Home » Verbatim » 2017 » Verbatim Wednesday 22nd November, 2017

Verbatim Wednesday 22nd November, 2017

NATIONAL ASSEMBLY OF SEYCHELLES

Wednesday 22nd November, 2017

The Assembly met at 9am

National Anthem

Moment of Reflection

Mr Deputy Speaker in the Chair

 

SEYCHELLES NATIONAL YOUTH COUNCIL & NATIONAL SPORTS COUNCIL

 

MR DEPUTY SPEAKER

Bonzour tou Manm Onorab. Bonzour spesyal pour PS Finans ek son lekip ki touzour fidel, touzour la parmi nou ki pe gid nou pandan sa prosesis deba lo Bidze 2018.  Mon ti a kontan osi tou dir bonzour spesyal tou bann oditer ki pe swiv deba Bidze.  E osi mon annan en welcome spesyal ozordi pour bann senior citizen ki sorti distrik Beau Vallon.  Nou welcome zot parmi nou ki zot ava kapab pas en bon moman la bomaten avek nou.  E parey labitid dan break zot ava kapab enterak avek zot Manm Onorab, avek Leaders, le 2 Leaders e lezot Manm Onorab osi tou ki anvi enteraksyon avek bann senior citizens sorti dan distrik Beau Vallon.

Bon, mon anvi zis fer en pti lanons vizavi la fason ki nou pour travay.  An ki yer ler nou ti pe demann kestyon pour Minis Youth Sports and Culture ti annan de kestyon ki ti leve ki ti overlap, ki ti al tous Heritage Foundation. Speaker ti fer en ruling, an vi ki Minis pa ti kapab donn repons ki zofisye Heritage Foundation i vini ozordi, pli tar ozordi pour kapab adres sa de kestyon.  Me mon anvi remet lanfaz lo desizyon ki nou ti pran dan meeting ABC en pe letan pase lo la fason ki nou ti pour tackle deba Bidze, nou annan en lalis sa bann pti Departman, sa bann pti Heads ki napa gran logmantasyon dan zot Bidze e nou ti agree, nou ti come up avek en lalis ki nou pa pour bezwen kriy zot.  E an mezir ki nou pe ale, ler zot Minister i la, PS i ava gid nou, nou ava kapab pran en vot lo zot Bidze.  Ok?  So o tan posib, nou pour mentenir nou feuille de route pour nou kapab fini e parey zot konnen nou deza annan plizyer Bills ki an sirkilasyon, ki nou a kapab tackle lezot travay.  Ok?  E pour ozordi, pour ozordi la bomaten nou pour pran Seychelles National Youth Council avek National Sports Council ansanm apre i pour swiv par Seychelles Heritage Foundation apre CNEA; Creative Industries and National Events AgencyOk?  E parey Speaker in etablir yer pour nou kapab al en pti pe pli vit mon pour limit en pe kestyon e menm bann siplemanter ki pe monte.  So nou pe aim at least 2 kestyon par Manm.  An vi ki la bomaten nou pour annan SNYC avek National Sports Council, mon pour allow bann Manm 2 kestyon pour sak HeadOk?  Bann Manm ki santi ki i kapab, ki annan kestyon pour SNYC, pour NSC, mon pour allow zot sa, me o tan posib annou pa fer repetisyon.  Ok?   E avek sa mwan ava demann Parliamentary Reporter pour apel Minis avek son delegasyon. Yes Onorab Ferrari.

 

HON JEAN-FRANCOIS FERRARI

Mwan apresye oule manage sa letan en pe pli byen, me selman reinforce osi avek bann Minis e lezot ki vini, ki zot pa’n vin la pour fer statement.  I annan enn de repons zot kapab reponn par wi oubyen non.  Zot pa bezwen esper Leader Lopozisyon pour dir, ‘wi oubyen non?’ Pour zot kapab dir wi oubyen non.  So reinforce nou ava kapab mars en pti pe pli vit.  Mersi.

 

MR DEPUTY SPEAKER

Ok.  Mersi Onorab Ferrari e petet osi bann Manm osi ler nou poz kestyon, annou poz bann kestyon direk, menm si zot pe al lo Polisi, pa bezwen fer bann gran, gran letour, annou al direk lo nou kestyon.    PS ou ok? Oubyen oule azout okenn keksoz.  Ok?  Alright mersi PSOk petet Mr Larue si oule asiz obor CEO, ok. bon mwan ti a kontan dir bonzour Minis Larue avek son delegasyon ki konpri kot National Youth Council, Mr Alvin Laurence CEO; Mr Kevin Vidot, Special Advisor, Ms Ghislaine Belmont, Deputy CEO, Ms Vania Hoareau, Accountant, e Ms Maria Etienne, HR.  Lo kote National Sports Council, mwan annan CEO Ms Giovanna Rousseau, Special Advisor, Mr Jean Larue, e Accountant, Ms Christine Hoareau.  Alor welcome zis en pti gidans, zot ki lo panel ki pour reponn kestyon, annou o tan posib senplifye nou kestyon; annou pa fer nou gran statement. E parey bann Manm in fer sorti bomaten, i annan bann kestyon petet i kapab repons i direk, en wi oubyen en non pour nou kapab bouze pour nou kapab fini sa deba bomaten.  Avek sa mwan a zis demann PS pour diriz nou lo paz dan nou liv Bidze.  PS Payet.

 

PS PATRICK PAYET

Mersi Mr Chair.  Bonzour tou Manm Onorab e tou dimoun ki a lekout. Nou pe pran Seychelles National Youth Council lo paz 574 a 579.  E osi National Sports Council  lo paz 580 ziska paz 585.  E zot annan bann detay osi dan PSIP lo paz 18 pour SNYC avek NSC lo paz 23 PSIP.  Mersi.

 

MR DEPUTY SPEAKER

Mersi PS Payet.  Minis zis pour ou lenformasyon mwan pe, le fe ki nou pe pran sa 2 Heads ansanm, tou bann Manm zot annan dwa pour poz de kestyon pour sak HeadOk?   So nou ava ganny en show of hands bann Manm ki pour entervenir.  Ok Madam Clerk ou pare.

 

MADAM CLERK

Mersi Mr Chair.  Bonzour tou dimoun, lo kote Parti Lepep mwan annan Onorab Charles De Commarmond, Onorab Sebastien Pillay, Onorab Audrey Vidot, Onorab Paul Ernesta, Onorab Jude Valmont, Onorab Chantal Ghislain, Onorab Wilbert Herminie, Onorab Sylvanne Lemiel, Onorab Churchill Gill, Onorab Noline Sophola, Onorab Egbert Aglae, e Onorab Waven William.  Mersi.

 

MR DEPUTY SPEAKER

Deputy Clerk.

 

MADAM DEPUTY CLERK

Mersi Mr Chair.  Lo kote LDS mwan annan Onorab Ramkalawan, Onorab Afif, Onorab Henrie, Onorab Adelaide, Onorab Esparon, Onorab Andre, Onorab Woodcock, Onorab Loizeau, Onoab Larue, Onorab Arrisol, Onorab Pillay, avek Onorab Roucou, Onorab Mondon osi.

 

MR DEPUTY SPEAKER

Mersi. Bon nou ava komans avek Onorab Roucou.

 

HON CLIVE ROUCOU

Mersi Mr Speaker.  Bonzour Minis avek ou delegasyon. Bonzour tou dimoun. Mr Speaker, mwan premye kestyon, eskiz mwan, se lo paz 584 progranm 2, mon pe demann Minis sa Bidze ki zot pe demande si i annan okenn amount ki pe ganny dirize ver bann klib oubyen dan rezyon parey zot subprogramme pe dir.  Par egzanp pour bokse ki zot ankor pe fer, pe train dan SMB Hall ki pa tro condusive pour sa bann sportsman?  Epi dan PSIP i annan reconstruction of Freedom Square Sport Complex 8 milyon.  Mon anvi en pe leklersismam lo la silvouple. Mersi.

 

MR DEPUTY SPEAKER

Mersi Onorab Minis. Minis oubyen CEO.

 

CEO GIOVANNA ROUSSEAU

Bonzour Mr Chair.  Bonzour tou Onorab e tou dimoun ki pe ekoute.  Byen lo kestyon laboks. Nou konnen wi pour dir dan NSC Hall i pa tro ideal pour zot.  E pour le moman la nou pe rod en landrwa alternativ akoz lannen prosenn sa landrwa i pour vreman bizi, NSCMe at the same time Gouvernman in donn nou 8 milyon ki nou pour komanse pour nou fer sa proze Freedom Square e ladan sa i pour house Bokse avek Karate. Mersi.

 

MR DEPUTY SPEAKER

Mersi CEO.  Onorab William.

 

HON WAVEN WILLIAM

Mersi Mr Chairman.  Mr Chairman avan tou bonzour Minis avek ou lekip.  Mr Chairman mon ti a kontan demann Minis, CEO Youth Council pour dir nou dan sa konponan 20 ekek milyon zot pe gannyen kwa ki pour tous distrik.  Enn an term laspe finansyel, e sipor teknik. Mon dezyenm kestyon Mr Chairman, i vize ver Minis avek PS Finans.  Anba PSIP.  Mon trouve pour dir i annan apepre 2.5milyon pe ganny mete pour renovasyon bann lenfrastriktir sportif o nivo nasyonal.  Epi lo menm kestyon ki Onorab Roucou in demande, i annan 8 milyon ki pe al ganny depanse pour rekonstri sa sport complex anvil, mwan a demande Minis avek PS Finans le fe ki distrik, progranm pa pe ganny ase sipor o nivo sportif menm pour mentenir bann lekipman, mwan pe demande si zot kapab konsider koup 4 milyon dan sa proze anvil, pour donn en pe o nivo distrik.  Akoz ler ou regarde bann proze distrik zot etal li detrwa lannen akoz sa ki sa proze sportif o nivo nasyonal la ki en gro proze pa kapab ganny etale padan 2an e donn en pe larzan distrik pour li kapab fer bouze bann progranm.  Mersi.

 

MR DEPUTY SPEAKER

Mersi Onorab.  Minis.

 

CEO ALVIN LAURENCE

Bonzour Mr Chair.  Bonzour tou Onorab e tou dimoun.  Mersi pour ou kestyon. Sa lannen desizyon in ganny pran pour ki nou reponn pli byen bann bezwen aktivite dan distrik anba en sel Minister.  Sa i fer ki tou bann alokasyon Bidze pour bann aktivite dan distrik ki ti kout SNYC en sonm R400 mil in ganny tire kot SNYC e in met ansanm avek Community Development.  Sa i fer ki tou aktivite distrik i pour ganny fer avek resours ki Community Development in ganny allocate pour lannen prosenn.  Me kan nou pe koz resours la, nou pe koz resours Finansyel.  Sa i fer ki resours imen, bann travayer konsey Nasyonal Lazenes, bann travayer Lazenes zot, zot still ganny zot lapey kot SNYC. Savedir pour bann aktivite tou i dekoul dan sa ki Local Government pour allocate, me bann travayer zot pour still ganny peye kot SNYC.  Sa i senpleman avek le bi pour pli byen allocate resours e fer ki tou aktivite kominoter, i annan en sel landrwa kot son resours pe sorti. An menm tan i enportan pour note ki dan distrik nou pa annan zis bann aktivite, nou osi annan bann servis.  Sa i enkli bann servis ki nou bann diferan sant i ofer, e li i plizoumwen akote nou bann Lekol Segonder.  E an menm tan nou bann aktivite Nasyonal li osi bann zenn i sorti dan bann lekol e dan bann distrik.  Me alokasyon resours R400mil ki nou ti abitye gannyen pour distrik in aprezan ganny move kot Community Development.  E byensir i annan bann lezot striktir osi ki’n ganny met an plas pour soutenir sa.  Mersi.

 

MR DEPUTY SPEAKER

Mersi CEO Laurence.  I annan en lezot bout kestyon pour CEO NSC. Ok Minis.

 

MINISTER MITCY LARUE

Bonzour Mr Chair.  Bonzour tou Manm Onorab e tou Manm a lekout.  Kot i konsern PSIP, i annan sa 2.5milyon ki nou’n dir pour renovasyon bann lenfrastriktir.  Fodre rapel ki pa tou lenfrastriktir dan distrik ki tonm anba NSC.  I annan serten lenfrastriktir dan distrik, lenfrastriktir sportif ki tonm anba Local Government.  E sa CEO petet CEO i a kapab donn lezot plis detay lo la.  Kot i konsern sa 8milyon pour Sport Complex, nou annan sa 8 milyon e Sport Complex i en keksoz ki nou a voudre kapab komanse pour nou fer akoz i annan serten priyorite. Me nou o nivo Minister, NSC nou pour regard ankor pour nou vwar si, akoz sa Sports Complex i pa pour kout nou 8milyon roupi. I pour kout nou bokou plis larzan.  Ok?  So i ankor en travay ki nou pe fer pour vwar ki mannyer, si nou pour komans servi sa larzan lannen prosenn, oubyen nou pour kapab divert li dan lezot keksoz.  Nou’n pran kont sa ki ou’n dir be selman ankor, si nou napa bon lenfrastriktir pour nou bann sportsmen, sa osi i en problenm.  I en problenm sirtou bann ki nou pe pratike o nivo enternasyonal.  Nou bezwen donn zot sa lenfrastriktir ki zot kapab compete byen e ler zot ariv o nivo enternasyonal zot kapab osi fer menm keksoz e improve zot performans.  Mersi.

 

MR DEPUTY SPEAKER

Mersi Minis.  CEO Rousseau.

 

CEO GIOVANNA ROUSSEAU

Zis mon ti a kontan azoute ki mon pa krwar pour dir i pour fezab pour nou tir 4milyon dan sa proze pour nou met dan distrik.  Akoz par egzanp laboks, karate – karate i en sport ki annan en kantite atlet. E ziska prezan zot osi zot napa en landrwa kot ou kapab dir sa i en landrwa permanan pour zot.  E tou le de i annan 4an zot pe espere pour zot ganny sa batiman.  E la ki nou’n nobou ganny 8 milyon mon krwar i pa pour tro fair pour fer li.  E an plis ki sa, sa ki mwan mon ti a kontan vwar dan distrik se ki distrik i annan li en Komite Sport.  Pour le moman an 2015 distrik, ti annan 13 distrik ki ti annan en Komite Sport.  2016 in desann, in vin 12.  E sa lannen i annan selman 6 distrik ki annan en Komite Sport.  Mon krwar sa ki enportan, se form en Komite avan, organiz keksoz, par ler nou kapab organiz keksoz san ki nou bezwen en kantite larzan.  Mersi.

 

MR DEPUTY SPEAKER

Mersi CEO.  Onorab William.

 

HON WAVEN WILLIAM

Mersi Mr Speaker, Mr Chairman.  Minis etandan ou’n osi koman en Manm Lasanble, koman en koleg Manm Lasanble, ou konn sityasyon o nivo distrik.  Etandan ki nou pe dir pa kit personn deryer, met pep o sant devlopman, mwan santi atraver larepons ki ou pe donn mwan, ou pe kit nou distrik deryer, pa zis mon distrik, lezot distrik akoz Minis sa proze parey ou’n dir ou menm, ou pa konnen konbyen i pour koute pour fer.  La ou’n ganny 8 milyon roupi.  Me nou dan distrik nou lontan nou pe espere nou pe dir koup en pti bout e mwan a lans en pledwari atraver Leader Lopozisyon ki kouto ou avek zot, ek freeze i avek zot pour zot kapab freeze.  Mon pa pe dir freeze ouswa koupe mwan, mwan mon pe dir transfer annou siport Onorab pour demande pour transfer en pti larzan avek nou.  Mersi.

 

MR DEPUTY SPEAKER

Mersi Onorab.  CEO.  CEO Rousseau.

 

CEO GIOVANNA ROUSSEAU

Mr Speaker.  Mr Chair sorry, Grand Anse i en distrik ki annan en kantite fasilite.  2an pase, zot ti annan zot en Komite Sport ki tre aktiv.  Me malerezman sa Komite mon krwar in fini, i pa aktiv prezan.  E mon krwar pour dir ki nou pa kapab tir larzan kot nou kapab fer en fasilite kot i pour benefisye en kantite dimoun pour nou al met dan distrik.  Pour le moman sport, nou, nou fer sport lo nivo sa ki NSC i responsab se lo nivo Nasyonal e Rezyonal.  Distrik i tonm anba Local Government.  Mersi.

 

MR DEPUTY SPEAKER

Mersi CEO.  Onorab Arrisol.

 

HON SANDY ARRISOL

Mr Speaker bonzour.  Bonzour Minis avek ou delegasyon.  Mr Speaker mwan mon pour al lo menm laliny ki Onorab William in ale.  Parske mwan mon en pe dezapwente, e mon ganny en depresyon letan mon tann sa bann kalite larepons.  Akoz mon dir sa?  Letan mon pe get Bidze NSC ou war milyon pour travel, ou vwar milyon pour telefonn, ou vwar milyon pour sekirite, ou vwar milyon pour foreign consultancy, milyon pour delo avek elektrik.  Be finalman zis nou dan Lasanble nou vot milyon pour konfor NSC dan distrik pour napa nanryen?   Prezan mon tande pe dir annan Komite pour Sport, Komite pour fer sport ek ki?  Ek R1300, sa ki nou pour fer sport avek dan distrik? La Mr Laurence in vini in dir ek nou pour dir sa R400 mil pour distrik in sorti in al avek en lot Head.  Finalman dan distrik letan ou demande lekel ki responsab sa, Local Government i dir ou NSC, NSC i dir ou Local Government, tou dimoun i mars lo lipye kanmarad ler pour distrik.  Mwan mon santi pour dir nou pe zis vot larzan pour NSC, napa okenn aktivite pour distrik!  St Louis i ganny kit deryer parey Grand Anse.  Mon dezyenm kestyon mon ti a kontan demande.  Letan nou pe vot milyon pou zot, zot sonm i R73 milyon, kote distrik i benefisye anba R73 milyon?  Tou bann sportmen ler zot pe al en landrwa zot tap laport partou, ou war zot tou pe marse pe fer Sponsored Walk akoz zot lasosyasyon pe anvoy zot zwe Foutbol, Chess li i pe al reprezant Sesel, selman zot pe tap tou laport.  Mwan sa ki mon pe dir se ki letan nou pe vot en Bidze pour en Heads fer sir ki nou distrik, nou bann zenn, nou bann sportsman i benefisye, pa zis zot ki asiz dan biro ki ganny 73milyon dan konfor, selman distrik i ganny kit ater!  Mwan mon pa dakor ek sa.  Alor mon pe propoze ki lo sa 73milyon, omwen 3milyon i ganny koupe, i ganny anvoy pour bann Lorganizasyon Sport dan distrik pour nou bann zwer, nou bann zabitan benefisye.  Si i pa koupe mwan mon pe al vot kont sa Bidze.  Mersi bokou.

 

MR DEPUTY SPEAKER

Mersi Onorab Arrisol.  Minis, oubyen CEO.  Ale Minis.

 

MINISTER MITCY LARUE

Mr Chair petet mon ti ava kontan anmenn en pti pe pwennvi Minister, ok?  Minister.  Dan Minister nou parey yer mon ti koze, mwan oule, nou oule vwar dapre nou bann policies ki nou pe met an plas, nou oule vwar kot nou bann distrik i vin vivan.  Vivan an term aktivite sportif, aktivite kiltirel, avek lezot aktivite lazenes.  E pour nou kapab fer sa nou bezwen anmenn tou nou bann antite ansanm.  E sport i pa en leksepsyon.  Nou annan Sportsfor- all ki ganny fer, me mwan personnelman, personnelman koman Minis, mon pa 100 poursan dakor ki mannyer i pe marse.  I pe mars byen, me i annan en kantite febles kot mon vwar parey CEO in fer resort pour dir i annan, nou annan sport Rezyonal ek Nasyonal.  Mwan osi mon’n fer resorti avek zot pour dir nou bezwen al dan distrik respektiv.  Akoz nou bann zenn i ganny trouve dan tou sa bann distrik. Nou kapab regarde bezwen bann distrik, kalite aktivite sports kiltirel ki nou kapab anmenn dan distrik ansanm travay lo kwa ki nou ti kapab fer.  Apre larzan, nou servi larzan dan diferan landrwa pour nou fer sa bann keksoz arive lo nivo Sports-For-All i annan larzan kot nou kapab fer, i annan ki pa bezwen larzan. I annan ki bezwen larzan.  E byensir i pa zis larzan, i pa zis resours imen, nou bezwen osi partisipasyon distrik.  Ler nou anmenn aktivite nou bezwen fer sir ki annan partisipasyon distrik e la kot nou dan kominote nou bezwen zwe en rol tre aktiv pour anmenn dimoun pour partisipe.  Akoz i annan de fwa nou vwar nou anmenn serten aktivite sportif dan distrik, me nou pa ganny sa partisipasyon pour kapab kontiny ek sa aktivite.  Akoz mon krwar i enportan.  Mwan mon toutafe dakor lo kestyon pour anmenn disiplin sport, disiplin kiltirel eksetera o nivo distrik.

 

MR DEPUTY SPEAKER

Mersi Minis.  CEO.

 

CEO GIOVANNA ROUSSEAU

Mersi Mr Chair.  Zis mon ti a kontan fer sa Lasanble konnen, pour dir ki sa ta milyon ki annan, letan nou gete wi nou krwar pour dir i annan en kantite milyon.  Me selman letan ou’n kas, kas li la, i pa vini en ta milyon.  Fodre ki nou mazinen ki lannen prosenn, lannen 2018, nou annan zwe CJCOE pour bann zanfan ki anba 18an.  Nou bezwen prepar sa bann atlet.  Sa bann atlet wi i sorti dan tou distrik. So nou annan zot pour nou prepare. Nou annan Zwe Commonwealth ki ann Avril i osi. So nou bezwen prepar nou bann atlet pour sa e 2019, i annan Jeux Des Iles ek All Africa Game.  Nou pa kapab esper 2019 pour nou komans prepar atlet pour Jeux Des Iles. Nou bezwen sanz fason fer keksoz.  Akoz si toultan nou travay bann amater, nou pa pour zanmen kapab ganny en rezilta profesyonnel.  So atlet i bezwen ganny prepare.  E bann federasyon nou asiste zot.  Federasyon i fer sport pour tou distrik. Parey i dir elektrik sa bann, tou sa bann keksoz. Tou fasilite ki nou annan kot bann federasyon i organiz zot konpetisyon se NSC ki bezwen peye, pey sekirite.  Pey lalimyer, pey delo.  E letan nou gete sa i vin vreman en gro sonm.  Nou peye, nou bann Federasyon, nou pey pour zot coach.  I annan Federasyon ki nou anploy apepre 3 coach.  Zot annan bann dimoun ladministrater.  Tousala sa larzan i sorti ladan.  I pa pour bann dimoun ki asize dan biro.  Mersi.

 

MR DEPUTY SPEAKER

Mersi CEO.  Onorab Arrisol.

 

HON SANDY ARRISOL

Mersi Mr Speaker.  Mon ti a kontan remersi CEO avek Minis pour zot repons.  Mwan mon, se mwan mon problenm.  Parfwa nou tro met lanfaz zis lo bann zwe enternasyonal ki annan pour fer avek Sesel.  Nou konsantre zis lo nivo enternasyonal.  Me selman letan i konsern nou distrik lo nivo Nasyonal napa gran, gran keksoz ki ganny fer.  Par egzanp mon ava dir zot la St Louis par egzanp si mon annan en sport officer oubyen youth worker mon pa konnen parski la larepons ki Minis Larue in vin dir nou set egzakteman Minis Idith Alexander ti dir nou pour Bidze, menm zafer, i menm repetisyon.  E mon swete sa lannen prosen parey ou pe dir i ava annan sa.  Parski St Louis la 29 Septanm in fer 1an, napa okenn aktivite ki’n ganny fer lo nivo distrik.  Si i annan en youth worker ki ganny peye pour fer aktivite, nou bezwen war li pe fer serten aktivite, then nou a lakominote i vin ver li pour donn li sa sipor.  Be si li i ganny peye par fer nanryen lekel ki pour fer alor?  Parey mon’n tann CEO in dir pour dir nou pa kapab fer aktivite ek tou larzan.  Ozordi napa keksoz ki ou pa bezwen larzan pour fer. Ou bezwen kantmenm en boutey delo ou bezwen aste pour donn sa dimoun ki’n partisipe i konsern larzan.  Mr Speaker mwan si Minis in donn en lasirans poudir lannen prosen sa bann keksoz i ava amelyore akoz lannen pase Minis Idith osi ti dir menm zafer, mon swete ki sa i ava marse.  Parski lo nivo distrik, vreman napa gran keksoz ki pe ganny arive, lo nivo distrik.  Mersi bokou.

 

MR DEPUTY SPEAKER

Mersi mwan a zis donn laparol Minis swivi par CEO Laurence apre CEO Rousseau.

 

MINISTER MITCY LARUE

Ok MNA, mon krwar wi mon pour donn ou mon komitman ki lannen prosenn nou pour annan en sanzman o nivo.  Akoz nou oule fer li One-Stop- Shop kot dan Local Government la tou keksoz nou fer la.  E tou sa bann aktivite i anmenn la e i ganny fer avek lakominote.  Mersi.

 

MR DEPUTY SPEAKER

Mersi Minis.  CEO Laurence.

 

CEO ALVIN LAURENCE

Chair mersi.  Mon kapab reasir Lasanble ki dan nou zefor pour recruit youth worker pour sak distrik se en travay byen difisil.  E i annan plizyer fakter.  Saler i enn, ganny adrese par selman par sa Bidze; kondisyon zot lanvironnman travay i en lot. Konpetans bann travayer, e training ki annan dan pei pour zot i en lot fakter.  Sa i anmenn nou lo en konklizyon ki nou format aktyel pour annan en youth worker par distrik, e preferableman sorti dan sa distrik i en format ki outdated ki nepli pe reponn bezwen nou lazenes e distrik isi Sesel.  Sa i fer ki nou’n fini lans nou dan en nouvo loryantasyon kot sa format en youth worker par distrik sorti dan sa distrik in nepli enn ki nou pe mentenir, nou pe bouz lo en lekip youth worker par rezyon; kot zot a reponn bezwen sa bann diferan distrik avek zot bann diferan skills e kalite ki zot annan.  Par egzanp dan sport, dan kiltir, dan bann lezot spesifisite ki lazenes i rekomande.  E pour nou fer sa, i fer ki dan sak rezyon nou pour bezwen annan en lekip e nou pe komans avek rezyon Was pou nou pilot e lannen prosenn tousala i pour part of our New Strategic Plan ki nou pe komans travay lo la. sa format aktyel ki nou annan dan lepok ki nou ete i pa pe reponn sa bezwen alor nou pe bezwen vin avek en nouvo lapros.  Enn ki pour permet plis lezot dimoun kapab apply pour bann post youth worker akoz souvandfwa ler nou annan interview pour fer nou annan en kandida pour en pos, e sa i pa neseserman meyer opsyon akoz nou napa en gran swa pour swazir byen.   E sa i fer ki apartir lannen prosenn, i pa obligatwar ki ou youth worker dan ou distrik i pour sorti dan ou distrik.  Nou pe bezwen vin avek nouvo lapros.  Mersi.

 

MR DEPUTY SPEAKER

Mersi CEO Laurence.  CEO Rousseau.

 

CEO GIOVANNA ROUSSEAU

Mersi Mr Chair.  Zis mon ti a kontan zis port en pti latansyon bann Onorab parey letan nou pe koz Sports-For-All, mon ti a voudre fer zot konnen pour dir ki dan NSC nou annan zis 6 dimoun ki travay dan progranm Sports-For-All.  E i annan 26 distrik.  So ki mannyer nou pour fer sa 6 dimoun al fer, organiz sport dan tou sa bann distrik?  Par kont, nou’n deza ganny koze avek CEO youth kot nou’n dir nou bezwen sanz stratezi.  Mwan mon krwar lo nivo nasyonal i bezwen, i annan 4 departman; i annan Local Government, i annan lekol, i annan sport, apre i annan lazenes ki nou ti kapab travay ansanm pour nou fer sa e sa bann progranm lo nivo, letan mon dir rezyon.  Parey distrik zot in vwar pour dir zot pa pe kapab fer Komite Distrik, nou osi lo sport nou’n vwar i en pe difisil pour ou al fer Komite tou distrik.  Me par kont si nou ti travay lo rezyon.  En rezyon i pran 3 distrik.  E depi lannen pase nou ti ganny dir nou pour ganny larzan pour nou kapab anploy at least ankor 3 dimoun ki nou kapab met zot responsab diferan rezyon. E prezan i ti pour vin zot responsabilite pour fer sir ki dan sa, dan zot rezyon sa 3 distrik ki zot ansarz, ouswa 4 distrik, la ki zot fer sir pour dir i annan sport ki ganny organize.  Me selman pour li arive sanmenm sa si sa 4 group ti kapab join ansanm e met tou bann resours imen ki nou annan ansanm la i ti pour fer plis sans pour nou kapab fer li marse.  Mersi.

 

MR DEPUTY SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mwan oule demann mon kestyon a sa moman, akoz mon krwar nou pe perdi, nou pe perdi sans demann ki nou bann Onorab pe fer lo nivo distrik.   Problenm ki nou pe rankontre ozordi se ki si ou pa ganny sport pour devlope dan distrik, pour ariv lo nivo Nasyonal ou pa pour gannyen sportsman.  Prezan en lot problenm ki pe vini lontan dan lekol teachers ki pa ti zanmen ganny problenm ek kontrol zanfan se PE teachers.  Ozordi menm PE teachers pe ganny difikilte kontrol zanfan.  Sete akoz zanfan ti kontan sport. E ou pa kapab blanm zis Minister Ledikasyon, ou bezwen osi regard kwa proaktivman ki zot pe fer koman NSC pour fer dimoun kontan sport.  Ou’n dir ou annan 6 regional officer.  Par egzanp ki dernyen fwa, ok? Ki dernyen fwa sa bann zofisye in travay lo en progranm al dan bann lekol, eski nou annan en progranm konsistan kot nou dir nou annan en problenm e nou pran en marto nou komans tap sa problenm eskan ler nou kapab kase. Akoz ou’n dir pour dir rod en pe larzan pour fer sport, be i annan Onorab Loizeau ki Bel Air avek en tim basketball en soulye basketball i vann pres 1200, 1300 roupi. Konbyen klib basketball ki pour kapab aste sa bann lekipman. Klib Foutball ok? Nou dir i annan Federasyon, be ozordi napa economies of scale CEO that is the problenm. Mon konpran nide kot oule ale, be nou napa economies of scale, se pour sa rezon ki nou pour bezwen annan en fason pli proaktiv.  Sa bann chairman Federasyon zot pa bann eksper dan sport Polisi.  Se zot ki expert dan sport polisi. Se zot ki bezwen vwar en fason pli proaktiv.  So ler nou pe get sa Bidze ki nou pe donn zot.  Mon napa problenm ek zot Bidze, mon konnen pour dir zot fer, zot sey zot mye pour manage sa Bidze.   Be ler nou get sa Bidze within sa Bidze, kwa ki zot kapab sanze dan fason pour ki nou aret fer keksoz parey nou ete la e si i annan en problenm zot vini mid-year dan Lasanble zot dir nou lala en progranm tanzib ki nou pe al enplimante pour devlop sport lo nivo distrik akoz si non nou bann team sport Sesel ozordi i nepli en non parey zot ti ete dan larezyon. Nou koz laboks, laboks in tonbe dan larezyon.  E rezon pour sa akoz nou Grassroot Programme pa pe marse. So ki nou pe fer par egzanp pour get bann progranm parey Grassroot e ki zot bezwen, oubyen kwa ki zot annan tanzibman pour dir nou ki zot pe vin avek.  Akoz sa zafer building, konsep, pa ankor pare mon tro, tro krwar ladan mwan.  Plito building, i dir mwan ou annan en plan, lala building, i pour annan 4 letaz, i pour annan isi, i pour annan laba ladan.  So sey klarifye sa en pti kou pour mwan.  Mersi Mr Deputy Speaker pour indulge mwan.

 

MR DEPUTY SPEAKER

Mersi Onorab Pillay.  CEO Rousseau apre Onorab Loizeau. CEO Rousseau i ava reponn konsern Onorab Pillay.

 

CEO GIOVANNA ROUSSEAU

Onorab mersi pour ou kestyon, ou komanter.  Nou dan NSC, nou’n vwar pour dir ki sport wi, Grassroot anba i ti pe mor.  E letan nou get, ou’n pran basketball, letan nou’n get nivo basketball nou vwar pour dir bann manrmay napa ni labaz, ni nanryen.  Sanmenm sa rezon ki dan NSC nou’n kree sa Zwe Lespwar kot nou pran tou lekol.  Tou lekol segonder, lekol segonder i sorti dan distrik.  So nou pe regard bann manrmay dan distrik apard sa Zwe Lespwar ki next year i pour, nou pe organiz an Out.  Nou’n organiz konpetisyon lekol, volleyball, basketball. E nou’n fer li Home and Away kot bann manrmay, parey si Beau Vallon i pe zwe kont Anse Boileau, nou pran bann manrmay Beau Vallon, nou anmenn zot Anse Boileau. Ler Beau Vallon i zwe son Away i mont Beau Vallon.  Tousala i larzan ki NSC dan sa Bidze nou pe travay avek nou zenn akoz nou’n vwar pour dir ki si nou pa desann anba komans travay avek nou zenn, nou pour napa sport dan pei e sanmenm sa pour nou, nou lanfaz se travay avek bann manrmay lekol e nou bezwen pey bann teachers.  Nou bezwen donn zot en pti allowance ankor pour zot ansarz zot lekip lekol, so lala kote larzan i ale partou. Mersi.

 

MR DEPUTY SPEAKER

Mersi CEO.  Onorab Loizeau mon pour donn ou laparol si ou annan en swivi lo la.  E an menm tan profite demann ou kestyon.  Apre si i a swiv par Onorab Chantal Ghislain.

 

HON NORBERT LOIZEAU

Mersi Mr Chair.  Bonzour tou dimoun.  Mr Chair mwan mon kestyon, mon premye kestyon i relye avek kestyon Onorab Sebastien Pillay.  Nou pe koz lo Grassroot.  La mwan mon ensiste, mon ti demande lotrozour konsernan lakademi, dan sa Bidze 73 milyon la vi ki nou pe koz Grassroot, ankadre manrmay boner ki i annan pour bann lakademi dan bann distrik.  Eski zot annan plan pour zot anforsi?  Donn larzan bann lakademi pour ankadre sa bann manrmay.  Parey nou annan enn Bel Air, nou baba. E nou pe fer byen.  E osi mon anvi koz lo pour SNYC bann youth worker.  Nou’n koz dan strategic priorities la. Nou’n koz lo, yer mon ti demann sa kestyon lo skillfull and qualifies workforce. Eski dan zot Bidze i enkli training, i annan en alokasyon pour training? Akoz nou bann youth worker ki perdi net. Ni en calendar of activity zot napa pour zot distrik selman zot en youth worker.  Sa i mon dezyenm.  E mon trwazyenm kestyon mon pour adres CEO.  I annan etranze ki pe travay dan NSC pour le moman.  Mon ti a kontan ki CEO i eksplik nou ki zot rol?  Mannyer zot pe ganny entertain?  Zot lapey?  Eski i annan bann lorganizasyon deor ki pe peye ouswa NSC ki pe bear tou sa cost.  E nou annan de coach ki’n ganny atase ek basketball pour le moman.  E ki mwan a fer resorti ki baba, nou lakademi ki ti fer vini sa de dimoun apre zot in pran. E mwan anvi demande si sa de coach, zot 2 coach FIBA anba FIBA basketball, sa 2 coach zot tonm anba FIBA?  E ki benefis zot pe anmennen pour sa sport an zeneral?  Mersi.

 

MR DEPUTY SPEAKER

Mersi Onorab Loizeau.  CEO.

 

CEO GIOVANNA ROUSSEAU

Mersi Mr Chair.  Ok, pour tourn ankor lo Grassroot.  Mon krwar en kantite zot la dan sa lasal, zot mazinen pour dir ki lontan dan lekol, lekol ki ti organiz bann konpetisyon ki ti fer sak term, ti annan serten konpetisyon ki ti ganny organize.  Premye term ti annan volleyball.  Dezyenm term ti annan atletik, basketball.  Trwazyenm term ti annan foutbol avek netball.  Tousala lekol in aret fer.  Lekol konmela i organiz li zis sa konpetisyon atletik ki sa lannen ti organiz le 18 Zen.   I pour sanze next year.  Me apard sa tou larestan prezan NSC ki pe bezwen organize.  E prezan letan nou pe regard nou bann Federasyon osi, nou pe gete kote ki i annan sa mankman. Sa de dimoun ki ou’n dir, mon pa’n vol, mon pa’n kas anba Baba mwan.  Akoz Baba i enn nou koz tre byen nou de.  In fact letan sa de dimoun in vini nou’n vwar zot konpetans.  So ansanm nou pe travay pour nou fer monte nivo basketball dan Sesel.  E i annan enn parmi i very good lo marketing osi.  So i pour ede.  Dan bann landrwa kot mon’n tann koze, in dir NSC avek Komite Olenpik, i pa Komite Olenpik, i zis NSC ki pe peye pour sa de dimoun.  E an plis ki sa sanmenm sa apre ki zot vwar larzan zot pour vwar lo’foreign currency’, ‘foreign consultancy.’ So parey mon dir Jeux Des Iles i 2019, nou bezwen rod bann dimoun avek plis leksperyans, plis kapasite, pour train nou bann lekip.  E prezan letan zot vini, zot pa pour train zis lekip Nasyonal, zot bezwen train lekip Junior avek Cadet osi.  Mersi.  Mon pa konnen si mon’n reponn ou tou.

 

MR DEPUTY SPEAKER

Mersi CEO.  Onorab Loizeau.

 

HON NORBERT LOIZEAU

Mr Chair mon kontan repons ki in rann nou konsernan sa de etranze, senpleman mon ti pe demann sa akoz i annan bann mirmirasyon. Mon’n kot basketball, i annan mirmirasyon … Sa dimoun, e mon kontan ozordi ou’n donn sa leklersisman pour sa bann dimoun konpran en pe ki pozisyon sa 2 dimoun.  Mersi.

 

MR DEPUTY SPEAKER

Ok mersi Onorab Loizeau.  CEO Laurence.

 

CEO ALVIN LAURENCE

Mersi pour ou kestyon lo kote training.  Sa lannen nou annan nou 5 staff ki’n graduate e zot bann areas of training in plis konsantre dan Certificate of Management akoz zot ti’n deza fer zot bout dan youth work.  Nou annan 7 ki pour komans zot Certificate in Youth Work akoz i pe fer online vi ki sa training ki ti pour komanse avek liniversite in bezwen ganny met on hold, akoz avek lagreman nouvo, i annan responsabilite ki Guy Morel institute ki pour pran e lot responsabilite ki liniversite pour fer.  An menm tan nou annan 7 dimoun lo higher level of studies ladan i enkli Masters, Diploma e Certificate as well.  Zot, zot in fini, zot, zot in fini ganny pre-marked pour 2018.  Savedir wi tou le lannen nou annan nou en minimum 5 dimoun ki pe graduate e sa capacity building exercise i enn ki reste nou focus toultan.  Mersi.

 

MR DEPUTY SPEAKER

Mersi CEO.  Onorab Sebastien Pillay ou siplemanter.

 

HON SEBASTIEN PILLAY

Mersi Mr Chair tre vit.  Eski CEO i kapab dir nou si dan sirkonstans kot zot ganny larzan e Gouvernman i met larzan eski zot pare pour transfer sa larzan lo nivo distrik akoz mon ti tande poudir NSC i en pti pe retisan pour transfer sa larzan lo nivo distrik.  Apre dezyenmman prenan kont ki zot annan en Bidze la ki zot annan dimoun, eski zot pe esey servi sa Bidze par egzanp pour travay lo en progranm marketing koman NSC?   An vi ki baze lo economies of scale bann tim sportif pe ganny difikilte pour ganny sponsor ek CSR, si zot NSC zot kapab vin parey dan bann pei deor, bann umbrella ki enkorpor bann lasosyasyon sportif, i al devan pour zot kapab ganny sa bann sponsorship apre repartise avek sa bann Federasyon.  E trwazyenmman very quickly Mr Chair, mon ti a kontan propoze ki si zot ti kapab retourn kot Lasanble dizon dan 6mwan avek en progranm detaye lo kwa ki zot pour al fer pour Grassroot Sport e Lasanble i ava form li dan en Komite pa en Komite dan Standing Orders me an informal Komite volonterman ki bann Manm i oule vin lo l kot nou a kapab enterakte avek NSC, pour vwar ki zistans sa progranm i ete.  Ki mannyer sa progranm pe marse.  Mersi Mr Chair.

 

MR DEPUTY SPEAKER

Ok.  Mersi Onorab Pillay.  CEO.

 

CEO GIOVANNA ROUSSEAU

Mersi Mr Chair.  Anyway pour come up avek en progranm, wi in fact nou annan nou en kantite progranm ki nou ti a kontan met an mars.  Me selman quite often, sanmenm sa i depann lo nou Bidze ki nou gannyen kwa ki nou kapab fer.  (Ti annan en lot keksoz ki…) Marketing, wi.  Mon premye fwa mon vwar en landrwa kot ki annan sport, kot nou napa en zofisye marketing.  Lontan avan mon ti vin CEO mon ki ti pe fer sa louvraz.  E Bidze sa ki zot donnen larzan pour marketing i 12 mil.  Napa en dimoun ki fer marketing ki pour anvi ganny peye, mon’n aprose detrwa dimoun, napa okenn dimoun marketing ki pour oule fer sa dyob pour R12mil.  E mon toutafe dakor avek ou, pour dir ki lo kote sport, ou bezwen market.  E i annan en kantite keksoz, par egzanp dan stad. Nou kapab vann lespas, i annan en kantite keksoz ki nou kapab fer.  Me selman fodre nou annan sa competent person pour li fer.  Mon pa kapab fer tou mwan menm.

 

CEO GIOVANNA ROUSSEAU

Mersi Mr Chair.  Ok.  Mersi CEO.  Onorab Chantal Ghislain.

 

HON CHANTAL GHISLAIN

Mersi Mr Deputy Speaker.  Mr Chair, mwan ti annan zis pour azout en pti pe lo sa kestyon ki nou ti’n leve taler an se ki konsern Minister Ledikasyon vizavi avek sport Grassroot, Sports.  I byen ou’n leve pour dir kot ledikasyon nepli, kot lekol nepli fer bann konpetisyon parey avan.  Si nou rapel byen, i annan en pe letan pase NSC ti siny en Memorandum avek Ledikasyon kot pe pran Grassroot Sports.   Mwan mon sizere retourn sa Grassroot Sport kot Minster Ledikasyon e li i ava fer son devwar pour li kontinyen promot sports dan Grassroot and i pour fer plis sa bann PE teachers committed.  Konmela ou vwar depi ler NSC in pran, zot in ouver zot laport telman gran, prezan i tro bokou pour zot kapab manage.  E Minister Ledikasyon pa fer preski nanryen akoz i pa vwar li i annan sa lanvi pour li fer akoz NSC pe pran.  And then letan zot fer bann menm konmela letan zot fer bann courses pour bann PE teachers, ou pour vwar pour dir zot in nepli enterese pour zot vini.  Fer li parey lontan zot ti fer and then ou pour war sports pour kontinyen reste.  And then NSC li son rol i a kontinyen ale provide technical support tou lekol.  Pick up bann nouvo talan and then mont avek silvouple.

 

MR DEPUTY SPEAKER

Mersi Onorab Ghislain.  Minister.

 

MINISTER MITCY LARUE

Mon vreman kontan la fason ki Onorab in met sa bann kestyon ater.  Mon krwar i enportan wi pour nou reactivate sa MOU ki nou annan avek Ledikasyon akoz nou bezwen fer en travay avek Ledikasyon apre servi en pti nou bann lekspertiz.  Akoz dan Ledikasyon se la kot ou komans, par egzanp ou get Sports le 29, tou bann National Championship.  Ou vwar en kantite talan.  Me apre sa napa kontinyasyon.  Alor i enportan, NSC i annan en kantite.  Me ledikasyon you rightly said zot ou osi nou bezwen fer en travay avek zot ansanm, e se sa nou bi pour lannen prosen, pour la Desanm pour nou kapab zwenn ansanm pour nou regarde ki mannyer nou pour fer sa bann aktivite ansanm. Ledikasyon, NSC, nou tou ansanm.  Sa ki nou, nou a donnen an term teknik, Ledikasyon, nou provide en kantite aktivite i ganny fer avek Ledikasyon ek NSC.  Par egzanp pour promot, pour sey amelyor obesite dan pei, NSC i annan en progranm avek lekol tousala.  I annan en kantite travay NSC pe fer, me selman en menm tan nou bezwen bring onboard Ledikasyon en pli pros avek nou.  Mersi bokou pour ou.

 

MR DEPUTY SPEAKER

Mersi Minis mwan a donn laparol CEO.

 

CEO GIOVANNA ROUSSEAU

Mersi Mr Chair.  E Onorab mon dir ou mersi pour ou komanter akoz i egzakteman sa problenm. Nou pa’n pran sa bann aktivite nou.  Nou’n bezwen fer li akoz lekol in aret fer.  E si nou, nou anvi sport i devlope dan pei so nou’n bezwen desann anba pour nou fer sir ki sa i ganny fer.  E Course nou fer en kantite Course.  Nou prepar, nou annan Course ki ase sa course i o nivo ki nou demande lekol pour zot vin partisip ladan.  Zot pa enterese.  Toultan ou ganny dimoun ki si pour zot vin pran, pour zot vin pran par dan en Course fodre sa zour se i zis a lafen, i donn zis en Sertifika Attendance.  Ler ou dir pour dir nou pe ogmant zot nivo i annan legzanmen ou vwar pour dir si ou komans avek 16 ou fini avek 3.  En legzanp, par egzanp naze. Tou dimoun Sesel i devret kapab konn naze e nou’n fer en polisi kot nou’n dir en zanfan by the time i ariv 10an i bezwen konn naze.  Nou annan en swimming pool Mahe, nou annan en swimming pool Praslin, ok?  Pour komanse inisye, fodre pa, i pa neseserman ki ou en gran lantrener.  Ou kapab zis aprann.  Tousala nou’n fer zour se avek bann teachers.  Ler i konmanse 18 dimoun, Course ti ale pour en semenn, by the time dernyen zour, nou annan nou zis 5 dimoun ki ankor la.

 

MR DEPUTY SPEAKER

Mersi CEO.  I pour enteresan pour find our dan nou Lasanble konbyen ki konn naze. Me mwan pa pour, mwan pa pour demann en show of hands. Onorab Chantal Ghislain ou ti annan en siplemanter oubyen ou ok?  Ok Onorab Jude Valmont.

 

HON JUDE VALMONT

Mersi Mr Chair.  Bonzour, bonzour Minis ek ou delegasyon, tou koleg Onorab.  Mr Chair i annan en pe letan mon pe espere pour ganny laparol.  Mwan mon enn parmi bann MNA ki pli zenn la.  Mon ankor dan zenn, 31an.  Mon’n ekout bann MNA ki pli eksperyanse fer en pledwari, fer plea, Onorab William in fer, Onorab Arrisol, Onorab Loizeau.  Mwan mon pe bouz en pa en pe pli devan, take a bold step parey Onorab Pillay in fer resorti.  Annou fer sa lapel ek nou de leaders pour freeze at least 4milyon roupi, freeze sa.  Mon krwar tou sa MNA ki la dan sa Lasanble i agree ek mwan ki nou bezwen retourn ver grassroots, retourn ver grassroots.   Mon pe demande ki dan plas 6mwan retournen pour dir ki nou kapab fer o nivo distrik.  Mon pe met lanfaz ki nou retournen dan 3 mwan, CEO NSC, lazenes, SNYC, e Finans zot asiz ansanm, zot fer sa ki dan 3 mwan zot donn nou en rezilta e dir nou ki nou kapab.  Akoz CEO NSC in fer resorti en bon keksoz.  Sport i sorti dan distrik.  Alor annou empower bann distrik. Mersi.

 

MR DEPUTY SPEAKER

Mersi.  Mersi Onorab.  Minis.

 

MINISTER MITCY LARUE

Mfr Chair mwan mon pa krwar pour dir pour nou kapab fer aktivite, mon krwar nou’n donn en komitman ki nou pe travay lo en progranm ledikasyon lot, lot.  Nou pa bezwen freeze pour nou al fer so.  Nou prepar nou aktivite, nou komanse fer.  I pa neseserman nou freeze larzan.  Akoz ler ou freeze nou pour napa larzan pour nou fer?  Kote nou pour ale avek?  Unless nou dir zot prezan zot fer, nou, nou pa fer.  Mersi.

 

MR DEPUTY SPEAKER

Ok.  Mersi Minis.  Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker, bonzour Minis ek ou lekip.  Bonzour tou dimoun a lekout. En bonzour spesyal pour bann senior citizens sorti Beau Vallon. Mr Speaker, mwan beg ou indulgence pour mwan demann Minis en pti kestyon lo NSC an vi ki nou pour vot pour son alokasyon pli tar? Mon ti oule ki Minis i konfirm avek Lasanble si NSC i annan en kont dan Nouvobanq e si i annan i an kontravansyon avek prensip Minister Finans, so mon ti a demann li pour ensure ki sa imedyatman i ganny, prosedir i ganny fer pour cancel sa kont.  Mersi.  Me la mon pour al lo mon kestyon, mon kestyon mon annan enn pour Youth and Sport, (sorry) pour NSC. Mon ti oule konnen si dan Bidze i annan provizyon pour re-aranz Score Board naze vi ki ou’n koz lo naze en pti la. E osi pour met enn nouvo Praslin.  Apre mon ti oule konnen avek Seychelles National Youth Council, mon vwar en logmantasyon 1.4 milyon dan ‘compensation for employees.’ E ladan, e dan ou progranm ‘new initiative for spending ou’n dir koumsa pour dir zot pe pran 300 mil pour fer en new Scheme of Service. Me mwan ti oule konnen sa 1.2 milyon ki pour fer avek?  Mersi.

 

MR DEPUTY SPEAKER

Mersi Onorab.  CEO Laurence.

 

CEO ALVIN LAURENCE

Mersi bokou Chair pour kestyon, sir parey ou kapab konstate tou le lannen sa sonm i kapab varye.  Akoz konpansasyon i depann lo kantite lannen bann travayer in arive.  So i annan ki pe ganny 10an. I annan ki pe ganny 25an, so sa sif i varye.  E parmi i annan sa 300mil ki’n ganny allocate pour new Scheme of Service zis pour youth worker.  E sa i pran le fe apartir Zilyet.  Zis pour youth worker e pa parey zot kapab konstate 300mil i en pti gin larzan.  So si bann MNA i anvi donn nou depi Zanvye, nou kapab rod ankor en lot 300mil par la, nou bann youth worker a ganny depi Zanvye.  Mersi.

 

MR DEPUTY SPEAKER

Mersi CEO Laurence.  CEO Rousseau.

 

CEO GIOVANNA ROUSSEAU

Ekoute sa kont labank ti pour NSC ouswa NAC.

 

HON JOHN HOAREAU

….(Mic Off)

 

 

MR DEPUTY SPEAKER

Ok CEO petet.  PS Payet ou ti oule, vizavi sa kestyon lo kont labank.  PS.  Oule CEO reponn?

 

PS PATRICK PAYET

Mersi Mr Chair.  Mersi Onorab dan lenformasyon ki nou annan la nou pa vwar NSC i annan en kont.

 

HON JOHN HOAREAU

….(Mic Off)

 

PS PATRICK PAYET

National Arts Council?

 

HON JOHN HOAREAU

….(Mic Off)

 

MR DEPUTY SPEAKER

Ok, ok, ok.

 

PS PATRICK PAYET

Wi Nationals Art Council, wi ti annan laprouvasyon ki ti donn li pour son spesifik loperasyon ki i ti fer.  Me sepandan nou kapab rod en pe detay lo sa kont akoz i ti ganny ouver. Anba Public Finance Management Act i annan en provizyon 21, (3) ki the Minister i kapab donn aprouvasyon for a specific purpose.  Me selman nou kapab donn ou detay rasyonal akoz sa kont ti ouver. Sepandan zot pa kapab transfer larzan from Bidze pour al dan sa kont. Tou Bidze i ganny depanse kot Trezor. E tou reveni dan assessment accounts kot Trezor. Me selman i bezwen annan en rasyonal akoz sa kont National Art Council, nou kapab find en pe plis detay, donn ou sa detay akoz sa kont ti ganny ouver.

 

MR DEPUTY SPEAKER

Ok.  Mersi PSCEO Rousseau.

 

CEO GIOVANNA ROUSSEAU

Mersi Mr Chair.  Lo kote Score Board Praslin, nou’n fini gannyen.  So i reste zis pour nou met li anler.  Lo kote Mahe, malerezman nou’n depans en bon pe larzan, sey rod son problenm, nou pa ankor kapab konn egzakteman son problenm, akoz nou napa bokou sa bann dimoun IT pour sa.  Me selman nou pe get dan posibilite kekfwa pour rod enn nef.  E la mwan ti a kontan dir mon krwar i pour posib next year, akoz mon annan plezir pour mwan anons zot ki lannen prosenn an Me, Sesel i pour host en World Open Water ChampionshipOk sa FINA, savedir nou pour annan bann sanpyon lemonn ki pour vin Sesel, 10 zonm, 10 fanm apre i osi annan Mass Spor.  Savedir tou dimoun e la mon ekspekte vwar zot tou komans train pour naze akoz larestan dimoun dan Sesel zot a kapab naz 1 kilomet ouswa 3 kilomet, open water.  E sa i pour ganny fer Beau Vallon. E letan pour nou organiz sa, akoz i pour kout en bon pti larzan, e Sesel i pour organiz sa pour 4 lannen konsekitiv.  E savedir i annan bann investment ki nou pour bezwen e enn i pour en Score Board ki apre nou a kapab ganny li pour swimming.  Mersi.

 

MR DEPUTY SPEAKER

Mersi CEO.  Onorab Hoareau.

 

HON JOHN HOAREAU

Mon oule remersi NSC pour anmenn sa aktivite Beau Vallon.  E osi mon ti le fer, refer sa latab 2 lo paz 575 pour SNYC.  Ler mon pe koz lo ‘compensation of employees’ mon koz lo sa increase from lo wages and cash’, ‘wages and salaries and cash’ sorti 8.6 pour al 10 milyon.  So mon pa pe koz lo konpansasyon ki ganny donnen pour travayer as such. Mon pe koz lo sa ‘wage increase’ ki 1.4 ki increase par preski 1.4 milyon. E ladan nou konnen an prensip ou pe al servi 300 milyon dan ou new Scheme of Service anba programme 1 ki ou’n mete lot kote. Me sa balans 1.2 se sa ki mon oule konnen ki oule fer avek?

 

MR DEPUTY SPEAKER

Mersi Onorab.  CEO Laurence.

 

CEO ALVIN LAURENCE

Sa alokasyon sir, parey i vini nou annan serten kantite post osi ki nou pour bezwen activate e sa i fer ki i ti napa alokasyon pour sa lannen, e ki li i vin pour lannen prosenn.  Par egzanp nou annan bann distrik ankor ki zot pos i vacant, e parmi ladan zot basic pay i annan pe monte e sa i aplik pour lezot osi. Sa i fer ki nou annan ki tonm direkteman sa scheme. Me i osi annan sa supplement ki vini la pour sa saler debaz.  An realite zis pour donn ou. Si nou pour fer en kalkil vitman, nou annan nou 70 travayer aktyelman. Nou annan 6 ankor ki nou bezwen recruit.  Me an tou konsey i fonksyonn avek 80 travayer sa avek housekeepers avek handyman osiSo sa bout larzan li i la pour vin compensate pour sa bann saler akoz nou annan dimoun ki zot saler i pe sorti lo 5, 500 e saler debaz pour li mont par lao 6 mil plus zot allowance.  Nou annan ki pe sorti lo 6 mil, pe mont lo 7 mil, plus zot allowance.  E ou kapab mazinen dan sa travay ki bann travayer Lazenes i fer, travay ziska tar, travay Sanmdi, Dimans.  Menm sa pti bout ki i pe gannyen mwan koman CEO mwan pour dir zot i pour still en struggle pour recruit dimoun konpetan ki pour kapab vin delivre lo sa nivo.  Nou pa ase competitive dan sa market pour nou ganny travayer ki pour kapab reponn tou bezwen lazenes.  Mersi.

 

MR DEPUTY SPEAKER

Mersi CEO.  Onorab Churchill Gill.

 

HON CHURCHILL GILL

Mersi Mr Chair.  Mon ti anvi dir CEO ler i annan sa bann konpetisyon parey pa bliy Praslin, be selman mon a profite mon a demann mon kestyon.

 

MR DEPUTY SPEAKER

Go ahead.

 

HON CHURCHILL GILL

Pour National Sports Council, lo paz 576 anba ‘other use of good and services’, i annan en logmantasyon 1milyon.  E lo paz 577, anba ‘other uses of good and services’ ankor i annan en ogmantasyon 1 milyon sa pour SNYC pour National Sports Council, premye mwan a demann CEO ki pe arive avek nou Sports Complex pour Praslin ki lannen pase nou ti ganny dir ti annan keksoz pour ganny fer lo la.  Apre mon dezyenm kestyon lo paz 582 ankor anba ‘other uses of good and services’ sa voyaz i annan en ogmantasyon 5milyon from lannen pase ti 10milyon la i 15 milyon.  Si nou kapab ganny leksplikasyon?  Mersi.

 

MR DEPUTY SPEAKER

Mersi Onorab Gill.  CEO nenport ant le de ki’n pare.  Ok. CEO Laurence.

 

CEO ALVIN LAURENCE

Sir, Chair eskize silvouple mon kapab re ganny presizyon kestyon silvouple?

 

MR DEPUTY SPEAKER

Yes Onorab Churchill Gill.

 

HON CHURCHILL GILL

Kestyon i lo paz 576, anba ou heads ‘other use of good and services,’ lannen pase ou ti annan en Bidze 3.5 milyon sa lannen ou annan 4.7 milyon.  So nou oule ganny leksplikasyon sa diferans, sa ogmantasyon.

 

MR DEPUTY SPEAKER

Ok.  CEO.

 

CEO ALVIN LAURENCE

Mersi bokou e finalman mon kapab dir apre plizyer lannen negosyasyon ladan i annan 400, pres 500mil ki pe al zis pour transpor, kot nou pour kapab aste en nouvo transpor, en van e aktyelman nou pe fonksyonn zis avek en van avek en pick up, en loto, nou’n bezwen let go sa lannen.  E sa pour curb en pe kantite depans ki nou fer dan lwe transpor.  E an menm tan si nou pour get lot kote lakantite larzan ki nou ti gannyen pour lwe transpor li osi in bese.  Savedir malgre i annan en logmantasyon isi i zis plizoumwen en transfer ki’n sorti en lot bor pour vin la. E nou kapab dir ki avek de van, 15 seaters, nou pour kapab fonksyonn pli byen, akoz i permet nou kapab fer nou ban vwayaz aswar, anmenn nou bann zenn. Souvan nou bann fasilite i pa otour zil partou e se dan sa fason ki nou reponn bezwen nou bann distrik ki pli lwen ler nou bezwen anmenn zot santral, nou osi retourn ek nou bann zanfan.  E osi anba ‘goods and servives’ zot pour kapab konstate ki nou fason fonksyonnen, i pe sanze gradyelman, kot nou pe sorti travay direkteman avek nenport ki vini, nou pe travay deplizanpli plis avek nou bann affiliated members.  I fer ki demann ki nou bann affiliated members pe fer, i konmans ogmante e i vin plis.  I pa pour en sirpriz si lannen prosenn Bidze SNYC i pour bezwen annan alokasyon li osi pour bann affiliated members ki zot annan en sonm mandate en pe parey NSC pe fonksyonnen.  Sa landscape sa travay pe sanze i fer ki deplizanpli nou annan bann group lazenes ki pe monte, e zot take the lead lo en serten size e nou, nou la pour siport zot. En nou bezwen toultan a sa dispozisyon pour nou filled any void ki egziste.  Se sa ki fer ki i annan sa slight ogmantasyon dan sa sekter me en bes osi dan lezot.  Mersi.

 

MR DEPUTY SPEAKER

Mersi CEO.  CEO NSC, CEO Rousseau.

 

CEO GIOVANNA ROUSSEAU

Mersi Chair, mersi Onorab pour ou kestyon. Nou pa bliye Praslin. Ofet an Desanm i annan en konpetisyon dan swimming pool pour Praslin, ki nou pe fer Praslin.  I en National Championship pour 25met. Since nou pe fer sa konpetisyon 4an, mwan mazinen Praslin par egzanp, ki mannyer i apele, sa zoli lans la, Cote D’Or ti pour zoli fer. Me selman mon krwar pour No. 1 ou pour napa ase lotel pour ou met dimoun.  Akoz tou dimoun letan i tande pour vin naze Sesel, ou pour ganny en kantite touris.  E dezyenm i pour kout nou vreman, vreman ser pour nou kapab transfer tou bann keksoz lo Praslin.  Me selman en zour i posib.  Me par kont dan swimming pool, wi nou pe organize, nou annan konpetisyon Desanm ki en national championship.  Sa ogmantasyon ki ou trouve, i mainly pour nou aste en bis, e gran bis 30 seater.  Parey mon’n fer sorti avan pour dir ki nou pe rantre for dan lanfaz preparasyon bann atlet pour Jeux Des Iles, All Africa Games, e nou annan bokou demann avek bann Federasyon ki ler zot fini train, i annan i fini train, 9er diswar, 10er diswar pour nou anmenn zot se zot.  Mersi.

 

MR DEPUTY SPEAKER

Mersi CEO.  Onorab Churchill Gill.

 

CEO GIOVANNA ROUSSEAU

Ahr – proze.  (Sorry)  Sa proze si ti’n ek mwan menm mwan mon ti a sir demen nou fer li.  Sa semenn mon’n tann 2 keksoz ki’n vreman bles mwan.  I annan sa pti fiy Beau Vallon letan i dir nou napa ase keksoz pour bann zenn. Apre letan mon’n tann sa fiy yer swar kot pe koz, ki ti en drug addict lo La Digue.  Akoz mwan mon krwar si nou annan en priyorite pour fer keksoz i devret lo sa 2 zil.  Akoz zot popilasyon i ankor pti, pti e si nou ti kapab sov sa bann zenn, e sanmenm sa ki mon repet ankor, nou dan NSC nou pe met en kantite lanfaz lo zenn, bann manrmay.  Primer si nou kapab tyonbo zot, montre zot en lot fason fer keksoz pour zot pa al tonm dan sa bann problenm.  Anyway kekfwa PS i ava dir, me selman mon ti’n fini ganny dir ki next year nou pour ganny sa indoor multi-purpose gym pour Praslin. Me selman la i paret nou pa pour ganny li next year, kekfwa nou pour ganny li the year after.  Kekfwa PS i kapab donn nou en pti keksoz lo la.

 

MR DEPUTY SPEAKER

Ok. PS, oule azout keksoz PS Payet.

 

PS PATRICK PAYET

Mersi Mr Chair. Nou annan donasyon ki Chinese in apros through Foreign Affairs, in apros Gouvernman. E zot in donn nou, zot in advice nou pour donn en pe bann proze ki kapab ganny finance anba the Chinese Grant.  E priyorite ki nou’n mete anba sport se pour revwar en pe Sports Complex Roche Caiman. Apre secondly the new Sport Complex on Praslin.  Sa osi nou’n met koman en priyorite anba the Chinese Government Grant.

 

MR DEPUTY SPEAKER

Mersi PS.  Minis.

 

MINISTER MITCY LARUE

Ok.  Mr Chair.  PS mon konnen i annan sa zafer grant. Me selman le fe ki nou tou nou konnen ozordi pour dir en bann letan Praslin pe esper en multi-purpose – ek La Digue – Praslin ek La Digue.    E ozordi nou pe vwar nou tim volleyball pe ariv lo nivo premye divizyon e zot pe sorti runners up.  Kot zot pe train i vreman, konmsi ou vwar pour dir i annan sa perseverans, sa lanvi pour zot ariv lo en nivo pour zot fer li.  Be definitivman lo nou Bidze Kapital lannen prosenn nou pour bezwen regarde kote nou priyoritiz nou larzan. E Praslin i bezwen komans sa multi-purpose gym.

 

MR DEPUTY SPEAKER

Mersi.  Mersi Minis.  Onorab Gill.

 

HON CHURCHILL GILL

Zis pour mwan demann CEO konbyen letan sa plan ti’n pare ki zabitan Praslin pe espere?  At least pour nou konnen pour dir bann priyorite par ler nou bezwen get byen ki kalite priyorite nou fer.

 

MR DEPUTY SPEAKER

Mersi Onorab.  CEO.

 

CEO GIOVANNA ROUSSEAU

Plan in pare omwen 2an.  Ok mersi.  Be selman i annan, sorry i annan zis en pti problenm osi tou, ti annan en zafer later ki fodre nou sort out osi.

 

MR DEPUTY SPEAKER

Ok.  Mersi CEO.  Onorab Woodcock.

 

HON WAVEL WOODCOCK

Mersi Mr Speaker. Bonzour Minis ek ou delegasyon. Mr Speaker sa zafer multi-purpose gym la.  Sa depi mon pa konnen konbyen fwa in ganny anmennen devan sa Lasanble. Mon krwar 4enm Lasanble Onorab, sa bann letan Minis ti en Onorab ler ti anmenn sa koman en Mosyon pour fer Dormitwar avek Dojo e mon krwar ti annan amannman lo sa Mosyon.  Mon krwar Onorab Loizeau menm ki ti fer sa amannman ti demande pour fer en multi-purpose gym Praslin ki pour benefisye bann atlet Praslin. La ozordi get nivo ki nou bann atlet, ki nou bann tim volleyball e basketball in arive.  Eskan aprezan nou ankor pe espere pour nou ganny sa gym.  Lannen pase, pour sa lannen, i annan en Bidze R3milyon, i annan en sonm R3milyon in Bidzete pour sa lannen pour komans sa gym, yet i pa’n komanse.  Lannen prosenn osi napa nanryen.  So mwan mon konsernen avek sa akoz Minis ou menm ou ou’n mont lo televizyon ou’n fer en lanons ofisyel lo State Media konmkwa sa gym, pour ganny fer; pour komanse lannen prosen.  E mwan mon santi the time is now pour nou komans sa sa gym pour benefisye tou nou bann tim e nou bann atlet lo Praslin.       Mon dezyenm kestyon Mr Speaker si ou permet mwan a fer demann mon bann kestyon ki mwan annan. I annan refurbishment maintenance lo sa bann, lo ki en pe letan pe ganny demande pour fer lo laplenn Grand Anse Praslin opposite Fon Pansyon. Mon krwar CEO ler ou ti Praslin ou ti war leta ki sa laplenn i ladan e mon pe demande ki zot pour fer pour maintain sa bann fil sa bann garaz otour sa laplenn. Epi osi i annan en lentere dan cycling dan Praslin. E mon konnen i annan en larzan ki ganny bidzete tou le lannen pour cycling.  E me selman sa spot pa’n zanmen ganny devlope lo Praslin. Alor ki ou plan regardan sa sport pour Praslin? E finalman mon kestyon, mon lot kestyon sa i pour Seychelles National Youth Council lo paz 576.  Mon vwar i annan en rediksyon dan ‘transportation and travel cost’. Zot Bidze ki 2017 ti 1milyon la mon vwar en rediksyon i pour vin, sorry 1milyon.  E la in ganny redwir pour vin 926mil pour lannen 2018.  Me si ou get zot ‘current challenges ‘ki zot pe fer fas avek sirtou kot i konsern Praslin.  Zot ‘current challenges’ i ‘ensuring participation of youth and workers from the inner islands due to increasing domestic  travel bills over the medium terms’ ki zot pe dir i pour afekte ‘availability of resources for other important activities such as the Youth Festival and Youth Award Ceremony.’ Ki montre pour dir zot pa pe vreman pran nou bann zenn, lazenes Praslin serye. Kot i konsern bann aktivite Nasyonal mon  vwar li en konsern akoz bokou nou bann zenn Praslin pa pe ganny sa loportinite pour partisip dan sa aktivite Mahe.  Alor ki zot plan pour ensure ki nou bann zenn Praslin osi i ganny enkli, i ganny involve dan bann aktivite Nasyonal ki ganny fer. Eski zot pa krwar pour dir olye redwir sa Bidze fortransportation and travel cost ‘i merit ogmante?   E why not annan en pti Bidze spesyalman pour Praslin, pour nou bann zenn Praslin pour Inner Island, Praslin La Digue. Mersi Mr Speaker.

 

MR DEPUTY SPEAKER

Mon fer ankor en lapel annou sey fer nou kestyon bref.  Ok?. E mon demann osi lo panel nou repons bref pour nou kapab bouze.  Ok?  CEO Laurence.

 

CEO ALVIN LAURENCE

Mersi Chair. Mersi pour ou kestyon. Mon toutafe dakor ek ou ki sa larzan pa ase.  E ki nou annan bann challenge la devan nou ki senpleman en alokasyon plis ki pour ede.  E sa lannen ki nou’n kapab fer parey bann zenn Praslin in demande pour Youth Festival apard ki nou fer Youth Festival zis Mahe e nou envit zenn Praslin. Lo Praslin, La Digue nou ti fer pre-youth festival.  Sa i fer ki nou ti annan 3, 4 zour an plis dedicated dan Youth Festival kot nou ti vwar bann zenn sorti Mahe, bann ki ti’n gannyen dan bann konpetisyon pe al compete ek bann lo Praslin La Digue.  E sa i pour ganny mentenir akoz nou trouve i ti permet en pli gran partisipasyon.  E an menm tan ler nou ti fini lo Praslin, La Digue permet bann zenn lo Praslin La Digue desann e vin partisipe Mahe.  Sa ki nou kapab dir, lapros ki nou’n pran sa lannen in permet ki pandan tou le de vakans ki nou’n fini pas atraver, nou annan plis zenn lo Praslin La Digue ki’n kapab vin Mahe.  Me si nou anvi attend nou lobzektif i pour, nou pa pour kapab koz manti e dir ki sa larzan ki la i ase.  I a ede lezerman, nou an kontak avek bann lezot dimoun ki nou pe negosye avek pour bann lezot aktivite.  Me en alokasyon pli gran ti pour senpleman ede. Mersi.

 

MR DEPUTY SPEAKER

Mersi CEO Laurence.  CEO Rousseau.

 

CEO GIOVANNA ROUSSEAU

Mersi Chair.  Mersi Onorab pour ou kestyon.  Natirelman dan nou Bidze nou annan en larzan pour renovasyon e Praslin i pour tonm ladan, nou’n vwar, nou problenm par ler ek bann laplenn parey Baie St Anne tou sa bann laplenn zot vreman ganny servi to the maximum ki letan ou anvi par egzanp menm La Digue.  La Digue i demann en bon travay lo sa laplenn. Be selman ou, si ou pour ferm sa laplenn then bann lekip i pour dir ou zot napa landrwa pour zot train. Par kont tourn lo Praslin i annan ankor bann keksoz, parey i annan water sport ki nou pe sey devlop li. E nou osi nou ep al build en shade deor.  In fact nou’n fek, yer mon fek ouver en kotasyon, nou pe esper pour nou ganny en de kotasyon apre pour nou regarde pour nou fer.  Cycling, sa i pour bezwen al avek Federasyon. Akoz nou NSC pa nou ki devlop sa bann sport normalman. Se annandler ler nou kapab fer li ansanm avek sa federasyon. Nou kapab, me selman par kont mon krwar i annan en garson ki ti en bon siklis Praslin.  Kapab gete si li pa ti a kontan komans en keksoz.  Mersi.

 

MR DEPUTY SPEAKER

Mersi CEO Rousseau.  Yes Onorab Woodcock.

 

HON WAVEL WOODCOCK

Mr Speaker apre mon lot kestyon siplemanter i annan pour fer avek volleyball lo Praslin. Right now lo kote Junior, nou bann atlet Praslin annefe. Preski tou bann konpetisyon se lo kot i konsern volleyball nou ki pe pran lakoup. E mon ti a kontan konnen ki zot plan pour volleyball pour Praslin sirtou pour sa bann zenn ki pe vreman briye lo nivo Nasyonal.  Epi mon lot kestyon an atandan ki nou pe esper sa Sport Complex i annan en konsern pour ban tim senior lo Praslin. Sa i pa zis pour volleyball e bann lezot sport parey basketball.  Zot ganny refund R1800 selman pour depans ki  zot fer pour sak deplasman ki zot fer Mahe ki pa nanryen ditou e zot ganny en alokasyon zis R14mil pour en lannen ki preski i pa nanryen ler ou pe konsider en tim, deplasman en tim pour sorti Praslin or menm inner island pour, La Digue, pour bouz Mahe.  Alor mon pe demande si zot pe konside mon pa konnen si zot bezwen negosye avek Local Government pour ogmant en pe sa refund R1800 e osi menm sa lokasyon ki zot pe donn bann tim lo Inner Island Praslin, La Digue.  Mersi.

 

MR DEPUTY SPEAKER

Mersi Onorab Woodcock.  CEO.

 

CEO GIOVANNA ROUSSEAU

Mersi Mr Chair.  E Onorab taler i annan parmi la ki’n dir nou koupe en pe. Ou trouve kote larzan, akoz nou, nou anvi donnen plis. Par egzanp i vre.  Mon toultan Praslin zot re telefonn, komans dir mwan la mon napa larzan, e quite often mon ed zot.  Menm avek akomodasyon zot vin dormitory.  I annan de ler ki mon dir zot ok pa bezwen peye. Me nou bezwen ganny plis larzan si vreman pour nou ed sa bann, sa bann lekip.  Akoz, anyway, letan nou fer Bidze, nou ti kapab fer nou dream Budget. Be selman Finans i donn nou en ceiling.  E nou bezwen travay dapre sa ceiling ki nou gannyen.  Mersi.

 

MR DEPUTY SPEAKER

Mersi CEO.  Onorab Aglae.

 

HON EGBERT AGLAE

Mersi Mr Chair.  Bonzour Minis ek ou delegasyon. Minis nou pe tret en size serye la ozordi bomaten e bokou konsern in ganny fer sorti. Mon pour komans mon kestyon koumsa. R1.5milyon pe ganny donnen par lannen pour tou klib dan sak distrik, dan sa 25 distrik. Ok?  Sa larzan i ganny distribye anba Local Government. E mwan mon’n deza en DA dan en distrik.  E sa larzan ki mon gannyen pour alokasyon pour bann distrik sportif i viz, ou pey zis transportasyon sa.  Ou pa pe kapab aste en soulye, ni nanryen, ni nanryen avek sa.  Prezan CEO ou’n fer resorti ki ou bezwen annan sa kominikasyon ki ganny fer Local Government akoz NSC sel federasyon ki nou ganny larzan anba la se foutbol.  E foutbol ozordi nou ti abitye tou le lannen.  Ti annan bann soulye ki ti ganny donnen boner komansman sezon pa ankor vwar.  Nou pa’n war nou pa konnen ki arive lo la.  Petet Minis taler ouswa CEO ou a reponn kestyon lo la.  Prezan ki fer mwan pran kont CEO, eski la ou pare, ou’n dir taler, pour zwenn avek Local Government akoz mon war NSC li in set son standar anler laba, i laba anler li. Nou pe war Local Government avek SNYC, zot ki pe sey triyange, zot annan en pti Bidze zot. 20milyon pa ase pour li, petet son staff li menm li pour fer progranm SNYC pe donn nou, sak distrik mil roupi par mwan, mil roupi par mwan pour fer en aktivite, eskiz mwan.  E Local Government li son manda li i bezwen fer proze, deal ek emergency, si i fer kiltir, i fer sport, diferan keksoz, i pe vwar li kwense.  Alors mon kestyon si pa in ler pour nou asiz en kou serye pare you pe dir CEO, annou get en kou ki mannyer nou pour kapab elev standar.  Tir sa bann larzan ki zis tale laba dan santral.  Get en kou ater, get sa bann 25 distrik ki ater, pour fer sir ki nou kapab enplimant serten keksoz dan distrik.  Nou pe koz lo lenfrastriktir pa bon, lenfrastriktir nou bezwen konstri plis wi, mon dakor ek sa, be lekel ki pour servi lenfrastriktir si nou, nou’n set parey ou’n dir, distrik in set son Komite pour li travay avek sport, apre i pa ganny resours, definitivman bann dimoun pour dekouraze pa pour vini akoz i pa pe kapab enplimant progranm ki li in mete.  E se sa ki’n arive si ou vwar si ti annan 12 – 2an pase ozordi i annan 6, se akoz dimoun i perdi lentere, i gat son letan i vini meeting, me selman ler i anvi enplimant progranm, i pa ganny resours. Dezyenm pwen Mr Speaker, ki mon anvi ki lo kote SNYC. Zot fer Youth Festival tou le lannen. E mon konnen pour dir zot pa ganny en gran Bidze lo al e souvandfwa zot sirpas sa depans Bidze ki zot gannyen. Mon ti a kontan ki tou zenn, i annan zenn ki pe ekout nou la ki ler nou fer en konsep Youth Festival osi, mazinen pour dir i annan bann lezot distrik. Akoz ler nou pe fer santre lo nivo Nasyonal.  Pa bokou zenn, Takamaka i lwen, Port Glaud osi i lwen.  Baie Lazare i lwen, La Digue pli move ankor i bezwen pey bato pour desann Praslin La Digue.  Annou fer keksoz ki etale, ou ava annan en levennman Nasyonal, me selman ou bezwen osi annan en levennman.  E la PS Finans i la, si ler in ariv Youth Festival donn SNYC son larzan ki i bezwen pour nou kapab enplimant serten aktivite dan distrik. Mr Speaker mon dernyen pwen, mon ti a kontan demann CEO NSC lo 2 keksoz, swimming pool ti annan problenm ti bezwen fermen dan lepase pour serten rezon eski nou pour war dan sa lannen ki pe vini swimming pool pour fonksyonn parey i sipoze fonksyonnen.  Mon’n vwar dan ou PSIP, mon pa’n war larzan ladan, selman ou’n mete ladan ‘new ‘dan PSIP, napa larzan ki’n ganny mete 2018, 2019 anba la si ou kapab donn mwan en pti leklersisman lo la.  Apre kot i konsern lalimyer pou Court kot ozordi nou annan zis en dimoun en kontrakter ki pe fer sa si ou pe vwar osi pour annan en lezot kontrakter pour ede pour ki fer ki distrik tou son bann court, son bann lalimyer i fonksyonnen parey i sipoze ete. Mersi.

 

MR DEPUTY SPEAKER

Mersi Onorab Aglae.  Mon a demann CEO SNYC, CEO Laurence premye swivi par CEO Rousseau.

 

CEO ALVIN LAURENCE

Mersi bokou Chair.  Mersi Onorab.  Mwan krwar ou’n partaz en kantite bann lopinyon ki nou osi nou annan me nou a zis recap.  Dan sa zefor pour fer ki distrik i kapab ganny plis aktivite, i annan en nouvo lapros ki pe ganny pran kot tou resours pour sorti kot Community Development vi ki zot ki lo teren travayer lazenes pour la ansanm avek zot.  Savedir larzan ki ti kot nou i aprezan in ganny mete kot Community Development – Community Development in sipoze ganny an plis tou pour fer ki aktivite i vin plis e i vin pli bon. Nou pour kontinyen donn sa sipor.  Nou reste modalite sa travay pour nou definir. Dezyenm keksoz ki eski prezan pa ankor ganny mansyonnen lannen prosenn i pour annan Youth Animators Scheme.  Sa i vedir nenport ki endividi dan distrik, ou nenport kote ki anvi fonksyonnen, i kapab prezant en proze kot i pour travay ek bann zenn e i pour ganny en allowance pour sa.  Inisyalman sete SNYC ki ti pour administre sa proze aprezan avek sa lespri kominote ek distrik se Community Development osi ki pour fer sa.  Nou espere zot an kontak ek ban dimoun dan distrik ki pour kapab vini e vin fer en diferans pour bann zenn ki se swa o nivo sport, lo nivo kiltir, oubyen empowerment pour lazenes.  Sa i donn nou en pe lespwar pour lannen prosenn e hopefully nou ava war en amelyorasyon.

Alokasyon Bidze pour Youth Festival sa lannen ti anviron R400 mil e avek lasistans ki nou’n gannyen Minister Finans, nou’n kapab pous li pour anviron 700 mil anba nou plan B, anba PPBB. Mon krwar i annan en sel festival Sesel ki fer ek mwens R1 milyon. Tou festival, 12 milyon, 5 milyon, me pour Lazenes i mwens ki R1 milyon.  Alor nou ganny en Festival baze lo Bidze ki nou annan avek led e soutyen en keksoz ki evidan sa lannen.  Nou ti fer louvertir Praslin, nou’n fer aktivite La Digue.  Nou’n fer aktivite anvil, Beau Vallon e klotir ti fer Baie Lazare. fodre note ki enn bann landrwa kot nou ti annan pli gran partisipasyon, ziskan tar, menm ler ti’n ler pour fini ti pe dir nou, be nou oule sant ankor, nou oule zwe ankor sete Baie Lazare.  Nou’n komanse sa legzersis desantralize.  Me nou senserman believe ladan e nou pour kontinyen. Alor wi Youth Festival i kapab vin lo en pli gro lanpler si i annan li plis resours. Me nou avek sa ki nou donn nou, nou pour toultan fer nou mye.  E la mon profite dir mersi tou sa bann travayer devoue kot SNYC.  Mersi.

 

MR DEPUTY SPEAKER

Mersi CEO Laurence.  CEO Rousseau.

 

CEO GIOVANNA ROUSSEAU

Mersi Mr Chair.  Premye mon a komans avek en good news.  Hopefully by Desanm NSC pour kapab fer kado tou distrik, 5 basketball, 5 volleyball avek 5 foutbol.  Sa i a ede avek pour zot sey organiz en pe spor lamas dan zot distrik.  In fact tou-le- z-an nou sey donn zot en pti pe keksoz. Nou’n deza komanse par egzanp avek serten distrik, nou’n deza donn zot mat badmintonWhether zot in servi, latab table tennis, nou’n donnen. Whether zot servi, mon pa konnen.  Konmsi i annan keksoz ki nou ti kapab servi pour nou zenn.  Swimming pool; swimming pool i pe marse byen.  Sa lannen nou pe la, nou pe met tender pour nou, son klorin akoz klorin nou met li manually.  Nou pe regarde pour nou kot ou donn son doz otomatikman ler i fodre e nou pe tender sa. Nou ava regarde si gannyen.  Me selman pour le moman i napa okenn problenm kot swimming pool. Kot Lalimyer par ler NSC kantmenm i pa tonm anba nou manda serten distrik nou still ed zot. E me selman met lalimyer i NSC nou napa dimoun ki fer sa.  NSC i annan en Lazans ki travay avek NSC pour maintain nou bann fasilite e zot ki letan i annan bann zafer lalimyer zot ki mete.  Mersi.

 

MR DEPUTY SPEAKER

Mersi CEO.  Bon ankor annan 14 Manm ki lo lalis pour demann kestyon e petet PS nou pour kas en pti pe progranm. Amwen ki ler nou antre sa 14 Manm pa tou ki annan lentansyon pour demann kestyon.  Me si non, nou pour kontinyen apre ki nou pran break la. E petet PS dan plas CNEA, bann zofisye pour CNEA i la, i retenir.  Nou fer zot ale, zot ava retournen 2er.  Nou ava fini avek NSC, avek SNYC, apre nou ava pran Seychelles Heritage Foundation ki ava anmenn nou eskan midi, en pti pe apre midi.  E nou a pran CNEA apre 2er.  Si sa i ok avek ou PS?

 

PS PATRICK PAYET

Wi Mr Chair, mon ok.

 

MR DEPUTY SPEAKER

Ok, alright.  Bon avek sa nou ava pran en Break e nou ava retournen 11er e nou envit bann elderly dan distrik Beau Vallon pour pran en tas dite anler dan lobby, lo balkon avek bann Manm Onorab ki anvi enterakte avek zot.  Nou a pran Break, nou a retournen 11er.

 

(BREAK)

 

MR DEPUTY SPEAKER

Bon nou a kontinyen nou travay.  Mon a zis donn laparol Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman depi bomaten nou’n annan nou en deba enteresan. Me i kler ki pour dir sa aspe sports i en konsern pour tou bann MNA.  E nou tou espesyalman bann ki annan bann distrik kot zot in ganny elekte direkteman, bann konsern spesifik.  Nou anvi ki sa i al pour ed nou bann zenn pour lager kont drog, met zot aktivite dan zot posibilite pour nou kapab transform nou sosyete.  Sa deba nou kapab kontinyen li pour detrwa zour. Mwan anvi move ki en mon’n ganny en koze avek PS le fe ki ziska aprezan i annan bann landrwa kot nou’n koup Bidze. Par egzanp Foreign Affairs nou’n koup li par 2 milyon.  I annan lezot landrwa osi tou kot nou’n koupe.  Ki si nou ti ava kapab e from bann chiffres ki mon pe tann Onorab pe mansyonnen ant 3 a 4 milyon pour nou kapab met ankor dan sa Bidze so that sa eleman sport i a ganny taken care of.  Alors mon anvi move ki enn mon’n koz osi avek Onorab Simon Gill sa Bidze zeneral, sa deba zeneral nou koman en Lasanble nou kapab fer li lannen prosenn pour nou regard tou eleman Sports e enkli Lazenes.  Me ki la pour le moman nou move ki si nou kapab ganny sa 4 milyon e apre sa bann kestyon i limite lo si i annan leklersisman pour fer avek serten aspe direkteman lo Bidze.  Me ki nou fer sa.  Alors sa i ava ed nou pour nou move avek nou travay.  Mwan move ki nou al dan sa direksyon Mr Chairman. Mersi bokou.

 

MR DEPUTY SPEAKER

Mersi Onorab Ramkalawan.  Onorab De Commarmond.

 

HON CHARLES DE COMMARMOND

Wi san être long Mr Chair.  Nou tonm dakor lo la, nou ti’n koze e mon krwar se sa direksyon ki nou kapab ale pour benefisye. An menm tan e pour time management e tou. Mersi.

 

MR DEPUTY SPEAKER

Mersi Onorab.  Ok?  PS petet apre, apre bann kestyon ou a kapab donn en repons lo sa.  Mon konnen ou’n ganny en koze deza.  Ou a kapab fer en komitman.  Ok?  avek nou ava kontinyen.  E ankor parey nou pe dir spesifikman lo Bidze. Onorab Terrence Mondon.

 

HON TERENCE MONDON

Mersi Mr Chair.  Mon a pran de pti kestyon direk lo Bidze. Mon kestyon i pour CEO NSC.  Dan ou Bidze ou’n fer provizyon pour en sonm 846mil e en sonm 2.1 milyon pour sekirite, e sa i fer en sonm 250 mil par mwan, mon anvi konnen akoz ki ou bezwen sa sonm pour sekirite. E eski, e si NSC in swiv tou bann prosedir preskri anba Lalwa pour kot prokirman i konsernen?  Mon dezyenm pti kestyon mon anvi konnen ki provizyon ki ou’n fer dan sa Bidze pour ankouraz en sportsman ki pe anmenn meday lor pour Sesel me ki pe ganny en saler selman R5mil. Mersi Mr Speaker.

 

MR DEPUTY SPEAKER

Mersi Onorab.  CEO Rousseau.

 

CEO GIOVANNA ROUSSEAU

Mersi.  Prosedir pour Sekirite in ganny ti ganny fer e nou annan de lakonpannyen ki ti ganny, ki letan ti fer procurement in ganny enn pour Praslin avek enn pour Mahe.  Mon oule fer konnen pour dir menm kantmenm ou annan ou annan sekirite.  Me selman par egzanp menm, nou annan de dimoun ki veye lizour, de aswar e dan weekend nou annan 3 aswar, e 3 lizour osi.  Me malerezman dimoun i kontinyen vandaliz bann landrwa sportif.  E la kekfwa mon ti ava fer en lapel osi ki nou anvi ganny keksoz. Me selman dimoun i pas par deryer i kase. E letan i kase prezan nou bezwen re rod larzan pour nou re-aranze.  Si sa ti kapab arete.  E lo kote atlet, wi nou reward bann atlet ki fer loner Sesel.  Me selman i annan en serten nivo ki nou donnen. Par egzanp i konmans lo nivo kontinantal an montan ki nou reward e par egzanp mon’n dir ki 2000 i annan Olenpik 2020.  Si en atlet i kapab anmenn en meday Lor pour Sesel i kapab ganny li e1milyon roupi.  Si i anmenn Silver, i a ganny li 750 mil.  Ok?  E si i anmenn Bronze i a ganny li 500mil.  E sa i desann i annan World Championship, i si i annan Commonwealth games, Commonwealth Championship. E la ankor mon ti a kontan fer sa.  I annan dimoun annandler pa konn ladiferans ant en games avek championship.  I pa parey.  Ok?  Games i annan plizyer sport ansanm. Tandis ki championship i annan is en particular sport. Apre parey All Africa Games, Zwe Lafrankofoni, African Championship e apre natirelman Indian Ocean Games akoz i parey nou pti Olenpik dan larezyon.  Sa enn osi nou donnen.

 

MR DEPUTY SPEAKER

Mersi CEO.  Onorab Mondon.

 

HON TERRENCE MONDON

Mersi Mr Chair.  Tre brefman. Akoz zot pa konsider par le fe ki en dimoun i pe donn tou son lenerzi tou son letan pour en sport ki anmenn meday pour Sesel. Menm si i pa nivo Kontinantal akoz zot pa konsider donn serten lankourazman osi pour sa dimoun sirtou si par egzanp dan ka parey i pe ganny zis R5mil par mwan.  Akoz zot pa met en provizyon pour ed sa bann dimoun osi?  Mersi.

 

MR DEPUTY SPEAKER

Mersi CEO.

 

CEO GIOVANNA ROUSSEAU

Mon krwar sa bann ki ou pe dir R5mil par mwan se sa bann atlet ki pa pe travay ki nou siport zot parey si oule koman en semi-profesyonnel.  Me selman zot pa ganny zis 5mil.  Dimoun par ler i pa dir tou laverite. Akoz zot ganny 5mil, me selman sa nou pe fer monte. Akoz la nou pe al tir zot zafer pansyon ladan pour ensure ki letan si en zour zot kite zot pansyon i marse.  Me apre dan High Level Scheme, zot ganny en lot, swa R2500, swa R2000, swa R1500.  So most of the time dimoun i pa dir ou sa. E sa bann atlet par egzanp letan zot vin train i annan kantite fason ki nou ed zot.  Si zot annan zanfan.  Nou peye pour dimoun vey zot zanfan letan ki zot pe trainSo si oule i annan de atlet letan ou gete konbyen nou depanse lo zot par mwan. I kapab arive R12mil tou.  E an plis ki sa sorry. Komite Olenpik. Si zot tonm dan sa Scheme Olenpik, zot gannyen osi laba. Me selman letan zot koze zot dir zot ganny zis 5,050 mil.  Fodre dimoun i konn koz laverite osi tou.  Mersi.

 

MR DEPUTY SPEAKER

Mersi CEO.  Mon pour lev en pti kestyon vitman. Eski dan sa scheme i annan en lasirans osi pour sa bann atlet e dan sa Bidze e konbyen sa lasirans?

 

CEO GIOVANNA ROUSSEAU

Tou atlet ki dan National Team zot pey nou pey lasirans pour zot.  E ler zot travel nou pey en travel insurance pour zot.

 

MR DEPUTY SPEAKER

Ok.  Mersi CEO.  Onorab Chantal Ghislain vitman.

 

HON CHANTAL GHISLAIN

Mr Chair mon kestyon depi yer ti annan relasyon avek sa letan mon tip e dir High Level Sports. E an fet sete sa lapey, sa saler ki sa bann zenn i gannyen.  Mon konnen zot ganny R5mil, mwan mon konnen i ganny R5mil.  Ler ou pe regarde en zenn ki’n ariv sa laz pour li si i tip e al travay i ti pour ganny bokou plis letan i pe regard son bann lezot koleg ki dan menm laz ek li ki pe travay, pour li tous R5mil par mwan.  And then mon pe zis demande si zot gannyen en 13enm mwan saler.  Akoz zis i parey en salary pour zot sa.  Zot pe viv lo R5mil par mwan.

 

MR DEPUTY SPEAKER

Ok, mersi Onorab.  CEO.

 

CEO GIOVANNA ROUSSEAU

Onorab mwan mon ti a voudre konnen lekel sa atlet ki si i pe ganny 5mil  ki ganny 5mil tousel akoz tou sa bann atlet ki pe ganny sa 5mil zot osi otomatikman dan High Level ki fer ki zot annan en lot allowance.  I annan en lot pti bout ankor. Preski tou sa bann atlet, letan pour zot al konpetisyon, parey i dir se tou ki zot viv lo la.  Mwan mon konnen ki annan atlet ki si zot ti pe travay zot pa ti pour gannyen sa ki zot pe gannyen.  Par egzanp la de mwan pase, zis mwan pase nou fek reward bann atlet ki’n anmenn meday pour Sesel.  E nou, nou konnen poudir nou travay 20an nou ganny 20mil roupi, 15 mil a 20 mil roupi.  Atlet in ale in al en konpetisyon zot ankor tre zenn zot in sorti avek R150mil, i annan R7 mil.  So be tousala letan nou azoute i pa larzan ki nou pe donnen, ki nou pe rekonpans zot? Pran letan zot ganny sa larzan, anmas li. Eski zot, demen zot a kapab servi.

 

MR DEPUTY SPEAKER

Mersi CEO.  Onorab Sophola.

 

HON NOLINE SOPHOLA

Mersi Mr Chair.  Bonzour tou dimoun. Mr Chair permet mwan pour retourn en pti kou an aryer lo en keksoz ki’n dir bomaten konsernan ogmantasyon Bidze. I vre i ogmant Bidze pour distrik, me selman mwan mon ti met lanfaz lo repartisyon ki mannyer zot donnen apre. Akoz pour lannen des annes mon krwar bann Inner Islands pe kriye pour dir i pa ase.  Akoz lo bann zil nou annan bokou talan.  Mersi.  Mr Speaker si Minis ti kapab regard lo paz 584 SP4 anba progranm i annan ‘provide equal opportunities.’  E pour sa mon ti a kontan ki Minis ti a kapab eksplik nou ki mannyer Inner Islands sirtou La Digue i tonm dan sa mo ‘equal’ dan repartisyon ki zot pour fer?  E dezyenmman mon oule konn en pe lo renovasyon.  Ki pozisyon bann renovasyon pour Sport Complex La Digue sirtou sa dormitwar pour 2018 ki mannyer i ete?  Mersi.

 

MR DEPUTY SPEAKER

Mersi Onorab.  CEO Rousseau.

 

CEO GIOVANNA ROUSSEAU

Ok partikilye La Digue mon kapab dir nou’n anploy en very qualify dimoun pour devlop sport lo La Digue.  I pour osi asiste Praslin.  Me selman son main lobzektif se La Digue.  So si oule apre nou’n met en graduate ki pe ansarz devlopman sport.  E apre nou annan zis enn pour lo kote Mass Sport.  Me selman definitivman next year, e zot pour vwar ki La Digue la zot annan apepre 40 manrmay ki pe train preski at least 3 fwa par semenn. Zot pe prepare akoz zot, zot No.42 e lannen prosenn i pour 42enm laniverser lekol – konpetisyon lekol.  E zot anvi pran o maksimonm lakoup.  So NSC si oule ki pe train sa bann manrmay.  E i pa zis sa i annan nou menm pe travay avek bann dimoun Trwazyenm-Az, bann dimoun obese dan lekol.  Nou pe fer progranm tousala pour travay avek sa bann manrmay e tou keksoz normalman ki nou fer Mahe nou osi pe fer lo nivo La Digue.  Lo kote dormitory, in fact, si ou pas en pti kou laba, ou pour vwar pour dir ki lo kote dormitory nou pe aranze.  Nou pe tir sa pa plafon, sa ki anba floor.  Akoz sa bann dibwa in pouri.  Ti annan en nespes karpet lo la tousala nou pe tire, nou pe aranze, e osi nou pe met en shower, en toilet anler, akoz i difisil letan bann dimoun i kanpe laba, i reste ki zot bezwen desann anba dan en leskalye en pti pe apik.  E alors nou pe met en shower avek de toilet tou anler ki en pe dimoun i kapab servi.  Nou pe, i annan zot roofing.  I annan plizyer travay ofet ki nou pe fer pour La Digue.

 

MR DEPUTY SPEAKER

Ok mersi CEO.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair yer PS lazenes ti dir nou ki pour dir polisi Minister ki fer e lenplimantasyon SNYC ki fer. Letan mon pe get progranm lo 259, e osi lo paz 577, zot performans i parey progranm 1 ‘governance, management, administration’ enn i 9milyon, lot i, lot i 8milyon.  Alors mon pe demande si pa kapab annan en consolidation of sa e save larzan pour sa. Letan mon pe gete CEO SNYC, i konpetan dan bann zafer lazenes mon demande akoz i bezwen annan en Special Advisor lazenes ankor.  Akoz pa pran li met la, fer sa ki Special Advisor i al en lot landrwa.  Mon dezyenm kestyon nou a save larzan koumsa.  Mon dezyenm kestyon se pour lazenes se dan ‘goods and services’, nou annan allowance for part time lecturer 610mil ki zot teach?  ‘Office rent’ i tonm 2.3 milyon, pour kwa sa?  Pour ‘NSC good and services,’ i annan ‘material and supply.’ I annan ‘other supply’ ki 2.5 milyon kisisa sa akoz napa leksplikasyon.  Lot se ‘agreement and outsourcing’ ki 7.9 milyon.  Mersi.

 

MR DEPUTY SPEAKER

Mersi Onorab.  CEO SNYC.

 

CEO ALVIN LAURENCE

Mersi Chair.  Mersi pour ou kestyon. Nou annan sa alokasyon pour allowance pour part time lecturers.  Tou sa se allowance ki donn nou bann teachers dan lekol ki travay avek bann manrmay anba sa progranm Young Citizens.  Nou manda i rekomande ki nou travay avek bann zenn laz 15an a 30an.  Striktir lekol mannyer i ete, nou bann zenn i al dan segonder depi laz 12an.  Me malgre sa, i annan en gro issue la akoz si nou esper 12an nou pour toultan erit en group zenn ki nou pour bezwen toultan pe esey fer dwat si zot in al tord. Alors sa i nou sel lanmen dwat ki nou annan dan bann lekol primer kot nou bann teachers zot ganny zot en allowance mil roupi selman pour travay ek bann zanfan apre ler lekol, e Sanmdi koman zot allowance avek bann Young Citizens, bann manm Young Citizens.  E ladan non selman zot fer sa bann aktivite, zot osi akonpanny sa bann zanfan pandan vakans pour kanpe e menm bann deplasman lo lezot zil.  Alors sa Bidze li menm i enn ki al anver tou sa bann teachers ki pe travay e rekomandasyon, bann guidelines ki nou annan se ki omwen en teacher i travay avek 25 zanfan par lekol.  90 poursan nou bann lekol i lo sa progranm, nou annan zis enn de lekol la ankor ki nou ankor pe diskite pour finalize.  Dezyenm ‘rent’, parey zot kapab, mon’n deza dir avan me mwan a repas lo la SNYC i annan li plizyer stasyon.  E enn nou pli gro stasyon kot nou Sekretarya i ete se kot Orion Mall. Ler nou ti ganny plis lespas kot Orion Mall, nou’n profite, nou’n pran pour accomadate pli byen ou bann staff , e annan plis lespas pour bann affiliated members, bann group ki bezwen fer bann meeting.  E preski toulezour, tou el 3 lasal ki nou annan, be it conference room kot biro Sekretarya, be it meeting room, be it the hall, tou le 3, preski toulezour i okipe.  E sa i fer ki nou annan nou 11 landrwa otour Mahe, Praslin La Digue. Mon kapab pas lo banns if si i rekomande en, oubyen mon kapab fer zot ganny en kopi.  E avek Youth Centre ek Orion Mall sa i fer ki nou pe pey par mwan R175mil pour tou nou bann servis ki nou annan lo Mahe, Praslin, ek La Digue pour rent.  E sa i anmenn nou lo sa sonm 2 milyon par lannen.

 

MR DEPUTY SPEAKER

Ok, mersi CEO.   Onorab Andre.

 

HON CLIFFORD ANDRE

Mon kestyon lo ‘governance, management, administration ‘ki Minister pe fer an menm tan SNYC pe fer?  So i menm zafer e enn pe pran 9milyon, enn pe pran 8milyon.  So mon krwar nou kapab koup enn sa bann milyon pour nou met en lot landrwa.  Mersi.

 

MR DEPUTY SPEAKER

Mersi.  Minis.

 

MINISTER MITCY LARUE

Mr Chair, mon krwar petet Onorab pe ganny li mal.  Nou pa pe Minister avek SNYC pa fer menm travay. Minister li i konsantre lo son Polisi – prepar son Polisi o nivo Nasyonal apre nou osi annan monitoring ki nou Minister i fer.  Nou monitor tou bann aktivite SNYC, avek National Sport i fer.  Nou monitor bann aktivite pour vwar ki nou pe enplimant sa Polisi ki nou’n met an mars.  Nou pa fer menm travay.  Zot, zot fer lenplimantasyon.  Ok.

 

MR DEPUTY SPEAKER

Ok.  Mersi Minis PS Payet.

 

PS PATRICK PAYET

Mr Chair mersi e mersi Onorab zis pour azoute ki dan tou lenstitisyon, entities ouswa Minister ou pour vwar ki annan sa programme 1 ki konsern ‘gouvernans, management, administrasyon.’ Dan tou lenstitisyon.  Sa i zot operation cost akoz ladan par egzanp si annan rent, si i annan elektrisite delo, ouswa bann staff administrativ i pour ladan, dan tou lenstitisyon.  Apard ki bann lezot progranm ki zot annan.  Mersi.

 

MR DEPUTY SPEAKER

Mersi PS.  Onorab Simon Gill.  Ok en moman, en moman nou a zis, i annan en keksoz ki’n arise la, Onorab Simon Gill.

 

HON SIMON GILL

Mersi Mr Chairman.  Bonzour tou dimoun.  Mr Chairman pwen ki’n arise lo kestyon Bidze SNYC ki’n fek koz lo la, mon ti a voudre konnen ki mannyer zot Scheme of Service i ete an relasyon avek legzizans travay e proper incentive pour sa group ankadre ki pe vreman fer en travay ekstrememan dir pour avek nou lazenes.  I sanble ki i annan serten constraints dan sa domenn.  Mon ti ava voudre tann nou CEO, e an relasyon avek son prezantasyon ki mannyer Minister Finans i kapab accommodate.  Mersi bokou.

 

MR DEPUTY SPEAKER

Ok.  CEO.

 

CEO ALVIN LAURENCE

Mersi Mr Chair. Mersi pour ou kestyon.  Sa lannen nou’n fer nou en legzersis entansiv kot nou’n prezant avek DPA, e osi avek bann lezot entity ki pran desizyon lo la.  En Scheme detaye pour SNYC, e sa i ti pour kouver tou son bann travayer.  Ler mon dir tou enkli drayver enkli sekreter.  Me parey zot kapab mazinen dan pei i deza annan bann Scheme ki kouver serten travay.  E ler desizyon in ganny pran, in ganny pran zis pour bann youth worker.  Alor saler debaz ki en youth worker aktyelman i annan, i annan i konmans lo 5, 500, e zot pe ganny zot en allowance mil roupi par mwan.  Avek nouvo scheme en youth worker i pour komans lo 7,200, i pour ganny li en allowance R1200.  Senior youth worker 8mil, i pour ganny li R1400 epi principle youth officer 9, 700, en allowance R1600, coordinator R11 mil, en allowance R2mil e bann Director zot komans apartir 13, 600 ek en allowance 2, 500.  Deputy CEO, i ganny peye R1900 aktyelman CEO i ganny peye R23mil.  Alor nou, R19,000 sorry Deputy e CEO i ganny peye R23 mil.  Pour travay ki nou fer, byensir ek tou son stress ek tou son bann rekomandasyon, i fer ki nou pa ase konpetitiv parey zot kapab konstate byensir i annan Director ki ganny peye pli byen ki CEO. Byensir nou annan senp dimoun ki ganny peye pli byen ki nou prop Director.  Nou kapasite pour nou retain i vreman weak, weak dan sa domenn.  E alor nou war bann pli bon konpetans, olye ganny allocate ek Lazenes dan pei i al lezot landrwa, e i fasilman ganny abzorbe par prive. E scheme ki nou’n gannyen, larzan ki nou’n gannyen R300 mil pour kouver zis youth worker.  E sa i pran le fe Zilyet, ziska Desanm.  Si nou vreman anvi apel li en Scheme R300 mil pour mwan san en logmantasyon lapey pour en entity.  Si nou ti anvi apel li en scheme nou ti’n demann 2 milyon, petet si nou ti’n ganny 1 milyon pour vreman retain tou nou dimoun e asire ki nou pa perdi zot.  Mon ti a dir nou pe koz vreman senserman lo en Scheme.  La right now, mwan annan mon sa defi dan 6 mwan pour mwan dir travayer, reste, kontinyen travay, kontinyen travay ziskan 7er diswar, kontinyen travay ziska 8er diswar.  Me an menm tan i pour bezwen tenir lo sa ti lapey ki i gannyen. Kapasite pour mwan retain li, mon pe lager fay.  E ler mon lager fay, pa zis mwan ki ganny bate, Lazenes antye i perdi, lasosyete antye i perdi. So bann MNA atraver Chair kon fer sa demann.  Sa Scheme i kapab ganny enplimante apartir Zanvye zis ankor en 400 mil a nou dispozisyon. Mersi.

 

MR DEPUTY SPEAKER

Mersi CEO. CEO NSC i annan en kestyon pour Onorab, Onorab Andre. Petet onorab Andre oule repoz ou kestyon pour NSC.

 

HON CLIFFORD ANDRE

Mersi pour redonn mwan laparol pour repete, mon ti demann ‘other supplies 2.5’ milyon avek ‘service agreement’ and ‘outsourcing ‘7.9 milyon.

 

MR DEPUTY SPEAKER

Mersi Onorab.  CEO Rousseau.

 

CEO GIOVANNA ROUSSEAU

Lo kote supply sa i al pour klorin.  Akoz parey mon ti fer sorti taler nou annan 3 swimming pool an tou.  Lo Mahe i annan de, enn 50 met, enn 25 met avek lo Praslin i annan, i osi annan de.  Me selman pour klorin apre nou pe aste, nou ti fer sorti en bis.  Apre lo kote Medikal.  Akoz si nou anvi nou atlet i perform pli byen, nou bezwen rod bann lekipman syantifik kot nou kapab teste nou atlet, regarde si zot intake oxygen i byen.  In fact lo tou nivo kot ou kapab fer pour improve lo kote Syans avek bann atlet.  E se sa ki nou pe met en pe larzan pour nou kapab devlop nou atlet en pti pe pli byen.

 

MR DEPUTY SPEAKER

Mersi CEO.  Onorab Sylvanne Lemiel.

 

HON SYLVANNE LEMIEL

Mersi Mr Chair mon kestyon i senp anba PSIP, mon’n vwar i annan upgrading of Sports Complex Anse Royale.  Mon ti a voudre ganny en pti pe leksplikasyon lo la.  Mon vwar en R2 milyon.  Lannen pase Mr Chair ti annan 2 milyon zot ti pran zot ti dir pour donn Praslin.  Me la sa lannen mon oule konnen ki pour arive avek Sports Complex Anse Royale. Mersi.

 

MR DEPUTY SPEAKER

Mersi Onorab.  CEO.

 

CEO GIOVANNA ROUSSEAU

Mersi Mr Chair.  Pour Anse Royale. Anyway tou larzan ki nou ti annan lannen pase, sa lannen dan PSIP, tou nou ti met, nou’n met dan Victoria Gym.  Koumsa omwen nou ava annan en fasilite ki up to standard.  Prezan lo kote sa ki ou vwar sa 2milyon, i vre i en mistake sa.  Olye met pour Anse Royale, i sipoze pour Praslin pour nou fer en pe travay lo Praslin.  Lo Anse Royale mon sorry toultan keksoz pa kler, nou pa pour kapab depans larzan  akoz i annan sa master plan pour Anse Royale e kot liniversite zot le sa area kot nou annan nou Sports Complex pour zot azout bann lekol or whatever.  Me selman sa ki nou, nou pe esey fer konpran pour dir ki liniversite osi i bezwen annan en sport facilities.  Alors toultan ki nou pa, sa pa kler ki Gouvernman pa pran en stand lo la pour dir sa i bezwen la then nou pa kapab invest larzan pangar demen nou ale nou build en keksoz apre zot dir nou non kase akoz la i pour vin pour liniversite.

 

MR DEPUTY SPEAKER

Mersi CEO.  Onorab Flory Larue.

 

HON FLORRY LARUE

Mersi Mr Chair.  Bonzour tou dimoun.  Mon kontan ki CEO i mansyonn sa Master Plan ki pa ankor ganny allocate nanryen.  Ti a bon zot travay lo la koumsa ki tou dimoun i konnen ki mannyer pour bouz devan.  Vwar mannyer i afekte lezot ki pa ankor fer desizyon. Mon kestyon, mon kontan osi letan CEO in eksplike ki bann keksoz ki bann federasyon in ganny asiste avek tel ki sekirite, lalimyer, delo, coach i sorti anba sa Bidze.  Me dapre mon konpran NSC ti fer en Good Governance Workshop an Out, 2017.  Kot 32 Federasyon ti ganny envite, me zis 8 ki ti vini. Zot ti pey en konsiltan pour fer sa training, e zot ti donn tou bann fasilite.  Eski Minis i kapab garanti sa Lasanble ki bann larzan ki zot donnen pour fer training ki anba ‘good governance’ lo paz 582, anba progranm 3 ‘support services’.  Sa larzan ki ganny donnen pour training i ganny byen servi.  Eski ou kapab donn nous a garanti ki letan nou donn zot larzan zot pe demann ogmantasyon, i ganny byen servi.  E nimero 2, mon pik sa legzanp pour demann Minis e osi CEO anliny avek topik sa workshop, Good Governance si Minister i devret reget son fason govern especially letan bokou pwen i montre ki sa mank kordinasyon pe afekte lefikasite ant bann diferan Minister de bann departman.  Nou’n vwar ki Minis i annan 3 advisor e 2 DG, sa i osi ganny reflekte dan Gouvernman li menm.  Ki zot pe fer pour bann mezir pour montre nou ki zot Minister i pe delivre lefikasite, gouvernans e pe donn sa ki nou oule lo kote servis?  Mersi.

 

MR DEPUTY SPEAKER

Mersi Onorab.  Minis oule reponn apre CEO i ava swiv.

 

MINISTER MITCY LARUE

Zis mon ti a kontan donn Onorab en komitman ki wi nou pour byen servi sa larzan e nou pour fer sir ki nou annan latransparans dan tou sa ki nou fer.  Lo kote training, wi, bann larzan ki ganny dedye pour fer training, nou pour fer sir ki NSC i fer training avek e anyway CEO i la, i call li ki the accounting officer, byensir, i bezwen fer sir ki i annan latransparans partou dan tou.  Ki mannyer nou larzan i ganny servi, e i ganny servi byen e i ganny servi appropriately.  E nou lo kote parey mon dir nou annan nou osi sa monitoring ki nou fer pour nou fer sir ki tousala i transparan e larzan i ganny byen servi pour benefis pep Seselwa.  E nou pe donn sa servis ki nou krwar lamazorite dimoun dan Sesel i bezwen sirtou lo kote spor.  Sa mon donn ou nou komitman.

 

MR DEPUTY SPEAKER

Mersi Minis.  CEO Rousseau.

 

CEO GIOVANNA ROUSSEAU

Mersi Chair.  Anyway lo kote sa konsiltan avek training sa ki mon kapab garanti pour dir ki nou fer training.  Dimoun i attend parey mon pe dir annandler nou ti a kontan ganny plis par ler non. E sa louvraz spesifik ki nou ti fer, nou’n remarke ki dan mon krwar tou dimoun ki la i pour konnen dan bann Federasyon, i annan en kantite mankman.  E alors sanmenm sa nou ti fer en progranm pour nou train e at the same time reget sport an antye dan pei, kote ki nou anvi ale. E nou pe restriktir sport e osi fer en nouvo Scheme pour bann travayer. Egzakteman parey mon koleg CEO Lazenes in dir nou osi dan NSC nou ganny menm problenm pour ou kapab ganny dimoun konpetan pour travay i bezwen ki sa lapey i ase normal. Ou pa kapab zis akoz en dimoun in deza fer sport ki prezan zis ou anploy li.  Ou pa pour gannyen sa rezilta ki nou oule. E osi sa ki nou remake nou annan serten landrwa kot leta nou annan nou bann travayer.  Par egzanp lo kote watersport, so nou, nou pe train, nou pe donn on the job training tou, e apre dan prive. Akoz konmela tou lotel i annan en seksyon watersports.  So zis zot, zot ofer R500, R800 an plis sa bann dimoun i ale.  Anyway lo kote nou Scheme ankor, Gouvernman, Finans in aprouve pour lip ran le fe Zilyet. Me selman nou pe travay lo nou striktir an antye ki pour nou anvoy kot DPA.  Akoz nou pa ti kapab anvoy kot DPA toultan nou pa ti konnen pour dir nou pour ganny sa larzan.  So then nou pour fer nou striktir an antye pour nou anvoye e fotespere i a ganny aprouve. Me selman parey CEO osi in fer sorti i paret i annan, par egzanp nou ti pe demann en increment pour en bann travayer kot swimming pool kot nou pe dir en pool attendant e mon ti pe fer konparezon avek en Carer.  E en larepons ki mon’n gannyen vreman ki’n fatig mwan de zour pase.  I dir mwan zot pa war diferans ant louvraz ki en pool attendant i fer avek konpare avek en Carer.  En pool attendant i travay dan sa gro ker soley.  I bezwen netway tou son swimming pool. I annan fek demann mwan sis a swimming pool i prop e napa problenm.  So ou annan tousala konpare avek en Carer ki dan lakaz zis i asize i koz ek en tantin, ouswa ek tonton, nou pa kapab dir pour dir sa i parey.  Alors mon krwar i enportan ki kekfwa pli tar dimoun i respekte en pti pe bann, konmsi letan nou propoz en keksoz, either zot vin dan sa seksyon zot regarde ki louvraz ki annan apre zot a pli konpran. Mersi.

 

MR DEPUTY SPEAKER

Mersi CEO.  Onorab Larue.

 

HON FLORY LARUE

Mersi Mr Chair.  Minis mwan pa santi in reponn mon kestyon. Lo kote monitoring sa training ti ganny fer an Out, i sipoze annan en kontinyasyon an Septanm.  E ankor 32 federasyon zis 8 ki’n turn up. Ki mannyer zot pe fer pour zot improve zot sistenm pour zot kapab deliver.  E apre letan CEO i eksplik son bann needs lo kote staffing, nou bezwen reget DPA.  Mon’n refer dan mon kestyon, mon’n koz about en top heavy Ministry, en top heavy Government an zeneral. Ki mannyer tou sa bann dimoun zot ti ganny zot alokasyon vitman.  Me selman la nou pe war en mank defayans staff pli ba.  Olye annan en triyang, nou annan nou en kare.  Ouswa en triyang ranverse kot anler i heavy, heavily well-paid person, anba nou pe ganny mank staff pour delivre basic service koman en pool attendant.  Sa ki mon kestyon silvouple.

 

MR DEPUTY SPEAKER

Mersi Onorab Larue.  Minis.

 

MINISTER MITCY LARUE

Mr Chair i pa neseserman ki anler i top heavy, akoz letan ou pe get dan Minister li menm konbyen travayer i annan.  Ok? i pa sa kantite li petet ou letan yer ler mon’n koze, mon’n dir i annan 3 Advisor petet nou vwar li top heavy, e pa Direkter.  Nou bezwen sa bann dimoun osi. Me lo nivo anba osi nou bezwen dimoun. E i annan de fwa parey nou dir, nou demande, i annan pos, nou dir i annan tan pos pour nou fer be nou pa ganny funds pour nou kapab anploy sa ban dimoun. E la parey CEO in fek dir, nou pe travay lo nou scheme of service ki en pe letan pe travay lo la. Mon konpran depi lannen pase zot pe travay lo la.  Nou oule finaliz li pour nou kapab, sorry, pour nou kapab anmenn sa Scheme devan e pour nou vwar ki en saler. Mwan osi personnelman koman Minis mon ti a voudre nou bann travayer, par egzanp, bann coaches, bann ki fer lezot travay kot NSC, zot fer bann travay ki vreman en travay ki nou bezwen sa bann travayer.  E nou bezwen redonn zot en bon reminerasyon e kapab retain zot.  Akoz si nou pa kapab donn zot en bon reminerasyon zot ale.  E nou pa war nou avek dimoun ki annan kapabilite pour fer sa bann louvraz. Be i en travay ki nou pe fer, me i pa vedir ki anler i top heavy, anba nou pa anvi.  Nou anvi ki i match, nou fer li en triyang parey ou pe dir. Mersi.

 

MR DEPUTY SPEAKER

Minis lo sa bout monitoring.

 

MINISTER MITCY LARUE

Kote monitoring wi parey mon’n dir lo kote Minister se nou ki monitor.  E ti napa ase dimoun osi dan monitoring dan Minister.  Se sa lannen, lannen prosenn ki nou pour annan ankor dimoun ki nou pe anploye pour nou kapab nou monitoring system i vin pli efikas akoz pour le moman mon pour dir monitor mon pa satisfe avek la fason ki travay pe ganny fer.  So nou bezwen plis pour nou monitor bann travay ki pe ganny fer.

 

MR DEPUTY SPEAKER

Ok.  CEO.

 

CEO GIOVANNA ROUSSEAU

Zis sa ki mon ti a kontan azoute se dan nou, nouvo striktir NSC i pour annan en seksyon ki sa i pour zis son louvraz; compliance, corporate, good governance, i bezwen kouver tousala. Akoz i vre nou depans en kantite larzan. Parey zot pour vwar kantite larzan nou depans avek bann coaches.  Zis ek coaches full time avek part time, nou depans R6.2 milyon. Me selman par ler sanmenm sa ou demande eski ou pe ganny sa rannman.  E sa ki sa seksyon i pour son responsabilite pour ensure ki tou bann keksoz ki nou pe fer wi i annan, nou pe ganny sa rannman.

 

MR DEPUTY SPEAKER

Mersi CEO.  Onorab Larue.

 

HON FLORRY LARUE

Mersi bokou Mr Chair.  Me selman sa mon pwen final lo Bidze antye, nou oule donnen larzan.  Me si nou pa konnen ki sa ki ganny fer ek sa larzan, ki mannyer i monitor, kwa ki piblik i gannyen?  I difisil pour kontinyen ponp larzan dan bann Minister ki pa delivre e avek sa Ministry i kler ki zanfan, zenn dan sa pei pa pe gannyen bann aktivite ki zot merite.  Mersi.

 

MR DEPUTY SPEAKER

Ok mersi, point made.  Onorab Wilbert Herminie.

 

HON WILBERT HERMINIE

Mersi Mr Chair.  Bonzour tou dimoun.  Mr Chair mon kestyon pour spesifik lo paz 23 anba PSIP. CEO pour NSC in koz spesifikman lo obesite. Be selman anba la mon pa war okenn Bidze anba PSIP pour nou fer renovasyon lo bann fasilite kot nou fer Baby Gym. Sirtou sa i en gran issue ki bann Daycare ek bann paran in met devan mwan. Akoz bokou sa bann fasilite pe tonm an rin. Epi i annan en pti konfizyon, mon pa’n tro ganny en konpran ki CEO in dir regarding ‘upgrading of chlorine system ‘kot swimming pool.  Akoz bokou sa bann fasilite pe tonm an rin. Epi i annan en pti konfizyon, mon pa’n tro ganny en konpran ki CEO in dir regarding upgrading of chlorine system kot swimming pool akoz in dir taler anba ‘goods and services’ kot pe pey pour chlorine.  Selman mon vwar in met en provizyon anba PSIP.  Si ou kapab donn en pti leklersisman silvouple.  Mersi.

 

MR DEPUTY SPEAKER

Mersi Onorab.  CEO.

 

CEO GIOVANNA ROUSSEAU

Well nimero 1 mon ti en pti pe soke pour tande ki kot Baby Gym i pe tonm an rin. Akoz mon pa vwar kote ki i pe tonm an rin.  In fact i en landrwa kot i ganny servi tre byen par bann lekol, bann Lakres.  E tou letan nou pe aste nouvo lekipman, nou pee mete, si ou ti a dir mwan i tro pti, mon ti ava dir ou wi.  Nou a ti a kontan nou ti annan en landrwa pli gran.  Me apre nou annan larzan dan Bidze pour nou maintain nenport kwa landrwa kot i bezwen ganny maintain.  Me selman Baby Gym mon krwar si i enn.

 

MR DEPUTY SPEAKER

Ok.  CEO.  CEO i annan sa dezyenm bout lo swimming pool, kot swimming pool.  I annan dezyenm kestyon.

 

CEO GIOVANNA ROUSSEAU

Klorin, swimming pool ou bezwen met klorin ladan pour fer sir napa mikrob, ouswa i touy mikrob ki bann dimoun pa atrap okenn maladi.  Sistenm ki ti annan sa rakor ki met, ki fer klorin ale i ptipti so by the time i pour ariv dan swimming pool i pa marse akoz si non mon pa konnen zot annan en ta keksoz ptipti. Prezan nou pe sanz sa sistenm pour nou met enn ki apropriye pour sa de swimming pool koumsa ki klorin i ganny mete otomatikman olye manually.  Sa ki nou pe fer. Mersi.

 

MR DEPUTY SPEAKER

Mersi CEO.  Onorab Esparon.

 

HON REGINA ESPARON

Mersi Mr Speaker.  Mr Deputy lo paz 582, anba ‘current expenditures good and services ‘i annan en sonm 15.8 milyon ki’n ganny allocate. ‘E dan detay, 2.5 milyon pe al anver ‘foreign consultancy fee.’ Eski nou kapab ganny en pe detay lo sa depans?  E pli boner CEO pour NSC in dir nou pour dir i annan 2 foreigners zot pe fer depans.  Eski sa 2,5 milyon i al anver sa 2 foreigners, oubyen i annan lezot depans ki enkli ladan? E pli anba ‘capital expenditures’ i annan 73milyon pour ‘capital expenditures.’ Ki bann proze ki pe al ganny enplimante anba la e lekel bann distrik ki pe benefisye?  Mersi.

 

MR DEPUTY SPEAKER

Mersi Onorab.  CEO.

 

CEO GIOVANNA ROUSSEAU

Pour ‘consultancy, ‘parey mon’n fer sorti, nou pe rantre dan preparasyon Jeux Des Iles avek All Africa Games.  E normalman tou federasyon ki in involve ladan, zot demann ou en coach etranze.  Pour ou fer sa coach etranze vini i annan depi son pasaz avyon, i annan lakaz, i annan son saler. I annan transpor, i annan tou sa ki nou bezwen peye.  Ok sa de ki in nonmen zot osi zot tonm ladan. Me selman i pour annan bokou plis ankor ki pour pe vini.  73 milyon i nou total Bidze an antye, i pa zis pour, mon pa’n tro gannyen sa dernyen kestyon.

 

MR DEPUTY SPEAKER

Ok.  Onorab Esparon.

 

HON REGINA ESPARON

Ok en pti fot 14.3 milyon.

 

MR DEPUTY SPEAKER

Ok.  CEO pour ‘capital project.

 

CEO GIOVANNA ROUSSEAU

Ok sa 14.3 i annan 2 milyon pour gym ouswa pour travay Praslin pour fer keksoz. I annan 2 milyon i sipoze pour Victoria Gym an ka  ki sa ki nou annan i pa ase sa ki nou pe fer.  Then si i reste, nou a divert li en lot landrwa.  Apre i annan 2.3 milyon pour renovasyon fasilite, nenport ki fasilite ki nou annan, ki nou a vwar ki i merit ganny amelyore e apre i annan sa 8milyon pour sa gym Freedom Square.

 

MR DEPUTY SPEAKER

Ok.  Onorab Esparon.

 

HON REGINA ESPARON

Mersi Mr Deputy.  Mr Deputy mon ti anvi zis demann CEO proze Regional Sports Complex pa pour tonm anba la?  Pour rezyon Nor. Ki’n deza ganny vizite i sipoze ganny fer.  Mersi.

 

MR DEPUTY SPEAKER

Ok, CEO.

 

CEO GIOVANNA ROUSSEAU

Pour le moman nou pa ankor ganny okenn larzan pour nou enplimant sa bann regional programme ki nou ti a kontan fer.  Zis sa ki nou annan pour Praslin avek La Digue.  Me dabor ki, i annan dimoun i dir poudir mon fer en kantite gran plan e mon kit gran plan. Me selman mon krwar i bezwen annan dimoun ki reve, ki fer en pe gran plan.  E rezon par deryer si sa ki vin apre mwan i ava konnen i annan plan ki’n fini prepare.  Ki Gouvernman i ava konnen pour dir dan sa bann rezyon i bezwen annan fasilite e ki nou gard later, sa i enportan.  Akoz nou’n tande lekol par ler zot fer, zot fer lekol.  Napa landrwa pour de-foule, pour manrmay zwe.  Ouswa dan distrik e la ankor ki mon ti ava dir zot bann MNA ler zot dan distrik.  Konmsi in the future parey letan nou fer fasilite, annou pa fer fasilite anndan dan lekol.  Nou met li deor ki lizour lekol i servi e aswar distrik i servi. Me pour le moman nou pa ankor komans vreman al dan bann rezyon pour nou kapab.  Me selman i pa anpes nou ede.  Par egzanp dan kote Nor, nou’n al vizit sa laplenn Beau Vallon kot li i ti sipoze annan en track avek me selman lakaz in ganny built.  Nepli annan plas pour build pour fer track.  Me selman sa ki Beau Vallon pe demande zot annan en pe larzan zot, nou osi nou ava gete kote ki nou kapab tir en pe, omwen nou kapab met lalimyer ki koumsa bann tim foutbol whether i Bel Ombre, Beau Vallon, ouswa Glacis, zot a kapab ganny sa landrwa pour zot train.

 

MR DEPUTY SPEAKER

Mersi CEO.  Question arising.  CEO ou konn sa court kot lekol primer Bel Ombre koman nou ti fer sa court, ou osi ou ti parmi. Sa court in tonm dan en move leta i pa paret ki Minister Ledikasyon pour kapab antretenir.  Ou’n mansyonn i annan 3 ekek milyon ki ou pour partaz en pti lo bann reparasyon bann fasilite.  Eski ou pe anvizaz pour tous sa court Bel Ombre kot lekol primer?

 

CEO GIOVANNA ROUSSEAU

Nou ava regarde konbyen ki egzakteman son problenm.  Akoz sa court wi i en tre bn court. In fact letan mon’n get dan kote Nor si demen nou ti pour build en indoor multi-purpose mon ti vwar la koman en landrwa ideal, akoz i obor lekol.  So lekol i kapab servi lizour e apre rezyon i ava servi apre sa.  Be selman meanwhile i pour pran letan avan nou ganny sa indoor gym.  Me mon krwar ki son surface i kapab ganny aranze be selman nou pour bezwen get en pti pe partou pour nou met priyorite.

 

MR DEPUTY SPEAKER

Mersi CEO.  Onorab Ernesta.

 

HON PAUL ERNESTA

Mersi Chair.  Bonn apre midi, I mean bonzour Chair e Minis ek ou delegasyon, bann koleg.  Mr Chair avan ler mon komanse mon pour retourn lo en pledwari si oule ki parey Onorab Ramkalawan in dir pour kapab donn sa 4milyon.  Mon pour demande ankor pour ki sa 4 milyon al dan progranm o nivo distrik pour sport ek pour Lazenes.  E parmi ladan ki zot ava kapab ganny sa bout saler pour kapab ed zot dan zot travay.  Mon dir sa akoz senpleman letan mon get bann scheme ki CEO on propoze pour lazenes.  Mon krwar i enportan letan nou pe koz lazenes nou bezwen dimoun avek kalite avek konpetans.  Ozordi nou pe vwar avek en saler R5mil nou pa pe neseserman, mon dakor nou pa pe neseserman ganny sa bon travayer ki nou bezwen, nou pour ganny en senp travayer ki pa neseserman, ki under-qualified.  Ki mannyer en travayer ki under-qualified i pour zwenn sa zenn ki li i avek en degre ki i pour koz avek sa zenn.  Mon krwar sa i ekstrememan enportan nou fer sa travay lo la.  E apre mon pour demann PS Finans e Gouvernman pour revwar priyorite Lazenes, Spor dan zot progranm, met li en priyorite ase, mon pa pour dir ase, me ki vreman enportan dan tou zot bann plan travay ki zot annan.  E mon kestyon prezan i al pour CEO lazenes.  Letan mon’n get dan si oule lakonplisman, yer mon ti demann sa PS, mon’n vwar ki zot in fer en Youth Study ki annan pa mal konsern mwan mazinen ki’n sorti ladan. Ki mannyer sa Bidze ki zot pe sort avek pour adres sa bann konsern ki’n sorti dan Youth Study?  E apre dezyenmman pour CEO NSC.  Mon ti a kontan konnen ki diferans i annan avek Sports-For-All, avek sa ki nou apel Mass Spor ki distrik i fer.  Si nou pa kapab senkroniz sa de pour fer en sel zafer.  Sa nou kapab advice nou.  E apre CEO NSC – ki bann kriter ki zot servi la mon pe koz parey pour laboks letan zot pour swazir en atlet pour zot al compete lo nivo enternasyonal, enn?  E apre ki bann lasistans zot gannyen pour zot kapab al fer en tel reprezantasyon pei?  Akoz nou’n vwar bokou fwa kot sa bann atlet zot osi pe pase pe rod sipor tel ki, mon krwar sa i pa neseserman tonm bon.  Mersi.

 

MR DEPUTY SPEAKER

Ok.  Mersi.  CEO Laurence.

 

CEO ALVIN LAURENCE

Mersi Chair.  Mersi pour ou kestyon.  Nou Youth Study i reste enn baz prensipal lo ki nou pe move forward.  Akoz i bann levidans syantifik ki permet nou pran bann desizyon.  E i annan bann body ki’n ganny mete an plas i apel The National Youth Policy Forum parey zot kapab mazinen lazenes i en cross-cutting issue.  I annan en kantite lezot Minister osi ki involve e enplike direkteman.  Sa i fer ki zot Sekreter Prensipal i asiz lo sa The National Youth Policy Forum osi pour nou kapab vwar dan sa zefor kordinasyon e enplimantasyon ki mannyer nou adres sa bann problenm. Par egzanp mon kapab dir zot enn bann problenm mazer se konportman lazenes anver zot wellbeing e seksyalite.  Sa i enplik Minister Ledikasyon, Minister Lasante.  Alors sa desizyon, e sa going forward i enn ki nou bezwen fer li ansanm.  Me an menm tan ler mon pe dir zot stratezi travay pour nou sorti lo zis en youth worker par distrik, bouz rezyonal, fer ki nou annan nou par egzanp en Latroup Lazenes kiltirel lo nivo rezyonal.  Nou annan bann lekip Mass Sport konpetisyon rezyonal, se repons ki nou annan dan Youth Survey.  Ozordi nou war rezyon Was ti enn bann rezyon for kiltir e se sa rezon akoz nou pa pour kapab kontinyen fonksyonnen ek en Latroup Lazenes zis lo nivo Nasyonal.  Nou bezwen annan en lekip kiltirel dan sak rezyon – Praslin, La Digue osi parey.  So rezilta Youth Study nou pe deza komans pran serten aksyon.  Nou pe deza oriyant nou pour reponn sa bann bezwen e lezot ki konsern lezot Minister, nou bezwen pran sa repons ansanm.  Ozordi si nou pe re allocate Bidze osi lo nivo Committee pour zot drive sa se par rapor bezwen ki nou trouve dan pei e sa ki’n ganny dir dan Youth Study ki zenn i pa satisfe ek kantite aktivite i annan, zenn i trouve i mank aktivite. Alor deza sa momentum in komanse i sipoze vin pli bon e amelyore.  Mersi.

 

MR DEPUTY SPEAKER

CEO NSC.

 

CEO GIOVANNA ROUSSEAU

Mersi Mr Chair.  Ladiferans avek Mass Spor avek sports for all.  Dan en serten fason letan ou ekoute ou gete ou krwar i preski menm zafer.  Anyway Mass Spor nou ti lans li Oktob 1987. Sa i ti form parti nou stratezik sport, progranm e apre 2 mwan pli tar, Desanm iti ganny aksepte. Me selman dan, boner ‘90 ti sanz son non Sports-For-All.  Mass Spor pour li vin Sports-For-All.  Savedir nou ti sanz osi filozofi. Olye ki focus zis lo regroupman bann dimoun dan en landrwa e zis fer aktivite dan weekend.  Prezan nou, nou pe fer li dan en fason ki dimoun i kapab fer sport pli souvan.  Par egzanp bann progranm ki nou annan.  Nou annan Sports- For-All ek bann zanfan dan lekol. Kot parey taler nou’n koze lo zafer obesite.  Nou annan en progranm ki apel parents welcome. Sanmdi pase nou’n fek fer son final dan ICCS kot nou travay avek bann lekol, nou ed zot, nou donn zot bann progranm ki zot kapab fer avek bann manrmay e la nou pe tous plito bann manrmay dan primer pour anpes zot gro.  E sa i, i pa fer zis en weekend me zot sipoze fer pandan lasemenn. Nou organiz bann aktivite par egzanp pour al dekouver, pour marse.  Tou le mwan nou annan en landrwa kot nou ale. E dimoun la i kapab dekouver pei e osi fr en pe legzersis.  E apre nou fer si oule nou fer bann aktivite kot nou tous depi pti manrmay, Baby Gym, kot nou ale ziska Trwazyenm-Az.  Ok?  Taler ti pe rode ankor ki nou fer. Menm dan bann homes sa 6 dimoun ki nou annan ki travay dan Mass Spor i ale i al fer ban aktivite avek sa ban dimoun.  E lot ankor nou pe fer dan landrwa.  So landrwa travay par ler i pli fosil pour nou pran dimoun dan landrwa travay.  Fer krwar ou travay PUC; PUC son dimoun i pa sorti Roche Caiman li, i sorti partou Mahe.  So la kot nou tous bann dimoun. So si tou le Vandredi, en zour Vandredi kekfwa la Vandredi zis pas en pti kou kot laplenn Mont Fleuri zot a vwar ki kantite dimoun i annan.  So la kot nou pe fer Sports-For-All.  Tou group dimoun i vini, i kapab zwe basket, volleyball, foutbol e nou menm fer li lo en nivo parey en pti konpetisyon akoz tou dimoun i kontan letan zot fer spor ki annan en konpetisyon.  Akoz zot anvi konnen pour dir ki Minister Finans in bat Minister Ledikasyon or whateverSo sa i en pti.  Lo Sports-For-All nou oule fer fason ki tou dimoun i ganny touse, e non pa zis en pti group ki vini dan weekend.

 

MR DEPUTY SPEAKER

Mersi CEO.  Onorab Adelaide.

 

(Mic Off)

 

CEO GIOVANNA ROUSSEAU

Ahr – ok sorry pour kestyon Laboks.  Tou keksoz Federasyon sa i pa tonm anba NSC.  Nou donn bann Federasyon zot liberte.  Zot annan zot Lalwa, zot ki swazir zot atlet.  Nou napa en say ladan.  Zot ki avek zot atlet, zot annan zot coach, zot ki swazir ki mannyer.  Mon sipoze zot bezwen annan kriter ki zot servi pour zot atlet.

 

MR DEPUTY SPEAKER

Ok Onorab Adelaide.

 

HON FRANCOIS ADELAIDE

Mersi Mr Chair. Bonzour a tous.  CEO mon donn ou mon garanti ki mon pour lager lebra kase pour ou ganny ou larzan akoz mon’n trouv ou travay. Mon’n vwar ou Baie Lazare, e mon donn ou mon garanti lo la. CEO NSC mon’n tann ou nonm table tennis i annan 1an nou pe rode mon ti a kontan petet nou ti a ganny 2 Baie Lazare si i annan. Lo kote transportation fees.  Eski in annan lazisteman dan Bidze pour zistans distrik pour nou ganny diferan alokasyon pa parey bann ki pre ouswa bann ki lwen?  Apre lo kote alokasyon pour bann Federasyon eski CEO NSC i kapab dir nou petet si i annan okenn Federasyon ki’n ganny alokasyon me zot pa’n onor zot konstitisyon.  Mersi.

 

MR DEPUTY SPEAKER

Mersi Onorab.  CEO.

 

CEO GIOVANNA ROUSSEAU

Sorry sa dernyen bout mon pa’n ganny en konpran.  Si i annan okenn federasyon ki’n ganny alokasyon…?

 

 

HON FRANCOIS ADELAIDE

(Mic Off)

 

CEO GIOVANNA ROUSSEAU

I pa’n onor?

 

MR DEPUTY SPEAKER

Ok.  CEO.

 

CEO GIOVANNA ROUSSEAU

Ok table tennis, mon a find out avek Federasyon table tennis akoz mon konnen ler zot ganny sa bann kado, mwan a fer sir ki kot ou, ou gannyen.  Si non then nou, nou ava aste nou ava donn ou.  Lo kestyon larzan pour distrik mon sorry i pa tonm kot NSC, i tonm anba Local Government.  E Federasyon lekel ki pa pe onor son Konstitisyon pour le moman fransman mon pa tro konnen si i annan enn. Me selman si ou konn enn, ou fer mwan konnen, mon kapab investigate.

 

MR DEPUTY SPEAKER

Mersi CEO.  Onorab Audrey Vidot.

 

HON AUDREY VIDOT

Mersi Mr Chair.  Bonn apre midi tou dimoun. Mr Chair i annan 1 an pase mon ti demann en kestyon avek panelist la devan lo size Donasyon.  Mon’n tann PS mansyonnen ki zot ganny donasyon pour donn, pour fer fasilite sport.  Oubyen progranm pour benefisye lo kote laspe sport.  Be mon’n tann CEO NSC dir konmkwa pour dir zot donn Donasyon lannen pase pour bann distrik. Me ankor mon pa tann personn lannen pase dir mwan ki bor Donasyon ti donnen, la ozordi mon tande ti donnen. Me selman lenformasyon ki mon’n cross-check i konfirmen ki ti depi le 5 Mars 2014 mwan mon distrik Roche Caiman ki ti resevwar lekipman sports sorti Donasyon sorti kot NSC.  Mon lans lapel ankor nou ti a swete vwar ki tou distrik oubyen fer nou ganny lalis lekel bann distrik ki ganny bann lekipman sport atraver NSC.  Dezyenmman mon ti a kontan konnen si NSC i ganny sipor avek Komite Olenpik, ki mannyer sa i vini?  E si zot annan sipor ki zot bann teachers ki lo kote, bann PE teachers ki parey nou kapab dir parey Sir Jerry, Sir Jerris Andrew kot lekol Plaisance segonder ki dedye en kantite avek nou bann zenn, ankadre zot.  Ki sipor ki zot donn sa bann teachers pour kapab kontinyen anba bann progranm ek bann zenn.  E mon’n tann CEO pli boner pe koz son dezapwentman ver bann Komite Sport lo nivo distrik.  Petet mon ti ava pli sizere si napa larzan parey pour dir pour ankadre ou bann dimoun pour siport sa bann Komite lo kote Gouvernman Lokal.  Petet relye sa bann rezyon distrik ansanm.  Regard bann kalite Komite ki annan. Akoz mon konnen i annan distrik ki petet li i napa en varyete Komite Sport, be i kapab annan zis domino. I annan en foutbol, petet lo nivo rezyon regarde kantite disiplin i annan, form en Komite lo nivo rezyon.  Sa i ava ede pour ranforsi en pti zot langazman ki zot anvi fer pour kapab anmenn aktivite lo nivo rezyonal. Apre lo dernyen pwen mon konpran ou’n dir ki sa bann sport, bann zenn ki profesyonnel ki pe ganny sa saler, zot gannyen lo nivo konpetisyon zot ganny en larzan.  E osi en allowance.  Me let me tell you i annan sa bann dimoun osi la zot struggle kot zot lakour pour donn en sipor zot fanmir letan pour zot rod en loan pour zot kapab akoz zot saler menm si i annan sa allowance i pa ed zot pour zot kalifye ganny serten loan pour zot kapab ede kot lakour.  Sa i mon pwen.  Mersi.

 

MR DEPUTY SPEAKER

Mersi Onorab.  CEO.  NSC.

 

CEO GIOVANNA ROUSSEAU

Bokou kestyon.  Mon pa konnen si mon pour kapab ganny en, mazin tou si mon manke ou a… Ok, premye support to PE teachers. Parey mon’n fer sorti, NSC nou organiz bann aktivite lekol, volleyball, basketball, e nou servi bann PE teachers, ouswa teachers dan lekol pour zot train sa tim.  E nou donn zot en allowance tou le mwan. Ok?  Donasyon ki nou donnen parey taler mon’n dir i annan 5 boul volleyball, basketball, foutbol. Nou donn tou distrik, nou pa fer lapliferans. Nou donn tou distrik, zis bann parey mon ti dir badminton, sa nou ti pe al donn pa group.  Ki nou fer nou regard zot landrwa ki zot annan e si nou donn zot en mat badminton, si dan zot landrwa zot pour napa en landrwa pour fer li akoz zis i pour ganny dormi la.  Annou regarde ki posibilite.  In fact nou’n fer en survey dan tou distrik pour nou regarde ki fasilite ki zot annan, konmsa apre nou kapab apre fer en bon plan, parey letan nou fer sa rezyon.  So nou konnen pour dir be dan rezyon Wes foutbol i kapab zwe la.  Volleyball i zwe la, basketball i zwe la. Konmsi nou pe fer en travay vreman detaye pour nou tou zot bann fasilite, e lekel ki bezwen repare si i annan lalimyer si napa.  Akoz once ki nou fer sa ki nou vin lo regional, la dan en serten fason sa i pour tonm anba NSC.  I pour vin responsabilite NSC kot nou pour bezwen al kot Finans e demann Finans pour donn en pti pe plis larzan.  Akoz savedir nou pour annan plis fasilite pour nou maintain. Be selman mon krwar letan i a fer koumsa i ava ed zot pli bokou.  Lo kote aktivite, wi, mon krwar pour dir en distrik akoz tousala nou annan en travay ki nou ti’n fer letan parey mon ti pe klasifye bann distrik dan rezyon, ki mon fer mon regard zot popilasyon ki zot annan.  Apre sey fer fason ki dan sak rezyon zot popilasyon i vin preski parey. Akoz si dan en landrwa ou annan ou en popilasyon 7 mil dimoun. Ladan ou pa kapab, nou annan 32 sport ki nou’n rekonnet Sesel.  Be avek 7mil dimoun nou pa kapab fer 32 sport.  Mon krwar poudir distrik ouswa rezyon, nou bezwen, Mass Spor wi, nou a fer sport koumsa pour tou dimoun, ouswa Sports-For-All, tou i ava fer.  Be selman letan nou ariv spesifik. Annou regarde vre, dan nou rezyon, dan nou distrik kwa ki nou kapab fer. Si nou napa landrwa pour nou zwe foutbol akfer ki nou bezwen fer en lekip foutbol.  Si ou annan 3 dimoun ki anvi, i join en lot distrik i al laba. Me par kont i annan sport ouswa i annan games ki pour mwan tou distrik ti kapab fer.  Table tennis zis pour met en latab somewhere, tou dimoun ti kapab fer. I annan petank, si ou al dan bann landrwa francophone kot ou pase ou war en group dimoun akoz sa depi zenn ziska vye, i kapab zwe.  So ti ava partou, nou ti ava war zot pe zwe. Dart dan bann distrik, konmela mon krwar zis Bel Air ki fer en pti Cascade. Be bann larestan, konmsi sa i en keksoz ki aswar zot ti kapab akoz i annan son skill avek dart. I pa zis, konmsi i annan serten keksoz, domino.  Ou panse krwar domino i annan distrik napa en tim.  Pour mwan i pa akseptab.  Konmsi i annan plen keksoz ki nou ti kapab fer si nou met en pti pe plis zefors.  Ki ankor?

 

MR DEPUTY SPEAKER

Ok.  Onorab Vidot.

 

CEO GIOVANNA ROUSSEAU

Ok High Level.  Par ler mon kontan zot, ok nou, nou dir ek bann atlet, i annan atlet vreman ki letan pour zot rod en loan.  Be sa i pa aplik zis pour atlet, i aplik pour travayer. Zot konnen travayer, menm dan travayer dan NSC, zot konnen pour dir i annan atlet ki ganny plis larzan ki mon travayer NSC so ki mannyer mon motivate zot pour zot kapab travay.  Akoz zot osi letan zot al labank i dir be ou pa kapab ganny en loan akoz ou ganny ou zis 5, 700.  So i en pti partou. Me selman definitivman ki nou, nou pe dir ek bann atlet.  I annan ou pa’n doue, pa’n ganny sa nivo ledikasyon, me selman bondye in donn ou en don kot ou kapab fer ou sport byen.   Alors profit sa lokazyon e montre pour dir ou serye.  Sa bann dimoun ki nou pe pran lo semi profesyonnel, sa i ti devret vin zot travay.  Be selman par ler letan ou gete eski i vre ki tou sa bann atlet zot pe met 100 poursan dan zot training? En atlet ki pe semi-profesyonnel i pa devret pe train zis en fwa par zour.  Sorry mon pa konnen si mon’n reponn tou.

 

MR DEPUTY SPEAKER

Ok, mersi CEO.  Onorab Vidot.

 

HON AUDREY VIDOT

Ou’n koz lo travayer.  Zot annan scheme of service pour zot bann travayer.  Sa i pour ganny cater.  Mon pe mazinen si zot pa pe enkli sa bann osi ki mon’n mansyonnen si zot pa pour ladan? E ou pa’n reponn kestyon konsernan Komite Olenpik.  Apre en leklersisman letan ou’n koz, mon dakor letan ou’n dir i annan distrik ki kapab fer sa bann aktivite.  La larzan kot SNYC in al kot Gouvernman Lokal, menm si in ale pour servi li pour fer aktivite i ok.  Me i pa ase. Nou pour nou i pa ase, nou’n dakor ek sa. Me mon konsern se ki sa bann distrik, letan i pour fer sa bann aktivite ki ou pe dir i annan fasilite, mon get Roche Caiman, Roche Caiman i annan 3 court nou pret Les Mamelles 2.  Nou annan en court nou annan en gran laplenn.  Nou annan gran fasilite, nou annan gran sant Kominoter.  Me sa bann progranm letan i ganny sa bann larzan la, zot pa kapab aste sa bann lekipman akoz i fini tou.  Si pour aste zis lekipman sport i pa pour fer nanryen dan distrik.  Se pour sa rezon ki mon pe anforsi ki sa bann distrik ki annan fasilite, sa bann donasyon proze la, anvoy kot sa bann distrik. Ler mon koz pour Roche Caiman la, mon pa pe koz zis pour Roche Caiman mwan, i annan distrik Les Mamelles, distrik Plaisance, tousala i dan zalantour.  Nou fer li rezyonnal en sel resours.  Sa ki mon pe anvoy lavwa pour nou servi.  Mersi.

 

MR DEPUTY SPEAKER

Mersi Onorab.  CEO.

 

CEO GIOVANNA ROUSSEAU

Samenm sa mon nide regional sports kot nou fer li rezyon. Akoz Gouvernman pa pour zanmen kapab donn tou distrik sa bann fasilite.  Me selman i kapab donn lo nivo rezyon. Me selman i pour vini, dousman, dousman.  Nou tou nou ti a kontan i arive demen. Me selman nou bezwen face larealite.  I annan en Onorab taler ki’n dir pour dir ki kekfwa Minister Finans i devret regarde letan pe koup sa gato lekel ki zot donn plis.  Mwan mon pour dir kekfwa si zot ti met en pe plis larzan lo kote Lazenes avek SportOk?  Nou pa ti pour bezwen, nou ti pour napa dimoun malad. Nou ti a donn lokipasyon bann dimoun ki pe servi drog.  Donn zot en keksoz. E la letan nou koz lo drog tou. Konmsi pour mwan, mwan mon en dimoun ki kont fimen, ki kont sigaret, kont drog, kont tou keksoz.  Me selman depi lontan mon dan sport.  St Louis, (oli li?  I pa la).  Lontan zot bann atlet foutboler, i annan ki ti’n fimen parey zot dir se pa staff, lapay la, me selman zot ti kapab zwe.  Dimoun, zot ti dimoun.  Me konmela malerezman nou bann zenn letan nou gete zot pe al servi sa lot, zot nepli dimoun la, zot pa kapab fer nanryen.  Ok?  So mon pa konnen mwan. Kekfwa donn zot staff, les zot servi, zot ava aret servi sa.

 

(laughter)

 

(Mic Off)

 

CEO GIOVANNA ROUSSEAU

Olenpik, Olenpik i travay direkteman avek bann Federasyon.  So si i annan lasistans ki donnen i donn Federasyon, i pa donn NSC.

 

MR DEPUTY SPEAKER

Mersi CEOOk.  Mersi, mersi CEO.  Order!  Onorab Basil Hoareau.

 

HON BASIL HOAREAU

Mersi Mr Chair, matters arising. Annefe CEO in koz lo Scheme of Service e lapey zot travayer. CEO i okouran pour dir ti annan en Case  ki ti vin devan nou Anti-Victimization Committee lo sa size lapey travayer NSC.  E mon’n vwar osi dan lo paz 581 lo dan liv Bidze pour dir enn zot bann strategic priorities pour 2018 to 2020 se ki pour annan en nouvo Scheme of Service pour travayer, eski i annan sa dan sa Bidze akoz ti en issue ki ti pertinan e ti vreman sirprenan lapey ki zot travayer ti pe gannyen.

 

MR DEPUTY SPEAKER

Mersi Onorab.  CEO.

 

CEO GIOVANNA ROUSSEAU

Wi i annan.  Zot tou sa ki nou pe fer, nou pe tous tou dimoun dan NSC.

 

MR DEPUTY SPEAKER

Ok, Onorab Hoareau, ou okAlright.  Bon avan nou perdi plis Manm. Nou annan 3 Manm ki ankor lo lalis.  Mon ti a demann zot, mon ti a fer en pledwari pour zot bref, to the point lo zot kestyon, apre nou ava kapab pran en vot lo sa 2 Heads.  Onorab Henrie.

 

HON GERVAIS HENRIE

Mersi Mr Chair.  Mwan ava annan kestyon dabor pour CEO NSC.  An vi ki sa Bidze, mon bann koleg in koz lo zafer lantrener etranze avan.  An vi ki sa Bidze i annan en konponan zot saler, bann keksoz koumsa ladan.  Mon ti a kontan ou dir avek nou Lasanble zot bann kondisyon ki sa bann lantrener i vin travay lo la.  E lekel ki asire ki zot reste strikteman avek zot kontra.  Akoz kekfwa ou kapab enform nou plis an detay, i annan konsern lo en lantrener Belge ki ti vin travay avek Federasyon Foutbol ki aparaman in al travay avek Lekol International School aprezan.  E apre i osi annan konsern lo sa lantrener Franse pour Naze ki osi pe travay avek en klib. So lekel ki met sa bann kontrol lo zot bann Kontra letan zot vin isi.  Sa i premye.  Dezyenmman sport i toultan annan sa konponan patriotic e nou pe donn en Bidze NSC pour fer Sesel vin pli byen ki ti ete ozordi.  Mon oule ki konponan sa Bidze ki nou’n mete pour asire ki Sesel, ou’n nonm nou 3 zwe enportan ki pe vini an 2018 e 2019, pour asire ki Sesel i fer pli byen ki i ti fer avan. Ki konponan sa Bidze.  E pour CEO SNYC. I n dir nou pour dir zot pe travay lo nouvo lapros pour sirtou bann travayer youth worker dan distrik.  Nou konnen pour dir dan lepase, konnen bokou youth worker, mwan bezwen admet sa ti bann aktivis Parti Lepep par egzanp.  Enn zot bann kot fonksyon sete pour ganny youth vote pour Parti Lepep.  So i en vye mantalite ki mannyer ou pour kapab re travay ek sa dan sa new set-up ki oule, mon bann koleg laba pe get mwan, sanmenm sa zot in vin vivan ozordi, konmsi the DA out of you i jump out, letan nou diskit lo sa bann Minister koumsa.

 

(Interruption)

 

HON GERVAIS HENRIE

Relax zot.  So mon anvi konnen ki mannyer dan sa new set-up ou pour travay avek old mentality dan sa Bidze ki nou pe al donn ou.  Mersi bokou.

 

MR DEPUTY SPEAKER

Mersi Onorab Henrie.  Nou a komans avek CEO Laurence.

 

CEO ALVIN LAURENCE

Mersi Chair.  Mersi pour ou kestyon.  An realite avek Scheme of Service an plas i define byen ki kalifikasyon e leksperyans zot devret annan.  E nou baz lo kalifikasyon avek leksperyans ler zot vini.  Nou fer nou bann piblisite pour recruit open dan Nasyon, online osi. E bann dimoun i vini zot fer interviewCEO li menm i pa zanmen lo panel interview, CEO i aprouve once ki in fini ganny rekomandasyon from the Committee.  Me mwan mon pa enkyet sa akoz mon konnen ki ozordi lopinyon politik i sanze e mwan apre en lot.  Mon krwar nou annan ase laprev devan nou.  Mersi.

 

MR DEPUTY SPEAKER

Ok.  CEO NSC.

 

CEO GIOVANNA ROUSSEAU

Mersi.  Lo kote bann coaches.  Par egzanp foutbol, foutbol i en pi pe endepandan li.  I fer son bann keksoz li, zot, zot ganny zot larzan ek FIFA en ta.  So sa Berge nou ti napa NSC, in napa nanryen pour fer avek, kote in ale.  Tandis ki larestan, normalman letan nou rod bann coach etranze nou fer li an kolaborasyon avek bann Federasyon.  Sa enn naze nou ti ganny demande par Federasyon naze pour nou anploy.  E si i pe train en klib akoz dan naze, avan tou manrmay zis ti vin la kot swimming pool.  Prezan pour anmenn plis konpetisyon nou pe propoze ki i annan bann klib.  So bann klib pe ganny formen.  So natirelman si i pee de avek en klib.  Mwan personnelman mon pa vwar nanryen mal.  Akoz tou bann coach i pa zis li.  Nou annan ankor lezot coach ki NSC i anploye kot naze ki zot, zot pe travay avek en klib.  Alors i sa.  Me selman lekel ki monitor, en kantite i al avek sa Federasyon akoz menm letan Kontra i fini, premye nou demann zot, si enn in vin pour 1an ouswa 2an, whether zot oule nou kontinyen, ouswa non.  Se zot premye ki donn nou.  Me selman par kont i annan ki letan nou regarde, wi mon krwar, sanmenm sa i annan sa seksyon ki mon pe dir dan sa nouvo Scheme kot nou, nou bezwen zwe en pli en gran rol lo assessment sa bann dimoun.  Akoz i annan sport ki fasil pour ou mezire, pour ou regarde si vre sa bann, ou pe ganny performans, ou pe ganny rezilta ki neseser.  Apre lo kote; konponan Bidze lo sa bann foreign coaches.  Anr kote ki pour montre pour dir ki nou’n ganny plis, kot ki nou annan pour nou fer Sesel fyer?  Mon pti PS pa pour byen ek mwan si mon dir. Fransman sa Bidze i egzakteman parey ki nou ti gannyen lannen pase.  Eksepte i annan 8 milyon an plis.  Sa 8 milyon pour sa Freedom Square. Me larestan so nou, nou bezwen anndan internally. Regarde kot, konmsi lekel ki nou priyorite.  E parey mon’n dir nou priyorite for next year avek lot se preparasyon pour sa bann gro konpetisyon.  Alors nou pour bezwen tir dan serten landrwa kot nou krwar nou kapab koupe pour nou mete pour nou asire, me selman sa i pour al lo Federasyon ki serye.  Akoz par ler osi Federasyon zot donn nou ou progranm. E sa i en latet fermal ki ou gannyen avek en bon pe zot.  Zot pa oule donn ou en progranm, apre koman zot ganny envite en konpetisyon isi laba, nek ou war zot, zot taye i pa ni dan zot plan travay.  Konmsi i annan tou sa bann kalite travay ki nou bezwen avek sa bann dimoun fer zot konpran pour dir nou bezwen vin en pti pe pli professional dan nou travay.

 

MR DEPUTY SPEAKER

Mersi CEO.  Onorab Henrie vit.

 

HON GERVAIS HENRIE

Mr Speaker, mersi le CEO pour zot larepons.  Si mon ti kapab zis dir, mon krwar koman en pei nou mank lanbisyon. Konmsi nou bezwen sorti la pour nou al pli lwen e nou pe donn zot larzan zisteman pour fer sa. Zis pour vitman donn en legzanp, L’Angleterre ozordi, depi 66 i pa ankor ganny lakoup World Cup. I anbisye i annan en progranm zot pe travay avek L’Allemagne pour gete mannyer L’Allemagne li i fer ki successful dan lemonn e dan Lerop. E zot menm pe travay avek tim Rugby All Blacks New Zealand pour zot kapab pran sa bann model best practice pour fer pli byen. E nou anvi war Sesel fer parey i ti fer an Jeux Des Iles 2011.  Sesel e fer pli byen ki La Reunion pour nou koman Seselwa pour nou fyer.  So nou mank sa lanbisyon.  E sa Bidze i merit lannen prosenn donn nous a rev.  Mersi.

 

MR DEPUTY SPEAKER

Mersi.  CEO.

 

CEO GIOVANNA ROUSSEAU

Non, mwan mon ti anvi sa Bidze lannen prosenn i donn nou la. Akoz se sa fot ki nou fer. Toultan nou esper lannen, zwe pour nou ganny larzan.  Ou bezwen prepar atlet avan.  Sa lannen, akoz i pour annan zis 7 mwan, 7 mwan i ou pe gard zot, zot pe fer son finisyon, zot pe al konpetisyon, zot pe kit zot anler. Me la ki ou bezwen anmenn zot lo sa nivo pli o.  E la ki nou bezwen plis larzan.

 

MR DEPUTY SPEAKER

Mersi CEO.  Onorab Georges.

 

HON BERNARD GEORGES

Mersi Mr Chair.  Mr Chair mon ti’n demann mon kestyon yer e Minis ti’n promet mwan mon pour ganny repons bomaten ler NSC i la. Pour rapel mon kestyon. Mon kestyon i annan 2 parti. E i pour NSC.  Mon pe regarde premyerman sa dan Bidze ki provizyon in ganny fer pour siport e rekonnet, e rekonpans bann atlet ki fer byen lo nivo Nasyonal ek lo nivo enternasyonal. Rezon mon demann sa briyevman pour get, si zot kapab get sa dan konteks se ki i annan de fwa en atlet ki pe travay dan en landrwa i dedye son lekor dan son sport e akoz i mank travay dan son landrwa i perdi promosyon dan sa landrwa.  E alor i bezwen ganny en reward somewhere else.  E dapre dir sa i manke. Dezyenmman en Scheme of Service pour bann coach.  Nou’n tann bokou koz lo la.  Bomaten menm la nou’n abord sa size ler mon’n la.  Enn de repriz, me eski i annan provizyon dan sa Bidze pour en Scheme of Service pour bann coach ki pour reward bann coach en pti pe dan laliny kestyon Onorab Henrie, pour fer sir ki nivo i monte e bann dimoun ki pe fer nivo monte i ganny rekonpans apropriye.  Mersi Mr Speaker.

 

MR DEPUTY SPEAKER

Mersi Onorab Georges.  CEO.

 

CEO GIOVANNA ROUSSEAU Mersi Chair.  Mersi Onorab. Mon krwar mon ti’n fini dir pour dir ki atlet nou annan Scheme kot nou rekonnet bann atlet ki fer byen.  Nou reward zot depending lo meday ki zot anmennen.  I annan plizyer fason osi ki nou ed bann atlet parey taler mon ti mansyonnen lo zafer loss of a earning.  Si par egzanp en atlet i bezwen al en konpetisyon deor. E son lakonpannyen i dir, mon donn ou permisyon pour ale, me selman ou pour bezwen al san lapey.  Sa nou, nou kouver.  So tou dimoun ki si zot pe reprezant Sesel lo nivo Nasyonal nou redonn zot, zot larzan.  Menm bann dimoun ki self-employed, nou donn zot. Me selman nou annan nou en limit ki nou mete. Akoz natirelman menm si demen ou, ou vini ou dir mwan ou pe al compete kekfwa ou pe ganny R75 mil, mon pa pour kapab donn ou 75.  So nou met en limit pour bann dimoun. Konbyen ki nou donnen. Me selman sa kote kot kekfwa bann top atlet kid an zot travay zot pa ganny promosyon.  Sa i posib i kapab sirtou si en high level atlet.  Akoz si nou regard bann pei par egzanp Kenya, Uganda, Tanzania en bon pe pei. Letan zot annan zot en top atlet, normalman zot pran sa atlet, zot met swa dan Lapolis, swa dan Larme.  E ouv vwar poudir sa bann atlet i kapab vin en zeneral, i kapab vin en Kaptenn whatever, baze zis lo sa rezilta ki zot anmennen; akoz sa i vin en loner pour sa swa sa Lapolis ouswa Larme.  Selman isi nou pa ankor kapab convince sa bann dimoun ki nou kapab fer en keksoz koumsa.  Scheme pour coaches wi nou’n fer osi e pour zot nou pour komans aplik li depi le 01 Zanvye, tandis ki pour travayer NSC pour zot i pour an Zilyet pour komanse. Mersi.

 

MR DEPUTY SPEAKER

Mersi CEO.  Onorab Georges.

 

HON BERNARD GEORGES

Alor Mr Chair eski mon kapab ekspekte ki Ms Jeannette Georges – ex–Jeannette Thelermont i kapab espere pour li vin en Depite Komisyoner Lapolis tre byento?

 

(laughter)

 

MR DEPUTY SPEAKER

Mersi Onorab.  Bon i reste mwan ankor 2 Manm.  Ok.  Mon ava, nou ava fini avek sa de Manm apre nou a kapab dan en pozisyon pour nou pran vot lo sa 2 Heads.  Onorab Afif.

 

HON AHMED AFIF

Mersi Mr Chair.  Mr Chair mon kestyon pour NSC paz 582 anba zot depans i annan anviron R10mil par zour pour delo, ki ariv plis ki R3 milyon. Mon ti a kontan si zot kapab eksplik nou si zot vwar sa en depans normal, oubyen i annan kek gaspiyaz ki pe arive. Akoz si i R10 mil par zour.  Si mon pran tariff PUC apepre 300-tonn delo ki pe ganny servi par zour.  Si ou pran 100 pick-up 3 tonn bowser ki pe pase pour al distribye delo i annan en problenm.  So petet zot ti kapab dir nou ki mannyer zot ti kapab fer pour redwir sa.  Lo kote elektrisite i osi i tre o, selman mwan konpran zot servi lalimyer tou sa bann keksoz. Si zot annan en plan pour zot kapab met photovoltaic oubyen bann pano soler pour kapab ede redwir sa.  E mon dernyen kestyon ankor lo NSC menm.  Si i annan fason ki zot pe fer pour zot, ou’n fek koz en pe lo bann award pour zot ankouraz en tim par egzanp wind surfing. Mon konnen i en sport ki i lo lanmer. I koute, en windsurfer i probableman depans li R25mil pour li ganny son board ek son lavwal. Me selman pri pou fer, pour tonm premye Mahe Praslin i R4 mil.  Alors si i annan en posibilite, menm atraver sponsor pour zot kapab fer bann pri atiran pour ganny sa bann dimoun ladan.  E ankor pour bann lezot, nou kontan koz lo role model dan sport, pour tir dimoun, fer bann zenn, pour get en dimoun ki zot, zot dir vreman zot krwar zot ti ava vin parey.  Mon pe mazin parey Don Anacoura Anse Etoile.  Mon pe mazin parey Davis Dugasse ki fer body building Anse Etoile.  Davis par egzanp i pa ganny okenn lasistans.  Okenn landrwa me selman son sport i koute en sport endividyel sa, body building, i bezwen bann keksoz pour li manze eksetera.  Me i paret i pa ti pe ganny lasistans.  Si i annan en fason kot NSC, si pa dan son Bidze, selman ede pour rod sponsor pour sa bann dimoun.  Mon krwar sa osi ti ava ede.  Si ou kapab dir nou ki mannyer dan sa Bidze ou kapab fer sa arive.  Mersi.

 

MR DEPUTY SPEAKER

Mersi Onorab.  CEO.

 

CEO GIOVANNA ROUSSEAU

Mersi Chairman.  Mersi Onorab.  Lo kote delo wi mon pour dir letan ou pour get delo, letan ou pour get elektrisite ou pour dir i vreman o. Mwan menm mon pe fer. In fact en legzersis i mon pe fer ki PUC pa tro kontan.  Mon pe dir ki sak landrwa fodre i annan son prop meter whether i elektrik or delo. Mon dir PUC pa tro kontan akoz letan ou bill i vin ansanm ou pey pli ser.  Tandis ki si i ti separe then i ti pour reduce.   Me par kont delo mazinen ou nou annan 3, 4 apel li 4 swimming pool, i bwar delo, nou pa vide, me selman toultan ou bezwen, i bezwen pe ganny mete.  Kot tou sa bann fasilite sport, nou annan konpetisyon preski toulezour; nou annan tim ki pe train, so letan zot vini, zot bennyen e delo menm ki ale.  Me par kont mon pa pour dir ou non, i annan bann tiyo ki’n en pe vye.  So par ler i kapab annan en landrwa ki en tiyo i kase, kekfwa ou pa’n vwar li straight away.  Si in kas aswar, lannmen bomaten letan ou vini kekfwa en bon pe delo in kapab gate. Lo kote photovoltaic sa i en keksoz osi ki ki mon krwar kekfwa Gouvernman akoz pare lo stad.  Mon krwar fasilman nou ti kapab mete kot nou ti kapab reduce sa kou e mon konnen pour dir i annan de lorganizasyon ki par ler i sponsor sa bann keksoz.  So sa i enn bann landrwa kot nou oule regarde.  Lo kote pri ki bann atlet i gannyen letan zot fer konpetisyon sa i ankor i entirely depann lo sa Federasyon ki i kapab afford.  E apre mon pe dir ou kot NSC kantmenm nou ti ava kontan pour ede pour rod sponsor.  Me par kont Gouvernman i fer sir ki NSC i kapab ganny larzan CSR.  Tou federasyon ek tou klib i kapab rod zot larzan CSR, kondisyon, sel kondisyon se zot larzan i bezwen pas par NSC.  E zis 2017 ziska prezan, nou’n anmas nou pros R7 milyon, i pa pour NSC sa.  Akoz koman dimoun i depoz sa larzan, nou, nou redonn sa landrwa kot ki ale.  Konmsi sanmenm sa ki mon oule dir par ler i annan Federasyon zot pa fer ase zefor akoz zot annan en Komite, lo zot Komite i annan apepre 8 dimoun.  Zot ti devret annan en dimoun ladan ki kapab rod en keksoz.  Ou pa kapab krwar en Federasyon i annan li en league ki i organize.  E i napa en sponsor.  Ki mannyer tou sa bann klib parey ou ti pe dir, ki mannyer tou sa bann klib 7 milyon in antre pour Sport from larzan CSR.  Vwar?  So se, e dan NSC ankor parey mon ti repete nou napa en dimoun ki fer marketing.  Mon’n ganny tou?

 

MR DEPUTY SPEAKER

Ok.  Mersi CEO.  Onorab Afif.

 

HON AHMED AFIF

Zis en dernyen pti keksoz, i annan en bann keksoz ki petet pa kout larzan par egzanp mon konnen Northern Tuxedo Karate zot ti ale zot dir petet i annan en miscommunication. Selman ler zot ti arive ti napa person pour resevwar zot lo Airport.  Me selman zot ti’n al reprezant zot klib, me an menm tan flot paviyon Sesel. zot ti pe reprezant Sesel.  E paret ler zot ti vini. Par fwa sa bann ptipti keksoz ki pa koute petet nou devret fer sir i ganny fer alaoter.  Mon pa konnen si i annan en miscommunication lo sa enn la.  Selman mon ti ava azoute ki zot fer en zefor spesyal por fer sir ki sa i arive.

 

MR DEPUTY SPEAKER

Mersi Onorab Afif.  CEO. Oule fer komanter lo … yes CEO.

 

CEO GIOVANNA ROUSSEAU

Anyway nou note, me selman wi akoz normalman mwan kantmenm annandler zot pa reprezant Sesel as such par egzanp Ivan Moise ti al en konpetisyon Seoul.  So i pa ti, mwan mon pa ti al rankontre li. Me par kont mon ti fer en dimoun al rankontre.  Me sa bout osi kot mon vwar i mal se en kantite Federasyon zot menm.  Konmsi nou pa kapab toultan rely lo NSC pour al rankontre sa bann dimoun be federasyon in the first place akoz, zot, zot pa al rankontre.  Akoz sa zour mon konnen letan zot ti vini mon’n bliye kote mon ti ete selman ti annan en keksoz ki mon pa ti kapab.  Lo kote reward zot, mon krwar i annan en keksoz ki fodre nou konpran.  Nou reward, Federasyon Karate i annan li 7 lekol.  E sak lekol dan karate i annan sa soz ki sak fwa en dimoun i ariv, i ganny Belt, parey i ganny premye Dan, 2enm Dan.  Zot tou apre zot anvi ouver zot prop lekol.  E si i kontinyen koumsa, nou pour kapab annan nou 20 lekol.  Me as long ki zot pe rod manrmay, zot pe fer sport, then i ok. Me Selman nou bezwen met en lord dan somewhere.  I bezwen annan zis en Federasyon.  Olenpik, karate in antre dan Olenpik.  So 2020 karate pour kapab al Olenpik. So letan i pour ale i pour karate ki pour ale. I pour pran tou sa lekol ansanm i pour choose the best. Ler ou al zis ou lekol, ou lekol laba kantmenm ou vini, ou vin avek en meday ou dir mwan ou’n ganny lor, be selman i zis parmi ou lekol.  Byen gete si mon met ou avek tou sa bann ki annan Sesel, i pa neseserman ki ou ti pour gannyen.  Mersi.

 

MR DEPUTY SPEAKER

Mersi CEO.  Onorab De Commarmond.

 

HON CHARLES DE COMMARMOND

Mersi Mr Chair.  Detrwa keksoz Mr Chair, i annan sa statement ki taler CEO in fer regarding staff la.  Konmsi, mon krwar kanabis lo whatever, konmsi dan letan ki nou, nou pe deklar en lager kont drog konmsi si nou pour ankouraz bann dimoun pran dan sport.  I pour en problenm akoz zot teste apre.  Si zot ganny trouve i annan latras zot pour ganny Ban.  Konmsi mon ti a kontan sa statement petet i ganny regete.  An parlan soz ki reaksyon ki pour Minister konmela dan bann distrik sa bann klib ki annan ouswa bann tim akoz mankman sipor finansyel, zot remarke ki tousala i fermen konmsi i annan en kontinyasyon sa bann fermen ki ou pe dir e ki lakantite partisipasyon i desann ki pour reaksyon Minister lo la.  E ti annan en moman zot tip e revwar polisi lo sponsorship pour bann klib, ki zistans zot et ek sa travay. Mon krwar i annan apepre 1an mon krwar zot pe travay lo la. Sponsorship pour bann ou konpran, revwar Polisi pour ou ganny sponsor. E parey Seybrew, lezot landrwa ki ti le ede, oule sponsor mon krwar pa ti permet eski zot in vwar en nouvo semen ladan? E dernyerman eski i annan en problenm sekirite osi ki nou remarke lo stadium e dan zalantour stadium, dan whole complex Roche Caiman, sirtou dan weekend letan i annan bann tim ki zwe par fwa i mank sekirite eski dan ou Bidze i annan keksoz pour kapab target or rezourd sa bann problenm. Par fwa pre weekend, nou vwar i annan bann sopin, sopin kase sa osi dan zanmirant.  Pa ou ki mete byensir, i pa bon pour sportsman.  Eski i annan okenn keksoz ki pe ganny fer dan Bidze, ek sa Bidze pour kapab amelyor sa bann keksoz en anpes lo stadium.  Lotrozour ti annan lager epi ki bezwen vini.  Ki mannyer pe aranze sa.  Mersi.

 

MR DEPUTY SPEAKER

Mersi Onorab.  Onorab Georges ou ti’n mansyonn keksoz yer dan sa laliny otour Sports Complex, otour stadium.  Ou kapab anvoy ansanm.

 

HON BERNARD GEORGES

Sertennman Mr Chair.  Mersi bokou.  Mersi pour donn mwan laparol.  Mon ti anvi ankor enn fwa, parey mon’n fer lannen pase zwenn Onorab Leader of Government Business e flag-up Fitness Trail, Roche Caiman ki en trail ki ganny servi par bokou atlet, bokou dimoun. Me ki son leta i les bokou pour desire sirtou lo bann lekipman ki ti annan kot dimoun ki ti pe servi sa trail ti kapab servi serten lekipman pour fer serten aktivite. E tousala in kase, pa’n ganny repare.   Alor silvouple eski nou kapab enplor zot, met en pe larzan, met sa trail. Akoz i ganny servi, sa fasilite i ganny servi par plis dimoun mon krwar lo lakot Es Mahe.  E met li an eta, en fason ki bann dimoun i servi i a kapab servi li dan konfor, dan safety.  E ki nou ava kapab fyer pour nou trail.

 

MR DEPUTY SPEAKER

Mersi Onorab.  CEO.

 

CEO GIOVANNA ROUSSEAU

Mersi, anyway mon apologies si sa ki mon’n dir lo konsernan drog in afekte. Mwan personnelman mon kont drog, mon kont sigaret, mon kont lalkol.  Me selman sa ki mwan mon ti anvi dir se lontan at least sa bann dimoun zot ti dimoun konmsi, zot ti still kapab fer. Be prezan la in tro ale.  So mon retract.  Lo kote lalkol kekfwa mon a les, mon pa konnen si Minis ouswa Special Advisor koz lo la.  Akoz nou ti’n zwenn, nou’n fer papye, mon pa tro konnen kote in arive.

 

MR DEPUTY SPEAKER

Ok lo CEO.  CEO annou fini avek ou.  Ou annan lo sekirite obor stadium ou annan Fitness Trail.

 

CEO GIOVANNA ROUSSEAU

Lo kote sekirite.  Wi sa i en konsern pour nou akoz landrwa i gran e kantite sekirite ki ou mete i pa neseserman mon krwar sekirite lo nivo Nasyonal i en gro problenm.  Me selman sa ki nou’n regarde nou pour kapab.  Akoz mon ti pe lyez avek kordgard pour regarde letan zot met sa bann camera si nou kapab ganny en pe, met dan serten landrwa ki pli apropriye ki sa i ava ed nou osi pour deter en pti pe. Me apre lo kote sa bann boutey kase, kot dimoun i fer.  Sa osi pour mwan i fer mwan sad akoz pli nou krwar nou vin en pep ki nou edike, nou sipoze pli konpran.  Me selman nou fer en kantite keksoz ki montre the opposite.  I annan dimoun parey i sipoze vin get foutbol trankilman, enjoy the game. Me si ou pour gete depi dan volleyball, kot foutbol, basket, dimoun i antre avek lalkol.  Mon pa krwar, (mon pa konnen si drog) me selman lalkol i posib. Me selman, prezan ki nou pour bezwen fer met sa bann masin ki letan dimoun i pase i go through.  Be tousala konmsi pour mwan i larzan gate.  Ou vini, ou pe vin enjoy ou pe vin get en game, nou pa ti devret fer zot pas dan en masin.  Fitness Trail Onorab.  Mon pa konnen kan dernyen fwa ou’n pase. Nou pe fer en bon pe louvraz lo la.  Nou’n fer li pli larz ki dimoun i kapab mars a de, a 3.  Mon’n fer, nou annan nou en proze ki nou’n fer.  Ti annan en sponsor ki ti’n apros nou, ki ti enterese pour li sponsor sa bann stasyon.  Nou ankor an diskisyon.  Me selman tou bann bord kot i montre ki legzersis ou sipoze, tou sa bann bord in fini pare.  So byento nou pour mete. E nou osi nou ti a kontan, mon pa konnen si en ler dan zot pase, nou anvi met lalimyer, solar plito. Akoz i annan dimoun ti a kontan vin taye kekfwa granmaten, ouswa en pti lo tar. Akoz i still annan bann bandi.  So nou ti a kontan met lalimyer en pti pe. Me sa nou ti a kontan letan i annan bann solar lights si nou ti kapab ganny en pe pour nou mete. Mersi.

 

MR DEPUTY SPEAKER

That is good.  Thank you.  CEO.  Minis.

 

MINISTER MITCY LARUE

Mersi Mr Chair.  Petet mon ti a koz lo sa zafer lalkol avek sigaret ki nou pa kapab.  Wi i annan en serten polisi avek Departman public health ki petet nou devret pe revwar sa Polisi.  Akoz laba i annan en bon pe larzan ki zot ti kapab sponsor.  OkSo mon krwar mwan a pran li mon devwar koman Minis pour mwan zenn avek Public Health pour mwan regarde ki mannyer, ki fason nou kapab regard sa polisi e travay lo la… en bon pe benefis pour nou.

 

HON CHARLES DE COMMRAMOND

(Mic Off)

 

MINISTER MITCY LARUE

Pardon?

 

MR DEPUTY SPEAKER

Ok.  Onorab.

 

HON CHARLES DE COMMARMOND

Non mon dir be ti deza annan, pe travay lo la.  Mon konnen Mr Larue in en gran travay ki in fer.  En kantite zefor ki in mete ladan. Petet si i ti kapab update lo la.  E an menm tan mon felisit zefor e konsyan ki CEO i konsyan lo sa zafer sekirite e Fitness Trail, bann issues la. Sa zafer Fitness Trail i vreman en keksoz enportan. Ki mannyer ou kapab export from ou enn ki ou annan santral to other district ki annan landrwa ki ou kapab merge avek Health avek Local Government, zot kapab war ansanm.  Akoz i annan bokou dimoun i anvi fer dan son distrik. I anvi marse me kekfwa i napa sa trail. Sa i kapab ede akoz nou pe travay ansanm ek Lasante pour amelyor Lasante dimoun e mon krwar i annan en keksoz la.   Mon pa konn son solisyon, mon pe zis lans sa ozordi la, revwar dan Bidze dan Mid-Year si ou pa kapab rod en fason travay avek sa bann lezot Minister, pour vwar posibilite enn de distrik ki’n petet pare ouswa ki annan landrwa ki zot kapab met osi Fitness Trail dan – i pa kout bokou, me nou kapab amelyor sa bann soz.

 

MR DEPUTY SPEAKER

Minis.

 

MINISTER MITCY LARUE

Ok. Mersi Onorab akoz dan menm laliny ki nou’n deza komans sa travay lo la kot nou annan distrik ki annan landrwa kot nou kapab komans en keksoz.  Akoz i pa kout bokou larzan li. E i annan lezot landrwa be nou bezwen travay parey ou pe dir ansanm ek lasante avek lezot Local Government pour nou kapab fer.  Akoz sa bann keksoz la i anmenn, nou pe koz maladi, nou pe koz lezot keksoz, legzersis pour nou kapab, dimoun i al mars lo semen i pa an sekirite.  Alor i enportan ki i annan sa bann trail kot dimoun i kapab vreman fer zot legzersis. Mon krwar i en bon sizesyon, nou a pran li an kont dan nou Bidze letan nou travay lo la.

 

MR DEPUTY SPEAKER

Mersi Minis.  Mr Larue oule dir keksoz lo sponsorship.

 

SPECIAL ADVISOR JEAN LARUE

Wi, mersi Chair. I vre ki i annan sa letan nou ti ganny en sinyal pour dir ti annan konsiderasyon pour ganny sponsorhip konsernan lalkol. Ok. E i vre nou’n fer en kantite travay.  Mr De Commarmond in enplike ladan.  Me a en moman donnen nou’n ganny dir pour dri be prezan klima i komans sanze.  So ki nou’n fer, nou’n pran sa papye, nou’n met li la. Me selman i pa anpes nou a sa moman pour koz ansanm avek Minister Lasante e lezot Minister pour nou gete keler i pour bon pour nou avans devan.  So i pa en keksoz konmsi ki nou’n deside akoz nou bezwen fer li avek en konsiltasyon avek bann lezot Lazans.  Vwala.

 

MR DEPUTY SPEAKER

Mersi Mr Larue.  Onorab De Commarmond.

 

HON CHARLES DE COMMARMOND

Mon krwar in bon la.  Mon krwar, non be akoz tou le semenn, well toulezour ler nou get lo televizyon enternasyonal, bann game ki annan, sponsored by sepa lekel Johny Walker, Heineken, lot, lot, Guinness, be ou konpran nou pe deza ekspoze ek sa.  So – bezwen …. Mersi.

 

MR DEPUTY SPEAKER

Mon krwar pwen ki pe ganny fer sorti, sponsorship by Seychelles Breweries i pa vedir Seychelles Breweries pe dir ek ou fodre ou bwar labyer.  I anvi kontribye, wi.  Ok?  Pwen note, mon krwar Minister avek NSC i kapab regarde ladan.  Bon nou’n ariv moman pour vote. Mwan a zis demann gidans PS.  Nou annan 2 HeadsPS Payet.

 

PS PATRICK PAYET

Mersi Mr Chair.  Zis pour azoute ki pour donn en brief kekfwa Lasanble lo so far bann Budget cut nou’n fer Departman Lenformasyon, R1.952.150 milyon, Departman Foreign Affairs R1.55. 970 milyon ki fer en total R3. 8. 120 milyon.  So propozisyon ki Lasanble ki in fer se pour rekomandasyon pour nou pran sa bann larzan e met dan bann distrik.  So nou pe rekomande ki nou stick as per Appropriation Bill, e once ki nou konplete nou ava kapab apre vin avek amannman pour sa 3 milyon ki nou anvi met dan bann distrik.  So pour ozordi pe pran vot pour lo paz 574 avek 580 National Sports Council avek National Youth Council.

 

MR DEPUTY SPEAKER

Ok.  Mersi PS.  Bon nou a pran. Ok CEO oule fer en komanter. CEO.  Ale CEO.  Ou ok?  Bon PS in fer pozisyon kler pour dir i annan en demann pour bann larzan anba diferan Bidze ki nou’n koupe pour ganny transfer lo Bidze NSC, parey in ganny fer sorti dan Lasanble pour al ver amelyorasyon, improvement dan bann distrik vizavi sports  -partisipasyon.  En moman. Me sa i pa kapab ganny fer la.  Sa i bezwen ganny fer apre.  E avek laprouvasyon Minis Finans.  Ok?  Kot nou pour revwar Bidze.  Onorab Ernesta.

 

MR DEPUTY SPEAKER

Mersi Mr Chair i pa zis pour NSC, me i enkli osi lazenes osi.

 

HON PAUL ERNESTA

I enkli lazenes.  Wi.  Ok?  Bon nou a ava pran en vot lo paz 574.  Sa i vot pour Seychelles National Youth Council, Bidze 20.264 milyon.  Tou Manm ki an faver?  Okenn Manm ki kont?  Ok?   Madanm Deputy Clerk.

 

MADAM DEPUTY CLERK

Mersi Mr Chair.  Mon’n rikord 21 Manm an faver sa Bidze e 1 kont.  Mersi.

 

MR DEPUTY SPEAKER

Ok, savedir Bidze pour SNYC, Seychelles National Youth Council in ganny aprouve par Lasanble Nasyonal.  Nou ava pran dezyenm vot lo paz 580 Bidze pour National Sports Council, sonm R73.058 milyon. tou Manm ki an faver?  Okenn Manm ki kont?

 

MADAM DEPUTY CLERK

Mersi Mr Chair mon’n rikord 22 Manm an faver sa Bidze, e 1 kont. Mersi.

 

MR DEPUTY SPEAKER

Mersi savedir Bidze pour National Sports Council, NSC, in ganny aprouve par Lasanble Nasyonal.  Bon avan nou adjourn mwan ava zis eskiz, I mean remersi Minis avek son delegasyon parmi nou. Minis mon konnen ou pour bezwen retournen apre midi.  Ok?  Nou ava dir ou mersi la pour bomaten pour pas demi zournen avek nou.  E mwan a remersi tou bann zofisye osi tou ki’n akonpanny Minis, ki’n akonpanny le 2 Heads SNYC avek NSC.  Nou ava eskiz zot parmi nou.

 

(MINISTER MITCY LARUE AND HER DELEGATION WAS EXCUSED FROM THE HOUSE)

 

 

MR DEPUTY SPEAKER

Yes Onorab Henrie.

 

HON GERVAIS HENRIE

Mr Chair, zis en pti lenformasyon mon ti pe rode.  Nou pe ganny bokou bann dokiman ki ti ganny promet. Semenn pase letan Foreign Affairs ti dan Lasanble, ti annan en zafer resignation ki Onorab Gill ti demande, nou pa ti pe pran sa koman en lasirans, non?  Larepons sete if you want a resignation, you’ll get it.  Pa ti en lasirans sa?  Mon pe zis konfirmen.

 

MR DEPUTY SPEAKER

Non, non, non.  Mon panse ti en reaksyon on the spur of the moment.  Ok annou, nou ava regard nou travay pour apre midi.  Mon PS koriz mwan si mon mal. Mon panse koman nou a rantre 2er, nou ava pran Heritage Foundation, pour apepre 20 a 30 minit. I annan de kestyon ki’n leve yer, nou ava abord sa de kestyon. Apre nou ava tackle CNEA.  Wi nou pe pran zis sa de kestyon ki’n leve yer.  E sa de Manm zot konnen lekel zot ki’n poz kestyon.  E apre sa, non Onorab Stephen Pillay i annan 2 kestyon ki’n leve yer lo la.  Ok?  I pa’n azoute.  Ok?  2 Manm, 2 Manm ki’n demann kestyon an relasyon avek Fondasyon Leritaz.  Apre sa nou ava pran CNEA.  So nou ava pran en Break la, nou ava adjourn.  E nou ava retournen 2er apre midi.

 

(BREAK)

 

SEYCHELLES HERITAGE FOUNDATION

 

MR DEPUTY SPEAKER

Bonn apre midi tou Manm Onorab.  Bonn apre midi Minis avek ou delegasyon.  PS Payet osi avek ou supporting staff e tou oditer ki a lekout.  Nou ava kontinyen nou travay e parey mon ti’n anonse avan nou adjourn i annan de kestyon yer ki’n arise vizavi Heritage Foundation.  Nou pou pran sa 2 kestyon la e petet apre PS nou ava pran sa  de vot lo Creole Institute avek National Arts Council.  Zot, zot lo sa lalis ki nou pa pe anmenn zot isi dan Lasanble akoz napa en gran varyasyon dan zot Bidze ok.  So sa 2 Manm ki ti demann kestyon yer lo leritaz, Fondasyon Leritaz se Onorab Jude Valmont e Onorab Stephen Pillay.  Mon ti okouran ti annan de Manm ki ti’n – ok Onorab Valmont ou pa ladan ou.  Ou pa ladan Heritage.  Ou ti demann en kestyon yer lo la? Wi. E moman ki mannyer mon konpran depi yer ti annan de Manm ki ti demann kestyon.  Ok?  Savedir Onorab Stephen Pillay ou pa ti demann kestyon lo la? Ok.  Ok.  Konbyen Manm ki ti demann kestyon lo leritaz yer?  Onorab Stephen Pillay, Onorab Ramkalawan, Onorab Valmont, Onorab Sophola.  Ok.  Good.  Annou konmans avek Onorab Sophola.

 

HON NOLINE SOPHOLA

Mr Chair, pou mon kestyon larepons ki mon ti gannyen yer mon ti satisfe mwan.  Mersi.

 

MR DEPUTY SPEAKER

Ok, ok.  Mersi.  Onorab Stephen Pillay.

 

HON STEPHEN PILLAY

Mersi Mr Chair.  Bonn apre midi a tous.  Enn de pti kestyon following up avek pou CEO Heritage, nou’n deza zwenn me i annan enn de kestyon siplemanter.  Premyerman i lo renovation of existing kiosk.  Si i kapab donn nou plis detay konbyen kiosk ki pe ganny renovate?  Akoz ki Bidze lannen pase pou renovasyon ti R700mil ki nou ti aprouve dan Lasanble e la dan PSIP sa lannen nou vwar Bidze lannen pase in sorti 700 in vin 1.640 million.  Konbyen pe koute bann nouvo kiosk?  Konbyen nouvo kiosk pe fer?  Konbyen i pou koute?  Lekel sa Kontrakter ki’n ganny Kontra?  lo menm laliny si zot pe anvizaze nou pe demande ki zot donn en konpansasyon bann kiosk owners, kekfwa en R4mil par mwan pandan sa letan ki zot pe – zot pa pou in service pandan renovasyon kiosk.   Dezyenmman kantite aryer i annan dan rental, kot leritaz e tou bann landrwa ki leritaz i zer, parey Laplenn St Andre, kot Better Life Foundation, e konbyen – si i annan okenn arrears an tou konbyen i annan? E mon pe gete dan Bidze mon pa vwar okenn receipts ki’n gannyen, napa resi ki’n gannyen pou okenn nanryen.  Si i kapab donn en pe plis detay lo la akoz zot pa’n anmas okenn larzan kot Heritage Foundation?  Si i kapab donn nou en lalis bann Lease Agreement ki zot annan.  Lekel ki zot in cancel akoz bannla pa’n ganny onore; parey nou pe demande osi Lease Agreement lo Better Life Foundation ki annan 4 kiosk ki’n ganny anserkle, fence off pou en bon pe letan mon krwar CEO i okouran lekel sa Better Life Foundation e ki rol i pe zwe’ pou donn en kopi sa bann lease.  Epi nou oule demann en pe lo procedures for tenders lo tou bann propriyete par egzanp ‘landscaping,’ pou ‘foreign consultancy’ ki R240 mil, ‘security enforcement’ ki R738 mil apepre an tou R1 milyon.

 

MR DEPUTY SPEAKER

Ok. Onorab mon krwar mon pou aret la ok?.  Ou sipoze annan de kestyon ou pe anmenn –

 

HON STEPHEN PILLAY

Non, mon ti nonm tou mon kestyon yer Mr Speaker.

 

MR DEPUTY SPEAKER

Non, non nou aret la Onorab.  Parey nou’n dir i napa en gran varyasyon dan son Bidze.  Ti annan enn de pti queries ki ti monte yer.  E nou’n apel CEO avek son PS spesyalman pou reponn sa detrwa pti query ok.

 

HON STEPHEN PILLAY

Wi be…i annan zis en demi erdtan pou koze.

 

MR DEPUTY SPEAKER

Onorab i annan ankor 2 Manm pou demann kestyon lo la.

 

HON STEPHEN PILLAY

Zis mwan ek Onorab.

 

MR DEPUTY SPEAKER

I annan ankor de Manm ok?   Ale mon donn laparol CEO.  O menm moman CEO bonn apre midi avek Mrs Kalebi.  Go ahead CEO.

 

CEO MRS BENJAMINE ROSE

Bonn apre midi Mr Chair.  Bonn apre midi tou Manm Onorab.  Onorab mersi pou ou bann kestyon ki ou’n demande menm si nou’n deza diskite, mon ava pran sa lokazyon pou mwan re – pou mon re eksplik tou bann lezot Manm ki bann keksoz nou pe fer an relasyon lo bann kestyon Seychelles Heritage FoundationIn regards to renovation of kiosks parey ou’n presizeman dir ti annan 700 mil dan Bidze ki ti’n fer provizyon pou 2017; e nou ler nou’n fer quantity surveyor, fer en survey pou gete konbyen pou arive pou renovate sa bann kiosk in fer son survey e i ti ariv 1.6 milyon.   Alors nou ti vwar poudir larzan ki’n fer provizyon pa ti ase e nou ti annan en savings dan saler, nou ti demann Finans pou fer en virement dan saler pou kapab cater pou sa diferans.  Nou tender process nou’n fini konplete.  Nou’n ganny 5 Kontrakter ki ti express the interest.  An se moman la i kot Tender Board e nou ekspekte en larepons anytime ki Tender Board i donn son final approval.  An se ki konsern konpansasyon mon plizoumwen krwar poudir sa 2 mwan edmi ki bann kiosk pa pe fonksyonnen zot pe demande sort of a social security pou asir zot, pou zot kapab ganny en reveni at the end of the month.  E sa mon’n fini fer meeting avek bann kiosk vendors.  Zot ti met sa pwen devan zot ti tonm dakor poudir as soon ki nou konnen kan ki konstriksyon i konmanse nou pou fer le neseser pou nou kontakte sa Minister relevan pou nou kapab fer sa demann. In regards to mon krwar ou lot kestyon i konsern bann arrears ki annan.  Ok?   Nouvo kiosk dan PSIP nou annan nou 1.1 milyon pou konstrir bann nouvo kiosk sa se akoz nou annan bokou demann.  Nou annan en waiting list bann pti biznes ki ti a voudre sirtou bann local craft ki ti a voudre ganny sa loportinite pou zot osi kapab ofer zot servis dan bann kiosk.  Alor nou’n fer provizyon dan Bidze 2018 pou kapab ganny sa bann kiosk e nou’n ganny en Bidze 1.1 milyon ok?   In regards to arrears si mon pe swiv ou byen, wi i annan – nou annan up to November 2017 nou annan  nou 1.1 milyon in arrears e mon annan mon papye la devan mwan si zot le.  I annan arrears pou kiosk.  I annan arrears pou donn bann plot e i annan arrears pou bann lezot propriyete ki nou, nou annan, ki tonm sa 1.1 milyon.  Mon pa konnen si oule.  Ou ti demann spesifikman pou Better Life Foundation i annan en arrears parey bann lezot propriyete ki nou pe handle.  Apre ou ti demann spesifikman pou Trois Frères Distillery.  I annan en arrears parey ankor mon’n dir bann lezot kiosk ek bann lezot plot i annan osi arrears.  Zot bann lease i byen i pa ankor expire presizeman pou Better Life Foundation avek Trois Frères Distillery zot lease i annord.  I satisfe ou larepons MNA?

 

MR DEPUTY SPEAKER

Ok.  Mersi CEO.

 

CEO MRS BENJAMINE ROSE

Mersi Mr Chair.

 

MR DEPUTY SPEAKER

Onorab Pillay.

 

HON STEPHEN PILLAY

Wi Mr Chair.  CEO pa ankor reponn mon bann kestyon epi i annan bann lezot be pran en pe letan.  Annou gete. Lo nimero demann ou receipts konbyen ou’n resevwar parey i annan UNESCO in donn en donasyon pou Heritage Club, i annan.  Ou annan larzan ki ou’n gannyen ki mon pa pe vwar pe antre.  Sa ki mon pe demann ou.  Mon pa’n nonm Trois Frères DistilleryLease Agreement mon pe demande pou Better Life Foundation en kopi tou propriyete ki manage by SHL akoz mon pa pe vwar okenn larzan.  Ou pa’n anmas 1 milyon e ou ankor napa R1 mannyer nou pe get dan ou Bidze ki ou’n anmase. Pou kiosk, pou bann propriyete ki ou pe demande.  Epi mon ti’n demann li lo procedures for tenders parey landscaping, alegasyon si i annan fanmir ki pe gannyen ek konfli lentere laba.  ‘Foreign consultancy ‘mon’n nonm ou ek ‘security enforcement’ 1 milyon an montan.  Ki prosedir tender in fer?  E en dernyen pti kestyon mon ti pe demann li, si i annan okenn ‘redundancy forse’ ki’n arive kot Seychelles Heritage Foundation?  Mersi Mr Chair.

 

MR DEPUTY SPEAKER

CEO.

 

CEO MRS BENJAMINE ROSE

Mersi Mr Onorab.  In regards pou reveni ki nou’n anmase i 920mil pou sa lannen ki nou’n kapab anmase.  E in regards to bann prosedir tender tou keksoz ki depas 150 mil nou fer sir ki nou fer – nou annan bann prosedir tender, regulation ki’n ganny etabli.  Okenn keksoz ki ant 20 a 149mil nou fer sir ki nou ganny nou 3 quotation e pou presizeman pou landscaping nou annan 3 quotation ki nou’n gannyen e sa Kontrakter ki’n ganny pou kapab fer bann landscaping i en dimoun ki annan leksperyans e dapre son quotation ki in gannyen e dapre son leksperyans ki’n fer.  An se ki konsern ‘consultancy’ nou annan en provizyon 249 mil pou consultancy ki nou mete dan Bidze 2018 e sa consultancy i pou branding of Domaine Vale De Pres.  Mon krwar Domaine Val Des Pres parey nou’n diskite MNA ou menm ou’n dir poudir i annan en kantite potansyel pou li kapab anmenn larzan me mon krwar i bezwen donn bokou vizibilite sa landrwa e branding i en fason ki nou kapab fer li.  Alor s nou pou tender  out sa proze lokal e foreign e okenn dimoun ki meet nou bann scope of work nou kapab determinen lekel a lafen dizour atraver Tender Board ki pou ganny sa Kontra pou ganny sa branding of Domaine De Val Des Pres.  Si i annan okenn dimoun ki’n ganny kite malapropo non mon pa aware.  Tou dimoun ki’ n sorti kot Seychelles Heritage Foundation zot in met zot – dan mon prezans, zot in met zot resignation volonterman.  Mersi.

 

 

MR DEPUTY SPEAKER

Ok.  Mersi CEO.  Onorab Valmont.

 

HON JUDE VALMONT

Mersi Mr Chair.  Bon apre midi a tous.  Mr Chair mon – Pointe Larue mon kestyon i adrese pou CEO, leritaz.  Pointe Larue nou annan en – nou sant mon ti demande yer me la i pli presi, eski nou sant ki annan – i osi ganny konsidere konman en moniman Nasyonal aparaman; eski i annan posibilite dan sa Bidze ki la pou li ganny konsidere pou nou ganny sipor lo kote distrik pou okip  sa landrwa.  E dezyenm kestyon se lo simityer Anse Dejeuner en simityer ki annan 150an.  I annan en an pase dan Bidze menm mon ti  … sipor me ziska prezan nou pa ankor vwar nanryen tangible alor mon pe demann CEO si atraver sa Bidze nou osi  kapab benefisye  pou prezerv en sit ki annan 150an e vwar li ganny maintain a longer di-tan ki nou pa vwar nou  listwar perdi.  Mersi.

 

MR DEPUTY SPEAKER

Mersi Onorab.  CEO.

 

CEO MRS BENJAMINE ROSE

Mersi Mr Chair.  Onorab moniman ordinerman i tonm anba Monuments Board, i annan en Board ki ganny en larzan spesyal ki zot antretyen sa bann moniman.  An se ki konsern Simityer, wi nou annan en provizyon dan Bidze kot nou get an zeneral bann pti proze ki nou kapab fer konzwentman, i pa bann gro sonm ki nou kapab nou ava vwar pou Bidze 2018 kote nou kapab vin ansanm pou nou kapab realiz ou proze depandan lo son kou an  zeneral.  Mersi

 

MR DEPUTY SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mersi Mr Chairman.  An relasyon avek Val Des Pres lo kote larzan ki zot in resevwar konbyen zot pe lwe sa restoran?  Avek ki zot pe lwe?  Eski in annan okenn tender menm parey avek sekirite, lekel lakonpannyen sekirite e konbyen zot pe peye pou sekirite?  Mersi.

 

MR DEPUTY SPEAKER

Mersi Onorab.  CEO.

 

CEO MRS BENJAMINE ROSE

Mersi Onorab pou kestyon.  Mersi Mr Chair.  An se ki konsern bann peyman wi nou pe – sa restoran pe ganny lwe avek Seylicious PTY Ltd e zot pey zot R20 mil par lannen – par mwan sorry.  Eskiz mwan mon retract par mwan ok.  R20 mil par mwan.

 

(Mic Off)

 

CEO MRS BENJAMINE ROSE

Parey mon’n dir poudir bokou i annan outstanding debts e Seylicious i pa en leksepsyon i annan en outstanding debt ki deza nou’n zwenn lo Board kot nou’n diskite. Board pou nou kapab vwar ki mannyer nou pou move forward e ki bann aksyon ki pou ganny pran ant an se ki konsern bann kliyan ki annan bann det.  Sekirite annefe nou Kontra avek Sekirite MARPOL Security in expire depi Oktob e antretan nou’n pran en lot Lazans an menm tan ki nou, nou fer nou Kontra en lot Kontra ki nou pou tender out an Janvier.  Mersi.

 

MR DEPUTY SPEAKER

Ok, mersi CEO.  Onorab Ramkalawan.

 

HON WAVEL RAMKALAWAN

Mr Chairman eski nou kapab ganny dir konbyen outstanding i annan ki sa sonm e sa i ava reprezant la kantite mwan ki pa ankor peye.  Lo kote sekirite, CEO in dir avek nou ki zot in pran en lot lakonpannyen, be zot ti konnen sirman ki poudir zot Kontra sekirite pe fini e akoz ki prosesis pou ganny nouvo sekirite pou tender i pa ti’n ganny fer avan ki Kontra i fini olye ki nek zis pou zot al kas regilasyon finansyel pou zot zis ale pran en lot lakonpannyen.  Mon ti a kontan konnen lekel sa lot lakonpannyen konbyen zot pe peye?  Mersi.

 

MR DEPUTY SPEAKER

Mersi Onorab.  CEO.

 

CEO MRS BENJAMINE ROSE

Mersi Mr Chair. Mersi Onorab.  Annefe pou Seylicious son outstanding i 380 mil up till now Novanm 2017 ok?  An se ki konsern sa lakonpannyen Sekirite, i Axis Security e wi in annan en retar lo refer tender.  Nou bezwen prenon kont poudir dan la mezir ki SHF ti pe move i ti bezwen fer en move ase vitman, in pran en pe letan pou bann staff re adjust.  E i osi annan en defayans kot ti napa bokou staff dan lanplwa kot nou fer recruitment.  E se pou kwa nou ti rod advise avek Procurement Oversight Unit pou gete antretan si nou kapab an menm tan ki nou pe fer nou tendering process, si nou kapab rod en Lazans Sekirite, vi ki ti anba 150mil i ti dir nou, nou kapab si nou ganny okenn Lazans ki tonm anba sa pri.  E nou ti rod 3 quotation e la Axis Security nou pey li R40mil pou – tou le mwan e  annefe i vin 40 fwa 3 mon krwar i vin 120mil.  Mersi.

 

MR DEPUTY SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mr Chairman mon sorry.  Sa lakonpannyen pa’n pey son rent pandan 19 mwan dapre sa kalkil ki ou’n donn nou.  Pandan 19 mwan se la aprezan ki zot pe deside ki zot pou fer?  E pou nou i senpleman pa akseptab, akoz sa issue sa restoran in leve depi lannen pase.  E 19 mwan zot pa’n fer nanryen e mwan Mr Chairman mon pou propoze ki parski sa bann dimoun ki annan sa restoran zot annan larzan.  Nou konnen poudir zot annan larzan.  E Mr Chairman nou pou propoze ki omwen R400 mil parski sa R400mil baze lo sa rent ki zot devret ranmase ki sa sonm i ganny koupe dan Bidze Heritage Foundation – pou zot al rod sa larzan avek sa lakonpannyen, ki drwa zot.  E zot ava kapab kouver sa parski nou pa kapab kontinyen dan sa fason.  Mersi bokou.

 

MR DEPUTY SPEAKER

Mersi Onorab.  CEO.

 

CEO MRS BENJAMINE ROSE

Mersi Onorab pou – ti a voudre en leklersisman.  Annefe nou’n  zwenn Board e parey ou pe dir egzakteman desizyon ki nou’n pran, nou’ fini pran en desizyon tel parey kot nou’n ganny help of AGs office pou nou drafte en let byen comme il faut, ki nou’n anvoye pou sa company in regards to bann clause kekfwa ki pa pe respekte.  Mersi.

 

MR DEPUTY SPEAKER

Ok.  Mersi.  Minis.

 

MINISTER MITCY LARUE

Mersi Mr Chair.  Mon ti pe al dir dan menm laliny ki nou ti vwar sa – letan mon ti fer mon premye vizit par egzanp Val Des Pres letan mon ti antre an Out, ler mon ti vwar sityasyon ki mannyer sa restoran ti ete epi letan mon pe rod bann lenformasyon mon’n vwar poudir i pa pe pey rent e restoran ti fermen, en landrwa parey Val Des Pres nou restoran i devret pe ouver i pe vann sa bon manze kreol pour ki sa bann touris ki vin la avek lezot dimoun i servi.  E de la mwan personnelman mon ti apel sa madanm mon ti koz avek li pou mwan dir li poudir i pa ti pe donn nou sa servis ki nou anvi; e dezyenmman i pa azour avek son rent nou pe bezwen pran en desizyon.  Akoz nou pa kapab kontinyen e nou ti dir li vwala kot nou pou ale e lanmenm ler nou ti al rod advise avek AGs office pou pran desizyon ki nou devret pran.  E la letan Board, nou’n zwen ek Board, zot in zwenn ek BoardBoard in dir wi nou bezwen pran en desizyon kot nou terminate son lease, apre nou re tender, akoz sa se lafason – epi rod nou larzan byensir, rekiper sa larzan ki i drwa.  Mersi.

 

MR DEPUTY SPEAKER

Mersi Minis.  Ok, onorab Ramkalawan.

 

HON WAVEL RAMKALAWAN

Non zis mon pou dir ki i pa konmsi napa larzan me se la osi kot konmsi kot konmsi en ler Gouvernman la fason zot azir.  Sa madanm i annan restoran, ou konnen madanm sinwan, i annan restoran laba i pa peye selman li menm li apre i ganny Fish Tail, li menm li i ganny lezot Kontra, li menm li en gro Kontrakter.  Be nou bezwen met nou lipye ater somewhere.  Nou pa kapab nek zis kontinyen koumsa.  Mersi.  Tousala Mr Chairman i mars atraver kontak e nou tou nou konnen i mars atraver kontak e nou konnen bann Direkter ki lo sa lakonpannyen.

 

MR DEPUTY SPEAKER

Ok.  Mersi Onorab Ramkalawan.  Petet lo sa menm laliny PS Finans pe devret donn nou en komikman akoz nou pe koz larzan piblik.  Donn nou en komikman dizon premye kar 2018 kot ou Minister i vini avek petet CEO,  vin dir ek nou poudir vwala nou’n set nou lekor en target e nou’n kapab rekiper sa larzan e rektifye tou sa bann problenm dan Kontra si fodre parey CEO in dir i en landrwa kot i annan bokou – konman mon kapab dir sa, i annan lentere piblik i la, i annan sans pou kapab anmas reveni, i annan bokou potansyel me i en landrwa ki pe reste fermen  nou pa pe tap sa potansyel so PS Finans donn nou en komikman.

 

PS PATRICK PAYET

Mersi Mr Chair e bon apre midi tou Manm Onorab e tou dimoun ki a lekout.  Zis pou azoute ki tim internal audit Minister Finans aktyelman i kot Seychelles Heritage Foundation.  E hopefully by Desanm nou pou kapab ganny the full rapor akoz mon krwar i en louvraz ki zot in konmanse depi mwan pase e nou kapab ganny sa full rapor lo lafason bann prosedir ki’n ganny follow kot Heritage Foundation e tou bann asset ki egziste zot pe odit lo sa bann asset osi.  So definitivman Mr Chair by Desanm or early January nou kapab share rapor internal audit ki pou annan rekomandasyon ladan baze lo bann defayans ki egziste actually.

 

MR DEPUTY SPEAKER

Ok.  Mersi PS.  Mon pou donn Onorab Simon Gill laparol lo lapar LGB ki pa la konman parti Whip pou dir 2 mo pou fer en pti komanter.  Onorab Gill.

 

HON SIMON GILL

Bon apre midi Mr Speaker.  Bon apre midi tou Manm.  Mr Speaker ti ava byen ki nou ganny li kler ki bann rezon vreman ki tou sa letan in pran pou nou kapab action lo sa aryeraz, pou mwan rezon pa kler.  Ki rezon?  Now apre ki nou’n ganny rezon byen kler par lefe ki sa restoran pe dir pa ti an operasyon, nou ava konpran posibilite reel ki annan e dele letan pou nou kapab rekiper sa bann aryeraz.  E lo sa premiz probableman olye koupe nou freeze sa sonm.  Si i annan serten nesesite ki arise then bann prosedir neseser i ganny fer pour ki nou kapab pa anmar lanmen sa Lenstitisyon e permet zot kapab kontinyen bouze.  Sa ler mon’n ganny keksoz kler nou a kapab ansanm tonm dakor lo en clear way forward dan sa domenn.  Mersi bokou.

 

MR DEPUTY SPEAKER

Ok.  Mersi Onorab Gill.  Petet zis mon avan mansyonnen PS ler ou pe dir Desanm, eski i a posib petet ver lafen nou deliberasyon lo Bidze ou a kapab donn nou en pe plis leklersisman lo la.  PS Payet.

 

PS PATRICK PAYET

Mersi Mr Chair zis pou azoute ki avek deliberasyon dan Bidze nou’n bezwen tir en pe resours ki ti pe travay lo Heritage Foundation, pou zot kapab fer odit lo Prizon ki rekomandasyon Lasanble.  So- me selman konman zot pou fini pandan sa semenn zot pe fer lo Prizon e zot pe retourn Heritage Foundation pou zot finaliz rapor, so mon anvizaze by mid-December zot pou’n fini avek Rapor.

 

MR DEPUTY SPEAKER

Ok.  Menm si fodre FPAC, Komite FPAC i a kapab ganny sa rapor.  Minis.

 

MINISTER MITCY LARUE

Mersi Mr Chair.  Pou reponn kestyon Onorab akoz nou’n pran en pe letan?  Petet Onorab zis pou fer resorti ki depi mwan konman Minis depi CEO nou tou lede nou nouvo me konman nou’n vini parey mon’n dir nou’n pran keksoz an men.  Nou’n pran keksoz anmenn nou’n koz ek sa madanm an menm tan ti annan osi Public Health ki ti’n fermen sa restoran.  Ti’n fermen akoz i ti annan serten standar ki zot pa ti pe zwenn pou zot kapab kontinyen prepar manze, la i vann manze.  Ti annan sa osi.  Me selman nou’n pran aksyon, aksyon in ganny pran parey ou’n vwar.  Nou’n al kot AGs Office, nou fer bann prosedir, nou’n fini deside poudir nou pe pran avek li e pou re tender e la prezan restoran in fini aranze li, sa madanm menm in vini in vi n aranze li.  So i annan aksyon nou pa kapab dir napa.  Ler nou’n vini nou’n pran aksyon ki neseser pou li fer me selman vwala en pti pe – apre i annan osi bann kiosk vendors osi ki annan aryeraz avek Domaine Val Des Pres.  Savedir i annan e kantite – mon pou dir i annan en kantite dezord.  I annan en bon pe dezord laba ki nou bezwen met annord.  Nou bezwen anmase.  Bann kiosk vendors osi mwan mon’n zwenn zot dan en meeting nou’n koze; nou’ n dir zot poudir petet zot napa pou pey antye me selman zot pou bezwen fer en fason ki mannyer nou pou settle zot bann aryeraz par morso me selman zot bezwen settle zot aryeraz si zot anvi kiosk met o standar e nou anvi sa landrwa i vin en landrwa kot nou kapab ranmas osi reveni, ranmas reveni ou konpran?  So i annan travay ki’n ganny fer.  Mersi.

 

HON JEAN-FRANCOIS FEERARI

Letan zot vwar sa bann dimoun pe ganny soutire. Akoz si dan bor i annan dimoun ki pe ganny soutire 18mwan – 19mwan…

 

MR DEPUTY SPEAKER

Ok.  Non, non order, order.  Minis in pronons li lo la in dir poudir in erit in vwar ler in antre, in vwar bokou dezord e zot pe fer zefor li avek CEO ki nouvo osi ladan pou wi la i CEO ok.  Ale CEO Rose, CEO Rose la parol i pou ou.  Go ahead CEO.

 

CEO MRS BENJAMINE ROSE

Mersi Mr Chair.  Parey Minis in dir ki nou ti antre, Seychelles Heritage Foundation ki mon le fer kler poudir i en entity i annan son CEO, i annan son prop Bidze, i pa ek son Board, i pa tonm anba Departman Kiltir alors mon pou pronons mon koman CEO SHF la akoz mon responsabilite konman PS kiltir nepli la e koman entity you report to the Minister non pa ek PS zis pou leklersisman e i annan son Board osi ki ed li fer son bann desizyon.  Bann direktiv ki bann Minis i donn bann entity oubyen ki Board i donn entity i responsabilite CEO pou li kapab egzekite.  Mwan konman CEO nou’n vwar mon’n pas dan bann file mon’n vwar sa bann arrears, nou’n fer kalkilasyon, nou’n anmenn devan Board.  Annefe nou zwenn de fwa Board e nou pe al zwenn en trwazyenm fwa la le 24 pou zot kapab vizit bann propriyete; annefe mon ava pran s alokasyon pou mwan envit bann MNA ki annan  letan pou zot osi vini, vin vizit sa bann propriyete vwar ki nou pe fer, vwar bann aksyon konkret ki pe ganny pran.  Mon pe koz dan kapasite konman CEO SHF e kwa ki Board ansanm avek mwan, avek lasistans Minis nou pe fer bann rekomandasyon.  Nou konnen nou tou nou dir poudir sa landrwa i annan en kantite potansyel fodre nou menm nou e bann kiosk vendors osi i pran konsyan gro ou pti i pran konsyan poudir zot bezwen pey zot rent e zot bezwen fer li byen efektivman pou nou kapab generate revenue.  Pou nou kapab re invest dan Seychelles Heritage Foundation espesyalman Domaine Val Des Pres.  I byen pou zot note mon ti prezant en plan detaye 5 an devan Cabinet of Ministers e sa bann keksoz nou’n fer remonte poudir eventually nou ti a voudre vwar Domaine Val Des Pres en landrwa kot i vin soutenab e i par pran sa bann aksyon konkret, desiziv ki nou pou kapab fer li.  Mersi Mr Chair.

 

MR SPEAKER

Mersi CEO.  Dernyen komanter Onorab Ramkalawan.

 

HON WAVEL RAMKALAWAN

En dernyen komanter Mr Chairman.  Mon ti ava kontan zis pou nou klersi sa si zot annan bann lalis bann Direkter sa lakonpannyen?  E si parmi i enkli ansyen Speaker Lasanble Nasyonal ek bann lezot; konmsi si zot ti kapab dir nou lekel bann Direkter.  E ou pa’n reponn mwan si ti annan tender petet dan ou- si ti annan en tender pou sa restoran pou zot gannyen.  Mersi.

 

MR DEPUTY SPEAKER

Ok.  Mersi Onorab.  CEO.

 

CEO MRS BENJAMINE ROSE

Mersi Onorab.  Mersi Mr Chair.  Non mon napa lalis bann Directors, mon annan par kont wi ti annan en tender process.  Mon annan si ou permet mwan, mon ava rod – wi son Lease Agreement annefe i dir pou 30 an e mon pe rod en pti kou sa agreement ok?   E i ti konmans Fevriye 2013 e sa dimoun ki’n sinyen si mon ganny non son koman Director Seylicious i Mr Xiang Zu Cheng ki’n siny sa dokiman.

 

MR DEPUTY SPEAKER

Ok.  I annan komikman ki’n fer par CEO, par Minis e PS Finans.  PS mon krwar par Desanm, mid-December ou a kapab donn en rapor FPAC e apre FPAC ava follow-up.  Ok.

 

HON WAVEL RAMKALAWAN

Mr Chairman.  Mr Chairman se sa bann kalite keksoz ki nou pe vwar la fason ki byen sa pep Seselwa i ganny abize.  E se sa kalite keksoz ki nou bezwen met lord ladan.  Menm parey avek L’Union Estate kot ou ganny bann Kontra, bann Kontra 99an pou en 4 sou zis bannla ki benefisye e alor mon ti ava kontan konnen egzakteman ki pozisyon.  Mon pa pe atak bann zofisye parski zot civil servants e zot konpran – I mean zot konpran ki nou pe fer me nou bezwen regarde ki mannyer pou zot ganny sa larzan.   Ki mannyer Bidze pou zot vin en incentive pou zot Bidze, pou zot ale met en zefor pa esper en lot 12 mwan e alor avek tou sa bann lezot arrears ki zot annan eski nou pou an defo si pe dir annou sispann 1 milyon parski sa sonm ki ou’ n mansyonnen la, sa sonm ki’n ganny mansyonnen i plis ki 1 milyon an tou.  Sa restoran i annan 380mil, sa bann lezot i ariv kekfwa bann dimoun ki annan kiosk ensidswit kekfwa zot, zot tonm lo en lot nivo parski mon’n deza ganny sa bann dimoun ki vin konplent avek mwan ki napa biznes, sa bann artis ki mannyer i ete.  Sa mon kapab konpran.  Me selman sa bann ki gro.  Annou al lo sa bann ki gro.  Annou fer Robin Hood.  Annou al lo sa bann ki gro nou a protez sa bann ki ptipti.  Be konbyen nou pou –

 

MR DEPUTY SPEAKER

Ok.  Mersi Onorab.  Les mon ava – ok, ma donn en dernyen parol CEO avek Minis apre PS a gid nou lo sonm ki nou pou vote.  CEO.

 

CEO MRS BENJAMINE ROSE

Mersi Mr Chair.  Annefe Onorab i egzakteman sanmenm ki nou, nou pe fer avek laprouvasyon Board nou pe get dan tou sa bann ka, nou’n vwar konbyen ki zot drwa, konbyen ki zot bezwen peye nou’n anvoy reminder e i annan bann deza ki’n konmans vin vwar nou zot terms pou re peye, e mon’n fer zot byen konpran poudir ou bezwen met an ekri pou nou kapab ganny en laprev poudir si ou kas sa kondisyon, ki bann aksyon nou bezwen pran in regards to sa bann kondisyon.  Mon pa pe fer bann element agreement.  Mon pe fer sir ki tou keksoz i on file e i fer dapre bann regilasyon ki an plas.  Nou pe fer sa bann aksyon ki neseser pou nou fer kot SHF akoz nou, nou bezwen fer sir ki nou pe generate revenue e nou pe attain nou aim at the end of the day pou nou kapab re invest sa bann reveni ki nou annan pou fer.  Mersi.  S.A i annan de pti mon Mr Chair pou li dir, azoute.  Mersi.

 

MR DEPUTY SPEAKER

Mersi CEO.

 

SPECIAL ADVISOR EMMANUEL D’OFFAY

Mersi Mr Chair.  Bonzour tou Manm Onorab.  Manm Onorab i pou en fot si nou koup larzan SHF akoz CEO SHF ki fodre nou mazinen sa ki in erite ozordi i date depi ler SHF ti ganny konmanse e zot, zot okouran tre byen poudir depi son konmansman pandan sa bann dernyen lannen zanmen odit SHF mon rapel zot in demande plizyer fwa pa’n ganny fer.  E nou konnen 2018 in annan sanzman la e prezan la avek sa nouvo, zot tou zot konn zistwar annou pa al dan bann detay, me  selman la avek sa nouvo CEO ki annan i annan sa sanzman, i annan sa mouvman, i annan sa bonn volonte  alor annou siport li pou li kapab fer sa ki zot pe dir fer legal ti’n merit ganny fer avan me i pa’n ganny fer me la prezan i pe ganny fer alor siport nou olye koupe pou ki SHF i a kapab delivre lo son bann promes ki in fer.  Mersi.

 

MR DEPUTY SPEAKER

Mersi Mr D’Offay.  Ok Onorab Ramkalawan.

 

HON WAVEL RAMKALAWAN

Mr Chairman sa ki pe dir nou pa pe dir koupe.  Nou pe dir zisteman pou no ankouraz zot.  Pou nou ankouraz zot dan sa travay ki zot pe fer annou, annou, annou sispann 400mil – 6 mwan retourn kot nou e nou ava regarde ki mannyer zot ete.  Nou konpran sa mess e – selman taler la letan CEO in lev papye konmsi ou a krwar mon’n vwar – mon lizye i bon ou a krwar konmsi mon’n vwar en lalis Direkter ki lo ou latab.  Non.

 

MR DEPUTY SPEAKER

Ok.  CEO i a fer nou ganny sa lenformasyon Onorab me mon krwar le pwen in sorti.  Onorab Simon Gill osi in koz lo freeze en amount.  Ok. E la sa amount ki nou pe koz lo la se 400 mil. Onorab Simon Gill i ti pe al pli o li.  Ale Onorab Simon Gill.

 

HON SIMON GILL

Mwan mon ti pe al en pti pe pli ba me mon pare pou fer en konsesyon so that we can move forward.

 

MR DEPUTY SPEAKER

Ok.  PS.

 

HON SIMON GILL

E lot keksoz mon pe assume ki malgre nou pa pe ganny lenformasyon lo bann directorship Heritage Foundation ki bann ki ti la avan zot pa la.

 

(Mic Off)

 

HON SIMON GILL

Ti egziste en Board.  Ti napa.  Ok la prezan ki’n mete in eklersi tou bann zafer pou nou kapab bouz devan.  Ti annan en CEO?

 

MR DEPUTY SPEAKER

Ok.  Met ou mic off Mr D’Offay.

 

SPECIAL ADVISOR EMMANUEL D’OFFAY

Ti annan en CEO nou tou konn zistwar CEO letan i ti vin dan Lasanble an 2008 ki Onorab Sandy ti dir lo la in sanze.  Nou fek ganny en CEO pandan tou sa letan ti napa Board.  Board fek ganny apwente resaman e lo sa bann Board i annan bann dimoun konpetan ki krwar dan devlopman kiltirel e potansyel Domaine Val Des Pres e se pou sa ki nou annan konfyans ki nouvo CEO pou delivre.

 

MR DEPUTY SPEAKER

Ok.  En moman.  CEO.  Non, Onorab ok mon pa pe donn floor ankor parol.  

 

(Interruption)

 

MR DEPUTY SPEAKER

CEO i a dir en dernyen mo apre nou ava al dan moman pou pran en vot.  CEO Rose.

 

CEO MRS BENJAMINE ROSE

Zis pou montre Onorab Gill nou komitman mwan koman nouvo CEO e osi nou Board pandan sa lespas i pou fer trwazyenm fwa ki nou zwenn depi septanm ziska la e zot annan tou papye, Act, tou bann papye neseser, Board i annan tou bann papye neseser pou zot kapab vwar ki bann keksoz ki SHF pe fer.  E la parey mon’n dir tre prosennman nou pou al fer en vizit partou pou nou kapab vin ek en plan pli konkret.  Mon pe ganny bon sipor Board e mon krwar si zot donn nou sa sans zot pou v war i en keksoz vizyel, menm la zot kapab monte vwar bann devlopman deza pandan sa pti leta ki nou’n la ki nou pe fer deza.  I annan laprev already ki nou tou nou pe fer.  Mersi Mr Chair.

 

MR DEPUTY SPEAKER

Ok.  Mersi.

 

HON WAVEL RAMKALAWAN

Avek Board nou ekspekte osi ki poudir letan zot pe rod sa larzan zot cancel sa Lease pou ki en nouvo- konmsi i ava vin aktiv fini avek sa pase e nou ava kapab bouze.  Mersi bokou.

 

MR DEPUTY SPEAKER

Ok mon vwar Minis in pronons la i dakor.  Bon PS nou’n arive moman pou nou pran en vot.  Gid nou PS i annan en sonm ki nou pe freeze.  Gid nou lo sonm pou pran en vot.

 

PS PATRICK PAYET

Mersi Mr Chair.  Nou pe pran vot lo paz 596 lo en total 7.583 milyon.  Sepandan i annan 400 mil ki’n ganny freeze.  Nou pou prezant Internal Audit Report by mid-December 2017 to FPAC.  E secondly Board pou donn nou en update avek FPAC lo action taken pou koleksyonn the 1.2 arrears.  Sa i pou ganny fer during mid-year.

 

MR DEPUTY SPEAKER

Ok.  Dakor nou’n ganny komitman la.  Bon nou ava pran en vot lo Bidze SHF Seychelles Heritage Foundation.

Tou Manm ki an faver?  Okenn Manm ki kont?

Ok.  Madanm Clerk. 

 

MADAM CLERK

Mersi Mr Chair.  16 Manm an faver e 3 Manm kont.  Mersi.

 

MR DEPUTY SPEAKER

Ok.  Savedir Bidze pou Heritage Foundation in ganny aprouve par Lasanble Nasyonal.  Bon avek sa mon ti a kontan dir mersi, e eskiz CEO Rose avek son accountant parmi nou.

 

(CEO MRS BENJAMINE ROSE AND HER DELEGATION WAS EXCUSED FROM THE HOUSE)

 

MR DEPUTY SPEAKER

Ok PS nou ava – nou a pran sa de lot Heads pou nou pran vot lo la.  Paz 591 Creole InstituteCreole Institute i annan en sonm 4.66milyon, paz 591.  Ok.  Tou Manm ki an faver?

Okenn Manm ki kont?  Ok.  Madanm Clerk.

 

MADAM CLERK

Mersi Mr Chair.  17 Manm an faver e personn kont.  Mersi.

 

MR DEPUTY SPEAKER

Savedir Bidze pou Creole Institute in ganny aprouve par Lasanble Nasyonal.  Nou ava pran pou National Arts Council paz 602.

 

(Interruption)

 

MR DEPUTY SPEAKER

Non Onorab nou’n fini deside i tonm lo sa lalis ki nou ti deside dan ABC ki – nou pa pe depouy Bidze.

 

HON JEAN-FRANCOIS FERRARI

Non mon pa pe eksplike.  Zis pour mwan eskplik en vot.

 

MR DEPUTY SPEAKER

Order! Order!   Onorab Ferrari, Onorab Ferrari met ou mic off. met ou mic off Onorab Ferrari.

 

HON JEAN-FRANCOIS FERRARI

(Mic Off)

 

MR DEPUTY SPEAKER

Order! Order! Order! Non, non, mon pa ankor donn personn la parol pou koze ok?  National Arts Council ti tonm lo sa lalis ki le 2 lekip ti deside dan ABC pou pa vin devan Lasanble.  Yer pou Leritaz in lev kestyon e se sa rezon ki nou’n deside nou fer sa leksepsyon anmenn sa 2.  Nou pa pe al dan Bidze National Arts CouncilOk.  Mon a pran en komanter.  Si lo kote isi i annan en komanter mon ava donn lo kote isi tou.  Ale Onorab Ferrari.

 

HON JEAN-FRANCOIS FERRARI

I zis en pwen teknik akoz mon anvi fer rapel tou bann dimoun enkli – sirtou PS Finans ki National Arts Council nou ti dir zot lannen pase ki zot pa pe fer zot bann odit.  Auditor General in ekrir zot ankor an Zilyet sa lannen, e i pa ankor gannyen en repons.  Zot pa ni pe reponn Oditer Zeneral.  Nou lo nou kote nou pe dir nou pe al vot kont sa Bidze antye ziska ler nou ganny en let sorti kot National Arts Council ki dir nou’n apwent en Auditor!  Amwen ki i annan keksoz ki’n ganny fer – antretan this is my point!

 

MR DEPUTY SPEAKER

Mersi Onorab Ferrari.  Ok PS Payet.

 

PS PATRICK PAYET

Mersi Mr Chair.  Zis pou azoute ki National Art Council tou son ban tranzaksyon eksepte sa account tou son bann tranzaksyon i pas dan Centralized Payment kot Minister Finans.  Dan nou Pool of Accounts nou ti diskite avek Oditer Zeneral e nou ti advise li ki aktyelman parey nou ti advise Lasanble Nasyonal depi lannen pase, nou ti konmans tou sa bann Lenstitisyon ki pa ti ankor finaliz zot odit e National Art council i lo sa lalis.  E aktyelman ti tender e sa bann dimoun aktyelman pe fer odit lo la.  Son accounts.

 

(Interruption)

 

MR DEPUTY SPEAKER

Ok.  Bon nou’n ganny klarifikasyon lo sa pwen. OkPSok nou ava pran en vot alor lo National Arts Council.  Sonm i R 9.642 milyon.  Mon ava demann tou Manm ki an faver?

Okenn Manm ki kont?

Ok.  Madanm Clerk.

 

MADAM CLERK

Mersi Mr Chair.  12 Manm an faver e 3 Manm kont.  Mersi.

 

CREATIVE INDUSTRIES & NATIONAL EVENTS AGENCY – (CINEA)

 

 

MR DEPUTY SPEAKER

Ok.  Savedir Bidze pou National Arts Council in ganny aprouve par Lasanble Nasyonal.  Bon avek sa nou ava pran nou lo Head – CINEA.  Nou ava fer menm – yes Onorab Ramkalawan.

 

HON WAVEL RAMKALAWAN

Mr Speaker avan nou pran Bidze CINEA mon annan en point of order e mon santi ki i annan en serten latitid malonnet, ki’n arive lo lapar CINEA ki mon bezwen klersi devan sa Lasanble.  Apre ki Lasanble ti deside pou freeze supplementary appropriation pou CINEA, in annan en kanpanny malonnet ki’n ganny anmennen par serten zofisye dan CINEA.  E la mon anvi dir avek Mr Marcus Etienne e Mr Terry Carolla ki poudir, se pa Wavel Ramkalawan ki’n anpes bann artist ganny zot peyman.  Parski parol ki sa bann dimoun in gannyen se ki CINEA in anvoy tou zot bann detay kot mwan e ki mwan mon pe ser zot lapey.  Pou zot – mon anvi enform sa 2 msye an partikilye ki poudir se zis yer, Mardi ki mwan Wavel Ramkalawan mon’n ganny en kopi bann detay, bann depans ki’n pase.  Alors mon ti ava kontan ki si nou – annou pa fer sa bann kalite, annou pa fer sa bann kalite zwe.  Nou ekspekte lonnekte; nou ekspekte keksoz i mars dan en fason drwat e mwan Mr Chairman mon pe demande ki avan ki nou konmans pran Bidze CINEA ki zofisye CINEA i prezant en leskiz avek mwan pou sa ki’n arive.  Parski mon non in ganny sali.  Mersi bokou.

 

MR DEPUTY SPEAKER

Bon.  Mersi Onorab Ramkalawan.  Pou lenformasyon Lasanble e pou lenformasyon piblik mon lofis in selman ganny sa bann dokiman bomaten 9.25 mon ti la dan sa Sez e mon’n note parey tou dokiman ler mon gannyen mon note lo la ‘receive 0925 le 22 Novanm 2017’ e mon’n sinyen anba.  Se bomaten ki mon’n ganny sa bann dokiman.  Ok?  So swivan demann Onorab Ramkalawan avan nou kontinyen avek CINEA, nou ti a kontan ki en zofisye CINEA i pronons li lo la.

 

CEO MR GALEN BRESSON

Mr Chair.  De la par CINEA Onorab Ramkalawan nou prezant en leskiz me lo menm pwen mon pe lans en lapel ki mon pe lans en lapel ki mon pou al investigate sa sityasyon; akoz ozordi mwan ki’n reponn devan Lasanble Nasyonal e mon krwar mon debout avek entegrite.  E si sa in arive mon demann en leskiz me mon pou al investigate lekel e kote ki sa in pas an mal e mon a enformen.  Selman mon apologise.

 

MR DEPUTY SPEAKER

Mersi CEO Bresson.  Ok.  Mon krwar leskiz i ganny aksepte e nou ava move on.  Ok?  Tou Manm ki pou demann kestyon lo Bidze CINEA  zot kapab lev lanmen pou Clerk avek Deputy Clerk pran.  Ok.  Madanm Clerk.

 

MADAM CLERK

Mersi Mr chair lo kote parti lepep mon annan LGB Onorab Charles De Commarmond, Onorab Sebastien Pillay, Onorab Simon Gill, Onorab Audrey Vidot e Onorab Churchill Gill.  Mon retir non Onorab Audrey Vidot.

 

MR DEPUTY SPEAKER

Ok.  Madanm Deputy Clerk.

 

MADAM DEPUTY CLERK

Mersi Mr Chair.  Lo kote LDS mon annan Onorab Ramkalawan, Onorab Georges, Onorab Letourdie, Onorab Ferrari, Onorab Adelaide, Onorab Hoareau, Onorab Andre, Onorab Woodcock avek Onorab Arrisol.  Mersi.

 

MR DEPUTY SPEAKER

Ok. Mersi.  Nou a konmans avek Onorab Arrisol.

 

HON SANDY ARRISOL

Mersi Mr Speaker.  Bon apre midi Minis avek ou lekip.  Mr Speaker mon ti a voudre lo CINEA zisteman lo sa bann detay ki nou’n gannyen la, pour list of outstanding invoices for Festival reol parske leta mon pe gete en ler mwan mon krwar i annan en pe ekstravagans ki nou fer letan nou pe koz koup en pe.  E annou get resours Gouvernman ki mannyer i fonksyonnen letan i konsern Festival Kreol par egzanp mon ti  a konmans avek isi anba lo paz lo sa ki nou’n gannyen bomaten, lo bann detay i annan paz  nimero 2 kot i konsern ‘Bal Laserenad.’  Par egzanp letan mon pe gete i annan Bal Laserenad i annan ‘stage and light ‘ki ariv anviron R200 mil ok?  Sa i pou lalimyer avek stage.  E an menm tan apre ou bwar anba poudir i annan ‘Open Air Disco’ e sa on krwar ti fer an loner Hudson Dorothe ki tonm anviron en sonm R125 mil.  An tou i fer R325 mil.  So mon kestyon lo la mon pe demande ozordi CINEA oubyen Minis pou Kiltir eski ozordi nou napa en store kot nou annan nou nou prop lalimyer, nou prop lekipman, kot zis nou pey en teknisyen pou set-up?  Nou pe pey R200mil en sel dimoun ki lo lalis i mark Terry Carolla R200mil pou set-up stage, lalimyer pou Festival Kreol letan nou pe koz koupe?  Mon lot kestyon i annan pou fer avek anba ‘Laserenad.’  I annan en msye Patel Esparon li in mete ‘expenses for Laserenad’ i tonm anviron R159mil selman an menm tan dan sa menm ‘Schedule’ ki nou pe gete mon vwar i annan larzan pou ‘Trophy’ i annan larzan pou  ‘snacks,’ i annan larzan pou ‘trucks and transportation,’generators,’ ‘speakers,’ i annan en seri depans ki’n ganny fer pou ‘Laserenad’ selman an menm tan ki tonm anviron 7milyon selman an menm tan en sel dimoun li in met ‘expenses  for Laserenad’ ki napa detay.  Ki si sa sa ‘expenses’ ki ariv R159mil?  E apre i annan en lot anba kouler, ‘Kouler Kreol’ -‘Musical’ ki ti fer le 27 Oktob en sonm R120mil.  An menm tan letan mon pe get bann lezot santer ki sante par egzanp letan en santer i sante i dir ek ou en santer in perform li i ganny R1000 letan en lot santer i sante i ganny R2500 letan en band i zwe i ganny 5mil.  I annan en disparite dan tou sa bann pri.  Mwan mon sel pti kestyon mon ti a kontan ganny en leklersisman lo sa bann pti detay ki mon’n donnen.  Mersi bokou.

 

MR DEPUTY SPEAKER

Mersi Onorab.  En moman CEO.  Yes Onorab Pillay.

 

HON SEBASTIEN PILLAY

Mr Chair mon ti le zis klarifye nou pe adres 2 dokiman.  Nou pe adres premyerman bann invoices ki CINEA ti prezant devan nou baze lo supplementation ki zot ti demande dan Bidze, baze lo supplementation ki zot ti demande dan Bidze ki ti ganny frozen, pa ti ganny donnen avek zot.  Apre prezan nou annan Bidze CINEA la ki napa nanryen pou fer avek sa.  Koriz mwan si mon mal.  Sa i Bidze CINEA proper.  So si nou konfonn nide nou pou end-up pe diskit sa dokiman e pa sa dokiman Bidze.  So nou kapab ganny en modalite ki mannyer nou pou proceed lo tou lede akoz enn i konsern peyman ki pa ankor fer.

 

MR DEPUTY SPEAKER

Ok.  Petet PS ou a donn nou gidans.  Eski bann aryeraz osi mon konnen taler aryeraz in leve dan Heritage Foundation.  Nou annan aryeraz la ki CINEA i annan, in encounter e nou pe osi annan son nouvo Bidze devan nou.  PS don nou en direksyon.

 

PS PATRICK PAYET

Mersi Mr Chair.  Zis pou azoute ki nou annan Bidze CINEA ki nou pe diskite.  E secondly avek rekomandasyon Lasanble letan ti pe diskit Supplementary Budget zot ti rekomande ki zot ganny en pe plis detay.  E sanmenm sa ki nou’n anvoy en pe detay, akoz nou konnen ki dimoun sirtou bann suppliers zot pe call en pe partou, partou pou ganny peye ki nou dir nou a fer en sel diskite ki Lasanble i a pran en desizyon si i pou unfreeze sa Supplementary Budget as well. 

 

MR DEPUTY SPEAKER

Ok. 

 

HON SANDY ARRISOL

Mr Speaker savedir en pti klarifikasyon sa ki mon’n demande i mal, mon bezwen retract?   Non?

 

MR DEPUTY SPEAKER

Non nou pa pe dir sa ki ou’n demande i mal me annou pa – ok ou pe demann klarifikasyon lo sa aryeraz, me petet mon kapab zis dir lezot Manm osi annou pa zis dwell lo sa aryeraz.  CEO avek PS ava donn nou klarifikasyon.  Apre nou konsantre lo Bidze CINEA pou 2018.  Ok.  CEO.

 

CEO MR GALEN BRESSON

Mersi Mr Chair.  Mr Chair parey tou Onorab i konnen pep Seselwa i konnen pou la premye lannen premye fwa CINEA in merge Karnaval avek Festival Kreol.  E mon krwar nou bezwen met kler ki ler ou pran sa de Bidze ansanm ki mwan mon napa en kont lekel sa de Bidze akoz ler mon ti ganny donnen konbyen ti koute Karnaval, konbyen ti koute Festival Kreol, ‘single events’ nou’n bezwen travay e ozordi konman CINEA mon fyer zot a dir zot annan en keksoz pou demann nou lo la.  Zot annan en keksoz pou travay lo la, en dokiman ki zot kapab demann mwan kestyon.  Lo kote bann peyman i bann peyman ki nou pa’n vin fer ilizyon lo bann pri, bann marsandiz, bann keksoz ki dan sa ki nou apel dan Entertainment Industry.  Ler bann dimoun in vin avek zot bann invoices, ler nou’n demande ki nou bezwen, i bann pri ki’n deza lo marse.  I en bann pri nou pa’n inflate, ki mon menm mon’n resevwar e mon kontan ki bann Manm Onorab i vwar ozordi ki mannyer e konbyen nou pe ganny sarze.  Akoz ozordi dan pei Gouvernman atraver bann diferan bann CINEA, NAC, nou fe bokou levennman me nou annan tre pe zouti pou nou fer sa bann levennman.  Par egzanp Onorab ou’n demande si nou napa ‘son’ lalimyer e la mon pou dir ou nou annan son ki date bokou letan pase ki nou ganny sa bann son.  Nou bezwen ranplase, mon ti’n fer en request nou pa pe gannyen.  Mon’n demann pou lalimyer nou pa pe gannyen.  Nou osi annan responsabilite par egzanp ICCS, ki nou bann lalimyer in fini vye e zot pou – taler pou vwar Bidze kot nou annan en high cost of elektrisite e sa bann lalimyer ki nou pe servi i annan halogen bulbs ki mon’n vin zwenn la e mon’n demande ki mannyer nou ankor pe operate halogen bulbs ki pran – e mon krwar nou konnen i manz en kantite elektrisite.  Nou ankor pe servi bann bulbs ki manz en kantite elektrisite dan ICCS e nou pa pe kapab sanze akoz mon pa’n ganny Bidze kantmenm nou’n demande.  ‘Son’ ki nou pe servi ki nou’n gannyen kot ICCS dan nou assets i bann son depi UB40 ti vin Sesel mwan menm mon pa konnen ki kantite lannen e nou – aranze menm la nou’n vwar ki nou bezwen al aste amplifier pou fer sa de bout son ki nou annan marse.  Nou annan en kantite defayans e mon ti a kontan ki bann Manm Onorab, mon envit zot tou e mon’n deza pas sa lapel en pe letan pase.  Nou tradisyon i an vwa disparisyon si i pa’n disparet e Festival Kreol sa lannen in montre nou en kantite.  Nou kiltir i evolye i pe pran plas ki nou annan en kantite keksoz de baz ki mank nou e se sa ki fer bann fre.  Mon pa’n, mon pa’n – mon kontan ki….. sa bann kestyon parey mon’n dir akoz i refle lo marse lokal konbyen en producer ler i dir ou i fer en progranm i kout sa e li i dir ou i al pey tel tel artis e ou vwar bann artis pe perform; ou pa antre dan zot internal issues me in donn ou en proze ki ou’n aksepte me i bann pri ki lo marse ki nou pa’n envante e ozordi parey mon’n dir mon kontan ki mon annan at least en database ki zot kapab travay lo la.  E nou kapab travay ansanm pou nou get le fitir ki mwan personnelman mon pa’n zanmen gannyen ni lo Festival Kreol, e ni lo Karnaval Enternasyonal.  Mersi.

 

MR DEPUTY SPEAKER

Mersi CEO.  Onorab Churchill Gill.

 

HON CHURCHILL GILL

Mersi Mr Chair.  Mwan mon kestyon i lo Bidze.  I annan e sonm 2.2 milyon dan ‘building and infrastructure,’ si nou ti kapab ganny en leksplikasyon kwa ki pe al ganny fer e ki bor?  Mersi

 

MR DEPUTY SPEAKER

Mersi Onorab.  CEO.

 

CEO MR GALEN BRESSON

Mersi Onorab pou kestyon.  Mon pa ni konnen ki mannyer mon anvi eksplik sa kler Onorab.  ICCS i en building ki annan 30an.  Dan mon mid term review ek Minister Finans mon’n menm demande ki nou vin fer en assessment Fungus.  Mon krwar zot ler pou zot vin regarde.  Nou annan en basement ki ranpli ek delo sak fwa lapli i vini akoz son ground level i par anba sea water level.  Me nou’n ganny sa PSIP nou pe al aranz bann defayans, me mon pa konnen pou konbyen letan sa bann defayans si it’s a patchworkIt’s a patchwork akoz pou mwan a sa pwen ki la ICCS i merit ganny li en larzan byen ki mon ti’n demande ki mon pa’n resevwar, pou fer en complete assessment of the health of the building.  Bokou zot, zot in vin konferans laba.  Mon ti a kontan zot vini ler lapli.  Ou pas dan koridor ou bezwen parasol!  E pou zot lenformasyon tanzantan nou pe tenny en pti dife laba.  Akoz bann wiring in vye, delo i degout lo al.  I 30an pase.  I 30an pase.  Mon ti a kontan si zot anvi organiz en vizit vin regarde kondisyon travay e ou kestyon i ti pou sanze e mon asire akoz ozordi mon’n fer en dimoun fer en evalyasyon par azar, mon byen mon’n dir vin fer en pti evalyasyon zis pou gid mwan lo la.  In donn mwan en dokiman ki dir sa building is worth over R80 million Seychelles rupees and it’s a government asset.  E ki nou pou fer pli i pe avarye mon pe al devan apre zis 1 an dan sa lofis.   Mon pe dir dan mon lofis mon vwar partou bann miray mouye mon dir be la ki arive zot dir mwan delo i kase deryer miray.  Mon dir be ki nou fer, i dir nanryen zis nou vini nou patch li.  Aircon in fek fer en change over mon krwar en pe letan avan ki mon antre dan sa lofis me problenm ozordi mon’n tann Onorab tanzantan pe dir be ok annou servi sistenm soler me sistenm soler pa pou zanmen vin efikas si nou sistenm entern pa efikas.  Si ou lafnet pa efikas, ou laport pa efikas.  Mon annan rido akoz ozordi nou annan en auditorium ki seat – i pli gran auditorium.  Bann Onorab ozordi annou regarde konbyen entity Gouvernman ki pran tou zot konferans zot al met dan lote.  Zot annan en asset Gouvernman personn pa servi akoz, zot dir mwan sa asset i ti pti e i vre lasal i ti pti i pi toufe, i normal i koule.  Rido ki sipoze la e nou, nou bezwen annan what is known as fiery retardant curtains akoz – eskiz mwan eski zot konnen pou arive si en dife i pran ICCS?  Ki’n deza arive avan?  E ICCS napa lasirans.  Mon kler e for.  I napa broker me pa en problenm akoz mon’n demande lasirans mon’n ganny dir rod larzan pey lasirans me mon ti a kontan tou Manm Onorab asiz dan auditorium e annou espere okenn maler pa arive akoz i bann keksoz serye mon pe dir sa byen for pou tou dimoun – Annou regarde eski en asset 80 milyon nou pou les li ale deteryore pou ankor de zane e des annes apre nou al – sey re  rod larzan ouswa nou anmenn en lekip i get nou anba lao nou get sa asset nou dir be ok ozordi ki mannyer nou fer sa asset marse?  It’s a collective effort.  I pa pou Galen Bresson i  pou Gouvernman Sesel e mon sipliy a ek bann Onorab apre midi mon kontan zot bann kestyon me eskiz mwan si mon koz en pti pe for akoz mon pasyonnen.  Mon’n vwar en kantite keksoz e mon envit zot silvouple si zot anvi vin fer en vizit anytime.  E se sa Onorab Gill mon’n ganny sa PSIP sa 2 milyon si mon pou fer en patchwork mon a fer en patchwork e zot ava vwar lapentir ICCS i zoli me anba sa zoli nou ava regarde apre.  Mersi Onorab Gill.

 

MR DEPUTY SPEAKER

Mersi CEO.  Onorab Woodcock.

 

HON WAVEL WOODCOCK

Mersi Mr Speaker.  Mr Speaker mon pe get en pe bann depans ki zot in fer pou Festival Kreol.  Mon en pti pe sirprenan sif pou bann aktivite ki zot in fer Praslin.  An tou pou Baie St Anne ek Grand Anse i ariv apepre pres R200mil – 94mil pou Grand Anse Praslin, R105 mil pou Baie St Anne Praslin mon pe demande ki kalite aktivite ki zot in fer Praslin ki’n vo sa sonm larzan?  Akoz mon pa’n vwar sa kantite aktivite lo Praslin ki vo sa sif.  So mon ti a kontan en pe leksplikasyon lo la.  Annefe mon ti a kontan ganny en lalis breakdown bann depans ki zot in fer pou Baie St Anne avek Grand Anse.  E pou La Digue osi mon vwar zis en sif R25mil.  La Digue i pa form parti Sesel li?  Konmsi dan le fitir mon ti a – nou ti a voudre vwar en pti pe plis depans lenvestisman kot i konsern Festival Kreol lo La Digue.  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Chair.  Mon pou reponn sa kestyon konman Chairperson Festival Kreol.  Onorab les mwan zis fer – petet ou pa okouran – ou pa konnen, dan lepase tou sa bann lannen ki’n pase Baie St Anne, La Digue, Grand Anse ti abitye ganny R10mil pou zot fer Festival Kreol.  Pou sa lannen konman Chairman sa Komite sa Festival Kreol, mon ti dir silvouple nou bezwen fer sir ki Praslin/ La Digue i donn nou zot progranm, anvoy nou zot progranm, asize fer zot Komite nou pa dir lekel ki fer Komite pa ni nou ki’n dir zot ki pou fer zot in organiz zot Komite lo zot distrik e zot in anvoy nou lalis zot aktivite avek zot amount ki zot bezwen.  E sa ki zot ti demande dapre zot aktivite se egzakteman sa ki nou ti donn zot.  La Digue ti anvoy nou en aktivite ki zot pou fer R25mil e Praslin ti anvoy pou 85mil si mon pa tronpe.  Grand Anse osi pou around 105mil.  E zot in ganny sa larzan pou zot fer zot aktivite ki zot menm zot in deside.  Mersi Mr Chair.

 

MR DEPUTY SPEAKER

Mersi Minis.  Onorab Andre.  En moman Onorab Andre.  CEO bref.

 

CEO MR GALEN BRESSON

Wi Chair zis pou azoute ki pou la premye fwa osi nou ti fer aktivite ki apel lansiv e nou ti travay avek sa entity ki NAC in met an plas lo Praslin e menm La Digue, kot nou ti demann zot e ankor nou nou’n sirpriz konbyen en ‘Band pe sarz nou akoz nou ti’n met kekfwa en pti Bidze 100mil pou Lansiv e finalman in kout nou plis ki 200 mil.  Akoz nou pa’n diskit ek bann band akoz demen i vin kot Lasanble i dir nou nou pa pe pey zot e nou, nou anvi ki bann dimoun i manz byen.  Me nou’n osi- nou osi nou’n sirpriz.  e mwan mon ankor mon Chair  avek tou lonnekte mon kontan ki zot pe vwar bann figures en pti moman dan sa Entertainment Industry e nou a fer bann diskisyon vreman  serye lo la bann Onorab.  Mersi.

 

MR DEPUTY SPEAKER

Mersi CEO.  Onorab Andre.

 

HON CLIFFORD ANDRE

Mersi Mr Chair.  Premye kestyon lo ‘invoice’.  Eski zot ti ganny sa bann invoice avan ki zot ti konmans organiz sa bann aktivite?  Sa premye.  Dezyenmman mon pe get dan ‘wages and salary in cash’ lo paz 587 mon vwar en increment apepre 2.8 milyon.  Eski CEO i kapab eksplik nou ki sa i reprezante?  Apre lo ‘goods and services’ detay ki in donn nou ‘maintenance and repair’ menm si ou’n koz lo ICCS mon vwar i annan 510mil so pou kwa sa?  Si i an deor sa bann lezot?  Ou annan ou apre ‘professional expenses’ ki 1.6 milyon, eksplik nou en pti pe?  Ou annan ou ‘rent for events ‘1.4 kote sa bann events?  Apre ou annan on ‘other uses of goods and services’ 5milyon si ou kapab donn nou en pti leksplikasyon.  Mersi.

 

MR DEPUTY SPEAKER

Ok.  Mersi Onorab.  CEO.

 

CEO MR GALEN BRESSON

Mersi Onorab.  Mersi Chair.  Wi  bann ‘invoices ‘ti vini e Mid- Term Review mon krwar zot tou zot konnen nou ti’n ganny zis 1 milyon pou Festival Kreol e mon ti dir depi konmansman i pa pou ase.  Mid-Term mon ti ale e mon ti donn en revised Budget of 8million in fact, poudir ki annou ete rezonnab.  Nou nouvo zot pe donn mwan responsabilite Karnaval e mon asir ou 100 poursan Karnaval ti plis ki 8milyon.  Ou donn mwan responsabilite Festival Kreol ansanm pa pou fer li dan 1 milyon.  E mon konn bann cost ater ki egziste, mon’n dan sa Lendistri pou en bon pe lannen so wi nou ti annan sa bann invoices e nou ti annan lenpresyon ki tou keksoz pou ganny met devan byen boner e ganny diskite akoz according to schedule ki nou ti’n resevwar se ki Lasanble lo kote son bann siplemanter, ti pou zwenn byen boner avan Oktob.  So nou ti pou konnen ki nou pou fer.  Be an mezir in ariv letan nou pa’n vreman konnen e mon krwar nou’n ganny atrape set fwa si en pti pe an deor e les mwan reasir Lasanble vot lo Bidze CINEA si zot donn mwan 1 milyon pou fer Festival Kreol next year, zot pou ganny en Festival 1milyon mon pa pou kapab al an deor sa Bidze me zis nou ti pou bezwen kalifye sa lo sa kote.  Lo kote ‘wages and salaries’ Onorab in mont par 2.3 – annefe dan nou Bidze sa lannen in mont par 8 milyon 130mil.  E ladan i annan zis de landrwa ki nou vwar lefe e sa i lo wages and salaries ki sa 2.38718 milyon ki Onorab in demande e i annan ladan Onorab i annan Scheme of Service pou bann travayer ki zot saler in sanze.  I annan new Scheme – i annan 13th Month Salary.  Nou annan osi en lefe ki’n arive anba ‘wages and salary’ kot bokou nou bann travayer sirtou nou bann sekirite e nou bann dimoun ki travay dan Housekeeping i pa ti ganny trouve an 2017 anba ‘wages and salaries,’ for some reason mon pa konnen Gouvernman ti pe met zot anba ‘goods and services’ e pou mwan ti fer en pti pe plis sans ki nou met li anba ‘wages and salaries akoz zot pe earn en saler. So tousala in sanze in normalize ki zot in vin anba ‘wages and salaries.’  Nou annan ‘gratuity,’ nou annan transfer.  Transfer basically i annan en novo saler ki pe antre ladan savedir en nouvo dimoun.  Nou annan osi  bann adjustment on payroll ki’n arive.  I annan 6 housekeeper, 3 superintendent bann dimoun ki netway deor.  I annan 5 security guard; i annan new recruit sa i en drayver nou ti annan zis en drayver avan.  Nou annan en general assistant, nou annan en graphic artis, nou annan en pianist ki pe vin onboard e se sa ki ou vwar nou ogmantasyon dan nou salary to that extent sirtou avek Scheme ki’n sanze.  Ou lot kestyon ti lo kote professional sorry?

 

HON CLIFFORD ANDRE

Ou’n dir nou ki poudir ‘maintenance’ ICCS me selman letan mon pe get ou ‘maintenance and repair’ mon vwar li 510mil.  Eski i korek oubyen..?

 

CEO MR GALEN BRESSON

Wi Onorab nou pa’n kapab dir nanryen nou akoz it’s just a cut and paste ki’n arive pou nou baze lo ICCS avan kot i zis cut i dir ok met sa.  Se pour kwa mon pe dir ki zis nou ‘salaries’ ki’n monte according to what – ki mon’n fek dikte e ou pou vwar osi mont sa 8milyon i 5 milyon nouvo ki’n ganny mete anba zis Festival Kreol.  So the change in our – ki vreman in arive zis sa an zeneral dan nou total dan nou Bidze.  E sa sonm ki ou’n dir mwan, i pa vreman sa sonm ki nou’n dir mwan i pa vreman en keksoz ki nou’n kapab diskite zis in dir be la la i abitye annan sa sonm ou met sa sonm ou agree ek sa sonm.  Nou move on avek lavi 2018.  Lo ‘professional fees’ ou’n demann sa ‘professional fees’ i annan Board Members, i annan 180 mil, nou annan ‘foreign consultancy fees’ sa i tonm dan levennman kot for some strange reason kantmenm nou’n demande pou sanz bann heading akoz i pa en ‘foreign consultancy fees’  or ‘consultancy fees’ an zeneral.  Normalman pou Miss Seychelles nou fer en tender e baze lo pri ki nou  ti gannyen sa lannen ki ti apepre en 650mil se sa 600 ki reflekte as – i vin anba ‘consultancy,’ but it’s not a consultancy it is actually a Contract.  So why this goes like that mon pa konnen, Minister Finans ki a kapab dir ou sa heading akoz pou nou i consultancy is actually the tender ler nou pou met deor pou pran sa dimoun ki pou vini.  So that’s consultancy.  Mon pa konnen si mon’n reponn tou ou kestyon.

 

HON CLIFFORD ANDRE

‘Facilities and events’ i 1.4 avek sa ‘other uses of goods and services’ 5 milyon ki mon ti’n demann leksplikasyon.

 

MR DEPUTY SPEAKER

Ok.  CEO.

 

CEO MR GALEN BRESSON

5 milyon i zis pou Festival Kreol nou pa kapab fer nanryen avek apard ki Festival Kreol.

 

HON CLIFFORD ANDRE

…(Mic Off)

 

CEO MR GALEN BRESSON

Sa 1.4 – sa 1.4 i bann ‘other events’ Onorab ki i 14 i ‘facilities of events’ wi i annan bann levennman mon a kapab donn ou dan en pe detay la.  I annan parey ou konnen… – Pardon?

 

HON CLIFFORD ANDRE

…(Mic Off)

 

MR SPEAKER

Ok.

CEO MR GALEN BRESSON

Sa ki dan mon Lalwa tou sa bann detay.  I annan 9 levennman annefe.

 

MR DEPUTY SPEAKER

Ok?  Ou kapab mansyonn detrwa CEO si ou annan.

 

CEO MR GALEN BRESSON

Pou mansyonnen Chair?  Ok i annan  Karnaval or Festival Kreol ki vin ansanm ki vin – apre i annan ECO-Friendly Marathon ki sports; ki annefe ler mon’n diskit ek mon koleg NSC la nou’n ganny en Bidze 280mil e mon’n demann li konbyen i pou koute sa i dir mwan be sa i abitye kout dan 2 milyon.  So ankor mon pa konnen ki mannyer nou pou al fer sa.  Nou annan La Digue Feast of Assumption at 217, India China Day at 65, Subios at 145 thousand, Fancophonie at  115 thousand, Fete Afrique at 115 thousand, Miss Seychelles at– (eskiz mwan linet pe bat mwan en pe.- at 1.6 baze lo son current sanze e Praslin Culinary Art Festival at 92

 

HON JEAN-FRANCOIS FERRARI

…(Mic Off)

 

MR DEPUTY SPEAKER

Ok Onorab Ferrari i ava ariv ou tour.  Onorab Andre.

 

HON CLIFFORD ANDRE

Zis pou mwan konfirmen CEO in dir nou ki poudir i annan sa 5 milyon pou Festival Kreol, aprezan in mansyonn ankor dan sa 1.4 i annan ankor adisyonnel pou Festival Kreol ki aparet lezot landrwa.  So mon pe konpran byen pou nou pa ganny konfize avek sa bann zafer Festival Kreol in mansyonn en lot landrwa apre i mansyonnen en lot landrwa ankor.  Koriz mwan si mon mal.

 

MR DEPUTY SPEAKER

Ok.  CEO.

 

CEO MR GALEN BRESSON

Mon krwar i en oversight me selman basically ou annan ou zis 9 events costed at 4.153 million.  9 events.  Apre ou ansan Festival Kreol at 5milyon ki fer ou en total outlay ler ou met ansanm avek of course bann lo pti bout ki vini.  I annan subprogram events and creative apepre en 13milyon ladan.

 

HON CLIFFORD ANDRE

(Mic Off)

 

CEO MR GALEN BRESSON

Sorry?

 

HON CLIFFORD ANDRE

(Mic Off)

 

CEO MR GALEN BRESSON

Non, non, non.  Mon kapab anvoy detay mon annan tou bann detay.

 

MR DEPUTY SPEAKER

Wi ok.  CEO ou ava provide sa bann detay.  Ok.  Onorab Letourdie.

 

HON JANY DE LETOURDIE

Mersi Mr Chair.  Bon apre midi tou dimoun.  Kestyon pou CEO ;enn ou bann lobzektif lannen ase ou ti eksplike ou ti dir pou ed bann artis Nasyonal lo nivo enternasyonal mon ti a kontan si ou ti a kapab dir nou pou sa lannen ki kantite bann artis ki ou’n ankadre e ki’n benefisye atraver  bann Misyon Enternasyonal?  Dir nou ki bann pei ki zot in ale e si ou kapab dir nou konbyen in koute?

 

MR DEPUTY SPEAKER

Mersi Onorab.

 

HON JANY DE LETOURDIE

Sa enn apre en klarifikasyon.  Parey India avek China Day normalman zot pa sipoze pe pey zot aktivite zot menm atraver zot Lasosyasyon?  Akoz avan atraver zot Lanbasad osi akoz avan zot ti pe fer sa non?  Ti a kapab tir en pe costing.

 

MR DEPUTY SPEAKER

Ok.  Mersi Onorab.  CEO.

 

CEO MR GALEN BRESSON

Onorab India and China Day ou konnen mon annan menm detay si ozordi ou vin fer en levennman kot ICCS, i annan en fre, i annan en kou.  So that is a cost incurred.  I pa free li akoz i still run elektrisite tou keksoz i marse e vre nou pa pey sa gro larzan ki zot, zot fer bann levennman.  Me sak keksoz ki zot fer zot servi dan premises ICCS nou bear the cost.  Ou pe konpran mwan, kot sa fre i vini vreman.  E i annan bann fre ki zot vin demann nou pou met – ed zot ek serten pti lezot lozistik e somehow or another mon’n inherit sa mon vwar li koumsa me parey mon’n dir mon ti ava apresye ki nou asize nou diskite devan ki mannyer nou vwar sa bann levennman akoz ou’n demann en kestyon pertinan ki lead from that.  Nou ti dir nou pou ede ek bann artis pou al deor.  Sa nou rol.  I pa kestyon ede.  Sa i kestyon promosyon e vreman tir nou Creative Industry kot i ete lokalman e konmans ouver laport.  Mon annan tou detay mon kapab anvoy sa bann detay mon pa kapab dir ou egzakteman konbyen artis dan mon latet i pa la me mon kapab dir ou par egzanp nou ti al avek en group artis, MELA ti kout nou R298mil e re tonbe – MELA India pou nou in vreman fantastik dan en serten sans ki ozordi Gouvernman L’Inde e mon bann koleg i kapab ateste sa nou’n kapab relev bann MOU ki ti egziste ki ti pe donn nou bann ledikasyon lo teknisyen, teknisyen ti kapab al training.  E ozordi dan reative Industries India is the leading country, ki anploy plis dimoun dan son Creative Industry with over 33% so that they ride formula.  E ozordi India i pare pou re anmenn nou onboard, re edik nou, met nou azour sa ki pe arive dan sa Lendistri e sa i arive akoz MELA.  E nou performans MELA ki ti vreman a la oter ki nou ti sel group ki perform devan Gouverner mon fyer pou dir.  Me at the end of the day Sesel in deza partisip dan MELA pou ou lenformasyon.  Mon pa konnen si ou konn sa.  Sesel in partisipe, me selman premye dimoun ki vin avek lenformasyon ki vin prezante.  E sa i bann keksoz ki nou bezwen kalifye ozordi e mon apresye ki ou pe demann mwan e in kout nou avek apepre en 16, 17 artis, artizan, santer, dansez – 16 artis 298mil e i pe nou pou al ganny ledikasyon, nou pou al ganny en kantite led avek Gouvernman L’Inde.  E zisteman en keksoz ki nou pe al sey push akoz mon’n vwar en kantite lekipman sorti ‘Made in India’ dan ICCS nou pe fer zot vizite pou gete si zot kapab ed nou avek.  Nou annan Maurice e la nou’n fer – akoz mon krwar zot in tann mwan mansyonn 9 levennman.  E sa bann levennman i a fer nanryen pou nou Creative Industry eskiz mon lekspresyon ler mon met li koumsa i senpleman bann levennman.  Akoz bann artis i vini i perform i ale.  Me i pa pou fer lo kote manda kreativ CINEA kot i ti sipoze pran en artis e devlop li lo son nivo penacle pou li al deor.  Akoz nou annan zis 90mil dimoun i en market 90 mil dimoun zanmen ou pou vreman fer bokou larzan.  E ou pou bezwen al dan bann marse aletranze pou ou vreman viv dan ou metye.  Parey Onorab ou konnen ou en santez ki ozordi ou ti kapab al bokou pli lwen ou ou konpran ki nou pe sey dir lo la si laport ti’n ouver bokou pli lwen osi.  E nou’n fer en creative annefe 2 creative sa lannen ou’n demann lo kote enternasyonal selman mon ti a kontan met sa ansanm.  Nou’n fer enn ki apel Sesel/Ile Maurice e mon kontan poudir Sesel nou al avek en 20tenn artis e bi i parey bann Morisyen i vin isi.  E ti annan en Exhibition Hall zot pe vann ‘Made in Seychelles’, zot pe fer larzan dan lekonomi Sesel.  E pou lemoman mon krwar zot in vwar ki annan en nouvo Lalwa ki’n pase, Polisi in regards to sa bann legzibisyon ki zot ti pe vin fer dan nou market.  Me nou osi nou’n al laba pou ouver nou laport e ozordi mon byen fyer pou dir ek tou bann artis ki nou’n siny bann MOU avek bann Stasyon Radyo.  Nou’n siny bann MOU avek bann Stasyon Televizyon.  Nou’n siny MOU avek bann landrwa ki vann CD akoz nou ti al ek prensipalman lanmizik.   Me nou anvi devlop sa akoz ozordi bann Stasyon Televizyon Radyo pe demann bann artizan, zot anvi- bann keksoz artistik tousala in maintenant ouver laport.  E nou’n kapab ozordi pe ganny bokou keksoz ki nou ti bezwen al peye.  E la mon ti a kontan share ek zot in depans nou apepre R1milyon pou nou fer sa move akoz – apepre R1 milyon Sesel e ler nou’n laba nou’n pey tou nou poster, nou’n pey Lapolis, nou’n pey tou bann Minisipalite, nou’n pey tou bann copyrights, nou’n pey bann landrwa pou perform e ozordi dan Gouvernman Sesel nou – dan Gouvernman dan idantite Sesel e CINEA pe responsab sa, bann artis ki vin perform Sesel pa pey nanryen, ni – nanryen zot pa peye.  Zot pey zis GOP.  Nou, nou pa pe anmas larzan, e nou’n al dekouver ki mannyer nou kanmarad pe fer larzan dan sa Lendistri.  Ozordi pou en poster i ganny peye 6 fwa akoz ou pey Lapolis pou police the poster; ou pey Lapolis pou fer sir ki ou venue i safe, ou pey Lapolis pou met lord lo semen.  Poster i ganny mete lo semen ou annan en fee pou peye, akoz demen si kit ou poster lanmenm sa dimoun ki netway semen pou bezwen anmas ou poster.  Me nou Sesel nou pa fer en sou.  E mon’n vin met sa devan; ki mon’n met sa devan ek Lotorite mon dir nou annan en problenm la.

 

(Interruption)

 

CEO MR GALEN BRESSON

Pardon?  Non CINEA n’al dekouver sa akoz nou pe pous nou Lendistri, me le re tonbe se ki ozordi bokou lakonpannyen Maurice in retourn lo CINEA i pe demann nou bann artis pou re vin Maurice.  Zot pe demann nou bann oeuvres.  E la ankor re tonbe i vin en latet fermal akoz serten nou bann artis, bokou nou bann artis zot pa copyright zot lekor byen, zot napa bann profil.  So nou’n vwar ki nou Lendistri i annan en kantite problenm.  Me yet nou’n ouver laport kot ozordi nou bezwen  ale e nou pe ganny sipor kot bann dimoun i pare aprezan pou pran tou sa bann advertisement, siport nou e free advertisement lo radyo, televizyon, lo internet Maurice, met nou bann posters anler free, fer interview radyo free, ki tousala i peye ler ou antre dan en pei.  So pou re tonbe pou bann artis nou’n fer en lot osi e sa i Momix sa ti vin an rezilta mon krwar zot tou zot in tande CINEA ti fer Jazz and Blues Festival pou la premye fwa Sesel.  Sa i nou dezyenm creative ki nou’n fer Sesel e jazz ek blues i lenstriman ki tou pei i servi pou pous zot Lendistri kreativ an deor zot frontyer.  E nou fyer pou dir nou annan en group ki’n ale, al pa tro lontan Maurice akoz pou mwan mon pa le tro, tro fatig mwan avek marse L’Europe pou lemoman akoz mon krwar Sesel nou annan en marse 1.4 milyon Maurice, nou annan en marse en pti pe pli lwen ki La Reunion.  Annou regard en pe dan la rezyon avan nou al fer gro depans pou nou bokou dan bann pei L’Europe.  Mersi Onorab.

 

MR DEPUTY SPEAKER

Mersi CEO.  Onorab Letourdie.

 

HON JANY DE LETOURDIE

Si mon konpran byen Mr CEO savedir ou’n dir ti annan en 20tenn artis apre R1milyon bann landrwa ou pa’n dir mwan kote zot in ale. Mon ti a kontan si petet si posib –   Bann pei kot zot in ale – ya.

 

MR DEPUTY SPEAKER

Ok.  Mersi.  CEO.

 

CEO MR GALEN BRESSON

Zis India and Mauritius.  Zis India and Mauritius e nou osi ti partisip avek NAC nou ti pey pou bann artis ki ti al Midem La France pou al kolekte lenformasyon lo Midem so nou osi ti fer en kontribisyon lo la.  Nou ti pey 50% pou bann artis ki ti al Midem.  Ti pey 50%.  So nou ti kontribye lo la e ankor mon kontan pou dir ki nou’n ganny envite maintenant mon konnen ou’n deza partisip dan Montreux Jazz Festival.  Pa yer swar avan yer swar pou la premye fwa ou ganny envite ankor Montreux Jazz Festival e sa ankor i en keksoz mon krwar enkrwayab pou Sesel.  Mersi.

 

MR DEPUTY SPEAKER

Ok.  Onorab John Hoareau.

 

HON JOHN HOAREAU

Mersi Mr Speaker.  Bonn apre midi a tous.  Mr Speaker mon ti oule konnen anba progranm 1wages and salary in cash ‘mon vwar en gran logmantasyon 2.1 milyon sorti 1.7 pou 3.8 – so mon ti a kontan konnen akoz sa gran logmantasyon dan wages.  E dezyenm kestyon mon ti ava kontan si CEO ti kapab donn nou en lendikasyon ki kantite CINEA an term reveni in kontribye dan lekonomi pei in terms of son reveni ki in anmanse, in terms of cash ki in ranmase par bann events ki i fer.  Mersi.

 

MR DEPUTY SPEAKER

Onorab mon krwar sa bout lo ‘wages’ ti ganny leve par Onorab Andre e CEO in deza fini adrese.  I ava pran dezyenm bout kestyon.  CEO ti reponn sa bout lo ogmantasyon dan ‘wages.’

 

HON JOHN HOAREAU

Ok.  Mersi.

 

CEO MR GALEN BRESSON

Onorab mersi pou kestyon.  Mersi Chair.  Lo kote koleksyon reveni, lo Creative Industry en, CINEA i en veikil ki nou pa zanmen konnen ki kantite nou kolekte.  Akoz mon dir sa.  I annan direct collection par egzanp si ou dir mwan lo stall nou’n anmas nou zis pou Festival Kreol apepre 395 – 400 mil.  Me nou pa pou zanmen kapab kolekte direkteman akoz ler nou fer en levennman lekel ki kolekte se bann business entities ki la.  Zot ki revolve dan lekonomi Sesel.  So nou, nou pa kolekte direkteman.  Nou plito la konman en veikil kot bann dimoun, nou promot kreativite ki zot sa bann dimoun ki dan sa bann biznes ki kolekte so nou fodre lo kote kekfwa tax i a kapab klersi sa pou nou.  But at the end of the day nou pa vreman.  Me mon pou fer en pti analis ek ou.  Festival Kreol ler nou ti on kot nou ti fer nou Vilaz Kreol ti annan bann cruise ship ki ti pe vini.  E ler nou’n fer bann interview, akoz nou anmas bann statistic pou sa Lendistri bokou bann dimoun i vini zot pa pe aste nanryen dan nou bann Kiosk.  Akoz zot vwar menm keksoz partou.  Pareo, lot, e zot dir laba ‘Made in Mauritius’ isi ‘Made in Seychelles,’ napa nanryen ki nou pe dir mon’n tann zot ban deliberasyon ban Onorab kot zot in koz heavily on the tourism sector; but the fourth pillar of the economy i bezwen dan sa Creative Sector.  E li an se moman i merit lev sa yield me i pa pe fer li akoz nou bann prodwi pa ase for pou bann dimoun aste.  I pa keksoz ki bann dimoun i oule aste.  Nou’n lans en lapel 8 mwan avan Festival Kreol mon ti ekri tou distrik atraver DA’s office pou regarde kwa ki reste dan nou tradisyon par egzanp mon ti a kontan vwar bann dimoun ki ankor fer sak vakwa.  Me ozordi mon’n al en festival La Reunion en sak vakwa dan zot Festival pe vann 35 euro and it was the fastest seller.

 

(Mic Off)

 

CEO MR GALEN BRESSON

Pardon?  Non.  Non.

 

MR DEPUTY SPEAKER

CEO fini.  CEO fini.

 

CEO MR GALEN BRESSON

Sa i nou tradisyon. I nou tradisyon.  Me laba en sak vakwa in modernize in fer inovasyon avek in vin en sak lo ledo.  Mon al travay avek.  Mon kapab montre ou i ek mwan la mon’n anmenn mon dokiman avek.  Me inovasyon sa.  I bann yield bann keksoz so vreman nou pa pou kapab kalifye konbyen nou anmase e nou’n osi fer pran en pe statistik, me aprezan nou pe konmans ganny en pe problenm avek bann dimoun stall.  Nou’n vwar on average on a daily basis par egzanp en stall lalkol i fer en pti pe plis ki R30 mil an koleksyon an reveni ler i fer en levennman.  En stall manze i fer li en pti pe plis ki R15mil.  En stall ki fer bann diferan keksoz ki i vann i byen bann dimoun pe debrouye i fer li plis ki R6mil par zour si nou fer en aktivite byen kale e la nou pe koz depi 10er bomaten ziska 11er diswar.  So sa zis pou reponn ou en pe bann reveni i al kot bann dimoun ki pe fer zot bann biznes me pa neseserman vin kot CINEA.  Mersi.

 

MR DEPUTY SPEAKER

Ok.  Mersi CEO.  Onorab Hoareau.

 

HON JOHN HOAREAU

Me se pourtan Mr Speaker CINEA i fer bann free paying events ki dizon par egzanp Fon Lanmal kot zot anmas R600 par tiket, so kot i ale tou sa bann larzan.  Mersi.

 

MR DEPUTY SPEAKER

Ok.  CEO.

 

CEO MR GALEN BRESSON

Mon’n reponn ou ler mon’n konmanse Onorab mon’n dir ou nou’n anmas nou apepre pandan Festival Kreol an tou lo kote tiket apepre en 400 mil si mon pa tronpe.  E sorry si mon pa’n reponn ou lo la be nou kapab donn ou sa detay lo sa bann ticket collection.   Me sa i retourn dan nou revolving funds e enn nou bann problenm osi ki nou’n gannyen dan Festival Kreol very low sponsorship, akoz bokou bann sponsors pou bann kekfwa ki’n la avan mwan i konnen ki Festival Kreol i annan – i annan bann kont.  I ti annan bann kont labank  e bann Manm Onorab in fer sir ki la napa okenn bann kont ki ouver be bokou bann entities pa oule peye dan kont Gouvernman bann fre pou zot sponsorship.  So sa en lot mountain ki nou nou’n gannyen avek bann dimoun.  Me nou’n fer nou en koleksyon apepre 1.4, 1.5 milyon dan term ‘Sponsorship ‘pou Festival Kreol.  E sa deswit nou servi li pou re pey en pe nou bann cost ki nou incur akoz sa i al dan kont kot labank Santral ki apre i ganny odite i gete ki nou’n fer depans lo la.

 

MR DEPUTY SPEAKER

Ok.  Mersi CEO.  Onorab Simon Gill.

 

HON SIMON GILL

Mersi Mr Chair.   Mon oule move ki nou pran en vot Mr Chair.  Mersi.

 

MR DEPUTY SPEAKER

Ok.  Mon annan ankor 6 Manm de lo kote Parti Lepep, 4 lo kote LDS ok?  In fer en propozisyon mon pe regarde avek zot ki zot panse si i annan Manm ki ankor anvi demann zot kestyon.

 

HON CHARLES DE COMMARMOND

Chair annou pran en Break.

 

MR DEPUTY SPEAKER

Ok.  Bon ki mon ti a kontan propoze.  Annou fini sa detrwa kestyon.  Annou aim pou nou fini ek CINEA par 4er.  Nou a pran en break 15 minit apre nou ava retournen nou a kontiny nou travay. Ok?  Ok.  Ale – Onorab Gill.

 

HON SIMON GILL

Mr Chair mon’n move en Mosyon, napa segonde.  Si napa segonde mon a demann mon bann kestyon.

 

(laughter)

 

MR DEPUTY SPEAKER

In tonbe.  In tonbe.  Mosyon in tonbe.  Ok.

 

HON SIMON GILL

Mon a demann mon kestyon prezan si zot pa aksepte mon-

 

MR DEPUTY SPEAKER

Wi demann ou kestyon.

 

HON SIMON GILL

Mersi bokou.

 

(laughter)

 

HON SIMON GILL

(Relax donn mwan en pti sans.)  Mr Chair konmsi serye, mon konpran ki CEO Bresson in dir sponsorship i limite prezan akoz ban kont ki zot ti kapab ouver in ganny re organize tou larzan i al dan kont Minister Finans, dan en Fon, ki zot dir zot servi me si nou pou kontinyen avek Festival Kreol avek bann lezot aktivite ankor, mon krwar nou bezwen fer li bokou pli byen ki sa.  Bokou pli byen, dan le sans kot nou angaz la nasyon ladan dan en fason pli byen e kot tou dimoun ki kontribye, bann dimoun ki pe fer lavant, bann lezot biznes partou i kontribye, pour ki an retour ler nou met tou sa larzan dan en Fon nou kapab fer sa aktivite san ki nou bezwen Gouvernman i fund sa aktivite.  Now kestyon baze lo ou leksperyans Mr Bresson, eski ou santi ki Sesel i kapab ariv lo sa nivo?  Mersi.

 

MR DEPUTY SPEAKER

Mersi Onorab CEO annou sey pou rezon letan.  Annou sey donn bann repons ki bref.  CEO.

 

CEO MR GALEN BRESSON

Onorab Gill an se moman sesel nou pa ankor kapab leve sa kalite larzan pou nou fer en Festival apre 32 an lo nou menm ek son bann fre ki mon vwar ki annan lo nou menm ki zis bann sponsors e bann dimoun ki kontribye.  I bezwen en gran willpower par Egzekitiv, Lezislatif ki pou ek bann dimoun ki dir nou bezwen re lev nou tradisyon.  Akoz mon krwar zot in vwar zot menm konbyen dimoun ki ankor pe fer nou tradisyon e annou pa melanz sa avek kiltir ki evolye.  Personnelman non.  A sa pwen non Onorab Gill.

 

MR DEPUTY SPEAKER

Ok.  Mersi.  Onorab Adelaide.  Kestyon direk.

 

HON FRANCOIS ADELAIDE

Mersi Mr Chair.  Anba ‘wages and salary’ avek ‘allowance’ mon vwar i annan 8.2 milyon, ‘wages and salary.’  ‘Allowance’ apepre 1.9 milyon.  Mon oule ki mon ganny en breakdown lo bann post ki annan kot CINEA, saler ki al avek sa bann post avek allowance ki al avek sa bann post.  Akoz mon pe demann sa Mr Chair akoz i fer trwazyenm fwa mon demande mon pa ankor ganny okenn dokiman.  Mon lot pti kestyon lo kote ‘outstanding invoice’ mon vwar i annan ‘cleaning of Reef Hotel’, ‘maintenance work at Reef Hotel. ‘ Mon oule en pti detay lo la?  Mersi

 

MR DEPUTY SPEAKER

Ok.  Mersi Onorab.  CEO.

 

CEO MR GALEN BRESSON

Mon a konmans avek ‘cleaning’.  Koman benevole nou ti ganny Beachcomber ki ti donn nou Reef Hotel.  Annefe i ti sponsor nou, me Reef Hotel pa ti dan en bon leta.  Ti pe koule, toilet ti dan en problenm e nou ti’n assume i pou save nou en kantite larzan. E in fer akoz nou fer pa mal aktivite laba.  So nou’n bezwen met li a alaoter akoz toilet ti vreman en problenm.  Nou’n bezwen netway li very thoroughly.  E nou bi se ti pou sey sov larzan pou me tou nou bann delegasyon kot Reef Hotel me nou problenm ki nou’n gannyen se ki bann lasanm ti’n tro deteryore, standar elektrikal avek fire standard was not alaoter.  So nou pa’n kapab pran en risk pou met bann delegasyon enternasyonal laba me par kont nou’n kapab fer bann aktivite.  Se sa  ki nou’n depans sa larzan ladan pou nou met Reef Hotel within the working order pou nou at least kapab fer en aktivite.  E sa vre in save nou en pe larzan, akoz si nou ti pou al lo en lot landrwa pou fer tou sa bann aktivite ti pou’n kout nou bokou plis.  Lo kote ‘wages and salary’, ‘allowances’ nou bann travayer par egzanp si mon donn ou mon napa sa figure la i annan la me selman pou letan si nou pran en travayer ki travay minim, nou sekirite i travay minim 11 erdtan par zour.  6er pou 6er akoz nou 2 shift; nou annan zis 2 shift.  Nou annan bann allowances ki nou’n mete nou pa kapab pey overtime akoz leksperyans in montre ki overtime i kout bokou, bokou plis ki allowancesYes sir.

 

MR DEPUTY SPEAKER

Ok.  Mersi CEO.  Onorab Adelaide.

 

HON FRANCOIS ADELAIDE

Mr Chair mwan mon ensite ki mon ganny en breakdown konplet akoz mon pe vot lo en Bidze mon pa konnen pou ki mon pe vote lo saler e mon egzize ki mon ganny en breakdown.  Mersi.

 

MR DEPUTY SPEAKER

Ok.  CEO ou ava anvoy breakdown apre pou Lasanble.

 

CEO MR GALEN BRESSON

Mon’n vwar li la.

 

MR DEPUTY SPEAKER

Ok.  Go ahead CEO. 

 

CEO MR GALEN BRESSON

En sekirite gard – mon pou donn ou la ouswa mon pou pas lo tou travayer?  Mon pas lo tou travayer?  Enn par enn?

 

(Interruption)

 

CEO MR GALEN BRESSON

Post title standing allowance en Senior Security Officer i 3, 500, en office assistant i 3,100, en housekeeper i 2 mil.

 

(Interruption)

 

CEO MR GALEN BRESSON

Pardon.  En saler –

 

MR DEPUTY SPEAKER

CEO ou kapab sirkil sa lenformasyon si ou le.  Sirkil sa lenformasyon pou Lasanble.  Ou kapab anvoy en kopi kot lofis Clerk e Clerk i ava sirkil avek bann Manm.  Ok.

 

CEO MR GALEN BRESSON

Mersi.  Ok.

 

MR DEPUTY SPEAKER

Ok.  Mersi CEO.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker mon pa pou long.  Mon ti a kontan demann avek Minis ki la ki i donn mwan lenpresyon i annan bokou diplikasyon an term staff e i annan bokou an term bann events ki zot pe fer ki pa pe – ki pe spread too thin e ki napa, napa lefikasite dan protez nou kiltir.  Mwan sa ki mon ti a kontan demann Minis si i pa krwar ki CINEA i devret retourn ansanm avek National Arts Council?  I annan 2 keksoz ki i fer.  Nou promot nou kiltir, fer nou Festival Kreol fer li byen.  Aret fer bann lezot festival ki napa nanryen – ki- mon pa dir aret fer, me i annan lezot festival ki bann pei i kapab fer.  I mean si L’Inde i oule fer en keksoz i ava organize.  Si bann Sinwan isi i anvi fer keksoz i ava organize.  Si Franse i anvi fer keksoz i ava organize.  Nou, nou bann kreol.  Annou fer en Festival Kreol pou Kreol.  Nou tou nou ava zwenn ladan.  Mwan se sa ki mon oule dir alor mon propozisyon se sa.  Se ki staff CINEA i zwenn avek NAC, nou pran Bidze Festival Kreol nou met avek.  Nou met en Bidze pou promosyon Lar e la Kiltir Sesel nou met avek e lezot nou kit akote.  Akoz mon pwen se nou bezwen koup nou latwal dapre nou size.  Nou pe fer tro bokou keksoz e nou pa pe reisi.  Sa bann events Minis dir nou en pe.  Nou konnen nou ler Minis St Ange ti la mon pa konnen si akoz i ti bezwen L’Inde pou vot pou li kot i ti pe ale, oubyen La Chine pou vot pou li. Nou’n fer en ta events, ziska La Digue in vin en event.  La Digue in sorti en Lafet Relizye in vin Lafet Bwar.  Se sa ki’n arive.  Nou nou’n detri sa 15 Out akoz nou le met nou lanmen ladan.  Annou les nou kiltir grandi, evolye fer sa ki devret fer.  Nou pa enterfer dan tou keksoz zis pou nou ganny bann benefis politik.  Sa i mon pozisyon mon ti a kontan Minis i kapab fer en komanter lo la e gete ki mannyer nou kapab streamline; akoz yer menm Minis ou’n vwar poudir i annan Direkter Zeneral dan ou Minister ki nou pa ni konnen ki i pe fer.  Nou pa konnen ki i pe fer.  So nou streamline met tousala synergize pou nou kapab save en pe larzan.  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Chair.  Mersi Onorab.  Onorab NAC avek CINEA zot manda i diferan.  Napa duplication.  I napa diplikasyon dan NAC avek CINEA.  NAC li i annan son rol spesifik, son manda pou li devlop.  Son manda se devlope li, devlop artis, devlop dan tou Sekter par egzanp al lo Praslin laba annan bann dimoun ki montre lanmizik ki – bann dimoun i konmans devlop sa bann talan a tre zenn-az.  CINEA li parey ozordi nou annan Biennale de Lar ki pe ganny promote Sese l.  la sa bann best la se sa bann best ki li CINEA i al amenn deor laba.  Ok.  I al mon tre ki in kapab kote in arive o nivo enternasyonal.  I annan sa diferans ou pa kapab fer zot parey.  Lo kestyon promot nou lar promot nou kiltir, mon krwar si nou asize nou reflesir nou regarde ozordi eski nou pe promot nou kiltir?  Eski nou pe vwar nou tradisyon i la?  Nou pe devlop nou kiltir en, nou pou vwar i annan en kantite mankman nou bezwen revwar li.  Nou bezwen regarde kote nou anvi arive.  Eski nou gard nou tradisyon?  Eski nou devlop nou kiltir.  Ler ou dir mwan nou dir L’Inde nou pa pe fer nanryen pou konsern Eleksyon avek L’Inde nou.  L’Inde, Lasin nou tou nou konnen kote nou gran pye i sorti.  Nou tou nou konnen kote nou granpye i sorti nou.  L’Asie, L’Afrique, L’Europe ok?  Nou pa ti sorti zis L’Afrique oubyen kwa.  Nou sorti L’Asie, L’Europe L’Afrique.  Ler L’Inde i vin kot nou i vin anmenn son kiltir, Endyen i annan ki Seselwa.  Zot Endyen be zot pe promot zot kiltir an menm tan i annan sa levolisyon kiltir la.  Sa levolisyon. Nou Seselwa osi i ansanm.  Nou evolye ok?  Nou pa fer Lafet L’Inde.  L’Inde li lamazorite son depans ki i fer se li ki fer son depans.  Nou annan en pti keksoz ki nou, nou met avek nou donn sipor pa neseserman nou fer.  Ok?

 

HON JEAN-FRANCOIS FERRARI

…(Mic Off)

 

MINISTER MITCY LARUE

Non in dir oubyen li.  In dir nou, nou pa fer sa, in dir ou zot anmenn tou zot bann dimoun i vini zot bann zafer i vini me ler nou fer ler Festival Kreol, Festival Kreol li i la pou nou promot nou kiltir e se sa ki nou anmenn bann dimoun dan la rezyon, la rezyon ki form par zot osi zot vin anmenn zot kiltir e nou ansanm nou fer sa laserenad ki nou apel Laserenad Enternasyonal.  Ok?  E nou zenn ki pa konn nou bann tradisyon, ki pa konn en pe zot ava vwar e i ava ed zot pou zot konpran akoz nou’n perdi kiltir Sesel, nou’n perdi.  Ozordi oli respe.  Respe i form parti nou kiltir.  Dir bonzour dimoun i form parti nou kiltir.  Nou’n perdi tou sa la. Nou bezwen rod fason ki mannyer nou re anmennen.  Be nou pa kapab dir sa de i devret separe.  La parey ou’n nonm lo Kestyon serten levennman.  Mon dakor avek ou; petet serten levennman wi i pa devret tonm anba CINEA mon dakor avek ou.  I annan lot landrwa ki nou met li.  Nou pa antre ladan ditou oubyen me selman nou pa kapab dir sa 2 antite i separe ek kanmarad.  Mersi Mr Speaker.

 

MR DEPUTY SPEAKER

Ok.  Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon pou focus lo sa Bidze aktyel CINEA.  Anba sa Bidze i annan konponan pou saler – Scheme of Service pou bann travayer ICCS.  Prenon kont legzizans zot travay bann events, si CEO ti kapab eksplik nou si i annan okenn improvement dan zot Scheme of Service si zot pe anvizaze donn zot bann increments keksoz koumsa akoz nou konnen poudir zot bezwen la apre sa bann events, netwaye e re met zot lasal annord.  Sa i mon premye pwen.  Mon dezyenm pwen i senpleman lo sa size bann events dan zot Lalwa vi ki zot in met larzan dan zot Lalwa anba sa Schedule i deza dir ki bann events zot bezwen fer.  Eski en keksoz ki zot kapab fer zot pa kapab regard sa Lalwa e vwar dan sa Lalwa bann konponan ki zot bezwen sanze e vin avek en lamannman ki ava fer ki dan plas CINEA focus lo organiz events ou a plito focus lo contents sa bann events e promosyon bann travay bann artis pe fer dan sa levennman parey ou devret pe fer parey UNESCO sa Polisi ki UNESCO in met an plas pe demann zot pou fer.  Mersi Mr Chair.

 

MR DEPUTY SPEAKER

Mersi Onorab.  CEO.

 

CEO MR GALEN BRESSON

Mon a komans avek dezyenm e mon remersi Onorab pou sa kestyon e mon krwar nou pou fer sa nou ava vin avek en new revised akoz CINEA i en UNESCO; nou ti ratifye sa Konvansyon 2005 e CINEA i en keksoz ki’n mon kapab dir ne apre ki UNESCO ti fer en letid lo nou leta Kiltirel e i ti vwar ki CINEA i bezwen ne.  E mon krwar in ler pou nou fer serten amannman lo sa Lalwa e nou ava fer sa avek gra plezir.  Lo kote sa increase in salary ki ase prominan.  Wi mon pou donn nou en legzanp kot i en latab ki apre nou pou anvoy pou sirkile pou zot tou.  2016 kot sanmenm sa gard sekirite senior security officer ti pou ganny li en saler 7, 500 la i pou ganny li 9mil e an 2016 i ti pe ganny li en allowance of 2 mil la i pou ganny 3, 500, so son gross i 9,500 an 2016.  Me la i pou mont li apepre en 12,500.  E mon fer zot mazinen ki sa bann travayer i travay minim 11erdtan me i annan travayer ki konmans travay 7er bomaten i ariv se li lannmen 4er bomaten akoz nou short of staff.  Nou pa’n ganny okenn, nou pa’n ganny okenn sans pou nou akoz nou’n sanz Scheme pou mwan ti en priyorite pou nou get nou bann travayer egzistan me akoz nou’n sanz Scheme nou pa’n ganny drwa pou nou kapab fer okenn – annefe anploy okenn nouvo recruit dan nou lofis.  E mon pou osi –

(Interruption)

 

CEO MR GALEN BRESSON

Pardon?   Ok mon’n ganny dir ki nou annan en Scheme ki pou donn nou serten nouvo staff osi e mon krwar hopefully mon’n reponn ou kestyon Onorab.  Mersi.

 

MR DEPUTY SPEAKER

Ok mersi CEO.  Onorab Georges.

 

HON BERNARD GEORGES

Mersi Mr Chairman.  Mr Chairman mon annan de pti kestyon pou CEO CINEA.  Enn se eski nou ti a kapab ganny zot top management?  Lekel ki run CINEA apard obviously ou, lekel lezot dimoun ki nou annan obor ou e ki zot fonksyon dan la mezir ou posibilite, ki zot reminerasyon?  Dezyenmman mon pa konnen si sa i tonm anba ou Mr Bresson sa nouvo Stad Lanmizik ki pe arive avek e ki ou mazinen lo li?  Mersi.

 

MR DEPUTY SPEAKER

Mersi Onorab.  CEO.

 

CEO MR GALEN BRESSON

Mon pa pou – pou napa nanryen pou mwan kasyet pou dir ki byento i sipoze ki Stad Lanmizik i vin dan sa Sekter Kreativ CINEA.  Me pou mwan nou bezwen kalifye ler nou fer proze.  How do we get returns out of the project?  E pou mwan ozordi se sa ki mon pe konmans travay lo la, akoz mon pa le ki nou ganny mete ki en larzan i gate.  Nou pou bezwen fer li marse.  Me MLUH ki pou annan tou detay depans mon napa sa pou le moman but wi eventually CINEA ki pou bezwen bear the burden but we are now doing.  E mon envit bann Manm Onorab si zot annan bann pwennvi lo ki mannyer akoz i deza la ou bezwen fer li marse.  So si zot annan pwennvi lo ki mannyer pou fer marse me les mwan dir zot k mon’n fer zis en sistenm mizikal, son, pou al dan en nouvo stad pou kout nou an mwayen R2 milyon.  En sistenm son, lalimyer de kalite ozordi i modern LED light,  showlights akoz si nou met en keksoz iconic koumsa nou bezwen fer en – annan en marse ki  dimoun i anvi vin la e si nou pe fer en spektak par mwan ozordi en spektak mizikal ki pe fer dan Mini-Stadium pe kout en envestiser en mwayen  500 mil.  Zis pou li host sa akoz tou son ban lozistik ki vin avek.  So si nou, nou pou annan en stad nou pou bezwen sey milk li for rent in term of making the revenue work.  Fotespere ki son bann elektrikal i pa bann vye elektrikal but it’s a new LED lights, fotespere ki bann keksoz ki zot met ladan i anti-vendal, fotespere ki i annan tou son bann security measures.  Akoz ozordi the biggest issue about any venue ki ou pe fer pou lanmizik par egzanp, se ki dimoun i antre pou free i pas anba fil i sot miray.  So la i loss of revenue.  And we have to ansanm annou gete ki mannyer nou pou fer en keksoz marse kot in arive in fini debout.  Lo kote The Management mon pou – mon pa konnen – pou ou lenformasyon lo kote management i annan mwan menm CEO, i annan en Deputy CEO.  Nou tou le de nou napa sekreter so si ou vwar mwan en pe letan pou reponn zot bann e-mail i en problenm akoz mon napa okenn sekreter dan mon structure pou le moman mon krwar byento mon sipoze kapab recruit.  Nou annan serten senior events officer ankor nou annan zis 3 zofisye dan levennman ki’n fer tou sa ban levennman.  E la mon dir zot granmersi zot in donn levennman piblik Seselwa pou 1 an zis 3 zot.  E sa i enkli mon bann teknisyen osi ki la i annan kekfwa en 8, 9 teknisyen.  Nou annan bann housekeepers ki travay pou – la mon pe desann bann nivo pli ba Onorab Georges ki zot, zot fer sir ki landrwa i prop i reste prop, i mentenir prop.  But lo Senior Level nou annan nou zis sa de senior by seniority.  Nou annan en madanm assistant accountant directly from Ministry of Finance ki asiz kot nou.  Nou annan osi en assistant admin.  E enn bann request ki mwan personnelman mon ti fer e ler mon ti get manda e groser CINEA ek son potansyel, mon ti demande that we have what is know as a financial controller ki mon krwar zot konnen  ki rol en financial controller.  E a very strong HR Admin person because egalman ou annan now International Conference; ou annan the music stadium ki ou pe koze.  So when you have a lot of entities you need to change structures and go according to sa.  So Onorab Georges an se moman i annan zis en CEO ek en Deputy avek en asistan HR avek en accountant ki la seniorThank you. 

 

MR DEPUTY SPEAKER

Mersi CEO.  Onorab Georges.

 

HON BERNARD GEORGES

Mersi. Mr Chair mon ti anvi konn apepre reminerasyon Mr Bresson, CEO ek Deputy CEO ek lezot Manm sa top executive si ou pa oule devwal sa sif eski i anliny avek sa ki bann lezot CEO ek Deputy CEO i gannyen dan bann lezot Lorganizasyon parey?  Mersi.

 

MR DEPUTY SPEAKER

Mersi Onorab.  CEO.

 

CEO MR GALEN BRESSON

Nou tonm dan bann scale B11 to B16 me si ou demann mwan lo sa kote kantite responsabilite mon annan Onorab Georges ozordi mon pou dir ou mon’n vwar kote en dimoun pou ganny tantasyon e zot koz lo la dan Lasanble e ki apel koripsyon, si ou pa renimer en dimoun dan sa post.  Ozordi mon la me it’s about the post so pou mwan we have to be very careful when we look at the  post and salaries that go with it, akoz ou bezwen regard responsabilite sa dimoun e  kwa ki entail, kwa ki entail.  E fransman dir ou mon annan en kantite responsabilite zot kapab mazinen pou 1 an mon pe fer laplipar administrasyon mwan menm, mon fer tou e mon – Onorab Ramkalawan i konnen mon’n promet li en dokiman mon’n tarde anvoy akoz it is myI’m the only one running around doing my own administrative work.  So zis pou dir ou sa but I will forward you all the details it is in the salary structure i la ek mwan.  Mon napa nanryen pou kasyet lo la.  Mersi.

 

MR DEPUTY SPEAKER

Ok.  Mersi CEO.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair i annan de pti keksoz, enn i annan lalis ki devan nou alor sa pa ankor ganny peye ti sipoze dan Bidze Siplemanter e ou ou’n anmennen ou donn nou la napa nanryen pou fer direkteman ek sa Bidze selman taler PS i a dir ki pou fer.  Prezan si sa pa ganny peye ki ou fer enn, e dezyenmman eski dan ou Bidze la si an ka sa lalis pa ganny ou pa ganny sa Bidze eski dan ou Bidze la ou kapab rezourd sa lalis?  Mersi.

 

MR DEPUTY SPEAKER

Ok.  Mersi Onorab.  CEO.

 

CEO MR GALEN BRESSON

Si – si siplemanter pa get unfrozen i mon pa pou kapab fer nanryen i desid par Lasanble ki deside.  Sa bann dimoun zot peyman pou la e zot pou bezwen atann ziska ler nou kapab pey zot.  Lo kote si nou ganny nou Bidze ki si mon konpran ou byen ki si i pas parey i ete si nou pou kapab pey sa ban dimoun Onorab byensir nou pou bezwen pey sa bann dimoun avek en Bidze me selman zot pou ganny an retar akoz Bidze pou vin lannen prosenn.  Si mon pe konpran ou.

 

MR DEPUTY SPEAKER

Ok. 

 

HON CHARLES DE COMMARMOND

Si sa lalis sa kou ki ladan ou pa ganny sa Bidze Siplemanter nou pa – dan ou Budget ou current Budget pa ki la la ki ou pa ankor fini dan sa ki nou pe al aprouve la.  Eski ou pou kapab rezourd sa e an menm tan fer ou bann lezot fonksyon ki sa Bidze pe demann ou pou fer.  Se sa mon kestyon.

 

MR DEPUTY SPEAKER

Ok.  CEO.

 

CEO MR GALEN BRESSON

Non me si ou aprouv nouvo Bidze i ankadre lo levennman lannen prosenn.  So si nou pe backdate bann peyman i malere nou pa pou kapab fer bokou bann levennman lannen prosenn.  Parey mon dir si nou ganny 100mil pou en levennman nou a fer li lo kestyon 100mil.  Me nou pa pou kapab fer sa alaoter ki nou ti a voudre.  Mersi.

 

MR DEPUTY SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mr Chairman mon dir ou laverite konmsi in annan bokou konfizyon en pe.  E mwan letan mon pe al direkteman lo bann, lo bann depans ki pe ganny fer, konmsi mon anvi osi regard lo kote income e mon pa vwar gran keksoz lo kote, lo kote income ki i annan dan sa Bidze.  Kot i sipoze annan en latab lo revenue – ok nou vwar en pe.  Eski mon ti ava kapab ganny en pe leklersisman.  Nou ganny dir napa lasirans lo, napa lasirans lo ICCS, me selman letan nou nou’n fer en serten aktivite nou’n ganny dir fodre tou dimoun i asize akoz si i ariv en keksoz lasirans pa pou peye.  Sa i enn ki nou’n ganny dir.  Alors mon anvi ganny sa leklersisman.  Parski mon regarde kote i ete dan Bidze.  Lo kote ankor enn fwa letan mon pe balans sa zafer Festival Kreol zot depans en kantite larzan pou fer bann stalls ensidswit e tou sa la se bann dibwa nef ki zot aste.  Be letan zot fini, letan zot fini avek sa eski zot vann avek en dimoun?  Eski zot donnen?  Eski zot kit alatrenn?  Ki arive avek?  Parski sa i vin en income parski an plis ki sa espesyalman sa lannen bokou bann dimoun pe koz an term ti ser pou zot nobou ganny en stall.  Alors ki kalite keksoz ki egziste?  Reef Hotel- eski la, la, la, a ler aktyel zot pe lwe Reef Hotel?  Zot ankor – zot annan – se zot ki pe run Reef Hotel?  Konmsi i sa koneksyon akoz i annan serten artis ki’n kontakte zot i pa gannyen apre lezo ti gannyen.  E apre eksplik nou parski tou sa la ankor enn fwar i enkli larzan e sa sonm la persepsyon se ki dan CINEA letan zot annan bann aktivite la se zis serten artis ki ganny tou.  I annan zis serten dimoun ki konmsi i byen pase.  E mon anvi konnen parski si nou pe aprouv en Bidze nou, nou pa anvi aprouv en Bidze zis pou serten dimoun e I’m sure ou konnen ou menm ou serten bann non ki mon pa anvi nonm non personn me sa bann non ki  toultan i monte.  Lafen lannen zot menm zot ki fer?  Konmsi i annan en kantite sa bann aktivite ki ganny fer espesyalman la pou Festival Kreol osi tou kot e letan nou regard lalis nou vwar.  Nou vwar lekel ki’n ganny bann gro sonm e akoz ki nou, nou bezwen aprouv sa Bidze si dan zot gouvernans i napa en keksoz ki kler, i napa en keksoz ki fair me ki plito al pou serten dimoun?  Mersi bokou.

 

MR DEPUTY SPEAKER

Mersi Onorab.  CEO.

 

CEO MR GALEN BRESSON

Mersi Onorab.  Kestyon annefe mon konnen i annan sa zafer – sa kestyon ki menm dimoun.  Ou konnen ler i annan en komite mon pa pran desizyon pou mon menm.  Sak aktivite i annan en non e serten dimoun i dir be sa bann dimoun i kapab fer sa pli byen. Me avek tou lasirans ek tou senserite onorab, next year, ou konnen ti nou premye lannen nou’n bezwen find our steps nou pa’n konnen, nou pa’n ne avek bokou konesans lo sa domenn.  Ler mon dir it’s our first year – nou annan en – nou pou al fer en keksoz ki sa lannen zot in vwar in arive dan Festival Kreol si ou vwar ki i annan levennman ki nou’n sey tender but all this was a trial to see how it – ki mannyer i marse lo kote tender.  Akoz pa ti vreman pe arive sa bann zafer avan.  Tender ti zis bann dimoun akoz ozordi mwan mon la mon pe donn ou sa lenformasyon i annan bann dimoun avan ki’n donn serten lot dimoun.  So in kontinyen dan bann diferan kalite cycles me ozordi si nou fer li for – on a fair playing field se sa ki ou, ou pe rode to fairness nou a fer li sistenm tender e may the best man win.  Parey nou dir avek the best project e nou’n seye pou Festival Kreol, nou’n fer li avek serten proze par egzanp dimans kreol bor lanmer kot nou’n tender e nou’n vwar li arive.  Nou hope ki sa le fitir i ava fer keksoz byen.  Me pou CINEA son manda nou ti a kontan osi ki bann lot brans dan kiltir i mars byen akoz nou, nou pa ti merit pe vreman al lo sa bann nivo.  Nou ti merit pe pran bann profesyonnel that they should be feeding to us.  Me unfortunately nou pe ganny difikilte.  Nou difikilte se ki nou pa pe kapab idantifye.  Par egzanp ler nou demande pou lansiv donn nou bann Band ki egziste.  Nou pa rod band nou.  En lalis i sorti kot NAC e nou zofisye i pran son letan pou call each and every Band ki lo sa lalis e demann zot nou pe zwe tel landrwa konbyen ou pou sarz nou.  Koumsa ki in marse dan Festival Kreol.  E nou’n ale eksepte bann Band ki’n vin zwe dan Festival Kreol dan term  Vilaz kot nou ti annan zis en cache ler nou realize i posib ki nou pou ganny sa problenm ek larzan nou’n dir be la larzan problenm be Festival Kreol in fini konmanse by then. E nou dir kekfwa nou met en cache 50 mil – sey gete.  La ki nou’n dir ek bann Band si ou vin perform ou  a ganny ou 1500 pou tel erdtan, 2, 500, be apard sa tou bann Band in vin avek zot pri ki nou nou’n ganny lalis sorti kot NAC.  E zot sipoze konn bann Band ki egziste.  E la mon pou dir ou i annan bann Band ki mon menm pa ti konnen i egziste Mahe.  E ler zot vini ou a dir zot in vin formen zis pou sa zour e ganny larzan.  Me nou’n fer li out of en lalis ki nou nou’n gannyen.  E vwala ki sityasyon ki egziste ozordi e mon – pardon?

 

(Mic Off)

 

CEO MR GALEN BRESSON

Non nou pa ti vwar li lo lalis.  Nou pa’n vwar li lo lalis so nou ti a’n call li; akoz par egzanp nou konnen ki kalite Style Island Fever i zwe par egzanp be ti bann dimoun ki ti a kontan ozordi vin enjoy sa kalite lanmizik.  E se pour kwa ou vwar nou’n fer menm dan nou backyard nou’n fer li vin sa venue, akoz ozordi nou’n fer en analiz kalifikatif – mon pa konnen si ou’n resevwar, ki ICCS in perdi li – pa perdi – me son kontribisyon i pre 700mil dan term ki nou konman CINEA nou’n give back to Festival Kreol dan bann pti in-kind, bout son ki nou annan.  Nou’n fer dan nou backyard, elektrisite delo so i bann keksoz koumsa ki nou pe sey work towards.  Me ozordi i vre ki nou tou nou bann kiltir bann diferan Lazans nou bezwen travay lo nou manda seryezman e nou pa overshoot dan manda kanmarad.  Ki ozordi ti pou mars tre tre byen.  Lo lot pwen Onorab ki ou’n leve lo kote Reef Hotel, Reef Hotel i pa neseserman anba nou responsabilite, me nou ti’n dir ek sa bann dimoun kekfwa annou sey fer fason ki nou tir en pti pe nou bann depans ki nou’n depanse ladan, akoz nou’n bezwen re met toilet annord met lot lot ladan.  E wi i annan artis ki’n vin demann nou e ler mon call zot back mon krwar mon konnen lekel bann artis ki Sesel i ptipti zot dir mwan zot pa ankor pare aprezan.  E zot ti oule mwan donn zot pou nanryen osi.  E mwan mon look forward ozordi si zot kapab; ou konnen annan bann lenformasyon annou être fran i pa akoz politik, call mwan demann mwan e annou met fran lo latab e i solve en kantite problenm parey la sa ki nou pe gannyen dan freeze of Festival Kreol ki mwan mon pa ti konnen.  Onorab si mon pa ti vwar lanmes Dimans mon pa ti pou konnen ou pa ankor ganny dokiman. Ou konn senserman e mon krwar nou ti fek sorti pran benediksyon e nou’n koz laverite devan Legliz.  (laughter)  Mon krwar sa i normal.  E ler ou’n dir mwan sa mon’n soke.  Mon krwar ou’n realize mon’n soke.  Be menm ler ou’n dir mwan demann ou leskiz mon napa problenm ek sa, akoz mon realize i annan en mal fer ki’n arive.  Me kote mal fer i ete, nou bezwen find out.  E i mon responsabilite.  And mon ek tou senserite zot vot nou, nou Bidze mon envit zot la avan Nwel vin ICCS silvouple.  Vin regard nou e konpran nou.  I annan en dokiman ki mon anvi pas ek zot koman bann Manm Onorab kekfwa zot pa tro konnen i egziste Konvansyon ‘The protection and promotion of the diversity of cultural expressions.’  Ladan i annan tou.  Mon pa konnen si zot pa enterese pou annan sa dokimantasyon ki pou gid zot bokou lo sa lemonn kiltirel ki nou pe viv ladan e ki nou anvi vwar e CINEA pe lead the way, Onorab.  Se sa ki mon annan pou bann breakdown.  E wi mon parey ou mon ti anvi annefe, bokou dimoun  i dir mwan be akoz ou pa pe  dir dimoun fer desann pri, mon dir non akoz ozordi Sesel sanmenm bokou ban dimoun i vin kot zot bann Manm Onorab lo tou le de kote latab i vin konplent.  Bokou zot se zot ki pe ganny bokou bann pri la bann diferan non.  Annou pa fer sa ilizyon.  E i annan bokou bann pri la, ki bokou mon krwar zot tou zot viv dan sa lemonn zot konnen i kapab egzazere.  Ozordi CINEA ti a kontan annan son prop stage me ti annan en outcry bann artis i dir be la ou pe vin pran manze ek nou be nou ki nou pou fer ek nou stage – nou’n relax e ozordi nou’n vwar konbyen nou pe gannyen lo en stage.  So Gouvernman an zeneral i bezwen deside si ozordi nou pou empower ouswa nou pou les – akoz ozordi Gouvernman ki mon’n trouve mwan Onorab ek tou senserite, i parey nou en cash cow pou tou levennman.  Nou en cash cow pou en bann dimoun e nou, nou vin pli mizer, nou building i deteryore e nou ganny ekspekte par san menm sa nasyon Seselwa pou kontinyen fer bann levennman.  E nou ganny kritike.  Ozordi mon ti a kontan ou vin gete ki kantite staff mon annan.  3 staff dan events ki’n er tou sa levennman e pou mwan sa i en keksoz enkrwayab.  E mon sey pas en pti pe lo tou ou bann larepons Onorab si mon’n mank en keksoz silvouple endik mwan.  Vilaz Kreol – nou’n fer lenvestisman Onorab en, anba nou manda i annan sa ki nou apel en Artistic Village e  nou ti anvi get away ki nou pa le met sa bann stall ki demen i desire akoz nou osi nou al fer lenvestisman la bann stall ki nou aste dan laboutik Sinwan in fini desire ankor e i kout 3, 500 – R4mil enn sa bann stall ki nou’n mete an minim i pe kout nou apepre en R27mil ou pou vwar laba son pri i ase eleve me avek en gran fyerte mon pou dir avek ban Manm Onorab nou’n ganny bokou bann ofer maintenant, i annan dimoun pou dir nou vann zot, i annan bann dimoun pe demann nou pou konmans lwe.  E mon krwar this is the way forward we will use it as an assetAs of now to get our money back and get government money back.  It’s not our money CINEA it is Government’s money e fer li vin en reveni e sey kree en konmansman sa vilaz ki nou ti a kontan vwar ki nou apel en Vilaz Kreol e sey reviv sa bann tradisyon ki mon  krwar ozordi pou lo sa yield dan touris  sector.  Me avan mon rann ou laparol mon ti a kontan osi bann Onorab zot koz bokou lo touris.  Ozordi lans en lapel avek Sekter Touristik zot al vann Sesel lo ki nivo?  Me kiltir dan bann lotel mon oule vwar sa en pti pe plis.  Mon oule vwar bann mizisyen ganny anploye plis.  E dan UNESCO menm in dir en keksoz ki pou mwan in sokan me mon krwar i kapab pe arive Sesel se ki the advent of tourism, the development of tourism can kill a traditional and culture,akoz ki zot fer ozordi bann lotel i vini i etabli e zot pran tou keksoz sorti Bali napa nanryen sorti Takamaka ki pe – be sa i en problenm pou nou akoz Takamaka i nou tradisyon.  Nou merit met en sez ki’n fer ek takamaka.  Nou merit annan nou bann paintings.  Nou bezwen annan bann portre be oli.  Bann dekorasyon i sorti deor.  E sa ozordi CINEA in pase nou pe ganny problenm dan bann lotel kot menm la zot pe fer laplikasyon pou anmenn bann group etranze pou vin perform.   E zot pe dir nou bann group pa bon i pa alaoter.  E sa i bann lager ki nou bezwen al lager ansanm e nou ek nou manda se sa ki nou anvi fer Onorab ek tou senserite.  Mersi.

 

MR DEPUTY SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mr Chairman mon anvi demann, mon anvi demann Mr Bresson konmsi zis pou nou kapab parski nou bezwen find a way forwardOk i annan en sonm dan Supplementary Appropriation 7.8 ki pou le moman in ganny  frozen e ou’n eksplik nou ou bann depans ensidswit e ou’n eksplik nou  bann sityasyon kot kekfwa ou’n met li konman bann sok ki ou menm ou ou’n gannyen alors nou pou bezwen regarde ki nou pou fer avek.  E baze lo sa ki ou a pe dir eski, eski ou pe dir nou poudir pandan 2018 avek sa leksperyans ki ou’n gannyen sa ki’n arive dan sa Festival Kreol, i pa pe repete ankor; ki poudir konmsi ki bann prekosyon ki zot pe pran?  Ki bann prekosyon ki zot pe pran pour ki nou pa trouv nou avek en det 7.8 milyon e kot bann dimoun pou dir ti’n Mediocre, ti isi, ti annan problenm laba zis Fifin oubyen zis en  lot ki ti ok.  Konmsi Tifin, Tifin (we) … konmsi ki ou a pe dir nou parski nou parski bann sonm ki ladan.  Parski Mr Chair i annan sa 2 aspe ki Lasanble pou bezwen at some point konsidere e parski i annan en kantite keksoz ki vreman, vreman, vreman, vreman sokan.  Sey donn nou en lendikasyon lo sa bann larzan la.

 

MR DEPUTY SPEAKER

Mersi Onorab.  CEO.

 

CEO MR GALEN BRESSON

Onorab pou mwan mon pe donn ou en garanti ki wi i pa pou ariv ankor.  Mon konnen ler ou vin dan en Lasanble ou donn en garanti you are taken to task down the line akoz i en assurance me mwan mon pran sa lasirans avek en kondisyon.  Kondisyon se ki Lasanble i anvoy zot reprezantan nou pe konmanse pou met en nouvo Komite Festival Kreol ansanm byento nou anvi lans li sa lannen.  Ki Lasanble i seryezman montre son langazman da kiltir tradisyon Sesel e Deputy Speaker zot angaz ek nou akoz mon krwar zot konnen sa lannen nou ti fer en aktivite pou zot, pou Lasanble mon pa konnen si zot ti …mon krwar zot konnen ki ti annan en aktivite spesifikman pou zot e zis 5 ki ti turn up a 6. E sa ti en dezapwentman pou mwan; akoz mon ti a kontan ki zot partisip ek nou menm lo kote egzekitiv ki Minis i reprezante, mwan menm mon la.  Nou senserman ekout pep Seselwa lo ki i vwar e ki i anvi vwar dan next Festival Kreol.  E boner pa pli tar ki Fevriye Mars nou’n fini ganny en lendikasyon lo kwa bann levennman ki nou pe vreman fer, konmans bann sif endikatif baze lo nou Bidze e deside way forward.  Me nou pe koz sa Zanvye, Fevriye nou bezwen konmans sa boner en.  E la Desanm pou bezwen rankontre e fer sa kalifikatif ansanm.  E mon pou pran sa garanti selman si Lasanble i donn mwan son full backing ki zot pare pou anvoy bann dimoun lo Komite ek nou pou koz seryezman pou le fitir pou tradisyon e nou Festival Kreol.  Mersi Onorab.

 

MR DEPUTY SPEAKER

Onorab.

 

HON WAVEL RAMKALAWAN

Mr Chair an relasyon avek FPAC baze lo sa ki i pe dir si ou pe konmans travay lo bann chiffre si ou pe dir Fevriye, Fevriye, Mars eski, eski par egzanp nou ti ava kapab ganny en dyalog dan Avril Me.  Dan Avril/ Me pou nou regarde dan ki direksyon nou pe ale.  E pou ki tou sa la konmsi ti ava – wi, wi- tousala ti ava ede.  Parski, parski parey i ete la sityasyon ki i ete la me selman nou bezwen osi konpran piti en ne e letan piti in ne pou bezwen sonnyen.  Nou annan sa, nou annan sa dilenm kot sa piti nou pa ti anvi, nou pa ti anvi twins, nou ti anvi zis en pti baba me letan prezan i dir twins, ou vwar sela kot- sela kot nou dilenm kot nou ete me selman nou bezwen balanse mon konnen poudir Bidze sa supplementary in ganny, in pase, avek serten kondisyon me si tou Manm i dakor ki dan milye Avril/Me parey nou dir nou ganny sa enteraksyon avek FPAC ansanm avek Minister Finans pou nou kapab konnen ki poudir nou pe al dan bon direksyon oubyen nou pull back, nou tenir.  Mon pe sey, parey mon pe dir mon pe sey rod a way forward. 

 

MR DEPUTY SPEAKER

Ok

 

CEO MR GALEN BRESSON

Onorab.  Sorry Chair mon pe zis pe sey ganny klarifikasyon.  Ou pe dir pou sa nouvo Budget lo Festival Kreol en.  Mon toutafe dakor mon ava anvoye byen boner what we are – ki nou fer – ki nou prozeksyon.  E nou anvi konmans sa annefe Desanm me nou’n ganny en pe retar akoz nou ti pe espere pou gete the unfreeze ki nou pou fer vreman akoz nou osi nou dan en dilenm i en keksoz ki mon’n vwar mon anba responsabilite 2 Minis ki’n sanze, en kantite conflicting information coming to me, me mon laport i ouver ou maintenant annan mon direct contact lo tou le de kote.  Silvouple annou en Polisi ki en pti pe pli ouver pli ankadre ki nou kapab bouz ansanm.  Mon dakor ek sa.  E mon agree ek sa.

 

MR DEPUTY SPEAKER

Ok.  Zis en pti not avan ki mon donn laparol ankor Onorab Ramkalawan.  Parfwa dan negosyasyon kot nou pe rod pri nou bezwen fer sa service provider osi konnen ok, nou annan en Bidze e vwala kwa ki nou kapab afford.  Nou pa kapab zis go out there sa service provider i enpoz lo nou me nou konnen poudir dan pe fer bann negosyasyon parey nou kapab dir be ok vwala nou Bidze e nou azout en 5 a 10poursan konman en overlap or whatever.  Nou pa kapab zis ale pran servis apre nou vwar sa kou ki atase avek ki nou end-up avek en Bidze parey.  Ok.  Onorab Ramkalawan.

 

HON WAVEL RAMKALAWAN

Mr Chair dan sa sityasyon nou pe – sa ki lo nou kote nou ava propoze se ki sa sonm i ganny an menm tan ki nou pe fer sa sa sonm i ganny unfrozen pou zot nobou clear sa backlog ki zot annan e avek sa dyalog ki nou ava annan then nou ava annan en way forward.  Se sa ki mon propoze.  Mersi.

 

MR DEPUTY SPEAKER

Ok.  Onorab De Commarmond.

 

HON  CHARLES DE COMMARMOND

Sa ki –Mr Bresson in osi propoz en keksoz ki en Manm Lasanble or Lasanble i reprezant li lo sa komite mon krwar sa i osi enportan ki i ganny konsidere en fason ki nou osi dan FPAC a kapab annan –

 

(Mic Off)

 

HON  CHARLES DE COMMARMOND

…wi nou be selman li i pe dir ki annan en dimoun –

 

MR DEPUTY SPEAKER

Non mon krwar, mon krwar i pe mean oversight li osi ki i annan sa enteraksyon avek Lasanble.  Ok?  Lo par egzanp lo bann aktivite, bann levennman ki zot pe plan.  Onorab Ferrari.  En moman.  Onorab Ferrari.

 

 

HON JEAN-FRANCOIS FERRARI

Mr Speaker mon ti a kontan dir en lot komitman ki enportan ki nou gannyen ozordi se ki Minister Kiltir, NAC, CINEA i revwar zot management structure.  Mon krwar i vreman enportan akoz i pa – sa ki Mr Bresson i dir UNESCO in dir fodre fer bann keksoz koumsa, i ok.  Me nou fer dapre nou mwayen.  Si nou napa mwayen nou pa kapab fer.  So nou bezwen revwar oubyen stream line.

 

(interruption)

 

MR DEPUTY SPEAKER

Ok.  Order!  In fer en pwen.  Pwen in note.

 

(interruption)

 

HON JEAN-FRANCOIS FERRARI

Pa fer mwan – akoz Mr Speaker, Mr Speaker mon ti annan laparol…

 

MR DEPUTY SPEAKER

Ou pwen, ou pwen in note Onorab.

 

HON JEAN-FRANCOIS FERRARI

Mon konmans en pe nerve la akoz avek sa 2 msye laba lot kote mon konmans en pe nerve.

 

MR DEPUTY SPEAKER

Ou pwen, ou pwen in note, CEO in note ou pwen ok.  Bon Minis.  Ok. Ok. Onorab De Commarmond.

 

HON CHARLES DE COMMARMOND

Zis en pti keksoz avan Minis – e pwen kle e tre enportan Mr Bresson in fer sorti mon ti anvi ki lefe ki Minis Kiltir i la i donn nou Lasanble en garanti ki lo sa kestyon artis Seselwa dan nou bann lotel, bann letablisman touristik fodre ki nou artis Seselwa pe perform.  Fodre nou bann portre nou bann Arts Sesel i dan bann lotel pa kapab dan nou bann lotel isi i annan tou sa bann zafer sorti deor laba oli pou nou.  Nou fer en legzibisyon me sa bann travay i pa ale.  Pourtan serten etranze i aste tou osi, i aste en bon pe i al avek deor.  So mon ensiste ki sa i en keksoz ki Minister dan Kiltir i bezwen, bezwen fer sir ki i vin vre sa.  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Chair.  Mr Chair mon apresye la fason ki Onorab Leader Lopozisyon ek Leader of Government Business konmsi zot in rod en way forward pou sa ki definitivman nou donn nou komitman ki nou a prepar nou, nou ava organiz nou komite fer nou post mortem, organiz nou komite e konmans prepare kalite aktivite eksetera apre nou vin devan zot, vin devan zot pou zot konmsi vwar en pti pe kote nou anvi ale e unfreeze sa bout pou nou kapab pey sa ban dimoun ki nou drwa, akoz zot deryer tou la zournen.  Mon byen apresye sa.  E mon dir zot mersi bokou.  E lo kote Onorab konsernan bann travay bann artis ki devret perform dan bann lotel sa i en travay ki mon’n deza konmanse, en dyalog avek Minis Touris pou vwar konmsi ki nou aret vwar sa bann keksoz sorti Bali dan bann lotel nou bezwen vwar portre nou bann artis, lapentir ki zot fer, bann travay ki bann artis i fer Sesel, ganny met dan bann lotel pa zis lotel – mwan mon pou menm dir al pli lwen dan bann lofis dan Gouvernman i bezwen annan sa pe promot nou bann artis.  Ok?  Epi nou bann Band, nou bann mizisyen lokal perform dan ban lotel konmsi zot a ganny en reveni zot osi akoz i annan zot ki pe depan lo la selman.  Alor sa i en travay ki nou pe fer avek Minis Touris pou nou vwar ki mannyer nou pou al the way forward.  Mersi.

 

MR DEPUTY SPEAKER

Mersi Minis.  Ok.

 

HON WAVEL RAMKALAWAN

Mon kontan sa bann parol ki pe ganny dir nou anvi en langazman parski Mr Chairman taler par egzanp letan nou ti pe koz lo Heritage letan nou ti pe koz lo sa restoran ou rapel i annan sa bann koze e mon annan dimoun ki’n al fer resers; konmsi ankor enn fwa pou montre ki mannyer keksoz i pas anba, anba antre kanmarad e zis pou lenformasyon Minis se Dr Patrick Herminie ki ti annan 99 shares e Doreen Zelia 1 share dan sa lakonpannyen.  E apre sa Dr Herminie i transfer 80 shares lo sa Sinwan Wao Gao. E li i tenir 19 shares e Doreen Zelia 1 share e ki sa licence ozordi – konmsi zis pou montre ki mannyer sa bann zes i pase e ki, e ki, e ki i annan tou sa bann, tou sa bann kalite maligans.  E ki avek CINEA avek Kiltir se sa ki nou pe dir.  Annou fer li dan en fason kler pou ki tou dimoun i ganny menm sans, tou nou bann artis i ganny menm posibilite; napa okenn artis ki ganny left out parski apre letan pou vin isi devan Lasanble la nou tande poudir serten dimoun in demisyonen taler nou ava kon plis detay parski nou rol se pou nou fouye nou.  Nou rol pou nou fouye pou ganny keksoz kler.  Avek sa mon krwar nou ava kapab – Mr Chair mon krwar nou a kapab pran en vot.

 

MR DEPUTY SPEAKER

Mersi.  Mon krwar Minis lo kote Heritage in donn serten komitman.  In fer serten – in donn serten garanti.  Lo kote CINEA osi tou i annan komitman ki’n ganny fer ouvertman dan Lasanble e parey Onorab Sebastien Pillay in dir Onorab Henrie ki Chair COGA pe take note.  Bon PS ou a gid nou lo vot.

 

PS PATRICK PAYET

Mersi Mr Chair pou vot nou lo paz 586 en sonm 27.253. 680milyon.

 

MR DEPUTY SPEAKER

Bon nou ava pran en vot lo Bidze CINEA.  Tou Manm ki an faver? Okenn Manm ki kont?

Madanm Clerk.

 

MADAM CLERK

Mersi Mr Chair.  15 Manm an faver e personn kont.

 

MR DEPUTY SPEAKER

Ok.  Savedir Bidze pou CINEA pou lannen 2018 in ganny aprouve.  E nou take note osi tou ki deklarasyon ki Leader Lopozisyon in fer vizavi zot siplemanter.  PS mon krwar ou’n take note.  Ok?  Bon avek sa nou fini avek Minister pou Youth Sports and Culture.  Minis Larue nou a remersi ou parmi nou.  Nou a remersi CEO Bresson, Mr D’Offay avek lezot Manm ou delegasyon.  E nou a eskiz zot parmi nou.  Mersi.

 

(MINISTER MITCY LARUE AND HER DELEGATION WAS EXCUSED FROM THE HOUSE)

 

MR DEPUTY SPEAKER

Bon nou pou sanz en pti pe nou progranm ozordi.  Nou pa pou pran Minister Lanvironnman la anvi ki i annan detrwa Heads anba li nou pou pran li demen bomaten.  Me nou pou retournen.  Nou pou break la ziska 5er, nou pou retournen 5 er.  Nou pou pran Public Health Authority avek National Aids Council.  National Aids Council mon krwar i ase ti pti nou kapab pran li avan ok?  PS?  Apre nou ava pran Public Health Authority nou ava konnen nou’n fini avek Minister Lasante.  I pou annan mon krwar 2 pti Head ankor anba la, pou annan konsey pou nurse, Midwives mon krwar nou a kapab pran vot osi lo la akoz i lo nou lalis i bann Heads ki pa pou vin  dan Lasanble.  Ok PS?  Bon nou ava adjourn e nou ava retournen 5er.  Nou a sey ankor pou fini 6er – 6.15 pli tar.

 

(BREAK)

 

NATIONAL AIDS COUNCIL & PUBLIC HEALTH AUTHORITY

 

MR DEPUTY SPEAKER

Bon nou a kontinyen nou travay e mon ti a kontan welcome Minis Jean-Paul Adam Minis Lasante parmi nou.  Dr Gedeon monsieur, Dr Gedeon Madame, e lezot manm son delegasyon pa tou ki mon okouran.  Mon rekonnet mon koleg Dr Reginald, welcome.  Anfen zot in deza pas isi semenn pase nou swet zot labyenveni ankor pou nou kapab deal avek sa detrwa vot ki anba Minister Lasante.  Parey mon ti’n anonse nou ava pran National Aids Council premye i pa tro gran apre nou ava al lo Public Health Authority.  OkSo Manm ki pou demann kestyon lo National Aids Council si mon kapab vwar en show of hands.  En moman, en moman avan nou lev ledwa.  PS.

 

PS PATRICK PAYET

Mersi Mr Chair.  Kekfwa mon ti propoze ki menm si zot de diferan vot ki nou pou bezwen pran si nou ti pran kestyon en sel apre ti a fasilit en pe travay; vi ki tou le de i en pe ti pti.  Mersi.

 

MR DEPUTY SPEAKER

Ok.  Mersi PS.  Bon nou ava parey PS in dir nou ava pran kestyon pou tou lede ok?  E apre nou ava pran vot separeman.  Tou Manm ki pou demann kestyon konman entervenir lo National Aids Council avek lo Public Health Authority ok?  Ok.  Madanm Clerk lo ou kote.

 

MADAM CLERK

Mersi Mr Chair.  Lo kote parti lepep mon annan Onorab Charles De Commarmond, Onorab Sebastien Pillay, Onorab Audrey Vidot, Onorab Churchill Gill e Onorab Egbert Aglae.  Mersi.

 

MR DEPUTY SPEAKER

Ok.  Madam Deputy Clerk.

 

MADAM DEPUTY CLERK

Mersi Mr Chair.  Lo kote LDS mon annan Onorab Ramkalawan. Onorab Afif, Onorab Henrie, Onorab Ferrari, Onorab Esparon avek Onorab Pillay.  Mersi.

 

MR DEPUTY SPEAKER

Mersi.  Bon mon a konmans avek Onorab Stephen Pillay e ankor mon diriz bann Manm annou al spesifikman lo Bidze e annou fer nou kestyon kourt, annou pa fer statement, annou al direkteman lo kestyon.  Onorab Pillay.

 

HON STEPHEN PILLAY

Mersi Mr Chair.  Kestyon i lo paz 445, sa ogmantasyon dan ‘salaries’, ‘wages and salaries’ 1. 140. 780milyon eski i pou nouvo staff oubyen nouvo Scheme of Service pou bann existing staff? Mersi Mr Speaker.

 

MR DEPUTY SPEAKER

Mersi Onorab.  Minis ou le pran oubyen Dr Gedeon.

 

MINISTER JEAN-PAUL ADAM

Mersi Deputy Speaker e mersi Onorab e bon apre midi tou dimoun ki pe swiv nou deba ozordi.  Mr Speaker mon ava les Dr Gedeon koz en pti pe pli an detay.  Me dan en fason zeneral nou pe regard en – parey mon’n deza dir nou pe regard en revi pou tou bann Scheme of Service dan Lasante.  Pou Public Health i pa pe vin an 2018 i pou vin plito an 2019 me sa Scheme in preski fini ganny finalize.  Me sa bann logmantasyon ki nou pe vwar an 2018 i sirtou bann logmantasyon ki’n ganny prevwar dan bann Scheme ki egzistan, i osi bann promosyon ek serten revi dan sa laliny.  Me mon ava les Dr Gedeon donn en pti pe plis detay.

 

MR DEPUTY SPEAKER

Mersi Minis.  Dr Gedeon.

 

PUBLIC HEALTH COMMISSIONER – DR JUDE GEDEON

Mersi Deputy Speaker.  Bonn apre midi tou dimoun.  Mersi Onorab pou ou kestyon.  Sa logmantasyon i enkli, i pa pou nouvo Scheme parey Minis in dir i pou plito bann salary increment avek bann promotions ki pou annan lannen prosenn.  Sa i enkli office assistant cadre, HR cadre, i annan bann Kontra ki pe ganny renouvle i annan ban promosyon ki vin avek, e apre i annan returning graduates osi ki i tonm  anba la.  Mersi.

 

MR DEPUTY SPEAKER

Mersi Doctor.  Onorab Pillay.

 

HON STEPHEN PILLAY

Wi.  Mersi Mr Chair.  So i pou bann logmantasyon bann
Scheme ki parey ou’n dir ki existing la konmela me mon pe regarde ou pe ganny forse 1milyon pou sa Scheme pou bann sipoze bann sanniter kekfwa bann travayer, non.  Ou bann Public Health ki lo – the Public Health protection  – mon pe regarde ou annan sa increment 1milyon, ki diferans i annan konmsi kekfwa Minis i kapab donn mwan en repons lo la akoz zot, zot ganny 1milyon bann common cadre i pe ganny en ogmantasyon 33milyon something, drayver, bann common cadre lo sa, akoz sa diferans antre zot?

 

MR DEPUTY SPEAKER

Ok, mersi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab.  Mon pa tro sir si mon’n byen konpran sa kestyon Onorab me i annan parey Dr Gedeon in eksplike i annan plizyer logmantasyon ki kouver bann diferan Scheme.  I enkli bann common cadre, me i annan osi dan serten ka par egzanp bann promosyon ki kouver anba Scheme i annan bann renouvelman Kontra pou bann dimoun ki lo Kontra, i annan bann Scheme Sanniter ki prevwar serten logmantasyon.  I annan sa bann diferan eleman.  Savedir i en pti pe partaze parmi tou sa bann diferan anplwaye ki tonm anba Public Health Authority.  Ok?  I annan osi par egzanp bann ners ki travay anba Public Health Authority ki ganny kouver anba sa nouvo Scheme of Service pou ners, ki sa pe ganny met an aplikasyon an 2018 me Scheme, revizyon Scheme savedir kot zot pe anmenn en nouvo Scheme avek bann serten nouvo lavantaz, pe vin an 2019.  Me preparasyon in fini konmanse wi an 2019 ok, me sa Scheme in preski fini pare nou pe al dan faz pou diskit avek bann staff dan konmansman lannen 2018.  Mersi Mr Speaker.  Mersi Onorab.

 

MR DEPUTY SPEAKER

Mersi Minis.  Onorab Agale.

 

HON EGBERT AGLAE

Mersi Mr Chair.  Bon apre midi Minis ek ou delegasyon.  Mon kestyon i al pou National Aids Council anba ‘wages and salaries,’ kot i napa en gran logmantasyon, me selman mon vwar i 1.23 milyon si i ti kapab eksplik nou konbyen staff ki zot annan ki pe travay avek sa Konsey?  E mon dezyenm kestyon ki pou swivi vi ki i annan bann staff ki deza ti dan Minister Lasante parey i annan ners, i annan en zofisye ki mon konnen ti avek Lasante Lanvironnman vi ki Minister Lasante pou annan en nouvo Scheme eski zot Scheme saler anba council i pou reflekte sa nouvo Scheme ki Minister Lasante pou anbark lo la avek tou son bann travayer ouswa non?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab.  Pou klarifye se ki rol byensir Konsey Nasyonal pou SIDA i ase spesifik, me bann travayer par egzanp bann ners, bann ners dan Lasante dan tou bann diferan landrwa kot zot travay dan Lasante pou ganny kouver anba nouvo Scheme pou ners.  Ok?  E dan sa nouvo Scheme i annan keksoz ki aplik pou tou ners apre i annan keksoz ki pli spesifik depandan sa landrwa kot zot travay.  Me dan la grand mazorite bann logmantasyon ki annan dan Scheme i aplik pou tou ners par egzanp sa retention allowance ki pou evantyelman antre dan saler de baz, bann nouvo  sistenm Gratwite pou aplik pou tou ners dan nenport ki landrwa ki zot poste. Ok.  Dan nenport ki landrwa.  E mon ava les CEO konsey donn en pti pe plis detay lo sa bann bout kestyon ou’n demande lo konbyen staff eksetera ok.  Mersi.

 

MR DEPUTY SPEAKER

Mersi Minis.  Dr Gedeon.

 

CEO DR ANNE GEDEON

Mersi Mr Chair.  Mersi bann Onorab.  Bon apre midi tou dimoun.  O nivo Konsey Nasyonal pou SIDA nou annan nou 5 staff; mwan menm konman CEO mon annan mon Sekreter ki osi fer administrasyon avek Finans.  Nou annan nou 2 Program Manager ki pa ners ki – 2 dimoun ki’n ganny anploye an deor cadre ners.  Apre nou annan nou en drayver.  E sa bann dimoun i ganny afekte anba bann Scheme of Service o nivo Gouvernman, o nivo Nasyonal.  Sa bann logmantasyon par egzanp ki si ou vwar la – sa drayver nou ti’n fek anploy li sa lannen e lannen prosenn byensir nou bezwen cater pou son saler apre pou annan en dimoun ki pou ganny son Gratwite apre pou annan en renouvelman Kontra.  Mersi.

 

MR DEPUTY SPEAKER

Mersi CEO.  Onorab Esparon.

 

HON REGINA ESPARON

Mersi Mr Deputy.  En pti kestyon oubyen en pti klarifikasyon pou mon demann avek Minis ki poursantaz dan sa Bidze ki zot in gannyen sa 5.5milyon ki pou al anver Prevansyon?  Nou pa pe koz bokou lo Tretman me lo son kote prevansyon ki poursantaz ladan pe al ver Prevansyon?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Deputy Speaker e mersi Onorab.  Ou pe fer referans lo Konsey Nasyonal pou SIDA.  Annefe travay sa konsey i preski konpletman en travay prevansyon akoz laplipar bann eleman tretman i ganny kouver par Lazans pou servis Lasante.  Byensir i annan en kolaborasyon i annan en kantite referrals eksetera me la grand mazorite se son bi sa Lorganizasyon se anver prevansyon.  – si ou annan bann saler ki tou sa bann dimoun ki anploye dan Konsey Nasyonal pou SIDA zot manda i vize anver prevansyon.  Mon pa konnen si CEO i oule azout en pe keksoz lo la.

 

MR DEPUTY SPEAKER

Mersi Minis.  CEO ou le azout keksoz

 

CEO DR ANNE GEDEON

Bon parey Minis in dir nou, nou manda se pou fer pledwaye – se pou sansibiliz dimoun e fer kordinasyon lo nivo Nasyonal konsernan HIV ek SIDA nou pa – konsernan larzan tretman i al kot Lazans Servis Lasante e osi avek Public Health Authority.  E kot nou i annan – apre i annan R1 milyon ki al spesifikman pou bann proze an deor Minister Lasante e sa nou ankouraz bann NGOs, bann endividi dan lasosyete pou fer bann aktivite sa i spesifik.  Leres larzan i al plis pou bann aktivite pou running lofis, e pou fer sa kordinasyon o nivo Nasyonal.  Par egzanp letan i annan kanpanny HIV la pou World Aids Day e definitivman pou annan bann aktivite ki pou ganny zere o nivo National Aids Council e osi parey letan nou fer bann latelye o nivo nasyonal parey letan nou ti fer Forum sa osi i tonm o nivo National Aids Council.  Mersi.

 

MR DEPUTY SPEAKER

Mersi CEO.  Onorab Audrey Vidot.

 

HON AUDREY VIDOT

Mersi Mr Chair.  Bon apre midi Minis ek ou delegasyon e tou Manm Onorab.  Minis eski ou kapab enform nou Lasanble avek sa Bidze 2018 kot i konsern Public Health promotion, si pou annan plis ledikasyon lo medya e menm lo nivo kominote pou anforsi en pti pe lo sa laspe ledikasyon pou piblik angaz zot pou kit zot lakour prop akoz nou’n vwar poudir i annan serten konsern lo kote lizyenn e bokou fwa laspe letan in fer sa survey Poverty zot in vwar poudir i annan bokou dimoun ki nou pe konsider zot pov, me leta zot landrwa ki mannyer i ete.  I annan pou fer osi ek lizyenn.  Mon ti a kontan konn en pti pe lo la.  E ankor enn fwa mon ti a kontan osi anforsi lo kote enforcement.  Letan nou issue sa bann dimoun en let pou dir zot ki zot bezwen netway zot propriyete akoz i annan dimoun i ganny afekte zot kit kot zot prop me a lafen di zour vwazen i pa pe met kot li annord prezan i vin en lenkonvenyans.  Mersi.

 

MR DEPUTY SPEAKER

Mersi Onorab.  Minis

 

MINISTER JEAN-PAUL ADAM

Mersi bokou Mr Deputy Speaker e mersi Onorab.  Annefe sa kestyon i enn ki vreman pertinan.  Parey mon’n deza eksplike devan Lasanble sa kestyon promosyon Lasante, i enn ki i pa zis dan en Lotorite ok?  Tou Lazans Lasante i annan en serten rol vizavi sansibilizasyon e promosyon Lasante e alor parfwa i difisil pou nou kapab dir tel kantite larzan, tel kantite resours par egzanp pe al ladan.  Me zisteman petet spesifikman lye avek Lasante Piblik i otour sa kestyon sansibilizasyon otour nou vwazinaz, otour kominote lo ki mannyer zefor par en endividi e par en fwaye e par en kominote, i kapab annan en gran lenpak lo Lasante Piblik dan en fason pli larz.  Mon krwar ki Lotorite Lasante Piblik in fer en kantite.  Menm i annan serten dimoun ki dir i fatige ganny bann avertisman lo moustik konmsi lo sa bann kestyon moustik me mon osi konsyan e mon krwar sa osi pe sorti se ki nou bezwen revwar la fason ki nou fer nou bann kanpanny.  E sa in konmanse deza.  I annan serten kanpanny ki nou pe anmenn li en pti pe plis par egzanp lo bann rezo sosyal.  Nou aksepte ki i annan ankor bokou pou fer e zot pou vwar an 2018 serten bann nouvo stratezi ki pou ganny anmenn pli devan, pou nou sey tous dimoun dan en lot fason.  Me si nou kapab vwar par egzanp an term lalit kont Dengue nou’n kontinyen vwar diminisyon dan bann ka alor serten mesaz pe pase me ou annan toutafe rezon ki osi atraver sa survey ki’n ganny fer lo Lapovrete i annan osi nou vwar en lyen ant sa nivo lizyenn e osi avek serten lezot konsern ki kapab ganny anmennen dan kominote e nou pou redouble nou zefor.   E i annan serten mwayen dan Bidze ki permet nou fer sa pou nou travay avek bann lezot Lotorite; akoz fodre i kler ki Lasante Piblik pa kapab fer sa li tousel.  E sa kestyon osi lo enforcement i enportan e deza mon konnen ki Lotorite Lasante Piblik in fer en kantite dan sa kote me nou bezwen fer sir ki sa i ganny fer sistematikman e ki resours apropriye i disponib.  Zisteman enn bann eleman ki nou pe fer dan – dan sa Bidze ki pe fini la se avek bann nouvo transpor ki pou permet osi bann Zofisye Lasante Piblik pli mobil e kapab zisteman alor adres en pe sa kestyon enforcement.

 

MR DEPUTY SPEAKER

Ok.  Mersi Minis.

 

MINISTER JEAN-PAUL ADAM

Mr Deputy Speaker mon krwar osi Komisyoner Lasante ti oule azout en keksoz.  Mersi.

 

MR DEPUTY SPEAKER

Go ahead Dr Gedeon.

 

 

PUBLIC HEALTH COMMISSIONER – DR JUDE GEDEON

Mersi Mr Deputy.  Minis in kouver preski tou bann pwen.  Zis mon ti a kontan azoute ki nou’n deza – i vre ki bann case ki nou ti anvoy kot Attorney Zeneral pou prosekite dan le pase i pran en kantite letan.  Par ler case i pran enn an oubyen plis by the time case i pas Ankour sa dimoun in fini netway kot li in fini aranze.  I dismiss.  Be nou’n annan serten diskisyon avek AGs office e nou’n ariv lo en Lagreman ki mannyer nou pou fasttrack nou bann case.  E resaman nou vwar nou bann case pas en pe pli vit e ansanm avek sa lefe ki nou fek reviz Public Health Act ki fer li pli morde konpare ek avan ki fer ki nou pe ganny dimoun ki pe comply bokou pli vit ki avan.  Mersi.

 

MR DEPUTY SPEAKER

Mersi Dr Gedeon.  Onorab Vidot.

 

HON AUDREY VIDOT

Yes zis en referans lo sa ki zot in reponn.  Konbyen – zot annan nouvo Public Health Officers ki zot pe recruit – prenon kont ki parey mon get rezyon Roche Caiman, Plaisance ek Mamelles sa 3 gran distrik konbyen zofisye zot annan zis enn?  E lo in regards to kantite letan ki ganny pran; les mwan dir ki ler mon get dan distrik Roche Caiman si in pas 1 an i annan dimoun ki ziska ozordi kot li i bwaze pres pou ou pa vwar devan son laport akoz menm si Public Health Officers i pase, menm si in ekri ziska prezan i vin en lenkonvenyans pou sa bann de lezot lakaz ki atase avek li i bezwen sibir lera, moustik tou lezot ankor.  Mersi.

 

MR DEPUTY SPEAKER

Mersi Onorab.  Dr Gedeon.

 

 

PUBLIC HEALTH COMMISSIONER – DR JUDE GEDEON

Mersi Mr Deputy.  Si ou regarde ki nou manke dan sa 143 staff ki nou annan ladan preski en tyer i bann Zofisye Lasante Piblik.  I vre nou napa ase e an se moman napa plan pou recruit sa lannen.  Rezon se akoz napa ki’n fini training.  Lannen pase nou ti recruit 8 ki’n graduate e lamazorite zot eksepte 2 ki pe al ganny konfirmen an post la Novanm, Desanm tou in fini ganny konfirmen an post.  Nou annan par kont en lot cohort ki fek enroll NIHSS e zot pare ankor dan 2 an pou nou recruit.  Nou annan enn de ki’n move on parey nou dir e sa bann post i vacant.  Nou toultan la pe – i annan avertisman ki’n sorti pou recruit zot pou ganny ranplase.  Me i pa fasil pou ganny Zofisye Lasante Piblik pou apply pou sa bann post, si zot fini antre dan en lot louvraz akoz kondisyon ki zot pe ganny anploye i pa neseserman pli bon ki sa ki zot gannyen dan prive.  Se pou sa rezon nou fer tou demars pou kapab aranz zot kondisyon en pe pli byen pou bann lannen ki pe vini.  Mersi.

 

MR DEPUTY SPEAKER

Mersi Dr Gedeon.  Onorab Ferrari.

 

HON JEAN-FRANCOIS FERRARI

Mersi Mr Speaker.  2 pti kestyon.  ‘Board Members allowances ‘dan Public Health Authority Minis mon vwar poudir anba ‘Heading 7.2 i annan ‘Board Members allowance’ and R1.7 milyon ki mon vwar i bokou.  Mon’n tyek en kou bann Board Members, mon annan lalis Public Health Authority e dapre sa ki zot – ki zot gannyen ki zot ete 7 Manm zot sipoze pe ganny zot an total R325mil par an.  Mon pa konnen si in ogmant Board Members si kwa me selman i paret vreman bokou.  Dezyenm pwen lo menm goods and services Public Health, mon vwar i annan en cost 1.5 anba chapter 1.5, Heading 1.5 i annan en cost pou overtime ki apepre R750 mil.  Now R742 mil zot annan deza apard the basic pay tou bann allowances ki ariv pou 8 milyon, e mon ti krwar poudir dan servis piblik zot in sey do away with overtime and building the allowances avek bann saler.  So se – eski zot kapab eksplik mwan kote sa sonm R742 mil i vini?  Zis en lot pti pwen sa mon le demann Dr Gedeon akoz mon pe get tou bann Boards ki related avek Lasante, Dr Gedeon i en Manm lo 3 Board, me selman mon vwar poudir lo en Board actually mon krwar Public Health Authority is ex-officio e napa en allowance obor son non.  So eski ou  kapab konfirmen si sa rule ki Prezidan ti lay out i still marse, members, Board Members cannot be on 2 Boards.  Mersi.

 

MR DEPUTY SPEAKER

Ok.  Mersi Onorab.  Minister.

 

MINISTER JEAN-PAUL ADAM

Mersi Mr Deputy Speaker e mersi Onorab.  Dr Gedeon pou al en pti pe pli an detay, me zis dan en fason zeneral Public Health rezon ki son Board i larz se ki osi i annan en kantite bann sou Komite, me mon a les Dr Gedeon donn en pti pe plis detay lo la.  An se ki konsern ‘overtime’ ou annan rezon Onorab ki nou pe al ver en lapros kot nou pe sey redwi bann overtime adisyonnel ki pe ganny peye. me mon krwar ki nou tou nou konsyan ki an 2017 nou’n vwar en kantite bann sityasyon en pti pe abnormal kot nou’n  – par egzanp avek Lapeste, kot nou’n bezwen mobiliz dimoun lo bann ler siplemanter.  Bokou fwa dimoun pa’n kapab pran zot konze pa’n pran zot off moman ki zot sipoze pran e menm avek sityasyon Dengue par egzanp ki sa osi in anmenn ki nou’n al dan en pti sityasyon en pti pe pli abnormal.  E serten sa bann presyon pou kontinyen annan 2018 e lefe – e se pou sa osi ki sa revizyon dan sa Scheme of Service pou adres sa kestyon dan en fason pli sistematik.  Dr Gedeon i ava donn en pti pe plis detay.  Apre lo sa kestyon zeneral sa prensip ki Prezidan in anonse i aplike me dan serten ka Dr Gedeon konman Public Health Commissioner i bezwen servi lo serten – akoz Lalwa i preskri si mon pa  tronpe  e nou pou reviz sa bann Lalwa pli tar kot nou kapab aranz sa me  an atandan nou bezwen fer sir nou an konformite.  Be mon a les Dr Gedeon donn en pti pe plis detay.

 

MR DEPUTY SPEAKER

Dr Gedeon.

 

 

PUBLIC HEALTH COMMISSIONER – DR JUDE GEDEON

Mersi Mr Deputy.  Mersi Onorab.  An se konsern bann Board fees nou annan nou an tou 8 diferan Board e byento pou annan ankor en komite anba Public Health Authority.  Tou sa bann Board in ganny etabli swa anba parasol Public Health Authority Act ouswa anba zot prop Lalwa.  Nou annan nou Pesticide Board, Food Control Board, Ethics Committee, Medical Ethics Committee, Pharmacy Regulatory Committee, Public Health Authority Board, Public Health Appeals Board, Tobacco Control BoardComplementary Health Board.  E sa bann antite i tou sa la al anba en parasol legal.  Pou al lo’ overtime’ parey zot konnen napa en lannen ki’n pase dan sa dernyen 10an ki’n napa en outbreak tou-le-z-an.  Ki swa Dengue, ki swa Infuenza, ki swa Plague. E sak fwa i annan en outbreak nou bezwen fer dimoun travay ekstra.  Se pou sa rezon ki year in year out nou vwar nou pe bezwen pey dimoun ekstra pou fer bann louvraz parey spraying, par egzanp baiting pou bann rodents, pou lera si ou fer li lizour i pa efektiv ou bezwen fer li aswar ler bann lera i pli aktiv.  So ou bezwen pey dimoun ekstra pou zot fer sa bann louvraz koumsa.  Menm zafer pou fogging.  Ou pa kapab fer fogging lizour ler moustik i mwen aktiv ou bezwen fer li aswar.  E nou vwar – menm en sityasyon kot bann dimoun ki fer fogging zot akimil konze over and above sa ki zot devret pe akimile.  E nou pe rod en fason ki mannyer nou kapab fer sa – menm pou charter private companies pou kapab pran sa louvraz pou zot kapab pran zot konze sa lannen ki pe vini.  Lo sa 3 Board ki mon servi lo la dan Lasante de i egzize Tobacco Control Board, National Aids Council, pa Lalwa ki Public Health Commissioner i servi konman Manm.  Mon ex-officio lo Public Health Authority Board koman CEO pou sa antite e mon pa ganny okenn reminerasyon pou sa.  Mersi.

 

MR DEPUTY SPEAKER

Mersi Dr Gedeon.  Onorab Churchill Gill.

 

HON CHURCHILL GILL

Mersi Mr Chair.  Mon kestyon i anba Public Health Authority dan SP1 Public Health Commissioner Secretariat.  Anba ‘non-financial assets’ i annan en ogmantasyon 9 milyon konpare avek 2017, eski nou kapab ganny en pe leksplikasyon sa gro ogmantasyon silvouple?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Deputy Speaker e mersi Onorab.  Zisteman sa logmantasyon i en proze enportan pou Lasante dan en fason zeneral, i en proze batiman ki nou pe konstri nouvo Sant Izolasyon ki pou ansanm avek nouvo laboratwar pou Lasante Piblik.  Alor sa – annefe i en sonm 9milyon apre i annan en lot 2milyon mon krwar ki pou sa 2 proze ki selman i pou dan en sel batiman.  E sa proze byensir i pou ganny fer an faz.  Alor sa sonm pa pou ase pou fini sa proze me son premye faz pou konmanse an 2018 e i pou fini an prensip an 2019.  Mersi Mr Deputy Speaker.  Mersi Onorab.

 

MR DEPUTY SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Chair.  Bon apre midi tou dimoun.  Dabor mon annan en kestyon pou National Aids Council.  I tou en pe lo kestyon ki Onorab Vidot avek Onorab Esparon in demande parski mon anvi vwar en keksoz tanzib dan konponan sa Bidze ki pou al vizavi prevansyon HIV avek Hepatitis par egzanp.  Akoz ou’n mansyonnen ki ou annan de programs Manager so mon anvi konnen par egzanp ki kalite targeted programs ki zot pe anvizaze fer pou ede kontrol the spread of HIV and Hepatitis virus.  Sa i enn.  E dezyenmman mon anvi en pti leksplikasyon lo National Aids Trust Fund eski zot annan en say ladan? e si wi ki kalite monitoring program ki zot annan an plas pou asire ki bann  NGO ki ganny asiste avek  sa Trust Tund pe byen zer sa larzan e pe anmenn rezilta pou Sesel?  Sa i pou National Aids Council.  Lo kestyon Public Health Authority, en kestyon en pe parey.  Dan mon lavi adilt zanmen in annan en Sanniter ki’n tap lo mon laport pou ankouraz mwan avek kek keksoz ki swa mon pe fer byen ou si mon pe fer mal.  So mon santi ki si nou pe donn zot en Bidze, i bezwen annan bann keksoz we see boots from the ground si mon ti kapab met li koumsa.  E petet dan sa menm laliny kekfwa mon ti kapab donn en konsey.  Si ou p dir i annan bann dimoun ki’n move on mon pe prezimen i annan bann dimoun ki’n kite.  Ki posibilite i annan pou anploy sa bann dimoun lo en baz part- time par egzanp ki zot kapab travay dan Sanmdi al  dan Kominote kot dimoun then i dan lakour sa zour si ou bezwen fer en refresher course pou zot donn zot en pti allowance me ki zot ava ede pou nou viv pli byen dan Sesel.  Mersi bokou.

 

MR DEPUTY SPEAKER

Mersi Onorab.  Mon a konmans avek Minis ou le pran dernyen bout apre Dr Anne Gedeon.

 

MINISTER JEAN-PAUL ADAM

Mersi bokou Mr Speaker e mersi Onorab.  Annefe avek sa lapros kot nou pe al dan Performance Programme-Based Budgeting dan tou bann Sekter nou anvi mezire direksyon ki nou pe ale e par egzanp an term Konsey Nasyonal pou SIDA ek HIV, nou annan bann target ki vreman spesifik.  Nou pe regard par egzanp enn bann target se redwi la kantite dimoun ki mor direkteman ek SIDA e sa i lye avek prevansyon akoz si ou kapab pli byen lye sa avek prevansyon ou kapab redwir la kantite dimoun ki mor direkteman; plis dimoun i al lo sa tretman anti-retroviral, alor sa i enn bann target ki nou annan an 2018.  Nou annan osi poursantaz dimoun ki lo tretman antiretroviral e nou target pou 2017 par egzanp ti 83poursan e pou 2018 nou target i 85poursan.  Alor nou annan sa bann target ki anbisye pou nou vize e nou mezir nou lekor baze lo travay konzwent ki ganny fer par Konsey Nasyonal pou Sida e VIH me osi avek Health Care Agency, avek Public Health Authority akoz i mars ansanm.  Konsey Nasyonal pou SIDA pa pou kapab fer li lo li menm me son rol se byensir prevansyon e travay avek bann popilasyon a risk, avek bann Lorganizasyon ki pe target bann popilasyon a risk e i annan en lot target ki nou pe regarde e sa se poursantaz dimoun ki e viv avek HIV avek en cell count mwens ki 200 cells.  Alor se bann target ki vreman spesifik ki lye avek sa prevansyon sa maladi.  E mon asire ki Dr Gabriel pou anvi azout en pwen lo la.   Me an term mezir sipor e lefikasite, sipor avek bann Lorganizasyon Non- Gouvernmantal, tou sipor ki zot gannyen apre zot bezwen rann kont atraver en rapor.  Mon krwar ki an zeneral rapor i bon me definitivman i annan landrwa kot i annan lespas pou amelyore.  An se ki konsern Lotorite Lasante Piblik, byensir fodre nou regard travay ki bann Zofisye Lasante Piblik i fer dan en fason an zeneral.  E alor zot ban vizit dan Kominote i bokou plis vize avek bann travay ki spesifik alor dengue, par egzanp dan en landrwa kot nou konnen i annan Dengue zot al fer en aksyon targete.  Dan en landrwa kot nou konnen i annan en problenm lera par egzanp zot al fer en travay targete.  E travay prevansyon i plis dan medya e i plis atraver bann Sant Lasante.  I pa vedir ki Zofisye Lasante Piblik pa fer prevansyon, zot fer prevansyon en kantite annefe atraver zot travay konzwent dan Sant Lasante.  Me letan ou  pe vwar zot vizit bann lakour sa i plis anvi pou adres bann problenm ki en pti pe pli spesifik. Mon ava les Dr Gabriel petet koz en pti pe plis lo bann kestyon Konsey Nasyonal pou sida apre Dr Gedeon lo sa bann size Lotorite Lasante Piblik.  Mersi Mr Speaker.

 

MR DEPUTY SPEAKER

Mersi Minis.  Dr Anne Gabriel.

 

CEO DR ANNE GABRIEL

Mersi Onorab.  Bon letan nou ti konmanse avek Konsey Nasyonal sida an 2014 nou ti sipoze annan lo nou striktir 3 zofisye enn pou fer monitoring ek evalyasyon, enn pou Prevansyon, enn pou fer Administrasyon ek Finans.  E premye lannen  an 2015 nou ti ganny nou premye Program Manager e konman en pti Lorganizasyon ti annan – sa dimoun ti bezwen fer tou keksoz li menm.  Alors nou’n bezwen fer monitoring evaluation, prevansyon tou keksoz.  E an 2016 nou’n ganny nou sa dezyenm Program Manager li osi in aprann fer tou keksoz.  Par egzanp enn bann proze ki nou ti anbark lo la an 2017 avek kanpanny prevansyon ki ti lanse 01 Desanm 2016 la nou ti konmans fer distribisyon kapot dan bann landrwa kot Minister Lasante pa touse.  Bann landrwa an deor Minister Lasante e ariv Zen/Zilyet nou ti’n distribye nou en 50mil kapot dan sa bann landrwa e nou panse nou kapab ogmante, ogmant par 20poursan an 2017 kantite kapot ki Minister Lasante ti abitye distribye tou le an.  So lo nivo prevansyon sa i ti en proze targete ki nou, nou ti anbark lo la vi ki nou ti napa personn ki ti pe fer sa kalite aktivite.  Sa – in vin nou en bon moman an 2016/ 2017 kot nou ti bezwen revwar nou bann stratezi akoz ti annan en Plan Stratezi Nasyonal pou Minister Lasante pou HIV ek SIDA date 2012 ziska 2016 e la an 2017 nou’n fer en revi nou’n kapab ganny en dimoun, en konsiltan pou fer sa revi e nou’n vwar kote nou bann gaps i ete, kote nou bann febles i ete.   E enn bann keksoz ki nou oule ranforsi dan le fitir se monitoring ek evaluation.  E letan nou pe refer nou nouvo plan stratezik la pou 2018 an montan nou pe rod nou en dimoun ki UNAIDS pe ed nou avek, en dimoun ki pou annan plis kalifikasyon dan monitoring and evaluation pou nou met an plas bann sistenm pou nou mye zer nou bann progranm.  Definitivman en keksoz ki nou pou bezwen envestir ladan pou nou met an plas e annan en plan monitoring and evaluation, akoz avan sa framework ki nou ti annan i pa ti konplet vreman e nou vwar ki nou pa ti kapab servi li pou kapab tyeke ki mannyer nou bann aktivite pe ale.  Lo nivo National Aids Trust Fund wi nou definitivman nou donn larzan bann NGO bann lezot Lorganizasyon pou fer bann aktivite e souvandfwa evalyasyon i port bokou zis lo attendance ki nou vwar kot in arive – me parey lenpak i pou pran bokou plis letan.  Konbyen letan i pran dan Lasante Piblik pou ou vwar en rezilta.  I kapab pran plizyer lannen me parey Minis in dir i annan bann endikater ki nou servi tou-le- z-an e parey to mortalite avek SIDA ki kantite dimoun pe mor tou-le-z-an.  Ki kantite nouvo lenfeksyon?  Ki kantite dimoun ki agree pou al lo tretman?  Tou sa la i bann endikater ki nou’n mete an plas pou nou kapab mezire tou-le-z-an e apre en serten – en moman donnen pou  gete ki lenpak sa bann progranm in fer o nivo HIV ek SIDA is Sesel.  So definitivman nou pe met annord, nou pe met lord dan nou lakaz la vi ki annan en pwen stratezik kot ou’n arive kot nou bezwen met an plas sa bann sistenm pou nou kapab monitor pli byen apard ki sa bann sistenm Minister Lasante ki an plas pou sirveyans.  Mersi.

 

MR DEPUTY SPEAKER

Mersi Doctor.  Dr Gedeon.

 

 

PUBLIC HEALTH COMMISSIONER – DR JUDE GEDEON

Mersi Onorab pou ou kestyon.  Si ou get lo paz 445 nou’n set nou en target pou nou increase nou number of household visited pou ogmant at least par 25 poursan pa an.  Mannyer mon konpran i annan pres 30 mil household Sesel e avek sa ptigin zofisye ki nou annan i pa posib pou nou vizit tou bann households ansanm e sa kantite louvraz ki zot annan dan food control, dan water sanitation ensidswit, pou fer tou lakaz tou-le-z-an.  Me mon asir ou Mr Henrie ki lafen di mwan nou vizit kot ou.  Petet Sanniter i pas kot ou i vwar landrwa i prop.   I pa vwar nesesite pou vin tap ou laport.  Zot plito focus ban n landrwa ki pli dan bezwen pou latansyon me nou target se pou increase lakantite household ki nou vizite tou-le-z-an e dan sa prosen detrwa zan nou kapab vizit tou household dan Sesel at least enn fwa par an.  I annan ki pou ganny vizite petet plis ki en fwa oubyen de fwa par an bann ki pli neseser be sa nou ava vwar.  Ou sizesyon pou part-time Public Health Officer i en bon sizesyon.  Mon ava discuss avek mon HR pou gete ki bann posibilite ki nou kapab fer.  Mersi.

 

MR DEPUTY SPEAKER

Mersi Dr Gedeon.  Onorab Henrie.

 

HON GERVAIS HENRIE

Wi zis en pti follow-up.  Mersi pou zot larepons.  Lo bann target mon konstate ki en dimoun ti kapab argimante pou dir be bokou sa bann target par egzanp pou redwi lakantite dimoun ki pe mor avek HIV konmsi sa i tonm lo sa ki Lopital e fer.  I pa sa Council li menm.  Mon ti ava swete vwar en pe plis progranm pou target plis nouvo lenfeksyon.  Par egzanp si nou pe dir ozordi dan Sesel i annan 34 mil Seselwa ki voyaze par an, eski nou’n fer en targeted program pou dekouraz sex tourism  or pou dir si zot pe al Madagascar ouswa Thailand ki zot al fer laba asire poudir ou pe protez ou lekor.  Konmsi i annan i annan  very targeted program – la mon pe koz konman en zournalis e dan bann zournal mon krwar ti merit annan en alokasyon kot si zot bezwen pey bann pti advert detanzantan pou remind dimoun poudir HIV still exist, nou pa pe vwar sa bann progranm targete koumsa.  Sa ki mon pe dir.  Mersi bokou.

 

MR DEPUTY SPEAKER

Ok.  Minis.

 

MINISTER JEAN-PAUL ADAM

Mersi Mr Deputy Speaker.  Mersi Onorab. Mon krwar mon konpran sa ki Onorab pe dir.  Bon byensir dan – pou rezon performans Bidze sa bann target i bann ki vreman fasil pou mezire e se bann ki’n ganny swazir an kolaborasyon e Finans me parey Dr Gabriel in eksplike zot annan bokou plis keksoz ki zot regarde an plis ki sa.  Se pa zis – alor par egzanp zot in set zot lekor en serten target an term distribisyon kapot.  Sa i en metodolozi prevansyon vreman de baz e kot nou vwar poudir i annan en lenpak.  E osi an term prevansyon Konsey Nasyonal pou SIDA ek VIH i pa mars li tousel.  In travay ansanm avek Public Health Authority e osi avek servis pou Lasante e zot annan diferan progranm ki viz sa bann diferan eleman.  E par egzanp nou’n koz lo kote bann dimoun ki pe vwayaze ki tonm anba CDCU, e sa i form parti sa travay ki zot pe fer.  Sertennman atraver revi ki ou pe fer nou pe regard serten group ki pli targete swivan sa survey ki’n ganny fer parmi bann zenn dan bann lekol nou pou al fer en travay bokou pli aprofondi e targete anver bann lekol, anver ban zanfan, bann zenn adolesan ki pe ariv lo matirite seksyel dan sa group akoz se sa bann letid ki nou’n fer in montre poudir zot en group ki vreman a risk.  Alor nou annan sa bann stratezi ki an konplemantarite avek sa bann target, ki mon’n deza site.  Mon pa konnen si ou le azoute Dr Gabriel.

 

MR DEPUTY SPEAKER

Dr Gabriel.

 

CEO DR ANNE GEDEON

Mersi Mr Chair.  Mersi Onorab.  Mon parey mon vwar ou’n byen sansibilize.  Nou konnen ki migrasyon, vwayaz i aport bokou plis risk ki bann lezot aktivite normal.  E parey Minis in dir CDCU i ofer kapot bann dimoun ki pe vwayaze si zot vin CDCU petet definitivman ler nou fer nou nouvo plan stratezi nou pou met migrasyon konman enn bann fakter de risk e nou pou devlop en bann stratezi ek bann aktivite pou nou kapab attend sa bann diferan target ki nou pou set.  Mersi bokou pou ou kontribisyon.

 

MR DEPUTY SPEAKER

Mersi Doctor.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon ti a kontan refer si Komisyoner Public Health lo Scheme pou bann staff, bann Zofisye Lasante Piblik, eski i annan in build ladan en risk allowance par egzanp kot bann lakour lisyen eksetera.  Apre mon ti a kontan klarifye si zot in pran kont bann provizyon ki zot bezwen ler pou annan bann public emergencies avek bann problenm Lasante Piblik parey bann maladi tel konman parey par egzanp nou’n vwar Lapeste eski zot in pran kont dan sa enn Bidze bann landrwa kot zot ti annan bann lacking lannen pase akoz zot in fer en bon travay mon bezwen felisit zot lo sa par selman me zis ki zot in pran kont sa bann  provizyon lo Bidze e dir mwan bann provizyon mazer ki zot in met an plas pou tackle bann sityasyon ki kapab emerge silvouple.  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Deputy Speaker e mersi Onorab.  Dan en fason zeneral avan ki Dr Gedeon i al en pti pe pli an detay sa kestyon risk allowance i enn ki transversal dan tou bann Scheme pou Lasante.  Pou lemoman mon le met lanfaz ki pou lemoman sityasyon i aktyelman napa en konponan spesifik pou risk dan okenn bann, dan bann Scheme Lasante.  Sa eleman risk i sipoze kouver dan sa kestyon ki – dan sa parti saler ki apel ‘inducement.’  Me sa ki sorti klerman dan bann diferan konversasyon ki nou’n annan avek bann  travayer Lasante se ki lemonn modern in evolye en kantite e ki nou bezwen regard sa eleman risk dan en fason separe.  Alor sa i en pwen ki sorti klerman e dan sa bann revi ki nou pe fer lo bann diferan Scheme nou pou adres sa me pou le moman dan Scheme napa sa eleman spesifik ki adres risk.  Apre an parti pou reponn sa kestyon me osi ou dezyenm parti ou kestyon kot par egzanp letan nou’n revwar kestyon lapest enn bann eleman ki nou anvi regarde se annan par egzanp en – nou ankor pe travay lo la me sa prensip, en outbreak  allowance savedir nou regard en serten group dimoun ki pa pou zis dan Public Health i pou osi bann dimoun dan bann lezot sekter ki zot in ganny train spesifikman pou adres bann kestyon lepidemi e osi bann kestyon par egzanp ki mannyer pou adres bann ka izolasyon konman en legzanp e ki sa i ganny adrese dan en fason sistematik savedir nou kapab apel sa bann dimoun.  Byensir nou pou bezwen dan en serten ka al pli larz me ki nou annan en core group dimoun ki mon kapab dir lo stand by pou sa bann keksoz e ki sa i ganny kouver atraver en rekonesans spesifik dan Scheme.  Apre bann lezot keksoz ki nou’n revwar pou nou sey adres dan Bidze se par egzanp revwar en pti pe kominikasyon dan bann ka irzans.  Mon krwar an mezir ki nou’n enplimant nou stratezi kont Lapeste nou’n evolye e nou’n kapab tous en kantite dimoun dan en letan vreman vit alor sa i en legzanp – en keksoz ki nou pe sey revwar.  Apre i annan en serten lezot eleman an term lavites mobilizasyon, anmenn lezot staff vitman en pti pe lye avek sa kestyon Scheme of Service.  Mon a les Dr Gedeon azout en pe pwen.

 

MR DEPUTY SPEAKER

Dr Gedeon.

 

PUBLIC HEALTH COMMISSIONER – DR JUDE GEDEON

Mersi Minis.  Mersi Deputy.  Zis pou konplimant en pe sa ki Minis in dir apard sa on call allowance ek sa inducement Sanniter i gannyen i annan serten lokasyon ki nou pa pe – i risk allowance zot ganny en location allowance e sa i enkli Public Health of – travay Airport avek kot Sea port, Airport avek port maren kot labatwar bann ki travay dan vector control, dan Public Health Engineering, dan Food Control, apre bann ki ganny posted bann inner islands.   So zot ganny en allowance adisyonnel.  Nou’n deza dan nou Bidze met en outbreak response Budget avan me Minister Finans i dir nou, nou pa kapab predir outbreak alors nou kapab access resours anba National Emergency Contingency Funds e mon kapab asir zot ki sak fwa nou’n fer demann avek Minister Finans direkteman ou atraver DRDM nou’n ganny bon response pou additional resources.  Mersi.

 

MR DEPUTY SPEAKER

Mersi Dr Gedeon.  Onorab Pillay.

 

HON SEBASTIEN PILLAY

Mersi Mr Chair.  Mon kontan ou’n mansyonn sa Contingency Fund in relation to the outbreak provision, eski PS i kapab dir nou si nou konnen poudir i annan bann contingency ki deal avek par egzanp gro lapli ki nou konnen pe vini, eski nou kapab asire ki nou annan sa provizyon sa Fon la a tou moman?  Akoz nou’n vwar serten sirkonstans ki’n leve resaman avek sa outbreak ki mannyer zot pou bezwen handle li, so eski sa provizyon i kapab ganny enkli la given ki bann risk i sanze?  Apre mon ti a kontan klarifye osi ler nou pe koz lo training ki ou’n mete dan ou Bidze sa pou enkli training lo outbreak management osi ki ou bezwen par egzanp kontinyen upgrade ou bann protocol pou ou vwar ki mannyer ou response sirtou lo bann pwen ki ti leve dan Lasanble lo par egzanp – ki mannyer Minister Lasante i kominik lenformasyon atraver bann diferan media, rezo sosyal, printed media lo televizyon eksetera.   E si ou kapab klarifye si sa provizyon ki ou annan la dan training i pou ase e si ou’n fer provizyon anba kominikasyon pou annan sa in case ki ou pou annan sa emergency ki ou bezwen deal avek?  Mersi.

 

MR DEPUTY SPEAKER

Mersi Onorab.  Ok.  Dr Gedeon.

 

PUBLIC HEALTH COMMISSIONER – DR JUDE GEDEON

Mersi Mr Deputy.  Training dan domenn medikal ou pa zanmen arete.  Once ou’n konmanse ou fer li kontinyelman.  E nou annan en kantite bann in house training ki nou fer pou bann staff.  Nou annan par kont nou annan training ki nou devret pe fer en pe letan parey pou IDSR, nou pe plan pou nou fer li tre byento nou pa’n kapab fer li parey nou ti’n plan la dan sa outbreak plague nou pa’n kapab fer  li e nou pe plan pou fer li premye lanmwatye lannen prosenn.  Sa i sel training mazer ki outstanding me selman provizyon dan nou Bidze in ganny fer dan plizyer landrwa anba stationery, anba bann diferan heads pou nou kapab conduct sa bann in-house training.  Mersi

 

MR DEPUTY SPEAKER

Mersi Doctor.

 

MINSTER JEAN-PAUL ADAM

Mr Speaker zis pou azoute ki lo sa kestyon spesifik formasyon an term kominikasyon, nou’n fini fer en premye latelye avek WHO lo kominikasyon dan bann konteks outbreak e sa pou ganny swiv osi avek siport WHO avek serten lezot swivi.  Me nou’n fini fer enn zisteman akoz nou’n rekonnet poudir sa ti en landrwa priyorite an term communication planning e osi an term lafason ki nou servi bann diferan modalite pou kominike.  Sorry zis pou azout sa pwen.

 

MR DEPUTY SPEAKER

Mersi Minis.  PS Payet.

 

PS PATRICK PAYET

Mersi Mr Chair. Mersi Onorab.  Zis pou azoute ki tou le lannen dan Bidze nou met en Contingency Appropriation.  Par egzanp 2017 ti annan 25 milyon e propozisyon pou 2018  nou met en 20 milyon e depans ki ganny depanse ladan i annan par egzanp outbreak si i annan, i annan dezas si i arive, apre bann konpansasyon, tou sa la  i dan sa 3 lakadreman.  Sepandan  si i ariv okenn sirkonstans ki sa 20milyon i ganny servi akoz kekfwa tou le 3 in ganny over spend anba Konstitisyon Article 156 nou servi sa osi apre nou re demann Lasanble pou replenishment si sa i arive.  Me nou met lanfaz lo sa Contingency Appropriation dan Bidze aktyelman.  Mersi.

 

MR DEPUTY SPEAKER

Mersi PS.  Onorab Afif.

 

HON AHMED AFIF

Mersi Mr Chair.  Mr Chair mon kestyon i baze lo paz 442 e i pou Dr Gedeon.  Si i kapab donn nou en pti pe detay lo grander sa batiman, son kou par met kare ki zot annan pou sa isolation unit e i etal osi dan 2019 alor si ou kapab donn nou son total antye.  Mersi.

 

MR DEPUTY SPEAKER

Mersi.  Minis.

 

MINSTER JEAN-PAUL ADAM

Mersi Mr Deputy Speaker e mersi Onorab.  Zis pou dir ki nou enzenyer pa avek nou ozordi alor petet i annan serten detay ki nou ava donn en pti pe pli apre.  Me mon asire ki Dr Gedeon i kapab donn serten bann detay la pou le moman.  Mersi.

 

MR DEPUTY SPEAKER

Ok.  Dr Gedeon.

 

PUBLIC HEALTH COMMISSIONER – DR JUDE GEDEON

Mersi Mr Deputy.  Mersi Onorab pou ou kestyon.  Nou ti fer – apre ki nou’n vwar poudir i annan en demann pou annan en isolation facility in fact sa lide in vin en pe letan pase me nou’n kapab devlop en proposal, nou’n prezant avek Development Committee -National Development Committee pou konstri en isolation unit ansanm avek Public Health Lab akoz Public Health Lab pe vin tro pti nou menm nou bezwen rod landrwa adisyonnel pou met serten fasilite.  E proposal ki nou’n fer i pou en fasilite ki pou annex ek kanmarad swa ground plus one or ground plus two.  I pou anviron 1,200met kare e letan nou’n kalkil son kou a sa letan ti pou ariv apepre R20milyon sa en estimasyon ase konservativ i tonm apepre R1670 par met  – sorry R10, 600 ekek par met – mon a koriz sa R16mil par met kare anviron.  So sa i en kou estimativ i pa enkli okenn lekipman akoz nou ekspekte ki laplipar bann lekipman ki nou annan dan Public Health Lab i ankor ase nouvo.  O fet nou pe acquire en nouvo lekipman la ki pou permet nou fer bokou plis tes dan Public Health Lab.  I apel en liquid chromatrography mass spectrometry.  Tou bann tes konfirmativ ki nou ti pe anvoy deor pou fer prezan nou kapab fer isi – pou pesticides pou bann food contaminers, pou bann anti biotik, ensidswit e sa i an kolaborasyon avek IAA nou, nou pe fund partly e zot, zot pou fund preski trwa kar sa lekipman ki nou pa’n zanmen annan isi.  So vwala detay ki nou annan.  Nou’n deza an kontak avek en kontak nou annan isi pou nou ganny lasistans en health planner pou ed nou met detay avek sa isolation unit ki nou pou fer me nou al sa staz la si sa Bidze i ganny aprouve nou pou kapab start bann prosesis pou rod en health architect pou devlop sa plan pou nou.  Mersi.

 

MR DEPUTY SPEAKER

Mersi Doctor.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair mon kestyon i swiv dan sa laliny menm.  Me avan mon ti anvi felisit sa bann Zofisye Lasante Piblik pou tou sa bann travay ki zot fer enportan e zot a risk bokou.  Sa lab la avek sa Isolation Unit la sa kantite larzan ki pe mete dan Bidze ki zistans ou’n arive dan ou planifikasyon?  Eski sa lannen ki pe vini ou pou servi tou sa larzan?  Oubyen nou kapab pran en pe sa larzan fer en pe lot keksoz avek dan lasante menm akoz nou’n vwar dan lepase Lasante in ganny bokou proze me i pa’n fer tou e larzan prezan en lot landrwa i pli bezwen e nou annan en debalansman dan Bidze.  E an menm tan sa lab ler pou’n fer li ek sa enn la ki ou’n fek dir ou’n fek gannyen eski sa i pou ed nou pou nou kapab konman en pei dekouver or teste bann lalkol e vwar sa bann ki pa bon pou Lasante piblik pou dir sa bann i devret off the shelf; konmsi nou Ban pa oule akoz i afekte nou lasante en kantite.  Mersi.

 

MR DEPUTY SPEAKER

Mersi Onorab. Minis.

 

MINSTER JEAN-PAUL ADAM

Mersi Mr Deputy Speaker e mersi Onorab.  Lo – nou aksepte ki dan Lasante i annan amelyorasyon ki neseser an term lefikasite lenplimantasyon proze e sa lye parey mon’n deza eksplike avan avek kapasite teknik nou’n deza ranforsi en pe sa kapasite teknik.  Nou’n deza ranforsi en pe sa kapasite teknik atraver rekritman.  Osi mon krwar sa ki bon avek sa proze se i anliny avek nou plan redevlopman pou lopital.  Annefe sa proze in ganny priyorize parmi bann diferan proze dan Plan Redevlopman Lopital e i  enn bann eleman kot nou annan petet en pe plis konpetans, mon pa pou  – alor mon annan ase konfyans ki nou kapab bouze dan sa direksyon kot nou vize pou nou fer li lo 2 an.  Savedir nou bezwen gard sa ritm pou nou kapab fer sa bout ki nou sipoze fer an 2018 prezan pou nou annord e on time an 2019 pou nou kapab fini sa proze.  Lo sa bann detay siplemanter mon krwar Dokter Gedeon pou pli byen plase pou kapab donn sa pli bon detay.  Mersi.

 

MR DEPUTY SPEAKER

Mersi Minis.  Doctor Gedeon.

 

PUBLIC HEALTH COMMISSIONER  – DR JUDE GEDEON

Mersi Mr Deputy.  Mersi Onorab. Wi o fet i kapab teste pratikman nenport ki kemikal ki ou kapab met ladan.  I menm kapab detekte bann contaminants parey bann aldehydes ki pli toxic pou lefwa avek leker bann aldehydes e menm kapab teste bann diferan kalite lalkol.

 

MR DEPUTY SPEAKER

Yes Onorab De Commarmond.

 

HON CHARLES DE COMMARMOND

Wi be konmsi ler akoz kot ou menm laba ki teste tou sa.  Ler ou pou vwar konmsi nou pou kapab pran serten aksyon, akoz la pe koz prevansyon lasante, nou lasante pou nou konmsi al dan en bon direksyon akoz pe permet lanfaz lo la drog, lalkol, son abuse e son kalite, so nou pe ekspekte ou fer konmsi ou seksyon laba Public Health i fer keksoz konkret serye.  Epi kote sa soz pou ete – sa Isolation Unit petet kote i pou ete?

 

MR DEPUTY SPEAKER

Mersi Onorab.  Dr Gedeon.

 

PUBLIC HEALTH COMMISSIONER – DR JUDE GEDEON

Wi byensir letan ou vwar en prodwi i ganny vann ki pa pe konform avek son norm, son standar ki in dir i annan anba Lalwa ou kapab pran aksyon avek li legalman, byensir ou tir sa prodwi lo marse apre ou pran aksyon legal dapre sa ki Lalwa i fer provizyon.   Sa fasilite dapre Master Plan i pou baze kot obor lopital akoz ou bezwen en landrwa lo compound main hospital akoz ou bezwen servis siportiv par egzanp radiology, servis lezot laboratwar akote.  So i pou baze kot sa ki nou apel NIHSS compound kot vye Lekol Nursing ti ete lontan so i pou baze lo en compound la ki’n ganny idantifye.

 

MR DEPUTY SPEAKER

Ok.  Mersi Dr Gedeon. Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman premyerman mwan mon anvi felisit nou Vouncil HIV parski – HIV/AIDS parski letan mwan mon asiz lo – konmans en Manm SADC PF e nou Komite in annan sa joint, nou annan en joint travay ki nou’n fer e konmsi mon’n santi mwan vreman fyer letan Sesel in sorti avek flying colours.  So mon krwar ki zot fer en bon travay e se sa ki mon annan pou dir pou HIV/AIDS Council ki definitivman mon pou siport son Bidze.  Apre sa dezyenmman pou lo kote Public Health Authority mon krwar ki nou bann Public Health Officers spesyalman dan sa letan nou ti annan sa menas Lapeste ki zot in vreman, i mean in annan en size ki’n anmenn bokou lenkyetid e tou e menm isi dan Lasanble.  Alors mon krwar ki ozordi nou bezwen dir zot bon travay e felisitasyon.  Mr Chairman mon anvi lo kote zisteman lo bann health worker public health worker i annan en zafer larzan ki mon ti ava kontan nou klersi si i pou dan sa Bidze parski i annan bann travayer ki’n – ki ti bann asistan bann ki ti kalifye an 2015 konmsi zot pe dir ki apre 2an zot ti sipoze konmsi fully vin bann fully-fledged Public Health Officers e ki zot pa ankor gannyen zot larzan ki pou montre sa e o fet bann lezot ki’n graduate la in vin zwenn zot lo menm lapey.  Ti en pwen ki Onorab Arrisol ti fer sorti dan son diskour lo Repons Bidze.  Alors ki pe arive si dan sa Bidze zot pou ganny sa?  Dezyenm pwen ankor enn fwa pou bann Public Health Workers zot dir ki zot konmsi zot sa sel group ki ankor konmsi i annan en problenm transpor.  Zot trouv zot ankor pe pran bis ensidswit, tandi ki bann lezot i annan fasilite alors si i annan okenn fasilite?  Apre sa ou annan ou bann Health workers, bann Public Health Workers ki kot labatwar ensidswit.  Alor i annan sa risk konmsi zot santi i annan serten risk lo maladi?  E si dan sa Bidze i annan okenn plan pou donn zot en risk allowance?  Mersi bokou.

 

MR DEPUTY SPEAKER

Mersi Onorab.  Minis.

 

MINSTER JEAN-PAUL ADAM

Mersi Mr Deputy Speaker e mersi Onorab.  E mon osi mon profite o non tou travayer Lasante pou remersye tou bann Manm Lasanble ki’n eksprim zot lapresyasyon anver bann travayer Lasante e sertennman mon, personnelman mon’n vwar ki mannyer bann travayer Lasante in vreman sirtou mon kapab dir sa bann travayer bann Public Health Officers ki malgre ki zot ti anba bokou presyon, bokou dimoun ti pe dir zot ki sityasyon i vreman difisil e menm serten dimoun pa ti pe donn zot korperasyon zot in azir dan en fason profesyonnel e sa mon krwar i vreman en mark profesyonnalizm; ki souvan i manke dan nou epi e mon krwar zot vreman reprezant sa legzanp ki nou tou nou anvi vwar.  E mon apresye ki sa pe ganny rekonnet  e i enportan Mr Deputy Speaker ki nou montre sa lapresyasyon  anver nou bann travayer Lasante akoz tro souvan zot pa ganny rekonnet alor i enportan e mon apresye lefe ki ozordi nou pe tann sa bann mesaz.  An se ki konsern e parey osi pou Konsey Nasyonal pou SIDA, ankor enn fwa nou konnen ki lekspektasyon i o e dan Lasante letan ou pou konpar Sesel avek la rezyon nou touzour sorti premye.  E annefe dernyen rapor Mo Ibrahim ki fek sorti e nou ankor donn Sesel en rating 99poursan lo 100.  Me nou zisteman nou lentansyon se pa zis pou mezir nou lekor dan la rezyon me pli lwen.  Nou anvi mezir nou lekor kont ban standar ki nou apel bann standar OECD e diferan demars pe ganny fer la kot nou pe etabli bann target, ki met nou en pti dan sa bracket.  E antye dan Sekter Lasante nou anvi met nou lekor e mezir nou lekor vizavi sa ban standar.  An se ki konsern ban Zofisye Lasante Piblik, dan Bidze i deza annan en provizyon mon krwar i annan 9 zot ki pa ti ankor ganny promosyon e sa i kouver dan bann promosyon dan Bidze aktyel.  E alors sa pou ganny adrese dan sa Bidze pou 2018.  An menm tan parey mon’ n deza eksplike nou annan sa revi dan bann Scheme of Service ki nou’n pare avek serten propozisyon ki dan premye ka 2018 nou pou diskit avek sa bann Public Health Officers zot menm ,e apre avek sipor Finans nou ava kapab met li an aplikasyon an 2019.  Sa i enkli sa kestyon lo risk allowance.  Akoz parey Onorab Sebastien Pillay ti’n demande avan pou lemoman okenn travayer Lasante pa pe ganny en risk allowance ki spesifikman apele en risk allowance.  Parey Dokter Gedeon in eksplike i annan serten par egzanp labatwar zot ganny en allowance ki spesifik i apel en location allowance lefe ki zot baze kot labatwar.  E i annan serten lezot depandan kot zot baze zot ganny en allowance me nou rekonnet dan revi sa Scheme of Service ki i pa pou kouver zis zofisye Lasante Piblik i kouver tou travayer Lasante pou nou adres sa kestyon risk allowance en fwa pou tou e ki sa i gamy reflekte byen dan sa bann Scheme.  Mon oule fer kler ki pou lemoman menm dan bann Scheme ki deza dan Bidze 2018 par egzanp Scheme pou bann ners napa pou lemoman me nou’n dir i vin an de faz e letan nou adres pou travayer Lasante nou adres pou tou travayer Lasante sa kestyon risk allowance.  Lo kestyon transpor nou konnen i annan sa konsern nou’n koze letan nou ti pas lo Bidze Lazans Servis Lasante, sa problenm transpor i enn ki en pti pe zeneralize dan Sekter Lasante.  Nou pe gradyelman pran serten mezir.  Dan Bidze 2017, dan sa Bidze ki pe fini nou’n fer serten virement pou nou kapab – nou pe finaliz bann prosedir avek Procurement aktyelman pou nou kapab aste ankor de transpor ki pou amelyor en pe sityasyon mon pa pou dir ou i pou rezourd tou problenm.  Me nou pe al dan sa direksyon nou pe rekonnet sa konman en kestyon priyoriter e dan revi ki nou pe fer avek Lazans Servis Lasante, osi sa ki nou ti agree avek Lasanble pou nou pli byen fer sa maintenance atraver en prosesis santralize, mon krwar nou pou kapab amelyor osi bann servis anver pou Servis Lasante Piblik.  Mon krwar mon’n kouver lamazorite bann pwen me – ok – mersi.  Mon pa konnen si i annan okenn swivi.  Mersi Mr Deputy Speaker e mersi Onorab.

 

MR DEPUTY SPEAKER

Mersi Minis.  Bon nou’n ariv moman pou nou pran en vot.  Ok.  Nou annan Public Health Authority lo paz 440 Bidze 59.496 milyon.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair 28 Manm an faver e person kont.  Mersi.

 

MR DEPUTY SPEAKER

Bon Bidze pou Public Health Authority in pase in ganny aprouve par Lasanble Nasyonal.  Nou ava pran National Aids Council paz 453 sonm 5.575 milyon.  Tou Manm ki an faver? Okenn Manm ki kont?

Madanm Clerk.

 

MADAM CLERK

Mr Chair full house – 28 Manm an faver, personn kont.  Mersi.

 

MR DEPUTY SPEAKER

Ok.  Savedir Bidze pou National Aids Council in ganny aprouve par Lasanble Nasyonal.  PS nou pran pou Nurses and Midwives Council tou?  Ok?  Paz 447 en sonm 1.315 milyon.  Tou Manm ki an faver?  Nurses and Midwives Council 1.315 milyon.  Okenn Manm ki kont?

Madanm Clerk.

 

MADAM CLERK

Mr Chair 26 Manm an faver e personn kont.  Mersi.

 

MR DEPUTY SPEAKER

Bon savedir pou Nurses and Midwives Council in ganny aprouve par Lasanble Nasyonal.  Avek sa mon ti a kontan remersi Minis Adam, Minis pou Lasante ki’n pas en dezyenm  fwa ankor – mon krwar trwazyenm fwa parmi nou dan Lasanble.  Minis avek ou delegasyon mon ti a dir ou mersi bokou  e nou swet zot tou de bon espesyalman pou lannen 2018.  Nou konnen poudir bann evantyalite i kapab arive nenport moman e kont lo nou sipor, lo siport Lasanble a nenport moman ki zot bezwen nou.  Mersi Minis e nou ava eskiz zot parmi nou.

 

(MINSTER JEAN-PAUL ADAM AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon avan nou adjourn.  Yes Onorab Ferrari.

 

HON JEAN-FRANCOIS FERRARI

Mr Speaker mon pa konnen si i apropriye me, yer Mr Mugabe in pran son retret.

 

(Interruption)

 

MR DEPUTY SPEAKER

Ok.  Order!  Order!

 

HON JEAN-FRANCOIS FERRARI

Mon pa pe al fer en minit silans si pei i ankor la zis mon anvi konmsi ki Lasanble i rekonnet ki –

 

(laughter)

 

HON JEAN-FRANCOIS FERRARI

…ok nou pe zis dir en pti mo lo Mr Mugabe.

 

(laughter)

 

HON JEAN-FRANCOIS FERRARI

Zis en pti mo anr-

 

(laughter)

 

MR DEPUTY SPEAKER

Order.  Ok.  Order!  Order!

 

(laughter)

 

HON JEAN-FRANCOIS FERRARI

Mr Speaker mon ti krwar Mr Mugabe zot zanmi me obviously i pa zot zanmi alors mon pa pou dir nanryen lo sa msye.  Mersi.

 

MR DEPUTY SPEAKER

OK Onorab Ferrari.

 

(Interruption)

 

MR DEPUTY SPEAKER

Non, non, non.  Ok zis pou zot lenformasyon demen bomaten nou pe pran Minister Lanvironnman Lenerzi ek Sanzman Klima.  Nou pe pran Seychelles Energy Commission, Landscape Managment Agency.  Sa nou pe aim ki nou fini demen bomaten e dan apre midi nou annan Minister Ledikasyon and Human Resource Development apre Tertiary Education Commission.  Ok sa pou demen.  E avan mon adjourn, mon ti a kontan ankor en fwa remersi PS, Mr Thésee e Mrs Verghese ki’n touzour la avek nou pou ed nou through sa process.  E mon ti a remersi osi bann teknisyen SBC e tou bann oditer ki kontinyen swiv nou.  Nou ava adjourn, e nou a re pran nou travay demen 9er bomaten.

 

(ADJOURNMENT)