::
Home » Verbatim » 2017 » Verbatim Friday 17th November, 2017

Verbatim Friday 17th November, 2017

NATIONAL ASSEMBLY OF SEYCHELLES

 

Friday 17th November 2017

The Assembly met at 9am

National Anthem

Moment of Reflection

Mr Speaker in the Chair

 

DEPARTMENT OF CIVIL AVIATION, PORTS AND MARINE & SEYCHELLES MARITIME SAFETY ADMINISTRATION

 

MR SPEAKER

Bon, bonzour tou dimoun.  Mon ti a kontan ozordi sa Vandredi swet la byenveni Minis pou Tourizm, Sivil Lavyasyon ek Lotorite Port ek Marin, Minis Loustau-Lalanne avek ou delegasyon.  Mon konnen i en gran Minister nou espere nou a vin nabou, mon konnen ou osi annan ou vwayaz pou fer nou vwar si nou kapab sey fini bomaten menm.  Mon konnen poudir ou annan ou bann teknisyen ki anler dan Galeri. Avan nou konmans nou sesyon, i annan 2 plas anba o bor bann teknisyen Finans ; si zanmen ou PS oubyen ou Head of STB le vin anba pou pli pre an ka i annan kestyon ki ou le konsilte zot sa i posib parey mon dir i annan 2 seat anba, me si non a en moman donne zot kapab desann akoz nou lo Staz Komite, okenn ou bann teknisyen i kapab entervenir pou ed ou anmenn klarifikasyon dan nou bann deliberasyon.  Alor avek sa mon ti a kontan swet ou labyenveni ek ou bann teknisyen e pou dir ki nou pou al toudswit parey nou fer.  Nou pou pran parey nou’n etabli en lord bann dimoun ki pou anvi entervenir lo tou le 2 kote latab e nou pou demann Clerk parey labitid, i pou pran kote latab Parti Lepep e Deputy Clerk i a pran bann ki anvi koze lo parti LDS.  E pou mwan zis fer zot mazinen ki nou pe regard Bidze Minister Tourism, Civil Aviation, Ports and Marine portfolio lo paz 459.  Tou bann ki anvi entervenir dan sa sesyon… Onorab… Sorry.  PS Payet ou anvi dir en mo.

 

PS PATRICK PAYET

Mersi Mr Chair e bonzour tou Manm Onorab e tou dimoun ki a lekout.  Zis pou azoute Mr Chair ki nou pou pran pou Departman Sivil Lavyasyon, Ports ek Marine apre Seychelles Maritime Safety Administration pou bomaten la.  Apre letan lot PS i vini for Tourism, nou a pran pou Departman Tourism. So nou pe konmans lo paz 466.

 

MR SPEAKER

470?

 

PS PATRICK PAYET

466…

 

MR SPEAKER

6…

 

PS PATRICK PAYET

…Ziskan 471.

 

MR SPEAKER

460.

 

PS PATRICK PAYET

Yeah, 4-6-6.  Apre lo Seychelles Maritime Safety Administration i lo paz 484 ziska paz 490 e dan PSIP lo paz 46.  Ok?  Nou pe pran pou sa 2 Departman.

 

MR SPEAKER

Ok.  Alor nou a pran premye pou Department of Tourism e parey mon dir Minis si ou le ki ou PS ek ou CEO Tourism Board i vin la, i la anba me selman mon krwar ou…Sorry? PS, ale PS Payet kontinyen, ou pa ankor fini.

 

PS PATRICK PAYET

Departman Civil Aviation, Ports and Marine apre SMSA, sa 2. Apre letan nou pou fini nou pou pran Departman Tourism avek Seychelles Tourism Academy apre nou a pran Seychelles Tourism Board.

 

MR SPEAKER

Departman Ports and Marine i paz?  PS?

 

PS PATRICK PAYET

4-6-6. 466 i ziska paz 471.

 

MR SPEAKER

Tre byen nou konmans avek Civil Aviation, Ports and Marine.  Ok. Tou bann ki anvi entervenir, lev zot lanmen. Zis pou nou ganny keksoz kler, mon a demann Clerk ek Deputy Clerk pou ler zot in fini, lir zot lalis dimoun ki’n dakor pou koze.

 

MADAM CLERK

Mersi Mr Chair.  Bonzour tou dimoun.  Kote Parti Lepep, mon annan Onorab Sebastien Pillay, Onorab Simon Gill, Onorab Jude Valmont, Onorab Wilbert Herminie, Onorab Churchill Gill avek Onorab Waven William e LGB.

 

MR SPEAKER

Deputy Clerk.

 

MADAM DEPUTY CLERK

Mersi Mr Chair.  Bonzour tou dimoun. Lo kote LDS i annan Onorab Ramkalawan, Onorab Afif, Onorab Prea, Onorab Henrie, Onorab Ferrari, Onorab Esparon avek Onorab Mondon.  Mersi.

 

MR SPEAKER

Ok.  Bon, mersi.  Avek sa nou ava konmans toudswit parey nou’n fer avek lezot entity, nou pou al direk lo kestyon, klarifikasyon e parey mon ti dir yer bomaten, annou fer sir ki nou kestyon i direk, pa statements, klarifikasyon e nou pe koz lo Bidze ki devan nou – in other words figures, statistics, pa statement.  E nou al toudswit lo Onorab Jude Valmont.

 

HON JUDE VALMONT

Bonzour Mr Chair. Mersi. Bonzour Minis ek ou delegasyon. E bonzour tou koleg Onorab e tou piblik ki pe swiv nou. Minis mon fer referans lo paz 467 anba ‘current challenges’, mon vwar bullet point limero 1 i mete lack of human resources dan sa bann domenn swivan, Lavyasyon, Por e Lamarin. Minis mon ti a voudre demann ou ki sa Bidze, ki provizyon sa Bidze i fer ki ou pe prezante la ki pou adres sa bann sityasyon e sirtou, mon konnen ti annan demars sirtou lo kote Airport ki bann staff ti’n express lanvi pou zwenn ou konsernen zot packages menm alor mon redemande ki provizyon sa Bidze i fer pou adres sa bann challenges pou ki ou nobou retain sa bann staff e nou konnen ki pou bann travayer en pti pe pli byen.  Mersi.

 

MR SPEAKER

Minis.

 

MINISTER MAURICE LOUSTAU-LALANNE

Mersi Mr Chairman.  Bonjour e bonjour tou Onorab. Onorab Valmont, an sa ki konsern Departman Lavyasyon Sivil, Por ek Marin, li menm letan nou’n fer rekritman bann staff, nou’n santi serten problenm pou ganny staff.  Me pou reponn ou kestyon direkteman, bokou bann staff ki ou pe fer referans avek i travay pou par egzanp SCAA an partikilye ; e mon konnen ki dan Bidze SCAA pou 2018 zot in fer provizyon pou donn ogmantasyon saler mazorite sa bann staff.  Mersi Mr Chairman.

 

MR SPEAKER

Onorab Valmont, ou ok?  Tre byen.  Onorab Afif.

 

HON AHMED AFIF

Mersi Mr Chair. Mr Chair, mwan konman mon pe regard sa Bidze in sorti 2.9 pou 3 milyon, mon pa vwar li konman en logmantasyon konsiderab alor zis pou dir mon swete ki zot gard tou bann kou in check e vreman mon napa gran komanter pou fer lo la.  Mersi Mr Chair.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Chair. Mr Chair, malgre ki Bidze pa’n ogmant par sa kantite be i annan en konponan dan sa Bidze ki mon ti a kontan serten klarifikasyon e sa i konsern ‘foreign consulting fees.’ Mon ti a kontan ki si sa Departman ti a eksplik nou en pti pe ki sa ki entail – si sa i osi enkli sa konsiltan ki pe travay avek zot ozordi pou prepar sa bann framework legal ki zot bezwen pou zot vin IMO Certified dan bann lezot sirkonstans e pou osi ki pe gard lo Maritime safety, si sa i enkli e sa ek sa konponan i tonm anba zot e bann lezot Lalwa?  Mersi Mr Chair.

 

MR SPEAKER

Minis Lalanne.

 

MINISTER MAURICE LOUSTAU-LALANNE

Mersi Onorab. Mersi Mr Chairman.  Wi, i annan sa konsiltan legal ki dan biro mon PS.  E mon ava pas li laparol zis pou li eksplik ou en pe plis me sa bann referans ki ou’n fer i egzakteman sa. Mersi.

 

MR SPEAKER

PS.

 

PS GARRY ALBERT

Mr Chair, Leader of the Opposition, Leader of Government Business, tou Manm Onorab, bonzour.  Mersi Onorab pou ou kestyon. Kot i konsern konsiltan ki aktyelman pe travay anba mon Departman, premye konsiltan ti konmanse an 2015 pandan bann letan ki SMSA ti pe travay, fer bann travay lo son bann regilasyon and so on e ansanm avek IMO ti annan en rekomandasyon ki SMSA i ganny en expert legal.  E ler nou ti’n fer travay pou regarde si i annan Sesel ki kapab fer sa louvraz, ti ganny vwar ki i limite.  E se la ki IMO ti fer rekomandasyon avek SMSA ti propoz en konsiltan e SMSA ti fer en prosedir avek Tender Board pou en direct bidding lefe ki en konsiltan ti’n fini ganny idantifye.  E vwala ki Tender Board ti aprouve e sa konsiltan ti konmanse an Oktob 2015 e ti ale ziska Mars 2016… 2017, sorry. E alafen Mars 2017 nou ti vwar ki travay dapre Kontra ki sa konsiltan i sipoze fer, i pa’n satisfezan savedir i pa’n ganny konplete 100 poursan. E la nou ti fer prosedir pou idantifye en lot konsiltan ki kapab fer travay e vwala ankor ki IMO ti rekomann nou en lot konsiltan pou kontiny sa travay.  E travay ti plis pou fer bann lenplimantasyon sa ki’n ganny fer en collective action plan; savedir bann findings ki ti ganny vwar, bann febles, sorry … ki ti ganny vwar dan SMSA e osi Sesel an zeneral e sa konsiltan osi ti annan travay pou li fer accession domestication of bann konvansyon enternasyonal e osi amendment of Merchant Shipping Act.  E menm konsiltan ki la ozordi se sa son travay e travay pe kontinyen. Mersi Mr Chair.

 

MR SPEAKER

Onorab Gervais Henrie.

 

HON GERVAIS HENRIE

Mersi Mr Chair. Bonzour tou dimoun. Mon kestyon i konsern sa konponan ‘allowance’ pou bann returning graduates, mon vwar i annan 2 konponan ki zot pou peye anba zot Departman.  Si ou ti kapab donn nou en pe detay lo konbyen returning graduates zot pou annan e ki kalite allowance ki zot pou koze ki zot pou gannyen?  Mersi.

 

MR SPEAKER

PS Albert oubyen Minister Lalanne?  PS.

 

PS GARRY ALBERT

Mersi Onorab pou ou kestyon. Sa ki konsern allowance pou returning graduates.  Dan mon Departman, mon annan mwan 2 returning graduates e zot allowance i baze lo sa ki Departman Public Administration i spesifye.  Setadir zot ganny inducement allowance e osi housing allowance.  Mersi.

 

MR SPEAKER

Onorab Simon Gill.

 

HON SIMON GILL

Bonzour Mr Speaker. Mersi. Bonjour Minis ek ou delegasyon. Bonzour tou koleg Onorab e manm piblik ki pe ekoute. Mr Speaker, mon kestyon i swivan dan Bidze anba Department of Civil Aviation, Ports & Marine mon ti a voudre ganny en leklersisman a lefe ki bann prozeksyon pe dir nou ou understaffed ki provizyon Bidzeter konkret ki’n ganny fer ki mon pa vwar pou kapab fer rekritman neseser pou ariv lo sa nivo lefikasite pou deliver lo kote sa Departman.  Mersi.

 

MR SPEAKER

  1. PS.

 

PS GARRY ALBERT

Mersi pou ou kestyon, Onorab. Mr Chair, defi lo kote human resources, mon Departman pou le moman, nou napa sa problenm, nou, nou pe koz bann challenges i plito i konsern Departman an zeneral sa i enkli Lavyasyon Sivil SCAA, Ports Authority, Air Seychelles e osi SMSA an zeneral.  Nou, nou Departman pou le moman i ase ekipe menm si i annan kestyon ki demande, mon anvi ki sa gran responsabilite ki nou annan si nou pti Departman i ase pou fer fas avek sa bann challenge.  E mon konfidan ki avek bann striktir ki’n ganny met an plas, stratezi ki’n ganny met an plas ki wi nou kapab fer fas avek sa bann challenge akoz nou annan en link, nou’n kree en link, link i deza la e nou pe al servi li avek SCAA avek Air Seychelles avek SMSA e menm SCAA, zot osi annan bann unit dan sa bann Lorganizasyon ki deal avek Polisi, stratezi e osi Business development e nou nou bann travayer dan nou Departman nou link avek sa bann Lorganizasyon respektif.  I pa fer sans ekonomikman pou mwan beef up Departman avek bann lekspertiz spesyalize ki pou deal, ki afilye avek sak sa bann Lorganizasyon. Alors pou ekonomiz resours pli vo mye ki mon unit ki annan 2 dimoun ladan, en Director for Policy and strategy e osi en Policy Analyst i link up avek bann Departman, bann unit respektif dan SCAA, dan SPA, dan Air Seychelles e osi dan SMSA, pou enplimant e devlop Polisi. Mersi Mr Chair.

 

MR SPEAKER

Mersi PS.  Onorab Esparon.

 

HON REGINA ESPARON

Mersi Mr Speaker.  Bonjour tou dimoun.  Bonjour Minis avek ou delegasyon. Mon ti a kontan demann Minis an vi ki enn son bann lobzektif se pou enplimant the implementation of ISP Code, ki the International Code for Security and Ship at port facility, si i annan okenn larzan ki’n ganny mete dan sa Bidze lo kote sekirite, e si wi konbyen larzan ki’n ganny mete dan sa Bidze lo kote sekirite Por.  Mersi.

 

MR SPEAKER

PS oubyen Minis.

 

MINISTER MAURICE LOUSTAU-LALANNE

Wi. Mersi Mr Chairman. Mersi Onorab. Sa Bidze li i pirman pou sa Departman pou… ki Monsieur Albert, mon PS i ansarz.  Pou sekirite lo Por, sa i ganny manage, i ganny fer, i ganny Bidzete anba Seychelles Ports Authority.  E donk anba Seychelles Ports Authority se laba ki zot anploy bann sekirite pou Por.  Donk i pa neseserman relye avek sa Bidze ki nou pe diskite la. Mersi Mr Chair.

 

MR SPEAKER

Ok.  Onorab Esparon.

 

HON REGINA ESPARON

Mr Speaker, mwan mon ti pe koz lo zafer enplimantasyon ISPS code mwan, ki mon vwar li mete dan enn son lobzektif – ki bann international norms i demande.

 

MR SPEAKER

PS.

 

PS GARRY ALBERT

Mersi Mr Chair.  Mersi Onorab pou ou kestyon. Wi, nou Departman nou devlop Polisi an zeneral pou bann… ki osi kouver bann parastatal.  E nou pa zis devlop Polisi koumsa menm, nou bezwen fer bann swivi e fer sir ki bann Polisi, regilasyon, bann Lalwa ki pas atraver nou ki al anver bann parastatal pou zot enplimante, i ganny enplimante. E pou le moman i annan en defi lo nivo Departman setadir Port Authority i tonm anba nou Departman, i annan en defi kot ISPS i konsernen.  E therefore nou Departman i pou fer bann follow-up pou fer sir ki sa bann defayans ki egziste ki tonm anba ISPS i ganny korize akoz i nou responsabilite an zeneral. Mersi Mr Chair.

 

MR SPEAKER

Mersi PS.  Onorab Herminie.

 

HON WILBERT HERMINIE

Bonzour Mr Speaker.  Bonzour Minis avek ou delegasyon. Mon kestyon ti lo kote sekirite, me solman vi ki sa komanter ki PS, mon ti a zis kontan konnen kantite Konvansyon ki la prezan nou pa ankor ratifye ki nou bezwen ratifye pou fer fasilit zot travay?

 

MR SPEAKER

PS.

 

PS GARRY ALBERT

Mersi Mr Chair.  Mersi Onorab pou ou kestyon. Lalis Konvansyon i ase long e bann ki priyorite pou le moman i annan Konvansyon MARPOL, i annan Anti-Fouling Convention; Removal of Wreck Convention.  E osi i annan bann Konvansyon ki nou’n fini ratifye ouswa accede to – be selman ki nou bezwen domesticate. I annan ankor, i annan en gran lalis, me i annan ki priyorite; ki Sesel i enportan ki nou ekspekte.  Sa i Konvansyon SOLAS,  Load Lines  Convention, Tonnage Convention, COLREG Convention, MARPOL Convention, SAR Convention and so on.  Lalis i long.  Me selman travay pe ganny fer se pour kwa nou annan en konsiltan ki pe travay avek nou pou travay lo sa bann Konvansyon ki nou pa ankor ratifye ouswa… nou pa ankor ratifye e osi bann ki nou’n fini ratifye ki nou bezwen domesticate them.  So travay i pe ganny fer aktyelman, mon konsyan ki i annan retar me retar in vin akoz ankor retar avek bann konsiltan ki nou’n annan dan lepase ki’n pa’n delivre, sa i enkli bann konsiltan lokal osi ki nou’n annan dan lepase, e apre osi bann foreign ki nou’n vini.  Me sa ki nou annan aktyelman, nou satisfe ki i pe travay dir e i pe delivre e son kontra i ale ziska lannen prosen.  E by the end of next year, mid next year we are hopeful ki i pou’n konplet sa travay ki i annan pou li fer. Mersi Mr Chair.

 

MR SPEAKER

Onorab Terence Mondon.

 

HON TERENCE MONDON

Mersi Mr Chair.  Bonzour tou dimoun.  Mon kestyon pou SMSA, mon premye kestyon i sorti anba priyorite stratezik pou 2018–2020 e anba la mon vwar ki zot fer komitman pou zot ouver en Seychelles Radio Coast Station. E an menm tan da Bidze Sant Rezyonal ki nou’n aprouve pou en sonm 12.8 milyon, zot osi zot fer provizyon pou acquire en coastal radio station. E mon anvi konnen, ou kapab eklersi mwan si i pa en duplication e swa i form parti en sel travay e pou zot  ladan mon vwar 6milyon zot pe allocate pou sa stasyon.  Mon ti a kontan ou eklersi mon lo la.  Dezyenmman lo kote reveni ankor anba priyorite stratezik, ou dir ou pou register tou bann vessels nenport groser e ler mon pe get reveni ki SMSA i anmennen, i fer provizyon 14.8 milyon pou 2018, en ogmantasyon 1.3milyon konpare avek 2017. Mon anvi konnen en breakdown lo kote reveni akoz mon anvi konnen si vreman nou pe anmas ase reveni avek sa bann travay ki zot pe fer avek bann vessels ki pou register.  E sirtou nou konnen bann yacht osi, mon pe gete ki kantite reveni zot pou ranmase avek sa bann yacht e swa si i annan okenn provizyon.  Zot pe fer pou nou kapab ogmant reveni ki nou kapab anmase dan sa sekter. Mon ti a kontan konnen ki zot plan e donn mwan en breakdown lo kote reveni ki zot anmase lo par Gouvernman. Mersi Mr Chair.

 

MR SPEAKER

Msye avan mon demann PS pou reponn Onorab Afif ou annan en point of order.

 

HON AHMED AFIF

Mersi Mr Chair. Mr Chair, zis en point of order, mon ti a kontan konnen si nou pe fer deba zis lo Departman Civil Aviation oubyen nou pe pran tou larestan ansanm.  Parske taler ler mon’n lev lanmen, mon’n dir mon napa okenn kestyon parske mon krwar nou pe fer deba zis lo Departman Civil Aviation me…

 

MR SPEAKER

Mon krwar…

 

HON AHMED AFIF

…vi ki in raise en keksoz lo SMSA ki mon ti krwar nou pa pe fer deba lo la e alor…

 

MR SPEAKER

…PS ler nou ti’n konmanse nou ti dir nou pe pran paz 466 lo Departman Civil Aviation, Ports & Marine se sa, PS? PS Payet?

 

PS PATRICK PAYET

Mersi Mr Chair. Apre mon ti azoute ki Seychelles Maritime Safety Administration too lo paz 484.

 

MR SPEAKER

Lo paz?

 

PS PATRICK PAYET

Nou ti pe pran pou tou le 2.  Wi.

 

MR SPEAKER

400…

 

PS PATRICK PAYET

84.

 

MR SPEAKER

4-8-4. So nou pe pran tou le 2? Ou en Bidze ki’n propoze 20 milyon pou SMSA.  So Onorab Afif ou le demann en kestyon lo la.

 

HON AHMED AFIF

Well mon ti a kontan zis dan sa ka vi ki mon pa ti konnen ki nou pe demann lo la, mon ti a kontan met mwan lo lalis pou demann en kestyon…

 

MR SPEAKER

Alright okenn dimoun ki lo sa size ti a kontan met ou non? Onorab Pillay, Onorab Gill. Bon, ok, mon a note. En klarifikasyon?  Ok.  Go ahead.

 

HON SEBASTIEN PILLAY

Mersi Mr Chair. Mr Chair, prenant kont ki SMSA i annan en Head anba schedule pou li menm e tandis ki Departman li i en consolidated position avek Ministry.  Konmsi nou pa annan 2 Departman, nou pou annan Tourism ki nou pou bezwen pran, apre nou bezwen pran sa 1. Mon ti ava propoze ki rather ki nou kontinyen avek Departman sa, plito nou pran sa SMSA kot nou kapab pran en vot lo son Head apre nou ava retournen nou ava pran Tourism ansanm avek sa Departman…

 

MR SPEAKER

Be nou’n fini… Tou sa ki koze in koz lo sa Bidze 4-6-6, lo sa Bidze Departman Civil Aviation, Ports & Marine.  Annou fini sa apre nou al lo sa ki Mr Afif in leve lo paz 4-8-4. Ok?  So Onorab Mondon ou’n lev en kestyon PS, silvouple. Onorab Mondon, PS Albert eski ou santi sa i tonm anba ou Lotorite oubyen i tonm anba Port Safety Administration, Marine Administration?  E si wi petet nou esper pli tar pou demann ou kestyon, Onorab Mondon. Yes.  Onorab Mondon.

 

HON TERENCE MONDON

Ok.

 

MR SPEAKER

Ou ok avek sa?

 

HON TERENCE MONDON

Ya.

 

MR SPEAKER

En klarifikasyon, Onorab Pillay?

 

HON SEBASTIEN PILLAY

Non Mr Chair, mon ti pe zis demann ou pou met mon non pou mon kapab demann en kestyon lo SMSA, vi ki mon ti anba menm lenpresyon.

 

MR SPEAKER

Ok. Alright, good. Onorab William.

 

HON WAVEN WILLIAM

Mersi Mr Speaker. Bonjour. Bonjour Minis avek ou lekip. Mon ti a kontan demann en kestyon avek Mr Albert.  CEO mon ti a kontan si ou regard lo paz 467 an relasyon avek sa Bidze mon pe regard bullet point, anba ‘current challengesbullet point 2 avek 5.  Letan ou koz “over reliance on the opinion of the same few expert in the sectors” epi lo lot bullet point kot pe dir “many Policy issues are not respected by the Parastatal, these Organisations are managed by a Board of Directors making it difficult for the Department to implement.” Sa pou mwan i prezant en konsern. Mon ti a kontan konnen kwa egzakteman ki zot annan lentansyon fer? Epi letan mon pe regard sa Bidze avek lelan devlopman ki Sesel pe pran vizavi dan nou Sekter Tourism avek Lapes e osi bann aktivite dan Por avek Airport, kwa egzakteman tanzib nou ekspekte arive? Mersi.

 

MR SPEAKER

  1. PS.

 

PS GARRY ALBERT

Mersi Mr Chair. Onorab mon pa’n tro ganny en konpran ou kestyon, ou kapab repet ou kestyon, silvouple?

 

HON WAVEN WILLIAM

Yes.  Wi, anba ‘current challenges’, mon pe koz lo bullet point number 2 avek bullet point number 5, sa bann challenges ; an vi mon pe get an relasyon avek ou Bidze ki ou pe demande, an relasyon avek lelan devlopman ki Sesel pe pran vizavi bann sekter ki tonm anba ou Lotorite mon anvi demann ou kwa egzakteman konkret ki zot annan lentansyon fer, pou kapab rezourd e fer ki Budget e Finans pe ganny donnen e pe ganny byen servi.  Mersi.  Akoz finalman se pou baze lo bann desizyon ferm e konkret e zis. Mersi.

 

MR SPEAKER

Ou’n ganny li PS sa kestyon?  Wi.

 

PS GARRY ALBERT

Mersi Mr Chair. Mersi Onorab pou ou kestyon. Ki mannyer nou pou adres sa bann challenges?  Parey mon’n mansyonnen pli boner, nou Departman son responsabilite se pou devlop bann Polisi e stratezi ki kouver an zeneral savedir ki kouver bann Departman ki tonm anba mwan, bann parastatal ki tonm par anba nou, me nou napa responsabilite pou manage sa bann Lorganizasyon direkteman zot responsab anver zot… zot annan en CEO ki reponn a zot Board e Board to the Minister. Me ki nou fer, ki nou pe mazin fer se ki pran bann, par egzanp bann raport odit ki’n ganny fer kot napa odit sorti kot Oditer Zeneral, e osi par egzanp bann odit ki’n ganny fer par IMO, bann odit ki’n ganny fer par IKO e vwar ki bann defayans ki annan e nou nou pran sa bann defayans e follow up lo la e fer sir ki pe ganny enplimante e korize.  E osi independently nou mazin parey ou vwar dan nou Bidze, nou annan en konponan pou ‘consultancy’, sorry e sa consultancy component i pa zis pou sa foreign consultant ki nou annan.  E nou osi pe mazinen rod bann konsiltan lokal si i available pou fer serten analysis, evalyasyon kekfwa dan, par egzanp dan domenn Performance, dan domenn Sekirite, dan domenn Safety and so on e vwar ki bann defayans ki i annan e ki mannyer nou nou kapab aziste nou lekor si i annan en nesesite pou anmenn regilasyon ouswa fer amendment dan bann regilasyon ouswa bann policy. E sa, akoz lo nou kote nou napa sa pouvwar parey mon’n dir pou al manage on a day-to- day.  Me selman ler nou vwar sa bann defayans nou kapab pran sa met dan latansyon Minis ki osi i anmenn devan Cabinet akoz i egziste ozordi ki i annan bokou defayans ki menm si mon Departman nou pe fer bann follow-up pou ganny serten aksyon i pa arive, aksyon pa ganny pran.  E ki swa lo nivo sekirite, safety e vwala ki petet parey lo kote Lavyasyon, Lavyasyon Sivil i kapab dir ou ‘‘be sa i sipoze koumsa’’ menm si nou, nou pa santi nou konfortab.  E la i fer en one-to-one e la prezan i annan en nesesite pou al rod en expert, en konsiltan ki ava vini ki a fer en assessment ki a donn nou en independent report ki nou, nou kapab servi pou zistifye.  E petet i kapab arive ki nou, nou mal, sa ki nou nou pe demande i mal e Lavyasyon Sivil par egzanp sa ki i pe dir i byen.  E vwala e la ki i annan sa nesesite pou nou annan en konsiltan pou donn en independent report.  E vwala la fason nou pe mazin adrese in a nutshell parey mon’n dir, se pran bann rapor odit ki egziste e osi rod bann expert pou donn nou zot pwennvi.  E Sesel ozordi nou napa bokou bann expert ki kapab donn nou bann pwennvi endepandan par egzanp dan kote, lo kote Lavyasyon.  Mon a donn en legzanp Onorab parey lo kote Lavyasyon Sivil i annan en demann par IKO ki Lavyasyon Sivil i ganny separe an 2, en kote komersyal e osi en kote regilasyon; me Lavyasyon Sivil li son pwennvi se ki i pa neseser e no+u dan nou kote nou vwar nou dan en sityasyon ase difisil, lekel ki byen?  Eski IKO ki byen ouswa sa Lorganizasyon ki byen?  E la nou kapab annan en larepons konkret, nou rod en konsiltan ki kapab vini fer en evalyasyon baze lo nou konteks.  I pa vedir ki akoz dan bann lezot pei pe fer ki nou osi nou bezwen fer li petet i byen me vwala ki nou kapab ganny en rekomandasyon dan nou konteks Sesel.  Mersi Mr Chair.

 

MR SPEAKER

Mersi PS e dernyen kestyon Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker, i annan enn de pti kestyon me selman mon ava konmans avek vi ki Ports Authority pa pou vin devan nou bomaten, mon ava profite ki nou pe koz lo Departman Lavyasyon Sivil pou mon demann en kestyon lo staffing dan Ports Authority.  Mr Speaker depi en bon pe letan nou pe ganny en kantite konplent avek bann travayer lo Por e la mon ava fer ou ganny en kopi, Mr Speaker, en Petisyon ki’n fek ganny re-mete dan mon lanmen bomaten ler mon ti pe antre kot Lasanble Nasyonal kot 31 travayer Por in fer konplent konmkwa zot pa pe ganny ekoute par zot CEO, zot pe ganny menase ler zot koze, zot ganny kriye, zot ganny dir ki zot pou ganny pouse si zot demann kestyon, bann keksoz koumsa.  Donk nou annan deza dan bann ‘challenges’ en lack of human resources, mon ti a kontan demann Minis dan bann ka koumsa, nou konnen e PS fek konfirmen poudir i annan bann pti lanpir dan Por, sakenn i annan son lanpir, sakenn i fer pou li e finalman Minister i pa kapab fer nanryen; be zisteman ler nou annan en sityasyon koumsa kot nou santi poudir i annan nesesite pou entervenir pou nou gard nou staff, pou nou konpran zot problenm, pou nou train zot si zot bezwen. Eski Minister i le sityasyon gate e akoz i napa Lotorite lo SMSA oubyen lo Por, oubyen lo lot oubyen eski Minis i pran en desizyon pou li kapab entervenir pou fer sir ki sa Lorganizasyon i mars byen? Donk lo sa spesifikman e Minis i kapab dir nou si li in gannyen sa bann sa akoz in dan lapres sa bann konplent, sa bann keksoz e si i konsernen avek sa ? Sa i mon premye kestyon.  Mon dezyenm kestyon i konsern ‘rent’, PS oubyen Minis. Lannen pase nou ti pran en desizyon pou anvoy zot dan… pou ki Minister Tourizm e Lavyasyon Sivil i al… e pa tonm ladan ditou me selman vi ki zot occupy en bout sa building zot, mwan mon ti a kontan konnen akoz mon pa vwar ki mannyer zot pe share the rent akoz si zot pe share the rent,  nou riske vwar ki Minister Tourizm pe pey plis ki ti pe peye lannen pase e nou nou pa anvi ki sa i arive, akoz nou lobzektif sete pou fer Minister Tourizm pey en pti pe mwens atraver sa relocation.  So ki share ki sa Departman pe fer dansa depans rent aktyelman ? Mersi.

 

MR SPEAKER

Petet avan mon donn parol Minis Lalanne, mon ti a, mon pa konnen si nou pe koz menm lalis me mon osi mon’n resevwar 2 set Petisyon ki ariv plis ki 31, mon’n tann ou dir 31 so mon pa konnen si nou pe koz menm zafer me mon zis anvi azout sa, ki sa osi mon annan lo mon biro 2 set petisyon sorti kot Seychelles Ports Authority bann dimoun zot in met zot non e zot in sinyen. Me petet mon a les Minis reponn kestyon Onorab Ferrari.  Mon ti zis anvi fer sa adisyon avan ou reponn, Minis.  Wi Minis.

 

MINISTER MAURICE LOUSTAU-LALANNE

Mersi Mr Chairman.  Zis avan mon reponn sa 2 kestyon poze par Onorab Ferrari, mon ti a zis kontan fer en pti adisyon an sa ki konsern kestyon Onorab William.  Nou’n osi deside ki bokou bann parastatal ki tonm anba nou Minister, nou fer zot si ou le swiv bann striktir ki deza an plas pou zot fer zot reporting avek Gouvernman, akoz i annan plizyer lenstitisyon kot sa bann parastatal i bezwen raport avek e par ler zot raport en pe an retar e sa i kree bokou enkonvenyan.  Konmsi ou pa le sa sityasyon kekfwa dan ou konpannyen deteryore apre ou vin kot Minister pou rod en solisyon. I bon ki zot fer zot bann Board meeting pli regilyerman kekfwa rantre dan en kontak avek nou pli regilyerman e donk mwan mon’n fer li en devwar ki tou le semenn mon telefonn sa bann CEO, mon koz avek zot, mon annan en management meeting ki osi nou fer en fwa par mwan kot zot tou zot ganny envite zot vini.  So nou’n etabli en lot fason fonksyon olye ki nou fer li parey en pti lo otomatik.  Pou reponn kestyon Onorab Ferrari, mon napa sa petisyon pou sa bann group travayer. Me mwan mon ti a kontan zis mansyonnen ki par ler letan dan landrwa travay i annan en problenm e en group travayer i bezwen ganny investigate si ou le. I annan en fason pou fer li, ou konpran?  Ou bezwen kree kekfwa en Disciplinary Committee, ou bezwen pran levidans, ou bezwen pran en desizyon me menm kantmenm tou sa bann keksoz pe pase, nanryen pa anpes en travayer siny en Petisyon, vin kot mon PS, vin kot mwan, al kot Ombudsman, i annan plizyer rekour ki i kapab fer.  Parey la i annan enn menm i vin kot ou so nou pa kapab anpese sa bann keksoz, ou vwar. E alor ankor mon retourn lo sa pwen se pour kwa mon’n fer sa pwen pli boner.  Nou bezwen annan sa dyalog ou vwar pou nou evite ki sa bann keksoz i arive.  E mwan mon ti a kontan an sa ki konsern mon Minister ki sa bann keksoz pa arive ditou. So vwala, mwan mon pa kapab anpes en dimoun siny en petisyon ou plizyer dimoun siny en Petisyon me mon ava fer en lapel ki zot pran kontak ek nou boner pou nou sey regle sa.  E nou osi nou pou fer sir ki sa bann CEO dan sa bann konpannyen zot attentive a sa bann problenm staffing.  An sa ki konsern Mr Chairman letan nou’n bouze nou’n al Botanical House, kontra ki’n ganny sinyen in ganny sinyen ant PS Tourism avek propriyeter e Minister Finans dan son deliberasyon Bidze konteni ki mannyer sa kontra in ganny sinyen tou kou rental dan sa Botanical House i tonm anba Tourism.  Donk se pour kwa ou pou vwar taler ler nou pou vin lo Tourism, i annan en gran ogmantasyon lo rent ki ganny peye par Departman Tourism. So Departman Tourism pe pey pou lofis ki Mr Albert i okipe, Minister Lafanmir i osi annan en bout dan sa Botanical House e se nou se Departman Tourism ki pe peye, mon biro, zot Departman pou zot menm, STB li osi e taler zot ava vwar letan nou koz lo STB, STB i annan en rediksyon pros R5 milyon dan son Bidze e sa i atribye akoz sa rent osi.  So nou kapab eksplike ki mannyer sa logmantasyon me nou pe sivre sa Kontra ki mannyer in ganny sinyen. Mersi Mr Chairman.

 

MR SPEAKER

Mon sizere ki Clerk avan Minis Loustau-Lalanne i kite bomaten, ki ou kolekte sa 2 set Petisyon e ou donn Minis Lalanne dan son lanmen avek Onorab Ferrari avek Direkter dan mon biro.  Mersi Minis, mon krwar in ariv ler avan nou bouz lo paz pou Seychelles Maritime Safety Administration pou nou fer en vot lo sa Head lo Department Civil Aviation, PS Payet.

 

PS PATRICK PAYET

Mersi Mr Chair.  Zis pou azoute ki akoz Departman Civil Aviation, Ports & Marine i enkli dan en sel Head, nou pou pran en sel letan nou pran Departman Tourism avek STA so nou pa pou pran vot lo la pou le moman.

 

MR SPEAKER

Nou a pran Department pour Tourism?

 

PS PATRICK PAYET

Yes. Ansanm letan nou pran… wi.

 

SEYCHELLES MARITIME SAFETY ADMINISTRATION

 

MR SPEAKER

Eski nou Minis sa i vedir ki ou anvi eskiz PS ek Kaptenn oubyen nou al… ok. Tre byen nou al lo paz 4-8-4, Seychelles Maritime Safety Administration, epi nou a pran en vot lo tou le 2 Heads.  Se sa PS ?

 

PS PATRICK PAYET

Non. Nou pou pran zis en vot lo Seychelles Maritime Safety Administration akoz li i en separate Head apre Departman Sivil Lavyasyon nou pou pran li ansanm avek Departman Tourizm.

 

MR SPEAKER

Bon, ok, savedir nou pran la Seychelles Maritime Safety Administration.  Yes?  PS?  Zis sa enn la ki lo paz 4-8-4 nou total to be appropriated 20.099 million, that’s it?  Tre byen mon krwar la nou pou bezwen pran de nouvo lalis bann dimoun ki le koze, Clerk ek Deputy Clerk.  E nou a fer sa pou sak Head ki nou pou vote pou fer sir ki nou annan lord.

 

MADAM CLERK

Mr Chair, kote Parti Lepep mon’n rikord Onorab Sebastien Pillay, Onorab Churchill Gill avek Onorab Egbert Aglae.

 

MR SPEAKER

Deputy Clerk.

 

MADAM DEPUTY CLERK

Mersi Mr Chair.  Lo kote i annan Onorab Afif, Onorab Georges, Onorab Henrie avek Onorab Ferrari e Onorab Mondon.

 

MR SPEAKER

Bon e nou fer kler ankor zis pou fer sir…

 

MADAM DEPUTY CLERK

Avek osi tou Onorab Ramkalawan.

 

MR SPEAKER

Nou tou nou lo menm laliny, nou pe koz lo paz 4-8-4, PS, ziska 4-90. Se sa? Very good. Mersi. Thank you. Nou a donn laparol Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair, ler mon regard…

 

MR SPEAKER

En pti moman, Onorab Mondon ou annan en pwen?

 

HON TERENCE MONDON

Mr Chair, par lefe ki mon ti’n deza demann sa kestyon, petet… eski mon kapab ganny priyorite, mon are-demann mon kestyon?

 

MR SPEAKER

Pa fer nanryen, i a demande, ou pa pou bliy ou kestyon, you have a good memory, i a reponn en pti moman. In konmanse les li fini apre dezyenm i a vin ou. Onorab Pillay kontinyen.

 

HON SEBASTIEN PILLAY

Mersi Mr Chair. Mersi Onorab…

 

MR SPEAKER

Yes Onorab Pillay.

 

HON SEBASTIEN PILLAY

Mr Chair, wi, en kestyon ki mon le demann SMSA i relye direkteman avek en laliny dan zot Bidze ki konsern security equipment e mon vwar en sonm 518mil apepre e par anba i annan radio equipment. Nou’n tann serten lenformasyon ki’n ganny donnen par Lazans ki ti vini pou koz lo sa rol sivilyen pou bann travay monitoring e mon ti le konnen prezan anba sa Bidze ki bann konponan ki pe al ver sa e si sa i en konponan ki al ver sa travay ki sipoze pe ganny fer e si ou ti kapab klarifye par egzanp when it comes to zot bann ‘subsistence allowances’ ki zot in mete dan Bidze ki egzakteman zot pe dir par sa bann ‘subsistence allowance’? Mersi.

 

MR SPEAKER

Ok. Kaptenn Valmont oubyen PS.

 

CAPTAIN JOACHIM VALMONT

Mersi Mr Chair. Mersi Onorab pou ou kestyon e bonjour tou Onorab. Bonjour tou dimoun a lekout. An repons ou kestyon pou sa ‘subsistence allowance’ nou konnen poudir zisteman mon annan 2 expert ki pe ariv da pei Dimans e sa zot pe vini pou reviz nou quality management system an plas e nou pou pran sa larzan anba sa Bidze la, pou nou kapab peye pou zot fer sa travay. Mersi.

 

MR SPEAKER

Onorab Mondon.  Ou annan en dezyenm kestyon.

 

HON SEBASTIEN PILLAY

Security equipment.

 

MR SPEAKER

Kaptenn Valmont. ou’n gannyen sa dezyenm kestyon? Repet ou kestyon Onorab Pillay.

 

HON SEBASTIEN PILLAY

Mersi Mr Chair. Ler nou ti zwenn avek bann Lazans ki tonm anba Home Affairs ki pe fer sa travay lo nivo proteksyon maritim pou bann sivilyen, zot ti anonse poudir i annan en partenarya ki egziste ant bann diferan Lazans, e zot ti dir ki i annan en konponan ki SMSA ti pe fer e dan en prezantasyon ki nou ti gannyen avek PS lo nouvo Lalwa ki ti ganny fer devan Bills Committee ti annan ankor sa bann lenformasyon ki ti donn nou. So an pe regardant Bidze mon pe vwar provizyon dan Bidze pou aste serten lekipman sekirite, mon ti le konnen prezan si sa i en kou ki SMSA pe met towards sa proze ki nou’n ganny dir oparavan dan Bidze, e si wi prezan ou si ou ti kapab donn nou en pe detay lo sa bann kou.  Mersi.

 

MR SPEAKER

Kaptenn Valmont.

 

CAPTAIN JOACHIM VALMONT

Ok. Mersi Onorab bokou pou ou kestyon. Sa ki ou vwar dan sa Bidze la, sa ki ou pe fer referans avek, nou’n met li pou kapab fer maintenance lo Lighthouse Aldabra e zisteman boner sa lannen Lighthouse son glob ti brile e sa glob i en glob spesifik ki nou’n bezwen, i pa available lokalman obviously e nou’n bezwen source li aletranze. E vwala e an menm tan nou’n fer provizyon ankor pou maintenance sa Lighthouse Aldabra.   Mersi.

 

MR SPEAKER

Onorab Mondon.

 

HON TERENCE MONDON

Vre mon sourd.  Mersi Mr Chair.  Mon kestyon pou SMSA i relye avek zot priyorite stratezik pou 2018–2020 e ladan mon annan 2 kestyon. Premye i konsern sa coastal radio station e dan Bidze nou’n pous Sant Rezyonal, nou ti’n deza aprouv en Bidze 12.9 milyon e ladan zot fer provizyon pou aste en sant radyo e mon anvi konnen par lefe ki SMSA zot osi pe fer provizyon R6milyon pou sa stasyon radyo mon anvi konnen si sa pa en duplication e se i annan serten laranzman kelkonk, mon ti anvi en pe leklersisman lo sa. Dezyenmman i konsern reveni e en perspektiv enportan ler nou pe koz lo Bidze nou konnen ki SMSA i anmenn en sonm 13.1milyon an 2017 e i fer provizyon pou en sonm 14.5milyon an term reveni. Mon anvi konnen par lefe ki zot pe dir ki zot pou anrezistre tou bann bato dan Sesel e nou konnen i annan bann bato parey sa bann bato lwazir ki pe fer biznes menm petet ilegal i annan parmi.  Eski sa sonm ki zot pe fer provizyon i kouver tou sa, tou sa bann bato?  E mon anvi konnen si SMSA pe maksimiz potansyel reveni ler zot pe get zot reveni pou 2018.  E an menm tan ti kapab donn mwan en breakdown kote zot bann reveni i sorti baze lo sa ki zot in anmase pou 2017.E mon dernyen pti kestyon, mon ti a kontan ganny detay lo ‘rental’ ki en provizyon 2milyon ki tonm anba 168mil par mwan, mon anvi konnen ki lespas zot pe okipe, pou mwan vwar si vreman zot pe ganny en bon deal avek sa 2milyon. E sa ti mon kestyon Mr Chair.  Mersi.

 

MR SPEAKER

Kaptenn Valmont.

 

CAPTAIN JOACHIM VALMONT

Mersi Mr Chair.  Mersi Onorab pou ou kestyon. Ou premye kestyon i leklersisman konsernan kontribisyon SMSA towards NISCC.  Sa 6milyon i reprezant kontribisyon ki pou go towards NISCC.  Ler mon dir i pou go towards NISCC, i pou al pou sa radio coast station e sa 6milyon i reprezant kontribisyon SMSA.  Annefe sa coast station i worth bokou plis ki sa, me since sa sant in deza ganny kree e sa sant i pou annan plizyer entity ladan enkli SCAA, Ports Authority, SFA, tou sa bann entity, i pou annan serten kontribisyon osi ki pou go towards sa sant.  Me solman sa sonm spesifik, sa 6 milyon sa i reprezant kontribisyon SMSA towards sa radio coast station. Ou dezyenm kestyon i sa reveni 13 milyon ki ou’n fer mansyon ; sa reveni i en prozeksyon ki Minister Finans i fer tou le lannen letan zot fer Bidze zot fer sa prozeksyon e sa kekfwa PS Finans i kapab donn en pti pe plis leklersisman lo la.  Pou ‘rental’ parey ou konnen, pli boner sa lannen SMSA ti move kot Trinity House, nou’n sorti dan Por pou le senp rezon ki dan Por i pa’n permet nou pou nou kapab rekrit plis staff akoz lespas i limite akoz Ports Authority osi zot annan plan pou pran plis dimoun alor nou ti vwar nou bezwen ou lobligasyon pou sorti e boner sa lannen nou’n move an Fevriye, nou ti move Trinity House.  E la nou pe pey en rental R125mil par mwan pou en lespas 490 met kare e vwala.  Mersi.

 

MR SPEAKER

PS Payet azoute apre Minis oubyen Minis avan?  Minis.

 

MINISTER MAURICE LOUSTAU-LALANNE

Mersi Mr Chairman.  Wi, parey Kaptenn Valmont in eksplike sa coastal radio station i vreman enportan, akoz nou ti annan en fasilite bon lespwar avan Cable & Wireless ki nepli pe fonksyonnen e i tre enportan nou met li an mars deswit pou nou nobou kontakte nou bann bato.  Nou’n annan nou en gran sans sa lannen personn pa ankor perdi dan delo sale,  me nou ‘touch wood’ ziska lafen sa lannen. So en sit in deza ganny aste par SCAA pou nou met bann lekipman neseser lo la, apre relye li dan sa sant ki ou’n koz lo la pou li fonksyonnen e nou anvi fer li fonksyonnen le pli vit posib akoz i en mankman dan nou kominikasyon pou sekirite maritim.  An sa ki konsern reveni, lentansyon parey zot in vwar dan Bidze se lannen prosenn nou le ki ladministrasyon SMSA i vin en Lotorite.  So nou pe anmenn en Bill byento, le 29 Novanm i pou al devan Cabinet e apre i ava anmenn Lasanble pou nou kree sa Lotorite e letan nou pou fer sa enn nou bann keksoz ki nou pou fer se, reveni ki Licensing Authority ozordi pe anmase an sa ki konsern bann bato, i pou transfer kot sa Lotorite e se pou kwa ou vwar i annan en ogmantasyon ase konsiderab lo sa reveni ki pe sorti 1.2, 1.3 milyon i pe mont 14 milyon.  So wi nou le met plis kontrol avek backup Lalwa pou fer sir ki tou dimoun i pey zot dues e mon pare en fwa ki nou fini se anvoy sa lalis e sa bann formil ki mannyer nou pou sarze pou diferan bato, diferan groser, diferan tonaz, eksetera, eksetera.  Mersi Mr Chairman.

 

MR SPEAKER

PS Payet ou ok?  Ou pa le azout nanryen? Onorab Gill, Churchill Gill.

 

HON CHURCHILL GILL

Mersi MrChair.  Bonjour.  Bonjour Minis. Bonjour tou Manm. Dan other uses of goods and services i annan en ogmantasyon 1.3milyon, mon ti a kontan ganny en lesplikasyon kwa ki’n fer sa logmantasyon apre dan ‘non-produced assets’ i annan en sonm 1milyon, mon ti a kontan ganny en lesplikasyon pou kwa sa.  Mersi.

 

MR SPEAKER

PS oubyen Kaptenn.

 

HON CHURCHILL GILL

Paz 486.

 

MR SPEAKER

4-9-0.

 

CAPTAIN JOACHIM VALMONT

Ok.  Sa logmantasyon obviously i reprezant parey Minis in refer sorti SMSA i sipoze vin en Lotorite byento.  E obviously nou’n fer provizyon pou lagrandisman, nou’n create definitivman ler ou vin Lotorite ou pou bezwen create post definitivman i pou annan son CEO, son Deputy CEO obviously i pou annan son Board of Directors so sa ogmantasyon i reprezant enn pti pe sa logmantasyon dan staffing pou SMSA li menm.  E sirman avek ogmantasyon dan staff i vin avek tou, i vin avek depi son lekipman, furniture and so on.  Mersi.

 

MR SPEAKER

Onorab Gill.

 

HON CHURCHILL GILL

Ti annan 2 kestyon. I annan sa 1 milyon par anba dan ‘capital expenditure’.

 

MR SPEAKER

Ou ankor lo paz 486. 4-8-6. Kaptenn.

 

CAPTAIN JOACHIM VALMONT

Ok.  Yes.  E sa i reprezant, mon annan osi beach management savedir nou annan exclusion net, nou annan bann bwe demarkasyon ki nou’n mete. Parey ou konnen nou annan omwen 4 lans ki annan sa demarkasyon, i annan Beau Vallon, i annan Port Launay, i annan Anse Lazio.  E byento la nou pe al Cote D’Or ki’n nou’n fek fini fer tou sa bann prosedir procurement, nou’n reisi ganny en kontrakter ki pou kapab al fer sa demarkasyon, vwala.  Mersi.

 

MR SPEAKER

Onorab Georges.

 

HON BERNARD GEORGES

Mersi Mr Speaker. Mr Speaker, mon kestyon i lo paz, anfen i relye lo avek paz 489 anba table 7, ‘consolidated program expenditures estimates’. Spesifikman program SP1 avek SP2. Mon remarke ki in ganny Bidzete pou 2018 ki Maritime Transport Safety Management pou depans R12 milyon me son Search and Rescue li menm pou depans zis R640 mil.  E mon ti ava kontan sirtou an referans avek bann lensidan lokal, non pa bann lensidan ot mer be bann lensidan lokal ki arive kot bato i savire, dimoun i perdi lavi eksetera ki premyerman SMSA i konfirm avek mwan, ki zot pa pe load larzan lo bann aktivite asiz dan biro e manage en aksidan.  E non pa al lo scene ler en aksidan e fer sir ki aksidan pa arive e dimoun i ganny sove.  E ki linisyativ i pe ganny pran dan sa Bidze an 2018 pou fer sir ki dan bann distrik, i annan sifizaman lifeboat oubyen provizyon pou sovtaz pou bann aksidan lokal ki arive akoz mon vwar ki sa distenksyon ant 12milyon pou management e 640 mil selman pou son actual safety, i annan en len balans. Mersi Mr Speaker. Mr Chair.

 

MR SPEAKER

Kaptenn Valmont.

 

CAPTAIN JOACHIM VALMONT

Mersi Mr Chair. Mersi Onorab pou ou kestyon. Mon repons i comme swivan byensir avek training ki ti ganny fer lannen pase par IMO, nou’n, avek odit osi relye avek sa odit ki ti ganny fer nou’n vwar nou anba lobligasyon pou train tou Manm ki form par Marine Accident Investigation Board e an menm tan nou’n bezwen apwent nouvo Board.  Board in sorti, avan Board ti annan 6 manm nou’n mont lo 10 avek nou’n pran kont bann dimoun ki’n train savedir sa Board maintenant i bann dimoun ki’n ganny train dan sa sans.  An menm tan, obviously letan ou annan plis manm, avan osi zot reminerasyon ki zot ti pe gannyen ti less, e la in vin parey Minister Finans in ganny rekomande.  So ou annan plis manm obviously ou kontribisyon i vin plis e osi nou’n fer provizyon akoz sa Board, si i annan okenn lensidan mon pe dir pa zis lensidan avek nou bann bato lokal me lensidan ki arive avek nou bann tankers ki pe trade internationally.  Savedir nou bezwen fer provizyon pou si an ka i ariv en lensidan avek enn sa bann tankers nou kapab deplas sa bann manm pou zot kapab al fer zot travay investigation. I pa vedir, sa larzan i pa vedir ki nou zis met li la, me ou bezwen met li la an ka i annan sa deplasman ou vwar poudir si i annan en deplasman ou bezwen fer li toudswit si en aksidan i arive ek en bato ozordi ou bezwen deplas sa bann manm ozordi.  E se pou se la rezon ou vwar poudir i annan sa provizyon ki nou’n fer li.  Just in case en keksoz i arive ek nou bato e nou nou pare.  E dan lesans ki si an ka i ariv en lensidan, ou pa kapab prezan pe al fer bann prosedir ensidswit and so on and so forth, nou bezwen pare. E se pou sa rezon ou vwar ki nou’n fer sa provizyon annan sa larzan la available at all time.  Ou lot kestyon i pou bann … ki provizyon in ganny fer pou bann lensidan pti bato parey Minis in refer sorti sa lannen erezman nou pa ankor ganny okenn lensidan.  Me par kont Bidze operasyonnel pou search and rescue i pa tonm anba Bidze SMSA e sa i tonm … akoz operasyonnel search and rescue i ganny … kot Coast Guard.  Se Coast Guard ki fer sa loperasyon operasyonnel, akoz zot ki annan bann asset.  SMSA li son rol se pou kordinen, kordin loperasyon.  E obviously Bidze pa pou sorti kot SMSA.

 

MR SPEAKER

Onorab Georges.

 

HON BERNARD GEORGES

Mersi Mr Chair.  Mr Chair, tre briyevman 2 pti pwen klarifikasyon premyerman sa dezyenm pwen, Coast Guard i kler ki son rol se pa pou fer safety dan bann pti distrik.  E mon ti ava swete ki sa i tonm anba SMSA pou zot kapab fer sa. Mon regrete vwar, ki sa linisyativ pa’n ganny pran dan sa lannen 2018 sirtou avek sa bann lensidan ki nou’n bezwen fer fas avek lannen pase. E dezyenmman mon sa ki mon ti en pe per, mon krwar in ganny konfirmen setadir ki en bon poursantaz sa larzan pe al lo peyman bann manm Board. Eski Kaptenn Valmont ti a kapab donn nou en lendikasyon konbyen bann manm Board i gannyen pou zot asiz lo sa Board.  Mersi.

 

MR SPEAKER

Kaptenn Valmont avan ou reponn mon krwar Onorab Gill ti annan en kestyon relye.

 

HON SIMON GILL

Wi Mr Speaker. Mersi bokou. Mr Speaker, mon’n tann safety, prekosyon, Dan Bidze mon pa’n trou nanryen an term bann mezir ou pep ran pou Eden, kot Eden Island e ki mannyer dan Bidze napa, mon pa trouve a mwen ki i kasyet par la…

 

MR SPEAKER

Ok.  

 

HON SIMON GILL

E ki mannyer nou kapab zener reveni osi laba kot Eden? Mersi.

 

MR SPEAKER

Kaptenn Valmont petet ou a pran sa kestyon Board ek ensidswit apre Eden Island silvouple.

 

CAPTAIN JOACHIM VALMONT

Mersi Mr Chair.  Son Chairman i ganny R1500 e lezot manm i ganny R1200 sa kontribisyon ki goes towards the Chair.  E ou’n dir ankor lo kote safety, nou’n koz 2 laspe, nou’n koz laspe search and rescue me lo kote… akoz Coast guard parey ou’n dir Coast Guard pa fer safety se SMSA. SMSA li parey Minis in fer resorti letan nou vin Lotorite an menm tan ou pe fer li la me ler nou vin sa Lotorite, ou pe fer plizyer provizyon pou nou kapab adres sa sityasyon safety lo anmer. Ou pou vwar poudir dan sa Authority Act nou pe fer provizyon pou SMSA vin sa Lotorite pou al fer survey, annual survey lo even bato lapes. E an menm tan parey Minis in refer sorti pou tou bato dan Sesel kapab anrezistre. I pou vin mandatwar.  An menm tan an plis ki sa nou pe fer provizyon pou sa bann bato osi pran serten lasirans.  Savedir si ou pe anrezistre ou pou bezwen annan ou enn pti insurance cover.  SMSA in fer plis ki sa ankor, nou’n al even apros sa tou le 3 gro Lakonpannyen Lasirans pou nou kapab asiz… nou’n asiz ek zot e diskite e pou zot kapab propoz bann lasirans ase rezonnab kot Seselwa pou kapab afford peye pou zot bato.  Mersi.

 

MR SPEAKER

Eden Island.

 

CAPTAIN JOACHIM VALMONT

Wi lo kote Eden Island parey mon’n refer sorti, lo kote Eden Island li konmela nou annan bann Lakonpannyen charter si ou le ki fer bare boat charter. Zot bann bato dan sa bann Lakonpannyen i pa neseserman i anba paviyon Sesel e se sa ki nou vwar nou pe ganny serten difikilte. Zot annan dan ot fleet plizyer bato anba plizyer paviyon.  Me avek sa Authority Act, nou pe fer li vin mandatwar ki si en Lakonpannyen i deside pou met bato charter i pou bezwen pran paviyon Sesel e sela ki pou donn nous a mordan pou nou kapab kontrole sa bann bato.  Akoz pou le moman i pa obligatwar pou sa bann bato ki dan… ki pe fer sirtou dan boat charter pran paviyon Sesel.  Zot anba plizyer paviyon plizyer lezot pei e se ki nou vwar enn ler nou annan serten pti problenm.  Mersi.

 

MR SPEAKER

E Minis sa ki ou pe dir sa ki sa Act ki pe al devan Cabinet le 29 Novanm, sanmenm sa Act?  Wi Minis.

 

MINISTER MAURICE LOUSTAU-LALANNE

Wi Mr Chairman e tou Manm Onorab se egzakteman sa.

 

MR SPEAKER

Savedir avan lafen lannen i a’n ariv devan nou isi dan Lasanble.

 

MINISTER MAURICE LOUSTAU-LALANNE

Wi vwala…

 

MR SPEAKER

Pou regle sa bann dimoun ki annan paviyon deor pou met nou paviyon.

 

MINISTER MAURICE LOUSTAU-LALANNE

Vwala.

 

MR SPEAKER

Ok. Mersi. Nou a donn laparol Onorab Ferrari.

 

HON JEAN-FRANCOIS FERRARI

Wi Mr Speaker, mon en bon tranzisyon akoz tou le bomaten ler mon leve mon annan en malediksyon pou SMSA, akoz i fer 3 an sa lannen e mon pa ankor tande okenn dimoun, okenn sa bann zanfan bann milyonner ki fer zot bann dezord avek bann speed boat, avek bann jet ski, okenn sa bann dimoun zanmen mon deza tande zot jet ski in ganny sezi, mwan ki bezwen vey mon lavi e i ankor koumsa depi 3 an.  E mon ti a kontan ki Minis i pran sa lokazyon pou reasir piblik Seselwa ki finalman keksoz pou ganny fer. Akoz Lalwa Minis i ok si napa enforcement akfer i annan Lalwa.  E pou le moman mwan mon pe dir ou depi 3an konman en viktim zanmen mon’n vwar okenn enforcement. Sa i mon premye pwen mon dezyenm pwen se 5 an eski i annan en target pou SMSA pou li vin self-sufficient an term son reveni e son depans, akoz mon mazinen en target i ava fer ki hopefully byento SMSA i ava zener ase reveni, pou kouver tou son depans e eski dan sa ka i annan en target ? Mon trwazyenm kestyon se lol pwen ki’n ganny leve la lo bann charters, i en lendistri ki pe ne e parey Tourism nou riske… i riske sap nous a lendistri i pou apartenir a bann etranze.  Akoz pou le moman bann Lalwa i fer ki bann etranze zot ok zot, zot kapab fer sa ki zot anvi, zot desann, zot monte desann, zot ran bato zot vin prive zot ale, selman bann pti Seselwa zot menm zot ki pe ganny targete, ki pe ganny terorize, me selman antretan nou pe perdi sa lendistri e detrwa lannen nou pou vwar poudir sa lendistri charter i pa pou Seselwa, i pou etranze e nou, nou ava pe travay pou etranze.  Eski Minis i kapab dir nou si sa lapse Lendistri Tourismi pran en plas enportan pou li anmenn reveni pour Seselwa.  Mersi.

 

MR SPEAKER

Minis lo sa petet sa 2 dernyen pwen apre nou a demann Kaptenn Valmont lo enforcement.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  An sa ki konsern enforcement mon anvi zis fer remark depi ki nou’n konmans travay an 2017 bokou keksoz in sanze pa pli tar, ki menm yer ti annan en bato avek touris abor ki Marine Police in fer en check Curieuse e in vwar ki sa bato, menm i ti annan touris abor, sa bato son bann papye pa annord, i ti menm napa en licence. Pourtan sa bato i en bato ki dan en Konpannyen Charter so nou’n bezwen malerezman anmar bato e sa bann touris in ganny en incovenience. Me nou, nou bezwen fer nou travay. Mon donn ou en dernyen legzanp e i annan bokou plis legzanp avan sa. So sa ki mon anvi dir ou se nou serye kot sa bann zafer enforcement konsernen. Lo ponton Eden Isand pou repran kestyon Onorab Gill i annan 2 Lotorite, enn se Hunt Deltel ki manage sa bann ponton Marina. Mwan mon krwar ki zot, zot pe fer en travay tre byen akoz zot pe korpere ek nou, napa okenn bato ki pou antre la si i pa’n ganny son lotorizasyon pou li tir son mouyaz obor Lighthouse pou li antre dan Marina lot Lotorite i annan detrwa etranze prive ki annan bann lakaz e zot annan zot bann bato prive.  Zot, zot antre direkteman lo zot ponton devan zot bann lakaz.  La nou annan en pti problenm e i annan apepre 12 bato ki nou nou pe swiv de tre pre, e nou pe travay avek sa Lotorite Eden Island mon’n bliy son non egzakteman la pou le moman pou nou rektifye sa.  E mon kontan dir ou ki nou pe ganny sipor sa Chairman sa Eden Island Management, in ekri tou sa bann dimoun ou dir zot vwala bann lareg ki zot bezwen respekte.  So nou pe fer en travay e mon krwar letan sa Lotorite i vin an plas, nou pou annan plis ledan pou nou morde.  So sa i enn. I definitivman nou lentansyon pou fer SMSA vin self funding Authority akoz i annan ase reveni deor pou nou al anmase pou fer sir ki i vin en self funding i pa vin en burden lo Gouvernman.  So sa se son lentansyon. Mersi pou sa kestyon.  Boat charter sa ki bon nou fer tanzantan, akoz sa nou ti konmanse an 1994–‘95’ nou ti fer 2 konpannyen vini pou zot konmans an konpetisyon.  Nou ti konmans train bann Seselwa pou vin abor e ozordi i annan Seselwa osi ki dan sa biznes. Tanzantan nou bezwen revwar Polisi.  E i vre pou bann Polisi kot i annan bann zafer gran katamaran e gran i donn en longer, mon santi ki fodre nou amann sa Polisi deswit, akoz i kapab annan en labi ladan son ou pou bezwen fer li kekfwa pli difisil.  Ozordi mon krwar si ou annan ou 3 katamaran ou kapab antre dan biznes e Gouvernman pa ganny gran larzan. Fodre kekfwa nou regarde, nou fer li monte pou annan plis katamaran avan ou antre dan biznes, annan en partner lokal.  I annan bokou keksoz nou pe regarde e mon ava propoz en nouvo Polisi byento avek Gouvernman, an sa ki konsern sa boat charter. Mersi Mr Chairman.

 

MR SPEAKER

Onorab Aglae.

 

HON EGBERT AGLAE

Mersi Mr Chair.  Bonzour Minis ek Kaptenn Valmont. Kestyon pou Kaptenn dan ou lentervansyon ou’n nonmen ki zot annan nesesite osi pou zot vwar lenstalasyon zot prop radyo e vi ki dan Bidze Mardi pase nou’n koz lo en general centre kot li osi i annan en quite depans pou li lenstalasyon en radyo pe kout apepre R30 milyon.  Dan lespri sinerzi eski zot pa kapab antre an en negosyasyon ansanm atraver Minister Tourizm, pou vwar si zot osi zot pa kapab ganny akse avek sa radyo pou fer ki napa detrwa kalite depans dan lenstalasyon pou met en radyo isi, met en radyo laba.  Mon dezyenm pwen i konsern, Minis ou tous en pti pe lo la anba sa nouvo Act ki pe ganny vin devan, i annan en lot konponan ki mon ti a kontan demann ou si dan sa Act pou pran kont.  Vi ki i annan SMPA li ki zer Marine Park e i annan bokou bann konsern atase avek Marine Park e tou.  Onorab Ferrari in koz lo jet ski, i annan bann landrwa ki sipoze ganny demarke pou bann dimoun bennyen; i annan bann landrwa ki sipoze ganny mooring e par ler kapasite mooring i ganny exceed, si sa bann keksoz pe ganny pran kont anba sa nouvo Polisi ouswa bann nouvo Lalwa, pou fer sir ki i annan en lord total.  E an menm tan mon sizere ki parey en touris i vin Sesel i annan en tourist guide Sesel, eski zot pe konsider osi parey pou bann seafarers ki i ava annan en guide ki ler nenport ki skipper, nenport i kaptenn ki lo bato i ava annan son kart ki vwar ki sa mon sipoze kapab met mon bato la, la mon sipoze kapab bennyen e la mon sipoze kapab fer tel aktivite enn fwa pour tou i i annan lord kot i konsern bann landrwa kot sirtou kot bokou dimoun e bann bato i frekante.  E mon dernyen kestyon lo kote enn zot strategic policies ki zot pe mete la se pou vin en one-stop shop pou licensing and hire craft be ler ou pe dir bato lapes se SFA, i annan bato cargo ki en lot; konmsi zot manda zot se fer sir ki ladministrasyon maren li menm li safety lanmer i an konformite e ki tou dimoun i an sekirite.  Eski osi zot pa pe sey revwar poudir bann license osi ki konsern sa bann lezot kalite vessel i pa sipoze … si i pa kapab vwar poudir zot osi zot annan en say ladan, pou fer sir ki tou keksoz i mars byen, an vi ki zot responsab sa lanmen antye an zeneral mon pe gete. Mersi.

 

MR SPEAKER

Kaptenn Valmont. Apre Minis petet ou le azoute.

 

CAPTAIN JOACHIM VALMONT

Mersi Mr Chair. Mersi Onorab pou ou kestyon. Pou ou premye kestyon radyo parey ou pe dir, sa radyo i pou napa plizyer radyo akoz dan sa sant, sa coast station, pou baze dan sa sant e dan sa sant i pou annan operators ki pou anplwaye ek SMSA.  Savedir i pou napa okenn duplication la as such, yes. Lo kote Lotorite Act SMSA i pa zis annefe i pa zis sa Authority Act ki pou anmenn si ou le ord or safety lo kote bato avek maren si ou le. Me nou pe reviz sa control of Hire Craft Act ki deza an egzistans e an menm tan sa Beach Control Act tousala. Me sa Authority Act nou pe fer li pase avan pou kapab create sa Lotorite.  Tou sa bann lezot Act in fini pare li i zis … nou pe zis espere ki sa Authority Act i pase apre tousala, tou sa bann lezot amannman i pou vini.  Apre dernyerman i pou vin son Merchant shipping Act ki li osi parey PS in refer sorti sa konsiltan ki la avek nou, i pe travay lo tousala.  An menm tan i pe… in deza fini amann tou le de sa Control of Hire Craft Act avek Beach Control Act in deza pe konmans travay lo konponan, sirtou konponan anrezistreman.  Ou’n tous en pti pe lo bato lapes akoz pou le moman bato lapes letan nou’n konsilte avek SFA, nou vwar poudir sa limero SZ ki ou pe vwar lo bato lapes la, i fer referans avek zot license, i zot license number.  Savedir ler ou regarde tou sa bann pti bato lapes Sesel apard bann ki commercial, pli gro ki anrezistre avek SMSA, sa bann lezot pti bato lapes pa anrezistre sa, i zot license number – sa SZ ki ou pe vwar i license number e la nou pe travay avek SFA pou nou kapab antre apre ou travay ek zot pou met tousala an reg.  Me solman mon pou refer sorti poudir avek sa Authority Act nou pe deza konmanse nou pe deza deklar SMSA sa Lotorite pou li kapab fer survey lo bato lapes.Ler mon pe dir lo bato lapes lot ou bato lapes pou deklar zot konman sea worthy.  Akoz rekomandasyon MAIB for the past years ki bann bato lapes sirtou pa fer annual survey.  Anybody son bato i fer sa ki i oule.  E zisteman sanmenm rezon ki nou’n vwar over the past years nou’n perdi so many maren peser e parey Minis in refer sorti sa lannen Vandswet in kit nou, nou pa ankor perdi okenn maren peser. Then ou lot kestyon i sa Guide, yes be sa Guide mon pou konfirm avek ou be sa Guide li i egziste, nou’n fer serten amannman lo la, revizyon e sa Guide i ganny trouve kot SPA, zot ki annan sa manda e zot ki revize.  SMSA ansanm avek Departman Tourism but nou lo sa… nou form par sa Komite ki reviz sa Guide ki ganny donnen, i sipoze ganny donnen avek tou yacht.  Letan bann yacht i antre Sesel par egzanp dan en yacht etranze i antre Sesel, son first point of contact i pou Port Authority se la ki ale pou fer son deklarasyon of arrival e remet son certificate of registry avek Ports Authoritye se sa lenstans ki Ports Authority i profite pou donn zot sa Guide.  E dan sa guide ou pou vwar tou, i annan limero bann key agencies, i menm annan bann anchoring position parey ou dir, i annan tousala…

 

MR SPEAKER

Ok Kaptenn.  Nou osi ….. son kestyon, son sizesyon si en Guide si ou dir i egziste nou happy pa bezwen al dan son detay ki ti sa ki ladan.  Nou al kot Onorab Henrie.

 

HON GERVAIS HENRIE

Mersi Mr Chair.  Mon kestyon i retourn lo zafer radyo. Mon ou le konnen the total sum pou sa proze i konbyen e konbyen sak antite ki pe partisip dan sa proze i bezwen kontribye?  Apre Minis ou’n mansyonnen poudir i annan en sit ki SCAA in aste, mon anvi konnen kote e konbyen sa in koute? Sa i mon premye kestyon konsernan radyo. Dezyenm lo paz 488 latab 5 dan ‘use of goods and services’ i annan en logmantasyon konsiderab from revised Budget 2017 pou sonm ki’n ganny prozekte an 2018, ki pres 4.6 milyon, so nou anvi en pe detay pou sa. E trwazyenmman e vitman Mr Speaker, an Novanm… an Septanm plito 2015, Kaptenn Valmont ti ganny, lo nominasyon Gouvernman Sesel ti ganny apwente konman Maritime Ambassador pou IMO e parti son louvraz se pou ankouraz bann zenn pran en karyer dan domenn Maritim e pou nou kapab… pou li i merit pe enspir nouvo zenerasyon bann profesyonnel lo lanmer…

 

MR SPEAKER

Kestyon, kestyon.

 

HON GERVAIS HENRIE

Wi, kestyon i se ki dan sa letan ki nou pe koz lekonomi ble dan son pozisyon, eski in met en larzan dan Bidze pou li fer sa travay ki pei pe kont bokou lo li pou fer? Mersi bokou.

 

MR SPEAKER

Kaptenn in dir detay, me sey gard li bref nou annan 2 dernyen entervenan lo sa Bidze pou ou silvouple.  Ale Kaptenn Valmont.

 

CAPTAIN JOACHIM VALMONT

Mersi Mr Chair. Mersi Onorab pou demann sa kestyon.  Mon pou reponn ou dernyen kestyon akoz sa i relye direkteman avek mwan personnelman.  Mersi bokou pou rekonnet ki mon’n ti ganny apwente Maritime Ambassador e mon ti dir ou sa i en travay pirman volonter.  E avek sa lapwentman i pa’n anmenn okenn benefis pou mwan ni an term saler ni an term lezot benefis.  I pirman en travay volonter ki mon pe fer. Even mon’n mank mon krwar 2 meeting ki’n ganny fer akoz mon ti napa larzan dan mon pos pou mon pey mon prop pasaz e pou al attend meeting e mon pa’n ganny, dan Bidze mon pa’n ganny okenn Bidze pou fer sa.  E sa travay i anmenn mwan, mon’n fer vizit dan apepre 8 lekol lo Mahe, mon ti’n fer provizyon pou mwan al Praslin ek La Digue me unfortunately avek tou sa travay ki i annan pe arive kot SMSA, mon pa’n kapab fer li. Me antretan mon form part plizyer bann lorganizasyon bann zenn kot mon al fer annandler serten prezantasyon e se sa mon rol si ou le konman Maritime Ambassador.  Pou lot kestyon, ou kestyon i lo sa ankor ou pe demann klarifikasyon lo sa coast station e parey mon’n dir SMSA pe kontribye, li i pe kontribye 6 milyon e mon vwar poudir SCAA pe kontribye 19milyon. Mon vwar ki SPA pe kontribye 5milyon, SFA pe kontribye 4 milyon, e DRDM pe kontribye 1 milyon e se sa en pti pe parey mon’n fer resorti oparavan plizyer entity ki pou form par of sa NISCC zot pe kontribye serten larzan dan sa sant. Mersi.

 

MR SPEAKER

Dan lentere letan nou a demann Onorab Henrie vitman.

 

HON GERVAIS HENRIE

2 kestyon zot pa’n reponn kote sa sit SCAA in aste e konbyen apre sa breakdown dan ‘use of goods and services’ sa logmantasyon i annan from 2017 to 2018.  Mersi.

 

MR SPEAKER

Kaptenn Valmont.

 

CAPTAIN JOACHIM VALMONT

Sa site li menm mon pa konnen konbyen SCAA in aste sa kekfwa nou a rode Minis i kapab donnen.

 

MR SPEAKER

Minis.

 

MINISTER MAURICE LOUSTAU-LALANNE

Wi.  Mersi Mr Chairman.  Mon ava rod sa lenformasyon e mon ava pas avek Lasanble.  Mon napa lenformasyon la egzakteman.  Mon konnen en lepok nou ti pe regard sa sit Bon Lespoir, me mon pou mislead ou, mon bezwen rod sa lenformasyon e mon ava fer zot gannyen.

 

MR SPEAKER

Mersi Minis. 2 dernyen entervenan, nou a demann 2 kestyon apre Kaptenn i a reponn Onorab Afif avek Onorab Ramkalawan. Ou ti ankor annan en kestyon Onorab Henrie?

 

HON GERVAIS HENRIE

Wi i annan ankor enn zot pa’n reponn akoz i annan en logmantasyon significant dan table 5 lo paz 488 ki mon’n demande, ‘use of goods and services.’ Mersi.

 

MR SPEAKER

Paz 490.

 

HON GERVAIS HENRIE

8-8, 4-8-8.

 

MR SPEAKER

4-8-8. Kaptenn Valmont, ‘goods and services,’ 8-8.

 

PS PATRICK PAYET

Mr Chair kekfwa zis pou azoute osi, nou vwar lo paz 490 ‘other uses of goods and services’ konpare avek 2017 avek 2018, zot pou vwar en revision.  So i en pe nouvo klasifikasyon ki nou fer sir tou bann operational costs i ganny kouver dan program 1 instead of program 2. So ou pou vwar sa ogmantasyon donk lo paz 488 dan ‘other uses of goods and services’ 183 mil 2017 e i 3.3 milyon.  So ou pou vwar zis en re klasifikasyon.  Sepandan son total i annan son training fees ladan 789, Board members allowance parey i koze akoz pou annan nouvo Lotorite apre ladan i annan office rent osi ki apepre 2milyon. So tousala i bann total.

 

MR SPEAKER

Ok, Onorab Henrie.  Onorab Ramkalawan dernyen kestyon.

 

HON WAVEL RAMKALAWAN

Yes Mr Chairman zis 2 pti keksoz tre senp dan zot ‘other uses of goods and services’ mon vwar ki i annan 2 entry paz… non, i dan bann detay ki nou’n gannyen separe…

 

MR SPEAKER

Ok.

 

HON WAVEL RAMKALAWAN

Kot pou Board members avek Director’s fees mon vwar i annan enn Board members allowances 301mil apre sa mon vwar en lot entry Board members, Director’s fees 170 mil. Mon ti ava kontan konnen akoz i annan sa 2 entry.  Apre sa mon ti a kontan si ou dir mwan ki dan ou Bidze zot ankor pe peye pou sa lasenn reken Anse Lazio.  E apre zafer glob, lenformasyon ki mon’n gannyen se ki sa glob pou sa Lighthouse Aldabra i sipoze arive nenport ler, la petet semenn prosenn e mon anvi konnen akoz ki dan sa ka i pou dan Bidze lannen prosenn e…

 

MR SPEAKER

Kaptenn Valmont.

 

CAPTAIN JOACHIM VALMONT

Mersi Mr Chair. Mersi Onorab pou ou kestyon. Ankor pou eklersi sa 2 Board, enn obviously i Board MAIB ki deza an egzistans e lot provizyon in fer pou Board SMSA itself.  So 2 Board.  Bon, mon pou lot kestyon i lo net, ou ou apel li net reken me nou, nou apel li exclusion net akoz en net ki anpes not only reken me lezot species antre.  Zis pou konfirmen poudir nou’n ganny lenstriksyon pou retir sa net apre ki mon’n fer tou mon bann prosedir, nou’n met li sa net, nou ti met li an plas me konman nou’n mete annefe nou’n konmans ganny bann problenm ek li, problenm aparaman sa lakonpannyen in raporte ki vandalizm.  So Minister in donn en lenstriksyon ki nou retir sa net e sa net i pe al ganny tire la over the weekend, nou’n ganny serten problenm kot, akoz ou bezwen bato ek crane. Nou’n vwar nou en pe kwense sa Lakonpannyen in ganny en difikilte pou ganny bato pou al tire.  Wi pou bulb, yes, bulb nou’n fini fer peyman ensidswit, ensidswit e ou annan rezon i kapab arive nenport ler.  Me why nou’n met ankor larzan ladan akoz nou’n realize, letan mon ti pas lo, annefe letan mon ti pas lo Procurement Committee zot menm ki ti raise sa issue, ‘’be konmsi in pran ou en bon pe letan pou ou ganny sa bulb akoz sa i pou Lighthouse Aldabra, why not ou aste enn ou met la konman spare, akoz in pran mon en bon pe letan pou source e zot in propoze ki mon met, mon fer provizyon pou aste en1 pou met la just in case akoz son lifespan i apepre 5an si ou le ; son lifespan me ou pa konnen i kapab andomaze avan sa. Mersi.

 

MR SPEAKER

Mersi Kaptenn Valmont avek sa, nou’n fini regard Bidze SMSA e Minis ou anvi dir en mo.

 

MINISTER MAURICE LOUSTAU-LALANNE

Mersi Mr Chairman. Zis pou mwan enform Lasanble ki sa sit i lo Signal Hill, Mont Signal, i R1 par an e i R89 pou sa 89 an ki nou annan sa lease. Mersi Mr Chairman.

 

MR SPEAKER

Mersi.  Quickly.

 

HON WAVEL RAMKALAWAN

Mr Speaker me zisteman lo sa pwen, parski letan sa 3 lorganizasyon ti vin isi dan nou Lasanble zot ti dir avek nou ki sa cost pou sa bann lekipman pou radyo, zot ti osi mansyonn nou Mont Signal, ti pou ariv R33 milyon, be la sa bann chiffres ki ou’n nonmen ki Kaptenn Valmont in nonmen i depas 33milyon ki konmsi mon pa pe kapab rekonsilye sa ki Kaptenn Valmont in dir nou atraver bann diferan kontribisyon e avek sa ki sa 3 lorganizasyon ti mansyonnen.

 

MR SPEAKER

Minis oubyen Kaptenn Valmont.

 

CAPTAIN JOACHIM VALMONT

Mersi Onorab,  pou ou kestyon. Sa prezantasyon ki mon krwar ki’n ganny fer avan sa i pou NISCC. NISCC i sa sant ki zot pe kree.  E si mon pa tronpe zot in dir ki i annan, mon krwar i annan 3 faz sa me premye faz priyorite pe donnen pou sa coast station.  Apre gradually zot pe al invest dan plizyer lezot lekipman ki pou form par dan sa sant.  Me solman premye faz i pe konsantre pou louvertir sa kot radio coast station.  E zis pou azout ankor poudir SMSA in bezwen vwar li tir nou Navtech system ki ti kot Coast Guard, nou’n transfer li i osi anba sa sant. Mersi.

 

MR SPEAKER

Mersi Kaptenn Valmont. Parey mon dir avek sa nou’n termin deba lo SMSA lo Bidze.  PS Payet avan nou pran en break lot Headnou pe pran se Departman Tourism oubyen nou pe pran Seychelles Tourism Board? Nou pe pran Seychelles Tourism Academy or Seychelles Tourism Board?

 

PS PATRICK PAYET

Wi. Mersi Mr Chair. Zis pou azoute nou pe bezwen pran en vot anba Seychelles Maritime Safety Administration ki lo paz 484, apre letan nou retournen nou pou pran Departman Tourizm avek Seychelles Tourism Academy ansanm apre nou a pran STB.  Mersi.

 

MR SPEAKER

4-8-4 sum total to be appropriated for SMSA is 20.099 million. Tou bann ki pour lev zot lanmen.  Clerk.

 

MADAM CLERK

Mersi Mr Chair.  24 Manm an faver.  Mersi.

 

MR SPEAKER

Savedir ki Lasanble in aprouv Bidze pou Seychelles Maritime Safety Administration.  Avek sa mon krwar nou ava pran en break, nou a retournen pou nou regard Tourism.  Minis ou a deside si i annan okenn ou bann Zofisye ki ou le eskiz zot pou next sesyon. Si i annan nou a remersye zot pou letan ki zot in vini, sirtou Kaptenn Valmont ki ou’n reponn bann kestyon anba ….. SMSA e nou a pran en Break e nou a retournen 10.15 pou nou pran Tourism. 11er sorry, 11.15 pa 10.15.  11.15. Mersi.

 

(BREAK)

 

DEPARTMENT OF TOURISM & SEYCHELLES TOURISM ACADEMY

 

MR SPEAKER

Bon, nou repran nou travay e PS Payet nou ti dakor nou pou al lo STB se sa?  PS.

 

PS PATRICK PAYET

Mersi Mr Chair. Nou pou pran lo paz 459 Departman Tourizm avek Seychelles Tourism Academy akoz tou le 2 i dan en same Head…

 

MR SPEAKER

400 ?

 

PS PATRICK PAYET

459 apre 472.

 

MR SPEAKER

459 ek 472. Ok. Alright. Department of Tourism 4-5-9 – 4-7-2 Seychelles Tourism Academy. Nou pe pran sa 2 Clerk ek Deputy Clerk i a pran not tou bann ki anvi entervenir lo sa 2 Head lev zot lanmen. Nou a profit lokazyon pou swet byenveni dan Lasanble bann teknisyen, bann profesyonnel ki travay avek Minis Tourizm, PS Lafortune, CEO Joubert ek Mrs Francis ek lezot ki la byenveni.  E nou a konmanse toudswit konman nou ganny lalis petet avan nou pran, lir bann lalis Clerk ek Deputy Clerk pou nou konnen pou fer sir ki tou keksoz i annord.

 

MADAM CLERK

Mersi Mr Chair. From Parti Lepep nou annan Onorab Sebastien Pillay, Onorab Egbert Aglae avek Onorab Waven William.  Mersi.

 

MR SPEAKER

Deputy.

 

MADAM DEPUTY CLERK

Mersi Mr Chair. Lo kote LDS nou annan Onorab Ramkalawan, Onorab Afif, Onorab Henrie, Onorab Hoareau, Onorab Andre, Onorab Woodcock, Onorab Mondon, Onorab Pillay avek Onorab Roucou avek Onorab Prea.

 

MR SPEAKER

Onorab Prea ou annan laparol. We mean business this morning, Minis Lalanne i bezwen vwayaze, al prepar li. Onorab Prea, ou annan laparol.

 

HON NICHOLAS PREA

Mersi Mr Chairman. Mon kestyon i tre senp i pou STA, mon okouran poudir zot in konmans operate zot restoran, i annan en pti reveni minim kote i ale akoz mon pa vwar li anba ‘receipts’. Eski sa reveni i reganny enzekte par egzanp dan lakwizin oubyen dan restoran? Mersi.

 

MR SPEAKER

PS ou Minis.

 

PRINCIPAL FLAVIEN JOUBERT

Mersi Mr Chair.  Mersi Onorab. Lakademi nou pa ankor ganny licenseme tou bann revenue ki nou gannyen dan practical i retourn dan fonksyon Lakademi.  Mersi.

 

MR SPEAKER

Onorab Clive Roucou.

 

HON CLIVE ROUCOU

Mersi Mr Speaker. Bonzour Minis avek ou delegasyon. Mon kestyon i lir koumsa lo paz 473 mon vwar en logmantasyon dan Bidze up to 22milyon, mon anvi demann Minis si sa Bidze ki’n prozekte se pou kouver en nouvo Scheme of Service pou bann staff STA? Epi anba wages and salary, mon pe demande si i kouver zis lapey travayer Seselwa oubyen si i annan etranze ki anba la.

 

MR SPEAKER

Minis.

 

PRINCIPAL FLAVIEN JOUBERT

Mersi Mr Chair.  Mersi Onorab. Pou STA wi nou annan nou R830 mil pou Scheme of Service.  Nou napa okenn etranze ki nou pe peye kot Lakademi Tourizm, nou annan nou zis en madanm Mauricienne ki’n marye avek en msye Seselwa e li i pe ganny peye lapey lokal.  Mersi.

 

MR SPEAKER

Onorab John Hoareau.

 

HON JOHN HOAREAU

Mersi Mr Chairman.  Bonzour tou dimoun ki a lekout. Mon kestyon i lo paz 460 progranm 2, mon vwar en logmantasyon sorti 3.7 milyon 2017 pou 4.04 milyon 2018 anviron anba progranm 2 pou ‘product development and standard monitoring,’ mon ti le konnen si sa logmantasyon, i annan provizyon pou sekirite tou bann touris.  Dezyenmman mon ti a anvi konnen si Departman Tourizm osi an vi ki zot in met as en current challenge ki zot annan lo salary, si dan sa Bidze zot in prevwar en revizyon Scheme of Service sa pou Departman Tourizm? Lo professional expenses mon vwar zot anba Departman Tourizm ankor e 1.1 milyon e mon ti a kontan konnen ki sa bann… en pe detay lo sa bann diferan consultancies foreign ek local si zot kapab donn nou en pe detay lo la. Mersi.

 

MR SPEAKER

PS mon sipoze oubyen FC oubyen PS Payet ou PS Tourism.

 

PS ANNE LAFORTUNE

Bonzour Chair.  Bonzour tou Onorab. Pou sa progranm 2 ‘product development and standards monitoring’ pou plito pou bann lenspeksyon ki nou bann staff i fer.  E ladan osi nou annan nou bann consultancies osi ki ganny fer, e la pli par i pou sa bann increment ladan. Regarding Scheme of service nou annan nou en nouvo Scheme ki nou’n ganny enplimante depi July sa lannen, epi i annan nou pou lannen prosenn en Scheme for the whole year ki include osi dan nou Bidze ki fer sa increment ki nou napa sa lannen ki nou annan dan nou Bidze.  With regards to ‘consultancies’ mon a donn ou en pe detay ki nou annan pou consultancies, lannen prosenn nou consutancy nou annan nou parey nou’n dir en Tourism Satellite Account ki nou le met an plas e sa i pou kout nou R516 mil. Nou annan nou en review pro global system ki sa nou le servi ler nou fer klasifikasyon lannen prosenn, ki dan plas nou pou napa dimoun ki pou fer bann review par egzanp bann overnight stay ; akoz nou bann accessors pou fer plito bann day review, bann physical review, bann overnight stay nou pou pran plito en international review ki apel Review Pro Global kot i annan en sistenm ki regard tou bann reviewski bann touris i mete ki ban diferan platform i mete e zot average sa par bann lotel, e nou servi sa average as kontribisyon pou nou grade nou bann lotel ansanm avek bann physical assessment ki nou fer.  So sa i pou kout nou R175mil lannen prosenn apre pou R183,800 800mil i pou bann assessors SSTL. Parey ou konnen nou annan nou bann… nou label, sa se bann Tourism label ki nou donn nou bann lotel, nou bann letablisman ki fer bann zefor e bann pratik sustainable.  E i annan bann kriter strik ki zot servi e nou ankouraz sa e nou bezwen pey bann assessors deor pou al assess zot according to strict criteria avan zot kapab ganny sa label.  E lannen prosenn nou annan lentansyon pou nou assess ankor en bon pe bann lotel e sa i pou kout nou apepre 183,800mil apre en R100 mil i pou validation of nou Master Plan ki sa lannen nou pe travay pou update li e nou le validate li lannen prosenn. So sa total bann consultancies ki nou annan lannen prosenn.

 

MR SPEAKER

Onorab Hoareau.

 

HON JOHN HOAREAU

Tre briyevman, si ou ti kapab donn nou en pti pe en lide pou konsonmasyon piblik ki bann diferan satellite accounts zot pe met an plas anba sa Tourism Satellite Account System?

 

MR SPEAKER

PS.

 

PS ANNE LAFORTUNE

Mersi Onorab. Sa Tourism Satellite Account i en sistenm ki nou pe travay avek UNWTO pou kapab donn nou… nou le konnen parey nou dir kantite nou bann receipts, ki mannyer, how much ki Tourismi kontribye dan lekonomi pei.  E sa i ganny fer bokou baze lo estimates.  E nou vwar poudir nou pa ganny ase lenformasyon konkret lenformasyon ki reliable pou nou kapab fer en bon desizyon lo how much kontribisyon Tourizm pe fer dan lekonomi Sesel.  E sa osi pou donn nou bann bon sif e fors bann etablisman pou donn ou bann sif pou nou kapab osi fer bann Polisi ki baze lo bann statistics ki konkret.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker. Mon kestyon i baze sirtou lo, mon pe get lo sa bout ‘major achievement’ in 2016 and 2017 implemented a new Scheme of services, me selman aparaman i ankor annan en serten konsern sirtou kot bann biro, bann biro STB sirtou i tonm lo Praslin, La Digue konmkwa zot Scheme of Services, i pa neseserman … konmsi zot saler i pa neseserman ase bon. E osi i annan konsern osi ki bann alokasyon Bidze pou sa bann lofis Praslin, La Digue i pa ase konpare avek Bidze ki zot pe mete pou bann lofis ki lo Mahe.  So mon kestyon i eski zot pe konsidere dan Bidze dan lefitir pou ogmant alokasyon ki zot pe fer pou sa bann lofis ki baze lo Mahe avek Praslin? Mersi. Sorry Praslin ek La Digue. Mersi.

 

MR SPEAKER

PS.

 

PS ANNE LAFORTUNE

Ok. Mersi Onorab.  Zis pou dir ou poudir bann lofis ki baze Praslin, La Digue se bann staff STB, alor kekfwa ou ava pran ou kestyon pli tar ler STB i vin devan Lasanble. Mersi.

 

MR SPEAKER

Mersi PS.  Onorab Aglae.

 

HON EGBERT AGLAE

Mersi Mr Chair.  Mon premye kestyon i pou Departman Tourizm. Minis vi ki ti annan en statement ki ou ti fer e ler mon pe get ou ‘major achievement’ i konsern sa conducted carrying capacity study ki ou’n fer; an vi ki ti annan 900 lasanm ki si mon pa tronpe ki ou ti nonmen ki sa bann lasanm i deza la me selman vi ki sa bann lotel, sa bann Lendistri in fermen petet si ou ti kapab dir ek sa Lasanble ki zistans ou’n arive pou fer ki sa bann lasanm i vin operasyonnel e i a ede dan nou Lendistri Tourizm. Dezyenmman pou STA, mon ti a kontan demann STA, si zot ti annan en lide revwar en pe bann allowance sa bann etidyan STA sirtou bann etidyan ki pe fer lakwizin ek bar kot zot osi zot bezwen pe vwar pe bezwen pe aste serten bann lekipman dan zot pos pou zot kapab servi dan zot letid.  Mersi.

 

MR SPEAKER

PS ou le reponn sa?  Mon pa tro sir i lo ou Bidze menm, me selman kestyon in ganny demande.  Oubyen Minis. Minis.

 

MINISTER MAURICE LOUSTAU-LALANNE

Mersi Mr… eskiz mwan, Mr Speaker. Mersi pou ou kestyon Onorab. Parey ou konnen lo sa carrying capacity ti annan en target apre Gouvernman ti met en moratwar ziska 2020. Sa lalis 18 proze ki nou ti prezante menm isi dan Lasanble ti apepre pou 3mil Lasanm me i lo proze ti annan 18 be ladan i annan bon pe sa bann proze i pa pe bouz de lavan annefe i annan 8 proze e parey nou’n deza fer dan en Konferans De Pres e nou’n eksplike lo medya, nou’n ekri sa 8 envestiser kot pa pe bouze, nou’n donn zot en dele letan pou reponn pou gete si zot al de lavan, si zot le kennsel pou nou nobou akoz i annan en gran demann parey mon ti’n deza fer resorti, en gran demann pou bokou lezot envestiser an priyorite envestiser Seselwa pou zot antre dan Lendistri Tourizm, oubyen agrandi zot letablisman pou fer li vin plis profitab.  Ek sa premye faz ki nou’n fer nou’n nobou ganny nou en serten kantite lasanm deza e nou’n redistribye sa bann lasanm, nou ekri let mon pa pou egzakteman konnen kekfwa 7 a 8 nouvo envestiser lokal pou ofer zot sa bann lasanm ki nou’n nobou grate e prezan nou pe esper zot soumet zot proze, i annan enn de zot in deza soumet avek planning e fotespere zot ava al de lavan.  Alor lide se annou pa zis annan proze lo papye, annou fer sir nou enplimant proze ; akoz parey ou konnen nou annan plis avyon ki pe vini, nou pe al fer sir nou annan adekwat lasanm ki pou ale ek sa kapasite avyon.  So vwala se en travay ki nou pe kontinyen fer.  Me parey mon anvi refer resorti an faz mon le mete nou pa pe zwe avek sa total carrrying capacity, nou pe operate within sa. Nou pa pe sanz moratwar, nou pe zis aziste pou fer sir ki nou reste dinamik e nou nobou kapab annan en nouvo lotel, nouvo lasanm lotel under mon manda ; omwen sinon mon premye Minis ki pa pou’n kapab ouver en lotel e mon pa pare pou sorti konman Minis ki mon pa’n fer en lotel dan pei. Mersi.

 

MR SPEAKER

Mon espere ou fer plis ki enn, Minis. Onorab Woodcock, eski i lo Bidze…

 

HON WAVEL WOODCOCK

I lo Bidze.

 

MR SPEAKER

Si i lo Bidze, lo moratorium oubyen bann policy, sa i a vin pou lannen prosenn apre Bidze, la nou Bidze nou pou bezwen reste lo Bidze.

 

HON WAVEL WOODCOCK

Yes Mr Speaker.  Annefe mon kestyon i lo menm laliny ki Onorab Aglae in demande an konsernan STA. mon kontinyen, mon konnen ki ti annan en brans STA lo Praslin pou bann zenn Praslin, La Digue sirtou Inner Islands. Mon kestyon se konbyen etidyan ki’n vwar apprentiship ki sorti Praslin, La Digue? E eski fezab pou fer progranm ouswa en annexlo Praslin an term lekipman, transpor eksetera avek nouvo staff?  Eski sa i en keksoz ki zot pou kapab konsidere ? Mersi.

 

PRINCIPAL FLAVIEN JOUBERT

Mersi Mr Speaker.  Mersi Onorab.  Mon krwar ler nou ti vin dan sa Lasanble sanmenm sa lannen mon krwar pou nou reponn sanmenm sa kestyon pou nou ouver en annex lo Praslin e nou’n fer tou le neseser, mon krwar Minis taler i ava donn en pti pe plis leksplikasyon e nou pou ouver sa annex an Juillet lannen prosenn e sa se an repons biensure Onorab ki ti demande lannen dernière, Onorab Gill. Savedir tou keksoz i an marche.  E si tou keksoz i va bien, nou pou ouver sa lekol an Juillet l’année prochaine. Maintenant letan nou ouver sa lekol lo Praslin i pou en lekol laprantisaz i pa pou zis bann etidyan ki sorti dan lekol Pos segonder.  Nou nou le capture tou sa bann jeune Praslin, La Digue ki menm si zot in fini kit lekol, bann… ou kapab dir bann jeune ki pa pe ganny travay pou nou ofer zot serten coure o nivo l’apprentissage pou zot kapab ganny en pti metye dan lotel lo Praslin avek lo La Digue.  E nou pe kontinyen avek sa projet.  E wi Onorab mon kapab dir ou i faisable pou nou fer sa pti lekol lo Praslin.  Mersi.

 

MR SPEAKER

Onorab Pillay lo Bidze, Onorab Stephen Pillay lo Bidze?

 

HON STEPHEN PILLAY

Mersi Mr Chair.  Bonjour a tous. Mon kestyon Mr Chair i lo ‘rent’, sa R11 milyon 588 si i pou Departman Tourizm antye oubyen i zis en konponan ki i annan lezot dimoun ki pe pran sa rent e si i tonm apepre R950 mil par mwan?  Si i en increase or decrease lo chiffre lannen pase lo sa rent zot pe gannyen.  E nou Minister’s office si sa policy formulation ki sorti direkteman anba Minis si i ti dan ou Minister’s Secretariat ki i annan en rediksyon si i zis en transfer sa bann dimoun anba Minis i al anba Policy formulation ki i tonm en R400 mil ankor ki si sa en reallocation anba me pli enportan se sa decrease si i annan lezot dimoun ki annan par ladan.  Mersi Mr Speaker.

 

MR SPEAKER

Minis.

 

PS PATRICK PAYET

Mr Chair kekfwa mon a tous lo sa bout rent akoz i tonm mon konnen letan nou ti vin lannen pase ti annan en pe diskisyon regarding bouzman pou Minister Tourizm avek STB.  Zis pou azoute ki STB avek Minister Tourizm ti baze kot Espace lannen pase e konmansman sa lannen e zot ti pe occupy zot 733 plus 433 met kare e diskisyon letan nou ti bouz dan nouvo lokasyon ki zot ete parey in dir oparavan, ki aktyelman the total square metre ki i pe occupy i 1950 e sa i enkli STB, Minister Tourizm avek Civil Aviation avek Ports and Marine ; savedir tou le 2 Departman, Departman Tourizm avek sa lot Departman ki PS Albert, apre i enkli Minister Family Affairs.  E zot pe pey zot apepre R420 par met kare konpare avek R450 par met kare.  So menm si sa increase dan rent ou pou vwar ki ti annan en decrease dan rate me sepandan akoz zot in pran additional spaces.  E parey Minis in anonse pli boner, vi ki en pe konplikasyon par egzanp i annan en sel lagreman ki’n ganny sinyen avek zis PS responsab pou Departman Tourizm, dan plas kas sa lagreman an 4 morso akoz i annan 4 Lenstitisyon, nou’n fer en sel lagreman sanmenm sa ki nou met tou sa rent anba Departman Tourizm. Mersi.

 

MR SPEAKER

Onorab Pillay.

 

HON STEPHEN PILLAY

Wi. Enn pti klarifikasyon savedir PS pe dir mwan sa 11 milyon 588 i pou tou le 4 Departman enkli sa so bann lezot landrwa ki annan rent lo la napa nanryen pou fer avek Tourism sa?  STB napa nanryen pou fer ladan, son rent i apar li. Mersi Mr Speaker.

 

MR SPEAKER

PS Payet ou konfirm sa?

 

PS PATRICK PAYET

Wi mon konfirm sa.

 

MR SPEAKER

Ok.  Mersi. Onorab Aglae ou ti annan en pwen lo Bidze relye avek sa ki’n leve la?

 

HON EGBERT AGLAE

Mr Speaker, mon ti’n demann en kestyon ki ti sipoze STA konsern bann students, akoz i annan bann lekipman, vi ki dan Bidze i annan en Heading ‘machinery, equipment’ vi ki bann etidyan sirtou ki pe fer bar, lakwizin zot bezwen aste serten lekipman dan zot pos, mon pe demande si i annan posibilite swa zot ogmant son allowance swa STA i fer provizyon pou sa, si i annan posibilite. Mersi.

 

MR SPEAKER

Ok.  Nou al les Principal Joubert reponn.

 

PRINCIPAL FLAVIEN JOUBERT

Mersi Mr Speaker. Mersi Onorab.  Wi Onorab ou annan toutafe rezon nou donn sa bann manrmay en allowance R2000 letan zot konmans lekol me sa allowance i en pti pe tro, ou kapab dir in preski fini tro vye parske letan nou’n konmans donn sa R2000 i ti kapab aste sa bann lekipman pou zot konmans lekol maintenant sa menm etidyan i bezwen apepre R5000 pou zot aste sa bann lekipman parey ki ou vwar ou pe dir.  Alor mon ti a kontan mon osi ki Lotorite i regard ladan parske bann lekipman avek matériels ki dan Bidze sa i ganny servi pou lekol dan lekol.  Sa bann ki sa bann manrmay zot ganny larzan pou aste sa se pou zot vin avek apre tourn avek se zot parey tou bann chef ki fer bann letid dan lemonn i sipoze annan son zouti parey sarpantye, parey mason.  E mon ti a kontan ki sa Bidze pou sa bann manrmay i ganny donnen par Proteksyon Sosyal, i kapab ganny revwar. I osi al menm en pti pe pli lwen, Onorab, i dan menm laliny, bann etidyan ki pe fer management e zot fer 3 an management Sesel e zot fer katriyenm lannen Shannon, zot allowance i zis R1600 e mon ti a kontan osi ki dan sa menm loptik, dan sa menm Lotorite regard en pti pe sa allowance parske zot bann lezot koleg ki pe fer menm zafer dan Sesel pe ganny R3000.  Mersi.

 

MR SPEAKER

Onorab Churchill relye avek sa?

 

HON CHURCHILL GILL

Wi lo allowance menm.  Mon ti anvi demann Principal si bann etidyan Praslin ek La Digue zot osi zot ganny sa allowance ler i konmanse over and above zot normal allowance ki zot gannyen. Mersi.

 

MR SPEAKER

Mr Joubert.

 

PRINCIPAL FLAVIEN JOUBERT

Mersi Mr Speaker. Mr Speaker, Mr Onorab, wi annefe tou bann etidyan sa letan zot konmans lekol premye 3 mwan ki zot lekol i donn zot pou ed zot en pti pe, i pa donn zot premye mwan, i les zot lekol pou apepre en 3 mwan parske i annan ki fer 1 mwan apre zot ganny R2000 apre zot ale me wi tou dimoun across the board zot gannyen.  Mersi.

 

MR SPEAKER

Onorab Mondon.

 

HON TERENCE MONDON

Mersi Mr Chair. 2 pti kestyon senp. Mon anvi konnen si sa ogmantasyon dan saler, konpansasyon bann travayer i adres challenge, ki ou’n mete dan sa Bidze kot ou dir low salary i en challenge pou Departman, mon anvi konnen si sa ogmantasyon i vreman adres sa challenge.  E dezyenmman pou sa Satellite Accounting System, sa provizyon 576 mil mon vwar ki i ti kontinyen in fer provizyon pou lannen answit, mon anvi konnen an total konbyen i pou koute pou devlop sa sistenm e konbyen letan i pou pran. Mersi.

 

MR SPEAKER

  1. PS.

 

PS ANNE LAFORTUNE

Mersi Onorab. Sa… nou’n refer nou Scheme of Service wi i pou adres sa… lo salary ki nou’n dir be pa totalman ; akoz nou’n vwar ki menm si nou’n revwar nou Scheme e ki nou pe pibliy sa Scheme, i annan bokou bann … ler nou annan bann vacancies ki ler nou advertise zot dakor pou vini be ler nou koz zot saler ki nou ofer zot, 2 semenn pli tar or 2 zour pli tar zot dir ‘‘sorry i pa sifizan, mon pe al elsewhere.’’ So kantmenm in adres en pe me selman i annan serten seksyon ki pa pe adres ase akoz nou pa pe ganny ase quality staff pou fer bann travay ki nou ti a kontan fer.  With regards to sa Satellite Account, nou pe travay avek UNWTO parey mon’n dir avan e zot se zot, zot bann professional bodies dan sa seksyon e se zot ki idantifye bann profesyonnel, bann konsiltan ki rekomann avek nou e zot ti dir nou poudir i pou pran nou apepre 1.2milyon anviron over a period of 3 years pou zot konplet sa travay.  Nou osi nou ti vwar sa enn pti pe high selman nou’n met dan Bidze touzour apre nou’n met dan Bidze e nou pe… nou’n koup over 3 years.  Selman nou’n osi vwar poudir nou pou sey regarde kantmenm, si nou kapab ganny lasistans elsewhere kot i pou bokou pli bon marse pou sa louvraz ki nou annan ki nou pe fer.  Nou’n deza idantifye en Lorganizasyon ki nou pe regarde ki si nou kapab travay avek sa lorganizasyon e zot kapab donn nou menm kalite servis ki UNWTO pe donn nou at such a high rate then nou pou sanz nou… nou pou pran zot plito.  Sa nou ankor pe regard ladan.

 

MR SPEAKER

Onorab Andre.

 

HON CLIFFORD ANDRE

Mersi Mr Chairman.  Mr Chairman, prenant kont ki PS in sey eksplik enn pti pe logmantasyon, mon kestyon sete logmantasyon dan bann progranm total lo 460 kot in ogmant sorti 19milyon pou vin 24 milyon e ladan letan nou gete saler in mont en pti gin pli ba ki 1 milyon tandis ki ‘other goods and services’ in monte sorti 8milyon pou li vin 13 milyon.  So sa i en sonm ase significant. Kekfwa PS i kapab eksplik nou. Lo paz 463, nou vwar ki sa ‘consultancy’ pou Minis in desann sorti 2.4 milyon in vin 1.6 milyon, mon ti a kontan komann li lo la. Me par kont ler nou pe get ‘goods and services in monte konsiderableman sorti 10 milyon pou li vin 14milyon. So sa i premye kestyon akoz sa bann logmantasyon. Pou STA Mr Speaker… apre, sorry en lot kestyon pou Minister Tourizm se ki PS in dir nou poudir i annan bann assessment ki lotel i fer ki Minister i pe peye, mwan mon ti a demande kekfwa ki si ou pe fer bann assessment pou lotel pou fer zot pey sa assessment akoz zot annan sa kapasite pou zot peye.  Annefe L’Europe mon krwar i mars koumsa kot ou pe al fer assessment, ou pey the whole assessment fees, package ki enkli sa dimoun pou vin kot ou pou assess ou.  Sa i sa 1.  Lot sete pou STA an vi ki Mr Joubert in dir nou poudir fonksyonnman restoran in sa, menm si zot pa ankor ganny license.  Akoz zot pa redwir zot logmantasyon ki 2 milyon, bokou kantmenm e zot a redwir sa e pran sa bann reveni ki zot pe fer pou zot kapab maintain e fer bann progranm ki zot kapab… ki zot bezwen fer.  Mersi.

 

MR SPEAKER

Sa enn dernyen petet Minister Finans ki pou bezwen reponn me tou fason PS apre Principal Joubert.  PS Lafortune.

 

PS ANNE LAFORTUNE

Mersi Chair.  Mersi Onorab.  Ou ava gid mwan Mr Onorab si mon pa’n tro, tro reponn akoz mon pa tro konnen si mon’n byen konpran enn de ou kestyon me selman mon a sey pran enn par enn.  Premye mon krwar ou’n demande akoz sa gran increase ki mon krwar PS Finans in eksplike it’s mainly sa gran increase mainly akoz nou pe pran, nou’n takeover tou bann rent of tou bann lezot tenant ki dan sa building ki’n fer sa gran increase mon krwar by 8 milyon.  Korek… ? Mainly.  Reduction in saler se ki… nou pe dir dan pou Minister’s Secretariat sa ki ou pe mansyonnen? E nou dan… Minister’s Secretariat nou’n dir poudir ti annan dan avan bann employees ki ti ankor dan son Sekretarya ki ti ankor avek Departman Kiltir akoz nou, nou ti ek Departman Kiltir avan prezan sa ti ankor prezan sa bann staff prezan zot in al either dan Departman Kiltir ouswa zot in al dan CINEA.  So sanmenm sa prezan in ganny sa rediksyon dan saler. With regards to trwazyenm kestyon ki bann lotel akoz pa lotel ki peye, nou pe assess lotel, zot pa kontan nou fer sa louvraz pou zot zot.  Nou pa kapab fer zot pey… i en keksoz ki nou Gouvernman ki pou lannen prosenn ki pou… ou pe dir mwan bann SSTL ou? Bann label?  Wi nou ki pe assess zot e ki nou pe assess zot pou nou i en keksoz ki nou ankor pe ankouraz zot pou fer, pa bokou ki anvi akoz i en label volonter, i pa forse.  Nou nou ti a kontan kantite i pran pli vit akoz nou ti a kontan zot become more sustainable.  Be selman akoz at the moment nou ankor pe konmanse, nou pa pe fer li obligatwar, nou pe ankouraz zot e se pour kwa ki nou ki pey bann assessors pou assess zot.  Mon sipoze si ek letan, mon krwar ou annan en bon proposal ki ler nou pou kontinyen, kekfwa ek letan ler nou pou renew akoz sa i en label pou 2an pou ler nou pou renew zot label dan lefitir then nou a konmans travay zot be dan sa ka mon krwar i ti a bon kot zot kontribye pou nou, pou zot osi ede pou assess zot. Be at the moment nou ankor still pe entice zot pou zot become … pou zot pran sa label, alor nou pe pran sa kou pou le moman.

 

MR SPEAKER

Dernyen kestyon mon krwar ti lo koleksyon reveni s i kapab reservi mon krwar i al dan Consolidated Fund.  PS Finans.

 

PS PATRICK PAYET

Mersi Mr Chair.  Pou zot, zot en lenstitisyon ki zot servi, zot reservi akoz par egzanp mazorite zot bann reveni ki zot kolekte i dan pou zot re-aste materyo, pou zot servi dan zot practical.  So menm si nou met en provizyon dan Bidze pou ed zot lo zot bann course, ki zot fer an menm tan bann reveni ki zot kolekte zot reservi pou zot bann practical leson ki on top of that i dan zot Bidze.

 

MR SPEAKER

Ok. Onorab Andre.

 

HON CLIFFORD ANDRE

Mersi Mr Speaker.  Mr Speaker, mon annan 2 klarifikasyon.  Mon krwar sanmenm sa dan lepase oubyen la nou pe vwar ki Gouvernman in perdi en kantite reveni kot in kapab anmas reveni.  Solman mon ti ava ankouraz PS letan nou fer en Polisi annou fer en Polisi ki menm si i difisil pou bann lotel aksepte a premye lenstans, me selman i en Polisi ki tou i bezwen akoz si nou selective, enn i swazir, lot pa swazir, nou pou vwar nou pou annan difikilte dan lefitir e nou ava kapab ganny en serten reveni lo la.  Dezyenm pwen se PS letan ou’n dir nou STA zot larzan zot anmase zot reservi be nou pa konnen nou, nou pa konnen ki kantite zot anmase, i kapab zot in anmas plis ki zot pe demande e zot kapab zot in anmas sa ki zot, konmsi nou pe demann zot si zot pa bezwen posibleman pou nou kapab balans keksoz.  Mersi bokou.

 

MR SPEAKER

PS petet sa propozisyon mandatwar pou zot peye pou zot evalyasyon apre Principal ou a koz lo ki ou fer avek sa larzan e konbyen ou gannyen. PS. PS Lafortune mon pe demann ou.  Lo evalyasyon bann lotel, assessment.

 

PS ANNE LAFORTUNE

Ok. Mersi Mr Chair.  Wi mon krwar i en bon proposal ki Onorab pe donnen.  Parey mon’n dir pou le moman akoz i ankor ase nouvo nou pe ankouraz zot, be selman parey mon dir avek lefitir nou pou kekfwa met en Polisi parey dir kot nou poudir ki dir i vin mandatwar e ki zot bezwen kontribye. I en keksoz ki nou a pran konsiderasyon. Wi Mr Chair.

 

MR SPEAKER

Reveni, Principal Joubert.  Reveni ki zot fer avek konbyen zot gannyen.

 

PRINCIPAL FLAVIEN JOUBERT

Mersi Mr Chair. Mersi Onorab.  Onorab sa ki mon pe dir i se sa le bi ki nou, nou anvi fer so zis mon pe eksplik ou en pti pe. Pou le moman nou annan nou zis en restoran dan sa plan ki nou pe fer e sa restoran sanmenm sa ki nou pe servi konman restoran training, prezan ladan letan bann etidyan i fer practica lse sa pti larzan ki nou nou gannyen ki nou reentegre dan fonksyonnman restoran.  Me par kont letan nou pou fini ganny nou license, nou pou fini ganny, ou kapab dir tou bann lenfrastriktir pou sa restoran vin en restoran komersyal. Mon asir ou Onorab poudir nou Bidze pou sa pou redwir convenablement oubyen nou pa pou bezwen Bidze ditou. Mersi.

 

MR SPEAKER

Savedir ou Onorab ou kapab menm pas en weekend laba. Onorab William.

 

(laughter)

 

HON WAVEN WILLIAM

Mersi Mr Speaker. Mr Speaker, mon ti a kontan demann Minis pou sa la sonm sa 24milyon an plis ki pe demande, mon ti a kontan demann Minis si a son avi baze lo sirkonstans nou Sekter Tourizm, lefe ki sa i nou pilye lekonomi i premye, eski i satisfe sa sonm ouswa i ti’n demann an plis. Rezon mon pe dir sa se ki mon santi poudir i annan plizyer travay ki merit ganny fer.  Par egzanp sa sekter i vreman vilnerab e i annan bokou keksoz i demann ganny fer.  Eski i vwar i annan sinerzi avek bann lezot partener pou fer sir ; par egzanp ou tande poudir touris i vini me revenue pe kolekte malgre i annan bokou touris, reveni i pa reflekte vreman lo la kantite touris ki pe vini. E dezyenmman i annan sa laspe vertical integration kot i annan serten nou bann pti dimoun, pti biznes pe fye lo sa sekter zot santi poudir lefe ki i annan bann gro biznes pe pran manze avek zot par egzanp nou pe koz lo bann dimoun ki rod bann pti bis, taxi drivers osi.  Kwa ki son Minister i a pe fer a relasyon avek son kordinasyon bann lezot partener.  E dezyenmman Mr Speaker, mon ti a kontan demann Minis lo… anba Seychelles Tourism Academy, mon vwar sa dezyenm faz proze e mon poudir i annan en la sonm 4 milyon ki’n ganny prozekte me solman i annan zis 1 milyon ki pe ganny mete pou 2018, kwa ki zot pou fer ek sa milyon e kwa ki sa proze an antye faz 2 i enkli. Mersi.

 

MR SPEAKER

Minis oubyen Mr Joubert.

 

MINISTER MAURICE LOUSTAU-LALANNE

Mersi Mr Speaker. Mersi Onorab.  Parey ou konnen sa Dimans pase nou’n kas rikord, 2016 nou ti annan nou 303mli touris ki ti vin Sesel la nou’n ariv nou deza apartir Dimans pase 305mil apepre.   So 2017 nou pou ariv nou 350mil me depans dan lekonomi Sesel e sa se bann sif ki Labank Santral i kontrole, i montre pou sa premye 9 mwan setadir ziska lafen Septanm nou kolekte apepre R5. ekek bilyon i reprezant… pardon, en logmantasyon 25 poursan lo earning from tourism konpare ek 2016.  So nou pe al dan en direksyon kot i pa zis en zafer kantite viziter me ou vwar ki son reveni, son depans ki pe fer i osi ogmante.  Prezan letan ou regard dan bann diferan sekter akoz i annan en… i divize dan diferan sekter, lotel, bato, restoran, car hire, taxi, i ale menm apre, i annan en lot seksyon ki other se ou remarke ki sa others la li menm ki’n mont plis e se pou sa nou le sa Tourism Satellite Account pou nou al an detay pou nou konnen egzakteman kote nou pe ganny sa larzan.  So pou mwan Lendistri Tourizm pe al tre byen e nou bezwen nou tou, menm bann akter ki dan Lendistri Tourizm, zot bezwen siport sa Lendistri, zot pa kapab al fer bann gran granstatementki par ler i fer ditor son prop Lendistri nou bezwen kler lo la.  Me nou annan en problenm avek tou polisi ki nou annan nou vwar, nou pe revwar sa Policy Vertical Integration, taler nou’n koz lo bato e i annan, nou remarke i annan en problenm, so i annan lezot keksoz ki nou pou bezwen revin ek en Polisi, nou’n deza travay avek tou bann diferan akter, nou’n prepare nou’n fer en diskisyon, nou pe al prezant zot sa Vertical Integration (Amendment) ki nou pe al fer avan nou anmenn kot Gouvernman. So nou bezwen kontinyen konsilte regarde e modifye. Be mon profit lokazyon ou’n poz mon en kestyon en pe pli zeneral ki nou annan nou ozordi Sesel en pti pe plis ki 500 etablisman touristik diferan kategori me nou annan osi en lalis 200 ekek etablisman ilegal.  E nou bezwen met lanmen lo la akoz nou pe fer antre plis reveni, si nou met lanmen lo la nou a ganny plis reveni e nou bezwen ed zot pou fer sir zot lo standar.  Donk sa i bann refleksyon ki nou pe fer e nou bezwen atak sa problenm ilegal.  So vwala enn pti pe konteks ou larepons pou ou kestyon.  Mersi.

 

MR SPEAKER

Onorab William.

 

HON WAVEN WILLIAM

Mr Speaker, Minis pa’n reponn mon dezyenm vizavi sa faz proze STA.

 

MR SPEAKER

STA – dezyenm faz proze Minis.

 

MINISTER MAURICE LOUSTAU-LALANNE

Wi nou atas bokou lenportans avek faz 2 e ou vwar dan Bidze i annan anba ‘capital, sa R1 milyon e sa R1 milyon i pou permet nou ganny par sa proze. I annan en pe louvraz ki nou bezwen fer parey ou konnen nou pou osi konstri en nouvo lakwizin e se sa lakwizin ek sa restoran ki pou vin sa … en lakwizin restoran d’aplikasyon prezan sa restoran nou pe servi li pou vin prezan komersyal.  So sa i en target nou bezwen fer.  Nou annan en pe larzan avek BADEA, i en kont labank, i pa ase pou sa proze.  E donk mon pe travay avek Minister Finans pou nou konmans sa proze lannen prosenn ek sa milyon pou nou prepar teren apre nou a asire ki rapidman antre dan son lenplimantasyon.  So i enn nou priyorite e fotespere nou kapab fer li le pli vit posib.

 

MR SPEAKER

Wi Onorab William.

 

HON WAVEN WILLIAM

Mr Speaker, si ou kapab briyevman kwa ki entail sa dezyenm faz silvouple. Kwa ki konpri sa dezyenm faz, mon konnen premye faz restoran, kwa ki entail sa dezyenm faz silvouple. Mersi.

 

MR SPEAKER

Minis quickly.

 

MINISTER MAURICE LOUSTAU-LALANNE

Wi, alor i annan sa restoran, i annan en lakwizin, i annan en Spa, i annan en lotel d’application apre mon krwar i annan bann sant konferans, bann keksoz koumsa.  So lala son bann gro konponan. Mersi.

 

MR SPEAKER

Onorab Henrie.

 

HON GERVAIS HENRIE

Mersi Mr Chair. Mon annan kestyon pou STA, boner Mr Joubert in mansyonn bann etranze i dir i annan zis en Mauricien, en Mauricienne ki’n marye avek en Seselwa ki travay laba, me solman i annan, mon aprann i annan en Irlandais ki travay part-time, i annan en Academic Auditor ki vin at least once a year.  Apre dan nouvel mon krwar mon’n deza vwar en zafer Patron – Honoraire ki mon krwar ti en Mauricien. So mon anvi konnen ki zot laranzman avek STA eski par egzanp letan zot vizit Sesel lekel ki foot zot bann bills.  Apre lo kestyon ‘overseas travel’ avek osi ‘overseas substinence alllowance’ i annan 2 alokasyon ki tonm apepre 700 mil par an, mon ti a kontan ganny en pe detay lo la ; pou ki rezon ki bann staff i al aletranze. Mersi.

 

MR SPEAKER

  1. PS.

 

PRINCIPAL FLAVIEN JOUBERT

Mersi Mr Chair. Mersi Onorab. Mon ava konmans avek sa premye, nou Patron Mr Claude Narins i en Mauricien e li i konmans ed STA depi ler STB ti takeover avek Ministry of Education ; apepre en 10 an pase.  E li ki fer tou bann laranzman pou nou bann etidyan management al fer bann stage L’Ile Maurice.  E li menm ki fer laranzman pou tou bann etidyan ki fer Wellness and Spa, tou bann lezot cours ki al fer bann stage L’Ile Maurice.  E letan bann etidyan i L’Ile Maurice lekol lotelyer pa pey nanryen se Mr Narins atraver son Lakonpannyen Constance ki provide zot full board and lodging, transpor e an menm tan i donn zot en house mother, house fatherkot zot reste.  E apre 10 an service avek Lakademi Tourizm, ansyen Minister St Ange ti santi poudir i ti’n le pou donn Mr Narin en pti recognition alor avek lagreman biensure bann Board zot in apwent Mr Narin konman Patron.  Letan zot Patron i pa ganny peye avek Lakademi Tourizm.  Me par kont si nou bezwen li pou li vin attend okenn keksoz spesifik, nou pey son tiket avyon ale retour dan domestic me son Lakonpannyen i pey tou son bann keksoz.  Lo nivo Shannon, sa… Shannon in apwent en external auditorpou vin odit Lakademi Tourizm en fwa par an e sa Academic Auditor i baze Dubai e li ki the Dean of Emirates Academy savedir kantmenm Shannon in apwent li, i pa reste Shannon zot vin fer sa pou kapab ganny dimoun ki vreman vreman, neutral. E letan sa dimoun i vin Sesel pou vin fer lodit se ANHRD ki pey son tiket avyon ale retour, annan letan i vin zis en fwa par an e i vin en maximum zis 3 jours.  E letan i vini dan Sesel i pa fer okenn bann zafer entertainment isi laba, i vin fer son travay e i ale. Lo kestyon sa dimoun ki reprezant Shannon dan Sesel ADHM management course, i annan Sesel ki ansarz sa e son asistan osi i Seselwa, me par kont akoz i en cours ki enternasyonal anba Liniversite an Irlande i enportan ki Irlande i fer sir poudir i annan en reprezantan ki vin Sesel en fwa letan, letan ou regarde la pou le moman i vin 3 fwa par an e letan i vini i reste ant 1 semenn a 2 semenn e letan i vini se ANHRD ki pey son tiket avyon ale retour e ANHRD ki donn li en pti allowance par jours.  E sa bann dimoun pa reste Sesel.  Mersi Mr Speaker.

 

MR SPEAKER

Mersi MrJoubert. Onorab Henrie ou satisfe?

 

PRINCIPAL FLAVIEN JOUBERT

Bon, pou’overseas nou annan nou la sa lannen nou pou annan nou ziska Desanm apepre 14 ; la mon dir ou Seselwa, Seselwa professeurs ki al aletranze e letan zot al aletranze zot al bann pti course, zot al bann misyon, zot al si i annan okenn keksoz pou fer avek bann MOU partners. La nou annan 2 professeurs ki pe al akonpanny bann etidyan ki pe al pran par dan Konkour Chef Olympiad ki baze dan L’Inde e tou le an nou pran par ladan.  E nou annan enn nou bann etidyan 3 an pase ki’n sorti katriyenm dan lemonn e sa bann larzan ki nou gannyen lo sa bann Bidze se nou pey tiket avyon ale/ retour, nou pey zot per diem e bann keksoz ensidswit.  Me par kont i annan osi zot  bann professeur oubyen bann staff  ki detanzantan zot ganny envite pou al attend bann serten keksoz aletranze, e tousala ou kapab dir i bidzete pou kouver sa bann depans.  Mersi.

 

MR SPEAKER

Onorab Afif.  Onorab Henrie, ou ti annan en siplemanter.

 

HON GERVAIS HENRIE

Wi zis en siplemanter letan zot bann etidyan i al zot cours Shannon Irlande, eski i annan staff STA ki mont ek zot o debi?

 

MR SPEAKER

Mr Joubert.

 

PRINCIPAL FLAVIEN JOUBERT

Wi Mr Speaker. Mersi Onorab. Wi letan bann etidyan i ale ordinerman nou anvoy 2 professeurs. Enn i attend, enn i akonpanny sa bann etidyan e i reste ek zot apepre 2 semaines, an menm tan i atase avek 1 son koleg Shannon.  E sa lot professeur li i ale zis pou fer bann in-service courses.  Mersi.

 

MR SPEAKER

Se tou professeur Seychellois bien entendue.  Onorab Afif.

 

HON AHMED AFIF

Mersi Mr Chair. Mr Chair on kestyon i vize lo paz 460, ‘other uses of goods and services’ ler mon pe regard Bidze total pou Departman Tourizm ki 24 milyon e vreman dan sa ‘goods and services’ 13.5 i annan 11.7 ladan ki zis ‘rent’ e nou’n koz lo la dan lepase. Zis en pwen petet plis pou PS Finans mon satisfe poudir Departman Tourizm pe pey en rent ki rezonnab 400 ekek. Me petet pou long term si Minister Finans ti kapab konsidere ki si zot pe pey R11.7 milyon tou le lannen e i ekivalan ki si ou ti pret larzan 3an 7 poursan, ozordi Gouvernman i pret a 7 poursan ou ti kapab ganny ou R30milyon e avek sa dan 3 an ou ganny ou en building R30 milyon. ki kapab donn ou a R20, 500 par met kare i kapab donn ou 1500 met kare ki plis ki zot area ozordi.  Alor konmsi mon pe zis mazinen i enportan ki nou konmans planifye long term sa gro larzan, sa zis en pti bout larzan rent dan Bidze Gouvernman be si nou ti kapab planifye pou annan nou prop batiman, nou a liber tou sa bann batiman ki nou pe lwe sekter prive i a ganny sa, pri pou desann e zeneralman i pou pli bon pou lekonomi.  So zis en keksoz pou long term ki relye avek sa latab ki nou devret mazin a long term pou nou kapab redwir en pe sa bann problenm.  Mersi.

 

MR SPEAKER

Petet Minis sa i ou area pou reponn.  Apre PS Payet.

 

MINISTER MAURICE LOUSTAU-LALANNE

Mersi Mr Speaker. Mersi Onorab.  Ou annan parfetman rezon annefe lannen pase ler nou ti la pou Bidze nou ti osi ganny demande pou nou rod en bout later evantyelman fer nou Toutism House. Donk nou pa’n les tonbe sa proze nou ankor pe regarde pou nou nobou fer le neseser.  Letan nou ti pe diskit avek Botanical House landlord pou nou sanz lokasyon, nou ti osi demann li fer en propozisyon vann nou sa batiman e letan nou’n regard sa pri ki’n mete, tro for. So nou’n turn it down pou le moman, me mon toutafe souscrit a sa ki ou’n dir.  Mersi bokou.

 

MR SPEAKER

Briefly PS Payet.

 

MR SPEAKER

Mersi Mr Chair. E definitivman nou partaz menm engagement avek ou e mon krwar Gouvernman son lentansyon mwayen term akoz dan priyorite pou 2018, se Minister Lanvironnman avek Minister Lagrikiltir avek Lapes.  So nou pe konsantre lo sa 2 konmansman 2018. Apre nou pe osi diskit avek nou bann external parties ; par egzanp zot konnen SBC apre nou lentansyon se pou annan en Constitutional House ki pou abatis tou bann Constitutional appointees ki zot en pe eparpiye partou.  Apre sertennman nou pe diskit pou en government building osi. So i dan plan Gouvernman for the next 3 to 5 years.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair zis avan mon demann mon kestyon, mon ti a voudre azoute ki i pou en bon lavantaz pou pei akoz i osi inject en larzan dan capital investment e sa pou fer ki lekonomi pou vin enn pti pe pli proactive rather ki toultan nou pe regard…

 

MR SPEAKER

Kestyon.

 

HON SEBASTIEN PILLAY

Private sector pou invest. Selman pou osi anliny avek sa nide redwir kou, enn bann eleman ki mon vwar dan Bidze tou le 2 landrwa se sa bann kou bann telefonn enternasyonal e lokal ki mon vwar i bann kou sibstansyel ; e prenant kont diskisyon ki malgre mon pa ti le me selman mon ti ekoute ki ti ganny fer dan sa Lasanble regarding DICT e travay ki petet kapab posibleman ganny fer desann bann to ki bann carrier lokal i provide.  Mon vwar bann kou telefonn sibstansyel Minis e menm bann kou elektrisite parey lo nivo STA i 1.8 milyon.Sso si ou ti kapab dir nou premyerman Departman Tourizm ki zot pe sey fer pou zot redwir en pe sa bann kou telefonn both lokal ek enternasyonal e sa bann kou elektrisite sirtou within bann Lorganizasyon pou fer ki nou kapab vwar en reduction ladan dan sa bann kou o firamezir. Mersi Mr Chair.

 

MR SPEAKER

Minis.

 

MINISTER MAURICE LOUSTAU-LALANNE

Wi Mr Chairman.  Mersi Onorab. I annan detrwa keksoz premyer keksoz avek Tourism Academy si zot rapel letan mon ti dan Lasanble zot ti dir mwan ki sa stasyon epirasyon kot STA pa ti pe marse.  Apre ki zot pa’n aprouv mon Bidze mon’n ale mwan, mon’n al regarde laba e nou’n fer li marse. Problenm se ki pou sa stasyon epirasyon ozordi i bezwen en bon pe kouran akoz i en sistenm, en nouvo sistenm performan, me i kapab pran sa faz 2 par egzanp letan nou al faz 2 met plis manrmay dan lekol in fini, son dimansyon i bon pou en pli gran kapasite. So pou le moman nou pe pey en penalti.  Annefe dan sa Bidze ou a vwar STA nou’n met pres R500mil an plis zis pou kou elektrisite pou fer marse sa kou STP ki nou’n met.  So i annan bann sityasyon kot par ler nou anvi fer desann me letan nou azout bann nou vo keksoz par ler nou annan sa problenm.  So ankor en lot rezon akoz nou bezwen akseler nou proze, pran plis manrmay dan Lakademi.  Sa i en keksoz. Lo elektrisite i annan en keksoz ki nou pe regarde sirtou la Botanical House, mon napa larepons pou le moman me nou panse ki nou pe pey kou elektrisite lo rate komersyal, akoz sa i en building prive, nou kapab pe pey rate komersyal PUC nou pa konnen. Me en kestyon mon pe poze pou mon regarde letan nou pe sey regarde pou fer desann kou akoz kou komersyal elektrisite pare ou konnen i pou bokou pli o. So sa i en keksoz ki nou pe etidye pou le moman.  Mersi Mr Chair.

 

MR SPEAKER

Dernyen kestyon Onorab Ramkalawan.

 

HON WAVEL RAMKALAWAN

Mr Speaker, son kestyon, ok aktyelman en follow-up pou zisteman pou cut costs e mon pe kalkil anler Lakademi, photovoltaic, mon ti ava mazinen ki lefe ki zot pe grade bann lotel e tousala e zot pe pous towards green energy ki zot ti ava kapab lead by example.  Mersi.

 

MR SPEAKER

Minis.

 

MINISTER MAURICE LOUSTAU-LALANNE

Mersi Mr Speaker. Wi en tre bon propozisyon, mon krwar nou osi nou bezwen lead by example mon pe repete.  So mersi bokou pou ou propozisyon.

 

MR SPEAKER

PS Payet eski, midi in sonnen, eski nou pran en vot lo Department of Tourism avek Seychelles Tourism Academy oubyen ou le esper STB apre nou a pran en vot pou tou le 3?

 

PS PATRICK PAYET

Mersi Mr Chair. E nou pou bezwen pran en vot pou, ki lo paz 466 Departman Civil Aviation, Ports, Marine, 459 Departman Tourizm e 472 STA e son total i R49 381,370milyon.

 

MR SPEAKER

Vwala. Nou tou nou’n koz lo tou le 3, bomaten nou’n konmanse la nou’n fini pou Tourism Academy, Department Tourism.  Tou bann ki pour sa ki’n nou vote lev zot lanmen?

 

MADAM CLERK

Mersi Mr Chair. 27 Manm an faver. Mersi.

 

MR SPEAKER

Savedir la pou nou kler ki nou’n fer se nou’n vot PS pou Bidze pou S…what was it call ?

 

PS PATRICK PAYET

Pou Minister Tourizm, Civil Aviation Ports and Marine ki enkli tou le 2 Departman avek STA.

 

MR SPEAKER

Vwala e apre midi ler nou retournen nou pou pran STB. Ok. Yes Onorab Ramkalawan.

 

HON WAVEL RAMKALAWAN

Non, non zis pou dir avek Tourism nou’n vwar letan zot… lannen pase nou ti disiplinen e la zot in retournen zot zot in disiplinen e alor keksoz i pas bokou pli vit.

 

MR SPEAKER

Be ou konnen Minis Lalanne i pa … i en doer i pa en talker.  Sa ki mon kontan avek li selman i ti mon PS Lasante i fer keksoz marse, mon felisit ou Minis Morgan… pa Minis Morgan, sorry Minis Loustau-Lalanne.  Anyway mersi bokou tou dimoun ki pran par e nou a rezwenn 2er.

 

(BREAK)

 

SEYCHELLES TOURISM BOARD

 

MR DEPUTY SPEAKER

Bon, bonn apre midi tou Manm Onorab.  Bonn apre midi tou bann oditer ki pe kontinyen swiv deba lo Bidze 2018.  E osi mon ti a kontan swet e bonn apre midi Minis pour Tourizm, Minis Loustau-Lalanne akonpannyen par – non CEO pour STB, Ms Sherin Francis. Ok, ok. Deputy CEO, Mrs Jennifer Sinon, e Financial Controller, yes, Mrs Malbrook. Byenveni e ankor nou osi kontinyen dan konpannyen PS Finans, PS, Payet, Ms Thésee avek Ms Verghese.  Bon avan nou pran STB apre midi, mon oule fer en keksoz kler avek bann Manm. Nou pa pe diskit lo Polisi, lo mandate, achievements, oubyen challenges bann Minister, oubyen menm STB.  Nou pe debat lo Bidze, mon pa pe pran okenn kestyon lo sa bann topik ki mon’n dir Polisi, mandate, challenges, ok?  Pour nou kapab bouze, pour nou kapab avanse annou al direkteman lo Bidze. Avek sa mon ti ava demann Clerk pour pran nou tou bann Manm ki pare pour entervenir. Ok antretan zis PS Payet i ava sinyal nou lo ki paz. PS.

 

PS PATRICK PAYET

Mersi Mr Chair bonn apre midi tou Manm Onorab, e tou dimoun ki a lekout. Lo paz 478 ziska paz 483, e nou pe tous Seychelles Tourism Board. Mersi.

 

MR DEPUTY SPEAKER

Mersi PSOk. Madam Clerk.

 

MADAM CLERK

Mersi Mr Chair. Bonn apre midi tou dimoun from Parti Lepep mon annan Onorab Sebastien Pillay, Onorab Churchill Gill avek Onorab Waven William. Mersi.

 

MR DEPUTY SPEAKER

Mon vwar Onorab Aglae osi.

 

MADAM CLERK

Avek Onorab Egbert Aglae.

 

MR DEPUTY SPEAKER

Ok Madam Deputy Clerk.

 

MADAM DEPUTY CLERK

Mersi Mr Chair lo kote LDS mon annan Onorab Ramkalawan, Onorab Afif, Onorab Henrie, Onorab Hoareau, Onorab Andre, Onorab Mondon, Onorab Arrisol, avek Onorab Pillay. Mersi.

 

MR DEPUTY SPEAKER

Mersi mon a ganny lalis please. Mersi. Bon nou a komanse avek Onorab Stephen Pillay.

 

HON STEPHEN PILLAY

Mersi Mr Chair.  Mon kestyon i lo ‘office building rent’ R4.71, 65milyon e ‘other rents 1558, ki zistifye sa bann rent pour mwan please. E mon oule en detay lo bann marketing cost R90. 468milyon.  E pour lo SP2, P2, ‘destination marketing’ 800 mil on wages and 148 mil in-kind, si i kapab dir mwan si ou pour domestic, international epi si i annan okenn increase dan bann staff dan sa Departman Destination Marketing?  Mersi Mr Chair.

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Zis pour repas lo bann kestyon.  Mersi Onorab pour ou kestyon.  Premye kestyon i lo ‘rent.’  Dan sa 4 milyon dan ‘international marketingand sa 10... Ok. E dezyenm kestyon i lo marketing cost, breakdown. 3enm kestyon destination marketing, dan salary sa logmantasyon. E osi salary in- kind.  Ok?  Premye kestyon lo rent, sa rent 4milyon ki ou vwar i relye avek rent pour nou bann loperasyon overseas, sa 158mil i relye avek nou rent pour storage avek sa enn i lokalman pour storage avek nou bann Information Office, lokalman.  Lo kote nimero 2, marketing cost, sa 90 milyon ki nou’n resevwar pour marketing cost.  Mon pour donn zot en breakdown in terms of percentage ki mannyer nou split dan cost akoz pour le senp rezon ki nou pa ankor kominik avek nou bann lofis deor egzakteman kot zot pe ganny… kantite ki zot pe gannyen, espesyalman bann ki pour pe resevwar en rediksyon.      Dan sa marketing budget apepre 62 poursan ladan nou split li avek nou bann various, nou bann market deor.  E sa larestan i ganny kite lokalman.  Dan sa 62/63 poursan ki nou kit deor, nou bann marse priyoriter, nou donn normalman en bracket ant 4 a 6.7 poursan.  Sa lannen latansyon i bokou lo Lerop akoz bann Airline ki pe vini. So the upper bracket laplipar ditan i pour nou bann marse enportan Lerop, par egzanp Lafrans, UK, Italy, Russia, e nou annan 9 marse priyoriter ki nou pe regarde ki pour ganny dan sa bracket. Outside Europe i pour Middle East, China, India avek Sid Lafrik.  E the rest bann pli pti marse i plito lo maintenance e nou donn zot en pti Bidze ki forseman 1 poursan, e menm less than 1% pour kapab maintain relasyon avek nou bann partener deor, bann travel agent, bann tour operater.  Bout ki reste kot nou, i annan 3 Divizyon dan STB, ki nou donn apepre, en 14 poursan sa Bidze, sa i digital marketing. Nou seksyon print and production, e pour osi market research, nou seksyon market intelligence. E the rest apepre dan sa 100 poursan la, sa 21 poursan ki reste, ki dan Seychelles Global Domestic nou apel li, ladan nou annan lanmwatye ki nou donn, ki dan en vot i apel joint trade promotion ki sa i bann lagreman spesifik ki nou annan avek bann partener deor e laplipar di-tan osi i bann Airline kot nou bezwen fer, nou’n agree lo en joint marketing agreement.  E laplipar banns a Bidze li menm i siport laplipar bann marse Eropeen akoz parey ou war bann Airline ki pe fly, ki anonse pour flight Sesel laplipar i pe sorti lo marse Lerop.  E sa i donn en further boost sa Bidze ki nou’n deza, nou distribye avek nou marse Lerop.  I annan en poursantaz ladan apepre, 7 poursan ki nou, sa i pour nou bann major trade fairs deor, nou bidzet li, nou met li dan sa Bidze lokal akoz, nou annan 7 trade fair an tou.  Si nou fer, nou pey from Head Office nou save on the VAT cost ki si sa bann trade fairs nou ti pe pey li from deor. E sa pti bout ki reste i apepre 3poursan, sa pti bout i reste. Nou fer en media Budget, nou fer en PR Budget petet si nou annan en local campaign, en campaign ki nou anvi fer avek en medya spesifik ki tous en pe global. E mon krwar mon’n donn the full cost, breakdown. Dan destination marketing, the salary-in-kind i relye a bann lofis deor ki nou pe pey akomodasyon. Sa logmantasyon ki ou war i relye avek ki nou annan en extra staff lo, ki pour lo posting as of next year. Salary-in-kind ankor i relye destination marketing i pour nou bann en pti moman. Ok. I nou annan staff salaries lo la. Recruitment of 2 nouvo direkter, 2 pozisyon ki nou’n kree as per new structure. E ki kot nou bann, nou annan staff ki lo senior executive position ki pour ganny promote dan sa bann pozisyon.  Osi i annan nou Scheme of Service ki nou, dan revision in Scheme of Service ladan. Ok? I hope mon’n reponn tou ou kestyon.

 

MR DEPUTY SPEAKER

Ok mersi CEO. Onorab Pillay.

 

HON STEPHEN PILLAY

Yes. Mersi Mr Chair. En pti kestyon siplemanter. Eski CEO pa vwar pour dir R129mil par mwan pour storage lokal i en pe tro o lo son ‘other rents’ parey ou’n dir mwan, i local storage, R129mil par mwan i pa en pe tro o?  E vi ki sa marketing cost R90mil, vi ki son bann achievements ki in fer lokal i pa kapab koup sa Bidze, zot fer tou online.  Mazorite zot achievements pour, ki ou’n fer i online, akoz zot pa pe koup sa Bidze 90 konsantre lo online marketing dan plas sa bann depans fizikman pour lo teren.  Wi mon krwar sa de.  Mersi Mr Speaker.

 

MR DEPUTY SPEAKER

Mersi Onorab. CEO.

 

CEO SHERIN FRANCIS

Mersi Onorab pour ou kestyon.  Sa sif ki ou’n mansyonnen i relye avek rent pour nou lofis deor, right?  International marketing.  Pour ‘other rents’ nou annan, i 210mil par lannen. 210mil par lannen e ler ou diviz li par 12 mwan i tonm apepre R17mil par mwan apepre.

 

MR DEPUTY SPEAKER

Ok.  Onorab Pillay.

 

HON STEPHEN PILLAY

Ok nou a komans, ‘office building rent’, 4 milyon ou dir mwan pour bann lofis deor. Ou annan plus ‘other rents’ ki tonm 1 milyon 558, 240 mil ki ou’n dir pour bann storage lokal rent. Si mon’n byen konpran ou.  Mon byen eskize, kekfwa mon’n mal…

 

CEO SHERIN FRANCIS

Sorry.  Wi pour lofis deor i annan sa 1.3 milyon ki dan ‘other rents’ pour nou bann lofis deor.  Wi it relates to storage nou bann lofis deor. Akoz wi bann lofis, bann landrwa kot nou annan lofis nou pay the rent me selman nou bezwen pay storage pour nou bann promotional, pour storage of nou bann, stock of nou bann promotional material.  Nou annan 5 lofis deor ki nou pe pey anba sa ‘other rents. ‘

 

MR DEPUTY SPEAKER

Mersi CEO. Onorab Pillay. dernyen.

 

HON STEPHEN PILLAY

Yes, mon ti pe demann pour koup sa 90milyon vi ki son ‘major achievement’s i fer bann marketing online, Facebook, WhatsApp, bann zafer. Akoz i pa pe konsantre dan sa laliny, dan plas al fer sa bann depans fizik 90milyon par mwan, par lannen.  Mersi.

 

MR DEPUTY SPEAKER

Ok. Mersi Onorab, CEO.

 

CEO SHERIN FRANCIS

Mersi pour sa kestyon ki mon krwar i byen relevan ou’n demann sa kestyon Onorab, wi nou pe met bokou lanfaz lo nou digital marketing. Me selman i enportan ki mon souleve ki a little bit of a 50 poursan nou viziter i ankor pe still pe vin Sesel, boukte atraver en lazans vwayaz, ouswa en tour operater. E nou pa kapab, i en sif ase signifikan ki nou pa kapab focus lo zis digital marketing me negliz bann other forms of marketing.  Vre digital marketing i signifikan.  Apard ki sa sonm ki nou donnen dan Seychelles Global, dan nou bann market specific zot annan, zot osi plan apepre 10 poursan zot, dan zot Bidze marketing. Me selman i enportan ki nou kontinyen kapab travay ek nou bann lazans ek nou bann tour operater akoz nou’n war lo bann marse, kot nou’n met lanfaz avek tour operater ek lazans. Nou’n vwar rezilta. Me nonetheless, i enportan ki nou kontinyen entansifye nou zefor digitally as well akoz, pa zis pour booking ki von online me vizibilite e provide content e lenformasyon avek nou bann potential visitors. I en fason kot ou kapab toultan annan nouvo content pour reste top of mind of nou bann potential visitors.

 

MR DEPUTY SPEAKER

Mersi CEO.  Onorab John Hoareau.

 

HON JOHN HOAREAU

Bonn apremidi Mr Speaker. Bonn apre midi a tous.  Anba ‘other goods and services’ i annan en larzan ki zot in prevwar R26mil pour ‘school meal services’. Mon ti a kontan konnen sa kwa i ete?  E osi anba ‘local consultancies’ mon vwar i annan en sonm 1.4 milyon, mon ti ava anvi konnen en pe detay lo sa bann local consultancies ki kout sa pri.  E osi en pti detay lo ‘other Board’ ki ariv apepre 25, ‘other Board legal and audit’ ki tonm apepre R25mil roupi ankor. Mon ti a voudre en pti leklersisman lekel sa bann other Board?  Mersi.

 

MR DEPUTY SPEAKER

Mersi Onorab.  CEO Francis.

 

CEO SHERIN FRANCIS

Onorab mersi pour ou kestyon. Sa ‘school meal fees’ ki ou war lo nou Bidze i actually, sa non i en fot ki mon mazinen Minister Finans in fer.  Akoz sa pti bout laliny la, nou, pour beautification nou Kontra, en pti kontra ki nou annan for potted plants pour lofis.  ‘Local consultancies’ sa 1.4 milyon ki ou vwar, ki ou’n vwar en logmantasyon signifikan.  I annan 2 rezon. Premye rezon i annan fees for fiscal advisor pour 3 nou lofis deor ki i en pe konplike pour nou kalkil tax kot nou pay sa pti fee.  E ti dan foreign, ti dan foreign consultancy avan ki la in ganny bouze dan local consultancy. E nou annan 4 staff ki deza, 2 ti deza ki, nou’n bezwen pour en rezon ou en lot tir zot lo payroll pour met zot lo en Kontra apar, en kontra diferan.  Rezon pour sa i annan serten skills. Serten skills ki, enn i difisil ler en dimoun i kite pour ou rod en lot dimoun pour re-ranplase pour train. E ki si, mon a donn en legzanp, enn sa pozisyon ki nou’n war ki ler nou ti ganny sa dimoun ti kite se nou senior graphic artist, nou’n ganny difikilte pour ganny en dimoun pour ranplase. E i en pozisyon ki nou’n mete, nou’n bezwen kree anba local consultancy, management STB ansanm avek bord nou ti bezwen fer sa desizyon akoz in the absent of nou senior graphic artist ki nou’n bezwen fer contract out travay on a project basis.  E sa normalman i pou kout ou en pe pli ser. E ki nou’n war pour dir enn sa rezon akoz sa staff ti kite se akoz i pa santi ki i ti pe ganny remunerated byen e ki prezan nou’n war lo en Kontra ou kapab annan en pti pe plis fleksibilite. E nou annan ankor 3 pozisyon within STB osi ki nou’n bezwen tir li lo payroll, met li lo en Kontra apar. Enn pour fleksibilite, 2 lo kote reminirasyon osi tou.  Apre i bann skill specific ki ou bezwen.

 

MR DEPUTY SPEAKER

Mersi CEO.  Onorab Hoareau.

 

HON JOHN HOAREAU

I pa ankor dir mwan en pe sa zafer ‘other board.’  E an swit mon ti ava kontan ganny leklersisman si sa bann servis i ganny tender?

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Lo kote ‘other boards, audit, international marketing, it relates to bann, pour serten lofis spesifik ler si nou bezwen serten legal advice.  Mon pe zis konfirm sa ki mon’n dir.  Wi.

 

MR DEPUTY SPEAKER

Lo kote tender pour consultancy?  CEO.

 

CEO SHERIN FRANCIS

Mr Chair pour sa, ki mon’n eksplike, sa consultancy i parey mon’n dir i staff ki nou’n bezwen tir lo payroll pour nou met zot lo bann kontra spesifik. E sa staff i operate parey enn nou staff ki ti deza avek nou ki nou ti’n bezwen tir zot lo payroll.  E pour sa i pa en consultancy as such parey ki ou pe rod en servis ekstra. En dimoun pour 3 mwan, for a short term proze.  Me i plito travay parey en staff dan STB. Me selman pour rezon ki mon’n eksplike ki annan pour fer avek son specific skills, reminerasyon and all that. Nou’n bezwen tir li.  Nou ti pour annan en, nou ti pour probably annan pozisyon, en sityasyon kot nou ti pou’n perdi sa staff e pour recruit pour ganny dimoun pour ranplase i difisil.  E sirtou i annan en pozisyon spesifik kot ou bezwen train, invest en kantite dan training pour ou kapab met sa staff lo, annan sa skill ki i bezwen.  So avek gidans e laprouvasyon nou bord, nou’n war li neseser pour met sa bann staff lo en consultancy contract.

 

MR DEPUTY SPEAKER

Mersi CEO.  Dernyen kestyon Onorab John Hoareau.

 

HON JOHN HOAREAU

Wi Mr Speaker.  Mon ti oule ganny en pti pe plis leklersisman. Akoz an vi ki i annan ‘legal fees’ la, 18milyon pli o. me anba ankor legal fees and audit, ki tonm en lot 25 mil, be konmsi eski pa ti kapab fer tou sa bann ‘legal fees’ tonm anba kanmarad?  E 18 milyon pour legal fees, mon vwar i en sonm vreman, vreman o. Mersi.

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Onorab mersi pour ou kestyon. Sa 18. 8 milyon ki ou war i apel legal fees i en diferan according to leksplikasyon finans, i en diferan line item. Sa 18. 8 milyon si zot rapel byen i kestyon ki mon ti ganny demande lannen pase, ki relye avek specifically staff contract; bann overseas staff ki deor ki lo kontra ki nou annan 21 an tou.  Sa i sa legal fees ki la.  I en diferan kalite.  I saler bann staff ki lo Kontra deor.

 

MR DEPUTY SPEAKER

Ok. Mersi CEO.  Onorab Waven William.

 

HON WAVEN  WILLIAM

Mersi Mr Speaker. Bonn apre midi Minis.

 

MR DEPUTY SPEAKER

Onorab en moman, en moman. Minis ou ti oule azout keksoz. Ok, mon a donn laparol Minis.

 

MINISTER MAURICE LOUSTAU-LALANNE

Mersi Mr Chairman.  Zis pour mwan pa repet sa ki’n ganny dir lo sa 18 milyon.  Me pour sa 25 mil la, sa i en pti retainer ki STB i pey Biro Attorney Zeneral isi pour donn li bann guidance lo bann keksoz legal ki crop up.  So sa 25mil i lokal. Me sa 18 milyon i bann Kontra ek bann anplwaye overseas.  E mon krwar i annan 21 an tou. Mersi Mr Speaker.

 

MR DEPUTY SPEAKER

Mersi Minis.  Onorab William.

 

HON WAVEN WILLIAM

Mersi Mr Chair. Mr Chair mon ti a kontan demann CEO STB an relasyon avek ‘international marketing’ si i kapab donn nou en pti pe detay anliny avek alokasyon pour wages and salaries. Konbyen Seselwa ki pe ganny anploye aletranze? E si i kapab osi donn nou detay konbyen ki reste aletranze, be selman pe ganny allowance.  E osi konbyen etranze si i annan?

 

MR DEPUTY SPEAKER

Mersi Onorab.  CEO Francis.

 

CEO SHERIN FRANCIS

Mersi Onorab pour ou kestyon. Dan nou, dan sa ‘wages and salaries’, konbyen staff ki nou annan aletranze ki pa Seselwa, nou annan 2 dan lofis Lafrans ek 2 dan lofis, 3 dan lofis Lasin.  Larestan tou nou staff aletranze i Seselwa.

 

MR DEPUTY SPEAKER

Ok.  Onorab William.

 

HON WAVEN WILLIAM

Mon ti a kontan demann CEO si i kapab presize.  An vi ki ou’n dir i annan etranze, me konbyen Seselwa ki pe ganny anploye direkteman.  E osi, mon konnen i annan bann Lanbasad. Eski zot osi pe ganny serten lasistans in terms of Grant avek okenn pei ouswa lorganizasyon ki pour ede dan marketing aletranze.  Mersi.

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Zis Onorab si ou kapab repet sa kestyon en pti kou.  Mon pa’n pran note byen.

 

MR DEPUTY SPEAKER

Ok Onorab William.

 

HON WAVEN WILLIAM

Yes CEO, ou’n dir nou bann etranze pe travay dan bann lofis. Be selman ou pa’n dir konbyen Seselwa pe ganny anploye direkteman.  E osi mon’n demande, mon konnen pour dir i annan Seselwa ki reste aletranze, be selman ki pe ganny serten allowance, si ou ti kapab fer sa bann diferans osi tou?  Mersi.

 

MR DEPUTY SPEAKER

CEO.

 

CEO SHERIN FRANCIS

Ok. Onorab mersi pour ou kestyon. Lo payroll, nou annan 4 Seselwa ki pe travay aletranze.  Lo service agreement or Kontra, nou annan 6.

 

MR DEPUTY SPEAKER

Ok.  Mersi CEO. Onorab Arrisol.

 

HON SANDY ARRISOL

Mr Speaker mersi. Bonn apre midi Minis avek ou delegasyon. Madanm CEO pour STB, bonn apre midi avek ou delegasyon.  Mr Speaker mon ti a kontan retourn lo pwen Onorab William avek pwen ki Onorab Stephen Pillay in fer resorti. Premyerman mon ti a kontan demann Ms Sherin konbyen staff an tou zot annan kot STB, aletranze, isi Sesel?  mon premye kestyon. Dezyenmman mon ti a kontan demann ou lo sa 18milyon legal fees ki ou’n koz lo la, e ou’n dir pour dir i annan 21 staff letan mon’n diviz li by 21, i tonm anviron R857mil pour legal fees pour sa 21 staff ki nou pe koz lo la.  Konmsi si, zis pour klarifye si mon sif i byen e si i en sonm ki ase sibstansyel si i ok pour STB. Sel 2 pti kestyon ki mon annan. Mersi bokou.

 

MR DEPUTY SPEAKER

Mersi Onorab. CEO.

 

CEO SHERIN FRANCIS

Onorab mersi pour ou kestyon. An tou STB i annan 65 staff avek 7 Kontra reprezantasyon. Sa 18milyon legal fees ki ou vwar ki mon dir ou i annan 21 kontra an tou, i tonm wi son average apepre 800mil par Kontra; ler ou diviz li par 16 par egzanp pour Euros i tonm apepre anviron 4mil Ero.  On average sa i kontra enkli bann social charges as well ki mon krwar pour en staff ki pe travay deor on average of 4 mil Ero i zistifye. Mersi.

 

MR DEPUTY SPEAKER

Mersi CEO.  Onorab Clifford Andre.

 

HON CLIFFORD ANDRE

Mersi bokou Mr Chair.  Mr Chair an referans avek kestyon demande par Onorab Arrisol, e en pti klarifikasyon ki mon’n demande avek Onorab Ferrari kot i dir mwan sa legal fees i bann Kontra 21.  Zot pe sipoze pe pey zot, parey ou’n dir bann social charges.  Me akoz pli ba nou war sa 4 milyon ki tonm dan ‘rent.’  Si zot pe pey zot social charges nou pa kapab annan ankor nou pe pey rent overseas ki ou’n dir nou taler rent overseas.  So mon war i annan overlap.  Sa i enn.  Dezyenmman mon ti a kontan demann sa, letan nou pe get lo latab ki’n ganny donn nou i annan bokou bann ‘other allowances’ ki pa’n …’other allowances’ nou vwar 633mil, nou war ankor other allowances 2.3milyon. ‘Other allowances’ ki tonm anba menm kategori 1 milyon, 1.068 million.  So mon ti a kontan ganny en pti leksplikasyon lo la.  Nou desann anba ankor dan ‘goods and services’ i dir nou housing 1.7 milyon.  So mon ti a kontan ganny en pe leksplikasyon lekel ki pe ganny lakaz ki tonm nou 1.7 milyon from taxpayers? Nou kontinyen desann en pti pe pli ba, ok, nou’n touse lo school meals.  Legal consultancy nou’n koze, sa 18milyon ou’n koz lo la.  Mon annan konsern prezan avek sa 90milyon ki ou dir. Letan mon pe get lo paz 483, sa big Budget Book, mon war international marketing i dir 106milyon.  Ladan i dir nou compensation pour employee, 5.6milyon. Be de lot kote i dir nou ‘goods and services’ 1.1 million, 101 milyon konmsi.  Be letan mon pe gete marketing cost, si mon add tou le de marketing cost, local ek international, ok?  Akoz SP1 i international marketing, SP2 domestic marketing.  Ki tonm mwan 131 milyon.  Ladan mon ganny zistifikasyon pour zis 90milyon ki ‘marketing cost’So mon ti a kontan ganny en leksplikasyon an referans avek sa marketing cost with regards to this.  Mersi Mr Chair.

 

MR DEPUTY SPEAKER

Mersi Onorab Andre.  CEO.

 

CEO SHERIN FRANCIS

Onorab mersi pour ou kestyon.  Zis mon a fer kler. Nou overseas operation deor an tou i ariv 24 milyon.  Dan sa 24 milyon sa 18.8 milyon i bann Kontra.  Nou bann staff deor.  Ladan dan sa bann kontra i annan 7 Kontra ki nou apel li en kontra reprezantasyon ki sa ou pe zis en fee, ou napa lezot kou loperasyon.  Me i annan serten bann Kontra ki kontra bann staff ki sa i zot, i parey zot saler, avek bann social charges ki vin avek. Serten sa bann staff dan sa bann lofis, sa bann staff parey sa bann lofis, i annan lezot kou loperasyon ki von avek.  Dan sa 24milyon, sa 4milyon rent ki zot in vwar i enkli dan sa 24 milyon, e sa larestan i bann lezot office expanses ki annan ok. Prezan dan, ou’n vwar pour dir, dan SP1 ‘international marketing’ – dan ‘international marketing’ nou annan staff, nou annan staff ki baze lokalman.  Nou annan 3 Seksyon ki zot saler i ganny trouve dan sa ‘international marketing’.  Sa 3 Seksyon i enkli nou ‘print and production’, nou ‘digital marketing’ avek nou market ‘intelligence section.’  E sa logmantasyon dan SP1 ki ou’n war i osi bann staff lo overseas … nou annan staff ki lo Kontra, ki ou pey zot en saler 1 e zot pey zot rent e zot pey tou zot bann benefits and everything.  Me nou annan staff ki nou met lo posting osi.  The difference avek en staff ki ou met lo posting se ki nou ki displace zot Sesel pour anvoy zot deor.  E sa bann staff i lo Scheme, zot ganny peye en bout ler zot al deor, en bout zot saler in ganny inflate with a foreign service allowance.  Nou annan actually 4 staff ki lo sa scheme.  Nou pey zot housing e sanmenm sa salaries in-kind, wages and salaries in-kind 1.7 milyon ki ou vwar i reflect that, akoz nou pe zot housing e sa, mon krwar mon’n reponn sa bout.  Dan sa 90milyon.  Dan nou bann classification i ganny breakdown into 2 pieces.  En bout i ganny trouve dan international marketing.  En bout i ganny trouve dan domestic marketing.  Par egzanp dan ‘good and services’, 20milyon i ganny mete dan ‘goods and services’.  Domestic marketing and the rest in ganny mete dan ‘international marketing’.

 

MR DEPUTY SPEAKER

Yes Onorab Andre.

 

HON CLIFFORD ANDRE

Mon ti a kontan demann avek CEO pour li donn nou en breakdown parey nou’n gannyen avek State House, lo lekel ki ganny anploye, dan ki pozisyon, ki son saler, ki son allowance, ki son housing allowance? Akoz mon vwar i annan en konfizyon, oubyen en konplikasyon ki pe leve la.  Akoz i annan serten ki al lo legal fees ki nou’n tonm 19milyon, ki li i ganny peye en lump sum epi li i fer son son social housing se pa ki mannyer nou’n dir la, dan social expenses.  Me selman i annan en bann ki nou mon pa konnen lekel ki fer social expenses.  Konmsi Gouvernman pe fer.  Konmsi pour nou annan en sel uniformity lo sa loperasyon lo bann ki ganny poste aletranze.  Mon konpran ki nou bezwen annan sa.  Konmsi al lo en sel kalite model ki nou pa perdi sa 19 milyon.  Nou vwar nou pe perdi en pe larzan, nou pa konnen kot i pe ale.  Epi lot osi nek nou pe perdi, housing, housing, lot i ganny housing en pe pa ganny housing.  Konmsi ti a bon nou ganny en keksoz pli kler pour nou kapab osi eksplik nou pep osi letan i pe demann nou sa R2mil ogmantasyon oubyen son progressive tax.  Mersi.

 

MR DEPUTY SPEAKER

Mersi Onorab.  Selman mon pa tro krwar. E moman CEO.  Mon pa tro krwar ou annan sa detay kwa ki manm in gannyen from State House, from President Office and Vice president OfficeSo petet ou a travay STB, kot STB ou a travay lo sa bann detay avek ou FC, ou ava fer Lasanble ganny en breakdown – en pti parey i pe demande lo bann saler, dan bann allowances, bann legal fees and so on.  Ok.  Bon nou a move on.  Onorab Egbert Aglae.

 

HON EGBERT AGLAE

Mr Speaker mon kestyon i paz 480 kot i konsern ‘maintenance and repairs’ mon vwar i annan en Bidze 449 mil, mon ti a kontan si PS i ti a kapab eksplik nou, vi ki zot dan en nouvo building osi ki sa larzan pe ganny fer avek pour ‘maintenance and repairs’. Mersi.

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Mersi Onorab pour ou kestyon. Dan sa ‘maintenance and repair’ anba ‘use of good and services,’ nou annan the bigger chunk of the, of sa vot i pour motor vehicles.  Me nou osi annan pour IT equipment pour printing as well.  Nou annan aircon pour nou bann Information Office. And maintenance pour nou bann Information Office as well.

 

MR DEPUTY SPEAKER

Ok?  Onorab Woodcock.

 

HON WAVEL WOODCOCK

Mersi Mr Speaker.  Mon kestyon i konm swivan.  I annan en sonm 3.2 milyon ki’n ganny allocate pour transportasyon, for ‘transportation and travel cost.’ Mon kestyon i sirtou konsernan bann zournalis etranze ki vin isi, sirtou lo kot i konsern marketing. Sirtou bann zournalis ki al Inner Island.  Mon ti a kontan konnen kantite larzan pour lannen 2017.  E osi pour lannen ki vini 2018 ki zot in met akote pour depans lo sa bann zournalis.  Akoz i annan konsern ki bann zournalis ki vin Sesel a plizyer repriz se bann zournalis en pe aze.  Enn ler zot pe vin avek zot fanmir, zot pa pe neseserman fer en travay ki pour benefisye Sesel.   Eski zot vwar fezab e dan lentere nou lendistri pour depans sa bann sonm larzan pour anmenn sa bann zournalis isi.  E en lot konsern se ki’n ganny met devan par staff La Digue, STB se tou ki zot saler i en pe ba.  Epi Bidze ki’n ganny allocate pour bann loperasyon sa bann lofis, i en pti pe ba e mon’n menm aprann ki lofis STB Praslin, sa enn kot lasose Praslin in fermen.  Mon anvi konnen le rezon det akoz zot in ferm sa lofis ki ti pe deservi bann kliyan lo Praslin.  E mon osi anvi demande ki kantite larzan ki STB in depanse pour fer bann map ek bann brochure pour 2016 ek 2017?  Par lefe ki bokou sa bann map i outdated, e i pa enkli bann diversion semen.  E osi serten landrwa pa ganny enkli lo sa map.  I annan rapor konm kwa bann touris pe perdi akoz sa bann map i outdatedSo kantite larzan ki zot in envestir ladan e osi dan sa bann brochure ki, bann pri enn ler ki lo la i pa reflekte larealite ozordi.  Pran en konparezon pri bisiklet i ankor R50 lo enn de sa bann brochure La Digue.  Me in monte. Mon ti a kontan konnen ki investment vreman zot in fer lo bann map e lo bann brochure e ki investment zot anvizaze fer dan lefitir, si zot pour kontinyen avek bann map ek bann brochure, ouswa zot pour go digital?  Mersi Mr Speaker.

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Mersi Onorab pour ou kestyon.  Sa sonm – premyerman pour komanse. Ou’n demann kestyon si vyab pour nou kontinyen anmenn sa bann zournalis Sesel pour depans sa kantite larzan lo zot.  Nou stratezi pour reste vizib dan Lapres deor i vreman enportan. E nou bezwen, nou depann lo zournalis pour kontinyelman ekrir bann bon rapor lo Sesel akoz i enn bann fason kot ou kapab reach e pas, donn sa lenformasyon ou bann potential visitors.  I en stratezi ki pa zis nou Sesel ki fer.  Tou bann larestan pei osi dayer i fer.  E ki nou vwar i enportan pour zot kapab ekrir.  Fer en bon review lo Sesel, zot bezwen eksperyans destinasyon e se pour sa rezon ki ou vwar nou kontinyelman STB, nou kontinyelman anmenn zot. I pa zis en STB, ler ou gete nou bann partener dan lendistri, zot osi zot fer sa.  Ler ou get bann tour operater Sesel, bann lotel zot kontinyelman anmenn sa bann zournalis pour kapab fer bann bon rapor, bann bon review lo destinasyon e lo nou bann prodwir osi tou.  E enn parmi sa bann cost ki mon war ou highlight se the, en depans ki nou’n vwar toultan nou fer lo nou bann zournalis e i pa zis zournalis sa.  I nou tour operater ek nou bann travel agents osi ki nou anmennen pour eksperyans destinasyon pour zot kapab vann nou.  I … pou vwar i annan sa 1.5 milyon lo sa hire charges for vehicles. Kantite farm trips, familiarization visits ki nou’n bezwen organize dan 2017, nou’n vwar li in ogmante sibstansyelman konpare ek bann previous lannen, pour la senp rezon ki avek the airline dynamics nou annan bokou plis Airline flying to the destination.  E Airline zot in anvi angaz en pe plis dan sa bann aktivite.  Zot in demande; ‘’Why don’t we join forces?’’ Nou anmenn plis zournalis. Plis travel agent, plis tour operators pour ekeperyans destinasyon. Zot in pare pour donn airline seats.  E STB normalman the very basic expectation in terms of cost ki zot demann nou i pour kouver ground logistics.  E as much ki nou ganny bokou lasistans avek bann DMC lokal, me nou war pour sa kantite proze ki nou’n annan nou bezwen osi depans dan bann outside transfers ki nou bezwen de tanzantan contracs out.  Lo kestyon La Digue kot zot santi, mon krwar ou’n mansyonn lo kote saler ki zot pa happy avek.  Nou ti fer en premye, nou ti fer nou Scheme ki ti antre an fors en pe letan pase kot zot ti ganny en salary review anba sa Scheme. Ler scheme ti ganny aprouve, bokou staff ti apros mwan pour dir mwan pour dir kantmenm scheme in review zot saler en pe zot still pa satisfe.  E nou menm nou management STB nou osi nou ti santi pour dir sa bann staff ti kapab ganny rewarded pli byen ki sa. Me lofis La Digue pa ti enn sa bann lofis ki ti apros nou pour koz lo zot saler de menm. I annan lezot ki ti vini, me zot pa ti apros nou zot. Me selman nou, nou’n pran dan nou menm, management STB akoz nou realize pour dir in terms of reward, nou bann staff lokalman mon krwar i devret, i kapab ganny en pe plis.  Nou ti submit, nou’n retravay ankor lo en proposal, nou ti submit kot Board pour eksplik en pe nou dilenm e nou ti fer form en remuneration committee avek Board members ladan kot nou’n vwar ki mannyer nou kapab resubmit en lot proposal kot DPA pour review the scheme pour nou kapab reward staff pli byen.  E sa travay nou’n fer, nou’n ganny en premye feedback, nou’n re go back, nou’n menm bezwen fer meeting ek zot, la the scheme i kot DPA pe ganny travay lo la.  And hopefully, nou ava ganny en outcome, hopefully very soon.  E nou hope ki ladan dan sa Scheme i ava, zot osi zot ava kapab ganny touse en pe.  Lo kote map and brochures, en kantite map and brochures ki pe ganny partaze right now i pa STB ki fer.  I konpannyen prive ki fer. Me nou normalman nou aste en serten kantite kopi osi. Akoz nou konnen map en brochures, sirtou map i enn bann keksoz ki ganny, ki an gran demann ler en touris i vin Sesel. E kantite fwa ki nou’n, bann lofis i enform nou pour dir i annan serten lenformasyon ki pa korek lo sa bann map. Nou les sa bann lakonpannyen ki fer map konnen poudir ki zot bezwen reget sa akoz i bann komanter ki vin over and over again.  Nou toultan enform zot bann feedback ki nou gannyen lo zot map. Pour lofis La Digue pli presizeman pour deal ek sa problenm lenformasyon lo map ki nou’n fer Onorab. Nou annan en brochure spesifikman pour La Digue ki nou pe fer internally avek map, kot nou pe fer sir tou bann lenformasyon lo La Digue spesifikman akoz bann fot lo sa map i annan plito pour fer ek La Digue. Pa vreman Mahe, kot i annan bann lenformasyon spesifik ki toultan nou staff i demann nou.  Sa i an progre. I actually, nou’n fini first draft. Nou’n fini the first draft. So byento pour al dan printing. E nou ava annan en map ki pour spesifikman pour La Digue.  Nou konnen La Digue osi demann pour brochure pour map i bokou plis ki lezot zil.  So i ava sort out sa problenm. I hope mon’n reponn ou kestyon.

 

MR DEPUTY SPEAKER

Mersi CEO.  En moman Onorab.  Non en moman, en moman.  Pour nou kapab bouze mon ti a kontan petet osi demann CEO pour etre pli bref dan repons.  Mon konnen ou anvi montre latransparans, ou anvi donn o tan detay. Me nou pa pour kapab satisfer tou sa bann dimoun avek sa bann pti detay. Me être pli bref pour nou kapab bouze. Ok.

 

CEO SHERIN FRANCIS

Pour lofis Praslin. Mon pour vit lo sa enn.  Pour lofis Praslin nou’n eksplik avek nou staff pour dir nou pa anvi ki zot zis reste dan lofis 8er, 4er. Nou anvi ki deplizanpli zot akonpanny bann zournalis ler zot vin lo sa zil.  E se pour sa rezon ki nou’n vwar nou gard zis en lofis lo Praslin e sa i zis at the Airport.  Lo lasose as and when si nou annan nou bann kliyan ki pe vini.  Nou’n eksplik zot pour dir zot kapab deplase. Akoz laplipar zot, zot pour vin lo Cat Cocos bomaten, en pti kou bomaten ou ale ou zwenn zot.  Me selman nou’n eksplik zot pour dir avek levolisyon zot travay nou anvi ki zot al lo teren plis rather than reste dan lofis.

 

MR DEPUTY SPEAKER

Mersi CEO.  Onorab Henrie.

 

HON GERVAIS HENRIE

Mersi Mr Chair.  Tre bref, konsernan bann travayer STB, eski i annan ki par fwa i ganny demande pour al fer bann louvraz pour bann lezot antite ki tonm anba Minister Tourizm. Selman zot kot STB, zot sorti pour al fer lezot louvraz? E eski zot ganny rekonpanse pour sa. Konmsi dan Bidze eksi i fer provizyon ouswa zis i en led, part of the job ki zot ganny demande pour al fer en lot louvraz?  Mersi bokou.

 

MR DEPUTY SPEAKER

Onorab, Onorab.  Mon pa tro vwar kote i vini dan Bidze, me brefman.

 

HON GERVAIS HENRIE

Mr Chair si i annan larzan dan Bidze pour pey zot?

 

MR DEPUTY SPEAKER

OkCEO brefman. Ou kapab dir li wi oubyen non.

 

CEO SHERIN FRANCIS

Onorab mon pa’n vreman sezi ou kestyon.

 

MR DEPUTY SPEAKER

Mon krwar nou a pran sa koman son repons en.

 

HON GERVAIS HENRIE

Dizon en dimoun i travay avek STB.  Selman prezan i ganny demande pour li al fer en lot louvraz dan en lot antite ki tonm anba Minister Tourizm. Wi dan en lot Departman. Prezan si sa bann dimoun zot ganny peye ekstra pour sa? Ouswa zis is part of the job ki zot ganny demande pour al fer en lot travay.  Mersi.

 

MR DEPUTY SPEAKER

Ok CEOMinister.

 

MINISTER MAURICE LOUSTAU-LALANNE

Mersi Mr Chairman. Wi mwan mon konn detrwa. Akoz zot travay tre pros ek mwan. Sa i dan bann PR akoz olye ki mwan anploy par egzanp en PR person dan mon biro, mon servi sa PRO kot STB.  E i tre efikas, i fer en tre bon louvraz. E mon pou definitivman – definitvman get dan zot welfare.  Mersi Mr Chairman.

 

MR DEPUTY SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Chair. Mon kestyon i lo latab 4, paz 481. ‘Other uses of good and services.’ 2017 ti 5.9milyon, la i annan rediksyon 4milyon.  Eski CEO i kapab dir nou si i annan keksoz ki zot ti pe fer prezan zot pe diskontinyen, oubyen si annan lezot rezon ki sa in koupe.

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Mersi Onorab pour ou kestyon sa rediksyon ki ou vwar anba ‘other use of good and services’ i relates avek nou rent ki parey Minis in eksplike bonner ki la in nepli dan nou Bidze, me i plito dan Bidze Departman Tourizm.  Mersi.

 

MR DEPUTY SPEAKER

Mersi CEO. Straight forward. Onorab Mondon.

 

HON TERENCE MONDON

Mersi Mr Chair.  Mr Chair mon anvi ki CEO i klersi mwan lo sa zafer legal fees, akoz ler ti [pe reponn kestyon Onorab Arrisol i ti dir pour 21 staff i tonm pour sa 18.8 milyon, i tonm 800mil par mwan ki tonm apepre 4 mil Ero. E ler ou pran 18 milyon ou diviz par 12, ou diviz par 16, i tonm, wi 50mil Ero.  Aprezan si nou pran sa 4 mil ero par 21 staff apre, ou’n dir pour dir i annan staff kontra, apre i annan en lump sum ki ler ou tir sa diferans ou ganny R17.4milyon ki apepre 1 milyon Ero. Mon still pa konpran sa amount kote i ale, sa lump sum, kote i ale?  E mon anvi konnen si zot in fer okenn letid aprofondi pour verifye sa amount ki zot peye anba legal fees, pour sertifye ki vreman i en sif ki reel dan ki zot pe peye anba sa vot.  Mon ti a kontan ganny en pti pe plis leklersisman lo la, ouswa petet si i annan bann dokimantasyon ki zot kapab fer nou gannyen pour nou kapab satisfe nou lekor lo sa bann fees.  Dezyenmman mon vwar dan rapor oditer osi ki i annan en long delays ankor kot zot bann statement of account i konsernen.  E dapre rapor 2016 i ariv ziskan, 2014, bann statement of account ki azour.  I annan 2015/2016 e mon anvi konnen ki kalite travay ki zot pe fer pour kapab si oule, akoz ler nou pe get sa Bidze ki nou pe donn STB, mon ti a kontan vwar ki bann kont osi i azour.  En fason ki nou tou nou satisfe ki tou keksoz i annord ler nou pe aprouv zot Bidze. E mon ti annan en lot pti kestyon leklersisman.  Mon aret Mr Chair.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Onorab Mondon nou’n pare nou.  Parey nou’n pran en desizyon taler nou pour donn sa lalis.  Akoz sa ki arive i annan en serten kantite dimoun ki STB i anploye direkteman.  Apre i annan en serten kantite Kontra ki i anann avek lezot dimoun ki nou, nou pa anploye direkteman.  So lala mon krwar kot sa bann konfizyon i kapab arive.  So nou ava anvoy lalis, nou ava detay li byen.  So i ava kler enn fwa pour tou pour nou tou. Si ou ok ek sa annou fer li koumsa.  Pour lodit i vre Onorab Ferrari ti start nou dernyen fwa. I ti dir nou nou bezwen fer nou louvraz serye.  Alor an 2017 letan nou ti vin la, kont 2011 pa ti ankor odite.  Kont 2011 in fini odite par en Konpannyen Odit Prive apre in soumet ek oditer zeneral. Oditer Zeneral li in konfirmen sa lodit. Pour odit 2012, sa menm konpannyen prive, oditer in fini, e nou’n remet avek Oditer Zeneral sa lodit. Nou pe esper li sertifye, donn nou.  2013, i menm kategori.   2014, nou pe esper 2013, pour nou zis aziste balans.  Prezan oditer prive a soumet 2014 dan le pli bref dele la.  Fotespere la avan lafen sa lannen pour nou donn ek Oditer Zeneral pour li sertifye.  So dan sa lespas 6 mwan ki nou pa’n la, nou’n atrap 11, 12, 13 e nou pros pour nou atrap 14.  In pran en pe letan akoz nou oule fer en travay ki bon, en travay ki kredib. Me prezan, 2015 ek 2016 Oditer Zeneral in dir i a fer sa li menm.  So nou pa pour al donn sa louvraz en konpannyen Oditer Prive pour li odit 15 ek 16.  Sa pour en louvraz ki pour ganny fer par Oditer Zeneral li menm. E mon ti a kontan a sa moman la remersye FPAC akoz ti annan en diskisyon avek FPAC, par STB, e mannyer mon konpran la osi ti annan en lantant ki mannyer nou ti pour travay.  So fotespere sa lenformasyon mon’n donn Lasanble i ava akseptab pour savoyaz.  I vre nou pa’n fini ziskan 2016 pour nou azour.  Me nou’n fer en gran travay.  Mersi bokou Mr Chair.

 

MR DEPUTY SPEAKER

Mersi Minister.  Onorab Afif.

 

HON AHMED AFIF

Mersi Mr Chair.  Mr Chair mon kestyon i vize ver paz 480. Ler mon pe get Bidze an gro 142 milyon, 2019 – 142, 144, mon pep ran ou larepons, mon krwar Minis ti koz lo la. Oubyen CEO ti koz lo la ki evantyelman zot pout redwir kou marketing dan sa fason ki nou pe fer li, e move towards IT. Mon pa vwar sa pe arive a long term.  Alor donn mwan en lendikasyon ki zot pe fer egzakteman pour nou redwir en pe?  Kot i konsern printing anba ‘office expenses’ zot annan preski 50mil Dolar ki zot pe depanse, preski 1000 Dolar par semenn. Ki zot pe fer pour zot kapab outsoure dan en fason kot pli lakonpannyen lokal, par egzanp dan printing i kapab ganny en pe.  Kot i konsern’ other uses of goods and services’ kot zot pe, mon asire pey bokou bann kou aletranze.  Petet i annan serten keksoz ki kapab ganny fer lokal, ki zot pe fer pour zot sey ankouraz bann lakonpannyen isi Sesel, an menm tan sey redwir kou dan sa Bidze. Mersi.

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Onorab mersi pour ou kestyon.  Lo premye kestyon ki mannyer, ki travay nou pe fer pour redwir en pe the cost of marketing e petet mon mazinen ladan ou pe osi demann en pe nou loperasyon.  Parey ou’n war pour dir nou marketing limenm nou pa’n ganny en logmantasyon sa lannen e me pourtan nou, vi ki ou annan sa kantite Airline ki pe vini, nou anvi fer plis.  Nou pour rod fason definitivman from sa Bidze ki nou’n gannyen pour nou kapab fer plis pour nou still kapab kontinyen ogmant larive touris, avek sa resours ki nou’n gannyen e sa en parti parey zot in vwar i annan pour fer avek nou digital marketing. Nou pe rod fason ki mannyer nou cost effective ways pour nou egzekit nou bann aktivite; partner, par egzanp si i annan sa bann airline ki pe vini, partner ek zot, kot nou pa bezwen al fer bann aktivite lo nou menm, ler nou partner ek zot nou kapab share the cost, kot nou kapab war rezilta san ki nou bezwen ogmant plis larzan.  An term nou loperasyon overseas.  Wi mon rapel ti annan sa diskisyon pour regarde ki mannyer nou kapab redwir nou kou loperasyon deor. S a legzersis ki nou pe fer i ankor ongoing. Actually nou annan first draft enn nou lofis ki nou bezwen prezant devan nou Board.  Me selman mon kapab reasir ou ki nou pe fer sa legzersis e i annan osi an menm tan en internal audit exercise ki pe pran plas e nou pour depan osi en pe lo sa rekomandasyon, sa legzersis kot nou kapab konpar bann rekomandasyon e petet then nou a submit to the Board for further action.  Me selman i annan en legzersis ongoing lo la ki pe ganny fer.  Wi ou kestyon lo printing, yes, actually pour printing, wi mon krwar sa ki ou’n mansyonnen ki mannyer nou kapab travay ek bann lakonpannyen lokal pour nou redwir en pe kou.  I en legzersis ki nou pe eksplore e already nou resaman nou’n komans zwenn avek bann lakonpannyen lokal pour regarde.  Donn zot nou prodwir, fer zot fer bann sample pour gete si zot kapab fer sa prodwi lo menm oter, menm lavites.  E wi nou’n fer sa diskisyon, nou’n annan meeting avek detrwa lakonpannyen printing isi e actually i en fason ki petet, pa petet, ki nou pour travay pour lannen 2018.  Mersi.

 

MR DEPUTY SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon oule premyerman refer CEO to size bann cost ki zot pe incur avek zot stratezi ki zot pe servi sirtou bann cost Internet, telefonn, lokal e enternasyonal. Mon ti oule konnen si zot pe pran, akoz mon konnen sa i tie in avek zot digital marketing, me zot pran serten mezir pour zot vwar ki mannyer zot kapab fer serten rediksyon dan kou.  E apre in regards to zot promotion, market promotion Budget par egzanp.  Eski zot pe deside pour realign serten larzan ki zot pe mete ladan dan plas al ver toultan bann aktivite tradisyonnel ki relye avek tourism, akoz pa konsider met en pe plis larzan dan bann aktivite, dan market parey bann aktivite tel koman game fishing par egzanp game fishing par egzanp; akoz la vi ki bann pei dan Karaib in ganny tape avek sa Siklonn, bann dimoun ki abitye partisip dan sa bann aktivite pe rod lezot marse.  E Sesel posibleman i ava annan en potansyel pour ofer sa bann dimoun tel ki propoz nouvo proze bann landrwa par egzanp en Marina Praslin, par egzanp. Konmsi anmenn en pti pe plis diversifikasyon dan sa sekter.  Mersi Mr Chair.

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Mersi Onorab pour ou kestyon. Ou pwen ou kestyon lo kote nou bann cost par egzanp, internet, telefonn.  I byen ou’n demande. Wi ou pour war enn nou strategic priority i actually pour nou met bokou lanfaz lo digital marketing.  E enn rezon akoz nou kou Internet in monte, ou war se akoz pour nou kapab enplimant efektiv, effectively nou digital marketing strategy, nou bezwen bon fast Internet. E nou war pour dir par egzanp 2017 lo sa bandwidth ki nou ti annan in retard nou en pe dan nou travay sirtou letan ou bezwen upload videos, bann keksoz koumsa.  So e en keksoz, ou pour war vre parey ou’n dir nou telephone cost osi i en pe o. E en desizyon ki management nou’n pran se ki nou pe ankouraz staff more and more pour servi teknolozi pour kominik avek bann lofis deor.  Par egzanp la si nou pour annan internet en pe pli vit, nou pour kapab call atraver bann diferan medium ki annan instead of fer call direkteman international ki kout ser ki sa i fer nou kou telefonn vin en pe pli ser.  Me osi i pour vin, i annan lezot kou taler ki pour vin avek ler ou dan lofis ou kapab dir zot servi zot computer. Akoz i annan bokou staff ki travay apre ler osi tou.  E i annan sa bout kot zot pour dir ou taler osi tou zot bezwen smart phone pour zot kapab fer WhatsApp and all the other technology.  Be selman ou pwen i valid. I en keksoz ki nou pe gete dan nou, pou rod fason pour redwir nou kou loperasyon sirtou telefonn.  Ou kestyon lo kote akoz nou pa al dan bann aktivite vi ki sa ki’n arive in the Carribean laba, pour nou divert latansyon e trafik lo Sesel. fer bann aktivite parey game fishing.  I enn bann aktivite ankor ki nou, lannen 2018 nou pe rod pour fer. Mon kapab mansyonnen poudir i annan en aktivite enternasyonal. International Sailing Cup ki nou pour pe travay lo la pour lannen prosenn an Zen. E natirelman parey game fishing osi si nou kapab fer enn lo nivo enternasyonal nou pour welcome si i annan partner lokal ki – akoz mon konnen lokalman i annan en ta dimoun ki enterese dan sa bann kalite aktivite.  I annan bann ki pe ganny fer lokalman, actually kot nou kapab siporte, nou toultan siporte.  Me selman i definitivman en aktivite ki si nou ganny en partner lokal ki anvi fer, nou kapab konsidere dan nou marketing activities.

 

MR DEPUTY SPEAKER

Mersi CEO.  Minister oule azout keksoz.  Go ahead.

 

MINISTER MAURICE LOUSTAU-LALANNE

Wi zis pour mwan osi konfirmen Mr Chairman, ki lannen prosenn an Avril nou pour host isi sa FINA – Long Distance Open Water Championship.  o nou pe antre prezan ou vwar dan sports tourism enternasyonal.  Mersi Mr Chairman.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Chairman brefman mon war pour dir lo kote kiosk zot annan en rental akoz zot pe lwe.  Me i annan sa proze pour ki mon’n deza koz lo la La Digue pour renouvle sa bann kiosk e sa pov msye ki mon ti pe koz ek ou lo la, mon anvi dir Mr Speaker, yer swar in pas en vol in ganny vole plis ki R300 mil e i a pe marse fer lapenn. Mon pa vwar nanryen pour renouvle sa bann kiosk la e La Digue, sey dir mwan ki pe arive egzakteman.

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Onorab mersi, pour ou kestyon.  Parey ler ou ti enquire lo sa proze avek mwan, mon happy pour dir ki in progrese from the last time ki’n koze, nou ti annan bann prosedir ki nou ti bezwen swiv parey regarde, si nou bezwen laprouvasyon Planning pour sa renovasyon vi ki sa pti bout kot sa msye pe okipe si nou pour bezwen fermen, nou bezwen fer sir ki nou pe swiv prosedir.  Kot nou’n arive la, actually ozordi is the deadline pour bann kontrakter submit zot financial offerOnce sa in fermen nou pour al kot procurement, swiv prosedir e nou pe mazinen ki by Desanm nou kapab komans sa travay. Alors ou pa pour vwar li dan Bidze 2018 akoz sa in deza fini Bidzete dan 2017.  So once nou komans, once ki nou ganny laprouvasyon procurement, nou pour komans avek travay lo sa lofis.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Zis en dernyen final.  Dan bann local consultancy, eski i annan en ansyen Minis, ki pe azir koman enn zot bann consultant.

 

MR DEPUTY SPEAKER

CEO.

 

CEO SHERIN FRANCIS

Wi i annan en ansyen Minis ki i annan en PR consultancy avek nou.  E sa ti en strong recommendation from nou Board ki ti, zot ti propoze ki nou ansyen Minis i kapab ed nou bokou avek dissemination of nou bann press releases, nou bann lenformasyon.  Vi ki son karnen ladres i gran. I en dimoun ki over the years in akimil bokou kontak sirtou in the media world e ki sa rekomandasyon ti sorti kot nou Board.

 

MR DEPUTY SPEAKER

Ok.  Onorab Ramkalawan.

 

HON WAVEL RAMKALAWAN

Wi in sorti kot zot bord. Eski zot in swiv bann procurement procedures, bann prosedir pour fer en pour ki, anba consultancy pour ki i annan en tender e si ou kapab dir avek nou si zot in swiv bann prosedir premyerman.  Parski i annan bann prosedir ki bezwen swiv.  E dezyenmman konbyen ki zot pe pey li.

 

CEO SHERIN FRANCIS

Onorab mersi pour ou kestyon. Pour again this time of consultancy it was more for the person. I pa ki en consultancy ki nou ti pe rode ki nou ti pour bezwen ale al met soz.  I plito en consultancy because nou Board ti realize kontak ki sa msye i annan i pour ed nou bokou in terms of reaching out to the media world out there. Akoz zot ti rekomande, zot ti rekomande pour donn li sa kontra.  E i ti en keksoz vreman spesifik ki i pa, nou pa ti war li en keksoz ou pour ale pour al sort … in the marketing world, its more to do with the person.  E sa msye pe ganny R20 mil par mwan pour sa.

 

MR DEPUTY SPEAKER

Ok.  Onorab Ramkalawan.

 

HON WAVEL RAMKALAWAN

Mr Chair. Mon bezwen dir ki la i annan en nen.  La i annan en gro nen.  E espesyalman larepons ki CEO in donnen. Letan i pe dir it’s to do more with the person.  Se sa bann kalite keksoz ki nou pa pe vin travay pour a person.  E nou pe war sa koman en faver.  Koman en faver spesifik pour en endividi.  Pour en dimoun, si tourism i anvi, si STB i anvi en consultancy, i bezwen pas dan prosedir normal.  Nou pa kapab zis dir be sa msye ti laba e aprezan la nou donn li. If he is the best, he will win it.  But fodre ki tou dimoun i ganny sa posibilite e personnelman mon krwar lo nou kote ki dan vot, sa R20mil par mwan i ganny koupe dan sa Bidze.  Parski zot pa’n swiv prosedir.  E sa i enn bann keksoz ki sa dyalog ki nou’n gannyen avek STB, which was very good, se sa bann keksoz ki nou’n swiv letan nou’n regard bann Kontra, bann overseas contract, kot nou’n koze, nou’n regarde.  Be sa la ki zot Board, ki zot, it is wrong. Parski i en faver spesifik pour en endividi absoliman parey nou’n deal avek yer lo kote prizon.  Alor Mr Chair nou pour demande ki sa sonm i ganny koupe dan Bidze STB e ki prosedir normal i ganny swiv.

 

MR DEPUTY SPEAKER

Mersi Onorab.  Ok CEO oule fer komanter?

 

CEO SHERIN FRANCIS

Onorab mon’n note ou pwen. Mon krwar mon a pas mesaz avek mon Board.

 

MR DEPUTY SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mr Speaker, de pti pwen. Mersi pour donn mwan laparol. Zisteman mon ti anvi lev sa 4 employee ki’n move from a fix job to a consultant jobCEO this is a dangerous practice. Akoz en dimoun ki santi i pa pe ganny peye ase, i threaten pour resign e i ganny en pos akote.  It’s a dangerous practice. Mwan mon santi ki i annan dimoun ki kapab vin bann consultant me selman they have to go through the right procedure. Ok.  And if they are so good parey Onorab George, Onorab Ramkalawan i dir, please don’t get into that they will get the consultancy. So akoz this is a slippery slope. E mon dezyenm kestyon se Lasirans R455mil zot bann transpor, zot bann asset or whatever ki ganny asire.  E sa i en size ankor ki nou pe war pour dir i en lapant ki glise. So dir nou lekel zot Broker?  E eski zot tender out pour sa servis silvouple?  Mersi.

 

MR DEPUTY SPEAKER

Mersi Onorab.  CEO.

 

CEO SHERIN FRANCIS

Onorab mersi pour ou kestyon. I have taken note with regards to the local consultancy.  Sa i en keksoz ki mon kapab rediskite avek mon Board. Lo kote lasirans, i annan 2 lakonpannyen. 2 Broker ki nou travay avek, i annan Reliance ek Fidelity.

 

(Interrruption)

 

MR DEPUTY SPEAKER

Les CEO fini.  Order!  CEO.

 

HON JEAN-FRANCOIS FERRARI

Non mon ti anvi demann ou si, akoz bann Minis i nouvo, ou dan sa pos depi mon krwar 3, 4 an – eski pandan sa bann lannen, sa bann Kontra for brokering, sa bann laranzman in ganny tender out silvouple?

 

MR DEPUTY SPEAKER

CEO.

 

CEO SHERIN FRANCIS

I lakonpannyen ki STB ti pe travay avek ler mwan mon ti join STB.  E nou’n zis kontinyen.  Nou pa’n zanmen remet tender.

 

MR DEPUTY SPEAKER

Mersi CEO. Onorab Ramkalawan.

 

HON WAVEL RAMKALAWAN

Mr Chairman.  Zis koman en, sa dyalog, sa relasyon ki nou annan ek FPAC avek STB, nou ti ava demande ki bann –prosedir pour sa bann local consultancy spesyalman, si zot ti ava kapab an mezir ki zot fer li, konmsi anvoy en kopi kot FPAC, zis pour nou kapab kontinyen tenir sa dyalog.  Mersi bokou.

 

CEO SHERIN FRANCIS

Onorab mon napa okenn problenm.  I will be happy to.

 

MR DEPUTY SPEAKER

Bon, nou’n arive en pwen pour nou pran en desizyon lo vot lo Bidze STB.  Mon ti a zis demann gidans avek PS Payet. PS.

 

PS PATRICK PAYET

Mersi Mr Chair.  E zis pour note the propozisyon se pour redwir par 240 mil.

 

MR DEPUTY SPEAKER

Donn nou nouvo.  Ok, ok.

 

HON WAVEL RAMKALAWAN

Non, non mon krwar ki sa ki nou, nou pe dir se si zot bezwen sa Bidze pour local consultancy ki sa prosedir, The proper procedure i ganny swiv. Alors dan sa ka plito nou zis freeze the amount.  Me ki sa Kontra, sa Kontra ki pa’n swiv prosedir normal i ganny cancel deswit, e ki annan en lans d’apel, ki mannyer i apele, appel d’offre konmdir Mr Joubert.

 

MR DEPUTY SPEAKER

Ok.  Mon krwar i kler pozisyon i bon. Mon pa oule, non, mon pa oule, nou’n pran en desizyon final.  Non mon pa pour ouver ankor. Ok pozisyon final se, non, non, mon pa pour pran.  Non, non, ok?  Pozisyon final ki nou’n gannyen se ki sa amount i ganny freeze e STB i fer proper prosedir vizavi sa consultancy.

 

(Mic Off)

 

MR DEPUTY SPEAKER

E nou pour vot lo sa sonm, me touzour prenan kont sa amount. Ok?  PS.  Non, zot tou zot in ganny sans pour lev zot bann konsern and all that.  Ok nou’n ariv lo en pwen final la pour nou pran en desizyon. Ok. PS Payet donn nou final.

 

PS PATRICK PAYET

Mr Chair so lo paz 478, 142. 462, 980 milyon.  E nou pour freeze anba ‘consultancy’ 240 mil ziskan ler prosedir tender i ganny fer.  Mersi.

 

MR DEPUTY SPEAKER

Ok, mersi. Bon mon ava demann tou Manm ki an faver pour lev lanmen, tou Manm ki an faver Bidze STB?  Bon mon re demann ankor akoz mon pe war lanmen pe ezite … ok?

 

(laughter)

 

MR DEPUTY SPEAKER

Mon demann dernyen fwa, tou Manm ki an faver mon oule en show of hands? Ok okenn Manm ki kont? Ok, Madam Clerk.

 

MADAM CLERK 

Mersi Mr Chair. 13 Manm an faver e 4 Manm kont.  Mersi.

 

MR DEPUTY SPEAKER

Bon. Mersi savedir Bidze STB pour 2018 in ganny aprouve par Lasanble Nasyonal.  Avek sa mon ti a kontan remersi Minis, CEO Francis, avek son delegasyon parmi nou. Minis mersi pour spend sa letan depi bomaten avek nou.  Mersi.  PS nou’n, eski nou pour pran en break la, apre nou ava retournen? Ok.  Bon nou ava pran en break. Eski nou dir nou retournen 45, 3er 45, ok? Nou pour annan, PS nou pour annan Minister Lanplwa, Imigrasyon avek Civil Status. Ok. Yes Onorab.

 

HON WAVEL RAMKALAWAN

Yes, lefe ki nou ti pe mansyonnen ki semenn prosenn Minis Tourizm pa pour dan pei.  E i annan sa size Grant Air Seychelles, sa sibvansyon Air Seychelles, kekfwa i annan – I mean nou ti pe koze antre nou, nou ti pe dir kekfwa pour annan en pe kestyon lo la.  Eski Minis pa santi kekfwa si i ti reste, si i ti reste nou ti a kapab pandan 15 minit enterakte lo sa size sibvansyon Air Seychelles, menm si nou pa pour pran en vot parski i annan bann lezot sibvansyon.  Me selman omwen nou ti ava konnen ki pour dir sa size Air Seychelles ti’n ava ganny dealt with.  Mon pa konnen, mon pe met sa koman en propozisyon.

 

MR DEPUTY SPEAKER

En moman.  PS.

 

PS PATRICK PAYET

Mr Chair Minister in propoze si nou pe pran sa vot Vandredi bomaten, Vandredi prosen i pour kapab la letan nou pe pran sa vot lo Air Seychelles.

 

MR DEPUTY SPEAKER

Ok.  Minis mon krwar ou depar i le 24 non?  Vandredi?  So menm avan Vandredi si nou annan letan nou kapab call ou back. Bon avek sa nou ava adjourn, e nou ava retournen 3.45.

 

(BREAK)

 

MINISTRY OF EMPLOYMENT, IMMIGRATION & CIVIL STATUS

 

MR DEPUTY SPEAKER

Bon avan nou kontiny nou travay, mon a zis welcome zofisye pour Lanplwa.  Ok mon annan Minis Ms Telemaque. Mon annan Sekreter Prensipal pour Civil Status ek Immigrasyon, Ms Florianne Vidot, Sekreter Prensipal pour Lanplwa, Ms Jules Baker, Special Advisor pour Lanplwa, Ms Veronique Bresson, Special Advisor Imigrasyon ek Civil Status, Mr, Michel Marie, Financial Controller, Immigration and Civil Status, Ms Tessi Bannane, e Accountant pour Employment, Ms Tassiana Labrosse.  Mon krwar mon’n ganny zot tou.  I byen.  Zis en pti koreksyon ki mon anvi fer, sa in ganny pointed out par enn nou bann avoka ki dan Chamber.  Ler mon’n mansyonn ki nou pa pour al lo Polisi, anba nou standing Order, 76, i mansyonnen pour dir kestyon i bouze en pti pe ver Polisi.  Me annou pa les sa ki fer nou al deep, pour nou al demann bann kestyon ki nou kapab petet, o long lannen 2018, nou kapab bring the Minister in pour nou kapab kestyon li lo la.  Ok?  Me nou konnen dan bann kestyon ki pe leve vizavi Bidze i annan en pti ki tous en pti pe lo polisi sa Minister.  Ok?  Avek sa mon ava demann PS Payet pour gid nou.  PS.

 

PS PATRICK PAYET

Mersi Mr Chair.  Zis pour azoute ki nou pour pran tou le 2 Departman ansanm ki lo paz 493 ziska 508 ki tou le de i lo menm Head ki pour Minister Lanplwa Imigrasyon avek Civil Status, menm si i annan 2 Departman.  So paz 493 ziska paz 508.

 

MR DEPUTY SPEAKER

Ok.  Mersi PS.  Nou a fer menm legzersis ankor. Tou Manm ki pour entervenir, ki pour demann kestyon, mon ti a kontan en show of hands. Ok Madam Clerk ou a lir lo ou kote.

 

MADAM CLERK

Mersi Mr Chair.  Lo kote parti Lepep mon annan Onorab Charles De Commarmond, Onorab Sebastien Pillay, Onorab Basil Hoareau, Onorab Simon Gill, Onorab Churchill Gill, e Onorab Waven William.

 

MR DEPUTY SPEAKER

Madam Deputy Clerk.

 

MADAM DEPUTY CLERK

Mersi Mr Chair.  Lo kote LDS mon annan Onorab Ramkalawan, Onorab Afif, Onorab Henrie, Onorab Ferrari, Onorab Esparon, Onorab Andre, Onorab Woodcock, Onorab Stephen Pillay. Mersi.

 

MR DEPUTY SPEAKER

Ok.  Mersi.  Nou ava komans avek Onorab Stephen Pillay.

 

HON STEPHEN PILLAY

Mersi Mr Chair.  Mr Chair bonn apre midi a tous ki la. Mon, i pa en gran kestyon.  I baze li ‘new recruitment’ ki dan Bidze, paz 495 ki’n donn R1.372 milyon.  E lo paz 499, (Lanplwa mon pe koze la Mr Chair) – sa bann nouvo recruitment, si Minis i kapab donn nou en detay akoz ki diferans ant Employment Services, recruitment avek labour inspectors kot bann landrwa kot i annan en bon pe defi, pour al lo site pour regarde pour bann anplwayer ki pe tret, swa lokal or foreigners, ki pa pe demann plis lo kote new recruitment, lo inspectors – Labour.  Mersi Mr Speaker.

 

MR DEPUTY SPEAKER

Mersi Onorab.  PS oule pran, PS Baker.

 

PS JULES BAKER

Bonn apre midi Deputy Chair. Bonn apre midi tou Onorab. Bonn apre midi tou dimoun ki pe ekoute.  Mersi Onorab pour ou kestyon.  Mon a pran ou premye kestyon lo kote paz 495 pour eksplik sa 1.3 milyon 72.21.  Mr Speaker mon kapab raport avek sa Lasanble ki sa figure la pa sipoze 1.3 milyon. An prensip i sipoze R370, 440mil. Sa i an rezilta 3 nouvo pos ki nou’n gannyen lannen prosenn ki en labour inspector e 2 Employment Services akoz lentrodiksyon URS ki nou bezwen ankor plis dimoun ki nou kapab asiste avek loperasyon URS.  Sa figure 1.3 milyon ki Minister Finans in fer en omisyon ki ann adisyon pozisyon ki ti’n deza fini met dan Bidze 2017.  Ok?  Minister Finans, PS Finans i kapab klarifye en pti pe apre.  Me lo ou dezyenm kestyon konsernan lenportans ki nou donn avek nou kapasite ranforsman, wi Onorab, i enportan ki nou met lanfaz lo ranforsman, e sa ti en size ki ti leve dan Lasanble pase, kot nou ti ganny demande pour apros Minister Finans pour demann lasistans kot nou kapab ogmant nou kapasite.  E nou’n apros Minister Finans e sanmenm sa kot ou vwar i annan en logmantasyon dan nou Bidze.  Me selman nou bezwen fer sir aporsyonn nou Bidze baze lo tou bann kalite stratezi, e osi bann defi ki nou annan.  Nou napa zis defi lo kote ranforsman dimoun ki pa peye.  Me nou bezwen osi ranforsi nou kapasite dan kote Employment Services akoz i annan pour fer avek lanplwa, travayer, non-seychellois.  Nou tou nou konnen poudir lannen pase ti met bokou lanfaz.  E sa lannen osi Minister in fer en Statement kot nou bezwen vwar egzakteman ki kalite stratezi nou bezwen adopte dan fer sir ki bann kondisyon ki atase avek employment of non-Seychellois, i ganny ranforsi, e bann pozisyon ki pe ganny aprouve par Minister osi i ganny ranforsi.  So i pa zis dan kote labour inspection, me osi i annan sa laspe Employment Services ki vin avek.  Mersi Mr Speaker.

 

MR DEPUTY SPEAKER

Mersi PS.  Onorab Pillay.

 

HON STEPHEN PILLAY

Mon ti pe demann PS Payet leklersisman lo sa 1372.

 

MR DEPUTY SPEAKER

Ok.  PS Payet.

 

Mr Chair kekfwa mon a retourn lo la apre ki letan nou’n klarifye en pe.  Mersi.

 

MR DEPUTY SPEAKER

Ok?  Mersi PS. Onorab William.

 

HON WAVEN WILLIAM

Mersi Mr Chairman.  Mr Chairman mon ti a kontan demann PSwell mon ti a kontan fer en sizesyon, baze lo recruitment of foreign employees – mon ti a kontan sizere petet ti a bon ki enn bann kondisyon mazinen pou demann ek Imigrasyon, ki petet bann foreign workers avan ki zot antre dan pei ki zot osi zot fer en commitment in terms of en financial commitment.  Rezon ki mon pe met sa devan se ki bokou fwa i annan bokou sa bann anplwayer ki ganny difikilte baze lo fason keksoz pe ale pour zot –(1) ou pa kapab fors sa dimoun travay, be selman ou napa rekour osi tou. Konmsi i annan en give and take la.  Akoz mon osi mon ti a kontan met sa sizesyon. Dezyenmman Minis ti vin fer en commitment resaman, mon anvi demande ant anywhere dan sa Budget ki zot pe propoze, i annan en kou lo lefe ki i ti dir ki i pour sey regarde pour asiste.  I annan bann local Employment Agencies ki dan difikilte ozordi, baze lo sityasyon aktyel, si i annan en kou ki’n ganny mete dan alokasyon par la, pour asiste sa bann local agencies ki pe fer rekritman.  Mersi.

 

MR DEPUTY SPEAKER

Mersi Onorab William.  PS.

 

PS JULES BAKER

Mersi Deputy Speaker.  Mersi Onorab pour ou kestyon.  Ou premye kestyon i konsernan la fason ki travayer etranze i ganny anploye dan Sesel.  Wi i napa zis sa Onorab.  Mon oule refer sorti ki napa zis sa.  Ankor mon pour refer sorti Minis dan son Statement tou resaman, in fer resorti ki nou annan en nesesite ki nou revwar the whole concept of employment of non-Seychellois. E se sa akoz ki nou an negosyasyon avek ILO pour nou adopte en ki nou apel en Labor Migration Policy pour met en bon pe standar, lord la fason ki i fer.  Akoz?  Se ki most of the time ou vwar ki i annan anplwayer endividyelman anplwayer i al dan en pei deor, i fer son negosyasyon deor, papye i ganny sinyen deor.  Letan kontra i vin Sesel, nou, nou bezwen ateste sa bann Kontra e nou vwar i annan bann defayans kot i annan mank konfyans ant anplwayer lokal avek travayer etranze. Swa i annan mank konfyans ant travayer etranze avek anplwayer lokal, akoz zot pa pe onor zot bann lobligasyon anba kontra.  Sa i en eleman enportan ki nou vwar i pe komans vin en defi pour nou dan Sesel i annan bokou. E nou pour adres sa tre byento anba lo Labor Migration Policy.  Dezyenm kestyon konsernan local agencies, wi nou’n annan demann kot enn de bann agencies pour revwar bann fees ki nou peye ozordi pour nou anrezistre en job seeker, nou pey li R75 par latet lanrezistreman ki i fer e R100 par plasman ki i fer dan landrwa travay.  Nou ganny dir ki i annan bokou travay, bokou zefor ki met deryer sa kalite travay, pour fer sir ki en dimoun i ganny lanplwa.  E lefe ki sa bann Lazans pe travay avek nou, pe rann nou en servis ki Minister Lanplwa ti pour bezwen fer li menm, me nou pe ankouraz private sector pour antre dan sa domenn, outsourcing.  Wi nou ti annan en meeting avek, annefe sa semenn la kot zot tou, by the way pa zot tou ki nou pe outsource sa servis avek en?  Dan 7 private Employment Agencies ki i annan dan Sesel nou pe outsource avek zis de pour le moman.  E nou’n fer en meeting avek zot pour bann ki enterese pour join.  Nou ava get en kou pli bon fason, e zot in menm demann nou pour reconsider ogmant sa fees, 75 avek R100 ki zot pe peye, e osi zot in menm demann nou pour met en fee fix pour zot tou le mwan.  Be sa i annan pour fer avek lenplikasyon Bidze e diskisyon i an progre, kot en papye i ava met devan Gouvernman.  E en desizyon ava ganny pran, lo ki kalite lasistans nou pour ofer zot.  Mersi Mr Speaker.

 

MR DEPUTY SPEAKER

Mersi PS.  Onorab Woodcock.

 

HON WAVEL WOODCOCK

Mersi Mr Speaker.  Bonn apre midi Minis ek ou delegasyon. Mon kestyon i konn swivan.  Lo paz 495, labor protection.  I annan en revised Budget pour 2017 ti 5.1 milyon.  E i annan en rediksyon pour 2018 ki 4.1 met li R4.5 milyon ki en rediksyon apepre en R600 milyon.  An vi avek sa bann issues ki’n ganny leve resaman, sirtou sa bann etablisman touristik dan bann lotel – bann ka kot bann travayer i santi ki zot dwa pe ganny vyole.  Mon ti ekspekte en logmantasyon kot labor protection i konsernen, sirtou lo Praslin.  Mon kestyon ki mon pe demande se ki ou Minister pe fer pour ranforsi Labor Office ouswa employment lo Praslin.  Enn ou ‘challenges’ ki ou’n dir se ki i annan presyon lo Employment Division pour deployment of labor inspectors.  E ki ou Minister pe fer pour ranforsi en pe kot i konsern bann lenspeksyon dan bann letablisman touristik, ouswa dan bann landrwa ki annan rapor konmkwa i annan bann labi ki pe ganny fer, sirtou kont bann travayer lokal.  Mon dezyenm kestyon i konsernan en lenzistis ki mon santi i egziste dan Employment Division, in fact sa in egziste depi ler mon ti travay laba se ki tou bann, Imigrasyon i pa pep ran Seselwa pour travay avek koman zofisye Imigrasyon avek zot Minister, avek sa Departman ki reste pli lwen ki Aux Cap; parey bann dimoun ki reste dan Anse Boileau, Anse Royale, Takamaka, zot pa pe ganny anploye Imigrasyon akoz zot pa fer provizyon transportasyon, pour al sers bann dimoun dan sa bann landrwa, dan  sa bann rezyon pour anmenn zot travay apre tourn avek zot ki mwan mon krwar sa i en gro lenzistis pour bann zenn e bann dimoun ki ti a kontan travay dan Imigrasyon.  Alor ki ou Minister i anvizaze fer pour rezourd sa problenm enn fwa pour tou.  Mersi Mr Speaker.

 

MR DEPUTY SPEAKER

Mersi Onorab.  PS.

 

PS JULES BAKER

Mersi Deputy Speaker.  Mersi Onorab pour ou kestyon.  Mon pour pran zis premye kestyon. Mwan mazinen poudir sa dezyenm kestyon i asosye pour fer avek Departman Imigrasyon.  Mon korek?

 

HON WAVEL WOODCOCK

(Mic Off)

 

PS JULES BAKER

Mersi, mersi Onorab.  Mr Deputy, annefe mon p[our totalman dakor e siport Onorab Woodcock pour ki i annan nesesite pour nou entansifye nou zefor lo Praslin in terms of inspection.  Nou annan, nou kapab dir nou annan sifizan, me kekfwa lakoz devlopman lo Praslin i kontinyelman agrandi, e demann i kontinyelman monte, nou bezwen vwar ki direksyon nou bezwen pran konsernan Praslin.  Mon a dir ou sa ki nou pe fer pour Praslin.  Mon ti’n deza mansyonn ou avan, e mon ti’n deza mansyonnen piblikman ki nou pe fer en resers lo Praslin e University of Seychelles ki ti ganny sa consultancy letan nou ti’n fini fer bann tender process. E nou pe fer en resers pour nou vwar ki kalite defi ki nou Praslin in the first place avan ler nou demann Gouvernman pour donn lasistans an term ranforsman.  Sa ki enportan pour nou vwar se ki nou vwar ki i annan bokou defi lo Praslin, kot i annan bann zabitan sorti Praslin, zot desann Mahe, akoz zot in fini lekol zot pa retourn Praslin.  E osi, nou osi vwar ki sistenm travay Praslin i bokou fokalize an term travay enformel ki sa osi i en area ki nou bezwen gete.  So nou pe travay tre pros avek University of Seychelles ki en konsiltan pe travay lo la pour kapab donn nou en rapor detaye.  In soumet en rapor – en summary of the report already.  Nou’n demann li pour al anmas en pe bokou plis data ek lenformasyon e to come back to us e travay i an progre pour le moman.  So mon dakor avek ou, ki nou bezwen met lanfaz lo ranforsman, partou, Praslin, Mahe e La Digue osi.  Mersi Mr Speaker.

 

MR DEPUTY SPEAKER

Mersi PS Baker.  Mon ava demann PS pour Imigrasyon pour reponn sa dezyenm kestyon.

 

PS FLORIANNE VIDOT

Bonn apre midi Mr Chair.  Bonn apre midi tou Manm Onorab, e bonn apre midi tou bann piblik a lekout.  Onorab i vre ki pour le moman nou transport i ariv ziska Aux Cap. En letid in deza pe ganny fer lo la.  Nou konsyan.  E parey ou konnen sa definitivman i al ek en kou.  Plis drayver, plis bis. Me selman nou pe etidye sa.  Mersi.

 

MR DEPUTY SPEAKER

Mersi PS.  Onorab Woodcock.

 

HON WAVEL WOODCOCK

Me Kan eski zot anvizaze, ki timeframe pour zot organiz sa pour fer sir ki bann dimoun ki pe rested an Anse Royale, dan Anse Boileau, Baie Lazare, Takamaka, Port Glaud, Grand Anse, zot kapab dan lefitir ganny anploye par Imigrasyon?

 

MR DEPUTY SPEAKER

  1. PS.

 

PS FLORIANNE VIDOT

Mersi Mr Chair.  Mersi Onorab. I parey mon’n dir ou letid pe ganny fer, i pa pour deswit.  Posibleman dan milye oubyen 3 kar lannen prosenn.  Posibleman dan 2019.  Me sa parey mon’n dir ou i al avek en kou.  E nou bezwen zwenn avek Minister Finans pour gete ki mannyer nou kapab.  Me selman letid pe deza ganny fer.  Mersi bokou.

 

MR DEPUTY SPEAKER

Mersi PS.  Onorab Esparon.  En moman, en moman Onorab mon ava donn laparol Minis. Go ahead Minis.

 

MINISTER MYRIAM TELEMAQUE

Bonn apre midi Mr Chair.  Bonn apre midi tou dimoun. Onorab sa size travay ki reste dan Sid in toultan en topik kontansyon dan Limigrasyon akoz nou okouran ki nou napa sa mwayen pour nou al en pe pli lwen ki Au Cap.  I vre, nou aksepte.  E sa voyaz nou pour bezwen fer en bon letid akoz nou pe ganny bokou demann sorti dan Sid ki mon krwar nou pour bezwen rod en fason, anmenn sa bann travayer onboard pour nou kapab pran zot, zot osi. Pour zot ganny menm sans avek bann travayer ki reste dan Nor.  Mersi.

 

MR DEPUTY SPEAKER

Mersi Minis.  Onorab Esparon.

 

HON REGINA ESPARON

Mersi Mr Chairman.  Mon ti a anvi zis demann Minis en klarifikasyon lo paz 501 anba ‘current receipts’ mon pa pe war in reflekte okenn larzan ki’n ganny ranmase pour bann GOP ki bann dimoun i peye, unless i tonm anba en lot Head oubyen i tonm anba administration, mon pa konnen.  Petet i kapab eklersi sa pour mwan silvouple? Epi mon ti a kontan demann Minis lo paz 503 anba SP1 mon war ‘Minister’s support services’, 5.174milyon, eksplik nou en pti akoz mon pa’n war sa dan bann lezot Minister. Ki kalite aktivite ki ganny fer anba sa Head?  E Minister mon ti a kontan demann ou, an vi ki letan ou ti vin reponn mon kestyon pli boner dan Lasanble, nou ti koz en pe lo sa disparite ki egziste ant saler bann staff kot Imigrasyon ek junior staff avek senior staff, mon ti a kontan konnen dan sa Bidze si in fer focus pour annan larzan pour regle sa disparite ki egziste kot bann travayer Imigrasyon – sa ki senior, sa ki junior pe ganny preski menm parey?  E si sa in ganny mete konbyen sonm ki’n ganny mete dan sa Bidze pour rektifye sa anomaly?  Mersi.

 

MR DEPUTY SPEAKER

Mersi Onorab.  Minister oule reponn oubyen ou PS i ava pran en bout?

 

PS FLORIANNE VIDOT

Mersi Deputy Chair. Mersi Onorab.  Onorab sa increase ki nou annan anba Minister’s Secretariat ki enkli pour nouvo post. Parey nouvo pos nou annan recruitment of a senior private secretary.  Nou annan en recruitment of en office assistant, apre nou annan recruitment of telephone operator, recruitment of drivers also.  Apre an vi ki nou annan en recruitment also of a senior policy analyst.  Apre saler bann zofisye, nou’n pran kont sa.  Akoz saler bann zofisye nou deza komansman Mars sa lannen, nou annan zofisye Airport ki nou annan enhancement of their salaries. Zot pe deza ganny peye komansman Mars sa lannen.  Epi la komansman Oktob, sa disparite ki annan ant senior officers in fini ganny regle akoz bann senior officers pe deza ganny zot saler la komansman an Oktob.  Apre sa ki ou’n fer resorti dan revenue, GOP i tonm anba Immigration fees.

 

MR DEPUTY SPEAKER

Yes Onorab Esparon.

 

HON REGINA ESPARON

Mersi Mr Deputy.  Zis pour mwan klarifye byen sa ki CEO in dir mwan.  Savedir Minis an se moman pe fonksyonn san sa bann mendev ki ou’n nonmen, ki sa larzan pe al ganny mete anver zot?

 

(Mic Off)

 

HON REGINA ESPARON

Savedir zot pa ankor recruit sa bann dimoun?

 

(Mic Off)

 

HON REGINA ESPARON

Prezan ki zot pe al recruit sa bann dimoun?

 

MR DEPUTY SPEAKER

Ok PS.

 

PS FLORIANNE VIDOT

Mersi Deputy Chair.  Mersi Onorab. Onorab, Minis pour le moman pe travay ek son sekreter ki ler i ti PS.  I pa ankor, i napa en private secretary, i napa en office assistant.  E tou sa bann dimoun ki pe monte wi bann nouvo Minis akoz sa Minis ki ti la deza dan Lanplwa, in bouz ek son dimoun.

 

MR DEPUTY SPEAKER

Ok.  Mersi PS.  Onorab Churchill Gill.

 

HON CHURCHILL GILL

Mersi Mr Chair.  Mon kestyon i lo paz 495 anba ‘other uses of goods and services’. In annan en ogmantasyon pour 2018 par 1.5 milyon.  Apre 497, anba menm Head, i annan en lot ogmantasyon ankor par 1.5 milyon.  Eski nou kapab ganny leksplikasyon silvouple?  Mersi.

 

MR DEPUTY SPEAKER

Mersi Onorab.  PS Baker.

 

PS JULES BAKER

Mersi Mr Chair.  Eski Onorab i kapab repet son kestyon in al en pti vit; sirtou lo sa enn dezyenm silvouple, 495, ‘other uses and services’, lot?

 

MR DEPUTY SPEAKER

Met ou mic on Onorab Gill.

 

HON CHURCHILL GILL

Lot i lo paz 497, menm head, ‘other uses of good and services’.

 

MR DEPUTY SPEAKER

Sa increase dan ‘other uses of goods and services.’

 

HON CHURCHILL GILL

Tou le de increase i 1.5 million.

 

MR DEPUTY SPEAKER

Yes go ahead PS Baker.

 

PS JULES BAKER

Mersi Mr Speaker. Mr Speaker logmantasyon anba ‘use of goods and services’ i an rezilta premyerman reaktivasyon URS.  E sa lannen Minis Finans in donn nou en serten sonm larzan pour nou kapab administre sa logmantasyon.  Dezyenmman i annan pour fer avek, le fe i reste ki nou pa’n anvi ogmant nou payroll, nou wages and salaries.  Nou’n servi bann service providers ki deza dan distrik.  E nou’n revwar zot kondisyon travay e ou donn zot en logmantasyon pour zot osi asiste.  I annan apepre 9 zot ki pe deza travay avek Minister Lanplwa lo en baz consultancy e prezan ki nou’n bezwen fer olye rod nouvo travayer ki nou’n fer sir ki nou’n reaziste en pti zot saler pour zot osi ede avek travay URS.  Dezyenmman Mr Speaker, nou annan osi refurbishment of offices lo Praslin.  Lannen pase dan Lasanble, nou ti ganny demande pour rekonsider nou pozisyon pour sorti dan biro Baie Ste Anne Praslin, Horizon Complex, pour bouz dan en lot lokasyon e alors ki nou’n fer apartir Desanm sa lannen, provizyon in ganny fer pour nou sorti dan sa building.  Alors pour annan en logmantasyon dan sa bann ki annan pour fer avek peyman refurbishment, pour bouz dan sa bann, dan sa nouvo lofis Baie Ste Anne Praslin, ki en pti pe pli gran, en pti pe pli konfortab ki mon asire zabitan Praslin i ava kapab rezouir en pli bon servis.  E osi i annan pour fer avek en increase dan lease agreement.  Dan sa Baie Ste Anne nou ti pe pey R17mil e la nou’n ogmante pour vin R21 mil.So tou sa i annan pour fer avek bann logmantasyon ki nou’n annan dan sa bann tranzaksyon.  Alors …E osi nou annan nou bezwen pey, nou’n aste en nouvo veikil, nou’n aste en nouvo veikil, e alors nou bezwen maintain sa nouvo veikil.  I annan osi kou ki asosye avek Lasirans, maintenance and repairs pour sa bann nouvo veikil.  Mersi Mr Speaker.

 

MR DEPUTY SPEAKER

Mersi PS Baker.  Onorab Andre.

 

HON CLIFFORD ANDRE

Mersi Mr Chair.  Mr Chair mon ti a kontan komans lo paz 495 pour mwan dir ki logmantasyon i par 3 milyon. Kwa ki’n sanze?  Akoz ti deza annan bann Minister ki ti la, Minister Lanplwa, ek Minister ki ti responsab Imigrasyon.  Mon lot kestyon i lo paz 501.  Letan nou pe gete nou pe vwar ki i annan en Immigration fee lo latab 2, ki pe koz en sonm sibstansyel an 2018.  Mon ti a kontan konnen sis a i zis bann reset ki Minister pour fer?  E si se total reset ki Minister pour fer i 177milyon in terms of sa bann servis ki i ti pe donnen, tel ki Civil Status, ID Card, Immigration fees, passport fees, residency permit avek citizenship.  Apre mon pour al lo sa ‘goods and services’ ki’n sirkil avek nou.  I annan ‘local consultancy fee’ 1,7 milyon. Eski Minis i kapab, Minis oubyen PS i kapab dir nou ki sa bann kalite servis ki zot ofer, akoz sa i tonm anba Employment.  Ki sa bann kalite servis oubyen sa i pour bann agency.  Mon pa pe tro konpran akoz agency i bezwen annan en agency fee parey ou’n dir. Be selman consultancy fee, mon ti a kontan ganny en leksplikasyon. Epi letan nou pe gete i annan ‘office rent’ osi ki tonm 364 mil, apre nou annan en lot ki tonm 56mil, subsequent to that nou annan facilities for event, mon prezimen i bann keksoz ki zot pour organize.  So mon ti a kontan ganny en pti leksplikasyon lo la Minis.  Mersi.

 

MR DEPUTY SPEAKER

Mersi Onorab.  PS Baker ou ava pran ou bout apre Imigrasyon ou ava pran dezyenm bout.

 

PS JULES BAKER

Mersi Mr Chair. Mersi Onorab pour ou kestyon. Mon a pran premye kestyon ki konsern Departman Lanplwa.  Mr Speaker, i enportan pour mwan eklersi en keksoz la.  Wi in annan en logmantasyon dan Bidze Departman Lanplwa zeneral.  Me sa logmantasyon, i korek sa ki ou’n dir, in ganny fer letan Bidze ti ganny fer lannen pase ti annan en Minister ki ti apel Minister Lanplwa, Enterprenarya avek Business Innovation.  E sa Minister in kase an Zilyet sa lannen, ki apel Employment, Immigration and Civil Status. Sa logmantasyon ki annan dan sa 3.5 milyon, 3.4, 3.5 milyon i annan pour fer avek nou bann progranm ki nou ti’n planifye pour fer dan sa lannen koman Departman Lanplwa.  Ok?  Mon a dir ou ki sa bann progranm zis pour fer sir ki nou lo menm semen. Premyerman, parey, mon’n koz lo la, mon’n fer resorti ki lannen pase, nou ti ganny demande par Lasanble pour apros Minister Finans pour gete ki mannyer nou kapab ganny plis resours pour amelyor nou servis. Premyerman nou annan pour fer avek restriktirasyon Departman Lanplwa.  Mon pe koz ou zeneralman avek sa logmantasyon pour mwan kapab zistifye – en?  Dezyenmman nou annan nouvo lofis Praslin parey mon pe dir, nou bezwen al refurbish sa lofis, sorti dan sa enn bouz dan sa lot.  Nou bezwen en pe plis larzan pour sa. 2enm, trwazyenmman i annan pour fer avek kou operasyonnel URS.  Katriyenmman nou’n aste en nouvo veikil plis pour maintenance.  Sekyenmman i annan logmantasyon dan saler travayer ki’n graduate.  Annefe in pour mwan fer resorti ki only avantyer, 5, 6 nou staff in graduate avek Sertifika, ek Diploma.  E lannen prosenn nou annan 2 nou staff, 1 pour graduate avek en Degre e en lot pour graduate avek en Master’s Degree ki nou’n bezwen fer provizyon pour zot pour lannen prosenn.  Nou osi annan nouvo scheme of service ki Gouvernman in adopte ki nou a sey aplikab pour drivers, customer care, record clerk, e osi office assistants.  Sa osi nou annan tou sa bann dimoun dan nou Departman e nou bezwen cater for them.  E osi nou annan en pti logmantasyon dan nou consultancy services akoz Minis in fer serten komitman dan Lasanble resaman, ki nou bezwen amelyor nou servis par fer plis bann letid ki pour nou kapab adopte bann stratezi pli obzektif e i annan bann plan pli direk ki nou kapab afekte travayer Seselwa.  Nou osi annan lezot pos, 3 pos adisyonnel ki nou’n gannyen pour sa, anba sa, pour lannen prosenn.  E zeneralman osi nou bezwen parey mon’n refer sorti, nou bezwen revwar sa saler bann service providers avek lentrodiksyon URS.  Nou annan Gratwite ki pour due pour lannen prosen pour bann staff.  Sa lannen ti annan e lannen prosenn nou ekspekte pour annan.  E alor nou bezwen fer provizyon pour sa.  Si ou gete Onorab sa lalis ki mon’n donn ou la avek sa ogmantasyon ki ou pe dir 3 milyon ti pres pour pa ase tou.  Me selman nou kapab make do avek sa ki nou annan.  Nou ava gete lannen prosenn ki mannyer nou kapab aziste.  Mersi Mr Speaker.

 

MR DEPUTY SPEAKER

Mersi PS Baker, pour Imigrasyon, PS, Oubyen Minis.

 

PS FLORIANNE VIDOT

Mersi Deputy Chair.  Mersi Onorab. Onorab Immigration fees i tonm GOP i enkli bann GOP fees.  Pour lenformasyon Lasanble se ki pour le moman la ziskan to date Oktob, anba immigration fees, nou’n anmas R113. 822 milyon.  E sa ki ou vwar anba Immigration fees i tonm ansanm, GOP i form par sa.  E nou provizyon pour lannen prosenn, 2018, nou pour anmas R147,880mil.  Mersi Onorab.

 

MR DEPUTY SPEAKER

Mersi PS.  Onorab Andre.

 

HON CLIFFORD ANDRE

Mr PS in dir nou pour consultancy fees in increase baze lo serten keksoz. Ou kapab dir nou si sa bann endividi ki prosedir ki zot ti pas ladan pour zot ganny sa bann consultancy e si i posib lekel sa bann firm ki’n ganny sa consultancy fee?  Epi lo kote larzan ki’n ganny anmase letan mon pe get lo paz 508, mon vwar progranm human trafficking i zis 300, i plito R855mil– eski PS Imigrasyon i kapab dir mwan si sa i sifizan pour nou kapab fer sa travay pour nou sirvey sa zafer human trafficking?

 

MR DEPUTY SPEAKER

Mersi Onorab Andre.  PS Baker.

 

PS JULES BAKER

Mersi Mr Speaker.  Mersi Onorab pour ou kestyon.  Lo kote ‘consultancy fees’, wi tou nou bann consultancies in pas par atraver bann prosedir neseser.  Me selman sa ki mon kapab dir dan Sesel i annan en limitasyon bann eksper letan i annan pour fer avek bann studies ki annan pour fer avek lanplwa.  Malerezman parfwa nou annan University of Seychelles ki asiste nou.  Mon a donn ou en legzanp – par egzanp pour sityasyon analisi lo Praslin nou ti advertise dan Nasyon, nou ti fer open tender, zis University of Seychelles ki ti apply.  E alors natirelman, nou’n fer prosedir atraver Minister Finans, nou’n donn li. Par egzanp nou’n deza annan en study ki nou pe fer formalite pour travay lo la.  E sa i en letid ki annan pour fer avek ILO ek Gouvernman Sesel e normalman ILO ki fund sa bann proze.  Sa Labor Migration Policy, ILO i envestir i dir nou i pare pour li donn R10 mil, be selman konsiltan i dir ou koumsa, ILO i demann ou, ou dir submit bann kandida e sa i en kontra ant ILO avek sa bann consultancy.  Akoz mazorite nou bann progranm se ki anba nou decent work country programme, se ki ILO i donn nou en koudmen dan partaze.  Par fwa i fer full, parfwa i donn nou en koudmen pour partaze.  Mon ava eksplik en pti pe par egzanp labor migration in annan konsiltasyon, terms of reference, bann zafer pe ganny travay lo la.  ILO in donn nou 10mil Dolar ki ekivalan R132 mil.  E osi nou bezwen kontribye 190mil Dolar ki pour nou kapab asire ki sa Labor Migration Policy i vin anliny parey nou’n dir apartir 2018 e prosedir i ankour.  Lot proze ki annan consultancy par egzanp ki gro ki nou annan avek ILO ki drafte nou Decent Work Country programme, ILO in pare pour donn R181mil ki ekivalan 15mil Dolar.  E nou, nou pe donn zis R20mil as bann operational cost ki nou bezwen peye. Mersi Mr Speaker.

 

MR DEPUTY SPEAKER

Mersi PS Baker. I annan en bout Imigrasyon tou non?  PS.

 

PS FLORIANNE VIDOT

Mersi Deputy Chair.  Mersi Onorab. Onorab sa R855mil ki anba the trafficking person, se sa ki chairman sa trafficking person ti met devan.  Pour le moman sa R855mil, en pos pour son direkter, son asistan, e rental of office.  Akoz pour le moman zot ti napa en lofis.  Zot pe propoze pour next pour zot ganny en lofis.  Mersi Onorab.

 

MR DEPUTY SPEAKER

Ok.  Mersi PS. Onorab Basil Hoareau.

 

HON BASIL HOAREAU

Mersi Mr Chair.  Mon ti a kontan demann PS pour Lanplwa 2 kestyon premyerman.  Apre en kestyon pour PS pour Imigrasyon.  Nou vwar pour dir i annan en labor market research ki pour ganny plan pour al ganny fer. Kan ki sa i sipoze komanse e kan i pour fini?   Eski dan sa provisional expenses ki annan R3 milyon ki’n ganny budgeted i enkli larzan pour sa research?  E dezyenmman pour PS Lanplwa, nou annan sa pour improve pour management of non-Seychellois employment pour asire ki annan localization.  Mon konnen ou’n koz en pe lo la.  Me mon ti a kontan ou al en pti pe plis spesifik kwa ki pe ganny fer pour fer sir pour dir sa i vin en realite, i pa zis reste lo papye? Me i pe ganny fer pour ki nou bann Seselwa i trouv zot dan lanplwa olye ki etranze.  Trwazyenmman an relasyon avek pour PS Imigrasyon. Nou’n vwar pour kot receipts pour citizenship fees pe konsidere pour ganny apepre R8 milyon an term fees.  Mon ti a kontan demann PS kwa ki pe ganny fer osi pour nou fer sir ki nou pe kontrole ki kantite dimoun ki nou pe donn citizenship?  Mon konnen nou pe anmas larzan avek, wi, me at the same time, nou bezwen kontrole, fer sir nou pe kontrol dimoun ki pe ganny citizenship.  Mersi.

 

MR DEPUTY SPEAKER

Mersi Onorab Hoareau.  Mon a komans avek Lanplwa, PS Baker.

 

PS JULES BAKER

Mersi Mr Chair.  Mersi Onorab pour ou kestyon.  Wi, pour lannen prosenn nou pe anvizaze fer en labor market research baze lo nou statistik.  In vin primordyal ozordi, Mr Speaker e tou Onorab se ki i enportan ki nou annan bann lenformasyon ek bann statistik, se ki nou azour avek devlopman ki pe arive dan pei.  E nou pe travay tre pros avek DICT sa lannen, pour fer sir ki zot fini finaliz tou nou module e ki nou komans enplimant sa proze Labor Market Information System boner Zanvye.  Me avek sa once ki nou’n fini ganny bann lenformasyon neseser i annan en resers teknik ki ti ganny fer depi 2015 ki ti apel sa en technical research lo employment, ki’n montre ki nou ankor annan defayans dan anmas lenformasyon e osi difikilte ki nou gannyen avek nou bann partener stakeholders dan sekter prive pour partaz bann lenformasyon avek nou.  San sa bann lenformasyon i difisil pour kapab adopte bann polisi. Se alors neseserman, wi i annan en Bidze ki pe ganny allocate pour lannen prosenn. E nou pour fer formalite avek en konsiltan pour kapab fer sa. Annefe, sa pti research i pour konplimant sa Labor Migration Polisi.  Akoz lenformasyon ki nou napa – sa Labor Market Polisi.  Sa labor market research i pour kout nou apepre R49mil zis pour etablir konsep e ki pli bon fason ki nou kapab anmas sa bann lenformasyon.  E apre then from there nou pour build up of the existing.  Be selman nou bezwen annan sa sistenm an mars avek DICT avan.  Si nou napa striktir nou pa pour kapab annan sa bann lenformasyon pour analiz korekteman. Lo kote ou dezyenm pwen lokalizasyon.  Wi ankor mon pour refer resorti ki i annan nesesite pour nou rod en pli bon fason lo ki mannyer nou kapab lokaliz nou pos.  Ankor mon repete, Minis ti fer dan son Statement ki enportan ki nou met lanmen lo sa zafer lokalizasyon. Premyerman nou’n ganny en pti Bidze an plis avek Finans pour anploy plis staff dan sa Seksyon.  Sa i enn.  Be plis staff dan sa Seksyon i pa ase. Nou bezwen ranforsi bann kondisyon ki atase avek serten bann prosedir, ki letan nou anploy non-Seychellois; sirtou sa ki nou apel Certificate of entitlement. Ozordi i annan bokou lorganizasyon dan Sesel ki annan en Certificate of entitlement, ki en kondisyon anba sa Certificate i fer sir ki prosedir lokalizasyon i marse. Be fransman dir ou pa toultan ki sa i marse dan en fason efektiv akoz nou napa kapasite entern, pour fully monitor e enplimant sa.  Avek sa pti Bidze ki nou’n gannyen la, nou ava ranforsi nou zefor pour fer sir ki nou reget sa Certificate of entitlement.  Dezyenmman nou beef up nou Seksyon pour fer sir ki nou annan plis zofisye ki al dan landrwa travay, vizite pour fer sir ki prosedir lokalizasyon i marse. E trwazyenmman, i annan en komite ki mon krwar Minis osi i kapab azout en pti lo la. I annan en Komite ki nou’n fer entern, en GOP Committee pour revwar en pti sa bann laplikasyon ki vin kot nou akoz nou santi parfwa, ki malgre tou bann prosedir in ganny met an plas pou fer sir ki nou pran en desizyon ki obzektif e ki fair.  Me i ankor annan bann ka kot i annan bann trou ki dimoun i esey fer fason pour zot kapab ganny en pos pa neseserman ki annan bezwen. Me selman mon krwar wi i enportan ki nou entansifye nou zefor e ki nou travay pli dir pour nou kapab rezourd sa sityasyon.  Mersi Mr Speaker.

 

MR DEPUTY SPEAKER

Mersi PS Baker.  PS Vidot. Minis.

 

MINISTER MYRIAM TELEMAQUE

Mersi Onorab. Konsernan citizenship i deza annan en Komite ki evalye tou laplikasyon pour demann pour citizenship.  E kriter i la lo nou website. Tou dimoun ki meet kriter i konnen, i apply.  Lo size pour nou met serten mezir an plas pour vwar, pour annan en kontrol konsernan citizenship – mon krwar nou pour bezwen ki nou’n diskite deza, nou pour bezwen al reget sa Lalwa citizenship akoz nou’n fini diskite avek nou management kot Imigrasyon. Sa i nou lot proze, nou’n fini avek Immigration Bill.  E la prezan nou ava antre lo citizenship ki prezan nou ava regard li an global li menm li. Mersi.

 

MR DEPUTY SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Chair.  Mon premye kestyon i ava al pour Departman Imigrasyon e Civil Status.  Zot annan en konponan consultancy, i pa bokou lokal, apepre 550mil. Mon ti ava kontan ganny en pti pe leklersisman lo la, kalite proze zot pe antreprann ki zot bezwen sa.  Apre i annan en pti konponan ankor ki apel security enforcement i osi i pa bokou apepre 328mil.  Sa osi mon ti ava kontan en pti pe detay lo la.  E pour Lanplwa. Sa ki mon ti a kontan demande se ki kote dan Bidze par lefet ki annan en gran kantite travayer etranze ki Sesel ki zot Departman, pour ed sa bann travayer konpran nou bann Lalwa, bann regilasyon ki zot pe fer travay par egzanp pour tradwir serten dokiman, sirtou dan bann langaz ki popiler parmi sa 17mil, kote dan Bidze i annan sa akoz mon krwar poudir i en rekomandasyon ILO, ki sa bann keksoz i ganny fer.  Mersi bokou.

 

MR DEPUTY SPEAKER

Mersi Onorab.  PS.  PS Imigrasyon premye.

 

PS FLORIANNE VIDOT

Mersi Deputy Chair.  Mersi Onorab.  Onorab sa amount ki ou war anba consultancy i pour anba records management sa pour digitization of civil status document.  Savedir tir li from paper bills to lot base  ki nou pe fer akoz mon vwar i annan en kantite nou bann dokiman ki backdated from 1895 ki la dan liv.  E sa bann rezis souvandfwa annan de fwa ou pa tro, i pe komans vin unreadable.  Alors sa nou pey consultancy en dimoun pour kapab vini pour ed nou, ed nou departman pour transfer li from sa paper base to digitization.  Mersi.

 

MR DEPUTY SPEAKER

Mersi PS.

 

PS FLORIANNE VIDOT

‘Security and enforcement ‘komansman sa lannen nou pe al annan en nouvo unit ki apel Enforcement Unit.  I pour vin anba investigation and Enforcement Unit.  Alor pour le moman sa lannen nou pour annan en staff pour travay la e nou pe anvizaze lannen prosenn pran 2 staff ankor pour kapab beef up en pe nou bann investigation ki nou fer.  Mersi Onorab.

 

MR DEPUTY SPEAKER

Mersi PS.  PS Baker.

 

PS JULES BAKER

Mersi Mr Speaker. Mersi Onorab pour ou kestyon. Mon vreman kontan ki ou’n lev sa. Wi nou’n vwar ki i annan bann issues konsernan kondisyon travay bann travayer etranze. Zot pa vreman konpran zot kondisyon.  Nou’n fer provizyon anba ‘adverts and donation’ pour nou piblir bokou plis leaflet.  Annefe nou’n fini, nou’n fini komans sa prosesis drafte sa bann leaflet.  Nou’n met devan management e nou’n asize, nou’n konsidere ki kalite lenformasyon. (1) ki son Drwa? sa travayer etranze letan i vini ki son drwa.  Par egzanp, son dwa pour en saler, son drwa pour en akomodasyon, son dwa pour lizyenn ek lasante, e son bann obligasyon.  Par egzanp i annan sa issue ki vreman komen Sesel; par egzanp withholding of Passport ki osi sa i en issue ki menm Konvansyon Enternasyonal i require ki Passport i reste avek sa travayer unless ki sa anplwayer i dir for safe keeping.  So nou’n fer provizyon anba Bidze, ‘advert and donation’, apre anba ‘printing and stationary’, Nou pour piblir sa bann leaflet e nou pour met lo GOP Desk Imigrasyon at the Airport letan zot vini pour nou fourni avek zot by next, once ki tou zafer i korek apartri lannen prosenn nou pour pe rekomans issue.  Apre i annan sa issue translation osi.  Parey ou konnen nou napa sa bann kapasite pour translateOf course nou pour bezwen demann lasistans Lanbasad, war bann dimoun ki annan loportinite ki koz Endou, ou diferan kalite langaz.  Mon pa konnen kwa.  Be selman provizyon in ganny fer anba Bidze, anba nou consultancy nou kapab fer sa. Nou pour fer provizyon pour sa definitivman.  Akoz nou vwar i en challenge, i en defi pour nou.  Mersi Mr Speaker.

 

MR DEPUTY SPEAKER

Mersi PS.  Onorab Henrie.

 

HON GERVAIS HENRIE

En pti follow-up.  Premyerman lo sa proze pour digitalize bann dokiman.  Wi sa mon ti ava kontan konnen se ki si in tender?  Enn. Apre dezyenmman akoz nou’n vwar registrar, in annan en legzersis en pe parey kot zot ti donn overtime bann staff.  Konmsi i vin en incentive pour bann travayer la anndan ganny en pti, akoz zot pa’n konsider petet.  E dezyenmman lo bann proze ki PS Baker in koz lo la. Eski sa i osi fer provizyon pour ki Lalwa Lanplwa son bann amannman i vin osi pli vit posib, en si fer sir ki Sesel i azour avek tou bann Konvansyon ki konsern kestyon lanplwa ki sa Bidze pe pran kont.  Mersi.

 

MR DEPUTY SPEAKER

Mersi Onorab.  Mon a donn laparol PS Imigrasyon avan.

 

PS FLORIANNE VIDOT

Mersi Deputy Chair.  Mersi Onorab.  Onorab sa digitization la nou ti komans fer depi lannen pase.  Mon pa pour kapab konfirmen, me selman mon a rod lenformasyon mon a konfirm ek ou pli tar.  Akoz pour sa amount ki dan nou Bidze.  Mwan a kapab donn ou lenformasyon pli tar.

 

MR DEPUTY SPEAKER

Mersi PS.  PS Baker.

 

PS JULES BAKER

Mersi, mersi Mr Speaker.  Mersi Onorab.  Wi zisteman parey mon’n fer resorti taler i annan sa ki nou apel en Decent Work Country Programme ki nou annan pour fer avek ILO.  E anba sa progranm i annan pour fer avek revizyon Lalwa.  Parey nou konnen ki revizyon Employment Act in fini sa staz e pour ganny prezante devan Lasanble apre laprouvasyon kabinet boner lannen prosenn.  Sa in pran kont ki tou sa bann laspe ki annan pour fer avek travayer Seselwa e travayer non-Seychellois, i pran kont ladan.  Dezyenmman osi en lot konponan revizyon Lalwa i annan Industrial Relations Act ki osi lannen prosenn nou pour al, nou’n komans tender out pour demande.  Mon krwar nou’n ganny apepre 2 kandida ki’n submit zot bid e prosedir procurement pe ganny fer e lannen prosenn nou pour komans revize.  Parey ou vwar i annan bann nouvo devlopman lo kote Linyon Travayer-Anplwayer.  E sa osi pe ganny pran kont avek bann diferan keksoz ki pe arive dan lo landscape Nasyonal.  Alor nou’n pran kont, an konsiderasyon sa.  Mersi.

 

MR DEPUTY SPEAKER

Mersi PS Baker. Onorab Sebastien Pillay.  En moman, en moman Onorab. Yes PS Vidot.

 

PS FLORIANNE VIDOT

Mersi Deputy Chair.  Deputy Chair ti annan en lenformasyon ki mon ti a kontan pas avek Onorab Henrie, sa digitization parey nou dir i transfer from paper base to digital.  I annan zis en dimoun dan Sesel ki kapab fer sa.  E dan lepase, lannen pase nou’n komanse sa lannen, kout nou R775mil. ler nou pe koz overtime i pa fasil pour fer nenport, travayer ki la pa pour kapab fer sa.  Akoz parey mon’n koze bonner i sa bann liv Civil Status i backdate from 1895.  E fodre en dimoun ki vreman annan sa kapasite pour kapab travay avek sa bann paz ki’n vreman annan de fwa unreadable parey mon’n fer resorti.  Alors …

 

MR DEPUTY SPEAKER

Onorab Henrie.

 

HON GERVAIS HENRIE

Lefet ki nou’n ganny enformen ki annan zis en dimoun Sesel ki kapab fer sa, lekel li?

 

MR DEPUTY SPEAKER

PS Vidot.

 

PS FLORIANNE VIDOT

Mersi Deputy Chair. Mersi Onorab.  I apel Mr Joe Laurence.

 

MR DEPUTY SPEAKER

Ok. Ok Onorab. Mersi PS.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair kekfwa zot ti krwar mon ki pe fer sa digitization.  Mr Chair mon ti a kontan demann Minis enn bann konsern ki ti pe ganny eksprimen, sete lo nivo ki bann travayer Imigrasyon zot en kad travayer dan zot menm ek zot bann fonksyon spesifik.  Mon pa konnen si ou’n al an detay lo la.  Me dir mwan ki zistans ou’n arive avek organiz sa kad travayer, si ou’n donn sa lenformasyon. E prezan dir nou ki mannyer zot annan, dan zot plan an relasyon ek Bidze zot pe fer sir ki across the board an se ki konsern Imigrasyon pour fer sir ki bann travayer par egzanp ler zot annan sa rotation system, zot pa santi zot dan okenn fason defavorize, oubyen perdi ler zot annan sa sistenm. Akoz mon konnen zot ti’n deza pe debat lo bann, lo sityasyon zot Schemeso mon ti a kontan zis si ou kapab dir mwan si tousala in ganny korpore dan sa bann, dan provizyon Bidze ki ou pe gannyen.  Mersi.

 

MR DEPUTY SPEAKER

Mersi Onorab.

 

MINISTER MYRIAM TELEMAQUE

Mersi Deputy Chair. Mersi Onorab. Onorab travayer Imigrasyon pour le moman i pa rotate.  Sa ki travay bomaten i al bomaten i fini dan 1er edmi, 2er.  Sa ki al aswar i al aswar.  Zot pa rotate pour le moman.  E pour lenformasyon.  Wi dan Bidze parey mon’n dir o komansman nou’n fer en provizyon.  Zot pe deza ganny peye depi an Mars sa lannen. Mersi Onorab.

 

MR DEPUTY SPEAKER

Mersi Minis.  Onorab Pillay.

 

MINISTER MYRIAM TELEMAQUE

Onorab an plis ki sa lannen pase nou ti reviz saler nou processing officers.  Ok, tousala nou’n revize.  Sa lannen, nou re aziste saler nou bann border control officers, e ki in vin, zot in ganny en ogmantasyon.  E an plis ki sa nou’n reviz inducement allowance pour nou bann supervisors.  La recently nou’n re aziste saler nou bann senior officers ki lo PSE contract. Tousala nou’n fer e osi nou’n reviz zot peyman soulye. E se tou.  Mersi.

 

MR DEPUTY SPEAKER

Mersi Minis. Onorab Pillay.

 

HON SEBASTIEN PILLAY

Wi Mr Chair mon ti oule zis share ek Lasanble ki  dan FPAC nou ti deza rankontre Minis Departman Imigrasyon e zot in montre poudir zot in fer en kantite zefor pour asire ki zot travay dan bann norm ki zot gannyen.  Be selman ti annan kestyon adisyonnel pour Departman Lanplwa.  Prenan kont ki konponan ki zot pe mete pour enforcement.  I annan sa laspe parfwa mank konfidans lo lapar piblik, lo travay ki enforcement pe fer sirtou dan bann vizit ki zot al fer dan bann lotel.  Ki zot pe fer pour sansitiz bann travayer pour fer sir ki dimoun i konnen ki louvraz zot pe fer e ki pour ki bann dimoun, bann travayer ki santi zot parfwa pri dan serten sityasyon, oubyen afekte zot kapab vin devan vreman, met zot bann konsern devan pour fer keksoz bouz pli devan.  An se ki konsern zot bann case par egzanp. Ki mannyer zot pe travay pour ki tousala i ganny rezourd dan en fason kler e dan en fason efikas?  Mersi.

 

MR DEPUTY SPEAKER

Mersi Onorab.  PS Baker.

 

PS JULES BAKER

Mersi Mr Speaker.  Mersi Onorab pour ou kestyon.  Pour ou premye konsern regarding kapasite nou bann travayer Lanplwa pour annan plis public confidence dan zot letan zot pe delivre zot servis.  Mon oule refer sorti Mr Speaker nou bann travayer Lanplwa, zot esey zot mye to the maximum pour zot kapab delivre en servis ki alaoter, ki piblik i kapab annan plis respe e osi annan bokou plis lekspektasyon.  Me nou osi annan en pe defi dan sa laliny Mr Speaker ki mon oule fer resorti ki parey bann lezot landrwa teknik e spesyalize, napa en lekol pour zofisye Lanplwa dan Sesel ni menm o monn.  E alors i difisil ki nou, nou’n apros Liniversite Sesel atraver TGMI pour zot devlop en Course pour nou ki nou ti komanse 2014; 2013/2014, ki apel en Diploma dan Labor Studies pour donn nou bann zofisye plis kapasite dan idantifikasyon bann problenm, dan ki mannyer pour rezourd bann problenm. Ki kalite industrial phsycology ki zot bezwen pour zot kapab ranforsi zot kapasite.  E annefe bokou nou bann travayer in deza fini graduate dan sa laliny e i annan ki fek fini graduate avan yer.  Of course nou bezwen fer plis ki sa. Nou bezwen fer plis ki sa akoz nou santi ki letan nou pe rann en servis, nou bezwen fer sir ki piblik i annan konfyans dan nou.  E i vwar nou koman bann zofisye ki kapab donn en legzanp.  Be nou annan bokou defi.  Nou annan bokou defi. Parey mon ti dir lannen pase. Nou annan nou en pti group in terms of zofisye pre 67 zofisye ki pour deal avek 47mil travayer dan Sesel.  Nou annan en lafors travayer, 47mil, e nou annan nou zis 67 zofisye. Letan mon dir ou 67 zofisye, sa i enkli support staff.  Pa zis teknik, e osi support staff. Savedir nou napa bokou.  Nou napa bokou staff e alor nou’n oule apros Minister Finans pour donn nou en pe plis lasistans e nou’n ganny plis lasistans.  E mon kapab reasir sa Lasanble ki nou pe esey nou mye ki bann staff i kontinyelman al sa. Parey ou pour vwar i annan en pti logmantasyon ankor dan nou training budget ki nou devret anvoy nou bann staff.  Nou annan en tre bon kolaborasyon avek en lorganizasyon training avek ILO, i apel ITC – ILO ki train nou bann staff lo en short term courses, 1, 2 semenn; par fwa i annan ki al pour 3 mwan pour asire ki zot ganny sa kapasite lo lanplwa li menm ki bann stratezi ki devret ganny met an plas.  Nou pe fer nou zefor Mr Speaker.  E mon krwar nou ava reisir, dousman, dousman.  Mersi.

 

MR DEPUTY SPEAKER

Mersi.  Minis.

 

MINISTER TELEMAQUE

Mersi Mr Chair.  Mr Chair i annan en lenformasyon osi ki mon ti ankor pase.  Si ou get byen dan nou programme ‘records management’, i annan en logmantasyon dan ‘wages and salaries’ sa i pour Scheme of Service Civil Status officers ki nou pe al met an fors semenn prosenn.

 

MR DEPUTY SPEAKER

Mersi Minis. Ok. Onorab Ferrari.

 

HON JEAN-FRANCOIS FERRARI

Zisteman, mersi Mr Deputy Speaker.  Zisteman lo sa size. Mon pe get lo paz 501 e mwan vwar poudir ler ou azout ansanm tou bann wage bill Lanplwa ek Imigrasyon ou vwar poudir wage bill in ogmant par 5.1 milyon, from 40milyon to 45 milyon.  This is the total wage bill anba sa 2 konponan la ki nou pe koz lo la.  Alors mon ti a kontan si zot kapab dir avek nou, dan sa avek sa logmantasyon ki par ladan i plis travayer?  Ki par ladan i rekonesans, oubyen logmantasyon pour bann travayer ki egziste? Akoz i annan serten sityasyon, i annan serten kestyon ki mwan mon pe demande lo bann travayer ki egziste, eski i annan en dyalog avek zot pour le moman vi ki Minister i nouvo eski i annan en dyalog avek sa bann travayer ki egziste deza, pour fer zot monte dan sistenm dan tou le de departman, akoz i annan ki santi ki zot pe ganny kit akote dan sa moves ki Minister pe fer. Alors si zot kapab pran sa lokasyon pour zot reasir sa bann travayer?  E lot kestyon, i konsern Lasirans. Minis, Minis ou konnen pour dir sa i en size ki vreman en keksoz ki pe ganny diskite bokou dan sa Lasanble, akoz i annan kestyon i konsern Lasirans, Minis ou konnen pou dir sa i en size ki vreman en keksoz ki pe vreman ganny diskite dan sa Lasanble, akoz i annan, bann prosedir ki pa’n ganny swiv; Akoz mon vwar i annan R328mil ki’n ganny depanse lo non Lasirans, lekel zot Broker, pour sa la konpannyen Lasirans?  E kan dernyen fwa eski zot in fer tender pour zot ganny en meyer lasirans pour zot assets. Mersi.

 

MR DEPUTY SPEAKER

Mersi Onorab.  PS.

 

PS FLORIANNE VIDOT

Mersi Deputy Speaker.  Mersi Onorab.   Onorab dan nou Bidze pour nou Imigrasyon i annan en increase pour en pe travayer.  Par egzanp mon’n mansyonnen pli boner nou annan en personal secretary pour Minister, nou annan en registration officer pour Civil Status, nou annan Civil Status officers.  Nou annan en nouvo biro pe al ouver nouvo port e nou bezwen en zofisye en pe senior laba, nou annan en zofisye pour Praslin/La Digue, nou annan en Enforcement Investigation Unit ek son 3 dimoun ladan.  Apre nou annan ankor Immigration Officers.  E parey ou konnen nou annan sa Bidze ek lannen prosen nou annan British Airways avek Air France ki pe vini nou bezwen beef up nou kapasite ankor, nou man processor lo Airport.  Si i reste en pe dan nou larzan bidze definitely nou pou rod ankor en zofisye pour Airport akoz normal nou santi i annan en mank.  Apre ou dezyenm kestyon lo Lasirans nou napa Broker.  Nou ek Sacos.  Yes.

 

MR DEPUTY SPEAKER

Mersi PS Vidot.

 

(Mic Off)

 

MR DEPUTY SPEAKER

Onorab, ok.  PS Baker.

 

PS JULES BAKER

Mersi. Mr Speaker. Mersi Onorab, mon premye pwen mon krwar i enportan Minister nou ant sirtou dan Departman Lanplwa, letan nou pe koz lo Minister.  Nou pe koz lo Minister me selman Departman Lanplwa.  Wi, nou donn loportinite tou nou bann travayer loportinite pour zot apply pour bann pos ki pli o ki zot pe okipe ozordi ki nou apel en internal advert avan ki nou met deor.  Sa i enn.  Bann ki apply anndan nou donn zot priyorite nou evalye zot nou donn zot interview si zot pa merite nou anvoy kot DPA, DPA i assess e DPA ki dir ki kantite larzan pour donnen depandan lo son kalifikasyon ek son leksperyans.  Ok?  Dezyenmman i annan pou fer avek bann kondisyon travay bann ki existing – tou le lannen nou annan en appraisal ki nou fer, nou ti demann Minister Finans pour donn nou en pti pe plis larzan pour demande ki letan ou fini fer ou appraisal kekfwa ou pa ava ganny en promosyon, me kekfwa ou kapab ganny en azisteman sa ki nou apel en salary enhancement.  Pour bann osi ki’n deza fer zot kalifikasyon Sertifika, nou bezwen ankouraz zot pour zot kontinyelman monte.  Wi nou annan provizyon dan bidze ki nou fer sir ki lannen prosenn letan nou’n fini fer appraisal bann ki’n kalifye pour ganny logmantasyon ki’n travay dir wi nou pou donn zot en lasistans.  E baze lo zot performans for instance e nou ava anvoy kot DPA, DPA i ava assess sityasyon baze lo merit e zot ava ganny zot logmantasyon. Dezyenm kestyon lo kote Lasirans nou annan nou 4 veikil Lasirans avek Sacos.  Me selman mon’n sey fer konpran ki nou annan en Broker Fidelity.

 

(Interruption)

 

PS JULES BAKER

I’m not too sure.  Non, non.  Nou konnen ki nou lasirans i avek Sacos, me selman mon’n fer ganny konpran ki nou annan en Broker Fidelity.  Me selman mon a fer verifye. Selman mon kapab fer verifye pour klarifye sa ki mon’n ganny dir la.

 

(Interruption)

 

MR DEPUTY SPEAKER

Mersi PS.  Mersi PS.  Ok?  Onorab Simon Gill.

 

HON SIMON GILL

Mr Chair mers, mon kestyon in fini pase.

 

MR DEPUTY SPEAKER

Ok, mersi Onorab Gill.  Onorab Afif ok?  Onorab Ramkalawan.

 

HON WAVEL RAMKALAWAN

Mersi Mr Chairman, Mr Chairman i annan enn de pwen ki’n ganny leve, par egzanp ler in koz lo sa Kontra travayer etranze ki konmsi in vin en problenm.  Eski i pa ti a pli fasil konmsi pour nou koup bann cost e tou bann keksoz si letan en dimoun pe apply pour en GOP, pour en travayer etranze ki osi enkli kopi sa Kontra ki konmsi zot ava deza pe vwar li avan menm ki en sample sa Kontra pour – sirtou.  Lo kote problenm konmsi parfwa dan Lasanble mon tro tann, ‘’mon pou al fer en letid.’’ Be si ou anvi al fer travayer sorti dan Sid mon krwar straight forward ou fer laranzman transpor pour tou bann dimoun ou regarde ki mannyer ou pou increase ou larout transpor.   Lo kote -ankor enn fwa lo kote – en pe i al lo Polisi anba 76 (6), an relasyon avek proteksyon travayer Seselwa, mon pa pe ganny en konpran ki mannyer par egzanp detrwa lannen pase, well lannen pase letan bann travayer Seselwa Cable & Wireless ti ganny terminen, ti ganny pouse e sete bann Seselwa; e aprezan sa lakonpannyen ti ganny GOP ti ganny permisyon pour li fer vini etranze Sri Lankan, pour fer travay ki bann Seselwa ti a pe fer!  So mon en pe dan problenm avek zot avek polisi.  Si nou ti kapab ganny en keksoz akoz si nou pe koz an term protez travayer Seselwa ki mannyer ou kapab pous Seselwa sa menm lakonpannyen ki pous Seselwa e apre i pran etranze?  E finalman si dan zot – parski lo sa zafer lapey mon konnen ki pou dir nou’n mansyonnen bann lapey bann zofisye Imigrasyon, me i annan en keksoz la ki bann travayer imigrasyon spesyalman bann ki travay dan biro – konmsi i annan en discrepancy dan zot lapey e zot, zot lapey i reste parey ki tandis ki bann ki travay lo Airport.  Mon pa konnen ki mannyer ou kapab eklersi sa, pour nou regarde ki mannyer nou kapab e regard travay ki bann dimoun i fer e zot kalifikasyon.  Mersi bokou Mr Chair.

 

MR DEPUTY SPEAKER

Mersi Onorab, nou a konmans avek PS Baker.

 

PS JULES BAKER

Mersi Mr Speaker.  Mersi Onorab, ou’n demann departman lanplwa de kestyon i mean ou’n fer en sizesyon apre ou’n demann en kestyon klarifikasyon.  Wi Onorab i en pwen vreman valab annefe i enn bann kondisyon ki nou pou mete anba nou polisi ki avan-ler en travayer etranze i antre dan pei i bezwen submit en Localization Plan i bezwen submit Kontra sa travay ki’n fini ganny agree laba deor e fer sir ki tou lede parti i agree konmsi i napa en dispute demen bomaten; kot i kler.  Vreman mon apresye ou sizesyon e i ladan e nou’n pran konsiderasyon pour sa.  Of course nou bezwen al market sa avek bann anplwayer mon konnen ki i pa neseserman pour vin en popiler, i kapab dir ou nou pe azout en lot layer birokrasi me nou bezwen en fason a en lot pour adres sa.  Dezyenm pwen konsernan travayer Cable & Wireless wi redundancy ti ganny fer e bann travayer Seselwa en senkantenn zot ti ganny fer arete e Minister Lanplwa pa ti aprouve redundancy e Cable & Wireless ti ganny demande pour repran sa bann travayer.  E baze lo sa bann prosedir in annan en mekontantman ant sa de.  Mr Speaker mon pa tro krwar si i apropriye si mon al diskit detayman sa case akoz case i devan Employment Tribunal.  Ozordi la as I speak so sakenn sa bann travayer i annan zot prop kondisyon.  Me selman sa pwen regarding travayer etranze sa ki mwan mon’n ganny fer konpran ki lamazorite travayer ki ti ganny fer arete, zot in ganny en subcontract avek Cable & Wireless pour fer bann louvraz. Senpleman bann lezot pozisyon ki pa ti annan ki zot ti demann aprouvasyon pour – mon napa plis detay avek mwan la Mr Speaker.  Me selman sa ki mwan mon konnen i en bon pe sa bann travayer Seselwa i annan subcontract.  E zot osi zot pe demann nou laplikasyon pour anploy travayer etranze Mr Speaker.  So mon krwar i annan en pti pe balans ki nou konman Departman Lanplwa pour nou fer sir ki enn sa bann dimoun osi zot progrese e dezyenmman i annan plis proteksyon pour travayer.  E mon totalman dakor avek ou Onorab nou bezwen pran keksoz ki obzektif e balanse ki pei i kontinyen progrese.  Mersi Mr Speaker.

 

MR DEPUTY SPEAKER

Mersi PS Baker.  PS Vidot.

 

PS FLORIANNE VIDOT

Mersi Deputy Chair.  Mersi Onorab.  Onorab sa bann staff ki ou pe koz lo la dan biro se bann Immigration and Civil Status processing Officers. Parey nou tou nou konnen ler en Scheme of Service i met an plas i annan keksoz ki mars avek par egzanp educational skills and then ou bezwen leksperyans.  Nou’n santi ki nou bann staff konmela bokou dan ki pe fer sa louvraz zot annan en pe leksperyans, me zot napa sa educational skills.  Nou’n fer training pour zot al training nou fer par semenn nou donn zot transpor, nou donn zot snacks ler zot pe train, still Onorab i annan pe refize al training.  E nou pa kapab pe kontinyen pe ogmant zot saler, si zot pa al training akoz i demande dan zot Scheme of Service ki zot annan sa bout training.  E ler nou ti fer komitman avek DPA, nou ti dir nou a donn zot en bout sa larzan avek pozisyon pour zot al training e ler zot fini training Onorab zot larzan i la, pour zot gannyen e zot still pe refize.  Mersi Onorab.

 

MR DEPUTY SPEAKER

Mersi PS.  Ok, Onorab Charles De Commarmond.

 

HON CHARLES DE COMMARMOND

Mersi Mr Chair.  Mr Chair bonn apre midi, bonn apre midi Minis ek ou delegasyon e tou manm Onorab e tou piblik ki a lekout.  Mr Chair premyerman mon anvi remersye Lasanble Nasyonal pour piblisite ki zot pe donn Fidelity Insurance lokal.  Nou pe ganny en kantite call dimoun i le apwent nou konman Broker ankor e nou pou grandi.  Nou pou grandi e mon kontan mersi bokou.  E zis mon anvi osi eklersi, eklersi ki lasirans ou pa kapab tender pour zis lenformasyon Lasanble, bann Minister osi tou.  Ou pa kapab tender parey ou tender en biznes dizon ou pe al fer a building dan biznes konstriksyon ensidswit, ou pa kapab. Mon pe eksplike pour ou lenformasyon akoz i annan misinterpretation par Lasanble Nasyonal.  An menm tan i pa zis baze zis lo quotation i baze osi lo konfyans, konfidans ki ou annan, trust, lo service delivery akoz dan lepase osi ou’n vwar, ou’n antann zot menm zot bann papye in koz lo la kot serten Broker ki par egzanp ki’n vol larzan lasirans ki pa’n peye! Tousala se sa mon pe dir ki baze lo trust.

 

(Interruption)

 

HON CHARLES DE COMMARMOND

Tou sa bann keksoz i enportan ki ganny mansyonnen pour ki dimoun i konpran.  Prezan mon anvi demann Minis en kestyon travel agent parey ou vwar dan …

 

(Interruption)

 

MR DEPUTY SPEAKER

Order!  Order!  Onorab atann en pti moman.  Yes Onorab Ramkalawan. En moman, en moman met off ou mic Onorab De Commarmond.

 

HON WAVEL RAMKALAWAN

Mr Speaker point of order!  Akoz sa ki i pe fer, sa ki Onorab De Commarmond pe fer, i an direk konfli avek Standing orders an sa ki konsern conflict of interest.  I pe servi Lasanble Nasyonal pour li promot son biznes Fidelity Insurance.  E in this i pa kapab fer sa!  Mersi bokou.

 

MR DEPUTY SPEAKER

Ok, mersi.  Onorab …

 

HON CHARLES DE COMMARMOND

Point taken. 

 

MR DEPUTY SPEAKER

Ale fer ou entervansyon Bidze.

 

HON CHARLES DE COMMARMOND

Mr Speaker nou vwar pou dir dan Bidze i annan bokou travel ki bann zofisye Gouvernman i travel sirtou Minister Employment ek Imigrasyon ki devan nou, mon pe zis anvi demann en pti leklersisman.  Ki mannyer zot fer zot bann tiket pour travel – si zot servi okenn travel agent e si i ganny tender?  Si i kapab eksplik nou si i kapab dir lekel travel agent ki zot servi?  E an menm tan ki PS la letan PS i kapab fer en prononsman lo sa across Government kot i konsern travel. Akoz nou war pou dir travel in ogmante e nou’n dir dan Lasanble sirtou dan Biro Prezidan nou’n vwar zot in dir in monte partou, across Government in monte. E alor ki mannyer sa bann keksoz i ganny fer? Mersi.

 

MR DEPUTY SPEAKER

Mersi Onorab.  PS Vidot.

 

PS FLORIANNE VIDOT

Mersi Deputy Chair.  Mersi Onorab, Onorab kote imigrasyon bokou nou bann overseas travel se nou pey nou bann staff only reduce per diem.  Tiket i ganny peye aletranze – sa pei ki pe ofer zot sa training nou pa fer bokou parey mon’n dir nou pey zot zis en reduce per diem i fully funded.  Savedir preski tou nou bann overseas training, workshop ki bann zofisye i ale, i fully funded.  Mersi Onorab.

 

MR DEPUTY SPEAKER

Mersi PS.  Ok?  Onorab De Commarmond okOk PS Baker.

 

PS JULES BAKER

Mersi Mr Speaker.  Mersi Onorab pour ou kestyon.  Lo kote travel expenses mon ava zis dir brefman, annefe Minister Lanplwa i en pe parey Imigrasyon, mazorite nou bann travel i annan pou fer avek staff training.  E bann staff training i bezwen konsiderableman travel e nou reduce per diem.  Annefe nou Minister ti devret pe kapab travel plis pou partisip dan bann Konferans Enternasyonal anba ki nou annan lobligasyon – 3.  Nou annan ILO ki La Suisse e nou tou nou konnen kou La Suisse konbyen i koute.  E letan nou travel La Suisse nou annan anba Konstitisyon ILO, anba Konstitisyon SADC e anba Konstitisyon African Union nou bezwen anmenn partner sosyal avek nou, sansan nou pa pou antre dan sa bann reinyon. Savedir Minister Lanplwa i bezwen travel and tripartite a tou pri.  Konferans ILO, African Labor Social Affairs Commission, SADC Employment Labour Sector ki nou bezwen pey dan nou Bidze.  So annefe pour sa lannen nou bezwen kapab al zis enn ILO, akoz zis pour ILO li menm li i kout nou apepre R350mil zis en trip ILO akoz i ser.  E son Konferans i ant 12 zour a 17 zour La Suisse.  So i en konponan ki pran en chunk of our business, i pa konsernan nou travel bokou me kot sa Konferans ki fer, ki koute. Mwan mon kapab garanti sa Lasanble se ki nou kou travel nou Bidze travel i ti devret plis akoz Minis pa ganny loportinite.  Par egzanp pour li al SADC meeting avek AU meeting nou kapab al zis ILO ki en pe pli enternasyonal pour nou partisip ladan.  Mersi Mr Speaker.

 

MR DEPUTY SPEAKER

Mersi PS. Onorab De Commarmond.  Ok, PS, Minister ou le dir en dernyen mon apre mon a donn laparol PS Payet.  Non?  Ok PS Payet.

 

PS PATRICK PAYET

Mersi Mr Chair, zis pour azoute ki la fason ki bann Minister avek bann lenstitisyon Gouvernman i outsource for overseas travel usually zot bezwen al rod 3 kotasyon sirtou si zot pe depas sa kantite ki’n mete dan Lalwa Procurement.  At least zot bezwen rod 3 kotasyon swa avek direct avek en airline ouswa avek en travel agent. Sepandan nou’n vwar letan nou’n evalye avek, nou pe evalye ki i annan bann Minister ki vwar zot avek ki pratik zot vwar pli konfortab avek en travel agent. Akoz kekfwa li i kapab aranz en pe zot bann travel sirtou si i annan bann diferan pei sirtou si napa direct flight, direct dan sa pei kot zot pe ale.  So, usually ki zot fer zot rod avek bann travel agent ki at least pour konekte zot en pe pli vit koneksyon.  Akoz kekfwa zot pa anvi sa transits period pour en pti pe pli pti gin.  E secondly ki zot pa perdi en kantite letan overseas.  Par egzanp letan zot pe al dan bann pei dan Lafrik kekfwa zot pa reste de zour zis reste laba zot kapab retourn Sesel ase fasilman.  So i bann mezir ki bann Minister i servi.

 

MR DEPUTY SPEAKER

Ok.

 

HON CHARLES DE COMMARMOND

Akoz ki i pa ganny tender parey proper tender i ganny fer?

 

MR DEPUTY SPEAKER

PS.

 

PS PATRICK PAYET

Letan ou regard li kekfwa Onorab letan ou get travel i en pe diferan avek bann servis ki ganny ofer avek Gouvernman.  Konmsi menm si en Minister i depans i kapab 1.5milyon, me i pa pe depans sa 1.5milyon en sel kou.  I kapab kekfwa 1 mwan i al Dubai lo mwan kekfwa i al Lafrans. So i pa kapab zis ale zis tender travel cost akoz en sel kou akoz i diferaman dan lannen.

 

 

HON CHARLES DE COMMARMOND

Eski i annan okenn similarite avek lasirans sa ki ou pe dir?

 

 

PS PATRICK PAYET

Pour Lasirans kekfwa ou kapab get li dan en lot fason akoz kekfwa par egzanp letan ou get vehicle, vehicle ou konnen ou annan 5 vehicle e i direk en fwa par lannen ou kapab ganny sa quote en sel kou.  So si, kekfwa si ou annan en nouvo veikil ki ou pe gannyen dan en lannen le kekfwa i diferan, akoz ou’n deza annan en Kontra avek en Insurance Broker, ouswa Insurance Companies. Me selman si ou annan kantite vehicle ouswa menm kantite building, travayer sa i en pe diferan.

 

MR DEPUTY SPEAKER

Ok.  Mersi PS.  Bon nou’n ariv en moman pour … Yes PS?

 

PS PATRICK PAYET

Zis kekfwa ti annan en dernyen klarifikasyon, mon krwar pour Onorab Pillay.  Sa, lo paz 495, sa mil 1.3 milyon i konsern – akoz Departman Lanplwa zot in fer recruitment en pe 2017 aprezan 2018 i son full year impact. Sepandan pour nouvo recruitment i zis R370.  Menm si nou’n met li koman en nouvo, new initiative. Me zis 370 roupi ki konsern new initiative.  I annan recruitment sa lannen ki annan lenpak dan 2018.

 

MR DEPUTY SPEAKER

Ok.  Mersi PS.  Bon in ariv moman pour nou pran en vot lo Departman Lanplwa, Departman Imigrasyon avek Civil Status. Mon a zis demann PS pour gid nou pour met ledwa ansanm pour nou pran en vot.  PS Payet.

 

PS PATRICK PAYET

Mersi Mr Chair.  So nou pe pran en vot pour Minister Lanplwa, Imigrasyon avek Civil Status, pour tou le de Departman ki en total R57. 818, 560 milyon.

 

MR DEPUTY SPEAKER

Mersi PS.  Mon ava demann tou Manm ki an faver?  Okenn, okenn Manm ki kont?  Ok. Madam Clerk?

 

MADAM CLERK

Mersi Mr Chair.  26 Manm an faver, personn kont.  Mersi.

 

MR DEPUTY SPEAKER

Mersi Madam Clerk.  Savedir vot pour departman lanplwa, Departman Imigrasyon avek Civil Status in ganny aprouve par Lasanble Nasyonal.  Bon avek sa mon ti a kontan … Ok, yes Onorab Ghislain.

 

HON CHANTAL GHISLAIN

Bonn apre midi Mr Speaker, bonn apre midi tou dimoun.  Mon ti zis anvi profite pour commend Minis i la pour komann staff avek, bann staff kot Imigrasyon avek Civil Status lo zot lefikasite akoz nou’n koz bokou lo service delivery dan sa Lasanble.  Mon ti oule zis profite pour commend zot en pe, felisit zot pour zot bon service delivery ki zot pe donnen konmela, e apre osi lo zot bon customer care.  Mersi.

 

(APPLAUSE)

 

MR DEPUTY SPEAKER

Mersi mon a zis donn en dernyen pti parol Minis.

 

MINISTER MYRIAM TELEMAQUE

Mersi Mr Chair.  Mr Chair service delivery i enn nou bann strategic point dan nou Strategic Plan Imigrasyon. Lanplwa nou pe travay lo pour li, i ava vini la lannen prosenn.  E nou la pour nou donn en bon servis tou dimoun.  E koman ou konnen nou annan nou Customer Care Centre. ki’n fini ouver lo ground floor Independence House.  La i annan nou Imigrasyon, leta Sivil, ID Card -tousala i la.  E lo kote Lanplwa, lanplwa li menm li i en Departman ki pa tro fasil akoz lo kote, lo en kote ou annan bann anplwayer ki la, ki’n envestir zot larzan ki bezwen travayer pour zot kapab fer marse zot biznes. Parey ou annan bann fermye ki’n envestir dan zot laferm, e ki zot bezwen travayer pour kapab annan fri legim pour konsonmasyon.  Lo lot kote nou annan nou menm nou, nou bann Seselwa ki ti a pli, ki ti a kontan ganny en pli bon lanplwa, pour zot kapab soutenir zot lekor e lafanmir. E nou Minister Lanplwa nou la dan milye nou.  Nou bezwen war en balans.  Fotespere sa Bidze ki’n ganny aprouve i a ed nou pour fer marse nou progranm, pour nou kapab fer sa balans vin pli byen.  Mersi.

 

MR DEPUTY SPEAKER

Mersi Minis.  Bon nou ava remersi ou pour pas sa demi zournen avek nou, ou PS, PS Vidot, PS Baker, Financial Controller, Accountant, ou de Special Advisors. Mon krwar ou 3 Departman in al tre byen. E nou apresye, nou apresye sa kalite servis ki ou pe donnen e there is always room ankor for improvement.  E mon swete anba ou gidans ou Minister i ava kontinyen, i ava prouv son lekor i a fer pli byen.  Bon avan nou adjourn mon ti a zis kontan demann PS pour Lendi bann departman si zis i ava anons bann Departman ki nou pour pran pour Lendi. PS Payet.

 

PS PATRICK PAYET

Mersi Mr Chair.  Mon pe propoze ki nou komans avek Minister Industry, Entrepreneurship Development ek Business Innovation.  An menm tan nou pran Industrial Estate Authority, 9er a 10.30. E 11er a mid, nou pran Lazans Prevansyon pour Drug Abuse and Rehabilitation.  Apre lo apre midi nou pran Minister Lagrikiltir avek Lapes avek tou son bann lenstitisyon ki tonm anba li.

 

MR DEPUTY SPEAKER

Mersi PS.  Onorab Pillay.

 

HON SEBASTIEN PILLAY

Non mon ti pe zis remind Sekretarya pour prepar lalis bann lenstitisyon ki baze lo Lagreman ki nou ti gannyen, nou pa pe pran zot, pour ki nou annan sa lalis pare pour nou konnen ler zot Minis i vini, nou fer sel pran en vot lo zot; akoz zot increase dan zot Bidze ti neglizab sa lannen.

 

MR DEPUTY SPEAKER

Wi, ok?  Sa i ava ganny fer. Onorab Henrie

 

HON GERVAIS HENRIE

Yes Mr Chair, mersi bokou. Koman Chairperson COGA, mon pe zis verifye, mon konnen pour dir i annan serten dokiman, bokou dokiman ki bann Manm in demande e nou tonm en dakor avek Egzekitiv ki any dokiman ki zot demann, Manm i demande ki by Vandredi, end of working hours zot sipoze provide nou avek sa bann dokiman.  E enn sa ki Minister Finans in donn nou. Si tou Minister in gannyen sa. Sa i konsern bann Manm in gannyen sa.  Konsern State House, eski nou pe ganny pour tou Minister?

 

MR DEPUTY SPEAKER

Ok nou ava regard avek PS Payet kote Finans, si nou kapab ganny bann detay parey.  Me mon krwar preski tou bann dokiman ki Lasanble pe demande, pre request pe rantre.  E mon konnen Foreign Affairs in anvoy son bann dokiman ki zot ti pe request; Local Government, nou ava Sekretarya i ava chase zot.  Ok?  Bon avek sa mon ti a kontan ankor enn fwa remersye Minis ek son delegasyon, ankor remersi PS Payet, Mr Thesee, Ms Verghese, en an menm tan nou remersi SBC e tou bann oditer osi ki’n a lekout sa semenn ki’n swiv deba Lasanble.  Nou ava adjourn e nou ava repran nou travay Lendi 9er bomaten.

 

(ADJOURNMENT)