Home » Verbatim » 2017 » Verbatim Thursday 16th November, 2017

Verbatim Thursday 16th November, 2017

 

NATIONAL ASSEMBLY OF SEYCHELLES

 

Thursday 16th November, 2017

The Assembly met at 9am

National Anthem

Moment of Reflection

Mr Speaker in the Chair

 

HEALTH CARE AGENCY

 

MR SPEAKER

Bonzour tou dimoun.  Byenveni pou nou sesyon ozordi Zedi.  E mon ti a kontan ankor enn fwa swet labyenveni Minis Adam avek ou delegasyon e bomaten nou pou pran Health Care Agency. Yer nou’n fini avek Ministry of Health, nou pou pran lot kote, lot konponan anba son responsabilite.  Health Care Agency e i lo paz 428 e parey nou’n fer yer, in mars byen pou pran non bann dimoun ki anvi entervenir lo sa Lazans – HCA.  E mon ti a kontan dir ki pou fer sir ki personn pa santi i annan en burning issue ki pandan deba oubyen deliberasyon i pas dan zot lespri, si tout fwa zot in koze, zot annan en kestyon ouswa en konsern ki zot annan zot kapab touzour pas li avek zot Leader, en fason ki personn oubyen nanryen pa ganny kit deryer e a lafen deba zot Leader i a kapab fer sorti zot pwen; en fason ki nou pa stiffle okenn pwendvi.  Avek sa nou’n fini welcome Minis ek ou delegasyon.  Lo sa konponan ki responsab anba Minis Jean- Paul Adam, tou bann ki anvi entervenir silvouple lev zot lanmen e Deputy Clerk i a pran zot non.  Tre byen.  Ok, nou a konmans… Mersi Deputy, Deputy Clerk.  Nou a konmans avek Onorab Afif.

 

HON AHMED AFIF

Mersi Mr Chair. Bonzour Minis ek son delegasyon. Mr Chair, mon ti a kontan tou dabor si Minis i kapab eksplik nou e donn nou detay, sirtou kot i konsern ‘office expenses’ lo paz 431, latab limero 3 kot i annan R56 milyon ki i pe depanse an 2018 pou ‘office expenses’ e dan lakel pou elektrisite par zour i R87 mil, pou telefonn par egzanp i R19 mil par zour, fuel i R7mil par zour.  Si i kapab donn nou en pe detay par egzanp lo fuel ki kantite transpor zot annan ki zot pe servi ki pe servi R7mil. Akoz telefonn i R19mil par zour si i annan okenn zistifikasyon ki zot krwar i normal? Answit mon ti a kontan al lo ‘materials and supplies’ lo lakel zot annan R186milyon ki zot depanse e eksplik nou si, par egzanp ler zot fer procurement – drugs anba la, zot annan en prosesis kler tender e ki zot kapab eksplik nou ki mannyer sa i marse parske drugs i annan R43milyon dan sa R186 milyon.  Answit hemodialysis i pran R55milyon.  E si i kapab eksplik nou akoz nou pe depans R55milyon ozordi par an kan detrwa lannen pase nou ti pe depans apepre 20 a 25milyon e in double, si menm kontrakter ki’n ganny sa?  Dan sa R55milyon – si service fees oubyen i enkli latizann tou le 2 ansanm.  Nou ti a kontan konnen e donn nou en leklersisman lo la.  Pou manze zot annan R26.5milyon pou manze, dir nou konbyen, en manze pe koute par zour e konbyen dimoun zot pe donn manze par zour, parske i osi en kantite larzan. E finalman anba ‘other uses of goods and services’ si zot kapab eksplik nou ki mannyer zot in tonm dakor lo sa bann laranzman sekirite ki pe pran preski R10 milyon par lannen.  Si zot in tender, ki laranzman ki i annan, eski i en laranzman ki egziste ki pe zis kontinyen e zis donn nou en pe detay lo building and infrastructure ki i annan en gro sonm R59 milyon e kontinyen lannen prosenn pou vin pli gro, R118 milyon. E zis donn nou grander building e son cost per square metre si zot in tender ankor, mon’n al lo bann gro sonm, si Minis i kapab donn detay. Mersi.

 

MR SPEAKER

Zis pou remind Minis avek CEO ki si zanmen zot santi ki zot anvi Ms Bonne i reponn oubyen Mr Didon lo building, zot annan sa posibilite. Minister.

 

MINISTER JEAN-PAUL ADAM

Mersi Mr Speaker e mersi Onorab.  Mon ava donn enn de bann lendikasyon an gro lo sa bann apre mon pou pas laparol avek CEO e FC kot i neseser.  An se ki konsern bann keksoz parey elektrisite, telefonn, delo eksetera, fodre nou konsyan poudir nou kontinyen annan… premyerman nou annan en kantite fasilite, nou annan 16 fasilite, 16 Sant Rezyonal e premyer se nou annan Lopital santral, Lopital Sesel, nou annan nouvo lopital lafanmir Perseverance e tou sa bann diferan fasilite osi zot annan zot lakantite elektrisite ki zot servi i pli o ki en batiman normal.  Akoz bann lekipman eksetera ki la e osi si ou pran bokou nou bann fasilite i ouver osi… anfen serten nou bann fasilite i ouver lo en baz 24 erdtan.  E bokou i osi ouver lo bann extended hours. E ki nou, nou ti ava swete fer pli tar se annan en breakdown, pou le moman nou pa kapab fer li me ki nou kapab dir pou sak fasilite dan en fason pli detaye. Serten fasilite nou kapab donn en breakdown en pti pe detaye me dan serten ka par servis dan lopital i difisil pou nou dir kantite elektrisite pou tel servis eksetera e sa pou ed nou pou nou kapab regard sa kou elektrisite ek son trend pou nou kapab vwar si i annan posibilite pou nou redwir li. Me mon krwar nou bezwen konsyan ki dan sa Sekter Lasante i en keksoz ki nou pou kontinyen annan serten presyon dan sa direksyon. An se ki konsern telefonn i en pti pe parey, akoz i annan en kantite call ki bezwen ganny fer dan bann kad ofisyel. Nou pe fer serten zefor atraver bann Kontra endividyel avek bann diferan dimoun ki benefisye avek telefonn pou nou en pti pe pli presi an term bann lapel ki zot kapab fer ofisyelman, e bann lapel ki personnel pou nou kapab redwir en pti sa bann kou me ankor fodre ki nou mazinen i annan plis ki mil dimoun i ki anploye dan Lasante e en kantite zot, zot bezwen fer bann calls lye avek zot travay.  An se ki konsern procurement mon pou les CEO donn en pti pe plis detay lo sa bann size, me nou annan bann diferan prosedir an plas pou asire ki nou ganny bann meyer pri posib.  An se ki konsern dyaliz, servis dyaliz, mon krwar sa kou ki’n ganny site par Onorab Afif, i baze lo en kalkilasyon ki pa forseman kouver tou bann eleman e se sa enn bann defi ki nou annan letan nou pe regard Sekter Lasante, ki mannyer ou pou kalkil vre kou sa sekter.  E si nou pran legzanp en letid ki ti ganny fer par WHO an 2013 -2014 kot bokou bann kou nou bann servis ti ganny etabli a son pwen ki ti ganny servi. Nou ti vwar ki dyaliz par egzanp ti enn nou bann kou pli ser, ki ti plis ki R3mil par pasyan pou sak sesyon dyaliz. E se lo sa baz ki nou’n fer sa outsourcing avek sa konpannyen ki AMSA.  E logmantasyon ki’n arive se la kantite dimoun ki’n antre dan dyaliz in kontinyen ogmante nou annan plis ki 150 pasyan ki’n antre dan dyaliz aktyelman nou a ganny sa sif en pti pe pli spesifik.  E letan ou pou regard sa bann kou i lye avek sa lakantite pasyan ki pe al dan sa direksyon.  Lot eleman ki mon ava mansyonnen an term Kontra pou dyaliz se ki nou ti’n diskite avek Lasanble lannen pase, nou pe fer sa bann odit lo Kontra AMSA, i annan… apre ki Sef Egzekitiv ti zwenn avek FPAC si mon pa tronpe an Out sa lannen, Oditer Zeneral in konmans fer sa travay odit lo AMSA e i pou finaliz son rapor prosennman e lo labaz sa rapor mon krwar nou pou pli byen plase pou kapab re-negosye okenn Kontra, kot i neseser, pou fer sir ki nou annan sa pri ki konvenab, me si nou pou baz li lo sa rapor WHO ki i ti fer an 2013 sa ki nou pe peye aktyelman i al dan sa bon direksyon.  Byensir i annan en kantite diferan… i annan telman kantite eleman ki al dan sa kestyon dyaliz, i annan kantite diferan… i annan en kantite eleman lekipman, i annan en kantite eleman standar ki antre ladan.  Alor mon pa pou dir ou ki i parfe me baze lo sa odit nou ava kapab fer sir ki nou pe fer sa desizyon ki pli valer pou larzan pou tou nou bann sitwayen.  Mon pou les CEO e FC koz en pti pe plis lo bann kou manze, bann kou sekirite ki nou koz en pe lo la yer me mon ava les zot al en pti pe plis an detay lo sa bann size.  CEO.

 

MR SPEAKER

Dr Louange.

 

CEO DR DANNY LOUANGE

Bonzour Mr Chair, bonzour bann Onorab. Bonzour bann dimoun ki a lekout. Lo konsern pou sa size ‘material and medical supplies’ and ki enkli medicine apre bann medical supplies, ki mannyer nou fer nou prosedir pou procure sa i anliny avek Procurement Act.  E nou… pou drugs nou annan en set – bann lakonpannyen etranze ki nou travay avek i annan en Procurement Manager ki pe manage sa e i, letan i annan bann demann ki vin kot li i pran, i identify bann suppliers ki pou provide sa bann medicines.  Apre i… nou annan nou en internal… en procurement Committee ki si sa valer i depas 150mil, i al lo sa Komite e sa Komite i according to prosedir, i according to procurement regulation, zot regarde, analize e aprouve depan lo nesesite e the requirements.  E sa apre i ganny aprouve par CEO apre peyman i ganny fer.  So i according to Procurement Act.  Nou osi etabli en lot Komite ki en Board Committee ki i pou konmans fonksyonnel an Novanm la, i ki bor Board osi i okouran ki bann procurement nou pe fer above a R150 thousand.  An ki konsern manze, manze nou cater pou apepre 350 pasyan toulezour, nou cater pou breakfast, lunch, dinner e nou osi cater pou en number of staff ki on call. Nou provide zot dinen, lunch avek breakfast.  E tousala nou’n…figures FC i a donn nou e nou’n an kominikasyon avek nou catering company ki bor nou’n negosye pou nou kapab ganny en best price.  Nou osi an prosedir pou fer re-tender dan en fason ki bor… Konmela ki ou pe fer en lakonpannyen ki pe supply tou sa 300, apepre 350 pasyan ki nou annan me nou pe fer en tendering… nou dan en tendering process now ki bor nou pou diviz li an bann lots, ki bor Mont Fleuri, Seychelles Hospital, Mont Fleuri i pou annan en… i pou en lot, North East Point pou en lot e Wellness Center pou en lot. Pou Praslin, Baie Ste Anne Hospital avek La Digue zot pe ganny cater diferaman.

 

MR SPEAKER

  1. FC.

 

FINANCIAL CONTROLLER JACINTH BONNE

Bonzour Mr Speaker, bonzour Manm Lasanble. In regards to food supplies and aktyelman Minister Lasante atraver HCA zot annan quote servis avek Skychef. Skychef ki pe provide sa servis pou provide manze dan diferan lokasyon ki enkli Lopital Sesel, North East Point, Mental Home, Home for the Elderly avek Wellness Center.  Skychef ki pe provide servis.  Parey CEO in dir Praslin i annan en private caterer ki pe provide service pou Lopital Baie Ste Anne.  E on average sa ki nou pe pey Skychef, zis Skychef tousel par mwan i tonm 2.3 milyon. Be letan ou pou get sa figures ki nou’n budget pou 2018 i annan en pti slight decrease akoz parey CEO i dir an prosesis avek sa bann re-tendering avek bann assessment osi tou ki pe ganny fer i annan posibilite kekfwa ki i annan en pe wastage ki pou koup en pe lo sa bann zafer.  Be on average nou spending i 2.3 milyon pou sa.  Sa i eksklir Praslin, Praslin i en private caterer ki i pe peye, i en pe pli pti gin ki sa ki nou pe peye Mahe akoz ladmisyon kot Lopital Baie Ste Anne i very minimal.  Ok.

 

MR SPEAKER

Onorab Afif ou ok?

 

HON AHMED AFIF

Mersi Mr Chair.  Mr Chair mon annan en pe konsern kot i konsern procurement. Mon a dir ou akoz, ki hemodialysis ki ou pe depans R55milyon dan en lannen, e ou dir ou pe tret 150 pasyan i vin ki ou pe depans lo sak pasyan, R367 mil pou sak pasyan.  E mon prezimen zot fer 2 dialysis par semenn, mon pe pran sa – e nou, nou okouran poudir norm enternasyonal pou en dialysis i $100.  Be baze lo la ou pe ganny 2 fwa sa pri.  Alor mon konnen poudir sa Kontra se en kontra ki’n erite e zot pe zis kontinyen avek me i pa reflekte kou dialysis norm enternasyonal.  I sertennman pa reflekte pou 150 pasyan pou depans R55 milyon, ler ou ti kapab pe depans 30 oubyen R25 milyon.  Mon vwar en gro saving ki kapab ganny fer toudswit. Pou manze ler ou dir ou annan 350 pasyan ki ou pe donn manze toulezour, ou pe depans R26.5 milyon, ou pe depans R207par pasyan par zour.  Sa i plis ki 3 takeaway ki ou aste endividyel.  Mwan si mon ti aste 3 takeaway, 1 bomaten, 1 midi, 1 aswar, mon ti pou aste pli bon marse ki zot.  E zot pe aste an bulk pou 350 dimoun pou mwan i pa fer sans.  Sa klerman i ankor en lot Kontra ki zot in erite, zot pe mars avek. Ler ou pe aste an bulk koumsa i devret redwir.  Lo kote transpor, Mr Speaker, zot pe depans R4.5 milyon par an, maintenance transpor.  Sa i ekivalan R12 mil maintenance par zour. Konbyen transpor zot annan ki zot pe depans R12 mil maintenance par zour? I vreman o e mon krwar la ankor en lot landrwa ki nou devret koupe parske mon vwar sa i ridikil, pa kapab annan R1 mil par zour pou maintain transpor, swa zot get rid of sa bann transpor, zot aste transpor nef.  R4.5 milyon?  Zis pou maintenance sa.  So ou pa’n donn mwan detay lo building e sekirite.

 

MR SPEAKER

CEO oubyen Financial Controller.

 

CEO DR DANNY LOUANGE

Mon kapab pran pou transpor. Pou transpor nou annan nou currently 55 motor vehicle dan nou fleet e pa enkli car hire; sa i zis bann transpor ki anrezistre anba Health Care Agency. Among sa 55 transpor, nou annan nou 13 transpor ki pe write-off akoz zot in depa … zot pa road worthy oubyen nou pa kapab servi zot dan nou fleet.  I annan zis 26 transpor ki roadworthy.  Apre nou’n vwar ki annan apepre en 26 transpor ki needs replacements. I annan… konmela i annan transpor ki dan garaz pe fer maintenance, me selman si ou get nou bann transpor, zot bann laz i avanse ki vary depi 4an ziska 12an.  So nou bann transpor zot bezwen high maintenance e nou pe fer bann provizyon, nou pe an kominikasyon avek Minister Finans ki bor nou gete ki bann transpor nou kapab sanze, ranplase konmkwa ki nou a redwir lo sa maintenance transpor.  Lo kote security, nou annan nou 9 Lakonpannyen Sekirite ki currently pe … nou angaze avek.  Now, i ti arive dan an Mars sa lannen, 2017, le 30 Mars, Isles company ki ti pe provide nou avek sekirite pou lopital ti’n deside ki zot pa ti pou kapab provide nou en service.  E nou ti annan nou zis 2 zour pou nou kapab engage avek en lot lakonpannyen, pou kapab donn nou servis pou nou kapab maintain sa sekirite lo nou bann propriyete, lo nou bann fasilite.  E nou’n vwar ki nou’n kwense akoz nou ti bezwen, sirtou kot Lopital, nou ti bezwen dimoun pou sekirite kot Lopital. Alor nou ti’n apel 9 security firms pou nou kapab demann zot led e menm nou involvement ladan ti such ki nou bezwen convince bann security firms pou nou kapab ganny en 24 hours coverage.  E tou bann pwen ki nou ti… ki enportan pou ganny kouver. So i ti en struggle me nou’n manage pou nou kapab ganny sa bann firms pou kouver nou sekirite. E nou ti an kominikasyon avek ‘POU’ pou nou kapab engage sa bann lakonpannyen tanporerman ziska ler nou kapab re-tender sa security services.  E i an prosedir e parey mon krwar in ganny eksprimen yer i annan en centralised procurement pou security ki POU pe lead avek.  So pou le moman nou ankor pe tenir avek sa 9 lakonpannyen pou kapab vey nou bann fasilite. Menm avek sa 9 lakonpannyen nou still pa kapab, avek sa resources ki nou annan, nou still pa kapab annan full coverage of security services dan nou bann fasilite. I annan pou lopital, pou bann lopital, nou annan 24 hours, pou bann klinik, i annan ki annan klinik ki 24 hours be i annan bann klinik ki nou pa kapab afford pou nou kouver 24 hours.  Nou kouver letan nou’n vwar i annan bann sityasyon ki bor i annan bann lensidan ki arive pandan lizour, so nou kouver lizour.  E i annan bann Health Centres ki i annan bann issues dan aswar e nou kouver aswar.

 

MR SPEAKER

Onorab Afif.

 

HON AHMED AFIF

Mersi Mr Speaker. Mr Speaker, mon beg ou indulgence akoz i annan plizyer pwen si mon kapab zis pran enn par enn.  Mon ava al lo maintenance ou’n komans koz lo la, ou’n dir poudir ou annan ou 26 roadworthy transpor, road worthy, larestan ou pe dan prosesis write-off, bann ki pe marse lo semen 26.  Ou annan R4.5 milyon dan en lannen pou ou depanse pou ‘maintenance’, i vin pou sak transpor ki ou annan, ou annan ou en Bidze R173mil pou fer maintenance be sa ou kapab aste en pti loto nef, i pa realistik.  I devret omwen en kar sa.  Akoz sa bann loto i an 4 ant 4 e 12an, ou pa kapab pe depans lo sak loto R173mil pou maintenance.  Sa i zis maintenance sa.  I tro o, i definitivman i pa akseptab.  Lo kote sekirite, ou dir mwan ou annan 16 fasilite, ou annan 1 santral, ou annan Providence, i fer 18.  Nou pe zis donn en legzanp si ou ti annan 2 zonm pou sak fasilite e ou pe pey sakenn lo sak zonm ou pe pey R20 mil e ou annan 18 fasilite pa tousala ki bezwen 2 zonm, mon pe pran pou en pti klinik Mont Fleuri eksetera… Ou ti pou depans ou R8.6 milyon pou sekirite dan en lannen.  Me ou pe depans 10. Mon pa konnen ki mannyer sa bann kontra sekirite in ganny negosye, me i definitivman tro o.  E parey mon konnen yer zot ti eksplik enn pti pe bann Kontra ki zot in erite, be i tro bokou. I tro bokou.  Zot kas enn zot pran lot, personn pa pe regarde ki kantite louvraz pe ganny fer, konbyen ki pe ganny plase dan sa bann landrwa e si ou pe ganny value for money.  E pou mwan ler mon pe get li an gro napa valer pou larzan, napa valer pou larzan dan transpor, napa valer pou larzan dan hemodialysis i 2 fwa sa ki i devret ete; napa valer pou larzan dan sekirite.  E sa bann gro items sa dan Health Care Agency e mwan mon krwar i annan scope pou zot redwir sa konsiderableman.  Hemodialysis par 25 milyon omwen i devret desann, maintenance i devret desann par omwen lanmwatye, nou ganny 2 milyon lanmenm, 25 milyon dan hemodialysis i devret desann.  Mon pa pe dir fer mwens hemodialysis mwan.  Mon pa pe fer okenn keksoz ki pou sizer nou annan mwens tretman avek nou pasyan.  Mon pe dir sa bann pri ki zot ganny sarze i tro o.  I tro o par norm enternasyonal.  E tou fasilite ki la isi ozordi se Minister Lasante ki’n peye, i vre zot anvoy dimoun isi pou fer sa servis e zot pe ganny peye sa bann dimoun.  Me apard sa nou pe ganny R55 milyon ki 2 fwa pri dialysis enkli son bann materials ki zot anmennen. Alor mon vwar vreman la deswit mon vwar R27milyon ki nou kapab koupe, deswit mon pe vwar sa. Mon pa ankor al dan manze ki manze i kapab tir omwen ankor 4 milyon ladan fasilman parske mon pa vwar zistifikasyon ki mannyer ou kapab pe depans R200 par zour pou en pasyan manze kan ou pe order in bulk?  Ou pe order manze pou 350 dimoun toulezour e mwan konman en endividi mon aste manze pli bon marse ki zot.  I pa posib.  So i annan en keksoz ki mal dan zot sif e toudswit mon pe vwar omwen R30 milyon ki devret redwir dan sa Bidze, san afekte servis.

 

MR SPEAKER

Petet Onorab avan ou kontinyen ek lezot pwen, nou a vwar si i annan okenn response lo sa bann item spesifik ou’n fer sorti.  Mon pa konnen si Minis ou anvi lo en pwen Polisi oubyen général ou anvi fer okenn komanter lo sa pwen.

 

MINISTER JEAN-PAUL ADAM

Mon krwar, wi Mr Speaker, mon krwar i annan enn de petet klarifikasyon ki CEO avek FC i anvi anmennen avan e apre mon ava vini lo kote Polisi.

 

MR SPEAKER

Ok. CEO oubyen FC dan nenport lord zot kapab koze.

 

CEO DR DANNY LOUANGE

Wi.  Mon pou al tous lo transpor.  Mon’n dir ki i annan  55 – 54 transpor ki lo semen.  E dan sa 54 transpor, mon’n dir 26 ki roadworthy me lezot zot osi nou kapab still servi me selman nou bezwen ranplase.  I annan ki nou pa kapab servi nou’n met akote pou ranplase e write-off procedure pe ganny fer.  E menm nou vwar ki avek sa bann transpor ki nou annan nou still annan en challenge pou nou kapab delivre en servis ki of quality. Sa bann transpor i ganny servi pou transport staff ; i annan dokter parey bann dokter ex-patriates ki nou anmenn dan klinik akoz menm konmela si nou napa transpor klinik i ganny afekte akoz i konmans apre ler, nou annan… nou servi sa bann transpor pou transport bann blood samples, rezilta e sa osi i esansyel pou nou servis.  E mon krwar apre amongst sa bann transpor i annan lanbilans osi e i annan lanbilans ki nou’n… i pe anmars, 5 lanbilans i anmars me i annan lanbilans nou’n met akote akoz maintenance i high. Nou servi li zis letan an ka emergency oubyen an ka nou bezwen en lot additional service dan lanbilans.  So mon krwar i enportan ki nou get sa Bidze pou transpor, seryezman akoz mwan mon krwar menm avek sa Bidze ki nou annan i pa ase pou nou kapab delivre, sa ki nou anvi delivre.  An konsernan manze, catering, mon’n dir ki nou annan 350 pasyan me nou annan osi staff ki on-call.  Mon napa sa figure la egzakteman ek mwan me selman bann staff ki pe fer night duty ki nou bezwen provide zot avek … E mon remarke ki i annan Onorab i dir pa bokou, be i annan en gran sonm dokter, ners e bann allied health workers ki bezwen reste Lopital pou nou kapab ganny en servis 24 hours. San kwa i plis ki 25, Onorab.  E mon pou les FC koz en pe plis lo bann figures.

 

MR SPEAKER

  1. FC.

 

FINANCIAL CONTROLLER JACINTH BONNE

Mersi CEO.  Mersi Mr Speaker. Mon ava konmans avek sa bout building avek infrastructure ki pa ankor tous ditou.  An realite anba sa bout ‘building and infrastructure,’ nou kouver pou netwayaz bann Health Centres, osi byen ki Lopital.  I annan en increase pou lannen 2018 an relasyon avek sa tender ki Gouvernman pe vin avek ki enkli ledikasyon osi tou pou netwayaz e i pou annan en increase ladan ki pou kouver akoz nou pou annan plis bann lots ki pou ganny tender.  Pou 2018, i pou kouver en pe sa tendering process.  In terms of manze ki ofer avek Skychef i vre ki letan ou pou gete kekfwa ou pou vwar ki sa figure i en pti pe abzorban, me solman Skychef i provide nou avek en costing per meal ki zot provide it.  So we had to go according to zot costing per meal ki nou napa available avek nou la si zot oule nou kapab make available.  Zot pri ki zot sarz nou i baze lo en costing parey si zot pou provide breakfast zot pou donn nou manze spesifik ki zot donn pasyan ki anba specific treatment.  Sa osi i annan en cost ki vin avek e sa i en pri ki fer sa pri kekfwa ki ler ou pou fer ou analis in terms of pasyan ou pou vwar ki i pa pe sa kantite. Pou security i annan sa parey CEO in dir i annan sa tendering process ki pe mars avek enkli Ledikasyon ek Local Government ki nou ti mansyonnen yer.  Pou Health Centres i annan sa 9 security ki letan zot in fer zot prosesis avek procurement, zot osi tou zot in ganny tonm ladan pou kouver ladan dan sa nouvo Kontra ki pe al antre lannen prosenn e in line avek procurement policy zot pou bezwen annan plis ki en sekirite lo stasyon; menm si nou Lasante nou ti a kontan ki zot fer 24 hours.  Me i pa pou fasil me selman at least 12 hours an term avek 2 sekirite apre sa increase osi – pou cater pou zot Trezyenm Mwan Saler ki zot bezwen pey zot travayer osi. Mersi.

 

MR SPEAKER

PS Payet apre Minis.

 

PS PATRICK PAYET

Mersi Mr Chair. Bonzour tou Manm Onorab e tou dimoun ki a lekout.  Zis pou azoute lo sekirite an Zen 2017 nou ti lans procurement for security services, nou kapab fer Lasanble ganny en kopi the bidding document e ti annan 15 lots ki letan nou ti lans tender.  Par egzanp en lot ki nou ti fer nou ti met ledikasyon, DA’s Office, Community Centres avek Lasante, Health Centres ansanm.  So par egzanp letan ou get plot 1 Bel Ombre ou annan lekol, DA’s Office avek Community Centre. Plot 2 – Beau Vallon, crèche, primary, secondary, Health Centre, tou sa bann keksoz ki enkli Day care Centres as well. Letan nou fer en assessment ki aktyelman la i annan appeal akoz i annan appeal, ozordi deadline pou the review panel review tou bann appeal pou zot soumet avek their Central Procurement Unit tou bann award ki officially CPU zot pou ekri sa bann service provider.  E dan nou initial estimate pou sa 3 Minister, Minister Lasante, Ledikasyon avek Community Devlopment, nou initial estimate ti R5.5milyon par mwan.  E tender ki nou ti gannyen ki anyway ki nou pa ankor award akoz nou pe esper the review, i R5milyon par mwan pou tou le 3.

 

(Mic Off)

 

PS PATRICK PAYET

I zis ….Wi. So letan nou’n tender nou’n save 456mil par mwan – ki sa osi nou kapab provide ot the analysis once ki ozordi review panel i sorti avek tou bann lenformasyon e tou sa bann analysis ki nou’n fer. Ok? So sa ki nou … sa provizyon ki nou’n mete pou 2018, i dapre tender ki nou’n resevwar pou security services.

 

MR SPEAKER

Minis.

 

MINISTER JEAN-PAUL ADAM

Mersi…

 

MR SPEAKER

  1. PS.

 

MINISTER JEAN-PAUL ADAM

Mersi Mr Speaker e mersi Onorab.  Parey PS Finans in eksplike pou sa sif pou sekirite alors i deza pran kot tou sa bann tender pou tou sa bann lezot Health Centres.  I annan zis pou Lopital Santral e pou Lopital Perseverance e pou Wellness, ki pou ganny tender an Zanvye 2018.  E sa nou ti diskite yer i tonm anba Minister… anfen sa enn pou lopital i tonm anba Minister Lasante.  Apre pou zis en pe bann lezot pwen, bann pwen Polisi dan en fason zeneral, an se ki konsern Bidze pou manze nou konpran konsern ki vin ganny met devan, me mon krwar tou dimoun i konsyan ki ou pa kapab aste en takeaway e zis donn avek en dimoun dan Lopital.  I en lot standar. I en standar ki bezwen ganny enplimante dan en lakwizin a en serten nivo e osi ki bezwen ganny transporte dan bann kondisyon konvenab sorti kot sa lakwizin kot i ganny fer ziska sa Lopital.  Alor i pa… mon pa pe dir ou konmsi ki napa posibilite fer savings petet i annan e parey CEO in fini eksplike, nou pe kas sa kontra an bann diferan lots pou fer sa tender.  E nou ava vwar dan sa tender si nou kapab ganny en meyer pri tanmye e oubyen si… me mon krwar nou pa kapab servi… zis en keksoz fodre i vreman kler, nou pa kapab servi sa standar sa ki koute dan en takeaway pou Lopital.  Mon krwar sa i evidan. Apre dezyenmman kot i konsern transpor, nou pli gran konsern se lefikasite sa bann transpor me nou pe fer serten… i annan nouvo lanbilans par egzanp ki nou pe gannyen dan nouvo Bidze e sa pou ed nou en kantite, i pou tir en pe presyon lo serten sa bann pli vye transpor.  E letan ou annan mwens presyon lo vye transpor, ou depans mwens lo maintenance. Definitivman nou pe depans tro bokou dan maintenance ozordi.  Me parey CEO in eksplike nou annan serten transpor ki lo semen ki nou ti ava swete kapab tir zot lo semen. An se ki konsern sa kestyon dyaliz,    fodre nou note ki lakantite pasyan dyaliz in double, in ariv plis ki 150 pasyan. Mon konpran ki Onorab Afif in dir ki i en standar $100 me mon krwar pa si sa i korek, Mr Speaker, akoz pou dyaliz i annan plizyer kalite dyaliz ou kapab fer.  Dan bann pei normalman ki pe ofer dyaliz pou $100 se kot zot pe reservi bann consumables.  Mwan mon pa en expert ladan mon pa pou kapab dir ou 100 poursan kwa ki en pri konpetitif. Me definitivman si ou pe regard sa kestyon $100, mon krwar si i baze lo bann pei ki pe reservi sa bann consumables.  E sa i pa anliny avek sa standar ki nou nou’n etabli isi Sesel alor i enportan pou nou pa zis dir i annan en pri koumsa, nou pou fer dapre sa odit, sa pri ki sipoze ete dapre sa ki nou ti pe depanse baze lo sa letid 2013 sa ki nou pe peye i sipoze pli ba ki sa ki ti pe kout nou an 2013 dapre sa rapor WHO. Nou, nou aksepte ki nou bezwen fer sa travay e sa travay odit e nou pe esper sa rapor Oditer Zeneral.  Mon le presize osi ki ansanm avek Bord Lazans Servis Lasante, i annan osi en clinical audit ki pe ganny fer, akoz sa kestyon valer pou larzan i osi depandan lo sa sipor, sa standar medikal ki pe ganny met an aplikasyon.  Alor i tre enportan letan nou regard sa kou ki i baze lo en standar.  E petet sa bann pwen prensipal. E zis pou dir Mr Speaker, dan en fason zeneral ki nou komitman pou nou ganny meyer pri posib pou tou bann servis atraver bann tender i aki.  Nou pou toultan swiv sa bann prensip pou nou fer sir ki nou fer sa bann tender. Me sa, par egzanp si nou pran sa legzanp sekirite, sa pri ki Onorab Afif in site i baze deza lo serten tender ki’n fini ganny fer.  Alor nou’n vwar serten savings konpare ek lepase, me i pa vedir otomatikman letan ou pou kas li par lakantite zofisye oubyen lakantite zour ki ou pou vwar sa savings otan ki petet ou ti ava swete.  Me nou pou kontinyen fer tou sa bann demars pou nou fer sa tende rdan tou sa bann diferan sekter e vin avek sa meyer solisyon posib kot i neseser. Mersi Mr Speaker e mersi bann Onorab.

 

MR SPEAKER

Onorab Afif.

 

HON AHMED AFIF

Mersi Mr Speaker.  Zis mon dernyen pwen, zis mon pou reponn lo sa bann pwen. Lo kote transpor mon pou konmanse, transpor menm ki ou annan 54 transpor i still vin R83mil maintenance par transpor par an.  Way too high. Napa… bokou nou i annan loto, nou pa depanse maintenance sa kantite. Si ou’n fer en aksidan, mon a konpran ou bezwen sa kantite maintenance, me zot loto, zot pe pey par loto R13mil lasirans ki mon prezimen i pa third party.  Lefe ki zot pe annan transpor ki asire ki annan bon lasirans lo la sirtou si i fer aksidan e zot annan rezon zot pou ganny zot larzan, mon pa vwar okenn rezon akoz R83mil par transpor i zistifyab.  Mon pa vwar, menm ki ou pe pran tou ki sa bann ki pa road worthy.  Lo kote dyaliz Minis in quote serten rapor, nou pa’n vwar sa bann rapor.  Mwan mon ti a kontan vwar en rapor detaye ki montre norm enternasyonal ki mwan mon’n ganny dir i ete, mon’n koz ek spesyalis, zot dir mwan norm enternasyonal i ant 100 ek $125.  Me pou zot i ariv apepre $200.  I 2 fwa son pri.  Alor mon vwar keksoz mal e nou konnen ki mannyer sa kontra ti ganny aranze.  Lo kote sekirite, zot in koz lo en standar ki pe ganny dir 2 dimoun par fasilite mon pe dir zot 2 dimoun par fasilite a R20 mil sakenn e i still pli ba.  Mon 2 pwen final se ki mwan mon krwar ler zot al tender zot pa bezwen pran nenport pri ki tender i donn zot, ou ki pe rod sa servis, ou ki dir konbyen ou kapab peye e ler ou fer ou tender ou dir, – mon mon pa pey plis ki R8.5 milyon, anybody ki kapab vin par anba sa, vini.  Si ou pe al par lao ou pa pe vini.  Ou pa pou gannyen e si ou pa le fer, mon pou anploy mon prop dimoun. Nou bezwen azir parey en biznes la, nou pa kapab zis asize dir nou pou fer tender sa ki nou gannyen sanmenm.  Non, i pa mars koumsa, biznes deor pa marse koumsa, napa en boug deor ki mazin koumsa. E finalman mon pa’n ganny okenn sif lo konstriksyon, square metre, total areas.  E mwan mon krwar Mr Speaker, mon pou propoze ki anba maintenance sa sif i desann par lanmwatye. Sa sif ki zot in propoz pou maintenance transpor zis pou transpor i devret desann par omwen lanmwatye parske R83 mil par transpor i way too high e alor pou transpor 4.5, 2.25 i devret sorti. lo kote hemodialysis, mwan mon pou propoze 25 milyon i sorti lo sa kontra e sa Kontra i bezwen ganny revize.  I bezwen ganny revize, anmenn li lo en baz enternasyonal.   Alor 2.5, 25 lo maintenance e answit lo kote sekirite limit, li parske nou mete toultan dan tender, the person tendering is not obliged to accept any price being given; parske ou ki negosye, ou ki pe rod sa Kontra.  E alor limit li a R8.5milyon. E mon asire ou pou ganny dimoun, mon asire ou pou ganny dimoun pou R8.5 milyon Kontra sekirite.  I annan en kantite dimoun deor pe rod louvraz sekirite, parske ler ou pou donnen, ou pou donn forse 3, 4 dimoun, i annan 10 dimoun deor pe espere, zot pou pran.  Parske i annan larzan pou fer anba en sekirite koumsa avek 8.5 milyon.  So sa Kontra i devret desann par omwen R1.5 milyon, sa ki mwan mon kapab propoze la, san get building – parske mon napa detay building e deswit mon ariv lo apepre R30milyon rediksyon.  Mersi Mr Speaker.

 

MR SPEAKER

Ok. Mersi Onorab Afif. I annan… Minis en pti moman i annan 4 dimoun ki le koz lo sa bann size ki ganny souleve par Onorab Afif.  Me petet i annan en kestyon ki’n ganny demande, mon a demann Minis oubyen CEO si i posib me nou a vwar si i annan en posibilite ganny en rapor lo hemodialysis vi ki i ti’n lev serten konsern e serten konsey ki in gannyen, eski i posib pou ganny en rapor lo sa ?  apre nou a ekout sa 4, non, sa 5 lezot dimoun ki le koz lo apepre menm size avan nou vwar ki mannyer nou pou al devan.  Minis oubyen CEO.

 

MINISTER JEAN-PAUL ADAM

Mersi Mr Speaker e mersi Onorab.  Mon konpran sa ki Onorab pe dir me i annan serten… par egzanp si nou pran sa kestyon sekirite, nou dir nou, e si ou pran legzanp pou bann ki’n fini tender la an Zen pou lannen prosenn, nou batch li parey PS Finans in fini eksplike, nou ti batch li ansanm avek bann lezot an deor Lasante.  Wi, petet nou pa oblize pou nou pran sa pri.  ,e lefet ki Gouvernman in fer sa zefor in ale in met sa an group nou sipoze ganny en meyer pri parey PS Finans in eksplike, nou’n ganny en rediksyon.  Alor si zot santi sa i pa ase, i pa ase bon me nou… eski nou pou al re-tender sa bann kontra?  Nou bezwen baz li lo sa bann konpannyen ki’n vin devan e baze lo sa ki nou annan aktyelman devan nou.  E o kot i konsern AMSA Mr Speaker, kot i konsern dyaliz, mon konsernen dan sa ki Onorab Afif pe dir, akoz nou pe sanz prosedir ki nou’n agree avek FPAC akoz letan CEO ti vin devan FPAC nou ti agree ki Oditer Zeneral pou fer son rapor.  Alor pou mwan koup Bidze pou sa servis, avan ki nou’n fini ganny sa rapor sorti kot Oditer Zeneral i pa fer sans.  Annou fini ganny sa rapor sorti kot Oditer Zeneral. Letan Oditer Zeneral in donn son rapor, si sa i montre klerman poudir i annan larzan ki kapab ganny save nou fer li a sa moman.  Me si ou pe al anmar lanmen Minister Lasante, Lazans Lasante lo depar, ou pe fer li difisil pou nou rann sa servis avek sa pasyan.  E alor mon demande Mr Speaker, ki nou rekonsidere, nou napa problenm. Mon pa pe e mon pa le dir ki absoliman sa pri i korek, mon pa pe dir sa – mon pe dir annou fer li dan en fason obzektif akoz i en sekter kot ou annan en kantite diferan pwendvi lo kwa sa pri. Onorab Afif in site ki serten expert in dir li standar i 100-$125.  Mwan mon pa’n vwar sa rapor ki li in vwar, nou, nou kapab donn li sa rapor WHO 2013-2014 baze lo kou ki ti kout nou a sa moman.  Mon pa pe dir ou ki nou pa ti kapab fer li pli bon marse, sa i ti sa kou ki ti kout nou pou fer en sesyon dyaliz, plis ki R3mil par sesyon e nou fer 3 sesyon par semenn.  Ok?  Si i annan posibilite pou nou redwir sa kou i pli bon pou nou tou, ok?  Me nou bezwen baz li lo… mon krwar nou bezwen fini sa bann diferan prosedir avan nou pran en desizyon lo kote nou koupe oubyen non.  Si vreman nou kapab redwir tanmye, me annou fini sa rapor Oditer Zeneral, mon krwar i pou dir prosennman i pou submit avek… e sa pou ganny submit osi avek FPAC mon mazinen akoz sa ti’n ganny diskite lo nivo FPAC.  E lo kote transpor nou kapab mon krwar fer serten amelyorasyon sa mon krwar i kler.  Me avek bann difikilte ki nou annan lo kote transpor – pou zis koupe lo en fason arbitrer baze lo lo sa bann kou ki pou riske met nou dan en sityasyon difisil. Mon krwar nou kapab revwar enn pti pe baze lo le fet ki nou pe ganny nouvo transpor pou nou zis koupe par en kantite mon krwar pou met nou dan en sityasyon difisil.  Mersi Mr Speaker.

 

MR SPEAKER

Avan mon a donn parol CEO, mon ti a zis kontan pou reasir tou dimoun ki lo dyaliz ki mon krwar personn dan Lasanble pa anvi anmar lanmen Lasante.  Mon konnen ki mannyer…

 

(Mic Off)

 

MR SPEAKER

Non, non Onorab Pillay. Onorab Pillay ou a ganny laparol taler ou a koze, ou non i lo lalis.  Mon pe zis reasir bann dimoun akoz mon konnen ki mannyer i ete akoz mon annan fanmir ki lo dyaliz, mon konnen ki mannyer i difisil, mon pa krwar okenn dimoun dan Lasanble i anvi anmar lanmen Lasante e Minis nou la pou ede, ki pe ganny propoze se pou vwar ki mannyer nou annan en leaner budget.  E nou konpran sa ki ou pe dir. Mon krwar i en kestyon annou koze, ou’n fer serten sizesyon ki mon krwar i tre valab, annou esper rapor. Onorab Afif i dir i ti a kontan ganny rapor ki ou, ou annan, Oditer Zeneral pe fer rapor. Annou fer keksoz byen, akoz tou sa ki Lasante pe fer nou konnen zot pe fer zot mye pou Sesel e pou Seselwa.  Nou sa ki nou pe sey fer se donn zot sa sistenm pou fer li byen e streamline keksoz. Avan mon retourn laparol CEO, les mon CEO, donn mon en pti moman, mon a ekout kote isi i annan Onorab Valmont ki le dir en keksoz, apre ou a pran laparol apre ou annan isi.  Wi. Wi, wi ok. Onorab Valmont, apre mon vin kot Onorab Ramkalawan.

 

HON JUDE VALMONT

Bonzour e mersi Mr Chair. Bonzour Minis ek ou delegasyon, tou koleg Onorab e tou piblik ki pe swiv nou.  Mr Speaker swivan bann larepons Minis, i annan 3 pti kestyon ki’n monte me selman mon zis notifye ki mon annan kestyon ki mon ava esper mon tour apre pou demande.  Minis mon tann ou koz lo dyaliz, mwan mon ti a voudre demann ou an tan aktyel eski i annan okenn posibilite reel redwir sa kou pou dyaliz? Dezyenm ; eski lo kote transpor, nou’n tann konsern konsernan transpor, mon ti a voudre konnen si zot annan en field manager … en fleet manager, e ki son rol, si zot napa si zot pa kapab konsidere?  E trwazyenm Mr Speaker, mon ti pou al lo catering, me Minis in zistifye akoz zot in swazir sa lakonpannyen. Mon krwar in mansyonnen lo kote standar, food security ki alor sa in klersi.  Mersi.

 

MR SPEAKER

Mersi Onorab.  Zis pou dir ki Minis in dir taler ki i pou … i annan kestyon rapor e in dakor ki si i fodre koupe i a regarde i a koupe.  In pran sa pwen ki Onorab Afif in fer sorti.  Mon a les CEO reponn apre nou ava al kot Onorab Ramkalawan. CEO ou ti le fer en komanter.

 

CEO DR DANNY LOUANGE

Yes.  Mersi Mr Chair.  Mr Chair mon pou zis retourn lo transpor avek manze. Mon krwar i enportan avan sa Komite i deside ki zot pou fer regardings a budget. Mon krwar i enportan pou nou kapab provide service, mon krwar mon’n repete, mon’n deza dir sa me pou nou kapab provide en servis of kalite, nou bezwen transpor e sa i obvious.  Mon toutafe dakor ki sa amount, sa 4.2 milyon i en kantite.  I appear en kantite pou transpor, me selman letan ou dan sa hot seat ou pou vwar ki letan ou annan en ta vye transpor dan en fleet ki mannyer ou pou manage zot? Prezan enn… si ou gete en senp gear box i dir ou R80mil pou sanze.  E seryezman nou pa kapab kontinyen koumsa, me selman mon krwar si Komite i deside pou koup Bidze lo maintenance motor  vehicle, transfer sa dan minor capital nou ava aste plis transpor.  E si ou gete, e si zot le met plis larzan, nou a aste plis transpor.  Akoz mon pe gete la i annan bann transpor ki 12an, 10an, 11an, 7an e sa bann transpor i pa aret marse e nou bezwen sa bann transpor e menm ek sa bann transpor nou vwar nou lanmen sere pou provide en servis ki zot le.  An konsern manze, catering mon krwar i osi enportan ki Minis in koz lo la me i enportan konman Health Care nou donn manze bann pasyan, nou pa donn manze zis nenport ki dimoun e mon’n ganny mesaz ki nou annan apepre en 50 staff osi ki nou donn manze on-call.  Letan nou donn manze pasyan e sanmenm sa ki nou kontinyen avek sa supplier ki pe supply nou manze, akoz nou’n ariv en letan avek sa supplier ki bor pa zis zot ki pe provide nou manze, nou avek zot ki nou travay ansanm ki nou donn en kalite repa pou nou bann pasyan kapab recover ek zot maladi.  Me nou pa kapab zis swazir nenport ki konpannyen pou nou kapab, pou supply nou manze.  E mon krwar i enportan ki Komite i reflesir lo la avan e deside pou koup okenn sa 2 Bidze. Mersi.

 

MR SPEAKER

Mersi CEO.  Mon a donn laparol avan mon konnen Financial Controller ou anvi dir en pti keksoz avek Minis.  Avan sa donn laparol Leader Lopozisyon en pti moman.

 

HON WAVEL RAMKALAWAN

Yes, Mr Speaker, e bonzour e bonzour tou dimoun. Annou sey regarde ki mannyer… mon krwar i enportan sa dyalog ki nou pe tenir.  E tou le 2 kote i konpran kanmarad e nou, nou anvi ki zot reste efficient parey Mr Chair in dir e ki Seselwa i ganny the best service possible me an menm tan osi nou bezwen sey regarde ki mannyer nou ganny the best service possible a en pri rezonnab, a en pri pli ba.  Alor nou pe koz lo posibilite rapor lo travay ki bezwen fer lo sa kote maintenance ki nou tou nou aksepte poudir i o.  alor mwan mon pe, mon anvi demande kwa ki zot, zot ti ava propoze koman en fason, en middle approach, middle way, middle whatever pou nou kapab pe tenir sa dyalog pou nou pa afekte zot Bidze, pou zot efektiv.  Me an menm tan osi pou nou kapab tenir sa dyalog pou nou dir be ok, these are the targets, nou pou zwenn sepa ankor dan 3 mwan, nou pou zwenn dan 6 mwan e pou nou an menm tan osi, nou ava kapab pe regard the amount pou nou kapab dir be ok annou tenir sa la, nou ava regarde ki mannyer i ete. Par egzanp lo kote manze, Skychef ensidswit i deliver.  Me sa sete enn bann pwen Mr Chair i nou ti diskite letan nou ti zwenn avek zot, pou nou dir sa bann staff Lopital zot pa konnen e i resanble ki menm letan i annan plis manze ki ganny order se menm kantite ki vini.  Napa en dimoun Lopital ki pe ansarz manze pou li konnen ki poudir zot pe ganny value for money.  This was a point ki ti ganny fer resorti. Mon konpran konsernan standar ensidswit me selman si i ganny ouver, si par egzanp i annan en tender ki ganny ouver, i posib ki i annan en dimoun ki ava dir ki ‘‘be regarde mon kapab ofer pou pli bon marse and this is what  Minister Lasante ki zot anvi, la i la mwan sa ki mon kapab ofer pou sa pri’’ e i posib ki nou ganny en pri ki pli ba. Ok. S o mwan mon pe sey regarde ki mannyer nou kapab ganny sa dyalog si nou bezwen tenir en pe larzan, annou tenir li ki nou aprouv zot Bidze parey zot pe dir, me selman nou tenir en pe pou nou kapab annan sa dyalog kontinyel e pou regarde ki mannyer nou kapab avans devan.  Pou ki nou, nou pe tenir nou responsabilite pou nou fer sir ki larzan i… e zot osi tou…

 

MR SPEAKER

Zot pe delivre sa servis.

 

HON WAVEL RAMKALAWAN

Zot pe delivre sa servis.

 

MR SPEAKER

Ok.  Mersi Onorab. Minis if you bear with me enn pti moman, nou’n donn Onorab Valmont sans koze mon krwar i annan 4 ki le koze petet i annan si i annan en sizesyon ki zot ava anmennen pou nouri deba, apre ou a fer en sel koze parske mon krwar i kler sa ki Onorab Ramkalawan i dir, in dir egzakteman sa ki mon ti pe esey dir.  Nou pa le anpes zot travay.  Mon’n Minis Lasante, mon konnen mannyer i pa fasil me nou anvi zis fer sir ki keksoz i byen. Onorab Prea ou ti anvi dir en mo.

 

HON NICHOLAS PREA

Mersi Mr Chairman.  Bonzour tou dimoun. Lo menm size ki Onorab Afif in leve lo sa size sekirite mon enkyet, mon enkyet menm pou zot fitir an vi sekirite.  Ler ou annan ou en gro sonm, en gro kontra e ou’n kontrakte en lakonpannyen ki dan son Kontra, mon pa konnen ki zot in sinyen si zot konnen Minister Lasante, i donn zour 2 zour notis i tenir zot otaz pou zot al fer en lot Kontra vitman ki ozordi pe kout nou sa kantite, mon enkyet lo sa size sekirite. Ok?  Lo kote dyaliz menm size ki’n leve, mon’n travay avek Minister Lasante detrwa lannen Minister Lasante anba direktiv Dr Wong, apre Dr Reginald in vini they were providing a very hemodialysis service.  And nou ti pe ganny supplies from B. Braun at a very, very good materials, consumables at a very good price.  Even ozordi si i double ki nou ti pe peye sa lepok it would be cheaper then what AMSA is giving us.  And from what I gather AMSA i annan son bann consumables i pa a la oter ki Dr Reginald i konn tre byen ki B. Braun ti pe supply Minister Lasante. So la mon 2 pti pwen lo sa size. Mersi.

 

MR SPEAKER

Ok.  Minis ankor bear with me enn pti moman, mon a ekout 2 lezot dimoun Onorab Henrie ek Onorab Loizeau apre ou reponn.  Onorab Henrie lo menm pwen ki ou ti le fer en serten… Ale.

 

HON GERVAIS HENRIE

Wi. Mersi Mr Chair. Sa ki mon’n remarke letan mon pe pas dan bann sif Minister Lasante se ki pou tou bann headings o fir ki bann lannen pe ale, sa bann kou i kontinyen monte.  E nou annan en Minis Lasante ki’n deza en Minis Finans sa ki mwan mon ti pe swete, vwar se ki i annan en legzersis dan Minister as cost-cutting a lavenir.  E sirtou ler mon get zot Bidze, mon krwar i tonm zot responsabilite lo kestyon prevantif.  Ozordi letan nou get medya nou pa vwar ; konmsi bann medya ki Minister Lasante, Health Agency pe anvoye, pou ankouraz dimoun pou viv dan en fason ki demen i pa kout pei pis.  So tousala i form parti sa legzersis Nasyonal ki mon santi mwan i manke e zis akoz i annan larzan ki available atraver taxpayers konmsi nou dir ‘‘be wi, nou a kontinyen allocate, allocate without the effort of cutting cost in the long term.’’  Mersi.

 

MR SPEAKER

Ok.  Onorab Loizeau apre Onorab Pillay.  Onorab Loizeau briefly.

 

HON NORBERT LOIZEAU

Mersi Mr Speaker. Mon kestyon i relye avek transpor, vi ki Dr Louange in koz lo lanbilans, mon anvi ki Dr Louange i dir nou konbyen lanbilans ki i annan ki pe fonksyonn byen?  E osi i koz lo bann transpor ki pa road worthy, eski zot pe vin tender- out transpor vi ki zot pa anvi aranze avek piblik kot an retour zot ava annan en pti larzan ki ava antre dan zot Minister pou fer serten fonksyon avek zot transpor.  E osi Minis mon ti anvi ki Dr Louange i dir nou, lekel sa garaz ki pe fer travay lo zot transpor e si zot satisfe avek?  Senpleman mon pe demann sa akoz mon vwar ki i annan en simityer lanbilans deryer vye Lopital ki pe ogmante. Mersi.

 

MR SPEAKER

Ok.  Ou sizesyon in ganny note.  Onorab Pillay apre Minis e CEO i a repran.

 

HON SEBASTIEN PILLAY

Mersi Mr Chair.  Mr Chair vi ki lo lot kote latab in ganny sans pou donn en propozisyon, lo sa bann propozisyon ki’n ganny fer par Onorab Afif, mon krwar it’s only fair ki lo nou kote latab osi, nou donn nou pwendvi lo la.  Premyerman nou kontan pou vwar ki nou’n shift en pti pe nou pe rod lo internal efficiency rather lo fer en legzersis pou vwar akoz arbitrerman sa bann kou ki’n ganny mete dan Bidze.  E mon kontan statement ki ou’n fer vizavi sa size.  Me selman lefe i reste ki pwen ki nou tonm dakor lo la parey lo FPAC sete ki within Minister Lasante nou met an plas bann mechanism pou asire, ki ou annan bann cost-cutting exercise ki ganny fer internally o fir e an mezir ki lannen i ale.  Premyerman enn.  E dezyenmman ou met an plas bann mezir, bann mechanism pou reinforce monitoring pou asire ki bann kou ki ou pe depanse i alaoter.  Me selman CEO in fer en pwen ki mon ti a kontan Lasanble i reflekte lo la, e sa about whether or not konman Lasanble nou kapab deside pou vwar, si eski nou pa devret upgrade sa freight ki Minister Lasante i annan pou ki next year then, cost of maintenance of transport i desann. That is all the proposition ki’n ganny fer lo nivo CEO. Apre Mr Chair monti a kontan osi ki Health Care Agency osi i reflekte lo lefe ki lafason ki Lopital in design e ek sa ki mannyer lopital i ete ozordi i pe fer ki anyone ki ganny akse avek lopital e sa pe pose en threat to bann travayer Lasante.  So mon krwar osi nou bezwen analize li, vwar letan nou pe fer provizyon sekirite, ki mannyer nou sekiriz nou bann staff Lasante.  Akoz ozordi zot pe vwar zot dan bann sityasyon kot bann pasyan ki vin en pe pli vyolan e sa i fer ki zot napa parfwa aswar en sekirite ki la ki kapab tackle bann sityasyon ki zot pe fer fas avek.  Mon annan 2 lezot pti kestyon spesifik as to lezot servis, mon ti a kontan ou permisyon pli tar pou mwan kapab demann sa bann kestyon.  Mersi Mr Chair.

 

MR SPEAKER

Ou a demann ou bann kestyon Onorab Pillay taler.  Avan mon donn parol Minis ek CEO les mon reponn ou premye morso komanter ki ou’n fer.  Ler nou’n komanse prosedir kler Clerk in pran lalis bann ki anvi koze kote isi Deputy Clerk in pran lalis bann ki anvi koze kote laba.  Isi lo sa kestyon ki Onorab Afif in leve, ti annan zis Onorab Valmont ek ou ki ti’n fer koumsa zot ti anvi demann kestyon lo la.  Kote isi ti annan 4 dimoun ki’n demande, i pa en kestyon ki mon pe anvi ki en kote koze pa lot koze. I’m sorry, sa kalite latitid annou arete.  Ler in ler pou ou koze ou a koze. Ou pa vin fer bann komanter konmsi ou a krwar mon pe favoriz laba e mon pe defavoriz laba. Mon’n fer kler tou le tan ki mwan mon fer mon louvraz avek enparsyalite.  E nou swiv prosedir. Onorab Pillay can you be quiet?   Minis ou kapab prezan sey respond avek sa bann diferan sizesyon ki’n ganny fer.

 

MINISTER JEAN-PAUL ADAM

Mersi Mr Speaker e mersi tou bann Manm Onorab.  Pou pran n pti pe dan sa pwen ki Onorab Ramkalawan in fer sorti ; pou nou pli devan, premyerman lo sa zafer pou manze, nou’n fini dir i deza dan nou plan pou tender an 2018.  E nou’n fini fer sa provizyon pou nou kas li an lots e sa i deza dan plan.  Emon mazinen an term Bidze ki’n ganny prevwar nou kapab antisipe ki petet pou annan en saving, mon pa kapab dir pou annan oubyen non, mo ti a dir annou fer sa tender, annou fer sa prosedir e nou met sa an aplikasyon, mon krwar si sa i ganny fer byen nou kapab montre pep Seselwa pou dir nou pe donn zot sa quality pou sa pri.  I en kestyon valer pou larzan e nou fer sa atraver sa tender. Ok. Mon ti a sizere sa lo kote manze.  Kot i konsern dyaliz, mon ti a dir i enportan pou nou fini fer sa bann rapor avan ki nou pran en desizyon lo ki mannyer nou adres sa.  E mon krwar i enportan tan ki nou pa konnen ki nou pa fini pran sa desizyon si nou pou al dan en nouvo direksyon oubyen non, oubyen si nou pou al re-negosye oubyen non. Tan ki nou pa ankor fini fer sa rapor i enportan pou Bidze reste entak dan lesans ki nou konnen baze lo tel kantite sesyon dyaliz, si pou kout nou tan, nou kontinyen dan sa laliny.  Mon apresye bann pwen ki Onorab Prea in fer sorti, me i enportan pou konsyan poudir dyaliz osi i evolye.  Lontan nou ti fer en sesyon dyaliz, konmela nou fer 3. Nou ankor pe servi Bibron, tou bann consumables la gran mazorite ki nou servi i Bibron, bann la pli par bann masin i B. Braun.  Nou annan serten lezot masin me la mazorite i B. Braun.  E letan nou… annefe tou nou bann prodwi i sorti kot B. Braun e nou pe kontinyen dan sa direksyon, me i annan en kantite eleman ki al dan dyaliz.  Par egzanp i annan serten medikaman ki ganny servi, i annan en medikaman ki apel Epoetin ki vreman, vreman ser – par egzanp, ki i enkli aktyelman dan sa ki nou pe fer.  E tousala i bezwen form parti desizyon ki nou pou pran.  Si nou pou sanz sa Kontra nou bezwen fer li avek sa bann lenformasyon klerman e sa pou lo la baz sa odit ki nou’n fini agree pou fini ganny fer.  E an se ki konsern sa pri parey mon’n dir ou, diferan dimoun pou dir ou diferan keksoz me i depan lo ki baz ou pe sorti lo la.  Si ou pe dir ki i kouver… si ou pe kouver en dyaliz de baz oubyen en dyaliz ki kouver tou son kou ladan, i kouver son elektrisite, son delo, i kouver tou son bann diferan eleman ladan.  Sertennman nou letan nou’n anvoy pasyan dan bann lezot pei, nou pa’n zanmen, zanmen dan tou bann lopital kot nou’n anvoy pasyan, nou pa’n zanmen ganny en pri ki par anba $200.  Zanmen, dan tou bann diferan landrwa kot nou’n anvoy en pasyan.  Si i posib ti a bon, me nou bezwen baz li lo en rapor ki, nou bezwen baz li lo sa odit ki pou permet nou fer en desizyon ki bon e ki pa afekte pasyan.  An se ki konsern sekirite ; ankor pou pran kestyon Onorab Prea, nou’n fini fer tender pou bann lezot Health Centres ki ti fer an Zen e parey PS Finans in eksplike nou’n ganny sa bann konpannyen, pou fer sa bann travay e pri i redwir par rapor ek oparavan.  I reste tender, mon krwar sa i li site se pou lopital Victoria ki sa parey CEO in eksplike sa konpannyen, i pa en kestyon ki in tenir nou otaz i en kestyon ki sa konpannyen ti faid, i ti napa swa, nou ti bezwen al dan sa direksyon.  E nou’n swiv bann prosedir pou nou kapab ganny en konpannyen dan enterim.  E i pou ganny tender an Zanvye 2018.  An se ki konsern sizesyon par Onorab Valmont, eski i annan fason pou nou redwir bann kou dyaliz, nou pe toultan sey rod bann fason pou nou redwir sa bann eleman.  Me i pa evidan akoz nou pe baz li lo en standar enternasyonal e sa bann kou i kontinyen monte mondyalman pa zis Sesel.  E osi nou bezwen gard antet bann kou adisyonnel ki lye avek kou mendev, avek kou staff ki pe kontinyen ki pe ogmante.  Nou pe met plis larzan dan bann Schemes Of Service.  I annan en lenpak osi lo kou sa bann servis enkli dyaliz akoz sa bann staff osi pou kout nou pli ser pou nou anploy zot ki en bon keksoz, nou bezwen rekonnet sa travay ki zot fer me i annan en kou osi lo kou sa servis.  Nou pe toultan, pou pran kestyon Onorab Henrie, osi, nou pe toultan rod fason pou nou redwir nou kou dan Minister Lasante dan Health Care Agency me nou bezwen konsyan osi letan nou pe al dan direksyon kalite i pa toultan fasil pou nou ganny sa bann rediksyon, e nou bezwen fer sir ki napa, kot si ou pe dir redwir sa kou i bezwen baze lo lefikasite e pa baze lo redwir sa kalite sa servis.  An term osi, sorry mon’n bliye mansyonnen, Onorab Valmont ti mansyonn posibilite annan en fleet manager, nou deza annan manager pou transpor, me nou pou kontinyen revwar lafason ki nou kapab maksimiz sirveyans an term bann transpor pou nou ganny bann pli bon rezilta.  E mon krwar i annan serten kestyon osi lo nivo bann…

 

MR SPEAKER

…vye transpor.

 

MINISTER JEAN-PAUL ADAM

Bann transpor, CEO ti le met en pti keksoz, si ou donn mwan permisyon Speaker.

 

MR SPEAKER

Pardon?

 

MINISTER JEAN-PAUL ADAM

CEO ti le dir en pti keksoz.

 

MR SPEAKER

Wi, CEO ou annan laparol.  Zis pou dir Onorab Loizeau ti’n koz lo bann vye transpor pou vann petet pou ganny larzan pou aste sa ki nouvo parey CEO in dir.  CEO ou annan laparol.

 

CEO DR DANNY LOUANGE

Mersi Mr Chair.  Mersi Onorab.  Mon pou pran lo size transpor, mon krwar Onorab Loizeau in demande konbyen lanbilans nou annan, nou annan apepre dan sa fleet apepre 17 lanbilans.  E nou annan dan bann ki nou pe write off i annan apepre 5 ki nou pe write-off.  Nou annan nou 4 ki pozisyonnen santral, nou annan nou 1 Anse Royale, 1 Anse Boileau, 2 Praslin, 2 La Digue e 1 ki nou’n convert akoz i pa ti ideal pou lanbilans, nou’n convert, nou’n servi li en bis pou Biomedical team pou zot al teste lekipman dan bann Health Centres.  An konsernan bann ki pe ganny write-off, prosedir nou, nou write-off apre Minister Finans zot, zot deside ki pou fer avek sa bann items. Konsernan Transport Manager, nou annan en transport manager e ti en pe difisil pou nou kapab ganny en dimoun dan sa pos, akoz pou sa package ki ti pe ganny ofer me nou’n manage pou ganny en transport manager. E konsernan transpor e ti monte fuel, mon krwar nou’n fer en gran progre lo fuel, ki mannyer nou kontrol fuel e sa proses ki nou pe fer i mars byen.  E nou annan en ta kontrol lo la.  Konsernan garaz, nou annan 4 garaz ki nou pe servi an se moman, i annan 1 La Digue, 1 Praslin avek 2 lo Mahe.  Sorry, nou annan sa 5 garaz… sa 4 garaz, 4 lo Mahe.  Apre ti’n fer sorti en pwen lo cost-cutting, mon krwar i enportan pou nou realize ki cost-cutting dan Lasante nou bezwen pran tre seryezman. I annan bann, dan last 3 years, nou fer en gran zefor e nou’n achieve en pe lo cost-cutting, in regards, espesyalman sa lannen; in regards to bann lekipman, bann medical supplies ki nou’n procure.  Par egzanp sereng; dan lepase nou ti pe pran sereng by bann suppliers la nou pe pran sereng e bann lezot prodwi directly avek bann manufacturers e ki’n redwir nou kou.  E i annan bann kou ki’n redwir par 30poursan me nou vwar ki si nou pe stick par egzanp si nou pe stick to standar e nou annan bann guidelines ki nou pe swiv e the main one i sa infection prevention control – guideline, ki nou servi.  Si nou al strikteman lo la nou pou vwar ki nou bezwen plis ankor medical supplies e selman si nou, parey Minis i dir, si ou pe sey cut cost nou’n seye parey pou legan, nou’n sey rod en lakonpannyen ki donn nou legan pli bon marse, me ou vwar ki sa legan pa lo en standar.  So i enportan ki bor nou fer cost-cutting. Konsernan health promotion, wi i kapab nou vwar ki nou annan bann defi lo health promotion – but health promotion i across Minister. Health Care Agency i annan son konponan pou health promotion e nou pe kontinyen travay lo la e sey amelyor ki mannyer nou kapab pas sa mesaz e fer health promotion pli vizib dan Sesel.  Mersi Mr Chair.

 

MR SPEAKER

Financial Controller ou le azoute?  Non? Ok, Onorab William.

 

HON WAVEN WILLIAM

Mersi Mr Speaker.  Bonzour Minis avek ou lekip. Minis, mon ti a kontan konnen lefe ki nou pe koz bulk buying, eski zot pe servi osi bann pei ki annan relasyon Bilateral akoz mon konnen poudir dan, lo kote outsourcing i annan bann pei ouswa Lopital ki ti a kontan ed Sesel pou nou kapab ganny bann supplies medikal avek lekipman a en pri bon marse.  Lekel sa bann pei ki nou pe fer sa avek?  Epi dezyenmman lefe ki mon konnen en lepok ti annan bann let ki ti pe ganny donnen a bann pasyan Miot Hospital lefe ki Sesel ti dwa, eski ou kapab konfirmen ki Sesel pa dwa Miot okenn arrears e okenn lezot lopital aletranze?  Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab.  An term bann partenarya avek bann pei etranze pou nou kapab sours bann lekipman e osi bann medikaman a bann pri pli abordab.  Pli gran partenarya se avek Gouvernman L’Inde ; kot nou’n ganny serten sipor resaman atraver bann Donasyon.  Sa in, sirtou an 2016 in bann medikaman, 2017 nou’n ganny osi bann lekipman, sa byensir bann Donasyon, me atraver sa bann Donasyon.  Nou’n osi ganny bann kontak avek bann konpannyen par egzanp ki ofer bann servis ki lo standar ki nou ekspekte an menm tan ki lo en pri vreman abordab alor nou’n ganny sa konman bann Donasyon, me in donn nou sa perspektiv pou nou ganny sa bann pli bon kontak. Osi nou, atraver nou bann revi dan nou bann diferan prosedir dan nou bann procurement, nou pe kapab ganny bann lenformasyon lo kote ki disponib bann lekipman, a bann pri pli abordab.  E osi dan serten ka menm avek serten konpannyen zot kapab par egzanp met sa ki Sesel pe aste ansanm avek sa ki lezot pei pe aste e sa nou pe esey fer linisyativ atraver bann Pti Leta Zil, pou nou kapab aste dan en fason groupe bann serten medikaman sirtou.  Nou pe koz par egzanp bann keksoz pou HIV ek SIDA oubyen serten lezot kalite… oubyen bann vaksen ki nou kapab aste plizyer pei ansanm i fer lakantite pli gro e i vedir ki ou kapab redwir sa pri.  Sa i bann fason mazer ki nou pe fer atraver bann partenarya avek bann lezot pei.  An se ki konsern bann aryeraz aktyelman avek Miot nou napa aryeraz, nou’n regle tou sa ki nou ti sipoze peye an 2017.  E menm i annan serten peyman ki’n ganny fer kot nou’n realize nou annan kredi avek zot e kapab normaliz sa dan en fason sistematik.  Mersi Mr Speaker.

 

MR SPEAKER

Minis mersi pou sa klarifikasyon, mon krwar sa dernyen kestyon ki ou’n reponn i tre enportan, akoz ti annan serten dout oubyen serten pasyan ki ti pe annan dout si zot kapab al Miot oubyen non.  So mersi pou sa klarifikasyon. Onorab Sophola.

 

HON NOLINE SOPHOLA

Mersi e bonzour Mr Chair. Bonzour Minis ek ou delegasyon e tou Manm Onorab e tou dimoun ki a lekout.  Mr Chair mon pe regarde si Minis ek son Minister, in fer provizyon dan Bidze pou asiste dan kou lozman ki bann madanm i ganny refer Mahe swa pou zot premye baba, oubyen pou rezon konplikasyon ki zot pe trouv zot, zot bezwen pey en lozman dan zot pos e Minis sa parfwa sa bann dimoun pe vwar zot pe pas plis ki 3 semenn isi Mahe menm zot parfwa pe bezwen pe lwe en guest house. Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab.Annefe nou napa provizyon pou Gouvernman fer en fasilite spesifik pou sa bann ka.  Mon krwar byensir i en keksoz ki tre enportan me i pa forseman realis pou Gouvernman envesti dan sa konman en fasilite.  Me ki nou pou fer se ki nou pou diskit avek Lazans pou Proteksyon Sosyal e nou ava fer sir, mon krwar i en problenm ki reel ki ou pe site e nou ava rod en solisyon avek Lazans pou Proteksyon Sosyal pou zot kapab, sa bann manman ganny sa sipor ki zot merite atraver sa Lazans, si zot bezwen fer en serten letan lo Mahe. Mersi Mr Speaker e mersi Onorab.

 

MR SPEAKER

Ok.  Onorab Aglae.

 

HON EGBERT AGLAE

Mersi Mr Speaker. Mr Speaker mon ti anvi demann Minis lefe ki i annan, dan Bidze, i annan, pou Port Glaud, i annan remedial works ki’n mete, e lannen pase osi ti annan menm sonm ki ti ganny mete si petet i ti kapab eksplik nou si sa larzan i pou sa 2 klinik e ki entails anba la? Akoz lannen pase menm si ti annan sa larzan nou ti vwar zis en pti lagrandisman ki ti fer deor pou en shelter e nou pa’n vwar gran keksoz ankor. Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab. Nou annan serten defi an se ki konsern zesyon bann proze kot nou konsyan ki nou bezwen pli byen kapab travay lo tou bann diferan Sant Lasante.  Prosedir aktyelman se tou le lannen zot ganny en alokasyon dan bann proze kapital me ki sirtou baze lo parey nou apel sa bann remedial works; savedir pou bann maintenance pare pou fer sir ki Sant Lasante ki en pti pe dan en meyer kondisyon. Malerezman bokou sa bann sant lasante zot vye e dan lepase maintenance pa’n fer ase.  So souvandfwa sa larzan ki disponib swa i pa sifi pou kapab fer vreman en diferan oubyen sa bann louvraz ki nou fer i pa adres tou sa bann problenm.  Me nou pe, parey mon ti’n koz lo la en pe yer, nou pe al en pe dan en direksyon la kot nou pou gradyelman e atraver bann tender ou pou rod bann Kontra management pou tou bann Sant Lasante, kot sa bann sonm ki nou pe dedye pou remedial works ek maintenance i a kapab ganny servi dan en fason sistematik an lyezon avek sa bann managers – sa bann diferan Sant Lasante pou nou asire ki nou adres tou bann problenm, bann problenm par egzanp ki kontinyen, bann problenm parey Fungus.  E bann problenm otour konfor pou staff e pou pasyan dan sa bann Sant Lasante.  E sa i diferan avek bann proze agrandisman, oubyen bann proze pou nou refer bann Sant Lasante konpletman.  Kot nou pe koz bann remedial works ek bann maintenance.  Nou bezwen fer sa dan en fason pli sistematik e nou pe al servi sa stratezi kot gradyelman nou fer bann tender pou anmenn sa bann contract management pou tou bann Sant Lasante. Mersi Mr Speaker e mersi Onorab.

 

MR SPEAKER

Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker.  Bonzour tous. Mon kestyon i relye en pti pe avek sa ki’n ganny diskite bomaten lo size transportasyon avek lo size hemodialysis.  Premyerman Mr Speaker mon ti ava anvi konnen, i annan 250… en pti pe plis ki R250mil ki’n ganny prozekte pou lwe loto, mon ti ava kontan konnen dan lannen 2016 konbyen loto ki’n ganny lwe.  So si i apepre zistifye pou sa lakantite transpor ki ganny lwe par Health Care Agency.  E dezyenmman mon ti ava anvi konnen ki kantite travayer Seselwa i annan avek Seksyon Hemodialysis, e si zot ganny peye anba payroll Minister Lasante oubyen AMSA e si zot ganny peye anba Minister Lasante, eski sa i form parti Kontra ki zot in fer avek AMSA?  Mersi.

 

MR SPEAKER

Minis oubyen CEO.  CEO.

 

CEO DR DANNY LOUANGE

Mersi Mr Chair e mersi Onorab. Konsernan sa 250 mil ki ti pou transpor, rent transpor, nou servi… nou ganny bann visiting consultants ki vin…e bann training ki nou fer e ki nou bezwen bring in bann consultants overseas ; sirtou bann visiting consultants e nou servi sa funds pou nou kapab provide zot avek transpor.  Sa i enn bann rezon akoz nou bezwen sa Bidze.  Sa ki konsern AMSA zot staff, AMSA kot Hemodialysis Unit i annan 25 staff ki enkli 11 staff Seselwa, 9… sorry11 ners Seselwa, 9 ners etranze e 5 teknisyen pou hemodialysis apre nou annan bann nurse assistant, 3 Seselwa ek 1 Endyen.  Apre nou annan bann ward attendant, bann cleaners.  So apre nou annan 2 nephrologist ki anba payroll Minister Lasante, Health Care Agency, apre nou annan 2 nephrologist ki anba payroll AMSA.  Pou bann staff Seselwa e sa 2 spesyalis Cubain i anba payroll Health Care Agency.  E dan agreman ki nou, nou pey AMSA sesyon $200 par sesyon, me zot, zot refund nou sa saler ki nou’n donn staff.  E zot …e sa i anmars FC i kapab donn bann detay lo bann figures si ou bezwen.

 

MR SPEAKER

  1. FC.

 

FINANCIAL CONTROLLER JACINTH BONNE

Mersi Mr Speaker.  In regards to travayer Seselwa ki tonm dan sesyon dyaliz, parey CEO in dir zot tou bann ki Seselwa i pas lo payroll HCA, Health Care Agency rezon administrative, akoz i pli fasil pou ou kapab ensure ki zot pe ganny peye on time avek travayer Lasante.  Solman Accounts i invoice AMSA pou tou sa bann staff ki enkli okenn allowance ki zot in ganny peye, zot full emoluments ki ganny peye par mwan e zot atraver en invoice ki zot peye.  On average i tonm apepre 300mil par mwan ki AMSA pe peye in terms of staffing.  Mersi.

 

MR SPEAKER

Mersi FC.  CEO.

 

CEO DR DANNY LOUANGE

Mersi Mr Chair.  Zis mon le azoute rezon ki nou fer sa, akoz pou nou kapab pa koup servis sa bann staff ki annan avek Health Care Agency akoz si ou tir nou lo zot payroll then i pou afekte zot gratwite, bann lezot benefis ki zot pou gannyen.  Mersi Mr Chair.

 

MR SPEAKER

Mersi CEO.  10.30 in sonnen. Minis nou okouran ki ou annan louvertir Family Hospital 3er apre midi.  Nou a pran en Break, nou a retournen, nou annan ankor MNA ki le koze, me nou ava al en pe pli vit pou fer sir ki midi ler zis oubyen zis apre midi ki nou vin nabou liber zot.  Nou a pran en Break nou a retournen 11er.

 

(BREAK)

 

MR SPEAKER

Bon nou a repran nou travay.  E parey mon ti dir taler Minis ek son delegasyon i annan en levennman enportan apre midi, pour zot e nou ti a kontan ki zot gard zot kestyon. I annan pa mal entervenan ki’n demann pour koze.  Gard zot kestyon direk, e succinct.  E koumsa ki nou kapab vote, e liber Minis. Onorab i annan en propozisyon.  E mon kontan Mr Didon in vin devan zot Project Officer si i annan okenn kestyon li building, ouswa whatever i osi i kapab entervenir parey Financial Controller in fer avan.  Wi Onorab Ramkalawan ou annan en propozisyon?

 

HON WAVEL RAMKALAWAN

Mr Chairman mon krwar.  Ok, nou’n gannyen en konversasyon, e Minis i ava, les Minis koze.

 

MR SPEAKER

Minis laparol i pour ou.

 

HON WAVEL RAMKALAWAN

Apre mwan mon ava zis en pti response.

 

MR SPEAKER

Ok, dakor napa problenm. Minis Adam.

 

MINISTER JEAN-PAUL ADAM

Mersi Mr Speaker e mersi to Onorab.  Mon ava tou lo enn de bann pwen konmsi ki petet Lasanble ti annan en serten konsern avan e pour nou esey bouz pli devan.  Apre nou’n deza dir, par egzanp lo kou manze, nou’n fini agree nou pe fer sa tender, nou kas li an lots. E nou pe dir nou pros, nou fer, nou al devan avek sa tender.  E osi avek sa, an se ki konsern AMSA nou’n dir ki i annan de rapor ki nou pe espere, i annan rapor Oditer Zeneral ki pe fer lo sa valer pour larzan ki AMSA i reprezante.  Sa Kontra i reprezante.  E dezyenmman i annan sa clinical audit ki pe ganny fer atraver lazans servis lasante.  E nou pe dir annou fer sir ki sa de rapor i ganny fer e ki nou kapab regarde apre sa, apre ki sa bann rapor in ganny soumet, si i annan posibilite pour nou fer savings.  E dan sa de, sa de lenstans, si i annan posibilite savings, nou sizere ki si i annan savings, dan sa de lenstans ki sa i kapab ganny met dan bann wages and salaries, dan emoluments dan pour Health Care Agency. Akoz nou annan bann, nou annan plizyer scheme ki ankour aktyelman.  Nou annan nouvo Scheme pour ners ki pe komans an 2018, me i an faz.  Me nou annan osi tou bann lezot Scheme ki nou’n dir dan sa peryod 2 an, 2018, ki 2019 ki nou anvi revwar tou sa bann Scheme, pour tou bann travayer lasante.  E alor si i annan en savings ki sa i kapab ganny mete ladan.  Me mon presize si i annan en saving, akoz i enportan pour nou kapab baz okenn desizyon lo rezilta sa de prosedir ki mon’n deza site.  Fotespere ki sa i anliny en pti pe avek lekspektasyon Lasanble.  Mersi Mr Speaker. Apre, eskiz mwan Mr Speaker, ti annan osi kestyon ki ti, nou pa ti ankor reponn, an se ki konsern bann kou konstriksyon ki Onorab Afif ti’n fer sorti.  E bann fasilite lasante, i annan varyasyon en kantite akoz depandan nivo spesyalizasyon, bann kou par met kare i R16 mil a 23mil par met kare.  Si mon pa tronpe sa i par, avek apepre,  10 a 12 mil par met kare pour ban konstriksyon normal.  Me byensir pour bann konstriksyon lasante, ou annan bokou lezot konsiderasyon ki gard antet, par egzanp dan serten ka ou bezwen met bann sistenm aircon spesyalize.  Ou bezwen annan serten lezot konsiderasyon ki pran an kot. Enou zofisye proze i kapab donn en pti pe plise detay si sa i neseser.  Mersi Mr Speaker.

 

MR SPEAKER

Mersi Minis.  Onorab Leader Lopozisyon.

 

HON WAVEL RAMKALAWAN

Mr Speaker, sa ki Minis in mansyonnen, nou lo nou kote nou pe, nou osi koz lo maintenance, maintenance mon krwar Minis in mank pti git petet …

 

MR SPEAKER

Oule donn li sa letan pour li redir. Minis Adam lo maintenance.

 

MINISTER JEAN-PAUL ADAM

Mersi Mr Speaker. Eskiz mwan Onorab, ti annan sa 3 pwen, eskiz mon’n pran 2.  3enm pwen i konsern maintenance veikil, kot nou’n pran sa konsern ki sa kou maintenance i pli o.  Nou’n osi pran note ki i annan serten demars dan Gouvernman par egzanp dan Servis Lapolis, mon krwar osi dan Fire Brigade pour regarde pour zot etablir zot prop garaz. E alor nou ki nou pour fer, si nou mentenir sa Bidze parey i ete, me nou travay avek sa bann lazans e nou regarde si nou kapab partisipe pour nou ganny nou prop servis garaz ki pour pli byen kapab redwir sa bann kou maintenance ki asosye avek sa bann veikil lasante.  Me nou fer li ansanm avek sa bann lezot lazans. Mon krwar i permet serten lefikasite an term la fason ki Gouvernman pour fonksyonnen.  E sa petet i a ede pour nou kapab al pli devan.  Mersi Mr Speaker e mersi Onorab pour donn mwan sa pti reminder lo sa 3enm pwen.

 

MR SPEAKER

Epi ek sa dernyen sizesyon ki ou’n dir petet ou a bring onboard sa lide anmennen par Onorab Valmont; kot ou ava dan en in charge pour tou sa bann vehicle kot i a fer siny i annan sa supervision.  Onorab Ramkalwan.

 

HON WAVEL RAMKALAWAN

Yes Mr Chairman, mon krwar ki avek sa propozisyon nou kapab bouz devan.  Me nou, nou pour met lanfaz ankor. I mean nou kontan sa eleman savings e avek bann Scheme of Service pour nobou ankouraz bann travayer.  E nou lo nou kote nou pe dir ki si zot kapab, nou met en target avek Minister Lasante pour regarde si zot kapab fer en savings 20 poursan.  Si zot kapab fer en savings 20poursan dan sa chiffre ki nou pe koz lo la, i ava fer ki nou ava pe fer en savings anviron 20milyon, R19.2 milyon.  E nou pour siporte ki sa 19.2milyon atraver zot bann zefor ki zot i ava prezan al lo sa bann Schemes ki ava donn bann travayer lankourazman e hopefully nou ava kapab ganny en servis ki bokou pli efikas. Se sa ki nou pe, se sa ki nou pe rode.  Mersi bokou Mr Chair.

 

MR SPEAKER

Mon krwar i en propozisyon tanzib, konkret, forward e kot Lasanble pe siport zot pour fer pli byen sirtou an se ki konsern reminerasyon travayer.  Minis Adam oule dir okenn mo, oubyen CEO avan mon donn laparol lot MNA pour koze.

 

MINISTER JEAN-PAUL ADAM

Mersi Mr Speaker, byensir, si i annan okenn, mon krwar i dan sa lagreman si i annan savings, sa i al dan emoluments akoz sa i nou priyorite pour 2018, pour nou adres sa bann diferan Schemes.  Me mon konpran osi sa target, 20 poursan, me mon krwar en kestyon sa target akoz i depan lo sa bann analiz ki pour ganny fer.  Mon krwar si nou met sa koman en target ki swetab.  Ok?  Me i pour en kestyon baze lo sa bann analiz ki pour ganny fer. Alor par egzanp sa odit.  Si sa odit i kapab war 20poursan savings, napa problenm. Me sis a odit pa war sa 20 poursan savings, nou pa pour kapab met an aplikasyon. Akoz nou pa kapab al pli lwen, nou pa kapab donn sa savings sis a savings pa egziste par egzanp.  Ou konpran.

 

MR SPEAKER

A target is a target.  

 

MINISTER JEAN-PAUL ADAM

Depandan lo sa bann revi ki nou’n dakor lo la.  Mersi Mr Speaker.

 

MR SPEAKER

Tre byen mon krwar nou tou nou kler lo la.  Nou a donn laparol Onorab Adelaide.

 

HON FRANCOIS ADELAIDE

Mersi Mr Chair.  Bonzour ankor enn fwa.  Minis vi ki nou pe depans bokou lo anvoy bann pasyan deor.  E nou annan bann pei zanmi parey Lenn ki anvi ed nou.  Mon pe panse lo kote medical tourism. Eski Minister pe petet advocate, ouswa anvizaze get dan sa domenn e petet nou kapab ganny … vi ki nou annan bokou touris ki von Sesel.  E menm touris osi i kapab servi sa ki ava vin en plus pour nou pei.  Dezyenm pwen se ki lo kote elektrisite. Mon pe gete mon vwar apepre 32milyon pour elektrisite.  Eski Minis petet pe mazin dan tap sa photovoltaic, petet i ava ed en pe koup en pe lo elektrisite?  Mon 3enm pwen Minis lo PSIP paz nimero 15. Sa nou bezwen koz serye lo la. Nou annan klinik Baie Lazare. Avek Mr Faure nou ti tonm dakor pour nou refer li antye. Enn nef.  E la mon pe gete. Mon pe vwar renovasyon. E mon pe gete mon pe vwar i annan 5milyon.  2017 ti annan 100mil.  Minis donn mwan, petet donn nou en bon leksplikasyon pour dimoun Baie Lazare osi konnen.      Eski nou pour vwar en nouvo klinik son premye faz, parey nou ti tonm dakor avek Mr Faure pour komanse lannen 2018 akoz renovasyon nou pran sa koman en lensilt. Nou pa oule en renovasyon.  So nou anvi en klinik nef. Mersi.

 

MR SPEAKER

3 pwen Minister Adam.

 

MINISTER JEAN-PAUL ADAM

Ok, mersi Mr Speaker.  Lo sa kestyon elektrisite, mwan ava demann CEO pour koz en pti pe plis lo la.  Lo size medical tourism.  Nou annan serten keksoz ki deza pe arive par egzanp avek dyaliz.  Nou annan touris isi ki letan zot vini, zot servi nou sistenm dyaliz isi e zot pey, zot pey en larzan pour zot servi sa fasilite.  E vi ki sa servis i ofer par en konpannyen enternasyonal, zot osi fer marketing pour sa lo en baz enternasyonal.  A lavenir nou ankouraz okenn, mon krwar i plis en keksoz lo sekter prive ki nou ankouraz sekter prive pour zot envestir, e nou kapab ganny bann fasilite ki osi kapab benefisye Seselwa, me ki osi kapab ankouraz bann etranze pour servi.  E sa i en keksoz ki par egzanp avek Gouvernman L’Inde ki ou’n mansyonnen, nou’n diskite avek zot, nou’n sizere ki sa i en keksoz ki kapab ganny adrese.  Apre an se ki konsern sa proze kapital pour Baie Lazare parey ou’n dir proze se pour fer en nouvo sant.  Ok?  Mon napa sa rapor enzenyer pour mwan konnen egzakteman ki kantite dan sa vye batiman pour ganny mentenir, oubyen si i pour ganny konplentman refer.  Sa 5 milyon i permet nou fer sa demeraz lo sa proze. Osi koman en parti tanporer, i annan sa, nou pour servi sa vye lakres pour tanporerman met klinik laba pandan renovasyon pe ganny fer.  Alor en parti larzan osi i nesesit pour permet sa renovasyon tanporer ganny sa fer dan sa lot batiman.  E parey ou konnen sa sant i pti, pti alor nou annan sa plan pour agrandi li.  Me nou pe osi vwar kantmenm si i annan serten parti sa lenfrastriktir, ki nou kapab mentenir.  Me mon vwar enzenyer la pe dir mwan, nou pour al bezwen refer li konpletman.  Alor mon pa konnen si oule donn en pti pe plis detay lo la.  Petet mon ava pas laparol avan avek Mr Didon ki ava donn en pti pe detay lo proze Baie Lazare, e apre CEO i akoz en pti pe lo sa kestyon elektrisite.

 

MR SPEAKER

Enzenyer Mr Didon. Elvis Didon.

 

PROJECT ENGINEER MR ELVIS DIDON

Bonzour Mr Speaker.  Bonzour tou dimoun, kot i konsern fasilite lasante pour Baie Lazare, sa bann ki laba probableman zot pli konnen, sa fasilite i vye. Probableman en vye lakaz ki bann sistenm blok gravye, disab ki kantmenm ou pour sey aranze, ler ou kas en bout pour aranze, i grenn plis.  Propozisyon ki nou’n annan pour Health Centre Baie Lazare, parey ou pe vwar sa 5 milyon, nou’n fini get the ball rolling pour nou prepar plan, pour nou anvoy expression of interest pour nou devlop sa Sit. Parey Minis in azoute dan letan ki nou pour pe fer sa bann renovasyon, nou pour servi fasilite kot lekol pour tanporer while we pull down the place. Nou’n osi diskit dan propozisyon le fe ki later Gouvernman i annan sa bann, kot gard.  Nou pe get posibilite pour nou i ganny entrodwir akomodasyon pour bann staff dan Sid.  Even posibilite, maybe enkli fasilite pour sa bann lezot Governmental Department parey Lapolis.  So sa as we speak now, nou pe devlop requirement pour nou prepar scope.  Pour fasilite, so it will be a new facility.  Thank you.

 

MR SPEAKER

Mersi Mr Didon.  CEO.

 

CEO DR DANNY LOUANGE

Mersi Mr Chair.  Mersi Onorab. An ki konsern elektrisite, wi nou’n Bidze, 31. 9 milyon pour elektrisite.  E laplipar sa elektrisite i pour kot Lopital.  Kot Lopital Victoria, Lopital Sesel, Mont Fleuri, apre bann lezot fasilite lopital.  E si nou get nou relate nou consumption of elektrisite avek bann lekipman ki nou annan, nou annan apepre R3 mil biomedical equipments dan nou sistenm.  E sa bann lekipman i ankor pe ogmante akoz bezwen, akoz needs i fer ki, i lo increase.  E laplipar sa bann lekipman i servi elektrisite.  Nou annan parey ou’n sizere, nou annan demars ki nou pe fer pour nou look at energy savings. E menm nou’n, nou pe sey sa avek English River ki bon nou annan en Lazans ki pe evalye English pour gete ki mannyer nou kapab best save electricity; avek bann glob ek bann switch ki zot kapab sanze pour nou save elektrisite. De ki nou’n ganny sa model, nou pour fer li dan bann lezot Health Centres, apre nou pour vin dan lopital Victoria.  E mon krwar osi akoz nou’n ogmant nou Bidze pour elektrisite, akoz sa nouvo lopital Perseverance e sa i fer ki nou Bidze elektrisite i monte.  Mersi Mr Chair.

 

MR SPEAKER

Onorab Adelaide, ou ti annan, in reponn, ou ti annan en related question.  Onorab Ferrari.

 

HON JEAN-FRANCOIS FERRARI

Mr Speaker en pti kestyon la. Sa i bon en legzanp CEO. Elektrisite i dan ladministrasyon servis lasante.  Nou konnen pou dir bann sistenm ki la i pa bann sistenm modern, i pa bann switches ki tennyen ki ou; ki pa bann renewable energy.  La i annan en area ki zot kapab fer savings.  La i annan en area kot i kapab annan en zefor. E se dan sa area ki mwan mon siport Leader Lopozisyon konmsi pour dir, lets be bold.     Annou met en zefor, annou fer konpanny. Annou target 10poursan rediksyon dan konsonmasyon elektrisite.  Nou ava save ankor 300, R400mil.  Nou, nou ava, 10poursan, nou ava save 3, 4 milyon roupi. Konmsi these are, sa se bann keksoz ki mwan koman en Seselwa, ki en patriyot mon ti a kontan ki ou vini lafen lannen ou dir, lafen lannen prosenn ou dir, wi nou’n fer en zefor.  Tou dimoun i onboard, e nou’n fer 4milyon.  E la nou a donn ou 4 loto an plis, oubyen 2 lanbilans an plis.

 

MR SPEAKER

CEO ou anvi fer komanter.

 

CEO DR DANNY LOUANGE

Mersi Mr Chair, mersi Onorab. Mon krwar i, ou’n fer en bon pwen ki bor staff i kapab, i en linisyativ pour nou staff cut elektrisite si zot konnen sa larzan pour al dan zot saler. Mon krwar i en bon propozisyon.  Mersi Mr Chair.

Onorab Esparon.

 

HON REGINA ESPARON

Mersi Mr Speaker.  Mersi tou dimoun.  Mr Speaker, lo paz 431, anba programme 3, ‘committee curative and preventive services,’ i annan en sonm 1.700 milyon, 1. 73milyon – non, non 173 milyon ki’n ganny mete.  E lo paz 437, anba programme 3 ankor, dan son detay in mete pour dir sa depans pour ganny fer ‘’to bring preventive and curative health services closer to the people at district and regional level.  Baze lo la mon ti anvi demann Minis. Mon ti anvi demann PS, si i kapab klarifye, si dan sa sonm 173 milyon, i annan larzan pour fer bouze, sa school dental services pour lekol Glacis ki i annan lespas, e i annan sa diskisyon ant Minister Lasante ek Minister Ledikasyon; lekel ki sipoze fer partisyon dan sa landrwa pour kapab met an plas sa dental service laba pour bann zanfan lekol.  Parski an se moman i pe kree en pe lenkonvenyans kot paran i bezwen sorti Glacis avek zot zanfan, al Beau Vallon epi retourn ek sa zanfan.  E zanfan i pti, pti e zot pa kapab met zanfan lo bis koumsa menm. I kree bokou lenkonvenyans pour paran.  E zanfan i mank bokou leson.

Mr Speaker dezyenmman, anba ‘wages and salaries in cash’, mon ti a kontan demann Minis eski Minister Lasante i annan en kota an sa ki konsern anploy bann ners etranze. E konbyen ners etranze an se moman zot annan?  Annou regard ‘good and services’ head 2, lo allowances – i annan en sonm 1. 716milyon ki’n ganny mete pour allowances for returning graduate.  Epi pli bas a i lo laliny 8. Pli ba lo laliny 15, i annan ankor en repetisyon; ‘allowance for returning graduate’, anba en lot head, ki 165mil. Konbyen returning graduate ki pe ganny kouver anba sa progranm?  E akoz i pe aparet de fwa anba diferan Head?  Mr Speaker an sa ki konsern Cleaning Agency. Mon ti a kontan demann Minis pour eksplik nou si Cleaning Agency pour lopital North East Point, ti ganny tender e si wi lekel ki’n gannyen?

E dernyerman Mr Speaker, an sa ki konsern sekirite sosyal bann dimoun dan regional Home for The Elderly, ki apel Kazern.  Mon ti a kontan demann avek Minis pour eklersi, mon ti ava panse ki i ti ava reflekte lo paz 430 kot i revenue and collection. Me selman mon pa pe vwar nanryen.  Minis mon anvi ou eksplik nou anba ki kont sa bann larzan Sekirite Sosyal ki ganny pran pour bann dimoun aze kid an Lopital North East Point, anba ki kont i ale? Parski i annan en konfizyon total.  Sa bann larzan i ganny pran avek sa bann dimoun from social security.  Zot pa pe tous sa zot. Zot ganny zot en allowance R200 tou le Merkredi mon krwar.  Me parfwa i arive ki i annan, i napa en lord.  Si i ariv en lanmor, kwa ki zot sipoze donn sa fanmir?  Konmsi i annan dimoun ki ganny en serten kontribisyon from sa fon. Swa pour kouver pour serkey, en kouronn, oubyen en keksoz koumsa.  Me i annan de ka kot sa dimoun i annan fanmir pa ganny ditou.  Mon ti a kontan Minis i eksplik nou en pe. Mersi Mr Speaker.

 

MR SPEAKER

Minis oubyen CEO, e osi FC, si ou anvi kontribye, ou kapab. Minis

 

MINISTER JEAN-PAUL ADAM

Mersi Speaker, e mersi Onorab.  Mon ava pran detrwa bann pwen apre bann lenformasyon konplemanter i ava ganny donnen par CEO avek FC.  Pour school dental, sa landrwa, sa Amenazman sa landrwa i tonm anba responsabilite Minister Ledikasyon, e alors se Minister Ledikasyon ki fer, ki met sa landrwa dan a nou dispozisyon.  Me sa ki ou pour war dan Bidze lo kote lasante se provizyon pour sa bann travayer lasante.  Sa bann dental therapist ki pour al travay dan sa bann diferan lekol e efektivman Glacis i enn ki nou anvi kapab demar sa servis an 2018.  E avek serten lezot osi.  An se ki konsern bann ners ekspatriye, napa okenn quota.  Nou bezwen ners.  E nou anvi ners an priyorite ners Seselwa. Me aktyelman nou annan bann sirkonstans kot parfwa ase staff sirtou par egzanp letan ou ganny bann sick leave, letan ou ganny bann sityasyon en pti pe an deor bann sityasyon normal.  E nou osi annan fasilite akoz nou bezwen staff adisyonnel e pa tou bann staff ki disponib, lo marse lokal a sa moman.  Avek bann proze formasyon ki nou pe fer; par egzanp nou annan sa progranm access ki nou pe fer avek bann healthcare assistants kot nou annan en gran group healthcare assistants, plis ki 20 zot ki lo sa course Access.  E ki pour permet nou evantyelman osi diriz sa bann dimoun pour zot fer formasyon pour vin ners. Me i pran letan, i pran 3an pour form en ners.  Nou’n osi fer travay pour nou anmenn serten bann ners par egzanp ki ti’n sorti dan Lasante.  E nou’n ganny serten ners ki’n dakor pour tournen. I annan ki’n tourn lo baz part-time, i annan ki’n tourn a plen tan.  E avek sa bann nouvo package e avek sa bann nouvo package ki pe vini pour bann ners, nou ekspekte ki lezot i kapab vini.  Me fodre nou konsyan nou napa sa kantite ners ki disponib aktyelman dan nou pei e avek lekspansyon dan bann servis lasante, nou anvi ofer par egzanp plis bann lezot sant lasante lo en baz louvertir pli long nou ti ava kontan evantyelman par egzanp English River ouver li pandan pli lontan menm 24 erdtan evantyelman.  Nou annan Lopital Anse Royale ki nou anvi fer li vin fonksyonnel koman en inpatient facility.  Tousala ou bezwen sa bann staff adisyonnel.  E pour bann staff ki deza la, enn bann konsern ki zot in met devan,  nou letan nou’n fer diferan meeting par egzanp avek bann ners se ki zot bezwen fer bann long shift.  Souvan avek pa bokou sipor e napa ase ners lo sa bann shift.  Alor se napa en quota spesifik.  Nou annan bann post.  Nou annan plis ki 50 post ki disponib.  I annan en pe ki’n deza anpli.  CEO pour donn en pti pe plis detay lo konbyen bann ners ki nou pe rekrite.  Me pour nou, nou pran priyorite lo Seselwa. Me si Seselwa pa disponib nou pe rode bann ekspatriye.  Mon pour les osi CEO koz en pti pe lo sa allowance pour retuning graduates.  E FC pour koz en pti plis lo bann laranzman pour North East Point, e sirtou kot i konsern Cleaners Corperative ki fer sa Kontra. Me zis pour dir lo sa kestyon North East Point ki ou’n fer sorti lo bann peyman ki ganny fer avek bann rezidan.  Aktyelman Minister Lasante an konversasyon avek Minister Lafanmir. Nou pe devlop en nouvo Polisi lo la ki nou ava partaz avek zot kot nou pe revwar en pti la fason ki sa bann dimoun i ganny zot larzan.  Me aktyelman sa larzan ki anmase i al dan en fon ki mon ava les FC koz lo la en pti pli an detay.  Letan i arive en lanmor, Polisi se ki zot bann depans ki lye avek fineray i ganny kouver osi anba sa Fon.  Me FC i ava koz lo la en pti pe pli an detay. CEO avan mon krwar ou ava pran serten sa bann pwen lo la kantite ners ekspatriye, ki nou annan, e osi si posib lo bann allowance pour bann returning graduates.

 

MR SPEAKER

Dr Louange.

 

CEO DR DANNY LOUANGE

Mersi Mr Chair.  Mersi Onorab. Pour kantite expatriate nurses ki nou annan dan Health Care Agency i, pour sa figure mon ava rode apre mon a donn ou. I la, i zis ki mon bezwen rod sa figure.  Konsernan ratio of expatriate or ki kantite expatriates? Nou napa en polisi lo la.  Me pour bann nurse expatriate, total nou annan 24 nurse expatriate dan Health Care Agency.  E sa, yes 24 nurse expatriate. Konsernan the returning graduate zot allowances, sa ki ou pe vwar i annan de progranm.  E sa 2 progranm i progranm Seychelles Hospital avek progranm Community Health Services.  So i annan bann returning graduates, dokter, ners, e bann allied healthcare workers ki lo sa lalis, returning graduate list ki pour benefisye from sa allowances.  Mersi Mr Chair.

 

 

MR SPEAKER

Financial controller.  Onorab Esparon en pti moman les Financial Controller reponn apre ou a met ou subsidiary. FC.

 

FINANCIAL CONTROLLER JACINTH BONNE

Mersi Mr Speaker. An relasyon avek dan kontribisyon sekirite sosyal pour bann dimoun ki kot regional home.  An realite zot transfer zot pansyon ki vin atraver Lazans Proteksyon Sosyal, i ganny met dan en kont, en account separe avek Trezor anba Gouvernman.  I pa pour bidzet anba okenn revenue, akoz i en kont ki pe fer, larzan pe antre osi byen ki i pe depanse, ou pa pour vwar li anba official revenue.  Sa larzan i ganny servi pour sa bann pasyan.  Tou bann lezot kont ki relye avek sa regional home i ganny peye dan Bidze Health Care Agency parey lezot Centers.  Zot ganny en R200 tou le semenn pour servi bann special needs ki zot, zot annan ki pa pe cater dan zot, dan sa kontribisyon.  E ki konsern avek Servis Fineray, zot sa larzan ki dan sa kont i sipoze ganny servi pour entertain zot.  Be selman parey Minis in dir i annan serten Polisi kekfwa pa tou dimoun ki pe ganny kouver pour en rezon ou en lot; atraver sa review Polisi ki pe ganny fer kekfwa i ava annan en amelyorasyon. Selman i vre ki zot pe ganny zis R200 par semenn.  Mersi.

 

MR SPEAKER

Mersi FC.  Onorab Esparon ou annan en subsidiary.

 

HON REGINA ESPARON

Zis en klarifikasyon Mr Speaker, mon ti ava kontan demann Minis si dan running of Hospice li menm li, i tonm direkteman anba Lopital, oubyen i tonm anba sa Regional Home for the Elderly konmsi eksplik nou en pti pe. Mersi.

 

MR SPEAKER

Minis Hospice.

 

MINISTER JEAN-PAUL ADAM

Hospice.  Mersi Mr Speaker, mersi Onorab.  Hospice i direkteman anba Lazans Servis Lasante, anba Lopital. Mersi.

 

MR SPEAKER

Ok Onorab Roucou. Ou kestyon i relye.  Nou a pran ou next.

 

HON CLIVE ROUCOU

Mersi Mr Speaker, vedir Mr Speaker mon kapab demann tou mon bann kestyon en sel apre sa enn?

 

MR SPEAKER

Pardon?

 

HON CLIVE ROUCOU

Mon dir mon kapab demann mon lezot 2 kestyon.

 

MR SPEAKER

Wi, wi demann ou kestyon akoz apre mon pour tir ou lo lalis. Parey mon dir midi nou ti a kontan release Minis avek son delegasyon.  Ou annan laparol.  Demann ou kestyon.

 

HON CLIVE ROUCOU

So bonzour Minis. Premye kestyon i an relasyon avek larepons ki Minis in donnen an konsernan ners Seselwa ki’n tourn travay.  Mon ti ava anvi demann Minis konbyen ners Seselwa ki’n tournen, be it on a part time basis, oubyen full time lo sa ki, lo son larepons.  Epi mon premye kestyon se si Minis i kapab konfirm avek sa Lasanble, ki tou bann saler Health Care Agency, pe ganny kouver anba sa Bidze, oubyen i annan en lot sours finansman ki lot dimoun i ganny peye anba la. Epi paz 429 lo ‘current challenges’, pwen 3, Minis in state ki ‘’there’s inadequate capacity to improve quality of care.’’  Sa i en keksoz ki tou Seselwa pe koz lo la.  Mon anvi demann Minis Lasante, Minis ki i pe fer pour li ranplas nou bann spesyalis, oubyen nou bann ners spesyalize ki dan biro koumsa ki nou ava kapab improve sa kalite care ki nou pe demande.  Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker e mersi Onorab.  An term lakantite ners Seselwa ki’n retournen, oubyen ki’n sorti dan prive, oubyen ki’n vin kot nou, dan sa dernyen apepre 6 mwan nou’n ganny, nou’n ganny zis 5.  E sa i sa defi ki nou annan vizavi rezon ki nou bezwen al rod ekspatriye.  Akoz napa ase ners disponib lo marse lokal aktyelman.  Nou annan 13 ki sipoze graduate sorti NIHSS lafen sa lannen, e ki an prensip alor pour disponib komansman 2018.  Alor 13 Seselwa adisyonnel.  E me parey nou tou nou konnen, lakantite ners ki pe sorti tou le lannen dan NIHSS i pa ase.  E me si ou regard par egzanp tandans, ou pe regard par egzanp bann ners ki pe sorti dan servis – oparavan lamazorite in sorti a bann  moman kot zot in ariv lo zot retret. Lagrann mazorite in sorti a sa moman la.  E parmi bann tournen i annan ki lo laz retret e zot in vin travay lo part-time.  Akoz sa i zot swe, me en kantite dimoun letan zot in pran zot retret, zot in anvi pran zot retret.  Avek sa nouvo package ki nou pe anmennen nou ekspekte ki nou kapab ankouraz ankor ners Seselwa pour tournen. Me fodre ki nou konsyan ki dan en premye faz letan, nou pe regard sa standard of care sa i vin en pti pe an lyezon avek dezyenm parti ou kestyon.  Si nou anvi sa, enplimant sa standard of care, nou bezwen asire ki nou annan sa kantite ners ki disponib.  Alor nou pour annan en peryod kot nou pour bezwen annan serten ekspatriye.  Mon konnen ki nou tou nou swete i meyer si nou annan tou nou ners i Seselwa.  Me pour annan en peryod an mezir ki nou batir sa group ners ki devlope dan sistenm lasante.  Parey mon’n dir nou annan sa bann group ki pe pas atraver sa Access course, bann health care assistant ki pe kapab upgrade e swiv sa Diplonm, evantyelman, sa Diplonm nursing, me ankor i pran 3an pour zot formen.  Sa i kapab ogmant lakantite ners ki pe vini. Osi en travay ki bann travayer Minister Lasante, Health Care Agency in fer.  Zot in fer en demars dan bann lekol, depi bann manrmay laz S2, S3 resaman kot nou ankouraz zot, fodre zot in vin dan vakans, vin vizit dan bann Sant Lasante.  Vwar en pti pe ki mannyer travay Lasante i ete.  E pour sey ankouraz zot pour konsider sa koman en karyer pli tar.  E nou annan en group alor ki pe travay pros avek Minister Lasante.  Nou santi sa i kapab ankouraz nou pour nou al pli devan.  Apre bann lot eleman dan ou kestyon; sorry mon’n bliye marke sa 3enm bout.

 

MR SPEAKER

Onorab Roucou.

 

HON CLIVE ROUCOU

Mersi Speaker, mon ti demann Minis pour konfirmen ki sa Bidze i kouver saler tou bann travayer ki pe ganny peye, e oubyen si i annan okenn lezot sours finansman ki pa pe reflekte dan sa Bidze?  Epi mon ti’n demann Minis lo kote bann spesyalis ki dan Red Roof ki pa pe pran zot travay aktiv koman Dokter oubyen ners.

 

MR SPEAKER

Minis.

 

MINISTER JEAN-PAUL ADAM

Mersi bokou Mr Speaker, e Onorab.  Nou annan en lot Fon ki permet nou, i form parti nou stratezi pour amelyor bann kalite spesyalis ki nou annan dan nou pei.  E sa in ganny met a nou dispozisyon atraver Abu Dhabi.  Ti ganny met an plas an 2015, e dan letablisman sa fon Gouvernman Abu Dhabi ti met ekivalan R18 milyon mon krwar.  E Gouvernman Sesel ti met R9milyon.  E anba sa Fon, i annan serten spesyalis ki’n ganny rekrite par egzanp bann neurologist, bann cardiologist. I annan en 20enn spesyalis ki’n ganny rekrite anba sa Fon. Me anba sa fon nou servi sa bann menm striktir rekritman ki nou annan. E bi evantyelman, se ki sa bann spesyalis i ganny transfere anba nou Bidze.  Me in permet nou bouz dan en direksyon ki nou ganny sa bann spesyalizasyon ki par egzanp pa ti egziste Sesel oparavan.  Nou’n kree resaman par egzanp sa servis neolozizm ki pa ti egziste oparavan.  Nou’n kree sa spesyalite pour latet ek likou. Bann Head and Neck surgeon ki par egzanp pa ti egziste oparavan.  E sa i en fasilite atraver nou partenarya avek Abu Dhabi.  E sa Fon i dan en kont labank koman en revolving fund. E, well pa en revolving fund akoz i pey saler. Savedir larzan zis i sorti.  Me nide sete a long term ki petet nou bann partener Abu Dhabi i kapab met ankor larzan lo la. Me evantyelman, nou, nou sipoze osi absorb sa bann spesyalis dan nou payroll. Mon pa konnen si CEO i oule azout ankor en pti pe plis detay lo.  An term ners, nonm bann spesyalis ki pe travay dan bann diferan rol management dan Lasante. Mon napa sa sif imedyatman. Me mon krwar i ase fasil pour nou fer ou gannyen.  Me lagrann mazorite.  E nou’n tin deza dir sa devan Lasanble.  Lagrann mazorite bann spesyalis ki annan bann rol administrative zot osi konsilte e donn bann servis baze lo zot spesyalizasyon.  Si mon servi legzanp Dr Louange, i pe, i CEO Lazans Lasante, me i kontinyen fer bann loperasyon lo bann pasyan.  I ofer sa lekspertiz ki nou annan dan nou pei e menm nou’n kree sa loportinite par egzanp pour nou fer bann cervical spine, bann prosedir ki nou pa ti fer oparavan ki aktyelman nou pe fer atraver nouvo lekipman ki’n ganny aste. Mon Special Advisor, Dr Reginald i vwar bokou pasyan, bann pasyan neurologist. Souvandfwa koman bann dezyenm lopinyon. Alor zot i, zot touzour aktiv dan zot sekter respektiv.  Mon a pas laparol avek CEO pour donn ankor detay lo sa bann diferan pwen.

 

CEO DR DANNY LOUANGE

Mersi Mr Chair.  Mersi Onorab. Mon pour al lo quality of care ki ou’n demande e ki mannyer bann nurse ki’n al dan administrasyon, ki mannyer nou pe ranplas zot. Avek Health Care Agency nou annan en plan pour nou kontinyen improve, train nou bann nurses.  Currently nou annan 23 nurses ki pe fer BSC dan nursing. Nou annan 15 ki pe fer Master’s Degree. Apre nou ankor bann lezot ki pe fer, parey Midwifery, e menm child health.  Mon krwar tousala i bann, i en plan, tousala i bann aktivite pour nou kapab improve standar, e improve quality of care par donn zot sa loportinite pour zot train, become specialist dan field ki zot swazir pli tar. E menm nou annan provizyon pour nou komans pe devlop bann nurse specialist.  E pour 2018, nou’n komans get bann, en nurse specialist pour Home Care… Palliative, Breast, apre Colostomy.  Mon krwar tou sa i bann aktivite ki nou pe fer pour nou kapab improve quality of care.  Mersi Mr Chair.

 

MR SPEAKER

Onorab Roucou.

 

HON CLIVE ROUCOU

Mersi Mr Speaker. Mr Speaker Minis in tou sa Abu Dhabi Fund e in koz, in dir ki serten spesyalis in ganny kouver anba sa fund. Mon ti ava anvi demann Minis si apard bann spesyalis si i annan okenn lezot kad travayer ki Abu Dhabi Fund pe kouver.  Epi an relasyon avek part- ime for nurses. Mon ti ava kontan ki Minis i get dan formalite ki mannyer pour fasilit sa prosedir ki bann dimoun ners ki anvi vin travay, i anvi vin practice, i ava vini, pa fer li en latet fermal pour ners?  Par egzanp mwan mon en legzanp ki pa pe kapab vin travay. Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker.  Onorab an relasyon avek ou kestyon lo ki bann lezot travayer ki lo sa fon, nou annan en spesyalis pour rekritman, resours imen ki tonm anba sa Fon.  E sa ti en dimoun ki ti ganny rekrite an menm tan ki sa fon ti ganny kree avek pour bi zisteman fasilit sours sa bann diferan ekspertiz. Nou annan en dimoun pour procurement, ok?  E nou annan osi, nou annan osi en spesyalis Seselwa ki en dokter.  Apre nou annan osi Senior Principal Nursing Officer ki letan i ti ganny rekrite sorti aletranze a sa moman, me li i pe ganny transfer anba nou salary structure.  E anliny osi avek nouvo Scheme Service pour bann ners.  Mon krwar sa i bann pwen prensipal lo sa ki ou’n demande.  Mersi.

 

MR SPEAKER

Onorab Churchill Gill.

 

HON CHURCHILL GILL

Mersi Mr Chair.  Dan Bidze Minis mon vwar i annan provizyon pour renovasyon lopital Baie Ste Anne.  Mon ti oule zis ganny en nide koman en project officer, kan ki zot ekspekte fer sa travay.   Kan ki i sipoze komans fer?

 

MR SPEAKER

Minis, oubyen Project Engineer, Mr Didon.

 

PROJECT ENGINEER MR ELVIS DIDON

Mersi Mr Speaker. Mersi Onorab. Lo kot i konsern fasilite Baie Ste Anne Praslin, renovation work ki in anvizaze ganny fer laba, i annan bann sistenm parey, oubyen fasilite laboratwar, fasilite laundry, workshop pour bann biomedical engineers.  So ou bezwen maintain and service sa bann masin.  Dan sa laliny nou annan sa bann proze ki sipoze ganny enplimante.  At the same time i annan sa vye lopital ki the Horn of Africa, the American Army, zot in fund pour renovate sa vye Lopital into the dormitory or part of. We’re yet to receive that in the sense of formal handover.  In fact, dernyen vizit ti 2 weeks ago pour fer bann snag oubyen bann vizit ki fer mwan mon’n annan kontak avek sa bann enzenyer Meriken, once zot desann pour fer handing over, part of sa ban fasilite i pour ganny accommodate dan sa vye lopital.  Parey nou pe dir tou son bann fasilite laundry, son bann fasilite lab, fasilite workshop, i pour ganny accommodate dan sa bout anler.  Osi pour 2018, i annan parti mortuary.  Parey zot konnen lekipman i la, mortuary pe ganny extended towards the back pour li accommodate en lot three- body chiller, coffin size. Savedir si en dimoun i mor, ou pa bezwen kapab ouver, i kapab coffin-size chiller.  So an prensip i pour sorti pour 3 i pour vin 6 – 6 body kapasite, enkli two fasilite autopsy table and everything.  Other than that i bann generic maintenance services ki pour annan lopital, si i annan keksoz kase pour aranze. So sa i generally kwa ki nou annan pour Baie Ste Anne. Mersi.

 

MR SPEAKER

Ok, Onorab Gill.  Onorab Mondon.

 

HON TERENCE MONDON

Mersi Mr Chair.  Bonzour tou dimoun.  Mon kestyon i tous sa size konfli lentere ki en size pertinan ki bezwen ganny adrese o-kour sa Bidze. Alor mon kestyon – eski i annan okenn zofisye lasante, kot ou Minister oubyen Lazans ki pe benefisye direkteman atraver bann Kontra ki zot ofer pour serten servis tel ki; lozman pour Dokter, e etidyan etranze?  Si wi ki bann lareg e prosedir ou annan an plas pour garanti ki keksoz i ganny fer above board sa okenn tretman preferansyel oubyen konfli lentere?  E mon dezyenm pti kestyon, Bidze osi nou bezwen get li dan son laspe reveni.  Mon vwar ki Minister i kolekte 50milyon, an term reveni.  Eski Minister in fer okenn legzersis pour eksplor potansyel ogmant reveni ki ou pe dan bann servis ki ou pe ofer aktyelman? Mersi Mr Chair.

 

MR SPEAKER

Minis avan mon donn ou laparol, eski ou ti a kontan ki enn ou zofisye i vin devan pour reponn sa kestyon?  Si wi mon a demann ankor enn de dimoun pour koze, si i annan okenn kestyon ki pour vize, me pe koz bann ki’n deza donn zot non vize lo repons sorti kot Mr Didon, project engineer. Minis eski ou ti a kontan ki pou Human Resource ki ou Human Resource person i vin devan?

 

MINISTER JEAN-PAUL ADAM

Mr Speaker, mon krwar pour le moman nou ok.  Lo sa kestyon, ok mon tenir en pti kou. Mon kapab reponn kestyon.

 

MR SPEAKER

Wi, wi, go on.

 

MINISTER JEAN-PAUL ADAM

Mersi Mr Speaker. Mersi Onorab. Lo sa kestyon lozman, nou Polisi se fer en demars tre laz pour nou ganny sa akomodasyon ki pli apropriye. E nou fer atansyon a son pri.  Bon i annan bann landrwa kot nou pe lwe depi en kantite letan akoz nou annan serten dimoun ki, nou annan serten fasilite ki nou bezwen pour depi plizyer lannen.  Par egzanp nou annan nou Korperasyon avek Cuba, alor regilyerman nou annan bann dokter etranze sorti Cuba pe vini.  Nou annan bann landrwa ki nou lwe pour zot.  E tan ki mon konnen napa okenn travayer Lasante ki annan lentere dan sa bann keksoz.  E bann prosedir ki nou annan an plas i devret redwir sa posibilite ki sa i arive.  An se ki konsern revini. Nou pe konstaman fer bann zefor, pour nou revwar bann fason ki nou regard lefikasite nou loperasyon.  E alor definitivman kot i annan reveni ki kapab ganny ranmase, nou bezwen maksimiz sa.  Nou vwar lo kote reveni se ki i annan loportinite pour nou fer plis zefor atraver bann ekspatriye ki baze isi, ki kapab servi nou sistenm lasante e ki nou kapab fer zot, ki nou kapab ofer bann servis lasante ki zot kapab kontribye ladan.  E mon ava demann FC pour donn – bann en pe plis detay lo bann prosedir eksetera lo sa bann size.

 

MR SPEAKER

FC briefly.

 

FINANCIAL CONTROLLER JACINTH BONNE

Mersi Mr Speaker, mersi Minister.  In regards to revenue, i vre i annan serten weaknesses dan nou sistenm koleksyon reveni ki relye avek lakantite staff ki nou annan dan nou seksyon accounts reveni.  Me an partenarya avek Minister Finans, tou dernyerman la zot in accommodate nou avek en konsiltan ki’n fer en pe revi lo nou prosedir reveni dan Minister Lasante.  E sa assessment i dan staz diskisyon avek bann reprezantan Minister Finans kot i annan serten defayans, serten rekomandasyon ki’n vin avek, pour adres reveni ki nou pe prozekte ki lannen 2018, reveni i ava ganny pli byen anmase apre ki sa rapor in sorti.  Mersi.

 

MR SPEAKER

Onorab Mondon vitman, letan pe ale.

 

HON TERENCE MONDON

Mersi Chair. Mon, sorry, mon anvi ki Minister, Minis i note ki ler nou koz konfli nou pe koz en form koripsyon.  E ou dir nou, ou dir mwan ki ou pa okouran.  E lenformasyon ki mon annan i annan zofisye ki dan Lasante ki deza pe lwe son landrwa avek Minister e an term consultancy mon aprann osi ki i annan zofisye osi ki antreprann bann consultancy. Mon demande ki ou get sa size tre seryezman, gete dan ou Minister vreman pou fer sir ki bann keksoz i ganny fer dapre lareg finansyel e ki tou dimoun i ganny sans partisipe ler nou annan en servis pour ofer. Mersi.

 

MR SPEAKER

Wi petet parey nou’n dir avan si ou annan sa lenformasyon petet ou devret pas sa avek Minis pour li koman Sef Health Care Agency i a investigate.  Minister ou annan en komanter.

 

MINISTER JEAN-PAUL ADAM

Mersi Mr Speaker mon ti pe al dir dan menm laliny.  Me pour dir osi ki nou prosedir mon krwar i ase – nou annan en prosedir ki vreman verifye sa bann keksoz si i annan, si nou ganny sa detay, nou ava fer lenvestigasyon pour fer sir ki, nou bann prosedir pe byen ganny swiv.   E an term konfli lentere parey ou’n dir i en form koripsyon. Me osi fodre nou konsyan ki i en kestyon ki rol ki sa travayer, si i annan en dimoun par egzanp ki annan sa, eski sa dimoun in annan en rol dan sa procurement?  Lakle se ki sa procurement in ganny fer dan en fason ki parey ou’n dir i donn sans tou dimoun pour vin devan e pour fer sir osi ki Gouvernman i ganny valer pour larzan.  Sa ki lakle.  Akoz mon asire ki i annan en kantite dimoun dan nou sosyete ki annan diferan shares dan diferan konpannyen e i pa fasil par egzanp pour Minister Lasante konnen tou son anplwaye kot i annan shares oubyen kot i annan lentere.  Nou demann zot pour zot deklare sa i en prensip.  Me nou osi bezwen konsyan kid an nou lapros nou fer sir ki sa pri ki nou gannyen i konvenab; ki i konpetitiv konpare avek marse si nou ti pour lwe, si nou pe lwe dan en lakaz par egzanp ki sa pri i konpetitiv lo marse.  E mon krwar dan sa kote la nou prosedir i ase, i disiplinen, e nou swiv en prosedir ki anliny avek bann provizyon dan Procurement Act.  Mersi Mr Speaker.

 

MR SPEAKER

Mersi Minis.  Vitman Onorab Pillay apre Onorab Lemiel. Onorab Steven Pillay, apre ou. Onorab Steven Pillay apre onorab Lemiel.

 

HON STEPHEN PILLAY

Mersi Mr Speaker, bonn apre midi, bonzour.  Minis mon kestyon kekfwa in ganny reponn, just for klarifikasyon mon a demande.  Akoz i annan en logmantasyon dan ‘pay for health and support services dan wages and salaries’ pour mont par 32 milyon, 33 milyon an plis?  Epi bann nurse ki lo training, dan staff Health Care Agency si zot osi zot pe pey sa 1/3 zot bann training fees ki zot pe sipoze peye parey pour Minister Lasante.  Epi ki ou target ki si ou’n achieve parey dernyen fwa ou ti dir mwan 135 nurse ti ou optimum target, ki ou’n arive lo sa distans; si ou pres oubyen lanmwatye, oubyen si i annan ankor defi?  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker, mersi Onorab.  Bon lagrann mazorite lo logmantasyon dan saler i lye avek bann nouvo Scheme of Service ki nou pe mete pour bann ners ek pour bann Health Care Assistance. Petet mon’n mal konpran ki bout ou pe refer lo la.

 

HON STEPHEN PILLAY

Mersi Mr Speaker.  I lo pour programme 4, health and support services, landscaping, cleaning telecommunication i annan en logmantasyon 33 milyon.

 

MR SPEAKER

Minis?  FC?

 

MINISTER JEAN-PAUL ADAM

Mersi Mr Speaker, mersi Onorab.  Wi mersi mon’n war prezan i lo paz 439, dan dokiman.  E sa i relevan avek bann revizyon ki konsern bann common cadre, e i baze lo bann revizyon ki DPA pe fer lo sa bann diferan scheme konsernan bann common cadre.  FC i kapab donn en pti pe plis detay si i neseser.

 

MR SPEAKER

Vitman Onorab Pillay ou ti le en supplementary avan FC i reponn.

 

HON STEPHEN PILLAY

Mr Speaker mon ti krwar en typing error akoz dan ‘other good and services’ pour ‘service agreement’ pour sa health and support services i 33 milyon. Mon ti krwar en typing, savedir zot pe, i annan en lerer zot pe pey dimoun an plis selman zis 4 milyon ki dan ‘other uses of services.’

 

MR SPEAKER

  1. Oule Onorab i repet sa kestyon pour ou konnen oubyen ou ok FC?

 

FINANCIAL CONTROLLER JACINTH BONNE

Mr Speaker i ok. Mersi. Pour sa wages and salary increase Minis in dir pour dir i annan review dan common cadre.  I kouver pour bann drayver ki DPA pe review zot scheme across the board, bann common cadre parey drayver, i annan bann office assistant ki ganny kouver anba la.  Anba ‘other goods and services’, an realite i napa okenn konponan saler, i pour bann service ki contract out avek Minister lasante.

 

MR SPEAKER

Onorab Pillay – vitman.

 

HON STEPHEN PILLAY

Yes Mr Speaker vitman ‘other uses of good and services’, ‘service agreement and outsources’ i tonm 33. 252milyon.  Me ‘other use of services’ dan paz 339 i zis 4 milyon.

 

MR SPEAKER

FC ou kapab klarifye sa.  Paz 432.

 

FINANCIAL CONTROLLER JACINTH BONNE

Mr Speaker si ok avek ou mon ava fer resers sa lenformasyon mon ava provide en pti pe pli tar, please?

 

MR SPEAKER

Ok.  PS Payet.

 

PS PATRICK PAYET

Mersi Mr Chair, zis pour azoute ki eski Onorab pe koz lo sa detay 2018/2019/2020 ki nou’n donnen?  Ok, service agreement and outsourcing sa 33. 252, 930milyon i pour tou laundry, collection of garbage, security, pest control.  So i pa pe dan saler li.  I pour dan bann lezot konponan, ‘’use of good and services.’’ E ou pour vwar li spesifikman, bann par egzanp ‘’other uses of good and services’’ – par egzanp lo paz 437.

 

MR SPEAKER

Ok?  Onorab Pillay i kler? Wi Onorab Lemiel.

 

HON SYLVANNE LEMIEL

Mersi Mr Chair. Bonzour Minis avek ou delegasyon. Minis mon annan kestyon konsernan Outpatient Clinic Anse Royale mon vwar ou’n met R1 milyon dan Bidze pour lannen prosen pour zot komans sa konstriksyon.  Mon ti a kontan konnen ki peryod dan 2018 ki sa konstriksyon pour komanse. E a mon’n avi mon war sa i en tro pti git larzan.  Petet ki kantite travay zot pe mazinen pour fer lo sa klinik avek sa sonm.  Apre mon 2enm se lanbilans. Mon konpran ou’n dir ou annan 10 lanbilans ki zot pe gannyen koman donasyon. Mon ti a kontan konnen si i annan ankor lanbilans pour ganny allocate avek Lopital Anse Royale.  E trwazyenmman lopital Anse Royale pe ganny, pe ganny rekouver, mersi pour sa.  Me son ceiling Minis, akoz son plafon nou pour vwar osi in vreman avarye.  Mon ti a kontan konnen si travay lo plafon osi pe al ganny fer la sa lannen, oubyen si i pour anvoy pour lannen prosen.  Mersi.

 

MR SPEAKER

Minis e Engineer – Mr Didon.

 

MINISTER JEAN-PAUL ADAM

Mersi Mr Speaker, mersi Onorab. An term sa Outpatient klinik, mwan ava les Mr Didon donn en pti pe plis detay lo son kout total efektivman, 1 milyon, i zis permet nou komanse atraver akoz konmela tou nou bann fasilite sirtou bann parey sa enn nou anvi fer li avek sipor bann medical planners.  E alors sa 1 milyon i permet nou fer sa travay preparasyon, e si i neseser preparasyon sa Sit dan … Me efektivman, son lenplimantasyon total pour tonm 2018 ek 2019.  Me sa 1 milyon i demeraz.   E 2019 se kot lamazorite travay pour ganny fer. Me demaraz pour ganny fer an 2018.  E sa nou zofisye proze i ava eksplik en pti pe plis lo la.  Pour lanbilans, wi enn sa bann nouvo lanbilans pour ganny met a dispozisyon Anse Royale.  Alors sa i en keksoz ki pe vini a 2018.  An term sa bann plafon pour avek sa proze re-roofing.  Wi, nou pour adres sa ofir an mezir kekfwa i pa pour kapab akoz sa sanzman lo twa pour fini avan lafen sa lannen. E zot bezwen fini twa apre fer plafon. Me mon ava les enzenyer donn en pe plis detay lo la.

 

MR SPEAKER

Project Engineer.

 

PROJECT ENGINEER MR ELVIS DIDON

Mersi Mr Speaker. Mersi Onorab. Parey Minis in dir kot i konsern plafon avek twatir i pa pour fer sans ou pe al aranz ou plafon si i ankor koule.  So nou pe fini.  Nou anticipate finis a re-roofing work before the end of the year.  And then nou a follow through avek bann lezot reparasyon ki pour enkli obviously plafon.  So ou bezwen repar ou plafon, ou sours koule apre nou a deal avek sa problenm plafon. Kot i konsern outpatient facility, kot nou ete la pare you pe vwar sa R1 milyon i an prensip scoping pour nou konnen egzakteman ki kalite fasilite. Akoz i annan fasilite ki ganny share currently parey la dan Lopital. Temporary dental in ganny fer akote.  So son eventual outpatient fasilite li menm i pour enkli tou bann dizon non-clinical oubyen bann nursing services, oubyen fasilite. I sipoze osi dan sa outpatient oubyen part of nou master plan pour rezyon Sid oubyen Anse Royale. I annan even pour re-devlop sa bout deryer kot nou ti dir bann Old Doctor’s House.  So i osi i sipoze annan en konpleks.  Ki nou ti pe mazinen in lannen pase i ti la, sa lannen in ganny mwens alokasyon.  Ti annan plan pour nou fer bann PP proposal.  Akoz mon pe dir son, devlopman sa complex i pa ti zis sa outpatient fasilite. So ti annan en propozisyon pour sa.  Be selman staz ki nou ete la i scoping pour nou ganny egzakteman ki fasilite, konbyen sa bann respective services will go into that facility itself. Mersi.

 

MR SPEAKER

Mersi Mr Didon.  Onorab Lemiel ou ok?  Bon Arrisol apre Onorab Woodcock. Sey restrikte pour en kestyon pour nou al vit.  Akoz midi in sonnen. Mersi. Onorab Arrisol.

 

HON SANDY ARRISOL

Mr Speaker bonzour.  Bonzour Minis avek ou delegasyon. Premyerman mon ti a kontan dir Minis mersi lo lapar sa group Sanniter ki mon ti koz lo la dan mon Bidze, larepons Bidze pour zot ganny sa pti formalite aranze. Mersi bokou avek ou Minister, menm ti annan en pti mirmirasyon lo kote HR kot mon’n ganny sa lenformasyon, selman mersi Minis pour sa pti group travayer Seselwa.  Mon ti a kontan demann Minis an relasyon avek Bidze. Eski Bidze i fer provizyon pour annan en Dokter ki standby avek Lopital North East Point. Parski i paret napa Dokter lopital North East Point apard bomaten ki zot vini, zot fer sa ki annan pour fer, zot check mannyer i apele. Be selman dan lannwit, aswar avek bann ners ek bann pasyan napa en dokter la si zanmen i arive en keksoz zot reste on call.  An vi ki i en Lopital i osi, mon krwar i en priyorite pour zot osi sa bann pasyan, sa bann ners ganny en Dokter avek zot.  Mon dezyenm e mon dernyen kestyon, se an relasyon avek bann Board.  Mon’n vwar Ministry of Health i annan en board ki kout anviron R75mil.  Health Care Agency i annan en board ki kout 350 mil roupi. Public Health Authority i annan en board li pour li i R1.75 milyon, National Aids Council li osi i annan en Board R576mil.  So mon ti a kontan demann Minis kekfwa konbyen manm ki asiz lo sa bann Board, lekel zot, e konbyen fwa zot zwenn par an?  Mersi bokou Mr Speaker.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab. E mersi osi pour lapresyasyon, nou apresye.  E an se ki konsern dokter kot Lopital North East Point.  Mon krwar nou tou nou bezwen konsyan poudir dan sa fasilite North East Point i annan plizyer antite.  I annan sa lopital North East Point ki sa rehabilitation wing.  E mon krwar ki se sa ki pe fer referans lo la.  Nou annan osi sa Hospice, e nou annan osi sa regional home pour bann dimoun aze. E dan sa rehabilitation wing parey dan tou fasilite medikal, nou fer en kestyon se si en Dokter i standby oubyen non, i depandan lo risk ki annan avek sa bann, kalite pasyan ki annan, ki ganny admit lo sa ward.  Alor aktyelman petet napa en Dokter ki ganny mete a plen tan, me i en keksoz ki nou kapab konsider pli devan me selon bann pasyan ki ganny mete laba, i pa en keksoz ki neseser lo en baz medikal.  Byensir touzour itil pour annan en dokter. Me i pa en keksoz ki absoliman neseser lo en baz medikal.  E me i annan toultan en Dokter ki on-Call lye avek sa lopital.  Savedir toultan i annan en dokter ki, alors savedir sa dokter pa forseman pe dormi dan Lopital North East Point. Me i annan dokter ki son rol se si i annan en emergency i ganny mobilize pour sa Lopital. Bann lezot, Dr Louange i kapab donn presizyon si i neseser. Apre sa 2enm pwen. Eskiz mwan Onorab.

 

MR SPEAKER

Wi Onorab.

 

HON SANDY ARRISOL

Mr Speaker avek ou permisyon. Zis pour lo bann bord, i annan bann Board; par egzanp Ministry of Health, Health Care Agency Board, apre i annan Public Health Authority Board ki mon aprann zot annan en Appeals Board.  Apre National Aids Council mon aprann i osi annan en Board.  Zis pour eksplik nou lekel bann dimoun ki lo sa Board.  Konbyen fwa zot zwenn par egzanp.  E lekel zot ki lo sa bann Board. Mersi bokou.

 

MR SPEAKER

Minis.

 

MINISTER JEAN-PAUL ADAM

Mersi bokou Mr Speaker.  Nou kapab donn en breakdown avek tou bann dimoun ki lo sa Board.  Me laplipar sa bann Board i definir dan zot Lalwa. E zot annan, e si ou pran par egzanp, Health Care Agency i zwenn tou le mwan.  Si ou pran Public Health Authority, i annan son minimonm ki i zwenn.  Me konnen i zwenn regilyerman. Public Health Authority son larzan i en pti pe plis, akoz i annan en kantite bann sou Komite ki definir dan son Lalwa.  Alors i pa zis son main Board i bann lezot Komite ki zwenn separeman ki lye avek Public Health Authority.  E letan nou pas lo Bidze Public Health Authority osi nou a kapab osi koz en pti plis an detay lo la.  E pour National Aids Council osi i definir dan son Lalwa e nou kapab donn sa detay avek Lasanble.  Mersi Speaker.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker.  Bonzour Minis.  Minis mon kestyon i regardan sirtou bann proze kapital. Dan revised Budget pour 2017 ti annan en sonm R250mil ki ti ganny allocate pour remedial work lo clinic Grand Anse Praslin, me napa vreman gran travay ki’n ganny fer ki vo sa larzan.  E pour 2018, ti annan en sonm 2 milyon R160mil ki’n ganny allocate.  So mon ti a kontan konnen ki kalite travay zot pour fer lo sa klinik Grand Anse Praslin.  E osi regardan sa issue fungus ki pa’n zis selman lo kote clinic Grand Anse Praslin, me i en pti Nasyonal. Mon konnen Lopital Victoria, the medical library … red roof, dental kot yellow roof e osi klinik English River i annan sa problenm Fungus. Ki zot pour fer. Ki bann mezir ki zot pe pran pour zot deal avek sa issue.  E eski zot pe konsider fer bann tes lo bann staff ki travay dan sa bann seksyon. Akoz i annan en demann pour sa e finalman i annan sa 2 compression chamber Baie Ste Anne, Lopital Baie Ste Anne, Praslin ki ti ganny donate par Emir of Qatar, be i annan preski 1an, i pa pe ganny servis.  So ki son status sa decompression chamber?  Mersi.

 

MR SPEAKER

Minis.

 

MINISTER JEAN-PAUL ADAM

Mersi Mr Speaker.  Mersi Onorab.  Mon krwar ki nou parey mon’n deza dir an term bann lenplimantasyon bann proze, nou konnen pour dir nou annan serten defi e sa i pli prononse lo en zil parey Praslin. Parfwa kapasite sa kontrakter. Me an se ki konsern Grand Anse li menm li, i annan serten keksoz ki’n ganny fer, me nou aksepte pour dir par egzanp akoz sa problenm Fungus, ou bezwen tret li dan en fason sistematik.  Ou bezwen fer tretman avan. E apre ou bezwen osi repenn li avek sa lapentir apropriye. Initil ou reponn li sis a tretman pa’n ganny fer avan. E problenm se pour sa tretman parfwa ou bezwen fer sir ki napa staff prezan letan ou pe fer sa tretman.  E i vre ki sa in ganny retar. Akoz pour ou rod sa moman ki ti apropriye kot sa staff, kot i apropriye pour nou fer sa.  I annan serten travay ki ankour aktyelman. Mon pour les zofisye proze koz en pti pe pli an detay ki nou pour fer adisyonnel lo pour 2018, baze lo sa bann konsern ki ou’n met devan.  E me mon pour redir ankor ki nou prensip ki nou pe la pli devan pour tou bann diferan Sant Lasante se pour al dan bann maintenance contracts atraver tender ki pour permet sa bann kestyon ganny adrese dan en fason pli sistematik.  E sa i relye avek par egzanp sa problenm Fungus ki ou’n sit plizyer landrwa i korek dan diferan Sant Lasante akoz bokou sa bann Sant Lasante i annan en serten laz.  E nou dan en pei tropikal e osi avek bann diferan aircon sa risk in ogmante. E nou annan sa prosedir sistematik pour nou tret sa bann Fungus. Me avek bann serten servis ki’n ganny servi tre regilyerman i difisil parfwa pour ganny sa moman kot ou kapab ferm sa servis pandan ki sa tretman pe ganny fer. La si nou pran legzanp English River avek lopital Perseverance ki’n ouver, nou pour annan sa sans pour nou adres serten lo kote English River, me nou pour fer sad an en fason sistematik dan sak Sant Lasante.  Apre kot i konsern decompression chamber, in pran nou en pe letan pour nou etablir sa konstriksyon apropriye, akoz in vin dan en containerize system pour nou met li an plas Baie Ste Anne. Me i an plas, e mon krwar prosennman i pour komans son loperasyon akoz in fin ganny komisyonnen.  Me mon mwan ava demann zofisye proze pour donn en pe plis klarifikasyon.

 

MR SPEAKER

Engineer Didon.

 

PROJECT ENGINEER MR ELVIS DIDON

Mersi Mr Speaker. Mersi Onorab, mon a komans lo dernyen kestyon, klarifikasyon regarding the chamber.  Parey ou pe dir i napa 2 Praslin. I annan 1. Donor li an prensip in donn en lifetime service agreement lo la. And rezon ki i pa’n neseserman ganny operate at the time kekfwa ki tou dimoun ti pe ekspekte. The commissioning engineer ki zot rekomande i bezwen sorti overseas.  And obviously ou pa call ozordi pour li ganny demen akoz zot annan en sistenm of travay. Enzenyer ki enstale pa enzenyer ki commission. So i timing ki commissioning engineer in bezwen desann pour fer sa, ti bezwen reganny – commission basically. Parey Minister in dir, it’s ready to go.  An plis ki sa nou ti anvi osi, son lokasyon i probableman not the best ideal lokasyon be selman lespas ki nou annan available Praslin, sa enn in pli apropriye.  So en lot bout louvraz ki pour ganny atase avek i konsern en walk way, covered walk way.  Posibilite in the event of rain.  Si i annan dimoun ki bezwen ganny wield-in from Lopital i kapab pas kot Seksyon Dyaliz pour vin kot chamber.

Lo kot i konsern, Grand Anse Praslin fasilite, parey Minister in dir, yes i annan serten defayans. Idealman si ou pour demann mwan personally mwan mon ti ava anvi i annan en teknisyen a plen tan, the inner island, be it demi. Akoz ler ou sorti Mahe ou mont Praslin pour get en bout louvraz, the minute ki ou desann kontrakter i fer en keksoz.  Si i annan en keksoz ki pa byen, louvraz i freeze, ou bezwen retournen pour re-korize.  So idealman i ti ava bon si nou annan en staff permanan, oubyen semi-permanan.  Nou napa sa luxury of lakantite staff ki nou ti ava anvi.  Nou’n demann osi avek DPA mon pa konnen ki rezilta in arive kot nou les separ proze avek maintenance.  Maintenance i pran bokou letan.  En keksoz i kase ozordi, ou bezwen aranz ozordi, konpare avek proze.  Si in the ideal world senaryo ou anvi ou maintenance separe. And ou proze ki deliver ou fasilite apre en dimoun i maintain.  Akoz ou kapab realize si ou pe ganny en fasilite ki ou pour run 24-7 napa arete.  Wear and tear lo en fasilite i bokou, si zot pour fer en brief analysis – en landrwa ki ouver 8er 4er konpare ek en Lopital ki ouver 24 lo 24.  So deza ou 3 fwa an plis, ou usage.  Pli boner mon krwar oubyen yer ti annan en Onorab ti fer mansyon ki i annan fasilite ki nouvo.  En fasilite ki nouvo pour dan lizye nenport ki dimoun, be it 1an pour en lopital i deza plis ki 3an ler ou’n fer 1an.  So the wear and tear i bokou ki fer ki ou bezwen.  Mon pa konnen si nou’n fini ganny feedback from DPA pour nou recruit maintenance staff, but pour mwan sa i en strong point ki kekfwa nou bezwen konsidere.  Mon konsider li bann back of house facility parey en lotel si ou bann back-off house support pa marse. Lotel pa pour marse. Egzakteman parey pour en lopital.  So fasilite Grand Anse ki’n ganny plan pour fer pou lannen prosenn i pull down sa vye tanporer fasilite ki ti deryer. And build something new ki pour accommodate bann, mon pa konnen si nou dir sa non-clinical, oubyen bann nursing facility parey, ki napa nanryen pour fer avek klinik, bann programmes parey child health care.  So sa bann fasilite koumsa i kapab ganny bouz deryer e sa bann lespas ki ganny freed up i kapab ganny plis lespas pour deliver service and konfor pour both staff avek pasyan alike. So plan pour sa larzan i pour fasilite deryer.

 

MR SPEAKER

Mersi Mr Didon.  Onorab Sebastien Pillay, apre Onorab Ramkalawan.

 

HON SEBASTIEN PILLAY

Mersi Mr Chair.  Mr Chair mon annan en kestyon ki annan 2 pti pwen.  Premye kestyon i konsern bann servis spesyalize ki bann dimoun i gannyen e bann apwentman ki zot gannyen, sa ki ou al dan bokou detay Minis eski nou kapab ganny en langazman ki zot regard an provizyon sa bann servis spesyalize par egzanp sa bann apwentman ki sa bann dimoun i gannyen, letan ki zot ganny sa bann apwentman, an vi ki nou annan konponan Bidze ki pe al ver improve efficiency regarde si ou kapab fer serten travay dan sa landrwa.  Osi enkli travay ki kapab ganny fer lo nivo Casualty akoz souvandfwa ou tann ou al Casualty ou war bann dimoun zot dir ou zot pe espere eksetera so i annan bann issues ki leve lo sa de landrwa. San al dan bokou detay si ou kapab donn nou en langazman pour regard sa area.  Apre dezyenmman Mr Speaker, nou’n vwar en sityasyon ki’n arive avek supplementary budget kot nou’n vwar pour dir zot pa’n fini depans zot capital Budget sa lannen so si an relasyon avek sa undertaking ki zot pe donn Lasanble pour lezot landrwa, zot kapab donn nou en undertaking avek sipor Komite Government Assurance. Si zot ti a kapab dizon first quarter vini. E donn en detay lo tou bann diferan Health Centres komansman par La Digue e tou bann lezot landrwa kot zot in arive si i planning, drawing, tendering, koumsa nou a kapab annan en bon follow-up, en bon oversight lo sa bann fasilite ki nou pa retourn dan en sityasyon kot zot pe fall short of fini zot capital budget kan in ariv lafen lannen.  Mersi.

 

MR SPEAKER

Ok.  Mersi Onorab. Minis.

 

MINISTER JEAN-PAUL ADAM

Mersi bokou Mr Speaker.  An se ki konsern e mersi Onorab. An se ki konsern bann servis spesyalize ki nou ofer dan bann diferan distrik e bann Sant Lasante.  Sa i definitivman en landrwa kot nou anvi fer bann amelyorasyon. E sirtou pour nou kapab ofer sa servis dan en fason ki pli anliny avek lekspektasyon bann pasyan. E nou anvi fer sir ki nou kapab adres amelyorasyon.  An se ki konsern Casualty i parey, pour Casualty i vre ki annan difikilte akoz aktyelman napa bokou banns ant lasante ki ouver apre ler. E dan Casualty nou ganny tou bann diferan kalite irzans. E zot annan zot sistenm klasifikasyon dan casualty ki fer ki bann irzans pli imedya i ganny adrese. Me par fwa i annan dimoun ki vin avek lafyev, ou byen bann lezot keksoz ki pa vedir ki i pa irzan me i tonm dan sa sistenm klasifikasyon ki par fwa zot bezwen atann en pe letan.  E sa i osi en keksoz ki nou pe esey adrese atraver staffing.  Letan nou pour ganny plis bann ners par egzanp e bann nouvo travayer dan nou Bidze 2018, i pour ed nou pour nou adres serten sa bann size. E nou konsyan pour dir sa i en konsern pour lapopilasyon Seselwa. E nou anvi adres sa.  An term Bidze Kapital, definitivman sa i en landrwa ki nou pe an plas plizyer stratezi pour nou amelyor la fason ki nou depans larzan dan sa sekter. Premyerman ti mank sa kapasite imen. Nou’n rekrit 5 nouvo dimoun.  Sa i depi milye lannen 2017.  Nou pe regarde osi parey nou zofisye proze in mansyonnen pour nou diviz en pti pe pli byen ant maintenance ek proze. E letan nou pour fer nou manpower budgeting exercise nou pour regarde avek finans bann opsyon ki nou pour annan petet pour nou kapab adres sa size maintenance dan en fason pli sistematik.  E ki pour kree plis lespas pour nou fokaliz lo proze.  E ou sizesyon Onorab pour nou fer en update par egzanp lo premye ka avek Komite Lasanble, mon krwar i en tre bon nide our nou donn bann update dan en fason pli regilye.

E lot eleman ki nou pe adrese pour nou ofer, pour nou kapab bouz pli vit konpare avek sa lannen, se deza fer sir ki nou procurement plan i prepare depi avan 2018. Savedir nou procurement plan i ankour aktyelman koman nou pe koze. E ki e alor sak fwa alor ki nou al bouz lo sa bann lenplimantasyon, i pas en pti pe pli fasilman ki dan lepase.  E lot eleman se an term procurement.  E sa i en eleman ki parfwa i met nou retar akoz par fwa nou pa antisip byen bann bezwen pour sa sekter ki spesyalize. E sa i pour nesesit evantyelman osi plis lekspertiz pour ganny rekrite lo nou kote. E lot eleman ki kapab tir en pe presyon lo nou ki permet nou servi pli byen se sa eleman al dan bann maintenance contract pour bann Heatlh Centre, akoz sa i pour permet nou mon krwar fokaliz en pti pe plis lo bann nouvo proze.  E en keksoz ki Board Lazans servis lasante pour diskit avek Finans avan ki nou kapab desid pour al dan sa direksyon, nou bezwen diskit en pe plis avek Finans, se posibilite osi regard serten plito bann gro proze ki ganny administre lo baz en sonm, ki kapab ganny peye avek en konsiltan koman en poursantaz sa proze.  E sa i pour permet nou ganny bann lekspertiz ki pli spesyalize pour sa sekter.  Sa i en keksoz ki nou pour diskit pli an detay avek Finans a lavenir. Mersi Mr Speaker, mersi Onorab.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman premyerman lo kote lapropte dan Lopital.  Ou konnen lo kote lasanmben, toilet, eski dan sa Bidze zot annan en provizyon pour par egzanp annan en dimoun permanan, oubyen detrwa dimoun, 2 dimoun permanan zis pour okip lo sa kote toilet avek lasanmben?  Akoz sa i en gro konplent avek Victoria Hospital kot lo sa kote cleanliness, sa i enn.  Dezyenmman eski Minis i kapab dir avek nou vi ki AMSA Catering Kitchen Pointe Conan ki supply manze ek bann pasyan ki pe fer dyaliz, in ganny en let 8 Novanm pour zot fermen ki lot laranzman ki zot pe fer pour sa bann dimoun ki fer dyaliz ganny bann repa neseser?  Insurance – eski zot annan, lekel ki zot Broker pour zot bann insurance pour Minister, pour zot Health Care Agency e si in annan okenn prosedir tender. E finalman, i annan en konsern pour bann pasyan ki ganny, bann dimoun ki, I mean Dementia e Alzheimer’s e ki mannyer mon konpran lakantite i kontinyen ogmante. I annan anviron 3mil.  Dan sa Bidze an relasyon avek Health Care Agency, kote eski ki zot pour vwar zot; konmsi pour ganny en soz pour petet en carer, bann medikaman, ensidswit. Mersi bokou Mr Chair.

 

MR SPEAKER

Mersi Onorab. Minis.

 

MINISTER JEAN-PAUL ADAM

Mersi bokou Mr Speaker. Mersi Onorab. An se ki konsern lapropte zeneralman dan Lopital pa zis dan bann toilet.  Premye priyorite se byensir fer sir ki bann standar i ganny aplike e sa nou pe, i annan serten larzan dan sa Bidze ki osi permet nou anforsi, par egzanp an term bann laplikasyon bann standar atraver kalite netwayaz. Atraver kalite prodwi ki ganny servi dan lopital. E nou ava pran sa sizesyon osi pour vwar si nou pa kapab met serten dimoun spesifikman lo sa size toilet. Prenan kont sa konsern ki’n ganny met devan.   An se ki konsern sa kestyon lakwizin pour bann pasyan dyaliz sa i en responsabilite ki tonm anba AMSA, se zot ki fer sa demars e vi ki zot pe bezwen sanz lakwizin zot pour bezwen fer sa demars koman anliny avek sa kontra ki nou ava avek zot pour ganny en lot lakwizin. E nou ava diskit sa avek AMSA pour nou ganny detay lo kote ki zot pour fer e ki i en landrwa ki apropriye.  Me i anliny avek zot responsabilite pour zot rod sa landrwa. An se ki konsern lasirans, parey nou ti eksplike yer. E nou, nou pour donn sa lalis tou bann konpannyen lasirans. Nou en kantite diferan konpannyen lasirans. Nou al direk parfwa avek lakonpannyen SACOS par egzanp.  Nou servi par fwa bann Brokers osi e nou ava donn sa lalis konplet. E depandan lo sonm nou swiv bann Lalwa procurement pour nou rod sa bann lasirans. Alor depandan lo sonm i baze lo normalman 3 kotasyon pour nou kapab pran sa bann desizyon. Apre sa kestyon lo Dementia efektivman sa i en konsern pli zeneralman ki nou annan dan nou sosyete akoz dimoun pe viv pli lontan. Letan dimoun pe viv pli lontan nou annan plis dimoun alor ki viv avek sa problenm Dimentia.  Enn bann keksoz ki nou’n fini. Nou ti’n komans met an plas atraver nou bann progranm spesyalizasyon ti en memory clinic. E sa i atraver neolozizm kot i pe travay avek bann pasyan ki’n ganny dyagnoze avek Dementia.  Ou’n sit sa sonm 3 mil sa i en estimasyon ki plizyer dimoun in fer. I kapab plis i kapab mwens. E i pour enportan pour nou fer sa legzersis e komans avek sa spesyalizasyon atraver neolozizm.  Me osi dan nou bann proze ki nou anvi fer se ofer pli byen sa sipor atraver par egzanp nou regional Home pour The Elderly ki baze North East Point.  Osi devlop sa spesyalizasyon pour geriatric care.  I en keksoz ki nou anvi osi devlope. E atraver bann diferan konponan dan Bidze 2018 i pour ed nou pour nou ofer an parti sa bann servis. Fodre nou konpran pour dir sa lesel sa problenm an se ki konsern Dementia dan nou popilasyon i tre gran en.  Nou pa ankor vreman mon kapab dir met lanmen lo la ozordi. Avek sa spesyalizasyon neolozi ki nou’n etabli prezan isi, i pour permet nou gradyelman ofer sa servis pli byen. E sa i pour enkli osi spesyalizasyon ners pour adres sa kestyon geriatric care ki mars ansanm avek plis sipor Dementia. Mersi Mr Speaker e mersi Onorab.

 

MR SPEAKER

Petet en dernyen kestyon Minis follow-on lo sa ki Onorab Leader Lopozisyon in dir Fondasyon Alzheimer’s i paret si mon’n konpran zot byen zot vin vwar mon ki zot ti demann en wing lopital North East Point pour zot fer en sant pour bann dimoun ki pe soufer Alzheimer; ki bezwen pa zis en carer pandan lazournen me 24 erdtan, care.  E i annan de fanmir, enn ki son manman i dan en Home Sid Lafrik. En lot ki zot papa oubyen mari i dan en Home L’Angleterre ki ti a kontan retourn ek zot paran isi.  E zot dir ki ti annan en demann, e zot annan zot larzan.  Pa pe demann okenn Bidze Gouvernman Lasante; zot fondasyon i annan en larzan pour zot convert sa wing North East Point.  Eski ou okouran oubyen ou kapab dir nou en pti keksoz lo la?

 

MINISTER JEAN-PAUL ADAM

Mersi bokou Mr Speaker e mersi Onorab. Annefe nou’n annan bann konversasyon prodiktiv avek Lasosyasyon Alzheimer’s.  E nou remersi zot pour sa travay ki zot pe fer. E nou osi ankouraz zot pour al dan sa direksyon. E an se ki konsern, e nou’n annan sa serten konversasyon lo par egzanp North East Point pour nou fer sa Geriatric Wing ki i vin en wing ki spesifikman pour bann dimoun aze e sirtou bann ki sa problenm Dementia.  Me pour le moman diskisyon, akoz sa fasilite ki nou annan North East Point i pour Gouvernman.  I pa dan nou kapasite pour nou zis hand li over avek en lasosyasyon. Me ki nou’n se ki nou pour travay avek zot. Nou fer renovasyon sa wing ansanm.  E osi nou travay lo en progranm pour nou kapab operate en fasilite ki dan lavantaz sa ki Gouvernman i anvi fer e osi sa ki Fondasyon i anvi fer.  E pour sa Lopital – sa landrwa i reste en landrwa ki pour Gouvernman.  Mon krwar sa i prensip konversasyon ki nou’n annan avek Fondasyon Alzheimer’s. Mon konnen zot osi pe rod en landrwa lo, si zot ganny en landrwa separe, zot in pare pour fer zot prop fasilite.  Sa osi nou pa kont e nou ankouraz zot pour zot fer li.  Me byensir nou tou nou konnen ki later dan Sesel i pa en keksoz fasil pour gannyen akoz napa sitan sa kantite ki disponib.  Me nou’n pare pour nou travay avek zot an relasyon avek bann fasilite ki nou, nou deza annan.  Ok? Mersi bokou Mr Speaker, mersi Onorab.

 

MR SPEAKER

Mersi Minis. E prezan in arive ler pour nou pran en vot lo Bidze Health Care Agency ki lo paz 428 appropriation to be, total to be appropriated, 700,071milyo, tou bann ki pour avek provizyon of course ki nou’n diskite ki Minis in dakor. Tou bann ki pour lev zot lanmen?  Clerk.

 

MADAM CLERK

Mersi Mr Chair, 25 Manm an faver. Mersi.

 

MR SPEAKER

Tre byen savedir in aprouv Bidze pour Health Care Agency pour 2018.  E mon ti a kontan a sa pwen remersye Minis ek tou ou bann teknisyen ki’n vini.  Remersye tou bann Manm Onorab ki’n koze.  Nou’n donn sans tou sa ki ti oule koze.  Minis mon okouran ki osi annan Public Health Authority, National Aids Council, Public Health Protection, be mon krwar ki ou annan en langazman apre midi. Serten nou, nou osi ganny envite, e nou ti a kontan remersye ou, remersye ou pour letan ki ou’n pase.  Lo en pwen zeneral, mon ti a kontan zis dir vi ki nou reprezant dimoun isi Sesel nou Lasanble part nou fonksyon se reprezantasyon.  Mon ti a kontan dir ki tou bann travayer Lasante, Lasanble avek zeneral, manm piblik i apresye zot travay.  Sa ki nou tip e demande bann kestyon se zis bann kestyon streamlining pour aranz pei. Be zot pe fer travay vreman, vreman enportan.  E Seselwa i apresye. Mon krwar lasal i devret donn zot en gro lanmen bann travayer lasante.

 

(APPLAUSE)

 

MR SPEAKER

Alor Dr Louange, Dr Reginald, Dr Gedeon ki anler dan Gallery, pa dekouraze e okenn ners oubyen pharmacist, engineer mon war li seve in blan ler i ti Politeknik, mon ti direkter, seve pa ti ankor blan. Savedir tou dimoun pe travay ansanm pour fer lasante vin pli byen. E nou apresye.  Minis mon krwar nou pour negosye avek ou ek PS Payet kan ou a kapab vini vi ki ou annan apre midi en lot apwentman.  E nous wet ou tou de bon avek ou lekip.  Nou a eskiz ou, nou a tonm dakor lo kan ki ou pour vini lo sa lezot line, apre nou a kontiny nou biznes en pti moman. Yes Onorab Ferrari i lo Lasante oubyen zeneral?  Ok, go on avan Minis …

 

HON JEAN-FRANCOIS FERRARI

Zisteman mon ti anvi profit sa lokazyon pour eskiz nou bann Manm Lasanble pour apre midi, akoz nou ti a kontan la omwen serten parmi nou, me malerezman nou pa pour kapab so ... Mersi.

 

MR SPEAKER

Ok, mersi bokou Minis nou a eskiz ou prezan e nou a tonm dakor kan ou pour tournen pour lezot Heads.

 

(MINISTER JEAN-PAUL ADAM AND HIS DELEGATION WAS EXCUSED FROM THE HOUSE)

 

MR SPEAKER

Bon parey nou’n ganny dir nou konnen apre midi i annan louvertir Lopital, the Family Hospital Perseverance ki pa lwen avek nou.  Mon krwar pa nou tou ki pour kapab ale. Be sertennman mon ti a kontan ale pour mwan reprezant Lasanble. E avek sa mon ti a kontan demann Deputy si ou kapab oblize ankor ler nou retournen 2er ou a tenir discussion e nou a repran si nou fini, si Seremoni i fini boner – evidaman mon a repran pli tar, mwan a vin zwenn zot.  Me bonn apeti tou dimoun, nou a repran 2er.

 

(BREAK)

 

DEPARTMENT OF FOREIGN AFFAIRS

 

MR DEPUTY SPEAKER

Bon apre midi tou Manm Onorab ; en bon apre midi spesyal pour Minis Dezinyen Anbasader Claude Morel Anbasader Murray e Madanm Julienne.  E ankor en bonn apre midi pour bann oditer ki a lekout ki a pe kontinyen swiv deba lo Bidze 2018.  Bon parey nou ti agree ozordi nou’n retourn avek Departman Foreign Affairs pour nou kapab clear en pti pe sa bann queries ki ti ganny lev-e dernyerman.  E apre nou ava regard prosedir le de kote latab lefe ki nou pli zou mwen fini demann bann kestyon lo Foreign Affairs bon nou pa pour re al ankor dan sa bann detay me kestyon i a vin spesifikman lo bann queries ki nou’n lev-e e repons ki nou pour gannyen atraver Foreign Affairs.  Petet mon a zis demann PS Payet lo la fason ki nou pour proceed.  PS.

 

PS PATRICK PAYET

Mersi Mr Chair e bon apre midi tou Manm Onorab e bann dimoun ki a lekout.  Mon krwar ti annan 3 eleman ki letan Mardi ki ler mon ti retournen pour advise Lasanble ki nou pare pour redwir Bidze Foreign Affairs, me ti annan 3 eleman ki Manm National Assemblys Members ti pe demande.  Ti annan detay lo Bidze Ambasador for Women and Children ki zot ti pe demann en pe detay.       E secondly zot ti anvi en full rapor pour bann dimoun ki’n resign si i ti annan ‘Exit Interview.’ E trwazyenmman zot ti anvi konnen regarding the post of Trade Attaché kan ki ti ganny fer e kan sa Passport ti ganny donnen.  Mersi Mr Chair.

 

MR DEPUTY SPEAKER

Ok, mersi PS bon nou ava eski Minis ki pour konmanse oubyen Anbasader – ok Anbasader Morel Anbasader Morel welcome ankor laparol i pour ou.

 

AMBASSADOR CLAUDE MOREL

Mr Chair, Onorab Leader Lopozisyon Onorab Leader Zafer Gouvernman ; tou bann Onorab bon apre midi.  Mr Chair mon ti a kontan dir ki mon vin isi an bon fwa.  Mon vwar li konman en loportinite pour eklersi bann fe reel an ki konsern zesyon Departman Zafer Etranzer menm si dan nou pwennvi nou Departman in nobou satisfer tou bann lobligasyon finansyel ki sa Lasanble in demann nou enplimante depi konsiderasyon Bidze lannen pase.  Ozordi Departman Zafer Etrangères i enn parmi bann lenstitisyon Gouvernman kot nou’n reisir etablir en disiplin fiskal e respekte e menm koup son Bidze ; setadir fer en pe savings.  Depi ler mon ganny apwente konman Foreign Secretary an Mars mwan avek mon lekip Maison Queau de Quincy nou’n montre nou bon volonte e nou’n travay e angaz nou pozitivman avek Komite Relasyon Enternasyonal kot Lasanble.  Avek Komite nou’n eksplik nou bann panse, direksyon nou le pran e ki mannyer nou pour fer restriktirasyon sa Departman pour met li alaoter ki i merit. e Nou konvenki ki sa dyalog fran e ouver in etablir volonterman avek Komite pour servi pour tir okenn dout ki kapab annan dan serten dan lespri serten Manm.  An sa ki konsern bann anplwaye nou Departman nou trouv nou avek bann zenn Diplomat kalifye, kalib e avek en bagaz entelektyel e diplomatik, neseser pour asire ki ansanm nou pour kapab promouvwar meyer lentere pour servis diplomatik e par ekstansyon nou pei.  Nou fer konfyans dan nou staff e dan sa Polisi pour restriktir nou lorganizasyon e sa i en route.  Pour réitère  sa ki Sekreter Prensipal – Anbasader Murray in dir dan Lasanble Lendi, kot ti bezwen anploy nouvo staff nou’n fer li.  E nou pour kontinyen fer li kot i neseser mesaz ki nou departman pe resevwar avek son partner avek bann partner enternasyonal – notaman Linyon Eropeen, SADC, COMESA par egzanp, se ki i annan en profesyonnalizm e ki nou lo en bon semen pour asir ki tou bann pour asir tou nou bann lobligasyon enternasyonal.  Mr Chair mon parkour dan diplomasi e an servis Larepiblik, i dat depi plis ki 36an mon servi dan plizyer kapasite pandan sa letan, alor avek tou liminite mon kapab dir ki mon annan leksperyans e konesans neseser, an sa ki konsern zesyon e direksyon ki en servis diplomatik i sipoze pe pran.  Pandan sa parkour mon ganny en bon apersi kote nou departman ti sorti e kote i devret ale.  Malerezman ki depi ler mon pran laba an Mars mon ti remarke ki i annan bokou kontrent serye ki mon avek Sekreter Prensipal nou’n adrese e mon pour kontinyen adrese.  La mon anvi repete sa ki PS ti dir Lendi ki ler ou pe restriktir en lorganizasyon, e ou pe adres sa bann konsern ou pour ganny rezistans avek serten endividi.  Wi in annan en pe tirbilans dan lepase ; sa tirbilans i konsekans Manda nou Siperyer in donn nou pour re aranz nou Departman pour met li lo semen drwat.  An lot mo pour met lord kot i devret ganny mete.  E ozordi i annan en kalmi.  La nou devan Lasanble pour defann nou Bidze pour lannen 2018, ki ava permet nou egzekit nou manda ki’n ganny konfye dan nou.  An sa ki konsern konbyen staff Departman Etranzer, mon pa dan en pozisyon pour koz lo sakenn de zot an respe pour zot vi ki nou an direk lo radyo e televizyon.  Si Lasanble i anvi ganny detay lo sa bann dimoun spesifik nou pare pour partaz lenformasyon ki nou garde kor Zafer Etranzer avek komite konsernen.  I osi enportan pour dir ki tou ansyen staff ti annan rekour avek bann striktir an plas tel ki DPA, Lofis PSAB e Ombudsman.  Sa pa’n arive.  Sa ki mon kapab dir se ki bann staff ki’n deside kit nou lorganizasyon in kite par zot prop volonte en ãmes et en consciences se zot responsabilite e se zot desizyon.  Departman Zafer Etranzer i pa dan en pozisyon pour les okenn dimoun ki dan son lanplwa pour pa swiv en lot parkour profesyonnel.  Egalman nou Departman osi i pa dan en pozisyon pour toler okenn aksyon ki pa profesyonnel ki pe afekte negativman moral lezot staff ki’n fer swa pour zot reste e travay.  I enportan pou note ki dan ansyen Divizyon rezyonal ti annan bokou turnover avek demisyon staff depi 2014.  Turnover staff avek demisyon staff, i pa ariv zis kot Zafer Etranzer sa fenomenn i tous tou anployer Sesel partou dan tou kous travay Sesel.  Mr Chair i annan en ta alegasyon ki’n ganny fer konmkwa ki serten Dosye pa pe bouze ; ki pei pe perdi finansman akoz depar bann staff sa ansyen Divizyon.  Mon ti a kontan asir sa Lasanble ki napa okenn Dosye anba responsabilite nou Departman, ki pe dormi.  Mon osi asir Lasanble ki napa okenn finansman ki pei in perdi an konsekans sa Departman.  Si i annan okenn Manm Onorab ki krwar ki i annan okenn Dosye dan nou departman ki pa pe bouze anba nou responsabilite, oubyen si pei pe perdi larzan akoz sa bann dimoun in kite mon demande ki zot ekrir mwan en let laprev pour soutyen.  Kontrer letan nouvo lekip ti an plas nou’n dekouver i ti annan labi travay ki ti sipoze ganny fer pa’n ganny fer e an konsekans nou’n tonm an retar avek plizyer proze.  Mon a donn de legzanp.  Bann kont anba L’Union European pa’n ganny fermen atan, pour permet nou soumet nouvo proze ; annefe nou’n bezwen pandan sa de dernyen mwan degaze e travay avek bann Minister konsernen pour soumet nouvo proze sa i menm ka anba proze COMESA Fund kot nou pa’n kapab benefisye finansman o maximum, akoz finansman Departman de baz pa’n ganny fer.  Ozordi sa travay pe ganny fer korekteman e nou lo bon semen.  Mr Chair mon anvi fer resorti en lot resorti met lanfaz lo pwen ki ozordi ki Departman Etranzer i pe tras son semen avek en staff dinamik ki annan lanbisyon pour servi avek lefikasite transparans e profesyonnalizm.  Si sa Lasanble i met konfyans e respe dan nou staff aktyel, e osi nou konman responsab sa departman parey nou bann partner enternasyonal in mete dan nou, nou asire ki nou pour vwar bann rezilta pozitiv nou pei.  Nou lanbisyon se zisteman, pour elev travay nou Departman e garanti en lavenir meyer bati lo bann prensip ki pour ede dan elaborasyon dan politik etranzer dinamik, ki pour promouvwar – non selman nou bann lyen avek sa bann pei vwazen e lwenten, me osi avek nou lorganizasyon enternasyonal ki nou Manm.  Mr Chair mon dir ou mersi e mon ti a kontan pas laparol avek ou permisyon PS ki a reponn bann kestyon ki bann Manm Onorab ti poze Lendi apre midi ki zot pe esper repons.  Mersi bokou.

 

MR DEPUTY SPEAKER

Mersi Anbasader Morel.  Mon a donn laparol Anbasader Murray.

 

PS MICHELLE MURRAY

Mersi Mr Chair.  An se ki konsern kestyon spesifik ki Lasanble in demande par rapor Bidze Anbasader pour Madanm avek Zanfan –  letan mon ti zwenn zot Lendi mon ti donn zot lenformasyon an se ki konsern ‘operation cost ‘goods and services’ pour Anbasader akoz nou ti napa avek nou lenformasyon konsernan kou son Sekretarya an term depans saler.  Donk letan nou’n fer kalkil dan Sekretarya pour Anbasader pour Madanm avek Zanfan, i annan Anbasader li menm i annan kat pos Anbasader li menm en receptionist en drayver avek en sekreter.  Ki fer ki anba ‘wages and salaries’ si ou enkli tou keksoz i ariv apepre R923mil e letan ou azout avek Bidze pour ‘goods and services’ ‘total Bidze pour sa Sekretarya i anviron R1.9milyon.  Lot kestyon an se ki konsern Mr Jerry Morin demann pour Mr Jerry Morin pour vin Trade Attaché nou O Komisarya Londres ti ganny fer par former Chair of SCCI an Out 2016.  En demann ti ganny adrese par Minister Zafer Etranzer e kopye avek Minister Finans ; swivan sa demann ki ti ganny fer laprouvasyon ti donnen pour sa pos ganny kree konman Trade Attaché e ki Mr Morin i okip sa pos.

 

MR SPEAKER

Ok?  Mersi Anbasader Murray.  Okenn Manm ki oule poz kestyon ki Anbasader Morin in fer avek Anbasader Murray ?  Ok mon ava – bon mon krwar mon osi mon pour adopte sa prensip travay mon ava demann bann Manm ki oule demann kestyon, akoz nou napa lazournen antye pour lev lanmen e Clerk avek Deputy Clerk i ava note.  Nou ti’n progranmen pour nou donn apepre en demi erdtan pour Foreign Affairs akoz i annan Lotorite Prizon ki pe vini apre pour li vin sort out pour klarifye bann queries ankor ki’n leve.  Bon, mon ava zis pas en pti pe lo non lo kote LDS mon annan Onorab Ferrari, Onorab Esparon, Onorab Arrisol fek lev lanmen Onorab Henrie ou ti’n leve taler Onorab Henrie, Onorab Ramkalawan mon vwar ou.  I enportan lev zot lanmen anler ki nou a kapab note ok? LDS i annan Onorab Ramkalawan, Onorab Henrie, Onorab Ferrari, Onorab Esparon, Onorab Arrisol.  Lo kote Parti Lepep mon annan Onorab Sebastien Pillay, Onorab Basil Hoareau, Onorab Simon Gill.  Korek ok?  Onorab Sandy Arrisol.

 

HON SANDY ARRISOL

Mr Speaker mersi bokou.  Bon apre midi Minis avek ou delegasyon.  Mon ti annan zis en pti kestyon an relasyon avek sa ki PS Murray in dir konmkwa lord ti ganny donnen par ex-Chairman SCCI pour Passport si mon’n byen konpran?  Sorry zis pour klarifye sa pour mwan.

 

MR DEPUTY SPEAKER

Mersi Onorab.  Anbasader Murray.

 

PS MICHELLE MURRAY

Wi mon dir ki demann pour kreasyon en pos Trade Attaché e nominasyon Mr Morin pour okip sa pos Trade Attaché ti ganny fer par former Chair of SCCI an Out 2016.

 

MR DEPUTY SPEAKER

Ok.  Onorab Arrisol.

 

HON SANDY ARRISOL

Yes Mr Speaker.  Mersi pour sa pti bout lenformasyon PS Murray, me zisteman kekfwa lo sa laliny mon apel dernyen fwa ou ti dir poudir ti annan en Lord ki ti ganny donnen pour sa Passport Diplomatik, me kekfwa ozordi ti a bon si ou dir nou si i annan lenformasyon mon mazinen ou annan parske ou’n al rode pour ou dir nou lekel ki ti donn lord pour ki Mr Morin i ganny Passport Diplomatik annefe.  Mersi Mr Speaker.

 

MR DEPUTY SPEAKER

Mersi Onorab.  Anbasader Murray.

 

PS MICHELLE MURRAY

Mersi Onorab pour demann sa klarifikasyon.  Vi ki Mr Morin pour li okip sa pos Trade Attaché i ti bezwen al konplet serten formalite administratif, parey okenn dimoun ki bezwen okip en pos dan Lanbasad.  E i ti ganny enformen par bann Lotorite Britanik pour li ganny sa pos i bezwen en Paspor Diplomatik.  Mr Morin ti kominik sa lenformasyon avek Foreign Affairs e an se moman sete former Foreign Secretary Foreign Affairs ki ti donn sa rekomandasyon pozitiv ki Mr Morin i gannyen son Passport Diplomatik.

 

(Mic Off)

 

PS MICHELLE MURRAY

Former Foreign Secretary Foreign Affairs i Madanm Marie-Louise Potter.

 

MR DEPUTY SPEAKER

Mersi Anbasader.  Onorab Esparon.

 

HON REGINA ESPARON

Mersi Mr Deputy.  Mr Deputy letan Anbasader in reponn kestyon i pa’n kler si ti annan sa Exit Interview ki nou ti pe demande, me selman parey nou’n dir nou osi nou’n fer nou resers olye annan 21 staff ki ti kite i annan 23 staff ki ti kite e dapre nou resers i paret mon zis enn ki ti fer Exit Interview.  Minis – Mr Speaker mon ti a kontan demann Minis pour le moman eski tou keksoz parey Mr Morel in dir nou konmsi i kler tou dimoun i satisfe dan Minister ki zot pe travay byen e tou dimoun i annan sa work satisfaction?  Akoz dapre konpran i annan deza anndan la bann staff ki’n reste la ki dissatisfied e pour mon demann Anbasader kwa ki pe ganny fer pour fer sir ki bann staff ki reste deryer konmsi zot satisfe e zot pe travay dan en lanvironnman ki satisfezan?  Mersi Mr Deputy.

 

MR DEPUTY SPEAKER

Mersi Onorab.  Non Onorab Ferrari ou a ganny sans pour demann ou kestyon.  Anbasader Murray.

 

 

(Mic Off)

 

 

MR DEPUTY SPEAKER

Mon pour vin kot ou mon pour vin kot ou, Pa trakase.  Anbasader Murray.

 

PS MICHELLE MURRAY

Mersi Onorab.  To date i annan 22 staff ki’n resign oubyen ki an prosesis ki’n resign – Exit Interviews in ganny kondwir avek la mazorite sa bann staff.  Serten staff wi pa ti kapab fer exit interview me selman mon krwar vi ki nou pe koz lo Bidze parey Foreign Secretary in dir si sa Lasanble e mon krwar pa pour de rezon profesyonnel e edik i apropriye pour nou pas dan ka sak sa bann staff e ekspoz serten detay personnel.  Donk si i annan bann lezot lenformasyon an plis ki Lasanble ti ava kontan swa nou propoze ki zot zwenn avek nou ava eklersi, ou menm apros menm sa bann staff pour ganny en pe plis lenformasyon lo zot.  Me selman dan sa konteks profesyonnel la i pa vreman apropriye detay sak.  Me selman Exit Interviews ti ganny kondwir par DG Administrasyon avek Finans ki akote mon.  E menm serten sa bann staff parey mon dir Lendi avan menm prezant zot resignation zot ti menm dir mon pour eksplik mon akoz zot pe resign pour diferan rezon.  An term pour réitère sa ki Anbasader Morel in dir e pour réitère sa ki mon dir Lendi nou’n pas atraver en restriktirasyon e byensir letan ou pe met en pe lord pour annan staff kekfwa ki abitye avek serten mindset – serten kiltir.  Byen sir letan ou pe sey sanz sa ou pour ganny rezistans.  Me selman feedback ki nou pe gannyen avek staff, zot in kontan ki in annan en larout ki’n trase byensir in pran nou en pe letan in annan azisteman ki’n ganny fer me selman parey mon eksplik nouvo striktir Foreign Affairs, Bidze ki nou pe demande i koresponn avek sa bann egzizans nouvo restriktirasyon Foreign Affairs e nou pe travay comme il faut.  Donk bann staff ki la Foreign Affairs si zot annan okenn pwen konsern mon laport i ouver, laport Mr Morel i ouver laport Madanm Julienne ki head Administrasyon, i ouver an term ki kalite konsern zot annan.  Mon rapel Lendi enn bann size ki ti soulever avan ki mon al dan bokou plis detay par egzanp pour nou bann staff aletranze, ti ganny dir par serten Onorab ki nou bann staff aletranze i me kontan sa size foreign service allowance ti ganny soulever osi Lendi petet mon ava profite la pour mon eklersi sa pwen koumsa i a byen kler avek tou dimoun sa size foreign service allowance.  Parey mon ti dir foreign service allowance i en dimoun ki an pos aletranze i annan son saler ki i gannyen par DPA ki ganny reglemante par DPA salary grid ; apre mon pe koz Anbasader apre i pe i ganny diferan allowances house allowance, child allowance, clothing allowance nou pey 75poursan par egzanp lekol zot zanfan.  An plis ki sa leta i pey lakaz i pey delo i pey elektrisite, i pey sofaz, i pey pake dan lakaz, i pey matla zorye i pey nennenn, i pey zardinyen, nou pey zot loto, nou pey zot chauffeur, nou pey zot bennzin, nou pey osi zot medical insurance, tou le 2an zot vin Sesel pour vakans nou peye, si i annan en lanmor dan zot fanmir nou peye, prezan si i annan official entertainment parey pour bann MNA ki an vwayaz aletranze zot Anbasader i anvi entertain zot nou peye, si zot bezwen entertain fer en fonksyon ofisyel kot zot lakaz, nou peye, meaning Gouvernman ki peye.  So apre ki nou fini fer tou sa peyman nou bann Anbasader osi i ganny en foreign service allowance ki depan ki pei ki zot baze.  So an mwayenn sa foreign service allowance i vin apepre R47mil.  So savedir sa i parey en allowance ki vin dan zot pos savedir R47mil e apre zot saler ki zot gannyen par egzanp i ganny an mwayenn en Lanbasader pe ganny apepre R80 mil.  So vwala pour mon en pti pe eklersi sa bann lenformasyon due la rezon parey mon ti’n eksplik Leader Lopozisyon nou pe fer sa legzersis pour revwar en pe rational ki annan deryer foreign service allowance.  E pour fer sir ki i annan serten lekite dan saler ki ganny donnen e ki nou zis avek tou dimoun.  So vwala lesplikasyon mon ti anvi.

 

MR DEPUTY SPEAKER

Mersi Anbasader Murray.  Onorab Esparon.

 

HON REGINA ESPARON

Mersi Mr Speaker mersi Anbasader pour ou repons.  Mr Speaker mon ti a zis les Anbasader konpran ki nou, nou pa pe atake me selman nou anvi keksoz ki ganny eklersi e mon swete apre sa larepons zot in donn nou ki lorganizasyon kot Foreign Affairs konmsi, ki i annan en latmosfer amikal ki bann staff i reste koumsa lannen prosenn nou pa ava tande ki i annan ankor staff ki’n kite sa bann ki la konmsi zot ava santi zot konfortab pour travay.  I ava annan sa dyalog kot dezakor.  Mersi Mr Speaker.

 

MR DEPUTY SPEAKER

Mersi Onorab.  Mon panse i en sizesyon ki ou pe met devan Anbasader Murray avek Anbasader Morel.  Ok?  Onorab Sebastien Pillay.

 

HON SEBASTIEN PILLAY

Mersi Mr Chair. bon apre midi.  Bon apre midi tou dimoun Mr Chair mon pe regard sa size avek en pe konsern akoz sa i konsern Departman Foreign Affairs ki li ki vizaz nou pei aletranze, e nou pe menm vwar i annan bann ansyen Anbasader ki’n poste lo rezo sosyal – diferan komanter ki pe fer lo rezo sosyal e mon konsernen ki sa i kapab annan en lenpak kelkonk lo nou vizaz aletranze.  Alors mon ti a kontan demann Departman Foreign Affairs si dan sa bann sanzman ki zot pe fer eski zot in konsilte avek bann Anbasader bann dimoun ki pour ganny afekte?  E la mon pe fer konpran ki mon pa pe rod plis pour bann Anbasader me zis asire ki sa bann dimoun ki sipoze pe reprezant nou pe al dan bann landrwa kot bann dimoun i espekte ki zot annan serten stati zot reprezant sa stati ; ki zot annan e non pa en dimoun i pran zot konman en naryen ditou ler zot pour al devan sa laport.  Ki zot annan sa abilite pour fer sa travay.  So eski in annan konsiltasyon?  E bann konsiltasyon ki’n ganny fer eski in ganny fer mon ti tann mansyonn Labank Santral eski sa bann konsiltasyon pa ti ava meyer ganny fer avek Minister Finans dan plas ki Labank Santral?  Akoz se Minister Finans apre tou ki pour bezwen disburse sa Bidze ki sa bann Anbasader pour servi avek tou sa bann keksoz ki ou’n mansyonnen.  Mon annan en lot pti kestyon apre Mr Chair.

 

MR DEPUTY SPEAKER

Mersi Onorab.  Anbasader Murray.

 

PS MICHELLE MURRAY

Mersi Mr Chair, mersi Onorab Pillay.  Mon krwar mon eksplike byen an detay, akoz ou’n lyez sa size spesifik an term package ou kestyon i relye avek package lo bann Anbasader e si zot annan sa leeway ou kapab dir sa package ki pour permet zot deservi zot fonksyon.  Mon krwar mon eksplike tre an detay package ki en Anbasader pe gannyen apre ki leta in fini pey tou absoliman tou ki mon énuméré zot pe anmas zot apepre an mwayenn mon pe koz ou – mon pa anvi nonm non personn me selman an mwayenn R86mil.  So sa i zis disposable income ki vin dan zot pos pour zot pey serten keksoz de baz par egzanp zot manze.  So i difisil pour mon vwar si i annan vreman en sityasyon ki zot pe zot pour annan okenn soufrans finansyerman.  Nou ki nou pe fer sa legzersis pa ankor fini fer sa legzersis i avek Labank Santral nou ti anvi en unit par egzanp kot Labank Santral ki i annan sa lekspertiz ki annan sa savwar fer, ki konmans avek sa proposal i zis en premye pa.  E answit nou i pour ganny diskite o nivo management e byensir nou bezwen al kot Minister Finans e kot DPA pour ganny zot pwennvi lo la.  Akoz par lepase nou’n servi sa larout.  Donk nou pe fer sa pour fer sir ki i annan lekite e ki nou bann Anbasader nou sipoze o servis lepep Seselwa e ki package ki nou pe gannyen napa okenn okilans, napa okenn egzazerasyon e an menm tan i permet zot servi zot fonksyon dan bann kondisyon ki byen.  Me selman parey mon dir pouvwar Bidze i dan zot lanmen deza i annan serten Lanbasader ki’n apros nou letan zot in aprann ki i annan sa legzersis ki’n ganny inisye pour dir ki sa ki zot gannyen pa ase e ki i devret annan lezot allowance ki i devret ganny enkli.  Me letan nou fer sa legzersis nou ava ganny plis zot feedback e an swit nou ava apros bann lezot lotorite konpetan dan Gouvernman pour ganny.  I zis en premye pa i kontinyen i pa ankor fini sa legzersis.

 

MR DEPUTY SPEAKER

Mersi Anbasader.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon kestyon pa’n ganny reponn mon kestyon ki mon demande se ki eski i annan konsiltasyon avek ban Lanbasader?  Mon kestyon pa’n ganny reponn e dezyenmman Mr Chair mon konpran larepons PS mon konpran ou lesplikasyon ki ou’n donnen i byen detaye i byen eksplik keksoz, me selman lefe i reste ki se ki Minister Finans Department of Finance ki sipoze premye pwen konsiltasyon ki devret ganny fer an se ki konsern okenn sanzman ki devret ganny fer lo bann peyman ki pour fer i pa Labank Santral.  Labank Santral i en lazans otononm ki li i napa nanryen pour fer avek regle okenn sa bann keksoz akoz par lepase in toultan Minister Finans ki fer sa travay.  E mon personnelman mon krwar dan abilite tou staff Minister Finans akoz zot in montre nou atraver travay ki zot in fer lo Bidze pandan sa de lannen ki zot annan sa konpetans pour asses sa sityasyon e probableman donn ou sa servis ki ou pe rode.  E nou konpran ki ou pe rode ou pe rod en meyer servis avek lefikasite nou konpran me selman mon ti a kontan konpran eski in annan konsiltasyon ?  Akoz sa ki nou pe vwar i pa zoli kan nou pe vwar mon anvi donn ou, ou Bidze.  Mon pour vote an faver ou Bidze me selman i annan serten lesplikasyon ki personnelman mon bezwen gannyen akoz ler mon vwar en ka carrier public servant ; par egzanp Anbasader Nourrice  ki’n servi pei pandan plizyer lannen, i pe dir serten keksoz mon ti a kontan at least lo nivo Minister zot rod en fason entern pour tackle sa bann sityasyon, e aksepte poudir i annan en sityasyon ki nou bezwen tackle, pour ki nou tou nou a kapab bouz devan.  So reponn mon lo sa pwen konsiltasyon si in annan e dezyenmman mon ti ava demande ki sa konsiltasyon ki pe fer o nivo okenn finansman i devret ganny fer atraver Minister Finans.  Mersi Mr Chair.

 

MR DEPUTY SPEAKER

Mersi Onorab.  Anbasader Murray.

 

PS MICHELLE MURRAY

Mersi Onorab.  Onorab nou pa ankor ariv sa faz, pour nou konsilte bann Anbasader nou pe fer en premye travay so letan nou ariv sa faz pour nou konsilte nou ava konsilte.  Akoz nou bezwen annan en premye proposal en premye brainstorming ki Labank Santral pe fer e prezan ler nou ariv sa staz nou ava diskite lo nivo management.  Akoz management Foreign Affairs ki bezwen pronons son lekor lo la e answit nou ava ganny bann komanter bann Lanbasader.  Mon pa pe dout konpetans bann staff Minister Finans.  Sa ki nou pe fer la en premye brainstorming nou pour al kot zot apre nou bezwen al kot DPA pa zis Minister Finans nou bezwen al kot DPA akoz zot lotorite ki pour dir si wi si non e ki fason so sa ki nou pe fer i en premye brainstorming.  An se ki konsern ou’n fer referans a Lanbasader Nourrice parey mon dir konman bann profesyonnel e avek serten devwar etik i pa nou stil pour nou adres bann keksoz entern par egzanp en let entern pour nou leak sa lo Facebook.  I pa koumsa ki nou travay pa koumsa profesyonnalizm.  Malerezman let ki Mr Nourrice n’ariv Foreign Affairs pour en rezon ou en lot in ganny lo Facebook e mon konman en profesyonnel e byensir sa mon konnen i mon echo sa ki Mr Morel i panse menm Madanm Julienne obor mon nou pa servi FacebookFacebook pa en mekanizm ofisyel i en mekanizm profesyonnel, pour nou bann handle bann keksoz entern sa bann querie konsern ki Mr Nourrice in met devan sa nou ava reponn li o nivo entern.

 

MR DEPUTY SPEAKER

Mersi Anbasader.  Onorab Pillay.

 

HON SEBASTIEN PILLAY

Mersi Mr Chair mwan mon fer kler mon pa’n zanmen dir ki Mr Nourrice ki’n met sa let me sa let i lo rezo sosyal i piblik, e tou dimoun i vwar.  E mon santi ki Foreign Affairs zot devret pe pran sa dan en lot loptik dan en mo ki mon kontan servi dan sa Lasanble.  Se regard li ki mannyer enternman ki mannyer ou devret pe tackle en sityasyon dan plas ki al dan gran piblik kan i pa neseser pour al dan gran piblik.  E dezyenmman plan ki’n ganny souleve lo sa let i en pwen relevan ; akoz par egzanp si nou pran L’Angleterre par egzanp si ou pe met sa bann legzizans ki pe mete lo Lanbasader ki L’Angleterre eski i pour posib pour li kapab trouv en transpor tel konm sa enn ki nou pe demann li pour rode?  Si nou met legzizans lo lezot landrwa kot i annan bann lezot Lanbasader, par lepase ki’n servi zot transpor ; so mon krwar san ki mon al dan detay sa size i en keksoz entern ki within policy ki zot pe met an plas zot bezwen fer sir ki zot polisi malgre ki zot pe rod disiplin fiskal nou tou la anndan nou anvi sa, me nou osi anvi nou pei i ganny meyer repitasyon o pre son bann alye aletranze.  E sa i ava fer ki nou bann dimoun a kapab fer zot louvraz dan en fason pli byen petet ; oubyen dan en fason kot zot reprezant nou pei dan en fason pli efikas so se sa mon pwen ki mon ti le fer resorti so mon ti a kontan at least Foreign Secretary si ou ti kapab pronons ou lekor lo bann mezir ki ou pour pran pour adres sa bann sityasyon la.  Akoz i en sityasyon i evidan i en sityasyon e i pa pour ale toudswit i annan plizyer dimoun ki’n ganny afekte.  Ki bann mezir entern ki zot pe pran pour zot deal avek sa sityasyon, e fer sir ki nou kapab come to en konklizyon ki malgre i pa pour satisfer tou dimoun me i en konklizyon ki ava a lafen annefe met en pwen avek sa zafer.  Mersi Mr Chair.

 

MR DEPUTY SPEAKER

Mersi Onorab.  Anbasader Murray ou le fer komanter? Or Anbasader Morel.

 

AMBASSADOR CLAUDE MOREL

Mersi Onorab Pillay.  Ou’n lev de pwen konsernan en let ki’n aparet dan rezo sosyal.  Sa let ti ganny anvoye Mardi sa semenn e evidaman i ou devwar pour adres sa bann konsern o nivo entern e nou fer li.  E i normal ki i annan en korespondans ki i annan en desizyon avek en konsiltasyon lo serten sa bann issue ki’n ganny fer.  Sa ki nou trouve ki sertennman pa normal se ki en korespondans entern dan bann Departman, i ganny anmennen an deor kot i devret ganny regle.  Si i annan en problenm dan Departman problenm i ganny regle o nivo entern.  Dezyenmman ou’n lev sa kestyon Polisi Loto, polisi loto ti ganny motive pour rezon ki ti napa okenn polisi alokasyon loto kot bann misyon diplomatik e Polisi Loto ti ganny vwar dan en konteks Sesel ozordi dan Sesel ozordi nou annan serten defi nasyonal ki konsern depans larzan piblik.  Nou konnen dan en pei ki annan 40poursan dimoun ki viv dan lapovrete kan nou al reprezant aletranze nou bezwen osi annan serten modesti.  E sa desizyon ti ganny anmennen devan konman en Polisi ki ganny fer me baze lo en striktir nasyonal e sa yard stick ki’n ganny servi se yard stick loto i ganny servi par Cabinet of Ministers  Donk lide se ki en Cabinet of Ministers mon kapab dir loto ki Prezidan Larepiblik i servi se en BMW seri 3 loto ki Vis-Prezidan and Cabinet of Ministers e osi militer pei se en loto Hyundai.  Donk rekomandasyon ki Departman in fer avek Konsey Minis se ki nou devret esey met sa Polisi anliny avek striktir entern e ki i vre eski nou bezwen zot Lanbasad anmenn loto delux eksetera ?  Mon pans pa.  Mon krwar dan sa lespri reflekte en serten modesti dan lespri osi ki nou pa montre en limaz lopilans aletranze ki nou revwar en polisi e sa polisi ki’n ganny debat e aksepte e aprouve par Cabinet of Ministers.  Vwala ki mon ti a kapab dir.  Mersi.

 

MR DEPUTY SPEAKER

Mersi Anbasader Morel.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker boner mon ti’n demann laparol, akoz mon ti santi i ti enportan pour Lasanble ki en pa respe pour Departman Zafer Etranzer mon dir avek Lasanble ki Komite Zafer Etranzer in gannyen plizyer diskisyon lo sa size bann staff ki ti ki ti ki’n kit Minister e ki en rapor ti ganny fer ; e ki en rapor in ganny donnen avek Prezidan pour son aksyon.  Nou, nou pa egzekitiv me konmsi mon ti anvi fer byen kler ki i annan serten rekomandasyon in al kot Prezidan.  Mon ti santi i enportan pour mon dir pour piblik osi ki sa konversasyon in egziste ant nou avek Departman Foreign Affairs.  Prezan lo mon lo mon bann kestyon, mon ti a kontan demande si PS Finans ti kapab kalkile dan sa R1.9 milyon ki konsern Anbasader Women and Children ki son konponan spesifik saler pour bann travayer?  Akoz i mon rezonnman ki si nou pran en desizyon sa desizyon pa devret pe tous bann anplwaye ki dan sa Sekretarya.  Donk si PS i kapab donn nou sa en pe apre.  E sa i a permet nou pran en desizyon en pe pli kler.  Mon dezyenm kestyon i byensir i konsern sa Trade Attaché, me sirtou lefe ki nou annan bann staff ki pas Foreign Affairs ki annan Paspor Diplomatik, mon santi i en keksoz tre, tre danzere in deza arive plizyer lannen pase ki en Lapolis New York ti vwar dan boot en loto en Italyen mor avek en Paspor Diplomatik Sesel dan son po ;s en bon pe lannen pase.  E sa pa ti zoli pour Sesel.  I ti fer nou i ti met nou fer nou ganny move repitasyon avek bann Mafya Italyen e bann Farmason Italyen.  Donk i pa ti vreman zoli.  E mwan pa ti a kontan vwar sa kontinyen.  Mon ti a propoze ki nou Lasanble – nou Lasanble ozordi i nou pa kapab enpoz naryen lo Egzekitiv me nou Lasanble i pran en rekomandasyon ki sa Paspor i ganny retire e ki sa post i ganny aboli.  Akoz i pa en post – (ki wi sa post i ganny aboli wi Mr Pillay) e ki Lanbasad Sesel/ Londres i retrouv son normalité.  Finalman mon ti a kontan demann Foreign Secretary ki dan sa legzersis ki zot in antreprann pour reorganiz lefikasite sa Departman, in annan bann sityasyon en pe difisil – mon mazinen en pe pour zot akoz personn pa konpran bann desizyon difisil, me osi pour lezot dimoun ki’n bezwen sibir serten desizyon.  Alors sa ki enportan pour nou konman en Lasanble ki reprezant bann dimoun ordiner, dan bann – dan nou distrik, ki nou ganny sa lasirans ki napa nanryen ki’n ganny fer ki mal apropo.  Si sa bann travayer ki’n ale pour en rezon ki zot anvi e si zot kontan zot travay dan sa Minister, zot pare pour zot rekonsider zot bann apwentman si zot anvi retourn dan sa Minister – parey Lapolis in fer.  E si zot kapab reasir nou Lasanble, ki Minister Zafer Etranzer i annan en leker i pa zis en masin ki annan en leker.  Me ki i annan en leker e pour son staff e pour tou Seselwa ki travay dan sa Minister, mon santi poudir sa i en mesaz ki nou, nou anvi tande konman bann reprezantan lepep Seselwa.  Mersi.

 

MR DEPUTY SPEAKER

Mersi Onorab Ferrari.  Anbasader Murray – Anbasader Morel.

 

AMBASSADOR CLAUDE MOREL

Mersi Onorab.  Onorab parey mon ti dir pli boner nou departman in pas atraver en sekous.  Me apre sa apre move tan i annan botan.  E nou dan faz ki nou pe vwar lavenir avek bokou optimizm.  E mon ti a kontan donn ou sa garanti ki nou kot Departman Zafer Etranzer nou pe met an plas en striktir ki pour solid, en striktir profesyonnel pour nou kapab anmenn nou pei mannyer i devret été dan plan rezyonal e enternasyonal.  Lo kestyon si nou annan leker evidaman nou tou nou annan en leker, sertennman i annan serten desizyon ki ou bezwen pran serten desizyon difisil e parfwa ou bezwen dan tou striktir i bezwen annan en serten disiplin e parfwa nou bezwen pran desizyon ki pa popiler ditou.  E donk nou bezwen annan nou bezwen disciplinarian, me nou bezwen osi mon repete pran desizyon ki serten dimoun pa pour kontan me nou bezwen fer li akoz i enportan pour gard en laliny drwat – en laliny profesyonnel.  Mersi.

 

MR DEPUTY SPEAKER

Mersi Anbasader Morel.  Onorab Basil Hoareau.

 

HON BASIL HOAREAU

Mersi Mr Chair.  Bon apre midi Minis avek ou delegasyon.  Mon annan kat pti kestyon Mr Chair.  Premyerman mon ti a kontan demann PS oubyen Anbasader Morel, eski lefe ki en dimoun i an posesyon en Diplomatic Passport i vedir ki i kapab servi VIP Lounge letan i anvi?  Sa i enn.  2enm i eski dan sa Bidze pour Foreign Affairs i annan okenn larzan ki pe servi pour pey Mr Jerry Morin dan son an relasyon avek son pos konman Trade Attaché?   E trwazyenmman eski lefe ki nou annan en Trade Attaché pour Sesel pour L’Angleterre ki Mr Morin i sa dimoun ki pe desarz sa responsabilite sa pe afekte ouswa pe enterfer avek louvraz ki High Commissioner Sesel pe fer L’Angleterre?  E katriyenmman kestyon petet pour PS Finans, eski nou’n ganny dir poudir an relasyon sa issue ki’n arive Cuba i annan en demann petet pour revann sa Jeep mon krwar zot ti dir en Jeep.  Eski zot in fer en legzersis pour vwar si i pour kout pli ser ki finansman finansyerman eski i meyer pour nou vann ouswa eski nou kit sa Jeep?  Mersi.

 

MR DEPUTY SPEAKER

Mersi Onorab Hoareau.  Anbasader Murray oule reponn?  Go ahead.

 

PS MICHELLE MURRAY

Mersi Mr Chair – Onorab Hoareau.  Konsernan Diplomatic Passport, i pa vedir ki ou entitled avek VIP Lounge sa i de keksoz antyerman diferan ou annan en Paspor, me selman VIP Lounge i annan son kriter as to lekel ki servi VIP Lounge.  Mon pe koz ou o nivo Sesel nou annan en kriter NOP lekel bann zofisye o nivo ki kapab annan akse avek VIP Lounge e ki Gouvernman i peye.  So i pa vedir ki ou annan en Diplomatic Passport ki ou otomatikman ou annan akse avek VIP Lounge.  An term kou msye travay Mr Morin napa okenn kou finansyel ki’n ganny mete dan Bidze, akoz parey mon ti dir Lendi travay en langazman ki ti ganny fer se ki Mr Morin pour napa okenn kou finansyel an term Bidze Foreign Affairs.  So napa okenn kou dan Bidze.  An term si son travay pe afekte travay O Komiser Sesel Londres lenformasyon ; nou pa’n ganny okenn lenformasyon on the contrary lo sa.  Konsernan Jeep ; Jeep i en Jeep dezyenmmen parey mon dir ki’n ganny aste san menm konesans Foreign Affairs nou’n aprann apre en Jeep apepre 25mil Euro.  Bien sure letan in ganny aste koumsa san swiv prosedir finansye pour vwar si vreman i an valer 25mil Euro.  Donk nou pa dan en pozisyon pour dir si vreman sa Jeep i annan sa montan pour 25mil.  So ki nou pe dir vi ki i pa’n ganny bidzete dan Bidze Cuba sa lannen in kree sa trou sanmenm sa nou’n demande ki i ganny revann.  E apre swivan parey sa ka Polisi ki Mr Morel in koz lo la nou ava aste en transpor apropriye pour Cuba.

 

MR DEPUTY SPEAKER

Ok mersi Anbasader Murray.  PS Payet.

 

PS PATRICK PAYET

Mersi Mr Chair.  Mersi Onorab.  Zis pour azoute ki Mardi bomaten nou’n demann lenformasyon Foreign Affairs lo konbyen ki prosedir ki’n ganny follow, akoz nou osi menm si i en keksoz ki konsern Public Finance Management Act nou ti aprann dan Lasanble Lendi.  So Mardi bomaten nou ti demann sa kestyon Foreign Affairs ziska prezan, nou pa ankor ganny definite answer pour nou kapab fer en proper assessment.  Akoz nou bezwen en pe lenformasyon pour nou kapab asize e take into account – mon krwar dan lezot pei i pa parey Sesel ki transpor i ganny en pe appreciate.  So nou pa ankor kapab ganny sa lenformasyon konkret ki nou kapab pran en bon desizyon lo la.

 

MR DEPUTY SPEAKER

Mersi PS.  Onorab Hoareau.

 

HON BASIL HOAREAU

Wi zis en pri kestyon siplemanter.  Zis pour klarifye bann keksoz ki’n deza met dan domenn piblik ; lekel ki ti aste sa Jeep egzakteman?

 

MR DEPUTY SPEAKER

Mersi Onorab.  Anbasader Murray.

 

PS MICHELLE MURRAY

Sa Jeep ti ganny aste spesifikman par ansyen Chargé D’affaires ki ti an pos Cuba.  Son non oule mon eksplik son non?  Pa Anbasader – non i ti vin avan li.

 

MR DEPUTY SPEAKER

Ok, mersi Anbasader Murray.  Ok Onorab Georges.  En moman, en moman – Onorab Georges en moman.  Madanm Julienne.

 

DIRECTOR GENERAL MS TESSIE JULIENNE

Mersi Mr Deputy Speaker regardan loto, nou pa ti konnen ki poudir loto in aste akoz bann normalman bann prosedir Procurement fodre rod 3 kotasyon apre ou anvoy kot Procurement pour demann permisyon pour aste sa loto i dezyenmmen.  E i paret i annan bann pti problenm mekanik tou avek be zot ti sa dimoun ki ti laba ti aste sa 25 mil Euro.  E pour – akoz ti napa permisyon pour aste se pour sa rezon nou pa’n fer finans konnen me selman i annan en email ki sorti kot Kontroler Zeneral i pe demann lenformasyon e nou pour provide li avek sa lenformasyon.

 

MR DEPUTY SPEAKER

Ok, mersi Madanm Julienne.  Bon mon pa anvi ouver deba – i annan de Manm ki’n lev question arising, mon pour donn enn sak kote.  Onorab Georges.

 

HON BERNARD GEORGES

Mersi Mr Chair.  Mon pa ti’n lev mon lanmen pli boner, me mon krwar i ava annan en kestyon ki enteresan pour demande.  Eski Anbasader i kapab dir nou sa Trade Attaché L’Angleterre eski i annan bon retonbe?  Eski Sesel trade avek L’Angleterre in increase konsiderableman depi in ganny apwente oubyen vice versa?  Dezyenmman si mon ti anvi vin Trade Anbasader – Trade Attaché Paris ki demars fodre mon fer silvouple?  Mersi.

 

MR DEPUTY SPEAKER

Mersi Onorab.  Anbasader Murray.

 

PS MICHELLE MURRAY

Mersi Onorab mon pa dan en pozisyon pour reponn ou kestyon an term retonbe.  E lenpak ki sa pos i annan en term lyen ekonomik/ komersyal ant Sesel e La Grande Bretagne.  En term pour en Trade Attaché, en Trade Attaché i en pos dan Lanbasad par egzanp i annan plizyer pos.  E sa i selon sa Minister sa pei pour kre sa pos e answit bann Diplomat oubyen bann lezot Teknisyen bann Minister Gouvernman, i ganny anvoye pour okip sa bann pos.

 

MR DEPUTY SPEAKER

Mersi Anbasader.  Onorab Valmont.

 

HON JUDE VALMONT

Mersi Mr Chair.  Mon kestyon i adres pour PS, me selman avan mon demann li mon bezwen met keksoz o kler.  Mon ti ansyen staff Foreign Affairs mon, mon ganny kontak avek mon bann koleg tanzantan, alor mon pe zis demann PS si depi nou bann konsern in ganny met devan staff i annan ki nou dir i annan pe dir – i annan Onorab pe fer sorti ki i annan staff pa kontan and whatnot,  mon ti a demann PS si i annan staff general staff miting in ganny fer depi ler sa bann konsern in ganny souleve?  E dezyenm konbyen staff ki’n ganny anploye depi ler nou pe dir nou pe ranplas sa bann staff depi ler PS in vini?  Mersi.

 

MR DEPUTY SPEAKER

Mersi Onorab.  Anbasader Murray.

 

PS MICHELLE MURRAY

Mersi Onorab.  Letan Mr Morel Anbasader Morel ti konmanse, nou ti fer miting avek tou bann staff dan diferan Divizyon.  Answit nou annan par egzanp parey ou konnen tou le semenn nou sipoze annan en Senior Officesr miting kot nou zwenn tou bann staff i pa’n posib avek diferan legzizans pour nou mentenir sa momentum, pour tou le semenn pour nou zwenn.  Me selman dernyen miting par egzanp ki nou’n organize se pour anons bann diferan promosyon ki i annan dan Minister.  Apre an term lot Forum kot bann staff i kapab zwenn nou konman en group i annan par egzanp ler nou bezwen fer bann debriefing pour bann diferan misyon nou zwenn zot konman en group donk si ti vreman annan en issue bann staff ti kapab take- up dan ti kapab take-up dan pandan sa bann Forum.  E apre osi nou annan en lapros one-on-one. So en DG en nenport ki, ki demande pour vwar mon oubyen Madanm Julienne, Anbasader Morel si i annan okenn konsern e zot lib pour vin kot nou pour eksplik nou konsern.  An term bann nouvo staff ki’n … ok mon annan devan mon zis pour 2016, ti annan 13 nouvo staff e pour sa lannen mon krwar nou annan apepre 5 nouvo, me selman nou pe recruit adisyonnel.

 

MR DEPUTY SPEAKER

Mersi Anbasader.  Onorab Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Mon premye kestyon i retourn lo size Trade Attaché mon anvi demande ki mannyer sa pos Trade Attaché i ganny kree?  Eski prosedir normal pour Chairman SCCI ki zot ava dir nou son non lekel senn la ki ti rekomande, i fer rekomandasyon pour en tel pos i ganny kree?  Mon demann sa akoz mon krwar ki i ti merit responsabilite Departman Komers pour fer en tel rekomandasyon e ki nou pa ouver laport, pour demen en dimoun i ofer en dalon en faver, ouswa en business partner faver.  E an fet mon krwar poudir dan menm laliny kestyon ki Onorab Georges in demande, i pa’n ganny reponn, akoz nou anvi konnen ki i fer e ki benefis ki sa pos i anmenn Sesel.  Sa i mon premye kestyon.  Dezyenmman Mr Chair, Lasanble mon krwar letan nou kriy bann dimoun, nou bezwen asire ki nou ganny bann lenformasyon bann fe lenformasyon ki korek ki bann dimoun isi i donn nou akoz depi nou’n enterakte avek Departman Zafer Etranzer, in vin dan domenn piblik poudir in annan en kominikasyon ki zafer sa allowance la ki bann dimoun i gannyen deor, konmsi si i annan en desizyon ki’n fini ganny pran poudir i annan en koupir ase sibstansyel.  So mon anvi zot konfirmen si sa i korek.  E dezyenmman vreman pozisyon nou Anbasader Cuba ; akoz sa ti ganny dir Lendi e depi sa i annan koze deor ki non i pa’n met son demisyon in plito met en ekstansyon dan son Kontra.  So mon ti ava kontan ki nou ganny klarifye sa e ganny laverite lo sa size.  Mersi bokou.

 

MR DEPUTY SPEAKER

Mersi Onorab.  Anbasader Murray.

 

PS MICHELLE MURRAY

Onorab Henrie, mersi pour ou kestyon.  Pour kreasyon sa pos Trade Attaché malerezman mon pa dan en pozisyon pour eksplik ou as to ki prosedir ki ti ganny servi pour ganny kree ; akoz sa ti avan mon letan so mon pa dan en pozisyon pou dir ou ki prosedir parey mon dir ti ganny fer par former Chair of SCCI – mon mazinen i Mr Wilson Nancy li ki ti adres en demann a Minis Zafer Etranzer e Transpor sa letan e kopye a Minis Finans.  Donk efektivman se pour annan en sistenm an plas pour nou evite pour nou trouv nou dan sityasyon, ki annan bann tel kestyon comme tel ki leve ki Anbasader e mwan nou pe met en pe lord dan nou lakaz.  E byensir letan ou pe met bann lord koumsa ou pa popiler.  So i vreman bann sityasyon koumsa ki nou pe adrese ki refer sir ki napa okenn dout okenn kestyonnman as to mannyer en dimoun i ganny nonmen, e mannyer en pos i ganny kree.  Akoz nou pa travay dan en sityasyon ki annan special favors parey ou mansyonnen.  An term foreign service allowance, parey mon dir i en legzersis ki’n konmanse – feedback ki nou pe gannyen se ki vi ki i annan bokou keksoz dan Scheme ki pe ganny kouver kestyon i konmans demande as to what is the purpose then for the foreign service allowance.  En premye kestyon sa Onorab Henrie.  E nou pour kontinyen angaz nou parey mon repete plizyer fwa.  Lot kestyon ki ou’n demann mon se Anbasader Cuba.  Donk mon krwar pa mon krwar kestyon ki ti leve dan Lasanble par bann Manm Onorab, se pour demann mwan si Lanbasader in resign?  E mon krwar mon ti reponn poudir ki Anbasader pe retire an Desanm sa lannen.  Vi ki ou’n demann detay spesifik, mon vwar mon dan lobligasyon pour reponn ou menm si mwan dir, ki bann kestyon koumsa pa bann kestyon ki devret ganny targete dan Lasanble, fer en pwennvi profesyonnel – Kontra Lanbasader ti fini le 7 Desanm 2016.  En demann ti ganny fer pour li extend son Kontra ziska 28 Fevriye 2017, akoz nou ti pe fer bokou preparasyon an term nou partisipasyon e nou AU Summit e nou ti bezwen Anbasader la pour bann preparatif.  So son retirement ti devret pran plas an 01 Mars 2017, akoz Lanbasader li sa lannen i pour an Desanm i pour ariv 67an – ok?  E  i vedir – me selman nou ti ganny demande pour extend son Kontra ziska Zilyet 2018 e ki al dan son post Cuba.  E Lanbasader li in pran son desizyon pour li extend son kontra ziska selman 31 Desanm 2017.

 

MR DEPUTY SPEAKER

Mersi Anbasader Murray.  Onorab Henrie.

 

HON GERVAIS HENRIE

Zis de pti swivi lo la lo kestyon regarding Trade Attaché ; eski alor sa pozisyon sa endividi i lo en Kontra.  Ziska kan ki i pour Trade Attaché?  E dezyenmman ou’n mansyonn sa kestyon met lakaz annord eski ou pe donn nou Lasanble ou parol, si demen Mr Oliver Bastienne i vini i dir ou apwent mon Trade Attaché L’Inde ou pour dir li non, non napa sa bann zafer?  Mersi.

 

MR DEPUTY SPEAKER

Mersi Onorab Henrie.  Anbasader Murray.

 

PS MICHELLE MURRAY

(laughter) Onorab Henrie annefe mon premye pour sot anler pour dir li non.  Akoz mon pa travay koumsa mon drwat mon pa fer sa bann kalite whiling and dealing.  E mon en dimoun ki annan serten prensip e mon travay lo sa bann prensip.  So byensir ki non.  An term parey mon dir ou let kestyon?  Mannyer nou ganny en konpran se ki pour en dire 3an.

 

MR DEPUTY SPEAKER

Ok, Anbasader Murray in fer li kler pour dan son travay napa konfli lentere.  Onorab Simon Gill.

 

HON SIMON GILL

Bon apre midi Mr Deputy Speaker bon apre midi Designated Minister Mr Morel avek lekip e bon apre midi tou koleg Onorab e manm piblik ki pe ekoute.  Mr Speaker en kantite kestyon ki’n ganny poze apre midi, in ganny kontoure.  Sa sityasyon anler dan Foreign Affairs i trakasan.  E mon pran mon responsabilite pour bann keksoz ki mon pe dir, e nenport ki aksyon ki annan pour pran avek mon apre ki mon fer mon dir sa ki annan pour dir mon pare pour pran li.  Nou pa kapab konmsi krwar ki ler … plis ki 21 staff i resign dan en Minister, konmkwa ki sa i normal, akoz nou ti pe restriktire ; nou pe met lord dan lakaz.  Nou pa mete lord koumsa!  I annan en fason met lord.  Nou pa kapab annan de standar nou bezwen annan en standar e  tou dimoun i bezwen pas atraver menm standar.  I pa kapab ler mon Anbasader, i normal ki mon mars dan Mercedes ; i normal ki ler mwan mon vin en Anbasader ler en loto ti la avek en Lanbasad, mon dir non mon pa oule mon le loto nef, akoz mon pe ganny poste dan en lot pei !  E ler lezot dimoun i antre, i pa normal!  E nou ganny lodas pour nou dir avek nou Anbasader, ki sipoze reprezant limaz Sesel deor, pran taxi pour li fer son tranzaksyon!  This is un- human!  This is lack of respect pour bann endividi, pour bann personnalite!  We should know better bann dimoun ki dan Foreign Affairs anler laba!  Nou pa kapab dir Anbasader pran bis, pran taxi.  I pa normal.  I pa rezonnab i degradan i pa akseptab.  E bann dimoun ki’n pran sa desizyon sa pozisyon i bezwen fer en move serye.  E nou napa bokou letan.  Lot keksoz ki mon krwar i enportan pour nou tonm dakor lo la, se ki nou pa pe soutir wastage.  Lo sa kote latab nou pa pe soutir wastage.  E i pa nou lentansyon soutir wastage.  I pa nou lentansyon, i pa nou lentansyon soutir lapares dan okenn Minister, dan okenn Gouvernman.  Me nou bezwen – parey Onorab Ferrari in dir tret dimoun parey en imen !  Nou bezwen tret nou bann dimoun parey en imen!  – Non pa sa ki nou kontan, nou berse sa ki nou pa kontan sa i normal pour fou zot koudpye.  E kree bann sityasyon, bann kondisyon pour zot resign, epi nou dir zot in ganny ‘‘greener pastures !’’ This is not acceptable!  Napa okenn greener pastures.  I annan dimoun in ganny forse ; bann kondisyon bann sityasyon in ganny forse pour resign.  They had no choice Mr Speaker.  E nou bezwen retourn back,  serten nou bann profesyonnel ki’n kite dan sa Minister.  We need to get them back!  I annan bann bon travayer ki’n ale, zot bezwen retournen dan sa Minister.  I pa kapab tou sa 21 dimoun pa ti bon e zis akoz zot in ganny greener pastures zot in deside pour ale.  Nou pe demande ki sa exit interview report, i ganny prodwir avek nou Lasanble.  E nou napa bokou letan pour nou espere sa detail exit interview report Mr Speaker!  Nou bezwen tret nou bann dimoun byen – konman bann imen.  Nou bezwen sa report.  E Onorab Ferrari in poz en kestyon ki pa’n ganny reponn nou demande bann staff ki anvi retournen, ki ankor annan sa Minister dan fon zot leker aker, ki zot le travay pour Sesel, nou le ki zot ganny sa loportinite pour retournen.  E nou le ganny en pozisyon ozordi lo sa size.  I annan en dimoun mon kapab mansyonn non ki nou konn li tre byen i annan en kantite travay ki i fer.  Si en dimoun i ganny poste i ganny aksepte dan en lorganizasyon enternasyonal, nou dan Sesel nou pran li nou zet li akote i ganny forse pour li kite.  Mr Kenneth Racombo mon kapab mansyonn sa enn non – eski sa msye pa kapab travay sa msye i pares?  I napa kalifikasyon sa msye ki son problenm ki in bezwen sorti dan sa Minister?  Ki son problenm?  Eski zis in ale koumsa menm akoz greener pastures?  Mon krwar pa mwan.  Mon krwar pa.  Mr Speaker mon pour fini, mon pour fini, par demann en lot kestyon poz en lot problenm bann Trade Attaché, Trade Attaché konbyen zot ki egziste ki lye avek nou Minister Foreign Affairs?  Konbyen zot ki annan?  Eski sa ti zis en ka koumsa menm an pasan?  I annan kestyon pa’n fini ganny reponn lekel sa dimoun ki ti aprouv pour sa msye ganny donnen sa pozisyon?  Mon’n tann dir taler in dir former Foreign Secretary e non Madanm Potter in ganny mansyonnen.  Eski Madanm Potter ki ti donn approval pour Mr Morin ganny sa pozisyon konman Trade Attache?  Eski li?  What is the real origin sa zafer post Trade ganny sa kler pour ki nou eklersi Lasanble Nasyonal, pour ki nou eklersi sa pep Seselwa.  Mr Deputy konklizyon, sa bann dimoun – en kantite sa bann dimoun in ganny forse kite dan Foreign Affairs zot pe soufer zot fanmir pe soufer zot in ganny forse sityasyon in ganny kree pour zot ale ; e egalman, egalman mon dernyen pwen si sa bann dimoun ozordi ki pe travay anler la zot annan sa vre leker imen, they should resign themselves!

 

(Interruption)

 

HON SIMON GILL

They should resign themselves !  Mersi bokou Mr Speaker.

 

MR DEPUTY SPEAKER

Mersi Onorab Simon Gill.  Avan mon donn laparol Anbasader Morel avek Anbasader Murray, Onorab Henrie ou ti pe fer en swivi lo sa ki ou’n demande.

 

HON GERVAIS HENRIE

I baze lo kestyon sa ki mon ti demande e zisteman lo menm laniy avek mon koleg Onorab Gill pour nou konn byen sa zafer Press Attaché, parske zot dir ti annan en let Trade Attaché, Trade Attaché ti annan en let ki Mr Wilson Nancy ti rekomande, mon ti a kontan si Foreign Affairs ti ava met avek IAC en kopi sa let, so that we can get to the bottom of the situation.  Mersi bokou.

 

MR DEPUTY SPEAKER

Mersi Onorab bon mon ava donn ou laparol Anbasader Murray e apre si Anbasader Morel osi i le fer komanter.  Anbasader Murray.

 

PS MICHELLE MURRAY

Konsernan Trade Attaché nou kapab fer ou ganny en kopi sa let ki Mr Nancy ti anvoy … then Minister of Foreign Affairs and Transport and copy to the Minister of Finance. Parey mon dir swivan sa demann ki ti ganny fer an Out 2016, let ki ti ganny anvoye kot Mr Nancy pour konfirm sa pos e nominasyon Mr Morin dan sa pos, ti ganny anvoye par Anbasader Barry Faure.

 

MR DEPUTY SPEAKER

Ok.  Okenn komanter lo .. Onorab Simon Gill.  Anbasader Murray oubyen Minis.  Non ?

 

(Interruption)

 

MR DEPUTY SPEAKER

Ok. Onorab wi se sa.  Mon pe demann avek le de Anbasader.  Anbasader Murray.

 

PS MICHELLE MURRAY

Mersi bokou Onorab Gill.  Onorab Gill parey ou konnen lo sa i sipoze en dyalog.  Nou pa lekol pour nou ganny en telling-off pour tou respe ki mon annan pour ou.  Donk si i resignation Mr Morel ek mwan ki ou ti a kontan annan, ou ava ganny li!

 

MR DEPUTY SPEAKER

Mersi Anbasader Murray.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman premyerman i annan en pti … mon pa konnen si i annan en pti mankman ki’n arive la, parske mon pe tann de keksoz la.  Premye deklarasyon ki Anbasader Murray ti dir i ti mansyonnen ki sete Sekreter D’Eta Marie Louise Potter ki ti fer sa, apre sa ou’n mansyonn Anbasader Barry Faure.  Mon pa konmsi si premyerman i ti ava klersi sa silvouple.

 

PS MICHELLE MURRAY

Kestyon ki ti ganny demande par Onorab sete an lyen avek Paspor.  So mon ti dir ki rekomandasyon pozitiv pour Mr Morin ganny Paspor Diplomatik ti ganny fer par former Foreign Secretary.  Demann pour kreasyon pos e nominasyon pour aksepte pour Mr Morin okip sa pos, let ti ganny anvoye par Anbasader Barry Faure.  Donk enn nou pe koz kreasyon pos ; e konfirmasyon ki sa dimoun i okip sa pos premye dezyenm nou pe koz an term rekomandasyon pour Diplomatic Passport.

 

MR DEPUTY SPEAKER

Mersi Anbasader.  Onorab Ramkalawan.

 

HON WAVEL RAMKALAWAN

Petet zis en lot pti leklersisman zis pour kapab ganny sa kler – zis pour mon nobou swiv byen sa prosedir.  SCCI i anvoy en let kot Foreign Affairs, Foreign Affairs i donn en direktiv e apre sa paspor i ganny issued – Paspor Diplomatik.  Se sa?  Napa en lot lotorite pli o ki napa en lot lotorite pli o ki donn sa konmsi i pa arive kot Prezidan sa?  Parske nou pe koz Paspor Diplomatik la, i napa i pa arive kot konmsi pour en Prezidan oubyen en Minis pour donn en laprouvasyon?  Mon ti anvi zis konn sa.

 

MR DEPUTY SPEAKER

Anbasader.

 

PS MICHELLE MURRAY

Parey mon dir rekomandasyon pozitiv pour Mr Morin ganny en Paspor Diplomatik ti ganny fer par former Foreign Secretary e parey pour tou Paspor sa i ganny swivan sa rekomandasyon ki ganny fer i ganny aprouvasyon lotorite pli o.

 

MR DEPUTY SPEAKER

Ok.  Onorab Ramkalawan.

 

HON WAVEL RAMKALAWAN

So lekel lotorite pli o ki ti donn sa laprouvasyon final?

 

PS MICHELLE MURRAY

Lotorite pli o dan kad Foreign Affairs, se Prezidan.

 

HON WAVEL RAMKALAWAN

Konmsi zis mon anvi ganny li kler.  Ou ape dir nou Mr Chairman se ki Prezidan Faure ki ti donn laprouvasyon final pour Mr Morin ganny son Paspor Diplomatik?

 

PS MICHELLE MURRAY

Wi.

 

MR DEPUTY SPEAKER

Okenn lezot kestyon Onorab Ramkalawan.

 

HON WAVEL RAMKALAWAN

Aprezan mon a vin lo Mr Chairman premyerman, premyerman mon anvi dir ki, etandonnen ki Mr Morel in deza Anbasader in Anbasader, partou e in nonm nou son leksperyans –  eski Mr Morel i kapab konpar lafason ki bann Anbasader pe ganny trete ozordi avek lafason ki li i ti ganny trete letan i ti Anbasader?  Mon anvi ki lo nivo service allowance, parske zanmen mon deza tande ki Mr Morel in konplent ki poudir sa service allowance i en pe o, ki alors nou bezwen koupe pour redwir li oubyen ki son transpor i en pe o aprezan i bezwen al dan en loto pli ba.  Parske annou pa bliye osi tou ki menm si nou pe koz lo nivo pei Sesel menm si i annan 40 poursan lapovrete, i graduate li in graduate in vin en high- income country.  So nou bezwen osi pran sa an konsiderasyon.  Akoz rezon ki mon pe dir sa, se parske pour le moman bann Anbasader pa pe santi ki zot pe ganny trete konman Anbasader.  Zot pa pe gannyen sa status e letan mon pe dir sa, sa zafer konsiltasyon, konsiltasyon i resanble ki napa okenn konsiltasyon.  Zot pe senpleman demande ki i annan konsiltasyon e la lo sa zafer foreign service allowance mon annan li in black and white ok, mon annan li in black and white kot Madanm Julienne i ekrir en let ; Manmzel Julienne i ekrir en let e dan sa let i ekrir ki ‘’there will be a substantial a substaintial reduction’’.  E alor sa i vedir ki i vedir ki zot in fini konnen ki direksyon zot pe ale.  Zot pa pe regarde si pour annan en logmantasyon parske zot in fini mete in black and white ki poudir sa substantial reduction is on the way.  Savedir in napa konsiltasyon.  Sa bann dimoun laba zis zot pour ganny en zot deza pe ganny i annan serten ki’n ale ki’n ganny sa kalite let, i napa konsiltasyon pour regarde zot standar lavi pour ganny afekte laba deor.  Mwan zanmen mon viv laba deor.  Sanmenm sa mon sanmenm sa ki mon pe demann Mr Morel etandonnen ki li in deza in deza Anbasader dan en pri Lafrik, lo nivo Lafrik e osi lo nivo Lerop pour.  E bann Anbasader i santi basically ki zot dan en letter box zot parey en letter box.  E an plis ki sa menm serten travay, serten renyon lo nivo Lerop ki zot bezwen asiste, zot pa pe kapab asiste.  Zot pe santi ki bann non-resident Ambassadors, eski zot pe vreman ganny trete parey zot devret?  Eski bann nou bann non-resident Ambassadors in nobou al prezant zot bann Letters of Credentials partou kot zot devret ale?  Alors mon premye lanfaz se, lo sa konsiltasyon ; lo sa konsiltasyon ki zot pe santi in napa ant zot laba deor ki sipoze pe reprezant Sesel, avek Sesel.  Sa i enn.  Dezyenm keksoz ki mon anvi demande Mr Chairman, mon en pe konfize.  Mon a dir ou akoz mon konfize letan Onorab Henrie in mansyonn konsernan si Mr Bastienne i anvoy en let si Anbasader Murray pour konsidere, Anbasader Murray in servi en fraz in dir mwan mon en dimoun ki drwat.  Mon pa dan sa bann whiling and dealing.  Eski Anbasader Murray pe dir avek nou ki an sa zafer Anbasader pozisyon Trade Attaché ki’n pase in annan whiling and dealing?  Pa Mr Weeling Mont Fleuri, me in annan whiling and dealing, etandonnen sa deklarasyon ki ou’n fer.  E finalman mon ti ava retourn lo sa pozisyon Anbasader ki nou pe pour Zanfan avek Lafanmir, ki mon krwar ki zot menm zot in rekonnet ki pour dir konmsi i annan duplication, e mon pe regarde lo sa koup Bidze parske avantyer letan nou’n vini nou’n ganny lanons ki zot pare pour koup R1.2 milyon ; savedir nou pe koz lo en rediksyon, me la si nou pe koz plis e sa bann staff ki laba eski pour annan plas pour zot dan … ?  Parske zot deza pe tonm anba Ministry of Foreign of Foreign Affairs, ki vedir i kapab annan en redeployment etandonnen ki zot pe recruit, ki dan sa ka si zot ti kapab dir nou egzakteman konbyen letan nou tir zot ‘salary and wages’ konbyen alors nou pour nou ava koupe dan sa dan sa Bidze?  E mon dernyen mon dernyen, dernyen pwen eski Gouvernman Angle, eski Gouvernman Angle i okouran ki poudir Sesel i annan en Trade Attaché avek son O Komisarya L’Angleterre?  Mersi bokou.

 

MR DEPUTY SPEAKER

Mersi Onorab.  Anbasader Murray.

 

PS MICHELLE MURRAY

Onorab Ramkalawan, mon pa dan en pozisyon pour dir ou konbyen ki ou kapab koupe an term Sekretarya Anbasader pour Madanm avek Zanfan.  Parey mon dir i annan 4 pos i annan pos Anbasader i annan pos en driver i annan en pos receptionist avek pos en sekreter.  Nou pa kapab la dan en fason arbitrer deside konbyen pos pour ganny absorb kan nou pa zwe koumsa avek dimoun.  I bezwen asize avek Minister Finans ek DPA regarde ki pos ki available.  Donk mon pa pe dir koupe, me selman sa i zot desizyon ki zot Lasanble i bezwen pran.  Mon’n zis etablir lefe an term konbyen larzan ki tonm anba sa Bidze.  Desizyon i pour zot.  An term si ou kestyon an term whiling and dealing ; mon dir sa konman en general statement e pa pour dir ki san sa ka Mr Morin sa ti le ka.  An term UK wi – UK i okouran ki nou annan en pos Trade Attaché dan nou Lanbasad.

 

MR DEPUTY SPEAKER

Mersi Anbasader Murray.  Anbasader Morel.

 

AMBASSADOR CLAUDE MOREL

Onorab, ou’n lev de pwen konsernan tretman Anbasader.  A ma connaissance, mon pa vwar – mon pa konnen si …  Mon kapab dir ki nou pa pe maltret okenn Lanbasader byen o kontrer, mon le krwar ki nou enteraksyon avek tou Lanbasader i pas parey i devret pe pase.  I annan konsiltasyon ; i annan kominikasyon preski toulezour avek tout un chacun.   I annan en sistenm an plas, ki sak Anbasader i fer en kominikasyon avek Headquarters atraver PS, ou menm en DG.  Donk i annan i annan sa ale vini lo plizyer keksoz, lo Polisi, lo rekomandasyon par si par la la.  Donk konsernan tretman mon pa konpran ki ou kapab dir ki nou lo kote Headquarters nou pa pe tret Anbasader comme il faut.  Vwala ki mon ti kapab dir Onorab.

 

MR DEPUTY SPEAKER

Mersi Anbasader Morel.  Ok si napa ou annan ankor kestyon Onorab Ramkalawan?  Swivi? Ok?

 

HON WAVEL RAMKALAWAN

Mr Chairman letan mon pe demann – letan mon pe demann sa bann kestyon fodre zot osi konpran,  mwan mon anvi ki sityasyon i amelyore.  Mon pe rod keksoz pour nou nobou avans devan.  Se sa ki mon pe rode mwan.  Ki mannyer nou pour avans devan ; parske la pour le moman i annan sa nyaz – annou apel li koumsa i annan sa nyaz over Foreign Affairs.  E i annan tou sa bann diferan i annan tou sa bann diferan me kontantman ki pe ganny eksprimen.  E letan mon pe dir ki sa konsiltasyon i pa egziste – i pa vreman egziste, mon pe mon pe senpleman sit sa ki sa ki pe ganny dir e sa ki pe ganny resanti, e ki pe ganny eksprimen non selman lo nivo zanmi me avek lenstans, lenstans pli o dan pei.  So mon pe demande ki petet zot annan en rapor en pe pli direk, avek bann Anbasader.  Parske mon a dir zot la zis konman ou’n fini reponn letan ou’n fini reponn sa kestyon Mr Morel – Anbasader Morel, mon ganny de Anbasader – ok – mon’n annan 2 Anbasader ki’n text mwan.  Enn i dir avek mwan ; ‘’never contact us !’’  I annan en lot in dir, ‘’Is Mr Morel for real?’’  Mon pe zis parey mon pe dir mon pe zis mon pe zis met devan sa ki sa bann konsern ki pe ganny eksprimen e mwan mon anvi vwar keksoz i bouze i bouze e mon pa ti pour dir sa.  Me nou nou, nou tou nou annan nou annan respe pour kanmarad ; nou annan en lanmitye personnel mon kapab dir, me mon a pe met sa bann keksoz pour nou kapab bouz devan.  Parske la osi avek sa problenm sa problenm laba Cuba.  Ki mannyer nou konpran sa Jeep letan Prezidan ti vizit Cuba i ti servi sa transpor.  Se sa ki mon krwar mon pa’n al Cuba mon pa ni konnen – mon pa’n al laba ; me selman zis nou a pe dir annou balanse, ki mannyer nou pour regle tou sa bann keksoz, pour nou kapab e lo nivo mendev e lo nivo bann Anbasader laba.  Parske letan ou vin en Lanbasader parey ou konnen konmsi i en pozisyon prestizye kanmenm ; ou rankontre Lerwa – ou rankontre Prezidan e tou, e alor ou pour vini dan ou pti Sonata e kan sa Somalyen ki pe ki pe cool taxi pirat dan Sant Paris i osi tou – well Paris napa Sonata, i osi tou … Konmsi se sa ki mon se sa ki mon krwar mon i kler sa ki mon pe dir.  Mersi.

 

MR DEPUTY SPEAKER

Mersi Onorab.  Si i annan en dernyen komanter Anbasader Murray oubyen Anbasader Morel?   Non?  Ok, nou ava moman in arive pour nou pran en vot PS gid nou PS Payet.

 

PS PATRICK PAYET

Mersi Mr Chair e mersi bann Manm Onorab.  Zis pour azoute ki nou ava circulate sa dokiman ki nou’n gannyen avek Foreign Affairs ki donn zot en pe plis detay lo ‘wages’ avek ‘goods and services’ me selman i annan R923, 260mil dan ‘wages’ apre R1055. 970mil ki fer en total R1.9 milyon.  Wi ‘wages’ avek ‘goods and services’ selman nou pe propoze ki nou redwir ‘goods and services’ par R1. 55. 970milyon.  Yes.  Ki fer en total R103.833.380milyon.

 

(Mic Off)

 

PS PATRICK PAYET

R1. 55. 970 milyon.

 

MR DEPUTY SPEAKER

Ok?  Mersi PS.  Bon nou ava pran en vot lo sa nouvo Bidze pour Departman Foreign Affairs a en sonm R103.133 milyon.  Yes Onorab Ramkalawan.

 

HON WAVEL RAMKALAWAN

Mr Chair be si nou pe koup ‘goods and services’ aprezan la i enportan pour nou konnen ki rol sa dimoun konman Anbasader?  Parske sa R923 la i annan son salary ladan tou.  Wi, wi i annan son salary ladan tou.  Be ki i fer ler la nou donn zis en dimoun en lapey? Mon krwar ki i bezwen i bezwen re balanse konpletman.  E mwan mon ti ava mon ti ava plito dir, ki dan sa dan sa konteks apar lapey sa bann support staff ki nou ava regarde ki mannyer i deroule –  I think the amount i bezwen vin pli o.  Ki swa i ganny frozen, oubyen i ganny koupe konpletman.

 

MR DEPUTY SPEAKER

Ok PS.  PS Payet.

 

PS PATRICK PAYET

Mersi Mr Chair, mersi Onorab.  Zis pour azoute ki nou pe koz lo saler en dimoun so nou ava diskit en pe avek Prezidan la fason propozisyon ki i anvi si i anvi transfer sa dimoun dan en lot Minister, ouswa donn li en nouvo manda.  So nou ava diskit en pe avek Prezidan so mon pe propoze son saler pour le moman i reste ziska ler sa desizyon i ganny pran.

 

MR DEPUTY SPEAKER

Ok.  Bon nou ava pran en vot lo Bidze Foreign Affairs – sa nouvo sonm R103. 133milyon.  Tou Manm ki an faver?  Okenn Manm ki kont?  Ok Madanm Clerk.

 

MADAM CLERK

Mersi Mr Chair.  15 Manm an faver e 2 Manm kont.  Mersi.

 

MR DEPUTY SPEAKER

Mersi savedir Bidze pour Departman Foreign Affairs in ganny aprouve par Lasanble Nasyonal.  Bon mon ava profite mon a remersi Anbasader Morel, Anbasader Murray, Madanm Julienne parmi nou.  Mersi pour pas sa pti letan avek nou la apre midi e mon a eskiz zot.

 

(PS MICHELLE MURRAY AND HER DELEGATION WAS EXCUSED FROM THE HOUSE)

 

MR DEPUTY SPEAKER

Bon nou annan prosennman nou annan Prison Services ok ki pour vini pour donn en pe klarifikasyon and all that.  Mon sizere ki nou al pran nou ava pran en Break nou ava retournen 4er.  Minis ou a eskiz nou ou a zis pran en pti tas dite ou a refresh en pti pe pour nou repran Prison Services 4er e osi bann zofisye Minister Finans.  Nou a adjourn alor e nou a retournen 4er.

 

 

(BREAK)

 

DEPARTMENT OF PRISON

 

MR DEPUTY SPEAKER

Bon mon ti a kontan welcome back Mr Vic Tirant Mr Dodin e avek son Financial Controller.  Nou ava fer parey – PS Payet nou ava fer parey nou’n fer avek Foreign Affairs nou ava donn sa bann leklersisman apre nou ava open the floor pour kestyon.  Ok ?   So PS Payet.

 

PS PATRICK PAYET

Mersi Mr Chair.  Ti annan 4 keksoz ki Lasanble ti demann Departman Prizon pour klarifye premyerman ti konsern ki zot ti mete lo liniform lo kontra ouswa bann rate ki’n ganny servi nou konn prosedir.  Secondly dan zot building ouswa ki zot pe fer dan Prizon, the bill of quantity bann detay en pe spesifik par met kare.  Katriyenmman detay lo ‘other goods and services’ sa konponan R16.3 milyon zot ti le vwar detay apre ‘other service agreements’ R7.8 milyon zot ti anvi vwar detay.  So sa 4 keksoz spesifik  ki Lasanble ti demann Departman Prizon pour klarifye.

 

MR DEPUTY SPEAKER

Ok?  Eski i annan bann dokiman ki’n ganny sirkile PS?

 

PS PATRICK PAYET

Wi Mr Chair ti annan dokiman ki nou ti anvoy kot Clerk ki National Assembly.

 

MR DEPUTY SPEAKER

Ok.  Sirentandan Tirant oule azoute, oule fer komanter avan mon open floor?

 

SUPERINTENDENT VIC TIRANT

Mersi Mr Chair bon apre midi tou bann Manm.  Mon ti a kontan konmans mon lentervansyon par dir ki taler ler mon dan wating room mon ekout vreman pasyonaman 2 Onorab anndan isi Onorab Ferrari avek Onorab Gill ki ti vreman enpresyonan dan zot lentervansyon kot zot pe sey siport bann staff, ki pe fer travay toulezour dan zot Departman respektif.  So mon pour koz lo Prizon en pti pe lo nou lavi toulezour ki konsern nou bann Zofisye Prizon.  Mon krwar tou dimoun i konnen poudir dan Prizon nou al through en kantite hardship en kantite limilyasyon e en kantite disrespect ; toulezour dan nou lavi toulezour.  Mon krwar sa i kler evidaman nou tou nou vwar sa.  Prezan ki nou e sey fer se ki pour nou kapab run sa letablisman en pti pe plis smooth, pour nou kapab sey retir sa degou avek sa prodiktivite ki nou gannyen avek nou bann staff letan zot pe travay avek bann difikilte, ki nou tande, nou sey fer en fason pour nou sey amelyor sityasyon lavi e nou bann dimoun dan tou sans posib.  E sa i anmenn mwan pour nou koz en pti gin lo sa lo sa zafer uniform e nou ti fer koud.  Sa uniform ki nou ti gannyen ki nou’n fer koud sete nou ti award li avek en lakonpannyen ki ti pli bon marse ki de lezot lakonpannyen ki ti donn nou zot kotasyon.  Ok ?  Mon ti a kontan fer kler poudir mon konpran i dir sepa sa kotasyon oubyen sa travay mon donn kek manm mon fanmir.  Sa bann dimoun ki’n ganny sa kotasyon pour zot travay se pa manm mon fanmir ok?  Zot pa manm mon fanmir.  So zis pour mon fer zot konnen ki poudir nou ti mon konpran poudir i annan keksoz ki pa kler, oubyen petet ki’n al mal akoz sa Kontra oubyen sa Lagreman pa ti ankor fini sinyen – pa ti ankor fini ganny aksepte par sa de parti.  So me selman mon ti bezwen pran en desizyon, akoz ki arive toulezour ou vwar nou bann staff pe vini dan zot lenz sivil zot vini tou sa bann dimoun i fristre, zot pe konplent zot le lenz, zot le soulye, e zot al aste zot al fer koud lenz pour zot menm zot vini avek invoice ki zot anmennen ki nou peye ki pe kout nou egzorbitan detanzaot nou bezwen peye.  So mon ti pran sa desizyon pour mwan fer sa dimoun i ti annan son kotasyon, pli ba, konmans koud sa – sa ti an Septanm.  Si mon’n fer keksoz ki mal an term procurement or ki mannyer i apele, mon demann en leskiz.  Ok?  Mon seye – mon pe sey aranze.  So si i annan en problenm then mon pe dir ki vwala mon fer en fot.  Si fodre fer arete kot sa koud in arive mon pans pa si i annan bokou keksoz ki’n ganny koud, nou a met li devan epi nou a regarde kote ki nou pour bouz en pti pe pli devan petet pozitivman.  Ok?  Sa pour kote uniform.  Lo kote nou proze lo kote nou proze petet mon a les SI Dodin eksplik en pti gin prosedir ki mannyer nou ti fer pour nou ganny bann sif ki’n ganny mete avek nou proze kot Prizon.

 

MR DEPUTY SPEAKER

Mersi SI Tirant.  Laparol i pour ou SI Dodin.

 

CI SAM DODIN

Mersi Mr Chair e bon apre midi tou bann Manm Onorab.  Tou bann Manm Onorab zot annan nou lalis proze 4 major proze devan nou.  E proze nou annan en premye proze ki nou pour fer alterasyon lo enn nou building ki nou deza pe servi ; ki nou apel li konman Secure Incarceration Unit.  Sa i building ki ideal pour nou met bann Prizonnyen ki nou konsidere konman en pti pe pli high risk.  Pour le moman i annan en pti pe domaz lo building e osi laranzman kaso ki’n ganny fer dan building nou le re aranz li pour li vin en pti pe pli an sekirite.  E osi lo sa building li menm li, nou e upgrade li pour nou met lozman bann foreign manpower, aranz zot osi zot landrwa kwi manze, e en landrwa mon kapab dir en common area pour zot.  E lot proze se proze lakwizin.  Mon krwar enn de zafer in resorti dan sa Lasanble lannen pase ki nou ganny pa mal problenm avek pozisyon kot nou lakwizin i été aktyelman, i dan sa compound in ganny vizite par diferan official e menm bann parmi serten Onorab isi dan Lasanble.  Nou pozisyon lakwizin nou pa vwar li dan en landrwa ideal.  E sa i ede kot bokou bann zouti sorti dan lakwizin i bouz vitman dan nou Prizon an zeneral e sa i koz bokou lezot sityasyon pour nou.  E sa lakwizin li menm li i pour ganny atase avek en storage facility, kot nou napa.  Lamazorite nou bann marsandiz pe ganny store dan bann containers e audit report ki nou ti gannyen in dir nou, nou bezwen re aranz nou fason ki nou pe store nou bann item e sa i ede pour nou vwar pli byen nou stok, pli stack nou bann materyo in terms of diri i a la, lafarin i a la, keksoz ki perish pli vit i tenir dan en lot landrwa.  E lot proze se ki en sant medikal en medical clinic.  E sa sant li menm li aktyelman la, nou pe share en lespas ki nou ti’n kree pour nou unit reabilitasyon nou’n bezwen pran detrwa rooms pour nou abit nou bann Zofisye Medikal e osi pour zot kapab deservi en servis en pe pli byen nou’n pran sa desizyon pour nou fer en klinik en pti pe pli meyer, pour nou kapab deservi sirtou bann problenm ki nou gannyen avek Prizonnyen letan zot admit kot Prizon.  E katriyenm proze i en proze pour nou fer nou ladministrasyon, kot right now nou sitye kot Prizon Montagne Posée e i bokou konsern pour nou administre dan en serten fason lespas.  Parey mon ti dir yer nou annan bokou lezot admin staff ki pour antre kot Prizon byento e lespas i limite, pour nou fer miting ase pour nou kapab pran en bon nonm dimoun en 12 nou pa kapab.  E sa meeting room li menm li dan biro Sirentandan.  Savedir any miting ki nou pour fer i ganny en delegasyon nou bezwen pran biro Sirentandan li menm pour nou kapab hold sa miting.  Sa en pti pe bann sityasyon ki nou’n come up avek sa 4 proze prensipal ; bann proze ki mon mansyonnen anler nou ti deside ganny lasistans MLUH boner sa lannen an Zanvye, e an Fevriye deswit, zot pa’n tro tarde zot ti vin on site zot in pran tou bann mezir e zot annan bann konsep plan nou ti donn zot e la zot in ale zot in fer zot travay.  E le 24 Fevriye li menm sorti kot en zot Quantity Surveyor ti mail mwan details of bann met kare ki devan mwan la, pour aranz sa quarter foreign manpower’s quarter lo 250 metre square a en rate R5 mil i ariv R1.2 milyon e pour fer sa proze alterasyon lo nou anba ; parey nou dir kot kaso i annan removal of sa bann gate ki nou’n mete i a en sonm R3mil.  Son walling prezan pour nou tir sa bann feray pour nou mont li avek blok.  Parey mon dir nou pe ranforsi sa landrwa pour li fer li vin en pti pe pli sekirite nou pe tir feray pour nou mont li avek blok e sa lo en baz 126 metre square at R401 i pour kout nou R50mil apepre.  Eventually pour nou plastering lo de kote.  Savedir i vin 252 metre square R155 par metre square ki pour kout nou R39mil.  Epi pour nou penn lo sa 252 metre square R73 par metre square, pour kout nou R18mil.  E an tou sa travay lo SIU i ariv nou apepre R1.3 milyon.  Lo nou Medical Center son konsep ground plus one  lo 468 metre square R8500 mil i pour kout nou R3.9 milyon e sa landrwa kot sa pour fer i annan bann containers ki’n quantify pour nou bouze i ariv nou R8mil ; bann containers parey mon dir ki nou pe servi pour nou fer nou bann storage kot nou store i ariv nou R8mil.  E pour nou clear sa site akoz i annan bann lezot debri ankor lo site sa i pour ariv nou R12 mil e sa proze Sant Medikal pour ariv nou R3.9 milyon.  Lakwizin osi i en konsep ground plus one akoz sa lespas Montagne Posée i en pti pe limite e nou anvizaze fer son storage anba fer sa lakwizin par lao e son landrwa ki nou pe met li i obor main road, akse semen en pti pe pli ok konpare avek lakwizin aktyel.  Any service provider ki bezwen al deliver kot lakwizin direk i bezwen antre dan Prizon – dan compound Prizon li menm pli pre avek Prizon.  E kot i pour sitye i pour en pti pe pli lwen avek bann residential block.  E sa lakwizin lo son meter square 600 meter square R8500mil i pour ariv nou R5.1 milyon.  E landrwa kot sa lakwizin pe ganny fer i deza annan kot nou pe abrit nou bann foreign manpower.  Once ki parey mon dir nou tir zot nou pour anvoy zot dan sa nouvo landrwa parey mon mansyonnen pli o removal of sa bann quarters ki deza la kot nou bann foreign manpower pe dormi i pour kout nou R50 mil.  E sa proze in ganny capture lo R5.1milyon.  E parkont nou’n ganny award only R3.9 milyon for this year e nou anvizaze apply for next bout pour lannen prosenn – dan proze lannen prosenn.  Me parkont as ki nou’n vwar sityasyon kot Prizon, in terms nou admin en pe dan milye lannen, parey mon dir lespas pour nou abrit ou bann Zofisye meeting rooms en pti pe konfortab pour resevwar bann official bann dimoun ki pe vin miting, nou’n pran desizyon pour nou still apply pour en Bidze pour nou fer en admin block.  E nou pe travay pour met costing in terms of met kare.  E tousala nou anvizaze fer pour sa larzan.  Eventually son plan final si fodre konmans e nou le konmans pour li konmans fer li dan lannen 2018, akoz nou vwar poudir i en asset ki nou bezwen pour nou kapab operate effectively.  Mersi Mr Chair.

 

MR DEPUTY SPEAKER

Mersi CI Dodin.  Bon SI oule azout keksoz?   Ok go ahead.

 

SUPERINTENDENT VIC TIRANT

Mr Speaker, mersi.  Mon pour zis retourn en pti git lo sa zafer uniform, akoz mon pa ti’n dir sa mon ti le koz lo sa threshhold ki normalman i donnen ki Minister Finans i donnen pour bann Kontra.  E aparaman sa Kontra ki nou annan pour nou fer koud sa bann lenz nou pe kout li pour 118 dimoun.  Alor ki fer ki 118 dimoun ki nou deza napa nou annan mwens ki 118 dimoun.  So ki i fer se ki the total letan pour ariv 118 dimoun letan pour fini koud pour R122, 130 mil, ki fer ki nou ganny nou 3 kotasyon e en desizyon i ganny pran baze lo lekel ki pli bon lekel ki pli bonmarse or whatever.  So sa mon ti a kontan share avek tou dimoun.  Prezan lot mon a koz lo sa R7.8 milyon mon krwar in ganny leve vizavi ti annan en MNA, ki ti koz lo la.  Sa R7.8 milyon i larzan ki nou mete pour nou rental pour Coetivy.  Mon krwar lannen pase nou ti koz lo la tou dimoun ti okouran sa R7.8 milyon.  Nou annan nou annan en bann konponan ki nou gannyen atraver Coetivy ki donn nou pour sa R650 mil tou le mwan ki IDC i donn nou.  Me selman mon ti a kontan fer resorti ki la vi ki nou’n konmans avek nou proze reform ki nou’n mont Coetivy avek nou bann dimoun, nou pe al koz en pti pe avek bann dimoun avek IDC pour vwar e ki kalite servis ki nou pour bezwen ek zot.  E la mon krwar nou pour al reget sa sonm ki nou annan devan nou.  Ok ?  Pour lot konponan mon a les CI Dodin eksplike.

 

MR DEPUTY SPEAKER

Ok CI.  Annou sey ase bref akoz letan pa dan nou faver.

 

CI SAM DODIN

Pour ‘security and enforcement’ anba ‘service agreement’ mon krwar ti annan plis detay bann Manm Onorab ti pe demann en pti pe plis leklersisman lo sa R16 milyon e mon krwar zis pour bref atraver lofis PS in sirkil kot Clerk ki mon krwar in distribye avek bann Manm Onorab the breakdown of pour nou pey nou foreign manpower.  E an brefman, nou striktir i demann nou pour annan 87 i donn nou lespas pour nou recruit 87 Zofisye.  E dan lannen e ler nou konmanse lannen 2018 nou pour annan mon krwar zot annan breakdown zot kapab swiv 64 Zofisye ki pour deza dan servis e zot kontra pour fini by lannen 2018.  E pour sa zis pour pey zot lo sa bann diferan salary scale, i ariv nou $413mil.  E of course zot lo menm Lagreman parey tou zot travayer Seselwa apre zot rann en servis 2an zot ganny peye zot 2 mwan saler e osi nou pey zot bann PH ki zot in travay ki an total ler 164 i exit i pour kout $651mil.  E of course ler zot in exit nou bezwen repran, pour tenir nou nivo sekirite pour Prizon e lanfaz se pour nou recruit nou maximum ki nou’n gannyen e aprouve par DPA.  E of course nou donn zot, zot saler zou met zot nou apply zot tax parey nou tou nou peye in terms of earnings e sa i anmenn nou lo $1.1 milyon apepre $1milyon.  E nou ler nou fer son konversyon i pour kout nou R16. 309, 783 milyon.  Mersi Mr Chair.

 

MR DEPUTY SPEAKER

Mersi CI Dodin.  Bon nou ava fer menm legzersis okenn Manm ki pare pour entervenir pour kestyonnen zot kapab lev lanmen e Clerk avek Deputy Clerk i ava note.  Bon lo kote Parti Lepep mon annan Onorab Sebastien Pillay, Onorab Basil Hoareau, Onorab Simon Gill, Onorab Egbert Aglae, Onorab Waven William.  Lo kote LDS mon annan Onorab Ramkalawan, Onorab Ahmed Afif, Onorab Gervias Henrie, Onorab Ferrari, Onorab Andre, Onorab Woodcock.  Ok ?  Mon konmans avek Onorab Woodcock ok Onorab Andre.

 

HON CLIFFORD ANDRE

Mersi Mr Chair.  Mr Chair an referans avek uniform mon aprann ki dan lepase uniform ti ganny koud par inmates serten liniform ti ganny koud par inmates.  E letan zot in sorti par lefe ki i difisil pour zot ganny lanplwa travay zot in dir mon zot in vwar Mr Tirant pour demann li lo ki prosedir ki zot kapab fer pour zot kapab kontinyen zouir oubyen bid normal parey en dimoun normal pe bid pour zot kapab fer sa travay.  E sa mon pa ezite pour mansyonn son non Manmzel Veronica Moustache in dir mon mansyonn son non ; so mon pe fer sa lo son lapar so mwan mon pe demande, akoz ki dan sa prosesis kekfwa mon ti dir si i pran en dimoun pour fer ti a pran enn sa ki ti pe fer akoz in dir mon i ti fer i ti donn lanmen fer gato aprezan li osi ti a kontan manz en pe.  Sa ki in dir mon.  So lo son kote mon poz sa la pour Mr Tirant reponn prezan mon pe get en pti kou letan ou’n eksplik osi sekirite ki annan security pour Prizon, i annan son alokasyon ki al avek, me selman apre letan nou regete mon vwar dan Bidze ‘minor capital outlay’ i annan ‘upgrading of security equipments. ’ Si ou pe peye pour en group en servis sekirite si oule i vin avek tou son lekipman, akoz i annan sa bout kan nou kapab outsource sa konpannyen ki pe provide oubyen sa group dimoun ki pe provide sa servis ?   Apre dan Bidze i annan R159 mil R166 thousand ki koz lo ‘protective clothing and equipment’ vi ki Kontrakter pe fer son bann travay li menm akoz ki annan sa bann provizyon ladan?  Mersi Mr Chair.

 

MR DEPUTY SPEAKER

Mersi Onorab.  SI.

 

SUPERINTENDENT VIC TIRANT

Mersi Onorab Mr Chair.  Sa zafer koud lenz pour sa madanm ki ti koz lo la sa madanm letan i ti dan Prizon i ti koud bann lenz i ti koud uniform pour bann kondannen ok?  I ti vini i ti vin vwar mon mon ti eksplik li ki the minute ki nou ti annan sa bann balo ki vini pour koud lenz, pour koud uniform pour bann inmates, nou pour kontakte li – sa madanm Veronica la.  So i ti okouran nou ti koz avek li sa madanm.  Ok ?  Lo sa lot size ‘upgrading of equipments’ mon krwar tro souvan nou pe ganny en kantite kritik lo lafason ki nou fer nou bann sertiz dan Prizon, e ki nou’n fer se ki nou pe sey revwar pour nou kapab ganny en pe bann lekipman pli sofistike ki ganny servi dan bann Prizon dan bann Search Room, pour nou kapab sey tackle sa bann problenm ki nou annan an term telefonn drog e lezot kontrabann ki antre dan Prizon.  So sa bann lekipman se sanmenm ki nou pe koz lo la.  Sa trwazyenm konponan mon krwar mon a les CI Dodin eksplike lo sa R165 milyon.

 

MR DEPUTY SPEAKER

Ok.  Go ahead CI Dodin.

 

CI SAM DODIN

Mersi Mr Chair.  In terms of ‘protective equipment’ pour asir Onorab, bann dimoun ki pe donn servis sekirite i nou pey zot individually.  I pa en lakonpannyen ki nou pe peye nou pe pey individual i parey en nenport ki Zofisye ki pe antre kot Prizon e nou ki provide tou larestan keksoz ; uniform, security equipment, nou ki provide nou nou pey zis saler.  In terms of ‘protective clothing’ sa i pa security i pa security equipments li.  Sa i bann lekipman legan ki nou bann dimoun i bezwen servi dan fonksyonnman zot louvraz, pour conduct search sa i bann ‘protective equipment, clothing’ ki nou met lo sa Bidze.  E dan sa Bidze parey nou ti mansyonnen yer R75mil i pour servis Probasyon.  Savedir dan sa R166 minus R75 – R75mil pour servis Probasyon.  E zot osi vi ki zot annan zot bann probasyoner zot bezwen purchase bann ‘protective clothing’ akoz zot bann probasyoner zot lo la mazorite letan zot ganny mete lo bann community service.  E la nou bezwen of course purchase bann protective chlothing pour sa bann probasyoner.  Mersi Mr Chair.

 

MR DEPUTY SPEAKER

Mersi CI Dodin.  Bon zis mon ti a kontan avertir bann Manm ki nou pe kestyonn lo sa bann pwen lo sa bann klarifikasyon ki nou’n ganny met devan ozordi.  Ok ?  Annou pa ouver deba ankor lo lezot seksyon dan Bidze Prizon ki nou’n tous lo la.  Onorab Andre.

 

HON CLIFFORD ANDRE

Mersi Mr Chair.  Mr Chair konmsi mon pe sey konpran ; akoz Mr Tirant in anmenn Sekirite e la nou ganny dir ki konmsi Sekirite ‘providing security for Prison’ i en konponan parey avek anploye ki ganny anploye avek Prizon.  E sa zot saler i R24.9 milyon pour travayer Prizon, apre Sekirite i separe?  Konmsi pour mon i vin sibstansyel mon pe konpran prezan akoz ki i annan issues e sa in anmennen la pour dir nou akoz si nou pe dir Prizon saler pour Prizon i R24.9 milyon apre nou pe met ankor separe pour nou pey Sekirite pour Prizon, ki tonm ki tonm apepre R7.9 ekek milyon.  Zis pour mon spesifik nou dir ‘security and enforcement’ i annan R1.163milyon apre i annan ‘other service agreements’ sa kekfwa en lot keksoz R16.3 milyon.  So si nou pe fer sa savedir travayer ki nou pe dir i vin pa R28 milyon an term saler – pa R24 milyon an term saler i vin R24 milyon avek R16 milyon pour pey travayer ki travay kot Prizon.  I en pti pe tro bokou letan nou gete.  Mon ava ganny korize.  Mersi.

 

MR DEPUTY SPEAKER

Mersi Onorab.  PS Payet.

 

PS PATRICK PAYET

Mersi Mr Chair mersi Onorab.  Zis pour azoute ki parey ou’n dir ki annan R24 apepre R25 milyon pour travayer e mazorite sa bann travayer ki dan sa R25 milyon i travayer Seselwa.  An plis ki’n ganny mete dan Bidze anba sa ‘security and enforcement’ i bann Lagreman endividyel ki letan Prizon i recruit sa bann foreigner pour vin travay isi, sanmenm sa ki’n met sa R16.3.  E parey Prizon in azoute an se moman i annan 64 zot e zot anvizaze an 2018 annan sa total 87 ki zot bezwen pour fer sa security aspect, vi ki zot pa pe ganny ase lokalman.  Mersi.

 

MR DEPUTY SPEAKER

Mersi PS.  Onorab William.  Ok?  Onorab Aglae.

 

HON EGBERT AGLAE

Mersi Mr Chair.  Mr Chair vi ki dan lentervansyon Mr Tirant e Mr Dodin osi, in fer mansyon lenfrastriktir serten devlopman lenfrastriktir ki pe ganny ongoing dan Prizon pour petet asir sekirite,  mwan mon anvi demann li vi ki dan lepase UNODC osi in ed Prizon ansanm avek Sesel dan laranzman Prizon, eski si zot pa kapab vwar ki i annan en plan enn fwa pour tou pour fer sir ki sa bann piecemeal laranzman ki ganny fer, pour rezourd serten problenm kan i leve vwar en plan zeneral avek serten lekspertiz petet atraver UNODC li menm,  pour fer ki Prizon i reste an high security ki napa Prizon kontinyen vole ; ki tou lanvironnman bann staff i ganny an kont e bann lezot dimoun ki vin rann servis Prizon zot pa pe annan okenn lenterferans avek prizonnyen anndan ouswa anndan Prizon li menm.  Mersi.

 

MR DEPUTY SPEAKER

Mersi Onorab.  SI.

 

SUPERINTENDENT VIC TIRANT

Mersi Onorab.  Mon krwar sa ki ou’n koz lo la i dan nou plan reform pour Prizon.  Mon krwar lannen pase ler mon ti vini mon ti dir poudir nou  ongoing avek nou bann plan reform parey zot in konstate in menm annan en High Level Committee ki’n ganny apwente ki pe travay avek nou pour kapab osi guide nou atraver bann pti sou Komite ki annan pour fer avek infrastructure and security.  So sa i on going e pour lannen 2018 sa i pour i pour en plan ki pour ganny antre ladan avek full lafors.  E osi pour kapab dir ou ki poudir aktyelman nou annan sipor en expert sorti UNODC ki de tanzaot i vin kot nou e zis pour mon kapab dir ou ki nou konmans en keksoz kot Prizon la ki nou pe met en double fencing around nou perimeter nou Prizon.  So tousala bann en bann lide, e en bann lopinyon ki nou’n pran ki nou krwar i fer sans pour nou met sa double fencing otour nou Prizon pour sey kapab protez ki nou napa sa escape prizonnyen e nou annan patrol within sa bann perimeter.  Mersi.

 

MR DEPUTY SPEAKER

Mersi SI.  Onorab Ferrari.

 

HON JEAN-FRANCOIS FERRARI

Mersi Mr Speaker.  Pa bokou gran kestyon mon ti a kontan an relasyon avek bann avek bann konstriksyon ; mon vwar dan bann spesifik cost en provizyon pour lasirans mon eksplik mon en pe ki lasirans sa?  Pour building ?  Pour transpor   Eski zot annan en Broker?  E si zot annan en Broker lekel sa Broker?  Mersi.

 

MR DEPUTY SPEAKER

Mersi Onorab.  CI Dodin.

 

CI SAM DODIN

Mersi Mr Chair.  Lasirans provizyon lasirans dan nou Bidze i senpleman pour transpor selman.  E nou napa Broker okenn konsern lasirans nou pran kontak direk avek sa insurance company direkteman.

 

MR DEPUTY SPEAKER

Mersi CI Dodin.  Onorab Basil Hoareau.

 

HON BASIL HOAREAU

Mersi Mr Chair.  En pti kestyon Mr Chair an relasyon avek uniform ; annefe bomaten letan avan mon antre dan baro Lasanble mon zwenn en madanm ki dir mon i travay Prizon e i en Prison Warden i take it.  E i dir avek mon ki en bon pe letan i pe servi son prop lenz pour li vin travay e ki zot napa uniform.  Eski sa i vre?  I annan en urgency regarding sa problenm uniform?

 

MR DEPUTY SPEAKER

Mersi Onorab.  SI.

 

SUPERINTENDENT VIC TIRANT

Mersi Onorab Hoareau.  Wi i annan en urgency pour nou fer uniform dan Prizon akoz parey mon fek eksplike dimoun i vin travay dan savat.  I annan nou bann Prison Officers i vin travay dan savat.  I annan i vin travay dan sandalet ; i annan i vin travay dan kannson kourt ok?  So mon krwar wi i annan en urgency pour nou kapab donn dimoun uniform.

 

MR DEPUTY SPEAKER

Mersi SI.  Onorab Basil Hoareau.

 

HON BASIL HOAREAU

Wi eski sa i annan en lenpak lo zot abilite pour desarz par egzanp si en Prison Warden i vin travay dan en savat par egzanp, i pour afekte li pour travay si en prizonnyen pe taye i pou tay deryer en prizonnyen dan savat.  Eski napa bann keksoz ki kapab ganny fer pour adres sa problenm?  E menm an term respe letan ou annan en uniform ou annan en serten i donn en serten respe sa uniform i annan dimoun i respekte ou par ou uniform parler me eski nou pa kapab adres sa dan en fason pli irzan?  Pour nou solve sa problenm?

 

MR DEPUTY SPEAKER

Mersi Onorab, wi ale.

 

SUPERINTENDENT VIC TIRANT

Wi mon siport sa ki ou pe dir me lenportans se sa lateness dan ki nou gannyen, ki nou kapab fer sa bann sa bann keksoz.  Parey ou’n dir ou vwar en dimoun debarke dan en bis dan en savat dan en kannson kourt mwan, mon lentansyon se fer li al se li me ki mon kapab fer sa boug i vin travay e nou annan zis de sepa trwa sa bann dimoun ki pe vin travay.  So pour nou i koz en gran kontrent wi definitivman.  Wi.

 

MR DEPUTY SPEAKER

Mersi SI.  CI Dodin.

 

CI SAM DODIN

Mersi Mr Chair.  Zis pour azoute ki lo sa ki Sirentandan in dir osi mon menm mon letan mon zwenn an preparasyon Bidze nou Scheme of Service i dir nou fodre nou provide nou staff yearly avek son 3 pairs of uniform fabrik, e son soulye son bann akseswar uniform.  E ler mon zwenn Bidze mon menm mon vwar sa provizyon pa ti pe ganny mete dan Bidze e se pour sa baze lo dokiman Bidze ki zot kapab annan devan zot, zot in vwar en sonm konsiderab i ogmante dan nou Bidze e zis sa sonm i fer provizyon pour kapab donn tou nou Zofisye zot set of uniform yearly.  Ki ti pe arive dan lepase se ki avek provizyon ki ti pe ganny fer ou aste ou 50 soulye ouswa detrwa sang e larestan pa gannyen e by the time ou pe esper virement kekfwa pour aste, sa enn i vini i dir ou koumsa lot in fini – sa bann ki’n gannyen pour zot in fini gate e zanmen ou kapab fer en issuring yearly kot tou staff i ganny son set of uniform at one time.  Tou kou i en zafer – en pe i gannyen en pe pa gannyen.  E la nou’n dan Bidze 2018 nou’n fer sa provizyon once we issue yearly as per the Scheme of Service tou staff i ganny son uniform accordingly.

 

MR DEPUTY SPEAKER

Mersi CI.  Onorab Henrie.

 

HON GERVAIS HENRIE

Mersi Mr Chair.  Mon pour kontiny lo sa zafer liniform, akoz lentervansyon Mr Tirant letan i ti konmanse in dir avek nou poudir in servi en fraz kwa ki pa kler, kwa ki’n al mal e pour mon in vin plis konfizyon akoz mon pa konnen kwa ki’n al mal, mon pa konnen kwa ki pa kler e pour dimoun deor ki’n fek tann nou la i dir pe rode kwa.  E akoz zafer ou fanmir in monte dan sa skandal liniform ?  So si ou ti kapab eklersi mon e petet osi serten Manm akoz ki ou’n vin avek sa konklizyon ki ou’n donn nou e de la kekfwa mon ava annan en lot supplementary Mr Chair.  Mersi.

 

MR DEPUTY SPEAKER

Mersi Onorab.  SI Tirant.

 

SUPERINTENDENT VIC TIRANT

Ok sa ki mon pe al dir se yer swar letan mon get Facebook napa de kalite komanter ki’n ganny dir vizavi sa ki ou’n fek dir la ok.  Alor pour mon in vreman in vreman fatig mon ler mon lir tou sa bann keksoz ki bann dimoun pe dir.  No. 2 kwa ki mon ki’n al mal, se ki ti annan en Lagreman ki ti pe ganny fer sa Lagreman ti pe drafte e pandan sa lagreman ki ti pe drafte petet mon dan mon karakter mon al en pti pe tro vit mon al fer koud uniform.  Ok?  Akoz mon ti vwar nesesite ki ou bezwen provide uniform avek nou bann dimoun ok?  So la i la mon lesplikasyon.

 

MR DEPUTY SPEAKER

Mersi SI.  Onorab Henrie.

 

HON GERVAIS HENRIE

So Mr Tirant in admet ki dan son in fer lerer zizman, dan fason ki’n fer serten keksoz sa mon mazinen mon a kit avek Minis Zafer Entern pour li vwar si Mr Tirant in kas okenn lalwa konman en public servant.  Akoz la mon pe asize mon pe mazinen be si en prizonnyen ti’n fer sa ki Mr Tirant ti pour fer?  Konbyen letan i ti pour fer dan Prizon ouswa dan kaso?  That aside sa zafer son fanmir ankor la kekfwa i ava en moman pour eklersi pour come clean eklersi ou non e non ou fanmir si pe annan lakizasyon kont zot.  Eski i vre ki ou partner ki’n ganny sa Kontra ouswa in ganny subcontract sa Kontra pour koud liniform?  La i moman pour eklersi sa sityasyon.  Mersi.

 

MR DEPUTY SPEAKER

Mersi Onorab Henrie.  SI Tirant.

 

SUPERINTENDENT VIC TIRANT

Mersi Onorab.  Mon ti a kontan dir li kler poudir sa Kontra pa ti ganny donnen avek mon fanmir, sa Kontra ti ganny donnen avek en lot Lakonpannyen e sa lot Lakonpannyen ki in fer li in subcontract ok?  Koumsa i été ok?

 

MR DEPUTY SPEAKER

Mersi SI.  Dernyen kestyon Onorab Henrie.

 

HON GERVAIS HENRIE

Mon ti ava kontan demande avek ki in subcontract?  E si sa ki in subcontract avek i annan en koneksyon familyal avek Mr Tirant?  E eski dan son lagreman i ti annan dwa ou permisyon pour li subcontract?  Mersi.

 

MR DEPUTY SPEAKER

Mersi Onorab.  SI.

 

SUPERINTENDENT VIC TIRANT

Wi kot in subcontract i manm mon fanmir. E dan clause dan sa Lagreman sa ti pe ganny travay se sa procurement team ki mon fer ki bann dimoun ti pe fer sa Lagreman.  So sa Lagreman swa i pour annan swa i pour napa mon pa konnen zot ki pe travay lo sa bann lagreman ki zot pour donn bann dimoun ok?  Me selman parey mon ti pe dir avek Minis si mon pa konnen konbyen set uniform in ganny koud, si i 10 si i 5 whatever si sa i en sityasyon ki mon dir poudir wi, petet i annan sa kot mon fer sa fot par egzanp – mon pare pour nou pey sa bann uniform ki’n fini ganny koud fer kado Prizon e snyi the way forward avek nouvo Kontra or whatever.

 

MR DEPUTY SPEAKER

Ok.  Mon krwar in fer kler napa en Lagreman yet so sa kestyon eski sa i dan Lagreman sa clause i napa en lagreman yet.  Ale Onorab Henrie.

 

HON GERVAIS HENRIE

Akoz in met nou dan en sityasyon kot prezan dan zot lagreman zot kapab al mete pour kouver Mr Tirant e sa i pa bann keksoz ki bann public servant i merit pe – i pa bann pratik ki nou merit ankouraze e mon krwar poudir wi in demann en leskiz, me selman mon vwar i annan en laport ki’n reste ouver pour regilariz an unethical pratice.  E mon pa kapab aksepte en keksoz koumsa.  E mon pour vot kont sa alokasyon.

 

MR DEPUTY SPEAKER

Ok PS ou le entervenir.  PS Payet.

 

PS PATRICK PAYET

Mersi Mr Chair, mersi Onorab.  Kopi kontra draft contract in al kot Procurement zis pour zot verifye en pe legality.  E one clause of the contract ki nou’n vwar ki i pa sipoze annan subcontract – the proposal ki ti’n met devan e ‘clause 2 (A) ‘‘not assigned sub contract or part   with other seamstress on this agreement’’ So i pa sipoze dan Kontra ki egziste.

 

MR DEPUTY SPEAKER

Ok.  Pou nou kapab bouz en pti pe devan nou annan en sityasyon ki mon krwar Minister i a bezwen sort out avek PS Finans – en procurement ki’n ganny fer san proper document, san Kontra ki’n al en pti pe kont regilasyon Finans, so mon panse PS ou ava take up the issue e sa i ava raporte back to either FPAC or Lasanble.  Ok?  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon en pti pe en pti pe dezapwente avek statement mon koleg ki dir i pa pour vot lo sa Head akoz en issue ki’n arive avek liniform.  Nou …

 

(Interruption)

 

MR DEPUTY SPEAKER

Kontinyen Onorab Pillay.

 

HON SEBASTIEN PILLAY

Mersi Mr Chair ki mon ti le zis premyerman klarifye se ki si sa Kontrakter ki’n ganny sa Kontra, eski a okenn moman ou’n enterfer avek sa Kontrakter pour fer sub contract sa louvraz?  Si wi ou’n enterfer avek sa Kontrakter pour subcontract sa louvraz then i vin en issue pour ou.  Me si ou pa’n enterfer avek sa Kontrakter alors i reste lefe ki si sa Kontra, i pa an akord avek sa ki’n arive then mon krwar the next step ki devret ganny fer se ki sa kontra i ganny rescinded  e ki going forward prezan sa award i ganny fer properly through the tender procedure parey in ganny fer, pour ki nou kapab ganny closure avek sa zafer mon premye pwen.  Mon dezyenm pwen Mr Chair, i konsern bann provizyon pour building ki Departman Prizon pe met an plas ki mon ti a kontan konnen se eski sa bann provizyon ki zot pe fer zot in étal li over en peryod letan pour zot konnen kan ki enn pe fini, pour zot bouze?  Akoz mon vwar zot i annan bokou bann mouvman, enn i al dan lot sa enn, i fini sa enn i al dan lot.  So mon le konnen ki mannyer zot in étal sa bann mouvman ki mannyer zot progranm pe marse pour ki zot in plan poudir zot pe move from one building to another.  E prezan an relasyon avek sa, nou konnen sa bann building pe al ganny fer ki bann mezir ki Departman Prizon i kapab pran internally pour zot kapab fer serten cost reduction put an plas bann cost reduction strategies ?  Eski i annan bann stratezi ki zot kapab met an plas mon konnen lo telefonn lo lezot keksoz ki zot kapab met an plas pour zot koup serten kou, zot pe  al annan ankor nouvo building e nou konnen nouvo building pour anmenn avek li ankor kou adisyonnel.  So eski i annan bann mezir ki zot kapab met an plas pour zot fer koup serten kou e redwir serten input Bidze ki nou pe mete?  E ki si posib zot kapab fer li pandan sa lannen ki pe vini, apre vin avek en rapor devan Lasanble, ti ava ideal pour nou vwar ki nou kapab restriktir keksoz dan en Bidze pli streamlined ki nou vwar i kontinyen grosi.  Akoz nou konsernen avek la kantite ki pe kontinyen koute nou konnen difikilte ki pe met bann travayer Prizon anba la apre i annan ankor Scheme of Service eksetera so nou ti a kontan vwar bann savings ki nou kapab fer ki mannyer nou kapab remet sa, dan lanmen bann dimoun ki bezwen travay kot Prizon Seselwa ki pe fer sa louvraz difisil ki bokou lezot dimoun pa le fer.  Mersi Mr Chair.

 

MR DEPUTY SPEAKER

Mersi Onorab Pillay.  SI? CI Dodin oule pran ou bout avan.

 

CI SAM DODIN

Mersi Mr Chair.  Baze lo legzizans bann konsern pour sa bann lenfrastriktir nou anvi konmanse nou building, e dan lespas 2018 2019 nou konplete e avek sa bann proze akoz sa neseser sa urgency parey mon mansyonnen nou santi ki pli vit posib i pli bon pour nou.  Sa ki konsern cost reduction mon krwar ti annan en mansyon lo la osi lo telefonn, tousala nou’n note in terms of redwir nou telephone bills atraver nou fer bann video calls ouswa Skype.  Tousala i bann pwen ki nou’n note.  Nou osi nou ti deza annan koze diskisyon pour nou met solar panel, pour kouver bann lekipman elektrisite lalimyer ki nou servi dan building li menm, me parkont parey ou konnen sekirite Prizon kantite lenerzi soler ou kapab servi pour ankadre li sirtou nou servi bann lalimyer ki en pti pe for powerful sirtou pour aswar.  E tousala i ede avek nou electricity bills vi ki kalite lekipman ki nou servi sirtou domenn laklerte osi nou bezwen balans li an menm tan ki nou servi bann lezot teknolozi pour reduce nou cost.  Me selman pwen note pour nou gete ki fason nou kapab redwir cost kot Prizon.  Mersi Mr Chair.

 

MR DEPUTY SPEAKER

Mersi CI.  Ok SI.

 

SUPERINTENDENT VIC TIRANT

Onorab Pillay mon pour asir ou ki non, mon napa okenn kontak avek sa bann dimoun ki pour fer okenn sa bann tranzaksyon.

 

MR DEPUTY SPEAKER

Mersi SI.  PS Payet.

 

PS PATRICK PAYET

Mersi Mr Chair.  Zis pour azoute ki nou konnen sa dimoun pa ti ankor ganny en kopi sa ki nou bezwen al vwar si sa service provider, si in ganny en kopi pour vwar an bref sa kontra pour vwar sa clause i pa sipoze subcontract akoz letan ou regarde i at fault of sa bout provizyon.  Ki nou bezwen fer la se nou as Minister Finans an menm tan avek Ministry of Home Affairs investigate e si bezwen terminate the Kontra nou pour bezwen terminate e nou pour replas tender.

 

MR DEPUTY SPEAKER

Ok Onorab Pillay.

 

HON SEBASTIEN PILLAY

Mersi Mr Chair.  Mr Chair dan prezantasyon zot ti mansyonnen ki ti annan 3 lakonpannyen ki ti vin bid pour sa bann travay mon kapab ganny non sa bann ki ti bid silvouple e ki bann montan ki zot ti bid sa pour sa louvraz pour sa koud liniform la?

 

MR DEPUTY SPEAKER

SI oubyen CI.

 

CI SAM DODIN

Mersi Mr Chair.  Ti napa bidding sa bann prezantasyon quote – 3 quote nou ti gannyen ok?  So ler mon pe dir bid pa konmsi lo tender bann process parey nou’n dir R122 i al dan threshhold.  Savedir i egziz nou pour nou provide 3 quote.  E 3 quote in ganny require enn nou annan Gift World, dezyenm La Maison Tailoring e trwazyenm Margarette’s TailoringGift World ti kout nou en set lo R345 ; La Maison Tailoring lo en average set R442.50cts e Margarette’s Tailoring lo R425.

 

(Mic Off)

 

CI SAM DODIN

Korek.

 

MR DEPUTY SPEAKER

Ok, mersi.  Mersi CI.  Onorab Afif.

 

HON AHMED AFIF

Mersi Mr Chair.  Mr Chair mon kestyon i pa ti lye avek liniform i ti lye avek capital projects e ler mon ekout ou ou’n donn 3 item SIU R1.3 milyon Lakwizin R5.5 milyon apre Medical Centre R4 milyon ki mon pe ganny en total R10.4 milyon.  Selman dan paz 230 ou ti annan R13.763.  Petet i annan enn ki mon manke si ou kapab zis donn mon sa enn la.

 

MR DEPUTY SPEAKER

Mersi Onorab.  CI Dodin.

 

CI SAM DODIN

Admin Block.  Parey mon dir sa i en pour admin block i en prosesis ki nou pe deal avek right now.  Me selman nou’n demann en provizyon R5 milyon pour nou kapab materyaliz li.  Ok?

 

MR DEPUTY SPEAKER

Mersi CI.  Onorab Afif ok.  Onorab Simon Gill.

 

HON SIMON GILL

Mersi Mr Speaker.  Bon apre midi ankor enn fwa.  Mr Speaker nou annan en sityasyon delika avek nou lo case Prison Management espesyalman lo sa kestyon liniform, mon krwar Mr Tirant si i annan en keksoz ki nou pour apology ou, apre midi se lefe ki ou’n rekonnet avek acknowledge ki nou annan en mankman kekpar.  Mon krwar i sa ki nou espekte avek bokou plis dimoun e mon osi ler mon fer fot mon dir, ‘’eskiz mwan pardon.’’ Mon swete ki mon pa kapab repet sa ankor.  E mon krwar ki ou’n dir en keksoz ki byen lefe ki ler mon pe get bann sif ki mon koleg pe montre mwan, sa bann pri bann kotasyon ki’n antre i annan sa enn ki’n ganny donnen malgre in annan bann mankman in en pe pli bon marse.  Now si sa pri ti rezonnab, sa i en lot deba dan li menm li – mon pa expert dan sa domenn pour mon al dan sa bann detay e si nou, nou tenir kont ki i rezonnab e i konparab avek bann lezot pri then keksoz in bouze.  Me ou konnen la deor la nou piblik e isi menm anndan nou pour dir de moman ki napa bann lagreman bann papye nou annan serten difikilte.  La mon annan 3 kestyon.  Eski ou okouran ki zistans in arive sa travay avek sa koudriyez pour le moman la?  Ki kantite liniform ki’n fini ganny fer e ki valer i vo sa bann travay ki’n ganny fer? Sa i enn.  Dezyenm pwen se dan labsans en Kontra, eski sa bann dimoun ki’n ganny donnen sa travay i annan en drwa pour pourswiv Gouvernman oubyen lotorite Prizon for that matter?  E lot pwen dan zot bann lagreman verbal eski i en kestyon ki’n ganny poze taler mon pour repete eski i annan provizyon kot ou kapab subcontract en travay ki mon donn ou ?  Normalman sa i en pratik dan lendistri biznes dan bokou sirkonstans i annan bann gro Kontrakter i ganny bann Kontra, epi i subcontract.  Me selman dimoun i kapab dir sa i en laranzman i en keksoz aranze.  So mon a kit sa la ou ava donn nou en pti pe lenformasyon, akoz epi mon annan ankor 3 kestyon avek ou permisyon Mr Speaker pour mon kapab bouz en pti pe devan ankor.  3 kestyon an depandan ki mannyer keksoz i vini.  Mersi.

 

MR DEPUTY SPEAKER

Mersi Onorab Gill.  SI Tirant.

 

SUPERINTENDENT VIC TIRANT

Mersi Onorab Gill.  Lo premye kestyon ki ou’n demande si mon okouran ki zistans in arive avek sa bann uniform.  Non mon pa konn nanryen.  Mon pa konn naryen akoz i pa mon pa bezwen demande.  Ok? So mon pa konn naryen dan sa bann.  Sa de lezot kestyon mon krwar i konsern en pti pe PS Payet si i kapab koz en pti pe lo la.

 

MR DEPUTY SPEAKER

Ok.  PS.

 

PS PATRICK PAYET

Mersi Mr Chair.  Mersi Onorab.  Zis pour azoute ki nou bezwen en pe plis lenformasyon akoz lo kote finans nou pa okouran ki kantite lenformasyon verbally  ki letan zot in negosye avek sa Gift World ; par egzanp kan travay pour konplete e ki kantite zot in negosye avek li pour nou kapab verbally konnen ki laranzman ki’n ganny fer, san Lagreman pour li konmans travay.  E sa i en keksoz ki nou pour bezwen rode e pour nou kapab pli zistifye si nou terminate Kontra pour li pa kontinyen.  Napa peyman pour le moman.

 

MR DEPUTY SPEAKER

Ok.  Onorab Simon Gill.

 

HON SIMON GILL

I annan kestyon ou pa’n fini reponn.  Lalwa sa Lagreman ki zot in donnen eski i annan provizyon pour subcontract or not

 

MR DEPUTY SPEAKER

Ok PS.

 

HON SIMON GILL

Dan bann verbal agreements si i annan en verbal understanding ki mannyer in pase silvouple.

 

CI SAM DODIN

Mersi Mr Chair.  Zis pour it was just an instruction pou koud baze lo bann rezon urgencies.  Mersi Mr Chair.

 

MR DEPUTY SPEAKER

Ok. Onorab Simon Gill.

 

HON SIMON GILL

Mr Speaker, petet i en enportan nou move ki nou tenir en kou si mon kapab sizere, pour nou al lo en safe ground nou tenir en kou avek kot in arive.  E nou kapab regilariz sa sityasyon regilariz li si nou satisfe ki ti annan en prosedir tender epi i annan en direktiv ki in ganny donnen en fer ale konmanse dan labsans en proper Lagreman i annan nou regilariz li sa i en fason fer li.  E si nou satisfe ki sa dimoun kot i été in ganny en fair share dan sa travay la – si dizon in fer apepre en kar louvraz petet nou peye epi nou pull out, nou rekonmans sa process.  Sa dimoun i ava konpran li i ava konpran e mon krwar i pour bon pour ou menm Mr Tirant, i pour bon i pour kapab met keksoz an perspektiv.  Annou sey probableman al lo sa laliny mon pe propoz en laliny konmsi ki en pe fezab si mon kapab servi sa term.  Mersi bokou.

 

MR DEPUTY SPEAKER

Ok mersi Onorab Gill. PS Payet ou le fer komanter lo la ouswa oule pran ki konman en sizesyon?  Go ahead PS.

 

PS PATRICK PAYET

Wi mersi Mr Chair mersi Onorab.  Definitivman i en sizesyon ki nou bezwen hold process ki’n arive ozordi pour nou kapab vwar what’s the next stage.  E definitivman nou bezwen hold on – vwar ki kantite in fer la e dir avek sa servis provider arete, e nou ava vwar the next phase letan nou vwar tou keksoz dan son konteks.  Mersi.

 

MR DEPUTY SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Speaker, mwan mon dezapwente avek sa ki nou pe tande la apre midi la dan Lasanble.  E mwan mon anvi fer kler ou pa kapab sub contract si napa en Kontra in the first place.  Ou bezwen annan en kontra se letan ki ou annan en kontra ki ou kapab annan en subcontract.  Be sa ki nou’n ganny dir apre midi i totalman diferan.  Nou’n ganny dir ti annan trwa lof akoz i tonm par anba R150mil R122mil – e nou’n ganny dir ti annan 3 lof – 3 lakonpannyen Gift World – R345 – Maison Tailoring – R442 Margarettes’s R425.  Be i kler.  Gift World ki’n gannyen.  Be kote subcontract i vini?  Kote subcontract?  Mwan se sa kestyon ki mon anvi mon ganny larepons.  In annan en – soz.  E se sa.  Mr Tirant in vin dir avek nou prezant leskiz, be si ou prezant leskiz, ou pa kapab anbet nou ankor!  La ou pe pran nou konman lenbesil, I am sorry to say !  Si Mr Tirant ti’n vini i dir avek nou klerman anba R122mil ti annan 3 lof, sa 3 lakonpannyen in mete, e ki Gift World – Gift World pour son madanm, pour manm son fanmir, zot in zot in in gannyen, e ki si la si aprezan sa ti lakoz problenm then nou ava fer … la i vin en lot zistwar.  Be i pa sa zistwar.  E i senp.  E mwan Mr Speaker ou konn mwan byen – menm parey avek sa investigation FIU avek NDEA an mezir nou ale, zistwar i azoute ou vwar en keksoz i ganny kouver.  Napa Kontra.  En pi kou i annan Kontra.  Yer ti napa tender ki ti ganny fer.  Se sa ki nou ti ganny dir yer dan sa Lasanble ti napa nanryen ki ti ganny fer.  Ozordi nou ganny dir in subcontract letan kestyon in ganny demande be lekel ki’n ganny sa Kontra non, non, non SI – CI i dir avek nou, ti annan 3 dimoun ki ti’n ganny – i ti annan 3 dimoun ki ti fer lof enn in gannyen ; enn se sa Gift World the very company ki anba kestyon.  I am sorry.  Sa i nou Lasanble Nasyonal sa.  Mon pa le prezant mon konman being too harsh, me selman an menm tan, an menm tan nou bezwen mentenir en standar dan nou Lasanble.  Nou bezwen mentenir en standar e mon krwar ki poudir la apre midi keksoz in al in al i tro bokou.  Pour mwan personnelman, i tro bokou parske, nou espekte ki ler nou demann kestyon nou ganny en larepons ki vre.  E nou pe ganny tro bokou bann diferan zistwar e sa aprezan i fer demann kestyon ; i fer demann kestyon e lo procurement lo tou bann lezot keksoz.  E personnelman, personnelman e mwan mon konnen ki poudir sa i ganny sa lopinyon i partaze – ou demann ou be dan si dan en pti keksoz sa nou, nou pe vwar sa, me dan bann sonm ki pli gro ki annan?  I fors ou demann sa bann kalite kestyon e nou pe koz larzan lepep Seselwa.  Se sa nou responsabilite pour nou vey larzan lepep Seselwa.  Si dan pe vey R10 i annan bann manboulouk be dan pe pey en milyon ki pour annan?  E deza nou’n poze serten kestyon.  Par egzanp letan ti pe build sa Remand Center avek bann zafer manboulouk nou konnen ki ti annan bokou Prizonnyen ki ti involve dan sa konstriksyon, me selman in annan en lakonpannyen li in ganny li in ganny larzan.  E kestyon i kontinyen ganny poze.  I annan tro bokou kestyon e la aprezan ou konmans annan bann dimoun ki anvoy ou mesaz, ki dir avek ou prizonnyen pe ganny servi pour al travay kot entel, pe al travay kot lot dimoun, pour al travay kot lot dimoun ankor ensidswit e menm Coetivy e tou sa bann keksoz.  Konmsi – mon pe lev tousala, akoz i vin i annan en move loder e mwan mon krwar ki poudir mon – mon krwar ki poudir i bezwen annan keksoz.  I bezwen I mean Minis i bezwen pran son responsabilite I mean pour mon i kler i bezwen annan keksoz ki arive lo nivo – parske la mon pe koz lo nou Gouvernman.  Nou pe koz avek bann dimoun ki dan pozisyon lotorite.  Nou pe koz lo ozordi nou pe koz lo en policy transparans, accountability, gouvernans e tousala rann kont tousala i fer poz kestyon Mr Chairman.  E mon krwar ki poudir mwan personnelman, mon trouv mwan dan en pozisyon anbarasan, mon trouv mon dan en pozisyon anbarasan.  Akoz mwan parfwa mon anbarase letan mon vwar en keksoz letan mon si enn mon zanfan i vin koz manti avek  mwan, mon vwar li – mwan mon anbarase dan son plas.  E apre midi mon anbarase akoz nou pe koz lo en lenstitisyon kot i annan bokou rann kont e lo ptipti keksoz nou pa pe ganny rann kont byen.  E Mr Speaker mon anbarase avek sa sityasyon kot nou été apre midi.  Akoz Departman Prizon pa’n kapab koz laverite avek Lasanble Nasyonal.  E dan sa milye pa’n kapab koz laverite nou, nou pe vwar manboulouk.  E sa ki zot in dir sa ki zot in dir sa ki zot in dir avek nou, mon kapab osi enterpret li dan en lot fason.  Napa procurement proper procurement ensidswit ki’n pase me nou kapab dir i en inside job osi tou.  I mean ou dir 3 dimoun vini premye i met R442 lot i met soz aprezan ou dir, ‘’en la laba de lezot in met R400 ekek ou met pli bon marse.’’ Tousala nou kapab tir li by inference – by inference nou kapab nou kapab tonm lo sa bann konklizyon.  Mwan mon ti ava kontan ganny en parol Mr Speaker from the Minister, ki ansarz pour donn nou en direksyon akoz right now, nou dan en nou dan en fernwar total.  Mersi bokou.

 

MR DEPUTY SPEAKER

Mersi Onorab.  Mon a donn laparol Minis Mondon.

 

DESIGNATED MINISTER MACSUZY MONDON

Mersi Mr Chair, mersi Onorab.  Pour ou konsern Mr Chair, mon krwar nou’n konpran en pe sityasyon apre midi ; bann diferan konsern bann Manm Onorab in souleve.  E PS Payet in dir poudir Minister ansanm avek Minister Zafer Entern nou bezwen al fer proper investigation egzakteman kwa ki’n arive e pandan letan ki nou pour al investigate nou pour met tou keksoz on hold nou pe fer arete.  E nou ava fer investigation e nou ava pran aksyon ki nou krwar nou merit pran dan sa sityasyon.  Onorab mon kapab donn ou lasirans, ki poudir nou pour fer tou travay ki nou bezwen fer, pour nou fer sir ki nou eklersi sa sityasyon ki’n arive ok e regilariz li parey serten Onorab in dir investigate regilariz li e remet an plas sa ki nou bezwen an plas, e pran bann aksyon ki nou bezwen pran.  Mersi Mr Chair.

 

MR DEPUTY SPEAKER

Mersi Minis.  Bon nou ariv en pozisyon pour nou pran en vot lo Bidze Lotorite Prizon, mon a zis demann gidans avek PS Payet.

 

PS PATRICK PAYET

Mersi Mr Chair.  Total pour Departman Prizon i baze lo paz 228 pour en sonm R95. 961, 720milyon.

 

MR DEPUTY SPEAKER

Ok mersi PS.  Ti napa okenn bout ki nou ti pe freeze ladan non?  Ok bon nou ava pran en vot.  Tou Manm ki an faver.  Nou pe vot lo Bidze Prizon en.  Tou Manm ki an faver?  Ok.  Okenn Manm ki kont?  Ok Madanm Clerk.  Mon kapab demann bann ki an faver pour re montre – re montre en show of hands bann ki an faver?  Ok.  Bann ki kont?  Ok Madanm Clerk.

 

MADAM CLERK

Mersi Mr Chair.  11 Manm an faver avek 14 kont.  Mersi.

 

MR DEPUTY SPEAKER

Ok savedir Bidze pour lotorite Prizon pa’n pase.  Nou ti annan en sityasyon parey lannen pase PS – mon krwar nou pour bezwen fer en pe travay pandan ki lezot Bidze ki lezot Heads i vin devan e si fodre nou repran sa Bidze avan lafen nou ava repran li ok?   Nou ti annan en Head ki nou ti vot kont lannen pase ki Lasanble ti vot kont, zot ti retourn dan Lasanble apre avek serten amannman – ok ?  ok?  PS Payet.  Ale PS.

 

PS PATRICK PAYET

Mersi Mr Chair zis pour mansyonnen ki Departman Prizon i dan Appropriation Bill Ministry of Home Affairs.  So nou pour bezwen amann the Ministry of Home Affairs ki pour Departman Prizon pour sorti.  E si, si nou vin devan pour dan en supplementary nou pour bezwen vin avek zis Departman Prizon.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mr Speaker Minis in fer en deklarasyon e se baze lo deklarasyon Minis se lo sa kote nou’n vot kont.  Minis in dir i anvi fer en lenvestigasyon e i anvi pran aksyon ki neseser.  Nou ava dir avek Minis fer sa o pli vit posib, e apre sa retourn kot nou avan lafen lannen e nou ava rekonsidere.  E nou ava pran aksyon nou anvi ki aksyon konkret i ganny pran pour nou pa trouv nou dan sa sityasyon ki nou’n trouv nou.  Mersi bokou Mr Chairman.

 

MR DEPUTY SPEAKER

Ok mersi Onorab Ramkalawan.  Wi i kler, i kler PS in fer sorti ki ok vot pa’n pase lo Bidze ler nou ava retournen, i ava annan en Supplementary Budget ki i ava anmennen e Lasanble i ava debat lo la.

 

(Mic Off)

 

MR DEPUTY SPEAKER

Wi. wi ok.  Avek sa mon ti a kontan eskiz SI Tirant CI Dodin avek Ms Banane parmi nou. Mon  ti a kontan remersi zot e osi Minis Dezinyen Madanm Mondon ; mersi e nou a eskiz zot parmi nou.

 

(MINISTER MACSUZY MONDON AND HER DELEGATION WAS EXCUSED FROM THE HOUSE)

 

MR DEPUTY SPEAKER

Bon mon ti a kontan ganny PS Payet zis pour gid nou lo travay demen.  Mon konnen ozordi nou pa’n tous Public Health Authority, National Aids Council avek 2 lezot Heads.  PS gid nou lo travay demen.

 

PS PATRICK PAYET

Thank you Mr Chair.  Zis pour azoute akoz ki annan de Minis ki pe travel next week e nou pe propoze ki nou pran the Ministry of Tourism, Civil Aviation, Ports and Marine demen bomaten e apre demen apre midi nou pran the Ministry of Employment Immigration and Civil Status.

 

MR DEPUTY SPEAKER

Ok mersi PS.  E lo sa not mon ti a kontan osi remersye ou avek ou lekip, e remersi tou Manm e SBC osi e tou dimoun ki a lekout.  Nou a repran nou travay demen 9er bomaten.

 

 

(ADJOURNMENT)