre ladan whether i mwan or whoever.  Selman ou bezwen onore me konsernan bann konstriksyon konsernan bann lakaz endividi sa Mr Chair, mon krwar mon bezwen take up avek Onorab.  Akoz mwan lo mon kote sa bann non ki’n nonmen mon pa okouran sa bann cases nou ava retrieve sa bann files e nou ava vwar ki commitment ki’n ganny fer avek sa bann endividi.  Mersi Mr Chair.

 

MR DEPUTY SPEAKER

Mersi Minis.  Vitman Onorab William.

 

HON WAVEN WILLIAM

Minis osito posib ki nou kapab zwenn, akoz i annan ou PS la devan lo panel ki okouran sa bann case.  Mersi bokou.

 

MR DEPUTY SPEAKER

Ok mersi Onorab William.  Onorab Roucou.

 

HON CLIVE ROUCOU

Bon apre midi Mr Speaker.  Mersi.  Bon apre midi Minis avek ou delegasyon.  Minis mon annan trwa pti kestyon premye e de i lo PSIP ankor mon vwar ex-Murray Copolia in monte R3.2milyon – mon anvi pour lenformasyon dimoun dan mon distrik kwa ki sa proze pe entails e si garanti ki i pe konmanse lannen 2018?  Ankor dan PSIP paz 30 – 46 unit dan Kan Gard avek en sonm plis ki R14milyon ankor mon pe demann Minis son garanti ki sa proze i ava konmanse desito posib, akoz dimoun mon distrik pe espere.  Epi lo paz 372 dan SP 3 mon vwar in met en sonm en pti pe plis ki R1milyon ogmantasyon, mon pe demann Minis si sa bann nouvo Scheme of Service oubyen si i pe rod nouvo staff ?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair konsernan ex- Murray i vre ki nou ti ganny nou R1milyon sa lannen, me nou pa’n neseserman servi sa R1milyon rezon i senp se akoz i ti annan plizyer travay survey ki nou ti bezwen fer lo sa teren nou ti bezwen fer topo osi ki nou’n konplete, pour nou kapab fer byen nou aliman semen sa la ler i konplete tou bann travay survey in konplete e nou kapab nou ti pe tap tou pour nou at least servi sa R1milyon pour nou kapab fer semen.  Me selman nou’n ganny en pe retar lo la.  Me selman mon kapab konfirmen poudir ex-Murray lannen prosenn nou pour kapab proceed avek sa proze semen akoz ex-Murray nou annan plan apre evalyasyon ki nou ava konplete tre byento whether nou pour annan part rental oubyen part, nou pour fer bann apartman pour nou bann dimoun.  Konsernan Kan Gard – Kan Gard Plaisance nou dan prosedir

 

(Interruption)

 

MINISTER CHARLES BASTIENNE

Ok, ok, ok pour Kan Gard Plaisance, se ki nou annan 24 unit ki nou pour fer nou annan apepre 5 rezidan ki nou pour bezwen relocate ki nou pe fer nou plan ki dan nou plan pour nou relocate zot tre byento.  An se moman sa proze i kot POU.  So wi definitivman nou ekspekte, i a konmanse lannen prosenn i nou swe si nou ti’n ganny adekwa finansman, me nou pour sey balanse an mezir ki nou pour tender savings ki nou gannyen pour nou kapab fer maximum saving Kan Gard.  Rezon i senp se akoz nou ti ava swete kapab konmans re lokasyon anler Société du Logement pli vit posib at least en kote lo semen Belvédère Société du Logement si nou ti kapab fer li i ti pour tre byen me nou ekspekte kapab delivre zot 24 Kan Gard Plaisance.  Konsernan sa R1milyon mon ti ava les mon PS pour kapab klarifye.

 

PS DENIS BARBE

Bon apre midi Mr Chair.  Sa R1milyon i atribye avek Scheme of Service ki nou pe entrodwir pour nou Technical Cadre staff.

 

MR DEPUTY SPEAKER

Ok, mersi PS.  Mon ti a zis kontan enform bann Manm lefe ki full house pour demann kestyon pour enterak lo Bidze annou sey omwen as much as possible al lo Bidze.  Si fodre boner lannen prosenn, nou kapab appel Minis nou a kapab annan en sesyon avek Minis pour fer bann swivi petet en pti pe lo Polisi en pti pe bann assurances ki petet Minis in donnen tou ki petet i pa ankor delivre.  So annou sey as much as possible, annou al lo Bidze e mon fer zot rappel osi tou ki poudir nou annan Lotorite Planning osi tou devan zot – ok?  Onorab Esparon.

 

HON REGINA ESPARON

Mersi Mr Speaker.  Mr Speaker mon ti a kontan demann Minis letan mon pe regard PSIP lo paz 29, 30 e 31 mon pa pe vwar okenn alokasyon pour relocation of sa bann dimoun ki nou apel sa red zone deryer kot Biro Administrasyon Distrik kot PS Choppy i okouran letan nou ti fer vizit avek Prezidan Prezidan ti dir fodre realocate sa bann dimoun dan red zone.  E dezyenmman osi mon pa pe vwar okenn alokasyon ki’n ganny mete, pour fer renovation work lo sa bann flat North East Point, ki sa bann dimoun in deza fini aste me selman akoz sa bann problenm ki annan lo lenfrastriktir ler Prezidan ti fer vizit ankor PS Choppy ti la, i ti demande ki MLUH i pran kont bann depans ki annan pour fer i fer anba zot Bidze.  Mon pa pe vwar okenn alokasyon.  si mon kapab ganny lesplikasyon silvouple.

 

PS YVES CHOPPY

An sa ki konsern relocation red zone i en proze ki nou’n konmans travay lo la lo ki mannyer nou pour proceed avek.  Pour annan serten ki nou pour konsider dan bann proze lakaz ki on-going me selman most probably, nou pour annan en proze spesifik pour kapab relocate la mazorite dimoun.  I pa feature dan nou Bidze lannen prosenn akoz nou pa ankor finaliz bann detay lo sa proze pour le moman.  An sa ki konsern bann flat ki annan renovation ki nou ti vizite i annan serten sa bann louvraz ; annefe mazorite sa bann louvraz i pa pour anba nou Bidze akoz i enn bann keksoz ki pour fer anba bann major renovation works ki i pour fer anba Bidze PMC.  Mersi.

 

MR DEPUTY SPEAKER

Mersi PS.  Onorab Esparon ou ok?  Alright.  Onorab Aglae.

 

HON EGBERT AGLAE

Mersi Mr Chair.  Bon apre midi Minis avek ou delegasyon.  Minis mon kestyon i refer lo PSIP, pour en pti leklersisman mon ti a kontan gannyen lo lakaz Foret Noire Port Glaud R25milyon in ganny mete mon ti a kontan konnen kan sa proze pour demare?  E mon vwar ou met ‘China’ obor si sinwan ki pe finanse e antreprann sa proze?  Mon premye kestyon.  Mon 2enm i konsern anba progranm 4 ankor anba progranm PSIP kot i konsern housing management.  An vi ki ti annan rekomandasyon ki pe fer anba sa menm vot la eski bann lakaz Beoliere – Dan Limon, bann roofing ki annan tiles lo la pe ganny konsidere parey lezot distrik in fer sa lannen pour zot ganny zot nouvo twatir lo la?  E mon dernyen klarifikasyon Minis i konsern Land Bank mon konnen i annan serten alokasyon later ki pour ganny fer byento eski ‘Dan Limon’ Manglier ek Des Arpents osi pour ganny zot lenfrastriktir ki neseser anba sa Bidze?  Mersi.

 

MR DEPUTY SPEAKER

Mersi Onorab.  Minis PS Choppy.

 

PS YVES CHOPPY

Mersi Mr Chair.  Pour Proze Foret Noire/Port Glaud parey Onorab in dir dan Bidze in met in met finansman anba Grant.  Me selman lefe parey nou ti deza anonse nou pe pran nou Foret Noire/Port Glaud konman nou proze 24 pour Port Glaud.  Alor li i pour ganny finanse parti of larzan ki pour dan nou syndicate loan pour R200milyon.  E alor sa proze lefe ki petet i riske annan retar si nou pour esper Grant nou pe finans sa proze atraver nou finansman 24 lakaz dan 24 distrik.  Sa Grant nou a diskite kot Minister Finans si i materyaliz pli boner, nou a kapab gete lekel proze ki nou kapab servi sa Grant pour nou servi.  Mersi.

 

MR DEPUTY SPEAKER

Mersi PS.  Minister.

 

MINISTER CHARLES BASTIENNE

Mr Chair with regards pour bann lakaz PMC, Beoliere sa parey nou pe fer dan lezot distrik, i annan en form ki ganny adopte e sa i ganny fer anba Bidze PMC – en?  So sa i ava ganny taken care of sa.  With regards to Land Bank wi proze Des Arpents avek ‘Dan Limon’ Port Glaud, nou espekte i kapab i pour feature dan proze Land Bank ki nou pour annan pour lannen 2018, atraver serten finansman ki parsyelman pour sorti kot Fon Pansyon.  Mersi Mr Chair.

 

MR DEPUTY SPEAKER

Mersi Minis.  Onorab Aglae.

 

HON EGBERT AGLAE

Wi, ti annan kote – bann lenfrastriktir.

 

MR DEPUTY SPEAKER

Ok.  Minis.

 

MINISTER CHARLES BASTIENNE

Mr Chair parey mon deza dir dan Lasanble se ki mon Minister si nou pa’n met lenfrastriktir de baz nou met lenfrastriktir de baz avan ler nou fer alokasyon later.  So definitivman si nou pour annan alokasyon sa de landrwa, ki mon nonmen pour annan lenfrastriktir neseser.  Mersi Mr Chair.

 

MR DEPUTY SPEAKER

Mersi Minis.  Onorab Mondon.

 

HON TERENCE MONDON

Mersi Mr Chair.  Bon apre midi tou dimoun.  Mr Chair Mardi le 25 Mars sa lannen, Prezidan Larepiblik ti anonse ki in deside etablir en Tribinal Administratif ki pour annan bi rezourd tou bann ka Konpansasyon Later anliny avek Konstitisyon.  Alor mon kestyon pour Minis, eski ou’n fer eski ou Minister in fer provizyon neseser dan Bidze 2018 pour kreasyon sa Tribinal Administratif?  E dezyenmman pour peyman konpansasyon later parey Prezidan ti pronons son lekor lo la?  Mersi Mr Chair.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair mon pa tro sir si sa ti pour son Bidze ti pour tonm anba Minister, me letan diskisyon avek Minister Finans i pa’n neseserman annan provizyon ki’n ganny fer pour li.  Mon pa konnen si in ganny fer dan en lot kategori.  With regards to Konpansasyon, nou annan en Bidze akizisyon ki nou servi parsyelman pour konpansasyon me selman sa i ganny travay avek Minister Finans e le moman ki i tonm dakor lo serten Konpansasyon sa i ganny work-out en plan en schedule with regards to konpansasyon pour donn bann dimoun ki pour entitled apre assessment.  So mon krwar ki nou pe atann se pour le moman ki sa Tribinal Administratif i fer son travay lo la osi nou annan en reprezante sorti dan mon Minister, then nou a kapab dan en pozisyon pour nou kapab etablir ki kalite Bidze ki bezwen ganny met en kote.  Me selman ki mon konnen mwan se ki mon Minister i annan en sa lannen nou annan en Bidze akizisyon ki lannen pase ti R20milyon ki sa lannen i ganny R30milyon ; e couple avek lefe ki i pa tou ou pa servi tou sa larzan an gran pour pey okenn Konpansasyon ; vi ki i ganny work-out lo en schedule agreed by Minister Finans.  Si zanmen i annan then i ava kapab annan en konmansman peyman – si zanmen i annan ki Tribinal Administratif i rekomande pour fer peyman.  Mersi Mr Chair.

 

MR DEPUTY SPEAKER

Mersi Minis.  Onorab Mondon.

 

HON TERENCE MONDON

Mr Chair mon pa tro kler si ler Minis pe dir nou sa Tribinal Administratif, i pa pour neseserman tonm kot li, petet PS Finans i kapab ed nou en pti pe pour eklersi si sa lannen nou pour vwar etablisman sa Tribinal Administratif, e ki provizyon ki’n ganny fer pour etablir sa tribinal?  Mersi Mr Chair.

 

MR DEPUTY SPEAKER

Mersi Onorab.  Minis?  Bon PS.

 

PS PATRICK PAYET

Mersi Mr Chair, mersi Onorab.  Ziska prezan sa Tribinal in fini etablir. Sepandan son Chair pa ankor ganny kontak avek Minister Finans pour soumet okenn Bidze neseser ki i bezwen.  Si i arive ki i soumet en Bidze ki i pour bezwen pour administrative prosedir ki i pe fer, nou ava regarde anba Provizyon Centralised Vote either anba Professional Consultancy ouswa Contigency pour asiste li.  Mersi.

 

MR DEPUTY SPEAKER

Mersi PS Payet.  Onorab Sophola.

 

HON NOLINE SOPHOLA

Mersi Mr Chair.  Bon apre midi tou dimoun.  Minis mon ti pe regarde renovasyon bann lakaz PMC La Digue si zot tonm dan Bidze la, akoz mon pe regarde mon pa vwar anba PSIP silvouple.  Mersi.

 

MR DEPUTY SPEAKER

Mersi Onorab.  Minister.

 

MINISTER CHARLES BASTIENNE

Mr Chair anything to do with PMC i ganny catered for anba Bidze PMC li menm direkteman.  Unless i annan significant capital envestisman ki ganny fer, then i ava taken care of by Minister.  Me selman zeneralman PMC i undertake tou bann renovation ; akoz zot ki the propriyeter tou sa bann estate per se.  Mersi Mr Chair.

 

MR DEPUTY SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Chair bon apre midi a tous ;  Minis ek ou delegasyon.  Premye kestyon Minis mon krwar nou ti ganny en pti rankont mon le en konponan detaye lo Capital Project pour 24 unit Au Cap konbyen i pour koute tender in fini fermen pour sa bann unit depi le 25 Oktob konbyen anvizaze – mon konnen ou pa kapab dir detay – an konfidans konbyen diferans ant tender e ki budget ou ti allocate pour li ?  E Minis si ou kapab konfirmen ki proze 24 pour ganny met ansanm dan en konsiltasyon ki en miting piblik, ansanm avek sa lot proze prive ki annan ki pour 120 ‘condoms’  (laughter) condominiums  (sorry) tro bokou presyon – 120 condominiums (laughter)

 

HON STEPHEN PILLAY

Mon kapab kontinyen.  Yes sa 120 avek 150 condominiums ki 40 unit ki sipoze ganny donnen dapre en feasibility study mon pa pe endorse sa proze feasibility study avek en miting avek nou rezidan se si sa bann proze pour met on hold ziska ler konsiltasyon i fer avek nou distrik?  E dezyenmman se ‘other use of goods and services’ in detailsservice agreement’ R2milyon an detay en pe plis lo la please Mr Speaker.  Mersi

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair mon kapab konfirmen mon ti zwenn avek Onorab Pillay boner sa semenn, e mon donn li mon langazman an vi ki ti annan serten issues ki ti pe leve konsernan Au Cap konsernan sa proze 24 lakaz ki pour ganny fer kot nou’n dezinyen pour ganny fer.  E mon dir avek Onorab ki mon zofisye pour fer neseser ki semenn prosenn nou pour zwenn avek rezidan konsernen, pour kapab donn zot plis detay lo sa proze e zot ava vwar egzakteman ki mannyer sa de proze pour marye ansanm.  Si zanmen sa lot proze komersyal i ganny demare agreed upon ki mannyer pour été.  Osi donn zot full detay lo ki pour arive avek zot zanviron anvi nouvo lapros ki mon Minister pe pran konsernan bann proze lakaz ki nou pe fer dan bann distrik.  E si mon ti kapab petet elabor en pti pe plis bann nouvo lapros se ki tou bann housing estate ki nou pe al fer nou bann 24 tousala i ganny properly fenced – walled  properly i annan son larantre e tou.  E baze lo ki mannyer bann keksoz i ale, si i annan en posibilite a lavenir pour nou kapab annan caretaker ki okip sa landrwa, so tou sa bann detay en pe plis ankor petet nou a devwal avek son bann rezidan, pour bann ki petet i annan en pti pe serten krent lefe ki pour annan en housing project ki pour dan zot kominote parey Onorab in anmenn dan nou latansyon.  Konsernan detay kou cost petet, mon ava pas avek PS Choppy i ava donn ou sa lenformasyon si i annan avek li.

 

MR DEPUTY SPEAKER

Mersi.  PS.

 

PS YVES CHOPPY

Mersi Chair.  Malerezman mon napa detay tender avek mwan mon pa pour set en figure pangar mon fer fot. Sselman tender in fini antre tender report in al kot Tender Board pour zot konsidere pour aprouve.

 

MR DEPUTY SPEAKER

Ok.  Mersi PS.  Onorab Pillay.

 

HON STEPHEN PILLAY

Wi mon konpran ou pa pour konn sa cost tende,r me son Bidze ki zot ti’n mete pour sa 24 unit konbyen i été ?  Epi mon 2enm ti lo ‘goods and services’ ‘service agreements’ R2milyon en pe plis detay lo la?

 

MR DEPUTY SPEAKER

Ok.  PS Choppy.

 

PS YVES CHOPPY

Mr Chair dan mon estimate don mon Bidze nou estimate ti R18milyon pour sa proze.  Pour ‘service agreements’ mon a pas avek PS Barbe.

 

MR DEPUTY SPEAKER

PS Barbe.

 

PS DENIS BARBE

Thank you Mr Chair.  Mr Chair anba ‘goods and services’ pour sa R2milyon i al pour bann outsourcing works ki survey i fer pour kapab at least allow nou catch up en pti pe lo nou bann back logs ki nou annan.  Thank you.

 

MR DEPUTY SPEAKER

Mersi PS.  Onorab Stephen Pillay.

 

HON STEPHEN PILLAY

Wi Mr Speaker.  An konsern sa ‘goods and services’ an ki konsern ‘service agreements’ surveying works me nou ti aprann dernyen fwa ki letan sa ki ti la ti demann pour Surveyors ti dir nou poudir Minister napa Surveyors dan zot Minister.  Eski sa i vre zot napa si fodre zot fer zot survey fodre pey R2milyon pour fer outsourcing?  Mersi Mr Speaker.

 

MR DEPUTY SPEAKER

Mersi Onorab.  PS Barbe.

 

PS DENIS BARBE

Yes, Mr Chair.  Zis pour met en pe plis leklersisman lo la nou annan en group Arpanter kot nou including Seselwa.  An tou nou annan apepre 4 Arpanter me selman kantite louvraz ki nou rikorde par lannen i pa fer li si oule, avek lo kote resours imen ki nou annan nou pa kapab vreman kapab delivre kantite ki antre avek kantite ki sorti pour fini louvraz.  Se pour sa ki nou servi en pti pe sa vot outsourcing pour nou outsource en pti pe nou bann louvraz anndan – pa neseserman bann louvraz lagrikiltir.  Thank you.

 

MR DEPUTY SPEAKER

Ok. mersi PS.  Onorab Churchill Gill.

 

HON CHURCHILL GILL

Mersi Chair.  Minis mon kestyon i lo ou ‘Proze Kapital’ mon vwar en sonm R195milyon si ou kapab eksplik sa Lasanble konbyen ladan ki Grant apre konbyen ki pour ki Gouvernman pour bezwen chip-in ?  Apre an menm tan, nou ti ava konnen avek PS ki bor sa bann grant i antre si i antre kot Trezor oubyen otherwise?  Apre dan sa R2milyon ki PS fek nonmen pour survey Praslin nou annan en pe pending survey work nou pe gete si sa i enkli sa bann travay ki pour fer Praslin tou?  Apre pour Planning Authority pe gete dan son Bidze si i annan alokasyon pour sa ePlanning System si wi si sa sistenm ler i fini marse si i pour link avek Lofis Praslin?  Mersi.

 

MR DEPUTY SPEAKER

Mersi Onorab.  PS Choppy apre CEO Planning.

 

PS YVES CHOPPY

Mersi Chair.  Lo Bidze Kapital nou annan mwan mon vwar R195milyon ok?  E i annan R113milyon pour ki Gouvernman pe finanse – GOS i annan R29milyon Foreign Loan e i annan R52milyon Foreign Grant.  Depandan lo si i antre si larzan i actually vin dan kont Gouvernman i depan lo bann Foreign Funded Projects whether i loan or funded projects i depan lo bann spesifisite sa agency ki pe fund.  Par egzanp bann loan BADEA ek OFID, larzan pa transfer nou anvoy bann certificate avek bann peyman kot zot e zot fer zot konponan disbursement, ki dapre pour zot a sa Kontrakter.  Bann Grant i annan serten ki zot transfer dan en kont avek Minister Finans.  Me selman i annan lezot parey Minister Finans li i pey direkteman avek son Kontrakter ki direkteman son Kontrakter i servi pour pey louvraz.  Mersi.

 

MR DEPUTY SPEAKER

Mersi PS Choppy.  CEO Planning.

 

CEO JOSEPH FANCOIS

Mersi Mr Chairman.  An relasyon avek ePlanning System sa sistenm i deza on e pe operate dan bann Lofis Administrasyon Distrik konman enn nou bann referral agencies e si i annan en problenm spesifik pour Baie Ste Anne nou ava monte avek en lekip DICT nou ava find out ki problenm zot pe gannyen.  Me selman dan Bidze lannen prosenn i annan anba IT aquisitions nou annan serten nou annan en Bidze ki nou mete pour nou kapab asiste bann landrwa ki ganny problenm pour koneksyon avek nou  ePlanning.  Me selman i deza on dan tou bann Administrasyon Distrik Lofis.  Mersi.

 

MR DEPUTY SPEAKER

Mersi CEO.  PS Barbe.

 

PS DENIS BARBE

Yes Mr Chair.  An relasyon avek outsourcing works lo Praslin pour rezon kour nou pa outsource louvraz lo Praslin.  Me plito ki nou fer, nou increase number of trips ki nou fer.  Lannen pase nou ti pe fer li apepre 4 fwa par lannen, la nou’n increase li ankor 2 fwa savedir nou pe mont 6 fwa lo Praslin pour nou kapab catch up.  Thank you.

 

MR DEPUTY SPEAKER

Ok mersi PS Barbe.  Onorab Loizeau.

 

HON NORBERT LOIZEAU

Mersi Mr Chair.  Bonzour Minis avek ou delegasyon.  Mr Chair mon kestyon i adres pour PS Francois ; dernyen fwa dan en rankont kot nou ti zwenn konsernan ‘Waterfront Project’ la, ou ti dir ki sa proze pour konmanse milye 2018 me dan Capital Project mon pa pe trouv okenn prozeksyon larzan.  Mon menm demann led Mr Afif pour vwar sa pli byen me mon pa pe vwar si ou kapab donn mon en pe lesplikasyon.  E mon 2enm kestyon i pour PS Choppy – PS vi ki ou an diskisyon avek egzekiter sa morso later Sans Soucis pour ganny right of way pour al lo sa morso ki pour fer sa 24 unit, ki zistans ou’n arive si ou’n ariv si zot in ganny en kondisyon eski sa in ganny prozekte dan Bidze ?  Si i annan okenn laranzman peyman?  Apre dan PSIP mon pa vwar okenn prozeksyon nanryen pour nou bann pour sa travay Sans Soucis. Mon vwar pou lezot distrik.  Donn mon en pti lesplikasyon?  Mersi.

 

MR DEPUTY SPEAKER

Mersi Onorab Loizeau.  PS Choppy.

 

PS YVES CHOPPY

Wi, savedir mon pour konmans reponn 2enm kestyon avan – ok?  Pour proze Bel Air Onorab nou’n deza an diskisyon avek reprezantan bann land owners Gouvernman in deza anvoy zot en offer nou pa ankor ganny en konklizyon nou pa ankor ganny en pozisyon final en repons final from offer ki nou’n donn zot.  So vwala kot nou été lo sa negosyasyon later.  Selman nou osi pour – anka sa negosyasyon pa aboutir nou pe get lezot opsyon ki nou kapab gete selman nou ti a kontan sa opsyon i aboutir, akoz nou’n fini fer tou nou louvraz pour sa.  Lo kote finansman pour bann pour sa bann proze i annan R150milyon larzan Fon Pansyon ki pa reflekte dan sa lalis capital ki mazorite nou bann proze 24 i pe finanse anba par sa finansman.  Mersi.

 

MR DEPUTY SPEAKER

Mersi PS.  Minis.

 

MINISTER CHARLES BASTIENNE

Mr Chair, si mon kapab azoute me neamwen menm si sa negosyasyon ki nou pe fer avek sa bann heirs pa materyalize, nou’n fini annan nou plan B pour fer sir ki Bel Air osi pour ganny tou son bann unit, parey nou’n fer serten commitment avek tou bann lezot distrik  lo baz Nasyonal.  So mon kapab konfirmen, zot pour gannyen.  Zis ki la nou pe fer final assessment lo 2 lezot alternative site, pour nou kapab apre kapab fer nou proze bouze lo la.  Konsernan ‘Waterfront’ – ‘Waterfront’ pa pour dan Bidze akoz menm si nou pe planifye pour nou kapab konmans li 4enm kar 2018, me selman nou ankor pe work out laspe finansman ; kot i pa pour neseserman met en burden lo Gouvernman.  Se pour sa rezon i pa dan Bidze.  Mersi Mr Chair.

 

MR DEPUTY SPEAKER

Ok, mersi Minis.  Onorab Lemiel.

 

HON SYLVANNE LEMIEL

Mersi Mr Chair.  Bon apre midi tou dimoun.  Minis mon pe regard dan Bidze pour 2018 mon pa vwar nanryen ni an term lakaz ni an term later pour distrik Anse Royale mon ti a kontan konnen ki sa Bidze 2018 i annan pour mon distrik?  E mon ti a kontan konnen osi si ou’n annan en pti lavans lo kote sort out sa later SACOS pour 24 unit ?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair Anse Royale pour gannyen son proze ok?  I pour gannyen son proze 24 lakaz parey nou’n promet nou dan staz final e nou pe zis atann early entry  – en,  pour nou kapab bouze pour nou kapab fer le neseser lo sa morso later ki ti pour SACOSOk? So vwala Anse Royale i annan sa.  Konsernan konsernan Land Bank ki nou annan se ki si zanmen wi Land Bank pour Anse Royale nou sipoze annan serten bout adisyonnel la Sweet Escott.  Nou ti annan sa proze Landfill me selman nou pe revwar li avek konsiltasyon ki in annan swivan lo Land Use Plan then nou pe revwar li pour nou pa neseserman fer Land Bank laba me desizyon final pa ankor ganny pran lo la.  Me si zanmen Anse Royale pa ganny en major Land Bank as such, then nou kapab konsider li lo en baz rezyonal parey nou dir ki nou dir lapros ki nou pour pran avek alokasyon later, dezormen.  Mersi Mr Chair.

 

MR DEPUTY SPEAKER

Mersi Minis.  Onorab Lemiel.

 

HON SYLVANNE LEMIEL

Mr Chair atraver ou mon ti a kontan demann Minis pour nou rezwenn avek Lotorite Distrik pour nou kapab rediskit nou pozisyon lo sa kote later kot Landfill.  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair, zis en klarifikasyon mon ti a kontan azoute poudir nou pe eksplor Anse Royale kot ex-Detel kot nou santi poudir i annan gran potansyel.  Me wi atraver Mr Chair mon napa okenn problenm pour nou zwenn pour nou sort out serten klarifikasyon.  Mersi.

 

MR DEPUTY SPEAKER

Mersi Minis.  Onorab Woodcock.

 

HON WAVEL WOODCOCK

Mersi Mr Speaker, bon apre midi Minis avek ou delegasyon Minis mon kestyon i konm swivan ; mon kestyon i baze lo paz 30 PSIP kot i konsern ‘Praslin Housing Project’ ki sipoze Foreign Grant Financing ki finanse par Lasin.  I annan en sonm R35.317milyon ki ganny bidzete, me selman sa proze i pa dan Bidze 2017 ni 2018 ni 2019 in ganny forecast pour 2020.  Mon ti a kontan si Minis i donn en pe leklersisman sa Lasanble regardan sa Grant e sa proze?  E mon 2enm kestyon ankor lo PSIP lo paz 29, i annan en sonm R1.975milyon ki’n ganny bidzete pour 2018 pour Praslin ek La Digue Land Registration Projec,t’ eski ou kapab donn nou en pti pe plis detay lo sa proze.  Ankor lo PSIP paz 29 ‘Mont Plaisir Special Project’ ki son total initial cost i R25.68milyon e dan revised budget pour 2017 ti annan en sonm R1.9milyon selman e pour 2018 mon vwar en sonm R135mil selman alor mon ti a kontan konnen ki setan sa proze.  E osi ki status tou bann proze lakaz sirtou sa 24 lakaz ki Prezidan in promet dan 2an pour Grand Anse Praslin?  E ki bann landrwa ki’n idantifye pour sa bann lakaz?  E eski vi ki nou’n fini ariv 1an la eski zot krwar ou Minister pour kapab deliver lo sa 24 lakaz dan sa 2an ki pe vini?  Finalman eski pour annan en proze lakaz kot ex- Lakaz Gard par deryer Primer Grand Anse Praslin?  Mersi.

 

MR DEPUTY SPEAKER

Mersi Onorab.  PS Choppy.

 

PS YVES CHOPPY

Mersi Chair.  I sanbleman petet bokou bann distrik pe get lalis PSIP zot pe rode kot zot proze 24 pou été.  E zot pa pe vwar e petet mon krwar pour nou klarifye sa once and for all petet mon a klarifye ki dan PSIP bann proze ki zot pour vwar i finanse i annan Desaubin, ION avek Marie Jeanne 12 unit ki’n fini konplete Dominic Savio avek ex Oliver sa i bann ki zot pour vwar dan PSIP.  I annan proze Grand Anse Praslin, ki sa annefe ki sa proze ki Onorab in dir kot deryer kot bann lekol kot Lakaz Gard sa i nou sa nou annan nou proze kot 18 unit la ki pour form par avek nou 24.  E apre nou pour annan en lot en lot site pour nou balans.  Alor pour Grand Anse Praslin, Bel Ombre, Marie Jeanne son 2enm 12 unit akoz i annan 12 ki nou’n fini konplete Bel Air, English River, Anse Boileau, ex-Cable & Wireless ek Baie Lazare ….. zot sa i bann proze ki pe finanse dan sa R150milyon Fon Pansyon.  Apre larestan bann proze i annan en sydicate loan R200milyon ki nou pe diskite ansanm avek Minister Finans so larestan sa bann proze 24 zot pour dan sa larestan finansman.  Proze ‘Mont Plaisir Special Housing’ i annan 3 nouvo lakaz ki’n deza konplete i annan trwa ki ongoing apre i annan renovasyon 7 ki preski fini.  I ti annan en demann pour en 2enm faz sa ‘special housing’ ki sa nou ankor pe travay lo la.  Mon krwar mon kouver tou kestyon konsernan proze mon a pas avek PS Barbe.

 

PS DENIS BARBE

Thank you Mr Chair lo sa R1.975milyon anba PSIP pour ‘Land Registration Project’ i en kontinyasyon proze ki nou’n deza konmanse lo 3enm kar lannen la.  Son 2enm faz si oule pour konmans kick in by 2enm kar lannen prosenn kot la pour annan en pti pe plis si oule langazman avek bann dimoun Praslin La Digue.  Setadir  bann ki pa ankor arpant zot later ensidswit.  Me selman bann ki’n arpant zot later an menm tan ki zot bann dokimantasyon i annord la i bann premye faz ki nou pe envit zot pour anmenn zot dokiman pour met lo nouvo rezis.  So R1.975 i for – si oule kontinyasyon proze lannen prosenn.  Thank you.

 

MR DEPUTY SPEAKER

Mersi PS Barbe.  Onorab Woodcock.

 

HON WAVEL WOODCOCK

Zis mon ti a kontan ganny time frame kan eski zot sipoze or kan eski zot pour konmans sa proze 18 unit par deryer primer kot ex-Lakaz Gard?  E sa R35.317milyon ki mon krwar i en Foreign Grant from Lasin, ki son – ou kapab donn nou en pti pe plis detay lo la please?  Thanks.

 

PS YVES CHOPPY

Mersi sa proze foreign from Lasin i annan plizyer proze ki nou ti’n deza idantifye lo Praslin i annan proze kot …. Lavil i annan proze Mont Plaisir e i annan proze semen Mont Plaisir ki al semen Cherimont mon krwar i appelé so i annan sa bann proze ki nou pour konsidere pour sa Grant ki pour vin pli tar.  Timeframe pour sa proze Grand Anse li i lo tender an se moman.  Mersi.

 

MR DEPUTY SPEAKER

Mersi PS.  Onorab Wilbert Herminie.

 

HON WILBERT HERMINIE

Bon apre midi Mr Chair mersi.  Mon annan detrwa kestyon.  Premyerman mon ti a kontan Minis i donn nou en lasirans kan ki sa proze 24 unit English River pour konmanse vi ki mon pa vwar okenn detay dan PSIP vi ki PS in dir i anba PSIP ; nou nap okenn proze kapital ankor so i annan zis sa pour konsantre.  So kan ki sa proze pour konmanse bann dimoun Larivyer Anglez i anvi konnen?  Sa bann flat anler anba People’s Supermarket eski i tonm anba Minister Lenfrastriktir?  Anba PSIP mon pa vwar okenn landrwa kot sipoze fer bann lakaz tanporer, sirtou ler i pour annan bann sirkonstans dife, akoz mon krwar Minis ti fer commitment ti dir pour annan lakaz tanporer ki pour ganny fer?  Lo kote bann pti kontra sirtou bann travay parey site clearance avek demolisyo,n eski i ganny tender?  Pour sa Appeals Committee la kantite fwa i ganny zwenn, e kantite letan i pran pour fer desizyon lo la sirtou akoz mon annan bokou case ki’n ganny mete ki pa ankor ganny resolve?  Epi lo kote lo kote bedsitter mon krwar mon pe repet sa depi lannen pase, nou annan bedsitter anler Larivyer Anglez dan Union Vale nou pe espere kan pour ganny allocate zis i la i pe ganny vandalise so ki plan Minister pour fer alokasyon pour sa ?  E si pour annan alokasyon ki pour ganny fer lo nou bann nou bann Housing Estate vi ki bokou fwa ki nou lev menm issue nou pa vwar li anba Bidze ?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair konsernan proze English River sa i kot POU an se moman so once ki savedir i dan prosedir pour al tender nenport moman.  Dezyenmman konsernan People’s Supermarket sa i tonm anba responsabilite PMC pour manage kot sa landrwa Mont Fleuri.  Temporary Housing nou’n fer commitment nou ekspekte avek tender bann rates ki nou pe gannyen nou a ganny serten savings nou a kapab boner lannen prosenn konmans sa Temporary Housing Project ki’n ganny earmarked pour Grand Anse dan rezyon Grand Anse Mahe.  Mon ava les PS koz lo sa issue site clearance apre Appeals Committee vi ki li ki Chair.  E osi issue bedsitter Mr Chair se ki otan ki posib konman en dimoun i sorti dan en lakaz pour nou kapab nou bezwen met li pare pli vit posib pour fer sir ki i available pour nou donn nou dimoun pour alokasyon.  Me souvandfwa i pa mars parey nou ti a swete, me selman nou pour fer sir a lavenir ki sa i ganny akselere.  Mersi.

 

MR DEPUTY SPEAKER

Mersi Minis.  PS Choppy.

 

PS YVES CHOPPY

Mersi Mr Chair.  Pour bann site clearance, i depan lo grander louvraz ; bann pti louvraz nou fer selective tender sirtou dan distrik ki été nou rod bann Kontrakter ki travay dan sa distrik nou fer tender pa mwens ki 5 Kontrakter bann ki bokou pli gran nou advertise.  Lo kote Appeals Committee ; Appeals Committee i zwenn preske tou le semenn selman lefe ki nou annan zis 3 Manm i ariv de ka kot petet i annan serten semenn nou pa kapab nou pa kapab zwenn.  Nou target se pour donn desizyon an 4 a 5 semenn me selman ou konnen bann case ki vin lo appeal parler i annan bokou bann konplikasyon i annan de ka nou bezwen retourn avek bann diferan lazans pour negosye avek zot pour rod serten modifikasyon ou konpromi ki a permet en aplikasyon ki ti ganny refusal ganny konsidere.  So parler sa bann prosedir koumsa i pran i pran en kantite letan avan nou kapab ganny en konpromi.  Pour bann case Praslin avek La Digue lo Planning i pour pran plis letan akoz nou, nou pa ganny telman bokou nou fer en vizit pour konsider bann case Praslin La Digue tou le quarter.  Me selman si par egzanp dan en quarter nou’n fini ganny 5 case nou pour fer en vizit menm si i nou ler pour nou fer sa quarterly visit pa ankor arive.  Alor i pa i pa fasil pour mon donn ou en letan defini pour bann case appeal.  Mersi.

 

MR DEPUTY SPEAKER

Mersi.  Onorab Heminie.  PS Choppy mersi.  Onorab Herminie.

 

HON WILBERT HERMINIE

Mersi Mr Chair.  Mr Chair mon pa’n ganny sa commitment ki mon pe rode avek Minis mon anvi Minis i dir mon kan ki sa proze 24 unit pour konmanse en dat ouswa en mwan at least kan pour konmanse akoz ou’n dir mon kot POU.  Kot POU kantite letan i pe reste kot POU de semenn trwa semenn mon anvi en mwan at least kan pour konmanse?  Akoz i a vin en lasirans ki nou pour kapab swiv li.  Mon anvi en lasirans kan sa pour konmanse.  Epi lo kote bedsitter Minis in dir koumsa as soon as posible la i annan apepre 6 mwan bedsitter i vid, so mon pe rod mon pe met dan ou latansyon pour ou kapab bouze pour fer sa alokasyon silvouple. Mersi.

 

MR DEPUTY SPEAKER

Mersi Onorab.  PS Choppy oubyen Minis.

 

MINISTER CHARLES BASTIENNE

Mr Chair.  I pa akseptab ki 6mwan bedsitter pa’n ganny allocate, then mon sanmenm sa ki mon dir ou boner, mon ava mon ava vwar avek PMC avek dimoun konsernen akoz ki sa unit kan nou annan sitan kantite dimoun ki pe rod lakaz e nou, nou pe met lakaz dormi koumsa parey nou dir.  Konsernan pour proze English River mon kapab dir ki poudir pli tar Zanvye, nou espekte ki prosedir pour konplete allocate nou’n fini award kontra ki Zanvye pli tar nou espekte sa proze English River i konmanse.  Mersi Mr Chair.

 

MR DEPUTY SPEAKER

Ok, mersi Minis.  Onorab Andre.

 

HON CLIFFORD ANDRE

Mersi Mr Chair.  Mr Chair mon ti a kontan demann Minis oubyen PS pour eksplik mon en pti kou letan mon pe get lo paz 365 kot ‘short term rents of land and building’ mon vwar sa lannen i annan en reveni R5.7milyon ; me selman ler mon pe get lo son detay mon vwar i pe demande pour li rent R184mil.  So kekfwa i ti a save sa lespas nou ti a ganny sa R184mil saved.  Apre mon ti demann Minis pour eksplik nou lo paz 375 sa R112milyon ki tonm dan ‘building and infrastructure.’ Swivan sa mon ti a kontan al en kou dan PSIP lo paz 29 ‘Caryole land bank extension Anse Aux Pins’ e mon vwar ou ou’n met zis R278mil pour fer sa travay eski sa i sifizan ?  E zabitan Anse Aux Pins pour vwar en improvement dan sityasyon later ?  Lot kestyon i ‘disaster emergency work’ kot ou’n met R10milyon ou’n allocate li – mon pe dir Minis ki nou ganny en kantite difikilte i en kantite retar letan dimoun i annan sa sityasyon, pour zot kapab rektifye so si ou kapab get prosedir vi ki i annan R10milyon nou pe al donne pour kapab fer sa akselere en pti pe.  Apre ou annan ‘speacial housing Pti Payot’ mon vwar ou met R3.5milyon si ou kapab dir mwan konbyen i pour al pour Anse Aux Pins pour nou kapab osi benefisye ladan ?  So pour le moman sa ki mon annan.  Mersi.

 

MR DEPUTY SPEAKER

Mersi Onorab.  PS Choppy.  Onorab met ou mick off.  PS Choppy.

 

PS YVES CHOPPY

Ok pour ‘disaster emergency works,’ i bann proze ki i bann dezas ki in arive pa zis lannen pase i kapab annan serten case ki menm depi en bon pe letan i ti’n arive depi lepok Felleng nou pa ankor konklir.  So sa i provizyon pour nou kontinyen avek sa bann proze.  I annan serten proze ki deza ongoing i annan serten ki nou pa ti kapab konmanse avek serten akoz finansman so sa larzan i pour kouver sa bann sa bann case.  I annan de ka kot ou annan case ki petet i tarde ou lezot rezon osi parler ou annan issue later permisyon, eksetera parler ou annan access eksetera ki fer proze tarde.  Pour ‘special housing’ nou annan R3.5milyon nou annan serten proze ki deza ongoing mon napa en lalis detaye avek mon la pour mon kapab dir Onorab ki kantite ki pour distrik Anse Aux Pins.  Ok, sa R112milyon i nou Bidze Kapital pour ‘GOS Funding’  an antye.  Ou pe get lo paz ou ti pe get lo paz 22 Onorab mon krwar non?

 

HON CLIFFORD ANDRE

Pour sa R112milyon, nou pe koz lo paz 375.  Dan ou capital expenditure i met ‘building and infrastructure’ i annan R112, 716milyon.

 

MR DEPUTY SPEAKER

PS.

 

PS YVES CHOPPY

Wi savedir sa i pour bann diferan Housing Project ki anba nou PSIP pour 2018, ki detay i pour lo paz 29.

 

MR DEPUTY SPEAKER

Ok, mersi PS.

 

HON CLIFFORD ANDRE

Savedir sa 24 pour Anse Aux Pins i tonm ladan li?

 

MR DEPUTY SPEAKER

PS Choppy.

 

PS YVES CHOPPY

Non.  Parey mon eksplike ler mon pas lo sa lalis kote sak distrik zot finansman i été Anse Aux Pins, i pa pour tonm ladan li Anse Aux Pins i pour tonm dan syndicate loan ok?

 

MR DEPUTY SPEAKER

Ok. PS Barbe.

 

PS DENIS BARBE

Thank you Mr Chair.  Pour ‘short term rent’ Mr Chair pour sa lannen nou pa’n kolekte larzan ladan me selman sa ki nou’n kolekte nou poste li si oule anba ‘long term lease and building.’

 

MR DEPUTY SPEAKER

Ok. Onorab.

 

HON CLIFFORD ANDRE

Mon pe sey konpran PS zot pa’n kolekte larzan avek rent me selman i deklare konman ‘short term rent of land and buildings’ so mon pe demande si zot annan buildings akoz zot bezwen buildings?

 

MR DEPUTY SPEAKER

Ok, PS.

 

PS DENIS BARBE

Zis en pti koreksyon Mr Chair.  Nou’n kolekte selman nou pa’n poste larzan ladan nou ti poste li anba ‘long term lease pour later avek buildings.’

 

MR DEPUTY SPEAKER

PS Payet.

 

PS PATRICK PAYET

Mersi Mr Chair.  Zis pour klarifye ki lafason ki nou klasifye short term nou dir tou bann lease ki tonm anba 30an e tou bann lease ki par lao 30an i tonm dan long term lease.  Si ou vwar reveni, i annan en lot bout konponan for long term as well me ki PS Barbe pe mansyonnen ki dan zot Minister zot in poste everything dan sa long term lease.  Me selman lo kote finans nou fer koreksyon ki nou fer sir anba definisyon 30an i anba short term e par lao 30an i anba long term.  Mersi.

 

MR DEPUTY SPEAKER

Yes Onorab Andre.

 

HON CLIFFORD ANDRE

I annan en kestyon ki PS ni Minis ni msye ni PS Barbe pa’n reponn mwan i an referans avek ‘Caryole Land Bank’ kot i annan zis R278mil ki’n mete.  Mon pe demande si sa i sifizan pour kapab pez problenm zabitan Anse Aux Pins pour zot kapab ganny en later ou en lakaz?  Mersi.

 

MR DEPUTY SPEAKER

Mersi Onorab.  PS Choppy.

 

PS YVES CHOPPY

Chairman sa mon napa detay kou sa proze an detay pour mon kapab dir Onorab whether i pour sifizan.  Selman i posib ki serten larzan ti’n Bidze dan sa lannen petet sa proze pa’n son pa’n avans nivo ki ti devret avanse pour sa lannen e sa larzan ki feature 2018 petet i ti pour balans so pour konplet proze.  Me selman fodre i enn bann case ki petet ler nou actually ganny Bidze si nou ganny larzan ki i pa pour sifizan pour nou konplet proze, nou pour bezwen diskit avek Minister Finans ki mannyer nou bezwen reallocate ant bann proze.  Mersi.

 

MR DEPUTY SPEAKER

Mersi PS.  Onorab Valmont.

 

HON JUDE VALMONT

Mersi Mr Chair,  bon apre midi.  Bon apre midi Minis e tou koleg MNA e tou piblik ki pe swiv nou.  Minis well pour panel sa – anba program 2 SP 2 paz 29 PSIP or paz 363 dan anba Minister mon premye kestyon i kote e konbyen ki’n ganny fer provizyon pour Land Bank pour lannen 2018 ?  E kote ki akoz Minis ti’n koze ti’n dir Anse Francois Land Bank i feature mon pe rode kote anba PSIP ki feature?  Kantite bout later ki pour ganny allocate e ki staz sa in arive anba sa kestyon osi ki status negosyasyon later ex-Melon?  Mon 2enm kestyon i lo kote Nageon Estate mon get program 4 paz 30 PSIP Nageon Estate mon vwar alokasyon ankor pour faz 1 mon demande ki deadline pour konplisyon faz 1 ?  Mon konnen Minis i met lanfaz lo deadline alor mon demande ki deadline pour konplisyon paz 1?  Kan eski faz 2 pour demare e konbyen ki’n ganny bidzete pour sa e eski i enkli sa relief houses ex-Alizia kan pour konmanse ?  E mon lot kestyon i lo kote subdivision later mon krwar sa i al pour Planing mon pe demande mon tann PS Barbe mansyonnen lo kote outsourcing, konbyen zot in mete pour outsourcing pour proze later ki pour fer ki zot pour nobou fast track sa bann case?  Mon al lo en pwen spesifik la.  Lo kote plato Pointe Larue kot Mr Donald Bertin avek 4 lezot fanmir akoz in pran 2an pour zot sub divide later?  E mon dernyen kestyon i lo kote staff housing sa bann Housing Officers Minis aparaman zot in ganny demande pour vin bann konman pour fer customer service as well, mon demann Minis ki zistifikasyon pour sa move eski i en bon move e si zot pe fer sa si i annan okenn rekonpans e lo kote reminerasyon?  Mersi

 

MR DEPUTY SPEAKER

Mersi Onorab.  PS Choppy.

 

PS YVES CHOPPY

Mersi Chair.  Mon pour reponn kestyon Nageon.  Nou espekte konplet sa premye faz Nageon lannen prosenn sa proze pour nou konstrir sa bann lakaz ex-Alizia i osi i pour dan sa konponan sa i part of sa larzan ki ou vwar dan faz 1.  Ok?  Pour faz 2 nou ankor pe travay lo la nou pa ankor met en Bidze devan pour sa ki konsern proze Land Bank ou dir ou pa vwar nou’n sanz proze Anse Francois pour vin ex-Melon proze Land Bank.  E li son finansman i dan nou R150milyon Pension Fund i annan R33milyon dan sa R150 ki pour servi pour bann proze Land Bank ek later e larestan ki pe al pour proze lakaz.  Lo kantite plot ki pour gannyen mon a kapab kit avek PS Barbe.  Mersi.

 

PS DENIS BARBE

Thank you.  Nou pe anvizaze ganny nou apepre 25 plot pour proze ex Melon sa ou menm li i pour ganny survey apre ki lenfrastriktir i bezwen ganny mete an premye.  Zis pour reponn ou kestyon Onorab lo survey outsource dan Bidze nou’n forecast nou’n met en Bidze R2milyon pour outsource lannen prosenn ler nou outsource Mr Chair so allow mon pour al en pti pe lo teknikalite la.  Nou outsource service selman ler zis i met pare pour outsource ; savedir nou’n fini ganny aprouvasyon Planning pour enplimante avan ki al staz planning sa nou fer li internally anndan nou fer nou bann assessment nou servi nou bann layout pour al kot Planning.  Parler sa osi i kontribye pour annan sa issue kot timeframe si oule.  Ou’n fer komanter lo enn ki’n pran plis ki 2an, i depan ki sityasyon spesifik sak sa pour sa case li menm li si i annan serten konplikasyon avek avek akse bann keksoz ki involve those agencies ; an menm tan nou get back any aprouval pour nou enplimante.  Thank you.

 

MR DEPUTY SPEAKER

Mersi PS Barbe.  Minis.

 

MINISTER CHARLES BASTIENNE

Mr Chair.  Konsernan Housing Officers, mon Minister pe rod tou fason pour nou kapab anmenn en bon servis.  Mon konnen poudir mon Minister souvandfwa i ganny kritike lafason ki nou donn servis nou bann dimoun e nou nou’n pran en desizyon by kre en Customer Service Center ki annan apepre 9mwan 10mwan nou pe koz lo la.  Se ki sa Customer Service Center i ava allow nou pour nou annan tou nou bann dimoun ki rod servis dan mon Minister pour vin en sel landrwa lo ground floor kot zot ava ganny tou sa servis ; ki swa pour lakaz ki swa pour later oubyen ki swa pour petet planning osi.  So nou, nou le fer sir poudir rod en mekanizm e apre tou bann diskisyon ki nou fer nou’n vwar poudir solisyon i atraver Customer Service Center e i pa vedir ki poudir sa bann staff menm si zot dir petet i a sanze be zot pour fer travay bann Housing Officer.  Annou osi pran kont ki avek nouvo lapros sistenm pwen ki nou pe annan pour lakaz keksoz pa pour mars parey i été aktyelman e i pe sanze e vwala kot tou nou bann staff i a vin bann staff ki versatile.  I a ganny train properly pour zot kapab donn sa servis ki a lekspektasyon nou dimoun.  Mersi Mr Chair.

 

MR DEPUTY SPEAKER

Mersi Minis.  Onorab Valmont.

 

HON JUDE VALMONT

Mersi Minis e tou bann ki’n reponn.  Mon annan zis 2 pti pwen final.  Eski mon kapab ganny en komitman lo sa sub division sa 4 bout later e sa 5 la ki nou kapab fer li avan Desanm?  Lefe ki tou preparasyon neseser in fini ganny fer i annan zis pour allocate later e subdivide.  2enm mon krwar zot panel i annan en konfizyon lo kote ex Melon i annan ex-Melon i annan 2 landrwa i annan Anse Francois ex-Melon apre i annan en bout mon krwar CEO Francois i konn byen sa bout ki mon pe dir dan ex- Melon – sa i en lot bout kote later anba li i bann later ki nou dir (sorry si mon servi sa term) selman bann later pour bann dimoun ki nou dir, Gran Blan.  I la i ti anba negosyasyon alor mon pe demande petet CEO si i okouran ki staz negosyasyon in arive?  Mersi.

 

MR DEPUTY SPEAKER

Mersi Onorab.  PS Barbe.

 

PS DENIS BARBE

Mr Chair kekfwa en pti konfizyon avek sa ki MNA pe dir avek sa ki pe enterprete konman lokasyon en.  Zis pour met en pti pe leklersisman lo la dan Minister sa ki nou konsider ex-Melon i si oule kot dernyen lakaz Anse Francois i été ziska ler nou bit lot kote kot semen Anse Déjeuner sa 3 lakaz ki Gouvernman in fer 2an pase.  So Land Bank ex- Melon i pour dan sa lespas la onwards sa ki nou dir ex- Albert dan nou langaz pour nou lokalman mon pa konnen ki mannyer zot apel li i tou lo kote anler kot lakaz anler si ou kontinyen Anse Dejeuneur si ou mont anler pour al zwenn kot dernyen batch lakaz anler sa nou appel li ex-Albert.  Pour tou lede propriyete mon pa konnen ki i annan ongoing negosyasyon ki nou pe fer lo la akoz si ou gete pour le moman i dan lanmen Gouvernman.  Thank you.

 

MR DEPUTY SPEAKER

Ok.  Yes PS.

 

PS DENIS BARBE

Yes nou a sey nou mye pour nou kapab wrap-it up avan finisyon lannen.

 

MR DEPUTY SPEAKER

Ok.  Mersi PS Barbe.  Onorab Adelaide.

 

HON FRANCOIS ADELAIDE

Mersi Mr Chair bon apre midi a tous.  Minis mon premye komanter se ki, ou pa ankor onor ou promes ki ou ti fer avek sa Lasanble pour kriter e evaluation form pour Pwen Sistenm nou pa ankor ganny ditou depi ler nou ti demann ou nou ti a kontan si …  Petet mon a demann ou si zot annan ouswa si wi fer nou gannyen o pli vit posib akoz nou bezwen dan distrik.  Mon lot pwen i lo PSIP Danm Lerwa Land Bank ou ti dir nou i annan 24 bout ki’n pare la mon vwar al 2017 R462mil in ganny allocate 2018 mon vwar R28mil donn nou en deadline kan sa bann later pour konmans ganny disburse.  Lo kote road enlargement ankor dan PSIP Val dan Dor i annan R1milyon ok sa SLTA i okHousing Anse Poule Bleue en housing project petet nou le en deadline petet kan nou krwar en timefame kan sa pour fini.  Dernyen Minis mon annan en msye Jeff Confiance 20an i lo lalis later, depi 1an in met taso le 18 Desanm e i pe gete kan posibleman i pour allocate avek son bout later.  Mersi.

 

MR DEPUTY SPEAKER

Mersi Onorab.  Minister.

 

MINISTER CHARLES BASTIENNE

Mr Speaker konsernan sa evaluation form ki Onorab pe fer referans avek – si mon pa tronpe petet mon ti vin devan Assurance Committee nou ti donn zot en kopi sa dokiman  –ok?  Si zot napa toutfwa nou kapab refer zot ganny en en lot kopi.

 

MR DEPUTY SPEAKER

Wi nou a follow-up Minis.  Kontinyen Minis.

 

MR DEPUTY SPEAKER

Wi follow-up Minis.  Kontinyen Minis.

 

MINISTER CHARLES BASTIENNE

Dezyenmman konsernan Danm Lerwa sa ki nou pe allocate nou’n dir nou ti pour allocate sa lannen me mon kapab profite la pour mon kapab eksplike konmkwa  nou’n ankor en pe retar ; akoz nou Sistenm Pwen.  Me nou ekspekte fer alokasyon dan mwan Desanm – en fason dan mwan Zanvye Fevriye nou a kapab catch up avek sa 157 morso ki nou ti pour allocate.  E Danm Lerwa, sa ki nou pe al donnen se bann ki lenfrastriktir i annord.  E apre mon krwar nou annan en bout dan Bidze pour nou kapab kontiny proze – ok?  Hunt proze in konmanse nou espekte Kontrakter in ganny li 10mwan, 40 semenn o mwen pour li konplet sa proze ; so nou ekspekte by Zilyet/Out lannen prosenn pli tar i a bezwen konplet sa proz -e ok?  Mersi Mr Chair.

 

MR DEPUTY SPEAKER

Mersi Minis.  Onorab Adelaide.

 

HON FRANCOIS ADELAIDE

Minis petet donn nou en pti lasirans lo petet Jeff Confiance pour son later le 18 Desanm i ti met taso zot sipoze allocate li me i pa ankor gannyen. Le 18 Desanm pour fer 1an depi ler in met taso.  Mersi.  20an i lo lalis.

 

MR DEPUTY SPEAKER

Minis.

 

MINISTER CHARLES BASTIENNE

Mr Chair definitivman 1an pa akseptab depi ler travay in ganny fer lo site.  Mon krwar nou ava pran sa case an men e nou ava donn sa dimoun konsernen sa lasirans ki nou ava fer le neseser pli vit posib.  Mersi.

 

MR DEPUTY SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Chair.  Bon apre midi Mr Chair Minis avek ou delegasyon tou mon bann koleg Onorab.  Mon premye kestyon Mr Chair i lo paz 365 kot mon obzerv si oule en pti rediksyon apepre R6milyon dan Bidze.  Kwa ki anmenn sa rediksyon?  E apre dezyenmman mon’n konstat bokou bann revizyon bann Scheme saler pour zot kapab retenir bann staff.  E ki kalite revizyon zot pe fer ki pour rann zot konpetitiv si oule pour zot kapab attract bann staff kalifye dan diferan areas ; akoz nou konnen labour market isi dan prive pour kapab rann ou ase konpetitiv.  Apre mon lot kestyon Mr Chair, eski Minis i kapab eksplik Lasanble eksplik nou sirtou dimoun zabitan Takamaka ki pe arive avek lakaz ex-Desaubin ki pa ankor ganny alokasyon ziska ozordi nou konnen lakaz in fini.  E apre si zot annan en plan byen defini lo term bann devlopman later enkli son lenfrastriktir, son subdivision en tally lo en serten peryod letan avek son cost ki arive pour tou bann distrik?  Mersi.

 

MR DEPUTY SPEAKER

Mersi Onorab.  PS Choppy.

 

PS YVES CHOPPY

Mersi Mr Chair.  Rediksyon dan Bidze nou annan nou PSIP nou’n desann en pe akoz nou annan lezot sours finansman ki an deor PSIP i annan internal i annan serten depans ki nou ti fer lannen pase par egzanp mod veikil ki sa lannen nou pa’n ganny Bidze pour rod veikil, so i annan sa bann keksoz ki’n fer nou overall Bidze desann, menm si nou annan ogmantasyon lo keksoz parey taler ki nou annan bann nouvo Scheme ki pe vini.  Pour proze ex-Desaubin sa proze nou espekte kapab konmans alokasyon sa bann premye Block ki’n ganny konplete lafen Zanvye nou’n ganny en pe retar, akoz kot nou ti’n planifye pour met desarz tretman stasyon tretman desarz kot son effluent i tonbe nou’n dekouver apre poudir i tonm dan catchment PUC.  Alor nou’n bezwen relocate kot nou effluent i desarze e sa in fer nou ganny en pe retar pour fer nou relocate sa bann Block ki’n deza konplete.  Larestan de block ki ti konmans en pe pli tar akoz rezon ti annan sitting tenants i ava konplete en pe pli tar dan lannen petet dan Avril.  Mersi.

 

MR DEPUTY SPEAKER

PS Barbe.

 

PS DENIS BARBE

Thank you Mr Chair.  Pour reponn kestyon MNA Onorab lo size ‘Scheme of Service’ ki dan Bidze nou’n port plis si oule latansyon lo nou bann Technical Cadre staff bann lezot common cadres pe ganny taken care of lo baz nasyonal.  Bann revizyon ki nou annan nou annan revizyon pour nou bann staff dan Land Policy avek Legislation lo zot bann Scheme avek staff statement management. An menm tan nou’n fer revizyon lo bann staff Survey avek bann staff GIS bann konponan ki enkli dan bann revizyon ki pe fer li ki en fason ki tou staff i ava vwar bann diferan nivo ki ava monte depi ler i antre konman en asistan teknisyen ziska en surveyor – zot vwar progresyon.  Nou fer sir ki nou kapab kouver si oule bann allowances ki zot sipoze gannyen – in line byensir avek what laprouvasyon DPA.  E nou pe enkli osi en eleman markateble skills ki pour enkli serten eleman license ; bann dimoun ki zot profesyon i rekomann zot annan en license pour deservi serten fonksyon nou pe enkli sa osi ladan konman ladan en keksoz marketable pour nou bann staff.  Lo ou 2enm kestyon Onorab konsernan plan Minister pour si oule Land Bank pour tou bann distrik, nou pe get li si oule avek en lapros en pti pe pli Nasyonal kot nou pe fer nou land inventory avan.  Nou anvizaze kekfwa Zen 2018 nou ava annan sa ki apel en draft road/land inventory, me pour le moman pour nou kapab fer sir poudir whilst nou pe fer nou road/land inventory nou annan progranm proze ki pe vini lannen prosenn ; many years ki vini apre.  Lo en baz cost effectiveness ler nou access site nou, nou deside baze lo nou kou nou prezimen, avek gidans seksyon proze, lekel later nou santi i pli cost effective, pour nou devlope pour nou annan plis rannman, pour nou kapab met resours imen lo la, pour fer bann assessment pour fer layout – ganny en costing ki pour vin avek ki antre dan Bidze.  Thank you.

 

MR DEPUTY SPEAKER

Mersi PS.  Onorab Ernesta.

 

HON PAUL ERNESTA

Mersi Chair.  Eski PS lo kad bann retention si oule, bann package sa bann incentive ki zot pe propoze, eski i rann zot konpetitiv avek labour market baze lo bann klarifikasyon ki nou pe demande?  Enn.  E apre mon ankor pe ensiste nou annan later ex-Desaubin Land Bank ki’n fini ganny survey e osi Intendance ki’n fini ganny en survey ki pa ankor mon pa’n zanmen tann zot mansyonnen okenn par pour devlopman lenfrastriktir kan ki zot anvizaze pour fer li?  Mersi.

 

MR DEPUTY SPEAKER

Mersi Onorab.  PS Choppy.

 

PS YVES CHOPPY

Lo kote Scheme of Service kestyon Onorab whether i pour fer nou konpetitiv avek ou’n dir – labour market mon petet poudir avek sekter prive ki mon pa krwar nou pour kapab achieve dan Gouvernman, pour kapab meet egzakteman package ki sekter prive i ogmante.  Me selman nou sa ki nou gannyen i en amelyorasyon lo sa ki nou annan.  E i annan bokou travayer profesyonnel osi ki apar finansman i annan lezot keksoz ki atir zot pour travay dan sekter piblik osi.  So nou krwar petet sa bann lezot loportinite avek leksperyans i ede pour menm si nou package dan nou nouvo Scheme pa pour egzakteman parey sekter prive i ava ede pour satisfer zot.  Pour bann Land Bank mon ava pas avek PS Barbe.  Mersi.

 

PS DENIS BARBE

Thank you.  Nou annan 2 Land Bank spesifik ki nou’n fini fer parey ou dir MNA parey ou’n mansyonnen Onorab, nou fini fer field work.  Lapros Minister si oule apartir 2enm kar sa lannen, nou pe anvizaze met tou lenfrastriktir avan nou konmans allocate later.  E sa 2 Land Bank an partikilye ki ou’n mansyonnen menm si nou’n fini met taso later in par si oule an term fini arpante lenfrastriktir pa ankor.  So nou bezwen atann avan ler nou fer okenn alokasyon.  Thank you.

 

MR DEPUTY SPEAKER

Mersi PS.  Onorab Ernesta.

 

HON PAUL ERNESTA

Egzakteman Chair sa mon kestyon kan ki zot pour met bann lenfrastriktir neseser pour zot kapab fer alokasyon?  Mersi.

 

MR DEPUTY SPEAKER

PS Choppy.

 

PS YVES CHOPPY

Nou pa pour kapab definir sa pour le moman Mr Chair, akoz i pa lo nou lalis lannen prosen.  Posibleman nou pour get li lo nou lalis 2019.  Or petet si nou annan savings nou a kapab gete serten proze nou a kapab priyotize.  Mersi.

 

MR DEPUTY SPEAKER

Ok mersi PS.  Onorab Ferrari.

 

HON JEAN-FRANCOIS FERRARI

Mersi Mr Speaker – Mr Chairman.  Mr Chairman mon premye kestyon i tou mon kestyon i annan pour fer avek Planing Authority mon premye kestyon i konsern ‘Director’s fees’ R1.5milyon mon vwar li eksesiv e mon pa konnen si i annan plizyer Board Minis i ava eksplik nou.  E si i annan plizyer Board eski zot pe fer parey Prezidan in fer meet dan Sanmdi pour zot kapab ganny sa Board allowance ekstra?  Sa i mon premye pwen.  Mon 2enm pwen mon vwar ki ‘planning fee receipts’ in reste parey depi an 2016 e 2017 eski sa i en mon kapab enterpret sa par lefe ki sa promes ki nou ti gannyen ki planning applications pour ganny process pli vit, pa pe al pli vit?  E menm kantite ki pe ganny process ant sa lannen menm kantite ki’n ganny process ki lannen pase, e kwa ki fer nou ki Minis i kapab dir nou ki i kapab dir nou ki lannen prosenn i pour meyer?  Mon 3enm mon 3enm e dernyen kestyon i sa i konsern sa ki bann zabitan Mont Fleuri i konsern sa Vilaz Kartron ki pe ganny konstrir dan la kot ex-Youth Center i été la e ki e ki en eyesore dan Lavil.  E ki personn pa kapab konpran – apar lefe ki mon koz avek CEO Planning.  Me i pa’n donn mon okenn lenformasyon.  E mon konnen sa i enn zot zanmi tou lede, ki pe fer sa biznes?  E alors mon demande si i byen ki zot teoriz Manmzel Merancienne ki annan zis en kote lazanm, akoz in met en blok an plis lo son miray, me selman zot pa kapab fer nanryen la anba pour zot kapab met en lord avek en msye ki pe fer bann konstriksyon kartron dan en fason permanan ki i pe lwe avek bann dimoun, avek bann kliyan e dan milye Lavil e still zot pa kapab met en lord.  Eski mon kapab konsidere poudir sa i en akt koripsyon ki pe arive kot Planning Authority?  Minis mon ti a kontan en repons lo la silvouple.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker konsernan bann detay ‘Director fees’ Planning li i annan bann plizyer komite apar the main Board en?  I annan zot main Board apre i annan bann Minor Works Committee ; i annan Utilities Committee i annan plizyer sa bann diferan komite si oule detay lo la  petet CEO – i ava donn ou en pe plis detay bann composite of sa bann diferan fees.  Konsernan Planning li menm an term – ou’n fer relasyon avek son fees, Planning depi boner sa lannen mon an diskisyon avek zot pour nou kapab redwir la kantite letan ki nou pran, pour nou kapab aprouv bann plan.  Evidaman sa pe arive.  Orizinalman nou ti toultan annan bann plan pour bann lakaz rezidansyel, ki ti pe pran 6 semenn e sa in desann in ariv 4 semenn.  E letan mon regard statistik, mon’n vwar poudir o mwen 63poursan bann ka, pour bann lakaz rezidansyel i ganny aprouve within sa 4 semenn.  Me parfwa i arive, ki i annan bann lezot konplikasyon ki agent i bezwen entertain avan zot kapab fer le neseser, pour kapab ganny li aprouve.  Me sa process mon kapab dir kot Planning in improve significantly.  E nou pe vwar en gran improvement en.  Konsernan sa issue pour pe fer referans pour sa proze obor kot Youth Center i été la ; petet osi mon ava fer CEO Planning donn en pe plis klarifikasyon lo la akoz normalman tou bann aplikasyon pour devlopman, i al direk kot Planning Authority – ok? Planning Authority i annan son Board avek tou son bann dimoun teknik ki asses nenport ki devlopman ki en dimoun pe demande pour zot fer.  E Board Planning Minis napa kontrol lo Board Planning ki desizyon ki Board Planning i pran.  Ok?  E dan sa ka parey partikilye, petet CEO i ava donn en pe plis klarifikasyon lo la ;  sel keksoz ki Minis i vwar, se wi mon ganny azanda pour diskite e osi mon ganny en kopi minutes apre bann desizyon ki’n fini ganny pran.  Me selman Minis pa enterfer ditou dan travay Planning kot bann proze i konsernen.  Petet CEO dan sa lo sa case partikilye ki vreman ou fer avek petet i a donn en pe plis klarifikasyon.  Mersi Mr Chair.

 

MR DEPUTY SPEAKER

Mersi Minis.  CEO Francois.

 

CEO JOSEPH FRANCOIS

Mersi Chairman.  Bon apre midi Onorab.  Zis lo kote Board ek Komite, parey zot konnen Planning i travay konzwentman avek plizyer lazans avek Komite pou pli pran en desizyon lo okenn aplikasyon ki vin devan li.  I annan plizyer Lalwa ki nou travay anba la ki require sa bann lotorite konsernen konman administrater pour donn go-ahead avan nou pran bann desizyon.  Sa i annan Town and Country Planning Act ; nou annan Environmental Act, nou annan Public Health Act ; nou annan Lalwa Transpor ; Lalwa Lavyasyon ; Lalwa Telekom avek plizyer ankor.  E se pour se la ki i require ki letan nou fer nou bann desizyon, i ganny fer through bann committees avek bann lo Board.  Lotorite Plan i annan li en main Board ki annan li 12 Manm 5 ladan i sorti dan sekter prive 7 i sorti konman bann regilater dan diferan seksyon Gouvernman.  Nou annan nou en sou Komite en sou Komite ki li i en Komite teknik, ki annan bann lezot zofisye senior li i annan 9 teknisyen senior sorti dan tou Departman konsernen ; kot zot get bann plan detaye lo son baz teknik.  Nou annan en Komite ki nou appel Minor Works li i annan 3 Manm 3 Teknisyen teknik li i pran bann pti proze ki pa require bann gran polisi parey bann pti lazoutaz en pti miray en pti basen eksetera.  Nou annan en Komite Litilite ki kordin bann lekipman parey PUC, Cable & Wireless and so on ki annan bann lenfrastriktir nasyonal ki bezwen pase e li i annan bann dimoun lo sa bann tou sa bann operater lo la ; i annan 11 Manm lo la.  Apre i annan en Komite ki pe ganny setup by lannen prosenn sa i Komite Land Use Planning li i la pour vwar bann diferan Land Use dan bann distrik e fer rekomandasyon avek Gouvernman.  Tandis i pour annan en Appeal System ki li i pa operate direkteman anba parasol Planning Authority, me son budget i ganny enkli pour le moman dan budget Planning.  Sa i rezon akoz sa budget R1.5milyon ki Onorab Ferrari in koz lo la.  Onorab Ferrari in si oule mon pa konnen si mon apel li en lakizasyon e si i kapab substantiate pli tar mon pa konnen – me selman i annan en plan en aplikasyon ki’n vini lo dan sa morso teren ki li i pe refer to – kot ex-Flamboyant pour en devlopman kiosk avek en devlopman entertainment.  Sa devloper an partikilye, i annan en license dan son posesyon, pour li fer sa bann aktivite outdoor entertainment pour en dirasyon 1 lannen.  Sa devloper dan son aplikasyon, in demann kiosk e bann diferan purpose according to son bann kiosk.  Nou’n resevwar son aplikasyon Planning e nou pe etidye tou bann laspe use versus kiosk ki in met lo la.  Teknikman en open kiosk pa require en formal submission of planning application ; bokou landrwa i fer son aktivite, i fer en open structure, apre i fini i ale.  Dan sa kategori partikilye i annan bann use ki pour dire plis ki 1 zour – 2 zour – 3 zour e se pour se la sa bann Planning pe get zot an detay akoz i annan bann lezot Minister ki enpakte avek.  Par egzanp Lasante bann lezot Departman tel ki lanvironnman kot dan Waste Management i konsernen e apre i annan sa striktir building li menm li, ki ti deza la.  Sa building li i annan reparasyon ki pe ganny fer entern.  E la sa building li menm li i annan en aplikasyon ki pe ganny travay lo en change of use pour sa building itself.  Pour nou according to tou lenformasyon ki’n ganny mete kot Lotorite Plan i pe swiv prosedir aplikasyon plan.  An se moman i annan en license pour li operate bann license endividyel pour bann dimoun ki operate endividyel dan sa bann kiosk zot pe ganny li enn par enn atraver Seychelles Licensing Authority avek endorsement bann Minister relevan, si sa bann use i relye anba zot Minister.  So nou napa okenn diferans dan fason ki nou pran sa aplikasyon pour parey bann lezot aplikasyon pour menm kalite avek bann ki vin devan nou.

 

MR DEPUTY SPEAKER

Ok, mersi CEO.  Onorab Ferrari.

 

HON JEAN-FRANCOIS FERRARI

Minis, mon ti a kontan zis demande si ou krwar ki premyerman bann striktir tanporer an plywood i byen ki ganny mete dan Lavil pour 1an?  Si okenn dimoun i annan bout later dan lavil i kapab met en kiosk an plywood e fer son biznes?  E si ou krwar poudir i byen o moman ki nou pe tir bann pov dimoun anba bann latant dan Lavil, nou pe tir zot nou pe anvoy zot dan en lot landrwa dan menm Lavil nou pe fer sa bann kalite devlopman?  Minis mon pa’n dir i annan naryen mal avek son application process application process i ok – se lo son desizyon ki annan en problenm se lo son desizyon akoz i pa Planning rules i dir ou pa kapab annan en keksoz ki ou’n fer an kartron oubyen an plywood ki ou pour servi pour 1an sirtou pa dan Sant Lavil Victoria.  E se la ki mwan mon dir mon santi poudir in annan koripsyon dan sa desizyon sa i mon pwen.  Mersi.

 

MR DEPUTY SPEAKER

Ok mersi Onorab.  Minis.

 

MINISTER CHARLES BASTIENNE

Mr Chair.  As far as ki mon konnen approval pa ankor donnen.  Mon kapab dir ou ofisyelman approval pa ankor donnen, so si zanmen i annan koripsyon mon pa konnen lekel ki’n donn koripsyon – akoz mwan mon pa ladan sa zafer koripsyon.  Konsernan si i normal e tou, mon krwar petet si i annan serten konsern vizavi sa devlopman ki ou pe flag, sa i a en keksoz ki nou a diskite avan en official desizyon i ganny donnen then nou ava vwar nou pour les sa dimoun.  Parey mon dir ankor enn fwa, mon pa pour kapab neseserman enterfer dan travay Planning Authority.  Mersi Mr Chair.

 

MR DEPUTY SPEAKER

Mersi Minis.  Onorab Vidot.

 

HON AUDREY VIDOT

Mersi Mr Chair.  Bon apre midi tou dimoun.  Minis ki plan ou Minister avek sa Bidze, kot i konsern size lakaz pour bann aplikan sorti dan distrik Roche Caiman?  Eski i annan okenn nouvo devlopman lo size later ki kot ex-Kazern akoz Lotorite Distrik i fatige vwar sa landrwa bwaze e ganny konplent pe soutir bann aktivite anti-sosyal.  Lo kote Planning Minis ki eski ou Minister i pare pour revwar lezot opsyon pour bann plan extention pour bann lakaz Housing Estate espesyalman pour Roche Caiman, akoz an plizyer repriz an diskisyon nou’n koz lo sa size e bann dimoun i espekte vwar en en pti pe amelyorasyon petet en hope pour lannen prosenn.  E dernyerman Minis Lotorite Distrik Roche Caiman ti ekrir ou Minister lo size reparasyon nou pe demann sipor lo reparasyon lo serten bann plafon unit lakaz anler Eden Village kot plafon pe degrennen e sa bann dimoun napa sa finansman pour zot fer sa reparasyon pour plizyer rezon.  E osi pour rezon lenfrastriktir son bann defayans ki i annan, me nou pa ankor tann prononsyasyon lo ou Minister lo la.  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair.  Konsernan Roche Caiman ; Roche Caiman evidaman pour gannyen son proze 24 lakaz.  Plan se ki i annan serten konblaz ki nou’n fini ganny approval lo Lotorite Plan pour konble dabor kot nou pour fer zot proze.  Ok, konsernan zot plan Roche Caiman Roche Caiman pour le moman akoz nou ti idantifye en site avan apre nou bouz lo en lot site an se moman i kot Planning.  Me selman mon donn garanti dimoun Roche Caiman zabitan Roche Caiman ki zot pour ganny zot proze within sa by Fevriye 2019 pli tar.  Dezyenmman konsernan ex Kazern sa i en later prive ki mon panse i ankor still Ankour.  E nou pa kapab bouz lo la me selman parey en kestyon ki ou ti deza demann mon dan Lasanble mon ti dir ki mon Minister i bezwen fer le neseser pour fer sa landrwa i ganny netwaye lo en baz regilye.  E mon konstate i pa neseserman pe ganny fer so la mon ava fer sir ki mon pe donn en commitment ki sa i ganny fer.  Trwazyenmman konsernan Roche Caiman pour bann dimoun kapab extend, apepre 2 semenn pase Lotorite Plan in fer prezantasyon avek mon avek bann proposal bann dimoun Roche Caiman ; an zeneral en plan konpreansiv, kot zot pour kapab bann ki kapab azout en lasanm de lasanm oubyen petet bann ki pe vin parey en sa ki nou apel en second house lo Roche Caiman.  Sa plan in fini ganny travay lo la mon espekte ki mon anmenn sa pour ganny approval Konsey Minis lo la, e swivan sa dan mwan Desanm nou pour kapab konmans fer miting avek bann zabitan Roche Caiman, pour prezant sa bann konsep avek zot.  E osi la fason ki devlopman i ganny fer.  Konsernan bann reparasyon lo bann lakaz bann dimoun ki bezwen lasistans mon krwar ki PS Choppy vi ki i ti annan serten faz avan ki’n al dan sa direksyon i a kapab donn en pe plis lesplikasyon.

 

MR DEPUTY SPEAKER

Mersi Minis.  PS Choppy.

 

PS YVES CHOPPY

Mersi Mr Chair.  Nou deza fer 1 faz 2 faz annefe Roche Caiman kot nou ti kordin louvraz nou ti rod kotasyon nou ti fer tender e nou ti angaz bann dimoun pour antre dan en lagreman pour repey kou sa bann louvraz.  Pour bann landrwa pour bann subsequent phase, pour bann landrwa nou kapab antre an konsiltasyon avek distrik pour nou gete ki bann konponan ki nou devret target plis selman byensir nou bezwen zwenn avek sa bann dimoun pour nou kapab ganny en Lagreman swa bann ki kapab raise en loan pour fasilit finansman ; ouswa bann ki pa kapab raise en loan pour annan en mekanizm parey nou ti fer kot zot annan en lagreman kot zot bezwen repey sa louvraz ki pou ganny fer.  Mersi.

 

MR DEPUTY SPEAKER

Mersi PS Choppy.  Onorab Vidot.

 

HON AUDREY VIDOT

Mersi Mr Chair.  PS ler ou pe koz mon par faz zis ou pe koz mon reparasyon an term bann ki lo roofing tiles?  Akoz apar ki sa issue ki distrik in deza met konsern devan Minister Eden Village i annan bann Blok Flat sa bann Blok Flat i annan sa bann serten dimoun ki pe reste ladan sa plafon mon pa konnen si i annan pour fer osi avek sa bann tenk delo anler, sa bann plafon i deza pe grennen la aktyelman lo sa bann dimoun.  Dan zot lakaz ou remarke poudir plafon pe de grennen e Lotorite Distrik in ekrir Minister nou pa ankor ganny okenn feedback ki sipor adisyonnel petet lannen prosenn dan Bidze si nou kapab adres en pe sa bann problenm akoz nou pa ti a kontan ariv en maler kot en bout plafon i tonm lo latet enn sa bann dimoun.  Si mon konpran byen Minis savedir proze lakaz pour Roche Caiman sa 24 unit i pour bann dimoun pour konmans benefisye 2019 – eski i annan okenn lezot benefis ki nou bann dimoun sa lannen ki vini la 2018 ki pour annan ki pou ganny allocate petet lo nivo nasyonal oubyen rezyonal?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair.  Mon ava pran 2enm kestyon premye normalman letan nou annan bann proze dan lezot distrik ki exceed lakaz nou pe donn sa distrik par egzanp i annan ex-ION Grand Anse Mahe parey nou fer avek Dominic Savio, then nou regard bann ka kot i annan merit bann pli vilnerab e vilnerab e sa bann dimoun ki nou konsidere e si zanmen i annan Roche Caiman mon krwar i annan dimoun Roche Caiman ki benefisye avek pa tro lontan avek Perseverance e posibleman avek Dominic Savio.  Konsernan sa bann Blok Flat i responsabilite PMC e se PMC ki bezwen fer le neseser, pour fer renovasyon Blok Flat – Blok Flat i toultan reste responsabilite PMC ziska ler e sirtou i annan bann ki 1 bedroom sa 1 bedroom laba nou dir i reste dan nou stok tranzitwar.  So mon pa vwar en rezon akoz PMC pour fer le neseser dan son Bidze si Lotorite Distrik in anmenn sa dan zot latansyon, nou pa kapab esper maler arive pour nou al fer travay.  So vwala kot mon pour take up avek PMC atraver zot Board pour fer sir ki si i annan travay pour fer zot fer li pli vit posib.  Mersi Mr Chair.

 

MR DEPUTY SPEAKER

Mersi Minis.  Bon i reste ankor 6 Manm ki pour poz kestyon nou ti pe regarde si nou fini li ziska 4er pran en Break 15minit apre nou retournen nou pran Land Transportok?   Annou sey fer nou kestyon bref to the point.

 

(Mic Off)

 

MR DEPUTY SPEAKER

Nou pran Break la?  Ok.  Be ok si zot dakor nou ava adjourn la apre nou a retournen 4er.

 

 

(BREAK)

 

 

MR DEPUTY SPEAKER

Bon nou a kontinyen nou travay.  Onorab Letourdie?  Non?  Ok.  Onorab Afif.

 

HON AHMED AFIF

Mersi Mr Chair.  Mr Chair mon kestyon i vreman lo bann PSIP e mon remarke ki Anse Etoile dan sa lalis PSIP, i pa ganny enkli.  E mon ti a kontan si PS Finans oubyen Minis i kapab eksplike ki mannyer zot tret sa bann proze ki pour ganny fer me finanse par lezot lazans parey Fon Pansyon?  Ki bor nou pour vwar sa lalis egzakteman par egzanp ki konsern Anse Etoile?  E lo sa score mon krwar mon devret eksprim mon dezapwentman avek devlopman ki mon pe vwar dan mon distrik Anse Etoile ; par egzanp kot ti pour annan 24 lakaz an 2017/18 mon pa vwar okenn devlopman.  Annefe nou nou’n kontakte Minister parske zot in zis enform nou ki zot ti pe al konmans en proze e answit zot dir zot ava diskit avek bann zabitan depi le 22 Septanm Mr Choppy i okouran nanryen pa ankor arive, alor eski i en plan ki par ekspre zot pe zis delay sa proze parske i Anse Etoile.  Mon pa vwar devlopman ki pe arive.  E pour mwan i annan plizyer lezot ka ; par egzanp Madanm Asman ki pe fer en miray par deryer Ma Constance dibwa in tonm lo la dibwa in fini MLUH ki pe fer.  I annan 1an, louvraz in arete personn pa pe okipe.  E i annan ankor lezot proze Anse Etoile ki irzan ; mon pe mazin Mr Thelermont lakaz in brile akote nanryen pa ankor fer detrwa mwan in pase.  I annan lafanmir Julie – Juliette (pardon) i annan plizyer proze me proze devlopman kapital me la nou pe koz en Bidze sibstansyel R260milyon e ankor pour Anse Etoile mon pa vwar nanryen ladan mon pa vwar naryen pe bouze dan mon distrik mon dezapwente avek sa.  E mon ti a kontan si zot kapab donn mwan en reaksyon e donn en konfyans poudir ler nou vot en Bidze koumsa, dan tou distrik e sirtou pli gran distrik dan Mahe, nou pour vwar en devlopman serye ki pe ganny fer.  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair, konsernan devlopman proze lakaz distrik Anse Etoile wi i pa ankor materyalize.  An se moman i kot POU nou ekspekte nenport ki moman proze i a ganny tender e rezon ki nou annan ki nou annan en pti pe retar lo kote Anse Etoile, se akoz nou’n bezwen tender sa playing field pour nou kapab relocate sa playing field avan.  E tender in fini sorti kot playing field nou espekte ki nou anvi konplet sa playing field – sa laplenn avan ler ki nou konmans avek nou proze.  E mon krwar sa pour vin swivan diskisyon ki PS Choppy letan ti diskit avek zot e tou fason ti dan nou plan pour nou fer sa laplenn avan.  E parey ou konnen ou kapab konstate Onorab sa laplenn kot i été aktyelman 6mwan dan en lannen pa tro kapab ganny servi akoz i ranpli plis avek delo en i ganny en kantite delo la e nou espekte kapab fer enn proper la anler.  So konsernan kote ou pour ganny ou lalis pour bann proze ki anba Fon Pansyon ki pa neseserman anba PSIP, mon krwar ki nou napa okenn rezervasyon pour nou kapab sirkil lalis avek Lasanble, ki en fason tou bann Onorab i ava vwar kote sa bann finansman pe sorti pour sak sa bann dimoun diferan proze lefe ki zot pa pe appear dan Bidze CAPEX.  Mersi Mr Chair.

 

MR DEPUTY SPEAKER

Mersi Minis.  Onorab Afif – ok?  Onorab Sebastien Pillay.

 

HON SEBASTIEN PILLAY

Bon apre midi Mr Chair mersi.  Mr Chair mon ti a kontan demann Minis anba ‘capital expenditure’ e anba sa provizyon 24 lakaz dan 24 distrik, nou ti tande poudir Glacis a en moman donnen i ti pour napa en devlopman akoz zot ti dan prosesis pour fer aquisition of en later.  Mon ti a kontan konnen si dan provizyon Bidze ki zot in met devan nou la, zot pe zot in met en konponan pour zot fer aquisition pour sa later ki zot ti an diskisyon avek sa owner pour zisteman pour zot kapab annan sa devlopman dan distrik Glacis ?  Apre dezyenmman pour Planning Authority, eski i egziste en landrwa si en dimoun i santi ki en konstriksyon pa pe konform avek bann norm kot sa dimoun i kapab ekrir oubyen vini fer serten konplent pour ki Planning i ale akoz i ti ava sizere ; par egzanp Onorab Ferrari i fer en formal complaint lo sa zafer pour li anmenn laba?  Mersi Mr Chair.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair konsernan Glacis parey mon dir pour Anse Royale se ki nou dan staz final avek negosyasyon konsernen e nou ekspekte i pour kapab materyalize nenport ki moman e li son konstriksyon i pour vin anba sa syndicated loan sa R2milyon signicated loan.  E mon pa vwar okenn rezon akoz nou pa kapab realiz sa parey mon dir parey mon deza vin donn lasirans depi oparavan.  Planning?

 

MR DEPUTY SPEAKER

Mersi Minis.  CEO – Planning.

 

CEO JOSEPH FRANCOIS

Mersi Mr Chairman.  An relasyon avek en aplikasyon si en dimoun i annan en konplent ki Lotorite Plan i fer se ki tou plan ki tonm dan okenn tou distrik an prensip i en distrik elektoral, e en plan ki tonm dan distrik elektoral nou konsilte Local Government distrik elektoral.  Dan sa ka Gerry Morin nou konsilte sa distrik elektoral ki sa area i tonm ladan ki tonm dan distrik Bel Air nou ti anvoy kot distrik le 11 Septanm pour donn komanter e ziska prezan nou pa’n ganny komanter zabitan Bel Air.  Now si i annan okenn lezot zabitan ki santi li agrieved letan en desizyon i fini donnen, i kapab ekrir anba lalwa Planning i kapab ekrir demann en judicial review of the desizyon Ankour e i kapab revwar sa desizyon si an ka i en aprouvasyon ki li i santi i ti devret en refusal.  E oubyen si sa dimoun li menm li si li i ganny en refusal li menm li i kapab follow up son refusal atraver en appeal kot biro Minis.  E si i ankor maintain en refusal i kapab follow-up avek en judicial review.

 

MR DEPUTY SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mr Chair en lot pwen ki mon ti le souleve se ki eski anba Bidze Minister in konsider met en konponan pour ed bann distrik tackle sa size wayleave ki kontinyelman monte e ki retard parfwa en kantite proze lo nivo bann distrik zisteman ; akoz petet bann distrik pa ekipe ase pour zot kapab fer sa resers lo sa size wayleave.  E dezyenmman si eski Planning Authority dan bann revizyon ki zot pe vwar ki zot pe ganny finanse anba Bidze eski zot pe vwar konponan kot ler zot pe reviz bann Polisi ki zot annan, sa size kot avek balizaz ki zistans ki en dimoun i kite pour ki apre si i annan provizyon pour fer konstriksyon semen.  Pour donn akse dimoun pa vwar zot dan en sityasyon kot zot in al aste en later pli tar dimoun i konstri, me personn pa pe gete kot pli tar sa dimoun menm napa akse pour li ariv kot li.  So eski zot pe met an plas bann provizyon pour tackle sa bann sityasyon, ki vin bokou vin tre konplike pour bann dimoun dan nou bann distrik?  Mersi Mr Chair.

 

MR DEPUTY SPEAKER

Mersi Onorab.  CEO Planning.

 

CEO JOSEPH FRANCOIS

Mersi Mr Chairman.  An relasyon avek bann issue semen premyerman semen oubyen easement pour dimoun pase lo en propriyete i en dwa ki ganny ki an relevan kot Lalwa Kod Sivil.  Me an relasyon avek Planning li menm li letan en devlopman i ganny mete lo en propriyete premye keksoz nou regarde si sa easement i annan en easement semen ki egziste lo la.  Dan ka kot en easement semen in anrezistre lo la dan kwen balizaz – Planning bezwen fer ki okenn devlopman pa encroach lo la.  Si napa en easement pour anrezistre ki anrezistre pour donn drwa pasaz lo okenn propriyete endividyel nou demann sa bann propriyeter, si zot santi zot oubyen laprev ki zot anklave, zot fer sa case devan Lakour pour demann en dwa pasaz.  E lakour atraver bann diferan mekanizm i al rode kote drwa pasaz ki mwen konvenyan posib ki kapab permet zot pour pase.

 

MR DEPUTY SPEAKER

Ok?  Yes Minis.

 

MINISTER CHARLES BASTIENNE

Mr Chair, konsernan issue wayleave, swa si i annan okenn issue wayleave i ganny konponan kot en dimoun letan i donn ou wayleave i donn ou serten kondisyon ; par egzanp i a dir ou sirtou avek Land Transport i dir ou mon le ou le fer en miray pou mon oule fer en lot keksoz ?  Sa i ganny taken care anba sa proze konsernen.  Me si i annan pour fer avek serten peyman pour fer avek sa, then mon Minister tou fwa se sa rezon ki nou annan sa Bidze akizisyon kot nou kapab servi pour servi pour sa purpose.  Mersi Mr Chair.

 

MR DEPUTY SPEAKER

Mersi Minis.  Onorab Simon Gill.

 

HON SIMON GILL

Mersi Mr Speaker bon apre midi Mr Speaker bon apre midi Minis avek ou delegasyon bon apre midi tou koleg Onorab e manm piblik ki pe ekoute.  Mr Speaker i annan en problenm, ki preski partou dan nou bann distrik dan nou bann kanton i fatig en kantite dimoun.  Minister Gouvernman in deza fer serten prononsman lo sa size ki ti kree en pe lespwar dan nou bann dimoun e sa size se ki mannyer nou deal avek later zeritye.  I annan en kantite bann zanfan bann zeritye, i annan potansyel lo later zot bann fanmir ki zot kapab konstri lakaz e tir presyon lo later Gouvernman.  Ki ou Minister pe fer Monscieur le Ministre e ki progre in annan dan sa domenn pour kapab aranz en pe sa sityasyon e permet bokou bann zanfan zeritye kapab ganny en loan avek lenstitisyon konsernen, pour ki zot kapab batir zot fwaye.  La ki nou pe konsider sa Bidze, ki provizyon i annan pour adres sa sityasyon si i annan nesesite lenplikasyon finansyel dan ou demars?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair sa issue heirs property i en issue ki preokip nou osi bokou.  E mon krwar poudir letan mon ti prezant sa plan konpreansiv nou ti espekte kapab tackle sa issue heirs property.  Me ki in arive swivan sa se ki nou plan orizinal apre ki mon ti fer diskisyon avek Biro Attorney General, mon ti ganny dir konmkwa i pour annord pour nou kapab bann dimoun ki annan serten ki in reste lo en later pour 30an – 40an – 5an ki anvi re devlope pour li kapab pran en loan mon krwar.  E prezan nou ti pour servi PMC koman enn nou Lazans ki anba nou Minister konman sa garanter – konman sa guarantor pour sa dimoun ki en fason ki labank, an vi ki sa later zeritye, pa pour kapab rol konman kolateral, then PMC i ava kapab vin konman sa garantor pour li – an lot mo.  Me ki in arive e osi nou ti ganny dir sa letan konmkwa ki si sa bann dimoun i annan 30an – 40an – 50an, zot annan sa ki nou apel prescriptive rights ki zot kapab egzerse par file en case Ankour ki pour allow zot pour zot kapab fer devlopman lo sa propriyete.  Me swivan sa then letan nou ti pe al fer demars pour enplimant sa nou ganny serten retar, kot Avoka PMC konsernen e la kot i annan nou ti bezwen angaz nou dan en pe plis konsiltasyon.  E avek sanzman kot Attorney Zeneral la kot nou pe revwar sa dosye avek nide pour nou kapab fer li arive.  Nou konsyan i en keksoz ki tre, tre enportan pour nou fer li arive pli vit posib, akoz parey ou dir Onorab i pour tir osi en bon pe presyon lo Gouvernman ; later i available nou pa le en sityasyon kot dimoun i kit bann heirs property a aryer pour rezon akoz zot pa kapab prete pour zot kapab re devlop sa propriyete.  Se sa lapros se sa rezon an tout bonnfwa ki nou ti anvi fer li me la nou pe repran sa negosyasyon sa diskisyon avek biro Prokirer Zeneral pour ki nou kapab annan en finalite avek sa pour vwar kwa ki posib – kwa ki pa posib me tou fwa anba lalwa dapre osi dapre Avoka PMC i kapab ganny fer, me selman i pour konmans avek sa bann dimoun pour zot al rod zot prescriptive right devan Lakour.  En keksoz ki nou ti pa ti neseserman swete fer lo konmansman me si zanmen ti pour annan bann nesesite apre ki nou ed sa bann dimoun anvi ki sa prose i ase long, se sa rezon ki nou, nou ti a anvi nou al dan en lot direksyon.  Me la nou pe an diskisyon avek Attorney Zeneral pour nou al met en lafen avek sa, pour nou vwar si nou pour kapab al dan sa direksyon oubyen non.  Me mon lo kote Minister nou pour fer nou mye pour nou pouse pour nou kapab fer li arive ; pour nou fer sir nou pa osi an menm tan pa vyol okenn drwa konstitisyonnel personn.  Mersi Mr Chair.

 

MR DEPUTY SPEAKER

Mersi Minis.  Onorab Gill.

 

HON SIMON GILL

Mr Speaker, tro bokou letan nou ganny dir – nou pe pouse nou pe pouse, nou pe gete.  Mon ti ava voudre nou donn en dele letan spesifik lo sa size e ki tou bann dimoun konsernen i met lanmen lo la, pour nou bouze e rezourd problenm en kantite bann zeritye ki pe atann pour zot bouze avek konstriksyon zot fwaye silvouple.  Nou ti a voudre en dele letan – pa dan en gran letan me en dele letan ase kourt lo sa kestyon Mr Speaker, akoz lepep pe esper tro bokou letan lo sa kestyon.  Mersi bokou.

 

MR DEPUTY SPEAKER

Mersi Onorab.  Minis oule komante Minis.

 

MINISTER CHARLES BASTIENNE

Mr Chair nou fer nou mye pour nou fer keksoz pli vit posib.  Mon kapab dir ou ki mon ti annan lespwar ki by  Juin sa lannen, nou ti pour kapab entertain bann case parey, me parey avek tou bann case legal mon pa kapab ale mon pa kapab ale avek en gro lebra vyol drwa dimoun ki apre nou vwar nou, nou pri nek zis nou vwar nou monte desann Ankour.  So les nou ava fer li byen mon pa pour donn en dele letan, ziska ler nou fini fer bann konsiltasyon neseser ki mon espekte dizon premye kar lannen prosenn, nou a kapab dan en pozisyon pour nou dir ki direksyon nou pe ale avek sa.  Mersi Mr Chair.

 

MR DEPUTY SPEAKER

Onorab.

 

HON SIMON GILL

Mr Speaker mon pe konpran ki Minis in dir nou par premye kar 2018 sa i son dele letan pour li enform Lanasyon lo bann konsiltasyon e rezilta konsiltasyon ki in fer.  Nou pe take it e met li lo rikord.  Mersi bokou.

 

MR DEPUTY SPEAKER

Mersi Onorab Gill.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman premyerman dan enn son deklarasyon an relasyon avek an relasyon avek Roche Caiman, Minis in mansyonnen ki zot bezwen aste en later konble ; eski se sa ki mon’n tande?

 

MR DEPUTY SPEAKER

Kontinyen Onorab.

 

HON WAVEL RAMKALAWAN

Minis i ava eklersi si i bezwen aste en later konble, kote sa later i été, e konbyen zot pe peye, e pour ki sa later   Dezyenmman lo kote Music Stadium konbyen larzan ankor i reste pour fini avek sa avek sa konstriksyon?  E ki mannyer mon konpran zot bezwen fer konblaz tou pour met dimoun parske sa batiman in fini pran laplenn antye.  Mon mazinen si ou pe fer Music Stadium ou bezwen spektater konmsi kote bann spektater pour été?  Konbyen i pour koute sa konblaz, e si i sa Bidze ?  Apre zis en dernyen kestyon Mr Chairman, i annan sa Polisi Gouvernman en later oubyen en lakaz ki Gouvernman i ed ou avek.  Kote eski mon kapab ganny en kopi sa Polisi si non nou dan Lasanble nou ti ava kontan ganny en kopi sa Polisi Gouvernman parske sa i ava ed nou pour nou kapab verifye parske i annan serten dimoun ki annan plis ki en later e plis ki en lakaz.  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair konsernan later konble, petet Leader Lopozisyon in mal konpran.  non.  Nou pa pe aste later konble.  Mon’n dir nou pour bezwen konble en morso pour nou kapab met bann fasilite rekreasyonnel akoz an se moman Roche Caiman kot nou pe al fer mon panse 16 ou 18 unit i en landrwa kot i deza annan en kourt – ok?  So nou pour ale nou pour al konble par devan pour nou kapab fer sa kourt avek lezot fasilite prezan ganny sa landrwa pour nou fer sa bann unit.  Music Stadium mon a les mon PS reponn.  Onorab konsernan sa en dimoun i ganny lasistans en fwa depi ler mon vin dan sa Minister i en mon pe konstate i en pratik ki nou pe fer, i paret mon i en pratik ki’n la depi en bon pe lannen.  E mwan mon pa’n neseserman apar ki lo website mon Minister, pour vwar kote sa dokiman i montre poudir se sa kot se sa Polisi dan li menm ki nou sipoze enplimante.  Me in an pratik pour plizyer lannen ki pe ganny, me pour et fran avek ou mon pa’n vwar en dokiman kot nou pour vwar ladan poudir i annan en dimoun i entitled to en lasistans avek mon Minister.  E mwan ler mon’n vin dan sa Minister mon believe in fairness, mon believe ki mazorite nou bann dimoun i benefisye avek sa resours ki leta i annan.  E mon pe kontinyen pratik li dapre sa ki nou pe fer pour plizyer lannen.  Me si ou pe rod en dokiman an partikilye, mon kapab dir ou se ki i posib i annan mon bann zofisye i ava vwar, me selman mon pa ankor vwar sa Polisi.  Me mon ava les kestyon Music Stadium avek PS Choppy.

 

MR DEPUTY SPEAKER

Mersi Minis.  PS Choppy.

 

PS YVES CHOPPY

Mersi Chairman.  Sa proze Music Stadium ler ti konsevwar i ti en proze ki ti pran plizyer faz e ler nou ti konsevwar nou ti planifye li nou ti toultan mazinen ki i pour annan en konblaz ki pour ogmant kantite dimoun ki sa fasilite i kapab pran.  Selman sa premye faz i pour mars endepandan avek sa 2enm faz.  Sa konblaz i pa neseserman bezwen ganny fer.  Onorab in dir ki sa Music Stadium i dan milye laplenn i pa egzakteman dan milye laplenn li petet sa ki i ou pa pe pran kont se ki sa morso La Promenad ki deryer laplenn i pour ganny amalgamate pour vin ansanm avek landrwa kot bann spektater pour été.  Alor pou Music Stadium i konmans servi, i pa neseserman fer sa konblaz ki li son purpose pour ogmant la kantite dimoun ki i kapab pran.  Lo kote ki kantite larzan i reste pour konplet sa proze mon ti donn PS Kiltir serten sif avan in vin dan Lasanble selman malerezman mon pa rapel sa sif la, mon kapab provide Lasanble pli tar.  Mersi.

 

MR DEPUTY SPEAKER

Mersi PS Choppy.  Onorab Ramkalawan.

 

HON WAVEL RAMKALAWAN

Mr Speaker zis pour retourn ankor lo sa later – lo sa Polisi parske pour nou e pour ki i annan lazistis.  Eski Minis pe aktyelman dir, ki menm si i napa en dokiman menm si i napa en dokiman ki i kapab met lanmen lo la sa tradisyon ki’n egziste pandan tou sa bann lannen in pli zou mwen vin en Polisi dan li menm?  Eski se sa ki i ape dir nou?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair egzakteman sa ki mon’n dir se egzakteman sa.  Mersi.

 

MR DEPUTY SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Chair.  De pti pwen enn kalite konstriksyon bann proze lakaz nou remarke i vreman ba i desann, eski dan sa Bidze ki devan nou, Minister pe fer provizyon pour fer en zefor pour fer bann koreksyon lo bann proze kot i annan bann move konstriksyon an 2018?  E an menm tan ki garanti ki ou Minister pe donn nou avek sa Bidze pour ki pri konstriksyon lakaz i desann an 2018?  E ki lapros Gouvernman pour servi pour tender sa bann proze lakaz ki taler boner zot in nonmen ki kantite ki annan apartir de la pour fer ki vreman konmsi i ava ede pour enfliyans pri konstriksyon pour fer li desann dan pei?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Chair i vre Onorab ki pri ki nou pe gannyen ozordi i bokou pli ba ki lannen presedan 2016.  E nou espekte ki sa i kontinyen me selman an menm tan ki nou realize ki plis ou met plis proze lo tender ou espekte ki sa bann ki petet in ganny de proze ki ti ba, pa pour neseserman partisip dan tender e la kot petet i ava enfliyans pri en pe.  Me selman nou, nou konvenki ki poudir pri i ava more or less stabilize pri ki nou pe gannyen ozordi nou ganny pri pour nou Blok Flat Perseverance ki apepre R4300mil en met kare ; R3400mil en met kare e dan lezot distrik nou pe ganny bann pri ki anviron R5600mil a R6mil en met kare.  E lately, lately nou pe vwar ki nou pe menm ganny bann pri ki en pe pli o ki sa nou menm pe vwar bann pri tou dernyerman letan pe antre anviron R7mil en met kare.  Me selman nou, nou ankor pe monitor tou sa bann lezot tender ki nou annan nou ava vwar egzakteman ki trend pe anmenn nou.  Bon le moman parey mon dir avan nou pe ganny bann pri ki ba then i enfliyans la fason ki nou nou fer nou konstriksyon.  Oparavan nou ti pe fer nou en 2 lasanm ki anviron en 65 en 70met kare.  Ozordi nou pe koz en met lasanm ki anviron en 75 a 80 met kare anviron 3 lasanm preski 100 met kare.  E se sa bann pri ki’n enfliyans nou pour kapab met en pe plis konfor nou dimoun.  So ler nou ganny pri ki ba sa i osi zwe en rol pour nou kapab ed nou bann dimoun pour kapab viv en pti pe pli dan konfor.  Mersi Mr Chair.

 

MR DEPUTY SPEAKER

Mersi Minis.  Onorab De Commarmond.

 

HON CHARLES DE COMMARMOND

Wi, eski stratezi ki Minister pe servi, eski zis float sa bann proze, e les sa ki pe al fer sa ki pe tender desid pri?  Oubyen zot Minister i annan serten pri rezerv zisteman parey mon pe dir pour kapab fors sa ki pe tender desann avek ou ki fer ki pri i desann?

 

MR DEPUTY SPEAKER

Minis.

 

MINISTER CHARLES BASTIENNE

Mr Chair normalman se ki procurement Tender Board se ki pour fer ou tender apre sa ki le partisipe i partisipe evidaman Minister i annan son pri rezerv – si zanmen nou ganny bann tender ki pa akseptab pour nou, nou pa pour award obviously. Evidaman nou bezwen koz avek Minister Finans avek Tender Board nou pa pour award.  Akoz si nou krwar nou kapab ganny pri pli ba swa nou ava re tender ziska ler.  In deza arive dan lepase kot ou bezwen re tender kot ou ganny pri ki akseptab, e non pa aksepte nenport ki pri ki bann Kontrakter in mete.  Mersi Mr Chair.

 

MR DEPUTY SPEAKER

Mersi Minis.  Bon avan ler nou pran en vot mon annan de pti kestyon tre direk pour Minis avek son delegasyon.  Petet mon a konmans avek PS Choppy ou ti dan delegasyon vizit Bel Ombre PS ansanm avek Prezidan, mon ti a zis kontan donn en lespwar bann viktim le 1 Zen 2017 lafanmir Androise, Moise, Marie kan apepre zot proze pour konmanse?  Ex-Kashoggi devlopman ti annan nesesite pour fer en playing area e bann fanmir i ankor pe demande kan zot pour vwar sa ?  E osi PS Choppy ou’n vizit sa sityasyon emergency house Bel Ombre, kot sa madanm pe reste pour plis ki 20an e bann ki overcrowded dan sa bann flat Bel Ombre?  Mon annan en pti kestyon pour CEO Francois – Le Noile i annan en sityasyon Le Noile, eski ou konnen kwa ki mon pe koz lo la eski sa lakaz i ankor anba Minister MLUH.  Akoz mon konnen Planning ki’n involve dan serten demars sa semenn ok zis donn nou pozisyon sa lakaz si i ankor en asset Gouvernman, oubyen si in fini ganny vann?  Apre mon pa konnen si Minis i kapab zis pour bann First Time Home Owners ki zot fer zot devwar zot ale zot al rode zot al fer lasas e finalman zot kapab zot dan en pozisyon pour aste en lakaz ki bann prosedir ki zot bezwen pas atraver pour zot ganny en loan anba HFS anba Housing Finance Scheme ?  E how long i pran Minis?  Ok petet mon a konmans avek PS Choppy.  PS Choppy go ahead.

 

PS YVES CHOPPY

Mersi Mr Chairman pour lafanmir Andoise nou deza zwenn avek zot pour nou konsevwar zot proze e nou bann Teknisyen in fini travay lo en plan mon krwar plan in fini al kot Planning.  Pour ex- Kashoggi sa playing area nou ti annan en pe louvraz so la nou pe met dimoun pour konmans gete ki mannyer nou pour devlop sa playing area petet pour en pe sponsor pour en pe zouzou pour nou fer civil works.  Emergency house bann ka spesifik nou’n deza refer to avek Seksyon Housing e osi to ki nou ganny serten lakaz dan nou bann proze ki nou pe konplete pour ki pare, nou a kapab konsider bann dimoun ki bann dimoun dan bedsitter sa nou a kapab konsider bann relocation.  Pour emergency house nou Minister in anmenn en Polisi pour proposal kot Konsey Minis e sa Polisi i determin in etablir ki pandan en peryod 2an Gouvernman pour relocate bann dimoun ki dan emergency house tro lontan.  E fezab bann emergency house ki zot ki zot kondisyon in telman avarye zot nepli dan zot nepli abitab. Sso Mr Speaker vwala bann keksoz ki nou’n fer lo sa bann case ki ou’n mansyonnen.  Mersi.

 

MR DEPUTY SPEAKER

Ok mersi PS Choppy.  CEO Francois.  Ok PS Barbe.

 

PS DENIS BARBE

Thank you Mr Chair.  Nou okouran sa case partikilye anler Le Noile e nou kapab konfirmen ki sa later i ankor an posesyon Gouvernman Mr Chair.

 

MR DEPUTY SPEAKER

Ok savedir sa lakaz i ankor en asset Gouvernman en?  Ok mersi.  Minis.

 

MINISTER CHARLES BASTIENNE

Mr Chair.  Mr Chair konsernan First Time Home Owners zot annan en swa pour al kot nenport ki labank pa neseserman avek HFC ; e ler zot al kot labank konsernen enkli HFC zot annan en entitlement ki baze lo zot income ki varye depi R50mil ziska R200mil sa ki nou appel sa housing subsidy.  E sa zot fer sa laplikasyon pour sa housing subsidy atraver zot labank, ki anvoy zot bann dokiman kot Minister Finans kot i annan en Komite ki fer assessment evalyasyon lo sa labank pour sa endividi kot mon aprann i pran o mwen 2 semenn pour ganny en larepons e sa larzan i ganny azoute ou vwar lo en loan.  Annefe i koz en rediksyon dan loan sa dimoun ki sa dimoun i gannyen konman loan subsidy pour asiste li avek son konstriksyon.  Mersi Mr Chair.

 

MR DEPUTY SPEAKER

Ok savedir an total ou mazinen i pran 1mwan apepre?  Minis.

 

MINISTER CHARLES BASTIENNE

I depan si i sorti kot sa labank me lo kote Minister Finans zot dir mon ki normalman lo zot kote i pran zot anviron 2 semenn, pour zot kapab donn en kominikasyon avek labank konsernen.  Mersi Mr Chair.

 

MR DEPUTY SPEAKER

Ok mersi.  Mersi Minis.  Non nou’n fini ferm kestyon non, non.  PS Payet tou lede kote Onorab Ferrari, Onorab Pillay kestyon lalis in fermen wi, wi wi.  PS Payet gid nou.

 

PS PATRICK PAYET

Mersi Mr Chair.  Pour apre midi akoz Departman Labita i annan Departman Transpor ki nou pa ankor pran, so nou pour pran zis vot pour Seychelles Planning Authority ki lo paz 395 lavaler R15,555,930 milyon.

 

MR DEPUTY SPEAKER

Ok tou Manm ki an faver.  Nou pe pran vot Planning Authority en.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  Mon rikord 17 Manm an faver e 1 Manm kont.  Mersi.

 

MR DEPUTY SPEAKER

Bon savedir Bidze pour Lotorite Planning in ganny aprouve par Lasanble Nasyonal.  Bon mon ti a kontan eskiz CEO Francois parmi nou avek mon krwar ou Accountant i osi la.  Ok CEO mersi.  Mersi madanm.

 

(CEO JOSEPH FRANCOIS AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

PS nou annan ankor en pe letan eski nou pour mon konnen bann zofisye pour Departman Transpor, zot ankor la pe espere ; eski nou pour pran zot eski oubyen nou pran li fresh Lendi?

 

(Mic Off)

 

MR DEPUTY SPEAKER

Ok bann Manm pe dir Lendi.  PS?   Ok mon krwar i annan en konsansis pour nou pran Lendi non ok.  Bon nou ava pran Departman Transpor Lendi be avek sa mon ti a kontan remersi Minis Bastienne PS Choppy PS Barbe avek Ms Loveday – Financial Controller mon ti a kontan remersi zot pour pas sa letan avek nou e Minis  nou ava vwar ou Lendi matin, pour nou pran Departman Transpor.

 

(MINISTER BASTIENNE AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

Bon avan nou adjourn, mon zis mon annan en pti lanons pour mwan fer.  Bon mon krwar i fer de pli an pli nou Lasanble e nou bann Manm osi pe ganny rekonnet dan bann ekspoze dan bann Misyon enternasyonal ; mwan annan plezir pour mwan anonse ki enn nou Manm e sa se Leader Lopozisyon Onorab Ramkalawan pe reprezant Lasanble Nasyonal e mon kapab dir  i reprezant Sesel osi ; i pe kit pei demen i pe al Cote D’Ivoire kot pour annan en konsiltasyon ant Linyon Eropeen African Union.  E in ganny swazir in ganny sa lenvitasyon atraver Prezidan Pan African Parliament ok nou konnen nou annan bann Manm ki vreman aktiv pour Pan African Parliament.  E ankor parey mon pe dir, i fer nou Lasanble loner.  Ok?   Avek sa mon krwar pa si i annan okenn lanons ankor ale Onorab Pillay pa ouver en laport.

 

HON SEBASTIEN PILLAY

Non, non mon pe zis tyeke si Onorab Ferrari pa’n ganny okenn lanons ; akoz i sipoze sant’ Debout Zonm Lib’, ozordi.

 

MR DEPUTY SPEAKER

Non, non annou pa – non i napa Onorab Ferrari i napa dernyen lanons ozordi pour fer.  Mwan ki pe fer dernyen lanons.  Bon avek sa mon ti a kontan remersi tou Manm ; remersi tou Manm mon krwar i en semenn sarze en semenn plen.  Mon ti a kontan osi remersi staff Sekretarya Lasanble e en remersiman spesyal pour PS Payet Mr Thesee e Madanm Verghese.  E byensir nou pa bliy bann Teknisyen SBC – en gro mersi pour zot.  E en pli gran mersi se pour nou bann dimoun ki pe swiv nou e ki pe enterak avek nou bann Manm an mezir nou ale nou depouy Bidze 2018.  So alor mon ava zis annan pour swet zot en bon weekend, repoze e Lendi nou repran nou travay 9er bomaten.

 

 

(ADJOURNMENT)