Home » Verbatim » 2017 » Verbatim Thursday 23rd November, 2017

Verbatim Thursday 23rd November, 2017

NATIONAL ASSEMBLY OF

SEYCHELLES

 

Thursday 23rd November, 2017

 

The Assembly met at 9am

 

National Anthem

 

Moment of Reflection

 

Mr Speaker in the Chair

 

MINISTRY OF ENVIRONMENT, ENERGY AND CLIMATE CHANGE

 

MR SPEAKER

Bonzour tou dimoun.  Mon ti a kontan lo lapar tou mon bann koleg swet labyenveni dan Lasanble ozordi an mezir nou kontiny nou travay lo Bidze Minis pour Lanvironnman avek Lenerzi e Sanzman Klima, Minis Didier Dogley avek ou lekip e fer tou bann koleg remarke ki Bidze pour Minister Lanvironnman Lenerzi e Sanzman Klima i lo paz 511 ziska 523.  Savedir nou pe pran sa Minister; par laswit nou a pran de Komisyon well en Komisyon avek en Agency ki tonm anba Minis Dogley me nou a konmans lo sa Bidze ki lo paz 512.  Avek sa mon a demann Clerk avek Deputy pour pran non tou bann dimoun ki le koze anba sa Bidze avan nou konmans nou deliberasyon.  Tou bann ki le koze lev zot lanmen.  Yes Onorab Ramkalawan.

 

HON WAVEL RAMKALAWAN

Good morning.  Good morning Sir mon pe zis demann e bonzour tou dimoun osi mon ti anvi la nou pe al zis lo Land Waste and Management Agency nou pa pe al pran li la?

 

MR SPEAKER

Non.

 

HON WAVEL RAMKALAWAN

Nou pe al pran li apre – ok.

 

MR SPEAKER

Non nou pe pran Seychelles Energy Commission avek Landscape and Waste Management Agency nou pe pran apre.

 

HON WAVEL RAMKALAWAN

Ok.

 

MR SPEAKER

Tou bann ki le koze lev zot lanmen.  Ok Clerk avek Deputy Clerk.

 

MADAM CLERK

Mersi Mr Chair.  Bonzour tou dimoun lo kote Parti Lepep, nou annan Onorab Charles De Commarmond, Onorab Sebastien Pillay, Onorab Simon Gill, Onorab Audrey Vidot, Onorab Churchill Gill, Onorab Egbert Aglae e Onorab Waven William.  Mersi Mr Chair.

 

MR SPEAKER

Deputy.

 

MADAM DEPUTY CLERK

Mersi Mr Chair bonzour tou dimoun.  Lo kote LDS i annan Onorab Ramkalawan, Onorab Afif, Onorab Ferrari, Onorab Adelaide avek Onorab Pillay.  Mersi.

 

MR SPEAKER

Tre byen.  E parey mon sir zot okouran Minis Dogley si a okenn pwen ou santi ou Teknisyen I le anmenn klarifikasyon oubyen reponn okenn kestyon ki Manm I annan zot lib pour fer li akoz nou dan Committee Stage.  Avek sa nou al toudswit nou a konmans avek Onorab Waven William.

 

HON WAVEN WILLIAM

Mersi Mr Speaker.  Bonzour Minis avek ou lekip bonzour tou dimoun ki a lekout.  Mr Chairman mon kestyon ki mon ti a kontan demann avek Minis pour lavaler en sonm R87milyon mon ti a kontan ou mon kapab dir fer nou konfyans ki nouvo lapros zot pe anmennen vizavi bann travay ki annan pour fer o nivo distrik; enn – lefe ki ou’n fer vizit e dan distrik Grand Anse Mahe mon santi poudir enn wi ou’n fer vizit me selman sa follow-up nou annan en problenm avek lo plizyer bann proze ki nou’n koze nou’n diskite parey mon dir vizit napa problenm me problenm se avek sa follow-up.  Par egzanp enn mon pe koz proze kot Madanm Rose Alphonse. Epi i annan plizyer bann landrwa ki nou’n vizite debousman lanmar nou pa satisfe avek mon ti a kontan ou konfirmen ki nouvo lapros nou pour vwar o nivo distrik, akoz pour le moman fransman dir ou lo kote Grand Anse Mahe nou pa satisfe avek travay ki pe ganny fer.  Mersi.

 

MR SPEAKER

Minister Dogley.

 

MINISTER DIDIER DOGLEY

Bonzour Mr Speaker.  Bonzour tou bann Onorab, e bonzour tou bann dimoun ki a lekout.  Mr Speaker konsernan sa Bidze ki nou’n met devan pour sa lannen, sa 87milyon ki Onorab in koz lo la konsernan netwayaz lanmar avek larivyer nou annan nou 13milyon ki’n ganny met a dispozisyon pour fer bann travay dan distrik.  Mon krwar Onorab i ava rekonnet poudir pandan lannen ki’n pase nou’n fer en kantite travay dan distrik Grand Anse Mahe, sirtou Petit Barbarons i enn bann landrwa ki nou’n konsantre ki nou’n fer en kantite travay ki nou amelyor mentenans bann drenaz dan sa landrwa.  I annan bann travay ki nou’n fer bann one-off, akoz alafen ler ou annan R13milyon pour partaze lo Mahe Praslin e La Digue i pa en gro sonm larzan ki ou kapab fer tou keksoz dan tou distrik an menm tan.  E ler ou dan en sityasyon parey ou bezwen asize e realize kote ou bann priyorite i ete, kote ou pa ankor travay kote nou pour bezwen met en pe plis lanfaz, e kote kekfwa ki sityasyon ki pa sitan grav ki nou pour kapab tenir ziska son lannen apre ouswa ankor 2an pour nou kapab retournen pour fer bann travay.  Alor e nou, nou pour kontinyen regarde avek sa 13milyon ki nou annan, pour regarde ki mannyer nou pour kapab fer en travay dan en fason premyerman priyoritiz bann travay e ki mannyer nou kapab fer li dan en fason pli efektiv osi ki dan en fason nou kapab reponn a bann bezwen dan bann distrik e osi pour kapab deal avek sa bann problenm netwayaz larivyer lanmar e disilting ki annan pour fer dan bann distrik.  Mersi Mr Speaker – Mr Chair.

 

MR SPEAKER

Onorab William.

 

HON WAVEN WILLIAM

Mersi Mr Chairman.  Mr Chairman mon follow-up question se ki Minis mon ti a kontan ou osi konfirmen si i annan en bout larzan anba ou Minister ki annan pour fer avek koup pye dibwa?  Si wi ki fason bann prosedir i ete?  E dezyenmman, eski pa ti ava apropriye si i annan en sonm larzan lefe ki anba Gouvernman Lokal napa okenn larzan ki’n ganny donnen anba sa lokasyon pour emergency activities.  Si ou Minister a consider transfer serten sonm larzan, anba Minister Gouvernman Lokal pour kapab ed distrik pour deal avek emergency.  Mersi bokou.

 

MR SPEAKER

Minis.

 

MINISTER DIDIER DOGLEY

Mersi Mr Chair.  Minister in ganny li R1milyon pour li deal avek bann pye dibwa danzere lo propriyete Gouvernman.  Sa i pour aplik pour Mahe Praslin e La Digue ankor e i aplik direkteman lo propriyete ki pour Gouvernman.  E par egzanp sa lannen nou ti annan apepre 1milyon nou ti pe pey plis ki R1milyon, e larzan pa’n ase pour nou kapab adres tou bann bezwen ki’n ganny met devan Minister pour Minister deal avek.  E parey sa lannen ankor probableman sa milyon pa pour ase e nou, nou bezwen sey fer nou mye pour regarde ki mannyer nou deal avek bann pye dibwa ki pli danzere ki annan dan bann distrik.  Mersi Mr Chair.

 

MR SPEAKER

Onorab Aglae.  Onorab William ou annan en lot ale.

 

HON WAVEN WILLIAM

Minis mon annan bann sityasyon dan distrik la, kot i annan pye dibwa danzere ki demann koupe prosedir anba ou Minister i en pe tro long.  Mwan mon pe demande si ou Minister I a consider transfer anba Gouvernman Lokal ki i ava vin dan distrik ki sa response time i ava i ava akoz mon pa konnen si zot pe esper en pe dibwa tonm lo dimoun.  E pour nou kapab respond enn letan dimoun i mor.  Akoz pour le moman la prosedir i tro long ler i annan bann ka emergency nou pa kapab deal avek!  Mon annan en ka la ki mon pe deza avek ou Minister i sipoze emergency zot pe vin vizit semenn prosen.  Be pour mon pour zot i pa emergency be pour mwan i emergency Minis.  Mersi bokou.

 

MR SPEAKER

Minis PS De Commarmond.

 

PS ALAIN DECOMARMOND

Mersi Mr Chair.  Bonzour tou bann Onorab.  Onorab William bonzour.  Zis pour eksplik en pti pe prosedir parey Minis in mansyonnen sa vot avan ti anba Minister responsab pour Labita e i sa lannen 2017 ki’n ganny transfer avek nou.  Prosedir ki mannyer i marse se ki laplipar di-tan nou ganny bann demann atraver bann Ladministrasyon Distrik, ouswa i annan bann ka endividyel ki vini par egzanp bann zabitan dizon parey en Housing Estate ki vwar serten danze otour en Housing Estate e nou, nou pran sa bann demann in line avek Bidze ki nou’n gannyen.  Prosedir se ki unless nou vwar ki I en emergency genuine nou bezwen as per prosedir Procurement Act nou bezwen fer sir nou annan 3 kotasyon.  Sa i en must akoz nou bezwen fer sir i annan la transparans akoz i annan en kantite sa bann Kontrakter ki fer sa bann travay konmela e nou pa le ki i ariv serten sityasyon kot nou ganny dir serten preferans, pe ganny fer par bann kontrakter.  So nou fer li en must ki nou, nou rod plizyer kotasyon ki apre nou bezwen access sa.  E approval i ganny donnen evantyelman, me si i annan bann ka parey ou’n mansyonnen kid an en senaryo ki nou dir categorize konman emergency then i pa sipoze en problenm nou fer li fast track e sa travay i ganny fer pli vit posib.  Donk mon krwar tou bann DA zot okouran sa prose me parey Minis in dir la pour sa lannen, nou’n vwar nou dan en sityasyon even avan sezon lapli kot i annan bokou plis sa bann travay ki usually i vini Bidze in fini ganny exhausted.  E nou ankor annan serten demann ki nou bezwen fer sa lannen, me nou bezwen fer sir ki lannen prosenn nou kapab swiv byen sa bann travay.  Akoz sa 2 dernyen lannen i annan bokou travay in ganny fer dan distrik, donk nou bezwen fer sir, ki nou kouver tou bann distrik egalman ki tou distrik i zot bann case priyoriter i ganny swiv parey mon dir si en case emergency nou bann staff i consider li e nou move forward.  Akoz nou bezwen zistifye osi avek Minister Finans sak fwa ki en case ki forseman en emergency akoz i emergency.  Donk sa osi nou’n fer kler avek bann DA ki vites ki nou bezwen fer travay.  Nou bezwen fer sir akoz nou bezwen account for it avek Minister Finans ler peyman i ganny fer.  Mersi bokou Mr Chair.

 

MR SPEAKER

Yes sa kestyon ki Onorab William in demande i konsern nou tou dan Lasanble from Anse Boileau ziska Bel Ombre ou dir i annan bann lalis MNA i dir ou i en emergency, i dan son distrik ou pa kapab pran trwa dimoun dan 24er al rod en quotation swazir enn ladan donn li koup sa pye dibwa?  Fodre al rod Finans fodre al kot whatever.  Zot responsabilite pour lanvironnman si zot annan larzan within 24 hours 3 Kontrakter ou ale ou swazir enn pli bon marse i koupe i fini.  Action.  PS?

 

PS ALAIN DECOMARMOND

Mersi Mr Chair, parey mon mansyonnen si nou vwar li ki dan en letan ki i emergency then nou ale nou fer li vit parey ou pe dir egalman 24erdtan 48erdtan enn nou staff i ale.  Me selman ler nou travay, i organize osi nou annan plizyer kalite travay ki nou fer pandan lasemenn.  E byensir nou bann staff i servi zot diskresyon.  Me selman Onorab si i annan en ka partikilye ki parey ou pe dir i annan serten dele lo la silvouple met li a mon latansyon.  E nou ava kapab fer bann staff follow up lo sa case.  E nou a kapab bouze e nou fer li en must si i tro leading up to sezon lapli, ki bann ka emergency sirtou ler lapli i konmans tonbe i ganny deal avek pli vit pli vit posib.  Mersi Mr Chair.

 

MR SPEAKER

Onorab Aglae apre Onorab Gill.

 

HON EGBERT AGLAE

Mersi Mr Chair bonzour Minis avek ou delegasyon.  Minis ankor lo sa laliny pye dibwa la mon krwar i annan en gran konfizyon, akoz ler mon pe gete i annan apepre 4 entities ki deal avek pye dibwa dan sa pei.  I annan Local Government ki deal avek koup pye dibwa nou annan SLTA osi ki deal avek pye dibwa sirtou, bann ki obor semen i annan pye dibwa ki lo State Land MLUH ki deal avek i annan Lanvironnman i annan bann ka emergency ekstrenm par-ler Fire and Rescue osi i antre.  Alor Minis konmsi annou tonm kler la lekel ki pour fer kwa, dan ki moman letan pour nou kapab kler tou distrik I konnen la tou MNAs ki la i konnen ki i fer, kan i annan sa emergency.  Kan i annan sa pye dibwa ki danzere pour li koupe kot nou tou nou konnen kote nou ale enn fwa pour tou.  Apre Minis dan ou reveni osi mon vwar lo paz 513 ou annan en sonm 77,090mil pour tree felling.  Sey eksplik mwan sa i pour kwa silvouple?  Mersi.

 

MR SPEAKER

Petet avan Minis ou pran laparol i annan kestyon relye ki Onorab Simon Gill i anvi demande.

 

HON SIMON GILL

Bonzour Mr Speaker bonzour tou dimoun Minis avek tou koleg Onorab e manm piblik.  Mr Speaker konnen dan nou pei la en kantite keksoz ki nou kapab fer li dan lespas 24er nou trennen avek 1 semenn, 2 semenn, 3 semenn 1mwan 2 mwan – 3 mwan lannen vitam aeternam.  Konmsi sa bann sa bann prosedir la nou pa kapab streamline li?  Minister Finans pa kapab met an mars met an plas serten direktiv kler, pour ki ler nou bann leaders dan distrik i dir poudir nou annan en emergency sa pa kapab ganny fer dan en lespas 24er?  Sa ki repons ki nou’n tande nou annan nou annan priyorite nou bann dimoun i discriminate but it is an emergency.  Nou bann leaders in ganny elekte dan zot distrik for what reason?  Nou ekout mil leskiz ki zot annan avan ler zot kapab met ledwa lo problenm e rezourd problenm adres li – nou fer letour.  Please …

 

MR SPEAKER

Ok kestyon – kestyon – kestyon i kler

 

HON SIMON GILL

… annou ekout en kou ki nou annan pour nou dir met an mars en  Clique procedures pour nou deal avek emergencies silvouple.  Mersi

 

MR SPEAKER

Minis mon krwar kestyon i relye, petet ou a eklersi nou.

 

MINISTER DIDIER DOGLEY

Mersi Mr Chair.  Mr Chair konsernan bann pye dibwa emergency Minister Lanvironnman ansanm avek DRDM avek bann Lazans ki deal avek dezas ler i annan bann problenm emergency nou’n toultan reakte within 24hours – nou’n tir bann pye dibwa ki bezwen ganny tire.  E pour mon si I annan bann dimoun ki dir mwan i annan en pye dibwa ki en emergency, i bezwen ganny retire, mon krwar nou bann dimoun i devret al lo site menm zour menm dat. Zot devret lo site pour regarde si sa ka i en emergency pran desizyon, e si i annan finansman nou ganny trwa kotasyon e nou fer le neseser.  Mon pa vwar ki rezon sa pa kapab ganny fer.  Me selman ler ou dir mwan mon annan R1milyon pour mwan depanse pandan en lannen e mon napa bann ka emergency drwat devan mwan, mon bezwen asize regarde ki mannyer mon depans sa milyon roupi dan en fason pli efektiv, ki mon ganny mon optimiz la kantite ki mon gannyen out of sa R1milyon.  Mon krwar i annan de diferan keksoz ki nou pe koz lo la ozordi – nou pe koz sa R1milyon ki mannyer i ganny servi dan en fason efektiv epi nou pe koz ler I annan bann ka emergency ki nou fer?  E pour mon ler i annan en ka emergency mon 100poursan dakor avek ou.  Emergency ou pa kapab anvoy pour demen pour apre demen bezwen ganny deal avek menm zour menm dat.  Mersi Mr Chair.

 

MR SPEAKER

Wi, PS De Commarmond.

 

PS ALAIN DECOMARMOND

Mersi Mr Chair zis pour reponn de kestyon sorti kot Onorab Aglae an relasyon avek rol e responsabilite i ase kler li.  Parey ou’n mansyonnen par egzanp, i annan PUC li i responsab pour eklersi tou son bann laliny high voltage – low voltage parey ou kapab vwar plizyer fwa I annan bann travay ki ganny fer.  E zot fer li byensir an aplikasyon avek sa Seksyon Lafore sorti kot nou apre i annan SLTA byensir ki ler i annan bann lenstans kot dibwa in tonm lo semen ouswa I annan serten dibwa ki kre serten risk danze pour motoris ouswa bann pyeton; la zot vini zot fer zot travay ouswa in annan dibwa ki’n tonm lo semen, la zot vini zot eklersi.  Parfwa Minister Lanvironnman i asiste zot dan serten ka an relasyon avek sa.  Apre i annan SPTC osi zot fer serten travay byensir parey zot konnen bann bis parfwa i pran bokou lespas semen i en pee twat donk i SPTC osi zot annan serten resours ki zot fer serten leklersisman pour kapab facilitate pasaz zot bann bis dan bann landrwa.  En keksoz mon bezwen eklersi byen Minister Labita i nepli fer sa bann travay.  Parey mon dir o konmansman sa larzan sa responsabilite in ganny transfer avek Minister Lanvironnman sa lannen donk tou bann laplikasyon lo Later Leta la prezan depi sa lannen 2017 i ganny prank a par Minister Lanvironnman avek Seksyon Lafore.  Sa reveni ki nou’n mansyonnen tree felling parey tou bann aplikasyon tree felling ki endividi ouswa bann organizasyon nenport ki i  fer aplikasyon avek Seksyon Lafore kot Minister Lanvironnman zot bezwen pey en fee R100 donk sa reveni ki ou vwar i sa larzan ki nou’n anmase sak lannen R150 sorry.  Mersi Mr Chair.

 

MR SPEAKER

Onorab Stephen Pillay.

 

HON STEPHEN PILLAY

Mersi Mr Chair bonzour a tous.  Mr Chair mon kestyon I lo paz 2 PSI lo P2 Climate Energy Management pour paz 38 dan PSI P mon ti a kontan ganny plis detay avek Minis avek son delegasyon lo sa bann proze ki pa’n ganny finanse anba GEF such as drainage, coastal project, DTF projects ki tonm apepre 8500milyon en pe plis detay lo la.  E mon lot kestyon i  baze lo paz 2 lo paz 518 P2 rivers, channels and marshes maintenance and repairs lo sa 13,500milyon ki en pe plis detay lo la akoz  i sa i  sa kous akoz i pa devret pli ba kanmenm en tir en 10milyon lo la.  Mersi Mr Speaker.

 

MR SPEAKER

Minis.

 

MINISTER DIDIER DOGLEY

Mr Chair sa 2 progranm I direkteman pour fer avek sa Departman ki annan pour fer avek Energy and Climate Change.  E sa ki mon kapab dir an zeneral se larzan ki nou’n ganny donnen pour netway sa 13milyon i pour netway larivyer avek lanmar avek disilting dan tou distrik Mahe, Praslin avek La Digue.  E sa lot bout ki nou’n gannyen, i annan pour fer pour konstri plizoumwen bann drenaz kot i neseser dan bann distrik atraver Mahe, Praslin e sa lannen nou pa pour met larzan Gouvernman La Digue akoz La Digue nou pe pran larzan anba GCA Plus ki en larzan Linyon Eropeen ki’n donn nou larzan 5.3milyon ki nou deza pe envestir La Digue.  E alor tou larzan ki nou pe gannyen avek Gouvernman nou pour met li lo Praslin avek Mahe.  Mon a les PS Agricole donn plis detay.

 

MR SPEAKER

PS.

 

PS WILLS AGRICOLE

Ok bonzour Mr Chair bonzour bann Onorab e tou bann dimoun ki a lekout.  Wi konsernan bann Proze Kapital parey Onorab in ganny demande, e Minis in fer sorti in ganny zis 8.5milyon ki larzan ki sorti dan fon Gouvernman.  E ladan dan coastal protection nou annan zis 2milyon.  E nou dan sa 2milyon nou konnen ki Anse Boileau dernyerman ti annan en vizit Prezidansyel kot nou ti donn sa commitment ki nou pour enplimant en proze laba rock armoring avek re ability sa lakot.  E nou pour pran sa larzan pour envestir dan distrik Anse Boileau.  Tandis ki kote priority drainage nou’n ganny 1.5milyon e nou anvizaze fer bann proze swivan enn nou pour depans 300mil.  Quincy Village i annan en proze drenaz laba, i vreman enportan ki nou fer.  2enm nou pour al La Misere kot Onorab in demann en kestyon bomaten, konsernan Drainage Improvement Project ki pour kout anviron R600mil.  Nou pour al Takamaka nou pour osi fer en improvement drainage work laba ki pour kout anviron R600mil e la vwala sa total i R1.5milyon ki dan sa dan CAPEX.  Epi nou annan 5milyon ki pour Drainage Task Force ki’n gannyen pour lannen prosenn. E nou nou’n regard nou plan drenaz ki ale ziska 2019 ki Drainage Task Force in fer e nou’n deside pour antreprann bann proze swivan enn Pointe Larue kot nou pour fer ankor drainage improvement work ki pour kout anviron R475mil.  En drainage improvement work Anse Poules Bleues kot pour annan en major bridge and water channel ki pour ganny fer ki pour kout 800mil disilting pour al Praslin Anse Volbert kot nou pour konekte avek bann channel kot nou pour konekte avek bann channel dan en fason ki delo i kapab flow byen ki pour kout anviron 1.5milyon.  E vwala sa 500mil zis i ale koumsa e ler ou, ou vwar ou fer en analiz i pa bokou distrik ki ganny touse.  E se pour kwa prezan dan nou outsourcing lanmar parey ou’n fer resorti ki pour al enplimante sa nouvo outsourcing lanmar kot nou pour annan en nouvo fason fer keksoz.  Nou annan 13.5milyon e sa tou distrik i ganny touse apar Roche Caiman avek Ile Perseverance.  E ladan nou pour vwar ki bokou sa bann site in ogmante dan tou distrik e bann frekans ki nou pour fer sa netwayaz i pour double e lefe ki pour double.  E si pri osi i vin en pe pli o e vwala an gro kot sa 13.5milyon ki’n ganny dekrir lo kote outsourcing pour nou vo travay lo lanmar e dan larivyer pour ganny antreprann 2018.  Mersi Mr Speaker.

 

MR SPEAKER

Onorab Pillay.

 

HON STEPHEN PILLAY

Mersi Mr Chair.  Mr Chair lo sa 13,500milyon lanmar pa mon parey PS i konnen mon tre aktiv pour gete sa zafer sa mon asire mon preski garanti PS i inflated.  Mon’n vwar lensidan kot en boug i sorti dan en call pour debous en lanmar Pointe Aux Sel, i sorti sepa ki zistans i vini i anmas trwa pti zwer obor semen, i donn en lapel i fer debouse.  Li sa pti zwer i ganny R1000 separ an 3.  Me selman mon pa krwar sa boug pe ganny R1000 sepa i dan en 3 or 3 times above it.  I annan sa inflation ki mon pe demande ki kekfwa zot a zere zot a kapab fer desann sa kou, akoz mon garanti ou pri debous en lanmar i ganny sarze i pa actual ki devret ete.  Petet parey Onorab ti pe dir i al met dan distrik, distrik ti a manage sa bann proze.  E ankor lo sa bann DTF projects ki mon krwar bann lezot proze si ou ti kapab konsidere ki ou koup en pe.  E anler ou plan i pare ou vini ou get back akoz la nou pa konnen ou pa konnen egzakteman konbyen pe koute me ou pe demann sa 8milyon.  Sa i en sizesyon kekfwa ou ava fer en pti savings lo la.  Me lo kote sa zafer rivers, channels and marshes onnetman mon krwar i devret vwar pour koupe.  Sa i zis en sizesyon – mon napa dwa demande it’s just a bann ki pli okouran ki pli konnen i kapab koz lo la.  Mersi Mr Chair.

 

MR SPEAKER

PS.

 

PS WILLS AGRICOLE

Mersi Mr Chair mersi Onorab pour ou kestyon.  Ki arive se ki ou konsern konsernan larivyer avek lanmar nou pour annan en nouvo tender ki pour pran plas le 01 Zanvye 2018.  Nou annan en task force ki nou’n met an plas in travay lo sa nouvo sistenm e zot in vwar ler zot in get tou keksoz an perspektiv, zot in ariv lo sa sonm ki zot in vwar devan nou.  E parey ou dan distrik ou konnen e parey ou’n fer resorti ki parfwa ou vwar bann Kontrakter bann dimoun ki pe travay, ki zot pa fer sa travay ki nou ki menm nou kot Minister nou swete i arive.  E se pour kwa ki nou pe mazinen met en strong Monitoring Inspectors Unit an plas, ki dan en fason ki sa bann travay avek ki pour ganny fer as of lannen prosenn I a ganny byen monitor e evalye dan en fason ki sa travay i vo sa larzan ki zot pe gannyen.  Mersi Mr Chairman.

 

MR SPEAKER

Onorab Vidot.

 

HON AUDREY VIDOT

Mersi Mr Chair, bonzour tou Manm Onorab Minis avek ou delegasyon e tou dimoun ki a lekout.  Minis mon tann PS koz ki Roche Caiman pa parmi bann ki pour tender out pour lanmar petet mon ti a sizere ki zot a donn sipor sa klib lanvironnman e Wildlife Plaisance Segonder avek serten lekipman zot, pou zot kapab kontinyelman kapab ganny en pe zouti pour zot kapab ede pour netway sa lanmar dan zot zalantour vilaz.  E osi lo menm laliny petet Minister osi dan zot Bidze pa negliz Roche Caiman kot i konsern sa lakot kot lanmar i ete deryer SECTI akoz i pe degrade, i demande pour fer en pe travay la resers lyez avek Lotorite Distrik.  Mon lot kestyon I tonm osi ki petet zot pe donn – kwa ki sipor plis petet dan sa Bidze zot krwar zot kapab donn sa bann klib petet tou nouvo distrik akoz nou bezwen nou pe koz Proteksyon avek Konservasyon kwa ki zot pe donn sipor an plis petet dan sa Bidze pour bann Klib Lanvironnman oubyen Wildlife dan distrik?  Sa i mon de kestyon mersi.

 

MR SPEAKER

Minis.

 

MINISTER DIDIER DOGLEY

Mersi Mr Chair.  Minister Lanvironnman atraver plizyer proze ki nou pe enplimante; sirtou bann proze ki ganny finance par Global Environmental Facility GEF, e menm Environment Trust Fund nou e den kantite bann NGOs.  E menm atraver lezot lorganizasyon ki nou travay avek enternasyonalman Minister li menm Minister pa vreman enplike dan lenplimantasyon.  Nou plis fer polisi stratezi avek lalwa alor pour nou i toultan en plezir pour nou travay avek bann NGOs ki enplike direkteman avek bann keksoz kip e arive pe ganny fer dan bann distrik.  Alor, parey nou’n fer dan lepase nou pour kontinyen siport bann civil society ki pe fer bann travay alor ki zot bezwen fer se senpleman pran kontak avek mon ouswa bann PS e nou, nou ava fer le neseser pour nou siport zot pour regarde ki mannyer nou kapab channel zot kote i annan finansman e ed zot pour zot kapab ganny sa bann larzan pour zot kapab fer sa bann louvraz dan bann distrik.  E dezyenmman nou’n pran not poudir i annan bann problenm lerozyon nou ava follow-up nou a vwar egzakteman kwa ki bezwen ganny fer e nou ava met li dan nou bann program pour coastal proteksyon e reabilitasyon.  Mersi Mr Chair.

 

MR SPEAKER

Onorab Vidot.

 

HON AUDREY VIDOT

Mersi Mr Chair.  Pour progranm pour bann Eco Warriors ki eski zot dan menm laliny eski zot annan bann sipor adisyonnel ki zot kapab donnen?  E enn petet ki mon ti’n sape eskize pour demande parey, mon get distrik Roche Caiman menm bann lezot distrik osi, i annan sa problenm kot I annan bann vye transpor bann feray ki dimoun pa servi la lo later Gouvernman e dan Housing Estate parey ou konnen pa sipoze annan bann garaz e I annan dimoun I spray I afekte bann lezot lakaz I pres obor.  Kantite letan I pran pour zot enforce en pti pe pour bann dimoun pran en pe responsabilite pour fer tir sa bann transpor ou menm arête osi pou pratik sa bann aktivite dan en Housing Estate, ki afekte bann dimoun ki petet dan vwazinaz ki annan en problenm lasante ensidswit?

 

MR SPEAKER

Minis.

 

MINISTER DIDIER DOGLEY

Mersi Mr Chair.  Nou annan Environmental Police ki zot, zot louvraz i enn sa bann keksoz ki zot deal avek e normalman zot pour pran aksyon within one week.  Me selman ki arive nou kapab donn en dimoun kekfwa 7zour kekfwa 24erdtan depandan lo ki sityasyon ki mannyer i ete nou pour ekrir sa dimoun nou enforce kont li nou dir li si i pe fer keksoz kot i vwar poudir i a pe koz en problenm polisyon – akoz lanvironnman i deal avek bann problenm polisyon be it tapaz loder ouswa bann kemikal, ouswa sa ki pe afekte dimoun.  E pour nou dir li either I pour arête dan 24erdtan ouswa dan 7zour ouswa dan 14zour i pour bezwen move out dan sa landrwa si vreman i annan bann konplent.  Now si sa si sa dimoun i refize pour li abide par sa lenstriksyon ki’n gannyen, nou ki nou bezwen fer se prepar en case file anmenn kot AG’s Office apre met sa zafer Ankour.  Akoz prosedir Minister Lanvironnman pa kapab zis vini pran keksoz en dimoun sorti pran al avek i bezwen pas atraver prosedir lalwa pour ganny en court ruling lo sa case, pour li pran pour li al avek.  Now si i lo semen Lapolis i kapab i kapab direkteman anba zot Lalwa zot antre e fer tir sa transpor dan en minimum delay. Si sa dimoun pa tire Lapolis i kapab antre retir sa transpor met en landrwa apre dispose of koumsa ki normalman i marse.  Mersi Mr Chair.

 

MR SPEAKER

Onorab Adelaide.

 

HON FRANCOIS ADELAIDE

Mersi Mr Chair bonzour a tous.  Lo paz 38 PSIP Minis nou annan sa Baie Lazare Coastal Rehabilitation eski i en kontinyasyon sa coastal project ki ti Anse La Mouche/Anse Boileau e mon vwar R1.9milyon ki’n ganny depanse 2017 eski ou Minister i satisfe ki nou’n ganny valer pour nou larzan?  E ki bann plan ki nou annan parey nou ti diskite pour ki nou realiz sa proze me dan en lot fason ki pour protez lans Baie Lazare.  Apre en pti pwen se lo management avek sipervizyon pour bann netwayaz larivyer, mon le konnen lekel sa dimoun ki ansarz sa rezyon pour vin vizite ouswa ki nou kapab telefonnen an ka ki nou vwar poudir travay pa pe ganny fer. E apre mon bezwen mon le petet si ou Minister ti kapab provide nou avek sa detay lo kote sa Anse Poules Bleues Project ki mon tann zot dir konsernan elarzisman sa pon.  Mersi.

 

MR SPEAKER

Minis.

 

MINISTER DIDIER DOGLEY

Mersi Mr Chair konsernan proze pour Anse La Mouche, lenformasyon ki mon annan se ki louvraz pe al konmanse anytime la in ganny delay.  Ou konnen ou menm nou ti bezwen enplike dan bann diskisyon ou menm ou ti’n met serten obzeksyon dan lafason ki ti pe ganny fer.  Nou’n bezwen asize diskite rod lafason pour bouz devan.  E apre ki nou fer bann design nou’n anmenn kot Tender Board e mon konpran ki Tender Board in fini avek sa bann zafer e anytime la konmela louvraz i kapab konmanse pour nou fer li lenformasyon ki mon annan, i pour kout apepre 1.3milyon pour nou fer sa louvraz laba.  Konsernan lekel ki responsab pour netwayaz lanmar Baie Lazare mon a les PS reponn apre detay lo Anse Poules Bleues sa proteksyon lakot ki ou pe koz lo la.

 

MR SPEAKER

PS.

 

PS WILLS AGRICOLE

Mersi Mr Chair.  Wi Onorab konsernan lekel ki responsab ou ti annan en issue lo kote lanmar dan ou distrik normalman I tonm kot Climate and Rehabilitation Management Section.  E nou annan en Direkter Zeneral mon kapab donn ou son limero telefonn i 2723235 e ou kapab telefonn li.  E si ou pa ganny li ou kapab telefonn mon 2714419.

 

MR SPEAKER

E sa Direkter Zeneral i annan en non?

 

PS WILLS AGRICOLE

Mr Selvan Pillay.

 

MR SPEAKER

Ok mersi.  Onorab Adelaide ou ok?

 

PS WILLS AGRICOLE

Wi kot i konsern Anse Poules Bleues wi nou’n deside pour fer en pon laba en storm water channel e nou kapab donn ou plis detay – pour ariv anviron R800mil.  Nou kapab fer vizit diskit lo sa proze.  E byensir parey nou abitye fer ek ou osi tou Onorab, nou fer sa bann diskisyon e si ou annan bann dimoun ou stakeholders dan ou distrik, ki konsernen avek lanvironnman, reabilitasyon lakot mon konnen i annan detrwa zot, nou zwenn e nou fer diskisyon lo la.  Mersi.

 

MR SPEAKER

Onorab Adelaide.

 

HON FRANCOIS ADELAIDE

Mr Chair si ou permet mwan Minis zis pour reasir nou akoz mon ganny tro bokou sa ‘’very soon’’ – ‘’very soon pe al konmanse’’ – donn mon en timeline. En 2 semenn petet nou kapab vwar sa proze konmanse?  Pour Anse La Mouche sa enn la.

 

MR SPEAKER

PS.

 

PS WILLS AGRICOLE

Pli tar posib i boner semenn prosenn.  Pli tar pli boner posib i kapab demen.

 

MR SPEAKER

Mersi.  Onorab Churchill Gill.

 

HON CHURCHILL GILL

Mersi Mr Chair bonzour Minis avek ou delegasyon; bonzour tou Manm.  Mon kestyon i lo paz 514 anba ‘wages i annan en logmantasyon 3milyon anba maintenance and repair i annan 4en logmantasyon 3 milyon apre anba non-produced assets i annan 26milyon, mon ti zis kontan ganny en lesplikasyon lo la silvouple.  Mersi.

 

MR SPEAKER

Minis.

 

MINISTER DIDIER DOGLEY

Mersi Mr Chair.  Konsernan bann wages avek salaries sa i annan pour fer avek Scheme of Service.  Ou apel lannen pase ler nou ti vin isi ti annan bann demann ki ti ganny fer e bann kestyon ki ti pe demande ki pe arive avek Scheme of Service pour staff Lanvironnman.  Sa i basically sa ki pe met an aplikasyon.  Dezyenm keksoz pour fer avek maintenance avek repairs’ i plizoumwen sa bulk ki sanmenm nou pe koze lo sa bann mentenans lanmar, avek lanbousir ki bann Onorab in deza demande.  Se sa, sa ogmantasyon 3milyon pour vwar ki sa larzan in ganny donnen an plis pour nou kapab fer bann louvraz dan bann distrik.  Konsernan non- produced assets li i PSIP i sanmenm ki lo paz 38, ki pli boner nou’n diskit lo la – i annan en bon nonm proze ki bann larzan ki sorti kot bann lorganizasyon enternasyonal ki pe finans bann proze isi Sesel ki tonm anba Minister Lanvironnman.  E an menm tan i annan sa 8.5milyon ki PS Agricole in fek koz lo la.  Sa larzan ki Minister Finans pe donn nou pour fer bann drainage proze dan bann distrik.  Mersi Mr Chair.

 

MR SPEAKER

Onorab Woodcock.  Onorab Gill ou annan en substitute.

 

HON CHURCHILL GILL

Eski Minis i kapab donn nou donn nou en lide sa bann saler si pour middle management ouswa si i pour line staff.  Mersi.

 

MR SPEAKER

Minis.

 

MINISTER DIDIER DOGLEY

Well Scheme of Service i aplik pour tou Minister wi nou pa kapab travay zis lo en group akoz sansan ou pour ganny bann problenm kot serten dimoun saler pour monte serten pa pour monte, e la ou pour ganny bann problenm avek staff.  Ou bezwen ler ou fer en Scheme of Service ou bezwen fer pour tou ou staff.  Apard ki bann ki lo kontra ki sa I ganny gouvernen par en lot sistenm apre bann ki lo common cadre parey sekreter.  Sa pa nou ki deal avek ki i deal atraver Departman Administrasyon.  Me selman i kouver tou i annan bann Lenspekter, i annan bann Rangers ki travay avek nou bann Administrater bann dimoun ki lo middle management e menm bann senior staff ki travay dan Minister Lanvironnman.  Annefe nou pe nou fer en pe travay sa lannen, me selman i annan ankor ki nou pe bezwen conclude boner lannen prosenn, pour fer sir poudir tou nou bann staff lannen prosen nou vwar zot avek en saler ki rezonnab pour zot al avek kot lakour.  Mersi Mr Chair.

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker bonzour Minis avek PS avek ou delegasyon.  Mr Speaker mon kestyon i baze lo zot ‘major achievement’ pour 2016 avek 2017 kot zot achievement se ‘coastal protection’ – ‘measures pour minimize climate change’lo Mahe avek Inner Islands,’ me selman climate change lerozyon i ankor en gro konsern lo Praslin.  Alor mon anvi demande ki ou Minister pour fer lannen 2018 pour mitigate lerozyon lo lakot La Pointe, Grand Anse, Amitie, Roche Corbigeaux avek Anse Kerlan lo Praslin?  Akoz si zot pa fer nanryen byento nou pour napa en pye sed lo lakot.  Mon 2enm kestyon plizoumwen en propozisyon mon pe demande ki ou Minister i met en pe plis lanfaz pour debous bann lanbousir, sirtou dan van nor sezon lapli pou anpes flooding Grand Anse Praslin?  Mersi.

 

MR SPEAKER

Minis oubyen ou PS.

 

MINISTER DIDIER DOGLEY

Mr Chair konsernan lanbousir i dan sa 13milyon ki nou’n koze.  E definitivman PS in donn bann detay e kot nou pour kapab nou pour antre nou pour fer bann louvraz lo Mahe Praslin e La Digue.  Pour pa La Digue bann finansman anba 13milyon I pour Praslin avek La Digue nou pa pour finans La Digue, akoz La Digue I annan en lot finansman ki mon koz lo la ki I pe ganny taken care of.  Konsernan lakot li menm, sa larzan ki nou’n gannyen pour deal avek lakot mon krwar I 1.5milyon, i tre minimum I pa en larzan ki ou kapab fer gran keksoz e parey PS in deza dir nou priyorite sa lannen I pour Anse Boileau.  Akoz nou ti vwar lannen pase dan Van Nor semen ti pre pour fini ale.  Epi i annan bann louvraz ki nou ti fini progranmen pour fer Baie Lazare kot lerozyon ti en gro problenm.  Sa osi nou bezwen finaliz sa bann travay.  E si nou kapab ganny finansman atraver bann lezot travay ki nou pe fer avek bann lorganizasyon enternasyonal nou ava take up Praslin.  Ouswa nou pour bezwen esper lannen prosenn pour nou kapab met Praslin ladan.  Mersi Mr Chair.

 

MR SPEAKER

Onorab Woodcock.

 

HON WAVEL WOODCOCK

Mr Speaker Minis sa issue lakot I en konsern ki’n la pour plizyer lannen mon ti a kontan konnen zot annan en plan lonterm pour deal avek sa problenm.  Mon krwar ou’n pase ou menm ou’n vwar ki sityasyon an ki leta nou lakot antye Grand Anse i ete.  Alor ki ou plan lonterm pour ede mitigate en pe sa kriz, plito lo Praslin?  Mersi.

 

MR SPEAKER

Minis.

 

MINISTER DIDIER DOGLEY

Mr Speaker semenn pase ler mon ti laba kot sa konferans Sanzman Klima nou ti zwenn avek bann zofisye Green Climate Fund e nou’n demann zot finansman pour nou kapab fer en Plan Konpreansiv pour adaptasyon pour Sesel antye.  Akoz nou vwar sa problenm pli ale pe vin pli grav.  Annefe Sesel I pa sitan grav ler ou konpar avek sa ki’n arive dan bann zil Caraiib resaman avek bann Hurricanes ki’n tap zot.  E i kler ki poudir nou bezwen fer bokou plis ki nou pe fer ozordi.  E zot in dakor pour donn nou $3milyon pour travay lo bann plan premyerman pour annan en Plan Konpreansiv pour adaptasyon.  E dezyenmman osi pour travay lo bann plan detaye ki mannyer pour nou kapab tackle sa problenm adaptasyon.  Ler nou pe koz adaptasyon, nou pe koz drenaz proteksyon, lakot nou pe koz sea level rise; nou pe koz bann diferan kalite issues ki asosye avek sanzman klima. Mersi Mr Speaker.

 

MR SPEAKER

PS Agricole.

 

PS WILLS AGRICOLE

Mersi Mr Chair wi lo kote lanbousir bann lanmar parey in fer sorti pli boner se ki Grand Anse Praslin – pour le moman i annan anviron zis 6 lanmar kip e ganny netwaye e sa lannen prosenn pour ogmante i pour ariv 12.  E dan li menm finansman li menm I ogmante parey mon fer resorti pli boner.  E ler ou vwar Grand Anse Praslin par mwan nou pour depans nou R148, 742mil par mwan.  I montre ki sa bann travay I koute e le frekans osi i pour double.  Olye fer li enn fwa par mwan nou pour fer li de fwa.  Mersi Mr Chair.

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Chair. Bonzour. Bonzour Minis bonzour tou Manm.  Mr Chair mon ti a kontan demann Minis anba son Bidze pour ‘wages and salaries,’ i annan en logmantasyon apepre R3milyon eski ou kapab eksplik nou ki mannyer sa ogmantasyon pe de dan ou retention bann travayer, oubyen pe de dan recruitment bann nouvo employees dan Lanvironnman?  Mersi Mr Chair.

 

MR SPEAKER

Minis.

 

MINISTER DIDIER DOGLEY

Mr Chair mon a donn zis en overview.  Petet apre mon a demann sa de PS pour donn plis detay akoz Scheme of Service i annan pour fer avek sa 2 Departman.  An prensip ler nou pe regard saler, ki bann dimoun pe gannyen i ase ba, konpare avek plizyer bann lezot Minister.  E i enn bann travay ki nou’n konmans fer depi 2016 pour fer sir poudir nou Scheme ki nou annan i enn ki atraktif.  Akoz pli ale i difisil pour ou kapab retain staff, akoz i annan en kantite konpetisyon ant bann Minister e osi ant Gouvernman e private sector.  E nou’n travay lo pos Scheme of Service i annan ki’n fini ganny aprouve.  Par egzanp pour bann Rangers avek bann Lenspekter e pour lezot i ankor pe ganny diskite avek DPA – nou espekte boner lannen prosen i ava fini finalize e nou a kapab met li an plas.  Mon a les bann PS donn bann detay anler lo sa bann Scheme of Service.

 

MR SPEAKER

PS.

 

PS ALAIN DECOMARMOND

Mersi Minis mersi Chair.  Pour Departman Lanvironnman prensip sa de Scheme ki’n ganny aprouve pour 2018 I annan en Scheme parey Minis in mansyonnen pour Divizyon by the Sea Conservation ki enkli bann staff konservasyon e  apre bann staff Forestry.  E apre i annan nou bann staff Environment Police ki fer tou bann enforcement – sa osi zot annan en nouvo Scheme pour sa lannen.  Stratezi ki nou’n fer se ki nou’n vwar tou lede kote nou’n get zot saler de baz e apre bann diferan allowance ki zot kapab entitle to.  Akoz avan ti very lacking ti mank bokou e ti annan serten pozisyon ki ti vreman ba zot saler de baz.  Donk atraver sa de Scheme of Service, zis pour donn en nide en pti pe – par egzanp pour Scheme konservasyon pour saler de baz i bann staff pour annan en logmantasyon depi apepre R500 a R2600mil. Allowances depi R1900 a R3600mil – sa I depi pli ba nivo junior staff ziska bann senior officer.  E pour Environment Police osi parey menm pour saler de baz i apepre depi R500 ziska R2400mil pour saler de baz e plus bann diferan allowances ki vin avek i apepre depi R1300 a R3700.  Donk nou’n fer sir ki nou’n regard tou lede aspe sa saler de baz apre sa allowances ki kapab ed pour zot anmenn en package en pe pli attractive.  Priyorite pour nou parey zot kapab vwar pli gro lenvestisman dan nou Bidze lo kote Departman Lanvironnman se pour retain staff.  Annefe sa ti en top priyorite nou ti fer kler avek Minister Finans se priyorite se pour retain staff me osi an menm tan byensir letan nou annan turnover ouswa ler nou annan posibilite pour recruit nouvo staff nou kapab atrakte bann nouvo staff pour vin travay avek nou atraver sa bann Scheme saler.  So mersi Mr Chair.

 

MR SPEAKER

PS Agricole.

 

PS WILLS AGRICOLE

Mersi Mr Chair.  Premyerman mon le dir mon le fer en Statement.  pour nou kapab konbat sanzman klima nou bezwen annan ranforsman kapasite.  Partou kot nou ale nou dir nou pe konbat sanzman klima konman en Pti Leta Zil.  Me letan nou regard nou bann dimoun ki travay, i vreman minim e pour nou kapab fer sa efikasman nou bezwen ranforsi kapasite.  Se pour kwa ki nou kot divizyon sanzman klima nou’n diskit avek Minister Finans diskit avek Departman Public Administration ki nou bezwen annan sa ranforsman kapasite, sansan sa bebet ki apel sanzman klima si nou pa kapab met li anba kontrol be I pour anval nou.  Akoz nou survival i at stake.  E se sa ki tou bann diskisyon Bidze ki mon annan avek Minister Finans.  Mon met sa devan nou pa kapab annan zis en Wills Agricole ki pour konbat sanzman klima nou bezwen annan plizyer dimoun.  E sa lannen prosenn zot in tan nou zot in met 800mil be malerezman sa 800mil ou konnen kan I konmanse?   01 Zilyet 2018.  Mwan mon krwar nou bezwen regarde nou konman en pti pei nou at stake e nou bezwen annan dimoun ki kapab monitor, evalye e fer bann travay ki pour kapab minimiz sa lenpak sanzman klima, lo tou sekter.  Mersi Mr Chairman.

 

MR SPEAKER

Onorab Pillay.

 

HON SEBASTIEN PILLAY

Mersi Mr Chair.  Mr Chair 2 pti pwen adisyonnel.  Mon’n tann ou koz lo sanzman klima be en keksoz ki mon pa ganny en konpran nou annan UniSey, UniSey nou, nou en pei ki deal avek conservation environment nou annan en ta dimoun kalifye dan sa domenn ki’n train menm Dokter pour ki rezon nou pa ankor kapab konmans en progranm en course avek UniSey dan Lanvironnman, ki a zisteman atrakte bann Researchers aletranze? E sa progranm i a vin tre vyab olye ki UniSey pe fer bann lezot progranm mainstay sa ki nou fer Sesel napa nanryen pour fer ladan.  Mon vwar poudir nou annan en bon pe letan nou pa pe fer sa.  E dezyenmman an se ki konsern proteksyon lanvironnman en size ki’n come up letan gro lapli se ki drains dan Lavil pa pe marse, eski anba sa Bidze i annan okenn larzan pour zot tackle sa size?  E si prenan kont sa i osi deal avek bann landrwa kot i annan bann derelict, kot i annan bann vye loto ki ankor lanmenm ki zot pa ankor kapab retire.  Eski zot in met provizyon dan Bidze pour kapab fer sa?  Mersi Mr Chair.

 

MR SPEAKER

Minis.

 

MINISTER DIDIER DOGLEY

Pour pran sa enn premye sa enn dernyen Mr Chair vye loto parey mon eksplike nou si nou okouran i annan bann salte okenn salte dan bann landrwa ki pa devret ete Minister Lanvironnman definitivman i pran sa konman son priyorite pour fer tire; akoz nou pa oule okenn salte be it vye loto whatever it is, fodre i ganny tire.  Me selman par-ler nou lanmen I anmare akoz nou bezwen swiv prosedir lalwa ki egziste dan pei nou pa kapab pran Lalwa dan nou lanmen.  So alor nou bezwen swiv konsernan bann larivyer i sanmenm sa bann travay sa 13milyon ki nou’n gannyen sanmenm sa ki nou pour al servi pour nou fer disilting, debous lanmar, fer bann travay ki bezwen ganny fer, pour fer sir ki bann lanmar avek larivyer bann dren i fonksyonnen pandan letan gro lapli.  Annefe la konmela nou bann dimoun i deza pe fer legzersis pour regarde kote i kapab annan bann bottleneck pour fer sir poudir ler letan gro lapli i konmanse ki’n deza konmanse ki nou pa vwar nou dan bann sityasyon ki konplike.  E mon bezwen dir fransman nou pa up-to-date avek nou progranm disilting la dan bann distrik la ki mannyer nou ete la ozordi.  I annan bokou travay pour ganny fer I annan plizyer ki ti a voudre fer ki nou pa pour kapab fer akoz finansman pa ase e definitivman nou, nou pour fer le neseser.  Avek UniSey personnelman mon krwar poudir wi akoz nou, nou en Minister parey mon pe dir nou travay avek en kantite lorganizasyon.  E nou ti a voudre travay avek plis lorganizasyon akoz nou rekonnet konman avek 84 dimoun nou pa pour kapab fer tou keksoz nou menm.  E lanvironnman i tous pei antye.  Alor kot i posib pour nou travay avek UniSey definitivman nou pou dir zot vin onboard e donn nou en koudmen pour fer travay.  E par-ler nou vwar li pli fasil pour travay avek bann lorganizasyon aletranze ki pour travay avek nou prop dimoun isi.  Me selman nou, nou laport i toultan ouver e nou sorti osi pour al travay avek bann lorganizasyon an deor ki pa direkteman travay dan Minister avek Minister Lanvironnman.

 

MR SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker bonzour tou dimoun.  Mon kestyon i lo sa R13.5milyon pour cleaning of rivers eksetera mon ti a kontan demann Minis kan eski son Gouvernman pour sanz son mindset e sorti lo pran kontrol sa bann proze e anvoy sa bann proze dan distrik kot bann travayer distrik, i a travay lo la i ava annan en lyen ki kapab dir avek sa dimoun pa zet salte dan larivyer mon ki pe anmase konmsi kan nou pour empower sa distrik pour sa bann dimoun pour nou prop dimoun.  E nou pour aret esper keksoz donn kontra bann dimoun.  E la mon anvi siport 100poursan Onorab Pillay ki’n dir nou pa kapab nou bezwen aret donn larzan sa bann dimoun ki annan zis en pick up i pran trwa bwarer baka avek en lanmwatye galon baka annou ale nou a fer en pti keksoz koumsa e nou pa fer nanryen.  Konmsi kan eski sa mindset pour sanze akoz mon believe Mr Speaker ki lo sa 13.5milyon nou kapab fer savings, si nou manage li pli byen alors mon ti a kontan en reaksyon sorti kot Minister Lanvironnman.

 

MR SPEAKER

Minis petet i en kestyon Polisi.

 

MINISTER DIDIER DOGLEY

Mr Chair, Minister Lanvironnman i napa okenn lobzeksyon pour bann distrik, si zot annan kapasite si zot krwar i kapab fer sa bann louvraz byen pour zot pran responsabilite pour netway rigol avek lanmar dan zot distrik.  Nou napa okenn lobzeksyon pour sa.  Me selman pour le moman sa responsabilite i avek Minister.  E nou, nou pe fer nou mye fer sir poudir pour sa 13.5milyon parey PS in deza dir, tou bann louvraz bann Kontra ki ganny donnen i pa sa zafer en tender process ki pe ganny fer pa par Minister Lanvironnman, me ki pe lead par Minister responsab pour Finans, se zot ki pe kordin tousala avek en Task force.  E ler tou sa tender I fini ganny fer sa bann dimoun zot ava ganny zot kontra lekel ki manage sa bann dimoun nou napa lobzeksyon si distrik i manage.  Sa ki nou, nou enterese avek se ki ler gro lapli I tonbe nou pa vwar nou dan en sityasyon ki inondasyon i vin en problenm e dimoun i vwar zot pe naze dan bann sityasyon ki pa byen.  Alor si Gouvernman demen i deside poudir annou distrik akoz distrik ki annan kapasite i fini devlope zot annan zot dimoun ki kapab manage sa bann proze lo nivo distrik, ou pa pour zanmen ganny okenn obzeksyon sorti kot Minister Lanvironnman.  Mersi

 

MR SPEAKER

Savedir Minis ou pe dir ou pour met sa propozisyon devan Gouvernman?  Se sa?  Minis?

 

HON JEAN-FRANCOIS FERRARI

Zisteman Mr Speaker mon ti pe dir poudir Minis pa’n dir nou i pe anmenn sa devan.  Zour Gouvernman i reve.  Be alor let’s be proactive and let’s annou bouze.  E mon ti a kontan kekfwa Minis pour benefis ou Lasanble pran par egzanp distrik Mont Fleuri i annan de larivyer dir nou dan zot figures konbyen i pour koute pour disilte sa larivyer pour netway sa larivyer Mont Fleuri.

 

MR SPEAKER

Avan Minis i donn sif Minis, konmsi ou dakor ki ou pour anmenn sa propozisyon devan Gouvernman se sa?  Minis Dogley.

 

MINISTER DIDIER DOGLEY

Mr Speaker nou pa kapab donn sif, akoz nou ankor dan prosesis tender e si nou donn sif nou pe dir avek tou sa bann boug deor ki pe al tender konbyen basically pour koute.  Si i tender ti’n fini tou zafer, ti’n fini antre nou ti a kapab pour fer sa deal, dir ou konbyen i pour sa.  Me pour sa rezon mon ti a demann ou pour konpran nou pour dir pour le moman nou pa kapab donn ou bann figures, ki entern akoz I ankor annan sa prosesis ki ankor an mars.

 

MR SPEAKER

Alright PS ki ou pour Les Mamelles deal avek larivyer?  I mean Mont Fleuri pa Les Mamelles.  Eski i annan en sif?

 

PS WILLS AGRICOLE

Mr Chair Minis in fer resorti ki pour le moman i pa apropriye pour nou donn sif.

 

MR SPEAKER

Ok selman ou a kapab donn li evantyelman konman MNA pour Mont Fleuri.  Tre byen Onorab Afif.

 

HON AHMED AFIF

Mersi Mr Chair.  Mr Chair mon kestyon I vize lo paz 514 anba nonproduced assets lo sa latab 26.4 – ou’n donn leksplikasyon poudir sa larzan i al bann larzan ki zot gannyen konman Grant oubyen lezot led si ou kapab donn nou plis detay lo lekel ki resevwar sa bann larzan prezan ou’n ganny Grant prezan ou pe al depans 26.4.  Parske ou deza pe depans 2017 ou’n depans 26.8milyon e la ou pe al depans 26.5milyon lannen prosen.  Lekel sa bann lorganizasyon ki pe resevwar sa larzan pour fer bann proze lanvironnman?  Donn nou en pe zot detay e ki fason ki zot in ganny swazir si in fer par tender e ki natir zot travay ki annan pour fer?  Mersi.

 

MR SPEAKER

Minis.

 

MINISTER DIDIER DOGLEY

Mr Chair, nou annan nou mon pa tro asire lekel proze ki Finans in deside pour met lo dan sa sif la.  Annefe ler mon get kantite proze ki nou annan i bokou plis ki sa lannen prosen ki nou pour annefe sa ki’n bidzete anba zis GEF tousel i apepre dan $2milyon ki pour ganny enplimante lannen prosen.  Ladan i annan en premye proze ki anba Adaptation Fund ki apel Ecosystem Base Adaptation to Climate Change in Seychelles EBA li i en proze ki $5.9milyon e lannen prosen nou pour depans apepre R1.20milyon pour lannen prosen – in ganny bidzete pour depanse.  Dezyenm proze i promosyon dan Scaling in Climate Change and Resilient Resource Efficient Technologies in a Tropical Island context sorry i an Angle i en mouthful – ouswa si oule Renewable Energy Project li i $1.7milyon e lannen prosen nou pour depans $390mil.  3enm i en proze ki annan ki nou apel li PA Financing savedir – Protected Area Finance.  Son total i $2.776.900milyon e lannen prosen nou pour depans $580mil.  3enm I annan en proze ki apel Outer Island Project ki deal avek bann zafer biodiversite li son total I $1.785,500milyon e lannen prosen nou pour depans $264.890milan tou nou pour depanse lannen prosen.  Alor ler ou regard sa definitivman i par lao sa sif – sa 26milyon ki ou pe koz lo la selman mon pa asire egzakteman lekel dan sa bann proze, ki Finans in pran pour li met dan sa 26milyon.  Mersi Mr Chair.

 

MR SPEAKER

Onorab Afif.

 

HON AHMED AFIF

Mersi Mr Chair.  Mon ti a kontan demann ou an 2017 par egzanp, sa bann diferan proze ou’n nonm mon apepre 6 proze lanvironnman an 2017 mon prezimen menm proze i ongoing, lekel sa bann dimoun ki’n ganny sa bann Kontra?  Sa ki mon enterese avek lekel sa bann dimoun ki’n ganny sa bann kontra e si zot in tender.  Mersi.

 

MR SPEAKER

Minis.

 

MINISTER DIDIER DOGLEY

Mersi Mr Chair.  Mon napa bann detay lekel ki’n ganny sa bann travay anba sa bann proze.  Mon pa’n vin avek bann detay.  Selman mon kapab fer ou gannyen fasilman.  Tou sa bann proze i ganny enplimante ansanm avek UNDP.  So se zot ki Implementing Agency e nou, nou bezwen swiv prosedir UNDP savedir tou bann prosedir i over board i swiv bann tendering process.  Mon konnen ou ti enplike en lepok osi dan sa bann proze mon espekte ou konn ase byen ki mannyer i fonksyonnen.  E nou, nou bezwen swiv bann sistenm pour enternasyonal ki UNDP i set.  I pa nou ki set prosedir.  E tou bann tender be it consultancy bann louvraz ki annan pour fer i bezwen ganny advertise i bezwen ganny pibliye dan NASYON, dan bann zournal partou e bann dimoun ki apply zot bezwen annan sa kalifikasyon, sa abilite, ouswa leksperyans pour zot montre ki zot kapab fer sa louvraz.  Annefe enn parmi bann pli gro problenm ki nou gannyen se ki i difisil pour ganny dimoun isi Sesel ase dimoun, isi Sesel pour fer sa bann louvraz.  E enn parmi nou bann pli gro konsern se, se nou abilite vreman pour absorb sa bann larzan isi Sesel, akoz kapasite enplimantasyon pour ganny dimoun kalifye, i en gro limitasyon pour nou.  Mersi Mr Chair.

 

MR SPEAKER

Savedir apre Break sa lenformasyon ki Onorab Afif in ganny promet – se sa?  Ok Mersi Minis Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Chair bonzour Minis avek ou delegasyon tou Manm Onorab e tou piblik ki a lekout.  Mr Chair mon le Minis i konfirmen sa Bidze apepre 87milyon ki pe donn Minister Lanvironnman san kont ou bann Grant ensidswit ou reveni apre sa ki ou anmase larzan I pour plis oubyen mwens ki sa ler ou met tou ansanm kot ou pe anmase?  Lot pwen se ‘ledikasyon avek awareness’ pour nou lanvironnman mon pa tro konpran sa bann sif ki pa’n ganny mete la mon pa vwar okenn bann sif zis enn de poursantaz zis ou pour ogmante, me selman ki mannyer sa vizibilite i pour ete sirtou kot I konsern lo medya.  Nou ti ava anvi toulezour nou vwar en keksoz ki lanvironnman pe promote.  Me nou pa pe vwar ki mannyer avek ou Bidze ou pour ogmant vreman dan real term sa bann keksoz.  Leachate Plant la lo Providence fek ouver pa tro lontan pase, me zanmen in marse, menm apre ki ou’n ouver ki kote dan Bidze ki i annan en larzan pour refer li marse.  E akoz ou ouver en keksoz ki pa marse?  Kote ou pour al met nouvo dumpsite, akoz sa enn la ipe plen lot zour nou ti pe diskite dan ankor 1an 2an sa pti bout ankor ki ou pe azoute i fini ki vizyon eski ou pe vwar kote dan nou Lasanble en pti lide lo nouvo dumpsite kot pour ete.  E an menm tan lo lagon Cascade lo lagon Cascade sirtou Talbot pe ogmante rapidman e sak fwa gran mare ouswa Mare Lekinoks si ou byen avek gro lapli i tonbe, nek i monte lo semen.  E dan ou disilting program akoz sa pa ladan ki diskisyon ki vizyon ou pour mete kote ou pour met li lo plitar.  E an menm tan tou sa bann proze Lanvironnman ki al dan bann distrik la akoz ki Minister Lanvironnman pa diskit avek bann kominote avek distrik pour vwar – enn, pour nou kapab annan nou input ladan pour fer li pli byen fer?  E an menm tan pour nou konnen larzan ki ou pe met ladan si i ok, osi ganny en lide pour nou kapab ede dan oversight e dan promosyon e dan realizasyon sa bann progranm.  Petet i annan de bout kot manrmay lekol nou kapab donn ou lide manrmay lekol i kapab vini pour partisipe, e i ava redwir serten cost so mon le gete ladan konbyen ou pour soz.  Dernyerman ler Bidze LWMA pa ankor vin devan nou me selman deza mon ti’n vwar poudir zot pa pe tender pour contractal waste, eski sa lefe ki pa pe tender i pour tonm avek Minister Lanvironnman kote ladan ou’n met larzan pour manage li.  Mon konnen zot peye ler bann laboutik lot, lot, lotel ensidswit, me pour ou manage li kote ou’n mete ladan si i pa pe tender.  Mersi.

 

MR SPEAKER

I annan serten kestyon ki petet I tonm anba Landscape Waste Management Agency, me sa Minis i a vwar.  Me mon demann en leskiz Onorab Herminie ou ti’n lev ou lanmen ou ti anvi fer en follow-up question from enn ki’n demande avan.  Go ahead.

 

HON WILBERT HERMINIE

Mersi Mr Chair mon ti krwar ou’n bliy mon.  Wi mon ti annan zis en follow-up lo sa kestyon sa 13.5milyon la ler Minis pe koz lo sa bann proze i pe dir nou i pe fer disilting mechanical disilting ouswa zis netwayaz pour anmas salte dan lanmar, ouswa i enkli tou lede?  Epi si i kapab donn nou en lesplikasyon konbyen lots i annan si i pa kapab dir nou konbyen pri?  Mersi.

 

MR SPEAKER

Minister.

 

MINISTER DIDIER DOGLEY

Mersi Mr Chair.  Mr Chair konsernan ledikasyon I vre napa ogmantasyon mon krwar I enn bann landrwa toultan nou bezwen al tap laport ETF pour nou ganny en pe larzan.  E menm anba Bidze i annan bann serten bout par egzanp pour vwar ‘consultancy’ partly sa bann larzan pour ganny servi pour pey dimoun pour prodwir bann progranm pour nou met anler lo televizyon ouswa bann brosir; bann diferan kalite meteolozi si oule pour kapab promot serten keksoz ki nou pe fer either Sustainable Development ouswa direkteman i annan pour fer avek lanvironnman.  Akoz tou sa bann travay i bezwen ganny outsource.  I pa bann travay ki soz kot nou, nou kordinen me bokou sa bann prodiksyon i pa fer par Minister. E i vre mon dakor nou pour napa pour nou i minimum nou bezwen al tap laport par egzanp kot ETF eksetera pour nou al rod larzan pour nou fer sa bann travay san nou Bidze i napa ase vreman pour fer tou sa bann travay.  Dezyenm keksoz konsernan lagon ankor parey mon pe dir nou, nou konbyen nou annan la pour fer disilting i annan 1.5milyon ki PS Agricole in deza abord sa e ler nou pe koz disilting definitivman disilting i annan pour fer avek JCB ki antre i al dan bann lanmar, i ale i tir bann labou.  Ler nou pe koz disilting i en gro louvraz i pa bann pti louvraz bann i louvraz nou pe koze plizoumwen pour debous lanbousir kot trwa dimoun i vini ouswa JCB i vini dan 1erdtan 2erdtan sa louvraz in fini ganny fer.  Me ler nou pe koz disilting i en louvraz ki ale pandan de semenn e se semenn par-ler ki bann gran bout ki bezwen ganny gravye, salte tou keksoz ki’n akimile dan sa bann landrwa.  E pour le moman pour sa lannen parey mon pe dir nou napa finansman pour fer tou bann lanbousir avek bann lanmar pour fer disilting.  District consultation, sa i en keksoz ki pour nou i tre enportan Mr Chair.  Nou fer.  Nou travay tre pros avek bann DA dan distrik, e menm avan ler ki i annan okenn bann dimoun i ganny peye pour louvraz ki’n ganny fer dan distrik nou toultan demann DA pour verifye e i bezwen siny sa dokiman poudir i dakor poudir louvraz i ganny fer dapre ki i devret ganny fer, se la apre ki nou nou prepar bann dokiman pour sa dimoun ganny peye.  Alor si i annan ankor plis travay ki zot le bann konsiltasyon ki anvi fer nou, nou ouver pour sa bann konsiltasyon ant nou avek distrik.  Lot keksoz konsernan leachate avek bann Kontra pour kolekte waste dan bann landrwa prive – mon krwar sa nou ava pran li anba LWMA ler LWMA i vini.  Mersi Mr Chair

 

MR SPEAKER

Onorab De Commarmond

 

HON CHARLES DE COMMARMOND

Wi Mr Speaker Minis sa ki’n reponn la ou pe koz lo proze distrik, ki ou konsilte avek DA mwan mon pe koz ou ler ou bann lezot proze Minister Lanvironnman ki ou fer dan distrik ki ou pa konsilte sa ki mon pe demann ou pour konsilte.  Par egzanp ou pe koz disilting, si ou ti diskit avek distrik nou ti annan en serten relasyon pli byen ki sa ki annan la, petet distrik ti kapab donn ou lide ki mannyer ou pour fer disilting dan sa bann landrwa, kot ou pour depans mwens or ou pa pour depans ditou, or i annan bann lezot landrwa ki ou kapab tape.  E an menm tan ou bann proze ki ou fer ou, ki zis nou vwar ou pe fer, ki nou’n napa diskisyon.  Sa ki mon pe koze.

 

MR SPEAKER

Ok.  Minis.

 

HON CHARLES DE COMMARMOND

Leachate Plant ou pa’n koz lo la.

 

MINISTER DIDIER DOGLEY

Well leachate mon dir nou pour pran li ansanm avek ou permisyon avek LWMA.  Konsernan bann proze, mon ava re ankor ranforsi akoz mon krwar I devret annan bann konsiltasyon ant nou bann dimoun avek bann dimoun dan distrik.  Alor nou ava fer sir ki sa I ava re anforsi ankor nou a fer li vin en prosedir, akoz pour mon personnelman lanvironnman tou bann aktivite ki annan pour fer, i annan pour fer avek dimoun dan distrik e alor nou devret pe koz avek dimoun dan distrik.

 

MR SPEAKER

Be la tou bann DA pe tande zot a konnen ki zot annan en commitment sorti kot Minis pour zot ganny konsilte.  Wi PS Agricole.

 

PS WILLS AGRICOLE

Mersi Mr Chair, zis pour reponn en pti kestyon Onorab Herminie mon krwar i pe koz lo distrik English River, wi lakantite site ki ganny netwaye ozordi savedir mon pe koz larivyer avek lanmar dan distrik English River i 5 site.  E lannen prosen nou pe ogmant li pour fer li vin 11 se a dir i pour annan en ogmantasyon 6.  E son surface area total i pour 2,490 square meter.  Mersi Mr Chair

 

MR SPEAKER

Onorab Ramkalawan

 

HON WAVEL RAMKALAWAN

Mersi bokou Mr Chairman.  Mr Chairman premyerman mon anvi demande konsernan Scheme of Service pour bann travayer Konservasyon, si dan sa Bidze zot pe pran sa an konsiderasyon parske zot ti’n ganny promet pour ganny peye an Mars apre sa in anvoy pour Avril apre ti anvoy pour Out, e la nou ariv Desanm e zot pa ankor ganny nanryen e lefe ki i ti annan en commitment, eski zot pe osi fer provizyon dan sa Bidze pour en back pay?  Dezyenmman eski dan sa Bidze e la ou ava eksplik nou kote i ete eski zot annan okenn larzan ki’n ganny met de kote pour teste standar oubyen kalite effluent ki pe ganny large dan lanmer?  Ok parske sa I enn bann lobligasyon anba Environment Act e konmsi vi ki e vi ki kot landfill i ete nou i lanmenm la obor delo sale, i annan Desalination Plant, i annan Sewage Treatment Plant, pour nou kapab annan en tes pour nou konnen ki standar e si sa standar i akseptab an relasyon avek polisyon.  E finalman Mr Speaker letan Minis in koz lo sa 26milyon i pa’n nonm nou non okenn sa bann Lazans spesifik ki pe fer konmsi ki pour resevwar larzan mon ti ava kontan konmsi pa zis dir nou sa proze, me dir nou lekel spesifikman ki pour ganny sa bann diferan lakonpannyen; sirtou la konmela sirtou la konmela parske in dir nou si pour kontinyen.  Donn nou detay silvouple.  Mersi.

 

MR SPEAKER

Minis.

 

MINISTER DIDIER DOGLEY

Mon a konmans avek bann proze akoz i la devan mwan.  Ler nou pe koz ecosystem-based adaptation la pli par bann lorganizasyon ki enplike – i annan direkteman pour fer avek well i plizoumwen bann proze ki annan pour fer i en proze ki pe ganny enplimante par Project Coordination Unit kot Lanvironnman.  E laplipar bann louvraz ki annan pour fer i ganny i ganny tender e i ganny enplimante par bann Kontrakter dimoun ki apply ki pas atraver tender process e zot ale zot fer bann aktivite.  I bann endividi – i bann endividi ki bezwen apply si oule mon selman mon napa lalis la devan mwan mon kapab donn ou lalis bann dimoun ki mon konnen mon konnen serten endividi ki’n tender, ki’n apply.  E laplipar sa bann dimoun i bann dimoun ki annan leksperyans dan lanvironnman i annan ki ti deza travay avek Minister Lanvironnman, ki aprezan i freelance zot in apply prezan pour fer sa bann louvraz.  E i annan ki ganny tender-out.  Mon konnen ki Anse Royal zot in fer serten louvraz dan bann lanmar par egzanp sa osi ti ganny tender.  Me selman mon napa sa detay la avek mwan, mon kapab fer ou ganny tou sa banns a bann Kontrakter ki’n apply pour ganny louvraz eksetera.  Dezyenmman konsernan resource efficiency; sa i en travay ki annan pour fer ansanm avek Energy Commission dan Minister ki travay anba lanvironnman lazans soz epi i annan travay ki pe fer ansanm avek PUC.  E i osi annan bann travay ki ganny ankor tender-out avek bann dimoun prive e zot ankor zot apply e si zot ganny kontra zot fer sa bann travay.  Mon konnen S4S par egzanp i enn bann lorganizasyon ki’n fer en bon pe travay pour sa enn proze.  PA Financing sa i annan en Konsiltan ki sorti deor ki full time pe travay avek sa proze.  Ankor i annan bann travay ki’n ganny ki’n ganny tender.  Par egzanp mon konnen i annan en Kontrakter la konmela ki pe travay dan bann nouvo lafis bann Information Board ki pour ganny mete dan bann dan bann diferan landrwa lo trail. I annan bann Kontrakter ki pour travay ki pour aranz bann trail epi i annan bann travay osi ki pour ganny fer lo Curieuse ek lezot National Park.  Mon napa bann non mon a fer ou ganny lalis tou bann non i pa en problenm pour nou sa – ok?  Dezyenm keksoz i konsernan Konservasyon sa mon a les PS donn bann detay konsernan bann Rangers, akoz ki’n pran en pe letan pour zot ganny sa larzan ki nou ti pe sey fer en mannyer pour fer zot gannyen e konbyen larzan ki annan la dan Bidze pour lannen prosen, pour fer sir poudir ki zot Scheme of Service i ganny i ganny met an plas konmansman depi le 01 Zanvye.  Pour teste bann delo i annan bann travay ki deza pe ganny fer par bann Minister Lanvironnman, me la pli par bann tes ozordi pour pa duplicate bann travay se bann Sanniter kot Lasante ki pe fer en bon pe sa travay akoz nou napa ase staff pour fer sa.  Avan nou ki ti fer nou pe travay la konmela pour al met an plas en lab – en pti lab ki dan en fason nou kapab fer en pti spot check dan bann landrwa ki nou krwar i neseser pour fer.  Sa bann tes pour fer sir poudir bann minimum standar i ganny meet.  Now konsernan bann landrwa kot nou konnen i annan polisyon, nou konman Minister Lanvironnman nou travay dwat an kolaborasyon avek sa bann lorganizasyon; par egzanp IOT nou pe travay tre pros avek zot pour fer sir zot redwir zot polisyon, zot pe envestir en kantite larzan e pli tar an Avril lannen prosen, i pour annan en sistenm ki pour fini met an plas ki zot in donn nou lenformasyon.  Annefe nou pe eksplik zot pour fer sir nou ganny bann detay pour fer sir sa delo ki zot release into the environment, i meet bann minimum standar ki nou, nou pe demande e ki polisyon dan Labe Por i minimize.  Akoz parey ou deza okouran i annan bann gro devlopman ki pe ganny fer ki pe ganny planifye pour fer dan por kot Children’s Playground kot i pour vin en waterfront nou pa le ler i vin en Waterfront apre landrwa i polye i pi alor nou pe fer sir ki bann by April lannen prosenn sa bann zafer i annord.  Konsernan landfill nou’n fer plizyer tes kot landfill annefe nou’n fer enn ankor sa lannen avek bann etidyan ki sorti Liniversite Zurich, pour regarde si vreman sa landrwa i polye.  E ziska prezan nou napa okenn lenformasyon ki montre poudir i annan en gran polisyon ki sorti kot landfill.  E parey tou dimoun I konnen sa landfill ki nou pe operate la konmela i en sanitary landfill ki vedir dan son fon i annan en lining ki pa les bann delo sal sorti pour al dan lanvironnman.  Alor ou napa bann delo sal ki pe sorti dan landfill li menm pour al dan lanvironnman.  Mon a les PS donn bann detay lo bann Rangers Konservasyon.

 

MR SPEAKER

PS

 

PS ALAIN DECOMARMOND

Mersi Chair bonzour Onorab.  Konsernan Scheme of Service pour staff Konservasyon vi ki scheme ti ganny aprouve towards lanmwatye lannen, nou ti fer en request pour Scheme ganny konsidere parey nou dir ganny financing depi sa lannen anba Supplementary Budget anba Mid-Year Review me selman malerezman ler Mid- Year in ganny review, nou pa’n ganny larzan pour konmans enplimant li depi sa lannen.  Nou’n ganny larzan pour enplimant li depi Zanvye 2018.  Donk i ti nou swe pour nou kapab konmanse anba sa lannen, me selman i pa’n ganny aprouve anba Supplementary Budget.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Yes Mr Chairman.  Alors lefe ki sa commitment ti la eski bann travayer pour ganny en back pay?  Parske zot ti sipoze ganny sad epi depi Avril.  E mon 2enm supplementary Mr Chair se Mr Chairman olye pour zot al set up en lab pour zot menm ki vedir plis larzan ankor dan Bidze lefe ki SAA i deza annan en lab, eski i pa ti ava kapab annan en kolaborasyon – parske enn bann keksoz ki pe dekouver pandan enn sa deba lo Bidze se sa duplication ki arive – so that konmsi zot ava kapab fer sa konmsi pour le moman zot a satisfe avek sa level sa kalite delo ki pe sorti e zot asire ki poudir i pa pour vin en problenm polisyon?  Mersi.

 

MR SPEAKER

I pa zis SAA i annan osi National Bureau of Standards.  PS.

 

PS ALAIN DECOMMARMOND

Mersi Mr Chair Onorab ler nou’n get kalkilasyon pour lannen prosenn, sa ki nou’n ganny donnen i pour le moman I pour enposib pour fer okenn back pay, me selman parey ou konnen parfwa nou annan serten savings ki nou’n fer along the way, sa i sel opsyon nou konsidere lannen prosenn nou vwar si nou fer serten savings somewhere else pour nou apre consider back pay.  Me selman nou’n deza fer en analiz la sa ki nou annan la i pour i enposib pour nou fer okenn back pay all the way pour sa lannen malerezman.  Si si si provizyon i kapab ganny fer pour sa i pour fantastik nou pour tre, tre kontan akoz nou konnen nou bann staff pe esper sa avek lenpasyans.  An relasyon avek en laboratwar ou korek lo la sa ki Minis in mansyonnen i pa pour en envestisman mazer nou ti deza annan en pti laboratwar ki la avan me i pour zis ekip li avek en pti pe lekipman de baz.  Be selman bann tes avanse parey ou pe dir ki pour confirm in line avek lalwa ensidswit sa nou pour toultan fer li atraver bann laboratwar pli akredite par egzanp SBS even PUC dan lepase in ed nou laboratwar Minister Lasante.  Donk within Gouvernman toultan, nou pour regarde ki mannyer pare you pe dir pour pa duplicate resours me selman nou’n toultan anvi nou osi annan en serten kapasite de baz an term bann senp pti legzersis pour pran serten sampling ensidswit, pour kapab analiz serten keksoz.  Mersi Onorab

 

MR SPEAKER

Onorab Ramkalawan

 

HON WAVEL RAMKALAWAN

Me selman mon zis anvi met lo rikord ki sa bann travayer lefe ki depi Avril zot ti’n ganny zot ti’n ganny dir, zot pour gannyen sa anba zot new Scheme of Service ki poudir keksoz ki poudir zot annan en dwa la parske zot in fini ganny soz ki sa back pay i devret arive.   Mon pa konnen si Minis si Minister Finans i a kapab azout en keksoz, parske nou pa anvi tir en keksoz avek en dwa bann travayer.  Mersi bokou.

 

MR SPEAKER

Petet Minis ou a diskit lo sa size petet si en commitment ti ganny fer avek Minister Finans.  Dernyen kestyon Onorab Gill apre nou pran en vot.

 

HON SIMON GILL

Dan menm laliny akoz si i annan en commitment official ki’n ganny fer avek bann travayer, mon krwar i enportan ki Gouvernman i onor sa commitment e nou close sa sapit avan le 31 Desanm 2017 silvouple.  Mersi bokou.

 

MR SPEAKER

Ok Minis in note PS Finans osi in note.  Onorab De Commarmond ou ti annan en dernyen pti kestyon?

 

HON CHARLES DE COMMARMOND

Wi lo sa ki zis lo sa ki Onorab Lopozisyon in demande Minis ou reponn ki sa lining i anmas tou sa bann, be ki mannyer ki relasyon I annan avek sa ki ou pe dir avek sa Leachate Plant?  Akoz si pa pe marse enn sa polisyon around i pour ogmante epi nou pour ganny loder parey yer dimoun Cascade in gannyen.

 

MR SPEAKER

Me eski nou kapab pran sa Minis ler nou parske ler nou tournen nou pour pran Landscape Waste Management Agency petet zot a pli spesyalize pour reponn sa?  Onorab De Commarmond i a ok avek sa?  Minis

 

MINISTER DIDIER DOGLEY

Mr Chair, mon ti a pli vomye diskit Landfill, Leachate tou sa bann zafer ki annan pour fer avek salte anba LWMA ki sipoze fer li diskisyon apre refer en lot diskisyon.

 

MR SPEAKER

Ok.  Nou a pran en vot lo paz 511 to be appropriated for the Ministry of Environment Energy and Climate Change 87.081million.  Tou bann ki pour lev zot lanmen?

 

MADANM CLERK

Mersi Mr Chair.  26 Manm an faver.  Mersi.

 

MR SPEAKER

Savedir Lasanble Nasyonal in aprouv Bidze pour Minister Lenerzi Sanzman Klima avek Lanvironnman.  Avek sa nou pour pran en Break e pour nou tournen 11er pour nou pran Seychelles I Commission ki tonm anba Minis Dogley byensir paz 524 ziska 529 e nou a osi pran Landscape Waste Management Agency ki deza annan kestyon lo la 530 to pages 536.  Nou a Break nou a retournen 11er.

 

 

(BREAK)

 

 

SEYCHELLES ENERGY COMMISSION

 

MR SPEAKER

Bon nou a repran nou travay e parey mon ti dir nou pour pran Seychelles Energy Commission.  Petet nou a konmans avek sa enn apre nou a pran Landscape and Waste Management Agency.  Eski nou pran tou lede ansanm PS Payet oubyen nou pran enn nou a vote apre nou a pran lot nou a vote?  Mon krwar Mr Imaduwa i la me mon pa vwar Mr Vielle – nou a pran Seychelles Energy Commission avan?

 

PS PATRICK PAYET

Wi Mr Chair mon krwar li akoz i annan en pti Bidze pli spesifik nou kapab pran li apre nou a pran Landscape and Waste Management.

 

MR SPEAKER

Ok.  Wi Onorab Ramkalawan?

 

HON WAVEL RAMKALAWAN

Mr Chairman mersi bokou.  In fact lo nou kote nou’n diskite mon osi konsilte avek Onorab De Commarmond.  Nou pe dir ki Energy Commission i … son Bidze i ptipti, nou konn son rol nou napa gran issues avek Energy Commission.  Me par kont LMWA ki konmsi i annan plis kestyon ki involve dan nou distrik.  So mon ti ava propoze ki nou pran en vot lo Energy Commission and then nou pran sa erdtan sa erdtan – 1erdtan edmi pour nou al lo …

 

MR SPEAKER

Eski i annan okenn lobzeksyon?  Wi Onorab De Commarmond.

 

HON CHARLES DE COMMARMOND

Mr Speaker nou’n tonm dakor avek sa nou kapab tonm byen for avek sa seksyon la.

 

MR SPEAKER

Bon Energy Commission i 5 to 4, e Bidze ki’n ganny propoze ti be appropriated pour zot i 6.078million.  Tou bann ki pour lev zot lanmen?  Ok.

 

MADAM CLERK

Mr Chair 21 Manm an faver.  Mersi.

 

MR SPEAKER

Savedir Lasanble i aprouv Bidze Seychelles Energy Commission Mr Imaduwa avek Ms Auguste that was a very short stay in the Assembly!  Pas en bon lazournen.  Wi Mr Imaduwa?

 

MR TONY IMADUWA

At least mon ti le dir bonzour Chair, (laughter) avek tou bann MNA Onorab ki la prezan si mon ti met en larzan ozordi mon ti pou’n ris.  Mon ti pe fek dir avek CEO LWMA ki mon pour al kas rikord ozordi pour pli vit entity pour sorti la dan Lasanble.  Malerezman mon pa’n ganny son larzan.  Mersi.

 

MR SPEAKER

Mersi.  I en zoli zour.  Mersi pour ou bon swe.  Lenerzi tre enportan pour nou dan pei, e mon sir ki mon vwar ou lo televizyon resaman pe esplike mon sir ki ou a travay pour pei.  Mersi e pas en bon fen lazournen Mr Imaduwa avek ou Human Resource Manager and Budget Management Officer.  Nou a eskiz ou.

 

MR TONY MADUWA

Mersi Chair.

 

MR SPEAKER

E mon aprann ou pe osi asiste nou pour met solar panel partou lo nou lo nou building mersi, ankor.  Mersi Mr Agricole.

 

(MR IMADUWA AND HIS DELEGATION WAS EXCUSED FROM THE HOUSE)

 

LANDSCAPE AND WASTE MANAGEMENT AGENCY

 

MR SPEAKER

Avek sa eski nou kapab kriy Mr Vielle Mr William avek Mr Payet pour Landscape and Waste Management Agency lo paz 530.  I annan sez pour zot tou le 3 zot kapab asize bon nou a swet byenveni CEO Vielle avek ou de koleg e nou ava al toudswit lo nou bann kestyon pour Landscape and Waste Management Agency.  Tou bann ki le koze lev zot lanmen e Clerk avek Deputy Clerk i a pran not.  Clerk.

 

MADAM CLERK

Mersi Mr Chair.  Mon annan LGB Onorab Charles De Commarmond, Onorab Sebastien Pillay, Onorab Paul Ernesta, Onorab Simon Gill, Onorab Ghislain, Onorab Churchill Gill, Onorab Sylvanne Lemiel, Onorab Noline Sophola, Onorab Egbert Aglae e Onorab Waven William,  Onorab Jude Valmont e Onorab Wilbert …

 

MR SPEAKER

Onorab Wilbert the son of William.  Yes Deputy.

 

MADAM DEPUTY CLERK

Mersi Mr Chair.  Lo kote LDS i annan Onorab Afif, Onorab Prea, Onorab Georges, Onorab Henrie, Onorab Ferrari, Onorab Hoareau, Onorab Andre, Onorab Woodcock, Onorab Mondon avek Onorab Pillay, Onorab Ramkalawan osi.

 

MR SPEAKER

Bon, parey zot in vwar i annan bokou dimoun ki le koze nou annan 1erdtan pour nou konplet sa 2 Agency.  Nou annan en gran Minister apre midi annou sey gard nou kestyon osi tan posib brief direct. E mon a demann dimoun devan ki pe reponn osi Mr Vielle Minis avek ou lekip silvouple be brief direct – to the point.  Nou a konmans avek Onorab Stephen Pillay.

 

HON STEPHEN PILLAY

Mersi Mr Chair.  Bonzour a tous ankor.  Mon kestyon i baze lo pas 534 progranm 2 ‘’maintenance and repairs’’ – premye se en leklersisman lo sa Bidze 59milyon pou roads e ki lyezon i annan akoz sa i pa louvraz SLTA akoz i annan sa diplikasyon; 2enm Rivers, Channels and Marches, 3.737 ki nou fek koz lo la ek Minis Lanvironnman si i pa en duplication e 3enm i lo collection of garbage ki annan en Bidze 58.69milyon me ki tender in deza fini ganny fer pou 33.411,725milyon pour regional garbage collection – en saving 25.278 mon  kit devan zot pou gete si zot kapab koupe oubyen freeze.  Mersi Mr Speaker.

 

MR SPEAKER

Mon pa konnen lekel ki pou koupe si Minis si CEO petet oule reponn?

 

CEO MR MICHEL VIELLE

Bonzour Mr Chair.  Bonzour tou dimoun.  Onorab sa kestyon roads ki appear anba sa progranm fason ki in ganny labelled as an item; Roads implied la, se cleaning setadir netway semen; netway bann bin sites avek bann bus shelters.  I napa nanryen pou fer avek mentenans semen nou pe koz cleaning contracts dan bann distrik.  E sa figure ki la i reflekte zisteman sa bann Kontra ki nou anvizaze evantyelman issue boner 2018.  Mon krwar i kler lo sa enn.  Ou’n koz Rivers and Marches; sa ki Minis ti reponn pli boner ti konsern en seksyon dan parent ministry anba Climate Change ki fer desilting oubyen mentenans larivyer ek lanmar dan bann distrik.  LWMA son manda in ganny donnen en manda pou fer netwayaz larivyer dan lavil e sa i pa neseserman nouvo e in fact mon bezwen dir ou ki nou’n pran responsabilite adisyonnel pou 2018 senpleman a par lefet ki oparavan LWMA ti pe netway ti pe fer desilting dan sa ki nou apel bann river outlets – bann river mouth e ti annan sa lot seksyon dan Lanvironnman sa seksyon ki apel GABS zot ti pe fer netwayaz bann larivyer en pe pli o; setadir kot larivyer i komanse en ple pli o.  Me difikilte ki nou ti vwar – setadir  ki ler nou, nou pe netway the river mouth kot larivyer i zwenn ek lanmer on a daily basis pou fer  de-littering GABS pa ti kapab  neseserman pe fer li  toulezour e toulezour ti annan salte ki sorti dan larivyer, dan leo ki desann ki end up dan leba.  E pou kapab met en lord dan tousala, nou’n aksepte pou takeover sa responsabilite e senpleman dan lavil – en nou pa fer li dan distrik pou nou fer de-littering bann larivyer dan lavil; setadir bann responsab pirman anba nou Lazans.  Ok?

Apre ou’n koz collection of garbage – Onorab sa figure ki ou quote i collection of municipal waste – en.  I annan sa lot konponan – commercial waste ki nou pa ankor tender.  Municipal waste wi i annan en legzersis tender ki’n ganny fer – anfet mon pa pou le moman kapab pronons mon lekor tro bokou lo la, akoz Lalwa i dir mwan pa dir ou nanryen pou le moman, akoz nou dan en sistenm ‘still period’ anba Procurement Act – i annan en provizyon ki dir mwan pa koz lo la ziska ler sa 10 zour ‘standstill period’ i fini la nou a kapab pronons nou lekor lo la.  Akoz senpleman si i annan appeal and son on pou nou pa jeopardize bann sans bann dimoun ki’n tender ki ti ava anvi appeal akoz nou –pa piblikman e a savoir ki mwan mon napa menm immunity la pangar mon a dir keksoz apre ki i pou refoul lo nou Lazans.  Mersi.

 

MR SPEAKER

Onorab Pillay.

 

HON STEPHEN PILLAY

Mersi Mr Chair.  Wi mon konpran akoz mon osi mon annan papye devan mwan i donn 10 zour pou le 30 Novanm ki i expire me mwan mon pe dir ou la ou’n fini konnen ki poudir i annan apepre zis 33 milyon ki ou pou depanse – ou’n demann 58milyon nou annan en savings 25 milyon i garanti pres 99.9poursan sa akoz menm si pou annan dimoun pou demann appeal i pa pou sote sa bann sif 5milyon – 5milyon – 6 milyon.  I pa pe arive. Enn de pou ariv 10milyon – 25milyon.  Se sa 25milyon ki mon pe demande kekfwa PS or Minis i a kapab dir nou i pe al dan en savings ki Bidze 25milyn approximately nou pou kapab save dan sa ….Lo kote commercial garbage mwan mon ti krwar poudir ler ou fer commercial garbage sa komersan – sa commercial enterprise li ki pey ou pou kolekte son ‘garbage’ pa nou ki peye pou al tir ‘garbage’ kot en laboutik.; en marsan i devret pey ou.  Mon krwar en receipt ki ou anmanse.  Mersi Mr Speaker

 

MR SPEAKER

CEO.

 

CEO MR MICHEL VIELLE

Mr Chair i mon ava eklersi en pe plis.  Sa Bidze total pou waste collection i enkli parey mon‘n dir municipal waste Mahe, Praslin avek La Digue.  Fodre pa nou bliye ki pou le moman Gouvernman in antreprann tender municipal waste collection senpleman pour Mahe.  Nou bezwen kler pou sa.  Pour Praslin ek La Digue nou pa ankor.  Me nou annan lentansyon fer li an 2018.  Now parey mon’n dir ou i annan en konponan ladan ki al pou commercial waste contract.  I byen sa ki ou’n dir poudir lenpresyon se ki bann biznes ki devre pe peye.  In fact zot peye.  In fact the commercial waste contacts, i en laranzman ki Gouvernman i anmas larzan atraver bann antite ki peye bann biznes me solman nou, nou bezwen pey dimoun pou al tire.  Savedir sa larzan i antre dan Consolidated Fund Central Revenue Gouvernman.  Gouvernman pa pe zis depanse lo la li.  Gouvernman pe anmas larzan.  Nou anmas nou apepre R12 – 13 milyon.

 

(Mic Off)

 

CEO MR MICHEL VEILLE

Sorry?  

 

(Mic Off)

 

CEO MR MICHEL VIELLE

Non sa nou avan eksplike.  Pou lemoman nou figure i apepre R12 – R12. –Ok?  En target ki nou pe antisipe se 17milyon – 16milyon ekek.  Sa nou pe antisipe akoz pou le moman nou realize an mezir  i annan devlopman dan pei ou pou annan ou bann building – ou pou annan ou plis bann Kontra kot pou neseser pou dimoun peye pou tir zot salte.  Ok?  So

 

MR SPEAKER

Onorab Pillay in reponn ou kestyon?  Pa pe peye bann commercial enterprises ki pe peye.

 

HON STEPHEN PILLAY

Mersi Mr Chair.  I ok lezot i a pran – take up si i annan okenn pou sa 25 milyon.  Mersi Mr Chair.

 

MR SPEAKER

Ok.  Onorab Ghislain ou ti le en related question.

 

HON CHANTAL GHISLAIN

Yes Mr Chair.  Mr Chair ler mon pe ekout CEO i pe dir nou poudir pou anmas municipal waste, la in ariv 1.7milyon zis municipal waste.  Me pour Mahe selman.  STAR letan i ti pe fer, i ti 1.5 – e i ti pe anmas commercial waste ansanm avek municipal waste.  Eski i vedir ki sa i pou bezwen monte?

 

MR SPEAKER

CEO.  Oubyen ou financial controller Mr William.

 

 CEO MR MICHEL VIELLE

Sorry ou pe koz sa 1.5milyon par mwan ou?  Per month se sa ki ou pe dir?  Wi alright.  Mr Chairman larealite i koumsa.  The total ki nou pou depans pou municipal collection pour Mahe i tonm R34.2 milyon.  E sa i pa enkli commercial.  Now laranzman ‘commercial dan existing contract ti en laranzman ki ti ganny fer detrwa lannen pase avek STAR Seychelles kot ti sipoze li i ganny peye – Gouvernman pa pey li direkteman – li i ganny peye atraver koleksyon ki pas lo way beach atraver serten tonaz ki li i anmas salte bann biznes – bann dimoun ki pe al deposit – pe al zet salte i pas lo way beach li i benefisye lo tonaz.  Savedir ti napa vreman en kou direk lo Gouvernman pou sa.  Me avek lekzit STAR tre byento sa fakter i sanze – sa formil i sanze.  E natirelman nou bezwen bidzet pou lefe ki nou osi nou bezwen prezan al fer koleksyon commercial waste; akoz se sa ki pou arive – dimoun, bann biznes pou nek pran zot salte depoz partou o-bor bann bin e zot pou napa en Kontra.  Mon pa konnen si mon’n kapab eklersi ou.

 

MR SPEAKER

Onorab Ghislain.

 

HON CHANTAL GHISLAIN

Mr Chair, eski CEO i kapab dir nou konbyen STAR ti pe … ti kout Gouvernman Sesel pou fer koleksyon commercial waste ansanm avek municipal waste antye e konbyen la letan Kontra in ouver.  Zis municipal waste i ete, silvouple?  E apre konbyen bin ki STAR ti kouver sa letan pou li anmanse?  E konbyen la letan tender in ouver Mahe, konbyen bin zot pe kouver?

 

MR SPEAKER

CEO.  Sif.

 

CEO MR MICHEL VIELLE

Yes.  Mon pou donn lesplikasyon ….

 

 MR SPEAKER

Pa lesplikasyon.  Sif.

 

CEO MR MICHEL VIELLE

Mr Chair mon kapab donn li.  Onorab a ler aktyel nou pe pey STAR R4.1 milyon a month.  Wi a month.  Ok?  Sa prezan i ganny divize comme suivantes.  R2.3milyon pou Solid Waste Collection; R1.5milyon pou Landfill Management; parski STAR pa bliye i osi manage landfill e i annan R275 mil ki nou pe pey li tou le mwan pou li fer netwayaz dan Victoria.  Pou netway semen.  Ok?  Total 4.1milyon ki fer ekivalan 49milyon – 49.4milyon par lannen.  Ok?

 

MR SPEAKER

Ok.

 

CEO MR MICHEL VIELLE

Lakantite bin sites mon pa neseserman annan sa total dan mon – avek mwan la me solman sertennman avek nouvo laranzman i annan bann nouvo bin sites.  Deza men ki nou pe ganny difikilte pou nou kapab donn STAR pou li fer; parski ou konnen i annan en Kontra ki ou ‘n sinyen avek li e o fir e an mezir ki bann Housing Estate ki’n devlope nou’n azout bin site.  E san ki nou’n neseserman factor sa in dan bann kou.  Me solman pou 2018 natirelman nou pou bezwen fer li.  E ou pou annan en logmantasyon dan bin site.

 

MR SPEAKER

Onorab Ghislain.

 

HON CHANTAL GHISLAIN

Mr Chair CEO in donn nou pri ki STAR ti pe kolekte pou municipal waste ansanm avek commercial waste.  I pa’n donn nou pou sa nouvo Kontra only for Mahe municipal waste.

 

MR SPEAKER

Eski ou annan sa lenformasyon CEO?  Municipal waste pour Mahe tousel?

 

CEO MR MICHEL VIELLE

Mr Chair parey mon’n dir pli boner, malerezman Procurement Act i dir mwan pa pronons mon lekor plis ki sa lo la.  Mon pa kapab neseserman donn ou tou bann detay.  Selman mon a donn ou total.

 

MR SPEAKER

Me i pa pe demann ou egzakteman lekel sa – i pa pe demann personn i pe demann sif.

 

CEO MR MICHEL VIELLE

Mon a donn ou sa total.  Mon a donn ou total budget i R34.2milyon.

 

MR SPEAKER

R34.2milyon?

 

CEO MR MICHEL VIELLE

Yes. 

 

MR SPEAKER

Ok Onorab?

 

HON CHANTAL GHISLAIN

Lannen?

 

CEO MR MICHEL VIELLE

Lannen yeah.  Pou en lannen.

 

HON CHANTAL GHISLAIN

….(Mic Off)

 

CEO MR MICHEL VIELLE

49milyon. So Onorab lanmen la ou vwar poudir i annan en rediksyon….

 

(Mic Off)

 

CEO MR MICHEL VIELLE

Be STAR pa La Digue i pa ni Praslin, i Mahe Onorab. 

 

MR SPEAKER

Ok.  Onorab Ghislain ou ankor annan en kestyon?

 

HON CHANTAL GHISLAIN

So letan mon pe regarde e si i 34 milyon, ki ti pe kolekte e sa i pou zis municipal waste vedir i pe kouver zis Mahe, and STAR li ti pran 49milyon pou li kouver Sesel antye and commercial waste ansanm – Non?  Mahe.  Me solman i ti pe kouver commercial waste ansanm.  E pour zot la i – sa 34 milyon i zis municipal waste me letan commercial waste i vini konbyen i pou ete?

 

MR SPEAKER

CEO?

 

CEO MR MICHEL VIELLE

Mr Chair – Onorab la mon donn ou bann figures ankor.  Silvouple 34.2milyon Municipal Waste –Mahe – right – 16milyon ki nou’n bidzete pour Commercial – Mahe apre i annan 4.7milyon ki nou annan pou Landfill Management.  Ok?  STAR ti pe sarz nou 1.5milyon per year pou landfill management – sorry per month.  E si ou convert sa dan en lannen ou pou vwar nou, nou pe zis – nou’n bidzet zis 4.7.  Ok?

 

MR SPEAKER

Onorab Ghislain?

 

HON CHANTAL GHISLAIN

And pour management of landfill osi pa ankor ganny tender?  Savedir napa sif? And mon ti kapab ler zot in tender osi,  sa bann tender ki’n ganny sorti, zot in fini sorti, bann dimoun in fini ganny tender aparaman ladan i bezwen spesifye ki kantite bin site zot pe tire,  nou kapab ganny sa sif silvouple?

 

CEO MR MICHEL VIELLE

Onorab wi kantite bin site mon kapab mon a donn ou apre.  Mon pa’n vwar – mon pa’n pran pou anmenn ek mwan la parske mon pa ti ekspekte en kestyon dan sa laliny, solman pou eklersi ou pou napa tender pour landfill management Onorab.  Apartir Zanvye 2018 se Gouvernman atraver LWMA ki pou manage landfill e se pour sa rezon ki nou pe fer sa savings la.  En?  Ok.

 

MR SPEAKER

Onorab De Commarmond?  Sorry Onorab Ghislain ou ankor annan en kestyon?

 

HON CHANTAL GHISLAIN

Mr Chair eski CEO i kapab dir nou finalman konbyen pou kout Sesel pou tir sa salte la ki  Kontra STAR in sorti  – in fini – pe fini an Desanm la  – le 31 Desanm konbyen i pou kout Sesel pou tir salte antye lo Sesel municipal waste enkli land management landfill enkli commercial waste konpare avek letan STAR ti la, silvouple?

 

MR SPEAKER

Eski ou annan sa figure CEO?  STAR pe fini ou’n dir Gouvernman ki pou pran sarz eski ou annan sa sif?

 

CEO MR MICHEL VIELLE

Mr Chair parey mon’n dir tender pa ankor fini fer.  Nou’n komans Mahe, commercial wi nou’n bidzete lo la – nou bidzete lo la me i pa vedir sa i would be the total, akoz finalman i pou depan tender – kou ki bann bidders i submit ou vwar?  Solman Bidze ki la, ki nou’n mete – ok? Pou landfill management Mahe/Praslin/La Digue waste collection, commercial, Leachate pre-treatment plant, pou ariv nou R77.3milyon.  Wi, per year e sa i enkli tou sa ki mon’n liste ladan sa en?  E pou sa 3 Zil en – pou sa 3 zil.  Thank you.

 

MR SPEAKER

Onorab Ghislain ou pe demann konparezon avek avan konbyen ti pey ek STAR?

 

HON CHANTAL GHISLAIN

Avek avan eski in increase e par konbyen silvouple?

 

MR SPEAKER

Sa son kestyon, i pe demann ou STAR pe arete eski i annan en gran increase e par konbyen?  I pe rod sif pou fer sa konparezon?  CEO?

 

CEO MR MICHEL VIELLE

Mr Chair, an relasyon avek sa ki STAR ti pe gannyen i annan en decrease.  Wi.  Mon a kalkil en pti kou mon a dir ou, en?

 

MR SPEAKER

Minis antretan ou ti oule dir en keksoz?

 

MINISTER DIDIER DOGLEY

Chair mersi bokou.  CEO i ava sey son mye pou donn ou bann figures me solman i en prosesis.  Sa ki nou bezwen realize se ki LWMA in travay lo en Bidze dapre ki mannyer in kalkile dapre ki mannyer keksoz pou fonksyonnen lannen prosen.  Now ler STAR i aret operate i annan serten savings ki Gouvernman definitivman i pou fer lo sa bann travay ki pe ganny fer dapre bann travay ki nou, nou‘n fer ki mannyer nou nou’n vwar keksoz pe ale.  Now Gouvernman pe repran landfill an men akoz Gouvernman i vwar nesesit pou fer lenvestisman kot landfill i konsernen.  E LWMA pou anploy apepre 5 ou 6 dimoun pou  manage sa landfill e an menm tan i annan bann lezot travay ki bezwen ganny fer.  Par egzanp pou le moman lavites ki landfill pe plen nou vwar ki i pe al tro vit; i annan en kantite salte ki’n ogmante e lespas ki nou annan i pa adekwa – nou napa bann gran kantite lespas pou nou kontinyen dump salte lo la.  Alor ki nou bezwen fer nou bezwen met an plas – lo landfill serten lenvestisman pou nou kapab deal avek sa problenm salte ki pe al laba.  Par egzanp sa lannen nou’n ganny komitman ek Finans pou nou envestir dan en gro shredder ki pou pran tou bann green waste avek bann organic waste pou li kraze pou fer compost lo landfill.  Now pou ou run sa shredder i pou annan bann kou ekstra, akoz konpare ek travay ki STAR ti pe fer avek, ler ou konpar li avek travay ki Gouvernman pou al fer, i pou annan plis travay ki pou bezwen ganny fer lo landfill ki i pa – i difisil pou ou konpran akoz i pa ponm ek ponm.  I 2 diferan kalite keksoz ki i annan bann aktivite ekstra, ki pou bezwen take place lo landfill.  E an menm tan i annan son Leachate plant ki pou al an full operational ki nou ava koz lo la nou ava donn plis detay.  Sa osi i bann aktivite ki pou bezwen ganny fer.  E konsernan koleksyon nou ekspekte avek nouvo tender, i petet i pou annan en rediksyon me solman nou ankor dan prosesis tender.  Alor nou napa bann dernyen figures – nou pa kapab dir egzakteman konbyen ki i pou ete – nou bezwen esper tou sa bann prosesis ganny konplete.  Mersi Mr Speaker.

 

MR SPEAKER

LGB?  Onorab De Commarmond?

 

HON CHARLES DE COMMARMOND

Mr Speaker sa kip e ganny dir avek nou Lasanble ozordi, lo nou kote nou pa pe aksepte; nou pa pe aksepte akoz nou krwar poudir i annan bann fo lenformasyon.  Enn; ki mannyer nou kapab ganny dir poudir i pour desann, kan deswit premye bout tender lo municipal waste in plis ki double sa ki ti la avan – ok?  Olye 1.48 I pour vin 2.74milyon.  Now sa tender ki pe koz lo la, ki zot pa le dir nanryen lo la, i pa’n zanmen ganny analiz par Tender Board, ok?  Mwan ki mon sizere pour nou pa perdi letan Lasanble, akoz nou annan en kantite keksoz ki devan nou pour nou fer, mon ti a sizere nou hold vot e diskisyon lo sa LWMA, ale nou le vwar en analiz from the Tender Board lo tou sa bann zafer, apre vini nou a rediskit lo la pandan letan nou ava diskit lo lezot morso Bidze ki devan nou.  Mersi bokou.

 

MR SPEAKER

Eski i annan lot komanter lo kote LDS? Esper en pti moman CEO espere.  Mazinen nou pe nou ti pe devan nou la i annan en total 216milyon ki’n demande pour appropriated.  E 2enm kestyon apre ki nou a demann Minis, eski isi nou tenir pour en pe letan la, eski zot pour kapab kontinyen anmas salte pangar Sesel i a vin ganny en pti pe loder?  Alor ekout – hold on – hold on.  Onorab Ramkalawan.

 

HON WAVEL RAMKALAWAN

Mr Speaker i annan konfizyon!  E konfizyon i vin partou kote e mwan osi mon krwar poudir i annan serten lenformasyon nou pe gannyen la ki nou bezwen pe ganny crosscheck.  E an plis ki sa tou sa bann prosedir tender ensidswit, mwan osi mon’n ganny serten dokiman -serten dokiman ki sorti kot bann endividi lo ki mannyer keksoz in pase -lo bann komanter.  E si nou pe ganny dir sa zafer 10 zour e pe fini kan sa 10 zour?

 

MR SPEAKER

CEO kan sa 10 zour avan ou kapab koze?  Le 26?

 

CEO MR MICHEL VIELLE

Le 30 Novanm Mr Chair.

 

MR SPEAKER

Le 26 Novanm.

 

CEO MR MICHEL VIELLE

Non i 10 working days; working days.  So i le 30 Novanm.

 

MR SPEAKER

Le 30 Novanm.  Kontinyen Onorab Ramkalawan

 

HON WAVEL RAMKALAWAN

Le 30 Novanm Mr Speaker – nou pe koz en ta larzan.  E mwan mon osi mon ava propoze, parske la nou ankor Novanm nou annan ankor nou annan ase letan pour nou fer sa travay byen, e le 30 Novanm le 30 Novanm semen prosenn LMWA i ava vini e zot ava kapab divulge serten lenformasyon, e nou ava kapab pran en desizyon.  Parske le 30 Novanm i semen prosenn – ki avan Vandredi prosen nou ava’n kapab fer sa travay.  Mon krwar ki …

 

MR SPEAKER

Kestyon ki mon ti pe demande Minis avek CEO until depi ozordi Zedi le 23 ziska le 30, eski zot pour kapab kontinyen operate  – parey mon dir?  Zot ok?  Tre byen.  Non, mon bezwen demann kestyon pangar zot dir Lasanble ki’n fer pei pi – si nou pa kapab anmas salte.  (laughter) Ok.  Si ou la kestyon i wi, tou lede kote latab i dakor pour ki Minis mon krwar komanter I kler mon pa bezwen repet kestyon.  Onorab Ramkalawan mon krwar ou annan kestyon pour dir apre mon a donn parol CEO.

 

HON WAVEL RAMKALAWAN

Mr Speaker mwan mon ti ava zis kontan zis donn en konsey; ki letan nou pour vin la dan sa Lasanble nou anvi the exact figures! Nou anvi laklerte … laklarte.  Nou anvi laverite.  Se sa ki nou pou anvi e baze lo la nou ava fer en travay rezonnab – en travay ki kler e nou ava kapab bouz devan.  Toultan -toultan nou anvi en way forward.  E ki sa size, parske i annan en kantite larzan – en kantite milyon ki involve e i annan en kantite dimoun ki anvi antre dan sa biznes osi tou – ki konmsi nou ava ganny tou keksoz kler.  Se sa ki mon sa i sel advice ki mon pe donnen.

 

MR SPEAKER

I en advice ki tou Manm Lasanble san repet ki Onorab Ramkalawan in dir mon krwar tou Manm Lasanble i dakor.  Preski travay ki mannyer nou pe fer, mon krwar tou popilasyon i realize ki nou pe pran nou serye.  E si nou pour anmenn bann zistwar evidaman mon pa pe akiz personn, me nou la pour eklersi keksoz avan nou vot lo en Bidze.  Alor mon krwar sa mesaz i kler.  Me avan nou Onorab De Commarmond apre CEO.

 

HON CHARLES DE COMMARMOND

Zis pour dir pour azoute ki analiz Tender Board i enportan i ganny fer, e ki nou osi nou ganny en kopi sa analiz …. ki pour transparans.

 

MR SPEAKER

Tre byen.  CEO laparol i pour ou apre mon a donn Minis laparol.

 

CEO MR MICHEL VIELLE

Mr Chair i domaz ki Onorab De Commarmond in pronons son lekor ki poudir Tender Board pa’n fer okenn analiz lo sa Municipal Waste Tender.  Akoz mon annan la dan mon let dan mon lanmen let ki Chief Executive Officer of Tender Board in ekrir mwan – i rekomann bann Konpannyen ki’n sipoze ganny bann Kontra pour sa Municipal Waste collection.  So mwan mon pa kapab enterfer avek travay Tender Board mwan.  E over and above that Mr Chairman, eskiz mwan, mon pa ti’n menm involve avek travay Komite Evalyasyon pour analiz sa tender mwan, as the CEO of the Agency.

 

 

MR SPEAKER

Ou’n ganny let?  Ok. Alright.

 

CEO MR MICHEL VIELLE

Mwan mon bezwen reste an deor ok?  Me selman Tender Board si ou pe dir pa’n fer evalyasyon i pa’n analize, in zis donn en let bon sa Tender Board ki a bezwen reponn – malerezman.

 

MR SPEAKER

Ok, mersi pour sa klarifikasyon CEO Vielle.  Onorab Ramkalawan.

 

HON WAVEL RAMKALAWAN

Mr Speaker mon ti pe al zis donn CEO en konsey konman en frer, konman en zanmi, pa lager la pour le moman.  Pa bezwen lager la.  Annou anvoy zafer le 30 e konm dir Lapolis tou parol ki ou dir i kapab servi kont ou.  Alors pour le moman plito ou reste plito ou reste trankil i ou Drwa Konstitisyonnel – reste trankil e l apre nou ava – e 30 nou ava deal avek sa.  Mersi bokou.

 

MR SPEAKER

La mon vwar li – a big smile; savedir in fini relax – in reste trankil.  Ok CEO?  Avek sa wi Minis laparol i pour ou.

 

MINISTER DIDIER DOGLEY

Mersi Mr Chair, mon krwar mon tann byen sa ki Lasanble in donn nou.  E mon krwar sa bann advice ki’n ganny donnen i bann advice ki sound, ki prop, ki byen …

 

MR SPEAKER

E an bonn fwa.

 

MINISTER DIDIER DOGLEY

E an bonn fwa.  E nou konman bann public servant bann dimoun ki la pe servi piblik, nou bezwen travay osi dan lentere piblik e nou ava go back nou ava asize ansanm e nou ava fer travay pli detaye posib, pour nou kapab pour donn zot sa lenformasyon.  Mon konpran poudir i annan serten lenformasyon ki very detaye.  Par egzanp ki kantite bin ki annan dan distrik, ki normalman kanmenm ou annan lenformasyon nou pa espekte poudir ler ou pour vin dan Lasanble ou pour ganny demande kantite bim ki annan dan sa distrik – bann keksoz koumsa.  Me nou, nou a fer nou mye pour annan figures ki solid, ki kler ki donn zot en bon pour kapab pran en bon desizyon.  Me selman mon ti anvi zot not en keksoz – parey mon pe dir I annan serten aktivite ki nou pe konmanse.  Par egzanp pour servi sa gro shredder ki pour kraz bann green waste pour anpes sa green waste pour al lo landfill parey la i pe ale, la konmela.  Pour sa i pou difisil pour nou kapab donn en figure egzakt akoz nou pa ankor fer sa aktivite.  Sa ki nou kapab fer se prozekte e met en Bidze lo la e ki nou ava dir zot, ‘’ki vwala baze lo bann kalkilasyon ki nou’n fer, vwala konbyen ki nou krwar i pou koute pour run – pour fer sa bann aktivite par mwan.’’ Si sa osi nou kapab ganny en konpran, nou konmans dakor poudir, i annan serten keksoz ki nou pour bezwen donn zot bann kalkil avek bann prozeksyon; mon krwar i en keksoz ki nou osi dan Lasanble osi nou bezwen konpran, poudir pa bann keksoz ki nou’n deza fer dan lepase.  I nouvo.  Alor nou pa pour kapab dir ou poudir i pour kout ou tan me nou kapab donn ou en Bidze avek en prozeksyon eksplik ou ki mannyer nou’n tonm lo sa figure.  Mersi Mr Chair.

 

MR SPEAKER

Ler ou pe koz lo sa masin Minis – ou pe koz lo masin ki pour tret bann biodegradable?

 

MINISTER DIDIER DOGLEY

I bann mobile shredder ki en gro masin, i bouze – i marse.

 

MR SPEAKER

Wi me i shred kwa?

 

MINISTER DIDIER DOGLEY

Well ou kapab met nenport kwa ladan i pour shred.  Me selman nou pe spesifikman met tou bann green waste.  Enn pli gro problenm Sesel, se ki i annan pye dibwa i pous vitman pye dibwa i pous vitman en kantite dimoun i koup bann keksoz ver zot al zet lo landfill. E sa i fer landfill i ranpli vitman.  E si mon rapel byen apepre 30poursan ki al lo landfill I sa kalite salte.  Now si nou kapab pran sa met dan sa masin kraz li met, li pouri met fimyen e menm si nou kapab engage avek en pti Kontrakter ki kapab kolekte sa e fer li vin compost vann li avek Seselwa avek bann fermye i ava tir salte dan landfill koup enportasyon compost ki dimoun pe enporte e an menm tan LWMA osi i a ganny fimyen osi pour met dan bann fler … Mersi Mr Speaker.

 

MR SPEAKER

Ou pe koz alor lo zis en gro masin pa detrwa pti masin?

 

MINISTER DIDIER DOGLEY

Non nou le (laughter) en gro masin ki annan kapasite pour li kraz sa volume salte ki nou gannyen toulezour lo landfill.  E definitivman pour annan cost pour loperasyon ki asosye avek Mr Speaker.

 

MR SPEAKER

Non mon pe demann sa Minis seryezman, akoz mon pas obor mon vwar MNA Grand Anse i lev son lanmen mon pas obor STC Grand Anse lot zour, mon vwar en kantite legim pe al zete dan bwat mon annan en pe pour mwan al donn mon bann zannimo; me selman eski nou pe gard en kestyon ki mon deza demande avan.  Ler ou get separasyon bann waste la ou pe koz ki mon konpran bann biodegradable – bann zerbaz pye dibwa ensidswit be what about papye?  Boutey?  Glass?  Eski sa i lo card eski sa i lo card pour lavenir?  Wi Minis.

 

MINISTER DIDIER DOGLEY

Mr Speaker nou’n fini anonse pour ki lannen prosenn nou pour pran boutey pour nou kraze.  Sa i lo nou plan nou pe travay avek Minister Finans avek Trade pour nou regarde kantite boutey ki antre ganny bann statistics e pour nou fer bann prozeksyon pour nou lans sa zafer pour travay lo boutey lannen prosenn.  Apre sa ki pour reste, i pour reste papye, plastic, textile, bann lenz ki dimoun i zete avek bann bwat feray.  E nou, nou pe regarde pour dir lannen prosenn nou le tender out en Waste  to Energy Plant, kot sa bann keksoz parey textile, papye, plastic, i kapab ganny brile ladan pour prodwir lenerzi e sa nou anvizaze lannen prosen tender out.  Nou’n fini ekrir World Bank pour gete si nou kapab annan finansman sorti World Bank at least I pa 100 poursan me at least partially pour lans en loperasyon parey isi Sesel Mr Speaker.  Nou plan se redwir la kantite salte ki al lo landfill. E an menm tan konman en pti pei, i difisil pour nou fer recycling isi akoz nou napa volume i pa pour cost effective pour nou fer li.  E osi eksportasyon par-ler ou depan en kantite lo sityasyon ekonomik dan lemonn.  E mon ti dir dernyen fwa poudir Lasin par egzanp in fini deside pour li aret pran salte sorti kot tou dimoun.  E pour le moman zis L’Inde avek Taiwan ki mon krwar i ankor pe pran.  E si demen Lenn osi i deside pour aret pran ouswa lekonomi lemonn i fer li pa vyab pour li kontinyen recycling par eksportasyon, nou pour vwar nou dan bann sityasyon.  Alor ler nou’n asize nou’n analiz tousala solisyon ki nou vwar se enn, se shred sa bann green waste fer li vin compost fer li vin fimyen e 2enm bann ki nou pa kapab fer recycling egzakteman avek ouswa i pa vyab se senpleman brile, prodwir lenerzi, met dan sistenm.  Mersi Mr Speaker.

 

MR SPEAKER

Onorab William.

 

HON WAVEN WILLIAM

Mersi Mr Chair.  Mr Chair mon en pti pe konsernen avek lenformasyon avek Minis pe donn nou.  Mon asire osi piblik ti ava konnen I deza annan en masin laba kot STAR ti pe fer compos – kwa ki sa masin pa bon pa kapab re aranze pour refer compos; e an menm tan Minis lefe ki ou pe fer vin en gro masin mon pa konnen konbyen pour koute e lefe mon konn sa bann Kontrakter ki’n pran kontra cost of transportation pour anmenn lo dumpsite i deza en kou signifikan baze lo kantite kours.  Mr Chair in lev en mo largiman; akoz pa consider osi dan bann rezyon annan serten masin kot enn I tir sa presyon lo sa pti Kontrakter akoz the cost of transportation pour anmenn sa materyo brit lo dumpsite i vreman costly e aprezan Minis se sa masin ki deza la ki son problenm?  Pa kapab ganny servi?  Mersi.

 

MR SPEAKER

Minis eski ou okouran ki i annan en masin compost ek STAR e si   i marse?

 

MINISTER DIDIER DOGLEY

Mr Chair wi i annan en masin compos ki pour STAR ki la.  E STAR nou an diskisyon avek zot pour ki Kontra fini pour ki kit sa, landfill . E annefe STAR zot avoka in ekrir nou e zot in demann nou en sonm larzan ki ase o pour sa compos masin e mon ti a voudre remind zot poudir sa masin ti ganny mete depi an 2004 si mon rapel byen – ozordi i annan li apepre 13an.  E si nou a pran en masin pa ki mon gender bias, me si ou pran en granmanman pour al fer en travay demen si keksoz tou lazournen pe kase avek nou, nou pour bezwen vin isi dan sa Lasanble pour vin rod larzan tou lazournen pour fer mentenans lo la.  E an plis avek tou sa bann issues legal ki asosye avek, pour nou ozordi pa fer sans pour nou al vwar …

 

MR SPEAKER

Minis be la ou’n vin ensilte granmanman be mwan mon en granpapa eski ou pe met mwan dan menm kategori?

 

        (laughter)

 

MINISTER DIDIER DOGLEY

Chair mon’n demann leskiz avan mon dir sa, me selman mon pe rod en fason pour mon fer kreol pli kler.  Definitivman mon osi mon ti annan en granmanman mon osi mon kontan mon granmanman.  E mon annan tou respe pour bann granmanman, me selman ki mon dir pour ki en masin ki annan en serten laz, ou pa konnen ki sityasyon i ete, i annan bann legal implications ki asosye avek la konmela e si nou, nou le rezourd nou problenm, akoz nou annan en problenm ase grav lo landfill ozordi.  Nou pa le poudir i vin en kriz ki apre nou, nou pe sey degaze pour al fer en keksoz ki son laz i ase avanse.  Mersi.

 

MR SPEAKER

Me selman Minis ou’n dir ki zot pe demann ou en pri konsekan, pour sa; savedir i annan en valer pour sa i kapab marse petet ou kapab negosye avek zot.  Kot zot pour ale avek sa, si i pe fer travay isi?  Onorab Ferrari.

 

HON JEAN-FRANCOIS FERRARI

Non zis akoz Onorab Esparon ti pe zis fer mazinen pour ki pa bliye poudir napa vye Legliz i annan zis vye Per.

 

MR SPEAKER

Ok.  Bon anyway mon krwar Onorab William in fer le pwen.  Petet konsidere osi lo nivo rezyon pour fasilit keksoz sa i konsiderasyon ki ou Minister i kapab pran.  Dernyen kestyon Onorab De Commarmond.

 

HON CHARLES DE COMMARMOND

I pa en kestyon as such Mr Speaker, me selman i bann konsey ki nou pe sey donnen.  Ou vwar sa issue, i en keksoz ki nou ti pour lev-e osi i pour bezwen ganny diskite – nou bezwen vwar.  I annan en kantite keksoz la STAR, Lanvironnman ensidswit, ki pour afekte sa Bidze ozordi, ki zot bezwen regle!  I bezwen ganny sort out.  Avan zis zot vin devan Lasanble avek en Bidze pour dir nou aprouve – no more .Pa pe kapab kontinyen sa bann keksoz koumsa.  So mon anvi dir al regle en pe tou sa bann keksoz par egzanp pe koz lo papye, be pa ti annan en dimoun ti pe serten mon krwar en landrwa avek en masin ti’n sipoze annan bann konsesyon pour zot donn li pour fer papye whatnot?  Ziska ozordi ou pa tann nanryen; kraz papye pour zot recycle?  Tousala I bann keksoz ki zot bezwen revwar – en?

 

MR SPEAKER

Avan mon donn Onorab Ramkalawan laparol pour adisyonn avek sa ki Onorab De Commarmond in dir, mon ti al ekout en workshop ouswa en miting ki ti fer dan conference room par diferan NGOs; Sustainability Seychelles, S4S, eksetera.  I ti annan en Konsiltan sorti Dubai ki ti dir i annan bann masin ki kapab met dan lotel kot tou bann food waste i ganny re processed.  Be sa ti en lide ekselan ler mon ti pran laparol mon ti dir be akoz nou pa fer – sa bann gran lotel sirtou?  Oubyen menm parey Onorab William i dir bann pti lotel kekfwa Praslin zot zis kapab anmenn sa dan en rezyon en sant ou kapab tousala pour ed the whole management of waste.  Onorab Ramkalawan.

 

HON WAVEL RAMKALAWAN

Non, Mr Speaker letan Mr Chairman, letan Minis in dir ki zot pe fer vini en gro masin oubyen zot annan en gro masin?

 

MR SPEAKER

STAR i annan en gro masin in demann zot en pri konsekan pour zot aste.  Se sa ki Minis mon konpran ou’n dir?

 

HON WAVEL RAMKALAWAN

Me mon anvi zis klersi en pti keksoz la, be STAR ti pe prodwir compost STAR ti pe prodwir compost se e se Minister ki pa ti kapab pa ti kapab bar lakantite ki zot ti pe prodwir.

 

MR SPEAKER

Me se sa kestyon Onorab William.

 

HON WAVEL RAMKALAWAN

Wi be it looks as if se sa sityasyon.  E tousala Mr Chairman, i montre nou akoz konmsi nou pour vreman bezwen en bon …

 

MR SPEAKER

Scrutiny.

 

HON WAVEL RAMKALAWAN

en bon scrutiny ,en bon lalimyer lo tou sa bann soz, akoz la i annan 2 parol – enn i dir i ti pe prodwir; zot ki ti dir aret prodwir la aprezan nou tande in vin granmanman – konmsi ki  … mon pa konnen.

 

MR SPEAKER

Ok.  Mon krwar pwen in ganny fer Minis ou a rod tou sa bann leklersisman.  Nou’n tonm dakor lo pour retournen apre le 30.  En dernyen parol Minis avan nou adjourn avan nou …?

 

MINISTER DIDIER DOGLEY

Mr Chair zis pour eklersi sa zafer compost plant ankor.  Sa compost plant si mon rapel byen ti vin operational 2004 e mon krwar in marse pour apepre 6 mwan ou 8 mwan.  E dapre bann laranzman ki nou fer i annan en legal process ki pe ki pe al konmanse byento, e i annan bann avoka ki’n ekrir nou lo lapar STAR.  Alor mon pa le al lo bann detay legal, me selman larealite se ki Lagreman ki nou ti sinyen ki Gouvernman ti sinyen avek STAR, se ki STAR ti pour prodwir sa bann compost avek son masin e i ti pour vann.  Apre ti vin en dispit ant STAR avek Gouvernman Sesel akoz STAR ti oule ki Gouvernman i pey li pour sa tonn compost ki i prodwir – a en serten pri – ki Gouvernman ti dir sa lepok li, i pa’n zanmen fer sa laranzman e i napa sa kantite larzan pour li aste sa compost avek STAR.  E se la kot keksoz pa’n al pli devan alor prodiksyon in arête; masin in asize pandan tou sa bann letan.  E se sa rezon osi ki nou, nou pa krwar poudir nou devret pe al servi en masin ki’n la pandan tou sa letan e ki fer plis sans ki i annan en masin bokou pli modern, pli efikas e ki kapab ganny servi – pa zis pour fer compost me i kapab ganny servi pour kraz lezot salte e pour bann lezot keksoz ki bezwen ganny fer lo landfill.  E si i mobile ankor i donn nou loportinite nou servi li dan plizyer lokasyon olye ki enn ki fix, ki’n ganny mete dan en batiman, ki ou pa kapab tire pour met li lezot landrwa.  Se sa ki mon ti a voudre donn plis leklersisman bann MNA, pour zot konpran egzakteman.  Alor i annan en masin ki la depi an 2004, i pour STAR e STAR pe gete si i kapab vann sa Gouvernman, akoz nou pe demann ki pour sorti dan landfill e nou, dapre bann travay ki nou’n fer bann analiz nou vwar li fer plis sans pour fer vini enn ki mobile, ki kapab ganny servi pa zis pour kraz bann green waste avek organic waste, be osi lezot keksoz.  E se sa ki nou fer.  Mersi Mr Chair.

 

MR SPEAKER

Pour lenformasyon piblik Minis lekel sa propriyeter sa zetwal ki apel STAR?  Eski ou dir STAR pe negosye avek Gouvernman me selman pa pour Gouvernman sa?

 

MINISTER DIDIER DOGLEY

Non STAR i en Lakonpannyen prive Mr Chair.  Non i pa en Lakonpannyen Gouvernman – non.

 

MR SPEAKER

I pa en lakonpannyen Gouvernman.  I parastatal.  Wi Onorab Prea.

 

HON NICHOLAS PREA

Mersi Mr Chairman.  Mr Chairman avan nou dismiss panel Minis nou annan 3 body nou annan ankor 3 Heads ki anba Minister Lanvironnman ki lo lalis ki nou pa pour anmenn zofisye devan pour nou kestyonnen.  Mon pe propoze ki nou pran en vot avan nou Break la 3 Heads anba direksyon PS Payet.  Mersi Mr Chairman.

 

MR SPEAKER

PS Payet.

 

PS PATRICK PAYET

Mersi Mr Chair wi i annan 3 vot me nou pe demande ki at least nou pran sa 3 vot ozordi.

 

MR SPEAKER

Gid nou sa 3 vot.

 

PS PATRICK PAYET

I annan enn Seychelles National Parks Authority lo paz 537 pour sonm R20.542,320mil.

 

MR SPEAKER

20.270, 251milyon Seychelles Meteorological Authority MET Office 2enm.

 

PS PATRICK PAYET

Non.  537.

 

MR SPEAKER

Pardon?

 

PS PATRICK PAYET

537 – paz 537

 

MR SPEAKER

537.

 

PS PATRICK PAYET

Wi National Parks Authority.

 

MR SPEAKER

Ok 537 National Parks Authority 20.5milyon.  Oule pran li separeman oubyen tou le 3?

 

PS PATRICK PAYET

Non, separeman tou le 3.

 

MR SPEAKER

Ok. Separeman Seychelles National Parks Authority to be appropriated 20.5million.  Tou bann ki pour lev zot lanmen?  Clerk.  Lev zot lanmen tou bann ki vot pour?

 

MADAM CLERK

Mersi Mr Chair microphone ti off sorry.  22 Manm an faver.  Mersi.

 

MR SPEAKER

Tre byen.  Lasanble savedir aprouv Bidze pour Seychelles National Parks Authority.  Anmenn nou get ver 2enm PS Payet.

 

PS PATRICK PAYET

Dezyenm i lo paz 546 – National Botanical Gardens Foundation.

 

MR SPEAKER

546 – National Botanical Gardens Foundation to be appropriated 13.177million.  Tou bann ki pour lev zot lanmen?  Deputy.  Clerk.

 

MADAM CLERK

Mr Chair 24 Manm an faver.  Mersi.

 

MR SPEAKER

Savedir sa Bidze 13.1milyon pour National Botanical Gardens Foundation in ganny aprouve.  Eski nou al kot MET Office Authority prezan paz 551.  To be appropriated 12.2millionPS Payet.  Ok.  Tou bann ki vot pour sa Bidze Seychelles Meteorological Authority lev zot lanmen?

 

MADAM CLERK

Mr Chair 25 Manm an faver.  Mersi.

 

MR SPEAKER

Savedir Bidze pour MET Authority in ganny aprouve par Lasanble.  Avek sa PS Payet mon krwar nou a eskiz Minis ek son lekip pour ozordi.  Nou a revwar ou ver lafen di-mwan.  Mersi pour ou letan ki ou’n vini bomaten e mon krwar ou’n konpran nou bann konsern ki nou’n lev-e.  Mersi e bonn kontinyasyon.

 

(MINISTER DIDIER DOGLEY AND HIS DELEGATION WAS EXCUSED FROM THE HOUSE)

 

 

MR SPEAKER

Bon i egzakteman midi nou annan Minister Ledikasyon apre midi avek Devlopman Resours Imen, so nou a pran nou Break e nou a rezwenn 2er pour nou pran Minister Ledikasyon avek Devlopman Resours Imen.

 

 

(BREAK)

 

 

MINISTRY OF EDUCATION & HUMAN RESOURCE DEVELOPMENT

 

MR SPEAKER

Bonn apre midi tou dimoun.  Lo lapar tou bann koleg dan Lasanble mon ti a kontan swet byenveni Minis Joel Morgan.  Minis pour Ledikasyon avek Devlopman Resours Imen.  Avek ou lekip 2 Sekreter Prensipal – Dr Decomarmond  ek Dr Barallon.  Ek ou bann lezot profesyonnel ki travay dan ou5 Minister.  Parey nou’n fer ziska konmela nou ti a demann zot pou swiv lo paz 305 ziska paz 327, pou Ministry of Education and Human Resource Development.  Nou pou konmans ek departman of Education ki 305.  Eski nou pou fer li separeman PS 4dir nou ki Finans ti a swete.  Nou a fer Ledikasyon Departman Education premye epi Human Resource Development separe?  Oubyen nou fer li anba en sel Minister?  Tre byen dan sa ka tou bann ki anvi koze please lev zot lanmen e kit li en pti pe anler zot fek dezennen zot annan lenerzi.  Fer sir tou zot non i antre lo lalis.  Savedir oule donn zis 2 kestyon.  Ok.  Zis pou

fer sir i en gran Minister en Minister tre enportan pou fer sir ki tou dimoun i anvi koze in ganny note.  Clerk lir ou lalis.

 

MADAM CLERK

Mersi Mr Chair.  Bonn apre midi tou dimoun lo lalis Parti Lepep mon annan Onorab Charles De Commarmond, Onorab Sebastien Pillay, Onorab Audrey Vidot, Onorab Paul Ernesta, Onorab Jude Valmont, Onoraba Wilbert Herminie, Onorab Sylvanne Lemiel, Onorab Churchill Gill, Onorab Noline Sophola, Onorab Egbert Aglae e Onorab Waven William.  Mersi.

 

MR SPEAKER

Thank you.  Deputy Clerk. 

 

MADAM DEPUTY CLERK

Mersi Mr Chair.  Lo kote LDS zis Onorab Prea avek Onorab Georges ki pa pe demann kestyon.  Mersi.

 

MR SPEAKER

Good.  That makes it much easier – wi.  Mersi.  Thank you.  Minis nou pou al direkteman lo kestyon parey ou konnen nou lo Komite.  So any ou bann yetnan oubyen kaptenn zeneral i kapab reponn.   Nou a konmans avek Onorab Audrey Vidot.

 

HON AUDREY VIDOT

Mersi Mr Chair.  Bonn apre midi Minis ek ou delegasyon, tou Manm Onorab e tou dimoun ki a lekout.  Minis mon kestyon i pou Bidze mon ti a kontan lo seksyon pou Primer Departman kot zot Minister, kantite travayer ki zot annan ki pe oversee tou sa lekol primer?  E si zot annan lentansyon recruit nouvo dimoun?  Konbyen – ki si  i tonm dan sa bidze.  E osi ki zot plan si zot annan en striktir ki zot in fini finalize, lo fason ki mannyer pou zot kapab pli byen siport bann lekol primer pou ou kapab attend tou zot bann defayans ki zot, annan pou fer lekol mars byen.  Mersi.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Bonn apre midi tou Manm Lasanble, Chair.  E mersi pou resevwar nou apre midi.  Mon ava demann mon PS pou Ledikasyon pou reponn sa kestyon silvouple avek ou permisyon.

 

MR SPEAKER

 

PS DR ODILE DECOMARMOND

Mersi.  Mersi pou ou kestyon e bonn apre midi.  Pou primer pou lemoman nou konnen poudir nou vreman letan ou pe ,dir mwan primer nou pe pran zis P3 ziska P6.  Akoz nou separ Early Childhood ki tonm Lakres ziska P2.  So P3 ziska P6, nou annan nou zis dan santral nou annan zis en Direkter pou lemoman, ki pe oversee  antye primer.  Avek restriktirasyon nou annan sa Seksyon Curriculum ki nou pe met son bout primer anba son seksyon primer.  I pe vin en nouvo Divizyon konmsi primer pou vin son Divizyon pou li.   E la nou pou met tou son bann travayer pou siport lekol anba sa divizyon.  En fason ki ava annan tou son bann son curriculum officers, i ava annan son bann environment officer, tou son physical education coordinator tousala ki pou primer i ava vin anba primer pou kapab donn sa pli bon sipor lekol primer.  Mersi

 

MR SPEAKER

Onorab Vidot.

 

HON AUDREY VIDOT

Sorry mon pa’n demann tou lede mon kestyon annan, mon dernyen kestyon.  Lekol Plaisance Segonder mon okouran pou dir zot in deza ekrir Minister regards to kalkilasyon in regards pou zot Scheme pou Appraisal. Eski zot in fini rezourd li dam sa  Bidze sa lannen ki’n oubyen i pou annan bout ki pou ove lap dan Bidze 2018.  Mersi.

 

MR SPEAKER

 

PS DR ODILE DECOMARMOND

Pou tou bann azisteman avek appraisal tousala nou pe  fer li anba Bidze sa lannen.

 

MR SPEAKER

Onorab John Hoareau.

 

HON JOHN HOAREAU

MERSI Mr Speaker.  Bonn apre midi a tous.  Mr Speaker mon premye kestyon i lo mon ti oule fer referans paz 312  anba program enn –  ‘governance and management and administration’ mon vwar i annan en logmantasyon dan ‘wages and salaries’ sorti 17  milyon pou al 21  milyon donk par   3.4 milyon.  E sa i reprezant apepre 46poursan Bidze total sa progranm.  Mon ti oule demann Minis si i pa realize pou dir sa kantite Bidze pou al dan saler i bokou akoz i annan li en top heavy administration kot i annan 2 PS , special advisors, technical advisors, Consultant overseas     k ii pe tir en saler osi.  Avek bi ki i pe donn lotonomi bann lekol eski i pa krwar pou dir sa i top heavy?  E tro pti git larzan pe al dan servis olye al dan saler? Dezyenmman  mon ti oule Minis dir nou si i annan okenn larzan dan Bidze ki’n prevwar pou lasirans teachers oubyen pou Board pou concrete brick boundary wall otour bann lekol, k ii annan problenm?  Sirtou parey Lekol Mont Fleuri kot ti annan fil e teachers in demande pou sanze.  E trwazyenmman mon ti oule demann Minis anvi Lekol Perseverance, ki ti pou en Lekol Elite in annan en change of use.  Si i kapab dir nou ki lefe bidzeter pou annan ler i pou dilute sa larzan ki ti pou mete lo kote Ledikasyon pou the gift and talented dan en sel landrwa ler i pou pran sa pou dilute li dan diferan lekol dan diferan rezyon si sa pa pou annan en lefe ki nou pe vwar en abesman lo nivo Ledikasyon.  Mersi.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Mr Chair anba programme area 1 ki Onorab pe fer referans avek i annan sa ogmantasyon pou bann rezon vivan.  I annan 1.8 milyon pou Scheme of Service pou common cadre.  600mil pou temporary workers on contract ; 194mil anba ‘new spending proposal”ki dan Bidze.  E answit i annan bann lezot depans anba ‘goods and services’ ki nou kapab vin lo la apre.  Me prensipalman i annan pou fer pa avek nouvo recruitment prensipalman me avek restriksyon ki nou pe fe ri annan bann Scheme of Service ki pe ganny updated pou nou bann travayer aktyel.  I annan osi  bann lezot peyman Gratwite and so on ki antre.  So this is the reason. Mr Chair ki sa bann logmantasyon i feature anba programme 1.   Spesifik man i anba Central Administration Finance and Procurement.  Kot i annan sa logmantasyon enportan. Epi anba ‘infrastructure development and resource planning’ ki nou bann proze, akoz nou annan en problenm enplimantasyon proze, nou’n bezwen beef up en pe.  E la mon a profite pou sir nou’n bezwen resort to fer vin 3 ou 4 dimoun an deor, pou ed nou avek travay ki nou pe fer pou enplimant nou PSIP.  Akoz nou annan project management issues.  E baze lo la Mr Chair sanmenm sa logmantasyon.  Nou pe re organiz Minister nou’n travay avek DPA pandan 9 mwan.  5pou nou re organiz striktir Minister, e byento pou annan serten lanons mon ava fer lo restructuring ki feature dan bann budget limits ki nou pe mete la.  So i pou kapab retir en pe sa top heaviness dan Minister.  E pou 4fer nou bokou pli fonksyonnel an term sa ki nou pe fer. E  an menm tan donn plis latansyon lo nou misyon prensipal ki delivery Ledikasyon lo nivo bann lekol e bann Lenstitisyon Pos- Segonder enkli.  Mr Chair pou kestyon boundary wall Mont Fleuri, i pa dan nou PSIP pou lannen prosenn.  Me sa ki nou pe fer marse nou pe sekiriz lekol  nou’n deza annan travay ki’n konmanse.  Nou’n repar fence plizyer landrwa Mont Fleuri.   Nou pe met zofisye adisyonnel.  I annan 2 zofisye adisyonnel kip e fer patrol pandan ler lekol ziska lekol i fini.  Nou annan en sistenm camera ki nou pe enstale la an se moman  tousala sa bann cameras i annan en sistenm ki nou pe mete ki pou trigger ler i annan mouvman aswar.  I ava trigger e i ava annan en Response Unit  ki pou al response kot lekol e nou pe fer sa an se moman Mont Fleuri de plizyer bann lezot lekol segonder.  Annefe i dan nou plan pou fer li pou tou lekol segonder evantyelman primer osi.  So vwala en pe bann me zis ,ki nou pe fer.  An atandan ki petet pli tar nou a kapab met en boundary wall akoz nou konnen lo seksyon ki mont anler Foret Noire partou la i annan bokou difikilte avek sekirite – sirtou aswar.  Lekol Perseverance nou pa ti ankor fer okenn depans mazer an term order bann lekipman tou bann order ti’n pare.  Me nou pa ti ankor confirm procurement bann order pou bann ‘’school excellent’’.  So napa depans adisyonnel vreman ki nou’n fer apard ki zis prepar bann laklas en pti pe plis spesyalize kot nou ti pe al fer ledikasyon vokasyonnel, ek teknik.  Bann course TIVET bann proper TIVET anba City and Guilds ek Cambridge.  Me desizyon Gouvernman ki nou fer nou convert tou nou bann lekol segonder dan bann Lekol Ekselans.  I prezan anmenn nou dan en lot direksyon kot nou pou envestir sa larzan ki nou ti pe al mete la, dan sa bann lekol egzakteman ou kestyon.  Eski i pou degrad ledikasyon segonder dan bann lezot lekol?  larepons se non, akoz nou pe re envestir prezan pou fer sir ki sa i pa leka.  E tou fason si nou ti pou maintain sa Sant Ekselans Mr Chair, nou bann lekol segonder osi pa ti pou ganny neglize.  Akoz nou mainstream ledikasyon, ti pou reste dan bann lekol segonder e bann manrmay ki ti pe fer pli byen lo nivo vokasyonnel teknik, ledikasyon lo sa nivo epi lo ledikasyon akademik, zot ti ava al dan sa nouvo sant.  Me la parey mon’n dir nou pe combine tousala dan en dan nou bann lekol segonder.  Nou pe redefini sa model mannyer i pou marse.  E nou ava konmans enplimant li dan lannen ki vini.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker.  Mr Chairman lefe ki sa size School of Excellence i mont en pe boner la mon krwar i ti pou bon pou nou – nou anvi met en pe lanfaz lo la nou.  Parske otomatikman sa ki nou pe sa premye komanter ki Minis in fer.  Nou vwar ki poudir konmsi nou pou al spread nou bann resours thinly over tou sa bann lekol segonder.  Tandis ki si nou ti gard sa Lekol Ekselans i ti ava pe konsantre e mon krwar osi ki pou dir osi bann zanfan ti pou pli byen ti pou pli benefisye.  Ofet sa ti enn mon komanter dan mon repons lo Bidze.  E nou lo nou kote Mr Chairman, mon anvi dir avek Minis ki nou ensiste.  Nou ensiste ki sa plan pou annan sa Lekol Ekselans i kontinyen.  E nou pou anvi demann ou an term Bidze, ki mannyer nou pou ede pou fer sa arive.  E la nou pou lager en pe avek – nou pou lager tre for avek Gouvernman pou nou ganny sa.  Parski Minis li menm li one of the thing ki i ti promet nou letan i ti vin Minis Ledikasyon, sete ki i pou fer en fason pou li lev standar ledikasyon dan nou pei.  E letan i ti vin, avek sa plan Lekol Ekselans nou tou nou ti happy.  Parske nou ti vwar se la ki ti pou annan sa vre konpetisyon parmi bann meyer zanfan.  E an menm tan osi, ti pou annan en laspirasyon en ki bann paran ti ava dir be la i la lekol ki mon anvi mon zanfan ale.  Alors Minis, dir nou ki mannyer nou pou ed ou pou akonpli ou plan e pou fer Gouvernman sanz son nide.  E pou nou donn sa Bidze akoz lo sa nou konman en Lasanble nou pare pou met larzan pou ki nou zanfan i ganny sa meyer ledikasyon.  Mersi bokou.

 

MR SPEAKER

Onorab Pillay oule koz lo menm size?  Minis oule reponn?  Non Si ou pe koz lo menm size poz ou kestyon sa ki Minis i kapab fer en sel reponn.

 

HON SEBASTIEN PILLAY

Mersi Mr Chair.  Mr Chair mon konpran sa komanter ki’ ganny fer par Leader Lopozisyon, i en komanter ki mon share.  E komanter ki mon share be selman mon ti a kontan ki Minis i klarifye as to the timing pou nou fer li.  Akoz given ki curriculum yer pe al konmanse la 2018. Whether 2018 would be the ideal or whether nou move to a more to a better option ki pou vin 2019 kot nou a kapab ganny tou manrmay pe konmans at the same time pou al towards bann legzanmen ki pou fer an Novanm/Desanm 2019.  So si Minis i kapab klarifye sa.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Mr Chair avek ou permisyon ti annan en kestyon ki Onorab Hoareau ti demann mon konsernan Dokter Nolen ki mon’n nonm it.  Dr Nolen oa resevwar en saler ek Minister Ledikasyon.  Mon konfirmen i napa saler.  In ganny 3 travay konsiltan dan lepase.  Pou ki i pa ankor son bann peyman pa ankor ganny fer.  Akoz evalyasyon sa travay pe ganny fer i tonm R160mil pou son 3 travay ki’n fer dan lepase.  I annan lezot konsiltan ki’n travay pou nou Legal, Development, Education Research, Furniture, Sanitation bann Seselwa zot bann consultancy, i tonm apepre dan menm wage.  Sa bann travay ki’n ganny fer.  E mon konfirmen poudir i pa pe ganny okenn saler avek Minister Ledikasyon.  Pou reponn kestyon bann sizesyon ki’n ganny met devan konsernan “School of Excellence” mon krwar nou tou nou ti kontan Mr Chair ler nou ti annan sa linisyativ ou ti ganny sa devlopman, e nou ti fer tou bann travay neseser furniture, lekipman, planifikasyon curriculum planifikasyon bann progranm, ensidswit.  E nou ti’n konmans fer sa travay separasyon an term sa 3 education pathway ki nou ti pe koz lo la.  Nou annan nou academic, nou annan nou general, education pathway pou bann zanfan ki zot nivo i apepre average.  Nou pe koz D, E, F, G, and so on.  Apre nou annan nou, nou ti annan nou bann zanfan ki lo nivo teknik zot for lo nivo teknik ki nou apel technical vocational education pa TIVET as we know it today.  Be proper en proper e la nou ti rankontre boner dan lannen nou ti rankontre avek Cambridge as well.  Pou nou kapab devlop en curriculum e nou ti’n swazir pou demare ti annan en posibilite 8 an diferan progranm diferan size nou ti swazir techonology enterprise ki  fer en pe engineering en pe technical drawing, electrical, carpentry – bann keksoz koumsa techology and enterprise nou ti’n swazir.  Apre ti annan agriculture, pou bann manrmay ki enterese ladan.  Apre nou ti’n swazir osi textile, textile and eowing pou bann lezot zanfan.   Ti annan lezot ankor.  Me nou ti oule demar 2018  o mwen avek sa 3.  Epi al lo lezot akoz nou bezwen form bann lecturers – bann teachers dan sa bann size pa koz ou napa ase pou lemoman dan sa bann size.  Akoz nou napa ase pou teach e nou ti’n fini progranm sa pandan bann sesyon formasyon pou zot.  Now nou ti’n swazir Lekol Perseverance Segonder.  Nouvo Lekol Perseverance Segonder pou nou enplimant sa proze.  Mon’n vizit site avek mon lekip plizyer fwa nou’n fer plizyer travay preparasyon.  Nou ti’n fini procure fer nou procurement list pou tou nou bann lekipman.  Sirtou pou nou bann nou bann laboratwar lo kote TIVET e osi akademik pou bann Language Rooms pou bann Computer Rooms, bann chemistry labs, physic labs and so on.  E bote sa model se ki nou ti kapab bann zanfan ki pe fer akademik osi fer bann size teknik ek vokasyonnel –  an menm tan, si zot anvi par egzanp zot ti kapab fer maths physic technology enterprise, ek chemistry bann keksoz koumsa.  Zot ti annan sa posibilite fer sa mix.  Prezan sa lekol Perseverance i pran 900 zanfan.  Son kapasite i pran 900 akoz design i koumsa.  E nou ti napa en lot etablisman ki ti pou vin pare, an Zanvye pou nou kapab met sa nouvo  Lekol Ekselans ladan.  So nou’n dir ok nou ava fer sa lekol vin sa Sant Ekselans.  Prezan Manm Lasanble ler nou’n regard nou bann rezilta lo nivo S3, akoz nou’n intake ti pou S4/ S5.  Nou [ti konmans ek sa 2 dernyen lannen segonder avan nou al lo nivo segonder.  Ki kriter nou ti etabli ?  Nou ti etabli en kriter 3 C. 3 C lo en average 8 size ki bann zanfan pe fer lo nivo S3. Ok, so nou ti dir pou antre dan Lekol Ekselans ou bezwen 3C.  I pa o sa – ok?  Now, problenm ki nou’n gannyen parmi lezot se ler nou regard intake pou sa gran lekol – 900.  Ki nou’n deza … konman en lekol segonder.  Nou’n vwar poudir nou pa ti pou menm achieve 190 zanfan ki ti pou kapab 3 C lo nivo S3 pou intake.  Ok, e sa i en fe baze lo bann prediksyon ki nou’n gannyen.  E baze lo bann rezilta 2016, rezilta 2015, rezilta 2014 – S3 ok?   I apel Selection Exam S3 ok?   So the issue then nou ti pou annan en gran lekol e nou pa ti pou annan kapab met itilizasyon sa lekol parey nou ti devret pe fer li.  Nou, nou ti a kontan annan 500 – 600 zanfan.  Now se pou sa rezon ki Gouvernman i dir be ok annou tenir.  Annou tenir annou focus lo upgrade pou tou nou bann lekol pou lemoman.  Nou a kapab donn en pe plis lanfaz lo tou lo lakademi,  bann teaching bann academic teaching avek technical vocation teaching, pou nou kapab upgrade  nou bann zanfan.  E swit a sa nou ava etablir prezan dan lavenir sa lekol.  Mon krwar se sa en pe direksyon ki Gouvernman konman Konsey Minis in deside swit a sa bann problenm ki nou annan.  So i vin en problenm fondamantal ki nou annan lo nivo outcomes – bann learning outcomes.  Nou bann grade nou bann zanfan dan lekol ozordi.  Nou’n vwar zot ava vwar dan nou PPBB, nou bann performance targets ki nou’n etablir e nou pa pe attempt sa bann performance targets, menm lo nivo P6, menm lo nivo S5 ozordi, menm lo nivo S3.  Se pou sa rezon nou bezwen revwar en pe an zeneral nou bann lekol segonder sey raise sa nivo tou nou bann lekol segonder, prepar nou bann zanfan e an menm tan pa perdi sa zenerasyon ki la aktyelman dan lekol.  Akoz nou pou perdi ankor en zenerasyon si nou pa fer nanryen dan imedya.  So nou plan stratezi pou Ledikasyon i bezwen sanze, pou nou kapab adapte avek sirkonstans aktyel ki nou pe fer fas avek.  Mersi Mr Speaker.

 

MR SPEAKER

Onorab Ramkalawan.

 

HON WAVEL RAMKALAWAN

Non Mr Chairman.  Mon konpran ki Minis pe dir.  Me selman at the same time nou bezwen konmans en landrwa.  E si ou anann 180, donn sa 180  sa konmansman.  E an mezir ki ou donn sa 180 sa konmansman then apre sa petet sa dan li menm li ki a vin en lankourazman, i a vin en motivasyon pou lezot. E alor dan en serten sans mon anvi re ensiste lo sa ki mon’n dir o konmansman.  Ki 180 Independence School ti konmans ki 180 zanfan.  E apre sa zot ti konmans avek one stream.  La ozordi zot annan plizyer streams.  E se sa ki pou lev nivo.  Letan bann lezot dan bann lekol pou vwar ki pe arive kot Lekol Ekselans depi dan S1 depi dan primer ou pe konmans montre zot kwa ki zot pou gannyen.  This with itself with the motivaltion.  Alors nou lager i ankor kontinyen la.

 

MR SPEAKER

Ok.  Mon krwar Minis ou i en sizesyon ki ou pou bezwen anmenn kot Gouvernman pou koze  i annan diferan entervenan ki’n koz lo la.  Onorab Sophola.

 

HON NOLINE SOPHOLA

Bonn apre midi.  Mersi Mr Chair.  Bonn apre midi tou dimoun.  Mr Chair si ou permet mon zis pou poz en kestyon lo sa School of Excellence. Minis pandan ki ou pe koz lo School of Excellence eski ou’n mazin lozistik bann zanfan Praslin La Digue?

 

MR SPEAKER

Minis.

 

MINISTER MR JOEL MORGAN

Mersi Mr Chair.  Wi nou’n mazin bann lozistik pou bann zanfan Praslin ek La Digue akomodasyon transpor and so on.  E dan nou PSIP nou ti annan plan pou nou build pou laveni en nouvo Block kot i annan separasyon kot Youth Hostel konmela akoz sa bann zanfan i ti pou vin lekol ekselans sorti Praslin La Digue i bann miner.  E nou ti pe regarde pou nou build en nouvo bBock pou zot pou lavenir.   Antretan nou ti pe fer bann lezot laranzman akomodasyon tanporerman pou lannen 2018 ziska ler ki nou ti kapab fini sa proze petet ver 3enm trimes 2018 pou akomodasyon bann zanfan.  Nou bezwen separ zot akoz zot tou lo miner zot napa 18an.  E bann lozistik ti an plas pou .sa.  La prezan lefe ki nou pa pe posedan dan sa direksyon,  i donn nou letan pou nou kapab osi met sa nouvo batiman i still dan nou PSIP nou pe kit li la.  E pou lavenir i ava en posibilite epou nou kapab servi.  Mersi.

 

MR SPEAKER

Onorab Andre ou ti’n lev ou lanmen lo menm size ?

 

HON CLIFFORD ANDRE

Mr Speaker ti Annan referans avek Dr Nolen so… 

 

MR SPEAKER

Ok, alright.  Onorab Sophola.

 

HON NOLINE SOPHOLA

Mersi Mr Chair.  Minis mon konnen ki zot, zot in fer bokou training pou bann teachers sirtou lo segonder,  me ki mon pe demande dan sa Bidze la.  Eski zot mazin osi fer overseas training pou bann teachers Early Childhood avek Primary?  Akoz si nou oule ganny en bon rezilta mon krwar nou bezwen konmans a la baz.  Akoz tou training in ganny donnen avek bann teachers segonder.  E 2enm osi lo Praslin/ La Digue nou pe annan problenm pou nou recruit teachers pou vin travay. Mon pe regarde eski dan Bidze i annan en pacxkage ki zot mete pou, atrakte sa bann teachers pou vin travay La Digue?  E osi anliny ek sa si zot in regard lodging allowance ler bann teachers i deplase sorti La Digue Praslin poul vin fer serten travay ki Minister i demann zot.  Mersi Mr Speaker.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Mr Chair wi sa kestyon training nou bann teachers i tre, tre enportan si nou le vwar en amelyorasyon dan rezilta nou bann zanfan dan lekol.  Lo nivo primer apepre 50  poursan nou bann teachers i napa en diplonm zot napa en diploma.  Zot annan een certificate or i annan osi ki uncertificated.  So ki nou pe fer pou lannen 2018  nou pe met en progranm an plas avek Seychellels Institute Teacher Educattion, pou anmenn  sa bann teachers ki napa en Diplonm, ki napa en sertifika, lo nivi Diplonm – en Diploma.  Apre zot ava al fer zot advance diploma dan Primary Education ouswa dan Early Childhood.  Napa bokou teachers dan primer ozordi ki i annan en Bachelor’s Degree – Bachelor of Education  ouswa en PGCE.    Zot napa bokou dan … i annan apepre en 23 poursan ki annan sa. So mazorite zot napa.  So nou bezwen anmenn sa bann ki pli ba pou al lo sa nivo.  Kestyon se ki sa bann teachers, nou pa kapab anmenn zot direkteman pou al fer zot Bachelor of Education, akoz zot pa ankor ariv a sa nivo akademik pou zot kapab fer li. So zot semen zot pathway ki zot bezwen swiv zot bezwen al lo en nivo Diploma first apre fer zot Advance Diploma.  Ouswa si zot in fer byen lo nivo Biploma apre sa zot kapab al direkteman pou al fer zot BEd ok now par egzanp sa lannen nou’n ganny mwens ki 10  ki nou’n kapab anvoy Botswana pou al fer zot BEd,  akoz nou pa’n kapab arive pou ganny bann lezot pou enrol lo sa program.  An menm tan University of Seychelles l ii pe offer en BA dan Ledikasyon.  Apre zot fer zot PGCE atraver UniSey kot zot vin ekivalan preski avek bann dimoun ki annan BEd pou zot kapab teach dan bann lekol.  Sityasyon dan bann lekol segonder i diferan Mr Chair.  Akoz mazorite nou bann ansenyan dan lekol segonder i bann dimoun ki annan en Bachelor’s Degree pou sa pli o zot annan Masters ouswa zot annan en pti pe pli ba zot annan Advance Diploma.  Me mazorite zot, zot lo nivo Bachelor’s ek Advance Diploma ek Masters.  So nou sityasyon segonder i pa sitan en problenm enkyetan pou nou.  Par kont nivo primer nou rekonnet ki nou bezwen envestir bokou plis dan formasyon nou bann teachers, lo nivo  Early Childhood setadir Creche to P2.  Apre P3 ziska P6 ki nou appel primer.  La nou annan serten problenm.  Sirtou par egzanp lo nivo P3/ P4 nou annan bokou problenm avek bann uncertificated teachers ki bann teachers assistant par egzanp nou napa ase qualified teachers la.  E nou pe konsider  bann solisyon inovativ pou nou kapab bridge sa gap.  Antretan nou pe form nou bann teachers Seselwa, nou bezwen kapab bridge sa gap pou nou pa osi perdi lenstriksyon sa bann zanfan e revwar ankor en pe sa ki nou fek koz lo la dan lavenir.  Mersi.

 

MR SPEAKER

Onorab Sophola.

 

HON NOLINE SOPHOLA

Mersi Minister.  Minister selman en keksoz ki mon’n konstate pandan ki mon’n dan sistenm mwan osi, se ki sak fwa ki en dimoun i sorti training i vini, i vin ek en degre la toultan nou pran li nou met li dan segonder.  Malgre sa dimoun ti dan primer li ler i vini nou met li dan segonder.  Oubyen nou donn li en pos dan administrasyon.  Se ki fer petet fodre sa osi nou pe revwar.  Apre petet mon dernyen kestyon Minis pandan ki appraisal ti pe fer,  mon konnen ki Lekol La Digue i annan en nonm teachers ki ti ganny dir la dan sa Lasanble ki ti dernyen ki pa’n meet kriter.  Ki keksoz zot pe fer dan sa Bidze?  Eski sa group teachers in fini meet sa kriter?  Zot in gannyen zot fodre gannyen?  Oubyen dan sa Bidze zot pe mazin travay avek sa bann teachers pou zot meet sa kriter?  Mersi.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Mr Chair mon rekonnet ki nou bezwen envestir bokou plis ledikasyon primer ek Early Childhood.  E nou devret annan bann teachers ki byen kalifye.  Akoz ledikasyon i konmans la formasyon i bezwen konmans tre boner pou zot kapab swiv sa formasyon pli tar segonder.  So nou pa kapab kontinyen zis met bann teachers ki’n annan zot Bachelor’s Degree dan segonder.  Se pou sa rezon ki mon’n dir nou pe travay lo en solisyon inovativ, pou kapab led nou bridge s a gap,  antretan nou form nou bann teachers Seselwa pou lavenir pou zot kapab osi annan Bachelor’s lo nivo Early Childhood Education e lo nivo Primary Education.  E lanmenm nou vwar nou annan serten problenm, akoz lafason ki nou Diploma Course pe ganny deliver.  Lo nivo SITE.  Diploma ek Advance Diploma SITE Seychelles Institute Teacher Education i fer generalist teachers.  Me ler ou’n ariv P5 P6 ou nepli kapab en generalist teacher.  Ou bezwen en teacher ki spesifye ki bann size ki ou pou deliver lo sa nivo.  So i annan bann serten travay ki nou bezwen fer ankor pou nou donn plis formasyon bann teacher lo bann size spesifik, parey bann langaz parey Zeografi, parey Matematik, parey Lasyans, bann keksoz koumsa ki ozordi nou pe fer avek generalist teachers.  I annan bokou travay pou nou fer lo formasyon nou bann teachers. E se pou sa rezon ki nou pe envestir plis dan SITE.  Ozordi Seychelles Institute Education i annan zis 23 staff. Ler zot ti move pou al kot UniSey zot ti annan 48 staff.  Mazorite i reste avek UniSey 5an apre nou ankor annan zis 23 staff Seychelles Institute Education.  So enn bann travay ki nou’n fer pe pou vwar ki mannyer nou kapab anmenn nouvo dimoun dan sa Lenstitisyon pou kapab annan nou bann lecturers pou form nou bann teachers a lavenir o maksimonm posib.  Lo sa kestyon Teacher Recognition atraver sa Scheme ki nou ti koz lo la an term zot performance appraisal mon krwar nou bezwen travay.  Solisyon se pou travay avek zot.  Pou zot upgrade zot performans pou lavenir dan en fason ki zot a kapab konn byen ki bann ki performance indicators ki nou espekte.  Nou defini sa byen kler.  E nou travay avek zot ansanm avek management lekol ek School Council, anba sa nouvo model gouvernans ki nou pe al ladan lannen prosenn.  Nou travay ansanm ek zot pou zot kontinyen upgrade.  Nou bezwen retenir zot nou bezwen siport zot nou bezwen ed zot pou zot upgrade.  Akoz nou bezwen zot.  Sa bann dimoun i la pe fer travay pou nou.  E nou bezwen soutenir zot.  Me par donn zot 10 reward koumsa mon krwar i pa pou achieve sa ki nou le.  Nou le bann pli bon teachers nou le bann teachers ki perform pli byen.  I annan en kantite nou bann teachers ki travay tre dir.  I annan en kantite teachers ki mank sa formasyon neseser.  Pou zot kapab deliver parey nou ti ava anvi zot deliver.  Apre of course nou annan en serten proporsyon bann teachers osi ki pa pe fer zot travay dapre zot devret pe fer.  Me zot an minorite.  Me selman mon krwar nou bezwen annan en holistic approach lo nivo management nou bann teachers e ankouraz zot pou travay.  E donn zot sa sense of professional development ki zot in petet pa’n ase gannyen ziska prezan.  Mersi Mr Chair.

 

MR SPEAKER

Onorab Esparon.  En klarifikasyon wi Onorab Sophola.

 

HON NOLINE SOPHOLA

Minis eskiz mon.  Mon pe koz sa ‘group teachers segonder La Digue ki zot tou zot e pa ti gannyen sa soz – appraisal.  Eski i napa nanryen ki zot in ganny fer ziska maintenant? Apre mon lodging allowance ou pa’n dir mon nanryen lo la.  Mersi.

 

MR SPEAKER

Minis.

 

MINISTER MR JOEL MORGAN

Eskiz mwan mon’n mank sa bout Mr Chair.  Mr Chair sa appraisal i sorti  kot management lekol.  E nou nivo Minister lo nivo Headquarters nou’n depann nou’n rely lo appraisal ki management lekol in fer dapre son staff akoz management ki konn son staff dan lekol.  So pou nou fer en review pou La Digue savedir nou pe kree en pe en presedan ki riske tou bann lekol i demann en review appraisal.  E mon a sir ki nou oule al dan sa direksyon.  Akoz nou pe al met management bann lekol anba presyon e i pou kree en kantite difikilte.  Akoz zot in fer zot appraisal once first time.  E la nou pe demann zot pou  re appraise e petet i pou montre pou dir nou napa konfyans dan zot appraisal process ki zot in fer.  So mon pa neseserman  krwar i pou rezoud nou problenm sa Mr Chair.  Lo sa kestyon allowance mon ti a kontan anons avek Lasanble ki annan nou pe termin travay la avek DPA.  Nou’n fini ariv lo staz final, pou en nouvo teachers Scheme of Service, konmansman lannen prosenn. Sa nouvo teachers Scheme of Service, i rekonnet plizyer nouvo keksoz ki pa ti dan existing Scheme i osi met bann teachers lo bann nouvo bands konpare ek sa ki zot ti lo la ozordi.  Dapre zot kalifikasyon.  Me avek en nouvo eleman ki apel post-qualifying experience.  Kot nou annan recognition of prior learning e nou recognize prior experience osi dan sa nouvo Scheme.  Sa nouvo Scheme i rekonnet tou nivo teachers, depi assistant teachers bann ki uncertificated osi all the way up to bann ki annan PHP dan teaching ozordi ki dan sistenm Ledikasyon.  So nouvo Scheme pou lannen prosenn Mr Chair, i annan R14 milyon  dan Bidze.  Nou pe enplimant li par faz e son full enplimantasyon i pou an 2019. Pou lannen prosenn nou pou annan en inducement allowance pou nou bann teachers ki uncertificated.  Epi nou pou annan setadir nou bann assistant teachers ek bann supply teachers apre nou pou annan en marketable skill allowance oki pou antre k ii en nouvo eleman pou nou bann teachers ki annan zot diplonm zot kalifikasyon neseser.  So sa pou kout nou anviron 14 milyon e i feature dan Bidze anba nou wages and salaries pou Primary Education Early Childhood ek Primary e osi pou Secondary avek anba P6 kot nou annan bann lecturers kot bann Lenstitisyon pos- segonder.  Mersi.

 

MR SPEAKER

Onorab Esparon.

 

HON REGINA ESPARON

Mersi Mr  Speaker.  Mr Speaker lo paz 308 anba ‘current expenditures’ pou maintenance and repairs i annan en sonm 11.900milyon.  Mon ti a kontan konnen si dan sa sonm i annan larzan pou konplet sa Klinik Dantis kot Lekol Glacis.  Akoz dapre konpran son lenfrastriktir i tonm anba Minister Ledikasyon me selman son lekipman ki tonm anba Minister Lasante.  Anba PSIP mon vwar en sonm R300 mil pou  ‘reconstruction of hall’ pou lekol primer.  An vi ki sa lekol i en nouvo lekol mon ti a kontan en lesplikasyon akoz ki sa pe fer e kote sa i ete.  Parske an se moman mon pa vwar okenn konstriksyon kot Lekol Glacis.  Par kont Minister, mon pa vwar okenn alokasyon ki’n ganny mete pou konstrir sa playground pou zanfan Lekol Glacis.  Ki lannen pase Minis ou dir mon ki pe al ganny fer byento akoz ti deza annan larzan in ganny met en kote pou sa proze.  Mersi.

 

MR SPEAKER

Minis hall avek playground.

 

MINISTER MR JOEL MORGAN

Mr Chair i  annan osi sa dental facility, avek ou permisyon mon ava demann nou konsiltan pou koze Mr Belmont pou li pran sa bann kestyon.  Mersi.

 

MR SPEAKER

Mr Jones Belmont.

 

MR JONES BELMONT

Mersi Mr Speaker.  Mon a pran premye hall, lekol in deza ganny konstrir avek en hall ki available.  Savedir napa nouvo hall ki pou ganny kree.  Ki pou ganny built pou Lekol Glacis.  Dezyenmman dental room.  Sa dental room normalman dan lepase nou zis donn en building apre Lasante i donn bann lekipman.  Me sa lannen zot in dir nou met serten lezot lenfrastriktir avek.  Par egzanp, bann cabinet, ki avek delo answit.  ‘E sa ti’n konmanse me aparaman in annan serten kestyon teknik.  Lekip kot Minister avek lekip Lasante, zot pa ankor kapab finaliz serten pti pwen.  Nou mazinen ki avan lafwenn sa lannen s ai ava’n ganny fini rezourd.  Sa i konsern dental.  E playground.  Sa osi letan nou ti dir nou ti vini dan Lasanble nou ti dir ki sa pou ganny fer lo en nivo tripartite savedir pou annan osi kominote ki pou zwenn avek nou ansanm avek Sport, ek Minister Ledikasyon.  I annan bann rankont ki’n ganny fer pou lemoman.  E i annan serten keksoz ki pe ganny finalize me aparaman enn bann keksoz ki’n leve se sa landrwa kot pe fer sa playing area deryer i annan en bon pe ros e letan nou pe ler nou’n koz avek bann dimoun lanvironnman zot vwar pou dir sa area konmsi i en pe domaz pou al kraz tou sa bann zoli ros ki letan ou pas obor lanmer i dan en features en zoli feature antretan kont ki granit, i enn nou bann labote dan Sesel.  Me parkont zot ti pe .demande akoz ki nou pa fer bann neseser pou kapab itiliz Glacis dan son totalite an plis.

 

MR SPEAKER

Onorab Esparon.

 

HON REGINA ESPARON

Mersi Mr Speaker.  Mr Speaker anvi ki project manager in fer nou konpran ki’n napa okenn konstriksyon pou go on Glacis,  mon demann li kekfwa servi sa R300mil ki zot ti’n mete la, pou fer lezot keksoz pou fer avek Lekol Glacis, an vi ki napa sa konstriksyon ankor ki pe go on.  Mersi Mr Speaker.

 

MR SPEAKER

Par ekip dental room ou pe dir?

 

HON REGINA ESPARON

Yes.  

 

MR SPEAKER

Konsiltan oubyen Minis.

 

CONSULTANT MR JONES BELMONT

Mr Speaker hall pou Glacis ti deza i deza la.  Mon pa asire ki hall egzakteman ki …

 

MR SPEAKER

I pa  dir ou hall, i dir ou i annan en 300mil ki ti pou hall, si ou pa pe fer i deza la, si ou kapab fer en lot keksoz pou Lekol Glacis, se sa?   Wi Onorab Esparon.

 

HON REGINA ESPARON

Mr Speaker si Mr Belmont i al lo paz 11 PSIP premye anler, i pou vwar i annan en lokasyon pou ‘reconstruction of hall.  Lannen pase ti met 250 mil pa’n servi.  Napa okenn konstriksyon.  E sa lannen in met 300mil.  Mwan ki mon pe demande anvi ki sa larzan deza fini ganny mete pran sa larzan pou fer bann pti louvraz ki annan pou fer kot Lekol Glacis.  Mersi.

 

MR SPEAKER

Me sa ki mon’n dir Mr Belmont.  Eski sa i kapab ganny fer?  Oubyen akoz i ti’n vote pou hall –  hall pa pou fer.  Minis ou kapab servi li pou lezot amelyorasyon pou Lekol Glacis?

 

MINISTER MR JOEL MORGAN

Mr Chair avek ou permisyon PS ava pran sa kestyon.

 

MR SPEAKER

 

PS DR ODILE DE COMMARMOND

Onorab nou ti’n dir dapre sa ki Lekol Glacis in dir nou i bezwen kot lasal manze i ete i bord avek main road.  I dir nou koumsa i ti ava kontan bare akoz lapousyer i tonm dan kot lasal manze.  Alors diskisyon ki nou pou fer nou pou pran sa larzan, pou fer sa miray pou anpes lapousyer tonm  anba dan lasal a manze.  Mersi.

 

MR SPEAKER

Onorab Esparon ou satisfe?  Napa lapousyer dan manze Lekol Glacis.  Tre byen.  Onorab Lemiel.

 

HON SYLVANNE LEMIEL

Mersi Mr Chair.  Bonn apre midi tou dimoun, Minis avek ou delegasyon.  Minis lo PSIP mon pe vwar ki annan en sonm R100  mil pou Lakres.  R2 milyon pou Lekol  Anse Royale Primer.   R200mil pou Anse Royale Segonder.  Mon ti a kontan konnen petet ki proze nou pe al fer kot Lakres.  Ki proze nou pe al fer kot Anse Royale Primer akoz mon konnen nou annan sa lasal manze ki zis son platform ater i pa ankor ganny konstrir.  E lekol segonder kot dantis i en problenm i annan en delo ki sorti dan tank anler ki pe koul anndan.  I demann en bon pe reparasyon i annan over 1an.  E si sa larzan ladan pe ganny konte pou fer sa bann renovasyon e nouvo, konstriksyon?  Mersi.

 

MR SPEAKER

PS oubyen konsiltan.  Konsiltan oule Mr Jones Belmont oule reponn?

 

MR JONES BELMONT

Mersi Mr Speaker.  Mon a pran sa bann konsern ki’n ganny leve.  Mon a konmans avek Lakres.  Pou Lakres parey ou’n dir i annan en platform ater.  E pou lemoman i annan en maki lo la ki house sa bann dimoun ki zot annan en landrwa omwen ki desann pou zot manze.  E la konman mon pe koz avek ou bann desen nou’n fini fer.  I reste zis al kot Lotorite Plan.  An menm tan nou pe demann pou rod permisyon avek Procurement.  Konmsi parallely e ki dan nou fer en plan ki ase senp.  Me selman ki pou donn en bon shelter dapre ki Lasante in dir fer.  E nou pe tap tou ki larantre zot ava annan zot en decent dinning hall avek son fasilite.  Sa i pou Lakres.

 

MR SPEAKER

Onorab Lemiel.

 

HON SYLVANNE LEMIEL

(Mic Off)

 

MR JONES BELMONT

Sa i pou lakres sa ki mon’n dir.

 

MR SPEAKER

Wi i annan 2 lezot kestyon.  Oule repete?

 

CONSULTANT MR JONES BELMONT

Pou primer i annan bann on going renovation ki deza la.  E la nou fek re tender en lot group travay.  Ki pou pran en bon chunk sa larzan.  E answit pou annan bann  lezot pti travay ankor pou fer kot lekol primer ; par egzanp donn zot security kiosk ki zot pa’n gannyen letan nou’n fini fer renovasyon fencing.  E osi bann reparasyon avek lekol li menm ki lekol  i tonm dakor avek kwa ki pou fer.  Kot segonder nou pe i annan travay ki’n deza pe ganny fer la obor kot Funeral Parlour.  E par deryer Funeral Parlour avek Street Escott nou pe al konmans sa miray walling brick wall.  Nenport moman la akoz kontrakter i deza lo site.

 

MR SPEAKER

Onorab Lemiel.

 

HON SYLVANNE LEMIEL

Mr Chair, savedir letan mon gete Minis Dental pa pou ganny pran kont ankor lannen 2018?  Akoz i paret i napa Bidze ki’n ganny mete pou Dental e mon pe mazinen pou konbyen letan ankor sa bann Dantis kot Lekol Anse Royale Segonder pou travay dan sa sityasyon ki zot pe travay.  E mon pa konn nanryen dan konstriksyon mon.  Mon pa en enzenyer me selman ler nou get R100 mil pou fer sa dining hall, kot Lakres be sa pa li mon krwar en.  Mon pa en dimoun ki dan konstriksyon me mon krwar sa pa ase sa.

 

MR SPEAKER

Konsiltan.  Eski R100mil pou aranz sa dining hall kot Lakres?

 

MR JONES BELMONT

Pou fer sa larzan ki dan PSIP nou’n revwar en larzan ki sorti en lot landrwa kot bann progranm ki’n ganny retar sa lannen.  E letan nou pe koz en dining hall li menm li i bokou plis ki R100 mil parey ou pe dir.  E larzan in fini ganny vie pou kapab fer sa – pou sa lannen.  Sanmenm sa nou pe tap tou pou nou fini sa lannen.

 

MR SPEAKER

Ok Dental Minis.  

 

MINISTER MR JOEL MORGAN

Mr Chair mersi.  Pou Dental facility la kot i ete konmela parey zot konnen parey Onorab i sirman konnen, i annan en problenm striktirel  kot anler sa bim in kase akoz sa feray sa steel dan sa bim in rouye.  Prezan bim in gonfle. E dan serten seksyon nou bezwen anvoy dimoun koupe koup sa bim pou sekiriz landrwa anba e nou’n fer met en bout kouvertir tol.  Pou protez  lekipman  anba kot dental i ete.  E osi pou protez bann zanfan anba. So i annan en travay renovasyon e reparasyon ki nou pe al fer la pou kapab sekiriz sa landrwa.  Ke pou donn nouvo striktir.  En nouvo striktirel la pou protez li pou lavenir.  Sa bann plan in fini ganny prepare.  I dan nou Bidze pou travay anba nou maintenance akoz i bann repairs works i tonm anba maintenance.  E nou ava fer li dan sa bann mwan ki vini la.  Mersi.

 

MR SPEAKER

Onorab Lemiel.

 

HON SYLVANNE LEMIEL

Mr Speaker zis, en lot pti keksoz mon ti’n bliye demande.  Letan pe koz allowance pou bann teachers la bann PE teachers kot zot tonbe zot?  Zot en bann teachers zot osi?

 

MR SPEAKER

PE teachers Minis.

 

MINISTER MR JOEL MORGAN

Byensir Mr Chair.  Mon krwar in annan bokou diskisyon yer dan Lasanble dan sa Lasanble lo kestyon PE teachers e Ledikasyon Fizik dan lekol, i en keksoz ki nou bezwen regarde seryezman.  Nou annan en problenm la akoz nou bann PE teachers deplizanpli zot pe vin pli aze.  E nou pa’n kapab form bann PE teachers ki i annan en bon pe lannen.  Napa bokou ki oule rantre dan sa direksyon lansennyman osi.  Me zot ganny konsidere konman bann teachers e zot tonm anba teachers Scheme of Service e zot pou tonm anba sa nouvo Scheme osi kip e vini.  Mersi.

 

MR SPEAKER

Mersi.   Onorab Adelaide.

 

HON FRANCOIS ADELAIDE

Mersi Mr Chair.  Bonn apre midi  a tous.  Minis lo paz 11 PSIP mon vwar ti annan en milyon 2017 pou Lekol Baie Lazare 2018 mon vwar osi i met en  milyon mon ti ava kontan konnen ki zot in fer avek sa en milyon2017 e ki zot anvizaze fer an  2018?  Apre mon ti tann ou koz lo lotonomi lekol mon pe demande si sa Bidze i annan larzan pou bann lekol? Minis mon 3enm pti pwen sa nou serye lo la.  Dan letan aktivite konpetisyon Nasyonal lekol nou lekol tim fer ase byen nou.  Me selman le problenm se ki anvil laplenn i plat, Baie Lazare nou laplenn i annan bos.   Nou santi nou defavorize akoz kontrakter ti annan en larzan pou fer nou laplenn byen,  me solman nou laplenn i ankor parey.  I annan bokou bann fasilite ki petet i ti kapab aranze nou pa’n gannyen.  So mon pe demande konbyen ti kout e pou konbyen larzan pou sa kontrakter ti koute pou sa proze e konbyen zot ti pey li?  e si fodre rann en pe larzan  pou benefis nou lekol avek nou manrmay , eski zot Minister get dan sa posibilite pou re ganny en pe larzan pou nou kapab refer nou laplenn byen ki lannen prosenn nou ava sorti no lekol i ava sorti  en pe pli mye e petet i ava kas en pe plis rikord.  Mersi.

 

MR SPEAKER

Minis laplenn Baie Lazare.

 

MINISTER MR JOEL MORGAN

Mersi Mr Chair.  Mr Chair mon okouran ki i annan problenm avek sa laplenn Baie Lazare, me sa i osi en problenm istorik.  Akoz bann ki konn sa zot konnen pou dir sa laplenn ti avek NSC    avan.  Apre i ti ganny transfer NSC ti ale i ti ganny transfer avek lekol.  E swit a sa i annan bokou problenm pou nou kapab renouvle sa laplenn fer sa travay.  E i toutafe vre ki sa kontrakter in fer sa louvraz pa’n delivre alaoter.  E la nou annan en problenm entern nou annan defayans entern. Lo nivo quality control par nou bann nou bann zofisye nou bann teknisyen.  Ki fer ki travay i ganny fer i ganny sertifye.  E finalman i pa la oter fer sa travay.  Mon bezwen nou kapab rekiper larzan mon pa konnen.  Mon bezwen regard bann aplikasyon legal si nou’n fini siny sertifika – certificate of acceptance 3 parey nou dir sa.  E si nou pa kapab then i si nou kapab savedir nou ava fer le neseser pou nou kapab repran en pe sa larzan pou kapab kontiny sa travay e pou aranze.  Mon konnen osi kot lekol kot laplenn Lekol Baie Lazare i annan en problenm drenaz delo i desann la dan laplenn i annan delo souteren ki pas en pe osi i toultan i mouye la.  E ki nou pe fer dan sa anba nou bann proze nou annan en miray ki nou pe fer avek en drenaz en perimeter drain, pou anpes sa delo desann e afekte laplenn dan lavenir.  So sa i 2 eleman ki mon kapab koz lo la.  An term lekol li menm li ou’n demann 2 kestyon lo la, mon ava demann Mr Belmont avek ou permisyon Chair pou reponn sa.  Mersi.

 

MR SPEAKER

Mr Belmont.

 

MR JONES BELMONT

Mersi Mr Speaker.  Lekol Baie Lazare i enn bann lekol malgre i ase nouvo me selman nou vwar en kantite defect structural avek li.  E bann materyo ki’n ganny fer avek sa ki’n ganny fer pou konstrir sa lekol i kapab bann materyo li menm ki’n vini ki pa alaoter an term son grad.  E si mon retourn an ayer nou ava  ki sa ti en donasyon  ki ti annan bann travayer etranze ki ti vini vin travay lo la dapre kondisyon sa Donasyon.  E pou lemoman an sak fwa ki nou aranz en bout nou vwar en lot bout i kase.  E nou pe mazin seryezman met annefe met plis larzan dan lefitir akoz nou espekte ki nou pou ganny ankor plis problenm avek sa lekol.  Parey nou pe trouve la an se moman avek lekol Au Cap ki nou’n bezwen met en pli gro morso  larzan ki nou pa ti ganny bidzete vire en larzan sorti ek proze.  Akoz sa i vin ladan en sans emergency.  E menm zafer nou’n, bezwen fer pou Baie Lazare revwar ki nou pou annan bann defect tre byento ankor.  E sa en milyon ki nou’n mete i riske pa ase parske sa ki nou’n konmanse pou lemoman i pa pe anmenn nou gran zistans.

 

MR SPEAKER

Onorab Adelaide.  Ok. 

 

MINISTER MR JOEL MORGAN

Mr Chair ti annan en kestyon lo lotonomi.  Avek ou permisyon mon a kapab pran sa?

 

MR SPEAKER

Wi.

 

MINISTER MR JOEL MORGAN

Wi, dan Bidze mon ti a kontan enform Lasanble ki dan nou Bidze pou lannen prosenn, avek sa model lotonomi finansyer ek administrative ki nou pe bouz dan direksyon pou bann lekol e bann Lenstitisyon Post Segonder osi, zot pou annan zot prop Bidze pou bann laliny ‘maintenanc’e pou preski tou keksoz apard ki ‘salaries’ pou santralize still, epi nou bann proze anba PSIP nou bann gran proze pou anba PSIP pou santralize.   Mazorite bann lezot keksoz par egzanp  procurement bann keksoz koumsa zot ava annan zot prop Bidze.  E nou pe osi donn en provizyon anba bann programme area 2, 3 avek 6.  Pou bann School Councils, pou zot kapab operate ansanm avek management lekol.  So bann lekol pou annan bokou plis fleksibilite pou zot fer zot bann travay zot menm bann travay reparasyon bann travay maintenance bann keksoz koumsa.  Nou, nou ava retenir sa bann responsabilite pou sa bann gro proze.  Nou ava retenir sa bann responsabilite pou bann keksoz parey saler payroll, recruitment  expatriate teachers bann keksoz koumsa ki nou bezwen fer santralman.  Me apar sa nou pou sey devolve progresivman otan ki nou kapab avek bann lekol.  Me an menm tan, nou bezwen fer sir ki nou soutenir zot, nou donn zot sa bann zouti neseser pou zot pa fail.  Akoz nou donn zot lotonomi apre zot fail i vin en pli gro problenm ankor.      So i bann travay ki nou pe fer.  I annan formasyon ki nou demann Guy Morel Institute pou fer ki nou bann Headteachers bann Deputy Headteachers bann Office Managers, lo bann nivo bann Professional Centres i annan bann assistant accountants, tousala pe ganny fer la pou nou kapab prepare.  E nou’n deza fer plizyer meeting ki mwan menm mwan mon’n Chair avek bann School Councils, pou elabor sa model ki mannyer i pou marse e nou pe prepar tou dimoun progresivman an 2018 nou ava rantre ladan.  E nou a donn sa lekol bokou plis kapasite li menm li pou fer bann keksoz ki li i santi li i devret fer.  Tout an gardant nou bann prensip par egzanp curriculum i reste santral bann prensip ledikasyon delivery tou sa bann keksoz i reste santralize.  Me mon krwar nou bezwen parey Prezidan ti dir a plizyer repriz nou bezwen kapab larg lanmen bann lekol.  Ozordi tousala i vin kot proze.  Pou sanz lock lo laport, pou sanz laport, pou aranz lafnet tousala i vin kot proze.  Me napa lensisite pou a bann keksoz koumsa akoz si nou empower nou bann lekol zot kapab rod zot 3 kotasyon.  I anba R20mil ouswa si i pa anba 150mil zot al atraver Minister nou kapab fer Procurement an traver zot menm zot.  E nou les zot fer.  Provided zot prosedir zot financial procedure ki an plas e nou form zot pou fer sa e zot annan kontrakter dan zot bann distrik.  Bann pti kontrakter dan bann distrik ki travay.  Nou kapab lekol i zis go ahead pou donn sa.  Pou ranplas lalimyer, pou sanz bann keksoz bann light switches, pou repar air condition tou sa bann keksoz i santralize ozordi.  Mr Chair i pa fer sans nou kontiny sa model, akoz parey ou vwar nou PSIP i R153 milyon sa lannen.  Pou nou kapab manage sa kalite lenvestisman, i deza bokou pou nou e nou bezwen kapab osi les  nou bann lekol travay e devlope parey zot ganny bezwen.  Mersi.

 

MR SPEAKER

Onorab Valmont.  Onorab Adelaide ou annan en siplemanter?

 

HON FRANCOIS ADELAIDE

Minis, zis en pti pledwari lo lapar nou bann teachers Baie Lazare dan zot proze plis konsider sa passage deryer  ki sorti kot Lakres anler ki pou pas kot lekol en fason pou nou zanfan pa pas lo semen pou zot kapab ganny evite aksidan.  Mersi.

 

MR SPEAKER

Mersi.  PS ek Minis ek konsiltan in note.  Onorab Valmont.

 

HON JUDE VALMONT

Bonn apre midi.  Mersi Mr Chair.  Bonn apre Minis e delegasyon, tou koleg Onorab e tou ki a lekout.  Minis mon pe refer lo paz 11 PSIP mon vwar ki Lekol Segonder Pointe Larue in ganny dan 2017  1.25milyon me 2018 en further 300mil pou roofing avek wall.  Sa i mon premye kestyon.  Mon ti a voudre demande eski Minis ek ou lekip  zot satisfe avek louvraz ki’n ganny fer?  An vi ki mon’n tann ou koz lo monitoring ek quality control ?  Mon 2enm kestyon i lo PSIP paz 11 osi.  Mon vwar ki Pointe Larue primer in ganny allocate avek R500 mil pou 2018.  Mon ti a  voudre konnen pou ki anver ki pe ale sa e si sa i fer provizyon pou zot demann ki zot ti’n fer pou repartitioning.  Akoz nou konnen zot annan en problenm lespas.  E demann pou fer serten laklas an plis.  E zot in propoze prefab.  Mon ti a zis voudre demann Mr Speaker s ii posib pou mon  tous ANHRD osi mon annan en pti bout pou mon demande.  Eski i posib Mr Speaker?

 

MR SPEAKER

Pou ou tous?

 

HON JUDE VALMONT

ANHRD.

 

MR SPEAKER

Ok, nou pe koz pou tou lede la.     Resource Human Resource Development

 

HON JUDE VALMONT

Mersi Mr Chair.  Lo kote ANHRD mon ti a voudre demann sa ki responsab si i annan okenn provizyon pou reget dan allowance bann etidyan ki aletranze.  La pli spesifikman bann etidyan ki baze Sud Afrique, Maurice e Botswana, akoz aparaman zot santi ki i annan en pe letan ki sa pa’n ganny revize. E si sa i annan okenn provizyon dan Bidze 2018.E mon dernyen kestyon Mr Chair se lo kote SITE ; SITE, mon aprann ki annan serten bann teachers ti pe al fer supervision kot bann  lekol supervise bann lezot teachers pou get kalite louvraz mon pe gete si provizyon in ganny fer 2018 pou purchase en loto ki zot in ganny promet apepre 1an pase pou fasilit zot mouvman ?  Mersi bokou.

 

MR SPEAKER

Dr Barallon oule reponn sa premye bout lo etidyan?  Epi Dr Decomarmond  ek ou oubyen Ms Linda?

 

PS DR LINDA BARALLON

Mersi Mr Chair.  Mersi Onorab pou ou kestyon.  Wi on regards  Tanzania in ganny revize pou 2018 sa i fer provizyon.  Me Lazans se si pran kont dan zot pei parey Sud Afrique bann lezot ki ou’n nonmen ki i annan en bezwen pou nou revize met anliny.  Wi i annan en provizyon ki’n ganny fer pou nou get sa across the board pou detrwa pei ki Lazans i pe pran ka avek.  Mersi.

 

MR SPEAKER

Loto pou etidyan teachers ki pe siperviz teachers PS.  Se sa ou kestyon Onorab Valmont non?

 

MINISTER MR JOEL MORGAN

Mr Chair nou pe koz lo sa kestyon konsernan loto – transpor?

 

MR SPEAKER

Wi.

 

MINISTER MR JOEL MORGAN

Mr Chair mon’n fer provizyon deza sa lannen Procurement i pe actually ganny fer la pou en loto SITE.  Nou’n fer internally lo nivo Minister.  E nou’n kapab procure en transpor pou SITE akoz zot ti napa parey Onorab Valmont in dir.  Mersi.  Avek ou permisyon mon ava demann konsiltan Mr Belmont pou koz lo sa 2 proze ki ou’n demann ou kestyon lo la pou Pointe Larue segonder avek primer.  Mersi.

 

MR SPEAKER

Mr Belmont.

 

MR JONES BELMONT

Mersi Mr Chair.  Pointe Larue segonder i bann on going renovation work ki ‘n konmanse pe kontinyen.  E pou sa rezon nou sa larzan.  E kot primer osi tou, i annan en problenm kot aswiv i norde e son main sours s problenm se ki par deryer miray i annan en delo ki monte.  Alor nou oule barikad sa landrwa net par deryer.  E osi profite pou nou sanz later ki kapab ganny kontaminen dan lepase.  Pou nou annan  en fresh level of ground pou bann zanfan.  E answit relev serten manhole  zot oter ki pou anpese ki annan bann backflow.  Akoz parey zot konnen sa landrwa sak fwa ki PUC son tretman son STP i fail i annan en backflow.  E nou lefe ki nou pli ba nou rezilta sa.  E nou pe fer fason pou nou rektifye sa e ti sa problenm anndan at least, kot manrmay akoz nou rekonnet ki i annan en gran kantite manrmay ki la, e zot pli vilnerab dan sa bann sirkonstans.

 

MR SPEAKER

Wi Onorab Valmont.

 

HON JUDE VALMONT

Mersi Mr Chair.  Mon ti a zis voudre demann petet Mr Belmont direkteman lo kote Pointe Larue segonder eski zot satisfe avek louvraz ki’n ganny fer e ki pe ganny fer?  Sa ti enn parmi mon bann kestyon.  2enm i annan sa issue 3 partitioning Pointe Larue primer eski provizyon i kapab ganny fer?  Aparaman demann in ganny fer en pe letan.  Bann teachers ler mon’n zwenn zot souvan zot pe dir ek mon  en konsern e i afekte nivo ledikasyon Pointe Larue primer. E dernyen mon ti a voudre demann madanm responsab pou ANHRD kan egzakteman ki sa ban revizyon pou ganny fer?  Mersi.

 

MR SPEAKER

Mr Belmont.  Apre Dr Barallon.

 

MR JONES BELMONT

Si nou satisfe avek travay ki’n ganny fer segonder.  Travay segonder se bann pti kontrakter normalman ki fer bann louvraz e nou konnen zot finishing pa osi alaoter.  Me solman nou mazinen ki supervision osi lo nou kote i pa osi alaoter.  E nou mazinen avek bann mezir ki nou pe fer la pou nou upgrade bann staff anndan.  E osi bann recruitment ki’n ganny fer sorti aletranze nou nivo bann staff en pe pli o anndan.  Zot a kapab fer en pli bon monitoring kot bann proze ki ganny fer dan bann lekol.  Partitioning sa wi i en konsern ki lekol i anvi fer.  Annefe zot anvi fer en  nouvo partition e ki zot ava ouver frenmen. Wi sa i posib i en louvraz ki sa i a ganny fer dan vakans.

 

MR SPEAKER

Dr Barallon.

 

PS DR LINDA BARALLON

Mersi Mr Chair.  Mersi Onorab.  Wi parey mon’n dir avan pou la Tanzanie pe ganny refizye pou aforsi tre byento.  Me pou lezot si provizyon in ganny fer pou 2018 savedir nou pou fer ki Lazans i annan en commitment ki dan early 2018 ki sa travay i ganny fer ;  ki ganny brought forward, pou vwar ki enplikasyon e ki in bidzete dan son Bidze pou met sa demann.  Mersi.

 

MR SPEAKER

Eski i annan kestyon ki pa’n reponn oubyen ou pe rod en lot kestyon ankor?  Vitman.

 

HON JUDE VALMONT

Mersi.  Zis Mr Belmont si  zot kapab garanti nou ler zot dir bann pti kontrakter in fer louvraz ki petet monitoring i pa tro bon.  Eski zot garanti nou ki louvraz final ki nou gannyen pa la oter e ki nou pa pou bezwen servi further larzan dan Bidze pou fer pou remédie sa problenm?  Mersi.

 

MR SPEAKER

Minis in reponn sa kestyon ler i tip e koz lo Baie Lazare unsatisfactory work ki zot pe ki zot monitoring ek inspectorate.  Onorab Georges.

 

HON BERNARD GEORGES

Mersi Mr Chair.  Pou les mon rantre dan sa laport ANHRD ki’n ouver,  mon kestyon pou sa Lenstitisyon se, akoz ki sa lannen zot in vwar li byen pou pa donn okenn scholarships pou bann zenn etidyan Avoka ki’n fer ki Bar Course in bezwen ganny cancel a dernyen minit.  E kot zot in menm dan en ka revize donn en etidyan en labours akoz i ti’n fer byen dan son letid Liniversite Sesel e i ti’n ganny en reward pou li al fer en  LLM deor.  Zot in pini li poudir li in fini ganny enn, i pa pou ganny en lot.  Mersi.

 

MR SPEAKER

Dr Barallon oubyen oule Minis i reponn?

 

PS DR LINDA BARALLON

Mersi Mr Chair.  Mersi Onorab.  Wi emblem ti ganny aprouve me selman sa zafer scholarship zot pa’n gannyen ki Lazans pa’n donn zot.  Sa nou pa tro okouran, me mon asir ou ki nou ava rode leklersisman lo la, fer ou gannyen.  Mersi.

 

MR SPEAKER

Petet onorab Georges ou kapab donn li sapit e verse pou li swiv.

 

HON BERNARD GEORGES

Mon a sertennman fer li Mr Speaker akoz Mr Chair akoz program in ganny cancel en semenn avan i konmanse.  E la tou bann manrmay pe asize.

 

MR SPEAKER

So i annan en sans irzans lo sa.  Mersi Dr Barallon.  Onorab Larue ou annan en kestyon lo la?  Wi go on. 

 

HON FLORY LARUE

Zis mon ti a kontan anmenn latansyon ANHRD, ki i osi annan en etidyan ki’n fer vreman aletranze dan Sekter Tourizm.  E osi in ganny dir ki i pa pou, ganny son Masters menm dan Polisi, i dir si en zanfan i ganny en Award  i sipoze go, straight into son further studies.  Ti fer 2 ka sa.

 

MR SPEAKER

En zanfan oubyen en zenn?

 

 

HON FLORY LARUE

En zenn.

 

MR SPEAKER

Wi Madanm – Ms Linda Dr Linda.

 

PS DR LINDA BARALLON

Mersi Mr Chair.  Mersi Onorab.  Wi i annan bann ka ennler ki Lazans ki vin kot Departman pou nou asiste Lazans mannyer pou rezourd.  Me sa enn ka mon toi a voudre konnen silvouple.  Okenn ka ki bann Manm i annan, ki i annan sa bann discrepancy antre ki policies i dir ek lot, nou ti a voudre konnen nou ti ava kapab asiste e vwar.  Mersi.

 

MR SPEAKER

Ok mersi Dr Barallon pou sa pwen tou dimoun in note.  Si zot annan okenn case refer it kot PS pou Human Resource Development.  Bon Minis yes go ahead. 

 

MINISTER MR JOEL MORGAN

Mr Chair mon ava antre lo en pwennvi Polisi la prezan pou note ki dan lepase in annan sa eleman diskresyon er ki’n antre kot serten in ganny aprouve serten pa’n ganny aprouve.  E i kree en kantite lenzistis en kantite move santiman osi.  Se pou sa rezon ki nou pe travay pou nou finaliz sa nouvo lenstriman legal sa nouvo Lalwa lo Scholarship.  Ki ava definir dapre Polisi ki’n ganny etablir i ava defenir klerman bann eligibility pou bann diferan course par egzanp dan ka Onorab Larue in mansyonnen sa dimoun ki’n fer ekselan byen.  E i ti entitled petet pou li al direkteman lo son Masters ki i pa’n gannyen.  E i av retir tou sa bann eleman diskresyon er.  Dan sa prosesis dan en fason ki parthway i kler i define dan en Lalwa.  E i ava ganny met devan sa Lasanble pou deliberasyon e konsiderasyon pou aprouvasyon.  Mon krwar i neseser ki nou fer sa.  E i ava avoid okenn lenzistis dan lavenir.  En fwa ki sa i antre akoz ANHRD i ava ganny bound avek sa Lalwa pou li swiv sa ki i ganny dir.  Lo kestyon ANHRD osi mon ava zis anons e ki nou pe travay lo finalizasyon sa rapor ki’n antre lo Human Resource Devlopment pou pei.  E la nou pe al devlop swit a sa bann travay ki’n ganny fer – en Polisi pe ganny labore pou sa pou medium, short, medium ek long term, pou resours devlopman imen dan nou pei.  E i ava pran kont sa ki Onorab Georges in fer resorti bann course ki in ganny put up apre en sel kou i ganny cancel.  Ki i fer en stabilite dan nou sistenm ki pa bon.  Akoz nou bann zenn osi zot annan zot aspirasyon.  E mon krwar i toutafe fer ki nou’n dir zot etidye Law e prezan demen zot pa kapab fer Law me ki zot pou fer?  Mon krwar i pa byen.  So nou bezwen regard sa bann keksoz e nou ava revwar sa osi ki’n arive egzakteman.  Me dan lavenir i ava annan en revi kontinyel en term nou priyorite e nou bann bezwen pou devlopman Resours Imen lo nivo Nasyonal.  So nou bann zanfan zot konnen ler zot al fer zot ‘A Level bann letid pos segonder zot a konn pandan a prosen 3an i annan sa.  So nou ava plan sa byen e i ava ganny pibliye lo website dan en fason ki bann lenstans koumsa i ava ganny avoid dan lavenir.  Mersi.

 

MR SPEAKER

Onorab Herminie.

 

HON WILBERT HERMINIE

Mersi Mr Chair.  Bonn apre Minis avek ou delegasyon.  Minis mon ti a kontan en lasirans avek ou en garanti ki tou sa bann konsern ki bann paran avek PTA ki nou ti diskite avek PS Decomarmond lo kote sekirite kot Lekol La Rivière Anglaise pe ganny taken care anndan sa Bidze ki la.  Tel ki sekirite avek camera.  Mon 2enm kestyon anba PSIP mon’n vwar ki proze new block pou classroom pe kontinyen.  Me solman mon pa’n vwar nanryen lo kote STP vi ki sa sistenm pa pe fonksyonnen.  Epi mon lot kestyon i regard bann lecturer pos segonder avek Professional Centre.  Si pou anann amelyorasyon dan zot saler, akoz mon pa vwar nanryen dan Bidze pou zot.  Epi pou bann teachers ki baze kot Headquarters eski sa nouvo Scheme pou osi pou zot?  Mersi.

 

MR SPEAKER

PS?  Minis?

 

MINISTER MR JOEL MORGAN

Mr Chair mon ava pran sa enn avek ou permisyon.  Akoz i konsern sa kestyon disiplin ek sekirite dan bann lekol.  Swit a sa lensidan ki’n arive Mont Fleuri lekol segonder nou’n, ranforsi deza Lekol La Rivière Anglaise osi.  Nou’n met 2 zofisye adisyonnel avek zofisye sekirite ki fer patrol dan grounds PS i fek konfirm avek mon ki zot already la.  Nou pe enstal travay lenstalasyon camera in deza konmanse depi semenn pase, Lekol La Rivière Anglaise e sa i pe ganny fer e sa pou fini byento.  Sa kestyon STP mon pa okouran petet mon a kapab demann konsiltan pou reponn sa kestyon.  E anba nou Scheme of Service mon a zis repran sa larepons pou bann lecturers lekol segonder ki ou’n koz lo la.  Anba current Scheme, pou bann Lenstitisyon lekol segonder, bann lecturers zot ganny zot inducement allowance zot osi ganny marketable Scheme allowance.  Sa nouvo Scheme ki pe anmennen pou zot se recognition of prior experience.  E la apre 3an prior experience zot mont serten mon krwar 3 ou 4 step pou sa way band.  Apre 5an zot mont ankor 3 ou 4 step e i kontinyen koumsa.  E of course ler Zot ganny nouvo kalifikasyon osi bann nouvo  course zot swiv and so on tousala i adisyonnen anba sa nouvo Scheme pou zot kapab ganny bann salary increments. So sityasyon lecturers dan bann Lenstitisyon Pos-Segonder i en pe diferan ek sityasyon teachers dan nou bann lekol primer, Lakres avek segonder osi.  Ou ti annan en lot bout ou kestyon ankor Onorab.

 

MR SPEAKER

Onorab Herminie.

 

HON WILBERT HERMINIE

Lot bout kestyon ti lo teachers ki dan Headquarters ki annan san bann kalifikasyon zot e benefisye anba sa Scheme.

 

MINISTER MR JOEL MORGAN

Mersi Onorab.  Mersi Chair pou bann teachers ki dan Headquarters ki eligible pou dapre zot kalifikasyon, zot osi zot ava ganny zot marketable Scheme allowance, anba sa Scheme.  E sa in ganny fer provizyon anba programme 2 dan nou Bidze.  Pou bann teachers ki actually dan Headquarters pou lemoman.  Mersi.

 

HON WILBERT HERMINIE

Eski sa i enkli Headteacher tou?

 

MINISTER MR JOEL MORGAN

Mersi Mr Chair sa nouvo Scheme of Service i apply pou Headteachers e i entrodwir osi en nouvo kad pou bann depite head teachers osi dan sa Scheme of Service.  Mon oule osi mansyonnen ki nou annan en Scheme of Service ki nou pe met an aplikasyon nou pou ek li Oktob ki nou fer savings anba nou Bidze sa lannen.  E sa ai pou bann general assistant dan bann lekol ek bann school wardens.  So zot pe ganny en logmantasyon anba inducement allowance pou ed zot lo nivo finansyel anba en nouvo Scheme pou zot ki pe antre with perspective effect le premye Oktob 2017.  Mersi.  Mr Chair avek ou permisyon mon ava demann Mr Belmont.  Mersi.

 

MR JONES BELMONT

Mersi Mr Chair.  I annan 2 kestyon ki’n adres dan mon kote sa se construction of new block of classroom sa proze nou’n fini fer i annan 3 classroom ki’n ganny fer,  e en resource room ki deza la.  E nou pa pe  vwar okenn nouvo Block ankor English River ki pe vini la sa bann letan.

 

MR SPEAKER

Onorab Herminie.

 

HON WILBERT HERMINIE

Mr Chair kekfwa Mr Belmont in mal ganny en konpran.  Mon’n dir li koumsa mon’n vwar ki anba ‘capital PSIP’ i annan ki sa fer provizyon ki sa proze i ongoing mon pase laba mon vwar in fini fer mon vwar i ongoing solman Anba ‘capital project’So mon pe vwar en pti kalifikasyon kwa ki sa pe entail Epi mon lot kestyon se ki i annan en issue avek STP ki ti la avan.  Sa ti en issue ki zot ti anmennen depi an Fevriye mon krwar, prezan mon pe gete si i anba PSIP ouswa li enkli ladan?  Mersi.

 

MR SPEAKER

Mr Belmont.

 

MR JONES BELMONT

Ok, larzan ki ou vwar ki ongoing se akoz ki annan en retention money ki reste pou pey serten kontrakter la.  E dezyenmman pou SPP English River i napa STP pou li menm.  Me i lo Greater Victoria deza.  Me selman detanzantan nou ganny bann pti problenm la.  E ansanm avek PUC nou’n fer serten travay epi nou’n fouye regarde regete kwa dan sa koneksyon ki pe fer li ki fer serten parfwa ki i pa marse.  Savedir nou pou kontinyelman monitor sa sityasyon kot English River.

 

MR SPEAKER

Onorab Herminie ou ankor annan en kestyon?

 

HON WILBERT HERMINIE

Mon ti a kontan atraver Minis ki Mr Belmont i aktyelman plito i al fer en site visit lo teren al get kondisyon sa STP ki mannyer i ete.   Akoz i pe leak dan lanmar.  So annou pran sa konman en konsern serye.  Pou nou kapab deal avek very soon apre Bidze.  Mersi.

 

MR SPEAKER

Petet konsiltan ou a kontakte Onorab Hermimie zot ava al vwar ansanm.  Onorab Loizeau.

 

HON NORBERT LOIZEAU

Mersi Mr Speaker.   Bonzour tou dimoun. Mr Speaker mon anvi demann en kestyon relye avek sa Scheme pou bann teachers.  Mon anvi konnen mon’b tann nonm, tou bann kategori teachers mon pa tann nanryen lo part-time teachers.  Si zot pou enkli dan sa Scheme or si i annan si zot pou benefisye anba sa Scheme ouswa si i annan lezot keksoz.  E osi mon ti a kontan konnen si i annan alokasyon ki pou, benefisye bann ‘A Level lecturers pou zot benefisye sa voyaz atraver sa appraisal Scheme ki zot pa’n ladan sa lannen.  Petet.  Mersi.

 

MR SPEAKER

Minis.

 

MINISTER MR JOEL MORGAN

Mr Chair mon pa’n konpran sa dernyen pti kestyon silvouple.

 

MR SPEAKER

2enm kestyon Onorab Loizeau.

 

HON NORBERT LOIZEAU

Pou bann ‘A Level lecturers ki pa’n benefisye atravar sa appraisal Scheme, sa lannen si dan Bidze …

 

MR SPEAKER

Nou pe koz kot SALS?   Ok Minis ou’n ganny li, part-time teachers apre ‘A Level lecturers.

 

MINISTER MR JOEL MORGAN

Mersi Mr Chair.  Mr Chair wi anba sa nouvo Scheme ki dan Bidze pou lannen prosenn i annan en increase dan our limit pou nou bann part-time teachers.  I annan osi en increase dan bann teachers ki pe fer homework apre ler.  Si mon mazin byen i R150 par erdtan ki zot pou gannyen.  E apre normal hours zot a ganny R175 par erdtan si zot ganny apele pou fer Sanmdi or whatever.  I annan osi parey mon’n dir si mon mazin byen mon pa mazin sa rate egzakteman pou bann part-time teachers.  Ki zot annan en increment dan sa dan Bidze pou lannen prosenn ki nou’n propoze.  E pou nou bann ‘A Level’ lecturers ki pa ti pe ganny enkli malerezman dan sa teachers appraisal process ki nou’n fer.  Mon’n demande ki i ganny fer.  Akoz direkter sa Lenstitisyon ti ekrir mon.  E i ti demann mon si son bann dimoun i bann lecturers sa bann teachers.  Dan lefe School of A Level Studies i en Lenstitisyon segonder.  I pa en post secondary Institution.  Savedir zot ti devret ganny enkli dan sa assessment e zot appraisal ti’n devret ganny fer. So la i annan en travay ki nou pe fer nou’n rankontre avek zot.  i en travay ki nou pe fer pou appraise zot dan en fason ki zot ava ganny zot performance apppraisal payments dapre bann kriter ki nou ti etablir pou bann teachers deza.  Mersi.

 

MR SPEAKER

Onorab Loizeau.

 

HON NORBERT LOIZEAU

Eski pou bann part-time teachers la i pou enkli en Trezyenm Mwan osi ansanm?

 

MR SPEAKER

Minis oubyen PS part-time teachers entitle pou Trezyenm Mwan?

 

MINISTER MR JOEL MORGAN

Si zot ganny Trezyenm Mwan Saler?  Pou eligible pou Trezyenm Mwan Saler si mon konpran byen  ou bezwen en full-time employment.  Be lefe ki zot part-time mon pans pa mon koz ave PS Finans, me selman PS i annan ki gannyen.  So petet mon ava les PS avek sa kestyon silvouple.

 

MR SPEAKER

 

PS DR ODILE DECOMMARMOND

Mersi Mr Speaker.  Mersi Onorab.  Bann ki’n ganny zot letter of appointment as a part-timer e ki’n la pou for the whole year zot entitled zot Thirteenth Month Salary. 

 

MR SPEAKER

Ok, Onorab De Letourdie.

 

HON JANY DE LETOURDIE

Mersi.  Bonn apre midi tou dimoun.  Mr Chair mon satisfe Minis in reponn nouvo Scheme e in dir poudir dan sa 14 milyon i pe fer provizyon.  Minis en pti sliding, eski i annan okenn salary increment pou sa lannen?

 

MR SPEAKER

Minis.

 

HON JANY DE LETOURDIE

Salary increment sa lannen i annan?

 

MINISTER MR JOEL MORGAN

Pou nou bann teachers? 

 

MR SPEAKER

Pe koz 2017?  Wi Minis.  2018 lannen prosenn.

 

MINISTER MR JOEL MORGAN

Mr Chair mersi.  An term increments sa nouvo Scheme ki mon’n koz lo la pou antre an full force 2019.  Setadir basic salary revision lo pay level lo bann grades ki nou annan ek bann steps.  Pou 2018  zot ava vwar increment parti le premye Zilyet kot sa nouvo inducement allowance pou pran lefe anba sa  14 milyon e zot marketable Scheme allowance i ava pran lefe pou apartir le premye Zen  2018.   Vwala ki nou’n ganny vwala sa seksyon ki nou’n ganny finansman pou pe enplimante sa lannen.  Ki pe vini.  Mersi.

 

MR SPEAKER

Wi Onorab.

 

HON JANY DE LETOURDIE

Pti sliding Dr Decommarmond savedir mon’n – annou dir i annan en teacher kekfwa i annan 2 zot ki part-time zot in fini fer 5an zot pa ankor ganny zot Trezyenm Mwan Saler, savedir zot entitled gannyen?

 

 

MR SPEAKER

Wi, PS in dir si zot in fer en lannen antye part–timer zot devret gannyen.  So sa 2 dimoun ou donn non PS e ou ava re kler, zot pou fer sir zot ganny regilarize.  Minis mon krwar nou pou pran en Break eski i ok pou ou retournen 4er?  Wi nou a pran en Break epi nou a repran 4er.

 

(BREAK)

 

MR SPEAKER

Bon nou a repran nou travay.  mon a donn laparol Onorab Ernesta.

 

HON PAUL ERNESTA

Mersi Mr Chair.  Bonn apre midi Mr Chair e Minis ou delegasyon ek ou bann koleg.  Mr Chair mon kestyon pou Minis lo paz 315 lo SP2 ki koz lo curriculum assessment and ICT.  E lo la mon’n vwar i annan en rediksyon.  Nou konnen ozordi nou pe met en pe lanfaz lo kote devlopman si oule IT dan lekol.  E ozordi bann teachers pe servi sa pou zot kapab fer zot resers.  I annan landrwa ki zot ganny school block administrasyon. Eski Minis i annan en program pou revwar asire ki i annan en bon servis IT lo nivo tou bann lekol?  E apre dezyenmman Minis in fer resorti pli boner  ki letan nou pe koz pou bann quality etidyan in fer remarke k ii annan en rediksyon si oule zis 182  zanfan ki’n met sa kriter ki demande, sa i en sir ki i annan en base lo nivo ouswa lo kalite ledikasyon ki pe ganny pase dan lekol.  Ki mezir zot pe pran pou adres sa sityasyon pou ki nou kapab ranverse ki nou ganny plis nou bann etidyan kapab avek bon nivo ledikasyon?  E apre trwazyenmman lo kote monitoring nou’n vwar k ii annan pa mal konsern bann issue bann travay ki ganny fer.  Ki mezir ouswa ki lapros zot metod zot annan pou asire lo bann travay i ganny byen monitoring, i ganny byen monitor pou asire ki nou ganny value pou nou larzan?  Mersi.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Mr Chair mon Ava pan sa kestyon lo kalite ledikasyon apre kalite travay e avek ou permisyon PS i ava tackle sa rediksyon dan Bidze anba SP2 lo paz 315.  Lo kestyon kalite ledikasyon nou pe restriktir Minister, avek en nouvo organisation structure ki bokou pli fonksyonner an term sa lobzektif delivre lo ledikasyon de kalite pou nou bann zanfan.  Bon lafason ki nou pe fer sa, mon’n koz lo gouvernans bann lekol.  Kot School Council li i pou annan oversight parey Board of Governors bann oversight lo bann lekol, lo sa lekol.  Par egzanp ou ava annan son Council Chair, son Council members, son management lekol pou assist ansanm.  E zot ava fer swivi lo performans ek travay ki sa lekol pe fer.  Anliny avek curriculum e bann progranm ki’n ganny etablir pou nou sistenm ledikasyon lo nivo bann lekol Leta.  Zot ava annan sa responsabilite pou fer enplimantasyon atraver zot bann travay ki zot fer dan lekol.  Prezan i pou annan osi sa eleman monitoring ki nou pe ranforsi santralman,  kot nou, nou pou nou annan bann ki performance indicators ki nou’n etablir anba PSIP i annan deza plizyer.  Nou annan bann internally nou pe servi ki pou rantre dan PSIP  dan lavenir.  Anmezir ki PSIP i devlope.  Pa PSIP PPBB pardon PPBB i devlope.  Sa bann kriter nou pe ranforsi Seksyon Lekol ki fer Monitoring Evaluation anba ‘programme 2’ nou PPBB.  Nou bezwen fer sir ki lekol i delivre e ki annan sa demann accountability dan delivery of education system a tou nivo.  I annan sa eleman nou pe koz ledikasyon, de kalite.  I annan sa eleman formasyon nou bann teachers ki nou’n koz lo la pli boner, mon pa pou retourn lo la ankor. Epi i annan sa eleman re enkli lord e disiplin dan nou bann lekol pou motivasyon pou aprann.  Sa eleman konpetisyon sa eleman konn vin lekol e konn swiv bann lareg lekol and so on.  E la Mr Speaker sa i anmenn mon lo sa eleman Kontra Sosyal, ki nou’n koz lo la deza lo medya.  E dan bann rankont ki nou pe fer avek bann paran dan bann distrik. Nou pe etablir en Kontra Sosyal.  Nou pe travay ek Minister Lafanmir.  Nou pe travay ek Biro Attorney Zeneral osi.  E lannen prosenn nou pou move pou nou enplimant sa Kontra ant paran ek lekol ek zanfan.  Zot tou zot pou bezwen siny sa Kontra e sa Kontra i etabli klerman ki bann paramet ki lekspektasyon paran.  Ki bann paramet lekspektasyon lekol e ki bann paramet lekspektasyon bann zanfan.  So i pou annan sa Kontra efektivman i pou vin en sirman legal.  Akoz nou pou fer nou pou fer li vin en  SI – en regilasyon anba Education Act.  E mon pou vin dan Lasanble avan zot tou al dan recess byento avek bann Amendments to Education Act.  Ki nou annan ozordi Education Act 2004.  I annan plizyer amannman i mon oule anmenn devan Lasanble e sa tousala i annan pou fer avek modern is lo Education Act me osi anmenn bokou plis ledikasyon de kalite.  E tackle sa bann problenm nou pe fas an se moman avek.  An menm tan lo re organizasyon entern Headquarters nou pe separ sa ki son curriculum ozordi i annan enn en Divizyon dan Minister ki apel CCATS, Centre for Curriculum Assessment and Teacher Supports. Ok, nou pe separ sa ant primer ek segonder.  Dan en fason ki sa Direkter Zeneral responsab primer, curriculum primer i ava anba li direkteman akoz ozordi i annan sa separasyon i annan CCATS epi ou annan primary.   Ou annan CCATS epi ou annan secondary.  E menm zafer pou segonder.  Sa direkter zeneral i ava annan son curriculum anba li direkteman.  E son bann zofisye curriculum i ava anba li.  Son bann zofisye monitoring and evaluation bann zofisye assessment zot ava anba li osi.  Ki lnou pou fer pou kordin curriculum primer, segonder avek SALS epi pos- segonder nou pou annan en central cordinating body ki Minis i ava Chair ansanm avek bann eksper pou kapab kordin tou bann devlopman curriculum lo nivo Nasyonal.  E sa i en lot eleman ki nou pe anmennen pou kapab amelyor nou kalite ledikasyon ki nou pe donn nou bann zanfan. Lo kestyon kalite travay sa i en gro, gro defayans pou nou.  En defayans mazer annefe.  E nou pa pe nou pa ankor kapab metriz sa issue parey nou vwar.  E ki nou pe fer nou pe nou pe re organize mon konnen toultan dimoun i vin dir nou pe re organize re organize me ki nou pe fer safwasi la nou pe esey vwar si nou pa kapab sanz model ozordi ou annan nou infrastructure and resource planing ki fer nou bann proze en divizyon. Me pou kwa pa nou konsidere ki nou met sa anba en project management entity ki responsab pou manage nou bann proze par rezyon.  Nou kapab outsource project management ; i annan plizyer lenstans dan pei ki kapab fer sa nou met nou bann staff dan sa divizyon li Kontra ki relye avek zot performance apre sak proze ki zot pe travay lo la.  Ou annan bann mile stone kot zot ganny zot bann renumeration baze lo la.  E nou gard en kor dan Minister li menm lo nou payroll en kor ki tonm anba Minister.  Pou monitoring pou evaluation   e pou quality control.  So i sa i enn bann model ki mon’n deza met devan Gouvernman nou pe konsidere pou lavenir pou nou kapab deliver pli byen e vin pli efektiv lo sa kestyon quality control e implementation rate nou bann proze.  Akoz ozordi mannyer nou pe vwar nou bann PSIP 2017 Mr Chair  implementation rate i low.  Nou pa ankor arive 50poursan.  Implantation lo nou bann proze.  Akoz nou bann defayans ki nou annan.  So nou bezwen kapab atrap sa pou lavenir.  Mr Chair avek ou permisyon mon ava pas sa kestyon Bidze pou curriculum assessment ek ICT avek nou PS zis mon ava dir ki nou annan en proze pou ICT pou internet e linking tou nou bann lekol ansanm ki pe ganny enplimante la.  E by December sa proze i ava’n fini ganny met an plas ki tou nou bann computer rooms tou nou bann seksyon administrasyon dan lekol osi pou annan WIFI atraver internet connectivity pou lekol.  Pou bann manrmay fer bann resers, pou bann manrmay kapab annan access avek internet.  Mon ava dir zot en keksoz an Zanvye sa lannen mazorite nou bann lekol primer ek segonder ti napa internet connectivity dan sa pei.  Ozordi mazorite i annan nou pa ankor fini.  Me selman nou ava kapab fini li ver lafen lannen.  E nou ava bouz devan avek sa.  E Mr Chair sa i anmenn mon avek ou permisyon briyevman lo, sa kestyon nou bann computers ki nou’n gannyen sorti L’Inde sa proze i la, nou, pa ankor enplimant li an plen, nou pa ankor deploy bann  computers dan bann lekol akoz nou pe esper en ICT infrastructure pare.  Apre bann Indien pou desann pou enstal sa bann lekipman.  Apre la nou ava kapab bouze boner lannen prosen.  So sa osi i en keksoz ki pou ed nou, nou annan mil computers ki nou’n gannyen sorti L’Inde atraver sa proze.  Nou annan bann servers nou annan bann lezot bann interactive white boards bann keksoz koumsa pou bann lekol servi. Tousala pe ganny enplimante lafen lannen la boner lannen prosenn. Mersi.

 

MR SPEAKER

 

PS DR ODILE DE COMMARMOND

Mersi Mr Speaker.  Mersi Onorab.  Rediksyon mon krwar Minis ti’n tous en morso sa larepons.  Kot i konsern ICT dan lekol pou servi dan leson i annan en rediksyon anba programme 2’ akoz sa Indian Grant ; savedir larzan ki nou ti pou mete pou aste sa kantite lekipman in redwir akoz i annan sa bann lekipman ki’n deza la ki nou pe anvoy dan bann lekol.  Parmi i annan bann ptipti CM PCs pou bann manrmay primer epi i annan bann lezot lekipman pou segonder.  Apre sa pri rediksyon i dan legzanmen parey zot konnen i annan en legzanmen seleksyon ki nou prezan nou pe fer Nasyonalman pou kapab selekte manrmay pou IGCSE oubyen National Exam.  Avan sa, sa ti pe ganny fer dan lekol e nou vwar en bon pe manrmay ki ti pe enrol dan IGCSE ki ti pe ganny ‘U, oubyen napa grad ditou.  Prezan nou dir nou’n met sa legzanmen Nasyonal en fason in redwir lakantite manrmay ki enrol ki pou al ‘U.  Savedir nou’n redwir en pti pe lo kou pou legzanmen ki tonm anba sa ‘programme 2’. 

 

MR SPEAKER

Onorab Ernesta, wi.

 

HON PAUL ERNESTA

Mersi Mr Chair.  Antretan Minis ou’n nonm zot annan provizyon pou zot travay lo zot dir zot in deza pe diskit ek Cabinet pou sa laspe monitoring.  Me ki zot pe fer actually ziska ler sa nouvo proze progranm i ganny met an plas pou asire ki nou annan sa dan sa bon quality of service ?  Apre mon pa’n vwar dan PSIP okenn nanryen at least maintenance pou Takamaka primer lekol ki fer byen Nasyonalman,  me mon pa vwar nanryen pou li at least fer en pti git met li lo standar.  Mersi.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Mr Chair ki nou pe fer antretan nou’n deza fer vin 3 travayer etranze sorti Kenya.  I annan 2 project managers ek en architect.  I annan en lot ki sipoze vini pou lo kote equipment osi MNE pou ed nou.  Avek project implantation.  Nou pe striktir li dan en fason ki nou pe fer bann rezyon.   Par rezyon e zot pe ganny assign.  E nou bann Seselwa pe travay ansanm avek zot dan limedya. So sa i deza i annan apepre pe al lo en mwan zot dan post la.  Sa i deza pe konmans ede.  E i pou pran en pti pe letan natirelman pou zot kapab demar byen, me i ava ede.  Lo pou Lekol Takamaka anba PSIP petet napa nanryen spesifikman an term ‘capital expenditure’ me i annan anba maintenance anba nou programme area i tonm anba ’other goods and services’ i annan maintenance remedial works e sa i ava ganny donnen avek lekol direkteman ler nou fer appropriation an Zanvye ler finans i devlop Bidze.  I ava ganny direkteman avek lekol pou bann remedial works.  Prezan si i annan bann lezot travay ki nou bezwen fer lo nivo ‘capital expenditure’ nou ava vwar kote nou annan savings, parey nou pe fer toultan e nou ava channel en pe larzan ladan pou nou kapab fer bann travay.  Mersi.

 

MR SPEAKER

Onorab Roucou.

 

HON CLIVE ROUCOU

MERSI Mr Speaker.  Bonn apre midi Mr Speaker.  Bonn apre midi Minis avek ou delegasyon.  Bonn apre midi tou Manm Onorab.  Mr Speaker Minis in koz lo kalite ledikasyon me mon anvi et en pe plis Minis met en pe plis lanfaz lo la, an konsernan son Bidze plis ki R822 milyon.  Alors mon pe demann Minis ki garanti ki i donn nou ki lannen 2018 ledikasyon pou annan bann etidyan, pou annan en ledikasyon pli siperyer e pli bon kalite teachers e pli bon rezilta an konparezon avek bann lekol prive ?  Menm ler mon fer referans avek bann target lo table 12 performance specials for programme.  Mon vwar parey Angle pou met 49 poursan, Matematik 40 poursan Combine Science 15 poursan sa i an konparezon avek bann lekol prive ki zot target i vreman o.  E mon 2enm kestyon se lo paz 320 latab 13 mon vwar en logmantasyon plis ki 20  milyon dan ‘’wages’’ mon ti a kontan Minis donn en pe lesplikasyon lo sa logmantasyon.  E si sa i kouver lapey bann teachers etranze osi?  Mersi.

 

MR SPEAKER

Minister. 

 

MINISTER MR JOEL MORGAN

Mersi Mr Speaker.  Mr Speaker mon’n elabor en pe apre midi la nou bann plan stratezik pe plan operasyonnel pou nou tackle sa problenm kalite ledikasyon avek sa Bidze ki nou pe demann zot pou zot vot lo la, dan en pe detay mon’n lir en pe lenformasyon lo la.  I annan plizyer perse ki nou’n fer nou pe fer vizavi stratezi ki nou pe pran.  Mon’n elabor en employments needs pe lo sa bann keksoz.  Mon’n koz lo model gouvernans, mon’n koz lo sityasyon, mon’n koz lo teachers training, mon’n koz lo lenfrastriktir, mon’n koz en pe lo curriculum ki mannyer nou pe re organiz curriculum, mon’n koz en pe lo teacher development and training, mon’n koz lo teaching and learning dan bann lekol ensidswit.  E mon’n donn en pe sa apersi lo ki mannyer nou kapab al délavant.  Nou annan bokou defayans parey tou dimoun i konnen lo nivo attainment  nou bann target ki nou oule dan nou PPBB.  Nou dir 50poursan Matematik, 50 poursan Angle, 50 poursan pou bann lezot size parey Lasyans and so on ki nou pa attempt  ok.  ozordi si ou regard lo nivo lekol primer si mon memwar i servi mon byen i annan zis 5 lekol ki zot pe attempt en C and above lo P6 level lo bann P6 National exam ki nou fer ok?  So i annan en kantite travay menm lo primer pou nou fer pou lavenir.  Me tousala i bezwen vin ansanm atraver sa Plan D’Aksyon ki nou pe koz lo la dan sa Bidze.  Me osi en sanzman latitid sorti kot bann zanfan ki reflekte direkteman osi lo bezwen pou bann paran pran plis lentere e plis responsabilite pou ledikasyon zot bann zanfan.  Ki nou’n vwar zeneralman pou bann zanfan ki pa kapab perform, e i annan en bon pe parey zot vwar dan bann statistik ki nou’n koz lo la.  i napa ase motivasyon pou nou bann zanfan aprann.  I annan en problenm konportman dan bann lekol, i annan en problenm disiplin i annan en problenm latitid dan bann lekol.  E kestyon ki mon poze kote sa i sorti?  i en kestyon enportan pou nou reflesir lo la san blanm personn.   I en kestyon enportan pou nou reflesir lo la akoz si nou oule nou bann zanfan i fer pli byen lekol nou konman paran nou bezwen motiv nou zanfan.  Nou bezwen ankouraz zot.  Nou bezwen vwar pou dir zanfan i fer homework ; nou bezwen demann zanfan ki ou’n fer lekol ozordi.  Nou bezwen enspir nou bann zanfan ki mannyer pou konport zot dan Lenstitisyon lekol.  Nou bezwen enspir nou bann zanfan respe pou nou bann teachers, nou bezwen enspir nou bann zanfan pou zot bann prosen pou bann lekipman lekol konbyen keksoz nou vwar lo Whatsapp bann keksoz ki sirkile lo Whatsapp kot zanfan pe fer dezord pe kas keksoz and so on.  Me sa bann keksoz koumsa nou bezwen deal avek.  Nou bezwen tackle e nou bezwen met en stop fer enn fwa pou tou ek sa bann issues.  Akoz nou pe vwar en teachers, son skull in ganny fracture akoz en lensidan, kot en zanfan ti pe fer en keksoz apre paran in  intervene. So bann keksoz koumsa i ganny reflekte dan sa Kontra sosyal ki nou pe etablir. Zot ava vwar sa SI ler i vin Lasanble isi zot a kapab ganny lenformasyon lo la.  Me sertennman mon pare pou mon sirkil sa avek zot menm avan.  Akoz mon krwar i enportan ki nou ganny zot sipor lo la.  e zot form parti prenant dan sa prosesis ledikasyon nou bann zanfan.  Nou bezwen met responsabilite paran bokou, bokou pli o dan ledikasyon.  I responsabilite en paran pou li motiv son zanfan pou  aprann lekol.  I son responsabilite a mon avi mon pa krwar i zis en zanfan ki i en miner i annan 12an i annan 13an i annan 6an i annan 7an i annan 14an  i annan 15an, i pa zis li.   I bezwen paran  osi.  E lekol i kapab fer son maksimonm posib Mr Chair ou’n deza en ansenyan ou’ deza en direkter ou’n deza PS, ou’n deza Minis ou konn sa tre byen.  E bokou zot parmi zot i konn sa bann ki’n dan ledikasyon oubyen an deor.  Mon krwar letan in arive pou nou call a spade a spade parey angle i dir.  Nou bezwen fer sir ki paran i responsab.  I pran responsabilite pou ledikasyon son zanfan.  Nou kapab met tou a laporte.  R823 milyon pli gro Bidze nenport ki Minister si zot vote bann Manm apre midi pou ledikasyon.  Me, me eski i pou anmenn sa rezilta ki nou, bezwen avek tou sa bann stratezik ki nou pe met an plas anba nou bann progranm?  I ava anmenn rezilta si zanfan i anvi aprann.  Si zanfan in ganny motive pou zot swiv bann lezot leson dan laklas si zanfan i vin lekol zot konnen akoz zot pe vin lekol pou zot aprann.  Pa akoz ledikasyon i gratwit Mr Chair ki vedir ki pa kout pei i pa kout taxpayer.  I pe kout taxpayer R823 milyon sa lannen.  E tou bann paran i bann taxpayers.  So mon krwar mon pe lans en lapel.  Mersi Onorab pou fer sorti sa pwen.  Mon pe lans en lapel avek tou dimoun ki involve dan ledikasyon nou bann teachers me sertennman nou bann paran nou Bann zanfan pou nou reflesir en pti pe lo sa issue kalite ledikasyon pou nou bann zanfan.  Nou bann progranm pou marse.  Nou bann stratezi pou form nou bann teachers pou aranz curriculum pou move towards and compete and see base approach  lo nivo nou curriculum pou lavenir.  Continous assessment avek legzanmen final.  Tousala pou marse.  Provided nou kapab aranz tou bann lezot eleman dan sa  equation.  Mersi Mr Chair.  Ou ti annan en lot kestyon Onorab ?  Mersi.

 

MR SPEAKER

Onorab Roucou ou ti annan en  ot kestyon.

 

HON CLIVE ROUCOU

Wi Mr Speaker.   Mon ti’n demann Minis lo paz 320 latab 13  dan ‘wages’ mon vwar en logmantasyon plis ki 20 milyon. Alor mon ti ava apresye si Minis ti a donn nou en lesplikasyon lo sa logmantasyon.  Si sa pe kouver osi  sa logmantasyon si i kouver osi lapey bann teachers etranze anvi, i bann teachers Seselwa pe look foward pou en bon Scheme of Service pou zot.  Mersi.

 

MR SPEAKER

 

PS DR ODILE DECOMMARMOND

Mersi Mr Speaker.  Mersi  Onorab.  Ou pe refer lo ‘programme 5’ ki lekol segonder.  E sa logmantasyon i pe cater sa nouvo Lekol Perseverance.  Pou tou bann teachers e bann lezot staff ki pou teach la dan sa lekol.  E nou pe osi cater pou bann pou sa nouvo Scheme of Service kot ki pou annan markatable skill ki nou pe enplimante lannen prosenn.  E Thirteenth Month Salary tou sa bann keksoz ki pou lekol segonder.

 

MR SPEAKER

Onorab William.

 

HON WAVEN WILLIAM

Mersi Mr Chairman. Bonn apre midi Minis avek ou lekip.  Minis premyerman mon ti a kontan demann ou lefe ki Headteacher La Misère in, ganny nouvo Headteacher in, ganny mete me pou lemoman i pa ankor eske aprezan i pa ankor ganny son Let konfirmasyon.  Mon ti a kontan si ou Minister ti kapab sey regard ladan.  An menm tan pou tir sinyatir sa ex-Headteacher pou kapab permet li fer son travay.  Dezyenmman Minis vizavi sekirite kot lekol.  Lekel finalman ki fer oversight lo Lakonpannyen Sekirite ki pe veye kot lekol?  Akoz i resanble i annan en gro problenm.

 

MR SPEAKER

Ou pe koz Lekol Misère spesifikman oubyen tou lekol?

 

HON WAVEN WILLIAM

Well mon mazinen tou lekol pe ganny menm problenm.  Me solman mon pe koz lo kote  Grand Anse avek La Misère akoz nou annan en problenm.  E finalman Minister petet sa CEO pou Human Resources i kapab reponn mwan –  avek sa Bidze ki ou pe gannyen mon pe vwar ki  i annan en pti pe konfizyon petet la i ava ganny rezourd avek bann nouvo re organizasyon.  Lo the needs pei vizavi lanplwa.  Akoz i annan en konfizyon ou tande toultan pou dir nou bezwen isi nou bezwen tel profesyonnel.  Me selman letan ou regard progranm ou santi pou dir i mank kordinasyon ant sekter prive avek Gouvernman vizavi bezwen peye vizavi travayer.  Mersi.

 

MR SPEAKER

Sipoze sa dernyen ksetyon pou Dr Barallon?  Ok ?  Minis oubyen PS pou sekirite.

 

MINISTER MR JOEL MORGAN

Mersi Mr Chair.  Pou konsernan Headteacher son letter of confirmation mon pa okouran me selman sertennman i bezwen ganny fer e mon ava pran aksyon lo la imedyatman.  Mon demann en leskiz s ii pa ankor ganny son let confirmation.  Me selman PS in dir mon annan lenformasyon lo la.

 

PS DR ODILE DECOMMARMOND

Mersi Mr Speaker.  Mersi Onorab.  Dan sa ka spesifik  i pa vedir en Letter of appointment akoz son pozisyon ti deza Headteacher i ti zis en letter of confirmation dan sa pozisyon dan sa nouvo lekol.  Akoz son pozisyon li lo son dan son dan striktir i ti en Headteacher. 

 

MINISTER MR JOEL MORGAN

Mr Chair mon kapab pran security dan bann lekol?

 

MR SPEAKER

Go ahead.

 

MINISTER MR JOEL MORGAN

Ok, mersi.  Mon a deal ek sa issue removal of authorized signatory pou Headteacher osi .nou ava note.  Security oversight pou bann lekol Mr Chair  dan Minister ti napa personn ki responsab pou oversee performans bann Lakonpannyen Sekirite, ziska prezan.  Ki nou’n fer la dan provizyon imedya konman bann aksyon imedya swivan sa lensidan Mont Fleuri –  lekol Mont Fleuri Segonder nou pe apwent en security manager.  E li i ava oversee tou sa bann Lakonpannyen Sekirite mon krwar i annan en 10enn bann lakonpannyen sekirite lo nivo primer, segonder, e son louvraz li se pou fer sir zot pe perform dapre zot Kontra.  Ki i pa neseserman leka ozordi.  Se pou sa rezon ki mon ti rankontre avek zot tou sa bann lakonpannyen pou mon, diskit en pe terms and condition zot Kontra aktyel.  Akoz la bann nouvo Kontra in fini ganny tender i dan standstill period mon krwar standstill period in prensiti terminen avan award nouvo Kontra.  Me enn bann keksoz ki mon ti a kontan fer resorti avek Lasanble se ki in annan en pti rediksyon dan Kontra son kou Kontra pou Minister Ledikasyon pou lannen prosenn, vizavi sa lannen.  Ok? Mon krwar sa lannen pou lannen prosen i 32 milyon Apepre.  Now  dan sa Kontra ki dan sa nouvo Kontra pou ki bann tenders in ganny fer la pou sa prosen enn ou 2an sa Kontra i annan serten deficiencies ankor.  Ler nou’n revwar sa bann Kontra nou’n vwar pou dir par egzanp dan serten lekol ou pa kapab met zis en dimoun pandan lazournen.  Ou bezwen at least 2 e menm dan serten lekol ou bezwen 3 depandan sirkonstans sa lekol, lanvironnman sa lekol.  So ki nou pou fer mon’n deza koz avek Minister Finans lo la.  Nou ava regarde ki mannyer nou a kapab aziste sa bann Kontra pou fer sir sa bann nou kapab deliver dapre bann bezwen.  Combine avek sa bann lekipman camera bann lezot keksoz ki nou pou mete pou lavenir pou kapab ase ki sa bann problenm ki nou’n gannyen pa ganny repete ankor.  Ti annan en lot issue employment needs mon ava pran sa Mr Chair.  Ki nou pe devlope anba ANHRD en Human Resource Information System ok ?  Travay in deza konmanse lo la sonn spesifikasyon son HRYS in fini ganny defini atraver sa consultancy ki ti ganny fer avek prominent consultant.  Tou bann paramet in ganny etablir prezan son sistenm li menm li pe ganny devlope ansanm avek DICT avek bann lezot dimoun ki pe travay lo la.  e nou pou annan en Human Resource Information System en database Nasyonal ki pou servi input sorti kot lendistri.  Kot sekter tou bann sekter ekonomik pou nou kapab plan 3an, 5an, 7an, 10an in advance natirelman i pou keksoz ki pa stat ii pou dinamik.  Pou nou kapab plan pou nou kapab train nou bann  zanfan nou bann zenn dan bann domenn spesifik ki lekonomi i bezwen pou lavenir.  E sa pe ganny enplimante an 2018.  E mon espere ki nou a kapab servi sa konman en lenstriman mazer en zouti pou nou kapab etablir tou nou, bann HR needs, HR devlopment needs pou lavenir.  Me sa i ganny fer lo en baz kontinyel atraver bann kestyonner ki Lazans pou anvoy kot bann diferan akter ekonomik dan nou pei.  Pou asire ki toultan nou azour avek bann bezwen devlopman ekonomik nou pei.  Mersi.

 

MR SPEAKER

Onorab William.

 

HON WAVEN WILLIAM

Mersi Mr Chairman.  Mr Chairman mon ti a kontan demann Minis lefe mon konnen ki nou fek siny en lagreman avek Maurice konbyen teachers Mauricien pe espekte anplwaye?  E dezyenmman anba PSIP i annan en  prozeksyon R4.1 milyon mon vwar pou dir i annan en depans 1.7 milyon ti ganny fer an 2017.  E la 2018 i annan 2.5 milyon pe al ganny depanse.  Mon ti a kontan si Minis ti eksplike kwa sa proze?  Mersi.

 

MR SPEAKER

Minis PS. 

 

PS DR ODILE DECOMMARMOND

Mersi Mr Speaker. Mersi Onorab.   Pou Maurice nou’n ganny nou antour 120 laplikasyon ziska la prezan nou’n short list nou’n interview e ladan nou’n ganny 22 ziska prezan ki nou kapab pran ki qualify.  Mersi.

 

MR SPEAKER

Ok.  Onorab William ou annan en bout ki ou pa ankor reponn?  Go on consultant  Belmont.

 

MR JONES BELMONT

Mersi Mr Chair.  Zisteman sa larzan nou pou vwar i en larzan ki’n ganny vired ankor kot pou  Grand Anse akoz bann assessment ki nou’n fer resaman nou’n vwar Lekol Grand Anse avek son proksimite avek lanmer i vreman annan en leta kot soz bann lenfrastriktir i ganny afekte vitman.  E la nou pe revwar pou fer twatir avek son ceiling e osi bann lezot renovasyon lo lekol enkli lapentir ek tiles.  Se pou sa rezon sa gro amount i la.

 

MR SPEAKER

Ok.  Onorab Sandy Arrisol.

 

HON SANDY ARRISOL

Mersi Mr Chairman.  Bonn apre midi Minis avek ou delegasyon.  Mr Speaker mon ti a kontan profite demann Minis konman i la si ou kapab donn nou en pti kontrandi  lo Lekol La Rosiere.  Ki pe arive ek Lekol La Rosiere Primer?  Parske bann paran bann zanfan i konsernen an sa ki konsern Lekol La Rosiere.  Apre pou donn nou en pti kontrandi lo Lekol Belonie Segonder parske i annan en Block S1 – S3 ki pe tenir lo bann pilye feray.  Ki mon’n aprann pou dir enzenyer in dir i sipoze kraze met ater.  E bann zanfan i zwe avek ki mon krwar i an sekirite pou nou bann zanfan letan nou pe koz lekol.  Mon ti a kontan demann Minis Mr Speaker en kestyon relasyon avek mon kontan letan Minis in koz lo Scheme of Service pou bann teachers ki pou enkli dan sa Bidze.  Pou lannen prosenn ler bann assistant teachers.  E mon kontan letan Minis in koz osi lo camera sistenm Internet kot bann lekol prrimer ek segonder.  Mon ti a kontan demann Minis si sa bann incentive tou sa bann zafer ki i annan i osi enkli Lekol Eksepsyonnel?  Kot nou annan nou en group teachers laba ki pe fer en travay eksepsyonnel zot osi.  E zot pe donn tou zot lenerzi tou zot kouraz avek sa group zanfan spesyal ki nou annan. Si sa bann pti benefis i enkli Lekol Eksepsyonnel osi ?  E mon 2enm kestyon Mr Speaker mon ti a kontan demann Minis la ki dan Bidze mon’n vwar i annan Scheme of Service pou teachers, bann asistan parey mon’n dir.  Mon ti a kontan demande ki zistans in arive Scheme of Service pou teknisyen laboratwar avek library ki mon aprann depi Zilyet in sipoze fini.  Me ziska prezan zot pa ankor tann nanryen lo la.  Mersi bokou.

 

MR SPEAKER

Mersi Onorab.  Minis.

 

MINISTER MR JOEL MORGAN

Mersi Mr Chair.  Mr Chair Lekol La Rosière annefe i enn nou bann priyorite.  E nou ti’n sipoze konmans li sa lannen.  Me malerezman nou’n ganny nou’n ganny bann lanpesman ki an deor nou kontrol an sa ki konsern sa lekol.  Akoz plan inisyal sete ki nou pou konstri sa lekol par faz.  Ki annan en bout ki bord avek sa parapet wall ki bord avek semen Quincy Onorab ou  konnen.  Kot nou ti pou konmans nou devlopman la.  Apre nou ti pou move bann zanfan sorti kot primer premye bout e demoli e konstrir lo sa nouvo bout.  Lo sa bout kot nou ti pou nou pou move lo la.  Be ler bann konsiltan sorti akoz sa proze pe ganny finansye an parti anba Kuwaiti Fund.  Prezan ler konsiltan in vini konsiltan in ganny apwente anba Kuwaiti Fund – en konsiltan etranze apwente par zot menm.  Li in dir i le vacant possession of the site.  In dir koumsa i pa prepare pou antreprann proze tan ki site pa konpletman vacant.  So nou bezwen sanz stratezi.  Akoz zot ki primary Donor Agency pou sa proze.  Nou dir be ok ki nou ava fer nou ava met larzan ki anba BADEA pou nou konstrir Lekol Perseverance Lekol Primer Perseverance Sid, obor kot segonder i ete i annan en ranplasman la ki’n ganny rezerve pou lekol primer Perseverance primary south.  Nou dir nou ava konstri sa lekol la, nou a kapab move bann manrmay ler lekol in fini e i pou pran letan i pou pran plis ki 1an.  Nou ava kapab move sa bann manrmay sorti La Rosiere Perseverance tanporerman. Apre nou ava kapab demoli sa site antye e donn BADEA en vacant site pou zot travay.

Me resaman i annan en lot devlopman la ankor  kot apre bokou diskisyon ki nou’n fer akoz nou pa aksepte ki i pran sitan kantite letan pou nou fer sa sa re devlopman Lekol La Rosière ki i bezwen parey ou konnen bokou travay.  Zot in dakor prezan zot in retournen zot in dakor pou nou fer li par faz.  E dapre dernyen diskisyon ki nou’n annan avek zot nou a kapab demare prezan lannen prosenn avek en phase approach.  Me an menm tan nou pou still proceed avek lekol Perseverance primary.  Akoz nou bann plaan in pare e nou ava enplimant li vi ki Perseverance ozordi i annan bokou demann pou en lot lekol primer.  Letan donnen ki Perseverance North primary school North i deza at full capacity.  So nou bezwen bouz vit osi lo la.  Belonie  i enn parmi bann pli vye lekol ki nou annan parey ou konnen.  E sa block kot ou pe dir mon i annan sa problenm lenfrastriktir sa slab ki danzere.  I bezwen ganny demoli annan tye nou bezwen re konstri sa sa lekol.  Nou napa finansman pou li dan limedya.  Me selman ki nou pre fer nou’n apwent kontrakter irzaman.  I pe shore up avek bann beam.  Ek bann columns bann steel beam ek columns pou sekiriz sa slab.  Pou lemoman.  Me sa i en travay  ki pou zis fer sir  ki bann zanfan i dan en lanvironnman ki sof en sen pou zot kapab lekol pou lemoman.  Me bann plan i anmenn   la pou nou re devlop sa seksyon antye kot sa vye building i ete.  E sa bout ki bord avek Larue Revolution.  I annan en bout lo kot i annan bann prefab building.  Nou le fer en nouvo Blok modern la pou Lekol Belonie Segonder dan nou prosen Bidze nou mazinen an 2018 2019 nou a kapab konmans travay lo la pou sa.  Lekol Eksepsyonnel wi zot enkli dan sa Scheme.  Zot enkli e menm i annan bann allowance en pti pe ekstra pou zot akoz zot kondisyon i en pti pe pli demanding akoz bann zanfan so i form parti sa Scheme as well.  Mersi.

 

MR SPEAKER

Library and teknisyen.

 

MINISTER MR JOEL MORGAN

Eskiz mon wi, Mr Chair Scheme of Service pou lab technician librarians zot annan en Scheme deza me nou pe revised zot Scheme parey zot konnen i pou an 2019.  Nou pa’n kapab enplimant li pou sa lannen ki pe vini vi ki sa kou pou bann lezot Scheme ki nou pe mete.  So sa Scheme in pare i nou pe enplimant li  an 2019.  Prezan nou osi annan en Scheme pou bann general assistant wardens ki mon’n koz lo la zot inducement allowance.  Epi i annan en Scheme zeneral pou bann drayver osi.  Ki nou pe met an plas e sa i a vini dan lavenir la pou nou osi vwar.  Me sa nou pe travay avek DPA akoz i annan en common cadre pou tou bann drayver.  So sa osi pe vini pou lavenir.  Mersi.

 

MR SPEAKER

Onorab Aglae.

 

HON EGBERT AGLAE

Mersi Mr Chair.  Bonn apre midi Minis ek ou delegasyon.  Minis mon premye kestyon i al lo PSIP baze lo paz 11 i annan en Bidze R500 mil ki’n ganny mete pou Lekol Primer Port Glaud.  Mon ti a kontan ganny detay pou kwa sa larzan pe ganny servi?  Dezyenmman Minis bokou pe koz lo Scheme of Service pou ban teachers.  Me selman annou pa bliye osi kot lekol i annan bann office managers ki ed sa bann teachers e fer ladministrasyon lekol marse.  Ki zot menm si zot tonm dan bann common cadre i neseser osi ki zot ganny gete.  Trwazyenmman Minis mon pe demann kestyonn lo kot i konsern Dedicated Fund mon konnen sa i en Bidze ki sorti anba program sosyal.  Larzan sosyal me i ganny administre par Minister Ledikasyon. Kestyon ki mon anvi demande regards to sa eski zot annan en mekanizm  ki swiv bann zanfan ki Dedicated Fund?  Mon pe demann sa akoz i annan paran pa pran son responsabilite e sa bi tonm lo ledo Gouvernman nou pa kapab kontinyen vwar zanfan depi Zanvye ziska Desanm ouswa depi p1 ziska P9 S4 ki pou bezwen pe reste lo Dedicated Fund.  Petet ki mekanizm zot annan ansanm avek sosyal pou fer sir ki sa bann zanfan lo Dedicated Fund zot ganny bann swivi avek bann paran pou fer ki zot sorti lo sa fund.  Mersi.

 

MR SPEAKER

Minis.

 

MINISTER MR JOEL MORGAN

Mr Chair pou office managers ek common cadre avek ou permisyon petet PS Finans a kapab ganny en pe leklersisman lo la.

 

MR SPEAKER

 

PS PATRICK PAYET

Mersi Mr Chair.  Mersi Onorab. Zis pou azoute ki office manager zot tonm dan sa klasifikasyon common cadre ki dan tou Minister i parey dan bann lekol Minister Lasante, dan bann lekol osi i annan gouvernman annan tye.  So pou zot konmans enplimantasyon zot revised Scheme of Service an Zanvye 2018.  E zot pou tonm ladan zot osi.

 

MR SPEAKER

Minis.  Oule ?

 

MINISTER MR JOEL MORGAN

Mersi Mr Chair.  Nou a pran PSIP mon as demann Mr Belmont avek ou permisyon Mr Chair.

 

MR SPEAKER

Wi.

 

MR JONES BELMONT

Mersi Mr Chair.  Mersi Onorab.  Pou Port Glaud sa larzan ki nou’n mete pou tonm anba bann general renovation pou upgrading.  E i osi annan en gran parti pou toilet ladan.  Laplenn nou’n, fini fer pou lemoman.

 

MR SPEAKER

Mersi Mr Belmont.  Ok Onorab?  Onorab Aglae.

 

HON EGBERT AGLAE

Wi Minis kot i konsern Dedicated Fund.

 

MR SPEAKER

Dedicated Fund. Minis oule PS i reponn?  PS.

 

PS DR ODILE DECOMMARMOND

Mersi Mr Speaker.  Mersi Onorab.  Nou annan kriter pou Dedicated Fund.  Me selman mon pou dakor ek ou ki nou pou bezwen revwar  e, nou vreman bezwen en pli bon monitoring instructure pou nou regarde pou dir bann kriter pe ganny adhere tou byen.  E napa labi.  Mersi.

 

MR SPEAKER

Onorab Aglae.

 

HON EGBERT AGLAE

Zis en pti follow-up Minis aprann osi ki ti annan serten retar dan peyman pou Dedicated Fund atraver bann servis provider ki kot lekol.  Eski sa in ganny rezourd in ganny met anba kontrol ki sa bann service provider i pe benefisye pou donn sa bann etidyan anba Dedicated Fund zot ganny zot larzan a ler.  Mersi.

 

MR SPEAKER

Minis oubyen PS. 

 

PS DR ODILE DECOMMARMOND

Mersi Onorab.  Nou retar parfwa kote i ganny koze se bann rikord ki sorti kot lekol ki ariv kot nou an retar.  Prezan letan nou process la ki retar i vini.  Se tou bann rikord tou bann dokimantasyon i ariv byen boner alors tou keksoz … Annandler petet lekol i esper zot larzan Dedicated Fund fini net apre la ki zot anvoy zot request.  Mersi.

 

MR SPEAKER

Mersi pou sa klarifikasyon PS.  Onorab Stephen Pillay.

 

HON STEPHEN PILLAY

Mersi Mr Chair.  Bonn apre midi a tous.  Mr Chair mon kestyon i plito lo pou Minis Morgan ki nou’n deza demann li dan Lasanble konsernan Lekol Anse Royale sa overcrowdedness, ou ti dir nou ki avek Lekol Ekselans sa issue pou tonbe. I sipoze ganny sort out.  Me vi ki sa Lekol Ekselans i on hold pou lemoman ki menm si mon pe siporte pou nou ganny sa lekol ekselans.  Mon vwar Lekol Anse Royale sa overcrowdedness i pou toultan en problenm disiplin.  Met 3 sekirite met 4 sekirite manrmay i tro compact lo kanmarad.  Se mon ti pe demann Minis si i kapab konsidere akoz dan Lekol Eksepsyonnel pou al zis en laklas par stream S1, S2 pou annan A or B ki pou ale.  I pou reste ankor lamazorite manrmay la.  En propozisyon ki mon pe demann Minis eksplik nou si annan en detay ki kapab sey konstri en additional secondary school South of Mahé kekfwa Takamaka or Baie Lazare.  Ki dan sak lekol nou ava annan zis 3 stream S1 A, B, C 2, 3 an montan i a tir sa presyon compact lo nou lanvironnman lekol. Sirtou parey mon pe koze pou Anse Royale akoz problenm bullying disiplin i vreman en pe fatigan pou mwan.  Mersi Mr Chair.

 

MR SPEAKER

Minis.

 

MINISTER MR JOEL MORGAN

Mr Chair mon dakor ek sa.  Ozordi nou bann regional secondary school sa modern regional school  ki nou’n etablir nou’n adopte pandan byen lontan.  I pe fer fas mazorite zot i annan 10 avek Perseverance i annan 11.  Mazorite zot i 600, 700, 800,900   Anse Royale en moman donnen ti annan 900 plis ki 900 zanfan ti annan 980 zanfan en moman donnen.  La in desann en pti pe plis ki pa anba.  Mon krwar apepre 860something like that pou lemoman.  Me i still ler ou get sa lanvironnman lespas k ii annan ou pe 800 zanfan la  definitivman i pa en lanvironnman ki conducive pou bann zanfan aprann. E i en lanvironnman ki tou manrmay i enn lo lot.  I annan over crowding parey ou’n dir Onorab.  So mon dakor ek sa.  Mon krwar i en sizesyon ki menm ler nou pe fer nou bann meeting konsiltativ piblik lo nivo bann rezyon pe sorti.  Dimoun pe dir akoz nou pa konsidere redwir sa catchment area konstri plis lekol segonder.  Redwir sa catchment area e fer ki en lekol segonder petet i annan 400 zanfan.  Petet maksimonm 400, 500 zanfan.  Mon krwar sa is the way forward pou mon.  Me i nesesit prezante nouvo lenvestisman dan lenfrastriktir lekol. Nou bezwen konstri bann nouvo lekol.  E i enn bann plan ki mon oule anmenn devan Gouvernman pou lavenir an term pou nou kapab pli bon manage kalite ledikasyon e lanvironnman lekol pou lavenir.  So i en keksoz ki mon pran sa a ker.  E mon ava sertennman pouse pou nou al dan sa direksyon.  Mersi.

 

MR SPEAKER

Onorab Churchill Gill.

 

HON CHURCHILL GILL

Mersi Mr Chair.  Minis mon kestyon i anba ‘current challenges’ in fer mansyon ki annan en ta turn over rate an partikilye pou bann teachers eksperyanse.  Mon pe gete si en legzersis in ganny fer pou idantifye kwa ki fer sa.  E si wi ki Minister pe fer pou kapab retenir sa bann teachers eksperyanse?  Sa i mon premye kestyon.  2enm anba latab 3’goods and services’ i annan en logmantasyon 20 milyon.  Konpare ek sa lannen.  Si ou kapab donn ou en lide sa ogmantasyon 20 milyon? Apre pou proze.  Pou primer Baie Sainte Anne napa nanryen dan PSIP.  Me selman dan sa lannen i annan R500 mil.  Mon pe gete si sa R500 mil ki dan sa lannen pou ase pou rektifye sa bann problenm ki Lekol Primer Baie Sainte Anne pe fer fas avek?  Akoz zot annan bann problenm twalet ki tre agasan, e bann paran i bezwen vin ede.  Apre zot annan laport ek lafnet class room, ki sa osi i en problenm ase serye.  Alors mon kestyon se si sa R500mil i pou ase pou adres tou sa problenm?  Se sa ki dan 2018 napa larzan ki’n ganny mete ladan.  Mersi.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Mr Chair nou bezwen kapab retain nou bann experienced teachers – i en challenge e ler nou fer bann interviews ler zot ale.. Malerezman bokou mwens prezan pe kit sistenm Ledikasyon, malgre bann defi ki nou annan aktyel.  Nou vwar ki zot pwen prensipal, se zot inabilite pou zot kapab delivre dan sa lanvironnman disipliner e lanvironnman sosyal ki actually i annan dan bann laklas ozordi.  Zot antre manrmay i vin tar dan laklas pou leson.  Manrmay pa obeir dan laklas pa obeir pou zot reste trankil pou sa teacher kapab fer son leson.  E fir an mezir sa bann keksoz i ale sa bann teachers i de motive zot perdi sa lanvi pou zot vin travay.  Akoz sa bann problenm.  Se pou sa rezon ki nou bezwen met bokou lanfaz lo sa kestyon kontrol e disiplin dan bann lekol.  E nou bezwen ferm lo la dan lavenir, ki nou pa pou kontinyen annan sa bann zanfan dan lekol ki vin disturb ki vin fer bann problenm.  E ler zot pas atraver bann behavioral intervention programmes ki nou annan sa bann progranm pou amelyor zot behavior dan lekol, si zot pas atraver sa bann progranm e zot still pa kapab retourn dan laklas nou bezwen annan en keksoz alternativ pou zot me zot pa pou kapab kontinyen dan lekol.  Nou bann teachers pa pou kapab kontinyen travay dan lanvironnman parey i ete konmela.  Ler ou al dan serten lekol mon vizit lekol preski tou le semen.  Ler ou vizit sa bann lekol ou vwar sa kalite en disiplin ki annan dan laklas e sa kalite mank konportman.  Mon’n antre dan laklas kot teacher pe deliver son leson.  Zanfan pe fer sa ki i anvi.  Mon obzerve, zot fer sa ki zot anvi.  Zot pa swiv leson.  Nou konnen nou vwar, e sa teacher i konnen li.  Be ki kantite letan en teacher pou teach dan en tel lanvironnman ?  Mon krwar in ariv plis ki ler pou nou kapab re dres sa sityasyon.  E nou bezwen ferm nou bezwen for e nou bezwen kapab deal ek sa bann problenm.  E sa Kontra Sosyal, i ava egzakteman adres sa.  Akoz i met sa responsabilite lo sa etidyan e son paran.  Osi ki lekol, pou asire ki sa bann keksoz ki nou pe koz lo la i ganny adrese.  E si sa zanfan pa kapab reste dan lekol i pa kapab reste dan lekol.  Napa okenn appeal ki pou ganny fer ler lekol in deside pou tir sa zanfan dan lekol napa okenn appeal ki pou ganny fer pou Ledikasyon Hea quarters met sa zanfan dan lekol.  Parey nou ti fer dan lepase.  Nou bezwen ferm.  Sa zanfan i bezwen al dan en lot Lenstitisyon i pa kapab reste dan lekol.  E la Gouvernman atraver Minister responsab pou Zafer Lafanmir Gouvernman pe vin avek en propozisyon pou entel Lenstitisyon.  Pou met sa bann zanfan ladan kot a kapab swiv en progranm alternativ a plentan, enkli progranm rezidansyel pou zot kapab ganny en ledikasyon lo nivo travay en metye en keksoz ki zot kapab fer en vokasyon kel konk pou lavenir e pou sey reform zot.  So i bann eleman ki nou perdi teachers e nou, nou pe sey atrap zot.  Nou pe sey ranforsi zot bann Scheme ; nou pe sey aranz nou bann Polisi nou pe travay lo en new nouvo medium term education strategic la 2018 prosen 5an.  Tousala i bann eleman ki nou pe anmennen.  Me nou bezwen osi lo sa lot nivo annan sa eleman kot bann teachers ki santi zot dan en lanvironnman kot zot anvi travay.  E zot santi zot pe ganny job satisfaction, pou lavenir.  So Mr Chair nou pe travay for lo la e nou pe fer rapel toultan i annan bokou bann teachers ki konmans retournen ki pe revini zot pe rezwenn sistenm Ledikasyon.  E mon tre ankouraze par sa move.  Me nou bezwen plis zot ankor revin dan Ledikasyon.  E sa nouvo package ki nou pe ofer zot, mon espere i ava i ava fer li attractive pou zot vini dan lavenir.  Pou sa kestyon PSIP avek “goods and services” avek ou permisyon Mr Chair mon ava demann Mr Belmont pou PSIP e PS pou ‘goods and services’ reponn.  Mersi.

 

MR SPEAKER

Mr Belmont apre PS. 

 

MR JONES BELMONT

Mersi Mr Chair. Ou Baie Sainte Anne zisteman sa bann proze ki Mr Gill Onorab Gill sorry in mansyonnen.  In deza lo tender pou sa lannen.

 

MR SPEAKER

Onorab Gill.

 

MR SPEAKER

Wi mon kestyon se pou letan napa nanryen dan 2018 si sa ki ou’n mete pou 2017 i pou ase pou adres tou sa problenm ki sa lekol pe fer fas avek?  Mersi.

 

MR SPEAKER

Mr Belmont.

 

MR JONES BELMONT

Sa ki nou’n prevwar anba sa proze se zisteman i pou adres toilet bann windows.  E osi i pou annan en eleman pou ground improvement. 

 

MR SPEAKER

PS i annan en bout oule azoute.

 

PS DR ODILE DECOMMARMOND

Mersi Mr Speaker.  Mersi Onorab.  Mon krwar taler mon’n reponn sa enn lo sa 20 milyon increase, ki pe cater pou sa nouvo Lekol Perseverance.  Apre Scheme revizyon la sa Marketable Scheme pou teachers i pou segonder sa progranm sa 20 milyon i pou progranm segonder.  E pou novo teachers expatriate ki nou pe anploye.  Mersi.

 

MR SPEAKER

Onorab Mondon.

 

HON TERENCE MONDON

Mersi Mr Chair.  Mon kestyon i relye avek manze zanfan lekol kot en sonm 13 milyon in ganny bidzete pou 2018.  Minis dapre rapor Oditer Zeneral 2016 ou Minister i depans 12 milyon par an  mwayenn pou sa servis manze zanfan.  Oditer zeneral in fer resorti ki en lakonpannyen apele PCS Pamela Catering Services ti ganny sa Kontra pou fourni manze zanfan lekol san okenn tender. Mon premye kestyon akoz ki Departman Ledikasyon pa ti swiv prosedir prokirman. Parey i ganny preski anba Lalwa?  E dezyenmman avek lotonomi lekol ki ou’n koz lo la pli boner eski sa service manze lekol pou aprezan swiv prosedir open tender o nivo sak lekol pou permet tou bann dimoun ki dan sa biznes servis manze kapab partisipe?  Mon 3enm kestyon anvi ki i annan en kantite gaspiyaz kot maze zanfan lekol i konsernen mon anvi konnen ki ou Minister pe fer po elimin gaspiyaz dan sa domenn. E i kapab permet ou Minister retir serten savings pandan lannen 2018.  Mersi Mr Chair.

 

MR SPEAKER

Minis 3 kestyon.

 

MINISTER MR JOEL MORGAN

Mr Chair sa bann kestyon premye 2 kestyon i relye avek procurement akoz i centrally procure.  Avek ou permisyon mon ava demann PS Finans pou adres sa.

 

MR SPEAKER

PS Payet.

 

PS PATRICK PAYET

Mersi Mr Chair.  Mersi Onorab.  Zis pou azoute ki letan nou ti konmans reform ekonomik 2008- 2009, desizyon ti ganny pran ki the outsourcing of School Meal i ganny mete direkteman dan management.  Ti annan School Meal – ti annan Youth Hostel avek Printing of books.  Kot Minister Ledikasyon, sa 3.  Apre dan bann lezot Minister ti annan par egzanp the cleaning ki ti ganny mete kot Cleaners Corperative.  So ti annan sa 4 konponan the outsourcing nou pa ti al lo open tender me selman i ti ganny mete aa the management ki tip e operate.Me avek mon krwar keksoz ki’n avek nou kapab as en Gouvernman  revwar the current Policy e dan konmansman lannen prosenn revwar dan ki fason nou fer li si nou pou al  lo full par egzanp propozisyon lo tou bann lekol separately.  Ouswa si nou kit li centrally par regional.  Sa i en bann keksoz kekfwa nou a fer en procure assessment an menm tan diskit avek Oditer Zeneral avek bann rekomandasyon ki’n ganny fer.

 

MR SPEAKER

Mersi PS.  Minis i annan lo procurement menm lo supply of manze.  Wi ale Onorab Mondon.

 

HON TERENCE MONDON

Wi Mr Chair anvi ki oditer zeneral in fer sorti ki Minister napa en bon sistenm verifikasyon an plas pou kapab garanti ki lakantite manze ki pe  ganny resevwar i koresponn avek sa 12 milyon ki Minister i depanse tou-le-z-an.,  Mon anvi konnen Minister zot menm ki zot pe fer pou kapab rektifye sa problenm?  Mersi.

 

MR SPEAKER

Minis.

 

MINISTER MR JOEL MORGAN

Mersi Mr Chair avek ou permisyon mersi.  Mr Chair mon krwar wi i annan defayans la parmi lezot defayans ki nou annan nou bezwen rekonnet.  E ki nou bezwen fe rnou bezwen adres sa bann problenm.  E lafason ki nou bezwen fer li se nou bezwen fer sir ki sak lekol i sertifye kantite school meals ki vini par egzanp pou sa lekol e i koresponn avek sa ki Minister pe ganny invoice atraver Bidze ki nou annan la sa 12 milyon.  Sa prosesis sertifikasyon mon krwar i manke la.  E nou bezwen entrodwir sa swit a sa ki ou’n fer resorti la Onorab avek Rapor Oditer Zeneral nou ava met sa  an maars nou ava annan en sistenm kot i ava annan en zofisye dan lekol petet sa admin officer lekol ouswa Headteacher li menm li i ava sertifye konbyen school mel.  Akoz i pou bezwen konnen konbyen zanfan ki annan toulezour ki pe pran school meal akoz i annan en lalis e i ava sertifye sa manze sa bann meal ki ganny deliver e answit sa i ava ganny verifye kont sa ki Minister pe ganny invoice.  So nou ava met sa an mars.  Mersi.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mersi Mr Speaker.  Bonn apre midi Minis avek ou delegasyon.  Mon kestyon i tonm anba PSIP lo paz 4  lo paz 10 a 12 kot i konsern Grand Anse Praslin Primer e Praslin segonder ek Lakres Grand Anse Praslin.  Mon kestyon i kronm swivan ki status proze Lakres Grand Anse Praslin ki sipoze ganny fer obor Lekol Primer Grand Anse Praslin ki pou kout anviron R8.6 milyon ?  E osi anba PSIP ankor pou Grand Anse Praslin primer i annan 2.5 milyon dan Bidze 2018.  Ki travay ouswa proze ki ou Minister pou antreprann dan sa lekol total initial project cost i 7.5 milyon pou Grand Anse Praslin Primer.  E osi anba Grand Anse Praslin secondary project i annan en Bidze 9.8milyon pou project cost e 800mil in ganny bidzete pou lannen 2018.  E ankor anba Praslin secondary renovation i annan en lot project cost 2.4 milyon e en milyon in ganny bidzete pou 2018.  Eski Minis i kapab donn en pe detay lo la lo sa proze renovasyon lo Lekol Praslin Segonder?  E mon dernyen kestyon i konsern bann teachers ki’n deplase pou travay Praslin eski dan Bidze zot pe fer provizyon pou fer monte posting allowance pou sa bann teachers?  Mersi.

 

MR SPEAKER

Minis avek Mr Belmont.

 

MINISTER MR JOEL MORGAN

Mersi Mr Chair.  Mersi Chair w ii annan sa sonm R8.6  milyon pou Lakres Grand Anse Praslin.  Annefe nou pe atann vacant possession sa site kot STC i ete pou nou kapab bouze e mon’n pran kontak avek Minis responsab pou litizasyon later.  Pou nou kapab fer zot finis a negosyasyon pou STC sorti la kot i ete.  Sa lagreman STC i ava bouze.  E nou a kapab pran sa site pou fer sa devlopman.  I pa ankor aboutir ziska prezan malerezman.  Mon en desi lo la akoz nou pe push nou osi.  Kondisyon Lakres Grand Anse Praslin i pa bon ditou.  Nou tou nou ‘n vwar ki mannyer i ete sa sityasyon.  I en landrwa ki flood i en landrwa kot bann building i tre vye.  Bann teachers pe fer bann travay vreman ekstraordiner dan bann kondisyon ki pa bon.  E nou bezwen push pou nou kapab sort sa out.  E Mr Speaker mon dan sa commitment ki nou ava fer li maksimonm posib.  I pa depan lo nou akoz nou pa ankor ganny sa site me nou a fer li maksimonm posib pou nou kapab bouze avek sa.  Lo nivo primer Grand Anse Praslin i annan en  slab ki kot ti annan en vye building ki nou’n fini demoli e la nou pe al fer en nouvo building la pou lannen prosenn.  Travay pou konmanse byento.  Tou keksoz in pare i pou annan ground plus 1 e i annan 6 laklas epi anba i annan dining facilities i annan bann specialist room bann keksoz koumsa kip e vini.  So sa pe vini.  An plis ki sa la, la nou pe fer  en Block ankor.  Akoz i pou mank nou en pe pou Zanvye nou pe fer en block vitman la pou accommodate mon krwar 2 ouswa 3, 2 laklas ankor la pou kapab pran bann zanfan primer lannen prosenn.  Lo nivo segonder i annan en nouvo Block  ki nou pe plan ki dan PSIP la ki nou’n koz lo la ki pe vini pou additional classes ek bann function rooms bann keksoz koumsa pou lannen prosenn, pou kapab kontinyen accommodate bann bezwen sa lekol.  Mersi.

 

MR SPEAKER

Onorab Henrie.

 

HON WAVEL WOODCOCK

Sorry Mr Speaker i annan en kestyon ankor.

 

MR SPEAKER

I ankor annan en kestyon Minis PS. 

 

PS DR ODILE DECOMMARMOND

Mersi Mr Speaker.  Mersi Onorab. Pou lemoman la nou pa’n revwar posting allowance pou la senp rezon akoz lakaz i ser bann lakaz ki nou pe lwe pou sa bann teachers ki pe al dan sa bann zil pou lemoman i nou Bidze i en pti pe limite.  Me selman anmezir nou pou revwar.  Apre mon krwar pou posting allowance i pa i mon krwar i en keksoz ki Nasyonal i pa i standar.  So dapre PSO.  Mersi.

 

MR SPEAKER

Onorab Andre.  Sorry Onorab Henrie. Apre i a vin Onorab Andre.  Onorab Henrie avan apre Onorab Andre.

 

HON GERVAIS HENRIE

Mersi Mr Chair.  Bonn apre midi tou dimoun.  Mon premye kestyon i konsern School Bus kot son lokasyon i ete dan Bidze e parski mon annan en kestyon partikilye lo Mont Buxton i annan len bout dan Mont Buxton Dan Lenn e Mont Signal kot bann paran in eksprim konsern k zot pa pe ganny sa servis.  So mon ti a kontan ganny en pti lesplikasyon lo la.  Dezyenmman en kestyon en pe zeneral kekfwa Minis pou reasir nou akoz ledikasyon i telman enportan ki fondasyon tou keksoz ki nou pou konstri konman en pei.  Ler mon pe get Bidze konpansasyon pou anplwayer i apepre 51poursan zot Bidze ;  ‘goods and services’’29 poursan e proze Kapital 18poursan.  Eski sa i en Bidze ideal pou vreman kapab tir ledikasyon kot i ete e anmenn li a sa oter ki nou konman en Lasanble nou ti ava voudre vwar?  Sa i 2 kestyon. E vitman Mr Speaker lo kestyon National Human Resource Development Plan ki bokou lezot Manm in koz lo ala.  Mon konnen Minis in koz lo sa data base ki zot oule kree pu ganny bann lenformasyon accurate.  Me apart sa konmsi pou met sa size dan National discussion kwa ankor ki nou kapab fer pou anmenn sa size k akoz tou dimoun i konsernen lo size resours imen Sesel.  Mersi bokou.

 

MR SPEAKER

Mersi Onorab.  Minis.

 

MINISTER MR JOEL MORGAN

Mr Chair lo kestyon transportasyon nou bann zanfan lekol.  Ki nou ava vrwar anba bann diferan programme areas anba P2, P3 P4 avek P6 i annan sa anba ‘transportation cost’ i annan bann logmantasyon la pou nou kapab kontinyen kit pou bann bezwen transportasyon zanfan.  Sa bann Bidze ki anba sa bann laliny la i pou School Bus service prensipalman pou bann zanfan ki nou bezwen peye nou bezwen kontribye konman Gouvernman.  An sa ki konsern sa servis Dan Lenn mon pa okouran me sertennman si napa en school bus service la anler nou bezwen adres sa.  E mon ti ava demann tou bann Manm ki annan sa bann problenm parey port sa a mon latansyon atraver email ouswa en kominikasyon nenport.  Pou nou kapab adres akoz i enportan ki nou bann zanfan i  ganny sa servis.  So sa nou ava adrese.  Eski i en Bidze ideal pou Ledikasyon?  Mr Chair ou’n deza Minis pou Ledikasyon mon krwar napa nanryen ki ideal ant sa ki konsern nou bann bezwen toultan nou bezwen plis.  Me bezwen plis e delivre ler ou ganny plis 2 keksoz mon krwar si dan en sityasyon ideal nou ti kapab ganny plis larzan anba PSIP  pou nou fer en renovasyon zeneral en amelyorasyon zener al lo lenfrastriktir bokou, bokou lo nou bann lekol.  I annan ne bon pe lan deza i annan 153 milyon en pe gran tern pe larzan Gouvernman Sesel.  Si nou ti kapab ganny en pe plis dan lavenir pou nou kapab fer en complete reform an term lenfrastriktir nou bann lekol mon get serten lekol ki mon vizite lenfrastriktir i vreman dan mal.  E nou annan bokou limitasyon i annan lekol bokou lekol i annan plis ki 20an zot in ariv end of useful economic life zot model zot design sa bann lekol i nepli en dapre nou bann konsep modern pou ledikasyon.  So idealman nou ti a kontan plis.  Me avek sa ki nou annan la mon bezwen fer resorti ki nou annan deza bann problenm enplimantasyon.  Sirtou lo PSIP e lo kote delivery quality education.  So Mr Chair mon pa pou dan en pozisyon pou mon dir nou bezwen plis.  Akoz nou bezwen kapab enplimant sa ki nou’n gannyen deza.  E mon oule met bokou latansyon lannen prosenn lo sa bann laspe enplimantasyon nou Bidze lo delivery delivery of quality – education delivery lo nou bann infrastructural projects.  E met sa lanvironnman lekol en pe plis azour.  Pou lavenir pou nou kapab set the scene pou nou bouz dan sa direksyon ki nou oule avek nou sistenm ledikasyon. Lo sa k konsern ANHRD ki nou kapab fer?  Mon krwar i sa kestyon manpower planning i en size ki tre, tre enportan pou devlopman ekonomik nou pei.  E pou devlopman nou bann sitwayen li menm li.  Nou bezwen kapab annan bokou plis input dan sa prosesis.  Mon a donn zot en legzanp ler nou ti pe fer devlopman formilasyon Polisi ki dan final draft la e ki ava ganny diskite avek plizyer bann stakeholders dan bann letan ki pe vini ler nou ti pe fer sa nou ti pe rod bann background information lo Human Resource Development dan pei sekter prive sekter gouvernmantal.  Nou’n bezwen ale vini  ale vini ek bann lorganizasyon.  Gouvernman e prive.  Pou kapab ganny lenformasyon lo zot Human Resources Development needs.  Pou nou prepar en Training Plan i en prosesis tre fristran. Akoz bann lorganizasyon pa vwar lenportans mno pa konpran akoz me zot pa vwar neseserman sa bann lenportans pou zot plan properly e pou lavenir.  So nou bezwen bokou plis e la ki nou pou fer atraver sa Human Resource Information System ek Management System nou pou annan en online facility dan lavenir ki zot kapab input ladan.  Ki a]va fer li dinamik.  Fir anmezir en sekter i vwar mon annan en tel, tel bezwen en lendistri i vwar – ‘’mon annan en tel bezwen,’’ zot kapab otomatikman plugging sa lenformasyon e i ava update nou sistenm pou nou kapab plan pou lavenir.  Mersi.

 

MR SPEAKER

Onorab Henrie.

 

HON GERVAIS HENRIE

Se ki mon ti ava kontan demann  Minis eski i annan osi en konversasyon dan Gouvernman akoz letan mon pe get sa mannyer sa Bidze pase an term lapey ‘goods and services’ ki mon vwar mon mazinen bokou bann zafer teaching aids bann materyo i ava vin ladan.  En konversasyon dan Gouvernman kot nou kapab servi ICT kot nou kapab swa pou donn manrmay homework e la i annan bann Laptop Scheme konmsi ki nou kapab redwir an term lo papye ouswa lavites ki nou sirkil lenformasyon pou bann zanfan.  Eski i annan konversasyon dan Gouvernman pou servi en pti pe plis ICT dan ledikasyon?  mersi.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Mr Chair wi mon krwar sa i en demann kle dan nou stratezi pou ledikasyon.  Kot nou bezwen anmenn a laport tou bann Lenstitisyon Edikasyonnel e laport e direk nou bann zanfan dan bann lekol sa eleman ICT.  Non selman pou zot fer resers.  Me osi dan laklas ler nou pe deliver bann leson avek bann particular applications bann keksoz ki montre bann zanfan.  Ou konnen nou pe bouz lo en Competency Based-Approach as suppose to sa lapros tradisyonnel ki nou annan ozordi.  E dan CBA – Competency Based-Approach i annan sa laplikasyon pratik sa ki ou pe aprann.  E la ou pou bezwen servi ICT bokou plis pou ou kapab demontre bann laplikasyon pratik sa teori ki ou pe aprann dan laklas.  So wi nou pe fer.  Se pou sa rezon ki nou annan sa proze Internet internet connectivity pou tou nou bann lekol pou asire ki nou bann zanfan dan laklas dan lavenir i annan definitivman sa akse.  Now lo lot eleman avek teacher training osi nou pe apply ICT.   Avek Commonwealth  i annan sa ki apel Massive Open Online Course pou teacher training.  Ki anmenn zot lo nivo Diploma, Advance Diploma pou lavenir e Bachelor’s ankor pli tar.  So nou’n fini siny lagreman avek nou’n fini lanse the massive open online course.  E nou  annan en kantite teachers mon krwar pre 300 ki’n deza suscribe pou sa course.  Nou pe fer li atraver sa ki nou apel en blended mode kot ou annan tutorial  kot side face-to-face epi ou annan online pou nou bann teachers pou zot swiv zot bann leson zot bann teori and so on.  So sa osi pe vini atraver ICT pou nou kapab fer formasyon nou bann teachers pou lavenir.  Mersi.

 

MR SPEAKER

Onorab Andre.

 

HON CLIFFORD ANDRE

Mersi Mr Speaker.  Premye kestyon pou ANHRD  Dr Nolen ki pe ganny peye anba ANHRD si wi konbyen i pe ganny peye e ki i pe fer?  2enm kestyon Mr Speaker se pou Minister Ledikasyon ; an vi ki anba Local Government i annan larzan ki’n ganny met de kote pou fer Daycare Anse aux Pins e lokasyon ti’n ganny donnen nou’n revwar e sa lokasyon i lokasyon Minister Ledikasyon eski Minis i kapab konfirm avek nou si permisyon in fini ganny donnen pou demar ek bann konsep lo sa site Minister Ledikasyon pou ki bann paran i ava ganny en Daycare Anse Aux Pins zot osi?  Lot kestyon se anvi ki dan PSIP  mon vwar i annan maintenance pou dining hall ek toilet.  Me i pa spesifye pou ki lekol e Anse Aux Pins i annan en  gro problenm an regardant fasilite twalet pou bann manrmay lakres.  Eski Minis i kapab dir nou si zot pou fer sa pou aranz lakres e osi dan dining hall kot i annan serten problenm, akoz sa pe koz kantite difikilte pou bann cleaners.  E sa program lannen pase Minis ti dir nou ki zot pe travay lo en sistenm pou bann zafer pizon e sa i pe kontinyen kot Lekol Primer Anse Aux Pins ki pe ganny fer anba sa Bidze mon pa’n vwar nanryen sis a pe kontinyen.  Lot kestyon Minis se sa Laptop Scheme  Onorab Henrie fek mansyonn ankor Laptop Scheme mon’n ganny en lenformasyon apre i annan serten laptop ki kase, so eski zot annan sistenm pou repar sa bann laptop pou ki sa bann teachers i ava ganny sans servi sa?  Tutorial education mon annan 2 kestyon.

 

MR SPEAKER

Sey round-up Onorab.

 

HON CLIFFORD ANDRE

Eski ki Minis i kapab dir nou nouvo Lekol Lagrikiltir si i pou ganny fer?  E pou bann teachers kot business academic si zot new Scheme of Service pou vin an aplikasyon an 2018?  Mersi.

 

MR SPEAKER

Minis kekfwa ou a repet Dr Nolen ankor mon konnen ou ti repete taler.  Me solman  eskiz Onorab akoz mon ti’n donn li permisyon i ti annan en case Ankour.  So alor eskiz li.  Reponn – re dir ankor lo Mr Dr Nolen.

 

MINISTER MR JOEL MORGAN

Mersi Mr Chair.  Mr Chair Minister Ledikasyon ek Resours Devlopman Imen, napa okenn peyman ki nou pe fer apar ki sa 3 consultancy ki mon ti koz lo la pou sa R160mil ki’n fini.  Napa okenn lezot peyman ki Dr Nolen i lo nou payroll.  Lo kote ANHRD dan recess mon’n koz avek Former Chair Mr Domingue nouvo Chair se Mr Chance  Stravens e nou pa okouran si ANHRD pe pey Dr Nolen okenn larzan.  Me s ii pe pey Dr Nolen okenn larzan it’s for what?  Si i annan okenn larzan ki ANHRD pe pey Dr Nolen mon bezwen al regarde lenformasyon ki mon annan se non.  Me selman I will go and find out mon ava regarde e s ii annan i pou bezwen kapab zistifye ki travay ki in fer avek ANHRD pou kwa?  Mon personnelman Mr Speaker e tou dimoun ki otour mon la nou pa okouran ki i annan okenn peyman ki pe ganny fer avek Dr Nolen.  Sa mon dir avek tou senserite ek tou lonnekte.  Daycare Anse Aux Pins wi nou’n resevwar demann sorti kot Minister responsab pou Gouvernman Lokal.  E nou’n agree imedyatman pou transfer sa landrwa ou konnen konman Chapiteau avek zot pou fer Daycare pou Anse Aux Pins.  I zis a kote primer i ideal.  E fotespere la sa bann bandi i ava aret servi sa bann landrwa pou fer nenport kwa.  Parey ou konnen Onorab i en gro problenm sa landrwa toulezour. Lo kontrol pizon avan mon pas lo PSIP kontrol pizon i annan en desizyon ki Minister responsab pou Lanvironnman i bezwen tackle sa bann problenm Senir Plim, e sa bann problenm pizon dan nou bann lenstitisyon skoler.  So zot ki spesyalize pou sa nou annan en Task force dan Minister e nou ava travay ansanm avek zot pou en progranm eradikasyon e kontrol an permanan ki nou bezwen kontinyen repete toultan pou lavenir.  Laptop Scheme repairs Mr Chair mon okouran poudir nou annan bokou problenm etern sa bann laptop mon pa pou mansyonn Brand la me zot konnen antre zot zot konnen sa bann brands ki nou’n ganny problenm avek.  E kestyon reparasyon i reste en issue ki nou pa ankor kapab neseserman fully resolve akoz supplier li osi i dir i pa kapab repair i napa bann ou konnen laptop  letan in kase in kase pa kapab repair an mwens ki ou bezwen sanz sa disk ouswa ram in ganny problenm pou sanze .  me si CPU ouswa motherboard in ganny problenm it’s unrepairable so nou bezwen revwar sa osi dan lavenir.  E regarde bann ki’n aste 1an si Warranty in fini apre 1an me selman I don’t think it’s fair.  Zot in envestir dan laptop apre 1an in pack-up  e zot bezwen al reenvestir dan en nouvo laptop entirely,  Mr Chair nou ava revwar sa e regarde ki mannyer nou kapab aranz sa.  Lo tutorial education commission Lekol Lagrikiltir Seychelles Institute of Agriculture and Horticulture sa i en proze ki tonm anba Kuwaiti Fund Financing.  E nou pe al re devlop sa site annan tye.  Nou bezwen relocate bann sa lekol tanporerman.  E nou pou konmans travay lo bann plan ansanm avek Kuwaiti Fund konmans travay lo bann plan 2018 pou enplimantasyon an 2019.  So sa pe ganny fer e finansman i deza disponib anba Creative Fund.  Mersi.

 

MR SPEAKER

Ok Onorab?

 

HON CLIFFORD ANDRE

I annan sa zafer lakres bann fasilite lakres avek dining hall.  Bann fasilite twalet desarz.

 

MR SPEAKER

Minis oubyen konsiltan.

 

MR JONES BELMONT

Mersi Mr Chair.  An se ki konsern Anse Aux Pins pou lakres zisteman ti annan larzan ki nou ti pe al met dan Chapiteau ki nou’n prezan Gouvernman ki annan pou fer avek Daycare i dir zot annan larzan nou pe pran sa larzan pou nou retourn kot primer ek Lakres ansanm sa pti bout ki nou ti annan pou nou fer renovasyon lo toilet ek Lakres.

E an plis travay i lo tender. 

 

MR SPEAKER

Mersi Onorab.  Wi Minister.

 

MINISTER MR JOEL MORGAN

Mr Chair CEO ANHRD i fek anvoy en text la kot PS  e i konfirmen pou dir ANHRD pa pey okenn larzan Dr Nolen.  Mersi.

 

MR SPEAKER

So i kler la nou’n fini ek Dr Nolen i pa pe gannyen peye.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mon premye kestyon i konsern Lekol Maritim, kot i annan serten difikilte bato pou fer pratik i out of action depi plis ki 1an program CINEC pa pe marse e napa en ansenyan ki’n ganny train dan sa dernyen 5an.  ‘Civil works’ mon vwar 1.9 milyon lannen pase dan PSIP me selman lasose i reste zis 3 pike dan delo.  Alors ki Minister Ledikasyon i annan pou fer pou lev en pe moral bann ansenyan e delivre lo training dan sa lenstitisyon.  Mon 2enm kestyon en pe plis zeneral.  E mon apresye bann ki Minis in fer lo rekonnet bann difikilte  mon pa pou rode lekel ki pou blanmen, me nou konnen lekel ki nou pou blanmen me selman nou pa pou dir la.  Me selman mwan mon kestyon pou Minis se nou’n vwar pou dir dan tou keksoz kot tou keksoz i gratwit, bann paran bann zanfan pa pran zot responsabilite.  E nou annan legzanp kot ler i annan en pti peyman paran ek zanfan zot pran zot responsabilite.  Par egzanp dan uniform zot peye zot uniform me pourtan nou dir ledikasyon i gratwi,t me selman pou ou al dan lekol fodre ou pey niform.  So zot peye iniform.  e zot veye zot uniform.  Eski Minis i kapab dir nou si nou kapab rod en fason pou responsabilite bann paran atraver serten komikman ki zot bezwen fer.  Pa tou paran, bann ki mizer toultan mon dir Minis ou bezwen koz avek bann Manm lo lot kote latab ki pou dir non non Msye Rene in donn nou ledikasyon pou nanryen in donn nou lasante pou nanryen.  In donn nou failure pou nanryen in donn nou maladi pou nou nanryen.  Sa ki in donn ou!

 

(Interruption)

 

MR SPEAKER

Order! Order!

 

HON JEAN-FRANCOIS FERRARI

Nou bezwen sanze sa bann eski Minis i pare pou ed nou  pou sanz sa mindset pou nou rod en fason pou nou responsabiliz bann dimoun ki pe ganny sa bann servis e pran sa pti larzan ki nou kapab anmase avek,  Onorab Ferrari akoz son garson i lekol maritim i pa pey nanryen garson Pti Dadi dan menm laklas ki li.  Li osi i pa peye – tou lede pa pey nanryen.  Selman Pti Dadi li i napa menm mwayen ki mwan mon annan.  So mon pe sey zis sey dir Minis eski nou pou sanze sa mindset e al dan en sistenm ki pli efikas kot tou dimoun i pran zot responsabilite?  Mersi.

 

MR SPEAKER

2 kestyon Minis Lekol Maritim apre paran kontribisyon. Minis.

 

MINISTER MR JOEL MORGAN

Mersi Mr Chair.  Mr Chair mon ava zis si ou permet mon ava pran 2enm kestyon premye apre mon a retourn lo Lekol Maritim.  Mon’n fer en costing ansanm avek Minister Finans lo cost for students pou ledikasyon.  2017 lo Early Childhood Care and Education seta dir Lakres ziska P2 sa i enkli the total Budget.  PSIP, ‘goods and service’, ‘wages and salaries’ 2017- R19, 889  par etidyan dan Lakres ziska P2.  2018 par lannen.  2018 i R21,  244  anba sa Bidze la.  Pou primer 2018 – (2017 pardon) ti R48, 351 par zanfan par lannen pou primer P3 ziska P6.  E sa lannen i R57, 72 par an.  Pou segonder avek SALS pou ‘A Level Studies lannen pase sa lannen (pardon 2017) i R46,  979 par etidyan par an. E  lannen prosenn i R48, 132 par etidyan par an.  Pou bann ki dan lekol pos segonder parey Lekol Maritim mon’n pran en average mon’n pran total mon’n diviz par etidyan.  R52, 984 par an par etidyan 2017  -sa lannen.  Lannen prosenn R63, 646 par an  So Leta Gouvernman taxpayer pe depans, en gro, gro sonm par zanfan par an lo son ledikasyon.  E Onorab Mr Chair in demann mon en kestyon tre direk tre pertinan ki mannyer nou kapab fer nou bann zanfan e nou bann paran pran sa responsabilite? Mr Chair nou konstitisyon parey zot tou zot konnen nou Konstitisyon i garanti ledikasyon gratwit pou nou bann zanfan.  Me an menm tan i annan bann responsabilite avek sa bann drwa i vin bann responsabilite pou nou bann paran ek nou bann zanfan.  E toultan mon’n dir sa larzan i sorti kot tax payer se bann paran menm bann travayer sa pei ki pe pey sa larzan pou ledikasyon nou bann zanfan.  Ki mannyer nou kapab ankouraz zot pou pran plis responsabilite lo nivo zanfan e lo nivo paran.  Se par anmenn sa bann eleman ki mon’n koz lo la apre midi Mr Chair dan nou sistenm ledikasyon.  Premyerman nou bezwen annan motivasyon atraver sa lanvi pou aprann.  E sa i sorti kot sa zanfan e osi sorti kot sa paran pou motiv sa zanfan.

Dezyenmman nou bezwen annan sa lanvironnman lekol ki nou pe envestir ladan kot i annan lord i annan disiplin i annan en bon lanvironnman pezib pou nou bann zanfan kapab aprann.  Nou bezwen annan bann progranm alternativ pou tir sa bann zanfan ki pa kapab reste dan lekol ek ki pe disturb toulezour ki pe fer dezord dan laklas toulezour e met zot dan en progranm alternativ ki nou pe fer.  E nou bezwen bind bann zanfan ek bann paran ek lekol atraver en Social Contract ki mon’n koz lo la already.   Kestyon peyman pou bann paran ki kapab afford i pa en kestyon ki mon kapab adrese la a sa pwen Mr Chair.  Akoz nou Konstitisyon i garanti ledikasyon primer, ledikasyon segonder e menm ledikasyon pos-segonder.  Pou tou nou bann zanfan.  Sa i en Constitutional provision ki donnen ozordi.  So petet i annan en deba lo sa issue deba Nasyonal pou vwar akoz i annan affordability bann paran tousala bann eleman e natirelman i annan bann konsekans fer pey nou sistenm ledikasyon.  Akoz paran pou dir zot pa resevwar ase larzan nou bezwen review saler dan public sector dan private sector minimum rage tou sa bann eleman i antre ladan.  So i en sityasyon ki kopleks mon krwar tou Man mi apresye sa eleman.  I en keksoz kit re konpleks e i nesesit bokou refleksyon.  E deba i en deba ouver, en deba fran lo ki mannyer nou al délavant avek en tel propozisyon. Me pou lemoman sa ki nou kapab fer se sa bann mekanizm sa bann lenstriman ki mon’n propoze pou fer sir ki nou bann zanfan i vin lekol pou aprann.  E zot pa vin lekol pou zot donn bal pou zot have a good time pou zot disturb and so on.  Mr Chair lekol Maritim mersi.  Mon pa pou dir Kontra avek CINEC pa pe marse.  Mon krwar ki CINEC in donn nou sa stati atraver zot nou’n ganny sa stati nenseser pou Lekol Maritim ganny rekonnet lo nivo enternasyonal atraver bann Diplonm ki nou pe donn nou bann zanfan sorti kot Lekol Maritim.  So zot annan en vehicle pou nou.  Pou elev standar Lekol Maritim.  Me  neanmwen mon konnen poudir i annan defayans.  Mon konnen i pou dir i annan bokou limitasyon osi an sa ki konsern lekol li menm.  E la, nou bezwen regard en kou non selman Lekol Maritim me osi bann lezot Lenstitisyon pos segonder parey SIT – par egzanp parey Lekol Lagrikiltir ek Ortikiltir.  Kot i annan osi bokou defayans lo nivo delivery nou bann program e kalite ledikasyon ki nou pe donnen vizavi lenvestisman ki pe ganny fer anba ‘goods and services’ anba ‘wages and salaries.’  Mr Chair sa i en keksoz ki form parti sa travay ki nou bezwen fer pou lavenir.  Mon okouran pou dir i annan serten difikilte avek Lekol Maritim, enkli lezot lekol osi ki nou pe fas avek pou lemoman e mon ava adres sa i dan ..  Annefe mon’n konmans adres li already pou lavenir.  An sa ki konsern ‘civil works’ i annan sa kestyon sa ‘capital budget’ anba PSIP 8 ekek milyon roupi mon krwar R8.6 milyon.  Sa ti pou prensipalman sa travay lasose.  Avek ki nou’n rankontre difikilte kontrakter ti dir i ti pou fer apre i dir non i pa pou kapab fer akoz nou bezwen konstri en breakwater pli an deor pou protez lasose avan ki travay i konmanse.  So a sa moman la i annan en lekip  ki pe travay lo son technical design pou sa breakwater avan ler ki nou kapab enplimant sa civil works project pou nou kapab refer sa lasose.  Akoz in kase egzakteman akoz sa.  Akoz wave surge dan sa landrwa.  E mon osi okouran ki bato pa pe fonksyonnen.  E mon pe demann Lekol Maritim akoz sa bato pa pe travay ki zot prezan bezwen rely pou SFA pou zot kapab met bann manrmay lo lanmer pou fer bann travay pratik.  I pa en keksoz ki’n rezourd pou lemoman Mr Chair mon napa en larepons kler ki mannyer nou pou aranz sa bato ki problenm ki annan me mon pe travay lo la osi pou nou kapab deal ek sa problenm.  I pa akseptab ki en bato i dormi  pandan 1an ler nou annan finansman disponib pou nou fer laranzman neseser pou nou kapab met li azour.  Mersi.

 

MR SPEAKER

Onorab Ferrari.

 

HON JEAN-FRANCOIS FERRARI

Zisteman.  Minis mon krwar i ti a bon lokazyon si ou kapab demann ek PS Finans obor ou, zis pou nou aranz sa bato sa master sa masin sa bato.  Demann li en sonm larzan initil nou annan en Lekol Maritim si napa en bato pou manrmay al practise lo la!  I pa fer sans.  Eski mwan mon asire pou dir PS pou dir avek ou wi nou kapab trouve en larzan pou nou aranz masin sa bato ok, so  sa i mon premye kestyon.  Mon 2enm kestyon Minis en kestyon direk.  Eski ou krwar eski ou krwar Minis ki sanmenm sa lazistis sosyal ki mwan mon pa pey nanryen pou mon piti ki lekol e Pti Dadi osi pa pey nanryen pou son piti ki dan Lekol Maritim.  Eski sa lazistis sosyal kot mwan mon reste avek sa ki mwan mon annan me li sa msye i reste ek sa ki i napa?  Konmsi ki zour nou pou move  nou pou move konmsi dan en fason pli reflesir pli smart so ki mannyer nou finans pou ledikasyon.  Mersi.

 

MR SPEAKER

Petet lo sa kestyon masin la PS Payet Minis plito pou sa bato ou pa ti a kapab rod en kotasyon.  Mon pe koz sa leksperyans prizon.  Akoz mon pe koz sa akoz leksperyans kot ou kapab ganny en kotasyon Mazorcchi kote apre la ou negosye avek PS Finans i vre ki si ou annan en Lekol Maritim ou bezwen annan bato pou practise lo la.  Parey si ou dan Lekol Lagrikiltir ou bezwen annan later kot ou kapab fer laprantisaz.  Minis.

 

 

HON JEAN-FRANCOIS FERRARI

….(Mic Off)

 

MR SPEAKER

Ok, ok  Onorab Ferrari.  Ok les Minis reponn.  (laughter)  Minis.

 

MINISTER MR JOEL MORGAN

Mr Chair mersi.  Mon krwar sa pwen i valab an sa ki konsern aranz sa bato e menm anba nou larzan PSIB 2017  nou kapab fer li.  Me anyway nou annan bann problenm entern ki mon bezwen al sort out e nou a fer le neseser pou nou kapab rezoud sa al plis an detay parey bann problenm entern ki nou annan.Mr Chair 2enm kestyon i en kestyon sosyete – pei .  E mon krwar mon pa neseserman konman Minis Ledikasyon kalifye pou mon reponn sa mon tousel.  Mon annan mon pwennvi pou mon ki i pertinan lo la.  me selman krwar i en provizyon Konstitisyon ki nou bezwen revwar konman en pei konman en pep.

 

MR SPEAKER

Parey ou’n dir petet ti annan plis refleksyon lo la.  Ok Onorab Pillay.  Sebastien Pillay.

 

HON SEBASTIEN PILLAY

Mersi Mr Chair.  Mr Chair annefe sa lannen pou fer apepre 28an ki ou ti ouver en pti lekol ki appel Lekol La Retraite e trouv li dan en catchment area ki vreman difisil.  So mon kestyon pou Minis se ki anba Bidze zot pe met en Bidze pou bann support structure pou bann lekol.  E enn bann problenm ki i annan se ki profiling bann zanfan ki pe fer problenm behavior dan bann lekol.  An re sistenm ledikasyon i ase pti pou nou konnen across tou bann lekol lekel sa bann manrmay e ki mannyer nou tackle sa bann size.  Sirtou dan bann landrwa kot nou konnen sa bann lekol zot zanfan i sorti dan bann landrwa ki i en pe difisil sosyalman.  So anba sa Bidze ki la.  Kwa ki zot pe mete pou zot beef-up support structure annan bann psikolog ki ava ede annan profiling zanfan ki nou a konmans travay avek zot depi primer.  Ki by the time zot ariv segonder konman zot demontre sa bann threat difisil sa bann threat behavior nou ava’n kapab konmans sa en pe pli boner rather ki esper en pe lo tar prezan pou nou al servi bann mezir ki en pti pe pli heavy handed e pa neseserman anmenn rezilta parey nou ti a swete.  Mersi Mr Chair.

 

MR SPEAKER

Ok, mersi Onorab.  Minis.

 

MINISTER MR JOEL MORGAN

Mr Chair enn bann landrwa ki nou pe envestir fortman lo la lannen prosenn e nou’n konmanse sa lannen already se lo supporting structures pou ed nou ban ansenyan e nou bann zanfan dan lekol.  Nou annan nou  already 2 psikolog nou’n recruit en 3enm la.  E nou annan vacancies ankor pou ankor 2 pou lannen prosenn.  Sa lo nivo  Headquaters.  Me osi lo nivo lekol li menm direkteman nou bezwen kapab donn formasyon nou bann Special Education Needs Coordinators plis ankor pou deal avek bann problenm bann zanfan.  Non selman avek zot bann learning difficulties, me osi ek zot bann problenm lo ki lentandan sosyal psikolozik pou zot.  Akoz bann behavioral problems ki ou vwar lo primary e relye avek bann zanfan kot zot annan problenm dan lakour.  E la nou bezwen osi enplik Minister responsab pou Zafer Sosyal.  Ou kapab entervenir lo nivo lakour kot lakaz li menm pou adres bann problenm.  Mon vwar bann lenstans kot mon vizite bann lekol teacher i dir mon bann zanfan i vin servi langaz lo nivo primer ki pa apropriye ditou. E ler zot ganny demande kote ou konn sa dan lakour ki koz sa.  Pandan i fer bann aksyon ki pa apropriye kote zot vwar sa zot vwar sa lo laptop dan lakour.  Bann zanfan i vini avek bann problenm rebel dan lekol akoz zot pa ganny lanmour dan lakour.  Tousala i bann problenm reel ki nou pe fer fas avek.  So i pa zis Minister Ledikasyon i bann NGOs deza antre i legliz deza antre.  E osi Minister responsab Zafer Lafanmir bezwen antre pou travay ansanm avek nou.  Nou tousel nou pa pou kapab fer li.  Nou tousel nou zis en eleman eleman lekol me sa problenm i depans nou bokou plis ki nou.  E i relye avek tou sa bann problenm ki nou pe fer fas avek lo nivo lasosyete ozordi.  So Gouvernman pe etablir atraver sa bann striktir. En progranm konpreansiv.  Nou ti annan progranm sosyal zot a rapel in annan son sikse in annan son limitasyon i annan son defayans.E la nou bezwen revwar ki mannyer nou pou fer sa.  E i annan en prezantasyon ki ganny fer ek Cabinet 2  semenn pase, 3 semenn pase lo la.  E i annan en nouvo progranm ki pe vin.  Me sa bann progranm li tousel pa pou ase mon krwar i bezwen ki bann NGOs legliz par egzanp i bezwen koz bokou plis lo sa ban issues a mon navi.Mon krwar nou bann NGOs i bezwen travay bokou pli for lo sa bann problenm sosyal ki nou pe fer fas avek ed nou.  Akoz i Minister Ledikasyon li tousel Mr Chair  nou pa pou fer li  nou a fer nou bout.  Me nou limite enn fwa ki nou sorti a deor lanvironnman lekol.  Mersi.

 

MR SPEAKER

Ok Minis, mersi.  Mon ti a kontan zis demann en pti git pasyans, mon konnen i annan en long zournen tou dimoun i fatige i annan zis 3 dimoun pou koze.  I annan zis Onorab Afif ek 2 Leaders.  Pti kestyon Onorab Pillay.

 

HON SEBASTIEN PILLAY

Mersi Mr Chair.  Mr Chair prenon kont ki nou’n koz bokou la size problenm disiplin dan bann lekol segonder, me i paret pou dir bokou dimoun pa pe get sa size osi lo nivo bann lekol pos segonder e plight ki bann teachers lo nivo pos-segonder osi pe koz lo la pa zis sa ki konsern zot bann Scheme of Service me osi lafason ki bann zanfan pe behave dan pos segonder ozordi.  So mon ti a kontan ki Minis dan bann prosedir dan bann mekanizm et an plas pou adres sa problenm ou pa zis e adres li lo nivo segonder nou regard en pti pe ki pe pase dan lenstitisyon pos- segonder pou anmenn zot lo sa nivo e pu sorti lo sa mon pa oule servi sa mo medyokrite – me mon bezwen servi li lo sa nivo medyokrite ki annan par egzanp kot Lekol Lagrikiltir lezot landrwa pou raise nivo sa bann landrwa e fer ki sa bann zanfan ler zot sorti zanfan i pli anvi al laba e zanfan i sorti avek bon nivo kalifikasyon laba.  Mersi Mr Speaker.

 

MR SPEAKER

Minis in note.  Onorab Afif.

 

HON AHMED AFIF

Mersi Mr Chair.  Mr Chair mon kestyon i baze lo ‘goods and services’ pou Minister Ledikasyon e anba ‘agreements Government Building and Infrastructure’ i annan R44 milyon.  Mon ti a kontan en pe detay lo la  ki fason in ganny fer lekel bann lakonpannyen oubyen lekel Lakonpannyen ki pe fer sa travay?  Answit anba ‘consultancy’ i annan ‘Board allowances’  avek lezot allowances ek ‘foreign consultancy’  ki ariv 9milyon.  Mon konpran ki i annan en morso pou CINEC ladan si pu kapab donn nou en breakdown sa bann consultancy e si ou vwar li i zistifye e si zot ganny tender?  Mersi.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Premye parti kestyon avek ou permisyon PS Finans i ava pran akoz sa i prensipalman cleaning services pou landscape services pou bann lekol.

 

MR SPEAKER

PS Payet.

 

PS PATRICK PAYET

Mersi Mr Chair.  Zis parey in anonse ki i pou annan tender for cleaning services e nou pe met li avek Minister Lasante –  Minister Ledikasyon avek  LWMA  Tender pa ankor ale.  Selman nou’n fer provizyon dapre travay ki nou sipoze fer nou kapab donn ou lalis bann existing Kontra ki egziste e ozordi nou kapab fer provide to you.  Apre detay lo nivo tender kip e vini bann lots ki nou pe al allocate sa osi nou kapab provide.  Selman i spesifik for Cleaning Kontra.

 

MR SPEAKER

Ok, mersi PS.  Onorab De Commarmond.  Sorry Onorab Afif i annan en kestyon siplemamter.  Sorry Onorab De Commarmond.

 

HON AHMED AFIF

Wi lo kote ‘consultancy’ pa ti ankor.

 

MR SPEAKER

Consultancy Minis.

 

MINISTER MR JOEL MORGAN

Mr Chair pou consultancy i annan en sonm 2.7 milyon ki pou CINEC pou 2018.   Akoz i tonm 2017 2018.  Akoz lafason ki Kontra ti ganny sinnyen so i roll over.  E pou 2018 – 2019 i annan 2.6 milyon.  Son Schedule pou CINEC se te kronm swivan  3an premye lannen 2016-2017 ti 17, 500 Dolar par mwan.  2enm lannen 2017- 2018 ti  16, 500 par mwan e 3enm lannen 2018-2019 i 15, 500 Dolar par mwan.  Apre sa sa Kontra avek CINEC i terminen. Larestan bann consiltancies nou annan en mix Mr Chair ant local consultancy ki apepre en milyon roupi pou lannen prosenn pou bann diferan travay lo nivo par egzanp en plan stratezik pou Seychelles Institute of Distance Open Learning.  SIDOL.  I annan project management i annan bann diferan consultancy pou teacher retension pou education development pou SITE li menm li Seychelles Institute of Teacher Education ; tousala i tonm apepre en milyon roupi pou lannen prosenn lo kote lokal.  Apre ‘foreign consultancy’ sa ki mon annan la –  mon annan prensipalman i annan 2.8 non be sa i tonm pou CINEC 2.8 milyon pou CINEC.  E lo nivo bann lezot Professional Centres

i annan apepre ankor en R300 mil mon pa konnen egzakteman kote ladiferans i sorti, mon ava find out e  nou ava donn sa lenformasyon.  ‘Other allowances’.

 

(Mic Off)

 

MINISTER MR JOEL MORGAN

Non part-timers i tonm anba ‘other allowances.’  Nou bann part-timers i tonm anba ‘other allowances.’  So petet i annan en konponan pou zot ladan as well Mr Chair.  E nou ava donn sa lenformasyon nou ava klarifye.  Me pou consultancy se sa bann prensipal ki nou annan.  Mersi.

 

MR SPEAKER

Onorab zis pou mon klarifye Onorab Larue ou’n deza entervenir non?  Ou pa ankor entervenir ditou?  Me se sa mon ti krwar sa ou kestyon be ale, ale demann ou kestyon avan Onorab De Commarmond i koze.

 

HON FLORY LARUE

Mersi Mr Speaker.  Bonn apre midi tou dimoun.  Lo progranm 3 anba ‘formal Early Childhood Care And Education’ nou vwar i annan 47. 667milyon e ladan zis 5.275milyon ki’n donnen pou ‘capital expenditure’  e ladan 3. 275milyon i pou ‘building and infrastructure.’  E 2milyon lo ‘machinery and equipment.’Letan nou regard PSIP lo paz 10  mon vwar ki zis 5 lekol ki’n ganny mansyonnen.  Ladan 3 napa lokasyon pou lannen 2018, sa i fer ki zis 2 ki pou gannyen.  Pou kapab relye lo paz 317 latab 8 pou zwenn zot outcome pou ‘improve performance in formal Early Childhood Education’ zot target i  pou konstrir 2 Lakres e upgrade 10 lezot.  Eski zot kapab fer sa lyen pou eksplike zot alokasyon e avek zot target ki zot ti’n mete?  E dan Rapor Oditer Zeneral 2016 pou ANHRD nou vwar ki Oditer i eksplike ki seksyon 14 of the Seychelles Government Scholarship Scheme i dir ki Lazans i responsab pou idantifye bann Lenstitisyon.  E sa bann pei i bezwen ganny vizite par en zofisye.  Sa Lazans avan i ganny aprouve konman en landrwa Gouvernman i rekonnet e aprouve pou etidyan ale.  Me odit i dekouver ki annan 2 scholarship in ganny donnen pou 2 Lenstitisyon.  Avek bann kou adisyonnel 3.   125. 220 milyon ki’n ganny peye par Lazans. Lesplikasyon donnen par Lazans i ki sa non- compliance avek Polisi in arive akoz serten direktiv in ganny donnen,  kot Lazans ti bezwen swiv akoz zot tri napa okenn lezot opsyon.  Eski nou kapab konnen ki lekol e ki letid ki sa bann zenn pe fer?  E si aksyon pou ganny pran pou konnen lekel ki’n servi son Lotorite pou overrule Polisi Gouvernman.  Lo paz  354…

 

MR SPEAKER

Petet Onorab Larue avan ou fer ou 3enm kestyon les Minis reponn ou premye, epi PS ANHRD i a reponn ou 2enm apre ou ava pran 3enm.

 

HON FLORY LARUE

Mersi Mr Speaker.

 

MR SPEAKER

Minis.

 

MINISTER MR JOEL MORGAN

Mersi Mr Chair.  Pou proze nou bann proze PSIP pou fer sa lyen ant sa programme area avek PSIP mon ava demann ou konsiltan pou leklersi silvouple.  Mersi.

 

MR SPEAKER

Konsiltan.

 

MR JONES BELMONT

Mansyon ki’n ganny fer pou 2 Lakres nouvo sa se La Rosière ki pou osi annan ansanm avek son primer.  E osi nouvo Perseverance Primary School ki pou annan son Lakres osi.  E answit nou osi annan nouvo Lakres ki pou vini pou Anse Boileau lannen prosenn.

 

MR SPEAKER

Minis ti dir dan son ladres Minis Finans ti dir dan son ladres. PS Barallon eski Dr Barallon eski ou okouran sa ki Onorab in leve, in fer sorti?  Eski ou annan okenn klarifikasyon oubyen oule plis lenformasyon avan ou anmenn klarifikasyon.  Sey ekler nou en pe.

 

PS DR LINDA BARALLON

Mr Chair,  mersi.  Mersi Onorab non nou pa okouran sa case klarifikasyon ki lie direkteman avek Lazans ek son Board.  Be si nou ganny bann detay nou a kapab fer en lenvestigasyon pou kapab pou vwar egzakteman sa ka sa pei e desizyon ki’n ganny pran vizavi sa Mr  Chair.  Mersi.

 

MR SPEAKER

Onorab Larue.

 

HON FLORY LARUE

Mersi Mr Speaker.  Mr Chair.  2 zafer.  Sa ki mon’n dir zafer ANHRD i kler id an rapor oditer zeneral 2016 lo paz 80 .15.18 Lazans i donn en reaksyon e Lazans i dir ki en dimoun in donn …

 

(Interrruption)

 

HON FLORY LARUE

…mon pe demann mon kestyon.

 

MR SPEAKER

Onorab Larue nou a pe koz lo Bidze Ledikasyon ek Human Resource Development pou sa lannen.  Eski sa ou pe koz lo la?

 

HON FLORY LARRUE

Mr Chair kestyon ti relye avek Scholarship payment ki ti mon next question, me ou ti dir mon aret la.  I relye avek laliny sa i annan en kou 3milyon.  Plis ki 3milyon in ganny peye pou 2 etidyan dan en landrwa ki pa ganny aprouve e sa i Polisi Gouvernman.  Oditer zeneral in point out – mon ti a kontan konnen nou pe idantifye bann laliny kote sa 2 dimoun pe etidye e ki zot pe etidye?  Mersi.

 

MR SPEAKER

Ok.  Ok, Onorab Larue ou’n fer ou pwen PS in dir ou i pa okouran i ti a kontan ganny sa bann lenformasyon pou li investigate e i a anmenn en rapor i a donn nou dan Lasanble se sa PS Dr Barallon?

 

PS DR LINDA BARALLON

Non, non.  Mwan mon krwar sa si i en matter Lazans i dan Oditer Zeneral sa en case ki devan FPAC – ANHRD zot ava vin sort out.  Mersi.

 

MR SPEAKER

Ok.

 

(Interruption)

 

MR SPEAKER

Wi.

 

HON WAVEL RAMKALAWAN

Sanmenm sa ki mon ti pe al dir Mr Speaker parski FPAC pa ankor regard sa Rapor, se letan nou’n regard sa Rapor apre nou met li devan Lasanble.

 

MR SPEAKER

Mersi very good.  Onorab De Commarmond.

 

HON CHARLES DE COMMARMOND

Mersi Mr Chair.

 

MR SPEAKER

Eski i annan en kestyon ki pa ankor ganny reponn Onorab Larue?

 

HON FLORY LARUE

Mr Chair letan mon ti pe demann kestyon ou ti aret mwan pou zot reponn sa lot kestyon mon ti annan en dernyen kestyon silvouple.

 

MR SPEAKER

Ale met ou dernyen kestyon.  Onorab Larue.

 

HON FLORY LARUE

Lo paz 354  progranm 3 ‘scholarship management.’  Eski tou peyman pou bann States-sponsored scholarship avek Liniversite Sesel in ganny fer e eski tou sa peyman i up-to-date silvouple?

 

MR SPEAKER

Mersi Onorab.  Minis tou peyman in ganny fer?

 

MINISTER MR JOEL MORGAN

Mr Chair mon okouran poudir ti annan en issue peyman pou bann zanfan ki ti pe swiv sa course avek UniSey pou ICT, ki ti pe ganny peye anba Lazans Proteksyon Sosyal.  Ti annan en lagreman depi en pe letan avan ki ASP ti sipoze pey sa sonm larzan UniSey me ki pa ti ankor ganny regle pou lemoman.  Ki mannyer sa lagreman ti été egzakteman mon’n sey regard ladan mon pa’n ganny en larepons definitif.  Me selman mon’n ganny dir poudir ti annan en lagreman ant ASP avek UniSey pou zot cover sa course pou bann zanfan ki’n swiv sa course ICT.  Mon krwar i en Diploma and Computing.  Si mon mazin byen.  Me selman an sa ki konsern bann lezot peyman mon pa okouran si i annan okenn defayans dan peyman pou lemoman lo nivo ANHRD pou UniSey.  Si i annan nou ava adrese nou ava sort out akoz Bidze ANHRD pou lannen 2017 ti sipoze kapab sifizan pou kouver tou bann bezwen pou training pou nou bann zanfan anba Scholarship Scheme.  Me mon a sort out.  Mersi.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair premyerman mon oule remersi Minister Ledikasyon bann sipor ki zot pe donn Lekol Cascade atraver nou proze lekol.  E osi sa proze avek legliz pou ki al direk avek travay ver moralite e values pou bann zanfan Lekol Cascade.  Akoz ki dan Bidze ler mon pe gete dan bann PSIP dan bann proze nou napa bokou nouvo proze.  Me mazorite gran mazorite se bann ongoing projects mon krwar i annan forse 3 ou 4 nouvo proze.  Eski i en problenm kapasite pou deliver?  Or zis stratezikman Minister pe fer li koumsa.  Apre lannen prosenn i ava lot lannen i ava fer plis. E an menm tan Lekol Cascade son 3rd phase i sipoze kontinyen sa lekol.  Be i zis R900mil konmsi.  Si ou kapab eklersi mon akoz sa pti git larzan si i pa ti devret en pe plis?  Petet Mr Belmont i ava kapab.  Mon krwar sa lot faz i pou plis ki sa.  E dernyerman avek sa bann problenm ki lekol pe gannyen partou e lo i annan bann lekol ozordi i annan lotonomi administrativ.  Ki Minister pe obzerve vizavi bann Council ek PTA ek bann ek kominote District Administration ensidswit vizavi sa bann problenm lekol?  Konmsi, eski i annan keksoz dan Bidze lyen avek sa pou perform pli byen?  Oubyen eski bann problenm zot pe remarke dan bann lekol i annan en relasyon avek kapasite pou manage oubyen pou kot sa bann entities Council PTA – Kominote i travay avek bann lekol, eski i annan en relasyon ek sa?  Mersi.

 

MR SPEAKER

Minis.

 

MINISTER MR JOEL MORGAN

Mr Chair lo konsern an sa ki konsern Lekol Cascade anba nou bann lenvestisman pou lannen prosenn.  Mon pe demann nou konsiltan pou donn en lenformasyon.

 

MR SPEAKER

Mr Belmont.

 

MR JONES BELMONT

Mersi Mr Chair.  Parey Onorab in dir in mansyonnen i reste nou 3enm faz pou konplete kot Lekol Cascade sa se general renovation of tou bann existing laklas ki pou anmenn zot a la oter sa 2 faz 1 ek faz 2.  I pa pou en dapre ki nou’n konstate i pa pou kout en gran kantite larzan R900mil sa ki nou’n mete nou espekte ki nou kapab fer li anba la.  Akoz sa ti’n ganny tender at that time kot proze faz 1 faz 2 faz 3 tousala ti ansanm.

 

MR SPEAKER

Minis.  Lo relasyon lekol PTA – Council. 

 

MINISTER MR JOEL MORGAN

Mr Chair avek sa nouvo model gouvernans ki nou  pe vin avek Council pou ganny revwar.  E pou lemoman lafason ki i pe ganny fer anba, nou regilasyon se ki Minis i apwent Council.  Mwan mon le move away from sa natirelman.  La pou imedya i annan stabilize, me dan kou lannen prosenn nou bezwen annan en Council ki elekte.  E i bezwen annan bann pozisyon osi ki by the … bann fonksyon bann dimoun ; par egzanp DA, Headteacher, petet mon a gete lo nivo Lasanble Nasyonal bann fonksyon koumsa ki ex-officio zot vin bann manm Council.   Sa i en keksoz ki nou bezwen revwar atraver sa regilasyon e sertennman mon swe.  E Gouvernman i dakor ek sa pou nou kapab annan en Council ki an zeneral i ganny elekte par bann paran dan sa lekol pou asir bonn gouvernans ek transparans dan sa ki nou pe fer. Lo sa kestyon ki mannyer nou pe striktir nou bann Council.  Council li menm  l ii ava annan sa rol gouvernans lekol pou li swiv bann paramet ki Minister Ledikasyon i mete atraver son stratezi e son Polisi Ledikasyon an zeneral.  Enplimantasyon, sa Polis iv in avek Council ek Management lekol.  Resours pou enplimant sa i vin atraver council ek management lekol.  Ladministrasyon osi parey.  Me selman ou nou retenir parey mon’n eksplike o paravan sa oversight e sa assessment monitoring evaluaton function.  E an menm tan nou pe mentenir bann eleman parey curriculum bann keksoz koumsa. Ki mannyer nou kapab ankouraz travay plis ansanm.  Mon krwar atraver sa prosesis eleksyon i ava donn paran ki anvi, vin lo Council.  Ki vin devan pou met zot nominasyon.  Akoz ozordi ki nou vwar dan bann bokou Councils Mr Chair nou vwar zis Council Chair ki aktiv.  Tre pe nou bann School Councils ozordi i annan en fully functioning Council.  Ou annan en Chair ki aktiv ; ou annan Chair osi ki pa pe aktiv e mazorite bann Council pa pe meet e nou pa’n fer en swivi lo la osi  pou fer bann Council pran zot bann responsabilite.  Akoz?  zot dir ou zot napa letan zot in fer sa lo en baz volonter zot pa’n anvi vini, zot pa’n zot zanfan nepli lekol en kantite bann issue koumsa.  So mon krwar atraver en elective process nou a kapab ganny bokou plis partisipasyon nou bann paran e la kominote an zeneral.  Mersi Mr Chair.

 

MR SPEAKER

Onorab Ramkalawan, apre nou ava pran en vot.

 

HON WAVEL RAMKALAWAN

Yes Sir.  Mr Chairman mersi.  Vitman mon anvi zis Minis i donn nou serten lesplikasyon dan Bidze kote nou pou vwar bann keksoz en kantite kantite text e mon anvi dir bann dimoun ki’n ki pe parski i en deba enteresan, ki pa tou keksoz malerezman ki nou pou kapab met devan premyerman pou bann HODs ek bann deputies Headteacher  increment allowances, eski nou pou ganny en increase dan zot pou zot responsabilite ?  Bann teachers k i annan serten keksoz ki mon pa konpran –  me zot, zot ava konpran bann teachers ki fer duty dan bis depi 6er bomaten ziska 8er en pti allowance ki zot ti ganny promet eski i dan sa Bidze?  Pou bann non- teaching staff mon krwar in ganny kouver.  Bann Ministry officials ki al La Digue par egzanp zot ganny R75 e sa takeaway ki zot manze i kout R75 li menm ni pou ganny en pti boutey delo,  eski zot pou kapab ganny en pti boutey delo tou ladan School Bus pou bann zanfan eksepsyonnel konmsi en proper bus ki i ava kapab konmsi ki desann ki konmsi i ava fasil pou zot mont ladan,  eski zot annan plan pou zot met sa ?  Dan bann lekol bann fire extinguishers laplipar pa pe marse si i annan en dife ki mannyer i kapab afekte zot. E finalman Mr Speaker si Minis ti a kapab dir avek nou avek sa Bidze ki nou pe vote s ii kapab dir avek, nou nivo ledikasyon nou ban zanfan nou bann school leavers sa 1600 lo ki nivo ki ou pou met zot konmsi letan ou pe kalkil lo sa lenvestisman ki nou pe fer ki nivo? E mon pa pou dir ki nivo ou anvi parski mon konnen nou anvi zis bann ‘A Stars’ me konmsi ki mannyer nou kapab lev en pti git apre pa bliy dan Lekol Ekselans – silvouple.

 

MR SPEAKER

Minis petet ou a sey fer li bref akoz 6er in sonnen.

 

MINISTER MR JOEL MORGAN

Mersi Mr Chair.  Mon ava demann PS Ledikasyon pou adres bann kestyon allowances e La Digue/ Praslin e School Bus pou Exceptional Child.  Epi mon ava koz lo fire extinguishers avek nivo ledikasyon.   Mersi.

 

MR SPEAKER

 

PS DR ODILE DECOMMARMOND

Mersi Mr Speaker.  Mersi Onorab.  Dan review dan sa Scheme  ki nou’n i anvi provizyon pou HODs avek deputy Heads osi.  Sa i ok.  Duties dan bis sa enn nou pa ankor revwar nou pa, ankor adrese.  Me selman nou ava reget ankor ladan, pou nou gete ki kantite ki annan akoz napa bokou nou bezwen regarde.  Apre pou Lekol Eksepsyonnel zot nou annan en bis spesyal deza.  Me selman mon konpran sa ki ou pe dir, sa bann ki desann ki son wheelchair i kapab rantre.  Sa nou bezwen envestir ladan probableman avek nouvo proze ki pe vini pou Lekol Eksepsyonnel nou a regarde ki mannyer nou kapab sey fer fason pou li gannyen.  Mersi.  Eskize Mr Speaker pou allowance pou Praslin La Digue mon dakor nou dakor e sa i dan PSO.  Savedir fodre revwar antye.  Mersi.

 

MR SPEAKER

Ok.  Minis oule fer en mo final.

 

MINISTER MR JOEL MORGAN

Wi Mr Chair lo kestyon fire extinguishers, annefe mon’n tro alarme mon’n vwar ki mazorite nou bann lekol zot bann lekipman tenny dife ki annan dan lekol pa pe fonksyonn byen ouswa pa pe fonksyonn ditou.  E nou pe travay lo en proze spesyal pou refer tou bann fire equipment dan tou bann lekol.  E sa nou pe travay ek Minister Finans pou e nou bezwen nou’n konmanse deza i annan serten lekol nou’n konmanse.  I annan bann dimoun ki nou pe kontrakte ki bann dimoun ki travay dan sa sekter konman bann spesyalis pou bann servis bann fasilite tenny dife dan bann lekol.  So sa pe ganny fer e mon pe met bokou lanfaz lo la pou sa lannen ki pe vini.  Mr Chair ki nivo nou kapab elevate nou bann zanfan?  I en kestyon ki preokipan bokou nou pe rod tou fason tou bann stratezi e tou aksyon posib pou nou travay lo la.  E mon konvenki mon.  Ki avek sa ki nou pe fer la l4vini dan 1an nou pou konmans vwar son rezilta.  Me selman nou bezwen manage espektasyon.  Akoz rezilta pa pou vini imedyatman.  I en keksoz ki en zanfan ki fini ariv S4 pou li kapab vre atrap sa nivo ledikasyon ki’n perdi pandan tou sa bann lannen apre tou sa bann problenm ki nou annan pou li kapab succeed e briye an S5 pandan zis 1an i tre difisil.  Me selman ki nou le esey fer par egzanp pandan vakans nou pe run additional costs nou pe fer additional tuition pou bann zanfan pou kapab ed zot pou, remont en pe lo nivo zot bann grad.  E sa nou’n fer nou’n fer lekol Mont Fleuri nou’n fer plizyer bann lezot lekol ankor pandan dernyen vakans e sa i pou ganny fer ankor. It’s a long term medium to long term effort ki nou bezwen fer Mr Chair.  Pou nou kapab remanti sistenm ledikasyon dan nou pei.  Mon pa pou promet lesyel ek lalin pa pou promet bann rezilta briyan imedyatman.  Me mon krwar avek sa bann travay ki nou a pe fer dan en fason, determinen sistematik e byen vize.  E nou bezwen for ladan nou pou kapab annan sa rezilta.  Me la nou bezwen tou nou bann partner vin ansanm.  Ler mon koz partner mon pe koz ledikasyon nou bann teachers nou bann paran zot tou vin ansanm pou nou kapab achieve sa.  Mon konvenki ki, avek sipor Lasanble avek sipor tou nou bann lezot dimoun ki nou depan lo la nou pou kapab fer li Mr Chair.  Me i en keksoz ki pou pran en pe letan e nou bezwen travay tre dir pou nou kapab achieve li, me nou ava fer li avek letan konvenki.  Mersi.

 

MR SPEAKER

Pti pti kestyon Onorab Ramkalawan vitman.

 

HON WAVEL RAMKALAWAN

zis akoz parfwa nou tann koz an term mank teachers dan laklas oubyen teachers i absante.  Eski Minister Ledikasyon pa ti ava kapab annan li en lalis teachers ki i annan?  Teachers ki pa pe fer lekol.  So that letan ou mank en teacher ou kapab kontakte en dimoun dan sa lalis pou kapab vini pou kouver, so that sa laklas i annan and I am sure en keksoz koumsa dimoun i ava fer lo en baz volonter.  E nou annan bann teachers zis id an laklas isi dan Lasanble, ki I am sure pou Onorab Pillay, Onorab De Commarmond ou menm ou Mr Speaker Onorab Ferrari ensidswit zot ava kapab zot pou pare pou zot kouver laklas, si i mank teacher.  Mersi bokou.

 

MR SPEAKER

Minis.

 

MINISTER MR JOEL MORGAN

Mersi.  Mr Chair wi annefe se sa nou pe fer nou pe etablir en baz donnen tou nou bann former teacher ki pran retret me ki pare pou zot vin pran en laklas.  E la dan sa nouvo Scheme la i annan en keksoz pou zot osi ladan.  Mon krwar i vin R63 par erdtan.  Nou pe propoze pou zot lo bann part-timers nou appel sa bann part-timers ki pa full zot napa en letter as such me zot vini as and when.  So sa pe ganny fer.  e  zis pou donn en lenformasyon siplemanter Mr Chair.  Ti annan en kestyon lo La Digue boner mon a donn sa lenformasyon vitman ti annan 23 teachers lo nivo  primer ki ti score 75 poursan ki ti resevwar zot larzan an Septanm lo sa Appraisal Scheme. I ti annan bann ler nou ti desann nou ti vin 60poursan ti annan ankor 13 teachers lo nivo segonder ki’n ganny zot performance renumeration anba sa Appraisal Scheme zot bonus.  E la prezan mon konpran ki zot in fini ganny peye.  La Oktob zot in fini ganny peye.  E nou pe deal avek bann ka appeal pou lemoman.  Vwala lenformasyon ki mon annan.  Mersi.

 

MR SPEAKER

Vwala pou bann teachers ki’n retired ki ti pe rod en pti ekstra i R63 par erdtan zot kapab kontak Minister Ledikasyon.  Me sa pa aplike pou bann Manm Lasanble. Nou a pran en vot lo Departman Ledikasyon lo paz 305  e to be appropriated 822.345 million avek Departman Human Resources Development lo paz 323  2.538million, to be appropriated. Nou’n pran sa 2 Departman ansanm.  E Minis Morgan ou ti le dir en mo.

 

MINISTER MR JOEL MORGAN

Mr Chair aparaman mon’n fer en lerer i R95 per hour pou nou bann teachers.

 

MR SPEAKER

Vwala i pli atiran ankor.  Onorab Pillay mon vwar li i konmans eksite.  (laughter) Ok alright ok.  Ok.  Tou bann ki pour pou sa 2 Heads sa total lev zot lanmen?

 

MADAM CLERK

Mersi Chair mersi.  Full House – 30 Manm an faver.

 

(APPLAUSE)

 

MR SPEAKER

Full House savedir Minis.  Mon krwar ou’n kas rikord lezot pe ganny en pti pe isi en pti pe laba.

 

(Interruption)

 

MR SPEAKER

Order!  Order !   Minis mersi pou ou ou’n reponn tou ek ou bann koleg ou’n reponn tou sa bann kestyon.  Me nou osi annan ankor enn de Lazans i tonm anba ou mon krwar i annan Tertiary Education Commission. Is that the same Seychelles Qualification Authority PS Payet?  Apre i annan osi Early Childhood Development Institute.  Eski i tonm anba Minister Ledikasyon PS Payet?  Mon konnen nou’n fatige esper en pti moman esper PS Payet eksplik nou.  I annan ki pe leve pou al kot zot.  Esper en pti moman. (laughter) Wi PS Payet.

 

PS PATRICK PAYET

Wi Mr Chair.  I annan 3 Lazans ki nou ti pou pran pou vot apre ki ti i annan enn ki CEO deza deor Tertiary Education Commission nou kapab pran vot lo la osi.

 

MR SPEAKER

Tertiary Education Commission  i lo paz 346 Mr Domingue i deza deor mon krwar nou tou nou dakor petet, nou a pran en vot lo la annou regarde 346.  Very good.  Nou dakor petet nou pran en vot lo la annou regarde 346 Tertiary Education 3.084 million to be appropriated.  Nou kapab pran en vot lo la tou bann ki dakor?  Clerk.

 

MADAM CLERK

Mersi Mr Chair.  27 Manm an faver.  Mersi.

 

MR SPEAKER

Tre byen mersi.  Mr Domingue pa bezwen antre ou Bidze in ganny aprouve.  PS Payet e ki nou pran.

 

PS PATRICK PAYET

Apre pou Seychelles Qualification Authority lo paz 328.

 

MR SPEAKER

  1. Seychelles Qualification Authority is that Mr Domingue menm ki responsab PS? Non?

 

PS PATRICK PAYET

Ernesta.  Madanm Fiona Ernesta.

 

MR SPEAKER

Ok.  Eski nou le pran en vot lo la son Bidze i 3.845 million.  Annou pran en vot pou Seychelles Qualification Authority pou Ms Ernesta.   Clerk.

 

MADAM CLERK

Mr Chair 28 Manm an faver.  Mersi.

 

MR SPEAKER

Savedir Mis Ernesta ou Bidze 3.845 million pou Seychelles Qualification Authority in ganny aprouve.  PS Payet eski nou pou pran pou Early Childhood? 

 

PS PATRICK PAYET

Wi the next one is Institute of Early Childhood paz 335.

 

MR SPEAKER

335 Early Childhood Institute of Early Childhood Development 7.925 million.  Tou bann ki pour lev zot lanmen?  Clerk.

 

MADAM CLERK

Mr Chair 27 Manm an faver.  Mersi.

 

MR SPEAKER

Tre byen Madanm Choppy ou Bidze pou 7.925 million in ganny aprouve pou Institute of Early Childhood Development.  Avek sa PS Payet mon krwar nou fini tou.  I annan en Agency …

 

PS PATRICK PAYET

For National Human Resource Development lo paz 354.

 

MR SPEAKER

  1. Dernyen i Agency for 354 vwala Agency.for National Human Resource Development i tonm anba lekel? Anba Departman Resource Development – PS?  Dr Barallon i tonm anba kot ou sa?

 

PS DR LINDA BARALLON

Mr Speaker e i annan Minister Ledikasyon ek Resours Imen i annan Departman apre i annan Lazans.  Mrs Nadia Lauricourt.

 

MR SPEAKER

Wi, wi dakor Ms Nadia ki CEO.

 

PS DR LINDA BARALLON

I ganny apwente sa lannen la.

 

MR SPEAKER

Agency for Human Resource Development e sa mazinen i tou bann etidyan deor e one 189.4 million.  Ok?  Tou dimoun ki pour lev zot lanmen.  Sa nou bann etidyan sirtou ki deor.

 

MADAM CLERK

Mr Chair 25 Manm an faver.  Mersi.

 

MR SPEAKER

Tre byen.  Bidze pou Agency for National Human Resource Development in ganny aprouve.  E avek sa PS Payet mon krwar nou’n kouver tou bann Lazans Lotorite ki tonm anba Minis Morgan.  Minis avek ou PS – PS Decommarmond, PS Barallon konsiltan Belmont avek tou ou lekip Mis Odile, Ms Merida  ensidswit, nou swet zot tou de bon dan sa latas ki nou tou nou enplike e sirtou lanfaz ki Minis in mete lo paran pran ou responsabilite.  Onorab Ferrari ou annan en dernyen pti mo.

 

HON JEAN-FRANCOIS FERRARI

Parey nou’n promet Mr Speaker.  Mon dir a ‘’pa file kaptenn aranz ou bato!’’

 

(Laughter)

 

MR SPEAKER

Ok.  Alright.  Order ! Ok  avek sa nou a eskiz Minis.  Minis nou a eskiz ou. Nou annan en pti lanons pou anonse apre ou kapab ale.  Oule dir en dernyen mo ?   Ok ou kapab.

 

(Interruption)

 

MR SPEAKER

Order!  Nou pa ankor adjourn.  Mersi ankor.  Clerk oubyen PS zis pou met nou okouran demen bomaten ki nou pe pran koumsa ki tou dimoun i kapab met zot azour e pare pou demen bomaten.

 

PS PATRICK PAYET

Mersi Mr Chair.  Zis pou azoute ki nou pou konmans 9er bomaten avek the Ministry of Home Affairs zis pou nou pran en vot lo la e konman nou fini nou pou konmans avek The Family Affairs portfolio.

 

MR SPEAKER

Ok, avek sa mon a remersye ou menm ou Minis – ou menm ou PS ki’n la avek nou pou tou sa letan pasyans as usual, remersye tou Manm ki’n pran par dan deba ozordi nou adjourn nou a rezwenn demen bomaten 9er.

 

(ADJOURNMENT)